لمشاكل التسجيل ودخول المنتدى يرجى مراسلتنا على الايميل liilasvb3@gmail.com





العودة   منتديات ليلاس > القصص والروايات > المنتدى العام للقصص والروايات > القصص المكتمله
التسجيل مشاركات اليوم اجعل كافة الأقسام مقروءة

بحث بشبكة ليلاس الثقافية

القصص المكتمله خاص بالقصص المنقوله المكتمله


إضافة رد
نسخ الرابط
نسخ للمنتديات
 
LinkBack أدوات الموضوع انواع عرض الموضوع
قديم 02-01-09, 11:50 AM   المشاركة رقم: 11
المعلومات
الكاتب:

البيانات
التسجيل: Sep 2006
العضوية: 13121
المشاركات: 14,193
الجنس ذكر
معدل التقييم: dali2000 عضو ماسيdali2000 عضو ماسيdali2000 عضو ماسيdali2000 عضو ماسيdali2000 عضو ماسيdali2000 عضو ماسيdali2000 عضو ماسيdali2000 عضو ماسيdali2000 عضو ماسيdali2000 عضو ماسيdali2000 عضو ماسي
نقاط التقييم: 4972

االدولة
البلدCuba
 
مدونتي

 

الإتصالات
الحالة:
dali2000 غير متواجد حالياً
وسائل الإتصال:

كاتب الموضوع : dali2000 المنتدى : القصص المكتمله
افتراضي

 

________________________________________
"والله فقدتهم"
منيره:هذا وانتي ماقعدتي معهم إلا يومين الله يرجعهم بالسلامه ودنا رايحيين معهم بس تسجيلك ودوام طلال..
العنود:لا عاادي يمه انا مستانسه معك..
منيره:الله يسلمك ميير..
رن التلفون وراحت العنود تشيله في هاليومين تعودت على البيت وأهله كنها بين اهلها وبالفعل هي بين اهلها..
:هلا عمتي كيفك وكيف ساره ؟؟؟..
لطيفه:هههههه بخير تهذري بك خاله انود وخاله انود..
العنود:هههههههه ياحبي لها
لطيفه:راحوا بنات ساره اجل؟
العنود:ايه بيمشون اليوم العصر .
لطيفه:ههههه أجل زهقتي عند امي ؟..
العنود:هههه لا والله عاادي..
لطيفه:تروحين معي السوق ؟؟..
العنود:والله..
لطيفه:أيه عاادي قولي لطلال خله يذبك وإلا أقول أنا بمرك واحط ساره عند أمي وأخذك !..
العنود:فشيله عند زوجك ؟؟..
لطيفه:هههههه لا موب زوجي سواق أهله رجلي دايم مناوبات ..
العنود:الله يعينه خلااص بقول لأمي منيره..
لطيفه:امي ميب معييه ..
العنود:عمتي ؟؟..
لطيفه:هلا..
العنود:ودي أغيير عبايتي ؟..
لطيفه ماتدري اصلا عن السالفه:لييه وش فيها ؟؟؟ ماعندك غيرها ؟ ..
العنودبتردد:لا ..بس مدري أحس انها مو عاجبه عمي طلال..
لطيفه:ليييه على الكتف ؟؟؟..
العنود:ايييه؟؟
لطيفه:هههههههه قولي كذا من زمان أوكي نمر نأخذ لك أول بس وش تبين ؟؟..
العنود:أبي عاديه زي ديما وريما ؟ عاااادي ؟..
لطيفه:ايه عادي وأحسن لك حبيبتي وعمك ما قال كذا إلا يحبك ويخاف عليك وخطوة حلوه منك يالعنود !..
العنود:ادري حتى أنا بعد احبه ومقتنعه باللي اسويه ..بس ما عرف لها ؟؟..
لطيفه:ههههه تتعودين خبطه خبطتين وتصير عااادي
العنود:ههههه حرام عليك !
لطيفه :هههههه عشان تتعودين يالله تجهزي..
العنود:اوكي يالله باي

سكرت السماعه وقالت لامها منيره عن روحتها مع عمتها وما عييت لانها ماتقدر تطلع معهم رجيلاتها ما تساعدها >>
على قولتها..




............




نرجع للباص اللي له نص ساعه ما تحرك يستنونهم لين يكتملون ديما:متى بنمشي حشى وينهم ؟؟؟..
دلال:بسأل امي ونادت بصوت عالي.يمــــــه متى بنمشي ؟ ..
سمعها فيصل وارتفع ضغطه وين تحسب نفسها في بيت ابوها دق على تلفونها وهي خافت من جد انه سمع صوتها
فيصل نزل من البـــاص يكلمها ..
دلال:هلا..
فيصل:خييير في بيت أبوك أنتي تصارخيين صوتك واصل عندنا ترى الباص مليان رجال والله يا دلييل ان سمعت
لك حس مره ثانيه ان تشوفين شي ما قد شفتيه !
ريما اللي تطالع من شباكها شافته وشكله معصب ويهزئ ما درت انه يهزئ دلال التفتت على دلال تناديها:دلال ؟؟
شافتها ماسكه التليفون ومنقهره..>>طبعا البنات كاشفين لان بينهم وبين الرجال حاجز الرجال قدام وهم ورى
والباص مظلل يعني ما احد يشوفهم !
دلال:ان شاء الله طيب والله ما دريت ؟..ما كملت كلمتها لأنه سكر السماعه في وجهها..
دلال:وجع يوجعك إن شاء الله ..
ريما:وش فيك؟؟ ..
دلال بتعلي صوتها وتذكرت تهديده :رجلك يامال الضربه ماعنده إلا يهزئ..
ريما:لاتدعيييين عليه..
دلال بصوت عالي :بتدافـ..وقصرت صوتها >بتدافعين عنه يالخايسه وهو يهزئني..
ريما:ما أدافع عن أحد بس إنا رايحين عمره لاتدعيين صفوا النفوس شوي..
ام فيصل اللي سمعت كلام ريما لدلال:الله يكملك بعقلك ياريم..
ريما بحيا:الله يسلمك ..
ديما:كلـــه منك أنتــي وش خلاك تطولين صوتك ماتدرين أن صوت المرأه عوره ؟؟!!!..
دلال:لاتحاولين ميب مادحتك تمدحها عشانها مرة ولدها !>>صقعتها ريما على كتفها..
ديما:ههههههه معليش خليني أجرب ..
دلال :وأنا اللي اكلها !..
ديما:يالله دلول وسعي صدرك عاااد خلينا نفلها وطنشيه الله يعين مرته !..
ريما بصوت واطي مررره :لاتخلوني أصيــــح !..
ردت عليها ريهام اللي بجنبها :وش حادك ؟؟..
ريما:قال وش حادك على المر قال اللي امر منه خليها على ربك بس..
تعاطفت ريهام ولأول مره مع اختها حطت يدها على كتفها:الله يعينك..
ابتسمت لها ريما:ان شاء الله..

عند الرجـال التفت فيصل لبندر اللي جنبـه !
فيصل: يمديني أنـزل شوي ؟؟
بندر عرف ليش بينزل :شينـه قدامهم أصبر لين توصل محطه على الأقل ؟
فيصل:اففففف !
بندر:أذكر الله "إلا بذكر الله تطمئن القلوب"وانت رايح عمـره أنو نيه خير !
فيصل:لا إله إلا الله أحــس رأســي بينفجر صدااع غير طبيعي ..
بندر :منــه ؟ تبي بندول معـي وقام يحوس في جيبه وطلع دستة بندول ..:خذ حبتين ورجع الباقي !
فيصل:هههههه مجهز كل شي ؟
بندر:ههههه الإحتياط واجـــب !! ماودهم يمشون ذولي ؟ >>أول ماقلها ركب السواق
فيصل:هههه كان قلتها من زمــان ؟
بندر: لو اني داري كان قلت !
فيصل: معك مويه ؟
بندر: لحظه اجيب لك وقام بسرعه يجيب له مويه من قدام فيصل يبتسم برضـــى
يمكــن راضــي عن بندر وحركته وحرصه عليه برغم أنه أصغر منه بس أحرص من على ترك
هالسم !و موب راضـــي عن نفسه وهذا أهم شي !

اكتملوا وحرك الباص والبنات مستانسين الجو على المغرب والغروووب آآه يالغرووب بس موب مبين مره مخربه عليه مباني الريــاض وإلا كان صورته وسواليف وضحك بصوت واطي طبعا
>>فيصل فييه !..





...............




اكييد تسألون عن رنا رنا من ذاك اليوم اللي وصلها طلال لبيتها وهي ودها تروح بيت اهلها بس بيسافرون وماتبي تنكد عليهم راحت لبيتها ومطنشه زيد وماتكلمه الا للضروره وهو مستغرب منها توها وش زينها يوم تروح وش جاها مدري>>
اسأل نفسك..متحمسه
بس اليوم انفجرت ما قدرت تتحمل أكثر الطاقه اللي فيها استهلكتها كلها ومعد تقدر يوم كلمها زيد لييش متغيره ووش مزعلها
حطت يدها على وجهها وصاحت صياح يقطع القلب وهي تسب نفسها من جوا لييش تصيحين ليييه تضعفييين له
بس انا خلاص ما أقدر اتحمل ..
زيد حز في نفسه زوجته وحبيبته >امحق< تصيح كذا قرب منها حط يده على كتفها..
رفعتها رنا بعصبيه :لاتلمسني..
زيد:طيب قولي لي وش اللي يرضيك وأسويه تبين تسافرين مع اهلك..رنا في نفسها بزر انا اصيح على سفره..
زيد:رنا كلميني شفيك قولي لي وش يرضيك والله لسويه ؟؟..
رنا تمسح دموعها وتقوي نفسها قالت بصوت مبحوح:ترى حلفت !!..
زيد:والله العظيم لاسويه لك بس لاتضيقين صدرك >> رنا في نفسها كنه يهمك..
رنـا:
.
.
.
.

.
.
تحمسوا وش وراكم ^^
؟
؟
؟
؟
القنبله !
.
.
.
.
.
.
رنا: زيـــد.......>طـــــلـــــقـــــــنـــــــي <..


انتهى الجزء..
بنشوف وش رده ! ووش بيصير مع المهبل في البــاص !وفي مكه !في الجـزء القادم ..



...@@البارت الخامس عشر@@...


للنــاس قدر وقــدرك بخــافقي غيير
.......... لهم مكــانه وإنت أغلــى مكــــانه
صدري سمـاء وأنت على جوه الطير
.......... والطير مايرضى يغير مكــــــانــه
عبرت لك عن خافي الحب تعبير
......... وعطيتك "قلبـــــي "بكفك أمانـــه




"ما يصلح كذا لازم كلنا مقابلين بعض تو تو ؟؟"
>>يعني 2 2 قالتها ريما لدلال اللي تبغى تلعب لعبه لأربع اشخاص وما تصلح الا لمن يكونون متقابلين لانها فريقين
>>نجم للي يعرفها..
دلال:عاااادي نقعد في الأرض !!..
ريما:من جدك أنتي ؟؟..باص أبوك ؟..
دلال:أقـــول ترى كله من فليساتنا !..
ديما:ههههه والله أنك صادقه..
ريما:والله ما أقعد !..
دلال:ريمووه بلا بياخه خلنا نستانس وش وراك ؟..
ريما:مابعد انهبلت والله وأنتوا ماتصلحون بتصارخون ولا نسيتي فيصل ؟؟؟..
دلال:مانسيته مانسيته !تلتفت على ديما..أختك تصلح له !!..
ديما:ههههه من زمان وأنا أقــول دلييل شوفي بلوتوث استقبل ؟؟؟..
دلال:ههههههه حتى في الباص فاضيين لا أرفضي وش تستقبلين بعد أنتي ..
ديما:اوكــي ....
ريما تلتفت عليهم:بنات ؟ ..
دلال:هلا ..
ريما:أبي سنكرس عندكم ؟؟..
دلال:للاسف خلص إذا وقفنا اشتري ..
ريما:متى بنوقف مشتهيته !..
ديما:ههههههه ليه متنسيه الأخت ؟؟..
دلال:ما أمداها !!!..
ريما:الشرهه موب عليكم على اللي يطلب منكم أصلا..

>ههههههههههههههههههه ياحبي لهم ..


فيصل شك في الشاب اللي جنبهم من ركب الباص وهو يده على الجوال وكل شوي واصلته رساله ..
التفتت على بندر لقاه نايم من ركبوا وهو يشاخر الله لا يزعجنا ..
رفع تليفونه وارسل لدلال رساله
((دلول لاتستقبلين رسايل بلوتوث من أحد ولا بنات عمك أوكي !..))
دلال شافت الرساله والتفتت على البنات..
دلال:بنات فيصل يقول لاأحد منكم يستقبل بلوتوث ! ..
ريما رفعت رأسها لأنها تبي تنــوم :ليييه ؟؟؟..
دلال:مدري بس يمكن شايف أحد !..
ديما:قوليله وش اسم بلوتوثه ؟؟.
دلال :اوكي
أرسلت ((تأمر فصول بس وش أسم بلوتوثك ؟؟))
رد عليها فيصل
((فصول في عينك ما تلاحظين أني عطيتك وجه اسمعي الكلام وبلا خرابيط))
قرتها على البنات وماتو من الضحك ابتسم فيصل لأنه داري عن دلال وحركاتها ^^..
ريما:هههههه يعجبني كم مره أقولكم خلو اللقافه عنكم ما تسمعون الكلام >>ورجعت رأسها وغطت وجهها وهي تضحك..
دلال تناظر ديما:خييير أختك مستانسه لأنه هزئني ؟؟؟..
ديما:هههههه أحسن تستاهلين !..
دلال بصوت عالي :لا والـ ..ووطت صوتها ..لا والله أنتي وياها من قايلي اسأل ؟؟..
ديما:وأنتي على طول ترسلين دارية عن اخوك !..
دلال:الشرهه على اللي تسمع كلامك بس فارقي ..
تو ديما بترد عليها واشتغل التلفزيون اللي عندهم بفيديو محاظره للشيخ (سليمان الجبيلان )البنات استانسوا وريما قامت
وقعدوا يتابعون ويضحكون لأن الشيخ عجييب ياحبي له بس والله أني أحبــه في الله واللي ما يعرفه خســاره والله
ومر الوقت بدون ما يحسسون لأنهم أندمجـوا مع المحاظره حتى أم فيصل وأم سعود قاموا يتابعون معهم ..





.................





"صاحيه أنتـــي ؟؟؟؟؟"
رنا بقهر توقف :ايه صاحيه وهذا آخر شي عندي ماحلفت خلاص نفــذ !..
زيد بعصبيه:ليييه السالفه على كيفك هي أطلقـك وليييه إن شاء الله وش شايفه منـي أطلقك ؟؟؟>>عصب عليها من جد ..
رنا:اســأل نفســـك !!..
زيد بصوت عالي:رنا كلمينــــي زيين لاتشوفين شي تندمين عليه ..
رنا بسخريه:بتطلقنـــي يعني ؟؟هذا اللي أبيــه !..
زيد:رنـــــــــــــــــــا أنتي ماينفع معك الكلام إذا عقلتي لي كلام ثاني معك !..
رنا تلتفت له بعصبيه:لييه وش شايفني مجنونه كل ماقلت لي قلت عقلتــي ؟؟؟
تنهد زيد وطلع من الغرفـه وصقع بالباب بكــل قوتـــــه لدرجه إن رنا اهتزت في مكانها ..
رنا رفع ضغطها >>اللحين يغلط ويحط الغلط كله عليه ما بعد شفت رنا يازيد هيين تحسبني
غبيه ونايمه على أذني مثل قبل هيين أن ماكرهتك عيشتك ما أكون أنــا رنا ..!






...........





لطيفه :ها وش رايك ؟؟؟
العنود:حلووه مره بس أحس انها ثقيله ؟؟..
لطيفه:نأخذ لك قماش ثاني >>لوسمحت عطني قماش صالونــه خفيف شوي ..
العامل:كم مقاس؟؟!
لطيفه :زي الأول >>طلع لها القماش اللي تبغاه وعطته العنود تقوسه..
العنود:مدري أحس إني مو قادره أمشي فيها..
لطيفه:هههه معليش تتعوديين بس لازم كم خبطه فلقه اللي يجي عاد هههه..
العنود بخوف:لاوالله ؟؟؟
لطيفه:أمزح عليك بعدين خذيلك نقاب عشان تشوفيين طريقك..
العنود:اييه لازم..
لطيفه:خلاااص يعني تبغينها ؟؟..
العنود:اييه خلاص ..>>>طبعا النقاش كله على العبايه اللي بتشتريها العنود..

العنـود:الله ما توقعتها غالييه كذا ؟؟!..
لطيفه:القماش الزين غالي كتف وإلا رأس وما في شي يغلى عليك يابنت عبد الرحمـن ..
العنود:مشكووره عمتي مدري وش أقول لك بس ماتوقعت أمي توقف الحساب بهالسرعه !!..
لطيفه:لا أسمعك تقوليين هالكلام مرره ثانيه وأمك بسلامتها توقفه ماتوقفه فلوسها وهي حره راتب أبـوك وين يتحول ؟؟؟
العنـود:حسـاب توفيــر عندي بطاقته بطلعها ..
لطيفه:لاتطلعينها ولا شي ترى بنزعل عليك ويالله تأخرنا تلقين عيالي شاقيين بأمي..
العنود:ههههه أشك أنك بتلقينهم بالشارع !..
لطيفه:فال الله ولا فالك يالله هذا السواق..
تو العنود بتنزل مع الدرج الا خبطت على وجهها من العبايه(الجديده)ولو ما مسكتها لطيفه كان راحت رجلها..
العنود:هذا أولها !!..
لطيفه:ههههههه بتتعودين بس يبيلك وقت..
العنود:الله يعيين..

ركبوا السياره وتوجهوا لبيت أمهم منيره طبعا السواق سواق أهل زوج لطيفه تستخدمه إذا كان رجلها مناوب او شي لأن
أهلها ما عندهم سواق حالفه منيره مايدخل بيتها رجال غرييب>>مابقى الا هي على قولتها!..

أول ما وصلوا كانوا واصليين هم وطلال مع بعض عرف طلال من السياره أنها لطيفه بس نزلوا حرمتين وحده لطيفه
والثانيه ما عرفها وساره وبناتها مسافرين تقدموا منه وهو مستحي من الحرمه فوقف مكانه..
لطيفه:شكله ماعرفك خلينا نهبل به تعالي وراي !..
العنود :هههههههه يالله..
مشت لطيفه لطلال والعنود وراها :طلال أفتح الباب معي حرمه..
طلال يقرب من لطيفه ويهمس والحرمه تقرب أكثر >>في نفسه وجع ما تستحي على وجهها أبعدي شوي..
طلال:من ذي ؟؟..
لطيفه:أفتح الباب وجع فشلتني..
تقدم طلال وهو معصب على هالحرمـه وفتح الباب ودخل ودخلت لطيفه ووراها العنود
العنود تفك نقابها وهي تضحك :ما عرفتني طلول ؟؟؟..
طلال:عنوووود !!متى غيرتي عبايتك ؟..
العنود:اليوم لييه شينه ؟؟...
طلال:إلا تهبل هههههههه..
العنود:بلا نصب أسود بأسود وش تهبل !..
طلال:هذا الزين بعدين تعالي وش طلول بعد خربوك بنات ساره ؟؟..
العنود:هههههههه إذا أعرست قلت لك عموو!!..
طلال:الله يخلف على أمٍ جابتني..
لطيفه:هههه توك تدري أفتح الباب يالله..
طلال:حاضر مدام لطيفه إلا وين عبد المجيد..
لطيفه:عنده مناوبه..
طلال:وهو من خبرته وهو عنـده مناوبه ؟
لطيفه :هههههه شفت عاد ما نشوفه إلا في المنـاسبات !
طلال:ههههههه نصــــابه كان أنتي في بيتنا منذ مبطـي !
لطيفه :بسم الله علي أجي بيتكم الله يخلي لي رجيلي وعمله وسواق أهله ويخلي لي عيالي وبيتي !
طلال:شفت بنت اللذين ونست بيت أهلها وأمها وأخوها وأختها وو ......
لطيفه :وش دخلني فيكم أكد عليكم !
طلال بيذب مفاتيحــه عليها ماعندها فأحد ميير ..
لطيفه :يمــــه !!
جا صلوحي :هيييييه لاتطق أمي ؟؟
طلال:من زيــن أمك ؟؟!
العنود:ههههههههههه ياحبي له يدافع !
لطيفه :أمه يالخبله لا ما دافع عنـي من يدافع عنــه !




..............




في الباص الساعه 11 لهم 6 ساعات متحركين من الرياض واللحين بيوقفون عند محطه للعشا لأن يمكــن مايوصلون
إلا قبل الفجر..

"السلام عليكم ورحمه الله وبركاته ..ركابنا الكرام سنتوقف حاليا للعشا ولديكم ساعه كامله فقط ويتحرك الباص نرجوا
منكم التعاون لكي نصل الميقات قبل الفجر..وشكرا,," >>مصدق أنه بطياره الله يهديه !


ريما:ياويلي مابغينا وجعتني رجولي من القعاد !..
ام سعود: متـــ بنا والله >>يعني طول عليهم وهو يمشي ..
ام فيصل :مايبي يوقف كل شوي يبينا نوصل بدري ..
ام سعود:الله يعافيـه ..
ديما بنوم:متى بيوقف ؟؟؟..
دلال:اللحين يالله قومي ماشبعتي نوم؟..
ديما تتثاوب:لا والله مانمت أمس زين حفزانه >>يعني متحمسه مرره للسفره !
دلال:ههههه وش حادك يالله وقفنا صحصحي ياحلوه ..
تجهزوا البنات وتغطوا ونزلوا يطلقون رجيلاتهم شوي >>على قوله ريما وجعتها رجلها العجييز
>ههههه شوفوا من يتكلم !..
راحوا يمشون بس ما أبعدوا من جهت دورات مياه النساء(تكرمون)وكان المكان كله بر..
والحريم راحوا للحمامات ريما واقفه و تناظر لبعيد:وجعتني ركبي ؟؟..
ديما:عااد أنتي عجييز هذا أنا عاادي..
ريما:أنــا حساسه ياقلبي..
دلال:ياعيني على الحساسيه >>كانوا مقابل الحمامات تقريباً بس مبعدين شــــوي !
ريما:أبييي سنكرس عاادي نروح للبقاله ؟؟؟..
دلال:ماله من عمرك روحي كلهم رجاال..
ريما:يعني ؟؟..
ديما:كلمي أبــوي..
ريما:ويين أكلمه فشيـله عشان سنكرس !..
دلال:خلااص بكلم بندر..
ريما:لا صعبه !..
دلال :لا عاادي انتي ووجهك >>بس دلال مادقت على بندر لأنه نايم وما نزل من الباص أصلاً دقت على فيصل..
دلال :الوووو..
فيصل:هلا..
دلال:أهليين فيصل معليش تجيب ....ريما يوم سمعت فيصل صارت تاشر لدلال: لا لاتقوليين دلال بلا سخافه..
فيصل:وش تبين ؟؟؟..
دلال:موب أنا ريما تبي سنكرس من البقاله !..
فيصل:اللحين..
دلال:لا بكــره !..
فيصل:بس سنكرس ؟؟..>>دلال في نفسها "غريبه"..
دلال:عاد أنت كريم وهي تستاهل..
فيصل:ههههه انطمــي طيب يالله باااي..
دلال:بااي..
ريما بعصبيه:قسم بالله سخيفه !..
دلال:ياأختي عاادي موب خطيبك خليه يسوي شي زين لو مرره وحده..
ريما بعصبيتها:بس ما أحد طلب منك ؟؟..
ديما:خلاص عاااد تطاقوا أحسن !..
دلال:مدري عن أختك سو خيير تلقى شر ؟..
ريما:بالله عليك هـذا خيير !وبعدت عنهم شوي وهي معصبـه مشت وهي تناظر في الظلام وودها تزنط دليل على حركتها..
ودلال وديما والله ما جابوا خبرها سوااااليف !!..
طلعوا ام سعود وام فيصل من المصلى وشافوا البنات وراحوا لهم يمشوون شوي..
لما قربوا منهم ناظرت ام فيصل ريما وصرخت أم فيصل:ريييييييماااااااااااااا ؟؟؟؟؟؟
ريما التفتت مرتــــاعه >>وش فيهــم ؟؟؟..
وأم سعود تكلمها بخوف :لاتتحركيين !..
ريما مصنمه وش صاير تشوفهم مركزين عيونهم على رجلها حتى دلال وديما مفتحيين عيونهم بخــوف..
نزلت عينها بشوي شوي وهي ميته من الخوف>>>شافت عقرب كبييير على رجلها ولونننه أصفـــر يعني كله سم ..
صرخت بقوووه :يمـــــــــــــــــــه..ومن هزت جسمها تحرك العقرب بسرعه ودخل بالرمل وهي خلااص ما قدرت
تمسك نفسها وطاحت مغمى عليها..
انهبوا ام سعود وام فيصل جوا ركض وامها تحاول تقومها:ريما يمه ريما قومي حبيبتي ريمــا وتصقعها على وجهها
وفكت غطاها عشان ما تنكتم وتحرك فيها ولاحياة لمن تنادي !ام فيصل شافت رجلها
:الحمد الله ما قرصتها..
ام سعود بخوف:اجل وش في بنتــــي ؟؟؟..
دلال بعبره:يمكن خايفه ؟..
ام سعود تكلم ديما اللي مصنمه ريما كانت بتروح منا بتروووح وانا قاعده جنبها :ديما كلمي أبوك يجيب مويه !..
ام فيصل:دلال معك عطر؟؟؟..
دلال:أيييه بس في شنطتي..
ام فيصل: روحي جيبيه بسرعه..
راحت دلال ركض للباص تجيب شنطتها وديما تكلم ابوها بخوف:ما أدري خالتي هدى تقول ماقرصها
يبه بسرعه الله يخليـك ؟؟..
ابو سعود:وينكم فيه ؟؟..
ديما:لم حمامات الحريم !..
ابو سعود:دقايق وجاي..
ابوفيصل:عسى ما شر ؟؟ ..
ابو سعود:ريما بغت تقرصها عقرب واغمى عليها شكلها مرتاعه..
ابوفيصل:بسم الله عليها لاحول ولا قوه إلا بالله..
فيصل يسمع ومتصنم مكانه >معقوووله ريما هذي اللي كنت تتمنى موتها عشان هالزواج مايتم بغت تروح اليوم مستحيييل ..
كان بيلحق عمه وابوه بس هون ورجع الباص..

ابوسعود:هااا قامت ؟؟..
ام سعود:اييه بسم الله عليها يمكن انها مرتاعه سمـي وأنا أمـك >>ريما ودها تنطق بشيء بس موب قادره تحس بهم حولها وموب حولها ..
جلس ابوها وعمها عندها على الارض وقامت ام سعود..
ابوفيصل:ريم أبــوي قايمه ؟؟؟..
ريما تفتح عينها وتسكرها..
ام سعود:عطني المويه يا ابو سعود..
ابو سعود:سمي..
اخذت المويه وشربتها وغسلت وجهها وهي تسمي عليها وتقرى المعوذات ..
ابو سعود:وين راحت ؟؟؟..
دلال:أول ماصرخت ريما راحت بسرعه ما ندري ووين ؟ ..
وقعدت ريما على حيلها والكل حولها ماتدري وش صار أخر شي تذكره شكل العقرب وهو على رجلها..
ابو فيصل:الحمد الله على سلامتك ..
ريما بتعب:الله يسلمك ..
ابو سعود:خوفتينا عليك ؟..
ريما بدموع:حتى انا خفت..
ابوفيصل يضمها لمه:أحمـدي الله ما صار شي يالغاليه..
ريما بصوت رايح:الحمد الله >>وقفها عمها وسندها ..
ومشى بها لم الباص:عمي بتغطى؟؟..
ابو فيصل:من بيشوفك الدنيا ظلام غطيه بشيلتك..
دلال:سلامات ريموو..
ريما:الله يسلمك..
دلال:هاا ما تبين سنكرس ؟؟؟..
ريما:ههههه لا شكراً..
ابو فيصل:نجيب لها كرتون إن بغت..
ريما:تسلم عمي..
دلال:صراحه أنا أغااار !!..
ديما بتأثر :الحمد الله على سلامتك والله بغيت أموت يوم شفتها..
ريما:هههه الله يسلمك عشان ماتزعلوني مرره ثانيه !..
ديما:أقوول ترى ماتنعطين وجه..
وصولوا لباب الباص وابو فيصل يبي يركبها لمكانها استسمحت منها أنها تقدر تمشي ..
مسكتها ديما :اقدر أمشي والله وشفيكم..
ديما:هذا جزانا نساعدك شوفي عظامك تنافض من الخوف !..
ريما:ههههههه ايه والله بغيت أموت..
ديما:بسم الله عليك..
ريما مشت لكرسيها وقعدت وهي تحمد ربها على سلامتها لأن قرصت العقرب وخصوصا السامه مميته..

فيصل ينادي على دلال وهو واقف عند باب الحريم..
نزلت له دلال عند الباب:هلا..
مد لها كيسه معبيه نصها سنكرس والباقي خرابيط ثانيه..
فيصل:هذا اللي تبين !..
دلال باستغراب:لــــــــي ؟؟؟..
فيصل:لا لبنت الجيران !..
دلال:ههههههه ايه تذكرت حقت ريما..
فيصل:أشوى تذكرتي..
دلال بخبث:تبي أوصلها شي سلام هااا شي ماشيات..
فيصل مفتح عيونه انهبلت ذي:لاشكــرااا..
دلال:ههههه العفو..
ورقت الدرج..
ديما:اللللله من له ؟؟؟..
دلال:هههههه لريما..
ريما التفتت :لي..؟؟
ديما:ريما؟؟؟..
دلال:ايه من روميوو..
ريما في نفسها >>مالت عليك وعلى روميوكم..
ديما:ههههههههههه
دلال تمد الكيس لريما:خذي !..
ريما تبعدها:قلت لك ما أبي..
دلال:أقووول خـذي بلا دلع عااد خويي متعني وأنتي تتدلعيين !
وحطت الكيس في حظنها وراحت مكانها ريما مسكت الكيس عشان ما يطيح اللي فيها..
ديما:كانك ما تبينها عااادي أرسليها لنا حنـا في الخدمه..
ريما:إييييه أحلمي!!..
دلال:ههههههههه هذي اللي معييه ؟؟..
ريما سفهتهم ..بطنها بيصوصو من الجوع وخايفه تأخذ سنكرس ويضحكون عليها لأنها من فيصل ..
يوم لهوا شـوي فتحت الكيس وقعدت تأكل >>توي ادري أنك كريم يافيصل ما خلى شي ما جابه هذا بيكفيني شهر
هييين يادليل اللي يعطيك بس..




.............



رجع زيد البيت على الساعه 11ونص البيت هااادي والأنوار مسكره راح الغرفه لقاها مظلمه ورنا نايمه أو تسوي نفسها نايمه
لأن الوقــت بدري والنــاس عطله وموب عااده تنووم هالحـزه تنهد وغير ملابسه وطلع للصاله >>
إن غدا لناظره قريب يارنا نومي اللحين وبكره لنا كلام..
رنا وجعتها جنوبها من التقلب مافي أمل تنوم هالحــزه تحس بشي خانقها في حلقها >يمكن العبـره<وضايق صدرها
يــوم يأست فتحت أبجورتها وطلعت القرآن وقعدت تقرى وتقــرى حست أن هالشــي ريحها وهدى نفسها شـوي !
زيـد لما سمع صوت قام بكل هدوء وطل من باب الغرفه اللي كان مردود شافها كان شكلها ملائكي جمال رنا كل طبيعي
ما يحتـاج تحط شي وهي تقرى قرآن والدموع على خدها والنور كان ضعيف مايبان إلا وجهها وشعرها اللي
ماخذ راحته حواليه كانت"صوره فنيه راااائعـه "مرسومه قدامـه مع روحانية اللي قاعده تسويه..
ابتسـم ..
وقال في نفسه "خبلـــه تبينـــي أطلقـــها !!"ورجــع لمكـانه في الصاله بدون ما يحسسها إنه درى أنها قايمه
كان يبيها تأخذه راحتها شــوي وتفكــر هي أكييد متعرضه لضغط وإلا ما طلبت هالطلب !




.............





"هههههههههههه والله أنك خبل"
طلال:احترمي نفسك لو سمحتي..
العنود:هههههه اييي بطني هههههههه والله أجل أحد يغش عيني عينك..
طلال:يالخايسه هذي المره الأولى والأخييره حرمت عقبها..
العنود:ههههه ما الومك اللي شفته موب شوي !..
طلال:آآآه بس يا ما جاني من الطق في المدرسه الله لايوريك..
العنود:إنا عندنا الحمد الله ما في طق بس تهزيئ..
طلال:انتوا عااااد غيير..
العنود:من زمان ما ضحكت..
طلال:ليييه ؟؟؟..
العنود:كنت أضحك بس ما أضحك من قلبي يعني مجامله تقدر تقول بس والله من شفتكم وأنا أضحك من كل قلبي ..
طلال:الحمد الله يعني مستانسه >>معد بك راجعه للخبــر ؟؟..
العنود:لا إن شاء الله بس بزور ماما وأرجع..
طلال:ههههههه ماما ؟؟..
العنود:شقول أجل ؟؟..
طلال:يمه أمي ماميتو لا هذي ما تصلح إي شي غير ماما أحسها لبزران لا يسمعونك بنات سااره والله ان يمسكونها عليك ..
العنود:هههههههه إي بزران ليه وش بيقولون ؟
طلال :شوفي عندك ديما هذا اللي بتقوله وأبصم لك بالعشره :ماما مسويه دلع الله يهديها بس إي ماما بقره وماما هههههه
العنـود:هههههه أنا بقره ؟؟
طلال:هههههه نمثل وش فيك وإلا ريما بترد:وش عرفك أنتي بالدلع مخلين العربجه لك !!
العنود:هههههه فديتها ايه وش عرفكم انتوا ؟؟؟
طلال:هههه يعني قالك انها بتخليها بتنشب في حلقها ديما:ياحبي لي ولعربجتي "يمـه" وتخب !
العنـود:ههههه وبتزعل عمتي ساره على تخب إلا وش معني تخب ؟؟
طلال:ههههههه يعني كبيره عليها عاد ساره :وجعيييييييين من تخب عليه أنتي ووجهتتس ؟؟؟
العنـود:هههههههههههههههههه ياحبي لها
طلال:أختي ساره ولا بنتها؟؟؟..
العنود:كلهم والله اشتقت لهم متــى بيرجعون ؟؟
طلال:توهم في الطريق يمكن ما وصلوا تصدقين ما كنت أتوقع أنك بتطلعيين كذا !!..
العنود باهتمام :ليييه؟؟؟
طلال:مدري بس اللي يشوفك أول مرره يقول دلوعه وشايفه نفسها بس أنتي والله العكس..
العنود:ههههه كل اللي يشوفني ويعرفني يقولي كذا..
منيره:هووو للحيين ما نمتوا ؟؟؟؟؟؟؟؟..
العنود:تونا يمه 12..
منيره:وش تونا معاد الا خيير اذا جت صلاه الفجر ما قمتوا..
طلال:هههههه ان شاء الله يمه بنوم اللحين عند أمي أنتي متجاوزه الحد القانوني من السهر ومنتيب صـــاحيه !!
العنود:ههههههه ياحبي لها ..
طلال:وانتي ماخليتي أحد إلا حبيتيه !
العنود:ههههههه شسوي قلبي طيب ..
طلال:مداااح نفسه .......
العنود:اكمل الفراغ بالكلمه المنــاسبه !
طلال:ههههههههه حلووه ..




...............




على الساعه 12 ..
حرك الباص وتو بندر قايم شبعان نوم أبو الشباب..
سمع أبوه وعمه اللي قدامهم يسولفون ويحمدون ربهم على سلامة لحظه شصار وش سلامته؟..
لأنه ما يدري عن شي نايم يضيع وقت في هالرحله الممله على قولته ما سمعوه البنات اللي فالينها !!..
التفت على لفيصل اللي جنبه:شفيهم من اللي سوا حاادث ؟؟ وش سلامته ؟؟..
فيصل:هههههههه أرقد بس أرقد..
بندر:لا والله فيصل شفيكم ؟؟؟..
فيصل:سالفه بسيطه وعــدت ..
بندر:أنت ما ينوخذ منك لاحق ولا باطل ودخل رأسه بين كرسي عمه وأبـوه من فوق ..
:هلا شباب الحمدالله على السلامه شصاير ؟؟..
ابو سعود:هههههههه سلامتك..
ابوفيصل:ما صار شي أقبـض مكانك وأرقد..
بندر:أفاااا أبوفيصل هذا جزاي اقوم بالواجب..
ابو سعود :ما تقصر بس عدت على خيير..
بندر:وش فيكم والله روعتوني ....
ابوفيصل:اللقافه الله يكفينا شرها الريم بغت تقرصها عقرب..
بندر بصوت عااالي:عقررررررررررب..
وصل صوته للحريم وريم تترحم على عمرها ياربي وصلت السالفه للرجاجيل والله وانفضحتي يا ريما..
ابوفيصل:قصر صوتك وجع !..
ابو سعود:ههههه الحمد الله ما صابها شي بس روعه..
بندر:الله لايلومها الأسم بلحاله يروع..
ابو فيصل:بندر أنثبر في مكانك أحســن..
بندر:تأمر طال عمرك..
وجلس مكانه والتفتت لفيصل>>بابتسامه خبث :وأنت وش سويت..؟؟
فيصل:ما سويت ولا شي !!..
بندر:معقوووله يعني قاعد مكانك حطني تلقاني يابعد جدانـي ؟؟؟..
فيصل:والله أني أرتعت بس ما قدرت أسوي شي وش تبيني أسوي يعني ؟؟
بندر:ههههههه يالله الحمد الله على سلامتها خذت مشوارك أجل ؟؟
فيصل :ههههههه ايه بكــل هدوووء والله أهم شي أنك منتيب معي خلااااص بروق !
بندر:هههههه أنت ووجهك ما ألومه ماقومني يبي يفلها الأخ أسكت لا أقلدك !!
فيصل:ههههههههه تهدد منتب بزر تقلد !صدقني هالشي موب لعبه ..
بندر:داري وأنا مال من عمري وش تحسبني فيصل !
فيصل:هههههههه مالت عليك >>كانوا يتكلمون عن الدخـان <<
سمع ابو سعود كلام فيصل وارتاح كان قلقان ان اخوه غاصب ولده عشان ياخذ بنته ويكون ظلم ريما معه بس من كلامه
مبين عليه أنـه راضي >>مادريت عن اللي بالنفس يابو سعود..

................


أنتهى الجــزء ...




/






...@@البارت السادس عشر @@...



بليـا شعـور الـقلب لـك طـوع "ينـساااق "
...............وأسـرع من أقـدامي تسابق حنيـني

قل يـا عسى ما ينكـتب بيننـا " فرااااق "
............وقل يا عسى ما تذوق الدمـع " عيني "

أنا الـذي لـك دايـم الـدوم مشـتـاق
...........حـتى ولو شفـتك .. بقـى الشـوق فيـني



...

على الساعه 3ونص هب هوا الطايف على مسافرين رحلتنا دخلوا الطايف وبعد ربع ساعه بيوصلون الميقات في السيل الكبير عشان الاحرام..
تكلم مدير الرحله >>مدري وش اسمه بس اللي يرتب الرحله>>
..اعزائي الركاب وصلنا للميقات معاكم نص ساعه للاغتسال والاحرام من الميقات لنصل مكه قبل الفجر بأذن الله..

 
 

 


التعديل الأخير تم بواسطة dali2000 ; 14-01-09 الساعة 03:41 PM
عرض البوم صور dali2000   رد مع اقتباس
قديم 14-01-09, 03:42 PM   المشاركة رقم: 12
المعلومات
الكاتب:

البيانات
التسجيل: Sep 2006
العضوية: 13121
المشاركات: 14,193
الجنس ذكر
معدل التقييم: dali2000 عضو ماسيdali2000 عضو ماسيdali2000 عضو ماسيdali2000 عضو ماسيdali2000 عضو ماسيdali2000 عضو ماسيdali2000 عضو ماسيdali2000 عضو ماسيdali2000 عضو ماسيdali2000 عضو ماسيdali2000 عضو ماسي
نقاط التقييم: 4972

االدولة
البلدCuba
 
مدونتي

 

الإتصالات
الحالة:
dali2000 غير متواجد حالياً
وسائل الإتصال:

كاتب الموضوع : dali2000 المنتدى : القصص المكتمله
افتراضي

 

________________________________________
"ياويلي فللله وصلنـــا مكه!!"
ديما:تونا يالخبله هذا الميقات بس نغسل ونحرم ونلبس غطاوي ترى ما يجوز النقاب !..
دلال:ما شاء الله عليك مثقفه..
ديما :أكييد حبيبتي وش تحسبين أجـل >>سكتت شوي<<تتهزين أنـتي ووجهك ؟؟؟..
دلال:هههههه لا أمزح ريما نايمه أقومها ؟..
ديما:وش رأيك يعنــي ؟..
دلال:ريما ريموووه ريمـا قومي ترى وصلنا مكه !..
ريما برعب:والله شلوون ومتـــى ما أحرمت !!..
ديما:هههههه تلعب عليكــ وصلنا الميقات..
دلال:ههههههه أثـر الروعه لين اللحين..
ريما:مالت عليكم بس وين شبشبــي ؟؟
دلال:عند أم عبد الله !
ريمـا :لاااااااااااااعاد ..
دلال:هههه مدري والله مضيعه نعالها شكلها خذتها !
ريما:نصـــابه ؟
ديما:ههههههههه شوفيها تحتك يالخبله من جد مأثره الروعه ..
ريما:طيحتي قلبي يالخايسه ..

نزلوا البنات مع أمهاتهم لقسم النساء عشان الوضوء(مغتسلين بالبيت بس بيتوضون في الميقات)واحرموا وغيروا غطاويهم وطلعوا ديما صجت أمها تبي شبشب من الشباشب الرخاص(اللي يبوعونها عند الميقات)عشان ما ينصرق في الحرم على قولتها شروا لها وراحوا للباص وهم يمشون جاهم راكان بلبس الأحرام وطالع يجنن شكله وهو لافه ^^ ..
ام سعود: تعال يابعد أمك وقلبها بسم الله عليك من لبسك إيــاه ؟؟..
راكان شاف نفسه عاد:حلووو زينه لي فيصل !
ام فيصل:طالع يهبل الله يخليه لك إن شاء الله ..
ام سعود: ويخلي لك عييالك ياربـــي ..
راكان :ريما عمو عبدالله يبغاك..
دلال:انا ولا ريما؟؟؟..
ديما:ياشين اللقافه يقول ريما..
دلال تبرر:لا بس قلت يمكن سمع غلط..
ريما:راكان حبيبي يبغاني أنـا متأكد؟؟..
راكان :إيه أنتي شوفيه هناك ..وأشر على مكان واقف فيه عمها وابوها على جهه بعيد شوي ..
ريما في نفسها الله يستر>>مسكت يد راكان وراحت معه وصلت عندهم والبنات كملوا طريقهم للباص..
ريما بحيا:هلا عمي يقول راكان تبيني ؟؟؟..
ابوفيصل بابتسامه:ايه وأنا أبـوك وش أخبارك اللحين ؟؟عساك أشــوه ؟..
ريما:لا الحمد الله أحســن..
ابو سعود:خضيتي قلوبنا عليك..
ريما:هههههه لو ادري ما نزلت من الباص..
ابو فيصل:الحمد الله ع السلامه..
ريما بترد وسكتت يوم قرب منهم فيصل وبندر بالإحرام وراحت فيها أول مرره تشوفهم على الطبيعه كذا ولا بإحرام بعد
وجايين لهم ياويل حالك ياريما ..
بندرماعنده فأحد :سلااااام..
ابو سعود:وعليكم هاا خلصتوا ؟؟ ..
بندر:اييه الحمد الله ومال لعمه شوي >>من الشيخه؟؟..
ابو سعود:ههههههه بنت عمك..
بندربحرج:لاوالله ..وجا بيكحلها عماها>>ريما ولا ديما ؟؟صقعه فيصل بكوعه وعطاه أبـوه نظره من اللي يحبها قلبك..
ابو سعود:هههههه شفيكم عليه..ريما وأنا أبوك..ريما لاتسألون عنها تبي تنحاش بس ماتدري شلوون..
بندر يبي يرقعها بس ماتنفع كل ماله يخورها الأخ:الحمد الله على السلامه يا بنت العم !..
ريما بهمس ماتدري يطلع ولا لا:الله يسلمك ..
بندر يصقع فيصل ويكلمه بهمس:سلم على خطيبتك يالدلخ !..
فيصل يضحك ويأشر لأخوه جهة ريما التفتت بندر لقاها رايحه ومبعده بعد..سكت أحسن له ولأخوه وأبوه والمجتمع العربي والإسلامي ..
واستلمه أبو فيصل بعد ما راح أخوه بولده الحمام قبل مايمشوون..
أبو فيصل :ماتستحي على وجهك أنت أحرجت البنت رجلها اللي هو رجلها ساكت وما قال شي !!..
قال فيصل للتوضيح:مابعد صرت رجلها !..
ابو فيصل بعصبيه:بتصيير ان شاء الله..
بندر:يبه هد نفسك ما سويت شي غلط بعد أبوها اللي هو أبوها راضي وبعديين عادي ترى بنت عمي ومرت أخوي
وبتعيش عندنا بعد كم شهر شفيكم علي ؟؟؟..
ابو فيصل:اللهم طولك ياروح اللهم أني محرم !!..
بندر:هههههههههههه حلوه يبه محرم ..
ابو فيصل:انهج واركب الباص لايمشي..
بندر:هههههههه إن شاء الله بس لاتعيدها ..
أبو فيصل أبتسم غضب عنه :ورى ماتركب أصرف ..
بندر:إن شاء الله ههههههههههههههه آآه يا بطني بس واللله حلـــوه يبه ههههههههه
فيصل:ههههههه عاجبتك ؟؟
أبو فيصل:هههههه الله يهديك !




............




وصلت ريما الباص ووجهها شاب نار من الفشيله والحيا أو بالإصح من وجود فيصل اللي يسبب لها ركبه ما تدري ليييش
يمكن لأنها ماتختلط باحد غيير اخوها وخالها منحرجه لييش لا يمكن ياريما هدي نفسك لاتخليينهم يعلقون عليك ركبت الباص وراحت مكانها وهي ساكته ولا حتى فكت غطوتها تخاف أحد يلاحض الإحمرار اللي علييه..
دلال:من قدك ريموووه ابوي مناديك يشوفك !..
ريما سافهتهم لأنها ما تبي تتكلم معهم بشي..
ديما:افتشي ما في احد !..
ريما:ما ابي..
دلال:هااا من ورانا رييم وش قالك فيصل ؟؟
التفتت ريم بسرعه وجع وشلوون دروا ؟؟:وش دراكم ؟؟ ..
ديما:ههههه مجرد حدس لييه صاير شي ؟؟..
ريما:عليكم حدس مدري وش يبي ؟؟..
دلال:لاوالله شفت بندر يتكلم وش قال ؟؟..
ريما:ابي افهم انتي وش دراك ؟؟..
ديما تضحك وتأشر على الدريشه(الشباك):ههههههههه من هنا..
ريما:ههههههههه وأنا اقول طالعه ذكيه البنت ..
دلال:ذكييه من يومي يا حبيبتي..
ديما:يالله عاااد وش قالك ؟؟؟..
التفتت ريما على ريهام اللي جنب الشباك لقتها لاهيه بجوال أمها والتفتت لامها وخالتها لقتهم يسولفون وما سمعوا شي من
كلامهم ورجعت التفتت لدلال وديما وقربت منهم..
دلال:هههههه شفيك تتطمنين على الاوضاع ؟..
ريما:هههههه تقريباً ..
ديما:يالله عاااد بلا بياخه قولـــي..
ريما متقدمه لجهتهم وبصوت واطي يعني ما يسمع إلا هم الثلاثه:اخوك هذا يفشل مسوي لي راعي واجب
الحمد الله على السلامه يا بنت العم >>وتتهزئ بصوته !..
دلال بصدمه:فيصل قالك كذا ؟؟..
ريما:هههههههه لا بندر..
دلال:إييه على بالي..
ريما بعفويه:لا فيصل ياحبي له ساكت وما قال شي..
ديما ودلال: ياااااااااااهووووووووو..
ريما:هههه اسكتوا وجع..
دلال:ولك يضرب الحب شو بيزل..
ريما:اقول أنطمي ما حبيت إلا أخوك عااد!..
دلال:لييه وش فييه أخوي ؟؟..
ريما:قصري صوتك وجعيين..
دلال:خلااص ذليتينا وبعد..
ريما:مدري احسه يقول لفيصل سلم عليها أنا انحشت على طول وعمي شكله معصب وابوي فالها ويضحك معه..
ديما:تعجبيني بس غريبه أبوي ما قال له شي ؟؟..
ريما:تخيلي يقول وش فيكم بنت عمه عااادي..
ديما:أبـــــــوي ؟؟؟ ..
ريما:ايه والله أبــوي !..
دلال:ياحبي لعمي شي..
ديما:اييه مررره شي إلا عشانهم عياال أخوه وواثق فيهم وبعدين رجل بنته وأخوه..
ريما:ياشينكم لاتفلسفتوا..
دلال:هههههه طبع في العائله الكريمه..
ريما ترجع مكانها :وانتي الصادقه أبو طبيع مايغير طبعه !..
خلال هالاثناء مشى الباص وهم ما يدروون عن السالفه متحمسيين مرره ^^..





.................





في "الريـــــاض"الصباح غيير لكـل الناس ناس زعلانه وناس فرحانه وناس مشتاقه وناس عتبانه ناس تحب وناس تكره
وناس تحسد وناس تحقد وناس وناس وناس ولو أعد ما خلصت..

أهم ماعلي أبطالـــي "اللي كان هالصبح للكل غيير"..

في بيت رنا الهدوء يعم المكان لدرجة الإزعاج>>أدري التشبيه تناقض بس ماحب هالشي بالفعل الهدوء الزايد اعتبره
ازعاج لي ومدري عندكم زيي ولا لا؟؟؟ بس أختكم مناقضه العــالم كلــه ^^
قامت رنا بــدري لإنها نايمه بدري راحت تأخذ لها دش سريع يمكن يطرد من بالها المشاده الكلاميه اللي بينها وبين زييد
أمس شافت زيد نايم على الكنبه اللي في الصاله يمكن سهر ونام وهو مايدري والله ما أقومه لو وشوو يقعد ..

راحت واخذت لها دش طلعت لبست لها بيجامه وطلعت تأكل لها شي متجاهله وجوده مرره وقعدت على الطاوله الصغيره
اللي في المطبخ تفطر سمعت صوت بالصاله يمكن قام وفتحت باب وتسكر تأكدت ان قام وما لقته بالصاله ..
بعد خمس دقايق ..دخل زيد المطبخ..
زيد:صباح الخيير..
رنا:...............>>ولاحتــى همس..أنقهر زيد في نفسه وراح للثلاجه يشرب مويه..
زيد:أبي فطور ؟؟..
رنا:صلح لك !..
زيد بيتكلم بس تمالك نفسه وطلع من المطبخ..:يالله صباح خيير..
رنا عافت نفسها الفطور شالت اللي عقبها ونظفت المكان وراحت لغرفتها ترتبها لأنها تاركتها حوسه ..
تجاهلت وجوده بالصاله ومشت..
زيد:رنــا ؟؟
رنا تلتفت بملل وبدون إي كلمه ؟؟؟..
زيد:ممكن أفهم وش فيك ؟؟..
رنا تلتفت :ما يخصك..
زيد بتنهد :لا اله الا الله رنا لا تعرفيين ضغطـــي !..
رنا سافهته وراحت للغرفه وصكت بابها وراها..
زيد وصلت معه راح للغرفه معصب وفتح الباب بقوه خوفت رنا حتـى..
زيد:منيب أصغــر عيالك أنا إذا كلمتك توقفين لين أخلص كلامــي فاهمه ؟؟..
رنا تتصنع البرود:إن شاء الله..
زيد:رنـــا لاتتصنعيين هالبرود ترى موب طبعك أنـا أعرفك بس أبي اعرف بس وش اللي مغيرك علي سبب مقنع
لكل هاللي تسوينه بسسس ؟؟..
رنا تلتفت بعصبيه لأنها خلااااص ما تقدر بالفعل هي تتصنع البرود وهو مو من طبعها خله يشوف طبعي أجل..
بعصبيه وضيق طلعت كل اللي فيها :وش تبي تعرف بعد أكثر من اللي عرفته عنك ؟
تتوقع أني بهالغباء ونايمه على اذني تراني داريه من زمان وساكتــه !..
صارت تتحرك في الغرفه بعصبيه وتفرغ عصبيتها عليه:وش تبي مني بعد وش تبي تعرف ؟
ما تكفيك هي خذها ترى الشرع محلل اربع بس ترجعني بيت أهلي قبل وبسلامتك أنت ويــاها !..
زيد باستغراب:رنـــا..
رنا:لااااااااااتكلمني لااااا تكلمني خلاص عـــارفه كل شي وما ابي اسمع ولاشي زياده مافي شي أصعب
من طعنــة الخيــانه والقهر لاجتك بالظهـــر بالظهــــر وش تبي تعرف بعد أنت عارف وش أبي أبيك
تطلقني وأفتك بس أبي أفتــك ..
زيد:مجنونه أنتي ؟؟؟؟..
رنا بصوت عالي شوي:مجنونه وستين مجنونه بعد..
زيد:انا ابي اعرف من وين جبتي هالكلام ؟؟..
رنا تلتفت عليه:تبي تعرف من وين جبته بس رح اسأل خويتك بنت الـ.... من وين جبته!..
زيد بصدمه: خويتي؟؟؟؟
رنا:لا خويتي أنــا..
وطلعت من الغرفه وراحت الصاله قعدت على الكرسي وهي تحاول تمسك دموعها من النزول خلاااااص ان قعدت
معه أكثر بتتقعد أكثر مما هي متقعده..
أما زيد اللي مسك رأسه وجلس من هالمصيبه اللي طاحت عليه>>هذا اللي خفت منه يا زيد صاااار رنا درت
والنزوه على قولتك صارت واقع ياربي ارحمني ارحمني..
أخذ نفس وطلع الصاله لقاها تكلم بالتلفون..وجلس وعينه بالإرض..
رنا:قلت لك مرني وخلاص ما تقدر أجي بتاكسي عااادي ؟..
طلال:خبله أنتي وش تاكسي من متى حريمنا يركبون تاكسي ؟..
رنا:طلال ما نيب فاضيه ترى..
طلال:طيب لاتعصبين هههههه اكيد زيد مزعلك..تبيني اجي امردغه ..>>يعني اطقه ليين يقول بس ..
>>فهمنا الاولى نفهم الثاني يضربه يعني..
رنا بابتسامه:ياليت والله..
طلال:ههههههههه لا حاقده مرره..
رنا:بتجي ولا لا ؟؟..
طلال:أوكي الله يعيني عليكم وش هالحظ بنات أخت يجيبون المرض..
رنا:تلقى بس انت.. استناك باااي ..

وسكرت السماعه في وجهه وقامت بتروح لغرفتها وقفت عنده وهو منزل رأســه قالت كلمــه خلت زيــد يندم قد شعـــر
رأســـه زياااااااده وزياااااااده ..
نطقتها رنا وصوتها منبح أو خانقته العبـره :أرفـــع رأسك لاتنزله لأحــد حتــى لو كنت غلطــان ما أحب أشووف أحد
"غــالي" >>ومتى طلعت ! "غالي "علي بهالشكل أرفعــه !
وراحت لغرفتها وقفها صوته عند البــاب..
زيد كان رافع راسها يطالعها بآسى أو ندم :خلاااااص بتروحيين؟؟؟؟؟؟؟
رنا بسخريه:أتوقع !..
دخلت وخلته في الدوامه اللي هو فيها جهزت لها شنطه صغيره غيرت لبسها وحطت شوي ميك أب يخفي التعب شوي..وطلعت في الصاله بعد ماتأكدت إن زيد طلع..

بيمرها طلال بعد ما يستأذن من الدوام ومعد هوب راجع الليله إربعاء على قولته ..




.................




نرجع لاجواء مكه اللي ماتنمل وصلوا للفندق الفجر تقريباً نزلوا الشنط وما ارتاحوا طلعوا للعمره على طول على الرغم من تعب الرحله الا انهم يبون يعتمرون ويرتاحوون راح فيصل وبندر مع بعض وابو سعود وابو فيصل وحريمهم وبناتهم مع بعض بس تفرقوا في السعي الرجال لحال معهم راكان والحريم لحال ويتلاقون عند باب"السلام" إذا خلصوا ..
دلال خلاااص استهلكت كل الطاقه اللي مخزنتها معد تقدر تمشي وديما كذلك ريما اللي ما شكت ولاقالت شي تمشي مع
امها وخالتها وريهام تمشي بصمت..
دلال:يمـــــــــه حررام عليكم برتاااااح والله تكسرت رجولي..
ام فيصل:استحي على وجهك هذا إنا يالعجز وما قلنا شي..
ديما:آآآآه عاااد إنا مانتحمل رقيقات!!..
ريما:بااااااين..
ام سعود:يالله راح الكثير وما بقى إلا القلييل بقى شوطين وإلايا أم فيصل ؟؟ ..
ام فيصل:إلا يالله عن الدلع ..
دلال:يالله أنك تصبر دلال..
ريما:بتروح حسناتك وأنتي تتشكيين..
دلال:والله موب قصدي أتشكي بس تعبت >>هذا فيصل
ريما يوم سمعت اسمه تقدمت لمكانها جنب امها وخالتها وديما وريهام يمشوون وراهم ودلال راحت لإخوانها..
بندر:خيير وش تبين ؟؟..
دلال:آآآه ياحظكم كم بقا لكم ....
فيصل:هذا أخر شوط..
بندر:حميييسه..
دلال:فارق بس..
فيصل:اللهم إني محرم>ماخذها من ابوه ^_* روحي لإمك أحسـن !..
دلال:طيب حشى موب أخــوان أعــداء..>>وراحت ..
بندر:أختك هذي فله..وفيصل سافهه ..الله يعيين رجلها عليها ..تصدق مدري وشلون أبوي يستحملها؟؟..
التفتت عليه فيصل بنظره:اعتمر أصرف..
بندر:هههههه إن شاء الله..




...............




خلصوا عمرتهم على الساعه 7 ونص الصبح البنات معد يشوفون من التعب على طول غرفهم طبعاً التقسيم الحريم في
سويت غرفه لريما ودلال وديما وغرفه لأم سعود وام فييصل وريهام والرجال في نفس الدور بس بعييد شوي سويت
لأبو فيصل وأبو سعود وسويت ثاني لفيصل وبندر وراكان اللي فرحان أنه معهم صااار "كبير"فدييييته ..
البنات ناموا لأنهم ماناموا أبد في الباص إلا غطات والرجال مايدرون عنهم جابوا فطور لام سعود وام فيصل
ورجعوا غرفتهم..



............


على الغدا...
"حيا الله رنا"
رنا:الله يحييك هاا سجلتي ؟؟..
العنود:رحت واعطيتهم ملفي وبيخلصه عمي طلال من الرجال..
رنا:زيين لقيتي واسطه ولا انطر ياحمار لين يجييك الربيع !!..
العنود:الله يسامحك أنا حمار ؟؟؟ ..
رنا:ههههه لا تكرمين غزال والله بس وش نسوي بأمثـالنا !..
العنود:أشوى..
منيره:وش أخبار أهلك ما كلمتيهم ؟؟..
رنا:إلا يمه مكلمتهم بخيير..
طلال:أشك انهم زهقوا خواتك ما يصلحون لشي ..
رنا:بالعكس مررره فرحانين عشان دلال وأول مرره يسافرون مع بعض تدري أنهم متحمسين للباص ؟..
طلال:مررره لو تشوفينهم كنهم راكبين طيــاره خاصه ..
العنود:ياحظهم أحسهم بيستانسون مع هذي دلال من كلامهم عنها مرره حبوبه..
رنا:دلاااال هذي عسسسل بس وحيده بين عيال..
العنود:الله يعينها جربتها..بمرح..بس بدون عيااال ..
منيره.الله لايعيدها..
العنود بابتسامه:إن شاء الله ..
منيره:ياحبي لذا الدلال حرمةٍ سنعه..
رنا:ههههههه سنعه أشك حبوبه وعسل معك بس في السناعه لك عليها شوي بــارده هههه تأخذ من ديما..
منيره:ما شفتيها في عزيمه أخـوها تتدهر تحط وتشيل الله يخليها لاهلها ..
رنا :آميييين..
منيره:إلا انتي غريبه جايه اليوم ؟؟..
رنا:لييه يمه ماتبوني ؟؟..
منيره:الله يحييك بس العاده الخميس..
رنا:اشتقت لكم وزيد مسافر ..
طلال بخبث:مسافر اهاااا..
العنود:تشتاق لك العافيه..
رنا :تسلميين جوالي يرن >>وقامت..
منيره:أقعدي تغدي لاحقه عليه..
رنا:شبعت يمه..



...................



"ويييييينك ادق على بيتك ماتردين وجوالك مقفل من أمس يمكن.."
رنا:اييه توني فاتحته اللحين ..
مها:وينك هايته أدق على بيتك محد يرد..
رنا:ههههههه أبد ببيت أمي منيره..
مها:غريبه اليوم اربعاء ؟؟..
رنا:سوء تفاهم..
مها:لاتقولين بينك وبين زيد ؟؟..
رنا:تقريباً..
مها:الله يهدي سركم..
رنا:آآميين..
مها :ماقلت لك..
رنا:لا وشوو..؟؟
مها :رحنا لأهل البنت اللي جابت الخطيبه رقمها..
رنا:صدق صملتوا أجـل ؟؟..
مها :اييه إن شاء الله ..
رنا:هااا وش رايك فيها ؟؟..
مها:مرره على قدهم إنا رحنا لشقه اختها اللي بالرياض وهم ساكنين بالديره البنت مرره عسسل وحلوه اسمها نجلاء
ومو مبين انها مطلقه تصدقين كبرنا بس تهبل ماشاء الله ..
رنا:جد ومن راح معك ؟؟..
مها:رحت انا وعمتي نوره انتي عارفه امي معييه تروح..
رنا:ياحبي لعمتك والله لو تسويين اللي في بالها تطلعيين شي..
مها:ههههه الله يعين ان شاء الله..
رنا:استغرب منك صرااحه !وش بتسوون اللحين ؟؟..
مها:ودي أخلي حمد يشوفها ..
رنا:يعني وافقوا..
مها:رنا بلا غباء لو ما وافقوا ما استقبلونا ببيتهم ههههه الظاهر زعل زيد مأثر عليك..
رنا:ههههههههه مررره ملاحظه أنتــي ..
مها:بقووووه !!

وقعدوا يسولفون ربع ساعه..


:مها استأذن امي تناديني اتقهوى وانتي عارفه امي منيره والقهووه تعصب..
مها:هههههه ياحبي لها سلميني عليهم ..
رنا:يبلغ إن شاء الله




................




قاموا البنات الساعه 1 الظهر عشان الصلاه ولا ما لهم نيه صلوا في الفندق لانه ما امداهم على الحرم ما لقوا احد امهاتهم
موب فيه ولا ريهام !!
دلال:غريبه وين راحوا ؟؟..
ريما:اكييد بيصلوون في الحرم ويمكن يتغدوون..
ديما:لااااا خيانه وإنا نقعد في البيت يعني ..
دلال:ههههههه إي بيت يالخبله في الفندق..
ديما:بيت وإلا فندق أهم شي أربع جدران وغرفه دقي على أخوانك بس يمكن ما نزلوا؟؟.
ريما:لاوشوله ننزل بلحالنا..
دلال:لييه ناويه علينا..
ريما:ههههههه عااادي وش فيها..
دلال:عندك عااادي عند فيصل فيها قبايل..
ديما:يالله دقي بس لايروحون..
دقت دلال عليه وما رد ودقت على بندر..
بندر:أهلييين خيتو..
دلال:هلا والله وغلا لك أهلييين وسهلييين خيووو ؟؟ ..
بندر:اخلصي وش تبين ؟؟..
دلال:ههههه كاشفني ؟..انا وبنات عمي لحالنا وامي وخالتي مدري وين راحوا نبي نطلع ناكل مييتيين من الجوع
ومانبي نقعد بالفندق..
بندر:حشى قصة حياتك !..
دلال:بنــــــدر..
بندر:أنا مع فيصل بنروح نتغدى مدري بسأله ؟؟
دلال:أقنعه عشان بعض الناس معنـا !!..
بندر:ههههههههه إذا كذا اوكي >>فيصل البنات في الفندق يبون غدا ناخذهم معنا ترى بعض الناس فيه ويغمز له ..
فيصل راح عن باله:من بعض الناس ؟؟وبعديين ليه ما راحوا مع أهلــي ؟؟..
بندر:بعض الناس أفهم أنت عاااد ولييه ما راحوا لحظه..دلوول لييه ما رحتوا مع امي ؟؟..
دلال:أقولك تونا قايمين شفيك أنت ما تفهم !..
بندر:وجع لاتصارخيين >>تقول توهم قايمين ..فيصل بعد تفكيير خلاص خلهم ينزلون خمس دقايق ولا بروح..
بندر:يالله انزلوا إنا تحت في الفندق خمس دقايق وبيروح فيصل أنا بقعد هههههههه..
دلال:هههه اوكي..
وبسرعه وحوسه اللي تدور الكوتش واللي تدور الشنطه واللي ماتدري وين حطت نقابها خمس دقايق وهم في
الاصنصير ينزلون..
ريما:أحسها فشله ؟؟..
دلال:وش فشله عااادي زي أخوانك ..وبخبث..واحد بس !..
ريما:دلال بلا بياخه والله إن قلتي شي ولا علقتي لإرجع مشي..
دلال:يا كافي كبريت مانيب قايله شي أمشي بس ..
ديما:وينهم ؟؟؟..
تلفتت دلال ولقتهم جالسيين على كنب بندر لابس ثوب وكاب أســود وفيصل ثوب بدون غتره ولا شي بس نظاره شمسيه
كبيره نوعا ما ..
دلال:هاااذولي هم !..
وقفت ديما وريما مكــانهم وراحت لهم دلال..
ديما:أول مرره أشوف بندر من زمـــــان عنـه من أياام المتوسط فيه من دلال صح ؟؟..
ريما:أقوول غضي البصر لاتفشلينا..
ديما:مغطيه عيوني وش دراه إني أناظره بس فيصل رزه مع أنه أسمر منه بس أحسه شي جنتل !..
ناظرتها ريما:هييييييييييه ؟؟؟..
ديما:هههههه آسفه نسيت أنه خطيبك..
ريما:خطيبي في عيني..
اشرت لهم دلال بعد ما كلمت اخوانها وتقدموا الشباب قدام والبنات الحقوا دلال ومشوا وراهم..




...............



انتهى الجزء



/




...@@البارت السابع عشــر@@...



يحسبون الصمت مثل أول علامه للرضا
يعلم الله ما سكت لهالزمان الا ( قهر ) !!


...



عند باب الفندق فيصل يتكلم وهو يناظر بندر اللي متقدمه شوي ولا عطى البنات وجه..
فيصل :ويــــن تبي نروح ؟؟لازم مكاان عوائل ترى !..
بندر بغباء:ليييه كلنا عزااب !!!..
فيصل:لا عاااد توني ادري ؟..
بندر:والله كـلــ..ايييييه قصدك أنتوا ههههههههه سوري نسيت ..>>يقصد فيصل وريما أنهم عايله فيصل عصب عليه..
فيصل:بندر..
بندر:سم ...سفهه فيصل وتنهد دخلت دلال بينهم:شفيكم يالله ترى متنا من الجوع!..
بندر:ههههههه هذا اللي هامك بطنك ! ..
دلال:هههه يالله عاااد..
فيصل:وين نروح أنا ما أعرف محلات زينه هنا ؟؟..
دلال:لحظه ولفت على البنات اللي بعاد عنهم شوي وتكلمهم بصوت عالي وهم ودهم يزنطونها
:بنات ما تعرفون مطعم زييين ..وهم ساكتيين لأنهم موب بعااد مره من العيال والخبله ماعندها فأحد..
دلال:شفيكم تكلموا ؟؟..يوم شافت مافي أمل لفت على أخوانها..
:للأسف على الصامت >>وضحكوا كلهم الا ديما وريما اللي حاقدين على دلال..
بندر :ههههههههه حلوووه دلوول..
دلال ميته ضحك لما كلمها فيصل :خلااااص ترانا في الشارع >كل هالكلام وهم يمشون على شارع الفندق..
بندر:يمدحون البيك وش رأيكم ؟؟؟..
دلال:لا ما نبي بحـري !..
بندر:من شاورك أنتي ؟ ..هااا وش رايك فيصل ؟؟..
فيصل :مدري والله..
دلال:نرووح لابراج مكه وناخذ هارديز برجركنج إي شي ..
فيصل:أحسن بعـد ..
بندر :يالله اجل..





................






"بعت كل القديم وجيت بالعمر شاريكــ ..
اخسر جميع الخلق واكسب معاليكـــ.."


:هههههههه اللحين بتبيع وتشتري وينك أول ؟؟..
قومها من سرحانها دخلة خالتها عليها بالغرفه..
لطيفه:شــــفيـــــــك؟؟؟؟ ..
رنا:ههههههههه سلمي أول مافيني شي..
لطيفه:هلا وش أخبارك ؟؟..
رنا:للحين عايشه..
لطيفه:لاااه عااد حسبتك متيه!..
رنا:هههههههههههه فال الله ولا فالك..
لطيفه:هههههههه أندري عنك ردي زي الناس رنا أنتي طالعه من بيتك ؟؟..
رنا:من قالك؟؟..
لطيفه:محد انا لطيفه يا رنا يعني أفهمها وهي طايره..
رنا:ههههههه يا حبي لك يا خالتي..
لطيفه:لا تغيرين الموضوع أنتي طالعه..
رنا:موب طالعه طالعه يعني ..
لطيفه:شلوون يعني درى أنك تدرين ؟؟..
رنا:اييه انفجرت فيه اليوم وما خليته يكلمني حتى كلمت طلال ومرني بس ..
لطيفه:ياقويك يارنا تطلعين وهو موب راضي عليك ما تخافيين يصير لك شي ؟؟..
رنا بحزن:والله قلبي يتقطع خايفه من ربي ..بعبره..بس خلااص ما عااد اتحمل كل ما اشوفه اتذكر كلامها ..
تنهدت >قلت بسكت وبسوي كل شي ببرود ما تحملت أنتي عارفه آخر شي في طبعي البرود أنا وحده ما اتحمل ....
خايفه أمووت ويصير فيني شي وأخذ ذنبه في رقبتي !!..
لطيفه:تعوذي من الشيطان ولاتضيقين صدرك أنتي كبيره منتب بزر وعارفه حقه علييك حتى لو غلط..
رنا بصياح:بس ما أقدر ما عاد أتحمل منه حتى كلمه !..
لطيفه:ما حاول يبرر يتكلم معك يراضيك شي ؟؟..
رنا:أول ما انفجرت عليه كان هاادي كنه متفاجي حتى يوم درى أني بطلع ما عااارض ولا شي كان منزل رأسه وهزئته
على هالحركه تعرفيني ما احبها ومن وصلت هنا وهو يتصل وما ارد يوم يأس ارسل رساله..
لطيفه :ووش بتسووين ؟؟..
رنا:مدري خالتي لاتسألييني انا نفسي مدري..
لطيفه:لي متى ؟؟..
رنا سكتت وقعدت تفكر اخر شي توقعته أن حياتها مع زيد توصل لهالدرجه ...
بس خله شوي يتأدب ويعرف قدرها >>تعرف ان هالشي غلط بس من يقنع رنا عاد ..



.............



رجعوا امهاتهم وارتاعوا يوم ما لقوهم :ويين راحوا موب صاحيين ؟؟؟
دقت ساره على جوال ريما >>بحكم أنها الكبيره حركااااات يالكبيره !..
رن جوالها وهم يمشووون في أبراج مكه عشان المطعم..
ومع صدى المكان اسألوا عن ريما ؟؟؟...

"ياليت اليـــوم تفهمني وتفهم خاطري وارحل
تكلم وش جرى مني سيف الهم تراه استل
جفى الاصحاب يقتلني وتقتلني تراه اسهل
تكلم وش جرى مني سيف الهم تراه استل
ياليت اليوم تفهمني وتفهم خاطري وارحل .."
>>هي انشوده بس مع صوت المنشد طالعه شي ^^..

ريما انحاست مع الربكه العيال لفوا على الصوت لأنه قوي ومؤثر أكثر من أنه عالي ..
وهي ماتدري شلون توقف الصوت تحوس في شنطتها وتحوس والجوال ما له اثر ..
طبعاً من الربكه ما شافته والجوال مصر "سيف الهم تراه استل" >>ياويلك يا ريما وينك وجججع..
فيصل قفلت معه الناس يتلفتون على الصوت وقف والتفتت بسرعه :قفلي الزفت اللي معك !!!..
ريما وفقت بصياح:مدري وينه ؟؟؟ وتحوس في شنطتها ..
دلال لانقاذ الموقف سحبت شنطه ريما وطلعته وردت وفيصل أنقهر منها وكمل مشيه >ماتعرف حتى تتصرف !..
دلال:هلا خالتي..
ام سعود:دلال ؟؟وين ريما ووينكم فيه أجل ؟؟؟ ..
دلال:ريما هنا وإنا طالعيين نتغدى مع فيصل وبندر..
ام سعود:الله يهديكم كان دقيتوا علينا ارتعنا يوم مالقيناكم !..
دلال:هههه مستعجليين وما أمدانا مره ثانيه إن شاء الله ..
ام سعود:يالله أجل بسلامتكم..
دلال:الله يسلمك ..قفلت الجوال وحطته صامت ورجعته في الشنطه وعطته ريما اللي ماسكه نفسها
لاتصيح من الفشيله ومن صرااخ فيصل عليها >>خيييير إن شاء الله يصارخ علي ..
دلال:خذي شنطتك..
سحبتها ريما وهي ساكته..
وصلوا المطعم ويالله لقوا مكان فاضي طاوله للبنات بحاجر والعيال طاوله بدون شي..
قبل لايقعدون التفتت بندر:إي مطعم تبون ؟؟..
دلال للبنات :وش تبون ؟؟ ..
ديما:بكيفك إي شي يوكل ..
دلال:إي شي ولا أقول لك جب برجركنج..سبايسي..
بندر:كلكم ؟؟ ..
دلال:لحظه ..ريما ...ريمــــــا ..هييييه ؟؟؟..
ريما :نعم ؟؟؟
دلال:تبين سبايسي زينا ؟..
ريما :ما أبي شي !..
دلال تنهدت والتفتت لبندر:جب ثلاثه سبايسي ..
راح بندر لفيصل اللي واقف على الكونتر حق المطعم ..
فيصل:وش يبون ؟؟..
بندر بصوت واطي:حرااام عليك تصارخ عليها كذا فشلتها !..
فيصل:أخلص وش يبون ؟؟..
بندر:جب مدري وش اسمها ...اييه سبايسي ثلاث..
فيصل:وانت ؟؟ ..
بندر:اي شي جب مثلهم..
فيصل:طيب..

طلب وقعدوا البنات الجو متوتر شوي علشان ريما ودلال متفشله منها..
فكوا غطاهم >>لأن فيه حاجز<<إلا ريما !..
ديما:افتشي ؟؟..
ريما بصوت مخنوق :ما أبـي !..
ديما:يالله عاااد ترى جاييين ناكل ونستانس لاتقلبونها نكد..
ريما ماتبي تخرب عليهم غصبت نفسها وفتشت ودمعتها في عينها تحاول تخفيها ووجها أحمر
والعبره خانقتها تنهدت..
دلال:ريما آسفــه أنتي عارفته عصبي ..!!
ريما ترف بعيونها لاتنزل الدمعه:دلال أنتي ما لك دخل >>سكتت ورفعت يدها وبصوت مخنوق..
:خلاااااص قفلوا على السالفه ما أقدر أتكلم..ومسحت دمعه عند زاويه عينها عشان ماتنزل..
ديما:تأخروا ؟؟..
دلال:الدنيا زحمه ..
قعدت ديما ودلال يسولفون عن المحلات والأبراج وريما في عالم ثاني تحس أنها بحاجه للبكي يمكن الموقف ما يستاهل بس هي موقعها حساس شوي بحكم أنه اسم "خطيبها" وهو وخشته ماعنده فأحد !..

دق بندر على دلال عشان تأخذ الطلب ولبست نقابها وطلعت..

بندر:خذي هذي ثلاثه..
دلال:مشكوور..
ودخلت بالصينيه:الأكل وصل شمروا عن سواعدكم يابنااات >>تتكلم بالمصري !..
ديما :هههههه حشا صعايده وإلا جايبه فرااخ !
وزعت الوجبات ولما جت وجبه ريما :قلت لك ما أبغى..
دلال:يالله عااد كلي لاتطيحين علينا ..
ريما :منيب مشتهيه شي ؟معليش دلال والله ما أبي ..
دلال:أوكي ناخذها لك سفري للفندق..
سكتت ريما وقعدت دلال وديما يأكلون ويسولفون..
وقعدت ريما تحوس في جوالها وأول شي سوته وخرت السايلنت وقصرت على الأنشــوده للأخير !





...............




"هااا وش قلت ؟؟؟"
حمد:عااادي ماتتغطى عني ؟؟..
مها:لا وش تتغطى أنت بتشوفها إذا عجبتك خلاص تروح أنت وأبوي وتخطبها..
حمد:وأتزوجها ؟؟..
مها:اييه..
حمد:الله بصيير معرس..
مها:هههههههه إن شاء الله من قدك حركااات ..
حمد:أبي بشت ؟؟(مشلح)..
مها:ههههه أخطب وإذا جا العرس البشت هديه مني..
حمد:والله..
مها:أنا قد كذبت عليك..
حمد يحب رأسها:لا أنتي مثل أمي..
مها:ههههه أقول حمييييييييد ما كنك مصختها وش أمك تراك أكبر مني قل أختي الكبيره أصدق !..
حمد:هههههه ما يصلح أنا الكبير..
مها:ههههه لاااه ما شاء الله عليك اللحين صرت الكبير ومن شوي أمك !..

"وش عندهم عيالي يضحكون ؟؟"

مها :كل خيير ..
قاموا يسلمون على ابوهم ويحبون راسه يوم جا حمد..
ابو حمد:حيا المعرس..
حمد:هههههه..التفتت على مها..وش أقول ؟؟..
مها :هههه قل الله يحييك..
حمد:الله يحييك..
مسكه ابوه وقعده جنبه..
ابو حمد:هههههههه هاا يامها وش صار مع أهل البنت..
مها بفرح:رحت انا وعمتي نوره وشفناهم مرره طيبين وعلى قد حالهم..
ابو حمد:الله يكتب اللي فيه الخير ويعافي ام تركي الله يرزق ولدها الحرمة السنعه..
مها :الله يعين إن شاء الله..
حمد:لا قولي آآميين..
مها تصرف :تبون الغدا..
ابو حمد :عاااش مصرف..
مها بابتسامه:ومااات..
ابو حمد:بسم الله عليك من الموت يومي قبل يومك..
مها:عمرك طوييل إن شاء الله..
ابوحمد :حطيه وأنا ابوك ..

 
 

 

عرض البوم صور dali2000   رد مع اقتباس
قديم 14-01-09, 03:43 PM   المشاركة رقم: 13
المعلومات
الكاتب:

البيانات
التسجيل: Sep 2006
العضوية: 13121
المشاركات: 14,193
الجنس ذكر
معدل التقييم: dali2000 عضو ماسيdali2000 عضو ماسيdali2000 عضو ماسيdali2000 عضو ماسيdali2000 عضو ماسيdali2000 عضو ماسيdali2000 عضو ماسيdali2000 عضو ماسيdali2000 عضو ماسيdali2000 عضو ماسيdali2000 عضو ماسي
نقاط التقييم: 4972

االدولة
البلدCuba
 
مدونتي

 

الإتصالات
الحالة:
dali2000 غير متواجد حالياً
وسائل الإتصال:

كاتب الموضوع : dali2000 المنتدى : القصص المكتمله
افتراضي

 


________________________________________
"محمد حط دوري.. انا ريال مدريد "
محمد:طيب >>ازعجه اخوه يبي يلعب>>خاااالي احط صالح يلعب معنا ؟؟ ..
طلال:حطه مصدق انكم بتفوزون ايه إن شاء الله..
صالح :تراني والله اعرف العب تدري أني أبـوي يقول إذا نجحت دخلتك نادي الهلال ؟..
طلال:ههههههههه نادي الهلال وذا الكرشه ما يصلح لازم تسوي رجييم..>>لان صالح سميين شوي ويقدر الكبسه!
صالح برطم من تعليق خاله >>طبعا محمد وصالح عيال لطيفه يلعبون بلاستيشن بالصاله للتوضيح ..
العنود:أنا أبي ألعب بعد !..
التفتت محمد فرحان :والله ؟؟..
العنود:اييه ..
محمد:من زمان ما لعبوا بنات أول ما تلعب الا ديما ؟؟..
العنود:هههه عااادي انا بلعب بدالها..
محمد:وش تبين ؟؟إي فريق ؟..
العنود:ابي ..اممممم ..أبي الهلال..
طلال:هههههههههه مصدقه أنتي خذي صويلح معك..
العنود:ليييه إن شاء الله موب عاجبك..
طلال:لا بس الناس تطورا ..
العنود:كيفي !..

حطوا دوري وقعدوا يلعبون والعنود تصارخ غش غش لانها اذا اسألت طلال يعلمها غلط طفشت ورمت يد اللعبه
العنود:ما ابي العب..
طلال:ههههه مالي دخل كملي الشوط عشاني جبت6 هههه يالله اقعدي بلا دلع..
العنود:ما ابي وطلعت وراحت لجلسة جدتها الأرضيه ..
منيره:هلا والله ببنيتي..
العنود:هلا بك يمه..بدلع..يمه شوفي ولدك يلعب علي يغش ويقول انا الفايز ؟؟..
منيره:أحسسن من قالك تلعبين معهم..
العنود تبعد:يمممه توك معي..
لطيفه:أمي مع الحق لا تحاولين عنود..
العنود:ياحبي لها ولحقها ..
منيره:قولي لعمك يقوم يصلي أذن..
العنود:ان شاء الله ..عمتي وين رنا ؟؟..
لطيفه :نايمه فوق..
منيره:قوميها تصلي بعد ..
العنود:طيب ..



.............




خلصوا من الغدا وقعدوا يسولفون يحتروون فيصل وبندر يخلصون والظاهر مطوليين الأخواان يناظرون الرايح والجاي
وبندر يعلق ويضحك وفيصل يجاريه لين يخلص أكـل ..
فيصل:يالله عااد مصختها بقى نص ساعه على الاذان يالله يمدينا على الحرم..
بندر:خلاص انت كلم البنات بغسل ...
فيصل:أوكي دق على دلال وقالت له تبي كيس لسفري..
فيصل:ليييه؟؟؟
دلال بصوت واطي لا تسمعها ريما وتفضحها:ريما ما اشتهت وابي اخذه معنا سفري..
فيصل:طيب..
"مسويه زعلانه يعني بالطقاق خوافه ودلوعه وماتعرف حتى تدبر عمرها و يالله يافيصل اكتشف مدري وش محبب ابوي فيها"راح جاب كيس ووداه لدلال دخلت دلال حطت وجبه ريما وشالتها ..
وصل بندر ومشى مع فيصل اللي تقدمهم والبنات وراهم ..
وهم يمشوون شافت ريما كوشك يبيع سبحات وهدايا حلووه وشالات تصلح هدايا ترددت تقولهم يوقفون ولاتمشي
بس آخر شي قررت ..
بصوت واطي:دلال..
دلال :هلاااا ؟؟..
ريما :عاادي نوقف عند الكوشك هذا أبي اشتري هدايا ؟؟..
دلال:اييه لحظه اقولهم تقدمت لاخوانها :فيصل البنات يبون الكوشك اللي هناك بيشترون هدايا عااادي ..
فيصل :ما بقى شي على الاذان ..
غمز له بندر:ربع ساعه ميب ضاره..
فيصل :يالله طيب بسرعه..

رجعت دلال فرحانه :يالله يقول عاادي
وقف فيصل وبندر بعييد شوي يشوفون السبحات والبنات مع الجهه الثانيه ..
ربع ساعه بالضبط وخلصوا شرت ريما كل اللي تبي سبحات لخالها واخوها وشالات للبنات وعود لامها منيره
وقلوب عليها الكعبه للكل>>هوايتها اذا صارت زعلانه تفرغ زعلها في الشرى تشتري لين يفظى بوكها وترتاح..


وصلوا الفندق البنات دخلوا عشان يطلعون مع امهاتهم والعيال راحوا سيده للحرم..


في السويت..
دلال:يالله ريما كلي مايسوى عليك وش اقول انا اجل يصبحني بكلمه ويمسيني بكلمه..
ريما:بكيفه بس انا مو مشتهيه بأكل سنكرس !..
دلال:ههههههههه ترى هو اللي شاريه !!..
ريما:يوووه تذكرت بخلي أبوي يشتري لي إي شي..


.................

مر اليوم والعايلتين ما طلعوا من الحرم يشوفون الناس رايحه جايه اللي يعتمر واللي يسبح واللي يصلي كلهم
لوجه الله سبحانه والجو حلوو في الساحه قعدوا فيها ليين صلاه العشا وراحوا بعد العصر للمحلات القريبه عند الحرم
يتسوقون وريما سهت شوي ونست اللي فيها لأنها معد شافت فيصل من بعد الظهر وهالشي ريحها شوي..



..............



"نومي وش بيضرك"
لطيفه:عبد المجيد فيه ذا الاسبوع ما شفته من كثر مناوباته..
رنا:موب طاير..حتى أنا بنوم اليوم عند أهلي يالله عااد..
لطيفه :والله مقدر أخلي رجيلي !..
رن جوال رنا برساله جديده ..

""يا شوق//عمري //
ويا"قطعه مني"
مايجرح القلب الا..
((غيبتك عني))""

>>كانت من زيد !
لطيفه:ههههههه وانت ارحمي رجيلك وروحي له..
رنا:هههههه من قالك انه هو ؟؟..
لطيفه:احساس..
رنا:روحي لرجيلك احسن أجل ..
لطيفه طالعه:ههههههه داريه..
العنود:بتنامين عندنا..
رنا :اييه..
العنود:ياحظي..
رنا:ليييه تطفشين..
العنود:مو مره بس أمي منيره تنام بدري وعمي يروح لاصدقاه يجي تعبان يقعد شوي وينام أنا أطلع غرفتي واقعد على النت
ليين انعس وانام ههههه ترى بكمل اسبوع؟؟
رنا:ههههه الله يحييك وفي الشرقيه كيف نظامك ؟؟..
العنود:منتيب مصدقتني ؟..
رنا:لييه ؟؟؟؟..
العنود:كنت ما اقعد في البيت كثيير يا في الاسواق يا أطلع مع صديقااااتي هههههههه لاتناظريني كذا امي عندها كل شي عاادي..
رنا:غريبه !!..
العنود:يمكن أو اقعد على النت احيانا اروح لنادي مع بنات خالتي او صديقاتي يعني ماخذه راحتي بس والله اني
ما كنت احس اني مبسوطه..
رنا :لييه ؟؟
العنود تتنهد:مدري احس فيه شي ينغص علي ما ادري وشو بس والله مافرحت من قلبي الا لما جيت هنا لمتكم الحلوه
روحكم طيبتكم تخلي الواحد ينبسط غصب عنه..
رنا:الله يسلمك اخجلتي تواضعنا..
العنود:والله ما ابالغ تدرين ان امي متاكده اني ما رح اتأقلم معكم وبرجع لها ثاني يووم حتى صديقاتي اللي كانوا لمصلحه
نسوا رقمي تليفوني اللحيين..
رنا:واللحين وش ردها ؟؟..
العنود:مرره معصبه الله يهديها ان شاء الله ..
رنا :ان شاء الله..
العنود:ههههههه استغربت يوم عصب عمي طلال على عبايتي احس اني اشوفها عاديه حتى ماما ماقد علقت عليها
يوم غيرتها عرفت لييه كنت اتعرض لتحرشات ومضايقات من الشباب..
رنا باستغراب:والله خالي طلال غريبه غصب عليك !..
العنود:لا والله ما غصب علي انا حسيت شكلي غلط بينكم وطلبت من عمتي لطيفه ورحنا شرينا..
تصدقين رنا ؟؟..
رنا :وشووو؟؟
العنود:اول مرره في حياتي اطلع سوق وما احد يتعرض لي يوم غيرت عبايتي ..
اول كنت اضحك اذا قالي احد ما احد يلحقك الا اذا شاف عبايتك وشكلك كذا ؟؟الله يتوب عليينا بس..

قالت رنا تمزح تخفف عليها شوي : تدريين انا في حياتي ماقد احد تعرض لي او حتى غازلنـي اول يضيق صدري
اقول لهالدرجه انا شينه ما دريت انه من العبايه هههههههه..
العنود:هههههههههههههه الله يقطع شرك..
رنا :ههههههه وش يدريني وإلا كان غيرتها ..
العنود:ماسمعك زوجك عشان تعرفين شلوون تغيرينها !
رنا:ههههههههههه يمكن ..




...............




طلعوا من الحرم بعد العشا ومشوا مع بعض الرجاجيل ووراهم الحريم..
تكلم ابو فيصل:هاااا يا بنات وش تبون عشاكم ؟؟..
ام فيصل:أنا ولا البنات..
ابو فيصل:هههههههههه كل ابوكم بنااات >>كل ابوكم يعني كلكم كلمتنا وانا بزران هههههه ..
ام فيصل:جيبوا إي شي..
ابو فيصل:وانتوا يا بنات..
ديما:تونا عمي على العشا بنطلب بعدين..
ريما:لا أنا جايعه..التفت فيصل درى انها ما كلت شي >>ومعانديه بعد..
ابوفيصل:وش تبين ؟؟..
استحت ريما من تسرعها بس والله جايعه:لا عمي بأكل بعدين..
ابو فيصل :بكيفك وأنا ابوك..
مشوا شوي ولما شافت أبوها متأخر شوي استغلت الفرصه وراحت له على جنب..
ريما:يبااااا..
ابو سعود:نعم..
ريما:يبه مرره جايعه ابي دونات من ذاك المحل ..
ابو سعود:استني العشا وأنا ابوك..
ريما:ميته جووع بس تصبيره العشا تونا عليه..
ابو سعود:طيب بخلي أحد يجيب لك..
ريما:لا أنا بروح مع راكان..
ابو سعود:ما تشوفين الرجال شلوون زحمه الناس طالعه روحي وبجيب..
رجعت للبنات :شعندك مع أبوي ؟؟..
ريما:ســـــر..
ابو سعود: بندر ياولدي تروح تجيب دونات من ذاك المحل ؟؟..
ابو فيصل:خله يجيب العشا من له دونات ؟؟..
ابو سعود:البنت جايعه ..
فيصل:خلااااص عمي بروح أنا..
ابو سعود يطلع بوكه:خذ وأنا ابوك..
فيصل :افاا عمي والله ما أخذ كم تبون ..
ابو سعود :الله يهديك جب اللي تبي هي وحده..
فيصل:إن شاء الله..
ريما"لييييييييه يبا لييه هو والله انه لزقه اللحين ماكلت الغدا عشانه جايبه وش قصده يعني يقهرني ..بأكلها ميير عناااد"
راح فيصل يوم رجع راح الفندق لقاهم عند الاصنصير يستنوون وجه ابتسامه خبث لجهة الحريم يدري أنها معهم
"نشوف شلون بتأكلين يا رييم ما ادري ريما مدري وش أسمك إن ماخليتك تموتين من الجوع منيب فيصل ههههههه
>>مجرم ! "
فيصل:سم ياعمي..
ابو سعود :الله يعافيك ياربي >راكان وده لريما ..
راكان:طيب..خذ الكيس وراح به لريما خذته بقهر وقالت لراكان رح قل لبابا شكرا..عشان تقهره ,,
والبنات ما انتبهوا لشي يشوفون الرايح والجاي في الفندق >حالااات الحمد الله والشكــر <..
جا راكان :بابا تقول شكرا ..
ابو سعود يشيله:العفو..
راكان:بابا نزلني أنا كبييير و بنام مع فيصل..
ابوسعود :ههههههههه..
فيصل:ههههههه الله يحييك ..
نزله ابو سعود وراح لفيصل ومسك يده واخيراا فتح الاصنصير وركبوا كلهم الحريم أول بعدين الابوان بعدين العيال لم الباب..
دلال:كنـــا كاثرين ؟؟؟..
ضحكوا عليها ..
ابو فيصل :هههههه هذا إنا وانا ابوك اللهم لاحسد ..
بندر:اتفلي ترى عينك حاااره !!..
دلال:مانظلت إلا أنت !..
بندر :وش فيني كلي ملح وقبله ؟؟>>لاحظوا انه قاعد يتكلم ووجهه للباب يعني في كل الحالات فيه حقه !..
دلال :إيه باين ..
ابو فيصل :أهااا بس ..
ديما لدلال بصوت واطي :والله موب هتلر يصفقك ..
دلال:هههههه ياحبي له بس ..
ديما:ايه والله ياحبــي له !!
التفتت عليها دلال:نعـــــم !!
ديما:أقووول ياحبك له ! >>عاااش مصرف !




.............


انتهى الجزء




/







...@@البارت الثامن عشر@@...

ذوقي ترى ماهو مثل باقي الناس

...........ذوقي رفيع وانت برهان ذوقي




مرر يوم الاربعاء على خيير وكلت ريما الدونات >>ههههه متحمسه بغض النظر عن اللي شرها ماسهروا امس
لانهم تعبانين ويبغون يرتاحون عشان بكره اخر يوم بيحللون سفرتهم ..
ورنا نامت في بيت امها منيره اللي مستغربه منها اول مرره تنام عندهم من تزوجت مانامت وهي بنت تنام اللحين بس ماحبت تسألها لانه شي خااااص فيها ..
مها قرروا يروحون هي وحمد وعمتها نوره لاهل البنت يوم الجمعه عشان يشوف البنت والله يكتب اللي فيه ..



.............



في رحاب الحرم ..(مكه المكرمه)..الساعه 11 قامت ريما شبعانه نوم..
دخلت عليهم ريهام اللي تنام مع أمها وخالتها ..
ريهام :هااااااي..
ريما اللي تضف حوسة ديما ودلال:هلا والله..
ريهام:هذولي مالهم نيه يقومون ؟؟..
دلال من تحت اللحاف:قااااايمييييين..
ريهام:هههه بسم الله علي !..
قامت دلال وقعدت بكشتها :لييش روعتك ياحبيبتي..؟؟
ريما:صراااحه أنا اللي ارتعت هههههه..
دلال:لاوالله لاتغلطين تراني بصييير حماتك..
ريما:لييش أنا باخذ ولدك تصيرين حماتي؟؟.
دلال:يالخبله حماتك يعني أخت رجلك..
ريما تشغل نفسها:حماتي في عينك..
دلال:ريهامووه حطي لنا فطوور..
ريهام:أصغر عيالك أنا ..
دلال:لا اكبرهم ههههههه بسم الله على عيــالي ..
ريهام:هههههه أول مرره أشوف وحده قايمه من النوم ورايقه..
دلال:لا عاادي أنا بس قولي ما شاء الله ..

بصراااااخ

"انتوووا محد يعرف ينووووم عندكم وجع طيرتوا نومي؟؟..
""كانت ديما اللي قعدت على سريرها وهي تتأفف..
ريما :مادرينا أنك رقيقه لهالدرجه ؟؟..
دلال:هههههه صباح الخير خيتوو ^^..
ديما:والله أنك رايقه..
دلال:وشفيكم فلوهاااا اليوم آخر يوووم ترى طلعوا حرتكم شرايكم نروح لجده ؟؟..
نطت ديما من سريرها :يووووه نسيت اليوم آخر يوم يالله من بيودينا ؟؟..
ريهام:الله يشوفكم يقول لكم سنه هنا رأس مالها يووم..
ريما:وأنتي الصادقه..
دلال:ياشيين الغيررره يالله ديما وش نسوي ؟؟..
ريما:غسلوا وجيهكم أول بعدين فيها الف حلال..
ديما:تعالي شلون نروح لجده ؟؟ ..
دلال:عااادي بالسياره..
ديما:عارفه يالغبيه أجل بالطياره أقصد من بيودينا إنا جايين مع حمله تررى !!..
ريما:واثقيين إن أهلي بيودونكم احمدوا ربكم واقضبوا ارضكم..
دلال:لاعاادي بنشوووف..
ريهام:شوفوا على كيفكم ترى امي تقول قوميهم للفطوور بااي وطلعت..
دلال:ااااااخخخ عليكم اخت اقولها حطي الفطور تقول اصغر عيالك واميمتي مناديتنا ماااالت عليتس ! ..
ريما:يالله طيب غسلوا واطلعوا عشان يمدينا على صلاه الظهر في الحرم..




...............




"هلاااا والله ياخي وينك؟؟ لك فقده مالك نيه تجي؟؟ تعال شفني كني يتيم في الرياض!"

...:هههههههههههههه وحده وحده كليتني..
طلال:ههههههههه مشتاق لك متى النيه إن شاء الله..
سعود:قريب يمكن الاسبوع الجاي ..
طلال:تجي بالسلامه إن شاء الله..
سعود:الله يسلمك وش اخباركم امي منيره ؟؟ الرياااض واهلها آآه بس..
طلال:هههههه كلنا بخيير وطيبين نسأل عنك والرياض تسلم عليك..
سعود:الله يسلم ويسلمها لأهلها أهلي عندكم ادق عليهم ما احد يرد ؟؟..
طلال:راييحيين لمكه مع عمانك..
سعود:هههه غريبه كلهم والله خيانه عياال عمي ؟؟..
طلال:يعني أنت الوفي رايح للبــراد ومخليهم في ذا الحــر ..
سعود:هههههه أنا دراسه موب سياحه..
طلال:الله يعيينك..هذي رنا تبي تكلمك..
سعود:رنا عندكم غريبه وين زيد عنها ؟؟..
رنا:ههههههه انحشت منه..
سعود:هههههه هلا وغلا برنوووش وش اخبارك علومك ؟؟ وزيد طيبين ؟؟..
رنا:كلنا بخيير وطيبين ..بعبره..مشتاقيين لك..
سعود:تشتاق لك العافيه رنا داق اسلم انا موب اضيق صدوركم..
رنا:ياحبي لك ياخوي..
سعود:والله وجاب العرس نتيجه رنا تقول ذا الحتسي !!(يستهبل)..
رنا:ههههههههههه شفت الأول تحووول ياقلبي..
سعود:لا لا قلبي بعد البنت خربت..
رنا:ومنكم نستفيد..
سعود:ههههههههه وش أخبار خواتك الريم ديما وريهام ؟؟ تيمون هههههههه..
رنا:هههههه كلهم طيبين رايحين مكه..
سعود:يقولي طلال غريبه ؟؟..
رنا :ما الغريب إلا الشيطان اقترحوا البنات وعجبت عمي ووافق حتى فيصل وبندر معهم ..
سعود:ياحبي لهم من زمان عنهم يالله أجل رنا اخليك عندي امتحان في الجامعه ما بقى شي..
رنا:فمان الله الله يوفقك ان شاء الله..
سعود:ان شاء الله مع السلامه وسلميني عليهم وسكر الخط وهي تقول مع السلااامه..
طلال يصارخ:اصبري لاتسكرين ابيه..
رنا:سكر قبل ما أقول شي..
طلال:جعله في وجهه ذا الخايس !..
"وش عنكم تصارخون ؟؟.."
رنا:ابد سعود مكلم وسكر وولدك عصب ويسلم عليك سلام كثير ..
طلال:ولدها خالك هيين اللي يجيبك عندنا مرره ثانيه >>بكلم زيد يمرك..
رنا برعب:لاتكفى..
منيره:لييه ان شاء الله ؟؟؟..
رنا:لا بس هو مسافر ..
طلال بخبث:اييه مسافر أتذكرت..



..................




فيصل قام وتسبح وقوم بندر وقوم راكان عشان يروح يغير ملابسه..
فيصل :تعرف غرفتهم ؟؟..
راكان يهز راسه:لا ما أعرفها..
فيصل:ياربييه وش الدبره اللحين..
راكان:وش تقول ؟؟..
فيصل:لا ولا شي >>وراح لبندر الي يتسبح :مطووول ؟؟..
بندر:ايييه لييه وش عندك ؟؟ حتى في الحمام منتب مخليني !..
فيصل:أبيك تودي راكان لاهله!..
بندر:وورى ماتوديه أنت هههههههه يالنسيب..
فيصل:نسيب في عينك>>ورجع لراكان :يالله راكان وين جزمتك(تكرمون)..
راكان:ما ابي اروح ابي اقعد معكم أنا كبيير..
فيصل:هههههههه طيب بتقعد داري أنك بس تغير ملابسك ونرجع شوف الايسكريم أمس ! ..
راكان:طيب..لبس جزمته وراح مع فيصل لاهله...


فيصل مايعرف رقم الغرفه اصلا يدري أنها في نفس الدور بس مايتذكر الرقم ..مالي الا دلال..دق عليها..
"هلاااا وغلااااا بأخوي هلابحبيبي وسندي في الدنيا هلا بتاج راسي "ريما اللي جنبها :إييه باااااين !..
فيصل:آسف أختي غلطان !..
دلال:ههههههه لا حبيبي أنا دلال..
فيصل:وش نازل عليك اليوم أخلاق ؟؟..
دلال:مدري شفيني توني أحس أني أحبك فقدتك والله ..
فيصل بملل:دلال مانيب فاضي اخلصي..
دلال:آمررر بغيت شي ؟؟..>>فيصل >شف وش تبي من ورى ذا الاخلاق دلييل واعرفها !..
فيصل:كم رقم جناحكم ؟؟..
دلال:بتسير علينا ياااا هلاومسهلا اسفهلت وامطرت وذاك مدري وشو..
فيصل:دلااااااال..
دلال:اوكي ماي برذرز نو تعصب..
فيصل:هههههههه ياشين السرج على البقره..
دلال:أنا بقره الله يسامحك !..
فيصل:بقرتين بعد كم رقمه منيب فاضي ترى ؟؟..
دلال في نفسها شارب شطه:387..
فيصل:باااي وسكر في وجهها ..
دلال:حشى موب أخو كل ذا الترحيب وما خق ؟؟..
ديما:ههههههههه مصدقه أنتي أما حبا ولا برك (يعني شوي ولا كثيير )عشان كذا مايصدقون !..
دلال:هههههه تهقيين ؟؟ وش أسوي حسب المصلحه أرحب..
ديما:ههههههههههههههه الله يأخذ بليسك..
ريما:لييش بيجي ؟؟..
دلال تستهبل:بيجي يشوفك..
ريما:دلااااااال..
دلال:يا ربي تصدقين يصلحون لبعض ؟؟..
ديما:هههههههه الله يهني سعيد بسعيده..
ريما:انطموا لو سمحتوا ترى اللحين بننزل للحرم وأنتوا بملابس النوم ..
نطوا مع بعض عشااان يوصلون الحمام قبل ودلال تفحط عند الباب..
ريما:هههههههههه الحمد الله والشكر ..

"ريماااا افتحي الباب شوفي مييين.."
>>ريما..اخافه شيين الحلايا منيب فاضيه طلعت السيب تدور احد ديما ودلال كل وحده خذت حمام
وريهام ترتب شنطتها راحت الباب:ميين وهي تناظر من العين السحريه مافيه أحد غريبه :ميييين..
راكان:أنا راتان..
ريما فتحت الباب :ياحبي لراتااان أنــــ..كملت بصوت واطي وهي متصنمه في مكانها من وين طلع هذا !..
>>فيس بيصيح !<<كان فيصل واقف على يمين الباب يعني بالعيين السحريه ماتقدر تشوفه بس أول ماتفتح الباب
في وجهك!..فيصل مفهي وش ذا الزين !..هذي وهي بدون شي والشعر رافعته وقميص !..
أما ريما متصنمه على مسكة الباب ماتدري تسكـــر تصيييييح تنحااااش كل اللي تبي تسويه ماتقدر علييه..
انتبه فيصل لنفسه ونزل عيونه ورجع ورى شوي:آسف..>>وفي نفسه شكلي لخبطت بالرقم كله من دليييل ما سألت
إلا هي صحاه صوت راكان يتكلم..

راكان:ريما ريمــا ادخلي عييب فيصل كبيير>>فيصل ابتسم على كلام راكان (معقووووووله هذي ريما!)
وريما ماعد تشوفه لأنه صد نزلت عيونها لراكااان..
:هاااااه..
راكان يسحبها من جلابيتها :أدخلللي عييب !!..
ضحكت ريما على نفسها:طيب وسحبت راكان ..وسكرت الباب ومسكته وسندته على الباب بقووه..
:لييش تقول أفتحي يالشييين وانت عارف أنه فيييه >>>كانت تصارخ بصوت واطي..
راكان خايف أول مرره ريما تعصب عليه العاده ريهام بس ريما نو:والله ريما ما أدري أنه أنتي !!..
ريما ضحكت وضمته :ههههههه أنت ووجهك فشلتني..
فيصل ماتعدى الباب وسمع حكيها مع راكان :هذييي ريمااااا!! اللي بحكم خطيبتي مقعوله وأنا مغمض عنها ورافضها ..عبيير اللي هي عبيير ماتجي غسااال رجلها صااادق ابوي يوم سماها الريم..
هههههه هييييه وش فيك أنت ؟ على طول خقيت هذي وهي أول مرره بداااييه مشرفه ياأخ فيصل..
بس والله ماتوقعتها بهالنعومه والجمال..هيييه تعوذ من الشيطان أنت رافض الزواج من الأول بتغيير رايك اللحيين..
>كان هالكلام بينه وبين نفسـه ريما كان جمالها هااادي بيضاء وملامحها ناعمه خشمها اللي يقسم وجهها وشعرها الناعم ..
كانت ملامحها قريبه شوي من ديما بس ريما نعومه شكلها ظاغيه على ملامحها وفيها شي يجذب غصب عن الواحد
راكان:أبي أغيير بسرعه بروح مع فيصل..
ريما:من زينه مستعجل عليييه ؟..
راكان بدفاع:والله حلوو أنتي ماشفتيه ..إيه صح نسيت تو شفتيه!!..>>البزران فضــايح !
ريما تمسكه:راكانووه ياويلك لو قلت لأحد والله ما أخلييك تروح معه أبد..
راكان:آسف والله ما اقول لاحد بسرررعه لبسيني ابي اروح..
ريما:طيب لاتزعجني..
>>ياربيه فشيله بيقول اللحين طالعه بالعاني ..بالطقاق هو الغلطان لييش ما قال فيصل وأنا خبله على طول مدرعمه ..
تناظر لبسها..اشوى أني غيرت قميصي ..بس شعري حوسه..وش دخلك أنتي لهالدرجه مهتمه..
أحسن منه على الاقل اللي وقف مفهي ..هههههههههه ولا انتي عاااد...


خلصت لبس راكان وخلته يرووح وهم طلعوا مع امهاتهم وابوانهم ..
كانت ريما متفشله من فيصل وما ودها تشوفه ابد عقب اللي صاار ..


..............


في الريـــاض .."عاصمتنا الحبيبه" فديتهـــا..

"هههههههههه وش سويتي ؟؟؟.."
العنود:ولاشي قمت كنه ماصار شي طالعتهم بنظرره ومشييت !..
رنا:قويه ههههههه بس والله شي تطيح عليه وتلاغيه ههههههههههههههههه إييي يابطني..
العنود:هههههه وش دريني أهم شي ما اكون انا الغطانه ؟؟..
رنا:وهو ما سوى شي طيب ههههههه..
العنود:هههههه يناظر ما صدق كنه يقول شين وقوايه عيين !..
رنا:اشوى ما استقعد وقعد يلاحقك..
العنود:لا بايين عليه محترم..
رنا:الصقعات يووو أنا عدي وأغلطي..
العنود:ههههه أول مرره اجربها ..ورن جوال رنا رساله ..تنهدت اكييد منه عشانها ما ترد عليه من قبل أمس..



""أسعد الله مساك ، من قلب مانساك ، غايته دايم رضاك ،في وصالك أو جفاك
ابي ابكي على صدرك ، وارمي الهم في قلبك ، ابي اكتب قصايد حب ، بدموعي على خدك
مانسيتك لوثواني وكل شوقلك خذاني وان حصل يوم ونسيتك
اعرف اناالموت جاني..رنا ردي ابي اكلمك شوي بليز !..""

رنا:آآآه..
العنود:سلامتك من الآآآه..
رنا:الله يسلمك..
العنود:عمتي لطيفه ميب جايه..؟؟
رنا:ههههههه مدري رجيلها فيه على قولتها بروح اكلم شوي معليش ؟..
العنود:خذي راحتك خلاااص انا بكلم عمتي اشوف بتجي ولا لا ؟؟..
رنا :اوكي ..وما امداها تطلع من الصاله إلا رن جوالها ..ماي هازبند..يتصل بك..
ضحكت على الأسم تعوذت من الشيطان وطلعت الحوش "تــرد"..
رنا:نعم ؟؟..
زيد بفرح:أنعم الله علييك ..أخيييراً رديتي مابغيتي..
رنا:.........>>لارد..
زيد :رناا ليه ماتردين علي؟؟..
رنا:.........>>لارد
زيد:رنا افهميني لاتسويين بي كذا !..
رنا:أناااا ؟؟؟؟..
زيد:عارف إني غلطان ووالله ومتحسف قد شعر رأسي عطيني فرصه وأفهمي السالفه..
رنا:خلصت..
زيد:لا أبيك ترجعيين ونتفاهم صدقيني هالبعد موب حــل !..
رنا بحزن:زييد بلييز خلني أبعد شوي أعصابي تلفت تفهم معنى تلفت "تلفـــت "..
زيد:بسم الله علييك طيب أفهمي السالفه !..
رنا:فاهمتها ! ..
زيد:يعني مافي أمـــل ؟؟..
رنا:مدري لاتضغط علي بلييز إذا رجعوا أهلي يصير خيير ..
زيد:ومتى بيرجعون ؟؟..
رنا:ذا اليوميين..
زيد:اشتقت لك !..
رنا بطعنـه في قلبها :رح لها !..تنهد زيد ..

"الله الله عصافير الحب هنا ..هذي اللي زعلانه"سمعه زيد وضحك..
رنا :ممكن تفارق ؟؟..
طلال:لهالدرجه أنا ثقيل سلمي على أبو الشباب..
رنا:طلااااال..
طلال:لاتصارخين خالك تخلخلت عظامك بلى..
تنهدت رنا ..وزيد يضحك >>مستانس الأخ..:رنا عطيني أكلمه !..
مدت التليفون بدون ماتتكلم خذه طلال وكلم..
طلال:هلااااااااا والله هــلا ..
زيد:ههههههه هلابك شفيك على مرتي ؟؟..
طلال:هههههه ماعندنا بنات يكلمون تبيها تعال خذها وفكنا !..
زيد:وديييي بس الهوى ضدي..
طلال:ههههههههه ما طحت إلا في رنا عاد الله يعينك >>رنا عصبت وسحبت الجوال منه وسمعته..
زيد:هههههههههه عسل على قلبي..
رنا بسرعه:تبي شي أنا مشغوله..
زيد:سلامتك بس إذا دقيت مره ثانيـه ردي..
رنا:نشوف اللي مانكره..
زيد:ههههههههه متأثره من خالتي منيره..
رنا:تبي شي ؟؟..
زيد:لا يا بنت الحلال ما ابي شي فمان الله ..
سكرت وطلال قاعد جنبها على الحجر حق الثيل اللي حاطينه بره..
طلال:رنا فيك شي ؟؟..
رنا:سلامتك..
طلال:إذا بغيتي شي أستشاره مساعده فـــزعه ترى أنا حاضر ..
رنا :الله يخليك يارب أكييد حاضر اجل خااال ببلاش..
طلال:لاوالله فارقي بس ـأنتي موب وجه مجامله..
رنا:هههههههههههه ومن قالك جامل..
طلال:ضميري..
رنا :بسم الله على ضميري !!
طلال:متى يرجع توأمي وافتك من وجيهكم من جد أحس أني ضايع لاعبين على ياعيال سوير!..
رنا:اعلــــــــــــــــم ؟؟
طلال:بسم الله علي هههههه علمي أختي وادلعها والله ذا البنات ..


"لاوالله خيانه مخليني داخل وانتوا فيذا !!"

طلال:هههههههه تعالي >>والتفتت على رنا ..:(فيذا)دليل على تأقلمها..
رنا:ههههههههههه الله يقطع شرك..
العنود:تحشوون فيني صــح ؟؟..
رنا:لا بد سلامتك ..
العنود:عمي طلال..
طلال:هلاااااا ببنت أخــوي..
العنود:خلنا نطلع اليوم خميس زهقنا أنا ورنا..
رنا:أنتي زهقتي أنا لا..
العنود:صيري معي يكفي خواتك راحوا وخلوني !..
طلال:ههههههه متأثره ..
العنود:ايه والله طفشت..
طلال:ويين تبون..؟؟
العنود:ما ادري انا ما اعرف للريــاض حدي المملكه والفيصليه !..
رنا:خلنا في البيت احسن نجيب قهوه من مكان وحلى وبس..
طلال:بكيفكم عاااد ..
العنود:خلاااص أنا بروح معك..
طلال:يالله جيبي عبايتك..
العنود:طيب >>وراحت بفرح..
طلال لرنا:تدرين أنها غيرت عبايتها ؟؟..
رنا:إييه قالت لي أمس ..
طلال:كنت قايل لريما تقنعها إذا رجعوا بس فاجأتني والحمد الله جت من نفسها..
رنا:الحمد الله توقعتك تغصبها..
طلال:أنتي تعرفيني انا ما أبي اغصبها على شي..ابيها تكون مقتنعه بهالشي..
رنا:اول مرره أشوفك جدي..
طلال بابتسامه:لا اعجبك في هالمواقف..
رنا:هههههههه لا تصدق ترى أجامل..
طلال:هههههه ماتعرفين !

 
 

 

عرض البوم صور dali2000   رد مع اقتباس
قديم 14-01-09, 03:43 PM   المشاركة رقم: 14
المعلومات
الكاتب:

البيانات
التسجيل: Sep 2006
العضوية: 13121
المشاركات: 14,193
الجنس ذكر
معدل التقييم: dali2000 عضو ماسيdali2000 عضو ماسيdali2000 عضو ماسيdali2000 عضو ماسيdali2000 عضو ماسيdali2000 عضو ماسيdali2000 عضو ماسيdali2000 عضو ماسيdali2000 عضو ماسيdali2000 عضو ماسيdali2000 عضو ماسي
نقاط التقييم: 4972

االدولة
البلدCuba
 
مدونتي

 

الإتصالات
الحالة:
dali2000 غير متواجد حالياً
وسائل الإتصال:

كاتب الموضوع : dali2000 المنتدى : القصص المكتمله
افتراضي

 

________________________________________
يمشوون في ساحه الحرم طالعيين بعد صلاه العصر..
"مالي دخل ابي جده ؟؟"
ابو فيصل:صاحييه انتي مامعنا سياره..
بندر:من قالك انها صاحيه ؟..
دلال:يــــبه..
ابو فيصل عصب تزن على شي مستحيل يصير لان مامعهم سياره:وحطبــــه ..
دلال بزعل:شكراا..>>تركتهم وراحت للبنات ..
ديما:وش قال ؟..
دلال:ما قال شي..
ريما:عيي ؟..
دلال:اييه..
ريما:انتوا تطلبون شي مستحييل..
...
بندر: خلها تزعل لييش تضيق صدرك ؟؟..
ابو فيصل:ما تهوون علي هذي القعده !..
فيصل:الله لنا..
ابو فيصل:تغاااار ؟؟..
فيصل:لاوش دعوه بس ننبه لوجودنا..
ابو سعوود:هههههه موجود وأنا عمك..
ابوفيصل:مافيه محلات استيجار سيارات فيذا.
بندر:من صدقك يبه وين نلقى ؟؟..
ابوفيصل:يعني معقوله مافيه ؟..
فيصل:فييه بس ما نعرف أماكنها..
ابوفيصل:خذهم وانا ابوك وودهم اي مكان التعميير ولا الابراج شي يلهوون فيه..
فيصل:ما اتوقع يوافقون !..
ابو فيصل :ناد دلال..جت وهي زعلانه..:هلا ..
ابو فيصل:هههههه ما تصلحيين زعلانه بخلي فيصل يروح معكم المكان اللي تبونه هنا روحوا تمشوا اشتروا
اللي تبون ومرره ثانيه نجي ناصين جده إن شاء الله..
دلال:ماله داعي يبه..
بندر:تتغلى بعد !..
دلال:أكرمنا بسكوتك..
فيصل:ههههههه شاربه شطه..
دلال بسخريه:لاوالله..
ابو فيصل:بتروحون ولا لا..
دلال:مدري بشوف البنات..
بندر:بتروح تتفقد احوال الرعيه..
ابو سعود:بناتي رعيه انت ووجهك ؟؟..
بندر:ههههههه سوري برنسيسات عمي ..
ابو سعود:ايه بعـــد..
بندر: لا بس أختي ماشاء الله مسيطره على الوضـع !
أبو فيصل:الله يخليها لي
:آآآمين ..


.............


انتهى الجزء..




/





...@@البارت التاسع عشر@@...


ماعلى الدنيا عتب...
كل مافيها أمانــي..
فوق ملتاع ..الهـدب..
أكتـب أحسـاسي أغاني.....
كل ماشفتـك أحن..للصفاء وأجمل وفاء..
يامركب من سهر..يامجاديف القدر....
يابحر موجه عبوس..فيك اتبعني السفر..
كل ماترسي بمينا..أقول ثاني..
وأثرها غصب علينا...لعبـه يلعبـها زمـانـي...


..............


بعد العشــــا..

"انا ما ابي ارووح ؟؟!!""
دلال:ريما بلا بياخه حطي جوالك صامت وأمشي ههههههههه..
ريما:تتهزيين ؟؟..
ام سعود:لا لاتحطينه صامت إذا دقيت عليك ترديين >>ماتدري عن السالفه-سالفه فيصل والجوال للتذكيير!
دلال:ههههه إن شاء الله خالتي ..وتهمس لديما..لو تدري غيرت رأيها..
دلال:يالله وش قلتوا أبوي اللي قايل لهم يعني يمشون على كيفنا والله ونــاسه ..
ديما :إذا راحت ريما رحت !..
دلال:وش ذا البياخه يالله عاااد ..
ديما:والله انتي واخوانك ارز وجهي ليه ؟؟ ترى رزه الفيس من طبايع التيس..
دلال:انتي التيس والله ..
ديما:احلفي بس ؟؟..
دلال:والله ..طيب تعالي انتي وريهام موب لازم ذا الخايسه تتدلع علينا ..
ريهام:انا بروح الفندق تعبانه ..
دلال:يالله عااد بقعد اترجاكم ريما علشاني وعلشان ديما ..
ريما:أروح ويفشلني ؟؟..
دلال:ياختي اسفهيه الحقران يقطع المصران..
ريما"شلوون تفهم هذي انا مستحيه منه شايفني الصبح واطلع معه المغرب بس بقره ذا البنت!!"

ابو فيصل يشوف نقاشاتهم محتده رجع لهم :هاااا وش قررتوا ؟؟؟..
دلال جتها فكره:يبه شف ريما تقول مستحيه تروح مع أخواني ؟..
ريما مفتحه عيونها:أنااااا..
دلال:أجل انا يبه اقنعها !..
ابو فيصل:لييه يالريم بحسبه اخوانك ودلال معكم ؟؟..
ريما:بس !!..
ابو فيصل:لاتغصبونها خلوها على راحتها..
دلال:يبــــه..
ابو فيصل:خلاااص روحي مع ديما..
دلال:ديما ميب رايحه إلا بريما والله نشبه ذا الثنتين أشوى أن ماعندي توأم ؟؟
ابو فيصل:هههه محصله انتي الله يخليهم لبعض ..
ريما حست انها سببت ازمه ما لها حل الا..
ريما:خلااص عمي بروح..
ابو فيصل:بعدي بنيتي..
دلال:اففف مابغيتي كني بوديك المريخ حدنا التعمير وأبراج مكه ومحلات أبو ريالين اللي تحت !..
ابو فيصل:ههههههه يالله لاتهوون..
دلال: يالله..
>>مشوا ورى العيال اليوم اخر يوم لهم وبكره راجعيين بيروحون يتمشون ويتسوقون ويتعشون ويرجعون ي
طلعون حرتهم اخر يوم على قوله دلال ..




..................





وصلت مها وعمتها وابوحمد وحمد لبيت أخت نجلاء(اللي بيخطبونها)عشان الرؤيه الشرعيه تقدمت يوم لان البنت
بترجع الجمعه للديره مع ابوها..

استقبلوهم بكرم وترحيب دخل ابو حمد وحمد عند الرجال وهو مستحي اللي هم ابوها وزوج اختها ..
:حييا الله من جانا ..
ابو حمد:الله يحييك ويبقيك..
حمد يسوي نفسه كبير ورجال:الله يحيك عمي ..
وقعد ابو حمد وابو نجلاء يتكلمون في اشياء رسميه وحمد مستحي ومرتبك مرره..

طلع أبوها بعد القهوه ونادى حمد عشان يدخل المجلس..
طلع حمد معه وهو يتماسك من الرجفه اللي فيه..
ابو نجلاء:ادخل وانا ابوك..
دخل حمد وقعد على كرسي وطلع ابو نجلاء ودخلت مع الباب عمته نوره ومها ..
حمد:اشووه أنكم جيتوا !..
مها:ههههه ليه خايف ؟؟..
حمد يكابر يعني إنه:لا موب خايف بس يعني بقعد بلحالي !..
نوره:نشوف اذا دخلت ماتطردنا ..
مها:هههههه تخيلي عمتي..
نوره:ههههههه كل شي جايز سمعوا طق على الباب انفتح ودخلت نجلاء منزله راسها وفي يدها صينيه عصيير..
:السلام عليكم..
كلهم ردوا :وعليكم السلام..
نوره :ادخلي يمه..
تقدمت نجلاء وهي مستحيه وحمد اردى منها ما رفع راسه ولاشافها حتى ..قدمت لنوره:تفضلي خالتي..
نوره تبتسم باعجاب:زاد فضلك ..
وراحت لمها :تفضلي..
مها :ما أبي حبيبتي عطي العريس..حمر وجه نجلاء ولكن لامفر لفت براسها جهته ووقفت بالفعل انصدمت
من جماله ووسامته فيه من مها بس غطى عليها بكثيييييييييير تقدمت بخجل :تفضل..
حمد يرفع راسه ويبلع ريقه يوم شافها ابتسم لها وأخذ عصير :شكرا ..
نجلاء منزله راسها وشعرها الناعم كان مدرج على وجهها :العفو..
حطت الصينيه وقعدت قبال نوره ومها في الجهه الثانيه وحمد على يمينها..
اما حمد ما رفع عينه من عليها "بعذره اول بنت يشوفها عقب مها وتملك جاذبيه فظيعــه"
مها :احم احم ..
نوره:نحن هنا ..
ضحك حمد ونزل رأسه..
ونجلاء انهبلـــت عليه من شافته معقوله هالجمال والوسامه والهدوء مريض انا ما اصدق هالشي!..
نوره:في سنه كم يا نجلاء..
نجلاء بصوت واطي:خلصت الكليه هالسنه ..
نوره:الله يوفقك ماتوظفتي أجل ؟؟..
نجلاء:لا.. قعدت دقيقتين ومها تحاول تشركها معهم في سواليفها مع عمتها بس حست ان شكلها غلط
وقفت واستأذنت ومشت بتطلع وعيوون حمد عليها ليين طلعت..
مها :هيييييه راحت ترى هههههههه..
نوره:هههههه وش رايك فيها وانا امك ؟؟..
حمد:مررره حلوووه !..
مها :انت الأحلى ..
حمد:لا والله هي أحلـــى..
مها :ههههههه كانك حالف خلاص هي أحلــى ..
حمد:مها أنـا احبك..
مها مبتسمه:وانا اكثر ..
نوره:يالله اطلع وقل لابوها الله يكتب اللي فيه الخير ..
وقف حمد :اللحين؟؟وشلون الله يكتب اللي فيه الخير !
نوره :ايييه وانا امك اللحين يعني خلاص موافقين وانتي يامها خلينا ندخل..

نجلاء اول ما دخلت شافت اختها في وجهها :هااا بشري ؟؟..
نجلاء:يجننن يا منيره ما شاء الله تبـــارك الله يهبل هههههههه أحس أني مراهقه يوم شفته بس ارتحت له مرره..
منيره:هههههه الله يوقفك ان شاء الله اذكري الله ترى ما ينضل الحلال الا راعيه..
نجلاء:لا بس الله عليه ان شاء الله ماشا الله تباارك الله ..
دخلت نوره ومها الصاله..
نوره:هااا يا بنيتي عساك مرتاحه؟؟..
نزلت راسها بحيا:الحمد الله ..
مها :الله يكتب اللي فيه الخيير..




............





بندر:ما تعبتوا عنبو عدوانكم رجولي تكسرت وانتوا تدورون ؟؟؟..
ديما:اسكت ونخلص ؟؟
بندر:نعم ؟؟!
دلال:سلامتك>ياخي شف فيصل ساكت وش حليله رح له..
بندر:يالله ترى طفشت..
ديما:يالله برباره ..
دلال تطقها بكوعها:بندر حبيبي اللحين بنخلص أطلع برى ..
بندر:حبتك القراده قولي آآميين >>طلع برى المحل لقى فيصل واقف عنده على جنب وسرحااان..
بندر:اللي مأخذ عقلك يتهنأ به..
فيصل بابتسامه:يأخذه حلاله..
بندر:لا الأخ غرقان ؟..
فيصل:لييش طلعت ؟؟..
بندر:حومت كبدي أختك وبنت عمها..
فيصل:لاتغلط لو سمحت ! ..
بندر:موب مرتك الثانيه مدري وش أسمها ..

طلعوا البنات من المحل ومشت دلال مع أخوانها والبنات وراها وريما مرره مستحيه من فيصل
تحاول انها ماتلتقي فيه ولاتشوفه في وجهها..

رن جواااااااااااااالها لا يااااااااااااربي مستحييييييييييل !

"ياليت اليـــوم تفهمني وتفهم خاطري وارحل
تكلم وش جرى مني سيف الهم تراه استل
جفى الاصحاب يقتلني وتقتلني تراه اسهل
تكلم وش جرى مني سيف الهم تراه استل
ياليت اليوم تفهمني وتفهم خاطري وارحل .."

بس الصوت كان أوطى بكثيير..فيصل أبتسم وهو يمشـي بدون ما يلتفت ..
ريما طلعته من الجيب اللي برى وردت بدون ماتشوف الرقم وهي موصله معها ..
ريما :الووو..
...:هلا وغلا بهالصوت وهالألوووو ليييش معصبه يا عمري..
انصدمت ريما وطالعت الرقم رقم غرييب غيبه لييش تردين ؟؟؟>>هي ماترد على ارقام غريبه ..
حاولت تهدي نفسها:نعــم..
...:نعم الله عليك من معي ؟؟..
ريما بعصبيه:وجـــــــــع إن شاء الله ..وصكت بوجهه دلال اللي سمعت صوتها ارتفع رجعت لهم..
ديما:شفيك ؟؟؟..
ريما:حيوووان..
دلال:من اللي داق ؟؟..
ريما :واحد قليل أدب..
ديما:لييش رديتي ؟؟..
ريما:ما ادري مانتبهت >رن الجوااال <ياويلي رجع دق شسوي ..
ريما ماتت من الخوف خصوصا في هالمواقف هي جبااانه بمعنى الكلمه..
ديما:اسفهيه !..
دلال:بيزعجها..
ديما:إن ردت بيزعجها اكثر ..
دلال:اممم عندي فكره عطيني الجوال ..
ريما بخوف:لييه؟؟؟
دلال:ما لك دخل جيبيه >>رن الجوال للمره الخامسه خذته دلال وراحت لأخوانها ..
ريما:لاااااااا دلال لاااااا هئ هئ حرررام عليك !..>>>ولكن لاحياه لمن تنادي..
ديما:ههههههه احسن لك يالخبله خله يأدبـه ..
دلال اعطت الجوال فيصل وقالت :رد وهزئه داق يستهبل !..
فيصل باستغراب:من جواله ؟؟..
دلال:رد اللحين لاينقطع..
خذه فيصل ورد بصوت قوي:خيييير أخوي ؟؟..
ارتبك الشاب وما درى وش يقول:هــلا اااه ايه هذا جوال تركي..
فيصل بصوت عالي:عن الاستهبال تدري من جواله !وان شفتك دقيت على هالرقم او فكرت بس تدق ما تلوم
الا نفسك سامع ولا لا ؟؟..
الشاب..:آسف اخوي..
فيصل:قله حياااا !!..الشاب بالفعل خااف من عصبيه فيصل لأنه يكلمه بقوه وهالنوع من الشباب لعاااب ..
عطاه دلال:من جواله ؟؟..
دلال:بنت عمي !..
فيصل:ادري يعني بنت الجيران.. ميين..؟؟
دلال بخوف:ريــــما ..
تنهد فيصل عطا نظره للبنات ومشى ..
وبندر توه راجع رايح يجيب له مويه نشف ريقه:وش صاير..؟؟
فيصل:ولاشي..

ريما"طيب وش دخلني يناظرني كذا هو اللي يدق اللهم طولك ياروح هذا يومين رفع ضغطي وش بسوي
لاقابلته 24 ساعه الله يصبر قلبك يا ريما "
بندرشك ان الوضع غيير طبيعي التفتت على البنات وكلم دلال:دلييل خلصتوا ؟؟..
دلال:بقي ذاك المحل ..
بندر:يالله بسرعه..

فيصل يلووم نفسه ...
"انا لييش معصب اللحين هو اللي داق يستهبل عليها اعصب عليها لييه لو كان شي ثاني ما عطتك الجوال
فيصل وش تفكر فيه هذي تربية عمك عاااارف عمك خالد اللي الكل يمدح فيه وفي بناته..
اعوذ بالله من الشيطان الرجيم.."التفت ..

شافهم داخلين محل وقباله كوشك عنده بنت منهم استشف أنها ريما لأن دلال وحوستها داخل ومعها ديما وبندر معهم ..
تقدم من الكوشك ووقف بعيد عنها شوي بس تسمع صوته...

فيصل :إذا دق عليك مرره ثانيه أرسلي لي رقمه !..
ريما انصدمت من انه يكلمها طاح اللي في يدها ووقفت ودقات قلبها 180 لا ميتين وشووي ما تدري لييه مجرد قربه منها
يسبب لها ربكه طال صمتها ؟؟..
فيصل:أوكي..
ريما بصوت متقطع:أ..و..كــ..ي >وبسرعه..بس والله ما أعرفه ! ..
فيصل:ههههههه ومن قالك أنك تعرفينه !..بعد شوي وقعد يكلم العامل عن سبحه تقليد ..
ريما جمدت من ضحكته ريما اعقلي هذا فيصل تررى ..وش صار لك ؟؟؟..
فيصل:بـكم هذا ؟؟..
العامل:هذا 25 ريال..
فيصل:لييه غاااالي كذا ؟؟..
العامل :مافيه غااالي هذا سبهه كويس !..
فيصل:من السبهه وأنا غاسل يدي >>ابتسمت ريما على كلامه ..
فيصل :جب 3 حبه ..
العامل :طيب بس خلاص ..
فيصل:خلاص كله 60 ريال طيب..
العامل :مأليش أنت زبوون >>نصاااااااااب أصلاً أول مره يوقف عن كوشكك بس حركات هنودنا
لو تمر من جنبه قال زبون! ..
فيصل يأشر على ريما :مع حساب هذا مدام !..
ابتسم العامل :إن شاء الله ..
ريما تبي تعارض بس ماتقدر تستحي منه وشلوون أكلمه اللحين !يا ربي فشيله وانا ماخليت خاتم مااخذته وهو ووجهه
مسوي فيهــا كريم..
عطاه العامل كيسه وكيس ريما حاسب ولف على ريما:خذي !..
ريما:شكراً..
فيصل:العفو..

لفوا للمحل لقوا بندر ودلال وديما يضحكون ..

"ياربي وش بيفكني منهم اللحين ؟؟">>>نفس الجمله قالها الاثنين بس في صدره..


من أول خفقه بصدري..
وأنـــافيك أرسم الأحلام..
من أول طاري الأشــواق..
كنـــت أنــت أول أطيـافي..
>>لا ياريما طحتي ومحدش سما عليك !..

يوم وصلت ريما لهم وسبقوهم العيال..
دلال:لاااه لاااه اعترفي رييمووه وش كنتي تسويين ؟؟..
ديما:إن تحت السواهي دواهي..
ريما :هههههه والله انكم نكته ترى شفته بالصدفه عند الكوشك ورجعنا مع بعض بس..
دلال:بس!!اييييه صدقت ويين بتروحين من يدي لاجيتي بيتنا..رييم..
ريما:بسم الله علي يبيلي حراسه..
دلال:وأخوي وش شغلته ؟؟..
ريما:فارقي بس ترى عطيتك وجه..

تمشوا وتعشوا وما وصلوا الفندق الا بالليل حللوا اليوم على قولة دلال اليوم اخر يوووم وبكره نشبع نوووم..



...............



اليوم الثاني يوم الجمعه اليوم اخر يوم لهم في مكه راحوا للحرم من الساعه 10 ونص بيقعدون فيه ليين صلاه الجمعه وخطبةالحرم وبيمشوون على 1ونص جهزوا شناطهم عشان اذا رجعوا بس يركبونها ..

كان الجو في الحرم غيير ..ملياان بكل الاجناااس والجنسيات والاعمار يوم جمعه والكل يعنى للحرم عشان الصلاه
والخطبه خصوصا القريبين من مكه اهل الطايف واهل جده بالنسبه لهم هذي رحله اسبوعيه..

كانت خطبه الحرم هالجمعه مؤثره للشيخ السديس عن اللي يصير في لبنان واطفال لبنان اثناء الحرب الاسرائيليه عليهم كلماته تدخل القلب وتأثر فيه غصب عن الواحد انتهت الصلاه على الساعه 1 وشوي طلعوا من الحرم وكانوا متواعدين مع الحرييم
عند بوابه السلام لقوهم ومشوا للفندق لقوا الباصات واصله وجاهزه..

دلال:بصيييح هااا قد حان وقت الرحيل !!..
ديما:مابك يا أخت العرب ؟؟..
دلال:هههههه وش أخته انت ابنة العرب ..
ريما:هههه قالك عدلتي شي اللحين ؟..
دلال:اسكتي بس والله احس اني بصيح كني في حلم وقمت منه ..
ديما:ارجعي نومي ههههههههههه..
دلال :تنكتين ؟؟ ..
ديما :احاول ..
دلال:تصدقون اشتقت لام عبد الله !! ..
ديما وريما:هههههههههه الله يقطع شرك
>>ام عبدالله وحده معهم بالباص كبيره في السن جايه مع عيالها عبد الله ومحمد رجاجيل موب بزران وكل ما وقفوا وركبوا ما تخلي الباص يتحرك الا لما تسأل عبدالله وينك فيه وانا امك واخوك محمد معك وكذالك طول الرحله كانت تقهر دلال تحس انها تفشل عيالها عند الرجال لانها تقعد تصارخ تناديهم >قصة حياتهم ههههههه ..

ريما:جاااايعه !!..
دلال:انتي ماقد شفتك شبعانه ؟؟..
ريما :رجييم حبيبتي أجل زيك دبه ؟..
دلال:انا دبه حرااام عليك بالله وش فيك تسووين رجيم عظم وجلد ..وقربت منها..ترى أخوي يحب السمن!..
ريما:فارقي انتي ووياه..
دلال:قدها نشوف من بيجيبلك سنكرس في الطريق..
ريما:ههههههه ياقدمي معي ما خلص لين اللحين !..




................




العنود فرحانه:اليوم بتجي عمتي ســاره..
منيره:كلمتيهم ..
العنود:كلمت ديما تقول تونا راكبيين الباص..
منيره:الله يرجعهم بالسلامه..
الكل :آميييين..
طلال:العنود جهزي أوراقك بكره بنروح الجامعه تسجليين..
العنود:جاهزه بس ابي أصور بعض الأوراق ..
طلال:عطينيها اذا جيت أروح العصر..
العنود:اوكيي..يمه ابي اشتري من البقاله شوكلاته بصلح حلى ..
منيره:دقي وانا امك.
العنود:ما اعرف ..
طلال:يبيلها معرفه بعد دقي وقولي رقم الاشتراك وتجيبه ولا بيت ماما منيره هههههههه يجيك طاير
العنود:ههههههه يعرفها..
منيره:عييااال بنيي فضحوا بي جعلهم الصلاح ..

دخلت رنا عليهم :السلام عليكم ..
:وعليكم السلام ورحمه الله وبركاته ..
رنا :ما دقوا اهلي ؟..
العنود:كلمت ديما تقول بنمشي..
رنا:ادق عليهم أمس مايردون..
منيره:يرجعون بالسلامه إن شاء الله..
الكل :إن شاء الله ..
رنا:خااالي تعرف حمد اخوا مها صديقتي حمد الــ....>>كان يدرس معك من أول بس ما كمل..
طلال يتذكر:حمد ...ايييه اييه حمد ناصر قد قلتي لي انه تعبان! ..
رنا: اييه هذا هو بيعرس..
طلال:لا والله ما شاء الله متى ؟؟..
رنا :مدري بس بيملك وموب مسووين عرس..
منيره:لقوله حرمه..>>تعرف قصته
رنا:اييه وحده من قريه بس منهبله عليها مها تقول عسسل ..
منيره وطلال :الله يوفقه ..
العنود بضيق :يمــــه ما عرفت أكلم هنديكم!!..
طلال:هههههههه جيبي بنات أخر زمن الهندي يبي له كلام بعد !..
:رفيق بابا جيب واهد هاادا فيه معلوم ..وقعد يطلب البنات ماتوا من الضحك على طريقته تقول هندي مضيعينه في الرياض >>ههههههه يمديكم على التشبيه شي !مادرى عني والله هههههه رحمة من ربي إنـه ما يقرى !..





.............





اما اهل مكه ركبوا الباص واستقروا في اماكنهم دق فيصل على امه يسألهم اذا يبون شي قبل لايمشوون..
:اصبر وانا امك اسأل البنات ..بنااات احد يبي شي قبل لانحرك..
..تلفتوا لبعض احد يبي شي ريما ودها بدونات بس استحت من ام فيصل واشرت لدلال تقولها,,
:يممه خليه يجيب دونات ..
ام فيصل:جبلهم ذا الكيك دونات..
فيصل:ههههههه كيك يمه ولا دونات..
ام فيصل:كله واحد لاتدقق يبون دونات..
فيصل :ان شاء الله ..شرى لهم وجابه لم باب الحريم ونادى دلال ..نزلت وخذته ..
ركبت دلال وعطته ريما :اشبعي أشك أنك متنسيه بذا الدونـات !..
ريما:ريحتها تهبل ..
ديما:إلا الجوع اللي يهبـــل..>>ريما ماتأكل كثيير تجوع نفسها بعدين تأكل ههههه قالك رجيم..

اكتمل الباص تقريبا تكلم ذاك اللي قلت اسمه أول مرتب الرحله أو مديراللي يجي المهم
(السلام عليكم ورحمه الله وبركاته عمره مقبوله بأذن الله اكتمل العدد خلاص نمشي؟؟)
تكلمت ام عبد الله :عبببد الللله فيييه عبد الله وأنا أمك ؟؟؟..
عبد الله منحرج عند الرجال:سمي يمه فييه ..
ام عبد الله :وأخوك محمد معك ؟؟؟؟>>اللهم طولك ياروح !..
عبد الله :كلنا الله يعافيك فيه كلنا ..

دلال وديما وريما ماتوا من الضحك
دلال:ههههههههههه نفس الطريقه نفس الكلام الله يعيين ولدها عند الرجاجيل..
ديما:ههههههه وش حارق رزك هي وولدها تصلح..
ام سعود:استحوا على وجيهكم كبر أمي تحشوون بها ..
ديما:والله تضحك الله يعين عبدالله والله أني حبيته !!..
ام سعود:بننننننننت..
ديما:ههههه سووري ههههه غلط مطبعي هههههه آه يابطني ..
دلال:هههههه خلاص تراس ما تنعطين وجـه ..
ديما:آآه ..


مشوا والطريق زي الروحه البنات يسولفون ويضحكون ودايم ما تكون ريما منظمه لهم لأن ريهام ميب لمها
وميب راعيه سواليف والطريق طوييل سووا مسابقات وهدايا وضحك عند الرجـال يعني الجو فللله شغلوا في وقت الفيديو
برنامج عن السحر(عرض في قناه السعوديه الاولى)كانت الساعه 8 والدنيا لييل وانوار الباص مسكره كلها ..
ههههههههه تعالوا شوفوا اشكال البنات خايفات من جد ويقولون طفوه ومعجب السواق جلعه المرض ودلال ترسل لفيصل
وبندر الله يعافيكم قولوا له يسكره !لأنهم مووب نايميين الليل إذا شافوه ريما فكت رأسها من الصدعه وغطت وجهها ونامت على الساعه تسع وقفوا عشان يصلون المغرب والعشا وياخذون أكلهم مرره وحده ..
ريما تمشي وتناظر رجلها هههههه من عقب الروعه شكلها يضحك ..
بعد ساعه تقريباً ركبوا وبدت أم عبد الله تسأل عن عيالها هههههه رهيبه ذا الحرمه والله لو تشوفونها على الطبيعه شي !
أم عبد الله:لاتمشي أصبــــر عبدالله فييه ؟؟؟..
رد عليها بندر:لا موب فيه مانبيه بنخليه فيذا !!...
البنات ماتوا من الضحك على رد بندر حومت كبده..
كل الباص ضحك على رد بندر لأم عبد الله لأنها بجد اقلقت ولدها مسيكيين يحمر وجهه كل مابدت معلقتها !..


ديما:هههههههههههه ياربي ههههههههه رهيب..
دلال:هههههههه بيفضحه ابوي ههههههه تشوفين
ريما:هههههههههه والله فشله..
ديما:ههههههههههههههه تستاهل شقت بذا العبدالله !
دلال:وأنتي تلمحين من الصبح !
ديما:هههههههه حرااام عليك بس والله رحمتــه الضعيــف ..

في الرجعه البنات استانسوا حتى أكثر من السفره نفسها من جد ساعه صدروونــاسه..
ما بقى إلا وقت قصير على الرياض يمكن ساعه وشوي بيوصلون 12 الليل تقريباً ..
رنا نامت عند ام امها منيره بحجه انها تبي تروح مع العنود بكرره لان أمي منيره تسألها وش عندك مخليه رجلك
ونـايمــه عندنا 3 أيام بس في كل المرات تعدي فيها رنووه على خييير والله يستر من الجــايــات ..



انتهى الجزء...





/







...@@البارت العشرين او العشرون @@...


(محتاره بين العشرون والعشرين ..احس اني بإمتحان نحو ههههههه كتبت الثنين ارضاء للطرفين سجع
<<صدقت انها في امتحان هههههههه)


المهم..

سواها قلبي ياحبيبي وحبك
........ماطاعني وأنا عن الحب ناهيه
الظاهر إنه مايبي غير قربك
.......عاف الجميع واول الناس راعيه

أستغفـــر الله ..


وصلوا اهل مكه الساعه 12 بالليل وكلن نصا بيته على طول من التعب والطريق حتى البنات اتزاحموا في سياره ابوهم وراحوا لبيتهم على طول بلا سيارة فيصل بلا خرابيط ..

من بكره يوم الجمعه على الغدا ساره عند أمها متغديه عندها هي ورجلها وبناتها عازمتهم منيره بعد مارجعوا من السفر ..ولطيفه بتجي العصر لأن رجيلها فيه هههههه ياحبي لها سنعه ..

طلال:الحمد الله على السلامه تو ما أنورت الرياض والله ..
ديما :الله يسلمك منوره بوجودك ..
طلال:هههههه موب لك لأمك ..
ديما :جاااامل ياخي وش فيها لاصارت لي وه رح مناك بس أهلييييين عنوده اشتقنا لك يالدبا..
العنود تسلم عليها :هلا وغلا وربي حتى أنا فقدتكم الحمد الله على السلامه ..
ديما :وانا اكثر الله يسلمك ياربي..
وراحت لريما:اهليييين ريووومه وش ذا الزين محلوه ؟؟..
ريما:ههههههه عيونك الحلوه ساااامنه صح ؟؟ ..
العنود:هههههه لا هذي انت الله يعافيك لاتسويين رجيم
>>ريما جسمها حلو مليان بس مو دبه وهي تبي تنحف تسوي رجييم بس على عماها ودايم تتعب على هالحركه البايخه !
ريما:ههههه لا السفر مافيه رجيم..
رنا مبتسمه:استانستوا هناك أجل ؟..
ديما:ايييه والله فله فاتك نص عمرك يا رنا هههههههه لا ودلال انواع الوناسه..
رنا:هههههههه متاكدين انكم رايحين مكه ؟؟..
طلال:ههههههه ملاحظه انا اشك الصراحه !..
ديما:مااالت عليكم الشرهه على اللي تقص لكم وبصوت عاللي يممممه منيره ؟..
منيره:سمي..
ديما:سم الله عدوك دلال تسلم عليك..
منيره:يالبى قلبها الله يسلمك ويسلمها ..
ريما لديما:متى سلمت يالنصابه ؟؟..
ديما:ههههه ودها بس مستحيه قلت أوصل مجاناً..
العنود:هههههههههه حلوه ديما كفك..
ديما:هههه ياحبي لك أنتي اللي معي على الخط..
العنود:متى مابغيتي بس أشاره..
رنا:متى بتجي خالتي لطيفه ؟..
ساره:وانت ماتقعدين الا بلطيفه قولي امي بقعد معها ..
رنا:ههههه تغارين يمه..
ساره توقف:ما غرت الا من لطييف>>يالله طلال خالد بلحاله في المجلس جب القهوه>طبعا كانت تمزح على رنا..
طلال:تموون ام سعود >توه بيقوم..
العنود :كلميني عن دلال أحسها فله !..
رجع طلال يقعد >>مجرم هالولد ^_* ..
ديما:هههههه وش اقولك هالبنت احبها مررره طيبه وعلى نياتها فيه براااءه وملح مغطيه علينا
اللي في قلبها على لسانها ... >>وما لاحظت طلال اللي يستمع بإنصات بس ما فااات هالشي على ريما..
ريما تطق كتفه:ما كنك بتقوم ؟؟..
طلال:هااا الا يالله تعالي معي مامنهم نفعه يا ذا البني..وقفت معه ريما ومشوا
ريما :ههههههه خالي..
طلال:هلا ؟؟
ريما:ماتلاحظ أنك متأثر من أمي منيره بزياااده هاليومين هههههههه
طلال:هههههههه وش قصدك يالخايسه ؟؟
ريما:لاتفهم غلط ههههه طريقه الكلام يعني..
طلال:هههههه لاتخافين أعجبك..
ريما:هههههههه أكيد موب خالي
ومر الوقت عليهم...بعد الغدا ..
ريما:يوووه نسيت وش سويتي يالعنود اليوم التسجيل سجلتي ؟؟..
العنود:اييه سجلت رحت انا ورنا وسجلنا الحمد الله ..
ريما التفتت على رنا:نايمه هنا ؟؟..
رنا :اييه عشان اروح معها !..
ريما :وش سجلتي ؟؟ ..
العنود:رياااض اطفااال ..
ديما:ليييه شين ؟؟..
العنود:بالعكس انا امووت على الأطفاااال ومن زين نسبتي أقعد أدلع..
ريما:هههههه اهم شي أنك انتي مقتنعه ؟..
العنود:الحمد الله وانتوا وش تخصصاتكم..
ريما:لا أنا بعييد عنك مررره حتى المباني بعيده انا اداره اعمال وديما كانت معي بس موب من ميولها على قولتها
وحولت إداره عامه..
العنود:ههههههههه على بالي بغيير زي بعض..
ريما:ههههه أندري عنها عشان دلول معها ..
العنود:دلال معنا في الجامعه ؟؟..
ديما:اييه والله بتنبسطيين ..
العنود :ودي اتقضى اشياء للجامعه ماعندي شي يناسب أبد..
ريما:عااادي اذا جينا نروح روحي معنا حتى إنا يبيلنا اغرااض ..
العنود:خلاااص عطيني خبر قبل..
ريما :إذا جينا بنروح بقول لك وإلا نمرك
العنود:أحسن بعد ..

 
 

 

عرض البوم صور dali2000   رد مع اقتباس
قديم 14-01-09, 03:44 PM   المشاركة رقم: 15
المعلومات
الكاتب:

البيانات
التسجيل: Sep 2006
العضوية: 13121
المشاركات: 14,193
الجنس ذكر
معدل التقييم: dali2000 عضو ماسيdali2000 عضو ماسيdali2000 عضو ماسيdali2000 عضو ماسيdali2000 عضو ماسيdali2000 عضو ماسيdali2000 عضو ماسيdali2000 عضو ماسيdali2000 عضو ماسيdali2000 عضو ماسيdali2000 عضو ماسي
نقاط التقييم: 4972

االدولة
البلدCuba
 
مدونتي

 

الإتصالات
الحالة:
dali2000 غير متواجد حالياً
وسائل الإتصال:

كاتب الموضوع : dali2000 المنتدى : القصص المكتمله
افتراضي

 

________________________________________
.. في بيت ابو فيصل ..

"والله فقدتهم تعودت عليهم فيصل متى بتعرس ؟؟.."
بندر:أمس شايفتهم مسرع اشتقتي لهم على جريف أنتي !..
دلال:وش أسوي تعودت عليهم اقهر ريما واتطاق مع ديما >>فيس محزن قااالك مشتاقه ههههه..
ابو فيصل:ههههههههههه هذا اللي فاقدته اقهري فيصل واتطاقي مع بندر!!..
فيصل وبندر مع بعض..:وإنا على كيفها >>..طالعوا بعض وضحكوا ههههههه..
دلال:بسم الله علي !!..وبدلع..باباي هذولي بعاريين مايصلحون!..
بندر:ياعيني على الناقه..
دلال توقف:ناقه في عينك بروح لأمي أصرف ..
فيصل:هههههههه صباح الخير لها ساعه تناديك ..
بندر:مصدق أنت هذي نكته ياحبي للريـــــاض بس وشوارعها فقدتها والله..
فيصل:هههههههههه احلف ؟..
ابو فيصل بجديه:بندر خل عنك اللعب والسهر هالترم تخلص هالزفت(الجامعه)وتدور لك شغل فااااهم ..
ولا لي كلام ثاني معك..
بندر:إن شاء الله يبه خلاااص أنا عطيتك وعد !!..
ابو فيصل:اييه وانا ابوك نبي نزوجكم ونفرح بكم..وانت >..التفتت على فيصل..
جهز امورك ورتب نفسك على قولتك نملك قبل رمضان والعرس بعد العييد..
فيصل:إن شاء الله بس كل شي بعد العيد الملكه والعرس ..
بندر:يبه بتزوجني والله اخلص لك الترم في اسبوع !!..
ابوفيصل:هههههههه عط ذا اللوح شوي..
فيصل:كني انسبيت ؟؟..
ابو فيصل:وانا صادق احد يحصل الريم ويرفض..
فيصل في نفسه ..وانت الصادق احد يحصل ويرفض..بس كابر :أنــا !!..
بندر:بس على الوعد ابو فيصل اخلص من هنا تزوجني من هنا وإلا ترى بهون ..
ابو فيصل:ابد وعـــد وأنا أبووك ..

دخلت دلال معصبه ورمت نفسها على الكنب :اوووف والله ما لي خلق..
بندر:ولاتقل لهما أف ولاتنهرهما خييير ان شاء الله ؟؟..
دلال:ماقلت شي والله امي بتروح لخالتي جواهر وانا مالي خلق بنتها..
ابو فيصل:وش دخلك في بنتها اعرست وراحت في حال سبيلها ؟؟!؟؟..
دلال :بس تقهر وترفع الضغط من تقعد ليين تقوم وهي تذب كلام وأنا ما لي خلق طقاق..
بندر:ومن قال تطاقي ؟..انتي لييش عدوااانيـه كذا ؟؟..

دلال بعصبيه وتناست فيصل:ولييييش إن شاء الله تبيني أسكت وأنا أسمعها تدق على أخوي لا حبيبي أنا ما اعرف ..
كنه ميت عليها وانا ماندري ياخي حتى حيا ماتستحي هذا وهي متزوجه ماغير تجدع في الكلام وهي رايحه وجايــه ..

فيصل يناظر دلال وعصبيتها "معقوله عبير لين اللحين تتوقع اني ما تزوجت عشاني احبها ماتدري اني نسيتها ونسيت اهلها من ذاك اليوم بس كرهتني في الحريم كلهم "
فيصل:ولييش تعصبين؟؟ ..كلهم استغربوا رده فعله العاده يتضايق ويطلع من المكان لانه ما يبغى يتذكر هالسالفه أصلاً..
دلال:آسفه فيصل بس .....
فيصل:لا بس ولاشي أنتي داريه أنها آخر شي أفكر فيه ولاتنسين أني خاطب وبعرس قريب !!..
دلال بفرحه:يابعد عمررري ياخوي ياجعلني ما ابكيك قل آآمييين والله فرحتني..
فيصل بابتسامه:لييه ؟؟..
دلال:اتطمنت على مستقبل ريما !!..
ذب عليها المخده اللي جنبه:وأنا يالخايسه بالطقاق ؟؟..
دلال:هههههههه أنت رااااعي الاوله ..
بندر:وش رأيك تقومين تطقيين شوط مع راااعي الاوله ..
دلال:ههههه ميب شينه..
ابو فيصل يناظر عياله وفرحان في داخله الله يوفقهم ويخليهم لي فرحان لفيصل اللي تقبل ريما بشكل ملحوظ حتى في كلامـه
وهالشي بحد ذاته يفرحه فرحان ببندر وانه بيفكر يقابل جامعته الله يفتح عليه وفرحان بريحة البيت ونوره دلول الله لايحرمه
منهــا

..
..........



ولا كلمة بعد اسكت شنو يعني بعد بتقول
كفايه ما جرى منك شلي بس بتقوله
بعد لك عين تفهمني من الجاني ومن المسؤول
كشفت اسباب كل كذبك خسرت بخافقي جوله
ولا تحاول معي ارجوك تخدعني بحكي معسول
لو حاولت عشر سنين صعب قلبي انا تنوله
حده منصدم مني يطالعني وهو مذهول
غروره ترى هواللي خلاه يكذب كل شي حوله
انا اللي انجرح قلبي بلا رقه وبدون اصول
تبيني ارجع مثل اول احبك واعشقك ووله
حقيقه ماعرفتك زين حقيقه بان لي المجهول
عديم احساس بالمره وفيك النخوه مقتوله
والله انك بلايا قلب ووالله ان الحكي بيطول
ووالله لاخذه ثاري وثاري غصب لاطوله
يا انا قاتله حبك يا انت بحبي المقتول
الين يسجلوا ضدي قضيه ضد مجهوله
عقب ماكنت تتكبر علي بشكل مو مقعول
عرفت اللحين انا لقلبك وعرفت انهيك بسهوله
كفايه لاتأذيني وتاخذني بعرض وطول
اذا انت مفتخر بأصلك ترى كلن له اصوله
مصيرك يوم تشكيني ولكن ماتلاقي حلول
واقول بكل برود اعصاب انا مانيب مسئوله
انا ماعدت انا اهتم من المسؤول ومن المسؤول
لكن باخذه ثاري وقول اللي تبي تقوله ..

:ههههههههههه خبله بترسلينها ؟؟..
رنا:ودي شرايك ؟؟..
لطيفه :عشان توصلك ورقه طلاقك بكره صاحيه انتي ههههههههه الحمد الله والشكــر بس..
رنا بقهر:لييش تضحكيين؟؟..
لطيفه:هههههههه عليك رنا بالله من وين جبتيها ؟ ..
رنا :عنود طلعتها من النت..
لطيفه بجد:رنا اذا تبين رايي وبتسمعينه وماتقاطعييني قلتــه ..
رنا:يا لييت خالتي احس اني بمووت امي كل شوي تسأل عن قعدتي هنا وانا اصرف..
لطيفه:تسمعيين وماتقاطعين ؟؟..
رنا:وما اقاطع والله..
لطيفه:رنا أنتي باول زواجك ماكملتي السنـــه حتى مفروض تحليين مشاكلك بنفسك ..بتقاطعها وسكتتها..
ادري بتقولين خاني اوكي اسمعي منه خلييه يبرر موقفه موب من اول شي بينك وبينه بتطلعين من بيتك ولا بتروحيين بيت اهلك صدقيني اصعب سنه بالزواج الاولى واقولها لك صريحه انت تحبينه خلااص الحب تضحيه وانا اشك انك حامل بعد..
فتحت عيونها رنا ..
رنا:وش دراك ؟؟..
لطيفه :ههههه مدري احساس ليه صح ههههههه ؟؟..
رنا:انا شاكه..من زمان انقطعت عني !..
لطيفه:هذا اكبر سبب انك تحلين امورك بنفسك لاتخلين ولدك يجي وانتي على خلاف مع ابوه واللي اشوفه من زيد يبيك
ويغليك بعد ..بتتكلم..لاتقوليين كلم انسي هالشي وشوفي وش بيسوي هو شوفي من جيتي وهو مزعجك اسمعيه عطيه
فرصه واذا بتأدبينه أدبيه في بيتك سنعيه على اصوله وأسأليني أنا..
رنا:هههههههههه مايحتاج أسأل ..
لطيفه:أنتي ووجهك..
رنا:وش أسوي طيب اللحين ؟؟..
لطيفه:ولاشي لاتردين ولاترسلين له شي بس اللي جابك هنا يرجعك لبيتك وشوفي وش بيصير..
رنا:يمكن ما اقدر اتحمل افهميني على بلاطه أنـا وحده حاااره وغيوور ما أصلح تدرين كل ما اشوفه ودي أزنطه..
لطيفه:ههههههههه لا حبيبتي لاتتأثرين بالشعر قاتل ومقتول ومدري وشوو استهدي بالله وخلي عنك الهبال..
رنا:ههههههه والله ما اقدر اسيطر على مشاعري وعلى نفسي ودي أكوفنه بس ..
لطيفه:هههههه كوفنيه على كيفك حلالك بس صلي ركعتين واستخيري ولاتخليين احد يحس او يتدخل والله يسهل..
رنا:والله مدري وش بسوي بدونك يا خالتي..
لطيفه:في الخدمه كم بنت أخت عندي ؟؟..
رنا:ههههههههه واجد..
لطيفه:ههههه الله يعيني عليهم

نزلت لطيفه ورنا صلت وارتاحت لرجعتها شالت تليفونها بتنزل شافت رساله منه >>أحسسن تستاهل ماجاك واردى..

نزلت لقتهم مجتمعيين بالصاله والازعاج واصل بيت الجييران من حدته..>بزران وصراخ وحوسه<خلاص الثلاثي المرح..
راحت وقعدت جنب طلال اللي يناقر ديما كالعــاده..
رنا بصوت واطي:خااالي ..ماسمع ..خاااالي..ومارد قالت ما ينفع الا العنف ههه..خاااااااااااااااالي..
طلال:وجع فقعتي أذني !!..
رنا:ههههههههه ساعه أنادي ماتسمع قلت مالي الا العنف..
طلال:وانا اقول ديما من طالعه عليه اثره كبيرتهم هبيلتهم ..
رنا:عن الغلط عااااد ..
طلال:وش عندك خااالي تتميلحين اكيد مصلحه ؟؟..
رنا:وش دراك ؟؟ ذكـــي ما شاء الله عليك هههه..
طلال:داااري ما تقولون خالي الا لمصلحه حتى بنت اخوي خربتوها..
رنا:هههههههه بالله عااد والله إنا نحبك..
طلال:حبتكم العافيه ههههههههه حلوه إي عافيه وش عندك يالله ؟؟..
رنا بارتباك :زيد رجع من السفر وودي يعني اذا كنت فاضي وماعندك شغل توديني بيتي..
طلال بخبث:رجــــــع لاااه متى ؟؟..
رنا بصوت واطي:طلال عن النذاله ..ورفعت صوتها ..هااا بتوديني وإلا لا ؟؟؟..
طلال:هههههه خلااص بعد العشا الله يصبرني عليك..
رنا:لا اللحين ..بيتي وصخ وبنظفه..
طلال:وانا سواق ابوكم متى يرجع سعود وافتك..
رنا :خلاص يعني بتوديني ؟..
طلال يوقف :اييه يالله قومي>>ساره ترى سعود داق يقول يمكن يجي اخر الاسبوع..
ساره:ماحدد يوم ؟؟ ..
طلال:يقول على حسب الحجر..
ساره:الله يهديه لو يعطينا خببر ..
طلال:بيعطيكم ان شاء الله ..يمه تبين شي ؟؟..
منيره:ويين بتروح..
طلال:بودي رنا بيتها وبجي..
منيره:وورى ماتتعشى معنا..
طلال:رجلها جا وبتروح بيتها ..
منيره بفرح:بكيفها على راحتها أجل ..
بعد ماقامت رنا
ساره:إلا من متى وهي عندكم ؟؟..
منيره :من يوم الاربعاء تقول زيد مسافر
ساره:ايييه..
وطلع طلال يودي رنا اللي استاذنت منهم انه رجلها رجع ولطيفه تناظرها بابتسامه على طول تطبيق رنوو
ياااحبي لك بس ..




...............




وصلت لبيتها وهي متأكده انه موب موجود هالحزه لانه يروح الاستراحه ..خافت تنزل..

رنا:طلال انزل معي..
طلال:مال من عمري ..
رنا:طلااااال..
طلال:بالله عليك حرمة كبر جدتي بيجيك عيااال تخافيين..
رنا:هههههه حرام عليك من زمان عن البيت ادخل وصلني بس واطلع..
طلال يقفل سيارته :انزلي الله يصبرني..
رنا:ههههههه شفيك معلق عليها الله يصبرني الله يصبرني بيصبرك إن شاء الله أنت بس احتسب..
طلال:خليها على ربي..
نزلوا ودخلو البيت كان ظلام وهدوء تاكدت انه بره فتحت الانوار ومسكت راسها الشقه مقلوبه فوق تحت ..
الصاله مافيها كيسه مطعم موب مذبوبه المطبخ مواعيين مصففه رنا شوي وتصيح..
طلال:ههههههههه ناسيه قرد في البيت ؟؟..
رنا:الا لاغاب القط العب يافار ياويل قلبك يااارنا ..
طلال:ههههههههه وانا اشهد..
رنا:تخيل اذا انا في البيت يتلفت قبل ما يذب شي يتاكد اشوفه ولا لا ههههه..
طلال:هههههههه مؤدب مسببتله رعب يالله تامرين على شي..
رنا:سلامتك وصلته وقفلت الباب ..اذا الصاله كذا غرفتي شلوون..راحت الصاله وشغلت التلفزيون على قناه المجد
للقران ترتاح اذا سمعت صوت القران في بيتها وعلت الصوت راحت لغرفتها وهي شوي وتصيح
(زيد من النوع الفوضوي مررره ما يرجع شي مكانه الا نادرا ورنا العكس مرره مرتبه ونظيفه وحريصه ..
بتجيها جلطه اذا شافت الغرفه ههههههه عاد أنا حايستها مررره >>نجااااسه ^^
مثل ماتوقعت مقلوبه فوق تحت السرير ماتشوفه من الغتر والثياب ..ياويل قلبك يارنا هههههههه >بريئه أنا والله ..
فصخت عبايتها وقعدت ترتب وتنظف وتغسل خذى منها ساعه وشوي انهدت خذت شور ولبست بجامتها ونامت ...




...............




العنود:نوموا عندنا اليوووم..
ريما:ودي بس سعوود يمكن يجي باي لحظه..
العنود:عااادي اذا جا ارجعوا..
ريما:صعبه ما شفناه من زواج رنا وتونا جايين من مكه واغراضنا محيوسه وكذا ..
العنود:بكيفكم..
ديما:وش رايكم نروح بكره نتقضى للجامعه..
ريما:من بيوديك ؟؟..
ديما:نقول لخالي طلال ..
العنود:عااادي اقوله ونشوف..
ريما:بكيفكم انا نو بروبلمز..
العنود:اوكي بشوف اليوم وبينا الو أجل ..
ديما:خلاص أستناك



..............



"يمه وش رايك ملكه وعرس ولا كل وحده بلحالها"

ام مها:ما شاورتوني اول بتشاورني اللحين ؟؟..
مها:يمه انت اللي رافضه تجيين معنا..
ام مها :بكيفكم اجل..
مها :محتاره احس خلااص ملكه وزواج مختصر وانتهينا في بيتنا..
ام مها :بعد بتسوينه في البيت ..
مها:اجل وين يممه هم على قد حالهم وما اتوقع انهم يقدرون على ايجار قاعه..
قامت امها وجابت لها الشغاله العبايه ولبست وجت بتطلع..
ام مها:اذا سأل عني ابوك قولي معزومه عند خوالي..
مها"الله يهديك يمه مالي الا عمتي نوره هي المنقذ الوحيد لي دقت على جوالها كم مرره وما ردت ..
غريبه ادق على بيتهم بس فشيله عاادي بسوي صديقتها وبدق..قالت للسنترال ودق لها وحول لها الخط "
...:السلام عليكم..
مها:بيت الــ.....
..:ايه اختي ؟؟..
مها:ام تركي موجوده..
تركي :لحظه ...
مها"فشيله شكله واحد من عيالها ههههه هو واحد يالدبشه هههههه قطع عليها
تركي :من اقولها ؟؟..
مها بارتباك:هاا قولها مها ..بنت ناصر ..
تركي استانس :هلا والله بمها وش اخبارك ؟؟..
مها مستغربه جرأته:بخير!! ..
تركي:والله الحمد الله بخيير الله يسلمك والله ..
مها "وشفيه ذا انهبل يرد على نفسه "
تركي :الوو..
مها:هلا..
تركي:هههههههه خذي أمي..
نوره:ههههههههه هلا مهاوي..
مها بحيا:هلا والله اسفه على الازعاج عمتي..
نوره:وش ازعاجه هذي الساعه المباركه يوم دقيتي..
مها:دقيت على جوالك مارديتي..
نوره:كنت بالمطبخ..وش اخباركم ؟؟..
مها:بخيير عمتي ابيك بموضوع ..وشاورتها..
نوره:اسمعي سووها حفله بسيطه في بيتكم ملكه وعرس جناحه جاهز..
مها:اييه نفس جناحه اللحين بس بنغيير اثاث بسيط..
نوره:خلااص اجل توكلوا على الله وسويه في بيتكم..
مها:الله يخليك ياعمتي ماادري وش اسوي بدونك..
نوره:هههههههه ولا شي تعالي عندي بس..
مها:هههههه الله يعين
نوره:ههههه ان شاء الله ربــي بيعين >>طبعاً ربي بيعين كنايه لشئ ثااااني بس مها تتجاهله وتقول الله يعين ..




..............


انتهى الجزء..





/












...@@البارت الحادي والعشرين@@...


سافر الخنجر في عمري من يديك
..........طعنتك تذبح وأنا استنزف رضااك
والله قبلك جيب وبي ثار يبيك
...........وأثري دمي ديته خنجر غلاك
من يحبك ما يحط حدك شريك
...........وأنا أحبك من هنـا حتى الهلاك




في الليل وفي غرفتهم بعد ما رتبوا اشيائهم كل وحده على سريرها ومنشغله بشي ديما منسدحه تقرى مجله وريما تفرز الهدايا
اللي جايبتها من مكه طرى على بالها سوال وانسدحت ؟!..

ريما:ديما ؟!..
ديما بملل:هـــــلا..
ريما :وش رأيك بفيصل ؟؟!
رفعت ديما المجلـة والتفتت لأختها وهي منسدحه..:من أي ناحيه ؟؟..
ريما:مدري كله أحسه غامــض!..
ديما:والله مدري ما أقدر أحكم عليه ويطلع حكمي غلط والواحد مايعرف الإنسان الا إذا عاشره بس من معرفتي بدلال
أنه متقلب مزاجـي بس عصبي أكثر وأحيانا عاادي يضحك ويسولف ..وقعدت..تصدقين ؟؟!..
قعدت ريما متحمسه :وشوو؟؟
ديما:احس إنا ماعرفناهم كنا صغار وهم كبااار ما أذكر إلا طقاق بندر يوم كبرنا على طول تغطينا منهم ما أحتكينا بهم مثل
رنا وسعوود كانوا أصدقاهم بس أحس أن فيه شي غيير !..
ريما:وشلون؟؟!
ديما:دايم دلال يزل لسانها أنه تغيير من تاالي وا ادري ايش وأنه ما كان كذا بس ماتقول شي تدرين حتى رنا تقوله!..
ريما:تتوقعيين أسألها ؟!..
ديما:لا خليه إذا تزوجتي اكتشفي فيه على كيفك أحسه بيطلع أكشن ههههههههه
ريما:هههههههه وينا فلم هو ؟..
ديما:والله صدقيني إلا تعالي وش عندك تسأليين لايكون حبيتيه ذا اليومين ؟!..
ريما:حبتك القراده قولي آمييييين هذا واحد ينحب >>>اممم أسأل اتطمن على مستقبلي..
ديما:هههههههه لا ارتاحي يبشر بخيير خخخ إلا في مكه يوم كنتي برى أنتي وياه وإنا في المحل قالك شي؟!..
ريما ابتسمت..:ليييه ؟؟ ..
ديما:مدري حسيته قايل شي قلبي قارصني تعرفين توأمك ولازم تقط >>تربعت الحرمه لأنها تحمست مع السالفه ^^..
ريما:صارت أشياء ما قال شي!..
ديما تقعد على سرير أختها بحماااس..:والله وشو يالخاينه ولاتقوليين ؟! ..
ريما :متى اقول ودلال معنا استحي تحسبيني انتي عااادي..
ديما:انت ووجهك يالله اخلصي وش صار حمستيني..
ريما:ولاشي بس شافني صدفه لما فتحت الباب لراكان وهوكان في وجهي وقف شوي شوفي حسيته متفاجئ بعدين تأسف وراح...
ديما بصدمه:اللللللللللللله كل هذا ولا شي!وأنتي وش سويتي ؟؟..
ريما:هههههه بصراحه بلمت ماتوقعت أشوفه !..
ديما:ههههههههههه خبله لو أنا صارخت..
ريما:هههههه اصلا مدري شجاني..
ديما:ياعيني على الحب ولك يظرب الحب شو بيزل على قولة دلول..
ريما:حب في عينك ..ويوم الكوشك عشان الجوااال قال إذا اتصل ارسلي لي مسج وحاسب على اللي شريت بس..
ديما:لااااه لااااه والله طلع حركـــه فصيل..
ريما:ههههه شفتي عاااد مدري أحس إني احترت بين كلام دلال او اللي أشوفه؟!..
ديما:ريما لاتخليين كلام احد يأثر عليك ودلال تقول لنا كل شي والرجال غيير مع اخته وزوجته !..
ريما:بس الطبع واحد أبو طبيع ما يغير طبعه !
ديما:طنشي وعيشي يومك وانا أختك صدقيني اريح لك..
ريما:وانتي الصادقه
ديما:.الا وش شعورك يوم صارخ عليك عشان الجوال هههههههههههه يابطني بغيت أحب راسه من زمان اقولك بايخه النغمه ههههههههه
ريما:هههههه تضحكيين انتي ووجهك كان ودي ازنطه ..خييير ..والله فيني الصيحه بس مسكت نفسي..
ديما:ههههههه أحسن حاطت لي ذا النغمه ..تجذب غصب أنا إذا سعتها أخق ..
ريما:وش اسوي أحبها!..
ديما :الله يوفقك ويسخر لك ويعينك عليه إن شاء الله أمتحان رياضيات معد هوب فيصل هههه>>لميااااء هههههه قاطه عرض الأخت بس أتذكرت مدرسة الرياضيات ^_*..
ريما:آميييين وعقبالك..
ديما:آميييييييييييين بس هو وينه..
ريما:ههههههه بيجي ان شاء الله..




..............




على الساعه 2 دخل بيته وتفاجأ بانوار الصاله وصوت التلفزيون دخل لقى كل شي مرتب ابتسم أكيييد رجعت راح للغرفه
بسرعه فتح الباب ..ماشاف الا الظلام فتح النور ..لقى كل شي رجع مكانه وهي نايمه وشكلها في سابع نومه تأملها
وكيف حياته من دونها خلاااص معد صااار يقدر يستغني عنها ..ابتسم شكلها للحين زعلانه معبسه بهالوجه حتى وهي نااايمه الله يعني عليك بتجنني هالحرمه غير ملابسه وانسدح وراح بسابع نومه من الفجر وهو على رجل ...

قامت الفجر استغربت وجوده متى جا ؟ماحسيت فيه ..توضت وصلت بدون ماتقومه ..استغفر الله ياويلي من ربي بس
والله ما اقومه يقعد ..لفت سجادتها وجلالها دخلتها جت بتسكر النور شافت جواله على التسريحه جت بتاخذه
وتعوذت من الشيطان ورجعت و نامت ولا قومته..



.........



صباح اليوم الثاني ناس تنتظره بحماس وناس بروتينها اليومي وناس بيستقبلون غااالي..


قام مرتاع الساعه ثمان ..لاااا الدواااااااام التفتت لها لقاها نايمه ..الله يسامحك ..غير ملابسه بسرعه وكل شوي
خابط في شي من العجله وهي حابسه ضحكتها تحت الفراش ..أحســــــن..كتب لها نوته وطلع..

"نور البيت بوجودك"


...........



:يممممه يمه ؟
ام فيصل:سمي..
فيصل:فيه فطوور..
ام فيصل:فييه وأنا امك اصبر احط لك ..>>ماحب يتعب امه ومستحيل يخلي الشغاله تحط له لانه يكره اي شي منها
ولوعليه مادخلت البيت بس ام فيصل تعبت ودلال لاهيه في الجامعه والبيت كبير فجابها ابو فيصل ..
فيصل:لايمه لاتقوميين بفطر في البنك خلاص يالله تامريين شي ..
ام فيصل:لا سلامتك ..
فيصل:الله يسلمك ..




.............



طلال يقهرها :هاااااي مامي..
منيره:هويت في قليب قل آميين ..
طلال:ههههههه آفا وأهون عليك ..
منيره:ما تهون ..انت القعده بس وش ذا الحكي الماصخ ..
حب راسها:صبحك الله بالخييير يالغاليه..
منيره بابتسامه :صبحك الله بالنوروالعافيه ..وش عندك مستانس..
طلال بشك :اخاف اقولك القا الخبرمنتشر في الرياض..
منيره تذب عليه المنديل:وش شايفني يالخايس ؟..
طلال:هههههه لاوالله بس مالك سده..
منيره:ايه والله مالنا سده ابد (مالنا سده يعني مانقدر نخبي شي عن احد كل شي نقوله)
طلال:سدتكم سدة عنز..
منيره:أيا للي ماتستحي على وجهك أنا عنز؟؟..
طلال:هههههه وش فيك يممه كبريت..
منيره:كبريــ...
قاطعها:لاتدعين علي الله يعافيك ..بقول بكرره بيجي سعوود بس هااا لاتعلميين احد..
منيره:بيجي وموب معلم اميمته اللي شايلةٍ همه..
طلال:يمه بيسويها سبرايز..
منيره:وش رايزه..
طلال:هههههه سبرااايز يمه يعني مفاجاه قام كنه مقروص ..يوووه ثمااان كله منك أخرتيني..
منيره بصدمه :وانا وش دخلني انت اللي قاعد تخرط علي من الصبح..
طلال:يالله مع السلامه تأخرت ..
منيره:في حفظ الله الله يوفقك ويسخر لك ويخليك لي ياااربي ..وتذكرت شي..أميييييييييييييييييييينه(الشغاله)..
اميييييييينه..جتها الشغاله بسرعه تعرفها بتشب فيها ..
منيره:روحي اغسلي السور(الحوش)واسقي الزرع له كمن يوم ماسقيناه..
امينه:ان شاء الله ماما..




..............




اما في بيت ساره مافيه الاهي وخالد اللي طلع الدواام والباقي نايميين ..
توها بتطلع تنوم رن التليفون استغربت من اللي دااق الصبح ..شافت الكاشف رقم اهلي الله يستر..
:الووو..
منيره:السلام عليكم..
ساره:وعليكم السلام ..هلا يمه وش اخبارك..
منيره:بخير وش اخباركم انتم ..
ساره :نزقح ..غريبه يمه داقه الصبح ؟..
منيره:ماتدرين ان ولدك بجيي بكرره..
ساره توقف:بكررره..
منيره:اييه توه طلال يقول لي>>(صادق فيكم والله سدتكم سدة عنــــز هههههه)
ساره:ماقالي والله ..هذا وانا محذرته..
منيره:وش تسويين بذا العياال الله يهديهم ..يالله ما اطول عليك بروح لام عبد الله تحتريني (جارتها)قلت بعلمكم بس
ساره:الله يعافيك يمه ..
منيره:مع السلامه ..
سكرت ساره السماعه والنوم طايير من عينها بكرره بيجي نظر عيني الغالي سعوود وما علمني الخايس يمكن بيسويها مفاجأه منيب قايله لاحد حتى خاالد وقعدت تروح وتجي وش بتسوي وش بتحط تحمست الحرمه ..


..............



العطله مابقى فيها الا اسبوعيين وتبدى المدرسه والجامعه ويرجع الناس لدراستها وشغلها ..وهالسنه موب باديين الا 16-8 متاخريين يعني يبقى على رمضاان الا أسبوعيين ...



..............

على الساعه تسع ..مها وحمد يفطرون على الطاوله لانه عندهم مشاوير الحجز والخرابيط للعرس عطوا البنت المهر
وعلموهم انهم يبون الزواج قبل الدراسه الخميس اللي قبله يعني اسبوعيين من اللحيين وهم منشغليين بالتجهييز..
مها:قلت لراجو يجهز السياره ؟..
حمد يأكل:اييه من قلتي لي..
مها:حلوو.. يالله خلص يالله يمدي نخلص قبل الظهر بإي سياره قلت له..
حمد:الجمس..
مها:ليييه ؟؟..تدري اني ما احبها ..
حمد بعناد :بس انا احبها ..
مها:الله يصبر مها عليك ..تفاجوا بابوهم اللي دخل عليهم غرييبه العاده اللحيين في الشركه من زمان ..وقفوا..
ابو حمد:صباح الخيير ..الشعب قايم اليوم..
مها :ههههه صباح النور شنسوي بعد عندنا عرس..
حمد:اييه والله..
ابو حمد:هههههه هاا عسى التجهيزات ماشيه..
حمد:كل شي اوكي..
ابو حمد:ههههههههههه مشرف بنفسك أجل ..
مها :غريبه يبه مارحت الشركه..
ابو حمد:جيت بروح الصبح ومالي خلق قلت أتاخر شوي ..
مها:اشوى..
حمد يوقف :يالله بروح السياره خلصي بسرعه وجا بيطلع..
مها:ما ابي الجمس خله يجهز اي سياره ثانيه..
حمد:ههههه وانا ابي الجمس..
مها:حمممد..طلع وخلاها ..
مها بصووت عاالي ..:ماااا ابي الجمس بكيفك دور لك احد يروح معك بالجمس..
ابو حمد:ههههههههه كل ذا كرهه..
مها تتنهد:وش اسوي ما احبه ..
ابو حمد يمد لها شيك..:خذي وانا ابوك واذا احتجتوا شي كلميني..
مها:ان شاء الله ماتقصر يبه..يالله تامر بشي..
ابو حمد:سلامتك بس لاتروحون بالجمس..
مها:ولا انا على كيفه عااد...بااي..
ابو حمد:الله يخليكم لبعض..(سبق وقلت لكم عن ابو حمد من اكبر تجااار الرياض وما يبخل على عيااله بشي حتى بالسيارات لكل واحد اللي يبي والجمس هو اللي مع سواق حمد لانه مايسوق وحمد ينهبل فييه ومها تكرره كره العمى..
طبعا مها مالها علاقات مع بنات عمانها او عماتها لانهم ما يصلحوون لها هي بسيطه ومتواضعه برغم خيير ابوها وهم مظاهر وغرور..فما فيه احد وقف معها بزواج اخوها غير عمتها نوره واللي منشغله ببيتها وولدها وعزايمه اللي ماتخلص)



...............
الظهر

"متى بيجي؟؟"
طلال:هههههههه وصلك الخبر ..
ساره:اييه وصل متى بيوصل ؟؟..
طلال:سبراييز..
ساره:طلييل..
طلال:ههههههه لاطليل معصبه..على كلامه يمكن وقت العشا..
ساره تتنهد :الله يرجعه بالسلامه متى هو مكلمك ؟؟..
طلال:امس..لاتقوليين لخواته..خلها مفاجأه..
ساره:مانيب قايله لاحد يالله مع السلامه ..
طلال:هههههه ماعندك وقت أنتي يالله بااي..




...في بيت رنــا..
جهزت غداه ورتبت كل شي وقعدت في الصاله عند برنامج شدها ..

دخل البيت وشم ريحه الغداء..اللللله يازين طبخ البيت من زمان عن الكبسه يبس بطني من ذا المطاعم ..دخل الصاله
زيد:السلام عليكم..
رنا بلامبالاه:وعليكم..
زيد يجلس:اخبارك ؟؟..
وعينها على التلفزيون :عاايشه..
زيد:زيين ..مصلحه غدا ؟؟..
هزت راسها من دون ماترفع عينها عن التلفزيون بإيه..
زيد رمى شماغه وتمدد:من زمان عن اكل البيت ..سافهته..طفشت من المطاعم..يستنى تعليق رد تهزئ اي شي
بس ما تسكت..
..الغداء جاهز..هزت رأسها ..تنهد..:حطييه..
قامت بهدوء حطت الغدا في الصاله وطلعت للمطبخ تخلص شغلها ..
زيد:تعاالي تغدي..
رنا:شبعانه !
زيد:ما احب اكل بلحااالي..
رنا دخلت المطبخ وهي تقول ..لاتاكل احسن بس ما سمعها لانه ميت جوع واكل غصب عنه ..
>>ما تحب تاكل بلحالك تحب تاكل بلحالك مشكلة أمك !<



............




"دلال يمكن نروح مع العنود بنت خالي نتقضى الجامعه تروحين معنا ردي علي بدري"

قامت دلال بعد العصر وشافت المسج من ديما ..وردت
"ما ادري استني اشوف الاجواء وارد عليك..أخاف مطر !">>هههههه رهيبه هالبنت طبعا إنا في رسايلنا الاحوال
الجووويه على غفله من الغبار للغيم للمطر للسحاب للعجوج جمع عج ههههههههه وحدث ولاحرج ^^

نزلت مالقت الا امها اكييد ابوها ما رجع بعد الصلاه يمكن راح للاستراحه..
(ابو فيصل عنده استراحه بس ما يروحون لها كثييير لانه يأجرها بس هو يمرها يوميا العصر..)
:صباح الخيير يمه..
ام فيصل:اي صبااح وأنا أمك اللحين مسا..
دلال:ههههههه النااس عطله ..
ام فيصل :الله يهديك..
دلال:وش سويتي عند خالتي أمس ؟!..
ام فيصل:كان رحتي كل البنات يسألون عنك..
دلال:تسأل عنهم العافيه ..منهم عااد مافيه الا عبير وانا مالي خلقها..
ام فيصل:بنات حصه جايين ..الله يهديك أنتي بس..
دلال:ههههه ان شاء الله ..يمه ؟؟..
ام فيصل:نعم..
دلال:ابي اروح مع بنات عمي السوق..
ام فيصل:وبنات عمك من بيروح معهم؟؟..
دلال:بتروح معهم بنت خالهم..
ام فيصل:اقوول من بيروح معهم ؟؟..
دلال:مدري يمكن خالتي ساره..
ام فيصل:ومن بيوديك ؟؟..
دلال:مدري بشوف فيصل ..
ام فيصل: ووشوله تروحيين ؟؟..
دلال:بروح اتقضى للجامعه ناقضتني اشياء..
ام فيصل:خذتي من ابوك فلوس ؟؟..
دلال بملل:معي يمه ..
ام فيصل : كان ساره بتروح روحي ..واصلا بنات عمك مايروحون بلحالهم روحي بس قولي لابوك..
دلال بفرح:ياحبي لك مامي..
ام فيصل:هههههههه وانا بعد حبت امها وراحت كالعاده تفحط مع الدرج..
ام فيصل:شوي شوي يامال الصلاح وتغدي قبل ..


دلال ماسمعت شي لانها واصله نص الدرج كلمت فيصل وبعد المحاظره نفس محاظره امها طبعا قاال مقدر..
دلال :طييب وشوله هالاسئله ؟؟..
فيصل بابتسامه:اتطمن..
دلال بقهر :تطمنت يالله باااي..
فيصل :باااي "ذا البنت آآآه وش اقول الله يهديها ويعين اللي بياخذها .."
دقت على بندر..استغرب وش فيها ذي محششه أنا في البيت..
بندر:نايمه..
دلال:ههههههههه في نايمه تدق..
بندر:ههههه أنا ادري عنك ..أنا في غرفتي تدقين علي ..بخوف..دلوول وينك فيه ؟؟..
دلال:هههههههه ويني فيه يعني منحاااشه ههه في غرفتي يالله بااي بجيك لاتخسرني وسكرت السماعه في وجهه..
وراحت ركض لغرفته فتحت الباب وهي تلهث من الركض..
دلال:هه هه هه هه (تتنفس ههههه) ..
بندر على الكمبيوتر أو النت بالأصح:ههههههه خير جايه من الربع الخالي..
دلال:لا الملياان ههههههه..
بندر:ههه ماتضحك اخلصي انا مشغول..
دلال:انت متى فضيت اصلا ..وتذكرت انها عندها مصلحه..الله يهديك متعب نفسك وانا اختك ان لبدنك عليك حق..
رفع حاجب بندر :وش عندك..
دلال:ههههههه فاهمني..ابيك يا اخي العزيز كانك فاضي يعني ما ابي ازعجك ممكن توديني لبيت عمي خاالد..
بندر:وش عندك توك شايفتهم ..
دلال:لا بنروح السوق ..الله يعافيك..
بندر:بتروحون بلحالكم ..
دلال:لا مع خالتي ساره..
بندر:افكر..
دلال:بندر الله يخليك بروح معهم ..
بندر اللي مشغول :خلاص طيب لاتزعجيني بوديك..
دلال تبوسه على خده ..:ياحبي لك بسسسس..وطلعت ..
بندر استحى منها "وجـــع ميب صاحييه هالاخت"..

 
 

 

عرض البوم صور dali2000   رد مع اقتباس
إضافة رد

مواقع النشر (المفضلة)

الكلمات الدلالية (Tags)
للكاتبه sama, بسمة العمر الجريح, بسمة العمر الجريح للكاتبه sama, قصة بسمة العمر الجريح للكاتبه sama, قصه . بسمه, قصه بسمه العمر الجريح للكاتبه ساما
facebook



جديد مواضيع قسم القصص المكتمله
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



الساعة الآن 02:37 AM.


مجلة الاميرات 

 



Powered by vBulletin® Version 3.8.11
Copyright ©2000 - 2021, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية