واخخخخيرا وصلت لكم
يسعد صباح الجميع
شبيهة امها ., تصدقين المفروض اوصل لكم من زمان بس وربي متصفح منتدى ليلاس مدري وش فيه
كل المواقع افتحها عادي الا هو لافتحته يعلق اللاب وتسكر الصفحه وقلق واكرهه نفسي وافصل السلك مره وحده
ههه حتى مااعرف ارد بالموت الحين ضبط قدرت انزل رد .,


شوفي انا اخاف يعلق معي المتصفح ب علق ع السسريع


الروايه طبعا مايحتاج خطيره فديتس ,’


موقف عليا هههههههههههههههه والله العظيم جلسسست اتخيل الموقف بتفاصيله ومت من الضحكك
وكلمة ياسر وش ذا احسسسس تعبير بليغ عن التناحه اللي اصابته لما شافها هههههههههههههههههههههههههههههههههه

انا مع عليا ومع موقفه يسسستتتاهل ارخص فيها كل هالسنين ويبيها ببرود الحين توافق عليه ولا
يبي يشوفها بكامل اناقتها , يخخخسي خليه ينقهر و يتعذذذذذب

كنت خخخخايفه لاتروح ب الفستان بس الحمدلله هع

فايززه ان شاء اللله سند مايستعجل ويتصرف مع فايز بشكل خطا بعد ماشافها لازم يعطيها فرصه تتقبله
بحياتها اول لانه اللي يصير معها ماهوب هين هذا كان زوجة اختها


الباقي ودي اعلق بس مثل ماقلت لتس وربي خايفه ماينضاف الرد المتصفح مدري وش فيه



و تسلممين ي قلبي ع الروايه لاهنتي

السلام والف والف،مبررروك على التثبيت،تستاهلين.رائع الوصف ماشاء الله مبدعه انا اشوف ان ياسر ماجاه شي للحين بتلعب بنفسيته زين عاد ماادري هو راعي نفس طويل لان عليا باسه قوي وبتطلع السنين الي فاتت من عينه بس ياليت يصبر والمعامله الزينه راح تمشي معها.والله يرزق سعديه بالذريه الصالحه وان شاء الله ابو ماجد يعطي فايزه وقتها عشان تتقبله

أولا : سوري يسمة عمر
بس ن حر ما اوجس
وصار ردك بوجهي
خلاص عاد ؟!
ثانيا حيالله الربع

قمت من النوم وبالي خالي من اية تفكير
يمكن هذا الهدوء اللي قبل العاصفه
مع ان العاصفه مرت بي من يومين
يوم قال وابتسامه تملى وجهه
:باركي لنا يا خالتي دخلتي انا وعليا بعد يومين
حسيت انه صفقني بأقوى كف في وجهي
ماقدرت حتى اتنفس لين خالتي قمرا ضمتني بقوووه
وهي تقول : مبروك حبيبتي
دموعي تحجرت في عيوني ياكبرها غصتي
حسيت بطنين ماعدت اسمع شي
اشوفهم صحيح بس مفصوله تماما عن عالمهم

مدري كيف وصلت غرفتي اخر شي اذكره نظرته لي نظره لئيمه
(شوفي يابنت الاجواد ... بطبق عليك دراستي
كخخخخخخخخخ
المسأله ومافيها أنك بقرارة نفسك موافقه و متشفقته لكن كبرياءك داخلن عرض بالموضوع خاصتن ان ابوك وامك ماجابوا خبر
لأنهم اصلن مايعرفون المكابر إلا اذا اضطرهم الامر يحنون روسهم لاحد وهو حاسين بالضعف او الحاجة او المهانة
وبحالتك ماينطبق أين من هذا
شفتي وشلون
فانتي يوم قال ما قاله استااااااااااااااااانستي لأنك مجبرة قدام الاخ كبرياء انت بلا حول ولا قوة ......مغصوبه
فمثل ماهم اهلك طبقتي مفهوم الكبرياء وقلتي احني راسي دامي مضطرة واذا شاء الله اوريهم كلهم
عشان كذا ما فكرتي بشي وشوله التفكير وجع راس بلا داعي بعدين يجي وقته المهم الحين انهم يرضون عني غصبن عليهم
ولسان حالك يقول : انفصل عنهم هم يبوني اداة اجل انا اداة ان بغوا آله مسيرة مو بس يرضون ولا يتعذب ضميري بمسألة عقوق الوالدين!
ياعز حالي بس!!
هك على الذات درجه اولى - ودكم فرويد يقرأ وش انا كاتبه الحمدلله انه ميت والا مات قهر من هالتحريف-)



هلت علي الاقتراحات والخدمات
(اكييييييييييد ربعك راعين فزعه اجواد)
كلهم يقولون مافي وقت ولازم اجهز بأسرع وقت
(هالحين انا ودي ادري وشوله الجهاز؟
تفصلون او تشترون جاهز وشوووووووووووووله؟
مو تتروحون لجده ؟
وهناك لا عارف ولا معروف
الا لازم هالجهاز
طيب خلوها بعد العرس وتروح العروس مع المعرس و يشرون على ذوقهم
لازم يعني الدولاب يصير تقل دولاب الفن مرت بباي!!




بس كنت جااامده مع الكل لين شفت عيون امي
امي يا ناس مبســــــــــوطه
(ايه ... هكي علينا .. تحسبيننا ربعك ذاك الحين!)

والله من زمان ما شفتها تبتسم
(عاد شوفي امك ذي مدورة غثا
والا تحمد ربها و تشكرها وابو عليان ممد عندها يتقهوى كل عصرية
غيره كان صكها بالعرس من يوم تحرولت
الا عاد كانه منكدن عليها و هذاه يشب كبدها ويواحمها بهالقعدة
تراي مادري
براي لله)

ياربي ان كان هالشي بيوريني ابتسامة امي
لآانساق فيه ولو به موتي
( مو لايقن عليك الكذب..
والله لو تسويها حدى بنات هالثانوي ماتخلينها لها
ان تمسحين فيها البلاط)

جلست معها وقلت وانا مبهوره باللي اشوفه
: يمه انتي فرحانه لي صح
يمه والله ما اكسر فرحتس
رضاس يمه عندي بالدنيا ومافيها
(من زمان عند الخلق يسمون هالي تسوينه تحايل نفسي
بس ربعنا مطيزين للعالم!!)
*******
:بقولك ايه يا منيره انتي مش حتطلبي مني اية مساعده
انا عارفاكي
بصي انا بعز عليا والله كأنها اختي الصغيره
وعاوزه اخدمها
فقولي من الاخر ايه اللي عاوزاني اساعدك فيه
الوقت ديق ومش حتلحقي
(ماشاء الله عليكي ياسعديه
لحقتي تفهمي بسرعه طبائع اهل جوزك
جدعه و عارفه !)
منيره بإمتنان : والله ما تقصرين يا سعديه
شوفي انا امس رحت انا وخالتي واخذت لها اهم الاشياء
بس باقي الفستان
في محل يمدحونه خذي نسرين وخذي اكبرمن مقاسها برقم انا اثق بذوقس
سعديه : انتي تأمر ياجميل وانا في ديك الساعه
لما اخدمكو دنتو اهلي وحبايبي
(اهي ياسعديه.... انت عايزه تتسرمحي بالشوارع و تنسي همك مع الي ميتسماش المدهول سي بندر
عايزه تفشي ضيقتك بأنهي حاجه)

**********

:لا صدقيني والله ا ن شافته لترميه في وجهس
انا اعرف خالتي لايمكن تلبس هالموديل
سعديه وبمكر : ههههههه ومن قالك اني حخليها تشوفو
دا هيا حتدبس بيه وحتلبسه غصبن عن عينها
دا انا سعديه والاجر على الله
نسرين : انا قلت لس لا تقولين ما علمتس بترميه في وجهس
سعديه وهي تبتسم : انتي اطلعي منها وهي تعمر
مالكيش صالح اتفقنا
نسرين بضحكه : اتفقنا
سعديه :بصي يا بت يا نسرين اوعي تجيبي سيره قدامها
انا عاوزه اصدمها يوووه يقطعني وهي تحط يدها على فمها

وبضحكه افاجأها
(طبعا دا الي كان نفسك تلبسيه يوم جوازتك؟؟؟؟)
*********

يا شين السوق لارحتي تركظين ورجعتي تركظين والمشكله للحين وراي كم مشوار
(تلقينك متوووووووووووووونسه
بس لازم الزنب وكنك مضحيه
كان ياكافي قلتولي احط بزراني عندكم و اوجوج معكم)

قمرا: ههههه هالحين بتقنعيني انس ما انتي مبسوطه بهالدوجه بالسوق

منيره : ههههه الا والله مبسوطه مافي احلى من زحمة تجهيز عروسه
قمرا : العروسه عساها قاست اللي شريتيه لها
منيره : لا طبعا يا خالتي
انا احطه عندها وهي تقول زين خليه اشوفه بعدين
(والله مغثه يامنيره!!
البنت غاصبتن نفسها و انتن تميلحن وتشرن لها شين يمكن مايعجبها
ادري ليش!!!
تبونها اذا ملت من رزتهن بالدولاب حولتهن لكن!!)

والاكياس مثل ما احطها مثل ما القاها ولا ناظرت فيها
الا يا خالتي ياسر ما قالس وش صار بينهم وشلون وافقت عقب ماكانت رافضه
قمرا : الا سألته وما قال الا ان الله هداها
(رضينا به رب و رضينا به مدبر
بس الي مايرضي الله هالتفصيل للدين على الكيف
نعنبو داركم وش خليتو لغيركم!!)
*************
التجهيز كان من الكل تخيلو زواج في يومين
يالله يمدي ومن فضل ربي لقوا القاعه غير محجوزه
وتولى ابو عليان وعليان عزيمة الناس للزواج
(كخخخخخخخخخخخ
قالوا صفو صفين
قالوا حنا ماغير اثنين
من يعني يبي يعرس عشان يحجز؟
كان دريتو
والا يمكن خليتوها وسط الاسبوع والناس مدارس مو فاضين يعرسون
الا يا بنات -حيث ان ام رنو مطنشه ماترد- ابسألكم
وش دخل العرس بالدراسه؟
ليش دايمن يخلونه بالاجازة
حتى الحين هالشكل مع ان البزارين محرومين -نتمنى لاطفالكم نوما هنيئا- منين يبي يجي الهنا و انا اذا جيت دايخه والا البزر يتمغط شبعان نوم!!!)
*******
ادري اني لعبتها بخبث
(تمدح روحك يعني؟)

وادري انها لا يمكن تقول غير اللي قلته
(والا هي نطقت بشي!!
الا جتها الطرما)

سويت اللي ابيه ارضيت امي بزواجي
وارضيت عمي بإكمال اللي بداه
بس زعلتها هي غصبتها وحطيتها قدام الامر الواقع
وادري انها لا يمكن بتعديها بالساهل
بس وش بتسوي مثلا بتزعل لها يومين وبترضى
(هذا خبرك بها منووووووول
هالحين صارت ابله
تدري وشلون ابله
لا و ابلة ثانوي
يعني متمرسه بالعناد و المكايد ببنات خلق الله)

من اصبح الصبح رحت البنك وسحبت مهرها وسلمته عمي
وكلمت سلطان ابيه يحظر زواجي هذا اخوي اللي ما جابته امي
(عسى معه فوايد بس
18سنه وانت تجمع بالمهر)

اليوم زواج صديقتي وابي احضره لو سمحت
سند : طيب مافي مشكله
فايزه بتردد : ابي اروح عند امي ومن هناك ابي اروح للعرس
سند : بتشترين لها هديه قبل ما تروحين
فايزه : لا بعطيها فلوس وهي تشتري اللي تبي
سند : اذا تبين رأيي انا اقول اشتري لها هديه
(ياويل كبدي!!!
من اولها فرض راي!!)
الفلوس بتصرفها وبتنساها مع الايام
اما الهديه كل ما تشوفها بتتذكرس فيها
(طيب وش دراك؟
يمكن تشري شين يجوز لها و تعتبره من فلوس صديقتها)
فايزه : صحيح بس الزواج بالليل ومايمديني اشتري شي
سند بعد ماناظر في الساعه : تبين اوديس محلات الذهب قبل لا تروحين عند اهلس
ناظرها ينتظر منها جواب
فايزه كانت محرجه منه ما عندها رد
عرف انها محرجه منه قال :يالله قومي هالحين ألبسي عباتس
تنحت فايزه
(مهب وقته التتنيح اجزمي لا يرقل)
ضحك سند : يالله ترى هالعرض لمدة عشر دقايق
(هه ؟ شفتي!!
تراه يبي يدور علثه)
بسرعه تحركت فايزه ولبست عباتها وطلعت له بالصاله
قالت انا جاهزه
(افا؟؟؟؟؟؟؟؟؟؟؟
من اولها تعودينه المراكض وراه
ماهقيتها منك)
********
رحت لبندر لازم اشو ف ردة فعله من بعد ماسمع عن زواج ياسر وعليا
وما تخيلته بتكون هذي ردة فعله
(لا عادي... هالمشاعر عندنا ركضت شيطان يتعوذ وتروح
صايرتن تقل دعاية كلوركس)

شفته واقف مع عليان وياسر مع العمال
يعلقون لمبات العرس ووعقود الاناره لخيمة الرجال

واشوفه يضحك ويعلق على ياسر
وبقلبي اقول الله يستر منك يابندر
(غاسلها بايدام!!!)
*****************
مرتاح الحمد لله احس اني فرحان لهم وفرحان لنفسي
اني بترك هالهم اللي عقدني
لي كم ليله اترجى ربي وادعيه ان الله يصرف عني
هاجس عليا والتفكير فيها
من كلام بدر لي قبل كم يوم وانا الضيق خانقني
بس ربي مسح على قلبي
الراحه اللي احس فيها عقب كل مره ادعي ان الله
يصرف عني التفكير بعليا وهذا يزيدني اصرار
اني فعلا ما افكر فيها وادعي لها بالتوفيق
(ازين مابنا حنا اننا كلش نعلقه بالدين
زين شين عادي
المهم بالاخر نرضى بالقدر
ونخلي الاحاسيس شياطين نتعوذ منها)
***************


صحيح امي ماتقدر تقوم معاي وتفرح فيني مثل كل ام
لكن انا بخليها تشوفني وانا اتجهز واتزين قدامها
كل شي بيكون لامي وتحت نظرها
وبخلي اللي مايتسمى ياخذني من غرفتها
وافرحها فيني زي ما تتمنى دايم
(الا تبي تورينها انك تضحين و انك مظلومه
وانت طايرتن من الفرح
وجع بس تبي تقهر امها)

البارح جت ام احمد السودانيه ونقشت ايديني
(ما جابت معها حلاوة؟ يمدحووووووووووونهن)
وجت بتنقش رجولي
رفضت قلت خلاص يديني تكفي
منيره ماخلت كلمه ما قالتها انتي عروس
ولازم من هالكلام بس ما علي منها
(الا وشوله كل هالنقوش
ايدينك يبي يروح مع غسل المواعين
ورجينك ماحد شايفهن
الا خساير مالها داعي)

نسرين معي من بعد الغدا
قالت : خالتي وش فيس ساكته
مرررره ما توقعتس بتستسلمين
(قطع السانك يا نسور
ماهقيتها منك
تحرضينها)
كذا وانتي لس سنين تتوعدين وتهددين
قلت لها بعد ما عطيتها نظره
: انا عشان امي بس ماشيه بهالمهزله

انحرجت مني وحبت راسي
(قلللللللللللللللللللعتك
تحسبين نفسك ذهينه
تراه معلمة ثانوي
خابزتكن و عاجنتكن)
قالت طيب :شفتي فستانس
قلت لها : لا
قالت : علووي لازم تقيسينه يمكن ضيق يمكن واسع
قلت لها بقرف : بلبسه لو هو خيشه واسعه فكيني بالله
تبسمت نسرين
( حشى نسره مو نسرين
تبي تولعينها؟
والا تبي تأكدين وبس
والله لو هي داريه لتصير بين سعديه و بنيدر و يبسط ابليس بداركم)
دخلت الريم وقالت جت الكوافيرا
وين تبينها تجلس
عليا : هاتيها هنا عند امي
شوي اتصلت على البيت فايزه وقالت بتمرني
وفعلا خمس دقايق وهي عندي
(ازين مابحياة منول هالمشاوير السوبر
تقول بساط الريح
كلن جنب الثاني
لو تعطس قالوا الجيران يرحمك الله قبل تقول الحمدلله)
ياحياتي جايه تبارك وتقدم هديتها
قبل لا تمشي
قالت لي : حاولي تتقبلينه عشان تعيشين
قلت لها :يا فايزه انتي قدرتي تتقبلين سند ؟؟
ردت علي بأسى : انا غير وضعي غير وضعس
وتراني احاول المهم يا قلبي حاولي
والله يوفقس ويسعدس
وطلعت من عندي
(عمى يقود كفيف!!
ماخربكن الا هالقعدات والفطور و دقت الحنك بين الحصص
والا وش يبي يطلع اسراركن؟)

رجعت اكمل التجهيييز
(لحظه!!!
وش تجهيزه؟
خابرتك رافضه و جادعتن الزند و الفتيل؟)
و جا وقت لبس الفستان وكان صاعقه لي
وماكان عندي الامنيره
خالتي والريم ونسرين في القاعه
:منيره انتي من صدقس جايبه لي هالمسخره وتبيني ألبسه
(مسخرة ايه ياختي؟
دا زوق مصري عالي
مايحكمشي
يعني عايزاها تجب لك ايه ؟)
ضحكت منيره من كل قلبها : هههههه محد قالس ما تشوفينه
قلت بعصبيه بس بصوت واطي عشان امي
: دبريني هالحين هذا شلون بلبسه
ببرود قالت منيره :عااادي فكي ازاريره والبسيه
قلت لها وانا ودي اخنقها :بالله ! كذا ينلبس طيب
واذا بفصخه من بيفك الازارير ؟؟
قالت منيره بخباثه وإبتسامه عريضه : يعني مين بالله ؟؟
ويالله بسرعه البسي ودفتني
قلت لها متأكده ان هذا انتي اللي شريتيه ؟؟
مستحيل يكون ذوقس !!
(لو انه ذوقها ما كش بدر الى الحين)
ضحكت منيره وقالت : ههههه عرفت ان سعديه
بتجيب شي حلو بس تفاجأت بظهره وحمالاته
شهقت وتفاجأه : منييره يا دبى والله لااردها لس انتي وسعديه
وطلعت دموعي قهر شلت الفستان المصيبه ورحت البسه
(عاد تراك زودتيها يا عليون
كان فتحتي دولاب اميمتك و اخذتي من مقاطعها المنقطه أو المزريه
والله كان تنط من سريرها )
الحمد لله ان الطرحه ثقيله وطويله
والا لو ايش ما اطلع بذا المنظر

بس هو للحقيقه فستان جدا حلو ابيض من قطعتين
الصدر بحمالات رفيعه جدا ومشغول كريستال كثيف
ويبدا يخف الى الخصر والظهر شفاف وكله ازار صغيره
والتنوره ذيل سمكه وبكريستال كثيف بالاطراف
ناديت منيره تقفل الازرار

بعدها اول شي سويته رحت سلمت على امي
وخليتها تشوفني
دمعت عيونها ادري بها فرحانه لي
قلت لها وانا ارجف: يمه الله خليس بلاها الدموع
الحين اخرب كل شي واقعد اصيح
والا اقول يمه تراني بهون وانا ابتسم لها
(وه وين المناديل خلاص بديت ما شوف و خشمي يبي ينقط
حسبي الله عليكم ما بعد خفت زكمتي)


دخلت منيره جايبه المبخره
: كللووولييييش ماشاء الله تبارك الله
روعه يا عليا تهبلييين
تعالي اوقفي هنا خليني اعطرس وابخرس

امسكي الطرحه فوق خليني ابخر شعرس
قلت لها :خلاص خنقتيني خلاص يكفي


قالت لي منيره : اقول عليا اجيب لس سندويشه صغيره
انتي ما اكلتي شي
(ورى ماتكزين عليان يجيب راس حدى الذبايح اوجه!!)
كشرت وقلت : لاا لا ما ابي بس ابي مويه ذبحني العطش
(خااااااايفه
ناشفن ريقك من الروعه
تدرين ... من حينك منتي قده
بس تحارشين)
منيره : ابشري وبجيب لس شي تاكلينه غصب
قلت :لااااا ما اقدر معدتي احسها مقفله


بعد ساعه دخلت علينا خالتي قمراا وعليان

:ماشاء الله تبارك الله الف الف الف مبارك يا حبيبتي
وضمتني وصارت تقرا علي
كنت بحاجه للقراء ه ابي قلبي يتطمن
عليان عند امي ماسك يدها ويغني لها
ويلو يام العروسه الله يتمم هناكي
(هههههههههههههههههه
وشلون تجي؟
قران و غنا
يعني الشياطين عند امك يتراقصون
والملائكه حولك تدور
مايجتمعون ياحبيبتي)