لمشاكل التسجيل ودخول المنتدى يرجى مراسلتنا على الايميل liilasvb3@gmail.com





العودة   منتديات ليلاس > القصص والروايات > المنتدى العام للقصص والروايات > القصص المكتمله
التسجيل مشاركات اليوم اجعل كافة الأقسام مقروءة

بحث بشبكة ليلاس الثقافية

القصص المكتمله خاص بالقصص المنقوله المكتمله


إضافة رد
نسخ الرابط
نسخ للمنتديات
 
LinkBack أدوات الموضوع انواع عرض الموضوع
قديم 16-08-10, 10:52 PM   المشاركة رقم: 16
المعلومات
الكاتب:
اللقب:
ملكة جمال ليلاس وملكة سحر الخواطر



البيانات
التسجيل: Aug 2010
العضوية: 183892
المشاركات: 11,135
الجنس أنثى
معدل التقييم: بياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالق
نقاط التقييم: 2930

االدولة
البلدKuwait
 
مدونتي

 

الإتصالات
الحالة:
بياض الصبح غير متواجد حالياً
وسائل الإتصال:

كاتب الموضوع : بياض الصبح المنتدى : القصص المكتمله
افتراضي

 

البارت الخامس عشر,,,,

/////////////////////////////////////
بعد ربع ساعة دقت هيفاء على فاتن وقالت لها انها بجيان وانها اسفة انها تركتهم طول ها الفترة ينتظرونها وماتسوقوا علشانها وقالت لها فاتن انهم راح يجون عندها بجيان علشان باقي بس شوي ويسكرون صلاة وبتسكر المحلات,,,,
/////////////////////////////فاتن/مدري ليه حاسة ان السالفة فيها شي؟
لفت لها مها/شلون يعني؟
فاتن/صوتها كان متغير وانا اعرفها من صوتها اذا كان فيها شي مضايقها؟
مها/شي مثل شنو؟
فاتن/مدري بس اكيد صار لها موقف او جاها تلفون الله اعلم ؟؟ولا ليه بتقلب كذا فجاْة مرة وحدة؟؟
مها وقفت بمكانها/تتوقعين لانها شافت خالد؟؟؟
فاتن بعد تفكير/يجوز..وانا مالومها شوفة خلود ترفع الضغط بصراحة؟؟؟
مها/اخاف صار بينهم شي؟؟؟طبعا لو نتقطع حالنا ماراح تقول لنا وبتقول ان مافيها شي؟؟؟
فاتن سكتت لانها عارفة لو خالد قال شي بيجيها الخبر بعدين....كملت مشيها مع مها لجيان وهي ساكتة تفكر في هيفاء وخالد,,,,
/////////////////////////////////////////////////////////////على البحر في كورنيش الخبر,,,
عادل/خالد وش بلاك من طلعنا وانت ماقلت شي ..ولاكلمة طول الطريق؟؟طيب فهمني وش اللي مضايقك ولا مزعلك؟؟؟طيب بسالك سؤال يمكن انه يحرجك ولا يضايقك بس ابيك تجاوبني وغلاتي عندك ابي افكر معك ونتشاور مع بعض.....خالد انت شفت هيفاء اليوم مع احد وتاْكد ظنك؟؟؟؟
خالد غمض عيونه بقوة وكاْنه يخفي دمعة كانت بتنزل منه......طول الوقت والطريق وهو يفكر فيها....
عادل هز كتفه وكاْنه يبيه يفتح عينه ويصحى..
عادل بخوف/خالد..شفيك؟
خالد تنهد تنهيدة كبيرة وحارة....
عالد/خالد...كلمني؟
خالد فتح عينه وصار يناظر بالبحر...
عادل/..............
خالد/منهي هيفاء ياعادل منهي؟
عادل فتح عينه وهو مستغرب من ها السوال من خالد...؟؟؟
رجع خالد لسكوته من جديد..
عادل/خالد...شنو يعني مافهمت؟
خالد/شلون مافهمت؟؟؟؟سالتك منهي هيفاء اللي انا حاطها في بالي وابي اذلها باي طريقة؟؟؟؟
/////////////////////////////////////////////////////////////////////في جيان....
مها/شدعوة اقلقتينا عليك؟
هيفاء مسحت اثر الدموع بس باقي غصة بصوتها مبينة انها كانت تبكي..../اسفة والله موقصدي..
فاتن ناظرت بالعربة اللي كانت تدفها هيفاء قدامها وحبت تلطف الجو/والله مايسوى علينا حبك لعبود؟؟؟جاية ومغافلتنا علشان ها السبايدر مان اللي يحبه عبدالله؟؟؟
مها ناظرت بالعربة وشافت السبيادر مان وضحكت...
هيفاء ناظرته وكان تفكيرها مشغول رفعت جوالها ودقت على مشاري تشوفه وينه...
هيفاء/مايرد....
مها/هيوف وش فيك مشاري راعي شيمة وماهو مقصر عن عبادي؟؟
هيفاء/مو مسالة مقصر انا مشاري اعرفه زين يحب عبود موت بس كنت بشوفه شمسوي معه؟
فاتن/هيفاء حبيبتي خل عبود يولي عنك شوي؟؟شوفي نفسك شوفي حياتك..كل شي بحياتك مركب ها البزر مايصير كذا؟؟؟
هيفاء تنهدت وسكتت..
مها/احنا عارفين انك متعلقة فيه..بس ياهيفاء انتي لازم تشوفين حياتك...وتحملين خالد مسؤلية ولده؟؟؟؟لاتناظريني كذا ياهيفاء..خالد اخوي وحبيبي بعد..بس ماراح ارضى انه يظلم ولدك ويظلمك اكثر مماظلمك...انتي عطيه ولده وشوفي حياتك...كم واحد تقدم لك ورفضتي؟؟ليه علشان عبدالله...ماتقولين لي اذا كبر عبدالله بيناظر بوجهك ولا بيرد عليك السلام حتى؟؟هيفاء مو كل زرع تزرعينه يطلع ثمره حلو....لاتضيعين عمرك وانتي بعدك ببداية حياتك والدنيا قدامك ياعمري....
كانوا في ها اللحظة وصلوا عند كراسي الحديقة اللي والخيام اللي بجيان...
هيفاء قعدت على اول كرسي لقته وبكت...بكت بكل مافيها من دموع.....
هيفاء/خالد يكرهني.....وعبدالله كل ماشاف خالد تجنن عليه وهو مو معبره؟؟؟انا عارفته يبي يجاكرني ويعاندني بس!!!ليه ماادري...صدقوني انا طول ماعشت مع خالد ماعشت معه يوم حلو..رغم اني ماضيقت خلقه مرة وحدة بحياته؟؟؟كل شي مثل مايبي وازود؟؟بس كره ابوه لي تشعب فيه وصار يكرهني لان ابوه يكرهني بس؟؟؟خالد قلبه طيب انا عارفته زين....بس ماني قادرة اشيل كرهي من قلبه...انا مايهمني انه يكرهني ولالا؟؟كل اللي يهمني عبدالله؟؟ماابيه يتعلق بخالد ويطنشه خالد من حياته...ماابيه يحس بيوم من الايام انه دخيل على حياة ابوه....؟؟
//////////////////////////////////////////////////////////////على كورنيش الخبر...
عادل/منهي هيفاء ياخالد؟؟هيفاء طليقتك...هاذي الاجابة اللي تبيها؟
خالد صار يناظر بالبحر وهو حاس بالضيق..../
هيفاء....هيفاء..انسانة كرهتها لانها كانت مفروضة عليه بيوم من الايام!!!هيفاء بنت عاقلة وطيوبة وانا مااستاهلها؟؟هيفاء شفافة وحساسة ...يمكن كانت خيرة اني اطلقها علشان لاتتعذب معي اكثر ولاني مااستاهلها؟؟؟
عادل بذهول/خالد شفيك ؟؟صاير لعقلك شي؟؟؟من وين جايب ها الحكي؟
خالد وهو بعده بضيقه وتناهيده...شال شماغه وحطه على الارض وفتح زراير ثوبه وكانه يبي يتنفس...
كان يتكلم بصوت حزين وعيونه مازالت ثابتة على البحر/عبدالله ولدها وهي متعلقة فيه..هيفاء مافي شي بحياتها غير عبود ياعادل؟؟؟لو شفتها وهي تبكي وخايفة اني اخذه شكنت سويت مكاني؟؟؟
عالد/خالدز.انت تاْثرت يوم شفتها تبكي؟؟؟
خالد/كانت تكسر الخاطر...كان ودي بالمحل بس اعاندها واجاكرها بس يوم شفتها تبكي تمنيت اني ماقلت لها شي يضايقها ويزعلها...كسرت خاطري...
عادل وهو يتنهد/ها الموقف بالنسبة لهيفاء بسيط ودموعها هاذي عادية؟؟؟
ناظره خالد باستفسار...
عادل بتاْنيب/ياما بكت بعد طلاقكم بكي اكثر من هذا بكثير ياخالد؟؟؟بنت صغيرة وبنت خالك ومطلقة سودت عيشتها ياخالد وحملتها هم فوق همها؟؟؟حمل وولادة وهي ماتدري وش اللي صاير بالدنيا وفوق كل هذا لازم تتحمل ولد ماله ابوه..ابوه مايبيه ولاعمره سال عنه حتى يوم نولد؟؟؟؟
خالد/انت ..انت ليه تقولي ها الكلام اللحين؟
عادل/لان ضميرك توه صاحي ياخالد وتوك شايف هيفاء على حقيقتها؟؟وتوك حاس انك ماتكره ها الانسانة لذاتها بس علشان ترضي غيرك؟؟؟وتوك عارف ان مشاعرك مايلة لها؟؟
خالد/انا ماقلت ان مشاعري مايلة لها ياعادل؟؟
عادل/مو لازم تقولها؟؟خالد الشي اللي قلت لك ابي اتاْكد منه تاْكدت خلاص؟؟انت تحبها وتبيها..يمكن مايكون حب بمعنى الحب..بس انت تبيها وماتقدر تنكر ها الشي ياخالد...غيرتك عليها مفضوحة مثل الشمس؟؟؟خالد بدفاع/انا مااغار عليها ياعادل ولا احبها بعد!!!بس..بس..
عادل/بس شنو؟؟؟انت منت قادر تتكلم عن مشاعرك تدري ليه؟؟لانك بتعتبره اهانة بحق نفسك انك تحب انسانة بيوم من الايام كانت بين يدينك وانت فرطت فيها بسهولة!!!!!
خالد/مو كذا...اصلا كلامك موصحيح؟
عادل/اسمعني زين ياخالد....مشاعرنا مو عيب ابدا ان احنا نتكلم فيها؟؟؟عندك اختك مها هي قريبة منها حييل..واذا حسيت انك تبيها بجد كلم مها وخليها تشوف ردة فعل هيفاء يمكن ان البنت تتقبل وجودك من جديد بحياتها....
سكت خالد ومارد عليه....
*************************************هيفاء/ها مشاري وينكم انتوا؟
مشاري/عند المطاعم....
هيفاء/طلبتوا شي ولا لسه؟
مشاري/ولدك مايبي غير بطاطا..
هيفاء/ماعليك منه تحايل فيه قوله لو مااكلت ماراح تكملون لعب مع بعض؟
مشاري/طيب...انتوا وينكم؟
هيفاء/نحاسب بجيان وبنطلع اللحين بنجيكم عند المطاعم.....
مها/اوووف..طالعين واخر شي نتغذى هني ماابي هنا انا؟
فاتن/وين تبين ان شاءالله؟
مها/ابي مطعم مثل العالم والناس نقعد براحتنا ونروح براحتنا ونقوم براحتنا مو بالمجمع..كل المطاعم اللي هنا مااحبها؟
هيفاء/والحل؟
مها/ماادري دبروها؟
فاتن/دبروها انتوا انا مالي شغل فيكم..
مها رفعت جوالها بدق على احمد بشوف/اوووف مايرد علي هذا بعد؟
هيفاء/ادق على السايق؟
مها/لا مقدر اركب معه...مابيرضى ابوي لو عرف؟
فاتن/شرايك تدقين على هند...مو محمد يجيبها قولي لها تعالي تغذين معنا ومحمد يوصلنا...
مها وهيفاء ناظروا في بعض....
هيفاء/اختصر على نفسي وادق على محمد علطول اذا السالفة كذا؟؟
فاتن/وورى ماتكلمينه كلميه يالله؟واذا مستحية منه جيبي انا اكلمه؟
هيفاء كتمت ضجكتها وهي تشوف مها مترددة...بس مع ذلك كلمت محمد...
هيفاء/هلا محمد شلونك...
محمد كان متضايق من الموضوع اللي توه صاير له الصباح بس ماعرف يتكلم لانه هند جنبه.../هلا...
هيفاء/عازمتك على الغذى..
محمد/والمناسبة؟
هيفاء/مافي اخت تعزم اخوها بدون مناسبة؟
محمد/في..بس انتي من زمان ماسويتيها؟
هيفاء/وهذاني سويتها....
محمد/طيب انا توني راد هند من المدرسة يعني يبي لنا ربع ساعة على مانوصل البيت خليك جاهزة؟
هيفاء/بصراحة حمودي...انا مو بالبيت انا بمجمع الضهران؟
محمد بعصبية/ياسلام!!!!
هيفاء/معي فاتن ومها ومايبون يتغذون هنا يبون يروحون مطعم ثاني......
محمد سمع اسم مها وسكت....
هيفاء/جيب معك هندوا وخلنا نتغذى سوا.....
محمد/طيب بس بردها البيت تبدل وبجيكم....
//////////////////////////////////////////////////////////////// على سفرة الغذى في بيت السالم,,,
الجدة/وينهم العيال ؟؟؟
ام محمد/مشاري طلع من الصبح مع هيفاء وعبدالله انتي شايفتهم خالتي يوم يطلعون؟
الجدة/انا؟؟انا شفتهم؟؟متى ؟؟؟ماعليك منها ياولدي انا ماادري عن احد بها البيت اصلا؟؟؟
ام محمد/خالتي الله يهداك انتي قايلة لي ان مشاري كان بزارا يوم يكلمك؟
الجدة بعصبية قامت من كرسيهاواشرت ام محمد تقوم معها وقامت ام محمد وسط استغرابها وذهول ابو محمد وهبة اللي كانت موجودة معهم
بعد مابعدوا شوي..
الجدة بتوبيخ/قايلة لك لاتجيبي طاري ان مشاري ياكل زارا قدام ابوه لايذبحه لنا؟؟انا بعلمه شغله لارجع بس انتي مالك شغل فيه؟؟
ام محمد/زين ياخالتي...في شي ثاني؟
الجدة/لايفلت لسانك مرة ثانية سمعتيني؟
ام محمد/ان شاءالله؟؟
ورجعوا اماكنهم..
ابو محمد/خير ان شاءالله يمه في شي مضايقك ولامزعلك؟
الجدة/لاياوليدي بس اسال عن العيال اليوم السفرة فاضية؟
ابو محمد/أي محمد وهو راد اتصلت لهم هيفاء وقالت لهم يجون يتغذون معهم هناك وراحوا هند ومحمد لهم..
الجدة/كان اخذونا كلنا نروح معهم؟؟؟قصدي اقول يعني بدل مايخلون اختهم هبة بروحها هنا بالبيت مسيكينة تكسر الخاطر!!!
ام محمد وابو محمد ناظروا في بعض وهم فاهمين انها هي المقصودة مو هبة بس اسكتوا عنها....
******على سفرة بيت العواد,,,
ابو خالد/وين العيال؟
ام خالد/مها قايلة لك انها بتطلع من الصبح يابو خالد؟
ابو خالد/أي صدق قالت لي انها بتتغذى معهم بره ومابترد الا الليل....والباقيين؟
ام خالد/خالد الله يطول عمره دق وقال انه عنده شغل بالمكتب وماراح يرجع البيت بياكل أي شي بالشركة..واحمد عنده محاضرات اليوم للعصر وعمر راح مع حمد ولد عمته يقول عازمه بيتغذى معه...ومرام راحت مع محمد ولد خالها وهند يتغذون مع مها وهيفاء بالمطعم....وجود ماشافت احد راحت تنام,,,
ابو خالد/مرام ماكلمتني قالت لي انها طالعة؟
ام خالد/قالت لي بدق على ابوي بقوله..بس انا قلت لها روحي وانا بعطي ابوك خبر..بو خالد شفيك خليها تنبسط مع اختها مع عيال خالها من متى ماطلعوا جميع؟؟
ابو خالد/مامعهم احد من العيال كيف يروحون بروحهم؟؟
ام خالد/معهم محمد بكبره ولا هو مبين بعينك بعد؟
ابو خالد تنهد/محمد...والنعم فيه....مابيتزوج يام خالد؟
ام خالد/اخوي يقول كل ماكلموه قال لهم بعدين وبعدين وها البعدين ماهي جاية؟
ابوخالد/حالته من حالتها مافي فرق بينهم....كلمتيها بموضوع سعودمن جديد؟
ام خالد/لا..ولاراح اكلمها بعد؟؟؟قالت لك ماتبيه يعني وش اللي بيكون جديد وبيغير رايها بالله؟؟؟
ابو خالد/طيب ولمتى ياام خالد؟
ام خالد/لين يفرجها ربك عليها.....
ابو خالد/عاد انا اليوم تمنيت خالد يكون موجود عندي كلام كثير ابي اقوله له...
ام خالد/خير ان شاءالله؟
ابو خالد/ابي اكلمه عن عبدالله....لازم يجيبه هنا يعيش معه؟؟بالاول قلنا مانقدر ناخذه وابوه مو هنا بس اللحين ابوه هنا ولازم يرجع يعيش معنا ياام خالد ولاانتي شتشوفين؟
ام خالد/والله مدري يابو خالد...خله بالاول يعبره ويعطيه وجه بعدها يجيبه عنده....
ابو خالد/لازم يجيبه عنده ...خلاص خالد لازم يستقر بحياته ويتزوج...واللي بتاخذه لازم تحط ببالها انه ابو لولد ومسؤل عنه ؟؟؟
ام خالد بصدمة/انت تبي تزوج خالد يابو خالد؟؟؟
ابو خالد/وان شاءالله تبينا يقعد بدون زواج لمتى؟؟؟؟؟
///////////////////////////////////////////////////////////////في مطعم لفانا بالدمام....كانوا فاتن ومرام وهند ومها بطاولة ومحمد ومشاري بطاولة ثانية....وهيفاء كانت رايحة جاية على الطاولتين....
وهي بغرفة محمد كان جنبها ويتكلم معها بهمس لاسيما ان مشاري مشغول بالاكل بعد ماراح عبدالله عند مرام...
محمد بهمس/كنت مارك الدوام اليوم بكلمك؟
هيفاء/خير..
محمد/في موضوع كنت بتكلم معك فيه..بس تفاجاْت انك اجازة؟
هيفاء/أي انا ماخذة اسبوع اجازة باقي ثرثة ايم على ملكة العنود وقاعدة ادور بالسوق شوسة حوس عندها وانا معها...واليوم طالعة انا والبنات نتشرى لنا ثياب ناويين نطقم مع بعض..
محمد/كنت بتكلم معك بموضوع يخصني ويخض مها...
هيفاء كتمت ضحكتها/خير,,,فيها شي..قايلة شي..؟
محمد ناظرها/يعني انتي...هي ماقالت لك شي..
هيفاء/محمد قول شي مفهوم؟؟شنو يعني قالت لك شي مدري شنو؟
محمد تنهد......
هيفاء/محمد شفيك؟
دخلت هند بها اللحظة....
هند/ياسلام وحشتوني يااحلى اخوان بالعالم,,
مشاري/اقول روحي انثبري هناك عند البنات...
هند/شدعوةياحافظ؟؟؟اقول مشاري ماوحشتك جدتي وحنتها اليوم؟
محمد وهيفاء ومشاري/هههههههههه
مشاري وهو يضحك/انتي ماتطرين الا ها الجنية الزرقة!!!اطري لنا مليون بدالها؟
محمد/ههه أي والله لها وحشة اليوم..الله يعين الوالدة على حنتها...راسها براس امي اليوم...
هيفاء/وهبة بعد ماراح تسلم منها.....
هند/صراحة يبي لنا يوم نوديها عند عمتي ونجي نتغذى هنا بالمطعم مع امي وابوي...
محمد/حرام عليك اصلا ماراح تستشعرون الاكل بدونها.....
فاتن من ورى الستارة/ها عيال خالتي ضحكم لاخر المطعم ضحكونا معكم؟
محمد/لو نقولك تفضلي بتدخلين ماعندك مانع؟؟؟بس ماراح نقول..
هيفاء/انتي ليه قايمة؟
فاتن/بقوم اغسل عباتي ولدك الله ياخذه كب علي شوربة؟
هيفاء/ههه فديته ها الولد..ان شاءالله بس ماصارختي عليه؟
فاتن/تبين الصدق هي مو عباتي انا ماجاني الاطشار منها كلها وقعت على عباية مهاوي؟
محمد دق قلبه..
هند/ووينها اللحين؟
مها/بالحمام راحت تسوي بروحها معجزة قبل لاتذبحه...
هند/بروح اتشمت فيها...
طلعت هند مع فاتن...
هيفاء/بقوم اشوف ولدي لايذبحونه...
محمد/عندكم نص ساعة بس تخلصون فيها اكلكم بعدها بنمشي..
مشاري/جدتي تقول لاتستعجلون بالاكل؟
محمد/وانا اقول وراي دوام بوديكم وبروح لدوامي...
هيفاء/خلاص ببلغ البنات اللحين وبعطيك خبر...
طلعت هيفاء من الغرفة اللي فيها محمد وراحت غرفة البنات وكانوا كلهم متجمعين هناك عدا مها اللي ميتة بالحمام تحاول على عمرها....
محمد دق على هيفاء يشوف شصار على مها..
هيفاء/هلا حمود.....شوف كل البنات يكملون غذاهم واتفقنا انك تتركنا بشارع السويكت نتسوق هناك باقي مها بس لسه تنظف عبايتها وبتجي اللحين..(قالتها متعمدة لانها حست انه كان بيصارحها بموضوع مها واذا كان يبي شي من مها بيروح لها)
محمد/طيب..اول مااحاسب بقول لكم تقومون ..(معناته لاتطلعون ولاتقومون من مكانكم)
طلع من الغرفة وخلا مشاري يكمل غذاه عنه ووقف ينتظرها قريب من الحمامات...
وبعد شويات طلعت مها من الحمام...وكانت متلثمة لانها تركت نقابها بالغرفة وقت ماقامت..
محمد وقف يوم شافها وهي ارتبكت ماتمنت تشوفه كذا ..وعبايتها نصها ماي !!!(الله ياخذك ياعبود ها الكلمة بس اللي قدرت تقولها في سرها)
محمد/سلامات...عسى بس مااحترقتي؟
مها بفشيلة وهي تخبي عينها عن عينه/لا تطمن مافي شي...
محمد/مها...
مها ناظرته بحب وحنان اكثر من اللي في عيونه واحتار شيقول لها ذيك اللحظة...
محمد/تحبين نشرب لنا شي بروحنا؟
تمنت تقوله أي بس ماتدري شلون طلعت لا من فمها؟؟؟
وهو بعد تمناها تقول أي بس ارتاح يوم قالت لا...
محمد/انا مو قصدي شي بس كنت بسالك .....ليه قلتي ذاك اليوم انك مو مرتاحة واني اعرف السبب يامها؟
مها /انسى الموضوع يامحمد...
محمد/لا انا مصر؟
مها/لا...بلاها...الموضوع قديم...انساه خلاص!!!
محمد/مها...مها انتي في احد في ........
مشاري كان واقف بينهم ذيك اللحظة..
مشاري بشماتة/تستاهلين والله انه سبع ها العبود يوم انه سكب الشوربة عليك؟؟؟؟
محمد كان وده يذبحه مرة ومها كان ودها تذبحه الف مرة؟؟؟
مها /شكرا على شعورك النبيل...قالتها بحساسية وزعل ها المرة ومشت الشي اللي خلا مشاري واقف يناظر بمحمد بعد مامشت..
مشاري/ان شاءالله زعلت؟؟
محمد وهو يحاول يخفي ضيقه من مشاري توه كان بيصرح لها وبيشوف مشاعرها ومشاري خرب عليهم كل شي....../يعني بذمتك هاذي كلمة تقولها لها؟؟؟؟
مشاري/أي بس انا كذا من زمان؟؟؟وش الجديد يعني؟؟؟والله بنات اللي يتابعهم يتجنن؟؟بس ولايهمك اللحين بالسوق بتبوس رجلي وانا اخوك؟؟؟قالها بثقة ودخل يغسل يدينه...وظل محمد واقف ومحتار...يوم نوى يكلم هيفاء صار له اكثر من موقف اولها انها اجازة وبعدها قطعت عليهم هند كلامهم..ويوم شاف مها ونوى انه يكلمها مباشرة قطع عليهم مشاري..ياترى ها الشي كان من صالحه وصالحها ولالا؟؟؟؟
////////////////////////////////////////////////////////////////عادل/خالد..اطلب لك شي تاكله؟
خالد كان يناظر بصورة عبدالله قدامه/لا ماني مشتهي....
عادل/اكيد....
خالد/عادل وين يبيعون العاب ....
عادل/بكل مكان؟؟
خالد/يعني سبايدر مان كبير؟؟؟
عادل ضحكوفهم على خالد حط رجل فوق الثانية/اقول خالد ..يعني اقرب طريقة لكسب قلب الام هو الولد مو؟؟؟
خالد/لاتفهمني غلط؟؟؟هو قال يبي سبايدر مان وامه شاريتلهمن جيان واحد صغير ماظني يعجبه...عاد انا ماابي يصير في نفسه شي والخير موجود الحمد لله..
عادل/أي بس هو في نفسه اشياء كثيرة ياخالد مو بس سبايدرمان...في نفسه يكون عنده ابو مثل خاله محمد ولاعمه احمد يعامله بحب وحنان مو بس يجيب له احتايجاته؟؟؟؟
خالد/كل شي بيتغير ياعادل كل شي صدقني؟؟؟
عادل/ان شاءالله ياخالد..والله اني متمني اشوف ها الولد يكبر معك وبحضنك ياخالد..ماتدري وش قد اتعذب اذا شفته بعيد عنك..انا احس نفسي مكسور عليه مابالك امه وامك وامها وخالك ...كيف يقدرون يشوفون يكبر بينهم وابوه بعيد عنه ..وقريب بنفس الوقت!!!!الله يوفقك ياخالد...
خالد/عادل صدقني انا ماادري وش اقولك..بس بظل شايلك فوق راسي يااغالى صديق بالعالم..
عادل/وانا وش سويت يااخوك....
خالد ناظر بصورة عبدالله/انت اهديتني البداية......
*******************************************في السيارة..,,
مشاري/الحمد لله انك جاينا بسيارة الوالد...
فاتن/خسارة باسكن مسكر كان قلت لكم اشتروا لي ايس كريم؟
مشاري/واحنا بنركض نشتريلك بعد؟
فاتن/ملكلمتك كلمت ولد خالتي؟؟
محمد/يعني عبود؟؟؟لاانا انا شايل نفسي من قائمةالاهل اللي يقربون لك؟؟
فاتن/مالت عليكم انت واياه من ولاد خالة؟؟
محمد/بنت تاْدبي احسن لك ترى ارميك باول شارع يصادفنا وامشي عنك؟؟
فاتن/سويها والله لاالم العالم عليك واقول انك سارقني وسارق ها البنيات الحلوات بعد؟؟؟
محمد/خلاص انسحبت مااقدر عليك؟؟
هيفاء ومرام وهند/ههههههههههههه
مشاري متعمد/اشوف البنات كلهم ضحكوا الا مهاوي خانوا؟؟عسى ماشر؟؟؟مانشفت عبايتك للحين؟؟
مها هذا بعد اللي كان ينقصها مشاري بها الوقت؟؟؟؟
هيفاء حست فيها وفي ضيقتها/اقول مشاري ورى ماتنقط لسانك بسكوتك؟
مشاري/كذا؟؟طيب ماني رايح معكم السوق؟؟
هيفاء/مشاري حبيبي..الاراء الجانبية ماتعني الاخلال بالاتفاقات؟؟
مشاري/ماني رايح يعني ماني رايح؟
مرام/وبنموت اذا ماجيت معنا؟؟
مشاري/اذا ماجيت معكم معناته مافي نزلة؟؟
مها بشوية انفعال/تكفى عاد انزل ياولد خالي ترانا محتاجينك؟؟؟؟
مشاري نفخ ريشه/شفت ياخوي ماقلت لك بتبوس رجلي ماصدقتني؟؟
محمد كان وده يكوفخه لانه حس بلهجة مها العصبيةبس مارد عليهم وظل ساكت واحترم سكوت مها وسكوت البقية لين وصلوا....
نزلوا من السيارة لسوق السويكت...
محمد فتح النافذة وكان يناظر بمها اللي كانت مو على بعضها...
محمد/متى بتخلصون؟
فاتن/اكيد مو بعد ساعة ولاساعتين؟؟يمكن بعد الصلاة...
هيفاء/خلاص محمد روح دوامك لاتشغل بالك فينا...بندبر حالنا..يمكن نخلي احمد يمر علينا؟؟
محمد/اذا احمد ماقدر دقوا علي انا زين؟؟بلا يجيكم السايق؟؟؟
هند/طيب.....محمد ابي مصاري؟؟
محمد ضحك/توك اللحين قاعدة معي ساعتين بالمطعم ماتكلمتي....
هند/كنت مستحية واللحين راح الحياء...
مشوا الباقي وظلت هي واقفة عند سيارة محمد...
محمد/خذي هاذي اربع مية..وهاذي البطاقة يمكن تحتاجين ماعندي كاش....
هند/اصرف على راحتي؟؟
محمد/وش رايك؟؟
هند/مدري بس حاسة فيك شي متغير يعني ..مرتاح..شي كذا...وبستغل الفرصة وبصرف براحتي؟؟؟
محمد/هههههه
مشى محمد وراحت عند البنات....
هيفاء/وين اللحين؟
مها بعصبية/طبعا على اول محل عبي نشوفه؟؟؟
فاتن/ههه عاد مهاوي مو لهدرجة والله مافيها شي؟
مها/انا حاسة اني مو طايقة نفسي.....امشوا انتوا وانا بروح محل العبي...
هند/خلاص بجي معك...وبعدين نروح لهم...
//////////////////////////////////////////////////////////////هيفاء تهمس لفاتن/اليوم يوم عالمي...
فاتن/ليه؟؟
هيفاء/الليلة بنسهر صباحي علشان اقولك؟؟
فاتن/يعني صار شي بينك وبين خالد؟
هيفاء/مو بس كذا بيني وبين محمد وبين محمد ومها..اعتقد صار شي بعد؟؟
فاتن/زين...اخبار مطمنة...
***********في محل العبي....
مها/ابي عباية جاهزة...
الهندي/هنا ..كلوا عبي جاهزة...
مها قامت تقلب بالعبي..ومعها هند...
هند/هاذي واسعة...وهاذي قديمة..وهاذي تطريزها يفشلها....هاذي زوينة..شوفي...
مها/جيبيها مافي غيرها...كم سعرها هاذي؟
الهندي/سبع مية وخمسين..
مها/حشى..شدعوة وش فيها ان شاءالله؟ان شاءالله مفكر نفسك بدون اسم وانا ماادري؟
الهندي/مافي هذا قماش لو يدور السوق كلها...
مها/مو عشانتك كذبت علي صدقتك بس علشاني محتاجتها باخذها..في غرفة البسها فيها؟
الهندي/اول يدفع فلوس بعدين يلبسها..
مها/طيب...
تحسست شنطتها ومالقتها..
مها/هند..شنطتي معك؟
هند/لا...
مها/يو..وين تركتها بس لايكون بالمطعم؟
هند/بدق على جوالك....
هند دقت على جوال مها وردت عليها فاتن...
هند/هلا..يعني عندك اغراض مها ..
فاتن/لا مو عندي عندي جوالها بس يوم تعطيني اياه بالسيارة حطيته بشنطتي ومارديته لها...
هند/وباقي اغراضها وشنطتها؟
فاتن/ماهم عندي...
هند/يوؤ بدق على محمد بشوف باي..
مها/ها....
هند/فاتن عندها الجوال بس...
مها/ياربي على ها الحظ؟ شسوي ...
هند طلعت بطاقة محمد..../امشي روجي حاسبي...محمد عاطيني بطاقته؟
مها/لا فشلة ماابي..
هند/روحي وبعدين باخذهم منك وبردهم لمحمد بس لاتورطين حالك؟؟يالله انا بكلمه اساله يمكن يرجع المطعم يشوفهم....
مسكت مها بطاقة محمد وهي تحس بشي غريب وكانها ماسكة يد محمد نفسه../كم الرقم...
هند/اربع سبعات وصفرين ...
راحت مها تحاسب وهند كلمت محمد..
محمد/هلا...لاتقولون خلصتوا؟
هند/ههه حرام عليك..بس محمد مها مو لاقية شنطتها معها وتقول يمكن انها نستها بالمطعم,,,,
محمد/بالمطعم؟؟؟ان شاءالله مافيها شي عليه قيمة بس؟؟
هند/والله مدري..هي بروحها من سالفة الشوربة اللي انكبت على عباتها وهي مو طايقة احد...ماابي اسالها لاتفور بوجهي...
محمد/ليش انتوا بروحكم..
هند/أي هي جاية تاخذ لها عباية ويوم جت بتدفع اكتشفت ان شنطتها مو معها....وانا عطيتها بطاقتك تشتري منها العباية....
محمد/طيب...اللحين بطلع ادورها..بس مو في اغراضهم..عندهم هنا اكياس با السيارة؟؟
هند/مدري شوف انت وعطني خبر؟؟
محمد/يالله...
مها طلعت بعد مالبست العباية الجديدة وحست انها شوي هدت...
هند/يالله..نمشي لهم..
مها بتردد/كلمتي محمد؟
هند/أي قال بيشوف اغراضكم اول قبل لايروح المطعم..
مها بتاْنيب/ياربي بعطله عن دوامه؟؟
هند وهي تفتح باب المحل وتطلع/عادي مافيها شي....
مها/طيب دقي عليهم شوفيهم وينهم فيه.؟
هند/طيب......هلا هيوف وينك انتي؟مشاءالله مداكم وصلتوا؟يالله جاينكم....
مها/وينهم فيه؟
هند/وصلوا الخبر بلازا!!!تقول هم بمحل اللي يبيع تحفيات ومدري شنو..تحت يعني؟
مها/يالله نمشي لهم...
//////////////////////////////////////////////////////////////محمد اول ماكلمته هند وقف السيارة على جنب وفتح الشنطة بيروح يشوف الاغراض اللي اخذوهم يمكن انها تركتهم هناك بس وهو طالع من بابه ومر جنب الباب اللي وراه لقاها موجودة على الكرسي يعني لو لف راسه بس شافها بدل ها العذاب كله؟؟؟سكر باب الشنطة ورجع مكانه ومد يده واخذها...كانت شنطتها بيضة..لونه المفضل وها الشي ماغاب عن باله ابدا؟؟؟
جاه فضول كبير يفتحها قب لايدق على هند ويقولها انه شافها,,,
حط يده بيفتحها بس حس بالاحراج من نفسه كيف فتح شي ماهو له وبدون علم صاحبه بعد!!!لايامحمد هاذي ماهي من عوايدك ابدا لاتسويها.....
شال يده من على الشنطة وهز راسه علشان تبتعد الفكرة عنه بس لقاها مشعشعة داخله...
توكل يامحمد وافتحها وش بتشوف فيها يعني؟؟سوالف البنات معروفة..وبعدين ماحد بيعرف انك فتحتها وماراح تجيك فرصة ثانية تفتحها تشوف شفيها؟؟
غمض عينيه قبل لايفتحها وهو حاس انه في شي قاعد يحركه ويسير رغباته بس شيسوي الفرصة ماراح تتكرر.....
اول مافتحها قابلته محفظتها..رفعها وكانت بيضة مستطيلة بعد...ابتسم...الظاهر يامها منتي قادرة تنسين ها اللون ابدا!!!
فتحه مو لااي غرض في باله بس الفضول ومايسوي!!!
قام يقلب ببطاقاتهاوفلوسها والكروت اللي عندها.زشي محلات وشي مطاعم وشي مراكز تجميل...الخ,,
الجهة الثانية كانت مسكرة وفيها مجموعة صور...فتحها...وكانت الصورة اللي طالعة بالوجه صورة عبدالله وهو مشمغ...ابتسم له...يالله هذا عبود بعد من الروابط اللي بينا يامهاوي!!!
بعدها جت صورة ابوها واخوانها ثلاثتهم يوم العيد اللي فات يوم كانوا بالرياض مع خالد..
وصورة لااحمد بروحه وصورة لخالد بروحه وصورة لعمر بروحه وصورة لجدتها مع العيال كلهم قبل خمس سنين يوم كانوا على البحر قبل لايتزوج خالد هيفاء كانت اشكالهم تحفة بس حلوة...
وصورة لاامها..ومبينة انها صورة جواز,,,يوم شاف صورة امها بقت صورتين بعد وقال اذا شاف صورتها هنا بيذبحها لامحالة كيف تحط صورتها هنا لو انسرقت محفظتها شتسوي ذيك اللحظة؟؟؟
وحمد ربه ان الصورة الاولى كانت لجود وهبة وهم بالروضة والصورة الثانية كانت لسارة بنت هنادي وهي صغيرة....
ارتاح وابتسم من كثر راحته...بس في صورة تحت ليه ماهي مع البقية لو ماتحسسها بيده ماكان شافها؟؟؟
طلعها وكانت لامفاجاْة ولاصدمة بالنسبة له....كانت صورته هو... أي صورته..بشحمه ولحمه...من وين جايبته؟؟انا ماعمري عطيتها ايها..معقولة من عند هيفاء....لابس هاذي الصورة من قبل لااشتغل يعني قبل لاتتطلق هيفاء يعني لو طلبتها من هيفاء كنت بعرف عنها او على الاقل بتلمح لي...يمكن تكون اخذتها من عند عمتي او جدتي؟؟مافي غيرهم بتقدر تاخذها منهم؟؟؟
ابتسم وفرح حييل يوم شاف صورته عندها...هاذي مها..وبتبقى مها..حبه الاول والاخير والوحيد حتى لو مااخذها بيوم من الايام؟؟؟؟؟
رد كل الصور مكانهم وسكر محفظتها وحطها على جنب....
لقى علبة ميك اب صغيرة من وجوه وماحب يفتحها لانها مو من خصوصاياته....وروج وكحلة بعلبة منفصلة ولوشن وعطر ونقابها...يعني بنت الناس نزلت متلثمة..معقولة مااخذت بالي عليها...رفع نقابها لاشعوريا يشم عطرها من نقابها...وهو يشمه حس ان في شي غريب قاعد يسري فيه....
رد النقاب واخذ عطرها من جديد وبخ له بختين على كم ثوبه...شقد ريحتك حلوة يابنت عمتي؟؟؟
ردهم مكانهم وهو في باله يسوي شغلة او اكثر بس قبل خل يدق على هند يقولها انه شافهم؟؟؟
//////////////////////////////////////////////////////////////هيفاء/تعرفين باخذ طقم الشاي هذا لاامي...عجبني حيل...
فاتن/اخلصي يالله ترانا مو جايين هنا لها السوالف؟
هيفاء/زين عاد....تدرين باخذ اثنين..واحد لاامي وواحد لاامك خالتي واعرفها تموت على ها السوالف...
فاتن بملل وهي تقلب بفازة..../يالله والله ني مااطيق ها الاماكن؟؟
بها اللحظة تقربت منهم مرام وهي تقول ان هند ومها وصلوا وكاهم بااجمل وانها بتروح لهم...
هيفاء/خليهم ثلاثة..واحد لعمتي بعد!!!
فاتن فتحت عيونها/وش اللي صاير حانين على عمتنا؟؟؟
هيفاء/وش فيها يعني ماهي عمتي؟
فاتن/أي بس انتي ماتقابلينها عدل ..يعني اقصد ان علاقتكم بعد اللي صار مو ذاك الزود؟
هيفاء بثقة/مايمنع اني اهديها مثل مااهدي خالتي؟؟
فاتن/يالله بحاول اصدقك..مع اني اشك بان البلوزة سوت تاْثير ؟؟؟
هيفاء بدهشة/أي بلوزة؟؟؟
فاتن/ليش ماشفتي بيد ولدك كيس زارا؟؟
هيفاء/حق الجزم اللي اشتراهم ابوه؟؟
فاتن/لا قبل الجزم...دخل المحل وجاب معه كيس فيه بلوزة يقول انه شافها بالعرض واشتهاها على عبود؟؟؟
هيفاء سكتت وهي محترقة تبي تشوف ذوقه الفشل وش جايب!!!!
فاتن/ اخلصي روحي حاسبي وانا بروح لهم اجمل..
هيفاء/وبتتركيني اشيل ثلاثة طقوم بروحي؟؟؟
فاتن/جنيتي!!! خليهم عنده ولابغينا نطلع شلناهم معنا؟؟؟
//////////////////////////////////////////////////////////////SIZE]



/////////////////////////////////////////////////////////////في اجمل...
مها/اسليه هندوا عنده مخلط سحر الشرق؟
هند/وورى ماتسالينه انتي؟؟
مرام/عندك مخلط سحر الشرق؟؟؟
البائع/لا والله ياستي مافي منو هلق؟؟؟
مها/طيب عود مميز؟؟
البائع/في عنا عود مميز هاي....
مها/لالا مو اللي علبته حمرة علبته خضرة...سعره كذا على خمس مية وشوي...
البائع/اه..هذاك مافي منو الا بفرع الراشد هون مافي....
هند/انا ابي عطر وصال...
مرام/باخذ لي مثلك...
مها/حلو احباب شميتوه قبل..؟؟
فاتن من وراها/مو كلش انا عن نفسي ماعجبني..
مها لفت لها/اهلين...وينها؟
فاتن/بتحاسب وبتجي....شفتي شنطتك لو لسه؟؟
مها/الا... محمد كلم هند وقال انه شافها بالسيارة....
فاتن/حلو....وش نويتي تشترين للعنود هدية؟
مها/محتارة والله...بس شايفة بالكوهجي طقم ساعات يجنن...بطلع مع خلود بكرة وبشتريه...
فاتن/وي لاتسدين نفسي تعرفيني مااطيق طاري اخوك؟
مها/ليش سالتين اجل؟
فاتن/ماتوقعتك تقولين اسمه؟
مها/لحظة هذا جوالي يدق....هذا احمد....
هلا وغلا ..ياصباح النور توك منتبه لااتصالي؟؟؟؟من الضهر داقة عليك اللحين الساعة قريب الست؟؟؟توك طالع من الجامعة؟؟طيب انا بالسوق..لامو بالضهران طلعنا تغذينا واللحين احنا بالسويكت...اي انا وفاتن وهيفاء وزادوا عندنا بنات ثانوي بعد...اي مرام وهند.....بتجي ..متى ..خلاص اذا وصلت دق علي....
فاتن/ليه خليتي يجي..مابعد درنا الطابق الثاني؟؟
مها/توه ماطلع من الجامعة على ما يطلع على مايوصل خلصنا الثاني والثالث وطلعنا بعد!!!
////////////////////////////////////////////////////////////بعد صلاة المغرب.....
هنادي/محمد...مفكرتك نايم قلت بقومك تصلي...
محمد كان واقف قدام المرايا يعدل شماغه.../لا انا مانمت اصلا؟؟
هنادي/شكلك طالع؟
محمد/أي انا معزوم عند جماعة وبروح لهم.....
وقفت قباله وصارت تعدل له شماغه....
محمد/هنادي لاتنتظريني الليلة بعد ماتنيمين سارة نامي...
هنادي/طيب....
محمد/......
هنادي/طيب تبي اسوي لك شي خفيف تاكله؟
محمد/لاوالله ماني مشتهي....
هنادي/براحتك....تبي بخور؟
محمد حس وكانها عارفة بالموضع/ها...بخور!!وليه البخور عاد؟؟؟وين بروح انا؟؟؟
هنادي في بالها بتروح تخطب؟؟؟بس ماقدرت تقولها؟؟؟؟؟
محمد/شفيك تناظريني؟؟؟
هنادي/ممكن اسالك سؤال؟؟
محمد/شنو؟
هنادي/عشرتنا كملت عشر سنين وكم شهر...شنو الشي اللي حبيته فيني يامحمد؟
محمد مسك يدها بس ماقوى يناظر عيونها وتقرب منها وباس راسها/كل شي ياعمري...
هنادي بخوف/متاْكد..
محمد/متاْكد....
هنادي حست بالغصة في قلبها كيف قادر يكذب عليها...زوجة بدر اخوه كلمتها قبل شوي وقالت لها ان محمد بيروح يخطب الليلة ..معقولة تكذب وتبي تخرب بيني وبينه؟؟؟بس لوطلع كلامها صحيح؟؟؟ياربي شسوي.....ابيها تجي منك مو مني يامحمد؟؟؟
////////////////////////////////////////////////////////////////////بعد صلاة المغرب بس في سوق السويكت.....(دايما اذكره عارفة ها الشي بس انا دايم هناك رجلي ماخذة عليه كثير )
مشاري/خلاص انا هلكت....
احمد /خلاص يقولون انهم خلصوا...
مها تقربت/احمد..كلمت ابوي يحول لك الفين ريال حولهم؟؟
احمد/ليه؟؟
مها/بس انا اخذت من بطاقة محمد وابي اردهم له....
احمد/خلاص اسحب لك اللحين مو مشكلة...بتمشون؟
هند/أي بنمشي....
احمد/يالله..
هيفاء/أي بس سيارتك مابتكفي؟
احمد/مو تقولون بتنتظرون محمد....جاي بالطريق؟
هيفاء/أي....
احمد/خلاص انا بمشي معهم وانتي وفاتن انتظروا محمد....
مها/انا بعد بنتظر معهم اغراضي بسيارة خالي....
احمد/يالله مشينا..كان يكلم مشاري ومرام وعبود وعيونه على هند,,,
مشت سيارة احمد وبالمقابل جت سيارة محمد وركبوا فيها....
وانا محتارة اتكلم عن أي جو باي سيارة فيهم؟؟؟
خلونا نروح اول لسيارة محمد,,,
كانت هيفاء قدام مع محمد ومها وراها علطول علشان تشوف محمد براحتها خصوصا انها نتلثمة وفالتها اليوم معه..وفاتن ورى محمد....
هيفاء/متكسرة مووت ودي اروح واحط راسي واانام..بس قبل باخذ لي شاور وبصلي...
محمد/لاوالله مااظن...
فاتن/ليه؟؟؟في شي؟؟
محمد/يعني غايبة عن البيت من الصبح تتوقعين اذا تركوك ابو محمد وام محمد لحالك ام عبدالله الكبيرة راح تتركك..محال يابنت الناس!!!
هيفاء انقلبت معالمها.../لاتكفى الله يرحم والديك يامحمد لاتقول؟؟؟
محمد/واقع يصعب الهروب منه..
فاتندزت كتف مها اللي كانت سرحانة بمحمد..
فاتن بخبث/وين سرحتي يابنت؟؟؟
مها/ها...اشوف محمد وهيفاء..من زمان عن ها القعدة ماقعدوها مع بعض..زياليته ماتركه بيوم من الايام!!!كانت تتكلم عن هيفاء وتقصد نفسها مع هيفاء بنفس الوقت....
هيفاء/قومي ياحظي وصلنا عند بيتكم؟
فاتن لفت/انا؟؟ماحد قالي لي؟؟
محمد/ان شاءالله تبينا نسوي لك تنبيه بعد انك وصلتي بيتكم!!!ماتشوفين ولاماتشوفين حضرتك؟؟؟
فاتن/زين بنزل مايسوى علي ها التهزيء!!لكن وينك بدخل بمسك سماعة التلفون وبعلم خالتي عن سوالفك معي....
محمد/ معناته تصبحين على خير!!!
هيفاء/ههههه محمد بنزل بسلم على خالتي شوي وبرد لكم زين...اي صحيح باخذ شي من الشنطة افتحها ولي يسلم عمرك؟
محمد/يحتاج انزل..
هيفاء/لالالا مايحتاج..(طبعا هيفاء قالت بتنزل تسلم على خالتها لان فاتن اشرت لها بعينها على مها ومحمد وهي فهمت بسرعة وقامت)
نزلوا ثنتينهم ودخلوا البيت وظلت بروحها معه في السيارة,,,,
لف لها محمد بسرعةوفي يده شنطتها ومدها لها /مرتاحة بها اللثام؟؟ياويلك اذا سويتيه مرة ثانية؟؟
فكت مها لثامها ووقف يناظرها اخذت شنطتها منه وفتحتها بتلبس النقاب بس محمد كلمه قصده يغويها عن شنطتها...
محمد/مها...
مها رفعت وجهها.../نعم..
ظل يراقبها بدون خجل ها المرة بس هي اللي انقلب حالها وحست نفسها محرجة....
تذكرت فلوسه وطلعتهم من شنطة مرام اللي كانت عندها ومدت يدها باالفلوس والبطاقة.../شكرا..شكرا محمد...
مسك البطاقة ومسك اطراف اصابعها المرتجفة بين يدينه وطاحوا الفلوس عندها..وشوي شوي مسك يدها كلها وهو يتنهد وهي بعالم ثاني لاحية ولاميتة؟؟؟
مها/محمد...وش اللي غيرك علي؟؟؟ليه تركتني مرة وحدة وماعدت سالت فيني؟؟؟
محمد/مها انا...
انتبهوا على صوت الباب يتسكر وتطلع هيفاء...
سحبت يدها منه بسرعة وغطت وجهها...وشالت الفلوس وحطتهم عند محمد..
محمد/شيليهم بلا بياخة علي؟؟؟مابينا فرق يامها...
مها/لا بزعل اذا مااخذتهم انا..
فتحت هيفاء الباب وسكتوا.....
وظلوا طول الطريق ساكتين وهيفاء احترمت سكوتهم وماتكلمت لين وصولوا بيت عمتها ونزلت مها ....ورجعوا بيتهم,,,,
************************في سيارة احمد...
كانت عيونه طول الطريق على هند اللي قاعدة وراه مباشرة....
ومشاري وعبدالله جنبه..ومرام تسولف مع هند..
احمد بمرح/اقول مشاري انت ماتدفع علشان تعرف شيسولفون فيه ها البنات؟؟
مشاري ناظرهم ورجع ناظر احمد/مااتوقع!!اعرفهم بايخين يا ذيك ثوبها احلى من ثوبي ..يامدري منهي قصت شعرها وانا بروح اقص شعري!!يعني شبيسولفون فيه؟
احمد/ههههههههه
مرام/هيه هيه هيه.زبايخ حدك تعرف ها الشي ولالا؟؟مشاري/لاوالله لسه ماعرفته؟؟
احمد/طيب انتوا تسمعون بعض؟؟انا احس انكم تاكلون نص الكلام؟؟؟ها هند شنو رايك ماسمعنا؟؟؟
ياربي هذا ليش يتقصدني دايما ويبي يحرجني بنظراته وكلامه!!!
هند بصوت واطي/عادي..
احمد لف ورى/ها..وش قلتي مااسمعك زين رفعي صوتك؟؟
مرام/ههههههه
احمد يكلم مرام/انتي سمعتيها؟؟
مرام/أي...
احمد/والله انكم تحيرون؟
مشاري/ماعليك منهم بس ماعليك منهم...هذولا بنات ثانوي انا اعرفهم؟
احمد/هند..باقي لك سنة على ثالث كيف نفسيتك ان شالله مستعدة؟
هند رفعت صوتها/أي...
احمد لف لها وضحك/مابغيتي ترفعين صوتك؟؟خايفة عليه نحسده!!!
صارت عيونها بالارض من الفشيلة..
عبدالله/ايسكريم...عمي احمد ايسكريم...
كان ياْشر على لوحة باسكن روبنز,,,
احمد/وش عرفك ان هذا ايسكريم بالله!!!هذا دونات عبادي مو ايسكريم؟؟
عبدالله باصرار/لا ايسكريم...ابي...لازم..
احمد لف لعند باسكن/يعني ملزم..
عبدالله/أي..
احمد/اخر كلام...
عبدالله بضحكة/أي..
احمد ضحك له/يالله قوم....لف لهم بعد ماوقف السيارة يالله قوموا ولا ماتاكلون ايسكريم؟؟؟تسوون ريجيم؟؟
مرام/بذمتك عاد ياخوي احد باالعالم ماياكل ايسكريم؟؟؟
مشاري بسخرية/جدتي؟؟؟
انفجرت هند بالضحك وماقدرت تمسك نفسها من طاري الجدة..
احمد ناظرها وقام يضحك على ضحكتها...
مشاري ضحك مع اخته../شرايك نسوي حركة نذالة ونشتري نروح البيت ناكله؟؟؟كان صحيح تنفجر الليلة؟
هند/بسويها..لا وبشتري بعد حق امي وابوي وهبة...
مشاري/لا تشترين لاابوي بتاخذه صدقيني..امي بس نعطيها ايه بالمطبخ بحيث انها ماتشوفه وبعدين نروح قدامها ناكل انا وانتي وهبوا...
مرام/شرايكم اسوي انا حركة نذالة فيكم واشتري لها واحد وانزله لها؟؟؟
مشاري/علشان ماتروحين البيت حية؟؟؟
دخلوا باسكن وكانوا فيه ناس...
مرام حملت عبود وراحت معه تختار له ومشاري صار يختار له ولاامه ولهبة
وهند راحت بالجهة الثانية علشان ماكان في مجال بالجهة اللي هم كانوا واقفين فيها...
خطوة بس كانت تفرقها عن احمد اللي كان واقف وراها مثل ظلها....
كانت حاطة يدها على الزجاج وهي تختار الانواع بعفوية وفجاْة جت يد احمد فوق يدها مثل الجمرة ولفت له وهي عونها بتطلع من مكانها..وشال يده بسرعة وسوى روحه يناظر بمكان ثاني...
هند/وخر بمشي؟؟
احمد/مابعد اخترتي؟؟
هند/ماابي وخر عني....
مشت وراحت جنب مشاري كنوع من الحماية واحمد تندم على مسكته يدها بها الطريقة حس انه ماكان له داعي...واختار لها على ذوقه هو...
رجعوا بعدين البيت وكملوا احمد ومرام دربهم لبيتهم واحمد سرحان بهند,,,,,
/////////////////////////////////////////
هيفاء من رجعت البيت اخذت لها حمام وبعدها اخذت عبود وحممت وحطته بفراشها علشان ينام بعد ماعطته السبايدرمان...
عبود وهو منبطح على مخدتها/شكرا ماما هيفاء..
هيفاء/عفوا حبيبي...عجبك...
عبود/أي..بخليه ينام معنا الليلة بفراشك علشان يدافع عنا اذا جانا الشرير؟؟؟
هيفاء/طيب حبيبي يالله نام..الليلة بتنام بسرعة علشان سبايدرمان معك صح ولالا؟؟
عبود/صح ماما..يالله تعالي ابوسك...
نزلت راسها له علشان يبوسها وباسها على خدها...
عبود/ماما سبايدرمان بعد بيبوسك؟
هيفاء/يالله....
كانت تقاوم طول الوقت انها تفتح تشوف البلوزة اللي جابها خالد لولده وتشوف الجزم وترجع تفكر في خالد من جديد وعلى رواق؟؟؟؟؟
////////////////////////////////////////////////////////////////في بيت السالم تحت..
هبة/فكرت بعد مابتشترون لي شي؟؟
هند/افا بس افا ناكل بدونك؟مايصير ماانتي اختنا؟؟
الجدة تطالعهم بقهر/تدرون انه مايصلح ليش تاكلونه انتي وهي؟؟
هند وهبة طالعوا في بعض/
هبة/يصلح للبنات بس العجايز مايصلح لهم؟؟؟؟
ام محمد كانت واقفة عند باب المطبخ مع مشاري ياكلون ايسكريمهم على هدوء وحسوا بالعاصفة بتقوم..
ام محمد/يارب سترك....
مشاري/خلني اروح اعلمها انا..
ام محمد/انت بالذات لاتروح...هي شابة فيك نار..على بالها يوم انك بزارا قاعد تشيش من ورانا ماادري تشرب شي مو زين؟؟
مشاري طاحت علبة الايسكريم من يده وفطس من الضحك.....
الجدة/انا عجوز يللي ماتستحين على وجهك؟؟؟
هبة تناظرها ببراْة/أي عجوز؟؟
الجدة/ردت عادتها من جديد...!!!يابنت وش بلاك انتي؟؟انا بعدني صغيرة بس وش اقول تربية امكم..؟؟؟وين ابوك لااعلمه؟؟
هند قامت من مكانها/ابو يطالع ماهو هنا؟؟؟(صاروا مايقولون لها ان ابوهم نايم لانها تركب تصحيه من نومته عادي ماعندها مانع!!!! بس اذا قالوا لها طالع تنتظره شوي وتنعس وتنام ويوم ثاني تنسى السالفة)
ركبت هند غرفتها وسكرت الباب وصارت تناظر بالايسكريم اللي عطاها اياه احمد اول ماركبوا السيارة وكان اختار على ذوقه وظلت تفكر بحركته وليه سوا كذا!!!!!
///////////////////////////////////////////////////////////////دخل محمد الشقة وهو فيه شوية ضيق من شنو مايدري....لقى الانوار كلها مطفية..حمد ربه انها نامت على الاقل اذا شافها مابيحس بتانيب ضمير وبينام براحته لانه محتاج لها النومة بجد صار له يومين ماينام اصلا واليوم خلاص...الخطبة وراح خطب ...
دخل غرفة النوم وتفاجاْ منها....
سكر البا وراه.....
لقى الغرفة ملايانة شموع من فوقها لتحتها يعني طول الارض كله شموع صغار وعلى جوانب السرير بعد شموع...
وكانت هنادي حاطة لها روج احمر غامق ولابسة فستان قصير احمر يطلع اكثر ممايخفي...بس على وجهه دمعتين ماقدرت تخفيهم وتداريهم...واول ماشافته شغلت المسجل على اغنية....حاتم.. العراقي... (تخيل بعد ها العشرة الطويلة يجي غيري وياخذك بسهولة....
مدامك بعت الايام الجميلة...وش اللي بس من حقي اقوله؟؟؟
تبيني ادخل بعشرة بديلة واخلي عاذلي قصده ينوله؟؟تبيني اعطي فؤادي دخيله واسمح لغيرك يطوله؟؟؟تكلم مابقت في يديني حيلة علامك صارت عيونك خجولة؟؟؟تبينا نروح كلا في سبيله على راسي طلبك ولاتقوله؟؟؟؟
محمد/هنادي؟؟؟
هنادي كانت تمسح بيدينها دموعها اللي صاروا يطيحون بدون ماتقدر تكبتهم اكثر؟؟؟/مبروك يامحمد مبروك؟؟؟
انصدم مكانه......
هنادي/كلمتني زوجة اخوك العصر وماصدقتها بس قبل لاتطلعون امك بنفسها دقت علي وقالت لي انها رايحة تخطب لك وبموافقتك؟؟
وقف مكانه وحس الدنيا تدور...ليه يايمه ليه؟؟؟وش سويتي فيني انتي؟؟؟
وقفت بطوله ووصلت لعنده/مبروك يامحمد...من كل قلبي اقولها لك مبروك....بس ياليتك قلت لي ومااهنتي قدام اهل ها البيت وخليتني مااسوى شي وكلهم يعرفون الاانا!!!!!
محمد بعده بضيقه وصوت المسجل شاغل افكاره اكثر واكثر خصوصا ان كلمات الاغنية شكلها منتقاة بعناية علشان تناسب الحدث...
صارت واقفة قدامه علطول...وهو واقف ورى الباب...
كان يناظرها وهو مصدوم..اي مجنون بها الدنيا يفكر انه يفط فيك ياهنادي!!!!جمال واخلاق ودين وعقل...بس الشيطان يابنت الناس دخل بينا؟؟؟؟
هنادي/ممكن...تفسح لي مجال بروح انام عند سارة؟؟
محمد/هنادي..خلينا نتكلم؟؟؟
هنادي/ماهو وقته يامحمد...صدقني؟؟؟
ماقدر يمنعها وهي تمر من قدامه بتطلع..فتحت الباب وطلعت بس قبل لاتتسكر الباب طلت براسها وكلمته....
هنادي بصوت مبحوح ودموعها تسبقها/على فكرة يامحمد...كل دموعي كانت...لانك اخترت الليلة الغلط ورحت تخطب فيها!!!الليلة عيد زواجنا يامحمد...الليلة كملنا احدععش سنة واحنا مع بعض!!!كل عام وانت بخير....على فكرة هديتك على الفراش ترى مانستيها؟؟؟؟
/////////////////////////////////////////////////////////////////مها واخيرا قدرت تكون بروحها بغرفتها والباب مقفول عليها....
اليوم مو طبيعي..كل شي فيه مر مو طبيعي....
محمد....اه منك يامحمد ومن اللي سويته فيني....
مسكت شنطتها تبوس مكان يد محمد اللي كانت ماسكتها..وفتحتها ...اول شي لفت انتباهها نقابها؟؟؟هذا مو نقابها هذا نقاب جديد...رفعته وشمته؟؟؟..على انه جديد..بس فيه ريحة عطر رجالي!!!!معقولة يكون محمد؟؟؟؟لالالا مااظن؟؟؟
رمت باقي اغراضها على فراشها قدامها تشوف...
عطرها...هذا جديد وكامل وعطرها رايح منه النص؟؟؟؟؟
هذا بعد شي مايصدق؟؟؟
دق قلبها بقوة وهي تطالع بمحفظتها..هي حافظة ترتيب الصور زين...يعني بتعرف اذا فتح محفظتها بعد لو لا؟؟؟؟


(طبعا البارت هذا طويل وكفى ووفى على مااعتقد وان شاءالله انه عجبكم لانه من البارتات اللي تعبت فيها بجد واتمنى اشوف تعليقكم عليه)
وش تتوقعون يصير بين هيفاء وخالد من جديد وليه هو بيجي عندهم البيت؟؟
مها وش بتكتشف بعد في شنطتها من مفاجاْت؟؟
هنادي ولوين بتجرها حسرتها على زوجها الليراح منها؟؟
احمد وحبه البري لهند هل بيتم لولا؟؟

 
 

 

عرض البوم صور بياض الصبح   رد مع اقتباس
قديم 16-08-10, 10:57 PM   المشاركة رقم: 17
المعلومات
الكاتب:
اللقب:
ملكة جمال ليلاس وملكة سحر الخواطر



البيانات
التسجيل: Aug 2010
العضوية: 183892
المشاركات: 11,135
الجنس أنثى
معدل التقييم: بياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالق
نقاط التقييم: 2930

االدولة
البلدKuwait
 
مدونتي

 

الإتصالات
الحالة:
بياض الصبح غير متواجد حالياً
وسائل الإتصال:

كاتب الموضوع : بياض الصبح المنتدى : القصص المكتمله
افتراضي

 

البارت السادس عشر,,,,

//////////////////////////////////////
خالد دخل البيت وهو منبسط على الاخر..اليوم حس باشياء غريبةومتناقضة بنفس الوقت!!!ساعة بفرح وساعة بضيق وساعة بتاْنيب ضمير..بس مع هذا كله حس ان اليوم كان مميز وتمنى كل يوم يكون كذا بنفس التميز... كانت امه قاعدة مع ابوه ينتظرونه...
خالد/مساء الخير...
ابو خالد/هلا يبه..
ابم خالد/احط لك شي تاْكله يمه؟
خالد/لا يمه تسلمين تعشيت مع عادل بحط راسي وبنام....
ابو خالد/ماعادتك تنام قبل العشر...؟؟
خالد/والله اليوم كان مشحون على الاخر...وبكرة عندي اجتماع من الصباح ماابي اتاْخر على تجار اول مرة اتعامل معهم....
ابو خالد/أي...
دق جوال خالد ورد على عادل اللي كان متصل...
هلا....اي...لالا خليته مانزلته...قلت بس بعدين حسيت الوقت يمكن يكون متاْخر..ماهو طاير يعني؟؟؟
ركب الدرج وهو يكلم ولف على امه وابوه وقال لهم تصبحون على خير ..
ام خالد/وانت من اهله يمه.....
ركب خالد للنهاية...وراح غرفته يكمل سوالفه..
ابو خالد بعصبية/اقولك انطره بكلمه واسولف معه تقولين له تصبح على خير؟؟؟
ام خالد/ماتشوفه مرتاح ومبسوط؟؟؟ماهو طاير عنك كل يوم بتشوفه...وبعدين يمكن الموضوع يضايقه..وهو قايل لك يبي ينام بكرة عنده اجتماع اجله لوقت ثاني ماهو صاير شي بالدنيا؟؟؟
ابو خالد بضيق/على امرك ناْجله ونشوف نهايتها مع ها العيال؟؟؟
/////////////////////حتى احمد الليلة جافه النوم وظل يفكر بهند؟؟؟
ساعة يحسها طفلة وماينسمع لها صوت وساعة يحسها انثى ومستعدة تذبحه لو يزيد خط واحد منها ويتقرب؟؟؟
كيف تجراْت يااحمد وحطيت يدك فوق يدها كيف؟؟؟شبتقول عنك اللحين؟؟اصلا مرة ثانية ماراح توثق تركب معك ابدا!!!ويمكن انها تعلم خالي بعد بللي سويته؟؟لالا بصراحة انا استعجلت من جد مو وقتها ها الحركة ابدا!!!بس والله كانت يدها دافية....ياليت لو كل يوم اقدر امسكها!!!!
///////////////////////////////////////////////////////////////من بعد ماطلعت من الغرفة تسند على الباب وتنهد بقوة وشال شماغه ورماه على جنب وفتح زراير ثوبه علشان يروح شوي من الشيق اللي فيه....
اللحين ها الشموع ياهنادي علشان عيد زواجنا ولا علشان تاْكدين لي انك مو مهتمة بخطوبتي ولا علشان شنو بالضبط تراني مو فاهم؟؟؟؟
كان يطالع بالغرفة وهو قارب يبكي...الليلة عيد زواجنا...وانا خطبت الليلة هاذي بالذات؟؟؟؟انا نسيت عيد زواجنا اصلا!!!!كيف بتفكر اللحين وش بتقول عني..اكيد متعمد اسويها؟؟؟لا ياهنادي والله ماني متعمد وحياتك......
مشى بين الشموع لين وصل للفراش....
كانت حاطة له صندوق ذهبي صغير ومغلفته بشرايط حمرة...شال الشرايط وفتحها....
رفع الكرت اللي كان فوق...(كل عام وبتظل الاول والاخير بحياتي يابو سارة...زوجتك المحبة...ام سارة)
شالها ورفع الجوال اللي كانت جايبته هدية.....
تنهد بقوة ها المرة وهو حاس انه بينهار باي لحظة...المشكلة انه مو قادر يروح لها ويكلمها وهو مو عارف شيقول اصلا؟؟؟
ياربي ليه صار كذا معي ليه؟؟؟انا احبها ياربي وماودي ااْذيها ..وانا ماسويت شي يغضب الله وعباده..انا ابي اشوف عيالي وهذا من حقي....ياربي ساعدني ماعندي غيرك الجاْ له في ها المشكلة؟؟؟؟؟
//////////////////////////////////////////////////////////////////هيفاء كانت تناظر بعبدالله وهي ماسكة صورة خالد ...وتردد النظر فيمابينهم...(قالت في بالها حتى لو اطلع الفروقات السبع ماالقى بينهم شي يفترقون فيه عن بعض من كثر ماهالولد نسخة من ابوه؟؟؟)ياترى ياعبود انت صرت شبه ابوك علشان انا اظل متعذبة...كل ماشفتك شفت ابوك !!!و لا شالسالفة بالضبط؟؟؟
تسحبت من الفراش بعد ماحطت راس عبود على المخدة وعدلته وغطته كويس..وراحت قعدت على الارض عند الاكياس المرمية بنهاية غرفتها....
كل اغراضها كانت على جنب بس ها الاكياس ذولا كانوا بروحهم....
فتحت اول كيس الجزم,,ولقت الجزم الثلاث اللي اشر عليهم عبود ومعهم بعد السودة اللي كانت تبي تشتريها وتنهدت بقوة...شسالفتك ياخالد بالضبط؟؟تبي تعاند ولا تبي تضايقني وبس!!!!
رمتهم على جنب ومسكت الكيس اللي فيه بلوزة وطلعتها..ماتدري ليه جاها احساس غريب انها مو من عند خالد؟؟؟؟وانها مو ذوق خالد اصلا!!!! رجعتها الكيس وتسندت على الجدار تفكر بها الخالد..وش راح يسوي بعد!!!شلي بيغيره بحياتها بعد!!!!وعبود...معقولة عبود يتعلق في ابوه اكثر ويتركني؟؟؟؟لا..مستحيل انا اموت اذا تركني ها الولد؟؟؟؟
قامت بسرعة وركضت للفراش وحضنت عبود بكل مافيها وهي نايمة جنبه وكانها تاْكد لنفسها شي واحد..ان ماحد بها العالم ممكن ياخذه منها!!!!
/////////////////////////////////////////////////////////////////نرجع لعند مها اللي كانت مستغربة من ها التغيرات اللي بشنطتها...بس كل التغيرات مالها غير تفسير واحد!!!في شخص فتح الشنطة وعبث فيها!!!ومافي غير محمد عنده الفرصة لان السيارة كانت معه طول الوقت والشنطة كانت بالسيارة.....
تردد وهي تفتح المحفظة حييل..ماتبي تشوف شي بعد...يكفي النقاب والعطر خلصوا عليها للنهاية؟؟؟
فتحته وفتحت الجيب اللي فيه علطول علشان تشوف الصور ودق قلبها اول ماشافت اول صورة.....هي متاْكدة ان صورة عبود كانت اول وحدة بس الضاهروهو يشوفهم تبهدل وحط صورة احمد بالبداية!!بس لايكون شاف صورته وشاف اللي مكتوب عليها؟؟؟بروح فيها من جد...رمت الصور بعصبية وبسرعة!!!!!ووقف قلبها عن الدق.....مالقت الصورة..مستحيل الصورة كانت هنا...انا متاْكدة..صورة محمد صار لها فوق الثلاث سنين وهي عندي وكل ماغيرت محفظتي نقلتها في البداية!!!!انتبهت على ورقة ملفوفة ومسكرة طاحت مع الصور بس من عجلتها ماانتبهت لها؟؟؟فتحتها وقرتها مرة ومرتين وثلاث تبي تستوعب كلمة وحدة مااستوعبت؟؟؟؟
اخذت الورقة وحطت راسها على المخدة وصارت تناظرها وهي دموعها بعينها.....كانت ورقة بيضة عادية ومكتوبة بخط اليد...بس مو هذا اللي هامها..اللي هامها خط الانسان اللي كتبها ومعنى الكلام اللي كتبه فيها!!!!
(اسمحي لي ان اكتب فيك شعرا..فهواك في قلبي لم تشهده ازمان...
انت شمس منذ تشرق فجرا...تنشر النور في الدنيا وتمزج الالوان...
وجناتك ورود تفوح عطرا..وعيناك لؤلؤ يحيطه المرجان...
مهما كتبت عنك فلن اوفيك حقا..ولن اعدل كما يعدل الميزان...
فاْنت الدنيا عسى ربي ان يطيلك عمرا....فحياتك بحياتي في أي مكان..
وعسى ربي ان يلهمني صبرا...على بعدك عني ويبعد الاحزان....
احبك يااغلى ملاك بالدنيا.......محمد)(بقلمي /ملح الحياة)
ماتدري لحظتها هي كانت بحلم ولا علم ولا هي ميتة من زمان وهذا كله وهم!!!!مو معقولة....ياربي ...مو معقولة...انا مو قادرة استوعب شي من اللي في بالي.....ياربي اذا انا بحلم لاتصحيني منه ابدا يارب!!!!خليني عايشة بحلم محمد......محمد...واخيرا ياحبيبي واخيرا!!!!كم تركتني وانا انتظر كم؟؟؟؟يعني بالسيارة كنت....كنت تمهد لها.....ياحبيبي يامحمد.....
************************************مانبي نظلم احد ها الليلة..كل واحد من اللي صار له حدث سهر وعشنا معه سهرته وليش كان سهران وشنو اللي شغل باله؟؟؟
خالد وهيفاء ومحمد وهنادي ومها ومحمد واحمد وهند....كلهم ناموا يابزعل ..ولا بفرح..ولا بضحكة..ولا بتفكير لبكرة واللي ممكن يصير بكرة من احداث!!!!
وحتى الجدة مثلهم كانت سهرانة بس تفكيرها عاد لوين رايح؟؟؟؟
بدل ماتشغل بالها بعيالها وعيال عيالها..كانت شاغلة نفسها بانهم مايحبونها لو كانوا يحبونها اشتروا لها ايس كريم وماكسروا خاطرها وخلوها مثل اليتيمة بينهم!!!!بس هي لهم وين بيروحون منها؟؟؟بتسوي فيهم شي بيندمون وبيعتذرون بعد؟؟؟لا ولا ذاك المصفوق رايح ياكل لي زارار من ورانا؟؟؟انا لك ولااخوانك يامشاري؟؟؟؟؟؟
//////////////////////////////////////////////////////////////////////اليوم الثاني...
كان يوم خير على الكل من الصباح...
خالد قعد قبل وقته وفطر على رواق ومشى له شوي وجا تحمم وبعدها راح الشركة.....
مها من كثر ماهي متونسة نامت بعبايتها وهي حاضنة النقاب والورقة وماقدرت تقوم من فراشها اصلا!!!!!
هيفاء قعدت على التسع بما ان مافيه دوام وراحت المطبخ تسوي الغذا بدال امها بما انها اجازة.....
محمد راح دوامه وهو حاس بنشوة غريبة...مها وعرفت اكيد....ولازم يعرف ردة فعلها شنو بتكون....وتذكر موضوع هيفاء وقال لازم يكلمها اليوم وينهي الموضوع؟؟؟؟؟
*******************************************في غرفة سارة....
محمد/هنادي...هنادي..ممكن تفتحين الباب؟ابي اتكلم معك؟
هنادي كانت بدنيا ثانية....لاهي عايشة ولاهي ميتة؟؟؟
مو طايقة تسمع صوته ولاتشوف وجهه اصلا؟؟؟؟بس شتسوي حكم القوي على الضعيف؟؟؟
يالله كلها ليلتين بس ويجي يوم الاربعاء وبتروح بيت اهلها وماهي رادة له اصلا؟؟؟
بيكون الوضع اريح له ولها ولااهله اكيد؟؟؟؟
محمد/هنادي....كان صوته تعبان بس ماتدري ليش ها المرة مااثر فيها ابدا!!!
محمد/ام سارة؟؟
هنادي لاحياة لمن تنادي حلفت ماترد عليه اصلا لااي ولالا؟؟؟
محمد/الله يخليك فتحي الباب...قبل لاتجي سارة من المدرسة وبعدها مانعرف نتفاهم!!!هنادي اسمعيني الله يخليك؟؟؟
ظل يناديها ويناديها ويناديها بس هي ولا عبرته بكلمة وحدة!!!في البداية شك انها تكون نايمة..بس حتى لو كانت نايمة بتقعد من طرقه على الباب!!!
تنهد ومشى....
وظلت هي بدموعها...لاهي قادرة تتكلم وتفضفض لااحد...ولاهي قادرة تواجهه اصلا!!!
/////////////////////////////////////////////////////////////خالد بالشركة....
خالد يكلم سكرتيره/خلاص سوي العقد الجديد...
السكرتير/والعقد القديم استاذ خالد ؟؟؟
خالد/خليه على جنب ها الفترة ابي تتعامل معهم بالعقد هذا وبالشروط هاذي؟؟؟
السكرتير/في شي ثاني استاذ خالد..
خالد/جيب لي البريد حق اليوم.... واتصل بشركة الاتصال شوف لنا موعد مع مندوبهم في اقرب وقت ممكن ناخذه...
السكرتير/ان شاءالله....
دق جواله بها اللحظة ويوم شاف الرقم استغرب...
خالد/خلاص شوف شغلك واذا بغيت شي بناديك...
السكرتير/ان شاءالله...وطلع من مكتبه..
خالد وهو يناظر بجواله....خير ان شاءالله هذا رقم بيت خالي!!!من متى مادقوا علي؟؟؟غريبة؟؟؟
//////////////////////////////////////////////
ام خالد/مها...مها يامها...
مها فتحت عيونها بثقل/نعم..
ام خالد/مابتقومين يمه؟؟؟صار وقت الاذان وبعد شوي بنتغذى يالله قومي...
مها بثقل وهي تبوس الورقة/يالله قايمة...
ام خالد/ماابي اصعد لك مرة ثانية ياعيوني؟؟؟خلصيني وقومي زين!!
مها/قمت............
عدلت نفسها على السرير وشافت حوستها حوسة..نايمة بعبايتها وبشيلتها واغراضها منثرين على الفراش والحالة حالة!!!بس ضحكتها كانت على وجهها وها الشي اللي من زمان فارقها؟؟؟
قامت وهي بحالة غريبة...حالة فرح واندفاع...حالة ماتقدر توصفها....
ناظرت بالساعة...باقي ساعة الا ربع على الاذان...باقي في وقت يالله قومي جيبي لهم حلى بها المناسبة اللي كنتي تنتظرينها....
دخلت حمامها تغسل وهي تغني (مااروعك....اعجب واغرب من الخيال....مااروعك....ملكت كل سحر الجمال)
////////////////////////////////////////////////////////////////////هبة ومشاري/السلام عليكم...
ام محمد وهيفاء/وعليكم السلام....
هبة/يمه...لازم ابدل مثل كل يوم؟
ام محمد/يمه...لازم كل يوم تسالين نفس السؤال؟؟
مشاري/يمه شنو الغذى اليوم؟
ام محمد/وانت بعد مثلها؟؟لازم كل يوم تساْل عن بطنك بالاول وش بياكل؟؟؟
مشاري وهي ياكل من التبولة اللي كانت هيفاء تحط فوقها الليمون/اهم شي كرشتي يالغالية؟؟؟
هيفاء/ههه الا صدق يمه جدتي اليوم مالها حس؟؟؟ماطلعت من دارها؟
ام محمد/اذا ماطلعت من دارها ماترضى اني اروح لها تقول تحب تقعد بروحها واذا حبت تجي عندنا هي بتجي بنفسها؟
مشاري/ماعليك منها..تتدلع علينا عجوز النار!!
ام محمد/مشاري ووجع..استح على وجهك هاذي مهما كان جدتك؟
مشاري/مو انا ابتلشت فيها ياعالم؟؟؟
هيفاء/روح لها زين سووا لنا فلم اكشن قبل لايجي ابوي ونحط الغذى؟
مشاري/هيوف مسوية لنا تبولة اليوم ؟عسى ماشر؟
هيفاء/وازيدك من الشعر بيت بعد..انا اللي مسوية لكم الغذا اليوم...
مشاري/الله...الله...وش طابخة لنا ست الحسن والدلال؟
هيفاء بفخر/مسوية لكم كبسة لحم سعودية بتاْكلون اصابعكم وراها...
مشاري/ياسلام.....وبعد؟
هيفاء/ماتكفيك الكبسة؟
مشاري/تكفي بس عيوني شافت شي ثاني؟؟
هيفاء/هذا دجاج محمر خبرك بعبود مايحب اللحم..ماياكل غير الدجاج؟؟
مشاري/انتي بعد دلعتي...(وقام يقلد صوت عبود وصوتها..ماما ماابي لحم ابي دجاج؟؟ان شاءالله ماما اللحين اسوي لك دجاج؟؟)
يبى علميه..كله نعمة الله..مايشوف جدتي كل شي تاكله؟؟؟عيوني عليها حارة ماهي باردة؟؟؟
ام محمد/روح يالله بلا صجة راس..ودخل كتبك وصلي الللحين بيجي ابوك؟
مشاري/بروح اول اشرق على كوكب الشرق والغرب ام عبدالله الغالية؟؟؟
وطلع من المطبخ...
ام محمد/هذا مدري على منوطالع؟؟؟لسانه يلوط اذانه؟؟؟
هيفاء/ههههههه على فاتن بنت خالته من نفس الطينة مخلوقين؟؟
ام محمد تنهدت..
هيفاء/يمه فيك شي؟
ام محمد/بعدين بقولك عن شي يايمه...وقولي لي رايك فيه..
هيفاء/خير ان شاءالله؟
ام محمد/بعدين يمه لاصرنا بروحنا....
هيفاء/ليه؟؟
ام محمد/ماابي احد يدخل ويطلع علينا ابي ناخذ راحتنا....
مشاري دخل المطبخ/يمه..جدتي ماهي بدارها؟
ام محمد وقعت السكين منها/شلون يعني ماهي بدارها؟
مشاري/ماادري..رحت دارها مالقيت احد..طلعت الخيمة بره بعد ماهي هناك؟؟
هيفاء/وين بتكون راحت؟؟؟ماشفتها مع عبود قاعدة؟
مشاري/لا عبود يشاهد بالصالة مافي احد معه؟؟
طلعوا هيفاء وامها من المطبخ وهم في حالة استنفار......
*****************************************سارة/بابا تعال كل معي..
محمد قعد معها على السفرة بدون ماياكل شي وظل ساكت...
سارة/بابا..ماما وينها؟
محمد انتبه/ها..
سارة/وينها ماما؟
محمد/الماما بغرفتك؟
سارة/بعدها تعبانة؟
محمد/....انتي كيف عرفتي انها تعبانة؟
سارة/هي نامت عندي البارحة بداري وكانت تبكي ويوم قعدت من النوم ولقيتها تبكي سالتها قالت لي انها تعبانة؟؟؟؟واليوم الصباح بعد مالبستني سالتها قالت انها بعدها تعبانة؟؟؟انت ليه ماوديتها المستشفى يعالجونها؟
محمد بانكسار/عيت تشوف الدكتور لو تكلمه؟؟؟؟قولي لها انتي اذا رضت بوديها اللحين؟
سارة/اروح لها اللحين؟
محمد/كملي اكلك يابابا بالاول بعدين روحي لها....
سارة/لابشوف الماما اول....
قامت من كرسيها وتنهد هو...لانه عارف يقينا انها مابتقوم لو يتزلزل البيت بللي فيه...بس فاجاه انها فتحت الباب لسارة وطلعت من غرفتها..
سارة وهي حاضنة امها/يالله لبسي عبايتك البابا بيوديك المستشفى؟
هنادي بصوت ضعيف ومبين فيه التعب/ماما روحي انتي تغذي..انا بخير..طالما انتي معي بتغنيني عن الدنيا كلها؟؟؟
قالتها متعمدة ومحمد بعد ها الكلمة ماقدر يتحرك من مكانه...
قام ودخل المطبخ...وسارة بعدها عند امها تكلمها....
رجع وفي يده كاس عصير برتقال...ومده لها...
محمد/اشربي...مايصير مااكلتي شي من امس؟
هنادي/سارونة حبيبتي روحي كملي اكلك واذا خلصتي تعالي نذاكر مع بعض زين؟
سارة/طيب........
محمد/هنادي...احط لك لقمة تاكلينها؟؟؟
هنادي وقفت على طولها مرة وحدة وصارت قباله....
قالت له وهي خانقتها عبرتها وصوتها ضعيف ومتكسر/تمنيت اعرف مشروعك قبل لاتقدم عليه يامحمد؟؟؟؟هذا المشروع اللي بعت البيت علشانه؟؟؟هديتنا وهديت حياتنا وبيتنا علشان سعادتك؟؟؟؟تنهدت بقوة وهو بعده يناظره....
هنادي/الله يوفقك....ماعندي غير الله يوفقك ويتمم عليك................
هيفاء بغرفة الجدة/يمه ملفعها مدري عبايتها ماهي هنا؟
ام محمد حايسة بروحها/ياربي وش ها البلوة؟؟وين راحت؟؟؟
مشاري/هذا دفتر التلفونات؟؟؟؟منو كانت مكلمة؟؟
ام محمد/مو معقولة تدق على ابوك ومايتصل يخبرنا؟؟؟
هيفاء/يمكن فهمته ان احنا عارفين؟؟
ام محمد/لا ابوك الا جدتك لو تروح ولو تجي لازم يتصل يعطيني خبر؟؟لالالا مو ابوكم...
مشاري/يعني دقت على محمد.....
هيفاء/اخاف ندق عليه ونشغله ومايكون عنده خبر؟؟؟
ام محمد تسندت على الجدار/ياربي ..ياربي شسوي انا؟؟؟شبيقول ابوكم اللحين؟؟؟انا اللي غفلت عنها؟؟
هيفاء راحت وحضنتها/يمه هدي شوي...اكيد..انها طلعت مع محمد لو ابوي..يعني وين بتكون راحت...
بها اللحظة دخل ابو محمد وعبود..
ابو محمد/السلام عليكم..
الكل/...............
ابو محم/شفيكم؟
مشاري/يبه انت طالع مع جدتي؟
ابو محمد بخوف/لا؟؟؟وين امي؟
هيفاء/يبى..جينا شفنا دارها خالية ومافيها احد وقلنا يمكن انها طلعت معك لو مع محمد؟؟
ابو محمد طلع جواله مثل المجنون ودق على محمد.../هلا محمد وينك يبى....منو معك؟وجدتك ماهي معك؟؟؟ولاكلمتك؟؟؟يالله ...
ماهي معه ولاكلمته؟؟؟وين راحت؟؟؟
هيفاء/يبى هي قالت اذا ماطلعت لكم لاتجوني الدار انا وقت ماابيكم بجيكم..واحنا تركناها على راحتها وقعدنا انا وامي بالمطبخ نجهز الاكل ومشاري قبل شوي دخل غرفتها ومالقاها؟؟
ابو محمد/احد زعلها منكم؟؟
ام محمد/ماشفناها من الصبح..تريقت ورجعت غرفتها....
ابو محمد/لاحول ولاقوة الابالله..
مشاري/انا بروح ادورها بالشارع يمكن انها طلعت من هنا لو من هنا...
هيفاء/خل جوالك معك لو شفتها دق لنا طمنا..
مشاري/طيب....
محمد دخل مع هند../ها..خير شصاير؟
ابو محمد/جدتك يامحمد جدتك..طالعة وماندري وين راحت؟
محمد/طالعة!!!!طالعة وين رايحة با هالشمس؟؟؟؟
ابو محمد/مدري يبى مدري..انا مو قادر اتحرك ولاافكر في أي شي..
محمد/لا يبى لاتضايق نفسك...انا بطلع ادورها بالسيارة هنا وهنا يمكن اشوفها؟
هيفاء/دفتر التلفونات لقيناه بغرفتها بس ماندري هي دقت على منو؟
محمد/لاحول الله....اذا صار عندكم خبر كلموني...
وطلع يدور..ومابقت غير ام محمد تبكي وتلوم حالها وابو محمد مو عارف شيسوي....
ابو محمد/هيفاء يبى..دورتوا البيت زين؟
هيفاء/دورناه...بس علشانك برجع ادوره مرة ثانية...
وراحت من جديد تفتح في غرف البيت غرفة غرفة وهند وهبة بعد صاروا يدورونها....
مشاري تعب ووقف عند باب البيت...يمكن انه يلمحها او يشوفها جاية من هنا لو من هنا...
محمد بعد فكر في كل الاماكن القريبة بس بدون فايدة رجع ووقف جنب مشاري....
مشاري بخوف/وين بتكون راحت؟
محمد/المشكلة انها ماتعرف احد؟؟؟وماعندها غير بيت عمتي ولو كانت راحت هناك دقت عمتي وقالت لنا؟؟؟
مشاري/الله يعديها على خير.......
طلع لهم ابو محمد بره ووقف معهم/ها مافي خبر؟
محمد ومشاري هزو روسهم...
طلعت ام محد ووقفت عند الخيمة وهي تبكي وتدعي الله انه يرجعها سالمة لهم..وطلعوا وراها بناتها...
عبود/ماما..ليه تبكي ماما ام محمد.؟
هيفاء/خلاص عبود مو وقتك والله اللي فيني مكفيني وزود؟
عبود/بروح لمحمد اوقف معه؟؟
وطلع معهم.......
ظلوا البنات قاعدين جنب امهم يدعون لجدتهم...اللي مايدرون وينها فيه..
وبعدها دخل عبود وهو فرحان/ماما ..ماما بابا خالد ...بابا خالد عندنا؟
هيفاء وامها ناظروا في بعض..
ام محمد بخوف/سترك يارب بس لايكو ن صار فيها شي وكلموا بيت عمتك؟
هيفاء غمضت عيونها../هبة قومي جيبي عبايتي وعباية هند....
خالد وقف السيارة عند الباب وهو مستغرب من وقفة خاله مع عياله بها الشمس..وهم بعد استغربوا جيته بها الوقت؟؟؟
خالد نزل بسرعة/خير ياخالي فيكم شي؟
ناظروا في بعض بدون مايتكلمون...
خالد/خالي...فيكم شي لاسمح الله....
ابو محمد/لايبى..مافينا الا العافية بس..
خالد/بس شنو؟؟؟جدتي ماقالت ان فيكم شي؟
ابو محمد/جدتك؟؟؟وينها جدتك؟
خالد اشر على باب السيارة/بالسيارة...خليني افتح لها الباب وانزلها...
محمد بحدة/خالد....جدتي معك؟
خالد وقف مكانه ولف لمحمد/أي..جدتي معي...
ناظروا ثلاثتهم ببعض...
خالد لف لهم/شا السالفة؟؟؟
ابو محمد/شتسوي معك؟
خالد/ليه انتوا ماتدرون انها معي؟؟
مشاري/لا طبعا؟؟
خالد/غريبة....هي دقت لي وقالت لي تعال مرني ابيك ضروري عندي مشوار والعيال مابيمديهم اليوم يودوني وانا مقدر اتاخر عن مشواري...فكرتكم عارفين؟
ابو محمد تنهد/الحمد لله ان مافيها شي....
مشاريحسبي الله عليها من حرمة؟؟؟تدري ان احنا صار لنا فوق الساعة وشوي ندورها؟؟قلبنا البيت كله وماشفناها..وحضرتها طلعت وماقالت لنا انها بتطلع؟
خالد حس نفسه محرج من ها الموقف/خالي السموحة...والله ماكنت عارف انكم ماتدرون...
محمد/مالك شغل ياخالد...هي كذا دايم تعاملها كذا الله يهداها بس؟؟
خالد/بس هي قالت لي انكم عارفين؟؟
ابو محمد/الله يسامحك بس يمه..كذا تسوين فينا؟
خالد فتح لها باب السيارة وطبعا كانت جمس ورفيعة والجدة ماتقدر تنزل مرة وحدة فحملها شوي لين نزلت..
مشاري بحقد/عساكي تتكسرين يارب؟؟؟
نزلت الجدة ويادنيا ماانتي دنيا مشت بثقة وفي يدها اكياس باسكن روبنز ومحمد ومشاري يطالعون مستغربين....
خالد/ياجماعة والله ماني عارف شقول بس حاس نفسي خجلان من وقفتكم بالحر والشمس وهي معي...بس لو كنت ادري كان عطيتكم خبر؟؟
ابو محمد/ماعليك يبى الغلطة ماهي غلطتك انت...حياك يبى تعال تغذى معنا.....
خالد/لا خالي مشكور مرة ثانية ان شاءالله..
محمد/ادخل بس ادخل ياخالد..منت غريب عاد تنعزم على الغذا؟
خالد/ماعليه خلوها لظرف ثاني يكون احسن والله حاس بالفشيلة؟
ابو محمد/يبى خالد تردني وانا خالك؟
خالد انحرج/يالله بس لااطفي السيارة والحقكم...
****************************دخلت الجدة البيت ووقفوا ام محمد وبناتها اول ماشافوها..
ام محمد بخوف/ياخالتي خوفتينا عليك؟
الجدة ناظرت بهند وهبة وهي تحوس باكياسها علشان ينتبهون لباسكن روبنز وهم يطالعون في بعض...
هيفاء سكتت ولاتعليق ابدا...
تسندت في الخيمة وتسند مثلها عبود اللي ماحد عبرها من الرجال....
ودخلوا الباقي..
ابو محمد/يالله حطوا غذانا خالد بيتغذى هنا؟؟
هيفاء دق قلبها/لا مو اليوم..مو يوم اللي انا طابخة الاكل يجي يتغذى؟؟؟
دخلوا حتى البنات داخل وبقى بس مشاري واقف مع خالد يسولف معه عن جدته وليه كانت داقة عليه..
ودخلوا البيت...
طبعا خالد انتبه لوجودها ولولدها اللي كان يقلدها بالقعدة وحركات اليد...
خالد/تعال...واشر على عبود.....
اللي فز من شاف ابوه ياشر له.....
طلع معه لسيارة من جديد....
وجاها فضول تعرف شيبي منه..راحت وراه ووقفت تطل من الباب ومشاري واقف قبالهم ناظرهم....
طلع خالد من الكرسي الخلفي سبايدرمان كبير يوصل لااطول من عبدالله وعبدالله من شافها قام الصراخ عنده
عبدالله بفرح/هذا حقي بابا خالد؟
خالد /أي...قالها بدون أي عاطفة..
واخذه عبود وقام يناطط فيه من فرحته..سكر الباب ورجع بيدخل لقاها واقفة تطالعهم وعيونها تقول حكي مو مفهوم؟؟؟
/////////////////////////////////////////////////////////////////في بيت العواد...
ابو خالد/وين خالد.؟
مها/اتصل وقال انه معزوم على الغذا...بس بيجي يحلي معنا؟
ام خالد/وخير ان شاءالله؟
مها/ماخذة لكم حلى على كيف كيفكم....وقلت له اذا تاْخرت بيطوفك الحلى...قال بيتغذى بس وبيرجع ماهو متاْخر...
عمر/وش المناسبة ان شاءالله؟
مها بهيام/شي خاص...
مرام/مثل شنو؟
مها/الا شياء الخاصة مايقولونها....
ابو خالد/يبى مها...شقلتي على سالفة الولد اللي كلمك عنه خالد يوم ان احنا نروح مكة؟؟؟ابي ارد لهم خبر؟؟؟
مها بفرح/يبى ماابيه....
ابو خالد وام خالد وعمر ومرام ناظروها وشكوا انها مجنونة كانت تتكلم بفرح ملحوظ وغريب ماكانها تقول انها مو موافقة؟؟؟؟
ابو محمد/شنو؟
مها بنفس الفرح/ماني موافقة يبى...ماابيه..مايناسبني..؟
سكت الابو...وهاذي حالته اذا قالت انها ماهي موافقة...لاهو قادر يجبرها ولاهو قادر يسوي شي معها....
///////////////////////////////////////////////////////////////في بيت السالم..
كانوا ابو محمد وام محمد ومحمد ومشاري والجدة وعبود بالصالة يتغذون والبنات بالمطبخ....
مشاري يهمس لخالد/والله انك دثر يوم تسمع كلامها؟؟
خالد/اقولك داقة علي وقالت لي تبي مشوار ضروري؟؟
محمد كان جنبهم/وباسكن بذمتك ياخالد ضروري؟؟
خالد بضحكة/والله اني ماكنت عارف انه باسكن يوم اروح.....اثاريها شايلة بقلبها على هند هبة يوم ياكلون امس ومايعطونها...قالت بتاخذ لها كل الانواع علشان يتحسرون وماتعطيهم؟؟
مشاري/صدق ماتستحي؟؟تحسونها مو جدة..ساحرة شريرة؟
محمد وخالد/ههههههههه
الجدة/ضحكونا معكم؟؟
محمد/سلامتك يالغالية؟
خالد/كيف وضع الاتصالات يامحمد...ابي مندوب يطلع لنا يتاخر؟
محمد/انتوا بعثتوا لهم برقية؟
خالد/يفترض اليوم جاهم خبر...
محمد/معناته بكرة يدزون لكم المندوب...شغل الشركات يمشي بسرعة لاتحاتي....
ام محمد/شتشتغل فيه ياخالد يمه؟
خالد/استيراد وتصدير خالتي...
ام محمد/الله يوفقك يمه....
خالد/تسلمين...اقول خالتي تسلم يدك على الطبخة..خوش كبسة....
مشاري/مو طبخ امي..هاذي طبخ ام عبدالله؟؟؟؟مو انتي لاتطالعين فيني!!!ام عبدالله اختي..انتي بس تعرفين تاكلين ماتشيطرتي بشي ثاني غير ها الاكل؟؟
الجدة ودها تصفعه بالصحن بس سكتت مو كفاية انها طلعت بدون ماتقول لااحد/اقول خالد لاتنسى تنزل الثلاجة؟؟
خالد/ان شاءلله بس اقوم من السفرة انزلها؟؟؟
ابو محمد/شثلاجته بعد؟؟؟
خالد بتردد/قالت تبي ثلاجة لغرفتها تحط فيها اغراضهاا لخاصة...شريت لها وحدة؟؟
مشاري/اقولك ثور ماصدقتني؟؟؟هي من زمان تبي ثلاجة بدارها؟؟بس ابوي مايبي يحط لها..عندها السكري وهي ماغير اكل بالحلويات والدانيت واذا صارت الثلاجة بدارها لاحسيب ولارقيب؟؟؟؟
خالد/يمه انتي ماقلتيلي كذا؟؟؟
محمد يهمس لخالد/كاْنك توك تعرف جدتي ياخالد؟
خالد/شسوي احرجتني؟؟؟
مشاري يكلم هيفاء من مكانه بصوت عالي/هيوف....في اخرة حبيبتي؟؟؟
هيفاء/أي...
مشاري/شنو؟
هيفاء/جبل الكاكاو....
مشاري/جعل ربي يسلمك ويكثر من اجازاتك قولي امين!!!قومي سوي القهوة بسرعة؟؟؟؟
الجدة/مالت عليك انت واختك؟
مشاري/مانا راد عليك وحلى مابنعطيك موتي قهر؟؟؟
الجدة/عندي مايحتاج؟؟؟
وقامت الجدة بسرعة تلحق عليهم قبل لااحد ياكلهم....
مشاري/ههههههههههههه
خالد/ليه تضحك؟؟؟
مشاري رجع يضحك بشكل اكبر وبصوت اعلى/هههههههههههههههههههههههههه
محمد/جنيت انت؟
مشاري يتكلم من بين ضحكاته/مصدقة نفسها اللحين بتروح تاْكل ايسكريم جدتكم؟؟؟شلت لي ثلاث علب وصادرتهم خوفا على مصلحتها العامة؟
ابو محمد/وشيدخل هذا بضحكك...ماراح تحس انهم نقصوا؟؟
مشاري/لا مو كذا السالفة....تراها بتشرب حليب مو بتاْكل ايسكريم؟؟؟تصوروا وين خاشتهم؟؟؟تحت مخدتها وحاطة فوقهم بطانية بعد!!!!ياسترك يارحمان؟؟؟؟؟
************************************************** **بعد مرور ساعة ونص في بيت العواد...
خالد/السلام عليكم.....
لفوا عليه ام خالد ومها واحمد اللي توه جاي من الجامعة/وعليكم السلام...
خالد تمدد على الكنبة وهو تعبان ورمى شماغه على جنبه .../عسى ماراح علي الحلى....بس؟؟
مها/لاتطمن ننتظرك؟
ام خالد/وين كنت؟
خالد/اه.....وضحك بعدها ههههههههه
ام خالد/وي اسم الله عليك؟؟
خالد/اليوم صار لي موقف عجيب انحسد عليه؟
احمد ومها باهتمام/خير ان شاءالله...
مرام/الحمد لله اني جيت بالوقت المناسب....وقعتدت جنب خالد...
خالد/دقت على جدتي الساعة عشر ونص تقريبا...قالت لي مرني ابيك توديني مشوار العيال مايقدرون وقالوا لي كلمي خالد احنا مشغولين وانا مضطرة للمشوار؟؟؟
ام خالد/وبعدين؟
خالد/تركت الشركة ورحت لها لقيتها واقفة بالشمس تنتظرني.... ركبت معي وقالت لي اول اخذ لها ثلاجة صغيرة لدارها...ورحنا اخذنا الثلاجة....وبعده قالت تبي ايسكريم مثل اللي كانوا ياكلونه هند وهبة البارح؟؟؟
احمد دق قلبه من طروا اسمها لا وبعد الايسكريم اللي هو اختاره اكيد؟؟؟
احمد/وبعدين؟؟
خالد/قلت لها مو انا اللي وصلتهم يشترونه قالت ودني محل زارا اكيد هو....
مرام ومها/ههههههههههههههه
ام خالد/وبعدين...
خالد/انا قلت شكلها مالقطت الاسم عدل...وديتها باسكن..شرت وتشرت على كيف كيفها...ردينا البيت الا خالي وعياله واقفين بالشمس والشمس ضاربة فيهم؟؟؟
مها/محمد......يعني محمد ومشاري؟
تداركت اسم مشاري بعدين بعد ماناظروها خالد وامها؟؟
خالد/كلهم...اثاريهم قالبين الدنيا عليها وهي طلعت ماقالت لااحد انها بتطلع؟؟؟؟وحسيت اني انا اللي منحرج؟
مرام/أي بس انت ماتدري؟
خالد/ولو ..مدري كيف حسيت....بس مشاري عندكم اياع...مسنعها مزبوط؟
ام خالد/هه قصدك مجنن امي؟
احمد/من زينها امك عاد؟؟؟روحي زين ياام خالد قالت امي؟؟؟
ام خالد/ها حمود كنك بديت تغلط على امي؟
خالد طلع جواله ووراهم البلوتوث اللي دزه له مشاري ذاك اليوم وهي تاكل بالمطبخ وضحكوا عليه....
ابو خالد/متجمعين عند النبي....
لفوا له كلهم...
اللهم صلي وسلم عليك يانبي....
خالد/هلا يبى..
ام خالد/قلت بتريح...خليناك على راحتك؟
ابو خالد/شفتكم متجمعين قلت اجي اسولف معكم...
مها/زين سويت يوم جيت...مرام قومي جيبي معي الحلى خلنا نكمل القعدة؟
راحوا مرام ومها المطبخ..
ابو خالد/خالد يبى بغيت اكلمك بسالفة؟
خالد/خير ان شالله؟
ابو خالد/بغيت اكلمك..
خالد/اسمعك يبى ..تفضل؟
ابو خالد/ولدك ياخالد؟
خالد/شفيه؟
ابو خالد/انت ترضى عاد يظل عند اهل طليقتك؟؟؟؟؟
عم السكون المكان...



احمد بعصبية/يبى...هذولا بيت خالي وبيظلون بيت خالي؟؟؟وبعدين انت ماتقدر تفرض على خالد يجيب ولده وهو بعده ماتقبله بحياته؟؟؟؟يعني بس عناد لهم؟؟؟
ابو خالد بعصبية/اقول انقلع انت بس انقلع!!!منو اخذ رايك بالله؟؟لاالولد ولدك ولاانت ابوه؟؟روح عن وجهي بس؟؟؟
قام احمد وهو يداري دمعة بعيونه ماحب امه واخوه يشوفوها.......احمد طيوب وحنون وكل البيت يعتمد عليه...ومايرضى بالظلم ابدا.....ومايبي عبود يجي عندهم لايظلم امه .....
ام خالد بتانيب/لا يابو خالد مايصير كذا؟؟؟رجال طول بعرض تكلمه بها الطريقة؟
ابو خالد بعصبية/ام خالد؟؟؟خلاص..انا ها الموضوع ماابي احد يتدخل فيه حتى انتي؟؟؟خالد يقرر ويسوي اللي يبيه ماحد له شغل؟؟؟
خالد دخلت السالفة بامه واخوه ماقدر ثارت داخله براكين وحب يسكر الموضوع على ابوه لانه عارف ابوه شيبي..
خالد/يبى.....مو وقته...توني فاتح الشركة...ويبيلي وقت اتعود على وجود احد يحمل اسمي ويناديني بابا؟؟
ابو خالد/كل يوم نجيبه هنا لين تتعود عليه؟
خالد/لا ماهو وقته....
ابو خالد/بس انا كذا الوضع ماهو عاجبني ياخالد؟
خالد/حتى انا يبى...بس اصبر علي شوي...انا بعد ابي استقر بحياتي واتزوج من جديد؟؟
ام خالد وابو خالد ناظروا في بعض..
ابو خالد بفرح/يعني حاط الموضوع في بالك؟
خالد/اكيد حاطه في بالي.....يامها وين الحلى يابنت تاخرتي ورانا شركة نقابلها؟؟؟قالها متعمد علشان يسكر الموضوع......
///////////////////////////////////////////////////////////////////////في الليل...
خالد/مها..وين احمد؟
مها/الظاهر انه نايم مااشوفه طلع من غرفته اصلا؟
خالد تنهد....وراح له غرفته...
احمد/منو؟
خالد/انا خالد...
فتح له الباب....
خالد/ادخل لو ممنوع؟
احمد/حياك..:كنت اذاكر عندي اختبار بكرة؟
خالد دخل الغرفة/قاعد بصقيع انت؟؟قصر على المكيف شوي؟؟؟وش ها الاضاة الصفرة الرومنسية؟؟؟ها..وش ها الحركات ياخوي علمنه؟؟
احمد/اعلمك عاد...؟؟انا منك اتعلم؟؟
خالد ببراْة مصطنعة/وانا شيعرفني بالله؟؟؟
احمد بخبث/واللي مايعرف يجيب ولد ياخوي؟؟؟على منو تلعبها ياخالد علي انا؟؟؟
خالد/ههههههه على طاري الولد...شوف بالنسبة للي صار اليوم..
قاطعه احمد/شوف ياخالد...انا مو قصدي اتدخل بحياتك وخصوصايتك....بس يكفي ها المرة انت لازم تقرر مو ابوي اللي يقرر ويخليك تنفذ بالقوة ياخالد؟؟؟لاتظلم هيفاء وتحرمها من ولدها ياخالد..أنت عارف انها ماظلمتك ولاحرمتك من شي طول ماهي معك؟؟؟لاتكسر قلبها على ولدها...انت ماتحبه كيف تاْخذه؟؟؟
خالد/معك حق يااحمد...انا مااحبه...بس يمكن اني احبه مع الايام؟؟؟
احمد/اذا حبيته يصير خير؟؟؟
خالد/طيب واذا حبيته مع الايام يصير اخذه بعد لولا؟؟؟
احمد/لا...
خالد/لعن بو دارك انت معي لوضدي؟؟؟اللحين قلنا اني مااحبه..بس بعد مااحبه ليه مااخذه عندي؟؟
احمد/علشانك ماتعبت فيه كثر ماتعبت ياخالد؟؟؟هي احق منك فيه؟؟؟
خالد/انت شايل بقلبك كثير يااحمد؟؟؟؟
احمد/شايل بقلبي بس مو عليك ياخالد على اللي كان السبب؟؟؟؟طلاقكم انهى حياة ناس توها بتبدي حياتهم؟؟؟
خالد/لاتتكلم بالالغاز وقول اللي عندك بصراحة؟
احمد/ماعندي شي اقوله؟؟؟
خالد/بلى...منهم ذولا الناس اللي انتهت حياتهم قبل لاتبدي يااحمد؟
احمد بهيام/ناس كثيرة؟؟
خالد/منو؟؟
احمد بهمس/انت تعرف..:نت عايش بينهم وشايفهم؟؟
خالد/يعني انت كنت تعرف عن محمد ومها؟؟
احمد/مو معقولة اكون عايش بينهم ومااقرا اللي بعيونهم لبعض؟؟؟
خالد/ومنو غيرهم بعد؟
احمد نزل راسه وبانت دمعته ها المرة..
خالد بذهول/انت ..انت يااحمد!!!لاتقولي انها هند؟
احمد/هاذي سراب ..سراب ياخالد..ماراح يتحقق بيوم من الايام؟؟؟؟هند مستحيل تفكر بواحد اخوه طلق اختها بدون اسباب؟؟؟؟
خالد حط يده فوق كتف احمد/خليك رجال يااحمد؟؟؟اذا هي نصيبك بتاخذها لو شيصير بها العالم صدقني؟؟؟انت اللحين شد حيلك بالدارسة وبعدها فكر في الارتباط؟؟
احمد بحزن/هي تطري على بالي بدون ماافكر فيها؟؟؟
مها ومرام عند الباب/يصير ندخل نفرفش مع اخوانا شوي قبل لاننام؟؟
احمد وخالد لفوا لجهة الباب..
احمد/لا..غرفتي ممنوع تدخلونها؟
خالد/يا ثقل دمكم ياها البناتعندنا سوالف شباب مانبيكم تسمعونها؟؟؟
مها دخلت بسرعة ولزقت بين خالد واحمد/اموت انا على ها السوالف تكلموا بسرعة!!!
كل واحد فيهم مسك اذن منها..
خالد/وش اللي تموتين عليه؟؟؟
احمد/وش قلة الادب هاذ ي يابنت؟؟
مها/ماما..لحقي علي..شوفي عيالك شبيسون فيني؟؟؟؟
مرام قامت تحوس باغراض احمد اللي على المرايا..
وقام لها احمد بسرعة/ان لمستي شي برميك من النافذة اللحين؟
مها تهمس لخالد/وش كنتوا تقولون؟
خالد بنفس الهمس/سوالف شباب؟؟
مها/مثل شنو؟
خالد/اول قوليلي شسالفة الحلى اليوم والانبساط والفرح اللي شاق الحلق؟؟؟
مها بفرح/كانت عندي سالفة مشغلتني وعدت؟؟؟انت قول شكنت تقول لااخوك قبل لاندخل؟
خالد/اعلمه وش يسوي اول مايشوف مرته؟؟؟؟
مها فتحت عيونها على وسعها وخالد مات عليها ضحك..
مها بصراخ/شوف اللي مايستحي على ووجهه وش يقول؟؟؟؟
قامت تضرب فيه بالمخدة وهو ميت ضحك...
مرام عند المرايا/تكفى بس بشمها؟
احمد/اختاري يامن شعرك ارميك يامن..
مرام/بس بشمها اذا حلوة باخذ لهند مثلها هي تموت على دهن العود واذا حلوة بشتري لها مثلها تكفيى؟؟
احمد كان ينتظر اسمها بس/يالله بسرعة قبل لاارميك شميها؟؟؟؟

 
 

 

عرض البوم صور بياض الصبح   رد مع اقتباس
قديم 16-08-10, 11:00 PM   المشاركة رقم: 18
المعلومات
الكاتب:
اللقب:
ملكة جمال ليلاس وملكة سحر الخواطر



البيانات
التسجيل: Aug 2010
العضوية: 183892
المشاركات: 11,135
الجنس أنثى
معدل التقييم: بياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالق
نقاط التقييم: 2930

االدولة
البلدKuwait
 
مدونتي

 

الإتصالات
الحالة:
بياض الصبح غير متواجد حالياً
وسائل الإتصال:

كاتب الموضوع : بياض الصبح المنتدى : القصص المكتمله
افتراضي

 

,,,,,,,,,,البارت السابع عشر,,,,,,,,,,,

////// ///////////////////////////
مرام عند المرايا/تكفى بس بشمها؟
احمد/اختاري يامن شعرك ارميك يامن..
مرام/بس بشمها اذا حلوة باخذ لهند مثلها هي تموت على دهن العود واذا حلوة بشتري لها مثلها تكفى؟؟
احمد كان ينتظر اسمها بس/يالله بسرعة قبل لاارميك شميها؟؟؟؟
مرام/اممم..حلوة بس مدري تعجبها ولالا..عندك شي ثاني؟؟
احمد/اقول عطيتك وجه بزيادة تراني!!!!
مرام/شدعوة ياخوي....
احمد/يالله امشي قبل لاارفع يدي ترى اسويها؟؟
مرام/زين....
//////////////////////////////////////////////////////////////هيفاء/هذا احنا صرنا بروحنا يمه...قولي شفيك؟
ام محمد/شفيني بعد؟؟مافيني الا العافية؟؟
هيفاء/يمه!!انتي قايلة لي انك تبين تكلميني بموضوع لاصرنا بروحنا؟؟؟
ام محمد/أي...ذاك الموضوع...والله مدري شقولك يايمه؟
هيفاء/خير ان شاءالله؟
ام محمد/اخوك محمد؟
هيفاء دق قلبها بقوة من جابو ا طاري محمد..اكيد يبيها تطلع من وظيفتها لو سالفة من سوالفه المعتادة معها..ويمكن يبيها تغطي وجهها؟؟؟
هيفاء بخوف/شفيه؟
ام محمد بتنهيدة/جدتك تبيني ازوجه؟؟
هيفاء ارتاحت شوي الموضوع ماله علاقة فيها لامن قريب ولامن بعيد/طيب..وانتي ليه متضايقة؟
ام محمد/لاتسوين روحك ماتعرفين اخوك زين!!!كل ماكلمناه بالموضوع قال زين و زين ومدري متى بتجي ها الزين؟؟
هيفاء/بس هاذي المشكلة؟
ام محمد/منو تتوقعين تبيني اخطب له؟
هيفاء/ليه هي بعد اختارت له عروس!!!
ام محمد/أي....
هيفاء/ومنو هاذي اللي اختارتها ام عبدالله!!!
ام محمد/فاتن بنت خالتك؟
هيفاء ناظرت امها بسرعة/فاتن!!!فاتن عاد؟؟
ام محمد/ليه استغربتي...مهي بنت خالتك ومنا وفينا...
هيفاء/عارفة ها الشي ولو ندور العالم مابنلقى مثل فاتن...بس يايمه فاتن تعتبر محمد مثل اخوها وهو بعد يعتبرها مثل اخته وانتي عارفة ها الشي؟؟؟
ام محمد/عارفة وعارفة ان تفكيره مو معها مع غيرها؟
هيفاء تذكرت مها ومحمد واللي صار بينهم بعد ماقالت لها مها/يمه...هو تفكيره في غيرها مثل ماقلتي ولاراح يشيلها من باله مهما صار!!!خلينا ننتظر عليهم شوي ماندري وش يصير؟
ام محمد/يايمه لاتفكرين اني مرتاحة من ها الشي؟؟انا بعد ماابي تظل مها معلقة على امل يمكن يصير ويمكن لا؟؟؟ودي فيها لمحمد كثر ماهو وده فيها..بس شسوي..انا عارفة ابوها ماراح يرفض لو تقدم لها بس المشكلة عند محمد نفسه..انتي عارفة اخوك كيف تفكيره عنيد وغريب!!
هيفاء/يمه تطمني مافي شي يظل معلق للابد...كل شي تحله الايام؟؟
ام محمد/ياربييوفقك انتي بعد يابنتي وتشوفين دنيتك وماتدفنين شبابك وانتي بعدك بها العمر..
هيفاء/يمه خلاص لاتقلبين الموجة علي!!!ماتبوني اظل معكم يمه؟
ام محمد/تبين الصراحة اذا شفتك سعيدة و قاعدة مع رجال يحبك ويحميك ويصونك عندي بالدنيا كلها....
هيفاء بحزن/كان خالد جنبي يايمه...بس ماشفت السعادة الا انتي تقولينها يمه...صدقيني مافي اغلى عندي من القعدة بينكم يايمه!!!
////////////////////////////////////////////////////////////اليوم الثاني,,,,
هيفاء تكلم فاتن بالتلفون...
هيفاء/خلاص ماعندي غير اليوم اذا عليكم مابنخلص؟
فاتن/طيب مريني انتي العصر؟
هيفاء/يصير خير..
فاتن/وضروري تجيبين حبيب قلبي معك؟
هيفاء/ومنو يطلع هذا بالله حبيب قلبك؟؟
فاتن/شدعوة منو عندي غيره!!عبود ولدك الله يخليه؟
هيفاء بذهول/من متى ولدي حبيبك ان شاءالله؟؟؟
فاتن/اليوم تطبيق جزء من العملية الثانية ولازم يشارك فيها عبود؟
هيفاء/أي عملية!!!
فاتن/تركي!!!
هيفاء/وي علينا...ماخلصتي بعدك؟؟
فاتن/وش تبيني اسوي اروح له بيتهم اطلعه منه؟؟؟مااشوفه؟
هيفاء/ان شاءالله اليوم بعد ماتشوفينه؟؟؟
فاتن/بذمتك ترى اذا عنست؟؟؟
هيفاء/ليش لسه مفكرة نفسك ماعنستي!!!يااخي انتي من زمان روحتي؟؟؟
فاتن بعصبية/هيفوا عندك ساعة تجين انتي وولدك ها القطوة!!!خلكم ماتجون مااكلمكم بحياتي كلها!!!
وسكرت السماعة بوجه هيفاء..
هيفاء/مصيبة صابتك ملتهفة لنا على العرس !!!ياساتر منك....هبة..هبة....وين عبود؟
//////////////////////////////////////////////////////
مها/بابا بطلع مع صاحباتي السوق؟؟؟
ابو خالد/كل يوم سوق ماتشبعين انتي؟؟
مها/يبى ذاك اليوم ماتسوقت عدل..وبعدين لسه ماشريت لي فستان؟؟؟
ابو خالد/طيب....ومنو بيوصلك السايق اخذه عمك؟؟
مها/اوه ه من عمي كيف ياخذه..,انا اللي قايلة بمرهم اليوم؟؟
خالد/انتي ماراح تروحين بروحك؟
مها/لا بروح مع صاحباتي....بنطقم نبي ناخذ لنا مثل بعض....
ابو خالد/خلي خالد يوصلك وهو رايح الشركة انا بنام؟
مها/يبى خالد اذا وصلني هيفاء ماراح تركب معي!!!!
ابو خالد/واحنا وشعلينا منها ان شاءالله بنت ابوها!!!بتركب ولا كيفها؟؟
مها/يبى مايصير احنا طالعين مع بعض!!!
ابو خالد/وش اسوي لها انا بعد اذا حضرة جنابها ماتبي تركب مع اخوك؟؟
مها/خليهم هم يمرون علي بسايقهم واروح معهم؟؟
ابو خالد/لا...ماتركبين مع سايقهم؟؟
مها/يبى وش الفرق بين سايقنا وسايقهم!!هذا سايق وهذا سايق!!!
ابو خالد/مها لايكثر لاصدقيني مافي طلعة؟؟
خالد/قومي لبسي وبوصلك...بقعد معك لين يجون...يالله مهاوي قومي انتظرك بالسيارة,,,,
//////////////////////////////////////////////////////////////////////عند بيت فاتن...
كانوا هيفاء وفاتن وعبود واقفين وعبدالله ماسك سبايدرمانه اللي عطاها اياه ابوه..
فاتن/اللحين انت يالثور ياعبدوا جايب معك ها الوحش منت قادر تحمله ليه بالله!!!
عبود/هذا مو وحش هذا سبايدرمان بياكللك وبياكل الاشرار؟؟
هيفاء/فاتنوا ترى مت من الحر والله ان ماطلع بروح اركب السيارة؟؟
فاتن/شوي بعد بننتظره..شوي....
هيفاء/عشتي انتي وها التريك؟؟؟
فاتن/لا تدلعينه انا بس اللي ادلعه؟؟؟
هيفاء/أي بس انا مادلعته اناقاعدة اشتمه!!!
طلع تركي من باب بيتهم وفاتن شاتت الكورة بسرعة صوب سيارته..
فاتن/عبود حبيبي روح جيب الكورة بسرعة؟
راح عبدالله يركض ورى تركي ياخذ كورته..
هيفاء/يمه ولدي بس لايطيح ويتكسر....
فاتن/اللحين دوري انا....راحت ورى عبدالله كاْنها خايفة عليه..
فاتن/عبود..عبود...وقف وين رايح؟؟
رفع تركي راسه وشافها../هلا...هذا ولدكم؟
فاتن/هذا ولد خالتي...
تركي/ياحليله..انتبهوا عليه...ترى الشارع خطير...لاتخلونه يلعب كورة بالشارع!!!
فاتن/احنا اصلا راكبين السيارة وشاتها بالغلط؟؟
عبود باعتراض/مو انا اللي شتها؟؟؟شكلك نسيتي؟؟
خافت فاتن لايفضحها حملته بسرعة ومشت بعد ماسلمت على تركي...
////////////////////////////////////////////
في مجمع الجمعة سنتر....
خالد/الله يرحم مجمعات الرياض؟
مها/وش فيها شرقيتنا ومجمعاتها ماهي عاجبتك؟؟
خالد/انا شرقاوي يامها واعتز بها الشرقاوية؟؟بس عشت مدة طويلة بالرياض واخذت على جوها وجو اسواقها ومجمعاتها وفي فرق بين هنا وهناك....
مها/بس بعد الشرقية قاعدة تتطور يوم ورى الثاني تطور ملحوظ...
خالد/ما حد انكر ها الشي بتقلبينها هوشة يابنت الناس!!!
مها/عادي الدعوة سوالف....
خالد/مها..بغيت اقولك شي....
مها/شنو؟
العنود/هاااي...
لفوا لها اثنينهم....
مها قامت/اهلين فيك....
العنود تبوسها/من زمان عنك مهاوي هانم وين غاطسة فيه انتي!!!
مها/موجودة....
العنود/انت اكيد خالد!!!
مها/أي هذا خالد اخوي..
العنود/مشاءالله نسخة من ولده مدري ولده نسخة منه...شلونك بو عبدالله؟
خالد/هلا والله؟
مها/توقعتك تجي معهم؟
العنود سحبت الكرسي وقعدت/لاوالله رحت اشوف فستاني وش اللي جرى عليه وهيفاء بتمر فاتن فقلت اكيد مابتخلص الانسة فاتن بدري مدام بنت جيرانهم بتكون بالسالفة؟
مها/والله!!!وش بتسوي بعد؟
العنود/اللي فهمته من هيوف ان عبود هو البطل ها المرة؟
مها/مشاءالله ولد اخوي طلع بالسالفة بعد!!!
العنود/كانت تكلمني وهي فاطسة ضحك تراهم دقايق ويوصلون...
//////////////////////////////////////////////////////////////////////في بيت السالم بالصالة(هند ومشاري وهبة)
هند/شرايكم بكرة نسوي عيد ميلاد لسارة؟
مشاري/أي بس بكرة مو عيد ميلادها؟
هند/يعني مو عيد ميلاد بمعنى عيد ميلاد..نسوي حفلة بسيطة ناخذ كيكة ونحط لها ست شموع ونغير جوونقولها بمناسبة مستواها الحلو بالمدرسة...يعني تشجيع لها.......
مشاري/والله فكرة مو بطالة...
هبة/انا بشتري لها هدية علشان تفرح بعد..
مشاري/الله وهداياك اللي مكسرة العالم بتروحين بوريالين وبتخمين لها في ها الاوراق وها الطوابع!!!مااعرف حركاتكم؟؟
هبة/انت مالك شغل....
دخلت الجدة عليهم..../وش تسولفون فيه؟
مشاري غمز لهند وهبةوتكلم بصوت واطي علشان لاتسمعه الجدة/لاتكلمونها خلونا نسوي حزب عليها ان احنا زعلانين منها يوم تطلع من البيت وان احنا خفنا عليها؟؟؟
الجدة/صمخان ماتسمعون؟؟؟اكلمكم انا مااكلم الجدار!!!
مشاري/هبة..قومي جيبي لي ماي عطشان انا ريقي ناشف من طلعت بالشمس امس وانا مو قادر احس ان جسمي كله يعورني مدري شفيني؟
هند/اسم الله عليك يابعد عمري يمكن جاتك ضربة شمس....
مشاري/عسى الشمس تضرب عدويين مو انا؟؟؟
الجدة/وطبعا انا العدويين؟؟زين انا اعلمك خل يجي ابوك بس!!!
مشاري/ياجدتي لاتصيرين ملقوفة؟؟انتي من دخلتي ماحد عبرك لحظة وحدة بعد من قال انك العدويين؟؟
هند/اصلا اسمها عدوان مو عدووين؟؟؟
///////////////////////////////////////////////////////////////عند بوابة المجمع كان خالد طالع وهيفاء وفاتن وعبود داخلين من نفس الباب....
عبود/بابا خالد...
فاتن/انا بدخل مااقدر على الوقفة في الحر؟؟؟ومشت وخلت هيفاء تناظر بخالد وهو يناظر فيها...
عبود/بابا خالد يالله نروح الالعاب؟
خالد/............
مر واحد بها اللحظة مع مجموعة بنات ودخلوا وكانت عيونه طول الوقت على هيفاء الشي اللي ضايق خالد...
عبود/بابا..
خالد بنرفزة/انا بروح الشركة ماني فاضي لك...
مشى خطوتين بس وعبود قام يصارخ وينادي باسمه ورمى روحه على ارضية البوابة وهيفاء تفشلت منه...ركعت جنبه بتشيله وهو لاحياة لمن تنادي,,,
هيفاء/ماما عبود عيب!!مايسوون كذا انت كبير ؟؟قوم لايضحكون عليك الناس قوم؟؟
عبود بصراخ/ابي بابا خالد....
هيفاء بصرامة/قال لك عنده شغل مايبيك!!!!خل عندك كرامة عاد ولاتتلزق فيه كل ماشفته لانه مايبيك تفهم ولالا؟؟؟
خالد طبعا كان واقف لانه ماابتعد غير كم خطوة وها الكلمة هي اللي رجعته(يعني تبين تقوين باسك ياهيفاء!!طيب حاضرين وبالخدمة وانا خالد)
خال تقرب وقال وهو يناظرها/قوم...
قام عبدالله من سمع صوت ابوه وهيفاء لفت راسها وشافته واقف....
عبود/بتوديني الالعاب بابا خالد؟
خال وهو بعده يناظرها/لا...بروح الشركة تبي تروح معي وتنثبر لين مااخلص شغلي الليل اهلا وسهلا ماتبي بكيفك اقعد عند امك؟
هيفاء بعصبية/لاوالله؟؟انت تمن علينا ولاشنو بالضبط؟
خالد/انا ماكلمتك انا اكلمه هو؟
هيفاء بتحدي/ومنو هو ياخالد؟
خالد/قلت قبل واذا تبين بعيدها..الاوراق الرسمية تقول انه ولدي!!!!!
هيفاء وصلت حدها في ها اللحظة وحمدت ربها ان المجمع بذيك اللحظة ماكان احد موجود يشوفها وقفت بعصبية ومسكت يد عبود بالقوة تبي تمشيه لداخل بس يد خالد كانت اقوى على يد عبالله الثانية !!!
خال بعصبية/وين على الله!!!انتي مفكرة مافي احد واقف يكلمك ولاشلون؟
هيفاء/توك تقول انك ماتكلمني؟؟
خالد/انا كلمته هو وانتظر رده هو انتي ليش تتدخلين بينا؟؟
هيفاء بنفس العصبية/وان شاءالله مفكر اني بترك ولدي عندك تهين وتذل فيه على كيفك؟؟؟
بدى عبود يبكي/يدي تعورني اتركوني...
تركته هيفاء بسرعة وهي تناظره بس خالد مافكه...
خالد/وين تبي تروح معي ولاعند امك؟
هيفاء/عبود حبيبي فوق في العاب بلعبك لين تشبع زين..انت شطور وتسمع كلام الماما خلينا ندخل...هنا عمة مها بعد؟
خالد/عبود...شخبار سبايدر مان اللي جبته لك؟؟؟
عبود/زين...نايم بسريرنا علشان يقتل الاشرار اذا جونا بالليل؟
هيفء(حسبي الله عليك ان شاءالله لازم تفر عقله علي)
خالد/طيب انت تبي تقعد معي بالشركة ولاتبي تقعد عند امك؟
هيفاء وهي ودها تذبح خالد/عبود حبيبي...الشركة مافيها العاب بس هنا في..وانت تبي تلعب صح؟
خالد/بابا بس اخلص من شغلي نتصل في عمك عادل ونطلع انا وانت وهو نلعب ونتعشى لين تشبع شقلت؟
هيفاء/لا تاخذ السالفة تحدي ياخالد؟
خالد/اقول ولاعليك امر يابنت الناس روحي غطي وجهك؟؟؟ولا عاجبك كلمن يتمنظر فيه؟؟
هيفاء/لاتتدخل بشي مايعنيك ياخالد لو سمحت!!!ولاتربط الامور ببعض؟؟؟انا راضية كذا زين..خل اللي يبي يتمنظر يتمنظر بكيفه انت مالك شغل فيني؟؟
خالد/زين....
هيفاء/.........
خالد/يالله عبود مشينا....خلنا نروح نشوف المحل اللي يبيع سبايدر مان يمكن جاب شي جديد؟؟
عبود/يالله.....
مشى خالد وهو ماسك يد عبدالله بقوة وكانه خايف انها تاخذه منه..وهي وقفت تناظره وفي عيونها الف دمعة مكبوتة..بس مو هنا ياهيفاء نطري تروحين البيت؟؟؟؟؟
////////////////////////////////////////////////////////////////////الجدة رافعة سماعة التلفون وعندها دفتر التلفونات..وكل ماجت تدق الرقم وتحط السماعة على اذنها ماتلاقي خط!!!
الجدة/غريبة!!!ليه مايدق ها التلفون؟؟لايكون خربان؟؟اكيد خربه ولد ابليس عبيد ايده سم على كل شي لكن حلو وبارد على قلبهم مايرضون عليه ها الدثر!!!!
مشاري/ماحد دثر غيرك ولد اختي مو دثر؟؟؟
الجدة تخرعت/بسم الله الرحمان الرحيم انت من وين تطلع!!!
مشاري/من تحت الارض!!!وبكل وقت بعد زين؟
الجدة/زين زان حظك؟؟
مشاري/ادري انها العكس بس ماعليه مقبولة منك ياست العجايز ياعجوزة؟؟؟
الجدة/اقول لايكثر بس وقولي ليه تلفونكم خربان؟؟؟
مشاري/ماهو خربان؟؟انا شفتك جاية صوبه قمت وبحركة خفيفة تنم عن رشاقتي وشلت الفيش وطلعه لها يوريها ايه..
//////////////////////////////////////////////////////////////في المجمع....
هيفاء/اخذوا لي مثلكم تماما عارفين مقاسي وعافين كل شي..
فاتن/زين شفيك انتي؟
هيفاء/حاسة نفسي مصدعو برد البيت برتاح؟؟
العنود/ووينه ولدك؟
هيفاء/بالسيارة ..يالله كلموني اذا شفتوا شي..
مها بعد مامشت هيفاء/ماهي داخلة عقلي ابدا سالفة تصديع راسها؟؟؟
فاتن/ولاسالفة ولدها اللي بالسيارة؟
العنود/استغفر الله؟؟مع ان خالد شكله مايوحي ابدا انه راعي حركات تنرفز؟؟
مها/معك حق...معنا شي ومعها هي وولدها شي ثاني!!!
العنود/لايكون بس احد ساحر له معها ومسوي لهم عمل؟؟؟؟
ناظروا مها وفاتن فيها بدون مايعلقون؟؟؟
//////////////////////////////////////////////////////////////في السيارة كان يناظره من فوق لفوق...
كان مجلسه جنبه ومسكر عليه حزام الامان ...الشكل شكلك ياخالد....شوف كيف انه نسخة مصغرة عنك..بس الطبايع ابد مو طبعك!!!
انا ليه سويت معها كذا بس ليه!!!ياليتني قدرت امسك نفسي واحكم تفكيري..ماكان له داعي الكلام اللي انقال بيني وبينها....وعبدالله مالازم يصير ضحية بينا..بالعكس كذا هي بتكرهني زيادة؟؟بس تدري شلون عبدالله اذا ماكان ضحية...لازم يكون شي ثاني؟؟؟يعني هو اللي يقربنا من بعض...بس كيف ياخالد وانت تعاملك مثل الزفت معه!!!مو مشكلة ادبرها هاذي اخلي عادل يعلمني كيف اتعامل معه واكسبه بصفي واذا كسبت بعدين اسوي اللي في بالي...واكسر راسك ياهيفاء!!!
عبدالله بهدوء/بابا...متى بنروح الالعاب؟؟
خالد/لاحول؟؟انا وش قلت لك..قلت لك بنروح الالعاب اول ولا الشركة اول؟؟؟
عبدالله/نقدر نروح الالعاب اول وبعدين الشركة؟؟
خالد/لا مانقدر؟؟؟
عبود/طيب شفيها الشركة؟
خالد بملل/فيها مكاتب..
عبود/وبعد..
خالد بضيق/وكراسي..
عبود/أي وبعد...
خالد/اوووف..وكمبيوترات؟؟؟تقدر تسكت شوي لين نوصل تراك ازعجتني باءسئلتك اللي مالها داعي؟؟؟؟
//////////////////////////////////////////////////////////////
الجدة/حسبي الله عليك منت ادمي حشى؟؟ابليس بكبره؟؟
مشاري/على منو بتدقين بعد على خالد؟؟
الجدة/وانت وش عليك مني؟؟هذا ولدي ويخدمني بعيونه؟
مشاري/أي بس هو قايل لنا لاتخلونها تدق علي وقت الشركة؟؟
الجدة/مدري عنك كذاب!!!!خالد مايقولها لو فيه الموت؟؟؟
مشاري/وليش ان شاءالله جابك ونسيك مثل ولده؟
بهااللحظة دخلت هيفاء الصالة ولقتهم قاعدين وسمعت ها الكلمة؟؟؟هي بداخلها بركان من حركة خالد وسمعت ها الكلمة وبغتها من الله تنفجر في اللي قدامها..
هيفاء بعصبية/وخير ان شاءالله؟؟؟اذا جابه ونسيه مو معناته انه ماعنده غيره لو انه بيموت لو ماذكره؟؟؟
مشاري مستغرب عصبيتها/انا مو قصدي...
هيفاء بنفس العصبية ودموعها خلاص بتنزل/قصدك ولاماهو قصدك مايهمني؟؟؟؟اذا تبون تقولون شي عن ولدي قولوه قدامي مو وراي؟؟؟
مشاري/هيفاء..هيفاء شفيك؟؟
هيفاء/انا مايهمني يكون عنده ابو يحبه ولالا؟؟؟بالطقاق ان شاءالله عمره ماحبه ولااعترف فيه..عبود ماهو ميت عليه..وولدي..
ام محمد دخلت مع هند بها اللحظة
ام محمد/شفيكم؟؟شها الصراخ؟؟ليش صوتكم واصل اخر الدنيا؟؟
الجدة تتشفى في عبود/سمعي ولدك شيقول؟؟قاعد يعاير اخته ليش انه ماعنده ابو وابوه جابه ونسيه؟؟؟؟
هيفاء بدت دموعها تنزل اخذت نفسها وركبت دارها بسرعة وقفلت الباب وراها وقعدت تبكي وتشكي دموعها على اللي صار لها...
ام محمد/مشاريوه ووجعة ان شاءالله؟؟؟
مشاري/يمه والله ماقلت كذا؟؟
الجدة/ماشفت شلون اختك قامت تبكي؟؟؟وين تبيها تروح هي مع ولدها بالله؟؟؟
مشاري هو اللي طاحت دموعه بها اللحظة/انا قلت كذا ياجدتي انا!!!هي عارفة ان اكثر واحد يحب ولدها بها العالم انا!!!واني احبه اكثر مماهي تحبه...والله اني ماكنت اتكلم عنها وهي فهمت الموضوع غلط؟؟؟
اخذ بعضه وطلع من البيت.....
هند/استغفر الله....
الجدة/اقوم انا ادخل داري انتوا ماوراكم الا النكد؟؟؟
ام محمد قعدت على اول كنبة صادفتها وحطت راسها بين يدينها/ياربي....ياربي ساعدها وخفف عنها...وصبرها..
هند/يمه...لاتصدقين جدتي تلاقينها هي اللي مسوية ها السالفة كلها...تعرفينها تحب تفتن....وبعدين هيفاء عارفة مثل ماكلنا عارفين ان مشاري يحب هيفاء ويحبويحب عبود اكثر منها بعد!!كيف ممكن يقول شي يضايقها لو يزعلها؟؟
ام محمد/انا تعبانة ياهند تعبانة؟؟بظل شايلة همها لين الله يفرجها عليها وتعيش مرتاحة؟؟ماصدقت اخوها يكلمها ويسايسها وتهداْ شوي وتضحك معنا..يرجعون ينكدون عليها من جديد؟؟؟شقول....قومي شوفيها يمه.,,
هند/يمه خليها...هي فيها كدر ومابتهداْ لين تبكي وتطلع كل دموعها...بعدها بروح لها...
ام محمد/بعد شنو؟؟بعد ماتذبح روحها يعني؟؟
هند/يمه لو رحت اللحين ماراح تفتح لي الباب انا عارفة؟؟خليها وبس تهداْ شوي...بروح اشوفها..
/////////////////////////////////////////////////////////////////بعد المغرب في الشركة...
عبود/بابا..راحت الشمس واحنا ماطلعنا؟
خالد/باقي شوي..ولاتقعد تحن علي؟؟روح انثبر هناك؟
عبود/مليت مافي شي اسويه؟
خالد/وانا شسوي لك؟
عبود/طيب حط لي سبيس تون اشاهد لين تخلص شغلك؟
خالد/ماتطلع سبيس تون واقعد وانت ساكت يالله؟
////////////////////////////////////////////////////////////////بغرفتها كانت قاعدة وهي تمسح دموعها....طلعت صورة خالد من تحت مخدتها...وصارت تكلم نفسها....(انتي السبب ياهيفاء انتي السبب؟؟؟ليه قلتي لعبدالله ان هذا ابوه خالد ليه؟؟؟هو عمره ماسال عنه..ولاقالك منهو ابوي ولاابي اشوف صورته..انتي اللي قلتيله ووريته صورته؟؟ليه كان على بالك انه صدق ماراح يهتم ولايكسر قلبك عليه؟؟؟مو صحيح...حتى لو مااهتم لازم تحسبين حساب لاابوه اللي ماهو تارك ولد ولده عندك باقي العمر؟؟؟اه ياربي شسوي اللحين...خالد بيجنني..من وين يطلع لي مدري...وها الولد لازق لي حاله فيه؟؟؟اه...ياربي اه..شسوي..مصيبة اذا عبود ظل على ها الحال وشبك مع خالد طول الوقت؟؟؟والمصيبة الاكبر ان خالد مايبيه؟؟؟شسوي انا ياربي شسوي؟؟؟؟
///////////////////////////////////////////////////////////////////////على الساعة ثمان ونص في بيت العواد..
ام خالد/نحط العشى ولاننتظرخالد؟
احمد/انا ميت جوع يمه؟
مرام/وانا كذلك؟
ام خالد/كلمته وقال انه ربع ساعة وهو جاي...
ابو خالد/جهزوه على مايجي ونتعشى...الا وينها مها ماردت من السوق؟؟
مها اللي توها نازلة من الدرج/بلى يبى رديت من زمان....
ابو خالد/هلا والله بزينة العرايس بنيتي الغالية؟؟
مها في بالها لاتلمح لشي الله يخليك وعلمني كيف اوصل الرسالة اللي كتبتها لحمودي؟؟
مرام/بس هي زينة العرايس وانا لا؟؟
ابو خالد/انتي زينة البنات؟؟لين تتزوج مها بعدين تصيرين زينة العرايس؟؟
عمر/يبى..وين بنسافر ها السنة؟
ابو خالد/والله ها السنة دور مها وسعود هم يختارون لنا مكان زين نروح نشم فيه شوية هوا؟؟
مها قعدت وماكانها سمعت شي/ماعندي مكان محدد؟
ابو خالد/معناته اتفقي مع سعود...
مها/وانا شيخصني في سعود!!!!
ابو خالد/كيف مايخصك فيه؟؟ولد عمك ويبيك وشاريك؟
مها/ولد عمي اهلا وسهلا؟؟؟غيره ماعندي وانتهينا من ها الحكاية يبى؟؟
ابو خالد/لا ماانتهينا؟؟تبين سعود ياخذ وحدة غريبة وانتي موجودة؟
مها/وليش ماياخذ؟؟؟يبى انا سعود ماراح اخذه؟؟تبون تسمعون ها الحكي بظل اعيده لين تملون منه؟؟وزواج ماراح اتزوج اذا استلزم الموضوع شعنكم بعد؟؟؟
احمد/وانتي ليش معصبة كذا ماحد لاحقك؟؟؟
ام خالد/هاذي سابع مرة تسالين عنه من رجعتي وش تبين فيه؟؟؟
مها/سالفة بيني وبينه؟؟
مرام/شريتوا لكم ثياب؟
مها/أي..
مرام/ماوريتيني اياهم؟
مها/بعدين لاركبتي وريتك اياهم؟؟
مرام/حلوة السوق...
مها/اذا تلمحين من هنا ولا من هنا ترى اخذت لك ثوب ؟
مرام/جد والله؟بس انتي ماقلتيلي انك بتخليني اروح معك الحفلة؟
مها/مو في النهاية بتدقين على هند وبتقولين لي هند بتروح مع مرة خالي انا بروح مع امي بس ماعندي شي البسه!!!اختصرت عليك الطريق؟؟؟
مرام/هه يافاهمني؟؟؟
خالد/السلام عليكم...
لفوا كلهم لخالد اللي توه داخل....وسكتوا ماردوا السلام....بس مرام ردت عليه/وعليكم السلام....
خالد/ادخل يالله؟؟
عبود واقف عند الباب/ماابي هنا ابي الالعاب؟؟
خالد بعصبية/ادخل وبعدين الالعاب!!!!
ام خالد/خالد..شوي شوي عليه يمه؟تعال عبادي تعال حببيي
عبود ماله كيف احد فيهم بالمرة ظل واقف جنب خالد وهو شوي ويبكي.....
خالد/عشاكم جاهز؟
ابو خالد بفرح/ننتظرك انت وولدك..ها نحطه؟
خالد/أي..ميت من الجوع...
احمد همس لخالد/وش اللي جابه عندك؟
خالد/ليه..ماهو ولدي؟؟
احمد/أي بس مو كذا اتفقنا البارح؟؟؟
احمد/هي عارفة انه معك؟؟ماقالت شي؟
خالد/وازيدك من الشعر بيت بعد؟؟بينام الليلة هنا؟
احمد/عطيتها خبر؟
خالد/ماتهمني...
////////////////////////////////////////////////////////////////////في بيت السالم على سفرة العشى...
محمد/وهاذي كل السالفة؟
هيفاء/السلام عليكم...
لفوا لها/وعليكم السلام والرحمة..
هيفاء مدت كرسيها وقعدت/اسفة تاْخرت عليكم....
دق تلفون البيت وقامت هند ترد وكان التلفون بعيد عن طاولة الطعام...
هند/الو..
احمد /هلا..
هند جمدت/.......
احمد/الو...
هند/نعم..
احمد بهيام/شلونك....
هند/منو معي؟
احمد بتاْنيب/افا بس ماعرفتيني؟؟انا احمد؟
هند/عرفتك..بس وش تبي؟
احمد يبي يطول ويعرض/ويوم انك عرفتيني ليه تساليني منو؟
هند/منو تبي؟
احمد/ماقلتيلي شلونك؟
هند/بخير...
احمد/وشلون الاسكريم؟؟
هند دق قلبها مرة....وسكتت ماردت عليه...واحمد قام يتنهد على التلفون الشي اللي رفع درجة حرارتها مليون....
احمد/تصدقين بالله؟
هند/قول اللي عندك بسرعة؟
احمد/ليه مستعجلة؟
هند/لان احنا قاعدين نتعشى؟
اجمد/هني وعافية...بس بغيت اقول لهيفاء ان عبادي عندنا بالبيت..واحتمال ينام معنا؟
هند/ماظني هو مايصبر بدون امه؟
احمد/طيب لو ماصبر واخر الليل قام يبكي وعيا ينام عندنا..في مشكلة ادق اشوفكم قاعدين لو نايمين علشان اجيبه؟
هند/لا مافي مشكلة؟
احمد/يعني لمتى بتكونين موجودة وصاحية؟
هند/باي وقت؟
احمد/طيب.......روحي تعشي جعله الف هنى وعافية على قلبك.....باي...
سكرت وهي ترجف من المشاعر اللي قاعدة تنتابها.....
راحت لعند الطاولة..
ابو محمد/منو كان على التلفون؟
هند/ها..هذا احمد ولد عمتي يقول ان عبود عندهم بالبيت واحتمال ينام عندهم الليلة؟
محمد/الا صدق ماله صوت ماشفناه اليوم؟
وحدها كانت تناظر بصحنها بدون ماتعلق....
ام محمد/أي وبعدين وش سويت...
محمد/ولا شي....عطيتهم اخر الارقام اللي اتصلت فيهم وبس؟؟هم بعدين يتصرفون احنا مالنا شغل؟
هيفاء/يمه..مشاري وينه؟
ام محمد/نايم؟
ابو محمد/ها الحزة عاد؟؟كان تعشى ونام؟
الجدة/لانه متجيرم مايبي يقابل اخته؟
هيفاء بتاْنيب/جدتي ها الكلام؟؟انا كنت معصبةو..
محمد/شالسالفة؟
هيفاء/بس سوء فهم بيني وبينه؟
الجدة/ماعليك منها..شوي ويطردها من البيت؟؟يقول لها ولدك دثر وانتي دثرة مثله؟؟؟وابو ولدك جابه ونسيه عندنا واحنا مو مسؤلين عنه؟
هيفاء/جدتي!!!!متى صار ها الحكي؟؟
ابو محمد بعصبية/مشاري قال كذا؟؟
هيفاء/لايبى ماقال؟؟هي بس تحب تكبر الوضع؟؟
الجدة/الا قال روح ساله بعد؟؟
ام محمد/خالتي الله يهداك ليه تكبرينها بينهم؟؟تراهم اخوان مو عدوان؟؟
الجدة/عدوان ولاعدويين مايهمتي يستاهل عساه..يقولي ست العجايز ياعجوزة؟؟؟خله ياكلها اللحين؟
ابو محمدفهم ان السالفة فيها الجدة يعني مايصدقها../عسى بس مو كبرناة بينكم ياهيفاء؟
هيفاء بحزن/لا..انا غلطانة عليه وابي اعتذر منه؟
الجدة/لو منك مااعتذر؟؟؟
///////////////////////////////////////////////////////////////على الساعة عشر ونص كان خالد قاعد وفاتح لاب توبه يكمل شغله بالبيت وعبود رايح جاي عليه يبي الالعاب وهو مو عاطيه وجه بالمرة....
عبود/بابا..
خالد/نعم..نعمين؟؟خير؟
عبود/ابي قيم بوي مثل جود؟
خالد/بعدين..
عبود/متى تجي بعدين هاذي يابابا؟؟
خالد بصراخ خلتهم كلهم يلفون عنده ويناظرونه/اوووووووف منك..وش تبي انت وش تبي؟؟من مسلطك علي؟؟ماتشوفني اشتغل؟؟قلت لك لاخلصت بسوي لك اللي تبيه؟؟؟
عبود وقف مكانه من صراخ خالد....
مها/خالد...
خالد/نعم انتي الثانية وش تبين ماتشوفين اني مشغول؟؟
عبود بدت سيموفنيته في البكي/ابي اروح عند امي هيفاء...
خالد/وانا اقول روح انثبر نام؟؟
عبود/لا ابي اروح عند امي انت كذبت علي وبتروح النار؟؟ماوديتني الالعاب؟؟ودني لها هناك هي بتلعبني؟؟؟
خالد/روح البس بيجامتك ونام مدام النفس عليك راضية؟؟؟
عبود/ماابي انام هنا ابي اروح عند امي..
خالد/وانا اقولك ماني طالع ها الحزة تبي تنام نام ماتبي طق راسك بالطوفة..؟؟
ام خالد/خالد ..وش ها الاسلوب مع ولدك؟؟يبى مو كذا؟؟
واخذت عبود وحملته وهو يبكي يبي امه.../خلاص حبيبي خلاص...اللحين عمك احمد يوديك عند امك لاتبكي..
ابو خالد/وليه بعد احمد يوديه ان شاءالله؟؟؟مو ابوه خالد...وابوه قال ينام هنا ..خلاص ينام هنا..ليش تكسرون كلام ابوه؟
ام خالد/ماتشوفه مايبي ينام..
مها/تعال عبادي..تعال بلعب معك..
عبود/ماابي..
مرام/تبيني العب معكم انا؟
عبود/لا..
جود/هاك خذ هاذي قيم بويتي العب فيها؟
عبود/ابي ماما هيفاء ماابيكم..
ابو خالد/من زين امك لو من زين جدك عاد؟؟؟
احمد/طيب وشرايك اوديك اللحين البقالة نشتري اكل وبعدها نروح الكورنيش تلعب شوي...
عبود سكت شوي
احمد/خلاص موافق وانا عمك؟
عبود/وبعدها نروح لماما هيفاء ننام هناك؟
احمد ناظر خالد/بس قول للبابا انك تبي تنام عند ماما هيفاء...
عبود/ماابي..
احمد مسك جزمة عبود/يالله انت شاطر روح قوله...
عبود شاف الجزمة وتردد..هو عارف احمد مايرده..وعاطيه مغريات..
وقف قبال خالد/بروح انام هناك..
خالد/بتسوي فيني جميل؟
عبود/شنو يعني مافهمت ارفع صوتك وانت تتكلم؟
مها ومرام واحمد ماتوا ضحك وخالد شوي ويكفخهم..
احمد يبي يزيدها على خالد/قوله ابي قلوس ماعندي فلوس للبقالة؟؟
عبود مد يده/ابي فلوس بشتري دانيت وجالكسي؟
خالد فتح محفظته وطلع له فلوس....وتقرب منه عبود بها اللحظة...وقام يقلب بمحفظته...
عبود بتعجب/انت ليش مو حاط صورتي في محفظتك؟؟ماما هيفاء حاطتها؟
خالد صدمته الكلمة..وماكانه هو اللي من ساعة يصارخ عليه..رفع وجهه وقام يناظر فيه..وباقي دموعه بعدها بعينه.....
خالد بحزم/البس الجزمة يالله انا انتظرك بالسيارة؟انا اللي بوصلك؟
احمد/اجي معكم؟
خالد/لا مالها داعي....يالله لاتتاْخر؟
احمد في بالها(اووف ياربي...يمكن اني كنت بشوفها ياخالد)

 
 

 

عرض البوم صور بياض الصبح   رد مع اقتباس
قديم 16-08-10, 11:07 PM   المشاركة رقم: 19
المعلومات
الكاتب:
اللقب:
ملكة جمال ليلاس وملكة سحر الخواطر



البيانات
التسجيل: Aug 2010
العضوية: 183892
المشاركات: 11,135
الجنس أنثى
معدل التقييم: بياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالق
نقاط التقييم: 2930

االدولة
البلدKuwait
 
مدونتي

 

الإتصالات
الحالة:
بياض الصبح غير متواجد حالياً
وسائل الإتصال:

كاتب الموضوع : بياض الصبح المنتدى : القصص المكتمله
افتراضي

 

البارت الثامن عشر,,,


[COLOR="Blue"][SIZE="4"]///////////////////////////////////////////////////////////////////////
خالد بحزم/البس الجزمة يالله انا انتظرك بالسيارة؟انا اللي بوصلك؟
احمد/اجي معكم؟
خالد/لا مالها داعي....يالله لاتتاْخر؟
احمد في باله (اووف ياربي...يمكن اني كنت بشوفها ياخالد)
/////////////////////////////////////////////////////
في غرفة مشاري...
دقت هيفاء الباب مرتين وبدون أي اجابة ..يوم ماسمعت احد يكلمها دخلت الغرفة ولقته قاعد على فراشه ووجهه تعبان وحزين وماْكانه صاحب النكتة والحيوية في البيت!!!
هيفاء بتردد/مشاري....
مشاري ظلت عيونه معلقة بالارض ومارفعها...
هيفاء/ياخوي...ياحبيبي..ياسندي بها الدنيا...انا اسفة وحقك علي..صدقني انا كنت متضايقة من موقف صار لي بره البيت وماقدرت افجر براكيني غير فيك؟؟سامحني واللي يخليك؟؟
مشاري/انا ماابي احتك فيك لاانتي ولاولدك بعد اليوم؟؟؟
هيفاء قعدت جنبه/واهون عليك....؟؟؟واذا انا هنت عليك يهون عليك عبود؟؟؟قول الصراحة وحط عينك في عيني نهون عليك يامشاري؟
مشاري بتنهيدة/الله العالم وشقد معزتك انتي من بين اخواني بقلبي!!!وشقد محبة ولدك اللي ماعمري حبيت احد مثله...انا ياهيفاء انا!!انا تصدقين فيني كل اللي ينقال؟
هيفاء باسف/والله مو قصدي سامحني يالغالي...بس لو تعرف انا أي موقف تعرضت له اليوم كان عذرتني وانا اختك؟
مشاري بلقافة ماانتبهت لها هيفاء/وش صار لك اليوم؟
هيفاء وهي تناظر بالارض/خالد...خالد اخذ ولدي مني بالغصب وقال لي كلام مااقدر اعيده و,,,وانتبهت انها تتكلم مع مشاري وان لسانها فلت وقالت له....؟
مشاري/ليش سكتي؟؟كملي كلي اذان صاغية؟؟
هيفاء ابتسمت له/لاتشيل هم...كنت خايفة من ها اليوم اللي يرد فيه خالد ويحاول يستميله وكاهو وصل ها اليوم؟
مشاري/لاتخافين ساعة بالكثير وبتلاقينه داق جرس البيت جايبه لك؟؟
هيفاء/وليش واثق من كلامك عاد؟؟
مشاري/لاني اعرف خالد زين مثل ماكلنا نعرفه...هو طيب وحنون مع الكل مو معقولة يصير عدواني عليك وعلى ولده بدون اسباب!!!اكيد انه بيحس انه غلط يوم ياخذه وبيرده لك علشان ينام عندك...
هيفاء/اذا رده فبيكون رده لشي واحد بس يامشاري.......انه ماقدر يتحمله!!!!!
/////////////////////////////////////////////////////////////في سيارة خالد....
خالد/وين تبي تروح اول..الكورنيش ولا البقالة؟
عبود وهو ماد بوز من الزعل/الكورنيش....
خالد/طيب....
عبود/وابي اشتري من البقالة اشياء واجد!!!
خالد/مثل شنو يعني؟
عبود/اشياء غالية واجد؟
خالد/طيب مثل شنو؟
عبود/دانيت وكريم كراميل..وجالكسي وحليب شوكلاته وبطاطس ليز وبرنجلزوبونتي وجالكسي وسنكرس ووافل لوزين وعلكة اكسترا وحلاوة هولز و...
خالد/حشى!!!!بتفتح بقالة انت؟؟؟كلهم لك بتاكلهم كلهم؟؟؟
عبود/أي.....
خالد/يالله قوم وصلنا الكورنيش....
مسك يده لين وصلوا للمراجيح وجلسه خالد على المرجحانة ووقف قباله..
عبود بدهشة/ليش ماتمرجحني؟
خال كتف يدينه/انت لسانك وش طوله ماتعرف شلون تتمرجح بروحك؟
عبود/بلى اعرف بس امي هيفاء دايم تمرجحني اذا جينا هنا؟
خالد/انت ليه دايم تسميها ماما هيفاء؟؟؟ورى ماتقول ماما بس!!!
عبود/انت ناسي ان عندي اميين بعد غيرها!!!
خالد بدهشة من اسلوب عبود/اها..والله نسيت؟؟؟
عبود/خلاص زهقت يالله نروح البقالة؟؟؟
//////////////////////////////////////////////////////////////////////هند/ها بابا شقلت؟
ابو محمد/قلت لااله الا الله محمد رسول الله...طفي النور وخلنيني انام؟
هند/طيب انت احجزه ولك منا ان احنا نذاكر زين واذا ماعجبتك النتايج لاتودينا؟
ام محمد/خلاص ابوك بينام اللحين والشاليه ماهو طاير قال لك يشوف نتايجكم وبنفس اليوم بيحجزه وبيوديكم؟؟لايكثر بس...
هند/اوووووووف..تصبحون على خير...
طلعت وسكرت الباب وراها..
ام محمد/ابو محمد..احجز لهم ها الشاليه والله خاطرهم يروحون من زمان؟؟
ابو محمد/ومن قال لك اني ماحجزته؟؟حجزته بس ماابي اعطيهم خبر علشان يحطون بالهم بمذاكرتهم؟
//////////////////////////////////////////////////////////////////مشاري/لامااعتقد..خالد مو ضيقة عينه على البزارين!!!
هيفاء/أي بس عبود حالة استثنائية؟
مشاري/لالالا مااتوقع ابدا!!!تتحدين؟
هيفاء/على شنو اتحدى؟؟
مشاري/على انه خالد بيرده لانه مايبي يزعلك؟
هيفاء/قلت لك لو رده فهذا نعمة من الله ان خالد مايتحمل عبود يعني ولدي بيبقى عندي؟
مشاري/من شنو؟
هيفاء/من عشى..
مشاري/طيب بنشوف....
//////////////////////////////////////////////////////////محمد قاعد بغرفته وهو حايس...
(ابي اشوف ردها على الرسالة..ابي نرجع نكلم بعض وترجع علاقتنا مثل اول!!!كيف الدبرة اللحين بس؟؟متى تجين ياليلة الجمعة متى؟؟؟بشوفها وبكحل عيني من شوفتها..ابي اقولها اني افتقدت الايام اللي تباعدنا فيها عن بعض...افتقدت ضحكتها الحلوة الشفافة....افتقدت روح الصدق اللي ساكنة بداخلها..افتقدت مها بكل اوصافها ومشاعرها!!!!اه ياقلبي...ياترى بتودع الحزن والهم لارجعت انت ومها خلان وحبايب مثل قبل..خصوصا انها اعترفت بحبها وانك بعد اعترفت لها بحبك!!!!ولا بيظل طلاق خالد وهيفاء حاجز مدمر لحبنا طول الدرب!!!!
هيفاء بعد تذكرتها...ياربي شلون نسيت اكلمها بموضوع الدكتور اللي كلمني يبيها!!!يالله بكرة اكلمها وانهي معها الموضوع اللي شغلت نفسي فيه)
////////////////////////////////////////////////////////
دق خالد جرس الباب وطلع له مشاري ولبست هيفاء عبايتها وطلعت وراه...بس وقفت عند الخيمة ماقربت عند الباب كثير,,,,
خالد/ها خلاص وصلت بالسلامة؟
عبود/خلاص بكرة لاتمرني ماابي اروح معك؟؟
مشاري/ههههههههه ها خالد شكله بيفضحك عبود؟
خالد/هههههههه شكلي عجزت وماانفع لشي؟؟
مشاري/عبود قول شسوى فيك خالد.....
خالد دخل اكياس عبود عند الباب...وظل واقف داخل شوي غير انه ماانتبه لوجود هيفاء عند الخيمة؟
مشاري/الا شنو ها الاغراض كلها اللي جايبها من التميمي؟؟؟اخاف تصرف علينا بس ياخالد؟؟
خالد/هههه شدعوة كلها كم حلاوة وكم شوكلاته ماخذهم حضرته؟؟
عبود/حقي انا بس....
مشاري/درينا عاد انه حقك؟
عبود/وين حليب الشوكلاته ماشريته؟؟؟
خالد/يو في السيارة نزله يامشاري لاهنت؟
مشاري/ولايهمك بالخدمة..
راح مشاري ينزله...
خالد يكلم عبود/ها..ماتبي تروح تنام عند عمتك مها؟
عبود/لا...
خالد/طيب اذا شفت امك...قولها...ابوي يقولك....وسكت بعدها وهيفاء دق قلبها؟
عبود/شنو؟
خالد/قولها.......
هيفاء بحدة وهي مسندة ظهرها على عمود الخيمة/شيقولي ياخالد؟
رفع راسه فوق والتقت عيونهم في بعض...خالد صاير غير بدون شماغ...شعره طول شوي عن اول...وصاير ضعفان...
خالد/............
هيفاء/في شي؟
خالد/...........
عبود راح لاامه يبي يحضنها بس هي صدت عنه وهو زعل....
هيفاء/انا زعلانة منك لاتكلمني!!!
عبود/ليش؟؟
هيفاء/لانك تركتني اليوم وماسمعت كلامي؟
عبود/خلاص ماما ماابي اروح مع ابوي خالد مرة ثانية!
هيفاء/لاتحاول بعدني زعلانة منك؟
عبود بيبكي/خلاص ماراح اروح معه مرة ثانية....اصلا هو صارخ بوجهي اليوم ودايم يقول لي بعدين وبعدين والبعدين حقه تتاْخر وااجد وماوداني العاب وداني بس الكورنيش ومااشترى لي قيم بوي؟؟؟
خالد/بعد اذا في خاطرك شي قوله...مو امك تبي بس تمسك علي طرف خيط؟؟؟
هيفاء/اذا منت بقده لاتاخذه علشان تعاندني بس؟؟؟
خالد/ماهي مسالة عناد وانتي عارفة الشي هذا زين..الولد ولدي ومن حقي اخذه بالوقت اللي يعجبني!!!
دخل مشاري واسكتت هيفاء اللي كانت متجهزة بترد على خالد..
مشاري/اقول خالد....الصدق الصدق وانا ولد خالك ولاتكذب علي ولاتستحي من احد؟؟؟انت ليه رديت عبود؟ انا اقول انك طيوب مع البزارين وماتبيها تاخذ بخاطرها...وهي تقول انك ماتتحمل البزارين؟؟انت ليه رديته؟؟
خالد ناظرها وبدى العناد عنده المهم يطلعها غلطانة لاسيما ان ام محمد كانت طالعة بها اللحظة وتقربت منهم وكان يبيها تسمع كلامه وسوى روحه ماشافها..
خالد تنهد/رديته علشان ماتزعل اختك وتنام وهي متضايقة ليش انه بينام عندي وهي مو راضية ينام عندي؟؟؟
هيفاء فتحت عينها على وسعها توه لاعب في حسبتها ليش غير كلامه؟؟؟؟
مشاري/يعني مثل ماتوقعت انا؟؟قلت لها خالد طيب بس ماصدقتني؟
خالد/ماعليك منها هي عارفة اني مابقدر ازعلها وابعده عنها وهي مو راضية بس تسوي روحها!!!
ام محمد/هلا خالد يمه..
لف لها خالد/هلا خالتي شلونك؟ودنق على راسها يبوسه...
ام محمد/عشت يمه...تبوس الكعبة ان شاءالله...
خالد/امين...معك ان شاءالله انتي وخالي..
ام محمد/الله يسمع منك....تفضل يمه ليش واقف هنا؟
خالد/لا وين خالتي اتفضل الوقت متاْخر خليها لمرة ثانية وبعدين كلها ليلتين واحنا هنا ان شاءالله..
ام محمد/وانت غريب ماتدخل؟؟ادخل يمه البيت بيتك ياخالد وانت راعيه؟
خالد/تسلمين خالتي بس والله من الصبح وانا بالشركة مانمت العصر ولانص ساعة وابي اروح اريح شوي؟؟؟
ام محمد/الله يعطيك العافية ان شاءالله....
مشاري/ااقول خالد ورى ماتوظفني عندك بالشركة؟
خالد/غالي والطلب رخيص ادرس وجيب لي ملفك وكرسيك جاهز..
مشاري/افا وش ها المسخرة ؟؟؟بتوظفني وبتوظفني واخرتها بعد ادرس واكمل دراستي مااستفدت بشي؟؟؟
خالد/ليش ان شاءلله تبي تجيني تشتغل بدون مؤهل؟
مشاري/يبى ومن قال لك اني بشتغل..انت بترزني في مكتب بالشركة وساعة اللي ابي اداوم المكتب موجود تحت الطلب وراتبي يمشي مثل الحلاوة...
خالد/ههههه اقول لايكثر بس تصبحون على خير....
ام محمد/وانت من اهله يمه سلم على امك.....
دخل مشاري وهو يحمل اكياس اغراض عبود وراح معه عبود ووقفت ام محمد عند هيفاء اللي كانت ساكنة مكانها بدوان أي حركة...
ام محمد/هيفاء وش فيك يمه؟
هيفاء/ولا شي يمه....
ام محمد/هذا اللي كنتي خايفة منه انه يجي وياخذ ولدك منك سمعتي شقال؟؟
هيفاء بانفعال/يمه..خالد..
قاطعتها ام محمد/قال انه رده علشان لاتنامين وانتي متضايقة وزعلانة ان ولدك مو جنبك؟؟؟اه...خالد بيظل خالد ولدنا..بس شنقول حسبي الله ونعم الوكيل!!!
هيفاء/مو صحيح يمه...انتي ماتعرفين خالد كثر مااعرفه انا!!!مو صحيح الكلام اللي قاله قبل شوي...خالد...
ام محمد حطت يدها على كتف هيفاء/انسي انه طليقك يايمه..وذكري دايم حسناته والاشياء الزينة اللي يسويها..خالد مايرد احد لو شنو كان يبي وبعدين توه قبل دقايق قال انه مايبي يزعلك وينيمك متضايقة!!!وش تبين اكثر بعد يمه؟؟؟قومي روحي دارك تصبحين على خير....
مشت امها عنها وقعدت بمكانها بروحها....ليش سويت كذا ياخالد ليش؟؟؟انت ماتقدر تخليني انام وانا زعلانة!!!!ليه الكذب عاد!!!ليش تبي تبين للكل انك دايم الافضل والاحسن واني انا اللي ماعرفت اصونك ياخالد ليه!!!!!استغفر الله ربي العظيم,,,,
هند/هيفاء..وش تسوين هنا بروحك؟
رفعت راسها ولقت هند واقفة قدامها/ها..لابس كنت انتظر عبود...وسرحت شوي...
هند/قومي بوريك الثوب شلون صار علي!!!الا صدق ثوبك وينه؟؟؟
///////////////////////////////////////////////////
خالد وقف سيارته بالكراج وظل فيها شوي مانزل,,,,
ليه ياخالد قلت ها الكلمة ليه!!!!شتبيها تفكر فيه؟؟؟وش كنت تبيه يقولها ياخالد!!!!تبيه يقولها ابوي يبي يقعد معك من جديد وتتعرفون على بعض وكانكم ماكنتوا من قبل متزوجين بيوم من الايام!!!خالد حاسب على تصرفاتك ترى انت صاير تعيش بشخصيتين مرة تبيها وقلبك مايل لها ومرة تكره تسمع طاريها وتبي بس تعاندها!!!!والاخير ياخالد والاخير؟؟؟؟؟
نزل من السيارة ودخل البيت......
ام خالد بس كانت قاعدة تنتظره والكل بغرفته اللي نايم واللي سهران.....
ام خالد/ضرك شي يوم وديته؟؟؟
خالد/يمه.....ورى مانمتي للحين؟
ام خالد/انا ماادري انت لوين تبي توصل ياولدي ياخالد؟؟
خالد/.............
ام خالد/شيضرك تعطي ها الطفل كلمة حلوة ؟؟ها ياخالد؟؟
خالد/يمه...
ام خالد/لاتقول يمه.....
خالد/لا يايمه لاتقولين كذا الله يخليك؟
ام خالد/يمه انا قاعدة اتقطع على ولدك كل يوم وانت مو حاس فيني!!!!ليه عاد كذا...انا ماربيتك على ها القسوة ياخالد ماربيتك!!!!!وبعدين انت تحب كل الناس جت على ولدك بس ياخالد؟؟؟؟ليه تكرهه ياخالد ليه؟؟؟؟
خالد/يمه انا مااكرهه بس ماني قادر بيوم وليلة اتقبل وجوده بحياتي على انه ولدي؟؟؟
ام خالد/لانك انت ماتبي تتقبله ياخالد!!!درج نفسك كل يوم اقعد معه لو نص ساعة..لعبه شوف اللي بخاطره..كلمه...زوره اذا ماتبي تطلع معه...بس مو كذا ياخالد...لايايمه..رب العالمين بيحاسبك وبيحاسبني معك بعد!!!!!
خالد/يمه خلاص لاتضايقين نفسك يالغالية؟؟
ام خالد/خالد هاذي اخر مرة اقولك اياها ولااني بعايدتها من جديد.....ولدك لو ماكسبته اللحين وهو صغير بيضيع منك لو كبر!!!!!وانت ابخص بمصلحته ومصلحتك ياخالد؟؟؟؟تصبح على خير......
توها بتركب الدرج الا احمد نازل وبيده اكياس....
ام خالد/على وين ان شااءالله؟
احمد/مشوار صغير بودي اغراض من مها لهيفاء وبرد بسرعة ماني متاْخر لاتخافين؟
ام خالد/ها الوقت عاد؟؟توه اخوها رايح ورى ماقالت له يوصلهم لها؟؟
احمد/مدري يمكن نست يالله باي....
خالد على لسانه بيقول لااحمد خليهم انا بوديهم لهيفاء علشان اظل واقف معها اسولف معها...بس احمد طلع بسرعة مستعجل .....وامه واقفة بعدها مامشت حس انها مو حلوة....ظل ساكت لين ركبت امه وبعدها راح لغرفة مها يسولف معها؟؟؟
مها/منو؟
خالد/انا خالد...
مها بدون نفس/تفضل...
خالد دخل وهو متفاجىء من لهجتها اللي قلبت مرة وحدة/خير ان شاءالله ليش الحلو قلب مزاجه مرة وحدة؟
مها/انت عارف؟
خالد تذكر انه من شوي صرخ عليها يوم جت بتقوله يهدي شوي على عبود...
تقرب منها وحضنها وقرص اذنها وقال لها بحنية/اسف بس مزاجي كان معكر شوي...والله ضغط الشركة مو راحمني....
مها/مايغفر لك ها العذر؟
/////////////////////////////////////////////////////////////في بيت السالم..احمد دق على هيفاء وقال لها تنزل تاخذ الاغراض بيحطهم عند الباب..وقالت له هيفاء خلاص اللحين بتخلي هند تنزل تاْخذهم...
طبعا احمد طار من الفرحة وهو اللي تمنى يدق على البيت علشان ترد مو على هيفاء بس الحمد الله جيته نفعته كاهي هي بتطلع تاخذهم ماحطهم وقف ينتظرها تطلع...
وهند كانت ماتبي تنزل فشلانة بس ماحبت تاخذ وتعطي مع هيفاء في الكلام لاتشك بشي..بس قالت احمد فيه شي ...تصرفاته ماهي طبيعية؟؟؟؟

نزلت وفتحت الباب على اساس انه مو هنا يعني كانت متحجبة بس مو متنقبة ,,
احمد/شلونك هند؟
هند بخوف/احمد؟؟انت مامشيت؟؟؟
احمد/قالت لي انتي اللي بتنزلين تاخذينهم قلت مايصير اتركك تطلعين بها الليل خلني اوقف انتظرك تدخلين بسلام؟؟؟؟
هند/كان وقفت بسيارتك ماهي حجة؟؟
احمد مد يده بالاكياس وهي ترددت تاخذهم خافت يده تجي على يدها من جديد!!!
هند بخوف/معليش خليهم عند الباب وانا بشيلهم..
احمد تقرب اكثر/ليه؟؟خايفة مني ياهند؟؟
هند/احمد لو سمحت.....اتركهم..
احمد حطهم في يدها غصب ومسك يدها وسط خوفها واعتراضها....وبعدها ابتعد شوي....
احمد/تصبحين على خير.......ركب سيارته ومشى...بس بعد ماتركها بنارها وحيرتها؟؟؟
////////////////////////////////////////////////////////
خالد/طيب ويش يبي حبيبي علشان يرضى عني؟؟
مها/تقولي وش زعلت هيفاء فيه اليوم ماخليتها تتسوق معنا وترد البيت؟؟
خالد بتردد/ليه هي ردت البيت وماتسوقت معكم؟؟
مها/قالت انها مصدعة وتبي ترد البيت ترتاح...بس كلنا عارفين انك انت السبب؟
خالد/لاتشغلين بالك موقف وعدى...
مها/خالد انا مثل مااحبك واخاف عليك...احبها هي بعد وماارضى عليها؟؟؟وماابي مين ماكان يزعلها ويضايقها؟؟؟؟
خالد/تطمني ماراح يصير شي بينا خلاص؟؟؟
مها/ان شاءاللله...
خالد/أي مهاوي...وش شريتي من السوق اليوم؟
مها/ابد والله بس اخذنا لنا ثياب للحفلة بكرة
خالد/تمام..ان شاءالله بعد اخترتي لون ابيض مثل العادة مدري وش فيك على ها اللون؟؟
مها/حرام عليك في احلى من الابيض!!!يكفي انه يعطيك راحة وانت تناظره....وبعدين لا..احنا كلنا اتفقنا نطقم مع بعض ونلبس مثل بعض؟؟
خالد/منو يعني كلنا؟
مها/انا وفاتن وهيفاء؟
خالد/وهاذي اللي جت سلمت عليك....
مها/خالد شفيك..العنود هي العروس؟
خالد/وانا كيف بعرف بالله وانتي ماقلتيلي؟
مها/ماعلينا....شوف ثوبي وقولي شنو رايك فيه؟
طلعته من الكيس....
خالد/مدري اذا شفته عليك اكيد بيكون غير...
مها اخذت الثوب ودخلت الحمام تبدل,,,,وظل هو قاعد عند مكتبها يشوف الصور اللي هي حاطتهم...صورته وصورة ابوه واحمد وعمر وعبود....وقام يحوس بالمجلات اللي على المكتب..كذا ماله سالفة بس يضيع وقت..
مها/ها شرايك....
رفع عيونه لها...
مها دارت بفستانها البنفسجي....كان قصير بس لحد الركبة وبعده تنزل طبقة تول خفيفة مزركشة بلون بنفسجي افتح.....وعند الصدر مزموم وخيوط ضعيفة...
خالد/مو كانه عاري وااجد؟
مها /خالد وش فيك؟؟؟الحفلة حفلة حريم ماهي حفلة رجاجيل يعني!!!!
خالد/اممممم حلو..بس لو تلبسين فوقه شال..
مها/خالد!!!اخاف قعدتك بالرياض خلتك تصير منغلق؟؟؟
خالد/ههههههههه
مها/يالله اطلع بره تصبح على خير...
مشى خالد لعند الباب وبعدها لف لها..
مها/خير في شي؟
خالد/قلتي كلكم بتلبسون مثل بعض!!!
مها فهمت عليه بس ماحاولت تجاريه/أي....
طلع من الغرفة وهو يفكر بهيفاء وهي بها الثوب كيف بيكون جسمها وكيف بيصير عليها الثوب!!!
هيفاء جسمها امتلىء عن اول..يعني بيكون الثوب فيها احلى من مهاوي!!!!
لو اشوفها فيه..شبي....
احمد/ماتشوف؟؟؟
انتبه خالد انه كان يمشي وهو سرحان وتصادم مع احمد..
خالد/انت بعد الحق عليك يوم شفتني جاي كان غيرت الطريق!!!!
احمد/انا....
خالد/قول انت بعد سرحان!!!!
احمد/ها...
خالد/شلونها؟
احمد/منهي؟؟؟
خالد/اللي توك راد من عندها وشاغلة لك افكارك؟؟؟؟على بالك ماادري انك رايح تشوفها...اهم شي شفتها وتطمنت عليها؟؟؟
احمد/انا مابيني وبينها شي ياخالد صدقني؟؟
خالد/احمد اذا تبي نصيحتي ركز بجامعتك اللحين باقي لك سنة وحدة وبعدها شوف شيصير!!!
//////////////////////////////////////////////////////////اليوم الثاني مر بسرعة ومن العصر هنادي في بيت ابوها.....
هيفاء/ها بتجين معنا الكوافير ولالا؟
هنادي/لا مااتوقع يمكن امر مع امي بعدين ابارك؟وين الحفلة بتكون؟
هيفاء/بقاعة ديالا...
هنادي/يصير خير..
هيفاء/ماعليه هنودة حبيبتي بتركك اليوم..
هنادي/روحي حبيبتي بس وانبسطي انا هنا مع جدتي وامي وهند ومحمد..لاتخافين ماراح اضيع....بس انتي ها الله هالله نبيك تكونين نجمة الحفل؟
هيفاء/ههه يصير خير...المهم ولا عليك امر هاذي ثياب عبود بعدين خلي امي تلبسه بيجي معها؟
هنادي/وين بتروحون أي كوافير.؟
هيفاء/اشراقة العنود......يالله كاهي فاتن جت باي..اشوفك هناك؟
هنادي/باي.............
في الحديقة..
هند تكلم مشاري/مارحت شريتها مثل مااتفقنا؟
مشاري/هيفاء ماهي هنا ولاابوي ولامحمد وهنادي ماشكلها مبسوطة خليها مرة ثانية بظروف ثانية احسن؟
هند/اوه ه ه انا عزمت وقلت خير....
مشاري/قومي نشوف هنادي وينها فيه....
توهم بيقومون الا هنادي جاية عندهم..
هنادي/مرحبا شباب شلونكم؟
هند/هلا وغلا بااختي الحبيبة,,انتي كيفك؟
هنادي/اسال عنكم....
مشاري/انا زعلان ومتكدر خاطري؟؟
هنادي/من شنو؟
مشاري/من جدتي؟؟؟
هنادي/وش سوت بعد غير سالفة خالد؟
هند/دريتي عنها؟
هنادي/أي كلمتني امي بنفس اليوم وقالت لي....جدتي مسيكينة...
مشاري/والله ماغيرنا مساكين...لو شفتيها امس شسوت؟
هنادي/وش سوت؟
هند/شعللتها بين مشاري وهيفاء وزعلتهم من بعض وبعدين كانت بتكمل عند امي وابوي بس هم كشفوها انها تبالغ!!!!
مشاري/انا ماخبري الجدات كذا الا هي مادري ليه؟؟
هنادي/هي تبيكم تعطونها اهتمام اكبر وتنتبهون عليها اكثر.....
مشاري/اكثر من كذا وشنسوي؟؟؟
هنادي/ماعليه يامشاري هاذي مرة كبيرة..تحملوها...صحيح بتعرضكم لمواقف محرجة شوي بس تظل جدتكم...وهيي تراها طيوبة وحبوبة..بس انتوا لاتاخذون كل شي ضدها؟؟
مشاري/يصير خير..هاذي داهية مو جدة....
هند/اقول هنادي ورى ماتودينها عند عمتك ام زوجك تقعد معها شوي يمكن تعقلها ههههههههه
مشاري/هههههههههههههه
ابتسمت هنادي لهم وهي في داخلها شي يحترق وموقادرة تطفيه!!!!
//////////////////////////////////////////////////////////////////////مشى اليوم سريع على الكل وراحوا الحفلة ودقوها رقص وهبال ووناسة لين اخر الليل بعدها كانت سيارة محمد واقفة علشان يمر ياخذ خواته وامه وسيارة خالد ومعه احمد بعد كانوا ينتظرون امهم وخواتهم.....
وطلعوا مع بعض وخالد حايس يبي يشوف هيفاء بس هذا الطلب المستحيل بها الوقت وها الظروف ومع الكل..بس لو عبود يفتح عبايتها كان احطه فوق راسي على الخدمة الجليلة بس وينه نايم!!!!عاد هذا وقتك تنام انت بعد؟؟الله يسامحك ياعبود....
وبالمقابل كان محمد واقف يناظر بمهاوي قلبه اللي طلعت زين انها مغطية وجهها لااذبحها ..بعد بتتمكيج وتفتحه بتكون مصيبة!!!!!اهم شي اروح اسلم على عمتي واسمع صوتها...تقدم عند سيارة خالد ووقف مع عمته....يكلمها ومها لزقت في امها وهي تناظره من تحت شيلتها اللي كانت خفيفة وقدر يشوف انهاجالسة تتمقل فيه وتناظره!!!!
عيال عمته يوم سلموا على امه وخواته ركبوا السيارة وماظلت غير مرام وامهم ومها واقفين على جنب طبعا...ودخلت الام ومبعدها مرام واخر شي مها يوم جت بتركب مدت يدها وعطته الوردة اللي كانت بيدها بدون ماتتكلم ودخلت بسرعة ومحمد راح سيارته.....
ووقت اللي وصلوا البيت شال هو عبود عن امه وكانت بيده الوردة وصارت مبينة وهند فكرتها كانت عند عبود..
هند/هاذي الوردة اللي كانت بشعر مها الليلة؟؟عبود تشفى حتى على الوردة وشالها من شعر عمته؟؟؟
محمد هذا اللي يبيه علشان يرتاح الوردة كانت بشعرها طول الليل واللحين هي عنده ياسلام.....عطى عبود لهيفاء ودخل غرفته بسرعة علشان يقعد هو ووردته بروحهم بدون ازعاج!!!!
////////////////////////////////////////////////////////////////في شقة هنادي كان محمد توه واصل وهنادي بالحمام تغسل وسارة بغرفتها تبكي..
محمد بخوف/سارونة حبيبتي وش اللي يبكيك؟
سارة/امي ضربتني ,,,
محمد/ليه؟؟
سارة/ليش اني قلت لهبة انها زعلانة منك وتنام عندي بالغرفة؟
محمد/متى ضربتك؟
سارة/يوم رجعنا هنا ضربتني؟؟؟
محمد/ماعليه حبيبتي...بس الاشياء اللي تصير بالبيت مالازم تنقال برة..وماحد لازم يعرفها زين؟؟
سارة/طيب...
محمد/يالله حبيبتي نامي تصبحين على خير.....
طلع من غرفتها وهنادي طلعت من الحمام ووقفوا قبال بعض....
محمد/هنادي..........
هنادي/...............
محمد/لازم نتكلم......
هنادي/انت ماتعودت تتكلم معي بصراحة يامحمد؟؟؟صاير كل شي تسويه وبعده تفاجاني فيه؟؟؟يعني قصدك ان عندك مفاجات مابعد طلعت؟؟؟
محمد تنهد/حبيبتي انا عارف ان الموضوع بيزعلك و
هنادي/محمد لو سمحت انا كنت الليلة بتاخذ قراري بس الظروف ماجت بصفي ابدا!!فلو سمحت كل واحد منا يعيش حياته وبدون الثاني؟؟؟؟
قالتها ومشت عنه....وهي تفكر بس لو ماكانت حفلة العنود الليلة وهي راحت معهم كان بتقعد في بيت اهلها ومابترد بس الظروف صحيح ماساعدتها؟؟؟
/////////////////////////////////////////////////////////////////مشت الايام سريعة وخلصت الامتحانات وابو محمد مثل ماوعدهم تخلص الامتحانات علطول على الشاليه.....
هند/ياسلام بكرة بنروح الشاليه؟
ابو محمد/بس انا تساهلت معكم المفروض اول اشوف النتيجة؟
مشاري/ابشر الله يسلمك النتيجة مضمونة؟؟؟
ابو محمد/الله يستر منك....انا كلمت محمد وقلت له علشان يجي هو وهنادي بعد مالنا غناة عنهم...
ام محمد/انا قلت بقول لااختي تجينا هناك..احنا طالعين طالعين وشرايك انت؟
ابو محمد/ام عادل..حياها الله اذا ماشالها الشاليه تشيلها عيونا.....وانا بعد قلت بشاورك ادق على اختي وعيالها يجون عندنا...
ام محمد/وليه تشاورني بعد؟؟مايبيلها كلام ام خالد وعيالها فوق راسنا...
ابو محمد/لاانا قلت اقولك انتي اول وبعدين اكلمهم...
مشاري/شها الحب اللي بينكم؟؟؟ول ول ول عيوني حارة عليكم ؟؟؟
هند/اسمع بعد الوالد مايخطي الا بشور الوالدة؟؟؟

(شتتوقعون يصير بالشاليه من احداث؟؟وهل بتكون هناك اشياء جديدة تصير في العائلة؟؟وهل بتتكون علاقات جديدة وتصريحات حب وقصص حب جديدة؟؟وهل بيكون فراق جديد؟؟؟طبعا كله بتعرفونه بالبارت الجاي..,ماابي اتكلم لانه بيكون مشوق اكثر لان الاحداث كلها بتنقلب راس على عقب!!!!)

[SIZE="5"][COLOR="Green"][SIZE="4"][COLOR="Magenta"][SIZE="5"][COLOR="Green"]تسلمون يااغلى قارئات وناقدات واخوات بنفس الوقت(هذي الكلمة من الكاتبة مو مني )
البارت التاسع عشر,,,,
مشاري/شها الحب اللي بينكم؟؟؟ول ول ول عيوني حارة عليكم ؟؟؟
هند/اسمع بعد الوالد مايخطي الا بشور الوالدة؟؟؟
ام محمد بفشلة/قوموا بس انت وياها؟؟؟
//////////////////////////////////////////////////////////////ام خالد كانت قاعدة بالصالة تكلم تلفون ومعها العيال احمد وعمر ومها ومرام وابو خالد.....
ابو خالد/منو تكلم امكم؟
مها بفرح/هذا خالي ابو محمد؟
عمر/وخير ان شاءالله ليش ضحكتك من الشق للشق؟
مها/لاني ادري ويش يبي فيها؟؟
ابو خالد وقف قلبه معقولة طالب مها لمحمد ومها عارفة علشان كذا فرحانة؟؟؟؟ياليت والله كان يرتاح بالي على ها البنت عند محمد....!!!!
احمد/ويش يبي فيها؟
مها/اللحين تعرف....
ام خالد/ان شاءالله...ياللله ياخوي مع السلامة......,
مرام/يمه شيبي خالي منك؟
ام خالد/عازمني على شاليه حاجزه له ولعياله....
مها/يعني نجهز اغراضنا ياام خالد؟
ام خالد/ماقال لي جيبي معك العيال قال تعالي بروحك؟؟
مها باعتراض/يمه....
مرام/بالذمة يمه.....
ابو خالد/وش فيك انتي وياها؟؟؟
مرام/مافينا شي بس نبي نروح مع بيت خالي...
ابو خالد/لا مافي روحة...
مها بزعل/ليه؟؟؟؟؟
ابو خالد/لاني قلت مافيه روحة...انتوا قلتوا تبون سفرة ...
مها/يبى هي كلها اسبوع الاجازة أي سفرة هاذي؟؟؟؟
ابو خالد/الله واكبر عليك ماكانك انتي اللي لجيتني تبين تسافرين ضايق خلقك من قعدة البيت؟؟؟
مها/غيرت راي شفتها ماتسوى يابو خالد...نروح مع بيت خالي الشاليه ابرك....
مرام/بعدين هم بيروحون ثلاثة ايام ....
احمد/شوف هاذي واختها مضبطين شغلهم عدل وعارفين السالفة.....
مها/ها يمه..
ام خالد/انا مالي شغل هذا ابوكم قاعد قولوه بيخليكم تروحون ولا بكيفه؟؟
مرام/ام خالد وش ها السلبية اللي عندك؟؟؟قوليله ودهم وهو بيودينا؟؟
ام خالد/لاوالله!!!!
ابو خالد/عمكم بو سعود حاجز لنا معهم على دبي من بكرة بنروح اربعة ايام وبنرد...
مها/انا ماابي اروح!!!!
مرام/ولا انا؟؟؟
عمر/أي بس انا ابي اروح دبي مع بيت عمي؟؟؟؟
جود/انا ماعندي مانع هنا ولا هنا....
خالد توه داخل/انتخبات ولا شسالفة؟؟؟؟السلام عليكم...
وعليكم السلام والرحمة.....
مرام/خالد تعال احكم بالسالفة؟
خالد جلس جنب امه/أي سالفة؟
ابو خالد/قوم تعشى ماعليك منهم؟؟؟
مها/لالالا مافي قومة قبل لايقول رايه؟؟
خالد/في شنو؟
احمد/خالي مكلم امي تروح لهم حاجزين لهم شاليه وبيطلعون ثلاثة ايام...وعمي حاجز لنا معهم دبي اربعة ايام؟؟؟
خال سكت وماتكلم...
مها/يالله قول....
خالد/........
مرام/خالد تكفى رايك بيكون الحكم...
خالد/عندكم ابوكم وعندكم امكم انا شكو؟؟؟
احمد/المشكلة ان السالفة حساسة للطرفين امي تبي اخوها اكيد وابوي يبي اخوه؟؟؟
مرام/واحنا الضحايا؟؟
عمر/وليش ضحايا بالله؟؟؟نروح مع بيت عمي هاذي مافيها كلام؟؟؟
ابو خالد/سمعتوا اخوكم شقال؟؟؟
مرام/انت اسكت واللي يعافيك ماحد طلب رايك؟؟؟
عمر/وليش بالله ماهو عاجبك كلامي؟؟؟
احمد/شوفوا انا عن نفسي ماراح اروح دبي ولاراح اروح الشاليه؟؟
مها/وين بتروح في الاجازة؟
احمد/بتنفس على راحتي ..بطلع مع ربعي وبسهر بكيفي يوم بنروح الرياض ويوم بنروح البر نخيم وشوفي وش نسوي...هذا انا من اللحين اعطيكم خبر مابتشوفوني الا الجمعة الجاي باذن الله؟؟
ابو خالد/شلون يعني منت جاي معنا دبي؟؟
احمد/لا يبى مانارايح انتوا قلتوا لي اذا جت الاجازة اطلع مع ربعك بكيفك وهاذي الاجازة جت....
ابو خالد/بس انتبه على نفسك مو كل شي يسونه ربعك سويت مثلهم صح غلط؟؟مشي حالك؟؟
احمد/ان شاءالله..
مها/مايصير طلعت من السالفة بسرعة ياحمود؟؟؟خذني معك؟
احمد/هههه وين اخذك يبى كلنا شباب والله ماعندنا بنات؟
مها/مو مشكلة بلبس ثوبك وبتلثم بشماغط طول الوقت ماحد بيدري اني بنت؟
خالد/هههههه وليش ها االخبالة عاد؟
مها بزعل/ماابي اروح دبي؟؟؟ابي اروح مع بيت خالي الشاليه....

خالدد/طيب لاتروحين دبي روحي مع بيت خالي الشاليه وش فيها ذي بالله؟؟؟
اسكتوا كلهم من كلمة خالد وانتظروا راي ابوهم...
/////////////////////////////////////////////////////////////////في بيت السالم كانت الحركة دابة في البيت كله وكل شوي اتصال مع بيت خالتهم ام عادل ومع هنادي علشان يكملون النواقص....
عبود/ابي ماما هيفاء............
ام محمد/وش تبي يمه..امك طلعت تشتري لي شي وبتجي اللحين؟
عبود/ابيها تشتريلي تيوب علشان اسبح بالبركة...
ام محمد/بس كذا حبيبي ولايهمك خالتك هنادي بتجيب لك من عند سارة انا قايلة لها...
عبود/اجل ابي اروح انام عند خالتي هنادي...
ام محمد/وين تروح يمه بكرة من الصبح كلنا بنروح الشاليه مع بعض....
عبود/اجل ابي اروح البقالة اشتري لي اكل..
ام محمد/والله انك عيار ياولد؟؟؟بكرة هم بيروحوا التميمي ياخذونك معهم تشتري اللي تبيه؟
ام عبدالله بعصبية/وين اللي قلت لك تسوينه ياحظي؟؟؟
ام محمد/يو خالتي معليش السموحة كنت مع عبود اسليه لين تجي امه؟؟؟
الجدة/ياسلام هو تسلينه وانا تنسين وش طلبت منك؟؟
ام محمد/ماعليه خالتي بجهز لك اغراضك انتي ليه مستعجلة؟
الجدة صارت بركان/وهو وش يبي حضرته؟؟اكيد دانيت؟؟؟هو يشبع من ها الدانيت؟؟؟؟
عبود/انتي اكلتي حقي اليوم بقول لاامي هيفاء تضربك؟
الجدة/طاح عليك عمود كهرباء يضربك ويتفتف عظامك قول امين؟؟؟
ام محمد/استغفر الله العلي العظيم؟؟
الجدة/انتي تبسبسين شتقولين؟؟؟روحي بس جهزي لي اللي قلت لك عنه يالله....
ام محمد مشت وكان محمد بوجهه حط يدينه على كتفهاوهمس لها/انتي بتدخلين الجنة بدون حساب يالغالية؟؟؟؟
ام محمد/هلا يمه..جهزت اغراضك...تبي شي اساعدك بشي....
محمد/تسلمين يالغالية....
الجدة/تعال انت بكلمك؟
محمد/دعواتك يمه..دوري اللحين؟ها يمه خديجة وش تبين؟؟(الجدة اسمها خديجة)
الجدة/انت ماتبي تتزوج؟؟؟
محمد بذهول/بسم الله الرحمان؟؟؟وش الطاري اللحين؟
الجدة/انا ادري عنك بعد؟؟كم باقي لك وتدخل الاربعين ياحظي؟؟؟؟
محمد/جدتي!!!انا مادخلت الثلاثين بعد باقي لي سنتين؟؟؟
الجدة/وفرحان انك بعدك مادخلت الثلاثين؟؟؟
محمد/مو مسالة فرحان...بس كل شي بوقته حلو؟
الجدة/ومن قال لك عاد انه مو وقته اللحين؟؟؟بنت الحلال وموجودة ليش التاْجيل لين تروح من يدك؟؟ماتشوف الخطاطيب عليها شلو ن صايرين؟؟؟مايوقف بيتهم من الخطاب وانا ماابيها تروح من يدك؟؟؟؟
محمد فكرها تتكلم عن مها لان العائلة تقريبا كلهم حاطين في بالهم ان محمد يبي مها ومها فعلا قاعدة ترفض الخطاطيب علشان محمد ودق قلبه لانه حس انها بتروح؟
الجدة يوم شافته ساكت/محمد وانا امك انا ماابيها تروح من يدك مهما كان البنت منا وفينا وانا بحاول اشوف صرفة للموضوع؟
محمد/كيف ياجدتي؟؟؟يعني انا مانا قادر اخطبها احس ان...
الجدة/ماعليك انا بدير لك الموضوع لاتهتم انت؟
عبود/خالي محمد اضرب جدتك لانها اكلت الدانيت حقي ومااستاْذنت مني وبعدين ماراحت رمته بالزبالة؟؟؟؟؟؟
محمد سكت وماقدر يتكلم لان السالفة بتقلب عليه بركان لو تكلم!!!!!!!!!!!!!!
///////////////////////////////////////////////////////////نرجع لبيت العواد اللي اسكتوا مرة وحدة من كلمة خالد....
خالد/وش فيكم سكتوا قلت شي غلط؟؟
عمر/سلامتك؟
خالد/ها...شفيكم؟
ابو خالد كان معصب والكل ينتظر النتيجة...
خالد/شفيكم؟
مها/ولاشي سلامتك....انت شرايك يبى؟
ابو خالد وهو معصب/ليش انتي قاعدة تشاوريني لو تاخذين رايي؟؟ماانتي قاعدة تشاورين اخوك؟
خالد/شها الكلام يبى؟؟؟المسالة كلها نقاش في نقاش وكل واحد قاعد يعبر عن رايه...وبعدين انا مااشوف فيها شي لو استخدمتوا الديمقراطية بالبيت؟؟
ابو خالد/وشنو ذي بالله؟
مرام/يعني كل واحد يسوي اللي يبيه؟
ابو خالد/شوف ياخالد انت الكبير وعلى عيني وعلى راسي بس بعدين موجود بها البيت ماراح حسي علشان تمشي كلمتك؟
خالد/يبى شها الكلام؟؟؟؟؟؟؟؟؟وانا شقلت اصلا علشان تقول كذا؟؟؟؟استغفر الله انا غلطان اني قاعد اخذ واعطي معكم؟؟؟؟
ووقف خالد وراح غرفته؟؟؟؟
مرام غمزت لمها بالخطة الثانية في حالة عارض ابوهم وهي انهم يبدون يبكون لين يتاْثر ابوهم....
وبدت المناحة والتبكبك عند مها ومرام....
احمد/هههههههههههه
ام خالد/انا بروح لخالد اشوفه.....وقامت عنهم.....
مها/يبى تكفى الله يخليك خلينا نروح....اهىء اهىء اهىء..
مرام/انا ماعندي احد بعمري في بيت عمي بوسعود يااكبر مني ياصغر مني يعني ماراح انبسط اذا رحت دبي اهىء اهىء اهىء..
جود/انا بعد ماعندي احد كبري ببيت عمي يعني ماراح اروح دبي غيرت رايي؟
احمد/وانتي من قال انهم متوقفين على رايك اصلا؟؟؟؟
طلعوا خالد وامه وهم يضحكون.....
عمر/ضحكونا معكم....
خالد/بلا لقافة واحد ويضحك مع امه وش عليك منهم.؟؟
ابو خالد/شقلتي ياام خالد اللحين؟
العيون راحت عند ام خالد هاالمرة..
ام خالد/انا عيالك مالي شغل فيهم لامن قريب ولامن بعيد !!!!
مها/يمه؟؟؟
ام خالد/انا باخذ ها الاسبوع بعد اجازة بكرة بروح مع بيت اخوي وبعد ثلاثة ايام برد من الشاليه ولالي فيكم ابدا؟؟؟وبعدين ابيك تسويلي تصريح بعد مايردون من الشاليه بيروحون البحرين يومين بروح معهم وعيالك انت تفاهم معهم مالي شغل فيهم؟؟؟
مر ام/ها ام خالد اشوف البرنامج حق الاجازة كل ماله ويحلى اكثر واكثر؟؟؟
مها/اذا مارحنا احنا انتي مالك روحة بعد؟؟؟
ام خالد/وانا وشعلي منكم؟؟؟ولدي بعد عمري بيحجزلنا هناك ثلاثة ايام انا وهو واذا راح هو دوامه رحت قعدت عند امي واخوي وعياله.....
مها/ياسلام يعني متفقين؟
خالد/وش اللي متفقين فيه؟
ابو خالد/يعني انت مو رياح معنا دبي ياخالد؟
خالد/طبعا لا؟؟؟مقدر اترك الشركة بها الفترة نهائيا؟؟باخذ لنا شاليه جنبهم وبنقعد فيه انا وامي وجدتي....وعبود؟
مرام/بطني يعورني ابي اروح معكم؟؟
ابو خالد/بس عيال عمك كلهم بيروحون ياخالد؟ومو حلوة انك ماتجي؟
خالد/وش اللي مو حلوة يبى؟؟ماهي اجباري اروح وانا مو حاب اروح؟؟
///////////////////////////////////////////////////////////////////اليوم الثاني كانت سيارة بو محمد من الصبح طالعة ووراهم سيارة محمد وهنادي واتجهوا مباشرة للشاليه.....
ابو محمد/مشاري تعال نزل معي الاغراض وبعدين ادخل انسدح داخل؟؟فشلة زوج اختك هو اللي ينزل معي وانت قاعد ومتجلس؟؟
مشاري/اسمه زوج اخت يعني ماهو غريب!!!بس انتوا تحبون الاشكالايات؟؟؟
وراح ينزل في الاغراض من سيارة ابوه وشاف شنطة سفر كبيرة وتفاجاْ منها؟؟؟؟؟
دخلها للحريم وهو يصارخ
مشاري/خالتي لاتقولين انتي جايبتها؟؟
ام عادل ناظرت بالشنطة/حشى ياوليدي والله ماجبتها؟؟؟بسافر؟؟
مشاري/منو هذا الملعون اللي جايبها اجل؟؟؟؟؟؟؟؟؟؟؟
هند/هههههههههههههه هاذي حق جدتي؟؟؟؟؟
مشاري/جدتي؟؟؟؟؟؟؟ وش حاطة فيها بالله؟؟؟؟على بالها مسافرة؟؟؟؟والله انها مو عاقلة؟؟؟
هنادي/بس انت وياها لاتجي اللحين وتسمعكم؟
مشاري/ليش وينها؟
هند/راحت تحجز لها غرفة على البحر؟؟؟؟قال شنو رومنسية اخر زمن؟
مشاري/الله واكبر عليها؟؟؟؟
هبة/ابي اسبح اللحين...
ام عادل/لا ياماما اول ندخل الاغراض ونضبهم ونرتب المكان وبعدها نحط الفطور ونقعد كلنا نفطر جميع وبعدها اللي يبي يسبح واللي يبي يغرق؟؟؟
هيفاء توها داخلة/انا تعجبني خالتي فديتها..كل شي بنظام.....
هنادي/متى دوامك؟
هيفاء/من تسع يعني بعد ساعة ونص...
ام عادل/ومتى تجين؟
هيفاء/على خمس ونص قولي مع شوارعنا على ست وشوي....
ام عادل/أي بعد القهوة ماهي حلوة ولالها طعم بدونك ياام عبدالله؟
هيفاء/تسلمين يااحلى خالة بالعالم....
هنادي/يمه...ياام محمد خلي اللي بيدك وتعالي ارتاحي اللحين احنا بنسوي كل شي؟
فاتن غطت وجهها وتممددت/انا مابسوي شي اذا خلص كل الشغل وحطيتوا الفطور قعدوني تصبحون على خير؟
ام محمد/يالله كل وحدة تدخل اغراضها...ها وصلت شنطة الاميرة ديانا؟؟؟(تقصد الجدة)
هههههههههههههههههههههه
ام عادل/هاذي من صدقها جايبة ها الشنطة؟
ام محمد بتنهيدة/عذبتني طول الليل ماخلت شي ماحطته !!!بتكتشفون بعدين المفاجات فيها؟؟
مشاري/هههههه والله اني متحمس....
هنادي/كان الله بعونك يالغالية..والله ان قلبي دايم معك ادري ماتقصر فيك....
ام محمد/هه محمد فديته البارح يقولي يمه انتي على حساب جدتي بتدخلين الجنة بدون حساب...
هيفاء وهنادي وهند ومشاري وفريال وفاتن/هههههههههههههههههه
ام عادل/وهو الصادق وليدي...الا الصدق ام خالد ماهي جاية؟
ام محمد/كلمها اخوها امس وقال لها...ويوم يكلمها البارحة يشوف قالت له ان خالد حجز لها وله هنا لانها ماتدري العيال بيجون ولالالا ابوهم حاجز لهم على دبي مع بيت عمهم...يعني تلاقينهم اللحين جايين بالطريق؟
/////////////////////////////////////////////////////////////////////على الساعة ثمان ونص وصلت ام خالد مع خالد ومها ومرام وجود(انتصروا في النهاية على ابوهم)ودخلوا قسمهم اللي بعد اخذ وعطى اخذوا اللي جنب بيت بو محمد ماتفصلهم غير المراجيح.....
وخالد راح يسلم على خاله ومشاري...
خالد/خالي شلونك..
ابو محمد/هلا يبه..حياك تفضل تريق معنا؟
خالد/تسلم ياخالي....بتريق بالشركة...
مشاري/وين احمد وذاك اللي مايتسمى؟
ابو محمد/مشاري عيب ياولد؟
خالد/ههه خله على راحته ياخالي...احمد بسابع نومة وعمر رايح مع ابوي دبي العصر مع بيت عمي...
ابو محمد/اكيد مارضى يجون خواتك الشاليه؟؟
خالد/اوه ه ه صارت احزاب البارحة مغيرهو يقول لهم دبي وهم مصرين يجون هنا...بس في النهاية قدروا عليه..
مشاري/كا العادة؟؟؟ابوك ماله شخصية قدام بناته وبالذات مهاوي هاذي ذيب ينخاف منها؟؟؟
خالد/هههههههه وين محمد؟
ابو محمد/بالشغل...
خالد/يعني مااخذ اجازة؟
مشاري/لا...قال الاجازة للصيفية علشان السفرة تكون احلى...
هيفاء طلعت وماانتبهت لوجود خالد...
هيفاء/بو محمد الحق علي؟؟؟السايق مو راضي يمرني هنا كيف اروح المستشفى انا بالله؟
خالد/شلونك ام عبدالله؟(متعمد يقولها كذا قدام خاله)
هيفاء لفت له ووقفت/خالد؟؟؟؟...............هلا انا بخير..
بو محمد/يايبى انا مقدر اترك العيال بروحهم هنا واوصلك؟
هيفاء/مشاري معهم يبى؟تكفى كذا بتاْخر؟
خالد/خلاص اوصلك انا رايح الشركة وعلى طريقي بيكون المستشفى؟
هيفاء بحدة/لا شكرا....؟
خالد/بكيفك....اذا غيرتي رايك خلال ثواني بكون في السيارة...يالله خالي توصي على شي اجيبه وانا جاي...
ابو محمد/لا يبى تسلم..ماقاصرنا شي....
ومشى خالد لسيارته..
هيفاء/يبى..
ابو محمد/لا يبى مااقدر اتركهم كلهم هنا لو تكلمتي قبل شوي كان محمد زوج هنادي بعده ماراح شغله كان يوصلك معه؟؟ماعندك غير خالد ولحقي عليه قبل لايمشي؟
هيفاء/ماابي اركب معه؟
ابو محمد/وليش يبى بيعضك خالد؟
هيفاء/يبى لاتجبرني....
ابو محمد/ماراح اجبرك بس والله مااقدر اترك خوانك هنا بروحهم مع مشاري!!!مشاري بروحه يبيله من يقابله؟؟انتي ترضين اتركهم وامشي؟؟
سكتت هيفاء وماردت....
ودق جوال مشاري في ها اللحظة..
مشاري/هذا خالد؟؟؟
هلا خالد........اي..لا...طيب بشوف ...يالله..
ابو محمد/شيبي؟
مشاري/يقول تعال اركب مع اختك بوصلها وبعدين بردك اذا هي خايفة تركب معي بروحها؟
ابو محمد/؟؟؟؟؟؟؟؟
مشاري/ها شقلتي يالله؟
ابو محمد/لاتعطليني الرجال عن شغله يبى بسرعة قرري يايوصلك خالد يامابتروحين اليوم؟
هيفاء /امري لله...امشي انت قدامي...
مشاري/يالله........
//////////////////////////////////////////////////////////////مها /شفيك انتي سرحانة؟
هنادي/انا؟؟
مها/لا فاتنوا اللي غرقانة باحلامها الوردية؟طبعا انتي...منتي ملاحظة انك مو على بعضك ابدا؟؟
هنادي/يتهياْ لك مافيني شي؟
مها/بالعكس وجهك شاحب واصفر وسرحانك زايد...فيك شي..متضايقة من شي..احد مزعلك؟
هنادي اغتصبت ابتسامة على وجهها اغتصاب/لا مافيني شي صدقيني..... الا ليش طيرتي عليك روحة دبي؟
مها/ماعليك دبي تتعوض نقص على ابوي بعد اسبوعين واخليه يودينا خميس وجمعة؟بس انتوا مو كل يوم نشوفكم بالشاليه؟
هنادي/تدري امي وابوي محتاجين يغيرون جو باستمرار بس احنا مانفكر فيهم....
مها/........
هنادي/جدتي اعصار...
مها/ههههههه جدتي سالفة خطيرة غير عن كل الجدات اللي بالعالم مدري كيف صايرة؟
هنادي/تراها طيوبة بس تبي تلفت نظرنا لها؟؟؟
///////////////////////////////////////////////////////////////في السيارة ظلت هيفاء طول الوقت ساكتة رغم ان خالد ومشاري مابطلوا سوالف وفي كم مرة حشروها معهم بالسالفة بس كانت تطنش وماترد عليهم لانها ماتبي تحتك بخالد اللي صاير متقلب مزاجه بشكل مو طبيعي وماهي فاهمة ليه يسوي كذا؟؟؟
خالد/المواساة اللي بالخبر ولا الدمام؟
مشاري/لا بالجبيل ههههههه يبى بالدمام ..
خالد سكت كان يبيها هي تتكلم بس اليوم مايدري ليه مطنشته للاخير...يمكن علشان اخر مرة يوم ياخذ عبود تضايقت منه..لانه بعدها ماشافها اصلا!!!!
قربوا يوصلون للمستشفى...
خالد/طيب متى ينتهي دوامك؟
هيفاءبجفاف/وليش تساْل؟؟
خالد/يعني كيف بتردين؟
مشاري/اذا تخلصين المغرب بتردين مع محمد؟؟؟بس لاتعالي هذا دوام تسع يعني على خمس وشوي كذا تردين صح؟
هيفاء/بدبر حالي؟؟
خالد بعصبية/وكيف بالله بتدبرين حالك؟؟؟
هيفاء/مو شغلك؟
خالد/ياسلام؟؟؟يعني منو راح يردك؟
هيفاء/بكلم محمد زين؟؟؟
خالد/اذا محمد ماقدر يطلع من دوامه كلمي..
قاطعته هيفاء/بظل منتظرته لين يطلع ماعندي مشكلة؟؟؟؟؟
سكتوا ثلاثتهم بعد ها الكلمة لين وصلوا لباب المستشفى ونزلت بدون أي سلام!!!!!!!!!!
//////////////////////////////////////////////////////////////////////////////////////على الضهر بعد الصلاة وصلوا خالد ومحمد واحمد للشاليه وقعدوا عند خالهم قريب البحر....
محمد/شلون في اكل جاهز لو بيطبخون لو شلون بالضبط ترى احنا ميتين جوع؟
ابو محمد/والله ياولدي ماشكلهم طبخوا...
ياهبة نادي على امك لوعمتك.....
جت ام خالد بعد دقايق وقعدة معهم تسولف....
ابو محمد/شصار على غذانا؟
ام خالد/والله ماطبخنا ياخوي...جيبو ا لنا من المطعم....
دخلوا بعدين البنات (هنادي ومرام ومها وفاتن وهند)وقعدوا قريب من ابو محمد...
هبة /تركتوا امي بروحها؟
فاتن/لا معها امي ومعها اختي فريال لاتخافين عليها؟
مها وبصوت شوي عالي على غير عادتها اذا قعد محمد بمكان وهي فيه/والاهم من هذا كله ان جدتي معهم؟؟؟؟
هند/من زين قعدة جدتي عاد؟؟
ام خالد/ها لاتبدون تكثرون حكي على امي ترى ماارضى عليها؟؟ولا شرايك ياخوي؟؟؟
محمد/لاتتكلم يابو محمد شهادتك مجروحة في جدتي؟؟كلنا خابريهنها ترى...
قاموا البنات يضحكون مع خالهم وعيال عمتهم....
ابو محمد/يالله لاياخذنا الوقت وقولوا وش تبون تتغذون نخلي واحد من ها الشباب يجيب لكم ....
خالد شال شماغه وحطه جنبه ومدد رجلينه/والاكيد انه مو انا لاني تعبان؟؟
محمد/اذا انت المدير وتقول تعبان انا شقول بالله؟؟؟
مها بشوية دلع/شوي شوي على اخوي يامحمد ترى مو كل مدير يعني يلعب؟؟اخوي يراعي خلاله بنفسه فديته خلوه يرتاح اذا السالفة بتجي عنده مو لازم نتغذى اليوم؟؟
خالد/فديتك انا يالغالية فديتك..
محمد/خلاص بعد يوم بنتك ياعمتي وقفت بصف اخوها مالنا غير نتحمل تعبه وامرنا لله؟؟؟
ام خالد/هههههه
مرام/انا اقترح نجيب بروستد من كنتاكي....
احمد/اقتراح فاشل ومرفوض؟
فاتن/مشاوي ومقبلات...
احمد/وافشل منه بعد!!!
هنادي/ليش احمد وش نفسك فيه تاكله؟؟
وقف احمد وكلهم ناظروا فيه..
احمد/يبى انتوا مو سعوديين اصليين!!!السعوديين ماياكلون الا كبسات ومندي على الغذاء؟؟؟انتوا خرطي اكلكم؟؟اللي يبي مقبلات واللي يبي مشاوي واللي مدري وشي يبي..بس تدرون اليوم انا بروح اجيب لكم غذاكم...علشان تعرفون الاكل السنع شلون؟
مها/وش بتجيب لنا؟
احمداخذ مفاتيح سيارته/بروح اجيب لكم من بيت المندي اللي بالخبر شي مو طبيعي بتموتون وانتوا تاكلون.؟
هنادي/أي بس مانبي نموت صدق يااحمد؟؟
احمد/هههه لاتطمني من ها الناحية شغل على كيف كيفك...يالله نطروني....
/////////////////////////////////////////////////////
رجع احمد وجاب معه المندي اللي عجبهم كلهم واشكروه عليه وبعدها دخلوا يرتاحون لهم شوي..والبنات راحوا يسبحون ماعدا مها اللي كانت تسوي لجدتها قهوة....
محمد/ياعبود بسك انت قوم لاتغرق...
عبود/عندي تيوب مااغرق!!!
محمد/من متى وانت تسبح يالله قوم؟
عبود/مو قايم..ورورح جيب لي عصير؟
محمد/انا اللي اروح اجيب لك عصير..؟
عبود/ومنو غيرك واقف هنا؟
محمد/طيب امري لله؟؟
دخل المطبخ بعد ماحمحم (يعني قال احم احم هههه)
محمد/في احد هنا؟
مها لفت شيلتها بسرعة وحطت الغطاء على وجهها..
مها/ادخل...
دخل محمد.....
محمد/شلونك مها؟
مها وهي ماسكة دلة القهوة /بخير....
محمد/بتقهويني؟
مها وهي تناظر بالدلة/لا...
محمد ابتسم لها/ليه عاد؟
مها/لانها لجدتي وخليتها تصير مو حلوة علشان لامرة ثانية تقولي اسوي لها؟
محمد/ههههههههه طيب وين العصير؟
مها/وش تبي تشرب؟
محمد/مو لي لعبود؟
مها/ماعليك منه قبل شوي شارب واحد خله يقوم بس لايقلب سمكة ؟؟؟
محمد/مها...
مها اخذت الفناجين وتقربت من محمد...وقالت له بهمس/انا بكون بمطبخ شاليهنا ومافي احد العيال مقيلين مع خالي وامي هنا عند جدتي وخالتك وامك والبنات يسبحون طيب؟؟؟؟؟(يعني انت افهمها)
طلعت من المطبخ بسرعة علشان تودي القهوة لجدتها وتروح لشاليههم.....
عند الجدة/تعالي صبيلي بعد حطيتيها ومشيتي؟
مها/جدتي كل البنات يسبحون بروح معهم؟
الجدة/كيف كلهم يسبحون؟؟؟هيفوا بشغلها للحين ماردت؟
مها/اوووف(هاذي اللي بتعطلني لو انه راح وماشافني ذبحها حلال؟؟؟)
الجدة/لاتقلبين خلقتك علي؟؟
ام عادل/روحي يمه مها ماعليك منها؟
الجدة/بتقوين باس البنت علي؟؟؟؟
ام عادل/روحي يمه روحي ان وقفتي زيادة رفعتي ضغطك منها!!!!
الجدة بعصبية/الشره مو بعليك على اللي عازمنك؟
ام خالد/يمه؟؟؟
ام عادل/ماعليك منها ياام خالد؟؟مااعرفها انا ام عبدالله!!سوالفها خابرتها.....روحي مها يابيتني ووسعي خاطرك
مها ضحكت وطلعت....لانها عارفة ماحد ياخذ حقهم من الجدة غير ام عادل....
دخلت المطبخ بسرعة ومالقت احد فيه جت بتطلع قفل محمد البا لانه كان وراه..
محمد بهدوء/تاْخرتي خفت انك ماتجين؟
مها طبعا كانت متلثمة/محمد.....
محمد وقف يناظرها وماتكلم........وهي بعد وقفت تناظره وماتكلمت....محمد كان وسيم للغاية...اسمراني و***وكته محليته وعيونه عسلية وشعره ناعم...كان اوسم واحد فيهم ......زشايل شماغه ومرفع اكمامه وفاتح زراير ثوبه اللي فوق .....
محمد/بنظل ساكتين علطول؟
مها/وش تبيني اقول؟
محمد تسند على الباب ووقف يناظرها/من زمان ماشفتك وماسمعت سوالفك؟
مها/انت اللي ماكنت تبي تسمع سوالفي؟
محمد/بس اشتقت لك شوق مو طبيعي؟؟؟
مها/شكثر؟؟
محمد/كثر اني كاتب لك قصايد قد الدنيا!!!
مها/صحيح.....وبتخليني اقراهم؟
محمد/يكفي انك تطالعين بعيوني علشان تقرينهم؟
لاشعوريا رفعت عيونها لعيونه وحست ان عيونها فيها شي مو طبيعي...شي يسحرك ويخليك تتقرب من ها الشخص مو بارادتك....صارت تتقرب منه ..لين مابقت غير خطوتين بينهم؟؟؟
وقفت مكانها وهو وقف بطوله...
محمد بهمس/مها...
مها بشوية خوف/نعم....
محمد/مافي غيرنا هنا...والباب مقفل...
مها بخوف/ويعني؟
محمد/فكي لثامك وشيلي شيلتك ابي اشوفك براحتي؟
مها /بس انت شفتني من قبل ماتذكر يوم تجي بيتنا؟؟
محمد/ذيك ماكانت مقصودة ابدا وبعدين كانت بسرعة وماشفتك عدل؟
مها/ماتغيرت عن اول شكلي من قبل لااحط الغطاء على وجهي هذا هو ماتغير..
تقرب منها محمد خطوة وصارت خطوة بس الفاصلة بينهم!!!
محمد/واذا انا اشتقت اشوفه من جديد بتقولين لي لا تشوفه؟؟
مها/المشكلة اني مااقدر اقولك لاتشوفه.....
محمد/تحبيني؟؟؟!!!
مها/عندك شك بها الشي؟
محمد/يالله فتحيه وخلني اشوفك من جديد واروي عيني من حلاتك....
مها/اذا تبي تشوفه انت افتح شيلتي؟؟؟
تقرب محمد وماصار يفصل بينهم ولاخطوة؟؟؟؟؟
///////////////////////////////////////////////////////////////////////محمد زوج هنادي كان يكلمها على التلفون/اجيب لك شي وانا جاي؟
هنادي/لا..
محمد/هنادي..
هنادي/قلت لك اذا ماعندك شي لاتكلمني لو سمحت؟
محمد/مايصير كذا اذا بتظلين حاقرتني جيتي مالها داعي؟
هنادي/,.........
محمد/تبيني اجي ولالا؟
هنادي/مو انا اللي عزمتك وراي مو مهم؟؟؟
محمد تنهد/انتي عارفة اني احبك؟
هنادي/اخر شي تتكلم عنه هو الحب يامحمد؟؟؟
محمد/بس ياهنادي انا ماسويت شي يغضب رب العالمين انا...
هنادي/شوف انا بسكر لان سارة تبي ثيابها...يالله باي؟؟؟
لاسارة موجودة ولاغير سارة موجود ولاهم يحزنون بس هي تبي تهرب من صوته ومن مشاعره ومن اعتذاره ومن كل شي فيه؟؟؟؟
كافي يامحمد كافي....بعت البيت وماصارحتني وبعدها لعبت علي بسالفة المشروع اثاري زواجك من جديد هو المشروع؟؟؟السؤال اللحين وين بتحطها اذا اخذتها معقولة بشقة ايجار؟؟؟وانت ماتصبر عن اهلك وشوفتهم دقيقة؟؟؟ولا بتردني بيت اهلي؟؟؟؟؟ماراح استغرب أي ردة فعل بتجي منك يامحمد بعد اليوم؟؟؟؟
////////////////////////////////////////////////////////////////نرد لعشاقنا اللي تركناهم بروحهم بمطبخ الشاليه وخلنا نكون معهم بدل ماهم بروحهم!!!!
الخطوة الفاصلة بين محمد ومها راحت وصاروا شبه لازقين في بعض...
مد محمد يده بااصابع مرتجفة ورفعها لشيلة مها اللي نزلت راسها بالارض وغمضت عيونها من الخوف...(كيف تجراْتي يامها وقلتيليه تعال للمطبخ ماراح يكون في احد هناك!!!ولا الادهى والامر تقوليله تعال شيل شيلتي بنفسك؟؟؟انتي شجاك يابنت..ماصدقتي انه يقولك احبك!!!!!!!)
محمد بهمس/وش فيك...رفعي راسك؟
مها لاحياة لمن تنادي انقلبت جماد في غضون ثواني.....
فك لثامهاوسحب الشيلة بشويش لين انفكت كلها وصارت بيده......
قربها منه وشمها وبعدها تنهد تنهيدة خلاها تجمد مكانها وهي تذكر انه شال عطرها من شنطتها ذاك اليوم وحط لها واحد جديد...رفعت راسها برسعة وكان الحدث توه صاير قبل دقايق...
محمد كان يشم الشيلة وهو مغمض عينه وماانتبه لها يوم ترفع راسها ويوم شافته كذا رجعت نزلت راسها من جديد والحرارة ارتفعت عندها!!!!
محمد رفع رساها بيده اللي كانت بعدها ترتجف...
محمد بهمس/مها....
رفع راسها بس مها كانت مغمضة عيونها...
تقرب من عيونها وباسها على عيونها فتحت عيونها بسرعة....
مها بخوف/محمد...
محمد كان يناظرها وهو بروحه حايس مو عارف شيسوي...
مها اسحبت شيلتها وهي في قمة الخوف وكانها توها صحت من الحلم اللي كانت عايشته....
ابتعدت عنه شوي ولبست شيلتها..
مها بخوف/خلاص انتهى وقت الزيارة افتح الباب؟؟
محمد/ليه...بعده باقي وقت على ماارد دوامي من جديد!!!!
مها/مافيني اتحمل صدقني.....
فتحت الباب وطلعت بسرعة.........
وظل هو واقف يناظر بالباب ويلوم نفسه(معقولة يامحمد تجراْت وسويت كل هذا!!!!!!!هذا وانت شوي وتذبح هيفاء لانها ماتغطي وجهها تقوم انت تشيل شيلة مها من على راسها بكيفك وبيدك؟؟؟شسوي ياقلبي شسوي وحشتني مووت ها البنية وماحد حاس بللي كنت عايشه طول ها السنتين من فراقها!!!مها..ياحبي وجنوني انتي..بتكونين من نصيبي مثل مااوعدتني جدتي ولا فراق خالد وهيفاء بينكتب على قلبي وقلبك للابد!!!!)
طلع من المطبخ وراح عند عبود يشوفه وهو يسبح مع مشاري.......
***********مها من طلعت من محمد راحت علطول الغرفة اللي اختاروها هي وهيفاء وفاتن وحطوا اغراضهم فيها وقفلت الباب وهي تتنفس بقوة....(ماكان لازم تطيعينه يابنت بللي يقوله!!!لو قال لك شيلي عبايتك بعد بتشيلينها!!!لا ياربي انا مو قاصدة شي بس والله احبه وفراقه كان معيشني بنار ماطفت الا يوم قال انه يحبني.....محمد ياعمري انت وياوجودي...يارب تكون من نصيبي واطفي ناري معك بالحلال وبدون أي خوف!!!!)
شالت عبايتها وراحت عند الفراش اللي فيه شنطتها ومسكت جوالها تتصل على هيفاء تقولها شصار بينهم///
سارة/خالي محمد...
لف لها محمد/هلا...
سارة/شفيك سرحام من زمان وانا اناديك ماسمعتنيظ
محمد/لا حبيبتي ماسمعتك صدقيني...بغيتي شي...
سارة/لابس جوال خالتي هند دق مرتين اوديه لها داخل بالمسبح؟
محمد/لا لاتودينه لها بالمسبح بعدين يطب بالماي ويخرب...
سارة/خليه معك انا بسبح معهم اجل...
عطته الجوال ومشت....وهو فيه مافي غير انه يدخله لاامه داخل وهي ترده لها لانه بعد شوي بيروح العمل...
وهو واقف جاه فضول ياخذ رقم مها بدون مايسالها عنه ويكلمها...رجع قعد من جديد وفتح جوال هند ودخل الاسماء وصار يدور لين لقى اسمها مها بنت عمتي...نقل الرقم على جهازه وخزنه....ودز لها مسج...(حبيبيتي اسف اذا كنت تماديت معك بس والله اني ماقدرت امسك شوقي اكثر من كذا...انا طالع الدوام انتبهي على نفسك لين ارد واذا بغيتي شي كلميني اجيب لك اياه وانا راد....حبيبيك محمد)
مها دق قلبها اول ماجاها المسج معقولة عنده رقمي من زمان ومافكر ولامرة يكلمني@@!!يسويها محمد مو هو من تطلقت هيفاء وهو شاب نار...مسكت الجوال ودقت عليه...
محمد بلهفة وكانه مو شايفها من سنين/هلا...
مها بنعومة لاتقاوم/عمري..انتبه لنفسك وانت تسوق...
محمد تنهد/من متى ماسمعت ها العمري؟؟؟؟
مها/انت ماكنت تبي تسمعها؟؟؟والا هي كانت تموت تبي تجيك...
محمد/هذا لاني ثور؟؟ولا احد يضيعها ؟؟
مها/المهم سوق على مهلك ها الدنيا اجازة والشوارع زحمة؟
محمد/خايفة علي؟
مها/خايفة على روحي اللي فيك...
محمد/بعدني مامشيت واقف عند السيارة تبي نشوف بعض؟
مها بدلع/حلاوة هي ماكفاك قبل شوي؟
محمد تنهد/والله ماكفاني!!!!
مها/............
محمد/وش تبين اجيب لك وانا جاي؟
مها/مدري...
محمد/مثل اول باسكن ولاغيرتي اللحين؟



مها/هههههه مو خاطري فيه...تدري جيب لي دونات من دان كن...
محمد/من عيوني..
مها/لا ابيه من دان كن؟
محمد/هههههه ان شاءالله....
مها/واذا وصلت العمل دق لي طمني طيب بظل انتظر اتصالك..
محمد وهو شبه مسحور/ان شاءالله؟
/////////////////////////////////////////////////////////////على الساعة ست الا ربع كانت هيفاء قاعدة بغرفة الانتظار ولابسة عبايتها وتلعب بالجوال.....
ودخلت لها ممرضة فلبينية/الممرضة/اوه ه هنا ماما هيفاء تعالي...
رفعت راسها وشافت الممرضة واقفة وهي تنتظر احد يدخل من تحت الستارة...
هيفاء/في شي ميلين؟
دخل عبود ...
هيفاء وهي مستغربة/عبود؟؟؟وش فيك يمه؟؟منو جابك؟
عبود راح لها علطول..
الفلبينية/من زمان هذا يدور انتي.....
هيفاء/عبودي من جابك؟فيهم شي؟
عبود/جيت مع بابا خالد...
هيفاء/ليه؟
عبود/علشان نردك هناك...يالله قومي بابا ينتظرنا...
هيفاء سكتت..(خالد وش ناوي يسوي ولا شقاعد يفكر فيه بالضبط؟؟؟؟هذا بيجنني لامحالة؟؟شمعنات انه يجيني لهنا بالله؟؟انا ماقلت له مرني؟؟؟)
هيفاء ماحبت تكبرها وهي بالمستشفى لاسيما ان في ناس شافت خالد والاكيد انه سال عنها قامت ومسكت يد عبود....
ميلين/باي...تعالي بعد مع ماما هنا زين جميلة؟؟
عبود سوى نفسه مستحي وتخبى ورى عباية امه...
طلعت من غرفة الانتظار ولقت خالد واقف بعيد شوي.....
مشت وهي ماسكة يد عبود ومشى خالد معهم وظلت ساكتة طول الوقت لين وصلوا لعند السيارة..
هيفاء بحدة/منو قال لك تعال لي بالله!!!
خالد/عبود...
هيفاء/لاوالله؟
خالد/بكيفك ساليه اذا مو مصدقتني؟؟عبود انت مو قلت تبي الماما؟؟؟
عبود/أي...
خالد/وبعدين شيقعدك وانتي دوامك انتهى؟
هيفاء/هذا مايعني انه لك حق تمرني بدون اذن؟؟؟
خالد/وش فيها هاذي بالله؟
هيفاء/كم سالت علشان توصل لي بالله؟؟؟بكرة بصير سالفة المستشفى ؟؟
خالد/حشى علشان ساْلت عنك بتصيرين سالفة المستشفى؟؟؟؟
هيفاء/هاذ ي غلطتك انت وانا بتحملها طبعا!!!
خالد/وش له ذا كله عاد انا ماسويت شي؟؟
هيفاء/بالنسبة لك بس بالنسبة لي ..الموضوع غير انا مطلقة ياخالد وكل حركة اسويها اتحاسب عليها من الناس قبل اهلي؟؟؟؟
سكت خالد وماعلق هو توقع ان جيته لها المستشفى بتضايقها بس مو لدرجة ذي!!!!!
خالد/اركبي يالله......
ركب وحط عبود جنبه وركبت هي ورى وهي متضايقة من تصرفاته وماهي دارية لوين يبي يوصل؟؟؟؟؟؟
عبود/بابا وين القيم بوي اللي بتشتريها لي؟
خالد بهدوء/طيب اللحين نشتريها....
عبود/واشرطة بعد واجد...
خالد/طيب.......
////////////////////////////////////////////////////////////////بجمعة البنات...
مرام/خلونا نلعب صياد وغزلان؟
فاتن/بل قديمة؟
هند/أي بس حلوة....ياللله منو بيكون الصياد؟
مها/انا ...
فريال/ابي العب معكم اخاف اني ماالعب مرة ثانية خلاص اذا تزوجت؟
هند/ومن قال لك تزوجي اللحين صبري الزواج ماهو طاير؟
فاتن/أي لين تنعس مثلي؟
مها/ههههههه وانتي خلاص جزمتي على نفسك عانس؟
فاتن/شسوي سوقي بايرة ماحد يبيني؟
مرام/هذا لان للحين كل الشباب اللي صادفتيهم عميان للحين ماشافك واحد يشوف؟
فاتن ومها/هههههههههههههههه
هند/تعالوا دودوا وهبوا علشان تصير الغنايم واجد عندنا؟
سارة/انا بعد بلعب معكم خالتي؟
هند/انتي قبلنا ياروحي..الا وين ولد خالتك؟
سارة/طلع مع ابوه خالد....
مرام/قبل لانبدي وش رايكم قسمنا ياخذونا الشبلاب وخالي واحنا نقعد بها القسم علشان احنا ناخذ راحتنا وهم ياخذون راحتهم؟
مها/فكرة ممتازة دقي على حمادة وقوليله؟
مرام/من زمان عطاك عمره؟؟
فاتن/مات!!!منو اللي مات؟؟؟
مرام ومها/هههه لاهذي مقولة نستخدمها عن احمد اخوي اذا هج من البيت وماشفناه؟
فاتن/على بالي توفى؟؟
هند/ههههههه
///////////////////////////////////////////////////////////////////بعد صلاة المغرب كانوا متجمعين كلهم على البحر مع خالهم بو محمد والجدة طبعا وباقي الحريم....
ام خالد/محمد اتصل وقال لاتجهزون شي لليعشاء هو بيجي وبيجيب معه لكم عشى...
ام عادل/هنادي ابو سارة ماهو جاي؟
هنادي/لا ياخالتي عنده شغل؟
ابو محمد/أي بس انا قايل له الصباح وقال انه بيجي؟
هنادي بدون اهتمام/مدري عنه يمكن لاخلص شغله يجي.....
هند/خالتي صدق منتي قاعدة معنا بكرة الضهر بتروحين؟
ام عادل/أي يابنيتي؟
مها/ليه ياخالتي؟
فاتن/عمي وعياله ليلة بكرة بيجون عندنا....
بها اللحظة وصلت سيارة خالد ونزلت هيفاء وبعدها خالد وعبود.....
خالد/السلام عليكم...
وعليكم السلام والرحمة...
هيفاء/مرحبا شباب...كيفكم...وحشتوني كلكم؟
مشاري/جدتي لاتردين التحية بس للشباب؟
هههههههههههههههه
هيفاء قعدت جنب ابوها...
وخالد راح بعيد عنهم علشان ياخذون راحتهم....
الجدة/تعال تقهوى معي ياخالد...
خالد بيدخل داخل الشاليه/بدخل ابدل ثوبي يمه بعدين اجيك؟

عبود/شريت لي قيم بوي احلى من حقتك؟
جود/بشوفها..انت ماتعرف لهاذي مطورة خليني العب فيها وخذ انت حقتي؟
عبود/لالالالا
سارة/هاذي مثلي بس انا ماجبتها بعدين تخترب...روح خشها عند امك...
جود/ابي العب فيها؟
عبود/لا
جود/انا اخليك تلعب في حقي؟
عبود/لا مايصيرظ
جود سحبت القيم بوي من عبود بالغصب وعبود ماتحمل لعبته وجديدة قام وعضها!!!!وهي زلزلت الدنيا من البكي
هيفاء بعصبية/عبود ووجعتين كم مرة قايلة لك لاتعض؟؟؟ماتسمع الحكي مو؟
عبود/هي حقي....
هيفاء/ليه تعض عمتك مو عيب؟؟؟
مها/تستاهل هي دفشة ليش تاخذ شي مو لها بالغصب؟؟؟؟
جود/ياعباديوه ياالكسلان انا مااحبك؟؟
عبود/روحي انا مااحبك...
وقامواودخلوا داخل يتهاوشون من جديد وها المرة بالشعر!!!
وقامت له هيفاء بتفكه ومشاري يصور الحدث اول باول والباقي نصهم يسولفون ومومهتمين لان الحدث عادي ومكرر بالنسبة لعبود؟؟؟
هيفاء/عبود انا زعلانة منك زين...وجيب القيم بوي لاانت بتلعب فيها ولاهي بتلعب فيها؟؟
عبود بصراخ/لالالا مو حقتك ياكسلانة...
هيفاء/قوم اضربني بعد قوم؟؟؟
عبدالله رفع يده وضرب امه وهي ساكتة عنه وجته صرخة خالد هجدته مكانه...
خالد بعصبية/ووجعة ان شاءالله؟؟تمد يدك على امك تضربها؟؟؟؟
عبود وقف مكانه.........
خالد/ليش تضرب امك....
عبود بصوت واطي/هي قالت تعالي اضربني وانا طعتها؟؟؟
جود/وضربني انا بعد؟؟
خالد/جيبها ..انا غلطان يوم اشتريها لك اصلا!!!!
عبود بدت الحالة الهستيرية عنده/لالالالا حقتي مافي تاخذها؟
كانت هيفاء قاعدة على الارض جنب عبود وجود يوم شافت خالد قامت عنده ...
خالد تقرب من عبود وامه ونزل لمستواهم....
خالدبصرامة/قول للماما اسف بالاول؟
هيفاء تضايقت من قربه منها....وكانت بتقوم بس يد خالد مسكتها....
خالد يكلم عبود/يالله قول للماما اسف....
عبود/اسف ماما...مابعيدها مرة ثانية؟
هيفاء/ولاتضرب جود مرة ثانية؟
عبود/طيب....خلاص اخذها واقوم؟
خالد/خذها...........
عبود اخذها وقام ومشاري لهنا وقطع التصوير وطلع وجود لحقت عبود...
هيفاء ناظرت بخالد...
خالد/شنو؟في شي؟
هيفاء/سلامتك بس فك يدي؟؟
انتبه خالد انه بعده ماسك يدها وماحاول يشيل يده منها ظل ماسكها..
هيفاء/خالد....
خالد/نعم...
هيفاء/فك يدي بقوم اسبح واصلي؟
خالد/طيب........
ظل يناظرها شوي وهي ماتدري وش اللي خلاها تستحي من نظراته وتنزل راسها للارض وبعد ثواني قام عنها وفك يدها وطلع وهي راحت غرفتها......
//////////////////////////////////////////////////////////////على الساعة تسع ونص وصل محمد وجاب معه لهم مشاوي مشكلة ومقبلات وقاموا يتعشون ماعدا عبود اللي دخل الماي من جديد هو وقيم بويته!!!!!!!
هيفاء اول وحدة قامت من العشى وراحت تشيل ولدها من الماي...
بعدها جابت له صحن تعشيه..
هيفاء/يالله ماما عبود شوف الطائرة بتدخل فمك؟
عبود/لا ماابي ابي اتسبح؟؟
هيفاء/ياماما مايصير انت من الصبح وانت بالماي مااكلت شي اول كل لك شي بعدها بخليك تتسبح؟
عبود/لا..
هيفاء تكلم مشاري/مشاري اول ياكلون لو اول يتسبحون؟
مشاري بلعانة/اول يسبحون؟؟؟؟؟؟؟
هيفاء/مشاري بلا لعانة!!!!اسمع حبيبي اللي ماياكل مايسبح؟
عبود/اسالي لاليوه...
هيفاء/مشاري اللي ماياكل تخلونه يسبح معكم؟
مشاري/أي تعال عبود اسبح ماعليك منها؟
خالد/انت وبعدين مع نذالتك؟؟؟خله ياكل شي؟؟
طبعا ابو محمد وخالد ومحمد ومشاري والجدة كانوا يتعشون على البحر وهيفاء كانت معطيتهم ضهرها وهي واقفة قبال البحر تاْكل ولدها ومحمد متضايق من وجودها....
مشاري/شسوي نذل من يوم يومي على جدتي!!!!
الجدة صبت كاس اللبن فوق راس مشاري علشان يتادب؟؟؟
الجدة/انا نذلة يللي ماتستحي على وجهك؟
مشاري بعصبية/شسويتي انتي!!الله ياخذك وقام نط في البحر من جديد وعبود بيقلده بس يد هيفاء مسكته...
هيفاء/لا ياعمري مافي تسبوح غير لمى تاكل؟
محمد/جيبي عندي وروحي انتي كملي عشاك؟
اخذه بالقوة بحضنه يبي بس هيفاء تدخل....
هيفاء/ماعليك منه اذا قال يبي يسبح لاتسبحه؟؟
محمد/طيب(يعني دخلي)
*************************مرت الليلة سريعة وبعد الساعة احدعشر ونص ناموا كلهم ماعدا محمد ومها وخالد وهيفا وعبود.....
خلونا نروح اول لمحمد ومها....
كانت قاعدة عند البحر وفاكة صندلها ورفعت عبايتها للنص وكانت لابسة برمودا جينز ونزلت رجلينها في البحر وحست ببرودة الماي اول مانزلت رجلينها وقامت تلعب بالماي.....
محمد من وراها وهو نازل لمستواها بدون مايقعد/تعرفين لو احد غيري شاف بياض سيقانك دفنتك بها البحر اللي تلعبين فيه؟؟؟
جمدت يدها على عبايتها..
مها/محمد
محمد/ياعيونه...
تنهدت......وبعدها قالت/مر وقت طويل من تكلمنا مع بعض بشي حلو وبروقان وانا حاسة اني اليوم احلم...
قعد وراها علطول...../احلمي وش فيها اذا حلمتي...خليك حلامانة علطول اذا كان الحلم عاجبك؟
لفت له مها بعد ماتلثمت/مو بس عاجبني الا ماودي اصحى منه يامحمد؟
محمد/لاتصحين منه ...
مها/لمتى يامحمد؟
محمد سكت وهو مو عارف شيقول لها ولا بشنو يرد عليها..غير الموضوع..
محمد/اكلتي الدونات؟
مها/أي..شكرا..



محمد/بالعافية...
مها/الله يعافيك.....مابتنام؟
محمد/الليلة النوم مجافيني يامها؟
مها/أي بس انت وراك دوام لاتنسى ها الشي؟
خالد باخر الليل طلع يتمشى على البحر وكان الجو حلو والكل نايم حتى مها ومحمد ماطولوا قاموا لان محمد خواف ان يقعد اخد ويشوفه قاعد معها..كان الكل تعبان من المشوار ورايح بسابع نومة....بس سمع صوت قرب البحر ولان الاضاءة ماكانت قوية ماعرف منو اللي قاعد لين تقرب صوب الصوت ولفت عيونه ولقى هيفاء قاعدة وهي حاطة عبود بحضنها تبي تنيمه..
خطت رجله لاشعوريا ناحيتها....كانت فاتحة شيلتها ومبين شعرها اللي كان طولان واجد بالنسبة لخالد اللي ماشافه من ثلاث سنين !!!تقرب اكثر منهم لان صوتهم ماكان مسموع ....
هيفاء/حبيبي يالله نام..انا بعد نعسانة وابي انام!!!
عبود فيه النوم بس ماخذته السوالف/ماما اذا نمنا وقعدنا بنرجع نسبح؟
هيفاء/أي حبيبي...
عبود/طيب سارة بتظل قاعدة معنا ماراح تروح بيتهم؟
هيفاء/ماراح تروح بتظل قاعدة معنا لاتخاف؟؟
عبود/ماما....ليه سارة تنام مع امها وابوها بنفس البيت وانا لا؟؟
هيفاء/عبود؟؟؟منو قايل لك ها الكلام؟؟انت ماتعرف لها السوالف؟؟؟
عبود/ليه انتي ماتنامين مع ابوي خالد ببيت واحد وانا معكم؟
هيفاء بعصبية خفيفة/قولي منو اللي قايل لك ها الكلام ولاتراني بزعل منك؟
عبود/انتي اول قوليلي؟؟
هيفاء/ماراح تقولي منو اللي قايل لك تقولي ها الحكي ..زين ؟؟
عبود/......
هيفاء/اذا كبرت بتعرف كل شي بس بكرة من تقعد تقولي منو اللي قال لك ها الحكي زين؟
عبود/غنيلي علشان انام...
هيفاء/..........يابعدهم كلهم...ياسراجي بينهم....عطني من دنياك حبك واترك الباقي لهم....عطني من دنياك حبك واترك الباقي لهم.......ياخذون اللي يبونه... كل ها العالم وكونه....الا قلبك يتركونه..لاتمسه ايدهم...تختفي الشمس وضياها...وترحل القمرة وسناها...وينتهي العالم وراها...انت تغني عنهم.....يابعدهم كلهم ...ياسراجي بينهم.....عطني من دنياك حبك واترك الباقي لهم......عطني من دنياك حبك واترك اتلباقي لهم/////خالد ظل جامد مكانه...هاذي مشاعره ناحيتها كل مالها وتبان اكثر واكثر...هو متمني انه يكون هو اللي بحضنها وتغنيله وتمسح على شعره بعد!!!!بس كيف بترضى ترد له من جديد وهو اللي فرط فيها بلحظة من اللحظات اللي كانت قاعدة بحضنه فيها!!!!!
تنهد بقوة وتمنى يروح يحضنها....مايبي يسوي شي غير انه يحضنها ويمشي...بس تراجع بعد لحظة وحدة ودخل من المكان اللي طلع منه؟
///////////////////////////////////////////////////////////////اليوم الثاني كان اقل نشاط لان معظم الموجودين ماقاموا من نومتهم حتى الجدة اللي لاشغلة ولامشغلة ظلت نايمة!!!
محمد بس وخالد وهيفاء هم اللي قاموا....
كانت هيفاء قاعدة تسولف مع محمد عن الدوام وش يصير فيه...وخالد توه بيطلع بس كلمة محمد خلته يوقف يسمع كلامهم بدون مايطلع لهم..
محمد/شخبار الدكتور عمراللي خطبك؟
هيفاء/وش فيه؟
محمد/يعني ماحاول يسالك عن الاسباب؟
هيفاء/انت مو نقلت له ردي؟؟؟خلاص وش بيقول بعد؟
محمد/مدري قلت يمكن يشوفك بالمستشفى ويفتح معك الموضوع من جديد؟؟
هيفاء/لاتخاف انا لااشوفه ولاهو يشوفني؟؟هو بقسم العظام وانا بالاسعاف يعني مانتجمع كثير مع بعض الا في حالات الحوادث...
محمد/يعني ماقال لك شي؟
هيفاء/اقولك لا...
محمد/غريبة...انه كان ماخذ ردك بذيك الاهمية وقال انا بنتظرها لوغيرت رايها؟؟؟
هيفاء/محمد شفيك انت شاك فيني اني قاعدة اكلمه؟
محمد سكت ومارد عليها الشي اللي ضايق هيفاء يعني محمد كلمها بس صورة ولاهو لسه مو عاجبه الوضع!!!!
خالد وحده جمد مكانه وماتحرك..(هيفاء خاطبها دكتور ويشتغل معها بنفس المستشفى!!!!زين ياهيفاء زين؟؟علشان كذا ماعجبها اني امرها امي لايشوفها راكبة معي ويزعل عليها حبيبي القلب؟؟؟؟9
طلع وهو معصب ولفوا عليه محمد وهيفاء اللي كانوا يفطرون..
محمد/حياك الفطور جاهز...فطور عزابية بس يمشي الحال؟
خالد وهو مستعجل/لالا..مستعجل عندي اجتماع ومااقدر اتاخر عليه؟؟يالله سلام...
ركب سيارته ومشى بسرعة وسط دهشة محمد وحتى هيفاء استغربت عصبيته من الصبح!!بس اسكتت وماعلقت؟؟
////////////////////////////////////////////////////////////////////////على الساعة سبع ونص المغرب في كورنيش الخبر.....
عادل/اللحين انت شفيك
خالد/مافيني شي بس جو الشاليه ضيق خلقي وقلت اجي اشوفك؟
عادل/كان عزمتني معكم بالشاليه اغير جو معكم؟؟؟
خالد/حياك ماعليك عزومة ياعادل...
عادل بجدية/خالد بغيت اكلمك بسالفة ومنحرج منها؟؟
خالد/خير ان شاءالله؟؟
عادل/انا طالب القرب منك!!!!
خالد فتح عيونه وتنهد وهو يتذكر شكل مها ومحمد البارح على البحر وجا في باله كلام احمد ذيك الليلة عنهم..../عادل لاتحرجني؟
عادل/انا عارف ان ابوك يبيها لو لد عمك سعود بس انت تقول انها ماتبيه ورافضته....
خالد توهق لانه ماجاب سيرة محمد ومها لعادل وحس نفسه متورط....
خالد/القضية مو كذا ياعادل....يعني اذا قالت لا...انا ماابي علاقتنا يصير فيها شي؟
عادل/لاتخاف ياخالد علاقتنا بتظل مثل ماهي ماراح تتغير!!!وبعدين انا امي كبيرة وخبرك ماعندي خوات وماودي زوجات اخواني هم اللي يخطبون لي...قلت ماعندي اغلى منك ياخالد....
خالد/والله مني منحرج منك قبل لااكلمها؟
عادل/ولايهمك اذا مارضت تدور لي هي على مرة سنعة اخطبها انا ماعندي احد يدور لي وبيني وبينك انا محتاج اتزوج واستقر؟؟
خالد/ان شاءالله....
//////////////////////////////////////////////////////////////في الساليه بعد الساعة ثمان...
مها/خاطر ببيزاهت..
هيفاء همست لها/والمعنى؟
مها ضحكت لها...
هيفاء/أي والمعنى...
مها/كلميه يجيب معه وهو راد من الدوام؟ماابي المشاوي اللي بيسونها هنا؟
هيفاء/ها..مهاوي شكلك داخلة على طمع!!ليلة دونات وليلة بيتزاهت وبكرة مدري شنو؟
مها ضحكت بصوت عالي ولفت لهم الجدة...
الجدة/خير ان شاءالله انتي وياها شتسون؟
هيفاء/سلامتك بس نسولف؟
الجدة/وهاذي اللي صوتها واصل البر؟
مها/انا صوتي واصل البر ياجدتي؟؟؟
الجدة/انا ادري عنك كاْنك عنزة ترعى؟؟؟
مها شهقت وسكتت من الصدمة وهيفاء ماقدرت تمسك نفسها ماتت ضحك.....
مها بصدمة/انا عنزة ياجدتي؟؟؟
الجدة/وش فيها العنزة بالله!!!ماهي عاجبتك؟؟فيها لحم ولبن وخير من الله؟؟؟
مها/ياويل حالي؟؟هاذي جدة بالله عليكم؟؟؟
الجدة/وش فيني انا مو عاجبتك؟
مها/خسارة راحت ام عادل,,,
الجدة/افتكينا منها مصيبة صابتها هي وبناتها؟؟؟قاعدة ماكلة شاربة ببلاش؟؟؟
هيفاء/جدتي؟؟وانتي شعليك منها بالله هاذي ضيفتنا واحنا ملزومين فيها؟
الجدة/مو كله من خير ولدي؟؟
هيفاء/لاحول...الظاهر ماراح تعدي الليلة.
مها/ترى انا داقة على احمد يودينا التميمي ناخذ لنا تسالي لسهرة الليلة وكاهو جاي بالطريق قومي نلبس بس..
هيفاء/سبقيني بروح اشوف عبود والبسه؟
الجدة/أي ودي عبود معك علشان مايخلي شي مايشتريه؟؟؟
هيفاء/الحمد الله من عندي مو من عند احد؟؟؟

وصل احمد وماكان احد قاعد برة دخل المطبخ حقهم وماكان في احد راح مطبخ بيت خاله وكانوا هناك مرام وهند يسولفون وهند يوم شافته غطت وجهها...
احمد/جاهزين وجاهزين من كذب والله؟؟؟وينكم؟
مرام/ماقالت لنا مها انك جاي...دقايق بس بجيب شنطتي وباخذ فلوس من امي وجايتك؟
احمد/بسرعة ونادي عليهم بطريقك.؟؟
مرام قامت/طيران ولايهمك...
قامت هند بتطلع ورى مرام لانها صارت تخاف تقعد بمكان مافيه غير احمد..بس هو حس عليها ومسك يدها بسرعة..
هند بخوف/اترك يدي قبل لااصرخ اللحين؟
احمد كان ماسكها بيد وباليد الثانية فتح وجهها
هند شهقت.../انت مجنون؟؟؟
احمد/واذا كنت مجنون شفيها بالله؟؟؟
هند قامت من الخوف وهو بعده ماسك يدها وقامت تبكي,,,,
احمد خاف وتركها وطلع بسرعة......
////////////////////////////////////////////////////////////////حاولت انها ماتجي معهم بعد حركة احمد السخيفة واللي مالها أي داعي بس ماقدرت تبرر لهم خصوصا انها هي اللي لجتهم تبي تروح التميمي؟؟؟
وفي التميمي....
هيفاء/عبود تبي من هذا؟
عبود/أي...
مها/لاتطيعينه بكل شي ترى مايصلحون ها الحلويات؟؟؟
هيفاء/شسوي فيه...اصلا صرت اخذ كل شي دبل خبرك جدتي ماتتركه بحاله....
مرام/اذا على جدتي فشكلها انتهت صلاحيتها من زمان؟؟؟
سارة/خالتي اقدر اخذ لي من هذا؟
هيفاء/حبيبتي اخذي اللي نفسك فيه....
مها/احمد شفيك؟؟
احمد كان هادى وساكت طول الوقت/مافيني شي...
مرام/يعني مالك بالعادة تسكت كذا؟؟؟
احمد/روحي بس اخلصي علي خالي قال لي لااتاخر واروح اشوي معه؟
مها/وانت علشان كذا متضايق؟؟؟ولا علشان امي قالت لك تجي تنام هنا الليلة بالشاليه؟
احمد/لا هذا ولاهذا؟؟؟مافيني شي...
هيفاء/انا بروح جهة الحلويات.....
لفوا البنات وراها وكانت مها وبيدها سارة معها بنفس الخط ومرام وهند اللي بعد كانت ساكنة وراهم علطول....
احمد صار ورى هند مباشرة وهمس لها /انا اسف صدقيني مو قصدي....

 
 

 

عرض البوم صور بياض الصبح   رد مع اقتباس
قديم 16-08-10, 11:10 PM   المشاركة رقم: 20
المعلومات
الكاتب:
اللقب:
ملكة جمال ليلاس وملكة سحر الخواطر



البيانات
التسجيل: Aug 2010
العضوية: 183892
المشاركات: 11,135
الجنس أنثى
معدل التقييم: بياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالق
نقاط التقييم: 2930

االدولة
البلدKuwait
 
مدونتي

 

الإتصالات
الحالة:
بياض الصبح غير متواجد حالياً
وسائل الإتصال:

كاتب الموضوع : بياض الصبح المنتدى : القصص المكتمله
افتراضي

 

البارت العشرين,,,

احمد صار ورى هند مباشرة وهمس لها /انا اسف صدقيني مو قصدي....
وابتعد عنها ومشى شوي بعدي عنهم وظلت تمشي وهي مو عارفة لوين تروح!!!!احمد بيجننها؟؟والمشكلة انها مو عارفة شيبي منها ولاهي قادرة تصارح احد؟؟؟
مرام بصراخ/وش فيك عمية ماتشوفين؟؟؟؟
لفوا كلهم وحتى احمد لهند اللي ضربت بالكورنر اللي كان فيه جالكسي وتعورت خواصرها وطاحوا كم واحد على الارض...
احمد قرب بسرعة وهو عارف انه هو السبب...
احمد بهلع وخوف/تعورتي؟؟
هند من فشلتها بكت....
هيفاء/هندوا تعورتي من جد؟؟؟
هند/..لا..مو واجد
مها/ياذا الدلع!!!!وليه تبكين ان شاءالله؟
هند/بكلم محمد يجيني انتوا خذوا راحتكم؟
هيفاء/ماتقدرين تنتظرين شوي...قربنا نخلص ....
مرام/اذا حاسة نفسك تعبانة روحي قعدي بالسيارة انتظرينا ولايهمك كل اللي خاطرك فيه بجيبه....
هند/السيارة؟؟؟لالا بظل واقفة..
هيفاء/سمعي الكلام وروحي قعدي بالسيارة محنا مطولين....احمد روح افتح لها السيارة وخلها تركب.....
احمد/طيب..
هند/لالالا...خلاص ماله داعي..
مها همست لها/بلا دثارة علينا؟؟؟بياكلك اخوي ؟؟؟بيفتح لك السيارةولاتخافين من احمد بعد؟؟؟ترى مايخوف اليف جدا؟؟؟
هند/لامو كذا...
مها/احمد..بعدك واقف خذها ودها السيارة خواصرها يعوروها ماتقدر تمشي...علينا بس نحاسب ونجيكم..,,,,
//////////////////////////////////////////////////////////////خالد/قوم رد معي الشاليه ماني طايق اشوف احد هناك؟
عادل/روح...وشوف شالسالفة وواجه الشي بنفسك ياخالد؟
خالد/شااواجه؟؟؟اخوها يقول في دكتور خاطبها وهي معه بنفس المستشفى وكل يوم تشوفه ويشوفها!!!!مايبيلها فهامة ياعادل؟
عادل/لو هي تبيه كان اخذته وماهمها احد؟
خالد/يمكن انها قالت ماتبيه تمويه بس ...
عادل/ولو كان تمويه على قولتك معقولة مرة ثانية بيتقدم لها وبتوافق عليه كذا السالفة فوضى؟؟؟ماراح يشكون اهلها بشي؟؟؟
خالد/مدري ياعادل مدري؟؟كل اللي اعرفه اني باخذ ولدي عندي وساعة اللي حضرتها بتتزوجه برميه عليها من جديد؟؟؟
عادل/خالد لاتتهور وانا اخوك؟؟يمكن انت السالفة كلها ماعرفتها زين؟؟؟
خالد/مو مهم .....ماعاشت اللي بيتهين خالد العواد وتذله!!!!!!
//////////////////////////////////////////////////////////////هي ماكانت تبي تجي من الاساس معهم بعد موقف احمد بس حكم القوي على الضعيف مثل مايقولون؟؟؟لكن وين يااحمد....ماراح اسمح لك تتجاوز حدودك معي.....
اول ماقربوا من السيارة طلعت جوالها..
احمد/لمنو بتدقين؟
هند بخوف/على محمد بخليه يجي ياخذني يمكن انهم يتاخرون؟
احمد/بس ياهند..
هند/معليه....اعرفهم ينسون نفسهم لاادخلوا مكان...روح معهم بكلم محمد يجيني ....
احمد/ماني متحرك من مكاني ودخلي السيارة؟
هند باصرار/ماني داخلة وبكلم محمد؟؟؟
مها من وراهم/وليه تكلمين محمد بعد!!!
دقت قلوبهم ثنينهم بقوة وخصوصا احمد....
مها/توقعتك ماتركبين؟؟؟؟ياساتر عليك....اخوي ولد عمتك رابي معك بنفس البيت وبنفس الحضن تخافين تقعدين معه بالسيارة بروحك!!!!!
هند/.........
احمد/مفكرتني وحش؟؟؟
مها/انا توقعتك ماتركبين علشان كذا تركتهم وجيت اقعد معك......تفضلي دخلي ياانسة هند....
ركبت معها السيارة واحمد تضايق من وجود مها اللي تخرب عليه حياته!!!!
مها/في شي ياْلمك؟
هند/لا
احمد/تبين تروحين المستشفى؟
هند/لا....
احمد لف عليهم ورى لان مها احترمت ان هند بروحها وقعدت معها ورى...
احمد/انا ابي افهم شكلي يخوف؟؟؟؟
مها/ليش تسال...
احمد/جاوببيني؟؟
مها/اول اعرف..
احمد/طيب شكلي يخرع؟؟؟؟
مها/هو بصراحة نوعا ما..اي...
احمد لف لجهته مرة ثانية وسكت..
مها/حمادة....ليش كنت تسال؟
احمد رجع لف لهم من جديد واشر على هند/علشان كذا هند تخاف مني؟؟؟؟لاني اخرع وشكلي متوحش؟؟؟؟؟
////////////////////////////////////////////////////////////////محمد/عمتي وين البنات مافي احد؟
الجدة/أي بنات بالضبط؟
محمد/هو في احد غير هبة وجود وسارة؟؟؟
ام خالد/راحوا التميمي ياخذون لهم شوية اغراض....واللحين بيردون....
الجدة/ان شاءالله يذكرون ان في ناس موجودة هنا عاد مو بطني بطني ومايهمهم احد؟؟؟؟
محمد بصوت واطي/لاحول...
ام خالد بنفس الصوت الواطي/انت ماتعودت للحين؟؟؟خلاص طنش.....
الجدة/شتتسارون فيه انتي معه؟؟؟علموني بالله؟
ام خالد/كان يسال عن هنادي وقلت له انها مع ابوها بره تسوي العشى....
الجدة بنرفزة/ان شاءالله عشاهم من هنا هم بيطبخونه؟؟؟ويع ماابي انا بدق على خالد يجيب لي من المطعم؟؟؟؟
ناظروا محمد وام خالد في بعض واسكتوا.....

/////////////////////////////////////////
ابو محمد/هنادي يبى...انتي ومحمد فيكم شي؟
هنادي بدون ماترفع عيونها من النار اللي كانت تطبخ عليها/لا ليش تسال يبى؟
ابو محمد/مدري بس مااحسه جاي وهو مبسوط حتى النومة ماينام هنا معكم انتي وبنته؟
هنادي/يبى بالدرجة الاولى انتوا جايين تغيرون جو ووجود محمد شوي بيعوق وبعدين بكرة بنرد البيت مالها داعي الروحات والجيات......
ابو محمد/محمد رجال نشمي وانا متطمن عليك عنده....
هنادي في بالها(كان يبى كان؟؟؟ماعاد محمد هو نفسه محمد الاولي؟؟؟؟)
//////////////////////////////////////////////////////////////////////رجعوا البنات من التميمي وخالد رجع وكان مطنش هيفاء على الاخر ومسوي روحه الابو المثالي مع عبود ياكله بيده ويشربه ويلعبه واخر شي قام وسبحه معه والكل لاحظ ها الشي..صحيح بعضهم استغرب بس في النهاية كلهم تمنوا ان الله يدومه على ها الحال ومايغيره.....
بعد ماتعشوا ورتبوا المكان قعدوا كلهم شباب وبنات وامهات عند البحر يسولفون مع بعض سوالف جماعية...
هنادي/جدتي سولفي لنا عن اول؟
الجدة/وليش تبين تعرفين عن اول؟
مرام/لان احنا ماعشنا بزمن اول وانتوا كله تقولون ياريت زمن اول ماتحول؟؟؟ليش شنو كان فيه زمن اول؟؟؟
الكل ناظر بالجدة ينتظرون جوابها وتفاجاؤا من ردة فعلها.....
عصبت عليهم وقالت/من زينه زمن اول عاد!!!!!لا في دانيت؟؟؟ولافي ايسكريمات مثل اللحين ولاكبسات ولا ها الشاليهات؟؟؟قالوا اول قالوا؟؟؟
مشاري/هههههه يعني جدتي انتي ماتحنين لااول وايامه؟؟؟
الجدة/حنوا عليك لين تموت قول امين؟؟؟
ام محمد بعصبية/خالتي؟؟؟بطلي دعواتك عاد عن عيالي؟؟؟ترى والله اذا صار فيهم شي بزعل منك؟؟
الجدة/وش دعوة هامتني انتي ؟؟؟؟زعلي انتي الخسرانة؟؟؟؟
هيفاء/يمه خلاص انهي النقاش بسرعة عارفين النتيجة بتطلع لصالح ام عبدالله؟
ام محمد بتنهيدة/وانا اقدر اتكلم؟؟؟بسكت طبعا؟؟؟؟
الجدة كمل كلامها /واذا زعلتي وين بتروحين يعني؟؟؟بيت اختك ام عادل وانا بزوج ولدي من جديد وبفرح فيه وفي عياله؟؟؟
ابو محمد/لاحول الله...
الباقيين كلهم/هههههههههه
مها/جدتي انتي من صدقك بتعرسين خالي؟؟؟
الجدة/وليش ياعيوني ناقصه رجل ولايد؟؟؟
احمد/انتي بتعرسين خالي عرسي ها الشيبة من بابا اولى؟؟؟وضرب يده على كتف محمد اللي جنبه ومحمد استحى لاسيما ان في عيون كانت تناظره وتضحك.......(طبعا مها بس اللي همته مو الباقيين)
الجدة/ومن قال لك اني مابعرس محمد بعرسه؟؟؟هو قايل لي منو يبي ؟؟؟
محمد خاف منها تتكلم اللحين وتفضحه/جدتي وشها الخيانة؟؟بعدين بعدين بيني وبينك؟
هنادي/ها حمود؟؟؟اشوف اسرارك بس عند جدتي؟؟
مرام/مالك حق تعطي اسرارك لجدتي وهي عجوز اقلها تعطيني اياهم انا بعدني شباب؟؟؟؟
ماشافت مرام الا بعصا الجدة على ضهرها وتعورت من جد
مرام/أي..
الجدة بعصبية/مني العجوز ان شالله؟
هند/ماتقصدك ياجدتي تقصد اليسا اللي ماتحبينها؟
خالد كان مقعد بحضنه عبود وياكله دانيت وعبود كان دبدوب شوي/جدتي تعرف اليسا؟؟؟معقولة؟
مشاري/اوه ه خبرك قديك هاذي حتى اوبرا وينفري تعرفها؟؟؟
الجدة/وليش مااعرفها انا مو عايشة بها الزمن....وينك مهاوي انتي مو قايلة لي بتعلميني على الانترنتي؟؟؟متى ان شاءالله لاكبرت؟؟
مها بضحكة/من صغارتك يعني؟؟؟؟
وضحكوا كلهم عليها.....
الجدة/نعم نعم؟؟
مها/اقول متى تبين يالغالية؟
الجدة/اللحين...انت يالثور قوم جيب شنطتي من داخل؟
مشاري/انا مو ثور؟
الجدة/اجل اللي جنبك؟
احمد يكلم محمد/اختار ياانا ياانت لان خالد بعيد عنا؟
هههههههههههههههه
الجدة/وجعتين قوم يالله ولايكثر...
ام محمد اشرت لاام خالد تقوم معها داخل يسولفون لان الجدة ماهي بعاقلة...
دخلوا داخل وابو محمد راح ينام وهنادي بعد خلت ترتاح شوي لانها تعبت اليوم من الطبخ واحمد راح يجيب شنطة الوالدة العزيزة؟؟؟
احمد طلعها وهو يمشيها/جدتي الله يهداك وش حاطة فيها ثقيلة الله راحم بحالنا فيها دراريج؟؟؟
الجدة/طول وعرض وزنودك يمشي عليها التيس وتقول ثقيلة شخليت لي انا الرقيقيقة؟
هيفاء انفجرت من الضحك وخالد قام يطالع فيها/جدتي اسمها رقيقة مو رقيقية؟؟
الجدة/كله واحد ثنتينهم بنات عم؟؟؟
حط احمد الشنطة جنبها وطلعت مفاتيحها علشان تفتحها..
محمد/وقف بعد؟؟؟الله يستر منك وش حاطة فيها اكيد بلاوي؟؟؟
فتحتها ودخلت راسها داخل وبعد شوي طلعت منها شي وكلهم يطالعون...
مشاري اول من ضحك وبعده كلهم ضحكوا.....
الجدة/وعمى بعيونكم كلكم؟
مها/جدتي ليش جايبة معك فيش التلفون؟؟
الجدة/علشان نشبك؟؟؟
هيفاء/اها......
وبعد شوي بعد غاصت في الشنطة وها المرة محمد اللي عدل قعدته....
محمد/جدتي؟؟؟؟هاذي شاشتي كيف شلتيها؟؟؟؟
طلعت شاشة كمبيوتر وعطتها مها...
لجدة مستحية/والله ياوليدي السموحة كنت بقولك بس مامداني؟؟؟جبت لي سكين وقطعت الوايرات اللي فيها وشريت توصيلات جدد علشان اركبهم..
احمد بدهشة/لايكون بعد جايبة البوكس؟؟؟؟
الجدة/بوكس بوجهك ؟؟؟أي بوكس؟؟؟
مشاري/كيف بتوصلين الشاشة جدتي مافكرتي فيها؟؟غبية؟؟
الجدة/غبية بوجهك؟؟؟الشاشة يوصلونها بالصندوق عدل لولا؟؟؟
مها وهي تنتظر مفاجات اكثر/أي عدل...
الجدة طلعت صندوق ذهبها من الشنطة/وهذا صندوق التجوري حقي فيه كل ذهبي من يوم اني بنية شوي شوي وانتي توصلينه يامها؟؟؟
مها خلاص راحت في غيبوبة ضحك لامنتهية وفتحت وجهها ماقدرت وكلهم ضحكوا من ضحكتها.....
مها بعد ضحك دام ثواني وقفت وعيونها ملايانةدموع من كثر الضحك/انا مقدر اقعد اكثر اكيد بشوف مفاجات مذهلة؟؟؟وانا مافيني اتحمل ابدا؟؟؟؟؟
هيفاء سحبتها من عبايتها وهي تضحك/لا تكفين قعدي...خلنا نتونس...
مها/هههههههه لالالامقدر والله مقدر....
محمد مات وهو يشوفها تضحك...الحمد لله ان الموجودين محارم وان مشاري صغير كان ذبحها؟؟؟؟بس شقول فديتها وفديت ضحكتها انا ياعساها دوم يارب؟؟؟؟
خالد/لااله الا الله محمد رسول الله؟؟؟؟هههههههههههههه
عبدالله/بابا خلص الدانيت ابي بعد؟
الجدة كانت مقهورة من ضحكهم عليها وحطت بالها وبال عبود علشان تغير الموجة/حشى دب مو ولد؟؟؟؟ماتشبع انت؟؟؟
خالد/قولي لااله الا الله؟؟؟
هيفاء رفعت عيونها وشافتها مستغربة من كلامه؟؟؟ليش يدافع عن عبود؟؟؟غريبة ماهي من عوايده يعني؟؟؟
حس انها قاعدة تناظره بس صد وسوى روحه ماشافها؟
الجدة/وانا الصادقة سمين ولدكم كنه خروف؟؟؟؟
محمد/يمه؟؟؟بذمتك تحطين بالك وباله عبود؟؟
الجدة/ودوه يسوي رياضة بدل ها القعدة والربادة اللي هو فيها ياياكل يانايم يايشاهد؟؟؟لاشغلة ولامشغلة؟؟؟؟
هيفاء تضايقت/تعال عبود ندخل؟؟
عبود/بقعد عند بابا خالد...
هند/ماتعودتي انتي؟؟؟انا صار عندي مناعة ضد كلامها...طنش تعش تنتعش!!!!!
مشاري قام على بال انه بيمشي وقام يتمشى بالهون من ورى شنطتها وهو ياْشر لخالد انه يغوي الجدة عن شنطتها بيكتشف وش جايبة بعد معها من بلاوي؟؟؟؟
//////////////////////////////////////////////////////////////////كانت حاطة راسها على المخدة على اساس انها تعبانة وتبي تنام؟؟؟بس وين يجي النوم ياعالم وين!!!!عشت معه عشر سنين على الحلوة والمرة ماقصر معي بلحظة وحدة ....وفجاْة وبدون مقدمات يتغير.....باع البيت وزعلت نفسي يوم دريت واول ماقال لي انه عنده مشروع لمت نفسي على زعلي منه واني تعجلت بحكمي وماخليته يشرح لي...بس شقول...هذا مشروعك يامحمد هذا؟؟؟؟تخطب....ومن وراي...وبليلة عيد زواجنا!!!!انا عارفة ان كله من تدبير امك وعمتك وزوجة اخوك....هم مااستنوا الموضوع يتم وقالوا لي من قبل لاتروح وتخطب رسمي؟؟؟؟اه ياقلبي اه...شسوي....حاسة راسي بينفجر من كثر ماافكر بالموضوع؟؟؟؟جيت معهم على بال اني اغير النفسية واغير جو محمد كله واحاول اتنساه بس ماني قادرة؟؟؟محمد جرحني جرح عمري ماراح انساه ...شصار عليك يامحمد وكيف غيروك؟؟؟شبيصير في حياتنا ياترى بالايام الجاية؟؟؟؟ليه يامحمد ليه؟؟انت عارف اني اكثر وحدة تعبت من الموضوع....رحت كل مكان وكلهم يقولون لي نفس الحكي ماعندك أي مشكلة ولازوجك عنده أي مشكلة؟؟؟؟شسوي اذا ربي ماكتب لي الا ها البنت يامحمد....بنت تسوى عشرة يامحمد صدقني.....انا مالي ذنب اني ماقدرت احمل واجيب لك غيرها.....كل اللي اخذته من اهلك اهانات ونغزات بالرايحة والجاية...واخرتها اخذوك مني.......يارب....يارب ماني عارفة شسوي....حياتي متوقفة ولااناعارفة شسوي...اموت بيومي مليون موتة ولاحد داري عن همي.....
كل هموم الدنيا وقفت عند راسي يوم يسالني ابوي عنك اليوم؟؟؟شقول لااهلي بكرة اذا رديت معهم البيت وشبيقولون لوردوا من البحرين وانا بعدني مارحت بيتنا!!!اكيد ماراح يتركوني لين يعرفون؟؟؟؟شبيقولون لي ياترى...وهل اني اترك البيت لك وارد بيت اهلي صح ولاغلط يامحمد؟؟؟؟
/////////////////////////////////////////////////////////////////////نرجع لعند مفاجات صيف دبي اللي عند الجدة....
كان خالد يسولف مع جدته مثل ماقال له مشاري وعيون الباقيين على مشاري يبون يشوفون وش يطلع وقام يتسحب ودخل يده وعيونه تروح يمين ويسار وشوي الا مطلع لهم علية حليب نيدو مخلصة...
ومها منتهية خلاص ماهي قادرة تتحمل اكثر خصوصا ان مشاري مسوي حركات عجيبة في وجههه وفتحها الا هي كلها فلوس وشهق بقوة
مشاري/الله واكبر؟؟؟
لفت الجدة عليه وعصبت يوم شافته..
مشاري/هاذي كلها فلوس!!!!!من وين لك؟؟تسرقين انتي؟؟؟؟
هند ومرام ومها/هههههههههههههههههه
الجدة/ووجع يامشاريوه ردهم ردهم بسرعة هاذي ورثتي من ايام المرحوم؟؟؟
مشاري/ايام المرحوم؟؟؟جدي متوفي من سبعين سنة؟؟متى كانت في خمسين وميتين؟؟هذولا ماطلعوا الا هالسنتين وين ايام المرحوم وين؟؟؟؟؟واخذ له كم عشرة وكم خمسين وحطهم بجيبه..
الجدة وقفت/مشاريوه ووجع رد فليساتي ردهم؟؟
هيفاء/وانتي ليش جايبتهم معك هنا؟؟كان خليتيهم بالبيت؟؟؟
الجدة/ياويل حالي جبتهم علشان لاينسرقون؟؟؟

مشاري/خلاص اعتبريني سرقتهم انا حلال علي؟؟بخاطرك ياغلى الحبايب؟؟
الجدة ماقدرت توصل له لانه اسرع منها وقفت مكانها وبدى التمثيل عندها/قلبي..قلبي يمه لحقي علي بموت؟؟
احمد بتاْثر/جدتي انتي امك لسه عايشة ماماتت؟؟؟
الجدة/عليك الف لعنة؟؟؟بدل ماتقوم تشوف وش صاير فيني تتشمت ياولد ال...
احمد/هذا وانا ولد بنتك بعد!!!
محمد/جدتي ماتعرف لاحبيبي ولاصديق؟
الجدة/انت..انت..
واشرت بعصاها على محمد..
محمد بروقان/لبيه...
ناظرته مها بخبث وضحك لها....
الجدة/قوم اسحب لي اللحين خمس مية بدل اللي سرقهم اخوك؟
هند/حرام..اخوي مااخذ منك حتى ميتين ريال؟؟؟بتطلعيها من عين محمد خمس مية مرة وحدة؟؟
الجدة/انتي مالك شغل ولاتتدخلين بيني وبين ولدي؟؟؟
محمد/ولدك بس بالمهمات الصعبة!!باقي الايام ماتعرفيني؟
الجدة/ها ترى اغير راي ومااخطبها لك ولا اايسر لك الموضوع؟
محمد طلع محفظته من جيبه/امري لله....
توه فاتح محفظته الا لطشت منها الف ريال..
محمد/حشى....جنية؟؟
الجدة/هذا علشان تعلم اخوك ان السرقة حرام؟؟
هيفاء/اا تعلمت جدته بعدين بيتعلم هو؟
الجدة/انتي سكتي يالله مالك شغل!!!!وراحت لشنطتها دخلت اغراضها وقفلتها ودخلت داخل...
احمد/الحمد لله ماقالت لي دخلها؟
مها/لاتسمعك اللحين وترجع لك؟
احمد وقف/انا طالع.....تصبحون على خير؟
خالد/وين؟
احمد/بروح اسهر مع الشباب؟
خالد/ومتى بترد؟
احمد/.........
خالد/ترى راح انتظرك رد هنا علشان ماتزعل منك امك؟؟؟
احمد/طيب......تصبحون على خير؟
محمد/وانت من اهله.....
عبدالله/بابا غسل يدي..
خالد/قوم.....
وقف عبود ومسك خالد يده ومشى معه لداخل المطبخ..
هيفاء تهمس لمها/وش جايه اخوك اليوم...؟؟؟
مها بنفس الهمس/ان شاءالله دوم....
هند فتحت نقابها وراحت قعدت عند محمد...
هند/اقول محمد...
محمد/قولي؟
هند/انت من صدقك بتخطب لو جدتي تتمسخر؟
محمد/بلى من صدقي...
هند/وقايل لها انت منو تبي؟
محمد/وليش تسالين؟
هند/يعني مستغربة ليش بتقول لجدتي من دون الباقيين؟؟؟
محمد/تظل جدتي مهما كانت.....ومهما سوت ..في النهاية قلبها علينا وعلى سعادتنا؟
مرام/مااظن...
محمد ابتسم...
هند/اخوي..ممكن اطلب منك طلب...
محمد/عيوني...
هند/غنيلي؟
محمد/مو من حلو صوتي اغني لك؟
هند/انا احب صوتك.....واذا هم مايبون يسمعون بكيفهم يقومون؟
محمد/وش تبين اغني لك؟
هند/أي شي يجي على بالك.....
محمد رفع راسه للسماء وهو يستعرض صورة محمد بالمطبخ...صحيح انها قاعدة جنبه بس مو قادر يناظرها يخاف يحرجها ويحرج نفسه...
محمد بصوت شجي/في منتهى الرقة...في منهى الذوق...
حبيبتي في كل حاجة عجيبة.....
اذا حكت تعرف تخليني اروق...
واذا بغت تجيب راسي تجيبه....
واللي مزود حسنها حسن منطوق...
متواضعة لكنها بالف هيبة..
مخلوق لكن غير عن كل مخلوق...
مصيبة ياحلوها من مصيبة!!!
هي بس في ذيك اللحظة ماكانت معهم ..كانت مع صوت محمد ومشاعر محمد وخيال محمد!!!
في بالها طرى الف شي وشي ماقدرت غير انها تطلع جوالها وتكتب له ها المسج....(كيف قدرت تحرمني من مشاعرك سنتين ياظالم!!!!*)
هيفاء بهمس/وش ها الرسايل وش ها الحركات؟؟
مها بنفس الهمس/ قومي بس خلينا ندخل اخوك مايسهر وشوفي الليلة عيونه كيف صايرة من النعس؟؟
هيفاء/خايفة عليه!!!
مها/في احد مايخاف على روحه!!!!!
هيفاء/يالله ياجماعة تصبحون على خير....
مرام/خذونا معكم احنا بعد نعسنا وبنقوم ندخل..
هيفاء/يالله...
يوم وقفت مها كان محمد يناظرها...وهي بعد ماشالت عيونها عنه...
دخلوا مرام وهند وهيفاء وهي على بال انها بتلحقهم وهي واقفة تناظره..
محمد فتح الجوال وقرأ رسالته وابتسم لها...
مها/مابتقولي كيف؟؟؟
محمد/دخلي قلبي وساليه؟
مها/اقدر اعتبر الاغنية اهداء لي؟؟؟
محمد/مو قبل ماتهديني شي؟؟
مها/ماراح اهديك؟
محمد بنعومة/يابخيلة؟؟
مها بخبث وهي تنزل حاجب وترفع الثاني/روح قول لجدتك لبيه مرة ثانية!!!!
محمد/هههه
مها دخلت عنه داخل..وهو ظل يناظر بسرابها يوم دخلت وهو يفكر بالمستقبل الجاي وش راح يصير فيه بعد بيني وبينك يامها؟؟؟
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟على الساعة وحدة الاربع كان الكل نايم الا الجدة وخالد وولده اللي كانوا يلعبون على البحر بالرمل ومها وهيفاء اللي كانوا يناظرون بخالد وهو يلعب مع ولده من نافذة المطبخ.....
هيفاء/اخوك فيه شي يامها؟
مها/وش فيك يابنت الناس؟؟يمكن الله هداه؟؟؟
هيفاء/...........
مها/انتي ماتبينه يحب ولده ياهيفاء؟
هيفاء/كذا!!بيوم وليلة؟؟؟احسها مو راضية تدخل ببالي؟؟؟اكيد فيه شي...انا اعرف اخوك زين؟
مها/انا بعد اعرف اخوي..وادري انه مستحيل يكره ولده العمر كله وبدون أي اسباب؟؟؟تدرين انا كنت ارجح لنفسي قبل شوي ان غياب ابوي هو اللي خلاه يتقرب من ولده ويعيش معه على طبيعته؟
هيفاء/يمكن...بس مو اكيد...
الجدة تقربت من خالد وهو يبني لولده بالرمل.../انت ماتترك ها السمين وتقوم تنام وراك شركة تقابلها؟
خالد/جدتي!!!انتي لسه مانمتي يالغالية؟؟؟
الجدة/كيف العب وازعاج ولدك واصل لااخر الدنيا؟؟
رفع خالد راسه لجدته و هو مستغرب..../أي بس ياجدتي...صوته مو عالي لدرجة انك مو قادرة تنامين منه؟؟؟
الجدة/بلى...دخلت بنام ماقدرت صوت ضحكه نرفزني وقمت؟؟؟
خالد/خلاص عبود قوم حبيبي الوقت تاْخر علشان تنام؟
عبود/ماسويت سيارة؟
خالد/بكرة..
عبود/لا اللحين...
خالد/طيب سيارة بس وتنام؟
الجدة/وليش تركب راسه عليك؟؟قال لك سيارة تسوي له سيارة؟؟؟خله يولي بس عنك؟؟؟؟
قوم يالله قوم ماعلينا عيال تتدلع؟؟؟
اسحبت عبود من يده ودفته على قدام علشان يدخل وهو كان يبكي اول ماسحبت يده ومغمض عيونه وطاح على الرمل اللي كان فيه زجاج وحصى وحجر صغير وانجرحت رجله وقام يبكي...
خالد فزع له علطول وهيفاء جت تركض/يمه ولدي!!!!
خالد/عبود.....
عبدالله لاحياة لمن تنادي ارتفع صوته بالبكي..
هيفاء تكلم مها اللي وراها/كلمي محمد بوديه المستشفى؟؟
الجدة وماكانها هي المذنبة/وليش بعد مستشفى جرح بسيط مايستدعي؟؟؟؟؟؟
هيفاء بعصبية/ماتشوفين الدم يطلع منه؟؟؟
خالد يوم شاف الدم خاف وماعرف شيسوي قام وقف/انا بشغل السيارة يالله بسرعة !!!
حملته هيفاء وعلطول لسيارة خالد ومها عدلت شيلتها وركبت معهم.....ومشوا...
الجدة/لااله الا الله عليكم ياعيال ها اليومين!!!عسى بس ماطاح الا قفزعتوا للمستشفى؟؟؟لو تشوفوني وانا صغيرة عانيت ولااحد قال بيوديني مستشفى ولا بيوديني مستشفى؟؟مالت بس مالت؟؟؟اروح انام ابرك لي!!!!!
///////////////////////////////////////////////////////// //////////////////////////////

في المستشفى...
دخلت هيفاء معه وهي اللي نظفت له الجرح مع السستر الثانية وشافه الدكتور المناوب وحطوا له كمضمادة من هنا وهنا.....
وظلوا قاعدين بالغرفة حتى بعد ماطلعت الممرضة..
مها/يالله مشينا...
هيفاء رفعت سماعة المستشفى وطلبت تحويلة الدكتور وقالت لمها/بس بشوف الدكتور ....وقامت تسولف مع الدكتور شوي من هنا وشوي من هنا....وخالد نسى سالفة ولده كلها وحطها هي في باله...اكيد قاعدة تكلمه؟؟؟؟عاد مادورت الا ها المصري؟؟؟؟زين ياهيوف...شايب كبر ابوك وش حبيتي فيه؟؟؟؟؟(كذب الكذبة وصدقها)
مها انتبهت عليه وهمست له/خالد وش فيك؟
خالد/هذا اللي خطبها؟
مها/منو؟
خالد/ها الدكتور؟
مها/لا...ذاك سعودي...بس هي ماوافقت؟
خالد/قدامنا بس؟
مها بلهجة صادقة مايكذبها خالد/لالا..هيفاء ماتبي تتزوج اصلا..ششايلة ها الفكرة من بالها...وماتبي تحب وتنحب من الاساس!!تقول راحت عليها؟؟
ناظرها وشافها توها مسكرة السماعة بعد قائمة طويلة من الشكر والعرفان لذاك الدكتور,,
خالد بصرامة/كان لاسكرتي هذا كله تساْلينه؟؟
هيفاء بنفس الصرامة/خير؟؟؟
خالد/شكلك قاطة الميانة معه؟؟؟
هيفاء/ماراح ارد عليك؟؟
خالد بسخرية/لا تكفين ردي الله يخليك؟
هيفاء/ممكن لو سمحت تبعد شوي؟
كان خالد قاعد على الكرسي اللي جنب سرير عبود والجهة الثانية كانت جنب الستارة وماعرفت تعبر هناك علشان كان في كرسي بالستارة الثانية وكان الممر ضيق...
خالد/انا بطلعه من ها المستشفى التعبان؟؟؟؟مايفهمون؟
مها باستغراب من تصرفات خالد/ليش مايفهمون؟؟عملية هي؟؟؟كلها بكلها جرح ونظفوه وحطوا فوقه ضماد ياخالد؟؟؟؟
خالد/انا ماابيه يدخل أي مستشفى؟؟؟
هيفاء بتحدي/وباْي صفة ان شاءالله؟
خالد بثقة/ولدي؟؟؟
هيفاء/ممكن اساْلك سؤال؟
ناظرها من فوقها لتحتها وهو مستغرب من تصرفه معها بالطريقة ذي رغم انه واثق من كلام مها؟؟؟؟
هيفاء/متى اكتشفت انه ولدك ياخالد متى؟؟؟
///////////////////////////////////////////////////////////////////////////////////////////////////////////////////////باليوم الثاني......الساعة تسع الاربع كانت مها بسابع نومة ودق جوالها وشافت رقم محمد وردت وهي كلها نوم..
محمد/صباح النور والورد والكادي...
مها/صباح الخير..
محمد/صباح الخير على الناس الكسلانة اللي ماتقول بنقوم بدري علشان يصبحون بوجهنا الناس ويتباشرون بخير؟
مها/وش اسوي طيب اذا مانمت الا متاْخرة؟؟
محمد/وش اللي مسهرك يابنت لوقت متاْخر ها؟؟؟
مها/هذا لانك ماعشت اللي عشته انا البارح؟؟
محمد/خير..؟؟
مها/لا بس عبود صار له حادث صغنطوطي وظلينا بالمستشفى وبعدها ردينا...
محمد/عبود؟؟متى؟؟
مها/كذا على الساعة وحدة؟؟
محمد/وش صار له؟
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,,,,,,,,,,,,,,,,هيفاء وخالد كل واحد كان بمكتبه ويفكر بالثاني على طريقته...
خالد يفكر في هيفاء وليش تصرف معها كذا وليش من الاساس اصلا حط الفكرة في باله وصدقها!!!هو كل اللي سمعه ان دكتور خطبها ويعني وش فيها اذا خطبها دكتور؟؟؟ليش حطيت في بالك انها تبيه تحبه..مها تقول انها شالت الفكرة من بالها وتقول انها مو للحب وللزواج وماعادت تنفع وراحت عليها!!!!ليش عاد ..هذا وانتي بعدك صغيرة تقولين ها الحكي؟؟؟بس الحق علي انا وانا عارف ها الشي...بس لوتدرين انك اللحين محتلة جزء كبير من تفكيري كان شسويتي ؟؟؟اه ياربي...كيف بخلص من ها الموضوع اللي ماطرى على بالي بلحظة من اللحظات؟؟؟كيف ماحسبت حساب اني بحبك بيوم من الايام ياهيفاء؟؟؟؟؟
****هيفاء بعد كانت تفكر في خالد وفي تصرفاته معها امس....بالبداية قربه من ولده ولعبه معه؟؟خالد تبدل بيوم وليلة ؟؟؟وبعدها تصرفاته معها اللي ماهي قادرة تفهمها ..ساعة يصارخ على ولده لانه زعلها..وساعة يقول قدام اهلها انه مايبيها تنام بزعلها وبضيقها!!!وساعة شاك بتصرفاتها ويستجوبها عن مكالمتها مع الدكتور!!!!والله عجزت افهمك ياخالد عجزت؟؟؟؟بس لمتى بنظل كذا لمتى..ارسي لك على بحر ياخالد وريحني من تصرفاتك؟؟؟؟
///////////////////////////////////////////////////////////////بعد العصر اخذوا اغراضهم وكل عيلة ودعت الثانية...انتهت ايام الشاليه خلاص...خالد كان بالشركة وماجاهم ومحمد بعد بدوامه...بس كان احمد هناك علشان ياخذ امه وخواته والكل عرف عن سالفة عبود وطيحته البارح.....واتفقوا انهم ينامون الليلة بدري علشان بكرة وراهم بحرين مثل ماابومحمد وعد عياله واخته ...وكلا راح على بيته وهنادي راحت معهم بيتهم.....
وبالليل خالد مر على ولده يشوفه بعد طيحته البارحة وطلع معه ولعبه وعشاه ورده البيت بعدين...وسط حيرة هيفاء من تصرفات خالد وتنهيدات ابو محمد وام محمد اللي كانت تنم عن الارتياح الشديد.....
///////////////////////////////////////////////////////////////////الساعة سبع ونص باليوم الثاني من الصباح كانوا واقفين عند جسر البحرين....
***في سيارة احمد
مرام/انا ابي افهم احد يجي من ها الحزة بالله؟
احمد وهو معصب/وانتي ماتشوفين كيف الجسر زحمة بالله؟
ام خالد تاْشر على مرام تسكت/
مها وهي نعسانة/يمه خالد ماقال انه بيجي؟
ام خالد/لا....مايمديه يجي اصلا وهو عنده دوامين؟؟؟
احمد/اووووف من ها الزحمة كان جيتوا طيران وفكيتونا؟؟؟
**********في سيارة ابو محمد..
الجدة/ويلي يارجيلاتي ..متى بنوصل احنا؟
مشاري/باقي وااجد ياجدتي باقي واجد..نامي ارتاحي.....
ابو محمد يكلم ام محمد/هنادي ماراحت بيتهم؟
ام محمد/قالت بتتصل فيه يجي يتغذى مع اخوها وبعدين بتروح مرة وحدة؟
ابو محمد/لو جايبين سارة معنا...
ام محمد/انا قلت لها تعالي معنا خلي زوجك يسوي لك تصريح بس مارضت قالت تعبانة من الشاليه ولاحقة على البحرين....
هبة/تعبت يبى متى بنوصل؟
ابو محمد/ماعليه يبى شوفي قدامنا سرى شنسوي فيهم؟
الجدة/مابنوصل الا الظهر وهذا وجهي؟؟؟
مشاري/نامي ارتاحي الله يخليك؟؟؟
وحدها كانت بعالم ثاني وهي منيمة عبود بحضنها وهيفاء غافية عينها ...
كانت تفكر في احمد وفي حركاته معها....غريب ها الانسان بدرجة ماهي قادرة تفهمها؟؟؟
ليش يسوي كذا معها ماتدري؟؟؟؟
ان شاءالله اليوم بس ماتلتقي فيه لامن قريب ولامن بعيد ماتبي تحتك فيه لاي سبب من الاسباب لانها جاية تنبسط وتروق ووجوده بيعكرون عليها مزاجها؟؟؟؟؟
لفت براسها وطالعت بالنافذة كانت سيارته قريبة من سيارتهم......ياترى وش اللي يدور براْسك يااحمد ؟؟؟؟
///////////////////////////////////////////////////////////////////على الساعة عشر ونص وصلوا بالسلامة بعد تعب وجهد وملل في الانتظار الطويل....
وعلى وجهم بمجمع السيف.....
الجدة/وش نسوي احنا هنا؟
مشاري/وين تبين نوديك ياجدتي؟
الجدة/انا ماابي ها المجمع؟؟؟
احمد/وين تبين تروحين؟
مها/لااله الا الله؟؟؟
الجدة/ابي اروح اتريق...واكل حلوى؟؟
ام خالد/لاحقين على الحلوى يمه؟
الجدة/لا ابي اللحين؟
هيفاء/جدتي الحلوى ماتصلح لك؟
الجدة/وان شاءالله ليش جايبيني هنا اذا ماتبون تاْكلوني حلوى!!!!
ابو محمد/خلاص يمه تعالي انا بروح معك المحرق؟
ام خالد/خلاص انا جاية معك....انتي ارتاحي مع البنات ياام محمد؟
ام محمد/لا..وش اسوي انا مع البنات بجي معكم المحرق؟
ابو محمد/احمد انتبه عليهم زين؟
احمد/ان شاءالله خالي....
ابو محمد/وانتوا..امشوا كلكم مع بعض موواحد يمين وواحد شمال؟
مشاري بدى يمشي/ان شاءالله يصير خير...لاتحاتي يبى....وبتسوي فينا جميل لو تضيعها هناك؟؟اقصد لو تاْكلها زين!!!!
/////////////////////في بداية المجمع...
احمد/مو تسوون حركة ان مافي محلات عندنا بالشرقية وتدخلون من محل وتطلعون من الثاني شغلتكم بس تتشرون في ها الثياب اللي مادري متى تلبسونها؟؟؟؟؟
هيفاء/اسكت اسكت واللي يعافيك ويستحسن انك تاْخذ ولدي عندك؟
احمد/قايل انا قايل بنات ماعندهم شغلة غير الاسواق والتشري؟؟؟؟
مها/من وين نبدي من ميلانو ولا من ماركس سبنسر؟
هند/انا بدخل ميلانو بشوف الاشياء اللي عنده؟
احمد قلب موجته/بعد جزم وشنط اهون من الثياب؟؟؟
هند فهمت حركته وانه بيجي وراها بس وقفت مادخلت المحل....
هيفاء/يالله تحركوا لاتوقفون كذا......
دخلوا ميلانو ووقفوا مشاري واحمد وعبود بره المحل وهبة وجود معهم....
جود/احمد انا ماابي اوقف نبي نروح الالعاب؟
احمد/ها بتستلمهم؟
مشاري/أي استلمهم انا ابي افترق عنكم واصيع براحتي قال استلمهم قال؟
احمد/حلو حلو..بترمي كل شي علي انا؟؟
مشاري/محد قال لك سوي روحك رجال وقوم بالقومة كلها؟؟
احمد/حكم ام احمد علي شسوي بعد؟؟؟اه بس لو خالد هنا كان صعت معك براحتي بس عطيت خالي كلمة مقدر اتنازل عنها؟؟؟
مشاري/معناته ابتلش فيهم وحدك انا مالي شغل؟
احمد /مشاري بلانذالة لاتترك كل شي علي؟؟؟
///////////////////////////////////////////////////////////////////خالد طلع من الشركة بدري وهو مو طايق يداوم من الاساس....
ومايدري كيف جابته رجله لجسر البحرين ولا شنو اللي خلاه يفكر يجي من الاساس وراهم؟؟؟
كل اللي يعرفه انه يبي يشوفها ويتكلم معها ويمكن بعد يصارحها لو ماقدر يمسك حاله اكثر!!!!اي ياهيفاء انا لازم اعرف شعورك وتعرفين شعوري؟؟؟؟خلينا نرسي على بر انا وانتي ونشوف لوين بنوصل؟؟؟؟؟؟
////////////////////////////////////////////////////////////////////عند محل سكارف بالدور الثاني (وصلوا الدور الثاني هههه سريعين مشاءالله)
وقفت مها/ياربي تجنن ها العباية؟
هيفاء/متى عيد ميلادك؟
مها/وليه تساْلين؟
هيفاء/علشان اذا جا وقته باخذها لك هدية!!!
مها/روحي قلبي وجهك الله ياخذك...ابيها مالي شغل...بدخل اسال عنها؟
هيفاء بهمس/تبين محمد يدفنك حية لو تلبسينها؟
مها وقفت اول ماانطرى اسمه وناظرت بعبايتها صحيح انها جاية اليوم بالعباية المتحررة نوعا ما علشان محمد ماهو هنا بس ماتقارن مرة وحدة بذي اللي كلها على بعضها تطريز!!!!
مها/اوووف...باخذها حتى ولو...يمكن بعدين يتغير...
هيفاء/دخلي انا وش يخصني سالي عنها...بس حبيت اذكرك فيه؟
اذن الضهر وصلوا وبعدها طلعوا لان ابو محمد حجز لهم طاولة بمرمريز وراحوا هناك يتغذون كلهم........
كانوا ماخذين لهم طاولتين بنفس الممشى...وفاتحين ستايرهم على بعض....
الجدة وعيالها وام محمد واحمد ومشاري بطاولة وهيفاء و خواتهاومها وخواتها بطاولة.....
طبعا كانوا قاعدين بالوجه ابو محمد ومشاري واحمد..
وفي الجهة الثانية هيفاء علشانها ماتغطي وجهها وماهي فارقة معها وهبة وجود....ومرام...اللي ماكانت تغطي وجهها عن مشاري لانه اصغر منها بااربع سنين...
هند/وين الحمص اللي طلبته؟
ام خالد/كاهو هني عندنا ..وشالت الصحن ومدت لهم واخذته مرام....
احمد لف راسه شوي بدون ماحد ينتبه وبالموت قدر يشوفها وكان جنبها عصير برتقال..
احمد/انا طلبت عصير برتقال مو كوكتيل؟؟وينه؟
ام محمد/بنات ماصار عندكم عصير البرتقال؟
هند/شكله هذا...بنات موحقكم هذا؟؟
هيفاء/لامو لنا؟
هند مدت بالعصير لمرام توديه.....
الجدة/وين اللبن اللي انا طلبته؟
مشاري/وينه بعد!!شربتيه؟
الجدة/وبس واحد شارين لي؟؟؟
ام خالد/كم واحد تبين يمه؟؟
الجدة/ماتدرون اني توني ماكلة حلوى ؟؟يعني احتاج لبن واجد علشان يروح طعم الحلوى؟؟؟
احمد بحسد/ول ول ول...ماكلة حلوى ومشتتهية تتغذين؟؟عيني عليك جمرة؟؟؟؟
ضحكوا الباقي على احمد والجدة توعدت فيه ....
كان الجو حلو وقعدتهم مع بعض احلى...ياخذون ويعطون وكل واحد ماخذ من صحن الثاني وضحكتهم مالية المطعم....الله يديم عليهم ها الحب ان شاءالله.....
////////////بعد ماملوا الكروش على قولة مشاري قاموا يتمشون وقرروا انهم ياخذون كم فرة على كم مجمع واخر شي يرجعون السيف اللي ماكملوه....
راحوا مجمع الدانة وماطولوا فيه بسرعة طلعوا بعدها راحوا مجمع البحرين(جيان)
وماقصروا هناك بالتشري كاْن هني مافي اسواق...وكملوها اخر شي بجيان...
ابو محمد/هذا موعندنا مثله بالخبر؟
ام محمد/لا عيوني هذا بضاعته غير وعروضه غير؟
ابو محمد/قالوا غير قالوا؟؟تلعبون على روحكم؟
هند من ورى ابوها/شوف هاذي اول العروض اللي مو عندنا؟؟
ومدت يدها برغوة باسكن روبنز..(ادري اني مجنونة بس احب ها الرغوة مووت وهني مايرضوا يبعوني اياها!!!)
ابو محمد/استغفر الله..
هند/باخذ لي خمس مو تسوي روح بعدين ماشفتهم وماتحاسب عليهم؟؟؟
هيفاء من بعيد/حطي ثنتين لي بعد ابيها؟؟؟
هند/سمعت؟؟؟يمه تعالي بوريك طقم مواعين يجنن؟؟
ابو محمد/عينا خير منكم !!!!
ام خالد تكلم ام محمد/وش رايك بذي؟
ام محمد/مافي لون بني؟؟
ام خالد/بلى في...وين بتحطينها لو اخذتيها؟
ام محمد/مو مشكلة بعدين يطلع المكان؟؟؟؟
مشاري/اهم شي يشترونها يحتاجونها مايحتاجونها في غيرهم بيدفع صح يبى؟؟
ابو محمد وهو يناظر بعربة مشاري/كلهم بدون استثناء!!!!!!
*********على الساعة ست وربع طلعوا من جيان ورجعوا للسيف يكملوا تسوقهم هناك...
ام محمد وام خالد دخلوا ماركس سنسر وابو محمد قعد مع امه تحت على طاولة من طاولات الكافي وماخلت ولابقت بالناس اللي يمرون عليهم!!!!
هند ومرام راحوا يتسوقون بروحهم ووراهم الحارس الشخصي احمد وها الشي ضايق هند بالمرة وماخلاها تتصرف على طبيعتها!!!
مشاري مسك هبة وجود وعبود يلعبهم بعد هذرة طويلة واعتراض من حضرة جنابه....
وهيفاء ومها كانوا مع بعض وراحوا للكافي..
هيفاء استلمت طلبها/انا بروح اقعد على ذيك الطاولة مستحيل اقدر اكمل تسوق وانا ماشربت كافي اليوم؟؟
مها/الله يلعنه غيرلي الطلب بعدله وبجيك سبقيني!!!
هيفاء/طيب......
////////////////////////هند/خلينا نشوف السينما وش فيها من افلام؟
مرام/فكرة مجنونة؟؟خلني اقول لاابو حميد؟
هند/لازم؟؟
مرام/وشلون بندخل بدون مانقوله؟
هند/اوووف...
مرام/احمد...
لف لهم احمد اللي كان يمشي ساعة قدامهم وساعة وراهم....
احمد/خير..
مرام/هند تبي تروح السينما؟؟



هند بعفوية وصراخ/كذابة والله كذابة انا ماقلت ابي اروح؟؟
مرام دزتها من كتفها/قلتي لاتكذبين؟؟وبعدين حمود مايخالف ليش خايفة منه؟؟يالله ودنا اخوي السينما؟؟
احمد ابتسم في داخله على ها الخبلة الصغيرة!!!
احمد/أي بس انتوا تدفعون لي تذكرتي!!!وتشترون لي بيبسي وفشار!!!
هند بغضب/يصير خير يمكن ماندخل؟
احمد/وليش ماندخل؟
هند/يمكن الافلام اللي هناك مايعجبونه؟
احمد/والله؟؟مادريت بعد ان عندكم شي محدد تبون تشاهدونه؟؟؟؟
مرام/نبي فلم رومنسي؟؟
احمد/والله منيتي يكون رومنسي !!!وناظر بهند نظرة خوفتها من جد؟؟؟؟؟
////////////////////////////////////////////////
كانت قاعدة قريبة من الكافي وهي تنتظر
مها اللي راحت تغير طلبها وللحين ماردت..
مها/يالله قومي..
هيفاء رفعت راسها/وين؟
مها/على السينما؟
هيفاء/..........
مها/طلبت من خالد انه يدخلنا السينما ويدخل معنا وقال حاضر...
هيفاء/احمد ياحظي مو خالد!!!وين عقلك انتي؟؟؟
مها/لا..خالد ماهو احمد!!!
هيفاء/يابنت الناس احمد اللي جاي معنا شفيك انتي؟؟؟؟
مها/أي بس خالد توه واصل قبل شوي.....وبعدت شوي علشان هيفاء تشوف خالد..وشافته كان واقف هو بثوبه وشماغه وشحمه ولحمه!!!!ليش جاهم ياترى ؟؟هو امس قال انه عنده شغل ومابيقدر وترك المهمة على احمد....
//////////////////////طبعا وبما ان احنا بالبحرين وبالسينما اكيد بنقعد نتكلم شوي عن الواقف اللي صارت بالسينما...ونبدي اليوم بالعشاق الصغار!!!
من البداية احمد جر هند علشان هي تدفع لهم وخلاها تدفع حق تذكرتين....
هند/والثالثة؟
احمد بهمس/لمين؟
هند/انت ماراح تدخل؟
احمد رفع التذكرتين وعطاها وحدة وخلا عنده وحدة/وحدة لك ووحدة لي!!
هند/ومرام؟
احمد/خليتها تدفع لنفسها؟؟؟؟
هند انتبهت ان مرام كانت تشتري لهم بيسي وفشار وراحت وراها علطول............................................. .................................................. .................................................. ............................................
دخلوا السينما وقعد مرام وبعدها هند وبعد هند كرسي فاضي,,,
مرام/اقعد انت هنا؟
احمد/انا وراكم هذا محجوز؟
مرام/نص الكراسي فاضية وين اللي محجوز بالله؟
احمد/يالله شاهدي وانتي ساكتة؟
بدى الفلمواحمد راح وراهم............................................. .................................................. ...................................وبعد مرور اكثر من نص ساعة جا وجلس جنب هند وطبعا مرام ماانتبهت لان جو السينما ظلمة وناس تقوم وناس تقعد..صحيح مو زحمة بس مااخذت بالها انه احمد..زبس هند اللي كانت فاتحة وجهها استحت من احمد لاهي عرفت تشاهد ولاهي عرفت تسوي شي؟؟؟والادهى والامر انه قاعد ومسوي روحه مو على باله.....يشاهد ويشرب وهو مندمج بالفلم....كان هدفه انه يخليها تندمج هي بعد ويوم شافها اندمجت بالفلم وتركته...مسسك بيده فشارة واكلها اياها بسرعة!!!!!!!
///////////////////////////////////////////////////////////////نروح لهيفاء وخالد ومها....
مها بهمس/خالد تعال خذ عبود ونيمه جنبك الكرسيين اللي جنبك مافيهم احد؟؟
كان كرسي هيفاء على الطرف وكرسي خالد وراها علطول.....
تقرب منها علشان يشيل عبود وهيفاء احتاست من قربه منها بالدرجة ذي ولان مها بها اتلوقت راحت الحمام!!!!!
خالد وهو قريب منها ويسمع انفاسها/شلون....اشيله بدون مايقعد!!!قالها بتردد؟
هيفاء مسوية روحها طبيعية وان قرب خالد مو هامها في شي ولايعني لها شي كانت مركزة عيونها على الشاشة رفعت عبود شوي من حضنها ومد خالد يدينه ولمست اصابعه اصابعها المرتجفة والتقوا العيون ببعض!!!
كان شعور هيفاء مليان بالخوف والتردد من لمسة خالد ومن اللي ممكن يفكر فيه خالد!!!
اما خالد ماقدر يوقف ركع لعند رجلها وهو يحاول يمسك عبود لايطيح......وقدرت ريحةعطر هيفاء تتركز في باله...
هيفاء بهمس بعد مانزلت راسها بالارض من الفشلة واصابعهم لسه ببعض/خلاص خليه ماله داعي روح كمل الفلم؟؟؟
خال بتنهد/بتتعبين!!!بشيله عنك؟
هيفاء/......................
شال اصابعه منها بعد معاناة من يده اللي مارضت تترك يدها بس راحت اصابعه لشي اسواْ!!!فك يده منها علشان يشيل راس عبود بس مسك هيفاء مو عبود!!!!وظلت يده على رجلها وهيفاء حاسة بالنار شاعلتها من فوقها لتحتها؟؟؟؟؟؟
والله ستر ولطف ان مها رجعت وهي اللي شالت عبود وعطته خالد ورجعوا يكملوا الفم بشكل طبيعي بس ياترى تتوقعون بعد ها الحركة هيفاء ولا خالد قدروا يركزوا بالفلم وينسون اللي صار!!!!!!!!!!!!!!!!!!!!!!!!؟؟؟؟؟؟
//////////////////////////////////////////////////////////////////////////اخر جولة كانت لهم بالبوفيه المفتوح اللي بالسيف وكانت الساعة عشر ونص..بس خالد اصر يعزمهم هناك على حسابه.....
طبعا الحريم كلهم قعدوا بالكبينة المسكرة وهيفاء قعدت مع هبة وجود بره
وابو خالد واحمد مشاري بطاولة جنبهم.....
كانت تاكل ولدها وهي مالها نفس شي ابدا!!!وهو بعد كانت كل ماقامت البوفيه تحط شي راح هو بعد يحط وبحجة وبدون حجة يشيل عبود ويقومه ......
هبة دخلت جوه عند الحريم وبعدها طلعت..
هبة/هيفاء تقول لك مها لاتاكلين شي غير ام علي؟؟طعمها جنان!!!
هيفاء/زين..اللحين احط لي انا من غير شي مو طايقة اكل شي.....بس ام علي بتغير راي؟
عبود/انا امبى اسكريم؟
هيفاء/مافي هنا ايسكريم؟
عبود/شوفي احمد عمي ياكل؟
هيفاء/اول كل اللي بصحنك بعدين بجيب لك ايسكريم زين؟؟؟بروح احط لي ام علي وبرد..هبة ديري بالك عليه لايكب شي على ثيابه.....
هبة/طيب.....
قامت تدور على البوفيه وبها اللحظة دق جوالها اللي كان على الطاولة..ولان خالد عيونها كانت بس عليها وعلى الطاولة اللي هي قاعدة فيها كان متابع لنغمتها من البداية وهو سرحان كانت دمج قصايد واغاني(لاتناديني وصوني قلبك الله لايديمه لايراهن برجوعي لاجل لايخسر رهانه؟؟؟ ليه مارحل عن غرامك بعد ماذقت الغبينه ؟؟اذكريلي شي واحد يستحق اقعد عشانه....///عافك الخاطر ياغالي من بعد ذيك الليالي.ومن بعد اللي جرى لي..//انا اللي حبيتك وانا اللي استاهل..لاني ماظنيتك بالحب انت جاهل؟؟؟///قلب ماحن لوصلاي ماني بحاجة حنينه؟///ياقلبي وش عليك منهم...اذا بعدك يعذبهم ..تراهم شكثر ذلوك..//تعب قلبي وانا اسامح..///اسمحيليلي مابقى لي مكان تطعنينه؟؟//) كانت كلاسيكية حيل بس فجاْة وقفت رفع راسه ولقى هيفاء واقفة وتكلم وهي تضحك وتسولف وفهم ان فاتن هي اللي متصلة من كلامها...لف للجهة الثانية وسوى روحه ياخذ ويعطي معهم بالكلام؟؟؟؟
ويتفقون بكرة شلون بيروحون للبر ومتى؟؟؟
/////////////////////////////////////////////////////////////////////////////نزلوا بعدها كلهم علشان يرجعون ديرتهم بالسلامة بعد ماعاشوا يوم حلو بكل مافيه
وكانت هند واقفة ومامعهاغير احمد اللي صاير يمشي وراها مثل ظلها...
رفعت جوالها بتكلم..
احمد/منو بتكلمين؟
هند/بكلم ابوي..
احمد/مايحتاج انا باخذ جمس خالد وبشيلكم كلكم....
هند بحدة/بس انا ماابي اركب معك؟؟
احمد بحنان/ليه؟؟؟
هند/بكيفي!!!!
احمد/اسمعي يابنت الناس....
رفعت عيونها له وشافته يتلفت حوالينه يشوف اذا كان في احد ولالا؟؟؟
وتقرب منها بسرعة وهمس لها بحزن/هند انا احبك!!!!
ساعتها بس وقف قلبها من ها الكلمة اللي ماتوقعتها ابدا!!!
************************************************** *************
(في البارت الجاي بتكون اخر محطة في الاجازة وهي رحلتهم للبر وش تتوقعون يصير في االبر بين كل فرد والثاني؟؟وش ردة فعل الاهل اذا ردوا البيت ولقوا هنادي مارجعت بيتها وعرفوا بالسالفة؟؟؟؟
وفاتن وليش ها الزعل كله اللي بتجمع البنات عليه في بيتهم؟؟؟؟

 
 

 

عرض البوم صور بياض الصبح   رد مع اقتباس
إضافة رد

مواقع النشر (المفضلة)

الكلمات الدلالية (Tags)
ملح الحياة, ممرضه, للكاتبة ملح الحياة و سكرها, أبيك و أرفض الواقع كاملة, ليلاس, لرفض, الواقع, القسم العام للقصص و الروايات, هنادي, قصه مكتملة
facebook



جديد مواضيع قسم القصص المكتمله
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



الساعة الآن 07:35 AM.


مجلة الاميرات 

 



Powered by vBulletin® Version 3.8.11
Copyright ©2000 - 2021, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية