لمشاكل التسجيل ودخول المنتدى يرجى مراسلتنا على الايميل liilasvb3@gmail.com





العودة   منتديات ليلاس > القصص والروايات > المنتدى العام للقصص والروايات > القصص المكتمله
التسجيل مشاركات اليوم اجعل كافة الأقسام مقروءة

بحث بشبكة ليلاس الثقافية

القصص المكتمله خاص بالقصص المنقوله المكتمله


إضافة رد
نسخ الرابط
نسخ للمنتديات
 
LinkBack أدوات الموضوع انواع عرض الموضوع
قديم 27-05-08, 05:24 PM   المشاركة رقم: 41
المعلومات
الكاتب:
اللقب:
ناقد مبدع


البيانات
التسجيل: Aug 2007
العضوية: 38720
المشاركات: 3,019
الجنس أنثى
معدل التقييم: Emomsa عضو جوهرة التقييمEmomsa عضو جوهرة التقييمEmomsa عضو جوهرة التقييمEmomsa عضو جوهرة التقييمEmomsa عضو جوهرة التقييمEmomsa عضو جوهرة التقييمEmomsa عضو جوهرة التقييمEmomsa عضو جوهرة التقييمEmomsa عضو جوهرة التقييمEmomsa عضو جوهرة التقييمEmomsa عضو جوهرة التقييم
نقاط التقييم: 1554

االدولة
البلدEgypt
 
مدونتي

 

الإتصالات
الحالة:
Emomsa غير متواجد حالياً
وسائل الإتصال:

كاتب الموضوع : أسيرةبحرالأماني المنتدى : القصص المكتمله
افتراضي

 

اختي اسيرة بحر الاماني .....
السلام عليكم ورحمة الله وبركاته.....

هل انتي نفس الكاتبة عاد انا اللي احبك لكن هنا مغيرة اللقلب مالك .....

لاني قرأت نفس الرواية باسم عاد انا اللي احبك في منتدى اخر ......
وبصراحة الرواية روعة بل اكثر بالاسلوب والاحداث والشخصيات وخاصة زياد ومشاعل ......

الى اللقاء في تعليق اخر......

 
 

 

عرض البوم صور Emomsa   رد مع اقتباس
قديم 28-05-08, 05:55 AM   المشاركة رقم: 42
المعلومات
الكاتب:
اللقب:
ليلاس متالق


البيانات
التسجيل: Apr 2008
العضوية: 70270
المشاركات: 721
الجنس أنثى
معدل التقييم: أسيرةبحرالأماني عضو بحاجه الى تحسين وضعه
نقاط التقييم: 15

االدولة
البلدSaudiArabia
 
مدونتي

 

الإتصالات
الحالة:
أسيرةبحرالأماني غير متواجد حالياً
وسائل الإتصال:

كاتب الموضوع : أسيرةبحرالأماني المنتدى : القصص المكتمله
افتراضي

 

اقتباس :-   المشاركة الأصلية كتبت بواسطة سرسورة المغرورة مشاهدة المشاركة
   البآآرت جنآآآآن ..
توقعاآتي
مشآعل وزيآد :
اممممم والله انهم يحيرورن يعني مرآآآت اقوول ان مشآآعل بيآخذها فرآآس لكن اقول لآ فرآس بعييد عنها يعني مشوآر لما يجي يآآخذها
لكن اتوقع ان مشآآعل وزيآد يرجعون سمن على عسل ..^_^ يآآرب
تركي ورغد :
احس تركي بيأذي رغد كيف مدري ان شاء الله يخيب توقعي ويعقل ويخطبها
سعووووود <== آآآآآآه <== البنت هيمآآآنه
لا جد احلى شخصية شاب واحلى شخصيه اعجبتني بس شوفي انا ما توقعت له شي أول اقووول ريما بس بعدين طلعت لنآ هالريف مدري من وييين .<<بس احسه بيتكشكل مها بسبب ريم ثمن يندم ويتزوجها
.
بس النهايهـ هالله هالله نبيها سعاااااادهـ <== مو مثل روآآيهـ قريتهاآ عكرتلي مزآآجي كل شي ضد البطلهـ أمحق بس تراضو في النهاية^_^
وتحيآآتي
أختكـ



شكرا على تواجدك

 
 

 

عرض البوم صور أسيرةبحرالأماني   رد مع اقتباس
قديم 28-05-08, 06:02 AM   المشاركة رقم: 43
المعلومات
الكاتب:
اللقب:
ليلاس متالق


البيانات
التسجيل: Apr 2008
العضوية: 70270
المشاركات: 721
الجنس أنثى
معدل التقييم: أسيرةبحرالأماني عضو بحاجه الى تحسين وضعه
نقاط التقييم: 15

االدولة
البلدSaudiArabia
 
مدونتي

 

الإتصالات
الحالة:
أسيرةبحرالأماني غير متواجد حالياً
وسائل الإتصال:

كاتب الموضوع : أسيرةبحرالأماني المنتدى : القصص المكتمله
افتراضي

 

اقتباس :-   المشاركة الأصلية كتبت بواسطة Emomsa مشاهدة المشاركة
   اختي اسيرة بحر الاماني .....
السلام عليكم ورحمة الله وبركاته.....

هل انتي نفس الكاتبة عاد انا اللي احبك لكن هنا مغيرة اللقلب مالك .....

لاني قرأت نفس الرواية باسم عاد انا اللي احبك في منتدى اخر ......
وبصراحة الرواية روعة بل اكثر بالاسلوب والاحداث والشخصيات وخاصة زياد ومشاعل ......

الى اللقاء في تعليق اخر......



وعليكم السلام ورحمته الله وبركاته



لا يا حبوبه أنا أنا قلتها

لك ودي

 
 

 

عرض البوم صور أسيرةبحرالأماني   رد مع اقتباس
قديم 28-05-08, 06:08 AM   المشاركة رقم: 44
المعلومات
الكاتب:
اللقب:
ليلاس متالق


البيانات
التسجيل: Apr 2008
العضوية: 70270
المشاركات: 721
الجنس أنثى
معدل التقييم: أسيرةبحرالأماني عضو بحاجه الى تحسين وضعه
نقاط التقييم: 15

االدولة
البلدSaudiArabia
 
مدونتي

 

الإتصالات
الحالة:
أسيرةبحرالأماني غير متواجد حالياً
وسائل الإتصال:

كاتب الموضوع : أسيرةبحرالأماني المنتدى : القصص المكتمله
افتراضي

 

×..الفصل السـآدس عشر..×
>..:..الجزء الاول..:..<


همسه دوستاليه:{{الحب انانية اثـنان

طلعـوا مشاعل وماجد ودانه فوق صالة المطـآعم...
مشاعل:دندن..من وين تبين تاكلين؟؟
دانه تهز كتفها:مدري..وش رايك انتي؟؟
مشاعل:ودي بـ...اممممم..وش رايك بـ فش ان شبس
دانه:اوكـ!!

اخذوا اما ماجد مايدرون عنه من يوم طلبـوا..لانه كان يبي دانه تاخذ راحتهاا

\
/
\
/
- افكر اجلس بـ الشرقيه اسبوعين
ملاك:ليش؟؟
رغد:مدري..مابي ارجع الرياض
ملاك وهم بتمشون في اللوبي:عشاان خالتك؟؟
رغد:اممممم..لا..الا على طاري خالتي شرايك نروح لها اليوم؟؟
ملاك:كيفك!!..انا ماعندي مشكله
رغد:ناصر وين؟؟..عشان تسـتأذن منه؟؟
ملاك:مع تركي واخوانك جالسين في الكوفي..مسنترين ماغير هنااك
رغد:ههههههه..امشي بس نناديه
\
/
\
/
في بـآريس جلست ريما بعد ماأرتااحت بس ماتدري تحس بـ الامان تجاه هـ البناات
اسيل بـ قلق تتفحصها:ريما فيك شي؟؟
ريما تبتسم:لا ..تعباانه شوي
اسيل:تعـألي ناامي في الغرفه احسن لك الدنياا كلها هااجده برا وان طلعتي وصار لك شي محد دراا عنك
قامت ريما من غير رااي وراحت لـ غرفه ونـآمت فيها
\
/
\
/
وصلـوا لـ بيت خالتهم
رغد وملاك ولمى راحـوا عشان يسلمون على خالتهم..اما ناصر وتركي وعزام راحـوا لـ زوج خالتهم اللي استقبلهم في الملحق

صالح زوج خالتهم اللي كان كبير في السن..وحنـآنه يكفي مدينه:هلا والله وغلا بـ عيآالي
ناصر يسلم عليه ويحب راسه:هلا بك ياعمي..شلونك عساك بـ خير؟؟
صالح ابو راشد:الحمدالله بخير ونعمه.."وناظر تركي وسلم عليه"..هلاوالله بـ ولدي الثـاني
تركي ؟؟..:هلا بك ياعم.."وحب راسه زي ماسوا ناصر"
ناصر:اعرفك بـ تركي..صديقي
ابو راشد يبتسم لـ تركي:هلاوالله..توه مانور المكـان..كان قلت لي ياناصر ان معك ضيف عشان نسوي عشاا يستااهل
ناصر:تركي موب غريب
تركي:الله يسلمك.."مايدري وش يقول"..
ابو راشد يسلم على عزام:هلااا والله..شلونك؟
عزام:الحمدالله بـ خير..ان شلونك بشرناا عنك
ابتسم نااصر على اخووه..قال ابو راشد:الحمدالله بخير الله يسلمك
جلسـوا مع ابو راشد

"عند الحريم"

ام راشد:شلونك يارغد؟؟..عسـآك بـ خير؟؟
رغد:الحمدالله
ام راشد تبتسم لـ ملاك:شلونك ياملاك؟؟..نسمع عنك ولانشوفك؟
ملاك ابتسمت بـ نعومه:ماحصل لي فرصه اشوفك الا في ظروف العزاا..
ام راشد:زين اللي شفنـاك..عاد انتي مرة الغـالي نااصر
ملاك :الله يسلمك ياخاله
رغد:متى بيجون عبير و نجلاء؟؟
ام راشد:والله ماظنتي يجون اليـوم..انتوا متى رايحين الرياض
ملاك كان ودهاا تحكي بس سكتت..قالت رغد:مدري..متى ماقال ناصر ياللا ضفينا العفش ومشيناا
ام راشد:ياسفابكم ان رحتـوا
رغد:لا ان شالله بنزورك كل كم شهر
ام راشد:ههه..شهر؟؟..قولي اسبـوع
رغد:ولا يهمك كل سااعه
ام راشد:ههههههههه
\
/
\
/
طلعت ام حمد من الحمـآم.."وانتم بـ كرامه"..وجلست بـ الجنااح لان هذا وقت رجعة ابو مشاعل ولا تبي تحرجه

رن جـوآلهاا..طبعا بـ حكم ان ام حمد خبرتها في القراءه قليله ونظرهاا ظعيف ردة من غير لاتنااظر الرقم
ام حمد:آلوو
....:آلوو..هلا ام حمد!!
ام حمد رجف قلبها عرفت الصوت:هلا ابو فـآدي
ابو فادي:شلونك وشلون دانه
ام حمد:الحمدالله بخير وصحه
ابو فآدي:الا ماخلص عزا ولدك
ام حمد انقهر:العزا يابو فادي مخلص من 3 اياام تقريبا وانت ولا دااري
ابو فادي:اسمعيـني!..بنتك داانه الحين تحت وصايتي..واناا ابيها لـ ولدي فادي..سامعه؟؟..مانبي زواح ولا شي ملكه وانتهيناا
ام حمد خاافت على بنتها منهم:بس.....
ابو فادي: لا بس ولا شي
ام حمد:طيب انت بس اسمعني
ابو فادي:هاه!
ام حمد:البنت الحين نفسيتهاا عدم..خلهاا بعد كم اسبوع ليما تهدا الاوضااع الله يرضى عليك
ابو فادي:لا انا ماني فااضي اجلس أأجل
ام حمد:انا دااريه..هي الحين تحت وصاايتك على ماقلت..بس خلها كم يوم ليماا تهداا بس
ابو فادي:صأآر..بس اسبـوعين وبعدها مانيب مأجل ابد
\
/
\
/
في السيـآره عند دانه وماجد ومشـاعل
مآجد:ان شالله عجبتكم الطلعه؟؟
مشاعل:ايه والله..نبي نعيدهاا..صح دندن؟
ماجد انتظرهاا تتكلم..لو تقول ايه بعيدهاا..ان بغت 10 مرآآت
دانه:ايه مرره حلووه جزآك الله خير
أبتسم ماجد:ان شالله..بنعديهاا كثيـر
مشاعل تناظر جوآلهاا:يوووووه..مجوود ممكن توديني المستشفى؟؟..
ماجد:ليش؟
مشاعل:لان زياد محد عنده وانا بناام عنده
ماجد:خلاااص
\
/
\
/
دخل سعود الشقه حتى من غير لايرن الجرس عشاان تدخل وريف الغرفه..بس ماكانت موجوده
رمى نفسـه ع الكنبه
سعود غريب شوي لمـا يتعب مايحب الاهتمام الزايد من امه لانها تخااف عليه وتسوي له اللي مايتسوى عشاان كذا فضـل انه يروح الشقه متنااسي ان وريف موجوده
مو قاادر يتحرك ابد يحس بـ نفسه ثقيل ورااسه نفس الشي..كله كوم والبرد اللي يحس به كوم ثااني

- سعـود؟؟

مارد ولا فتح عيونه حتى اكتفى بـ"هممممم"..
وريف:سعود؟؟..وش فيك؟؟
سعود:...ولاشي!!
قربت له كان يعرق وجفوونه كأنه مايقدر يشيلهاا ومسكر عيونه ووجهه احمر..تبي تلمس حرارته بس ماتقدر..تنقصهاا الجرءه..
وريف:تبي طبيب
سعود الفكره ماعجبته ابد:لالا..بس جيبي لحااف برداان مرره
وريف:بس انت فيك حراره..كيف تتلحف؟
سعود بـ نفااذ صبر:وريف الله يخليك جيبي لحـآف
راحت وجابت له لحااف..
راحت لـ غرفتهاا بعد ربع ساعه ماقدرت لازم تروح تشوفه شكله مايطمن..راحت لـ الصـآله بس تفـآجأة يوم شاافته يرتجف ويعرق كاان تعباان مرره
ماقدرت واتصلت ع الطبيب يجي..بس ماتعرف كيف توصف..
وريف:اففف..مشكله الحين وش اسوي
اظطرت تنزل تحت لـ الاستقبـآل وتقولهم انها تبي طبيب..
ربع سااعه او نص الا جـآ الدكتور

كشف عليه ولم خلص
وريف:هاه ياكتور بشر؟؟
الدكتور:انتي زورجته؟؟
وريف حمممر وووجهها وقالت:أ..أيه
الدكتور:كان مفروض تهتمين فيه..هو نفسيته تعباانه مرره!..واثر على صحته..كتبت له بعض الادويه وان شالله يتحسن
وريف:هو وش فيه بـ الظبط؟؟
الدكتور:حرارته مرتفعـه...ومعااه قولون عصبي..والظااهر انه من كثر المشآكل اللي يواجهاا والتفكير الكثير
وريف:اها..مشكور يادكتور وماتقصر
الدكتور:الفعوو..هذا واجبي
وطلـع..

رجعت وريف لـ سعود وجابت له كمادات وحاولت قد ماتقدر انهاا ماتلمس جلده لانه عاارفه الكهرباا اللي بتصيب جسمهاا هي مجرد احتكاك جسمهاا بـ رجال تقشعر..
\
/
\
/
ناصر وهو طااالع من بيت خالتهم:والله اليـوم عشـا..اووووكي..والله وش رايك ترووك؟؟
تركي:ايه والله بطـل
ناصر:خالتي طبخهاا كان شي..حتى امي الله يرحمهاا
ركبـوا السياره وطوول الطريق الكل سااكت الا نااصر وتركي اللي يسولفون عن المبارياات والكوره واشيااء تخص الرجال مع ان تركي خبرته مو ذاك الزود في الكوره
\
/
\
/
نزلت مشاعل عشاان تترك دانه وماجد لحـآلهم
مر وقت يمكن خمس دايق وهم سااكتبين وهـ الوضع ماعجب ماجد
ماجد:كيفك الحين ياداانه؟؟
دانه رفعت حااجب:كيف يعني كيفي؟؟
ماجد ابتسم:يعني كيف نفسيتك من بعد العزاا
دانه بـ كل صرآآحه:زززززفت!!
ماجد اختفت ابتسامته:ليش؟؟..هذي الدنياا..يوم لك ويوم عليك
دانه:بس انا من ماات اخوي كل يوم علي...تدري اخوي مـآت..وصديق اخوي ساارق ورثي
ماجد:انا ساارق ورثك؟؟
دانه:مدري مين؟؟؟..هو في غيرك؟؟
ماجد تنهد:وربي ياداانه اني ماأخذت منك شي...انا احااول اخليك اسعد انسـانه بس ابي الفرصه بس
دانه:اعيش تعيسه بعيده عنك ولا سعيده بـ قربك..مااجد انا ابي ورثـي..انت اللي تدري وينه!!..هو كان مع حمد وانت كنت معااه قبل يموت..
ماجد وهو صاادق:مـامعي شي والله..ورثك مو معي...
دانه:على باالك بـ صدق يعني؟؟..شايفني غبيه
ماجد:..............
دانه:مايكفي حركتك الباايخه في انك نااوي تضفني انا وأمي..جااي بعد تبي تاخذ مني ورثي؟؟
ماجد:انتي تقصدين الورث اللي كان مع حمد؟؟..هـ الورث مو ملككم اساسااا
دانه:لا ملكك..انا ابيـه ومالك دخل ملك مين
ماجد:أوكي ياداانه..انا بعطيك فلوسك
دانه جلست ولا تكلمت..واخيرا ورثهاا بيجيهاا..وغصبا عنه بعد
اما مااجد كمل طريقـه لـ البيت وفي رااسه موآآل
\
/
\
/
قآمت ريماا من النـوم وهي تشم ريحة عطر رجـآلي..شافت اسيل بـ جنبهاا خاافت كانت قريبه مرره صحيح ناايمه وقربها طبيعي بس كونهاا عربجيه هـ الشي سبب لهاا نفور مع انهاا ارتاحت لهاا

قامت لقته الصبح ماتدري كم السـآعه بس الشمس طالعه رجعت لـ شقتهاا وهي تمشي بـ اطراف اصابعها عشان لايحسون فيهاا
\
/
\
/

همسه متشـائمـة:{{لا يوجد هنـآك مايدعى حب فكلها///فقاعات صابون..!

بعد أسبــوع..طلـع زيااد طبعا ماتأقلم مع الوضع انه يمشي بـ عريبه ومع الوقت سمح له الدكتور بـ عكاازه..لكن العربيه كانت كـ بداايه عشاان لايتعب نفسه لانه يومين ع السرير من غير أي حركه
اما ماجد..يفكر وش يسوي مع داانه اللي انصدم بـ حقيقة تفكيرهاا عنه
رغـد ونااصر كان اخر يوم لهم في الشرقيه

//


رغد ترمي نفسـها ع السرير..وقآلت بـ ملل:خسآآره بنرجع
ملاك:آآسفه يارغووده..بس عندي امتحان السبت ولا ذااكرت
رغد:لاعاادي..بس ان شالله يعوضناا نااصر بـ سفره حلووه الصيف
ملاك:ههههه..هذا ان ماعدت السنه مره ثانيه...
رغد:لاوالله درجااتك حلووه مرره..
ملاك:رغيـّد..ساعديني نضف الشنط مو تتبطحين عمتي طلاله
رغد:ههههههه..طيب طيب..يللا

"عند الرجـآل"
تركي:ماحسيت بـ الوقت اليوم آآخر يوم
ناصر:شفت كيف؟؟..كان ونااسه
تركي:تصدق عااد انا ماأعترف بـ السيااحه الداخليه بس هـ السفره حلووه
ناصر:يارووحي ياسياحه داخليه..بلكعس اهم شي ربووع بلادي
تركي:هههههههههههههههههه
عزام:هذا برناامج كانت تحبه امي ربوع بلادي قدييييييييم
تركي:اخوااني كانوا يتاابعونه
ناصر:ماأعرفه
تركي:يمكن كنت بزر..مثلي خخخخ
ناصر: يمكن..اتخيل شكلك بزر..موب لاييق ابد
\
/
\
/
كانت ريماا تحت تفطر في اللوبي شاافت اسيل تنزل الدرج وتكلم بـ الجوال وشكلها معصبه
قامت لهاا ريما لأن شكلها يقلق
ريما:اسيل؟؟..وش فيك؟؟
اسيل:وحده من البنـات انجرحت وودينهااهاا المستشفى
ريما:مين؟؟..اي وحده؟؟
اسيل:هند
ريما:اوكي بجي معك
اسيل:اوكي
رآحـوا مع بعض عشاان يشوفون هند صديقة اسيل
\
/
\
/
دخل ماجد البيت وشااف امه وام حمد جالساات في الصاله سلم وطلع فووق

رقى فوق ودق باب غرفتهاا
وقبل تفتح قـآل:دانه انا مـآجد!!
عرفت انه هوو تغطت وطلعت:نعم؟؟
ماجد يمد لهاا بطـآقة بنك:خذي
ناظرته داانه..قال هو:هذا ورثك حطيك لك حسااب خااص عشاان تقدرين تتصرفين فيه
اخذته دانه منه وكأنها تقوله.."غصب عنك"
ودخلت من غير كلمـة.."شكرا"
\
/
\
/
رجعــوا من الشرقيـه
وهذي هي تدخل غرفتهاا وتسكر البـآب وراهاا
رغد كانت مأمله انهاا تتعرف على تركي اكثر من خلال هـ السفره..أطبااعه!..وش يحب وش يكره!.. بس ماقدرت لان طول الوقت هي مع ملاك وناصر معااه..مومشكله اهم شي انهاا جلست معااه كم يوم

رن جوالهاا
المتصـل>>سمر
رغد:هلا سمووره
سمر:هلا رغووده.."بـ صدق"..وحشتيني يادووباا
رغد:توحشك العاافيه..وانتي بعد لك وحششه!!
سمر:خخخ..حلوه المجاامله
رغد:لا ليش؟؟..ترا ازعل منك..ماتتصورين ياسمر قد ايش فررحت يوم تغيرتي..مرره عسسل انتي
سمر ابتسمت:يااحبي ..الفضل لك
رغد:لـ الله
سمر:اوكي..ألفضل لـ الله..ثم لك..اخبار الشرقيه
رغد:تمام..الرووحه كانت فلـه..بس ماجلسنا الا اسبوع خسااره
سمر:ليه؟؟
رغد:مرة اخوي عندها امتحاان..ورجعناا عشاانها بس بلكن اخوي يعوضنا بـ سفره ثانيه
سمر:اهاا!..اوكي ترااني قبل لاتسـافرين قلت لك تعالي بيتناا..
رغد:امممممم..واالله مدري ياسمر
سمر:تكفيـن..يللا عااد
رغد:شوفي في مباراة لـ الهلال..وانا ادري بـ اخوي من يدري ان فيه مباراة لـ الهلال تضيع علومه..قبل تبدا بقوله يحطني عندك...حلوو؟؟
سمر:ومتى ان شالله المباراة؟؟
رغد:بلكن بعد بكره؟
سكر:لااااااا..وش يخليني انتظر
رغد:ههه..سمورره انا بسلم على جدتي
سمر:اوكي!..
هل ممكن تركي يتغير مثل سمر؟؟..ولالا؟
\
/
\
/
-نعـــم؟؟..وانا ااخر من يعلم؟؟
ام حمد:ماحبيت اضيق صدرك..بس عمك يقول ان مالك بيت غير بيتـه!!
دانه:بس ان امي عاايشه
ام حمد ماتبي تفقد السيطره وتصيـح:يمه انتي تدرين عمك لو علي انا يقدر يخليني مجنونه بس كله عشاان ياخذك مني..
دانه بـ قهر:مـآيقدر..موب كيفـه
دانه رحمـت امهاا..هي بين نارين اماا تضحي بـ مستقبل بنتهاا وتزوجها من ولد عمهاا اللي اخلاقه الله اعلم بهاا..ولا تفقد بنتهاا غصب عنهاا..لان عمهاا يقدر بتهمها انهاا عجوز وخرفت بـ دليل انها عايشه في بيت نااس غريبين

ام حمد:دانـه
دانه بـ جـنون:خل ننحـآش!..انا معي فلوس يمه وان شالله لماا اتخرج نقدر نصرف على فسناا من رااتبي لما اتوضف
ام حمد ماركزت على "عندي فلوس"..:دانـه!!..انتي الظااهر الافلام مخربه عقلك..شلون تنحاشين وهو يقدر يجيبك من حت الارض..
دانه:مابي اعيش عنده..هنا احسن لي من هنااك..ماراح آآخذ فاادي لو وش يصير
ام حمد تتنهد ماتدري وش تسوي الوعد بكره..اخر فرصه...
\
/
\
/
كان سعـود يروح الدواام ويتحااشاا انه حتى ينااظر وريف..الحين حالته احسـن بس يحس بـ قهر اتجااه وريف..اسبـوع على هـ الحـآل مايكلمها ولا ينااظرها حتى

دخلت عشاان تعلممه ان معد فيه مرضى بعد هـ السـاعه..وجدوله فااضي الحين..
سعود يقوم يضف اوراقه وياخذ لابتوبه من غير لايناظرهاا:طيب طيب
وريف ماقدرت:انت ليش تكلمني كذا؟؟..صار لك اسبـوع تطنشني
سعود ناظرها بـ برود:وكيف تبيني اكلمك؟؟
وريف:...............
سعود بـ قسوه غير متوقعه منه:لو سمحتي مو لاني تعاطفت معك..تتمادين ولا تطمحين بـ معامله ثانيه..
وريف:طيب انا وش سويت؟؟
سعود عصب منهاا:مشكور انتهى شغلك
وريف تسأله مره ثانيه:انا وش سويت؟؟
سعود حط الشنطه ع اللابتوب..:لاأبداا..ياوريف!
وريف:الله يخليك قل لي
سعود اخذ نفس لايقوم يصرخ في وجهها مايدري ليه هو مععصب كذا:انا مو قايل لك لاتجيبين طبيب؟؟..
وريف:.......
سعود:قلته ولا ماقلـته؟؟؟
وريف:أ..ألا!!..بس
سعود:حلوو..احنا كذا متفقين ..انا من يومي محاافظ على سمعتي ومعروف الحمدالله بـ الزين..تجيني انتي تنادين دكتور يجي شقه عايشين فيهاا 2..مابينهم صلة قراابه او عقد زواج حتى؟؟..توقعتك عاقله وتقدرين الظروف
وريف:بس حاللتك كانت...مـ..مدري..حسيت .."سكتت لانها لو بتتكلم بتصيح"
سعود:ماعندك شي تقولينه..
وريف كرامتها ماتسمح لها تسكت:مشكلتك اذا عاارف ان طريقتك في حل المشكله غلط..وانت عارف ان وضعنا غلط في غلط
سعود:....."انصدم منها"
وريف:اللي على رااسه بطحـه......
سعود بـ عصبيه:تدرين؟؟..شرهتك ع اللي يسااعدك..صدق ان العرق دساس..وابوك ماغلط فيك
اخذ شنطته وطلـع عشاان يترك ورأأه بنت نـادمه
\
/
\
/
-طيب وش سويت يوم قالت لك كذا
ماجد:مدري..في مبلغ انا كنت موزيه وقت الحااجه..عطيته ايااهاا لانها محتااجته اكثر مني
خالد:من جدك؟؟..ولا قلت لهاا وش سويت بـ الورث؟؟
ماجد:لا
خالد:الا صح..انت وش سويت به؟؟
ماجد:انا ماأدري من وين لهم الفلـوس فـ ابراءاً لـ الذمه..في حسـاب فتحه الملك عبدالله الله يحفظه..لـ كل من سرق فلوس او تعامل بـ الرباا وناوي يتوب من غير لحد يدري عنه هـ الحسااب موجود..انا حطيت هنـآك..
خالد:يعني ابريت ذمتك وذمت الرجـال
ماجد:الحمدالله بس مقدر اقول لـ البنت يعني تخيل شكلك ان يجي احد يقولك ان جدك كان ياخذ فلوس حراام
خالد:ايه والله...جزاك الله خير يامااجد كسبت فيهم اجر
ماجد:بس هي موب رااضيه تفهم ان قصدي خير..

"عند دانه"
ام حمد:تقولين عندك فلوس من وين؟؟
دانه:هذا ورثـي!!
ام حمد:ورثـك؟؟..
دانه:ايه!
ام حمد:من وين جبتيه
دانه:ماجد عطااني ايااه..من حمد الله يرحمه
ام حمد استغربت تتذكر ان حمد موضي ماجد انه يرجع الامانه لـ اصحابهاا..سكتت وان جا ماجد بتستفسر منه
\
/
\
/
- شلونك معهاا؟؟
سمر:الحمدالله...هااه!..انت بشر وش صار في الشرقيه؟؟
تركي:ولا شي!..روحتي صارت من غير فايده..بس غيرت جوو
جلس تركي يطـآلع التلفزيون..اما سمر تفكر في رغد اللي ممكن يضيع مستقبلهاا بسبة عمهاا..ماتدري تسمع كلام عمهاا ولا تنقذ صديقتهاا منه
سمر:اقوول عموو تركي
تركي:هلا
سمر متردده:اممممم..ليش ماتترك رغد؟؟
تركي:ليِه؟
سمر:مدري..احس البنت طاهره..وماعندهاا حركات النص كم..خل نخليها لحالهاا احسن
تركي:وش غير رايك مو كنتي يكرهينهاا؟؟
سمر:تركي خلناا بعيد عنهم احسن لعبتناا ماراح تمشي عليهم..وبيجي اليوم اللي ناخذ جزاناا فيه..حبل الكذب قصير ياعمي
تركي قـآم لهاا وقرب لهاا لـ درحه خلتهاا تخااف انه ممكن يضربها ولا يسوي لها شي
تركي:لاتقولين اثرت فيك؟؟
سمر:..لآ
تركي :شوفي اسمر!!..انا محد يملي علي وش اسوي..واي شي بيصير لـ رغد تأكدي انه بـ رضآهاا..فاهمتني؟؟
سمر هزت راسهاا بـ"ايه"..قال:حلووو
ووخـر عنهاا

 
 

 

عرض البوم صور أسيرةبحرالأماني   رد مع اقتباس
قديم 28-05-08, 06:23 AM   المشاركة رقم: 45
المعلومات
الكاتب:
اللقب:
ليلاس متالق


البيانات
التسجيل: Apr 2008
العضوية: 70270
المشاركات: 721
الجنس أنثى
معدل التقييم: أسيرةبحرالأماني عضو بحاجه الى تحسين وضعه
نقاط التقييم: 15

االدولة
البلدSaudiArabia
 
مدونتي

 

الإتصالات
الحالة:
أسيرةبحرالأماني غير متواجد حالياً
وسائل الإتصال:

كاتب الموضوع : أسيرةبحرالأماني المنتدى : القصص المكتمله
افتراضي

 

>..:..الجزء الثـآني..:..<

قامت ام حمد من النـوم ونزلت تحت كانت السـآعه 8..الوقت مبكر على قومة اهل البيت اخذت جلالهاا وهي تنزل..
جلستهم هناا مالها معنى!!...وش بيقولون عنهاا اخوانهاا لامنهم دروا اناا في بيت ناس أجنااب..

دخلت المطبخ واخذت لهاا تمر وصبت لهاا مويـه

أنتبهت لـ ماجد اللي كان جااي ونااوي يدخل المطبخ..تغطت
ماجد انتبه لها يوم دخل:صبااح الخير
ام حمد:هلا ياولدي..صباح النور
ماجد:قاايمه بدري ياخااله
ام حمد:وش اسوي ماجااني نوم
ماجد:افاا..شي مضايقك؟
ابتسمت لـ ماجد..صدق حنون....:لا شلون يضايقناا شي واحناا في بيتكم
ماجد ابتسم اخذ مويه وجا بيطلع بس

- ماجد ياأبوي!!

التفت ماجد:سمـي!!
ام حمد:سم الله عدوك..وشي فلوسه اللي عطيتهاا دانه؟؟
ماجد يستغبي:أي فلوس؟
ام حمد ابتسمت..ولا قالت شي لان غباءه المصطنع مامشى عليهاا
ماجد:أيـــه!!..هذا ورثهاا من حمد
ام حمد:انا داريه بـ كل شي...هذي فلووس غير فلوس الورث..اكيد حمد قالك
ماجد:...............
ام حمد:وشهي فلوسه؟؟..من وين لك
ماجد:خالتي هذي فلوس دانه
ام حمد:ماجد!!..كاان حمد غاالي عندك جاوبني
ماجد:...................
ام حمد تتنتظر رد..
ماجد:هذي فلووسي وانا معطيهاا ايااهاا..مابيها تعيش محتااجه شي وان عطيتهاا وكأنها مني بتعتبرها صدقه ولا شفقه مافي احد ممكن يقبلهاا..عشاان كذا انا عطيتها ورثهاا
ام حمد ابتسمت:جزآآك الله خير بس الفلوس لازم ترجع لـ اصحابهاا..
ماجد:لالا..ياخـ.....
ام حمد قاطعته:انّـا ان شالله اليوم رايحين لـ عم داانه..ملكتهاا اليـوم.."مسحت دمعتهاا"
ماجد:ايش؟؟؟..دانه بتتزوج؟؟؟..
ام حمد بان انها ب تصيح من كلمـة.."أيه"
ماجد:بس انتي امهاا؟..وانتي عاايشه كيف يغصبونهاا
ام حمد:انا موب حاارق قلبي الا انهاا بتاخذ فادي..هـ الـ...استغفر الله بس
ماجد عصب معقوله كل اللي سواه عشانهم وعشان حمد يروح هبااً منثورا؟؟..
ماجد:لازم فيه حل...لازم!!
ام حمد:............حسبي الله ونعم الوكيل بس
ماجد طلع من المطبـخ وهو حده معصب
\
/
\
/
فتحت مشاعل عيونهاا مالقت زياد جنبهاا..هو اصلا جنبهاا مو حنبهاا..ابتسمت يوم شاافته طالع من الحمام بـ عكازته اللي تعود عليهاا اخيرا..يمكن يعرف يمشي فيهاا بس من النااحيه النفسيه..
محد يدري

زياد:صاحيه؟؟
مشاعل تقوم وتسند راسهاا ع السرير:أيـه!!..على وين العزم؟؟
زياد:بروح لـ شغلي
مشاعل:بس انت ماصار لك الا اسبوع من صحيت..لاتتهور وتروح خلك بعد اسبوع زيااده
زياد رفع حااجب:خايفه علي؟؟
مشاعل بـ خجل هزت راسهاا بـ ايه
زياد ابتسم ولف لـ التسريحه يتعطر:بس لازم اروح صاارلي فتره مو مدااوم ولازم اقاابل شغلي
مشاعل تنااظره ولا تكلمت..
زياد لبس ثوبه وشمااغه:اجل انا طالع تبين شي؟؟
مشاعل:ماتبي فطور؟؟
زياد:اممم...مالي نفس الحين..ابمر آآخذ لي كروسون من البقاله..يللا فمان الله
مشاعل:فمـآن الله
\
/
\
/
-وين كنتي ياوريف؟؟..
وريف:كـ..كنت عند وحده من الممرضاات في العيااده..والحين خلااص قدمت استقـآلتي..
اخت وريف:ليش؟
وريف:معد ابي اشتغل هنـاك ابد..خلاااص انا يأست
اخت وريف:لو تشوفين كيف ابوي قلب الدنياا فوق تحت يدورك..أحمدي ربك انه ماكاان يدري عن مكاان او طبيعة شغلك
وريف:الا وينه ابوي يا ناريمان؟؟
ناريمان:سـآفر..وماظنتي يرجع...
وريف:وين؟؟
ناريمان:برآآ..الظاهر جازت له القعده هنـآك..هو ساافر قبل امس بس ماأظن يرجع ابد..لانه اخذ كل اغرااااضه
وريف تجلس ع الكرسي:فكـــه
ناريمان تبتسم:ماحزرتي ياقمر...
وريف:ايش؟؟
ناريماان:صاحب البيت يطالب بـ الاجاار...وفي فلوس الكهرب والمويه..من بيدفعهاا؟؟
وريف:آآآه بس..وربي الموت ارحم لنـآ
ناريمان:استغفري بس...ادعي ربك
وريف:حالتنا ميؤوس منهاا..ساعاات افكر انتحر..بس اقول اخسر اخرتي ودنيتي مع بعض..
ناريمان:تنتحرين؟؟..وانا وين اروح؟؟
وريف ابتسمت..
\
/
\
/
آذن المغرب
- يمـه الله يخليك لاتخلينهم ياخذووني..تكفيـن يمه
ام حمد:يابنتي انا بعد ماودي انهم ياخذونك بس ما بـ اليد حيله
دانه تصيـح بـ شكل يطقع القلب:آآه..مابي فاادي..ماااااابيه والله مااابيه
ام حمد بـ جديه:خليناا من فاادي الحين ياداانه..الفلووس اللي عطااك ايااهاا ماجد رجعيهاا
دانه:ليـش؟؟..مالي غيرهاا الحين..انا ماراح اتزوج فاادي لو ادفع موتي
ام حمد:اسمعيني لين الاخير

قالت ام حمد لـ دانه القصه كلهاا..كيف ان جدهاا كان عنده فلوس حرام سواء رباا ولا غيره..وان ماجد هو اللي رجعهاا وعطااها من فلـوسه.

دانه: ماجد؟؟
ام حمد:ايه ماجد..."وتذكرهاا بـ كلامهاا"..اللي مايخااف ربه.
دانه:بس!....لآ..اكيد في غلط
ام حمد:لاماافي غلط..اللي معك هذي لـ ماجد
دانه:يمـه!!....."صااحت اكثر"..وش اسوي؟؟..انا ظلمته وهو يبي يسااعدني..الله يخليك انا ماابي فاادي..يمـه تعبت والله مابي انذل لـ احد
ام حمد:ماأقدر اسوي شي..ماأقدر
دانه رمت نفسهاا ع السرير وكأنهاا تنتظر متى يدق عمهاا عشاان يجي ياخذهاا
تنتظر موتهـا

"عند ماجد"
{غداٍ يسافر,,ولا املك من الحروف جملة..
كان في قمـة عصبيته وقهره ليش ان داانه بـ تتزوج من هـ اللي حاول يعتدي عليهاا بعد ماقتـل اخووهاا..
يبي أي فكره تخليه يسااعدهاا..بس كيف وهي معتبرته من اعدااءهاا ومو راضيه تمد يدهاا عشاان ينقذهاا ويسااعدهاا لاتطيح بين يدين ولد عمهاا الـ"مدمن"..

ماقدر طلع من الغـرفه ومر من جناحهم وسمـع صوتهاا تصيح..
عوره قلبـه عليهاا..لازم يساعدهاا ويكمل اللي بنـاه..

نزل الدرج وسمـع صوت الجرس..راح بيفتح البـآب

فتحه اتـفـآجأ بـ رجاال شاايب شكله مريب ومايدل على خير
ماجد:نعم اخووي!!..بغيت شي؟؟
الرجـآل:بغيت داانه..بنت اخوي..
ماجد :وش تبي بهاا؟؟
الرجال:اعتقتد مالك دخل..رح نادهاا..
ماجد طنش ماله مزااج يتضاارب معااه لانه لو بتفلت بيتفلت عليه وبتوصل لـ شرطه يمكن لانه حالياا معصصصب

دخل الفـله ورقى الدرجاات وصـل لـ الجنااح سمع صووت صرااخهاا..
دانه وهي جوا:مآآآآآبي..ماانيب راايحه..موتوني اذيحووني بس روحه ماننيب رآآآيحه
فتحت ام حمد ولادرت بـ ماجد لان تفكيرهاا مع بنتهاا:داانه يمه الله يخليك..لاتسوين بـ نفسك كذا ان شالله كل شي بيصير زين ..واذا ربي يبغاا لك الخير بيعجله لك ان شالله
دانه تصيح وهي لابسه عبايتهاا وطرحتها على كتفهاا..:ماراح اروح والله ماأرووووووح

شافتهاا ماجد اول مرره من غير عباايه..صحيح متوسطة الجمـآل بس دموعهاا كانت تخلي شكله غصب الواحد يحزن عليهاا

جت ام فهد وهي تسمع الصرآآخ:وشو وش صااير
نزل مااجد بـ عصبيه لهـ العم

تفاجأ يوم شاافه في الحووش دااخل ومحد عاازمه
ماجد:خير يالاخوو؟؟..من متى المعرفه؟؟
الرجـآل:ههه..اجل ماتبي تروح هاه؟؟..نادهاا لاأجي اسحبهاا من شعرهاا..ناادهاا!!!
ماجد:مانيب مناديهاا..واطلع براا لو سمحت
الرجـآل:بتناديها ولا ادق ع الشرطه واقول انك ماخذ بنت اخووي عندك بـ البيت ومابينك وبينها صلة قراابه
ماجد تردد يسويهاا والله
الرجـآل:لو سمحت ابي درب لاني بدخل اقنعهاا تجي معي
ماجد:بس انـ...
الرجال:بتناديها ولالا؟؟؟؟
ماجد:دقيقه
دخل الفلا لقاهاا عند الدرج يعد ماغصبوهاا تنزل..يوم شاافوا ماجد دااخل عرفت ام حمد اللي شكلهاا اتفقت مع عم داانه انه بيجي..ان لازم تدخل جووا سحبت ام فهد ورااحوا جوا وسط استغراب ودهشة دانه...وماجد "نوعا ما"..اللي كان يدري بس يكذب
عم دانه اللي كان يختلس النظر من براا يوم شااف ان الدرب فضى دخـل
ارتجفت داانه يوم شاافته..والتفت ماجد عشاان يشوف وش عينهاا طاح عليه وسبب لها رعـب
دانه:مابي اروح........تكفي ياعمي ماأبي اتزووج
عم دانه:امشي سود الله وجهك..اجل احد يسوي سواتك ويسكن في بيت اغرااب
ماجد:احناا موب اغرااب ياعم
عم دانه:انت آآخر من يتكلم هنـآ..."يكلم دانه"..امشي يللا المـلاّك ينتظر..
انصعقـوا دانه ومـآجد..الملاّك؟؟
دانه زاادت:مااابي مو انت ولا غيرك يجبرووني اروح......مآآآآآآآآآبي
نفذ صبر عم داانه ومسك يدها وجلس يجرها ورااه...بس داانه مسكت في الدربزين ولا تحركت معااه..
مسك طرحتهاا وسحبهاا طااحت طرحتها لـ تكشف عن وجهها الحزين المظلوم..وسط صرآآخهاا وشهقـآتهاا وترجيهاا..لكن مافي فايده هي تكلم شخص بـ لا قلب..
مايسـمع..!
ولا يشــــــوف!

ماجد ماقدر توه بيقرب شااف نظرة الترجي منهاا
دانه:مــاجد..ماجد الله يخليك لاتخليه يااخذني......"سحبهااا وتوه بيطلعها"...مااااااجد
لـكن ماجد مايقدر..عوره قلبـه عليهاا..جالسه تستنجد فيه وهو مايقدر يسوي أي شي
\
/
\
/
يوم سكرت مشاعل من رغد وعرفت انهاا بتروح لـ بيت جدتهاا قررت انهاا تتصل بـ زيااد عشان تسأله اذا تقدر تروح ولالا

زياد:آلوو
مشاعل:هلا زيااد
زياد:هلا مشاعل..بغيتي شي؟؟
يعني ماأدق الا ابي شي؟؟..:أمممم..سلآمتك بس رغد بنت عمي رااجعه من السفر وبتروح لـ بيت اهلي..اقدر اروح
زياد:عاادي..
مشاعل:عادي؟؟
زياد:بـ كيفك مشاعل..يللا تراني مو فااضي
مشاعل تحطمت:اوكي يللا بآي
زياد: باي.."وسكر"

\
/
\
/
- لا مـآشالله اليوم حصآآن
ابتسمت هند لـ اسيل ..ثم ناظرت ريما:ريما ليش متعبه نفسك وجاايه؟..كان ارتحتي بـ البيت
ريما:لا شدعوه!!..انتي مثل اختي
اسيل:نشبت لي الا تبي تشووفك
هند:الله لايحرمني منك
سهى:يللا عااد بلا دلع نبيك تطلعين..ترا المستشفى ذا كله خليجيين مانبي احد..جايين نوسع الصدر احناا
هند:ههههه..ان شالله..بس وش اسوي الجرح جاا في مكاان حسااس وبجلس كم يوم واطلع ان شالله
سهى:ان شالله
اسيل:ريمآآ تبين ارجعك؟؟
ريما:امممممم.."تبيهم يجلسون مع بعض لحالهم"..بروح لـ المطعم اللي تحت ثوااني ونرجع انا وانتي
اسيل:اوكي
طلعت ريماا من الغرفه عشاان هم ياخذون راحتهم..بـ حكم انهم صديقاات ماتبي تكون متطفله
\
/
\
/
دخل ماجد وهو مقهـور ليه لا ودانه تو تستنجد فيه وهو واقف ولاكن الموضوع يعني له
شااف ام حمد تصيح وام فهد تهديهاا..عصب منهاا..توك باايعه بنتك له بـ رخيص وتصيحين؟؟
ماقدر يمسك نفسه وقال:يوم انك تصيحين ليه ماحاولتي تمنعينه؟؟
ام حمد:وش اسوي ياولدي..مابـ اليد حيله
ام فهد عصبت من ولدها:ماجد!...الله يهديك بس يغنيك عن لساانك
ام حمد:لاخليه..مافي ام تبيع بنتهاا بس هو هددني ان ماوافقت بيقول اني كبرت وخرفت وماراح يخليني اشووف بنتي لانه بيوديني عند اخوااني
ماجد مايدري وش يقول بس كلاامهاا مقنع..
طلـع..عشاان لايكسر اللي بـ البيت من العصبيه
\
/
\
/
-أشب جمري على جمره.. واذوب كلي على كلي. الحب ماصار من نظره ...
رغد:لاحوول اشتغل الزيراان
ملاك:هههههههه..فديته!!..
ناصر بـ نص عين:لاوالله؟؟
عزام:وانت دسوني لاتنسوني!!..ياخي البنت تحبني انت وش عليك؟؟.."ويغمز لـ ملاك"
رغد وملاك:هههههههههههههههههههه
ناصر يرمي المخده:يآآقليل الحيــــآ..تغازل مرتي عندي
عزام يبعد عنه:يااخي ارضى بـ الامر الوااقع..بعدين اغازلها عندك احسن من اني اروح لها من وراك صووح؟؟
ناصر يقوم بيسطره وانحآآآش عزام
ابتسمت رغد..تذكرت يوم كانت تحاول تقنع في نااصر يتزوج والحين هذا هوو مبسووط معهاا

ملاك:رغووده!
رغد :هلا
ملاك:وش رآيك نروح نلبس!..عشاان نروح لـ امي تراا بنتأخر كذا
رغد:انا جااهزه روحي البسي وانا بلبس لمى
ملاك:اوكي
\
/
\
/
- اليـوم رحت لهاا بس مااش شكلهاا شرهتن علي..عااد انا قلت وشو له اتعب نفسي وازورهاا قلت عااد ان جاا نفاسهاا مانيب جاايه حتى لو سوت عزيمه..
انتبهت لـ شرود ولدهاا وهي تسولف له وهو ولا دااري عنهاا
- هووو..ٍسعود؟؟
سعود:أيـه!!..هلا
ام سعود:انت معي؟؟
سعود:أ..أ..ايه كملي يوم رحتي لـ ام عبدالله..وش صاار
ام سعود تضرب راحة يدها في ظهر يدها الثانيه:ام عبدالله خلصت سالفتهاا من زماان..وانت مدري وين راايح فكرك وانا امك
سعود:معليه يمه..تعباان شوي
ام سعود:انت منت معجبني..صااير تهوجس كثير
سعود يسند رااسه..ليش مايضيق صدره وهو السبب في ان وريف ترجع لـ أهلهاا..وتستقيل من الشغل
سعود:مدري..بس رااسي مصدع
ام سعود:رح نم لك شوي
سعود:احسن بعد.."وقام"..تامريني على شي
ام سعود:سلآمتك
\
/
\
/
طلعت رغد من الغرفه وهي توهاا مخلصه ومغيره لـ لمى
شاافت ناصر طالع من الغرفه وهو لابس ثوبه وشمااغه وشكله طاالع
رغد:نصور؟..وين مو انت بتوديناا لـ امي؟؟
ناصر ابتسم:ايه..بس دقيقه تركي في الملحق..ثوااني بروح لـ البقاله وبجي
رغد تركي هنا؟؟..ونااسه:اوكي

راح نااصر ورغد بـ حكم "لقافتهاا"..راحت عند الملحق بـ تشووفه..
طلت من عند البـآب ماشاافته..طلت بـ كل راسها بس ماافي احد
رغد بـ همس لـ نفسهاا:بسم الله وين رااح؟؟
دخلت الملحق ووقفت ناظرت التلفزيون كان مشغل..أكيد كاان هناا بس راح لـ شي.."هزت كتفهاا"..يمكن رااح مع نصوور

- هلا بـ القمر..وانا اقول المكـان منوور..اثرك هناا

وقف قلبهاا يوم سمعت صوته..التفت له كاان مصفط اكمام ثوبه والظااهر انه كان يغسل
رغد:أ.أأأ..انت هناا
ماجااوب وقرب لهاا وهي تبعد..
تركي:قلبك حنّ علي؟؟...اخيرا يارغد؟؟
رغد كانت ترجع بس صقعت في الجداار اللي كان ودها تكسره وتنحااش منه..قرب لهاا ومد يده لين وصلت لـ الجداار اللي كان ورااهاا بحيث انها لاتقدر تروح لايمين ولا يسـآر
تركي:من بيفكك مني؟؟..الحين 9..ماراح يأذن.."لوول"
دعت ربهاا انه يفكها منه..
رغد بـ رجاا:الله يسعدك بعد...انا مو نااقصه الحين يجي نااصر ويشوفناا كذا
تركي:هههههه..عاادي مو انتي زوجتي؟؟
رغد:تـ..تركي اللله يخليك وخخر
تركي:ياحلوو اسمي على لساانك..
سمـعوا صوت البـآب يتسكر بعد تركي عنهاا وهي علطوووول انحااشت ودخلت جوااا
\
/
\
/
طفشت وهي مااغير في هـ الكووفي شوب..وقفت عشـآن تبي تمشي..
مشت شوي اكثر اللي هنا خليجيين..امم..اكيد هـ المستشفى معروف بـ انه زين فـ راحوا له..قامت عشان تاخذ له كم دوره في المستشفى

ضرب كتفهاا في كيف احد لما التفتت شافت رجـآل ومعطيهاا ظهره
ريما:SORRY
تجمد الرجـآل مكاانه..وكأنه سمع خبر خلاه ينصعق..
كلمت طريقهاا مو مهتمه له..بس حست بـ يد تمسك كتفهاا
- تبين تروحين؟؟..وتخليني مع كوابيسي مره ثانيه؟؟
وقفت مكـانها تسمرت ماتدري تنحااش ولا وش تسوي؟؟..اصلا عقلهاا الحين مايسعفهاا مع هـ الصوت المنكسر
عبدالملك:ريمـآ..!!
ريما:........................"مصدومه"
لفهاا له وشاافت وجهه بـ الهالات السودا على وجهه والذقنه المهمل وشعره وكلـه..كأنه واحد بـ عمر الـ 40 سنه..واحد مدمن او توه طالع من السجن..
ريما:عبدالملك؟؟..وش صااير لك؟؟
عبدالملك بـ دمعه تنزل على خده:انتي!..كله بسببك..ماتدرين ياريما انا قد ايش تعبت خلاااص ابي ارتاااح..
ماتدري كم من الوقت وهي تتأمل وجهه..اللي كان يضيق الصدر..
رفعت يدهاا لـ وجهه ومسحت دمعته الـ"ساخنه"..بيدهاا الصغيره والباردهـ
عبدالملك بـ توسل:ريمـآ!!
ريما ناظرته بـ عيونهاا اللي ياما حلم فيهاا وفي صاحبتهاا..بس ماكان يلقى الا الصد منهاا
عبدالملك بـ كل صـدق:أنا احبـك..الله يخليك افهمي
ريما رجعت بـ الذاكر لـ وراه يوم يقولهاا احبك..هو اللي خلاهاا رخيصه وماتسوى شي..عصبت منه وتركته..
عبدالملك وسط دهشته بس يحق لها تعصب منه:ريمـآ!!

طبعـآ كل اللي صاار شافته اسيل
\
/
\
/
رجعت رغد من بيت امهاا ام فهد..وهي تفكر بـ موفقها مع تركي اللي من صاار وهي بس تفكر فيه..وفي قربهاا منه ذاك الوقت

دخلت الحمام "تكرمون"..ولما طلعت لبست بيجامتهاا ونامت لان بكره ورااها زياره لـ سمر
\
/
\
/
أسيـل وهي تنهي المكـالمه منه:اوكي..الوعد ان شالله بكره في الليل...
هو:اوكي مشكووره..يللا..مع السـلآمه
اسيل:مع السـلآمه

سهى:انتي متأكده من اللي تسوينه؟
اسيل:أيـه..وهذا لـ مصلحتهاا



توقعـآتكم ياحلوووين

 
 

 

عرض البوم صور أسيرةبحرالأماني   رد مع اقتباس
إضافة رد

مواقع النشر (المفضلة)

الكلمات الدلالية (Tags)
رواية, قصة كَبِرْتِي وَصِْرتِي بِـ العِشْرِينْ
facebook



جديد مواضيع قسم القصص المكتمله
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



الساعة الآن 02:49 PM.


مجلة الاميرات 

 



Powered by vBulletin® Version 3.8.11
Copyright ©2000 - 2021, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية