السلام عليكم ام رنو

واخيرااااا وصل البارت كل يوم اتهايق ( اي انظر بميلان )اتشوف هالبارت الحمدلله على السلامه

ياحيالله البارت والي خط البارت

عليا ويااسر ههه كنهم ابطال مسلسل تركي على هالاسماء

بس لا جاا مدرعم اسم عليان عرفنا ان الدعوى حولنا وحوالينا

علياااااا يمال الصلاح الي يقهرتس هالعناااد وهالخبال الي براستس معشش وين بيوديتس العرس وحصل وش تنطرين
على فكره ولمي الفكس هالعضه الي وسمت بالمقرود ويالله فكيتيه شكلها عقب عزيمة ابو ليد بتجيتس اضعافن مضاعفه بس انتبهي
لهاتس. (اي اللوز التي تقع نهاية اللسان )لا تنقز من محله. مسكينه بزعمتس تعاقبينه ماتدرين ان الحسابه بتحسب .....
رجال له اسبوع مخليتس سيدتس قيدتس وصابر على تفرعنتس وانتي مثل شجرة السدر كل ماقرب ولا افترك بطيتيه ومتحمل ومتجمل بس ماينفع
معتس الا دق الخشم
كان هو على ضربه اول فأنتي ماقصرتي يالبازع ((هديه لهتونه))صدق لا قالوا لا تعايب العوبا تعابيك تحط مافيها فيك
(العوبا هي الفتاة القويه المتفرعنه )
عض وعضيتي حشاااا عضااا ماهي علياا تخريب غرفه وماقصرتي ياحوسااا ماخليتي ولا بقيتي
والمقرود ليلة العرس طاير عقله مع هاك الفستان المزلط وتاليته تجينه بقميص من سنةجدي
ياليت يوم جاك وانتي متدغمله بقناع يعنن اني ابي الزين ليته جايب طبق بيض ومكسره عليتس انتي ومفرشتس علشان يجي الصبح
وانتي بزفرة البيض انتي وفراشتس ياااابنت الحلال خلاص اعرستي الحين دور القضب والتثبيت. خيمه ماهو رجال
طيب الحين لا توندقتي عنده ورفعتي ضغطه لو صبر يوم ماصبر اليوم الثاني لو انتس اغلى من عيونه المركبه
وش تحسين فيه لو لقطتس انتي وقمصانتس وزيتس وقعدتس عند امتس متهقويه انه مايعمله. يسويه وعويناتس تلاقط
والي صبره ثلاثين سنه من دونتس يصبر الباقي
يااارب تلقين رسالة غزل بجواله ولا تروحين معه لسوووق وعاد بنات هالوقت مااا يحتاج عسى ماتقلط معكم على الطاوله
تجي بنت غرنوق متزينه وانتي تسحبين عباتس الله لا يبلانا حتى القياس ماقستيه يالله ما اكل الفشيله الا انتي
سحيله ام الخلاقين نرجع لمزيونة السوق وتدلي تركض قدامه وتلبح له والله ان تنقزين مثل حبة القهوة بالمقلى وعساه
تقضبتس ارضتس اهجدي واخمدي وخلاص ادفني الي فات ومات وراعي لرجلتس وباريه وداريه دامه للحين شاريتس ولا
ليمنه اقفى وراح خلاص. لا فات الفوت ماينفع الصوت. مايفيد القوس عقب الغرق.
الا اخت ابو وليد متى عرفته علشان تحكم انه ثقيل دم !!!!!!!!!!
بس والله اني ضحكت عليتس اجالي ماهو انتي ماتبينه خليه للي يبيه. والله ان يطلع للحرب رجال حريم عزامات نادامات
شوفي معتس هاليومين ماتعدلتي ماااقول سلفحي وطيري. لا بس عطيه شوي ريق حلو يفتنه ويطيره بس ما يرويه
علقيه فيتس وخلي يده على قلبه منخرع انتس بتركتينه. لا تخلينه يتأكد ويرقد وهو أمن انتس خلاص رضيتي. لا
اجرحي شوين وداوي شوين تزيني واقطعي قلبه وترددي قدامه خلي عيونه تروح وتجي مثل مساحات السياره
هههههههه. معليش خطط حريميه ماااتخرش الميه
الا على طاري الميه بندر وين. سعديه الله يرزقتس بالولد الصالح والبنت البارة وكل من له شف بالضناااا

نسرين اجل كعكه مرتخيه وتصفين مداخن عسى بس دولابكم ماهو مرايات والاخ تمقل الين شبع احسه مناسب لنسرين اكثرمن عبدالله الي توه صغير
اما لو سلطان مع نسرين وياسر مع عليا ويسكنون حول بعض الا بشقتين متقابلات نص ضيقة عليا بتنهج

من بقى قمراااا بصف علياااا ......ايه حكي لو يجي وليدتس وشفتي وجيهه ماهو زين ان تقرصين عينتس بوجه عليااا ويمكن تنفضين يدتس لا سلمت عليتس. تراي بصف عليا خليه تاخذ حقه منه. وهي بقلبه تقول اهبي ياقوتس لا طخيتي ولا نخيتي ونكدتي على وليدي ليلته وجاي يطخطخ الجدران
يقول نمت نومة سم بس انشالله يعسفتس ويوريتس شغل الله

ريم وعليااان ياناس سلفوني هالوحم الي نسمع به ولا عمرنا شفناه اجل تنشين مخدته وحنا نلقطه هو مخدته وكل مايعرق به ويقرب له وراء الشمس بخمس حتى الحس ما نبي نسمعه حتى لا حكى ودي اجيب شطرطون الاصلي واديره عليه دوران يالله على اجر

ام رنو تسلميييين الله يوسع صدرتس بالايمان وطاعة الرحمن

ننتظرك بكل الود

السلام عليكم

تسلمين شبية أمي وأخيراً صار زواج عليا وياسر بعد هالسنين
حلو تصرف قمرا انها ماسافرت معهم وأعطتهم حريه عشان كل واحد منهم يفهم الثاني ويصفون حسابتهم بدون ما تميل لواحد منهم هو ولدها وهي بنت أختها
هو عنيد وهي اعند وفخار يكسر بعضه ....
و فضلت تقعد عند أختها وتخدمها مهما سوت ريم وكانت طيبه وخدومه ماهي مثل الأخت أو البنت

وريم واضح عليها الحمل هي وحامها الي بيونس عليان منها
اخف تلصق فيه حتى ماتخليه يخرج من البيت.....

نسرين وموقفها المحرج مع سلطان مرات العجله توهق وتحطك في مواقف محرجه هي ويش يضرها لاسألت جدها في احد مو تمشي مدعرمه أو مسحت المجلس بعيونها بنظره سريعه قبل تدخل حقيقة هذا مشكلت بنات هالايام الوحده تجيك فاهيه ماتدري وين الله حاطه من الخفه والرجه
وطبعاً عصب ولد العم أما الغيره بتحليها في عينه ويخطبها أو يعتبرها مثل أخته وما يفكر فيها بس عرضه وانقهر ان الغريب شافها وبيهاوشها على طفاقتها
سلطان هي حلت في عينه من شعرها هذا وهو ما شاف وجهها بما انه وحيد وياسر تزوج يمكن يفكر فيها ويكلم ياسر وعاد يلقى ياسر موضوع يكلم عليا وبتنشب لنسرين عشان توافق

عليا أشوف ردة فعلها طبيعيه لوحده كانت تكرهه في طفولتها وانجبرت على الزوج منه وتعليقه لها وهجره طول السنين ويجي يأخذها بارده مبرده هي رافضه هذا الزواج رفض قاطع
وفي اعتقادها انه مازال ياسر القديم الي تبي توجعه وتستفزه في الصغيره قبل الكبيره حاولت في صباحية العرس تروح من
غير اذنه ومن عجلتها ماركزت ان الباب مفتوح اصلا وسوت إزعاج على الفاضي
وكملتها في جدة بعنادها وحركة انها تحط البيض بشعرهاعشان تعند وتحطه أمام الأمر الواقع مادرت انها لو اصطدمت بجبل ارحم من انها تصطدم برجل و أول ما ورآها العين الحمره خافت وراحت معه كان اتقيتي شر الحليم قبل غضبه و سمعت الكلام قبل طيحت الوجه والمذله
مادرت ان الصغير يكبر وتتغير شخصية وذا الي خلها تحتقر تصرفاتها الطفوليه
يعني في أمل انها تتغير مادام نقدت على نفسها
و روحتها لناس ماتعرفهم من جد (اللي ماله أم حاله يغم) وحزنتني في هذا اللحظه كثير وحسيت بغربتها
بس عائله أبو الوليد مبين ناس طيبين وبتحبهم دام اتفقت هي وبشرى على ياسر والله انهم عوبات و (البيض الفاسد يدحرج على بعضه )
بس في سؤال هي وش عرفها (( بتقالت دمو الي إد بتشوفو كتييير وبتقابلو والله واحد مسافر وتارك أمو يحبة عيني كدا كل شئ عندو جايز وماتدري عن دين أمو الين دحين مانعرف اخلاقو يمكن يستغل هادي الهبله بشرى ويتفق معاها عشان الهبله التانيه تغير وتحبو كمانا
وانت يست عليا شفتي كيف الواد مسمسم وبطلي مصاخه و فسقنه وكلاحه زوتيه لا تعكنني عليه وهو مروق)) خخخخخخ فهمتو شي
ياسر وهدوئه اثبت نضجه كرجل وسعة باله على صبيانيتها بس الي متى بيتحملها وهي ولا على بالها يمكن حلف أمه و وصيتها الرادع له عن معاقبتها ويمكن يسايره ويبيها تغير فكرتها عنه ومايبي يجبرها ويفرض نفسه عليها

سعديه اتمنى تحمل وتفرح تستاهل كل خير بس ماضنتي انه السبب منها أظن بندر بعد الحادث صار عقيم وعشان كذا يرفض انها تتعالج طبياً وفي مشفى وافق هذي المره على طبيبه شعبيه لانها كسرة خاطره ويبها تيأس من نفسها

سند وفوزه هي صعبه عليهم بس خلاص انتم ماتفكرون بالانفصال هل بتعيشون طول عمركم على ذا الحال طبيعي المره الأولى والتجربة بتكون صعبه عليكم
أبوها عطاكم فرصه تقربون من بعض واخذو العيال عندهم بس ضيعتها يا سند ايش يضرك لو أخذتها وسافرتم وصارحتها برغبتك فيها وأنها لو استمرت في تربية عيال أختها بيروح عمرها و بيكبرون ويشوفون حياتهم وهي لا زوج ولا ولد وبتطلع من المولد بدون حمص وأمها وأبوها ماهم دائمين لها
أهلها ما تدخلو الي لأنهم شايفين أنهم ضلموهم وحاسين بذنب ويبون يتطمنون عليهم وهي بنتهم الوحيده ويبون ساعدتها

&& رد مشارك في مسابقة أفضل رد &&

@a2zaz: مساء الخير
قراء رواية آلا ليت الزمان يعود
اعتذر عن انزال الجزء بكره لظرف صحي طارئ اول مايزول العارض انزله ان شالله
دعواتكم

الجزء المرشح عن مسابقة أفضل رد ..

الجزء الحادي عشر من رواية آلا ليت الزمان يعود ..
للرائعة على الدوام : شبيهة أمي ..
~> آلا ليت الزمان يعود ..




بنات حلوااااات وين الردود!!!!!!!!


فيه كم اسم انتظر اشوف ردودهم

واستمتع فيها

لا تنسون اسفل الرد. كلمة مشارك بالمسابقه

الف سلامة عليك يا ام رنو ماتشوفين شر ياعسل