لمشاكل التسجيل ودخول المنتدى يرجى مراسلتنا على الايميل liilasvb3@gmail.com





العودة   منتديات ليلاس > القصص والروايات > المنتدى العام للقصص والروايات > القصص المكتمله
التسجيل مشاركات اليوم اجعل كافة الأقسام مقروءة

بحث بشبكة ليلاس الثقافية

القصص المكتمله خاص بالقصص المنقوله المكتمله


إضافة رد
نسخ الرابط
نسخ للمنتديات
 
LinkBack أدوات الموضوع انواع عرض الموضوع
قديم 18-01-10, 10:33 AM   المشاركة رقم: 81
المعلومات
الكاتب:
اللقب:
عضو فخري
حَاتمِيّة العَطآءْ

البيانات
التسجيل: Nov 2009
العضوية: 151969
المشاركات: 40,340
الجنس أنثى
معدل التقييم: بوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسي
نقاط التقييم: 6598

االدولة
البلدUnited Arab Emirates
 
مدونتي

 

الإتصالات
الحالة:
بوح قلم غير متواجد حالياً
وسائل الإتصال:

كاتب الموضوع : بوح قلم المنتدى : القصص المكتمله
افتراضي

 

الجزء الـ ث ــالـث والـ ع ــشرين..





••.•°¯`•.•• وداااااع المحبـة ••.•°¯`•.••







محال ان طحت من عيني ترد انت وانا اصحاب

انا يا صاحبـــــــــي لي عين عن الزلات ارفعها

حـقـيـقـه مــا يشــــرفـنـي اصـادق واحـد كـذاب

انا ايدي واهي أيــــــــــــدي اذا تخذلني اقطعها





سيف:سهيل يا رياااال شوو بلاك اتصاااارخ ع البنيه..

سهيل:لأنها وحده ما تحششششششم..مسودة الويه ردتني انااا..؟!!!!

سيف"ايصااارخ ع سهيل":سهييييييييييل حدك عااااااده..روضه بنت عمك وتااج رااسك ..وانته اللي مسود الويه هب هي..لا تنسى اللي سويته فيها هب اشويه..وبعد لك عين ياي تصارخ عليها يوم انها ردتـك..شو تبغي بك وانته تقص عليييها و"تلعب" بمشاااعرها..؟؟؟؟!!؟؟؟؟؟؟؟؟اغد ريال واحشم هل البيت ..

صخ سهيل وكأنه انحرج من رمسة سيف..لأنها بالفعل رمسه قووويه..أحسن عسب يستحي ع ويهه..اما روضه كانت منصدمه ان سيف كان يعرف سهيل شو كان يسوي ..؟؟!!!

سيف"صد صوب روضه":يلا سيري ..

روضه:................................ما بسير..

سيف:شووو..؟؟؟؟

روضه:مااابسير.."اعيونها اتدمع بس صالبه عمرها"..اريد اعرف شو شايف عمره هاللي اسمه سهيل..لأني بنيه وماروم اصفعه يتم يقولي جيه..

سيف"منظر روضه بالفعل هزه":آآآآ..رو...روضه خلاص اللحينه ما استوى شي..

تجدمت روضه ووقفت جدام ويه سهيل بالضبط..وسهيل يطالعها بغيض..وده بس اتقول كلمه عسب يكفخهـا..

سيف:روضه طيعي الشور وقصري الشر..

روضه"مطنشه سيف وصااده صوب سهيل":لو انـك رياااال جانك ما سويت هالسوااااااه في بنت عمك..بس حسااافه .. إنته هب ريااااال..

سهيل"مسوي عمره معصب لأنها اهانته":الروووض ظهري عن يصيرلج شي ما يعيبج..

روضه:كااافي اللي سويته فيني..كل يوم مسمعني كلمة أحبج وأهواااج وماادري شووو؟وانا الغبيه صدقتــك..انا الغبيه حبيتــك..انا الغبيه اغلييييييتك...انته نذل وحقير وتااافه ..وانا اللي ما عندي ساالفـه يوم انيه صدقتــك..

صخت روضه..وكأنها تبغي اتقوول شي..بس اتحس ان الكلمات خانتها..وما تعرف شو تقول وبأي شي تبدى العاااصفه الثااانيه..فالوقت الي انحرج سهيل من الرمسه اللي تقولها روووضه...وجدام سيف بعد..؟؟اللي استغرب من جرأة هالبنيه وقواات عينها..تهزأ حبيبها الأولي وولد عمهـا اللي كان محيرنها جدام ربيعه وولد عمتهـا؟؟!!

روضه:بس انا اللحينه كشفـت أوراقـك..وطحت من عيني يالحثاااله..وتأكد يا سهيل..اللي سويته فيني..بيستوي فيك..

سيف:خلاص الروووض يكفي اللي قلتييه وزووود..ظهري..

صخت الروض وكأنها اداري هالدمعه اللي كانت بتطيييح..اللحينه..ين ينوون سيف..شووو؟؟روووضه واتصيييييييييح؟؟وجدام سهيل اللي كان يقص عليها..؟؟؟؟لا والله ما صاااااااااااااااااااااااار..

سيف"يحاول يظهرها":اقووولـج ظهري..

سهيل:لا وين تظهر خلها اتصييج جدااامي ؟؟وخلني اهزأها مسودة الويـه..

سيف:شووو؟؟؟سهيل يا ريااال استهد بالله..

سهيل:هالبنيه لازم أذبحها..

روضه:............................................. ...

سيف:ثمن رمستك..يلا الروض خطفي..

روضه:.........................................

سيف:اقوولج خطفي..

روضه:...........................................

ما كانت تسمعه..ولا كانت تعرف شو سيف بالس ايخربط..اللي كانت اتعييشه في هاللحظـه..ذكرياتها الأوليه..أياااام ما كااانت أتحب سهيل وتمووت فيه..صعب تنساااه..صعب تخليه..صعب "تكرهه"..صعب؟؟!!!!

عصب سيف من هالوضع..وتأكد ان البنيه تخبلـت..؟؟!!وشاف سهيل ميت من الضحــك..يالس يضحك ويضحك ويضحك ع شكل رووضه..ما رام يتحمل هالمشهد..روضه اللي يحبها ويغليها تكون"مصخره"..والسبه سهيل..وقف جدامها وسحب يدها بقووة .. وتم ميود يدهـا ..ظهروا من المطبخ اعيون سهيل مبققات ع وسعهــن..وتم سيف ميود يدها لين ما وصلوا عند باب الصاااله العووده..اللحظه هاااي..كانت من أهم لحظات سيف..لأنه تأكد وتأكد وتأكد الى مالانهاااايه..ان روضه غاليه وعزيزة ع قلبـه..كل ثانيه سريعه مرت عليه وهو ميود يدها..كان قلبه ينبض بقوووه..ينبض بمحبه بوفا وحنان وطيبه..ينبض باخلاااص وغلا وشوق ولهفه..لهالإنسانه اللي حبها من كل قلبه..وهو ما كان ايشوفها الا يااهل غبيه تسرق السيااايير....؟؟!!!!

وقفت روضه جدام سيف..وهي تستوعب اللي صااار..

روضه:انا شو يابني اهنه..

سيف:........ريولج...

روضه:....هاه..؟؟

سيف:..ماااشي..حدري حدري..

روضه:سيف بتخبرك..؟؟

سيف:شو.؟؟

روضه"تتذكر الأحدااث اللي استوت فالمطبخ":...آآآآ...آآ..بعد اللي استوى تظن ان سهيل بيتم ورااايه ولا خلاص بيودرني..؟؟

انصدم سيف من الرمسه اللي تقولها رووضه..حس انها غبيه بالفعل هالبنيه..شو يالسه اتقول..شو يالسه اتخربط..بصم بالعشر انها ينت..

سيف:شووو تقولين انتي..؟؟ماشي ريال يرضى ع عمره الرمسه اللي قلتيها من اشوي..

روضه"بضيييجه":اوووف..والله والله والله ملييييييييت من هالحاااااااااله...انا متى ارتاااااح وتنام عيني بدوووون دموووع...خااااااطريه اععععرف..متى؟؟

سيف"كل مرة ينصدم زووود من رمسه روضه ..بس مع هذا رد عليها":يوم بتحسين بالأمـان ويا أي شخص..

روضه:امــااان..؟؟

سيف:هيه امــااان..اتحسين بالأمـان والراحه وياااه..لأنه أكيد بيكون يعزج ويغليج..وجيه..بترومين ترقدين وانتي مرتاحه وتناام اعيونج بدون دمووع..

روضه:......"تفكر برمسه سيف وترمس تلقااائياً دون ما تحس"....بس انا ما اريد احب حد خلاااص..

سيف:ليش؟

روضه:لأن..لأن الناس كلهم شراات طينة سهيل..سيف..سيف"وبصوت مخنوق"..اتخيل..اتخيل..انك كنت اتحب وحده..وما ترقد الا وانته تسمع صوتها تتذكر سوالفها..ودووم طيفها ايي ع بااالك وترتاح اذا شفتها..تخيل انك كنت متعلق بها لدرجة الجنووووون..وبعد فترة طووييله من هالحب..تكتشف انها كااانت تلعب عليــك..وانها ما كاااانت اتحبك ولا شي..شو ...؟؟!!شو شعوورك..شو بتحس قووولي..قولي عسب انا ارتااح واعرف اذا الناس يعيشون هاللحظه شرات ما انا عشتها ولا لا..؟؟؟عسب اعرف اذا انا بعد شراااتهم..؟؟

سكت سيف..شو يقول؟؟شو يقووول ..؟؟شو شعوره..؟؟شعوره انه كان متألم حييل ونااادم على كل لحظه عاشها ويا هالبنيه اللي كانت مسويه عمرها ابنيه حشيييم وبنت عرب وناااس ..شعوره انه كان حااس بضييجه فظييعه ..وان هالكووون كله غدى صغيروون في عيونه..؟؟!!شعوره..حزن ألم قهر..وكل شي مب حلووو..!!

سيف:كنــت..اتعذب.. روضه..تعرفين وش العذاب على أصوله..؟العذاب انك تحب انسان مايعرف غلاتك؟؟ العذاب انك تحب انسان يتجاهل حدودك!!

العذاب انك تعذب كل قلب يشوف قلبك..! العذاب تعيش بعالمك من دون حب!!

العذاب يموت قلبك ولا احد يعرف بموته..لا تتخبرين شو كان شعوري..يوم أكتشفت ان شيخـه هي نفسها مها اللي كنت أحبها..قوليلي شو كان شعورج انتي عسب اعرف اذا اللي عشتيه هو نفسه اللي انا عشته..؟؟؟

روضه: لاتلمس الجرح خل الجرح وأسبابه..

الله يخليك مافيني مكفيني..

حتى حبيبي زمان الحب ماجابه ..

كان آخر انسان متصور انه يخليني

يكفي انه ترك لي شي اشقابه..

"..دفتر قصيد وقلم مسجون بيديني.."

شعوووري..؟؟؟قولي انته شو شعورك..

سيف"يضحك":هههههههههههههههه..خلاص ما استوت شي مشاااعر..لأن كل المشااااااعر من عنى البعـــد ملت..ماااااااااااتت..

روضه:مااااااتت؟؟ههههههههههههه..الا انتحرت شو مااتت ويا ويهــك..

سيف:أحسن عن ويهـج انزين..

روضه:واككككككككك..شفت ويهك قبل لا اتيي بيتنــا..؟!

سيف:هيه..وتأكدت انه أحسن عن ويهـج بواااااااااايد..

روضه:شووو..؟؟أحسن عن ويهي انـا..لالالا..شكلك مغلط ولا...................

وتمت اتطالع ورى سيف..وطولت وهي اتطااالع ..استغرب..اللحينه هو متأكد مليوون بالميه انها ينت ..ليتها ينت وبس..استلبست بعد..؟؟وفجــأة صاارخت بصوووت عاااااااالي..

روضه:حمــــــــــــــــــــــــد..شموووووووووووووو ووووووس..

وخطفت على سيف شراااات البرق وربعت صوب اخووها وتمت لاويه عليييه وهو مستااانس بشوووفتــه..

حمد:علني فدااااااااااج والله تولهت علييييج يالسبااااااااله..

روضه"بصوت مخنووق":وين سرت انته..مادريت شو سووا فيييني...

حمد:شووو؟؟شو صاار؟؟

روضه"ترحب بشمووس مطنشه حمد..هع هع هع ":هلااااااااا والله بغنااااااة قلب روضه بنت راااشد..

وتمت لااااويه ع شموووس ومستاانسات وااايد..حدهن اشوي وبيتقطعن من زووود الوناااسه..سيف من شاف حمد..سااار صووبه ووايهه وتم ايسولف وياها اشوي..وساااروا شموس و حمد صوب الخيمه وحدروا وسلموا عالموجودين واللي كان بينهم سهيل اللي مستااانس انه خلاااص ماشي بينه وبين رووووضه..ومب مصدق..بس لازال مستغرب من نفسه..ليش اول ما خبرووه انه روضه قالت ما تباااه...ليش عصب؟؟!!!!!ليش عصب وهو يتريا هاللحظه من زمـان؟؟!!ما عطى هالسؤال أي أهميه..لأنه يعرف عمره..زين ما زين..وجوواب هال سؤال انا بقولكم ايااااه..ان سهيل حس بالفشيييله تحرق ويهه جدام الرياااييل وهم يقولون له هالرمسه..

ومن بعد ما سلموا حمود وشموس ع الرياايييل حدروا الصاله صوب الحرمـات...واهنااك استوت المناحه على الأصوول..لوووول..



● ● ● ●



سلامـات حبيبي مو على بعضـك سلامات..

سلامات اشوف الحزن في عيونك سلامات..

في لقياك القلب يشفي غليله..

وانا وياك مثل قيس وليلي..

راويات ياما ألفوا عنا روايااات..



أبــوظبي..

بيت بوسلطـان..

الســاعه أربع ونـص..





صدت شيخـاني صوب أمهـا وهي معصبه وحالتها لله..

شيخه:اماايه والله قسمكم بعيييييييد..نتيييييييلي نتييييييييييلي.."اسم بشكارتهم"..تعالي مسودة الويه السبااااااااااااااالـه..

أم سلطان:الله يهدااج يا شيخـاني..ما اتشوفين نتييلي ساايرة قسم قوم سلطان ..

شيخه:لا والله..وبشكارتهم وين..؟؟

أم سلطان:بشكارتهم سارت ويا الدريول جدا الجمعيه..

شيخه:اووووف..امايه الغنيه بتخلص..

أول ما قالت هالجمله حدرت خلودي وهي كاشخه..ومكشخه ضروسها بعد..

خلودي:السلام عليييييكم..

أم سلطان:وعلييييييكم السلام..

سارت خلودي وباست خالوها ع رااسها ..ويلست عدالها..

خلودي:هاه خالتيه شحالج شو هباتج؟

أم سلطان:بخير علني فدااج شحالج انتي..؟؟

خلودي:ابخير ما نشكي بااس..

أم سلطان:هاه استانستوا ..؟؟

خلودي:هيه..بس بنستانس زوود لو ظهرتي ويانا انتي وشيخاني وعميه..

شيخاني:اووووووونج عااااده>>وحاست ابووزها..

صدت خلودي صوبها وهي مستغربه من رمستها..فالوقت اللي رمست أم سلطان اترقع السالفه..لأنها تعرف حركات بنتها..

أم سلطان:والله ودي يا بنتيه بس تدرين عمج ميهوود وما يرووم يظهر من البيت..يااالا يااالا انروم انسير للمستشفـى..

خلودي"بحزن":الله يعافيه ان شاالله..

أم سلطان:أمييين.."وتصد صوب شيخاني"..ياا بنتيه سيري ييبي دوا ابووج..لاحقه ع مطالعة هالتيلفزيون..

شيخاني"بملل":اااااااااااه..اماااااااايه الحلقه الأخيره ..والله حرام عليج..

خلودي"تنش من مكانها":ما عليه خالوه انا بسير بييبه..بس انتي وين حاطتنه...

شيخاني:اووووه..مشااالله عنتر زمـانج..

خلودي:..................

صخت خلودي وما ردت عليها..وبعد ما عرفت وين مكان الدوا..سارت قسم خالتها وياابته..وبعد نـص ساعه ظهرت ام سلطان ويا ريلها وولدها سلطان صوب دبي عسب الموعد ..فالوقت اللي قعدت خلودي ويا شيخاني..وكانت سوالفهن عاديه..

شيخاني"من طرف خشمها":هلج بعدهم عند قوم خالي راشد..

خلودي:هيه ..يوم السبت بيردون لسويحـان..

شيخاني:مشاالله عليها فطاامي اممرة ما اداوم فالمدرسه..

خلودي"تضحك":ههههههه..ماادري شو سالفتها كله غاايبه وغاايبه..ومجابله روضه بنت خالي راشد..

شيخاني:هيه..أشوفهـا..

خلودي:امممم..عيل انا بسير المطبخ بييبلنا شي ناكله..

نشت من مكانها وما عطت شيخووه أي مجال للرمسه..وكانت شيخوه اتطالعها بنظرااتت وقحه وحقييره..وما تدري شو السبب..؟؟!!مرت عشر دقايق ووصلت خلودي وهي ميودة صينيه فيها عصير برتقال طازج ..والبشكاره وراها يايبه وياها صينيه فيها فطاير ومحاشي وبيتزا..البشكاره وطت الأكل ع الطاوله وظهرت من الصاله..اما خلودي سارت وقربت الصينيه من شيخوه عسب تاخذ لها عصير..

بس انصدمت يوم شاافت شيخوه تحرك يدها بقووه وتطيح الصينيه ع الأرض بكل قووة..

شيخاني:شفتييييييني غبيه ..تبغيني اكل ولا اشرب شي يايبتنه انتي..؟؟

خلودي:شو يالسه اتقولين انتي..؟؟

شيخاني:اظني تسمعين وهب لازم اعيد الرمسه من اول ويديد..سمعي اقولج..علمن يوصلج ويتعدااااااج..لا تتحاولين تتقربين لا مني ولا من أماااااايه..لأني بصك الباب في ويهج..

نشت شيخاني من مكانها..وهي تفر المخده الصغيرونه اللي كانت فوقها ع الأرض..وخلت خلودي في صدمتهــا..؟؟!!



.................................................. .......................................





غـــــلاك .. ودعــــته .. معك في وداعك ..

ماعاد .. بعد فراقنــــا .. دمعــــــه فـــراق ..

صاحبـــك .. باع همــوم قلبــــه .. وباعــك ..

تو المتيــــم .. فيــــك من غفـــــوته .. فـــاق ..





الرمــاح..

الساعه 4 ونـص..

حيرة روضه..



حطــت شيلتهـا ع راسها..وفجـت الدريشه وخلت هبوب العصر اتهب ع ويهها..وتنعشه من يديد..وترد الرووح فيهـا..ما بقـت لا دمووع..ولا شي..كل شي انتهى..ملـت..ملت من هالحال الصعييبه..ملت من هالحيااه التعيسه..حاولت تبدى من يديد..حاولت تنسى ..وترسم البسمه ع شفاها من يديد..بس كيف..وهي لقت نفسها تذرف الدمووع..بس كيف..؟؟وهي لقت قلبها يلومها..بس كيف..وهي للحينه عايشه ذكرياتهـا..

وقفـت عنوودي ع صوووب وهي حاطه يداتها ع خصرها ومظهره لسانها لعبدالله وفطامي وموزاني..لأنها هي وشجوون راموا يسرقون جيس الحلويات من يد موزاني..يعني عبدالله وفطامي وموزاني حزب..وشجون وعنودي حزب..بس عبدالله نقع خييااانه و سرق البيبسي مال فطامي..وفطامي عووقها البيبسي..تمـت اتطالعهم واتطالع غبوش اللي قاعده على الكراسي اللي ع طرف بعيد اشوي عن الخيمه..وميوده القلم في يدها..وفي يدها الثانيه عصير كوكتيل..وجدامها كتابها الفيزياء "وووع"..وأوراق يالسه تدرس.وغبوش من النوع اللي يحب يدرس وياكل في نفس الوقت..بس شكلها كيوووووت..

تمت روضه ترااقب تصرفااتهم .. وشو يالسين يقولون لبعض..وخصوصاً ان أصواتهم وايد عاليه..كانوا ما يرمسون..كانوا يصااارخون..

فطامي:والله والله والله..عبوودي انيه بصفعك ان ما يبت البيبسي مااالي..

عبدالله:ع قولت عنودي..تيفي..يعني كيفي..

شجون:ههههاهاهاهاهاهاهاهاهاهاهاي..

عنودي:يلا سير..سيرووا..

موزاني:اييه انتي السباااله الصغيروونه تعالي..

عنودي:جب جب..انتي..انتي..سباااله...سباله..عو..عوده..

شجون:هههههههههههههههههههههههههااااااااي..حرقووا ويهـج..

موزاني"تفصخ نعالها وتفرها ع شجون":حرقووا ويهي؟؟!!انزين اغدي طيبه وسوي تيلفون للمطافي..

فطامي"تربع يداتها":هاااي نذله مب طيبه..

عنودي:ما تفهمون؟؟ما تسمعووون؟؟يلا ييللا سيروا سيرووا..

عبودي:لأول مرة فالتاريخ عنودي اتقول جمله كلها على بعضها صح..

فطامي"اتحاول اتخرب من بينهم":عنودي تسمعينه يالس يتمصخر عليج..

عنودي"فاااجه اعويناتها":شووو؟؟"وتصد صوب عبدالله اللي كان واقف عدالها"..خلاص روح..روح من عنديه..انا ما بعطيك شي..من ..من الحلويـ...ات..

فطامي وموزاني وشجون:ههههههههههههههههههههههههههه..

عبدالله:يقصون عليج يا غبيه..

عنودي:انته الغبيه..

عبدالله:انا غبي هب غبيه..شفتيني حرمه..

شجون:ههههههههههههههههههههههههه..يعترف.."وتأشر باستهزاء على عبدالله"..ههههههههههههههههههههههههههه..

موزاني:ههههههههههههههه..عبودي يتمصخرون عليك..

صد عبدالله صوب شجون بنظرااات..وااحد..اثنين..ثلاثه..واستوت حرب ثانيه بين عبدالله وشجون..هو يبغي ايفر نعوله عليها وهي شاارده عنه..لا عبودي مب زين جيه انته بتطيح برستيجها..هع هع..

وتعالت اصوااات ضحكهم بشكل غير طبييييعي...عنودي من صوب فااجه حلجها وتضحك من الخااطر..اما فطامي اشوي وبتنسدح من زوود الضحك..وموزاني ميوده ع بطنها..

غبوش"اتصارخ عليهم":اييييييييييييييه انتوا..بسسسسسسسسسسسسس؟؟؟ابغي ادرس..

طااااااااااااااف وأكبر طاااااااااااااااف ومحد عطاها ويـه..في هاللحظه حدر خلوف عليهم..وتم يطالع شجون وهي تربع..وتموا يضحكـون عليها..لين ما سارت المطبخ ومن بعدها عبودي ما شافها..لووول..وبعدين الكل سار الصاله ويلسوا عند يدوتهم العوده وشموس وحمد..

بندت الدريشه وسندت ظهرها عليها..وربعت يداتها..تذكرت الموقف اللي استوالها ويا سيف وسهيل..في خاطرها تعرف..ليش اعترفت لسيف انها متضاايجه..وليش قالتلها هالكمن بيت الشعر..ليش حست برااحه كبيرة يوم شكت لسيف .. هل لأنه عااش التجربه اللي عاشتها..ولا في سبب ثااني..

بس سيف؟؟ما غيره سيف..اللي قالتله هالرمسه..اممم..يعني كمن من مواقف جمعتهم كانوا فيها ضد بعض..وكل واحد يكره الثاااني زود عن الثاااني..كمن مرة هو لعن خيرها..وخلها ما تسوى شي..وكمن مرة هي حرقت ويهه وسبته..

وفالأخير..يرووح يقولها شو كان شعووره..وهي تروح اتقوله عن سهيل..؟وشو كان شعورها..؟؟!!شي غريب صح..؟؟وبعدين انصدمن عمرها..كيف سمحت لنفسها انها ترمس واحد من شباب عايلتهم في موضوع شرات هالموضوووع..

يعني اللي يسولفون فيه ضرابه ولا استهبال ولا سوالف عاديه..ما تووصل لدرجة ان كل واحد يرمس عن تجربة الحب الفاشله اللي عاشها وشو كانت نتايجها وشو كانت مشاعرهم واحاسيسهم..؟!!!

؟؟!!؟؟!!؟؟!!>>>هالعلامات كانت ع ويه روضه..لوول..

مسحت هالعلامات التعجبيه والإستفهاميه وشلت بعمرهـا تحت..

مشاااااااااالله مشااااااااالله..جيش أمريكي+جيش بريطاااني..الكل موجود..سلمت ع الكل ويلست عدال حمد وشموس..اللي كانوا نجوم القعده..هع هع هع ..

حمد:مرحباااااااا ملاااييين ولا يسدن..

روضه:هع هع ..صخ صخ..بتعصب شموس..

حمد"يرقص حياته لشموس":شو شموس حبيبي تغااارين..؟؟

شموس"توطي فنيان الجاهي":من منوو؟؟

روضه:من الينيه..شموس سؤااال سؤاال..

شموس"تبتسم":شووو..؟؟

حمد:ااااااااخ.."ويود ويه روضه ويأشر على شموس"..شووفيها شووفيها والله تذبحني..

حمر ويه شموس..وروضه ميته من الضحك..

روضه:بسك أحرجت البنيه..

فطامي"مجابلتنهم وبعيد عنهم اشوي وعدالها موزاني":هااااااااه..؟؟شعندكم..من يوم ما رد الأخ العزيز الشرطي بو شهاب..انشوفه الا شااق الحلج..شو السالفه خبرونا فهموونا ..؟؟

موزاني:ولا بس لناس وناااس..

فطامي:احم احم..

موزاني:احميييييييييييييين بعد..

خلوف:شوي شوي على الأحبال الصوتيه ببتقطع من زود الإحم مالكن..

ام راشد"العيوز":وييييييديه..شو الأحبال الصوتيه بعد؟

عبدالله"بملل":يااتنا العيووز اللحينه..

ام راشد"تمد عيرتها ع ظهره":مسود الويه مضيع المذهب اللي ما تحشم ولا تخيل..انا العيوز يالشااايب عيزن ركبك..تعال بتخبرك مسود الويه ليش ما سرت العزبه ويا ابوك ويدك..ميلس اهنه جنك حرمه..

عبدالله:انزين انا بسير ويا عمي خليفه وعمي حمد..

ام راشد"اتصد صوب حمد وهي معصبه":وانته اشعنه ما شليت بعمرك للعزبه..؟؟

حمد"اعيون ع عصا العيوز":انزين بنحل كل شي بالتفاهم..

الكل:هههههههههههههههههههههههههه..

حمد:بلاكم تتضاحكون..هيه والله معظمـكم ما ذاقها هالعيرة وهي جنها لا سييخ حااار ع الينب>>الينب يقصدبها"الجلد"..

ام راشد:ارمس اشعنه للحينه ما سرت العزبه..لالالا..أحسن ايلس خلاص اللحينه بيون هل العزبه ..اللحينه بيأذن المغرب..

حمد"يطالع الساعه":اوووووه..بعدهم بعدهم مطوولين..بنتريا خلوف بنسير ويااه انا وعبدالله بن محمد..

أم راشد"يأ دور خلوف":هاه خلووف اشعنه ماسرت العزبه اتشوف حلالك من وقت..ولا لازم ينبك يذوق العيرة..

خلوف"يضحك":هههههههههه..انتي بعدج ع العيرة..احن استوينا ريااييل ..ومستوانا هب عيره..

فطامي:اممممممم..مستواكم قب ..ولا..؟؟

الكل:ههههههههههههههههههههههههه..

خلوف:طولي بعمرج يماايه احن ما سرنا للعزبه لأني يلست ادور ع امايه..

موزاني"تشرب لها جاهي وتطالعه بنص عين":جيه امايه استوت اتضيع..؟؟

الكل:هههههههههههههههه..

فطامي:امايه من اتيي الرماح اتلم الحرمات كلهن وهيييييييلا هووووب..هياااا ع الييران..

الكل:هههههههههههههههه..

وبجيه..نشوا حمد وعبودي وخلوف وساروا للعزبه..فالوقت اللي حدرت غبوش الصاله وهي ميوده كتابها..

موزاني:انته ماما كووول سااعه يمسك كتاب انته يوودرس يوودرس ..

فطامي:شوو هاداااااااا انتي ما في مشكل..؟؟ما في تعبان..؟؟

روضه:هههههههههه..حتى الهنود يرمسون عربي احسن عنكن..

شجون:اهااااااااااااااااااااااااااااااااااااااااااا ااااااانــه..وما بعدها اهاااااانه..

غبوش:امايه اتشوفين هااييل اللي ما يحشمن..بس عليهم ايصارخن ويترااابعن فالحوي ولا يدرسن ول يفجن لهن كتاااب ولا حتى يعرفن شو المكتوب فيه..

روضه:هااااااااااااااااااااااه..؟؟انا مالي خص توني نازله من حيرتيه لا ربعت فالحوي ولا صارخت وياا حد..

موزاني"تطالعها بنص عين":تبريييتي منا..

فطامي"تصد صوب روضه":مسودة الويه دواااج عندنا..

أم راشد:جيه انتن ما تخيلن مسودات الويه..نشن ولا اشوف ولا وحده ميلسه جدامي اهنه..وبرقى الدري وانا ميهووده عسب اشوف منو اللي تدرس ومنو اللي فاجه ثمها وتتضاحك..

فطامي:انا مااا عندي كتب..كتبيه كلها في سويحان..

روضه:انتي وشجون في اول ثنوي..نياهاهاهاهاها..

أم راشد:هيه شرات ما قالت روضه..درسن اربااعه..يلا يلا يلا ..

كلهن نشن ماغير روضه اللي كانت يالسه عدالها..

موزاني:لااااا واااالله..ورووواضي....؟؟

أم راشد:لا الروض بتيلس عنديه..عسب تقعد اتسولف علييه..سوالفها زينه هب شينه شرات سوالفج انتي وفطامي..

روضه:هيه يمايه من زمان الحنا ما يأ ع شعرج..شو رايج اسويلج حنا واحنيلج شعرج..

فطامي"بأسى":شووفوووا كيف الدنيييا..تضبط احوالها هالسبااله روضه..

ونشن البنات كلهن وسارن فوق اونهن بيدرسن..ومناك شغلن التي في ..ويابن عنودي اتهز..وكانت مرتاحه نفسياً لأن أمها محد

 
 

 

عرض البوم صور بوح قلم   رد مع اقتباس
قديم 18-01-10, 10:34 AM   المشاركة رقم: 82
المعلومات
الكاتب:
اللقب:
عضو فخري
حَاتمِيّة العَطآءْ

البيانات
التسجيل: Nov 2009
العضوية: 151969
المشاركات: 40,340
الجنس أنثى
معدل التقييم: بوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسي
نقاط التقييم: 6598

االدولة
البلدUnited Arab Emirates
 
مدونتي

 

الإتصالات
الحالة:
بوح قلم غير متواجد حالياً
وسائل الإتصال:

كاتب الموضوع : بوح قلم المنتدى : القصص المكتمله
افتراضي

 

بعد مرور اسبوعيــن

:::







النــاس كلـن على طبعــه ومنهــاجـه

و انــا عـن النـّاس مـابـه شي يفرقنـي



إلا إنـي دايـم أحـب الـصـدق وأواجـه

مـخلـوق والله على هـالـوضع خـالقني



حتـى رفـيقـي ضمـاد القلـب وعـلاجه

على كـثـر مـا اتمسـك فيـه صـدقني



لـو أدري إنـه مـرافقنـي على حـاجه

لأمـسـكـه حـاجـتـه وأقـول فـارقـني



أبوظبــي مول..

السـاعه 8 ونــص..

الكووفـي..



سيف"يوطي الكابتشينو ع الطاوله":خلاص سهيل ما استوى شي..انته بصوب وهي بصوب..وانا وياك ربع من زمـان..وانته تعرف ان ماشي بيفرقنـا..وروضه بدالها الألـف..باجر بتلاقي البنيه اللي انته بتحبهـا وبتعيش وياهاااا..

سهيل:الحمدالله انيه ارتحت..هـم وانزاااح..

صخ سيف وما علق ع اللي قـاله سهيل وتم سااكت..

سهيل:هاه متى ناوي اتساافر..

سيف:باجر الصبح ان شالله..

سهيل:بهالسرعه..

سيف:هههههههههه..الأشغال..

سهيل:وبن بتيسر بعد لبنان..

سيف:اممم..اظني الأردن..

سهيل:شوف أحمد جانه بيخاويك..

سيف:الريال مشغول بالدرااسه..

سهيل:والله وتطور أحمد..

سيف:قول ان الله فتح عليه وعطااه العقل..وزين منه انه ذكر نفسه ..

سهيل:.....الحمدالله ع كل حااال..شو ياخذ من شهاده..؟؟

سيف:أي سي دي ال..

سهيل:اها زين والله..

سيف:الا وينه سعيد..اسويله تيلفون وما يرد..

سهيل:هههههه..هاذا من رد من البحرين وهو مجاابل المنتديات والنت..ما اظني بيكمل الكليه دامه ع هالحاله..

سيف:هههههههه..لا سعيد ريال وقدها قدود..ودوومه رافع الرااس..

سهيل:كله من ربيعه ..هو اللي معلمنه..

سيف:بس على ما اظن ان سعيد ما يسوي الا الشي الزين..يعني ماله شغل لحركات الشباب الحثااله ..والسوالف اللي تعرفها..

سهيل:هيه صح..بس بعد لازم يصد صوب درااسته..شووفنا احن درسنا واللحينه مرتااحين..

سيف:هيه والله ما جذبت..

في هاللحظه وقف أحمد ع راسهم ..

أحمد:هاه..قلبي واحساسي يقول انكم كنتوا اتحشون فيني..

سيف"يطالع فيه بنظرات":ههههههههههههه..ليتنا حشينا وبس..الا بغينا ناكلك من زود الحش..

سهيل:عاد هاذا سيف اذا حش بعدووا عنه..

أحمد:هههههههههه..ما ينلام ظاهر ع ربيعه..

سيف:هههههههههههه..ويويويوي..

أحمد:المهم شحااااااااالكم وشو هبااااااتكم..؟

سيف:مانشكي بااس وشحاالك انته..؟؟

أحمد:فااااين..

سهيل:طااااع ويهه..اتطورت استويت ترمس انجليزي..

أحمد:هع هع ..محد ايتم ع حاله..اكيد بنتطور عيل بنتم جيه ..الا وينكم اليوم الصبح ادق عليكم ولا واحد ايرد..

صد سيف صوب سهيل وفجأة نقعوا ضحك مرة وحده وضربوا كف بكف..

أحمد"مستغرب":شوو بلاكم..شو مستوي؟؟

سيف:هههههههههههههههههههه..اليوم ولا واحد منا سار للشركه..

أحمد:ههههههههههههههه..ليش؟؟؟

سهيل:انا ع بالي ان سيف بيروووح الصبح وانا العصر..

سيف:وانا كنت اتحرى ان سهيل بيسير الصبح وانا العصر..

أحمد:هيه..يعني انتوا عندكم مشكله..ورقه وقلم بسسرعه وورقه وقلم يلا..

سيف:شو بتسويلنا جدول..؟؟

احمد:انتوا جيه يمشي وياااكم..الا ما قلت لكم اليوم الصبح يوم سرت العين موول شو استوى..ههههههههههههههههههههههههههههههااااااااااي..

سهيل وسيف:شووو؟؟

أحمد:في بنيه كانت تمشي جدااامي..انزين..البنيه تخرطفت وطااحت واحليلها..جان اتنش وهي مفتشله..وتغشت بشيلتها..بس انا شفت شكلها..وبعدين شفتها مرة ثانيه..وتخرطفت وطاااااااااحت..بس هالمرة طااحت ع ولد صغيرووون..ههههههههههههههههههههه..تم الولد ايسبها ويقول يالحوووله اللي ما تشوفين..وكان ميود غرشة مااي في يده..فجها وتم يرشها..ههههههههههههههههههه..واااااااااااكككككككككك كككككككككك..

تم سيف وأحمد يضحكوون..وحالتهم لله من سوالف أحمد..بس حمد..ماياهم..احم احم..مشغوول الريال خلاص..



● ● ● ●



تشتاقلك روحي على الشوق اشواق

وتهمس لك يا دنيا الوله وينك ...!!



الرمــااح..

بيت بوسهيل..

السـاعه 10 ونـص..



سلامي:لا خلاص فطامي والله مسموووحه..

فطامي:فديتج سلامي والله انيه ندمت واايد ع الرمسه اللي قلتها..صح انتي مالج ذنب بس لأن اخوج سهيل وجيه..سمحيييييييليه سلاااااااامي فديييتج..

سلامي:بالحل فطاامي..وزين منج اعتذرتي..

فطامي:هههههههه..ويا ويهج حمدي ربج..اقول قلبي ويهج بسير برقد..

سلامي:اووه نام بكير اصحى بكير شوف الصحه كيف بتصير..؟؟

فطامي:هههههههههههه.ااااه..ااااه..برقد برقد..باااي..

سلامي"ميته من الضحك":هههههههههههه..بااي باااي..

بندت سلامي من فطامي وبسرعه نزلت تحت بتقول لأمها انها تبغي اتغييب بااجر ومافيها ع الدوااام..بس من نزلت تحت انصدمت من اللي تسمعه..

سهيل:هيه يا بوويه..خلاص بنت عميه دامها ماتبغيني..انا قلت بشاورك عسب اخطب شيخه بنت خالد بن محمد..شو قلت..؟؟

تمت سلامي منصدمه..شوووووووو؟؟ما لقوا الا شيخه السوووسه..؟؟؟!!!!شيخه؟؟!!



.

 
 

 

عرض البوم صور بوح قلم   رد مع اقتباس
قديم 18-01-10, 10:34 AM   المشاركة رقم: 83
المعلومات
الكاتب:
اللقب:
عضو فخري
حَاتمِيّة العَطآءْ

البيانات
التسجيل: Nov 2009
العضوية: 151969
المشاركات: 40,340
الجنس أنثى
معدل التقييم: بوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسي
نقاط التقييم: 6598

االدولة
البلدUnited Arab Emirates
 
مدونتي

 

الإتصالات
الحالة:
بوح قلم غير متواجد حالياً
وسائل الإتصال:

كاتب الموضوع : بوح قلم المنتدى : القصص المكتمله
افتراضي

 

..الجزء الـرابــ ع والـ ع ــشرين..



••.•°¯`•.•• قصـة حــزن ••.•°¯`•.••



ياغربة الــــــروح قولي وين اروح
في عيني سراب وفي همي وضوح
ياصمتي الســـــاكن بجرحي العتيق
ضاع السفر لـــــــكن باقي الطريق


وقفـت سلامي متصنمـه في مكـانها..تسمع هلها شو قاعدين يقولون..خلاص يعني.اتفقوا شيخه يعني شيخه محد غيرها..شو خلصوا بنات الناس وما طاحت عين سهيل الا على شيخه..؟؟؟!!
ردت على ورى ودعمت اخوها سعيد اللي كان نازل من الدري..
سعيد:شووو انتي ما تشوفين...؟؟
سلامه:هاه ..شو يالس اتقول انته..؟؟
سعيد:ههههههه..سلاامي شوو بلاااج..؟
سلامه:بسم الرحمن الرحيم..ما لقوا الا شيخه..استغفر الله استغفر الله..
سعيد:شو شيخه وبلاج تستغفرين شو اللي صاار...؟؟
سلامه"بهمس":أسكت ما دريت اخوك ناوي ينفد رووحـه...
سعيد"يهمس وما قصده الا يضحك عليها":ليش شو سوى..؟؟
سلامه:الأخ يبغي يخطب شيخه..بنت عموتي ناعمه..
سعيد:هااااااه..؟؟شيخه..اممممم..هي حلوة وملكة جمال..بس احسها غبيه وسخيفه..
سلامه:ليييييييتها غبيه وسخيفه وبس..هالبنيه راعية مشاكل..
سعيد:اوونه..جيه كم مرة سارت المخفر..ههههههههههههههه...؟؟
سلامه:....................الله يعطيك العقل..من زوود القعده ع الاب ومن زوود ما اتفج اعويناتك الظاهر انه اثر عليك واايد..اقول اجلب ويهك مسود الويه اللي ما تخيل..
سعيد:هههههههههه..شو بلاج انزين محرجه..؟؟!!..مب انتي اللي بتاخذين شيخه..سهيل اللي بياخذها وبيوهق عمره..
سلامه:يالله..انته بلاك ما تفهم..انا ما ريد لخويه الا الزين..
سعيد:اللي عليج اتسوينه انج اتشاورين اخووج..وتوضحين له راايج وتنتقدين شيخه..واختلاف وجهات النظر لا يفسد للود قضيه..
سلامه:هاللي تعلمته من النت وياي اتسمع لي اياه اهنيه..يلا يلا هناااك..
سعيد"يضرب ع خدها":ويه العنز انا اكبر عنج..
سلامه:وااايه الترااااب..واذا كنت اكبر عني شو اسويبك..؟؟
سعيد:احترميني..
سلامه:جيه انا شو قلت..حشى ما ينرزا علييييك..ييها..المعرس يانا..
سهيل"شااق الحلج":مرحباااااااااااا شحاااااااااالكم..؟؟
سعيد"ايوايه اخوه":بخير ومن صوبك..
سهيل"مستانس":يسرك الحال..الا وينك ربيعك ناصر حرق تيلبفوني من زود ما يتصل يتخبر عليك..؟
سعيد:ههههههههه..مسكين هالناصر عذبته ويااايه..التييلفون كان مغلق..يلا انا بظهر تامر بشي..
سهيل:سلامت راسك..سير تحت الوالد يبغيك..
سعيد:انزين..
سار سعيد تحت وسهيل تم يطالع في سلامه وخلاف قرر ينزل تحت..بس سلامي زقرته ..
سلامه:تعال ابغيك في رمسه..
سهيل"راافع وحده من حياته":امممم..انزين..
ساروا الصاله ويلسوا..
سلامه: سمعت انك بتخطب شيخاني..
سهيل"ابتسم":هيه..
سلامه:شو تبغي بها رااعية المشاكل..
سهيل"بدون تفكير": اممممم..أحبهـا..
سلامه:شوو ..بتخبرك منو ايحب هالشيخه..؟؟..تبغي المشاكل..انته تبغي اتنفد رووحـك..؟
سهيل"وقف وتم يصارخ عليها":سمعي سلامي يا ان سمعت هالرمسه تظهر من ثمـج شوفي شو بيستوي بج..ما اسمحلج اتسبين شيخـاني ..
سلامه"منصدمه":سهيل انته بلاااك؟؟..هاي الإنسانه ما تحب حد..هاي الإنسانه وقحه وما عندها اسلوب ونظراتها تضاايج الواحد..شقايل بتعيش وياها..لأنها حلووة..؟؟؟
سهيل"يضحك":فهمت اللحينه..اتغااارين منها لأنها احلى عنج..اعترفي..صح..؟؟
سلامه:اشووو..لأنها احلى عنيه..؟؟شو هالتفكير السخييف..؟؟اذا انته اتشوف شيخه حلوة..فرووضه احسن عنها بمليوون الف مرة..
سهيل"عصب":ردييييييينا للطير يلي..من زينها هاييك البنيه..اقول جب جب..لا تقارنين بين شيخه وروضه .. وانجبي ولمي ثمـج يا ويه العنز..وماالج خص فيني ..فكري في عرسج اللي بعد كمن شهر..
وكعادته..يفجر القنااابل ويظهر بابتسامه..ما يهمه حد..ولا يهمه شعور اللي عنده..بس عليه ايعق الرمسه اللي حتى ما يفكر يثمنها..أما سلامي من زود صدمتها بتفكير سهيل الغبي..يلسـت ع الغنفه .. وما تحركت من مكانها الا من بعد ما استوعبت رمسة سهيل ونزلت تحت عند امهـا..
سلامي:امااااااااااايه..اماااااااااااايه..
ام سهيل:انا اهنيه يا بنتيه .. تريي لين ما ابند التيلفون..
سلامي"يلست عدال امها":انزين..
أم سهيل:هيه يماايه..............وشيخاني ابنيه حشييم مشالله عليييهـا..ودام روضه ما تبغي ولد عمهـا..وردته..احن ما بنسير بعييد..هكي شيخاني يالسه فالبيت تتريا المعرس..................ماجذبتي والله.................خلاص ان شالله بخليه ايمر عليج.........................مادري وينه ظهر ويا سهيل......انزين................سلمي ع اللي عندج وخبري حريم عياالج............فدااعة الله..الله يحفظـج.."تبند التيلفون"..
سلامي:مشاالله.مسرع يمايه ما نشرتي الخبر وما استوى شي..
أم سهيل"مستانسه":حزن..شو ما استوى شي..باجر سايرين يخطبون رسمي..ام البنيه وافقت وقالت شيخاني ما بترد ولد خالها..
سلامي:يعني خلاااص خلاااص..
أم سهيل:ع قولتج..خلااص خلااص..
سلامي:امايه الله يهدااج ويطولي بعمرج شو هالرمسه..يعني ما لقيتوا الا شيخاني..
ام سهيل:وشو فيها شيخاني؟؟..واايه فديتها شحلااتها ..ويا زينها زيناااه..
سلامي:ااااااه..كل ما رمست قلتووولي حلوووه..هب شرط انها اتكون حلوة..انزين شوفي اخلاقها واسلوبها وتعاملها..
أم سهيل:ابنيه كاامله والكمال لله..نشي نشي خليني اشوف البشاكير شو سون باللبن البااجي..ودوه صوب ييرانا ولا لا..؟؟؟واايه يعلهن النفااد اممرة ما يفهمن الرمسه..كل يووم اعيدلهن الساالفه..فقدتهن..
نشت ام سهيل مخليه بنتهـا..منصدمه للمرة الثانيه..تمت اتفكر واتفكر..وما كانت تعرف شو اتسوي..شلت بعمرها صووب رووضه على طوول..دون ما اتفكر بشو اللي اتسووويه..وما كانت تعرف شو نتاايج هالشي اللي بتسويه..

×

 
 

 

عرض البوم صور بوح قلم   رد مع اقتباس
قديم 18-01-10, 10:35 AM   المشاركة رقم: 84
المعلومات
الكاتب:
اللقب:
عضو فخري
حَاتمِيّة العَطآءْ

البيانات
التسجيل: Nov 2009
العضوية: 151969
المشاركات: 40,340
الجنس أنثى
معدل التقييم: بوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسي
نقاط التقييم: 6598

االدولة
البلدUnited Arab Emirates
 
مدونتي

 

الإتصالات
الحالة:
بوح قلم غير متواجد حالياً
وسائل الإتصال:

كاتب الموضوع : بوح قلم المنتدى : القصص المكتمله
افتراضي

 

خلاص يعني كل شي انتهى ورااح..خلاص يعنـي ما بقينـا حبايب..
يعني وعودك كلها كانت مزااح..والا انت مالك في المحبـه رغايب..
وين العهود ووين لحظات الأفراح..يعني تلاشت مع هبوب الهباايب..
القلب بعدك من له اليـوم يرتـاح.. من بعد ما هو في محبّتْـك ذايـب
ياما على شانك تحمّلـت الاجـراح.. وياما جروحي من صدودك عطايب
سرقتني عن جملة الناس يا صـاح.. والفكـر عنـدك ماخذنّـه نهايـب..



بيــت بومحمد..
حيــرة رواضي..
الساعه10 ونـص..


كـل دمعه ..وكل ونـه..اتوضح كيف هالروضه متعذبه حييل من فراق سهيل..وكل نظرة للدفتر..اتوضح كيف هالروضه متندمه حييل ع حبها لسهييل..وكل ليله تمر على هالروضه..اتأكد مليوون بالميه ان روضه صعب عليها نسيان سهيل..لأنه بالفعل صعـب انك تنسى انسان بعد ما كانت روحك متعلقه فيييه..وصعب انك تعيش وااقعك اللي كله حرمـان وحزن وفرقـا..
صدت صوووب الدفتر اللي جدامها ويودت القلم اللي عدالها..وكتبت..
"مليييييييييييييييييييييييييت"..
بخط كبييييييييير..ملت من زووود ما تصيح على حبها الصاافي..ملت من هالندم اللي يحرق قلبها .. شلت الدفتر وحطته تحت مخدتها..وكالعـااااااده..وقفت جدام دريشتها بعد ما فجتهـا..وتمت تتأمل الناس اللي قااعدين تحت..واتفكر في حياتها بشكل عاام..وفي اللي استوالها من كم اسبوع بشكل خااص..اتحس راسها بينفجر من زود ما اتفكر..يعني لين متى بتم جييه..؟؟
هبت عليها نسايم الليل وحست انها ارتااااحت..ماا تعرف ليش..بس شعور الراحه حستبه يوم الهوا يداعب خصلات شعرها اللي طايحه ع ويهها بكل انسيااب..تضيف لمحة حزن ..
انفـج الباب بكل دفااااااااااشه..وكــانت سلامي اللي حاطه يدها ع قلبها..
سلامي:لحقي يا رواااااااااضي لحقي..
صدت روضه ويت صوبها..
روضه:بسم الله..شو مستوي..؟؟
سلامي:كااااارثه فريييييييده من نوعها..الرماااح بتحترق..
روضه:بسم الله الرحمن الرحيم..قوووووووولي بيت منو احترق..؟؟؟!!!!
سلامي:بيييييييتنا ..بيتناااااااااااااااااا..
روضه"منصدمه":اشووووووووووووووووو...؟؟"وتصد صوب الدريشه"..جيه كيف احترق بيتكم والكل يالس اهنه..يعني معقووله ...معقووله ما شافو شي دخااااااااااااااااان..
سلاممي"اتطيح ع الشبريه":أي دخااااان ..واي خرااابيط..بيتنا بيحترق والسبه سهييييييييل اللي باجر بيخطــب شيخــاني ام السعف والليف..

.
.



تجمد الزمــن يا صــــاحبـي..يوم قلت انك ما تبـــي..
قلب يحبك مثل قلـــــــــــبي..وانتهى عنـــك الغراام..
مهمـا أوضح مــــهما أقول..حتى ولو كلامي يطـول..
من يومــه قلبي لـك ذلـــول..وإنته كنت قصة وكلام..

تجمد الزمـن بالنسبه لهـا..تجمد وتجمد معاه قلبها..احساسها..وحتى الكلمــات ضااعت منهــا..تحس المشااااعر في قلبها اتصييح دم..واتحس ان الندم بيقلتها ..واتحس ان روووحها بتظهر من مكانها..لأنه تحملت وتحملـت وتحملت..
صح ردته..صح بدت تكرهه..صح انها تبغي تنسااه..صح انها بتعيش حياتها الباقيه بدوونه..بس لا زالت اتحبه..حب مثل حب روضه لسهيل مستحيل ينمسح بسرعه..ولو كان بين الحب والكره شعره..حب مثل حب روضه لسهيل..صعـب يرووح بسهووله..ولو اللي سواه سهيل في روضه هب اشوي..
جرحها..صيحها..خلاها اتعاني..وما تنام الليل..خلاها وحده بس عليها تذرف الدمووع..حطمها..حطم قلبها واحساسها..عذبها..عذااب قااسي..حرمان وألم وقهر وحزن..خلاها تمووت فالثانيه ألفين مرة..لأنها في يوم بس حبته..

يا ماضـــــحيت لعيـــــونك..سهرت ونامــــــت جفونك..
وإنته ما تغـــــــير ظنـونك..وتدخل بقلبي العنا والآلام..
يا ما كان عنوانك الغيـاب..وأنا افتح لك بـــاب وباااب..
وانغرس بقلبي كل العذااب..وتعتذر وتبـــين الإهتمااام..

كـل ما غاب عنهـا..يزهب لروحه الأعذااار..بس هي تسامحه وترضى عليه قبل حتى ما يبرر غياابـه..سهيـل..هو الإنسان اللي استحل حنااايااا قلب رووويض..وهو الإنسان نفسه اللي حطم قلبه..يعني في هالدينا..احن شو نبغي..؟؟سوى رااحـة فكر وقلـب..بس لا راحة القلب ولا راحة الفكر يوا صوووب رووضه..ما كانت تتوقع هالنهااايه الحزينه..ما كانت تتوقع انها بتترك اسهيل..ولا كانت تتوقع ان سهيل بيرخصبها وبسير يخطب شيخاني اللي اتشااااابهها ..ونسسسخه منها..بس شو يقصد..بهالحركه اللي سووااااهاااا..

انا بحترم قرارك..لأنك حر في زمـانك..
ببتعد وباخذ برايك..بنسى كل الإهتمــام..

فالأخير..في المحبه..ما ينجبر قلب..ولا تنجبر روووح..وكلـن حر بقراااره..مستحيل روضه اتعق رووحها ع سهيل..لأنه وااحد ما يستاااهل..ويكفيها اللي ياها منه..يكفيها لوعه وحسرة..ترى الدنيا ما تسووووى..

.
.


فضلت السكوت..لأن السكوت في بعض المواقف..أيكون احسن حل..
سلامي:...روووضه..........
روضه:الله يوفقهم..
سلامي:بس..
روضه"بعيون كلها دمووع":بس شووو..؟؟
سلامي:والحب .. روضه انتي كنتي اتحبين سهيل..وادري انج لا زلتي اتحبنيه..روضه..ادريبج قلبج الطيب ما يخليج تكرهين سهيل بسرعه..
روضه"تنزل ادموعها":شو تبيني اسوي..انا اللي جنيت على نفسي..أنا اللي الووم نفسي..انا اللي حبيت سهيل..وتخيلت انه يحبني..انا الغلطااانه..
ونشت من مكانها وحضنت عمرها بيداتها جدام الدريشه..
روضه:اتشوفين هالليل..بتييه الشمس وبتمحيــه..شرات الليل ع قلبي..بس انا ليلي شقا وحرمان ولوعه وهموم..بس بعد..مردها الشمس تشرق من يديد..وتمسح هالليل وأحزانه وهمووومه.."وصاحت بكل حرقه"..مردها اتيي..
وقفت سلامي منصدمه..كل دقيقه تتلقى صدمه..ما كانت تتوقع روضه بهالتفكير..لو وحده ثانيه بتسبه وبتلعن خيره من زوود ما اتسبه..بس روضه لا..؟؟!!!!!
سلامي اتحس عمرها لو ان خلوف سوى شرات ما سوى سهيل في روضه..عادي بتنسااه بسرعه وبتسبه وما بتفكر فييييييه..ما كانت متوقعه ان روضه اتحب سهيل هالحب كلـه..
سحبت عمرها من حيرة رواضي بكل هدووء..وخلت رواضي اتدوي جروحها بروحهـا..

×
×

 
 

 

عرض البوم صور بوح قلم   رد مع اقتباس
قديم 18-01-10, 10:35 AM   المشاركة رقم: 85
المعلومات
الكاتب:
اللقب:
عضو فخري
حَاتمِيّة العَطآءْ

البيانات
التسجيل: Nov 2009
العضوية: 151969
المشاركات: 40,340
الجنس أنثى
معدل التقييم: بوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسي
نقاط التقييم: 6598

االدولة
البلدUnited Arab Emirates
 
مدونتي

 

الإتصالات
الحالة:
بوح قلم غير متواجد حالياً
وسائل الإتصال:

كاتب الموضوع : بوح قلم المنتدى : القصص المكتمله
افتراضي

 

وكل دمعه من عيوني طاوعت فيه اكتئاب
ليتها تطاوع سعاده أو تعايد فيه عيـــــــد
واعتبر في كل مره إن ذاك الجرح طـــاب
واعتمد في كل مره بس على نفسي واعيد



سويحـــاان..
بيت بوسيـف..
السـاعه 9 ونــص..
حيـرة فطامي..

وقفت فطامي ع شبريتها من زوود الملل وتمت اتناقز يمين ويساار واتحس عمرها طفرااانـــه..سيف توه اليووم الصبـح مساافر..وخلودي في بوظبي..وامها يالسه تحت .. ترمس تيلفون ..وهي ملت من زود ما تقعد ع المسن وتتحوط في هالمنتديـات..من ظهرت حيرتهـا..وخطفت ع الصاله..سمعت تيلفون البييت ايدق..
فطامي:هلوووووووووووو..معكم شركة فطامي تتاامي الملانه للنشر السوالف الجذابه..
موزاني:مرحباً أخيتي كيف حاااااالكي..؟؟
فطامي:انا بخير والحمدالله..وانتي..؟؟
موزاني:الحمدالله..انني بخير..
فطامي:نعم هل أقدم لكِ أي خدمـه..
موزاني:لا شووكرن..فأنا اللتي سأقدم لكِ خدمه..ما رأيك ان تذهبـي للاب ماالج..واتفجين المنتدي .واتطالعين قصه(لاتعشقي البحر ترى البحر غداار)..وقصة (رووح الرب يرعاااك)...البارتات الأخيرة نزلت..والعرب قرووا وخلصوا وانا ما شفت ردج..
فطامي"شهقــت":شوووووووووووووووو؟؟؟..في ذمتــج..
موزاني:والله انيه ما جذب عليييييج..تعالي بخبرج شي ثاااني عن سهيل وشــيخـ.............................ألوووووووووووو و..ألوووووووووووووو..مسودة الويـه رقعتي السماعه في ويهي..ادواااااااج عنديه..
ومنــاك..فطامي ما انشوف الا غبارها..شلت الاب ويلست عند أمها تحت اتواسيها..
فطامي"اتصارخ":اماااااااااااايه لااااااااااااااااااااا رااشد ما بياخذ شيييييييييخووووه..وقالها روحي الرب يرعاااج..اللي خلق مثلج خلق مليوون شرواااج..واايه وااايه لااااااااااا...حتى خالد فديته ما خذ شيخاااني..
أم سيف"اتفرها بالريموت اللي عدالها":وااايه في ذمتيه انج ما تحشمين..تتفدين خالد..؟؟امنوو خالد مسودة الويه..اشوووفه كبر راسج يوم سار عنا سيفااني فديت قلبه..
فطامي:يماااااااايه الله يهداج شو دخل سيفاني اللحينه..لحوووول..يماايه هاي وحده فالمنتدى كاتبة قصه..أخوان اثنينهم ايحبون بنيه وحده اسمها شيخاني..وواحد منهم مسوي حادث اسمـه خـالد..يماايه صح انه كان سخيف بس بعدين غدا ريال واستوى يهتم في امه واخته..وراشد يوم سار بيخطب البنيه اللي اسمها شيخاني ردتها جان ايعق عليها رمسه قويه حرق ويهها وساار..
أم سيف:هييييييييييييه..زين بعد حسبتج ترمسين عن شيخه بنت خااالتج..يوم قلتي ما خطبها رااشد..قلت افخاطريه اللي خطبها سهيل من وين يأ راشد...؟؟؟
فطامي"ملصقه ويهها في ويه امها":أقييييييييين أقيييييييييين..
أم سيف"اتدز بيدها ويه فطامي عنها":خوزي ويهج عني..وشو هالرمسه اللي تقولينهـا..حشى..الهنود يرمسون أحســن عنـج..
فطامي:امااايه شو قلتي..؟؟..انا ما سمعــتج..شو شيخاني وسهيل..؟؟..شو صار امبينهـم..؟؟..
أم سيف:من ساعه قوم خـالج بوسهيل ساروا عند قوم خالتج ناعمه..ومناك سهيل خطب شيخه رسمي..
فطامي:وشو شيخاني واقفت..؟؟؟؟
أم سيف:هيه واافقت..بالله عليج امنو اللي بترد سهيل..ريال والنعم فيه وراعي فزعه..وكل بنت تتمنــااااه..
فطامي:انزين سؤااااااال سؤاااااااال..؟؟؟
أم سيف:سألي..؟؟
فطامي:يماايه انتي متأكده شيخاااااااني شيخاااااااااني..اللي في بيت قوم عميه خاااالد..
أم سيف:هيه..عيل ليش بيسرون اهناكي..بيخطبون عموتج ناعمه..؟؟؟
فطامي"فاجه ثمها":هاااااااااه...؟؟؟؟؟
أم سيف:ظكي عنيه اهناااك خليني انش وبندي ثمج جنج الا بقره ما شايفه خير..
نشت ام سيف من مكانها فالوقت اللي فطامي شلت تيلفون امها اللي كان ع الطاوله..وسييييييييده سوت تيلفون لموزاني..
فطامي:ألوو موزاني عنلااات صداااج مسودة الويه اشعنه ما قلتي لي عن سالفة شيخااااااااااني وسهييييييييييييل..
موزاني:شووووو..منو انتي فطامي..؟؟؟
فطامي:هيه عيل منو..؟؟
موزاني:جب جب يا ويه العنز لا ترمسيني ..بندتي التيلفون في ويهي هااااه..؟؟
فطامي"اتسوي عمرها برييئه":انــا...؟؟حراام عليج..مستحييل اكوون انا..
موزاني"بنذاله":اوووووه..شو تبين اللحينه .. يلا وراايه شغل ع المنتدى ..أشوف في أعضاااء يالسين يستهبلون وما يفهمون الرمسه من أول مرة..
فطامي:فرحااانه مخلييينج مشرفه..
موزاني:جب مالج خص في شعوووري..قولي شو تبين..؟؟
فطامي:جب ما ريد اقووولج...
موزاني:قولي شو تبين...؟؟
فطامي:اعناااااااااااد..ما اريد اقووولـج..
موزاني:رمسيييييييي..وراايه شغل..
فطامي:ماااااريد..
موزة:أخر مرة .. اقولج عن شو تبغين تتخبرين..؟؟؟
فطامي:هههههههههههاااااااااااااااااانياهاههااهاهاها هاها..اقوولج شو ساالفـة شيخاني وسهيل..؟؟؟؟
موزة:اوووووووووه سكتي ما دريتي..؟؟
فطامي:شووووو..؟؟
موزة:سهيل شل ابوه واخوه وساروا بوظبي ..خطب شيخااني الغبيه..
فطامي:احسسسسسسسسسسسن..ادواااااااه ودواااااااااااهااااااااااا...سبحااااان الله..نذله ونذل بيعرسون شو بييبون..؟؟
موزة:وااااحد حقيييييييير..
الكل:ههههههههههههههههه..
فطامي"بحزن":روااضي درت...؟؟
موزة:اممممممممممم..اظني.ترى غبوش وسلامي قبل اشوي كانن عنديه..وأكيد خبرووها..
فطامي:سرتي شفتيها..؟؟
موزة:امممممممم.لالالالا..وما بسير..باجر بسير صوبهـم..
فطامي:ليييش..؟؟!!
موزة:ما قوى ع شوفتها وهي اتصييييح ومقطعه عمرها من الصيااح..
فطامي:اتصيحـه اليوم مسود الويه وباجر بتنساااااه..ما عرفتوهـا روضه اللي ما تهااااب سهيل ولا بتحفله السباااااال..
موزة:المووووووهيم..بااااااااااااي..
فطامي:باااااااااي..بااااااااااي..بحاول انيه ارمس سيف..
موزة:اوكيك بااااااااي..
بندت فطامي عن موزاني ..وسارت اتدق ع تيلفون أخوها سيف..بس استغربت..سيف ما يرد..؟؟!!

×
×

 
 

 

عرض البوم صور بوح قلم   رد مع اقتباس
إضافة رد

مواقع النشر (المفضلة)

الكلمات الدلالية (Tags)
مع غير العب وبين له مهاراتك قصة امارتية, قصة امارتية للكاتبة العنيدة, قصص اماراتية
facebook



جديد مواضيع قسم القصص المكتمله
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



الساعة الآن 11:43 PM.


مجلة الاميرات 

 



Powered by vBulletin® Version 3.8.11
Copyright ©2000 - 2021, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية