لمشاكل التسجيل ودخول المنتدى يرجى مراسلتنا على الايميل liilasvb3@gmail.com





العودة   منتديات ليلاس > القصص والروايات > المنتدى العام للقصص والروايات > القصص المكتمله
التسجيل مشاركات اليوم اجعل كافة الأقسام مقروءة

بحث بشبكة ليلاس الثقافية

القصص المكتمله خاص بالقصص المنقوله المكتمله


إضافة رد
نسخ الرابط
نسخ للمنتديات
 
LinkBack أدوات الموضوع انواع عرض الموضوع
قديم 18-01-10, 10:16 AM   المشاركة رقم: 56
المعلومات
الكاتب:
اللقب:
عضو فخري
حَاتمِيّة العَطآءْ

البيانات
التسجيل: Nov 2009
العضوية: 151969
المشاركات: 40,340
الجنس أنثى
معدل التقييم: بوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسي
نقاط التقييم: 6598

االدولة
البلدUnited Arab Emirates
 
مدونتي

 

الإتصالات
الحالة:
بوح قلم غير متواجد حالياً
وسائل الإتصال:

كاتب الموضوع : بوح قلم المنتدى : القصص المكتمله
افتراضي

 

..بعد مرور 3 أيــام..

..وهي الفتره اللي كانت شموس اتفكر فيها..

بسالفه حمـــد..؟؟!!

:::::::::::::::::





غصبن علي اكتم الشوق واخفيه

ومهما كتمته الـــشوق بيّن عليه

يبان بعيوني مـــــراسي شواطيه

مركب غرامي ســــاحر العاطفيه..



يوم الأحـــد..

بيت بو سهيــل..

الســـاعه 4 ونــص..



حطــت سلامي شيلتها ع راسهــا..وهي مستعيله عسب اتسير صوب روضه..توها دقتلها تيلفون واتقولها اتييهن بسسسسسسرعه.."شو السالفه؟؟!!"

من فجـت الباب..الا واتشوف خلوف في ويهها..

خلوف:سببببببحاانك يارب..القلوب عند بعضها..

سلامي:سبحان الله..هلا خلوف..

حلوف"يضربها ع راسها":اهليــــــــن يالقااطعه..

سلامي"تستهبل":طلقني ماباك انته تظربني..

خلوف:اممممرة ما طلبتي كنت اتريا هاللحظه بفارغ الصبر..

فجت سلامي اعيوناتها ع وسعهن كأنها منصدمــة من الرمسه اللي تسمعها..

سلامي:شوو؟؟!!!

خلوف:اللي سمعتيه..انتــــي..

سلامي:............................................ ."تخيلوا شكلها..لوول"

خلوف:الوحيده اللي ملكتي قلبــــــي..فديييييييتتتتج انتي وقلبي يا قلبي..

سلامي الفقيرة تنفست الصعداااء ..كــان قلبها بيوقف قبل اشويه..

سلامي"تضربه ع راسه":ماالت عليك طيحتي قلبي..

خلوف:خخخ..عادي ردييه..شحااالج حبيبتي..

سلامي:بخير يعلك الخير شحــالك انته؟؟

خلوف:يسرج حــالي وين بتسيرين؟؟!!

سلامي:صوب رواضي..

خلوف:شو تبغين بها؟؟!!أكيد بتولع عليج واحد من صواريخها..طااااخ طوووخ طيييخ..

سلامي:هع هع هع هع ..لااا حراام عليـــك..

وتمشي سلامي وخلوف وياها وميود يدهــا..

خلوف:سلامي اتحبيني؟!!

سلامي:ويبيله سؤاااال؟؟!!

خلوف:لا بس كنت أبغي اتأكد..

سلامي:خلوف..انته تعرف اني بدونك ولا شي..يعني خلك واثق ومتأكد..

خلوف:فدييت قلبج يا سلامي علني ما خلا منج..

سلامي:........................

صد خلوف جدام جان ايشوف الدريول توه ياي وميود في يده بااقة وروود اتخبــل..كانت منسقه بطريقه حلوة وكشوخيه..

جان يشلها من عند الدريول..ويعطيها سلامي..

خلوف: محتار مدري وش اقدم هدايا..أعطيك عيني أو تبي قلب وشعـــور..

أمر حبيبي قلي ذا مو كفــايه..خذني هديــه ويا عسى مابه قصور..

استحت سلامي..وهي اتشل ورده وحده ..

خلوف:لا والله..والثانيات..

سلامي:ابغي ورده وحده رويها روضه..وابغيك انته هديتي..

خلوف:لالالالالالالالا..جيه انا بموووووووووت..ياااخي والله"ويصااارخ"...أحبـــــــــــــــــــــــــــــ ـــــــــــــــــــــــــــــــــــــــج..

سلامي:وط حسك طالع الدريول شقايل يطالعنا..

خلوف:سويله طااف..

وتماو خلوف وسلامي يسولفون لين ما وصلوا بيت بومحمد..واهناكي سار خلوف صوب الرياييل..اللي كانوا فالميلس.اما سلامي حدرت الصاله وشاافتها فااضيـــــه..محد الا روضه اللي كانت يالسه ع زاويه..جان اتصــد صوب روضه اللي كانت يالسه وميودة تيلفونها في يدها..

سلامي:هاه رواضي شو السالفه؟؟

روضه:سكتي يا سلامي مادريتي شو صااار؟؟!!

سلامي:كلتيلي فواادي رمسي..

روضه:شموس يا سلامي شموس..ردت حمد..؟؟؟!!!!!

تمت سلامي صاااخه..ونظراتها صوب روضه اللي كانت خانقتها العبرة...؟؟؟!!

روضه:يااويل حاالي..شو بيستوي به حمــد..أكيد خبروووه؟؟!!!

.

.

 
 

 

عرض البوم صور بوح قلم   رد مع اقتباس
قديم 18-01-10, 10:17 AM   المشاركة رقم: 57
المعلومات
الكاتب:
اللقب:
عضو فخري
حَاتمِيّة العَطآءْ

البيانات
التسجيل: Nov 2009
العضوية: 151969
المشاركات: 40,340
الجنس أنثى
معدل التقييم: بوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسي
نقاط التقييم: 6598

االدولة
البلدUnited Arab Emirates
 
مدونتي

 

الإتصالات
الحالة:
بوح قلم غير متواجد حالياً
وسائل الإتصال:

كاتب الموضوع : بوح قلم المنتدى : القصص المكتمله
افتراضي

 

]..الجزء الــ س ـــابع عشــر..



••.•°¯`•.•• لحظــة فرح ••.•°¯`•.••





تعـال نـام في عـروقي ودمـّي

تلحفـني دفا .. واتلحّـفك شـوق



تعـال وقصّـر الأبعـاد يمّـي

تعـال وناظر المكنون منـطوق



ياطيـف حتى لو جـاني بهمّــي

ابضحـك مابقت دمعـات بالموق



ياصـورة انثنت من كثـر ضمّـي

حبيـبك بالوله ذايب ومحــروق



ياعينـه قبل ما تدعيـن سمّـي

حلالك كلّي وكلّي لك حقـوق



يفـرّج همسك ونجـواك غمّـي

أبي أرقـد وسط عينك ولا أفوق



حبيبي أرقـد بقـلبي ودمّـي

تناديني وله .. وآلبي بشــوق



لازال قلبها ينبض بقــوة..واتحس بالدم يسري بعروقهــا..ما تعرف..ولا تدري..هل اللي سوتـه صحيح في حقها وفي حق حمــد..بس اللي قالته أمهـا كان في مصلحتهــا..وهي مقتنعه باللي قالته لها امهــا..المكالمه اللي صارت من شوي..حطمت وجرحت وخلت شعور الحزن في قلب شموس..مـاكاااانت متوقعه انه أمها بترد عليها بهالبرود..كـانت متوقعه شوق وحنين واحساس بدموع امها وصوتها المندمج مع الصياح..هاللي توقعته..بس للأسف ما توقعت برود وجمود ولا حتى سؤال عن الحــال..معقولــه..تجمد قلب الأم بمجرد ابتعاد بنتها عنها...؟؟!!

طنشت سالفة أمهـا..لأنها انسانه تعودت على طبعهــا..بس حمد..حمد وحمد وحمد وحمد وحمد وحمد وحمد وحمد وحمد..هالإنسـان اللي من شافته فز قلبهـا..واللحينه هو يبغيها وهي............................................... ...؟؟!!

انفـج باب حيرتها وحدرن سلامي وروضه..سلامي كـانت تصيح ودموعها أربع أربع...وروضه من وراها تضحك ع السايلنت..

سلامي:ليش شموس سويتي جيه والله حرام عليـج الكل يعرف انه بوشهاب يحبج ويغليج..والله حرام عليج رديتيه وكسرتي قلبــه..

انصدمت شموس من الرمسه اللي تقولهــا..وفجت اعيونها ع وسعهن..بس من شافت شكل روضه "كأنها"فهمت السالفه وابتسمت..وروضه اتأشرلها على انها تكمل اللعبه..مع ان شموس ولا شي في عالم الجذب..وكل شي بسبة عيونها ينفضح..بس ولو بتحاول..وما بتكسر بخاطر روضه..

شموس"كاتمة ضحكتها":بس انا ما احبه..كرييييييييه..

سلامي"اتزيد من صياحها":اذا حمد كرييييييييه من الطيب..؟؟"وتصييييييح"قسم بالله حرام عليــج..

صدت سلامي صوب روضي..تبغيها ترمس كون روضه خبيرة بالإقناع ..بس شـافت روضه تضحك..كانت من قبل كاتمة ضحكتها..بس من شافت ويه سلامي المحمر وسيل الدموع..

روضه:ههههههههههههععععععععععععععععععععععههههههههههه ههههاااااااااااااااااااااااااااااااااااااااااااااا اااااااااااااااااااااااااااااااااي..طااع ويهها..سياييير وقفوا وقفوا..خخخخخخخخخخخخخخخخخخخخخخخخخخخخ..اشارة مروووور..والله انج ياااااااااااااااااااااااااااااااااااااهـــل..اللحي نه شموووس اترد حمد؟!!!!!مستحيييييييييييييييييييييييييييييييييييل. .وهي تموت ع الأرض اللي يمشي عليها..

حمر ويه شموس..ويلست ع الشبريه وهي تشوف الضرابه اللي ابتدت عند أخر كلمة قالتها روضه..

سلامي:اتقصين عليه يالنذله..وانا يالسه اصيييييح..

روضه"تشرد من سلامي":هههههههههههه..والله وظهرتي طيبه كنت احسبج نذله وما تحبين الا خلوووف..

روضه وشمسه:هههههههههههه..

سلامي من سمعت حس شموس صدت صوبهــا..لأنها تذكرت انه شموس كان لها دوور..

سلامي"تاخذ مخده وتفرها ع راس شموس":عنللاااتج وانتي يالسه اتقولين ماااريده وما احبه وكريـــه..قسم بالله انكن قهرتنبي..

حدرت شجون .. وكـانت ميودة بيبسي ولابسه بنطلون جينز وبدله حمرا وفاجه شعرها القصيروني وحاطه شباصات صغيرونه لونها أحمر .. ظااهـر شكلها كييووووت..

شجون"فاجه اعيونها":شو السالفه؟؟سلامي ليش اتصيحين..؟؟!!

روضه:خخخخخخخخ..والله طــااافج الفلم اللي مستوي من شويه..فلم هندي ع الأصووول..

شجون"تيلس عدال شموس وتشرب بيبسي":جيه شو مستوي؟؟!!

سلامي:روضه قصت عليه وقالت ان شموس ردت حمد..وصيحوونــي..واللحينه اتقولي شموس ما ردت حمد..

شجون"اللي توها تسمع الخبر":الف الصلاة والسلام علييييك يا حبيب الله محمد؟؟كلوووولوووولووووللوووووووووووووش.."وتبوس شموس ع خدها"..ألف مبرووك فديــتج وعقبالنــا..

شموس:الله يبارك فيـج..

روضه:البنيه مستلغثه ع العرس..نااصر فالخدمه..

شجون:حووه..انا ما اريد ناصر..يااهل..

روضه"تنغز وترقص حياتها فوق تحت":ييها..الياهل بيكبر ما يتم طول عمره يااهـل..

صخت شجون وويهها احمر..وتمت تشرب بيبسي..

سلامي:واايـه نسيت اباركلــج..

وتسير سلامي وتبوس شموس وتباركلــها..

شجون:ما قلتولي متى عطتهم شموس موافقتها..؟؟

روضه:توه ابويه ظاهر من عندها ورمست سلامي وولعت عليها صواريخي..طاااااااااخ طووووووووووووخ طييييييييييييييخ...

سلامي:والله اردها بس ماااا عليه..

شجون"تحط البيبسي ع الكومدينو":دقااايق وبيكـــم..

سارت شجون حيرتها ويابت الاب مالها..وتمت مربشتنهم بالأغاني..وشغلتلهم هندي..عاد رواضي ين ينونهــا..ونشت تستهبل اونها ترقص هندي..بس في حركات كانت حافظتنها من اغاني شاروخان وغيرهـم..وشلت الورده الحمرا اللي في يد سلامي..وتمت تسوي بها حركــات..وشجون تصفق لها وسلامي وشموس قاعدات يضحكن على حركـاتها..ع الساعه6ونـص..سارت روضه ووعت غبوش من الرقـاد..وطبيعي غبوش مالها ومال النااس..هب عارفه باللي يستوي..اما شجون جابلت التي في..وشموس سارت تاخلها شور..وبالنسبه لروض وسلامي كشخن وشدن حيلهن وشخطنها صوب موزااانــي..وبالأحرى صوب حمد عسب يطيحن فيه تعليقـــاااات..



. . . . . . . .



عادي ودعني وانا في بعدك بخير..

يالغلا لا تلتـــــــــــــفت للي بكاك..

اعتبرك القـــــــــــلب عابر سبيل..

دامك جفيته وخلـــــــــيته وراك..



سويحــــان..

بعـد صلاة المغرب..

الصــاله..





وقف سيف على طرف الغنفـه..و نظرة الشموخ والنصر في عيونــه..وميود الشيتوس في يده..ورافعه فوق كأنه كأس فاز به..وفطــامي اللي ميودة يد أمهـا وتصارخ تبغي الشيتوس..

فطامي:اماااااااااايه قوووولييييلللله والله ابا الشيتوس..

أم سيف:سياافي فره عليها هاي اشوي وبتصيـح..

خلودي:اللي ميوده ريموت التي في وتجلب":أحسسسن خليها تصيح اقولها عطيني باكل وياج ما تبغي..نذلــه هالبنيه..

فطامي:مااااااااااالي وما اريد اعطيييييييييكم.."وتهز يد امها"..والله امايه بصيح قوليلها يعطيني الشيتوس مالي..

سيف"يضحك":ههههههههههههه..جب يالياهل ..شيتوس مالج هاه؟؟!!من وين يبتيه؟؟من وين سرقتيه اعترفي...

فطامي:والله البارحه يوم سرت كارفور اشتريييييييييييييته..وااااااااااااااااااااهههههئئئ ئئئئئ ابا الشيتووووووووس..

خلودي:صخي صورتينا ياليااااااهل..

فطامي:ابــــــــا الشيتوووووس..

سيف:مــــــــاااااااااااريــــد..

فطامي:ماتريد هاه؟؟!!انزين شوف شو بسوي اللحينه..

سارت تربع صوبه..وبينت نمله جدامه..لأنه عملاق بالنسبه لطولها..أونها تبغي اتشله بالغصب..خخخ..مسكينه قاصه على عمرها..هع هع هع ..

فطامي:سيييييييييييف؟؟!!!!!

سيف:والضريييييييييس..

فطامي:شف دموووعي..

خلودي:وااااااااااهاااههاهاهااهاهاها..صاحت وااحليلها..

ضحكت أم سيف على حال بنتها وسارت يودت التيلفون وتمت ترمس أمها وطبيعي خبرتها بسالفة حمد وشموس..بس صراخ سيف وفطامي وخلودي خلوها اتبند بسرعه..

أم سيف:بسكم شليتوا اذوني بصراخكم وصقيعكم..

سيف:هاذ كله من فطامي..

خلودي:هيه والله هي اللي يالسه اتصارخ جنها يااهل..قصووده احسن عنج ما اتصيح شراتج..

فطامي:جب جب انتي سيري ورمسي سلطوونج احسن لج..

سيف:هيه تراها من ملجت ما عندها الا التيلفون ميودتنه..

حمر ويه خلودي..جان تربع صوبحيرتها..

فطامي:افتكينا من واحد من اعدااائي..يلا سيوووف السبال ييبه..

سيف:سبال..؟؟؟!!جب جب لا اقوم اترفس بيبطنــج سكتي يلا..

أم سيف:حشى ما استوى شيتوس هاللي تتواقعون عليه..سمعوا بخبركم؟؟!!

سيف وفطامي"عم الهدووء عليهم":شوو؟؟!!

أم سيف:انتوا تدرون ان بوشهاب رمس ويبغي شموس..واليوم عطتهم موافقتها عليه..

فطامي:ألف الصلاة والسلام علييك يا حبيب الله محمـــــــــد..كلوولوولوولولوووش..

سيف"يبتس":امبرووووك امبرووك له..الله يوقفهم..

فطامي:سيف انته بتسير الرماح اليوم..

سيف:هيه ع صلاة العشا بسيبر..

فطامي:والله مالي خص والله مالي خص بيلس عندهم اجازة نص السنه كلهــا..

وتربع صوب أمها..وتلوي عليها..

فطامي:امايه والله ملل اهنه..بنات سويحان كلهن مادري وين هربن..؟؟!!حتى محد يظهر خاري ولا نتحوط فالشعبيه..ادخييييلج امايه خليني اسير اهناكي..ع الأقل بنيلس وبنسولف وبنضحك اربااعه..امااايه دخييلــج..

أم سيف:خلاص سيافي شلها وياك ووطها اهناكي.."وطها:نزلها"

سيف:هاه فطامي تبين الشيتوووس..

فطامي"تربع فوق شرات الخبله":شو شيتوووووس؟؟لالالالالالا بالعافيه عليك عنوني علني فداااااااااااااااااااااااااااااااااكـ...

وصلت حيرة خلودي وفجتها بقوة لقت خلودي ميودة مجله ومنسدحه ع الشبريه وتقرا..

فطامي:مع السلامه خلودي شي فالخاااطر؟؟!!

خلودي:حووه وين بتسيرين؟؟!!

فطامي:الرمـــــــــــــــــــــــــــــــاح..واااا ااايه بمووت من الونــاسه..والله أكشن اهناك..

خلودي:هيه زين والله..سلمي عليهم..

فطامي:يبلغ..اقول ما دريتي؟؟!!

خلودي:شو؟؟

فطامي:شموس وافقت على حمد..

خلودي:اونه؟؟!!مبرووووووووووك عليها..بدقلها ببارك لها اللحينه..

فطامي:هع هع هع ..انا بباركلها بصوت وبصورة..

ومن ظهرت ..ردت بسرعه صوب خلودي الي يودت تيلفونها بدق ع شموس

خلودي:شوتبين يالعنز؟؟!

فطامي:هع هع..لأني بسير الرماح مابرد عليج..بس حبيت اخبرج ان صورة سلطان في حيرة امااايه..

!!!!!!!!!!!!!!!!تعترف بالسرقه البنيه!!!!!!!!!!!!!!!

خلودي"تنش من شبريتها وتربع ورى فطامي":تعااالي يالسباااله تعالي..حشى توني الا شالتنها منج ..ما مداج تسرقينها وتحطينها في حيرة امايه..

فطامي"تربع حيرتها وتبند الباب":نياهههاااااااااااااااهااهاهاهاهانياااااهاها هاهاها..

سر المهنه وحيــاتج..

من بعد ما بندت الباب..صدت صوب حيرتها بتمعــن..وظهرت شنطتها اللي ضاريه اتشلها يوم اتسير الرمـاح..وما خلت كندورة ولا تنورة ولا بنطلون ولا شيله الا وحطتها..اللي يشوف ايقول بتليس سنه مب اسبوعين..وشلت عبة ميكبها بعد..شو عليكم بعد هاي فطامي الكشيخه..؟؟!!اقص عليها وتصدق..لووول..وشو بعد؟؟!!هيه حتى عطرها المفضل شلته..

وبعد ما زهبت اغراضها ..خذتلها شور .. وخلاف لبست لها كندورة سماويه فيها موديل بالأزرق الغامج..جحلت عيونها بالأزرق وحطتلها قلوس ..وشلت عبايتها وحطتها فالشنطه..لأنها ضاريه كل ما اتسير سويحـان ما تلبس عباة..واتم بالمصلى..

ومن خلصت طيييران تحت صوب سيف اللي كان يترياها في موتره..

 
 

 

عرض البوم صور بوح قلم   رد مع اقتباس
قديم 18-01-10, 10:17 AM   المشاركة رقم: 58
المعلومات
الكاتب:
اللقب:
عضو فخري
حَاتمِيّة العَطآءْ

البيانات
التسجيل: Nov 2009
العضوية: 151969
المشاركات: 40,340
الجنس أنثى
معدل التقييم: بوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسي
نقاط التقييم: 6598

االدولة
البلدUnited Arab Emirates
 
مدونتي

 

الإتصالات
الحالة:
بوح قلم غير متواجد حالياً
وسائل الإتصال:

كاتب الموضوع : بوح قلم المنتدى : القصص المكتمله
افتراضي

 

طاوعك قلبك تغيب وتهجـر أحبابك..

تنسى غلاهم وتتركهم وتنساهم..

حرام تترك خفوقي يشكي غيابك..

وانته بقلبي اعز الناس واغلاهم..

نامت عيونك ونام الليل بهدابك..

واللي شكوا غيبتك ذا النوم ما ياهم..

زادوا على جرحهـم كم جرح باسبااابك..

وان اقبل الليل صوت الجرح صحـاهم..



أبــوظبي..

بيت بو سلطـان..

السـاعه 7 ونــص..

الحـــوي



هاللحظه..شيخوه مشغله الـmp3..كعادتها وتتسمـع أغاني ميحد..بندته من شافت تيلفونها يدق ..وكـانت ميثوه متصله..

شيخاني:هلا ميثوه..

ميثا:اهلين..شحـالج؟؟!!

شيخاني:بخير ربي يسلمـج..ومن صوبـج..

ميثا:مانشكي باس..وشو تسوين؟؟!!

شيخاني:والله ميلسه فالحوي واتسمع ميحد..

ميثوه:انزين شورايج انسير المول..تدرين عرس ختيه جرييب واناا للحينه ما خلصت..

شيخاني:أممم..ييتي والله يابـج..امبوني ملاانه ومتضاايجه..

ميثا:خلاص عيل عشر دقايق وبخطف عليج..اتزهبي..

شيخاني:اوكيــك..سي يوو..

بندت عن ميثا وطالعت الساعه ..ودقت على امها اللي كانت في دبي .. عشان عند ريلها موعد..

أم سلطان:ألوو..

شيخاني:أقول امايه..

أم سلطان:أمري فديتج..

شيخاني:بسير ويا ميثوه المول..

أم سلطان:شو تبغين؟؟!!

شيخاني:يمايه ابغيلي حايه..

أم سلطان:خلاص عيل سيري..امنو بيوديكم؟؟!!

شيخاني:دريولهم.

أم سلطان:انزين غناتي لاتطولين اهناكي..خلاف بيصارخ عليج سلطان وبيغثبج..

شيخاني:انزين..مع السلامة..

أم سلطان:مع السلامه..

بندت شيخـاني عن أمها وربعت وق ..وكشخت وخطفت عشر دقايق الا وميثوه دقتلها اتقولها انهم يتريونها تحت..بندت عن ميثا وشلت شنطتها ونزلت تحت...

وســااارووااا المووول..





. . . . . . .



الجمال الحقيقي يا عرب يـــــنعرف..

في حبيبي بيانه.. ساسه ومنبعه

من يوصف جماله بالوصف ما نصف

شل حسن الخلايق في طروف اصبعه..



أبووظبــي موول..

الساعه 9 ونص..



هاللحظه..سعيد يالس ويا ربعـه وداقين سوالف ومصخره ع الرايح والراد..أشـوي الا يشوفون شلة شباب يلاحقون بنتين وبشكـارة..والبنوتات مسويات أكبر طااف..بس كانن كاشخات..

واحـد من ربع سعيد ما عيبه الوضـع..لأن الشباب زودوها اشوي..وتموا فترة طويله يلاحقون البنوتات..فنش ربيع سعيد وسعيد وياه..وساروا صوب البنات والشباب .. بس سعيد ما احتمل الصدمـه يوم شاف شيخاني هي نفسها اللي يلاحقونهـــا.......



.

.

.

 
 

 

عرض البوم صور بوح قلم   رد مع اقتباس
قديم 18-01-10, 10:17 AM   المشاركة رقم: 59
المعلومات
الكاتب:
اللقب:
عضو فخري
حَاتمِيّة العَطآءْ

البيانات
التسجيل: Nov 2009
العضوية: 151969
المشاركات: 40,340
الجنس أنثى
معدل التقييم: بوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسي
نقاط التقييم: 6598

االدولة
البلدUnited Arab Emirates
 
مدونتي

 

الإتصالات
الحالة:
بوح قلم غير متواجد حالياً
وسائل الإتصال:

كاتب الموضوع : بوح قلم المنتدى : القصص المكتمله
افتراضي

 

]..الجزء الــ ث ــامــن عشــر..



(الفصــل الأول)







••.•°¯`•.•• لمحــة كذب ••.•°¯`•.••





هاذي الدنيـــا..تغرك من أولهـا لتاليهــا..

تبعد عنك الإحسااس والقوة والحشيمــة..

وكل ظـالم فيها بالذل وبالشكوى يناديهــا..

تشوف كل مصايبها في النفوس السقيمــه..



ما يعرف شو هو احساسه بالضبط..اللي يبغي ايسويه شي وااحــد مااشي غيييره..انه يود شيخوه من شعرها ويدق برااسها فالأرض لين ما يشوف دمهــا مزر البقعه..؟؟!!!اللي ما تعرفونه ان الأخ سعيد طبعــه هادي وغاامض .. ويكتم غيضه..بس اذا شاف شي وما يرضيه يجلب الدنيا فوق حدر..

بالنسبه لأم السعف والليف ع قولة"حياتي فداك"..الأخت مضيعه مذهبها..اظني عاقتنه فالشاارع..من شافت سعيد ما ياها لا خوف ولا هم يحزنون..الحياااة فريييي..

سعيد"يرمسها من طرف خشمها":جدمن جدام ..

شيخاني"تطالعه بنص عين":انزين..

من قبل كانت تستاانس من اتشوف سعيد وترتبش..بس من عرفت هزااع سوت اكبر طاااااف..المووهيم..تجدمن جدام..فالوقــت اللي تكفل سعيد بالشباب اللي كانوا يلاحقون شيخاني وميثووه..وحلوا كل شي بالتفااهــم..



:::×صوب شيخاني وميثا×:::



ميثا:شيخااانــي؟؟امنو هاااذااا؟؟

شيخاني"بعدم اهتمام":منوو؟؟

ميثا:هاللي رمسـج؟؟!!

شيخاني:هيه..هاذا سعيد ولد خــالي..

ميثا:قسم بالله انه طـر..عليه رحاااامــه..

شيخاني:جيه اصلن شباب قوم خواليه جيه اشكالهم..كل واحد ارحم من الثااني..

ميثا:أكيد هاذا احلـى وااحد..

شخاني:هع هع ..بلييز لا تضحكيني..عندج سهيل وخلوف وحمدان وحمد..وسيف بعد هاذا احلى واحد..بس لو شفتي خالي ذياب..صج هالرجوله والرحـامه كلها طااحت فيه..

ميثا:وععع على شباب قوم عمومتيه..وخوالي قهــر ما عندهم شبااب..

شيخاني:ياحبج لمطالعة أشكال الشبااااب..

ميثا:دخيييييييييلكم عاااده سمعوا من يرمس..حييييني اطالع وبس..غيري يطالع ويلعب ويرمس تيلفون..ولا يطالع ويححححب ويشوف في السوبرماركت..بس الحمدالله حاشمين عمارهم وما يرمسون تيلفون..

شيخاني"تطالع بطرف عينهــا":شو تقصدين ؟؟!!

ميثا:مااا أقصد شي..

شيخاني:عيل لمي ثمـج لا افــتح مطعــم افويهج..

ميثا"تضحك":ههههههههه..حلووة..انزين ليش مب دكان؟؟!!

شيخاني:يا غبيه المطعم أعلـى مرتبه زمستوى من الدكـان....هههههههه..

ودق تيلفونهــا..وكـانت أمهــا..بس سوت طاااف ولا ردت عليهـا..





:::×صوب سعيد×:::



سعيد كان معصب وحالته لله..فظهر من المول وحدر موتره..وربعه ما رمسوه لأنهم شكوا او بنقول عرفوا ان البنتين من هل سعيد..

المووووهيم..

كان تفكيره مشتت..مشهد اللي شافه من شوي حرق أعصاابه من الخاااطر..بنت عموته..كااشخه..ميييكب كــامل..جنها فرعووون..وهاذا من غير القصه اللي مظهرتنهــا..والعبااايه اللي ماشالله كل دانتيل وكل موديل مسوتنه..والمشيه

غيير شكل"..والسماعه اللي حاطتنها ع اذوونهــا..حس باشمئزااااز..جان يدق تيلفون لسلطــان..بس سلطــان مااارد ..فطرش له مســج..



"سلطان يااخوي خل أختــك تحشم عمرها فالأسواق..من شويه مسويه فظييحــه"



حس بالرااحه..لأن مسج احسن من مكالمه اتسبب الأحراااج لسلطــان..شغل موتره..وحرك صوب الرمــاح..بس فكره لهالمرة بعيييد عن شيخـاني..صوب صاحبة البررروود كله"موزاني"..

بس قطع تفكيره صوت تيلفونه .. وكان سيف المتصل.. وسيف عرف من صوت سعيد انه متضاايـج ..

سيف:سعيد بلاك متضاايـج...؟؟

سعيد:عادي ما فيني شي..

سيف:يا ريال ..اللي ما يعرفك بيقول انك أكبر متضاايج...

سعيد:يا ريال شو اقولك..أخر زمن وحده من بنات عايلتنا اتسويلنا فضاايح فالأسواااق..

سيف:شوووووو؟؟امنو هااي؟؟

سعيد:طولي بعمرك بنت عمتك الأخت شيخه سايرة السوق بكشخة اعرااس ..وانا شفتها..وتموا شلة شباب ايلاحقونها هي ووحده ويااها..ما عرفتها..المهم..قاعدين يلاحقونها من بقعه لبقعه ..ويعقون رمسه عليهن..

سيف:اهــا جيه السالفه..امبونها هالبنيه مضيعة مذهبها..ولا اخوها..قسم بالله ريال والنعم فيه..بس أكيد ما يدري بسواياها..ولا جان ذبحها..

سعيد:هيه والله..

المهم تموا يسولفون بس من بعد ما غيروا سالفتهم اللي كانت عن شيخاني..





. . . . . . . .





ياشــــوق بــلّغ .. صاحبي عن "حنيني "

تكفى وقلّــــه عن .. حقوق المحبــــه ..



منهو يحب .. يشتاق في كل حيــني ..

وعــلى المواصـــل دوم يجبره قلبــه ..



قلّــــه : ترااا - من قلب - مكشووت فيني ..

وودي أعـــرف لهالقطــاعات سبّــــــه ..



بيت بو سهيـل..

حيرة سلامي..

الساعه 11ونص..



ضحــك..

سوالف..

أكل..

مصخره..

مطنزة..

استهبال..

استعباط..

نظرات من طرف العين..

تصفيق..

وحالات هستيريـة..

هو طبيعــة الجو حاليــاً عند روضه وفطامي وسلامي وموزاني وشموس وغبوش وشجون..كلهن قاعدات..وكل وحده تتمصخر ع الثانيه..وتضرب الثانيه ضربه خفيفه..بس الطرف الأخر يردها بضربه قويه..شرات الحال عند روضه وسلامي..

سلامي:آآآآآآآآآي عورتيييييينييييي..انا ضربتج بشوي اشوي..وانتي دفشششه تضربيني بقوووووة..

فطامي"يابتها بصوت يهال":كيفها اماراتيه ..

الكل:هههههههههههههههههه..

موزاني:شوووراايكم كل وحده اتغمض اعيوناتها الصفر .......

شجون"تقاطعها":هب هباااج الله..شو عويناتنا صفر اتشوفينها..

روضه:وانا اشهد انج ختيه..دقي الخشم الله لا هـاتج..

ويدقن اخشومهن شجون وروضه..

سلامي:انتقلت العدوى من موزة الى شجون..

شموس:زين بعد يدقن الخشوم ولا تدق كل وحده الثانيه براسها..

غبوش"مندمجه فالااب":هع هع هع ..جيه تيووووس..

يتناااطحــن..

روضه:يلا شجون بنتناااطح..

"أكيد تعرفون شو يعني تناااطحــن..دقن بروسسسهــن شروا التيووس"

الكـل:هههههههههههههههههه..

موزاني:انتقلنا للعزب..

روضه:هع هع هع ويااا رااســج..المووهيم خلونا نرمس عن شموس وحمد..

صدن كلهن صوب شموس..

موزاني:خخخخخ..طاع ويهـج..

شموس"غدن خدودها حمر":حووه وشو بلاه ويهي؟

غبوش"باستهبال":لا بس غدى أحمر شوي..

تمن يضحك ع ويه شموس..وخلاف بدن يرمسـن عن تجهيزات العرس اللي بيكون بـعد أسبووع..ترى حمد مستعيل وااحليلـه..حتى ان استوي يشتغل..لووول..من قبل كان يشتغل فالمولات..المووهيــم..تمن البنات يتخيلن شكل شموس وهي تمشي ع الكوشه وماادري شوو؟؟وطبعاً موزاني وفطامي ..يلعبن دور شموس وحمد..وروضه اونها المسيل..مرة اتغني غنيه مال زفـه..ومرة اتون اونها موسيقى كلاسيكيـة..سلامي اتطالع فيهن بأسى على حالهن..أما غبوش اتساعد روضه وتشغل لها اغاني من الاب..وشموس ويهها أحمر وكل ساعه اتقول"سخيفات تافهات"..وشجون بس عليها تضحك من ترمس شموس بكلماتها المعتـاده..كانت يلستهن روووعــه..وخلاف غيرن الموجه..وتمن يرمسن عن العرس بجديـة..وكيف بيكون ترتيب القاعه وفستان شموس اللي باجر بتسير بتشتريـه..ووين بتحني ووين بتتعدل ووين بتاخذ الأكسسوارات..ومن هالأشيــاااء..لين ما يت السـاعه 2..وخلاف كلهن نشن وسارن لبيوتهن وكل وحده اونها مستويه طيبه وتوصل بنت عمها لووول..

 
 

 

عرض البوم صور بوح قلم   رد مع اقتباس
قديم 18-01-10, 10:18 AM   المشاركة رقم: 60
المعلومات
الكاتب:
اللقب:
عضو فخري
حَاتمِيّة العَطآءْ

البيانات
التسجيل: Nov 2009
العضوية: 151969
المشاركات: 40,340
الجنس أنثى
معدل التقييم: بوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسي
نقاط التقييم: 6598

االدولة
البلدUnited Arab Emirates
 
مدونتي

 

الإتصالات
الحالة:
بوح قلم غير متواجد حالياً
وسائل الإتصال:

كاتب الموضوع : بوح قلم المنتدى : القصص المكتمله
افتراضي

 

يا قلب طيب ابد ما يعرف القسوة..

يا سنين شفت السعاده في لياليها..

من نور حسنك بدت أيامنا حلوة..

تحلي بشوفــك..ويحلى كل ما فيها..



أبوظبـي..

السـاعه 2 ونـص..

جدام بيت بوسلطـان..



سلطان يالس في موتره..الأخ يدور ع تيلفونه..من ظهر من بوظبي الساعه9..تيلفون كان مفضي جان يعقه في الموتر..واللحينه بيشحنه وخلاف بيدق على خلودي بيرمسهــا..من شحن تيلفونه..ويلس يتسمع اغاني ع الإف ام..ظهر عصير ديو وتم يشرب..وخلاف فج تيلفونه ولقى مسج من عند سعيد..من فجه انصدم من الخاااطـر ..وقراه بدل المرة عشر..أخر ما توقعه ان حد من قوم خواله يطرش له مسج عن شيخووه..وانها سوت فظيييحــه..وفالسوق بعد..ما حس بعمره الا وظاهر من موتره ويربع صوب شيخوه في حيرتهـا..اللي كـانت منسدحه ع الشبريه وميوده مجله تدور لها فستان اوكيه..عسب عرس شموس وحمد..

سلطان:شيخووووه..شيخوووه..

شيخه"اتصاارخ":الباب مبطل ..

ويحدر سلطان حيرتها وبدون تفاهم هجم عليها جنه وحش..وتم يضربها كفوف من الخاااطر...

شيخاني"اتصاارخ":اييييه انته يالسبااال شو بلاك؟؟!!

سلطان:اسواق هاه؟؟وفضايح بعد؟؟انتي اللي شو بلاج كل يوم ظاهرتلنا بساالفه وكل يوم ظاهرتلنا بفظيحه..عنلاتج انتي متى بتعلقين..اللي اكبر عنج ما سووا هالسووووااااااه...

شيخاني:أي سوق وأي خرابيط..؟؟!!

سلطان"يصفعها من الخاطر":سعيد توه مطرشلي مسج يقولي عنج يا الصايعه الضاايعه..جيه جنه ما عندج رياييييل وراااج..مسوده ويوهنا وين ما سرتي..

شيخاني"ما عليها ولا حتى نزلت دمعه وحده بس اتصاارخ":سعيد سعيد سعيد..؟؟!!هاذا شاف شباب ورانا على باله الناس شراته يغازلون..

سلطان"يشد شعرها..خلااص قطعه":وهالشباب ليش بيلاحقونج..عشانج محتشمه وما تلفتين النظر؟؟!!..

شيخاني:اناااا ما سويت شي..؟؟!!

انقهر سلطان من ردة فعلها..جان يضربها ويضربها..وهي تترادد..يابنت الحلال سكتي...بيودرج..بس هي اتم اتعاند وتراادده فالرمسه..ويهاا استوى اسود من زود الكدمات والضربات القويه..حتى شعرها قطعه..يعني صج ضربها ضرب عنييييييف..مع انه انسان طيب..وما يستعمل هالنوع من الأساليب..بس هي اللي تجبره يتبع وياها هالأسلووب..لأن لسانها طووويل..ومضيعة مذهبها..ومسوده ويه ابوها واخوها في كل مكااااااااان..يعني بس عرف ان في شباب لاحقوها وتفشل..جان يضربها هالضرب.. لو درى انها رمست سيف واعيونها زايغه ع الشباب ووين ما سارت تلفت الأنظار والشباب يتغزلون فيها شو بيسويييبهـا..هزري انه بيعلقها وبيشنقها وبيقطعها وبيعذبها لين ما تمووت..؟؟!!

من شافت ان الوضع طوووول..جان تشرد وتنزل تحت تدورلها مكان آمـن..وما حصلت الا حيرة امها جان تفج الباب بقوووه اللي كان الظلام داارج في زواياها..مع أضواااء خفييفه جداً..

وتلاقي أمها تصلي وابوها راقد..امها على طول صدت صوبها متفاجئة..اما ابوها جان يفز من نومـه..يا هالبنيه حتى الرقاد ما اتخليه يرتاااح فيه..

أم سلطان:ويديه شيخوه فديتج شو بلااااج..

شيخاني"اتسوي عمرها اتصيح":يمايه طالعي ولدج شو مسوي بويهي..

وتطيح في حضن امها..وأبوها يطالع فيها وده بنوتته اتي صوبه ..بس هي نست ان عندها أب .......؟؟!!

وصل سلطان وهو ايصارخ يبغي ايطفي النار اللي في يوفه..وهالنار ما بتنطفي الا بضرب شيخوووه..من شاف ابوه يالس ع شبريته خاف انه استوابه شي ..فربع صوبه وتم يتخبره جان يانس شي..

سلطان:أبوويه فيك شي..تانس شي ؟؟

بوسلطان كان بيرمس بس حتى الرمسه ما يروم ..أن يتعب واايد

أم سلطان:لا علني فدااك..بس فز من مكانه من شاف شيخووه..

سلطان"يطالع شيخه وتذكر سالفتها":يماايه انتي ما تعرفين بنتج شو من سواه سوتها..قسم بالله انها مضيعة المذهب ولا عندها احساااس والحشمه موول ما دلت دربها..

شيخاني:سعيد يقص عليك وانته اتصدق..امايه شوفيه شو مسويبي والله لعن خيري من زوود الضرب..جيه جني مسويه جريمه..

سلطان:واللي سويتيه اخس من الجريمه يالووااااطيــه..

ام سلطان:خلاص يا سلطان سامحها هالمرة..

سلطان:دووم دووم أسااااامحها..

أم سلطان:فديتك عشان خاطريه..

صخ سلطان وما رمس بكلمه..عشان أمه..فشل بعمره صوب حيرته وهو متضاايج خذله شور من بعد الحرب اللي كانت من شوي..وتم يرمس خلودي..يخبرها بالسالفه وما خلى شي في خاطره الا وظهره..لأنها خلودي هي الوحيده اللي اتواسيه وتخفف من همه..وتهدي أعصابه..وبعد نص ساعه رقــد..

أما بالنسبه لشيخوه ..أونها باست امها ع راسها..شاكره لدورها الفعال في تخليص شيخاني من يد سلطان..وسارت لحيرتها وبدلت ملابسهـا..وحدرت النت اتدورلها على فساتيبن كشخه...لأنها تبى اتطر"تتحدى"البنات كلهن في كشختهــن..وكانت تتمنى انها هي وروضه ما يكون لبسهن شرات بعض ..وخلاف رقدت ..ورمسة سلطان ما حركت شي من مشاعرها..لأنها بكل اختصار عديمة أحساس ومشااعر..



. . . . . . . . .





الى متى صاحبي هالحال بيتمي

على الضما لا شربت ولاني بشارب..

من كثر حبك تشابه دمك ودمي..

وتبدل الدم من موجب الى سالب..



الرمـــاح..

بيت بومحمد..

الســاعه9 ونــص..



وبعيـد عن سوايا شيخوه..وضيجة سلطان..ومعاناة أم سلطان وبو سلطان..روضه راقـده بسلللللااااااااام..ومستانسه بعد بالرقــاد..لين ما سمعت صوت ما يعيبها..صوت تيلفونها ..وهو يصيح يذكرها اتنش عسب تسير دبـي..ويا شموس ومحمد وعليا..

من زوود الربشه والوناسه بالعرس..لأول مرة ما يودت تيلفوونها وسبته ..على طوول نشت وخذتلها شور..ولبستلها كندورة اتريحها في مشاوير دبي واللف والحواطه..

وتكشخت كشخه بسييييطه..يعني جحال..لووول..وشلت عبايتها وسارت صوب شموس وكسرت الباب ..واخيرن نشت شموس وفجت الباب وشكلها غلط × غلط..

روضه:ههههههههههههههه..طاع ويهها..

شموس:شو بلاج.."فاجه عين والثانيه مبنده"..

روضه:اقووول الشيخه يلا خلصي بنسير دبي..

شموس:ليش؟؟!!

روضه:عسب عرسسسسسسسسسسج..

غمضت شموس عينها الثانيه وبندت الباب في ويه روضه وما سمعت الا صوت روضه اتقولها"يالسباله"..لوول..

نزلت رواضي تحت..ولقـت عليا ومحمد قاااعدين..سلمت عليهم وصبحت عليهم بالخير ويلست تتريـق..

روضه"تشرب عصير برتقال":جيه وين عنودي وعبودي..

عليا:بعدهم رقوود..

روضه:جيه ما بتاخذون حد ويـانا..

محمد:قلت اذا روضه بتيلس بيلسهم..بس انتي بتروحين..

روضه:هع هع..شفتني مربيـة أطفال..

محمد:لا مرية كباار..خخخخخخ..

روضه:والله ومستوي نكيت..أقول حموود..

محمد:أصغر عيالج..

روضه:لا وحياتك أكبرهم...ههههه..ما تلاحظ أسرق منك كلمـات..

محمد:يييييها..سيايير وتسرق..حلويات وتسرق..حتى الرمسه تسرقها..ياخي ماشفت حد شرواتج..أكبر سراقه فالكووون..

روضه:لا ايه ده يابوعبدالله؟؟انته كده تقرحني..

عليا:الله والجرح عاده..شو سوابج ؟؟

روضه:محاااميـة دفااااع مخلييينــج..

عليا:هيه فديتج عيل شوو؟؟؟!!

محمد"يخق":شو تتحدين؟؟

روضه:لا والله ما اتحدى..روميو وجوليت زمــانكم..طبعاً من بعد ريسه وحمدان..

وشوي الا يت شموس وتريقـت..وخلاف ظهروا صوب دبي..

 
 

 

عرض البوم صور بوح قلم   رد مع اقتباس
إضافة رد

مواقع النشر (المفضلة)

الكلمات الدلالية (Tags)
مع غير العب وبين له مهاراتك قصة امارتية, قصة امارتية للكاتبة العنيدة, قصص اماراتية
facebook



جديد مواضيع قسم القصص المكتمله
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



الساعة الآن 12:56 AM.


مجلة الاميرات 

 



Powered by vBulletin® Version 3.8.11
Copyright ©2000 - 2021, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية