كاتب الموضوع :
l7'9t '3ram
المنتدى :
القصص المكتمله من وحي قلم الاعضاء
السلام عليكم ورحمة الله وبركاته
كيف حال حبيبتي لحوظة إن شاء الله تمام و بشرينا على نتيجتك إن شاء الله تكوني جبتي تقييم جيد جدا
مرة ثانية راح أتكلم معك بالمغربية بما أنك ماشاء الله عليك نبيهة و ذكية و حتى صرتي تتكلمي بها هههههههه فيس يبالغ
المهم بارت اليوم ألمني بزاااااف ، على موزة أولا المسكينة و المرارة للي فحلقها من ناحية فراق وْلادها ، و للي حْتَا شِ إنسان محاسش ( لا يحس)
بالمعاناة دْيالْها لا أمها و باباها و لا أختها ، و هي دبا بين نارين يا إِمَّا ترجع لماجد و تنسى كرامتها و إنسانيتها و احترامها و تكسب وْلادها و يا إمّا مترجعش ليه و يِدِّي ( يأخذ) ليها وْلادها ويْكوي ليها قلبها بالبعد ديالها على وْلادها
أماّ ماجد فحالتك تدهورت بزاف كْثَر من القياس (أكثر من المعتاد) ، توصل بيك المواصل وتْهَزْ إيدك (ترفع يدك) على بَّاك ْ( باباك أو أبوك تنطق عندنا بالمغربية على الشيخ الكبير نقول له بّٓا أو الجد ) علىاش (لماذا) حيتاش (لأن) رآك مسكون (مركوب أو بك مس نقولها هكذا)
أنا لا أظن أنه سبب كافي غَيْمْنَعْ ( سوف يمنع) عليك الدعوة ديال بَّاك من أنها توصل ليك، بْقَا فيَّة ( أي أنني أشفق ) بزاااااف أبو ماجد
و الله راها صعيبة بزاف و قاسحة ( أي مؤلمة و جارحة) على راجل في سنه و ولدو كْبَر و تزوج و حتا هو (هو أيضاً) وْلَد الأولاد ، و في هاذ السن يهز إيدو و يبغي يضربو ، كنت غادا نبكي (. كنت سوف أبكي) والله من هاذ الحالة
ديجور باراك عليك ( يكفي ما فعلته) ، دمرتي حياته بما يكفي و زيادة ، أشنو (هي ماذا) بغيتي ( تريدين) حتى تقتليه و تحرقيه بالماء السخون
عاد غادا ( حتى) ترتاحي ، بالله عليك هل هاد الشي راح يرد ليك ولدك ؟ بالطبع لا.
فيكفي رجاءا يكفي ، و حتى الأولاد ما سلموش من شرك ، علاش كتفزعي ( ترعيبي) فيهم إلا كان هو اللي آذى باراك عليك تنتاقمي غير منو هو
بقاو فياَّ لوليدات مساكن (مساكين) يلاقيوها من غياب ماماهم و لا من هاد الجنية اللي طلعت ليهم ، و الله إلا حالة عايشين فيها كَتْضُر (تألم) في القلب
أشنو غادا نقول واش غادا نخلي ( ماذا سأقول و ماذا سأترك) راه البنات طلبوك أ ختي ، ياك ألحوظة قالولك ترفقي شي شوية بيهم
طَلّعْتي گاع ( كل) فيساتك الشيطانية عليهم اليومة ههههههههه
باركا عليك اليوم هاد الكورس ديال المغربية ، حتى المرة الجاية عاود تاني (مرة أخرى؛ ) و نهذر معك بيها و لكن بلا ترجمة هالمرة الجاية
ونشوف واش (هل) غتْنَجْحي ( سوف تنجحين) ولا لأ
مش لازم حبيبتي لحوظة أعيد و أزيد إنك مبدعة و رائعة لأنك فعلا تستحقي وسام على هالإبداع الراقي
رغم أنه إبداع لا يخلو من شرك ههههههههههه
دمتي حبيبتي و دامت لنا أناملك الراقية بكل خير
أختك فطومة
*
|