لمشاكل التسجيل ودخول المنتدى يرجى مراسلتنا على الايميل [email protected]





العودة   منتديات ليلاس > القصص والروايات > قصص من وحي قلم الاعضاء > ارشيف خاص بالقصص غير المكتمله
التسجيل مشاركات اليوم اجعل كافة الأقسام مقروءة

بحث بشبكة ليلاس الثقافية


ياصغير السن مالك سلطه علي

بسم الله الرحمن الرحييم في بدايتي أحب أن أنوة أنها لم تكن هذه الروايه الا تجربه من تجاربي في الكتابه وهي في طور

إضافة رد
نسخ الرابط
نسخ للمنتديات
 
LinkBack أدوات الموضوع انواع عرض الموضوع
قديم 06-06-15, 08:17 PM   المشاركة رقم: 1
المعلومات
الكاتب:
اللقب:

البيانات
التسجيل: Jun 2015
العضوية: 296961
المشاركات: 1
الجنس أنثى
معدل التقييم: عين الضبي عضو بحاجه الى تحسين وضعه
نقاط التقييم: 12

االدولة
البلدSaudiArabia
 
مدونتي

 

الإتصالات
الحالة:
عين الضبي غير متواجد حالياً
وسائل الإتصال:

المنتدى : ارشيف خاص بالقصص غير المكتمله
افتراضي ياصغير السن مالك سلطه علي

 

بسم الله الرحمن الرحييم





في بدايتي أحب أن أنوة أنها لم تكن هذه الروايه الا تجربه
من تجاربي في الكتابه وهي في طور النمو لانها لم تكتمل بعد .. لكن بعزم أردت أن أشرككم بها
للبحث عن الانتقاد الذي يساعد في بناءها

ياصغير السن مالك سلطة علي

هي روايتي الأولى

.
.

البارتت راح تنزل كل سبت
بإذن الله
أي أستفسار أرحب بكم
دعمكم مطلوب :)
لإكمالها




..

..

..





وجودك كان معطي للدنيا ملامح جمال
لكن غيابك .. ذبحح فيها الحياه!!




نورة

اسمي نورة عمري 24سنه ارمله عندي ولد بيكمل سنه اسمه تركي
مات زوجي وانا بشهري الاخخير ,جعلكم ماتجربون الفقد الموجع ولافرقا الحبيب
موته أثر بشكل كبير بحياتي وغير فيني أشياء واجد
خاصه وانا كنت حامل بأول مولود
بس شنقول هذي قدره الله سبحانه وتعالى
جعله الجنه البارده
انا الحين ساكنه عند اهل عمي
الله يرحمه كنا ساكنين بشقه وحلف عمي علي أجي أكمل العده عنده وانتظر لين أولد لكن طالت المده : ( .. عمي حبيب بس مشكلته انه عصبي ويفرض رايه تبون الصراحه انا انتطر اليوم اللي اطلع فيه من هالبيت طفشت من تدخلاتهم ..
و بنات عمي ( الهنوف ونجلاء والجوهره) عليهن مجاكر حريم وطبايع بس مرات يججن حبايب بقدره ربي الكريم وعشان كذا قلت أني أبي أبعد بقدر الإمكان .. مو عشان شي بس من مبدأ "أبعد عن الشر وغنيله "وأنا ينطبق علي أتقي شر الحليم إذا غضب.. مرات أتصبر ومرات أنفجر الله يرحم سلمان كان دايم يقول هذول اهلي اذا ماصبرتي عليهم من يصبر؟
وعنده ولد دلوع أسمه رعد عليه زين ممن عاده صغير عمره 21 بس مايقعد بالبيت مدلع من أمه وماكل تبن من عمي وعايش حياته مايهمه قيل فيه ولاماقيل مالتقيت فيه كثير بس أسمع عنه لما يسولفون فيه يشتغل بس مادري بالضبط
ماعلينا منهم
عمي وعدني ان بعد مايكمل تركي سنه بيخليني اروح لاهلي
تبون الصدق انا خايفه منه لانه متعلق بتركي
لدرجه لامعقولهة
حتى تركي مايناديه الا يبه
يارب مرر الباقي على خير لاني قد الصبر مني مل ولاعاد بي رجا من سكان هالبيت




رعد

اسمي رعد.. عمري 21سنه .. الرابع بين أخواني
أبوي عطاني كلمتين قبل شوي فرت راسي من السبات
أجي أشوفك بالبيت قدامي وأنت دواج ماتقر
وخذلك من ذا الكلام
من مات اخوي الله يرحمه, وأبوي مستووي على الأخير من العصبيه
أنا مالومه مقدر وضعه أبوي جريحح بيبطي علاجه
الله يرحم سلمان مات اللي كان يخبي أموري عن أبوي من طلعات وتمشيات أنا وأخوياي
كان صديقي وأخوي وروحي بس راح بغمضه عين فقدته خذته المنيه في مدهمه له مع فريقه
وهم يهبطونن عمليه تهريب أسلحه مع الحدود
يوم راح عرفت وش ثقل المسؤليه اللي كان شايلها
كان دايم يقول ياخوي متى بتتعلم وأناأضحك أقول توني صغير
وهو أبو قلب طيب يرد يقول عز الله أنك صغير السن ولابحولك عقل ويروح وهو يلوح بكفه ويسوي شغلته
سبحان الله ما عرفت النعمة الا يوم فقدتها
راح سلمان لكن بعد ماحملني مسؤليه خواتي وأمي والاهم أبوي ..ولاأنسى زوجته وولده
تركي من جاء وهو اخونا الثالث ماعمرنا أعتبرناه ولد سلمان لان أبوي من حبه لامي ماتزوج والسبب ان امي تعبت بعد ماجابت الجوهره ولاعاد تقدر تحمل وكان ابوي يقول بيعوضنا ربي بعيال سلمان وهذا كلامه من قبل لايتزوج سلمان وسلمان كان يضحك لاقال ابوي هالكلمه

وجاك الولد يبه بس راح سلمان

أبوي زوج سلمان من بنت عمي خليفه اللي كان يحبها من عادها صغيره بس حب سلمان لها ولايسوى عند ابوي ماكان يبها تحمل خايف عليها كنت اقول ش تخاف عليها كل البنات يحملون قال الا هي ماتقدركنت اضحك واقول ماتبي العيال يخربون جوك والحال عند ابوي انه ينتظرمن سلمان الحفيد والولد كان يزن عليه متى مرتك تحمل وكان يرد عليه الله الرازق المعطي
وفعلاً الله أعطانا الشيخ تركي اللي ملامحه ماهي علينا جميل بجمال يشل قلبك أنا ماخليه يروح لامه الا وانا مقطعع خدوده البيض مايبرد حرتي الا حمارها وازينوه أبو غمازات ..
من جاء وابوي طاير به ولاخلا أحد ماعلمه انه جاه ولده






نورة


اليوم أمي جايه لمي تبي تشيل أغراضي لبيتنا ..ربي مايحرمني منها ولامن أخوي فيصل
قسم ياأنه نعمه وقف معي ككثير في حزني وفي فرحي غير انه مايرد لي طلب الله يرزقه على قد نيته..سلمت على أمي وهي طالعه ..ومسكت تركي بيده ياحبيله يحاول يخطي ويرجع يمسك فيني بخوف
قابلتني عمتي
هاه الله يستر وش عندها
نورة يوم طلعت أمك شفتها شايله شناط
وش هوله؟
عمه خلاص انتو قلتو اقعدي لين يكمل
تركي سنه وتركي بيكمل سنه ..وش يقعدني بروح لبيت أهلي
عمتي
لايابنتي مافي روحه مقدر أتركك وأترك تركي "بصياح
يالليل شكل مافيه سلامه من نهايه هالامر
عمه الله يهداك وش يبكيك متى بغتينا بتلقينا
قامت تصيح بصوت عالي
قسم قمت التفت لايجي احد يقول مبكيه امي
افف شسوي
ارتعت وأنا أشوف انوار سياره تدخل الفله نورها عاكس على الصاله
جاك الموت ذا الححين عمي بيجي
وأنا مشاورته أني بروح لبيت أهلي
أخذت أهوجس.. تكفين ياعمه أسكتي
طاحح قلبي وأنا اسمع خطاويي الجزمه
ياربي أستر خلاص بس فتح الباب جتني الدوخه
وش يفكني ..راح نص الخوف وأنا أشوف ولدهم رعد داخل جاء مرتاعع
يمه شفيك تبكين ..مايستحي مايشوف الادميه المتغطيه جنب امه
خير.. يناظر نظرات قويه تقل بايقه حلاله
شمسويه بعد؟



رعد

من اليوم وقلبي يدري أن بتصير سالفه
دخلت البيت شفت وحده واقفه بجلال وطويله عرفت أنها مره سلمان
مابه أحد يتمتع من البنيات بالطول الاهي
وامي تبكي بشهاق تروعت عليها شسصاير
ضميتها يمه شفيك تبكين
ماسمع الا تركي
وبعد ثانيه
نورة
وشهاق
لفيت لها بنظره قويه وش مسويه أمي ماشفت بكيها ذا الا قليل
كنت بصايح بوجهها بس مسكت نفسي
وقلت يارجال أفهم السالفه .. تمهل .. بعلمها الاصول بس خلني أتمهل



نورة
تبون الصراحه زين جاء ولدها
ولاعمي.. خل يناظر لين يشبع بعينه
تحركت بثقل وأنا أشيل تركي
مريت قدامه
بطلع لجناحي
وقفني صوته ..بخشونه
والله لو تسمعون صوته ماتقولن هذا رعد
ماكان هذا أول مره أسمع فيها صوته
بس كانت أول محادثه طويله تصير بنا
وين رايحه تعالي نبي نفهم السالفه
سكنت بلا حركه رحت أقلب أفكاري
شقول مابي أقعد عندكم
أمك تبكي عشان خلاص بروح شيعرفه ذا البزر
تدرون وشو
جاوبته بهدوء ونبره الي مافي مجال اعطي واخذ معك
عمتي ماجاها مني شيء يبكيها
والسالفه ان خلاص برجع لبيت أهلي
ورقيت الدرجج
وخليتهم ينجازون



رعد

حسيتها ماهما بكى امي
ولاحركت ساكن ..
يوم مشت وكان الامر مايعنيها بغيت أهبدها بطراق
بس وقفتها وأنا مفول على الاخر على وين نبي نفهم السالفه؟؟
يوم سمعت جاوبها ونبرتها عرفت أنها ماتبي تتكلم معي
لفيت على أمي.. مارضا عليها ضميتها يمه
وقلت بحنان هذا حال الدنيا وتركي مرده بيجيك لاتقعدين تبكين
ردت علي بحزن
هذا ريحه الغالي اشوفه فيه تبي تأخذه عني
يمه وش هالحكي
قومي معي لغرفتك لايجي أبوي ويصفقنا كلنا عشان ادموعك
أمي بضحكه بكي عزلله أنه بيصفقنا هذا ابو سلمان مايعرف يتفاهم
وديتها لغرفتها ورقيت لغرف البنات دقيت الباب ردت علي نجلاء ادخل
ماشاء الله خواتي عالم أخر مناوحده تحط مكاييج والثانيه قاعده على جوالها
قلت بأمر
بنات نزلو تحت اقعدو مع امي ضايقه
ردت الجوهره ليه شفيها
قلت عشان موضوع نورة
ردت نجلاء شفيها ست الحسن بعد
اسغربت اسلوب التكهم منها
مافي شيء بس عشان بتروح لبيت أمهم
نقزت الجوهره
وصرخت لالا تركي مقدرما أشوفه كل يوم
رفعت حاجبي وبصوت عالي
اقول لاتقعدين تقولين ذا الكلام لامي وانزلي اشوف
وصكرت الباب ورحت الغرفتي ابي انااممم

نوره
لاتحسبوني ماحركت ساكن على قوله رعد
الا وربي اني أبكي هذي أم سلمان ام حبيبي
كان دايم يقول امي اروع ام واحلا ام
كنت اعرف عمتي اكثر منه نفس بناتها يتناقضون بفعالهم
مكرالحريم شين
مرات أعذرهااا أقول من بناتها هالحركات
ومرات العذر ماله خانه

بس لاجل سلمان كنت اطنش ولا احسب لهم حساب
اجيهم بخخير بس هم ماينونه الا على حسب مزاجهم
هذا غير المعارك اللي تحصل بيني أنا والهنوف اللي متزوجه
ولد عمتي
غيرت لتركي وانا اناظر جناححي وذكرياتي تمممر علي عطرته حبيبي وقريت له اذكارهه
وعطيته الحليبب
وأنا حاطه راسي على وسادتي وأقول الجاي أحلا ..





أبو سلمان
أسمي خالد ..عمري 62 سنه ..متقاعد من الجيش وعندي محل عقارات
يمكن رعد حكى عني ..صحيح أني عصبي لكن أحب عيالي ولارضا عليهم بالشينه
دايم يعتقدون اني أفرض عيلهم رايي لكن رايي يكون بمصلحتهم
احب زوجتي
وأحب فقيدي الغالي ,,ولاشفت تركي انسى حزنني
رعد ولدي اللي أتعبني ماتبعت فتربيه سلمان كذا
لان رعد أمه مربيته على ان الشيء اللي يبه يجيه
والهنوف بنتي ثمره حبي انا وام سلمان
ونجلاء ..سميه امي الله يطول بعمرهاا
والجوهره ..العنقود ودلوعتي انا
هذول اهلي وعايلتي
حصل لي اليوم موقف بغيت أقتل لي أبن أدم
قال أيش قال أبي القرب منك
من شفته دريت أن مابه خخير لا ويبي نورة الثانيه
وان تركي راضي فيه يعيش معه
ليه انا بايع ام تركي وتركي
يا ...........
طردته من الدوانيه وقلت ماعندي بنات لزواج
طبعاً نورة مو أول مره يجوني لها خطاب
من وفاه اللمرحوم وهم يمرون لكنن
أنا نويت لي نيه تركي مايطلع لين تطلع روحي
وجاء الوقت اللي فيه تنحط النقط على الحروف



أم سلمان
أول مره يتأخر خالد كذاا ..قعدت أحاتيه دقيت على جواله قالي جااي
صوته ..تعبان..كيف أناقشه في موضوع نورة
أدري ان خالد ماراح يسمحح بهالشيء يصير لكن أنا بعد مارضى لنورة
أنها تقعدد غصب عنها ..مهماا يصير



أبو سلمان
دخلت ..لقيت ام سلمان ..ساهيه
جيت يمه ..يام الغالي ..ماسمعت أو مانتبهت
جلست قريبها ..شفت دمعتها
سئلتها وش العلم ..ردت علي ماهو وقته انت تعبان الححين
الا وقته ..مافيني الا الخخير ..شسصاير
نورة..اليوم شفتها تودي شناطط لاهلها يعني ياخالد ماعاد نقدر
نماطل بالبنت تقعد زي أول .. تقصدين نورة ؟ ..بس هذا اللي مضيقك
خلاص لاتكملين سالفتك
أنا لقيت الحل ..خاصه بعد مايقنت أنه لازم يكون
لاتقعدين تطالعين فيني ..أنتي تعرفين الحل مثل ماأنا أعرفه
تركي ماله طلعه ..لاهو ولا أمه ..ورعد مفتاح الجواب
وأرضي باللي أقوله أحسنن مني أسويه بالغصب

أم سلمان
فجاءني برده لي..ماعمره حكاني بهالطريقه
ليه ؟؟
هو كان يلمح لشيء ذا لكن ماكنت أصدق فيه
صعبه ولدي رعدد ماعنده أعتماد بالنفس والمسوؤليه
تبغيه يصير أب..فجاءه
ومتزوجج
رديت عليه تدري أنا ماراح أرد عليكك ردي بيجي عن طريق رعدد
وأنا يوم كلمتك بالموضوع أبي حل ماابي مشاكل



أبو سلمان
طنشتها ورعد اعرف كيف أجيبهه وأخليه يطق ويسوي اللي ابيه
أصك عليهه بالبيت واضغطهه
لين يطيح اللي براسهه
بيرضخخ



رعد
العصر
تفاجاءت بأبوي وهو متوسط الغرفه
سئلني عندك وقت ؟؟
افا يبه لو ماعندي أفضي لك
قعد ابوي على الكرسي
قال تدري ,,اليوم جاني عريس لنورة
ماشاء الله يبه ..طيب مو أول مرهه دايم يجونك
هذي المشكله ياولدي ..
ليه يبه وين المشكله ..المره ماردها تتزوج
صحيح وهذي سنه الحياه ..
لكن أنا عندي اعتراضض ..ورديت اللي خطبها وقلت ولد عمها اولى بها
تدرونن وش اللي حصل حسيت الدمم نشف من راسي وتنملت
وماتت ابتسامه اللي كانت موجهه لابوي
ومن ولد عمها وحنا مالنا عيال عم غيرناا
جاوبني أبوي بنبره الثقه ..
أنت ولد عمها سترها وغطاهااا ..وش رايك؟؟
ليه يبه ؟؟..أنا توني على الزواجججج !!!
لا منت توكك كثير تزوجو وهم صغار وعاشو
يبه ..لحظه انت صاددق ؟؟
شف رعد ..أنت ولدي ..وتركي ولدي
مانني براضي يعيش بعيد عني انت رضيت
ولامارضيت
ترضا يربيه رجال غيرنا ويقوله يبه وهو ولد سلماننن هاه
تدرون راحح كل الحكي والمششاعر وانا
اشووف أبوي ينفخخ
وجهه غداا اسودد من حر مايونس
رديت ..
يبه ..خلاص..مايرضين والله ..لاتتعب نفسك
مع الضغطط
انا رضيييت والله باللي تقولهه ولا ابي الا رضاكك
ححبيت راسسسه
قامم وهو يزفر بتعب حب راسي قال ماجيتك
الا وانا متاكدد انك ماراح تردني




أبو سلمانن
رعدد وخلصنا منه سلمنا
تدرون .. صحيح ان نورة اكبر منه
لكن ماراح يلقى مثلهاا
وعلى طاريهاا
لازمم اروحح اشوفهاا وش علمهااا بعد



نورة
بجناحي الععب معع تركي في خيمهه الكورة ومشغله براعمم له
ومندمججين لكن سمعتت صوتت الجوال
شفت اسم عمي تاججج راسي
رديت ارحب ..وصاني انزل تحتت
شكله يبي يشوووف تركي احسن بعد خلني افاتحه
بموضوع اني ارجع لبيت امي
لبست جلالي ولبس ساترر خلاص هانت
يانورة بكره تاخذين راحتك
دقيت باب الدوانيه
جاني صوته حياك مابه احد ..وقف وخذا مني تركي وهو يقول
يالبيه يالامير وش هالابتسامه
عمي معع تركي ينقلب انسان اخخخر
دمعت عيني وانا اشوفهه يشمهه بالحيل
ويقول ماني مخليك تبعد عن عيني
دق قلبي هذي تلميحه ..شكل عمتي قالت له
قلت عمي
عندي موضوععع اب........قاطعني
قال موضوعي مهممم أكثر وهو يزين جلسه تركيي
ويمسح شعرهه
انتي بنتي الصغغيره وتدرين ميحتاجج اقولها
تسلم ماقصرت ياعمي
من توفى ابوك وانا شايلكم على عيني وراسي
ولاودي ينقص عليكم حاجه ومايرضيكم يرضيني
ومايزعلكم يزعلني والله ان مايدخل بيتي
يدخل بيتكمم
رديت وانا ادري عمممي ماقصر معنا بشيء
وهو اكثر من ابو لكنن
عممي جعلك تسلممم عزالله افعالك ماتنقالل ولاتنحسب
جاني رده ..
من ماتت سلمانن الله يرحممه ..سكتتت بعبره بكى
ثم كمل وانا اشوفف فيكم روحه وحياتههه
ماماتت حي وذكره باقي اشوفهه ..بااس تركي
جيته وانا احط راسي بحظنه تكفى ياعمممي
خلاص لاتبكي والله اني ماني بقد دموعكك
قالت وهو يرفع راسي قولي تممم
قلت تممم بقعدد لين ماتمل
قال لالا
قولي تمم
تمم ياعمي تمم
تراكك لرعد
ايششش؟؟ والله ضاع البكي ووضاعع حزني بكلمته
شتقول ياعمري ولدك توة صغغغير
وانا مره وعندي ولدد بلاااش مزحح ..
ماقد مزحت معك يام تركي ..انتي بنتي ولدك ولدي ولارضا تروحون عن عيني
ورعد راضي واتمنى انك ترضين بهالشيء
وباذن الله الخميسس الملكهه والزواج
ضحكتت ضحكه اللي منهبل
اخذت احرك يديني بلا شعور وانا اقول
عمي ..مايصير اللي انت تتكلم فيه وش راي عمتي وش رايي ام واخوي
عمي ..ولدك صغغير توة ..تزوجهه انسانه متزوجه قبل ؟؟
وعندها ولد
ماراح اتزوجج ..ولا اطلع من البيت
بس هالزواج ماايتم
لاياقلبي الناس كلتني وهي تخخطب فيكك واللي يجي يقول مالها مقعادد
انا بحط النهايه
وش نهايتهه خلاااص اقول ماراححح اطلع بقعد بقعد
ماابي اصلاً من قال بتزوججج احد بعد سلماننن
قلت لكك وانتي قلت تممم والله لو يجي الخميسسس
ماشوفك جاهزه لازعل عليك وزعلي شينن يام تركي




رعد
كنت لابسس بطلع العببب كورة ..مريت على الدوانيه
بعطي الوالد خخبر بطلععتي ..سمعتت الكلامم اللي صارر
حلو يعني ..هي ماهي راضييه ..احسن يجي الرفض منهااا
طلعت وانا ارمي الكورةة فوق
ركبت سيارتي الاوديي
وسكرت الباب ..طيب رعد وش الفرححه هذي ..وتركي يااناني
شدخلني بتركي انا ؟؟
تركي ولد سلماننن تخليه يروححح ؟؟
اووف.. حركت سيارتي وانا مابين ضايققق ومسرور
دخخلت الملعععب وانا ارمي الكورةة بالمرمى
وصاييح علي واحد من العيالل مابعد بيدنااا يالحلوو
لاتروح اللياقهه تونا
ماعطيته وجههه كملت رمممي لين تعبت وصلت بافكاري لنقطه
حتى لو تزوجتها ماراح تشكل لي عااائققق
أبوي ..يصرف عليها ويربي تركي
وأنابس مسمى زوجج
حسيت بهزه الجواللل وهو بجيي
شفتت رقم أبوي ..رديت وانا ادري انه يبي
يشوف ويني






نورة
رحت لجناحي بعد كلامم عمممي لي
أأأأأأأأأأأه ياسلمان يبون يغصبوني على شيء
وانت ماغصبتني على حاجهه
ياليته هين ..وابلعه ...رعد اللي تقول انه بحسبه ولدك من كثر خوفك عليه
شفف ..هو بديلك ..لكن
وربي مااسمح لهممم يحققون اللي يبون
ورحتت أفككر بحل
وياكثر أفكاري
ياليت أبوي ححي ..كان ماسمحح
باللي يصير
طيب أمي ..ماراحح ترفض لعمي طللب دايم معه في قرارته
وفيصل ..ماله كلمه بعد عمممي
يعني شلونن ؟؟
رعد ؟..لالا ,عمي قال أنه راضي ياسلاام
مخططين ..وأنا اللي أتصبرر ,وأحسسب
اففففف..




رعد


دخلت البيت على الساعه 12
..
مالي خلق احد
ولا لي خلق اكلم احدد
احس اني مخنوق
يارب ماأقابل أبوووي..
بس هاذا المهم عندي
دخلت الصاله
لقيت امي جالسه
رعد : السلام عليكم
امي : وعليكم السلام
جلست بقوة على الكرسي
وكأني شايل هموم الدنيا كلها على راسي
امي تناظرني ومستغربه : وش فيك ؟؟ عسى منت تعبان ؟؟
ناظرت امي والله ودي اصيح بحضنها بس حاولت اني امسك نفسي : ايه يمه تعبان
خافت امي .. جت وجلست جنبي : وش فيك يابعدي ؟؟ وش تحس فيه ؟؟
أبوي ماقال لها يعني !!: يمه شرايك بكلام أبوي ؟
امي:ماعليك منه يمه لاتطيعه في كلامههه
أنصدمت أول مرة أمي تقول لي كذا :من جدك يمهه ..تبينه يذبحنني !!
أمي بعصبيه : شف وأنا أمك تركي أحبه ..لكن أحبك أككثر ..لاتربطط حياتك فيه
اللي خلقه بيحفظه
رعد: يازينك يمه ..أبوي شلون توصلين له هالكلامم
أمي:أنا قايله له أن أنت بترد عليهه ..أرفض ولا تغغير رايك
رعدد : يمه قدني رديت عليههه بالموافقه
امي بفجعه : متى ؟؟
رعد : اليوم الععصر .. كلممني.. والله يمهه غصبب علي ..شفتهه قامم ينفخخ خفت على صححته : (
امي تبكي :خربتت كل شيءء هالححين ترا أنت المسؤوول عن تصرفاتك
وأنا اللي كنت بساعدكك بطريقتي
رعد : والله يمه انا مسيرر مو مخخير في أمري

تبون الصدقق ماتوقعت امي تكون رافضه وواقفه مععي
طلعتت لغرفتي وخلييتها تبكيي على حظظي


رايكم ؟؟

 
 

 


التعديل الأخير تم بواسطة Rehana ; 06-06-15 الساعة 09:01 PM سبب آخر: حذف روابط خارجية
عرض البوم صور عين الضبي   رد مع اقتباس

قديم 06-06-15, 08:59 PM   المشاركة رقم: 2
المعلومات
الكاتب:
اللقب:
عضو فخري


البيانات
التسجيل: Sep 2014
العضوية: 277449
المشاركات: 12,473
الجنس أنثى
معدل التقييم: همس الريح عضو مشهور للجميعهمس الريح عضو مشهور للجميعهمس الريح عضو مشهور للجميعهمس الريح عضو مشهور للجميعهمس الريح عضو مشهور للجميعهمس الريح عضو مشهور للجميعهمس الريح عضو مشهور للجميعهمس الريح عضو مشهور للجميعهمس الريح عضو مشهور للجميعهمس الريح عضو مشهور للجميعهمس الريح عضو مشهور للجميع
نقاط التقييم: 17223

االدولة
البلدQatar
 
مدونتي

 

الإتصالات
الحالة:
همس الريح غير متواجد حالياً
وسائل الإتصال:

كاتب الموضوع : عين الضبي المنتدى : ارشيف خاص بالقصص غير المكتمله
افتراضي رد: ياصغير السن مالك سلطه علي

 
دعوه لزيارة موضوعي

هههههههههههههههههههههههه
و الله انهم عايلة نحففففه
اسلوبك مرررة حلو ...
وش ذا الجد .. ما يبي حفيده يطلع يقوم يزوجها لولده
بس نورة احسها عاقله .. يعني بتربي تركي و عمه ...

 
 

 

عرض البوم صور همس الريح   رد مع اقتباس
قديم 07-06-15, 05:09 AM   المشاركة رقم: 3
المعلومات
الكاتب:
اللقب:

البيانات
التسجيل: Mar 2015
العضوية: 292254
المشاركات: 151
الجنس أنثى
معدل التقييم: فيت المشاكسه عضو له عدد لاباس به من النقاطفيت المشاكسه عضو له عدد لاباس به من النقاط
نقاط التقييم: 112

االدولة
البلدLibya
 
مدونتي

 

الإتصالات
الحالة:
فيت المشاكسه غير متواجد حالياً
وسائل الإتصال:

كاتب الموضوع : عين الضبي المنتدى : ارشيف خاص بالقصص غير المكتمله
افتراضي رد: ياصغير السن مالك سلطه علي

 

بدايه مشوقه جذبني عنوان الروايه حبيت طريقتك في السرد بس ياريتك نزلتيلنا بارتين كبدايه ^فيس طماع^ موفقه بإذن الله

 
 

 

عرض البوم صور فيت المشاكسه   رد مع اقتباس
قديم 07-06-15, 09:02 AM   المشاركة رقم: 4
المعلومات
الكاتب:
اللقب:
عضو فخري


البيانات
التسجيل: Sep 2014
العضوية: 277449
المشاركات: 12,473
الجنس أنثى
معدل التقييم: همس الريح عضو مشهور للجميعهمس الريح عضو مشهور للجميعهمس الريح عضو مشهور للجميعهمس الريح عضو مشهور للجميعهمس الريح عضو مشهور للجميعهمس الريح عضو مشهور للجميعهمس الريح عضو مشهور للجميعهمس الريح عضو مشهور للجميعهمس الريح عضو مشهور للجميعهمس الريح عضو مشهور للجميعهمس الريح عضو مشهور للجميع
نقاط التقييم: 17223

االدولة
البلدQatar
 
مدونتي

 

الإتصالات
الحالة:
همس الريح غير متواجد حالياً
وسائل الإتصال:

كاتب الموضوع : عين الضبي المنتدى : ارشيف خاص بالقصص غير المكتمله
افتراضي رد: ياصغير السن مالك سلطه علي

 
دعوه لزيارة موضوعي

متي مواعيد البارتات ؟؟

 
 

 

عرض البوم صور همس الريح   رد مع اقتباس
قديم 07-06-15, 10:09 AM   المشاركة رقم: 5
المعلومات
الكاتب:
اللقب:
ليلاس متالق


البيانات
التسجيل: Feb 2011
العضوية: 215941
المشاركات: 93
الجنس أنثى
معدل التقييم: شرقاوية عسل عضو على طريق التحسين
نقاط التقييم: 99

االدولة
البلدSaudiArabia
 
مدونتي

 

الإتصالات
الحالة:
شرقاوية عسل غير متواجد حالياً
وسائل الإتصال:

كاتب الموضوع : عين الضبي المنتدى : ارشيف خاص بالقصص غير المكتمله
افتراضي رد: ياصغير السن مالك سلطه علي

 

بسم الله الرحمن الرحيم

ماشاء الله حلوة روايتك

بداية موفقة

نورة ورعد

الله يعين

كل واحد على همه سرى

ننتظرك

 
 

 

عرض البوم صور شرقاوية عسل   رد مع اقتباس
إضافة رد

مواقع النشر (المفضلة)

الكلمات الدلالية (Tags)
صغير السن
facebook



جديد مواضيع قسم ارشيف خاص بالقصص غير المكتمله
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



الساعة الآن 03:50 AM.


مجلة الاميرات  | اية الكرسي mp3  | القران الكريم mp3  | الرقية الشرعية mp3  | شات جوال 

 



Powered by vBulletin® Version 3.8.11
Copyright ©2000 - 2019, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية