البارتات تجيب السعادة :)
ننتظرك في البارت الجاي

البارت 19
....

ياسمين لفت عليه :خاللد ...
خالد : جم مره اعيد الحجي ؟؟
ياسمين : بس انا بشر واحس وانتوا اهلي خالد شلون اثبت لك اني بريئه شلون والله يشهد علي انه مالي ذنب بولا شي من اللي صاار
بسمه تطالع بساعه : خالد يلا تأخرنا عالزواره خل نمشي
خالد تجاهل وجود اخته : يلا يمه
ياسمين قربت منهم : برووح وياكم انطروني ابدل
خالد لف عليها وبصراخ : انتي ماتفهمييين وبعديين معاااج
ياسمين فززت من صرخته:....
خالد :عندج سياره تعالي فيها (وكلم امه ) يلا خل نمشي
وطلعت بسمه وخالد مسك الباب بس وقف ولف عليها : اذا ماجيتي الزواره يويلج
ياسمين تطالع فيه بصوت مخنوق : ان شاءالله
وطلع
صعدت غرفتها وانسدحت بفراشها واهي متضايقة حيلل
بعد فتره قامت دشت الحمام خذت شور وبعدها راحت تبدل والبست بنطلون اسود سكيني وبلوزه سوده هاينك والجموم (اكموم) طوال والبلوزة توصل لي فخوذها ولابس جاكيت حفر يوصل لي نص الفخذ تايقر ونظام الخامه نفس الريش او الفرو ولها مخابي من جدام ومسكره الازارير اللي بنص ولابسه ملفع شيفون اسود وجوتي تايقر ماركة قس وساعة افندي جلد بني فاتح والفونديشن طبيعي مايل لبرونزي وايلاينر فرنسي وحمرة مشمشي اف سان لوران وبلاشر وعطرها ايلي صعب الجديد والجنطه ماركة قيس وطلعت من البيت متوجه بيت عمتها منال ,,طبعا وصلت بعد الغدا
دخلت البيت
ياسمين : سلااام
الكل طالع فيها الاغلبيه ردو : وعليكم السلاام
.....
وقفه الشخصيات الفرعيه
الجد سالم عمر (متوفي )وعياله
فواز:47 متزوج من برى العايله بثينه ولدهم حامد 29
صالح 46 ومرته هنادي عند هم تحرير (تكلمنا عنها -
احمد 45( دلال21 تكلمنا عنها- امها نهايه 40)
غرور 42 متزوجه حسين ولدعمها وعندها فيصل 22
حنان تكلمنا عنها
غرام 41 متزوجة مبارك ولد عمها وعندها سلطان 22 وداليا 20
بسمه 38 متزوجه جاسم ولد عمها وعندها مشاري يدرس هندسه26 بأكسفورد ببريطانيا (مشاري ماجاء الوقت اللي راح اتكلم فيه عنه ) ( وياسمين تكلمنا عنها وخالد تكلمنا عنه )
,,,,,,,
الجد تركي (متوفي ) اخو سالم
حسين 46 متزوج غرور
مبارك 45 متزوج غرام وعندها سلطان وداليا
جاسم __ متوفي متزوج بسمه بنت عمة وعنده مشاري وخالد وياسمين
نهايه تكلمنا عنها ومنال تكلمنا عنها (بس في خطأ مطبعي منال عمرها 38 مو 49 تصحيح )
.....
وعشان لا الخبطكم بعد خل نتكلم عن جراح وامه شوي
جراح علاقته مو قويه مع عمامه بعد طلاق امه عماته مايشتهونه وكذلك العمام بس عبدالرحمن معاه بنفس المدرسه من قبل وياه بالجامعه و صاروا ربع و ومالهم شغل بالمشاكل اللي تصير وسبب طللاق منال من زوجها واطباعه مو زينه ومايحترمها كللش جدام اهله وكذلك الحموات لين صارت مشاكل وفضلت الطلاق وحطوا عليها الف سالفه وسالفه وشوهوه سمعتها (عشان ماتزوج )مع هذا ما همها بس عندها اهم شيء ولدها بدنيا .
يعني جراح ولد عمه عبدالرحمن
....
نرجع
ياسمين تطالع فيهم وماتدري وين تقعد
صالح برحمه : تعالي بابا اقعدي جنب تحرير ليش واقفه
شافت تحرير قاعده مع داليا وداليا تطالعها بنظرات اهي ما افهمتها عدل فقالت : لا خالي عادي بقعد اهناك وراحت وقعدت بالصاله الجانبيه
شافتها منال واهي طالعه من المطبخ وراحت لها
منال : شلونج ياسمين
ياسمين : تمام
منال : ويينج ماذقتي طبااخ عمتج طاافج نصص عمرج
ياسمين : شنو طابخه عميمه
منال: زبيدي بس شنوو يهبل انتي بس لو تذوقينه
ياسمين : عميمه حراام عليج والله ذبحتيني بالبحري انا ما احبه
منال ضحكت : عياارتج والله
ياسمين باست راسها : كل شيء منج حلو عميمه بس ما اشتهي البحري كلش
منال : كيفج بس بخلي الخدامه تجيب لج حلو وفطاير اوكيه
ياسمين ابتسمت :اوكيه
ياسمين قاعده بصاله الجانبيه بس تشوف اهلها اللي قاعدين بصاله ثانيه وتراقبهم بصمت بعد فتره
قرب حامد ومعاه شحن تلفونه : اووه ياسمين شللونج
ياسمين : تمام الحمدالله انت شلونك
حامد : بخير
وراح قعد بزاويه ويشحن تلفونه
سلطان وصل وراح له
سلطان : احللف حاامد وخر وخر بس انا تلفوني اول
حامد :انقلع لا اسدحك اهني
سلطان قععد جنبه مقهور ويكلم ياسمين : ولد خالج هذا دعله
حامد : هااا سليطييين
سلطان حط ايده بفمه ( يعني بسكت ) ولف على ياسمين ويأشرلها على حامد (يعني غثيث )
ياسمين ضحكت
: قوووه ياسمين
ياسمين تطالع فيها مستغربه : هلاا
داليا قعدت جنبها : ششفيج ماقعدتي عندنا وقعدتي عند هالوحوش
حامد وسلطان طالعوها
حامد : شوفي انتي سحيله ترى انا يالله متحملج بالزواره ياليت تاكلين تبن وتسكتين شوي
داليا تخصرت : شققلت وانا صااجه بعد من حلااتكم عاد قطع
سلطان لف عليه : ي حليلك تعبت نفسك انا مجابلها بالبيت 24 ساعه ي حظك احسدك والله ماتشوفها الا مره بالاسبوع مو انا (يكش على نفسه ) مالت على حظظي مججابل هالساحره بالبيت وتطير بسعفتها
ياسمين مات ضحك : هههههه
داليا طقتها : جببب سلطان شنو سعفتها شنو شايفني (داليا عفوووويه حيل ودمها خفيف وعبيطه )
حامد : زين تسوي فيها حيلك فيها
داليا : وييييع انت متى تززوج وتفكنا ترى شايب والله خلااص اللي بعمرك عيّلوا (عندهم عيال)
حامد يرقص حواجبه : قـــــاعد على جبـــدج
داليا لفت وطنشته وتكلم ياسمين بصوت واطي : وييع ملليققق
ياسمين : انتي ملقوفه شتبين فيه ماتعرفين لسانه
داليا: المهم ماعلينا من باباي (انه مجسم ( ^o^خليه يولي
حامد: سمممعتجج
داليا تأفف: خلاص بنسكت وييع (ولفت على ياسمين ) وانتي كل ماشفتيني رحتي قعدتي برووحج شفييج عدووتج انا
ياسمين ابتسمت : مو قصدي بس ما حبيت اضايقكم
داليا : وييع ياسميينو شهالسخاافه شنو ماحب اضايقكم وماادري شنو ترى شغل النفسيات هذا انا ماحببه
ياسمين ابتسمت : بسس ( وسكتت بعدين قالت بصوت واطي ) بيني وبينج كنت حاطه فبالي انج مو متقبلتني بعد اللي صار من 4
قاطعتها داليا : ياسمين شهالسخافه شنو اللي مو متقبلتني كل انسان يغلط (وبعدين قالت )تبين الصج يعني انا ماكنت اقصصد اني اقطع علاقتي فيج طول هالفتره كنت مصدومه حيل مادري مادري شلون يعني حتى بالزواره كنت احط اعذار عشان ما اشوفج وووو...( ماعرفت شتقول وماكنت تبي تكلمها بهالموضوع لانه حساس حييل ...وبعدها قالت )بيني وبينج السالفه كلها مو داشه مخي
ياسمين قامت ترمش بعيونها : شقصدج
داليا : يعني انج انتي تسوين هالسوالف مادشت مخي احس السالفه فيها انه
وقفه
اوصف لكم داليا
داليا عمرها 20 طولها 161 وزنها 61 يعني جسمها حلووو وخصرها منحووت نحت احسن خصر داليا بيضاء شعرها اسود واصل لي فخوذها عيونها متوسطه بس وسيعه وحاده شوي خشمها طفولي وشفايفها متفوخه طبيعي ولها غمازات بكلية التربية تخصص رياض اطفال سفور( مو متحجبه )
...
حامد .طوله188 وملامحه عاديه فيه نوع من الغمووض بالمباحث يشتغل ومجسم اوفر على قولت داليا باباي ^_^
طبعا وصفت لكم الشخصيات الرئيسيه اللي تصير لهم قصص واحداث اما الباقي كا تكمله لروايه
....
ياسمين سكتت
تحرير قعدت عندهم
تحرير : يماا منج انتي (تكلم داليا ) انا ما هديتج دقايق الا رحتي تقرقين مع غيري
داليا : سووري ي زوجي العزيز نسيت انك اتغار
تحرير طقتها على كتفها : تحجيي عدل لا كف الحين
داليا : ها شتبين رحتي تصلين اقعد انطررج انتي سااعه بصلاتج مادري شتصلين التراويح
تحرير : استغفرالله صلااة شلون نصلي بعد
تحرير (تكلم ياسمين ): اقول انتي وينج طولتي سندرلا ماتجي االا اخر الزواره عشان تلفت الانظار
ياسمين : تحريروو ترى مالي خلق ملاقتج
سلطان : ماتسكت ماتسسسكت بالعة راديوو بس بس ذبحتيهم على هالاستجوابات نشفتي ريجهم
حامد : اي والله انا من راي ترشحين نفسج مجلس الامه تنشفين ريج النوواب تنفعين والله
تحرير : ها هاها ها سخخافه ينكتون بعد
حامد قام واخذ شحنه : انا اروح القهوه ابرك من مجابلكم بنات ماوراكم الا عوار الراس
داليا : مع السلااامه مع السلاامه كلوللوللووويشش طسس فارق
حامد يبتسم : والله انا اللي برتاح من فراقج ي العوبه ي طوول لساانج محد يقدر عليه وطلع
ياسمين طقتها: امبيه انتي ماتستحين تكلمينه جذي قاطه الميانه معاه حيل
داليا :عااادي حامد مايزعل وبعدين ولد خالي مو غريب
تحرير تكلم ياسمين : تكفيين انتي اخر وحده تكلم عن الاحترام
ياسمين :ااناااا ليش
تحرير : اعنببوووج مرادد انتي وجراح اهو يرد عليج بكلمه تردين عليه بعشر لسانج شطوله
ياسمين : اي جرااح اخوي الكل يدري انه احنا طفولتنا مع بعض وبعدين انا من طلعت من بطن امي وانا عند عمتي منال اهي امي الثانية عكس هاذي (وتأشر على داليا )
داليا تخزها
...
بعد فتره انفتح باب البيت ودخل جراح معاه وجبه من ماكدونالدز
جراح سسلم عليهم
حسين : ايا التعباان الحين هاد الغداء الززين ورايح ماخذ لك وجببه
منال : حسيين شفيك اهو طالع من صبح بس عشان مايشم ريحت الزفره
جراح : خلااص فكوناا عاد من البحرري يرحم امكم عااد والله مصختووها صار لكم شهر كل جمعه سمج سمج سمج زرعت بطوونكم من السمج
صالح : والله انت محررووم محرروم من النعمه خلك علا هالاكل اللي مامنه فايده
جرااح راح قعد بصاله الجانبيه وحط الاكل عالطاوله
جراح : سلااااممم
الكل : وعليكم السلام
جراح: خوات سندرلا وحيزبونه متجمعين شعندهمم
تحرير : عدال ي طنطل شتبي جاي عندنا روح طس اكل هنااك (واهي تأشر على الصاله اللي قبالهم
جراح يطالع فيها : نعمم بيتنا كيفي اقعد بالمكان اللي يعجبني كيفي
جراح يكلم ياسمين : ترى جبت لج وجبه
وفتح الجيس وطلعها
ياسمين :الله عاد حدددي جوعاانه ووتقوم وتقعد عنده عاد شـ جايب لي
سلطان يطالع فيهم بيغثها : صمون داخلها بريعصي ومغطينها بصراصير الصغار و ....
داليا قاطعته : ووووووع سلليطين اسسكت لوعة جبودنا
ياسمين لاعت جبدها واهي تطالع فيه
جراح احساسه ميت عادي وقال: جبت قراند اسبشل اعرفج تحبينها
تحرير : عاد جرااح كلش ماينسسى ياسمين
جراح : اعرفها ماتحب الزفره عشان جذي حسبت احسابها
ياسمين : واااي شكراان شكرران اخي العزيز
جراح: اكلي اكلي وخلي الكلام السنع لأهله ترى مولايق
ياسمين طنشته وقعدت تأكل لانها ميت من الجووع
وبدوا ياكلون
داليا : اقول شرايكم باجر نروح االسينماا
تحرير : انا ماعندي شي
داليا :ها ياسمين تروحين معانا
ياسمين : مالي خلق
داليا : ععلى كييفج يلا والله في خووش فيلم ناازل مادحينه رفيجاتي امشي من زمان ماطلعنا مع بعض
ياسمين ابتسمت : اووكيه ماشي
سلطان : وووو أكييد تبوون محرررم ويااكم وعشان جذي بروح معااكم
داليا : لا لاا لا شكراا مانبي خدماتك خلها حق نفسك
تحرير : مانبي احد معانا بس نبيها طلعه كلها بناات
سلطان يطالعهم بنص عين : مالت عليكم انا الغلطان اعرض عليكم خدماتيي
جرااح لف عليه : ي عمي من حلاات طلعة البنات ثقالة دم و غثيثات شتبي فيهم
سلطان :لا قلت احميهم فقط لاغير
جراح : ولك هذيل الوحده عن عشر رياجيل لاتخاف عليهم
سلطان : ما علينا منهم اقول شرايك نرووح القهووة الييوم في خوش مباراة بين ليفربول ومانشستر يونايتد مباراه ناااااار
جراح : متى تبدا المباراه
سلطان : عال11
جراح : فوقاا
تحرير : وييع ي كرهي للمباريات فرااغه صراحه ماكو شغل
سلطان :انتي خلج (وينعم صوته )بالموضه والمكيااج وفلانه سوت وانا ماسويت ....
داليا تطقطق ببتلفونها : عاد اشتغلت السخافه
تحرير : هذا اخوج الله يعينج عليه لو انا منج ناحرته من زمان
داليا : ي حليلج انا مفكره فيها اصلا مبدئيا الفكره داخله مخي
جراح يطالعها : بــل اثيوبيات الله يكفينا شركم (ويكلم سلطان ) اقول يالحبيب دريبالك
سلطان يتكلم باللهجه المصريه : البلد دي فيها حكوومه هوو ايه مافيش قانون هنا
داليا : عشتوو وانت تكلم مصري بعد
سلطان : حسستيني اتكلم ألماني (طبعا لازم يملق )
بعد ربع ساعه
دخلت دلال البيت وسلمت عليهم
ياسمين طالعة جراح وتحرير كذلك طالعتهم وطالعة دلال
دلال وصلت عندهم : هاااي
وقعدت الكل : هلاا
داليا : هلاا دلال وينج قاطعة مانشوفج
دلال : والله ماكو لاهيه بدراسه تعرفيني بعد بجامعه خاصصه
داليا تطالع فيها ( شدعوا شفيها هذي الحمدالله وشكر )
جراح بصوت واااطي حيل : خفي علينا ي مرت ويلياام حتى زيتونه رفعة خشمها علينا
ياسمين نزلت راسها كتممت ضحكتها
جراح صار يتنرفز من وجودها
دلال : شلونك جرراح
جراح : هلاا
ولف على سلطان : يلا سلطان نمشي
سلطان : لحظه خل ننطر فيصل ونروح كلنا راح الجمعيه وبيجي الحين
جراح :ماشي
دلال : اقول ياسمين :شعندج لازقه بجرااح ترى ولد خالتج مو زووجج
جراح طالع فيها : وانتي شكوو ان شاءالله تقعد بحضني
ياسمين @@ وجها حمر وتطالع جراح والبنات علامة استفهام علاراسهم
ياسمين عطته كووع على بطنه جراح طالع فيه (ما كان قصده يقولها طلعت عفويه وجراح طبعه عفووي )
دلال خزته وطالعت بياسمين وحركتها انقهررت حست النار شبت بصدرها
دلال : لا بس مايجوز وحراام
جراح ضحك : هههههههههههههه والله زين تعرفين الحرام (ويطالعها بنظرات مافهمها الا ياسمين ودلال ) وبعدين ياسمين اختي ( وشد على كلمة اختي ) عاجبج عاجبج مو عاجبج بطقاق
داليا طالعت فيهم :شفيكم ي جماعه هددوا (وتكلم دلال) وبعدين ترى جراح وياسمين الكل يدري انهم اخووان وطفول..
قاطعتها باحتقار : انتي ماللج شغل لاتدخللين
داليا تطالع فيها بتكلم ومسككتها تحرير "يعني اسكتي"
دلال قالت لجراح : اي اعرف الحلال والحرام مو احسن من اللي ما خلت رجال مادزت له صورته جنها مو مصدقه شباب يطالعون فيها
ياسمين طول الوقت منزله راسها حست الوضع كل ماله ويزيد
لفت على تحرير : انا بطلع (وخذت جنطتها) وقامت
تحرير : انا بروح معاج
داليا كرهت الوضع كله صار متكهرب : بروح وياكم
وطلعوا البنات

جراح قام وراح لها : ياسمين ألعبت بالمكشوف أحسن من اللي تلعب بظلمه ( وبصوت خبيث ) فهمتي ولا أفهمج اكثر
دلال ارتبكت وبسرعه راحت اقعدت عند امها "حست انه كاشفها من اسلوبه"
جراح يطالع فيها واهو متنرفز من وجودهاا وقال لسلطان : انطرك بالحديقه
سلطان مستغرب شنو اللي صار توو مايدري وقال: اوك
وراح قعد بالحديقه
....
ساعه 8 بليل
عند مشاعل نزلت وراحت المطبخ تنادي الخدامه
مشاعل : يارربي هذي وينهااا اناديها ماترد علي
خلود دخلت المطبخ : تنادين منو
مشاعل تطالعت فيها : ميري
خلود بطنازه : ليش نوااف ماقالج
مشاعل : لا ما قالي
خلود : ماتددرين انه ميري امس ودها المطار
مشاعل طالعت فيها : ومنو بينظف البيت ويسوي الشغل هذا كله
خلود : الصنم الليي فوق
مشاعل قربت منها : خلود مالج شغل فيها لاتقربين صوبها
خلود : عشتوو حتى انتي تهددين اقول فارقي فارقي مو ناقصني الا انتي بعد (وطلعت )
مشاعل : استغفرالله ياربي هذي كلش ماعندها اسلوب (وتذكرت ليال اكيد ما اكلت شيء )
ووسوت لها اكل واهي طالعه من المطبخ
نواف : الاكل هذا حق منو .؟؟
مشاعل لفت : ليال
نواف بحده : رديه المطبخ
مشاعل قربت صوبه : نوواف شفييك ترى اختك مظلوم..
نواف قاطعها : انا جم مره حذررتجج انتي ماتفهمين
مشاعل تنهدت : انزين ماراح اتدخل الا اذا خليتني اودي لها الاكل
نواف سكت شوي بعدها سبقها وقال : تعالي
وصعدوا
وطلع المفتاح من جيبه وفتح الغرفه ودز الباب وقال : دشي
مشاعل طالعت فيه ودخلت وحطت الاكل عالارض وطالعت بليال اللي قاعدة جدام السرير وسانده ظهرها عالسرير ولامه ارجولها ودافنه راسها بين ارجولها
مشاعل مسكت ايدها : ليال
ليال :....
مشاعل بضيقه : ليال حبيبتي طالعي فيني
ليال: ....
مشاعل : لازم تاكلين مايصير جذي صار لج فتره ماتاكلين عدل
ليال بصوت مبحوح حيييل : مو مشتهيه
نواف : خلااص سمعتيهااا يالله شيلي الاكل خلصيني
لفت عليه مشاعل : نوااف اطلع خلني معاها
نواف خززها : ماني طالع زيين

البارت 20
.....

نواف خززها : ماني طالع زيين
انقهرت منه
مشاعل طالعت ليال : ليال تكفين طالعيني
ليال :.....
مشاعل تطالع فيها وماتدري شتقول :...
سمعت صوتها واهي تون بصوت ضعيف يالله ينسمع
نواف قرب ومسك مشاعل من زندها وطلعها برى الغرفه وقفل الباب
مشاعل : ليش نوواف ليشش
نواف بحده : مشششاااعل ترى مصختيهاا خلاااصص مالج شغل هذي اختي وانا اعرف شلون اتصرف معاها
مشاعل : بس مو بهالطريقه انت جذي قاعد تذبحها
نواف عطاها ظهرها وقال : جهنم الحمرراء قلعتهاا
وراح شقته
مشاعل تنهدت واهي تطالع غرفة ليال
....
9 بليل
بكاافيه بزه
ياسمين وداليا وتحرير
داليا تاكل كيك : حي الله البنات من زماان عنكمم
تحرير : وللج بس بسس من قعدنا وانتي كل شوي تعيدين هالجمله
داليا : والله ولهانه علييكم شسووي ماتنشافوون كللش
تحرير : بعد درااسه شنسوي
ياسمين : الا شصار عليج داليا متى تخرجين
داليا : باقي لي سنتين ونص ان شاءالله
ياسمين : وويه مطوله الله يعينج
داليا : وانتي جم باقي لج
ياسمين : انشاءالله السنه الجايه اخر سنه لي
داليا : اي والله ترى طولناا لازم نتخرج بسررعه لايجحتوونا من الجامعه (يطردونا )
تحرير : انا عن نفسي الكورس الجاي اخلص موو مصدقه حددي مستانسه
ياسمين : شنو بتوظفين ؟؟
تحرير : حبيبتي انا مو نفسكم افكر بالوظيفه انا ابي اكمل ماجستير علطوول
داليا تشرب عصير : مصييييبه ماتمل من الدراسه
تحرير : قل اعوذ برب الفلق قل اعوذ برب الفلق
ياسمين : ههههههه انزين انتي وين بتكملين
تحرير : وين بعد بجامعة الكويت
داليا : جهزي التوفل مالج من الحين
ياسمين : صصج ترى الجامعه يسسون دورات توفل اذا تبين اخذي دورات عندهم
تحرير : اي باخذ بصيف وان شاءالله انجح بتوفل واقدم على ماجستير بالجامعه
ياسمين تطق كتفها : ي حليلج ي تحرير والله مو مصدقه بتصيرين مُعيده بالجامعه ههههه
تحرير : ومنو قال بصير معيده بكمل دككتووراه
داليا وياسمين بنفس الوقت : هيييييييه
تحرير اخترعت : شفيكم ؟؟
داليا : بسسج بسسج هيااط انتي خلصي الماجستير بعدين اقعدي تفلسسفي
تحرير : انا هذا طموحي من البدايه
ياسمين تطالع فيها : ومتى تزوجيين ؟
تحرير : محد طق باب بيتنا
داليا : ي سلاام يمكن الحين طق انتي ماتدرين
تحرير : اقول لي صارت السالفه افكر عاد الزواج مو مانعني من اني اكمل ..
داليا : عالعموم موفقه قلبي
تحرير : شبعده بعد ماحبطتوني امحق صحبه مالت عليكم بسس
ياسمين : هههههه
داليا دق تلفونها
ياسمين تطالع بساعه : ترى تأخرنا يالله خل نطلع
داليا سكرت التلفون : بنات يالله خل نطلع امي دقت علي
تحرير اي يالله الحين ... ونادت الجرسون ودفعوا الحساب وطلعوا
........
ساعه 9
عند عبدالرحمن بغرفته يفكر بليال
وقرر يدق على مها بيسمع اخبارها
عبدالرحمن : قوه مهاا
مها : ااهللين بصدديقي شلونك
عبدالرحمن : تمااام (وبتردد قال ) هااااه بشري شنو النتايج ان شاءالله برد قلبج
مها بوناسه : حييييييل برد (بالمغربي ) بزااااااااف بزززززززززززااف
عبدالرحمن " شدعوا عليج كل اهالوناسه مادري شلون تحطين راسج عالمخده وانتي ظالمه " : انزين بشريني شصاار
مها : واااي لو تدري اول شي قلت حق سالم انه اختك اظهر مدخله واحد البيت وولقيتها قافله الباب واهو داخل .....ألخ (وبعدها قالت ) واااي تمنيتك موجود معااي امها اول مادرت بالخبر ماتت بساعتها قلعة افتكيت منها عجوز مادري متى تموت واخوانها استلمووها طق وجهها صار كلله متنفخ ومتوورم ههههه صايره جنها ارقووز والحين حابسينها بالغرفه ومايبون احد يدري عن الفضيحه واللي عرفت من سالم انه بيخلونها تشتغل بالبيت مثل الخدامه واكثر ااااااه احس قلبي ثلج احس بفررحه
عبدالرحمن لاتعليق
مها استغربت : الووو حمنّي وينك
عبدالرحمن كرهها حييل : معاي خط ثاني اكلمج بعدين وسكر الخط واهو مصدووم
وانسدح واهو يطالع السقف "امها ماتت لما اعرفت اخوانها طقوها وتذكر كلام جراح "
....
جراح : اي دقق تطمن يمكن اذبحوها ولاشي
عبدالرحمن لف عليه : اذبحوها ليش يذبحونها
جراح : هاه عبالك نفس الخمه اللي نعرفهم هذي عايله محافظه والبنت نفسها متحفظه ماعندها هالسوالف
...
عبدالرحمن "ألله يستر شسوي لازم اسوي شي انا حتى النوم مو قادر انام لا ليلي ليل ولا نهاري نهار " وتنهد
ودق على جراح
جراح : هلاااا والله هلااا بالعشيـــر
عبدالرحمن بضيقه : هلاا فيك
جراح : شفييييك حسستني عليك قضايا وديووون شفييييك
عبدالرحمن : بـــــــل فالك ما قبلنا
جراح يشيش :مادري عنك
عبدالرحمن : انت بالقهوه
جراح : اي تعال الجوو عجيب و فيه مباراة بعد ساعه ليفربول ومانشستر يقوللك المباراااة نــار لحق وتعال
عبدالرحمن : يالله ابدل واجيك
وسكر
بدل وراح القهوه
عبدالرحمن : السلااام
فيصل : هلاااا والله هلاا بزلم
عبدالرحمن : بعد رااسي اخيّي ماتقصر
سلطان : انت وينك ماتنشاف مختفي
عبدالرحمن : والله ماكو لااهي بدراسه تعرف هالكورس كورس تخرج
سلطان : ي حظظظك مو انا الطريق طويييل جدامي ليلحين
عبدالرحمن : بيني وبينك ترى الجامعه حلووه ايامها صج بتخرج وافتك بس والله احلى ممرحلله بالعمر
سلططان : يالله الله يوفقك
لف جراح وبهمس : انت شفيك ؟ فيك شي مريض
عبدالرحمن : ليش شفيني مافيني شيء
جراح : حمّين مو عليي اخللص قول شفيك
عبدالرحمن طالع بشباب اللي لاهين بتحليل المباراه ويشيون وطالع بجراح : دقيت على مها وسألتها عن البنت
جراح عدل قعدته :اي شصار
عبدالرحمن بضيقه : قالت لي امها توفت بساعتها والبنت محبوسه بالغرفه وطاقينها اخوانها تقول وجهاا مورم من كثر الطق
جراح : انزين وبعدين
عدالرحمن تنهد : وقالت لي انها تنومت بالمستشفى اسبوعين ومبلغين خوالهم انه البنت وامها صار لهم حادث ووامها ماتت بس البنت
جراح لف عليه وحس انه سمع غلط : حمني شقلت شقلت عيد ماسمعت
عبدالرحمن لف عليه :شفيك اصمخ ماتسمع اقول قالت البنت تنومت ببالمستشفى اسبوعين وقالوا لخوالهم انه صاير لهم حادث وامها ماتت
جراح تنح وطالع فيه فتره :.....
عبدالرحمن لف عليه : جراح شفيك ؟
جراح " يعني ليال ببنت خالة ياسمين اهي نفسها ليال اللي راح لها عبدالرحمن لا لا في شيء غلط مستحيل " : ....
عبدالرحمن : جررراااااااح ( ومسك كتفه )
جراح فز : هلا هلاااا
عبدالرحمن :شفييك وين رحت ؟
جراح : لا ماكو سلاامتك كمل شصار بعدين
عبدالرحمن : وبسس انا ابي اسوي شيء جراح والله العظيم مو عارف احط راسي المخده اصراخها اسمعها باأذوني انا متحسسف حييل ماا ..(وسكت )
جراح : كمل شفيك سكت
عبدالرحمن بضيقه : والله مادري شقولك بس انا مفكر اول ما اتخرج بتزوجها
جراح طالعه : نعم خالي ماسمعت
عبدالرحمن : ششفيك ها اجل اخليها على حالها وواهي اساس ماسوت شيء كلها لعبة وصخه من تحت راس مرت اخوها مها وانا السبب باللي صار
جراح : اسمها مها
عبداللرحمن بضييقه : ايي شفيك نسيت اسمها حاشك زهايمر
جراح : زوجها شسمه اللي مو ضاف مرته
عبدالرحمن تسند : سالم
جراح بسأل ياسمين واشوف لازم اتأكد من الموضوع : تعال اهي شتشتغل
عبدالرحمن : بتخطبها ؟؟
جراح : ي خي بطل سخافاتك ورد على قد االسؤال
عبدالرحمن : مدرسه عربي
جراح : هاا ... مدرسه وهذي سوالفها هلا هلااا خوش مربية اجيال هذي
عبدالرحمن : مو هامتني اهم شيء عندي اريح ضميري
جراح : انا شقلت لك من البدايه بس انت ماتسمع الحجي
عبدالرحمن : شدرااني على كلام مها تقول و عوبه ولسانها طويل ومايمر يوم الا مسويه لها سالفه ( وتنهد) مادريت انها جذي البنت بس مها الله يعين زوجها عليهاا
جرااح تنهد : الله يعينه .. بس حتى لو عوبه مو تسوي فيها جذي شذنبها المسكينه..اذا كل مرت اخوه بدخل رجال على حماتها عشان والله عوبه
جان كل البنات رااحو
....
اليوم الثاني يوم السبت
عند ياسمين وتحرير وداليا متجمعين بيت داليا عازمتهم عالغدا
تحرير : وي الله يعطيها العافيه الطباخه ,, عالغداا ماقصرت الصرااحه
ياسمين تضحك : بدعت بدعت كل يوم بأكل عندكم
دالياا تخصرت : لا والله حبيبتي انا اللي عازمتكم
ياسمين برود ينرفز :اي بس اهي اللي طابخه
داليا تنرفزت : جب
تحرير : مره ثانيه اطبخي واعزمينا مو الطباخه تسوي الاكل وتبدع و وتعزيمنا على حسابها
ياسيمن : هههههه
داليا تطالع فيهم : قومووا قوموا طلعوا برى مو كفووا
ياسمين : لاا لا اول شيء باكل الكيك
داليا تاخذ صحن الكيك : هي ترى اانا مسويته ما تاكلينه (داليا حركاتها طفوليه دايم يقولون لها انتي فيج نقص طفوله)
ياسمين :لاا دالليوو عاد شكله يشهي ابي
داليا : لاااا توكم تطنزوون علي
تحرير : يبا انتي احسن طباخه بس عطينا الكيك نبي نذوقه
داليا :اي جذي احترموا نفسكم
ووقصت من الكيك وحطت بصحن وعطتهم بعد ساعه طلعوا منها كل وحده ركبت سيارتها توجهت لبيت اهلها
عند ياسمين كانت الساعه 4 العصر
دق تلفونها
ردت ياسمين : هلاا
جراح : الووو هلا ياسمين شلونج
ياسمين : تماام الحمدالله
جراح : ويينج
ياسمين : توني طالعه من بيت عمي مبارك
جراح : تعالي بيتنا
ياسمين باستغراب : ليش
جراح بصوت جدي : يااسمين من غير ليش تعاللي ابيج ضرورري
يياسمين : اوكيه مسافة طريج ,,,الا بسألك عمتي موجوده
جراح :اي
ياسمين : أوك
جراح : يلااا سلاام وسكر
ياسمين " شفيه هذا بسم الله انا اعرفه هذا مايتكلم جذي الا وراه سالفه شكبرها الله يستر "
بعد فتره وصلت بيت عمتها
دخلت الحديقه لقت جراح قاعد بالحديقه اشر لها تجي تقعد
ياسمين قربت وقعدت عالكرسي وفصخت نظارتها : شفييكك خبصتت قلبي شصاير
جراح : اسمعيني ابي ليال عندها مرت اخو اسمها مها
ياسمين طالعت فيه واشتهت تقلب الطاوله على راسه : جرااح انا توني ادري انك سخييف لهدرجه
جراح تنرفز : يااسميين ردي خللصي بقولج شيء وراء
ياسمين : اي عندها
جراح : زوجها سالم ولد خالتج صح
ياسمين حطت ايدها على خدها بملل : اااي
جراح تردد :اهو يعني ,, لحظه بسألج متى اخر مرة شفتي ليال
ياسمين : اخر مرة لما كنا بالجمعيه وانت صادفتنا تذكر
جراح : وماشفتيها من بعدها
ياسمين : لا كل مابغيت اكلمها قالو مشغوله نايمه عندها موعد اخر شيء مرت اخوها خلود زفتني وقالت لاتتصلين على هالرقم مره ثانيه ( قالت واهي تحلطم ) قططع ماعندها اسلوب
جراح "معقوله ": حنان خالتج ماتوفت بحادث

....