كاتب الموضوع :
Emomsa
المنتدى :
القصص المكتمله
-|[ الحب / يقضي على كل الآلام لأنه أعظمها ]|-
تحركت بسرعة وهي واعية ان لو يلست في مكانها وطالعتهم بيعرفونها ..
تمنت لو ما همس سعيد بهالنبرة اللي تذبحها ...
زخت ايد فاطمة بسرعة وتحركوا برع ..
فاطمة وهي تصارخ : اييييييه بلاااااااااج رييييييييييييم ....
بس ريم ما عطتها ويه وكملت مشي ..
ما تبا حد منهم ينتبه ..
بس لمحت عينه ...
عين الصقر اللي ما غابت عنها لين ما هي قررت تختفي عن عيونها ..
وآه من هالعين اللي حبتها وبتحبها طول حياتها ..!!!
×
×
×
حارب باستنكار : معقولة تكون هاي ريم ؟
سعيد بجمود : مادري ..
حارب تنهد بقوة : اكيد هي .. ولا ما كانت بتشرد ....
سعيد بلا مبالاة : هي ولا مب هي .. نحنه شو علينا ؟!!!
حارب هز جتفه بعد تفكير : صدقك والله نحن شو يخصنا ..
سعيد وهو يطالعه بانتباه : انزين شو كنت تقول ؟؟
حارب وهو يفكر : مممم ماذكر ..
سعيد طالعه باستخفاف : شيبت شكلك .. كنت ترمس ان اخت حميد تعيبك ..
حارب ابتسم : هههههههه هي والله شكلي ياني الزهايمر من وقت .. (بجدية) مادري تعرف عيبتني .. حسيت ان هالانسانة هي اللي ابغي اعيش وياها باجي حياتي ..
رفع سعيد حاجبه : وريم ؟
حارب تأفف : ردينا ع طاري ريم ؟؟ ريم بلاها ؟
سعيد سكت ومن عقبها طالعه باستفهام : كنت تحس انك تبا تعيش وياها باجي حياتك ..
حارب هز راسه بنفي : تبا الصراحة .. لا ..
تفاجئ سعيد : وكل هالمعاناة والحب وحالتك للــــــــه ..!!
حارب : يمكن اول ايام .. بس تعرف .. من قلتلها اني اعتبرها شرات اختي احس فعلاً انها كانت اختي .. كنا نفس الشي.. نفس الشخصية .. نفس التفكير .. نفس كل شي ...
سعيد طالعه ونظرته بدت تتغير : والتشابه بينكم .. يعني ... انكم ما تناسبون بعض ؟
حارب سند ظهره ع ورى : مب جي .. بس تعرف نتشابه فـ كل شي الا طريقة التفكير .. احس تفكيري غير عن تفكيرها ...
هز سعيد راسه بفهم : هي لاحظت هالشي ..
طالعه حارب باستغراب وفـ نفس الوقت باستفهام ..
سعيد بجدية : بلاك يوم رمستها على انك انته ..
تنهد حارب : هيـه .. جوف سعيد .. تبا الصج انا مب بس هالسبب خلاني اودرها .. انا كنت اموت عليها حتى في اللحظة اللي ودعتها فيها .. بس .. بس ... (سكت) ..
سعيد عصر ايده من تحت الطاولة : بس شـو ؟
حارب تبدلت ملامحه : بس يوم جفتها تطالعك واهتمامها بك كيف .. (رفع ايده يسكت سعيد اللي يا بيتكلم) ادري انك ما تفكر فيها .. بس اقصد يعني عرفت انها ما حبتني الا لان الكل حاسدنها علي .. بس هي مب محصلة شي مميز فيني.. فهمت كيف ؟؟ عشان جيه قررت أتخلى عنها .. وشوي شوي نسيتها .. لين ما لقيتني فهاليوم مب مهتم ..
سعيد بجمود أكبر : كل هالسنين .... عشان نظرة ؟؟
حارب وهو يحاول يشرح : لا مب بس نظرة .. بس كيف اشرح لك .. يعني تعرف يوم انك تبا تنسى هالشي بتنساه غصب ...
سعيد سكت وعقبها غير السالفة : انزين يا استاذ حارب .. شو تشرب لان ورايه يلسه في صالة التداول ..
حارب : عادي أدش وياك ؟
سعيد : ليـش ؟
حارب : أبا اجوف كيف تتعاملون ويا الأسهم وهالسوالف ..
سعيد : اقول اشرب وسير عند امك خل تعلمك انا مب فاضي ..
حارب : ههههههههههه .. انزين بسير بس لا تنسى اني اكبر عنك ..
سعيد : ما نسيت .. مشكلة اللي يتفلسفون ..
|[]|
في المستشفى،
جمانة بقهر : ليته مات لييييييته ...
حميد رفع حاجبه : تراج انتي اللي قلتيلي اودره ..
جمانة : يزايه ما اباك تنسجن بسبته ...
حميد بلا مبالاة : ليتني انسجنت بدال هالذل اللي عايشنه ..!!
جمانة تنهدت : أي ذل عايشنه يعني ؟
حميد هز جتفه : عمج الحقير واللي لازم نسكن عنده مالنا غيره ..
جمانة لوت بوزها : لو ع الاقل كنت مخلني اتم ع وظيفتي جان قدرت أدبر فلوس حق الشقة ..
حميد طالعها بعصبية : انا مب طرطور .. ويالس أدور الوظيفة انزين ؟؟ لا تستهبلين وايد ..
جمانة : بس ..
سكتتها مريم وهي تطالع من دريشة الباب : جمانة لطيفة جنها يت...
×
×
×
بخطوات خجولة مشت لطيفة وعدالها راشد ..
راشد وهو راص بضروسه : اذا اخوهم مب موجود بجتلج ..
تنهدت لطيفة بارتياح وهي تجوف الدريشة : ها ها .. هكووه حميد.. افففف منك ...
دق راشد الباب وظهر له حميد وسلم عليه ..
ولطيفة دخلت على جمانة ومريم ..
×
×
×
جمانة بوناسة : ما توقعتج اتين ..
لطيفة : اسمحيلي والله لين ما اقنعت راشد وهو زايغ ايي وما يكون حميد موجود ..
جمانة : الحمدلله عيل ما سار ..
لطيفة : انزيييين خبريني شو السالفة بالتفصيل ..؟
جمانة تنهدت : كالعادة عمي مد ايده على امي ..
لطيفة عقدت حواجبها : ما قلتي انه ودر هالطبع عنه ؟
جمانة : هي بس الحين رد مرة ثانية ..
لطيفة : يا ربيييه ... الله يعين .. انزين وبلاه حميد جي ويهه وارم..
جمانة : بعد ماشا الله دققتي ..
لطيفة غيظت : ادريبج شو تقصدين .. بس حتى ضعيف الملاحظة يلاحظ انه يبين ..
مريم بحماس : حميد ضرب عميييه .. وحايز امبينهم هتلر الفريييييييج ...
شهقت جمانة بصدمة : هتلـر ؟؟؟ هاااااااا .. اللي وصلنا المستشفى هتلر ؟
لطيفة باهتمام : شو شو شو ؟؟ هتلر منوووه .. (شهقت بصدمة) سعييييييد ؟؟!!
مريم : لاااا.. استغفر الله بلاكم انتوا .. اللي وصلنا اخوه .. بس اللي زخ عميه وحايز امبينه وبين حميد كان سعيد ..
جمانة وهي تحاول تتذكر : اوييييييييييييييييييييييه .. هذا سعيد الهتلر ؟؟؟ (طالعت لطيفة بخبث) ما الومج يوم انج اعجبتي في شكله ..
مريم : بس اخوه احلى اللي وصلنا لين هني ..
جمانة هزت جتفها : مادري عيل ليش تخيلت ان هتلر احلى .. المهم ما علينا ... (طالعت مريم وهي رافعة حاجب واحد) وانتي شو دراج بهتلر الفريج ؟
مريم : والله مب لهالدرجة انا غبية اني ماعرفه ونحن كنا دوم نجوفه ..
لطيفة ابتسمت : وتلوميني بعد يوم اقولج عنه ؟
جمانة : لا ما الومج .. بس ماشا الله يعني جسم وهيبة .. جي تحسين به وايد جاسي ..
لطيفة : ماعرف والله .. بس راشد كان يحبه ... على ايام قبل يعني ..
جمانة : هيييي ..والله ياما تحت السواهي دواهي ..
لطيفة ابتسمت لها : انزيييين خبريني عنج تولهت عليج يا الدبة ....
|[]|
فـ شقة ريم ,,
فاطمة بعصبية : الحين بلاج سحبتيني جيه شرات السبالة لين السيارة ؟؟
ريم تمت ساكتة ودموعها تنزل ..
فاطمة تنهدت : من نص ساعة وانا احاول فيج .. انزين قوليلي شو السالفة الله يخليج .. منو هاييل اللي طروج وقالوا ريم .. ؟؟ وليش صحتي ..؟؟ شو السالفة ؟؟؟!!!
ريم بتعب : فاطمة خليني أريح عقب بقول لج كل شي..ابا اريح الحين...
×
×
×
بـ ع ـد مرور الوقت ..
فاطمة : هديتي ؟
ريم هزت راسها بإيجاب : شـوي ..!
فاطمة بنفاذ صبر : انزين قوليلي شو السالفة والله عيزت ..
تمت ريم ساكتة وتطالع اليدار بحزن ..
فاطمة بأسى : تحسين اني يمكن أفشي السر ؟
ريم : مب عن جيه .. انا لو ما أمنت عليج من اليوم اللي جفتج فيه في النادي الصحي جان ما خبرتج اني الممثلة ريم..
فاطمة : عيل ليش ما تبين تقولين .. ؟
ريم تنهدت : آاااه .. بقول .. بس تراها سالفة طويلة ... تبين تسمعينها ؟؟؟
فاطمة : اكيد .. من الصبح اترياج ترمسين وتخبريني عنها ..
ريم بربكة : احلفي انج ما بتخبرين حد ..
التفتت فاطمة حواليها، وزخت القرآن المحطوط ع الكمدينو وحلفت : والله العظيم اني ما بخبر حد ..
ردت القرآن مكانه وتكلمت بنفاذ صبر : قولي يلا ..
×
×
×
كل شي قالته ..
بداية قصتها مع حارب ..
الين نهايتها مع سعيد عند باب بيتها الجديم ...
ما كانت حاسة انها يالسة تتكلم ودموعها تنزل ..
وفاطمة وياها تصيح ..
وتصيح بقوة بعد ..
×
×
×
مر الوقت ببطء الين ما تكلمت فاطمة : سعيد بو كندورة كركمية صح ؟
هزت ريم راسها بإيجاب بدون ما تتكلم ..
فاطمة : مبينة عليه القسوة على عكس الثاني ... اظن حارب صح ..
هزت ريم راسها بإيجاب ودموعها تنزل بقوة ..
فاطمة بسرعة : حبيتي سعيد ولا حارب ؟ ؟؟
ريم شهقت بقوة : شـو ؟؟
فاطمة بقلق : حبيتي حارب صح ؟؟ اصلاً مب معقولة تحبين الجاسي وتفضلينه ع الحنون ...
ريم عضت شفايفها وهي تصيح بقوة ..
تنهدت فاطمة : ليكوووون سعيد .. والله لو انه عاطنج ويه جان ما افتكرتي فيه ..
هزت ريم راسها برفض : محد منهم يعني لي شي بعد اليوم ..... صدقيني ...!
وأطلقت العنان لدموعها اللي حبستها طول هالفترة ..
خلاص ...
ماله داعي الكبت بعد هاليوم ....
وماله داعي تصيح شخص مب مفتكر بها .....
هالمرة بس تأكدت من صدق مشاعرها ....
أخيراً عرفت المجرم ....!
|[]|
في بيت أم حـارب ..
سعيد بشماتة : متى قلت ؟؟ يحليييييلك انته والله ..
حارب بإحراج : أمايه يقص عليج انا بس جيه قلت ..
ام حارب بخبث : جي بس ؟؟ لا لا تخطط من ورايه أجوف وناوي تعرس ماشا الله ..
حارب برعب : لا بس يعني قلت اني اعجبت في البنية.. مب يعني ابا اخطبها واتزوجها ..
ميثا باستغراب : لا والله دام ما تبا تتزوجها عيل شـو ؟؟
حارب سكت ... بالأحرى ما عرف شو يقول ..
سعيد طالعه بحدة : شكلك تبا تعيد الماضي بشخصية يديدة ... هــــه ..!!
حارب طالعه بنفس النظرة : سعيد ...!! ما يحتاي تذكرني بشي نسيته ..!
ساد الجو صمت كريه كسرته ام حارب بحذر : انتوا شو خاشّين عني ؟
التقت نظرات الاخوان الثلاث ببعض ..
تكلم سعيد بثقة : ولدج يبا ياخذ البنية ومستحي .. وانا اترياه يعبر بس شكله ظهر وايد خجول .. ميثا ييبي الطبل..
ميثا بغباء : حد قال لك أنا أبلة موسيقى ؟
حارب ضيج بعيونه باستغراب : شحقه الطبل ؟
سعيد جدم الطاولة : دام ماشي طبل الطاولة تكفي .. يلا ميثا غنّي .. وانا بدق .. من زمان ما مارست هالهواية..
ميثا بعبط : اللـــــــــــــه وناااااااااااااااسة لحظة لحظة بييب المايك ..
×
×
×
حارب توترت أعصابه من هالجو ونش وسار حجرته ..
طالعه سعيد وهو يمشي وهو بعده ع نفس أعصابه الباردة اللي ترفع ضغط اللي حواليه ..
أم حارب بشك : شو السالفة ؟
سعيد : ماشي .. ليش جيه في شي ؟
ام حارب : شحقه عصب حارب ؟
سعيد حرك جتوفه بمعنى انه ما يدري : مادريبه ..!!
×
×
×
يت ميثا بحماس وهي زاخة المايك : احم احم .. وسع ياللي توسع ..!!!
سعيد بدى الدق والحماس : يلا .....
ضحكت ام حارب : انا بصفق ...
ميثا بكوميدية وسط الدق : يودااااان دااااااان .. داااان يو دااااان .. هوووووووووووو ياماااال .. مالي مال ..
سعيد وقّف الدق وطالعها بغباء : تستعبطين حضرتج .. غني عدل ..
ميثا : اويه ..؟؟ تباني اغنّي والمعرس مب موجود ؟
ام حارب : توه نش وسار .. شكله مستحي ..
ميثا وهي زاخة المايك وتطالع حجرة حارب وترمس : احمممم .. اخ حارب اظهر بالزين لا اييك هاك الكف الحار اللي يصلبك ..
زخ سعيد المايك عنها وتكلم بهدوء : إذا تبا تثبت لي انك نسيت ... اظهر ....
ام حارب وميثا طالعوا بعض بغباء ..
بس ما استوت دقيقة الا وحارب ظاهر بكبرياء واضح ع ويهه ..
ويلس وياهم وملامح ويهه ما تدل إلا ع شي واحـد ..
" الغمـوض " ....!! ..
×
×
×
زوجي تزوج علي وجاب لي ضرة .. واصبحت من عقب رفع الراس مكسورة ..
سعيد وقف الدق بعصبية : ايه ايه .. شو هالفال بعده توه يالله بياخذ الاولى .. انتي شووو ؟؟!!
ميثا طنشته : دق دق خلاص بقول شي ثاني ..
رد سعيد ودق..
وام حارب وحارب يضحكون ع ميثا وع دق سعيد ..
ميثا بانفعال : والله لأجرجره جره ورى جره .. وانسيه معها هني فرحته وسروره ..
طالعها سعيد وابتسم وحرك راسه بمعنى ان ماشي فايدة ..
كملت وهي تمثل جنها مطربة : اقسم بأني على ما قوله مصرة .. لا يمكن أحيا بعد هالعمر مقهوره .. جمعت له كيد وشرور على شره .. والبادي أظلم وكلن يبدع بدوره ..
وقف سعيد الدق : بس بس سكتي .. اللي يسمع يايبينها من أفشل فرقة فهالدنيا .. عفانا الله حد صوته جي فهالدنيا؟
حارب : ههههههههههههههههههههههههههههههههههههه ..
ميثا بإحباط : بذمتك صوتي هو اللي محلّي الدق .. ولا انته ويا دقك الفاشل .. حشى حد يدق جيه ؟
سعيد بلا مبالاة : اقول يوم بتجوفيني اشتغلت فـ فرقة تعالي لوميني .. هالناقص بعد ..
ام حارب : ههههههههه بس انزين .. الحين هاي بنت منوو ؟
سعيد : ساكنة في فريجنا وأخوهـا ربيعنا ..
ام حارب : فهالفريج ؟
حارب : لا الفريج الأولاني ..
ام حارب بضيج : وانتوا شو وداكم هناك ؟
حارب وسعيد طالعوا بعض بنظرة غريبة ..
ميثا حست ان في شي في السالفة فغيرت الموضوع : الحين امايه متى بتسيرين تخطبينها ؟؟
ام حارب : ويديه خلنا نجوفها يمكن ما تعيبني ..
سعيد : ليش منو اللي بيعرس فيكم ؟ هو اللي يباها ..
ام حارب : ادريبه يباها .. بس انا حرمة واعرف للحريم .. أجوفها واجوف اخلاقها .. الحين حارب ما جاف الا ويهها .. هو شو دراه البنية زينة .. شينة .. صح ولا لا ؟؟
سعيد وميثا بوزوا في نفس الوقت : اييييييهااااا بدى شغل العمـات ..
ضحك حارب : ههههههههه .. انزين متى بتسيرين تجوفينها ؟
ام حارب بلا مبالاة : مادري .. انته شو رايك سعيد ؟
سعيد فج عيونه : انا شو يخصني ؟
ام حارب : لا يمكن انته بعد تبا تخطب ويا اخوك ..
سعيد : لا بويه بعدني.. ولدج الشيبة توه ناوي يعرس.. تبين تزوجيني أنا الحين ؟!
أم حارب : بعدك انته لاحق ..
ميثا : الحين ما علينا من سعيد .. حارب متى بتخطبون له ؟؟ نبا عرس ..
ام حارب بحزم : اول شي اجوفها عقب ..
حارب : خل ظروفهم تتحسن وعقب بنجوف ......!
|[]|
دلال : شكو كل هالصياح ؟؟
لطيفة وهي تشاهق : ماباه ماباااااااه شو هالحالة كل شي بالغصب ؟؟
دلال بحنية : حبيبتي قلتلج آنا ماكو شي بالغصب .. تفاهمي مع راشد و ..
لطيفة قاطعتها : راشد روحه ما يباني .. ادريبه يبا يفتك مني ..
دلال : ليش قاعدة ع قلبه وآنا ما ادري ؟ لا تحاتين حبيبتي ننطره شوي وبعدين كلميه ...
لطيفة : بكلمه وان ما طاع بنتحر ..
دلال : استغفري ربج وما له داعي هالكلام .. يلا خلاص لا تصعبين السالفة ..
اندق الباب وكانت ام راشد ...
دلال نشت : هلا خالتي ..
ام راشد : تعالي سلمي على اختي ام ناصر ..
دلال : خلاص الحين ياية ..
ام راشد تطالع لطيفة : وانتي بعدج جالبة البيت عزا ؟؟ اقولج لا تخليني أحلف انه يملج بج الليلة ؟؟
انهارت لطيفة : والله ان سويتوها بنتحر واللـه ...
ام راشد فجت عينها بقوة : عووووذ بالله من هالجيل.. آخر زمن يتنقن الريال اللي يعيبهن بعد ..!!!
وظهرت عنهم بعصبية..
دلال بتوسل : بكلم راشد ايي الحين ويكلمج بس لا تبجين جذي .. الله يخليج ..
سكتت لطيفة وهي تشاهق من كثر الصياح ..
وودرتها دلال وقلبها معورنها عليها ..
×
×
×
دقايق ودخـل راشـد ..
ابتسم وهو يجوف لطيفة تصيح : حشى حشى .. منو ماااات ؟؟
لطيفة كانت منزلة راسها وتصيح بصمت ..
راشد : الحين شحقه تصيحين ابا اعرف ..
لطيفة رفعت راسها وعقبها صاحت بقوة : مابااااااا نااااااااااااااصر...
راشد وهو يحاول يمسك ضحكته: ليش منو قال انه يبا يخطبج ؟؟
لطيفة خف صياحها وطالعته بذهول : ما خطبني ؟
راشد : خطب هي .. بس منو قال لج ؟
لطيفة ردت صاحت بقوة : اماااااااااااااااااااايااااااااا ..
راشد : ههههههه ..(كتم ضحكته بقوة) انزين ليش ما تبينه ؟
لطيفة ودموعها فـ عينها : كرييييه ودمه ثجيل وحياته سخيفة وكل شي يخصه اكرهه ..
راشد : بس انتي ما عرفتيه في الواقع ؟
لطيفة انهارت : انته روحك كنت تقول انه كريه .. الحين استوى طيب ؟؟
راشد : انا ما قلت انه استوى طيب ..
لطيفة بدموع مأساوية : خلاص عيل لا تتفلسف ..
راشد ضحك : ههههههههههههههه .... اسميج تضحكين يا لطوووف ..!!
لطيفة بوزت وهي تطالعه : شو يضحك ؟
راشد : مسوية مناحة والسالفة ما تستاهل .. بكل بساطة انا رديته ..
لطيفة شهقت وبفرحة : ردييييييييييييييييته ؟؟!!!
راشد هز راسه بإيجاب : هييييه .. رديته .. ولا تتحسبيني بوافق ان هالتعبان ياخذج ؟؟
ابتسمت لطيفة براحة : الحمدللـــــــه .. وليش ما تقول من الصبح ..
انفجر راشد من الضحك : شكلج كان تحفة ههههههههههههههههههههههههههه ..
ضربته لطيفة ع جتفه : والله انك سخيف .. انزين امايه تدري الحين ؟
راشد بمرح : اكيد توها درت .. لاني من قلت له ماشي نصيب نش من مكانه معصب وانا ظهرت وييت هني على طول..
لطيفة بوزت بقلق : الله يستر .. والله امايه ما بترحمني ... !
|[]|
يوم ج ـديد ..
شهقت وهي تجوف سارة .. والمخرج احمد واقفين صوب ابوها في غرفته ..
ما ركزت ع نقاشهم بس حستهم يرمسون والسوالف ماخذتنهم ..
|
01-01-10, 12:14 AM
جديد مواضيع قسم القصص المكتمله
العرض العادي
