كاتب الموضوع :
dali2000
المنتدى :
القصص المكتمله
________________________________________
حمد:يالله نجلاء ..
نجلاء:صعبه والله !..
حمد:والله عاااااادي ..أنا ابي أروح أنتي وش دخلك ؟؟..
نجلاء:اخاف تزعل أمك ؟!..
حمد:أمي ماتت !!..
نجلاء:بس ولو حمد ترى هي بحسبه أمك اللي ربتك !..
حمد يبتسم :أنتي مررره طيبه ..
نجلاء:ليييه..؟؟
حمد:مدري..
نجلاء:هههههه حلووه ..
حمد:خلاص نروح ..
نجلاء:يالله امري لله نروح ..
حمد:يا حبي لك ..
نجلاء..بحيا :وأنا بعد..
حمد:بس أنا اكثر ..نجلاء تخافين من الجمس ؟؟..
نجلاء.:لاعادي ليه ؟..
حمد:اشوى مهااا بزر تخاف تركبه وأنا سيارتي جمس وأحبه اذا ما تحبينه عادي أغيره !..
نجلاء:ههههههه لا أحبه واذا ما أحبه بحبه عشانك..
حمد:شكراَ..
نجلاء:كم مره قلت ..
قاطعها :موب لازم تشكرني أنا لازم أسوي هالشي..
نجلاء:ههههههههه ما شاء الله حافظها ..
حمد:أعجبك..هالحوار كان في صالتهم لهم اسبوعين وعلاقتهم من أحسن لأحسن نجلاء تراعيه وتسولف معه
وحمد منهبل عليها بس علاقتهم للحين علاقه أخوان ما اتعدت هالشي !فضلت نجلاء أنها تبقى في صالتها أكثر وقتها
عشااان ماتسمع من خالتها كلام يسم البدن وحمد يقعد معها أول ما تطلع امهم تعزمهم على قولتهم مها لتحت واليوم يبي
يروح بها الفيصليه يغيرون جو ولأنه من زوار الفيصليه فحاب يعرفها عليها خصوصاً أن نجلاء عمرها ما طبت هاللي
يسمونها الفيصليه !..ما اقتنعت بس رضت بشرط مها تروح معهم غيرت ولبست عبايتها عشان تنزل إذا خلص
حمد اللي غير ملابسه لبس بنطلون جنز زيتي وتيشيرت بيج بخربشات زيتي وكاب زيتي طالع عليه يجنن بسم الله عليه
حمد وسيييم مو وسييم الا جميييييييييل ومن أتزوج سمن شوي فطلع يهبل >>عيــالي لا تطالعوني كذا !
طلع لها في الصاله ..
نجلاء تناظره بنظره :بتروح كذااا ؟؟..
حمد:اييه موب حلوو !..
نجلاء..:احلف بس..
حمد:والله ..
نجلاء:لاحبيبي مافيه روحه رح غيير والله ماتطلع كذا ! ..
حمد:ههههههه أنا حبيبك ؟؟؟..
تفاجأت من سؤاله بس ردت ولايطلع بهاللبس..:ايه ورجلي بعد غير وإلا والله ما أطبه ! ..
حمد ما فهم ما اطبه بس الزبده في غير !:طيب وش البس..؟؟
نجلاء:البس ثوب مع الكاب يكفي !..
دخل حمد وغير ونزلوا ..
مها :ما بغيتوا كان قعدتوا شوي !..
نجلاء:ههههههههه وش أسوي بأخوك..
مها تناظر حمد باستغراب..:غريبه حمد لابس ثوب ؟؟..
حمد:نجلاء تقول لازم ثوب..
مها :ههههههههه لييه تغااااارين ترى أعرف اخوي وسيم بالبدل!..
نجلاء بمزح:أشوى انك عارفه !..
حمد:يالله ..
مها :عسى موب بالجمس..
نجلاء تمسك يد حمد اللي تفاجأ :إلا بالجمس رجلي يحبه وأنا أحبه ..
مها :هئ هئ حتى أنتي قلبتي علي؟؟..
نجلاء:ههههههههه لييه .. ..
مها :اكررررررهه من الله كذا >>وأناااااااااا أكثــــــــر هههههههه من قلب ما ادري ليه بس ما ادري وش فيني عليه!..
نجلاء:جربي يمكن تحبينه لأني معكم ..
مها :مررره واثقه ..طلعوا لقوا السواق مجهزها ركبوا ومشوا ..
>>مها ونجلاء في الاسبوعيين صارو زي الخوات مع بعض دائماً ..
.............
:حشى حشى كل ذي أكييااااس !!..
ديما:قل ما شاء الله !..
سعود:والله من جد وش ذا ؟؟؟ ..
رنا :ما صدقنا نلقى شي يعجبنا وأخذنا ..
ريما:يالله البيت مررره تعبانه..
طلال:أوامر ثانيه حرم فيصل بن عبدالله ..
ريما:سلامتك..
طلال:بنت أخوي معكم ما نسيتوها مالها صوت ..عنوده ؟؟..
العنود بصوت واطي:هلا فيه هنا ..
طلال :أشوى ..
سعود:فيه أحد يتكلم ؟؟..
البناااااااااااات ماتوا من الضحك تذكروا طلال يوم يقولها لدلال كما تدين تدااان ..
سعود:قلت شي يضحك ؟؟..
رنا:ههههههههه سلامتك بس مررره ما شاء اللله زي خالك القلوب عند بعضها ..
طلال:ههههههههه توأم روحي..سكت سعود لأنه ما يدري وش السالفه يوم هدوا شوي..
ديما:ما دريتوا ؟؟؟..
طلال:لا ما درينا وش عندس ؟؟..
ديما:ريما عازمتنا على العشا بس تقول تبي تخليها مفاجأه ..
ريما :يا نصبي متى عزمتك ؟؟؟..
ديما :هههههههه اليوم عاااادي ياختي ترى جزا ذا الدوره اليوم ..
طلال:توي أدري أنك بخيييله ! ..
ريما :موب بخل بس تفاجأت وشوفوا المطعم اللي يعجبكم وبعشيكم وأمري لله ..
طلال:ياااااااااااهوووو تحيا الريم ..
سعود:العب على أختي..
طلال:وين تبون الريف ولا النخبـــه ؟؟..
ريما:هيييييييييييه أكد عليكم أنا ماكدونلز..ويخب..
طلال:يالله العوض ولا القطيعه عااادي ..
مروا اقرب ماك للبيت وتعشوا طلال وعنود ورنا في كبينه وريما وديما وسعوود في كبينه ..
بعد ما خلصوا ..
ديما تعلي صوتها عشان يسمعونها لأنهم جنبهم:تعشيييتوا ؟؟؟..
طلال:لا نحتريس !..
ديما:ههههههه باااايخه ..
سعود:يالله انطمي مصدقه إنا في بيتنا ..
طلال:سعوود ما أوصيك ..
سعود:لاتوصي حريص ..
ديما :حررراااااام عليكم..
رنا :هييه اسكتوا وجع فشلتونا !..
طلعوا وراحوا لبيت ماما منيره وهم هلكانين من السوق بس انهبلوا الحريم على الفساتين اللي خذتهم ريما ..ذووق
خلاااص ما بقى عليها شي بقي اشياء بسيطه قضوا هالاسبوعين في السوق من محل لمحل ..
تبي ترتاح في رمضااان عباده وتبي تتفرغ لنفسها شوي..
.............
مها :خذيه نجلاء عاااادي !..
نجلاء:لا والله غااالي 300 حشى لو انه وشو ؟؟..
مها :ههههههه كذا الاسعار خذيه لاتخلينه في نفسك ..
نجلاء:لا لا يالله نطلع ..
دخل حمد:هااا خلصوا ..
مها :حمد حاسب على هالجاكيت معجب نجلاء !..
نجلاء :لا مها والله ما ابيه ..
مها :اقول انطمي ..حمد خذ ..خذاه حمد ..
حمد:بس هذا ؟؟..
نجلاء:وش تبي بعد ..والله غاااالي !..
حمد:ما يغلى علييك ..وراح يحاسب..
مها بعد الصدمه:ههههههههه والله اخوي يعرف يحكي !..
نجلاء:هههههه وش رأيك يعني ؟؟..
مها :والله تغيير من اتزوج احسه كبر عشر سنين ..
نجلاء:ههههههه هو كبير من زمان بس انتوا ما تشوفونه ..وبعدين سامعها مني قبل ..
مها :ههههههه منتيب سهله تغازليين اخوي اشوفه منسبه فيك نجلاء ونجلاء ..
نجلاء تدفها :ههههه اسكتي جا !..
حمد:يالله جااايع..
مها :يالله نطلع..
نجلاء تساسر مها :كيف دفع ؟؟..
مها بنفس الصوت ..:انا علمته مرره كيف يحاسب بعدين معه صراف فيزا غير اللي في بوكه لاتخافين عليه ..
نجلاء:ياحبي له ..ابتسمت لها مها ..
نجلاء:مها شوفي ذيك شلون تناظر وجع !!وقاااااحـه بالله عليك هذا غطا ؟!..
مها :هههه خليها عااادي..
نجلاء:لا والله تقز رجلي وتقولين عادي..
حمد:وش فيه رجلك ؟؟..
نجلاء:سلامتك بس عطني الكيس عنك..
حمد:خذي ..
نجلاء:وين اهلها يخلونها تطلع كذا ؟؟..
مها :تحمدي هذا أن دروا عنها ..
نجلاء:الحمد الله بس جلابيه موب عباة والشعر ومكيااج !..
مها :فيه أعظم ما شفتي شي..
حمد:شتقولون ؟؟..
نجلاء:نسولف ..
حمد :ابي اسولف !..
نجلاء:الله يحييك ..
حمد :ويبقييك ..
مها لنجلاء:نجول وش مسويه بأخوي يرد ويبقيك ..
نجلاء:ههههههه أحد الدروس..
تعشوا بعد ما تمشوا واستانسوا..
ورجعوا البيت بالجمس اللي مها متقعده منه ..بس لكل شي سبب وبنعرفه بعدين !
وإلا أقولكم اللحين هههههه عجبتها السالفه مره من المرات على وقت الربع كانوا كاشتين كلهم في مخيم أبو حمد
اللي في العاذريه من زمان تقريبا 10 سنين أو أكثر كانت مها تقريبا في أولى متوسط وكانوا جايين بالجمس في الليل
بعضهم ينام والباقي يروح لبيته ومها عقدتها نوم البر فكانت تدخل في جمسهم وتنام في المرتبه الاخيره وإذا جا الصبح قامت
في أحدى الايام والناااس وقت سحر قد الله عليها ههههههههه >كني أطر! المهم صرق تركي وكانت أيام المراهقه عنده
صرق مفتاح الجمس من سواق خاله ويركبه الشيخ ويدق سلف ويمشي وهو دبشه السواقه منا وهو مناااك والناس بر وحصى
مها كانت تحسب إنها في حلم قامت على السياره تهتز وتنطط وقفت ولكشه ما يحتااج وصرخت :يمــــــــــــــــــــــه !
هههههههه كانت تحسبه حرامي صرق السياااره وخطفها تركي ألتفت من الرووعه يحسبها سكنيه وما شاف تل الرمل اللي
قباااله إلا هو في وسطه مها بغت تنهبل من الروعه وأذكر ذاك اليوم ما سلم تركي من التهزئ من خخاااله وأمه اللي ما قصرت
ومها قعدت تصيح يومين من الروعه لين راحت بيتهم وكل ما مر من عنها :والله أنك دلوعه أنتي اللي مروعتني اللحين وتصيحين ههههههه بس كان ودها تاخذ شبشبها في راسه بس نفسيتها ما تتحمل تصيح وبس >انصدمت ياعمري
ومن عقبها وعقدة حياااتها الجمس !>>ترى أنا أكره لسبب ثاني غير سبب هالخبله ههههههه لا تحسبونه أنا !
.............
لطيفه:وش بقى لكم ؟؟..
ساره :خلصنا الضروريات ..
لطيفه:ما بقى عندكم الا بكررره وبيدخل رمضان الله يشرفه ..
ساره:بنروح بكره الصبح نأخذ المكياج ..والباقي على شوي شوي ..
ديما:يمه بنفطر هنا بعد بكره ؟؟..
ساره:لا في بيتنا عمك بيجينا !..
ريما:بيجيييييي !!..
لطيفه:ههههههه وش فيك ارتعتي ..
ريما:هااا لا عادي ..
ديما :كويس يعني بنجتمع ..
ساره:يمه ورى ما تفطرون عندي بعد بكره ما في الا انتي وعنود وطلال ..
منيره:بنجي ان شاء الله ..
ديما:يالله عنود بتجوون الجمعه نومي عندنا ونروح الجامعه السبت..
العنود:ودي بس صعبه أبوك وأخوك..
ديما:بياكلونك عااادي واذا طالعنا نحطك في بيتكم ..
العنود:اوكي اجل بشوف أمي خلاص تصدقين من زمان عن أمي ! ..
ديما:من متى ما دقيتي عليها ؟؟
العنود:مدري بتم الاسبوع بروح أكلمها تعااالي
ديما:لا أنتي وأمك تصلحين إذا خلصتي تعااالي ..
العنود:طيب ..
.................
من بكرره الصبح ريما وامها في السوق يخلصوون المكياج طلعوا من السوق واللي موديهم خالد ـبو سعود ..
ابو سعود:هااا خلصتوا ؟؟..
ام سعود :الحمد الله ..
ريما:يبه ؟؟..
ابو سعود:سمي ..
ريما:سم الله عدوك يبا ابي أمر مكتبة جرير..
ام سعود:وشوله ؟؟..
ريما :بشتري لاب توب..
ام سعود:لاب توب لييه..؟؟
ريما:هديه لديما نفسها فيه من زمان ومسويين تخفيض وابي اخذه لها >>فديت الخوات أنا ^^..
ابو سعود :يا حبي لك لا يكون طالبته منك ؟؟..
ريما:لا والله ولو طلبته تأمر أمر!..
ابو سعود:الله يخليكم لبعض..
وداها ابوها لجرير وخذت الاب توب هديه لديما ..
في السياره :عااادي نغلفه ..
ام سعود :يامن شرى له من حلاله عله !..
ريما:ههههههههه بس دقيقه والله..
ابو سعود:ههههههه تأمرين كم عروس عندنا !..
استحت ريما من ابوها :تسلم ..
وقفوا عند محل تغليف هدايا جنب بيتهم غلفته وراحوا البيت ..
....أول ما وصلوا نادت الشغاله تاخذ اكياسها لفوق وشالت الهديه ..
دخلت الغرفه مع الشغاله ..وديما على لاب توبهم القديييم >كانوا مع بعض فيه ..
ديما:ما شاء الله ما شاء الله من الصبح شوبينغ وش شريتوا ؟؟..
ريما:خلصت المكياااج ..
ديما:اسرع جَهَااااااااااااااز شفته في حياتي >>جهاز يعني تجهيزها ..
ريما:ههههههه ما يمديك عصر السرعه ..
ديما :هئ هئ يا ربي ذا الكمبيوتر بيذبحني علق ..أخرتي بذبه في الزباله وإلا ببله وبشرب مويته ..>>على قولته!
ريما:ذبيــــه !..
ديما :ايه بتروحين لبيت رجلك وأكيد عنده كمبيوتر وأنا أتوهق فيذا..وتوها انتبهت للعلبه المغلفه !!..
ديما:وش ذا ؟؟..
ريما :هديه ..
ديما :داريه من له ؟؟..
ريما بابتسامه :لك ..
ديما بدهشه :انااااااااااا ؟؟..
ريما:ايه ..تتلفت في احد ثاني ..
ديما طمرت :لا وشو ؟؟..
ريما افتحي وشوفي ..وعطتها العلبه ,,
ديما :ثقيل الله يستر ..
ريما:ههههههه الله يستر ..
حطته وبدت تفتح التغليفه وتلقي ثانيه ..فتحتها وطلع في وجهها (toshiba)
انهبلت توها أمس شايفته في الجريده وتقول يالييت من يشتريه !..
ديما :لي ؟؟..
ريما تهز راسها بايه ..
ديما وقفت وضمت ريما وصاحت !..
ريما:ههههه ليه تصيحين ترى بصيح ؟..ما ردت عليها تصيح ..
ريما :يالله عاد لو داريه ما شريته !..
ديما بين صياحها :والله بفقدك مدري شلوون بصبر إذا تزوجتي ؟! ..
ريما صاحت خلاص ماتستحمل هالمواقف:خلاص بزعجكم كل يوم بنط لكم !..
ديما تبعد بدموع :الله يحييك نطي على كيفك ..مشكوووره الريم ..وتضمها مره ثانيه وتتركها
ريما تمسح دموعها :خلاص هديه عاااديه ترى..
ديما ترجع لمرحها :هذي عاااااديه أجل وش السبيشيل ..وقعدت تفتح الباقي والكرتون وتطلعه ..
ديما:ليش كلفتي على عمرك يكفيني هالزين وتاشر على حقهم ..
ريما:لا كلافه ولا شي وإذا ما شريته لك أخذه لمن ؟؟..
ديما :يا بعد قلبييييي والله
>>ملاحظه ريما شاريته من فلوس مهرها <<
توها بتفتحه :بسم الله..
:لحظـــــــــــــــــــه!! والله خيانه..
ديما:تعااال شفه سعود منيب مصدقه انه لي بلحالي!..
سعود:هههه مبرووووك يله خلوني افتحه يتبارك..
ريما :احلف بس ؟..
سعود:ههههههههه والله ..
ديما:يالللللله بس على جنب موب فاتحه الا أنا ترى حقي..
سعود:من اللحين ؟؟ ..
ريما:هههههههه يالله بس افتحيه اخلصي بننزل لأمي تجهز لبكره ..
ديما :يالله بسم الله الرحمن الرحيم اللهم اعطني خيييره واكفينييي شررره
سعود:ههههههه حشى عجيز
ديما:لااازم بسم الله وفتحته ..
..........
في المغرب أعلن التلفزيون السعودي أن بكره هو أول يوم من أيـام شهر رمضان المبارك ..
يعني كل المساجد بتصلي التراويح اليـــوم..
راحت أم سعود وراحت معها ريهام وراكان مع ابوه ..ديما قعدت مع ريما لانها ماتبي تروح بتصلي في البيت ..
وتعبت من المشي اليوم ..
...............
غداااااا رمضاااااان ^^ ..
يااااحبـــي له ولأيــــامه وليااااليه هالشهر له طعـــم ولوون خااااااص ..
...............
انتهى الجزء..
/
...@@البارت الثامن والعشرون @@...
في جفاف العمرمن قيض الملل
...........توسم قلبي في قلبك ربيع
يوم شفتك شي بشرني حصل
.........يوم لقيته وعنه لا يمكن أضيع
جيتك ومدري من الأول وصل
.........هو أنا وإلا أنت وإالا إحنا جميع
من جاوب ياحبيبي ومن سأل
.......من مسك ومض السعاده لا يضيع
في ثواني كل شي ناقص كمل
..........وكل مبعد عاد لدروبي سريع
مستحيل وممكن وصعب وسهل
............كلها لأمر الهوى تخضع تطيع
كانت هذي هي الأبيات اللي يرددها فيصل بينه وبين نفسه وريما
من رجعت وهي تحاول تنوم بس وينها ووين النوم قعدت واتسندت على سريرها ..تتأمل الأزرق اللي في اصبعها
(طبعا كان اثر الحبر على اليد عشان البصمه )..
"ياربي من يتخيل أنام أمس وانا آنسه وأقوم وانا مدام هههههه حمد الله والشكر والله إنه نكته احد يملك برمضان وانا الخبله اللي مطاوعته"
ما انتبهت للثوره اللي دخلت الغرفه ورمت شنطتها وعبايتها بطفش..:ياربيه حر وزحمه وقلق متى تجي العطله وأفتك ..التفتت لأختها :لاااااااا في عاااالم ثاني..
ديما:ريم ريما ريووووووم الريم ..خذت مخده وذبتها عليها ..ريما ارتاعت وشهقت ..
ريما:وجع روعتيني !..
ديما:ههههههههه غارقه في العسل ..اللي ماخذ عقلك يتهنا به ..
ريما:ههههه متى جيتي ؟؟..
ديما :توني جايه ..غريبه مانمتي؟؟! ..
ريما ترفع يدها وتأشر بابهمها وتحركه ..ديما فتحت فمها ..
ديما:احللللللللللللللللفي ؟؟..
ريما:هههههههه والله ..
ديما تقرب:من صدقك اللحين ؟؟..
ريما:ههههههه والله ..
ديما..خبلـــــــــــــه احد يملك في رمضان ؟؟!..
ريما:اسألي ولد عمك ؟!...
ديما:هههههههه فتـنـتـيه صراحه شافك وأنهبل هخخخخ..
ريما:هههههه مررره ..
ديما:والله انه شي يعني اللي يبيه بيسويه !..
ريما:الله يصبرني عليه بس..
ديما تبوسها:أللللللللللللللللللللللف مبرووووووووووووووووووووك صرتي حرمه ..
ريما:هههههههه وأول وشو؟؟!...
ديما:لا غير اللحين خلاص حرمه صدقيه أول بنوته..
ريما:الله يبارك فيك ..أحسه عااادي ماتغير شي..
ديما توقف :وشو عااادي خلاص تملكتي يعني بيكلمكــ...قطعتها ..
ريما:يكلمـــــــــــــــــــــــــــني ؟؟؟؟؟؟..
ديما:هههه عادي موب مرته ..
ريما:وانا على كيفه يحلم والله اصلا استحي اتخيلي ..تهز رأسها ..لا ياربي ما أقدر..
ديما:ههههه شوي شوي لاتنصدمين أجل شلون لو يبي يشوفك ؟؟..
ريما:ديما فارقي لو سمحتي ..اصلا انا ما اتخيل نفسي..
ديما تسفهها وتمشي والغرفه كانت مظلمه شوي:اللحين ما اتخيل نفسي اذا حبيتيه تجيني عاد ديما ما اتخيل نفسي اعيشــــ..قطع كلامها خبطتها على الارض..
ريما:ههههههههههههه..
ديما:وجع إن شاء الله شيلي قشك ما أقدر اتحرك في غرفتي بحريييييه كلها شنط وجعييين..
ريما:هههههههه عقوبه !..قامت ديما وهي معصبه كل الغرفه شنط واكياس جهاز ريما ماتبي تحطه في مكان غير غرفتها هالشي مسبب قلق لديما اللي كل شوي خابطه بشي >>الشوف شجر هههههه..
.................
رنا:والله انك قاطعه !..
مها:ههههههه داريه بس وش أسوي..ما أفظى ؟؟!..
رنا:جت نجلاء وخذتك منا مرره !..
مها:هههههه والله تهبل ودي تشوفينها بتستانسين عليها !..
رنا:يالله على أيدك..
مها:انت وش اخبارك ؟؟..
رنا:والله بخيير مهبل بي ذا الحمل الله يعين ..
مها:يا دبي ما اتخيل شكلك حامل الله يقومك بالسلامه ..
رنا:والله اني مرتاعه من الولاده من كثر مايخوفوني !..
مها :لاتخافين ولاشي ترى بيأثر عليك وهاللي يخوفونك والله ماعاقتهم كل وحده شاكه درزن..
رنا:ههههههههههههههههه حلوه شاكه درزن ..
مها:هههههههههه ذكرتك بخبالنا أول ؟!..
رنا:ياربي أنواع الوناسه ..والله كبرنا ؟! ..
مها:انتي يمكن انا لا !..
رنا:احلفي بس..
مها:ههههههه والله يالله تعالي بيتنا..
رنا:والله خلاص بشوف زيد وبعلمك ..
مها :يالله نجلاء متحمسه لك ..
رنا:عندك ..
مها :ايه ..
رنا:سلميني عليها ..
مها:الله يسلمك ..خلاص استناك هالاسبوع ..
رنا :اوكي..
.................
دخلت على الساعه 3 من زحمه الطريق وبندر تأخر عليها ..
دخلوا استغربوا من فيصل اللي منسدح بالصاله وقعد يوم شافهم ..
دلال وبندر:السلام عليكم ..
فيصل:وعليكم السلام ..وش فيكم مطنقرين ؟؟؟..
دلال ترمي نفسها على الكنب..:أحد يمر شوارع الرياض والظهر وما يطنقر ..
بندر:صادقه اففففففف زحمه غيير طبيعييه >>فديتها وشوارعها وزحمتها لا تحاولون أموت فيها ^^..
دلال:غريبه مارحت الدوام ؟؟..
فيصل :في رمضان دوامنا غير بعد التراويح !..
دلال:ياحظكم ..
بندر :اسمحوا لي بنام ..وطلع ينام ..
فيصل:صل قبل ..
بندر:إذا اذن قوموني..
فيصل :ولا بتقوم عاد مابقى إلا ربع ساعه..
دلال:هو أدرى بنفسه يااااربي هلكااانه مفروض ما في دواام في رمضاان شهر عباده وصوم..
فيصل:احتسبي ..ما باركتي لي دلول ؟؟؟..
دلال تقعد باهتمام واستغراب:اباااااااارك ليش..؟؟
فيصل بابتسامه :تملكت !..
دلال بصدمه :اييييييييييششش..؟؟
فيصل :تملكت ..
دلال في صدمتها :تمــلــكـــــــت وريما حراام عليك ؟!..عيونها غرقت بالدموع تتكلم وعيونها تدمع ..
>>والله حرررام ليش تخطبها وأنت بتتزوج غيرها ..حرام ..وانفجرت عليه ..أنتوا يالرجاجيل كلكم كذا كلكم..
مثل بعض ماعندكم احساس ولا مشاعر حرام تدمر بنت عمك ماتبيها ليش تعلقها فيك والله بتنهااار..
..غطت وجهها وقعدت تصيح ..
فيصل منصدم من رده فعلها لهالدرجه تعني لها ريما وتحبها فيصل بلا غباء لو ماتحبها ما انهارت كذا ؟!..
>>دلال بالرغم من مزحها ومرحها الا انها انسانه حساسه مرره خصوصاً في الصدمات ماتقدر تمسك نفسها ..
دخلت أم فيصل وهي مرتاعه من شكل دلال وهي تصيح وتشاهق ..
أم فيصل:وش فيكم عسى ماشر ؟؟..دلول يمه وش فيك ؟؟؟..
فيصل ببراءه:بس عشاني قلت لها اتملكت !!!..
ام فيصل تقعد جنبها :هووو بداال ماتفرحين لأخوك !..
دلال ترفع راسها :أفرررررررح أفرح وهو بيتزوج على بنت عمي الله لايوفقه ان شاء الله ..
ام فيصل:وش ذا الحتسي وهو من مأخذ إلا بنت عمك !..
دلال استوعبت رفعت رأسها لفيصل اللي ابتسم لها ..لأنها فاهمه الموضوع غلط ..
دلال طارت له وضمته..
فيصل:ههههههههههه اللحين صرت حبيبك ؟!..
دلال تضحك وتصيح:هههه والله اسفه ما استوعب الظاهر الجوع مأثر ..
فيصل يمسح على شعرها وهي حاطه راسها على صدره لاول مرره يحس بحب اخوانه وحنانه عليهم فعلا
كنت حاارم نفسي من هالنعمه ..
فيصل:لييش تصيحين ؟؟؟..
دلال:من الفرحه ..
ام فيصل:ههههههههههه وانتي على طول متسرعه !..
دلال تبعد عنه :وش دريني عن ولدك باركي لي تملكت ..انا انهبلت وريموو ياقلبي ؟!..
فيصل:ههههههههه وأنـا بالطقاق ؟ّ..
دلال:ههه لا عاد بس ولو ..الا تعال احد يتملك برمضاااان ؟؟ ..
فيصل:ههههههه ايه انا !..
دلال :والخايسه ما علمتني..
ام فيصل :اليوم متملكين ! ..
دلال ..:هيين والله لادق واهزئها ..راحت لجوالها ودقت على ريما وقالت :بوريكم فيها !..
وحطته سبيكر..
ردت وهي تضحك :هههههههههههههههههههه "فيصل دوووم هالضحكه مووب يووم يارب "
دلال:أضحكي يالخايسه وأنا أخر من يعلم ؟!..قولي صديقتي وبنت عمي وتوأمنا الثالث ماااااالت عليتس مالتس
خوي يالدباااا..
ريما:ههههههه أولا منيب دبا ! >> عرف انها متعقده من ::دبااا::
..ثانياً والله حتى أنا مدري ؟!..
دلال:أمحق عــروس !..
ريما:هههههههه يالله عاد ترى عطيتك وجه !..
دلال:لا والله هذا وجهي من زمان لاتتبلين ؟!..
ريما:ههههههههههههه وربي هههههههههه خلاص وجع بطني ههههههههههه..
دلال:هههههه أحسن !..عشان مره ثانيه كل شي يكون تحت نظرنا ! ..
ريما:آآسفين ياشيخه هذا أنـا حالفه ما أعرس إلا وأنتي فيييه !..
دلال:لا والله يعني عندك نيــه بعد !..
ريما:ههههههه كلمه واسحبها وهـ..تدرين أنهم مقوميني من النوم وأنا بكشتي رايحه للمحكمه كنهم بيشنقوني !..
ام فيصل طلعت من زمااان بس فيصل مستانس على سواليفها ومتحمس على اللي بتقوله يبي يعرف رأيها ودلال مطنشه أصلاً ناسيه انه فيه وحتى لو فيه صاار رجلها ! نرجع لريما ..
ريما:تخيلي شكلي ؟!..
دلال:ههههههههههههههههههههههههههههههههههههههههههههه ه..
ريما: وش فيك..؟؟؟
دلال:اتخيل شكللك..ضحك عليها فيصل بس بهدوء عشان ما تحس..
ريما:يالدوووووووووبا وأنـا متحمسه أقولك يالله مع السلامه ..
دلال:هههههه لا والله ما أعيدها سوري ..
ريما:خلاص طيب ..
دلال:يالله كملي ..وش شعورك..؟؟
ريما :هم خلوني أحس بشعور وإلا بشي خذوه فغلوه ما استوعبت الا يوم شفت البقعه الزرقاء حقت البصمه..
دلال:ههههههه في يدك ؟!..
ريما:هههه ايه كنها علامه الجوده ..
دلال:ياحبي لك مبرووووك والله فرحت لك يالشينه..
ريما:هههههههه الله يبارك فيك كملي جميلك وجاملي قول زينه..
دلال:هههههههه ما أعرف !..
ريما قالت تمزح :قولي لأخوك "انتبه بكل حواسه ودلال توها تذكر والتفتت له وهو يأشر اسكتي" كملت ريما..
...:عليييك توقيت بايخ أحد يملك في رمضان والله ودي أكفخه بس ما امداني أعاااارض شي ..
دلال تناظر فيصل بخبث:ههههه مره وحده تبيني اقوله كل هذا ؟؟؟ والله تطورات ريوم !>>والأخت دلول منسدحه وتسولف ماعندها فأحد
ريما بخوف :لااااا دلاااال لااا ياويلك لو تقولين والله لاذبحك ؟!"مادرت انه يسمعها "امااااااااانه دلال ؟! ..
دلال:ههههههه خلاص لاتموتين علينا ..بخبث ..إلا مابارك لك أخوي ؟!..
ريما تبي تسولف ديما ونامت وخلتها ودلال زي أختها ومن حظ فيصل عاد هالتوقيت المنـاسب ..
ريما:إلا اسكتي بس روعني روعه ..جا مسوي مؤدب "أللللف مبروووك"دلال تضحك وفيصل ماسك ضحكته لاينفجر وتسمع ..
دلال:ههههههههههههههههههههههه
ريما:لاتضحكين أشوف فيك يوم والله بغيت أموووت من الروعه !..
"بسم الله عليك " طلعت من فيصل لاشعورياً ..تجمدت كل الحواس الخمس عند ريما ماتدري وش تسوي..
وصكت السماعه في وجه دلال ..
دلال:هههههههههههه ما أقدر ههههههههه والله أن تذبحني هههههههههههههههههههههههه آه يابطني..
فيصل:حلالها ..
دلال:أحلف بس ماعرفتها زين إذا عصبت ماتعرف لاصديق ولاعدو..
فيصل:هههههههههه حلوه ..
دقت عليها كم مرره وماترد اخر شي اتقفل جوالها ودقت على ديما وديما مقفله جوالها نايمه ..
دلال تكلم نفسها :أخااف زعلت الخبله رجلها عاااادي ..ههههههه راحت وغيرت ملابسها بتنوم ..
وفيصل يضحك على نفسه ما يدر وشلون قالها أصلاً والله ورحت فيها يافصيل !
..............
عند ريما حالتها حاله "واللله بايخه دلول وش يقول عني أكيد سمع كل شي وأنا اضحك واسولف ولا اسب فيه بعد الله يأخذ عمرك يا دلييل ..استغفر الله اللهم اني صائمه ..هيييين شغلها عندي بكره بشوفها في الجامعه..
نزلت تشوف امها اذا تبي شي تساعدها او شي ..بس كل شي جاهز رقت وقومت ديما من النوم خصوصا ان مافيها نوم ..
عرفوا اهلها بملكتها والكل بارك لها وفرح لها وسعود وطلال تعليقات ..وهي بس "اللهم اني صائمه "..
بس يسكتونها .."احد قالك املكي في رمضااان "هههههههههه فديتهم كل أبوهم ..
............
في الليل ..
وفي جناحهم ..كانت قاعده على النت ..
حمد:تعرفين له..؟؟
نجلاء:اييه أعرف انا دارسه حاسب ..وأنت ؟!..
حمد:انا اعرف بش شوي..مو زيك ومها كذا بسرعه ..
نجلاء:هههههههه عاادي تعلم من اللي علمك أنت اول ؟..
حمد:مدرس دخلتني مها ودرست ..
نجلاء:دوره ؟..
حمد:ايه دوره ..
نجلاء:انت تحبه ؟!..
حمد:مررره هذا ..وياشر على الاب توب ..مها شرته لي..
نجلاء:تبي تتعلم ؟!..
حمد بفرح:ايييه ..
نجلاء:بعلمك بس وش لييي ؟؟..
حمد بتلقائيه :بوووسه !..
سكتوا الثنين نجلاء حمر وجهها وحمد ساكت ..
حمد:خلاص بعطيك فلووس..
نجلاء:هههههه لا خلنا على البوسه أحسن ..
حمد:أحسن ..وجلس يتأمل شكلها وهي تلهي نفسها في الطقطقه على النت..
نجلاء:يالله تعااال أعلمك وإلا هونت..
حمد:لا يالله ..
قرب وصارت تعلمه في الاشياء المهمه وكيف الانترنت وشلون يدخله وكذا وهو مرره متحمس ماحسوا بالوقت ..
نجلاء:هئ (تشهق)الساعه أربع السحور طااار الوقت ؟؟؟..
حمد:يالله طيب بسرعه ..
نجلاء:لا يمدي أكيد خوالي مابعد تسحروا يالله ننزل ؟..
حمد:يالله ..غيرت نجلاء لانها لابسه بيجامه لبست جلابيه وطلعت لقته يستناها في الصاله ..
نجلاء:مانزلت ؟؟ ..
حمد:لا استناك..طلعوا من الجناح وعلى يمينهم جناح مها توها طالعه بس تشوفهم ومايشوفونها ..
قبل لاينزلون الدرج :..نجلاء ؟؟..
نجلاء وقفت :هلا ..
قرب منها وباسها ..:عشاانك علمتيني !..
نجلاء بحيا:شكراً ..
حمد يقلدها :لاتقوليين شكراً أنا أسوي كذا لأني لازم أسوي كذا ..
نجلاء:هههههههههههه وحافظها بعد..
حمد:ايه لازم ..
مها اللي تراقب عن بعد ..:احــــم احـــــــــــم..
نجلاء:درينا نحن هنا !..
مها :ههههههه أشوى ..
ونزلوا مع بعض في الدرج ..:اذا عندكم شي في جناحكم الله يعافيكم لاتخربوني أوكي ..
نجلاء ماتت من الضحك عليها وحمد مافهم عليها ضحك لضحك نجلاء ونزلوا يتسحرون ..
...........
زيد:خففي تراك سامنه !..
رنا بدلع :حراااام عليك والله تعـــب صوم وبيبي بعدين أنت تقول كلي عن أثنين شسوي ؟!..
زيد:كلللللللللللي كللللي اللي تبين كليني بس خلاص لاتعذبيني هههههه..
رنا:ههههههههه كل بس كل !..
زيد:ههههه إن شاء الله هوايتك ذا الايام الأكل ..
رنا:بسم الله علي كله من ولدك ..
زيد:حطيها في ولدي وليدي ضعيف ما يدري وين الله حاطه فيه ! ..
رنا:وش رأيك في الرز ؟؟..
زيد:ههههههههه عاش مصرف ..
رنا:ههههههه يعيش يعيش..
زيد:ههههههههههههههههه يعيش !
|
14-01-09, 03:44 PM
جديد مواضيع قسم القصص المكتمله
العرض العادي
