لمشاكل التسجيل ودخول المنتدى يرجى مراسلتنا على الايميل liilasvb3@gmail.com





العودة   منتديات ليلاس > القصص والروايات > المنتدى العام للقصص والروايات > القصص المكتمله
التسجيل مشاركات اليوم اجعل كافة الأقسام مقروءة

بحث بشبكة ليلاس الثقافية

القصص المكتمله خاص بالقصص المنقوله المكتمله


إضافة رد
نسخ الرابط
نسخ للمنتديات
 
LinkBack (1) أدوات الموضوع انواع عرض الموضوع
قديم 27-07-08, 09:16 PM   المشاركة رقم: 11
المعلومات
الكاتب:
اللقب:
ليلاس متالق


البيانات
التسجيل: May 2008
العضوية: 75522
المشاركات: 2,185
الجنس أنثى
معدل التقييم: الطيبة عضو بحاجه الى تحسين وضعه
نقاط التقييم: 32

االدولة
البلدMorocco
 
مدونتي

 

الإتصالات
الحالة:
الطيبة غير متواجد حالياً
وسائل الإتصال:

كاتب الموضوع : الطيبة المنتدى : القصص المكتمله
افتراضي

 

اهو جزء آخر بس ابغى تشجيع مشان كمل هههههههههه
الجزء الثاني



الفصل الاول


(( حــــــــــــب من طرف واحد ))






((كبركان او كطوفان ..كجرح غائر وملتهب..كابتسامة صفراء ..هذا هو حبك ..وهذا قلبي الذي لم يعلن التوبة يوماً !!))





سمعت صوت خلاني ايبس في مكااااااااني وجسمي يرعش ...


صارحيني . . . منهو أنا بدنيتك

جاوبيني . . . أن كنت فعلا منيتك

ما كنت أرضى تزعلين . . . وأنتي بتهديني الزعل

ما طيق عني تبعدين . . . في قربي حسيتي بملل

محرومه عيني شوفتك

لا تحرميني كلمتك

حتى الصراحة بيننا . صارت صعيبة في دربنا

وان كان ودك تبعدين . صعبة أنا أنسا حبنا

ما يعني هذا ترجعين . . في دنيتي بالقى الهناء

وانا مثل ما انا ماتحركت حسيته بيقترب التفت , وانا من الخوف عيوني بوسعها اطالع باللي قدامي : بـ...بسام

بسام : ليش ؟؟ ليش تعذبيني معاكي ؟؟

مشاعل " تحرك راسها بعدم فهم": نعم ؟؟

: ابغاكي ,, ,, ابغى روحك وقلبك وحبك ,,

مشاعل "باستحقار وانفعال من كلامه": انت ماتستحي ايش قاعد تخربط احترم نفسك .

وحاولت اتحرك رغم ثقل جسمي ,, لاحظت انه ماتحرك خفت.

وقلت له : ابعد عن طريقي ,, " لكنه ماتحرك" ..والله لو مابعدت بأصرخ والم عليك البيت كله , بابا لو شافك بيقتلك تفهم ,, "

لكنه طالعني بنظرات ناريه وقال : احسن عشان هذيك الساعه بتصير فضيحه واتزوجك غصبن عنك .

وانا من كلامه لساني جمد , وحسيت بخووف بان على ملامحي

نظراته صارت حنونه وهو يقولي : انا اكبر اخواني و ماتزوجت .. كلهم تزوجوا الا انا ..لاني انتظرك تحني علي وترضي

فيني.. عندي امل تحسي فينني .. انا ادري اني مو حلو قدامك انتي قمر ومافي مجال للمقارنه .. بس شكلي مقبول وبعوضك

عن كل شئ .. قلبي عشان خاطرك كملت دراستي ماابغى اكون اقل منك ابغاكي تفتخري فيني .. مشاعل افهميني احبك من زمان من

صغرك , انتي اقبلي فيني وبعيشك بنعيم وكل اللي نفسك فيه بسويه لك ,

مشاعل " بإنفعال وعصبيه , يكلمها كأنه محرم لها وهي لابسه لبس عاري " : انا ماقلت لك كمل دراستك ولا

طلبت منك شئ ولا عمري اعطيتك امل ولا عمري فكرت فيك او التفت لك " كنت ادري اني بجرحه بهالكلمات بس احسن خليه يقطع الامل", انت ليش

ماتفهم , انا لو ابغاك كان من يوم خطبتني وانا وافقت لكني رديتك مرتين , اسمحلي اقولك اللي يحب احد مهما كان الطرف الثاني بس مايتعرض له

بهذي الطريقه وانت مو محرم لي عشان تطالعني وانا بهالبس " هنا بسام نزل عينه بالارض ",, وانت اصلا نازل من عينني من

زمان تتذكر من يوم مارفعت صوتك على ماما " بسام يغمض عيونه بألم "من يوم لسانك القذر نطق بهذيك الكلمات اللي

اخجل انطقها لاني بنت متربيه بس الان اسمحلي اقولك انت ولا شئ بنظري ماتسوى حشرة , لانك حشرة

حشرررررررررررررة ابعد..

ودفيته من ايده و مشيت وبعدها ركضت على غرفتي وبالطريق قابلت ماريني ناولتني الكافيه

وصلت غرفتي رديت الباب وراي واحس انفاسي بتنقطع ,,وحطيته على الكومدينه.. رميت نفسي على السرير وانا اغمض

عيني " وبنفسي من جد له عين بعد اللي سوااه والله لو امووت ماااسامحه ,, كله عندي يهون حتى نفسي الا ماما وبابا,

واصلا انا عمري بحياتي مافكرت فيه ولا عشمته على شئ ,, قال ايش قال اتزوجك ولا فأحلامه ,,,

رحت لمكتبتي وفتحت اللاب توب " نسيت اقوول اني بدرس ماجستير تخصص نباتات طبيه " اطلعت على المواضيع المطلوبه

لرسالتي وتصفحت النت دق جوالي ,, باسم (( دلوووعتي ))

مشاعل: الو

دانه : اهوون عليكي .,,

مشاعل " بإبتسامه" : من قال , القمر مايهون علي ,, ايشبه القمر زعلان.

دانه " بزعل" : صحيح رحتي السوق مع شيخوووه وماقلتي لي , ماصدقت قلت مستحيل تخبي علي ورد توقعت اللي

ماتتسمى شيخووه هي اللي حرشتك صح؟؟

مشاعل "بعتب": دانه عمري عيب اللي تقوليه على شيخه وبعدين هي اكبر منك لا تقوليلها شيخوه , ومامداني اكلمك كنا

مستعجلين بس المرة الجايه اوعدك بأخذك معايا طيب .

دانه"بزعل طفولي" : لا انا زعلانه لازم تراضيني.

مشاعل " بضحكه": اول مرة اشوف زعلان ويقول راضوني بس يالله مانقدر نزعلك كيف تبيني اراضيكي امري وتددللي,

دانه"ببتردد" : تروحي معايا السوق .

مشاعل : خلاص اوكي , متى بتروحي ؟؟

دانه " بفرح" : ايش رأيك اليوم ؟؟

مشاعل" بتفكير "" اروح عشان انسى الحشررة " :اوكي.

دانه: امممممووووووووووووووواه . ويلوموني بحبك , ياناس اموووت فيهاا .

مشاعل: ههههههههههههههههههههه دانه تراني بنت مثلي مثلك , انتبهي.

دانه " بخبث": وانا غير عنك لاني احب البنات اكثر.

مشاعل" ببراءه" : وعععععععععععععععععععععععع الله يقرفك ,باخذ معايا رواء لانها مااشترت شئ , باااااي

دانه " بضحكه " : خلاص اليوم بعد المغرب امركم انا وفهد بااااي.

اذن العصر وجاتني ماما وتوني اقفل اللاب توب ..

ماما : مشاعل صليتي ؟؟

مشاعل: دحين بتوضأ واصلي ..

ماما : طيب بعد ماتخلصي تعالي بالصاله ابغاكي ..

مشاعل : ان شاء الله ..

خلصت صلاة ورحت اول بغرفة رواء

دقيت الباب : رواء ..

رواء : ادخلي .

دخلت : كيف الحال ؟؟

رواء: ياسبحان الله اليوم الشمس من فين اشرقت مشاعل البرنسيسه جات وتكرمت بغرفتي ..

مشاعل " بنص عين ": تتريق الاخت , كنت بأدعوكي معانا السوق بس شكلك مو وجه نعمه ,, باي.

رواء " دوبها استوعبت ": ورد عمري تزعلي على اختك اخر العنقوود , ونا اللي اقول مافي ارق ولا اعقل ولا احلى من مشاعل نور حياتي .

مشاعل : ياقلبي يارواء بدون كلمات مدح ,, اتجهزي بعد المغرب تكوني جااهزة والله لو ماتجهزتي بنروح ونتركك وبعدين من قال انك اخر العنقود

ولا نسيتي ماجد .

رواء : من رايح معانا ؟؟

مشاعل : احنا رايحين مع دانه واخوها بيمرو علينا , فلا تنسي هذي مو شيخه تستني .

رواء ان شاء الله .

نزلت الصالة شفت بابا و ماما بالصاله , ماارتحت لهالاجتماع ابتسمت لهم وجلست بس

بابا " بحنان اول مرة احسه, او ثاني مرة " : تعالي جنبي " واشر بايده على الكنبه اللي هو فيها كانت طويله تكفي 3 يقعدون فيها ,,

ماما : بدون مقدمات , الناس اتصلوا و حددوا يوم بيجوا ,,

بابا: اذا محتاجة شئ بلغيني ونا مابقصر معاكي ,,

مشاعل " ببرود " : اهااا ,, سلامتك بابا ماقصرت ... سكت شوي وقلت ببرود اكثر : متى بيحضروا ؟

ماما : هذا الاسبوع يوم الخميس ..

مشاعل : اوكي .. بغيتوا شئ تاني ؟؟

بابا : سلامتك ..

استأذنت وطلعت غرفتي وانا اغلي " يعني هم ماستشاروني , خلوني قدام الامر الواقع ,, ليش احس انهم بيفتكوا مني .. مو

كفاية من الصبح وانا مزاجي معكر ,, استغفر الله العظيم "

رحت لماجد بغرفته شفته يلعب سوني " طالعته بحنان يفيض من قلبي انا احب ماجد لانه ولدي اللي ربيته , وزاد حبي له لانه يذكرني بــ...

ماجد " انتبه لي " : ماما تعالي العبي معايا شوفي كيف فوزت ( فزت ) " ابتسمت له : عيون ماما بس انا مااحب السوني ..

ماجد "بزعل " : ايش تحبي ؟؟

مشاعل : احبك انت , , واحب كل شئ يخصك " تغيرت ملامحه من التكشيرة لابتسامه مافي

اروع منها " : الله لا يحرمني منك ماجد قلبي ذاكرت ؟؟

ماجد :ايوووه خلصت .

مشاعل: شاطر قلبي لو تبغى شئ انا بالغرفه لاني بطلع المغرب .

ماجد " ببراءة" : فين بتروحي ؟؟

مشاعل : بروح السوق.

ماجد " وقف اللعب": طيب بروح معاكي .

مشاعل : مااقدر قلبي .

ماجد : ليش؟؟

مشاعل : لاني بروح سوق كله ملابس مافي العا ب.

ماجد : طيب اذا رحتي اشتري لي العاب سوني .

مشاعل " بابتسامه": من عيوني ياعيوني .

وتجهزت بعد مااستأذنت من ماما ونزلت الحديقة انتظر دانه , تذكرت اللي صار الصبح تنرفزت مشيت راجعه داخل الا رواء بوجهي

رواء : بسم الله ايش فيكي مصرقعه كأنك شارده من اسد .

مشاعل قبل ماترد , دقت دانه وخرجنا لها سلمنا عليها هي وفهد , فرينا السوق فر والاخت دانه قرفتني حياتي كل شئ تسألني عنه واذا قلت طيب

مو بطال ماتأخذه ,, حتى الجزمه الله يكرمكم تبغى رأي فيها ,, لومت نفسي وقلت بالاخير ليتني قلت لها حلو كان فكتني من حنتها ,, بالنهاية استقرت

على فستان لونه احمر خفيف بس مطرز ومن تحته تنورة قصيرة سودا والصدر توب بدون حمالات لنص البطن ... واشترت بووت اسوود حباله

حمراء واكسسوارات للشعر, ورحت المشغل اعطيت الخياطه القماش واخترت الموديل قالت لي بيخلص في 4 ايام طبعاا كله بثمنه .. و ااشترت لرواء

فستان لونه بحري شكله غجري وكل الفستان من فوقه لتحته مطرز ويبرق بصراحه شكله خطيييرر من فوق جاي يغطي الصدر و البطن وتنورة تحت

الركبه مايله و اكسسوارات, واخيرا مابغينا ننتهي ,, و رواء جيعانه والا تبغى تتعشى بمطعم انا رفضت بس زنت على راسي فوافقت ,

بالاخير تعشينا بمطعم طلبت لي لازانيا ودانه مثلي لكن فهد طلب دجاج بالكاري ورواء طلبت مشكل بالصويا قعدنا نتكلم مع بعض ,, وصلنا البيت

على الساعه 11ونص ,,

ماما " وهي على اعصابها" : كان ماجيتي , و بيتي برى البيت ,, هذا كله سوق , ابوكي مابقى كلمة وقالها انتي تعرفي ان

ابوكي اصلا مايخليكي تروحي لوحدك وفوق هذا كله متأخرة , جبتي لي كلام على اهلي , تدري ايش قال , قال ان اهلي خربوكي ودحين بيخربوا اختك

وانتي يارواء ياعاقله ,كنت اقول انك اعقل من اختك " جرحتني كلمة ماما " طلعتي زيها صحيح من عاشر قوم .

مشاعل " بتعب": ااسفه ماما ماعاد اعيدها , حقك علي , رواء مالها دخل , هي من اول تستعجلني, الغلط علي بكرا بكلم بابا.

ماما " بعصبيه واضحه ووقهر من مشاعل ": : اصلا ما راح يكون في مرة تانية , متى بس يجوا الناس ويأخذوكي وتفارقي همك جاب لي المرض ,

اللي ابوكي ما يدري عنه انه انتي اللي بتخربي اختك مو اهلي , صحيح اللي قالوا ياسر انك عقربه ومامنك امان , الله يأخذك ويريحني منك ,"

وبهمس ماسمعه الا انا"كفايه حرمتيني من ماجد , الله يحرمك من الذريه" وبصوت مسموع" يالله بررررى , اطلعوا ناموا ..

طلعت غرفتي وكانت رواء وراي بالغرفه

مشاعل" لرواء" : تصبحي على خير .

رواء " و الدموع بعينها " : ورد " طالعتها وشفت اللي بعينها " ليش ما قلتي لماما ان دانه هي السبب , وليش دافعتي عني وقلتي اني انا اللي

استعجلك والعكس هو صحيح , ليش ماما دايما تحب تخاصمك , ودايما الغلط عليكي رغم انك بكل مرة ماتغلطي؟؟ لييييييش؟؟" وقعدت تبكي ".

مشاعل "بحزن " : معليش هذي امنا ولازم نتحملها بوسع صدر لانها وحده ومالنا غنى عنها وبعدين ليش ادخل دانه بالموضوع , انتي تدري اني

احبها مثل اختي لان مالها اخوات وهي تحبني بدرجه فظيعه وانا مااقدر ازعلها. واذا عن مدافعتي لكي انا كم رواء عندي وحده اخت ربنا رزقني هيا

ماعندي غيرها ماتبغيني ادلعك "فجأة ضمتني بقووة وجلست تبكي بس انا ماذرفت دمعه وحده يمكن الشهور اللي مضت كانت كفيله بجفاف دموعي"

كملت : رواء بطلب منك طلب او بالاحرى اوصيكي ..

طالعتني وكأنها تنتظر كلامي : خلي بالك من بابا و ماما مهما صار و مهما حصل لا تخلي الشيطان يغلبك ترى رضى الله من رضى الوالدين وانتي

قدامك عمرك كله تطيعيهم الى ان يكتب لك ربي نصيبيك , واخوانك هم سندك " وقلبي يتقطع من كلامي اللي عمري ماحسيت فيه لا ياسر ولا هاني

ماكانوا بيوم سند لي الحمدلله برضا واقتناع الله يعوضني"مهما تهاوشتم بيبقوا اخوانك ,, وماجد اعتبريه ولدك مو اخوكي لان الولد يمكن يكون درع

حامي اكثر من اخوانك عطيه من حنانك وحسي بالمقابل بأمومتك , صدقيني بتشعري باحساس عمرك ما شعرتي فيه .

رواء" بانبهار" : مشاعل احسك احلى من الورد واعذب من العطر و اروع اخت ,, سامحيني اذا بيوم زعلتك عمري ماراح ازعلك مني وراح انفذ

وصيتك .

مشاعل " ابتسمت لها بحب" والله صرتي شاعره

دانه ومشاعل هههههههه

مشاعل " بتغير الهرجه " : الحمد لله صليت بالمسجد ولا على دانه الله يهديها كان لا صليت ولا وصلت البيت ,,

رواء : صدقتي , توبه ماعاد اروح معاها رفعت ضغطي , بعدين بفهم شئ هي ماعندها شخصيه ورأي , كل شئ تسألك عنه و اذا انتي ماعجبك هي

مااتاخذه ليش ؟ لايكون انتي زوجها واحنا ماندري؟؟

مشاعل " بتعب وامسك ذراع رواء الى الباب وفتحته " : رواء لو فيكي حيل تتكلمي روحي عند اخوانك انا رجلي مو متحمله وراسي مصدع فلو

سمحتي وريني عرض اكتافك " دخلت غرفتي وسكرت الباب بوجه رواء وقفلته جلست اتقلب بالسرير رغم التعب اللي احسه من الفر

بالسووق , جافاني النوم ونا افكر بماما ليش ياماما حاولت اشتت افكاري ,, ياترى بيصير نصيب بعجبهم ....

مشاعل " بصوت مسموع": آآآآآآآآآآآه , وانا ليش اشغل نفسي ,, اللي مكتووب على الجبين بتشوفه العين ,, بالنهاية نمت .....

يوم الثلاثاء الصبح الساعة 9,,,

هاني : شوووشووو

مشاعل " بنعاس": هاااا ..

هاني " بحنان غريب" : ورد ياقلبي قومي ,," بحزن" يعني بتروحي وتتركينا اقل شئ اقعدي معانا خلينا نشبع منك ,,

مشاعل " بدت تستوعب" جلست عالسرير وانا اطالعه " ابتسمت وتكلمت بمرح" : ماكنت ادري ان خبر خطوبه ماتمت تصحي احاسيسكم الميته لو

كنت ادري كان من زمان انخطبت وتزوجت ,,

هاني" بابتسامه " : تنكت الاخت ,, اقول قومي قومي مو وجه دلع ,, قلت خليني ادلعها لاننا بنفتك منها ومن شرها انتي هم ,, اعوذ بالله " تألمت

من اخر كلمه الظاهر مو بس ماما اللي تعتبرني هم "

هاني وهو عند الباب التفت وقال : عندك ساعه تتصحصحي وتستحمي وتتلبسي بروح باسكن روبنز ,, واذا ماخلصتي بــ...

ماكمل كلامه الا انا اعزكم الله بالحمام ,,

واسمع صوت هاني وراء الباب يضحك ويقول : والله يااختي للان ماعقلتي بكرا لا تزوجتي بتسوي حركاتك القرعه بيرجعك زوجك لنا ويقول

مازوجتوني مرأة ,, حشا زوجتوني نونو كل شوي ابغى أيس كريم ,,

رفعت صوتي وقلت : اخ هاني ايش رأيك مو احلى نونو ؟؟؟

هاني بحنان : احلى واحلى نوونو بجدة ياعروس جدة ..

مشاعل " ياحليلي من قدي كل يوم والثاني جرعة مدح من بابا ودحين من هاني حركااات ياشعوله ,, خبله ادلع نفسي , هذا كله كنت اشجع نفسي

فيه ابغى انسى كلام ماما "

مشاعل : هاني قلت لماما ,, رد علي هاني : ايوة قلت لها بس خلصي بسرعه ..

خلصت حمامي ومثل العادة دهنت جسمي بكريمي المفضل واكيد صرتم تعرفوه موووو ؟؟ ,, لبست وتعطرت ولبست عباتي ونزلت..

نزلت الصاله ادور ماما وشفتها بغرفة التلفزيون سلمت عليها ..

مشاعل " بإبتسامة مشرقة , وكأن اللي امس ماصار": صباح الخير يا عسل .

ماما " صباح النور , على فين ان شاء الله ,,وكاله بدون بواب ,, اشوفك لكي يومين رايحة جايه ,, عاد قلنا عرووسه مصختيها .

مشاعل "بحزن حاولت ماتبينه واستغراب واضح " : بروح مع هاني ,, ماقال لك ؟؟

ماما : لا ماقال لي يعني كنتم بتخبوا علي هاا؟؟

مشاعل " استغفر الله من اللي بيخبي عليكي انتي كمان ياماما " : المهم ماما ياقلبي ممكن اروح مع هاني باسكن

ماما : لا حول ولا قوة الا بالله من الصبح لابسه عشان ايس كريم وانا اقول يمكن ناقصها شئ عشان يوم الخميس اتراكي ولا على بالك بكرا زوجك

ايش بيقول ..

مشاعل : الحمد لله مو ناقصني شئ ,, وبعدين اللي يبغاني مثل ماانا اهلا وسهلا واللي مايبغاني مع السلامه اللي جابه يجيب غيره ,, اروح ولا لاء ؟؟

ماما : فارقيني , والخروج احلمي فيه , فهمتي .

مشاعل " بببرود ": حاضر أي اوامر تانيه , اومأت ماما براسها لااا.

خرجت كالعاده للحديقة عشان اسقيها بسرعه قبل مااطلع واشوف الاخ هاني حاط رجل على رجل بالجلسة وبيده كوب نسكافيه ..

مشاعل " تطالعه بنص عين " : استأذنت من ماما هاا يابكاش .

هاني : هههههههههههههه ههههههههههههههههه هههااااااااااااااااااااااااااااااااي

مشاعل " بقلة صبر " : ماقلت نكته ,,

هاني : "زاد ضحكه " : هههههههههههههههههههههههههههه ههههههههههههههههههههههههههههههههههههههههاااااااااا اااي

سكت وماتكلمت لما الاخ هاني يهدء ,, وقل له : ليش الضحك ؟؟

هاني "بضحكه ": لانك يااختي الغاليه مخفة وبريئه مثل الاطفال تصدقي أي شئ بينقال .

مشاعل " ببراءة " : كيف يعني ,, مو فاهمة ؟؟

هاني : قلبي بأزيد صفه ثانيه لقائمة الصفات المميزة لمشاعل الملقبه بورد جدة وهي صفة الغباء,, لانك صدقتي اني بوديكي باسكن روبنز ومع صباح

رب العالمين ,," بإبتسامه " من جد اختي انتي مررة هبله ولا بالعقل في احد يوديكي الصبح باسكن ؟؟

مشاعل " بعصبيه وزعل " : دحين انا غبيه ومخفة وبريئه ,, اوريك يا هاني بكرا تندم انت وكل البيت كلكم " ولمعة حزن بعيني " وانت اولهم ,,

بتفقدوني وتحسوا بقيمتي بس يكون الوقت فات لاني بكون بعيدة عنكم ,,

هاني " حس انه زودها وحاول يلطف الجو ": ايشبك قلبتيها مناحة ,, والله كنت امزح معاكي ,, شوشو خلي روحك رياضيه " طالعته بنظرة " اقصد

ياورد خلي روحك رياضيه , وبعدين محد قال لك ان شكلك وانتي معصبه احلى من انتي مبسوطه ..

مشاعل " طنشته ورحت المطبخ وقمت اسووي شوكولاة ساخنه , بيني وبين نفسي اقول " ليش كلهم يكذبوا, ويستهبلوا وانا اصدقهم من جد غبيه,

احسهم يتضايقوا مني,,ايش ذنبي نيتي سليمة واصدق اللي ينقال وماافكر بالناس الا بالطيب , نسيت ان الدنيا فيها الطيب والبطال "الزين والشين ".

وبعد اذان العصر صليت وتجهزت عشان اروح تحفيظ القرآن " لي حوالي ستة اشهر حافظة خمس اجزاء ومن اسبوعين موقفه روحت

التحفيظ كنت شوي تعبانة و بعدها نشغلت بس دحين قررت ارجع لاني اتمنى اخلص حفظ القرآن كامل " " مااقدر اوصف لكم ان روحتي

للتحفيظ افادتني لدرجه ماتتصوروها , وحفظ القرآن شرح صدري وشال همي رغم الذكرى اللي بقلبي ,, احمد الله جعلني ممن يحفظ ولو جزء بسيط

من كتابه الكريم " خلصت من التحفيظ على الساعه 6 ونص قبل اذا المغرب رجعت البيت وانا اشوف صالون الحريم شغال المكيف والانوار..

استغربت دخلت المطبخ شفت سالي سألتها : مين بالصالون ؟؟

سالي : مابي اهد ( مافي احد ).

مشاعل : سالي صالون الحريم مولع ليتاته والمكيف ...

سالي : اها هدا في ماما سوااد ’ بنت اتنين هقه ( هذا في ماما سعاد وبنت اثنين حقه ).

مشاعل " بفرح " : والله .

وركضت وانا بعباتي لهم وسلمنا على بعض " سعاد تصير بنت خالت ماما خاله سعاد انسانه جدا صريحه واللي بقلبها على لسانها وبناتها مرام و

فاتن ,, فاتن الكبيرة عمرها 31 سنه مطلقه , انسانه رائعه بس نصيبها كان تعبان وا شاء الله ربي بيعوضها احسن من اللي راح , مرام اصغر مني

بست اشهر مخطوبة لولد خالتها وقريب ملكتهم , هادئة ورقيقه وبالمررررة ضعفانه عكس فاتن المليانه يعني شوي دباا,

فاتن ومرام ماكملوا دراستهم بحكم انهم اجانب " عندنا بالسعوديه نظام مايدخل الجامعه الا السعودين او اذا الام سعوديه " وعايلة خاله سعاد عايله

فقيرة بس قلبها كبير" .

فاتن " بمرح كعادتها " : فينك ياحلوو من زمان عنك ولا تسألي ولا شئ , ولا خلاص شفتي نفسك علينا معيدة بالجامعه لا وماجستير خلاص مانقدر

عليكي..

مشاعل "بزعل مصطنع" : عمري ماشفت نفسي على احد واذا فكرت اشوف نفسي واتكبر مو عليكم انتم الغلا وتدروا ايش قد معزتكم بقلبي

فاتن : يؤ يؤ زعل القمر والله ياقلبي لا تزعلي خلاص بعطيكي بوسه ,, اففف صدق اللي قال بنات اخر زمن كل هالزعل عشان بوسه ادري انك تحبيني

بس خلاص عاد ابو العيال ايش اعطيه اذا كان كل الدلع لكي ..

مرام : هههه والله وصاير دمك خفيف .

مشاعل " تغمز لمرام " : صحيح يامرام اللي قالو كل مايطخن الانسان كل مايخف عقله .

مرام : خخخخخخخخخخخخخخخخخخخ حلووووووة .

فاتن " بنص عين " : تصدقي صاير دمك شربااات بس قلبي مكثرة سكرة وانا ادوخ من السكر .

مشاعل " طنشت فاتن " : مرام ها استعديتي للملكة ..

مرام " بخجل " : ايوة

مشاعل " بتردد " : مرام ممكن اسألك واذا ماعجبك سؤالي واعتبرتيه حشريه في خصوصياتك ...

قاطعتني مرام : انتي تدري انك اغلى بنات خالاتك عندي ولكي معزة غير.. قولي وماعليكي ..

طالعت فاتن فأبتسمت لي وكأنها تقول لي خذي راحتك ..

مشاعل : مرام انتي تشوفي ان ثامر ينفع لكي ,, قبل ماتقطعيني انا اقصد من ناحية انه بيعيشك بأمان بدون مشاكل مالها معنى مع اهله و اهلك

وماقصدت من الناحية المادية او الاجتماعية ؟؟

مرام : مشاعل انا فكرت واخترته لانه قريب ويعرف عاداتنا وحياتنا يعني مابتعب معاه وابرمج حياتي من جديد هو من جنسي ومن نفس الطبقه وغير

كذا اتربى معانا ,,

مشاعل " بصدق واضح بعيونها " : اذا انتي اخترتيه بقناعه تامة وشايفه ان هذا هو اللي بيسعدك , " بإبتسامه " فالله يوفقك ويجعله من نصيبك

وتخخلفوا صبيان وبنات .

مرام : امين .

مشاعل : ماما .

ماما: نعم .

مشاعل : فين رواء ؟؟

ماما : عندها اختبار تذاكر ؟؟ المفروض انتي اختها وتعرفي كل شئ عنها ولا بس الاسواق .. " وكأنها تذكرت اننا مو لوحددنا ".

مشاعل " بإتسامه اخفي اللي اعانيه " : ايوه صح ,,

مشاعل : مرام , رواء نزلت سلمت ولا.... " ماكملت كلامي الا قاطعتني ماما "

ماما : اكيد سلمت , تربيتي .." طبعا فهمت تلميح ماما "

مشاعل" بغير الموضوع عشان محد يحس" : فتووونه يافتنه ..

فاتن: فتونه بعيتنيك ياشيخه , وفتنه بخشمك ,, ليش يااختي شايفتني ابو مسيلمة الكذاااب ..

مشاعل ومرام : هههههههههههههههههههههه ههههههههه

مشاعل : سلامتك من الفتنه ياقلبي , كنت بسألك على الخواطر والاشعار اللي كنتي تكتبيها عندك للان ؟؟

فاتن " بإحباط " : الله يسلمك كنت ببيت خالتي ولما رجعت البيت شفت امي العزيزة حارقه دفاتري حرق بسلة الهملات ,, وكأن مشاعري مالها قيمه

مشاعل " بتعاطف وزعل على خالتها سعاد " : ولا يهمك اكتبي غيره وانا بساعدك في نشره بالنت طبعا ,, " بإبتسامة "ايش رأيك ؟؟

فاتن : اصلا من بعد اللي سوته ماما خلاص ماعاد صرت اكتب دام مشاعري مو مهمة .

مشاعل " بتشجيع " : مين قال لو مشاعرك مو مهمة كان ماطلبت منك تعطيني اشعارك انشر لك هي بالنت(انترنت) ,, يالله فاتن قلبي بتشعري لنا ولا لاء,, الله يخليكي ؟؟

فاتن : حزنتيني وربي زي الشحاتين .

مشاعل " مسكت المخده و رميتها عليها " : شحاته بعينيك ,, اوريكي ( اراويك ) و سويت اني زعلانه ..

فاتن : دقي راسك بالتماني(8) جدران اللي ببيتكم واذا مافي فايده عندك اطول نجفه ببيتكم علقي رقبتك فيها وطيري زي سوبرمان واذا مانفع ناديني

اشنقك وانا موجودة بأي وقت ولعيونك بفضي نفسي كم مشاعل عندي ..." قالت اخر كلامها بإبتسامه عريضه تقهرني فيها ".

مرام : هههههههههههههههههه

مشاعل " تخاطب مرام " : وانتي ماعندك غير ههههههه,, ايشبك معلقه على حرف الهااء

مرام " انحرجت " : لا بس نتفتك اختي تنتيف ..

فاتن : اقوول لا تسوي فلاحه وانتي من جنبها ,, اسكتي , اذا قدرت انتف مشاعل على قولتك قادره اقطعك تقطيع , واحسن لكي تتقي شري ..

مشاعل : ههههههههههههههههه حتى اختك ماسلمت منك.

مرام : اعوذ بالله لسانك متبري منك ..

وكملنا سوالف للساعه واحده بالليل وتعشينا , بعد العشاء خاله سعاد بالحمام( عزكم الله ) ومرام بتأكل حلى بغرفة الطعام , جاتني فاتن ومسكتني مع

ايدي ورحنا على جنب وانا اطالعها

فاتن : مشاعل ..

مشاعل : هلا .. فاتن قلبي تبغي شئ؟؟

فاتن : سلامتك عمري ماابغى الا سلامتك بس حبيت اسألك , ايشبك متضايقه من شئ ؟؟

مشاعل" لهالدرجه انا شفافه ": من قال الحمد لله مافيني شئ انتي اللي فيكي شئ؟؟

فاتن : مشاعل لا تغيري الهرجه ( لاتصرفي), انا مافيني شئ , انا مثلك عانيت من اهلي , صحيح اللي يشوفك يقول هذي وحده جمال ومال وسعاددة ,

بس انتي صح جميله وعندكم مال بس السعاده مااعتقد , وانتي اكثر وحده تخبي عالناس مشاعرها ولا يبان عليكي بس الناس اللي مثلك عانوا هم

اللي بيلاحظوا,, انتي غامضه قدام اللي حولك , وغموضك يجذب البعيد قبل القريب ,, انا ادري ان خالتي زينب قاسيه معاكي رغم انها ماتبين قدامنا

وانتي بعد بس بلحضات الانسان يكون على طبيعته ويظهر المخفي وانا شفت ولاحظت وادري انه مو شغلي بس , مااحب اشوفك حزينه لان قلبي

يوجعني عليكي , اللي يشوفك يقول رقيقه ماتتحمل بس انتي مثل الجبل والصخر واقوى رغم رقة مشاعرك .." مارديت على فاتن لان كلماتها كانت

عالجرح

ابتسمت لها " كملنا كلنا قصص وحكاوي ,, بعدها راحت خالتي وبناتها .

توجهت لفراشي وحطيت راسي عالمخده ونا بعالم ثاني وبسابع نومه ..

و عدى يوم الاربعاء ثقيل على الننفس والخاطر هذا بالنسبة لي ,, وانا ولا على بالي وكأنه شئ مايخصني يمكن بسبب انهم يحاولو يفرضوا رأيهم

بدون شوري ..

,,, يوم الخميس ,,, الصباح الساعه 10 و نص ..

صحيت من النووم ,,, طالعت الساعه كانت 10 و نص عقدت حواجبي " ايش فيهم ماصحوني غريبه ,,

دخلت عزكم الله الحمام واستحميت وتعطرت وتلبست نزلت وانا اطالع باستغراب واشوف ماريني رايحه جايه وبيدها ادوات تنظيف ,, بيني وبين

نفسي " ايش فيها رايحه جايه , رحت استطلع ايش الموضوع "

مشاعل : ماما ايش حملة التنظيف هذي ؟؟

ماما : يعني احنا عمرنا مانظفنا عشان تقولي" تقلدني " ايش حملة التنظيف هدي؟

مشاعل " بإبتسامه " : مااقصد , صحيح اننا ننظف كل يوم بس يوم الحمله العالميه للتنظيف تكون يوم السبت والاثنين والاربعاء , على مااعتقد اليوم

خميس ,, " ونا اكلم ماما تذكرت اليوم خميس "بصوت مسموع " ": اوووووووبس اليوم خميس , عشان كذا تركتيني نايمة لهالوقت صح؟؟

ماما " بإنشغال" : دوبها ( توها ) المعلومة وصلت الله يعين اللي بيأخدك , ابغاكي تكوني مصحصحة وبشرتك رايقه , فهمتي ولا افهمك زياده .

مشاعل "بضيق" : اها فهمت ,, تبغي مساعده ماما ؟؟

ماما : ماابغى منك شئ غير انك ترتاحي وتتزيني لما يجوا الناس .." وكأنها تذكرت " : ترى الساعه 7 المغرب بيكونوا هنا لا تنسي ..

مشاعل : ان شاء الله " هه تبغاني ارتاح مو عشان ارتاح لا , عشان اعجب الناس ويأخذوني على قولتها وافارقها , لاني هم ومرض "

رحت حديقتي بعد ما سويت لي شوكولاة , كنت اسقي الزرع وبعدها طلعت غرفتي واخذت لي كتاب علمي للبرمجه اللغوية العصبيه لاني بصراحه

محتاجه ابرمج اعصابي و اهدء او امثل اني اكون هادئة ونا عكس كذا تماما..

قعدت اقراء الى اذان الظهر بعدها قمت توضيت وصليت و رجعت اكمل قراءة قفلت على صوت رواء..

رواء " بإبتسامه " : ورد بابا جاب معاه غداء جاهز من السوق لان مامداهم الشغالات يطبخوا ,,

مشاعل " وانا اتذكر ماما نفسي انسدت": رواء مالي نفس روحي انتي .

جلست رواء جنبي " طالعتني ": ماما صح؟؟

مشاعل " طالعتها ببرود وكأني مو فاهمه عن أي موضوع تتكلم" : ماما ,, ايش فيها ماما؟؟

رواء : سلامتك مافيها شئ , بس بقولك اذا انتي مااكلتي انا ماباكل , على فكرة انا بموووت جووع .

مشاعل " غصبن علي ضحكت ": هههههههههههه , عليكي حركات .. يالله قومي اقنعتيني ..

رواء " تخفف دمها " : اكيد ياقلبي اقنعك ولا كيف اصير دكتورة .

مشاعل : واااااااااااو دكتورة رواء اسم على مسمى , بصراحه لقب دكتورة مالقب الا لكي ..

رواء" بنص عين" : تتريقي ؟؟ بيجي يوم وتشوفيني دكتور ويقولو شوفوا اخت الدكتورة ,,

مشاعل : ان شاء الله .. اتمنى .

نزلنا تغدينا ودخلت المطبخ اسوي حلى , سويت حلى طبقات و بيتزا و بف بالتونه ,, وجات ماما و شافتني احشي العجينه بالتونه و كانت اخر صينيه

وقالت : انا ايش قلت لك .. انتي ليش تعانديني هاا ؟؟ ادري ليش بتسوي هذا كله , لانك ماتبغي تتزوجي لكن بعدك وبتتزوجيه غصبن عن اللي

خلفوكي فهمتي , انا بخلي الزواج بشهر , مااقدر اتحملك اكتر .

وتركتني وشيت ..

سمعت صوت ماجد يبكي , لقيته وراء الباب , مسكته وضميته لصدري بحنان لما هدء .

مشاعل " بحب وامومه": ليش قلبي يبكي ؟؟

ماجد : ليش ماما صرخت عليكي , انا قلت لكي سوي لي بيتزا وحلى وبف .. انا السبب .. وبدءت دموعه تنزل ..

مشاعل : ياقلبي ماما مو قصدها بعدين هي كبيرة مافيها شئ لو صرخت , لو انا صرخت عليك تزعل مني ؟؟

ماجد: بس انتي عمرك ماصرختي..

مشاعل : طيب افرض اني صرخت ... تزعل ..

ماجد : لا ماازعل .

مشاعل : ليش ماتزعل ؟؟

ماجد : لاني احبك .

مشاعل"بابتسامه " : وانا امووت فيك شفت انت تحبني عشان كدا ماتزعل مني,وانا احب ماما عشان كدا ماازعل منها , وانت كمان تحب ماما صح ؟

ماجد: ايوه .

جلست ماجد معي بالمطبخ ,, وغرفت له من البف والبيتزا والحلى . . وغيرت له ملابسه .. وتركته يلعب سوني....

اذن العصر صليتواستحميت مرة تانيه عشان ريحة التونه بس هالمرة حاولت انعش نفسي واسترخي حوالي ساعه ونص , خرجت من الحمام بالروب

واحترت ايش البس , بعد الانتعاش والاسترخاء شفت بالدولاب فستان فوق الركبه من الحرير ومن فوق جاي على الرقبه ونص الظهر مفتوح لونه

فوشيا يمكن هاللون صارخ مايناسب طبيعتي بس اخترته يمكن اعاند نفسي , كحلت عيني بالقلم الابيض , و حطيت ملمع بجفوني شفاف لان جفوني

لونها وردي بطبيعة الحال وغلوس وردي اغمق من لون شفايفي بدرجتين بس يعتبر فاتح , مااستخدمت احمر خدود , اكتفي بتورد خدودي طبيعي,

خلصت زينه , وتركت شعري منسدل بنعومته كان طويل يغطي ظهري واصل لركبي , وثبت ورده وردية على جنب واخذت جزء من شعري اليمين

وخليته على كتفي من قدام , وجزء من اليسار وخليته بنفس الطريقه والجزء اللي بالوسط تركته مثل ماهو منسدل على ظهري " كان شعري اطول

من لبسي" ......... <<<<< قولو ماشاء الله لا تموت علينا مشاعل ولا نكمل القصه خخخخخخخخخخخخخخخخخخخخخ

عدنـــــــــــــــــــــا

اخترت حلق فوشيا على شكل ورد وبه فصوص فضيه , وخاتم بشكل وردة لونه فوشيا وبه فص وهو تابع للحلق لانه طقم , اكرمكم الله

لبست صندل بكعب فوشيا بدون رباط ومن عند الاصابع شفاف , تعطرت بعطري المفضل .

وانا نازله الدرج وادري اني بسمع كلام مايسرني من ماما بس يمكن لبست كذا عشان اعاند ماما ,, كانت الساعه 7 الا ربع .

ياسر " باشمئزاز" : ماكنت ادري انك ملهوفه عالزواج , من اول مسويه فيها القديسه مريم ودحين كل هالاغراء عشان يقبلوا فيكي , ايش اسمي

هالشئ غرور ولا لهفه عالزواج , ولا هوايه بااغراء الرجال ولا ...

قاطعته " ببرود" : اللي تبغاه سميه , بس وانت بعيد عني لاني عندي حساسية من البراغيث ... مشيت وانا رافعه راسي بكبرياء رغم ان مشاعري

انجرحت بس عمري مابينت ولا راح ابين لاحد .

بابا " بابنهار" : هالجمال كله عشان زوج المستقبل.

مشاعل " انحرجت من كلمات بابا ماعدت اعرف اذا الناس يمدحوا ولا يذموني بس بطريقتهم " .. سلمت عليه وابتسمت بخجل .

جات ماما وهي تطالعني من فوق لتحت تقيمني

وانا ابلع ريقي بصعوبه : ها ماما طيب اللبس ولا اغيره .

ماما : اصلا مافي وقت تغيريه , خليكي يمكن يشيلوكي معاهم ونفتك .

شفت بابا يناظر ماما بنظرات لوم وكأنه يقولها مو وقته هالكلام ...

" حاولت ابين انها تنكت " : هههههه ماما الله يخليكي لا تضحكيني بعدين ينعدم الميك اب والناس يشرد وا لو شافوني .

دق جرس الباب وراح بابا واخواني مجلس الرجال وماما راحت صالون الحريم وقبل لا تروح قالت لي : ادخلي بعد خمس دقايق وبيدك العصير

انتبهي لا يطيح منه شئ , خليكي واثقه من نفسك مثل العادة فهمتي .

بصراحه وقفت مصنمه مو قادرة اصدق انها مااغتاضت من لبسي , وانها مدحتني قالت "خليكي واثقه من نفسك زي العادة " .

" حيرتيني .. حيرتيني ياماما .. مرة قاسية , مرة حنونة .. آآآآآآآه ".

&&&&&&&&













































































>>>>يتبع <<<<

 
 

 

عرض البوم صور الطيبة   رد مع اقتباس
قديم 28-07-08, 02:01 AM   المشاركة رقم: 12
المعلومات
الكاتب:
اللقب:
عضو فخري
نور الامل
عضو مجموعة الطوارئ


البيانات
التسجيل: May 2006
العضوية: 4832
المشاركات: 12,247
الجنس أنثى
معدل التقييم: نونو عضو له عدد لاباس به من النقاطنونو عضو له عدد لاباس به من النقاط
نقاط التقييم: 125

االدولة
البلدSaudiArabia
 
مدونتي

 

الإتصالات
الحالة:
نونو غير متواجد حالياً
وسائل الإتصال:

كاتب الموضوع : الطيبة المنتدى : القصص المكتمله
افتراضي

 

همس قلبي بعد كل هذا الحب الماضي لايعود

من اروع القصص التي قرأتها في عالم النت

الطيبه

اختيار موفق غاليتي

انصحكم بقرأتها لن تندموا ابدا:-)

 
 

 

عرض البوم صور نونو   رد مع اقتباس
قديم 28-07-08, 03:35 PM   المشاركة رقم: 13
المعلومات
الكاتب:
اللقب:
ليلاس متالق


البيانات
التسجيل: May 2008
العضوية: 75522
المشاركات: 2,185
الجنس أنثى
معدل التقييم: الطيبة عضو بحاجه الى تحسين وضعه
نقاط التقييم: 32

االدولة
البلدMorocco
 
مدونتي

 

الإتصالات
الحالة:
الطيبة غير متواجد حالياً
وسائل الإتصال:

كاتب الموضوع : الطيبة المنتدى : القصص المكتمله
افتراضي

 

نونو يعني قريتيها خلاص قلبي حتى لو قريتيها لا تحرمينا من مرورك الجميل
شكرا عزيزتي

 
 

 

عرض البوم صور الطيبة   رد مع اقتباس
قديم 29-07-08, 12:52 PM   المشاركة رقم: 14
المعلومات
الكاتب:
اللقب:
VIP



البيانات
التسجيل: Jun 2006
العضوية: 6242
المشاركات: 5,539
الجنس أنثى
معدل التقييم: روز عضو على طريق التحسين
نقاط التقييم: 51

االدولة
البلدJordan
 
مدونتي

 

الإتصالات
الحالة:
روز غير متواجد حالياً
وسائل الإتصال:

كاتب الموضوع : الطيبة المنتدى : القصص المكتمله
افتراضي

 

حلوة بس بجد الام قهرتني كتير مو شوي

الله يعينها

ان شاء الله بوافقو عليها وبتخلص من النكد


ميرسي

 
 

 

عرض البوم صور روز   رد مع اقتباس
قديم 29-07-08, 03:30 PM   المشاركة رقم: 15
المعلومات
الكاتب:
اللقب:
ليلاس متالق


البيانات
التسجيل: May 2008
العضوية: 75522
المشاركات: 2,185
الجنس أنثى
معدل التقييم: الطيبة عضو بحاجه الى تحسين وضعه
نقاط التقييم: 32

االدولة
البلدMorocco
 
مدونتي

 

الإتصالات
الحالة:
الطيبة غير متواجد حالياً
وسائل الإتصال:

كاتب الموضوع : الطيبة المنتدى : القصص المكتمله
افتراضي

 

العفو روحي روز نورتي قلبي لا تحرمينا من اطلالتك

 
 

 

عرض البوم صور الطيبة   رد مع اقتباس
إضافة رد

مواقع النشر (المفضلة)

الكلمات الدلالية (Tags)
همس قلبي بعد كل هذا الحب الماضي لايعود يوما للكاتبة جلاديولاس, همس قلبي بعد كل هذا الحب الماضي لايعود يوما للكاتبة جلاديولاس.همس.قلبي
facebook



جديد مواضيع قسم القصص المكتمله
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


LinkBacks (?)
LinkBack to this Thread: https://www.liilas.com/vb3/t85243.html
أرسلت بواسطة For Type التاريخ
Untitled document This thread Refback 15-10-10 03:37 PM


الساعة الآن 09:11 AM.


مجلة الاميرات 

 



Powered by vBulletin® Version 3.8.11
Copyright ©2000 - 2021, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية