لمشاكل التسجيل ودخول المنتدى يرجى مراسلتنا على الايميل liilasvb3@gmail.com





العودة   منتديات ليلاس > القصص والروايات > المنتدى العام للقصص والروايات > القصص المكتمله
التسجيل مشاركات اليوم اجعل كافة الأقسام مقروءة

بحث بشبكة ليلاس الثقافية

القصص المكتمله خاص بالقصص المنقوله المكتمله


إضافة رد
نسخ الرابط
نسخ للمنتديات
 
LinkBack (2) أدوات الموضوع انواع عرض الموضوع
قديم 27-04-12, 11:58 PM   المشاركة رقم: 46
المعلومات
الكاتب:
اللقب:
ليلاس متالق


البيانات
التسجيل: Oct 2008
العضوية: 102007
المشاركات: 1,237
الجنس أنثى
معدل التقييم: وردة الزيزفون عضو جوهرة التقييموردة الزيزفون عضو جوهرة التقييموردة الزيزفون عضو جوهرة التقييموردة الزيزفون عضو جوهرة التقييموردة الزيزفون عضو جوهرة التقييموردة الزيزفون عضو جوهرة التقييموردة الزيزفون عضو جوهرة التقييموردة الزيزفون عضو جوهرة التقييموردة الزيزفون عضو جوهرة التقييموردة الزيزفون عضو جوهرة التقييم
نقاط التقييم: 1356

االدولة
البلدSaudiArabia
 
مدونتي

 

الإتصالات
الحالة:
وردة الزيزفون غير متواجد حالياً
وسائل الإتصال:

كاتب الموضوع : أمي روحي المنتدى : القصص المكتمله
افتراضي

 

صباح الخير ........تسلم ايدك هموس بس البارت حيل قصير كنت متوقعة الاحداث فيه بتكون اكثر بس نبي التعويض يوم الاثنين .......

مشاري وشجون

مشاري كاسر خاطري حرام كل مرة يتزوج وحدة كانت تحب غيره وهو على الفضلة ....... ربي رحمه مايجيب عيال من العنود لانها خاينة مين قال انها موخاينة على الاقل صلاح كان في عقلها وقلبها طول المدة الي راحت رسايل صلاح محتفظة فيها ببيت زوجها ...........وكلام فارس موقذف فعلا هي ركبت مع صلاح سيارته وهي زوجة مشاري وماكان معاهم احد في السيارة هل هالشي يجوز ........انا مع فارس في هالشي العنود ماطلبت الطلاق الا علشان حبيبها صلاح واخته الي حرضتها بطلب منه ليه ننكر شي حقيقي

شجون الي بقلبها لغريب مو حب ولا عشق مافي شي اسمه حب طفولة .........بس لانها كانت عايشة بجحيم من ابوها كانت ترسم لها احلام وردية مع غريب ........هي ماعرفته الا طفلة ماتفقه شي من الدنيا على اي اساس حكمت انو هو الي بيعوضها وبيكون الحبيب اصلا طفلة ايش عرفها بالحب والعشق ..........هي لما تتزوج راح تعرف الحب من خلال زوجها .........شجون ماراح تتزوج مشاري وهالشي لصالح الاثنين مشاري يستحق انسانة ماحبت ولا عرفت غيره ............مو كل مرة ياخذ وحدة حطت غيره ببالها .......نتايج التحاليل ماراح تتوافق


فارس ليه حارق دمه بحريقة في العنود وصلاح من زينهم ومن البداية الغلطة غلطة ابوها الي اجبر مشاري عليها وظلمه وغلطة مشاري الي عارف العلاقة الغرامية المحرمة بين الاثنين وسكت عنها احس الي صار له مع العنود عقاب ربه لانو شاف المنكر وسكت عليه ..........معقولة واحد يجيي يتغزل ببنت عمه ويسكت له وين غيريته وربي فارس الكريه في هالنقطة احسن منه الكل يشوفه غلطان بس انا اشوفه رجال يوم انو شاف الي مايرضاه ربه وتكلم .........قال قذف قال راكبه مع صلاح بدون وجه حق ويقولون موخيانة


لحد الان اعتقد شجون مابتتزوج الا فارس ........ والي لانو احتقاره لها وكلامها هي عن الي بتتزوجه يمكن ربي يربط بينهم علشان كل واحد بيعطي الثاني الشي الناقص فويرس على كلامه السم بس احسه شجاع ومايسكت عن الغلط مهما كان .... ياسر مااعتقد انو بيقدر يتزوجها ايش بيقول لهم اذا سئلوه عن اهله واصله هذا في حال كان هو غريب لانو ممكن يكون واحد ثاني وغريب حكايته ماتخطر على البال ... اما مها خليها على هالحال الين تصحى من احلامها وتعرف قد ايش هي رخيصة وماتسوى بعيون ياسر بيجي يوم وبتسمع خبر ارتباطه بغيرها وهالشي هو الي بيعقلها .....


اما صلاح نشوة الانتقام بتروح لما يتزوج العنود الي اثنينهم ماراح يلقون السعادة المنشودة وخصوصا العنود الي بأعتقادي بتلاحظ على صلاح انو متزوجها علشان يقهر مشاري وبس

سحر دام انها تربت من صغرها ببيت عمها مااعتقد الي تحبه بيكون بعيد عن بيت ابو مشاري ممكن يكون مثل ماخمنا هو مشاري وربي يعوضه بالي تحبه وتعشقه ويمكن يكون فويرس قبل مايتغير وهي كرهته واستبعدته بعد ماتغير كل شي يجوز احنا بس نخمن بس اكيد للكاتبة راي ثاني


في انتظارك يالغلا

 
 

 

عرض البوم صور وردة الزيزفون   رد مع اقتباس
قديم 28-04-12, 09:50 PM   المشاركة رقم: 47
المعلومات
الكاتب:
اللقب:
ليلاس متالق


البيانات
التسجيل: Mar 2011
العضوية: 218843
المشاركات: 1,539
الجنس أنثى
معدل التقييم: عبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييم
نقاط التقييم: 1594

االدولة
البلدSaudiArabia
 
مدونتي

 

الإتصالات
الحالة:
عبق الرياحين غير متواجد حالياً
وسائل الإتصال:

كاتب الموضوع : أمي روحي المنتدى : القصص المكتمله
افتراضي

 

السلام عليكم ورحمه الله وبركاته
مساء الخير....... مساء الهمسات العذبه .......مساء الود والرياحين

تسلم يدينك هموسه على البارت الحلووووو

العنود وصلاح
انااااا متاكده كثيرررر ان حياتهم مع بعض مارااااح تكون سعيده ن صلاح يوم اصر عليها كانت عنده مساله
عنااااد وتحدي ورد كرامه له وهي الخبله طاوعته تحسب الى الان يحبها مادرت انها بخيانتها لزوجهااااا راح ينقلب
عليها وبيطين عيشتها وخاصه اذا دخل الشك بينهم وخاصه اذا شاف ان اتنقامه من مشاري ماسوى فيه شيء
وبتبدى بينهم المشاكل وعساها ماتنتهي

مشااري وشجون
مدري لييه الى الان وانا مو مقتنعه انهم لبعض عندي احساس ان التحليل راح يكون مو متطابق ومراح يتزوجون
لان مشااري يستاهل انه ياخذ وحده يكون هو الاول في حياتها وقلبها مانبض الا له
مو العنود الي ماراعة الله وخانته وهي تفكر بغيره وهي على ذمته ولاااااا شجون الي معزه ياسر او غريب بقلبها
يبي له وحده مثل سحوره تحبه وتعوضه عن التعب الي عاشه لانه انسان ضحى بكل شيء عشان بر ابوه وعمه
ومرت ابوه بعد
وشجون صحيح ان مشاري احسن لها من فارس بس هي تلبق لفارس اكثر عشان تكسر راسه
وتادبه على غروره وتحكمه بمصير غيره وحبها لغريب لانها وجدت فيه الماوى والملجا لها من عذاب ابوها
وهو الشخص الي يحميها فهو معزه واكتنان اكثر من الحب

فااارس
ياسبحان الله الشيء الصحيح الي سويته بحياتك هو كلامك عن بنت عمك وبس اما باقي افعالك فهي غلط
مدري متى تتخلى عن غروك واستبدادك الي حتى دموع امك ماشفعت لها عندك وضحيت عشانها وخذيت شجون
بس مصير شجووون لك صحيح بتعزر بهااا وبتوريها نجوم الظهر بس هي الي راح تكسر راسك وتادبك

صلاح
تاكد انك بحركاتك الصبيانيه هذي ماتحرك شعره من مشاري وكفوك وحده خانت زوجها تستاهلها بس تاكد
ان السعاده ما راح تدلون طريقها ولاا تعرفونها وخاصه اذا راحت عنك نشوة الانتقام وشفت ان حياتك
ويا العنود صارت مستحيله

سحوره
ياربي على هالبنت عسل يارب تنجيها من كيد زوج امها وولده وان شاء تاخذ مشاااري لان عندي احساس
كبير انه هو الشخص الي تحبه وما رضت تصرح باسمه

مشكوه هموسه على هالابداع لاخلاا ولا عدم

 
 

 

عرض البوم صور عبق الرياحين   رد مع اقتباس
قديم 28-04-12, 10:05 PM   المشاركة رقم: 48
المعلومات
الكاتب:
اللقب:
ملكة جمال ليلاس وملكة سحر الخواطر



البيانات
التسجيل: Aug 2010
العضوية: 183892
المشاركات: 11,135
الجنس أنثى
معدل التقييم: بياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالق
نقاط التقييم: 2930

االدولة
البلدKuwait
 
مدونتي

 

الإتصالات
الحالة:
بياض الصبح غير متواجد حالياً
وسائل الإتصال:

كاتب الموضوع : أمي روحي المنتدى : القصص المكتمله
افتراضي

 

السلام عليكم و رحمة الله و بركاته

مساء الخير و الرضا من الرحمن

هموس تسلم الايادي على هالبارت .. كل مره تبهرينا اكثر

...................
"مشاري"

وافق على الزواج بس مو مقتنع .اما خوف من تجربه فاشلة ثانية او انه يخاف يظلم البنت وياه

سبحان الله الواحد مو عرف وين الخيره له .. يمكن بعد الصلاة ربي يشرح صدره .. مدري احس

ما راح يتزوجها اتمنى يخيب الظن .. ممكن انه يشكي الحال لياسر و يوافق ياخذها ..

..........................
"شجون"
يعجبني تفكير هالبنت لو تم زواجها من مشاري راح تسعده لانه بيكون لها الدرع الحامي

من الدنيا و ظلمها ..اما على الجمال الروح اجمل من العنود يا شجون و ان شاء الله

تحلين بعين مشاري ...

.........................
"فارس"

يا شين الغرور اللي على قل سنع . المصيبة ما يشوف بلاويه و يحاسب نفسه بيجي له

يوم و يندم على غروره و ياليت تجي اللي تكسر خسمه .اللي رافعه .. سحر او شجون

ما تفرق ...

........................
"صلاح و العنود"

سبحان اللي لمهم على بعض لايقين حيل .. حياتهم اتوقعها تعيسه و متعبه حيل لانه بيدخل

فيها الشك اكيد بيقول مثل ما خنتي اهلج بتخونيني و تفكرين بغيري و انتي على ذمتي مثل

ما كانت تفكر فيه و هي على ذمة مشاري ...

........................

سلمتي يارب
..
..
..

 
 

 

عرض البوم صور بياض الصبح   رد مع اقتباس
قديم 30-04-12, 10:42 PM   المشاركة رقم: 49
المعلومات
الكاتب:
اللقب:

البيانات
التسجيل: Nov 2010
العضوية: 202983
المشاركات: 109
الجنس أنثى
معدل التقييم: أمي روحي عضو على طريق الابداعأمي روحي عضو على طريق الابداعأمي روحي عضو على طريق الابداع
نقاط التقييم: 243

االدولة
البلدAngola
 
مدونتي

 

الإتصالات
الحالة:
أمي روحي غير متواجد حالياً
وسائل الإتصال:

كاتب الموضوع : أمي روحي المنتدى : القصص المكتمله
Newsuae

 


الـــ ج ـــــزا الــتــاســـع

ابو مشاري راح للمستشفى ياخذ نتيجة التحاليل وكان قلقان حيل قلبه مو متطمن دعاء ربه ان كان زوج مشاري لشجون خير يارب سهله وان كان شر يارب اصرفه عنهم وعوض كل واحد منه زوج يسعده يحسب الدقايق كأنها ساعات
الممرضه : نادت ابو مشاري
ابو مشاري: : دخل لمسؤل التحاليل هاه ايش صار
مسؤل التحاليل: للأسف مو متطابقين ياعم الله يعضوهم خير
ابو مشاري: خير ان شاء الله
دخل بيته وعلامات الضيق بوجهه
مشاري: خير يبه عسى ماشر
ابومشاري: الشر مايجيك ياوليدي بس للأسف طلعت انت وشجون مو متناسبين
مشاري: ارتاح وكأن هم وانزاح من قلبه مو علشانه مايبغى شجون بس هو فكرة الزواج ثانيه ابد مو متقبلها الحمد لله ماصرفنا ربي الا خير
ابو مشاري: اقول ياوليدي خلينا نزوجكم لانك انت عقيم مايجيك عيال نسبة جيبتك للعيال ضئيلة
مشاري: ارتبك وحاول يخفي ارتباكه اسمح لي يبه ماقدر
ام فارس: جالسة ساكته بس على اعصابها
ابو مشاري: ماجبرك ياوليدي بس والله منحرج من هالبنيه كل مرة نخطبها لواحد والله يستر ابوها مدوخني اخاف يمل ويجي ياخذها
فارس: بعصبيه ليته يجي ياخذها ويفكنا منها بلوة وقطت علينا
ابو مشاري: طالعه بنظرة لها الف معنى يمكن هالبلوة بنظرك تصير أم عيالك
فارس: تخسى اتزوجها لو تخلص بنات العالم ماتزوجتها مابقى الا اتزوج وحدة زيها فارس ولد بندر يتزوج شجون سعد هزلت والله
ابو مشاري: طالع بزوجته وبنظرة حاسمه سبحان الله ياأم فارس ولد ضرتك فزع معك وولد بطنك تخلى عنك صدق من قال ماتدري من يبر فيك آخر عمرك يالله عن اذنكم
ام فارس: نزلت راسها بحزن
فارس:تضايق علشان أمه وانحرج كلام ابوه خلاه بموقف محرج مع أمه جلس جنبها والله يمه مابي يطولك ضيق وأنا حي بس ابوي بلانا بهالبنت الي مادري من وين نزلت علينا
ام فارس: حطت يدها على فخذه اهم شي سعادتك ياوليدي مابني سعادتي على سعادتك خل ابوك يسوي ا لي يسويه اهم شي انت تكون سعيد ومبسوط يانظر عيني وقامت وخلته
فارس: حزن حيل كلام امه طعنات بقلبه ناظر بغرفة شجون تمنى لو يفتح الباب ويمسكها مع شعرها ويرميها برا تنهد بضيق واخذ مفاتيحه وطلع لربعه بالاستراحه
احمد: فارس هذي أمك لازم تضحي لسعادتها اخوك مشاري رحمها وانت ولد بطنها مارحمتها اجل منو ترحم
غلاب: بنظرات غير مفهومه من جدك تتكلم ياأحمد فارس ولد بندر ياخذ مثل هالبنت اعوذ بالله فارس امير يبي له اميره
فارس: اغتر اكثر بنفسه صادق غلاب الحين انا فارس الي كل البنات تموت فيني آخذ زي هالبنت
احمد: قرب منه يابختك إن كانها زي اختها تجيك بالحلال وبدون مهر او تكاليف ماحد قدك يافارس
فارس: كلام أحمد دخل مزاجه ماينسى الى هالحين جاذبية فرح أكيد أختها زيها بس اذا تذكر ان عايلتها سمعتها طايحه بالأرض رفض الفكره
غلاب: ابتسم بخبث مادامها جميله اجل تليق بجمال فارس
أحمد: اكيد
فارس: اقول غثيتوني انت وياه وطلع وركب سيارته حاط يده تحت ذقنه ويفكرمحتار يبى يرفض بس كل مايتذكر كلام أمه يتقطع قلبه واذا تذكر جاذبية فرح لان شوي بس مو معقولة يكونو خوالي عيالي هالعايله وكيف راح اثق فيها كان هي زي أختها بس ندمت وخافت يوم شافت مصير أختها او جاها واحد ماعجبتها القيمة وسوت تمثليه على ابوي لا أنا مستحيل اتزوجها دخل لبيتهم و زي العاده رفع راسه لغرفة شعاع شاف الستارة تتسكر نزل راسه ودخل غرفته وجلس على سريره آخذ شاور وطلب من الشغالة تسوي له كفي يبغى يهدا شوي تعب من التفكير طق باب غرفته ادخل
مشاعل: مساء الخير
فارس: بعدم اهتمام وبدون نفس مساءالنور ايش عندك قال بشويش ياليل مانقصني غيرها الحين ؟؟؟
مشاعل: ارتبكت يوم شافته معصب وسكتت
فارس: بعصبيه هاه قولي ايش عندك تراني مالي خلق دلعك الحين
مشاعل: بتردد بس حبيت ا ناقشك
فارس: بدون اهتمام وهو يشرب الكفي عارف علشان الزفت والبلوة الي تحت
مشاعل: جلست جنبه على طرف السرير ارجوك ياخوي علشان أمي ترا شجون بنت حلال
فارس: اووووص ولاكلمة قال بنت حلال قال ايش عرفنا فيها توها جايتكم بسرعة سحرتكم لاتنخدعي بالاشكال هذي نصيحه مني توك صغيره مشاعل وماتفرقي بين الصالح والطالح مو أي شخص يسحرك بكلامه يكون طيب وحبوب وهو يتذكر كلام فرح واسلوبها وكيف كانت فنانة بالتمثيل وخداع الشباب
مشاعل: بس هذي
فارس: لابس ولاشي يالله اطلعي ابنام تعبان
مشاعل: مسكت يده والدموع بعيونها ارجوك فارس لايصير مشاري احن منك على أمنا فارس امي الي دلعتك وتحبك اكثرنا لاتنسى فضلها
فارس: اوووووه سحب يده منها بقوة مشاعل فارقي عن وجهي قسم مالي خلقك ابنام
مشاعل: بس
فارس: بصوت عالي مشاعل خلااااااااص ابنااااااااااااااام
مشاعل: بحزن طلعت وراحت لغرفتها وانفجرت طلعت كل الي فيها اجتمع عليها هم زواجها من غلاب وهم زواج ابوها
فارس: يوم طلعت مشاعل تنهد بضيق الله ياخذك ويرحنا منك يازفت ياشجون يالله ايش جابها لنا جلس يخلل اصابعه بشعره بعصبيه محتار ايش يسوي سمع نغمة مسج بجواله فتحه قرا ايش فيه تغير وجهه سكره وحطه على الطاولة تنهد بحنين ماحد يقدر يقنعني غيرك
شعاع: بعد ماارسلت رسالة لاخوها دعت ربها انه يلين ويحن وينقذ أمها
فارس :طلع يدور ابوه شاف ابوه في الصالة الي فوق يقرا قران قبل ماينام نزل على راس ابوه يبه انا راح اتزوج البليه الي تحت
ابو مشاري: فرح بس كتم فرحته عن فارس البليه الي تحت اسمها شجون وبكره بدري تقوم وتحلل ونطابق تحاليلك مع تحاليلها لسه محتفظ فيها
فارس: يكتم قهره ان شاءالله تصبح على خير
ابو مشاري: تلاقي خير فرح مرة ودخل على زوجته وعلمها
ام فارس: بكت ياقلبي ياوليدي سوا كل هذا علشاني بس انا مارضاها عليه
ابو مشاري: بعصبيه كيف ماترضينها عليه يامرة
ام فارس: البنت مرة مو حلوة وانت تشوف جمال فارس الله يحفظه
ابو مشاري: الله واكبر يوم يقبلها مشاري وانت شوي تطيرين من الفرحه وفارس زعلتي كل هذا علشان هذا ولدك يالولوة ومشاري لا مشاري الى ضحى علشانك ماتخافين عليه زي ولدك
ام فارس: هدي يابندر الله يهديك وربي اني قايله لمشاري هالكلام وهو اصر ياخذها وروح اساله دايم تظلمني الله يهديك بعدين مشاري يحكم عقله فارس طايش مايحكم عقله ولدي وانا اعرفه
بندر: قام وباسها مع راسها سامحيني يا ام فارس بس والله اني خايف على البنيه اكثر من خوفي على ولدك فارس مابقلبه رحمه وماعمره بحياته حكم عقله والله اتمنى اشوفه مثل مشاري واعقل بس للاسف الدلال خربه
ام فارس: بديت تقط علي الكلام
بندر: سامحيني يالولوة بس والله من قهري من عاداته مايحشم صغير ولاكبير أأخته هالمسكينه اربع سنين ماشفاها والله اني اقرا الحزن بعيونها
لولوة: تجمعت الدموع بعيونها ايه والله مهما ابتسمت وحسستنا انها مبسوطه اعرف ان قلبها يحترق مليون مرة من يصدق هذي شعاع الي كانت ضحكاتها وتعليقاتها تملى البيت علينا الحين حدها ابتسامة مجاملة بس نزلت دموع ام فارس
بندر: قرب لها ومسح دموعها خلاص يالولوة الي فات فات الله يسامح من كان السبب
اام فارس: تذكر كيف كانت تملى علينا البيت من مزحها ومقالبها الي ماتنتهي عيونها الي كانت تشع حيويه وسعاده ادورها الحين مالقاها كأنها شعاع ثانيه آآآخ ياقهري على بنتي وياغلي اتمنى يابندر ان ربي ماياخذ روحي حتى اشوفها ترجع تمشي ثانيه
بندر: ضمها على صدره اهدي يالولوة اهدي وهو بقلبه جمرة تحترق على حال بنته وربك هو الشافي سبحانه نبي نحاول نعالجها برا بعون الله وربك كريم
************************
في بيت ابو عبدالرحمن
غلا: دخلت غرفة سحر وهي فحمانه ونطت على سريرها
سحر: بسم الله خرعيتني يالمجنونة
غلا: وهي يالله تتكلم ج ي ت ك اقولك شي م ه م
سحر: ريحي وقولي كلامك مقطع مو فاهمه شي
غلا: تأشر على المويه هاتيها
سحر: ركضت وجابت لها مويه
غلا: جلست وشربت المويه بشربه وحده
سحر: بشويش لاتشرقي مجنونة كأنك راكضه بصحراء
غلا: ايش رايك فيني ما أصلح ممثله
سحر: فتحت عيونها يعني كانتي جد فحمانه او عطشانه
غلا: وهي مبتسمه يعني بس اهم شي خليتك تقومي تخدميني ابعيش لو مرة بحياتي عيشة الأميرات
سحر: سحبت مخدتها وضربتها
غلا: آآآي استني جايه اقولك خبر مهم
سحر: بعدت المخدة ايش
غلا: ابتسمت خالي مشاري وشجون ماتطابق تحاليلهم
سحر: تغير وجهها من جدك
غلا: ايوه
سحر: سكتت شوي طيب ايش راح يصير لشجون المكسينه مين راح يتزوجها
غلا: مين تتوقعي ؟؟؟؟
سحر: حطت يدها على فمها لا لا لا تقولي انه
غلا: يب المتوحش فويرس راح يتزوجها يعني فويرس راح ياكل شجون اكل قصدي يعرمش عظامتها لانها نحيفه مافيها شي ينوكل اصلا
سحر: ياملغك ياغلا وقت التعليق الحين وخفة دمك
غلا: اجل تبيني ابكي مقدر ومكتوب يمكن بعد ماتتوافق التحليلات ويتزوجها جدي
سحر: غلااااااااااا مو وقت هياطك وخفة دمك الثقيل
غلا: خفة دمي الثقيل كيف تجي بس يالله نمشيها
سحر: ياعمري ياشجون وياروحي بعد من ابو مشاري لمشاري لفارس ياخوفي ياخذها وربي يكرهها بحياتها
غلا: ياشيخه يعني حياتها عند ابوها حلوة مسكينة من ابوها لفارس بس مقدر ومكتوب وماتعرفي يمكن هي الي تجيب راسه ويصير يجري وراها
سحر: انتي ماتعرفي خالك هذا منزوع من قلبه حب اوحنان مغرور ومتكبر وشايف حاله مادري على ايش
غلا: انا مستغربه من كرهك له لايكون ضاربك وانتي صغيره وهذي عملية كبت ولدت الكره عندك
سحر: ماعمره ضربني ولاشي بس انسان يعامل شعاع كذا ويقط كلام ماله داعي ومايعبر احد كيف احبه
غلا: والي يقول كنتي تحبيه وجرحك بيوم وصرتي تحاولي تظهرين انك تكرهينه وان الخواطر كلها فيه
سحر: خطيره ساحره اهنيك كيف عرفتي
غلا: سبحان الله افهم لغة العيون
سحر: اجل ابشرك انك حولا وانصحك تلبسي نظارة علشان تعرفين لغة العيون صح ولاعمرك تتفلسفين واصلا ماحبيت احد
غلا: تغمز بعينها علينا يابت
سحر: فارقي عن وجهي بس
غلا: عدلت جلستها وهذي جلسة جالسة على قلبك جالسة
سحر: دق جوالها هلا يمه كيفك ياقلبي
ام سحر: جنبها سند وحمد ماتقدر تاخذ راحتها بالكلام بخير ياروحي انتي كيفك
سحر: مادامك بخير انتي واخواني انا بخير
حمد: يتمنى ياخذ السماعه يكلمها خابر صوتها هو وبحته ودلعها بالكلام الي يذبحه ذبح يناظر بخالته وصلي سلامي لها ياخالة
ام سحر: ابتسمت مجاملة ترا حمد جنبي ويسلم عليك
سحر: ميلت وماردت
ام سحر: كأن بنتها ردت كملت سواليفها مع بنتها
سند: يالله لاتصرفين فاتورة ادخلي بالموضوع بسرعه
ام سحر: تكره بخله وغلاظته معاها بس متصبره علشان عيالها ماتدري كيف تكلم بنتها بالموضوع
سحر: سمعت زوج أمها تقول بقلبها (اكرهك انت وولدك ) حبت تهون على أمها يمه ياروحي بغيتي شي
ام سحر: بحنان ايه ياقلب أمك انتي ترا حمد مستعجل يبي الزواج هالسنه هذي
سحر: يمه تعرفين اني مابي الحين ابيه بعد سنيتن او أكثر ابكمل دراستي يمه وكان هذا شرطي يوم وافقت
ام سحر: بس يابنتي هم
سند: أخذ الجوال سحر وانا عمك ماله داعي التأخير تكملين وانتي معاه
حمد: رفع صوته من عيوني تكملين ياسحر اجيب لك اطلق شغاله اهم ماعلي راحتك
سحر: تحس باشمئزاز من صوته
سند: كفو وانا ابوك خابرك رجال هاه وش قلتي يابنتي
سحر: ماتبي تحرج أمها واصلا خاربه خاربه هالسنه او بعد كم سنة خلاص الي تبونه يصير بس شاورو عمي
سند: خلي عمك علي بس يضبط حمد اموره مع دوامه ويصير خير
ام سحر: رحمت بنتها حيل ياعمري كل شي غصب
سحر: سكرت الجوال يارب عمي مايرضى يارب تصير معجزة ويتفركش هالزواج كله يارب
غلا: آمين آمين هاه ليش غرزتي كملي يارب تتفركش عرسك ووتتزوجين فويرس
سحر: مانزلت يدها يارب تتزوج غلو قبلي وافتك منها
غلا: عدلت جلستها حددي قولي واحد مزيون يتزوجها اليوم قبل بكره
سحر: وجع ابيك تضيقي وانتي ماصدقتي
غلا: تسوي نفسها خجلنة الزواج ستر وانا أختك
سحر: دفتها روحي مناك بس مسويه البنت الحكيمه
غلا: والله اني حكيمه بس مو مقدريني
سحر: اجل يارب تفك خطبتي من حمد ويتزوج غلا يارب ويجبون عشر عيال
غلا: عمى عمى
سحر: بسم الله علي وضحكت على شكل غلا الي تغير وجهها
غلا: مالت عليك الشرهه موعليك الشرهه على الي يجلس عندك تبي تطيح بكبدي حمتو مابقى غيره اتزوجه وطلعت من الغرفه
سحر: اختفت بسمتها يابختك ياغلا ماتجاملي احد على حساب سعادتك يارب فكني منه ان كنت تعلم اني ماقبلته الا لسعادة امي ابعده عني بدون مايضر أمي بشي
***********************
في السجن
فرح: وهي ضامه شجون والله ذبحني الشوق لك لاتقطعين فيني
شجون: وهي تبعد عن حضنها والله لو بيدي جيتك كل يوم بس الشكوى لله تعرفي انا ببيت زوج خالتي الله يرحمها وصعب اطلب منهم كل يوم يجيبوني مع ان ابو مشاري مايقصر بس انا استحي اطلبه كل شوي
فرح: ايه صح ايش صار على موضوعك
شجون: جلست هي واختها على الكراسي ياختي صرت زي الدميه عندهم من يد ليد وابتسمت بألم
فرح: افا ليه ؟؟!!
شجون: مرة يبون يزوجوني للاب ومرة للابن والحين للولد الثاني وضحكت بتريقه ومادري يمكن بعد يطلع أمر ثاني ويزوجوني سواقهم
فرح: بخوف لايكون راح يزوجونك لولدهم فارس
شجون: تخيلي راح يزوجون لهذاك المغرور
فرح: لا مستحييييييييييييييييييل ارفضيه هذا كيف راح تعامليه وربي لو تزوجك راح يعيشك بجحيم اكبر من جحيم ابوي
شجون: بحزن وهي تناظر قدامها جحيم بشرف وستر اهون علي مليون مرة من نعيم الدعارة
فرح: بعدت يدها عن أختها ونزلت راسها وطاحت دمعتها
شجون: انتبهت لأختها لفت تناظرها شافت دموعها تنزل منها حطت يدها على كتفها آسفه حبيتي مو قصدي اجرحك
فرح: آآآآآآآآآآآه ياشجون والله إني انتظر وقت القصاص علشان ارتاح تعبت من ذكرياتي المؤلمه والمخزيه ندمت على كل لحظه جلست فيها بين احضان ذئاب مايخافون ربهم ندمت على كل لحظة عصيت فيها ربي ليتني أخذتك وهربت زي ماهربتي أكيد راح ربي ينقذنا آآآآآآآه بس
شجون: بسم الله عليك من الآه ياقلبي احتمال يعفون عنك لأنه دفاع عن نفس وحده بريئه يمكن الحكم يخفف
فرح: لاااااااااااا ادعي ربي انه يطهر عني ابي ارتاح ياشجون ابي ارتاح تعبت وربي تعبت وبكت بقوة
شجون: حضنتها ونزلت دموعها تحس قلبها يتقطع بين حزن اختها وبين حياة الذل الي عايشه فيها تقول بقلها الله يسامحك يبه الي سببت لنا كل الي احنا فيه
******************************************
في الشرقيه
عبدالرحمن: ايوه ان شاءالله يوم الاربعاء راح اجي تعرفي الاسبوع الي فات صار عندي زحمة بالعمل وماقدرت طيب طيب انتبهي على نفسك ولاتعبي حالك يالله سلم لي عليهم مع الف سلامة
ماجد: زميل عبدالرحمن المقرب له في العمل صداقة سنتين رفع عيونه من ملفاته ياعيني لاتكون عاشق وماقلت لي
عبدالرحمن: أي عاشق يرحم والديك انا مو راعي هالسوالف هذي خالتي الله يحفظها
يوسف: فيه واحد يحب خالته كل هالحب خل عنك ياماجد تلقاه عاشق بس مخبي عنا ههههههههههههههههههه
عبدالرحمن: اصلا ماقتنع بحب قبل الزواج بعصبيه واكره أي رجال يخدع بنت ويعلقها فيه قبل مايتزوجها
يوسف: بلاك ماجربته قسم ماتمله انا مشبك الحين عشر بنات كل وحده لها طبع غير وميزات غير وربي وناسه
عبدالرحمن: بعصبيه اكبر اسمح لي لانك مو رجال وترا الي تسويه راح يسونه الناس باخواتك وبناتك
يوسف: احترم نفسك
ماجد: هدو ياجماعه
عبالرحمن: على اذنكم المدير يبني
يوسف: مالت مسوي الشاب العاقل الثقيل الي مايهزه شي
ماجد: بس وربي كلامه بمحله
يوسف: جانا الثاني بعد وقام يتفلسف
ماجد: ايش رايك نكمل شغلنا ابرك لنا
يوسف: صادق وارتاح من فلسلفتكم
***************************
في بيت صلاح
صلاح: لبس غترة بيضاء وثوب قماش ريتشي وكشخ آخر كشخه
نسرين: يوووه ايش هالكشخة وهالحلاوة كلها
صلاح: وقف بكل فخر قدامها انا صلاح ابن فؤاد مو أي شخص
نسرين: حرام عليك ياخوي راح تجلط قلب العنود من زمان تحبك لاعاد تكشخ قدامها كذا اخاف يوقف قلبها
صلاح: اتبسم بغروربسم الله عليها
نسرين: تحبها حيل صح
صلاح: طالعها شوي بعدين سكت أجل ليه تزوجتها بعد هالحقير مشاري الا لأني احبها
نسرين: فديتك خفت انه حب انتقام مو حب فيها
صلاح: من زمان كنا نحب بعض وانتي تعرفي
نسرين: انتبه لايطغى حب الانتقام من مشاري على حبك للعنود
صلاح: لف يطالعها تصدقي يوم قلت له اني ابتزوجها تمنيت اشوف الألم بعيونه وابرد حرة قلبي بس
نسرين: بس ايش
صلاح: بس الحقير مابين شي وكأنه ماهمته
نسرين: ياحليلك تلقاه يكابر لأني خابرته من كلام العنود انه يموت فيها ولايرفض لها طلب
صلاح: يارب تكون جمرررة بقلبه ولاتنطفي ابد
نسرين: الى هالدرجة كرهته
صلاح: وأكثر مما تتتصوري
ام صلاح: دخلت بهيبتها انتم هنا تسولفون وابوك تحت ينتظرك بسرعه انزل وطلعت قبلهم
نسرين: أمك ابد موراضيه عن هالزواج هذا ابد
صلاح: لاتلومينها تبغى لي عروسه بكر وانا تزوجت مطلقه
نسرين: لأنك انت بغيت كذا
صلاح: وانا قلت شي ثاني لاتدفين
نسرين: مادفيت بس لاتندم على شي سويته
صلاح: مستحيل ولد فؤاد يندم على شي سواه الا يوم اصادق واحد حقير يدعي الصلاح والدين زي مشاري
نسرين: الله ياخده هالحقير وينتقم لاخوي منه
صلاح: يااااارب
*****************************
في بيت ابو سلطان
الشيخ: على بركة الله انا الحين استأذن
ابو سلطان: الله يحيك ماقصرت اتبعه سلطان الى الباب
سلطان: سم يبه
صلاح: أجل انا بعد استأذن اقدر آخذ عروستي
ابو سلطان: ايه ياوليدي راح نوصلها الى سيارتك
صلاح: تسلم ياعمي
ابو سلطان: دخل على بنته وهي بكامل زينتها وفرحتها قرب لها وباسها على راسها وهي نزلت تبوس يده قرب وهمس لها يابنتي اتمنى انك ماتندمي بيوم
العنود: دق قلبها خوف من كلام ابوها ابتسمت بوجهه دعواتك لي
ابو سلطان: الله يوفقك ويسهل امرك مسك يدها هو وسلطان ووصلها لصلاح ناظر فيه وصيتك بنتي تراها الماسه مافرطت فيها الا لعلمي انك كفو هالامانه
صلاح: لاتوصي حريص ياعم العنود زوجتي وتاج راسي واخذ يدها منهم ومسكها وركبها بالسياره
العنود" دق قلبها فرح يوم مسك يدها غمضت عيونها لثواني مو مصدقة ا ن الي جنبها صلاح حبيها وعشيقها القديم
صلاح :مسك يدها بفخر وغرورو مبروك علينا ياالعنود
العنود: بحياء الله يبارك فيك
صلاح: افا مافيه ياقلبي ياروحي ياعمري
العنود: ابتسمت وسكتت
صلاح: فديت الخجلان انا ماصدق بعد هالمدة تصيري زوجتي
العنود: سكتت ماردت
صلاح: لعيونك ماخليت حفل ولاشي
العنود: تسلم ماتقصرياحـ
صلاح: ايوه كمليها ههههههههههههههه
العنود: نزلت راسها مستحيه
صلاح: طلبتك علشان خاطري قوليها لاتحرميني منها
العنود: بخجل ياحياتي
صلاح: ياسلااااااااااااااااااااااام تجنن منك ياروحي وياحبي انتي بس حبيتي جهزي حالك ترا بكره اهلي مسوين حفل كبير
العنود: ان شاءالله
صلاح: اخيرا وصلنا لبيتنا متحمس اشوفك مشتااااااااااااااق لك موووووووووووووت
نزلو للبيت وصلاح طاير من الفرحه
صلاح: ادخلي لغرفتك فوق وانا شويات واجيك تعمد يتركها علشان تتضبط مايبغى يحرجها حسب عشر دقايق كانها عنده عشر ساعات تضبط هو ببدلة فخمه لان جسمه خطير وابيض وشعره اشقر طالع على جدته التركيه دخل عليها وهو متحمس لشوفتهاااااااااااااااا
*
*
*
ايش راح يكون موقف صلاح يوم يشوف العنود ؟؟؟
العنود راح تقبل على حياة سعداة مع صلاح او العكس ؟؟؟
شجون وفارس هل راح يتزوجون وهل راح يتقبل فارس شجون او لا؟؟؟
انتظرو الاحداااااث

من اقوال احمد بن الحبل

الدنيا دار عمل ، والآخرة دار جزاء ، فمن لم يعمل هنا ندم هناك .. سبحانك ، ما
أغفل هؤلاء الخلق عما أمامهم : الخائف منهم مقصر ،الراجى منهم
متوان





















لاتنسو الدعاء لاخوانكم في سوريا

 
 

 

عرض البوم صور أمي روحي   رد مع اقتباس
قديم 01-05-12, 02:38 AM   المشاركة رقم: 50
المعلومات
الكاتب:
اللقب:
ليلاس متالق


البيانات
التسجيل: Oct 2008
العضوية: 102007
المشاركات: 1,237
الجنس أنثى
معدل التقييم: وردة الزيزفون عضو جوهرة التقييموردة الزيزفون عضو جوهرة التقييموردة الزيزفون عضو جوهرة التقييموردة الزيزفون عضو جوهرة التقييموردة الزيزفون عضو جوهرة التقييموردة الزيزفون عضو جوهرة التقييموردة الزيزفون عضو جوهرة التقييموردة الزيزفون عضو جوهرة التقييموردة الزيزفون عضو جوهرة التقييموردة الزيزفون عضو جوهرة التقييم
نقاط التقييم: 1356

االدولة
البلدSaudiArabia
 
مدونتي

 

الإتصالات
الحالة:
وردة الزيزفون غير متواجد حالياً
وسائل الإتصال:

كاتب الموضوع : أمي روحي المنتدى : القصص المكتمله
افتراضي

 

صباح الخير ........تسلم ايدك ياقلبي على البارت الحلو ........بدى الحماس يزيد اكثر واكثر

شجون وفارس

شجون ليه الكل متوقع لها الطلاق من فارس علشان شكلها ......ترى بنات كثير يكون عندهم جمال غير ظاهر بسبب الظروف والنحف الزايد وعدم الاهتمام ......شجون تفتقر لاشياء كثيرة كفيلة انها تعدم شكلها الراحة النفسية والامان الارهاق الشغل في الشمس قلة الاكل كيف بيظهر جمالها وكل هالامور من صغرها تعاني منها

انا مااقول انو فويرس بيشيلها على كفوف الراحة بس ياما بنات ربي منعم عليهم بنعم غير الجمال وربي طرح على ايدهم هداية ازواجهم يعني كان لهم تأثير كبير لتغييرهم للاحسن ........هذي فرح جمالها صارخ ايش استفادت منه ضاعت وضاع مستقبلها ......والعنود جمال بدون اخلاق

شجون راح تتغير دامها بتكون مع شعاع ربي كتب انها تكون بهالبيت مع انسانة مازلنا نجهل الكثير عنها بس الكتاب باين من عنوانه ماراح اقول مشاعل لانها ماراح تطول وتتزوج بس شعاع بتكون بلسم لقلب شجون الصابرة المؤمنة بكتبة ربها مهما عانت من فارس مستحيل تكون مثل ماكانت عند ابوها اشياء كثيرة بتتغير بالعكس انا متفائلة بشجون وواثقة فيها هي الي بتجيب راس فارس وبتعلمه دروس تهمه في دنياه واخرته

يعني اذا تزوجت غريب راح تسعد لا طبعا لانو غريب داخله مكسور مهما كان انسان مايعرف الى من ينتمي وليه اهله رموه والاعظم لو توصل لحقيقته كيف بيقدر يعيش مرتاح ويربط بنت الناس معاه ويعيش عياله نفس معناته من الناس الي اكيد مارحمته من الكلام الي انقال .....

شجون يمكن تكون هذي بداية رحمة الله عليها وبيكون اختبار لها مع فارس السخيف بس راح تتجاوزه وربي بيعطيها على صبرها وحمدها وشكرها له عمرها ماتسخطت ولا جزعت لسانها ماكف عن الدعاء لربها كل هالامور كفيلة تخلي فارس المغرور يعشقها وهي بشكلها المتواضع حتى لو ماكان جمالها صاخب بس ايمانها راح يميزها عن غيرها انا متفائلة فيها اهم شي طلعت من المستنقع الي كانت فيه


فارس من داخله يحمل الكثير من المشاعر والدليل كل مادخل بيتهم لازم عينه على غرفة شعاع .......حب شعاع مازال موجود والا كان عاند اكثر بعد رسالتها له لكنه اعتمد قراره بعد رسالتها ........فارس لو كان غير مبالي مثل ماهو مبين للكل مستحيل يغير الي براسه مهما كان هالشي خلص فيه ومايبي احد يفرض عليه شي غير مقبول غير الصدمات الي راح تجيه من غلاب


سحر وحمد

ربي راح يستجيب لدعاء هاليتيمة وراح تتخلص من حمد الزفت لابد احد بيكشفه قبل مايتم الزواج ماراح تتزوجه وتطلق لانو ربي بيريحها منه ومثل ماتوقعت حبيبها هو مشاري لانو وجهها تغير لما عرفت انو ماراح يتزوج شجون عسى ربي يجمعها فيه ويريح بال مشاري ويشفى او تطلع التحاليل مو صحيحة

العنود وصلاح

ماراح يعيشو بسعادة حتى لو صلاح عجبه جمال العنود الي مفتخرة فيه بس لابد بيحس حاله انو ماخذ فضلة مشاري الي قاعد يدعي عليه خصوصا لو مشاري تزوج سحر البكر وهو ماخذ العنود المطلقة .........غير كذا امه الي موراضية عن هالزواجة ماراح تعدي الموضوع عادي واحساسي يقول انو صلاح بعد فترة بيتزوج على العنود وحدة بكر لانو نشوة الانتقام بتتبخر وماراح يحس بالفرحة وهو يشوف مشاري عايش ومومهتم اصلا لافيه ولا بالعنود


مشاعل وغلاب

مشاعل راحمتها اتمنى ماتعيش تجربة الدل والانتقام الي ناوي عليها غلاب ان شاء الله يخاف ربه فيها ويتراجع عن الي براسه اذا تزوجها وعاش معاها ماندري عن المكتوب يمكن ربي يهدي غلاب على يد مشاعل


فرح
رحمتها حيل صعب انتظار المصير وساعة الصفر بس انا اتمنى انها تاخذ كم سنة وتطلع مايكون نهايتها قصاص مع انو يمكن موتها رحمة لها عن كلام الناس الي مايرحم او يمكن يصير الغير متوقع وغريب يتزوج فرح مجرد تخمين خطر ببالي ........ننتظر ونشوف المكتوب لفرح

اما ابو شجون اتمنى موته وربي حتى لو تعالج ايش بيفيد ندمه وهو الي اخذ بنته فرح لمصيرها الي دمرها من البداية تصخط على قضاء ربه يوم ماتت زوجته وبدل مايترحم لها راح سلك طريق دمر فيه هاليتيمات مايستحق الرحمة ولا الحياة

كلام عبد الرحمن عن انو يكره الي يعيشون البنات حالة حب وهم هدفهم غير شريف اعتقد ماجاء الا من تجربة خالته شعاع الي كانت على علاقة وكان نتيجتها انها مقعدة وفقدت حب اخوها وثقته

في انتظارك ياعسل

 
 

 

عرض البوم صور وردة الزيزفون   رد مع اقتباس
إضافة رد

مواقع النشر (المفضلة)

الكلمات الدلالية (Tags)
أمي, للكاتبة أمي روحي, ليلاس, العنكبوت, بيت, روايات خليجيه, روايات و قصص, رواية بيت العنكبوت, روايه سعوديه, روحي, قصص من وحي قلم الأعضاء
facebook



جديد مواضيع قسم القصص المكتمله
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


LinkBacks (?)
LinkBack to this Thread: https://www.liilas.com/vb3/t174576.html
أرسلت بواسطة For Type التاريخ
Untitled document This thread Refback 20-10-14 09:37 PM
Untitled document This thread Refback 04-08-14 05:03 AM


الساعة الآن 05:41 PM.


مجلة الاميرات 

 



Powered by vBulletin® Version 3.8.11
Copyright ©2000 - 2020, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية