لمشاكل التسجيل ودخول المنتدى يرجى مراسلتنا على الايميل liilasvb3@gmail.com





العودة   منتديات ليلاس > القصص والروايات > المنتدى العام للقصص والروايات > القصص المكتمله
التسجيل مشاركات اليوم اجعل كافة الأقسام مقروءة

بحث بشبكة ليلاس الثقافية

القصص المكتمله خاص بالقصص المنقوله المكتمله


إضافة رد
نسخ الرابط
نسخ للمنتديات
 
LinkBack أدوات الموضوع انواع عرض الموضوع
قديم 30-12-09, 10:13 AM   المشاركة رقم: 11
المعلومات
الكاتب:
اللقب:
عضو فخري
حَاتمِيّة العَطآءْ

البيانات
التسجيل: Nov 2009
العضوية: 151969
المشاركات: 40,340
الجنس أنثى
معدل التقييم: بوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسي
نقاط التقييم: 6598

االدولة
البلدUnited Arab Emirates
 
مدونتي

 

الإتصالات
الحالة:
بوح قلم غير متواجد حالياً
وسائل الإتصال:

كاتب الموضوع : بوح قلم المنتدى : القصص المكتمله
افتراضي

 

الجــزء الثـــامن..

••.•°¯`•.••..مسيرة حـــب..••.•°¯`•.••


وجودي والعدم واحد..على قلبك وفي بالك..
وجودي عادي بعينك..وهاذا ما تبينــــــــته..

روضه:السيف بلاك سااكت ما ترمس..
سيف:الرووض انا ما فيني شي..
روضه:شو ما فيك شي..وهالدم؟؟
سيف"ميت ضحك":عصير توت..الله يغربله عبووودي ولد اخووج خيسني..
تمت روضه اتطالعه جنها الا تبى اتصدق..بس شكله يعطي انها دم..
سيف:والله والله ماجذب..
روضه:مالت عليك زيغتني على بالي استوى شي خاري..
سيف:لالالا..ما استوى شي..خوزي عن دربي خليني اغسل..ووصي فطامي اتييب لي كندوورة..
روضه:بخووز عن دربك عيل بتم اجابل شيفتك..
سيف:احلى عنج انزين..
روضه:لاا ادخيلك..امممرة ..
سيف:سيري سيري قولي لفطامي..
روضه:ماالت..
سيف:علييييج..
صدت روضه صوبه بنظرة..وجنها اتقول ما بقول لفطامي..
سيف:هههههههه..خلاص خلاص أخر مرة..
ظهرت روضه من الــمطبخ ع اساس انها بتزقر فطامي..سارت فوق لقت فطامي تاخذلها شور..وخلودي بعد..والبنات كلهن يالسات ايسولفن..
فردت عند سيف..اللي كان يالس عند دري المطبخ وحاط سفتره ع جتفه..ويلعب بشعره..شكله..عذاااب..ذبح..
روضه:السيف..
سيف:لبيه..
روضه"بضييجه تتصنعها":خواتك مشغولات..فطوم تتسبح وخلودي بعد..
سيف:والحــل..؟؟؟
روضه:الأخ سبر حيرتك واللي تباها من كندورة ظهرها..
سيف:وامنو فالصاله..
روضه:العياايييز..
سيف:لااااا..
روضه:سير ما بيستوييلك شي..
سيف:لا ما بسير ..سيري انتي..
روضه:انته..
سيف:انتي سيري..
روضه:انته سير...
سيف:لااا انتي..
روضه:لييش؟؟
سيف:بيشوفوني وبيزيغون علي..
روضه:سيييييييييف..
سيف:روووووووضه..يااخي كملي جميلج علينا..
روضه: ياهالكنادير..ايقول محد عنده كنادير الا بن المر...
سيف:هيه يمكن..تعرفين وين قسمي..؟؟
روضه:بدوره..
سيف:هههههههههه..يالياهل..سيري سيري..كندورة سودا اوكي؟؟
سارت روضوه..وهي ماتدري شاللي يحدها على انها تكوي كندورة سيف العصر..واتيييب كندورته الثانيه اللحينـــه..بس الريال متوهق..وخواته مشغولات..
حدرت قسم سيف..ومن حدرت..شمت ريحـــة الدخون منتشره افكل بقعــــه..تمت تمشي فالقسم..هــأي اول مرة تدخلــه..وما كانت متوقعتنه فهالترتيب والروووعـــه..الأرضيه.. شطرنج..ابيض واســــود..والغنفات سوودا..والطاولة زجاج ..ومخططه بخطوط سودا وبيضــا...والمخدات الصغيرة اللي لونها اسود ع الأرض طاايحه..واللي لونها ابيض ع الغنفات..وحاط جدام الغنفات التلفزيون..والفيديو..
شلت بنظرها صوب الطــاوله الســودا..اللي تحتوي انواع واشكال من المناظر..والصور..قربت من الصور..معظم الصور صور سيف وهو فالقنص..وهو مرةع الخيل..ومرة وهو فالبر..وله صورة وهو يسوق سيارته..صو على كيف كيفكم صوور..شكله الريال واايد خاااق بعمره...
صدت الصوب الثــاني..في واحد من اركــان القسم..كان على شكل داائرة..ومرتفــع اشوي عن ارضية القسم ..سارت ..صوب هالركن..
كان سيف حاط مكتبه الأسود..وكرسيه العوووود..الصراحه يناسب عظمته الكبيرة..وعلى طرف..حوض أسمــاك ..اشكككالهن اتخبببل...وخاصتن السودا الكبيرة..كانت في غااية الروووعه ومسسكته..
تمت اطالعن واطالع حركتهن السريعه فالمــاي..ورفعت راسها جان اتطيح عينها ع الدريشه..اللي من بداية اليدار لين نهايته..وكانت هالدريشه اتبين الحديقه"السريه"ع قولت روضه..
تاهت روضه فهالقسم العود وما عرفت وين الكندورة ..اخر شي لقتها معلقه..وخذتها وظهرت خاري صوب المطبخ عند سيف..
وهي فالدرب..تمت اتفكر افسيف..لييش كل يوم معاملته لها شكل ولون يختلف..تمت تتذكر كل المواقف اللي جمعتها ويا سيف..يوم كان بيدعمها بسيارته فالعراقيب..صاارخ عليها..وكان معصب..اوكي..ويوم شافته يلعب بهوز الماي..كان مستاانس واايد..ويوم ساروا السوق كان متفيج للسوالف ويتمصخر ع الرايح والراد..بس اتغير 180 درجه يوم حدروا السيارة وتم يصارخ عليها..واللحينه نااسي كل هالمواقف ويالس ايسوولف بكل طيبه ويا روووضه..
روضه"""اممم شو سالفته هالعنيد..ليش جيه طبعه..اووف ليش سمووه سيف..لو سمووه الغامض احسن..والله ايليق عليه أكثر"""..
وقفت روضه جدام سيف..وهي اتمد يدها اللي كانت ميودة كندورته..
روضه:اسمع سيف هاي اخر مرة اساعدك...
سيف:حشـــى..كلتيني.."يبتسسسسم"مشكوورة مشكوورة مشكوورة..
روضه:العفو..
سارت روضه وتركت سيف .وهو يلاحقها بنظراته..وقال ابصووت وااطي..أقرب للهمس..

"حرااام اللي يستوي من ورااااج"

وســار حيرة الملابس اللي عدال المطبــخ..وكانت فاضيه..غير الكندورة..ولبس سفرته..ومشى بكل هيبته للشباب..اللي للحينه مرتبشين ويالسين ايولووون..<<<يااا حظهم..
من صوب ثـــاني..مشت الروض بخطواتها الهاديه ..صوب شلــة البنــات ..موزة وسلامي للحينه ما غيرن ملابسهن..وروضه وياهن..اما شموس وفطامي وخلودي وشجون وغبوش..كلهن خذن شور..وبدلن ملابسهن ولبسن كنادير..
من وصلت روضه فووق..لقت البنات كلهن متيمعات عند الدرايش ..
روضه:شووو شوووو شوو السالفه؟؟
سلامه:لحقي عليييه يا بنت العم شوووفي خلووووفي فديت قلبه ايوول..اسمييه طرهم..
روضه:خوووووووزي انا ابغي اشووف خوانيه..
شموس"بنظرات وتحرك حياتها":خوانج ولا سهييل حبيب القلب..
روضه:أا...كللللهم..
حمر ويه روضه وهي اتوقف بين فطامي وشموس..من قالت شموس حبيب القلب..صدت فطامي صوب روضه..وتمت تدرس ملامح ويهها..وحست ابغصه..وقالت افخاطرها..

"لزوومن علي اقولها اللحينه"..

صدت عن روضه وهي تمت اتطالع الشباب المرتبشن تحت..
روضه:ياااحيهم الشباب والله للحينه مرتبشين..طالعن حمد بوشهاب افدييت قلبه والله لا خلاني الرب منه..اسمييها يوولته طر..
سلامه:وااااااااايه بمووت بمووت..قلبي طااح افبطنـــي..وييل حـالي طااالعن طااالعن خلووفي...ياااي يااا حلاتــه..
خلودي:أي خلوفـــــي واي حمودي..شوفن انتن شيييخهم سلطوني يالس بكل هيبته..ياااااالله علني فداااه..
روضه:بعدووووووووووو عنه حمداااااان بن رااااشد افديييييييييته وافدييت طلته...ويينج وييينج ييااا ريسوووووه اتشوفين ريلج وحبيب قلبج ..حمدان الدب..
الكل:هههههههههههههههه..
موزة:روااضي طالعي طالعي سهيل..لالالالالالا..مادري احسهم يطالعون وخاصتن سهيل..كل دقيقه ايصد صوب الدراايش..
غبوش:يمكن احساااسه يقول ان الروض اهنه..وييييي ويييي طالعن طالعن ويهها كيف غدى؟؟
الكل ضحك يوم شاف ويه روضه المحمر..من طرو اسهيل..وصاده صوب الشباب مطنشه رمسة غبووش وغييرهـــا..كانت فطامي اتطالع الموقف وابقلبها قههههههر من اللي يستوي..واتحس انه مب سهيل اللي يقص على رواضي وبس..اتحس انه كل من طرى سهيل جدام روضه بقصد احراجها وشوفة ويهها المتلوم..ايقصووون عليها..
سلامه:بل بل بل بل..بلاه السيف بن المر يالس ايطالع ولا يشاركهم..
روضه:يتريا حد يغنيله..شارك الغي في سويحاني جان تبغي تشوف الناس في جنه..
الكل:هههههههههههههههههه..
فطامي:امممرة عاااد سوويييحاني..والله انج..
روضه:هاههاههاههاها..
موزة:لييش ما ينش ايوول نبغي انشووف يولته..
روضه:يمكن الريال تعبان..مالج خص فيه يااخي..
فطامي:لا..السيف بن المر ما يفوت اليوله..صبركن علييه..اللحينه بينش واسمييييه بيطرهم كلهم..
روضه:واايد خااقه باخووج..
فطامي:من حقي..محترم مشااعر غيره<<<ويييي قوويه..تقصد سهيل اللي ما يحترم مشاعر غيره..لالالالا واايد واايد قويه..
روضه"مستغربه":امم..مافهمت عليج..شو تقصدين؟؟
فطامي"اتطالع الشباب":خلاف بقوولج..
روضه:امم..اوكيك..
صدت جدام ..الا اتطالع الشباب محتشرين عند بن المر الا اينش ايوول..وحانت اللحظه الحاسمه..وطلب السيف انهم ايعيدون الغنيه..وبالفعل عادوها"لجل عيونه"..ونش وياال..
كل الأنظار اتوجهت عليه..لدرجة ان الشباب كلهم خازوا عن دربه...وخلوه ايوول ارووحـــــه..والكل قعد وتم ايصفقوله ويسوله ربشــه..
عند البنــات..كل وحده فااجه ثمها..وهي اتطالع اليووله..ماغير فطامي اللي اتطالع في اخوها بكل فخــر..واستانست يوم شافت الشباب كلهم قعدوا ونش هو ارووحـــه..
روضه:وييييييييييييييييييييييييل حــــــــــــــــــــــــــالي..يولته رهيييييييييبه..
فطامي:هيه افديتج هاه السيف بن المر هب أي حد..<<ويينج يا ام كايد..عيشي الموقف ويااهم..
موزة:بتخبركن خلودي فطامي السيف ليش ما يشترك فالميدان..
سلامي:والله ليفووز وياخذ لقب فزاع ان اشترك..
شموس:ياناس هاي مب يوله عاديه..الصراحه كششششششخه واايد..
غبوش:هيه والله..والأخ سيف..جمال ورحامه وهيبه ..وهاه كله افكوم..وخشمه وشعره افكوم..بيذوب اللي ما يذووب..
فطامي:ان شالله بحاول انيه اقنعه..
الكل:هههههههههههههههههه..
خلص سيف يوالته..وكانت الأخيرة..يعني ختامها مسك..وبجيه انتهت ربشة الشباب..محد له بارض ايوول ويقفط عمره من بعد يولة السيافي..بعد دقايق اتيمعن البنات كلهن افحيرة خلودي..وقعدن يتخبرنها عن سلطان..شو سوى؟؟وشو قال؟؟وكيف كانت الصور..علق ولا ما علق..وعلى هالموال..لين ما يت الساعه 3ونص..وانخمد الكل........"نومن هنياً"..

 
 

 

عرض البوم صور بوح قلم   رد مع اقتباس
قديم 30-12-09, 10:13 AM   المشاركة رقم: 12
المعلومات
الكاتب:
اللقب:
عضو فخري
حَاتمِيّة العَطآءْ

البيانات
التسجيل: Nov 2009
العضوية: 151969
المشاركات: 40,340
الجنس أنثى
معدل التقييم: بوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسي
نقاط التقييم: 6598

االدولة
البلدUnited Arab Emirates
 
مدونتي

 

الإتصالات
الحالة:
بوح قلم غير متواجد حالياً
وسائل الإتصال:

كاتب الموضوع : بوح قلم المنتدى : القصص المكتمله
افتراضي

 

لقبلت فز القلب ورحـــــــــــب وحــــياكـ … قلب(ن) شغوف(ن) لجل حبك يصونك
منية هواي وغايتي بس لقيــــــــــــــــــــــــاكــ...واعيش في قربك بروعة سكونك

بيت بو سيف..
الساعه4 العصــر..
الصــاله..

من بعد ما تغدوا عربنــا..والكل نش ووطى راســه..سلامي وشموس بعدهن يالسات فالصــاله..ايسولفن..
سلامي:اللحينه شو قالوا..امتى بنرد للرماح..
شموس:تونــي مرمسه عميه راشد قـــال اممرة من بعد صلاة العصر ومن بعد ما يتقهون..بيركبون مواترهم وبيردون للرمــاح..
سلامي:اوونه..عيــل انا للحينه ما عدلت اغراضي..كل شي فارتنه ابصوب..
شموس:والله نفس الحاله..حيرة فطامي غدت زباله...
سلامي:عيل نشي بنعدل اغراضنا..ونكون اول من ايخلص..
شموس:هيه يلا نشي..
نشن سلامي وشموس وسارن فوق صوب حيرة فطامي..مقرهن السكنــي..ومن حدرن لقن الحيرة فاظيه..
شموس:واايه التراب وين العرب؟؟
سلامي:اممم..اكيد راقدات لهن افبقعه..يلا يلا بنلم اغراضنا..
شموس:اوويه سلامي انتي وين عاقه نعولج..خذيهن يلا..
سلامي"اتفج شنطتها":الله لا يوفجها من نعال..لعنت خيري امس..
شموس:"اتفج شنطتها":هههههه..قلت لج لا تلبسين كعب..بس انتي عزرتي..شو ريولج اتعورج اللحينه..
سلامي:اوووه..لا تتخبرين..يلا بستحمل لين انرد الرماح يخلي يدوتي حبيبتي اتشوفهن..
شموس:هيه امايه افديتها ما تقصر فهالسوالف..امبيه كناديري كلهـــن تحت..نشي سلامي بنسير بنييبهم..ادخيـــلج..
سلامي:والله شموس اريولي واايد تعورني مافيني انزل تحت..بتلاقين فطامي..ولا أي حد سيري وياها..
شموس:مخوووتج مخوة شارون يالسباله..
سلامي:لأني مريضه ما بسبج يالعنز..
شموس:هيه اشوفج ممممممرة ما سبتيني ويا هالرااس..مالت عليييج..
ظهرت شموس من حيرة فطامي..نازله تحت صوب حيرة الملابس عند بشكارتهم اتييب كناديرها اللي عطتها اياها الصبح عسب اتغسلها واتكويها..
من نزلت تحت ..سمعت اذان صلاة العصر..توه اذن..ابتسمت وكملت دربها صوب حيرة الملابس..
زقرت بشكارتهم ..وقالتلها اتييب لها الكنادير..ومن خذت كناديرها..وسارت صوب البيت..طااحت عينها افعين حمد وهو ساير للمسيد..ماشالله عليه اول الناس..كان يعدل سفرته..من لمحها ابتسم لها وهي ردت الإبتساامه بأحلـــى..
دخلت البيت وعلى طوول سارت فوق..حيرة فطامي..من دخلت لقت فطامي يالسه..
شموس:مرحبااا...
فطامي:مرحبتييين..
شموس:هلا فطامي وين كنتي..
فطامي:كنت اخذلي شور..
شموس:هيه ع بالي رقدتي..
فطامي:لا..كلهن راقدات افحيرة خلودي..
شموس:هيه غيرن الموجه واحتلنها..هاه سلامي اشوفج بندتي شنطتج..
سلامي:اووه من ظهرتي ذييج الساعه انا بندتها..فديتني بسسرعه الم اغراضي..
شموس:وانا قلت اللحينه بحدر حيرة فطامي بشوف سلامي عدلت اغراضي..
سلامي:انا سلامي هب روضه اساعد كل من هب ودب..
فطامي:فدييتها والله رواضي محد شراتها..
سلامي:لا اتميين تتفدين حرمت اخوويــه..خلاص...
فطامي:هاها..من قبل ما اتكون حرمت اخوج هي بنت خالي..
سلامي:انزين لا تعصبين..
فطامي صخت عن استهبال سلامي ..مالها بارض للسوالف..
شموس:فطامي وين شنطة الميكب مالي..
فطامي:اهنيه حطيتها ..فوق الكوميدنه..
شموس:هيه .لقيتها..تسلمين فطامي مشكورة حبيبتي..
فطامي:لا شكر على واااجب..
سلامي:رواضي راقده..
فطامي:هيه..وموزاني وشجون بعد..بس غبوش تتسبح..
سلامي:نشن يلا بنوعيهن..
شموس:سيرن انا بعدل اغراضي وبييكن..
فطامي:يلا سلامي..
سلامي:يلا..
نشن فطامي وسلامي وسارن صوب قوم رواضي..ومن حدرن حيرة خلودي لقن روضه وشجون راقدات ع الشبريه..وموزاني راقده ع الغنقه..اما خلودي كانت واقفه جدام المنظرة اتسحي شعرها..
سلامي:مرحبااا..
خلودي:مرااحب..هلا والله..
سلامي:يااي للحينه هاييل راقدات..بنات.."واتصارخ"حووووه نشن بنرد للرماح اللحينه يلااااااااااااااااااااااا..
خلودي:لا اتزاعجين خليهن يرقدن..
فطامي:هيه حرام عليج...
سلامي:اللحينه الريااييل بيقولون يلا..موووزااااني نشي يلا وتزهبي عسب نركب مع خلووفي نششششششششي..
فطامي:قولي حيه من الصبح..
سلامي:هاهاهاهاها..والله متولهه عليه وعلى سوالفه..وهاي موزاني هب راضيه اتنش..موززوووه العنز نشي..
موزة:مااااااااااااااااااارييييييييييييد..<<<<وردت ترقد..
خلودي:اووف العايله كلها عنيده..
فطامي:الله يخلي امايه العوووده..
سلامي:هههههههههه..روووووااااااضي الطيبه نشي يلا..
فطامي:هاي اللحينه كيف بتنش..يبالها ساعتين لين اتنش..
سلامي:روووووضه..
روضه:......................................"لا حياة لمن تنادي"..
سلامي:رواااااااااضي..<<<<اتصاارخ..
روضه:.......................................
سلامي:روضوووووووووووووووه السباله..
روضه.:............................................ ....
هاهاهاههاا..المسكينه سلامي مسويلها اكبر طااف..نياههاهاهاهاهاهااها..عيزت سلامي منهن وسارت الحمام الله يعزكم وبللت يداتها مااي وتمت اترشه عليهن..وموزاني وشجون نشن ابسسرعه..اما رواضي بعد ما انجب عليها كوب ماي بارد..نشت وهي تتحرطم....خخخخ..
امممم...اللحينه الساعه خمس ونص بالضبط..الكل كان قاعد في الصاله..رياييل وحرمات..يتقهوون..واللحينه موعد ردتهم للرماح..مشتاقين لها حييل..
من بعد السلام والسوالف السريعه عند باب البيت..ركبوا هل الرماح سياييرهم..وتوجهوا للرمااح..وتمت اعيون فطامي معلقه في السيارة اللي ركبتها رواضي..وافعيونها دموع..وافقلبها حزن..
سيف:بلاج..؟؟
فطامي:افكر فيها..
سيف:قلتيلها؟؟
فطامي:السيف ما رمت ارمس بكلمه..
سيف:.....................
ومشت فطامي عدال السيف اللي كان ميود يدها..

. . . . . . . .

العين تشكي دمع الأحزان..والخد يشكي دمعة العين..
واليوم شبت فيه نــــيران..والدم يغـــــلي فالشرايين..

بيت بو محمد..
الساعه 2ونص..
حيرة شجون..

طاحت شجون ع شبريتها وهي تلعب بشعرها البني القصير..اتفكر افكل الأحدااث اللي جرتلها اليوم..وامس ..أهم حدث..هو ملجة خلودي..والمواقف اللي جمعتها بينها وبين خواتها وبنات عمها..ما ظهرت الا شي واااحد..ان الكل لازال يحب شجون ومحترمنها..ومن هالتفسير اللي صار افمخ شجون..استنتجت شي وااحد..ان يمكن علاقاتهم ترد زينه ومافيها أي شي..
تغيرت موجة تفكير شجون..وتثبت تفكيرها على خااالد..هالإنساان اللي سحر شجون في اسبووع..
شجون:بلاااه للحينه ما حدر المسن..والله والله والله اتولهت عليه..
نشت من مكانها ويابت الاب وردت يلست ع شبريتها..وحدرت المسن..محد عندها الا كمن وحده..وسوتلهن بلوك هب فايجه لسوالفهن..فجت الإيميلات اللي وصلتها..معظمها من القرووب اللي هي مشتركه فيهن..ولفت انتباهها ايميل بعنوان"مرحبااااا شجووون"..
اوكي...فجتها..وتمت تقـــرى كل كلمــة فيها..طاحت عينها على اسم """خــالد""""..فراحت وقرت هالفقرة بصوت مسموع..
شجون:لعلمج شجون ترى هالشاب اللي انتي اتحبينه..ماخلى فظيحه الا سواها..وما خلى بنت الا ورمسهــا..هاايل شباب ايقصون ع البنات ويلعبون ابهن..وانا شفتج هاك اليوم وانتي اطالعين خالد..ومشيتي وصديتي عنه وركبتي سيارتكم..شجون ترى اللي اتسوينه هب زين..صدقني هب زين..
طنشت الكلام المكتوب..ونزلت بنظرها لتحت..
""شجون الكــل يرمس عنج وعن سوء أخلاقج..هزرج هلج يوم يدرون بسواياج بيستانسون؟؟انتي جيه اتوطين رااسهـــم..واتخلين الكل ايدووس عليهم..انتي جيه تلوثين شرفهم..وتمسحين كرامتهم..والسبه واااحد ما يستاهل نظرة من عيونج..شجون لا تنسين انتي بنت عرب وناس..يشهدون لهم هل البلاد كلهم بطيبتهم وزين سيرتهم..وبمواقفهم ووقفاتهم مع الناس..انتي جيه اتوطين اسم عايلتج..واتخلينها ما تسوى شي..فكري باللي اتسوينه.فكري..ترى محد خسران الا انتي..""
كل كلمه من هالكلمــات..حركت دمعــه على خد شجون..بس للحينه ..ما زال قلبها ينبض ابحب خــــــالـــــــــد.......؟؟؟!!!!
نزلت اشوي تحت..لمحت جمله ما كانت تبغي تقراها..بس اعيونها قرتها..ما كانت تبغي اتفكر فيها..بس عقلها فكر فيها..

....""شجون..خــالد يلعب عليييج..صدقيني يلعب علييج ""....

كانت ردة فعلها ..قويه..تمت اتصااارخ وتصييح بصووت مسمووع..
شجون:جذااااااااااابين جذاااااااابيييين..خالد ايحبني وهو قايللي..حتى مهره اتقولي هالشي..انتوا ما تبوني استاانس جذااابين..
انفج البا ابقوة...وكانت روضه اللي سارت ابسرعه صوب شجون..
روضه:شجون حبيبتي بلااج..شو مستوي ؟؟
شجون"اتصيح بطريقه هستيريه": روضووه..هاايييل البنات نذلات..ما يريدوني استاانس وياااا خـــالد..
روضه:خــالد؟؟شجون امنو خالد؟؟
شجون اتطييح ع شبريتها وتصيييح:روضوه هاللي انا احبه..هاللي يحبني..روضووه يالسين يطرشولي ايميلات اونه خالد ما يحبج ويلعب عليج ومااادري شووو؟؟<<<<البنيه كانت تحت تأثير صدمه وما تعرف شو اتقول..وااحليلها..
تمت شجون اتصيح..وروضه لاويه عليها..لين ما هدت شجون اشويه وشربت مااي..ويلست ساكته ما ترمس..
روضه:شجون قوليلي شو استــوى؟؟
شجون"تذكرت انها قالت اسم خالد من شوي":ما استوى شي..؟؟اقوول انتي ليش اهنه؟؟
روضه:لأني سمعتج اتصارخيييين بصووت عالي واتقولين جذاابين؟؟امنو هم الجذابين؟؟
شجون:محد..
روضه:رمسي امنو هالجذابين؟؟وامنو خاالد؟؟<<<اونج ما تعرفين..
شجون:اخاف اتخبرين حمدان ولا محمد..اخاف يذبحوني..
روضه:صدقيني ما بخبر حد...
شجون:روضه...هاذا خالد ولد خالة مهره اربيعتيه فالمدرســه..هي عرفتني عليه ع المســن..
روضه:وانتي؟؟اتحبينه؟؟
شجون"بخووف":..........هيه......أحبه واايد..<<ما تستحي مسودة الويه..بعد اتقول واايد..
روضه:شجون..عطيتيه رقم موبايلج؟؟
شجون:كل يوم اقوله باجر..وللحينه ما عطيته..
روضه:تدرين لن لو دروا خوانيه بيذبحونه وبيذبحونج..
شجون:أدري..
روضه:وليش اتسويين هالشي..
شجون:ماادري من الضيجه اللي فيني..
روضه:شو قريتي فالإيميل..؟؟
شجون:كاتبين ان خالد يلعب عليه وان ما يحبني..
روضه:اوكيك..شجون تدرين شو اسم خالد كاامل..
شجون:هيه ..اسمه خالد علي محممد الــــ ....... ــــي..
روضه:شجون بقولج سالفه وابغيج تسمعيني زين..؟؟
شجون:اوكيك اسمعــج..
روضه: ذيج السنه..وفي بوظبي..حمدان اخويه متضارب مع واحد اسمه الـــ....ـــي.."وذكرت جبيلة خالد"..اوكيك..ووصلت الضرابه عند الشرطه..وحمدان خويه ظهر براءة..لأنه يدافع عن عمره..بس هاللي اسمه خالد..هو الغلطان..وما ظهر براءة..مادري شو سووبه الشرطه..تدرين امنو هالخالد؟؟
شجون:لا..
روضه:هو نفسه الخالد اللي يرمسج ع المسن..ظنتج..ليش بيتعرف على أخت وااحد يكرهه..بيطلب القرب من الشاب اللي دخله السجن..خالد قاعد ايقص علييج يا شجون عسب ينتقم من حمدان..ومنو الضحيه؟؟انتي الضحيه..انتي اللي بيستخدمج خــالد عسب ينتقم من حمدان..ويقول ان شجون بنت راشد الــ.....ـــي اخت حمدان بن راشد الــ........ــي..اتحبني واتموت فيني..وبايعه شرف هلها واترمسني ..شجون..ليش اتحطين عمرج افهالمواقف..ليش اتقللين من قيمتج واترمسين هالأشكااال..انتي شجون بنت راشد الــ.....ـــي..تدرين شو يعني هاذا كله..يعني انت اتخربين سمعةهالجبيله كااملـــــه..
صخــت شجون وما ظهــرت ولا كلمـــة..كل اللي استوى..ان دموعها كانت اتطيح ورى بعــض..ما اتعررف؟؟هل هي دموع صدمه؟؟دموووع محبه...؟؟؟دموووع طاحت بسبة حقيقة خــالد اللس سمعتهـــا..؟؟
اعتصر قلبها حزن ع اللي سمعتــه..تووهــا بس حست ابغلطــتها..توها حست انها غلطت افحقها وحق ابوها واخوانها وعايلتها..اللحينه ..حست بالذنب..حست ان خــالد..جذب عليها..ومستحييل ايكون صادق افكل كلمه قــالها..
روضه:شجون ..لا تصيحين..والحمدالله انج عرفتي غلطتج قبل ما اتطيييحيين افأشيااء الله لا يبلينا ابها..
شجون:رووضه..رووضه..انا هب عارف شو اقوول..الا ان خــالد يبغيله كف محترم..
نقعت ضحك روضه ع تفكير شجون..ومسحت دمعتها..وحظنت دمعتها..هاي هي شجون.اللي من يوم ما عرفوها..ما بينت شخصبتها الأصليـــــة.......؟؟؟!!!

. . . . . . . .

لو يعرف الإنسان وش بقلــــــــب غيره..
والله لتدمع عينك لو عرفت وش بقلبي....

شــركة سيف وسهيــل..
يوم الأحــد.
مكتب سيف..
الســاعه 2ونص..

بند سيف الملــف اللي جدامـــه..وحط القلم افمكــــانه.. طيح اعيونه ع المكتب..يشوف جانه خلص شغله كامل ولا لا..ابتسم يوم شاف انه خلص كل شي..رد الكرسي على ورى وتم يدوربه جنه الا ياهل..وخلاف نش وهو داايخ..هيه من اللعب مب من شي ..وتم مغمض اعيونه بقوو لين ما خازت الدووخــه..ابتسم ع حــاله ومشــى بخطواته لين ما ظهــر من قسمــه..صد صوب ناصر..مبتسم..
سيف:هاه ناصر خلصت الأوراق اللي قلت عليها؟؟
ناصر"السكرتير":هيه مخلصنهم..بحطهم افمكتبك باجر..
سيف:يزاك الله ألــف خير..ويعطيك العافيه يا نــاصر..
ناصر"بابتساامه للمجامله":الله يعافيك استــاذ..تامر ابشي قبل ما اتسير؟؟
سيف:تسلــم والله..يلا فمان الله..
ناصر:الله يحفظك..
صد سيف عن ناصر..وتم ناصر يطالع سيف بنظراته الحقيرة..مــالت علييييك..كمــل سيف دربــه وظهر من عند نـاصر وتم يمشي افممرات هالشركه اللي اتكون مالته ومالت اسهيل..وكل محد ايشوفه ايقوله فمــان الله..الكل يحترم سيف..لأنه يعاملهم معامله اووكيك..ويحترمهم ولا يقلل من قيمتهم..عكس سهيل اللي احيانن ينازعهم..واحيانن اوكي وياااهم...
سيف:هلا استاذ محمد شحالك؟؟
محمد:يااا مرحبا الساع..انا بخير استاذ سيف ومن صوبك..
سيف:ما نشكي بااس..هاه استاذ محمد شد حيلك من بعد الإجازة..نبى انشوف تأثير الإجازة عليــك..
محمد:ههههههه..لا توصي استاذ سيف..من اول يوم واحن شادين حيلنا..
سيف:ربي لا هانك يا بوجاسم..يلا فمان الله..
محمد:فمان الله..ولا عدمنا الرب من شوفتك..
مشــى سيف..ولقــى رانيــا افطريجــه..عاد هاي رانيا سوالف..عمرها تقريبن 39 سنــه..مصريــه..ودوومها شعرها ما تسحييـه..مخلتنا جيه جنه الا شمس مشرقة..خخخخ..
رانيا:اييه ده..دا الممر كلو نور بوقودك يا استاز سيف..
سيف"ميت ضحك عليها":ههههههه..امنور ابوجودج يا رانيا..شحــالج؟؟
رانيا:دنه مبسوط اوي من سعادة حزرتك..انته كل يوم بتورينا مفاقآت ولا احلــى..<<الأخت مستانسه لأنه رفع راتبها..بس هي الصراحه تتستـــاهل شغلها وايد أوكي وملتزمه افكل شي..
سيف:تستاااهلين يا رانيا ..يلا انا استأذن..
رانيا"شاقه الحلج":ازنك معك يا سيدي..
سار عنها سيف ومن مشــى جدام الا شااف خلفــان..عاد هاذا شخصيه مهمه فالشركه..وكلن مسويله الف حسـاب..
خلفان:يــامرحباا مليون بالإستاذ سيف..
سيف:مرحبااابك زود..شحالك يا خلفان ربك الا بخير؟؟
خلفان:ما نشكي باس..ومن صوبكم؟؟
سيف:يسرك حــالنا..هاه شو الشغل وياك؟؟كل شي امشي اوكي..
خلفان:الحمدالله..كل شي ماشي اوكي..لا تشيل هم يا استاذ سيف..
سيف:تسلم والله..ربي لا هانك يا خلفان قل للموظفين اللي عندك ان الدوام خلص..هب لازم ايخلصون شغلهم..لاحقين عليه باجر..
خلفان:اللحينه بسير بقولهم..تامر بشي؟؟؟
سيف:لا والله تسلم يلا فمان الله..
خلفان:الله يحفظك..
ظهــر سيف من الشركــة..وركب سيارتــه الرنــج..وحركها صوب سويحــان..وهو فالطريج دق لسهيل..اللي ما شافه اليوم..
سهيل"بصوت تعبان":آلــو..
سيف:مرحبا سهيل..شحالك يا ريال؟؟وينك ما شفتك اليوم؟؟ربك الا بخير وما تشكي بااس..
سهيل:حشــى..سؤال سؤال..كلتني..
سيف"يضحك":هههههه..من زوود الوله اللي فيني..شحالك؟؟
سهيل:ابخير ربي يسلمك..
سيف:وينك ما شفتك اليوم فالشركه..؟؟هب من عاداتك..؟؟
سهيل:والله ميلس فالبيت..
سيف:بلااك؟؟
سهيل:ميهوود اشويــه..
سيف:افا واللحينه اتخبرني..
سهيل:المهم وينك اللحينه..؟؟؟؟
سيف:توني الا ظاهر من الشركه..
سهيل:هاه شالعلووم؟؟شي يديد..
سيف:الحمدالله كل شي اوكي..اقوول انا اللحينه ياينك..
سهيل:يامرحبا بتنور الرماح..
سيف:اكييييد ما يباله..
سهيل:وياراسك..يلا اترياك بنتغدى ارباعه..الشايب اتغدى ويــــا الأهــل..
سيف:يلا فمان الله..
سهيل:الله يحفظك..
بند سيف عن سهيل..وتم يطالع طريجه..وهو يفكر في مهـــا..دق لها بس ما ترد جان ايقول ابصوت مسموع..

""سيف:اكيد عندها كلاس ولا جان بترد عليه..يالله فدييتها اتولهت على سماع صوتها..""

الأخت شيخاني اتقص على سيف..يالسه اتقوله انها تدرس في الجامعه..ثاني سنه..خخخخ..وهي فالثانوية..ثاني ثنوي..ويا راسها راعية الصواريخ.."ام السعف والليف على قولت روحي فداك"..
المهم انتوا اكيد استانستوا يوم عرفتوا ان سهيل مريض وحالته لله..تريووا عاد في اشيااء بتستوي وبتعيبكم ازيااده..خخخ..
واللحينه سيف قريب الرمااااح..الله يعين بس..

آه من طعن الوقت بــــــــي غافي
وآه ليت دقايق وقتيه اقدر اقدمها
وآه ليتها تمر خلافـــــــــــــــي
في ذمتي لتبعها وخرطفهـــــا

بيت بو محمد..
حيرة شموس..
الســاعه 5 العصــر..

شموس واقفه جدام دريشتــها واتطالع العرب الي يالسين تحت..كان الجو مغيم وبرااد..وهالفتره احلــى شي..عسب القعده في الحــوي..الموووهيــــــم..
من حدر حمـــد البيــت..ويلس عدال يدوتــــه..صدت شموس صوب رواضي اللي كانت يالسه ع الغنفــه..تلعب افتيلفونهـــا..
شموس:رواضي رواضي..طالعي طالعي هاذا حمد يــأ..
روضه:اوووونــــــه..وليش اتقولين لي..من زوود الولــه اللي فيج...
وتمــت الرووض اتطالعها بنظـــرات..واتحــــرك حيــاتها..
شموس:رواضي..خلي عنج هالسواالف البطـــاليه..
روضه:اوونـــج؟؟يلا اعترفي انــج اتحبين حمد..اعترفي اقوولــج..
شموس:ماحبه..
روضه:شمووس..بلا هالحركــات..اونــج تستحيـــن..
شموس:مادري انتي لييش دووووم تفهمين السالفه غلط..الأخ حمد يــأ..وانا قلت لج انه يــأ..بس..يعني ما صار شي..
روضه:اوكيك اوكيك..اقوول الشيخه طالعي طالعي..حفظي حركــاته زين ما زين..
ضحكت روضه ضحكه نذاله..وردت اتطالع المسجــات ..ومن صوب ثــاني..صدت شموس عن روضه وتمت اتــطالع حمـــد..ما تدري ليش جذبهــا هالإنســـان..واستوت تهتم لوجووده..وتتضايج اذا طــال غيــابـــه..!!!
هل ممكن تسرب اللي يسمونه الحب افقلبهــا..؟؟ولا مجرد اعجــــاب..ايام ويختفــي..ولا مشــاعر عاابرة سبيل..؟؟
اللي عيزت شموس اتحدده..وهي سرحــانه ابحمد..وما انتبهت لحركات الرووض ولا صراخهــا..ولا هم يحزنــــون..
الرووووووض:شمووووووووووووس يالعنز بلااااااااج؟؟؟
شموس"توها الشيخه انتبهت":...هلا..شو بغيتي؟؟
الروض:تيلفونــج يدق..
شموس:اووه ما سمعتـــه..
الروض:مب من شي..من هالتفكير في بو شهـــاااب..
شموس:لحووووول..طلعتييلي الضغــط.
الروووووض:اااخر مرة سامحيني ادخييييييييلج..
شموس:خلاص خلاص حبيبتي بس اخر مرة..
روضه:اشووفــج واايد اتقصيين على عمــرج..
شموس:خلييني.."وتطالع الرقم"..اوووه هااي اموووله فدييييت قلبها.."وترد"مرحبااا امل..انا بخير شحــالج انتي....والله انا بعد اتولهــت عليييج..افديييت قلبـــج..هيه..اوونــه..سلمي عليــها واايد..
ظهرت رواضي من حيرة شموس..عسب شموس تاخذ راحتها فالرمســه..حدرت حيرتها..وفرت تيلفون ابكل ضييج ع الشبريه..وصرخت ابصووت عــالي..

"اوووووووف من متى ماا شفته..والله اتولهـــــــــــــــــــــــــــت عليـــــه"..

حســت بصداع..لأنهــا اليوم من ردت المدرســة..ما رقدت..والسبه شموس..اونه ملانــه..وتبى حد ييلس وياها..وتعرفونها انتوا رواضي...فديتها ما ترد حد..
ســارت رواضي صوب مكتبتهــا..وفجت البوم الصور اللي عندهــا..وتمت اتشوف الصور..معظمها صور عبودي وعنودي..وفيها صورة لسهيل وحمد يوم كــانوا صغــار..من شــافت صورة سهيل ..تذكرت الصورة اللي مرة سرقتهــا من حيرة سهيل..بندت الألبوم اللي عنــدها وربعت صوب كبتهــا..وفجت السدة الأخيرة..واخر شي ظهرت صورة سهيل..اللي كان متصورنها من شهــر..شكله..امسسسسسكت..وااايد حلوووو..لابس كندورة سودا تفصيل كويتي..وسفـــرة حمرا.شكللله واايد حلووو..تمت روضــه اتطالع في الصورة بكل تمعـــن..وجنها تدرس ملامحهــا..اخر شي تنطقــت بكلمة..تعودت تنطقها كــل ما اتشوف هالصورة..

روضه:فديييتك والله..

تمت اتطالعه وهي مبتســمه..كل مشااعر الحب سكنت افقلبهـــا..هالإنســان رووضه تعشقه ..اذا غاب حست ابعمرها وحيده..واذا كان موجود افمكان يلستها..تتحـــرك مشاعر الشوق..واذا سولف وياها..تشتاقله ولو هو وياها..حبها له حب وصل حد الجنون..كل شي عندها اسهيييل واسهييل..
وطت الصور مكــانها..وحست ابيوع..فتوجهت لدكــانها الصغير..اقصد ثلاجتها..
وقفت جدام هالدكان الصغير..وقرت الكلام المكتوب على الورقة اللي معلقتنها على الثلاجه..

 
 

 

عرض البوم صور بوح قلم   رد مع اقتباس
قديم 30-12-09, 10:14 AM   المشاركة رقم: 13
المعلومات
الكاتب:
اللقب:
عضو فخري
حَاتمِيّة العَطآءْ

البيانات
التسجيل: Nov 2009
العضوية: 151969
المشاركات: 40,340
الجنس أنثى
معدل التقييم: بوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسي
نقاط التقييم: 6598

االدولة
البلدUnited Arab Emirates
 
مدونتي

 

الإتصالات
الحالة:
بوح قلم غير متواجد حالياً
وسائل الإتصال:

كاتب الموضوع : بوح قلم المنتدى : القصص المكتمله
افتراضي

 

.."مستـــــحييل انســــــاج"..

هالكلمتين..دووم اسهيل يرددها..لو سمــع كلمة اعتاب من رواضــي..وهالكلمتين تنسيهـــا كل شي..وتنسيها ان عتبانه عليــه وزعلانه من تصرفــــاته..
فجت الثلاجه..وخذتلها كمن كــافي..وخلاف يوم نشت عسب تظهر من الحيــرة..وقفــت جدام المنظرة اتشوف شكلهــا..وبكل شووق..قرت الورقه اللي معــلقتنها فالمنظرة..مكتوب عليها..

"لا زال القلب ينبض ابحبـــج"..

هالكلمتين...سهيل يقولهــا كل ما شاف رواضي..وبجيــه..ظهرت رواضي من حيرتها وهي مستــانسه من بعد اللي قرتــه..
حيرة رواضي..كل شي فيها ينبض ابحب سهيــل..الستكرات"الأوراق الصغيره"..الصور..الألبومــات..دفتر مواقفهــا ويا سهيل..تبــى كل شي حولهـــا يذكرها بسهيـــل..والسبب بكل اختصـــار..ماتريد تنســاه..ولو ثــانيه؟؟؟!!
يوم اقولكم حب وصل لحد الجنون......؟؟؟!!

. . . . . . .

قلبي على فرقاي ماهو بضاري..وقلبه على فرقاي لاشك ولهان..
على الصبر قل الجهد واقتداري..وفي داخلي شبت لهايب ونيران..

بيت بو سهيــل..
الصــاله..
بعــد صلاة المغـــرب..

يلست سلامي ع الغنفه اللي مجــابله التلفزيون..وتم تجلــب وادور عل غنية حــربي.."آآه من قلب"..امووت فيها هالغنيه..عسب جيه اصلن سلامي ادور عليها..الموووهيــم..الأخت كانت كاشخه..مادري شو عندها.يمكن دقة راس..واللحينه ابتدت الغنيـــة وتمت سلامي اتعيش الجو ويــاها..الا بظهرة امها من قسمهـــا وميودة عباتها..
ام سهيل:سلااامي..
سلامي"اتنش سايرة صوب امهــا":لبيه..
ام سهيل:لبيتي افمنــى..تعــالي فديــتج..
سلامي:هاه امايه امري يالغلا..
ام سهيل: شوفي سلامه اذا عطن ابووج من الهير..ترى عشاه زاهــب..حطيتله خبز مدقوق بلبن..زهبيه حقه وعطيه عسب يتعشــى ويرقــد انزين؟؟
سلامي:اوكي..
ام سهيل:وسهيل اخووج تراه ميهود وراقــد افحيــرته..توني عاطتنه ادواه ..فديته والله حــاله موول ما يسر..الزجــام..وقلة الرقــاد..والسهر الصباحي..وحالته لله..<<<هاه اكيد استـــانستواا..
سلامي:فديته والله ما يستــاهل..
ام سهيل:كل شوي سيريله تطمني عليــه..انزين..
سلامي:ان شالله اميه..بس انتــي وين بتسيريـــن..؟؟
ام سهيل: بسير عرس ناس ما اتعرفينهم في بوظبي..
سلامي:اهــــا..
ام سهيل:يلا بسير انا..فديتج ما وصيــج على اخووج..مثل ما قلتي لج حاله موول ما يسر..
سلامي:اوكيك مامي كل شوي بسير بتطمن عليه..لا تشييلين هم يالغــاليه..
ام سهيل:فديتج والله..يلا عيل مع السلامه..
سلامي"واقفه عند الباب عدال امها":الله يحفظج..
ظهـــرت ام سهيل..سايرة للعرس عند هل بوظبي بعد ما تخطـــف ع الشلــــة البــاقيــة..من يلست سلامي اتطالع التي في..الا تيلفونها دق..
سلامي:مرحبااا مليوووون ولا يسدن..
روضــه:مرحباابج زوود..شحالج الغلا؟؟
سلامي:انا بخير ومن صوبــج؟؟
روضه:مانشكي باس..هاه وين دارج..
سلامي:جدام التي في بالضبــط..
روضــه:اها تعـالي عندنا انا وشمووس..ادق لموزاني القزووم قالتلي عموه ان بعدهــا راقــده للحيــنه..
سلامي: مالت عليها هالبنيه دوومها امخاويه الرقــاد..
روضه:انزين يلا تعــالي..
سلامي:ماروم أظهـــر..
روضه:لييش؟؟
سلامي:خوويه سهيــل واايد تعبــان..واللحينه رقـــد..وامايه تبانــي ايلس عنــده..
روضه:شوووووو؟؟سلامي وانتي ليش ما خبرتييـــني..
سلامي:رواضي توني عارفه..توها امايه قايلتلي ان ميهوود..
روضه:انزين شو استوابــه..شو حل عليــه؟؟؟
سلامي:ازجــام..ودوومــه سهران..ومادري شو بعــد..
روضه:ووااايه افدييت قلبه..لييته فيني ولا فيــه..
سلامي:رواضي فديــتج تعــالي عنــدي..والله ملانــه..
روضه:هيه بيي وبشوف حــال قلبي ..يالله لا عدمني من شوفــته..دقايق بييج..
سلامي:اتريــاج..
بندن سلامي عن رووضــه..وصدت صوب التلفزيون..الا وسعيد ياي من فووق..وكــان كاشخ شكله ساير مكــان..
سعيد:هاي سلااميييي..
سلامي:هلا والله ببو عسكوور..
سعيد"يوايه سلامي":شحــالج؟؟
سلامي:يسرك حالي..شحالك ؟؟
سعيد:ما نشكي بااس..
سلامي:وينك استويت ما تنشااف..؟؟
سعيد:والله مشغوول..واحد من الربع مسوي منتدى يديد..ومشغولين فيه..
سلامي:وانته جيه حياتك..كله منتديات ونت ومسن وشات وهكر ومادري شو؟؟
سعيد:شو اسوي عشقنااااااا هالتكنولوجيا..
سلامي:امحق ليل افذمتيه..
سعيد:الا وين هل البيت..ما شوف حد..
سلامي:امايه توها ظـــاهره صوب عرس عرب في بوظبي..والوالد فالهير..وسهيل راقد افحيرته..
سعيد:سهيل راقد؟؟غريبه..هالوقت أيــكـــون في سويحــان ولا فالمولات..مداوم اهناك..
سلامي:الريال تعبــان..وحالته ما تسر..
سعيد:ليش شو بلاه؟؟
سلامي:ازجــام وحراره ..وصدااع..
سعيد:وينه بسير بشوفــه..
سلامي:لالالالا..اخاف اتوعيــه..خله يرتـــاح..
سعيد:اوكيك..اليوم بيي الســاعه عشر وبسير اشــوفه..يلا تامرون بشي..
سلامي: سلامتك يالغــالي..
مشــت سلامي ويــا اخوهــا..لين باب الصــاله العود..من فجـــته سلامي..ظهرت افويهها روضه..سلم عليها اسعيد وظهر خاري ...اما روضه وسلامه حدرن الصــاله ويلسن..
سلامي:رواضي تفوالي..
روضه:مالي خاطر..وين سهيل ابغي اشوفه..؟؟
سلامي:بس اخاف انوعيــه..
روضه:لا ما بنوعيـــه..بس دقايق..او حتــى ثواني..بس ابغي اشووفــه..
سلامي:اووهو..عزير من تعزرين ع الشي الا اتسوينه..يلا نشي بنسير قسمــه..
نشــن روضه وســلامي..وســارن صوب قسم سهيل..اللي كان بابه مفتــوح..حدرن القسم وسارن ع يمين القسم..كانت اهنه حيرة النوم..فجــت سلامي الباب بشوي..ومشن داخـــل..والأضواء واايد خفيفه..بس يرومن ايشوفــن..سارن صوب سهيــل اللي كــان طايح ع شبريتــه بليا حرااك..ومتلحف زيين..
روضه"بصوت واطي":ياا ويييل حـــالي..افديييته وافديييت رووحــه..سلامي خليه اينش ايرمسنــي..والله حااسه عمري بمووت..
سلامي:لا تقولين جيه يا رواضي..الريال مافيه الا صداع وزجام..وان شالله باجر بينـش واهو بخير وعافيه..اهم شي انه يرتــاح اللحيــنه..يلا بنظهــر.
تمت روضه اطالع ويــه سهيل بكل حب وحنيــه..ودمووعهــا في عيونهــا تتريــا ان روضه ترمس بكلمه عسب اتطيــح..مشت روضه بخطواتها الهاديــه..عدال سلامي..
ولكــن..وقفهن صوت سهيــل وهو يزقــر سلامي..
سهيل"بصووت واااطي":سلامـ ...ســ ..لامـي..
طــاحت ادمووع روضه من سمعت صووتــه..حست ان الحيــاة ردتلها..بس صوته ما طمنها موول..سارت صوبه قبـل سلامي..
روضــه: سهيــل..
سهيل ايصد صوب روضه وطنشها وتم يطالع سلامي..حزت افخاطر روضه هالحركه بس طنشت هالشعور اللي سكنهـــا..وتمت اتطالع سهيــل..
سهيل: سلامي..زقري واحــ ...د من الشبــا..ب اللحينه..
قــال اسهيــل هالكلمـــات وغمض اعيـــونه بكل بطء..فالوقت اللي سلامه اطالعه وهي منصــدمه..وصدت صوب روضه..
سلامه:ياويلي..شو استوابــه..
روضه من سمعــت هالرمســه..على طوول ظهــرت من حيرة سهيل..
سلامي"اتيودها من جتفها":وين بتسيرين؟؟
روضه"تمسح دموعهــا بكل قوة":الشباب كلهم ميلسين افبيتنـــا..بسير بزقرهـــم..
ربعت روضه وظهرت من قســم سهيــل..وسارت صوب بيتهــم..ومن زوود ما هي خــايفه..حتى نعولهــا ما لبستهــا..ما شي يمر اففكرهــا..غير صورة سهيــل..وماشي يرن افأذنهـا..الا رمســة سهيل الأخيرة...
.
.
.

 
 

 

عرض البوم صور بوح قلم   رد مع اقتباس
قديم 04-01-10, 12:48 PM   المشاركة رقم: 14
المعلومات
الكاتب:
اللقب:
عضو فخري
حَاتمِيّة العَطآءْ

البيانات
التسجيل: Nov 2009
العضوية: 151969
المشاركات: 40,340
الجنس أنثى
معدل التقييم: بوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسي
نقاط التقييم: 6598

االدولة
البلدUnited Arab Emirates
 
مدونتي

 

الإتصالات
الحالة:
بوح قلم غير متواجد حالياً
وسائل الإتصال:

كاتب الموضوع : بوح قلم المنتدى : القصص المكتمله
افتراضي

 

الجــز التــاسع..


••.•°¯`•.••..رسـالة عنوانها اهــواك..••.•°¯`•.••


يا ويل حالي من جــــــــفاك ومن بعادك ومن فرقــاك..
وانا الذي من زود ما يهواك قلبي على روحي يبديك..
لاا ما قدرت انساك ذكراك عندي دووم ذكــــــــــراك..
ويحــزفي نفسي قســاك ورغـــــــــم القسـى أغليــك..

..[ القلب يعشق قبل العين أحيــاناً ]..

صــد سيف صــوب فطــامي اللي كــانت اميوده افيدها كوب نسكافيــه..مطنش المســج اللي وصــل من عند مها"شيخاني"..
سيف:فطامي زقري أمايه قوليلها يلا انا اتريــاها...
فطـامي:شو..ليش امايه للحيــنه ما ظهــرت..
سيف:شو للحينـه ما ظهــرت..هي قايلتلي سيف اتريــاني ابغيك اتوديني العرس عند هل بوظبي..
فطـامي:حبيبي أمايه لها نص ساعه من ظهــرت..وسارت ويا الدريول وأم خالد..بلاك انته
سيف:سوتها العيوز ..نقعتني خيانه..
فطامي:هههههههااي..تلاقيها نســتك صدقنــي..
سيف:تعالي تعالي فطامي براويج مســج توه واصـل من عند مهوي حبيبتي..
فطامي:اللحينه بسألك للمرة المليووون..انته من صــج اتحبهــا
سيف:في مثل ايقول القلب يعشق قبل العين أحيـاناً..ارد واقولــج..انا موول ما يهمني شكلهــا..اللي يهمني شخصيتــهـا وأخلاقها..ومستحيل اكرهها...لأن اللي يحب مستحيل يكره..
فطامي:الله والأخلاق عااد..أطالع المســج..نااس فاضيين..
قرت فطامي المســج..

"حبيبي انا مشغوله اللحينه..خلاف برمســك"..

فطامي:..هب جنها الأخت اشويه مسوتلك أكبر طااف..<<بنوته اللي افقلبها ع لسانها..تنفــع فالسياسه....وسيده تدخل فالموضع لا مقدمات ولا هم يحزنون..لوول..
سيف"يضحك":ههههههه..ترومين اتقولين جيــه..هههههه..أكبر وأكبر طاااف..ههههههه..
فطامي:ومستانسماقول الا الله يعينــك بس..
سيف:عـادي..اتقبل برووح رياضيــة..واقدر ظرووفهــا...
فطامي:ماقول الا الله يعينك للمرة الثانيه...
سارت فطامي فوق..وعند نص الدري وقفت..
فطامي:السيافي..
سيف"مبتسم":لبيه يا أحلــى فطامي..
فطامي"اتحرك حياتها مستانسه":لبيت حايه..بتظهر
سيف:هيه..يمكن اسير صوب الرمــاح..بطمن على سهيل..
فطامي:ليش شو فيه النذل الحقيــر القاسي عديم الإحساس..<<ماخلت شي.. هع..
سيف"عصب": فطامي..شو هالرمسه..اسهيل لو شو ما سوى..ايتــم ولد خـالج..وربيعي..فاهمه
فطامي"بضيجه واستهبال":يالله مسكين الريال شو استوابه الطيب الوافي راعي الإحساس والمشــاعر..لا تقولي استوابه شي خطير..سهيل طيب وما يستاهل صدقني...
سيف"نقع ضحك على طريقة فطامي فالرمسه ":هههههههههههههههههههههههههه...ويااا رااســج..الريال ميهوود..
فطامي"سايرة فوق":أحسسسن..ومليوووون ألف أحسسسسن..يزاه مسود الويه..
وكالعاده..من بعد ما فجرت فطامي قنابلها..سارت وكأن شيء لم يكن.....
من ظهر سيف ..وركب سيــارته..دق تيلفونــه وكــان حمد..يخبره ان سهيل اللحينه في مستشـفــى توام..
وبكل قوة..زااد سيف السرعــة..صوب مستشفى توام..

. . . . . .

ياحبيب حبك افــــــــدمي..وسط قلبي والشراييني..
يوم اشوفك ينجلي همي..من عــلى الدنيا تنسيني..

بيت بو محمد..
حيرة الرووض..
الساعه 9 ونــص..

صــدت شموس عن سلامه وموزاني ..وتمت اتطــالع الرووض..وتواسيها..
شموس:الرووض ما تعودنا على دموعـج..ادخييلج مسحيهن..
موزاني:رواضي لا تكبرين الموضوع..اسهيل ميهود اشويه ويحتاي لرعاية المستشفــى..احسن من البيت..
روضه:بس..بس..هاذا سهيل..صورته للحينه افبالي وهو تعبــان..انتوا ما تعرفون شو يعنــي اسهيل بالنسبه لي..
طاحت اعيون شموس ع الأرض..وتحس بتجمعات شرات الماي في عيونهـــا..ماتدري ليش موقف روضه اللحينه هزهــا..وهز قلبهـــا..وردلها المواجــع.. والذكريــات الأليمه.. شموس كانت افوضــع..شرات وضــع روضـه اللحينه..وأخس..
غمضــت اعيونها ابكــل قوة..تمنـع هالدمعه تنزل على خدهــا وتجرحه..بس..الذكريات الأليمه..دووم لها القوة الأكبر افهالحرب..واسترجعت شموس ذكرياتهــا..وكــانه فلم ينعــرض جدامهــا..
كانت جاهله شو نهــاية ابوها افذيــج اللحظه..هل بيردلها بابتسامه وتحظنــه واتحس بالأمــان..وتحس بحنــانه وطيبتــه..ولا بيفارقهــا..للأبد..بيودعهــا..الوداع اللي ما بعده لقيــا..
كــانت تجهل هالشي..كانت عاايشـه افنــار الحيرة..والخووف..والرعــب..بس لو يتهــا فكرة ان ابوهـا بيودرها في هالعالم "وحيده"..اتحس عمرها بتين وبتمووت..وفالأخير..توفــى ابوها..تذكرت نظرات امل اربيعتهــا وبنت ييرانهم..وتذكرت ادموعهــا اللي كــانت اتطيح بليا حدود وبليــا حاسه..
ما تدري ليش موقف روضه..ودموعها اللحيــنه ذكرتها ابموقفها فالمستشفــى..وما نشت من هالذكريات"الأليمه"..الا من بعد ما حست ان موزاني اشوي بتصفعهـــا..
موزاني:حووووه..البنيه فيها شي..شموووس..
شموس:...هلا شو بلاج..
موزاني لاحظت هالدموع اللي في عيونها..فيودت يد شموس بقوة وقالت..
موزاني:نسي بنسوف الأوضــاع تحت.. ع قولة رواضي..
ابتسمت روضه..وسلامي بعد ابتسمــت..ونشــن شموس وموزانــي وظهـرن من حيرة الروض..ويلسن فالصاله ..
موزاني:شو بلاج غلاي
شموس:مادري..بس اتذكرت شي..
مووزاني:شو من شي
شموس:شفتي حــالة رواضي كيف اللحينه..
موزاني:هيه..
شموس:انا كنت شراتها واخس يوم توفــى بويه الله يرحمه..
موزاني:.......الله يرحمــه...
شموس"تمسح دموعها وتحارب احزانها":نسسسسي بنسير تحــت..بنشوف العياييز شو يقولن
موزاني : يالســات ايحللن الموضوع..ويشوفن الأسباب ويتوقعن النتايــج..
شموس:هههههههه..نشي نشي..
ونشن الثنتين..وسـارن تحت..وطبعــاً..الرمسه عند العياييز شي ثاني....
لأن عند العياااايز كل شي ياايز..

 
 

 

عرض البوم صور بوح قلم   رد مع اقتباس
قديم 04-01-10, 12:49 PM   المشاركة رقم: 15
المعلومات
الكاتب:
اللقب:
عضو فخري
حَاتمِيّة العَطآءْ

البيانات
التسجيل: Nov 2009
العضوية: 151969
المشاركات: 40,340
الجنس أنثى
معدل التقييم: بوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسيبوح قلم عضو ماسي
نقاط التقييم: 6598

االدولة
البلدUnited Arab Emirates
 
مدونتي

 

الإتصالات
الحالة:
بوح قلم غير متواجد حالياً
وسائل الإتصال:

كاتب الموضوع : بوح قلم المنتدى : القصص المكتمله
افتراضي

 

ياحياتي عندي مهـمي..دايــــــمن روياك تغزيني..
في بعادك همي وغمي..وابوجودك تزهي سنيني..

مستشفــى توام..
الساعه 10 بالضبط..

في هاللحظــه..شباب العايله كلهم واقفين..يتريون الدكتور يظهــر..ويعرفون شو سبب تعــب اسهيــل..حمد..خليفه..حمدان..محمد..سعيد..والأهم..ال سيافي..
السيف كان واايد خايف على سهيل..أكيد دام انه اربيعه..وحالة سيف موول ما تسر..كل ساعه يطالع الحيره اللي بيظهر منهــا الدكتور..
حمد: سهيل ما عليه شر ..الا حراره وزجــام وقلــة ارقــاد..
سيف:الله يعينا بس..مادري هاذا سهيل ليش دومه مخاوي السهر..اللحينه بطيح فيه..
حمد:ههههه..الله يعينه عيــل..
من خلص حمد كلمته الأخيرة..ظهــر الدكتور..واستوى تجمــع سكاني عنده..
خليفه :هاه دكتور بشر
الدكتور:الريال اللحينه رقـد وما عليه شر..
سعيد:وليش تعب علينا..شو اللي حل عليه
الدكتور: الواضح انه سهيل موول ما يهتم افصحـتـه.. ومرهق نفسه ازياده عن اللزوم..جسمه موول هب مرتــاح..شكله ما رقد زين ولا ياكل زين..يعني مهمل نفسه..والزجــام والحرارة أثروا عليه واايد..من جيه ما رام يتحمــل..واحن بنرقــده عندنا ..عسب يرتـاح اشوي..ويكون تحت رعايتنا..ونطمن عليه أكثــر..وان شالله باجر..من العصر يروم يظهــر اذا تحسنــت حــالته..
الكل سكــت من بعد ما خلص الدكـتــور رمستـــه..وكأن الكل يرتب ويستوعب اللي قاله الدكتور من شوي..وبعد ثواني بسيطة..رمس سيف..
السيف:دكتور..انروم انشوفــه..
الدكتور:شو فايدة شوفــه وهو راقــد..خلو يرتــاح..ومن باجر الصبح بترومون اتشوفونه وتسولفون ويــاه...
السيف:مشكور دكتور..ويعطيك العافيه..
الدكتور:الله يعافيك يالشيخ..وهاذا واجبنــا..لا تنسـى احن كلنا اخوان ومن بلد واحد..يلا انا استأذن ..
السيف:اذنك معـاك..
ســار الدكتور ..ورمس خليفه..
خليفه:يلا عيل توكلوا..
حمد:انا بسير المول..امنو بيخاويني..
السيف:مايحتاي انخاويك..أحمد اهناك هب مقصــر..
حمد:اوكي سيدنا ..بتندم..هاه حمدون شو قلت..
حمدان:يلا..شو ورانا احن الا مجابلة ويهك..
ظهــر الكل..من توام..وكل واحد سارله بقعه..

. . . . . . . . .

لك بقلبي حب تحدى الحــساب..لا تـــــــروح بعيد وتاخذك الظنون..
دام عشرتنا على هام السحاب..وش يهمك وانته قدرك ع المزون...

العين مــول..
الساعه11ونص..
في واحــد من المطاعـــم..

وقــف حمــدان..وخذ تيلفــونه اللي كان ع الطــاولة..
حمدان:يــلا شباب تاامرووون شي
توجهـت نظــرات حمد وأحمــد صووب حمــدان..نظرات حمد كانت عاديــة..أما نظرات أحمــد كانت خبيثــة..
أحمــد:شووووالسيده ريسووه السباله دقتلتــك..
حمدان:لااا اتســب حرمتيــــه...
أحمد"ايسوي عمره خايف":خلاص بابا صدق انا هزززي اخر مرة..
حمد:عاااش عااش الهندي..اقوول أحمد اكرمنا بسكووتك..
أحمد:مب كأنه يجرحني..
حمدان:لا والأخ يلعب بمشاعرك..
الكل:هههههههههههه..
حمدان:يلا عيل تامرووون بشي..مني مناك
احمد وحمد:لا تسلـــم..
حمدان:الله يسلمــكم..
سار حمدان..قالوقـــت اللي صــد أحمـد صوب ربيعــه حمــد..
أحمــد:بلاك مستهــــم..ع سهيل
حمد"يجذب ..لأن اللي في سهيل هب شي خطير":هيه..وسيف غمضني..
أحمد:يلا عاد الريال ما فيه الا العافيــة..باجر بتشوفه بكامل صحته..الا انت فيك شي ماخذ عقلك..لا تقنعني بانه سهيل..
حمد:...شوو
أحمد:بووشهااب..انته تعرفني زين...وانا بعد اعرفــك زين ..انته فيك شي وخااشنه عني..
حمد:ياريال شو بيكون فيني
أحمد:مااااادري..انته قوولي...
حمد:......................
أحمد:ارمس عااااااد..
حمد:أحب يا بوشهااب احب..ومادري شاللي حدنــي ع هالدرب..
أحمد:ابركهـــــا من ساااعــة..يلا نش بنفصل لنا كنادير..
حمد:حق شوو
أحمد:عرســك...
حمد:ههههههههههههههه..انا قلت أحب..ما قلت خطبت..
أحمد:يااغبي نفس الشي..منوو منووو منوووومنو هاللي تحبهـــا..لا يكون اللي خطفت امسات جدامنــا..وتم مبحلقه اعيوناتها عليك..
حمد"ميود التيلفون ماله":جب يا مسود الويـــه..لا افــرك..بهالتيلفون..
أحمد:ماا ترووم..لأنه ما يهون عليييك..توك البارحه مشترنـه..
حمد"يرد التيلفون مكانه":هيه والله ما يهوون عليه..
أحمد:المهم..منو هاللي اتحبهــا..وقلبت حاالك جييه..لا تقولي وحده من الأهــل..
حمد:هيه..وبنت عمـــي..
أحمد:لالالالا..زين والله..لا يكون راعية الكويت..<<<<ويااا رااااسه..اونه راعية الكويت....
حمد:هههههههه..هيه ..راعية الكويت ع قولتــك..
أحمد:لالالالالالا..شي زين والله..وجيه من شفتها حبيتها..ولا من بعد كمن نظرة..
حمد:هههههههههه..لا حبيبي من اول ما شفتهــا..فز قلبي وقال هاونه..
احمد:عااااااااااشوووووا..
حمد:بس بصارحك بشي..
أحمد:هاه صارح يا ابو الصراحه..
حمد:البنيه مسوتلي اككككككككبببببببررررر طاااااااااااااف فالكوووووووون..
أحمد:اقووول..كلهن بنات الأهــل جيه..وخلاف لا اقلتلها انك اتحبهــا وتغليــها..صدقني كل شي بيتغيــر..
حمد:بل بل..من وين يت هالرمسه..أحيدك مال بنات شوارع..
أحمد:هيه اتطورنا اشوي..استوينا انصد صوب بنات العااايلة..
حمد:الله يستر بس..
أحمد:اقووول..
حمد:قول ويا كثر مااا تقوول..
أحمد:اتحبهــــا.
حمد:سؤال سخيف..
أحمد:عادي طرشه عندي وبخليه دمه خفيف..ههههههههههههههههااااااااي..
حمد:الله يعيني..اقوول..انته متى بتتأدب..
أحمد:يوم اعرس..
حمد:ليش انته بتعرس
أحمد:لا بيلس اجابل شيفتــك..هيه حبيبي بعرس..بحرمــة غاااويـــة..وأحبهــا واتحبنـــي..ونعيش بثبات ونبات..وننجب الأولاد والبنات..
نقــع حمد ضحـــك مرة وحــده..والكل اللي فالمطعـم تموا يطـالعون فيه بنظرات استغرابيه..
أحمد:فضحتنا عنلاتك يالسباااال..
حمد:هههههههههههههههههههههههه..دخيييلك اخر جمله اتعييييدها..
أحمد:ليييش
حمد:عيبتني..
أحمد:عادي رقمهــــــا..
حمد:ههههههههههههههههههههههههههههههههه..بطني عورني من الضحم يالسبااال..
أحمد:اذا انت مشتاق لتوام "مستشفى العين"..تعال بوديك..
حمد:امحق لللللللييييييل افذمتيه..نش نش ..بنسير بنتحوط وخلاف بنوطي رووسنــا..
أحمد:يااخي توها بدت السهره..والبنوتات الحلوات اللحينه بيظهر من المول..خلونا انطالع اشوووووي..
حمد:ياخي ايلس طالع بروووحـــك..
أحمد:انزين باجر داوم فالموول من الساعه 8..
حمد:ههه..ليش تباني افتحـــه..
أحمد:ههههههههههههههههههه..لا وقف عدال الحارس ليين اييك..
حمد:لماذاهل انا طفل ضاائــع..
تغيرت موجــة الغإستهباال صوب حمد..وتم حمد هو اللي يسولف ويتمضخــر..عكس أحمد اللي كان بس يضحـــك وشااال الدنيا بضحكـــه المتواااصل...

 
 

 

عرض البوم صور بوح قلم   رد مع اقتباس
إضافة رد

مواقع النشر (المفضلة)

الكلمات الدلالية (Tags)
مع غير العب وبين له مهاراتك قصة امارتية, قصة امارتية للكاتبة العنيدة, قصص اماراتية
facebook



جديد مواضيع قسم القصص المكتمله
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



الساعة الآن 10:55 AM.


مجلة الاميرات 

 



Powered by vBulletin® Version 3.8.11
Copyright ©2000 - 2020, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية