السلام عليكم ورحمه الله وبركاته

ما زلنا في ماضي درر وذكرياتها ..

هل ستلتقي ب سيف مصادفة ؟! ام هل سيخطبونها مباشرة ؟!!

اتوقع أن لرولا وامها دور في مكيدة ما تسببت في فشل زواج درر وسيف.


سلمت يداك وبإنتظارك بشوق كبير ...

السلام عليكم ورحمه الله...

اشكركم همس الريح و,MAYAعلى مروركم ..ماتدرون قديش تسعدني تعليقاتكم ...حبيبتي لمارا قلت لك انا موافقه ..

البارت الرابــــــــع...

قـلّـي وش مـعـنى الـحـياة

قـلّي بـأنفاسك متى قد قلت آه

إحــكّ لــي عــن الـحب

إحــكّ لــي .. إحـكّ لـي

إحــكّ لــي عـن الـشوق

طــر بــي فـوق .. فـوق

خـــذنـــي مـــنّــك

وإحـــكّ لــي .. عـنّـك

طلال الرشيد..

باول انفاس الصباح استيقظت ..ابتسمت بخجل..انه بنفس البيت قريب مني ..اريد ان اقضي حياتي هكذا كل صباح يبدأ به وكل ليله تنتهي به ...كم هو جميل هذا الصباح ...

تجهزت درر ..ولبست بنطلون جينز باللون السماوي وبلوزه بنقش الورد باللون الكحلي والزهري ..رفعت شعرها الطويل مثل ذيل الحصان..وضعت فقط قلوس باللون الوردي الفاتح ..
نزلت تحت ..بالصاله كانت جدتها وعمتها يشربون القهوه ..
درر :صباح الخير .. قبلت راس جدها ..
الجده وعمتها: صباح النور ..
نوره :وانا مالي حبه بعد ..
درر :ابشري كم عمه عندي انا ..قبلت راسها ..
نوره : يبعد قلبي انتي ..الا شمصحيك بدري ..
درر:والله مدري ي عمه صحيت وعجزت ارجع انام ..(كانت تقول بداخلها:الحين ولدك ببيتنا وتبيني انام )
الجده :درر يمه روحي شوفب الخدم قولي لهم يجهزون فطور سيف هو متعود يصحى بدري والا ينوره..
شعرت ان كل الدم الذي بجسمها اتى الي قلبها مره واحده ..
نوره :الا يمه للحين على عادته هذي ,,ادري بكلف عليك درر بس ترا هو مايحب الخدم يجهزون اكله انتي جهزيه او صحي ابرار تجهزه معك ..
درر:شدعوه عمه وش كلافته ,,انا ماعندي شغل ..
كادت تطير من فرحتها ..انا رح اجهز له فطوره ..
ذهبت ركضا للمطبخ ...وجهزت شاي وحليب ونوعين من البيض ..وحطت نواشف بعد مازينتهم بالصحون وعصير برتقال ..وتوست محمص وتوست عادي ونوعين من الخبز ..
دخلت امها عليها ..
ساره (بتعجب ):درر من له هذا الفطور ؟؟
درر (بتشتت):والله يمه مدري شيحب اخاف احد شي مايحبه
ساره (بعصبيه خفيفه):درر انا سالتك من له هالفطور ..
درر:هاه ,,لولد عمتي ,,عمتي قالت لي اجهز فطوره وانا مدري شيحب وعمتي تقول انه مايكل شي من الخدم فحضرت هذا ..
ساره :طيب نادي السواق يوديه ..
درر:قلت للخدامه تنادي عليه ..
بعد دقائق اخذ السواق الفطور لسيف ..
السواق :بابا هذا مدام قول خجامه مافي سوي هي سوي ..
سيف :طيب....
نظر الي الكل ...
سيف :يالله وش كل هذا الله يهديها مرت خالي متعبه نفسها ..
......
بعد ساعتين ...وعند سيف ..
دخلت امه عليه
نوره :سلام عليكم ..
سيف:وعليكم السلام هلا بالغاليه شلونك عسى نمتي زين وشلون السكر معك ..
نوره :الحمد لله ي وليدي كل شي زين اما من ناحيه نمت فانا مانمت ..
سيف (بخوف ):عسى ماشر يالغاليه فيك شي ..تبين نرجع الرياض..
نوره (بضحكه ):لا لا شفيك انت ..انا مانمت الاني افكر بشغله ..
سيف (بتعجب):شغله؟ وشي يمه خير ان شاء الله
نوره :كل خير ..يمه انا كبرت وابي اشوف عيالك وابي اشوفك مبسوط مع زوجتك قبل الله ياخذ وداعته ..
سيف (بضيق):طوله العمره يمه وش جاب هالكلام الحين ..
نوره :بخطب لك وابيك تتزوج تكفى يمه لاتردني ..
سيف:مو انتي الى تقولين تكفى انتي تامرين بس ..
نوره :عسى الله يخليك لي ويرضى عليك ..بسالك مافيه احد ببالك منا منا
سيف :لاوالله يمه ..
نوره (بفرحه ):طيب انا لقيت وحده بتعجبك..بنت جمال واخلاق ومابتلاقي احلى منها..
سيف : منهي ؟؟
نوره :درر بنت خالك..
سيف :: درر؟؟ بس درر بزر للحين
نوره : وش بزره البنت مخلصه الجامعه
سيف (بتعجب):جد يمه انا اذكر قبل كم سنه كانت بزر
نوره :البزر يكبر يمه ..
سيف: طيب يمه دامها عاجبتك انا ماعندي مانع ..
نوره :يعني اكلم اخوي بالموضوع ..
سيف :لا يمه انا اكلمه..خلي كل شي رسمي احسن
نوره :على بركه الله ..
خرجت نوره من عند ابنها والفرحه تغمرها ..
بعد الغدا الفاخر الذي اعدته ساره ..وفي مجلس الرجال
سيف:كثر الله خيركم ي خال ..
عبدالعزيز: وخيركم ي وليدي عساك مرتاح بالقعده عندنا ..
سيف :مافي احسن من القعده عندكم ..ي خال تراي جايك بموضوع ماحبيت اقوله البارح عند الرجال ..
عبدالعزيز(بتعجب):خير ي ابو يوسف عسى خير ..
سيف:كل خير ان شاء الله ,,انا ابي القرب منكم,,وجاي اخطب بنتك درر,,ويشرفني نسبكم ي خال ..
عبدالعزيز (ببهجه):الشرف لي ي ابوك..وانا من عندي عطيتك ..بس لازم اخذ راي البنت وامها ..
سيف :خذ راحتك ي خال ..
خرج عبد العزيز من عند سيف وهو لايستطيع ان يعبر عن فرحته كم تمنى ان يتزوج سيف من درر..
اخبر عبدالعزيز زوجته واولاده بهذا الخبر وجميعهم كانو موافقين ..
بقي درر ..
كانت الساعه تشير الى ال5 عصرا ..كانت درر هي وابرار بغرفتها ..
دخل عبدالعزيز الى الغرفه ..
عبدالعزيز :السلام عليكم ..
درر وابرار:وعليكم السلام
درر (باستغراب):سم يبه بغيت شي
عبدالعزيز:لا ي بنيتي والا ممنوع الواحد يجي غرفه بنته ..
درر :لا يبه ماقصدت كذا بس مب عاده يعني..
عبدالعزيز:لا ي ابوك ابيك بموضوع..
ابرار :انا ابروح اشوف امي تحت ..
خرجت ابرار وعلى وجهها ابتسامه الانها تعرف سبب مجيء خالها ..جلس عبدالعزيز على طرف السرير ..
عبدالعزيز:درر يبه انا ابيك بسالفه بس اول شي ابيك تفكرين بعقلك وتنسين كل شي حصل معك زمان..
درر: تفضل يبه عسى خير..
عبدالعزيز:خير يبه وكل خير بعد..(بعد فتره من الصمت )..درريبه جايلك عريس.
درر(كادت تشل من الصدمه ليس مره اخرى):بس يبه انت عارف رايي بهالموضوع..
عبدالعزيز :بس ي بنيتي هالمره العريس غير..
درر: يبه انت كل مره تقول نفس الكلام..
عبدالعزيز :انا قلت لك فكري زين ولا تخلين شي ياثر عليك..
درر: طيب يبه..
عبدالعزيز: ماتبين تعرفين من العريس..
درر ............
عبدالعزيز :دامك سكتي اكيد ودك تعرفين,,الي متقدم لك سيف ولد عمتك ..
درر كاد ان يغمى عليها ..من سيف يريد الزواج بي هل هذا حقا طالما اعتبرته حلما وهي سيتحقق الحلم ..تسارعت نبضات قلبها واصبح وجهها احمر ...
عبدالعزيز:فكري زين وانا ابوك وترى الولد ماينرد ..وردي لي خبر مع امك ..
خرج ابوها من عندها وهي حائره بافكارها ..هل من الممكن ان يكون يبادلها هذا الحب هل من الممكن انه يفكر بها كل هذه السنوات ..قد يكون كل هذا من تدبير عمتي وهو لم يفكر قط بي ..ولكن ان كان لم يفكر بي لما خطبني ..
كان هناك بحر من الاسئله التى لاجواب لها ..
لم تخرج من غرفتها ذاك اليوم حائره بافكارها ..ولاتعرف مالذي تفعله فهي لم تتخيل قط ان تتزوج ب سيف كان مجرد حلم ومجرد وهم بالنسبه لها لم تتخيل ان من الممكن ان يتحقق حلمها ..
في اليوم التالي ...
الساعه 10 صباحا ..نزلت درر بعد ان تنقت ولبست فستان قصير الى نصف الساق التيفاني والاسود..جمعت شعرها على الجانب الايسر بضفيره مميزه وربطته بشريطه تيفانيه اللون ..
وجدت الجميع بالصاله ...دخلت ..
درر:صباح الخير
الجميع :صباح النور..
نوره:هلا بحبيبه عمتها تعالي اجلسي جنبي ...ماشاء الله وش هالزين ..
اكتفت درر بابتسامه وذهبت الى جانب عمتها ..
اكمل الجميع يومهم براحه ماعدا درر..لقت اهلكها التفكير ..
بعد الغدا وهي ذاهبه الى غرفتها واجهت اخوها احمد ..
احمد :درر وش فيك ..
درر:مافيني شي ليش ...
احمد:لا بس اسال كانك تعبانه ..
درر :لا مافيني شي
احمد:تفكرين بخطوبه سيف لك ..درر وانا اخوك سيف ماينرد وانت تدرين انه صاحبي ومن زمان انا وياه ولو شايف عليه شي انا رديته ,,بس سيف رجال والنعم فيه يكفي انه من يوم وفاة ابوه وهو شايل هم امه واخوانه ,,ولاتخلين الي صار معك زمان ياثر عليك ترى محد ياخذ غير نصيبه ..صلي استخاره والله يكتب لك الي فيه خير..
هي بالفعل صلت 3 مرات استخاره ...يعد حديث احمد لها تشهر براحه كبيره..بعض الاحلام من الافضل ان تستمر احلام ..هي تخاف ان يصبح هذا الحلم كابوس ..اتخذت قرارها وذهبت لتخبر امها به ..
دقت الباب ,,ودخلت
كانت امها بغرفتها تقرا احد الكتب الطبيه ..
ساره :درر حبيبتي فيك شي..
درر: سلامتك يمه بس ودي اسولف معك..
ساره ( نزلت الكتاب وجلست باهتمام ):تفضلي حبيبتي..
لم تعرف ماتقول درر..
ساره: يمه درر ..انتي موافقه على سيف..
درر .....
ساره : ترا افهمها ان السكوت علامه الرضى
درر: بس خايف يتكرر الي صار..
ساره : لا يمه الرجال مو زي بعض ..افهم من كذا انك موافقه ..
شعرت درر بالخجل وخرجت من الغرفه ...

.........................................

نعود الى درر اليوم ..
بعض الذكريات وان كانت جميله تؤلمنا كثيرا..قد لانشتاق الى الاشخاص بقدر مانشتاق الى ارواحنا وشخصياتنا .. يحدث للمرأ الكثير من التغير حسب الضروف التى يواجهها ..نحاول ان نسترجع انفسنا ولكن يصعب ذلك كثيرا .. فاغلب مانشتاق اليه انفسنا ......
امضت يومين بتلك الغرفه البائسه ....لم يرجع سيف مره اخرى ولم تره مجددا ..شعرت انه قد يكون تخلى عنها ولما لا فهو قد تركها قبل هذه المره ...
الساعه تشير الى ال7 مساء ... اتت سيدتان واخذتا درر بعد ان ربطو عينيها...سارت معهم ولكن لا تعرف الى اين ... شعرت انها تركب سياره وسمعت الكثير من الاصوات بعضها تفهمه ولاخرى لا ..بعد مرور وقت طول هي لاتعرف كم بالضيط توقفت السياره ونزلت منها بمساعده السيدتان ...واخذتاها الى غرفه تشبه الى حد كبير الغرفه الاولى ..
امضت ليلتها بتلك الغرفه وهي تحاول ان تشجع نفسها ان كل هذا مجرد حلم سيء سوف تفيق منه بعد قليل ... ولكن اهلي لابد انهم قلقون علي ..يارب افرج همي..
نامت نومه غير مريحه ابدا ..
في الصباح الباكر جدا ..اتت سيده لها وافاقتها واخذتها على عجله ...
.......................
كان ينظر الى الساعه التى تشير الى الـ5 والنصف صباحا ..
عندما اتت السيده ومعها درر .. تفاجئت درر كثيرا عند رؤيته ..يبدو شاحبا كثيرا ومتعب اكثر .. لم تنتبه الى الرجل الاخر الذي يجلس معه بنفس الغرفه ..
نظر الى عينيها ونظر الى السواد حولهما يبدو انها لاتنام ..
يحن الى تفاصيل وجهها الاخرى ولكن يغطيها اللثام ..
انتبه على نفسه ..وقال بنفسه (اصحى هي ماتستاهل هي وحده اكثر من حقيره )..
تكلم بحزم بالغ :هذا الشيخ راح اتزوجك من جديد ..مابي ولا كلمه وترى ماتزوجتك عشان سواد عيونك بتزوجك عشان هالمصيبه الى جبتيها لأهلك ولي معك ..
درر: وانا مستحيل ارجع اتزوجك ..حد ارخص فيني مره ممكن يرخص فيني مليون مره .. مستحيل اوافق ..
سيف: هذا اذا صار على كيفك معك 3 دقايق تفكريم مب اكثر ياتتزوجيني واقدر اساعدك والا رح ياخذونك الاستخبارات التركيه ويسجنونك وممكن عقوبتك تطول الى 20 سنه ..
وانا معي وثائق تخرجك من هنا ..فكري ورديلي ..
خرج وخرج معه الشيخ ...
اما هي نزلت دموعها بصمت ...شتان مابين الخطبتين الاولى وهذه ...ايهما امر ان اقضي طوال عمري سجينه او ان اتنازل عن كرامتي واتزوج بنفس الرجل الذي تسبب باغلب جراحي الذي افقدني ثقتي بنفسي والناس ..
وعن اي وثائق تكلم هل هو صادق في مايقول ام انه مجرد عذر لكي اوافق على هذا الزواج ؟؟؟؟


نهايه البارت الرابع...
اتمنى اشوف تعليقاتكم ..هل راح توافق درر ام ان كرامتها اغلى ..وهل سيف صادق بموضوع الوثائق ام لا ..

دمتم بخير

السلام عليكم ورحمة الله وبركاته روايتك ما شاء الله عليها بدأت باكشن وسسبنس لفتاة اتغربت علشان تجبر قلبها المكسور بس وجع القلب ملاحقها اتوقع ان سبب طلاق سيف و درر مكيده من بنت عمه اللي نسيت اسمها كملي روايتك واحنا معاكي بس ممكن اعرف مواعيد نزول الفصول؟ متشوقه اعرف الماضي قبل الحاضر ل درر

السلام عليكم ورحمه الله وبركاته


بارت رائع ...

اخذنا للماضي وعدنا إلى الحاضر ..

وكما قالت شتان ما بين الخطبتين .

اتوقع سيف صادق مهما كان بتظل عرضه وبخاف عليها رغم كرهه لها .

ولكن هي موقفها صعب وممكن لو عليها تقبل السجن بس كرمال عيون امها وابوها واهلها رح توافق عشان ما توطي راسهم.

يسلمو ايديك وجدان ومتشوقة للقادم كتير.


لك ودي


°•○اللهم أغفر لي هزلي وجدي، وخطئي وعمدي، وكل ذلك عندي○•°