سولي.....ايه الاجراااااااام دا؟؟؟؟

خليتيني اعيط في نهاية البارت...اهيء اهيء اهيء
يعني كلنا متوقعين إن أم علياء حتموت...بس مش يوم فرح بنتها...الله لا يكتبها علينا بجد
اصله فعلا شعور قاسي إن البنت تفقد أمها وسندها الباقي في يوم فرحها، خصوصاً وإن الهسهس في دماغها مخليها اصلا مش متطمنة لعريسها....بجد موقف صعب

ياسين ونور...تقدم واضح في علاقتهم، ازداد بعد الخروج للباخرة، ولو ان موقفهم الحميم في بيت نور خلاها تجفل شوية
صراحة رغم حبي لتوقعات إيمو...باتمنى انها تطلع فشنك...صعبان عليا نور وياسين وكسرة نفسهم وقلوبهم...يعني البنت غير شرعية وكمان ابوها غير الشرعي هو اللي تسبب في موت حماها....الله يعينها حقيقي

نيجي بأه لنقطة لقيتها مش منطقية شوية
اكتشاف ياسين لاسم عيلة زوجته
يعني لو الامر مقتصر على شراكته مع عمر ماشي ممكن ما يهتمش بالعيلة اوي
صحيح نور قالت انهم مش بيستخدموا اللقب دايماً، بس معروف إنه في النسب بيبقى فيه تدقيق اكتر في العائلات والاصل والفصل وكدا، بس انا حاعتبرها عدت على ياسين عشان كان ملهوف على الزواج من حبيبة القلب

ياسين الغلبان...حيلاقيها منين ولا منين...اهو دا اللي جات الحزينة تفرح ملقتلهاش مطرح وقليل البخت يلاقي العظم في الكبدة
اخوه متجوز من وراهم اخت عدوه اللدود، ومراته طلعت ابنه غير شرعية للراجل اللي تسبب في موت ابوه...شكل الصدمة حتخليه أقسى من الاول...بس ياريت ما يتخلاش عن حب حياته اللي ملهاش ذنب

سولي...في انتظارك على ناااااااااار يوم السبت ان شاء الله
وعلى فكرة اسكندرية بتسلم عليكي





نسيت حاجة...يمكن ضيقي على وفاة ام علي خلاني ما انتبهش ان اللي وقعت بسنت مش علياء...لحظة غباء عاطفي عادية جداً معايا...بس يارب الحمل يثبت وما يضيعش حلمها وحلم جوزها الحنون في انجاب طفل

صحيح فين رد فعل ياسين على فستان نور المكشوف، وهل نور لاحظت عمها وهو بياخد عمتها أو لأ؟ اسئلة كتيرة بتدور ومستنية بارت السبت يوضحها
سلام مؤقت