منيره لبست عباتها وخالتي تغطت وانا تجمدت اطرافي
عرفت ان ياسر بيدخل هالحين
(وجاء الغول اووووووووع
ليس بظالم ولا سارق اووووووووووووع
بل بعقد و شرع وششششششش -صوت الريح موسيقى اسلامية تصويريه-)




كنت باهرب واطلع من الغرفه بس جمدت قلبي
(الا والله رجلينك تجمدت!!)
فرحة امي وابوي تستاهل هالتضحيه وهالديكور
(واي ديكور؟
الا عسى ماحلق العوارض!!
وزرايره مثل ربعنا الشفافه البيضاء والا شارين درزن من حقات الحجز
وعساه لابسن كبك
وياقة الثوب وشلون واقفه و الا الي تقل مثلثات مثل مراييل المدرسة من اول؟)
شوي دخل ابوي وفز له قلبي
كاشخ ببشته البني وشماغه وعقاله اللي ما يلبسه الا نادرا
(المهم عساه مدهنن رجيلاته بفازلين و مغطي شطيباته بشراب و زارهن بكندره ؟)
واليوم لبسه عشاني فرحان فيني
بعـــــــــــــــــد قلبي يا بوي
(طيب!!
الله يخليه لك)
ناظرني وتبسم وقال :
(والله عندي ان قلبه يتقطع بس يكابر و يقول المصلحه!)
: تفضل
: سلم برسميه
وانا رديت بقلبي
لو ماهو واجب ما رديت
(كان مارديتي
من يبي يدري؟)
ابوي اقبل علي وتعلقت فيه ابي اتطمن بحضنه
قلت له بهمس : راضي علي يابوي
(كانك تقولين
هاه ؟ شفت؟
سويت الي تبي
وغصبن علي
افرح عاد
همن عاد هو تاكله الحسرة
مالت وبس)
قالي بنفس الهمس : كل الرضا يا عيني
(يعني انثبري واسكتي ماني متحسف)

حبيت يده وراسه قلت له : يا ابوي هذا راس مالي
(كلنا ياوخيتي كذا .. ترى ماتغيرنا بالحيل عقبك
بس تعلمنا زود عشان تصير المغثه اقوى و اللهده اطم)
تبسم برضا وقال : الله يوفقس يا حبيبتي ووقف جنبي
(ان شا الله ما على الله شين بعيد)

ياسرسلم على امي وحب راسها وايدينها
(هذا وجهيي ان سواه مرتن ثانيه
وشوفي وش يبي يجيك
الاول همزك وانشلتي
هذا حب راسك الله يسترها من الجلطة)
والتفت لي وتوجه لي وانا من بعد ما سلمت
على ابوي جلست

وحطيت رجل على رجل وقعدت اهز رجلي بتوتر
(ليش ياعمري
تحسبينك بحصة انتظار وقاعدة تشبين كبيدات البنات بجزمتك و طول كعبك)
اثر الكلام غير والواقع غييير
(اييييييييه
ماسويت سوي بك
كل معلمات الثانوي لهن يوم -فيس حاقد-)
قالت خالتي: يالله يا ياسر سلم على عروستك
واقبل علي ماقمت من مكاني ولا طرى لي
بس عدلت جلستي
صافحني وجذبني بيدي ووقفت له
قال : مبروك يا بنت عمي
(يعني قصده ... غصبن عليك انا)

قلت وانا اضغط على الحروف :الله يبارك بك
جلس وانا جلست
( يا عيني على هالرومانسية
جلس قبلك ؟
زين الي ماخلوك تقهوينه بعد)
ابوي قام يعطي ياسر من الوصايا
وهو يقول :عليا بعيوني لا توصي ياعم
وصها هي علي والتفت يشوف ردة فعلي
قالت خالتي:
لا والله انت اللي نوصيك عليا ما تطلع منها العيبه ابدا
ضحك وقال :كذا يمه ترا انا ولدس
قالت خالتي : كلكم عيالي
( ايه تدري انهن يبي يصالن بعض
راس مال جلستك معهن لقمة الظهر او قهوة العصر والوجه من الوجه ابيض)
قال :مشينا ووقف
وطلع برى الغرفه هو وابوي وعليان
وانا توجهت لامي
وحضنتها بقوووه وقلت يمااااه
ما ابي ارووووح معاااه
وانهرت ابكي على صدر امي
(تحسفينها يا الظالمة!!
ترى ربي مايخلي احد!!
توي متهاوشه مع وحده علشانك يا الدبى
الحين وش اسوي اتعذر لها)
*************

بعد ما شريت الهديه لعليا وصلني سند للبيت
ورحت وصلت هدية عليا وهناك يقالي بانصح عليا
ورجعت لي النصيحه
حاولي تعيشين وتتقبلين سند
ناظرت نفسي بالمرايه
وهزيت راسي الفكره مرفوضه تماما
كملت لف شعري بالفير
وتزينت وتمكيجت ولبست فستاني العودي
(كل ذا و الفكره مرفوضه؟
اجل لو هي مقبوله وش تبي تسوين ؟
تلبسين قميص النوم و تمددين و ببليس عليا وعرسها)
ورحت للزواج مع ابوي
(ترى مايخرب الرجاجيل الا كذا
مشاوريكن مع اخوانكن و ابوانكن يخلونهم يتكلون
همن تحسرون عقب)
انبسطت كثير غيرت جو بصراحه
(هالحين خابرتن رفيقتك مقهورة مثل مانقهرتي
وتروحين ياوسيعة الوجه تبلعين و تجرعين و ترقصين
لا وغيرت جو بصراحه
الا والله تفكرين بـ...... )
بعدالعشا سمعت ابوي ينادي على اسم عيلتنا
ووادعت صديقاتي
ولبست عباتي وطلعت
وقعدت ادور ابوي وينه
بس ما دريت ان ابوي
راح وخلاني وارسل لي سند
وقف جنبي وقال: غطي عيونس
(ياي على الغيرة)
غطيت عيوني
(سمعا وطاعة)
ومسك يدي ومشى رايح للسياره
(ليش؟
كم غطوة حطيتي؟
طيب انتبهي ترى الطريق حصيان)
ركبت معاه ومشينا
شفته متوجه لبيته
قلت له : وديني لبيت اهلي
قال : رايحين للبيت
قلت له: خلينا نروح نجيب العيال
قال: نايمين بكره عمي بيجيبهم
(العيال عند جدودهم!!
وانت الي معرسة عشان تقعدين معهم
شفتي انك انت الي مخططه وراسمتن عليه؟
والا هه العيال مع اجدادهم مايبون تمسلحك )


**********
كنت جالس بالصاله اتفرج على التلفزيون
ودق تلفون البيت الا عمي
يقولي: روح جيب فايزه وروحو لبيتكم
والعيال نامو بكره اجيبهم لك
(غريبه!!
عند التلفزيون؟
مو بدايره ؟
ولا بالبر!
اكيد اجل به مبارات!!)
رحت للقاعه وناديت
وطلعت عرفتها من زولها
شفتها تدور بعيونها الكحيله يا سبحان ربي
وقفت جنبها وقلت غطي عيونس
وتغطت ومشينا للسياره
قالت لي : وديني بيت اهلي
قلت لها: رايحين لبيتنا
قالت : والعيال
قلت لها: بكره عمي بيجيبهم
(يازين هالحوار و المشاور)
اول ما وصلنا نزلت بسرعه وتوجهت بعباتها
للغرفه وصكت الباب عليها
لحقتها للغرفه
(!!!!!!!!!!)
دقيت الباب فتحت لي
وهي منزويه ورى باب الغرفه بس بان لي وجهها
(؟؟؟؟؟؟؟؟؟؟؟؟؟؟)
قالت بربكه : خير ابو ماجد تبي شي
قلت : في شي لازم اوضحه لس
(-عيوني قامت تدور-)
دفيت الباب ودخلت
(لاحظوا ..... دفيت
دف يعني ازاح
دف بمعنى دفع بقوة)
وليتني ما دخلت وليتني ما لحقتها
ماشاء الله جميله جدا كلها على بعض
ومع فستانها العودي وشعرها بسواده
زادها سحر
قلت وانا ابعد ناظري عنها

: اسمعي يافايزه اتمنى اذا كنتي برى
ما تكشفين عيونس وذاتا لاكنتي متزينه
قالت بإحراج : ابشر


وقفت مثل المراهق ما عندي شي بس ما ودي اطلع
قالت وهي منكمشه من الحيا تبي شي ثاني ابوماجد
قمت اتأمل بشوف فيها فوزه الله يرحمها
لكن ما شفت الا فايزه فايزه وبس
(اكيد دفنتها بالمقبرة و دفنت ذكراها)
قلت : لا شكرا وجيت بطلع
بس رجعت لها وقلت : الا على فكره انتي قريتي
على نفسس اليوم قبل لا تروحين
قالت أي الحمد لله
(كخخخخخخخخخخ
هذي بمعني : انا معجب بك)

قريت بقلبي اية الكرسي وقربت منها ونفثت عليها
(ياويل كبدي بس
متنا من هالتفال)
وطلعت
(طعت روحك بلا
دورو ريموته ترا خلاص انقهرررررررررت)
***************

انا بالله وش اسوي الحين
لي ساعه واقف بالصاله مع عليان وعمي رجع للمعازيم
جت منيره تتعذر : معليش يا سر
هالحين تطلع لك عليا بس تلبس عباتها
(ازين
اقهريييه)
عذرتها اكيد الحين مسويه مناحاه تبكي
من يومها وهي بكايه
بس بنت اللذينا صايره قمر
(شفت وشلون!!
اها الحين فهمت ليش عليان قام يغني
يبي الشياطين يحلونها بعيونك)

طلعت لي لابسه عباتها ومتغطيه
رحب بها عليان : هلا والله بنوارة بيتنا
(اجل اذا راحت بتظلمون ... تصير خرمس)
اللي من غيرها بيظلم وحضنها
قمت سحبتها من حضنه وهي بعنف نفضت يدي
(ياربي على هالنعومه بس)
تغاضيت عن هالشي ما ابي اعكر مزاجي
(غصبن عليك!)

قلت :يالله اسمحو لنا
مشيت وهي وراي
(ايه يا روايات عبير ؟!!)
ركبنا السياره ماتكلمت مشيت واخذت لفه بالحاره
(كخخخخخخخخخخخ
تقول دايرن بها في شارع الشانزليزيه الفرنسي)
ورجعت لبيتي اللي هو اصلا ملاصق لبيت عمي من الخلف
(عسى به باب توجوج معه لاهلها)
قلت لها : يا حيالله عليا
ماردت علي
الله يعييين على المزاج الخربان عارفها لا يمكن يكون هذا حيا
(يعني غاصبها وداري انك ملوعن كبدها
وش توقع تنافض عليك؟)

نزلت وفتحت لها الباب ونزلت ودخلت البيت
(لحظظظظظظظظظظظظظظظظظظظظظه!!
وشلون؟
من الي فتح بابها؟
لالالا
اكيد غاطانه يا ام رنو
يمكن ماشفتي زين؟
والا الي تبين تعطينا جو ؟
ترى قسمن بالله ايدي كل شوي تحوف النعله
بس اقول حرام
كلها كمن يوم و تخرب بنتي المحمول
وشوله العجله)
ودخلنا الحوش اللي مضوي بعقود أنوار العرس
(والله والله لو حنا الي مسوينها
كان محاضرات عن الترشيد بالكهرباء)
وقفتها وقلت : نورتي بيتي يا بنت عمي
(انتبهووووووا وقفتها
يعني غصبن عليها وقفت
يعني قاضبن ايدها و مثبتها بمكانها
تلاقون ايدها زرقا مكان اصابعه)
وما زالت ملتزمه الصمت
(يعني ماهمها زرقة ايدها متحمله)
بس هالمره سبقتني لداخل البيت
(من حر ماتوجس)
وتوجهت للصاله

وقالت : انا تعبانه وابي انام الله
يعافيك بلا ازعاج
(تراه مو شغالتكم الي سفرتوها)

قلت بمسخره: حاضر عمتي
(تدري انك تبي تدفعها كل ذا)
دخلت غرفة النوم وانا وراها
نزلت بهدوء شديد عباتها
وتفاجأت باللي لابسته
وش ذا !!!!!!

************

خالتي قمرا تترجاني
ومنيره تتوعدني وانا معنده
لا يمكن اطلع واروح معاه بهذا الفستان
قلت تبوني اروح معاه
فكو ازارير الثوب واغير واروح معه
بعد محاولات باءت بالفشل
رضخو للي ابيه وفكت منيره الازارير مع كم قرصه في ظهري ويديني مقهوره مني
(اجل غديتي قوس المطر
كلك قباص)
وركظ دخلت الحمام وتروشت وومسحت الخرابيط كلها
ولبست قميصي وطلعت لهم وشعري يرشح مويه
لقيتهم مجهزين لي فستان حق سهره
طنشته وقلت هاتو عباتي
(تدرين عاد!!
بعذر الرجاجيل دامهم يلبسون سروال السنة و فنيلة القطن نص كم
من هالقمصان المعفنه)
هاوشتني منيره لين انبح صوتها
وخالتي اكتفت بترديد: لا حول ولا قوة الا بالله
(تدري شعور ولدها وشلون يبي يطلعه على هالقمصان!
عس ماكثرتي يامنور منهن؟)
جابت عباتي منيره بعد ما يأست مني
وطلعت له ورحت معاه
توقعت اني اروح معاه فندق
(مأمله!!
حلمي!!)
بس الحمد لله وداني لبيت خالتي
(ايه... الحمدلله الي مايحمد على مكروه سواه)
ودخلت لغرفة النوم بعد ما سفهته مرتين
والثالثه جبتها على بلاطه ما ابي ازعااج
(ايه تبينها هوشه مثل منول
ياقلبي
الاول تحول
هالهوش الحين غيييييييييير شكل)
لحقني للغرفه وانا قلبي يرقع مدري وش
ردة فعله على كلامي وسواتي
(علينا عليون؟)
بس طز فيه ما يمشي كلامه علي وانا بنت ابوي

بس ما قدرت اتحمل ردة فعله
هههههههههههههه فكيتها ضحك
(خلاص بدأ الهك ينحسر
وتبان الحقيقة
هذي اخرتها
اول خلع رداء البرود)

جا بيمسكني هربت منه على الحمام
وقفلت وانا اضحك اضحك
يكلمني من ورى الباب : يا مجنونه يا خبله اطلعي برى الحمام
(ياربي بس على هالالفاظ الرومانسية
خف ياخي)
صرت اهز راسي بلا كأنه يشوفني

اخر شي قلب الضحك بكى
(دريتي انك لحالك ماحد يشوفك)
ومن كثر البكى لاعت كبدي
(اشوى الي منور ماسمعت رايي وجابت لك لحمة)
وهو ما وقف دق على الباب
(يشتغل سامري)
اخر شي صار يسمع استفراغي
(تورينه انك تعرفين الهيجنه)

:عليا خلاص افتحي وش صار

معدتي فاضيه
ومعدتي مصره تقلب علي
وقفت ورجولي تتراجف ورحت فتحت الباب
ياسر وقف بطريقي
قلت بضعف : الله يرحم والدينك
وخر من وجهي قسم بالله ماني طايقتك
(عشان يرحمك ولا يعطيك طراق او تفله وهو عجل)
وخر عني وانا رحت للسرير ورميت نفسي عليه
وسحبت اللحاف وتغطيت كلي
ابي ما اشوف شي
ابي انااام يمكن انسى انا وين ومع مين

(والاخ؟
راح للصاله يشوف التلفزيون؟
بس اخاف به مصارعه!!!)
************
بعد ما رجعت من العرس ودخلت الغرفه
لحقتني سعديه وهي تنزل عباتها
وكانت في منتهى الاناقه والجمال في فستان اسود وفضي

رحبت فيها بحب و انا ناوي اغير كل شي في حياتي للافضل
(الا ترضى والا تنرض)
:هلا باللي لفاني ياهلا به عدد دقات قلبي في غيابه
قلتها بحب لسوسو
قالت بإبتسامه : ياوحش مخصماك ماتكلمنيش
(بلا ثقل ياسعديه.. تراه مرتن بالعمر يمقن تجي و يمقن لا)
قلت : افى وحش ومخاصمتني لا سوسو
وغنيت لها لك حق تزعل ولك حق نرضيك ما اقوى
زعل حبيب قلبي وعيني
قالت وهي تنام وتعطيني ظهرها :كلام في كلام
(الكلام ابرك من بلاياه)

قلت لها وانا اعرف ارضيها
: انتي جربيني وشوفي
قالت بأسى لأنها متأكده من رده
: انت عارف كويس ايه اللي انا عاوزه وحموت لو ما عملتوش
قلت لها : قولي و انا اقول لس
شبيكي لبيكي اللي تبينه بين ا يديكي
قالت : وهي تلف وتمسح دموعها : عاوزه اروح لأم فالح

قلت وانا ابتسم واجلس جنبها
: تتوقعين ام فالح تستقبل احد هالوقت وانا اناظر الساعه
قالت بعدم فهم : لا طبعا
قلت اجل الصباح رباح نروح سوا لام فالح

نطت وقفت على ركبها مقابلي وقال بجد يا بندر انت ما تهزرش معاي صح
قلت لها وانا اضحك : لا ما بهزرش معاكي ههههه

قالت بفرح: ربنا يخليك ليا و ما يحرمنيش منك
(حقك ياخبله)
قلت وانا صادق : ولا منس سوسو
(طيب ليش ماتروحون مصر و تغيرون جو و تتعالجون
ابرك من ام فالح و بهاستها)
********




يالله وش هالليله الطويله صاحي من بدري
وانكرف ابو جدي تجهيز سريع لغرفة النوم
وعرس واستقبال
وروحه وجيه وعريس فوق هذا كله

اصعقتني عليا بحركتها مرره
ما تخيلت انها ساخطه وغير متقبله للقرار
(لا ياشيخ!!
احلف؟)
اللي صدمتها فيه
الا يوم شفتها بقميصها
مدري وش شافت في وجهي
(يمكن هذا؟


لانها قامت تضحك تضحك
حسيتها انهبلت
(لا عادي انا كل ما شوفه اضحك حتى لو ما قال شي
الا عاد كان انا بعد انهبلت فهو شي ثاني)
جيت بمسكها اسمي عليها هربت مني
دخلت الحمام وقفلت على نفسها
صارت تضحك اكثر
شوي قلب ضحكها صياح والله خفت عليها
بالحمام وانا برى اطلبها تطلع
بس مافي فايده
(يسمونها مكابر وانا اختك)
نزلت بشت الندامه وحذفته على السرير
(الا متسلفه والا شاريه؟)
واستمريت اناديها وهي ماترد
انهبلت يوم سمعتها تستفرغ
ياويلي وش فيها ذي وش جاها
صرت اطق الباب بقوه وانا اترجاها تفتح لي
(خفت من قمرا والا من ابو عليان؟
اكيد ما خفت عليها)
يالله بعد دقايق فتحت لي
وانا وقفت بوجهها ابي اساعدها
ابي اتطمن اكثر من اني اساعدها
(اكيد تبي تشوف فعلتك الي وين وصلت مواصليها)
قالت لي بصوت يرتجف : الله يرحم والدينك
وخر من وجهي قسم بالله ماني طايقتك
وراحت على السرير وتغطت وانا مثل ما انا واقف
رحت للمطبخ جبت لها ما ء وحطيته جنبها على الكومدينا
وطلعت للصاله منهد حيلي من كل شي وذي جت كملت علي
(لا ؟
هي الي كملت!
تبيها باردة مبردة عقب 18 سنة!
ياحبيبي خبرة سنه في مدارس الثانوية للبنات تعطي خبرة 25 سنة فن تعامل وينك انت!!)

قراءه ممتعه لكم
(اي والله تونست
مع انها مو عوايدي
بس بهالمنتدى معطين الردود ركبه!!)
وردود حلوه لي
(الشكوى لله
نبي نحكي وش نسوي)



واسمحولي مضغوطه هالايام بوقف لفتره ولكن ان شاء الله راجعه لكم
(براحتك ياوخيتي
طالما انتي بصحه و سلامه عادي
اصلن اخذت جرعه تكفين سنين من القهر
توي افهم سر بنات من اول؟!!!)

السلام عليكم ام رنو

كنت انتظر الروايه قبل تنزل

وتأخرتي فيها وانا انشغلت

اليوم عزمت اقراها

وانا من عادتي اذا متأخره با القرأه امشي واطمر با البارتات

الي روايتك عجزت احاول اطمر القى نفسي ارجع اقرا المشاهد اكثر من مره

ابداااااااع ام رنو

حصه ومنيره وعليا

الزواج التقليدي الي كان بأكثر العوايل زمان

فلانه لولد عمها ويملك الشيخ وانتهى الموضوع اهم شي الابو راضي بعده الام والبنت بكيفها تواجه مصيرها

اناللحين بالبارت الرابع حاولت اكمل قرأه وانزل رد ماقدرت

لفت نظري بندر ابوعيون زايغه من شبابه وهو طبعه هو طبعه ماخلاه

ماحبيت خسته و جسرته على التفكير في بنت عمه عليا بديل لأختها حصه

وكسر العلاقه الاخويه الي كانت في قلب عليا له

فايزه والثمن انه اخت لزوجة ارمل

اما انها تتزوج زوج اختها وتراعي ايتام اختها

او ترفض وتجي من تحل محلها ويواجهون عيال اختها مصيرهم

مع زوجة اب الله العالم كيف وضعهم معاها

ما ابي اتوقع شي مابعد كملت البارتات

لي عوده بأذن الله

السلام عليكم...

ام رنووووووووووو . اعتذر واعتذر واعتذر الف مررره لاني ماكنت متواجده بالايام اللي فاتت بوقت تنزيل الاجزاء..
. احدااااااث تجننن.. واحس اللعب بيبدأ من الجزء الجاي عقب ماصارت الشيهانه بوكر الصقر>>فيس للحين بعالم شيهانه وصقرها..هع
عليا وياسر الف مبروووك الزواج وجعله زواج العمر يااارب.. وانتي يااعليا بلاااش بكش علينا ياابكاشه..ترى ياسر احسن الف مره من بندر>>> بقولكم سر والله بندر معجبني.؟.>>فيس يغطي وجهه بيدينه خوفا من الاصابات ..هخهخهخه

طبعا بندر صار يعجبني عقب ماهداه الله وانتبه لنفسه وترك نغز الشيطان له.. وسعديه اجوديه الله يرزقها اللي تبيه..

نرجع لياسر وعليا.. بكل صراحه افكر طول ما انا اقرأ الجزء هو صدق انت ياايااسر كنت راح تطلق عليا لو ماسمعت كلام بندر؟؟ يعني بتاخذها عناد بس فيه؟؟
والله انقهرت رايح 18 سنه ومختفي ومخلي البنت بذمتك معلقها ولا سالت ولا عطيتهم خبر عنك واخرتها بتكمل زواجك منها عناد.>>فيس غاضب... والله قهرتني ..اهم شي الحين هالخبله عليااا وش بتسوي فيها..؟؟ وهي بهالوضع الصعب.. انا اتوقع انك بتحاول تتفاهم معها وبتصبر عليها شووووي بس بعدين يمكن يبي لها تحميرت عين عشان تتقبلك..>>فيس بدأ الاكشن عنده..هخهخهخه

ايه موقفتس عليا يوم لبستي القميص وصدمتي الرجال يمووت ضحك وقهر بنفس الوقت.. وانا اتوقع انه بيجي يوووم وتلبسين فستان الزواج لياسر وبتعوضينه عن هاليوم الاغبر.. يااقلبي عليه ما امداه يتهنا ويكحل عيونه بحلاله مسووي نفسه ثقيل وماقام يتفرج بيخلي الفرجه لوقت ثاني بس مسيييييكيييين اكسحووووووه.ههههههه

الا سلطان صديق ياسر ماوده يتزوج من نسرين ؟؟؟ صح ان نسرين شكلهم بيزوجونها ولد عمها.. بس مدري ليش متوقعه انها بتاخذ سلطان..احسه يناسبها اكثر..


سند وفايزه : ارحمهااااا وارحمهاااااااا وارحمهاااا بشكل غير طبيعي الله يعظم اجرها فايزه على هالزواج ... صح ان سند حبيب ومتعاطف معها وومتفهم لوضعها ..بس مستحيل يكون وضعه مثل وضعها.. هي كل ماشافته بتفكر باختها بس هو فتره وبيصير يشوف فايزه وينسى فوزه..وبتتغير مشاعره وهي لو حست بمشاعر حب والا ارتياح لسند بتحس بانها خانت اختها.. يعني الفتره الاولى بتكون كذا بس بعدين يمكن يتغير وضعها.

لكن اللي قهرني صدق ابو فايزه وامها.. يبون كل شي حار بحار ..ماعندهم احسااااس ,,ادري انهم يبون بنتهم تستقر وترتاح مع سند ..بس هم جالسين يضغطون عليها.. هييه انتم يااا الشيبان شوووي شوووي على البنت لا تخلونها تذبح نفسها ,, خلوها تحل وضعها مع سند بدون تدخلكم....

ام رنوووو تسلم الايااادي اااعسل.. عندتس اسلووووب يخلي الواحد يحس بالراحه من يقرأ اللي تكتبينه استمري ياااقلبي بالابداع..

بانتظار الجزء الجاي اذا الله احيانا بكل شووقفلا تخلين انتظارنا يطوووول...

والف الف الف مبروووك التميييييز تستحقين الافضل دااائما..