ريم : انا من تكلمت فسرت اني غيرانة انها تستوي ممثلة .. ما تدري اني ماباها تعيش اللي انا عشته والتحرشات اللي يتني بسبة اني ممثلة .. على اساس اني صايعة ولا جني عندي كرامة واحس ...
سعيد : انتي لازم تودرين التمثيل ...
بلعت ريم ريجها : اودره ؟!!!
سعيد : تقولين انه مضايجنج ومب مرتاحة فيه تراج ....
ريم : بس ...... انا عايشة ع التمثيل ..
سعيد بهدوء : وما بتموتين لو طلعتي من هالمجال الخايس ....
سكتت ريم .... لكنها تكلمت عقب ما حست ان السكوت بينهم لا يطاق: انزين وشو بتسوي ويا اختك ؟؟
سعيد : يهمج تعرفين ؟!!
ريم برجاء : والله اني مهتمة بهالشي ... كفاية انك قمت تعيرني انتباه وتخبرني كل شي عنك .. ما كنت اعرف ان امك متزوجة ربيع ابوك .. ولا اعرف ان عندك اخت .. ولا اخو اسمه سعيد ... ليش ما سموك سعيد ؟؟
ضحك سعيد بقوة : ههههههههههههههههههههههههههههههههههههههههههه مادري اسإلي امي وابويه ..
ريم : ههههههههههه انزين يلا خبرني شو بتسوي ويا اختك ...
سعيد : سمعي الله يسلمج .................
|[]|
بعد مرور أكثر من 3 شهور،
بصوت خامل : ألـو ....
جمانة بصرااااخ : لطوووووووووووووووووووووف قبلووووووووووني قبلوووووووووونييييييييييي ...
لطيفة بخوف : بسم الله منو قبلج !!!!
جمانة : يا هبلة بستوي مذيعة .. قبلوني اخيراً .. الحمدلله الحمدلله .. ان شـا الله بنفتك من الهم ان شـا الله ..
لطيفة بعدم تصديق : اويه لا تقولين ..
جمانة بفرحة : والله ..
لطيفة : وخبرتي هلج ؟؟
جمانة : خبرت مريوم اختي وهي مستانسة .. وعمي مع انه ما عبر بس حسيته ارتاح انه بيفتك منا ..
لطيفة : انزين وامج ؟
جمانة : قلتلها وما ردت ... كالعادة !!!
لطيفة : وحميـــد ؟!!
جمانة : هههههههههه حميد ؟؟ ليش اخبر حميد ؟ جيه منو هو عشان اخبره ؟؟ يولي .. زين مني اني برضى اصرف عليه من معاشي عقب ...
لطيفة بعدم اقتناع : يعني عـادي ؟؟
جمانة : يولي ما يروم يسوي شي ..
لطيفة : وايد كارهتنه شكلج ..
جمانة : ما فيه رجولة وتبيني احبه ؟؟؟ اخو بالإسم وبس ...
لطيفة : الله يهديه بس ....
جمانة : واليوم تخيلي ساير ويا ربيعه العبيط يصورون الممثلة ريم اللي ساكنة في الفريج الثاني ..
لطيفة : اي ممثلة ؟
جمانة : هاييج الدلوعة بلاج ..
لطيفة : هييييي .. (استوعبت السالفة) اويييييييييييه حلفي !!!!
جمانة ببرود : بلاج متلومة فيها ؟
لطيفة : مب متلومة .. بس تخيلي لو اشتكت الممثلة عليهم .. عادي اخوج يروح في ستين داهية ..
جمانة : يستاهل عشان يصطلب ..
لطيفة : لا تكونين جاسية جيه .. بعدين ليش ما حذرتيه ؟
جمانة : وين أحذره وانا توها مريوم يتني تخبرني وهي ميتة من الضحك ؟؟؟ ..
لطيفة : الله يهديهم بس .. الله يهديهم !!!
جمانة : اقولج غيري السالفة .. ما فيه اتذكر طيش اخويه ..!!!
لطيفة : ممممممم .. صح ما خبرتج راشد اخويه سافر ..
جمانة : ماشا الله وين ؟
لطيفة : الدوام اختاروه عشان يحضر مؤتمر برع البلاد .. تدرين شو يعني هالشي ؟؟ يعني انه بيترقى درجة زيادة ومعاشه بيزيد وايد .. وبجيه بننتقل من هالفريج .. وبتتغير حياتنا ..
جمانة : الله يسهل عليه يا رب ويوفقه ... تدرين اليوم اتصلوبي قالولي ان عندي بدل سكن .. أفكر أول شي أسكن هني لين ما أيمع مبلغ زين من المعاش ويا بدل السكن واشتري بيت .. او ع الاقل أأجر شقة ..
لطيفة : ان شـا الله .. ونسكن في فريج واحد ..
جمانة : وبيوتنا لاصقة ..
لطيفة : طبعاً طبعاً ..
جمانة : الله كريـم .....
|[]|
كانت تتنفس بقوة وهي مب مستوعبة شو سبب هالنفضة اللي يتها في الحلم،
صرخت بقوة : سااااااااااااااااااااااااااااااااااااااااااااااااااااااااااا ااااااروووووووووووووووووووو...
بس مسرع ما استوعبت اللي قالته ..
سارة ؟
هـه ؟؟
سارة تخلت عني وبدت مشوارها ...
من شهر مقابلة لها في المجلة ...
" سارة .. وجه جديد في سماء الفن " ..
والحين تسوي بروفة تصوير ..
تنهدت بعد ما نشت من مكانها ..
واتجهت للمكان المعتاد تغسل فيه ويهها ..
×
×
×
حست عمرها Fresh شوي ..
تلفتت حواليها ..
نزلت تحت تجوف أبوها ..
من فترة وهي ما تيلس وياه وايد بسبة أشغالها ..
دخلت حجرته ولقته طايح من كرسيه ...
هزها المنظر وحسسها بتأنيب ضمير قوي أقسى من اللي هي حاسة به ..
صرخت ع الخدم عشان ايون يساعدونها في شل أبوها ..
×
×

مع الانتظار .....
ياها الدكتور اللي كان شبه مذهول من تواجدها ..
ومن شكلها .. بعباة وشيلة !!
الدكتور : الحمدلله ما فيه شي .. بس محتاج يرتااح فترة عندنا ..
هزت ريم راسها وهي شاردة الذهن : اوكي مشكور دكتور ..
الدكتور : ريـم ....
×
×
×
ما اهتمت ليش زقرها الدكتور ..
كانت متضايجة لين الحين من الحلم اللي فيه حارب وشخص ما تعرفه ...
هي صـح ..
حـارب .........
اتصلت بموبايل "حارب الوهمي" لكنه كان مغلق ..
خافت .. خاصة مع اللي حلمته ....
×
×
×
طول الدرب وهي في السيارة تحاول تتصل به لكنه مثل ما هو ..... مغلق ..
خطر ع بالها تتصل ع رقمه الجديم ..
أمسات كانت تبا تحذفه لكن في شي خلاها تغير رايها ...
ضغطت ع الرقم بسرعة ..
تفاجأت انه يرن ..
توعدت فيه انه تنازعه انه فاتح هالرقم حق المغازل والرقم اللي يباها تتصل له فيه مغلق ...!!!
×
×
×
كانت الرنة مزعجة جداً .. خاصة انها بنغمة خاصة ...
صد مذهول ع موبايله وهو يجوف رقم ريم ...
ريم متصلة ؟؟
ريــــــــــــــــــــــم !!!!!!!!!!
يلس يتأمل الرقم...
يرد ولا ما يرد ؟؟؟؟
×
×
×
.......... : ريــــــــم ؟؟؟!
×
×
×
لحظة .. هذا الصوت مب غريب ..
صوت حارب بس مب صوته الحين ..
هذا صوته قبل ..
قبل وايد ..
قبل اكثر من 5 سنين ..
×
×
×
ارتجفت من النبرة ...
ارتجفت من الصوت ..
صوت من الماضي ..
صوت كانت تحبه ....
صوت ظنت انها لا زالت تحبه ...
صوت رد فيها الحنين ...
يوم كانت تصيح يهديها بحب ...
يردد لها كلمات شرات المهدئ في قلبها ...
هالصوت اللي ظنته رد من اكثر من 3 شهور ..
صوت حـارب ...
قالتها بصوت نبرته شبه ضايعة : حـ......ـاااااااااارب ....
×
×
×
حارب بصوت غير : شحـالج ؟!
ريم بحزن : بخير ..... (تحاول تجذب اللي تحس به) ليش ما رديت عليه ؟ أو .... (حست بقهر انها ضحية خدعة واحد مجهول) .. انتـه ..........
قاطعها بصوت مهزوز : توج ذكرتيني يا ريم ؟؟؟
ريم والدمعة في عينها : انا اصلاً عمري ما نسيتك ..(حاولت ترتب كلامها) انا ضحية ...
حارب رد قاطعها بنبرة غريبة : مبين ... والدليل اني في طيّ النسيان الحين .. وعايشة حياتج بالطول والعرض..
ريم بحزن : والله اني ما نسيتك .. وحرقت تليفونك اباك ترد .. وانته ما ترد .. مت وانا اتصل طول هالسنين وانته ما ترد ... (بنبرة ضعيفة) يعني شو أسوي ؟؟ انته عندك رقمي وما اتصلت وقطعت فجأة..
حارب بهدوء : قلت لج في رسالتي الأخيرة ماقدر اكلمج..شرحت لج كل شي وانتي جازيتيني بانج خنتي ثقتي فيج .. وما استوت فترة قصيرة الا واستويتي ممثلة ... كـ تحدي لي أو يمكن مليتي مني .. او ..
ريم قاطعته بمفاجأة : اي رسالة ؟؟؟ متى طرشت لي رسالة ؟ (بنبرة فيها صياح) متى متى متى ؟؟ انا ذبحت عمري اترياك ولا حتى وصلتني جملة تصبرني .. تقول رسالة ؟؟
حارب : طرشتها ويا بنت خالج ...سارة مادري منو .. واكدت لي انج قريتيها ولا اهتميتي .. بعد بتنكرين؟؟
انصدمت ريم : ما وصلني ..(شوي وبتصيح) والله ما وصلني شي والله.. .....
حارب تنهد : انزين صدقتج .. بس ليش متصلة الحين ؟؟
ريم بحزن : ما تبا تكلمني ؟؟
حارب : واضح ان اتصالج له اسباب .. قولي أسبابج يا ريم .. قوليها ..!!!
ريم بشك : في شي انا شاكة فيه .. انته .... انته ما كنت تكلمني طول الفترة اللي طافت ؟؟؟
انصدم حارب : انا ؟؟ انا كلمتج ؟ متى ؟!
ريم وهي تحاول تقنع نفسها : هالفترة كلها .. من كم شهر .. (تذكرت شي مهم) عقب برنامج STARS SECRETS على طول ... بعد ما (بتردد) ... انته اتصلت فيه .. و سألتني و...................!!
غمض حارب عينه بألم :أنا اتصلت وسألتج ؟؟ وكلمتج بهالفترة ؟؟؟ (يحاول يكتم غيظه) كلمتج بهالرقم ؟؟
ريم : لااااا مب بهالرقم ...
حارب بنرفزة : وشحقه ما اتصلتي لهاك الرقم عيل ؟؟
ريم بوهن : مغـلق .....
نش حارب من مكانه وفي باله شي مينون : كم الرقم ؟؟
ريم بخوف : حارب متأكد انك .....
حارب قاطعها بهدوء : هذا هو الرقم .... 050 ******* .. صح ؟؟؟؟؟
ريم بعدم تصديق : هي ..... تعرفه ؟؟ تعرفه ؟؟ منو هو ؟؟
حارب وهو يداري دمعته : اخويه سعيد يا ريم ........!
ريم بصدمة : شووووو ؟!!!! وأخوك ليش يكلمني ؟؟
×
×
×
حست الدنيا تدور بها وتنفست بقهر ...
ليش كل ها استوى ؟؟
وشو السبب اللي خلى سعيد يكلمها هي بالذات ..
وهل هو يعرف علاقتها بحارب ؟؟
معقولة يحبها عشان جي كلمها ؟؟
بس ليش كلمها على انه حارب ؟
ليش جرحها بشخصية وهمية ...
خطف ع بالها شبح ذكريات قاسي .....
×
×
- بسامحج ........................ بس بشرط ...
- وقلبها يدق : شو ؟
- تنسين حارب القبلي ....
×
×
- وثاني شي .. رقمي هذا انسيه ..
- بصوت مذهول : وكيف أرمّسك عيل ؟
- دقيت لج رنة من رقمي .. ها الرقم لو شو يستوي ما تتصلين به ..
×
×
قطع رمستها بصوت عصبي : كم مرة قلتلج انسي ... انسي حارب الاولاني .. حارب الاولاني راااااح و ولى .. فاهمة ؟؟
×
×
- بغيظ : ممكن ما تزقريني حارب ؟
- بألم : ليييش .. مب هو اسمك ؟
- بانفعال : لا ... انا مب حارب ..
وصك في ويههـا بعصبية ....
×
×
ريم : ليش استويت عصبي فجأة ؟
- ضحك بقوة : هههههههههههههههههههههههههههه عصبي ؟؟ انا من يومي عصبي ..
×
×
- شو رايج تعرفين سبب اني رديت لج فجأة مع الأيام .. ليش مستعيلة ؟؟ لهالدرجة تبينا نفترق ..
×
×
- باستهزاء : طبعاً بعد ؟؟ متأكدة ان ما بيي اليوم اللي بتقوليلي فيه آسفة اكتشفت ان مب انته اللي احبه ..
شهقت ريم : مستحييييييل ..
- بنجوف !!!
×
×
- هي .. حارب اخويـ.........................................(ماتت الكلمات عنده) ...
ريم : حارب اخوك ؟؟ (باستغراب) كيف حارب اخوك وكيف ......
- تدارك الموقف بسرعة : كله من سعيد اخويه .. هو اللي خربط مخي ..
×
×
ياللــــه يا الدنيا .... بـعد كل الخدع هاي ...
يظهر اللي كنت اتحسبه حارب ... أخوه سعيـــد ؟؟
أنا كيف ما انتبهت وما حسيت ان الشخصية غير ..
والأسلوب غير .......؟!!!
×
×
×
حارب وهو يمسح دمعته بألم : حبيتيه ؟؟
صخت ريم ... بالأحرى ما عرفت شو الجواب ..
حارب وهو يتنفس بقوة : أفهم من سكوتج انج تعلقتي به ؟؟
ريم بألم : تعلقت به هي.. .... بس على انه انته ...
تنهد حارب وهو يتكلم في محاولة انه يبرز عكس اللي يباه : أنا مثل اخوج الحين .... ودامج حبيتي سعيد قوليله يتزوجج ويستر عليج ..... وودري التمثيل دام عقد الاحتكار ما بقى له شي ....... !
ريم : بس ..
قاطعها حارب : مع السلامة ...
ريم : حااااارب لا بليز لا تضيع من ايديه مرة ثانية ....
حارب : ريم خلاص كبرتي على هالسوالف ... انا الريال الكبير اللي كنت اعطيج حلاوة في يوم ......... مع السلامة ..
ريم وهي تحاول تخليه ما يصك : بدال ما تلومني لوم اخوك اللي قص عليّ ...
حارب بحدة : سمعي يا ريم ... هذا اخوي وما بلومه لو سوى اي شي لاني اعرف اسبابه .. انتي اللي ابتعدي عن دربنا .. ابتعدي عنا الله يخليج .......!!!
×
×
×
نزلت دمعة قوية من عينها ...
أنا أبتعد ؟؟
ليش أبتعد دام مالي ذنب بكل اللي استوى ؟؟
كل المصايب يت من راس سعيد ..
والحين استويت أنا الرزة ؟!!
انا الرزة في حياة حارب ....
وواحد دخل عمره بالغصب اسمه سعيـد ؟!!
بعد ما ظنيت اني لقيت السعادة ..
اكتشف اني لا زلت بعيدة جداً عنها ......!!!
آه يا الدنيـا آه .......!
|[]|
هاي آخرة اللي يسمع شورك ..
امش امش .. زين جيه الدريول قال بيبلغ علينا ؟؟
ربيع : ما عليك منه يرمس ما يروم يسوي شي..
حميد باستهزاء : لا ما يروم .. بس يعرف اسامينا ووين ساكنين .. ايه يا ذكي يروم يسجنك ..
ربيع : وابويه .. لو بعد محصلين الصور بسكت .. مالت ظهرت بسيارة مخفية وردت بها .. الحين شو الفايدة..
حميد : شو يعني تباها تظهر لك وتقول لك تعال صورني ؟ صج ماشي مخ ..
ربيع : اقول جب جب .. يلا نش مالي بارض اطولها وهي قصيرة...
حميد : انسى هالشغلة .. (تثاوب) انا برد البيت بحاول ارقد لي شوي ..
ربيع : انزين وانا بفكر بشي ثاني يكون مصدر دخل يديد لنا ...
حميد : عمرك ما بتودر افكارك الغبية ..
|[]|
في غرفة طعام بيت أم حـارب ....
يالسين ع الأرض وعدالهم صحن الفواكه تقصصه "ميثا" العضو اليديد في العايلة ..
وسعيد شبه طايح ع الارض ومتساند ع وحدة من الكوشنات يطالع التلفزيون ..
كان ما يطالع ميثا ..
بالعكس عينه ع التلفزيون يجوف مصارعة ..
وهي ع نياتها تقصص الفواكه وتطالع المصارعة ولايعة جبدها : سعيد حرام عليك قلبك ما يعورك ع هاللي تكفخ من الصبح ..
طالعها ببرود : ليش حد قال لج اني انا اللي انضرب بداله ؟
ضحكت ميثا : ههههههه انزين ما قلت جي بس بعد منظرهم يلوع بالجبد ..
سعيد : بلا دلع بنات وقصي الفواكه مالي بارض اسمع فلسفة بنات ..
ميثا : عدال عدال ..
سعيد : اقول سكتي لا ارقعج بكف الحين ..
ميثا وطبع التحدي اللي ورثته من امها موجود فيها : ارقعني يلا اجوف .. برقعك انا بكفّين ..
سعيد : ادريبج مستقوية لاني قلتلج اول يوم يوم كنتي خايفة مني اني مستحيل امد إيديه ع حرمة .. بس شكلي بستثنيج من هالقاعدة لانج اثبتّي انج عن عشر رياييل ..
ميثا طالعته باستخفاف : لا والله ؟!!!
سعيد : هي عيل شـو .. في بنت في هالدنيا تتعلم ع القير العادي ؟
ميثا : تراك مال اول انزين .. كل البنات يتعلمون ..
سعيد : انزين ما عليه ما قلنا شي.. بس انج تنجحين من اول مرة .. لا هاي أعجوبة الصراحة ..
ميثا بفخر : المفروض تكون مستانس وفخور فيه لاني فديتني قد المسؤولية ..
طالعها سعيد باستخفاف : اقول ذلفي عند حارب مب فاضي لج انا ..
ميثا : لا بيلس علة ع جبدج .. ياخي انته كشخة الواحد ييلس وياك ويرفع ضغطك نياهاهاهاها ..
سعيد : استغفر الله تذكريني بكراهتج هاي باثنينة كانوا في فريجنا الأولاني .. اسميهم أذية وعلى الضرب اللي كانوا يحصلونه مني بس ما يصطلبون موليه ..
ميثا : الله في خاطري اجوفهم ..
سعيد باستخفاف : تجوفينهم ؟ ليش إن شـا الله ؟!!
ميثا وهي عارفة انها بترفع ضغط سعيد : يمكن نتوالم حزتها ونستوي أصدقاء ..
سعيد وهو يعايب ع كلمتها : أسدقاء ...
ميثا : هههههههه قلت أصدقاء مب أسدقاء ..
سعيد عدل عمره ويلس : اقول انجلعي عن ويهي .. امج انجليزية وانا مادري.. يلا ذلفي ...
ميثا : مالت هههههههههه ...
×

كان يالس يتأملهم وهم يتضاربون ..
لا زال سعيد بنفس الشخصية الصارمة ..
لكن اتضح بعد ما انتقلوا لهالبيت تغير شخصيته ...
مب وايد تغيرت ..
لكن يمكن نفسيته تحسنت ..
ووجود ميثا اللي على انها كانت ميتة من الزياغ منه اول يوم ..
خاصة ان امه كانت محرضتنها انها ما تتوالم ويا سعيد لانه شرس وشرّي ..
بس سعيد على انه ما كان يقصد يجذبها له ..
لكنه بأسلوبه خلاها تتعود عليه في غضون اسبوع ..
على عكسه هو .. اللي لين الحين ما يقدر يكون أي حوار بينهم ...
ميثا ... وقدر يستحوذ على اهتمامها ..
وريم .. صرقها منه .. وباين انها حبته ...
بس ليش لهاللحظة ما يحس انه حاقد على سعيد ؟؟
يمكن لانه سمع سعيد يقول انه بينتقم له من ريم ....
مع ان ريم مالها ذنب ....
آه يا ريم ..
بعد كل هالحب اللي هديتج اياه ...
بس صح حتى ريم مالها ذنب لانها ظنت ان سعيد هو أنـا ...
(طالع عمره من مراية الباب)
أخخخخ لو بس هالحروق مب في ويهي ..
جان تواجهت ويا ريم ويه بويه ..
لكن في هاللحظة لا .. مستحيل ... مستحيل ....
×
×
×
انفتح الباب وهو شبه سرحان ..
كانت ميثا تضحك : حارب اخونا العود عند الباب .. يا هلا ومرحبا .. ليكون كنت تتجسس علينا انا وسعيد ؟؟
صد سعيد على حارب : اوه من وين طالعة الشمس.. الأخ ياي هني .. تعال كمل البرتقال ايديها ما فيها بركة طلع البرتقال حامض ..
ضحك حارب بتمثيل : هههههه وتباني آكله وهو حامض ؟؟
سعيد : هي شو فيها .. يلا كل اختك تبا قشور البرتقال تبا تسوي خلطة عقب حق ويهها ..
ميثا تخصرت : لا والله ؟؟ متى قلت اني أبا اسوي ؟
سعيد : يا الجذابة .. توج قلتي بتسوين خلطة بقشور البرتقال والروب والخيار وشعرة تيس..وبصراحة مالي بارض ادور لج تيس.. فأفضل تاخذين شعرة التيس اللي واقفة مجابلتنه الحين ...
ضحكت ميثا بقوة ..
بينما حارب ما كان مستوعب شو السالفة ..
ميثا يلست ع الارض من كثر الضحك : ههههههههههههههههههههههههههه تيس عاد ..هههههههههه آاااه يا بطني .. من وين اتيك هالألفاظ .. هههههههههههههه ..
حارب وشكله توه استوعب : أنا تيس ؟؟ (نش بيلحق سعيد) يا الهررررم انا اخوك العوود ..
نش سعيد بسرعة وهو يضحك : هههههه عادي انزين شو فيها لو كنت تيس .. التيس ياكلون لحمه .. يعني منك فايدة..
حارب : اوقف بسرعة اوقف.. هالناقص تتمصخر عليه ؟؟ دامك اخويه لازم اكون تيس ..
ويلسوا يركضون ورا بعض وهم ميتين من الضحك ...
لدرجة ان حارب نسى انه كان زعلان ومهموم ..
وميثا شغلتها بس انها تسوي فتنة امبينهم عشان تكبر ضرابتهم >> طالعة عليّ خخخخ ..
|[]|
طالعها بصدمة : شـــــــــــــــــوووووووه .... مذيعة ؟؟!!!! (بحدة) شو بعد تستوين مذيعة ها ؟؟
جمانة ببرود : والله اظني هالشي خاص فيه أنا (تأشر على عمرها) مب فيك انته ..
حميد باحتقار : اقول احلمي تسيرين وتتوظفين هالوظيفة الخايسة ..
جمانة ردت له النظرة : يوم بتستوي ريال عقب تعال استقوى علي...
حميد هزته هالجملة : شو قصدج ؟؟
جمانة شلت شنطتها وهي مسوتله أكبر طاف : قصدي يوم انك بتستوي سند لي وبتشتغل وبتصرف علينا وبترحمنا من ذل عمك تعال ارمس وتفلسف.. مول ماله معنى كلامك وانته واليدار واحد ...
مشت عنه وظهرت برع حجرته ..
ما حبت تخلي شغلتها سرية جدامه لانها ما تباه ينصدم من الغرب ..
خبرته وهي عارفة ان حميد حتى لو عصب ما بيسوي شي..
ياما عصب ع ضرب امه بس ما سوى شي ..
الحين على شغلتها محتشمة وبحجابها بيتأثر ؟؟!!!
×
×
×
يلس ع السرير وهو يحاول يستوعب كلام جمانة ..
شكلها تعني كل كلمة تقولها ...
من يوم يومج يا جمانة وانتي قاسية في كلامج ..
قاسية في تصرفاتج ..
حتى لو انج تبغين لي الخير بس مب هذا هو الأسلوب .. مب هذا أبـداً ..
رفع راسه للسقف يطالعه وهو بتفكير مشغول وايد ..
تستاهل يا حميد كل اللي اييك ...
انته مب ريال ..
لو ريال ما بتسكت عن عمك اللي يضرب امك ..
لو ريال بتقول لاختك يلسي انا بشتغل عنج ..
لو ريال ما بتركض ورا ممثلة تبا تربح من صورها ..
لو ريال .. جان أثبتّ رجولتك ..
يا ريال ...... !! هـه ..
|[]|
البيت كان شبه فوضى ..
والأثاث مبهدل وحالتهم صعبة ...
ما كان ينسمع صوت أنفاس متسارعة على ضحك خفيف ..
كانت أم حارب تمشي وهي مصدومة من هالفوضى اللي في البيت ...
وانصدمت اكثر يوم حصلت حارب وسعيد وميثا كل واحد يالس ع قنفة ويتنفس بقوة..
رمست بقلق : بلاكم شو مستوي ..
رفعوا روسهم ثلاثتهم ... بس ولا واحد تكلم منهم ..
ام حارب برعب : منو مات ؟؟ شو كانت عندكم حرب في البيت ؟؟ حرامي دش البيت ؟؟
انفجروا ثلاثتهم من الضحك ونفس الحالة ما ردوا عليها ..
ام حارب بعصبية : ارمسوا لا ارقعكم بكف الحين .. رادة من سوق الأسهم وهلكانة وتحرقون انتوا اعصابي بعد؟؟ انطقوا..
ميثا : ههههههه امايه كنا نلعب ..
ام حارب غيظت : لا والله تلعبون وتجلبون لي البيت فوق تحت ؟؟
ميثا بوزت : عادي انزين امايه شي اختراع اسمه بشكارة ..
ام حارب بحدة : نشي يلا ورتبي البيت عقاباً لج لانج ما أدبتي هالثنينة وما قلتيلهم عيب مب من الذوق انكم تجلبون البيت فوق تحت ..
حارب نش ويا ميثا : اماية اسمحيلنا بس ما حسينا بعمارنا ..
ام حارب: الله يهديكم بس (بعصبية) يعني افرض حد ايينا .. كيف نستقبله والبيت مجلوب فوق تحت ؟
سعيد : الميلس نظيف ما خيسناه بعدنا ..
ميثا : هههههههه هي صح ..
ام حارب : اقول نشي بسرعة ورتبي كل شي.. برقد ويوم بنش ابا كل شي نظيف ومرتب ..
حارب : يلا سعيد نش بنرتب وياها ..
ام حارب : هي البنية وهي ترتب..
ميثا بوزت : امايه عن الظلـــم ..
ام حارب : دواج .. في بيت ريلج بتفشلينا يعني ؟؟
وسارت عنهم ..
ميثا بغيظ : الاولاد دوم ياخذون حقوقهم والبنات مظلومات اففففففف ..
سعيد وهو يطالع حارب بانتصار : ياخي اول مرة اكتشف متعة اني ريال ..
ميثا : افففف خلني اسير من الحين والله يعيني .. وانتوا الثنينة لو خيستوا البيت مرة ثانية يا ويلكم ..
سعيد : محد قال لج تستوين سوسة ... يبالنا نعيدها مرة ثانية..
ميثا : هههههههه اوكي بس نرتب البيت كلنا قبل ما اتي امايه ..
وسارت عنهم
×
×
×
وازداد الصمت بينهم ...
ورد الحزن والهم لـ حارب ..
لا إرادياً نطق : ليش غالق موبايلك عنها ؟؟
صد سعيد على حارب وهو مب مستوعب اللي قاله : شـو ؟!!!
حارب : اقول لك ليش غالق موبايلك ؟؟
سعيد ببرود : ما أحتاجه .. وبغيره في أجرب وقت ...
حارب بسخرية : ليش ؟؟
سعيد : مب عايبني ووايد مأذيني الارقام الغريبة ..
حارب : وليش ما تقول الصج .. انك تبا تقطع علاقتك في ريم بعد ما مليت منها ...
×
×
×
تغيرت نظرة سعيد ومع ذلك ما تكلم ..
وعطى وقت كبير لنظراتهم انها تتلاقى ..
نظرات من فترة ما فهمت بعض ..
نظرات كانت قوية وعلى الرغم من هذا ما تكلموا ..
×
×
×
وبعد الصمت ...،
سعيد : هي خبرتك؟
حارب تنهد : بالصدفة اتصلت بي واكتشفت كـل شي ..
سعيد : وما خبرتك كيف اعاملها ؟
حارب : قالت انها حبتك ..
سعيد باستهزاء : حبتني على اني حارب مب على اني سعيد ..
حارب : وليش انتحلت شخصيتي ؟
سعيد بغموض : ها شي يخصني ..
حارب بإصرار : لا ما يخصك .. دامك دخلت حياتي لازم اعرف ..
سعيد : كنت ابا انتقم لك منها .. وفجأة لقيت نفسي ابا انتقم منك انته .. وعقب بغيت انتقم منكم اثنيناتكم ..
حارب : هـه .. وليش ما كملت انتقامك ؟
سعيد : حسيت ان محد بيخسر في هاللعبة غيري .. فقلت اطلع منها بسلام .. اصلاً توقعت انها بتتصل فيك اليوم .. وعرفت انها كلمتك من جفت ويهك عند باب غرفة الطعام ..
حارب بضيج : ليش سويت كل ها ؟
سعيد : لاني اعرف انها ما تنفع لك ..
حارب : وتنفع لك انته ؟
سعيد بسخرية : هاي ما تنفع لا لي ولا لك .. هاي لواحد راضي بجرأتها.. بافتتان الرياييل فيها..
حارب قاطعه : يعني ع كل اللي استوى ما كنت تحبها ؟
سعيد : أحبهـا ؟!! تتحسبني شراتك بحب وحدة من اول نظرة ؟؟ تخسي وحدة شرات هاي انها تخليني احبها ....
حارب : بس في هالحالة حتى لو رديت لها ما بترضى .. انا اهنتها عشان تكون لك ..
سعيد : ما بتكون لي لو شو يستوي ولا لك انته بعد ... وان جان تباني احلف انا مستعد ....
حارب : ما اباك تحلف.. اباك تثبت لي جدامي صدق نواياك ..
سعيد : انزين هات موبايلك وبثبت لك ..
حارب : جي وينه موبايلك ؟
سعيد ببساطة : حرقت البطاقة ..
حارب وهو يطالعه بغموض : انته وايد غريب !!!
سعيد : لا تتوقع في يوم اني بطالع شي انته حبيته .. لكن صدقني بعد الفترة اللي كلمتها فيها عرفت انها ما تناسبك وانك تستاهل اللي أشرف وأحسن منها ...
تنهد حارب : هاك الموبايل ..
زخ الموبايل واتصل ع آخر رقم من الـ received calls ... ريم ! ..
×
×
×
ردت بسرعة : الـووووو..
دق سعيد ع السبيكر : انا سعيد اخو حارب ...
ريم برعب : سـ...ـعيـ...ـد ؟
سعيد : في يوم من الأيام لقيت اخويه منتحر في المطبخ .. احترت شو هو السبب اللي خلاه يسوي بعمره جيه.. فتشت في اغراضه لين ما كشفت انه عاش قصة حب سخيفة مع الممثلة ريم اللي بسبة اقتراحها انه يحرس المخزن احترق وتشوه (فتح حارب عيونه مصدوم)..والقهر ان عقب ما خالفت شوره واستوت ممثلة كان يحتفظ بصورها في حجرته .. وما يفتح التلفزيون الا عشان يفتح DVD كله لقطات من تمثيلها.. حسيتها رخيصة جداً.. وزاد رخصها بعد ما حسيت انها رضت تكلمني (حارب يحاول يسكته بس سعيد أشر له انه ما يتدخل).. وعلى الرغم اني خذت شخصية اخويه عشان اكلمها لكن ما كان قصدي اني اخليها تتقرب مني.. لاني عرفت انها رخيصة وايد .. وكلمتني وهي مب شاكة للحظة وحدة اني أخدعها او العب عليها.. ومرت الايام وتوالمت وياها.. واكتشفت اليوم اني انا اخو حارب .. مب حارب نفسه..
ريم بنفور : ماباك تقول لي قصتك ...
سعيد قاطعها بعصبية: سمعي يا بنت الناس.. وجدام حارب .. انا ما يخصني فيج.. وقطعت علاقتي بج نهائياً.. ومستحيل نتلاقى في يوم نتفق ع شي.. وسيري جابلي موهبتج الفاشلة اللي هي اكبر سبب في ضياعج ....
ريم بصدمة : ضيـاعي ؟؟؟؟؟؟؟
سعيد : باي ...
وصك في ويهها ببرود ...
×
×
×
حارب بعدم تصديق : انته ترمس جد ولا شو سالفتك ؟
سعيد طالعه بجدية : دقيت ع السبيكر وسمعت صوتها وكل شي.. اجذب عليك يعني ؟
حارب بحدة : اتيننت انته ؟ فكر في الموضوع بعقل .. هي مالها ذنب.. الحريجة قضاء وقدر.. طيحتي في المستشفى كانت بسبة عصبيتي .. هي شو يخصها ؟!!!!
سعيد : حارب هاي ما تنفع لك .. انته تستاهل اللي احسن عنها ..
حارب بسخرية : وفي غيرها راضي فيه ؟
سعيد عصب : وتتحسب انها لو جافتك الحين بترضى بك ؟
حارب بعدم تصديق : شو قصدك ؟ تعايرني لاني محترق ؟
سعيد بسخرية : من يوم يومي وما جد عايرتك.. بعايرك الحين عشان هاييج الغبية ؟
حارب برفض : سعيد بس خلاص ..
سعيد زخ الموبايل : انته ما ينفع وياك الا هالشي ...
حارب وهو يطالع سعيد وهو يدق الارقام : شو تسوي ؟
سعيد سوى لـ حارب طاف ومن اتصل دق ع السبيكر ..
ظهر صوت ريم وباين انها كانت تصيح : شو ما خلصت إهاناتك؟؟ ..
سعيد : تعالي اليوم في مطعم ****** عشان نتفاهم ..
ريم بصوت مخنوق : منو انته حارب ولا سعيد ؟
سعيد : سيري هناك الساعة 9 الفليل وبتعرفين .... (يا بيصك بس رد تكلم) بعباتج وشيلتج.. بدون فضايح وفشيلة لو سمحتي ............!

-|[ الحب / سبب سعادتنا وتعاستنا في آنٍ واحد ]|-

حارب طالع سعيد بصدمة : انته تخبلت ؟؟ شو هالرمسة اللي قلتها لها ؟؟ (غيظ) انته تدري اني مابا أجوفها ولا...
سعيد قاطعه بحدة : بتنش وبتجوفها عشان تنتبه للواقع اللي انته عايشنه.. بس خلال اصحى لين متى بتم جيه؟؟ لين متى ؟؟ اعقل ايـــه ..
حارب غيظ زيادة : شكلك نسيت عمرك اني اخوك العود اللي تحملك ع بلاويك كلها طول هالسنين .. فاشل وغبي وراعي ضرايب ومشاكل وكل المصايب اتيني بسبتك .. والحين بعد بكل قواة عين ياي تتدخل في حياتي الخاصة؟ انته منو عشان تتدخل ؟
سعيد كانت نظرته جامدة وما تغيرت : قول اللي تقوله.. بس لازم اتي الحين ...
حارب : انته تبا تجوف ريم صح ؟؟ (صرخ بألم) تبا تصرقها مني يا الجبـااااااا..................(سكت) ..
سعيد ابتسم : ههههههههههه أصرقها ... انزين ؟؟؟ كمل .. شو بعد ...قـول .....!
بس حارب ما كمل لانه رفع راسه عقب باتجاه ميثا ...
سعيد تفاجأ بعد ما صد صوب المكان اللي يطالعه حارب: انتي من متى واقفة هني؟؟
×
×
×
في بالها حيرة غريبة من كل اللي سمعته ..
توها ودرتهم وهم يضحكون ...
وسارت عشان ترتب وتهايزت وخلت الخدامة ترتب عنها ..
ويت فوق بسرعة .. للحظات بس ..
وانتبهت لصوتهم الحاد الهادي.. واللي شوي شوي يالس يعلى ...
شهدت اول خيط سبب لها غموض كبير ..
" سعيد باستهزاء : حبتني على اني حارب مب على اني سعيد .."
وتوالت الصدمات .....!
سعيد يبا ينتقم منها .. بس منو هي ؟؟
وينتقم من حارب ويخبره انه يبا ينتقم ؟!!!!!
وحدة لها علاقة بسعيد وحارب ؟؟؟!!
وحارب ع كل ها كان هادي جداً بس صوته يعلى شوي شوي ..
والاتصال ..
الاتصال اللي خلاها ترجف من الغصة ..
اخوانها الثنينة يلعبون على وحدة ..
زادت صدمتها بأن هالوحدة هي نفسها الممثلة ريم ....
نفس الاسم والصوت في الموبايل هو نفسه على انها ما تكلمت وايد لكنها قدرت تميز نبرتها ..
وقصة حارب وياها ..
ومحاولات سعيد للانتقام ..
حست ان الارض ما قامت تشلها ..
وزاد الانهيار عندها بعد ما سمعت سعيد يكلم ريم مرة ثانية عشان يتلاقون .........
شو اللي بيشفع لكم ؟؟
شـــــــــــو ؟!!!!!
×
×
×
بلعت ميثا ريجها وهي ترتجف : ليش تسوون بها جي ؟
حارب وسعيد طالعوها متفاجئين ...
ميثا بنبرة مرتجفة : ترضون هالشي يستوي فيه انا ؟؟ والله لتجتلونه.. وهي مالها رب يعني ؟؟
سعيد ببرود : هي لو صاينة نفسها محد بيتعرض لها ..
ميثا تطالع سعيد بغموض : ليش تسوي كل ها ؟ ليش تدمر حياة اخوك اللي بيتزوجها ؟
حارب طالع ميثا بهدوء : ميثا السالفة غير .. انتي مب فاهمة ..
ميثا وهي تحاول تخفف الرجفة في صوتها : انزين فهموني.. والله انكم طحتوا من عيني.. والله ..
سعيد : ميثا اقصري الشر ولا تطولين السالفة وهي قصيرة ...
ميثا : اقصر الشر ؟؟ اقصره وانته الساعة 9 مادري كم تبا تسير تجوفها و.....
سعيد قاطعها : حارب اللي بيجوفها مب انا ... يوم انج مب فاهمة لا تكبرين السالفة ...
حارب بهدوء : ميثـا .. سمعي السالفة كاملة .. وانتي احكمي .....
×
×
×
قال لها حارب قصته ويا ريم .. من البداية ..
مثل اللي سعيد عرفها مع إضافات ما عنت لسعيد اي شي ..
كانت ميثا منفعلة ويا السالفة ...
الين ما خلص حارب ...
الين ما حطم آخر مفاجأة .. واللي هي المقابلة اليوم ..
×
×
×
ميثا وهي تحاول تخفف من حدة نظرتها لسعيد : ليش انته جي ؟
سعيد مارد عليها ... اكتفى انه يسند ايديه ورى راسه ويتأمل الحوار بين ميثا وحارب ..
ميثا بعدم تصديق : ارمسك رد ... سعيد لا تتسخف ..
حارب : ما بيرد لا تتعبين عمرج ..
ميثا بعصبية : ليش جي تسوي ليش ؟؟
حارب : يتحسب ان كل الناس قلبها حجر شراته ...
ميثا : خسارة ما هقيتك جي .. ما هقيت انك انته تكون بهالمستوى من .....
رفع سعيد راسه وهو مبتسم : من الدناءة ..؟ من الحقارة ؟ من الوقاحة ؟؟
تفاجأت ميثا ويت بترد ..
رفع ايده عشان تسكت : لا تقولين شي.. بس قبل ما تيلسين تتهميني.. لازم تعرفين أسبابي ..
ميثا : وانته ما تعطي فرصة لحد انه يسألك ..!!
سعيد نش من مكانه ومشى عنهم ...
حارب وميثا طالعوا بعض مذهولين ..
او بالأحرى الذهول كان ع ويه ميثا اكثر من حارب ...
ميثا بقهر : ما عنده حجة .. عشان جيه شرد ....
×
×
×
وقف بعد ما مشى له مسافة قصيرة وكأنه كان يرتب أفكاره ....
وصد على ميثا بنظرة حادة : عمرج تخيلتي نفسج انج تنولدين في نفس الفريج اللي انا انولدت فيه وما جفتي من حنان الام والابو شي غير معاملة أخـو حسسج انج انتي اهم انسانة فهالدنيا ؟ (طالع حارب) هي هذا هو انته .. انته كنت امي وابويه واخويه وكل شي.. بس ما أحسنت تربيتي.. ربيتني اني آخذ اللي أباه .. علمتني آخذ كل شي بالقوة .. ما كنت تنازعني لو ضربت حد .. وما كنت تعاقبني لو سرقت .. كنت مدلعني بس بشكل حسيت فيه ان العنف هو الشي الوحيد اللي بيخلي الناس كلها تلتفت لي.. علمتني من اللي اجوفه منك ان الطيبة ما تنفع.. العنف هو اللي يخلي لك بصمة عند الناس... وفجأة ... تحترق... بس بعد تميت الغالي اللي أعزه .. (تغيرت نبرة صوته) الاخو اللي كنت اجوفه اوسم شاب في العالم كله .. وقدوتي ومفخرتي على اني ما جد قلت له اني فخور به.. وتمر الأيام .. والقاك طايح بدمك .... (بانفعال) تباني أسكت وما اقول شي ؟؟ تباني اسكت وانا اقرى في مذكراتك انك تحسني سبب المشاكل ؟؟ وتلومني ؟؟ انا ما حقدت عليك (بصوت ضعيف) والله ما حقدت... وطول عمري تمنيت لك الخير.. وريم على اني كنت ابا انتقم منها لك .. ومن بعدها بغيت انتقم منك فيها .. الا اني ما أذيتها .. (طالعه بنظرة جادة) انته تعرف كيف انا انتقم.. ومب سعيد اللي يستخدم أداة تعذيب بطيئة ينتقم بها ..... !! ..
نش حارب من مكانه وهو يطالع سعيد بنظرات مبهمة : انا ما كنت اقصد شي سعيد .....
ميثا بحدة : حارب ليش تعتذر له ؟؟ هذا مب مبرر انه يخرب احلى علاقة حب عشتها ويا ريم !!!!
سعيد باستخفاف : ريم تحبه ؟ (أشر ع لحيته) روح لها اليوم وبتقول اني ما جذبت ....... صدقني ...!!!!!
×
×
×
مشى سعيد بخطوات ثجيلة ...
طالع حارب ميثا ....
ميثا طالعته بخوف : حارب ........ جفت دمعته ؟؟ جفته ؟؟؟ كـان يصيـح !!!!
حارب بمفاجأة : يصيـح ؟!!!
|[]|
ياخي شبلاك متضايج ... عادي خلك كول ...
حميد طالع ربيع باستخفاف : لا تقول لي ان شغلتها عادية ؟؟
ربيع : هي عادية شو بلاها .. تراك تقول بشيلتها وبعباتها .. هي ما سوت شي غلط ..
حميد : بس انا ما اباها تشتغل فـ شغلة تخليها مطنزة ..
ربيع : لا مطنزة ولا شي .. انته وايد تبالغ ..
حميد : هـه .. أبالغ ؟ لعلمك تراها أهانتني بكلامها ..
ربيع : أهانتك صح بس ماجوفك سويت شي ..
حميد باستخفاف : شو اسوي يعني ؟
ربيع : روح اشتغل ..
حميد : اشتغل ... (باستهزاء) انته تقول لي اشتغل ؟
ربيع : ليش يعني مب تارس عينك ؟
حميد : اول شي روحك اشتغل عقب تعال انصحني ..
ربيع : والله انا محد من هلي حسسني اني زي الحيطة ..
حميد طالعه باحتقار : زي الحيطة ؟!!
ربيع : هي .. وتراني انا ع الاقل قدمت اوراقي ويلست اتريى .. مب انته تتشكى ان ماشي وظيفة وانته اصلاً ما قدمت الا على مكان واحد ...
حميد : ربيع جب لا تتفلسف وايد ..
ربيع : ما اتفلسف بس صج .. قدم ع وظيفة .. وبتجوف كيف ..
حميد ببرود : الله كريم !!
|[]|
رشـووود يا الدب .. اشحقه ما تتصل ولا تسأل .. ؟!!!
راشد : ههههههه اتصل بامايه بس انتي توج ذكرتج الصراحة ..
لطيفة : صج قليل ادب .. انزين شخبار السفرة ..
راشد : آاااه تمام ..
لطيفة : السالفة فيها آه عيل .. خير ان شااااا الله ؟!
راشد : ههههههه فاهمتني عيل ..!!
لطيفة : يلا قول قول ..
راشد : لطيفة .. انا طايح في ورطة ...
شهقت لطيفة : ورطة ؟؟ شو ورطته ؟!
راشد : مع اني متأكد ان ما بتقدرين تساعديني .. بس اباج تحاولين قد ما تقدرين انج تقنعين امايه ان .....
لطيفة برعب قاطعته : رشود تكلم والله وقفت قلبي ..
راشد : انـا .. انا تزوجت ....
صارخت لطيفة بصدمة : شوووووووووووووو!!!!!! تزوجت ؟؟ تزوجت منو يا مسود الويه ؟
راشد بتوتر : لطوف صخي ويا هالويه .. امايه بتسمعج ...
لطيفة بعصبية : منو تزوجت .. بسرعة قول ..
راشد : والله انه زواج بالغصب .. والله ..
لطيفة شهقت : غصب ؟؟ منو هاي منوووو !!
راشد : اهدي لطوف .. ماروم ارمس وانتي جي مغيظة ..
لطيفة تحاول تهدي عمرها : انزين خلاص هديت يلا ارمس ..
راشد تنفس بهدوء : كنا في المؤتمر وتحرش بها ربيعي اللي يا ويايه وانا الحمار سرت وياه لين ما وصلنا الفندق اللي هي ساكنة فيه ووصلنا حجرتها.. ولسوء الحظ ابوها كان ياي وياها وربيعي ما انتبه انه كان ورانا .. ولا انا حتى انتبهت.. والبنت كانت معصبة علينا .. وابوها جافنا وعصب وما طاع الا انه يبلغ فاقترح عليه ربيعي ان واحد منا يتزوج بنته ويستر عليها .. وانصدمت انه كان يقصدني انا لانه معرس وعنده عيال ... فعشان ما اخرب بيته وافقت ..
لطيفة بعدم تصديق : وانته يعني مجبور تجامل ربيعك وتتزوجها ؟
راشد : هاي مب مجاملة بس انا ابا انقذ ربيعي .. وخبرت البنية اني ما بسويبها شي .. وهي بسبة خوفها من ابوها وافقت بشرط ان الزواج يتم شهرين وعقب اطلقها ..
لطيفة وهي ترتجف : الله يخليك قول لي انك تقص عليه وان ها مقلب .. الله يخليك ..
تنهد راشد : للأسف لا .. ليته كابوس وأنش منه واكتشف انه وهم .. بس شو اسوي .. غلطة ربيعي اللي طاحت ع راسي..
لطيفة بحزن : بس ربيعك ما سوابها شي .. ليش وصلت السالفة ان ابوها بغى يبلغ ؟
راشد : هو الله يهديه حاول يدخل وراها ويلست تصارخ عليه وتسبه جنه تهجم عليها .. وابوها جاف الموقف كله وفسره على ان بنته كانت مكونة العلاقة ولها يد في السالفة ..
لطيفة تنهدت : يعني المسكينة مظلومة بعد ..
راشد : وها اللي كسر خاطري زيادة ...
لطيفة : وشو أصلها ؟
راشد : كويتية ..
لطيفة بلّمت : كويتية؟!!! وانا اقوووول ليش ابوها فسر المسألة كلها جيييي ..
راشد : مشكلتنا نحن العرب ان ثقتنا ما نعطيها للاقراب منا .. وهاللي سواه ابوها .. وانا ابتلشت ..
دمعت عين لطيفة : وتزوجتها ؟؟
راشد تنهد : هي .. بس ما شليتها من عند هلها .. على اساس اني يوم برد البلاد عقب كم يوم بشلها وبني البيت ..
لطيفة بخوف : وكيف بقول حق امايه ؟؟.. انته تدري مخططاتها انها تزوجك وحدة من بنات اختها ومادري شو ..
راشد : اباج تدبرين لي شي.. مابا اميه تعرف السالفة الصجية .. ادريبها بتعاير البنية عقب ..
لطيفة برجاء : راشد تراك بتطلقها عقب شهرين .. ليش ما تتم هناك وخلاص؟
راشد : ابوها ما بيرضى .. وانا ان يبتها هني بالدسة كحل ثاني .. عادي اي حد يكشفني واطيح في مشكلة اكبر..
لطيفة وهي تحاول تهدي نفسها : ما علي دامها من هل الخليج احس امايه ما بتحتشر الا ع فكرة انك تزوجت بدون شورها ..
راشد : اتمنى ...!!
لطيفة : شو اسمها ؟!
راشد : دلال ..
لطيفة : آه يا دلال .. ما يندرى شو اللي بيستوي وشو ردة فعل امايه منج ومن السالفة كلها ... الله يستر ....
|[]|
في إحدى المطاعم ..
واللي تتميز بأنها مغلقة تماماً ..
كل طاولة في غرفة منعزلة ..
والتعمد في اختيار هالمطعم لهالسبب .. الخصوصية ..
يلس سعيد ويا حارب ...
كانوا اثنيناتهم متوترين ..
سعيد يالس يتريا وصول ريم عشان يظهر ..
وحارب متوتر من السالفة بكبرها ..
×
×
×
سعيد طول الوقت من العصر لين المغرب كان مغيظ من ميثا وحارب

اللي من بعد دمعة سعيد اللي شكلها تهيأت لهم ..
لأنه انكرها وضحك على تفكيرهم انه صاح ..
وقالهم باعتزاز : انا سعيد اصيح ؟!!!! يوم كنت ياهل ما صحت الحين أصيح ؟!!!!
ويلسوا يترجونه ومع المحاولات رضى انه ايي وياهم ..
مع انه كان مستغرب اصرار حارب انه ايي وياه ..
وشرط على حارب انه يكون موجود وياه ويهيأه للقاء ومن اتي ريم يظهر ..
ع قولته ما يبا يجوف شيفتها ..
×
×
×
طرش سعيد مسج من موبايل سعيد لـ ريم :
" يوم بتين المطعم الفلاني اتصلي عشان اخبرج وين تسيرين "
×
×
×
طالع حارب سعيد بغموض : ليش طرشتلها المسج ؟
سعيد : لأن يا ذكي ماباها تعرف واتي ع غفلة وانا موجود ..
حارب : انا مستغرب ليش انته رافض تكون موجود عشان تعرف ردة فعلها ..
سعيد : وانا مستغرب من اصرارك انك تخليني موجود !! (طالعه بتفحص) شو اللي تبا توصل له ؟
زخ حارب موبايله وتعبث به شويه وصد على سعيد وسط تعبثه : بعدين بتعرف ..
سعيد : انا شغل الألغاز ماحبه ..
حارب : لا تحاتي اليوم بتعرف كل شي .. ما بذلك شرات ما ذليتني انته ...
سعيد طالعه باستغراب : انا ذليتك ؟ متى ؟
حارب وهو يطالع ساعته : يوم من الأيام .... وينها ريم تأخرت ؟
سعيد بسخرية : لين ما تصبغ ويهها بالمكياج .. يبالها وقت ..!!! هـه ..
×
×
×
مر الوقت ...
سعيد كان يرمس ميثا ع الموبايل ..
شكلها الاخت بعدها مصرة انه كان يصيح فحاسة بتأنيب ضمير وتبا تعتذر ..
سعيد بملل : ميثو يوم انج صاخة شحقه ما ترحميني وتصكين ؟
ميثا : بعدها ريم ما يت ؟
سعيد : تراني قلتلج توني اني يالس ويا حارب ..
ميثا : وايد تأخرت ..
سعيد : تحاتي نصورها وهي ع طبيعتها البشعة ..
حارب بتأنيب : سعيد ودر هالسوالف عنك .. قطعتها ..
سعيد رد للتلفون : المهم .. يلا بندي ..
ميثا : انته صك في ويهي انا مب صاكة ..
سعيد : شو جايفتني قليل أدب ؟
ميثا باستهزاء : لا محشوم ..
سعيد تنهد : معلوم أستوي قليل أدب .. يوم ان ما حصلت حد يربيني ..
ميثا تلومت : انا ما قلت جي ..
سعيد بنبرة استهزاء : وانا ما قلت انج قلتي هالشي ..
ميثا : سعيد انا بصك بس والله ان تجابلنا براويك .. مب تظهر مني مناك على طول البيت انته وحارب ..
سعيد : انا عن نفسي برد البيت .. بس يمكن اخوج يبا ييلس ويا حبيبة القلــــ .................
×
×
×
وماتت الكلمات نهائياً ...
لا إرادياً بعد ما صد ع اللي فتحت الباب .....
تهيأ له انه سمع صوت ميثا وهي تصارخ وتقول : ألـــو ... ألـــو ....
لكنه تصنم عند هالموقف وصك التلفون فـ ويهها ....
×
×
×
اثنيناتهم "حارب" و "سعيد" ...
يطالعونها بعدم تصديق ..
وكأنها ياية من المريخ ...
سعيد اللي فكرته تركزت ان كيف عرفت مكانهم وما اتصلت ...
وحارب اللي يلس يتفحص ريم من فوقها لتحتها يستشعر حنين الأيام الخوالي وياها ....
هذي ريم ..
هذي الغالية اللي على كل اللي قالته ابتسم لها ...
وحباً فيها نسى كل شي .. كل شي ...
×
×
×
كانت لابسة عباة وشيلة ..
بطريقة مب مرتبة بس أحسن عن المرات القبلية اللي جربت فيها انها تلبسها ..
من اتصال سعيد لها والاسلوب الخشن اللي كلمها فيه وهي متلخبطة وتصيح ...
يلست تردد في خاطرها ..
انا الممثلة واللي المفروض تكون شخصيتي أقوى عنهم ..
هم اللي يفرضون نفسهم عليّ ؟!
وصلها مسج أول شي يقولها تتصل قبل ما اتي ..
وتوترت ..
بس المسج الثاني اللي ياها بعد فترة قصيرة انهم في الغرفة الفلانية في المطعم ريحتها ...
والحين هي مجابلة اثنين ..
سعيـد .. وحارب ..
بس منو سعيد ؟ ومنو حارب ؟
ما ميزتهم لأن دموعها كانت تنزل والشاشة في عينها ضبابية ..
بس حست بالتفاتتهم ..
حاولت تمسح دموعها قبل ما تضعف أكثر ..
×
×
×
صد على حارب اللي كان يبتسم ويتأمل ريم ..
ما كان مصدق ان في حب فهالدنيا ممكن يخلي أي شخص وخاصة حارب انه يتأثر بها ..
يطالعها بحب .. وعيونه تدمع ..
حارب عيونه تدمع ..
حارب مشتاق لها ...
حارب يحبها ...
حارب يعتبرها شي خاص في حياته وهو حول هالشي الخاص لعام ..
تنهد بصمت وهو يلاحظ نظرات ريم اللي تحولت لدموع ومب موجهة نظرها لشي ..
حس انه هو اللي انخدع بأنه موجود فهاللحظة اللي ما بغى يجوفها وتوقعها ..
كيف يت ريم الغرفة وهو أكد عليها في المسج انها تتصل عشان يخبرها ..
كانت تمسح دموعها ..
وحزتها قرر بس انه ينش من مكانه يمكن يقدر يخفف الإهانة اللي هو حاس بها ..
×
×
×
بعد ما مسحت دموعها ..
لفت ع الشخصين ...
ويه مألوف .. ويه حارب بس على اكبر ...
والثاني ..... طالعته بتمعن .. هذا هو سعيد أكيد ..
نش سعيد من مكانه بشموخ ..
حست انه معصب ومغيظ شرات ما كان يكلمها قبل ..
في خاطرها كان سؤال واحد ...
ليش قصيت عليّ انك حارب ؟
×
×
×
نش حارب من مكانه بعد ما جاف سعيد ناش : سعيد وين ساير ؟
سعيد بجمود : ما يخصك ..
تعمد يرد بقلة أدب وبغى يمشي بس ريم تكلمت ..
ريم بقهر : تجتل الواحد وتمشي فـ جنازته ؟!
طالعها سعيد باحتقار : وانتي بعد شو تبين ؟ اقول انثبري مكانج ولا ترمسين ..
ريم بعدم تصديق : هي اظهر ع شخصيتك الصجية يا سعيد .. اظهر ..
سعيد طالعها باستخفاف : اقول طوفي مناك .. متفيج حق سخافات وحدة تافهة مثلج ... !!
×
×
×
ظهر عنهم وريم فاجة عيونها بكبرها من الصدمة ..
طالعت حارب بصدمة : انته كيف متحمل هالاخو ؟؟؟ (بعدم تصديق) متأكد انه أخوك ؟
حارب بهدوء بعد ما اختفت الابتسامة اللي رسمها اول ما دخلت: هذا طبعه يوم يكون مب طايق الشخص اللي جدامه ..
ريم تفاجأت : وليش يكرهني ؟؟ انا ما سويت له شي .. لا أذيته ولا ...........
حارب بنفس الهدوء قاطعها : بس أذيتي أخوه اللي يعتبره أغلى شي عنده ...
ريم بصدمة : انا أذيتك ؟؟
حارب : سعيد يتحسب انج أذيتيني ..
ريم : وحب ينتقم مني بالسواة اللي سواها ؟
حارب : يمكن...
ريم بقهر : وانته بعد مصر اني أنا أذيتك ؟؟ (بغصة) أنا كنت أفضل إني أتأذى ولا انك انته .......
قاطعها حارب بعد ما تكلم : اسمعي وجوفي ...... (فتح غترته .. كان لابس غترة وعقال .. ولان الحرق موجود ع طرف ويهه قدر يغطيه بالغترة) .. الحرق ... هذا ما يذكرج بشي ؟!!
ريم وهي مصدومة من الحرق : من شوووو احترقت ؟!!!!
حارب ضحك باستهزاء : اونج مهتمة ؟؟ هههههههههههه .. الحرق هذا يوم احترق المخزن اللي في فريجكم ..
ريم وهي شوي وبينكتم نفسها : وليش ما خبرتني ؟ ليش من بعد هالسالفة اختفيت .. انا ما أذيتك (يلست تصيح) والله ما أذيتك ..
حارب : انا ما قلت انج أذيتيني يا ريم .. بس الحرق .. سعيد يتحسب انج انتي السبب في حراستي للمخزن هاك اليوم واحترق ...
ريم بقهر : وهو ما يؤمن بشي اسمه القضاء والقدر ... ؟؟!!!
حارب وهو يتأملها : نفس الشخصية يا ريم ... ما تغيرتي مول ..
ريم وهي تحاول تمسح دموعها : وانته تغيرت وايد يا حارب ..
حارب : دوام الحال من المحال .....
×
×
×
تموا ساكتين وكل واحد يطالع الثاني بنظرة مبهمة ...
ريم تطالعه وفي نظراتها شي من الخوف من جرح حارب ..
حست ان وسامته اختفت مع الحرق ..
وشكله .. تحسه صك الأربعين وهو بعده في العشرين ....
عمرها ما حست بفرق العمر بينهم كثر الحين ..
قبل الكل يتخبل على حارب والحين ؟!!!
×
×
×
حبت تلغي الصمت بدخول الـ waiter عشان يستلم طلباتهم ..
طلبت لها شي خفيف على عكس حارب اللي ما طلب شي ..
ريم استغلت الفرصة بعد ما تسكر الباب : انته ليش كنت تبا تجوفني ؟
حارب : منو قال اني كنت ابا اجوفج ؟
ريم بصدمة : انته اتصلت فيه .. ليكون اللي كان يبا يجوفني سعيد ؟
حارب : لا .. سعيد كان يباني ألتقي فيج مع اني رافض الفكرة نهائياً .. بس رضيت لانه هو اللي أجبرني ..
ريم بحزن : ما تبا تجوفني ؟؟
حارب : ما كنت أبا اجوف نفس النظرة اللي في عيونج الحين تجاه الحرق اللي في ويهي ..
نزلت ريم راسها عنه بإحراج : ما كنت أقصد حارب ..
حارب : ع فكرة الحرق ممتد لين ريولي بخط طولي كامل .. يلا اكرهيني اكثر ..
ريم بعصبية : انا ما كرهتك ع اللي سويته فيه قبل .. تباني اكرهك الحين ؟
حارب : ما تكرهيني ؟!!! سبحان الله !!! يعني مستعدة الحين تتزوجيني ؟؟
تفاجأت ريم : نتزوج ؟؟؟ (بتردد) حارب في هالوقت مستحيل .. نحن لازم ...
قاطعها حارب : لا تحاتين اصلاً انا ما افكر اتزوجج ..
حست ريم بالإهانة : ويوم انك مب مفكر ليش تسأل ؟
حارب : أثبت لج انج مب صاجة في كلامج ..
ريم طالعت الجدار فوق : يعني واضح جداً انكم تقصدون اني سبب كل المشاكل ..
حارب : محد قال جي .. بس نحن لازم نتوصل لحل نهائي ..
ريم بمفاجأة : حل نهائي ؟!!! ...
قطع عليها رنة تلفونها برقم غريب ..
ريم بعصبية : وقتها الحين الأرقام الغريبة ؟
حارب بهدوء : ردي ع الرقم ...
×
×
×
كانت طول المكالمة مذهولة على الرغم ان الحوار بينهم كان قصير ..
صكت عنها وطالعت حارب : هاي اختك ..
حارب تفاجأ : اختي ؟!!
ريم : تقول سعيد يترياك برع طولت وايد ..
حارب نش ع طول من مكانه : اوه صح انا نسيت بعد موليه .. انا بسير الحين ..
ريم نشت بسرعة : وين وين ؟؟ بعدنا ما وصلنا للحل النهائي .. ؟؟
حارب : الحل ببساطة ان تنسيني يا ريم لانج ما حبيتيني .. بس عيبج شكلي وبغيتيني اكون ملكج لان كل ربعج كانوا حاسدينج علي ..
ريم نزلت دموعها : حارب كيف تسوي فيه جي ؟!! لهالدرجة هنت عليك ؟
حارب بأسف : ممثلة .. ومنفتحة .. ومب متحجبة .. ومتحررة بزيادة .. تتوقعيني مناسب لج ؟!! طبعاً لا ..
ريم بألم : مشكور .. مشكور .. غيابك عني هو سبب كل الاشيا اللي ذكرتها فيه ..
حارب : يعني صح اللي توقعته .. انتي كنتي تحبيني على اني ابوج او اخوج ..
سكتت ريم لان ما كان عندها اللي تقوله ..
تنهد حارب بقوة : على اني حبيتج في يوم ... وحسيتج أغلى ما أملك .. بس شكلي حبيتج شرات اختي (دمعت عينه) شرات ميثا اختي ... احب ميثا اختي شرات ما كنت أحبج .. بس شكلي لاني ما كنت أميز الحب ظنيت اني احبج ...(بسخرية) بعد ما تؤمنين بالقضاء والقدر ؟؟ ...
ريم وهي مب مصدقة : ظنيت ؟؟؟ تبيعني يا حارب ؟؟ مشكوووور وما قصرت !! مشكور .. أثبت لي صج اني ما غلطت يوم لجأت للتمثيل .. بداية من حياتك المنمقة في بيتك المثالي .. واللي سعيد كان يوصفه غير .. عمرك ما كلمتني عن اختك .. ولا عن امك .. ولا عن اخوك .. ولا عن نفسك .. صح ان الحب عيشني في سعادة ما تخيلتها في يوم من الأيام .. لكن في هالوقت هو سبب تعاستي .. (دمعت عينها) تدري يا حارب ؟حتى لو حبيتك ترى كرامتي ما تسمح لي أترجاك تحبني ... روح دور لك وحدة تعتبرها زوجة .. مب اخت شراتي ....