صباح الورد ........تسلم ايدك ياقلبي بارت يجنن ويبرد على القلب ........بس الله يصبرنا للبارت الجاي ....من الحماس ودي ينزل قريب

فايزة وسند

فايزة ردة فعلها جدا طبيعية خصوصا انها تملكت وتزوجت على طول مااخذت فترة تتأقلم على الوضع يمكن هالشي من صالحها وهو الي بيساعدها تتعود على سند وتتقبله ولاهم انو سند راضي ومتنازل عن حقوقه الزوجيه حاليا

صعب انها تحل محل اختها بس العيال مين بيتحملهم مثل منال الصغيرة وجلستها من النوم وبكاها مابتحن عليهم وحدة غريبة .....بس زين من سند غير اثاث البيت ولو هو مغير البيت كان الوضع بيكون افضل بعد بس صعب بيلقى له بيت يناسبه وموقعه يكون قريب لاهل زوجته

بيضل وضعهم فترة بس فايزة لازم تحط ببالها انو هالوضع مايستمر طول العمر ولا تسوي لنا حركات المراهقين بعد شهور وتظل على عنادها تاخذ فترة كم شهر تتعود على الوضع وتتأقلم وتعيش حياتها هذا نصيبها الي ربي كاتبه

الزواج مو بس تكون مربية لعيال اختها ولا خدمتهم بعد الرجال يحتاج لحرمة وهي حلاله اتمنى فعلا تعيش حياتها ولا تحرم نفسه وربي بيعطيها على قومتها في هاليتامى

انا معاها الحين لانو ماحد حاس بالضغوط الي تعاني منها والحمد لله شكل سند متفهم ومراعي مشاعرها ...ربي يغير حالهم للاحسن


عليان والريم

خخخخ والله هالحمد ملقوف الظاهر انو عزابي .....لو متزوج مااحرج اخته الله يهنيهم ويسعدهم اهم شي انو الشر الي كنا خايفين منه ماعاد موجود

عليا وياسر

حلو حلو انو ياسر سمع نوايا الخبيث وتفكيره ومنتظرة اليوم الي بيتمم زواجه فيه ويحرق قلبه ........صحيح عليا تقهر بتفكيرها وانا ابد مو معاها يعني شي ربي وكاتبه لها ليش تعترض اعتقد ابوها وخالتها بيتعبو علشان يقنعوها وانا بعد اقول ليش ماتعتبره خاطب لها جديد وتروح تفكر وتستخير ........بدل ماتنهي الموضوع على اشياء طفولية يمكن السبب الرئيسي مو ضرب ياسر لها الا مفتشلة من سواياها والا بتقنعني انها تذكر ضربه لها وماتذكر الاسباب

وشكلها بترفع ضغطنا قبل ياسر وبتجننه اتمنى من قمرا تنصحها وتبين لها حقوق الزوج وتكون مكان امها لها ولازم ماتقصر معاه ربي تلعنها لو اغضبته .......هي بسن ناضج ومتوقعين منها تصرف ناضج لازم تعطي نفسها وتعطيه فرصة وتعيش حياتها مثل غيرها

بندروه وسعديه

اذا كل هالجمال والاناقة مابينت بعينه ولا اشبعته حتى لو اخذ عليا مابترضيه وتسد عينه ......وبعدين من طريقة زواجه من سعدية وضح لنا انو عيونه زايغه وبعد شاف عليا زاغت العين اكثر بس خمس سنين متزوجين وماجابت لها عيل اكيد العيب من سعدية ولا حتى مبين عليها الضيقة والزعل هو عنده اثنين بس هي لا يمكن حكمة من ربها عليها لاني اتوقع مابتستمر معاه وخصوصا اذا تغير معاها وقت ماياسر بيتمم موضعه من عليا وبيقطع عليه احلامه


في انتظارك ياعسل

السلام عليكم ورحمه الله وبركاته

صباح الخير....صباحك نفحات من ذكر الر حمن

ياهلاا وغلاا باام رناا منورتنا ياعسل....تسلم يدينك ياقلبي على هالبارت
الروووووعه جدا استمتعت وانا اقراه والله يبرد القلب الله يبرد قلبك
...

عليااا وياسر
واخيرا يا ياسر تحركت اشوي ماطرا...والحمد لله انك سمعت كلام بندروه عشان تعرف نواياه
الشينه ووخلتك تلحلح ...وبعدبن علياا ما لها تعترض على شيء وخاصة ان زواجهم صار وهم صغار
وغصب عنها وعنه ...وصارت احداث خلت ياسر يهج من الديره ...وبعدين هي يعني بالله ما فكرت بعمرها
وان فرصة الزواج لها مره ثانيه صعبه ...وياسر انسب شخص لهااااا....واتوقع ان ابوها وخالتها قمرا
بيكون لهم دووور فعال في اقناعه باتمام الزواج..
مع اني اتوقع انها راح تسوي حركاتهااا الماصخه وبتهبل بيسور وتادبه على تخليه عنهاااا طول كل هالسنين
وبتطلعهم من عينه....

بندر وسعديه
جعلك العمى يا بنيدر اللحين عندك سعديه وكل هالحلاا فيها ...ولاا بعد خفيفه طينه وحبوبه ...وماخذها
بعد موقف بينكم ..تقوم تطالع غيرهااااا صدق انك ماتستاهلها ... وعينك دائم زايغه لبر ومالك امان المره
توك ماخذها مالها الا كم سنه وانت تطالع غيرهاااااا...وان شاء الله تعرف سعديه عن نواياك وتتركك
وتفلس لامن سعديه ولاا من عليا الي خذها ياسر ...

عليان وريم
ههههههه ياحليله اخو ريم هبل بهم ....بس حراااام احرج البنت يكفي خوفها وخرعتها على رجلها يقوم بعد
يعلق عليهم .... الله يوفقهم وحلووو حركة عليان يوم انه ياخذها يتمشى ابها عشان يطمنها ويتقرب منها
اكثر....واهم شيء راس الافعى افتكوا منهااا الله لايردهاااا

فايزه وسند
فايزه لام الله الي لامك موقفك صعب حيييييل...قبل كنتي تدخلين بيت اختك زايره توسعين صدرك معها ...اللحين
داخلته زوجه وراعيه بيت...شيء طبيعي تتضايقين ...وبتشوفين اختك بكل زاويه وتذكرين جلساتكم وسوالفكم
بس هي بقرارها ذا على الاقل عشان اعيال اختها الي اكيد ما فيه حرمه راح تتحملهم غيرها ولاا راح تتحمل دلع
منال وبكاها اخر الليل غيرهاا...وخاصة ان العيال فرحانين فيها ومتعلقين فيها كثيرر....واعجبتني حركة سند
انه غير اثاث البيت وجدده كله عشان تحس بنوع من التغير عشانهااا..وحلوو تفهمه لوضعها وعدم تقبلها له وانه
اعفاها من واجباته الزوجيه حاليا ...الي اكيد بيجي يوم يطالب فيها وهذا من حقه ولاا تقدر فايزه تمنعه ولاازم
من اللحين تتقبل الفكره عشان لاتصعب عليها بعدين......

تسلمين يالغلاا جعل من جابوك للجنه ...بانتظارك

مساء الورد
بإذن الله الجزء بالليل او الفجر هو جاهز بس للاسف انا مشغوله
يالله استودعتكم الله

مساء الخيرات على الوجيه النيرات

شاكره وممتنه لكل من يقرأ حروفي

نجلاء الريم
ههههه نجول يا قلبي حلالس حشي مثل ما تبين
شوفي انا لا يمكن اخلف وعدي دام اني بخير ان شالله
وان انشغلت او منعني مانع اكيد بعتذر
وان تأتي متأخرا خيرا من الا تاتي ابدا
تاخرت عليكم بس في النهايه جييت وخلال عطلة نهاية الاسبوع
بالنسبه للغرفه يختي انا منسقتها بنفسي المفروض تعجبس
وشفيه الاخضر والبني هههههههههه
ابيها تتخيل نفسها بملعب والا مزرعه ههههه

#جنان#
يا هلا وغلا بجنان نورتي يا قمر
يسعدني جدا تواجدس من بين المتابعين
شغلة ياسر مدني ماهو عسكري هههههه تخيليه يشتغل أي شغله تحبين الدعوه خيال في خيال
مهندس ينفع =)
انسام جبلية
مراحب نسومه يحييك ويبيقك يا بنت ليبيا
للاسف يا حبيبتي بعض الرجال ما يملا عينه الا التراب
وما نملك الا الرضا بما امر الله من التعدد
اما الخيانه فهو خان الله قبل يخون زوجته
ويستاهل وهذا قدره اللي ينزل نفسه لخادمه
اما اسم نسرين لا والله مو مقصود لكني اعشق هذا الاسم والله يرزقني بنوته واسميها نسرين
وصدقتي باللي قلتيه اهم من الذوق الحب والاحترام
مع اني اشوف الغرفه حلوه هههههههههه

اشتاق اليك
يا مهلا وغلا نورتي يا حلوه
سعيده جدا بوجودك وردك الوافي وتوقعاتك الخطيره
بالنسبه لبدر ومنيره صح هو انجبر عليها بس العشره ولدت المحبه هو فعلا يحبها بكل معاني الحب لانها انسانه تحبه وتنحب بالمقابل

فعلا الشععب المصري حبيب الكل وسعديه وبندر يمكن يكون قلبه فندق بس اكيد سعديه قادره تشغل كل غرفه هههه

قصص اليمه اللي ذكرتيها الله يعين بنات الحلال جد صعب هالوضع عسانا سالمين منه يارب
تدرين انتي خطيره مشا الله عليس

النصف الاخر
هلا والله بنصوفه والله وجودس هو الاروع
بندر ومثله مثل اغلب الرجال يشوف انه فرصة عمر اللي يخطبها ومايشوف بنفسه اية عيب بالعامي ماخذين بنفسهم مقلب خخخخخ

وردة الزيزفون
مليون مرحبا ولا يسدن زيزفونه
كالعاده بدعتي بالرد الله يسعدس يا قلبي
انا بناقش معس اعتراض عليا هي لها الحق تتدلع وتتمنع وترفض بعد يختي هو هج بعمره سنين خليها تشوف نفسها عليه
بالنسبه لسعديه وحملها جايتس اتا بالسالفه يا ربي يسعدس خخخخخ خطيره زيزفونه

عبق الرياحين

ياهلا ومية غلا عبوقه
الله يسعدس مثل ما تسعديني بدعواتس الحلوه الله يجعل لنا منها نصيب
عليا وياسر خليها تتدلل يا عبوقه
وعليان وريم مالهم فرصه بالانفراد دامهم ساكنين مع اهله فحب ينفرد فيها
فايزه ياصعب وضعها و اكيد العيال بخففون عليها تأزمها ويسلونها
ومن جابوك للجنه يارب

إرادة

والله يا إراده انتي اللي تستحقين الشكر الجزيل
استمتعت جدا جدا بجمال ردس والخاطره اللي كتبتيها في فايزه
رد قيم وعزيز جدا على قلبي
ياسر اكيد ان سماعه لبندر خلاه يتحرك
وعليا اكيد ما بتكون هينه لينه لانها اصلا طالبه طلاقها
فايزه ابدعتي بوصف مشاعرها والله عدت قرايتها كم مره
ياصعب حالها وحال سند اثنينتهم يعانون

اسعدس ربي دنيا واخره مثل ما تسعديني واكثر يارب