كاتب الموضوع :
دفى الكون
المنتدى :
القصص المكتمله
..........*@* الفصل الحادي عشر *@*...................
مريم: عمتي امنة من الي ااتصلنا عليهم
امنة: اتصلت على امي
مريم: أهاا امج ام احمد
امنة: أي امي ام احمد وعمج احمد
مريم: لا عمي سالم
امنة : ومن سالم يا يبه انتي اسبيشل غير عن الناس عندج عم من امج وعم من اختج
مريم: ما فهمت
امنة : لانج مو ذكية مثلي
مريم: ذكية انا
امنة :توني ادري ان اسمج ذكية تدرين
مريم: عمتي
امنة: سمعي انتي عندج عم اسمه احمد بس خلاص فهمي هالموضوع بما انه اخوي يعني عمج
مريم: أي الحين عرفت لكن وينه ليش ما ايي لنا
امنة : هو في البحرين وان شاء الله اذا الله كتب جريب بشوفينه
مريم : صج
امنة : أي
ومريم خذت تلفونها تحوس وتحوس
امنة : يا صغرج انتي وعندج نقاال والله احنا اشكبرنا كنا وما عندنا تلفون ولما خالي عطاني سوو لي سالفة اشكبره واشطوله تدرين عمج احمد كفخني
مريم: عمي احمد ومن عمي احمد
امنة : اخوي بس غصبا عنج اتقولين له عمج مثل ما انا عمتج اذا هو مو عمج عيل انا مو عمتج
ممريم: انزين انا ما قلت ان عمي احمد ما يصير لي
امنة : انزين بنزل تحت بتنزليه معاي ولا بتمين في الحجرة
نزلت امنة تحت في الصالة لعلها تلقى احد من خوالها ما شافت احد غير واحد الله عليه عنده ذاك الجماال يعني حلوو وووسيم وخصوصا طريقة لبسه مرتب عاد امنةتخبلت عليه وسألت في نفسه هل يا ترى هذا يسمى حب من اول نظرة
وجدة امنة انتبهت لوقوف امنة
ام نواف: قربي قربي امنة
امنة باست على راس يدتها وشافت هالواحد كان قاعد يتكلم مع يدتها فما عرفت تقعد ولا تروح حجرتها ا الا من ورى ياءي خالها سعيد
سعيد: امنة هاي ولد عمي ابراهيم
ابراهيم: اشحال امنة ( ومن غير نفس والابتساامة)
عاد امنة تشققت : حمدلله بحير انت شخبارك
ابراهيم: الحمدلله بسهالة
و امنة تمت ساكتة وهما يسولفون وام نواف استاذنت وراحت وسعيد ياء له اتصاال وقاام عاد امنة قالت بتستغل هالفرصة تبي اتقول شئ لكن شنو اتقول وحضرته الريال قاعد ولا قال شئ عاد امنة قالت لازم بتبدي بكلام
امنة : ابراهيم انت تشتغل
ابراهيم: لا وعن اذنج( قاام وراح صوب حجرة خالها محمد)
امنة بطلت بوزها شالغرور مالت عليك ومالت علي يوم فكرت اني اكلمك غبية انا والله غبية هين يا ابراهيمو براويك من أنا اعوذ بالله منه والله كنت اقول ولد عمي عبدالله مغرور لكن احسن منه بمليون الف مرة صج انه حلو وجميل وشايف نفسه قليلا ما لكن اذا تكلمتيه معاه يتكلم معااج ويخليج تحبينه غصبا عننه سبحان الله الناس أجناس
وفوق عند مريم الاخت لما كانت تحوس تلفونها بالغلط طقت على زر اتصال واتصل على احمد لا هي تدري ولا امنة تدري لان مريم ما تعرف في تلفون شئ غير انها اشيل التلفون ومحد يتصل لها عطوها تلفون لانها مرة قالت تبي تلفون وما تستخدمه وايد يعني رقم مريم راح الى احمد
واحمد سمع كل محادثة الي مساعة صارت بين امنة ومريم
ومريم شافت وسمعت صوت خفيف الا حطت اتلفون على اذنها
احمد: الوو
مريم: من
احمد: عمج احمد
مريم: عمي احمد
احمد: أي
مريم: انادي عمتي امنة
احمد: ههههههههتي ااختي صارت عمة
لا تكفين لا تنادينها
مريم: ليش
احمد: لانه لو ناديتيها بصك تلفون سمعي يا مريومة لا تخبرين احد اني تكلمت معااج
مريم : اوكي بس ليش
احمد: اوهو وايد تسالين انتي
مريم: ما اسال وايد انا
احمد: انزين سمعي وينها امنة الحين
مريم: نزلت تحت
احمد: بصك تلفون الحين بتصل لج عقب خمس دقايق اوكي وابيج اتكونين عند عمتج علشان نبي نسمع صوتها وبس
مريم: اوكي
احمد راح عند عبدالله ومنيرة
احمد: عندي لكم خبر يسوى مليون دينار
عبدالله : وشنو هالخبر
احمد: ابي مصروفك الكامل ومنيرة ابي مصروفج كامل بعد
عبدالله: اسف ما ابي هالخبر
منيرة: انا بعد ما ابي هالخبر
احمد: سالفة فيها امنة
عبدلله: اذا فيها اختك راضي انا
منيرة: حراام اذا عطيتك مصروفي ما بكون عندي ولا نص بيزة
احمد: معليه نص مصروفج
منيرة: حتى نص مصروفي ما اقدر
عبدالله : اوهو بعدين معاج يا منور اذا احتجتي فلوس انا بعطيج احمد قول اشعندك عن امنة بحيث يستاهل مصروفنا كاامل
احمد: سماع صوتهاا
منيرة: اقول احمد روح قص على الناس غيرنا اشلون بنسمع صوتها وهي حتى ماهي راضية اتشوف ويوهنا
عبدالله : أي صحيح كلام اختي
احمد: \عيل من قال كلامها غير صحيح يا يبه أنا احمد أي شئ ابيه بسهولة اقدر احققه وقلت حتى انتو مشتاقين لامنة على اقل تسمعون صوتها
عبدالله: يالله يا شيخ احمد بنشوف شنو بسوي
احمد طلع نقاله واتصل على مريم
ومريم في بداية حست بخوف عرفت لو عمتها درت بشيل البيت على راسها
امنة: من متصل عليج ما شاء الله عليج بزنس ومان يتصلون عليج
مريم شالته لكن امنة عبالها صكت تلفون
وعبدالله ومنيرة واحمد متحمسين لسماع صوت امنة وسكوت عندهم ومو مصدقين احمد لكن بعد عندهم امل
ومريم استغربت يااه يا عمتي ما لقيتي وقت ثاني تسكتين فيه الا هالوقت
مريم: عمتي امنة اشفيج ( قالت أي شئ المهم تتتكلم)
امنة: لا تساليني اشفيني يا ربي اتعرفين ابراهيموو
مريم: أي ابراهيم الي شكله يهبل
امنة: مالت عليه وعلى ويهه يا يبه اهم شئ جمال الرووح مو جمال الويه واتقولين ابراهيم شكله يهبل اذا شفتي عبدالله شنو بتقولين
( في هاللحظة عاد احمد ومنيرة التفتو الى عبدالله وعبدالله ما صدق نفسه اول مرة بنت عمه امنة تمدحه )
مريم: ومن عبدالله
امنة: عبدالله الله يسلمج امممممم ما يصير لج شئ بس ولد عمي
مريم: ولد عمج يعني ولد عمي
امنة: أي ولد عمي لكن مو ولد عمج مهم سمعي عنده جمال واخلاق بعد صج انه اشوي شايف عمره بس بعد احسن من ابراهيم بمليون مرة
( عبدالله طاير من الفرح وطااير)
مريم: أهاا امنة متى بنروح البحرين عند اهل ابووج
امنة سمعت اهل ابوي وكأنه مستحيل الرجوع اليهم لانه الحين اهل امها حتى تلفون ما قالوو لها تتصل واذا قالت بتروح شنو بسوون بيوافقون ولالا
وحطت مخدة على ويهها وصاحت وصاحت ما تعرف مصيرها ضايعة بين القرارات
وصوت الصياح قليلا ماا راح واحمد منيرة وعبدالله سمعو لكن ما عرفو انه صيااح الا لما مريم قالت: عمتي امنة اشفيج اصيحين
وازدادت صيااح امنة مريم: عمتي لا تصيحين
امنة: اشلون ما اصيح وانا بعيدة عن امي وابوي واخواني وعائلتي بكبري لو تدرين كم احس بغربة اهني ليش يا رب ليش أنا بالذاات وينج يا يمه وينك يا ابوي وينك يا احمد ومنى والله مشتاقة لكم يا ربي ليش ما تاخذ روحي وافتك من هالدنيا
( بما انه مريم مو عودة الى هالحد بس بعد امنة ما عندها احد غيرهاا وما تقدر اتقول الي في قلبها لاحد ثاني غير مريم )
احمد اخته كسرت خاطره قال مهما حدث بخليج ترجعين لنا يا اختي وعبدالله من يقدر يتصور حاله ثالث مرة يشوف امنة تصيح وهو مو قادر يسوي شئ لكن هالمرة بسوي شئ ومنيرة ما بيدها غير الدموع ولوم نفسها لان هي السبب واحمد صك التلفون
عبدالله: ليش صكيت التلفون
احمد: بتصل عليها لكن هالمرة بتكلم مع اختي
وسبحان الله في هالحزة ام نواف نادت مريم فمريم طلعت من حجرة وما اهتمت لنقالها
وامنة غسلت ويها لكن ما قدرت اتيود دموعها مشتاقة ومشتاقة لاهلها شتسوي ما بيدها شئ ولكن فكرت ليش تعذب عمرها ليش تحرم نفسها من اهلها الا شافت التلفون يرن استغراب في ويهها من يتصل على تلفون مريم والا شافت الرقم رقم احمد ما قدرت تزعل اكثر وتبي اتكلمهم
وشالت تلفون وايدينها يرتجفون واحمد خايف لا مريم اشيل تلفون واتقول امنة مو اهني او ما تبي تتكلم او شئ مثيله
لكن صوت امنة و صيااح الي يبين مدى اشتياقة لهم : اأأ أأ لوو
احمد: هلا وغلالا باأختي الزعولة
( عبدالله ومنيرة فرحوو وقالو بس خلاص حصلنا على امنة)
امنة: احمد تعال خذني من اهني ما اقدر اعيش من دونكم والله بمووووت وبمووت ( وصيااح)
احمد: أي الحين حسيتي فيناا واحنا حالتنا حالة اهني ولا سالتي عنا
امنة وبصيااح: اانتو الي خليتوني ارووح
احمد: غلطة جبيرة ليش ما عطيتينا فرصة نستسمح منج
امنة : والله احبكم ووايد احبكم( وبدت اتصيح واتصيح )
احمد: امنة اشفيج ليش اصيحين احد قال لج شئ اهنااك
امنة: لا بالعكس يحبوون اكثر منكم بمليوون مرة
احمد: لا عاد لا تقولين يحبونج اكثر مناا
والا محمد سمع صوت داخل حجرة امنة واكثرها صيااح دش علشان يطمن ولكن عندما دش سمع كل الحوار وعرف ان امنة قاعدة اتكلم اخوهاا
امنة: احمد متى بتيي بتاخذني
والا محمد سحب التلفون من ايد امنة
محمد: لا تحلمين يا امنة انج بترجعين
كلام كانت بنسبة لها صاعقة هل فعلا خوالي بسوون فيني جذي بيحرموني من اهلي
وخذ تلفون
محمد: اسمع ما أدري انت من
انتو خليتوو امنة اتيينا بكل سهولة لكن لا تحلمون انخليها ترجع لكم لا تحلموون اعتبرو امنة ميتة بنسبة لككم ميتة اتعرف شنو معناة ميتة
واحمد قبل ما يقول شئ الا تلفون انصك
امنة ما قدرت تتحمل مهما كانت اتعز خوالها لكن احمد غير عنهم بمليون مرة مستحيل يقدرون يحلون محل اخوها
امنة: على كيفك انتي بشوف من بيودني برجع لاهلي وغصبا عنك
محمد وبعصبية: عيل بشووف اشلون بترجعين ( كسر تلفون وطلع بطاقة جدام امنة )
وطلع من الحجرة امنة دارت دنيا عليها يا ربي ويا ربي ليش حياتي جذي وليش وليش آآآآآآآه يعني طول عمري بتم اهني
وشنو تقدر اتسوي امنة غغير الصيااح
عبدالله: شنو صار احمد
احمد وكل الحزن في ويهه حاول يتصل على تلفون مرة ثانية لكن مغلق وحاول وحاول مغلق: مرة ثانية فقدنا امنة وفقدنااها
عبدالله: اشلون شنو صار توك كنت تكلم امنة
واحمد خبر كل السالفة لعبدالله ومنيرة الي مرة ثانية فقدوو الامل والحين حتى اتصال عرفوو صعب ان امنة تتصل لهم
وعند امنة
ام نواف: اشبلاك يا محمد ياءي من فوق اصارخ
سعيد: اصارخ على من انت
محمد: من في احد غير امنة
وامنة طلعت من حجرتها وعلى دري بحيث تقدر تسمع كلامهم
وضحى : اشفيها امنة
محمد : كانت اتكلم اخوها
سعيد: وليكون صارخت لانها كانت اتكلم اخوها
نواف: محمد مالك حق تمنع البنت من كلام مع اخوهاا
محمد: ومن قال عندي مانع لكن لو تسمع كلام بنت اختك جان سويت مثل ما انا سويت
ام نواف: وشنو سوت امنة
محمد: كانت تترجى اخوها انها اييون لها وياخذونها من اهني كأننا مقصرين ا في شئ
وضحى/: يا محمد اتعرف مو سهل على امنة تتأقلم معاكم بسهولة مافيها شئ لو راحت اسبوع عند اهل ابوها
محمد: ما عندي مانع لو راحت اسبوع لكن اذا راحت هل تقدرين تتضمنين انها ترجع امنة
(وبصوت كله الم ) ابدا ما عاملتها كأنها بنت اختي بل عاملتها كأخت لي الي كنت دووم احلم في اخت امها كانت اختي بس وايد اكبر منا ما قدرنا نحصل على حب اخت لكن لما شفت امنة حسيتها اختي وما اقدر حتى افكر ابتعاد امنة عناا
نواف: لكن ما يصير نخليها بعيدة عن اهل ابوها ومع الايام يا محمد بتتعود علينا يعني بمختصر المفيد فكرنا في عطلة الصيفية امنة عند اهل ابوها وقت الدراسة عندنا وما نصير أنانيين بس انفكر في روحنا وما انفكر في امنة
سعيد: شنو بس عطلة صيفية لا يا اخي سامحني الحين امنة عندنا لو شبعنا منها بنخليها تروح لاهلها ومثل ما قال محمد لو خليناها اتروح الحين مستحيل ترجع لنا مرة ثانية
وضحى: بهطريقة أحنا انانيين لاننا انفكر في روحنا وبس ومثل ما قال ريلي فترة عندهم وفترة عندنا
ومحمد حاول يغير موضوع بس علشان ما يوصلون للقرار معين: أي ريلج اشلون ما ادافعين عنه
سعيد: أي يا محمد يمه بس خلاص دوري لي وحدة بتزوج
نواف: الله على الغيرة لو تزوجت مستحيل تلقى وحدة مثل وضحى اتحبك هالكثر
ام نواف: لا بتحصل وحدة ومو بس اتحبك اتمموت فيك
نواف: يمه اشقصدج وضحى ما اتموت فيني
ام نواف: شالمصيبة الحين يا وليدي حرمتك اتمووت فيك
وتغير السالفة
رجعت امنة لحجرتها شافت مع خالها حق وكلام الي قاله كل يبين انه وايد يحبونها ولو عاندت وقالت بترجع واهناك ابوها يبدأ يعاملها مثل قبل الحين شبتسوي أهلها ابوها هم الي خلوها تضطر اتهدهم لكن اشذنب اهل امي وقامت صلت لها ركعتين وقرت سورة ياسين حست براحة وصلت لقرار بس خلاص ما عندي احد بالبحرين اهلي الي هم في الامارات وبس وما كان هالقرار لامنة سهل بس شتسوي مو هي الي قررت زمنها ا قرر لهاا
ومضى فترة
ويات مريم الحجرة
امنة: من في الصالة
مريم: ماادري
امنة: اشلون ما تدرين ما شفتي احد انتي اهنااك
مريم: يمكن كلهم في الصالة بس اديدة راحت حجرتها ترقد
امنة: اها امشي انروح عندهم
مريم : ما بيي
امنة: انتي اشفيج اربع عشرين ساعة في حجرتج اموت واعرف شنو السر الي يخليج ما تهدين حجرتج
مريم ما قالت شئ
وامنة طلعت وراحت سيدة صوب المطبخ خذت لها عصير وكيك وراحت الصالة ما عطت لاحد ويه اصلا ما تدري اشلون تبتدي وتبين لهم انها عادية
سعيد عاد فرحاان لان هو ما زعل امنة
سعيد: امون حياتي انتي ليش ما يبتي لي عصير
امنة: تبي عصير انت
سعيد : أي
راحت مطبخ مرة ثانية وطلعت كلاسين وحطت فيهم عصير وفكرت لو عطتهم ججذي محمد بعرف اني مو زعلانة بس فشيلة بنسبة لها ووعاد وخذت فلفل مع ملح وحطتهم داخل العصير عاد ما حطت اشوي لا بكمية كبيرة وراحت محمد لما شاف كلاسين فرح قال الحمدلله امنة ما طلعت وحدة تزعل فامنة عطتهم
سعيد :احم احم امنة يعني انتي مو زعلانة
امنة: زعلانة بس لو ثنتينكم شربتو عصير بسرعة بحيث خلال ثانية زعلي بروح
محمد : ولا شئ هاي لو تبين حياتي فداج
امنة ههههههتي الحين بنشوف
وامنة كانت معطتهم ظهرها ولفت اتشوفهم المهم محمد وسعيد ثنتينهم شربو العصير بسرعة بحيث ما حسوو بطعم الا لماا كملو شربه كامل عاد الحين من يوودهم
سعيد ومحمد ركيض صوب مطبخ طلعو لهم غرشة ماءي بارد يشربونه لكن ماكوو فائدة شنو ما سوو لكن الحار يبقى الحاار
سعيد: امون حراام عليج هالكثر احد يحط فلفل
امنة: علشان مرة ثانية محد منكم يتجرأ يزعلني
محمد: توبة توبة توبة بس حراام عليج عاد فلفل
امنة ضحكت عليهم
نواف: شنو قاعد يصير من وراءي
سعيد: لا افا عليك عاد امنة قومي سوي لنواف عصير
وضحى: لا تكفين يا امنة ما نبي عصير فللفل
نواف: يعني امنة سوت لهم عصير فلفل
هههههههههههههههتي
ههههههههههتي
وضحى : ههههههههتي أي
محمد: حضرتكم تتطنزون
امنة: حدكم على محمد وسعيد ترى ما ارضى
نواف: عشتوو
وضحى : المهم امنة شنو باقي لج حق حفلة
امنة: ما ادري ما سويت انا شئ
محمد: وضحى don’t worry كل شئ علينا
وضحى: اقول الاخ محمد ترى ما بدشون حفلة
سعيد: لا وريلج بدش
وضحى: لا ريلي ولا اخوان ريلي
نواف: لا والله
وضحى : أي والله لو انتو دشيتو الحريم ما يقدرون ياخذون راحتهم يعني لازم يكونون لابسين عبايهم وغشاويهم
محمد: مالنا شغل احنا بندش وبندش
وضحى؟: نواف فهم اخوانك
نواف: انزين بندش فترة قصيرة وعقب بنطلع
وضحى: ولا فترة قصيرة
سعيد: كيفج عيل طول حفلة احنا في الحفلة
وضحى: اوهوووو اوكي بس خمس دقايق
سعيد: دقايق بيتحولون الى ساعات
محمد: يالله امنة لازم انروح نشتري لج بدلة
نواف: توي الناس شريت لها بدلة وعبارة هدية نجاحها
وضحى راوتهم البدلة وفعلا البدلة كانت رائعة تنورة لكن فيها زخارف وحركاات مع قميص وكان حلوو
محمد: وعقب باجر الحفلة سعيد يالله نبتدي في دعوة الاهل وضحى انتي اتصلي في الحريم واذا تبين تعزمين احد
وكلهم مشغولين في الحفلة وام نواف ما اتحب هالسوالف \بس بتيي الحفلة علشان اتشوف العيايز الي مثلها
وفي اليوم حفلة نادو وحدة من الصالون اتسوي لامنة مكياج وشعرها وحنة
ومهم هالوحدة ما بدت
امنة: اول شئ بسوين لي مكياج ولا شعري
وحدة: لا في البداية الحنة
امنة: أي صح نسيت الحنة
وحدة: اشلون تبيني اسوي لج الحنة
محمد: حنة هندية سوي لهاا
سعيد: أي وايد حلو
وحدة : انتي اشلون تبين اسوي لج ( وحقرة محمد وسعيد لان وادي مقهورة منهم قاعدين على راسها)
محمد: ما سمعتي احنا شنو قلنا
وحدة: يمكن هي تبي شئ ثاني
محمد اشوية ويكفخ هالوحدة: مو على كيفها على كيفنا
وحدة استسلمت وبدت اتحنيها
وكلمت الحنى وطلع واايد حلوو
سعيد: اشوف اشوف الله منو قدج اموون وايد حلوو ايدج
محمد مسوي روحه يزعم يصيح: امنة ذكرتينا بعرسج
امنة: اقول لين حين ما عرست اشلون ذكرتينا بعرسج
محمد: لا قصدي ان كأنه عرسج اليوم
امنة: اقول اقول اول شئ عرسكم وبعدين انا
وحدة: اشلون تبين اسوي شعرج
عاد سعيد : شعرها طويل يعني بتفله سوي لها استايل كلش عادي بس استشوار وبس
محمد: وليش يا سعيد شعرها طويل واحتمال الحسد
سعيد: بنقرا معوذات وبنسوي شعرها كلش عادي علشان جمالها حقيقي بيطلع بس في عرسها وبس
امنة: هههههههههتي سعيدد تفكيرك كتفكير وحدة
محمد: لا صح كلام اخوي علشان في عرسج تطلعين وايد حلوة
امنة: اذا احد يسمع كلامكم كانه باجر عرسي
وسوت الشعر
وامنة لبست ثيابها وغسلت يدها من حنة تقريبا ربع الناس كانو يايين وكل ساعة وضحى اتيي لكن محمد مو راضي يفتح الباب لها
ومكياج في بداية سوت لها لكن خوالها كل ساعة يعترضون على مكياجها
وحدة الي من صالون: بعدين معاكم
محمد: بس خلاص سوي كلش عادي كلش وكلش يعني خفيف
وبالفعل سوت عادي لكن بعد امنة طلعت واايد حلوة
وضحى: اووف بطلوو الباب بودي امنة
محمد: ما يحتاي نزلي تحت احنا بنييبه( لانه حجرة امنة فووق)
الا نواف ياء: محمد بطل الباب واسمع كلامي
سعيد: بطل لهم الباب لا يبون الحين امي
وبطلوو الباب نواف: يا الاذكية سمعو انا الحين بنزل امنة معا ي علشان اتكون في محل لفت النظر وانتو وقفو على دري في نهاية الدري بعدين انتو اخذوها مني طريقة حلوة ولا لا
محمد: لا بالعكس حلوة افكارك يا اخوي
وبالفعل محمد وسعيد نزلو وبنات كلهم عيونهم عليها وضحى قالت لهم يعني تغشوو لانهم حاطيين مكياج وبالعفل واحد وقف هالصوب وثاني صوب الثاني
والا امنة ياية مع نواف:
امنة: نواف فشلتوني كأني عروسة
نواف : هههههههههتي
ونواف نزلها على نص الدري وبعدين سعيد ومحمد
وكأنها عرووسة
محمد: امنة اصدقين كأنها عرسج
امنة: حتى انا احس ليكون عرسي وانتو خاشين عني
سعيد: جان زين والله عرسج
وهما يضحكون ويعلقوون والاهل مستغربين اشلون قدرو يحبون امنة بهالسهولة
وضحى : يالله الحين خرووج
وطلعوو ولانهم شافو انه حريم مو قادرين ياخذون راحتهم وضحى ما هدت امنة الا لما عرفتها على بنات من اهلها وشافت انهم قاعدين يتكلمون مع امنة
|
26-05-08, 08:48 PM
جديد مواضيع قسم القصص المكتمله
العرض العادي
