البارت 16

باللحظه اللي قامت دلال بتروح لياسمين
جراح وصل عند ياسمين وحط الاكل عطاوله وقعد : شفيج
ياسمين : جراح خل ناخذ الطلب تيك وي ونطلع مابي اقعد اهني
وكنت مرتبكه حيل
جراح مسك ايدها : ياسمين شفيج ليش ترجفين
ياسمين :بقولك بس لاتلف تكفى
جراح : قولي
ياسمين : دلال اهني وراك
جراح : نععم وهذا اللي مخوفج
ياسسمين : يعني شرايك ااكيد بخاف هذي قلبت حياتي جحيم
جراح : فيها خير تلمس شعره من راسج عاد انا ابيها من الله (وطالعها بنظره )وبعدين ترى انا معاج ليش الخوف
ياسمين : مادري قلبي ناغزني منها
جراح : مالج شغل فيها و اكلي يالله
وجراح بدا ياكل و ياسمين تطالع بالاكل وتطالع بدلال اللي تخززها وانصدمت لما شافت جراح معاها
جراح يطالع بياسمين : شفييييييييييج
ياسمين فززت : بسم الله انت شفيك ناوي توقف قلبي
جراح : مادري عنج هاده الاكل وتخزين زيتوننه
ياسمين ماتت ضحك : ههههههههه زيتونه عاد
جراح : مادري عنج شتبين فيها عظم علا جلد مادري شتخزين لا جمال ولا اخلاق اككلي اكلي لا انام فيج اليوم (يعني اطقج )
ياسمين اخذت الهمبرقر وقالت : زين زين لاتزف كله يززف كله يزف
جراح : اكلي وانتي ساكته ماتعرفين تنطمين شوي
ياسمين تاكل : لاااا متعلمه منك هههههه
جراح : اكلي لا اقلب اطاوله على راسج
ياسمين تنرفزه @@: فيك خيرر فكر بس
جراح اخذ بطاط خمس قطع وغمسها بالجبن (وبطاطا شيك شاك االاطوال )ودخلها بفم ياسمين غصصب : انططمي انططمي
ياسمين امسكت ابطاط اللي بفمها ونصه برى وتطالع بناس ونزلت الهمبرقر من ايدها ثانيه وطقته على ايده وتحاول تبلع لقمتها واخذت كلينكس امسحت فمها و وفمها متروس تحاول تاكل و وعيونها في كلام
جراح :ههههههههه ها هاا ان تكلمتي والله اسويها فيج مره ثانيه
ياسمين تأشر بيدها يعني توبه
بعد فتره
جراح يشرب البيبسي ويطالع بالناس ولف انتبه انه دلال معاها واحد جراح طالعها وابتسم بسخريه : سبحان الله لايقين لبعض
ياسمين منزله راسها وتاكل البطاط : جراااحوو لاتطالع فيها الحين عبالها انه انا اللي قلت لك..
جراح لف وطالع ياسمين : من حلااتها عاااد
ياسمين طالعت فيه : تعرف اللي معاها
جراح : اي شايفه جم مره بحفله
ياسمين: وانت ليش تروح هناك (بنرفزه)
جراح : يبا اهي جم مره رحت وبعدين هذا اكبرر صاييع يصلح لها حييل
ياسمين : بس شكله يخووف
جراح : لحظظه لحظظه انتي شكو تسألين رحت ولا مارحت
ياسمين : ههههههه لاني خايفه عليك شتبي بهالناس وليش تختلط معاهم
جراح : جذي مزاج
ياسمين :الله يعين اللي تاخذك
جراح : اقوول ان فكرتي تقولين لها قصيت لسانج
ياسمين : لا بقولها عشان تسنعك
جراح :يضحك : يبا كيفي حياتي شتبين انتي
ياسمين :خايفه عليك انت ماتخاف تختم حياتك على معصيه
جراح اخترع شوي : اقول تكلمي عدل لافنقر الحين
ياسمين : جراح انا خايفه عليك لاتروح هناك هذي اماكن مشبوه تخيل باجر تروح تخطب ويسألون عنك ويقولون لا هذا صايع وشايفنه بحفلاات وخرو عنه ما تسوى عليك
جراح: يبووووي يبووي بسسج نصايح ذبحتيني كل ما جبت هالطاري عطيتيني نصيحه شطولها خلااص ترى انا موصغير
ياسمين تطالع فيه : مو على كيفك جراح فكر فيها شوي و بتلقى كلامي صح
جراح يشرب البيبسي ويبتسم ( وكلامها دخل براسه ومقتنع بس مايبين ) وياسمين فاهمته عدل عشان جذي سكتت
ودق فونه وحطه سايلنت
ياسمين : منو
جراح : فاطمه
ياسمين شهقت : اممبيه من صجك كلمتها
جراح :أيي
ياسمين : بس حرااام عليك شتبي فيها
جراح :جم يوم واسحب اسيفون عليها بس عشان تحرير طلبتني
ياسمين @@: بس والله حرام
جراح بنفسيه كل ما يتذكر صوتها : حرمت عليها عيشتها اهي هذا اللي تبيه ولا تبين تحرير توصخ سمعتها عشان وحده سمعتها بتراب
ياسمين : والله مادري عنك انت وتحرير كيفكم انا مالي شغل
جراح : انتي قلتيها مالي شغل لاتدخلين ...خلصتي بلعه ( اكل )
ياسمين تطالع بنص عين : محد قالك اعزم
جراح : كيفي عاد ويلا قومي خل نطلع
ياسمين : يلا
مرت الحمام وغسلت ايدينها وطلعت من الحمامات ولا بوجها دلال
دلال ابتسمت واهي تقرب من ياسمين اما ياسمين تطالع فيها واهي متخدره
دلال : اهلا اهلا وينج 4 سنين ماشفتج مشتاقه لج
ياسمين تبلع ريجها :.....
دلال: عالعموم حبي اللي صار من 4 سنين هذا اول الغيث ( البدايه ) ماشفتي شيء ليلحين
ياسمين تطالع فيها وقلبها يطق طبوول ماحست الا جراح سحب ايدها وقربها له ودزز دلال بدفاشه
جراح ماعطى دلال مجال تكلم وكلم ياسمين : انتي وينج انطرج ساعه يلاا خل نمشيي
وسحبهاا واهو يمشي بسرعه واهي متنحه ياسمين مو مستوعبه شصار
جراح ضغط الاصنطير ودخلوا
وطالع فيها : انتي شلون تعطينها مجال تكلمج
ياسمين تطالع فيه :...
جراح : شقالت لج هالزباله
ياسمين بدموع : هددتني
لف عليها : شنوووو؟
ياسمين "مخها قفل "مسكت ايده : جرااح اناا خاييفه خاايفه حييل خلاص انا مابي اقعد بالكويت بروح برى ماببي اقعد اهني ماابي ماابي
جراح مسك ايدينها : ياسمين شفيج وين تروحين بالله عليج هذا حجي ؟؟
وانفتح الاصنصير و طلعوا وقعدو بكافيه كوستا وقرب كرسيه من كرسيها
جراح : ياسمين شقالت لج قولي لي
ياسمين قالت له اللي صار
جراح : وخفتي من كلامها
ياسمين هزت راسها بأي
جراح : ههههههه ي بابا هذي لاتهش ولاتنش ,,(بعد فتره قال ) انا اوريها دامها بهالوصاخه انا اعلمها واعرف شلون اوقفها عند حدها
ياسمين : لا جراح خلها لاتقرب صوبها فكني من المشاكل معاها انا قاعده احاول اتجنبها قد ما اقدر بس مادري شلون طلعت بوجهي ومن شفتها ماقدرت اتحرك احس تخدرت
جراح مسك ايدها : اذا انا معاج ما تقدر تسوي شي كلام مافي فعل صدقيني بس بتخوفج
ياسمين ارتاحت من كلامه
بعد دقايق قامو يفترون بالمحلات دشو لاكوست
ياسمين تطالع بالتي شيرتات وو محتاره
جراح قرب منها ومعاه جوتي 2 : شفيج متنحه
ياسمين لفت عليه : وانا كله متنحه عندك (بعدها قالت ) اممم مادري محتاره بين الثلاث تي شيرتات هذيل اي واحد اخذ
جراح طالعهم وقال: اكيد الازرق حلوو (وبعدها قال ) باخذ نفسج عشان نطقم انا وياج
واخذ مقاس رجالي وياسمين اخذت مقاس نسائي نفس الموديل ونفس الون
جراح :ياسمين اي احلا هذا ولا هذا ( واهو يوريها لابجين ( جوتي سبورت ) )
ياسمين تطالع : السلفر باخضر فسوري غريب شكله وحلوو
جراح طالع فيه وقال : اوكي وراح
وقامت تفتر وخذت لها بنطلون سبورت رمادي
وراحت تحاسب
وصل جراح
وحطوا اغراضها مع اغراض جراح وقال الكاشير: بروح ولا مع بعض الحساب
كلهم قالو بنفس الوقت بس ردود مختلف جراح : مع بعض,, ياسمين : بروح
الكاشير طالع فيهم
لفت عليه ياسمين وطلعت بوكها : خير ان شاءالله تدفع لي
جراح كان جنبها ودزززها حيل بجسمه واهي المسكينه طاررت يالله تعلقت بطرف طاولة الكاشير قبل لاتطيح
الكاشير ضحك
جراح : اي هيين تدفعين
ولف وقال لكاشير : الاغراض كلها مع بعض وجم الحساب
ياسمين مسكت كتفها تعورت وبتوخر جراح موقادره عليه ثقيل وجراح فاتح ارجوله ومغطي على الطاوله كلها مو معطيها مجال تشوف وجهه الكاشير حتي شكله يضحك (تروح يمين يروح يمين والعكس ),,, انقهرت منه وطقته على ظهره حيل
جراح دفع وخلص واهي تططقه حييل
جرااح ولف عليها :اااااي اي اي
ياسمين : لاتجذب لاتقنعني اني عورتك (وطقت كتفه)
جراح واهو ماسك الاجياس : اح صادتني
واهو يمشي وطلع من المحل ولحقته ياسمين
ياسمين :الحين بفهم ليش ددفعت عني اذبحك ولا شسوي فيك
جراح يمشي : لا لاتذبحيني امي تبيني
ياسمين : ووووويع ي ممللغغي ي مملغغي سسخيف
جراح عطاها جيسها : هااج امسكي
ياسمين : اخذت الجيس واهي مطنقره :.....
جراح لف ايده بأيدها وقرب منها : يالله عاد اسوومتي شصار زعلانه اول مره ادفع عنج
ياسمين بحده :لاا بس كل ماطلعنا لازم تسوي هالحركه فيني تقهررني
جراح : فديتتها والله
ياسمين بعصبيه : لاتقولل فديتهاا كلامك هذا ووفره حق خرفانك
جراح : ولج انتي لما تكونين رايقـه شحلوج بس لي نفستي لايحوووشك اعوذ بالله
ياسمين مطنشه وتمشي : ان شاءءالله تقطني عالكليه
جراح يطالع اساعه : اي يلاا خل نمشي انا بعد وراي محاظرة لا اتأخر عليها
ياسمين : يلا
وطلعو من المجمع متوجهين لكيفان
....
عند ليال بغرفتها قاعده ولامه ارجولها ودافنه راسها بحضنها وتبجي مو مستوعبه اللي صار كلش
دخلت عليها امها
حنان : ليال انتي ليلحين ما طبختي ساعه 1 الحين
ليال رفعت راسها وطالعت بأمها وجهها احمر واهي مستحيه تحط عينها بعين امها بعد اللي صار ونزلت راسها
حنان قربت من بنتها ومسكت ايدها وخررت ايدها عن ايد حنان ماتبي امها تمسك ايدها تحس نفسها وصخه
حنان : حبيبتي بنيتي اذا عن سالم اخوج فالله يهدي شكله طاقج بس ليكون ردتيتي عليه
ليال تطالع بأمها : .....
حنان : حبيبتي ميخالف ي يمه هذا اخوج من لحمج ودمج واحن عليج ويعرف مصلحتج لاتزعلين منه
ليال مقموته واهي تطالع بأمها شتفكر فيه وتقول بقلبها " ياليت ي يمه سالم طقني على سبب تافه ولا صار اللي صار " و بجت ححيل
حنان حظنت بنتها
ليال ماتحملت وطاحت بحظن امها واهي تشاهق وتوون وبجي يقطع القلب وامها تمسح على راسها تهديها
حنان : خلاص ماما لاتبجين هدي يقلبي انا الحيين اطلب من المطعم لاتبجين حبيبتي خلااص هدي والله قطعتي قلبي
ليال حظنت امها حيييل وللمتها من رقبتها : يمااااااااااااااااااااااا يمااااا ليش خليتيني لييش
حنان : خلااص حبيبتي مره ثاني ما اخليج (وتنهدت واهي متضايقه) الله يهديك ي سالم
ليال تبجي : يمااااا اانا خااايفه خااايفه حييييل
حنان وخرت راسها و ومسحتت دموع بنتها : حبيبتي ماما لاتخافين دام انا معاج
ليال هزت راسها وقالت بصوت مهزوز : ماتخليني
حنان : لا ي روح امج انا ما اخليج
ليال حظنت امها حيييييل خافت يصير فيها شي مجرد ما حطت فبالها لو درت شراح يصير كانت ترججف حييل بحظن امها ومتمسكه فيها
ناصر دخل عليهم
ناصر راد من الدوام :شفيكم
ليال بس شاففت اخوها حست قلبها بيوقف وخشت راسها بحظن امها
حنان : مافي شيء بس سالم اظاهر طق ليال
ناصر بنفسيه خايسه : ما طقها الا اهي غلطانه
حنان بحده : خلااص عاد لاتصيرون كلكم عليها لو مت شبتسوون فيها بتصير خدامه لكم ولحريمكم
ليال قامت وباست راس امها واهي تشاهق وصوتها راح من كثر البجي :لاتقولين جذي يمه (ومسكت ايدينها ) الله يخليج يمه لاتقولين هالكلام مره ثانيه تكفييين
حنان مخترعه اول مره تشوف ليال جذي مسحت دموع بنتها : حبيبتي ليال ماما شفيج خلاص ماراح اقول هالكلام مره ثانيه بس لاتبجين قطعتي قلبي
سالم دخل عليهم ومعاه مها تبجي
سالم بصرراخ : لييآآآآآآآآآآآآآآآآآآآآآآآآآآآآل
ليال بس سمعت صرخته انخشت وراء امها
قرب سالم عندها وسحبها : تعااالي اهني منخشه ورراء امي ي الوصخه
ليال ترجف وميته خووف
ناصر طالع سالم وبرود : شصاير سالم شفيك
سالم :ههههه شفيني اختك الحبيبه مدخله رجال بيتنا ومدخلته الغرفه اهني ومها شايفتها
ناصر @@: شنووو
حنان مو مصدقه وسحبت بنتها من سالم وصارت وراها : لااااا جذب بنتي ماتسويها وخر امرتك عقرب الرمل هذي
مها تمثل البجي : حراام عليج عمتي انا مو قاسيه لهدرجه شوفي رقبتي وايديني شوفي بنتج شسوت فيني لما دريت انه معاه واحد بالغرفه وكانت تهددني (وانهاررت )
ناصر ويمسكها من شعرهااا ويسحبها من وراء امه : تعاللي اهني الكلام اللي قاله سالم صح
ليال تبجي منهاره وترجف : ....
ناصر طق راسها بطوفه : تكللللمي قبل لا اذبحج
ليال بخوف : لاا لاا مو صصح و الله
حنان تحاول تسحب بنتها من ايد ناصر : وخر عنها قطعت شعرها
مها بقهر : ليال لاتجذبين انا شفتج بعيوني مدخله رجال غريب لا وبغرفتج بعد
ليال بقهر اول مره تصارخ : جــــب انتي ولا كلمه كله بسسببج انتي السبب ( لفت على امها ) يماا اهي دخلت علي يما صدقييني كانت متفقه معاه
وقفلت علينا الباب
سالم يرفع اصبعه بالتهديد : جـــب مها ماتعرف هالسوالف لاتجذبين
حنان : بس ولا كلمه اسكت انت
سالم قرب من امه وبصراخ : بنتج خاااااااااااينه
حنان عطته كففففف خله الكل ينصدم : جــب ولا كلمه جب حدك اهني ي سالم مصختها ترى الا شرف بنتي ما تغلط فيه
سالم بصدمه: تطقيني يمه
حنان : اي اطقك و وكسر راسك بعد كل شيء وله حد واذا مو عاجبك اخذ مرتك عقرب الرمل هذي واطلع من البيت بيتي يتعذرك
سالم مصدوم: تطرديني عشان هاذي
مها بضيقه : عمتيي هذا جزايي انزين اسأليها بس دخل رجال غرفتها لا مادخل
حنان تطالع فيها ولفت على بنتها بثقه : ردي قولي لهم انه ولا شي صح من اللي قالوا ..!
ليال تبجي
....
عند عبدالرحمن بسيارته ساند راسه بالكشن ومتضايق حييل رن تلفونه ومارد عليه بس ماسكت تلفونه
انزعجج و رد عليه
عبدالرحمن بصوت متضايق : هلااا
جراح : انت ويينك مختفي
عبدالرحمن بحده : ياخيي شتبي ما اذيتني خلاص مارديت لاتدق لازم ارد
جراح بعصبيه : اي خاييف عليك يالثور لا بدق و وبشخلك لين ترد شفييك انت حممار هاد محاظراتك ولا محاظره حظرت الجامعه كلها ماطبيتها وانت هالكورس كورس تخررج وين بتخرج !!
عبدالرحمن بضييقه : ياخي كيفي مستقبلي وانا حر
..*لحظه انا ما تكلمت عن عبدالرحمن خل اقولكم نبذذه عنه
عبدالرحمن عمره 26 كلية علوم الاجتماعيه تخصص علوم سياسيه طوله 186 مهتم بنفسه اسممر مجسم عيونه وسيعه حواجبه محدده وكثيفه خشمه خشم خليجي شفايفه متوسطه بس متفوخه وله غمازه عاليسار محفووره حييل شواربه مكثفهم بس محدد مثل عصابة قرية كابوي *_^ حاط له عوارض بس مخففها ومحددها بختصار جميل :$ شخصيته اعتقدر عرفتوها تقريبا الجانب السيء بس
احم نرجع *_*

البارت 17
احم نرجع *_*
جراح : حمّني شفيك طول الكورس شاد حييلك ولما وصلت اخر الكورس خربتها متى نتخرج ترى والله ماصارت عششّنا بالجامعه متى نتخرج ياخي
عبدالرحمن : شفيك على انت اليوم بس اليوم سحبت عالمحاظرات سويت لي سالفه
جراح : منك ياخوي ابيك تشد حيلك ابيك تعطيني امل (وبصارخ )انه في ناااس تخررج من جامعة الكويت انا بس ابي اقتنع انه في ناس تخرج من هالجامعه
عبدالرحمن : ههههههه وشفيك معصب
جراح : ياخي ملينا طحسسسنا بهالجامعه
عبدالرحمن تنهد : ايييـه الله كريم
جراح : يلاا تعال باقي لك محاظرتين لحق عليهم ي خااالي ( يعني خال _ اسمر )
عبدالرحمن : عدااال ي انصصع بياضاا لو اسمّر مو حلوين جان هالناس ماتسوي تان
جراح : حبيبي انا حنطااوي حنطاوي يعني اميل للبيض
عبدالرحمن : كفووك
جراح : يلا عاد خلص عطيناك وجهه تعال الجامعه بسسرعه لا انام بمردانك ( يعني اكفخك شيء جذي )
عبدالرحمن ابتسم :اوكيــه وسكر
عبدالررحمن ضحك على جراح بسرعه قلب مزااجه وحرك سيارته وراح الجامعه
....
مها بحقاره : اذا مو مصدقه في شي اسمه فحص عشان تتأكدون
حنان تطالع بنتها وتطالع مها : ليال رددي ...ردي عليها
ناصر بعصبيه : ماتكلمين ؟؟
ليال فزت من صرخت ناصر و ترجفف حييل
مها بنذاله : اليوم ستأذنت من دوامي تعبانه ولما دخلت البيت لقيت سياره صفرا صافط جدام البيت ولما دخلت سمعت صوت بغرفة ليال وبفتح الباب لقيته مقفول وفجأة شفت واحد طلع من من الغرفه دزني وركض منحاش (وقعدت تبجي ) وهجمت علي بنتج وشوهتني وهددتني اذا فتحت فمي بكلمه بتقط هالسالفه على راسي (وقامت تشاهق وبصوت مهزوز)انا خفت عليها عمتي ترى انا مو لهدرجه حقيره حرام عليج
سالم متخدر :سياره اودي كواترو
مها تمثل الخوف : ممادري بس لونها صفرا سبورت وماركة اودي
سالم بحده : ليش ماقلتي انج شفتيها
ناصر لف على ليال وبعصبيه : اثاري صاحب سياره من طرفج
حنان مصدومه ولفت عليها ومسكت بنتها : واشوفج تقولين اخذي الخدامه مابيها اخاف تذبحني وسويتي لي فلم عشان اخذها ( وطقتها كف ) هذي سوالفج ي ليووول
ناصر يخززها : ي حقييره هذي اخر تربية امي لج
ليال تبجي وبسرعه قالت : بس والله ماعرفه ماعرفه والله اهي دخلته علي اهي دخلت يمه اهييييي اللي قفلت الباب ترجيتها تبطله وقفلت الباب وخلتني معاه يما انا مااا...
سالم مسكها وطق راسها بطوووفها : ي حييييووووانه ي حققيررره حطيتي راسنا بترااب
ويسحببها ناصر من شعرها : قولي لي منووو منو الحيوان اللي سواه فيج جذي
ليال تبجي وبصراخ : ما عرفه ما عرفه
ناصر : خايفه عليه هااه (وعطاها كفف ) قولي منو منوووو
ليال : والله ما اعرفه ( ومسكت ايد ناصر ) صدقني ما عرفه والله مها اهي سبب اهي سبب
سالم رفسها : جبببب مها متربيه احسسن منج ماتعرف هالسوالف
باللحظه
حنان طالعت بنتها وحطت ايدينها على فمها وتطالع بنتها تحس انها تحلم مو مصدقه انه بنتها تسوي جذي وططاحت غشيانه
ناصر لف : يماااااااااااا
.....
عند نواف
مطعم زافران (هندي ) اكله كله بهارات وحار فلفل
نواف : حبي اكلي اكلي اكلج اكل عصافير
مشاعل تاكل : وااي شفيك والله قاعده اكل بس اتصدق خووش مطعم عجيب لازم نجي مره ثانيه
نواف : بنطيح فيه انا وياج
مششاعل طالعت فيه وتذكرت المسج اللي بلغلط وصلها "بيروح الحفله اليوم ي ترى "وقالت : بتطلع اليوم بليل
نواف ياكل : ليش تبين شي حبي
مشاعل تطالع فيه تمنى انه صادق بكلامه : اي
نواف : لاا ما راح اطلع يلاا قوليلي شتبي كتكوتي مني
مشاعل استحت نزلت راسها ما عرفت تصرف نفسها وقالت : خاطري تسهر معاي اليوم من زمان ماقعدنا مع بعض جذي بجو رومانسي وشاعري
نواف اشر على عيونه : حاظرين ي رووحي
مشاعل توسعت عيونها : يعني بتسسهر معاي
نواف : اكييد احد يخلي قمر نفس هذا ويرفض عزيمتها اسمحي لي حمار وثور اذا رفضت
مشاعل تطالع فيه انصدمت سبب نفسه وقربت ومسكت ايده : نوااف شفيك اليومم مو عادتك (يعني متغير )
نواف طالع فيها : ليش بابا مو عادتي
مشاعل ابتسمت ونزلت راسها : لاا يعني كل ماقلت اي شيء او اقترح نطلع , تعذر وتقول ما اقدر و..(وسكتت بعدين قالت ).. تجاهلني حييل ( وطالعت فيه ) يعني استغربت كلامك حلو معاي بهالفتره
نواف مسك ايدها : مشاعل احبج
مشاعل طالعت فيه ونزلت راسها
نواف : احببج
مشاعل وللع جهها
نوااف رفع صوته شوي : اااحببببج
مشاعل استحت وقامت تطالع الناس : نوااف خلاص
نواف بعناد: ماابي احببج ااحببببببج
مشاعل : خلااااص وانا احببك بعد ( وتنهدت وحست ببحرااج موطبيعي )
نواف : هههههه فديتها والله
بعد فتره لما خلصوا حسابوا وطلعوا وتوجهوا للبيت
....
عند جراح وعبدالرحمن
جراح طالع وجهه : شفيك
عبدالرحمن : مافيني شيء
جراح :لا فيك شي منت خالي
عبدالرحمن ماله خلق ومتضايق : ياخي مافيني شيء غصب فيني
جراح : اي فيك ونصص ..,شوف عاد بتكلم لا اغسل شراعك اهني و انظف ممرات الكليه فيك
عبدالرحمن يطالع فيه وبنص بابتسامه : شلون بالله بتنظف الممرات فيني
جراح : تدري شلووون خلص خلص تكلم
عبدالرحمن : اي اقول انا بعد , فكر فيها انت بس عشان انا اللي انظف فيك مصافط الطلبه
جراح : ههههههه اقــعـــد لا وتهدد ي حمّين تطورنا
عبدالرحمن يطالعه بنص عين : شعبالك بس انت اللي تهدد
جراح : خلص خلص ولاتضيع السالفه ترى خابزك عدل
عبدالرحمن تنهد : ...
جراح : اقول خلص لاتسوي لي مسلسل كويتي
عبدالرحمن ضحك : ههههه ياخي شفيك ماتعطي الواحد مجال يتكلم
جراح : مادري عنك خللص تكلم
عبدالرحمن طالع فيه :تذكر مها اللي كلمتك عنها ,وطلبت مني خدمه مقابل مبلغ
جراح تذكر : اي اي شفيها
عبدالرحمن نزل راسه وحط ايدينها بجيوبه ( مخابي) : سويتها واخذت المقابل
جراح طالع فيه : وليش متضايق مو هذا اللي انت تبيه
عبدالرحمن بضيقه : البنت كسسرت خاطري قعدت ترجاني وتبجي ( ولف عليه) مو نفس اللي بصوره غير شكلها يختلف ونظرات عيونها كلها براءة
جراح : شتقصد انها تختلف
عبدالرحمن : يعني البنت اللي شفتها مو نفس اللي بصورة وحده ثانيه
جراح يطالع فيها : واي احلا
عبدالرحمن رفع راسه وطالعه : صج انك فاضي
جراح : شفيك انت يعني بتفهمني انك متحسسف
عبدالرحمن : اي متحسسف حييل ماتوقعتها جذي البنت
جراح : وليش ماتراجعت لما شفت انها تكسر الخاطر
عبدالرحمن بضيق : مادري ابليس قص علي تذكرت الفلوس و طمعت
جراح يتطنزز: ابليس قص علييك ولك انت ابليس ببكبره (ويقلد صوته )ابليس قص علي
عبدالرحمن طالع فيه : هااااه شفيك انت اليوم
جراح :أنا ادري عنك قول انك شفتها وماقدرت تمنع نفسك
عبدالرحمن : جراح شفيك والله متحسسف حيل ومققهور تخيل حتى لما طلعت من الغرفه مها تسألني واهي مستانسه وعاادي عندها
جراح : هذي ماعندها احساس اصلا انزين شصار عليها البنت
عبدالرحمن : مادري طلعت بسسرعه ومادري شصار عليها
جراح : دق على مها هذي كلمها
عبدالرحمن : لا مابي ادق
جراح : اي دق تطمن يمكن اذبحوها ولاشي
عبدالرحمن لف عليه : اذبحوها ليش يذبحونها
جراح : هاه عبالك نفس الخمه اللي نعرفهم هذي عايله محافظه والبنت نفسها متحفظه ماعندها هالسوالف
عبدالرحمن بلع ريجه : الله يستر بدق عليها اجل
جراح : بس ها لاتبين لها انك متعاطف مع البنت ترى هالاشكال حيوانه
عبدالرحمن :أي ادرري اعرفها عدل
جراح: الا البنت شسمها
عبدالرحمن بضيقه : ليال
جراح :ليااال
عبدالرحمن لف عليه : اي شفيك
جراح تذكر الجمعيه
ياسمين تأشر على ليال : جراح ليال بنت خالتي
جراح ابتسم : اهلا اتشرفنا
ليال منفسه :...
جرراح "تذكر شلون كانت متوتره وخايفه وتطالع حولها وتلفت جنها خايفه تشوف احد "
عبالرحمن : شفييييك
جراح لف عليه :لاولاشيء "لا مستحيل اهي شكو اصلاا "
عبدالرحمن : انزين امش نلّحق على محاظرة
جراح : اي يلااا
....
عند مشاعل ونواف
بعد فترة وصلو البيت وصفط سيارته
مشاعل نزلت وسكرت الباب
نواف كان يمشي وراء مشاعل ومشاعل تفتح الباب بالمفتاح ولما بطلته (في عتبه جدام الباب ) نواف تعمد يلزق بظهرها(بحيث بطنه لازق بظهرها ) ولف ايدينه على بطنها وشالها ورفعها عن العتبه ودخلها البيت : اووووبأأأه
مشاعل لفت وانصدمت من حركته
نواف دخل وسكر لباب : هاا شنو لاتطالعيني مو ذنبي اذا انتي قزمه
مشاعل لوت بوززها : ....
نوااف : فدييت كتكوتي
مشاعل : خلاااص
واهم يمشون بيدخلون الصاله
مشاعل : حياتي مشكوور عالعزيمه
نواف : حيااج يبا كل يوم تعالي
مشاعل ضحكت : هههههه
ودخلوا الصاله
البيت هدوووء
نواف : ليش هدوء البيت امي وينها (ويصارخ ) ليااااال لياااااال
مافي احد بالبيت هدووء و ..صخه
سالم نزل وشكله تعباان ومعررق
نواف راح له : ششفييك جذي ؟؟.... وين ليال
سالم : لاتجيب لي طاري اختك هالحقيره حطت راسنا بالاض اللي تدافع عنها وتموت فيها
نواف موفاهم :....
انفتح باب صاله ودخل ناصر وعيونه حمررا
نواف راح له : ناصر شفييك
ناصر قعد عالارض يبجي جنه جاهل : .....
نزله نواف : نااااصر قاعد اسالك شفييك
ناصر منهااار : كله من اختتك كله منها (وقام فجأة ) انا ذاابحهااا ذذابحهاااا هالحققيره الوصصخه
نواف سحبه ودزه عالطوفه ومسكه : ققولي شصاير شفييك ليش تهدد عليها وتبي تذبحا شصاير فهمني
سالم : تبي تفهم انا افهمك اختك الظهر مدخله رجال غريب البيت
نواف حس جنه احد كت عليه ماي بارد : ... شنو
سالم :أللي سمعته ولما جكتها(اكشفتها) مها ..هجمت عليها وشوهت مرتي
نواف : عدددل السالفه فيها مهاااا اضمن مليون بالمميه جذذب الا ليال ماتسويها ولاتدخل رجال غريب البيت اهي ماشافت الشارع ولا تعرف هالسوالف ولا اختلطت بالعالم عشان تدخل رجال البيت
ناصر مسكه من دشداشته وصررخ : اكللل تبن انت واختتك اختك الحيوووانه بسببها امييي مااتتت ماااتتتت
مشاعل مصدومه وشهقت لما سمعت بالخبر: اأأأأهئئئئ للا لاااا موصحيح
نواف دموع بدت تجمع بعيونه بيستوعب الكلام اللي قال ناصر : ناااصر انت شقلت
ناصر قعد عالارض ويبجي جنه جاهل : امي ماااتتت ماتت بسبب اختك الحيوووانه بسببها ماتتت امي (وغطى وجهه بأيدينه )
سالم يبجي منهاار وصعد الدرج واهو يقول : ذذااببحهااا الخاااينه ذابحهاا ذابحهااا والله لا ابرد حرت امي فيها
ركضت وراه مشاعل توقفه
نواف ليلحين تحت الصدمه : انت اكيد قاعد تغشمر صح ( دمعته نزلت ومسسحهاا ) ؤقول انه مقلب الله يخلييك
ومسكك ناصر من ملابسه ويهززه حيل بصارخ ودمووع : ناصرر تكففى قول انك اتغمششر قول انه مقللب ناصر الله يخليك هذي امي محد يفاول على امه تككفى ناصر
ناصر منهار ويبجي : وهذي فيها غشمره ي نوااف امي راحت راااحت ماراح ااشوفها بعد ما راح اشوفها خلاااااص
نواف انصدم حس انه مخنوق مافي اكسجين طاح على ركبه ودموعه نزلت وقام يبجي وينادي نفس الجاهل : يماااااااااااا يماااااااااااااااااااااااااااااااااه
وغطى وجهه بأيدينه منهاار
بعد دقايق
نواف ساند ظهره عالطوفه ويمسح ادموعه وسمع صراخ مشاعل
مشاعل انزلت ترككض : نواااااااااااااااااااااف الحق على اختك راح تموت بايدين سالم
نواف استوعب شقالت وصعد الدرج ركض واهو مشوش يحس انه كابوس ودخل غرفة ليال ولقى سالم فوق ليال ويخنقها
سالم وجهه احمر وبعصبيه : موووتتي ي الوصصصخه ي الحققيره
ليال عيونها صعدوا فوق وتككح وتشاهق : هئئئئ هئئئئئئئ كح كححح
نواف دز سالم وسحب ليال وراء وقال بصراخ : انت صاحي حمااار وهذا ليلحين احنا ماتأكدنا
ليال طاحت عالارض وتمسكت برجول نواف
سالم بصراخ وقههر : خللللني خللني اذبحها وابرد قلب امي
نواف صرخ عليه ودزه :ساااااالم اصصصحى ششفيييك امي توها متوفيه مو ناقصين مشاكل خلااص نتصرف مع ليال بعد العزاء
سالم "خاف من صراخ نواف ومسك نفسه واهو يخز ليال ميت ويقطعها بأيدينه "

البارت 18
سالم "خاف من صراخ نواف ومسك نفسه واهو يخز ليال ميت ويقطعها بأيدينه "
سالم خز ليال وراء : صدقيني محد راح يشرب من دمج غيري انا لج ي ليال
لليال تبجي وترجف
لما طلع سالم
لف عليها نواف وانصدم لما شاف وجهاا ملامحها مو باينه و كله كدمات وجهها غير اللي بجسمها
رفعت راسها وقالت :والله مظلومه والله مظلومه مها اهي سبب مهاااا
نواف طالع فيها وقال : مهاااا ؟
نزلها :قولي لي شصار ؟؟
ليال استحت ونزلت راسها شتقوله وزااد بجيها : ...
نواف : انا داري دام السالفه فيها مها داري انها جذب ولاشيء صحيح من اللي سمعته صح
ليال بقلبها "ياليت جذب " :..........
نواف مسك اكتوفها : قولي لي شقالت عنج هالحيوانه
ليال هزت راسها بدموع " يعني ما اقدر اقول ":....
مشاعل دخلت : نوااف
نواف لف عليها
مشاعل قربت ورفعت ليال من اكتوفها : البنت محتاجه مستشفى وانت تستجوبها
نواف : بتأكد
مشاعل : خلها معاي انا بوديها المستشفى واسألها
نواف استسلم : اوكيــه
ليال راحت مع مشاعل ولما انزلت مالقت احد بصاله ودتها المستشفى وقعدت اربع اياموفيها كسر بيدها ومشاعل فهمت سالفه من ليال غير اللي سمعته ,,ناصر طلب من الدكتوره تسوي لها فحص وبيتأكد وطلع كلام مها صح
(بالنسبه لخوالهم مايدرون شنو اللي صاير انه ليال وحنان راحو طبيب وصار لهم حادث وليال ممنوعه من الزياره ,اخوانها اللي منعوا اي احد يدخل عليها يعني اللي صار بس اهل البيت اللي يعرفونه كل واحد هدد مرته ان سالفه اذا طلعت برى راح يذبحها )
بعد اسبوع من العزاء
بشقة نواف بالغررفه
نواف بصراخ : جببب لاتدافعين عنها هالحيوانه
مشاعل : الحين بفهم ليش ماتصدق اللي قالته اختك
نواف بغيره وقهر : جذابه اه ي القهر لو الفضيحه جان ذبحتها
مشاعل مسكت ايده : نواف شقاعد تقول انت تظلمها جذي
نواف قعد عالسرير: عطيني دليل واحد يثبت انها بريئه
مشاعل :....
نواف : شفتي شلون تقرير الطبي و وهجومها على مها وليلحين ما انطقت بولا كلمه تدافع فيها عن نفسها وتقولين لي مظلومه
مشاعل : ...
نواف : ماعندج كلام تقولينه صح
مشاعل قعدت جنبه : ماادري بس اللي اعرفه انها مظلومه ليال مستحيل تسوي جذي انت ماقعدت معاها كثر ما انا اقعد معاها
نواف : مو مهم المهم الحين تاخذ جزاها
مشاعل @@: شبتسوي ..نواف
نواف قاطعها : لاتتدخخلين بين اخو واخته
مشاعل: لا حبيبي ماراح اخليها بين ايدينكم عمتي عاشت واهي مو مرتاح وتوفت واهي مو مرتاحه بسببكم ترى مو بسبب ليال لاتقطون اللوم عليها شوفوا الوصخه اللي مدخله رجال عليها وتتهمها بالخيانه وتسوي افلام هنديه انا اكثر وحده اعرفها واعرف مصايبها وبلاويه
نواف طالع فيها وقال بعد فتره : ما يهمني شتعرفين عنها .. اذا تدخلتي يويلج هذا اخر تحذير لج (وبصراخ )فهمتي
مشاعل فزت وطالعت فيه واهي مقهووره
نواف طلع
وراح لغرفة ليال وفتح الباب دخل وسكره وقعد عالسرير واهو يخزها واهي قاعده بزاويه وترجف خاايفه ولامه رجوله وشعرها متناثر على كتوفها وخصل نازله على وجهها وتطاللع نواف واهي خايفه
نواف : اسمعيني عدل من باجر تنزلين المطبخ وتبدين بشغلج وتنظفين وتطبخين فاهمه وان سمعت اي اعتراض ألسانج هذا اقصه لج من عرجه
ليال بخوف : ان شش اء الله
دخل ناصر غرفة ليال
ناصر : نواف شتسوي عند هال...
نواف وقف واهو يقول : ولا شيء (وطالع فيها ) بس حبيت ابين قدرها شنو عندي
ليال طالعت بنواف والدموع بدت تجمع بأعيونها (لا نوواااف لاااا لاتقول جذي انت الوحيد اللي كنت احس معاه بحنان الاخو )
طالعها نواف باششمئزاز وطلع
ناصر سكر الباب واهو يخزها وقرب منها وقعد على ركبه قبالها وقال : اخ بس اتمنى اذبحج اللحين الححين
ليال ميت من الخوف وبصوت مهزوز : والله مظلوومه ليش ماتصدقوني ليش
ناصر عطها كفف : جبب ولج عين تكلمين
ليال تعود جلدها عالطق : ليش كل ما قلت لكم شيء تجذببوني كل ماصار شيء ماتعطوني فرصه ادافع عن نفسي
ناصر بسخريه : يالله تكلمي قولي شعندج
ليال متجاهله نظراته : لما طلعت امي واخذت الخدامه دخلت مها علي تسأل وين امي والخدامه بعدها طلعت بعد فتره حسيت في احد بالمطبخ لما لفيت لقيت رجال غريب اول مره اشووفه ومها تقول روح لها شتنطر و...
قاطعها ناصر ماسك شعرها : شايفتني جاهل عندج تقصين على بهالحجي
ليال تبجي : والله العظيم ما اعرفه حلفت لك بالله
ناصر طالع فيها وبنظرات كلها ترجي : اخ ي ليال ي ليت جذب ي ليت ودي اصدقج
ليال تبجي : ناصر صدقني ماجذب عليك بولا شيء ليش ماتصدقني ليش انززين انت شوف تصرفات مها راقبها بس شوف منو تكلم انا جم مره اطيح ..(وسكتت.. خافت )
ناصر باستفسار : كملي
ليال بلعت ريجها : تكلم واحد وتقول لخلود هذا صديقي الروح برووح
ناصر تنرفز : انتي حيوانه تبلين على المره ام عيال عشان تغطين على وصاختج
ليال تبجي : انا ادري حتى لو تكلمت ماراح تصدقوني انا عندكم جذابه ... اصلااا انا ما احس انكم اخوواني عمركم مادافعتوا عني
ناصر عطها كف وسكها من رقبتها من جدام : اكلي تبن ولا كلمه انتي المفروض تستحين تحطين عينج بعينا عقب اللي سويتي .. ومنو قال انج اختي (ودزها من رقبتها و وخر ايده )
ليال بدموع : انا عمري ماحسيت انك اخوي عمري ماحسيت انك تحبني
ناصر : ناصر صج عينج قويه
ليال تغاضى : حتى لو ماصار الللي صار و لو صارت مشكله صغيره واقولك الصج ماتصدقني
ناصر قرب منها : ولا راح اصدقج انتي نفس الزباله المهمله اللي بدت تفوح ريحتها
ليال دموعها نزلت وقالت بحزن : صدقوهم ..انا ماراح اتكلم ولا راح ادافع عن نفسي بعد... دام انك تجذبني وتصدق مرت اخوك ..سوا اللي تبي ي ناصر بسس اذا عرفتوا الحقيقه (وبصوت مهزوز) وعرفتوا اني مظلومه ساعتها (قالت بهدوء واهي تطالع فيه) ماراح اسامحكم وبخلي ربي يوم القيامه ياخذحقي منكم ومن كل شخص ظلمني
ناصر :............. لاتعليق
وقام عنها وطلع وسكر الباب ويفكر بكلامها وراح جناحه "اول مره تجرى تكلم معايي بهالطريقه حتى ماخافت امد ايدي عليها اخ ي ليال اخخ بسس ....سكت فتره وبعدها قال اكيد تمثل عشان اصدقها ااي هذي استغفلتنا بغيابنا اكيد تسوي اكثر من جذي "

....

ساعه 10 بليل
بيت بسمه
منال ونهايه عندها من بعد وفاة اختها (حنان) شبه يوميا عندها
بصاله
منال : وبعدين يبسمه انتي مو صغيره عشان نعلمج ..( ولفت على نهايه ) نهاايه قولي شيء
نهايه مسكت ايد بسمه : بسمه اللي قاعده تسوينه ماراح يردها ادعي لها برحمه ماتبي منج الا دعاء الحين
بسمه بضييق تنهدت : الله يرحمها
منال مدت صحن الشوربا : يلا اشربي
بسمه توخرها : صدقيني مو مشتهيه
منال : لازم تشربينها اهم شيء صحتج
بسمه اخذتها منها وقامت تشرب الشوربه بعد اصرار من منال ونهاية
برى بالحديقه
خالد قاعد بالكرسي وينطر ياسمين وكل شوي يطالع الساعه
..
بسيارة جراح
"جراح صار له فتره يوصلها من البيت لي الجامعه ويعطي اعذار حق خالته "بلسان جراح :يعني مرات اكون بيت واحد من الربع وقريب من كليتها وامرها " .."
جراح : اول ماتنزلين ادخلي البيت
ياسمين بتوتر : شبتسوي
جراح : خلااص شقلت انا
ياسمين :...
بعد دقايق صفط جراح عند بيت بسمه
ونزلت ياسمين واهي تمشي وباين عليها الربكه
وجراح يمشي وراها
خالد اول ماشافها قام : ما شاءالله توو الناااس (وقرب منها )انا شقايل لج هاااا
جراح يمثل انه مستغرب من اسلوب خالد : خالد شسالفه شفيك
خالد طالع جراح ووارتبك و يرقع لعمره : جراح انت من وين جاي ( بهالحظه راحت داخل ياسمين )
جراح قعد عالكرسي وقعد خالد معاه
جراح : مريت ياسمين الكليه
خالد : اهاا (وبشك ) ليش ماجت بسيارتها
جراح : تقول مالها خلق الطريق وليل وبيني وبينك مالومها الطريق طوييل
خالد : محد غاصبها تسحب الماده
جراح : شلون تسحبها مايصيرر طاف موعد السحب
خالد بعد اهتمام : توقف قيدها
جراح : هاااه شسالفه شنو توقف قيدها وبعدين حرام الماده اللي اخذتها ساعه 8 مجبوره تاخذها تفتح لها ماده تخرج
خالد : شدعوا مافي الا هالدكتور
جراح يرقع لياسمين : اي الدكتور اللي ماخذه عنده محتكر الماده عشان جذي لازم تاخذها وتخلص
خالد : انزين شالحل معاها ؟؟
جراح : شفيك ي بن الحلال انا لي خلصت محاظراتي امرها وترجع معاي
خالد : لا ليش تعب نفسك مو مجبور تنطرها
جراح : لا لا انطرها ولا شي محاظراتي نفسها متأخره ( يرقع لها :") ) وانا بعد مالومك لي عصبت وترجع بوقت متأخر وانا اعطيك الحل تروح وترجع معاي وبجذي ماتحاتيها شرايك ؟؟
خالد مبدئيا ارتاح : خلاص اذا جذي اوكيه
جراح : يلاا عاد اضحك لا اددوس بطنك
خالد : اقول كل تبن بس
جراح يضغطه : والله انك ماتستحي الحين انا عندك وما ضيفتني ولا شي انزين عالاقل ماي
خالد يتسند عالكرسي : اضيفك تراب مو ناقص الا انت يبا انت شبه مقيم بيتنا
جراح :افاااا
خالد : ي عمي لاتسوي لي دراما انت نص طفولتك بيتنا ومسوي روحك ضيف ترى مو لايق ها ..
جراح : ههههههههه انزين قول لخدامه تجيب لي ماي عصير اي شي ي شقول مامنك فايده
خالد : ولييه والله ماتسكت انت اليوم اروح اجيب لك اي شيء
وراح داخل
...
عند ياسمين بغرفتها طبعا جراح دز لها واتس اب وقالها كل شي واهي ارتاحت ,, عدلت شكلها ونزلت عند عماتها وامها
ياسمين : السلاام
الكل : وعليكم السلام
منال : ها شلون الدراسه ياسمينه
ياسمين : تمام الحمدالله كل شيء ماشي
نهايه : انتي توج راده من الجامعه
ياسمين : اي
نهايه : ليش محاظراتج جذي متأخره
ياسمين : اي لاني مضطره اخذ الماده عشان تفتح لي مادة التخرج ووو بعدين انا راده مع جراح ما ارجع بروحي
نهايه بستنكار : راده مع جراح ؟؟ ليش اخوج
منال بدفااع : شفيج نهايه جراح و ياسمين خوان لاتنسين ان ياسمين طفولتها كلها بيتي ومع ولدي جراح
بسمه : اي صح طفولتهم كانت مع بعض وتصرفاتهم مثل الاخوان
نهايه : اهاا " وييه ياسمين احتمال بتخرج السنه الجايه مو انتي ي دلال خلف الله عليج اهملتي بدراستج لين ما طردتج الجامعه وراح تبدين من الصفر بجامعه الكويت اه ي القهرر وي لا يكون قاعده تمسكن عند جراح عشان يتزوجها وماياخذا دلال وي مصيبه صابتها من واحد لي واحد مو لاقيه اهل يضفونها ااخ بس ي حسرتي عليج ي بنيتي " ( ام وجهين XoX )
ياسمين ساكته بقلبها " لهدرجه الكل حاط فباله انا وجراح نحب بعض الحمدالله وشكر صج ناس فاضيه خل اصعد غرفتي ابرك "
ياسمين :انا استاذن
منال : وين ماما ماقعدت معاج
ياسمين تصرف نفسها : ماعليه عمتي تعبانه من لويت الجامعه بروح اريح شوي تامرون عللى شيء
بسمه : لا سلاامتج حبيبتي
ورااحت ياسمين غرفتها ودقت على تحرير وقعدت تقوله شصار تحت ( ماكو شغل صح سوالف بنات C: لوووول )
....
بعد اربع ايام
يوم الجمعه 10 الصبح
بيت احمد
عند دلال سرحانه بجراح وتفكرر
انطق باب الغرفه
دلال : ادخل
نهايه : دلول انتي اهني وانا ادورج
دلال تطالع بأمها : اي هني يعني وييني.. موجوده
نهايه : انزين يلا قومي سوي الحلا اللي اللي علمته لج امس
دلال : مالي خلق
نهايه : ي ماما قومي اذا تبين جراح ياخذج قومي سوي الكيك مابقى شي ونروح بيت خالتج منال
دلال : يمه تكفين سوالفج القديمه هذي .. ماتمشي مع استايلي كلش اكررف عمري بطبخ عشان يذوق الاكل واذا اعجبه راح ياخذني يمه ترى حدج قديمه
نهايه عصبت : دلوول وعممى ان شاءالله انتي متى تسنعين مو انتي اللي تبين جرااح و زنيتي فوق راسي عشان تاخذينه وكلمت خالتج وانا مستحيه منها
دلال بملل : والله عاد انا اعرف شلون اخذه انتي دورج انتهى اهني
نهايه @@ : ياللي ماتستحين صج اني ما عرفت اربيج قلعتج ان شاءالله تروحين قلعت وادرين بلعنه (وطلعت واهي تقول بقهر) حسبي الله عليج من بنت
دلال : ااوف عااد اشتغلت الاسطوانه ماتسكت قامت وقفلت الباب
(قليلة أدب حتى مع امها )
تعالو نتكلم عنها شوي حتى للو انكم كرهتوها
دلال :22 سنه طولها 159 وزنها 41 ضغيفه حييل على قولت جراح زيتونه *^ شعرها قصته نفس قصة هيا عبدالسلام حاكته بموس
على اليسار بس مخففه والجهة اليمين طويل ومن وراء بوي ملامحها عاديه بشرتها شوي تعبانه يبيله علاج بس مومهتمه تخفي هذا كله بالمكياج
كانت تدرس بجامعة بوكسهيل(خاصه ) بالكويت وسحبت اوراقها و وبتقدم الكورس الجاي جامعة الكويت اسبب الاول انه قامت تنزل عليها انذارات و وقبل اخر انذار لها سحبت اوراقها من الجامعه وبتقدم على جامعه الكويت واكيد السبب الثاني جرااح
.....
عند ياسمين قاعد بالصاله وتفكر بليال اللي كل مابغت اتشوفها او تكلمها قالو مشغوله نايمه عندها موعد بالطبيب
دقت على البيت
ورفعت اسماعه خلود
:الو
ياسمين : السلام
خلود : هلا وعليكم السلام
ياسمين : ممكن اكلم ليال
خلود بملل : ااووووف هذا انتي وبعديين معاج ماتفهمين خلااص لاتدقين على هالرقم مره ثانيه شفيج انسي ليال انسسيها قططع وسكرت السماعه
ياسمين : بسم الله قططيعه اكيد هذي خلوود وويع ماعندها اسلوب بالحجي قططع
قامت بتصعد غرفتها لقت امها بالصاله
طالعت فيها " معقوله مو مهمه عندها,, ياربي انا ابي حظنها بس لو مره انا ولهت عليها حيييل " وراحت لها بتفتح معاها اي
موضوع :تصدقين يما دقيت على بيت خالتي اسأل عن ليال كل مادقيت ردت علي مها ولا خلود و ويصرفوني واخر مره خلود قطيعه ماعندها اسلوب حتى بالكلام !
بسمه تطقطق بفونها ولاجنه في احد واقف : .....
يااسمين طالعت فيها : يمه
بسمه :....
ياسمين قربت لأمها شوي شوي و تحس حراره بعيونها : يما انا ولهت عليج والله ولهت عليج ولهت على حظنج يما ما ولهتي على بنتج اربع سنين ما اخذتيني بحظنج
خالد بهدوء : ياسمين
ياسمين لفت عليه :خاللد

......
ووبسسس

شرايكم بالبارتات
انطرووني الاربعاء الجااي

سلمممت اناملك جمممممميل البارتات
قلبي مع ليالي يكفي لاتتعذب اكثر
باانتظاااااااااااااارك ياعسسل