لمشاكل التسجيل ودخول المنتدى يرجى مراسلتنا على الايميل liilasvb3@gmail.com





العودة   منتديات ليلاس > القصص والروايات > المنتدى العام للقصص والروايات > القصص المكتمله
التسجيل مشاركات اليوم اجعل كافة الأقسام مقروءة

بحث بشبكة ليلاس الثقافية

القصص المكتمله خاص بالقصص المنقوله المكتمله


إضافة رد
نسخ الرابط
نسخ للمنتديات
 
LinkBack أدوات الموضوع انواع عرض الموضوع
قديم 18-01-10, 10:29 AM   المشاركة رقم: 76
المعلومات
الكاتب:
اللقب:
عضو فخري
حَاتمِيّة العَطآءْ

البيانات
التسجيل: Nov 2009
العضوية: 151969
المشاركات: 40,340
الجنس أنثى
معدل التقييم: بوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسي
نقاط التقييم: 6598

االدولة
البلدUnited Arab Emirates
 
مدونتي

 

الإتصالات
الحالة:
بوح قلم غير متواجد حالياً
وسائل الإتصال:

كاتب الموضوع : بوح قلم المنتدى : القصص المكتمله
افتراضي

 

(الفصل الثـــاني)



••.•°¯`•.•• مسموح إبعـد عن هواااي ••.•°¯`•.••





ضحيت لعيونك وسكرت بابـــــــي..عن شوف غيرك والغرام احتضرته..

رسمت لك لوحه وصارت سرابـي..بينت لي خافي شعورن كتمـــــــــته..

هاذي النهايه يا مسبب صوابـــي..سامحك ربي في فؤادن حرقتــــــــه..







من حدرت البيت..شـافت يدوتها جدام ويهها...لوت عليهـا وباستها ع راسهـا..

أم راشد:الحمدالله ع السلامـه يا بنيتي..

روضه"بصوت شاحب":الله يسلمـج يماايه..

أم راشد:في ذمتيه ان البيت ما يسوى شي بدوونـج..شو تانسين اللحينه ربج الا اخير عن قبل..

روضه:الحمدالله ..

خطفت روضه على يدوتهـا..وغبوش ميوده يدهـا..وموزاني وشجون مشتغلااات خدامات وشالات سلال الباتشي والحلويـات والورود وهالسوااالف..يلست فالصاله اشوي..حدروا أبوها وعمومتها وسعيد ومحمد..والشباب تقريبن كلهم يتحمدولها ع السـلامه..بس سهيل ما كان موجود..ولا سيــف..من فجـن باب حيرة روضه..

موزاني:بلاج روضه حدري حيرتج..

روضه:لا ماااريد..

فطـامي:خلاص روضه على راحتج.."وتبند الباب"..

شجون:خلاص تعالي حيرتي بيلسج فيهــا..

روضه:انزين..مشت روضه بخطواتها البطيئة صوب حيرة شجون..ومددت جسمهـا ع الشبريـة..وظهرن البنـات من عندها لأنها قالتلهن تبغي ترقد..

بس وين روضه..والرقــاد ووووين..القهر والنـــدم ياكل قلبهـا أكل..واتحس انها بتموووت من زوود القهـر..كـانت اتصييح متحسفه على كل السنين اللي عشقت فيها شي اسمه سهيل..ومتحسفه على كل الشهور اللي تعااااني فيها إن ما شافت سهيل..متحسفه على كل الأيام اللي جمعتهم ويا بعض..ومتحسفه على كل الساعات اللي اتجابل طيفه وتسامره كل ليله..ومتحسفه على كل الدقايق اللي كتبت فيها اسم سهيل..ومتحسفه على كل الثواني الي نبض فيها قلبها بمحبـة سهيل..

مشاعر واحاسيس منمدجه ويا بعـض..تحسبها يوم تتلقـى صدمه كبيرة من شخص تعزه وتغليـه..صدمه اتخليك اتعيش الوااقع المرير والأليــم..

حط نفسك في هالموقف..

شخص اتحبه تغليه..تمووت فيه..بشوفه تردلك رووحـك..واذا ابتعد عنك ..طاحت دموعك هماله عسبه..مستحل فكرك دااايم الدووم..في كل لحظه طيفه عايش وياااك..و ما يروح عنك لو دقيقه..من زود حبك له..اذا يابوا طاريه فزييت..وان سمعت حد باسمه..قلت ااااااه فديت هالإسم والله..عشقـك له هب عشق عادي..عشق جنووونـي..

وفي نفس الوقـت..كان يبادلك الشعور..ويبادلك المحبـه..كان يحلف لك انك تعنيله الكثير..وانه حياته دووونك ما تسوى..كان يقنعك برمسته المعسوله...وانته متأكد وواثق من حبيبـك..كان يووعدك بالحياه الحلوة معااه..ويوعدك يالأمـاني ..ويسولف عليك عن هيام قلبه وعشقه الجنوني لـك..

وانته..؟؟؟

كنـت اتصدق واتصدق واتصدق..ماتعرف شو هي نواياااااه..ولا تفكر في لحظه تخووونه..واذا زعل منــك..ترتبش وتحزن وتضيج وتعيش حياة تعيسه..ويمكن ينجلب حـالك..واتحس عمرك انسااان على هاامش الحياااة..

انتم اللحينه حباااايب..خلااان..كلن قلبه على الثـاني..وكلن يده على الثـاني..إن رمس واحد منكـم..فز لحبيبه وقال لبيه..لتوأم رووحـه..أحلى حياه كانت حياتكم..وأطهر محبه كانت محبتكــم..بس للأسف محبه بالنسبه لك..هي نفسها بالنسبه لـه لعب بالمشاعر تجريح وكذب..وتسليه..

من بعد هالمحبـه..تكتشف انها ما يحبك..ما يغليك..ما يبغيك..انجبر عليـك..غلطة حياته يوم تعرف عليك..وده انه يفارقـك..وده يبتعد عنك..يفارق شوفة ويهـك..ويبتعد ابتعاد نهائي عن حيــاااااتك..



شو شعورك هذيج اللحظه..؟



لحد ايقول عااادي شو يعني؟؟..هو الا واحد من مليون البشر..هاي رمسه انقولها نقنع انفسنا بها ونرضي الغرور اللي في داخلنـا..رمسه من طرف اللسان تحاول تشفي جروح واتداويهـا..بس للأسف لا زال القلب جريح والخواطر مكسورة..شعورك بيكون حزن ألم قهر دمع كره حنين فراق مرارة ..

بالضبـط.. شعور روضه هو شرات شعورك..وكأن حزن العالم تجمع في قلبهـا..وكأن الكون عطاها هاللحظه الحزن اللحينه..وسلبها فرحتها وضحكتهـا..

كان صوت صياحهها عااالي..تبغي اتظهر اللي في خاطرها..تبغي اتصيح واتصيح واتصيح واتصيح..تر يد اتحس بالعذااااب...وبالحرمــان..تريد الندم ياكل فوادها أكـل..عسب اتوب مرة ثــااانيه اتحب..

كل هذي الأفكـار سيطرت على فكر روضه..وما خلتها اتفكر بشي ثــااااني..

انفـج الباب..وحدرت أمهـا ..وسارت صوب بنتهـا..روضه اول ما شافت امها على طول طاحت في حظنهـا..وتمت لاويه عليها بقوو واتصبيح..لأنها هاللحظة بالذات تحتاي حظن دافي كله حنااااان..

أم محمد:بس فديـتج عن اتصيحين واايد بتنتفخ اعويناتج..

روضه:....................................

أم محمد:شو بلاج يا بنتيه رمسي..؟؟

روضه:ظواااني الهم يمايه ظووواني..

أم محمد:شو من همن ظوواج....؟؟

روضه:......................................

أم محمد:خلاص اللحينه انتي ارتـاحي ورقدي زين ما زين..باجر ما بنخليج اتدوامين..بس بعده لازم اتدوامين طاافت اربعة اياام..

روضه:.........................................

أم محمد"تمسح ع شعر روضه":روضه فديتج..

روضه:هممم..

أم محمد:شو تانسين..شي يعورج..؟

روضه:لا يماييه ماشي يعورني ظاربتني ضيييجه..ابغي اصيح وبس..

أم محمد:استهدي بالله يا رووضه..شو له تصيحين..أكيد في سبب..

روضه"تصيح بصوت عالي":ماااشي أسبااااااب..بس الناس صااروا عديمين مشااااااااعر..والواااااحد ما يحسب احساب لبنـــت .................................

صخـت روضه ما تبغي امها تعرف الساااااالفه..تبغي كل شي ينتهي بهدوووء..ولا تريد المشاكل اتقوم بين هلها وقوم عمها بوسهيل..

أم محمد:كملي..

روضه"اتصيح بهدووء":خلاص اماايه انا ما فيني شي..

أم محمد"حست ببنتها":خلاص فدييتج..مع اني ما اعرف شو سالفتـج..؟؟بس ابغييج تحاسبين عمرج زين ما زين..واللي تصيحين بسببه..هو صـح ولا خطـأ..

نشت ام محمد ولحفــت روضه زين وباستها ع راسها وظهرت..فالوقت اللي كـانت روضه لا زالت اتصييييييييح...والنااار تحترق في قلبهــا..تحتـرق وتحترق معاها كل الذكريــــــــــــاااااااااااااااااااات..

















لو حسيت بدمعة قــــــهر..لا تنسى غلات دمـوعك..

ولو يوم خانتك دنيــــــاك..تذكر من يحــــــــــبونك..

لو كل البشر ضــــــــــدك..تعال بحضن مــــجنونك..

تراك أغلــى البشر عندي..وأموت بضحكة عيونك..





مطــاار دبي..

السـاعه 4 العصــر..



يودت خلودي تيلفونها..

سلطان:بدقين لمنووو؟؟

خلودي:اممم...لفطامي بقولها انا اللحينه متواجدين في دبـي..

سلطان:لالالالالالالا..سبراااااااايز سبراااااااايز..

خلودي:لا سلطان والله خاطريه ارمسهـا...

سلطان:اوكيك رمسيها..عسب تخترب السبرااايز..

خلودي:ما بيعرفون بنقولهم احن خاري البلاد..

سلطان:لا والله...والرقم اللي بدقين منه ما بيظهر جدامهم..بيعرفون انج ييتي..يا ذكية زمــااانج..

خلودي"تضرب راسها بالخفيف":اووو نسيت..صدق اني غبيه..

سلطان:هههههههههههه..وتعترفيييين..؟؟

خلودي"معصبه":ويااا ويهك ..احسن لي ارمس فطامي..بس بقولها ما تخبر حد..

يودت خلودي تيلفونها ودقت على تيلفون أمهـا..وهي تتمنى ان التيلفون يكون ويا فطــامي..ومن ردت..سمعت صوت فطاامي..

خلودي:هــــــلاااااااااااااااااااا واالله بالسرااااااااااقه..

فطامي"منصدمه":..........خلوووووووووووووووووووووودي .."كانت اتصاارخ"..

خلودي:هششششش صخي عن يسمعووونــج..

فطامي:محد محد انا يالسه في حيرة غبووووش...

خلودي:اشووو..؟؟وشو عندج في الرمـاح..ما تعرفين ان باجر ثلاثاء ومداااارس..

فطامي:شوو؟؟مداارس..ههههههههههههه..انا اصلن هالأسبوع كله ما داومته..كنت يالسه فالرمـاح..

خلودي:والله وعرفتي لراس سيف..كيف رمتي تقنعينه..؟؟

فطامي:هههههههه..كل شي لجل عيون روضه يهووون..

خلودي:شو هالرمسه..؟؟وشو دخل روضه بسيف..وسيف وروضه..

فطامي:سيف يحب روضه..

خلودي:شووووو؟؟وانتي شو دارج يا مسودة الويــه..؟؟

فطامي:هههههههه..ماشي يغترني"يفوتني"..كل شي اعععععععععرررررفففففففه...

خلودي:حشى سااااااااااحرة..هب بنيه انتي..

فطامي:تف تف تف عن اتضربيني بعين انش باجر في غيبووبه ولا تخلف عقلي..

خلودي:ههههههههههه..لا صج كيف عرفتي بهالشي..؟؟

فطامي:عيون سيف ونظراته يفظحنه..وكل شي وااااااااضح شرااااااااات الشمـــس..

خلودي:بس كيف..وروضه محيرة لسهيل..

فطامي:ماااااااادريتي...ظهر سهيل يقص ع روضه..ورواضي سمعته ومن ردت البيت كانت اتصيح وتربع ع الدري وطااحت ورقدوها فالمستئفى اربة ايام واليوم الصبح ظهروووهـا...

خلودي:شووووووووووووووووووو؟؟في ذمتـج..

فطـامي:في ذمتيييييييه ما جذب علييييييج..؟لقول يلا يلا جلبي ويهـج بسير صوب البنـات..

خلودي:وايه فديتها رواضي وينها اللحينه..؟؟

فطامي:رااقـده..

خلودي:ااهــا..اوكيك سلمـي عليها وتحمديلها بالسلامه وان شالله باجر بنييهم..

فطامي:تعالوا متى رديتوا انتو؟؟

خلودي:والله تونا ظاهرين من المطاار..

فطامي:ههههههههه..بقول لمااااااااايه اللحينه..

خلودي:لا شوو ..؟؟؟لا تقولين لحد..سبرااااااايز..

فطامي:جب جب..بدق على سيف..وبدق على تيلفون البيت...بقول لمااايه..

خلودي:تعالي انتي ما تستحين كيف مخليه امايه ومجابلة روضه ..

فطامي:هههههههههه..اصلاً امايه هنيه..ههههههههههههههههههههههههه..

خلودي:حششششى..والله انكم راااعين فزعااااااات..يلا مع السلامه..

فطامي:بخبر اماااااايه..

خلودي:لالالالا...

فطامي:جب جب..والله اخبرها بااااااااي..

وبندت في ويه خلودي..

خلودي:حشى هالبنيه ما تستحي..بندت في ويهي..

سلطان:هههههههههههههه..ما عليـج بس من اشوفها بأدبهــا..

خلودي:محامي ..

سلطان:واكبر محامي لعيووونج..















نسيمن هب ذكرني بخلن طول بـ فرقـا ..

و وليمن دار ع بالي عليها انوح و اونــي..

احبه صدق من قلبي رفيع الشـأن واتمنـى ..

جميلن عنه الخرج تراهن ما يعيضني ..



العراااقيــــــــــب..

السااعه 5 ونــــص...



سيف"يسمح ع طيره":هاه شو رايكم فيه..

سهيل:هب احسن عن طيري..

سيف:جب جب..يلا هناك..طيرك ما يسوى شي جدااااامه..

حمدان:هههههههههههه...سهيل اقرب عندنا ... عند عبدالله بن محمد حمماااام بيمتنن طيرك الضعيفون..

الكل:ههههههههههههههههه..

سهيل:لا لا مشكووور..بيصيح ع راسي ولدكم ما فيني..

سعيد:والله انكم متفيجين..كل واحد وبطيره وحالتكم لله..

سيف:طولي بعمرك هاذا ماضينا لازال في عروقنا يسري..وشحـلات البـر وانته يالس والكوس يهب عليك ... وجدااامك الطير والضو والقهوه عليه..

سهيل:بدوووي بحت وانا اشهد..

سيف:هههههههههههه..ولد سويحان شو تتوقع.

سعيد:عاد انته سيف في الشركه شي ثــاني..واهنه شي ثــاااني..

حمدان"يتمصخر":شركته متطورة ..حتى تصميمها غيير..

سهيل:هههههههههههه..عن تضربون شركتنا بعييين اللحينه..

حمدان:شوقالولك نحسـد..لالالا بسم الله علينـا..

سيف"ينش من مكانه":يلااااااااااا عيـل ان بخليكم بصك خط سويحان..حد بيخاويني..؟؟

حمدان:توكل ع ربك احن بنيلس اهنه لين المغرب..

سيف:يلا عيل مع السلامه..

ركب النييسان ماله..وحركه بشوي شوي..وبعد كمن دقيقه..ين الريال واستوى يلعب بالموتر في ويوه الشبااب والرمل عليهــم..خخخخخخخخخخخ...يوم نشوا اونهم بيلحقوونه..حرك سيارته وشرد عنهــم..

سار للرمـاح..اونه بياخذ فطامي وأمهـا..بس خلودي دقتله..وكان عنده علـم انهم واصلين من يوووم..وبعـد ما بند عنهــا..ظهـر من موتره والطير وياااه..صقر في نظرته كلها شمووخ وتحدي..

من حدر الحوي..ووقف جدام الباب العود للصـاله..لأن محد كان يالس فالحـوي..انفـج الباب وظهرت في ويهه روضه .. وكانت من صج تعبااانه..

فز قلبه من شافهـا..وابتسم في ويههـا..اما هي على طول طالعت الطير مستاانسه..

سيف:شحالج روضه..

روضه"اتصد صوبه":بخير يعلك الخير ومن صوبك..

سيف:ما نشكي بااس...الحمدالله ع السلامه..

روضه:الله يسلمـك ويلسم غاااليك..

صخ سييف وهو يتفدى حلاات منطوووقهـا..

روضه:هاذا طيرك..؟

سيف:هيه..

روضه:ممكن اتسلفني اياه اشوي..

سيف:ما تخافين منه..؟؟

روضه:لالالا..عندي خبره فالطيووور..

قربت روضه منـه..وشلت الطير بدون خوف..كان متوقع ان فطامي اخته هي الوحيييده من البنـات ما تخاف من الصقور..بس روضه انضمت لقااائمة فطااامي....

تمت روضه تمسـح ع الطير..ومستاانسه واايد..وشلت البرقع عنه..وترد اتلبسه مرة ثـانيه..

روضه:هههههههه..حبوب طيرك..

سيف:وراعي سوالف بعد..ههههههههههه..

روضه:هههههههه..اووه سيف السموحه منك ما رحبتبك..تخبلت من شفت الطير..ارحب عندنا للقهوه..

سيف:مسموحه طال عمرج بس وين فطامي..

روضه:اللحينه بزقرها..احدر الصاله..

حدر سيف الصاله..وروااضي ورااه..ويلس ع الغنفه وهي وطت الطير عدال سيف وصبتله اقهوه وقربت له الفواله والتمـر..بس هو ماكان صاد صوبهـا..يعني يشغل عمره..وسارت هي فووق وزقرت فطامي..ويت فطامي عاد من شافت الطير تخبلت..اونه تبغي اتنتف ريشه..البنيه هب ناويه ع خير..لوووول..

بس فالأخير ما طاعت اترد سويحــان..وتمت ع راس امها وع راس سيف..لأن اقتنعوا برمستهـا..وقالولها يومين فقط لا غيــر

 
 

 

عرض البوم صور بوح قلم   رد مع اقتباس
قديم 18-01-10, 10:29 AM   المشاركة رقم: 77
المعلومات
الكاتب:
اللقب:
عضو فخري
حَاتمِيّة العَطآءْ

البيانات
التسجيل: Nov 2009
العضوية: 151969
المشاركات: 40,340
الجنس أنثى
معدل التقييم: بوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسي
نقاط التقييم: 6598

االدولة
البلدUnited Arab Emirates
 
مدونتي

 

الإتصالات
الحالة:
بوح قلم غير متواجد حالياً
وسائل الإتصال:

كاتب الموضوع : بوح قلم المنتدى : القصص المكتمله
افتراضي

 

(الفصل الثــالث)



••.•°¯`•.•• عـــااافك الخـــاااطر ••.•°¯`•.• •





بعز النفـــــــس عن ذكراك ..

ولا تــــــــظن انــي بترجاك..

ابتجاهلك وانســــــى الحب..

ماعاد يهمـــــــــــني فرقاك..





الرمـــاح..بيت بومحمد..

الصــاله الفوقيه..

الســاعه 6 ونـص الصبــح..



روضه:صدمني يا فطامي صدمنـي برمسته اللي قالهــا..اللحينه انا اللي عاقه عمري عليه..ااااااااه يا الدنيا..ولد عم يقص على بنت عمه..؟؟

فطامي:خلاص يا رواضي انسي اللي طااااف..

روضه:كييييييييف انسى..وانا كان كل ما فيني ينبض بمحبة سهيل..

فطامي:لازم اتواجهين الواقع وتدوسين على قلبـــج...ممكن اتخبريني شو بتسوين..؟؟

روضه:اللي بسويه اني بروح حيرتي اللحينه ..وبمسح كل ذكريااات سهيل...

فطامي:خلاص عيل انا بسير برقد تعبت واااااااااايد..

سارت فطامي عند شجون ورقدت..أما روضه غصبت نفسها تدخل حيرتها اللي من استوت السالفه وهي ما طبتها..لأن كل شي فيهـا يذكرها بسهيل..

أول ما فجت الباب حست الدموع في عيونهـا..ومن دخلت..طاااحت علينها على طوول ع الستكر المعلق اللي مكتوب فيه.."مستحيل أنسااج"..

على طول شلته وقطعته بكل قوووة..وبكل قهــر..وسارت صوب الكبت وفجته وظهرت البوكس مالها...اللي تحتفظ فيه بكل الأشيااء اللي تذكرها بسهيل..

كــانت اتطالعه بكل حزن..لأنه يحوي كل ذكرياتها الحلوة والمرة مع سهيل...وفجته بكل بطء..

من فـجته..تمت اتطالع فالأشياء اللي داخلــه..استكرات سلاسل قلوب وقلم أزرق كان هديه من سهيل...واشياااء واايد..

وشلـت القلب الأحمر الصغيروني وحطته جدامها بالضبــط..وكان هالقلب من عند سهيل طرشه ويا عنودي...

طاااحت عينها ع الستكر العيناوي اللي مكتوب فيه حرف الــ r..وشلته ويا القلم الأزرق وحطته ع الطااوله جدامها..

وشلت الإستكراات الملونه وحطتها كلها فوق بعض ويا القلم الأزرق..

واشوي الا اتشوف الدفتر اللي تكتب فيه كل يومياتها ويا سهيل..وأشعارها جدااامها..وفجت على طول وتمت تقرى اشوي في وحده من الصفحـات..

تذكرت يوم كتبت هالموقف كيف كانت مستعيله وخطها عنقااش..للووول...واشوي الا تمت تركز ع الستكر البنفسجي اللي مكتوب فيه حرف الـــ s..وحرفهـا وبينهم قلب صغيروووني...حست في هاللحظه انها تكره سهيل وتكرهه وتكرهه..وحست انها كااانت بس تمثل انها تحب سهيل..ولا ذيك المشاعر كلها خربطاااان..بندت الدفتر بكل قوة..وردت الأغراض كلها لمكــانها..وفرتهن ع الأرض بدفااشه..ووقفت صوب الدريشه..شافت ابوها يالس يتقهوى ..



"دااامني مسحت ذكرياتها..لازم أحدد مصيري بعيد عنه النذل"



بعد ما خذتلها شور..وكشخت كشخه غير معتاااده..نزلت تحت..صوب ابوها تخبره بهالخبر المفاااجــئ..

 
 

 

عرض البوم صور بوح قلم   رد مع اقتباس
قديم 18-01-10, 10:30 AM   المشاركة رقم: 78
المعلومات
الكاتب:
اللقب:
عضو فخري
حَاتمِيّة العَطآءْ

البيانات
التسجيل: Nov 2009
العضوية: 151969
المشاركات: 40,340
الجنس أنثى
معدل التقييم: بوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسي
نقاط التقييم: 6598

االدولة
البلدUnited Arab Emirates
 
مدونتي

 

الإتصالات
الحالة:
بوح قلم غير متواجد حالياً
وسائل الإتصال:

كاتب الموضوع : بوح قلم المنتدى : القصص المكتمله
افتراضي

 

..الجزء الـ ث ــاني والـ ع ــشرين..





••.•°¯`•.•• كنت بالماضي حبيبي ••.•°¯`•.••





كنت عندي ضي عيني من غلاك..كنت احارب مـن يواري طلعتك..

كنت متربع ولا احدن ســـــــواك..فوق عرش الحب لكن غلطتــك..





يلست روضه عدال أبوهـا بعد ما وايهته وباسته ع رااسه وباست امها ..

روضه:أفا والله..وين أمايه العوده..؟

أم محمد:مادري شو حل عليها وع الساعه 12 سارت صوب بيت محمد.."بوسهيل"..

روضه:أهــا..عيل بعد ما نتريق بنخطف عليها بنشوف حووااالها..وين البشااكير..؟

أم محمد:في المطبخ يالسات..خاطرج ابشي؟

روضه:اممم..هيه خاطريه في...امممم..في هوت شوكليت..بخليهن ايسون ليه بعدين..

أم محمد:ع رااحتــج..

صدت روضه صوب أبوها ..اللي كان يشرب قهوته..ومن فجـت ثمها تبغي ترمس وتقول عن اللي في خاطرهـا .. بس أبوها سبقها فالرمسه..

أبو محمد:هاه الروض الغاليه شو في خاطرج..؟؟

روضه:انا..انا يااايتنك ..وطالبتنك طلبه ولا تردني..قوول تم..

أبو محمد:تــم..

روضه:ابوويه..انا..

وتصد صوب أمهـا..بس امها تمت صااخه..

روضه:أبوويه انا..انا..

صخت روضه تتنفس اشويه .. وهي تتخيل ردة فعل عمهـا..

أبو محمد:رمسي..

روضه:ابويه..انا ما ابغي سهيل..

صد بو روضه صوبها ورفع وحده من حياته..ووطـى فنيال القهوه على الأرض عدال سويج موتره..

أبو محمد:واشعنـه ما تبغين ولـد عمـج..؟

روضه"مرتبكه":آآآ..بس ابويه ماشي سبب بس سهيل ما ابغيه..

أبو محمد:ومن متى هالرمسـه؟؟

روضه"اعيونها متعلقه على كل شي":من اللحينه..

أبو محمد"ينش من مكانه":يستوي خيـر..

شل سويجـه وظهر من الحوي ..فالوقت اللي صدت روضه صوب الأرض مكان السويج..واتحس الدموع تتيمع في اعيوناتها..

أم محمد:تعالي الروض فديتج..قربي عنديه..

تذكرت روضه وجود أمها ..ونشت بكل بطئ ويلست عندها..

أم محمد:ليش ما تبغين اسهيل..؟؟

روضه:ماشي سبب..بس انا حسيت عمري انا ما استاهله ولا هو يستاهلني..

أم محمد:شو؟

روضه:يعني بمعنى ثاني ما اناسبه ولا هو يناسبني..

أم محمد:هاه راايج ولا رااي غيرج..

روضه:لا راايي انا..وانتي تعرفيني ما اخذ بشور حد..

أم محمد:وبعد ما مرت ثلاث سنين على سالفتكـم الأوليه اللحينه رمستي يوم تحددت الملجه والعرس..

روضه"اتصيح":ربـج كااتب..

أم محمد:انزين فديتج لا تصيحين..والله انج ما تهونين عليه..

روضه"اتحط راسها ع جتف امها":بس امايه..أحس انيه صدمت بوويه..وحطينه في موقف محرج..

أم محمد:أبووج ريال وما ينخااف عليه..اذا انتي تحملتي وعرستي باجر شو بتسوين في حياتج وانتي مب مقتنعه بالعرس هاذا؟

روضه:...اممااايه...مادري كيف استوى هاه كلـه..امايه انا للحينه ما استوعبت انيه انا اقوول هالرمسه لأبووويه..

أم محمد:خلاص الغاليه كل شي بيمشي على خير..انتي لا تحاتين..دامج ما تبغين اسهيل اعتمدي رمستج ولا تحاتين شي..ادريبج وادري بطبااايعج ما تهااابين وقويـة عين..

روضه"تمسح دمووعها":خلاص امايه انا بسير برقد .. أحس عمري واايد تعباانه.

أم محمد:سيري فديتج..

نشت روضه من عند أمها بعد ما باستها ع راسها..اللي كانت ضاربتنها الغبنه على بنتها روضه..وكيف انجلب حالها ..سبحااانه مغير الأحواال...بالنسبه لروضه..كانت تسحب عمرها ..وتغصب عيونها عن تذرف الدمووووع..لأن اللي ذرفته واايد ..انقطع تفكيرها على صوت باب قسم محمد وهو ينفـج وتظهر عنودي وهي تربع ومحمد وراااهاااا كاشخ شكله هو الثاني بعد بيلحق ابووه...

محمد:تعالي يا مسودة الوويه..

عنودي:ههههههههههه..مااريد..تيلفونك ..عيب...عيبني..واايد..

محمد:وجانه عيبج تصرقينه مسودة الويه.."ويوم شااف رووضه"..مرحباا ملااييين ولا يسدن بالمزاااييين..

روضه"بابتسامه باهته":مرحبابك زوود..

محمد:افــا بنت رااشد وين ترااحيبج اللي تشل البيت...؟؟ما عهدناج جيه..؟

روضه:ربك..مزجوومه وما فيني ع الصرااخ..

محمد:المهم شحـالج..؟

روضه:يسرك حالي ومن صوبك..؟

محمد:ما نشكي بااس..هاه شو تانسين عمرج أحسن ولا زاد الويع؟؟

روضه:لا الحمدالله احسن بواايد..

محمد:انزين مرة ثـانيه يوم تربعين ع الدري فتحي عوينااتج اوكيه عسب اتشوفين دربـج ..وتحملي على عمرج غنااتي..ترى احن ما عندنا الا روضه وحده..

وباسها ع راسها وخطف جداامهاا..ابتسمت رووضه على حنية محمد..وقالت ابصوت شبه مسموع..

روضه:ياا حظج والله يا عليوووه..

كملت دربهـا ووسارت صوب حيرتها..من فجتها طاحت اعيونها ع الأغراض اللي عقتهن ع الأرض قبل ما اتسير صووب ابوها..وسارت ويودت تيلفونها اللي كان ع الشبريه ودقت للبشاكير تحت وخلت وحده منهن اتي..

دقايق والا والبشكارة جدام روضه..وقالتلها اتشل هالأغراض كلها واتوديها الزبااله..بس يودت الدفتر وحطتها تحت طيات اثيابها في الكبت....لأن هالدفتر لازال يحمل اسم روووضه..

















ياصاحبي لاتحــــسب اني مجافيك

ولاتحســـــــب ان الصد مني تغلى

والله مافــــي العين واحد يساويك

انت الذي مــــــــالك حياتي وكلي





بيــت بو سهيـل..

السـاعه4 ونـص..



نزلت سلامي من الدري وهي اتطالع في الصاله اتشوف منو اللي موجود..شافت أمها قاعده اترمس سعيد تيلفون اللي للحينه ما ردوا من البحرين..كانوا متوقعين اسبوعين بالكثير وبيردوون..بس الظروف خلتهم ايطولون هناااك..من بندت صدت صوب سلامي اللي كانت يالسه تشربلها جاي حليب..

أم سهيل:أبوج وسعيد يسلمون عليج..

سلامي:واايه فديت طاريهم والله..الله يسلمج ويسلمهم..هاه شو علومهم وشو اخباارهم..؟؟

أم سهيل"مستانسه ..خخخ":الحمدالله ..كل شي ماشي حاله..

سلامي:و متى قالوا بيردون البلاد..

أم سهيل:أسبووع..

سلامي:واايه علني فداااهم والله تولهت عليهـم..

أم سهيل:صليتي بنتيه ولا نسيتيها الصلاة..

سلامي:لا الحمدالله صليتها..

أم سهيل:عيل انا بنش بتزهب ..

سلامي:على وين العزم..؟

أم سهيل:بنسير للهير صوب خوالج..

سلامي:اها سلمي عليهم..

أم سهيل:سلامن يبلغ..

سلامي:امايه العوده وحريم عمومتيه بيسيرون وياااج..؟

أم سهيل:هيه كلنا بنسير..

سلامي:اهاا..

نشت ام سهيل من مكانها..وصدت صوب سلامي..

أم سهيل:عمـج بو خليفه من اييبون اللبن من العزبه طرشي لقوم حليمه اللي ورى بيتنا..

سلامي:ان شالله..

أم سهيل:لا تنسين الله يرضى عليج..

سلامي:لا ان شالله ما بنسى..اصلن بسير عند موزاني و وبشوف عميه من ايي من العزبه..

أم سهيل:هيه..

سارت أم سهيل صوب حيرتهـا..فالوقت اللي ظهر سهيل من قسمه وهو يحط التيلفون في مخباااه...

سهيل:سلاااااااامن علييييهم..

سلامي"من طرف خشمها":وعليكم السلام..

سهيل"ييلس":انزين بشوي شوي عن ايطيح نصج..

سلامي:انزين..

سهيل"يتأمر":اقوول الصخله صبي صبي ليه جااي يلاااا..

سلامي:انزين لا تصاارخ..العرب بيصبون لك جاااي..

سهيل:جب جب ..يلا بسرعه..

سلامي"اتمدله الجاي":هااااااااك...

سهيل:بيصيييييبني سم في بطنيه والسبه انتي..

سلامي"ابتسامة منطزة":بالعااااااااااافيـه عليك..

سهيل"يضحك":ههههههههههههه..أدري من ورى الخاطر..

سلامي"صاده صوب التلفزيوون":..................................

سهيل:حشى ما ينرزى عليج..كله هاه عشان رووضه اليااااهل..

سلامي"اتصد صوبه معصبه":شوو انته ما تحشم..؟؟؟

سهيل:هههههههههههه..أحشم منو؟؟؟أحشم رووضه؟؟؟!!!...خخخخخخخخخخخخخخخ..روضه يااهل وما تعرف شي..بس عليها تسرق السياايير وتستهبل..

سلامي:لا والله..؟

سهيل:والله..هههههههههههههههههههههههه..تعالي تعالي بنحسب المسأله صـح..خخخخخخخخخ..

سلامي:يلا احسب يالفااهم..

سهيل:بنت عميه وما ابغيها..وكنت باخذها عشان شور الوالد..وهي سمعتني وانا اقول اللي في خاطريه وتمت تصيح..بالله عليج هاه شو انسميه..هاذا انسميه ضربة حـظ..وضربة حظ متكشخه بعـد..هههههههههههههههههه..

سلامي:يعني اللي افهمه انك موول ما اتحب رووضه...

سهيل:اممممممم..بصريييح العباارة قولي اكره روووضه..

سلامي:يييييها..ياسهيل..ما توقعتك جيه...

سهيل:ههههههههههههههههه..

سلامي:بيحترق ويهك جدام الريااايييل يوم بتردك الروض بعد هالسنين كلها..

سهيل:اتردني؟؟؟!روضه اتردني انا مستحيييييييييييييييييييييييييييييييييييييييييييل.. .بيكون اخر شي اتسويه في حياتها يوم اترد سهيل بن خليفه..انتي بعقلج..ههههههههههههه..؟؟

سلامي:للأسف انته ما تعرف روضه زين؟

سهيل:اقول جب..جب..ولا غيري السااالفه..قسم بالله لوعتييبي كل اشوي ورووضه ورووضه..والله ما جذب..ربي خلق نااس واايد غير عن روضه..غيري غيري السااالفه..

سلامي:............................................ .

دق تيلفون سهيل في هاللحظه..

سهيل:اووف..اخيرن دقت ..

سلامي:شوو..منو هااي؟؟

سهيل:وحده توني من يومين متعرف عليها..هههههههههه..والله صوتها يضحكني..تقول عنز رابطينها..ههههههههههههه...

سلامي:ويا ويهـك..وتعترف..

سهيل"ينش من مكانه":هههههههههه..يعني اللي يسمع جنه الا خلوف ما يرمس بناااات..

سلامي:شووووو؟؟مستحيييييييل..

سهيل:ههههههههه..مسكيييينه والله..الصراحه اشفق لحااالج..ذاايبه في دباديب الغراام والأخ خلووف مادراابـج..اقول طالعي طالعي التيلفزيون ..وارفعي من مستوى تفكيرج اشوي..ههههههههههههه..

ظهـر سهيل من بعد ما عق القنابل على قلب سلامي اللي من ظهر سهيل وهي اشوي وبتصييح..خطفت عشر دقاايق وشلت بعمرها طيراااااااان صوب خلووف..ههههههههه..لالالالالا..أقصد موزاااني..لووول...

من وصلت على طوول فووق..وفجت الباب بسرعه..

سلامي:موزاااااااني..موزااااااااااااااني..

موزاني"رااقده":................................... ..........

سلامي"تعفد على موزة":نششششششي يالنذله نشششي..

موزاني"نشت وهي خايفه":شووو شووو مستوي؟؟

سلامي:وينه خلووف ويييينه بذبحه هالرياااااااااال..

موزاني"اترد اتوطي راسها من بعد ما سمعت اسم خلوف":جب جب عن اترقص فوق بطنج ..طيحتي قلبي عنلااات صدااج ع بالي شي مستوي..

سلامي:لييش انتي تعرفين اللي استوى..عشان ترمسن ويا ويهــج؟؟

موزاني:شو بيستوي يعني..ماشي يديد..يا سمعتي رمسه عن خلووف..ولا زعلتي منه يوم قالج كلمه..ولا شووو..؟؟

سلامي:يلا نشششششششي..بقوولج الساالفه..

موزاني"اتصاارخ":انزين لازم افج عويناتي عسب اسمع السالفه..انا ما اسمع من عيوني اسمع من اذووني..

سلامي:واااااااااااهئهئهئهئهئهئهئهئ..نشي موزاني نشي عن اعلن الحرب ويااج..

موزاني:اعلني يالغاليه لين ما تقولين بس..الناس من يردون من المداارس يرقدوون لين المغرب..وانتي ما ترقدين حشى عندج طاقه كامنه..لاااا انا نسيت انج غاايبه اليوم..والله انج مبزاااااااااااااايه..

سلامي:هيه اللحينه بتظربيني بعين وبتم رااقده يومين..

موزاني:ههههههههه..لالالا..ثلاثت ايام احسن..ههههههههههههه..

سلامي:سخييييييييييفه..

اول ما قالت هالكلمه..حدرن شجون وفطامي عليهن..

فطامي:سخيييييييييفه ولا تااااااااااااااااااافهه...

شجون"تقعد ع الكرسي":هههههههههههههه..من اللي يجرحون مشاعرها وهي تخفي شعورها..

فطامي"واقفه ع راس موزاني":هههههههههههههه..

سلامي:شو فطامي انتي للحينه ما سرتي سويحان..؟؟؟

فطامي"اتصارخ":لااااااااااااا والله...؟؟انا قاعده على رااسج ولا على راااسج..هع هع هع هع هع ..

سلامي:عندي رااس وااحد..

فطامي:قووولي والله...؟؟"باستهبال"..السموووحه انا حووله..

شجون:تعترفييييييين..؟؟؟

فطامي:وأكبر اعتراااااااااااف..

سلامي:والله تحريتج سرتي سويحااان..

فطامي"اتسير صوب الباب":شو هالبنيه..غصب ما تبغيني ايلس..شوو هاااه..؟؟خلاص انا بسير اللحينه ما بقعد دقيقة وحده..

شجون:هههههههههه..تعالي تعالي هاي معصبه مادري شو بلاها..

سلامي"تستهبل":منو أنا..؟!

شجون وفطامي:لااا انــا؟؟؟

من قالن نفس الرمسه..صدن صوب بعض وضربن كف بكف..وتمن يتضااحكن بصووت عااالي ..امممرة عند رااس موزاني..

شجون وفطامي:ههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هه..

موزاني"اتنش من شبريتها معصبه والكشه الله لا يرويكم عسب محد يباات وهو يصيح مرعووب":ايييييييييييييييييييييييييييييييييه انتن وييين عااايشاااااات..؟

شجون:فالرمـــاااااااااااح..

فطامي وشجون وسلامي:ههههههههههههههههه..

موزاني:هدوووووووووووووووووء.انا ابغي ارقــد..يلا يلا..الحيرة تتعذركـن..

سلامي:لا والله..؟

شجون:مااااااااااااانريد..

فطامي:رووحي موتي يلا..خخخخخخخخخ..

شجون:لا احسن انتحري..خخخخخخخخخ..

موزاني:ظهرن ظهرن بكل احترااام..

فطامي:يلا يلا جب هااي حيرة بنت خاااااااااالي موزاني هب ع كيفج يالسبااااااااااله..

موزاني:وانا منوو ان شاالله..؟؟؟

فطامي:يالقوووووووووووووووووووووووم..البنيه فقدت الذااااااااااااكرة..

الكل:هههههههههههههههههههههههههههههههههههههههه..

موزاني:مااااا يضحــــــك..

فطامي:عادي الغلا لا تضحكييين..

موزاني:انزين يلا شرفن خاااري الحوووي عووود والجو طر كشخه للسوالف..

سلامي:ماااااااا نريد..

موزاني:اوكيك ما تريدوووون؟؟

الكل:مااااااا نرييييييييييييييييييييييييد..

موزاني:والله اردها بس ماا عليه..

فطامي:يلا يلا هناااك..

موزاني:خصووصن انتي يا بنت سويحان حشى عليج لساااان..هب لساان بشر..

فطامي:تفووو تفووو تف تف تف ..عين الحسوود فيها عوود..وفيها دوود بعد..ههههههههههههه..عن تضربيني بعين مافيني بعد خلاف محد بياخذ وحده ما ترمس..

شجون:البنيه عقلها فالعرس..

فطامي:اووونكن عااااده..

سلامي:اووف شوو هالحاااله..

فطامي:انتو شنو نظااامج..؟؟هههههههههههههههه..

شجون:خخخخخخخخخ..تعالي فطامي بنحل مشكلتهــا..

سلامي:وانا عندي مشااكل غير خلووووووووووووووووووووف..فديت قلبه والله..

فطامي"تضرب سلامي على يدها":مسودة الويه مضيعة المذهب ..تتفدينه جدااااااامنا...ااااااااه يالدنيا استون البنات ما يستحن..

شجون:ههههههههههههههههههههه..

فطامي:اييه انتي لا تضحكين....انا أرمس من جد..

شجون:ع بالي من عم..ههههههههههههههههههه..

موزاني"اتصد صوب شجون باستغراب":لاااا في ذمتيه البنيه مستلبسه اليوووم..واللي لابسنها يني حبوب ويحب ايسووولف وينكــت..

الكل:ههههههههههههههههههههههههههههههههههههههه..

موزاني"اتذكرت":ايييه صح انتن وين روضه وغبوووش؟

فطامي:انا بقولج يا طويلة العمر روضه رااقـده وغبوش بعد رااقده..

موزاني:جيه غبووووووش باجر ما عليها امتحاااان عسب جيه راقده..صح؟

شجون:هيه ..

موزاني:هااي روضه بأدبها ..كل يوم والثااني غاايبه وخلاف بتقول انا هب فااهمه شي ومادري شووو..؟؟؟؟بسيرلها اللحينه بوعيها ..والله بنات امبزيااات..

فطامي:هيدي هيدي علينــا...

موزاني:والله اخبر عليج اماااايه.."وتصاارخ"امااااااااااااااايه..اماااااااا اااايه وينج فطامي تحاوووول تسكتني..

سلامي:هههههههههه..الحرمااااااااات كلهـن سااارن الهير صوب قوم خوااااليه..

موزاني:اووونـه..؟؟؟؟؟

فطامي"بنذااااله غريبه عجيبه ":نياهاهاهاهاهاهاااااهاااااااهاااااااا...اللحي نه محد بيساااعدج..

موزاني"تربع للحمام الله يعزكم":انتي مب نااويه ع خير..بس بأدبج بعدييييييييين..

ظهرن البنـات من حيرة موزاني ويلسن فالصاله التحتيه..شجون ميودة الريموت وتجلب من قناة لقنـاة..وسلامي يالسه وحاطه ريل ع ريل ومرتبكه وااايد..تتريا شووفـة الأخ خلووف..اما فطامي الأنسه ولا عليها يالسه اتدندن على هواها ومرة تصارخ عليهن ومرة اتسولف عادي ومرة اتيود تيلفون البيت وادق على بنات الرماح اللي تعرفهن واتم اتسولف وياهن ..لوووول..مشاالله تعرف الناس كلهم..هع هع هع ..

فطامي"تبند التيلفون":سلااااااااااااااااااامي..

سلامي"متروعه":بسم الله شو بلاج؟

فطامي:ما قلتي لنا شو سالفتج وياااا خلووف..

شجون:هيه والله احن نسينا..قوولي قوولي يلا..

سلامي:اااااااااااااه..احس عمريه بصيح..مادري شو أقول ولا شو اخلي...

فطامي:رمسي رمسي صدقيني بنسااعدج احن كم سلامي عندنا..الا وحده وشحلاااااااااات منطوووقها..

سلامي"تبتسم":انتي جيه ترفعين من معنوياتي..

شجون:الأخت حاادره حرب ويا هالراااس..

سلامي:اووه..

فطامي"عصبت":رمسييييييييي..

سلامي:طولي بعمااركن اليوم سهيل قعد عنديه وتم يسولف وجيه..ودق تيلفونه وقالي هاي وحده قلتله شو انته ما تستحي المهم تم يرمس وقالي خلوف بعد يرمس بناااات..

فطامي"اترد على ورى":يلا يلا هناااااااك..اخوج سهيل هاااذاااا أكبر جذااااااااااااب وحقير ونذل وجااااحد للنعمه في هالعاااااااااااالم كله..

صخت سلامي وهي معصبه من رمسة فطامي..ولو سهيل يبقى اخوها وما ترضى هالرمسه تنقااال عنه..

سلامي:فطامي الله يهداااج شو هالرمسه؟؟

فطامي:شو هالرمسه بعد؟؟انا اقول الصج..اخوووج ........................

شجون"تقاطعها":خلااص خلااااص ما استوى شي..

فطامي:حووووه انتي خليني اكمل رمستيه..

شجون:مااااا يحتااااااااااااي..

فطامي"بطناازة":لا انا بس حبيت ابدي راايي في شخصية سهيل ..الـ ...الـسبااال..

سلامي:قسم بالله انج سخييفه ولا عندج سااالفه..انا ما ارضى على سهيل..انتي مستحيل ترضين على اخووج سيف صح..؟؟

فطامي:اوووه الشيخه حدج عاااااااده..اممممرة لا تقاارنين بين الشييخ سيف بن المـر واخووج الحثااله سهيل..لأن اخوويه سيف شي واخووج سهيل شي ثااااني..اخوويه سيف مقاامه ووين..واخوج سهيل وين..؟؟؟

سلااامي"محرجه من الخاطر":فطااااامي ثمني رمستج اللي تقولينها..هاذا اخويه سهيل وما ارضى عليه..

فطامي:اقوول انا ترااني مثمنه رمستيه واعرف اللي اقوله هب يااهل جدااامج..انتي لو رمستي عن سعيد يمكن..سعيد ريااال والنعم فيه وان اشهد رااعي فزعااات..هب سهيل اللي يقص على بنت عمه..اقووول علمن يوصلج ويتعداااج..سهيل لا تحطينه جدام سيف..لأنه ما يسوى شي جداااااااااامه..

نشت فطامي من مكانها وهي ما تعرف شو السبب..اللي خلاها اتظهر غيضها كله في سلامي..اخت سهيل..مع انها مالها ذنب..وذنبها في عين فطامي انها داافعت عن سهيل اللي يعذب خويتها رواااضي..

وسارت بسرعه صوب روضه وهي تبغي اتوعيها وتيلس عندها..أما شجون يلست عند سلامي اللي كاااان حالها منجلب فوووق تحت..واشوي بتصيح..اول شي سالفة خلووف..واللحينه سالفة فطامي..

شجون:آآآ..سلامي فديتج لا تاخذين في خاطرج..تدرين انتي بها فطامي ما تقصد الرمسه اللي قالتها..

سلامي:شوو..؟؟هالرمسه كلها ولا تقصد..

شجون:هي اصلن متضاايجه من حركات سهيل وجيه..فما حصلت الا انتي جدامها وتمت اتعق الرمسه عليج..

سلامي:الله يسامحها..براايها شو اسويبها يعني..سعيد وسهيل كلهم خوانيه وسندي في هالدنيا..وما ارضى عليهم ..ولو كااانوا شو مسووييين..؟؟بيتمون هااييلا خووووانيه..وكبااار في عيني..

شجون:اوكيك سلامي خلاص لا اتمين جيه متضااايجه..

من قالت شجون هالرمسـه انفـج باب قسم خلوف..وظهر الفارس المغوار..خلييييييييفه...صفقوووووووووووووله لو سمحتوووووووووووا..

طق طق طق طق طق طق طق طق طق طق طق طق طق طق طق طق طق طق طق طق طق طق..

شووووووووكروووون أشكركم شكراً جزييييييييييلاً..





:::نرد للقصه:::





من ظهر خلووف..كان كااشخ شكله هاه بيسيرله مكان..؟؟..لحظه لحظه لا تكون صج رمسة سهيل والأخ خلووف كاشخ كشخه"غيير شكل"لأنه مواعدله بنوته حليوووة...؟؟؟؟؟؟؟؟؟؟؟!!!!!انا هالأيام بديت اصدق سهيل..ههههههههههه..

من شاااف سلامي ارتبش الريال وشق الحلج بابتساااااامه تبــــيييييييله"كبيرة"..ههههههه..وتم مستانس وااحليله مادرى شو قالوا عنه..

خلوف:السلام عليييهم..

شجون و سلامي:وعليييكم السلااام..

خلوف:شحالج شجون..

شجون:بخير يعلك الخير ومن صوبك..؟

خلوف:مانشكي بااس..

شجون:آآآآ..عيل انا أستأذن بسير صوب البنااات..

خلوف:أذنج معاااج..تسمعين منها صح...؟؟

شجون:هههههههه..صح..

خلوف:لحظه تأكدتي اذوونج ثنتينهن موجوداات..

شجون"تلمس اذوونها":هيه الحمدالله..ههههههه..يلا براايكم..

خلوف:هههههههه..الله يحفظــج..

ظهرت شجون بسرعه من الصاله وبندت الباب.فالوقت اللي ساار خلوف وقعد عدااال سلامي..اللي كانت منزله راسها تحت..ومتضااااااااااااايجه حييييييييل..تبغي اتصيييييح..في نفس الوقت ما تبغي اتصيح جداام خلووف..

خلوف:قلبي ناغزني..انتي فيج شي..؟؟

سلامي:هيه فيني اشياااء>>صريحة..مشاالله عليها..يالسه اتطنز اللحينه..

خلوف:ياااويل حاالي ع الصريحين..شو من اشيااا فيج..؟؟

سلامي:خلوف انا بدش فالموضوع على طول..

خلوف:دشي..بس بريلج اليمين..ههههههههههههههههه..

سلامي:اووه اسمعني....

خلوف:انزين انزين لا تتضايجين زززوووود..قولي عن اللي في خاطرج..فضفي يا غناااة قلب خلييفه ..

سلامي:من اشويه كنت قاعده مع سهيل..

خلوف:شووووووووووو...؟؟منو هاه سهيل...؟؟؟؟؟؟؟؟من وين ظهر..

سلامي:شووو يالسه تستهبل انته اللحينه ولا تستعبط..سهيل اخوويه يعني سهيل منووو..؟؟

خلوف:اهااااااااااا..سهيل اخووج..هاذا نسيته وينه ماصار ينشااف..ضااارب مخفي..ههههههههههههههههههههههههههههههه..

سلامي:انزين وتم يقولي انك ترمس بناااااات..بالمختصر المفيد صج هالرمسه ولا خرطي..

خلوف:وأكبر خرطي في ذمتيه..انا ارمس بناااات..والله لو اتم احلف لج من اللحينه لباااجر..انيه ولا مرة في حياااااتي رمست بنيه..أحبج وارمس بنيه..كيف هاي؟

سلامي:ااااااااااه..المشكله ان ثقتي فيك واايد كبيرة وبسرعه اصدق الرمسه اللي تقولها وما تعطيني أي مجاااال انيه اجذبك..

خلوف:ااااااااااااااااه..والله انيه احبج سلاااااااااااامي في ذمتيه..

سلامي"معصبه":شووو..؟؟؟اتحبني وبس..مسود الويه اذلف اهنااااك..

خلوف:هههههههههههههههههههههههههههه..كيفي كيفي كيفي..خلاااص خلااااص ما احبج اكرهج خوووزي عن ويهي يلاااااا..

سلامي:لاا والله..؟؟احلف انته بس..

خلوف:شو انا ماجذب اهننننناااااك ما اريد اشوف رقعة ويهـج..

سلامي:اوكيييييييييييييييييه..حلمك بتحقق..

ونشت من مكانها واونها بتظهر من الصاله الا خلوف ميود يدها بقوووو..كسرت البنيه حششششى...

سلامي:فجني..انته ما تحبني..

خلوف:منو قااال؟؟

سلامي:فقدت الذااكرة..؟؟

خلوف:هيه..من عرفتج وانا بليااا ذااكرة ولا حتى ميموووري..

سلامي:ههههههههههه..على بالي فلاااش..

خلوف:ااااااااااااه..والله انيه اذوووب في هالضحكه..انتي بتذبحيييييييييني بتذبحيييييييييييني..رحمي حاااااااااااااااااااااااااااااااااااااالي..

سلامي:هششش..لا تصاااااارخ..

خلوف"اعيونه في عيونها":سلاامي تحبيني..؟

سلامي:شووو..؟؟

اتطب عليهم موزاني ..توها يايه من حيرتها..

موزاني:عااااااااااااااااااشو ياااابس الله ويااج يا موزاني....ايييه بيتنا محترم وما نبا حركات مخله بالأداااب..

سلامي"تبتعد عن خلوف":شوو من حركات ..؟؟؟بسم الله منج..

موزاني:واقفه جريب منه..

خلوف:ههههههههههههههههههههههههههههههههااااااااااااا اااااااي..

موزاني"تسحب يد سلامي":يلاااا يلاااا عند رووااضي..والله انكد عليها عيشتها شرات ما سويتن فيني يالسبااالاااااات..

وسحبتها بقووه صوب باب الصاله وما عطتها أي مجال للرمسه..وسلامي اتسوي لخلوف باااي..ونفس الشي خلوف ايسوي لسلامي بااي..خخخخخخخخ

 
 

 

عرض البوم صور بوح قلم   رد مع اقتباس
قديم 18-01-10, 10:31 AM   المشاركة رقم: 79
المعلومات
الكاتب:
اللقب:
عضو فخري
حَاتمِيّة العَطآءْ

البيانات
التسجيل: Nov 2009
العضوية: 151969
المشاركات: 40,340
الجنس أنثى
معدل التقييم: بوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسي
نقاط التقييم: 6598

االدولة
البلدUnited Arab Emirates
 
مدونتي

 

الإتصالات
الحالة:
بوح قلم غير متواجد حالياً
وسائل الإتصال:

كاتب الموضوع : بوح قلم المنتدى : القصص المكتمله
افتراضي

 

من كثر حبك تشابه دمـــــــك ودمي..

وتبدل الدم من موجب الـــــى سالب..

واصبحت بالحياه احساســـي وهمي..

الحب ماساه يا مغلوب يا غـــــــالب..



أبوظبـــي..

بيت بو سلطـان..

المطبـخ..





خلودي"اتوطي العصير ع الطاوله":اوكيك شيخاني انتي تزهبي سلطان بيودينا ..

شيخاني:اخااف ما يطيع ياخذني ويااكم..

خلودي"تبتسم":لا افا عليج..انتي اخته .. ومابيردلج طلب..

شيخاني:اوكيك بسير بتزهب..

خلودي:انا بعد..

ظهرت خلودي من المطبخ وسارت لقسمها عسب تلبس شيلتها وعبايتها لأنها بتروح السوق وقالت بتاخذ شيخاني معاااهم..

بالنسبه لشيخه شربتلها مااي وسارت الصاله على طول ... وجلبت ملامح ويهها..وسوت عمرها طفرااانه ومتضاايجه حييل..وحدرت على امها وابوها وسلطان اللي كانوا يالسين..

أم سلطان:هاه شويخ بتسيرين ويااهم..؟؟

شيخه"بصوت حزين":كنت ابغي اسير..بس خلودي قالتلي لا..

وعطـت سلطان نظرة من طرف اعيونها وربعت فوووق اونها اتصيح..صد سلطان صوب امه..

سلطان:لا والله..؟؟شو خلودي هب ع كيفها..

أم سلطان:لا يا ولديه اكيد شيخاني ما فهمت على خلوود..

سلطان:شيخاني هب هنديه ما تفهم رمسة خلود..الا خلود قوى راسها ..كله ولا ختيه..

نش سلطان من مكانه..وسار فوق لحيرة شيخاااني..ولقاها امبندة الباب بالمفتاااح...

سلطان:فجييي البااب شيخوووه..

شيخاني:مابفجه..روحوا استاانسوا..

سلطان:فجي الباب لا اعطيج كف اللحينه..يلا..

شيخاني"اتفج الباب وترد تيلس على شبريتها":هاااه شوتبغي يلا روحو السووق واتبع شور حرمتك...

سلطان:لا هب سلطان اللي يتبع شور الحرّيم..نشي لبسي عباايتج وبتسيرين ويانا السوق غصب عن خشم خلودي..

شيخاني:سلطان انا ما اريد اسوي مشاكل بينك وبين حرمـتك..يمكن خلوودي بتحس بالضيحه اذا انا سرت وياااكم..وما بتاااخذ راحتها...>>>>>وااحلييييييييلها شيخاني طيبه..."يالسه اتطنز"

سلطان:لا ضيجه ولا هم يحزنون..انتي ختيه قبل لا هي تستوي حرمتيه..يلا بسرعه هبابنا نوصل قبل ما يأذن المغرب..

ظهر سلطان من عند شيخوه وراسه مفتر..وعلى طول ظهر برع صوب قسمهم عند خلودي وفج الباب بقوة..وهو يصاااارخ..

سلطان:خلووودي..خلوووووووووووووووووود..

ظهرت خلود من حيرة الملابس وهي ميودة عبايتها وشيلتها..

خلودي"مستغربه":شوو بلااك..؟

سلطان من شاف ويهها البرئ..هدا اشوي..ويلس ع الغنفه اللي جدامه على طوول...

سلطان"بشبه عصبية":يلسي ابغيج في رمسه..

خلودي"مستغربه من اسلوبه":اوكيه بيلس..

يلست خلودي جدااامه..واعيونها اشوي بتظهر من مكانها..

سلطان:شوفي خلودي..احن حتى ثلاثت اشهر ما كملنا على عرسنا...خلي حياتنا تمشي بهدووء..أمايه وشيخاني اهم شي عنديه..وما ابغيج اتضايجينهن بشي ولا بشي..

خلودي"منصدمه":سلطااان انته شو يالس اتقول..أمك خالتيه..وشيخاني شرات ختيه..انزين انتي خبرني شو السالفه شو استوى؟

سلطان:ما استوى شي..بس هالرمسه اللي قلتها حطيها في بااالج..يلا استعيلي اشوي اترياكن في السياارة..

ظهر سلطان من عند خلودي..وخلاها وهي محتاارة ومستغربه من كلامه..شو يقصد بالرمسه اللي قالها...للأسف ما لقت جوواب..لأن مستوى تفكيرها وطيبة قلبها ما خلتها اتفكر ان شيخاني جلبت الرمسه جدام اخوها..

بالنسبه لسلطان..ركب سيارته وهو متضايج..وشغلها..ورد راسه على ورى .. هاذا اللي ما كان يبغيه..استوى..المشااكل بين شيخاني وخلودي..هو يعرف ن شيخاني بكبرها مشاااااااكل..بس بعد يوم سمع رمستها لمس الصدق..وما يروم يجذبها..

ومن صوب ثاني..هو وااثق في خلودي..ومستحيل اتقول هالرمسه..

تم ايفكر وايفكر..وتمنى من ربه ان خلودي ما تتعرض لشيخاني مرة ثااانيه..

بعد عشر دقايق..ركبن خلودي وشيخاني السيارة..طبعاً خلودي جدام وشيخاني ورى سلطان بالضبط..

خلودي متغشيه..أما شيبخاني..لابسه عبااايه فيها شغل حفيف بالبني..ونفس الشي ويا شيلتها..وحاطه كريم وبودرة وراسمه اعويناتها وبلشر ..و حاطه قلوس بعد..خخخخخ..

خلودي استغربت من كشخة شيخاني..هي وين بتروح الا سوق بتتقضى اللي تبغيه وبترد بيتها..ومستغربه بعد من سلطان اللي شاف اخته بهالشكل ولا قالها شي ولا علق ع كشختها..

سوت طااف وتمت اتسولف ويا سلطان سوالف عاديه..اما شيخاني كانت متملله..ومالها خاطر للظهره..بس حبت اتكون رزة ويا سلطان وخلودي..واتنكد عليهم اشوي..طرشت مسج لميثوه وقالتلها انهم بيسيرون المارينا..وتبغي اتشوفها اهناكي..وبما انا ميثوه في الخدمه اربع وعشرين ساعه..ماردت طلب لشيخاني وقالتلها ربع ساعه وبتكون اهنااااك..

احم احم..

وصلوا المارينا موول..وتموا يتحوطون اشوي..خلودي تتشرى..اما شيخاني تمشي وياهم وهي متململه..وحاااسه بضيجه تبغي اتشوف ميثاني عسب اتسير وياها يتحوطون فالمول اروااحهـن..وشوي الا لمحتها وسارت صوبها على طول وتمن يحدرن محل ويتشرن اللي يبنه ويظهرن للمحل الثااني..

سلطان"افتقد وجود شيخاني":ويين ساارت شوييخ..؟؟!

خلودي"تلف براسها يمين ويسار":امممم..مادري الله ما انتبهت لها..

سلطان"عصب":هاي بتطلعلي الضغط والسكر..

خلودي:الله يهداك اكيد ضيعتنا..دقلها وشوفها وين..

سلطان:اوووف..انزين.."ويود تيلفونه ودق لشيخاني اللي ردت عليه بسرعه"..

انتي وينـج..شووو..منوووو ميثا...لا والله ارواحكن..انزين لج نص ساااعه فااهمه..وانتبهي على عمرج..اوكيه اوكيه..يلا..

خلودي:هاه وينها..

سلطان:اتقول انها شافت ربيعتها وسارت وياها .. اونه يتشرن وينقن لبعض..

خلودي:هاه..شفت..واحليلها ..ويا ربيعتها وانته جلبت الدنيا..

سلطان"يضحك":هههههههههههههههههه..يلا يلا تشري فديت قلبج..

خلودي"تبتسم":هههه..انزين..



:::عند شيخاني وميثوه:::



شيخاني"تبند التيلفون":اوووووف..

ميثوه"اتصد صوبها":هاه شو مستوي..؟؟

شيخاني:هاذا سلطان يتخبرني وين سرت..صدقييييني أكيييييييييد خلودي قالتلها شيخاني سارت وخلتنا..

ميثوه:حراام عليج خلودي شكلها طيوووبه وحبوووبه..

شيخاني:انتي شوو درااج فيها..

ميثا:شفتها ليلة العرس والله انها حليوة وحبوبه..

شيخاني:هههههههههههه..طبيعي بتسوي عمرها جدام العالم حبووبه وتحب الناس..

ميثا:ماظني..البنيه امبين ان معدنها طيب..

شيخاني:خلاااااااااااص غيري السااالفه..

ميثا:صح بتخبرج حصوه شو سوت يوم درت ان سلطان بيعرس..

شيخاني:ههههههههههه..دخييلج لا تخليني اتذكر كيف كان شكلها..هههههههه..مسكينه هالبنيه..تمت فاااجه اعيوناتها وقالت اونه..

ميثا:هي اصلاً غبيه كيف اتحب واحد ملج ومحدد مصيره..

شيخاني:ربج عاااااااااااااده...؟؟"وتصد جدامها"..واااااااااايه فدييييت هالشوووف والله..

ميثا"اتصد جدام":تتفدييين منو ويا هالرااااس..؟؟!

شيخاني"اتدق على جتف ميثا":هاذااا هزاااع يا غبيه..لالالالالالالا..بموووت بمووووت..

ميثا:اونه أي واحد..؟

شيخاني:هاللي جدامنا..اوووب اووب....منو هاللي وياه..؟؟

ميثا"تخفي نظرااات الإعجاب اللي في عيونها":يمكن اخته..

شيخاني:هااااه؟؟؟

ميثا:واضح من الريال انه هب راعي سوالف بنات ومااادري شووو...

شيخاني:شوو راايج ميثاني اترمسينه..بسرق رقمه من تيلفون سلطان..

ميثا:شوووو؟؟؟مستوواااي ما يسمح..هب ميثا اللي ترمس شبااااب..

شيخاني"اتطالعها بنص عين":شوو تقصدين ؟؟؟

ميثا:ما اقصد شي..

شيخاني:تقصديني يالدبه صح..؟

ميثا:ههههههههههههههه..زين انج فهمتي..

شيخاني:السباله بأدبج ..

ميثا:انتي اللي حطيتي عمرج فهالموقف..وسببتي لنفسج الإحراااج..

شيخاني:بس انا ما رمست الا سيف..ويكون من هلنا..

ميثا:ولو..بشكل عام انتي رمستي شبااااااااااب..

شيخاني:انتي هنديه ما تفهمين...

ميثا:اعداااااال انتي اللي تفهمين..

شيخاني:اووه بندي السالفه..

ميثا:دووم يوم ما يكون عندج رد اتقولين بندي السالفه..

شيخاني:وبعدين ميثاااني..بتخلينا انخلص اشغالنا..

ميثا:ههههههههههههههههه..يالقوم سمعوا من يرمس..يلا يلا..

ومشن جدام صوب المحل الثاني .. عسب يتشرن لهن نعول وجيه..

شخصية ميثاني تقريبن عكس شخصية شيخاني..والأيام وظروف كل وحده منهن خلتهن يستون رباايع الرووح بالرووح..ومع هاذا..ميثاني شخصيتها غير..يعني رزينه وتوزن الأمور صح..وفوق هاذا اللي تبغيه اتييبه لو شو ما يصير..



















وفيت لقلبـــــــك بعمري..

ولك ضحيت بأيـــــاامي..

لقيتك للأسف كذبـــــــة..

اعيش بها مع احلامـــي..

نعم صدقت كلمــاتـك..

ولا ادري بنياتــــــك..

هذا اليوم انا كلــــي..

ندم من رااااااااسي لقداااااااامي..



الرمــــــــــاااح..

الســاعه 10 ونـص..

حيرة روضه..





نشت روضه من مكانها..وهي اتشوف عنودي ميودة دفترها الغالي على قلبها وتلعب بالصفحات..وتحرك شفايفها اونها تقرى..سارت صوبها بسرعه وشلت الدفتر من يدها..

روضه"تصارخ":انتي من وين يبتيييه..

عنودي"اتنش من مكانها وتيلس ع الكرسي":من ..من ...تحت مخدتج..

روضه"تتنهد":اااااااااه..انزين اخر مرة..

عنودي:أخر..اخر ..مرة..

روضه:هههههههههههه..تبغين حلوياااااات؟؟

عنودي"مستانسه":هيييييه..يلا..عسـ..عسب اغاايض عبوودي..

روضه:ههههههه..فيج نذااله فريده من نوعها..بعد ما اخذلي شور بنظهر انا وياج صوب عبودي بناكل حلويات جدامه..انزين..؟

عنودي:انزين..

روضه:انزين ما شفتي فطامي..؟؟

عنودي:هيه..فطامي..فطامي..سارت لبيتهم..ويا ويا..سيف احووها>>>هب اخوها..

روضه:جذااااااابه..

عنودي:والله ماجذب..

روضه:ما تخيل ولا تحشم هاللي اسمها فطااااااامي..

سارت روضه وفجت تيلفونها بدق عليها..لقت مسجات واااااايد واصله لها..

اول واحد من عند عمها ذيااب..

"انا ياي في الدرب بخطف وياخذج العين..بنسير المبزرة شو رايج"

وسارت وردت عليه ان ما لها خاطر للظهره ابداً..واستسمحت منه..وثاني واحد كان من عند موزاني..مطرشه نكته ويا راسها..هع هع هع ..وثالث واحد من عند

فطامي..

"ماعليه يالنذله ادوااج عندية مسودة الويه.."

ضحكت فطامي من قرت المسج..وواصلتلها مسجات ثانيه من ربيعاتها..وواحد كان مريوم تقولها ييبي اوراااق التاااريخ..بسسسسسرعه واللحينه..

من قرت هالمسج على طوول دقت على عمها اذياااب..

روضه:مرحبااااااا مليووون ولا يسدن في ذمتيه..

ذياب:هههههههههههههههه..مرحباابج زووووووووووووووود..شحاالج؟

روضه:بخير علني فدااااااااااك شحالك انته؟

ذياب:ههههههههههههههههه..ما نشكي باااااااس..

روضه:شو بلاك تضحك..

ذياب:اضحك ع الفيلم اللي قاعد اشوفه..

روضه:لييش انته وين؟

ذياب:فالصاله تحت..وين بعد..

روضه:اوووووووووووووووووونه..والمسج اللي مطرشنه..

ذياب:هههههههههههههه..اجذب عليج اشووفج شو بتقولييييييييين؟؟

روضه:هههههههه..ويا راسسسسسسسسسسسك..وانا مصدقه...

ذياب:اونه مالج خااااااطر..خخخخخخخخخخ..

روضه:انزين انا يايتنك بعرض مغري..

ذياب:سيارة ولا بيت شعبي..ههههههههههههههه..

روضه:هههههههه..لا هاذا ولا هاذا..اتسير صوب مريووووم..اتودي اوراااق التاريخ مالها...

ذياب:افاااااا والله من عيووووووووووووووني..

روضه:بنزل اللحينه وبعطيك اياااهن..

ذياب:لا انتي تعالي وياااي..

روضه:الهالدرجه اتحبني...

ذياب:لا تدرين ليش..

روضه:وتقولي لا...؟؟؟انزين ليش..؟؟

ذياب:لأنه لو قلتيلها انيه بييب الأوراق مستحيل تظهر..بتطرش البشكاره او أي حد ثاني..اما اذا قلتيلها انج بتيين..بتظهر للحوي وبشووفها..

روضه:والله وعليك أفكااااااااااار..

ذياب:شو قالولج؟؟روضه؟؟

روضه:خلاص مب لازم انودي الأوراق برايها تنقع يوم الأحد يوم بداوم بشوفها وبعطيها الأورااااق..

ذياب:لالالالالالالالالالالالالالالالالالالالالالال الالا..فديتج روضه اللحين اللحين..؟

روضه:خلاص بتكشخ وبنزل..

وبندت عنه..وبسسرعه خذتلها شووور..ويوم ظهرت من الحمام الله يعزكم ما شااااافت عنودي..لبست كندورة حمراا غاووويه..وشدت حيلها فالكشخه ..وما لبست عباااه..لأنها امبونها بتظهر من السيارة لبيت ربيعتها وبترد بسرعه..فجت السده وظهرت اورااق التاريخ ونزلت من حيرتها..

من وصلت تحت سمعت اصرااخ حمدان اخوها شاال الصاله..أستغربت من اللي يستوي..كانت بتنزل تحت..بس غيرت رايها لأنها اسمعت اسمها..فحبت تيلس وتسمع شو يقوووولوووون..

حمدان"يوطي فنيان القهوه اللي كان في يده":عاااااااااااااااشووووووا..والله وكبر راسها الأخت روووضه.."ويصد صوب ابووه"..وطبعاً ابويه وافق ع اللي قالته وساار و ورمس عميه محمد..وقالهم البنيه ردت سهيل وما تبغيه خلااص..

محمد"يوقف جدام حمدان":ابوويه بياخذ شورنا قبل ما ايسير صوب حد..

بومحمد:حمدااان البنيه ما تبغي ولد عمها..وانا ما بغصبها..

ذياب:يا حمدان انته شو تبغي بها..هي ما تبغيه خلاااص..

حمدان"يصاارخ":هاي تبغي اتسود ويوهنا جدام العرب..لا في ذمتيه ما صار..

ذياب:هد يا ريااال ..شو بلاك محتشر اللحينه..

حمدان:اقوولكم هااي روضه كبر رااسها..ولد عمها تاج راسها تاخذه غصب عنها..طاارت فووق ولا حلت تحت..بتاااااااخذه بتااااااااااااااخذه..

بومحمد:انا برمسها مرة ثااانيه..وبنتيه ما بغصبها ع شي..

حمدان:ابوويه افهمني طولي بعمرك..العرب ذا دروا انها ما تبغي ولد عمها..شو يقولون..شو بيقولون قولولي يلا..رووووضه مالها الا سهيييييييييل..

بومحمد:وط حسك عن تسمعك البنيه ..

حمدان:وخلووها تسمع..يكوون احسن..وينها..وينها مسودة الويه مضيعة المذهب..اللي ما تخيل ولا تحشم..وينهـاااا..؟؟

وقفت روضه مكانها منصدمه من اللي تسمعه..ما كانت متوقعه هاللي يستوي..اتوقعت أن اخوانها بيوقفون وياها وبيطيعون شورها وخاصتن أخوها حمدان..بس اللي اتشوفه..العكس..

ذياب:حمداااااااااااااان والله يا ان صاب البنيه شي والسبه انته شوف شو بيستويبك..

محمد:حمدااان روضه ما بتاخذ اسهيل دااامها ماا تبغيه..

حمدان:ولييييييييش ما تبغيه..أكييييييد البنيه مسويه شي..اكيييد مسوية فظيييحه من هني ولا من هناااااااااك..وما تبغي حد يدريبها..

بو محمد"عصب":اييييييييييه ..حمدان اشووف تغلط ع اختك يوم انها ما تبغي ولد عمها..علمن يووصلك وتعدااااك..محد من بنات راشد بن سهيل بتوطي رااس هلها..دووومهن راافعتنه وما يهابن حد..

حمدان"ينش من مكانه":اووكككككييييه...ما يهاابن حد..؟؟؟انا بسيرلها اللحينه والله لأخليها ترمس شو السبب اللي أجبرها ترد سهيل..

محمد"يود يد حمدان":حمدااااااااااان قطع الشر ويلس مكااااااااانك...

ذياب:وانته شو اللي حارنك..ما تبغيه..خلها ع كيفها ..ع هواها..

حمدان"يفج يد محمد عنه":لعنبووو دااركم بتسود ويووهنا .. بتييبلنا الفضااايح..

شو بنقول لسهيل..شو بنقول لعمي محمد..؟؟شووو؟؟

ذياب:عمك محمد وسهيل انا بتفااهم معاااهم..

حمدان:انزين اللحينه انا مقهوووور..لييش ما رمست من قبل ثلاث سنوات..يوم أكدوا ان سهيل لروضه..وروضه لسهيل..لييش ما رمست يوم ابويه قالها أن ملجتها وعرسها تحددوا في شهر سبعه..؟؟؟؟؟

محمد:البنيه يمكن راجعت حسابتاها وشااافت ان سهيل ما يناسبها ولا هي تنااسبه..

حمدان:لالالالالالالالالالا..هالرمسه ما تمشي عنديه..انا لازم افهم شو السالفه..شو اللي استوى خلاااهااااا اترد سهيل اللحينه..وهالوقت بالذاااااااااااات..

ذياب:حمدان..اقطع الشر يا ولد خوويه وخلك رياااااااال..

حمدان"مععععصب":ريااااااااااااااااااااااال غصب عن الكل..وهالبنيه في ذمتيه ان دوااااااااااها عنديييييييييييييييييه...ما اتي الا بالعين الحمرااا مسودة الويه..

نش حمدان من مكانها على اساس انه بيسير لروضه فوق بيأدبها..لووول..اما روضه من سمعت رمسته ربعت حيرتها وخلت الباب ملااايم وزهبت عمرها للحرب اللي بتحدرها اللحينه ويا اخوها حمدان..

حمدان"يزاقر على روضه":روووووووووووووووووووووووووووووضه..روضه...

رويييييييييييييييييييييييييييييييييييييييييييييييي يييييييض وينــــــــــج..؟

روضه:انا هنييييه في حيرتيه..شووو بلااااك..؟

ذيااب"ورى حمدان":حمدان اقصر الشر يا ولد راااشد..

محمد"ميود يد حمدان":اغد ريااال ولا تتهور..

حمدان:ما بسويبها شي..بس برمسها..

اما بالنسبه لبومحمد..فنش الشاايب وسار وياهم..

حمدان"يدو الباب بقوة":وييييييينج..؟؟

روضه"اتحط اوراق التاااريخ ع الشبريه":انا هنيييه..انزين الباب ماله خص ليش تكسره..؟؟

حمدان:جب يا مسودة الويه..

بومحمد:حمداان لا تصاارخ..

حمدان:خلاص برمسها ما بلمسها ما بلمسها..

ذياب:تأكد فاالأخير اللي تبغيه الروض بيصير..

حمدان:ليش ما تبغين اسهيل..

روضه:........بس..جيه..مارييييييييده..

حمدان"يصارخ ع راسها":انزيييييييين شو السبب..

روضه:ماااشي سبب..

حمدان"معصصب حده الرياال":يالسبااااااااله رمسي شو من فظيييييييحه سويتيها..

روضه"حرجت على طوول وحطت اصبعها السبابه جريب ويهه":ايييييييييه انته احترم الفاظك وثمّن رمستــك..هب بنت راشد اللي اتييب الفضاايح لهلها انزين..؟!

حمدان"هجم عليها وعطاها كف":تعلميني انا الأحترام يا مضيعة المذهب..؟؟؟انت شكلج هب مرباايه زين ..الوالده والوالد الله يهداااهم مرررررة مدلعينج ع الأخير..

ذياب:حمدااااااااااااااااااان شل يدك عنها عن اصفعك اللحينه..

بومحمد:يا حمدان طييع الشور واترك الشياطين اللي يو راسك اللحينه..

محمد"يود حمدان من يداته":الريااال ما بيضرب الحريم..وانته اغد رياااال..

حمدان"ايصارخ على روضه مطنش رمسة اللي عنده":سمعي يا روووضه..علمن يوووصلج ويتعداااااااااااااااااااج..سهيل بتااخذينه بتاااااااااااااااااخذينه..رضيتي وا عمرج ما رضيتي..

روضه"اتصااارخ ودموعها اربع اربع":والله مااااااااااااخذه لو تنطبق السما ع الأرض .. ابويه جدااامك ورااي ابويه اللي بيمشي علي..وانته مااااااااالك خص فييييني..انا هب بنتك..ولا لي الشرف..

حمدان"يهجم عليها مرة ثانيه بس محمد وذياب يودوه بقوو":اتكسرييييييين رمستيه مسودة الويه..لا والله انتي ما عرفتي حشيييمة الريااااااايييل..

روضه:حشيييييييييم قبل لا اعرفـك..وسهيل ما باخذه ما باخذه..

حمدان"يجرب منها ويد جتفها":بتااااااااااخذينه وريلج ع راااااااااسج..

روضه"فز العناد في راسها":ماباخذه مااا بااخذه مااا بااخذه..وشوف شور منو اللي بيمشي..؟؟

حمدان جرب منها زوود عسب يعطيها الكف الثاني..بس ابووه يوده من يد وردها تحت..

بومحمد:أشووفك تماااديت..ذياب ظهره من هنيه عن اتفل ع ويهه اللحينه...

واشتغل ذياب حاارس الأمن وسحب حمدان خااري حيرة روااضي..فالوقت اللي ابوها عطاها نظرة صوبت صميم قلبها وكأنه يلووومها ع اللي صار شل بعمره وظهر..

طاااااااحت عالأرض بكل قوووة..وتمت اتصيييييح ومحمد يلس عدالها وتم لاوي عليها..

محمد:بس فديتج رواضي..في ذمتيه ان هالجمووع ما تهون عليه..

روضه"اتصيييح بحرقه":كله هاه عسب سهييييييييييل...محمد اخااف يغصبووني عليييييه انا مااااااااااريده.."وتحط عيونها في عيون محمد وتترجاااه":دخيييييييييييلك محمد طلبتك لا تردني..انع حمدان انا ماااااااريد سهيل ماااا ريده..

محمد:لا تحاتين رواضي انتي اللي بتاخذين سهيل مب حمدان..دااامج ما تبينه خلاص بنرد الريااال وكلن في حال سبيله..

تمت روضه اتصيييح بس حست بنوع من الراحه يوم سمعت رمسة محمد..ووطت راسها ع المخده ورقدت ..بعد ما ظهر عنها محمد..



















يابعيد عن عـــــــــــيوني..دريت ومادريت..

قلبي اللي تسكـــــــــــنه دوم يسألني عليك؟؟

لو سهى فكري شويه صدق اني بك سهيت

صرت ما افكر بروحي وأفكر بــــــس فيك..





يوم اليمعــه..

الساعه 3 ونـص..

مطار دبـي..



شموس:لااااااا حمد فديتك والله متولهه ع البناااات..

حمد:شموووس بس يوم واحد..وباااجر بنييهم ..

شموس:حمد فديييييييييييتك لا تردني...حمد حمد حمد...الله يخليك ..

حمد:لا يعني لا..

شموس:جواااب نهائي..

حمد:اذا زعلتي بقول لا..

شموس:خلاص انا زعلااانه..

حمد:هههههههههههههههههههههههه..بعد مرة ثانيه..

شموس:اتذلني..

حمد:لا منو قاال؟؟؟

شموس:حمد...

حمد:اعيووووووووون حمد..

شموس:انا اريد دبي..بعد اسبوع بنسيرلها..

حمد:شووو..انا احب دبي يعني انتي لازم اتحبين دبي تعرفين ليش..

شموس"بملل":ليييييييييييش؟؟

حمد:لأنها مسقط رااسي..فديت دبي والله..

شموس:انزين خلاص انا احب الرماح ودني الرمااااح...

حمد:الرماح...نو نو نو ..انتي ما في يفهم ماما..ماافي يفهم...

شمووس:حمد دخييييييييلك..والله ابغي اشوف الروووض..بس انته نذل...

حمد:انا نذل..اوكيك بنقعد يومين في دبي..

شموس:اتعاند؟؟؟

حمد:لا اغايض..

شموس:حمــــــــــد...

حمد:هاه..حمد حمد حمد..شو تبين قولي..؟؟

شموس:خلاص ما اريد شي..

حمد:لا رمسي..

شموس"ماده بوزها شبرين":قلت لك خلاااص ما ريد شي..

حمد:كأني سمعت انج تبين اكل..؟؟؟!!

شموس:لا منو قااال..انته من وين تسمع..؟؟

حمد:لا انا سمعت انج تبغين اكل صح....؟؟

شموس:هيه ابغييلي اكل وابغي الرماح بعد..

حمد:انزين شو اول شي..الأكل ولا الرماح..؟؟!!!

شموس:الرماح واهناك بنااكل..

حمد:هههههههههه..لا اول شي أكل بعدين الرمااااح..شو راايج..؟؟

شموس:لالالالالالالالالا..

حمد:شوو راايج...ماشي رماح بس أكل..

شموس:حمد والله حيرتني...وقف عند أي نقطه...

حمد:شو نقطة تفتيش ولا ؟؟

شموس:اهئ اهئ اهئ..والله بصيييييح...

حمد:لااااااااااااا شمووس كله ولا دموووعـــج..

شموس:انزين يلا ودني الرماح..

حمد:هههههههههههههههه..الرماح ولا الرماااح..

شموس:حمد..

حمد:شموس..

شموس:حمد..

حمد:شموس..

شموس:حمد..

حمد:شموس..

شمووس:لين متى؟؟؟

حمد:قلبي اسيرك لين متي عيني تهل..لين متى ابكي هجييرك وانته تجرح ما تمل..

شموس:حمد..

حمد:شموس..

شموس:حمد..

حمد:شموس..

شموس:لين متى يعني؟؟

حمد:لين متى والخفوق ايذوووب في شوووقه..

شموس"اتقااطعه":حممممد..

حمد:شموس..

شموس:حمد..

حمد:شموس..

شموس:لين متى بتم تزقرني..

حمد:لين ما اتصخين واتوبين تزقريني..

شموس:خلاص هاه بصخ وما بتسمع صوووتي..

حمد:فديييت صوتتتك فديتك شفتك عشتك هويتك..............اييه انا اتفدى صوتج وانتي صااخه رمسي..

شموس:.............................................

حمد:شمووووووووووس..

شموس"تغمض اعيونها":............................

حمد"يضغط على اعيونها":شموووس شمووس..شموس حبيبي شموس شموس حبيبي..شمووس شمووس..قووم اقعد من النومه..قوم اقعد من النومه..يا شموس شماميس..شا شموس شمااامييس..

"هاي الغنيه اللي انتشرت بلوتوث صورة بنوته صغيرونه اتصفق وتقول حمود..حمود..حمود حبيبي حمموود حمود حبيبي.....الــخ..

والأخ حمد يالس ايقلد..الظاهر انه ما سعرف ان التقليييد مضر بالصحه..هع هع هع "..

شموس:هدووووووووووء ابغي ارقد..

حمد:لا والله..

شموس:.................................

حمد:اوووه انا اما احب الهدوووء..رمسي..

شموس:شرط اتطيرني اللحينه الرماااح..

حمد:هههههههههههههههههه"ويفج الباب وهو يسوووق"..يلا تعالي بطيرج..

شموس"زااغت":ايييه حمد ينيت انته شو بلااااك..؟؟

حمد:ههههههههههههههههههههههههههههههههههههاااااااااا اااااااي..اخيييراً تكرمتي ورمستي..

شموس"تتحط يدها ع قلبها":والله انك قطعت قلبي..."وتصد صوبه"..اخر مرة ..

حمد:ههههههههههههه..اخر مرة اخر مرة ولا يهمج...

وتم يلعب بالسيارة..مرة يمين ومرة يساار..لين ما عصبت عليه شمووس..

شموس:انته بتنفدنا...>>>كااانت اتصاارخ..

حمد:هههههههههههههههههههههههههههههههههه..

شموس:انا ما امزح..

حمد"يسوي عمره خاايف":ياااااااااااالقووووم...العيووز حرجت..

شموس:انا عيووز يالشاااااااااااايب..

حمد:هع هع هع ...خلااص خلاص بوديج الرماح..

شموس:اخيرااااااااااا

 
 

 

عرض البوم صور بوح قلم   رد مع اقتباس
قديم 18-01-10, 10:33 AM   المشاركة رقم: 80
المعلومات
الكاتب:
اللقب:
عضو فخري
حَاتمِيّة العَطآءْ

البيانات
التسجيل: Nov 2009
العضوية: 151969
المشاركات: 40,340
الجنس أنثى
معدل التقييم: بوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسي
نقاط التقييم: 6598

االدولة
البلدUnited Arab Emirates
 
مدونتي

 

الإتصالات
الحالة:
بوح قلم غير متواجد حالياً
وسائل الإتصال:

كاتب الموضوع : بوح قلم المنتدى : القصص المكتمله
افتراضي

 

مستحيل أنســـــــاك لوحتى قويت

وإن قويت أنــساك نسيانك صعب

في دقايق غيبـــــــــتك ياما بكيت

ياما لعيونك تجاهــــــــلت العجب



أبوظبــي..

بيت بوسلطـان..

السـاعه 7 ونـص..



خلودي:بس بعد سلطان انته يوم بترمسها رمسها بهدااوة..هب اتصاارخ عليها..

سلطان:هاي البنيه يتموتني..كمن مرة قاييللها لا تحطين هالسوالف في ويهج...

خلودي:سلطان فديتك رمسها بشوي شوي..قلها هاللي تسويه هب زين وحراام..ويأثرعليها ووااايد..

سلطان:انا برمسها..بس يا أن كسرت رمستيه بدفنها..

خلودي:هههههههههه..شيخاني حبوبه..والكلمه الطيبه تمشي وياها..

سلطان:خلاص انا بسير صوبها..وانتي تزهبي عسب العزيمة اللي عند قوم خوالي ...

خلودي:ان شالله..

نش سلطان من مكانها بعد ما باس خلودي بين حياتها..وسار صوب شيخاني..فالوقت اللي نشت خلودي اتزهب عمرها عسب العزيمة اللي عند قوم خالها راشد..مسوينها عسب ردة حمد وشموس من شهر العسل...لووول..حلو شهر العسل..عسل ولا لبنه...هع هع هع ..والله يضحكني هالإسم...هع هع هع ..

شافت تيلفونها يدق..وكانت فطامي..

فطامي:مرحبااا خلوودي شحالج ربج لا بخير وما تشكين بااااس...شو بتروحون الرماح ولا لا..تعالي انتي يالسبااله تدرين ان محد يعطيج ويه ولا ينفع وياااج الأهتمام اليوم الصبح يوم ادقلج ليش ما تردين..هاااااااااااااااه؟؟

خلودي:حشى..مية الف مليووون في الثاانيه..لساانج يشتكي وااحليله...

فطامي:تف تف..انتي وسيف بس عليكم تحسدون الساااني .. هيييدوا عليه عن تنقطع الأحبال الصوتيه عنديه..

سيف"ايصاارخ على فطامي وخلودي تسمعه":وشووو دخــل السييييييييييف؟؟

فطامي"بخووف":بسم الله الرحمن الرحيم..محد طرى اسمك يا رياااال..المووهيم..

خلودي:ههههههههههههه..وينكم انتوا اللحينه..؟؟

فطامي:جريب الرماح..

خلودي:اها وين اماييه..؟؟

فطامي:هكي عندي..امايه هاج خلودي دودي تبغي اترمسج..

وتمت خلودي اترمس أمها فالوقت اللي فطامي وسيف يتنازعون على اشيااء تافهه..شريط ولا صوت المسيل ولا اكل..وأمهم من صوب اتصاارخ عليهم تبغي تسمع شو يقولون..وخلودي من صوب تضحك على حركاتهم..





:::عند سلطان وشيخاني:::





شيخاني"معصبه":أكيد حرمتك مطرشتنك صح..واااحليلها ما تروم تيلس دقيقه الا واتعق الرمسه علينا انا وامايه..

سلطان:خلووود مالها خص..وانا اللي لاحظت ان هالمكيب اللي تسوينه واايد وما يحتااي هاه كله يوم انج ساييرة السوووق..

شيخاني:سلطان شوو هاه..انته تعرف ان هاي كشختيه العااديه..

سلطان:جااان تعيبج الرمسه سمعي شووري عن يصيرلج شي ما يعيبج..

وظهر سلطان من عند شيخووه..

فالوقت اللي تمت شيخاني اتسب سلطان بصووت عالي..ودقت لميثاني خويتها وقالتلها السالفه كلها..

ميثا:شو هالرمسه الله يهداج شيخاني..شو دخل الحرمه فيج بترمس عنج..

شيخاني:انا من متى على هالحال..واخويه سلطان دووم يشوفني جيه وما يرمسني..أكيد هي قالتله شي مني منااااك..

ميثا:واذا قالتله يكوون أحسن..انتي ما تشوفين عمرج يوم اتسيرين السوق..الصراحه الواحد يوم يشوفج يقول ساايره عرس من زوود الكشخه...

شيخاني:اعدااااااااااااال انتي ما تشوفين عمرج...

ميثا:شو اللحينه بتمين اتعلقين على جحالي بس..فديتني انا اسوي بس جحال وما اسوي شي غيره..

شيخاني:اووووه..انزين خلاص بندي السالفه..

ميثا:ههههههههههههه..معروووفه هالحركات..

شيخاني:وبعدين وياج؟؟

ميثا:خلاص خلاص..شو راايج اتيين عندي..بندق ع بنات الشعبيه وبنتوالف كلنا وبنتم انسولف وجيه..

شيخاني:لالا..انا عندي مشوار للرمـاح..

ميثا:اونه متى بتسيرون..؟؟

شيخاني:اللحينه..يلا انا بسير بتزهب شي في خاطرج..؟؟

ميثا:لا حبوبة تسلمين..بااااي..

شيخاني:باااي..

بندت شيخاني التيلفوون وعقته ع الشبريه بكل قوووووه..

شيخاني"بصوت عالي":اووف متى بعرس وارتاااااااح من سلطاااااااان وخلووود السباااله..

فجت البشكارة الباب..

البشكارة:شوو انته في مينون سوي كلام مهد هني..

ههههههههههههههههههههههههههههههههههههههههههههه..أشك ر فنها البشكارة ..

شيخاني"معصبه":جب يالعنز..يلا حطي الكندورة والعبااايه وظهري"اتصاارخ"..يلاااااااااا..

البشكارة:جين جين..

سارت البشكارة ووطت الكندورة والعبايه ع الشبريه وتمت اتطالع شيخاني باستغراااب..

شيخاني:شو بلاج..؟؟ظهري..

البشكاره بعدها واااقفه مكانها..وتطالع مستغربه حال شيخاني..

شيخاني"اتشل تيلفووونها وتفره ع البشكارة":ظهــــــري ملعووونة الصير...

البشكاره من شافت التيلفون شردت على طول هههههههههههههه...وظهرت من الحيرة..وتيلفون العنز شيخوه يأ ع اليدااار وتكسر..ههههههههههه..كركركرككر..

شيخاني:اوووووووووووووووف..لا..ليش تكسر...؟؟؟

سوت طاف ونشت تتلبس وكالعاده شدت حيلها فالكشخه..

















خلاص اللحيـــــنه ابي ارحل..وانا فيــــــني ألم غدرك

ابا اخذ قلبي من قلبـــــــــــك...واخلي قلـبك فــ صدرك

بداوي روحي بروحــــــــــي..وبكتم فيني جرووووحي

اعيش بدنيا من دونــــــــــك..وعيش بالقـــــهر عمرك





الرمـــااح..

الساعه 7 ونــص...

بيت بو رااشــد..

المطبــــخ...





روضه"اتحط دلة الجاي ع الصينيه":ههههههههه..خلاص ريسوووه ولا يهمــج ما بتمصخر على قصووده مرة ثااانيه..ههههههههه..

موزاني"تيود خدود قصاايد":فديييتها والله احلوووت واااايد..

روضه:هاااه هاااه موزاني بدى الحســد..قوولي مشااااالله..

موزاني:مشااالله مشاااالله..

وتحدر عنودي ميوده جيبس في يدها...

عنودي"اتدور بعويناتها الصغيره على موزاني":ويين .. وييين..موزاااني..؟؟

موزاني:أنا هنيه شو تبغين..؟!

عنودي"تيود يد موزاني":تعااالي تعاالي انا اهنيه..شو تبييين؟؟

عنودي"تضحك"تعااالي تعاالي شوفي حمد يأ..

تربع موزاني من مكانها..وروضه وراها..بس من كانت روضه بتظهر من المطبخ..يودتها عنودي من طرف كندورتها...

روضه:فجيني بسير صوب حمد وشمووس متولهه عليهم...

عنودي:ههههههههه..يا عبيه"غبيه"..انا اقص على موزاني..

ريسه وروضه:ههههههههههههههههه..

ريسه:يااللوتيه..بنرقب موزاني لين ما اتيي عسب نشوف ويهها كيف غاادي..

مرت دقيقتين الا وموزاني اتنافخ في المطبخ..

موزااااني"تربع ورى عنودي":تعااالي يالجذاابه العووده تعااالي..

عنودي"تظهر برع المطبخ":ههههههههههههه..قصيييت ..عليـ...عليها..

وتربع موزاني برع وراها..

ريسه:عيل انا بسير خاري صوبهن..

روضه:برااايج..شوفي جان قوم فطامي يو..

ريسه:اوكيك..

وظهرت ريسه..ووياها قصووده اللي غدت اتينن..مشاالله عليها..

روضه من ظهروا كلهم..حست انهـا اختلت بهمها مرة ثااانيه..وحبست دمووعها مرة ثااانيه..لازم اتعود نفسها انه تتحكم في تصرفاتها..وما تخلي لا حمدان ولا غيره يأثر عليها..

واشوي الا عمها ذياااب حادر عليها وميود قصاايد وياااه..

روضه:ههههههههههه..شو هالبنيه متنقله مرة عند امها ومرة عندك..

ذياب:هههههههههههه..هاه خلصتي القهوه والجاي..

روضه:هيه خلصت الجاي بس القهوه بعدني اللحينه بخلصها..

ذياب:اوكيه ودي القهوه والفواله الخيمه..

روضه:ان شاااااااااااالله..

ذياب:روضه..

روضه:اعيوونها..

ذياب:بااجر بنسير صوب مريوم اوكيك لاتنسين..

روضه:ولا يهمك..لو ماشي عزيمة اليوم جان سرنا صوبها..

ذياب:اوكيه..

روضه:انزين خذ الشاي وياك..

ذياب:لالا..ما فيني..

روضه:امنو عندكم اهناكي؟؟

ذياب:بس ابوج ..

روضه:اوكيه اللحينه بيي..

سار ذيااب عنها وهو يلاعب قصايد ويخترعلها اغاني من راااسه..مرت عشر دقايق وزهبت الغسوول والفواله وكل شي ..وزقرت وحده من البشاكير عسب اتسير وياها صوب الميالس وتفازعها..

وصلن روضه والبشكارة عند الخيمه..البشكارة حدرت..ووطت الفواله والضو..بس روضه كانت سااااكته لأن قلبها فز يوم سمعت صوت سهيل.واشوي الا تسمع صوت محمد وصوت عمها ذياااب والأهم صوت ابوها وهو يرمس سهيل عن السااالفه..بس استغربت يوم انها ما سمعت صوت حمدان شال الخيمه..هع هع هع ..

وقفت مكانها متصنمه تسمع شو اللي يقولونه الريااييل داااااخل..

سهيل"وكأنه حد صب ماي فوقه":شوووووو؟؟شو هالرمسه اللي اسمعها...؟؟؟

بومحمد:استهد بالله يا سهيل..

سهيل"محترق ويهه":الله يهداك عميه شو الرمسه اللي تقولها..روضه ما تباااني انا..انا...؟؟؟

محمد:هيه ما تباك انت..

سهيل:بس انا ولد عمها ومحيرنها من ثلاث سنين..شو الناس "لعبه" عندها يايه اللحينه ترمس..ليش ما قالت من أول..

ذياب"بتفلسف":قدر الله ماشااااء وفعـل..خلاص انته هب للروووضه..وروضه هب لك..

سهيل"هدى اشوي":خلااص اللي تبونه بيصير..وانا ما عندي أي مـاااانع..

في هاللحظه دق تيلفونه .. واستانس لأنه كان يبغي يظهر من الخيمه..ما كانت متوقع ان روضه بترده..كان وااثق من محبة روضه له..بس حساباته كل طلعت غلط×غلط..

من ظهر خااري الخيمه..بند التيلفون..بس شاف روضه في ويهها..اللي من شافته عطته ظهرها ..وزقرت البشكارة ..وعطتها القهوه تحدرها ع الرياااييل وسارت صوب المطبـخ..وشافت قوم فطامي توهم يحدرون البيت..وسمعت صراخ فطامي وهي اتززااقر عليها بس سوت طااف..

ومن حدرت المطبخ.. يلست ع الكرسي..وتنهدت اشوي..وكأنها حست برااااحه اشوي..لأنها استوت اللحينه هب محيرة لسهيل ولد عمها..

..وفجــأة..

اتشوف سهيل في ويهها..والدخان ظاهر من راااسه..

 
 

 

عرض البوم صور بوح قلم   رد مع اقتباس
إضافة رد

مواقع النشر (المفضلة)

الكلمات الدلالية (Tags)
مع غير العب وبين له مهاراتك قصة امارتية, قصة امارتية للكاتبة العنيدة, قصص اماراتية
facebook



جديد مواضيع قسم القصص المكتمله
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



الساعة الآن 01:38 AM.


مجلة الاميرات 

 



Powered by vBulletin® Version 3.8.11
Copyright ©2000 - 2021, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية