كاتب الموضوع :
دفى الكون
المنتدى :
القصص المكتمله
.........*@* الفصل الرابع عشر *@*..........
آمنة: عبالي بعد
وعد: أفا من شاف احبابه نسى اصحابه
سعيد شاف الشلة مجتمعين قال بينضم اليهم : احم احم من هاي الي شاف احبابه نسى أصحابه
وعد: من غير محمد
سعيد: افا يا محمد
وعد: لا أفا ولا اشا (ووعد صوتت على نورة لانها كانت قاعدة بروحها هي هدتها ويات )
وونورة يات وامنة عيونها على سعيد ونورة وهيأ ومحمد تبي تشوف ردة فعلهم وردة فعل خوالها كلش عادي
وابراهيم بعد انضم اليهم
محمد: هلا برهوم اشعندك ييت عندنا
ابراهيم: برهوم ويهك ووعندك مانع اني ييت عندكم
محمد: لا أبد افا عليك انت نور جلستنا
امنة : محمد لا يطيح علينا السقف
محمد: ههههههتي حلوة منج امونة
هيأ: اصلا امنة قولي انج تحترين من اخوي الغيرة واضحة من ويهج
امنة: محمد وسعيد شوف بنت عمكم شنو اتقوول
عائشة: كلامها صحيح وياليت مثل خلقك ملايين يا ابراهيم عسب محد احتر منك
محمد: لكن حلاة الشئ ندرة وجوده
هيا: وشهد شاهد من اهلها
عائشة: اكا امنة خالج بنفسه قال
امنة: لكل انسان وجهة نظر
سعيد: واختلاف الاراء لا يفسد القضية
وعد: والله يا امنة اذكرينا بموزة
نورة: لا امنة ما اتشابه موزة
سعيد: تقصدين عن الي صااار ومحد صدق
وعد: برافو دوم تفهمني يا سعيد
وسعيد غمز لوعد : اذا انا ما فهمتج من الي بيفهمج غيري
وعد شافت نورة : أحم احم تسلم تسلم
نورة بصوت واطي لوعد : عشتوو
محمد: اقول لا تتكلمون بالالغاز من أي ناحية يا وعد
وعد: تتذكرون قبل ما تتزوج موزة افعالها وكلامها مع مايد ولكن بعدين في نهاية طريقهم كان الزواج
هيأ: ههههههتي جان زين الي يصير الي في بالي
وابراهيم: شنو في بالج ان شاء الله
محمد: معاج يا هيأ جان زين يصير الي في بالج وبالي
هيأ في قلبها الحمدلله على اقل قلت اسمي
ابراهيم: وما بتقولون شنو في بالكم
وعد: انا بعد ويااكم ان شاء الله بصير
ونورة: هههههتي سيم تو يوو
وسعيد؟: حتى انا معااكم
وابراهيم: وممكن الحين اعرف شنو في بالكم كلكم
سعيد: غبي اذا لين حين ما عرفت شنو في بالنا
ابراهيم: محد غبي غيرك
امنة عرفت شنو في بالهم وقالت في نفسها بايخين حدكم يا ربي صبرني وخلني اتحملهم صج ما يستحون قاعدة جدامهم ويقولون هالكلام وتذكرت ان حتى ساعات حمدان كان يقول جيه وكانت ما تتأثر بكلامه حمدان غير وغير حمدان حمدان مهما كان كلامه يجرح يأثر لكن يداوي في نفس وقت وغابت في عالمها يا ترى الحين منيرة شنو قاعدة تسوي اكيد مشتاقة لي ويا ترى اهل بيتها اشلون صارت حياتهم بدون امنة وعمها ومرت عمها وعبدالله ليش تغير معاي في الاونة الاخيرة وشنو كان يبي يقول لي ليش ما خليته يقوول وليش وشافت في يدها الاسويرة اول ما عطاها عبدالله الى الان لابسته ما تعرف تقعد بدون الاسويرة اربع عشرين ساعة في يدها ومن هالاسويرة عبدالله ما يفارق خيال امنة كل ما تشوف امنة الاسويرة تتذكر عبدالله ويقطع حبل افكارها نورة
نورة: اموووووووووووووووووووووووون
امنة طالعت نورة بنظرة قلبها حزين ولكن ابتسمت ابتساامة الي يخلي كل من يستغرب سبب ابتسامتها عندما تتذكر امنة اهلها الي في البحرين اتحس براحة في قلبها راحة غير طبيعية
هيأ تهز امنة: اموون وينج
امنة بنفس ابتسامة : هلا معاكم
محمد: لا تقولين معانا سرحانة عدل من مساعة اناديج وانتي في عالمج
ابراهيم: يتهنى الي ماخذ تفكيرج
وامنة ما كان فيها شدة اترد على احد وعرفت لو قعدت بخربون مزاجها الرائع وردت بابتسامة: الحين بييكم
وراحت تبي تطلع براا البيت اشوية تتأمل السماء ولكن خافت لا يهاوشونها خوالها او احد يقول لها شئ ولليل الحين وهي تخاف وقالت بتروح بشوف مريم لكن اسماعيل: امنة
امنة: هلا سام
اسماعيل: وينج امنة ننتظرج علشان تلعبين معانا
امنة: ليكون من مساعة تنتظروني
اسحاق: أي من مساعة
امنة: ليش ما قلتو لي جان ييت
اسحاق: المهم الحين بتلعبين ولا غيرتي رايج
امنة: ومن قال غيرت رايي
اسحاق: تعالي اكا يبنا السيكل يالله نلعب
امنة: لكن من وين يبتو لي انا سيكل
اسماعيل: رحت لربيعي محمد وخذيت منه سيكله
امنة: وانتو من وين يايبين موهبة لعب بالسيكل
اسماعيل/:ربيعي محمد كله يلعب بسيكل فشرينا لنا سيكل لكن ابويه ما يرضى نطلع ونلعب شريناه بس حق الزينة ولا نلعب فيه واذا لعبنا نلعب اشوية انا مع اسحاق وبس الله يخليج امنة لعبي ويانا
امنة: حبيبي انته اوكي بروح ببدل وبييكم
لكن امنة فكرت ياااه لازم الحين اسال لكن تسال منوو تروح عند يدتها اذا سوت لها محاضرة اشكبرها واشطولها مافي غير خوالها
وراحت يا ربي الحين اقول حق من
امنة: محمد لو سمحت ممكن دقيقة
محمد: أفا عليج دقيقة لو اتقولين حياتي كلها عادي
وعد: اشعندج امنة مع محمد
محمد: انتي شكوو اسرار بيني وبينها
سعيد: اقول امون انا هناا
امنة: وأنا ايضا هنا يا سعيد
سعيد: امنة اشمعنى محمد وانا ما عندي رب
هيأ : شفت يا سعيد محد يعطيك ويه
امنة: أقول بس خلاص لا ابي محمد ولا احد ثاني
محمد: كله منكم خليتوها اتغير قرارها امنة مالج خص فيهم اكاني ياي
محمد: ها امنة عسى ما شر
امنة: محمد ابي اقول لك شئ بس ما ادري اشلون اقوول
محمد: غمضي عينج وقولي لي
امنة: هههههتي صدقني مافيني شدة للضحك اسمع كلامي كامل وبعدين اذا عندك شئ قول ( امنة قالت له كل شئ تبي تلعب بسيكل وووو)
محمد: امنة اذا سيارة قلنا أي لكن سيكل الله هداج
امنة: اشفيها وبلعب مع اسماعيل واسحاق
محمد: مافيها شئ بس سيكل ما لقيتي شئ ثاني
امنة: محمد اول مرة اطلب منك شئ واقول لك جذي تطلع لي بس خلاص مرة ثانية مستحيل اقول لك شئ
محمد: لا ما كنت اقصد ولا يهمج علشان خاطرج انا بعد بلعب وياكم الحين بروح بشتري لي ولج
امنة: شنو انت بعد بتلعب اشكبرك واشطولك
محمد: لا لين حين انا اصغير وفي ريعان شبابي
امنة ( شالمصيبة الحين ) : انزين روح علشان تشتر لك وانا بلعب وياهم
محمد: بتلعبين بسيكل ربيعهم لا اسمحيلي الحين رايح والحين راجهع اوكي
امنة: عيل سرع بروح بقول لهم
وامنة راحت وقالت لاسماعيل واسحاق wait just wait
اسماعيل : ياااه امنة الحين بنرجع البيت ولين حين ما لعبناا
امنة: لا عاد مو بهالسهولة بتردون
اسحاق: محمد اشدراه هيا لنلعب
امنة أي اشدراه خالي : يالله
وراحت امنة فرحااااااانة وركبت السيكل وتلعب بالسيكل مع اسحاق واسماعيل
اسماعيل: يالله أمون نسابق
اسحاق: صبرو بيي معاكم
وبدأو السبااق وطبعا اسماعيل فاااز
ومحمد الي ياءي
وياب دراجتين له ولبنت اخته امنة
محمد: امنة ما قلت لج لا تركبين دراجة ربيع اسماعيل
امنة: اه اه انااااا
اسماعيل: انا الي اصريت فلذا ركبت
محمد: طيب يالله امنة هاي دراجتج ومن بسابق معاي
اسماعيل: بما اني انا فزت انا الي بسابق معااك
امنة: لا والله احنا وين رحنا يالله اسحاق تعال
وفوضى واصراخ
والا وهما يتسابقون وامنة طلعت قبلهم وهما يصارخون
اسحاق: امنة ما يصير غشاشة انتي
امنة: ماني بغشاشة بما اني ابنية لازم اطلع قبلكم
وهما يتسابقون
والا بو اسماعيل يسمع صوت اصراخ طلع يتأكد شنو صاير يعرف انه توأمينه شياطين فقال بزفهم لكن شاف محمد وامنة معاهم قعد ويضحك عليهم
ام نواف: بو اسماعيل دش داخل اشبلاك واقف لنا براا
بو اسماعيل: اشوف الاعيال يلعبون تذكرت بطفولتي
وبو ابراهيم : الله لا ذكرنا باايام الطفولة
بواسماعيل يغمز لبو ابراهيم: هههههتي ذكرتني ببنات مدرسة الحورة التجارية وتتذكر كله كله كنت تشرد من حصص واتروح وتغازل بناات
وبوابراهيم يأشر لبو اسماعيل يسكت لا يسوي له سالفة مع مرته
( على فكرة هالمدرسة موجودة في البحرين لان بوابراهيم وبواسماعيل قضوو طفولتهم في البحرين)
ام ابراهيم : ها يا بوابراهيم كل هاي من وراءي
بو اسماعيل: يا اختي ام ابراهيم ما تعرفين بو ابراهيم اكبر مغازلجي
بو ابراهيم قليلا ما عصبت يا بو فضاايح
بو ابراهيم: شأسوي كل ابنية شافتني وعطتتني قلبها اشذنبي انا
ام اسماعيل: الحمدلله ريلي كان مافي احسن منه على نياته وعليه فديته والله
بوابراهيم: افضحك يا اخوي ولا اسكت
بو اسماعيل: ما تقدر تعرف لو فضحتني شنو اقدر اسوي فيك
بو ابراهيم: علشان جيه ساكت انا جان من زمان فضحتك
بواسماعيل: يالله يا بو ابراهيم نلعب مع الاعياال
ام نواف: يااااه الحين جريبا اعيالكم بعرسون تبون تلعبون
بواسماعيل: يا ام نواف احنا لين حين شباب وخلينا نستانس حياتنا قوم قوم بوابراهيم
وقامو وراحو وفي مخزن كان في دراجات يوم كانو اصغار لما كانو يجون في عطلة لقضاءه في الامارات فاشترو لهم
وعند الشباب
اسحاق: بس خلاص ماني لاعب امنة غشاشة
امنة: هي هي اشفيك انت قلت لك ابنية
اسحاق: خير يا طير اذا ابنية
محمد: اسحاق شوف قول انك بتطلع لانك كل ساعة وتخسر
اسحاق: اشلون ما اخسر وانتو تغشوون
والا اعيال في هواشهم لكن ما يوزون كل ساعة يحددون مسافة وسباااق والا ام نواف تطلع مع شلة الباقية وبو اسماعيل وبوابراهيم من صوب الثاني وبعد جهد كبير اقنعوو بو وعد علشان يلعب معاهم
اسماعيل انتبه: اشعندهم هاذولا يالله يا جماعة اختفوو العيايز يايين قبل لا يزفونه
وبو اسماعيل: وين وين تعال تعال بنتسابق معاكم بنشوف من يفووز
اسماعيل ما صدق ابوه بيلعب وفوق هاي بيلعب سيكل ومعاه ععمه بوابراهيم وبو وعد
بووعد: لا يا بو اسماعيل بنقسم الي قسمين انا مع محمد واسماعيل واسحااق
وانت مع امنة وبو ابراهيم
بو ابراهيم: اوكي موافقين
وبو اسماعيل مع بوابراهيم مع امنة
وباقي مع الباقي محمد حاول يروح ينضم الى شلة امنة لكن بو وعد قال اسكت محد يغير قراري
وقفو المتسابقين
بواسماعيل: امنة ويا اخوي خطتنا الرئيسية كل ساعة انخرب عليهم ونحاول كد ما نقدر نوصل الى خط النهاية فاهمين
امنة : اوكي ( عجبتها السالفة )
بو اسماعيل راح الى ولد بو اسماعيل : اسمع انت مع اخوك لو سبقتوني جان ما اكسر سيكل مالكم ما اكون ابوكم انا ( تهديد حلو )
وشكلهم ههههههههتي يضحك عيايز وراكبين السيكل
ووعد قالت بتروح لامها شافت البيت بكبره مافي احد
وراحت خبرت الجماعة
سعيد: متأكدة انتي
ابراهيم: وين بروحون وبدون ما يقولون لناا
هيأ : يمكن كل واحد فيهم رد البيت
ابراهيم: لا والله وخلو اعيالهم
هيأ: أي ويمكن قالو انك انت بتوصلنا كلنا الى بيوتنا
نورة: لا مستحيل يقدروون يسوون جيه
وأصلا نورة فرحت من خاطرها ياااااااه فرصة حلوة يمكن سعيد بيوصلني البيت
سعيد: بتأكد وبيي لكم
ونورة بصوت غير مسموع: أي يا مسود الويه دائما تحاول اضيع فرصة لقاءنا
سعيد: قلتي شئ
نورة : لا ابد
وراح سعيد واكتشف انهم يالسين في الحديقة وحديقتهم رووعة وروعة وفي كراسي اذا احد يبي يقعد وصوب الثاني يطل عليهم البحر يعني جوو سياحي عندهم
ابراهيم ووو الباقي طلعو وقالو بروحون بينضمون اليهم وخصوصا الجو أوكي مقبوول لا برد ولا حر واااايد واستغربوو لما شافو العيايز وياهم
ابراهيم: يبه الله هداك راكب لنا سيكل
وبوابراهيم حقر ولده
سعيد: ههههههتي هههههههههههههتي
وعد: اقول سعيد لا تضحك وتطنز على ابونا ترى محد لعب بمخهم غير بنت اختك امنة
سعيد: الا بنت اختي امنة
هيأ واااااو ومحمد وياهم كشخة: يالله يوبا ابتدو
عائشة: سعيد ما عندكم دراجات بعد بنتسابق معاهم
سعيد: لاسف الشديد لالا
نورة : حتى لو كان عندهم عبالج بيرضون انج تلعبين معاهم
عائشة : ومن الي ما بيرضى
نورة سكتت ما عرفت شنو اتقول لكن مهما كان هاي نورة الجريئة واصلا شافت لو هي كانت مكان امنة جان زفوها عدل وفوق هاي نظرات سعيد : ولد عمج سعيد
وعد عرفت ان بينشب حرب بينهم فحاولت اتهدي الاوضاع: لا ومن قال يا نورة اكا سعيد جدامج ساليه
سعيد ويبي يرفع ضغط نورة اكثر وببرود ومعروف ان سعيد يعصب على اصغر الاشياء وخصوصا شئ مثل جيه يعصب اكثر : صحيح معاج حق يا نورة لو امنة تبي أي شئ عادي وعادي لو قالت تطلع وتسكن بروحها في بيت ثاني بعد ما بنقول لها شئ الا هاي امنة الغالية
ابراهيم: تشبيه بليغ
نورة: أي الا امنة الغالية
عائشة: لا عاد سعيد مو هاي السالفة ( ويغمز لسعيد وابراهيم اصلا ما يرضى اخواته وايد يخففون دمهم عند اعيال اعمامهم لكن ما قال شئ لعائشة لان عائشة اصغيرة بنسبة لهم كلهم)
وعد: أي السالفة فيها ان
سعيد: لا ان ولا ام
نورة: هههتي سعيد ولد عمنا كلنا وكلنا نعرفه زين ما زين
وعد وقالت نورة اشبلاها لازم تبي اهواش: نوير حبيبتي اهني سالفة سالفة القلب
نورة: لا سالفة قلب ولا العين ولا راس
عائشة: علينا يا نورة
نورة ما استحملت وقامت عنهم وسعيد ضحك بخاطره مهما ابتعد وكره نورة لكن بحب نورة
فرراح لنورة
سعيد: نورة نورة وقفي
نورة اشيبي بعد هاي: خير اشتبي
سعيد: أبيج انتي
نورة بطلت عيونها على الاخر لالا اكيد انا احلم : سعيد
سعيد: هههههههههتي اسولف معاج لا صدقين عمرج
ونورة عصبت: أي انت عندك كل شئ مزاح ولعب تلعب بمشاعر الاخرين ولا تهتم
سعيد: ولعبت ويا مشاعر من
نورة : مسوي روحك برئ تسألني لعبت مع مشاعر من اسال نفسك
سعيد: نورة انتي لين حين اتحبيني
نورة انصدمت شسؤال هذا لكن اليوم بجاوبه وبطلع كل الي في قلبي لازم نوصل للقرار: أي احبك حط في بالك يا سعيد انا مو سعيد انا نورة اذا حبت مستحيل تنسى انا نورة اذا حبيت احب من كل قلبي وباخلاص ووفاء
سعيد شأسوي في هالبنت وشاسوي فيها غيرت معاملتي معاها بس عسب تكرهني بس بعد تحبني وتحبني سعيد قال بس جملة لكن هالجملة هزت كيان نورة : مهما كرهتج فأني اموت في هواج
وراح سعيد لكن ليته ما قال هالشئ نورة اشوية وبتبجي لكن يودت عمرها يا سعيد هين وهين ان ما خليتك تركض وراءي ما اكون انا نورة ان ما خليتك تموت فيني ما اكون انا نورة ان ما خليت اتقول لي امووت فيج وما اقدر اعيش بدونج ما اكون نورة انا السبب الي خليتك تكرهني لكن انا السبب الي بخليك تحبني حب اعمى
نورة ردت ورى سعيد مكان الي كانو فيه
وعد شافت الاحوال هادئة بين نورة وسعيد
وعد: احم احم
نورة: اشبلاج
وعد: لا عاد طلعتي وطلع وراج سعيد
نورة: خير يا طير ولد عمي يعني حرام اتكلم ويا ولد عمي
وعد: ولد عمنا يعني اخونا مو صحيح يا نورة
نورة: ولد عمنا اشلون بصير اخونا
وعد: ههههههههتي اخونا كلنا الا انتي
وربشة صارت عندهم وعيايز تعبو وكنسلو لان شلة بواسماعيل فازو وبالغل طبعا
وانقضى هالليلة بمتعة ونناسة ليلة ابدا ما ينسي
وفي البحرين حياتهم حياة عادية كل من مشتاق للامنة لكن ما باليد حيلة
في صباح الباكر واحد غريب يدق الباب راح احمد وبطل الباب استغرب من هاي المهم سلمو
احمد: اسف يا اخوي ما عرفتك
.....؟ بغيت الوالد اشوية
احمد: عسى ما شر
...؟ لا بس ابي الوالد
احمد دش داخل
احمد: يبه واحد يبيك
بو احمد: دخله داخل
....؟ تفضل يا اخوي
وسلم على بو احمد وعلامات استفهام في ويه بو احمد لان ياءي لهم صبح وبعد واحد غريب
.....؟ اعرف انك ما تعرفني لكن انا اعرفك
بو احمد: اسمحلي يا ولدي أي ما عرفتك
....؟ انا خالد ولد علي
بو احمد حتى ما قدر يسمع اسمه وييه تغير
بواحمد: هلا بخالد اشعندك ابوك ما كفاه الحلال الي خذاه مني
واحمد عرف انه هاي هو ولد رفيج ابوي السابق الي بخيانة خذ املاك ابوي
خالد: الي سواه ابوي الله عاقبه في الدنيا قبل الاخرة وانا ياءي لك عمي علشان اخبرك بان ابوي في مستشفى بين الحياة وموت وييبي يشوفك اتمنى انك ما ترفض
بو احمد كسر خاطره رفيجه اعز رفيج اليه : ما يشوف شر اشفيه
خالد: الشر ما ييك الله يسلمك عمي ( وبصوت حزين ) ياؤ له جلطة ولين حين الاطباء ما ردو علينا برد يطمن
بواحمد: ولا يهمك مهما صار ومهما حدث ففمن واجبي اني ازوره وان شاء الله بزوره العصر ويزاك الله كل خير يا وليدي
خالد: تسلم يا عمي هاي من طيب اصلك وعرفت انك لازم بتيي لزيارة ابوي
وراح خالد
احمد: يبه اشلون قدرت اسامح علي بكل سهولة
بو احمد: يا احمد من انا ولا شئ في فوق الله يشوف ويعاقب مالي حق انا ازعل او اسامح او اعاقب
وبو احمد خبر اخوه عبدالله حتى اخوه قال بروح مع بو احمد وفي العصر بو احمد وبوعبدالله راحو وحالة علي كانت خطيرة
علي: بواحمد سامحني الشيطان قص علي ونسيت ان في رب العباد سامحني يا بواحمد قبل ما الله ياخذ روحي سامحني حتى الله يسامحني
بواحمد: شهالكلام يا بوابراهيم انت قوم بسلامة وبس
بوابراهيم: اصيل والله اصيل
واستاذنو بو احمد وبوعبدالله ولكن قبل ما يطلعون سمعو اصراخ والتفتو الا شافو من غرفة علي النسوان الي كانو قاعدين وطلع ابراهيم وعيونه كله دموع
بواحمد: خير ابراهيم اشفيك
ابراهيم وبدأ يبجي : عمي ابوووووووي ماااااات
وبدأ يبجي وبوعبدالله وبو احمد يهدوونه
وتم العزا وشئ الي كل من استغرب بو ابراهيم قبل ما يموت في وصيته الاملاك الي كان للبواحمد رجعه اليه بو احمد رد الى الغنى تحسف وااااااااااايد وتحسف
وكانو بواحمد واخوه مع حريمهم يالسين : بو عبدالله: اشبلاك اخوي مو على بعضك لازم تفرح حلالك انرجع اليك
بواحمد: علشان هالحلال طرشت بنتي ولكن اليوم عندي هالحلال لكن بنتي مو عندي ففكرت في هذاك اللحظة بطريقة غلط ففكرت بمصلحتها لكن الظاهر شئ الي سويته انا ما كان مصلحتها
بوعبدلله: شالكلام يا اخوي الي صار صار فلا تتذكر وتتحسف
ام احمد عيونها دمعت فترة مضت وما شافت بنتها وينج يا امنة حتى اتصال ما اتصلتي
وبو احمد ندم على الي سواه وعرف ان في هالدنيا مو اهم شئ الاموال لا الحب وهو قدر يعطي كل الحب دنيا لامنة
وأخيرا احمد قرر يتزوج أي نعم احمد قرر يتزوج ولانه تقريبا الحين عنده كل شئ بيت من احسن البيوت وسيارة من احسن السيايير ومكانة مرموقة وشنو يبي اكثر من هاي بو احمد قدر يرجع بيته الاولي بس شئ واحد كان ناقصهم امنة وامنة ولكن اشلون احمد قدر يتزوج بدون امنة اصلا وصول الىى امنة شئ مستحيل ما يصير يوقفون حياتهم ولكن هل احمد بياخذ منيرة لالالالالالا منيرة وايد اصغيرة اصلا هو دش في باله منيرة وهالمهمة لامه يدور له ابنية سنعة
وعبدالله العاشق شسوي غير الانتظاار
ونرجع لجنان يعقوب حاول يتصل لجنان جنان شافت رقم غريب ما شالته لكن التلفون يرن ويرن ويرن شالته
جنان: الوو
يعقوب: يا هلا والله ما بغيتي اشيلينه
جنان: احترم نفسك احسن لك
وصكت التلفون
وسوته مغلق
يعقوب شالابنية الخطيرة اصلا يا ترى شنو سبب الرئيسي ان يعقوب طايح ورى جنان أصلا الاخ سنة من سنوات كان رايح ايطاليا واهناك جنان قالت لرسام علشان يرسم صورة جنان وبالفعل الرسام رسم صورة جنان والامر غير المتوقع يعقوب راح وقال للنفس الرسام ارسم صورة فارسة احلامي وقال له كل مميزات ورسام قال ما بعور راسه قبل اشوية رسم صورة واحد عربية مرة ثانية بيرسم لكن بوجود تغيرات بسيطة فيعقوب لين حين عنده نفس الصورة ولما شاف جنان ما صدق وفوق هاي ويهها وهي حزين وفوق هاي قلبه تعلق بجنان وايد ما يدري شنو السالفة
ونرجع الامارات نورة تغيرت 180 درجة ما صارت مثل قبل تفصخ شيلة عند اعيال اعمامها وتلبس ضيج ووو لا تغيرت صارت ابنية ثقيلة سعيد اشلون يقدر يود نفسه ولذا تقدم لنورة وصار خطوبة وبس
منيرة درت بخبر ان احمد ناوي يتزوج وامه بعد اختار ابنية وراح علشان يسال منيرة عن هالابنية
احمد: هاا منيرة ما قلتي لي ايش رايج في هالابنية
منيرة واصلة حدها شنو تقول وشنو لا احمد راح بس خلاص رااح حبها كان بلاش لكن الانسان لازم ما ييأس: أنا شكوو يا احمد انت بتتزوج مو أنا
احمد: منيرة يالله جان امنة اهني ما ييت اليج
منيرة: يعني امنة الحين مو اهني علشان جذي ياءي وتساءلني
احمد: منيرة اشفيج ليكون ابنية مو عاجبج
منيرة: لا مو عاجبني لان هالبنت ما تناسبك خير شر تفهم شنو يعني ما تناسبك
احمد: بس خلاص لا طولين السالفة ما باخذ هالبنت
منيرة من صججه هاي: احمد زواج مو لعبة
احمد: أي علشان جذي سالتج
منيرة: انزين ليش ما تاخذ وحدة تعرفه عدل ما عدل
احمد : ما اعرف احد عدل ما عدل غيرج ايش رايج بتزوجج بس خلاص جواب النهائي
منيرة يا ربي يتغشمر ويا ويه
منيرة: انزين موافقة انا
احمد: اوكي بس خلاص بروح بقول لامي
منيرة تصرفت بجدية واحمد يحليله يتغشمر : اوكي
احمد: رايح انا
منيرة: يا ربي عليك رووح اذا تستحي انا بروح وبقول لمرت عمي
احمد: منيرة من صجج انتي
منيرة: محد مثلك يتغشمر والله زمن ناس انحبهم اكثر من انفسنا لكن ولا يدروون عن حبنا
احمد: ومن هاي النااااس
منيرة : انت شكوو
احمد بغشمرة: ليكون انا وما ادري
منيرة بجدية : أي انت
لكن احمد عباله تتغشمر منيرة لكن ما يعرف ان منيرة اليوم قالت شعورها تجاهه بشكل هو ما يحس
احمد استغرب حس قليلا ما بكلام منيرة
احمد: منيرة ابي سيارتج اشوية
وراح سيارت منيرة اصلا سيارة منيرة قبل يومين كان مخترب فخذا الكراج وحط تلفونه داخله وكان ياءي علشان ويروح وياخذ تلفونه لكن الصدفة دش السيارة وهو يشوف اهني واهنااك لقى دفتر اصغيرة تقريبا كمذكرة وبطل الدفتر شاف مكتوب اسم منيرة في البداية وتحت اسم امنة وامنة كاتبة كتهديد (يالي مبطل الدفتر احسن لك صكه لا اييك بوكس على ويهك وخصوصا انت عبوود ) ضحك احمد آآآآآآه امنة وينج وينج عنا وبطل الدفتر وشاف قصيدة مكتوب بعنوان فدوة لغلاك
يا قلب اشهد عليه و يا عين شوفي سواياه
يا روح اصبري عليه ويا عمر لا تفتكر تنساه
يا حب اشتاق له و مالي فهالدنيا سواه
يا كل الخلق بي وله ملا يابس الارض وماه
بس لو يحس شوي و يكشف لي عن نواياه
لو ينتبه مازلت انا حي قبل اندفن في ثراه
لجله يتحمل كل العنا و انتظر منه بسمة شفاه
و لجله بملأ هالدنيا هنا و بتعذب و بتألم شقاه
مو بس اموت انا فيه يا زمن انا اتنفس هواه
احبه موت و موت اغليه ويا ناس انا كلي فداه
عشقي عيونه وكل غرامي اموت انا فلمسة يداه
هو دنيتي غلاي و هيامي يا كل الخلق (اهواه)
تعب قلبي في حبه جنني الدنبا ما تسوى لو الدنيا بلاه
قلبي و روحي و لجله عيوني و العمر كله فدوة لغلاه
وصفحة الثانية تنتظرني
تنتظرني ابوح بها لك و تنطقها شفاتي
و اقولها بأعلى صوتي و صمتي أحبك
تعتقد يا روحي اني ولو مرة بكل حياتي
ببخل عليك بكلمة يا عيوني و عقلبك
تنتظرني اضعف و تتشتت كلماتي
و انسى كوني و كل ناسي و انا يمك
تبيني اقولها اشتقت لك موت يا حياتي
ودي لو اشوفك و بكل ما فيني اضمك
تفتكر احد في هالدنيا يحبك شراتي
لا ياحبيبي لا هو رفيقك ولا عدوك
انته دنيتي و حبي و قلبي و غناتي
محد بقدرك في قلبي و عالي سموك
تعال قرب بقربي و بحضنك لملم شتاتي
تعال يالغلا اشتقت لك فديت روحك
رد لي عمري و اسعد لحظات حياتي
ردني لقلبك ولمني بين صمتك و بوحك
(لاخت ذات الحسن )
عاد شاف تحت مكتوب
ملاحظة : هاي انا امنة اقول منيرة هههههتي ولا تحلمين اخوي ينتظرج )
احمد استغربت اخوي اشتقصد امنةوينج يا امنة احمد تم في حيرة لكن هاي احمد لازم بعرف السالفة والا منيرة ياية وحط دفتر بسرعة
منيرة: احمد ليكون ادور نقالك
احمد : أي أي نقالي لكن انتي انتي ليش طلعتي براا
منيرة: ورااك احمد ويهك تغير كأنك سويت شئ واحنا اكتشفنااك
احمد بنشوف من الي اكتشف الثاني احمد: هههههههتي وين نقالي
منيرة: هااك
احمد: منيرة ابي اقول لج شئ
منيرة: تفضل
احمد: لكن ابي رايج بكل صراحة اتمنى اتكونين صريحة معاي
منيرة وتوتر على ويهها: قول اشعندك يا احمد
احمد: تدرين يا منيرة حبيت وحدة حبيتها من كل قلبي لكن مشكلة هي وايد اصغر مني بوايد
منيرة: أي كمل
احمد: شأكمل بعد
منيرة ومن هالوحدة ليكون انا يا ربي جان زين انا وافتك
منيرةة: وهالوحدة اانا اعرفها
واحمد : أي اتعرفينها عدل
منيرة: من
احمد: انتي قولي
منيرة حست بكلام احمد ان هي مقصودة
احمد: بتدرين جريب لاني بخطبها اليوم قبل باجر
منيرة: قول من هالوحدة يا احمد
احمد: انتي
انتي كلمة تكرر في اذن منيرة اكثر من مرة حست روحها في حلم لا اكيد انا احلم حتى بدأت تمشي وابتسامة شاقة حلجها ما صدقت ان هي ومن ويهها احمد عرف الي في قلب المنيرة
احمد: منيرة منيرة تعالي وين رايحة
منيرة حست بالامر الواقعي يا ربي انا اشموقفني اهني وراحت دشت داخل ويوها صاير طماطة من الحيااء
واحمد بالفعل تقدم لمنيرة وتاكد اكثر بعد موافقة منيرة ان منيرة اتحبه واااااايد وبدأ يشوف منيرة بنظرة خطيبة وبدأ حب احمد يظهر لمنيرة
ويعقوب قال كل السالفة لاخته واخته قال اكيد اخوي استخف لكن بعد يعقوب ما خله اخته شيخة وشيخة عن طريق تلفون كونت صداقة مع جنان وصارو من اعزر الربع ويعقوب خذ ايميل جنان من عند شيخة وهي ما تدري وبدأ يكلم جنان كوحدة ووايد تعلقو ببعض
وفيصل تزوج بروضة
واحمد فقط فقط تقدم لمنيرة يعني منيرة محجوزة لاحمد وبس ومنيرة واحمد قاعدين على امل انتظار امنة وقررو ان ما عرفو أي شئ عن امنة خلال سنتين بيتزوجون
بعد قضاء سنتين
أي نعم سنتين
امنة عاشت احلا ايامها خوالها يحبونها حب محد حباه وخصوصا خالها محمد ما يهدونها ساعة بروحها وامنة بعد صارت اتحبهم واااااااااااايد واصلا ما تقدر العيش بدونهم وامنة ربت مريم بنفسها وطلعت مريم بنت سنعة وحبوبة ولين حين اشوية هادئة
وحمدان ما كان يروح لاهله غير الاعياد وبس وعطلات كان ياخذ ويدرس على اساس يكمل بسرعة
وعبدالله كمل دراسته وصار يداوم بشركة ابووه امه اصر انه يتزوج لكن هو قال لالالا عنده امل انه بشووف امنة
وسارة بعد تخرجت ولين حين ما تزوجت
هيأ ومحمد علاقتهم ما تطور لان محمد ما يعطي مجال اصلا محمد كان كل شئ له امنة
ونواف وضحى كله اهواش وو ولين حين ما عندهم بس ولد واحد وهو حمد
واسماعيل واسحاق على نفس الحال
وامنة الحين مع خالها محمد وسعيد في ألماااااانيااا راحت المانيا على امل تلتقي بحمدان وما خبرت خوالها ان عندها ولد عم
واول يوم في االمانيا لامنة وراحو شقة ارتاحو وخوالها خذوها مطعم واهناك في مطعم وخوالها غشمرة
شافت ظهر واحد قلبها بدأ يدق يا ربي ليكون هاي حمدان دموعها بدات يتساقط
وراحت لصوب حمدان وحمدان يتطنز على رفيجه رفيجه استغرب ان هالابنية قاعدة تقترب منا
رفيج حمدان: حمداان التفت شوف من وراك
حمدان: يالله عاد لا تطنز لا اقطك براا مطعم اقول لا اخليك تدفع الفاتورة
الا صوت انثوي: حمدان
حمدان يا ربي صوت امنة لا اكيد انا في حلم لكن ما احلى الحلم
ما التف خاف اذا التف بشوف وحدة ثانية
لكن هالمرة الصوت اقوى: حمداان
ما قدر حمدان التف شاف امنة آآآآآه امنة كان يبي اشوية يلتوي على امنة
:/ امنة انتي
|
07-06-08, 06:16 AM
جديد مواضيع قسم القصص المكتمله
العرض العادي
