|
روايتي الثانية بعدك أنا و قلبي غدينا يتامى بقلمي
السلام عليكم ورحمة الله وبركاته رجعت لكم بروآيتي الثانيه والأخيرة [ بعدك أنا وقلبي غدينا يتامى ] بقلمي ؤحشتني سؤاليفك سابقا أنين القلب روايه فيها اكثر من ثلاث ابطال تكلم عن الخيانه وضعف وظلم والخداع والمواجهه روايه غريبه وكل بطل قصه غير ولكن مترابطه بالأفكار ومختلفه بدرجه كبيره عن روايتي الأولى اتمنى تحوز على اعجابكم وللعلم انا ما كملت الروايه بالورد تنقصها احداث كبيره ومشوقه وفيها حماس بس ليلحين في افكار فبالي ابيها تكتمل بروايتي واذا تأخرت عليكم فا عذروني وحبيت انزل لكم الاجزاء والباقي بعد رمضان راح انزله ان شاءالله و هذا بوستر الرواية اتشرف بمتابعتكم http://www2.0zz0.com/2014/07/20/23/967284752.jpg راح انزل اول بارتين تقريبا احداث خفيفه اتمنى لكم قراءة ممتعه اعزائي القراء |
رد: روايتي الثانية بعدك أنا و قلبي غدينا يتامى بقلمي
البارت 1 نبدأ بأول بطله ليال : 20سنة شخصيه هاديه صبوره بدرجه كبيره... ذكية .. على نياتها شكلها : طولها 162 وزنها 59 شعرها كثيف حيل عسلي فاتح بس مجّعد عيونها كبيرره عسليه رموشها كثيفه خشمه صغير طفولي فمها صغير بيضه متخرجة من الثانوي وقعدت البيت مع انه نسبته تدخلها اي كلية تبيها نسبتها 98% علمي جابتها بجدارره (شيء مثير للجدل صح ؟ ) بين ثلاث اخوان و اهي اخر العنقود ناصر :35سنه متزوج موظف بوزارة الداخليه ( الشرطة ) رتبته 3 نجوم عصبي حيل مايتفاهم معقّد كل الناس غلط بس اهو صح طوله 185 شكله اسممر حيل ملامحه حاده تدل عالعصبيه زوجته خلود : عمرها 30 مدرسة عربي ابتدائي اختصرلكم شخصيتها مثل اي مرت اخو شلون معذبة ومجنّنه أهل زوجها بدون سبب وتغير من ليال حيللل عندهم عيال اثنين فهد وخالد 5,4 سنوات سالم : 33متزوج موظف بوزارة النفط طوله 177 عصبي نفس شخصية اخوه زوجته مها : 31سنه مع خلود 24 ساعه ,مدرسة عربي ابتدائي بنفس مدرسة خلود نفس اطباع خلود ( بنات خال ) عندها جود4 وعمر 3 نواف :31 متزوج مهندس مدني نفس طبع اخوانه بس صايع ويخربط واهو متزوج مع العلم زوجته تدري وساكته ماتبي تحمل لقب مطلقه بحياتها ولاتبي نظرات الناس تغير لها اوصف لكم بكلمه وحده جمييل علا قولتهم زووغه يشبه المطرب تامر حسني :d طوله 187 زوجته مشاعل : 26 هاديه حيل وحبوبه علاقتها رسميه مع اهل زوجها تجنب المشاكل جمالها بّداووي بمعنى الكلمه بيضاء عيونها حلوه وكبيره ومكحله شعرها اسود وسواد الليل طويل لي فخذها شفايفها كبيره خشمها سل السيف طولها 159 مدرسه انجليزي ابتدائي ( الله مارزقهم بعيال ) ام ناصر حنان:54 حنونه ودايم مع بنتها لانها تكسر خاطرها مو مثل اي بنت عايشه (ربت بيت) تعاني من مرض السكر بدم .... ساعه2بليل عند نواف صفط سيارته توا راد من سهره واهو نازل لمح سيارة صافطه (مو أول مره يشوفها وكل ماراح له نواف انحاش )عند اخر بيتهم ولمح اللي داخل يتكلم بالفون ويطالع بدريشة بيتهم مالت الصاله واللي فوق وبعدها سكر ولما شاف نواف قرب منه واهو يركض شخطط سيارته ونحااش نواف : ماااااششي ي كلللب انا اعلمك دخل نواف البيت شاف ليال قاعدة بصالة تشوف التلفزيون والتلفون البيت جدامها ( لاسلكي ) تذكر الرجال اللي برى ربط الاحداث ووسييده راح لاخته نواف @@(عيونه طلعت برى ): لـــيـــــــــال ليال من الخرعه فزت : شنو شفيك قرب منها ومسكها من شعرها :انتي شمقعدج هالحززه واتلفون البيت شيسوي عندج (بصراخ ) رررددي ليال تبجي : والله ما مسكته هذي امي تكلم... قاطعها : وتجذبين علي بعد انتي شمسهرج هالحززه تنطرين حبيب القلب ها ( عطاها طراق ودزها عالالاريكه ) نواف :ان شفتج قاعده لي الحزه ولا شفتج قاعده علا التلفزيون يويلج والله تشوفين اكثر من جذي فــأهمه ليال تشاهق : فـ ا هم ه (وقامت تبجي ) نواف : اذلفي فوووق لابارك الله فيج قامت تركض وصعدت واهي تصعد اسمعته يقول ( الله ياخذج ونرتاح من همج ) دخلت غرفتها وقامت تبجي حيلل (اخوي يدعي علي وتذكرت كلمته ( الله ياخذج ونرتاح من همج ) نزلت دمعتها واهي مقهووره حيل همي ؟ همي اني بنت شذنبي انا اذا هو يخربط بحياته آآه يارب امهلني الصبر ) صعد شقته (ثاني بطله مشاعل ) مشاعل شافته وركضت له : هلاا حبيبي نواف ماله خلق : هلااا جهزي بجامتي باخذ شاور ودش الحمام مشاعل سوت اللي يبي بعد فتره واهو بالفرراش مشاعل واهي مقموته وتدري من وين جاي : حبيبي ماتبي عشاء نواف : لا مو مشتهي وطفي النور بنام (وعطاها ظهرها ) ..... اليوم الثاني الصبح 7 الكل متجمع الفطور ماعدا ليال بالمطبخ نواف متعود انه مششاعل اهي تسوي له كل شي مشاعل : احشي لك اتوست بالجبن ولا جبن وعسل نواف : جبن وعسل مشاعل تحشي له وتصب له حليب حنان : يما مشاعل اكلي حبيبتي من قعدتي ما اكلتي شي مشاعل تبتسم : لا خالتي عاد... قاطعتها مها : لاتخافين عليها تسوي روحها ماتاكل بس تعالي شوفيها بداوم جازوره (تعرففونه الباباي القديم ) تشفط الاكل كله خلود تضحك : اي والله صاااجه مشاعل تطالع فيهم وحست بأحراج نواف كانت فيه ضحكه بس كتمها بعد فتره نواف : الحمدالله شبعت مشاعل بسررعه : ويين ما اكلت شي نواف قام : شبعت ..(وتوجهه لباب البيت ) لحقته مشاعل واهي تبتسم : نوااف شفيك اول مره تاكل بسررعه جذي نواف لف عليها : ي بابا شفيج ماتفهمين خلااص قلت ماااابي مااابي مشاعل اختفت باتسامتها : اوكيه على راحتك نواف طلع من البيت وركب سيارته وشاف الرقم اللي يدق عليه من فتره نواف ابتسم : بخلييج تحترقيين من اتصالاتج هههههه .... بيت بسمه اخت حنان 8ساعه (عند البطله الثالثه ياسمين ) ياسمين نازله من الدرج ولابسة نفنوف قطن رمادي طويل وجاكيت قطن اخضر وملفع قطن رمادي وسكارف وردي بيبي شيفون لافته على رقبتها وجنطه كوتش رماديه وفلات طبي رمادي من زارا ياسمين :عمرها 20 بعمر ليال بنت خالتها ومعاها اروح برروح بيضا ملامحها حااده وشفايفها متفوخه طبيعي وخشمه طفولي شعرها طويل لي اخر ظهرها اسود طولها 160 وزنها 60 بجامعة الكويت كلية الاداب تخصص جغرافيا ياسمين بتوتر: صصباح الخير خالد بنفسيه: الله لايصبحج ياسمين بضيقه وقالت بسرعه وبعفويه : خلااص عاد متى بتنسون اللي صار بسمه قامت وقالت بحررقت قلب : جب ولا كلمه بسسببج مشاري ما اشوفه ليلحين وانا محترق قلبي على ولدي واهو بالغربه ياسمين بدموع: يممما تكفي خالد قاطعها: خلااص لازم نسمع نفس الاسطوانه كل يوم ,,انتي المفروض تستحين تحطين عينج بعينا بعد سواد الوجه اللي سويته الناس قامت تاكل وجيهنا بفعايلج ياسمين طالعت باخوها وتبي تطلع بسرعه ماتبي تسمع شيء يغثها بعد خالد :28 موظف بالهيئة الرزاعية (مهندس ) مملوح اسمر سمار الكويت يشبه ياسمين حيييل طوله 180 شخصيته تعرفونها بروايه عند ياسمين ركبت السيارة ووحطت راسها عالسكان واهي تبجي من قلب: والله مظلوومه والله مظلوومه "اقسى شعور لما تلقى الكل يتهمك بشيء انت ماسويته شعور ظلم يذبح وقاسي حيييل " ي ترى شنو سبب معاملة امها واخوها لها وشنو السبب تابعوني ..! ..... عند نواف يكلم فون وبالمكتب نواف : فديت حوبي والله البنت : نواف لازم تزوجني شلوون ؟؟خلااص ما اقدر ابعد عنك اكثر نواف :ههههه بس انا متزوج البنت : زوجتك اسم بس انت طاقها بطوفها بس انا راح اصير معاك بكل وقت وساعه وثانيه نواف : ي عوومري ي عووومري عالرومانسييه انا ما اتحممل ترى... ارحمي قلبي شوي شوي علي ريومتي ريم : وليلحين ماشفت شيء نواف انا مستعده اكون الثانيه بحياتك انا احببببك اموت فيك نواف : وانا احببج بعد ريم : اثبت لي نواف : اممممممم خلااص شوفي بابا الساعه خمس بضبط اليوم عند مواقف .... خلج هناك صافطه سيارتج وانطريني اوكيه ريم :ليش شبتسوي نواف : مفاجأه حبي ماتنقال ريم : وااي حياتي شوقتني حيل اممم خلاص انا اخلص دوامي واكلمك نواف : بس لاتنسين خلي معاج لبس سبير ريم بباستغراب : ليش نواف : بعدين اقولج ليش لاتحنين ريم : خلااص اوكي وسكرت ريم :30 مملوحه موظفةبالقطاع الخاص( مالها دور قوي بروايه بس تابعوها) ....... عند مشاعل قاعده بالمكتب ومتكدره حييل طلعت من القسم ودقت على نواف كان يعطيها ويتنق سكرت وقفت عند البلكونة ساحة العلم وااهي تفكر فيه تقول بقلبها : ياربي لي متى بمثل غبائي تعبت انا ابي يحسس فيني ياليت يرجع الزمن لشهر العسل ويوقف وولا يتقدم (تنهدت وقالت ) الله يهديك ي نواف رجعت ودقت رد عليها نواف : هلاااا مشاعل : هلاا نواف شلونك نواف : داقه علي علشان تقولين شلونك ؟؟ اليوم شايفتني .., مشاعل اندقرت (انكسحت ): لاا اهو يعني (تنهدت ) شريك نطلع اليوم نتغدا مع بعض من زما .. قاطعها : مو فاضي عندي شغل ووبعد العصرالربع طالعين حداق يبوني اطلع معاهم مشاعل : يعني ربعك اولى مني ؟ نواف : مشااعل شفيج سوالف الجهال هذي هديها خلااص عاد كبرنا ترى مشاعل خنقتها العبره واخفتها : بس انا مشتاقه لك نواف بانزعاج : كل يوم تشوفين وجهي لا تسوين لي فيها انا الرومانسيه وانا الحبّيبّه وترى انا مو فاضيه لج وراي شغل لي راس لاتدقين علي وانا بداوم مشاعل دموع مليانه بعيونها وبهمس : ان شاءالله نواف : يلا سلاام وسكر .... ساعه 3 العصر مشاعل مرت محل جيس كيك فاكتوري واخذت منه عشان نوااف يحبه وقامت توزع لهم واهي قعدت جنبه ونواف لاهي بتلفون مو معاها مشاعل بهمس : نواف ليش ماتاكل نواف : ما اشتهي مشاعل تطالع فيه وتساسره : بس انا جبت لك هالنوع اعرفك تحبه و .. نواف لف عليها وقال بصوت قريب للهمس بس مسموع : انتي شفييج خلااص مو جاهل عندج انا ...دريت انج جايبه الكيك خلااص لو انج مسويته عاد لوعتي جبدي ترى عند خلود ومها قاعدين بصاله ويتساسرون مها : ههههه امبيه شوفي شوفي مشاعل خلود : حراام دقّر فيها لين قال بس ماكو اذن من طين واذان من عجين ما ترتاح لين يزفها مها بغيره : احسسن تستاهل عند مشاعل كانت منحرجه حييل من ردت فعل نواف وججهها احمر لدرجه انه الكل قام يطالع فيها اللي بنظرة اسخريه وللي ناقد عليها واللي شفقان حست انها خلااص ماكو اكسجين بصاله قامت وصعدت غرفتها وقعدت تبجي تحت حنان : نواف شفيك يما تكلمها جذي حرام عليك البنت قايمه فيك وحايفتك حووف وتسوي فيها جذي هذا جزاها يعني نواف: يما يعني وقفت لي هني( ويأشر على بلعومه ) هنني وماتبيني اتنرفزز يعني سالم : والله صرااحه مرتك مناشبتك مناششب مالومك لي مليت نواف واهو يطقطق بفونه : هااه سمعتي هذا سالم وشاهد حنان : نووااف مرتك هذي شلون تكلم عنها جذي خلود بدفاع : هوو.. خالتي شفيج عليه خليه على راحته لاتكدرينه اهم شي نوواف عندنا مايزعل نواف ابتسم : ي بعد راسي ي ام فهوود بعدها بنص ساعه صعد فوق عند مشاعل لما سمعت صوت الباب الشقه ركضت الحمام وقفلت الباب نواف : مشااعل مشااعل مشاعل داخل الحمام تعدل صوتها وقالت :كااني كااني بطلع الحين بعد قايق طلعت مشاعل واهي تبتسم : هلاا حبيبي نواف : جهزي جنطتي اليوم بطلع الحداق مع الربع مشاعل : ان شاءالله دخل الحمام نواف مشاعل قامت وجهزت الجنطه واهي معتقده انه نواف بيروح لربعه واهي تحط ملابسه بالجنطه (هاند باق) سمعت صوت جهاز نواف (جالكسي نوت 2) ورنات مسجات ورااه بعض بشكل مززعج مشاعل قلبها دق وطالعت الحمام وردت طالعت تلفونه واخذته بسرعه و وكان من سوء حظها مبطل ولما سحبت بأيدها الشاشه من فوق لي تحت طلعت لها المسجات من برا المسجاتت كانت حبيبي نواافي انطرك انا اتغدا بجيليز البحر حياااتتي حيييياتي ( تنادي ) نووااااف شنوو اتغلاا على ريومتك انززين حبيبي ابيك تلبس اليوم تي شيرت الاخضر نايك امووت فيه,, عليك شي خييال لاتنسسى اوكيه بيبي وااي نوووافي حددي متششوقه لمفاجأتك حتى كللش مو قادره اكلل قاعده اتبوسم بالمطعم الناس اتطالع فيني احسهم يقولون شهالخبله لووووووووول نوااف شفيك حاقرني نووووووووافي لاتخرعني ردد شفيك ؟؟ :"( :"( نوووووووووواف عوووووووومررررررري الوووووووو الووووو حياتي ويييننننننننننك ليش ماتردد علي انت دايم ترد علي بسررعه ماتعلقني :"( مشاعل تحت صدمه حست روحها مخدره وحست بدوخه وقعدت (أهي تدري انه يخونها بس مو جذي ) تبجي من قلب وفجأة رن تلفون نواف وكان "الحب ديالي " انصدمت من الاسم ورن رن لين وقف فجاء وصل مسج من نفس البنت حيياتي ليش ماترد علللي دموعها انزلت وسكرت الجهاز واهي مصدومه وردته مكانها وقعدت عالسرير ومخدره تحس نفسها بحلم معقوله ... لهدرجه انزين اذا اهو يحبها ليش اخذني ليش ليش اصر على زواجه مني ليش ولما سمعت صوت الماي وقف بالحمام بسررعه عطت باب الحمام ظهرها وقعدت تحط الملابس بالجنطه نواف طلع من الحمام : انتي ما خلصتي لي لحين يلاا بابا بسررعه وراح لتلفون وفتحه وشاف المسجات مشاعل مسحت ادموعها ولفت عليه شافته يبتسم واهو يطقطق بفونه ويعض شفايفه اعيونها توسعوا من الصدمه والدموع تعلقت بعيونها وبقلبها تقول (هذيل ربعك ؟؟) ولما شافته سكر جهازه بسررعه لفت راسها ماتبي يشوف وجهها وشالت الكماشه اللي على شعرها وانفتح شعرها وصل لي فخوذها و ونزلت راسها بحيث انه شعرها يغطي وجها عشان مايشوف وجهها ولا يشوف ضعفها نواف طالع فيها وابتسم : ترى حدج قديمه مشاعل واهي تحط الملابس بالجنطه : قديمه ؟؟؟ ليش نواف يطالع شعرها ويضحك : فلت الشعر هذي يعني اغراء هههههه مشاعل خنقتها العبره ماتوقعت يفهمها جذي قرب نواف منها سحب الجنطه وقال: وين التي شيرت الاخضر من نايك مشاعل استغلت الوضع واهو لاف عنها ومعطيها ظهره مسحت دموعه بسرعه : وقالت اي تي شيرت ما عرفته ( تغيبه ومقهوره والغيره اكلت قلبها لما شافته راح يسوي اللي تبي منه البنت ) نواف لف : مشاعل تكفين شغلي مخج معاي (وولف يدور بالجنطه)التي شيرت الاخضر اللي عليه خط اص ..خلاص خلاص لقيته بالجنطه ولف عليها : عقلج موياج حاطه التي شيرت بالجنطه وتقولين مادري مشاعل نزلت راسها :مانتبهت نواف طق راسه بخفه مرتين : شغلي مخج هذا ليش موجود؟؟,,,التي شيرت حطيتيه بالجنطه من دقايق وماتدرين عنه اسمحي لي هذا زهايمر مبكر مشاعل متخدره +متنحه (مو معاه):...... لف وراح يلبس ملابسه نواف بحده : شــفــيـــج مشاعل فززت : هااا مافيني شي نواف بملل: حططي الاغراض بالجنططه مو ناقصج ترى |
رد: روايتي الثانية بعدك أنا و قلبي غدينا يتامى بقلمي
البارت 2
مشاعل حطت الملابس وكملت وسكرت الجنطه نواف فتح الكبت وطلع شورت 2 ازرق وابيض لي ربع الفخذ مال سباحه و قال : هذا ليش ماحطيتي مشاعل انصدمت @@ : هذا بتلبسه عند...(ورقعت بسرعه ) ربعك نواف مستغرب : اي بلبسه عند ربعي شنو بنيه انا مشاعل : هاا لا بس نواف حط الاغرض بالجنطه واهي تطالع فيه وقعدت عالسرير وتشوفه يتعطر وويمشط شعره ولف على مشاعل وقرب منها وابتسم نواف: يلاا بابا انا ماشي تبين شيء مشاعل تطالع فيه وليحين تحس تحت المخدر (اابي شي ؟؟) هزت راسه بلااء نواف ابتسم :للهدرجه انا مزيون فديتج والله ( وحط ايد على راسها وحرك شعرها ) يلاا سلااام وطلع بس سمعت صوت الباب تسكر قعدت عالارض وقامت تشاهق تبي تنفس ماتقدر تحس خلااص قلبها يعورها مو قادره تحمل اختنقت وحطت ايدها على بلعومها وتبجي : اااااااااااااااااااااااااااااااااااااااااااااااااا ااااه اه يارب يارب اخذني لك وريحني يارب خلاص انا تعبت ارحمني يارب ووغطت وجها وقامت تشااهق وتبجي لفترره طويله ماقدرت تكتمها,, دموعها غرقت وجهها ..... ساعه 5 عند نواف باليخت (ماخذ يخت رفيجه بس يوم ) راح لريم واهي معطيته ظهرها وحظنها ومسك ايدينها نواف : ها حبي شرايج بالجوو ريم مستانسه : وااي حيااتتي فديتك ( ولفت عليه وحطت ايدينها على صدره ) المفاجأه تهبلل ماتوقعتها جذي توقعت نقضي اليوم كله مع بعض نواف : حبيبتي مو قدرج هذا .... ساعة 7 بليل ليال بالمطبخ تسوي العشا ء واهي مندمجه دخلت عليها خلود وبنظرات كلها شراسه وغيره خلود : ها ميري تسوين العشاء سوي لي باستاا تعرفيني احبها ( وبا ابتسامه كلها استهزاء ) ليال واهي مقهووره وماتقدر ترد تعرف الللي راح يجيها : ان شاء الله عمتي شيء ثاني بعد خلود تعلي صوتها : وترادديني بعد صج انج ماتستحين علا وجهج وما عرفوا يربونج اهلج قطيعه بروحج شيفه ولسانج طوييل بعد ليال واهي واثقة من نفسها وبرود : انزين ؟ انا ماقلت شيء ليش الصراخ خلود @@ انقهرت : انا اوريج ... مابقى الا انتي تكلميني بهالاسلوب (وتعلي صوتها) انتي شلون تكلميني بهالاسلوب ليش ماتحترميني انا شسويت لج دخل ناصر على صراخ مرته ناصر : ها ها شفيكم امداكم تهاوشون ليال انبطت جبدها وتدري انها راح تنطق : اسأل امرتك اللي من دشت واهي ماكلتني بقشوري مادري شتبي نــأصر بصراخ: ليال احترمي نفسج مو كبرج خلود تكلمينها بهالاسلوب خلود تمثل وادموع مادري من وين طلعت ومنهاره : تخيل ناصر دخلت ابسوي لي نسكافيه كلتني بقشوري وتعايرني وتقول لي روحي مطبخكم فوق ( وتمسك ايده واهي تبجي )تخيل قالت لي طلعي بررا انا مو كبرها ليش ماتحترمني (وانهارت ومسكت الباب مال المطبخ ) ليال متعوده علا تمثيلها وتدري انه راح يصدقها تطالع وساكته ناصر عصصب ومسكها من شعرها : انتي كفو تطولين لسانج علا مرتي توه ماطلع من بطن امه اللي يععايرها قام يشدها من شعرها ويطقها ام ناصر ركضت وسحبت ولدها قبل لايذبح بنتها : انت ماتستحي تمد ايدك علا اختك اختك هذي من لحمك ودمك ناصر بعصبيه ويرفع صوته علا امه : مو اختي هذي تخسسي اختي اختي ماتعاير مرتي بطالعه ونازله واللي يعاير مرتي جنه يعايرني علموها السنع ربوها عدل هالــ ليال تخزز اخوها واهي وراء امها وددموعها متحجره بعيونها ام ناصر ارتفع ضغطها : جببب ولا كلمه حدك ي نويصر بنتي مربيتها احسن تربيه وماعاش منو يطعن بتربية بنتي ناصر عطاها ظهرها وقال: اووووووووهووووووووه عااد وصعد فوق وطلعت وراه مرته وكملت تمثيل عليه بشقتهم ناصر واهو يمسك ايدها : خلااص خلودتي حبيبتي وقفي والله قطعتي قلبي خلود تبجي : انت ماشفتها شلون تكلمني ناصر : كاني طقيتها و ووكسرت راسها فيها خير خل تجرب بس تحط راسها براسج بس عاد بابا بطلي بجي تدرين اني ماحب ادموعج خلود تمسح دموعها وتنزل غيرها : عشاني يتيمه لا ام ولا ابو اختك ماسكتني بالمعاير ناصر : لاتقولين جذي ي يبا انا امج وابوج و واخوج وحبيبج واختج و (واهو يغمز لها )رفيجتج بعد خلود اضحكت واهي تمسح دموعها : ههههه ناصر : فديته والله شتبين بعد استحت خلود ناصر : وحلااته للي يستحي .... عند ليال بالمطبخ تمسح ادموعها ام ناصر ماتبي ليال تكره اخوها وتبرر له : ي يما ماعليه اهو مايعرف مرته عقرب رمل لاتزعلين من اخوج هذا اخوج عزوتج بدنيا ليال بهالحظه مسكت نفسها قبل لاتنفجر ضحك جدام امها وبقلبها ( عزووه؟؟ هههههههههههههه) : لا عادي يمه مهما كان هذا اخوي لو يدوس علا راسي ابوس ايده ام ناصر ماتدري توقف مع منو كلهم عيالها : حبيبتي بنتي ليال : خلاص يمه والله مافيني شيء وقامت تكمل طباخها ام ناصر : خلي ميري تطبخ عنج اليوم ليال : لا يمه تكفين مالي خلق سلووم تعرفينه مايحب اكل ميري واهي شدعوا تعرف تسوي شيء ام ناصر : انزين خليني اطبخ عنج ليال : شدعووا ي الغالية اتعبج وانا موجوده وبعدين ياما طبخت واشتغلت بالبيت ماتعبت لاتحاتيني حبيبتي ارتاحي (وباست راس امها ) ام ناصر بضيقه : ماقول غير الله يرزقج بولد الحلال اللي يريحج من هالعذاب و ويسويج ي دهينه لاتنكتين ويرضى عليج مثل ماانا راضيه عليج ليال حست بحرراج وجهااا صار احمر بتضيع السالفه : يما روحي غرفتج ريحي على ماييخلص العشا ام ناصر تضحك : وي يا حلو البنات اللي يستحون ههههه نزلت راسها ليال واهي حاسه بحراج من امها ام ناصر : لاتمشكلين مع حريم خوانج لاتردين عليهم سمعتي ليال ابتسمت : وانا اساسا رديت عليهم مرة خليها على الله ي يمه ام ناصر طلعت واهي متضايقه على حال بنتها .. #وقفه عن حياة ليال , من طلعة على هالدنيا وابوها مفهم اخوانه انه البنت غير بكل شيء عن الولد يعني ماخذ عادات اجداده وعادات اجداد اجداده بصرامه وتخلف عياله كل شي يبونه ياخذون اما ليال لا وانه البنت مكانها المطبخ ماتطلع وتبي شيء امها تجيب لها يعني ماتطلع الا لطبيب ,ابوها كان فاصل حياة ليال عن اخوانها حييل حتى اكلها بالمطبخ ماتطلع تاكل ويا اهلها والبنت تعودت على هالشيء ,امها حاولت تغير الابو تفهمه انه قبل غير والحين غير وانه الدنيا تغيرت ودخلت ناس واجد ومنهم زوج اختها(جاسم ) اللي اهي خالة ليال (بسمه )بس اهو نسخ هالفكره براس عياله ) لاتستغربون في عوايل جذي وبزمنا يمكن اكون مبالغه شوي بس اانا احب اتوجه للخيال اكثر اخذ شغلات من الواقع واحولها للخيال بشكل مقنع نرجع .... وقت العشاء ترتب السفره عالطاوله وكانت رايحه المطبخ تكمل اغراضها ولا بنزلت مشاعل مشاعل : قووه ليال ليال : هلاا مشاعل مشاعل : شنو تجهزين العشا خل اساعدج اجل ليال : لا عادي اصلا مابقي شي خلصت (ودخلت المطبخ ) مشاعل دخلت وراها : عياارتج والله هذا شنو وتاخذ صينية الباستا وتطلع بعد ما جهزو العشاء الكل تجمع ماعدا خلود ليال دخلت المطبخ بعد فتره ناصر : ليال....... (بصراخ )ليال وصمممخ مشاعل فزت واهي تطالع فيه وبسرعه حطت عينها على صحنها قبل لايعلق عليها ددخلت الصاله ليال برود : هلااا ناصر: نادي خلود عالعشاء ليال : ان شاءالله صعدت ليال (صعدت واهي تحلطم بقلبها مقهوره ) طقت باب الشقه ماترد وقامت تطق افتحت خلود خلود: قــطــع الشييفه شتبي جايه لي عند شقتي .... تحت عند مها تاكل وتطالع مشاعل مها : اقول مشاعل وين نواف مشاعل واهي تاكل : طالع مع ربعه الحداق ناصر يطالع فيها : طالع مع ربعه الحداق ؟؟ (وضحك بسخريه ) والله انج مسكينه هدت الاكل وطالعت بناصر مها : انزين منو ربعه هذيل تعرفينهم مشاعل بغت تقص بلقمتها بخجل : لاا ماعرفهم مها (تحب تبين انه انا اعرف كلشي انتي لاء حتى بحياة مشاعل ): ااي اظاهر طالع مع خالد وسعد صح سالم هذيل ربعه الروح بروح وياهم سالم ياكل ومندمج بالاكل : ااي اي( يقول كل شيء لزوجته حتى لو مشكله بينه وبين اخو يروح يقولها ) مشاعلل تطالعها بنظرات وبقلبها ( منو خالد وسعد ؟؟ صج ربعه ولا تستخف دمها ) مها تطالع فيها وتبتسم : شكلج ماتعرفين حتى ربعه الخاصين بحياة زوجج مشاعل بلعت غصتها وقالت : الحمدالله وقامت .... بنفس الوقت ليال تعض علا اسنانها مقهورة ودها تقطع شعرها خلود : ههههه ماتقدرين تردين توج ماكله طق ماتسوى عليج حيــآتي صح ؟ ليال : ناصر يقول العشاء جاهز انزلي (وعطتها ظهرها ) ونزلت واهي تقول بقلبها ( السهم الهاري انشاءالله ) وراحت المطبخ وقعدت واهي تحلطم : يعلة زقووم يعلى مايحددررر ان شاءالله مشاعل : ههههههه لييووول شفيج تدعّين على منو ليال فزت وحطت ايدها على قلبها : خرعتيني عبالي العقربه اللي فوق نزلت مشاعل قربت منها وقالت بهمس : خلوود ليال : ايي غاثتني قطيعه مشاعل بهمس : اقول اسكتي لا تسمعج وتسوي لج سالفه انتي مو ناقصه ليال بقهر : الله كريم مشاعل حطت ايدها على كتفها : ماعليه حبيبتي تحملي شتسوين والله يفرجها عليج انشاءالله ليال بابتسامة قهر : لا عاادي تعودت اصلاا مشاعل بقلبها تقول الله يصبرج : يلا انا بصعد تبين شيء ليال : لا سلامتج وراحت مشاعل شقتها ... بعد ساعه مها زوجة سالم مرت من المطبخ : ووي سوماا شعندها منفسه ليال مالها خلق ولانها متعوده على اسلوبهم وسبب اطنازتهم انه شغل البيت كله على راسها مستحيل ترضى انه امها تشتغل عندهم خدامه اي بس مايعتمد عليها بشي ولسانه طويل فا ليال تعطيها الاشياء البسيطه تسويها ) سمعت ضحك مها واهي صاعده شقتها بنفس الوقت بصاله قام سالم ناصر : ووين سالم : وين يعني القهوه بعد تخاويني ؟ ناصر : لا ي معود مالي خلق سالم : اوكي سلاام وطلع واهو واقف عند سيارته ولمح سيارة صفرا (اودي كواترو 2013)صافطه جنب بيت جيرانهم بس قريبببه لبيتهم سالم استغرب من وجود السياره ولما قرب له لسياره بسررعه شخطط سيارته سالم "منو هذا وشفيه انحااش لييكون ......" ......... ساعه 1 الصبح عند مشاعل قاعده عالسرير وتاكل اظافرها وتطالع بساعه وتقول :اكيد نايم جنبها الحين (دموعها نززلت ) لالا مستحيل نواف ينام مع وحده غييري لا يمكن صج ربعه بيحدقون واهو بس شافها المغرب وخلااص (تقص على نفسها ) اي اي يمكنن مو لهدرجه نواف يسويها مستحييل .... اليوم الثاني ساعه 8 الصبح باليخت نواف شغل اليخت طلعت ريم : نووواف شفيك نواف منفس : ولاا شي بس لازم ارجع ريم قربت وامسكت ايده : بس انا ماشبعت منك نواف : خلااص بعد طول الليل واحنا ويابعض قضينا ليوم كله مع بعض برجع الديره احس اني تعبان ريم بجراءة حطت ايدها علا جبهته : حيااتي شفيك تعبان نواف وخر ايدها : خلااص ريم جهزي نفسج ترى قربنا بعد ساعه بسياره نواف نواف قاعد ويدق على مشاعل ومشاعل ماترد عليه ريم قاعده جنبه : مو من صجك الصراحه المفروض الحين احنا باليخت وبعدا نروح هيلتون (منتجع) حجزنا راح عالفاضي ,, ليش ... قاطعها : اووووووه خلااصصص عاااد رريم ريم @@:تصارخ علي نواف : اي اصارخ انا واحد ما احب الحنّه وقاعده تحلطمين فوق راسي وفوق هذا تعباان ريم طالعته فتره وبعدين اخذت جنطتها وقالت : اذا صرت رايق كلمني عشان اععرف شلون اتناقش معاك ونزلت وسكرت الباب بقوه نواف يحس بدووخه وسند راسه وبس يدق على مشاعل وماترد علليه كلشش ... عند مشاعل اللي جفاها النوم وتعبت من كثر مابجت وتطالع الفون يدق يدق اكثر من مره واهي تخز الاسم وصلها مسج بالواتس اب وشافته من برى " مشااعل تعالي عند مواقف شرق ضروووررري" حطت ايدها على قلبها "يمه شفيه " وبسرعه لبست ملفعها وعبايتها وخذت جنطتها وركبت سيارتها وحركت .... عند نواف بعد ما وصل مواقف شرق ودش المجمع وراح الحمام وقام يرجع ويحس بدوخه ومعاه تلفونه بعد ما غسل دق عليها مشاعل : الووو نوااااف شفيييكك نواف بصوت تعبان : وينج انتي اول مشاعل قربت من سوق شرق نواف : انطررج برى صوب البوابه اللي عند دبنهامز مششاعل بخرعه :اوككيه بعد فترة صفطت سيارتها لمحت نواف ساند راسه عالكررسي اللي عند البوابه داخل -نزلت من سياره وراحت له مشاعل مسكت ايده : نووواااف شفييك نواف لف عليها : (مسك ايدها) مشاعل تعباان مشاعل حطت ايدها على جبهته كان معرررق : تقدر تمشي نواف : اي اي اقدر مشاعل :يلاا (ومسكت ايده وتسند عليها ومشى لي سياره ركبووا وراحت المستشفى) بعد فتره الدكتور : معاه نزله معويه مشاعل : من شنو نزله معويه دكتور الدكتور : الحين هالفتره تغير الجو و متقلب هذا اللي سببه له نزله معويه كتب له ادويه و اخذ ابرة وركبو له درّب(مغذي ) ... مشاعل قعدت عند راسه واهي تطالع فيه شفايفه جافه وجهه اصفر مسحت على خده ومسكت ايده نواف فتح اعيونه : مشاعل ابي ماي عطشان مشاعل : ان شاءالله كلمت انيرس تجيب له ماي وقعد يشربه وعطا القلاص مشاعل وانسدح نواف لف عليها : خرعتج مشاعل تنهدت وابتسمت : لاا عاادي كل شي عشانك يهون نواف بتجاهل: شقال الدكتور مشاعل : نزله معويه نواف : شكله امس دخلني برد مشاعل :اكيد بيدخلك البرد وانت لابس شورت لي نص فخذك ووحفر نواف : بعد بحر شالبس مشاعل : اي حتى لو المفروض هالفترة كلش ماتروح الجو يتيغير بالهفترة وكله ميكروبات وفيروسات نواف ابتسم : فديتها اللي مسويه روحها فاهمه مشاعل رفعت حاجب : شدعووا يعني انا ما افهم شيءء نواف ضغط علي ايدها وبصوت تعباان : الناس كلها ماتفهم بس انتي تفهمين مشاعل رفعه حاجب وتطالعه (ماتدري يسبها ولا يمدحها ) نواف : شفييج بابا جد اتكلم المهم تدرين اني احبج مشاعل ابتسمت وبخجل "ماتدري شتقول " : فاضي صراحه نواف ابتسسم ويطالع بعيونها : شكثر بقعد اهني زهقت مشاعل : لين يخلص الدرب وبيعطونك ابرة ثانيه بعدها نطلع نواف : اي يعني شكثر مشاعل : انت لاتفكر راح يخلص المحلول بسسرعه بعد ساعه و نص رجعوا البيت ودخلوا الصاله حنان : شفيك نواف نواف يمشي : مافيني شي بس تعبان شوي حنان : مشاعل مارحتي الدوام مشاعل شهقت :آآآآآآآآآآهئئئ امبيه شسوي حتى طبيه ماخذيت نواف : عادي يبا شفيج انا اروح اخذ لج بعد شوي مشاعل : لاا ا انت وين تحرك بروحك تعبان خل اوديك غرفتك بعدها بروح اخذ طبيتي وبعد ماصعدت نواف راحت المدرسه واخذت لها طبيه ورجعت البيت ودخلت المطبخ تسوي لنواف شوربه وبعد ما خلصت صعدت شقتها وفتحت الباب وحطت اشوربه ع الكوميدينه لفت عليه لقت نواف يخزها مشاعل فززت : بسم الله نواف : هههههه مشاعل :يمه قلبي خرعتني شفيك اتخز نواف : ترى امي سوت لي شوربه مشاعل كان بخاطرها تسوي اي شي عشان تكبر بعينه تحبطت لما سمعت كلامه : خلااص اجل بوديها تحت ( وشالت الصينيه ) مسك ايدها نواف : بس مو معناته اني ما اشرب شوربة شعولتي مشااعل وجهها صار ألوان : بس راح تغث نفسك نواف : ماشربت الا شوي وماكنت مشتهي بس الحين ابي شلوون ؟ |
رد: روايتي الثانية بعدك أنا و قلبي غدينا يتامى بقلمي
البارت 3
مشاعل استانست وي كبر فرحتها لما قال يبي الشوربه ووردت الصينيه مكانها وقامت تشربه وطول مااهي تشربه يسوي لها حركات بعيونه واهي طول الوقت وجهها احمر تحس انه الغرفه حااره حيل ..... بعد ثلاث ايام ساعه 2 العصر وقت الغدا خلود : عاد شلونك الحين نواف ان شاءالله احسن نواف : لا الحمدالله عال العال مشاعل تهمس لنواف : احط لك عيش (تخاف يدّقرها جدام اهله ) نواف طالع فيها وابتسم : حطي لي بس شويه مشاعل بوناسه : اوكييه وقامت تحط له الكل لاهي بأكله بعد فتره عند نواف اللي ياكل رن تلفونه مشاعل طالعت فيه قام نواف : الحمدالله اخذ تلفونه طلع الحديقه مشاعل تطالع فيه واهي مقهورة تحس بضيقه قامت وراحت وراه واسمعته يقول نواف : ههههههه كل هذا ولهانه علي البنت : بليز انت جربني شخسران يلا عاد لاتغلا علي نواف : امممم افكر البنت : يلاا عاد انا ابي ارتبط ومابي ارتبط الا فيك واعتقد اني ضايفتك بالبي بي وشايف صوري وشكثر انا حلوه نواف بصوت خبيث : ادري انج حلوه و جمالج كشميري البنت :هههههههه مو شيء جديد تدري اني ما اعطي شباب وجهه ولا احب ارتبط بس من ضفتك وانته عاجبني نواف بجديه : من وين جبتي رقمي البنت : هههههه موانا اللي تسألني هالسؤال نواف : جاوبي على قد سؤال البنت :من رفيجك خالد نواف: عدل جذي السالفه ,شلون يعطيج الرقم من غير مايقولي البنت : انا طلبت منه حبيت اسويها مفاجأة نواف ابتسم : واحلاا مفاجأة البنت : بس انا زعلاانه منك نواف : افا من اولها تزعلين الببنت : اي كل ما ادق عليك كاشت فيني ومارديت علي الا لما شكلت عليك نواف: هههههههه اي انا جذي الا ماقلتي لي شسمج ي حلوه البنت : مرام نواف : فدييتج والله احلا مافيج اسمج مرام : لاوالله زيييييين نواف : هههههههههههه مرام : سمعت انك متزوج صج نواف : اي صج مرام : ومرتك راضيه نواف : هههههه قصدج مشاعل لا حبيبتي انا ماتمشيني هذي طاقها بطوفها وما اسمح لها تدخل بحياتي مرام : هههه يعني مو معطيها وجهه نواف : ههههه من صججج انا اعطي هذي وجهه .,,, مرام : انزين حلوو يعني فاصل حياتك عن حياتها نواف : اكييد ماتدري عن اي شيء نايمه بالعسل اصلا ما تجرئ تسألني من وين جاي ولا رايح مرام : احسسسن نواف : هههههه والعب ي الغيره بطرف الثاني مشاعل حاطه ايدها على فمها مصدومه وفوق ما اهو يخونها وساكته عنه و يتكلم عنها بشينه جدام هالبنت صعدت شقتها ماتحملت اكثر دشت الحمام واهي منهاره طلعت كل اللي فيها بالحمام .... بعد الغدا بصالة عند سالم ومها سالم بهمس : بسسج حنّه بس بطيتي راسي ابي ارتاح توني راد من الدوام مها بضييق: وانا شكو روح قول لامك كل شوي مضايقتني لما جيت من الدوام لقيتها دازه خدامتي تشتغل بالمطبخ ومريحه بنتها وانا اعيالي هادتهم بشقه لو صار فيهم شيء سالم بهمس : خلااص اانا اكلم امي زين جذي فكيني عاد مها : بسس هذا اللي الله قدرك عليه سالم : شتبيني اسوي اطق امي مثلااا , اقول انا بروح اريح انتي مو وراج الا التعب وصعد شقته بنفس الصاله عند ناصر وخلود ناصر : اقول خلود حطي عال عربيه خلود : ان شاء الله دش نواف وهو مستانس : سلاام ناصر : هلا وعليكم السلاام يدور مشاعل بعيونه مالقها ما اهتم وقعد معاهم بصاله نواف : خلود صبي لي بيالة شاي ما عليج امر خلود : ان شاء الله مها : الا وين مرتك ما تخدمك العادة كله قاعدة لازقه فيك وتشوف طلابتك نواف خزها : تعبانه .... مها باابتسامه سخريه وبطنازه : ماتشوف شر نواف تنرفزز وسكت عند مها دزت لخلود بالبي وكزات عشان ترد بالبي بي خلود : هلا شفيج ؟ مها : عندي لج خطة تبرد جبدج خلود : لمنو مها : ليال خلود : صصج عاد حددي منغثه منها مها : بنت الذينه كل ماتكبر تحلاا اكثر خلود : اي و الله ابي شي جذي مصيبه انقطها فوق راسها و مو تبرد الجبد الا التثلجه مها : اوك اذا طلع سالم القهوه اليوم اكلمج تجين عندي شرايج خلود : صار ...... بعد نص ساعة صعد جناحه نواف ينادي مشاعل بس ماترد راح وانسدح بفراشه مشاعل كانت بالحمام وماردت عليه كانت مخنوقه وماتبية يشوف ضعفها ولا تبين له انها تدري بعد ساعتين طلعت من الحمام واهي لافه الفوطه على شعرها ولابسة الروب طالعها نواف قعد يخز فيها نواف : وينج ساعه انادي ليش ماتردين مشاعل : كنت بالحمام نواف : وشتسوين ساعتين طولتي مشاعل كانت تكلمه ومعطيته ظهرها ماتبي يشوف وجهها : اتسبح نواف عدل قعدته : مشاعل انا اعرفج ماتطولين بالحمام حدج نص ساعه مشاعل بحده: اليوم تسبحت ساعتين شصار يعني قامت القيامه نواف قام : انتي ليش لافه وجهج عني ؟ مشاعل اخذت ملابسها وبتطلع نواف سحبها له ولفها : قولـ .... (انصدم اول مره يشوف وجه مشاعل جذي كانت عيونها حمرره حيل وجهها احمر ) شفيج ؟ مشاعل تطالع فيه ودموعها خلاص بتطلع ماسكه نفسها بهمس : مافيني شيء نواف شك حس انها تدري مشاعل نظراتها تطيح على اي شيء بالغرفة ما عدا نواف تجاهل نظراته : انت تبي شيء نواف بهدوء غريب : لاء طلعت مشاعل بدلت بغرفة ثانيه رجع لسرير ومصدوم من وجهها ,,ومصدوم منها لما راحت تبدل لغرفة ثانيه اول مره تسويها ,, عمرة بحياته ماشاف مشاعل جذي مع انهم متزوجين من 7 سنين ( و7 سنين يخونها واهي ساكته خيانه تعور القلب حيل اسمها يخرع فما بالكم بمشاعل تحبه بجنون حاولت ترده لها بس ماقدرت هالمره ماتحملت قاعد يطريها بشينه جدام لبنت اللي كلمها وشكلها مو اول مره يتكلم عنها جذي شيء حز بخاطرها مع انها مو مقصره معاه بشيء طلباته اوامر عندها ) عند مشاعل بعد مابدلت قفلت الباب وقعدت عاللارض قامت تبجي ردت بذاكره لوراه يوم عيد ميلاده كانت لابسه تنورة فوشيه لي ربع الفخذ ولابس بلوزة علاق شيفون اسود من جدام سبع لي البطن ومخصرة وبأزارير من عند البطن مسكره ولابس صندل كعب فوشي وفاله شعرها ومكياجها كان ايلاينر فرنسي وحمره فوشي وفندشين طبيعي مايل البرونزي طبعا كانت مجهزة كل شي والكيك والهديه ساعه 12 تنطره ومارد دزت له واتس اب مشاعل : وينك بعد ساعه رد نواف : انا عند ربعي مو فاضي مشاعل تدري اهو وين وعارفه بس تغيبه : ماراح ترجع مارد عليها وصلت ساعه 3 ونص ولشموع بدت اتذوب واهي تنطره وحاطه فبالها راح يرجع انفتح الباب ودخل نواف يطالع مصدوم : انتي ليش مانمتي مشاعل طالعت فيه واهي مخنوقه : انطرك حبيبي نواف مو مستوعب : ها قامت واخذت الهديه (وفبالها لما يشوف الهديه يمكن تغير معاملته معاها ومايرجع يخونها ) مشاعل وقفت قباله واهي تطالع فيه باسته على خده : كل عام وانته بخير ..حبيبي وعطته الهديه نواف اخذ الهديه واهو منحرج ماتوقع انها ذاكره حظنها حيل وقال : وانتي بخير .. بعد فتره واهي ليلحين بحضنه وايدينه على ظهرها واهي لامته من ارقبته نواف : ليش ماقلتي لي جان مانطّرتج جذي لو ادري انج مسويه هذا كله ماخليتج تنطرين هالكثر بس ربعي اذوني الا اسهر معاهمم مشاعل مستمعه لاعذارة السخيفه واهي بحضنه وتشم معاه ريحة عطوراات نسائيه مختلفه (تحاول تبلع غصتها ولا تبين له انها تدري ) حطت ايدها على فمه : اشش حبيبي هالليله لي انا وياك مابي اسمع اعذار ابي نرجَع ايام شهر العسل نواف ابتسم باس خدها : حبيبتي انتي انا كلي لج اصلا مشاعل ابتسمت : ماتبي تشوف هديتك نواف بفضول : امبلا (وبدا يفتح غلاف الهديه انصدم لمافتح العلبه كانت ساعة رولكس 10,000 (توقعون يستاهل ) ) انصدم نواف : مشاعل ليش مكلفه على نفسج مشاعل بهمس تحاول انها تماسك : الغالي يرخصلك لمها بحظنه : حبيبتي انتي (ككان مصدوم ) شلون شريتها هذي قيمتها عشرةالالاف دينار مشاعل ابتسمت : ادري انه خاطرك فيها مو مهم المهم انها صارت من نصيبك ابتسمت نواف: يععطيج العافيه حبيبتي ماقصرتي مشاعل ابتسمت نرجع لمشاعل اضحكت على نفسها صج اني غبية بعت طقم ذهب وسويت استقطاع من معاشي الف دينار عشان اجمع المبلغ واشتريه له الساعه ووانا ما استفدت شيء منه وقامت تبجي طق باب الغرفه نواف : مشاعل بطلي الباب مشاعل حاولت تماسك قد ماتقدر : بغيت شيء نواف بحده :بطلي الباب اقولج مشاعل قامت وبطلت الباب ورجعت اقعددت عالارض وقامت تبجي ماقدرت تمسك نفسها للما جاء وقعد قبالها نواف اخترع من شكلها : مشاعل شفيج عمرج ماكنتي جذي شصاير قولي لي مشاعل تطالعه فجأة انهارت وقامت تشاهق وتبجي خلاص تعبت 7 السنين ماسكه نفسها موقادره تمسك نفسها اكثر نواف انصدم منها مسكها من اكتوفها و حظنها وقام يمسح على شعرها واهي متمسك بتيشيرته بعد نص ساعه يالله هدت نواف رفع راسها ومسح ادموعها : قولي لي شفيج مشاعل ببحه : مافيني شي نواف :قصي على غيري مو على قولي لي شفيج ليش هالعيون هالحلوة مليانه دموع (وبصوت يذوب الصخر ) انا متعود اشوف هالملاك دايم مبتسم مشاعل مخنوقه وبأنزعاج وخرت عنه : بسسس بسس حرام عليكك بس نواف بدهشه : حراام علي ليشش ؟ مشاعل ردت تبجي نواف قرب منها :مشاعل قولي لي شفيج " ما ادري اضحك ولاابجي لما يسألني عن جروحي مسبَبها " مشاعل تمالكت نفسها وقالت : تهاوشت مع رئيسة القسم نواف علامة استفاهم كبيرة فوق راسه : شنوو مشاعل حست انه مستحيل يصدق : اي لانها بتزيدني ثلاث حصص بالاسبوع وانا مابي يالله اقدر على ثلاث حصص اللي عندي نواف احتر(انقهر ) ومسك ايدينها : وهذا المضايقج مشاعل وخرت عنه : اي نواف : انا اوريها ان ماخليتها تبجي دم وتطيح على رجولج تسامحينها ماكون ولد ابوي مشاعل شهقت : لاا ماله داعي تروح نواف بحده : مو على كيفج هالحيوانه تخليج تبجين وانا من تزوجتج ماشفتج منهاره جذي ...(وقال بأستصغار) تنزل دمعتج هذي ؟ مشاعل طالعت فيه نواف: انا بروح المدرسه باجر و بدق على ابو مح... مشاعل مسكت ايدينه وقاطعته : ماله داعي حبيبي خلاص وحده معاي بالقسم قالت لي اروح لناظرة افهمها اني مضغوطه بالحصص وخلاص ماله داعي تروح اصلاا نواف سكت بعدين قال بشك : انتي متأكده انه اللي مضايقج ومخليج منهاره مو ضوع رئيسة القسم بسس مشاعل برتباك : اي صدقني ليش متوقع شيء ثاني نواف : ها لا(وقام ) ,, انا بروح ارتاح شوي شرايج تنامين لج ساعه تريحين فيها (ابتسم ) مشاعل ابتسمت : اوكي نواف : عطيني ايدج (مسكت اايده ودشو الغرفه ) ..... عند ام ناصر رن التلفون كانت ياسمين ياسمين : قووة خالتي ام ناصر :هلاا والله بنتي شلونج يما شخبارج ياسمين :انا تمام بخير امم خالتي ابي ليال اذا عندج ابي اكلمها ام ناصر :اوك لحظه وبعد فترة وصل لها صوت ليال ليال: هلا والله ياسمين: هلا بالقاطعة انتي وينج وينج ؟؟ لا حس ولا خبر ماتعرفين تدقين تسألين ليال :هههههه يمه بسم الله شفيج اكلتيني بقشوري ياسمين : اي اكيد حبيبتي اذا مادقيت عليج وتشرهت اتشره على منو ليال ضحكت : انززين شلونج شخبارج ياسمين : تمام الحمدالله انتي شخبارج ليال تنهدت: الحمدالله عايشه ياسمين : اقول ليول شرايج تجين عندي ببالبيت نغير جو جذي ونسوي سهره انا وانتي وتحرير ليال: اممم والله مادري ما اضمن لج اجي تعرفين اخواني ياسمين بحده : قططيعهه خوانج هذيل شفيهم مسوين روحهم رياجيل عليج ويركضون ورى حريمهم ليال : اي شسوي شسوي يعني ياسمين :اسمحي لي ليوووول (وتعلي صوتها ) اخوووواانج خرفــــآآآن ليال بدهشه : ياسمينوووو.. وثول ان شاءالله وججع اخواني هذيل شلون تكلمين عنهم جججذي شلوون ياسمين بتنفجر : بعد هذا الصج اهم لو فيهم خير جان خلوج تاخذين عمره ولا حجَجوج على كثر ماراحو ماودج شنو هذا ليال بضيق تبرر لخوانها : بعد خايفيين علي اهم ادررى ياسمين : بعد لو انج الملكه دينا جان شسووا ليال: ههههههههههههه الله يقطع سوالفج انزين يالله فارقي يالمزعجه بغسل المطبخ ياسمين : والله صج وميريوووا هذي ما منها فايده على ايدنها نقش الحنناا معاشها على الطل تاخذه ,,خسااارة ال 60 دينار انا اقول اهي 20 ويخب عليها ليال انبط راسها : وااي واااي حنَه والله ماتسكتين ام لسسان انتي الله يعين اللي بياخذج ياسمين : بعد هذا صج صراحه خالتي حيل مريحتها ليال : اي شتبين اسوي مالي خلق نجرى معاها بس تساعدني عالاقل ياسمين : انززين ماعلينا منها بتجين ولا لا ليال تضحك على بنت خالتها المجنونه بعد ما حشت بالخدامه وخلصت تقول ماعلينا منها : اي مادري يمكن ما اجي لاتحنين على راسي |
رد: روايتي الثانية بعدك أنا و قلبي غدينا يتامى بقلمي
البارت 4
ياسمين : موعلى كيفج ليالل بنزعاج : وااااي مزعجه وعطت تلفون امها ليال :يماا تفاهمي مع بنت اختج هذي,, فيوزاتها ضاربه ام ناصر: هههههه وخذت الفون ياسمين : يرضيج خالتي تقول عني جذي انا اوريها العوبه ام ناصر: مالج شغل فيها يمهه خل تولي انتي الزين كله ليال تطالع امها : زين ييما ززين وراحت المطبخ ياسمين : خالتي تكفين خلي ليال تجي عندنا بنسهر وبنسوي جو خليها تجي ام ناصر : ان شاءالله وانا بجي معاها عشان محد يتكلم ولا ماتبوني بعد ياسمين بوناسه : لا خالتي العين او سع لج من المكانن حياج الله ام ناصر ضحكت على بنت اختها وبعد ماسكرت منها راحت المطبخ لقت بنتها تغسل المطبخ ام ناصر : ها بتروحين ؟ ليال بستغراب : وين ام ناصر :شفيج بيت خالتج بسمه ليال: يما انتي تعرفين اخواني مستحيل اطلع من البيت اذا خوالي ما اشوفهم الا من عيد لي عيد ام ناصر : ماعليج بتروحين انا معاج وبجذي محد يتكلم ليال ابتسمت : انزين اجل اخلص المطبخ واروح البس عشان يمدي نطلع مر من عند باب المطببخ وسمع اخر جمله سالم : على وين بتطلعين ام ناصر : بيت خالتها بسمه سالم : مافي روحه يبونج يجون عندج هني انتي تطلعين احش ارجوولج حش فاهمه ام ناصر بحده : ساللم انا بروح بيت خالتك وباخذها معاي سالم : لا ماتروح ليال خافت تعقد الامور اكثر: يماا خلااص ماني رايحه هونت سالم : سمعتي ام ناصر : والله حبيبي ماني مخليه بنتي هني عند مرتك ومرت اخوك يتوحدون فيها وتصير مشكله وانا مالي خلق عوار راس سالم بعد تفكير : خلااص كيفج دامج بتروحين معاها ليال ودها ترقص من الوناسه بس موباين عليها وكملت شغل المطبخ سالم : يما تعالي ابيج شوي ام ناصر طلعت مع ولدها وراحت الصاله سالم : يما من غير لف ودوران ولاتقعدين تبررين لي خدامة مرتي مالج شغل فيها ام ناصر @@: سلووم وعمى انا امك تكلمني جذي سسالم بحده : اممي على العين والراس بس مافي ام تاخذ خدامة ولدها وتخلي عيال صغار بشقه بروحهم بدون والي يمه رجااء انا موبايع عياللي مالج شغلل بخدامة العيال ام ناصر طالعت فيه فهمت السالفه : عفيه عليك ياولدي ي اللي ربيتك وتعبت فيك صدقت مرتك سالم طالع فيها وطلع برى البيت اول ماطلع ركضت ليال و لمت امها ووام ناصر تبجي ليال: يما تكفين خلي يولي مالج شغل فيه ليال دموعها تنزل : يما تكفين اهم شيء صحتج الله يخليج ولما طلع سالم لمح سيارة اودي الصفرا نفسها بس جدام البيت وشكلها ملفت الانتباه قرب منه سالم واستغرب انه ما حرك سيارته وطق الدريشه وبطل الجامه الرجال سالم : سلاام الرجال مرتبك : هلا وعليكم السلام سالم : عسى ماشر اخوي شعندك صافط السياره اهني تنطر احد وا غلطان بالعنوان الرجال توهق : ليش هذا مو بيت ابو فواز قطعه 2 سالم : لا غلطان حبيبي الرجال : اسف شكلي غلطت بالعنوان (وبسرعه قال) مع السلاامه وحررك سيارته بسررعه سالم شاك فيه بس طنش اول مره وركب سيارته ... بنفس الوقت بشقة نواف مشاعل توها طالعة من الحمام وتنشف شعرها نواف منسدح عالسرير وابتسم :نعيما ي حلو مشاعل ابتسمت نواف :الا اقول ميشو شرايج اليوم نطلع نغير جوو مشاعل انصدمت اول مرى يطلب العاده اهي تحن عليه ستانست : اوك حبيبي ماعنديي مانع نواف: او ك وين تبين نروح مشاعل قعدت على طرف السرير واهي تفكر :امممم نواف سرحان فيها ومبتسم مشاعل :اي شرايك نروح سينما في خوش فيلم توه نازل لتوم كروز نواف بغيره : توم كروز. ؟ عاد هذذا بذات انسي تشوفين افلامه مشاعل ضحكت : هههههه بذمتك يعني هالمزيون بيطالعني ويهد نجوم هوليود هالشقر والحمر نواف يخزها : هااا مشاعل مشاعل : هههههه اتغشمر حبيبي شفيك نواف : ماتحضرين فلمه مافي مشاعل : بلييزز الله يخليك رفيجاتي يمدحووونه حيل تككفى تككفى ( ماسكه ايده وترجااه واهو مسوي روحه مطنش ) مشاعل : نواااااف نواف لف عليها: هآآآآآآآآآآآآآآآآآه مشاعل :يلا بليز عشاني نواف :افكر مشاعل نقزت علي ولمته : يسسس نواف : هههههههه وخري يالبطه مشاعل قامت وخذت مالبسها بتبدل : انا بطه بسم الله علي نواف يدش الحمام : انزين يلا البسي اذا تبين نروح مشاعل : اوك بعد فتره بدلت وانزلت تحت وبنفس الوقت اللي نزلت فيه كان توه طالع سالم وشافت ليال لامه امها وتبجي مشاعل ركضت لخالتها : شفيج خالتي شفيها ليال ليال قالت لها اللي صار مشاعل قعدت عند خالتها ومسحت على كتفها : خالتي مالج شغل فيها لاتلومينه مو عارف سوالف امرته ام ناصر مسحت ادموعها: اااي لي متى عاااد مشاعل لمتها : بسم الله عليج خالتي تعوذي من ابليس ام ناصر هدت : اعوذ بالله من الشيطان الرجيم نزل نواف وشاف امه جذي ليال من شافته قامت وراحت المطبخ نواف باس راس امه : شفيها الغاليه وقعد مكان ليال ام ناصر : سلامتك يما نواف: لا لازم تقولين لي نواف : مشاعل شفيها امي مشاعل خافت تقول ماتحب تتدخل بامور العايله نواف يطالع فيها : مشااعل اسألج انا ام ناصر فهمتها : لاتدخل بنت الناس بمشاكللنا البنت كافيه خيرها شرها نواف :انزين انتي قولي لي ام ناصر : خلاص مافي شي يمه موضوع سخيف نواف قام وراح المطبخ نواف : ليال شصاير ليال تعرف اخوها عصبي نار قالت له كل سالفه نواف : لا والله وان شاءالله تاخذها شصار انقلبت الدنيا ليال :نواف امي ماكلمت خدامتها ولا شي بس مها تستعبط نواف : ماشي انا اعلمه اهو مرته ولما طلع استانست ليال وقامت تناقزز وبقلبها : احسن خل يلعن خيرهم .... بسياره عند مشاعل ونواف نواف بصرااخ : سللوم انته حمار هذي امك ان شاء الله تطق عيالك ماتكلمها جذي سالم : انته ما اذيتني نواف : اي اي بأذيك لين تسنع وتكلم امك عدل سالم بحقاره : والله حبيبي ماحسيت بمسوؤلية العيال كا ابو عشان تقعد تهاوش وتصارخ (بستهزاء ) اذا حسيت بالابوة والعيال تعال كلمني اوكيه وسكر الخط بوجهه نواف نواف نزل الفون واهو مصدووم وسكت صدمه اخو من لحمه ودمه يعايره بالعيال مشاعل بهدوء :ِشقال نواف بغصه : ماقال شيء مشاعل حست فيه مسكت ايده : قولي شقالك اعرفه اخوك يقط الكلمه مايثمنها بعد فتره مشاعل واهي مجروحه حيل: ماعليه نواف مايقصد صدقني يمكن من كثر ماعصب واحتر على عياله ماتدري حبيبي يمكن تحسف على كلمته الحين نواف يحاول ينسى : ماعلينا منه خل يولي سكانه مرته مشاعل : نوواف شهالكلام هذا اخوك نواف : ولي يرحم والديج فكينا طالعين بنستانس لاتخربين علي الطلعه مشاعل ابتسمت : تامر امر حبيبي جم نواف عندي نواف ابتسم ... ساعة 5 المغرب بيت بسمه بصاله الجانبيه كانت لابسه ليال جينز وبلوزه على ميكي لي الفخذ ايدينها ثلاث تربع عند ليال وياسمين ياسمين تطق فخذ ليال : ي حي الله من جانا نور البيت نوور ليال تضحك : منور بأهله ياسمين : اخيرا مابغيتي تجين مالت عليج ليال : شسوي مو بكيفي الا تعالي وينها تحرير ماجت ياسمين : دقيقه خل اشوفها .... تحرير : بنت خالهم صالح عمرها 21 متربيه مع ليال وياسمين وحيل مع بعض برونزيه لون واحد اعيونها اكبار شفايفها متفوخه طبيعي ةعندها غمازات محفورره حييل مملوحه شعرها اسود لي نص ظهر طولها 159 بكلية علوم الاجتماعية نرجع ياسمين : انتي وينج وينج تحرير : هااه شتبين قاعده ابدل ياسمين احلفي انتي من العصر تبدلين ليال : هههههه تحرير : اي شسوي على مارديت من الكليه ياسمين : و احنا نططرج اقول بنروح الجمعيه خلاص تعالي وانطرينا تحرير : خلاص عادي اوك وسكرت ليال : وين وين نروح يما ؟ ياسمين : اقول عاد جب ليول مودارين اخوانج وانتي بتروحين جمعية منطقتنا اهني بجابر العلي مو بمشرف ليال بتوتر : اقول روحي وانا انطر تحرير ياسمين تلتها من ملابسها : اقول قومي وبقول لخالتي وامي راحت صالة الثاني ياسمين واهي لابسه عبايتها وملفعه علا كتفها : ترى بنروح الجمعيه باي : ام خالد (بسمه ) : تعاللي تعالي ياسمين رجعت: هلاا بسمه : طرطور عندج انا هني طرطور ليال وام ناصر ( حنان) : ههههههه ياسمين :وياااي يماا جني قايله لج بروح حفلة كبلز (مختلطه) بسمه @@ : وججع ان شاءالله عشان اقص رقبتج قص ليال: خالتي اسمحي لي بنتج ماتستحي بسمه : من زمان ماتستحي ياسمين : يما يلا بنروح الجمعيه شوي ونرد بسمه :ليش جمعيه كل ششي اهني ياسمين : ابي اشتري خرابيط سهرة يعني سوالف بنات بسمه : انزين لاتطولين بسسرعه تروحين وتردين ياسمين : اوك يلا ليولل ليال قامت والبست عبايتها ولفت الملفع ركبو سيارة (جيب لكزس بيضاء (نسائيه)2013) ليال بتوتر : يعني بتموتين لو مارحتي بروحج ياسمين : اي شفيج عاد كلها جمعيه وماراح نطول ليال بهدوء : زين ياسمين بعبط : الله وناسسه بنروح الجمعيه الطويللله حقتناا ليال : ههههههه حمدالله وشكر يااربي ,,انا اقول جب ياسمين : اووووكيـــه وصلوا الجمعيه وبقسم احلويات وياسمين ماخلت شيء ماخذته لييال : بس بسس الجمعيه ماراح الطيرر ياسمين: جب انا اقول ليال :كيفج واهم يشترون اغراضهم ليال ألمحت واحد طوويل حنطاوي مجسم لابس نظارت شوبارد ( مع انه داخل الجمعيه ) قميص جينز ازرق وضيق عليه وشورت بيج و جواتي تومز ازرق ووشعر طويل وله ذيل شوي من ورى و شعره علا الجوانب محلقة عالصفر نفسس قصة الاعب عبدالرحمن باني اذا تعرفونه وحاطله قفل وعوارضه خفيفه ومجسمم اوفر وخشمه مثل اي خشم خليجي xd كان واقف عند الثلاجه طلع له بيرة وقرب صوبهم ليال شهقت : آآآه امبيه ياسمين معطيته ظهره ماتشوف : شفيج ليال اخترعت اول مرة تطلع خايفه يصير شيء : امبيه هذا مادري وراج قرب صوبنا ياسمين مو مستوعبه : ششن ... قطع كلمتها الرجال نفسه اللي قرب صوبهم وعطا ياسمين أفاا *_^ ياسمينن :أأأأي ولفت وشهقت ياسمين : جرررااح جراح فصخ نظارته : وعممىى زين عمى بسسج هياته بس الكويت كلها حفظتج .... جراح عمره 26 طوله 188 عايش حياته بطريقه اللي يبيها بكلية علوم ادارية قسم ادارة اعممال .... ياسمين ماسكه ارقبتها من ورى : اح والله تعور ترى انا مو واحد من الربع شفيك الحمدالله وشكر ودققّت شوي فيه وشهقت ياسمين : حسبي الله على عدوك شمسوي بشعرك جراح يعطيها نظرت غرور واهو يعدل قميصه : بذمتج مو اهبل صرت ياسمين تكم عليه : وعووا الا تلوع الجبد شنو هذا واهم يتكلمون مرت بنت تطالع فيه وقعدت تخززه خز ( جنه تقول تعال رقمني ) جراح يغمز لها ياسمين عطته كوع على خصره : وعمممى عممى عند عمتي انا اعلمك عيونك زايغه جراح يضحك : هههههه شتبين انتي مناشبتني على كل شيء خليني اتهنى بحياتي وراح بيلحق البنت وسحبته من ايده ياسمين ياسمين : تعالل اهني وين راايح وين رايح ي الخفيف ركزز على وحده بسس جراح : انا خفيف ولا اهي الخفيفه وبعدين شفيج لازم اجرب جميع الانواع واختار المناسبه (يستعبط) طبعا كل هذا جدام ليال واهي خايفه احد من اخوانها يشوفها انتبه لها جراح |
| الساعة الآن 04:00 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية