صباح النشاط

اخباركم مع الدايت


صحيت فطرت

توست قسمتها نص وحده مدهونه لبنه دايت وزعتر

والثانيه جبنه
دخلتها الفرن من فوق

واكلتها مع كوب شاي اخضر وزنجبيل

ومشيت 20 دقيقه بالسير

عذرا ياقلب
اذكر انت الي امك تعبانه اخبارها ان شاء الله احسن يارب




زوزو
تسلمين
ان شاء الله

اول شيء اللهم لاسهل الا ماجعلته سهلا ..
بسم الله توكلنا على الله
الخطوه 1 اللي ابتديت بها هي تسجيل تاريخ البدايه الجاده مثلا حطي تاريخ اليوم 19 /3 واكتبي وزنك
بجدول طبعا عندك ثم اكتبي 19/ 4 وحطي هدفك نقصان 3 كيلو وهكذا الى تاريخ 19/9
تكوني كملتي 6 شهور وقطعتي شوط ممتاز ثم خوذي لك فترة راحه ثم ابدي بروح جديده وبأهداف وجدول جديد
معدل النقصان كل اسبوع 700 جرام ان تحقق اكثر ممتااااااااااز وان نزلتي اقل لا تزعلين وكملي بكل رضا وتعوضين بالإسبوع اللي بعده
لأن يتفاوت الحرق والنزول من اسبوع للثاني وخصوصا اسبوع الدوره

الخطوه 2 لا تحطي ببالك ان خلاص ببدا برجيم او ببدا بحرمان لا لأن هالشيء يخليك تاكلي بكميه اكثر قبل البدايه
فخلي بدايتك طبيعيه جدا وخففي بشكل عادي
يعني مثلا اليوم بديتي خلاص مثل ماانتي مافرق شيء الا انك بتخلي اكلك اكثر صحه لجسمك ولنظارة بشرتك ولشعرك

الخطوه 3 اشربي كمية ماء كبيرررررررررررررررررره يعني اول ماتصحين 2 وقبل كل وجبه 3 اكواب وكل مااشتهيتي شيء اشربي كاسين مويه غصب عنك اجبري نفسك يعني لاتمنعي نفسك من اللي انتي مشتهيته لكن اشربي قبل كاسين او 3 بتلقين نفسك اكلتي منه لكن بكميه بسيطه بسيطه جدا مثل اكل الأطفال
وانا صراحه اول يوم كنت سمينه مره كنت اشرب 3 اكواب دائما اول مااصحى وقبل كل وجبه وكل مااشتهيت شيء
لأن معدتي كانت كبيره اما الحين اشرب 1 ونصف او 2 على حسب
وشوفي ترى بتكرهين المويا وتتعذبين لما تخلص الأكواب لكن ماعليك هذا والله والله من صالحك لأنه يصغر المعده وراح تلاحظين هالشيء واذكرك

لا بد يكون لك نشاط رياضي واذا ماعندك وقت صفقي 50 مره فوق وامام وخلف هذا مايااخذ وقت وبنفس الوقت جهد يحرق ويشد او هزي رقص خليجي 10 او خمس دقايق والله يرتب الجسم
وانتي واقفه بالمطبخ او بأي شغل سوي تمارين الخصر ( تميلين جسمك من فوق يمين 10 مرات ويسار 10 مرات ماياخذ ولا 3 دقايق وزيديها مع الوقت الى 30 مره
يعني باختصار لاتستحقرين الرياضه لو 5 او 10 دقايق ومثلا يوم بالإسبوع امشي ساعه او يومين
لو 5 دقايق باليوم احسن من ولااااااااااااا شيء صح ؟؟

الخطوه 4 خلي تفكيرك واهتمامك بهدفك وبالرشاقه وبالحياة الجديده واقرأي كثيييييييييييييير عن هذي الأشياء ثقفي نفسك واقري تجارب البنات اللي نجحو وخلصو من عالم السمنه والعقبا لك وانتي قدها وراح تبشرينا بإذن الله وانا واثقه من هذا الشيء

الحين بكتب لك نموذج للأكل خلال يوم كامل .... وانتو سويو مثله الي حابين لكن بحسب الأكل اللي متوفر عندك

يامهات على فكره المشي والمطارده ورى العيال مو رياضه تعرفوو ليش لان الجسم تعود على كذا

ولا كان نزل وزنكم صح

بسم الله
على الريق
3 اكواب ماااااااااااء عادي
3 تمره او 1 براحتك لكن اهم شيء وتر
كاس حليب قليل الدسم بالنسكافيه بدون سكر او بسكر دايت

الفطور
2 توست بر او صامولي بر ( ثابت) كل يوم
+
2 بيضه مسلوقه + نصف طماط وخياره
او
جبنه + شرائح خس او خيار
او
5 ملاعق فول
او
4 مصابيب ( لحوح)
او اي شيء من اكل البيت بكميه معقوله لكن بدون زيت او قليل من زيت زيتون

سناك
كاسين مويا
حبة فاكهه اللي تحبين

الغدا
3 اكواب مااااااااااااااااااء
ثم تجيبين صحن كبير شوي وتحطين 3/4 سلطه مشكله ( طماط خيار جزر ملفوف خس >> اي شيء تحبينه ضروري تحبين السلطه وتاكليها بإستمتاع لأنها كلها كلها فااااااااااايده وصحه ومامنها ضرر ابد
وتضيفين عليه علبه زبادي قليل او خالي الدسم (ثابت) كل يوم


+ 4 ملاعق رز + صدر دجاجه + نصف كاس لبن
او
سمك فيليه + نصف خبزة بر
او
ايدام بالخضار + نصف خبزة بر
او اي شيء من اكل البيت ( مكرونه / صينيه / كباب )
اي شيء لكن بنفس الكميات الموضحه يعني السلطه والزبادي ثاااااااااااااااابت كل يوم لكن التغيير باللي بعده مثلا الصينيه تكون بدون قلي ويكون حجم القطعه براحة اليد والكباب 2 طويل مثلا والمكرونه 4 او 5 ملاعق بالكثير نفس الرز والسمك والإيدام

العصر شاي اخضر 2 او 3 اكواب
حبة فاكهه لو كنتي جوعانه

المغرب قهوه + 3 تمر

العشاء
3 اكواب مااااااااااء
فاكهه نوع او 2 + صحن سلطه مشكله + زبادي قليل الدسم بالملعقه
ويكون قبل النوم ب2 ,3 ساعات

بتتعبين بالبدايه من دورة المياه الله يكرمك لكن من ثاني اسبوع بتخفين كثير

جربيو هالنظام لمدة اسبوعين متتاليين وشوفو نفسكم وشوفو وزنكم اكيد بيناسبكم ان شاء الله وبتلاحظون الفرق حتى بشكل الجسم اكثر من الميزان

الله يوفقك وتكون بدايتكم مبدعه