الفصل الثــاني)







••.•°¯`•.•• همزة وصــل ••.•°¯`•.••







يابروق السحـــــــــــــايب لي تزيح الظلام

زيح ذا الهم عنــي جــــــــــان تتقدر تزيح

جاثين فوق صــدري مثل جــــــــثي الركام

وانتهى بالحنايا مـثل جـــــــــــمر الاثـــــير

والله اني معافا من جميع الســـــــــــــــقام

بس حبه دعاني من صوابه طريــــــــــــح

لو كتمته عنـــــــايه بيــــــــن طول الزحام

يفضح العيــــــن دمــــــعه محتواها فصيح

كن عيني ســـــــــــحابه من سحاب الغمام

لي ذكرت الحـــــــــــــبايب هل ماها نضيح

اسهر الليل كله مــــــــــــــــــاهتني بالمنام

والخلي في منامه مهــــــــــتني ومستريح

مادرى بالتياعي بالهــــــــــــــــوا والغرام

واختلاجي ونوحي من مصــــــــابي اصيح

رااااااح كنـــــه ونســــاني دون اي اهتمام

بعد ما امكن سهــــــــامه في فوادي جريح

انتخي بالتســـــــلي وبــــــــــه اشد الحزام

يختل اني عزوبــــــي في مـــــــكان فسيح

وارجع الوم نفسي ومايفــــــــــــــيد الملام

وش تفيد الملامه يوم دمـــــي سفـــــــــيح

ياعنيد المــــــــشاعر بـــــــــعدكم لي حرام

جود بالــــــوصل مــــــــــرة رد لي يامليح

طال صبـــــــــــــري وبعدك مجعلني حطام

مثل ما غصـــــن وردن لاعبه عصف ريح







::::××××××××::::

.

.

.

مرت الأيــام بشكل سريـع على كل شخصيـــات قصتنــا..الكل مشغول ومرتبش ومستااانس..لأنه ما بقى الا يوم واااحـــــد..وتلتقـى قلوب شموس وحمــد ..



"صوب هل الرمــاح"

حمد:

الريـال يراكض من مكان لمكـان..مرة الخياط..ومرة السوق..ومرة صوب القاعه..ومرة يشوف اخر التطورات في قسمه..ومرة صوب محلات الأثااث..ومستاااانس حده..



شموس:

وهي الثانيه بعد..تراكض من بقعه لبقعه..من دبي لبوظبي للعين..ووياها عليوه كونها عندها خبره فالزهاب وهالسوالف..وضاربنها الحفووز..وكل ما تحاول تقنع امها اتيي العرس امها ما تبغي..لين ما عيزت منها..وتحس بقهر لأنها امها ما بتحضر عرسها..

وطلبت منهم ان الملجه والعرس في يوم واااحد..عشان ما تخاف مرتين..وأكيد وافقوا على طلبها..



روضه:

هالبنيه مستااانسه واايـد بعرس اخوها ووبنت عمها..وهي الثانيه ميوده شلتهم ويتحوطون في أسواق العين..عسب الفساتين والحنا والصوالين ..وطول هالفتره وهي ماخذه بنصيحة موزاني..ومطنشه سهييل..



غبوش وشجون:

وين ما سارت روضه هن وياها..واشترن فساتين نفس الشي..ومتشوقات لشوفة شموس وحمد ع الكوشه..



محمد وسعيد:

كل واحد منهم يربع في صوب..اللي يشوف الذبايح..واللي يشوف طلبات حمد..لوول..



حمدان:

مرة متنقع وياااهم..ومرة مسويلهم طـاااف ومجابل قصوده وريسوه..اللي منقهره لأنها ما بتحظر العرس..خخخخخ..



سهيل:

كـان هالفتره مشغول بالسيايير اللي يابوها من الخارج..ومعظم وقته في الشركه وويا سيف..ولو..بس كان يتابع تطورات عرس حمد..وكمن مرة جمعته الصدفه ويا روضه في كذا مكان..بس استغرب من تصرفات روضه اللي كـانت اتسويله أكبـر طاااف..



موزة:

كـانت أكثر وحده اتابع القاعه وترتيبهــا ..وكان تصميم القاعه هاللي سوته..وحاولت تجمع من بين فستان شموس والقاعه في عدة أشيااء..وكـانت تاخذ بعض الأفكار من النت..تبغي ايكون عرس أخوها وبنت عمها عرس مميز..



سلامي:

هاي بعد..كانت طول الوقت ادق ع ربيعاتها من كل بقعه تعزمهـن على العرس..ومن صوب مجابلة خلوف هالفتره...وكانت اهي اتنقي فستانها وفستان موزاني..



خلوف:

هو الثاني مستاااانس..لأنه عرسه تحدد في الصيف..لوول..وكان معظم الوقت مجابل سلامي وداق سوالف وياها..ومرات..ايحابل سعيد ومحمد وحمد..



حميد وناصر:

عايشين الأجواء ويااااهــم...



ذياب:

كان مستااانس واايد بالعرس..بس عليه يتطنز على حمد..ويحدر صوب شموس ويتطنز عليها..وكل ساعه يربع عند روضه يتخبرها عن أحوال مريوووم..لوول



عليا:

مثل ما قلت عن شموس..اربع وعشرين وياها..حليلها تعبت واايـد..بس كل شي يهون لجل عيون شموس وحمد..



عنودي وعبودي:

عبودي بس عليه ايغير كندورته ويشل عصاه ويوقف ويا الرياييل اونـه ويا راسه..

أما عنودي..مستانسه بفستانها الوردي وكل ساعه اتجربه وتشغل التي في واتم اتهز..لووول..



أمهم العوده:

كــانت واايد مستااانسه .. لأنه حمد بياخذ شموس..ولأنه المكسار بيض الويه..والكل مدح الزهبه والترتيب..



الشوااب(بومحمد وبوخليفه وبوسهيل):

كل واحد مستانس..لأن بنت أخوهم عاشت وياهم..وبتعيش وياهم وما بتكون بعيده عنهم..ومحتشرين..اللي يبغي عرس الريايييل في يوم..وعرس الحرمات في يوم..واللي يبغي عرس الرياييل والحرمات في يوم واااحد..وبعد مناقشاات كثيرة وحااده..خذوا رااي أمهم العوده..واتفقوا ان عرس الريااييل والحرمات في يوم وااااحـــد..



الحرمـات(أم محمد وأم سهيل وأم خليفه):

هن بعد مستاانسات..لوول..وكل يوم طابات العين..اللي تشتريلها تلي..لوول... والثانيه تاخذلها ذهب واللي تشتري دلال القهوه والبـاتشي..







"صوب هل أبوظبي"

أم سلطان:

كـانت تحاول اتخلص مواعيد ريلهـا..وتاخذ احتياطاتها .. وهي تتمنى ان ليلة العرس اتعدي عليها وعلى ريلها بخير..



سلطان:

كـان مستانس عشان حمود..والفال له..



شيخاني:

ترابع لدبي ووياها ميثاني عسب اتكون شيخوه بكامل كشختهــا..ويا راسها...







"صوب هل سويحــان"

سيف:خذ هله صوب الرمـاح من ليلة المكسار..وهو يتمنى ان يشوف"شيخه"..ويلعن خيرها..مايدري ليش يحس عمرها يبغي ايسبها اشوي..



أم سيف:

ما خلت حد من هل سويحـان الا وعزمتــه..لوول..مستانسه بعرس عيال خوانها..



فطامي:

البنيه من سارت للرمـاح نست درب سويحـان..ومستانسه انها حضرت كل تطورات عرس حمد وشموس..وخذت فستانها هي واختها من العين..على ذوقها..يعني ما خذت راي خلودي..لوول..وكــانت متشجعه انها اتقول لروضه عن سيف..وحلفت الا اتقولها في الفتره اللي بيلسون فالرماح من بعد العرس..



خلودي:

كانت معصبه على فطامي لأنها خذتلها فستان من دون ما تاخذ رايهـا..بس بعد كـانت مستانسه لأنها ما تعبت عمرهـا..وكـانت هالفتره مبتعده عن سلطون..بحكم الظروف..لوول..





.....

وما بقى الا أحمد..اللي كـان مستاانس من الخاطر لربيعه وخويه حمد..وويااه فكل خطوه يخطيها..ونعم الخوي والله..

.....





بجيه..عطيتكم نبذه عن الفتره اللي كـانت قبل عرس شمسه وحمد..وطبيعة أوضاعهم..

الفصل الثـالث)



••.•°¯`•.•• قصـة حب ••.•°¯`•.••



لكل قصة حب أشواك وورد..

وليه نصرخ من ألمها وكلها تنبت بعود..

ناظري هاذا قمرنا لو تغطيه الغيوم..

ناظري هاذا شجرنا لو تحرقه السموم..

لو تجرحنا عيون الليل وحروف النميمه..

لو يعذبنا السكوت..

ان شربنا او عطشنا الدمع ديمه..

للهوى نحيا ونموت..











الخميس

(عرس حمد وشمسه)

السـاعه

10 ونــص









من طبـع البنات .. درس ملامـح كل عروس في ليلة عرسها..لوول..وبنات العايله كلهن باستثنــاااء شيخه يالسات في الصاله كلهـن..وكلهن لابسـات كنادير..ومتوسطتنهن شموس..اللي كانت تتلقى التعليقات من الكل..حتى عنودي؟؟!!

عنودي:ايووووا وبتاااااخذين حمد الخبل..وبتروحون بعيد..وبتكلمينه تيلفون شرات خلو..خلو..خلووودي..

الكل:ههههههههههه

موزاني:هههههههههه..البنيه تعقدت..كل ما شافت خلودي اتلاقيها ميوده التيلفون ..

خلودي:حراام عليكم..جيه تجرحوني..

روضه:ييها امحق جرح..قولي انج ما ترومين ع فراق سلطووون..

سلامه:تستحي البنيه..

غبوش:وانتي ما تستحين؟؟!!

سلامه:لا فديتني استحي..

روضه"اتغير سالفه":يلا بستهبل على عنودي.."تزقر عنودي اللي تتأمل فستانها"..عنوودي عنوودي..

وتصد عنودي صوب روضه..

عنودي:شو؟؟!!

روضه"تبدا استهبال":اليوم فليل بترقصين؟؟

عنودي"بثقه":هيه برقص عيل بصيح..

روضه:أأأخ ويهي احترق..الياهل استوت تقفطني..انزين عنودي كيف بترقصين..

عنودي:بسوي جيه..

ويوم كانت بتهز..وقفت..

خلودي:بلااااج..؟؟

عنودي"اتصد صوب خلودي ببراءه":لازم غنيه عسب اعرف ارقص..

وتيود روضه الريموت اللي عدالها واتم ادور لعنودي غنيه مصريه عسب تهز..ومن حظ عنودي رواضي حطت غنية يا طبطب ودلع..مال نانسي عجرم..

عنودي من سمعتها ين ينونها..جنه البنت لابسنها يني..وتمت الأخت تهز هز..بس والله هزها حلوو..يعني مب على عمرهـا..كلهن يطالعنها منصجمات..لأنه اول مرة يشوفنها اتهز..بس روضه الوحيد الي اتفق وتشجع..لوول..عنودي لها مستقبل...لأن الأخ مخاوي الزعيم ناوي يستدعيها في عرسه..هع هع هع ..

الموووهيــم..

تمن البنات يضحكن عليها..لين ما يت عليوه...ويلست عندهن..اللحينه..طاااح الأدب في عنودي من شافت أمهـا..

عليا:يالسه اتهزين هاه؟؟؟

روضه:والله بنتج هاي ما تسمع الرمسه يالسه اقولها يا ويلج من امج والهز هب زين ..الا وتبى تهز..لابسنها يني..

موزاني:صيووووووووووو طااااااااااااااخ...الصااروخ من قوته ما وصل للسمـا..بس هدم السقف..

فطامي:ههههههععععع...رواضي استهدي بالله وبلا صواريخ قويـه..

شجون:ومنو قالها شو بتسوين يا عنودي اليوم فالعرس..

خلودي:ومنو اللي يود الريموت وشغل التي في..

سلامي:ومنو اللي حطلها غنية ياطبطب ودلع..

غبوش:ومنو اللي تم يصفقلها ويشجعها ع الخراب..

عليا"اتصد صوب عنودي":عنودي منو سوا هاه كله..

تمت عنودي مبحلقه في عيون امها..وخلاف اشرت على روضه..عاد الكل تم يضحك على روضه يوم شلت شيلتها وغشت ويهها..

روضه:بعدووا عني..ما روم أظهر ويهي من زود ما افتشل واحترق..

مرت عليهن هالدقايق حلوووة..بسبة عنودي..واشوي الا محمد يهود..

محمد:هووود..هوود..

"يعرف انه محد غريب..بس عسب البنات يحطن الوقايه"

فطامي"اتقلد أمهم العوده":بنات ياكن محمد حطن الوقايه حطن الوقايه يعلكن العرس..هداااا هدااااا يا ولديه محد غريب..

محمد"يضحك ع فطامي":السلاااام عليييييهم..

الكل:وعليييك السلاااام والرحمه..

محمد"يصد صوب فطامي":هاه بلاج اتقلدين امايه بخبرها انج اتقلدينها..

فطامي:لالالا مشكور...بتربع ورايه بعيرتها..

روضه:دوااااااااااااااااااااااااااااااااااااااااااا اااج..

محمد:يلا شموس نزلي تحت..الملاااج بترياج تحت...

شموس:شوو؟؟وليش ما اتخلوني اوقع وخلاص..

محمد"يضحك عليها":ههههههه..شو خايفه؟؟

شموس:ويا راسك..

عنودي:لا اتسبين بوووويـه..

شموس:خلاص امرنا لله..

حمدت شموس ربها ان محمد اللي حدر..ولا يكون حمدان..لأنه محمد تعتبره اخوها الكبير اللي ولا مرة قصر وياها..نزلت وياه تحت..والرزة روضه وياهم..الحرمـات كانن قاعدات فالصاله الثانيه..يعني مب الصاله اللي فيها الباب العود..وعند الباب العود وقفت شموس..ووياها روضه.."تاخذ فكره قبل ما تعرس"اممرة ملصقه فيها..وظهر محمد وياب الملاج وتم الملاج يسألها كمن سؤال..وأخر شي شل محمد الكتاب وشموس وقعت..وأول واحد باركلها هو محمد..وخلاف روضه..ومن سار الملاج..حدروا عمومتها الثلاثه وباركولها..ونزلن البنات كلهن وباركلها وخلاف يأ دور الحرمــات..عنودي من قالوا لها ان شموس العروس..ملصقه في شموس ولا فجتها دقيقه..تدرون بهن البنات الصغار لو شافن العروس يتمن لصق اوهو فيها..

وبعد مرور ربع ساعه نشن موزاني ورواضي صوب المطبخ..ايشوفن أوضاع الغدا..اذا يابوه من المطعم ولا بعدهم..حدرن المطبـخ وشافن البشاكير يعابلن فالصحون والأكواب والعصير..جان يزهبن السلطات وهو السوالف..ونجبوا الغدا وبعدين سارن البشاكير وودنه صوب الميالس..ومن ظهرن شافن حمد واقف عند الباب..جان يأشرله..وياهن عاده كاشخ وشااق الحلج من زود الإبتسامه..باركن له..واستهبلن عليه وطفرن به .. بس كان مستانس بالتعليقاااات..لووول

وخلاف حدرن البيت..وبعد ما تغدن..روضه وخلودي وفطامي سارن صالون ويا حمدان ..وسلامي وغبوش وشجون وموزااني سارن صالون ثـاني ويا الدريول..عسب يخلصن وما يسيرن صالون واحد وعقب يخلصن بعد مووت..

أما عليوه وشموس..فيلسن فالبيت..شموس رقدت شوي عسب ترتاح ..وعليا دقت على الحرمه اللي بتييهن من بوظبي وبتعدلهن..

بالنسبه لأمهم العوده كـانت راقده..والحرمـات مرتبشات وتمن يتقهون فالصاله ويسولفن عن العرس ..بعده ما استوى ويسولفن عنه..يعني الترتيبات وهالسوالف..

بعد صلاة المغرب..وصلوا قوم بوسلطان..نزلوا الرياييل صوب بيت بوخليفه..لأن الرياييل اهناك..اما ام سلطان وبنتها شيخه ساروا بيت قوم بومحمد..لأن الحرمات سونلهن تيلفون وخبرنهن انهن قاعدات اهنــاك..

أم سلطان قعدت عند الحرمـات فالصـاله..فالوقت اللي شيخاني سارت فوق عند عليا وشموس..وسلمت عليهن وباركت لشموس اللي كانت الحرمـه تعدلها..

كـانت شيخاني حاطه ميكبها..في واحد من صوالين بوظبي قبل ما تيي الرمـاح..بس فستانها للحينه ما لبسته..يابته وياها في جيسه..ونسته في موتر سلطـان..

يعني لازم تنزل تحت واتييبه..دقت تيلفون لسلطان وقالتله عن السالفه..وعرفت منه ان الموتر مبطل يعني تروم تاخذ جيسها بدون السويج..

نزلت تحت..وسارت صوب الموتر..اللي كـان موقف جدام البيت..شلت جيسها ومن ظهرت شافت سيف يمشي بيحدر البيت عسب يزقر امه..

سيف..سمع صوت حد يمشي وراه..جان يصد وراه..وشاف شيخه..بس ما عرف اذا كــانت شيخه او روضه..بس عرفها من الطول..لأن شيخه أقزم من روضه ..

فستاانس من الخاطر..لأنه من قبل يفكر يسبها..

سيف:اوووه حيالله شيخه اللعااابــه..

صدت شيخه بغيض صوب سيف .. وما كانت متوقعه انه بيرمسهــا..عشان جيه صخت وما ردت عليه..

سيف"باستهزاء":لالالالا..انتي شيخه ولا؟؟!!

شيخه:هيه شيخه..عيل منو؟؟!!

سيف:شحــالج من بعد ما سرتي السوووق..وشافوج الشباب اهناااك ...

شيخه"منصدمه":..................................... ..................

سيف:هيه مالومج قليلة كرامه ولا عندج عزه..ولا اهلج رياييل والنعم فيهم..

شيخه:انزين لا اتم اتعق رمسه..وانته قصوا عليك..

سيف:قصوا عليه ...؟؟!!!أقولج ترى القلب اعتبرج عابر سبيل..

شيخه:لا تعتبرني ولا تعتبرني..يا سيف انا ولا في يوم حبيتك..

سيف: ما يهمني اذا تحبيني ولا لا..كاااافي انج قليلة أصل ورضيتي لعمرج اترمسيني...تراني ريال وما يعبني شي..بس انتي بنيه وغلطه بسيطه تهدم حياتج..ملامح كاذبه عندج واحاسيسج ترى ذبله ..حسافه ما عرفتج صح و حسافه انتي عرفتيني..



وصد سيف صوبها باشمئزاز وقالها:



انــا شـيـخ(ن) ولــد شـيـخ ؛ بـذكـره تنـعـم الانـســاب

اليا قام العرب كلاً ؛؛ يراجع دفتـر انسابـه

ولـد شيـخ(ن) وسـط ربـعـه لــه بـيـن الـرجـال حـسـاب

اليا ضاقت به الارياء ؛ يهز الارض مشعابـه

محنكـنـي عـلـى الطيـبـه مــن يـومـي صغـيـر وشــاب

وش رايج بطفل(ن) دلال القهوه العابـه

تــرى بــدري عـلـى مثـلـج تعـيـب وساسـهـا مـعـيـاب

ياليت اللي يعيبني ؛؛ يحـاول يستـر ثيابـه

انــا لاجتـنـي الـزلـه ؛ مــن الجـاهـل وهـــو كـــذاب

تركت القافله تمشي ؛؛ وراهـا تنبـح كلابـه

وانــا ليـامـن كـشـف ان الـخـوي اصـبــح لـسـانه داب

نزعت السم من عرقه وكسرت بمخلبي نابـه

خــلاص الـيـوم ياشيخه ؛ كرهـتـج والقـلـوب غـــراب

وترى كل طير(ن) بكبد السماء يشبع مخلابـه

خـسـاره مثـلـج بقـلـبـي تـضـمـه غـرفــة الاحـبــاب

وخساره غلطة العاشق ؛ يحطج اول احبابـه



وقال لها أخر شي..:



علمن يوصلج ويتعداج يالواطيه..انتي حتى ما تسوين ربع نعالي..



حست بالإهانه..وحست ان ويهها احترق يوم شافت سيف مقفي عن ويهها .. ونظراته كل وحده اتحسسها انها قليلة أصل وما عندها كرااامــه..حست انها ولا شي..

كل الوصوف ترجمي يادمعتي له

وأوصفي حالتي في حبه مكسور الكفوف

أظهري الخافي لعينه وأحلفي له

أن عيني غير عينه ماتحب ولا تشوف





العيــــن..

عند قوم روضه ..





فالصالون..كانت روضه اول وحده مخلصه..وتيلفونها محترق من زود المسجات اللي من عند ريسه تتخبرهن هن وين وشو سووا ومن هالسوالف..ومحترق بعد من زوود ما ادق لحمدان عسب اييي وياخذهن..لأن قوم موزاني وصلوا القاعه ومن بين الحضوور..

فطامي"تلبس عباتها":خلاص انزين بدق على سيف وبيي بياخذنا..

روضه:اوكي ..بس وين خلودي..؟؟!!

فطامي:سارت تلبس فستانها..

تمت فطامي ادق ع تيلفون سيف.بس هو الثاني ..ما يرد..شو يعني ما يسيرون العرس..؟؟!!لووول..وتمت ادق وادق..

فطامي:اقول شو الحل اللحينه..

روضه:بشوف حد من الدريوليه ولا سعيد ..محمد قال انه مشغوول..

فطامي:اوكيه عيل انا بسير الحمام.."الله يعزكم"..

سارت فطامي ..وبعد مرور دقيقه..دق تيلفون خلودي..اللي دقت منه فطامي من شوي..على سيف أخووهــا..

صدت روضه صوب التيلفون..شافته يدق ويدق ويدق.ومكتوب عليه سيف وسيف وسيف..لوووول..

ظهرت فطامي من الحمام"الله يعزكم"

فطامي:رواضي ردي عليه بسير بعدل فستاني..

وراحت فطامي وما عطت روضه أي مجال..امبونها فطامي حرككككااااااااات..تبى روضه تكلم سيف..

شلت روضه التيلفون..ع نياتها واحليلها..وردت عليه..

سيف:ألووووو..

روضه:ألــوووو..

صخ سيف لأنه سمع صوت وحده مب من خواته..وصخت روضه لأن سيف ما رمس..

سيف:منو انتي..؟؟!!

روضه:روضه ..

سيف:شو تبين؟؟

روضه:انته اللي دقيت..مب انا..

سيف:بس في حد دق عليه عسب جيه دقيت..

روضه:ادري..

سييف:منو ؟؟

روضه:فطامي..

سيف:وينهي؟؟

روضه:مادري وين سارت..

سيف:شو تبى؟

روضه:اتيينا وتاخذنـا من الصالون..

سيف:وانتي وياهن...

روضه:لا عيل بيلس اهنه اروحي..؟؟شو رايك؟

سيف:لا ما أقصد جيه..انزين لا تصحييين جنج ياهل..

روضه:انا هب ياهل..

سيف:اوكي بنيه كبيرة..

روضه:سخييف..

سيف"معصب":جب انزين انتي السخيفه..

"الحق يا مخاوي الزعيم يسبوووون حرمتــك"

روضه:انزين خلاص..

سيف:وين أي صالون..

وتمت روضه توصفله مكان الصالون..وبندت عنه وهي تسبه..لوول..بعد عشر دقايق ياهن سيف..وحدرن موتره..وعاد تم هو سـاكت وروضه ساكته..وفطامي وخلودي يالسات يتضاربن..خخخخ..ومكرة خلودي ادق ع عليا..ومرة فطامي اتصور اخوها سيافي اللي كـان كاشخ لابس كندورة كركميـة وعقال وسفره حمرا..غااادي طر مييييغا كسرتييييييييم..بس صج شكله واايد كششششششخه...

ويوم وصلوا..ظهرن من الموتر..والأخت روضه ما شلت شنطتها من زود الربشه تبي تدخل القاعه..شو فيهن البنات اليوم اللي تنسى جيسها واللي تنسى شنطتها..الموووهيم..وقبل ما تدخـل..تذكرت انها ناسية شنطتها..لأنها كانت تبى تيلفونها بدق ع شموس ولا على عليا..

روضه:فطامي فطامي روحي ييبي شنطتيه..

فطامي:سيييري مناك..اتشوفيني بشكارتج..

روضه:نذله أقولـج سيري..

فطامي:والله ما اسير..مب متفيجه..

روضه:وين خلودي..

فطامي"تسوي طاف":حدرت..باااي..

وقفت روضه ..اروحها..الموتر وراها تمشي كمن خطوه .. وبتشل اللي تبغيه..والبنات تجدمنها..كـانت محتاره شو تسوي..بس من سمعت صوت سيف صدت صوبه على طول..

سيف:شو بلاج وااقفه..؟

روضه"مرتبكه":هاه؟؟!!

سيف:شووو بلاج وااقفــه؟؟؟؟؟

روضه:أها..لا باخذ شنطتيه من الموتر..

سيف:اوكيك ..

ظهر سويج الموتر من مخباه..وفج السياره وهو واقف مكانه..جان اتسير روضه وفجت الباب الوراني وشلت شنطتها ومن بندت الباب وصدت صوب سيف..لقتها يطالع فيها..حست به ارتبك اشوي رد طرف سفرته على ورى ومشى عنها بعيد من بند الموتر وهي من صوب حدرت القاعه..وعلامة (؟) ع ويهها..

سارت عند قوم عليا..وشافت شموس..وتمت تقرى عليها..لأن شكل شمووس متغير 360 درجـه..هي امبونها حلوة..ومع الميكب زاااادت حلاااااه..

يت الساعه10 ونص..وحان وقت دخول العروس ويشوفونها النااااس..

وعلى أنغام كلاسيكيـة..تليق مع هدووء شموس المعروف..حدرت شمسه وكل ما خطفت على حد الا وذكر الرحمن عليها..لأنها كانت ملااك تمشي على الأرض..الورود اللي على تسريحتها واللي على مسكتها شرات الورود اللي في القاعه..ع الطاولات وع الكوشه..المصورة الفلبينيه تصور من صوب..وكيمرة روضه اتصور من صوب..

وصلت شموس الكوشه..وكانت في قمة الإرتباك..اتحس انها اشوي وبتطيح..وما حست بالراحه الا يوم ششافت عليا اتأشرلها تيلس ع الكرسي..ويلست ع الكرسي وحست ان الإرتباك خاز عنها..

وبدت العياييز والحرمـات يسلمن عليها..ويباركلها..وخلاف ين ربايع بنات عمها..وتمن ايسولفن وياها شوي..وبعد مرور نـص سـاعه تعشوا العرب..وبعدين اعلنوا دخول المعرس حمد ..بو شهااب عاد شاد حيله ومستانس وشااد حيله..وهب مصدق ان حلم حياته تحقق..هع هع هع ..

الموهيم انه حدر..عاد البنوتات تم يطالعنه واشوي وبياكلنه..وسار صوب الكوشه..فالوقت اللي نشت شموس من مكانها..وسار صوبها وباسها بين حياتها..وهو مستااانس..أما هي العكس..اتحس عمرها اشوي وبتصيييح من زوود المستحى..خخخ..الموهيم يلسوا ونشن حريم عمومته وحرمات العايله يعني..وع راسهن أمهـم العوده..ويلست بينه وبين شموس..شووو رااايكــم؟؟وميوده عيرتها بعد..خخخخخ..كانت بس تبغي تخوفهم..دقيقه ونشت تستهبل عليهم..ههاهايييههنياهايههههييههييهاهاهايييي..>عاد هاي ضحكه يديده<انزين..وحدروا عمومتها..وسلموا عليهم ..وعاد تم بوسهيل مرتبش وتم ييبس عند المعاريس وعند امه..ومحد مرتبش وياه الا روضه اللي قاعده تيول وياه..سارقه سلاح عبودي.خخخخ..ولا من ظهروا الرياييل..اصرت روضه الا يشغلون مصري حق عنودي اتهز جدام حمد..خخخخخخخ..وشغلوا مصري..وعنودي يالسه تتشرط..الا والغنيه اللي رقصت عليها الظهر في بيت بومحمد..وحطولها ياطبطب ودلع..وتمت تهز جدام حمد.وحمد نااقع من الضحك..وخلاف يت عليوه اللي كانت لابسه عبايتها وشيلتها ..وسحبتها من فوق الكوشه..خخخخ..وعنودي اشوي وبتصيح..وهاه كله ورواضي عاطيه كميرتها لموزاني عسب اتصور لأن روضه مشغوله باليواله ويا عمها بوسهيل..

وشو صار بعد؟؟وهيه وبعد ما ظهروا الرياييل..اعلنوا الرحييل..عرسهم كله اعلانات ..خخخ..ومن ظهروا ..حمد سار صوب الريااييل..اما شموس سارت تيلس عبايتها..ووياها عليا وموزاني..أما روضه لبست عبايتها لأن الشباب بيحدرون..وكانوا العرب اشويه..لأنه معظمهم رااحووا..الموهيم حدروا حمدان وسعيد وسهيل وخلوف وناصر...أما سيف ما حدر..الموهيم يلسن البنوتات كلهن ع طاوله..روضه وفطامي وشيخه وسلامي وغبوش وشجون..عاد روضه اتخبلت من شافت سهيل..وهو كل ساعه يطيحها بنظرة..لووول..وهي مممرة مصدقه..عاد فطامي يالسه وياهم واتشوف الوضع اللي ما عيبها..وخلوف ييول وكل ساعه ايسير اييبس عند الحرمـات..ومرة صوب سلامي..ولا عليه جدام الناس كلهم..مينوووون في محبتها..والبقيه ايصفقن له ويشجعنه..وهووو مرررررة مستتاااانس..عنودي ودرت الهز..وتم تنعش بشعرها القصير..وسعيد مرة يصفق لها ومرة يمط شعرها وهي تضربه..خخخخ...أما سهيل كان ييبس ويا ناصر..وعايشين حياتهم..لين ما اعلنوا بداية الزفـه..اللي بتكون من وسط منطقة العين لين الرمــاح..

وحدروا الشباب سيايييرهم..وكل واحد مرتبش زوود عن الثــاني..روضه وموزاني وسلامي سارن ويا حمدان..اما أم سيف وبناتها سارن ويا سيف..بالنسبه لشموس أكيد ويا حمد..وسيارتهم فالنص..وسهيل وحميد وناصر على يمينهم..والشواب بسيارتين على يسارهم..ومحمد وعليا وعنودي وعبودي وراهم..محمد موطي الجامه..وعبودي مظهر يداته..وميود عصاته يلعب بها مرة يمين ومرة يسار..أما

ذياب..هاذا في عالم ثـاني..النااااس في زفه..وهو موطي جامته ومشغل غنية منصور وشال علم الإمارات ..يحي منتخبه الأبيض..لأنه هالفتره كانت أيام خليجي 18..ويغني منصور يا عشق الإمارات منصور..رايتك بيضا وانته مرفووع رااســك..ويييييعيييش الأبيض..

وكل وحده يضرب هرنات من صوووب..يعني زفه واايد كبيرة..وربششششششه من الخاطر..ومعظمهم مشغلين أف أم..ومن حظهم كانوا حاطين أغاني حربي وحمد العامري..وصوت الإ أم يتردد في المكان اللي هم فيه..البنات مستااانسااات واايد..لأنهن أول مرة يظهرن ويا الرياييل فالزفه..لأن في عرس محمد وعليا سارن للبيت بدون زفه..وكل ساعه وحده ادق ع الثانيه ويسولفن ويدقن على عمهن ذياب ويشجعن الأبيض وياه ع التلفون..لووول..

الموهيم وصلوا الرمــاح..وهناك وقفت الزفه.. ونزلوا العرب كلهم..والرياييل يلسوا فالحوي ووياهم الحرمـات والبنات..وبعدهن بعبيهن..وسارت عليا وشموس اتساعدها تفصخ فسانها وتلبس فستان خفيف اشوي وتغير عباتها..وتاخذ شنطتها لأنهم اللحينه بيسيرون دبي ومن عقبها بيسيرون ماليزيا..

ومن خلصن نزلت شموس وسلمت ع البنات والحرمات اللي تمن يدعن يوصلون بالسلامه..وتمت أمهم العوده توصي حمد بشمسه ..وهو كل ساعه ايقول في عيوني في عيوني..

وروضه والبنات يضحكن عليه..

وبجيه ساروا الحبايب دبي..



ودااااااااااااااااااااااااامت دياااااااااار بوخليفه عامرة بالأفراااح والمسراااااااات





. . . . . . . .



ألا يادنيتي شوفي جزا طيبي ومعروفي

زرعت الورد بكفوفي وبكفوفي جنيت اشواكه



"""بدون مقدمات"""



في حيرة روضه..فطامي وروضه يالسات..

فطامي:روضه والله في خاطريه رمسه ومن زمان خاطريه اقولها بس ما رمت..

روضه:شو رايج اتقولينها اللحينه..

فطامي:سمعي روضه.الرمسه تخص سهيل..واتمنى انج ما تقاطعيني..

روضه:انزين ما بقاطعج..

فطامي:من كم شهر..خبرني سيف عن مششاعر سهيل تجاهج..قالي ان سهيل موول ما يحبج بس يحب يلعب عليج ويلعب بمشاعرج..تخيلي ان سهيل اللي انتي اتحبينه وتموتين عليه اصلن ما يفكر فيج..ويوهمج بس بكلامه المعسوووول وحلات منطووقه..ولا انتي ما تسوين شي عنده...

.

.

.

.

سنييييييييييييييييييييين وقلبي ذااايب في هوااااك..

واللحينه بكل سهوله انصدم بطبيعة مشاعر قلبك..

.

..الجزء الـ ت ـــاســع عشــر..





(الفصل الأول)



••.•°¯`•.•• لحظـة ألم ••.•°¯`•.••



تعال ولايهمـك هـرج عذالـك وعذالـي

تعال أجلس أقبالي لاتكـدر صاحبـي بالـك

ترى ماكل شخص أستقبله وأشرحله أحوالي

ولا كل البشر عندي مثل قـدرك ومنزالـك



●

●

●

●

"لحظـة صمــت"

●

●

●

●



روضه:....ههههههههههههههههههههههههههههههههههههههههه اااي..

حلووووووووووووووووووة حلووووووة ..والله انج يا فطامي سوااالف..

ههههههههههههههههااي..اونه سهيل..سهيل ما يحبني انا..خخخخخخخخخخ؟؟

صخـت فطـامي ...ما كـانت متوقعه ردة الفعل هااي..صج كانت ردة فعـل"غريييييبه"..تضحك؟؟شو هالغبيه تضحك؟؟!!!!لهالدرجه يعني..روضه خلاص ما تصدق أي كلمة تنقال عن سهيل..

فطـامي"معصبه":اييه انتي شو بلااااج تضحكين..

روضه"اعيونها ادمع":خخخخخخخخخ..الا انتي اللي شو بلااااااااج؟؟!!

اونه سهيل ما يحبج و لا عمره فكـر فيــج..شو هالرمسه..من وين ظويتيها ويا راااســج..أقول ..ييبي رمسه غيرها..

فطامي:انزين انا ما جذب..؟؟!!

روضه:خخخخخخخخخخخخخخخخخ..هعهعهعهعهعهع..دوري دوري غيييرها..

فطامي:جان تعيبج الرمسـه..انتي اصلن ما تنعطين ويه..شو اللحينه هب مصدقتني..؟؟!!!

روضه:هههههههه..غبيه انا أصدقـــج..تدرين فطامي..

فطامي:شو؟؟

روضه"دمعه لمعت في عينها":لو تلفين هالعالم بكبره..ما بتلقين حد يحس فيني شرات سهيل..فطامي..فطامي....انتي ما تعرفين شو يعني سهيل..أنا قطعه منه..وهو قطعه منــي..ومستحيل تلقيـن شرات سهيل..فطامي..انا لو ...فطامي ..أنا..انا..فطامي شو اقولـج..مااقدر اوضح والله احس اني ما اقدر اوفي حق سهيل..فطامي..فطامي هاااذاااا سهيل تعرفين شو يعني..سهيل اللي عمره ما فكر فيني بهالطريقه اللي كنـتي تقولين عنها من شوي..فطامي..هاذا سهيل..اللي..اللي..اللي مستحيل يتركني..مستحيل يجذب علي..اسسهييييل يا فطامي اسهييييييييل..يترك هالعالم كله عشـاني انا..فطامي..شو اقول..والله ماقدر أوضح ولا اقدر افهمج كيف أنا أحب...سهيل..أأأأه ..ثقتي فيه اكثر من ثقتي بنفسي..ويوم انج ما دانين شوفته..لا اتميين تعقين الرمسه عليه..واتحاولين اتشوهين صورته في عيونـي..ترى مالي غيره..ولاله غيري..

ظهرت روضه من حيرتها مخليـة فطامي..في صدمتها..



●

●

●

●



شووهذا؟؟



●

●

●

●



شو هالحب اللي سكـن قلب هالبنيـه..



●

●

●

●



معقووله اتحب سهيل هالحب الجنوووووووووووووووووونـي..



●

●

●

●



فطامي ماكانت متوقعه ان في ناااس يحبون بهالطريقـه..وبهالإخلاص..وبهالوفـا..اللي تعرفه ان رواضي اتحب سهيل وتموت فيه..بس ما كانت متوقعه انها اتحبه بهالجنون..لدرجه ان ثقتها بسهيل اكثر من ثقتها بنفسهـا..ولا تصدق أي كلمة تنقال عنه...؟؟؟!!!!

حطت راسها ع المخده..ويداتها ردتهن تحت المخده..وهي متأففه من هالحـاله..لمست شي..جان تنش وترفع المخده..وتشوف دفتر..شكله كيووووت..فجته..ولقت مكتوب بخط واايد كبير وحلو.."سهيـــل"..

تمت تتصفـح الدفتر..وعرفت انه مال روضه..وما قد مرة خبرتها عن هالدفتر..المووهيم..تمت تتصفـح..وتقرى شو المكتووب..



••.•°¯`•.••





:::القلب ذااااايب يوم شفته:::





السالفه استوت يوم الخميس..

يوم كنا في سويحـااان..

قبل ملجة خلودي بأسبووع..

بس أنا يالسه أكتب يوم السبت..



كنا نبغي نسير السوق..اونه عسب نتقضى مال ملجة خلودي..وبعد ما أقنعنا امايه العوده..يانا سيف بطره"بشوره"..ما يبانا انروح الا اذا طبخنا الغدى...المووهيم..طبخنـا الغدى...وبيضنا الويـه..وودانا السوق..

وفالسوق..ضيعتهم..مادري وين سارووا..وأشوي الا أشوف سهيل وااقف عدالي..فدييت قلبه..فدييت روحه..ياااالله علني ما خلا منه..

سهيل:ليش ارووحــج؟؟

أنا:ضيعتـــــهم..

سهيل:ربج كنت ياي لواحد من الربــع..لمحتج وعرفتـــج..

أنا:زين انك ييت..صارلي اكثر من ساعه ادورلهم..اللحينه قريب يأذن المغرب وريوولي عروتني من زود الحواطه..

سهيل :ييبي تيلفونج..

عطيته التيلفون..

سهيل:اتشوفينهم هااييلاك الشله..وهاه رقمي اليديد لو محتاايه شي دقيلي...

رديت عليه:تسلم..

سهيل:الله يسلمـــج..تامرين بشي فديتج؟؟

رديت عليه:سلامتك الشيخ..

سهيل:يلا بااي..لا تنسين احبـــــــج مووت..

لفيت ويهي ابسرعه عنه..كالعاده..لأني ما اريد شوفه وهو ساااير عني..اخاف ايسير ولا يردلي..

سهيل:الرووض..

صديت صوبـــه..ويــأ عندي..و قلبي مييت من الخوووف..كأنها ساعة الموت حاانت بالنسبه لي..

سهيل:مشتااااااااق..

أنا"باستهبال":لشووو؟؟

سهيل:لكلمــــة..

رديت عليه"باستعباط":شوو من كلمــــة..

سهيل:كلمة احبك يا سهيل..متى بتقولينهــــا..

قلت له:بدري عليها..

سهيل:اتحبيني؟؟

رديت عليه بثقه:هيه ..

سهيل:حبيبي لا تعذب من اذا طال الجفا يهواك..تولع في هوى حبك وحبك صدق يحلالي..وانا ما همني الا اشوفك والتقي وياك..وابدد وحشة غيابك بوصلك يا بعد حالي..

صخيت عنه..وأنا فدااخلــــــــي أتفداااااه..

سهيل:توعديني؟؟

قلت له:بشووو؟؟

سهيل:ما تتركيني...؟؟

أنا:انت اللي لازم توعدني انك ما تتركني..

سهيل:شفتيني غبي عسب اتركـــج..انا اترك هليه وهالعاالم كلـــه ولا اتركــــج..

قلت له:ما ظني..انت بتنساااني..؟؟>>>>>>>اسوي اختبار محبه..

سهيل:رواضي..مستحيــــــل انســــاج..

هالكلمتيين دووم يقولها عسب يسكتني..لأنها هالكلمــه الوحييده اللي تهدي نااري..

أنا:متأكـــــد..؟؟

سهيل:ما مليتي من الدرااســــــة..

أنا:لأ..شااطـــرة..

سهيل:شرااايــــج نملــــج؟؟

قلت له بتسرع:بعدني صغيرة..ما فيني التزم من اللحينه..

سهيل:رواااضـــي..

قـال اسمي..ولأول مرة اسمي يكون حلوووووووو..ياويل حالي خلااااص بمووت والسبه سهيل..

أنا:سهيل لا تحااول..لا ملجه ولا عرس ولا هم يحزنون..

سهيل:احيانن اشك انج موول ما تحبيني..؟؟

انا:انـــــا ما احبك؟؟انا؟؟

سهيل:اثبتيلي..؟؟

قلت له:من يحبك كثر ما احبك انا.. من يحبك حاول ويا ما إجتهد..

سهيل:روااضــي..

رديت عليه بسرعه:سهيل نتفااهم بعدييين فطااامي يايه..

قرب مني واااايد..همس قريب اذوني..مع اني ما أحب اتقرب منه واايد..لأني حتى ما امد يدي له..بس..بس..ذيج الساعه مادري..شو اللي خلاني اتم متصنمه في مكاني..

سهيل:احبج موووووت..واتمنى وصاااااااالج..

طالعته..ابتسم لي ..وساار..بس لفيت ويهي عنه ابسسرعه..باختصاار ما اريد اشوفه وهو ساايـــر..لأنه فكرة ابتعااده عني تينني..

وبعدين بتني فطامي فديتها..وقالتلي ان سيف اونه ويا راسه تم يدور علي..جيه شاااااااافوني ياهل..وخرب وناستي السبال فالسيارة تم يهزبني..وعع عليه..أخر شي خليته وظهرت من سيارته..

وشافني حبيبي سهيل وردني لسويحــان..والله يا سهيل أحبك لو تحب غيري وتنساني وتبقى بعيد..

••.•°¯`•.••



فجـت اعيوناتها فطامي ع وسعهـــن..روضه شو مسويه في حياتها..عقت عمرها في مصيبه ..؟؟!!..شو الحـل..دامها حاطه في بالها ان سهيل مستحيل يلعب عليها..



●

●

●

●

."أأأه يا رواااضي..فديييت قلبج والله..ما تستااهلين كل هاذا...اللحينه شو أسوي..؟؟شو اقووول؟؟..قسم بالله ودي اسحب سهيل من اذونه وأخليه يعترف جدام روضه..ما أريدها تنصدم من سهيل..أباها تكوون عااادي..عسب ما أحس بالذنب..يالله ..أنا شو سويت؟؟ليش خبرتهـا..؟؟

والله خبرتها أو ما خبرتها ما أثر عليهـا..يالسه تضحك هي وراسهــا..أوووف مفروض يحمد ربه هالحيوان اللي اسمه سهيل..ان وحده مثل روضه .. اتحبه وتغليـه...؟؟!!

والله نــاس ما يحسون بقيمة الشي الا اذا يوم يفقدوونــه..

وسهيل ما بيحس بروضه..الا يوم يفقدهـا..كيف يفقدها..؟؟وهي متعلقه فيه..وهو معيشنها ومذوبنها في دباديب الغرااام..كيييييييييف؟؟؟لازم أقول للسيف.."



●

●

●

●



سارت تربع صوب خلودي..وفي قـاموس فطامي..ما عندها شي اسمه اسئذان..بس تسرق..سرقت تيلفون خلودي..أول ما حدرت حيرة روضه..دق التيلفون وكـان سلطان..

فطامي:أوووف هاذا شو يبى..

وردت عليه..

سلطان:مرحبااااااااااااااا مليووووووووووووون ولا يسدن في ذمتيه...

فطامي:هاه يالمغثه شو تبى؟؟

سلطان:منووو؟؟فطامي السراقه..يلا يلا ردي تيلفون خلودي..انتي ما تعرفين ان خلودي ما تحب حد ياخذ تيلفونها..

فطامي:لم ثمـك عن ارقع التلفون في ويهك..

سلطان:جب يالسبااااااله..بخبر سيف عليج..

فطامي"اتسوي عمرها يااااااااهل":واااااااااااااااااااااااااااااء وااااء..لا بلييز أخر مرة..

سلطان:اونج هاه..المهم خلي خلودي تسويلي كووول..

فطامي:انزين انزين..

سلطان:باي..

فطامي:باي..

بندت فطامي عن سلطان..ودقت لسيف..تمت تتريا ايرد عليها..بس هو مارد..خخخ..لقطي ويهج ..لوووول..

طرشت له مسج..

"ليش ما ترد"

وصللها مسج من عند سيف..

"كييفي.."

عصبت فطامي..دووومه سيف يوم ما يبا ايرد ع الواحد ايخليه يتنقع هو وتيلفونه..

"اوكيه..بنتفاهم بعدين..بقولك سالفه"..

تمت تتريا يوصلها مسج من عند سيف..وبعد ما ذلها طرشلها مسج..

"مااارييييد..هب متفيج.."

دقتله ودقتله ودقتله ودقتله و........."لين متى يعني"..لوووول..المهم انها تمت اتدقله وهو مسويلها أكبر طااف..وأخر شي أغلق تيلفونه..عصبت عليه..حست بالإهانه.ووعدت نفسها انها تسير قسمه يوم يردون بيتهم وتخربه.."هع هع هع"؟؟



●

●

●

●





انا ماهزني غيرك حبيبي بالـــــــــبشر انسان

ولاحبيت ابد قبلك ولا افكر احــــــــــــب ثاني

دخيل الليل والقمر او النجم في سمــــانا ظال

ودخيل الحـــــب وعيونك ودمعا غرق اوجاني

ابي حبك يزلـــــــــــــزلني يفجر داخلي بركان

ابيه يطهر جروحــــــــــي يمحي باقي احزاني

ابيك تكثر الرهبه وقلـــــــــــــبي ممتلي ايمان

وابيك تشد من عزمي اذا همــــــــــــي تلقاني

ابي حبك ينسيني همومي وعالم الاحــــــــزان

وابي قلبك يصبرني اذا جيتك انا اعانــــــــــي

ابيك تشيل من قلبي معالم لوعة الحرمـــــــان

ابيك توقف بصــــــــــــــفي اذا ظرفي تحداني

ابي حبك يجنني وينــــــــقش في سماي الوان

ابي قلبك يحسسني بصـــــــــدق الحب لاجاني

ابيك الصاحب الوافي يحطـــــــني دايم بهيمان

ابيك العاشق المخلص يشافـــي دوم عطشاني

ابي عطشك ابي قربك ابــــــي حب كما البنيان

ابي قلبآ كبيرآ لاملاه الشــــــــــــــــوق ناداني

ابيك الشاعر الصادق ابيك المــــــغرم الهيمان

تبيع الـــــــــــــــــــــروح من شانــــــــــــــــي

ابي امكن بقلــــــــــــبك لوحدي مامعي انسان

ابملك كل تفكــــــــــــــيرك وتملك كل وجداني

وابي قلبك يواعدنــــــي لو خان البشر ماخان

وابي اطلب طلب واحد رجيتك وهو المهم الان

وانا ادري مستحيل تــــرفض لانك جد تهواني

ابيك تـــعيش في قلبي اذا تسمح مدى الازمان

ابيك تشـــــــــوف ماتملك في قلبي وماتعداني









دبـــي داار الحــي..

بعد صـلاة المغرب..

الفنـــدق..



كـانت شموس يالسه تتعدل لأنهم بعد شوي ظاهرين من الفندق صوب المطار..يعني تقريبن بعد نص ساعة لا أكثر..وكانت في هاللحظه تلبس عبايتهـا..اممم..متعدله تعديل بسيط..بس شكلها غير..يمكن ان الراحه انعكست بعد ع ويههـا..صحيح انها من بعد ما نتقلت وعاشت عند عمومتها فالإمارات..حست بالأمـان أكثر من يوم ما كانت عند أمهـا..بس مع حمد..اتحس بأمـان..براحـه..بسعاده..وجود حمد جدام اعيونها..هي السعاده بحد ذاتها عند شموس..والله وظهرت عليج حركـات شموس..كنت أحسبج مالج ومال هالسوووواااالف..ظهرتي هب هينه..برايها البنيه اللحينه عرست..بنخليها تعشق ع كيفها..لوووول..اللحينه ما بنقول بنيه..غدت حرمــه ومنو قدها..خخخخخ...؟؟

حمد"قاعد فالصاله ويصارخ":شموووووووووووس عيوووووووني خلصتي؟؟

حشـى..حشــى..حشــى..شو هاذا؟؟؟جيه ايصارخ..؟؟؟قسم بالله انه هالريااال غبييييي..دفففشششش..

شموس"تضحك عليه":هيه هيه اللحينه خلصت..

حمد"مسوي عمره معصب":تضحكييييين هاه؟؟ماعليه ما عليه..الأيام بيننا..

شموس"ظاهره من حيرتها":نزلوا الأغرااض كلهـا..؟

حمد"يمد يده صوبها":هيه فديتج يلا..

دومه يحرجها بهالكلمــات..بس هو يستاانس يوم يشوفها تتلوم..خخخخ..

يود يدهـا..ومن ظهروا..كان حمد يتمصخر ع الرايح والراد..وهي بس عليها تضحك على حركـاته..ركبوا السيارة..

"حشى انا وياكم أبرااج مرااقبه عليهم"..

حمد:أقول العنيده جلبي ويهج انتي واللي يقرووون..

العنيده212:حشششى كيف شفتني..

حمد:مندسه ورى هاه..؟؟!!

شموس:هيه وفي بعد حد وياها..

العنيده212:ربيعتي مااالكم خص..

جـان تظهرلهم ربيعتي جدام وويووهم..

شموس:اوووه ذبحنـي الشوووووق..مرحباااااااااا مليوووون ولا يســدن..

انا كنت مستانسه..يوم عرفت ان شموس تعرف "ذبحني الشوق "..من قبل..ذبحني الشوق اونها كانت مستحيه..خخخخخخ..حتى حمد تم يضحك عليها..هيه صح ما خبرتكم..حمد يكون اخو ذبحني الشووق..لوووووووووووول..

مادري مادري..بس المووهيم انه يقربلها.."أكبر جذااابه اتحدى روضه بعد"..

الموهيم تم حمد يطردنا ويسبنا..يبانا نظهر من السيارة..وأنا وذبحني الشوق هب طاايعااات..بعدين راحت ذبحني الشوق تشد شعري..وتعطيني كف..شفتوا؟؟هي اللي بدت..ولا انا ما احب أأذي حد..بس هالبنيه شرانيه..لوول..

رحت انا صحت..بس عصبت عليها..جيه صحت..."واااااااااااااااااااااهئئئئئئئئئئ اهئ اهئ اهئوواوووواااااااااااااااااااااااااااااااااااااااا اااااااااااااااااااااااهاءءءءء"

يعني عصبيه على صياح..ورحت صفعتها كف..جان هي بعد اتصيح..وويها استوى أحمر..انا استتاااانست..هع هع هع ...يعني انا قويـه..نياهاهاهاهاهاها..

تم حمد يصارخ علينـا..ويقولنا انتن يهال ومادري شووو..سويناله طاااااف..وتمينا نسولف..تم يصارخ علينا مرة ثــــــانيه..بس هالمرة ذبحني الشوق كانت تضحك..انا كنت ساكته لأني متوقعه في أي لحظه حمد يطردنـا..

الموهيم اشترولنا اسكريمـات..بابا حمد وماما شموس..واحن مستانسات..الصراحه كانت رشوه..لوووول..تركناهم في حالهم ورحنا نتحوط انا وذبحني الشوق في مول الإمارات..في الحلقات القادمـه بخبركم شو استوى..لوووول..



●

●

●

●



ركبوا حمد وشمسه السيارة..

حمد"مبتسم":خاطرج في شي؟؟

شموس:لا سلامتــك..

حمد"يحرك السيارة":تصدقين شموس..

صدت صوبه باهتمام..

حمد:انيه من شفتـج حبيتــج..

شموس:لاا مارووم انا ع الرمسـه..

حمد:اتشكين؟؟!!

شموس:من متى انا اشك فيك..أنا أدري انيه غاليه عليك..

حمد"يضحك":هههههههههههه..وشو درااااج؟؟اممم..يعني...؟؟كيف حسيتي..؟؟

شموس:من عيونــك..

حمد"يلعب بالسيارة يمين ويسار":ياااااااااااااوووووووويـــل حالي بنتحر..ماروم أعيييييييش دقيقة وحــده..

شموس:حمود علني فداااك شو بلاك..ايه بتجتلنا انته..؟؟

حمد"يصااارخ":ياناااااااااااااااااس اتقولي علنيييي فدااااااااااااااااااااك...

شموس"تضحك":ههههههههه..انزين انزين لا اتم اتطالع فيني..طااالع جدااام..

حمد"يهدي من الوضع":خلاص انزين..شموووووس..انا شو اعنييلج..؟؟

شموس:..................................

حمد:امممممممم..انزين..شموس..

شموس:هاه..

حمد:اممممممممم..قوليلي أي شي..ابغيج اتظهرين اللي في خاطرج..

صخت شموس..وهي تفكر في شو تقول..وحمد وقف السيارة..خخخخ..

شموس:ليش وقفت..؟؟

حمد:اترياااج ترمسين..

شموس:أعـــــــــــزك..>>هاللي قدرت عليه..

صخ حمد..وطالع جدام..بعيدن سند راسه على ورى..وغمض اعيونه.

شموس:حووه بلاااااك؟؟

حمد: هو قال " أعزك " بعدها بالفـرح طـرت

وشلـون لـو صـرح بكلمـه "احـبـك"

صخت شموس..وهي مستانسه بالساعات والدقايق اللي تقضيها ويا حمـد..لأنه وجود حمد حسسها بمعنـى ثـاني للحيـاة..حسسها انها غاليه ومحد مستعد يرخص بهـا..حسسها انها في عالم ثـاني..عالم ما يسمونــه..الا "الحب"..



●

●

●

●





ما قدرت اصبر ثواني..في غيابــك عن مكــاني...

أنا عنك ما اتصبر..انته يابــــــــــــسمة زمــاني..





بيت بومحمد..

بعد صلاة المغرب..



بعيد عن أجواء الرومـانسيه..إلى أجواء خليجي 18..وأخر مباراة بين الإمارات العربية المتحدة..والمملكة العربيه السعوديه..صد ذيـاب صوب روضه بطرف عيونه..

ذياب:انا شو قلتلج؟

روضه:شوقلتلي؟؟

ذياب:اتذكري..

روضه:كيف يتذكرون..؟؟

غبوش:ههههههههههههههههههههه..غبييييييييييه..

روضه"تفر غبوش بالريموت":والله أخبر أمايه عليــج..

أماااااااااااااااااااااايه...أماااااااااااااااايه. .

ذياب"يصارخ وتصخ روضه":أنا شووووووو قتلتج..؟؟

روضه:انزين ذكني...

ذياب:ما قتلتج اتييبن لي عصير..

روضه"تضرب راسها ع الخفيف":اوووه اوووه ماي انكل..نسيت نسيت..

ذياب:انزين فزي ييبي لي عصير عن اترفس بطنـج..

روضه:شووووووووو؟؟والله أخبر أخوك الكبير.."تقصد أبوها"..

ذياب:هع هع هع ..والله أخبر عليه أمااايه..

نشت روضه تربع صوب أبوها اللي كان قاعد ويا أمه وحرمته في الصاله الثـانيه..

روضه:أبوووووووووووووويه..

بومحمد:علمــج يوم العلم يــاج؟؟

روضه:شوف أخووك يسبني وينااازعني..

بومحمد:منو ذياب..؟؟

روضه"اونها تمسح دموعها":منو غيره..وااهئهئهئهئهئهئهئ..

أم راشد:يييييييها يالبزا..طووول وعرض وتصيحين..اسميج مبزاايه من صج..

بومحمد:ذيااااااااااااااااااااااب..

ذياب"يرمسهم وهو مجابل التلفزيون":لبيه..

بومحمد:شوو مسوي برووضه..؟؟

روضه:ضربني..>>محد سألج..

ذياب:بنتك مسوتلها راااس..رووووووووضه..

روضه:هاااه..

ذياب:بدا الشوط الثــــااااني..

فزت روضه من مكانها وسارت صوبهـم اتكمل شوفـة المباااراااه..ويوم سجل اسماعيل المطر القووول..انشلت البقعه بصريخ وصقيع ذياب وروضه..ذياب واحليله مارام يسير للمباراة من زود الزحمــه..

كـان ميود علم الإمارات..ويربع فالصاله..وروضه وراه تصفق..وعبودي وعنودي يصفقون ومستانسين يوم يشوفون روضه وذياب بايعين العقل بشرف..لووول..

مامرت ربـع سااعه..الا والمسجـات والمنتديات والإمارااات اف ام..وأكيد كل قنـاة تهني دولة الإمارات بفوزها بكأس خليجي 18..كـان يوم عالمـي في تاريخ كل إماراااتي ..

سعيد وحميد وسهيل وسيف وناصر وحمدان..كلهم ساروا لستاد محمد بن زايد من وقت..عسب يحصلون مكان ييلسون فيه..ياغير ذياب اللي تم رااقد..وشاف المباراة ع التلفزيون..بس ماشافها اوكي..بسبة استهبال روضه وحركاتها الطفوليــة..

سار ذياب لقسمه..اللي كان في الحوي..بس بعيد اشوي عن قسم حمدان..وبدل ملابسه..وسار ركب سيارته من بعد ما رمس الشباب وتخبرهم هم وين..وخبروه انهم عايشين أجوااء الفرحه بالمسيرة اللي في بوظبي..

ويووووم ركب سيارته..شاف وحده يالسه ورى..الريال بغا يموت..تم صاد صوبهـا..وبعدين شاف عنودي وعبودي يالسين عدالها ويضحكون..

ذيااب:رووووووووووووووووضه..

روضه:لبيه لبيه..لبيه لبيه يا أغلى محبيني...ياعمي ذياب الغالي فديت روحك..

وتنش عنودي اتهز..وعبودي ييبس..رووح مافيهم حيله عيال محمد..ذياب عصب..وشل العصا اللي حاطنه جدام وفج الباب الوراني..وسحب روضه وتم يضربها بالعصا ع يدها..عنودي وعبودي شردوا..ركب ذياب سيارته وسار بوظبي وروضه راحت تدور على عنودي وعبودي وتضربهم لأنهم نقعوها خيــــااااانه..