خوله بألم: حنيفه حرام عليك شو تسوى شو تباهن ملابسي
حنيفه طنش خوله وما اهتم باللي قالته بس خوله للحين مب فاهمه شو السالفه
تمت مستغربه من تصرفات حنيفه عقليتها ما كانت تساعدها تعرف انها تتعرض للاغتصاب
قاومت قد ما تقدر لكن في النهايه استسلمت وصااااااااار اللي صااااار
حنيفه : شوفي خوله اذا يخبر باباه انا شو يسوي يذبح انته
خوله وهي مغماي عليها مب حاسه باللي يالس يصير
سار حنيفه وياب قلاص ماي وكبه فويها
خوله من الخوف بدت تهدد حنيفه
: شوف والله اخبر ابويه باللي سويته معاي وانك قطعتلي ملابسي
حنيفه اول ما سمع هالرمسه يلس يضرب خوله
خوله كانت تهدده وهي مب قادره تتخلص من ايدينه تحاول تبطلهن بس كل محاولاتها تفشل
حنيفه بخبث: انا يعرف شو يسوي فيك
خوله بخوف: شو تبا تسوى فيني
حنيفه مسك بخاخ مال تنظيف السيارات ويلس يرشه فشعرها
بس حركت خوله والصراع اللي كانت يالسه تعيشه ضربت ايدها فيد حنيفه اللي بدون قصد وجه البخاخ
لعيونها وحست خولة بحرقة فعيونها وتمت تفركهن بس الحرقه ما راحت
خوله :شو صار انا ما اشوف احد اميه ابويه لحقوا علي
حنيفه اول ما شاف حالة خوله شل ثيابه وشرد من البيت
وصلوا ام حمود وبو حمود من الدختر وسمعوا صراخ فالملحق وركضوا صوب هناك
بو حمود بخوف : هذا صوت خوله الله يستر
واول ماوصلوا هناك شافوا خوله متبهدله ومغماي عليها
ام حمود وهي اتصارخ : بسم الله على بنتي اشو بلاها
بو حمود بخوف : خلينا نوديها المستشفى وعقب نعرف شو السالفه
وسارو صوب المستشفى عسب يعرفون السالفه
دخلوا خوله غرفة الطوارئ وتمت هناك 3 ساعات
ام حمود بتوتر: شو السالفه يا ابو حمود بديت اخاف
بو حمود بتوتر: اسكتي يا ام حمود لاتزيديني يكفي اللي فيني
فجأه طلع الدكتور وفي ويهه الف علامة استفهام
بو حمود اول ماشافه ربع صوبه
بو حمود بخوف: دكتور الله يخليك طمني على خوله شو فيها
الدكتور بالم: للاسف البنت تعرضت للا اغتصاب
ام حمود من الصدمه اغموا عليها وقامن الممرضات وودنها وحده من الغرف
بو حمود وهو يهز الدكتور: انته شو يالس تقول
الدكتور بضيج: هالشي ما يبته من عندي التقارير تقول جذا
بو حمود بالم : منو اللي اعتدى عليها انزين
الدكتور: هالشي اللي لازم تكتشفوه بروحكم ولازم تبلغون الشرطه لانه هالشي يعتبر جريمه وما ينسكت عليها
بو حمودوهو يصيح : انزين دكتور خوله شحالها كيف صحتها
الدكتور بضيج: يعني بنت عمرها 12 سنه واتعرضت للاغتصاب كيف تتوقع حالتها
بو حمود ودمعه نازله : لا حول ولاقوة الا بالله
الدكتور : اليوم بنخليها عندنا وباجر ان شاء الله تستعيد وعيها ونفهم شو السالفه
بو حمود بالم: الله يستر الله يستر بس ويقومها بالسلامة هذا أهم شي الحين
عدا اليوم على خير
وباجر الصبح بدت خوله تبطل عيونها شوي شوي
بس شافت الدنيا سودا قدامها كنها عايشه فضباب
بدت اتصارخ والتموا عليها كل الممرضات
بو حمود وهو حاضن بنته: خوله شو بلاج يا بنيتي
خوله وهي متقطعه صياح : ابويه انته وينك انا ما اجوف شي
بو حمود بتوتر : خوله خرفتي شو ؟ طالعيني انا واقف حذاج
خوله وهي تصارخ : والله ما اشوف شي ابويه انا صرت عميا انا صرت عميا
ام حمود وهي متخيسه من الصياح : بس يا خوله قطعتي قلبي
خوله: انتوا عبالكم اجذب والله ما اجوف شي اميه
ومن الصدمه اغموا عليها
قاموا الدكاتر ويلسوا يسوون لها تحاليل تقريبا ساعه وعقب طلعوا
بو حمود بخوف: ها دكتور بشر
الدكتور : نفس ما توقعنا شكل المعتدي رش لها ماده فعيونها هالماده تذوب الصخر فما بالك فعين بنت صغيره
بو حمود وهو مب قادر يوقف : دكتور شو افهم من كلامك
ام حمود وهي اتصارخ : وا حسرتي على بنتي
بو حمود وهو يالس ع الارض: الله يكون فعونج يا خوله توج طالعه ع الدنيا وصغيره على هالبلاوي
وقام بو حمود وام حمود ودشوا عند خوله اللي كانت يالسه تصيح وتمسح على عيونها
ام حمود وهي تحضن بنتها : خليج قويه يا بنتي وان شاء الله ازمه وتعدي
خوله وهي تصيح: اميه لاني ابوي قال لازم اصير قويه صار فيني هالشي اميه انا ضعيفه مابا استوي قويه بس رجعولي عيوني اميه مابا اعيش عميااء انا وايد اخاف من الظلمة اميه الله سخليج رجعيلي عيووني
ام حمود وهي تحضنها اكثر: لا تفاولين ع روحج يالغاليه ان شاء الله ازمه وبتعدي
بو حمود بالم: اوعدج يابنتي اوديج احسن المستشفيات بس منو اللي اعتدى عليج منو اللي سوا فيج هالسواه
خوله وهي اتخيل الموقف وبدت اتصارخ
ام حمود وهي تحضنها : خوله شو فيج حبيتبي
خوله بالم : اميه هذا حنيفه قلتلكم مابا اسير المدرسه بس ابويه انته عصبت عليه وغصبتني اسيرله عسب يوصلني ابويه حنيفه يلس يضربني وبدت خوله تحكي كل شي حق ابوها
بو حمود وهو معصب: حنيفه هالخايس انا اراويه
وجدوا حنيفه حكم عليه وبعد ذلك سلموه لبلده فعاشت خوله وهي تدفع ثمن تهور عامل
وعاش سعيد ابو خوله تعيسا فلا يمر عليه يوم الا وهو يلوم نفسه ويردد كلمة (لو) .. فلو منعتها لما حدث هذا لو كنت اشعر بخوفها لتجنبت كل هذا ولكن كلمة( لو) مجرد وسيله يتناسى به الانسان الحزن الذي ينهش جسده ويحوله الى اشلاء
وربما يكون لها فائده واحده فقط اذا قلنا( لو ) في وقتها المناسب ووضعت في المكان المناسب
~ ~ ~ ~ ~ ~ ~ ~ ~ ~ ~ ~
نرجع لغرفة آبــــــــو خوله
ام حمود وهي تضربه ع كتفه: بو حمود انسى اللي صار نحن عيال اليوم
بو حمود : كيف بقدر انسى والنار للحين والعه بصدري
ام حمود : ان شاء الله ربك كريم ويمكن تشوف بين يوم وليله
بو حمود: ما بيدنا غير ندعي رب العالمين وانا بسوي كل شي بس اشوفها مرتاحه
ام حمود بابتسامه : اذا تبا خوله تكون مرتاحه خلك اقوى من جذا هي محتاجه لاحد يقويها مب نقلل الامل اللي باقي بداخلها ومحد دااري يمكن الله يمن عليها من فظلة وتشوووف
~~~~~~~~~~~~~~~~~~
فـــــــــي بيــــــــــــــــت عبدالله
ساره كانت تتزهب عسب تسير عند مها ويروحن السوق ارباعه
هلال وهو يفتح الباب شوي شوي اونه يبا يخرع ساره وسار من ورى ضهرها وقآلها بوو بصوت عالي
ساره وهي حاطه ايدها ع قلبها: هلالوه اوف منك زيغتني
هلال : اسم الله عليج شو متى بنروح
ساره وهي رافعه حياتها : اشوفك مستعيل شو السالفه هاه
هلال بابتسامه : ابا اجوف فهد من زمان ما رمسته ولاشفته
ساره وهي تغمز بعينها : انابعد اقول جذا ياما تحت السواهي دوااهي
هلال بنظره غريبه : ساروه اشو قصدج
ساره بابتسامه : شوفوا كل اسرار هالبيت مفاتيحها عندي
هلال يقاطعهها: مافهمت شي للحين
ساره بابتسامه : انته تحب خوله صح
هلال بتوتر : لا بسم الله علي مستحيل احب خوله حد يحب عمياء
ساره بابتسامه : بس جمال العميا مغطي على عيوبها كلهن

هلال بضيج : ساره يالله خلصيني اخاف اتاخر
ساره : فديت اللي يستحون انا يالله انا جاهزه
هلال : اراويج يالدوبه امشي جدامي يالله
ساره وهي تبوسه ع خده: الله لا حرمني منك يا اخوي
هلال: بس عاد وايد دلعتيني اليوم
ساره : خلاص الباقي خلاه حق مشاوير باجر
هلال بابتسامه : مشي جدامي ويصير خير لين باجر
و شافوا امهم جدامهم
ام هلال : وين سايرين
ساره وهي تبوس راس امها : فديتج اميه سايرين بيت عمي سعيد
ام هلال : ليش ما خبرتوني كنت سرت عندكم ورمسنا وياهم
ودشت مريم
مريم وهي تبوس راس امها : اميه دخيلج خاطري اشوف بنات عمي خلينا انسير ارباعه
ساره بضيج: نحن سايرين السوق ما سايرين نقضيها سوالف وقهاوووي
مريم وهي رافعه حياتها : انزين يوم تردون من السوق بنسولف
ساره : شوفي اميه خلي ابويه يوديكم ع المغرب وانا بعطيهم خبر انكم بترمسون وياهم
ام هلال : خلاص شور زين
مريم بضيج: اوف اميه ليش مب احينه
ام هلال: انا ما فاضيه احينه بنسير المغرب
مريم وهي اطالع ساره بنص عين: خلاص اسير اذاكر احسن
هلال وهويطالع ساره: فديتج ترى سوالف آلحريم مآيخلصن خلينا نسير
ساره بابتسامه : يالله سرينا مع السلامه اميه
ام هلال بابتسامه : في حفظ الرحمن يا عيالي
~ ~ ~ ~ ~ ~ ~ ~ ~ ~ ~ ~


فـــــــــــــي بيت آبو خــــــــــــــآلد
روضه وهي ســـآيره صوب غرفة خآلد
سمعته كالعآده مشغل موسيقى ومطول عليها آخر شي
روضه وهي تفر عليه المخده: اوف منك خلود انته ما تيوز عن سوالفك
خالد وهو يبند المسجل: شو تبيني اسوي يوم اخوج رومنسي
روضه وهي رافعه حياتها : عاد ما رومنسيه مقطعنها تقطيع
خالد با بتسامه: شكرا على الاطراء شو تزهبتي
روضه بابتسامه: انته شو شايف
خالد : شايف حرمه كلها اسود فأسود
روضه وهي تقرصه ع ايده: مالت عليك صج ما تنعطا ويه لعنبوك كل هالجمال اللي فيني وماركزت الا ع شيلتي وعباتي طالع عيوني الواسعه ويهي المورد
خالد وهو ميت ضحك: خلاص رواضي كله ولا زعلج يالغاليه طالعه قمر بس اترييني عشر دقايق باخذ شور وبنطلع
روضه بابتسامة: خلاص انا بسير اشوف محمد واحمد يمكن يبون يسيرون ويانا
خالد: خلاص اللي يريحج
سآآرت روضه صوب الصاله الا وتسمع صراخ من وراها
روضه وهي حاطه ايدها ع قلبها : بسم الله خالوه زيغتيني
ام محمد : ليش هالكشخه كلها وين تبين تسيرين

آللحــــــظة آلثـــــــــآنيــــــــــة

الفــــــــــصل آلآول


سآآرت روضه صوب الصاله الا وتسمع صراخ من وراها
روضه وهي حاطه ايدها ع قلبها : بسم الله خالوه زيغتيني
ام محمد : ليش هالكشخه كلها وين تبين تسيرين
روضه بتوتر: بعد وين بسير خالوه انا عندي مكان اسيرله غير المكتبه
ام محمد وهي اطالع روضه بنص عين: بس ألاحظ طلعاتج ها الأيام كاثره شو السالفة
روضه بضيج: يا خالتي اللي يسمعج يقول اطلع العب
ام محمد بعصبيه : تطنزين بعد يا ....
روضه تقاطعها: خالتيه بس ما يحتاي انج تسبيني
ام محمد وهي صوتها بداء يعلى اكثر واكثر: هذا اللي ناقص ترادديني يا روضه
روضه ودمعه نازله: حرام عليج خالوه كل ما احاول اتقرب منج تبعدين
ام محمد بدون نفس: تتقربين مني ليش لا يكون انا امج وانا ما ادري حووه انتي اصحي ترى انا مجرد حرمة ابو لا اكثر!! ولا تيلسي ترسمين احلام واماني اني يمكن فيوم احبج انتي ولا خالد وبصير شرات امكم
روضه ودمعه نازله ع خدها: بس انا ربيت عيالج يا خالتي وكنت بروحي محتاجه للحنان كل هذا نسيتيه
ام محمد وهي معصبه: حوه انتي الظاهر تبين تعايريني باللي سويته والله انا ما جبرتج تربين أي احد فيهم
روضه بالم: يا خالتي انتي ما سألتي نفسج انا ليش سويت جي
ام محمد تقاطعها: مابا اعرف بس اللي اعرفه شي واحد اكرهج يا روضه انتي وخالد اكرهكم متى اشوفج متزوجه عسب ارتاح من شكلج .. ع الاقل بقدر اخذ راحتي واعيش مستقرة عند زوجي وعيالي
وسارت ام محمد صوب غرفتها وخلت روضه منهاره وهي مب مستوعبه اللي يالسه تسمعه من شوي
محمد وهو يركض صوب روضه: رواضي شو فيج
روضه اول ما شافت محمد خايف عليها ابتسمت: فديت روحك حمودي مافيني الا كل خير
محمد وهو يمسح دموعها : عيل ليش تصيحين مريضه صح
روضه وهي تبوس محمد: فديتك والله ها غبار دش فعيوني عسب جي اصيح
وفجأه يا احمد وباس روضه ع راسها
روضه اول ما باس احمد راسها دمعت عينها
روضه بابتسامه: حتى لو امكم ما تذكرت جميلي يكفي انكم تعتبروني امكم قبل اختكم
احمد بابتسامه: رواضي انا احبج اكثر من اميه
محمد: حتى انا احبج روضه بس لا تصيحي
روضه وهي تحضنهم: تامرون امر يا احلى خوان انزين تبون تسيرون الجمعيه وعقب المكتبه بعد الصلاه
احمد: هيه بنسير بس بشرط
روضه بابتسامه: طلباتك اوامر يابعدي
محمد يقاطع احمد: انا اعرف شرط احمد شو
احمد بضيج: حمود اسكت انا بخبرها
محمد يقاطعه: لا انا بخبرها
روضه وهي ميته ضحك: خلاص خلاص بوديكم الملاهي
محمد وهو يبتسم: انتي شو دراج
روضه: قريتها من عيون احمد
احمد: هههههههههاااي يعني انا فزت
روضه وهي تحضنهم: ثنيناتكم فايزين حبايبي يالله قوموا اغير لكم ملابسكم قبل ما يطلع خالد من الحمام – أكرمكم الله - ويحشرنا ما ناقصين وجع راس خلونا نتجهز عشان لا طلع يحصلنا جاهزين
محمد واحمد مع بعض: يالله عيل بسرعه
روضه : يالله واللي يسبق هو بغيرله ملابسه اول شي
محمد: عيل انا بفوز لاني الاكبر
احمد: انا بفوز وبنشوف
وراحوا محمد واحمد يتسابقون وفجأه اختفوا عن انظار روضه اللي كانت تتأملهم بنظرة ممزوجة بالحنان
روضه بابتسامه: يمكن امكم ما فهمت ليش كنت انا اربيكم واسهر عليكم !! كنت بس ابا شي واحد منها !! ابا الحنان اللي انحرمت منه وانا صغيره. ابا الحضن الدافي اللي يلمني يوم اصيح .. حسافه بس امكم عمرها ما راح تحس فيني ولا بمشاعري لكن محبتكم لي ومحبت خالد وابويه والله تكفيني وتغنيني عن كنوز الدنيا كلها
وسارت روضه صوب غرفه محمد واحمد عسب تغير لهم ملابسهم والابتسامة مرسومة على شفايفها

خسرت روضه اغلى ما تملك في هذه الحياه فقدت الام التي ترويها من نبع حنانها ساعة ولادتها ولم تشعر بدفئ حنانها يوما فكم قاست وتعبت وهي تبحث عن هذا الحنان ولكن دون جدوى.. بحثت عنه بقرب والدها ولكنها حست بحنان الابوه ولم يخالطه ولو جزء بسيط من حنان الام .. فظلت تبحث حتى بدأت علامات اليأس تظهر على وجهها الطفولي فلم تعش الطفوله التي تحلم فيها كل انثى منزل مكون من عائله واسره سعيده اساسها اب وام عاشت روضه وهي مكسورة الجناح حتى تزوج والدها ورزقه الله بو لدين شعرت باهمال امهما لهما فعلمت رغم صغر سنها بانه ليس كل ام يمكن ان تكون اما .. فالأم ليست هي التي تنجب بل التي تربي وتضحي فقررت ان لا تسمح بان ما عانته ان يتكرر لاخوتها فقررت ان تصبح الام والمربيه في آن واحد
فـــــــــــــــــــي بيـــــــــت آبـــو مشــــــعل
ميثا كانت تتزهب عسب تسير عند روضه
ميثا وهي اتصارخ : مونيكا وين بلوزتي الزهريه
مونيكا:.....................
ميثا بعصبيه : مونيكا وصمخ انتي وينج
مونيكا:............................
ميثا : اوف الظاهر اني انا بصير البشكاره وبنزل لها تحت
ونزلت ميثا الصاله ويلست تصارخ على مونيكا
مونيكا بخوف: ماما ميثا شو يريد ليشي صارخ
ميثا بعصبيه: شو يريد هاه من متى وانا يالسه ازاقر فوق شو بلاج ما تردين
مونيكا:........................
ميثا وهي ترفع صوتها ع مونيكا: حوه شو بلاج الفار اكل لسانج
مونيكا بخوف: ماما ماما ........................
ميثا بعصبيه: شو ماما ارمسي .. انطقي .. سمعيني صوتج شو بلاج
مونيكا:.................
ميثا: الظاهر انج ما بتردين حشا مو بشكاره انتي !! فحياتي ما شفت مثلج !!
شوفي يبيلي بلوزتي وطلعيها حقي فوق اوكي .. مب فاضيه ارز وجهي عند ناس ما تفتهم
مونيكا: ماما بلوزه مالي انتي خراب خلاص .. انا كنت يكوي بعدين يحترق !! والله ما في يقصد
ميثا وهي تمسك مونيكا من بلوزتها : شو تقولين حرقتيلي بلوزتي .. وما كان قصدج !! وين اصرفها هذي انا
مونيكا: ماما انا يقصر مكواه بس هو يحرق ما ادري ليش
ميثا وهي تكفخ مونيكا: يا السبالة – اكرمكم الله - بلوزه شارتنها ب20 ريال البارحه ومن احسن مكان في السوق !! تحرقينها حتى ما لحقت اتهنا فيها انا اراويج يالحقيرة .. وربي لا اجيب اخرتج
مونيكا: ماما ارحم انا .. والله ما فيه قصد يحرق !!
ميثا وهي تكفخ مونيكا وتضربها ع راسها: صج انج ماتنفعين حق شي اليوم بخلي ابويه يسفرج ويردج لبلادج
مونيكا وهي تبوس ايدين ميثا: ماما ميثا انا يعطي انته 20 ريال بس مايرد بلاد انا لازم يشتغل
ميثا اول ماسمعت كلامها استانست : يالله قومي يبيلي 20 ريال سرعه
مونيكا سارت تركض صوب غرفتها ويابت حق ميثا 20ريال
ميثا بابتسامه:يالله سيري المطبخ احين واوعدج اني ما اخبر ابويه!!بس هاه لا تعيدين الحركة ترى ما برحمج
مونيكا وهي تصيح: انزين ماما ميثا
دشت ام مشعل البيت وهي خيفانه ... لانه صوت ميثا جان وايد عالي وينسمع من برع البيت
ام مشعل بخوف: ميثا شو صاير هنيه ... ليش اتصارخي احد صار عليه شي
ميثا بضيج: ماشي اميه بس كنت ابا اسير مع روضه وحصلت مونيكا ما كاويه ملابسي للحين
ام مشعل وهي اطالع مونيكا: انتي متى بتتعتدلين يالله سيري المطبخ
ميثا بضيج: اميه انا من رائي انسفرها ترى ما منها فايده
ام مشعل تقطاعها: شو نسفرها تخبلتي انتي
ميثا وعلامات الاستغراب تملي ويها : انزين اميه ليش
ام مشعل : تعرفين اني اعطيها بس 30 ريال فالشهر
ميثا بابتسامه: تستاهل هالواطيه توها حارقه بلوزتي وخذيت منها 20 ريال
ام مشعل: ليش قيمه بلوزتج ب20 حدهن 5 ريال
ميثا وهي ميته ضحك: ههههههههاي لا اضحكيني اميه قيمتها بس ريالين
ام مشعل : اوف من ريالين خذيتي 20 عينج قويه

ميثا بابتسامة مكر: اميه مقيوله قبل الفقير ما يرهى الا ع الفقير اللي شراته
وتمن يضحكن على غباء مونيكا ع قولتهن
ام مشعل : يالله قومي سيري عند روضه واباج تقيسيلي نبض خالد .. يمكن يحبج وانتي مب حاسة عليه
ميثا بابتسامه: اميه بروح عقب المغرب بكون انا فاضيه وخالد بعد .. وعسى هالمرة تضبط معي
ام مشعل : اللي يريحج بس ابا اعرف اذا خالد يميلج ولو شوي
ميثا: لاتخافين اميه ترآني تربيتج .. واليوم بعطيج الخبر الاكيد
ام مشعل: ادريبج يابنيتي يالله انا اترخص بسير اغير ملابسي
ميثا : خلينا نطلع رباعه حتى انا ابا اغير ملابسي هالمونيكا نحست علي

كانت مونيكا غبيه في نظر ميثاء وام مشعل ولكنهم تناسوا انها( امة )عانت وقاست وتغربت
من اجل ان تكسب لقمة عيشها بالحلال ومن حقها ان تجد ولو قليل من الاحترام فتصرفات مثل هذه تقود الانسان الى ان تثور نارا بداخله ولا يجد راحه الا حين اخمادها

في بيــــــــــــت ابــــــــــو حمود آلاجوآء كآنت مختلفه تمامآ
خوله : مهاوي مب جنها ساروه تاخرت
مها بطفش : ايه والله يا اختيه تاخرت صارت الساعه خمس وللحين ما يات
خوله بضيج: اتصلي فيها يمكن صارت عندها ضروف
مها بابتسامه: يحليلج يا خوله طول عمرج رقيقه وتفكرين بالكل
فاطمه كانت طالعه من المطبخ وشافتهم يالسين في الصاله ويات صوبهم
فاطمه بابتسامه: ياويلي عليج ياخوله شو هالجمال صكيتي ع مها الصراحه
مها وهي اطالع فاطمه بنص عين: فطوم تراني ما اغار وانا اكثر وحده اشهد بجمال خوله فديتها والله
فاطمه بابتسامه: طالع هذي اوني ابا اقهرها صج قوية عين
خوله وهي ميته ضحك: خلاص احس انه شوي وبتكفخون بعض
فاطمه وهي تجلس عدال خوله : زين انج قررتي تطلعين من الكهف اللي حابسة نفسج فيه صارلج سنين
خوله بتوتر ممزوج بخوف : والله ما أدري كيف سمعت شوركن وقررت اطلع بصراحه وايد خايفة
فاطمه وهي تمسكلها إيدها : لا تخافين حبيبتي وايد شرات حالتج .. ومحد راح يهتم او يضايقج
وقطع عليهم صوت جرس الباب
فهد وهو يركض ويزاقر ع البشكاره : سناتا انا بفتح سيري المطبخ انتيه
سناتا وهي مب عارفه شو صاير حواليها: مافيه مشكله باباه انا يفتح انته اجلس
فهد: لا اليوم انا خادمج زين !! بس افهميني الله يخليج وسيري المطبخ
سناتا بابتسامه: خلاص يريد يفتح يفتح وراحت وتمتمت بصوت واطئ شوفي هذا اكيد مجنون
خوله ومها وفاطمه جانن ميتات ضحك ع فهد لانهن عارفات انه جان يبا يشوف ساره
فهد وهو يبطل الباب جان وجهه فوجه ساره
فهد بابتسامه: شحالج بنت العم .. عساج بخير
سارة وهي مستحيه: بخير فهد الله يسلمك انته شحالك
فهد وهو مب قادر يصلب طوله وقلبه بداء يدق بسرعة : انا بخير
هلال وهو يطالع فهد بنص عين : عفوا يا أخ فيه احد ثاني واقف ع الباب
فهد وهو مستحي: هلول هلا والله شو دراني انك ياي طول سارة مغطنك
ساره بابتسامه: اترخص انا بسير اشوف مها وخوله
فهد: تفضلي يابنت العم وانته بعد تفضل
هلال بابتسامه : الحمدلله هالمره شفتني صح
فهد وهو يضربه ع كتفه : بسك عاد احرجتني جدام ساره
ساروا صوب فاطمه وخوله ومها وسلموا عليهم وعقب يلسوا يسولفون
ام حمود وبو حمود نزلوا من فوق وساروا تحت صوب عيالهم
بو حمود : وهويسلم ع هلال: يحي الله بهلال عاش من شافك
هلال بابتسامه: اسمحلي يا عمي والله اشغال
ام حمود: هلا ببنيتي هلا بزينة البنات هلا بسارة
سارة وهي مستحيه : هلا خالتي شحالج
ام حمود : بشوفج صرت بخير
وسارت ام حمود وسلمت ع هلال وبوحمود سلم ع ساره
بو حمود : الا ما قتلي ياهلال اهلك من زمان ما يونا لايكونوا زعلانين
هلال : لا عمي الوالده موصيتني اخبركم انهم اليوم بيزوروكم
ام حمود : هلا والله بالوالده وبالوالد كلكم ع راسنا من فوق
بو حمود : عيل ياهلال اتصل بابوك احينه وعشاكم ترى من عندنا
هلال : ان شاء الله عمي ببلغهم
ويلس فهد وهلال يسولفون .......... ويلست مها وخوله وفاطمه يسولفون مع ساره
ساره : مها مب جنه تأخرنا ولازم نروح
مها : الحمدلله زين تذكرتي انه ورانا مكتبه وبحوث
ساره بابتسامه: شو اسوي كنت يالسه اقنع هلال
مها اول ما سمعت كلمة هلال يلست اطالعه وتتامله بس هو كان سارح فكره مع خوله
ساره : مها حبيبتي شو بلاج سرحتي
مها بتوتر : هاه لا ما فيني شي قومي خلينا انسير
خوله بضيج: يالله خلونا نسير تعرفون بالليل زحمه وانا ما احب الزحمه .. تصدقون عاد خايفه
فاطمه وهي تضغط على يدها : خوالي انتي لازم تواجهين نفسج عشان تقدري تعيشي وتكملي حياتج
خوله وهي تاخذ نفس عميق وخدودها صارت حمراء :خلاااص عيل خلونا نتوكل بشوف شو آخرة هالموضوع
ساره : خلاص عيل يا الله نشن .... وخلونا نتوكل
خوله : يا الله انا بسير اخبر فهد يقول حق الدريول انا جاهزات

فهد شاف خوله يايه صوبه وسارلها
فهد بابتسامه: ها خوالي شو بلاج يايه صوبنا
خوله : تقدر تقول لاني صرت حافظه هالمكان من كثر ما ايي فيه
فهد وهو رافع حياته: شو قصدج يعني هاه
خوله وهي ميته ضحك: من كثر ما تيلس فهالدعنه صرت حافظتها صم هالمكان الوحيد اللي ما تلخبط فيه
فهد وهو اونه معصب: انزين اختصري شو فخاطرج هاه
خوله: طرش الدريول خلاص غاية السيره احينه
فهد بابتسامه : خلاص سيري خبريهن يطلعن وانا احينه ببلغه
خوله: خلاص فديتك احينه بخبرهن

ورجع فهد صوب هلال وابوه
بو حمود: هاه فهد شو فخاطر الشيخه خوله
فهد وهو مغمض عين: والله ما مكبر راسها علينا الا انت كل الدلال مخلنه حقها
بو حمود بابتسامه: فديتها والله هاي الغاليه بنت الغاليه
فهد وهو اونه معصب: ونحن ولاد منو لا يكون ولاد جارتنا زوينه
بو حمود وهو ميت ضحك: والله اذا بطيع امك !! تراني بخذ زوينه وبخليها ام حق خوله
فهد وهو يقاطع ابوه : اها صدتك يعني تبا تتزوج على اميه
فهد قالها بصوت عالي خلا كل اللي بصاله يسمعوا بدون ما يحس

ويات ام حمود صوبهم : بو حمود شو هالرمسه اللي قالها فهد !! ناوي تتزوج علي عقب هالعمر
بو حمود بابتسامه : هههه الله يهداج يا رايه شو بلاج متخرعه جذا ما تعرفين سوالف فهد
ام حمود ما صدقت بو حمود وسارت صوب فهد|: فهد حبيبي صج ابوك يبا يعرس
فهد غمز حق ابوه : احينه بنتقم منك يا ابو حمود وخلا خولوه تنفعك
بو حمود: فهد دخيلك ترى امك بتصدق
ام حمود وهي معصبه : فهود بترمس ولا شو
فهد وهو يسوي نفسه مضايج: اميه الصراحه ابوي يبا ياخذ زوينه يارتج
هنيه ام حمود انفجرت من الضحك
فهد وهو منصدم : اميه اسم الله عليج !! شو بلاج !! لا يكون تخبلتي
ام حمود: اتحسب بياخذله بنت صبيه ما توقعت زوينه
فهد يقاطعها : شفيها زوينه يا اميه !! كشخه !! ورزة !! انا شايفها من جمن يوم
هنيه مها تدخل عرض: ههههاااي وين شايفنها من كمن يوم!!والحرمه مسافره تعالج برع لا وبعد صاكه 80
هلال وهو ميت ضحك ع فهد: فهود حبيبي استسلم خلاص ابوك فاز .. ظهر الحق وزهق الباطل

فهد وهو يضرب بأيده ع راسه: وليه كيف فاتتني هذي وانا كنت مسلم ع ولدها قبل لا يسافر
ام حمود: المرة الثانية لا تيلس تجذب عليه .. ترى أطلع حرتي فيك
مها بابتسامه: اميه حرام !! خليه ما تعرفين فهود يعني ؟؟!!
فهد وهو يطالع مها : مهويه احترمي الفاضج احسن لي ولج !! انا اسمي فهد مب فهود
مها : خلاص اميه لو أتكسري عظامه عظم عظم ما بقولج شي هذا يستاهل اكثر من جي
فهد وهو اونه يصيح: خوالي خوالي اغيثيني
خوله وهي ميته ضحك: اميه حرام عليج لو تزودين الجرعه شوي يكون اكشخ وتخليه جلده ع عظم
بو حمود وهو يطالع خوله : فديت منطوقج انا محد فاهمني غيرج

وفجأه يا حمود وفاطمه كانوا يبوا يسيروا السوق يأخذوا أغراض
ساره اول ما شافت فاطمه نزلت راسها لانه عارفه انه مريم مستحيل تخليها في حالها
حمود وهو خايف: حشا شو بلاكم اسمع صوت فهد من اخر الشارع
وتموا كلهم يضحكون\
حمود وعلامات التعجب في ويهه:بسم الله أشو مستوي قلت نكته انا
فاطمه وهي تهدي فحمود: حمود لا تكبرها يعني ما تعرف سوالف اخوك فهد
حمود وهو يطالع فهد: فهد مب قايلك انا تيوز عن ها السوالف انته متى ناوي تعقل .. مسوي روحك ود 14
فهد وهو يطالع هلال : هلال اغثني منو بيفجني احينه من هالوحش اللي جدامي
حمود بابتسامه: وحش مره وحده حشا !! وهالوحش الحين بياكلك وبيعقلك بعد

فهد اول ما شاف حمود ياي صوبه شل هلال وشرد برع
ويلسوا كلهم يضحكون ع فهد وحركاته الصبيانيه

~ ~ ~ ~ ~ ~ ~ ~ ~ ~ ~ ~ ~ ~ ~ ~
بيــــــــت بو مشعــــــــــــــــــل

نزلت ميثا وهي متكشخه جنها سايره عرس
ميثا بابتسامه: اميه تامريني ع شي انا بسير عند رواضي فديتها
ام مشعل: انزين فديتج بس لا تأخرين بنسير انييب اخوج من المطار
ميثا وهي تبوس راس امها: على امرج اميه ما بتأخر
وقبل ما تسير ميثا صوب الباب مسكتها امها
ام مشعل : ميثا ما اوصيج اباج تجيسيلي نبض خالد
ميثا بابتسامه : بحاول اميه لو أني عارفه انه طبع خالد صعب
ام مشعل تقاطعها: مافيه شي صعب اذا شغلتي عقلج ولعبتي اللعبه صح
ميثا : اوعدج اميه بشغل مخي هالمره وبلعبها ع نار هاديه وبفوز في اللعبه..
ام مشعل وهي تبوس بنتها: فديتج والله طالعه على امج
ميثا: خلاص اميه عيل اترخص انا احينه ..
وراحت صوب بيت بو خالد..

ودقت ام مشعل بأبوا مشعل وحصلته انتظاار ....

بو مشعل : انته شو يالس تقول
...: اللي تسمعه يا ابو مشعل
بو مشعل : انزين راجع الحسابات عدل اكيد فيه شي غلط ؟؟!!
....: بو مشعل لازم تتقبل الامر شركتنا يالسه تتعرض للافلاس
بو مشعل:الله يخليك حاول تحلها قبل ما تفلس الشركه ونتورط عقب !! وندش في متاهات نحن في غنى عنها
بو سعود: شوف انا بكون صريح معاك .. عندنا بس شهرين !! ولازم نحل هألأزمه باسرع وقت
بو مشعل يقاطعه: يعني فيه امل للحين
بو سعود: هيه فيه عطونا مهله بس شهرين واذا ما اداركنا مسألة الافلاس خلال هالشهرين الشركه وكل الخير اللي نحن فيه بيصير فشربة ماي..وطبعا ما راح تخسر بس الشركة حتى البيت وكل شي تملكه بيصير للحكومة
بو مشعل بتوتر: لا ان شاء الله بتنحل وانا اللي بحلها بطريجتي ان شاء الله
بو سعود: يالله بخليك احينه فحفظ الرحمن
~ ~ ~ ~ ~ ~ ~ ~ ~ ~ ~ ~
بو مشعل :ام مشعل داقه اكيد فيه اخبار تسر ادقلها احسن
ام مشعل: هلا بو مشعل شو بلاه تلفونك كله انتظار من الصبح يالسه ادقلك
بو مشعل هو مضايج: بلاوي يا ام مشعل
ام مشعل وهي حاطها ايدها ع قلبها : عسى خير يا ابو مشعل
ابو مشعل وهو يتنهد: أي خير يا ام مشعل نحن فلسنا خلاص .. واملاكنا بتتصادر
ام مشعل وهي اتصارخ: انته شو يالس تقول يا ابو مشعل .. هذا مو وقت مزحك الثقيل
ابو مشعل : اللي تسمعيه يا ام مشعل عندنا بس شهرين ولازم ندور حل
ام مشعل تقاطعه: بس شهرين شويه حاول عندهم يخلوها اكثر وعقب انا بتصرف
بو مشعل : خلاص اذا بتأكديلي انه كل شي بيصير اوكي ببيع الارض اللي عندي وبحاول اعيد ترتيب اموري
ام مشعل: شور زين يا ابو مشعل زين تسوى واوعدك انها بتفرج
بو مشعل : خلاص عيل يالغاليه خليني اخلص الامور ويا المحامي وعسى خير ان شاء الله
ام مشعل : ان شاء الله خير وربك كريم وبيفرجها وصكر بو مشعل التلفون
ام مشعل بتوتر: كل املنا فيج يا ميثا يارب تعرفين تلعبيها صح وتريحين ابوج من هالهم اللي شالنه

خسر ابو مشعل كل شي في لمحة بصر ولكنه حاول ان يداري إفلاسه بان يصعد على كتف ابا خالد ليصل الى ما يرموا الية وهذه المره عن طريق ابنته ميثا فهل سيحصل على ما اراد فليس كل ما ما يتمناه المرء يدركه
ولكن ابا مشعل اخمدت في كفه هذه الكلمات فكان دائما يمشي بخطى ثابته متجهه الى الامام دون ان يبالي بما يخلفه جراء افعاله وتواكله على غيره

~ ~ ~ ~ ~ ~ ~ ~ ~ ~ ~ ~