السلام عليكم ورحمة الله وبركاته

عدنا واسفة على التأخير...معلش اصلي لسة مصدومة من البارت الاخير

في السريع كدا تاني....الحمد لله ان علي عرف زوجته على حقيقتها وإنها حرباية...بس صعبان عليا بنتهم الصغيرة..يمكن دا يبقى درس لأية وتعقل وربنا يهديها وعلياء تتوسط لها عند علي عشان يرجعها بعد ما تحلف بأغلظ الايمان انها عمرها ما خانته بالقول ولا بالفعل غير التوقيع من تحت لتحت

عمر...طبعاً كلنا عارفين ان اللعب القذر بدأ بقيادة حافظ اللي حيحارب بكل قوته عشان ينتقم من اخوه في شخص ابنه...يمكن اللي يكسره ان صفية تقتله وتخلصنا منه، او ان نور تعمل حاجة فتخليه يطق من جنابه ويموت كمدا

نور والحلم اللي بيطاردها...مهو يا فعلا هي اتعرضت لحاجة ودا سبب قلق اخوها عليها من البداية واحنا تخيلنا ان الاضطراب اللي عندها من موت اهلها، يا اما شافت اعتداء عمها على امها والكلام اللي بيقوله لها الرجل في الحلم هو الكلام اللي عمها كان بيقوله لأمها وقت ما اعتدى عليها وارتبط في ذهنها بأي علاقة بين زوجين
صراحة محدش يلوم ياسين في اي حاجة يعملها لإنه عاوز يدافع عن حبيبته...بس لحظة هي مريم دكتورة نفسية؟ لإنها لو مش كدا فمنصحوش يسال حد قريب منه خااااااالص.

الصدمة الحقيقية كانت حنان اللي مش اسم على مسمى...اعتقد انها كانت دايماً حاسه انها اقل من اللي حواليها..يعني اهلها ماتوا وهي عايشة مع خالها اللي بيشتغل عند ناس اغنيا أعلى منهم. فهي حاولت تستغل تعاطفهم معاها لصالحها واللي فادها جمالها عشان تتجوز واحد متريش...سواء كان معتز او ياسين. لكن هي فعلا مكانتش بتحب احمد لإنه مش غني زيهم. اتصدمت كمان في انها غلطت مع معتز اللي وقع زي الجردل واعترف لنادين...معتز كان انسان شبه طبيعي وغيرته عادية، ويمكن حتى مكانش حاقد على ياسين غير في نجاحه لحد ما فهم كلام نادين غلط، و فهمه غلط لإنه من الاساس على راسه بطحة. يعني اللي غلطت معاه ممكن تعملها تاني مع غيره. ومن هنا بدأ الصراع

نادين...مكنتش اتوقع ابدا انها بتحب أحمد...طب يا مجنونة ليه مش بتحسسيه بكدا؟ وبعدين بعقلك يعني اللي زي عقل نور وعلياء لما بيتربس...هو لو مش بيحبك كان ايه اللي خلاه يستحمل تقل دمك وغلاستك؟ مكان دور له على واحدة تنعنشه احسن من النكد وياكي؟؟؟
في الوقت نفسه...هي جواها عقدة ذنب وعقدة اضطهاد داخلة على بارانويا...الذنب من ان معتز فهم كلامها غلط وكان سبب في موت حنان والعداوة بين اخوها ومعتز. والبارانويا والشعور بالدونية عشان كانت حاسة انها اقل جمالا من حنان وابن عمها مش بيحبها، والاضطهاد لإن امها واخوها كانوا بيحبوا حنان اكتر منها
بس اعتقد اذا هي فتحت قلبها بشكل ما وشرحت موقفها واستعدت انها تفتح صفحة جديدة مع الناس اللي حواليها حتنجح وتفك الكلاكيع دي

كناريا الحب يوسف وانجي...سلامتك يا جو وفداك الف عربية...وخلي بالك من مراتك وابنك لإن ممكن الخطوة الجاية معتز يحاول يجهض اخته بشكل او بآخر...ازاي معرفش

سولي....النهاردة الثلاثاء...ياريت بلاش مواعيد الفجر دي لإني المرة اللي فاتت عنيا كانت بتقفل غصب عني

في حفظ الرحمن