|
انتماءات كاذبة
السلام عليكم ورحمة الله وبركاته بداية أحب اعلن وجودي في هذا المنتدى السامي الذي طالما راقبته ك زائرة منذ سنين وأعجبت بالعديد من الأعمال فيه لطالما هويت الكتابة وثقتي عالية على قدرة عقلي على نسج الأحداث كتبت العديد ... والعديد والعديد من الروايات التي احتفظت بها في سجل خاص دون مشاركته مع الكثيرين بسبب ترددي من نشر افكاري قال الخليفة أبو جعفر المنصور / ( إذا كنت ذا رأي فكن ذا عزيمة فإن فساد الرأي أن تترددا ) لذلك قررت التوقف عن نسج الفكرة بعقلي دون تطبيقها .. وسأشارك العقول المتمرسة في هذا المجـال أعتذر عن أي خطأ قد يبدر مني مسبقا وعادة الإنسان الخطأ .. وأشكر اي نقد او تعليق مسبق بصدر رحب بقدر شوقي لاستمتاعكم بما سأطرح فإن شوقي أكبر لتطوري بمساعدتكم انا شخص نظامي بطبعه .. فأحب إعلان مواعيد نـزول منتظمة ساطرح بشكل اسبوعي تشابتر كل يوم إثنين بإذن الله دون تأخير " مقدمة " عندما نحب , نرى الدنيا كألوان طيف , وببداية كل يوم نعد انفسنا ان نجعل من نحب سعداء , لأننا بسعادتهم نصبح أسعد . وبحزنهم ؟! نشعر وكأننا على حدود البكاء برأيي كلمة ال " حب " كلمة واسعة المدى حب العائلة حب الخليل حب الإبن حب الوالدين حب الذات حب العمل حب الكمال حب المجوهرات ولايوجد حدود لما قد تحتويه هذه الكلمة .. حتى انه من الممكن التعبير عنها بشكل سلبي .. " حب ايذاء الآخرين " على سبيل المثال في كتابتي هذه لن أتوج بطل وبطلة لهذه الحقبة ... فالجميع على المسرح لكل شخص في هذا الكون نصف آخر .. ربما امامك . . ربما خلف المحيطات .. اغلبنا يبحث عنه .. والغالبية الأخرى تنتظره ليجدها .. والبعض لايعير هذا المفهوم اهتمام ... وربما يحالفنا الحظ بمقابلته وبعد حين نكتشف أنه " إنتماء كاذب " وربما نعتقده " إنتماء كاذب " وهو ليس بكاذب .. ماذا يعني أن تحب شخص لحد الجنون ؟ ماذا يعني أن يكون عالمك بأكمله ..ماذا تعني المسؤولية ؟ العاطفة ؟ الحب ؟ العشق ؟ الوفاء ؟ الخيانة ؟ البهجة ؟ ماذ يعني تقديس هذه المشاعر برباط مقدس اسمه " الزواج " ؟! فلنبدأ على بركة الله .. " بسم الله " اللهم اني اسالك من خيرها وخير ماجاءت به طريقة التواصل BBM :D9D7812D الفصل الاول في نفس الصفحه الفصل الثاني الفصل الثالث الفصل الرابع الفصل الخامس الفصل السادس الفصل السابع الفصلين الثامن و التاسع الفصل العاشر الفصل الحادي عشر الفصل الثاني عشر الفصل الثالث عشر الفصل الرابع عشر الفصل الخامس عشر الفصل السادس عشر الفصل السابع عشر الفصل الثامن عشر الفصل التاسع عشر الفصلين العشرون و الحادي و العشرون الفصل الثاني و العشرون الفصل الثالث و العشرون الفصل الرابع و العشرون الفصل الخامس و العشرون الفصل السادس و العشرون الفصل السابع والعشرون الفصل الثامن و العشرون الفصلين التاسع و العشرون و الثلاثون الفصلين الواحد و الثاني و الثلاثون الفصل الثالث و الثلاثون الفصل الرابع و الثلاثون الفصل الخامس و الثلاثون الفصل السادس و الثلاثون الفصل السابع و الثلاثون الفصل الثامن و الثلاثون الفصلين التاسع و الثلاثون و الاربعون الفصل الحادي و الاربعين الفصلين الثاني و الثالث الأربعون الفصلين الرابع و الخامس و الأربعون الفصل السادس و الاربعون الفصل السابع و الاربعون الفصل الثامن و الأربعون الفصل التاسع و الأربعون الفصل الخمسون الفصل الحادي و الخمسون الفصل الثاني و الخمسون الفصل الثالث و الخمسون الفصل الرابع و الخمسون |
رد: انتماءات كاذبة
" البآرت الأول "
جالس باريحيه بكرسيه الجلد على المكتب العودي وسط غرفة المدير الفخم بأعلى البناية هذا الفرع الرئيسي لمجموعة كبيره هو رئيسها ..وبيده السماعه وبيده الثانيه مجلة غلافها شخص حوى لمحة وسامة العروبة والبداوة الاصيلة بالثوب الكركمي والعمامة المعصوبة على راسه وصقر واقف بشموخه على يده .. ملامح مشتقه من ملامحه لكن روح الشباب ورونقه بارزة بالشخص بالمجلة أكثر ونطق بصوتـه الهادي الثقيل : ايوه شفته هذي المجلة قدامي لؤي : ههههههههه عاد اخوك هذا دون شي شايف نفسه كيف اللحين ؟ فراس وهو يشخط بالقلم على الوجه بالمجله : يتسنع ماعليك .. ماقلت لي متى طيارتك ؟ لؤي : الساعه 8 .. ماراح تقدر تجي اليوم ؟ فراس : لا بكره بتوصل دفعة موظفين جدد ولازم أنا اشرف .. ليش تبي شي ؟ لؤي :لا بس الوالد مسوي عزيمة بمناسبة وصولي وانا اكره هالتجمعات ....مطول انت بالكويت ؟ فراس : اسبوع بالكثير.. ( صوت جواله يرن ) يله لؤي انا بسكر عندي مكالمه اذا وصلت عطني خبر سكر تلفون المكتب ورد على جواله وابتسامه نادره انرسمت على وجهه : هلا أم فراس : هلا يمه شخبارك ؟ فراس : حمد الله .. انتو شخباركم ؟ أم فراس : طيبين بس ما كأنك طولت هالمره ؟ فراس وهو يفرك عيونه بتعب : ايه هالمره الشغل متراكم ويمكن اطول زياده أم فراس : الله يعينك ويوفقك فراس بصوت عذب : وانا مابغى غير هالكلمتين ... تامريني على شي يالغالية ؟ ام فراس : سلامتك سكر فراس الجوال وسحب شماغه من الكنبه ورماه على كتفه ومن المصعد للدور الأرضي والكل يسلم عليه وهو يمشي ويتفحص ملامحه اذا راضي او لا .. له شهر من جا هنا وطرد نص الموظفين وماشافو للحين طيف ابتسامه على وجهه وقف عند طاولة مصعب : مصعب انا طالع اللحين .. بكره ابي كلش جاهز للتقديم الجديد وسجلات المتقدمين ارسلها لي ايميل مصعب : حاضر طال عمرك **** اركان غرفتها انيقه ببساطة .. بساطة غريبة على فخامة البيت اللي يحتويه لكن عكس البساطة غرفة ملابسها اللي أكبر من غرفة نومها .. مد نظرك بالمكان تشوف ديور .. شانيل ..كينزو ..قوتشي ..لويس فتون هذا التناقض بين غرفة نومها وملابسها دلالة ان شكلها وطلتها أهم عندها من راحتها ونومها حتى بجامتها الحرير ماركه اثناء ماهي تتنقل بين اركان خزاينها وتسحب مرشحات طق باب الغرفة طق وحده ثم اقتحمت : وانا نفسي يوم أدخل ما أحصلك قدام هالدولاب قالت بزعل مبوزه : مااماا بطلع السوق ماعندي بدله لمناسبة اليوم أم فراس : تو طلعتي امس ماقصرتي بعدين مابقى شي خلاص مايمديك تروحين اسماء : على طاري السوق .. ادري انك ماتحبين بس أمس شريت لك هيلز طلبتك تلبسينها اليوم أم فراس شهقت : عشتو عقب كل هالعمر اطامر بالكعوب .. خلي مني الهبال انا بروح البس اللحين اسماء : هههههههههه شفينا أم فراس ؟ والله توك شباب أم فراس : وين شباب وعيالي خاطه شواربهم .. المهم يله عجلي مانبي نتأخر رجعت اسماء تطالع بالبلوزة والفستان اللي طلعتها بالغالب يفوز الفستان لكن هالمره رشحت البلوزة لأنها جمعه عائليه بلوزة عنابي طافي بأكمام طويله وتنورة لنص الفخذ سوداء وهيلز سوداء طلة بسيطة وأنيقة شعرها الأسود الطويل لنص ظهرها نعمته وفتحته على كتفها ومكياج رسمته بأناقه وتمرس نزلت من الدرج اللولبي المذهب وجلست بالصالة ..كان أنس موجود بثوبه وغترته متكشخ ابتسمت له : الله الله صاير رجال ماعرفتك أنس مبسوط انها مدحته : احم احم ماعليك قصور اسماء ماتت ضحك يقلد ردود اخوانه حتى طريقته بالغتره نسخه من فراس : ههههههههههههههههههه ادعس أنس المراهق (11 سنه ) ما أعجبه ضحكها : خير ماقلنا نكته ؟ اسماء : هههههههههههههه سلامتك انت بكبرك نكته أنس : اقول اسوم احترمي نفسك اسماء : هههههههههههه خفتنا والله نزلت أم فراس : هاه يمه أنس قلت للسواق يجهز ؟ أنس : ايه يم يحترينا برا أم فراس : ياسمين عاد وينها ؟ اسماء : هالبنت لازم تأخرنا يعني نزلت ياسمين ( 10 سنين ) تركض : خلصت خلصت ام فراس : يله البسن عباياتكن تأخرنا على الجماعة *** أم نايف مجتهده بالتجهيزات لعودة لؤي عقب غياب 4 شهور عمل .. وعازمه الجيران والعائلة ومعارفها بالمجلس الفخم : أم نايف وينها أم فراس مب جايه ؟ أم نايف : لا شلون ماتجي بتجي أكيد بس شوي ووسط كلام الحريم وسوالفهم دخلت انثى ذات طله مثيره أنيقه فاتنه مغريه .. نص الحريم دون مبالغه جايات خصوصا عشان يشوفونها ويخططون عليها والخطاطيب واجد ابتسمت ام نايف بفخر من بنتها اللي خذت عقول الموجودين وجلست تسمي عليها وتعوذها .. زيادة على جمالها الصارخ سلامها الذرب وطريقتها بالترحيب بعد ماخلصت سلام جلست جمب امها .. أم حسام : شخبارك ياميهاف طيبه ؟ ميهاف وابتسامتها مافارقتها ومبينه فص الالماس بسنها : حمد الله خالتي .. وينها بنتك رفيف ليش ماجبتيها ؟ أم حسام : نسيتي انها بشهر العسل ميهاف : هههههههه ع بالي رجعت الله يسعدها أم حسام : آمين وعقبالك دخلت أم فراس وميهاف أول ماشافتها قامت سلمت عليها : وين اسوم ؟ ام فراس : متشبقه بالمرايه برا طلعت لها ميهاف وضمتها وهي تسلم عليها : تأخرتو .. كان ماجيتو احسن اسماء وهي ترتب شعرها وتتعطر : والله انا جاهزه من أول امي اللي تأخرت ميهاف : يله دام جيتي بنطلع حنا البنات للحديقة اسماء : مين البنات ؟ ميهاف : مافيه الا بنات عمتنا اسماء كشرت : افففف وش جايبهن ؟ ميهاف : حرام عليك .. وبعدين وش ودك نطلع ونتركهن لحالهن يعني ؟ اسماء : آيه عادي والله بيغثني ميهاف : أقول ادخلي سلمي بس دخلت اسماء وسلمت على الموجودات .. وطلعن وميهاف نادت بنات عمتهن ( سجى – وداد ) وجلسو بالحديقة مع انوارها الهادية الذهبية : خذو راحتكم بنات محد فيه سجى جلست بثقه وقال برجاجتها : يوووه اسسوم اخوك صوره بكل مكان بالمجلات وداد : ههههههههههه لا ومقابلات اسماء : بعد عمري famous ميهاف : عاد تصدقين انا لما شفته ماعرفته .. مدري حسيته متغير اسماء : هههههههههههه الكاميرات تغير ياعمري لا وتخيلي جايه عرض يصور مع حريم وداد شهقت باستنكار : وبيوافق ؟ اسماء : طبعا بيوافق من متى بدر يمنع نفسه من متعته ؟.. مسكينه امي بيوقف قلبها ميهاف : اتوقع هو متعامل مع البنات في كلا الحالتين .. فايش فرقت ؟ سجى مصدومه : من جدك .. وضعيات التصوير يجي فيها حركات مالها داعي ميهاف هزت راسها : صح يمكن وداد : هو بالرياض ؟ اسماء بضيق من كثرة الاسئله عنه : لا بدبي .. بس بينزل الرياض قريب اساسا رايح عشان يصور بس سجى بهيام : بس للأماااانه يييجججنن اسماء بقهر : هييييه اعقلي ! سجى استحت : وش قلت ؟ اسماء : شوي وتسيحين .. بسم الله عليه من العين بس سجى : لاتخافين مانيب حاسده اخوك من زينه اسماء : ممو بإيدك والله تو بغيتي تسيحين زبده قدامي وانتي تحكين عنه ! ميهاف : سجى اسماء اعقلو شهذا ؟ اسماء انتبهت على نفسها : انا بقوم اجيب لي موية ميهاف : ارتاحي بجيب لك انا اسماء : لا لا بقوم اشوف جوالي مره وحده ميهاف جلست : براحتك *** دخل لؤي البيت بعد ماوصل .. انزعج وهو يشوف كل هالضيوف هم قالو له عزيمة مختصره وكانت فعلا مختصره لكن هو يكره هالمناسبات ..سلم على الكل وخذا له كرسي التفت لنايف اللي عيونه مصوبه على أبوه وزوج عمته و شريكهم بالعمل : نايف نايف مره مركزه قاط اذنه عندهم .. لؤي هزه : ناايففف نايف : هلا لؤي : شوي وتاكل ابوي بعيونك شفيك ؟ نايف كشر : ماني متطمن لهالجمعه الثلاثيه ..قلبي قارصني لؤي : وليه ؟ نايف : ماتعرف ابوك يعني حاطني فديه .. كل مابغى يسوي شراكه مع واحد نطلني على بنته لؤي : ههههههههههههههه .. بيزوجونك يعني ؟ نايف رفع حاجبه : والله يسوونها لؤي : ادع بس تكون بنت عمتك سجى حلوه نايف : لا سجى ولا ربى ولا غيرهم لؤي : ههههههههه الله يعينك نايف : وليش لحالي لاتكون مو ولده ؟ دق جوال نايف بنغمه صاخبه نبهت الكل عليه طلع جواله وهو يبتسم لاسم المتصل على الشاشه رد بهمس : هلا حبيبتي هز لؤي راسه وهو يسمعه طلع من المجلس وصعد من الباب الخلفي لغرفته والنوم ماكله بس لازم ينزل لين يخلصون المعازيم .. توجه لنافذة غرفته الكبيره ابتسم وهو يشوف جلسة البنات تحت وسجى واقفه وتسولف وتضحك بشده ووداد تبتسم .. وميهاف تضحك وهي تشر لسجى واسماء ماسكه بطنها من شدة الضحك : سجى للحين مهرجه ماتغيرت .. حمد الله والشكر *** الكويـت – 7 مساءا :- جالس على اللابتوب بكوفي رايق بنص مول ومشى على ملفات المتقدمين بسرعه وراجع اجتماعات بكره بعد ساعتين متواصله على الشغل .. مسك قفا رقبته بتوتر انتبه لهمس حوله : بالله مو جنه بدر آلشمري ؟ : لا من عقلج ؟ بدووري أحلى فديته ماشفتي آخر صوره نزلها وهو بالبدلة الرسمية استحقرهن فراس .. سطحيات من جد حط لابه بشنطته الصغيره ووقف عند المحاسبه وعطاها بطاقته : معليش أخوي بطاقتك غير مفعله فراس عقد حواجبه : كيف مو مفعله ؟ ابتسمت بتوتر وهي تحاول مره ثانيه : اسفه بس من جد بطاقتك مو مفعله فراس سحب البطاقة وعطاها بطاقة ثانيه : جربي هذي توترت من هالزبون من طريقة سحبه للبطاقه ورمي البطاقه عليها : هذي كمان فاسده مو فعاله فراس : والله انتي الفاسده .. كيف مو فعاله انا تو محاسب بها رفعت حواجبها وتكتفت : ياليت تحترم نفسك هذا اولا .. وانا ماغشيتك بطاقتك خربانه وهذي مشكلتك تعامل معها وبعدين الطابور وراك واقف فراس بحده : ياليت تحسنين اسلوبك لافنشك من هنا التفت النادل لهم : شصاير .. معليش حظرة الزبون شمضايقك ؟ فراس باشمئزاز : خدمتكم خايسه كيف اقدم شكوى ضدكم ؟ النادل : طول بالك عشان نحل المشكلة النادلة خفضت صوتها عشان ماتصير شكوى : حسابك مو كثير تقدر تدفعه كاش فراس كان معه كاش بس السالفه صارت عناد : مامعي كاش النادل يبي يتحاشى المشكلة: خلاص نوصي معك احد عملائنا لحد البنك واسحب وادفع ونقفل المشكلة فراس طالعها باحتقار : تفضلي نزعت المريول الكوفي اللي كان لابسته ومشت بخطوات سريعه قدامه لحد ماوقفت عند صرافه بوسط السوق .. فراس باستفزاز : بطاقاتي فاسده كيف بصرف .. لازم نروح لبيتي فتحت عيونها بوسعها : اروح معاك لحد بيتك ؟ فراس بحده : ايه .. ولا شاطره تسوين مشاكل ولا تعرفين تحلينها ضغطت بقبضتها وقالت وهي ماسكه اعصابها : هالمشكله انعطت اكبر من حجمها .. اعتبر حسابك اندفع خلاص ومشت دون تنتظر رده وفراس تجاهلها وش خسران ؟ 4 كيسان قهوه ببلاش ... هين يا أسوم انا الغلطان معطيك رقم بطاقتي خلصتها كلها بهبال اللحين *** ميهاف بعد ماراحو كل الضيوف فصخت كعبها وارتمت على الكنبه بتعب : بمموت رجولي أم نايف : كن أحد حالف عليك تمشين بهالطابوقه نايف : ماتنلام مسكينه سنفوره ميهاف طالعته بنص عين : والله لأزوجك سنفوره عشان تعرف نايف : ههههههه راح اقوس طولها قبل اتزوجها .. غيرك سنفورة ما أشوف فهد جا يركض من بعيد متحمس وارتمى بحضن لؤي : اثتقت لك لؤي وهو يجلسه بحظنه: هههههههه هلا بالأثرم فهد ( 3 سنوات ) : ماتروح خلاث ؟ لؤي : ههههههه ايه حبيبي دخل أبو نايف وجلس مع عائلته : ميهاف حبيبتي جيبي لي كاس مويه طلعت ميهاف تجيب لابوها كاس ماء .. وجلس يسولف مع لؤي بالشغل وقال بقهر : فراس ولد عمك جايه طلب مقابله لأكثر 10 شباب عربيين ناجحين لؤي : وليش مقهور يبه ؟ الله يوفقه يستاهل فراس نايف : وعع وش اكثر 10 شباب ناجحين .. وش النجاح في انك تجلس ورا مكتب اصلن ؟ أبو نايف : خلك راقد انت هاللي ورا مكتب يقال عنه بالسوق ملياردير نايف دون اهتمام : امحق أبو نايف :وش النجاح هجل ؟ نايف بجديه : النجاح توقف على قمة أفرست تشتري لك جزيرة وتصممها تدخل فورس اند فير هذولي الناجحين صح أبو نايف هز راسه : خلك ساكت انت مالك بهالمواضيع اصلن .. المهم لؤي ابيك من بكره تنزل عند أبو مشبب وتاخذ منه العقود وتعطيه المفتاح يد بيد وتتأكد من انه يوصل للملتقى لؤي عقد حواجبه : ضروري بكره ؟ أبو نايف بحزم : ايه ضروري ! ولا وشوله راجع عشان تنفعني بدل هاللوح اللي مامنه فايده نايف ولا كانهم يتكلمون عنه جالس يطالع ميهاف ويضحك : ههههههههههههه سنفورتي عازمك بكره على مطعم ميهاف : واو صدق نايف : ايه صدق احسبي حسابك ميهاف : يوووه لا مقدر .. مواعده اسوم نطلع المطعم سوا نايف : طيب شالمشكلة نطلع كلنا سوا ميهاف : استنى اشوفها وارد لك ( التفتت للؤي ) لؤي تجي معنا ؟ لؤي وقف بيصعد : لا عليكم بالعافيه أبو نايف : يله وانا طالع انام .. تصبحون على خير صعد ومعه ام نايف .. وميهاف سحبت جزمتها وصعدت وهي تكلم اسماء : هاه شرايك ؟ اسماء : نو بروبلوم .. وناسه خل نفكر بمطعم غالي دامه موجود يدفع ميهاف : لاتنبسطين لايغرك شكله وحركاته تراه مطفر 24 ساعه.. المهم اليوم تقولين ابيك بسالفه شنو ؟ اسماء تحمست فجأه : اييييييه ذكرتيني ... شرايك نسافر ؟ ميهاف : مين انا وانتي ؟ اسماء : ايه .. دام فراس مسافر خل نسافر انا وانتي نفلها .. تعرفين لارجع خلاص ترجع القوانين والتخلف حقه ميهاف : اوك بس لوين برايك ؟ اسماء بحماس : جده ميهاف : حلو .. متى نروح ؟ اسماء : الاسبوع الجاي .. منيح ؟ ميهاف : اوكيشا .. شفتي جزمة وداد اليوم ؟ اسماء : لا والله مانتبهت .. شفيها : ميهاف بقهر : انا تو بقائمة الانتظار وهي لابستها حظرتها .. من خطبها هالتاجر وهي كل مناسبة شي اسماء : نسينا ايام جزمات امي نورة وتخفيض بعد ميهاف : هههههههههههههههه الله يرزقنا يختي ... وكملن سوالف عقب العزيمة .. يحشون بفلانه ويتكلمون بفلانه ويحسدون فلانه *** في جده ( عروس البحر الأحمر ) / ببيت متواضع وأقل من متواضع دور واحد أرضي والدور الثاني إيجار دخلت وهي تنزع عبايتها وجلست على كنب الصالة الأرضي : افف هموت من الحر غاده اللي منبطحة قدام التلفزيون وصحن فصفص قدامها : وينك من صبح الله طالعه ابتسام وحالتها حاله من المشاوير بهالشمس والحر : شاسوي بعد رحت للعماره اخذ الايجار واسدد للكهرب والمويه والبقاله مره وحده غادة صرخت : الله ياخذك ياحيوانه ماعندك كرامه ابتسام رفعت حواجبها : شقلتي ؟ غاده طالعتها : اوووه مو انتي قصدي هالغشيمه .. ( جلست بقهر ) الحيوانه خاينها وترجع له صوت متعب من الغرفة الجانبيه : بناااات ابتسام قبصت ذراع غاده : مبسوطه كذا ازعجتيه بصراخك قصري على التلفزيون ..( رفعت صوتها ) ان شاء الله يبه جايه..( التفت للغاده ) وش فطرتيه ؟ غاده وهي منسجمه : ولا شي ابتسام شهقت : حسبي الله عليك مفروض ماخذ دواه من ساعتين غاده منسجمه ماتسمعها اصلن : ... ابتسام انقهرت وقامت بسرعة للمطبخ وبسرعة قياسية صارت الشوربة على الفرن والعصير جاهز والدجاجه تحتري تنضج وطلعت بصينيه فيها دواه ومويته ودخلت بابتسامتها المريحه وباست راس ابوها ويده : صباح النور يبه .. شلون صرت عقب المرهم الجديد ؟ أبو هيثم ( 68 سنه ) شايب كهل مافيه حيل يمشي دون مساعده قال بصوته المرتجف اثر عمره : حمد الله يابنيتي .. وين هيثم ؟ أبتسام وهي تعدل جلسته وتحط الوساده ورا ظهره : هيثم بآخر سنه له يبه وشاد حيله مو فاضي أبو هيثم : وشخباره ؟ ابتسام : حمد الله بخير شاد على نفسه بيخلص هالسنة ان شاء الله ويلبس المعطف الأبيض أبو هيثم : وغاده وينها لي من قمت أناديها .. ابتسام انحرجت وتألمت على ابوها .. لان بيتهم كله على بعض واكيد سمعها بالصاله : ... . أبو هيثم بيده المتجعده مسك يد بنته وبنبرة موجعه : التلفزيون .. من ساعتين وهو ماطفى اكيد ماقامت تصلي .. قومي وانا ابوك قولي لها تصلي لاتأخر الصلاه ابتسام وقفت وهي منقهره من اختها : غديه ! غاده : ما أحب اسم غديه لاتقولينه لي ابتسام : تغدو عليك جن ان شاء الله .. ابوي من صبح يناديك سافهته حرام عليك غاده بصدق : ماسمعته طيب ابتسام معصبه : طبيعي ماتسمعين من هالتلفزيون قصري شوي .. لو صاير له شي لو محتاج شي ضروري وش بتسوين ؟ غاده ببرود : وانتي ليش متشائمه ؟ هذا هو حمد الله ماصار شي ابتسام فصلت فيش التلفزيون : روحي صلي وقسم بالله ياغديه وحطيني على بالك لو يصير كذا مره ثانيه لا أقول لهيثم يتصرف معك غاده : والله رعبتيني انتي وهيثم .. قولي لهيثم وجد هيثم بعد انا ماسويت شي ابتسام تحاول تقنع نفسها ان غاده صغيره ولازم تتساهل معها بس من وين صغيره ؟ عمرها 19 خلاص فاهمه .. هي من لما كان عمرها 11 وهي شايله مسؤولية.. وحتى لو صغيره هي محتاجه لها تساعدها خصوصا مع كثرالضغوطات عليها .. فاقت من تفكيرها على صوت الباب راحت تشوف : مين : عمانك ياقليلة الحلا افتحي ابتسام تنفست الصعداء ( اللهم اجعله خير ) وفتحت وهي تبتسم : هلا والله .. حياكم الله تفضلو أبو احمد طالعها من فوق لتحت : أبوك حي ؟ ابو مرزوق : فالك ماقبلناه يابو احمد ابتسام ببرود : ايه حي يرزق .. شبغيتو ؟ ابو احمد دفها : شبغيتو هنا عند الباب ؟ صدق ماعرف يربيك تربية شوارع لحقتهم ابتسام وهم يدخلون على ابوها وماسكه قلبها .. مايجون الا بالشهرين مره يغثون اهل البيت ويطلعون أبو هيثم بتعب : هلا بمصعب ومحمد حياكم الله ابو احمد : الله لايحيك جعلي ادفنك أبو هيثم : آمين .. اذا هذا بيخليك يحضر جنازتي ابو مرزوق : اسمع يامشعل هي كلمتين ورد غطاها .. العماره اللي باسمك بنجيب اوراقها وتوقع تنازل لنا ابتسام ماتحملت قالت بقوه مو غريبه عليها : واذا باع العماره من فين بناكل ؟ انت تدري ان هالعماره الرزق الوحيد عندنا ابو احمد : كلامنا مو مع الحريم خلك على جمب واحترمي الكبار .. الحق حق وهالعماره مب من حق ابوك أبو هيثم : بناتي يامصعب بناتي .. هذا رزقهن وحلالي الوحيد أبو مرزوق : هذي ابتسام مدرسة ما شاء الله راتبها مايسدكم ؟ ولا لازم كل يوم تاكلون لحم ابتسام : حرام عليك ياعمي .. انت تدري ان راتبي كله 5000 ويروح بالقرض أبو احمد : حنا سكتنا واجد وهذا حقنا ! بتمنعينا من حقنا غاده سمعت الاصوات برا ومسكت قلبها بخوف .. عمانها مايجي من وراهم الا الشر ابتسام وهي تدوس على كرامتها : اعتبرها صدقه في اخوك وعياله اللي مفروض بمكانة عيالك ماراح تضيع أبو احمد : عجزت لي 25 سنه اتصدق عليكم بدخل الجنه بسبتكم ولا يبين بعيونكم بعد .. بكره جايين ومعنا الأوراق وبتوقعها غصبن عنك يامشعل .. سامع ! أبو هيثم ماتحمل منظر بنته واخوانه وهي واقفه بوجههم وهو المفروض يحطها ورا ظهره .. بكى بضعف ابو احمد وابو مرزوق طالعوه بسخريه وطلعو .. ابتسام مسكت ابوها من كتفه وهي تبتسم براحة ما كأن داخلها براكين : يابعد حيي يا أبوي لاتبكي .. أبو هيثم غطا وجهه بضعف .. دخلت غاده وهي منكسره من منظر أبوها وتدعي على عمانها بداخلها : يبه صدق كلامهم ؟ أبو هيثم مارفع وجهه .. ردت ابتسام : غاده مو وقتك روحي حطي الغدا ابوي جويع أبو هيثم بتعب : لا يابنيتي .. عليكم بالعافيه انا اتركيني انام وانتو تغدو ابتسام : على راحتك ساعدته ينسدح وسكرت الأنوار ودفت غاده قدامها اللي واقفه ووجهها منقلب وسكرت الباب .. غاده : ليش سكتيني ؟ ابي اعرف العماره حق لهم ولا لا ابتسام تنهدت : ايه حقهم .. غاده عقدت حواجبها : كيف حقهم ؟ ابتسام بهدوء : العماره ابوي بناها واشتغل فيها بس كانت باسم جدي ولما توفى صارت بينهم الثلاثة غاده انصدمت : من وين يتقاسمونها هي كلها 3 شقق ابتسام جلست ومسكت راسها : هذا حق ونصيب مانقدر نظلمهم حقهم اكثر من كذا .. غاده : لا يابتسام حنا بالعماره كلها مو ملحقين مصاريف .. شلون بعد اللحين ؟ ابتسام : الله كريم انتبهت لها غاده وهي تلبس عبايتها وتطلع : ويين كمان ؟ ابتسام : بروح للمستشفى اراجع دواء ابوي هاليومين مو مرتاح عليه طلعت ابتسام وغاده رجعت للتلفزيون مافيه مكان غيره .. دور كله صاله ومطبخ وغرفة ابوهم وغرفة نومهن *** الصباح الساعة 8 – في قاعة الاجتماعات جالس وجمبه السكرتير ومسؤول التقديم : اللي بعده يدخل دخل شاب في غاية الشغف وجلس .. قبل يجري فراس المقابلة طالع ورقته ( التوصيات مبالغه فيها .. ياحبهم لحركات النفاق قال ايش قال اداء لامثيل له ) كان ساكت طول المقابلات واللي يجريها السكرتير وهو مجرد يعطي القرار الاخير .. ولو ان نظراته كانت سبب في فشل كثيرين نظرات محدقة تحبط حماسهم خصوصا وأن الشائعات اللي تحكى عن المدير التنفيذي الشاب لمجموعة آلشمري ماتبشر بخير .. فراس بطفش : دخل اللي بعده دخلت شابه قصيرة القامة ببنطال أسود قماش وبلوزة رسمية بيضاء وشعرها الأسود ملفوف بشكل منظم ووجهها خالي من المكياج عكس الي قبلها كلهن طالعات من صالون .. عيونها تحكي حكاية بحور عميقة مع بشرتها البيضاء المشرقة ووجهها الطفولي انحنت بنعومة ثم جلست : مرحبا أنا سارا 22 سنه .. خريجة جامعة هارفرد قسم ادارة اعمال .. اشتغلت قبل كذا بشركتين انتاج بواشنطن اكثر من واثقه اني راح اكون مناسبة لشركتكم .. واي معلومات ثانيه موجوده بسيرتي السكرتير ومدير التقديم ذهلو بسيرتها : انتي عمرك 22 سنه ؟ ابتسمت سارا : أيوه السكرتير : دراستك بهارفرد بس 4 سنوات ؟ سارا : مانقطعت من الدراسه حتى بالاجازات والصيفي ساعدني كثير مدير التقديم بذهول : نشاطاتك الاجتماعية أكثر من رائعة السكرتير : تتكلمين 4 لغات ؟ سارا : ايه طبعا .. انجليزي وايطالي وفرنسي وصيني السكرتير : ما أعرف شاقول اكثر من رائعه بصراحه .. مقبوله طبعا فراس اللي كان يرسم بورقة قدامه ويسمعهم التفت له : لايكون انت المدير هنا ؟ السكرتير نسى وجود فراس من ذهوله : عفوا منك طال عمرك .. بس سيرتها اكثر من رائعه فراس طالعها وعرفته مباشرة فتحت عيونها وهي مصدومه كيف ماتذكرت صورته وهي باحثة عن الشركة لها شهر : خلصتي فشخرة بسيرتك ؟ سارا : اعتقد فشخرة تطلق على المعلومات المبالغه فيها .. أي معلومه قلتها عني واقعيه مية بالميه ومافيها فشخرة ياستاذ فراس : يؤسفني اقولك ان معلوماتك الواقعية ماتأهلك تتوظفين هنا يا آنسة .. ( التفت لسكرتير المصدوم ) دخل اللي بعدها مدير التقديم انقهر : ممكن شوي ياطال عمرك .. قسم الترجمة عندنا يحتاج مهارتها زيادة على ادارة الأعمال والانشطة تقدر تنفعنا فيها كثير فراس وكأنه اقتنع هز راسه : هممم معك حق .. اوك موافق بشرط المدير : تفضل فراس : تاخذ مكانك وانت توكل على الله مدير التقديم انصدم : عفوا ؟ فراس وهو يقلب بالاوراق قدامه : اللي سمعته .. وخلصو مسرحية التضحية هذي ورانا شغل سارا وقفت وهي منقهره منه .. ووقفت خذت ملفها وطلعت عقب دراساتها كلها وجهودها كلها !! يجي هذا بناء على موقف بسيط يحرمها تشتغل .. سخيف .. تافه .. سطحي *** بمطعم فاخر بالفيصلية وميهاف جالسه رجل على رجل وتهز بكعبها على الارض : 5 دقايق اذا ماجا بنتعشى اسماء : تهقين يسحب عليك ؟ ميهاف : نايف اهقى منه كل شي اسماء : دام تهقين منه كل شي ليش لنا ساعه ننتظره .. يله نطلب جعت قسم بالله ميهاف : قولتك .. بعد ماطلبن واثناء ماهن ياكلن .. قالت اسماء بحماس: يالله ماتدرين قد ايش متحمسه لسفرة جده حاسه حالي بطير من الحماس ميهاف : وليش متحمسة كلها جده اسماء : اول حاجه انا طفشت من البيت وجلسة البيت أحس نفسي اطلع لحالي واكون مسؤولة نفسي ميهاف : ههههههه انا صراحة احس عادي .. تو راجعين الشهر اللي فات من سويسرا وشبعانه اسماء : ايه انبسطي .. ااه يالقهر بس اكره اخواني انانيين ميهاف : معك حق يعني شفيها لو واحد منهم ماخذك معه اسماء باستهزاء : الاستاذ فراس يقول ( تقلده ) فاضي انا اخم معي مبزره ؟ ... والسوبر ستار بدر مب فاضي حياة النجومية مشغلته .. عشان كم مجلة صدق نفسه نجم مالت بس ميهاف وهي تشرب عصيرها : والله الحق عليك ياما قلت لك تجين معانا بس انت ترفضين اسماء : خلصي بس نتعشى نقوم نمر كم محل دامنا هنا بعد ماخلصن فرفره .. وصلت اسماء ميهاف البيت مع السواق دخلت ميهاف ولؤي وأمها وابوها موجودين : هاي أم نايف : وعليكم السلام جلست معهم : بابا انا رايحه لجده بعد بكره أبو نايف : من معاك ؟ ميهاف : انا واسوم شرق لؤي بالبيره اللي يشربها : اححححو اححححم أم نايف : هههههههههههههه بسم الله عليك شوي شوي أبو نايف بنظرات خبث : هذا اللي يقول مابي لؤي : ايه مابي والله الموضوع غريب ميهاف بحماس : شنو شنو ؟ لؤي بحيرة : امي تبي تخطب لي اسماء بنت عمي فهاد ميهاف شهقت : اسوم ؟! أم نايف : ايه بسم الله عليها حلوه ومؤدبه واخلاق .. ليش ماياخذها ميهاف عقدت حواجبها : وليش تزوجون لؤي قبل نايف؟ ام نايف غمزت لميهاف لأن ابو نايف واضح نفس التفكير يبي نايف يتزوج اول : نايف توه مطلق وعنده ولده .. فشغلته شغله بعدين ميهاف التفتت للؤي : وانت شرايك لؤي ؟ لؤي : انا عادي مدري ميهاف : ما أعجبتك اسوم ؟ لؤي : انتي اللي تقولين هالحكي ميهاف .. اسوم بعيوني وبنت عمي بس بغتوني أهلي الزواج ماكان في بالي ميهاف : والله يا أخوي اسمعني اسوم صديقتي وما شاء لله مكمله .. بس لازم تكون مستعد وبرغبتك مو تسوي لنا زي نايف تزوج وهو متردد ماتم السنه الا هو مطلقها لؤي فرك عيونه وهو يتثاوب : انا اللحين عقلي مو معي وابي انام .. لا أصبحنا فكرنا صعد وميهاف رفعت حواجبها : لؤي واسماء ؟ هههههههههههه ماتوقعت أم نايف : وليه ماتوقعتي ؟ ميهاف : مو كذا يمه .. انا لاحظتك اخر مره عيونك ماطاحت منها بس على بالي بتخطبينها لنايف مو لؤي أبو نايف : وش ذنبها اسماء بهالمتخلف نايف .. أقل شي لؤي عاقل ومسؤول ميهاف : على طاري وينه اليوم لطعني لطعه محترمه أم نايف : طالع مع ولده وطليقته الملاهي ميهاف هزت راسها : مدري كيف يطلعون سوا وهم متطلقين ابو نايف بسخرية : يقول تفكيري متحضر وانفصلنا بالحسنى عادي نتعامل مع بعض كاصدقاء لمصلحة ولدنا ميهاف: هههههه فعلا متخلف وهي متخلفه اكثر اجل وحده فيها عقل تطلع مع طليقها ؟ ام نايف : عجزت فيه هالولد يسوي اللي يبي خلاص يأست منه أبو نايف : لا مو بكيفه .. انا تاركه اللحين يسوي اللي يبي عشان مو فاضي له بس اتفرغ له رجعته للدرب صح دق جوال ميهاف .. طالعت الشاشه وابتسمت وردت على طول : الطيب عند ذكره ام نايف فتحت عيونها : اسوم ؟ ( همست ) ياويلك تقولين لها ميهاف وهي على السماعة : ههههههههه ماني مجنونه اقولها اسماء : شنو تقولين لي ؟ لا قولي وش كنتو تقولون ؟ تحشون ؟ ميهاف : ماحقولك .. المهم شداقه تبين ؟ اسماء : ايه ابي اسالك عن الحجز بكره ولا بعده ؟ ميهاف : لا بعده اسماء : خلاص حلو اجل اذلفي ميهاف : هههه باي أم نايف : يابو نايف شرايك نخطب بكره ؟ ابو نايف : نشوف الولد اول .. وبعدين بكره من أخطب منه ولا واحد من اخوانها هنا أم نايف : خلاص شرايك انا احاكي امها حكي مبدأي ومتى مارجع فراس يصير رسمي أبو نايف : ايه حاكيها ونشوف رد البنت ماحنخطب الا متأكدين أم نايف : اجل توكلنا ميهاف : الله يكتب اللي فيه الخير .. يلا مامي دادي تصبحو على خير *** الكويت – 7 مساءا : طلع فراس من الشركة وانتبه لها جالسه بكراسي قدام الشركة وواضح عليها الملل وبنفس لبسها وكلش .. معقولة من صبح للحين جالسه ؟! تجاهلها لكن هي مجرد مانتبهت له مشت لعنده : ممكن اعرف ليش رفضت ؟ فراس رفع حاجب : لا مب ممكن ووخري عن دربي سارا : انا أكثر من واثقه ان مافيه عيب فيني واي شركه تتمناني .. وقبل يكون عندك سبب مقنع مايحق لك ترفضني فراس : لا ياشيخه ماحزرتي يحق لي ارفضك .. أي شركه تتمناك وتشتغلين نادله ؟ لا مره واضح سارا تكتفت : وليش؟ لاسباب شخصيه تافهه ؟ فراس : اسباب شخصيه ؟ من متى المعرفه ؟ سارا بقهر : احسن انت الخسران فراس : تراك ماخذه بنفسك مقلب انصحك ماتعطين نفسك أكبر من حجمك سارا رمقته بنظره ثم مشت بطريقها .. وهي داخلها تدعي عليه لها شهر متحمسه تقدم هنا واخرها ينتهي الوضع كذا ؟ اثناء ماهي تمشي خطواتها بسرعه وقوة تبي تفرغ شحناتها باي شي .. دق جوالها ردت دون تشوف الرقم : نععم ! صوت رجولي فخم : هههههه اعصابك يابنت سارا : قهرني قهرني : شصار على مقابلتك ؟ سارا بقهر : ما قبلوني .. المدير التنفيذي بزر اناني حقير مغرور بتسائل : فراس فهاد آلشمري هو ؟ سارا : ايه وتبن ومليون تبن فيه وفي اسمه : ملياردير عاد سارا وهي تحاول تهدي اعصابها : ماعلينا منه جعله يفلس يارب .. شخبار دراستك ؟ : هالسنتين متدرب .. وعقبها نمسك رئاسة سارا : ووش ناوي ؟ بتصميم : عظام طبعا سارا : وخواتك شخبارهم ؟ بهم : لي 5 ايام ماقدرت اطلع من المستشفى اليوم بحاول اشوفهن سارا : ياعمري الله يعينهن وربي اني احبهن من قلبي خصوصا ابتسام : ابتسام محد مثلها الله يوفقها سارا : المهم يله انا وصلت البيت رح خلص شغلك وشف خواتك : لحظه اذا ماحصلتي وظيفه بتجلسي بالكويت ؟ سارا : لا برجع اقرب طيارة لحبيبة قلبي جده : اوك عطيني خبر اذا بترجعي سارا : اوك *** بيت أبو هيثم – الساعة 8 :- غاده كانت حايره ابتسام للحين مارجعت .. وهي ملت وقلقت وأبوها ماصحى فتحت باب غرفة أبوها ببطء تشوف كان مفتح عيونه وسط الظلام ويطالع بالنور البسيط من النافذه .. التفت لها بوجهه السمح : ادخلي يابوك غاده جلست على طرف مفرشه الأرضي وقالت بهم: يبه ابتسام للحين مارجعت أبو هيثم انقلق اكثر منها لكنه يبي يهدي بنته : تلقيها راحت تزور احد وبترجع ماحتطول غاده : ان شاء لله .. بقوم اجيب دواك أبو هيثم انهم من الحال .. فوق عجزه بناته يعانن بسبته .. الله يسامحك يا أم هيثم ليش سويتي كذا ؟ دخلت ابتسام وهي منهد حيلها ودخلت غرفة ابوها وهو جالس مع غاده يتعشون قالت بمرح : الله عشاء .. شدراكم اني جيعانه ! غاده : وينك يابنت والله طولتي ابتسام : خذاني الوقت والله مدري شلون .. يله بروح ابدل بس وجايه اتعشى أبو هيثم : ابتسام ابتسام : لبيك يبه أبو هيثم : طمني قلبي وين كنتي فيه ؟ ابتسام : زرت صديقتي امل يبه وماتوقعت يروح الوقت كذا أبو هيثم صدقها : الله يطمنك ياحشاي اول ماطلعت ابتسام لحقتها غاده لغرفتهن : قلتي لهيثم ؟ ابتسام : شاقول له ؟ غاده : عن عماني والعماره .. لازم يعرف ويتصرف ابتسام : لا هيثم لايعرف ! بيترك دراسته وبيبهذل حاله مع عماني .. مشكلة بسيطة تنحل غاده باصرار : ماعلي منك ! بقوله لمتى وانتي تكتمي كلش عنه عشان هالدراسه ؟ ابتسام : لان دراسته ياغاده هي اللي بتفرج عنا .. دراسته مو سهله ومستقبلها حلو اصبري كمان شوي وكلش بيتحسن غاده : طيب شطالع بايدك انتي ؟ ابتسام : حليتها خلاص .. انتي لاتشيلي هم وسوي حالك ماعرفتي غاده حطت يدها على خصرها : وشلون حليتيها ؟ ابتسام بقلة حيلة : جهزت الأوراق بحتريهم يجون بكره عشان نسجل العماره باسمهم غاده بقهر : يعني مانحلت ! ابتسام بهمس : وطي صوتك غاده ابوي بيسمع غاده تنرفزت : مو مصدقة اني بعيش بحال اردى من كذا بعد متحمسه مره .. وينهم عماني يجون بسرعه نعطيهم كلش طلعت غاده من الغرفة وهي منقهره من هالحال فتحت باب البيت بقوه بتطلع للحوش الصغير صدمت بهيثم : وجع ماتشوف ؟ هيثم رفع حواجبه : يوجعك يارب .. خير شعندك كنك ثور هايج؟ غاده طالعته من فوق لتحت وهو بلبس المستشفى الأزرق وتحت عيونه هالات سوداء واضحه وتجاوزته وطلعت .. هيثم عقد حواجبه شاف ابتسام طالعه وابتسمت من قلب اول ماشافته : هيثثثم .. كيفك حبيبي ؟ هيثم ابتسم لشوفتها محد يشرح صدره كثرها : هلا بسومه .. شعندها هالبزر ؟ ابتسام : هههههه عمرك شفتها رايقه ؟اربع وعشرين ساعه منفسه الله يهديها هيثم : مو بكيفها قولي لها تتعدل لا أوريها ابتسام : من حظك ابوي لسى صاحي دخل هيثم وباس راس ابوه : شخبارك يبه ؟ أبو هيثم وهو ماسك يده الشابه الممسوسه البيضاء بيده المتجعده : وينك يابوك .. نشف دمي وينك ماتجلس بالبيت ؟ ابتسام : شفيك يبه ماتعرف ان دراسة هيثم مهمه وصعبه .. على طاري شخبار دراستك ؟ شكلك مب عاجبني هيثم : والله لي يومين دون نوم بهالعمليات مانقطعنا .. بنام لي ساعتين وراجع للمستشفى أبو هيثم : الله يوفقك ياوليدي .. ولاتقطع فيني وفخواتك هيثم باس راس أبوه : من هالعين .. تامر شي ثاني ؟ ابو هيثم : سلامتك هيثم طالع المكان بضيق ثم وقف : يله انا ماشي ابتسام وقفت : وين بدري ؟ هيثم : عندي كم شغله ضروري اكون بالمستشفى بنام هناك ابتسام : الله يعينك وبتطول بعد ؟ هيثم : ما ادري يمكن طلع هيثم وبطريقه للباب الرئيسي التفت لغاده اللي جالسه جمب النخله وترسم بحصاه على التراب جلس جمبها وكتب بنفس طريقتها على التراب ( شفيك ؟ ) التفتت له غاده وضحكت على الخفيف : ممنوع أقولك هيثم عقد حواجبه : شهالممنوع تقولينه من مانعك ؟ غاده عدلت جلستها حتى صار وجهها يمه : اللحين هيثم اذا مسكت رئاسة السنه الجايه راتبك يزيد ؟ هيثم : ليش تسألين ؟ غاده هزت كتوفها : فضول هيثم : ايه طبعا يزيد غاده : زيادة كبيره ؟ هيثم اختصر اسئلتها بسؤال: غدو تبين فلوس ؟ غاده بتصريف : هااه .. لا بس جالسه اسوي دراسة لميزانية جده هيثم طلع 500 من جيبه وحطها بيدها : كفايه كذا ؟ غاده الفلوس رفعت معنوياتها وابتسمت : اييه يعطيك العافيه هيثم قرص خشمها بيده : من اول قولي تبين فلوس دون تبرطمين غاده مدت لسانها : طيب طلع هيثم من البيت وغاده قررت تخش الفلوس عن ابتسام عشان ماتسوي لها سالفه أكيد ! بس هالخمسمئة رفعت معنوياتها لفوق بكره بتطلع تبذرها .. **** أم فراس بفرحه كبيره : من جدك هالحكي ؟! أم نايف : ايه من جدي .. والله كان مفروض ازورك وتصير رسمية بس اللحين كلمتك فيها وأول مايرجعون اخوانها بنخطب رسمي أم فراس بهم : اخاف تطول تعرفين اخوانها لهم شهرين ماشفناهم أم نايف : وتطول قد ماتطول يا أم فراس انا ماراح القى احسن من بنتك أم فراس : اجل انا بحاكي البنت وان شاء الله خير أم نايف : ان شاء الله .. ردي لي بس اول ماتحاكينها عشان اقل شي ندق على فراس ونفاتحه أم فراس : الله يكتب اللي فيه الخير سكرت أم نايف السماعة ولؤي كان جمبها وميهاف جالسه متحمسه .. ابتسمت للؤي : ان شاء الله الف مبروك فتح لؤي عيونه : وافقت ؟! أم نايف : ان شاء الله بتوافق .. وليش ماتوافٌق ؟ ميهاف : ههههههههههه ياحليلها ودي ادق انغص عليها أم نايف: ياويلك اللحين امها بتحاكيها وانتي تخربين كلامهم ميهاف : اساسا بتكون اللحين نايمه أم نايف : نايمه الساعه 4 العصر ؟ ميهاف : هههههههههههههههههههه ايه لؤي تراهي نوامه لؤي ابتسم دون يعلق .. ميهاف : ياحياتي شهالابتسامة ! لؤي : ههههههه شأقول يعني ؟ انفتح الباب ودخل نايف ومعه ولده ( يزيد 3 سنوات ) .. مشت ميهاف لعنده وشالته من الارض : حبييييبييي زيزو شخبارك ؟ يزيد وبيده حلاوه : باااباا شراااالي حواوه ميهاف بذهول : الله حلاوتك حلوه .. وانا بعد عندي لك حواوه اكبر من حقت بابا ام نايف : جيبيه ياميهاف خل اشبع منه .. ابوه مايجيبه لنا الا بالشهرين مره نايف : ههههههههههههههه ما أعرفك تحبين البزارين يمه ولا كان أم نايف حطت يزيد بحظنها : شخباره الحلو ؟ يزيد ضحك بطفولة .. ميهاف : نايف اتركه ينام عندنا اليوم نايف : براحتك اساسا امه عندها اعراس هاليومين ومتروك مع الشغالات عندك احسن ام نايف : الله يستر على ولدنا بين يديها نايف : هههههه حرام عليك يمه نهى مهتمه مره ترا لؤي وقف : يله انا طالع نايف التفت له : انت هنا ؟ تصدق ماحسيت فيك ميهاف : هههههههههه بتروح لؤي ؟ ماتبي تجلس لين تسمع الرد لؤي : على قولتك نايمه بلا باكل نفسي بالتفكير اطلع اشغل عمري ميهاف متونسه : شتفكر فيه ؟ فيها من اللحين لؤي ماله خلق: ياروقك ياميهاف .. يلا مع السلامه نايف فتح عيونه : شالسالفه شتقولون؟ لؤي طلع .. وميهاف قالت بوناسه : خطبنا للؤي نايف فتح عيونه : وانا آخر من يعلم ما كأني اخوه الكبير؟ ام نايف : ماصار شي تو بس حاكينا امها .. ماصار شي رسمي .. وانت ماتجلس بالبيت عشان نقولك نايف : وبنت مين ؟ ميهاف : اسماء بنت عمي نايف مات ضحك : ههههههههههههههههههههههههههههه اما عاد اسوم اسوم !! ام نايف : حمد الله والشكر وش اللي يضحك ؟ نايف : ههههههههههههههه مدري يضحك وبس ام نايف : مالت عليك بس يزيد مسك يد نايف وهو ياشر على معصم يده : بابا خطا تكتب على يدك ام نايف بقهر وهي تشوف التاتو بيد نايف : ماينلام ولدك .. انت ابو انت ؟ نايف طالع يزيد : مستانس اللحين قلبت جدتك علي ؟ ام نايف بصرامه : صاه ولا كلمه .. انت فيك عقل ؟ احد يوشم وشم ؟ نايف وقف : انا طالع ميهاف ديري بالك على يزيد اول ماطلع التفتت ام نايف لميهاف بقهر : شايفه ولا كأني اتكلم .. اااه بموت من الحره من هالولد والله بموت ناقصه عمر ميهاف : انتي عاد يمه روقي شوي .. نايف من زمان كذا شنسوي يعني ؟ أم نايف : ابد نسكت له ونتركه سايب كذا ! *** غاده قامت من النوم وهي تطالع الساعه 3 عصر .. تمغطت بكسل جت بتطلع لكن تراجعت وهي تسمع صوت رجاجيل اكيد عمانها .. ماتبي تنغص على نفسها بتجلس محلها ابتسام كانت جالسه على القهوه مع عمانها في الصاله ماتبيهم يجلسون مع ابوها ... أبو احمد : اسمعي يا ابتسام .. حنا عندنا طريقه تنحل فيها كل الامور وتجلس العماره كامله لكم لانا عارفين دون هالعماره ماتدبرون لقمتكم ابتسام هزت راسها : لا عمي العماره حقكم خذوه وخلاص .. خل ننتهي من هالموضوع ابو مرزوق : شفيك لايكون زعلانه ؟ ابتسام : مو زعلانه ولا شي .. بس انا مابي ينظلم احد بسبتي والعماره حقكم ابو احمد : لا اسمعي اللي بقوله .. بس يكون بحضرة أبوك احسن ابتسام : عمي ابوي مو قد هالتعب والحكي انا افهم خلاص ابو احمد : بس عاد على بالك بتخافين على اخونا اكثر منا ! قدامي للمجلس اصلن انا ماتفاهم مع حريم ابتسام استسلمت : تفضلو دخلو عند ابو هيثم .. قال ابو احمد من طرف خشمه : شخبارك ؟ ابو هيثم بضعف : حمد الله .. أبو مرزوق : حنا بندخل بالموضوع مباشرة ! وجايينك خطاب لولدنا احمد أبو احمد : وبما انك تدين لنا بكثير وبتفلس لو توفي لنا فبنتك تكفي ابتسام قالت بسرعة : مستحيل اوافق لا ! ابوي محتاجني ومقدر اتركه و .. قاطعها ابو احمد بقرف : من حكى عنك يالعانس ؟ استحي على وجهك اصلن تفكرين في عمرك لولدي .. حنا نبي غاده وماراح ناخذ لا رد والعرس عقب اسبوعين ابتسام تفاجأت : غاده ؟ ابو احمد : ايه .. مب احسن ماتجلس بهالفقر وتعنس مثلك ابو مرزوق : وينها هي ؟ ابتسام : نايمه ابو احمد : قولي لها تتجهز لعرسها .. يله يابو مرزوق مشينا طلعو .. وابتسام طالعت ابوها : شالسواه يبه ؟ ابو هيثم : مدري يابوك .. اسالي اختك وشوفي يمكن ربي يطرح بركه في احمد ابتسام بقلق: غاده صغيره ومو مسؤولة يمكن توافق دون تفكير .. ابو هيثم مسكته نوبة سعال .. قامت ابتسام بسرعه وعطته كاس مويه : بسم الله عليك يبه .. خلاص ارتاح يابعد عمري ساعدته ينسدح وطلعت دخلت غرفتها هي وغاده .. وغاده لابسه بنطال جنز أبيض وتي شيرت أحمر كم طويل وشعرها البرونيت مع خصل غزالي لوركها ظهرها بطبيعته الكيرليه تاركته وواقفه قدام المرايه المكسورة مسنده على الجدار .. ابتسمت ابتسام بحنان هذي بنتها هي اللي ربتها وشالت مسؤوليتها من كان عمرها 8 سنين : غدوش طالعه قمر شهالزين ؟ غاده حاست بفمها : أي قمر واللي يخليك حتى مافيه مكياج احطه واتصنع زي باقي العالم ابتسام : وشوله المكياج هذا حق القبايح ؟ انتي ماتحتاجين شي حلوه غاده بطفش : ايوه ايوه .. المهم انا طالعه للسوق تبين شي ابتسام عقدت حواجبها : السوق ؟ ماقدر اعطيك فلوس غاده : لاتعطيني شي ماراح اشتري اصلن .. بس بروح اتمشى مع البنات اتسلى ابتسام : ومن هالبنات ؟ غاده : من غيرهن يعني رحاب واروى ابتسام : طيب بس لاتأخرين ارجعي بدري فيه حاجه ضروريه لازم احكيها معك غاده : اذا موضوع يسد النفس كالعاده تكفين ماله داعي اعرف ابتسام : الموضوع يخصك انتي بالذات عشان كذا لازم تعرفين غاده سمعت صوت السيارة : بعدين اذا رجعت ان شاء الله .. يلا باي ابتسام : انتبهي على نفسك دق جوال ابتسام ردت على طول : هلا هيثم .. كيفك ؟ هيثم : عال .. ولا عليك امر ارسلي لي اسماء الأدوية اللي يحتاجها ابوي اجيبها معي ابتسام : برسلها لك رساله هيثم : حلو .. يله انتبهي على نفسك ابتسام بسرعه : هيثم ! هيثم : هلا ابتسام : اليوم جو عماني هيثم اللي ماكان يعرف بطبيعة عمانه ولا سوالفهم كلها ونادر يشوفهم اصلن : ايه ؟ ابتسام : وخطبو غاده لولد عمي أحمد هيثم : هاه ؟ ابتسام : انت تعرف احمد ؟ هيثم : لا والله آخر مره شفته كنت بأول ثانوي وكان هادي مره مانعرف عنه شي ابتسام : انا حتى ما أذكره ولا شي هيثم : وش قالت غاده ؟ ابتسام : لسى ماقلت لها .. بقول لها الليلة هيثم : وانتي عادي عندك الموضوع ؟ ابتسام فهمته : ايه عادي اصلن حتى لو خاطبيني ماكنت بوافق .. ابوي مايستغني عني هيثم : انا ماراح اقدر اطلع اليوم من المستشفى .. انتي كلمي غاده وردي لي ابتسام : ان شاء الله انطرق باب غرفتها : تفضل دخلت امها .. ابتسمت وهي تشوفها جالسه على مكتبها وتبرد اظافرها : ليش جالسه بغرفتك لحالك ؟ اسماء : اسوي استجمام لنفسي أم فراس : استجمي عندي وين المشكلة ؟ اسماء : ماما اسمه استجمام يعني لازم اكون لحالي أم فراس : هبالك تجلسين لحالك .. تعالي اجلسي جمبي ابي اقولك خبر بيفرحك اسماء قامت بحماس وجلست : ايش ايش ؟ بدر بيرجع ؟ أم فراس : لا احلى اسماء بحماس : بنسافر بالصيفية برا أم فراس : واحلى بعد اسماء استسلمت : ماما شهالخبر اللي احلى من كل هذا عقلي عجز قولي لي انتي أم فراس بابتسامة وعيونها تلمع : انخطبتي اليوم اسماء وقفت الدنيا فجأه ماستوعبت .. وش امها جالسه تقول .. هي انخطبت ؟ أم فراس ضحكت وهي تشوف بنتها اللي انبهتت : هههههههههه شفيك ماتبين تعرفين منهو عاد ؟ اسماء بذهول : مين ؟ اعرفه ؟ ام فراس : ايه تعرفينه زين .. تو رحتي لعزيمته قبل أمس اسماء فتحت عيونها : لؤي ؟ أم فراس ابتسمت : ايه لؤي اسماء كبست عيونها مليون مره : لؤي لؤي ؟ ولد عمي ... خطبني انا ؟ أم فراس : هههههههههه هاو شفيك ؟ ايه لؤي ولد عمك خطبك اسماء : يمه انتي من جدك ؟ أم فراس : ايه من جدي وش فيها مايخطبك يعني ؟ اسماء منصدمه ماتوقعت ابد : لا بس يعني ... مدري ماتوقعت أم فراس : يمه الراي الأول والاخير رايك .. بس انا بقولك كلمتين الولد ولد عمك وأمه تحبك واخته صديقتك ومجتمع متعوده عليه أحسن ماتطبين على ناس ماتعرفين طينتهم .. والرجال الصالح بهالايام نادرين .. ولؤي رجال ومسؤولية وعاقل وما أظن ان رفضه شي صح يسوى اسماء : ايوه ماما كل هذا عارفته بس ... سكتت لفتره .. قالت ام فراس تحثها : بس شنو حبيبتي ؟ انتي شايفه عليه شي موعاجبك ؟ اسماء بسرعه : لا ماما حشى .. بس عطيني وقت افكر أم فراس : ومتى بتردين لي ؟ اسماء : اذا رجعت من جده أم فراس : مايمدي قبل يعني ؟ اسماء : شنو قبل انا مسافره بكره .. خلاص اذا رجعت برد أم فراس : فرحي قلوبنا كان قبل هالسفره اسماء : يووه ماما كذا تضغطي علي .. وانا دون شي متوتره أم فراس : بسم الله خلاص خلاص فكري .. انا بس قلت الموضوع مايبي له كل هالتفكير اسماء : الا ويبي له اكثر من كذا بعد .. خلاص مامي بليز اتركيني على راحتي أم فراس : على راحتك بس أول ماتقررين بجده دقي علي .. ولاتطولين تركتها ام فراس وهي جلست تفكر .. ماتدري وش القرار الصح .. او يمكن تدري ايش القرار الصح بس ماتدري ايش القرار اللي يناسب طبيعتها ؟ *** غاده رجعت من السوق معصبه ومحبطه .. السوق شاب نار وصديقاتها شرن كل اللي بخاطرهن وهي ماشرت غير شنطته ومتحسفه انها شرتها دخلت مباشرة لغرفتها .. ثواني ودخلت ابتسام لما سمعت الصوت : شفيك لبقتي بغرفتك على طول تعالي تعشي معنا غاده وهي منبطحه على فراشها حتى دون تفصخ عبايتها : مابي شي ! ابتسام : شفيك مو طايقه حالك ؟ مفروض مبسوطة من الدجه غاده بقهر : امحق ابتسام تنهدت : غاده وبعدين ؟ غاده جلست وعيونها تلمع وصرخت : لا بعدين ولا قبلين حياتنا ماتنطاق .. اروى تشتري لها طقم بمبلغ مانحلم به بالشهرين حتى .. ابتسام : وانتي ليش ماطلبتي فلوس اذا كنتي ناويه تشترين او بتنقهرين غاده : واذا طلبت ؟ بتعطيني ميتين ؟ اشبعي بها ماتسوي شي ابتسام : قصري صوتك أبوي بيقلق غاده وهي واصله معها : ابوي ابوي ابوي .. نص رداة حالنا ابوي اصلن صفقتها ابتسام كف باقوى ماعندها وقالت بحده : لحد هنا وتنشعمين .. هذا ابوي وأبوك اذا ناسيه بس انا الغلطانه اللي معطيتك وجه من اليوم لي معك تصرف ثاني غاده مسكت خدها وصرخت : وفوق كل هالقرف تنمد اليد علي .. الله يلعنها عيشه تقطع العمر وطلعت مسرعه لبرا بالحوش لعند نخلتها اللي حفظتها وهمومها اليومية السطحيه.. وابتسام انقهرت هي تتعب وماكله روحها وصابره وغاده حتى ماتشيل أي مسؤولية جت بتطلع للحوش لعندها وقفها صوت ابوها : ابتسام رجعت لعنده : سم يبه أبو هيثم : شفيكم ؟ .. ليش اصواتكم طالعه ؟ ابتسام : هههههههه لاتشيل هم هذي غاده وهبالها المعتاد .. ثواني وراجعه طلعت لعند غاده .. طالعتها غاده والدموع بخدها : نعم شتبين بعد ؟ ابتسام بقهر : ياهانم جاك الفرج .. اذا قرفانه من هالعيشه لهالدرجة احمد ولد عمي خطبك اليوم غاده وسط دموعها انصدمت .. توقعت انها بتعنس مثل ابتسام وعمرها محد بيفكر فيه : هاه ! ابتسام بحده : ايه انبسطي وبسرعه وافقي وروحي اطلعي من هالبيت قبل تنخنقين من شوفة اختك وابوك كل يوم غاده بندم : ابتسام .. انا . . ابتسام قاطعتها : لاتقولين شي .. ابيك توافقين وتروحين هم يبون العرس الاسبوع الجاي يعني الفرج قرب غاده بتردد : لا تقولين كذا .. ابتسام طالعتها بقهر ورجعت تدخل ... غاده مسحت دموعها وللحين مو مستوعبة عقلها الصغير خذاها لأحمد مباشرة .. فعلا هي ماتعرفه ؟ وش شكلة وش يشتغل وش عمره .. غاده وأحمد ؟اسماء جديده تنربط بروايتنا *** وقفت قدام مراية غرفة تبديل الملابس وربطت المريلة البيضاء ..ابتسمت لبس النادلات هنا أنيق بنطال أسود وبلوزة رسمية بيضاء بفيونكة سودا مع هيلز سوداء حتى انها تركت شعرها الأسود المموج بطريقة رايقة لاسفل كتفها على راحته .. طلعت للمطبخ : لبس النادلات عندكم جنان بصراحة ابتسم طباخ شاب وهو ذايب على جمالها الطبيعي : اليوم مناسبه خاصه مو هاي اللبس الرسمي سارا : بجد .. إيش المناسبة ؟ نادلة ثانيه : حاجزين القاعة كلها لحفلة للملياردير السعودي فراس فهاد آلشمري سارا شرقت بقنينة المويه اللي تشربها : احححححوو ... شنو ؟ النادلة : علامج يابنية ؟ سارا : الحفله لمين ؟ الطباخ : فراس فهاد الشمري النادلة : يقولون انه أخو بدر الشمري .. يارب يطلع مزيون مثله سارا : وععع مو مزيون ولا شي النادلة : شفتيه عيل ؟ سارا : ايه ومقرف وكريه وشين النادلة : آجل خلق وفرق دخل المدير : يله يله شدو الهمه .. مايحتاج اذكركم اليوم الضيف مهم وايد ومكانته كبيره وشرف لنا نكون المسؤولين عن الضيافه بهالمناسبة الكل : حاضر ! سارا مسكت راسها ناقصه هي .. شلون بتتعامل مع هالمغرور ؟! |
رد: انتماءات كاذبة
أقدر اسمي هالتشابتر مقدمة بسيطة
ماباشرنا الأحداث الحقيقية تو وإلتحام الشخصيات انتظر ردودكم :uJl04657::6tfdsc: |
رد: انتماءات كاذبة
السلام عليكم ورحمة الله وبركاتة
هلابك منوره ليلاس منتدانا الراقي بداية جميلة اتمنى تواصلين معانا وماتقطعينا بالمنتصف اعجبني جدا العنوان بسهوله ينحفظ |
رد: انتماءات كاذبة
اقتباس:
منور بأهله وبمرورك الرايق وانا المحظوظة لوجودي هنا أنتي اجمل .. وبإذن الله راح أكون متواجدة هنا على طول وأختم الرواية مثل مابديتها |
رد: انتماءات كاذبة
السلام عليكم
بدايه موفقه باذن الله سردك للاحداث ممتع ولهجه سلسه وواضحه موفقه باذن الله |
رد: انتماءات كاذبة
السلام عليكم...
اهليييين وسهليييييييين بكاتبتنا الجديده ونوورتينا بليلاااس اللي اكيد عارفه انتس بتلقين فيه احلى نااااس..>> فيس واااثق بربعه.. أولا وقبل كل شي احب اقولتس جذبني مرره مرره عنوان الروايه وتراني ماقريت البارت بس قريت المقدمه اللي قبله وكانت بقمة الرووعه وحسن التعبير.. حبيتها مره وبينت لي بان عندنا الحين كاتبه مقبله بالخير .. وأتمنى ان هالروايه تجمعنا يا بنات ليلااااس فيها من قووة الابداع .. واللي احبه طبعا ان هالروايه تكون نهايتها سعيده>>>فيس بدأ يملي شرووطه وهو توووه ماقرأ اول بارت..هخهخهخه والحين يااقلبي نجي للجد واحب اقوولتس وبدون زعل مايكون لتس ككاتبه من اسمتس نصيب ولا تملين وتطفشين من تنزيل أجزاء الروايه وتقطعينها ونلقاها مركونه على الرف بقسم غير المكتمل ... يامتملله.. وبما انتس كنتي زائره للقسم لسنوات فاكيد انتي عاارفه معانات القارئات من الرويات اللي عشقناها وللأسف تم ركنها فوق الرف لعدم اكتمالها وباذن الله ماتكون هالروايه منهم.. وثاني شي شفت بالمقدمه كلامتس عن انتس قررتي تعلنين عن وجودتس بليلاس ككاتبه بعد ماكنتي زائره فـــهــل الروايه حصريا بليلاس والا منزلتها بمنتدى ثاني؟؟؟ ..اعذري فضولي لكن الصدق ان من حبي لليلاس احب تكون الروايات القمه واللي باين ان روايتس منها باذن الله تكون حصريه وخص نص لنا.. والحيييين عااااااااااااد جيناااا للمهم.. تعاالي وشوشيني ياعسل من احلى شخصيه هنا عشان اصادرها.. وتكون حسب الاوصاف اللي لو كنتي تعرفين ردودي بتلقينها فيها>>>فيس يصفر لانه مشهوور..هخهخهخهخه لا عاد بجد بجد من الشخصيه اللي تناسب مواصفااااااات ماما زارا. ونبي وااحد كذاااا يكون فخم وحمش وكل العلووم الزينه فيه عشان اخليه ابو لبنيااتي..هخهخهخه بالتووفيق قلبووووو.. |
رد: انتماءات كاذبة
يعيش المنتظمين
هههههه أرجو فى أى رواية ان الأبطال اللى نحبهم ونعيش معاهم قلبهم مينكسرش فى الآخر ومافهمتش سارة منين بالظبط لأنها مش محجبة :55: |
رد: انتماءات كاذبة
اقتباس:
ويـاك يارب اسعدني انك استمتعتي وان شاء الله بتستمتعي اكثر < كيفي واثقة ! |
رد: انتماءات كاذبة
اقتباس:
" يـــــــــــــاملحتس ياشيخه " والله تو صاحية وقريت ردك وشاقة ابتسامة ما أدري كيف تحمست من ردك وانتي تو تو ماقريتي .. لا لا ماينفع لازم تقرين البارت ابي رايك بشكل خاص @@" < خقت البنت بالنسبة لأنها تكون نهاية سعيدة فهـذا شي بتعرفينه ما أقدر احرق عليك < ذمة من ناحية ان روايتي تنتقل لقسم " الروايات المهملة " فما اعتقد وأوعدك إن شاء الله اذا مافيه ظروف منعتني ان التشابترات راح تنزل بوقتها حتى آخر تشابتر .. ثقتي عالية من هالناحية لأني ما ابتدات الا وانا راسمة المقدمة والعقدة والنهاية اللي ابيه هو وعد منك انتي ماتقطعين كتابتي واشوفك على طول :$ ارتاحي الرواية حصرية وبـ " ليلاس " فقط .. قبل انشر هالكتابة بحثت كثير عن منتدى يحتويها وبصراحة لما قريت شروط القسم اعجـبت تماما بكل اللي كتب فيه وكان مناسبني .. الردود هنا مو سطحيه وتدفعني دايم .. فما راح اتجاوز هالمنطقة باذن الله وحصرية بليلاس وبس ههههههههههههههههههههههههه , قربي أذنك اقولك :$ عيارتك بس اقريه وبشريني من لقيتي اوصافك فيه عشان احجره لبناتك ولك اذا تبين :$ الخير واجد نورتيني ي جميله "$ |
رد: انتماءات كاذبة
اقتباس:
غششيني من حبيتي ولا اكسر قلبهـ/ـا لك :$ سارا راح تعرفين طبيعة وضعها مع الوقت هالتشابتر مثل ماقلت مجرد مقدمة .. وكل حاجة بتبين بالاخير نورتيني ياعسل |
رد: انتماءات كاذبة
ههههههه
تسلمى عندك ابتسام نمرة واحد ،وأسماء لأنها شكلها كده هتتزوج واحد مبيحبهاش ومن الأبطال نايف اتعاطفت معاه وهكذا |
رد: انتماءات كاذبة
اقتباس:
بتوصى في ابتسام لعيونك آجل نوريني دايما |
رد: انتماءات كاذبة
السلام عليكم ورحمة الله وبركاته الساعة 12 حكم ! دخلنا يوم الاثنين موعد التشابتر الجديد < قايله لكم منتظمة :$ يله على بركة الله نبدا .. وياليت مايكون فيه زيارات دون تعليق :( ولا ايش معنى اني جالسة انزل ؟! " البارت الثاني " جالس بثقة رجل على رجل ببنطالة الرمادي الجنز وشيرت أبيض ورابط جاكيت احمر مقلم على خصره وعمامه عاصبها على راسه ونظارته الأرماني نزعها وهو يبتسم ابتسامته اللي تولت صدارة العديد من المجلات والهمس حوله .. اساسا هو ماجا لهالمقهى المتواضع وجالس لحاله الا يبغى ردات الفعل هذي اللي ترضي غروره مشى لعنده مجموعة مراهقات .. قالت وحده بحماس : هاي بدر بابتسامة واثق من جاذبيتها وتأثيرها : يــــاهلا البنت : انا معجبة مره فيك .. بصراحة على الطبيعة أحلى مره بدر : ههههههه تسلمي ياقلبي البنت داخت ماصدقت ... هو قايلها " ياقلبي " كملت بجرأه : ابي صورة معاك بدر دون تردد وقف جمبها ويده على كتفها ومبتسم للكاميرا .. وصورتهم صديقتها البنت بدلع : مشكور مره .. ممكن طلب صغنون بدر ( هههههههه تحمست تطلب ؟ ) : ايوه طبعا البنت : ممكن نتواصل بدر بنعومة : لاياروحي ماحينفع ماسمعتي المثل اللي يقول خلنا بالبعد نعشق ؟ ودفع حسابه وطلع وهو مبسوط وعلى الآخر دق جواله رد على طول : هلا نيوف نايف : طفففح الكييييل ! بدر : شنو شفيك ؟ نايف : متى ناوي ترجع ترا زودتها بدر : هههههههههه لهالدرجة طفشان دوني ؟ نايف : لا والله بس مطفر وابي واحد يغديني ويعشيني بدر : هييييه زوجتك انا ؟ انقلع لنهى تسنعك نايف : من تطلقنا ماعاد تحترمني خلاص .. تخيل آخر مره قالت لي انها انخطبت وبتتزوج بدر : اخس .. والله وغلبتك بتتزوج قبلك نايف : تخسى وتعقب .. والله لو ببالي الزواج كان اطلقها اليوم واتزوج بكره ولا اتزوج وهي على ذمتي بعد بدر : هههههههههههههه قواك الله نايف : لا الدور على لؤي اللحين بيتزوج بدر : هههههههه ماشاء الله بجد والله ؟ من تعيسة الحظ ؟ نايف : هههههههههه والله صدقت تعيسة ... أختك بدر سكت لفتره :...... نايف : هههههههههههههه شفيك ؟ بدر بجدية وهدوء : بجد والله ؟ نايف : وش مصلحتي بهالمزحه البايخه ؟ من جد والله امي كلمت امك بالموضوع وقريب بيصير رسمي بدر : وهالخطبه على أي اساس ؟ نايف ببرود : دون اساس امي مدحتها وخطبتها بدر بسرعة : مع السلامه بكلمك بعدين سكرها على طول ودق على فراس .. فراس : نعم ؟ بدر منقهر : سلامات تنخطب اسوم وانا مالي راي ولا خبر ؟ فراس بدون نفس : شقاعد تقول انت ؟ بدر : اللحين شقاعد اقول ؟ تراي اخوها زي ما أنت اخوها فراس ببرود : طيب ؟ بدر : الله يلعن برودك ياشيخ اسوم اسماء اسماء اختنا .. ليش تخطبون لها وانا مدري فراس: انا ماخطبت لاحد ولا أنخطب مني احد .. اذا كلام بين الحريم لاتدخلني فيه لو سمحت بدر : هين يمه تحطيني بهالموقف .. الناس كلهم يدرون وانا لا ! فراس : حمد الله والشكر .. واذا بتتزوج يعني ؟ تبيها تعنس عندنا طول العمر مثلا بدر : انت يالبارد خلك على جمب ابروح اشوف سالفة هالعرس سكرها فراس دون يرد .. وهو فعلا ماهمه الموضوع في نظره ( حرمه وبتتزوج .. هو وشدخله ؟ ) رجع يتابع الخطاب الممل والمليء بالتملق الواضح .. بعد انتهاء الخطاب وسط تصفيق الجميع .. اختتم الخطاب : شرفت ونورت المكان استاذ فراس .. نتمنى يكون كلش على هواك فراس : يعطيك العافية استاذ نزار بعد انتهاء الخطاب بدأت الفعاليات على المسرح .. والنادلات يقدمون الأطباق حاولت سارا قد ماتقدر ماتقرب من طاولته .. وهي تطالعه من بعيد ولو النظرات تقتل كان مات .. مادام تملصها لازم توصل الكاسات لطاولته .. مشت بتردد لطاولته وحطت الكيسان .. لكن مانتبه لها عينه على المسرح .. تمنت تخنقه من غروره مالتفت حتى..و مع خيالها في طريقة قتله طاحت الصينية من يدها وانسكب العصير .. شهقت وهي تشوف الفوضى والكل يلتفت لها والمصيبه المشروب اللي انسكب على جاكيته ركض المسؤول يعتذر ويوبخها : اعتذري .. كيف سويتي كذا ؟ انتي مطروده فراس تسمرت عيونها على كم جاكيته وقف بهدوء ويديه بجيب بنطاله .. بلع المسؤول ريقه وفراس عيونه على سارا وهي عيونها غايصه وجو المكان توتر .. قال فراس وهو يستوعبها: انتي مره ثانية ؟ ملاحقتني وين ما أروح ؟ سارا ارتجفت شفتها .. المسؤول : سامحها ياطال عمرك .. هي نادر تشتغل هنا وانا باهمال وافقت عليها و .. فراس : انت اللي طرحت الصينية ؟ المسؤول : لا بس .. قاطعه فراس : أجل سكر فمك كلامي مو معك رجع يلتفت لسارا ومشى خطوتين اتجاهها وقصرت المسافه بينهم .. سارا رفعت راسها تطالعه وحاولت تتماسك : الاخطاء تصير .. كيف أقدر اعوضك ؟ فتح ازرار جاكيته ونزعه: لو تجمعين وظايفك كلها ماقدرتني تعوضيني .. فدامني اتركك بحال سبيلك لاعاد اشوفك بطريقي .. ( رمى جاكيته على وجهها ) سامعه ؟ سارا بلعت ريقها والجاكيت مغطي وجهها .. سحبته من وجهها بهدوء وهي تشوفه يطلع من المكان والمدير يحاول يخليه يجلس وقالت بغصه بصوت مسموع : الله يمحيك .. الله يمحيك أول ماطلع التفت لها المسؤول : كذا دمرتي سمعة المطعم ؟! لاتتوقعين راتب عقب اللي صار واطلعي برا انتي مطروده انحنت سارا بأدب : اسفه على اللي صار .. وشكرا على كل شي عبس المسؤول وهز بيده وابعد عنها .. سحبت رجلها للخزانه وبدلت لبسها وطلعت ورجلها ماتدري كيف شايلتها ..توجهت للشقة تجهز اغراضها بشنطتها خلاص وقت الرحيل الظاهر مالها حظ هنا وهي كل صدفها تطرحها بهالإنسان اللي يحرجها بكل موقف *** مطار الملك عبد العزيز الدولي بجده :- مشت اسماء بسرعه وهي معصبه : افففففففف ميهاف خلاص ! والله لو ادري اني بنخطب من اخوك كان ماسافرت معاك ميهاف مبسوطة : افا لييه ؟ هذا وانا اللي بضبطك قدام اخوي اسماء بجد معصبه : والله لو تستمري كذا لاروح بشقه لحالي ولا اعرفك ولا تعرفيني ! ميهاف : اوه اسوم ليش معصبه كذا والله مبسوطة لك بس اسماء : ايوه انبسطي بس مو طول الطريق حنه وتعليقات .. تعرفين اني جايه انبسط وابي اركز على نفسي وبس مابي اتذكر اهلي حتى ميهاف : خلاص حياتي روقي بسكت هههههههه اسماء طالعتها بنص عين : وش يضحك ؟ ميهاف ضربتها بخفه على كتفها : خلاص اسوم مزاجك خايس اليوم .. والله بس امزح اسماء سبقتها لسيارة التكسي : ما أحب هالمزح بطليه ! ميهاف استسلمت خلاص تعرفها اسماء لاعصبت شينه .. وصلو للفندق واسماء استرخت لما تقفل هالموضوع وانسدحت على فراشها : اااااااااههه تععب .. بنااام لي ساعتين ثم نصحى ندج ميهاف : ساعتين بس .. مو اليوم كله يروح نوم ! اسماء : هههههههه ايه ساعتين بس دق جوال اسماء .. طالعت الشاشه باستغراب ثم طالعت ميهاف : غريبه بدر داق علي ميهاف : ههههههههه اللي بيسمعك بيقول لؤي اللي داق .. اخوك عادي ردي اسماء رمت عليها الوساده وصرخت : ميهاااااااااااف !! ميهاف ضحكت : ههههههههههههههههههههه توبه توبه ردت اسماء : هلا والله بالسوبر ستار بدر : هلا فيك .. كيفك تمام ؟ اسماء : ايوه حمد الله .. وأنت ؟ بدر : كويس .. ( بسخرية ) ألف مبروك اسماء بلعت ريقها : على شنو ؟ بدر : لاا ماتدرين يعني ؟ اسماء : دريت ؟ بدر : ايه .. والله عيب عليك ! انا اخوك وادري من الغريب قبلك اسماء : ماصار شي رسمي .. تو امي قالت لي امس وانا لسى مارديت حتى بدر : شلون يعني ؟ بترفضين ؟ اسماء وهي تطالع ميهاف اللي منسجمه بالتلفزيون : مدري .. بدر : اسوم .. لايخوفك احد او تضغط عليك امي وتاخذين قرار مانتي متأكده منه اسماء تنهدت : عارفه بدر : هههههههه طيب شلون اللحين اقول مبروك ولا لا ؟ اسماء : ارجع للسعودية ونتفاهم بدر : انتي وين بغرفتك ؟ اقول لامي وينها تقول نايمه اسماء : هههههههههه انا بجده .. بس بلييييييز بليز لاتقول لفراس لو يدري اني لحالي مسافره قتلني بدر : رايحه لحالك ؟ اسماء : لا ميهاف معاي بدر : هههههههه ماحقوله انبسطي .. عموما انا هالاسبوع راجع ان شاء الله .. انتبهي على روحك اسماء : اوك .. باي *** في بيت أبو هيثم – الظهر :- دخلت غاده غرفة أبوها الموجود فيها عمانها جالسين .. وسلمت عليهم وهي مبسوطة وابتسام تطالعها ناقده جلست غاده بحياء .. ابو احمد : هاه ياغاده جاهزه لعرسك عقب شهر ؟ غاده : والله شهر شوي مره .. فياليت نستلم المهر بدري عشان ألحق ضحك ابو احمد بسخرية : هههههههههههه مهر ؟ لمين ؟ انتي ؟ غاده تفاجأت : ايه .. مو العروسة يندفع لها مهر صح ؟ ابو احمد : ههههههههههههه امبلا معك حق .. مهرك شقتين كامله تركناها لابوك غاده انبهتت والتفتت لابتسام باستفهام .. ابتسام نزلت راسها لانها عارفه هالمعلومه بس ماقالت لها .. بعد صمت لفتره التفتت لعمها وكل ملامح الحيا والفرح راحت بمهب الرياح : نعم ؟ أبو احمد : اللي سمعتي .. ولا مو عاجبك ؟ لو تحسبين قيمة هالشقتين طول العمر تطلع اكثر من المهر نفسه غاده التفتت لأبوها وابتسام : وانتو راضين ؟ .. اشوفكم ساكتين أبو احمد رد بسرعه : من تبين يتكلم ؟ اختك هالعانس ولا أبوك الله يعجل بخاتمته : جعل يومك قبل يومه ! شهقت ابتسام وهي تشوف هيثم واقف بطوله عند الباب وعيونه مصوبه لعمانه : .... أبو مرزوق : هلا هيثم .. وينك من أول ؟ هيثم بغضب : تدعي على ابوي بالموت ؟ اخوك تدعي عليه بالموت ؟ أبو احمد : الموت حق ولا ابوك معصوم من الموت هيثم : لا مو معصوم ولا انت معصوم ولا حتى عريس الغفله اللي ماجا حسب الاصول وخطب بنفسه ! أبو احمد : شبتسوي يعني ؟ غايب كل هالفتره واللحين راجع ونافش ريشك .. كم لك ماسلمت علينا وحنا عمانك واللحين تحاكيني كاني اصغر عيالك ياحيف بس هيثم بصرامة :انا مهما كنت غايب اضل رجال هالبيت ! واظن الصح انك تخطب غاده مني مو من أبتسام ابو احمد : حنا خطبناها من أبوك ! هيثم التفت لابوه : شرايك يبه ؟ ابو هيثم : بس ياهيثم عيب .. هذول عمانك هيثم : بلا عمان بلا بطيخ .. عقب اللي سمعته سعرهم بسعر الغريب عندي ابو هيثم : هيثم بس خلاص انا مو ناقص عصيان .. هيثم ضغط على قبضته بقوه وعطاهم ظهره طالع وهو يقول : هالخطبه ماراح تتم يعني ماراح تتم خواتي مو رخيصات ارميهن أبو هيثم : الله يهداك يابو احمد .. ليش ماجا احمد وريحتنا ؟ أبو احمد : احمد بيجي لاصارت عروسه جاهزه ياخذها .. ماله داعي يجي هنا عشان يخطب من حرمه ورجال شبه ميت وعقب شهر ياتوصلني البنت ياتوصلني الشقق .. مشينا يا أبو مرزوق طلع أبو احمد وأبو مرزوق .. وابتسام طلعت على طول تدور هيثم بس ماكان موجود دقت عليه بسرعه مارد التفتت على صوت غاده الخايف : شلون ابتسام وش بيصير؟ ابتسام بتوتر : مدري ! افففف ليش مايرد ؟ غاده بهلع : ادري انه عماني غلط .. بس ابتسام انا مابي الخطبه تتكنسل ابتسام : اساسا مافيه غير كذا ولا نعطيه الشقق ونجلس على الحديده غاده ارتاحت .. حتى دون مهر راح تطلع من هالبيت قبل تذبل وتصير جثه زي أبوها او معقده زي ابتسام !! عند هيثم كان جالس بحديقة عامة وماسك راسه وهو جالس يستوعب كلش .. طريقة كلام عمانه اكيد كانو دايم يتكلمون كذا مع اهله وهو مايدري ؟ ليش ليش يابتسام سكتي وماقلتي لي شي ليش ؟ ... تذكر كلمة عمه (( ياتوصلني غاده او الشقتين )) وش قصة هالشقتين بعد ؟ معقولة كل هذا جالس يصير وانا مو عارف عن الدنيا .. جلس جمبه على الكرسي صديقه ( مهند ) : ههههههه غريبه جالس هنا ؟ وطالع من قوقعة المستشفى هيثم ( معه حق .. قوقعة قوقعة تركتني ما أدري عن العالم حولي ) ... هزه مهند : شفيك رفع هيثم راسه وملامحه متوتره : مافيني شي .. وانت ماعندك مناوبة اليوم ؟ مهند كشر : امبلا .. طالع نص ساعه اتنفس وبرجع هيثم ظل يتأمل المنتزه اطفال يلعبون والضحكه معبية وجههم .. جمعة جارات.. جمعة عائلة الطابع العام هنا السعادة .. انتبه لصوت عالي جدا حيوي بضحكة رنانة بالمكان : ههههههههههههههههههههههههههههههه ميهااف ! تمشي بالزلاجة بسرعة وشعرها الاشقر يطير بالهوا بنظاراتها الشمسية وعبايتها المزخرفة كانها جلابية وصديقتها بنفس وضعها ماعدا انها متحجبه واجمل وتمشي معها بالزلاجة .. مهند اللي كان يطالع بنفس الجهه لأن الشابتين ملفتات بالمكان باشكالهن واصواتهن وحركاتهن : والله هالمزز يفتحن النفس طالعه هيثم بنص عين : يفتحن النفس ؟ يسدنها قصدك مهند : حرااام عليك هجل ليش مسمر عيونك فيهن هيثم : ماسمرت ولا شي اطالع المكان . مهند بنظرات خبث : الا مسمر ! هيثم وقف بضيق : ماسمرت فيهن عساهن يتكربعن .. مشينا بس مهند مشى معه : ياساتر شفيك معصب .. يله هذانا مشينا اثناء انطلاقتها الحماسية دون تنتبه للصخرة قدامها .. تحققت دعوة هيثم وتكربعت : ااااااااااااااااا ركضت لها ميهاف : بسسم اللله شفيييك ؟ اسماء ودموعها بعيونها : ااااي ميهاف رجلي تالمني ميهاف بخوف مسكت ساقها : وييين هنااا ؟ اسماء مجرد مالمستها تكهرب كل جسمها : لاتلمسسسين توججع .. اااهه ماااامي تجمعو عليهم العالم .. بعضهم شباب من أول ينتظرون الفرصه يقربون وحريم بفضول : ايش بك يابنتي ؟ اسماء وهي ماسكه ساقها وتبكي : تااالم احسها منكسرة طالعت الحرمة ميهاف : إنتي اختها ؟ ميهاف بهلع : اييييه .. مو عارفه شاسوي ؟ الحرمه : ساعديني حنوديها لمستشفى قريب من هنا في المستشفى كان هيثم جالس بغرفة الاستراحة وبيده الجوال : ايوه ... لا مو بكيفها ! .... ابتسام لاتجادليني الوضع هذا ماينسكت عنه واساسا نص الغلط عليك معاملتهم كذا وساكته ؟ ( رن الجهاز بجيب جاكيته ) .. مضطر اروح اللحين ابتسام الليلة جاي البيت ونتفاهم والمهبولة اللي عندك عقليها مشى مسرع ووقف عند رئيسة : طلبتني دكتور ؟ الرئيس حط بيده ملف : عندي عملية مستعجلة .. هذي حالة بسيطة أمسكها هيثم كشر : وليش امسك هالحالة البسيطة ؟ ماراح اشاركك بالعملية الرئيس حط يده على كتف هيثم : انت مو مركز اليوم وانا احتاج شخص بكامل تركيزه بغرفة العمليات .. ارتاح اليوم واستلم هالحاله تركه الرئيس وهو طالع الملف بضجر تافف .. بس كذا احسن يخلص هالحاله بسرعة ويطلع لاهله يشوف هالمصيبة يحلها دخل غرفة المريضة وهو يسمعها تبكي : احس رجلي ماعاد احس بهاا بموت ميهاف : افففف ياربي شهالمصيبة ؟ اصبري شوي طيب بيجي الدكتور مدري شفيه تأخر دخل هيثم رمشت اسماء بعيونها وهي تطالع الدكتور الوسيم بشرته البيضاء وعوارضه مع لون شعره المميز بني رمادي أغبر .. مع جسمة الرياضي مفتول العضلات وطويل بشكل يفتن كأنه اجنبي لو ماتكلم سعودي حلفت انه ايطالي أو فرنسي ..حست قلبها يخفق مع لمست يده لساقها النحيل قال وهو يمسك ساقها من كل النواحي : فين يالمك بالضبط هنا ولا هنا ؟ اسماء مفهيه وهي تطالعه .. وسيم بجد عيونه رمادية طافيه حست انه لوحه تتمنى تطالع فيها كل العمر : .... هيثم طالعها : ياهانم ؟ اسماء ونظرته لها ذوبتها اكثر: هاه ؟ هيثم عقد حواجبه : فين يالمك بالضبط ؟ اسماء بلعت ريقها : .... ميهاف هزتها : بنت شفيك ؟! اسماء بسرعة : بمكان يدك .. هز هيثم راسه والتفت لممرضة : جبري ساقها وارفعيها وعطيها مسكن اذا زاد عليها الألم .. ( التفت لاسماء ) فيك كسر ويحتاج يجبر وفتره طويله لحتى ينجبر تماما هزت اسماء راسها وهي تراقب حركاته بتمعن .. بيده ملف واخذ القلم من ورا اذنه : اسمك لو سمحتي ؟ اسماء بصوت هامس وهي نفسها تسأله عن اسمه : اسماء هيثم وعيونه على الملف يدون : اسماء ايش ؟ اسماء : اسماء فهاد الشمري هيثم رفع حواجبه هذي اخت فراس الشمري وبدر الشمري .. طالعها بفضول وحس بسخرية القدر هي نفسها اللي دعى عليها تتكربع .. هذي دعوته تحققت حس انه السبب هيثم : عموما اصابتك بسيطة وانا راح اشرف على حالتك هالفتره أي سؤال الممرضه عندك اسماء : ولمتى راح اضل هنا ؟ هيثم : بالقليل اسبوع اسماء انقهرت اجازتها خربت .. طلع هيثم وهي سندت راسها وتتنهد ( يخرب بيته يجنن ) دخلت ميهاف : كلمتني امك ياعمري خافت كثير اسماء : بتجي صح ؟ ميهاف : ايوه اكيد شودك اجلس معاك لحالي ؟ اسماء تنهدت : خربت اجازتي .. ميهاف : اهم شي سلامتك طز بالاجازة .. كيفها ساقك ؟ اسماء برطمت : توجع ! ميهاف : ايوه كسر طبيعي .. ماتحسي احسن شوي ؟ اسماء بملل : شوي بس ميهاف : يله حبيبتي نامي شوي .. انا بطلع للشقه اجيب لك ملابس واجيب لي اغراض عشان ارافق اسماء وهي تغمض عيونها : اوكيه لاتطولي ميهاف اول ماطلعت جتها الممرضه وقالت لها ممنوع ترافق ..ميهاف : وليش ان شاء الله ؟ الممرضه : قوانين المستشفى ميهاف : مو بكيفكم البنت لحالها .. ولازم اكون معها الممرضه : تفاهمي مع الدكتور المسؤول عن حالتها انتبهت ميهاف لهيثم متكي على طاولة بالممر ويكتب توجهت له مباشرة : ليش ممنوع المرافقة ؟ هيثم دون يلتفت : لان حالتها ماتستدعي ... ميهاف : كيف ماتستدعي .. تبغاها تموت عشان تستدعي ؟ هيثم التفت لها : لاتسببي ازعاج وتفهمي القوانين .. المرافقه ممنوع عندك شكوى ؟ ( اشر لصندوق بعيد ) هذا صندوق الشكاوي هناك ميهاف طالعته بحمق .. والتفتت تمشي معصبه هيثم مقفل مزاجه : بزر مدلله ! اما اسماء كانت حالتها مريضه فعلا .. انسدحت وضمت اللحاف وتفكيرها بالدكتور الوسيم كان هالتفكير كفيل ينتشلها من ألم ساقها غمضت عيونها واستسلمت للنوم وابتسامه حالمه على ثغرها .. بالشقه عند ميهاف / جلست على الكنب ورجل على رجل وهي تحس بضجر .. لحالها بالشقه ملل محد يكره الوحده كثرها طالعت الساعة 8 لسى بدري بس بتنام احسن لها لبست بجامتها ودخلت فراشها الحريري سمعت رن جوال بالشنطة فتحتها كان جوال اسماء مسكته بحيره كيف نسته معها ؟ المتصل – نجم الغفله – ضحكت بخفه على تسميتها .. محد اسمه طبيعي بجوال اسماء ... تركت الجوال حتى سكت .. لكن رجع يدق .. اكيد يبغى يتطمن عليها ردت بالنيابة : إيوه بدر بخوف : سومممتي كيفك ياقلبي ؟ يقولو انك بالمستشفى ميهاف : احم .. اسماء بالمستشفى وجوالها معاي بدر استغرب مين اساسا الصوت هادي بعيد عن اسماء .. تذكر ان ميهاف هي اللي معاها : ميهاف ؟ ميهاف : إيوه .. بدر : ههههههههه معليش من خرشتي على هالخبله مانتبهت للصوت .. كيفك ميهاف ؟ ميهاف بنعومة : هههههه الله يلوم اللي يلومك بس لاتخاف هالخبله تمام بدر : شصاير اساسا ؟ ميهاف : هي طاحت وانكسرت رجلها .. بس ان شاء الله ماعليها شر بدر : ان شاء الله .. عموما اذا صرتي عندها قولي لها تكلمني ميهاف : حقولها ان شاء الله بدر : يله لااشغلك بس حلو سمعنا صوتك وتطمنا على اخبارك ميهاف ماعرفت شترد قالت على طول : مع السلامة سكرتها وهي تبتسم على لهفة صوته على اخته .. يابعد عمري يا أسوم ماتستاهلي ! انرسمت ابتسامة اكبر على وجهها وهي تتذكر " لؤي " ... صح لازم تدق عليه تزعجه بالخبر دقت بحماس رد قبل الرنه الاخيره : هلا ميهاف بوناسة : هلااا فيييييك .. شخبارك علومك ؟ لؤي : كلش تمام .. انتي مبسوطة بجده ؟ ميهاف : كلش تمام ؟ كيف كلش تمام وخطيبتك بالمستشفى لؤي باستفهام : مين ؟ ميهاف باستهزاء : انا ! من خطيبتك يعني اسوم لؤي بخوف : سلامات ليش ؟! ميهاف : تعال زورها واعرف ايش فيها لؤي بقلة صبر : مو وقتك ميهاف ! شفيها خرعتيني ميهاف بحروف ممدوده : خرررععتكك ؟ لؤي : ........ ميهاف : الو ؟ وينك ؟ لؤي : بتتكلمين ولا شلون ؟ ميهاف : هههههههههه لا بسيطة بس كسر برجلها وبيتشافى اول ماتجي تزورها لؤي : يا ساتر كسر مره وحده .. كيف صار كذا ؟ ميهاف : وحنا نتزلج تعثرت وطاحت لؤي : ماتشوف شر ان شاء الله ..( كمل بضيق ) ماعطتك ردها للحين ؟ ميهاف : لا والله .. تقول اتركوني على راحتي لؤي انقهر .. وش المشكلة الكبيرة الي فيه تخليها تفكر كل هذا ! : ..... ميهاف حست باخوها: لا تشيل هم لؤي بتوافق ان شاء الله .. بس شلون اقولك اسوم عزوبيتها واستقلاليتها غاليه عليها شوي وخايفه من الارتباط لؤي : وانا من متى امنع البنت من استقلاليتها ؟ هذا انتي عمري عارضتك بشي وانا اخوك الكبير واقدر؟ ميهاف : لا بس هي شعرفها ... خلاص لعيونك بزعجها لين ترد لؤي : لا لا لاتزعجيها ولا شي .. ع قولتها اتركيها على راحتها .. يله انا بسكر ميهاف : باي باي سكرت ميهاف السماعة وهي تغرق بافكارها ..ياحظك يا أسوم والله مايكون خاطبني واحد زي لؤي لأوافق مباشرة الله يوفقك انتي وياه *** دخل هيثم البيت وابتسام وغاده طلعو على طول من غرفهم لما سمعو صوت الباب جلس على الكنبه وعيونه على غاده وحط يده على المعقد جمبه : تعالي اجلسي جلست غاده وهي مو عارفه شلون تقنعه : .... هيثم طالعها بحنية : لاتخافين غدو انتي غاليه ومستحيل نرخصك والله ماتطلعين من هذا البيت الا لناس تسوى غاده بخوف : ايه بس انا موافقه وماعندي مانع هيثم طالع ابتسام ثم طالعها : شلون ؟ ابتسام بتأييد : ويخرج الحي من الميت .. لاتحكم على احمد من عماني يمكن يطلع كويس هيثم ارتفع صوته : وانا بعلق مصير اختي في كلمة " يمكن " واذا طلع مو كويس وش بتسوي ؟ بتتطلق ؟ غاده : انا بتحمل مسؤولية قراري هيثم : كلام فاضي .. غاده لاترفعي ضغطي ماراح تاخذيه يعني ماراح تاخذيه غاده وقفت وصرخت : انا ماصدقت احد يفكر فيني ! تبغاني اعنس بهالبيت مثل ابتسام نزلت ابتسام راسها .. وهيثم فتح عيونه بوسعها وبصوت عالي : غاده ! غاده : شنو ؟ هذاا الصدقق ولا ماتبون تعترفون عشان مايصير واقع هيثم ضم قبضته بقوه يمنع نفسه يمد يده عليها .. غاده لفت راسها عن نظراته الحاده وقالت بهدوء : وشروط الزواج رضاي ورضا ابوي .. معناها ماتقدر تمنعني ابتسام عضت شفتها بقوه هيثم وغاده يشبهون بعض محد يحكم نفسه .. فقالت توقف النقاش لاينحدر اكثر : غاااده .. أعتذري لهيثم هذا كلام ينقال ؟ هيثم بهدوء : ولا تحط لسانها بلساني .. قلتي اهم شي رضاك ورضا ابوي وانا ما أفرق ؟ خلاص معناها انا اغسل يدي نهائي من الموضوع . . واذا طلع اللي في بالي صح لاتجي بعدين تبكي طلع من البيت وابتسام قبصت ذراع غاده بقوه : وش هالحكي ؟ مجنونه انتي كيف قلتي كذا غاده وسط دموعها :لازم اسوي كذا ابتسام ! انا مستحيل اترك احد يوقف النصيب الوحيد اللي بيجيني بحياتي .. والله يا ابتسام انا اخاف اخاف اصير اشبهك اخاف اذبل مثلك اخاف اوصل لعمرك وانا بهالبيت .. هالبيت يقتلني بالبطيء والله بموت لو اجلس ابتسام نزلت دمعه ماعرفت تحكمها .. وغاده مغطيه وجهها وتبكي حطت ابتسام يدها على كتفها : هدي خلاص .. هذا انتي بتسوي الي تبغي ادخلي نامي دخلت غاده وابتسام جلست لحالها .. ليش تزعلين يا ابتسام ؟ معها حق من يبغى يصير يشبهك ؟ *** صحت من النوم وهي مو مرتاحه من وضعية النوم ورجلها فوق .. عدلت جلستها دخلت الممرضة مبتسمة : كيفك ياحلوة ؟ اسماء برطمت : مو منيحه .. متى بتطيب رجلي ؟ الممرضة : من دحين تشتكي ؟ لسى بدك صبر ووقت لحتى تطيبي اسماء بحماس : فين الدكتور ابغى اساله عن حاجه ؟ الممرضة عقدت حواجبها : الدكتور ؟ اسماء : ايوه الدكتور المسؤول عن حالتي .. الممرضة : ايوه .. ياللي جبرك امس ؟ اسماء وداخلها رفرفه : ايوه الممرضة : بغرفة العمليات حاليا .. اسأليني انا اسماء باصرار: لا افضل اساله هو ! الممرضة تضايقت كانها تشككها بقدراتها : ايه براحتك اسماء : هوا ايش اسمه ؟ الممرضة فهمت اللحين .. حالها حال كل البنات اللي يعالجهن وحال ممرضات ودكتورات المستشفى معجباته كثير : دكتور هيثم اسماء رددت بنعومة : هيثم ؟ الممرضة ابتسمت : إيوه .. تنفست تنهدت بحالميه ورددت ببلاهه : هيثم ؟ الدكتور هيثم ... ( عضت على شفتها وهي نفسها تشوفه ماتقدر تنكر هي معجبة وبقوه ) بعد انتظار طويل وملل .. وهي مازالت مصرة ماراح تسأل غيره دخل هيثم ووراه الممرضة : كيف صحتك اليوم ؟ اسماء طارت لما شافته .. اخيرا ! : مو مرة هيثم : الألم راح يكون طبيعي جدا .. بعد كلش انتي رجلك مكسورة ولازم تحملي اسماء حست انها تافهه : طيب ماراح تعيد تجبيرها ؟ هيثم : لا طبعا .. ماراح نشيلها الا نهائي هذا جبس مو شاش اسماء بلعت ريقها وهزت راسها .. هيثم : هذا اللي كنتي بتسأليني ؟ اسماء ببلاهه : هاه .. ايه ايه هيثم وجه تعليمات للممرضة وبعدها التفت لاسماء : الممرضه موجوده .. أي خدمه او سؤال وجهيه لها اسماء احبطت .. وقالت بهمس غير مسموع : باخل علينا بطله حتى أول ماطلع تنهدت .. قاطعها دخلة ميهاف مبتسمة : عندي مفاااااجأأه اسماء بضيق : إيش عندك ؟ فجأه الغرفة اكتظت .. أمها وخالتها وأنس وياسمين ضمتها امها مباشرة وقالت بغضب : عشان كذا ما أحب هالسفرات .. رايحات بنات لحالكن وشوفن شصار ؟ اسماء : ماصار شي .. كان ممكن انكسر وانا بالرياض حتى أم نايف : شخبارك حبيبتي طيبه ؟ اسماء : ههه شفيكم حمد الله .. مافيني شي كسر وبيطيب ام فراس : وين الدكتور بتفاهم معه على نقلك للرياض اسماء شهقت : هاه ! ام فراس : أيه بنرجع .. وش تجلسين هنا له ؟ اسماء بسرعة : لا ! ام فراس والكل استغربو : ليش لا ؟ اسماء وهي ماتدري ليش تحمست بال " لا " : مدري احس صعبه .. وبعدين الدكتور هنا شاطر مره والممرضات ام فراس : بدخلك احسن مستشفى بالرياض ولا يهمك اسماء بوزت : لااا مابي بجلس يعني بجلس ام فراس : مو وقته اللحين .. عدلي طرحتك عيال عمك برا بيسلمون اسماء : مين ؟ ام فراس : مين يعني نايف ولؤي اسماء غاصت بمحلها .. لا مو وقته لؤي مقدر طالعت امها وهي تضغط ع شفتها بهمس : مااما ! ام فراس بنفس الهمس : شاسوي يعني يبي يسلم عليك ...( غمزت ) من اللحين شايل همك اسماء لفت طرحتها اللي من وصلت جده ماحطتها على راسها .. على اساس الاجانب حلال وقرايبها حرام ؟ ... دخل نايف ولؤي ونايف مبتسم : سلامااااات سومممه .. هههههههههههه اح شوفي رجلك وش كبرها اسماء ( مو وقت ظرافتك نايف ! ) ... لؤي بصوته الهادي وعيونه الناعسه العسلية : ماتشوفي شر يارب .. كيف تحسي اللحين ؟ اسماء بصوت ماينسمع : يسلمكم .. حمد الله بخير ميهاف مستمتعه : وش هالصوت ماسمعنا شي ! اسماء طالعتها بوعيد .. وهي مبسوطة ماهمها ! لؤي ابتسم لما حس باحراجها وجلس جمب امه مع نايف ونايف يسولف .. وهو صامت كعادته .. الهدوء طبعه مجرد يسرق نظرات لها نظرته لها هالمره غير .. فعلا طيبه ومملوحه وعفوية وبريئه .. بمكان ثاني بالمستشفى .. هيثم مشى لعد رئيس الجراحة يبي يتملقه لجراحه ثانيه : احم دكتور .. سمعت انك بتسوي عملية تقويم اليوم ؟ الدكتور فهمه : راح اسجل اسمك .. بس عائلة مريضتك موجودين ويبون يناقشونك في حالتها هيثم بضيق : دكتور انا جراح .. مو ممرض هالحالة سلمها لأحد غيري الدكتور : الجراحة لحالها ماراح تسويك دكتور محترف .. لازم تتعلم كيف تتعامل مع الناس مو تقطع فيهم وبس هيثم تنهد : بس حالتها ماتستلزم كل هذا .. كسر زي أي كسر ثاني الدكتور : عائلتها مهمين مانبي هاللعوزه .. كمل الحاله وبس هيثم بضجر : زين .. طالع الغرفة الصاخبة كانها عزيمة مو مستشفى وهو منقرف بعيشته .. عيال بطره اغبياء كارههم كلهم وخصوصا ميهاف لانها شغاله عليه فلسفه هاليومين .. طق الباب ودخل دون يكلف نفسه يبتسم .. لانه باختصار جراح مو ممرض وهالشغله على راسه ! زيادة على كذا يكره عيال آلشمري عقب اللي سواه فراس بسارا ..اسماء ابتسمت لما دخل والتفتت لامها وهي تشر له : ماما هذا الدكتور هيثم هيثم بسخرية اشر لها : وهذي المريضة اسماء .. أي سؤال عن الكسر برجلها ؟ لؤي : نقدر ننقلها الرياض ؟ اسماء احبطت .. بس دام لؤي تكلم وش تقدر تسوي تنط وتعارض ؟ .. هيثم حس انه الفرج : ايوه طبعا .. تنتبهو على رجلها ونصرف لها كرسي ومافيه أي مشكلة اسماء : بس انا ما أحس اقدر اسافر ورجلي كذا .. اقل شي برتاح اسبوع هيثم ( ناقصك اسبوع انا بعد ؟! اذلفي لديرتك ) : ........ ام فراس : وش يجلسك هنا لحالك ؟ اسماء : ماني لحالي .. ميهاف معاي وانتي اذا تبغي تجلسي اجلسي هيثم احتفظ بالصمت .. وسط النقاش الحاد واسماء ماقدرت تعند كثير قدام لؤي .. أم فراس : 3 ايام بالكثير وراجعين هيثم تنحنح : اححم .. عموما متى ماتبغو تسجلو خروج تعالو نسجل الأوراق ... اسماء برطمت ... وام فراس : ان شاء الله يعطيك العافية أول ماطلع دق جواله رد على طول : هلا سارا : هااااااي هيثم .. كيفك ؟ هيثم : زفت ! سارا : هههههههههه وينك ؟ هيثم : بالمستشفى وين يعني ؟ سارا : وين بالضبط بالمستشفى ؟ هيثم استغرب : ليه ؟ سارا : ههههههههههههه التفت وراك التفت بسرعة وابتسم من قلب لما شافها واقفه وبعباية كتف ودون طرحه او تكلف في الزينة حتى عبايتها متواضعه .. شهق بقوه : متى جيتي ؟! سارا : ههههههههههههههه تو وصلت وجيت هنا على طول مد هيثم يده وصافحها وهو مبتسم من قلبه : وليش ماقلتي لي استقبلك سارا : ماله داعي .. تعال قولي ليش مزاجك زفت .. ولا اقولك على فنجال قهوه احسن هيثم : ههههههههههه على حسابك مشى لعندهم مهند اللي كان مستغرب ونص المستشفى مستغربين .. هيثم الثقل مايتلفت للحريم ضحكه طالع معها : هيثم من متى ؟ هيثم ابتسم : لا يروح تفكيرك بعيد .. ( اشر لها ) هذي سارا درست معي البعثة 3 سنين .. ابتسمت سارا : هاي مهند عقد حواجبة : سعودية أنتي ؟ سارا : بابا سعودي .. بس حياتي كلها برا السعودية مهند : تشرفنا .. ودكتورة ؟ سارا : لا .. ادارة اعمال مهند : ههههههههههههههههه انتبه لها لاتطعنها وحده من الممرضات ولا شي سارا رفعت حواجبها : واو الاستاذ هيثم له نادي معجبين هيثم بثقه : ليش طايح من عينك ؟ سارا : اقول قدامي لا أسحب عزيمتي هيثم اشر لها الطريق : ladies first جلسو على طاولة بالكافتريا .. سارا : ايوه شفيك ؟ هيثم : غاده بتتزوج سارا : الف الف مبروك .. بعد عمري تستاهل ... لحظه لحظه وليش زعلان ؟ هيثم قالها القصه كلها .. اصلن ماعمره خبى عنها شي .. سارا : معقوله عمانك يكونو كذا ؟ هيثم بقهر : يصير كذا بالطقاق ! بس هي ليش تاخذ هالأحمد هذا .. ؟؟! سارا : تفائل يمكن يطلع كويس وانت ظالمه هيثم : مو مرتااح ياسارا والله مو مرتاح .. بس هي قهرتني بعد سارا : كبرها تكبر .. صغرها تصغر ادع الله يوفقها وبس .. وابتسام شخبارها ؟ هيثم : حمد الله ماعليها .. ايوه صح فين بتسكنين ؟ سارا : فين يعني بشقه .. هيثم : وليش ماتروحي بيتنا مع البنات .. بيستانسو فيك سارا : بعدين من عيوني .. سلم عليهن كثير انا صديقتي برا تنتظرني قلت اسلم عليك واطلع هيثم : انتبهي على حالك السوري سارا : وأنت كمان *** خلت الغرفة إلا منها هي وامها .. : اللحين ؟ ام فراس : ايه اللحين ماشبعتي تفكير ؟ اسماء بضيق : مدري ماما .. احس لسى بدري مابي ارتبط اللحين ام فراس : انتي انخطبي منه اللحين .. ومو لازم الزواج على طول خذي راحتك .. اسماء : ...................... ام فراس : وبعدين اسماء ؟ ماعدتي صغيره اسماء : خلاص ماما مو انا قلت لك برد لك اذا رجعت للرياض .. حنا لسى بجده ام فراس بقهر : نماشيك ونشوف شآخرتها معاك ؟ دخلت الممرضة : انتهى وقت الزيارة طلعت ام فراس وهي جلست تفكر القرار صعب فعلا .. كيف توافق وليش توافق ؟ ماتبي زواج تقليدي تبي شغف بزواجها .. **** بعد يومين / وصل لأراضي جده وهو له يومين يجاهد يبي يرجع .. اول ماوصل راح للمستشفى : مريضة بأسم اسماء فهاد الشمري ؟ : تفضل آخر غرفة بالسيب الثاني دخل وهو مبتسم وضمها بحراره : سلااااااااااامتك ياعمري اسماء : بددددرري كان ماجيت !! بدر : وحشششتيني موت .. كيفك ان شاء الله بخير ؟ اسماء : تمام.. انت شخبارك يامزه ؟ بدر : ههههههههه حمد الله جلس على الكرسي : حرام سايبينك لحالك هنا ؟ اسماء : واللي يعافيك كذا احسن .. لهم يومين يجوني كل عصر يقلقوني بلؤي وتلميحات وغثا بدر رفع حواجبه : شصار على هالخطبه .. وافقتي ؟ اسماء طالعته بحزن : تبي الصدق ؟ بدر عدل جلسته : ايه طبعا اسماء : مالي عذر ارفضه .. بس احس ماني مستعده نفسيا بدر : ههههههههه ماني مستعده نفسيا هذي يقولوها كل الحريم عادي اسماء : بدووور ! لاتضحك قسم اني مهمومه بدر : سلامتك من الهم ياعيني .. انتي استخيري والقرار اللي بتتخذينه عطيني اياه ويتنفذ غصب عن الكل اسماء تنهدت : واضح انه متضايق لاني تأخرت في الرد .. امس سلامه علي بارد بدر : عادي طبيعي بنت ولازم تفكر .. لؤي حساس شوي لاتزعجي حالك اسماء بهم : فراس عرف ؟ بدر كشر : ايه ولا تشيلين هم .. آخر همه هالخطبه اسماء فتحت عيونها توقعته يغصبها : هاه .. شلون ؟ بدر : يقول حرمه وبتتزوج انا وش دخلني ؟ اسماء : ياااابرده هالرجال بدر : المهم حياتي انا طالع اشوف نيوف والشباب .. ارتاحي وبجي اشوفك عصر اسماء : لا تأخر وجب لي معك شوكلاته حلوه .. اكل المستشفى امرضني اول ماطلع عدلت جلستها ومسكت العكازات تحاول تمشي عليها .. لان السدحه الطويله متعبه , هيثم بطريقه يمشي رجع لنافذة باب الغرفه يشوفها وهي تحاول توقف وواضح انها ملاقيه صعوبة : ليش ماقلتي للممرضات يساعدوك؟ التفتت له اسماء والعكازه طاحت على الارض من الربكة وهي تشوفه متسند بجنبه على الباب : اااا .. مشوار وكنت بجرب بس.ومابي اتعبهم انحنى للارض ورفع العكازه : تعبيهم عادي هذي وظيفتهم ابتسمت اسماء : دكتور هيثم . هيثم توقعها شايله خشمها لكن استغرب خلال هالفتره مدى عفويتها بالعكس يحسها سطحيه ما كأنها بنت نعمة : هلا اسماء : سمعت من الممرضات امس انو انت جراح هيثم : لسى ماصرت جراح رسمي .. السنه الجاية اسماء عقدت حواجبها : غريبة جراح وتشتغل على حالتي .. الجراحين بغرف العمليات مو ؟ هيثم حس وقفته غلط قال بطريقة لبرا : بنت آلشمري لازم يعطونها احسن خدمه اسماء : يعني أنت أحسن خدمه ؟ هيثم بثقه ودون تفكير : طبعا ! اسماء خفق قلبها اكثر بهاللحظة .. ضحكت بتوتر: ههههههههه بحط بصندوق الشكاوي انكم ماتشتغلو بمساواه هيثم بنظرة غريبه قبل يطلع : مافيه مساواه بهالدنيا .. حتى القاضي ماعنده مساواه اسماء سكتت وهي تشوفه طالع ( شقصده مافيه مساواه ويطالعني ؟ معناها اني مخله بالمساواه او ماخذه اكثر من حقي ) .. حست بضيق معقولة يكون متضايق من نوعية الخدمه اللي اتلقاها ؟ التفتت لارجاء الغرفة فعلا جناح ملكي .. ومزين باثاث غالي .. غير ركن الهدايا الكامل الفايض وهي مجرد كسر برجلها .. *** غاده واقفه بربكة قدام المراية المسندة بغرفتهم وتتأمل لبسها .. جلابية موفيه ناعمة تسلفتها من صديقتها لان دولابها رديء .. انقهرت العروسة بهاليوم تلبس ذهب وهي حتى مهر مافيه .. نفسها تستعد بالاسواق وتحوس زي اللي تعرفهم ؟ .... لكن شتسوي شي أحسن من لاشي .. جلابية موفيه طويلة باكمام وسيعه ومضغوط من تحت الصدر .. اذا كان الجلابية جميله لسبب فهو بسبب جسمها .. قامتها الطويلة ونحفها مكسبها رونق .. وشعرها فارقته من النص وبارمته من الجوانب .. واصل لآخر ظهرها رسمت الكحل بسرعة ماتبي تطالع اكثر .. دخلت ابتسام وعلى وجهها ملامح الضيق : .... غاده : شفيك ؟ ابتسام : هيثم ماراح يجي .. غاده تضايقت لكن قالت تكابر : كيفه ! محد طرده هو اللي .. قاطعتها ابتسام : لاتقولي كذا غدو .. هو لو مايحبك وتعزين عليه ماقال هالحكي غاده تنهدت : متى بيجون ؟ ابتسام : عقب الصلاة على طول طالعت الساعة .. خلاص الساعة 8 بيجون اكيد .. ابتسام ابتسمت : متوترة ؟ غادة : حييييييل .. خصوصا اني بقابله انا ما أعرف عنه شي حتى شكله .. ابتسام : اليوم بينعقد قرانك خلاص .. بتصيرين متزوجه ههههههه غاده بحزن : تمنيت ماما الله يرحمها تكون موجودة بهاليوم ابتسام انهمت اكثر : غدو حبيبتي روحي لأبوي يشوفك قبل يجون .. غاده هزت راسها : ان شاء الله طلعت غاده وابتسام خللت اصابعها بشعرها بضيق وقالت بهم : سامحيني غاده دخلت غاده لعند أبوها اللي ابتسم لما شافها : من أنتي وين بنتي غاده ؟ ضحكت بخفه : هههههههههه بابا قرص ابو هيثم خدها : الله يوفقك يابوك انطق جرس البيت .. قامت غاده وطلعت وابتسام بجلابيتها الكحلية مع ياقة حمراء .. وشعرها الأسود سواد الليل تاركته على تموجه ولابسه طرحة لافتها باحكام مابان شعره منها .. وطالعه أكثر نقاء ببشرتها البيضاء فتحت الباب : تفضلو حياكم دخل أبو مرزوق وأبو احمد ومرزوق ( 38 سنه ) وهذا اللي كانت خايفه منه ابتسام .. عيال عمها اكيد بيجون دعت بداخلها ( الله يسامحك ياهيثم ) كان بتسكر الباب لكن دخل اخيرا .. أحمد ! انصدمت لما شافته مايشبه امه ولا يشبه ابوه .. طويل ونحيف وبعوارض خفيفه وبشرته بيضاء وملامحه حادة رغم نعومة عيونه .. ماكملت تحديق وابتسمت بمجاملة : حياكم رفع احمد حاجبه : أنتي غاده ؟ ابو احمد : لا هذي ابتسام بنت عمك .. ولا انا بخطب لك هذي احمد ابتسم وهو يطالعها : شفيها يبه ؟ الله يحفظها ويابخت راعي النصيب ابتسام وردت خدودها فنزلت راسها بسرعة ( هذا أحمد ؟ ؟؟ ) : تفضلو حياكم أبو احمد : وينه هيثم ولا لايكون زعلان ؟ احمد رد : يبه شفيك تونا عند الباب تكامخ ؟ ابو احمد دخل والكل دخل .. وابتسام وقفت لحظه تضبط تنفسها .. وش هالاحمد ؟ ماتوقعته كذا ابد ابد .. ولا حتى احتمال دخلت صواني القهوة وهي حاسه بنظراته يتأمل بشكل واضح ومزعج .. ماجلست عندهم خلصت الصواني وطلعت .. مرزوق همس له : بسك تقزيز بالبنت .. اعقل تراك زوج اختها احمد : بنت ومكشوفه قدامي شتبيني اسوي ؟ دخلت ابتسام عند غاده .. نطت غاده عندها عطول : شنو شنو شنو شصار ؟ شفتيه ؟ جا ؟ ابتسام : ايه اكيد جا غاده : وش وشكله ؟ ابتسام : ههههههههههه وش شكله يعني رجال غاده بتوتر : عارفه رجال .. بس كيف يعني ؟ ابتسام بتفكير : همممم مدري شاقول لك بس والله حليوه الولد غاده بفرح : صدقق ؟ ابتسام : ايوه .. اففف خلاص المملك جا .. شوي وبتشوفينه بنفسك غاده فتحت طرف الباب وهي تشوف المملك يدخل وجمبه رجال مو واحد من عمانها .. دب واسمر كشرت : هذا هو ؟ ابتسام : غدو اعقلي لايشوفونك ! غاده : ياويل حالي .. لايكون هذا احمد ؟ ابتسام طالعت : ههههههههههه لا هذا مرزوق غاده تنهدت بارتياح : اشششوى ابتسام : البسي طرحتك عشان ياخذ المملك موافقتك غاده سحبت طرحتها بتوتر : يوووه احس رجلي مو شايلتني ابتسام : هههههههه اعجلي يالله لبست غاده جلال صلاه ووقفت عند الباب .. وهي مرتبكة وهي تسمع المملك : عطيني موافقتك يابنتي ؟ غاده بهمس : موافقـ .. ـه تردد على سمعها صوت التبريكات : مبروك احمد .. الف مبروك يابوك .. على البركه على البركة وجا صوته اخيرا : يبارك فيكم ابتسمت وهي تضم ابتسام .. ابتسام دمعت عينها : الف مبروك حبيبتي غاده بفرح : يبارك فيكي ؟ سمعن صوته : ممكن اشوف العروسه ياعم ؟ مرزوق : هههههههه يله مبروك اجل انا استأذن طلع ابو مرزوق وولده .. وابو هيثم نادا بصوت متعب : غاده .. يابوك غاده همست لابتسام : شاسوي ؟ ابتسام : شتسوين يعني ردي عليه غاده : سم يبه .. ابو هيثم : تعالي سلمي على عمك ورجلك غاده مو عارفه شتسوي وقفت قدام المراية تحاول تضبط شكلها .. ابتسام : هههههههه حلوه حلوه .. اخلصي عاد غاده : يوه ابتسام .. صدق شكلي مضبوط ؟ ابتسام : ايوه اخلصي لايدخل يمعطك سحبت ابتسام الطرحة اللي حاطتها غاده على راسها : تستهبلي ؟ روحي يله غرفتهن كان تطل على الصالة فأول ماطلعت كانو بوجهها جالسين .. مارفعت عيونها ولا حاولت تشوفه : السلام .. احمد انبهت فيها .. بنات عمه مو بسيطات : وعليكم السلام شبكت يدها ببعض بارتباك وجلست جمب أبوها .. رفعت عينها ببطء تختلس نظرة بس ماقدرت كان عيونه مصوبة عليها مباشرة ومبتسم .. قال بنعومة : كيفك غاده ؟ غاده : تمام .. وأنت ؟ أحمد : خايف غاده طالعته ماتدري شتقول .. جوابه غريب لما طالعته ابتسم باريحية : خايف اعزمك مشوار وترفضين غاده غاص قلبها .. ماعرفت شتقول : ... طالع احمد عمه : تسمح لي فيها عمي ؟ أبو هيثم : ههههههه زوجها ماعاد لي كلمة عليها احمد : لا ياعم الكلمة الأولى والاخيره كلمتك أبو هيثم التفت لغاده بحنية : روحي معه يابوك غاده التفتت لابوها بسرعة .. لكنها انحرجت من نظراته ونظرات عمها فقامت ولبست عبايتها وطلعت وقف لما شافها : يله مشينا مد ذراعه لها بمعنى " امسكيها " .. طالعته بربكة ماتدري شتسوي سحب يدها بيده وعلقها بذراعه دون يتكلم .. غاده مشاعرها ماتنوصف .. هذا هو الشعور اللي كانت تبي تحس به وتدوره .. فتح لها باب السيارة وركبت وهي مبتسمة .. حصلت اللي تبغاه زوج رومانسي يحسسها بأهميتها وانوثتها .. اول ما ركب سيارته التفت لها مبتسم : فكي الغطا غاده رفعت يدها النحيلة ببطء وسحبت الغطا من وجهها .. حست باطراف اصابعه على ذقنها ترفعه : ماشاء الله تبارك الرحمن .. قمر مصور غادة ابتسمت بحياء : .. .. أحمد ابتسم : فين حابه نروح ؟ غاده : ع راحتك أحمد مسك يدها : بلاه هالأدب الزايد .. خلاص انتي صرتي زوجتي خذي راحتك غادة : والله مو كذا بس ... ( بلعت ريقها ) أحمد : أمي كان نفسها تجي اليوم تشوفك بس الوضع ماسمح .. حابه نروح نزورها ؟ غادة : اللحين ؟ أحمد : إذا مايضايقك غاده : لا مايضايقني .. بس مو حابه اروح لحالي .. أحمد : مين قال لحالك ؟ وانا فين ؟ غاده انحرجت .. ليش مرتاح بزياده كذا مو مرتبك حتى شوي : ابغى ابتسام .. أحمد حرك السيارة : هههههه وعقب العرس كمان بناخذ ابتسام معانا ؟ غادة بضحكة ناعمة: هههه ترضى ؟ أحمد برومانسية : كرمال هالضحكة أرضى ونص غادة أول مره تحس بهالاحساس .. زادت ثقتها بانوثتها اكثر وشدت على يده الحاضنة يدها .. أحمد وهو يحس بشدها على يده: بشويش يالغلا لا أصدم ونروح فيها غاده افلتت يده بسرعة : .... رجع احمد مسكها : لا لا وين رايحة .. خذي راحتك اليد وراعيها فداك غادة طالعت المكان اللي وقفو عنده شقق مفروشة .. التفتت له على طول برعب: شنو هالمكان ؟ أحمد : شنو شايفه شقق غادة بخوف : ايه وش بنسوي هنا ؟ أحمد ابتسم : ماقدرت اطالعك كويس في بيتكم عند أهلك .. ابي نجلس سوا واشبع نظري فيك غادة بتردد : ايه بس .. احمد : غادة شفيك ؟ غادة : مافيني شي.. هز احمد راسه ونزل من السيارة .. نزلت غادة وهي متوترة شهالربكة ليش تحس انها جالسة تسوي شي غلط ؟! وقف عند الرسيبشن : شقة باسم احمد مصعب غاده ( حاجز ومجهز كمان ؟ ) ... مسك يدها ودخلو الشقة .. كانت مجهزة طاولة فيها عشاء مرتب وريحة الورد بالمكان مع اضائة رومانسية خافته هذا كان حلمها بيوم من الأيام .. بس المربك ان الطاولة بغرفة النوم انتبهت له وهو يسحب برقعها بخفة وينزل طرحتها : غاده طالعيني رفعت عيونها بربكة وهي تتأمل تقاسيم وجهه ابيضاني بخشم طويل وعيون كبيرة وذقن مزروع شعر دون عوارض .. واول مادخلو وطرح شماغة قصة شعره القزع زايدته شباب .. مسك وجهها بين يديه وباس جبينها ثم سحب كرسيها : تفضلي غناتي خذي راحتك فضلت غادة تجلس بعبايتها بحيث ياكلون ويطلعون على طول .. جلست على الكرسي : ليش كل هالكلافة .. وربي مايحتاج أحمد وهو يجلس بالكرسي المقابلها : ولو تستاهلين .. ليش جالسة بعبايتك مطعم هو ؟ غادة : لا بس عشان .. انحرجت من نظراته وقفت وفصخت عبايتها وجلست وهي ترتب ياقة جلابيتها : الموف لابق لك غادة : من ذوقك اخذ بالشوكة قطعة لحم ومدها لها : تفضلي غادة مسكت الملعقة لكنه سحبها منها : سيبيها انا اعطيك غادة : هههههه ع راحتك وأكلت الملعقة من يده وهي تحس ان هالملعقة احلى شي كلته بحياتها كلها . .فتح فمه : دوري خذت قطعة بطاطس ومدتها وهي مبتسمه : عافية أحمد : يعافيلي روحك بعد العشاء قامت للحمام تغسل يدها ورجعت : نرجع ؟ الوقت تأخر أحمد طالع ساعتة : الساعة 9 ونص لسى بدري .. تعالي اجلسي نسولف مالقت لها مهرب جلست جمبه على الصوفا تاركه مسافه بسيطة .. لكنها انقطعت على طول وهو يقرب منها ويحاوطها من كتفها حست فجأه جو متوتر ينولد من نظراته المركزة على وجهها بتفحص .. بلعت ريقها وهي تعض لسانها تخفي ربكتها ... طبع بوسه ناعمة على خدها اليمين .. ثم اليسار واندفع حتى وصل لرقبتها .. غاده هنا تكهربت قالت بربكة : احمد .. احمد وهو منغمس : همممم غادة بربكة أكبر : احمد شتسوي ؟ احمد وهو يحاوطها من خصرها ويشدها له اكثر : زوجتي وش اسوي يعني ؟ غادة بخوف : لا أحمد ماينفع انا ما ... أحمد رفع راسه يطالعها : غاده حنا مو بزران .. حنا كبار وفاهمين وحلال دامك على ذمتي غادة : لا أحمد انا مقدر .. انا خايفه و .. أحمد : طبيعي تخافين .. الغريب ماتخافين غادة وقفت بسرعة ساحبه نفسها من حضنه : لا مقدر .. رجعني البيت أحمد وقف ومسكها من يدها وكانه يستعطفها ويرفعها لفمه .. غادة سحبت يدها بسرعة وبصوت مرتفع شوي وصارم: احمد لا ! أحمد طالعها بتأمل ثم سحب شماغة وطلع : اخلصي انزلي انا تحت غادة حست انه زعل .. موحست إلا اكيد زعل .. لبست عبايتها ونزلت وطول الطريق ساكت عكس قبل دقيقتين ماسكت وواضح على عيونه القهر .. اول ماوصلو قال دون نفس : انزلي غادة كان بتتكلم بس ماقدرت .. نزلت على طول وهي تحس نجت من شي محتم .. كيف كان يفكر انه بيقدر يسوي كل هذا من أول ساعتين لهم سوا صدق الرجاجيل احيان مايفكرون ! *** أم فراس مسكت راسها من بنتها : ليش طيب ؟ اسماء : كذا رغبتي .. بتسوون الاجراءات ولا اسويها انا ميهاف دخلت مع امها : شفيكم ؟ ام فراس : هالمجنونه بتطير عقلي .. ماتبي هالغرفة تبي تجلس بالغرفة العامة ميهاف فتحت عيونها : وليش ان شاء الله ؟ اسماء عدلت جلستها وضربت جرس نداء الممرضة .. دخلت الممرضة : شو تامري ؟ اسماء ابتسمت بحماس : ابي ينقل سريري للغرفة العامة مع باقي المرضى الممرضة : عفوا ؟ اسماء : شنو ماتسمعين ؟ ابي انقل سريري الممرضة بانصياع : اوك حاضر أم فراس : مصممه يعني ؟ اسماء : ايوه مصممة .. انا بس كسر برجلي وجالسه بهالغرفة وفيه مريضين اكثر مني احق فيها في غضون ربع ساعة نقلت للغرفة العامة .. غرفة عادية عكس جناحها الملكي لكنها ابتسمت بوناسة واهلها معصبين منها اسماء : ماما روقي انا مبسوطة كذا ام فراس : خلي مني حكيك .. انا بنزل اشرب لي قهوه صدع راسي طلعت ومعها ام نايف وميهاف .. وهي جلست بعد فتره دخل هيثم .. طالعته اسماء بحماس من اللي سوته .. هيثم : كيف صحتك اليوم ؟ اسماء : كويسه هيثم قدم لها اوراق : تفضلي وقعي هنا اسماء وقعت .. طالع هيثم ارجاء الغرفة : غريبه تنازل الأسد عن عرينه اسماء وهي توقع : عشان تعرف ان العالم فيه مساواه هيثم رفع حاجبه :عشانك جلستي بهالغرفة حققتي مساواة بالعالم ؟ اسماء بثقه : لا بس لكل شي خطوه اولى هيثم : حلو الجهد .. بس مو كل جهد نتيجته مضمونه اسماء : من ناحيتي اضمن لك النتيجة هيثم اخذ الاوراق وطلع وهو يبتسم مع حاله .. واسماء ابتسمت وهي تشوفه طالع تحس انها اثبتت له نفسها |
رد: انتماءات كاذبة
تعرفى ان فعلا تصوير الشخصيات عجبنى
يعنى فعلا فراس شخصية رجل الأعمال البارد اللى الناس مش فارقة معاه ومتعاطفش مع سارة انها هتخسر شغلها ولا لأ أسماء رغم انها ثرية إلا انها مجرد بنت دلوعة مش متكبرة ولا سخيفة غادة رغم حمقها مسلمتش بسهولة وغباء وأظن ان ده لأنها وافقت بعقلها علشان خوفها من وضع اختها أتوقع ان أحمد فى خطة بينه وبين أبوه بخصوص الجوازة دى بقية الشخصيات لسه ملامحها مابنتش بس عندى سؤال هو البنات السعوديات ممكن يخلعوا الحجاب عادى فى بعض مناطق فى السعودية؟ لأنى استغربت النقطة دى جدا ازاى فى جدة وبتتزلج ومن غير حجاب كمان ؟ فى انتظار الفصل القادم ان شاء الله |
رد: انتماءات كاذبة
اقتباس:
فالاغلب العرف عندنا اللي يحدد الحجاب اكثر من القانون نورتيني |
رد: انتماءات كاذبة
السلام عليكم ورحمة الله
حياكى على الالتزام عجبنى شخصية فراس هو جد ملتزم بنبرة رجل الاعمال والاعمال الحره مفيهاش عواطف شغل يعنى فلوس ووقت يعنى فلوس اما موقفه من ساره وعدم اكتراسه بيها لانه ملاقاش منها مرونه واتعاملت بقلة زؤء ولما قدمت السى فى بتاعها كانت شويه مغروره بامكانيتها وتمتمتها بقلب العصير على جاكت بدلته فى وسط حفله فكويس انه بس رمى الجاكت عليها مخنقهاش بيه الشاهد ان ساره مدب كبير هيثم شايل فى قلبه على الاغنياء وواخد فكره انهم متكبرين مش كل اصابعك شبه بعض فيه ناس فقيره مناخيرها فى السما وبتمشى تقول يا ارض اتهدى ما عليكى قدى غاده يبدو انها وقعت مع واحد عينه زايغه عندكم بتسموه مغزلجى ومن اول ساعه عاوز يشطح وشقه مفروشه رسم تقيل يا خوفى يا بدران اول ما ياخد غرضه يركنها على الرف او يسيبها ابتسام ظالمه نفسها بسكوتها على تطاول عمها وقولة عانس حتى اختها كررت نفس الكلمه الجواز قسمه ونصيب يمكن لسه نصيبها ما جه اسماء من اولها باعت لؤى اول عينها ما وقعت على هيثم وهو بيبص لها من طرف منخيره بدر النجم شكل دمه خفيف بس واخد قلم فى نفسه من كتر المعجبات تسلم ايدك وفى انتظار الباقى مووووووووووووووووواه |
رد: انتماءات كاذبة
اقتباس:
تشخصيك للشخصيات بطل :$ استمري بتشخيصاتك الرهيبه انتظر مرورك دايما |
رد: انتماءات كاذبة
لرفع الحماس واستباق الإحداث .. سيتم تعديل مواعيد النزول لكل إثنين وخميس حتى يكون أسهل الربط بين الأحداث , وشكرا |
رد: انتماءات كاذبة
" البارت الثالث " بعبايتها ولافه طرحتها وتمشي بعكازاتها بأرجاء المستشفى .. وقت الصبح ممل ومحد عندها وماتحب تجلس بالسرير والممرضة جمبها تشجعها على المشي : نشاطك ومعنوياتك مذهله جدا يا آنسه اسماء ابتسمت : هههه ايوه ابي اوقف على حيلي بسرعه ابتسمت وهي تشوف هيثم يمشي بالممر مع دكتور .. نادت بصوت عالي : دكتور هيثم التفت هيثم وهي مشت بعكازاتها مسرعه لناحيته وابتسمت : صباح الخير هيثم ابتسم : صباح النور .. كالعادة تمشين صباح ؟ اسماء : هههههههههه يب يب هيثم : شدي على حيلك عشان تطلعي من هنا اسماء ( مابي اطلع .. لو بيدي كسرت رجلي الثانية واجلس مقابلتك ) : .... هيثم : يله كملي .. هاني انتبهي عليها ولاتطول بالمشي اذا تعبت رجعيها غرفتها وراح بطريقه.. قلبها طار من الفرح خايف عليها ومهتم بها كملت مشي مع الممرضة وهي بقمة وناستها .. أول مارجعت كان ميهاف جالسة ورجل على رجل وتبرد اظافرها رفعت عيونها : وينك لي ساعه هنا ؟ اسماء وهي تمشي بعكازتها لحد سريرها : رحت امشي شوي .. ضقت من جو الغرفة فصخت ميهاف عبايتها وضبطت شكلها : ناوية ارجع للرياض بكرة ان شاء الله اسماء : والله ؟ ميهاف : ايوه .. انتي كمان مفروض ترجعي خلاص صرتي تمشي اسماء : هاه ؟ ارجع ؟ ليه تو رجلي ميهاف : عن الدلع .. ماشفت احد يجلس بمستشفى عشان كسر .. كل اللي يتكسرو يجبرون ويطلعون اسماء تنهدت .. ( صح عاجلا ام اجلا لازم اطلع ؟ .. وكيف ؟ معد اشوفه ؟ ) : .... ميهاف بضيق : اسوم اسماء وهي تفكر : هممم ميهاف جلست جمبها : انتي ليش للحين مارديتي على خطبة لؤي ؟ اسماء انتبهت : هاه ؟ ميهاف بضيق : هو ضاق وخلاص مو طايق روحه وناوي يسحب الخطبة .. يعني مو معقولة كل هذا تفكير اسماء : لا مو كذا بس .. رجلي انكسرت وتعبت و ... ميهاف : مو عذر .. قولي لي انتي شايفه عليه شي ؟ اعتبريني مو اخته اسماء : خايفه تضحكي علي .. ميهاف : ماحضحك قولي اسماء : تعرفي حلمي أتزوج شخص أحبه من جد .. يعني بيننا حب يكون زواجي فيه شغف .. ولؤي مو عارفة ما بيني وبينه مشاعر خاصة ميهاف ابتسمت على بنت عمها الرومانسية : طيب كثير حب يجي عقب الزواج .. وبالعكس الحب اللي يجي قبل الزواج هذا خرابيط ونزوة الحب الحقيقي يكون عقب الزواج اسماء بانكسار : مو عارفة ميهاف .. تدري لو مو لؤي رفضت على طول ميهاف : كيف يعني ؟ اسماء : يعني انه لؤي ولد عمي .. الكل متوقعني اوافق ميهاف : ليش انتي ماحتوافقي ؟ اسماء : مو حاجة شخصية .. بس ما أفكر بالزواج اللحين .. انتي انتي ميهاف تتخيلي حالك متزوجة حاليا ؟ ميهاف بدون شك : آيوه اتخيل .. وانتظر اليوم اللي يجيني فيه واحد يستاهل زي لؤي عشان اوافق دون شك واصير اكثر وحدة محظوظه فيه اسماء باحباط : شفتي زعلتي .. ميهاف وقفت : مازعلت بس بجد حاجة تنرفز !! اسماء : انا الغلطانة اللي فضفضت لك اصلن قايله لك ماراح تفهميني ! ميهاف بهجوم : توقعت عندك سبب صدق .. طلع كلها اسباب تافهه .. ايش يعني ياجولييت بتحتري روميو الغفلة ؟ اسماء تنرفزت : ماله داعي هالكلام ميهاف ! انطرق الباب ودخلت أم فراس : السلام اسماء دون نفس : هلا طالعتهن ام فراس وهي منتبه لحرب النظرات بينهن : شفيكن ؟ ليش الجو كذا ؟ ميهاف وقفت وهي تاخذ عبايتها تلبسها : مافيه شي .. انا طالعة اجهز اغراضي عشان اسافر ام فراس : انتظري ميهاف شفيك ؟ اسماء بحده : اتركيها ماما .. قالت لك مشغولة بترتب اغراضها طالعت ميهاف اسماء واسماء شاحت بنظرها للنافذه .. طلعت وسكرت الباب بقوة وهي بتكسر الارض بدبكها بنص ماهي تمشي ضربت بجثة : افففففففففف هيثم غمض عيونه بقوة وهو يعد داخله للعشره يكرها هالمخلوقة : هذي ممرات مستشفى مو حديقة ميهاف طالعته بنص عين وكملت مشيها مسرعه .. وهيثم يطالعها ( تتخانق مع ذبان وجهها هذي ؟ ) أول ماوصلت ميهاف الشقة .. كان لؤي جالس مع أمها : يمه حاولي تستعجليها بالرد أم نايف : والله اخر مره لمحت لخالتك انا مستعجلين بس شاسوي بعد ؟ ميهاف جلست : السلام عليكم لؤي : وعليكم السلام .. شفيك مكشره ؟ ميهاف : شجالسين تقولون ؟ لؤي وقف : مافيه شي انا طالع .. ميهاف طالعت امها بتحزير : اسماء ؟ أم نايف : ايه .. مدري شفيهم تأخرو كذا .. الولد احبط خلاص ميهاف بقهر : مدري ايش شايفه ياماما بهالاسماء ؟ ام نايف : وش هالحكي ؟ انتي اللي تقولين كذا ميهاف ؟ ميهاف : ايه وحده غبية وماعندها مبادئ أم نايف : شصاير متهاوشات ؟ ميهاف وهي طالعه لغرفتها : هي سخيفة واسخف وحدة شفتها بحياتي .. شايفه نفسها مدري ع ايش **** إبتسام جالسه على طرف فراش غاده .. وغاده حاضنه غطاها ومعطيتها ظهرها .. ابتسام : وبعدين يعني ؟ غادة وعيونها على الجدار : .... ابتسام : افففففف غدو ترا مو رايقة لك .. شفيك من رجعتي أمس وانتي على هالحال ؟ غادة بهمس : مافيني شي .. ابتسام : كيف مافيك ؟ ترا بدق على أحمد لو ماتحكين غادة : يالله يا ابتسام اتركيني بحالي ابتسام سحبتها من يدها لحد ماجلست : تركتك لحالك أمس كله .. قولي اللحين شصار ؟ وين رحتو ؟ غادة بلعت ريقها وهي تطالع ابتسام بخوف .. ابتسام حافظة غادة .. قست لمحتها : غااااااادة ؟ شمسويه ؟ شصار ؟ غادة بخوف : وداني شقة .. ابتسام شهقت وهي تمسك ذراع غاده بقوة : ووجع بعد .. وساكته كل هالفتره .. شصار ؟ لاتقولين ؟ غادة برعب صدق : حاول .. بسس .. ابتسام شهقت زود وهي تضرب خدودها : ياويلي ويلاه .. وبعدين ؟ غادة : لا لا .. رفضت ماتركته بس والله مت خوف .. ابتسام تنهدت بارتياح .. ثم طالعتها بلوم: انتي الغبية يابزر ! وش ينزلك معه للشقق .. وش بيسوي معك يعني هناك ؟ بتصلون جماعة ؟ غادة : وانا شيعرفني ؟ والله قالي بس يبي يجلس معي براحتنا ابتسام : حمد الله هالمره عدت على خير .. وخلاص مافيه طلعه معه لحد العرس دق جوال ابتسام .. طالعت المتصل ثم طالعت غادة بقلق : هذا عمي أبو احمد .. شيبغى ؟ غادة : مدري ردي .. ردت ابتسام : هلا عمي .. شخبارك ؟ أبو احمد : طيبين ... وين غادة ؟ ابتسام طالعت غادة : نايمة .. آمر شبغيت ؟ أبو أحمد : قولي لها يصير عندها شوي أصل وتجي اليوم تزور أم زوجها .. مفروض زايرتها من أمس ابتسام : ايه بس .. أبو احمد : بس شنو ؟ ابتسام : مانقدر نطلع ونترك بابا لحاله أبو احمد : وانتي من عزمك اصلن ؟ انقبري جمب أبوك وبنتنا تجي تشوف خالتها اللي بمكانة أمها ابتسام هزت راسها : ان شاء الله .. متى ؟ أبو احمد : مغرب ! ابتسام : على خير ان شاء الله .. سكرت السماعة وهي تطالع غادة : لازم تروحين اليوم تزورين زوجة عمي غادة : وانتي ؟ ابتسام : مقدر .. بابا مقدر اتركه غادة مسكت ابتسام برجاء : لا واللي يخليك ابتسام مابي اروح لحالي .. تعالي معاي تكفين ابتسام مسكت يدها : راح تكوني بخير بس اسمعي .. روحي مع السواق وارجعي معه ولاتجلسي لحالك مع أحمد اجلسي مع بنات عمي وزوجة عمي على طول غادة : ان شاء الله ابتسام بحدة : غااادة مو تروحي وتنهبلي .. لاتجلسي معه لحالكم لو ايش ! غادة بقلق : خلاص ابتسام فاهمه .. *** بأحد المقاهي المتواضعة .. بدر طالع ارجاء المكان ومكشر : تستهبل انت وهالمكان ؟ نايف وهو يشرب فنجال قهوته : انا مطفر على الحديدة يعني .. عشان كذا احمد ربك اني عزمتك اصلن بدر : ايه لك شهر تدق علي تقولي مطفر .. وراك مطفر ولؤي يلعب بالفلوس ؟ نايف : مدري فجأه فتحت عيوني كل حساباتي مجمدة ..ابوي مجمدها يبيني احتد اشتغل غصب بدر : هههههههه يبيك تجلس على المكتب ؟ نايف بدون نفس : ايه.. جدي ناوي يسلم فرعين لواحد من عياله هالشهر وابوي يبغاني اخذها بدر رفع حواجبه : فرعين ؟ والله حلو .. ليش ماتشد حيلك شوي وتاخذها والله تغنيك نايف ابتسم بسخرية : مصدق ؟ واضحه الفرعين هذي من له بدر : مين ؟ نايف : فراس ! بدر : لا ماظنيت فراس فاتح شغله الخاص يعني ماهو محتاج لفروع جدي .. ظنك يعطيها لؤي هدية زواجه ؟ نايف حاس فمه : ايه جايز .. اهم شي ان مالي من الطيب نصيب بدر : قولتك الحال من بعضه .. والله لو مو هالمجلات تلقاني طايح جمبك اشرب قهوة رخيصة نايف وقف : اقول ادفع للقهوة الرخيصة اعجل خل نطلع نشوف لنا طلعة شي بدر : حتى هالقهوة الرخيصة مو قادر تدفعها نايف : ولا حتى كرتون مناديل اقدر ادفعه .. فادفع وانت ساكت بس *** هيثم بغرفة أسماء : الصراحة انا شايف ان جلستك طولت .. والغرفة هذي فيه كثيرين أولى فيها اسماء : شلون يعني ؟ هيثم : يعني انتي صرتي تمام .. وتقدري تسجلي خروج من المستشفى ولا يشكل عليك أي خطر اسماء بهم : اها .. هيثم : فأنا مضطر اقولك توقعي اوراق خروجك بكره اسماء : ضروري بكرة ؟ هيثم بنفاذ صبر: متى يعني ؟ اسماء بارتباك : مدري .. بعد بكرة ؟ هيثم : ماراح ينفع ياآنسة .. انتي لك اسبوع تأجلين موعد خروجك .. لمتى يعني ؟ اسماء بربكة : دكتور .. هيثم : تفضلي اسماء : يمكن تضحك علي .. لكن مدري ليش حاسة اني جالسة افارق ناس عزيزين علي هيثم ابتسم بمجاملة : هذا من لطفك .. المستشفى كمان راح يشتاق لازعاجك اسماء ضحكت بخفة : هههههه .. من جد حاسه اني زودتها شوي .. صح ؟ هيثم رفع حواجبه : شوي ؟ اسماء ارتبكت من نظرته .. وخطرت ع راسها فكرة : دكتور .. شرايك تصير دكتوري الخاص ؟ هيثم : عفوا ؟ اسماء وهي تصرف نظراتها عنه : ايه .. يعني انت شاطر مره وصرت تعرف معلوماتي الصحية .. فـ. . هيثم بعملية قاطعها: شكرا على عرضك .. لكني ارفض اسماء : ليش ؟ هيثم طالعها بصمت وكأنه يحاول يفسر طريقتها معه .. ثم نزل نظرة للملف بيده وطلع منه ورقة وحطها قدامها : لأن ماعندي اهتمام اصير دكتور خاص لأي احد ! ..عموما ورقة تسجيل الخروج هنا ياليت توقعيها بكرة وطلع تاركها .. وأسماء مسكت راسها بضغط تحس بهم وحياء بنفس الوقت .. استحت من نفسها .. وبعدين يا أسماء ؟ هو شايفك مريضة وبس وانتي كمان مفروض تشوفيه دكتورك وبس .. وش يعني ؟ اوافق على لؤي .؟ وليش لا يا اسماء مصدقة راح تعيشي قصة حب مثلا ؟ دام جاك رجال اخلاق اقل شي وافقي رن جوالها .. طالعت المتصل ( النكد ) : تو فازع يدق حضرته لي اسبوع هنا ! ... مير انطم ماراح ارد ! رمت جوالها واستلقت وهي تضغط بالمخدة على راسها .. اصحي على حالك يا اسماء .. - ملاحظة : النكد = فراس *** تنورة مكسرة زيتية طويلة وبلوزة فوشية كمها حاير دون أي شي مميز .. تاففت بقرف حتى لما صارت عروسة ماتقدر تلبس زي العالم والناس ؟ .. اكثر شي تتابعه بالتلفزيون عروض الأزياء مع ذلك ماتقدر توصلها وهذا شي يقهرها .. تنهدت مو وقته النكد ياغادة ... ورفعت شعرها كبة من قدام وربطته ذيل حصان اثناء ماهي واقفه مكشرة قدام المراية وترسم كحلها سمعت صوت جوال أبتسام يدق بالغرفة ... طالعت المتصل كان هيثم مسكت الجوال وردت ويدها تهتز : ألو هيثم : هلا بسومة .. شخباركم ؟ غادة بهدوء : طيبين .. هيثم تغيرت نبرته لما ادرك الصوت : عطي الجوال ابتسام غادة بخنقة : هـيثم .. هيثم شد ع قبضته وهو ساكت : .... غادة برجاء : هيثم رد علي .. مو صح نضل كذا هيثم : انتي اللي اخترتي نكون كذا غادة : ايوه بس انا بتزوج .. ماحتحضر زواجي كمان ؟ هيثم : اذا فضت ابتسام قولي لها اني دقيت عليها ... طوط طوط ابعدت الجوال عن اذنها وضمته لصدرها ... لو هو معها وبياخذها لبيت عمها ماخافت اقلها تحس احد معها .. لا ياغادة لاتبكين ! اوقفي ع حيلك واكسبي احمد وأهله وبعدها بيصح لك تاخذي اللي تبغي وقفت وهي تعدل تنورتها وتلبس صندلها .. وعبايتها بيدها طلعت لأبوها وباست راسه : دعواتك بابا أبو هيثم : الله يوفقك يابنتي ابتسام : غدو السواق برا .. ومثل ماوصيتك انتبهي على حالك غادة ابتسمت تطمنها ..ولبست عبايتها وطلعت ودقات قلبها ترجف متوترة بهاليوم ولحالها رايحة لمكان ماتدري وش طبيعتهم او وش ممكن معاملتهم لها .. وقفت عند الباب بتردد لكن سلمت أمرها ودقت الجرس انفتح الباب كان أخو أحمد ( ماجد ..30 سنة ) صفر بإعجاب : من هالحلوة اللي طاقه باب بيتنا ؟ ارتبكت غادة .. وجع شهذا يغازل : السلام عليكم ماجد : وعليكم السلام .. تفضلي عيوني وقفت غادة مو عارفة شتسوي .. حست بارتياح لما شافت أم احمد واقفة ومشت لجهتها تسلم : السلام عليكم خالتي كيف حالك ؟ أم احمد : وعليكم السلام ... مين ؟ غادة ارتبكت شفيهم كأنهم مو حاسبين لجيتها : انا غادة .. أم أحمد : ايييه صح .. والله نسيت انك بتجين اليوم .. تفضلي من هنا دخلت غادة ودخلتها لحد مجلس لحالها وتركتها طالعه .. فصخت عبايتها وهي على اعصابها طلعت مرايتها من شنطتها تضبط شكلها ثم جلست تحتري .. تسمع ازعاج برا واصوات لكن محد جاها .. بعد فترة دخلت أم احمد ووراها بناتها ( شوق 23 سنة .. هند 18 سنة .. سحر 14 سنة ) ... سلمت عليهن كلهن ثم جلسن بداخلها حسدتهن ملابسهن كلهن احلى منها وهي العروسة وكشخة الميك آب .. شوق : آخر مره شفناك كنتي بالمتوسط .. ماشاء الله كبرتي غادة : ايوه حتى انتو تغيرتو .. احلويتو ما شاء الله هند : وينها ابتسام ليش ماجت ؟ غادة : لازم تجلس عند بابا .. دخل ولد مراهق 12 سنة خالد ... وطالع غادة ثم طلع يركض وهو يصايح بحماس : شفتهاا شفتهااا .. ابتسمت غادة : هههههه هذا خالد صح ؟ شوق : إيوه غادة : ما شاء الله كبر صار رجال ... وضل صمت لفترة .. ابتسمت غادة بإحراج الجو فعلا يجيب الضيقة قالت تكسر الهدوء : عمي موجود ؟ أم أحمد : لا .. تبغي منه شي ؟ غادة : لا بس حبيت اسلم عليه أم احمد بنظرة : لا تخافين اليوم فيه عزيمة هنا .. بتشوفينه غادة : عزيمة ؟ شوق : ايه عازم ربعه هنا .. كويس انك هنا تساعدينا هند : ايه طبعا بتساعدنا مو كنتنا ؟ غادة ( اساعدكم ؟ توني جايتكم عروسة .. وش هالناس ؟ وينك يابتسام ؟ ) : ايوه طبعا أم احمد : كويس انك ماتكلفتي بكشختك عشان ماتخرب غادة وقفت .. وقالت بخنقة : وين الحمامات ؟ ام احمد اشرت لها : هناك طلعت وام احمد وبناتها ابتسمو لبعض :واضح زعلت مو ؟ هند : تزعل من اليوم لبكرة .. وععع بعد مالقو غيرها يزوجونها اخوي وقفت شوق : سحر حنا بنروح المطبخ .. اول ماتطلع الهانم من الحمام قولي لها تلحقنا سحر : ههه طيب بعد مارجعت طالعتها سحر بنص عين : أمي تبغاك بالمطبخ ! استوعبت غادة انهم صادقين ناوين يشغلونها معاهم .. حطت طرحتها على راسها ودخلت للمطبخ ومباشرة التفتت لها أم احمد وهي جالسة تطبخ : يله ياغادة شدي الهمة السلطة هناك روحي قطعيها انتبهت غادة للخدامة موجودة تشتغل وام أحمد . بس بناتها محد موجود مشت معها بصمت وقطعت السلطة واول ماخلصت رمت عليها شغل ثاني بعد فترة دخل أبو احمد : وينك يا أم احمد .. القهوة جاهزة ؟ أم احمد : ايه جاهزه تفضل انتبه لغادة وابتسم برضا وهو يشوفها تغسل المواعين : ما شاء الله غادة هنا مسحت يدها وسلمت عليه : ايوه هنا .. كيفك عمي ؟ أبو احمد : حمد الله .. ما شاء الله وجالسة تساعدين .. الله يتم عليك السنع أم احمد : ايه ما شاء الله عليها راعية بيت .. قامت معي بالعزيمة الله يجزاها خير غادة ( كويس مقدرين جهدي بعد ماجحدوه ) : هذا واجبي اكيد أم احمد : ايه اكيد .. يله روحي جهزي الشاهي تنرفزت غادة لكن استمرت .. اذا ناوين يختبرونها بهالشغل هي بتتم الاختبار وبجدارة كمان ! *** دخل لؤي المستشفى وهو يحس بضيقة .. جا هنا مع أمه بس ماله خلق يشوفها وهي ساحبه على خطبته هالسحبه .. جلس عند الكافتريا ينتظر أمه تخلص ..وقف عند طاولته شابه بكاب بسيط دون غطا وشعرها رافعته وحطت ورقة على طاولته : هذا استبيان عن رأيك بكتاب اللقاء.. ياليت تساعدنا باجوبتك لؤي مسك الورقة : كتاب اللقاء ؟ سارا سحبت الورقة : اوه شكلك ماتعرف لؤي : ههههه اعرفه .. بس تتكلمي عن الجزء الاول ولا الثاني فتحت عيونها الملفته بلون البحر : قريييييييت الجزء الثاني ؟ لؤي : ايوه .. لكن الجزء الأول افضل بالنسبه لي سارا : ههههه ماهمني مين أحلى .. لي سنتين احاول احصله مو لاقيته لسى مانزل رسمي لؤي : ايه مانزل .. بس هذي النسخة الرابعه وانا حصلت على شرف انها تكون لي سارا : هههههههههههه بغبطك .. عموما جاوب على الاستبيان لؤي : معاك قلم ؟ سارا طلعت من شنطتها : ايه طبعا تفضل كتب لؤي أجوبته ثم عطاها الورقة : تفضلي سارا ضيقت عيونها : سؤال واحد بس لؤي : تفضلي سارا : اجانمون و اليسا بيضلو سوا ؟ لؤي : هههههههههههههههه انتظري الجزء الثاني سارا : ههههههه كذا يعني .. اوك انتظر ايش وراي : سارا التفتت سارا لهيثم يناديها من بعيد ورجعت تلتفت للؤي مبتسمة : شكرا لتعاونك .. يله انا مضطره اروح لؤي : في امان الله أول ماراحت ظل لؤي يطالعها .. جمالها البسيط ملفت وش هالعيون بحر .. عند سارا / هيثم : شقاعده تسوين معاه ؟ سارا رفعت الاوراق : اوزع الاستبيان عشان احطه من استقدامي بالشركة الجديدة هيثم سحب ورقة منها يطالعها : اهااا .. ليش شركة نشر هي ؟ سارا : ايوه .. اجرب حظي هناك الظاهر شركات الاعمال مالي فيها نصيب هيثم : تعرفي مين هذا اللي كنتي تكلمينه ؟ سارا : مين ..؟ والله شكله لطيف تمنيت اسولف معه عن الكتاب .. تخيل قرا الجزء الثاني هيثم : ماراح اصدمك .. عموما انا رايح اتأكد من بنت آلشمري بتطلع ولا لا ؟ سارا كشرت : للحين ناشبه ؟ هيثم : هههههههههههههه غريبة هالبنت اول مره اشوف وحده تحب المستشفى كذا ماودها تطلع سارا : الله يعينك وانت كمان من متى لطيف كذا ؟ قلعها غصب رفع هيثم حواجبه : تبغيني اطلع وراها ؟ جايه فيها توصيات شديده يبغون اكرامية منها قبل تطلع سارا : وتتوقع بتعطيهم ؟ هيثم رفع كتوفه دون اهتمام : مفروض أول مادخل هيثم غرفتها ماحصلها .. طلع لعند الممرضة : المريضة هنا وينها ؟ الممرضة خافت : مو عارفة .. مو بغرفتها ؟ هيثم بعصبية خفيفة : لا يامس مو بغرفتها .. وينك انتي عنها ؟ مو مسؤوليتك ؟! الممرضة : طول بالك رايحه ادور عنها طلع هيثم يركض بانحاء المستشفى وممراته يدورها ماحصلها مسك راسه وراه عملية ولازم يخلص اوراقها عشان يشارك وهي مختفية .. مرت ربع ساعة وهو ماحصلها يحمد ربه اهلها مو فيه حاليا ولا كان سوو سالفه .. انتبه لها من بعيد تمشي وجمبها ممرضة مشت لناحيته بشكل طبيعي : دكتوور هيثم عدل وقفته : وين كنتي ؟! اسماء استغربت حالته : طلعت مع الممرضة للصيدلية نجيب ادويتي هيثم بعصبية خفيفه : هذي مسؤولية الممرضة .. انتي مسؤوليتك تجلسي بغرفتك ترتاحي ! اسماء بخوف : طيب عادي .. انت اللي قلت ان حالتي طبيعية وأقدر اروح واجي هيثم فرك عيونه وهدا نفسه : خلاص تمام اللحين وقعي الاوراق وبكره خروجك اسماء مدت له الورقة : وقعتها .. تفضل هيثم طالع الممرضة : هاني رجعيها لغرفتها ترتاح وعطي اهلها خبر ان خروجها بكرة الممرضة : تفضلي يا انسه اسماء التفتت لها : اسبقيني هاني بجي .. اسماء طالعته بتأمل .. ماتبي تفارقه قلبها قابضها : هيثم .. هيثم بحده: دكتور هيثم لو سمحتي لاتطيح الكلافات بينا اسماء ( كنت بجربها .. بس مره بجرب اسمك بشكل طبيعي .. حرام ؟ ) : دكتور .. هيثم : ايوه اسماء عطته كيسه .. استغرب هيثم فتح الكيسة كان كريم بعلبة صغيرة انيقة : أيش هذا ؟ اسماء بربكة : كنت بالصيدلية .. و وهالكريم شفته للسواد تحت العيون .. فقلت هدية شكر بسيطة على هالفترة وصبرك علي رجع هيثم لها الكيسة : هذا واجبي ووظيفتي ... وماسويته ببلاش اخذ راتب عشان اصبر عليك .. اسماء ( اتركني اتوهم ان هالاهتمام مخصوص .. ليش تحطم احلامي ) : انا مصره .. كريم عادي مو هدية كبيرة هيثم بصبر دخل علبة الكريم بجيب بالطوه : شكرا .. تفضلي اللحين غرفتك مشت اسماء راجعه لغرفتها ودموعها على خدها .. التفتت تشوفه وهو يمشي مبعد للجهه الثانية ورجعت غرفتها وهالمقابلة رجعت لها صحوتها .. هذا لقاء طبيعي بينها وبين دكتور وخلاص بتطلع ولا عاد تعرفه وهو بينساها اكيد زي ماينسى كل مرضاه .. ( صدق انك غبية يا اسماء .. اذا قلبك فيه حيل للحب ليش ما أختار درب اسهل وحب لؤي وبس ؟ ) *** اثناء ارهاق الشغل والعزيمة .. طالعت الساعة 10 .. وهم للحين حتى جلسه صاحيه على قهوة وشاهي ماجلسوها مخلينها واقفة بالمطبخ تشتغل معهم .. دخل خالد : يمه الرجاجيل خلصو العشاء .. ادخلو تعشو ام أحمد : يله .. غاده خلي من يدك تكملين بعدين غادة ( اكمل بعدين تبن ! برجع لبيتنا الله ياخذكم ماتنعطون وجه ) : يله جايه نزلو بنات عمها من فوق ويسولفن عن فلم .. ماتت قهر هي مجلسه تشتغل بالمطبخ وحضراتهن متربعات على فلم ! دخلت المجلس وظلت واقفة .. التفتت لها ام احمد : شفيك اجلسي تعشي غادة : لا يعطيك العافية .. بس انا تأخرت وابتسام موصيتني ابي تلفون ادق عليها توصيلي احد ياخذني أم احمد : تونا بدري .. اجلسي لين نخلص ترتيب السفرة سوا بعد وعقبها نجلس على مشروب ونروق غادة ( ياوناستي متحمسه انظف مواعينك ) ابتسمت باحراج : اوك بدق اطمنها اني بتأخر أم احمد : ايه كذا لبى قلبك .. سحر خذي بنت عمك لتلفون الصالة طلعت غادة ودقت على ابتسام اللي ردت على طول : هلا غدو .. هاه شخبارك ؟ غادة : ابتسام وصي لي السواق اللحين يجي ياخذني ابتسام : ليش صاير شي ؟ غادة : لا بس خايفة يجي أحمد واضطر ارجع معاه او شي .. ابتسام : يله يله بوصيه اللحين .. غادة : لا تأخرين .. يله باي سكرت السماعة ورجعت للمجلس وجلست تتعشى وهي تطالع الساعة كل شوي ... سمعو صوت حنحنة عند باب البيت ركضت شوق : هلا حمود جيت احمد : ايه .. جتكم غادة اليوم ؟ شوق : ايه .. هذا هي داخل تتعشى .. تدخل ؟ احمد طالع باب المجلس .. ابتسم : لا بس وصي عشاي معاها لغرفتي شوق : ان شاء الله .. دخلت شوق .. طالعتها امها : مين جا ؟ شوق طالعت غادة : هذا أحمد .. ويبغى عروسته وعشاه أم احمد : يله ياغادة ورينا شطارتك .. ودي له العشاء غادة فتحت عيونها : انا ؟ أم احمد : ايه .. من عروسته هجل انا ؟ غادة : لا خالتي تكفين .. أم احمد : وش هالحكي .. الولد جيعان يله قومي قامت غادة وهي مرتبكة .. وخذت معها صينية العشا وطلعت مع شوق : وين ؟ اشرت شوق للدرج : بغرفته غادة هلعت : شنو ؟ لا مستحيل ماراح اروح لغرفته شوق : يوه غادة شفيك ؟ صدق انك هبله .. حرام يعني ؟ انتي زوجته والله ما أكون مكانك الا تلقيني بحضنه اللحين غادة فتحت عيونها ( اللي استحو ماتو ! ) شدت على الصينية .. شوق ضربتها على كتفها بخفه : يله بالتوفيق اول غرفة يمين غرفته دقات قلبها متسارعة .. وعلامات التوتر بوجهها صعدت بخطوات ثقيلة طقت الباب بخفة وهي تحس الصينية بتطيح من يدها من الربكة جاها صوته : تفضلي شوقه غادة ( شوق ؟ مين شوق .. لا يكون هالحركة مقلب من شوق الوصخه ! ) لفت بتتراجع وبطريقها لتحت انفتح الباب انضربت كل الموازين عندها وهي تطالعه شكله غير عن أمس بالثوب والغترة .. اللحين بجنز وبلوزة رياضية خضرا وكاب اسود واساور بيده .. اوحا لها شكلة باشكال بروكلين .. او رابر بلعت ريقها وقالت بصوت متقطع : شـ .. شوق .. قالت .. انت مناديني .. رفع حواجبه وابتسم : ههههههه كذابه هالشوق .. عموما تفضلي دام جيتي غادة : لا مافيه .. مافيه داعي تفضل عشاك وانا بنزل مشى لعندها ومسكها من كتوفها ومشاها قدامه : عن الدلع تفضلي شوفي غرفتي وعطيني التعديلات اللي تبغيها غادة دون ماتحس : حنا بنسكن هنا ؟ احمد اختفت ابتسامته : في راسك فكره ثانيه ؟ غادة : لا .. بس محد قالي .. احمد : هذا انا قلت لك ..تفضلي طالعت الغرفة شبابيه بحته .. جدار مقلم بالكحلي والابيض واثاث خشبي مع فوضاه الطبيعية سمعت صوت الباب يتسكر اعصابها توترت ..حطت الصينية على الطاولة والتفتت له : اقدر اطلع ؟ احمد جلس على الكرسي باسترخاء وطالعها : ما أدري .. تقدرين تطلعين ؟ غادة : ايوه اقدر .. احمد وهو ياكل : الجواب خطا .. ماتقدرين غادة بعيون دامعة : احمد تكفى .. احمد : لاتبكي غدوش تكسري قلبي كذا .. ايش تعطيني عشان اطلعك ؟ غادة ( ياحلو اسمي بصوتك ) : ايش تبغى ؟ احمد وهو يطالع عيونها البريئة وفمها المرتجف .. ابتسم : ابغى سلامتك حياتي .. تفضلي تقدرين تطلعين ماصدقت غادة على طول طلعت .. انبهت احمد ضحك على نفسه : ههههههه هذا اللي متوعدها ؟ خليتها تطلع على طول .. بس وش عليه دخيل العيون نحتري للزواج ايش ورانا غادة اول مانزلت انتبهت لشوق : هههههههههههههه مسرع .. خلصتو ؟ غادة بقهر : مقلبك بايخ وحركة مالها داعي ! شوق : ليش تنافخين ؟ ترا مو اصغر عيالك ! غادة : اجل يبغاني وتكذبي ؟ شوق : انتبهي لكلامك غادة .. انا مو كذابة غادة وهي تسحب عبايتها بعصبية : لا واضح مره يامحترمه اول ماطلعت .. دخلت هند الصاله : شفيكم ؟ شوق بعصبية : تقققققققققققهر !! بزر مغغفله .. بس هين انا اوريها شايفه حالها بنت الفقر هند : هدي ايش فيك ؟ وينها هي ؟ شوق : طلعت باللي مايردها اول ماوصلت غادة البيت طلعت لها ابتسام : هلااا .. شصار طمنيني ؟ غادة واعصابها هدت .. بالعكس كبر بعينها لما خلاها تطلع توقعت ان كلش ضاع هذيك اللحظه : مافيه شي حمد الله .. بس انتو تأخرتو ماوصيتو السواق ابتسام : يعني كلش تمام ؟ زوجة عمي وبناتها كويسات ؟ غادة : ايوه حمد الله .. ابتسام : احمد شفتيه ؟ غادة : ايوه بس سلم علي قدام اهله وطلع على طول ماجلس حتى .. ابتسام تنهدت بارتياح : ايه اشوى .. ع بالي صار شي غادة باستها : لا تطمني ودخلت الغرفة وانسدحت وهي تتحلم بأحلام عن الزواج وكيف حياتها .. قالت بصوت مسموع هامس : حرم احمد .. ثم ضحكت بحيا على نفسها .. " غدوش " اااا ياحلو اسمي بس .. تو ادري انه حلو كذا ابتسام كانت تطالعها من عند الباب وابتسمت .. حمد الله اللي وفقها الله يهنيك ياغادة *** الصبــاح : جالسة ترتب اغراضها بشنطتها وتنتظر أهلها .. دخلت الممرضة : مساعدة شي ؟ اسماء : لا شكرا هاني .. الدكتور هيثم وين ؟ الممرضة اللي تعودت على هالسؤال : مابعرف ... بدك انده له ؟ اسماء بالم : لا شكرا .. الممرضة : مثل مابدك مسكت جوالها ودقت على بدر : الو .. وينك ليش تأخرت ؟ بدر وصوته نوم : ليش مستعجلة أسوم .. الطيارة ظهر اسماء : ولو ! ابي اطلع اللحين .. راح تلطعني للظهر يعني ؟ بدر : افف زين زين جاي سكرت اسماء وهي تحس بكتمة من جو المستشفى .. تبي تطلع بسرعة قبل تتهور وتتكلم باللي تحس به ظلت تتحرك بالغرفة بتوتر .. الممرضة : شوبك منرفزه هيك ؟ ريحي شوي اسماء : مافيه شي هاني .. اتركيني لحالي شوي الممرضة : اوك بس تحتاجي شي اندهي علي اسماء : هاني .. الممرضة : ايوه اسماء : سمعتك اليوم انتي والممرضات تتكلمو عن هيثم وأبوه .. ليش أبوه فيه شي ؟ الممرضة : أبو هيثم كبير بالعمر ومريض من زمان وكان معطينا خبر لنجيب له الأدوية عشان هيك كنا بنحكي اسماء حزنت من جد : تعبان مرة ؟ الممرضة : أيوه تعبان مافيه يقوم على حيله .. الله يعينو اسماء : آمين يارب الممرضة : وأحواله المادية صعبه كتير .. مشان هيك يلاقي صعوبة يدبر حاله ومافيه غيره يصرف على عيلته اسماء حز بنفسها .. ناس تلعب بالفلوس وناس تعبانه .. حبيبها حياته صعبه وهي مانتبهت ولا حست ظلت تمشي بعكازاتها بارجاء الغرفة .. صعب تطلع كذا حتى دون تودعه اقل شي ؟ وداع ؟ ليش هو حاس بوجودك عشان يودعك .. ؟ سمعت صوته اللي حفظته خلاص .. مشت بسرعة لعند الباب حتى انتبهت له يتكلم مع الممرضات برا ( يالله يجنن يفتح النفس هالرجال .. مو متخيله اني ماراح اقدر اشوفك خلاص ) اثناء ماهي شاردة مانتبهت له يقرب ويفتح الباب وارتد على جهتها حتى طاحت على ورا .. دخل هيثم بسرعة وهو يشوفها على الارض : اااخخ هيثم : بسم الله .. شفيك ليش مانتبهتي ؟ اسماء وهي ماسكه رجلها : مو عارفه .. ااااخخ تالم صرخ هيثم على الممرضات برا : هاااااني .. تولاااي تعالو ساعدوني دخلو الممرضات وساعدوها لحتى جلست على السرير وتفحص التجبيرة ثم طالعها : تالمك جدا ؟ اسماء : لا مو جدا .. الم طبيعي عادي هيثم : لا حمد الله كويسه مافيك شي .. هاني جيبي لها حاجه تاكلها الممرضة : حاضر استاز أول ماطلعت .. طالعها هيثم وهي تمسح دموعها : ههههه ناويه على اصابه ثانيه.. لهالدرجة ماودك تطلعي من هنا اسماء ( تضحك وهذي هي رغبتي صدق) ابتسمت : هههههه لا خلاص ابشرك بتفتك مني هيثم بمزح : مابغيت والله ! اسماء ( عارفه مايحتاج تقول ) : دكتور هيثم : هلا اسماء تلخبطت ماتقدر تقول اللي بقلبها لازم تسكت : ..... هيثم :اسماء ؟ اسماء وكلش فيها تجمد اول مره يقول اسمها بهالعفويه .. قالت بألم : تصدق انه هذا اول مستشفى اتعلق فيه .. بدكاترته وممرضيه فعلا احس كانت فترتي هنا ممتعه هيثم : ممتعه ؟ اسماء : ايوه .. بجد استمتعت هنا هيثم وعيونه المخضرمة بالحياة وتجاربها بعيونها البريئة اللي ماعرفت الهم : ريحة الموت بكل مكان هنا .. وانتي تقولي ممتعة ؟ اسماء وقلبها قبضها فعلا حست انها تافهه بجد :..... هيثم : يله انا طالع هاني بتجيب الأكل اكلي كويس اسماء بسرعة : دكتور هيثم التفت لها : ايوه اسماء مدت يدها بتردد : شكرا على كل شي .. وفرصة سعيدة هيثم طالع بيدها الممدوده ورد دون يمد يده : وانا أسعد ..انتبهي على صحتك طلع ورجع لمكتبه .. طالعه مهند : طلعت بنت الشمري ؟ هيثم طرح جسمه على الكرسي وسند راسه وغمض عيونه بتعب : لسى .. مهند : والله وبتروح ... تصدق بأشتاق لها والحلوه صديقتها طالعه مهند وهو مغمض عيونه : هههههه صدق محد يسولف لك شي ... ايوه وش شعورك عقب أول مريضه تحت رعايتك فتح هيثم عيونه وابتسم : اسماء فهاد الشمري .. اول مريضة لي ماراح انسى مهند صفر : الله يرزقني زي حظك وتكون اول مريضة لي كذا هيثم : صدق انك رايق .. بس الوضع محبط اول مريض مفروض اصابه جدية .. انا اول مريضة كسر برجلها بس ؟ مهند : صدق انك وحشي .. وش تبيها يعني سرطان ؟ هيثم رفع كتوفه : يمكن .. شي اقدر اتذكره وش المهم في رجل مكسورة مهند فتح فمه : اسكت اسكت بس .. مجرم انت هيثم :يله انا طالع الحق على المؤتمر .. ماحتجي ؟ مهند : طبعا بأجي .. صديقتك بتكون موجوده ؟ هيثم : ايه طبعا .. هي المسؤولة عن التنظيم والاستبيان *** ام نايف ولؤي وميهاف كانت طيارتهم بدري وقبل الكل .. وصلو للرياض وأول مادخلو بيتهم راح الكل لغرفته يرتب نفسه .. بغرفة لؤي جالس يرتب اغراضه "طق طق " : ادخل دخلت ميهاف : مشغول ؟ لؤي ابتسم : لا حياك .. جلست ميهاف على الصوفيه الموجوده بغرفته .. طالعها لؤي : شعندك ..؟ اخر مره جيتيني بغرفتي كان قبل سنتين ميهاف : هههههه حرام اشتاق لك يعني واجي اشوفك ؟ جلس لؤي جمبها : منتي خالية ميهاف .. هاتي شعندك ؟ ميهاف : أبي اقولك بس ..اوعدني ماتزعل لؤي عقد حواجبه : ليش حاجه تزعل ؟ ميهاف : يعني .. لؤي : قولي ميهاف ميهاف : انا آخر مره رحت لاسماء بالمستشفى .. عرفت انها مو موافقة وهي للحين ماردت لأن اكيد امها وأخوانها ضاغطين عليها لؤي بهدوء حزين : هي قالت لك مو موافقة ؟ هزت ميهاف راسها : ...وأنا أقول اذا أنت تبغاها لاتخاف اكيد بتوافق بالأخير بس عشان ... قاطعها لؤي : خلاص ميهاف .. الموضوع صار عندي ميهاف : ايش بتسوي ؟ لؤي : قلت لك عندي خلاص لاعاد تشيلين هم انتي سويتي اللي عليك ميهاف : براحتك .. طلعت وهي منغاظة من اسماء .. احد يقدر يخسر شاب زي لؤي ؟ والله هي الخسرانه .. *** بدر : خلاص اسوم آسف .. طول الطريق من المستشفى للمطار اعتذر مارضيتي اسماء : لااا ! أخوان فلس واحد مافكر حتى يدق على اخته يشوف وش فيها مريضه .. والثاني نايم ساحب علي طول النهار بدر : ياحياتي نمت نمت ماحسيت ... هاتي وش يرضيك انا اجيبه لك اسماء : لاتحاااااااااول ! بدر زهق له ساعه يراضيها : تدرين شلون بالطقاق .. رضيتي ولا راضي نفسك ام فراس : خلاصص فضيتو راسي بزارين !! متى الطيارة ؟ بدر : اللحين يمه ماحتتأخر جا نايف من بعيد : هلا بالحلوين .. كيفكم ؟ ام فراس : هلا نايف اسماء دون نفس : كملت .. مارحت مع أهلك انت ؟ نايف : لا لؤي موصيني انتبه لزوجته انكتمت اسماء من طاري السالفة .. من طلعت من المستشفى اساسا وهي مخنوقة قالت بهمس : انا رايحه للكافتريا لحد موعد الطيارة .. جلست بالكافتريا وفتحت جوالها برجفة ومجلد الصور لحد ماوصلت لصورته .. صورة لقطتها له وهو يمشي مع دكتور وبيده كوفي ولمحته الجدية المعتادة ويتكلم .. من اللحين مشتاقة له تحس بالبعد عنه فعلا ! خلاص ودعتيه يا اسماء .. طالعت يديها اللي مدتها له وطالعتها وتجاهلها .. طول عمرها تشوف بدر ونايف وحتى لؤي وعيال عائلتهم كلهم فالينها مع البنات بزيادة .. بشكل مزعج ماعندهم مشكلة بالمصافحة او حتى السوالف .. بس هيثم غير رغم وظيفته اللي تتيح له كل هذا ماشافته بيوم متجاوز الحدود معها رغم انها فاتحه له المجال .. يستاهل يكون حبها الأول بس ماراح يكون الأخير ماراح توقف الحياة كلش مستمر .. النداء للرحلة .. اتكأت على عكازتها وساعدها بدر لحد ماصعدت طالعت من النافذة خلاص ودعت جدة وحب جدة .. *** المستــــشفى / هيثم : شنو ؟ مدير المستشفى : عائلة المريضة قبل يطلعو اليوم .. دفعو اكرامية كبيرة مخصوصة لك هيثم : كيف يعني مو للمستشفى ؟ مدير المستشفى : ايوه .. المريضة طلبت تكون مخصوص لك أنت على خدمتك الرائعه هيثم بتردد : ايه بس حاس ماينفع كذا مدير المستشفى : إلا ينفع .. وكثير تصير وهذي ثمار جهودك مد الظرف له .. اخذه هيثم وفتحه كان 30 ألف فتح عيونه وطالع المدير : بس المبلغ كبير مره ؟ مدير المستشفى : هذي بنت الشمري .. وش توقعت أقل من كذا ؟ هيثم شكر المدير وطلع .. ودخل الظرف بجيبه ( هذي إكراميات آلشمري أجل ..؟ الله يرزقنا بس ) *** اليوم التالي / صحت اسماء من النوم بكير .. خلاص هذي عاده اكتسبتها من جدة تصحى كل يوم بدري .. امس صحت بدري وراحت تشوفه كالعادة اللحين ماتقدر خلاص هي بالبيت وبينها وبينه مسافات ندهت على الشغالة تساعدها .. ساعدتها لحد نزلت تحت وجلست بالحديقة تشم هوا خلاص أمس فكرت كثير واليوم لازم تعطي أمها الجواب .. هيثم انتهى خلاص لازم توافق وتشوف حياتها وماتخسر أهلها عشان حب ماراح يصير .. البيت هادي الكل نايم أكيد : مييييري ميري : يس مدام اسماء : is my mother a wake ؟ ميري : no she's sleeping اسماء : خلاص روحي ميري : you want you'r breakfast ؟ اسماء : no mery leave جلست لحالها مستمتعه بالهدوء وتستمتع بالجمال والطبيعة .. سمعت صوت باب البيت وبعد فترة دخل بدر بغتره حمرا معصوبة على راسه وشيرت أبيض وبنطال جنز وعيونه فيها النوم خلاص ويدندن اسماء : بددرر رجع يطالع الحديقة ثم جلس عندها : انتي هنا ؟ مانتبهت لك اسماء : وين طالع من الصبح ؟ بدر وهو يفرك عيونه بتعب : مو طالع تو راجع من سهرة أمس اسماء : للحين مابطلت عادة السهرات هذي بدر : لا جدتي مابطلتها اسماء : جدتك بالنخل بدر : إلا جدتي صاحية من فجر كأنك العجز وتحاسبين الطالع والداخل اسماء : اف شاسوي طفشانة بدر : اطلعي تنفسي اسماء بحماس : بتطلعني معك ؟ بدر : ياحليلك اطلعك انا ما أشوف قدامي من النوم اسماء : افففف .. بدر وقف بيدخل : اقول ارجعي نامي أحسن لك مافيه حل طفشانة بجد .. وميهاف اكيد زعلانه ماحترد عليها بتموت من الكئابة بهالوقت بالذات تبغى حاجه تشغلها ومو لاقية أحد .. وين أمها ؟ تبي توافق عشان تنشغل اقل شي بتجهيزات الزواج .. : ما شاء الله الحلوة صاحية من بدري اسماء : أهلين ماما .. صباح النور أم فراس بحزن : شخبارك اللحين ؟ اسماء : تمام ماما .. انتي شفيك ؟ أم فراس مسكت يد اسماء بيد يديها : حبيبتي ..لؤي سحب خطبته فتحت اسماء عيونها : شنو ؟! أم فراس : هذا اللي صار .. اسماء : متى ؟ كيف ؟! ام فراس : أمس بالليل كلمني .. وقال أن امه تصرفت بالموضوع دون تستشيره وهو مايبغى اسماء نزلت دمعتها دون تحس .. دمعة ماعرفت ايش تفسيرها .. مو على الاساس هي ماتبغى !؟ ام فراس : انا الومك انتي .. مو قلت لك من أول عطيني جوابك بدري وتجاهلتيني هذا هو طفش و .. اسماء : خلاص ماما .. يمكن كذا أحسن كويس جات منه مو مني ومسكت عكازتها واتكأت عليها ودخلت داخل لحد استلقت على سريرها .. الموضوع حزين ومحبط وبنفس الوقت مريح خلاص يا اسماء انتهي من هالمغامرات العاطفية الاسابيع هذي كانت اكثر من كفاية ... هيثم ولؤي اعتبريها ماصارت وكملي حياتك *** ابتسام بالجوال : راح توصي الأدوية اللحين هيثم : ايوه .. انتظريه ومع الأدوية بتحصلي ظرف عطيه غادة ابتسام : رضيت عنها خلاص ؟ هيثم : لا .. بس مهما كان اظل مسؤول عنها ابتسام : وش هالظرف طيب ؟ هيثم : راح تشوفي .. يله راح اسكر ابتسام : في امان الله .. أول ماوصل الظرف وفتحته وحصلت ال 30 الف فتحت عيونها بوسعها !! شهذا ؟ طاح الظرف من يدها ودقت على هيثم : هيثم شهذا ؟ هيثم : هذا لك ولأختك الغبية .. ابتسام مو تتركيه بإيد غاده راح تضيعها اتركيها معاك ابتسام : هيثم من وين قدرت تجيبها ؟ هيثم : مو مهم ابتسام .. يله اقلقتيني مكالمات سكري ابتسام : بس ... قاطعها هيثم : عندي شغل لازم اسكر سكرتها ورفعت الظرف من الارض وايدها مرتجفه .. طلعت غادة من الغرفه وهي تفرك عيونها : صباح الخير ابتسام : صباح النور غادة : أيش هذا اللي بيدك ؟ ابتسام مدته لها : بمناسبة زواجك فتحت غادة عيونها : شكل هالفلوس ؟؟ كم ؟؟ ابتسام : 30 الف .. سحبتها غادة من يدها : اماااااااااااااااااانه ؟!! تمزحييييييين ابتسام : لا والله ما أمزح ... 30 الف غادة بفرح : شفتي يا ابتسام قايله لك أحمد يحبني اكيد .. هذا هم عطونا ماتركونا كذا ابتسام : أحمد ؟ مالت عليك وعلى احمد ... هذا من هيثم غادة : هيثم ؟! ابتسام : ايوه .. عطاني هالفلوس اليوم عشان تتجهزي بها غادة بصدمه : ايه بس .. كيف ؟! ابتسام : رفض يجاوب .. انا خايفه كيف جابها صدق ؟ غادة : لا يا ابتسام لاتفكري بهيثم كذا .. مو انتي اللي قلتي لازم نصبر واخر شي وظيفه هيثم تجيب فلوس كثير ابتسام : ايه بس هو لسى ماتوظف !! غادة : ولو لا تفكري فيه كذا أحسني الظن .. وخلينا نبدا نستعد مو كافي ان المدة بس شهر ابتسام : ماراح تشكرينه ؟ غادة : اتمنى ... بس عارفة راح يفشلني .. ابتسام : انا ماراح اقدر اروح معاك للسوق أو غيره .. كلمي بنت الجيران او صديقاتك واطلعي معاهم تجهزي غادة : لا ابتسام تكفين !! مو كمان تجهيزات عرسي تتركيني فيها يكفي عزيمة امس ابتسام : انا مضطره غاده .. اجل من راح يجلس مع بابا ؟! غادة : ماحيصير له شي .. اساسا جلستك ماراح تغير حاجه ؟! ابتسام : لا غادة ماراح ارتاح اتركيني جمبه افضل بالنسبة لي غادة بيأس : اوك اللي يريحك .. *** بصالة البيت الفخمة .. واسماء جالسه بيأس وهي تشوف بدر المعصب : كيففف يعني ؟! مفروض حنا نرفضه مو هو حظرته يجي يسحب الخطبه أم فراس : اختك هي الغلطانه .. ليش تأخرت بالرد عليه وش متوقعه يعني بدر : على ايش شايف حاله هذا لؤي ؟ بس هين انا اعرف اربيه اسماء : بدر .. بدر : شنو ؟ اسماء : انا كنت راح ارفض .. و عطيت ميهاف تلميح اني مو موافقة واكيد هي وصلته للؤي عشان كذا سحب خطبته بدر بانفعال: حتى لو ! يحتريك زي الحيوان ترفضيه مو يروح يلحق ع كرامته اسماء : بدر خلاص اعتبر الموضوع ماصار .. كل الموضوع اساسا مجرد كلام بين امه وامي وانتهى ماتدخل فيها رجاجيل ومحد راح يعرف بدر وقف معصب : انا مو عارف كيف انتو باردين كذا !؟ ام فراس : ياحبيبي الحياة قسمه ونصيب .. هد بالك بدر وهو متوجه للباب بيطلع ومعصب للآخر : قال هد بالك قال .. كيف تبيني اهدي بالي وهذا الحيوان مو عارف مستواه ولا عارف .. ام فراس هزت راسها : الله يهديه .. خايفه يسوي مشكلة مع لؤي في بيت أبو نايف الكل جالس :- أبو نايف : كيف تتصرف كذا من راسك وتسحب الخطبه ؟! لؤي : هذا اللي صار .. انا مو مستعد أتزوج أبو نايف : مو مستعد كان تكلمت من أول !! ولا بنات الناس لعبه عندك تخطب وتسحب لؤي : يبه انا ماخطبت رسمي ! يعني ماصار شي ولا أحد عرف وخلاص كلن بطريقه أحسن .. الله يرزقها أبو نايف : يافشلتي بس .. المسكينة بتلقاها تأملت ثم انخابت من وراك الله لايوفقك لؤي : انا لله أبو نايف : انقلع من وجهي لابارك الله فيك .. صدق انك مايعتمد عليك وقف لؤي وطلع وهو متوقع كل هذا .. بس ماهمه المهم انه ماينحط مصيره مع مصير وحده ماتبيه وتنجبر عليه حمد الله اللي عرف قبل يطيح الفاس بالراس ويخسر كلش .. نايف : ههههههههههههه ياحليلك يا يبه انا مستغرب انك تقدر تعصب على شي سخيف كذا عقب كل مصايبي فيك أبو نايف طالعه بحدة نايف رفع يديه : خلاص خلاص بسكت مالي دخل ... يمه يزيد وينه أمه بترجع من السفر وتبغاه خلاص أم نايف مالها خلق : مدري .. بتلقاه مع ميهاف اكيد وقف نايف وقبل يصعد لميهاف رن الجرس : اوووه نسيت بدر جايني طلع مسرع وفتح الباب : هلاا والله حياك بدر بدون نفس : لا .. اخلص تعال نطلع نايف : هههههه اوف شفيهم العالم مالهم خلق ؟ بدر طالعه بحده : ماتدري يعني .. احمد ربك اني احاكيك اصلن وجاي لبيتكم عقب اللي صار نايف : ياااحبكم للدراما .. اصبر اصبر بروح اجيب يزيد وجايك وقف بدر عند الباب .. انتبه لصوت انثوي جاي من بعيد ابتسم هذي اكيد ميهاف جا بيتحنحن عشان ماتجي لكن سبقته وهي تمشي ببنطال قطني ضيق رمادي على جسمها المغري الفاتن وتيشيرت فسفوري وشعرها الاشقر المكسر المنكوش بطبيعته تاركته مفتوح وعلى ان وجهها طبيعي دون مكياج إلا انها اذهلته وضيعت كل مفاهيمه ... وقف للحظه ! لا هذي مو ميهاف مستحيل ...انلجم هو بالذات متعود على الجمال والانوثة بكل مكان حوله ولا عمرها الفتته ويشوفها اعتياديه .. ماعرف ان الجمال اللي اذهله بجد كانت قريبه طول الوقت بلع ريقة وهو يحسه نشف وقطره نزلت من جبينه من توتره .. لو أن يزيد ماقال " عمه ميهاف " ماكان صدق ابدا انها هي ماكان عنده هالفكره عنها ابدا |
رد: انتماءات كاذبة
انا عارفة من الأول إن أسماء هتوجع قلبى
غلطانة وعلقت نفسها بالوهم ولطعت لؤى بس اتأثرت علشانها يا ترى هيكون ليها فرصة مع هيثم ولا لأ غادة لحد الوقت على المحك مع أحمد مش عارفين نيته ايه بس لو كملت معاه للزواج شكلها كده هتتبهدل جامد من أهله القفلة كانت بدر وميهاف بصراحة مشوقانى ومش عارفة اتوقع مين مع مين شكرا ليكى وعلى انها بقت بتنزل فصلين فى الأسبوع :55: |
رد: انتماءات كاذبة
السلام عليكم ورحمة الله
تسلم ايدك زهقانه من حاللك[متملله] اسماء تعدت مرحلة اللزئه بشويه واصبحت لزئه بغرا فى الهيثم اللى ماهو دارى عن مشاعرها الجياشه وبدل ما تركز جهودها مع لؤى اللى متقدم لها ركنته على الرف لحد ما تشوف مية هيثم حترسى على ايه واهى لاطالت عنب الشام ولا بلح اليمن طار لؤى وهيثم اداها الوش الخشب بمنتهى الصراحه ومتشيليش الكلفه بينا يعنى متخليش عندك امل انى ابص لك لؤى اخدها من قصيرها وثار لكرامته وسحب عليها وطبق عليها المثل اللى بيقول من حبنا حبيناه وسار متاعنا متاعه ومن كرهنا كرهناه يحرم علينا اجتماعه ولا فكر فى اهل ولا قرابه وكرامتى قبل حبى هيثم بيتعامل مع اسماء كائنه عاوز ينسف اشكالها من المجتمع كان وده تكون كسر رقبه مش كسر رجل ومبيتعاملش عدل الامع صديقته ساره احمد طلع شهم المره دى لكن اهله يبدو انه كان ناقصهم شغاله عشان كده حيجوزوه اهه منه زوجه ومنه شغاله ببلاش وتخليص دين لابوها تلاته فى واحد وبسعر واحد ميهاف سرقت عقل النجم الله يعين مع انها مش محجبه لاكن ازاى اول مره يشوفها وهما ولاد عم وهى كاشفه وش وشعر وكانت بتتزلج وهى بدون حجاب والدنيا بحالها شايفاها اكيد النجم احول تسلمى على البارت وفى انتظار الباقى موووووووووووووووووووواه |
رد: انتماءات كاذبة
اقتباس:
|
رد: انتماءات كاذبة
اقتباس:
هيثـم واسماء ولؤي .. كآنو سلسلة قصيره انتهت بأن محد نصيب آحد بس لسى الاحداث بالطريق انا وضحت أن ميهاف كان متحجبه .. واسماء الوحيدة اللي كانت فاكه الحجاب ( راجعي البارت ) معناها النجم مو أحول .. وبكل الأحوال ماكان موجود اساسا لما كانو يتزلجون .. بمعنى اسماء نفسها قدام اهلها تلبس حجابها بس بالحديقة مافيه رقابه ولعبت بذيلها .. نورتيني ياعسل |
رد: انتماءات كاذبة
" البارت الرابع "
طلع بسرعة من البيت وسكر الباب ودخل سيارته .. ومرت عليه ذكرى قبل فتره ( العائلة مجتمعة وبدر ماسك راسه .. واسماء وياسمين متحمسات : ايييه بدر تكفى وافق بدر : اوافق ع شنو ؟ ام فراس : وش لنا ساعة نتكلم ؟ ميهاف بنت عمك وأنت اولى فيها ياسمين : بدر صدق ميهاااااااااف تجنن حللللللوه مره أم فراس : ايه والله صادقة سبحان اللي خلقها .. جمال يكتم الانفاس من لمحه لجسم لاخلاق بدر اشر على فراس : اللحين جالسين تخطبون لي وفراس موجود ! فراس : والله تبون تخطبونها لي ماعندي مانع .. بس لاتلوموني اذا صار اللي صار ام فراس : عارفه عارفه .. انت براحتك اذا مشغول بس انت يابدر وش وراك خل منك هالعروض والسفريات والهبال واعرس بدر : انا انا بدر الكل يحط صوري ويحكي عن وسامتي .. آخذ مين ؟ ميهاف ؟ فراس ابتسم باستهزاء على غطرسة بدر : حطو صورتك بكم مجلة فاسقه وتحسب محد قدك ؟ صدق انك بزر بدر نفخ: انت خلك برا ! انا ما أخذ وحده أي كلام أم فراس : وميهاف شفيها ؟ كامله وحلوه اسماء : ايه والله بجد حلوه مره .. احلى مني بكثيييير بدر : انا مابي وحده مثلك حتى .. ابي احلى منك واحلى من كل عائلتنا تليق بمقامي مو دون مستواي ام فراس : وانا وش لي ساعة اقول ؟ ميهاف احلى وحده بعائلتنا بدر : اسف ! ماشفتها الا بعبايتها بس بصراحة قزمه وقصيره .. ما أتزوج سنفورة اعذروني اسماء : هي صح قصيرة .. بس مو عيب القصر بالعكس كيوت بدر : لااااا ! ومليون لا والله ما أخذها .. بدر الشمري من تزوج ؟ ميهاف بنت عمه .. وييييييع ) والله واحسب امي تبالغ طلع معها حق .. وانا الغبي جالس احلف ما اخذها بس اللحين كلش تغير والله ماياخذ هالجمال كله غيري .. اصلن محد يستاهل وحده بهالجمال إلا واحد بهالوسامة دخل السيارة نايف وولده يزيد :وينك دورتك بالحوش ماحصلتك ؟ بدر : هاه ؟ نايف : ههههههههه شفيك شارد ؟ بدر وهو يحرك السيارة : لا مافيه شي .. وين نروح ؟ نايف : نروح بيت نهى نحط يزيد وعقبها اللي تبي بدر : ههههههههههههه قل لنهى تعزمنا اجل عقب نوصل ولدها نايف : ياليت والله بس عارفها بترفض بدر : شفرقي عنك ؟ نايف : انا طليقها قد شفتها وشبعت منها بعد .. وشوله حركات نستحي ومدري ايش بدر : اللي هو .. خل اجل نروح عقبها للبحرين مافيه وناسه هنا بالسعودية نايف : ع قولتك *** اسماء جالسة بغرفتها على البلكونة وتحس بهم وهي تطالع الحديقة الرائعه من فوق .. دخلت ياسمين : اسسوم اسماء : نعم ياسمين ياسمين : امي تبغاك اسماء : قولي مشغولة ماتقدر حطت ياسمين يدها على خصرها : نصابه مو مشغوله .. يله تعالي ولا بعلمها انك تكذبين اسماء : ياسمين مب احسن لك التفت لك .. انقلعي من وجهي وقولي مشغولة لاسطرك طلعت ياسمين وعقب فترة دخلت أم فراس : هذي المشغولة ؟ التفتت لامها وقالت بضيق : أهلين ماما ام فراس جلست على الكرسي المقابل لها وحطت يدها على يد بنتها : هدي بالك يابنتي .. الزواج قسمة ونصيب اسماء : مو زعلانة عشان كذا ماما .. ام فراس : وش مزعلك طيب ؟ اسماء بحزن : حاسه ان هالسالفة ضرتنا دون تنفعنا .. خربت علاقتي مع ميهاف ومو عارفة اذا بقدر ادخل بيت عمي بشكل طبيعي عقب كذا .. ام فراس : انتي وميهاف صديقات من صغركم .. وبيت عمك كله بمكانة بيتك وهالموضوع ماراح يخرب شي اسماء : بس ميهاف زعلانة مني كثير .. ام فراس : اخرتها راح ترضى ياعمري لاتضايقي روحك اسماء هزت راسها : ماراح ترضى انا عارفه ام فراس : لاتتكدرين كذا .. يله بسرعة انا بنزل والحقيني العشاء جاهز اسماء تنهدت : مالي نفس ام فراس : انزلي وعن الدلع اسماء : يووه ماما قلت لك مالي نفس خلاص اتركيني بحالي شوي تنهدت ام فراس : دامك بتزعلين كل هالزعل كان وافقتي من بدري وفكيتينا نزلت اسماء راسها .. اذا امها للحين تلومها بين فتره وفتره كيف بيت عمها ؟ كيف ميهاف اللي عارفه السالفه من اصلها ؟! قامت بضيق ونزلت لتحت وهي تحس بقهر .. ماتعودت تكون لحالها ومنغلقه متعودة تطلع وتروح وتجي وتنبسط نزلت للحديقة وهي تفكر شتسوي ؟! انتبهت لبدر يسحب كرسي ويجلس : شعندك انتي وهالحديقة ؟ 24 ساعة هنا اسماء : اتركني بحالي بدر مالي خلقك تنهد بدر بقهر : روقي حالك أسوم .. اصلن هو الخسران اسماء : افففففففف ! ليش الكل يحسبني ضايقة عشانه موع شانه .. بدر : عشان شنو أجل ؟ اسماء : تزاعلت مع ميهاف عشان هالموضوع .. بدر ومعنوياته ارتفعت قال برواقه : ايوه شفيها ميهاف ؟ اسماء : لما كنا بجدة قلت لها كلام يضايق اني مابغى اخوها و ... وهي زعلت وعقبها بيوم سحب لؤي خطبته بدر : ولو اسوم .. انتو خوات ماراح تضلون كذا اسماء بخنقه : عارفة .. عشان كذا ابي اصلح الموضوع ومو عارفه كيف بدر : بتلقي طريقة حاولي اسماء : مافيه غير اكلمها بالجامعة بكره .. واعتذر لها بدر بسرعة يلحق على نفسه : لا لا .. الجامعة ماينفع ووقت ضيق ومكان غلط اعزميها عندنا هنا بكرة وتكلمو برواقة اسماء : صحح والله جبتها .. بكرة بعزمها وبعتذر لها ونتصالح ان شاء الله بدر ابتسم ابتسامة وسيعة : شفتي الموضوع انحل كذا اسماء : لسى .. قول ان شاء الله ينحل بس بدر : بينحل .. ميهاف قلبها طيب وتحبك شوفي انا مو زعلان من لؤي عادي لان عيال العم مهما صار يضلو عيال عم اسماء طالعته مستغربه : هذا اللي اليوم يسب بلؤي ويلعن فيه .. وتقول مو زعلان اللحين بدر ( أخو المزه وش طالع بيدي ؟ ) : هههههههههههه مين قال ؟ كان لحظة غضب بس اسماء : الله يستر من لحظة الغضب حقتك هذي بدر : المهم وينها امي ؟ اسماء : داخل دخل لداخل وهو مبتسم ويخطط كيف يطيحها في شباكه .. *** اثناء ما لؤي بسيارته والسماعة باذنه : يعني مو مضايقك اني سحبت الخطبة ؟ فراس : شايف عندي وقت عشان اتضايق على تفاهات خطبة .. المهم ابغى منك خدمه ؟ لؤي : آمر فراس : السكرتير حقي مات قبل كم يوم .. وانت تعرف منصب السكرتير صعب وما اثق في احد غيرك ياخذه لؤي : من جدك ؟ فراس : ايه طبعا .. انت تعرف مكانتك عندي لؤي صدقني حتى بدر ما أثق فيه زيك لؤي : اللحين تحسسني بالذنب اني ماصرت نسيبك فراس : ههههه اذا الحال ما ماشى مع اسماء ياسمين تفداك لؤي : هههههههه تفداني ببنت بالابتدائي فراس : متى ناوي تجي اجل ؟ لؤي : اليوم اذا تبغى فراس : لا ارتاح ليش مستعجل ؟ بكرة حياك لؤي : اشوفك بكرة اجل فراس : ع خير سكر لؤي السماعة وهو مبسوط بروحته للكويت عند فراس *** بالجامعة .. طلعت من محاضرتها وبطريقها لقسم ميهاف حصلتها تمشي مع صديقاتها التفتت لصديقاتها : معليش بنات ثواني وراجعة .. ( رفعت صوتها ) ميهاااف التفتت ميهاف ثم كملت مشيها .. لحد مامسكتها اسماء من يدها : ميهاف اناديك التفتت لها وبنظارتها الشمسيه وخشمها مرفوع : نعم ! اسماء : بكلمك شوي ميهاف : ماعندي وقت .. وراي محاظرة مابغى اتاخر اسماء : ماراح أأخرك .. 5 دقايق بس ميهاف طالعت ساعتها : اوك .. شبغيتي ؟ اسماء : تعرفي ياميهاف الكلام كثير ومقدر اقوله هنا .. فجايه اقولك تعالي بيتنا اليوم .. ميهاف : ما أقدر مشغولة ولا لي خلق اجي اسماء باصرار : اذا ماراح تجي أنا بجيك ميهاف طالعتها باستهزاء : لك وجه تجي .. عادي ؟ اسماء بحدة : تعرفي اني كنت ناوية اوافق عشانك انتي بس ! بس طلعت غلطانة وانك ماتسوي كل هالتضحيه .. الظاهر اني كبرت من حجم صداقتنا ميهاف التفتت تطالع الجهة الثانية : راح اجي بس ماحطول .. اسماء : المهم تجي وراح نتفاهم اذا تطول او لا ميهاف : انا تأخرت على الكلاس ابتسمت اسماء : اشوفك عصر أجل *** وصل لؤي لأراضي الكويت .. دون تأخير اساسا جو السعودية مايناسبه كثير خصوصا مع طبيعة اهله الاجتماعية البعيدة عن طبيعته الهاديه .. دخل سيارة الليموزين قادته مباشرة للشركة دخل وتوجه للاستقبال : فين مكتب فراس ؟ استغرب الموظف طريقته الطبيعيه في الكلام دون كلافات القاب : قصدك الرئيس فراس ؟ لؤي : ههههههه ايوه قصدي طال عمره فراس الموظف : وش اللي يضحك ؟ لؤي : سلامتك .. بس انا لي معاه موعد عطه خبر ان لؤي موجود الموظف اجرى المكالمة ثم التفت للؤي : تقدر تتفضل.. مكتبة بالدور الخامس توجه لؤي للمكتب ودخل مبتسم : هههههههههه والله وصرنا ناخذ مواعيد عشان نشوف حضرتك فراس ابتسم : والله معطيهم خبر يفوتونك على طول .. بس هالموظفين دلوخ سلم عليه لؤي ثم جلس : ايوه وشخبارك ؟ فراس : على حطة يدك .. انت كيفك عقب حوسة هالخطبه ؟ لؤي : اخخخ .. ابوي مقاطعني وامي زعلانه بس ولا يهمك كلش يتصلح فراس : مصيرهم .. تكبير الأمور عاده عند الشيبان الله يصلحهم لؤي : عارف يافراس .. بخاطري كلام لكن مستحيل اقوله لغيرك فراس : كنت حاس انك ساحب الخطبه لسبب .. قول شصاير ؟ لؤي : جتني معلومات موثوقه أن البنت ماتبغاني .. فسحبت الخطبه عشان ماتنجبر علي وتنحط بموقف فراس رفع حواجبه : من هالمصدر الموثوق ؟ لؤي : هي بنفسها قالت لميهاف اختي .. فراس : عارف شلون ؟ انت غبي لؤي : ليش ؟! فراس : بالله انت بعقلك تخطب وحده عمرها 21 بزر تشيب راسك معاها .. اذا الله باليك وبتتزوج خذ وحده كبيره عاقله تفهم لؤي : هههههه طيب مناسبه لعمري انا 25 فراس : بصراحة انا اشوف اسماء اختي بزر وسطحية بزياده .. واللي بياخذها لازمه يعيد تربيتها وانت فاضي تربي لك بزر ؟ لؤي : ياشيخ سالفه وخلصت .. الله يوفق كلن بطريقه فراس وقف : عموما انا طالع اسطنبول بكره عندي معاملات ضرورية وكم حفله .. الشركة هنا تحت يدك وتصرفك بس القرارات المهمه ارجع لي اول لؤي : بهالسرعة بتروح ؟! فراس : مفروض من أول .. بس اجلتها لحد تجي ولاترخي على الموظفين وتخربهم علي لؤي : حاضر .. بس اللحين واللي يعافيك قم نتغدى بموت جوع فراس : يله شرف قدامي *** عصــــــر / لبست اسماء من بدري ونزلت للمطبخ تشرف على تجهيزاتهم .. طلعت للصالة حصلت بدر جالس مسترخي على الكنبه قدام التلفزيون والريموت بيده يقلب بطفش : بددددر ! بدر : ايوه .. اسماء : ايش تسوي هنا ؟ برا ميهاف بتجي بنجلس هنا بدر : تجي ماراح اكلها اسماء بحمق : يالله بدر من متى انت تجلس بالبيت اصلن ؟ من رجعت من دبي ماشفتك ولا يوم جالس .. واللحين عشان صديقتي بتجي تجلس تقلقني بدر : ترا اقلقتيني صديقتي وصديقتي .. تراهي ميهاف اسماء : ولو .. ابغى نجلس على راحتنا .. بدر : تعبان شوي اليوم فماراح اطلع .. اسماء : بددددددددر بدر مركز مع التلفزيون : ........ رفعت عكازاتها ونغزته بساقه .. بدر : اححح توجع .. خييير شتبين ؟ ام فراس : يالييييل العنا .. وانا افرع ياسمين وانس اجي فيكم يالكبار .. وش هالصراخ ؟ اسماء : بدر جالس بالبيت عناد فيني بيغثني عشان ميهاف بتجي بدر : والله يمه تعبان مافيني اطلع ام فراس خافت وحطت يدها على جبينه : بسم الله عليك حبيبي شفيك ؟ بدر : تعب بسيط يمه لاتشيلي همي اسماء : اففففففففف خلاص انثبر .. بس روح غرفتك انا وميهاف نبي ناخذ راحتنا ولا نحس بوجودك بدر : راح اروح غرفتي .. بس فين راح تجلسو ؟ اسماء : بالحديقة .. بدر ابتسم : اها .. تتهنو يله انا صاعد انام صعد بدر وبطريقه دق جواله رد : هلا .. لا ماقدر اطلع مشغول مع الأهل .. ياليييل روحو لحالكم مقدر اليوم .. نايف معاكم ؟ .. سلم عليه بس ماراح اقدر .. يله سلام اشوفكم بكره .. دخل غرفته وهو يحس انه اكثر واحد محظوظ ان اطلالة غرفته على الحديقة .. اليوم بيركز فيها بيقيمها واذا فعلا تستاهل وقتها بيتعب نفسه عشان يوصلها .. بعد فترة .. رن الجرس ركز من الدريشة وبعد فتره طلعت اسماء تفتح الباب دخلت ميهاف بعبايتها ودخلت البيت وهي مازالت بعبايتها .. تافف بضجر وطولو لحد مارجعو يطلعون للحديقة مره ثانية .. واخيرااا شافهاا كانت لابسه بنطـال جنز وتيشيرت برتقالي بكتابات ورسمات طفولية ... مع جزمة رياضية بكعب طويل .. شعرها الأجعد تاركته منفوش على وجهها نفس الإنذهال اللي حس به بالحوش .. على بساطة شكلها في كلا المرتين اللي يشوفها فيها إلا انها ماتزال ملكة جمال .. حجمها صغير رغم أنوثة تفاصيلها ..عيونها عيون ظبي .. وفمها مرتوي فصفصها تقزيز , راقية بجلستها بطريقة اكلها بحركاتها ..خلاص هذي هي .. محد غيره بياخذها ولازم من اللحين يرسم لهالشي .. هالجمال حرام احد يملكه غيره .. من زاوية اقرب نافذة غرفة بدر / ميهاف ابتسمت وضمت اسماء : خلاص اسوم .. الموضوع انتهى والكل متراضي تدرين انا ماكنت زعلانه منك وفاهمتك بس انقهرت شوي على اخوي .. لاني تمنيتك فعلا تصيري زوجة اخوي وتقربي اكثر اسماء : ياعمري انا قريبه مايحتاااج .. واذا تبغي تقربي ازوجك واحد من اخواني مافيه مشكلة ميهاف : ههههههههه تم .. بس مو فراس تكفين هالصعب المراس مقدر اتعامل معه اسماء : خلاص فداك السوبر ستار بدر اجل ميهاف : لا لا ..انس يجنن ابغاه اسماء : استحي كبر عيالك ميهاف : ما شاء الله عليه اطول مني .. خلاص رجال اسماء : عشانك قصيره .. ولا مو مره طويل ميهاف : طالعه منها يالطويله ؟ وربي انك اقصرمني اسماء : تحلمييين انا اطول ميهاف بحماس وقفت : تعالي نشوف من اطول اسماء : لا والله .. عليك كععب ع بالك غشيمة ميهاف : ههههههههههههههه قسم بالله وحشتيني ياهبله اسماء : وانتي اكثر وربي .. ميهاف طمنيني اهلك زعلانين مني ميهاف بحزن : بصراحة يا أسوم الزعل كله صار براس لؤي .. لانه بنظرهم هو اللي مكنسل الخطبه اسماء حست بتأنيب الضمير : لا مستحيل ... ميهاف : هذا اللي صار .. بس اهلي مو زعلانين منك بالعكس متعاطفين معك اسماء بتردد : ولؤي .. شخباره ؟ ميهاف : ماعليه .. اليوم فجر راح للكويت لعند فراس وبيطول هناك على كلامه اسماء : يصير اجي ازوركم بكره ..؟ ميهاف : ايه طبعا . ياليت تجي والله عشان يحسو اهلي اقل شي ان كلش تمام .. لان بابا ع باله انك زعلانه ومنكسره وتمت السهره بين مشاعر عذبه بين خوات عمر .. ومعجب يراقب بخفيه *** بيدها اكياس وتتمشى بالأسواق مع صديقاتها .. وهي تحس الفرحه مو سايعتها اخيرا تقدر تمشي معهن وتشتري بشكل طبيعي اروى : بصرااحة غدو ألف مبروك .. ماتوقعتك تتزوجي وانتي لسى بالثانوي ؟ غادة باستعلاء : حبيبتي بتخرج هالسنة خلاص .. وايش اسوي اذا الخطاب مو تاركيني بحالي ؟ رحاب بغيره : خطاب ؟ هو واحد بس غادة بثقة : مين قال ؟ ياكثرهم بس مو ضروري كل ماجا واحد اقولكم اروى : ايه بس عاد شدي حيلك .. اعرفك دولابك فاضي اخيرا جا هالعرس عشان تعبيه غادة بضحكة عالية : هههههههههههه .. لاتوصي حبيبتي بأعبيه لين يكسيك انتي وغيرك أروى وهي غيرانه ان غادة بتتزوج قبلهم وهي افقرهن : قالو لك محتاجه مثلك ؟ .. ولا ناسية كيف دولابي عفوا غرفة ملابسي غادة : اففف اروى طفشتيني بصراحة .. اسبقوني للكافتريا بدخل قسم ملابس خاصه بالمتزوجات انتو عزباوات مايصير تدخلن ههههه احجزن طاولة وجايتكن وتركتهن داخله وهي تحس بالانتصار .. طول عمرهن يقهرنها وياخذنها معاهن السوق قصد عشان يحرنها واللحين حصلتها فرصه ترد عليهن ... اما اروى ورحاب دخلو الكافتريا .. قالت رحاب بغيض : تقققققهر من انخطبت صايره ماتنطاق ! اروى : نست حالها .. ع بالها محد قدها .. والله لو مو ولد عمها وملزوم فيها ماشفتيها تزوجت بعمرها رحاب : تصدقين امنيتي امسك هالاكياس واقطعها فوق راسها أروى : اص اص .. هذي هي جت جلست غادة ورجل على رجل : اوووه ليش ماطلبتو حاجه ؟ ولا ماتعرفو تصرفو شي دوني ؟ رحاب : والله طول عمرنا نعزمك .. حسي ع دمك اليوم واعزمينا ع القهوه انتي غادة انغاضت .. لكن قالت ببساطة : من عيوني .. من عندي اغلى منكن اطلبو اللي تبغو ع حسابي اروى : والله ع بالي اني بموت ماشفت هالعزيمة غادة ( آمين يالزفته ) : لا حياتي هذاي عزمتك .. وبرضو معزومة ع بوفيه زواجي رحاب : انا السواق جا بطلع غادة برواقه وتحس انها مبسوطة عشان قهرتها : لا رحوبه بدري حياتي .. لسى الساعة رحاب : لا خلاص شبعت .. والوقت تأخر والمحلات بدت تسكر غادة : براحتك .. وانتي اروى ناويه تضفي كمان ؟ أروى : لا مستحيل افوت عزيمتك .. اعزميني ع قهوه وبنرجع عقبها غادة : اوك .. جرسسون المنيو لو سمحت بعد انتهاء الهجوله والفشخره الطفولية اللي مالها معنى .. رجعت للبيت ودخلت باكياسها الكثير : رجعت ابتسام : الله لا كان جاب الغلا .. تأخرتي ؟ غادة رمت الاكياس بالصالة وضمت ابتسام من قلب : الزوااااااااااااااااج روعععه ابتسام : جعله يخلف .. لسى ماتزوجتي وتقولي روعه غادة : هههههههههههههههههههههه قهرتهن قهرتهن .. رجعت قهر كل هالسنين لو تشوفي كيف يطالعني بيموتن حره مني ابتسام هزت راسها : والله انا مو فاهمه هالصداقة الغريبه .. غادة : يخسن الا هن يكونن صديقاتي . بس انا محتاجه ناس امشي معاهم بالمدرسه عشان ما اصير وحيدة وهن يوفن بالغرض ابتسام : وش الله حادك ؟ دوري صديقات يناسبوك غادة : هن صادقني .. ومستحيل ارفض صداقة اكشخ بنتين بالمدرسة .. بس فجاه صار الموضوع مصخره علي طول هالسنين .. واليوم علمتهن ان الله حق ابتسام : صدق انكن بزران .. تعالي بس اشوف وش شريتي خذت غادة الاكياس ومسكت الابتسام تسحبها لغرفتهن : تعااالي تعالي متحمسه اوريك جزمه شريتها روعه .. *** أول يوم مباشرة للعمـــل .. بين كومة كراتين بمكتب السكرتير ويرتب اغراض السكرتير القديم بالكراتين عشان يحط اغراضه تافف : راح تموت ناقص عمر من ورا هالوسوسه يافراس .. يعني ضروري يفتش مكتب الرجال ملف ملف ! اثناء ماهو يفتح الملفات عشأن يتأكد فراس طبعا ان ماكان فيه خيانه من السكرتير القديم بين الملفات الفته ملف استقدام لموظفه .. " سارا " هالعيون ماراح ينساها مستحيل نفس عيونها .. هذي هي عقد حواجبه .. معقولة تشتغل هنا اجل ايش كان تسوي بجدة ؟ طلع لمصعب : مصعب مصعب : تفضل استاذ لؤي .. بايش اقدر اخدمك ؟ قدم لؤي له الملف : لا .. بس شف لي هالموظفه باي قسم تشتغل ؟ مصعب بقهر : مو موظفه هنا .. لؤي رفع الملف : اجل هالملف شنو يسوي هنا ؟ مصعب : تقديم الموظفين لشهر مايو .. وانرفضت لؤي : وليش انرفضت ؟ سيرتها رائعه .. وقسم الترجمة محتاج لغتها مصعب بيأس : نفس الكلام اللي قلته لطال عمره .. بس الله يهديه رفض نهائي يوظفها لؤي هز راسه : غريبة .. فراس بالعادة يهتم بمصالحه وهالبنت فيها مصلحة كبيره له مصعب : الله أعلـــم .. بس وش طالع بيدنا والله تعبت كثير احاول اقنعه لؤي سحب الملف معه : راح اشوف شنو طالع بإيدنا ؟ ودخل لمكتبه والملف قدامه .. مسك جواله بيدق على فراس يسأله لكن هون اللحين مشغول وهو يعرفه اذا يبس راسه يبسه .. حط الملف على جنب وكمل شغله لحد المساء ثم سحب شنطته وطلع من مكتبه وهو يحس بإرهاق .. شغلة السكرتير فعلا مو سهله .. قبل يطلع وقف عند مصعب ورمى عنده الملف : مصعب أبغاك تحاول تتواصل معها .. وتقولها ان الرفض كان غلطه ونعتذر وراح نوظفها مصعب بخوف : الرئيس عنده خبر ؟ لؤي : انا الرئيس اللحين .. وهو اختار اني اكون هنا معناها اختار قراراتي مصعب : الله يستر .. لؤي : ماعليك أنت نفذ وبس .. وعطها خدمة تحرز عشان الغلط احجز لها طيارتها وهيأ لها المواصلات مصعب : طيارتها ؟ ليش هي مو بالكويت لؤي : ياكثر اسألتك مصعب .. انت نفذ وماعليك مصعب : حاضر *** بيت أبو هيثـــم / بالمطبخ ابتسام جالسه تسوي حلا قهوة .. وغادة كاشخة بملابسها الجديده تنورة ميدي كحلية وبلوزة اورانج :يااااااي متحمسة مو مصدقة ان سارا بتجي عندنا ابتسام : وانتي ليه تخربين ملابسك من اللحين ..؟ احفظيها بتحتاجيها بعدين غادة : نو نو واي .. انا عروسة لازم اصير حلوه ابتسام : ومثل ماقلت لك .. اذا شفتي هيثم اعتذري وصلحي الامور غادة : راح يجي معاها ؟؟ ابتسام : ما أدري .. بس دايم سارا تجي مع هيثم ماعمرها جت لحالها غادة : خل نزوجها اياه وبس ابتسام : قولي هالكلام قدام هيثم عشان يكسر راسك غادة : ليش ؟ ايش قلت انا .. سارا ما شاء الله عليها وهو واضح يحبها ابتسام : ولو .. هيثم مايحب هالحكي خاصه منك .. اتركيه على راحته غادة : افف .. والله يقهر هيثم صعب الواحد يعتذر له ابتسام قزتها : يشبه بعض الناس رن الجرس وراحت غادة تفتح .. ودخلت سارا لحالها غادة بفرح : اهليييين سسسسسوسوو سارا سلمت عليها وضمتها : ياااي غدو محلوه .. كل هذا عشان العرس يعني ؟ غادة : لاا .. من يومي اصلن حلوه سارا مدت لها صندوق هدية : تفضلي شي بسيط .. ان شاء الله الف مبروك غادة : ياعمري ماكان له داعي الكلافة سارا : وينها ابتسام ؟ غادة : تفضلي جوا دخلت وسلمت على ابتسام بحرارة : كيفك ان شاء الله بخير ؟ ابتسام : حممد الله .. انتي شلونك ؟ ... وينه هيثم ماجا معاك ؟ سارا : لا والله شكله ممسوك طوارئ اليوم ومو عارفة ايش .. المهم فين ابوك بسلم عليه .. ابتسام : تفضلي من هنا .. ( التفتت لغادة ) جيبي الصواني للصالة دخلت سارا وسلمت على أبو هيثم اللي متعود عليها .. سارا كانت صديقة عزيزة للعائلة بشكل عام .. *** بصالة البيـــت : ام فراس : ما شاء الله تصالحتن يعني ؟ ميهاف : ههههههه نشبت بحلقي خالتي قلت اسامحها وافتك اسماء : لا والله .. مالت بس انقلعي لاتسمحين ميهاف : هش بس احترمي نفسك لأزعل مره ثانية أم فراس : لا لاتزعلين ترجعين لها حالة الكئابه .. ماشفتيها امس مسكينة ماعرفت تاكل ولاتسوي شي شايله همك ميهاف : لبى عمرها والله انها غاليه وهي تعرف هالشي اسماء باستها بخدها : المهم مامتي .. حنا بنصعد لغرفتي وبنتعشى هناك ام فراس : نبهي الخدامه أجل تجهز عشاكم وتصعده لكم اسماء : ميهاف اصعدي لغرفتي .. انا رايحة اشوف عشانا وجايه ميهاف : أوك خذت شنطتها وصعدت لفوق .. وبنص الممر لغرفة اسماء وقفت عند المراية وتطلع من شنطتها القلوس تعيد عليه وتضبط كشختها ... بدر بغرفته حس بصوت برا .. فتح الباب بخفة وهو يدعي تكون هي ابتسم لما شافها هي فعلا كان فاتح ربع الباب بس عشان يشوفها وهي واقفة وتضبط شعرها وتغني بنعومة : ابي منه الغلا كله والشوق اللي مامله ..واذا هو طول بغيابه بشيل قشي وأرحل له . هنا ذاب بجد .. كلماتها جت بالجرح قال بهمس قاصد انها تسمعه : فداك الشوق والغلا كله .. فزت والتفتت بسرعة .. لكن كل الغرف مسكره مسكت قلبها من وين هالصوت قالت بهمس : احد هنا ؟ بدر بنفس الهمس : محد .. طالعت غرفة بدر .. الصوت من هنا حاولت تقرب لكن مسكت شنطتها وركضت لغرفة اسماء .. بعد فترة دخلت اسماء نطت لها ميهاف : اسسسوم .. فيه احد من اخوانك بالبيت ؟ اسماء : ايوه بدر .. ليه ؟ فتحت عيونها : مين ؟ اسماء : بدددرر ميهاف : متأكــــدة اسماء : من غيره يعني ؟ انس عند الجيران وفراس بأرض الله الواسعة... ليه خوفتيني ؟ ميهاف ( معقولة ..؟ وش يعني حركته ) : لا .. بس سمعت صوت وخفت ع بالي محد موجود اسماء : ايه اسفه نسيت اعلمك .. مدري شعنده اليوم جالس ..؟ بالعادة مايجي هنا الا ينام النهار كله ثم يطلع ميهاف قشعر جسمها وهي تتذكر همسه .. انقهرت شيحس به جالس يخوفني الوصخ ! اسماء : يله اختاري فلم نشغله ميهاف : لا اسوم مقدر .. بكلم السواق يجي يوديني اللحين اسماء : يووه .. لاتكفين اجلسي ميهاف : لا والله وراي امتحانات اسماء : تبغي بدر يوديك دام جالس ؟ ميهاف بسرعة : لا .. السواق قريب اساسا بيجي اللحين اسماء : اوك دقت على السواق بسرعة ياخذها ..وطلعت وهي مرتبكة لكن ماطولت اعتبرتها حركة سخيفة او يبي يخوفها بس *** هيثم كان ممتكأ على باب مؤسسة الاتصالات ويطالع الداخلين والطالعين .. وقف باعتدال وهو يشوف أحمد طالع وقرب لعنده ومد يده : السلام احمد عقد حواجبه وهو يسلم : وعليكم السلام .. مرحبا شلون اقدر اخدمك ؟ هيثم : تقدر تخدمني بأختي احمد فتح عيونه وابتسامة واسعه : هيثثثثم ؟ ابتسم هيثم : ايه .. يضحك الحال والله عيال عم ولا نعرف حتى اشكال بعض احمد : هانت بنعوضها الايام جايه .. حياك البيت تقهوى هيثم : لا خيرك سابق مايحتاج .. ابغاك بكم كلمة بس احمد باصرار : كم كلمة بنقولها على قهوة .. تعال هنا كافيه قريب بيعجبك هيثم هز راسه : تفضل بالكافيه :- احمد : وشخبار شغلك ؟ والله ماشاء الله عليك داخل طب .. اعرف كثيرين سنتين بالكثير وشردوا هيثم : ايه كثيرين كانو معي بأول سنة .. اللحين وصلت لسنة التخرج معاي ثنين منهم بس احمد : الله يوفقك .. بتتخرج هالسنة ؟ هيثم : ايه اخيرا .. عقب 9 سنين دراسة احمد : انا اربع سنين واحس كفاح .. الله يعينك هيثم : حمد الله مرت كانها سنتين ماحسينا فيها احمد : سمعت انك تهاوشت مع عماني ؟ هيثم : مو مهم .. انا جاي اكلمك عن أختي أحمد : مايحتاج هيثم طمن حالك ..غادة امانه برقبتي وانا قدها هيثم : بإذن الله .. بس برضو ماقطعت مشواري عشان كذا احمد : حيرتني .. شنو اجل ؟ هيثم شرب رشفه من فنجاله ثم طالع احمد بتمعن : موضوع أمي .. احمد : ايه ؟ هيثم نزل راسه : غاده ماتدري براسها أن امي ميته .. وابغى هالفكرة تضل براسها احمد فتح عيونه : يعني ماتدري أن .. قاطعه هيثم : لا ماتدري ! احمد : بس كل اهلنا يدرون .. مصيرها بتدري هيثم : وهنا تجي مهمتك .. عاشت غادة 18 سنة جمبي ماسمحت لها تدري واللحين جا دورك فهم الكل ممنوع يزل لسانهم بكلمة في هالموضوع احمد : وليش خبيتو عليها ؟ هيثم : لأن امها احقر من انها تعرفها .. تكون ميته بنظرها أحسن احمد مسك رقبته : والله مو عارف ايش بقولك ؟ هيثم : ماتقدر .؟ احمد : من ناحيتي ماراح ازل لساني .. بس مقدر اضمن لك العائلة كلها هيثم : اجمع عماني .. ونبه كل واحد ينبه اهله احمد هز راسه : ان شاء الله هيثم : اقدر اتطمن ؟ احمد : ايه هيثم تطمن .. ان شاء الله ماراح تعرف وقف هيثم : معناها انا استأذن احمد : وين بدري .؟ اجلس نتعشى سوا هيثم : لا مقدر طالع بالبريك ولازم ارجع احمد : في امان الله .. طلع هيثم .. واحمد جلس يطالع بقهوته متعجب ( معقـــولة ماتعرف ان امها حيه .. معقوله ماتعرف من هي بالضبط ؟) *** عطست غادة : حمد الله سارا : يرحمك الله .. غادة : ايه ايش كنتي تقولي ؟ سارا : اقولكن قهرني .. اقسم بالله ليومك هذا ادعي عليه كل ماسجدت ابتسام : هههههههههههه ياساتر غادة : معها حق .. يقهر ايش هذا ؟! سارا : جالس لي رجل على رجل وساكت .. لما قررو يقبلوني التفت ( كملت وهي تتهزا بطريقة كلامه ) لايكون انت المدير هنا !! متعجججرف يقهر ابتسام : غريبة رئيس اعمال كبير يبني قراره على موقف شخصي سارا : الله لايوفقه .. حيوان مايدري قد ايش كنت متأمله اشتغل هنا ابتسام : ماعليك منه .. اجلسي هنا واشتغلي عندنا وخل نشوفك على طول سارا : ولا يهمكم غادة : سارا شرايك تنامي عندنا اليوم ؟ سارا : لا صعبه مقدر ! ابتسام : كيف صعبه ؟ الفندق لاحقه تنامي فيه .. اجلسي وارتاحي وبالمره بكره اطلعي مع غادة للسوق غادة : اييه تكفين .. تخيلي ابتسام ماتطلع معاي ابد وانا محتاجه احد يشور علي سارا : خلاص احرجتوني بجلس ابتسام : الساعة المباركة .. خلينا ننبسط الليله ونسهر دق جوال سارا .. مسكت جوالها ثم غصت باللقمة بفمها لما شافت المتصل ابتسام جابت لها مويه وتضرب على ظهرها بخفه : بسم الله .. شفيك ؟ سارا شربت الكاس كله : بنااات ! شركة المتعجرف داقين علي غادة نطت : صدقق ؟ سارا : يمه ايش يبغى ؟! ابتسام : ردي واعرفي .. سحبت هوا الغرفة كله ثم ردت : الو .. : الو .. هذا رقم سارا والكر ؟ سارا : أيـوه : معليش صار خطأ تقريبا الاسبوع اللي فات وانرفض توظيفك ..؟ سارا : لا مو خطأ .. المدير بنفسه رفض : وهذا هو الخطأ .. وحنا حابين نصلحه سارا : كيف يعني ؟ : يعني انتي انقبلتي تشتغلي بشركتنا وتقدري تداومي من بكرة سارا بقهر : ايه بس ماراح ينفع .. انا مو بالكويت : راح نحجز لك على حساب الشركة الخاص كإعتذار على اللي صار .. سارا فهت الوضع جنوني صدق : خلاص تمام : راح نرسل لك معلومات حجزك ونحرص على استقبالك ومكان سكنك سكرت سارا السماعة والتفتت لابتسام وغادة المستمعات لها بحماس : شنو شصار ؟ سارا : مو مصدقة .. تخيلو يعتذرون على اللي صار وبيحجزون لي عشان ارجع واتوظف ابتسام : كيف يعني ؟ سارا : يعني انقبلت بالشركة !! ابتسام : الفف مبروك سارا : الوضع مو مطمن .. هو كارهني انا متأكده صار بينا كذا موقف وكل موقف اسوأ من الثاني ابتسام : انتي موهوبة سارا .. واكيد حس انه غلط ولا مين حاصله انتي تشتغلي عنده اصلن سارا : ان شاء الله كذا .. غادة : اللحين الشغل بالكويت .. مختلط صح ؟ سارا : ايه .. اذا الشغل بالسعودية احيان ماتفرق مختلط كيف بالكويت . غادة : والله فله سارا : احمدي ربك والله مو فله .. احيان تحرشات تسد النفس ابتسام : اهم شي انتبهي على حالك سارا .. راح تسكني لحالك ؟ سارا : لا برجع لصديقتي اللي كنت ساكنه معاها هناك غادة : افف ياحظظك سارا مسكت جوالها : بكلم هيثم اعلمه *** كانت اسماء متسندة على الجلسة بنافذتها وعيونها على النجوم .. طفشت لازم تقوم تدرس وراها امتحانات ولها من الصبح تتهرب جلست على مكتبها تحاول تاخذ لها كم معلومة تنفعها لكن مافيه امل خلاص النوم بعيونها .. سحبت درج مكتبها وطلعت صورته وهي تمسح باصبعها على ملامحه تنهدت بشوق .. اشتاقت له ماتخيلت بتشتاق لهالدرجة سندت راسها على المكتب والصورة قدامها وغفت وهي تتأمل ملامحـــه .. *** بالمول كانت غادة وسارا طالعات من محل جوالات وغادة مبسوطة اخيرا صار عندها جوال : يااي مبسوطة .. افف ليت كان عندي من أول كان اطلب رقمه سارا : هههههههههه خلاص مابقى الا اسبوع وتتزوجون مايحمل غادة : حبيبتي شكرا اليوم صدق انقذتيني .. ياليتك تجلسي هنا على طول تساعديني بالتجهيزات سارا : بصراحة ماسويت شي .. بس جالسة امشي معاك وانتي ماشاء الله مسنعه حالك غادة : اقل شي تعطيني ارائك ..ماقلتي لي متى طيارتك ؟ طالعت سارا الساعة : الساعة 7 .. مفروض امشي اللحين للمطار غادة : اوديك بالطريق معاي ..؟ سارا : لا هيثم بيوصلني .. متواعدين نتقابل هنا غادة بقهر : صدق ؟ سارا : إيوه اجلسي انتي يوصلك اخوك دام جاي جاي غادة : لا لا مافيه داعي .. ماراح اعرف كيف اتكلم معه وبيصير الجو بايخ سارا : لا تخافي بساعدك غادة : لا بعدين بتتصلح الامور ان شاء الله ..انا اجل طالعة اللحين الله يوفقك بشغلك وترا ماراح اعذرك لازم تجي تحضري زواجي سارا : ههههههههه طبعا ولا يهمك طلعت غادة وجلست سارا على المقاعد الجانبية حتى جا هيثم بعد فترة وقفت : تأخرت هيثم : كويس فيني جيت .. يله مشينا سارا : يله هيثم تلفت يمين وشمال : وين غادة ؟ سارا : طلعت قبل شوي هيثم : اها سارا : خف عليها شوي المسكينة تبغى تصلح الموضوع مو عارفه هيثم تنهد : لا تفهميني غلط انا مو معارض زواجها خصوصا بعد قابلت احمد وشكله رجال .. بس طريقتها بالكلام معي هذي ماراح افوتها لها سارا : صغيره وطايشة .. تجلس تحاسبها ؟ هيثم : هي طردتني طردة صريحة من موضوع زواجها .. وحتى ماحاولت تعتذر .. لا هالكلام مو عندي خل تتأدب اول ثم نتفاهم ركبو السيارة وبنص الطريق قال هيثم : سارا انتي متأكدة من الوظيفة ؟ سارا : كيف يعني ؟ هيثم : يعني متأكدة انهم بيوظفوك .. مو حركة رخيصه يعني او مقلب سارا : معقولة مقلب هيثم هز كتوفه : توقعي كلش .. مفروض متأكدة قبل تروحي ويصير زي آخر مره سارا : لا ان شاء الله خير .. وبعدين شركتهم معروفة ولو بيسوو غلط كبير كذا بيكون فضيحه لهم هيثم : ان شاء الله سارا : ليت اخته لسى مريضه عندك .. عشان لو يطلع مقلب تقتلها لي مباشرة هيثم : هههههههههه ماراح اقتل لك اخته بقتل لك بنت عمه سارا : على راسك بنت عمها هذي هيثم اشر لحلقه : واقفففه هناا .. الله يلعنها ما أغثها سارا : والله العائلة كلها غثيثة الله لايبلانا هيثم وقف عند المطار : يله السوري .. تمنيت اوقف معك لحد تركبي بس مضطر ارجع .. انتبهي على حالك وحاكيني بس توصلين سارا : ان شاء الله .. وانت صلح امورك مع اختك حرام محتاجتك هيثم : يصير خير .. *** رجعت ميهاف من الجامعة وفكت عبايتها ورمتها على الكنب وجلست : افف التعب احسني مكسرة ام نايف : اطلعي بدلي ثم انزلي تغدي ميهاف : لا ماما شكرا شبعانه .. بنام على طول وترا اسوم بتجي عصر ام نايف ابتسمت بفرحة : صدق ؟ ميهاف : ايه .. شفيها يعني ؟ نايف : ماتشبعون من بعض أنتو تو شايفات بعض امس واليوم بالجامعة ميهاف : وانت نفس الحكي .. مو لازم تقابل بدر كل يوم حتى اذا سافر سافرت معه نايف كشر : نظلتينا .. امس ماشفناه ميهاف : غريبه .. لا اكيد صاير شي بالدنيا نايف : مشغول مع أهله امس ماقدر ميهاف تذكرت همسه قشعر جسمها من جديد .. خذت عبايتها وشنطتها وصعدت وهي تفكر يعني يقولهم عنده شغل مع اهله وهو امس جالس بغرفته ماشفته حتى جالس مع امه .. شصاير عليه بدر ..؟ *** اول ماوصلت للكويت ماتطمنت تجلس .. لازم تروح للشركة على طول وتتأكد من عرضهم الموضوع فعلا مايطمن على ان الوقت كان متأخر والساعة 10 بس لازم تظمن حالها دخلت الشركة وتوجهت للاستقبال : المدير موجود ؟ : لا والله مو موجود سارا : طيب انا محتاجة اتكلم مع جهه مختصة بالتوظيف اجرى مكالمة وعقبها التفت لها : تفضلي استريحي شوي بعد فترة جا مصعب من بعيد وهي تعرفه من تسجيلها الاول : اهلين استاذ مصعب مصعب : هلا والله .. كيف حالك ؟ سارا : حمد الله تمام .. انا جتني مكالمة امس بخصوص غلط في القبول المره اللي فاتت مصعب : هالكلام صحيح ..انتي مقبولة وتقدري تشتغلي سارا : مصعب انت كنت موجود ..المدير بنفسه رفض يوظفني شصاير يعني ؟ مصعب : انسي اللي صار .. وركزي على انك مقبولة وبتشتغلي معانا سارا : اسفه مصعب .. مو قادرة اصدق الا لحد ما اسمع هالكلام من المدير نفسه مصعب : طيب مو موجود سارا : مو مشكلة كلمه وخذ لي معاه موعد بكرة دق مصعب على لؤي : السلام عليكم لؤي : اهلين مصعب وعليكم السلام .. غريبه داق بهالوقت فيه شي ؟ مصعب : أيه .. الموظفة سارا والكر موجودة اللحين ورافضه تصدق انها توظفت لحد مايأكد لها المدير بنفسه فأخذت لها معاك موعد بكره صباح لؤي : هي اللحين موجودة ؟ مصعب : ايوه لؤي وقف بسرعة وسحب مفاتيحه وجاكيته والسماعة باذنه : لا تتركها تروح انا بالطريق جاي مصعب : اللحين اللحين ؟ لؤي : ايوه .. نص ساعة وبكون عندك سكر مصعب السماعة : المدير جاي الحين سارا استغربت صدق .. يعني كمان بيجي هالمشوار عشانها وعادي ما يعارض فيه شي غريب : اوك نجلس ننتظر بعد نص ساعة بالضبط .. دخل لؤي مكتب مصعب : السلام مصعب وقف : انا طالع .. تفضل طلع مصعب وجلس لؤي مكانه .. فتحت سارا عيونها : انت !! لؤي ابتسم : هههههههههه ايوه .. وانتي استبيان اللقاء سارا : كيف يعني .؟ انت مو مدير الشركة شتسوي هنا لؤي : معك لؤي عبد الرحمن الشمري .. سكرتير المدير ونائبه فترة غيابه سارا : ههههههه يالله على الصدف شلون .. انا سارا اهلين لؤي : من جد .. لما شفت ملفك ماصدقت فما حبيت اترك هالصدفه تمر سارا : يعني .. قرار التوظيف منك انت مو من المدير بنفسه ؟ لؤي : انا المدير حاليا لحد مايجي .. فيعتبر قرار من المدير وعليه ختمه سارا : ايه بس .. لؤي قاطعها : مافيه بس .. انتي موهوبة ودراستك كبيرة وماتتفوت وانا قررت تتوظفي بقسم الترجمة سارا : شكرا كثير .. بس من جد انا مو حابه اشتغل اذا القرار مو من المدير لؤي : كأني طايح من عينك ؟ ايش لي ساعة اقول .. انا المدير الحالي سارا : الحالي .. بس مصير المدير الحقيقي يرجع لؤي : وقتها على مسؤوليتي سارا تنهدت : أنت ماتعرف إيش صار بيني وبين ولد عمك .. مواقف برا الشركة وكلها مواقف سيئة فمستحيل يوظفني لؤي : يعني إنتي جيتي كل هالمشوار من السعودية للكويت عشان تتأكدي من المدير وبس ؟ سارا بخيبة : على أمل يكون تراجع عن قراره لؤي : افهم من كذا انك رفضتي الوظيفة ؟ سارا : أترك لي يومين أفكر .. وبقرر لؤي حاس بفمه ما أعجبه الكلام .. لكن قال : اوك يومين ماغيرها سارا : ان شاء الله لؤي ابتسم : اتمنى من كل قلبي أنك توافقين .. وصدقيني ماحتندمين سارا هزت راسها ووقفت بتطلع .. لؤي : وين ؟ سارا : البيت لؤي وقف : لا انا راح اوصلك بطريقي سارا : لا مافيه داعي .. بروح بنفسي لؤي : مو كافي طالع من بيتي خصيص عشانك .. كمان راح ترفضي عرضي سارا باستسلام : هههههه اوك بس ماراح ادفع سعر التوصيلة لؤي : انا ادفعها عنك ولا يهمك .. شرفي وصلها لؤي وطول الطريق يكلمها عن طبيعة الشغل .. وعروض مغريه بالشغل .. وهي مو مصدقه إن هذا ولد عم فراس خلق وفرق بجد .. قشعر جسمها على طاري فراس ماتتخيل ردت فعله لو يدخل الشركة ويحصلها تشتغل قدامه .. ومن خبرتها فيه انه وقح لدرجة ماتفرق معاه لو يفشلها قدام الناس او يطردها مباشرة .. *** صحت ميهاف من النوم على المنبه .. عشان تتجهز لأن اسماء بتجي... فستان برتقالي بكم ياباني مع حزام تحت الصدر لنص الساق .. وشعرها الاشقر مسكته كبه من قدام وتركت الباقي مفتوح بطبيعته الجعده مع قلوس وكحل وماسكرا ابتسمت لنفسها قدام المراية : ياناس اجنن نزلت بسرعة للمطبخ واشرفت على التجهيزات وحطتها على الطاولة .. ثم طالعت ساعتها : اسوم هذي اذا ما تأخرت يوم مااتعتبر اسوم ام نايف : وانتي مستعجلة ليش حطيتي القهوة .. اصبري لين تجي أبو نايف : والله ياحليلها هالبنت اللي بتجي عقب سواة لؤي .. كبرت بعيني بنت اخوي ميهاف ( والله هالسالفة ماخذه منحدر خطأ ) مسكت جوالها ودقت جاها صوت اسماء النايم : هممم ميهاف صرخت فيها : لاااااا واللله !! احلفي ياشيخة اسماء : شنو ..؟ ميهاف : خلك بالنوم ياروح امك .. وين اللي بتجي اليوم عصر بدري اسماء وهي للحين نص نايمة : اوه ميهاف .. يله جايه جايه ميهاف : لا تجين ! وسكرت السماعة وصرخت بقهر : تققققهر ابو نايف : بسم الله شفيك ؟ ميهاف : حضرتها نايمه وانا صاحية من بدري اجهز واحوس ام نايف : حصل خير .. بتجي عاد؟ ميهاف : مدري عنها !! ابو نايف : هههههههههههههههههههههههه ياحليلكن يابنات .. يله انا طالع تامرين شي يام نايف ام نايف : سلامتك طلع أبو نايف وميهاف للحين جالسة ومبوزة واسماء تدق عليها ماترد .. عقب ساعة طق الجرس : مفروض ما أفتح لها ! ام نايف : متأكدة انها هي ..؟ ميهاف : اكيد من غيرها بيجي اليوم فتحت ميهاف الباب .. ووقفت متكتفه وتطالع اسماء من فوق لتحت : خير .. وش جابك ؟ اسماء وبيدها باقة ورد حمرا مغريه : ميهااف حبيبتي .. شاسوي والله قايله لامي تصحيني ونست ميهاف : مش مشكلتي .. اسماء : يله مو حلو شكلك مبوزة ميهاف : اقول ادخلي بس خل نتقهوى هالقهوة اللي بردت اسماء مدت لها الباقة .... ميهاف : ههههههههه والله وتعرفين تعتذرين حضرتك اسماء : والله ياليت .. بس مو مني هذي من بدر اخوي يقول على آخر مره ميهاف فتحت عيونها : هااه اسماء بنظرات ملتوية : وش صاااير آخر مره .؟ ماعطيتيني خبر ميهاف : ماصار شي والله خلاص اسماء : على كيفك تعااالي علميني !!! ميهاف وهي معصبة بجد : حلي عن جوي .. تبغي اسامحك خلاص اسكتي اسماء : اف خلاص سكتنا ميهاف وهي تطالع الورود : ادخلي مع ماما بالصالة بحط الورد وبجي اسماء : اوك .. دخلت ميهاف المطبخ : بعد يعرف يعتذر .. طلعت باقة وحطت الورد فيها اثناء ماهي تحطها طاح من الباقة ظرف .. رفعته مكتوب بخط رايق ( اعتذر عن آخر مره ماقصدت اخوفك .. بس حلو شكلك وانتي خايفه ) |
رد: انتماءات كاذبة
قرآءة ممتعة .. انتظر رآيكم اللي يهمني |
رد: انتماءات كاذبة
متمللة
فين الفصل منتظرينك |
رد: انتماءات كاذبة
" البارت الخامس "
بوسط الغرفة البسيطة .. كلش محيوس وغادة جالسة ترتب شناطها وتضب غراضها دخلت ابتسام : غدو الغدا جاهز غادة : جايه جايه .. بس بخلص هالشنطة ابتسام ابتسمت : خلاص ثلاث ايام و بتفارقينا ؟ غادة : مين قال ..؟ بيضل بيتي وبزوركم على طول ابتسام : طبعا . المهم لاحقه على الشناط تعالي تغدي وبعدين كملي سكرت غادة الشنطة بإحكام وراحت لغرفة ابوها وجلست تتغدا : ااا جويعععاااااااه ابو هيثم : تعالي تغدي يابوك .. لك فتره ماتاكلين كويس غادة : ريجيم بابا .. ولا اروح لزوجي دبه يعني ابتسام : تنحفي اكثر من كذا وعع .. والله نحفك يخوف غادة : غيرااانه ! أبو هيثم : لا والله الحق ينقال ابتسام ازين منك .. جسم معتدل مب انتي غادة بقهر : بااابااا !! ابتسام : ههههههههه بعد عمري أبوي جعلني ما اخلا غادة : مايهم .. اهم شي احمد عاجبه ابتسام فتحت عيونها ونغزتها : استحي قدام ابوي غادة : ماقلت شي غلط ! ابتسام مسكت راسها : اغسل يدي رسمي منك غادة خلصت صحن سلطتها ووقفت : اقول حمد الله شبعت .. اكرمكم الله ابتسام : ويين تعالي غسلي معاي المواعين غادة : مقدر لازم احافظ على نعومة يدي .. بعد غيري يسوون عناية عرايس كامله وانا مالت ابتسام : اقلبي وجهك .. صدق مامنك فايده *** في صالة رياضية كبيرة مليئة بانواع الآلات ..وانواعج الاجسام الرشيقات والبدينات .. زادت سرعة جهاز المشي وهي تركض وانفاسها تتسارع لحد ماحست انها بتنقطع وقفت الآلة ونزلت وهي تشرب الموية .. جتها المدربة : ليش وقفتي ..؟ تركيزك مو تمام اليوم ياميهاف ميهاف : معليش ديانا شوي مصدعة ديانا : ماينفع لازم يكون عقلك صافي ميهاف : انا طالعه اسوي لي مساج ديانا : راح تجي بكرة .؟ ميهاف : اكيد دخلت غرفة تبديل الملابس وهي ماسكه رقبتها تحس فيها كمية توتر كبيرة .. بدلت ملابسها وعبايتها وطلعت من النادي مع السواق وهي للحين تفكيرها بحركات بدر .. يوتر فعلا تاففت لازم تتجاهله وتنسى الموضوع من اساسه لسى بتفكير انها بتنسى وصلت البيت وكان سيارته واقفه قدام الباب .. اكيد ينتظر نايف نزلت وضربت الجرس سمعت ينزل النافذة ويصوت لها : ميــن ...؟ بنت الجيران ميهاف دون تلتفت : ايه ام فواز بدر ( ههههه ام فواز اجل .. ع بالك ماراح اعرفك ) : اوه ام فواز عرفتك والله الوالدة تعزك .. كيف حالك خاله .؟ ميهاف ( خاله بعينك ! ) : الله يستر عليك ياولد .. ليش تتكلم معي ؟ بدر : نتكلم عادي ياخاله وش صار دام كلنا ملطوعين عند الباب .. ليش جايه ياخاله .؟ زيارة عاديه ولا ناويه تخطبين ميهاف فتحت عيونها وش ذاه يهذري يقول .. بدر : بنتهم ما شاء الله حلوه وخطابها واجد .. خاف انك وحده منهم ميهاف ( ااا يقققهر .. والباب ساعة عشان يفتحون ) ... الفرج انفتح الباب تو بتدخل رجع يتكلم : معليش خاله تبطلون الخطبه خاطري فيها ميهاف التفتت له .. وتو بتتكلم جا نايف طالع من البيت : هلا ميهاف .. جيتي ؟ ميهاف ( ليش تققول اسمي !! ) : هاه ايوه .. نايف : يله اانا طالع بدر يحتريني برا لطعته هزت ميهاف راسها بفهاوة .. طلع نايف وبدر يلعنه بداخله .. وش جابك تو التفتت ابي اضيع بهالعيون اكثر ..اما ميهاف دخلت وهي بحيرة من جد معقولة صدق يكون بدر ناوي يخطبها ؟ ماكملت تفكير دقت على اسماء : هااالو ميهاف : كيفك اسماء ؟ اسماء : طفشانة من الامتحاانات وطفشانة من التجبيرة وطفشانة من كلش ميهاف : والله قلت لك تسجلي معاي بالنادي والله تسلية اسماء بملل : اقولك رجلي مكسورة تقولين نادي ! هبله انتي ؟؟ ميهاف : اقول اسماء اسماء : هلا ميهاف : سمعت .. بس سمعت كلام ان اخوك بدر ناوي يخطب اسماء : هاه ! من وين سمعتي ؟ ميهاف : صدق يعني .. ؟ اسماء ببساطة : لا مو صدق .. من اشتهر ومليون الف شائعة تنزل عنه فطنشي ميهاف : اها .. يعني ما براسكم وحده تخطبونها له اسماء : من جدك ميهاف ..؟ نزوج بدر وفراس لسى ميهاف : هههههه معك حق .. صدق اني غبية اسماء : وش تسوين اللحين ؟ ميهاف : لسى رجعت من النادي وابغى اتسبح .. اكلمك بعدين اسماء : اوكيه . نعيما مقدما *** في الكويــــت .. بمجموعة آلشمري : - لؤي جالس بمكتبه بملل يوقع القرارات وتو طلع من اجتماع متعب رن جواله " فراس " رد : هلا والله فراس : كيف الأحوال ؟ لؤي : ابد كلش تمام .. تو وقعت صفقة مع الشركة الجديده .. وخلصنا اجتماع فرع الجنوب فراس برضا : تمام تمام لؤي : وانت كيفك مع تركيا والمزز ؟ فراس : والله حتى ماصارت فرصة اتمشى .. في اجتماعات من جينا لؤي : اذا خلص شغلك اجلس يوم سياحة فراس : طبعا... خصوصا ان عندي سكرتير اعتمد عليه لؤي : افا عليك ..( انتبه لسارا من نافذة مكتبه تدخل الشركة ) فراس احاكيك بعدين مضطر اسكر سكرها ونزل لتحت حتى استقبلها بالردهه : هلا والله .. جيتي ؟ سارا : هلا فيك مدير.. لؤي : ايش هذي مدير ؟ قولي لؤي ابسط واحلى سارا : اوك .. عموما مدير ما ابغى اطول بالكلام جايه اقولك اني ارفض العرض انا بجد مو ناقصة مشاكل لؤي قبل يتكلم رن جواله .. طالع المتصل بضيق ابتسمت سارا : اتركك تشوف مكالمتك قبل تروح بطريقها مسك لؤي يدها وبيده الثانية رد على الجوال وهو يطالعها : استني لؤي : ايوه نايف : هلا لؤي .. شخبار الكويت ؟ لؤي : تمام .. نايف فيه شي ضروري ولا اكلمك بعدين نايف : ايه فيه ! .. ابغى فلوس لؤي : اللحين ؟ نايف : ياليت .. لاني قدام السوق لؤي : اصبر نص ساعة .. يله باي سكرها .. وسارا سحبت يدها على طول : لا تحاول انا قررت وماراح اتراجع لؤي ابتسم ابتسامته السمحه : ماراح امنعك .. ولا راح احاول اقنعك .. بس ممكن خدمة ؟ سارا : شنو ؟ لؤي : انا عندي اليوم مقابلة مهمة مع شركة هولنديه .. ومو محصلين مترجم فياليت تساعديني اليوم وبدفعها لك ( كمل بتوضيح ) كخدمة مستقله طبعا سارا هزت راسها : اوك مو مشكلة .. متى بالضبط ؟ لؤي : الساعة 9 سارا : خلاص تمام اجل لؤي : اشوفك سارا : باي *** أم فراس جالسة بالصالة وأنس قدامها واقف ومكشر : ليه يعني ؟ أم فراس : عشانك مادرست .. والله والله يا أنس لو ترسب ان امحطك واعلم فراس أنس بصراخ : بدرس ساعتين ثم بطلع !! أم فراس : الله وكيلك .. ادرس ثم انقلع انفتح الباب ودخل بدر والمفتاح بيده يلعب به ويصفر : هاي ام فراس : وعليكم السلام جلس بدر جمبها مبتسم : كيفك يمه ؟ ام فراس : وش عندك . ؟ جاي البيت بدري وتسأل بدر : ابي اشاورك بشي أم فراس : شاورني بدر بارتباك : هممم .. يمه تذكري قبل فترة لما اقترحتي علي اتزوج ميهاف ام فراس باحباط : ايه .. وقلت سنفوره وماتعجبك بدر ابتسم : غيرت رآيي ام فراس فتحت عيونها : وشهو !! شلون يعني ؟ بدر : شفيك خرعتيني .. عادي بتزوجها يعني ام فراس ابتسمت بفرح .. لكن اختفت ابتسامتها بسرعة وبنظرات شك طالعته : بدر ! تراي اعرفك لايكون خاطبها عشان تنتقم من لؤي بدر بمزح : والله فكرة مب شينه ام فراس : بديران ! بدر : إنا لله .. وش بديران هذي ماحبها .. ولا ماني منتقم انا خاطري بالبنت من جد أم فراس : ان شاء الله يمه .. بس مو اللحين بدر عقد حواجبه : شلون يعني ؟ ام فراس : تو خطبة لؤي متكنسله .. وللحين امورنا مو تمام وفيه توتر خل الموضوع هذا ينسى ثم بخطبها لك بدر : يمه الله يهداك .. وش دخل هذي في هذي ؟ ام فراس : وانتظر لين يرجع اخوك .. ولا بتروح تخطبها لحالك بدر : خلي الخطبة الرسمية على جنب .. اقل شي كلمي امها أم فراس : قلت لك بعدين .. انا للحين مو قادرة اكلم زوجة عمك طبيعي عقب اسماء بدر وقف بقهر : اللي تشوفينه ومشى طالع لبرا قاطعته ام فراس : لوين رايح ..؟ الوقت متاخر جاوبها صوت الباب يتسكر بقوه .. هزت ام فراس راسها .. هي اكثر وحده تبغى ميهاف لكن الظروف جت عكسيه .. مسكت جوالها ودقت على فراس : سلام ام فراس : هلا يمه شخبارك ؟ فراس : حمد الله .. انتي شخبارك ؟ وشخبار اخواني ؟ ام فراس : حمد الله طيبين .. ماشتقت لنا يمه ؟ متى ناوي ترجع من الكويت ؟ طولت كثير هالمره فراس : انا باسطنبول حاليا ومقدر ارجع .. ليش فيه شي ضروري ؟ ام فراس ابتسمت : تخيل وش صار من شوي ؟ فراس : وش ؟ ام فراس : بدر يبي يتزوج فراس بسخرية : لقى الحرمه الاسطورية اللي تليق بشيفته ام فراس : ايه بنت عمك فراس ببرود : ميهاف ؟ ام فراس : ايييه .. والله هالبنت تمنيتها قبل لك بس حمد الله ماضاعت بدر بياخذها فراس : شالسالفة هالاسبوع الا غصب تخلقون زواج يعني ام فراس : ايه كلكم ماعدتو صغار .. وكل واحد منكم خالق لنا هم فراس : والله زوجي بدر واسماء وانس لو تبغي .. بس انا اتركيني على جمب ام فراس : بيهديك الله فراس : هاديني دون بنت ابليس جمبي ام فراس : اعوذ بالله .. وش هالحكي ؟ فراس : هذا الحق .. عموما قولي لبدر اذا يبغى يتزوج يمسك فرع الغربيه ويطلع المهر لاني ماراح اعطيه ولا ريال ام فراس : انت تعرفه مستحيل يشتغل .. وعنده شغله ومكفيه على كلامه فراس : شغل بنات شوارع .. والله لو انا عمي ما أزوجه لو يموت ام فراس : اللحين انا مكلمتك ابشرك .. قلبتها مواضيع تضيق خلقي فراس تنهد : سلامتك يمه .. بس انا ارفع يدي ولا ياخذ ولا ريال من المجموعة اللي ضيعت عمري اشتغل فيها وهو يسربت ام فراس : بكلمه وبشوف ..انتبه على نفسك ولاتطول ارجع فراس : ان شاء الله .. مع السلامه *** الكويـــت / كانت سارا واقفه قدام المطعم اللي بيحصل فيه الإجتماع .. تنتظر وصول لؤي ببنطال جنز ضيق وبلوزة بيضا فوقها جاكيت رسمي وشعرها البني الداكن مموج بطبيعته وصندل اسود .. بعد فترة وصل لؤي بسيارته ونزل بطله رسمية جنز وجاكيت رسمي ووجهه البشوش المعتاد : تأخرت عليك هزت كتوفها : يعني لؤي : كيف قدرتي تجي بدري بهالزحمه ؟ سارا : جايه مشي لؤي : اجل بيتكم قريب ؟ سارا : تقريبا لؤي : عموما تفضلي دخلو غرفة الإجتماعات , ومر الإجتماع بسلام ..ولؤي منذهل بلغتها كأنها لغتها الأم غير كذا جمالها أوروبي .. وش اللي يخلي فراس يرفضها ..؟! بعد انتهاء الإجتماع وبدو ياكلون طبق العشاء .. التفت لها لؤي وبصوته الهادي : ليش ماتاكلي ؟ سارا ابتسمت : لا شكرا .. شبعانه لؤي قرب الصحن لها : مصر .. تعبتي طول الإجتماع جاهم صوت باللغه الهولندية يضحك " هههههه هل أنتما احباء ؟ " سارا حمرت وقالت بسرعه : لا لا .. لقد اسأت الفهم هو فقط رئيسي بالعمل استغرب لؤي تلون وجهها .. طالعها : وشهو يقول ؟ سارا ماتت .. قالت تصرف : يسألني ليش ما آكل لؤي : شفتي حتى هوا لاحظ , اكلي يله سارا نزلت راسها وكلت بصمت .. ولؤي مسترسل يسولف وهي تترجم بهدوء بعد انتهاء العشاء وخروج الضيوف التفت لها لؤي : فين تعلمتي الهولنديه .؟ سارا : بمعهد قريب من بيتنا زمان .. قضيت فيه الصيفية لؤي رفع حواجبه باعجاب : بصراحة انتي مذهله .. ومبدعه وخساره لشركتنا انك مو فيها سارا : احرجتني من جد .. بس صدقني هي خساره لي قبل تكون خساره لكم لؤي : أجل ايش الداعي نخسر ؟ اقبلي العرض ونشتغل سوا سارا : أنت مو فاهم .. رئيس المجموعة صار بينا اكثر من موقف مستحيل يقبلني عقبها لؤي تنهد : وش هالمواقف ..؟ أنا متأكد انك تبالغي سارا :هو فعلا المواقف مو كبيرة مره .. بس هو عصب كثير منها وبسببها ماقبلني لؤي : مو قلت لك موضوع فراس عندي سارا طالعت الارض بصمت ... استرسل لؤي : عموما انا مابي اضغط عليك واعملي اللي يريحك بس رجاء اذا غيرتي رايك تعرفي فين تحصلينا هزت راسها دون ترد .. لؤي بطريقه لسيارته : اوصلك بطريقي ؟ سارا : لا راح اوصل لحالي لؤي : انتبهي على حالك سارا : وأنت كمان مشت بطريقها للبيت وهي تحس بضياع .. ليش قطعتي مشوار للكويت اذا ناويه ترفضي العرض ؟ ولا كنتي متأمله ان هالقاسي فراس يوافق ويندم .. ولما شفتي اللطيف لؤي صرتي تبي تشوفي قيمتك واهميتك وتتغلي .. غبية صدق مفروض قبلت العرض وخلاص .. ! *** اليوم التآلي .. صباح :- دخل لؤي الشركة .. قابله مصعب : عندك ضيف بمكتبك ؟ لؤي : مين ؟ مصعب ابتسم : سارا والكر لؤي مسك ذراع مصعب ونطق بشغف: امانه ! مصعب : هههههههه ايه .. جايه تسأل عن الشغل لؤي سارع بخطواته لمكتبه ودخل : وش هالزياره الحلوه ؟ سارا : تسلم .. أنت قلت اذا بغيت اشتغل اعرف فين احصلك عشان كذا جيت لؤي : فرحتيني كثير .. وصدقيني شغلنا مريح ومكسب بالوقت نفسه سارا : مايهمني مريح ولا ابغى شغل مريح .. ابغى شغل يستغل قدراتي ومواهبي لؤي : هذي هي الروح المطلوبة .. قبل نتناقش تفاصيل الشغل ايش تشربي ؟ سارا : قهوة سوداء ضغط على التلفون وطلب لهم قهوة .. وناقشها بتفاصيل شغلها وهو متفائل بانضمامها لشركتهم .. *** الامتحانات .. حاجه مزعجة لكل شخص وتصيب بإحباط .. سكرت الكتاب بطفش وهي تهز برجلها الكرسي لآخر الغرفه لاولها .. مافيه امل قامت ونزلت لتحت حصلت أمها جالسة بضيق .. جلست جمبها بقلق : ماما ايش فيك ؟ ام فراس تنهدت بضيق .. اسماء خافت اكثر: سلامات .. صاير شي ؟ ام فراس : بدر من أمس ماجا البيت اسماء : مسافر ؟ ام فراس : على خبري لا .. بس اكيد زعلان اسماء : ومن ايش ؟ ام فراس : طلب مني حاجه وانا رفضتها .. عشان كذا اكيد زعلان اسماء : ايش هاللي طلبه ؟ غريبه عليك ترفضي طلب لدلوعة البيت بدر ام فراس : مارفضت بس اجلته شوي اسماء : حمستيني ماما .. وش يبغى حضرته ؟ ام فراس : لا مقدر اقولك .. انتي لسانك مفلوت اسماء : ماما .. حرام عليك والله ما أقول ام فراس : لا تحلفين ولا توجعين راسي ماراح اقول .. دقي عليه شوفي يرد عليك دقت اسماء على جواله لكن مافيه رد .. طالعت امها : مايرد ام فراس بهم : وينه يعني ؟ اسماء : شفيك ماما ؟ حتى لو زعلان ترا رجال يقدر يدبر حاله ام فراس : ان شاء الله عــــــند بدر / بمنتجع خاص في بدر ونايف .. وجمعات ربعهم بمعنى استراحة بمصطلح ارقى المكان مليان اللي جالسين يلعبو بلاي ستيشن واللي على البلياردو .. واللي على فلم والموسيقى راجه المكان هو كان مرخي جسمه على الكنبه .. جا نايف بعد ماخلص لعب وجلس جمبه : شفيك متكدر ؟ بدر : قرفان من حالي .. قرفان من كلش نايف : الله يلعنك يانكدي .. احد ينقرف وهو بهالنعيم بدر بهم : ليش مقدر آخذ الشي اللي نفسي فيه .. احس حالي معدم نايف طالعه باستسخاف : طول عمرك تاخذ اللي تبغاه .. ولما ماقدرت تاخذ حاجه صرت مسكين ؟ بدر : ماتعرف وش هالشي فلا تسوي حالك فاهم نايف هز راسه : اجل شاقول انا ..؟ لي شهرين معدم من جد وماصرت مثلك بدر : لازم اصير مثلك يعني ؟ حنا نختلف واللي يزعلني غير عن اللي يزعلك نايف : طيب ايش هالشي ؟ بدر تنهد بصمت : .. نايف وقف : بكيفك خلك منغمس بهمك .. ( رفع صوته ) مسعود وينك تعال تلعب لعبه ؟ اما بدر جلس يفكر كيف يحلها ... دق جواله " أسوم " رمى الجوال دون يرد .. ووقف طالع وبطريقه لبرا الصالة التجمعيه فصل سلك الموسيقى ...الكل طالع جهته وهو يكمل طريقه طالع ومحد يقدر يتكلم او حتى يرجع يشبك السلك لانه بيعتبرها تحدي على طول ومحد يتحدى بدر في عرينه .. نايف طالعه بصمت وهو فاهم ان بدر بهالنفسية لازم يترك بحاله وماتجي حتى ذبانه بوجهه لأنه بيحرقها ورجع يشبك السلك وما كأن شي صار : يله شباب كملو سهره اما بدر من الأنانيه اللي بداخله .. منقهر انهم مبسوطين وهو مهموم مايبغى احد ينبسط وهو بهالحال .. المفروض يقيمون حداد على شرف همه ؟ ... حتى أنه من العجيب تعلقه بميهاف بهالشكل ...؟ لحد يفهم غلط هو مايحبها هو يحب جمالها .. وفيه انانيه ان هالجمال يتمتع به احد غيره .. والهم المبالغ بسبب كلمة " لا " ألي ماعمره تعامل معها ولا يعرف قوانينها ..الله يعينك على حالك يابدر *** الوقت العصــر / ابتسام طلعت للحوش تبغى تكلم دون احد يسمعها .. جاها الرد : ايوه بسومه ابتسام : هلا هيثم .. كيفك ؟ هيثم تنهد : عايش .. شخبار غاده ؟ ابتسام : اليوم دخلتها هيثم : عارف ابتسام : هيثم مايصير ماتجي .. لازم تاخذها انت له مو حلوه يوديها السواق للفندق هيثم : ليش ابتسام ماتعرفين اخوك ؟ يعني معقوله باتركها تروح كذا ابتسام : ريحتني ... ( تغير صوتها للهم ) أقول هيثم مفروض تكلم احمد عن موضوع أمي .. هيثم : كلمته .. وطمني انه ماحيصير شي ابتسام ارتاحت من جد تحس جبال انزاحت من صدرها : الله يريحك هيثم : ويريحك .. خليك معاها اليوم ابتسام وانا جاي بعد صلاة العشاء ابتسام : ان شاء الله رجعت ابتسام لغادة تساعدها بشعرها ومكياجها .. قالت ابتسام وهي تسرح شعر غادة: مادريتي اذا بتسافرون او لا ؟ غادة : لا والله .. هو حنا صار بينا تواصل بعد العزيمة عشان اعرف .. حتى عمي جاحدني ابتسام : عموما شناطك جاهزه اذا بتسافرو غادة : ايوه .. بس مو كأنه غريبه الدخله اليوم والزواج بكره ابتسام : لا مو غريبة .. بعائلتنا هذا النظام من عرفتهم غادة : اها ... يوه ياابتسام احس اطرافي باردة من الخوف ابتسام ابتسمت : لا تخافي وتطمني .. صيري قوية غادة وبما انك بتسكني في بيت عمي ابيهم مايعرفون يغلطونك غادة : والله مو حابه اسكن في بيت عمي .. وش فيها يعني لو نسكن لحالنا ؟ ابتسام : ايوه ! تو اقولك صيري سنعه .. لا تقولي هالكلام على لسانك بتخليهم كلهم يحتقرونك واولهم احمد غادة : ماحقوله .. بس بجد قهر ابتسام : مو قهر ولا شي .. بالعكس تتسلي وماتجلسي لحالك اذا هو طلع غادة : إبتسام .. ابتسام : ايوه غادة : تكفين تعالي معاي الفندق .. بس وصليني وخلاص ارجعي ابتسام : تكلمنا قبل كذا غادة .. ماراح اقدر اجي غادة والعبره خانقتها : احسني لحالي بأهم يوم بعمري ابتسام : منتي لحالك .. مخبيه لك مفاجأه غادة وقفت بزعل: شكرا مابغى شي وراحت تضبط مكياجها .. وتجهز فستانها بعد حوسة اللبس والمكياج خلصت اخيرا فستـان ابيض بسيط .. حتى انه مب مخصص للعرايس .. كم ياباني مع قصة بسيطة جدا من الخصر ومسويوب بشكل عادي طويل مع حنا لنص ذراعها.. وشعرها رافعته بتسريحة أنيقه بسيطه .. كانت كطلة عروس بسيطة جدا .. لكن طلعت جميلة بقوه بفضل جمالها الرباني ذقنها الدقيق .. مع ملامحها الدقيقه المرسومة كانت جميلة بجد .. واللي مثلها مايحتاج يتكلف مع مكياج روج أحمر دموي .. مع تسريحة الثمانينات كأنها من عصر الثمانينات فعلا .. ابتسام دمعت عينها وهي تبتسم : الله ياغدو طالعه قمر ماشاء الله تبارك الرحمن ابتسمت غادة نص ابتسامه .. ودخلت غرفة ابوها اللي كان اسوأهم حال وهو مو قادر يقوم حتى يفرح ببنته ودمعته على خده .. مسك وجهها بيديه المتجعده وباس خدها : الله يوفقك يابوك ضمته غادة وبكت بحظنه .. وهو يمسح على راسها : أبيك ترفعين راسي يابوك .. ولا تعصين كلمته ووقفي جمبه على طول غادة باست يد ابوها : ان شاء الله دخل هيثم البيت .. ودخل غرفة ابوه على هالمشهد كسره المنظر مايدري وش يخنقه اكثر حال ابوه الشايب المسكين اللي مافي يده حيل نفسه .. ولا اخته الصغيره اللي تزوجت وشالت مسؤولية نفسها وزواجها كامله بنفسها .. لعن انسانه معينه بداخله على هالمنظر سحب نفسه بهدوء لبرا قابلته ابتسام : هيثم جيت ؟ هيثم بهدوء : ببدل وبجي .. لبس ثوبه الابيض وغترته البيضاء..ونادر ينشاف بهالمنظر ابتسمت ابتسام اول ماشافته : ما شاء الله .. هيثم طالع عريس هيثم ابتسم ابتسامه صفراء : تسلمين جال بنظره على انحاء البيت حاله حزين .. ما كأن فيه عروسه وزواجها اليوم اخته ابتسام بشكلها العادي والبيت مظلم والصوت الوحيد فيه صوت التلفزيون الأخبار .. دخل لعند غرفة أبوه وغاده مازالت على حالها قرب لعندها وحط يده على كتفها : غدو التفتت بسرعة ودموعها نزلت بغزارة أكثر : هيثثم توقعتك ماتجي .. والله آسفه مو قصدي اقولك .. قاطعها هيثم وهو يسحبها لحضنه ويضمها بقوه ويده تربت على راسها وتدفنها بصدره اكثر وبصوت هادي : وليه عروستنا تبكي ؟ غادة انهارت دفاعات مشاعرها .. بكت من قلبها وراسها مدفون بصدره : كنت خايفه .. خايفة اروح لحالي هيثم : اموت ياغادة قبل اتركك لحالك .. ابتسام نزلت دمعتها ومسحتها بسرعة .. وهي متأثرة بمنظرهم بقعة بياض وابو هيثم متأثر اكثر .. ابعدها هيثم من حظنه وابتسم وهو يشر لصدره : شفتي وصختي ثوبي .. والله لو يشوفك احمد كذا يهج ضحكت غادة وسط دموعها : ههههه اسفه هيثم ابتسم بحنان : روحي عدلي شكلك وتجهزي نروح .. مانبي نتأخر راحت غادة تعدل مكياجها ... وجلس هيثم على طرف سرير ابوه : كيفك يبه ؟ ابو هيثم بوهن : هذا عشمي فيك .. ابيك دايم كذا لاتترك خواتك هيثم باس يده ابوه : تربيتك ابتسام : بترجع هنا اذا خلصتو ؟ هيثم : بشوف طلعت غادة ..وهي بعبايتها وقف هيثم وطلعوا يسلمونها لمصير ثاني *** بعد ماخلصت السهرة .. والكل راح لمكانه طلع نايف وصعد للسطح عارف انه بيكون هناك قال بطفش وهو يطالع القمر : اذا ودك تشوف حالك .. اجلس داخل وبنجيب لك مرايه مشوار تصعد بدر : احد قالك انك سامج ؟ نايف جلس جمبه : واحد قالك انك ثقيل دم .. اخلص علي شعندك ولا برميك من السطح ترا وصلت هاه بدر : ماعليك نيوف .. بس تمشكلت مع امي على شغله ومابي ارجع البيت نايف : بلاا ؟ انا طول عمري مشاكل مع امي واموري سليمه .. لا وفوق امي مشاكل مع ابوي بعد بدر : ايه كيفك متعود تنكرش .. انا اللي ابيه بوصله نايف وقف : اقول قم بدر : وين .. بنام هنا اليوم نايف : لا والله ماتنام هنا .. تعال نام عندنا بالبيت الملحق بدر اعجبه الاقتراح .. بس قال : اخاف اثقل عليكم نايف : افا عليك بس .. البيت بيتك امش بس وقف معاه بدر .. وراحو للبيت وجلس بالملحق بس ماجت له فرصه حتى يسمع عنها وكان منتهي فنام مباشره .. *** اقبلت يازينها تنثر خطاها .. تسلب الالباب تأسرها جبر واغتشت الانوار من طلت سناها .. وانسحر في حسنها كل من حضر وصلو الجناح المقصود للعروسين ..الموسيقى الهاديه والجو بألوان الوردي الخافت .. دخلت بحياء وهيثم جمبها وخوات احمد وامه تغطن .. رفعت عيونها وطاحت على احمد واقف بطلة العريس ومبتسم بفرحه .. التفتت لهيثم اللي ماسك يدها لحد ماوصلت لعمها وسلمت عليه وعلى زوجة عمها .. وصلت لعند أحمد مدت يدها ومد يده وباس خدها .. ثم سلم هيثم على احمد : غادة امانه يا أحمد .. وتراهي غالية احمد : ولا يهمك هيثم بحده : ولا تنسى اللي قلت لك قبل احمد : زي الحلق بإذني هيثم : ابغى افعال مو كلام استاذن هيثم .. ثم طلـــع وفصخن الحريم عباياتهن وكلهن يسلمن على احمد ويباركون له .. استغربت غادة خواته ولا وحده سلمت عليها بس ماهتمت اكيد شوق زعلانه من آخر مره بس تستاهل ! حطت أم احمد الكيكة : يله قطعها حبيبي احمد همس لامه : يمه وش قلنا بالبيت ؟ ام احمد بحزن : والله ودي اجلس افرح فيك شوي احمد بين اسنانه : بعدييييين .. ام احمد ارمقت غادة بنظرة ثم قالت بقهر : يله حنا ماشين .. لاتتأخر بكره يمه احمد : ان شاء الله طلعو العائلة لحد مابقو لحالهم .. التفت لها أحمد : الف مبروك ياعروسه غادة بصوت خافت : يبارك فيك أحمد مد يده للكيكه : تفضلي أكلي غادة : لا شبعانه .. مايحتاج احمد : ماينفع حياتي .. هذي كيكة زواجنا يهون عليك ؟ غادة انحرجت : لا .. اوك باكل اخذ لها قطعه بيده ومدها لها انحرجت وهي تاكلها لان القطعة كبيره .. ضحك بخفه وهو يشوف القطعه تطيح على فستانها : ههههههههه بشويش غادة : معليش وربي مانتبهت احمد : هههههههه حصل خير .. فدا عينيك غادة ابتسمت بتوتر .. أحمد طالعها : ماودك تغيري فستانك ؟ غادة هنا وقفت اعصابها .. قالت بتلعثم : همم .. والكيكه ؟ احمد بنظرات خبيثة : صارت الكيكه كويسه اللحين ..؟ ولا ناويه تردينا زي آخر مره غادة بلعت ريقها : آآ خر مره ماكان .. وقته احمد : واللحين ؟ غادة نزلت راسها : اللي تقوله ... احمد وهو يحضن وجهها بيده ويقربها منه : اها ؟ .. هذا اللي اقوله ... " مشفر .. رقابه " *** فتح عيـــونه بكسل وهو يتأفف .. النومه مو مريحه ابد الساعة 4 العصر .. معقولة نام كل هالوقت طلع للمسجد يصلي .. وبطريقه راجع بيشوف نايف حصل مجموعة رجاجيل عند الباب .. وعمه أبو نايف يرحب فيهم تقدم بلباقة وسلم عليهم .. التفت له ابو نايف : وينه نايف ؟ بدر : مدري .. مو بالبيت ؟ أبو نايف : مدري عنه بدر : اكيد بالبيت .. لحظه ادق عليه راح على جنب بالحوش بعيد عن الرجاجيل ودق على نايف جاه صوته الخمران نوم : ايه بدر : اصحى اصحى .. انا انتظرك تحت نايف : جايك دخل بدر لعند الرجاجيل .. وهو يسمع سوالف العمل الممله المعتاده , لكن بعد انتهاء مقدمات العمل تطرق للموضوع الرئيسي ... وقال كبيرهم : انا جاي هنا يابو نايف .. اطلب قربك وخاطبين بنتك لولدنا إياد تشنج كلش فيه ..عيونه تلقائي التفتت لإياد الموجود وهي تفحصه من فوق لتحت . .. ونظراته المصدومه كانت محقره للشخص اللي طلب قرب جميـلته ...؟ لا والله يخسى .. طالع عمه يدور بصيص أمل .. قال عمه : جيتك عزيزه وغاليه يابو عبد الله .. بس بعد اذنك احتاج وقت لاسأل البنت والأهل ابو عبد الله : ع راحتك يابو نايف .. وناطرين ردك على أحر من جمر بدر شد قبضته باقوى ماعنده ( جمر يحرقك انت والصعاليك اللي جايبهم ! ) وقف دون مقدمات وطلع برا .. حتى انهم استغربوا .. لكن ابو نايف جاب له عذر باحراج .. مشى بأقوى سرعته لحد وصل البيت ودخل وسكر الباب باقوى ماعنده.. بدر نفخ : يممممه ! قابلته اسماء : اوه بدر .. له زمان القمر مابان .. امي خايفه عليك بدر : ويييين امي !؟ اسماء : شفيك تنافخ ؟ بدر : ويييييينها !! اسماء خافت نادر ينشاف بهالحاله . .بلعت ريقها : فوق صعد لفوق وهو يصعد خمس درجات بخطوه .. دخل لغرفة امه وسكرها وراه دون يطق الباب ام فراس طلعت له من المكتب : بسم الله .. شوي شوي ع الباب بدر نفخ : مبسوطه اللحين ! ام فراس : شفيك ؟ بدر بصراخ وينتفض من قهره : هذي هي انخطبت .. واللحين هاتي لي حل لاني صرت غبي وانتظرت مثل ماقلتي أم فراس مسكت كتفه : هد شوي يمه خل افهم بدر ابعد يدها بقوه من كتفه : مافيه تفاهم .. طفشت اتفاهم مع ناس مايجون الا بالعين الحمراء حلي المشكلة يايم احسن لك ولا قسم بالله لو أقتل هالخسيس اللي خاطبها ماعندي مشكلة ام فراس المها قلبها .. مشاعر ام تشوف ولدها يصارخ عليها .. صاروا الناس مايحسبون حساب العقوق قالت بضعف : بسم الله عليك تقتله .. هذا قطع ارزاق بدر وعيونه حمر : ان شاء الله اقطع الهواء اللي تتنفسه هي ... تموت ولا تاخذ غيري وطلع مسكر الباب وراه بقوه .. وهو مازال يهاوش ويصارخ لحد ماطلع برا البيت دخلت اسماء مسرعه لعند امها : يمه شفيك بدر ..؟ والله حالته تخوف ام فراس بكت وغطت عيونها بيدها : انا الغلطانه .. انا الغلطانه لو خطبتها له وش كان صار اسماء : مييين ؟ أم فراس بهم : اسماء يابنتي قومي جيبي لي التلفون اسماء اصابها فضول .. من بدر ناوي يخطب بس حال امها مايسمح راحت بسرعة تجيب لها التلفون .. وعقبها سكرت الغرفه عليها وتركتها بحيره .. تاففت ماتدري ليش هي دايم مصفوطة على جمب .. *** بغرفة ميهاف .. اثناء ماهي جالسه ترتب دولابها .. طق الباب : ميين ؟ أم نايف : انا امك افتحي ميهاف : تفضلي ماما مفتوح دخلت ام نايف وجلست على السرير : تخيلي وش صار من شوي ؟ ميهاف وهي منغمسه ترتب : ايش ؟ أم نايف : زوج أم عبد الله آل *** .. خطبك قبل شوي لولده إياد ميهاف بملل متعوده على الخطاب : مابغاه أم نايف : مو هذا الخبر !! ميهاف : اجل شنو ؟ ام نايف : دقت علي أم فراس .. وطلبت نرفضه لأن ولدها بدر يبغاك ميهاف وقفت دون حركه .. والتفتت لامها : شنو ؟ ام نايف بفرحة : بدر ولد عمك .. كان ناوي يخطبك اليوم قبل يجون الخطاب ميهاف ( مو معقول .. بدر مره وحده ؟ ) : اتركيني افكر .. وبرد لك ام نايف : وش تفكرين ..؟ هذا بدر .. اساسا ابوك ماراح يتركك ترفضين عقب رفض لؤي لاسماء ميهاف : ماما انا عاقله .. واعرف قراراتي وبوافق ان شاء الله بس مو بدري كذا ام نايف : وليش مو بدري .. فرحينا ميهاف : خلاص ماما قلت لك شوي .. اقل شي بكره ام نايف هزت راسها باستسلام وطلعت .. اما ميهاف جلست بصدمتها وهي تشوف الورود الحمراء على مكتبها ورسالة اعتذاره وش السالفه هالاسبوع حركاته ماخلصت وعقبها يخطبها ..؟ جلست بهدوء تفكر وترتب كلش بعقلها .. بس عموما الرفض اخر اختيار عندها مستحيل تصير زي اسماء وتكسر بولد عمها وترفضه .. *** فتحت عيونها ببطء .. عشان تدرك هي وين صح امس كان زواجها ابتسمت بنعومه النومه مريحه فعلا بهالفراش حست انها دخلت حياه جديده التفتت للجهه الثانيه ماحصلته جلست حصلته قدام التسريحة يمشط شعره ابتسم لما انتبه لها من انعكاس المرايه : صباح الخير حياتي سحبت روبها ولبسته وطلعت من السرير وقالت بحياء : صباح النور التفت لها وحاوطها من خصرها وتنهد : ابفهم .. انتي ليش تجنني كذا ؟ نزلت راسها حتى انسدل شعرها الطويل على كتوفها : احمد خلاص استحي احمد : عقب امس مافيه تستحين غادة : إلا استحي .. للأبد كمان احمد رفع حواجبه : للابد ..؟ معناها مطولين غادة : هههههههه أحمد احمد : عيونه غادة : فين راح نروح اللحين ؟ أحمد : بيت أهلي .. امي من امس منبهه نرجع بدري غادة احبطت .. لكن مو من أولها تشتكي وتتذمر قالت بنعومه : اجل ابعد يديك اروح البس احمد : مساعده شي ؟ غادة : احممممد ! احمد : ههههههههه ياليل دخلت للحمام وتروشت ولبست فستان بيج كم نص .. لنص الساق سادة مع حزام بني ابتسمت اول مره تحس انها مهمه ولها حياه .. حطت قلوس طافي مع كحل بسيط وشعرها تركته مموج بطبيعته .. حست بإنتعاش بجد طلعت لبرا .. واحمد كان جالس على الكنبه وبجواله رفع عيونه لها : خلصتي ؟ غادة دارت على نفسها : أيوه .. شرايك ؟ احمد : تجنني .. بس قبل خمس دقايق احلى غادة طالعته بلوم : خلاص احمد تكفى .. احمد : ههههههه جوالك دق .. شكلها اختك ركضت غادة بحماس لعند جوالها : ابتسام ! ودقت عليها مباشرة : بسسومه ابتسام بلهفه : هلاااا حبيبتي .. شخبااارك طمنيني ؟ غادة وهي تطالع احمد : مبسوطه ابتسام : ههههه وش هالصوت أول مره اسمعه .. احمد عندك اجل ؟ غادة : إيوه ابتسام : كلميني بعدين اجل .. لاصرتي لحالك غادة : طيب سكرت السماعة والتفتت لأحمد ... وقف لما خلصت : يله مشينا غادة : إيه لبست عبايتها وطلعو بالسيارة .. وهي طايره من الفرحه بنص الطريق سأل بفضول : غدو انتي كم عمرك ؟ استغربت غاده معقوله مايعرف : 18 سنه فتح عيونه بدهشه : لسى تدرسي بالثانوي ؟ غادة استحت : ايه احمد : وكيف قدرتي تتزوجي ..؟ ودراستك غادة : انا منتسبه احمد : اهاا .. ههههه والله انا استغربت حسيتك صغيره غادة بقهر : تتكلم كأنك شايب ؟ احمد : هههههه زعلتي .؟ لاتخافي منتي صغيره كبيره غادة : مازعلت .. بس انت كمان صغير احمد : معك حق .. بس حلو انك صغيره خل اشوفك تكبري قدامي غادة ( ياليل .. صغيره صغيره !! محد قالك ماتسأل عن زوجتك ) وصلــو لعند بيت أهله ... اول مادخلو كان السلام حار لأحمد كانه غايب له سنه وسلام رسمي لغاده .. أم احمد : تفضلو الفطور جاهز .. . افطرو معانا غادة ( الناس اول مايتزوجو يفطرو لحالهم وحنا مع العائلة كلها ) : .... هند : شفيك غاده تفضلي جلست غادة بس كانت بعيده عن أحمد لانه محاوط بخواته وأمه .. وعمها مو موجود فكانت مختفيه من الجلسه لان السوالف كلها بين العائله ظلت تاكل بصمت ثم وقفت طالعها احمد : وين بدري ؟ غادة ابتسمت : شبعت .. وابغى اكلم ابتسام مافيه احد اصعد عادي ؟ ابتسم احمد ووقف : تصعدي لحالك ؟ غادة بخدود متوردة : هئـه احمد وقلبه طاير مع طريقتها الطفوليه بالكلام .. ابتسم ابتسامه جانبيه وهو ياشر بعيونه للدرج : اجل شرفي صعدو سوا .. وام احمد منقهرة : والله وقدرت تسحبه معاها لفوق شوق : والله انا قايله لكم ان غاده مب بسيطة .. لو ماخذين ابتسام يمكن تقدرو عليها هند : الله لايقوله .. ابتسام اصغر منه بسنه وحده بس ام احمد : يعني انا جايبته من الفندق .. عشان ينحبس وياها فوق *** بعد ماخلص لؤي من شغله .. مر على قسم الترجمه قبل يطلع كعادته كل يوم : فين سارا ؟ موظف : موجوده بالردهه تحت نزل لتحت وحصلها جالسه تتكلم مع موظف وقف عندهم : مرحبا سارا ابتسمت : اهلين .. خلص دوامك ؟ لؤي : ايه .. وانتي كمان خلص سارا : ايه .. بس بداوم اضافي عشان بعض التعديلاات لؤي : نشيطه بزياده انتي .. بس انا عندي لك مفاجئه سارا باستفهام : مفاجئه ؟ لؤي : ايوه حاجه بسيطه .. سارا : ايش هي ؟ لؤي : ههههههه هنا اعطيك .. لا بعزمك على العشاء وبعطيك سارا : أوه اتمنى بجد .. بس والله مشغوله لؤي : انا الرئيس هنا وانا اقرر اذا كنتي مشغوله او لا سارا رفعت حاجب : شنو استاذ لؤي .. صرت تستخدم سلطتك ؟ لؤي : هههههههه ايوه وبموجب السلطة الكامله لي اقولك تجيبي شنطتك وتطلعي تتعشي معاي سارا : مقدر اعارض اوامر رئيسي .. استنى دقيقه وجايه لؤي : اوك انتظرها لفتره .. حتى جت باغراضها : مشينا ؟ لؤي : تفضلي راحو لمطعم قريب ..واثناء ماهم ياكلون حط لؤي كتاب مربوط بشريطه حمرا قدامها : تقدري تشوفي بنفسك اذا جانمون واليسا انفصلو او لا ؟ فتحت سارا عيونها وهي تشوف النسخه الثانيه من كتابها : اقدر استعيره ؟ شكراا بجد لؤي : قريته وخلصت .. معناها فداك اللحين سارا : بجد بجد مشكور .. ماتدري فعلا قد ايش متحمسه له ابغى ارجع البيت بسرعه اقراه لؤي : ههههههه لو عارف بيتركك تسحبي على عشاي ماجبته لك سارا : ههههههههههه لا امزح .. لؤي : تدري انك لطيفه بجد سارا : وانت كمان .. لدرجة مو مصدقه انك تقرب لفراس من جد فرق لؤي : ههههههه والله فراس طيب مره .. بس لو تفهميه شوي سارا : مقدر افهم كلامك هذا للاسف لؤي : ولا راح تفهمي لحد تشوفي بنفسك سارا : فراس يصيبني بتوتر .. لاصار حولي احسني متوتره بسبب ردات فعله مو مضمونه اما انت مريح .. مريح جدا احس حالي اقدر اقول أي حاجه معاك لؤي : شهادة اعتز فيها بجد سارا : عارف .. نقدر نصير اكثر من زملاء عمل نقدر نكون اصدقاء لؤي : لسى بتقرري اذا بتصادقيني او لا .. وانا ع بالي انا اصدقاء من اول سارا : هههههههههه خلاص مو مشكله اصدقاء رفعت كاسها : نخب صداقتنا رفع لؤي كاسه .. وبعد العشاء طالعها لؤي : اوصلك البيت ؟؟ الوقت متأخر سارا : لا عادي لؤي : الاصدقاء يتركو اصدقائهم يوصلونهم سارا : لازم تختار تستخدم صلاحيات الرئيس او الصديق .. ماينفع كلها لؤي : امبلا ينفع .. انتي اتركي منك العناد واتركيني اوصلك سارا : خلاص استسلمت وصلني ركبو سيارة اللموزين .. وبنص الطريق رن جوال لؤي رد مباشره : ها نايف .. وبعدين وربي راتبي يروح كله فيك .... الحلال كثير ماقلت شي بس ليش ماتعتمد على حالك شوي .... بعطيك بعطيك خلاص اسكت ... باي سكرها بضيق .. التفتت سارا : مين ؟ لؤي : اخوي سارا : ههههه طيب بشويش عليه .. ماحيأثر بكنزك لؤي : هههههه اخوي الكبير ترا مو الصغير .. وله سنتين عطالي وتاركني اصرف عليه ومصاريفه مو سهله سفريات ومعارض واشياء ماتخطر ع بالك سارا : عندك اخو اكبر منك ..؟ لؤي : ايوه .. اخو اكبر مني واخت اصغر مني سارا : ما شاء الله .. الله يخليهم لك لؤي : آمين .. وانتي ؟ سارا : محد .. انا بس لؤي : دلوعة العائله اجل ..؟ سارا : مو ليكون فيه عائله بالأول لؤي : شلون يعني سارا : وصلنا .. انا لازم انزل .. شكرا على العشاء والكتاب بجد ممتنه كثير لؤي وهو للحين محتار .. يبغى يعرف وش قصدها .. بس ماحب يضغط عليها : قليل بحقك ولو .. اشوفك بكره سارا : أشوفك تنهد لؤي بندم .. ماكان لازم يسأل شكله قلب عليها مواجع .. بيت أبـــو نايف / طقت ميهاف باب غرفة امها : مين ؟ ميهاف : انا ماما أم نايف : تفضلي دخلت ميهاف مبتسمه : مشغوله ؟ ام نايف : لا حبيبتي شبغيتي ؟ ميهاف : ابي اقولك قراري ام نايف : بشري .. عسى طلعتي براي يفرح قلبي شوي عقب لؤي ميهاف : انا موافقه ماما طبعا .. بس بشرط ام نايف : شنو ؟ ميهاف : قبل أي احد يعرف بالسالفه غيرك وزوجة عمي .. ابغى اتكلم معه ام نايف : وش بتتكلمين معه تقولين ؟ ميهاف : حاجه بخاطري .. وغير كذا ماراح اقبل ام نايف : مدري .. بشوف لك ام فراس اخاف ماتوافق بعد هي ميهاف هزت كتوفها بلا مبالاه : اذا مب موافقه .. اجل انا مو موافقه كمان ام نايف : ياشين عنادك يهالبنت ميهاف : مو عناد ماما .. وصدقيني لو مو لغرض ماطلبت هالطلب فافهميني رجاء ام نايف : ان بفهمك وان شاء الله ما اندم باست ميهاف خد امها : تسلمي لي يا أحلى وحده بكوني *** دخلت سارا الدوام وهي تحس روحها المعنويه متجدده عقب الشغل .. دخلت قسمها : صباح الخير : صباح النور .. غرفة الإجتماع طالبينك سارا : متى ؟ : اللحين سارا : اوك رايحه .. اخذت اوراقها وانطلقت لغرفة الإجتماعات بطريقها صدمت بجسم فتحت عيونها بألم وهي طايحه بالارض طالعت قدامها كانت المصيبة ... العيون القادحه غضب .. والوجه الملتوي اللمحه الحادة وبصوته المربك : ايش تسوي بشركتي ؟ |
رد: انتماءات كاذبة
تفضلـي ومعليش على التأخير
|
رد: انتماءات كاذبة
معذورة هههه
كده اتشكلت عندى شخصية بدر ..أنانى واللى عاوزه لازم يحصله ،سخيف بصراحة بينما ميهاف عاقلة وراكزة وماعاندتش انها ترفض قدام رفض أسماء لاخوها هيثم طبعا واضح من الأول رجل يعتمد عليه واسرته أول حاجة عنده نفسيته متمررة وواضح ان لهم ماضى مؤلم غادة بدأت من أول يوم يا عينى وجع القلب وقرف حماتها واخوات زوجها هنشوف هتتصرف ازاى بصراحة احييك على شخصية فراس لن أحيانا لما باقرأ روايات تانية شخصية رجل الأعمال القاسى مبتكونش محبوكة،يعنى من أول مرة بيفقد حصونه ادام بنت أو كده أو بيعلق فى شباكها فى فترة قصيرة لكن ماشاء الله انتى مخلياه فعلا الشخص اللى مابيتهزش بسهولة ادام جمال أو ضعف واحدة سارااا متحررة بزيادة ، لكن برده شخصية عاقلة ومتوازنة بس عقلها قادها انها اصطدمت فى فراس تانى أظن ان موضوعهم هيكبر وهنشوف بقى معركة حامية بالتوفيق |
رد: انتماءات كاذبة
السلام عليكم ورحمةالله
لؤى والله شكله طب ووقع فى حب ساره وهى ولا داريه عنه مشاعرها متوجه شمال ناحية فراس ولا ليش مهتم هو رايدها تشتغل معاه ولا لا فراس تقيل وما بيشغلش باله الا بالبزنس اخر اهتمامته الحب والجواز بدر طفل كبير عاوز اللى يشاور عليه الماما تجيبه حتى لو كان فى ايد غيره وميهاف لعبته الجديده بس يارب ما يكسرهاش بدلعه وانانيته غاده وصلت لعيله من المخبيل عروس ومستكترين عليها ان العريس يوصلها غرفتها وواضح ان امه حتمرر شهر عسلها ومن بعديه ايامها تسلمين متملله وفى انتظار البارت القادم موووووووووووووووووووووووووواه |
رد: انتماءات كاذبة
اقتباس:
انتظري اصطدام فراس بسارا والمعركة الحآمية |
رد: انتماءات كاذبة
اقتباس:
بالنسبة لبدر آدعي معاك ان لعبته ماتنكسر نورتيني <3 |
رد: انتماءات كاذبة
" البارت السادس "
وإن ضآقت عليك الأرض بمآ رحبت .. إخرج وانظر كيف هي السماء رفعت , أما علمت بأن الله رافعها .. قآدر على تفريج الكروب وإن عظمت صحى من النوم ومد يده بكسل يسحب جواله يطالع الساعة لكن فيه موضوع شل تفكيره نهائي عن الساعة رسالة من فراس " انا وصلت الكويت .. أشوفك بالشركة " انصدم من فجأة الخبر ! ابعد الغطا وقام بسرعة وسحب اقرب ثوب قدامه ونزل مسرع حتى انه استخدم السلالم مافيه اعصاب ينتظر للمصعد .. وركب سيارته وهو يدعي مايشوفها قبل يجي .. - آديم اليحيى كان واقفه وفي داخلها رجفه .. هي توقعت أن ماعنده علم بتوظيفها بس تجاهلت داخلها وماسألت لؤي عشان ماتنصدم .. كان واقف ومعه مجموعة رجال واضح من الطبقه الاستقراطية .. التفت لهم : تفضلو .. مصعب وصلهم للقاعه انا دقيقه وراجع التفت لها ونظراته الناريه مصوبه لها مسكها من معصم يدها وسحبها بقسوة وهو يمشي دون يلتفت لحد طلعو برا الشركه ورماها قدامه : الظاهر انتي ماعرفتيني .. احترمي كونك حرمه ولا تخليني اضطر اتعامل معك باساليب تهينك سارا بقهر : وانت احترم كونك رجال ... مامداها تكمل جملتها وهو ينطق بين اسنانه : ماني في وضع تنتقديني فيه ! انتبهي ... وانا سألتك سؤال وش قاعده تسوين هنا ؟ سارا موقفها ماتنحسد عليه : موظفه بقسم الترجمة فراس : وبأوامر مين توظفتي ؟ وبرضا مين اساسا ؟ سارا وهي منحرجة لأن الكل قبل يدخل الشركة يشوفهم ويطالعهم : المدير التنفيذي الجديد فراس رفع حواجبه : اهااا ... خل استوضح لك الأمور لأن واضح ان عقلك مايستوعب شي , المدير التنفيذي الجديد والقديم والحالي هو أنا وأي مدير ثاني يبل اوراقه اللي وظفك فيها ويشرب مويتها ... واذا قصدك السكرتير ( طالعها باحتقار ) مدري وش الأسلوب اللي استعملتيه عشان يوظفك بس خذيها من الآخر .. انتي مطرودة وبما انك رجعتي الملف اللي رميته بوجهك للنظام غصب انا برجعه لك مشوه سارا فتحت عيونها بوسعها .. مو مصدقة بيشوه سيرتها بملفها السيرة اللي تعبت طول حياتها تبنيها : .... فراس بنظرة جانبيه وهو راجع لداخل : ولعاد اشوف وجهك بمكان انا فيه خانتها دموعها وهي تنزل .. شعور الذل يخليك تحتقر نفسك ليش رجعت ليش حطت نفسها بهالموقف ..؟ مشت لبرا الشركة وهي تمشي بخطوات واسعة بالرصيف وتمسح دمعه لكن تنزل غيرها فقدت السيطرة ... حست بيد تمسك يدها توقفها سحبت يدها مباشرة وهي تشوف لؤي وعيونه المصدومه وهو يشوف دموعها : سارا سارا مسحت دموعها : نعم شتبغى ؟ لؤي انعصر قلبه الظاهر انه مالحق : شافك ؟ سارا صرخت فيه : ايه شافني وبحياتي كلها ماتعرضت لاحتقار زي كذا .. ماراح اسامحك طول عمري على اللي صار اليوم لؤي : هدي بالك شوي .. انا شدخلني ؟ سارا : انت اسوأ منه ! اقل شي هو من البداية موضح انه مايبغاني اشتغل .. انت ملتوي تقول تعالي وانا ضامنك وآخر شي يصير كذا لؤي : سارا صدقيني انا ماكنت عارف انه بيجي اليوم .. ولا امداني اتفاهم معاه تعالي معاي اللحين وبصلح الوضع سارا وصوتها مرتجف من الدموع : لؤي خلاص ! انا مابغى شي بيني وبين شركتكم .. طابت واللي جاني كفاية ومشت مبعده عنه .. وهي تحس بمعاني الذل والإهانه كلها لؤي شد على قبضته ورجع للشركة ودخل مسرع مباشرة لمكتب فراس وفتح الباب دون يطرقه .. كان فراس واقف مع مصعب قدام مجموعة اوراق يتناقشون فيها اول مانتبه له التفت لمصعب : مصعب اطلع برا طلع مصعب .. ولؤي صرخ : ليش سويت كذا ؟! فراس ببرود وفي يده ورقه متمعن يقراها : ماني مضطر ابرر لك تصرفاتي لؤي : بس انا اللي وظفتها .. ايش ذنبها تهينها كذا فراس : لا والله .. انت وظفتها ؟ مهما كنت رافع قدرك لاتنسى انها مؤسستي لؤي : رافع قدري ..؟ مثل مارميتها اليوم ترميني بكره ماعندك مشكلة فراس واعصابه باردة وعيونه بالملف: لو زودتها كمان بهالاسلوب الحقك فيها ماتفرق معاي لؤي : لا تتعب نفسك ! .. انا طالع وانا الغبي اللي وافقت اساعدك اساسا .. اللي مثلك بيلتفت يوم حوله ماراح يلاقي احد .. وهالمؤسسات ماراح تطاولك طول عمرك وطلع وهو يسكر الباب وراه بأقوى ماعنده وهو يحس بعقدة ذنب بسبب اللي صار لها .. للحين براسه شكلها وعيونها المرجانيه تلمع دموع وراسمه خنادق على بشرتها البيضا *** الساعة 6 صبـاح .. بغرفة أحمد وغادة / احمد واقف وغادة قدامه تسكر أزرار ثوبه .. قالت بدلع : معقولة حياتي .. تو متزوجين وبتداوم أحمد وهو مخدر بدلعها : وانا ايش رايح اسوي ياقلبي ؟ اخذ اجازة عشان نسافر بكره غادة وهي تلعب بطرف غترته : ماتدري قد ايش متحمسة لهالسفره أحمد باس خدها : وراح تتحمسين لها أكثر ان شاء الله .. ايش راح تسوي اللحين ؟ غادة : راح انام عشان انسى الوقت اللي بقعده دونك أحمد ابتسم : ليش ماتنزلي تحت ؟ بتحصلي امي لحالها اللحين غادة : من عيوني حبيبي .. اللحين ببدل وبنزل أحمد تنهد : فديتها ياناس غادة : هههههه بسم الله عليك أحمد : يله حياتي انا طالع .. لاتنسي تجهزي شناطنا غادة : معقولة أنسى ؟ طلع أحمد وغادة تنهدت أول ماطلع .. احلى يومين بحياتها كلها امس كله بس افطرت مع امه وخواته وعقبها ماعاد نزلت لهم .. واليوم خلاص هو قالها لازم تنزل بدلت لبسها لتنوره برتقاليه لنص الساق وبلوزة بيضاء ناعمه كم حاير ولمت شعرها لفوق مع قلوس وكحل .. رشت عطرها .. نزلت لتحت وهي تحس الجو هدوء بزيادة سمعت صوت وراها : شتسوين ؟ شهقت بخوف ثم التفتت كان أم احمد : صباح النور خالتي أم احمد : يالله صباح خير .. شمصحيك بدري ؟ غادة : صحيت وقالي أحمد انك تصحين بدري .. قلت انزل معاك أم احمد دون نفس : ايه حياك .. بس وش هالمنظر ؟ تنزلين كذا دون طرحه .. لايكون تحسبين انك لحالك ساكنه بهالبيت اخوان احمد موجودين غادة ( ياشينك ياشيخه .. والله لو منتي أم احمد حبيبي كان علوم ) : اسفه مانتبهت .. بروح البس اللحين ام احمد بطريقها للمطبخ : روحي ... كلش لازم تعلم به الله يعين بس صعدت غادة لفوق وهي منقهرة .. بس مجرد مادخلت غرفتها وشافت صورة أحمد على الطاولة نست كلش .. وخذت طرحتها وهي تغني مبسوطة .. نزلت لتحت وهي تحس بضجة طلعت لغرفة الضيافه لمصدر الضجة .. كان أم احمد وحولها خمس حرمات بنفس عمرها .. ابتسمت أم احمد : هلا غادة .. هذي غادة زوجة أحمد سلمو عليها وهن يباركن لها .. أم احمد : يله حبيبتي ضيفي خالاتك .. القهوة والشاهي غادة جمعت صبرها واضح انها بتحتاجه كثير : ان شاء الله خالتي طلعت للمطبخ وهي تجهز القهوة والشاهي .. دقت على ابتسام : الو .. بسومة ابتسام وصوتها نوم : هلا غدو .. شمصحيك بدري كذا ؟ غادة بقهر : معك حق العالم كلهم نايمين .. خلاص احاكيك بعدين ابتسام : لا لا .. تعالي شفيك ؟ غادة : ولا شي ابتسام .. بس قلت اكلم اسمع صوتك كيف بابا ؟ ابتسام : حمد الله .. متأكدة مافيك شي ؟ غادة : إيوه ابتسام : طيب ليش صاحيه بدري ؟ غادة : قلت اجلس مع خالتي عشانها تصحى بدري .. مادريت ان الوضع بينقلب علي وبصير شغاله ابتسام : ليه ؟ غادة : قاعده اجهز القهوه والشاهي لها هي وضيوفها ابتسام : طيب عادي .. وش ودك هي تقوم تسويها وانتي الصغيره موجودة ؟ غادة : مو كذا ابتسام .. بس انا لسى عروسة وفوق كذا عندها بناتها مفروض يدلعوني اقل شي شهر ابتسام : عن الدلع غدو .. مفروض انتي اللي ماترضين وتتمنين تخدميهم : غاااادة وييين القهوة ؟ غادة : اقول احاكيك بعدين .. بياكلوني لو ماجيب القهوة ابتسام : يله روحي تسنعي غادة : هههههه وانتي روحي نامي .. اول مره احسني غابطتك عدلت غادة شكلها وخذت الصواني لهم .. *** دخل بدر البيت الساعة 6 الفجر عقب سهره .. ويسحب رجله لفوق ام فراس كان تنتظره مانامت طلعت على طول : بدر ! بدر التفت دون يتكلم ... ام فراس : تعال بكلمك بدر : بعدين .. بنام ام فراس : حتى لو الأخبار اللي عندي تتعلق بميهاف بدر تغيرت تعابيره : شنو ؟ ام فراس ابتسمت بامومه : كلمت أمها بدر بقلة صبر : ايه ؟ ام فراس : والله مدري طلبت طلب غريب بدر عقد حواجبه : كيف ؟ ام فراس : طالبه تكلمك .. بدر بدهشه : مين ؟! ميهاف !! أم فراس وهي مستغربه بعد : ايه بدر اصابته حيره وش ممكن تكون تبغى تتكلم معاه فيه ..قال لامه : طيب شلون يعني؟ ام فراس : والله مدري بقول لامها تواعدنا بمكان ونشوف .. انت موافق على هالطلب يعني ؟ بدر : ايه بروح اشوف شتبغى ام فراس : الله يكتب اللي فيه الخير بدر ابتسم وباس راس امه : الله يخليك لي يمه .. وسامحيني على امس عارف زودتها بس ماعرفت امسك نفسي ام فراس تنهدت : الله يسامحك ويسامحنا جميع يمه طيب ليش ماتشتغل ..؟ بدر عقد حواجبه : انا اشتغل ام فراس : مو قصدي العرض ..ساعد اخوك بالؤسسه بدر : لا يمه واللي يرحم لي والديك .. مبسوط كذا اتركوني على حالي ام فراس : براحتك .. بس ترا فراس حالف مايدفع مهرك بدر بضجر : مالي خلق فراس اللحين .. بعدين انا ماراح اتزوج اللحين .. ام فراس : هالسنه بتتزوج ان شاء الله بدر : لا يمه .. انا ناويها خطبه بس مجرد يعرفون انها لي .. الزواج موضوع ثاني ام فراس : وليش ماقلت لي من اول اقول لامها يكون عندهم خبر .. خاف ماتوافق البنت ع كذا بدر : خلاص يمه مو بقابلها .. بتفاهم معها دخل لغرفته وهو مروق على الأخير .. خلاص صارت له ومايبغى أكثر من كذا *** بعـد ماطلع لؤي من الشركة .. توجه لمجمع الشقق اللي تعيش فيه وهو محتار أي شقه تسكن بالضبط مايعرف غير المجمع انتبه لحرمه بال 30 تقريبا مشى لعندها وقال بلباقة : ممكن سؤال اختي : تفضل لؤي : انتي تسكني بهالمجمع ؟ : ايوه لؤي : تعرفي وحده تسكن هنا باسم سارا والكر : فيه كثير سارات هني .. أي وحده بالضبط ؟ لؤي : همممم .. قصيره شعر اسود عيون زرقاء : ايه ايه عرفتها .. شقتها رقم 41 لؤي : يعطيك العافيه دخل لعند شقتها وزفر بتوتر ثم طق الجرس .. جاه صوتها : مين ؟ لؤي : هممم انا لؤي سارا .. تغيرت لهجتها للشراسه : شتبغى ؟ لؤي : نتكلم هنا ؟ .. انا محتاج اتفاهم معك سارا : ماراح افتح .. ورجاء لاتطول بالوقفه عند الباب انا بنت ولحالي ومالي خلق كلام الناس نزل لؤي راسه بخيبة .. وطلع وهو يحس بالضيقه وش فراس مسوي للبنت عشان تنغلق كذا ..؟ مافيه أجوبه ويحس راسه بينفجر .. *** اسماء واقفه بقهر .. وهي تشوف بدر وأمها جمبه بعبايتها : وييين رايحين ؟ بدر : بنتمشى انا وامي شوي وراجعين اسماء : اصببروا .. بلبس عبايتي وجايه ام فراس : لا مانبيك معنا اسماء : لييييه ؟ بدر : فاضين حنا ناخذك وبعكازتك وحالتك حاله .. ارتاحي بالبيت اسماء : مابي .. والله لو بسرير غرفة العمليات بروح معكم بسريري ام فراس : اسماء خلي عنك المبزرة .. واجلسي انتبهي لاخوانك وحنا ماراح نطول اسماء برجاء : تكفون بروح .. والله ماراح ازعجكم ام فراس بصرامة : قلنا لا يعني لا ! اجلسي واسمعي الكلام طلعت هي وبدر دون يلتفتون لها .. ام فراس : يله مش بدر وهو يسوق : زوجة عمي .. موجوده معها بعد ؟ ام فراس : ايه اكيد .. مو معقول تجي لحالها هز بدر راسه : ايه صح ... بس وقت نتكلم مابي احد معنا ام فراس فتحت عيونها : تبي تختلي بها ؟ بدر : ههههههههه أي خلوه الله يهداك مكان عام .. وانتي بتكونون بطاولة قريبه منا ام فراس : والله انا ما أعجبني هالطلب .. غريبه منها ميهاف أول ماوصلــو للمول حيث انه انسب مكان وتجمعي .. دخلو بكافيه داخله وجلسو بعد فتره دخلت ام نايف وميهاف قربو من طاولتهم وبدر يحس بيتشقق من الوناسه وهو يشوفها تسلم على أمه .. طالعت ام نايف : شخبارك بدر .؟ طيب ؟ بدر : حمد الله .. انتي شخبارك ؟ أم فراس : واللحين شلون ..؟ تعالي يام نايف نجلس بالطاوله اللي ورا لحد مايخلصون ميهاف على ارتباكها من اللحظه بس قوت نفسها .. لازم تعدل هالوقح قبل تتزوجه اول ماراحو اشر لها بدر الكرسي اللي قدامه : تفضلي ميهاف جلست : مشكور بدر : إيش تشربين ؟ ميهاف : مشكور مابغى شي بدر هز راسه : إيـوه .. الوضع غريب , مو ؟ ميهاف : ليش غريب ؟ احسه عادي .. بدر : هههه يمكن انا احسه كذا بس بسبب طلبك . . امري ميهاف شبغيتي ؟ ميهاف طلعت رسالته من شنطتها وحطتها قدامه : ابي اعرف شقصدك بهذي ..؟ وحركتك ببيتكم وببيتنا بدر : ماوضح قصدي للحين ؟ ميهاف : انا اللي اعرفه انها حركات رخيصة وما أعجبتني .. وماتمنيت زوج المستقبل يسويها بدر ما أعجبه كلامها : وليش كل هذا ..؟ ترا كلها رسالة اعتذار ماصار شي ميهاف : ما صار شي .. بس لو انت خطبت اول ثم سويت كل هذا احترمتك اكثر بدر انصدم .. شخصيتها غير عن اللي توقعه صدق اللي قال الزين مايكمل , سكت دون تعليق عشان مايخرب الموضوع ميهاف : اسماء قالت لي قبل فتره انوه جايك عرض تصوير مع عارضات بدر بابتسامة جانبيه : ايوه ميهاف لاحظت انقلاب مزاجه .. ابتسامته اختفت وصار مكشر وهذا الي تبغاه : انا ما أرضى شريك حياتي يصور مع حرمه غيري بدر رفع حواجبه : خلصتي شروطك ؟ ميهاف : كأنه كلامي ما أعجبك بدر طول باله : لا عاجبني .. كيف مايعجبني ؟ واللحين اكنسل العرض ...بس حبيت اوضح ان السالفه كلها خطبة يعني الزواج بعدين ميهاف ماحبت تصير بشكل المستعجلة فقالت ببرود : اوك بدر : مو كأنك معصبه شوي .. هدي ما يسوى كل هذا ميهاف : مو معصبة .. بس برضو مو مبسوطة بدر وصلت معاه كشر وقال بعصبيه خفيفه : اذا مو مبسوطة لاتوافقي .. ذليتي امنا من جيتي محد عاجبك التفتت لهم ام نايف وام فراس لما حسو بصوت مرتفع : شفيكم ؟ بدر : مافيه شي ! يله يمه مشينا ميهاف وكأنه ماهمها : درب السلامة ياولد عمي بدر ارمقها بنظرة ثم طلع مع امه وهو يتوعدها .. والله وطلعتي مو بسيطة ياميهاف بس أنا اوريك ! أول مـاطلع دق على فراس .. جاه الرد : أيه بدر بدر : مشغول ؟ فراس : شعندك قول ؟ بدر : متى ناوي ترجع السعودية فراس : الشهر الجاي يمكن بدر : بتطول ! فراس بسخرية : اعتقني من سخافاتك .. لايكون اشتقت لي مثلا بدر : لا والله .. بس ناوي اخطب بعد كم يوم وابيك معي فراس: وليش مستعجل كذا ؟ بدر : ماراح اتزوج مجرد خطبه .. يعني الموضوع يصير رسمي بس فراس : راح اجي بعد كم يوم بدر : حلو ... مو تسحب فراس : مع السلامة سكر بدر .. التفتت له ام فراس : وش طلعت تبي منك ؟ بدر بتصريف : تسأل عن السكن ومتى الزواج واشياء كذا ام فراس : اها .. لازم تقول لاسماء اول مانرجع .. ولا لو تدري من ميهاف وقتها ياويلك منها بدر : هههههه لا كلش ولا هالشرسه تنقلب علي .. بقولها اول ما أرجع *** الساعة 10 مساءا – جدة / غادة كان جالسه بالصالة مع أم احمد وخواته بصمت وهن يسولفن .. وهي تحس خلاص بتموت تو جلست من صبح وهي في شغل وكرف بضيوف أم احمد وعقبها فطورهن وغداهن , وقهوة وشاهي عصر .. طالعت الساعة منقهره ليش تأخر كذا , وقفت بتطلع وقفها صوت أم احمد :ع وين ؟ غادة : ببدل ملابسي أم احمد : ايه روحي اجل صعدت لفوق وهي تحس شكلها مب لايق اصلن تستقبل احمد كذا .. راحت الكشخة عقب هالكرف .. بعد فتره من صعدت دخل احمد البيت : السلام : وعليكم السلام شوق : هلا حمود احمد جلس على الكنبة : كيفكم ؟ هند : شوفة عينك نتابع بهالفيلم أحمد : ووين غادة ..؟ شوق : بغرفتها احمد عقد حواجبه : وليش مانزلت تتابع معكم .. احسن ماتمل فوق لحالها أم احمد : شدرانا عنها ..؟ من صبح ماشفناها حابسه عمرها بهالغرفه أحمد وقف : يله تصبحون على خير أم احمد : وانت من اهله صعد أحمد للغرفه كانت جالسة على السرير وبيدها جوالها ولابسه قميص نوم ناعم طويل حرير سيور أبيض وتحت الصدر شريط ذهبي مع فتحه اسفل الفستان لفوق الركبة وشعرها تاركته مفتوح بطبيعته الكيرلي فتنته بشكلها الناعم والمغري بنفس الوقت .. ابتسمت أول مادخل : جيت حياتي .؟ احمد : ايه .. تعشيتي ؟ غادة : لا .. قلت استناك نتعشى سوا احمد : انا تعشيت حمد الله غادة : شنو خيانه كذا ! احمد : هههههههه والله عزمني واحد من الشباب .. واستحيت ارده غادة برطمت : طيب ليش ماقلت لي أحمد خلخل يده بين خصل شعرها ثم باس خدها بنعومة : ابي افهم انتي ليش حلوه كذا ؟ غادة بحياء : من ذوقك ياروحي أحمد وعيونه تتأملها : مو مصدق ان ربي رزقني وحده بهالحلا كله غادة : حماده خلاص والله استحي أحمد : ههههههههه فديت اللي يستحون والله .. عيوني انا داخل اتروش جهزي ملابسي غادة : من عيوني اثناء ماهي تجهز لبسه انطرق باب الغرفة .. تأففت وش يبون بكل ساعه ناطين ؟ لبست روبها الحريري الابيض دون تربطه : مين ؟ سحر : انا افتحي فتحت غادة نص الباب : هلا سحر .. شبغيتي ؟ سحر طالعتها من فوق لتحت : وين أحمد امي وابوي تحت يبغوه غادة : شي ضروري ؟ سحر : وانا ايش عرفني ؟ غادة كان متأكدة انهم بيسولفون معاه وبس وهي بتطنش كالعاده وسط سوالفهم : والله اسفه حبيبتي بس أحمد نام تعبان .. وانا بنام اللحين سحر وهي تحاول تطالع داخل لكن غادة ساده عليها .. نزلت لتحت .. طلع أحمد من الحمام والمنشفه على كتفه : مين ؟ غادة سكرت الباب وابتسمت : بلا سحر تبغى مني غرض احمد لبس ملابسه واستلقى على السرير : شناطنا جاهزه خلاص ؟ غادة وكأن شي ضربها .. كيف نست ؟ ماتنلام طول يومها تحت تو صعدت : يوووه نسسيت .. افف الله يلعن الشيطان كيف نسيت ؟ احمد استغرب يعني طول اليوم بالغرفه ماقال شي .. بس حتى بالغرفة مهمله مسؤولياتها قال بهدوء : حصل خير .. جهزيها اللحين قبل تنامي غادة كان هلكانه من الشغل طول اليوم .. فجهزت الشناط وبعدين نامت .. *** الكـــويت / بعد خيبة سارا الكبيرة .. بدت تفكر تفكير جدي تشتغل هنا بأي شغل وماعاد ترجع السعودية ,طلعت لبرا تدور لها على شغل .. وقت العصر وقت الشغل وماراح تلقى احسن من كذا .. اول ماطلعت وبطريقها انتبهت له جالس بالكراسي قدام مبنى السكن كان جالس ويطالع بالمارة طاحت عينه عليها وقف وابتسم واشر لها من بعيد .. تجاهلت اشارته ومشت بطريقها تنهد بطولة بال ومشى جمبها : كيفك سارا ؟ سارا وقفت والتفتت له ببرود : ايش تبغى لؤي ؟ لؤي : حاس بملل .. قلت أجي نتسلى سوا سارا : عندك رئيس تمسح له جوخ .. روح له لؤي وقف مكانه : انا انطردت سارا التفتت له وقالت متفاجئه : كيف ؟ بس انت ولد عمه لؤي : الظاهر طلع معك حق .. فراس ماتفرق معاه لا أنا ولا غيري سارا بندم على تعاملها معاه : متى ؟ لؤي : وراك مباشره سارا : ماكان له داعي .. تسوي كذا عشاني لؤي : ماهمني الموضوع كله .. بس أبي منك تسامحيني ولا تحسي اني كنت استغفلك او حاجه سارا تنهدت : ماسويت شي غلط عشان اسامحك عليك .. غلطتك وحده بس لؤي : إيش ؟ سارا ابتسمت تلطف الجو : انك ولد عم هذا السخيف لؤي : ههههههههههه الصبر عاد شنسوي ؟ .. ايش ناويه تسوي اللحين ؟ سارا : بدور لي شغل .. خلاص بستقر ان شاء الله واحتاج وظيفة لؤي : اللحين انتي سكنك بالسعودية ولا بالكويت ؟ احترت سارا : ههههههه لا هنا ولا هنا ... بس راح استقر بالكويت ان شاء الله لؤي : بس كلامك سعودي سارا : لأنوه ابوي سعودي .. بس ماعمري سكنت السعودية أجيها زيارات بس لؤي : تسمحين لي بهالتعليق ؟ سارا : تفضل عادي لؤي : احس حياتك معقدة سارا : ههههههههه فوق ماتتصور لؤي : امنيتي اعرف اكثر .. بس اخاف اصير ملقوف عاد سارا شاحت بنظرها لجهه ثانية : مافيه شي مميز تعرفه .. ( غيرت لهجتها للمرح تصرف ) انا رايحه لمشواري تأخرت .. اشوفك وقت ثاني لؤي بشغف : متى ؟ سارا : اتركها صدفه أحلى .. مو ؟ لؤي : ماعمرها الصدف وقفت معي .. بس يله نجرب سارا : ههههههه سي يو لؤي ابتسم وهو يشوفها مبعده ويحس براحه وشي انزاح من صدره .. *** اسماء صرخت باعلى صوتها : خطببببببببببببتهااااااااااااا !! بدر : ههههههههههه ياليل الإزعاج .. لي ساعة اقولك استوعبي خلاص اسماء : حقييير وكلب ووصخ انت وياها .. وين وين جوالي ؟ ( صرخت ) ياسمين روحي جيبي جوالي... ( التفتت لبدر ) والله والله لو رجلي مو مكسورة لقيتني متوطيتك بدر : حمد الله أجل سلمنا اسماء : والله والله تقهرون شفيها لو علمتوني يعني ؟ إلا تعاال .. وش قاعدين تسوون بالمقهى سوا .. عيب عيب تو حتى ماصارت حلال لك بدر : بتصير حلال لي .. ومن حقي اقل شي ادردش معها جات ياسمين بجوال اسماء .. خطفته من يدها ودقت على ميهاف جاها الرد : هلا اسماء : لا هلا ولا غلا .. مالت عليك ومالت على خشتك ميهاف : هاو .. ياساتر ليش كل هذا ؟ اسماء : لاااا يابريئة .. ماتدرين يعني قام بدر جمب اسماء وانحنى لها وحط اذنه عند السماعة يسمع واشر لها تسكت .. ميهاف : ههههههههه عرفتي ؟ اسماء : هيييييين ياميهاف .. والله والله حسابك عسير ميهاف : ياروحي كان بقولك والله بس امك قالت لا اسماء : ها خلي امي تنفعك .. انا مزاعلتك رسمي ! ميهاف : لا والله ماتزعلي .. قولي لي ماقالو شي ؟ اسماء : مييين قصدك ؟ ميهاف بارتباك : مين يعني امك واخوك ابتسم بدر لاسماء .. قالت اسماء : ايش قالو يعني ؟ بس قالو لي الخبر .. وامي مشتققه من زمان تبغاك ميهاف : فديتها والله .. بس هي متشققة ؟ بدر اشر لاسماء تقول " ايه " .. بس اسماء خانته : لا والله حتى بدر بيموت من الوناسة .. بيسوي حفلة ببيتنا ميهاف : .... اسماء : وين لسانك ؟ اقول اعطيك خبر حلو ميهاف : شنو ؟ اسماء : الاسبوع الجاي فراس بيجي .. ( بدلع ) وبيخطبوكي يالبرنسيسة من البابا ميهاف : بذمتك ! اسماء : ايه من قدك والله شيخه .. جبتي فراس براسه للديره ميهاف : ههههههه خلاص انا بقوم ماما تبغاني اسماء : يالنصابه .. ماسمعت شي ميهاف : إلا تنادي .. طوط طوط اسماء ماتت ضحك : هههههههههههههههههههههههههه والله شكلها راحت من اللحين تتجهز بدر وقف باعتدال : ههههههههههه فديتها .. يله انا طالع اسماء : ويييين تو فيه اخبار ماعلمتني بها بدر : كلش قلناه وش تبين بعد ؟ اسماء بتمطيط للحروف : الوروود بدر همس لها : اششش .. لاتسمعك امي اسماء : هههههههه وش تعطيني واسكت ؟ بدر : اللي تبين الله يسترك ياشيخه لاتفضحيني اسماء : ياااااااااي ياحليلكم .. مو مصدقة والله بدر : ايه بس امسكي لسانك اسوم .. مانبي اخوانها وابوها يدرون قبل نخطب رسمي ثم نروح فيها اسماء : ولا يهمك .. ما أرضاها لاخوي وزوجته ولو *** صحت غادة من النوم بحماس ولبست وخلصت .. طالعها أحمد وهو يلبس ساعته : يله حياتي جاهزه ؟ غادة وعبايتها بيدها : ايوه جاهزه .. يله مشينا ؟ احمد : يله بنسلم على أهلي ونطلع مباشرة نزلت غادة مع أحمد .. والكل مجتمع بالصالة سلمت على عمها وزوجته .. أم احمد : وبتطولون ؟ أحمد : شهر عسل يمه .. يمكن نطول غادة انبسطت بداخلها .. امنيتها تتأخر .. أبو احمد : والله مفروض مسوين لكم عزيمه قبل تروحون .. بس انت الله يهداك مستعجل أحمد : معليه يبه .. أول مانرجع نسويها ان شاء الله ( التفت لغادة ) يله ؟ غادة : ايوه .. في امان الله كلكم طلو لبرا وهي تعلقت بذراعه .. ابتسم لها : مبسوطة ؟ غادة : مره مره .. مو متخيل وناستي قد ايش ركبو السيارة .. وقف سيارته قدام باب بيت غادة استغربت غادة : شكرا حياتي كان نفسي اشوف اهلي قبل نسافر بس خفت نتأخر أحمد وعيونه على الطريق : كنت اتمنى ما أفجعك بدري .. لكن غادة انتي ماحتسافري معاي غادة : شلون ؟ أحمد : تبين المختصر ؟ غادة فتحت عيونها بصدمه : .... احمد : السفرة هذي مجهزها ابوي هديه لنا ... وتذكرتك عطيتها واحد من ربعي اسف غادة غادة : احمد حياتي .. تمزح انت ؟ .. هذي سفرة شهر عسلنا كيف تضيعه كذا ؟ أحمد تنهد : غادة ماصار شي .. انا تزوجتك لأنك بنت عمي مع كذا ماعندي نيه اسيء معاملتك بس هالسفريه من زمان مجهزها ويا الشباب ومقدر افوتها غادة غصت بحلقها : طيب ليش توديني بيتنا ؟ انا ماتزوجت عشان ارجع هنا !! احمد : مابغى اهلي يعرفون اني تاركك .. فياليت هالسر يكون بيني وبينك غادة : ناوي تخفيني هالشهر ببيتنا يعني أحمد بنفاذ صبر : ياليل ياغادة .. عن الحساسيات.. ماسافرتي هالمره تسافري غيرها .. يله انزلي قبل تفوتني الطيارة غادة انصدمت وماقدرت ترد .. سحبت رجلها وخذت شنطتها ودخلت وهي مخنوقه .. أما احمد مجرد ماوصل للمطار .. سلم على ربعه ومودهم عالي : واخيراااااا أحمد : ههههههههههههههههههه خلاص هالسفره كلها على حسابي تذاكركم كلكم : اثر زواجك ببنت عمك هذا جاب نتيجة احمد : نتيجة ؟ نتااااايج .. المهر اللي جامعه ابوي لعروستي صار لي اسوي به اللي ابغى وفوقه عروسه حلوه ببلاش : والله ابوك مسكين مايدري عن مخططاتك احمد : شاسوي اذا هو مارضى يعطيني هالفلوس الا بهالطريقة .. : وهو يدري ان هالفلوس معاك ؟ احمد بثقة : ايه .. هو تحداني اجيب عروسه صاحيه تاخذني ببلاش وبيعطيني المية الف : والله مانت بسيط أحمد : يله بس نسافر هالشهر ونوسع صدورنا *** غادة .. فتحت لها ابتسام البيت وضمتها بفرح : هلاااااا غغغدو مرحبا ومسهلا غادة بارتباك : هلا فيك .. ابتسام : جايه زياره ؟ والله مو حلوه تو اول اسبوع كان انتظرتي شوي غادة تكابر : لا والله .. ماقدرت اسافر مع احمد واتركم احس مشتاقه لكم .. فقلت له يسافر لحاله ابتسام فتحت عيونها : أنتي من جدك ؟ غادة بلعت ريقها وقالت بارتباك : ايه .. ( قالت بعبره خانقتها ) والله اشتقت لكم وماقدرت .. مارضى يتركني بس انا ترجيته يتركني عندكم ابتسام كانت متأكدة ان السالفه مو كذا .. بس حست مو وقته تضغط عليها : خلاص حبيبتي لاتبكين .. ادخلي ارتاحي طالعت غادة بانحاء البيت وسحبت رجلها لداخل .. مسرع رجعتي ياغادة ؟ .. التفتت لابتسام باحراج : ابتسام انا بدخل انام .. من امس مو نايمه كويس هزت ابتسام راسها وقلبها منفطر على حال اختها : نامي حبيبتي خذي راحتك دخلت غادة ورمت بشنطتها بالغرفه وسحبت فراشها اللي رتبته فوق السرير قبل تترك بيت اهلها واستلقت عليه واطلقت سراح دموعها .. اليومين هذي كانت وهم يعني قبل يصدمها بهالرمية ؟ *** احد افخم المطاعم بالكويت .. كانت تشتغل بكل طاقتها ونشاطها المعتاد تقدم الأطباق للطاولات .. وتساعد بغسل المواعين .. كانت مجتهدة ونشيطة .. مشرف العمل : سارا خلاص انتهى دوامك ارتاحي سارا : ايه بس النادلة الجديده للحين ماجت مشرف العمل : يمكن تأخرت شوي .. بس خلاص انتهى وقت دوامك ماهي مسؤوليتك سارا ابتسمت : ههه لا انا ناشبه هنا لحد تجي .. معروفك معي بهالوظيفة ماراح انساه وهذا اقل شي اسويه قال بارتباك : ماقلتي لي سارا .. ليش نهاد ناشر هالسمعه عنك بكل المطاعم سارا وهذي تتذكر موقفها مع فراس بمطعم نهاد : ايش اقولك ؟ سالفه طويله وهذا اللي صار .. وبكل الاحوال ماراح الوم نهاد حتى لو هو نشر توصيات بكل المطاعم انهم مايوظفوني مشرف العمل بقلق : صاير معك مشكله شي ؟ سارا : لا لاتشيل هم .. كلش تمام مجرد سوء تفاهم وراحت تلتهي بشغلها قبل يتعمق بالاسئلة : شيف انا باخذ الزبايل لبرا سحبت اكياس الزبالة معاها وطلعت مع الباب الخلفي ترميها وتسندت بجسمها على الجدار وهي تطالع السماء والقمر كيف مكتمل ... تنهدت وهي تحس حالتها انقلبت كان متوقعه ترجع الكويت ومباشرة تباشر شغل محترم نظرا لشهادتها اللي تأهلها .. لكن في غضون 4 شهور هذا حالها اعتدلت بوقفتها ورجعت تدخل لكن طلع لها احد الطباخين ورجعها لورا .. طالعت فيه مستغربه : ايش فيه .. ابغى ادخل : ههههه تدخلين ؟ انا مصدقت احصلك لحالك ياحلوه سارا ضرب قلبها .. جهاز التحرش مو معاها بشنطتها تراجعت على ورا وهو يتقدم بجهتها : وين ياحلوه .. ؟ رايحه لفين ؟ سارا : وخر ... قسم بالله لا أصارخ والم عليك العالم سد فمها بسرعه : صارخي اذا تقدري اللحين .. والله وطحتي بيدي اخيرا سحب المغاطه بشعرها حتى تناثر على وجهها وهو يحاول يجردها من بلوزتها وهي تقاوم وبشدة ... ضربات قلبها جنونيه خلاص هذي هي .. النهاية ! المدخل الرئيسي للمطعم / مسك رقبته بارهاق وهو مقفله معه .. طالع يشم هوا من اجتماع سيء طلع سيجارته واشعلها وهو يسحب منها .. انتبه لرجال كبير بالسن يطلع جهاز الربو الخاص فيه .. فمشى لجهه بعيدة عنه عشان مايضايقه بالدخان وتسند على الجدار وهو يكمل سيجارته عقد حواجبه وهو ينتبه لاصوات مريبة .. انفاس مكتومة وحاجه مثيرة للشك تتبع الصوت لحد ماوصل للمخرج الخلفي وهو يشوف محاولة إغتصاب واضحه ... رمى سيجارته ومشى بسرعه ومسك الرجال من خلفية تيشيرته وسحبه من البنت ورماه بالارض وداس برجله عليه لحتى مايوقف ... صرخ فيه الرجال : شتسوي انت ؟ شدخلك ؟ ضغط برجله عليه اكثر : انخرس يادون ... والله مو مضيع هالديرة الا اشكالك ابعد رجله عنه وقال بحده : اقلب وجهك مالي خلقك ولا كان سودت عيشتك نفذ برجله قبل يصير اكثر من كذا .. التفت للبنت وراه وكان حالها مثير للشفقه وعيونها مرعوبة بالارض وشعرها مشعث لامه كتوفها وترتجف .. طالع بالجهه الثانيه وعطاها ظهره : الظاهر انتي بتظلي تطلعي بوجهي وين ما أروح سارا : .......... فراس زفر : خلاص استسلم .. ملفك مازال بالنظام تقدري من بكرة تداومي احسن ماتداومي بهالاماكن الرخيصة سارا رفعت راسها : كيف ؟ فراس وهو مازال معطيها ظهره : فين ما ألف وجهي راح احصلك قدامي .. عشان كذا قررت اتعايش مع الوضع احسن سارا : بس... قاطعها : اسكتي واقبلي العرض قبل اتراجع كمل طريقه لكن وقف فجاه : وقولي لولد عمي الغبي يرجع يداوم .. ولا عطيت منصبه الغبي نايف اختفى من نظرها وهي للحين مو مستوعبة .. كبست بعيونها اكثر من مره .. صدمات واجد بنفس النص ساعه ! *** الرياض – الساعة 8 مساء / طق بدر باب غرفة اسماء : تفضل دخل وهو كاشخ كالعادة لسهره مسائية ومبتسم : كيفك اسوم ؟ اسماء كانت مستلقية على فراشها وبيدها كتاب : ملااانه .. خلاص ابي رجلي تطيب ابي اروح واجي بدر جلس جمبها وحاوطها من كتوفها : ولا يهمك .. اصبري وأول ماتطيبي اوعدك بأحلى مشاوير اسماء : ايوه ايوه .. ما آخذ منك الا الحكي بدر : افا اسوم .. متى وعدتك بشي وماوفيت بوعدي ؟ اسماء سكرت الكتاب : هات الزبدة بدر إيش تبغى ؟ بدر : ههههههههههه طول عمرك فاهمتني .. ابغى رقم المزه خويتك اسماء شهقت : من اللحين رقمها ؟ اصبر الخطبه تصير رسمية بدر : خلي مني سخافاتك وهاتي رقمها .. وش بتفرق الخطبه يعني ؟ خلاص هي صارت لي اسماء بجد : لا والله يابدر بتذبحني ميهاف لو تدري اني عطيتك رقمها بدر : ماحقولها انتي عطيتيني اسماء : تراك ماتعرفها ! لاعصبت شينه بدر : ياليل بتعطيني اياه ولا اروح اخذه من جوال امي اسماء : بعطيك .. بس مو تقول انا بدر : خلاص ماحقول .. هاتي اسماء : هههههههههههههههه وش راح تقولها ؟ بدر : مالك دخل .. انتي هاتي الرقم وبس اسماء مسكت جوالها ترسله الرقم : افففففففف تطفش انت وياها اول ما استلم بدر الرقم باس اسماء بخدها : فديييت عمرها .. يله تشاو اسماء : مع السلامة *** كانت ميهاف جالسة بالحديقة .. جاها فهد من بعيد يركض وانرمى بحظنها : ميهااف ميهاف رفعته وجلسته بحظنها : ههههههه هلا هلا حبيبي .. ليش تركض كذا ؟ فهد وانفاسه تتسارع من الركض : نايف .. نايف يلحقني ميهاف : ماعليك منه خلاص .. مايقدر يجيك اللحين فهد : نايف يع ميهاف بنفس طريقته : ايه نايف يع فهد : وبدر يع ميهاف : ههههههه ايش جاب بدر اللحين ؟ فهد بحزن : بدر مع نايف برا يخوفوني ميهاف : بدر هنا ؟ فهد هز راسه : ايه يبي يثدمني بالثيارة ميهاف طالعت جهة باب البيت بلعت ريقها وشالت فهد ودخلت لعند امها بالمطبخ : ماما ام نايف : هلا حبيبتي ميهاف : اخواني عرفو ؟ .. عن بدر ؟ ام نايف : لا .. خالتك طلبت الخبر مايطلع لحد يرجع فراس ويصير رسمي ميهاف : اها .. ام نايف : ليش ؟ ميهاف : ولا شي ماما .. انا صاعده لغرفتي ام نايف : تعاالي تعالي .. دام جيتي خذي الصينية وديها للمجلس برا ميهاف : مين فيه ؟ ام نايف بابتسامة لها مليون معنى : اخوك وصديقه ميهاف : حاضر .. وخلي هالابتسامات مني ام نايف .. ولا ارفض ترا ام نايف : هههههههه الله لايقوله انا ماصدقت يجي هالشي يفرحني عقب طلاق نايف وقلة ادب لؤي ميهاف خذت الصينية : خلاص ماما رايحه وصلت لعند المجلس .. لكن ماطقت الباب وهي تسمع سالفة اثارت اهتمامها .. نايف : وليش رفضت عرضهم ؟ بدر : ما أدري مالي خلق اسافر .. فرفضت نايف : لاتقول عشان تصوير مع حريم .. ترا هذي مرحلة راح توصلها اللحين ولا بعدين بدر : ياليل الحنه .. كيفي يخي مابي أقبل وبسرعة قم خل نروح للعيال نايف : هههههههههه طيب ترا انا احلى منك اقبل العرض عنك بدر : مره احلى مني الله يحفظك بس نايف : آممين هنا طقت ميهاف الباب .. جاها صوت نايف : خير ميري مسويه تستحين ويا ووجهك ولا اسلمتي مثلا ؟ ادخلي ميهاف ( الله ياخذك يالنكيتي ) .. رجعت تطق الباب .. نايف : احسن خلك ملطوعة عن الباب .. يقالك زعلانه بسبب الجوال اللحين بدر : قم يخي اشغلتنا ميهاف عدلت صوتها : نايف قم خذ القهوه نايف : ههههههههههه اوه ميهاف اسف ع بالي ميري الخبله بدر فز وهو يسمع صوتها .. حاول يلقط منها شي لكن ماقدر غير صوتها ونايف يقولها : ههههههه غريبه شايله القهوه ميهاف : وآخر مره اشيلها رجع نايف بالقهوة ... بدر : هههههههههه حرام عليك نسفت بنفسية بنت عمي نايف : ههههههههههه ماعليك سنفورتي انا وياها متفاهمين بدر : ايه .. دريت ان فراس بيرجع بكره ؟ نايف : ما شاء الله .. ع بالي نسى السعودية بدر : عنده شغل ضروري .. وبيجي نايف : ولؤي بيجي معاه ؟ بدر : شعرفني اخوي ولا اخوك ؟ *** ابتسام كانت جالسة على اعصابها .. لما شافت الوقت تأخر صار لها 12 ساعة نايمة دخلت الغرفة وهزتها بخفه : غدو فتحت غادة عيونها بكسل : ايوه ابتسام ابتسام ابتسمت : والله الزواج غيرك صرتي تصحين على طول .. اول تطلعي روحي غادة : الزواج ؟ ابتسام : ايه زواجك غادة فزت بسرعة ومسكت قلبها .. خافت ابتسام من حركتها : غادة بسم الله شفيك ! غادة : ابتسام .. انا تزوجت صدق ؟ ابتسام : اعوذ بالله من الشيطان الرجيم .. غادة انتي من جدك ؟ غادة وصدرها يرقا وينزل بسرعة جنونية .. فجأة تراجع كلش بعقلها عقب النومة الطويله وصحت وهي بسريرها وكأن مافيه شي تغير حست انه حلم : ....... ابتسام هزتها بخوف : غااادة شفيك ؟ غادة مسكت راسها : مافيني شي ابتسام .. الظاهر اني خرفت ابتسام : بسم الله عليك .. بكلم هيثم يجي يشوفك غادة : لا ابتسام ماله داعي هيثم .. انا بخير ابتسام : طيب ليش ماتقولي لي شصاير ؟ انا متأكدة فيه شي .. غادة : اتركيني اول اشوف ابوي .. من جيت ما شفته ابتسام : تمزحي انتي ؟ الساعة 10 وين تلاقي ابوي صاحي اللحين ؟ غادة : الساعة 10 .. نمت كل هالوقت ؟ ابتسام : ايه خفت اصحيك حسيتك تعبانه بجد .. غادة طمنيني احمد مسوي معاك شي ؟ غادة بانكسار : سافر مع ربعه .. من البداية ماكان ناوي يسافر معاي ابتسام : كيف ؟ غادة بغصه : تخيلي قالي .. ممنوع اهلي يعرفون انك موجودة .. ابتسام : كيف يعني هم ببالهم انك بدبي اللحين ؟ غادة : ايه ... ابتسام بقهر مسكت جوالها .. مسكتها غادة : ايش راح تسوي ؟ ابتسام : بكلم هيثم يروح يتفاهم مع هالحقير زوجك غادة اخذت الجوال منها : لا ابتسام .. مو حلوه مشاكل لسى متزوجين ابتسام : هوا اللي جاب المشاكل .. مايستحي صدق غادة : معاملته معاي كويسه .. ماقدر اعاتبه يعني .. خل يسافر وعدني يعوضني ابتسام طالعت اختها بالم : طيب وينه حتى مادق عليك ؟ غادة بنرفزة : اكيد مشغول بالسفر .. خلاص ابتسام ترا زواجي هذا اللي تارك لكم العماره فليش تبغي تهدميه ؟ ابتسام : انا ابغى اهدم زواجك غادة ؟ .. مجرد ابيه يتأدب لايحسب انه شاريك رخيصه بهالعمارة غادة بالم : خلاص ابتسام قفلي الموضوع الله يخليك ابتسام سكتت احترام لخاطر اختها وهي تفكر كيف تتصرف ..؟ *** دخل فراس الشركة .. ووقف عند مصعب : داومت سارا ؟ مصعب وهو مستغرب : ايه فراس : ولؤي ؟ مصعب : لا .. فراس : اطلب سارا بمكتبي وصعد لمكتبه ويباشر حوسة الملفات والاجهزة .. دخلت سارا عقب فترة : طلبتني ؟ فراس : ايه .. ليش لؤي ماداوم للحين ؟ سارا بارتباك : لانه ماقلت له .. فراس رفع عيونه لها : عفوا ؟ سارا : ماعطيته خبر .. انت مفروض تقوله فراس طالع فيها بحدة : وانا ايش قلت لك امس ؟ مو قلت لك تخبرينه ؟ هذا وهوا منطرد عشانك مفروض عقدة الذنب تخليك تكلميه مباشرة .. ولا انانيتك تركتك تهتمي بحالك بس وتطنشيه سارا ( وانا احسبه عقل .. الظاهر الاعوج الاعوج ) : حاضر بقوله التفتت بتطلع ... فراس : وين ؟ سارا : فيه شي ثاني ؟ فراس : ماتطلعي لحد ما أقولك تطلعي ! .. وكلميه اللحين قدامي اخاف تسويها ثاني وتطنشيه سارا وصلت معاها .. هالمغرور فعلا يسد النفس 24 ساعة صارم دقت على لؤي جاها الرد بصوته البشوش اللي يخليها فعلا ماتصدق انه قريب فراس : هلااا والله هلا ومسهلا سارا : ههههههه اهلين .. كيف حالك ؟ انتبهت لفراس يطالعها بنص عين لما ضحكت .. عدلت اسلوبها وقالت برسمية : اقول لؤي .. ترا انا رجعت لدوامي بشركتكم فارجع انت كمان ؟ لؤي : كيف ؟ سارا : ايوه .. رجعت اداوم رسمي لؤي : بس شلون ؟ سارا : بعدين .. لؤي : ايش اللي بعدين ؟ قولي شالسالفة ؟ سارا توترت فعلا من نظرات فراس فقالت : يله بسكر .. باي طالعت بفراس : كذا تمام ؟ فراس : ايه تمام .. تقدري تطلعي طلعت وهي تدعي ان ربي يعطيها الصبر على هالمخلوق بس هي راضية على الاقل تشتغل وبالشركة .. مو زي اول دون حتى مصدر دخل صاحي .. |
رد: انتماءات كاذبة
السلام عليكم ورحمة الله
احمدظهرت نواياه واخدها سلمه لاجل يوصل لفلوس ابوه ومن بجاحته رايح يقضى شهر العسل مع ربعه ام احمد استغربت حرمه كبيره وتكذب قال ايه ماشفتها قفل على نفسها طول اليوم كدب الابل ميهاف شروطها كانت خايبه توقعتها بتكلمه يشتغل زى اخو او تعرف ليه هو اختارها بعد اخوها ما سحب خطبته لكن ما توقعتش يكون عشان ما يتصورش فى العروض مع بنات وحركه الورد اللى باعته فراس اخيرا حن على ساره بعد ما صعبت عليه لما القبيح حاول يغتصبها طباخ قذر المفروض زميلته فى العمل يحافظ عليها بدال ما هو اللى يتحرش بيها تسلم ايدك فى انتظارالقادم مووووووووووووووووواه |
رد: انتماءات كاذبة
هو باين من الول ان احمد ندل كبير
هى عيلة زفت كلها أصلا ..نفسى بتسد منهم لدرجة الغثيان ميهاف فى النهاية ورغم رزانتها بنت اهتميت تكلمه عن الحاجات اللى بتستفزها كبنت مش عارفين بقى هو اللى هيمرر عيشتها وهتكون شئ كان عايزه وامتلكه ولا هى اللى هتكسر غروره وتمشيه عدل؟ فراس وأخيرا شوية انسانية بعد معاملته المهينة للؤى وسارة واضح ان لؤى معجب بسارة هل هيتطور الإعجاب ولا هيكون ليه سكة تانية؟ تسلمى |
رد: انتماءات كاذبة
اقتباس:
مرحبـــا <3 ميهـاف عايشة رفاهية ماتقدر تميز فيها امور الشغل وهالاشياء .. دام توصلها رفاهيتها مايهمها غيره وتفكيرها تفكير بسيط بالنهاية وسطحي وفراس اخيرا حن ع قولتك , خل ندعي ان حنينه يستمر ومايندم |
رد: انتماءات كاذبة
اقتباس:
ولؤي ومشاعره المفضوحه راح يكون لها مصير طبعا يسلمك ياعسل |
رد: انتماءات كاذبة
" البارت السابع "
عليك بطريق الحق ولا تستوحش لقلة السالكين وإياك وطريق الباطل ولا تغتر بكثرة الهالكين ! الفضيل بن عياض على الرغم من فخامة البيت وكبر حجمه والكل نايم بوقت القيلوله .. ماتحس بالأمان تجري هالمكالمة حتى بغرفتها مشت بعكازتها حتى وصلت للملحق الخارجي وجلست بالجلسة هناك واستنشقت الهواء وضغطت الرقم وجلست تنتظر الإستجابة.. صوت رجالي : الو اسماء : احم .. السلام عليكم .. هذا الفرع الطبي ؟ الرجال بحيرة : ايوه نعم .. ممكن اسأل من معاي ؟ اسماء : هممم .. معاك اسماء اخت فراس الرجال تغيرت نبرته : اهلين اهلا وسهلا .. مرحبا بطويلة العمر كيفك ؟ حست اسماء بانحراج من طريقته لكن حبت تستغل الوضع : حمد الله تمام .. انتو كيف الشغل ؟ الرجال : كلش تمام .. وحمد الله ع سلامتك سمعنا انك تعرضتي لاصابة , حابه نرسل لك دكتور العائلة يتطمن عليك اسماء : لا لا .. مافيني الا العافية بس بصراحة عندي طلب الرجال : آمري اسماء : الفريق الطبي حق العائلة .. تمام ؟ مكتمل يعني ؟ الرجال : ايوه .. ليش انتي عندك أي ملاحظة ؟ اسماء : بصراحة يعني .. فيه دكتور بالمستشفى السعودي الألماني بجدة واليوم بيتخرج وابيك تتخذ الاجراءات يشتغل هنا ضمن مجموعتنا الرجال استغرب : ممكن اعرف وش تخصصه ؟ اسماء وقلبها يدق وهي تتذكره : جراحه الرجال : واسمه ؟ اسماء : هيثم مشعل الرجال : خلاص راح نتواصل مع المستشفى وان شاء الله كلش على طلبك اسماء : اقدر اتطمن يعني ؟ الرجال : تطمني يا آنسه اسماء : شكراا .. شكرا مره .. يله باي سكرت السماعة وهي مو مصدقة اللي سوته .. لها اسبوع ترسم على هالشي بس بكل مره تتردد وتتراجع لكن اللحين تجرأت .. بلعت ريقها خلاص باقي بس تنتظر يجي وتقابله .. *** دخل لؤي الشركة وهو للحين مو فاهم شي .. مكالمتها غريبة وايش يعني انها رجعت تشتغل اساسا ؟! قابله الاستقبال : استاذ لؤي .. الرئيس طالبك اول ماتوصل تزوره بمكتبه لؤي وهو متوجه لقسم الترجمة : ماني فاضيله فراس اللحين ! دخل القسم وهو يتلفت يدورها .. سأل اقرب واحد جمبه : وين سارا ؟ : طلعت مع الوفد الفرنسي وممكن تطول عشان تتم الصفقة طلع من القسم .. وطق باب مكتب فراس : تفضل دخل لؤي ووقف قدام المكتب دون يجلس : شصاير ؟ فراس : أجلس طيب لؤي متنرفز : ماجيت عشان أجلس .. وش هاللعبه اللي تلعبها ؟ تطرد على كيفك وترجع على كيفك ..؟ وش صار بينك وبينها ؟ فراس : لؤي خل مني حركات البزارين وأجلس بالأول ! تنهد بصبر وجلس : وهذا جلسنا .. تكلم فراس هز كتوفه : ماصار شي مهم .. اضطريت ارجعها عشان مالي خلق اطلع ملفها من النظام وعشان ارجعك للشغل لؤي باستهزاء : لا والله وطلع لي خاطر عندك فراس : لؤي انت تعرفني ! حركات الحريم هذي تطلعني من طوري .. وانت ماتدري وش صار بيني وبينها فلا تتكلم.. واحمد ربك اني ماحطيتها براسك عشان مره ثانية تعرف تستغفلني وترجعها من وراي لؤي : عشان كذا انا اسأل ! وش صار بينك وبينها بالضبط ؟ فراس : كلام ماراح يأخر ولايقدم .. عموما انا اليوم راجع للسعودية اسبوع اشوف أمي واخلص كم شغله .. ابيك تمسك الإدارة لؤي : تمام .. متى ماشي ؟ فراس : عقب صلاة العصر لؤي : خلاص اعتمد .. بس مره ثانية تفكر تطردني اسحب عليك وعلى مؤسساتك بكبرها فراس طالعه بنص عين : ومرة ثانية تتناشب معاي عشان حرمة ماراح تهمني سحبتك .. هالمرة مشيتها وهذي هي موجودة .. المرة الثانية ماتمشيك واسطتي لؤي : ههههههه الله يخليلي هالواسطة بس .. مدبرتني بكل اموري فراس : وليتك تقدر بعد لؤي : يله في امان الله .. رحله سعيدة وشركتك وكلش بامان لاتخاف فراس قبل يطلع التفت له : مو احسن لك ارجع والقى حرمة ثانيه طالعه بوجهي انا ماعرفها لؤي : لا خلاص حلا هو .. وحدة بس وتستاهل فراس : في النخل تستاهل .. والله كرمالك بس ولا هي ما تسوى لؤي : ردينا !! ... توكل يابن الحلال سافر شوف اهلك وانسى الشغل شوي ارتاح فراس بنظرة لها معنى: ان شاء الله ما أندم على هالراحة وطلع لبرا .. وبطريقه باللولبي باتجاه البوابة كانت سارا داخله وبإيدها آي سكريم وبشوشه وتضحك وجمبها موظف بنفس قسمها .... طالعها فراس بنص عين وقال دون يوقف : استغرب عقب اللي صار لك امس تقدري تضحكي وتكوني طبيعيه اليوم وقفت سارا والتفتت : عفوا ؟ فراس وقف بدوره والتفت لها : العفو منك .. الظاهر انك متعودة لا تواخذيني سارا عضت شفتها بقوه وعيونها تطالعه بقوه ... فراس عقد حواجبه : شهالنظرات ؟ سارا عدت للعشره داخلها وقلبت لمحتها وابتسمت : ولا شي .. بس قاعدة أفكر اذا التجريح بالناس هواية عندك ؟ فراس : والله أنتي اللي اعتبرتيها تجريح .. ولا أنا اعلق تعليق طبيعي سارا : طبيعي ؟! فراس : ايوه .. اذا مو مصدقة شرايك نروح للؤي نعرض له المشكلة ونسأله اذا كلامي طبيعي او لا لما شافها سكتت طلع وركب سيارته متجاهلها .. سارا مشت بطريقها وهي بتكسر الارض من عصبيتها .. تكرهه فعلا تكرهه ! حتى لما انقذها مازالت تكرهه .. كان تفكيرها تشتغل هنا دون احتكاكات معه بس هو طالع لها من كل مكااان دخلت قسمها ورمت نفسها على كرسيها .. موظف : كيف كان الاجتماع ؟ سارا دون نفس : زين ! موظفه : شو بكي معصبه هيك ؟ سارا طلعت جوالها من شنطتها وطلعت للمنتزه قدام مبنى الشركة وجلست على الارجوحة ودقت .. جاها الرد : هلااا والله سارا : هاي هيثم .. كيفك ؟ هيثم : بخير .. انتي وينك يامعوده ؟ رحتي للكويت وماعاد عرفت عنك شي ... مشى شغلك ؟ سارا تنهدت : ايوه .. من مسكته وانا بشغل هيثم : يعني طلع صدق ! وكيف تراجع هذا فراس عن قراره ؟ سارا : تسألني .. مريض هالانسان نفسيه له مليون مود بالساعه هيثم : ومرتاحة ؟ سارا : ايوه حمد الله ... اليوم تخرجك ؟ هيثم : ههههههه ايوه .. خلاص نتخرج ونمسك الرئاسة اخيرا سارا : على طول تمسكون مافيه اجازه هيثم : هذا طب ياعيني مو جامعه .. سارا : اما كذا حرام .. مافيه حتى حفله ؟ هيثم : لا بيسوو اجتماع بسيط مسائي بالكافتريا بس عشان اعلان النتايج سارا : الله يوفقك اجل .. خسارة مو موجودة بس ابشر بالعوض احلى هدية هيثم : هههههههه اوك ماحنساها سارا : يله بس دقيت اطمنك واتطمن عليك ... راجعة اشتغل هيثم : بالتوفيق سكرت السماعة وظلت تهز الارجوحة ببطء وهي تطالع الشركة .. لازم تلقى طريقة تحط فيها نهاية لهالاهانات .... زفرت وهي تتامل المنتزه والاطفال بكل مكان يلعبون .. جاها طفل من بعيد تقريبا 9 سنوات ومد لها وردة بيضاء لسى ماتفتحت كويس : تفضلي ابتسمت سارا : شكراا .. واو تجنن هههههه... لشنو هالوردة حبيبي ؟ الولد بحياء : لانك حلوة .. احلى وحدة شفتها استحت سارا من جد .. لكن ابتسمت بنعومة وهي تداعب وجهه بالوردة : من ذوقك ياحلو صوت من ورا : معه حق والله .. عنده نظر البزر التفتت سارا .. كان لؤي بعيونه العسلية الواسعة ومبتسم ابتسامة مريحة تناسب وداعته : لؤي لؤي وهو يدفع الارجوحة لقدام : ايوه لؤي .. قدامك تحقيق يا آنسة استعدي سارا وهي تتارجح بالهواء :ما أقدر اتملص من هالتحقيق ؟ هز لؤي راسه بتصميم : مافيه مجال حتى .. واي كذبه او تملص برميك وتتكمبعي قدام العالم سارا : هههههههههههه طيب خل نجلس بمكان لؤي دفع الارجوحة بقوه حتى اختل توازنها : اااااااااااااااااااااااااااااااااااا لؤي يامجنون لؤي رجع يدفها بالخفيف : ايوه عشان تنتبهي ... اولا كيف رجعك فراس للشغل ؟ سارا تفاجأت : ماقالك ؟ لؤي : لا ماقالي .. ولا احد راضي يقولي فانتي بتقولي اللحين ! سارا : هههههههههه طيب لؤي شكلي يضحك والله وانا اتمرجح كذا خل انزل لؤي : قسم بالله بأرميك سارا : يالله .. ما ادري والله فجأه صادفته بالمطعم اللي اشتغل فيه وقال ارجعي للشغل لؤي عقد حواجبه : بس كذا ؟ سارا : ايه صدقني لؤي دفعها بقوه : والله مو داخله راسي .. فيه حلقه مفقودة بقصتك المختصره سارا : ااااااااااااا لؤي والله اخاف بنزل لؤي : هههههههههههه لاتصارخي شوفي البزارين ناقدين عليك سارا : ياشينك .. والله ولد عمك نفسيه شعرفني عنه ؟ فجاه قال ارجعي لؤي بنظرات تشكيك : اكيد سارا ؟ سارا : اكيييد اكيد تنهد لؤي .. ثم ابتسم بوسع ورماها لاعلى مكان .. غمضت سارا عيونها : اااااااااااااااااااااااااااااااااا لؤي لؤي لؤي وقفففف دخت لؤي : ههههههههههههههههه ماني مجنون اوقف .. لو اوقفك قتلتيني سارا وهي شوي وتبكي : كويسس انك عاااارف ! لؤي : هههههههههههههههههه معناها خليك في الجو سارا برجاء : خلاص والله ما أقتلك بتركك تعيش بس نزلننني وقفها لؤي .. سارا مسكت راسها وهي تحس بدوخة التفتت له بلوم وقامت ناويه عليه .. لؤي رفع يده وهو يتراجع لورا : لا لا لا حنا بينا وعد سارا : أي وعد ؟ ما أذكر ؟ لؤي ركض وهي تلاحقه : وقففففففف ياجبااااااااااان ... وقففف تعاونو اطفال المنتزه كلهم مع البنت الحلوة ام عيون تركوازيه ضد الرجال الشرير اللي بكاها بنظرهم لحد مامسكوه وسدحوه على الارض ... لؤي وهو يلاحق انفاسه : هههههههههههههههههه مؤامرة كذاا سارا وقفت قدامه : ههههههههههههههههه شاطرين حبايبي .. يله اللحين كلكم اضربوه عشان يتأدب الاطفال ماصدقو وهم يبردون حرة البنت المسكينة فيه وهو ميت ضحك : هههههههههههههههه اااااه تعور ... سارا فكيهم الله يخليك سارا وهي تعاون البزران وترش التراب عليه : هههههههههههه دواااك *** الساعة 6 المغرب – جدة – بيت أبو هيثم / غادة جالسة بالصالة مستلقية على الكنبة وبحظنها صحن مكسرات وتاكل وتتابع التلفزيون والمكان حولها مزبلة وجوالها قدامها كل شوي تخزه تبيه يدق مو راضي .. دخلت ابتسام من الحوش وسلة الغسيل ساندتها على خصرها وحالتها حالة ... جلسة السلة بقوة بالصالة وحطت يدها على خصرها : غادة ! وش هالمزبلة ؟ غادة مالتفتت لها حتى : ............ ابتسام : غادة ! غادة مازالت تاكل بالمكسرات ومتجاهله .. فقدت ابتسام صبرها وفصلت سلك التلفزيون .. طالعتها غادة بحده : خير ان شاء الله ! ابتسام : وصمخ بعد ! لي ساعة اكلمك ردي علي غادة : خير شتبين ؟ ابتسام : غادة تكلمي معي زين احسن لك صوت ابو هيثم من الغرفة : بنااات شفيكم ؟ غادة وقفت بعصبية ودخلت عند ابوها : هذي ابتساموه جلستي بالبيت على راسها ما كأنه بيتي ... ولا خلاص تزوجت ومعد صار لي مكان هنا ! ابو هيثم : وش هالحكي وانا ابوك ؟ غادة : هذا اللي اشوفه !! ومشت معصبة للغرفة وسكرت الباب باقوى ماعندها .. دخلت ابتسام عند ابوها : شايف يايبه هذا حالها اليوم كله من صحت وهي منفعله ومعصبه .. وما اقولها كلمة الا تصير كذا ابو هيثم : تلقينها مقهوره اعذريها ابتسام بقلة حيلة : ولمتى اعذرها يبه ؟ صايره حساسه من كلامي كله .. والله اقولها كلام عادي بس تحطه حساسيات واني راميتها وما أبيها ابو هيثم : لا حول ولا قوة الا بالله سمعو صوت قوي من الغرفة .. مسكت ابتسام راسها : شايف يبه .. مجنونه مو صاحية ابو هيثم : ماكلمها زوجها للحين ؟ ابتسام طلعت من الغرفة : لا الله يمحيه يارب .. بطريق ابتسام للمطبخ سمعت صوت جوال غادة بالصالة مسكته " حبيبي " .. كشت على شاشة الجوال : امحق حبيب من قهرها فتحت المكالمة وردت هي : نعم ! احمد بصوت مستغرب : غادة ؟ ابتسام بخشونة : لا ! غادة مو فاضيه لك ... شتبي ؟ احمد : اهاا .. انتي ابتسام ؟ ابتسام : يالقافط ! احمد : هيييه هيه انتي .. ليش تحاكيني كذا ترا مو اصغر عيالك , وبعدين شدخلك تردين على جوالات الناس .. عطي غادة تكلمني ابتسام : وانت لاترفع صوتك .. وقلنا لك غادة مو فاضيه لك طلعت غادة من الغرفة وفتحت عيونها وهي تطالع ابتسام مشت لعندها بسرعة : شتسوين ؟ احمد : ماشي ماشي .. ( سكر السماعة ) التفتت ابتسام لها : هذا رجلك بعد قليل ادب .. اسلوبه زي وجهه غادة بعصبيه : وانتي شدخلك تردين ؟ من اذن لك تردين ؟ جوالك ؟ جوالك ؟ ابتسام بين اسنانها : اخر مره اقولك لاترفعين صوتك غادة : ياهوووه فكينا زين ... شين وقوي عين بعد طلعت بجوالها لبرا ودقت على احمد وعقب الشين ودبل مكالمات رد : نعم ! غادة بلعت ريقها : هلا حياتي .. كيفك ؟ احمد : لا ياشيخة .. احلفي بس ؟ غادة : والله ماكنت عند الجوال .. احمد نفخ : اللي هو !! اختك هذي تحترم نفسها احسن لها بنات ماتربن غادة غمضت عيونها وعضت شفايفها : طول بالك احمد احمد : والله والله لو هي مو بنت لكان عرفت اتفاهم معاها .. مير حرام انها بنت اصلن ولسانها الطويل وسكر السماعة .. غادة : الو ... الو ... أحمد .. احمد ؟! نزلت جوالها بقهر ورجعت داخله لغرفتها دون تكلم احد .. رغم ان ابو هيثم ناداها اكثر من مره .. *** بمكان آخر بجدة – المستشفى السعودي الألماني / صالة الإجتماعات والدكاترة بكل مكان .. وبعد انتهاء البروفسير من كلمته وسط تصفيقات الجميع : ومبروك للخريجين .. وان شاء الله يتوفق كل واحد بالتخصص اللي اختاره كان هيثم محاوط برؤساء الاقسام من كل مكان .. الكل يبغى يكسب الطالب العبقري لقسمه ابتسم هيثم : معليش بس انا مقرر من البداية جراحة عظام .. الدكتور : بس انت بتاع كلوه يا ابني هيثم : ايوه دكتور فاهم .. لكن هذي رغبتي من دخلت الطب الدكتور : لكان ربنا يوفقك يابني جا مهند من ورا : ههههههههههه ياشيخ من خلصنا وانت مو فاضي الكل يحاكيك هيثم ابتسم : والله فرحتي قد الدنيا .. ماتصدق قد ايش مهند : تعال نجلس مع العيال هناك .. الليلة ليلتنا قبل نغرق بالكرف بكرة هيثم : هههههههههه قولتك بس انا ماحطول .. لازم ارجع البيت اخذ بركة أبوي مهند : ماحتطول تعال جلس هيثم مع العالم .. وكعادة الاطباء سوالفهم ضمن نطاق عملهم حتى لو كان برا المستشفى وسط سوالف الطب والعمليات والامراض ونقاش الحالات .. جت ممرضة : هاي .. مبروك التخرج ياجماعه : يبارك فيك مس الممرضة : دكتو هيثم .. المدير طالبك بمكتبه هيثم : جاي مهند : هههههههههههههه لايكون المدير ناوي يحطك مدير من اللحين بعد هيثم : هههههههه وقتها اجل خذ اول قرار .. انت مطرود مهند : افااا من اولها هيثم : يله رايح اشوفه دخل لعند المدير .. ابتسم المدير : مبروك دكتور هيثم : يبارك فيك المدير : عظام مو ؟ هيثم : ايه .. رغبتي الاولى والاخيره المدير : انت عبقري ووين ماراح تروح راح تعرف تتصرف .. والله يوفقك وتوصل لاعلى المراتب هيثم ابتسم بثقه : هذا الي ناويه المدير : احم .. انا جايني عرض خاص .. ومخصوص لك هيثم : من فين ؟ المدير : من الرياض هيثم : ايه بس انا ساكن بجدة ومقدر اروح المدير : العرض كبير جدا .. والراتب فوق فوق ماتتصور وبجهود اقل هذا الظرف تفضله شوفه وفكر فيه ورد لي خبر بكره هيثم اخذ الظرف وهو مستغرب .. ماله أي علاقة بالرياض .. حتى دكاترة الرياض مايعرفهم هز راسه وطلع وفتح الظرف مباشرة وهو يمشي بالطريق .. وقف للحظة ! ( طاقم مؤسسة الشمري الطبي الخاص بالعائلة .. يطلبك للعمل ضمن المجموعة ) تذكر مباشرة ... قبل فترة مريضة الشمري الي اشتغل على حالتها ( دكتور .. شرايك تصير دكتوري الخاص ؟ هيثم : عفوا : ايه .. يعني انت شاطر مره وصرت تعرف معلوماتي الصحية ... فـ : شكرا على عرضك لكني ارفض ) عرضت عليه مره من قبل لما كانت مريضة هنا واللحين عادت عليه العرض برسمية .. فوق كذا ال 30 الف المخصوصة له لخدمته عقد حواجبه وهو يطالع في العرض نزل الورقة وتنهد .. ( ع بالها بتشتريني هذي ؟ ) جا مهند : وينك لنا ساعة نحتريك .. شصار صرت المدير اشيل عفشي وارحل ؟ طالعه هيثم : لا .. شي اغرب مهند : شالسالفة ..؟ هيثم رجع الورقة للظرف ودخله بجيب معطفه : ماعليك ..مافيه حاجة مهمه مهند : هجل وش الشي الغريب ؟ هيثم : ياهوه مهند عن الزنه .. خلاص مابي اقولك مهند : خلاص خلاص اسف بشويش .. هبيت فيني هيثم مشى وهو مايبي لها تفكير بالموضوع .. راح يرفض لكن اللي يحير هو شسالفة بنت الشمري هذي ؟ حركاتها هذي مو عادية .. معقولة لهالدرجة اثبت لها اني ماهر بتجبيره .. حتى التجبيرة الممرضة مسويتها مو انا ! *** الريـاض – 10 مساء / عائلة أبو فراس متجهزين كلهم بالصالة .. أم فراس وبدر جالسين يتكلمون .. وياسمين تطالع بالتلفزيون وانس على جواله .. واسماء بالحوش وتهمس بجاولها : خلاص تأكدت العرض انرسل لهم ؟ : طبعا تقدري تعتمدي خلاص .. اليوم كان التخرج وان شاء الله ينتقل عندنا اسماء بفرح : خلاص شكرا .. يله باي سكرت السماعة ورجعت تدخل : اااه تعبت من المشي بدر : اللحين بكرة بتروحين بعكازاتك اسماء : لا والله .. اساسا انا اعرف امشي بس معجبني شكل العكازات احسها ستايل فامشي بها دايم ! تستهبل انت ؟ بدر : يمه منك ام لسانين .. خلاص اسفين بس نسأل ام فراس : مو كأنه تأخر .. بدر : يمه ما تأخر شوي ويجي اسماء : والله ذكريات فراس .. احس ملامحه حتى مشوشه براسي ياسمين طالعتها بنص عين : مو لهالدرجة اسماء : هههههههه انكت شفيكم ؟ يالله ثقيلين دم هالعائله بدر : قولي شكرا لخطبتي .. اللي جابته لك اسماء : شحقه نقول شكرا ؟ عشان جبت فراس يحاسبنا على الطلعه والدخله والافعال والنظام والخرابيط ؟ بدر : والله معك حق ام فراس : حرام عليكم ! هذا اخوكم الكبير .. وكذا كلامكم عنه وانتو زمان ماشفتوه .. مالت عليكم اخوان انس : الصدق الصدق .. أنا اشتقت لفراس واحبه ومبسوط انه بيجي اسماء : اساسا انت الله يستر منك بتطلع نسخه منه سمعت ام فراس صوت البوابة تنفتح ففزت من مكانها : بعد عمري وصل وصل طلع بدر من البوابة .. واستقبله : هلااا بالمولي فراس ببنطالة الأسود وقميص رسمي ارماني أسود , مع شعره الفحمي الكثيف ونظاراته الشمسيه رمى المفتاح على الحارس : اركن سيارتي ونزل شناطي .. هلا فيك .. شخبارك ؟ بدر : اووه حمد الله اموري تمام بجيتك فراس : والله حق المصالح مو حقي بدر : هههههههههههه افا حقكم كلكم ... يله ادخل امي مشتاقه لك دخل فراس وهو ملهوف على شوفة امه .. ضمها اول ماشافها وباس راسها وام فراس ضمته بحراره : ياقلبي ياظناي .. وحشتني وحشتني شوفتك .. شخبارك يمه ؟ طيب ؟ فراس وابتسامة ناادرة ناادرة جدا تنرسم على وجهه : يابعد حيي يام فراس ..( باس يدها ) وحشتيني اكثر يالغاليه ام فراس : والله كأنك نحفان .. لايكون ماتاكل زين هناك ؟ فراس : ههههههه مجاعه عايش انا ؟ اكل حمد الله ... بس تبغي ارجع زي اول سوي لي كبستك انس تنحنح : احم احم نحن هنا فراس ابتسم له وسلم عليه : هلا بالشيخ ... عسى منتبه للبيت زين ؟ انس : افا بس .. ذيب لاتخاف فراس : قدها أبو فهاد .. ( التفت لاسماء ) وانتي كيفك ؟ اسماء : بدري بدري تسأل ؟ انكسرت رجلي ولا شفنا حتى اتصال فراس : بدينا طولة اللسان ؟ .. والله دقيت مارديتي مب مشكلتي اسماء : دقه وحده ولا عاد دقيت كأنه ودك بالفكه ! فراس : انا قايل لو الف الدنيا كلها وارجع بلقى الكل متعدل الا انتي .. تسنعي وسلمي زي العالم والناس اسماء مشت لعنده بعكازاتها وسلمت : هالمره سماح عشان من زمان مانلمينا كذا فراس سلم عليها : ايه خليك كذا تجننين سلم على ياسمين الهادية ثم جلس : غرفتي جاهزه ؟ ام فراس : ايه طبعا .. نظفناها وجهزناها وطيبناها وكلش ؟ فراس : عال العال .. انا بصعد ابدل على مايزهب الغداء بدر : هههههههههههههه يزهب ؟ الظاهر الكويت اثرت فيك فراس : معاشرهم اكثر منك .. اكيد بتأثر صعد فراس لفوق واخذ له شاور ولبس بنطال بيجامة قطني نايك مع شيرت اسود دون تفاصيل وشعره الاسود الافحم مبلل .. طالع وسيم رجولي يفتن مستوى وسامته بمستوى بدر اذا ماكان اكثر .. لكن اهتمام بدر بنفسه موصله لهالسمعة اكثر ... نزل وجلس معاهم .. طالع بانس اللي يلعب بلاي ستيشن : ماوراك مدرسة أنت ؟ أنس : أيه .. بس تو بدري فراس : طفه قوم نام .. وانتي ياسمين أنس : تو بدري دجاج حنا ننام من اللحين فراس : غرفتك اللحين ولا هالبلايستيشن سنه ماتشوفه أنس قام لانه عارف تهديدات فراس مب فارغه .. طالعته اسماء : هههههههه مو تحب فراس وتبغاه هجل اصبر على النظام انس وهو يتحلطم ويصعد : غيرت رايي بدر : حرام عليك كان تركته شوي يكمل لعبته فراس : لاحق ... وين امي ؟ اسماء : تجهز العشاء فراس طالع باسماء بنص عين : خير وش هالصبغة ؟ اسماء : ايه صح انت ماكنت موجود لما صبغت ... ( حركت شعرها بيدها بثقة ) شرايك لابق لي ؟ فراس كشر : لا مب حلو .. مو لايق لك الاشقر طالعه شهباء اسماء بقهر : شهباء ! انا شهباء ؟؟ ... اصلن انت شعرفك بالذوق ؟ فراس : ماله بالذوق .. له بالعيون أي احد في راسه عيون بيعرف ان اللون بايخ والاسود احلى عليك اسماء : عاجبني عاجبني .. وبصبغه كذا طول الوقت فراس ببرود : شعرك وعلى راسك حطيه مصخره كيف ماتبين .. مجرد راي بس خذيه ولا قطيه البحر بدر : ماعليك منه اسوم .. طالعه تجننين يكفي انه نفس لون شعر حبيبة القلب اسماء :مو عشاني يعني ! بدر : هههههههههههههه إلا عشانك وعشانها.. الا فراس لؤي ماجا معاك ؟ فراس : لا ... المهم انت انا بروح معك بكره وبخطب لك واللي تبغى بس المهر دبر حالك بدر : نص المؤسسات هذي نصيبي وورثي .. باخذ منها فراس : نصيبك وورثك ولا فكرت مره تشتغل فيها .. والله لو مو انا كان تدفع اقساطها اللحين بدر : وش يعني ؟ فراس : يعني مؤسساتك لك بس تعال اشتغل فيها .. ولا غير كذا انا بسحب عملائي من اقسامك وبشوف اذا بتطلع منها ريال بدر : مالي خلق الشغل .. انت ماسك الشغل وماشي حاله فراس ببرود : براحتك .. روح طلع المهر من عروض الازياء حقتك بدر : طيب بحط مسؤول نيابه عني يشتغل فيها فراس : والله سو اللي تبي .. انا مو مسؤول راعي الحلال اعرف به أم فراس دخلت : ايه هذا الحكي السنع اشتغل ودبر مهرك .. مو حلوه تجلس بعرض الازياء طول الوقت بدر : ماراح اشتغل لاتفكرون حتى !! بحط واحد ينوب عني وكيل يعني ... انا شغلكم هذا كله مايعجبني ومالي فيه ام فراس : بس شلون ياولدي كذا ؟ فراس : اتركيه يمه .. هو يتصرف بحاله رجال وش كبره بنقعد نداريه بعد ؟ بدر : محد طلب منك تداريني .. والله الحمار اللي يحط مصلحة له بين يديك فراس طالعه باستخفاف ثم طالع امه وابتسم : العشاء جاهز ؟ بموت جوع ام فراس : ايه جاهز حبيبي تفضلو قامو للعشاء .. وبدر طلع دون يتعشى رن جواله : الو ! نايف : هلا والله .. شخبارك ؟ بدر : زفت نايف : هههههههههههه فراس جا بدر : يخي ابفهم كيف يقدر يصير نجس وغثيث ومايطاق كذا .. اقسم بالله من دخل البيت ماترك احد مااقرف امه نايف : والله حتى انا مالي خلق مقابله ... بس ابوي عازمه بكره بيتنا عزيمة كبيرة بدر انشرح صدره وهو يفكر عزيمة بكرة بيخطب فيها : يله نوسع صدرنا عزايم ووناسه نايف :أي وناسه واللي يعافيك .. شيبان بيجتمعون يحكون عن اسهم ومنقيات واراضي واسعار وقرف بدر : لا انا متفائل احس عزيمة بكره بتكون غير شكل نايف : يله بس انا بسكر .. ماراح اقدر اجي الاستراحة اليوم مرتبط مع نهى بدر : براحتك اجل .. يله باي سكر بدر وهو جالس يفكر .. لازم يلقى حل ويا هالمؤسسات ولا مستحيل عرض الازياء يدبر له حق بيت من المستوى اللي يبغاه .. تافف وقرر يأجل التفكير اساسا العرس عقب فتره طويله اللحين ينبسط بخطوبته وبس *** دخل هيثم البيت وهو طاير من الوناسة .. دخل مباشرة عند أبوه وباس راسه : توفقنا يايبه .. خلاص الشهاده جات ابو هيثم : الف مبروك يابوك ... والله ورفعت راسي دخلت ابتسام بفرحة وسلمت على هيثم : مبروووك مبروك هيثم .. والله احلى خبر سمعته تستاهل كل خير اخوي هيثم : ههههههههه تسلمين ... خلاص انفرجت ان شاء الله عقب الوظيفة كل امورنا بتجي تمام ابتسام : والله مو مستوعبه .. يعني راتبك يسوى ؟ هيثم طالعها بنص عين : ابتسام .. تسع سنين كرف حمير وغثى وماننام واخر شي تقولين راتب يسوى .. يسوى ونص بعد ابتسام : تستاهل والله يا أخوي كل خير هيثم حط كيسه بيده : جهزيها ابتسام .. قلت اجي احتفل معاكم واطلع عقبها ابتسام طالعت بالكيسة .. كانت تورته تفتح النفس : هههههههه ليش جبتها ؟ انا مجهزه لك وحده هيثم : اما كذا ! ع بالي مافكرتي فيني ابتسام :افا عليك انا ما أفكر فيك ؟ يله نتركها لبكرة حقتك .. واليوم ناكل حقتي .. ثواني وتصير جاهزة جهزت ابتسام الكيكة .. وسهرو بسوالف وفرحة بنجاح هيثم وفضلت ابتسام ماتجيب طاري غادة او انها موجودة عشان ماتعكر فرحته ... ويمكن تصير مشكلة على شي مايسوى خصوصا مع مزاج غادة المتوتر *** اسماء كانت غاطة بنومة عميقة للظهر .. صحت من النوم على صوت رنة موبايلها طالعت المتصل وفزت بسرعة وعدلت صوتها : اااحم احم ... ( ردت ) اهلين الموظف : اهلا وسهلا يا انسة .. كيفك ؟ اسماء : حمد الله .. شصار ؟ الموظف : والله مدري شلون اقولك ..؟ بس هو رفض العرض اسماء : كيف يعني ؟ الموظف : ارسلنا ملف العرض لمستشفاه ووصلنا الرد قبل شوي انه رفض العرض ومايبغى يشتغل هنا اسماء احبطت .. ماتوقعته يرفض وبهالسرعة : خلاص مشكور يعطيك العافيه الموظف : نقدر نضغط عليه اكثر اذا تبغي اسماء : لا لا مافيه داعي خلاص .. بمستشفى جـــدة / هيثم يمشي بالممرات لوجهته ومهند جمبه : مجنون انت ؟ كيف ترفض هالعرض ؟ انت شايف الراتب بس مضاعف راتبنا 3 مرات هيثم : مهند تستهبل انت ولا من جدك ؟ انا عندي خوات هنا وابوي مقدر اخليهم مهند : حسب ما اعرف ان وحده من خواتك تزوجت .. يعني وحده بس مع الوالد الله يحفظه يروحون معاك مو مشكلة هيثم : وليش اروح دكتور خصوصي اكبر حاله بتجيني يمكن ارتب حميه غذائيه لمدام الشمري مهند : ايه هذا العز .. مرتاح مافيه ضغط هيثم : لو عارف سفطت الوظيفه لك .. بالنسبة لي مادرست تسع سنين وافنيت عمري عشان امسح جوخ لبطرانين مهند : والله تفكيرك عجيب انت هيثم : ياشيخ فكنا *** صحت غادة من النوم بدري .. وهي تحس بتأنيب الضمير امس طول الليل ظلت تسمع سهرتهم برا بس خافت تطلع مالها وجه وبس بتنكد عليهم .. طلعت للصالة ورتبت المكان .. ودخلت المطبخ ونظفته وهي تشوف بقايا صحون الكيك والسهره امس .. الزعل بس احرق قلبها وما فادها جهزت الفطور لابوها وابتسام واشغلت نفسها بشغل البيت ونشرت الغسيل وخلصت كلش .. بعد ساعة طلعت ابتسام من الغرفه وهي مستغربة كل هالنظافه بالبيت والريحة عطر .. دخلت غرفة ابوها كان جالس وجمبه غادة متربعه وتعطيه فطوره ابتسمت غادة : فطورك ابتسام .. تعالي افطري معانا ابتسام : ما شاء الله وش هالرضا ؟ غادة : ارجع ازعل يعني ؟ ابتسام : لا يامعودة لاتزعلي ولا شي غادة : اجل تعالي افطري وبس خل نوسع صدورنا جلست ابتسام : ههههههههه من عيوني .. الله غادة مسويه فطور وش هالنعيم ابو هيثم : ايه .. ياحلوكن كذا تفتحن النفس .. مو مثل امس صراخ وهواش عيب الخوات مالهن الا بعض غادة : صدقت يبه عطت ابتسام ابوها الدوا وطلعن من عنده .. دخلت ابتسام على غادة وهي ترتب المطبخ وتنظف المواعين : غدو حبيبتي غادة : لبيه ابتسام مسكت يديها : انا عارفه ياقلبي انك زعلانه .. وما ألومك اللي صار معك مو شوي وانا صح غلطت لما رديت على احمد بس هذا من قهري عليك انتي دنيتي وما أرضا احد يهينك بهالطريقة .. غادة : انا اسفه ابتسام .. ماكان له داعي اصارخ عليك ابتسام : وانا اسفه بعد .. بس ابغى منك تكوني قويه وتعرفي تحلي هالمشكلة احمد واضح من تصرفه هذا انه طايش , فلازم ماتكوني طايشة مثله .. واحد لازم يكون عاقل عشان تتماسك هالعلاقة غادة ابتسمت بألم : ماتوقعت بيوم .. اني بكون مصدر عقل لاحد .. ابتسام : ههههههه حتى انا . . معناها انك كبرتي من جد غادة : تدرين فيه فيلم بيعرض بعد نص ساعه .. مره مره رهيب تتابعيه معاي ؟ ابتسام : اكيد ايش ورانا .. نجيب فصفص اللحين ونتربع غادة : يلا روحي انا لاحقتك بالفصفص *** الســاعة 7 مساء / ضبط فراس كشختة ... ونزل لتحت حصل قدامه الكل جاهز ماعدا بدر : وين بدر ؟ ام فراس : ما أدري عنه للحين مانزل فراس : ياليل .. انا صاعد اشوفه اسبقوني السياره صعد لفوق ودخل غرفة بدر حصله قدام المراية يضبط شماغه .. فراس : من جدك انت ؟ داخل عليك قبل البس وكنت بنفس الشكل قدام المنظره .. لبست وخلصت وتجهزت ورجعت وانت على نفس الوضع بدر التفت له بملل : والليل .. ووش حارق رزك ؟ فراس : لا ترفع ضغطي قدامي اطلع ولا روح اخطب لحالك بدر : بيذلنا قسم بالله مذله مو خطبة .. قدامي شرف طلع كل واحد بسيارته وفراس معاه ام فراس وانس .. وبدر معه اسماء وياسمين اول ماوصلو قصر أبو نايف دخلو لقسم الحريم وكانت ام نايف مجهزه جمعه للحريم بهالمناسبة .. لازم الكل يكون موجود عشان يوصله الخبر ... طالعت ام فراس ميهاف بإعجاب وهي جالسة مع بنات عمها وصاحباتها وتسولف .. كانت لابسه تنورة سكيني لنص السآق مرشمه برسومات اغريقية بألوان البرتقالي والأحمر والاصفر والازرق , مع بلوزة بيضا تحت التنورة فضفاضة بكم حاير جسمها لحاله كان حكاية ثانية .. مع كعب احمر طويل وشعرها الاشقر المشعث حاطته على جنب بطريقة رايقة مع مكياج بسيط ضل ترابي وروج مشمشي طافي ومناكير حمرا .. وحاطه رجل على رجل وداد : بصراحة ميهاف جسمك مسكت بهالتنانير .. هاتي الخلطه وش سر الجسم ؟ اسماء قطت بنص السالفة وهي تسلم على ميهاف: بسم الله عليها لا خلطة ولا شي هذا جسم ميهاف من عرفناها وداد : الله يحفظها ميهاف سلمت عليها : هههههههه جايه بعبايتك .. روحي افصخيها وبعدين تعالي اسماء : شايفه الحال بعكازاتي وحالتي صعبه ساعديني وقفت ميهاف ومسكتها : يله مشينا اول ماطلعو طالعتها اسماء بنظرات خبث : كل هذا عشان بديران ميهاف بثقة : لا حبيبتي كل هذا عشان نفسي وسمعتي .. ولا يقالك طول عمرك تشوفيني شيفه واليوم صرت كشخه .. طول عمري كذا اسماء : كويس عامله حسابك وكاشخه بس .. بيطلب يشوفك اكيد ميهاف : ايوه عارفة .. والله ماما هاوشتني تقول التنورة ضيقة عيب يشوفك اول مره كذا اسماء : والله مامتك عندها وجهة نظر .. يعني اخاف يخطفك ميهاف : ههههههههه عقبال مايجي واحد يخطفك اسماء : والله ميهاف بجد تعوذي .. الله يحفظك من كل شر قمر مصور ميهاف : ماعليك قصور طلعو البنات من غرفة الحريم : طفشنا جوا عند الحريم وسوالفهن ميهاف : حابين تجلسو بالغرفة الجانبيه سجى برجاجتها : لا لا .. بنصعد السطح تكفون ابي اخزخز العيال ميهاف : سجى استحي وش نخزخزهم صديقة من صديقات ميهاف : ايييييييييييه ميهاف طلبتك .. وبعدين وش استحي بنشوفهم عادي ميهاف : هههههههه خلاص اوك .. استنو اساعد اسوم اسماء : لا ماراح اصعد .. رجلي صعبه اصعد بها ومالي خلق بجلس هنا احسن وداد : غريبه بالعادة انتي اول وحده ماتفوتين هالسوالف اسماء دون نفس : الواحد يكبر سجى : عدال يالكبيره فكينا عاد نبي نطلع صدق ! ميهاف : يله اصبري .. بتنصرع علينا ميهاف همست لاسماء : فيك شي اسوم ؟ اسماء : لا والله مافيه .. بس بجلس عند الحريم احسن وش يطلعني فوق بعكازاتي ابتسمت ميهاف : خلاص حنا ماحنتاخر .. دقايق وراجعات اسماء : خذي راحتك حبيبتي طلعو البنات لفوق السطح وسجى اول وحده نطت تطالع وميهاف ووداد ورفيف وراها ... سجى : وينه وين بدر ؟ ميهاف كان دايم متعودة تشوف سجى تسأل عن بدر بشكل طبيعي .. لكن هالمره غيره اشتعلت غيره وهي تطالعها بقهر رفيف شهقت : بنات من هذا سجى : مين رفيف اشرت لشاب طويل اسمراني عيونه زيتيه كحيله وخشمه كانه سلة سيف ,, وذقنه مشعث شعر خفيف بلون شعره بين الاسود والبني .. وبنية جسمه عريضه .. طالعتها ميهاف باستخاف : قصدك اللي لابس ثوب اسود مطرز ؟ رفيف وهي فاتحه فمها : اييييييه ميهاف : تستهبلين ؟ رفيف : لا والله مين ؟ ميهاف : هذا نايف اخوي جعله يخلف عليك رفيف : هذا نيوف ماغيره !! نعنبو بليسه يجنن ميهاف : هههههههههه ايوه هو وطول عمره كذا .. بس عشان نادر ينشاف ميهاف وعيونها على بدر اللي واقف جمب نايف ويسولف معه ولابس ثوب ابيض وغتره بيضاء : الله يحفظهم بس سجى بحياء : فراس هناك وداد : عششتو استحت الكل كان عارف بمشاعر سجى لفراس .. هي تخق مع الكل وتطالع بس فراس لا مشاعرها جديه شوي وتحبه من قلب : والله زمان ماشفته ميهاف : هههههههههه ووش رايك ؟ سجى : يجنن .. طول عمره يجنن رفيف : اول مره اشوفه بعزايمكم .. ما اعرفه الا من الجرايد والاخبار وداد : بصراحة احلى من بدر رفيف : هو احلى .. بس بدر اطول ومبتسم فراس جدي شوفي كيف مابتسم من دخل سجى : ثقل ياعمري .. جعلني فدا بس ميهاف : ماخذات راحتكن عشان اسوم مو هنا تاكلكن سجى : ايه والله ياشينها من اقول شي في اخوانها تحسبني بصكهم عين رفيف : ياكثر الفاتنين هنا .. حتى اخوك ياوداد عبد المجيد يجنن .. بس الصدق الصدق نايف هذا حكاية ثانيه انصدمت ..مدري كيف حرمته رضت تتطلق منه لو انا اتشبث بيدي ورجلي احسن النسل ميهاف : هههههههههههههههههههههههههه من جدك رفيف .. ماقصرت يكفيها يزيد وداد : اقول بنات خل ننزل .. اخاف احد يشوفنا ونروح فيها سجى : شوي شوي بطالع ميهاف : لا معها حق وداد .. خل ننزل لو يعرفون ان حنا فوق سوا لي ابوي سالفه سجى استسلمت وهي تلقي نظرة اخيره على فراس .. ونزلت .. *** بمجلس الرجال .. كان فراس حديث المكان ويتكلم مع الكل .. والكل يدور فرصته لأنه مو كل يوم يقابل هامور السوق بمناسبة .. وبدر كل شوي ينغزه يبيه يباشر الموضوع وفراس يخزه بمعنى " اسكت شوي " فراس بصوت مرتفع شوي : عمي .. انا جايك طالبك واتمنى ماتردني ابو نايف : ماعاش من ردك ابو فهاد .. انت سم واعتبره جاك فراس : حنا لاجينا نخطب ندور التربية والنسب .. وانا اشهد اني لقيتها مجتمعة في المحروسة بنت عمي وحاب اطلبها لاخوي بدر ابو نايف انصدم .. كثر خطاطيب ميهاف محد مثل بدر .. قال بفرحة : وانا عطيته .. وبدر ولدي وماحلقى احسن منه لبنتي بدر : يسلمك ياعم هلت التباريك عليهم من كل مكان .. نايف التفت لبدر : والله ادري انك تحبني .. بس مو لدرجة لابق فيني حتى اختي خاطبها بدر : هههههههههه سقها مع وجهك .. والله ترددي الوحيد بهالموضوع كان انك اخوها نايف : ههههههههههه مب احسن لك .. امسك لسانك صار عندي مصلحة لك تخورها قدامي افضحك عندها وكل فضايحك عندي مايحتاج بدر : ياليل نخلص ذل من عند فراس نجي فيك ابو نايف : نايف يابوك قم لعند الحريم وعطهم الخبر نايف : ان شاء الله ابو نايف : وانت يابدر .. اذا ودك تروح مع ولد عمك تشوف البنت وتكلمها انا ماعندي مانع بدر ابتسم : لا يعمي .. خلها بعدين اليوم ضيوف ومايحمل ابو نايف استغرب رفضه لكن ماشالت معه : على راحتك اجل دخل نايف لعند الحريم .. وعطا امه الخبر دخلت امه عند الحريم وهي تزغلط : كولولولولولوليش ... ياجماعة الخير حابين نقول انه اليوم بدر ولد فهاد خطب بنتي ميهاف رسمي وحنا موافقين صفقو لها صديقاتها وبدت التنغيزات والتبريكات والكل يبارك لام نايف وام فراس .. ام نايف تحاكي نايف اللي كان واقف عند باب غرفة الحريم : واللحين بيشوفها ؟ نايف : لا والله .. ماراح يشوفها اليوم يقول بعدين ام نايف : ايه براحتك يوم ثاني احسن اجل .. ميهاف اللي كانت تسمع ارتفع ضغطها ! وش قصده يعني مايبغى يكلمها حتى ... مسويه دور اللي مو مهتم استأذنت من الحريم وطلعت مسرعة تلحق على نايف قبل يطلع : نااايف التفت لها نايف : هلا اختي .. هلا بالعروسة الف الف مبروك ميهاف بضيق : يبارك فيك .. هو قالك مايبغى يشوفني ؟ ولا ابوي ولا وش بالضبط ؟ نايف : لا هو قال مو ضروري اليوم .. بعدين ميهاف بقهر : مشغول حضرته ؟ نايف : هههههههههههههه شفيك ميهاف ماعرفت ان الحركة بتقهرك كذا ميهاف : لا ماقهرتني حبيبي .. بس عطه خبر ان مافيه بعدين قال يشوفني بعدين .. ع باله بنتظر حظرته يفضى عشان يتكرم ويطل بوجهي وراحت للمطبخ بعيد عن الحريم وشربت لها كاسين مويه ورا بعض من القهر .. شوفة العروسة يوم الخطبه هذا تقليد عند عائلتهم وكل اللي تزوجو صار معهم نفس الحكي .. اما هو بيكسر هالتقليد ومايبغى يشوفها !! بس هين بدر انا اوريك ... ع بالك بترد على حركتي قبل يعني .. *** عند الرجاجيل / وسط ضجة السوالف خصوصا عقب الخبر ... وجدهم اكثر من مبسوط بزواج ثنين من احفاده : بهالمناسبة .. انا بعلن الشركتين اللي قلت بعطيها واحد من احفادي قبل شهر اليوم .. وبقولكم من قررت اعطيها نايف باستهزاء : ياحليلك ياجدي .. مسوي صجه لك شهر شركتين شركتين وبعطيها احد .. والكل عارف من بتعطيها مايحتاج كل هالتشويق يعني أبو عبدالرحمن : ما شاء الله عليك يانايف .. اثرك تعرف اجل .. نايف بسخرية ممزوجة بقهر : وانت عمرك عطيت شي من خيرك غير فراس .. الظاهر يبغى لنا كلنا نمسح لك جوخ زيه عشان يجينا هالرزق فراس كان على جواله لكن الكلام استطرف انتباهه .. كان بيرد بقوه لكن احترم الضيوف رفع راسه وهو يطالع نايف بحده ونطق بهدوء : ومن شر حاسد اذا حسد نايف : انا بحسدك ؟ فراس : هذا اللي حسيته من كلامك .. الا اذا كان قصدك مبروك مثلا ؟ نايف : لا والله مو حاسدك سلامتك الله يرزقك .. بس الموضوع زاد عن حده ومو بس انا اللي احس كذا .. عبد المجيد ولد عمتي اكبر منك ولا لحقه نص الخير اللي جاك .. انا نفس الشي اكبر منك ومنتف وين المساواه اذا واحد يتسدح على الذهب والثاني مرمي بديونه ؟ فراس ببرود : لاتلومني على فشلك انت وعبد المجيد عبد المجيد : هييييه فراس انتبه انا ماتكلمت فلا تغلط ! فراس : لأنك باختصار مالك وجهه تتكلم ( التفت لنايف ) وانت نفس الحاله فياليت تسكت يكفي منقدنا بالمجالس ابو نايف : نايف ! فراس ! عبد المجيد ! انجنيتو انتو ... اهجدوا عيب والله عيب نايف وقف منفعل ونظراته مصوبه على فراس بحدة : لااا خل حضرة الملياردير فراس يتكلم .. على شنو مالنا وجه نتكلم ؟ مو لأنك ورثت عمي الله يرحمه بدري .. وجدي دعمك وتركنا مرميين تصير احسن منا .. يكون بعلمك أي احد يقدر ياصل اللي انت فيه بس يتعرض لنفس ضروفك فراس ببروده المعتاد : حتى موت ابوي بتحسدني فيه ؟ مدري المفروض اقول الله يرزقك ولا شلون اتعامل مع عقليتك ؟ ... تدري اللي مثلك سفيه ماينرد عليه اساسا بدر : فراس الله يهديك مو كذا .. فراس عصب : انت اطبق ولا كلمة ! تراك مو بعيد عنهم .. كلكم نفس الطينة ولا اردى من هذا الا هذا نايف : محد عاجبك هنا انت ! اذا محد عاجبك اقلب وجهك منت مضطر تجلس مع فشله يالناجح ابو عبدالرحمن رفع صوته : كلن ينثبر مكانه .. هذا وانا موجود ماحترمتوني ولا احترمتو شيبتي ولا احترمتو مجلس عمكم نايف : العذر والسموحة من ياجدي .. ( التفت لفراس ) بس هيه انت اتحداك توصل لهذا كله لو مو الورث واكراميات جدي فراس وقف وهو ماسك نفسه من أول وقال بغضب : لهنا وبس ! بس هذا اللي تبغاه اوضح لك ليش انا احسن منك ..؟ اذا ابوي مات الله يرحمه بدري .. وهذا الشي اللي ما اسمح لك تتكلم عنه كاني ربحت اليناصيب لما توفى .. فهذا حطني بضغوطات انت ماتعرفها ولا حسيت بها فلا تتكلم ... واذا على ليش جدي مايعطيك ... الظاهر محد هنا غير جدي يدري انك انت وعبد المجيد ممنوعين من دخول البحرين وقطر .. ولكل واحد هنا حرية التفكير وش المصيبة اللي سويتوها عشان تمنعون .. الـ .... قاطعه صوت نايف الغاضب وهو متهجم ناحيته : انطططم ولا كلمة .. يا ***** يابن الكلب يا ***** ركضو الكل ناحية نايف يمسكونه لايتهجم اكثر من كذا وهم مصدومين من الالفاظ اللي يسمعونها .. طول عمر المجتمع بنظرهم شباب الشمري كلهم عقل ورزانه ونجاح .. لكن محد فكر ان البيوت اسرار .. طالع فراس نايف : اذا السبب وضح لك اللحين انا استأذن .. قيمة المجلس راحت بوجودك اول ماطلع لحقه بدر : الله يهداك فراس ماكان له داعي تقول هالحكي بوجود الكل .. وش بيفكرون اللحين ؟ فراس : يفكرون اللي يفكرون ! واحمد ربك اني مافسخت خطوبتك من هالعائله التعبانه .. وهذا صاحبك عطه خبر ان هذي درس له .. ولو تكررت ففيه سوالف كثيره انا ساكت له عنها بمزاجي .. بس قسم بالله تصرف ثاني بحرق الاخضر واليابس بدر تنهد : والليل .. اللحين مناديك تخطب لي تسوي مشكلة فراس : اقول كل تبن .. مو كأنك بالمجلس وسامع سخافته ركب سيارته ودق على أمه : يمه انا برا اطلعو .... ماله داعي تتعشون اللحين تطلعون ام فراس عند الحريم : غريبة ! ام نايف : شفيك يام فراس ؟ دخل انس يركض : يممممه يمممه ام فراس : شفيك جاي تركض كذا وتصارخ ؟ انس وهو يلتقط انفاسه : صارت هوشه كبيره برا .. ونايف كان بيضرب فراس شهقت ام نايف : بسم الله ! شصاير .. ؟ كل الحريم اخترعو ... ام فراس : الله يستر ... هذا فراس تو داق علي يقول اطلعو وصدق واضح عليه معصب .. ام نايف : روحي روحي له ... وانا بدق على ابو نايف احاول اعرف شصاير ؟ ام فراس بقلق : يله اسماء وياسمين اجهزو نطلع .. ان شاء الله خير طلعت أم فراس واسماء وياسمين وركبو .. ام فراس بسرعة : شصاير .؟ ليش متهاوش مع نايف فراس : امداها السالفه توصل .. اسماء : ايه بس شصاير خرعنا انس ؟ فراس : حركات بزارين ماينحكى فيها وحرك سيارته والكل سكت لان فراس اذا انهى الموضوع معناها مايبغى يتكلم ومستحيل يتكلم ! *** مساء جدة هادي عكس ضجيج مساء الرياض / غادة جالسة قدام التلفزيون لحالها ... بعد فتره دخلت ابتسام ونزعت عبايتها بحماس : غدددو تخيلي ! غادة : شنو ؟ ابتسام : جتني فلوس دورة الحاسب اللي سويتها قبل شهر غادة : بدري تو يفزعون يعطونك ؟ ابتسام : حمد الله يا اختي انها جت ... ورحت للبيك وجبت لنا احلى بروست ومشروب تعالي نلعب ونسهر غادة بحزن : ان شاء الله ابتسام بقلق : للحين مادق ؟ غادة : لا والله .. ومايرد علي والادهى من كذا خالتي تدق علي .. شلون اتصرف اللحين ؟ ابتسام مسكت جوالها وقفلته وسكرته : هذا اللي تسوينه .. يله قومي وسعي صدرك واسحبي على احمد واهله كلهم ! انسحبت غادة مع ابتسام مجاملة لها عشان تونسها ولا هي مالها خلق كل هذا .. *** ببيت أبو فراس / فراس بغرفته من رجعو للبيت .. وام فراس راحت تكلم ام نايف وياسمين وانس نامو .. وضع البيت هدوء واسماء جالسه بالحديقة مقهورة للحين .. على بالها انها لما كلمت الفريق الطبي خلاص ماوراها الا تنتظر جيته لكن ماجا .. الظاهر خلاص لازم تستسلم .. جت الخادمة وحطت قدامها صحن سلطة الفواكة اللي طلبته .. طالعته اسماء : شهذا ؟! الخدامة : سلطت الفواكة التي طلبتيها ! اسماء بعصبية : هذي مو سلطة فواكه .. مافيه رمان ولا مانغا وش هالخياس ؟ الخدامة : لا يوجد لدينا اسماء : اقلبي وجهك من خشتي .. خدم مامنهم فايده صدق .. دخل بدر البيت وشماغة على كتفه وبقمة الإرهاق .. ظل طول الوقت مع نايف اللي كان معصب وفوق كذا لام بدر على تصرفات اخوه .. طالع اسماء جالسه وراح ورمى جسمه جمبها : .......... طال الصمت بينهم محد عنده شي يقوله ... اسماء : مبروك خطبتك بدر بملل : امحق .. اسماء : هو صح صارت مشكلة بس يله تضل خطبه .. بدر : وين فراس ؟ اسماء : بجناحه ويقول ياويل اللي بيقرب مني الليله بدر تنهد : الله يصلحه .. اسماء : كلش قرف بدر : معك حق ... اسماء : إلا اقول بدر .. ليش ماطلبت تشوف ميهاف .. فاتك والله طالعه تجنن بدر : ماكان الوقت مناسب اسماء : ايه بس الله يعينك شكلها زعلت بدر : زعلت من جد ؟ اسماء : ايه انا ماكلمتها بس واضح معصبه .. حتى قدام الضيوف بينت انها معصبه والكل تكلم .. ترا ميهاف تحب الاهتمام أي علامه على الاهمال تعتبرها ذنب بدر ابتسم : يصير خير اسماء : راضها عاد .. يكفي المهزلة اللي صارت بخطوبتها بدر : خلاص قلت لك يصير خير وقف وسحب شماغه وصعد لفوق وهو خلاص بينه وبين النوم قطره .. *** الكويت .. عصر / طلعت سارا من القسم .. عقب انتهى دوامها بتروح البيت ترتاح اول ماطلعت قابلت لؤي متسند على سيارته برا وبنظراته الشمسية اول ماطلعت .. وقف : سنه عشان تطلعي ! سارا : ليش فيه شي ؟ لؤي : مهمه ضروريه ومستعجلة ومحتاجك فيها سارا : ايه بس انا انتهى دوامي لؤي : ايه خلص دوامك كموظفه ويبدا دوامك كصديقة .. يله بسرعة سارا : شنو اخاف ما اعرف ؟ لؤي بقلة صبر مشى لعندها ودفها قدامه من كتوفها لحد ماركبت السيارة وركب ... سارا : فين رايحين ؟ لؤي : السوق سارا : ليش ؟ لؤي : امس للاسف انخطبت اختي وانا موجود هنا وبعيد عنها .. عموما لازم اقل شي ارسل لها هديه ومحتاج بنت تفهم بذوق البنات سارا : ايه بس ترا انا ذوقي بسيط مره اخاف مايناسبها لؤي : تصدقي معك حق .. ميهاف مبهرجة بزيادة ومتكلفه مره بلبسها وكشختها بس انا نفس حالتك ذوقي بسيط اقل شي انتي بنت انا رجال وش بيطلع بيدي ؟ سارا : اوك بحاول اساعدك قد ما اقدر لؤي ابتسم : تسلمين اول ماوصلو السوق .. وقفت سارا : وش تبي نوع الهدية اول شي ؟ لؤي بحيرة : تحسي مجوهرات احسن شي مو ؟ سارا : ايوه المجوهرات فكره حلوه .. مشينا من هناك دخلو محل مجوهرات .. طالع لؤي بقطعه اعجبته ناداها وهي تطالع قطعه ثانيه : تعالي شوفي هذي .. مناسبة مره مو ؟ سارا طالعتها : حلوه والله ( طالعت السعر .. شهقت بقوه ) لااااا !! ماينفع لؤي عقد حواجبه : مو حلوه ؟ سارا بذهول : إلا حلوه مره .... بس غالية غالية جدا لؤي : مايهم اهم شي حلوه سارا : لا لا .. بتلقى حاجه حلوه وارخص شوي حشى قيمة فيلا لؤي بضجر : اللهم طولك ياروح .. خلاص مو قلتي حلوه .. ماراح ادفعها من جيبك سارا بقهر : براحتك بس والله مره غاليه ..( سحبته من يده لطقم ثاني ) شوف هذا بنص السعر تنهد لؤي وطالع البايع : ممكن افخم قطعه هنا وتغلفها هدية سارا همست : لؤي .. افخم قطعه بتكون اغلى قطه ! لؤي انحرج منها السوق واضح فخم وراقي وهي طريقتها ملفته ضحك بخفه :ههههههههههههه سارا : شيضحكك ؟ لؤي : ههههههههههه ولا شي سارا طالعته بقهر : انا طالعه انتظرك برا طلعت لبرا وهي تتحلطم : حشى طقم واحد راتبي 10 مرات . طلع لؤي عقب فتره وبيده كيسة : خلاص خلصنا المهمه .. وكنت مساعده فاشله ماساعدتيني بشي سارا : شاسوي انا فعلا مستحيل ارضى اشتري حاجه بهالسعر حتى لو كنت غنيه لؤي : اتحداك .. بعطيك بطاقه مفتوحه واقول اصرفي راح يطلع لك جانب مسرف ماتعرفينه سارا : نوو وااي .. حتى راتبي مستحيل اصرفه كله لؤي : هههههههههه والله اتمنى اني مثلك بس ما اعرف ..تعودت كذا ما اطالع السعر سارا : لازم تتعلم .. يمكن يجي يوم تحتاج تقتصد ولا راح تعرف وقتها لؤي : خلاص اوك .. بس هالمره الهديه لميهاف وميهاف تحب الفشخره بزياده وماراح ترضى الا بكذا سارا : الله يعين زوجها على صرفيتها اجل لؤي : ههههههههههه لا تخافي زوجها العن منها ومني سارا : ههههههههههه كمان لؤي : العائلة كلها مسرفه الله يهديهم سارا ابتسمت : الله يرزقنا لؤي : تبغي تصيري غنية يعني سارا هزت كتفها وهي تمشي : مين مايبغى يصير غني ؟ لؤي : خلاص عندي لك طريقة سارا طالعته بشك : شهالطريقة السحرية ؟ لؤي : تزوجيني |
رد: انتماءات كاذبة
متبهدلة أسماء
مش عارفة تعمل ايه علشان تقرب منه خصوصا انها مش فى دماغه أصلا حالتها كرب البنت دى :e413: أحمد الندل اتسبب ان الاختين اتخانقو ، وابتسام الكل بيعايرها بوضعها لسه بانتظرلها فى الأحداث اللى جاية الفرج:e413: الحرب الباردة بدأت بين ميهاف وبدر اجمدى يا بنية :lWR04888: نايف وبدأ يظهر شئ غير الجانب المستهتر من شخصيته واضح ان له تاريخ ، هل هو مشين أو مؤلم ؟ لكن وصل لآخره و اتمنى ندخل حياته اكتر "تزوجينى":e107: ده لو ما رفضتش فراس هيطين عيشتهم بس لؤى هل هيكون وديع ومسالم ؟ ولا هياخد موقف سواء علشان يقنعها ولا علشان يقف بوجه فراس؟ .... بدأتيلنا الفصل بالفضيل بن عياض وانا كنت قاعدة اقرأ سيرة سفيان الثورى :0041: |
رد: انتماءات كاذبة
" البارت الثامن "
معظم الناس هم ناس آخرون أفكارهم آراء شخص آخر وحياتهم تقليد , وعواطفهم اقتباس • أوسكار وايلد : تزوجيني ! التفتت له سارا اللي كانت متقدمه عليه بالمشي ... وعيونها مفتوحه بدهشه ولؤي كان يطالعها بملامح جادة .. ابتسم بخفه ثم ضحك : ههههههههههههههههههههه يفوتك وجهك .. امزح امزح سارا عصبت : مايضحك ! لؤي : هههههههههههههه الا يضحك سارا حمر وجهها : سخيف لؤي : افا انا سخيف ؟ سارا : ايه سخيف وتافه كمان .. هالامور ماينمزح فيها وانا ماخذه راحتي معاك لاني احسك ... سكتت وهي تطالعه ... بلعت ريقها وكملت : لاني احسك رجال عاقل ومحترم لؤي : ههههههههه شفيك تحمستي ؟ صرت مو محترم يعني ومجنون عشان مزحت سارا تنهدت : خلاص لؤي اذا انتهت مساعدة الهدية انا راجعه البيت لؤي : ماتبغي نتعشى قبل نرجع ؟ سارا كملت طريقها : مالي نفس .. طالعها لؤي وهي تبتعد .. واضح انها زعلت ! تنهد ماكان له داعي يمزح مزحته البايخة هذي .. لام نفسه وهو يبتسم تلقائي لاتذكرها ملامحها حركاتها تصرفاتها .. تحرك عواطفه هذي هي الزين اللي يكمل بنظره ... *** الريــاض الساعة 2 ظهر / دخلت ميهاف البيت .. وهي راجعه من عزيمة بسيطة مسوينها لها صاحباتها بمناسبة خطوبتها تنهدت وهي تطالع العائلة مجتمعه بالصالة وابوها صوته مرتفع : كذا تسوي فيني يامسود الوجه !! .... انا انا الحمار اللي معطيك الخيط والمخيط .. واخرها طلعت ممنوع من البحرين وقطر والله اعلم وش بعد ؟ ام نايف : يابن الحلال هد بالك .. كلش بالتفاهم ينحل .. نايف وهو يحاول يضبط انفعالاته : مهما كان ... ما اسمح له هذا فراس بمجلسي يجلس يتعدى , وهذا جدي هو الغلطان اساسا باي حق معطي فراس هالعز هذا كله .. ولا هو على راسه ريشه وحنا على راسنا حشيشه أبو نايف : اجتهد .. اشتغل .. سو لك مشروع يرفعك بعين جدك .. جالس تسافر وتبذر فلوس وتفلها من ديره لديره وتتوقع ياصلك كل شي نايف بغضب : لا فراس اللي كلش مايسافر ! ميهاف : السلام عليكم ابو نايف : وعليكم السلام ! ميهاف : ماخلصت هالسالفة ؟ خلاص يبه نايف .. كلش بالرواق بتضلون معصبين لمتى يعني ؟ نايف وقف : انا مالي دخل .. الكل يعاتبني انا ويحطها علي كاني سبب المشكلة ( طالع ابوه ) وانت يبه بطاقاتي لو تضل مجمدة راح اروح للامارات بطريقتي والحقها بقطر والبحرين طلع وسكر الباب وراه ... ابو نايف التفت لام نايف : خذي ! خذي هذي تربيتك .. من كان صغير وانا احاول اضبطه وانتي تطلعين لي .. شوي شوي على الولد هذا اللي خذيناه منك ومن عيالك ام نايف : وهو انت فعلا طريقتك غلط ! لو تترك لي نايف هذا عرفت اربيه لك .. بس انت شغال صراخ عليه .. علمني اللحين صراخك عليه جاب نتيجة .. صار يشتغل ؟ تعدل حاله ؟ ابو نايف : يله تفضلي اسلمك الامور كلها ... علميني وش بيطلع معك والله ماتقدرين عليه خلي مني الحكي مسكت ميهاف راسها وصعدت لفوق وسط صراخ امها وأبوها ... خلاص الوضع مايطاق من امس والوضع كله صراخ بصراخ .... دق جوالها طالعت المتصل : لؤي ردت : هلا لؤي لؤي : مبببببببببببروك ... الف الف مبروك ميهاف دون نفس : يبارك فيك لؤي : شفيه صوتك ؟ كانك مو مبسوطة .. لايكون تقلدين صديقتك بعد وتنغصبين .. يكفي واحد مسكين انرد تردون الثاني بعد ميهاف : ههههههههههه .. لا قبلناه خلاص .. ليش ماوصلك خبر شصار امس ؟ لؤي : لا .. عسى ماشر ؟ ميهاف : صارت هوشه بين نايف وفراس ولد عمي وابوي معصب والحال مأساه لؤي برواقه : عادي كل الشباب لازم يصير بينهم زي كذا .. انتي طولي بالك وانبسطي عروسه ميهاف : ههههههه ياحليلك ليتك موجود والله ... كل البيت اعصابهم متوتره ماتقدر تتكلم مع احد لؤي : لا أجيكم ولا شي .. اتركيني هنا مبسوط ميهاف : وماراح تجي قريب ؟ لؤي : لا .. لا صارت مناسبة مهمه بس جيت .. زي زواجك مثلا ! ميهاف : اوف ! على كذا بتقعد سنه الظاهر لؤي : ليش ..؟ متى زواجك ؟ ميهاف : ماحددناه ولا راح نحدده .. الموضوع كله خطوبه بس لؤي : بجد ؟ والله الخطوبات الطويلة هذي مايمشي حالها .. عجلو احسن ميهاف : وانا شدخلني ؟ هو يبغى كذا .؟ لؤي : وانتي ايش تبغي ؟ ميهاف بارتباك : انا ..؟ .. انا مابغى شي عادي لؤي : على لؤي ياميهاف ..؟ انتي مو راضية صح ميهاف تنهدت : وش بيدي ؟ مقدر اصير المشفوحة واقول يله تزوجوني عقب 3 شهور لؤي : الله يعينك ... بس مفروض تتزوجينه صدق معجباته كثار اخاف تطيرك وحده منهن ميهاف : فالك ماقبلناه ..! لؤي : المهم حبيبتي ان شاء الله الف مبروك ... حبيت ادق ابارك لك واتطمن عليك صدقيني انبسطت لك من كل قلبي وليتني موجود عشان اطلعك من جو الخنقه بالبيت ميهاف : تسلم والله .. مكالمتك لحالها طلعتني من الخنقه لؤي : يله باي سكرت ميهاف واستلقت وهي تحس مالها خلق كلش .. مافيه شي يحمسها رغم خطوبتها ومفروض الكل يمها بس المشكلة سرقت الاضواء منها .. *** بيت أبو فراس : أسماء بعد الإحباط العاطفي اللي اصابها وراء فقدان الامل من مقابلتها هيثم بعد كذا .. قررت تشغل نفسها عن الموضوع قد ماتقدر طلعت من غرفتها ونزلت لتحت مافيه احد غير ياسمين : هيه انتي وين اهلي ؟ ياسمين : مدري .. اسماء : زين قومي دوري لي ماما ياسمين : وليش ماتدوريها انتي ؟ : اسمعي كلام اختك الكبيره وقومي ! فزت ياسمين .. واسماء التفتت لفراس اللي تو دخل : ياجعلني ما اخلا بس سنايد فراس : شخبار رجلك ؟ اسماء : احسن مره .. صرت اعرف امشي دون عكازاتي بس بالبطيء فراس : أول الغيث قطره نزلت ام فراس : هلا بعيالي حبايبي اسماء : مااااماا .. انا ناويه أعزم ميهاف اليوم ام فراس : ايه اعزميها ليش لا ؟ اسماء : ايوه راح اسوي حفلة صغيره لها .. واعزم البنات بس يعني ترا مو عزيمة حريم وعجايز ام فراس : جالسة تطرديني انا وربوعي ياقليلة الحلا ؟ اسماء : لا ياماما مو كذا .. بس جد بتخربون علينا الجو ولا راح نعرف نفلها ام فراس : براحتك بس اعزمي بنات عمتك اسماء كشرت : بعزم وداد .. سجى ذالبزر مب لزوم ام فراس : اسوم خلي مني الهبال واعزمي بنات عمك كلهم اسماء : والله سجى هذي غثيثة .. حكيها واجد وتتصيد ماتصدق تسمع صوت رجال تطمر تشوف من ام فراس : الله يهديها .. وبعدين صغيرة عادي بس عيب ماتعزمينها اسماء : اففف خلاص بعزم وداد وبقولها تجيب اختها معها ... يارب يارب ماتجي فراس : يمه انا جوييييع بموت من الجوع .. متى بتحطون الغدا ؟ ام فراس : اللحين نحطه .. خسى الجوع جلسو على الغداء والكل موجود ماعدا بدر .. اسماء اللي كانت تكلم طول الغدا وتعزم .. طالعها فراس : خير انتي قومي وهالمكالمات بعيد عنا اسماء سكرته : خلاص خلاص هذي آخر مكالمة .. المهم ماما خذي ياسمين معاك اليوم ام فراس : الحرمة اللي بروح لها ماعندها بنات كبرها اسماء : مب مشكلتي .. تروح لوحده من صديقاتها مابي احد بالبيت يقلقني وانت انس صرف حالك انس بعصبيه : بتطرديني من البيت يعني ! اسماء : ايه اطردك .. عندك مانع ؟ فراس : خـلاص ! بزارين قسم بالله ... أنس باخذه معاي انس : مابي اروح .. انحرم من بيتنا يعني فراس طالعه بنص عين : بتروح ورجلك فوق رقبتك .. وش تبي تجلس عند الحريم تسوي ؟ أنس بقهر : خلاص زين ! بس وين بنروح ؟ فراس وهو ياكل : بنمشي على الكورنيش وعقبها بزور فرع الشمال انس : طفش بروح اسمع كلام الشغل اللي يطفش فراس طالعه بنظره سكتته وظل ياكل بصمت .. اسماء راحت للمطبخ تكمل تخطيط وتجهيز للمناسبة *** بدر كان بالمطعم مع واحد عازمه .. بنص الغداء دق جواله " نايف " : هلا : الو بدر ؟؟ بدر عقد حواجبه : عبد المجيد ؟ ليش داق بجوال نايف ؟ عبد المجيد بربكة : انا ونايف بالممشى ونايف طاح فجأه ومامعي سيارة و .. بدر وقف بسرعة : جايك جايك خلاص !! استأذن بدر وطلع مسرع وهو حاس ان هالشي بيصير .. نايف معه صداع مزمن واذا اشتد نقاش او نفسيته تعبت يزيد معه وصل مسرع وهو يشوف التجمع عليه .. كان نايف صحى من اغمائته وجالس على جانب الرصيف وماسك راسه وهو يحسه بينفجر .. جلس بدر عنده : نـــــايف شفيك! نايف عقد حواجبه بقوه : بدر صوتك عالي اسكت ! بدر : قوم قوم معاي المستشفى نايف بإنزعاج : مافيه داعي مستشفى .. مافيني شي بدر بحده : نيوف لاتخليني اجرك قدام العالم ... تعال المستشفى نايف تافف وقام معاه .. وراحو للمستشفى ومافيه شي جديد .. صداع مزمن وش العلاج الممكن له .؟ مجرد عطوه حبوب تخفف عليه .. طلعو من المستشفى .. التفت له بدر : قسم بالله انت مو صاحي ..! هد بالك شوي عشان هالمشكله تتلعوز صحتك وتلعوزنا معك نايف : محد طلبك تتلعوز .. وخلاص بدر قسم بالله راسي بينفجر عبد المجيد : خلاص خلاص .. تعال بوديك البيت اللحين وارتاح نايف : وهو فيه راحه بالبيت ..؟ ابعدني عن البيت قد ماتقدر بدر : خلاص ناخذه بيتنا .. هناك يرتاح نايف طالعه بنص عين : تسوق امها ؟ ابعد من ابوي اروح عند فراس ... عبد المجيد مشينا بيتكم عبد المجيد : يامرحبا ومسهلا .. حياك بتنور بدر : اسبقوني .. انا بروح الصيدلية اصرف لك الحبوب وجايكم *** جـــدة _ الساعة 2 ونص / غادة جالسة قدام التلفزيون .. وتضحك على فيلم كوميدي .. جلست ابتسام جمبها : ما شاء الله عليك .. النفسيه متحسنه مره غادة دون اهتمام : وليش ازعل يعني ؟ مايهمني فراقه اذا هو مستغني عني ابتسام : من قلبك هالحكي ؟ غادة : من صمصومة قلبي بعد .. ليش هبله انا اذبح روحي وهو مو حاس ولا داري عني ابتسام : قوييييية والله غادة : طبعا شعبالك ..؟ ابتسام : تصدقين غادة .. احس خايفه يطول احمد ويعرف هيثم انك موجوده هنا .. وقتها مصيبة جد غادة : لا ان شاء الله ماحيعرف .. وقت يكون بالبيت انا بدخل غرفتنا وهو مايدخل غرفتنا اساسا ولا يدري ايش فيها ابتسام : ان شاء الله .. والله احس مالي خلق هالمشاكل كلش .. غادة : اقول ابتسام .. معقولة بابا ماصحى للحين ؟ ابتسام : تو مريته .. للحين ماصحى يقول تعبان شوي ويبي ينام غادة : طيب شوفي هيثم .. يجي يشوفه ابتسام : لا اخاف اخوفه على الفاضي ... وهو مشغول بقوم اللحين واصحيه وان شاء الله مافيه الا العافية دخلت ابتسام على ابوها .. ومسكت قلبها وهي تشوفه ينصرع بشكل مخيف صرخت : غاااااااااااااادة !! ركضت غادة بخوف لعندها وقلبها طاح وهي تشوف المنظر : يبببببببببببه ركضت غادة تدق على الاسعاف وهي مو مستوعبه .. بينما ابتسام ماسكه ابوها وتبكي بهستيريه .. في المستشفـــى / كان هيثم يمشي للصيدلية .. وقت جاه مهند يركض : هيثم ! هيثم : شفيه ؟ مهند بهلع : الحق .. ابوك تو دخل المستشفى واللحين الدكاتره عنده ركض بسرعه للجهه .. وهو يشوف الغرفة اطباء وغادة وابتسام برا وواضح عليهم الخوف تقدم عندهن : شصاااير ؟! ابتسام وهي تبكي : ما ادري .. ما ادري اليوم كان تعبان ورفض يصحى .. فجاه دخلت عليه كان صرع و .. ربت هيثم على كتفها : هدي هدي .. دخل هيثم لعند الاطباء داخل .. وهو يحاول يعرف شصـــاير لكن رفضو وجوده وطلع .. بعد فتره طلع الدكتور قابله هيثم : شصاير دكتور ؟ الدكتور هز راسه : ان شاء الله خير هيثم طالعه بصدمه : دكتور هالنظرات اعرفها زين .. اعطيها اهل المريض اذا صرت شاك بشي خطير .. الدكتور : ما أبي اخوفك لحد ما أتاكد .. بس انا استغرب انت كدكتور مالاحظت هيثم : دكتور انا على طول هنا .. ونادر اشوفه واذا شفته على الماشي والفتره الاخيره ماكان فيه شي خطير الدكتور : خلاص هيثم تطمن .. ان شاء الله شكوكي غلط والوالد مافيه شي هيثم : لا .. لازم تقولي ولا رحت بنفسي اجري الفحوصات الدكتور تنهد : نشك ان معه سرطان هيثم انصدم لكن تماسك : سرطان ايش ؟ الدكتور : راح توضح الفحوصات هالشي .. هيثم تسند على الجدار وقال بهمس : لا حول والا قوة الا بالله .. لا حول ولا قوة الا بالله الدكتور ربت على كتفه : خلك قوي مثل ما اعرفك دايم .. هز هيثم راسه بعدم استيعاب .. انتبه لخواته من بعيد يجون : هيثم شصار ؟ شقالوا لك ؟ هيثم وقف بقوه : لسى الفحوصات ماوضحت بس ان شاء الله خير .. ابتسام : اكيد ابتسم هيثم يطمنها : ان شاء الله ... ( التفت لغادة مستغرب ) انتي هنا ! مو مسافره ؟ غادة بقلق : مو وقته هيثم .. ابوي نبي نشوفه هيثم : ماراح تقدرون اللحين .. لازم فحوصات وكم شغله ابيكم ترجعون البيت ترتاحون وانا موجود ابتسام باصرار : ماراح ارجع قبل اتطمن .. ولا راح ارجع الا مع ابوي هيثم : وجودك ماراح يودي ولا يجيب .. فلا تتركيني شايل همكم هنا وارجعي البيت غادة : عفيه هيثم .. اقل شي لحد تخلص الفحوصات والله ماراح نقدر نرجع هيثم تنهد : اذا احتجتو شي كلموني .. انا رايح اتابع الفحوصات هزت ابتسام راسها : حاضر دخل هيثم لغرفة الفحوصات .. التفت له الدكتور وهز راسه .. بلع هيثم ريقه : سرطان ؟ الدكتور : سرطان الدم ومنتشر بكل دمه .. وانت افهم .. هيثم : يعني مافيه امل حتى نستأصل الدكتور : ساعاته معدوده ... ادعو له وودعوه بآخر لحظاته مهند حط يده على كتفه : على اجر وانا اخوك .. على اجر مسك هيثم يده وردد بصعوبه : اللهم لا اعتراض .. اللهم لا اعتراض مشى بثقل لحد وصل السطح ... طالع بالسماء وهو يدعي بتضرع : يارب رحمتك .. يارب الهمني الصبر ... *** بيت أبو فراس- قبل العشاء بساعه :- حطت اسماء اللمسات الأخيرة بعد ماخلصت الكشخة .. كانت لابسه / فستان سماوي بقصة فكتورية ومشجر بورد بنكي طوله ثلاثة ارباع ومناسب رشاقة جسمها ونحالته.. مع خف بيج بفيونكة خفيفه .. وشعرها الاشقر لكتفها مجعدته ومرتبته بطريقة تشبه الستينات .. مع روج احمر ومناكير حمرا .. طالعه نعومه ومناسبها اللوك طالعه كأنها من الستينات بجد .. ومناسبة بشرتها البيضاء النقية وعيونها الزرقاء .. نزلت لتحت وهي تتأكد ان الكل طالع ومحد بالبيت ..التم الكل والجمعه اكتملت بحضور وداد وسجى .. ومنال وغاليه صديقات ميهاف المقربات ... كانت ميهاف آخر الواصلين .. فتحت لها اسماء وهي تعاتبها : وينك تاخرتي مره ! ميهاف : ياشيخه اسكتي .. السواق مشغول بعد الشين فضا لي .. واخواني محد موجود وبابا عنده عزومه بالبيت اسماء : يله الكل موجودين ترا ميهاف : اصبري بوقف عند المرايه افصخ عبايتي وارتب شكلي فصخت عبايتها وكانت لابسه / بلوزة خضراء ساتان بكم طرزآن وحزم بالنص .. مع بنطال ضيق اسود .. وكعب ذهبيه وشعرها ناعم بطريقه منفوشه .. وكبه كبيره من قدام وملفف الاطراف ومكياجها .. روج برتقالي مناسب شفايفها الريانه وكحل فرنسي .. وطالعه فتنه كعادتها .. رشت عطرها واسماء صفرت وهي تغني : مذذذهلللللله ميهاف : تسلمي .. والله كنت شايله هم شكلي مابي يصير بايخ بأول طلعه لي قدام العالم من خطوبتي اسماء : والله انتي لو تلبسي زباله .. زباله مايطلع شكلك بايخ .. فتنه ياعمري تعالي تأخرنا على البنات ضحكت ميهاف : ههههههه ياحبي لك يختي .. وانت كمان هاللوك ماخذ منك حته اسماء بثقة : عارفه دخلت ميهاف وضمت مباشرة صديقاتها وصراخ البنات المعتاد عند اللقاء .. ولأن صديقاتها اول مره يقابلنها من انخطبت : مبرووووووك .. اخيرا قررتي تعطفين على واحد من الخطاب وتوافقين اسماء : هييه .. وش تعطف ماتعطف ؟ هذا اخوي هو اللي تنحسد عليه غاليه وهي تحاوط ميهاف من كتوفها بفخر : حدك حدك .. هذي ميهاف والله وتصدقت على اخوك يم وافقت منال : ليش الكذب يا غاليه . ؟ واذا ميهاف صديقتنا نحبها وكلش بس الحق .. خطبها واحد بمليون اسماء : ايوه .. كفو منال قل الحق ولو على قطع رقبتك ميهاف : ههههههههههه ياهوه ابثرتونا .. اجلسو اشتغلو هوشات مباشره غالية : والله انا ما اتهاوش الا كرمالك .. مابي بنت الحما هذي تدخل دور الحماه الشريره وتذلك من اللحين .. لزوم تاخذين حقك على طول ميهاف : بعد عمري .. مايبي اخذ حقي خليها تتجرأ بس تسوي فيني شي ؟ اسماء طالعتها بنص عين : وانتي فكري تزوديها .. اعلم اخوي وافضحك عنده وداد : ههههههههههههه والله وطلعت علاقه جديده بين اسماء وميهاف سجى : اقووول نبي نجلسس .. تعبنا واقفين وين الضيافه يا اسماء اسماء : خلي منك الشفاحه والضيافه بتجيك .. تفضلن من هنا جلسو بجلسة رايقة على انوار النافورة بالحديقة وعصير وانواع اصناف الحلويات والحلا والكيك وتنسيق الطاولة بشكل رايق .. والجو يفتح النفس / غالية : اقول اسوم .. ناخذ راحتنا محد بالبيت يعني ؟ خطيب ميهاف مثلا ؟ اسماء : هههههههههههه لا مافيه احد مصرفه الكل عشانكم .. منال : ميهاف امانه وش شعورك ؟ ميهاف وهي تاكل : ههههههههههه وش شعوري يعني .؟ ما تغير شي مجرد صرت مخطوبه لواحد ولا الحال نفسه مو زواج عشان اخترع سجى : صدق متى ناوين تتزوجون ؟ ميهاف : لاحقين .. بدري وداد : الله يوفقكم ... ماتوقعت صدق سجى طالعت بالديجي المركون وشهقت : ااااااااااااا ديجي !! بنات بنقوم نرقص تحمسو البنات معها .. وقفت منال : ايييييييييه تكفون شغلو .. فيني طرب وودي ارقص لعيون صديقتي الحلوه اسماء : هههههههه من عيوني .. يله طلعوا المواهب نشوف من السنع فيكم وداد : وانتي كمان نشوف سنعك اسماء : لا لا .. انا ماحرقص رجلي توجعني برتاح .. انتو وروني ابداعاتكم شغلت اسماء الديجي .. وبدا الصوت العالي يرج المكان صرخت عشان يسمعونها : ايش تطلبون الاغنية ؟ سجى : شغلي حاجه لكريس براون شغلت اسماء " yeah " .. قامت سجى ومنال ... ورقصن بحماس وهن ينططن اقرب منهن للرقص .. ميهاف تصفق : هههههههههههههههههههههههه عاشن منال وهي ترقص بحماس : عاشن من مكانك يالجبانة ! سجى : والله سخيفات قومو ارقصو .. !! غالية: انا ارقص بصراحة بس مو اجنبي .. شغلو حاجه للجسمي منال : بنشغله بس بشرط .. ترقص العروسة بعد ميهاف : ههههههههههههه اكيد .. بس الاجنبي هذا انا مالي فيه غيرو الديجي لاغنية عربيه مسرعه .. قامت غالية وسحبت معها ميهاف بالهز الشرقي .. ميهاف بمؤهلاتها بالجسم كان يكفي منها بس تحرك خصرها عشان تجذب الانتباه .. صفقت اسماء بحماس وهي تصفر : اديييييييييييلو .. مشت ميهاف وهي ترقص لحد ماوصلت اسماء ومسكتها مع يدها وسحبتها : ارقصصي اسماء ماكانت مره بالرقص الشرقي .. فهزت شوي بشكل مضحك ثم جلست : ههههههههههه مقدر اكمل مع هالمبدعات كان تناسق ميهاف وغالية بالرقص رائع .. متعودات من زمان يرقصن سوا وفاهمات بعض .. بعد ماخلصت الاغنية صفقو بحراره ... منال : اروووووووووح وططططي .. مبدعاات سجى : ميهاااف علميني كيف ابي اعرف ميهاف : هههههههههه مدري كيف اعلمك حركي خصرك وبس سجى : ياسهلها بس حركي خصرك وبس ! علميني كيف احرك خصري وبس حاولت ميهاف تعلمها : ههههههههههههه لا مو كذا بسرعه .. صيري انسيابيه ولاتحركي جسمك كله بس المنطقه اللي تبغيها .. وسجى المسكينة تحاول تقلد .. لكن بالاخير صرخت باستسلام : اااااااااااااااااا خلاص ماعرفت !! والله والله صعب ميهاف : مو صعب .. اجتهدي وتعرفي .. غالية : هههههههههه خلي الرقص لأهله بس .. وظلن بالسوالف والضحك والوناسة .. وش اروق من جمعة بنات بنفس العمر والجنون والصرقعه .. *** الكـويت – المساء / كان لؤي راجع للشركة ياخذ ملف نساه ومهم مضطر عليه .. قبل يطلع انتبه لضوء خافت بقسم الترجمة عقد حواجبه ودخله كان خالي ونور خافت بالمكان .. مد يده بيطفي النور ويطلع لكن طالع بمكتبها بين زحمة المكاتب بنفس الصالة وجلس على الكرسي وهو يشوف بفضول ترتيب المكتب .. فتح درج صغير بعشوائيه وانتبه لإيطار صورة داخله صورتها وهي طفلة بعمر 5 سنين ... وبأحلى والطف شكل ممكن عيونها التركوازية كان أوسع وتضحك بمرح وشعرها البني الأسود .. كان بني فاتح اكثر وجمبها حرمه خمن أنها امها .. الشبه واضح نفس لون العيون والبشرة .. لكن الملفت بالصورة الرجال اللي جمب امها مشوبه صورته بالقلم وممزق وجهه .. حتى أنه ماقدر يشوف لمحته او يميزه مجرد جسمه ومحاوط امها من خصرها .. كان منغمس بتأمل الصورة حتى انسحبت من يديه بقوه رفع راسه كانت واقفة وواضح على تعابيرها الغضب : من سمح لك ؟ لؤي : سارا .. وش تسوين هنا بهالوقت ؟ سارا : نفس الكلام لك .. شتسوي وليش تنبش باغراضي !؟ لؤي حس موقفه بايخ بجد : مو تنبيش .. لفتني النور هنا جيت بطفيه فــ سارا : فشنو ؟! قلت افتش اغراضها واشوف !! لؤي : تعوذي من الشيطان ماله داعي كل هالعصبية .. كنت ادور ملف وبعدين لو شي خاص مره ماكنتي بتحطينه هنا سارا دخلت الايطار درجها وسكرته باقوى ماعندها : هذي اسمها لقافه يا استاذ ! واقتحام لخصوصياتي ..صدق مهزله واحد وقح والثاني ملقوف لؤي : ماله داعي تغلطين .. والموضوع اخذ اكثر من حجمه على اساس شفت مخدرات وأبر .. كلها صورة بشوفها بمليون مكتب غير مكتبك سارا سحبت شنطتها وجاكيتها : اوك رح لهالمليون مكتب وسو نفس الحركة وبنشوف ردة فعلهم لؤي : خلاص اوك انا اسف .. ماله داعي كل هالصراخ ! سارا وهي بطريقها طالعه : لو كلمة اسف تحل كل شي ماحتجنا الشرطة هجل ! لؤي مسح على وجهه بارتباك ورمى الكرسي برجله بقهر : حساسيه زايده استغفر الله ! وطلع من القسم وهي قافله معه .. *** جمعة البنات .. الساعة 12 ونص : جالسات على طاولة العشاء وكلهم جالسين الا اسماء واقفه وتسولف بحماس : ههههههههههههههههههههههه اتوقع ياميهاف لاتزوجتو بيصير دولابه هو اكبر من دولابك . وبيجلس قدام التسريحة وبيستعملها اكثر منك غالية ميته ضحك : ههههههههههههههههههههههه لا لا تو ادري انه كذا مستحيل منال : ههههههههههههههههههه لا انا توقعت يكون كذا بما انه بالمجلات وواضح عليه .. بس لهالدرجة نو واي ! اسماء وهي تقلد عجرفة تعابيره وتاشر لنفسها : انا بدر الكل يحكي عن وسامتي ويحط صوري .. آخذ مين ؟ فلانه ؟ لا اعذروني ماتليق بمقامي ومستواي وداد : هههههههههههههههههه عيدي عيدي اسماء : ولااا لو تشوفون غرفته .. ولا حمامه انواع الزيوت والمعطرات و ..... حاجه فضيعه انا اذا ابغى شي ما اروح السوق اروح غرفته مباشره ميهاف : ههههههههههههههههه والله طحت بمغرور ! اسماء : لا حبيبتي هو مو مغرور .. بس هو مقتنع انه احسن واحد فينا فحنا نحترم قناعته .. انتي كمان احترمي هالقناعه شفيك ؟ سجى : هههههههههههههههههههههههههههه خلاص اسماء نشرتي غسيله قدام خطيبته مسكين اسماء : يستاهل ! قاهرني .. من كسرت رجلي وهو مايبي يطلعني .. تخيلو ياخذ كل البيت كله حتى ياسمين وانس الفصع ويتركني لحالي منال : ههههههههههههههههههههههه انتقمتي وبزياده ماقصرتي فيه اسماء : لا لا مانتقم لين يطيح من عينها ... ميهاف طاح من عينك ؟ ميهاف : ههههههههههههههههههههههههههههههههههههههههههه لو طايح ماوافقت ! اسماء : ياشيينك .. انا وهو اخوي طاح من عيني خلاص غالية : بعد عمري ميهاف اصيله اسماء : ههههههههههههه تدرون وش يقهر بالموضوع كله ؟ امي !! منال : ههههههههههههههههه خلصت من الرجال راحت لأمها اسماء : ههههههههههههههههههههههههههه لا يعني بجد تعطيه على جوه بزياده ... نافخه راسه كل ماشافته تشعر فيه ... ( تقلد امها ) بعد عممري وليدي يجنن .. ما ششاء الله تبارك الرحمن وسيم مدري ليش هو وسيم كذا ؟ سجى : انتي من جدك ؟ اسماء : استهبل يعني ؟! ايه كل المجلات اللي يطلع فيها تقعد ساعه تطالع فيها وتحبحبها .. تعشقه غالية : هههههههههههههههههههههههه اثر راس المشكلة امك يعني اسماء : ههههههههههههههههههههه والله محد عارف له الا فراس .. كل ماشافه عطاه اياها كاش سجى تنهدت : هذا الرجال منال : ههههههههههههههههههههههه حرام عليه .. عاد الحق يعني صح مغرور بس هو وسيم يختي يحق له سجى بدفاع : لا يختي .. فراس اوسم منه ولا صار له كذا .. بس هذا فراس من مثله فديت بس اسماء طلعت عيونها : هيييييييييييه هيه سجيه .. شوي شوي استهبلنا ! سجى : يالييييييييييل يختي خليني اخذ راحتي .. مجرد فضفضه ! اسماء : بعلمه ترا .. وفراس عاد يستحقر هالهبال ترا سجى : الله يلعن الذل بس غالية دق جوالها : يله يابنات هذا اخوي جا ..منوله تروحين معاي ؟ اسماء : يوه لسى بدري .. ماشبعنا منك يختي منال : ايه بروح معاك .. لا اسوم تسلمين ماقصرتي والله انبسطنا كثير بس خلاص ميهاف : الله معاكن حبيباتي .. والله فرحت اليوم بشوفتكن كثير عيدوها غالية : اكيييد لبسن عباياتهن .. وقامت اسماء : يله بوصلكن الباب طلعت اسماء معهن ... واول مافتحت باب البيت كان بدر داخل ومرهق وواضح التعب عليه بقوه لأنه ضل طول اليوم مع نايف وتكلم معه وهداه لحد رجعه لبيتهم يتصالح مع ابوه .. كان لابس بنطال اسود قصه نازله للركبه جنز طويل وشيرت عنابي طافي كم نص مرسوم عليه بوب مارلي بالاسود وجاليه ابيض فوقه طويل لحد الخصر وجزمه رياضيه سوداء .. اناقته المعتادة ودون يربط عمامه على راسه وهذا نادر لأن الغتره السوداء طارحها على كتفه وبدر كان شعره محلوق على طول مايطول شعره ابدا لكن محلوق بطريقه مرتبه والشعر المحلوق مايلبق على الكل لكن لابق له مع حاجبه المقطوع .. اسماء : بدر شوي على جمب البنات بيطلعن بدر ماله خلق : يطلعن ماراح اكلهن ! اسماء همست لهن : يمه معصب .. امشن ماعليكن منه .. طلعن البنات لبرا .. واسماء طالعته بنص عين : خير مالك خلق .. وجهك تافل العافيه بدر : بقوه ... وين امي ؟ اسماء : مب موجوده .. محد موجود بس انا وصاحباتي هز بدر راسه : انا بصعد مباشره اعتبريني مو موجود اسماء : بدر .. حرام تجلس مطنشها يكفي امس فشله قدام العالم .. اقل شي سلم عليها بدر من الارهاق كانه ناسي ان جمعه لصاحبات اسماء اكيد ميهاف فيها : موجودة اللحين ؟ اسماء ابتسمت : ايه .. خلك هنا بقولها تجي تسلم عليك قبل تصعد بدر : زين رجعت اسماء للبنات .. وكانت ميهاف حاطه رجل على رجل وتسولف مع وداد : ميهاااف ميهاف : سنه عشان توصلينهن للباب .؟ اسماء : هههههههههههههه لا .. بدر قابلني وانا اوصلهن وبيسلم عليك قومي ميهاف ( ايه اللحين بتسلم ! ) : ماله داعي اسماء اللحين .. بعدين ماستعديت اسماء طالعت بوداد يعني ساعديني... وداد : ميهاف قومي وش ناقصك ؟ مجرد سلام على الماشي اسماء : ايه وبعدين ترا العناد مايجيب شي .. قومي اخلصي الرجال ينتظر ميهاف : اففف لاتحنون مااابي .. مو غصب سجى : والله ما اكون مكانك الا تلقيني متربعه اسولف معه اللحين ميهاف مسكت جوالها ولا كأنها تسمعهم اساسا .. اسماء : اخر كلام يعني ؟ ميهاف طالعتها بنص عين .. يعني مستحيل ! استسلمت اسماء وطلعت لبدر : اصعد بدر خلاص .. ماتبي تسلم بدر : شنو ؟ اسماء بقهر : الحق عليك انت .. محد قالك تجحدها ذاك اليوم ؟ بدر : حضرتها ماتبي تجي يعني .. ؟ اسماء بارتباك : تقول ماستعدت .. بدر بعصبيه : احسن تجلس بالطين لين يلين .. اصلن تعبان ومالي خلقها ! تنهدت اسماء بيأس منهم .. هذا وهم توهم خاطبين ورجعت للبنات ... بعد فتره والجمعة صارت هادية والبنات مجرد يسولفن على الهادي بعد تعب البطرة سمعن صوت حنحنة .. اسماء : هذا فراس اكيد ! طلعت كان صاعد لفوق .. وانس جالس يشبك البلايستيشن بيلعب : شجابكم ؟ تو البنات ماراحو فراس : الخلا .. الساعة 2 جمعة بنات لهالساعة ! اسماء : احول خلاص لاتعصب .. فراس : امي وين ؟ اسماء : امي عند الجيران .. تو دقت علي وقلت لها لاراحو البنات بعلمها تجي فراس فتح عيونه : ماتستحين على وجهك انتي ! وش جالسات تسون يعني عشان تسوين طرد جماعي لكل اللي في البيت ! اسماء : مانسوي شي .. بس بناخذ راحتنا فراس : قدامي دقي على امي تجي اللحين اسماء : يووووه فراس .. ياسمين بتجلس تزعجني و .. قاطعها بصوت مرتفع سمعنه البنات بالغرفة : اسماء ! اسماء مسكت جوالها ودقت على امها تجي .. اول ماخلصت طالعته : مبسوط ؟ فراس : هيه انتي .. عدلي اخلاقك قبل أأجل سفرتي هالشهر واتفرغ لك ارجعك للدرب اسماء تكتفت بقهر : وانا وش سويت ؟ هذا دقيت عليها صعد فراس .. واسماء رجعت للبنات وجلست بعصبية .. وداد بارتباك كانت تجهز عبايتها .. اسماء : وين ؟ وداد : مدري شكل فراس معصب و ... خلاص دقيت على عبد المجيد بيجي ميهاف : يمه .. شفيه معصب صدق ؟ اسماء : ماعليك منه .. عشان امي للحين عند الجيران ميهاف : ايه تستاهلين .. انا من كلمتيها اقولك خليها ترجع عاد امك ياعمري جلستها تجنن وزياده ع كذا مخليتك ع راحتك اسماء : انا عشان ياسمين هالبثرة .. نط بوجهي يمتي كاني مسويه جريمة ميهاف : معه حق بصراحه .. لأول مره بقولك تستاهلين اللي جاك صدق اسماء : فكينا فكينا .. ! صوت انس برا : اسماء جويع .. والخدامه رقدت ابي عشاء اسماء : شفتو ! شفتو ! هذا اول القلق .. اصبرو تجي ياسمين بعد ميهاف : انا لله .. عشان طلب عشاء يعني ؟ مسكين يختي قومي ولا قمت اعطيه اسماء : انس انقلع من وجهي قبل يجيك مخمس اللحين .. امي بتجي اللحين وبتسوي لك سجى : وداد عبد المجيد دق يله نطلع ودعو البنات ... وميهاف وقفت : انا بعد السواق شوي وجاي اسماء مزاجها معكر : افففف زق بجوي على اخر وناستي ميهاف : ههههههههه روقي عاد انتي .. كلها نفخه تسوي فيك كذا اسماء ضمتها : يله حبيبتي في امان الله .. بتوحشيني ميهاف : وانتي كمان طلعت ميهاف بعبايتها .. تو بتفتح الباب تطلع مسكت يده مقبض الباب التفتت له وهو يطالعها بعيونه العسلية الحادة رفع حاجب : ماتبين تسلمين اجل ؟ ميهاف بلعت ريقها وقالت بهدوء : وخر بطلع بدر: اولا سلمي ... ثانيا مو انا اللي تردين لي طلب حطيها ببالك بما انك بتمضين باقي العمر معي ميهاف بهدوء : على بالك انت الوحيد عندك كرامه وماتنرد .. حتى انا عندي كرامة ولو كنت تبي تسلم كان سلمت زي الناس من البداية ! بدر ببساطة : انتي اللي بديتيها .. ولا حركتك بالمطعم كنتي متوقعه تمشي كذا ؟ ميهاف : والله بالمطعم عطيتك رايي بصراحة .. اذا انت ماتتقبل مب مشكلتي بدر : لا ياعيوني انا اتقبل .. لو ما أتقبل ماكنت رفضت العرض عشانك وخسرت , بس اللي ما اتقبله هو الاسلوب الشرس حقك .. تعالي بأسلوب وشوفي وين بوصلك انفتح باب البيت .. كانت ام فراس فتحت عيونها : بدر .. ( ضيقت عيونها ) ميهاف ؟ بدر ابتسم : هلا يمه جيتي ؟ ام فراس ما اعجبها الوضع : ايه جيت .. شجالسين تسوون ؟ بدر : شنسوي يعني .. نسلم ام فراس : ايه بس ليش لحالكم ؟ اسماء البازع وينها ؟ ميهاف انحرجت .. موقف بايخ قدام امه عاد : خالتي انا كنت طالعه السواق برا .. وصادفته ماكنا متوقعين ام فراس : ايه سواقكم برا .. في امان الله طلعت ميهاف .. وام فراس التفتت لبدر : بديران .. وش كنت تسوي وياها ؟ بدر : هههههههه والليل يمه .. يعني حديقة وهي بعبايتها وش نوع المنكر اللي بيصير ؟ ام فراس ضربته على كتفه بخفه : وتقولها بعد ! بدر باس راسها : يا غاليه ماصار شي .. انا صاعد انام ام فراس : نوم العافية ... دخلت ام فراس : اسسماء اسماء كان جالسة بملل عند التلفزيون : ايه يم ام فراس : شتسوين هنا ؟ وتاركه ميهاف وبديران لحالهم برا ؟ اسماء فتحت عيونها : هاه !وين ؟ ام فراس بعصبيه : بالحديقة .! اسماء : شدراني . هههههههههههههههههه اما كانو بالحديقة ؟ وش يسوون ؟ ام فراس : مالت عليك .. مبسوطة هاه ! اسماء : شنو يمه علميني صدق .. شقاعدين يسوون ؟ ولا تدرين بروح اكلم ميهاف اضحك عليها صعدت لفوق .. وام فراس هزت راسها بيأس .. *** أول ماوصلت ميهاف البيت .. حصلت هدية لؤي بغرفتها انبسطت من قلب انه فكر فيها حتى وهو بعيد .. دقت عليه مباشرة دون تفكير رغم تأخر الوقت : لؤؤي لؤي : هلا ميهاف : شكرا شكرا على الهدية .. مره مره تجنن لؤي : اهم شي اعجبتك ميهاف : ههههههههه عاد تصدق دقيت وانا احس الوقت متأخر .. ماتوقعتك صاحي شمصحيك للحين ؟ لؤي : مدري .. صاحي وبس .. وانتي شمصحيك للحين ؟ ميهاف : تعرف اليوم كله حفلات وعزايم .. هلكت خلاص تو وصلت البيت لؤي : الله يهنيك ميهاف : شفيه صوتك ..؟ لؤي : مافيه شي ... اقول ميهاف بسألك سؤال وجاوبي بصراحة ميهاف : شنو ؟ لؤي : لو كنتي موظفة بشركة .. ويعني مختلطة ودخلتي بيوم شفتي إيطار صورة عائلية لك بيد واحد وهو بمكانة صديق يعني شبتسوين ؟ بتعصبين ؟ ميهاف : ايه بعصب ونص ! صورة عائلية معناها صورة امي وانا دون عباية .. وعلوم لؤي : لا لا ميهاف .. يعني اعتبري انه نظامك غربي شوي تداومين اساسا دون عباية وكلش فري ميهاف احتارت : لؤي من هذي ؟ لؤي : مو احد .. بس موقف صاير مع واحد ميهاف : لؤي اعرفك انا .. ممن هذي ؟ لؤي تنهد : وحده .. ميهاف : ايييييييييوه .. وحده من هالوحدة اللي مسهرتك الليل ؟ لؤي : بقولك .. بس بيني وبينك هاه لاتخورينها ميهاف : ماعليك ستر وغطا ! لؤي : اااخخ ياميهاف لو تشوفينها .. انسانه عجيبة حمدت ربي مليون مره ان اسماء رفضتني عشان اجي واشوفها ميهاف شهقت : تحبها لؤي ؟ لؤي : لا بس شكلي بالطريق .. احسها دافعي هنا ما اصحى بدري الا اذا تذكرت اني بشوفها .. اذا شفتها احس الدنيا تحلى بعيني ميهاف : الله .. الله .. الله .. والله وطحت ومحد سمى عليك .. من هذي اللي قلبت كيان اخوي ؟ لؤي : كلش فيها ملفت ياميهاف .. متواضعه مع ذلك واثقة بنفسها كأن محد أحسن منها حتى انا حاقرتني من الثقة ههههههه ميهاف ابتسمت وهي تسمعه : ايوه ؟ لؤي : هههههههههه شنو ايوه جالسه تحلليني انتي ؟ ميهاف : لا بس تحمست اسمع عنها .. لؤي : ماراح تفهمين من كلامي .. لازم تقابلينها عشان تفهمين ميهاف تحمست : حلوه ؟ لؤي تنهد : حلوه وبس ؟ ميهاف : امانه لؤي .. دامها فري كذا ارسلي صورتها لؤي : لا ياشيخه فكينا بالغلط شفت صورة اهلها سوت لي سالفة لها اول مالها تالي ميهاف بجدية : لؤي لؤي : هممم ميهاف : انا مبسوطة عشانك .. من جد يعني واتمنى يتحقق اللي ببالك بس لازم تفكر صح يعني وش نهاية هالعلاقة ؟ من كلامك عن البنت واضح انها متفتحه جدا .. وانت تعرف أبوي .. لؤي : ماراح افكر بهالشي اللحين .. اساسا البنت مو ملقيتني وجه عشان افكر بابوي اللحين ميهاف : والله حاصلها ! لؤي : ههههههههه روحي علميها ميهاف تثاوبت .. لؤي : روحي روحي نامي .. اشغلتك بسوالفي ميهاف : حنام .. بس يله جعل حظي حظها وواحد يحكي عني بنفس الطريقة لؤي : قواك الله اخضعي بدر وخليه يشعر فيك ميهاف : ههههههههههه ايه طيب لؤي : تصبحين على خير ميهاف : وانت من أهله بعد ماجافاه النوم .. فتح مدونته وكتب بإلهام / - جميلة الصورة .. ذكية الملامح .. سريعة الخاطر .. في ضحكتها جرس موسيقي عذب وبعينيها صفاء عجيب .. تلك هي حبيبتي ~ *** مستشفى جـدة / طلع هيثم من ثالث غرفة عمليات لليوم .. للحين مايبي يدخل على خواته وأبوه .. ومنع الدكتور يقولهم أي خبر يبي يتصرف هو دق جواله " ابتسام " .. دخله بمخباه وفصخ زي العمليات ولبس معطفه .. ودخل الغرفة وابتسم : حمد الله على السلامة يبه أبو هيثم : الله .. يسلمك .. ها يابوك وش قالو لك ؟ هيثم دخل يده بمخباه وغرز اظفره باصبعه : كلام كثير يبه مو مهم .. الخلاصه ان هاليومين لازم تروق لأن النفسية مهمه جدا .. وبوكل هالمهمة لخواتي لاتتركونه ولا دقيقه هاه ! ابتسام : ولا يهمك .. 24 ساعة حوله هيثم بالم بداخله : خلاص هذا كل اللي يحتاجه ... غادة ضمت ابوها : الله يطول بعمرك يبه .. ومانشوف فيك شر هيثم هزته كلمتها " الله يطول بعمرك " : غادة .. ماجاوبتيني للحين وش جالسة تسوين هنا ؟ رجلك وينه ؟ غادة : بدبي .. هيثم عقد حواجبه : ايه عارف .. وانتي ليش مو معاه ؟ غادة : مابي اروح .. بجلس معاكم هيثم مو غبي ومافاته انه في شي .. بس ماله خلق اللي فيه كافيه : اجل انا بطلع الكافتريا وبجيب لكم غدا مره وحده طلع .. وقابله بطريقة عمانه تنهد واستقبلهم : وين مشعل ؟ هيثم : موجود .. أبو احمد : ووش فيه ؟! هيثم : مافيه الا العافية ! أبو مرزوق : نبي نشوفه هيثم ماله نفس كلش .. مشى بطريقه : من مانعكم ؟ دخل ابو احمد وابو مرزوق .. ابو احمد فتح عيونه : غادة ! غادة مسكت قلبها : هلا .. عمي أبو احمد : شتسوين هنا ؟ متى رجعتو ؟ واحمد وينه ؟ ابتسام : غادة ماراحت مع ولدك .. ابو احمد : وليش ان شاء الله ؟ حنا مزوجينه عشان تهملينه ؟ ابتسام كان بتتكلم بترد لكن غادة ردت بسرعة : ابوي كان تعبان .. ولا قدرت اروح واخليه .. ابو احمد التفت لابو هيثم :شايف سوات بنتك يامشعل ! ابو هيثم : حدك .. ولدك هو اللي رماها عندنا ورفض ياخذها وسافر مع ربعه ابو احمد : مستحيل هالحكي صحيح ! ابو هيثم : الا صحيح حتى لو ماتبي تصدقه .. ولو بنتي موعاقله كان فضحته لكن العتب عليها وعلى عقلها ابتسام : يبه هد .. مو زين لاعصابك أبو احمد التفت لغادة : انتي قومي اللحين ارجعي معي .. حتى لو ولدي غلط وتركك ماتجلسين عند اهلك خلاص ماعاد بيتك .. بيت رجلك يتلفاك غادة : راح اجي بعد مايطلع بابا .. ابو احمد : مافيه ! اللحين قدامي ترجعين معي غادة خذت عبايتها بيأس وهي تحس بكل معاني القهر .. باست راس ابوها وطلعت معه أول ماركبو السيارة دق على احمد : الو ! ......... ليش غادة مب معك ؟ ... اسمع يا احمدوه علم ياصلك ويتعداك لو ماترجع اليوم لاشكيك عند الشرطة واقول فلوسك مب حلال.......... انقلع باللي مايردك سكر الجوال وهو معصب : وانتي يصير معك كل ذاه وماتتكلمين ..!! غادة : هو قالي ما أتكلم .. شاسوي يعني ؟ ابو احمد : تتصرفين .. بس شاقول ..؟ بزر وش بيطلع منك الا الردا اول ماوصلوا البيت .. دخلت البيت اول ماشافتها ام احمد شهقت : غادة ! شتسوين هنا ؟ ابو احمد دفها قدامه بقوه : ماراحت اصلن حضرتها ! .. ولدك بس اللي راح وهي جلست حضرتها تبي ابوها أم احمد : صدق انك منتب وجه سفر ولا سنع ... كان خليتها عند ابوها ليش جبتها حنا الغلطانين اللي طلعناها من بيت ابوها بالبداية غادة انقهرت .. ولدهم الغلطان وهي اللي تاكلها بعد مشت متجاهلتهم لفوق .. ابو احمد : اوقفي محلك انا احاكيك ! غادة تجاهلته ولا كأنها تسمعه ... ام احمد هزت راسها : هذي اللي تبيها لولدك قليلة حلا وماعندها مبادئ أول ماوصلت غادة غرفتها دق جوالها " حبيبي " ردت بقهر : نعم ! احمد : الله لاينعم عليك .. وش اللي تفهمينه من اهلي لايشوفونك ! رحتي ترززتي قدامهم مامر اسبوع غادة : لو سمحت اذا داق تنكد علي كافيني اهلك .. احمد : اصص ولا كلمة .. باختصار انا مانيب مخرب وناستي عشانك وراجع فقسم بالله لو مايدق علي ابوي اللحين ويتركني اجلس براحتي حسابك عسير غادة بقرف : تصطفل منك لابوك لامك لملعون جدك انا مالي دخل ! سكرت السماعة دون تسمع ردة ورمت الجوال وهي متكتفة معصبه ... رجع يدق مسكت جوالها وصممته وقفلت باب الغرفة ولبست سماعاتها ورفعت لاعلى شي وجلست بغبنه .. *** بالصبــاح – بيت أبو فراس / كان الكل بالحوش وفراس يرفع شناطه بيمشي .. باس راس امه .. ام فراس بقهر : والله مامداك .. فراس : ماجيت هالمره عشان اطول التفت فراس لبدر .. تنهد ومسك يده وحط فيها بطاقة بنك : هذا حساب فيه 350 الف مهرك فتح بدر عيونه : من جدك ؟ فراس : ايه .. هونت يخي لو تمسك الشركات ضيعتها بيومين خلك بعروضك وانا بتصرف بدر : يعطيك العافية .. والله هالخدمة ماحنساها فراس : احسن لك ماتنساها ! اسماء : وانا مالي شي ؟ فراس : لا . اسماء برطمت : بخيل فراس : يله استودعكم الله : في امان الله .. اول ماطلعت سيارته تنهد بدر : ياحليله والله بشتاق له اسماء : نصاب ! بلا عشان الفلوس ولا لك يومين تحش به بدر ضرب راسها بخفه : ههههههههههه انطمي انتي ام فراس : الله يحفظه ويخليه لنا بدر : امي بتبكي الله يصلحه فراس ذاه ام فراس : يصلحك انت .. ولا هو ماعليه خوف بدر : افا يمه وش شايفه علي ؟ *** بيت أبو نايف – صباح / كان الكل جالس بالصالة .. والصمت سيد الموقف نطق ابو نايف .. ونايف كان جالس بصمت .. ابو نايف : انت تدري ان اللي سويته غلط .. انك تمنع من دخول دولة هذا شي كبير ! نايف بهدوء : ايه ادري .. ام نايف : والصراخ والعصبية اللي استعملناها معك امس .. ماتنفع ولازم ناخذك بالسياسة ونتفاهم ابو نايف : يانايف انت ماعدت صغير .. لمتى يعني بجلس اصارخ عليك واعصب ونلاحقك كانك مراهق ؟ خلاص عمرك 30 سنة وعندك ولد .. نايف : كويس انك عارف . ابو نايف مسك اعصابه .. ميهاف طالعت نايف بلوم : نايف خلاص ! ابو نايف : عقب اللي سويته واللي عرفته عنك .. فيه شيئين لازم تسويها واذا ماسويتها انا مستحيل اسامحك ووقتها البيت يتعذرك رح صرف حالك بحالك نايف كان ساكت ينتظر الطلبات اللي بتدمر حياته مثل ماهو حاس .. ابو نايف : بعطيك فرع الغربية .. امسك ادارته واشتغل خل عندك مصدر دخل يعزك نايف : و ..؟ ابو نايف : وتزوج نايف : يبه الزواج مايناسبني .. وعندي تجربه سابقه يعني مايحتاج ابو نايف : وانا ماعندي شي اقوله غير كذا ..! نايف : خلاص راح اتزوج .. بس ماراح اشتغل بالشركة ابو نايف بصرامه : نايف ! حنا مو قاعدين نمزح .. ع بالك اللي سويته سهل ولا لعبه احمد ربك اني رضيت ومعطيك شيئين أي شخص ثاني بيعتبرها هديه شغل وزوجه وش بعد نايف تنهد : سوو اللي تبون .. ابو نايف : موافق يعني ؟ نايف باستهزاء وهو طالع : خيار ما أوافق متاح من دون ما انطرد من بيتك ابو نايف : لا نايف : اجل لا تسأل اسئلة سخيفة ! هز ابو نايف راسه وهو يشوفه طالع .. اخلاقه مقفله بس دام وافق خلاص هذي بداية الخير التفت لام نايف : دوري وحده اخطبيها له ام نايف : بنجلس انا وميهاف اللحين وبنفكر بوحده تناسبه ابو نايف : ايه فكرو .. خلاص تعبت منه هالولد ابي ازوجه وارتاح من همه ومسؤوليته ! *** غـادة صحت من النوم ولبست على السريع تبي تنزل تطلب منهم ياخذونها لأبوها .. بطريقها بتنزل انفتح باب الغرفة ودخل أحمد ... استغربت غادة ماتوقعته يرجع : .... احمد سكر الباب وراه وتسند عليه وحط شنطته رفع حاجب : قدها ؟ غادة : شنو ؟ احمد وهو يفصخ حزامه ويطويه بيديه : قدها تتكلمين معي بهالاسلوب ياملعون ابو جدك انتي ؟ وقدها تسكرين السماعة بوجهـي ..؟ غادة بلعت ريقها لكن قالت بقوه تكابر : انت قهرتني ! ووش بتسوي يعني ؟ احمد ........ الاسئلة : - اكثر شخصية مظلومه .؟ - افضل شخصية لهالتشابتر ؟ - اسوأ شخصية لهالتشابتر ؟ - افضل ثنائي ؟ |
رد: انتماءات كاذبة
أكتر شخصية مظلومة؟
كنت بافتكر ابتسام بس النهاردة غيرت رأيى غادة طبعا شايلة النيلة من عايلة الزفت أحمد كلها مفيهمش حد عدل شوية أسوأ شخصية أحمد أفضل شخصية النهاردة ممكن نقول ميهاف وقوفها قدام بدر واعتزازها بنفسها منطقى ومافيهوش مبالغة الثنائيات احنا لسه مش متحدد عندنا إلا بدر وميهاف وغادة والمدعو أحمد لسه سارا مش عارفين مع لؤى ولا فراس خصوصا بعد الزواج ماطلع مزحة لسه هيثم - أسماء -نايف - ابتسام سناجل هاستنى لما تظبطى بقيت الثنائيات واختار واحد موفقة |
رد: انتماءات كاذبة
" الفصل التاسع "
-لاتوجد حكاية تروى بنفس الدقة مرتين .. كل حكاية تتأثر بأراء راويها ومواقفه من الأشياء . لهذا : لاتصدقوا التاريخ كثيرا - المشهد يتكرر بشكل يومي .. حرفيا اكثر من مره بيومه .. لكن غير لاصار يعنيك , بعد أسبوع بس ؟ ماطول .. مشاعره بارده .. كلش بارد .. حتى دموعه باردة مانزلت .. واقف ويهتز مع تحريك ابتسام له .. تحركه بعنف وتصارخ وتبكي .. تترجاه مايخلونهم ياخذونه : هيثثثم ... هيثم تكفى ابوي مامات ليش ياخذونه .. هيثثثم هيثم مسكها عشان تهدا : وكلي الله يا ابتسام ابتسام سندت راسها على كتفه : انت قلت انه بخير .. مافيه شي .. طيب !! كيف صار كذا ؟ هيثم : كلش بيد ربك .. ابتسام جلست على الارض وغطت وجهها : لاا لا لا .. مستحيل مو صدق جلس هيثم لمستواها ووقفها معاه : قوي حالك يا ابتسام ..تعالي اخذك البيت وانا بروح لاجراءات الدفن مشت ابتسام معه وهي محطمه داخليا .. ماتصدق ان ابوها اللي كل حياتها حوله مات .. وصلها هيثم للبيت .. ورجع للمستشفى يحضر للدفن وهو صامد للحين .. حتى دمعته مانزلت *** بيت أبو أحمـد : - دخل أحمد البيت بعد الدوام والعائلة كان مجتمعه بالصالة ماعدا غادة طبعا .. ابو احمد : احمد تعال احمد : هلا .. وش هالجمعة ؟ اللهم اجعله خير عبد المجيد : عمي مشعل عطاك عمره اليوم .. احسن الله عزاك احمد : وليش زعلانين ؟ اخذ حقه من الدنيا وزيادة الشيبه أم احمد : محنا زعلانين .. بس نبيك تعلم زوجتك للحين ماتدري احمد : وليش ماقلتو لها ؟ أبو احمد : وهي تطلع من هالغرفة عشان نتكلم معها .. هالاسبوع كله ماشفناها ولو مانوصي له اكلها ماتت احمد : زين خلاص خلاص .. بقولها صعد أحمد لفوق كانت غادة جالسه على الكنبة وبيدها الريموت تقلب بالقنوات .. دخل اول ماطالعته كشرت ورجعت تطالع بالتلفزيون : ......... أحمد تنهد : وبعدين مع هالمزاج يعني ؟ غادة : ممكن ماتكلمني ! لاني ماحسامحك على مدة يدك علي ! احمد : انتي حديتيني بلسانك الطويل .. عموما لازم اكلمك في حاجة غادة : وكمان ماتحس حالك غلطان ! احمد نفخ : غادة خلاص ! غادة لمعت عيونها دموع وشاحت بنظرها للتلفزيون .. أحمد حس المهمه صعبه : قومي البسي اوديك لاهلك غادة : شنو ؟ أحمد : مو هالاسبوع كله مزعجتني تبغي تروحي وماخليتك .. خلاص قومي قبل اغير رايي غادة قامت بسرعة دون تفكير : اللحين اللحين بجهز أحمد : انتظرك تحت جهزت غادة وهي ببالها تتطمن على ابوها المريض .. ماعرفت بالمخبا .. *** في كافيهم المعتاد , نايف وبدر وعبد المجيد جالسين / عبد المجيد بدهشه : من جد يعني ؟! نايف : ايه من جد .. شفيك مستغرب ؟ بدر عقد حواجبه : يعني مستوعب بيخطبون لك وبتتزوج خلاص ؟ نايف هز كتوفه بعدم اهتمام : ايه وبعدين ؟ عبد المجيد : هذا اللي بيجنني .. انت حالف ماتتزوج مهبول ! نايف : وللحين على حلفي ماراح اتزوج .. بدر : تستهبل ..؟ وامك اللي تدور لك وبتخطب ؟ نايف شرب كاسه دون يعلق .. عبد المجيد : امنيتي اعرف وش يدور براسك انت نايف : اقول خلصتوا ؟ بدر : لا شفيك مستعجل لوين ؟ نايف برواقه : لا مب مستعجل .. بالعافية بقوم اطلب لي كاس ثاني *** بيت أبو نايف / ابو نايف بعصبيه : مالقيتي له وحده تخطبينها للحين !؟ ام نايف : وانا وش بيدي .؟ للحين خطبت له 3 وكلهن رفضن ابو نايف : حسبي الله ونعم الوكيل .. وليش يرفضن ؟ ميهاف : بصراحة يبه دون تزعل .. عقب العزيمة وماعاد احد يبيه .. يعني من بيزوج بنته واحد ممنوع يدخل دوله و متمشكل مع اهله ابو نايف : حسبي الله ونعم الوكيل ! وبعدين يعني ؟ ام نايف : ماعليك .. الرياض كبيره الا مانلقى وحده تقبل به ؟ ميهاف : يمه انتي تخطبين بنات مجتمع مخملي .. وهالبنات مستحيل يقبلن به يعني اخطبي له من المجتمع العادي ام نايف بغضب : لا ! وش ناقصه ولدي اخذ له وحده بنت فقر .. اليوم بروح لأم فراس وبشوف يمكن عندها احد من بنات خواتها شي ميهاف : الله يعينكم .. الظاهر بتشيبين يمه ماخلصت هالخطبه ابو نايف : الموضوع هذا يخلص هالشهر .. !! طلع وام ميهاف قالت بقهر : وانا وش بيدي ؟! الله يعين على هالزواج *** وصل فراس للكويت .. وكان متأخر لأنه بعد مغادرته السعودية راح لقطر في مهمه مستعجلة وبعدها وصل الكويت .. دخل الشركة ودخل مكتبه كان لؤي جالس ويشتغل وقف وابتسم لما شافه : حمد الله ع سلامتك فراس : يسلمك .. شخبار كرسيي ومكتبي ؟ لؤي : ههههههههههه تمام اشتاق لك .. وانا مليت منه خلاص فراس : امداك .. لسى ماجلست فيه شهر حتى لؤي : لا يامعود ماقويت اقل من شهر اقوى شهر ! فراس جلس على كرسيه .. لؤي : انا طالع عندي اجتماع .. آخر مهمه لي كرئيس بديل فراس : استنى .. بحضره معاك لؤي : تفضل شرف دخلو الإجتماع وكانت سارا موجودة هناك .. وتتكلم مع اصحاب الصفقة كانت لابسة تنورة سودا ميدي لنص الساق وبلوزه ماسكه بكم طويل مخططه أحمر وابيض مع خف اسود مريح .. وشعرها بنفس الطريقة البني الداكن مموج بشكل رايق وروج احمر بالنسبة لشكلها الاعتيادي اليومي .. كانت اليوم تعتبر كاشخة خصوصا انها حاطه مكياج على غير العادة .. فراس التفت للؤي : اعلان لوريال هنا ؟ لؤي كان مفهي وهو يتأملها انتبه له : وش تقول ؟ فراس : ولا شي .. اجلس سلم الكل ع فراس وتحمد له على السلامة ماعدا هي الا واقفة تطالع بس .. وفراس ماهتم جلس بمكانه : ابدو الإجتماع وقفت سارا ووضبت اغراضها وتو بتتكلم .. قاطعها فراس : انتي المسؤولة عن الاجتماع ؟ سارا متوترة دون شي اول اجتماع بتقيمه وهذا وش رجعه ؟ توترها زاد : ايوه .. ماعندك خبر ؟ فراس طالعها من فوق لتحت : اوك كملي تنهدت بصبر وكملت المقدمة .. لحد ما جلست عشان يعرضون الصفقة بمكانها المقابل للؤي .. وفراس على راس الطاولة .. فراس اثناء ماهو جالس بضجر انتبه لنظرات لؤي لها .. نظراته فاضحته حتى لو مايبغى .. عقد حواجبه وهو يطالعه .. يطالعها وهي منسجمة مع اللي يتكلم .. لما انتبهت لنظرات لؤي رفعت حواجبها وحطت عينها بعينه بقوة كانها تقول " وش تبي ؟ " ... لؤي ظل يطالعها وكأنه يبي يوصلها رسالة اعتذاره .. لكن مافيه امل نظراتها قوية ومصوبة له .. زفر وشاح بنظره لجهه ثانية .. ابتسم فراس بسخرية وهو يشوف هالمشهد .. فور انتهاء الإجتماع مشى فراس مع لؤي لبرا .. اول ماطلعت سارا ناداها فراس : سارا لؤي خزه : فراس والله لو تسوي حركه مالها داعي بزعل فراس : اقول اسكت بس .. وش بسوي يعني .. سارا استجمعت صبرها .. لازم تاخذ جرعه من سمومه بمناسبة رجعته : نعم فراس : الله ينعم عليك .. لأنك جديدة باخذك بالسياسة الاشكال الاوفر ممنوعه هنا سارا : مافهمت .. وانا شكلي اوفر يعني ؟ فراس : ايه مكياجك اوفر .. بدلالة الكل كان يطالعك بالاجتماع ولا انا غلطان ؟ سارا فهمت ان قصده لؤي قالت بحده : والله مدري وش دافعهم عشان يطالعون .. بس كل واحد ونيته فراس : وبفهمك انا بعد وش نيتهم يعني ؟ انتي ابخص وعن تجربة < شدد عليها لؤي : فراس خلاص .. هالحكي ماله داعي .. خلاص سارا روحي بطريقك مشت سارا بطريقها وهي منقهره من قلب .. بينما التفت لؤي لفراس : انت وبعدين يعني ؟ كل ماتشوفها لازم مشكلة فراس : والله انا ما أخلق المشاكل هي بكبرها مشكلة .. وانت خف خز شوي ماتركتها بحالها بالاجتماع لؤي : اوك خزيتها كلمني انا .. هي شدخلها ؟ فراس ببرود : وانا اخترت اكلمها هي مو انت لؤي هز راسه : ميؤوس منك انت وراح بطريقه .. بينما فراس ماهتم حتى رجع لمكتبه يخلص شغله .. كانت سارا بالحديقة قدام الشركة ووصلت بتفكيرها للجدية في انها تستقيل ... : وانتي كل ماتتضايقي احصلك هنا التفتت كان لؤي وبيده مشروبين .. رمى واحد بحضنها : ههههههههه الظاهر فراس انفتن بشكلك اليوم فحب يتقي الفتنة وقالك كذا ؟ .. ولا الصدق مافيه نظام يمنع الزينة ولا شي سارا ابتسمت بسخرية : ايه صح لؤي جلست جمبها وهم يتأملون المكان ... بنفس الوقت نطقو : سارا : لؤي ضحكت بخفة : ههههههههه وش تبي تقول ؟ لؤي تنهد : ابي اقول نفس الشي اللي كنت اقوله هالاسبوع كله .. انا اسف اعترف اني فتشت بس صدقيني كان فضول بس مافيه سوء نية سارا : وليش فضولي يعني ؟ لؤي : مدري .. ابي اعرف اشياء كثيرة عنك .. زي كيف ابوك السعودي أسمه والكر ؟ سارا تنهدت : لؤي انا لو أبيك تعرف قلت لك .. بس اذا انا ماقلت لك معناها ما ابيك تعرف بأي طريقة .. لؤي : معك حق .. وانا اسف سارا ضربت كتفه بقبضتها بخفه : وانا سامحتك لؤي : هههههههههه من جد ؟ وين القبلة اشكر ربي اجل ؟ سارا : ههههههههههه , عشان مره ثانية تحرم تفتش لؤي بجدية : ماراح افتش .. بس ابيك بيوم تقولي لي بنفسك سارا طالعت بنظرته الجدية .. عيونه العسلية مع ضوء الشمس يضيف لها اشراقه اكثر : .... لؤي : احيان احسك تحسيني مجرد شريك بالعمل وبس .. صدقيني سارا انا ما اشوفك كذا انا .... ( ابتسم يصرف ) انا اعزك زي أي صديق سارا : وانا كمان لؤي .. يعني أنت وقفت معي بكثير مواقف وساعدتني , بس عشان اقدر اصادقك لازم نتفادى هالاخطاء .. ونحترم خصوصيات بعض والحدود الحمراء لؤي : اوك انا راح احترم حدودك الحمراء بس بالنسبة لي ترا ماعندي حدود حمراء خذي راحتك يعني سارا وقفت ماشيه .. لؤي : وين وين ؟ سارا : مكتبك افتشه ! لؤي طلع من مخباه مفتاح ورماه عليها : هههههههههههه هذا مفتاح المكتب لاخلصتي تعالي هنا ناطرك سارا رجعت المفتاح له : هههههههه امزح الظاهر ماعندك حدود حمراء صدق لؤي رفع كتوفه : مو قلت لك ؟ سارا : توصلني البيت اغير لبس الرقاصات اللي اثار فتنة شركة فراس الشمري ؟ لؤي : ههههههههههه اوك *** بعد شــهر من هالأحداث / بيت أبو هيثم وللحين الحداد سيد الموقف .. والكل كاسيه الأسود :- كانت غادة في طور صدمة .. للحين منكسرة بينما إبتسام كانت اقوى دخلت على غادة بغرفة أبوها : غادة ماينفع تضلين هنا كثير .. اطلعي وربي ماتعبني هالشهر غيرك انتي غادة ضغطت على سرير أبوها بقوة ... وقالت بألم : صرخت عليه ياابتسام كثير .. وزعلته كثير ماسويت مثلك وبريت فيه وليتني صرت مثلك .. ابتسام : استغفري ياغادة .. خلاص اللي راح راح لمتى بتفكرين فيه غادة : إبتسام ... انا قاطعتها ابتسام : غادة خلاص ! واطلعي من الغرفة الغداء جاهز طلعت غادة للصالة لكن انتابتها دوخة قوية هزتها .. مسكتها ابتسام بسرعة : بسم الله الرحمن الرحيم .. كل هذا عشانك ماتاكلين .. قومي اكلي غادة مسكت راسها : مو قادرة .. حلقي يرفض يبلع أي شي ابتسام : تعبانه .؟ غادة هزت راسها بأيه .. تنهدت ابتسام وهي تعبت هالشهر مع غادة كثير كانت مقويه حالها لأنها تعرف ان غادة ضعيفه وماتتحمل .. لبست عبايتها وساعدت غادة : قومي باخذك المستشفى غادة : محتاجة غذاية بس ابتسام : والغذاية فين ؟ بالمستشفى ؟ هزت غادة راسها بإنقياد .. وطلعو للمستشفى عند هيثم .. كان هيثم وابتسام واقفين بالممر : وبعدين يابتسام ؟ لمتى بتضل كذا ؟ ابتسام : ما أدري .. والله انا تعبت معها بجد .. هيثم تنهد : ان شاء الله خير طلعت الدكتورة : دكتور هيثم ايش تقرب لك المريضة ؟ هيثم : اختي .. صحتها تمام ؟ الدكتورة ابتسمت : مافيها الا العافية .. بس هي حامل وهذا اللي مسبب لها كل هالاعراض ابتسام بصدمة : حامل ؟ الدكتورة : ايوه حامل لها شهر هيثم الفرحة مو سايعته : متأكدة دكتوره ؟ الدكتورة : ميه بالميه ركضت ابتسام لعندها وضمتها : مممممممممبروك غغغدو غادة : شنو ؟ شفيك ؟ ابتسام : انتي حامل ياهبله ومو عارفه غادة : هاه ! حامل ؟ هيثم واقف عند الباب : والله اصغرنا وسبقتنا كلنا .. اخلصي ابي اصير خال واربيهم غادة انهالت دموعها وبكت بحضن ابتسام : انا لله .. شفيك بعد اللحين ؟ غادة بقهر : مو وقته .. ابتسام بعصبية : عيب ذالحكي ! وش مو وقته ؟ احمدي ربك .. غيرك يتمناها امنية ومو محصلها غادة مسحت دموعها .. هيثم تنهد : انا طالع .. بتقولين لاحمد ولا اقوله ؟ غادة ماردت .. التفتت له ابتسام : قوله انت هز هيثم راسه وطلع ... ابتسام جلست جمب غادة ونطقت بعقل: غدو خلاص .. حنا زعلنا كثير وتعبنا كثير ابوي الله يرحمه ماكان صغير كان كبير ومريض , ايش يقولو اللي يموتو لهم شباب بعمر الزهور وبصحتهم ؟ غادة وهي مازالت تبكي : ابتسام انا اشتقت له .. والله اشتقت له ابتسام : وانا ماشتقت له يعني ؟ الله يجمعنا فيه بالجنة ان شاء الله غادة مسحت دموعها : انا خايفة يا ابتسام .. والله احس مو مستعدة اصير ام ابتسام قبصت خدها : ياحححلوك ههههههههه اذا مو مستعدة انتي بس جيبيهم وارميهم علي انا مستعدة غادة طالعت ابتسام : الله يرزقك يختي .. والله انك تستاهلي اكثر مني ابتسام ابتسمت بالم : انا يكفيني انتي تصيري مبسوطة .. ومابي غير كذا ضمتها غادة : دامك جمبي انا مبسوطة بعد سـاعة دخل أحمد وعدلت ابتسام حجابها : شفيك سلامات ؟ هيثم كان جمبه : ابتسام تعالي نطلع ... ( طالع غادة ) هههه قولي لاحمد شفيك ابتسمت غادة لهيثم .. وأول ماطلعوا جلس أحمد بالكرسي قدام السرير : شفيك غادة شصاير ؟ هيثم مارضى يقولي غادة : قبل كل شي .. ابي اشكرك على وقفتك مع هيثم هالفترة بالعزا أحمد : مو عمي اللي مات ؟ طبيعي بوقف .. غادة طالعته وابتسمت ومسكت يده بين يديها وحطتها على بطنها ... أحمد فتح عيونه بوسعها : صدق ؟ غادة : هههه ايوه صدق .. شهر للحين أحمد تلعثم من الفرحة : شهر .. وليش ماقلتي لي للحين غادة : تو عرفت انا كمان احمد ضمها : والله مو مصدق .. مبروك قلبي غادة طالعته بلوم : انا حامل لي شهر .. يعني لما ضربتني كنت حامل وقتها احمد : الله يلعن الشيطان وساعته غادة : خلاص حبيبي اللي راح راح .. خل نفتح صفحة جديدة احمد ابتسم : ما ودك ترجعي للبيت غدو ؟ خلاص والله شهر كثير تاركتني لحالي غادة بحزن : عشان ابتسام .. مقدر اتركها لحالها احمد تنهد : غادة حبيبتي .. ابتسام اللحين ولا بعدين راح تضل لحالها وانتي مايصير تجلسي اكثر من كذا غادة : اوك بشرط ! احمد : تتشرطي كمان ؟ بس يله كرمال الخبرية الحلوه تشرطي غادة : انا حامل .. وبصراحة بيت اهلك الشغل كله فوق راسي ومن عيوني والله بس خلاص مايصير البيبي له حق احمد طالعها بنص عين : اللحين انتي اللي تسوي الشغل كله يعني ؟ غادة بانفعال : إيوه .. واذا مو مصدق اسأل امك وخواتك احمد : مو وقته اللحين .. ان شاء الله خير اتركيني فرحان اللحين وصدقيني اهلي لما يدرو بالخبرية بيفرحون مثلي وبيدلعونك غادة تنهدت : ان شاء الله احمد : يله تجهزي نطلع .. جو المستشفى بايخ كلش غادة : هههههههه اوك حبيبي اطلع عشان اكلم ابتسام احمد : طردة كذا ؟ انطرق باب الغرفة .. احمد : مين ؟ الدكتورة : انا دكتورة المدام فتح احمد الباب .. ودخلت الدكتورة مبتسمة : الف مبروك ياحلوة غادة بفرح : يبارك فيك الدكتورة : انت زوجها ؟ احمد : إيـوه الدكتورة : بما انكم سوا انا حابهم انبهكم على حاجة مهمه مره وانتبهو عليها منيح غادة : شنو دكتورة خرعتيني ؟ الدكتورة : لا لاتتخرعي ولا حاجة .. بس انتي لسى صغيرة على الحمل وهذا ممكن يأثر من ناحية تعسرات بالحمل والولادة عشان كذا انا بعطيك نصائح كثيرة طبقيها بالحرف عشان تسهلي على حالك غادة هزت راسها : ان شاء الله احمد : ويأثر على الجنين يعني ؟ الدكتورة : لا ان شاء الله الجنين ماعليه أي ضرر .. بس الضرر على صحتها فلازم تنتبه منيح احمد : ان شاء الله دخلت ابتسام وهي متحمسة : مبروك أحمد هيثم : بجد الف مبروك .. ومبروك غدو احمد : يبارك فيكم .. حاب اقولكم اني باخذ غادة اليوم .. غادة طالعت ابتسام : عادي ابتسام ؟ ابتسام : ايوه عادي .. فكه منك يابثره غادة : ههههههههههههه حرام عليك ابتسام جلست جمبها : يموتو ناس ويجون ناس .. خلاص حزن غادة خل نفرح هزت غادة راسها : اكيد أول ماطلعت غادة وأحمد ... جلست ابتسام مع هيثم بالكافتيريا .. هيثم : ابتسام ماتفكري تاخذي معهد ؟ او تدوري لك دراسة .. حتى لو بالخارج ابتسام عقدت حواجبها : وليش ؟! هيثم : انا شايل همك .. مابيك تضلي بالبيت لحالك وانا مثل مانتي عارفة وجودي نادر ابتسام : لاتخاف علي هيثم بقدر اصرف حالي .. بس اني اترك البيت هذا مستحيل هيثم تنهد بضيق : بس كذا بضل قلقان عليك على طول ابتسام : بزر انا ! هيثم عرف ان ابتسام عنادية ومستحيل يثمر معها فاستسلم .. *** دخلت غادة البيت مع أحمد وهي متعلقة بذراعه .. وكانت امه بالصالة ومعها شوق : السلام عليكم ام احمد : وعليكم السلام .. ( طالعت بغادة ) ما شاء الله اخيرا حنيتي ورجعتي لبيتك غادة طالعت بأحمد .. أحمد : يمه انتي عارفه بظروفهم هالفترة يعني مايحتاج اقولك .. وبعدين انا عندي لك خبر بمليون أم احمد : الله يستر .. وش هالخبر ؟ أحمد ابتسم حتى تجعدت عيونه : غادة حامل أم احمد فرحت من قلبها وقامت وضمت احمد .. حتى انها ضمت غادة : مبروك .. ان شاء الله الف مبروك احمد : يبارك فيك يمه .. انبسطي بتصيري جدة أم احمد : مفروض اني جدة من زمان .. بس زوجة عبد المجيد للحين ربي ماكتب لها احمد : الله يرزقهم .. غادة تصعدي ترتاحي ؟ غادة : ايوة .. يبارك فيك خالتي صعد هو ويــاها وهم بقمة الوناسة .. نزل حتى حاوطها من ركبتها ورفعها لفوق ويدور بها : يالله ياغدو هذا احلى يوم لي بحياتي غادة شبكت يديها ورا رقبته : ههههههههه انا كمان .. مبسوطة ماتدري قد ايش احمد : إلا ادري .. مو ولدي بعد انا ؟ غادة : احسه جاني هدية يطلعني من الكئابة اللي مرت علي هالشهر أحمد نزلها على الارض وجلسها جمبه على السرير : قولي الحمد لله اجل .. عاد .. قاطع كلامه جواله يرن .. طالع جواله : امي غادة : تو كنا عندها .. شتبي ؟ رد احمد : هلا يمه ... اللحين ؟ زين سكرها والتفت لغادة : تبغاني تحت .. بروح لها وراجع لك غادة : ماشي احمد ابتسم : مو تنامين ! راجع غادة انسدحت على السرير : تلحق ماتلحق نزل أحمد لعند امه .. وكانت جالسة بنفس الجلسة مع شوق : ها يمه .. شبغيتي ؟ أم احمد : اجلس تنهد احمد وجلس : جلست .. ايوه ؟ ام احمد : تقولي غادة حامل اجل ..؟ كيف حملت وهي هالشهر كله عند اهلها ماجلست معها ولا قابلتها احمد : شنو كيف حملت ..؟ حملت يمه عادي .. وبعدين لها شهر حامل شوق : وقبل الشهر كنت أنت بدبي .. ومباشرة راحت بيت اهلها احمدوه لايكون تلعب عليك وانت تصدق احمد فتح عيونه : شقصدكم يعني ؟ مو حامل ام احمد بجرأة : لا انا ما اقول كذا .. يمكن حامل بس مو منك احمد وقف : شلون ؟! ام احمد : هد واجلس .. حنا حريم وافهم بهالامور .. الحرمة عشان تحمل لازم على طول ويبين على طول مو عقبه بفترة احمد عقد حواجبه : يعني .. ام احمد : ايه يعني لازم تتأكد .. مو كل شي تقوله تصدق وبعدين انت تعرف البنت مالها ام والابو مريض ماتنضمن وقف احمد وهو يحس بالاستغفال .. وكلام امه يدور براسه ( معها حق .؟ كم صار لنا من اخر مره .. بجد مو معقول ) صعد بسرعة وام احمد وشوق يتسحبن وراه وهن يحسن بالانتصار ..ودخل الغرفة وصرخ : غادة غادة جلست من سدحتها : هلا احمد احمد مشى لعندها بسرعة ومسكها من معصم يدها ووقفها : انتي على أي اساس قلتي حامل غادة : احمد يدي تالمني .. احمد صرخ : جاااااوبي ! غادة : مافهمت .. شنو على أي اساس .. هذا كلام الدكتورة احمد رفع حواجبه : الدكتورة اللي تشتغل مع اخوك بنفس المستشفى على بالك غبي بتستغفليني غادة : شنو استغفلك ؟ انت كنت معاي بالمستشفى أنا حامل احمد : وانا ماقلت لا ! بس السؤال حامل من مين ؟ غادة انصدمت وقالت بصوت منصدم : تشكك فيني ؟ احمد : ايه اشكك .. واللحين اللحين تلبسين عبايتك نروح نتأكد غادة قالت وهي ترتجف من القهر : ماحروح ! احمد : شنو شنو ماسمعت ؟ غادة وهي ترتجف : ماراح اروح .. مو انا اللي تشكك فيني احمد سحب عبايتها ورماها عليها ومسك كتفها وهو يهزها : اللحين تلبسينها وتنزلين .. هي خمس دقايق ياغادة لو ماتنزلين بصعد لك وبنزل اللي في بطنك وانتي تعرفيني لك تجربه طلع وسكر الباب باقوى ماعنده .. غادة جلست على الأرض وكلش فيها يرتجف مامداها الدمعة تجف وتقول بفتح صفحة جديدة .. نزل راضي ومبسوط رجع لها بهالشكل ؟! اكيد هذي امه ... بس هين .. قامت بسرعة وقفلت الباب من داخل .. وسحبت كلش بالغرفة وحطته على الباب وهي كلش فيها يرتجف , من هاللحظة عرفت كويس ان احمد عمره ماحيكون الفارس اللي حلمت به , تخلت عن احلامها الطفولية اللي دفعتها لهالزواج وصارت تفكر في اللي في بطنها وبس . من هاللحظة لازم حياتها كلها تكون على شانه .. وتنسى أي شي ثاني ! بعد المهلة اللي عطاها اياها رجع يطق الباب بجنون ويحاول يفتحه : مقفلته ؟ افتحي لا أكسره فوق راسك !! دخل عبد المجيد .. اخو أحمد الكبير ( 36 سنة ) واستغرب كل هالاصوات والصراخ فوق .. صعد وهو يشوف خواته متجمعات وامه وأحمد يطق الباب بجنون ويصرخ : افتتتحي ياكلبة .. انا اوريك ويسمع صوت زوجة اخوه ترد بصوت مبحوح عالي : مااااراح افتحه يعني ماراح افتحه .. واذا بطلع من هالبيت بيكون على بيت أبوي احمد بسخرية : ههههههههه ابوك وينه ؟ ... ابوك بيته القبر اللي بلحقك فيه اللحين لو ماتفتحين ركض عبد المجيد لعنده : خير احمد ؟! وش هذا مجنون انت ! احمد : رجاء عبد المجيد خلك برا المشكلة ... انت ماتدري عن شي وهذي زوجتي وانا حر فيها ردت غادة : اذا فيك خير ياولد عمي تدخل , اخوك ناوي يذبحني واللي في بطني أحمد صرخ : ابلعي لسانك والله وقوات وجه تتكلمين مع اخوي قدامي .. عبد المجيد مسك احمد اللي يتهدد على الباب : خلاص احمد ! وين رجولتك تصرخ على حرمه وناوي تضربها ؟ مجنون انت أم احمد : اتركه يأدبها .. حضرتها تحسبنا هبلان نصدق كذباتها كذبات امها الغبراء عبد المجيد همس بين اسنانه : بسس يمه ! ناسيه ان غادة ماتدري عن شي .. وانت احمد قدامي لتحت نتفاهم مو كذا تنحل الأمور أحمد : ولا راح اتحرك .. لحد ماتفتح هالنجسه اللي داخل اصلن لو هي معها حق ماكان خافت وسكرت الباب بهالطريقة : شاللي صاير ؟! التفتو كلهم على أبو احمد اللي واقف بأول الدرج : ماتنطقون ! ام احمد بلعثمة : هذا طال عمرك .. غادة مسكره على روحها الباب ومو راضية تفتح و ابو احمد : غادة رجعت البيت ؟ شوق : أيه رجعت .. لو هي مارجعت ماكان شفت هالمشاكل .. بس هذا وجهها نحس علينا ابو احمد : وش المشكلة ؟! عبد المجيد : علمي علمك يبه .. رجعت والقى هالمجنون يتهدد ع الباب بيكسره أم احمد : غادة حامل .. ابو احمد تهلل وجهه : صدقق .. ( لكن تلاشت ابتسامته للقسوة مباشرة ) وليش هالجنون اجل ؟ المفروض تفرح ! احمد : يبه انت مو فاهم ! انا ماجيتها كيف حملت على كيفها هو !؟ عبد المجيد فتح عيونه بصدمة من اللي يسمعه .. ابو احمد : شلون يعني ؟! ام احمد : يعني انه هي لها شهر ببيت ابوها .. وقبلها اسبوع احمد مسافر ماجلس معها الا اسبوع وترجع عقب هالمدة كلها حامل .. من وين ؟ أبو احمد فتح عيونه بصدمة : لا لا لا ! انتو اكيد انجنيتو .... وانت انت من صدقك مصدق هالحكي ؟ ( ألتفت لام احمد ) بس ما اقول الا حسبي الله عليك انتي .. هذا حكيك احمد : بس يا يبه الحكي فيه منطق .. وبعدين انا ما أتهمتها كل اللي قلته نروح المستشفى نتأكد وهي لانها عارفه عملتها رافضه ابو احمد : انت ماتستحي ؟ ماتستحي تقول هالحكي عن زوجتك اللي هي بنت عمك ! وقدام اخوك الكبير بعد واهلك كلهم .. ام احمد : وانت شعرفك انها بريئة ؟ واذا طلع معنا حق .. ابو احمد قرب من الباب وابعد احمد : غادة .... ( مافيه رد ) .... غادة ... غادة وصمخ ! غادة : نعم عمي ابو احمد : افتحي الباب غادة : ماراح افتح .. ماراح افتح واذا بفتح يكون هيثم اخوي موجود ابو احمد : وين اخوك هيثم ؟ حنا ناقصين نكبر هالمشكلة بعد بهالاثول هيثم غادة : انا ماراح اخليكم تقربون من ولدي .. والله والله عقب اللي سمعته مالكم أي حق فيه أحمد : مو ليصير ولدنا بالاول عشان يصير لنا حق فيه ! ابو احمد : قلت لك اسكت ! ... غادة افتحي الباب وبنتفاهم عبد المجيد حس مكانه غلط .. فطلع وهو يستغفر ربه من هالكلام وكاي شخص طبيعي تفكيره وصل لـ هالحكي صح ولا لا ؟ غادة : قلت لكم مو فاتحه .. والله والله مو فاتحه ام احمد : بالطين لين يلين .. عدال عاد خيسي بهالغرفة لين تموتين بعد ابو احمد : واذا مافتحتي ؟ وسوينا اللي تبين وجبنا هيثم .. واخذك معه للبيت وخلعك من احمد , وبعدين ؟ على بالك هيثم قادر يطلع لقمته ولقمتكم عشان يقدر على هالولد غادة : ...................... أبو احمد : البسي عبايتك واطلعي ونروح سوا المستشفى .. عشان تثبتين نفسك بس واذا طلعو غلطانين انا اللي باخذ لك حقك وقتها بعد فترة صمت .. التفت ابو احمد لاحمد : شمسوي انت ؟ وانا اقول بزوجك تعقل تطلع لي بمصايب .. انفتح الباب وطلعت بعبايتها طالعت احمد بنظرة حادة .. ثم طالعت بعمها : عشانك اخو المرحوم بس .. ابو احمد : الله يرحمه .. يله مشينا ( ألتفت لاحمد ) وانت بعد امش ام احمد : وانا جايه بعد ابو احمد : انتي انثبري محلك ! ماتدخلين بسالفة الا تخورينها ركبت غادة معاهم ورا .. والصمت كان سيد الموقف مجرد تعليق أحمد السخيف : يبه لاتروح مستشفى الالماني .. هناك هيثم وما أضمن روح مستشفى ثاني عضت غادة ع شفايفها بقهر .. لحد ماوصلو للمستشفى ودخل احمد وغادة لعند الاخصائية اللي بكل سهولة سألت كم سؤال واكدت لهم انه عادي وتصير وهو ولده .. اول ماطلعو قابلهم ابو احمد : ووش صار ؟ احمد اللي كان مسود وجهه : ولدي .. ابو احمد : ايه عارفين من أول ! بس انت مدري من وين تطلع بهالافكار غادة بقهر : طبيعي .. مو كلن يعاين بعين طبعه أبو احمد : لاتزعلين نفسك يابوك .. وعلى البركة ان شاء الله الف مبروك .. والله يرزقكم الذرية الطيبه احمد : غادة انا .. مدري وش اقولك صراحة بس .. غادة : لاتقول شي .. مالي خلق اسمعك .. عمي ابي ارجع البيت ابو احمد : تعالي اركبي .. بوصلك بطريقي رجعو للبيت .. واول مادخلو قابلتهم أم احمد : شصار ؟ صعدت غادة دون ولا كلمة .. واحمد كان منزل راسه .. ابو احمد بعصبيه : وش صار يعني ؟ الولد ولده وهو غشيم احمد : ايه بس امي قالت لي غير حكي ابواحمد : وامك استشارية ولا متخصصة !! قال امي قالت لي غير حكي .. هذا قذف الله يعديك اثمها بس احمد تنهد : حصل خير .. يومين وترضى انا طالع طلع برا البيت .. بينما غادة نامت مباشرة دون تفكير دون شي .. كانت مرهقة بما فيه الكفاية .. نفسيا وجسديا *** ببيت أبو فراس / كانت ام نايف جالسة بالصالة مع أم فراس .. واسماء جالسة معاهم بملل : ياشينك خالتي .. ليش ماجبتي ميهاف ؟ ام فراس : الناس عندهم اختبارات يدرسون .. على بالك العالم زيك اسماء : درست درست .. بس خلاص طفش ام نايف : والله انا طلعت وهي بالنادي .. وكلمتها قالت بترجع متأخر وبتذاكر ومشغولة اسماء : هين انا اوريها هالمشغولة ام نايف : المهم اسعفيني يام فراس .. كل اللي قلتي لي رفضن ام فراس : والله يختي وش اقولك ؟ نايف الله يهداه عقب هالحكي اللي طلع محد من المجتمع المخملي بيزوجك .. ( كملت بانحراج ) وبعدين لا تواخذيني ياخيتي بس في كل مكان العالم يحكون عن انه رجله ماخذه على بيت طليقته روحه وجيه ام نايف : والله انا مابي اضطر اخطب له وحدة عاديه .. مو هاين علي .. صح انه غلطان بس مهما كان اسماء : طيب خالتي وش رايكم تخطبون له وحده من بعيد ..؟ ام فراس : صح اسماء معها حق ام نايف : كيف يعني ؟ ام فراس : يعني اخطبي له وحده بنت تجار ومتعودة على مجتمع مثلنا .. بس من بعيد من ديرة ثانية ماتوصلهم هالاخبار ام نايف : ايه والله معك حق .. بس تهقين من وين ؟ اسماء بسرعة دون تفكير : جدة ! ام فراس : ليش يعني ؟ اسماء ( عشان احاول اشوفه ! ) : لانه بنات جدة حلوات ما شاء الله .. وبعدين اخر مره كنا هناك كانو كثير طيبين .. بس انتو براحتكم طبعا ام نايف : ليش لا ..؟ نجرب حضنا ؟ ام فراس : الله يعينكم ام نايف : ماحتروحين معي ؟ ام فراس : لا مقدر .. والله مسؤوليات واختبارات مقدر اروح اسماء باحباط : ليش ماما ! انا ابغى اروح ام فراس : هاو .. واختباراتك ؟ اسماء : مو لزوم ام نايف : حلوة مو لزوم .. لا دراستك ومستقبلك اهم من كل شي حتى ميهاف ماراح اخذها معي اسماء : ميهاف عاد دودة كتب ماراح ترضى تروح اصلن ام فراس : ومتى بتروحين ؟ ام نايف : باقرب فرصة .. ابو نايف الله يصلحة صاير عصبي ومنرفز 24 ساعة من ورا هالسالفة يبي يزوجه باقرب فرصة ام فراس : الله يكتب اللي فيه الخير .. *** بيت ابو نايف الساعة 11 / ام نايف : هاه وش رايك يابو نايف ؟ ميهاف : هههههههه والله فكرة مجنونة .. حلو ناخذ وحدة من بعيد اقل شي نحس داخلين ع شي جديد ومحد يعرفها ابو نايف : ما امانع .. والله مو بطالة دام فشلنا هنا وماله حظ ميهاف : قلتي لنايف يمه ؟ ام نايف : وانا وش همني فيه ؟ قليل الحلا هالفترة كلها ماعطاني وجه ما كأني اطامر كل يوم من بيت لبيت عشان اخطب له .. ابو نايف : خلاص اعتمدي ياأم نايف .. والله خوش راي وخير البر عاجله .. من بعد بكرة تتجهزين وتروحين وانا معك ام نايف : ان شاء الله دخل نايف البيت .. وبيدة كيسة سوق: سلام : وعليكم السلام جلس وقال برواقة : ميهاف شاري لك درزن افلام بيعجبونك ..ودك تسهرين اليوم معي على واحد ؟ ميهاف : ههههههههههههه من عيوني .. بس فيه مستجدات بخطبتك لازم تعرفها نايف بتبلد : ايش كمان ؟ بنت آل طير رفضتني ؟ ام نايف بقهر : هذي خاطبينها من اسبوعين .. ورافضتك من زمان خطبت لك ثنتين عقبها نايف هز كتوفه بعدم اهتمام : اللي هو .. وش هالمستجدات ؟ ام نايف : بنخطب لك من جدة نايف رفع حواجبه : جدة ! ميهاف : ايه .. مالك حظ هنا الا انك تاخذ وحدة عادية يعني لو كلاس , اذا انت تبي وحدة راقية لازم نبعد من الرياض نايف بقرف .. امه مصممه ومصرة هالمرة : اللي هو .. قلت لكم من البداية لا جا موعد عرسي ارسلو لي دعوة وبس عشان احضر ابو نايف : لا مو بكيفك .. وخذ حسابك بعد بكرة بتسافر معي انا وامك لجدة نايف : ضروري ؟ انتو تكفون ابو نايف : ايه ضروري ! لاني بخطب رسمي .. ولا راح نرجع الا خاطبينها رسمي ومحددين كل شي ومسلمين المهر بعد نايف : زين .. والله النكد غصب تنكدون علي باي طريقة ام نايف : ايه حنا نبي ننكد عليك .. قم بس قامت قيامتك وقف نايف : ميهاف بتجي ؟ ولا اشغل دونك ميهاف : لا ماراح اجي ... وراي مذاكرة لفوق راسي نايف : براحتك *** فراس بمكتبه .. ضغط زر النداء بينه وبين مكتب لؤي .. مافيه رد .. رجع يضغط .. تنرفز بجد ! دق على جواله .. مافيه رد قام وطلع لمكتبة المجاور لمكتبه مباشرة ماكان موجود وجواله موجود .. دور بكل انحاء الشركة مو موجودة .. آخر شي لمحه من جدران الشركة الزجاجية برا جالس وبيده كافي يشرب ويضحك ويسولف .. وسارا جالسة جمبه وتتكلم منسجمة ... ارتفع ضغط فراس وطلع ووقف عندهم وتكتف :والله مادريت اني فاتح لي كافيه مو شركة ... لي ساعة ادور حضرتك وانت جالس لي هنا ! لؤي برواقة : نزلت شوي اشرب كافي رفع فراس حواجبه وهو يطالع سارا : تشرب كافي ؟ سارا وقفت : انا استأذن .. برجع لمكتبي فراس : بدري حضرتك ترجعين ؟ خلصتي دق حنك .. وهذره مالها لزوم .. ؟ طالعته سارا بعيونها الواسعه البحر بقهر .. وهو يطالعها باستحقار .. لؤي وقف : سارا روحي لشغلك اول ماراحت قال لؤي : وبعدين يعني ؟ أي حرة فيك من أي شي تحطه فيها ! فراس : والله انت اللي مو حاسب حساب شي ! مخلي شغلك ومسؤولياتك وجالس لي معها ... اذا كنت سمحت لها تجلس هنا معناها ان خاطرك عندي غالي ومابي ادفع ثمن هذا القرار لؤي : طيب شصار ؟ ليش معصب كذا ! زميلة عمل وتكلمت معها .. حرام ؟ فراس : على مين تلعب ؟ انت ومنال زملاء عمل .. انت وعالية زملاء عمل .. انت وكل البنات بهالشركة زملاء عمل بس هي لا مستحيل ... الله يستر ماتكون هي سبب رفضك اختي بعد لؤي تنهد : وش جاب هالموضوع اللحين ؟ فراس : مدري عنك .. تكذب علي وعلى نفسك .. قال زميلة عمل قال ! لؤي بهدوء : وش كنت تدورني تبغى ؟ فراس : ماعاد فيه داعي .. دبرت الموضوع خلك بالعسل وصعد تاركه .. تنهد لؤي وهو يحس بغميصة .. ليش كلش على راسه وهو اللي يسوي أي شي لمصلحة الكل ..طلع جواله من جيب بنطلونه وكتب ( معليش .. كان معصب مني وحطها فيك , اتمنى مايكون ضايقك بكلامه ) وأرسل سارا ردت مباشرة وكأنها تنتظر ( طول عمره معصب .. تبلدت خلاص , مايكون ضايقك انت ؟ ) لؤي ابتسم وكتب ( دخيل اللي شايلين هم ضيقتي .. لا ماضقت اذا انت تعودتي من اسبوع انا لي 24 سنة جالس اتعود) سارا ( ههههه الله يعينك .. يله روح كمل شغلك لايطيح عليك ويسوي سالفة كمان ) لؤي ( اوك .. بس لاتطلعي قبل اشوفك ) سارا دق قلبها بتوتر وهي تقرا .. ( وليش تبغى تشوفني ؟ ) لؤي ( مافيه هدف معين .. بس ارتاح بشوفتك ) سارا ابتسمت .. وسكرت جوالها دون ترد ورجعت لشغلها بحماس *** غادة :- كانت نايمة .. صحت بإنزعاج كانت الساعة 12 .. التفتت كان أحمد نايم بمكانه حست بنرفزة من وجوده بس تجاهلت وش تقدر تسوي يعني ؟ لوعة على كبدها على الرغم انها ما أكلت شي .. ركضت الحمام واستفرغت كل اللي في بطنها وهي تسعل بقوة .. عقد احمد حواجبه بانزعاج من الأصوات .. فتح عيونه بضيق وانتبه للانارة الخافته من الحمام قام بسرعة ودخل وهي تمسح فمها : شفيك ؟! تعبانة ؟ غادة ببرود : وحام .. وش يعني تتوقع ! احمد حط يده على ظهرها يمسح عليه : سلامتك ياقلبي غادة طالعته بحدة : وليش سلامتي ؟ مافيني شي .. فدا عيونه احمد ابتسم يلطف الجو : اغار ترا غادة : انت من جدك ؟ تغازل بشكل طبيعي .؟ ما كأنك العصر طاعن فيني وفي ولدي أحمد : اوهوه غادة انا ماقلت شي بعدين .. انتي اللي كبرتيها كل اللي قلته بتأكد انتي سويتيها طاعن فيك غادة مالها خلق تكلمه حتى .. سكتت وهي تطالعه بقهر .. احمد ابتسم : مو حلوة وانتي تطالعي كذا .. تامري حاجة ؟ نفسك بحاجة ؟ غادة مشت منه وجلست على الكنبة : جويعة .. ابغى عشاء احمد : اخاف يكونو كلهم نايمين اللحين غادة بنرفزة : مو مشكلتي ! جويعة وابي عشاء احمد : خلاص خلاص لاتعصبي .. بيجيك عشاء نزل احمد .. وحمد ربه لما حصل شوق وهند وسحر سهرانات على فيلم : سهرانات ؟ شوق : ايوه .. وانت شعندك سهران ؟ احمد : مافيه شي .. وحده منكن تقوم تجهز عشاء هند : تو تعشيت مع ابوي .. امداك تجوع احمد : غادة ماتعشت شوق : لا والله احلف ! تقوم تسنع حالها احمد : قومي سوي لها مالي خلق حنتها .. ماصدقت ترضى بعد .. وبعدين انتي الغلطانة بحقي ترا ومشككتني انا وامي فيها فقومي سوي العشاء شوق : لا والله احمد : شويقه .. مالي خلقك قومي سوي لها شوق بقهر : بسممه لها ! احمد : هند الحقي اختك لاتسمم عشاء المخلوقة وتجي برقبتي هند تنهدت : قايمه .. يعني مدري ايش فيها لو قامت وسوت عشاء لحالها بعد فترة جهز العشاء ووصل لغادة جلس احمد جمبها : رضيتي اللحين ؟ غادة دون حتى تبتسم : يمشي حالك احمد : غادة لاتصيري صعبة ! غادة : خلاص أحمد رضيت .. بس مابي اشوفك اليوم روح نام شوي وتدخل بوجهي احمد رفع حواجبه : كذا يعني ؟ غادة وهي تشغل التلفزيون : ايوه كذا ! احمد ربك اني رضيت .. فاحترم اني مابي اشوفك اللحين وابعد احمد قام بصمت واستلقى .. وهي ماهمها جالسة تاكل وتطالع بالتلفزيون بينما هي مقهورة من داخل .. بس هي مو غبية وكلمة عمها اليوم صحتها (على بالك هيثم قادر يطلع لقمته ولقمتكم عشان يقدر على هالولد ) مضطرة تسامحه حتى لو ماتبي .. نزلت دمعه منكسرة وهي مو يم التلفزيون بس ماتبي ترجع للفراش .. *** نزلت سارا بعد انتهاء دوامها , وجلست متسندة عند مقدمة الباب تنتظره .. طلع بعد فترة وبشاشته المعتادة : طولت عليك ؟ سارا : ايوه يعني .. كان بمشي بس ماهان علي ماترتاح بشوفتي لؤي : هههههههه عشان كذا ؟ سارا : ايوه كذا لؤي ابتسم : اوك حلـو .. اللحين ارتحت قشعر جسمها من نظرته الناعمة الحالمة .. بلعت ريقها وقالت : اوك دام شفتني .. انا رايحة لؤي : اتركيني اوصلك .. بطريقي سارا : لا مافيه داعي .. بمشي لحالي لؤي مشى جمبها : بمشي معاك سارا : يالله يا لؤي بجد مافيه داعي لؤي : عشان ارتاح كمان .. سارا طالعته بنظرة طويلــة .. لؤي ارتبك من نظرتها : شنو والله ماحاكلك .. بس الوقت متأخر ودوري ك جنتل ما اخليك لحد توصلي بيتك سارا : اوك .. كرمالك بس لؤي : هههههههه ماحنساها لك هالخدمة مشو بالطريق سوا .. لؤي : تصدقي اختي كان ناوين يسمونها سارا سارا : بجد ؟ لؤي : ايوه .. كان محتارين بينه وبين ميهاف واخر شي اختارو ميهاف بس ان كنت اقولهم حطوه سارا سارا : بجد كنت تقول ولا عشان قدامي ؟ لؤي : هههههههههه لا بجد .. حتى امي قالت لي وقتها البنت الجاية سارا سارا : وليش معجبك الاسم ؟ لؤي : حلو .. ومعناه حلو سارا ابتسمت : معناه سيدة .. او نبيلة لؤي : مو لايق لك بس حلو سارا كشرت : حرام عليك ! ... بس انت اسمك لايق لك مره لؤي : بجد ؟ سارا : ايوه .. ليش ماتعرف معناه لؤي : لا ماقد فكرت سارا : هههههههههههههههههههههه معناه ثور لؤي : ها ها ها تضحكي سارا : مو مصدقني ؟! والله بجد معنى لؤي الثور الوحشي لؤي فتح عيونه : امانة ! سارا : ههههههههههههههههههه ايوه ياثور لؤي : الله يسامحك يا يبه سارا : ابوك مختاره ؟ لؤي : هههههههههههههه ايه .. تو افهم ان قصده يسبني طول هالسنين , وانتي مين مختار اسمك ؟ سارا تنهدت : انا كمان .. اختاره ابوي على جدتي لؤي كان نفسه يسأل اكثر .. بس ماحب يتكرر الموضوع : اهاا سارا : وصلت البيت .. شكرا على التوصيل لؤي : سارا سارا : شنو ؟ لؤي بعد صمت : لا خلاص مو شي سارا باصرار : شنو قول ؟ لؤي : هههههه خلاص بطلت اقول سارا رفعت حاجب : لااا .. بجد ؟ لؤي ابتسم وقال بصوته الهادي : تصبحي على خير سارا بخيبة : ماحتقول ؟ لؤي : مافيه شي اقوله الا راح يزعلك .. فخلاص مافيه داعي سارا : راح تسأل .. عن بابا ؟ لؤي هز راسه ... سارا مسكت يده .. لؤي تبهذلت دقات قلبه من ورا هاللمسة : صدقني مو عشان ما أثق فيك او شي .. بس هالموضوع بالتحديد زعلت عليه كثير .. كان اقسى مرحلة بحياتي فما أحب اتكلم به ما احب استرجع الحزن لؤي باندفاع مد يده لحد ما لامس ابهامه تحت عينها ومسح بحنية : اتمنى ماتكون هالعيون الذباحة بكت كثير فترة صمت .. تأجج مشاعر من هاللحظة الانسايبة مع ليل الصيف وصوت صرصور الليل بالمكان .. تداركت سارا نفسها فافلتت يده وهو ابعد يده .. ابتسمت : شكرا على التوصيلة .. تصبح على خير لؤي : وانتي من أهله سارا اندفعت لشقتها بسرعة .. وهي تمسك قلبها لايطير من دقاته , بينما لؤي ابتسم بفرحه , لحظه مايبدلها بالدنيا .. مشى بطريقة لسيارته .. وهي مازالت مالكة تفكيره اندفع وفتح جواله وكتب : إن سرحتي أو سكتي أو حكيتي أنتي اجملهم : بلا شك وجدال إفتنيهم بإبتسامتك وإن بكيتي علميهم كيف لـ " الدمعة جمال " ! تصبحي على خير *** صحت ميهاف من النوم بعد الظهر .. كانت صاحية من قيلولتها بعد الدوام تذكرت أهلها بيمشون اللحين لجدة دخلت تغسل وجهها وتبدل .. لبست على السريع / ونزلت حصلتهم بالحوش .. ونايف واقف على جمب والسماعات بأذنه وبنظاراته الشمسية ومو يم الخدم اللي يحملون الشناط .. وامه وابوه يتكلمون مع بعض .. قربت من نايف وسحبت سماعاته .. : خير ! ميهاف : يممه المزاج معكر كلش ! نايف : والله مو وقتك ولا مزاجك .. ابعدي ميهاف : اللحين انت عارف من زمان انك بتتزوج .. ليش تو فازع تكشر وتزعل دق جوال نايف رد مباشرة : وينك ؟ برا ..؟ . .. . ادخل شوي اهلي تو مطولين سكر السماعة : هذا بدر .. بدخله ميهاف : وش جايبه اللحين ؟ بتسافرون انتو .. نايف : بيسافر معنا .. نسيب على الفاضي ؟ طلع نايف وفتح له : هلا بدر : وش هالوجه ..؟ لاتكشر انبسط خل نتزوج سوا نايف : ياخف دمك بس .. ادخل ادخل بدر : مطولين انتو ؟ مابقى شي على طيارتنا .. نايف : امي جالسه تجهز المهر وفوضى عندهم داخل بدر : مو كانه لؤي مفروض يروح معاكم نايف : ما ادري وما اهتم اصلن ماكلمني ولا كلمته بدر : نايف هالاسلوب ماينفع .. يعني خلاص طاح الفاس بالراس وبتتزوج .. اقل شي افزع لحالك واخطب وحده على مزاجك .. لو تجي على مزاج امك عمرها ماحتعجبك ترا نايف : وانا وين اشوفهن عشان اعرف هن على مزاجي ولا لا .. واذا شفتها عباية سودا وبس ما احاور تفكيرها حتى بدر : الله الله !! تحاور تفكيرها نايف : ايه تخيل تجي زي نهى سخيفه وتافهه وسطحية بدر: انت كلمت امك عشان تقولها انتبهي تخطبين لي وحده تافهه !! ساكت كذا وتبي كلش يجيك نايف : لو علي انا مابي اتزوج نظام اكشط واربح انطق الباب .. نايف : نعم : بابا .. مدام قول يله نروح نايف : يله قم .. وقت حدادنا بدر : هههههههههههه حدادك انت انا شدخلني ؟ نايف : ايه يابختك انت عندك اختي .. وانا مالت بس اول ماطلعو .. بدر جال بعيونه بالمكان يتصيدها ماحصلها : اقول نيوف نايف : نعم بدر : اختك وين ؟ نايف التفت له : وش تبي يعني ؟ تحاكيها .. لا انطم مافيه انا ماكل زق تاكل زق معي مو تفلها بدر : خلاص زين زين .. بس نسأل وخاب ظن بدر وطلع ماشافها .. ولا حتى لمحها , بينما ميهاف كان تطالعهم من نافذة غرفتها وهي مبسوطة انه بيروح مع اهلها .. *** دخل أحمد البيت بوقت الظهر .. قابلته امه : الوضع ماعاد ينسكت له ! احمد تنهد بملل : شنو يمه ؟ أم احمد : اجل مقوم خواتك يسوون عشاها وهي حضرتها مندفنه بغرفتها ! احمد : ايه ووش صار يعني ؟! .... اشوف الوضع عادي وانتو تشككون بشرفها واللحين عيب تسوون لها عشاء ام احمد : احمدوه لا تقلب لك راسك .. حنا ماقلنا شي بس من صبح ماشفناها تنزل تساعدنا احمد جلس على الكنبة : مالي دخل ام احمد : شنو مالك دخل منت زوجها ! احمد : والله يلعن الساعة اللي صرت فيها زوجها .. تنكدت حياتي كلها .. واللحين وش تبين بعد ؟! أبو احمد : احمد ! احمد : نعم ابو احمد : خل مني الحكي الفاضي .. وغادة انغلط عليها ايه بس ماينفع خواتك يشتغلون لها .. تنزل وتوسع صدرها وتنسى .. لمتى يعني بنجلس نداريها قام احمد وهو منقرف .. وفتح باب الغرفة وتسند على الباب بطرف كتفه : قومي ! غادة كانت واقفة والجوال باذنها : لحظه ابتسام .. اكلمك بعدين سكرت السماعة : نعم ! احمد : انزلي تحت اهلي يبغوك غادة : والله ما حزرت انت واهلك .. انا مابغاكم ولا راح انزل احمد : غادة ! ترا داريتك واخذت بخاطرك كثير .. واللحين لو ماتنزلين كسرت راسك غادة بلعت ريقها وهي تتذكر منظره المرعب وهو يضربها اخر مره : راح انزل اللحين احمد نزل .. وغادة تنهدت ماتدري لمتى يعني ؟! الشي الوحيد اللي لازم تسويه .. تطلع ببيت لحالها وهذا الحل النصفي لمشاكلها ..احمد حقير بس ماعمره تعدى عليها الا عشان اهله .. فتحت دولابها ولبست جلابية نعومه لنص الساق صفرا .. وتمكيجت بشكل معقول واسدلت شعرها على كتوفها وحطت طرحتها ونزلت حصلتهم جالسين يتغدون : السلام عليكم ام احمد : ما شاء الله .. انتي حيه ؟ ابو احمد : خلصنا ! .. غادة اجلسي تغدي غادة : ان شاء الله زحف لها احمد بحيث تجلس جمبه .. وجلست تاكل بهدوء كعادتها وسط أي جمعة لهم اصلن مالها مدخل بين سوالفهم *** ابتسام كانت جالسة بملل بعد ماسكرت من غادة .. تحس بفراغ في غضون شهر صار هالبيت فاضي مافيه احد .. جالسة مع نفسها تاكل وتنام وتقضي يومها .. دقت على صديقتها الوحيدة " أمل " : الو .. اموله , فاضية اليوم .. تجي عندي ..... هممم خلاص اوك بجيك مغرب ... باي وقامت من اللحين تتجهز ..لبست تنورة مكسرة لآخر شي .. للكعب وبلوزه طايحه من كتف واحد ومتشبثه بكتف ثاني خوخية واسعه .. مع خف بيجي وشعرها الاسود لنص ظهرها تركته مفتوح دون حتى كلافة مكياج .. لبست عبايتها وطلعت مع السواق لحد ماوصلها لعد صديقتها .. رحبت فيها بحرارة لانها دايم تلح عليها تجيها وتطلعمن البيت لاتجلس فيه .. حتى انها عرضت عليها تعيش عندها بس رفضت ! ابتسام : اموله عندك احد ؟ امل : ايه جدتي وامي وخواتي .. بس ماعليك سلمي عليهم وبنروح لحالنا ابتسام : ياشينك ليش ماقلتي لي ؟ فشلة .. امل : لا فشلة ولا شي .. مؤيد برا البيت فاستغليت الفرصة عزمتهم سلمت ابتسام عليهم .. وراحت على جمب مع صديقتها .. *** ام نايف بالفندق / ابو نايف : واللحين .. كيف بتخطبين من جدة وانتي ماتعرفين فيها احد ؟ ام نايف : لا تخاف تعاملت مع خطابة واخذت رقمها من ام مازن .. وتقول موثوقة وبدق عليها اللحين اخذ معها موعد ابو نايف : خذي معها موعد باقرب فرصة .. حتى لو اللحين ام نايف : ان شاء الله كلمتها ام نايف وبعدما ماسكرتها التفتت لهم : عطتني عنوان عشان اقابلها ابو نايف : يله هاتي العنوان ومشينا .. أوصلك ولا تتأخرين بنتظرك عند الباب ام نايف : ان شاء الله .. وينه نايف؟ ابو نايف : طلع مع بديران مدري لوين ام نايف : يله مشينا راحت ام نايف للعنوان .. وطقت الباب وانفتح لها ورحبو بها في مجلسهم المتواضع : السلام عليكم الحرمة : وعليكم السلام .. هلا والله ام نايف : كيفك يام فواز ؟ ام فواز : بخير .. انتي حمد الله ع سلامتك ام نايف : الله يسلمك .. بس يختي انا بقولك اني مستعجلة وجاية مخصوص جدة عشان هالغرض فابيك تنفعيني وباقرب فرصة ام فواز : خيران شاء الله .. انتي عطيني شروطك أم نايف : ابيها متعودة على العز .. يعني بنت تجار وابيها حلوة وسنعة وذكية وفاهمة ام فواز : طلبك صعب .. يعني تبينها كاملة ! ام نايف : ايه بالضبط بنص كلام أم نايف دخلت الغرفة بنت بجمال طبيعي يشد .. ابتسمت البنت بلباقة وسلمت لما شافتها ومعها صديقتها : كيفك خالتي ؟ ام نايف ابتسمت باريحية : حمد الله .. انتي شخبارك ؟ ابتسمت وكانت احلى وهي مبتسمة : انا بخير جلست البنت معاهم لفترة تسولف .. وكان سوالفها الجاذب الثاني ولباقتها .. ام نايف عزمت ان هالبنت لنايف ان شاء الله بس انتظرت لحتى تقوم عشان تتكلم .. بعد فترة طلعت التفتت لام فواز : هذي بنتك ؟ ام فواز ابتسمت : لا .. شرايك فيها ؟ ام نايف : ابي اعرف عنها .. متزوجة ؟ ام فواز : لا البشارة لك .. مو متزوجة ام نايف : اجل انا ابيها لولدي ام فواز : ايه بس هي مافيها شروطك ام نايف : شلون ؟ هذي شروطي كلها فيها .. حلوة ولبقة وذكية و .. انا اعجبتني خلاص ام فواز : أيه بس مو تاجرة .. بالعكس تماما حالتها الله يعينهم ام نايف كانت معجبة وبشدة : مايهمني .. ابيها لو هي تعيش على الشارع ام فواز : اجل هذا حظك ... البنت مستحيل ترفض المسكينة امها ميته وابوها ميت واختها تزوجت واخوها دكتور مو يمها .. ووحيدة ام نايف : ومتى نروح لهم ؟! ام فواز التفتت لبنتها : امل .. خذي لنا معها موعد بكرة .. امل كانت فرحانة لصديقتها : طيب شرايكم اخبرها بالخطبة .. دون هالزيارة لانه صعبه تزورونها وهي لحالها كيف بتستقبلكم ام نايف : ايه كذا احسن بعد ! امل : خلاص بحاكيها بكرة ان شاء الله دخلت سارا الدوام .. وانتبهت على تجمع بصالة الشركة .. قربت تشوف وش الناس متزاحمين عليه واستغربت لما شافوها ابعدو وفسحو لها طريق تقرب .. ونظراتهم غريبة عقدت حواجبها وقربت انصدمت وهي تشوف صورتها مع لؤي امس بالليل .. ويده ماسكه وجهها بحنية وهي حاضنة يدة ونظراتهم ماتفسر غير الحب .. ومكتوب على الصورة ( shame ) وتعليقات حولها تكثر .. : عشان كذا بهالسرعة وصلت لهالمركز ! : حق كذا .. والله عيب شركة كبيرة زي كذا مفروض مايكونو كذا والتعليقات وكلام الناس مايخلصون . |
رد: انتماءات كاذبة
" البارت العاشر "
( من كتم سره كان الخيار بيده ) -عمر بن الخطاب رضي الله عنه حست بالدنيا تدور وهي تشوف الصورة .. حتى مافيها قوة تتجرأ تسحبها.. تراجعت بخطواتها على ورا حتى حست بيدين تمسك كتوفها وظهرها يضرب بصدره التفتت كان واقف وماسك كتوفها وابتسامته المريحة .. حتى بهالظروف ابتسامته مازالت مرسومة : شوي شوي افلت كتوفها وتقدم بثقة واخذ الورقة ومزعها نصين وطالع بالعالم المتجمعة : أول مره تشوفون صورة بحياتكم !! .. يله كل واحد على شغله راح الكل بطريقة .. ولؤي تقدم لعندها .. سألت بسرعة : من مسوي هالحركة ؟ لؤي كان هادي جدا كأن الموقف مايعنيه: ما أدري .. عموما لاتضايقي حالك بسيطة سارا : كيف بسيطة ؟! تقول كذا لأن هذي شركتك .. ومحد ينتظر الزلة منك !! انت تحسب وضعي زي وضعك لؤي : قلت لك بسيطة .. سارا : انا بطلع .. مقدر اجلس هنا لؤي : لا سارا .. هذي اغبى حركة ممكن تسويها , خليك واثقة من حالك انتي ماسويتي شي . سارا : ماراح اقدر اجلس صدقني .. نظراتهم .. كلامهم .. لؤي قاطعها : طنشيها .. واذا طالعوك ؟ خزيهم لين تكسرين عيونهم .. اعرفك قوية ولا شاطرة تكسري عيني بس انا سارا تنهدت : اوك ... لؤي ابتسم : اشتغلي كويس .. وانا رايح اتكلم مع صاحب هالعملة سارا بفضول : مين ؟ لؤي : مافيه داعي تعرفي .. روحي بشغلك دخل لؤي مكتب فراس وجلس / لؤي : شفت الصورة ؟ فراس : ايه لؤي : ليش ؟ فراس عقد حواجبه : عفوا ؟ لؤي بهدوء : لا تتغابى فراس .. اعرفك اكثر من نفسك , انت اللي حطيت الصورة فراس : ايه حطيتها , الغريب انك مو مستحي من حالك .. جاي تناقش ! لؤي : اذا انت مو مستحي انك مسوي هالحركة .. ليش انا استحي ؟! فراس طالعه دون يتكلم : ........ لؤي وقف ويديه بجيب بنطالة ويطالع فراس بحدة : تدري فراس بالظلم تقدر تاخذ اللي تبي تقدر تحرجها تقدر تطردها تقدر تجرحها وتظلمها ... بس بدعوة مظلوم وحدة يمكن تفقد كل هذا طال الصمت بينهم .. وكل واحد يطالع بالثاني , تنهد لؤي : انا ماعاد لي قعدة هنا .. وسارا تبي تطردها اطردها ما أتوقع حتى هي تتمنى تشتغل هنا اكثر من كذا فراس بسخرية : تستقيل ؟ عشان حرمة ؟ لؤي : ماعاد الموضوع متعلق فيها بس .. تصرفاتك ماعاد تنطاق فراس : قلتها لك مرة ومابي اعيد اكررها .. وقت الجد استغني حتى عنك انا حياتي ماتوقف على أحد ! لؤي : ورديت عليك وقتها انك بتلتفت يوم ماتلاقي حولك احد .. تذكرها كويس لأن ما أظن في قائمة علاقاتك اسم صديق بعد اليوم فراس : معك حق .. واحد يتركني عشان بنت شوارع استحي اعرفه حتى لؤي وبوجهه علامات الازدراء : الله يهنيك على هالأخلاق .. وطلع لؤي من الشركة كلها وهو يحس ضايقة فيه الوسيعة .. اما عند فراس أول ماطلع لؤي نادا باعلى صوته : مصعب !!! مصعب دخل : سم طال عمرك فراس : بلغ السكيورتي يرمون بنت الكلب سارا برا الشركة مصعب : يرمونها ؟ ... بس هي بنت مايقدرون فراس صرخ : تنفذ ولا ابلغهم يرمونك معها !! مصعب بلع ريقة : حاضر طال عمرك .. طلع مصعب وراح لعند سارا اللي كان جالسة بالمكتب وماسكه راسها : انسة سارا سارا : ايوه .. اهلين مصعب مصعب : ياليت تطلعين من الشركة بسرعة ... العم فراس معصب وناوي يترك السكيورتي يرمونج برا سارا : يرموني ؟! مصعب : واللي يعافيج اطلعي .. ولا عاد ترجعين هنا وهزت راسها وهي مو فاهمة شي.. وخذت شنطتها وطلعت .. ووقفت برا الشركة وهي تطالع المبنى الكبير .. قشعر بدنها لما انتبهت له واقف عند نافذة مكتبه ويطالعها بنظرات شيطانية .. كان يحدق فيها بالذات بعيون غاضبة وكأنه بأي لحظة بيخترق هالمسافة الطويلة وبيقتلها .. ضرب قلبها بسرعة رهيبة ودون تحس بنفسها صارت تركض تبعد عن هالمكان .. !! مسكت جوالها ودقت على لؤي تبي تفهم شصاير مايرد .. دقت مليون مرة مايرد .. خافت يكون صاير شي فعلا وصارت ترسله رسايل كثيرة لكن ما استجاب .. *** بالفندق .. ابو نايف وام نايف / ابو نايف بعدم تصديق : ام نايف !! مزنة الدخيل .. بجلالة قدرها وقيمتها راضية تزوج ولدها وحدة عادية لا ومو بس عادية .. فقيرة ومنتفة ؟ ام نايف : واللي يعافيك يا أبو نايف لاتسدها بوجهي ! والله لو تشوف البنت تنسى انها فقيرة اصلن ابو نايف مبسوط : ماراح اعارض .. اصلن عمري ماشرطت الفلوس لحريم عيالي .. بس انتي اللي دايم ماترضين ام نايف : لا هذي غير .. كاملة الله مكملها , والله يابو نايف مو نص ساعة حتى جلستها معنا .. لبقة في حكيها .. مثقفة انا لما قالو لي فقيرة ماعاد فرقت معي .. قلت بناخذها ابو نايف : بيني وبينك يا أم نايف .. أنا خايف ناخذ له وحده وراها اهل ام نايف : مافهمت ! ابو نايف : يعني نايف الله يهديه ويصلحه حركاته محد يحسب حسابها .. ويمكن لو تاخذين له بنت وراها اهل وقبيلة مايرضون وبينتفونه لو يسوي لها شي وهو اغبر .. بس هذي اضمن نرتاح ام نايف : لا حرام .. والله المسكينة ماتستاهل تتعذب ابو نايف : عاد هذا هو ولدك ! كلب طول عمره شنسوي ؟ ام نايف : وينه اصلن ابشره ؟ ابو نايف بسخرية: مع بدر حاجزين لهم شاليه .. بينامون فيه ام نايف : حنااا ويييين وهم ويييين ! ابو نايف : انا لما قالي ماعارضت .. يا معودة دامه هنا وبيتزوج خلاص خليه يسوي اللي يبي ام نايف : ابدق على ميهاف اعطيها الأخبار . *** بيت أبـو أحمد – مغرب - / كانو البنات كلهم بالمطبخ يجهزون للقهوة .. كانت غادة عند الفرن تصلح القهوة وساكته دون تعليق رغم كثر سوالفهم , قالت شوق بصوت عالي تبغى غادة تسمع : سمعتو آخر الأخبار ؟ هند تسايرها : لا .. شنو ؟ شوق : ولد عمي مرزوق .. ناوين يخطبون له هند : ومن مقرودة الحظ ؟ الله يعينها بصراحة .. ما أتوقع توافق اصلن مرزوق عسر وهمجي وغير كذا متزوج بعد بيزوجونه ثانية شوق : وشلون بترفض حضرتها ؟ بتوافق دون تشوف الدرب .. ابتسام بنت عمي مشعل الله يرحمه غادة التفتت بسرعة : شنو ؟ هند : شفيك طارت بوهتك ؟ تحمد ربها اختك العانس اللي بتحصل احد يتزوجها غادة تفاجأت بجد .. كيف مرزوق ! هذا معروف عنه بالعائلة كلها انه بخيل ومعذب زوجته .. اصلن بأي حق تصير ابتسام زوجة ثانية .. : .......... شوق : عموما ماراح ياخذون لا كجواب .. يعني بتتزوجه .. عاد بسم الله عليها من سمعو ان اهلها بايعينها ومزوجين اختها ببلاش دون مهر .. ومحد يعيف حرمة ببلاش غادة : اذا انا تزوجت دون مهر .. فهذا من طيب اصلكم هند : تنكفين أنتي ووجهك ؟ تجاهلتها غادة وحطت البريق على الطاولة .. وطلعت .. شوق : تعالي كملي القهوة غادة : كمليها انتي بدال الهذرة اللي مالها داعي ! مشت غادة بطريقها .. وشوق قالت بقهر : اكرهها هالبزر !! تنرفز صعدت غادة وفتحت جوالها ودقت على ابتسام : هلا غادة بسرعة : ابتسام ! شخبارك ؟ ابتسام : غادة تقدري تجين البيت اليوم ؟ غادة : ليش ؟! ابتسام : ماتقدري ؟ غادة : إلا اقدر .. استني بكلم أحمد وبجيك ابتسام بصوت منخنق : لاتطولين .. رمت غادة الجوال ونزلت لتحت : فين أحمد ؟ هند : مع عماني بالمجلس غادة : فيه احد غريب شوق : ايه زوج اختك هناك !! غادة كان نفسها تصفقها .. مسكت جوالها ودقت عليه : احمد ! احمد : ايه شنو ؟ غادة : ممكن تدخل شوي بكلمك احمد : أدخل وين .. انا مو بالبيت غادة : وينك اجل ؟ احمد : برا وبس .. شتبين ؟ غادة : ابي اروح بيت أهلي .. احمد : وليش ان شاء الله ؟! غادة باستعطاف : طلبتك احمد .. ضروري اروح اذا ماتقدر سواقنا بيجي .. احمد : لا ! جايك اللحين خلك جاهزة غادة : اوك اوك سكرت السماعة ولبست عبايتها وجلست تنتظره .. طلعت ام احمد : على وين ياحافظ ؟! غادة بدون نفس : بيجي أحمد اللحين ياخذني ام احمد : بياخذك لوين ؟! غادة وهي مقهورة من اللقافة : بروح لابتسام اختي ام احمد : الله يستر من روحاتك انتي .. تروحين وماعاد ترجعين زي آخر مرة دق جوالها : هلا حمادة .. يله طالعة طلعت له وانتبهت على مرزوق عند نافذة سيارة احمد يكلمه .. اقشعر بدنها وهي تشوفه !! سيء فعلا من جميع النواحي دخلت السيارة .. مرزوق : السلام عليكم غادة دون نفس : وعليكم السلام , احمد ممكن نمشي ؟ مرزوق بعربجية : اوف اوف السنافية ماكله شحم .. الله يستر ماتصير اختك مثلك غادة طالعت بأحمد بحدة .. احمد : اقول مرزوق اقلب وجهك خل نمشي مرزوق وهو يوقف من تكيته ع نافذة احمد : زين اول ما مشت السيارة قالت غادة باندفاع : خير ان شاء الله !! ع كيفه ابوك وابو مرزوق ومرزوق ! احمد : ول ول ول .. شوي شوي شفيك ؟ غادة : بأي حق تقررون مرزوق يتزوج ابتسام احمد : طيب عادي .. ليش معصبة ؟ غادة : تتكلم من جدك انت ؟ يعني برأيك مرزوق واحد صاحي عشان تاخذه اختي ؟ احمد : اختك وضعها بالبيت ماينسكت عليه .. ومرزوق رجال شايفه عليه شي انتي ؟ غادة : لا والله .. مجرد السمعة الطيبة حقته تشفع له ! احمد : ولا خاطب بنت السلطان مثلا ؟ غادة : احمد رجاء .. ما اسمح لك تتكلم عن اختي كذا احمد : فرقت ؟ لو انا ما أحكي الناس بيحكون .. خذيها من الآخر اختك عانس وتحمد ربها اللي حصلت رجال اساسا غادة بقهر : وماراح تدفعون لها مهر هي كمان ؟ احمد ببرود : ايه ماراح ندفع لها .. حدها ابتسام من هي ندفع لها ؟ غادة : وانا حدي غادة ؟ من حضرتي عشان يندفع لي ؟ احمد : وش مغزاك من هالحكي كله ؟ يعني تبينها تطلع بالشينة غصب غادة شاحت بوجهها لجهة النافذة وهي تمسك عبرتها : الله يسامحك احمد ماعلق ووصلها لعند البيت .. قبل ماتنزل مسك ذراعها بقوة : لو تحاولين تبربرين قدام اختك بهالحكي اللي تو قلتي ماتلومي الا نفسك ! مالك دخل تقطعين برزقها او تعيبين فيه غادة سحبت كتفها وسكرت الباب بأقوى ماعندها .. صرخ : شوي شوي ! تجاهلته وهي تضرب الباب .. فتحت ابتسام دخلت غادة : سلام ابتسام : وعليكم السلام ؟ شفيك ؟ غادة تنهدت بهم : مافيه شي .. دخلت لداخل لحقتها ابتسام : انتي مو طبيعية ؟ صاير شي مع بيت عمي ؟ غادة : لا ابتسام مافيه .. بس انتي خوفتيني شفيك ؟ ابتسام بلعت ريقها : انخطبت ! غادة ماقدرت ماتتكلم : ادري ! ارفضيه .. صدقيني ماينطاق وراح تندمين مليون مرة ابتسام عقدت حواجبها : وانتي كيف تعرفينه ؟ غادة : شنو كيف اعرفه ! ابتسام : ايه الرجال غريب .. حتى انا ما أعرفه غادة حست بالفرج قالت بالتماس أمل : مين ؟ ابتسام تنهدت : امس رحت لأمل صديقتي .. تعرفينها انتي ؟ غادة : ايوة ايوة .. وبعدين ؟ ابتسام : ايه .. وجدتها خطابة تعرفين انتي , وجتها حرمة تبي تخطب لولدها يعني .. و غادة شهقت بفرحة : وخطططبتكك ؟!! ابتسام وخدها مورد : ما أقدر اقول كذا .. يعني هو امل بس كلمتني على اساس يبون ردي غادة : حمد الله حمد الله !! بس مين هالحرمة نعرفها ؟ ابتسام بتوتر : لا .. هي من الرياض كلش ومالها حتى معارف هنا غادة : غريبة .. اجل وش جايبها تخطب هنا ؟ ابتسام : تقول امل انها تبغى جداوية مخصوص يعني وهذا شرط الولد غادة : ايه ؟ ابتسام : مقدر غادة .. هي جايه تخطب وبترجع يعني حياتي مفروض تكون بالرياض بعيد عن هنا غادة : لا ابتسام وافقي .. ووافقي بسرعة بعد , اساسا ماعندك غير هالخيار ابتسام : كيف ؟ غادة بهم : عماني ناوين يزوجونك مرزوق ابتسام : شنو ؟! غادة : ايه .. ومقررين وكلش عشان كذا مافكرو حتى يسألونك ؟ ابتسام : مرزوق متزوج !! غادة بحزن : اسكتي يختي .. يقالك تفرق معاهم .. وبيسوو معاك مثلي مافيه حتى مهر ولا حق سكن .. اقل شي هالحرمة بيدفعون اكيد ابتسام : راح ارفضهم كلهم ! انا مو ضد اتزوج بس اعيش بعيد عن جدة مقدر غادة ودمعتها قريب من خدها : طلبتك ابتسام توافقي .. ماراح اطلب منك شي غير كذا .. انا تفكيري غيرك اللحين عقب تزوجت , الزواج مو زي اللي كنت مفكرته ابتسام : وانت ضامنة ان هالحرمة حالهم كويس ؟ يمكن يكونو اسوأ من مرزوق بعد غادة : طيب شرايك تقولين لأمل تعطيهم رقم هيثم .. ويصير كلام رجاجيل يعني وهيثم راح يشوفه اكيد وبيعرف لك اذا هم صالحين ولا لا ابتسام : واعيش بعيد ؟ غادة : ماعاد تفرق ابتسام .. محنا صغار .. انا تزوجت وصرت بعيدة , هيثم مشغول بالمستشفى وانتي جلستي لحالك هنا , لازم تشوفي حياتك بعد انتي .. واذا هالنصيب يسوى لاترفضيه استخيري ابتسام تنهدت : بسوي اللي قلتي .. وبعد مايقابلو هيثم راح يتقرر كلش غادة ابتسمت : ايه كذا حلو ابتسام : والله مستحية أقول لهيثم .. غادة : هههههههههه لا تقولين له .. خليها مفاجأة ابتسام : ع بالك تمشي عليه ؟ لازم اقوله غادة : اقوله عنك ؟! ابتسام : اييه تكفين .. بتنقذيني صدق غادة مسكت جوالها : ولا يهمك اللحين دقت وكان جواله مشغول : مشغول .. اكيد عنده حوسه اول مايفضى بيكلمني وبقوله .. انتي عطي امل الرقم وبس قولي لها يتفاهمون الرجاجيل ابتسام : والله وصرتي تنصحيني ! خلاص بدبر الامور انا غادة : الله يوفقك يا ابتسام , وحظك يكون احسن من حظي ابتسام بزعل على اختها : شصاير معاك ؟ احمد سوا حاجة ؟ غادة تكابر : لا فديته حمادة ما أحسن منه .. بس متضايقة من وضعي مع أهله ابي نسكن لحالنا ابتسام : تتسهل غدو ان شاء الله , بس انتي لاتضغطي عليه كثير يمكن ميزانيته ماتسمح له غادة ( ميزانيته ماتسمح له .. ماتدري ان مهري كله ببطنه ) : صح .. دق جوال غادة ... فزت ابتسام : هيثم ؟ غادة : لا احمد ..( ردت ) هلا احمد احمد : خلصتي ؟ غادة طالعت الساعة : لسى بدري احمد : مقدر اتاخر اكثر من كذا بنام غادة ( وش هالمرة بتنام بدري ؟ ) : طيب اتركني انام هنا اليوم , وتعال بكرة اخذني احمد : انتي تبغيني احرم اوديك اهلك مره ثانية .. ماتروحي الا تجلسي وراك دهر ! غادة : سو اللي تبي احمد .. اذا صرت عند الباب دق علي ( وسكرتها دون تسمع رده ) ابتسام : بدري .. تعشي معاي غادة : شاسوي بينام .. وما رضى انام هنا عموما فرصة ثانية ان شاء الله ابتسام : أي فرصة ثانية ؟ انتي من تزوجتي ماجيتينا زيارة صاحية .. كل زياراتك ساعة بالكثير غادة : بعوضك لا تخافي .. بتواصل معك اذا وصلت البيت واقولك شصار مع هيثم .. وانتي مو تنسي تكلمي امل ابتسام تنهدت : ماراح انسى غادة : ع طاري ابتسام ! شنو اسمه ؟ ابتسام وردت وقالت بصوت خافت ونعومة : نايف غادة : اوووه البنت وردت وهي تو ما انخطبت له رسمي ابتسام : بايخة اسكتي دق جوالها طالعت الجوال بقهر : اففففففف مسرع !! ابتسام : يله روحي .. كلميني اوك غادة : ايه طبعا .. يله حبيبتي باي طلعت غادة اول ماركبت السيارة دق جوالها " هيثم " .. صمتته ماتبي تتكلم بهالمكالمة قدام احمد .. طالعها : ماحتردين ؟ غادة : لا وحدة من البنات فاضية تبي تسولف بس وانا مالي خلق احمد هز راسه .. وضل الصمت لحد ماوصلو للبيت , كان حال الصالة المعتاد مجتمعين البنات قبل يدخلون صرخت ام احمد : احممد ؟ احمد : هلاا ام احمد : لا تدخل هنا .. زوجة اخوك موجودة احمد التفت لغادة : بتسلمين عليها ؟ غادة : ايه احمد : اجل انا سابقك فوق غادة : تمام دخلت غادة وسلمت على زوجة عبد المجيد .. وجلست معهم : كيفك سناء ؟ سناء : حمد الله تمام , انتي اخبارك ياعروسة ؟ غادة ابتسمت : تمام حمد الله ام احمد بلهجة ناقده : شخبار ابتسام ؟ غادة بتشديد ع حروفها : مبسسسوطة ام احمد : ايه الله يديم عليها البسطة اجل .. ويبسط اختها اللي مكشره اربع وعشرين ساعة بوجيهنا تنهدت غادة وقامت : انا طالعة احمد فوق لحاله .. سناء نشوفك وقت ثاني سناء : الله معاك صعدت لفوق وبطريقها دق جوالها مرة ثانية ردت : هلا هيثم هيثم : هلا فيك , شخبارك يام كرشة ؟ غادة : هههههههه والله مافيني كرشة للحين هيثم : كابري .. مصيرها تكبر غادة : وانت كيفك ؟ هيثم : حمد الله بخير .. بطريقي للبيت اللحين غادة : حلـو .. تو طلعت من ابتسام انا روح ونسها شكلها طفشانة بجد هيثم بضيق : الله يعين .. والله وضعها بالبيت مو عاجبني ابد غادة : بيتصلح قريب لاتخاف هيثم : داقة تسلمي كذا بس ؟ غادة : لا بكلمك بحاجة .. بس مقدر اللحين مشغولة بعدين هيثم : اوك غادة : يله باي سلم على ابتسام هيثم : يوصل , في امان الله *** الكــويت / في شــقة سارا .. كانت جالسة على الصوفا والجوال بيدها ووصلت معاها خلاص , تبي تتطمن مو قادرة توصل له .. لو هي بس تعرف فين ساكن طلعت لها هيفاء من المطبخ : علامج انتي لج ساعة جذي ! سارا : هيفاء اتركيني بحالي هيفاء : لا مو تاركتج شبتسوين يعني ؟ سارا بتذكر : ابفهم ليش مايرد ؟! هيفاء : منو ؟ لا يكون حبيتي !! منو ؟ هيثم ؟ سارا : شنو هيثم شنو حب ! وربي مو وقتك هيفاء : طيب دام ماراح تحبينه هاتي رقمه بحبه عنج سارا : هيوووف والله والله والله والله مو مو وقتك كلش ! هيفاء : طيب احكي لي شفييييج ؟ سارا تنهدت .. ثم فجأة طرت ببالها فكرة ووقفت : هيفاء : شنو ؟ سارا : لقيتها ..!! ( مسكت جوالها ودقت على رقم ) : الو .. هلا مصعب ؟ كيفك ؟ ... حمد الله بخير .... معليش اسألك عن حاجة ضرورية ....... السكرتير لؤي ... ايه محتاجه اوصل له ضروري ومايرد على مكالماتي تعرف فين ساكن ؟ ........ ايوه ايوه عرفته ... شكرا يعطيك العافية اول ماسكرتها طالعتها هيفاء بنظرات : السكرتير لؤي ؟ السكرتير مرة وحدة !! سارا ماكانت يمها ركضت لغرفتها تبدل بجامتها لبست أقرب شي قدامها حتى انها ماغيرت شبشب البيت .. قبل تطلع رجعت : هيوف .. ما معي فلوس التاكسي ممكن توصليني ؟ هيفاء : مافيه .. بالأول تتكلمين عن شنو صاير معاج مع هذا لؤي سارا : مو شي والله مو شي ... بتوصليني ولا بروح مشي ترا هيفاء بملل : انتظري ابدل وايي سارا : بسرعة طيب !! هيفاء : ياويلي ماعندها صبر أول ماوصلت سارا الفندق .. سألت الاستقبال : معليش أعرف رقم غرفة لؤي الشمري : معليش مانقدر نفصح معلومات الزباين سارا : ايوه .. بس انت قوله انه انا وهو بيوافق : ما نقدر لاتحرجينا رجاء سارا : طيب انت شو ناقص لو تكلمه ؟! الموظف بانزعاج : يا أختي خلاص ! قلنا لك مافيه .. مافيه احبطت سارا .. حتى عقب ماجت ماحتقدر تشوفه , طلعت لبرا وركبت السيارة .. هيفاء : شنو صار ؟ سارا : رفضو يعطوني رقم الغرفة هيفاء : يله ماعليه .. شهالشي الضروري يتأجل تنهدت سارا بضيق .. قالت هيفاء تبي تطلعها من ضيقتنا : ياويلي شوفي هالمز هناك سارا : مو خلقك هيفاء : يانكدية طالعي بينسيج لؤي واهله.. يجنن رفعت سارا راسها .. وفتحت عيونها وهي تشوفه داخل للفندق: هذا هو هذا هو ! هيفاء تنهدت : اجل بحقج يختي نزلت سارا بسرعة ونادت : لؤي !! مافيه رد .. حتى ما التفت كان يمشي بطريقه استغربت سارا فيه شي مو طبيعي نادت مرة ثانية نفس الحالة كان شارد ويمشي .. اسرعت بخطواتها ومسكت كتفه : لؤي ! لؤي انتبه لها .. ابتسم ابتسامة صفرا : هلا سارا قبضها قلبها .. فيه شي متأكدة ابتسامته مو حيوية كالعادة : ناديتك اكثر من مرة مانتبهت .. فيك شي ؟ حط يده ورا رقبته وقال بانحراج : معليش ما أنتبهت من متى لؤي ماينتبه لها قالت بقلق : صاير معاك شي .. ادق عليك اليوم كله مارديت و ... خفت يكون فيك شي لؤي : آسف خوفتك على الفاضي .. بس مقفل جوالي سارا مافاتها ابد انه ضايق .. واضح حتى لو مايتكلم ابتسمت : اعزمك على العشاء ؟ لؤي تردد .. لكن قال : اوك .. بس مطعم الفندق مافيني أطلع سارا : اوك تمام .. استنى اقول لصديقتي تروح واجي رجعت سارا لهيفاء وقالت لها تروح .. ثم رجعت ودخلو للمطعم باشرت المحادثة : انطردت اليوم لؤي بهم : استقلت اليوم سارا فتحت عيونها : استقلت ؟! ليش !! لؤي : هو اللي عاملها سارا عقدت حواجبها : مين ؟ فراس ؟ لؤي هز راسه بصمت .... سارا : ليش طيب ؟! اذا انا يكرهني وما أهتم فيني .. انت ولد عمه كيف يسوي فيك كذا ؟ لؤي : هذا اللي صار سارا : آسفة .. بس بجد هذا فراس قذر يعني حتى أهله مايفرقون معه .. مريض !! لؤي كان يطالع بالطاولة وساكت او بالاحرى شارد : ................. سارا ضاقت من حالته قالت بحنية : لؤي .. لا تضايق حالك والله مايستاهل حتى تزعل عشانه لؤي : لا عادي .. مو متضايق ولا شي سارا رفعت يديها : يارب ياكريم .. بهالليلة يندهس بسيارة ولا يطيح شي على راسه ويروح بغيبوبة لؤي : لا سارا .. عشاني لاتدعين عليه , صح ان تصرفاته وصخة .. بس مو سيء ..( كمل بصوت اخفت ) مو لهالدرجة على الأقل سارا : بعد كل اللي سواه معاك .. تقول كذا ! الا سيء وسيء جدا بعد .. حتى اليهودي مايسوي كذا بأخوه لؤي : تقولي كذا لأنك ماتعرفيه ... سارا : هذا أنت تعرفه .. قولي وش فرق معاك ؟ لؤي ابتسم بهم : تدرين؟ .. نايف أخوي كثر مايسافر واسافر .. اذكر قبل سنة مرت سنتين ماشفنا بعض تصدقين خلال هالسنتين كلها حتى مافكرت ادق عليه او أحس اني مشتاق له وابي اسمع صوته .. نفس الشي هو ما دق ولا فرقت معاه ولا معاي سارا : معقولة أخوان كذا ؟ لؤي : ما أقولك هالشي لأني زعلان او منجرح انه ما أهتم فيني .. بس كذا علاقتنا مايدق علي الا يبغى فلوس وما أدق عليه الا ابي اسال عن شي ضروري ... أبوي نفس الشي احترمه بس تمر شهور احيان مانرفع السماعة على بعض .. سارا : طيب ليش ؟ ... فيه ناس يتمنون العائلة واللي عندهم عائلة مفرطين فيها كذا لؤي : كذا كبرنا .. حتى لو أبادر واتصل اسأل احيان يتضايق أبوي لأني كلمته دون داعي واشغلته بينما فراس مايمر يومين .. ما أدق عليه .. واذا مادقيت هو يدق يسأل , يعرف كلش ف حياتي وش أحب وش اكره .. لما نويت ادرس تخصص ما أعجب ابوي ورفض يدعمني فيه .. كان فراس موجود سفرني ودرسني بحسابه وسكني لما احتجت سارا سكتت حست لؤي متضايق لدرجة ماعرفت تواسيه : ..... لؤي : قبل فترة خطبت أخته .. وصارت مشكلة وانا انسحبت من الخطبة كل اهلها حاقدين علي بس هو على انها اخته ما عاتبني حتى كان متأكد ان عندي سبب سارا : آسفة لؤي , بس وش قيمة كل هذا اذا بلحظة وحدة رماك وما أحترمك ولا احترم مشاعرك لؤي : فراس تغير .. ماعاد زي أول , الظروف قسته سارا بسخرية : إيش ظروفه ؟ حياته الكاملة .. ولا فلوسه اللي ماتخلص لؤي : وانا احسبك ذكية .. وش هالمفهوم السطحي ؟ على بالك الفلوس درع يحميك من كلش ؟ وقت تضيق عليك الدنيا ماراح تسوي فلوسك شي غير انها تعيشك همومك بترف سارا : مابي اضايقك لؤي .. بس لو مثل ماتقول وانتو اخوان فعلا وقتها اقل شي بيعتذر وماراح يترك الامور على حالها لؤي : لأني اعرفه مثل ما أعرف نفسي .. اعرف انه ماراح يعتذر هو مايشوف نفسه غلطان للحين على باله هذي طريقه يحميني فيها سارا : يحميك من شنو ؟ لؤي : منك سارا : شنو وحش انا ؟ لؤي : يمكن بنظره .. ( تنهد لؤي وقال يغير الموضوع ) انتي شنو ناوية تسوين اللحين ؟ وظيفتك يعني ؟ سارا تنهدت : مو عارفة .. ابغى ملفي من الشركة عشان استقدم لشركة جديدة لؤي : لا تروحين بنفسك تطلبينه .. انا بجيبه لك سارا : بجد ؟! شكرا ريحتي صدق لؤي ابتسم : ولو حاضرين للحلوين سارا : وأنت شنو ناوي تسوي ؟ انت جاي الكويت عشان تشتغل .. واللحين ؟ لؤي : ما أدري .. بس حاليا بضل هنا .. سارا : ماحترجع السعودية ؟ لؤي : ما أدري ... سارا انقهرت من حالته .. مو لؤي نفسه متضايق بجد : تدري اكتشفت حاجة جديدة فيك لؤي : اللي هي ؟ سارا : ايوه .. حساس جدا لؤي ابتسم : بجد ؟ سارا وعيونها بالأرض : ما أحب اشوفك كذا لؤي يضايقني اشوفك متضايق لؤي طالعها وهو يحس كلش داخله يتحرك بشوفتها .. تنهد وقال : الوقت تأخر .. ماراح ترجعي ؟ سارا حست انه تجاهل كلامها .. فقالت باستسلام : ايوه راجعة اللحين .. انتبه على نفسك لؤي : وانتي كمان وقف وراح لجهة المصعد .. احبطت بالعادة مايرضى الا يوصلها هو هالمرة حتى ماوصلها للباب وقفت واسرعت بخطواتها ومسكته قبل يدخل المصعد وقالت باندفاع : انت متضايق مني ؟ لؤي وعيونه تنتقل من يدها اللي ماسكه معصمه لوجهها : ليش تقولي كذا ؟ سارا : عشان الصورة ! انت نادم .. صح ؟ لؤي : نادم على شنو ؟ سارا بقهر : لا تتغابى .. انت نادم على اللي صار بالصورة لؤي باستدراج : وإيش صار بالصورة ؟ سارا حست انها فاهمة غلط .. يمكن اللي تشوفه بعيونه مو صح , او مجرد يكحل مثله مثل غيره افلتت يده بهدوء : معك حق الوقت تأخر ..باي لؤي مسكها هالمرة هو بدوره : استني !! .. ماجاوبتي سؤالي ؟ سارا دون تلتفت له : سوء تفاهم لؤي مافيه شي .. بجد تأخرت لازم اروح ومشت بسرعة دون تلتفت يم الباب .. مسحت دمعة بسرعة قبل تنساب ( غبية ! غبية ! كيف تصدقين حاجة مو موجودة ؟ ) *** جـــدة – فيلا على الشاطئ :- الساعة 10 صباحا ..عقد بدر حواجبه بإنزعاج من صوت الجوال رفع راسه كان جوال نايف يدق : نيوف ! قم رد على جوالك ازعجنا نايف التفت للجهه الثانية : ماحرد .. اكيد ابوي تافف بدر ووقف واخذ جواله " ميهاف " ..ابتسم لما شاف المتصل سحب الجوال و طلع من الغرفة ورد : هلا والله .. صباحي صوتك ميهاف : مين ؟ بدر : تسألي لانك مو عارفة ولا تتغابي ميهاف : اسأل عشان احسسك انه مفروض ماترد ع مكالمات غيرك بدر : والله ياعيني نايف نايم .. وانا ماهان علي تنحقرين ميهاف : دام نايم مع السلامة بدر : شوي شوي .. انا اول مرة اشوف وحدة تعامل خطيبها كذا على فكرة ميهاف : هذا كلامي ! بدر بحدة : وبعدين يعني .؟ والله ماتسوى علي انشغلت وما شفتك ميهاف تنهدت : خلاص بدر انا هذي نسيتها .. ومو زعلانة منها بدر : اجل ؟ ميهاف : اجل شنو ؟! بدر كشر ( شسالفتها هذي غبية ؟ ) قال بصبر : هجل ممكن اعيش حياتي كواحد خاطب ! ميهاف ( شسالفته هذا غبي ؟ ) : كيفك حياتك سو فيها اللي تبي بدر ( بتجلطني ! ) : .......... ميهاف استغربت سكت .. ماعرفت وش تقول ! بدر بهدوء : ميهاف .. ميهاف استغربت نبرته : هلا بدر : ممكن اسألك سؤال ؟ ميهاف بلعت ريقها ( وش يبي بعد ) : ايه بدر : انتي غبيه شي عقلك فيه مشكلة ؟ ميهاف : نعععععععم !!! بدر بقهر : من جد يعني .. اذا غبية عطيني خبر اتفهم هالموضوع , اقولك بعيش حياتي واحس بخطوبتي تقولي حياتك سو فيها اللي تبي .. ليش انا خاطب مين ؟ الجدار ؟ ميهاف بقهر : شاسوي يعني وش تبغى اقولك ؟! بدر : يابنت الحلال اقل شي ابي لا كلمتك احسك مستحية شي .. تكامخين كأنك واحد من الشباب ميهاف : لا والله .. احلف ! ولا انت اللي تقول هالكلام لخطبيتك وش اسمك ! بدر : شفتي هذا بالضبط اللي اتكلم عنه .. اقولها كلمة ترد لي عشر ميهاف : لا بجد ! والله اسفه مفروض اسمع هالكلام واسكت يعني ؟ بدر : ايوه البنت حلوة اذا سكتت .. تحسسك انها ضعيفة ولازم تاخذ حقها .. مو انتي اتوقع لو احد يظلمني تاخذين حقي بدالي ميهاف : ايه مو محتاجتك تاخذ حقي .. قدها وزيادة ! بدر : والله سنافية يابنت العم .. بس بالراحة علينا شوي ما اقول شي الا تاكليني ميهاف حست ع دمها شوي : انا بسكر اذا نايف صحى يكلمني ولا مافيه داعي بعد بدر : لا تعالي .. باخذ رقمك من جوال نايف ترا ميهاف ببساطة : حقك .. يمكن تحس انك خاطب لا أخذته بدر مسك الجوال بقوه بيكسره من الحره : ايوه وبراسلك ميهاف بثقة : يمكن افضى ارد يمكن لا بدر: نعم ؟! ميهاف : ينعم بحالك بدر : ........... ميهاف : يله باي سكرت السماعة وبدر مسك الجوال وهو نادم انه رد اساسا .. !! شتحس به هذي ؟ من جدها ؟ كل هذا عشان شنو !! وردة ؟ ماتدري ان مليون وحدة تتمنى وردة مني ومو محصلة .. جاحدة نعمه هذي .. رمى بالجوال جمب نايف ورجع ينام وهو حالف يكسر هالغرور اللي فيها .. *** غادة كانت صاحية من بدري تنتظر احمد يطلع تكلم هيثم , طالعها احمد من انعكاس المراية وهي تنقل بصرها بينه وبين الجوال : تنتظرين مكالمة ؟ غادة : لا احمد : ليش صاحية بدري ؟ بتنزلي لأهلي غادة : انزل بالنخل .. حط ببالك اليوم ماراح انزل نهائي احمد : لا تنزلي بكيفك .. بس نفس الشي ماراح يصعدون لك اكل مو معقولة تحطي رجل على رجل ويخدمونك غادة قربت عنده : حياتي .. مو شايف ان هالحال مزعج ؟ يعني انا احيان اتمنى اسوي لك حاجات ما أقدر احمد رفع حواجبه : وليش ماتقدرين ؟ غادة : وكيف ان شاء الله ! مو عايشين لحالنا عشان ناخذ راحتنا احمد :من وين تبغيني اسكنك لحالك ؟ مامعي مقدر غادة : معقولة ! نهائي حتى لو حاجة بسيطة ..؟ احمد : غادة تو بدري على طلعتنا من أهلي .. والحركات تقدرين تسوينها ولا لازم قصر يعني غادة هزت راسها : مابي مابي .. دون بيت لحالي ماحسوي لك شي احمد رش عطره : براحتك وطلع برا الغرفة .. ضرب غادة برجلها بقهر مامعه فلوس بس وقت السفرات والسهرات تنولد الفلوس من اللامكان ..تجاهلته ومسكت جوالها واتصلت بهيثم : شعندك اتصالاتك كاثرة ؟ غادة : شنو مضايقتك باتصالاتي يعني ؟ هيثم : نوعا ما ! غادة : شف شف .. المهم موضوع ضروري هيثم : اللي هو ؟ غادة بحماس : ابتسام يمكن تنخطب هيثم ماتوقع ابتسام تنخطب نهائي : شنو ؟ غادة : ايوه .. آخر مره كانت عند صديقتها شافتها حرمة وعزمت الا تخطبها هيثم : ومن هالحرمة ؟ تعرفونها غادة : لا هذي المشكلة انه حنا مانعرف عنها شي ! اصلن مو من اهل جدة .. عشان كذا عطيناهم رقمك تتفاهم مع الرجاجيل وتشوف حالهم هيثم : يالله ياغادة .. ماتدرين قد ايش فرحت الله يتمم ع خير ويطلعو صاحين غادة من قلب : آمممين هيثم : خلاص حلو .. دام رقمي عندهم مافيه مشاكل اول مايتواصلون معاي بعطيهم الرد غادة : بس يزعل انها بتسكن بالرياض هيثم : واذا ؟ اساسا ماعاد لها مكان هنا .. وضعها صعب وانا شايل همها على طول غادة : الله يسهل هيثم : آمين .. يله غدو اكلمك بعدين غادة : انتبه على نفسك وطمني اول ماتشوفهم سكرت جوالها وجلست على الكنبة تبرد اظافرها .. طق الباب صكت اسنانها بقوة وهي تغمض عيونها بصبر قامت وفتحت الباب : نعم ! سحر : بسم الله شفيك معصبة ؟ غادة تكتفت : كنت نايمة .. بغيتي شي ؟ سحر : انزلي جهزي فطور أبوي ورجلك معنا غادة : والله اربع حريم في عين عدو تكفون وتوفون ماتحتاجوني وماحنزل سكرت الباب وراحت تجلس وماعندها نية تتركهم يستغلونها .. نزلت سحر وجلست على سفرة الفطور : تقول اربع حريم في عين العدو تكفون ماتحتاجوني ! ام احمد ضربت فخذها بقهر : شف شف قليلة الحيا !! طالعت بأحمد : وانت ليش مرقط ! قم لزخها أبو احمد : لحد يلزخ احد ولا شي ! بس انت أحمد شف هالحرمة تعدل عمرها .. مو لهالدرجة احمد مو يمهم جالس يفطر : بكيفها تزعل لين ترضى بحالها شوق : ليش متزاعلين ؟ احمد : من عرفتها زعلانة احسن حل الحقران لين تموت .. فاضي كل يوم على نفس المنوال ابو احمد : القى حل احسن لك .. هي حامل بولدنا لو غير كذا كان بكيفها تجاهل احمد وكمل أكله ثم طلع .. *** ابو نايف واقف معصب بالشقة : ام نايف !! ام نايف : شفيك ؟ ليه معصب ؟ ابو نايف : كلمت اخوها ! ام نايف : وايه ؟ ابو نايف : مفروض اقابله اللحين .. وحضرته ولدك مايرد على جواله ام نايف : انا لله .. هذا وقته , شلون يعني ؟ ابو نايف : بدق على بدر ان شاء الله يرد الثاني بعد فترة جاه الرد : هلا عمي ابو نايف بعصبية : وين المخفوف نايف ؟ بدر بربكة : هممم .. نايف ابو نايف صرخ : وينه ؟! بدر : لما عرف انكم لقيتو بنت وبتخطبونها رجع للرياض ابو نايف : ششششششنووو ؟! بدر : ها اللي صار والله أبو نايف : بيجلطني هالولد ! على باله بهالحركة بتمنع هالزواج ! بدر : خلاص عمي انا جاي معاك ونخطبها وهو اتركه بعدين ابو نايف : انا رايح لهم اللحين .. تعال قابلني بروح اقابل اخوها اللحين بدر : وليش اخوها ؟ ابوها وين ؟ ابو نايف : والله ما أدري ما عرفت اسال بالتلفون .. عموما بنقابله وبنعرف بدر : يله جايك ابو نايف : اللحين !! بدر : ان شاء الله .. ان شاء الله سكر ابو نايف وطالع ام نايف : ولدك رجع الرياض ! ام نايف شهقت : والخطبة ؟ ابو نايف : وش فيها الخطبة ؟ بروح اخطبها اللحين .. وهو ينتظر رجعتي *** في ديوانية قهوة تقليدية نوعا ما .. نظرا لأنه المفروض يزورونه بالبيت / دخل ابو نايف وبدر .. بدر : ها وينه ؟ كيف بنعرفه ؟ ابو نايف : يقول حاجز طاولة باسمه وجالس فيها بنسأل عنها وبنروح له ... ( راح للنادل ) طاولة باسم هيثم مشعل النادل : تفضلو من هنا راحو لحد ماقابلوه .. تفاجأ ابو نايف توقع بما انه بيقابل اخوها اقل شي يكون كبير مره بس هذا شاب بنفس سن عياله ابتسم هيثم بلباقة : ابو نايف ؟ ابو نايف سلم عليه .. ثم سلم بدر .. هيثم : هذا نايف ؟ ابو نايف باحراج : هذا بدر ولد أخوي وبحسبة ولدي .. نايف للاسف طرأت مسألة ضرورية فارسلته يهتم بها هيثم ماتقبل العذر لكن هز راسه : تشرفنا بدر .. معليش اسأل اسم عائلتكم ابو نايف بفخر واعتزاز ملحوظ : آلشمري .. سمعت فينا ؟ رفع هيثم حواجبة ماتوقع ابد ولا 1 % يكون هذا حظ ابتسام لكن الكئيب بهالموضوع اللي مزعج سارا من الشمري والله يستر مايكون كلهم نفس الطينة .. هذا اللي كان مخشوش لها : ايه طبعا بدر استغرب تعابيره توقعه يفرح من حاصله : كأنه مو عاجبك ؟ هيثم ابتسم : مو كذا تنوخذ الأمور يا أخ , انا تفاجأت هذا كلش بدر : وأنت شنو تشتغل ؟ والوالد وينه ؟ هيثم : انا جراح .. والوالد عطاك عمره الشهر اللي راح ابو نايف : ما شاء الله .. ألله يرحمه ويغفر له .. وانت الولد الوحيد ؟ هيثم : ايه ابو نايف : خوات غير المحروسة ابتسام ؟ هيثم : وحدة صغيرة ابو نايف : الله يخليهم لك .. ويخليك لهم .. ( ابتسم يلطف الجو ) ومتزوج انت ؟ هيثم ابتسم : لا والله ماوافني حظ اتزوج .. الدراسة والمسؤولية اشغلتني ابو نايف اعجب به .. حسه مسؤول عكس عياله المفوتين : ما شاء الله ماتنلام الجراحة مو سهلة .. طبعا انت عارف ان حنا بالرياض ؟ يعني كريمتكم اذا وافقت بتعيش هناك هيثم : عندي خبر .. وانا موافق على هالشي وسمعتكم الطيبة فوق كلش بتتركني اوافق بس لازم تعرف ان نفس الحكي هنا .. اختي بجدة مالها احد غيركم فبتكون بامانتكم ابو نايف : وحنا قدها .. وبما انا بجدة عشان نخطب جداوية حسب شرط الولد فحنا على عجلة نخطب ونرجع فنبي الجواب بسرعة هيثم : حنا موافقين والله يكتب اللي فيه الخير ابو نايف انبسط من قلبه : الله يبشرك بالخير .. ( طلع من جيبة بطاقة وحطها على الطاولة ) هذا المهر اجل ورقم سر الحساب موجود بالورقة هيثم : والزواج متى ؟ ابو نايف : على راحتك وراحة العروسة هيثم : لا عمي بهذي اعذرني .. ماراح نحدد شي هذي عليكم بدر : عمي ليش ماتتصل بنايف يحدد موعد زواجه ابو نايف : لا ! ( ارخى لهجته لانها كانت معصبه بزيادة ) اكيد مشغول اللحين وماراح يرد ... وش رايك بعد شهرين ؟ هيثم : حـلو .. والزواج بالرياض ؟ ابو نايف : ايه .. وام نايف حابه تكون على تواصل بالوالدة عشان يقررون باقي التجهيزات والبطاقة والاراء هيثم حس الموقف يضيق به .. ابوه ثم امه لهالدرجة مالهم احد : والله الوالدة متوفية ابو نايف انعصر قلبه هالشاب اللي قدامه ناجح على كل المستويات لبق ووظيفته تسوى ومهتم بخواته ودون ابو ولا ام ونايف باهله كلهم حوله وما فيه ذرة مسؤوليته : الله يرحمها ..اجل تتواصل مع البنت بنفسها ؟ هيثم : خلاص برسله لك ان شاء الله .. والله يوفق ابو نايف : آمين يارب.. ووالله ودي نجلس سوا اكثر بس مضطرين نرجع اليوم للرياض فرصة ثانية ان شاء الله هيثم ابتسم : ان شاء الله في بيت أبو هيثم / إبتســـام كان بالمطبخ تشغل نفسها من التفكير بعد ماعطت امل رقم هيثم .. سوت نوعين بسكوت وللحين جالسة تشتغل سمعت صوت مفاتيح البيت طلعت كان هيثم داخل ابتسم لما شافها : مبروك ابتسام فتحت عيونها : شنو ؟! هيثم وقف قدامها وباس راسها وهو يمسح على شعرها : تو قابلتهم , وتم الموضوع ما كنت بتخيل زواج احسن من كذا لك ماراح تتخيلين انتي لوين رايحة ابتسام بلعت ريقها .. ماقدرت حتى تسأل , حس هيثم باحراجها ابتسم : جهزي قهوة نجلس واقولك كلش .. جلس هيثم بالصالة دخل يده بجيبه يطلع جواله لكن طاحت يده على علبة المرهم طلعها وعقد حواجبه .. وش هذا مايذكر حطها .. تذكر اسماء لما عطته اياها .. ابتسم على الصدف حتى هالمريضة كانت من الشمري .. ياترى تقرب للعريس ؟! *** غادة سكرت السماعة من ابتسام بعد ماقالت لها كلش وهي مو مصدقة !! لا ولا 1 % مصدقة .. ابتسام اللي محد توقعها تتزوج اصلن ربي كان مخبي لها نصيب احسن .. ولد الشمري بنفسه صفقت نفسها مرتين تبي تصدق لكن هذا مو وقته .. وقفت وعدلت شكلها لازم تنزل تكسر راس بيت عمها .. بدلت قميصها ولبست تنورة وبلوزة وفكت شعرها وحطت كحل وقلوس ونزلت وهي بقمة رواقتها .. شافتهم مجتمعين على التلفزيون البنات بس دخلت : السلام عليكم ام احمد : وعليكم السلام .. الله لاكان جاب الغلا جلست على الكنبة وحطت رجل على رجل : خبرك خالتي وحام وصاير نومي كثير .. بس من صحيت نزلت على طول ... ايوه وكيفكم ؟ كلهم دون نفس : طيبين جا بوقتهم على الأخبار .. مقابلة لأكثر 10 شباب ناجحين ومن ضمنهم ( فراس ) .. شهقت شوق : هذا ولد الشمري ؟ ياويل قلبي يازينه ... مشرف السعودية كلها بهالمقابلة هند : انا اسمع به .. بس ماتوقعت شكله كذا فتنة وش هذا شوق : اتخيل يجيني نصيب زي كذا .. بس وين مستحيل ؟ غادة ابتسمت : شفيك شوق ؟ تفائلي احيان الامنيات تكون قريبة شوق : من كلمك انتي ؟ غادة : افف شفيك معصبة .. والله بس يعني اعطيك امل , وعلى طاري النصيب هاتوا البشارة هند دون نفس : بشارة شنو ؟ غادة : ولد الشمري .. مدري مين بالضبط يمكن هذا فراس براسه خطب اختي ابتسام فقعت شوق ضحك : هههههههههههههههههههههههههههههههههههههههههههههه سمعتيها هند ؟ هند ماتت ضحك اكثر : هههههههههههههههههه ياويل قلبي اخوي ماخذ مخرفه غادة تنرفزت : وش اللي يضحك ؟ شوق : ههههههههههههههههههههههههه اختك انتي .. ابتساموه العجوز تاخذ ولد الشمري مره وحده والله حتى سواق الشمري ماتاخذه غادة وقفت : والله ياحبيبتي اضحكي من اليوم لبكرة .. ومن اللحين للفجر بس هذا صدق وانا ما أكذب , اذا صار زواجها بنعزمكم يمكن تصدقون هند : هههههههههههههههههههههههههههههه ايه تكفين هاتي الدعوات لاتنسين هههههههههه دخل أبو احمد : وش هالضحك كله ؟ صوتكم لبرا ام احمد : ههههههههههههههههه حمد الله والشكر .. بنت اخوك تقول اختها خاطبها ولد الشمري ابو احمد : وش هالحكي ؟ غادة بقهر : والله هذا الصدق .. واذا مب مصدق اسأل هيثم تو خطبو منه قبل شوي ابو احمد : ما أكذب منك الا هيثم .. اختك مخطوبة لمرزوق وش ولد الشمري هذا شوق : هههههههههههههههههههههههههههه قولها يبه غبية جالسة تتحلم ان ولد الشمري بموكبه الذهبي جاي يخطب بنت قريح اختها غادة وقفت وحطت يدها على خصرها : والله مابنت قريح غيرك يالفاشلة .. اجلسي قدام التلفزيون تلحسي بصورهم بس اختي مقامها عالي وقريب بتاخذ ولد الشمري وبنشوف من بنت قريح ابو احمد : غااااادة ! وش هالخرابيط ..؟ اولا عيب تحاكين بنت عمك واخت زوجك كذا .. ثانيا هالحكي لعد اسمعه مخرفة انتي غادة ودموعها تجمعت بعينها : لا ما أكذب ! وش فيها يعني اذا اختي ربي رزقها حظ ازين من حظي ؟ ابو احمد صفقها كف باقوى ماعنده .. فتحت غادة عيونها : تضربني انا ؟ ابو احمد : واكسر راسك بعد .. اشوف شوكتك قاويه ومحد يقدر عليك , يله انقلعي لغرفتك يا اجلسي زي العالم والناس ولا لعد نشوفك غادة ارتجف فمها بقهر وصعدت لفوق وهي تحبس دموعها وهي تسمع ضحكهم .. ياحظك يابتسام وانا اللي اضحك عليك اقول واقول مابي اصير عانس مثلك طلع البركة فيه وانا اللي استعجلت وراحت علي .. دفنت راسها بسريرها وهي تبكي بقهر .. *** بعد ماطلع فراس من مقابلته .. وروحه المعنوية عاليه من زمان ينتظر هالمقابلة اللي تثبت قد ايش وصل مشى لحد اللموزين ياخذه البيت .. انتبه لانثى متسنده على السيارة وشعرها الاسود لكتوفها سايح على وجهها عقد حواجبه من هذي ؟ ... قرب من السيارة لما انتبهت لقربه رفعت راسها وبان وجهها بلعت ريقها لكن قالت بهدوء : اهلين فراس تفاجأ من وجودها وش تبي شد على قبضته .. هذي اللي عشانها خسر لؤي ؟ ... |
رد: انتماءات كاذبة
انا بصراحة مش قادرة افهم ليه لؤى مكلمش سارة عن غعجابه بيها
هل مش متأكد من مشاعره ولا علشان أهله وهى كمان هل ابتدت تحس ناحيته بشئ ولا احساس بس ان حد مهتم بيها الثلاثى لؤى فراس سارة محير ابتسام حبيبتى هتبقى مع نايف اللى ابتدا بالتجاهل بس شخصيتها ماظنش ان هتبقى البنت المنكسرة ولا الصلبة اظن ابتسام حاجة وسط كده غادة مشاعرها منطقية تماما فرحت علشان اختها وفى نفس الوقت حست اد ايه اتسرعت بدر وميهاف وسياسة عض الأصابع :lol: تحية على البارت وبالتوفيق |
رد: انتماءات كاذبة
اقتباس:
ثلاثي لؤي وسارا وفراس محير فعلا وهذا اللي اعتمدته لكن راح اشرح لك حسب هالبارت .. فراس يشوف سارا حاجة مضره للؤي عشآن كذا جالس يأذيها باي طريقة من باب الحماية للؤي لؤي انسـان مشاعره واضحه ومن الواضح انه يحبها لكن ماعنده جرأه يصرح بهالشي للحين سارا تحب لؤي بس تحبه كـ أيش ؟ هذا السؤال ... ابتسام رآح تتفاجئي فيها .. وفي نايف اكثر . هههههه ايش يعني سياسة عض الاصابع ؟! نورتيني كالعادة |
رد: انتماءات كاذبة
" الفصل الحادي عشر " حصريـا بالمجلات جديد عارض الأزياء السعودي بدر فهاد الشمري !! مع عارضة الأزياء اللبنانية سهى الانسان الذي يعتمد على الآخرين في رفع معنوياته يفقد نفسه حين يفقدهم : يقولون ان بينهم علاقة حب ! : يالله وش لايقين على بعض يجننون : معقولة خلاص بدر يرتبط .. لاا : شنو لا ؟ متوقعه يتزوجك مثلا .. بس لبنانية حرام عليه اقل شي ياخذ خليجية ميهاف كانت ماسكه المجلة بصدمة .. وغالية ومنال واقفات يطالعونها : ميهاف روقي ميهاف تجاهلتهم ورمت بالمجلة بالزبالة ومشت بين ممرات الجامعة لحد ماوصلت لقاعة اسماء .. اسماء كان جالسة مع صديقاتها لما شافت ميهاف بان على ملامحها الاسف والخزي قامت لعندها : آسفه ميهاف : شنو هذا ؟! حاولتو تمنعونه ؟ اسماء : ماقالنا ميهاف .. قال فيه شغل ضروري بدبي على بالنا عرض ازياء عادي ماعرفنا انه مع حريم ميهاف : والوضعيات مو عادية !! بالله يا اسماء شالمفروض اسوي ؟ وش موقفي قدام الناس ؟! اسماء : لا تضايقين حالك تنحل ميهاف : اسماء اذا خطبتنا هذي بدايتها ماله داعي تستمر .. انا مو مستعدة آخذ واحد يصور بهالخلاعة مع الحريم اسماء : لا ميهاف واللي يعافيك .. اصبري شوي تكلمي معاه وضحي له انك مو راضية ميهاف : وضحت له ! لما تقابلنا قبل خطوبتنا قلت له !! يعني وش قصده بهالحركة مو عارفة ؟ اسماء ماعرفت شتقول نزلت راسها ... ميهاف مسكت اعصابها : هو للحين بدبي ؟ اسماء : ايه .. ميهاف وكلش فيها يرتجف من العصبية : ماشي ماشي .. اسماء : وين رايحة ؟ ميهاف : للبيت ! اسماء تنهدت وهي تشوف ميهاف مبعده : الله يسامحك يابدر .. هذي حركة تسويها وصلت ميهاف للبيت ودخلت مسرعة وهي مشمئزه ومنقرفه من كلش من بدر ومن نفسها وضعياته مع العارضة اللبنانية وهو ماسك خصرها .. ويطالعها ويضحكون هذي خيانة ! مسكت جوالها تفكر تدق عليه .. لكن تراجعت مو هذي السياسة اللي تنفع مع بدر .. احبطت من نفسها ومن كلش .. وش المفروض تسوي ؟ تصير سخيفة وتدق عليه معصبة مثل خطيبة غيورة ... ولا تسكت ويفلها زيادة ويحسب انها مفوته له ..؟ دفنت راسها بالمخدة وصرخت بقهر *** مسك المجلة بقوة حتى كاد يمزقها .. ثم رماها لآخر الغرفة بعصبية وفتح جواله : الو .. مصعب ؟ فيه حساب انا فتحته الشهر اللي فات .. داخله 350 الف .. الحساب يجمد حالا ! .... والمجلة اللحين تكلمهم وتوقف هالمهزلة .. وهالعدد يوقف اصداره ويحجب من كل المواقع ....... في نص ساعة يكون كلش جاهز ! دق جواله .. عض شفته بعصبية " أبو نايف " ... رد بهدوء : ايوه ابو نايف بعصبية : وش هالعملة الغبراء اللي مسويها اخوك ؟ فراس : قلتها عملة غبرا .. وعاملها اخوي مو انا .. وانا سويت اللي علي ووقفت المجلة ابو نايف : هين هين حسابه عندي فراس : بعد اذنك يابو نايف ... حساب اخوي عندي انا وتأكد اني بوقف المشكلة فياليت ماتتدخل ابو نايف : شلون ما أتدخل ؟! هذا خاطب بنتي ورايح يصور علني كذا ... فراس : بنتك تعتبر بنت عمي .. وقلت لك اني جالس احل المشكلة .. والمشكلة اللي احلها منتهية يعني مايحتاج تتدخل ابو نايف بقهر : ماشي ماشي .. بس لو ما اشوفها انحلت بيكون موقفي ثاني .. " طوط .. طوط .. طوط " سحب فراس جاكيته وطلع بسيارته ..وفتح جواله للمرة الثانية واتصل بجميع الشركات المتعاقدة مع بدر والغى العقد معهم .. ووقفت سيارته عند فندق اقامة لؤي .. نزل وجلس بالبهو ينتظره .. بعد فترة دخل لؤي .. انتبه لفراس جالس لكن ما أعاره انتباه وكمل طريقة مشى فراس لعنده : لؤي ! لؤي : نعم فراس : قهوة ؟.. احتاج اكلمك لؤي تنهد : ماشي .. تفضل جلسو بكافيه الفندق .. طال الصمت لكن بدا فراس المحادثة : زعلان للحين ؟ لؤي : وش رايك انت ؟ فراس : رايي انك غبي ..بدال ماتجلس تتكلم عن قد ايش تعزني قدام الناس ويجون يعاتبوني تعال بنفسك وعاتبني لؤي عقد حواجبه : سارا ؟ فراس : قبل اسبوع لؤي : ايه .. وش قالت ؟ فراس : مدري عنك .. وش قايلها انت ؟ لؤي : ماكان له داعي تجيك بنفسها فراس : طلعت اقوى منك .. وجات مباشرة وانت جالس تفضفض قدامها ولا فكرت حتى تكلمني لؤي بقهر : على بالك ماكلمتك ! كلمتك كثير بس انت ماتهتم .. انت حتى ماكلفت نفسك تتصل فراس : مزعجني طول هالفترة انك تعرفني اكثر من نفسي .. واللحين تقولي ماكلفت نفسك تتصل ؟ مستحيل اتصل وانت عارف لؤي : ليش ؟ لهالدرجة فخرك يمنعك ؟ فراس تنهد : لؤي انا مستحقر هالمشكلة من اساسها لأن سببها مايسوى .. لو السبب يسوى كان يمكن احاول اصلح الوضع مع ذلك هذا انا هنا وبقولك كلمتين وعقبها ماراح اتدخل باي شي عن هالسارا لؤي : .......... فراس : اذا انت معجب وبس تتسلى وقتها بكيفك وحقك .. بس اذا تحبها بجد وبخاطرك تكون شريكتك فلا تتوقع ولا 1% ان ابوك لما يشوفك حيعطيك مباركته ويقول مبروك .. وفهمك كفاية ومنت غبي اعلمك وش قصدي بالضبط او وش بيصير ؟ لؤي : انا احبها فراس .. ماني اتسلى فراس : وبعدين ؟ بتحارب اهلك عشانها ؟ .. في نظري ماتسوى كل هالتضحية لؤي تنهد : واهلي يسوون اضحي بها عشانهم ؟ فراس رفع حواجبه : 24 سنة ضد شهر ؟ لؤي : مايهم .. طول ال 24 سنة هذي ماحسيت فيها اللي حسيته بهالشهر فراس : لا تصير شاعري بزيادة .. وصدقني هذا كله خرابيط و وهم لأنك اول مره تعرف الحريم والوهم مايدوم لؤي : قلت جاي تصالحني ؟ فراس : ايه .. مو معناها اكذب عليك هذا اللي بيصير واللحين ولا بعدين لازم تتعامل مع الوضع وانا ممكن اوقف معك بكلش بس هذي قضية خاسرة .. والحق وقتها بيكون مع اهلك بنظري لؤي بلع ريقة وهو يحس قلبه يقبضه وهو يسمع الحقيقة المرة :........ فراس تنهد : انا طالع اللحين .. بكرة ابي اشوفك بالمكتب ولمعلوماتك هذي آخر مره اجي اسحبك ترجع للشغل لؤي : وسارا ؟ فراس : قلتها بنفسك .. ما اتوقع هي بنفسها تتمنى تشتغل هنا وانا ما اتمناها تشتغل عندي فاتركها بعيد عشان ما اضطر اشوفك تقدم ورقة استقالتك مرة ثانية عشانها لؤي هز راسه : انا راجع .. بس لايجي ببالك اني اتخلى عنها انا للحين ابيها وقد ما أقدر بكون جمبها فراس طالعه دون يتكلم ثم وقف وطلع برا الشركة .. دق جواله " بدر " رد وهو يركب السيارة : ايوه بدر بانفعال : باي حق تلغي عقودي مع الشركات ؟! فراس : حق ان اسمك الثلاثي نفس اسمي بدر : لاااا ياشيخ من قرادة حظي والله ! يعني اول مرة اعرض ؟ فراس : الساعة 7 المغرب لو ماتكون بالرياض وتعتذر من عمي وبنته ..واذا ماسويتها وقتها بحجز طيارتي وبفسخ هالخطبة بدر بسخرية : بيدك ؟ فراس : مثل ماخطبتها لك بفسخها .. والساعة 7 ! 7 ودقيقة انفسخت الخطبة بدر : والحساب ليش مجمدة ان شاء الله ؟ فراس : قصدك المهر ؟ قلت اكيد ماعاد تحتاجه هالرخيصة اللي صورت معها يكفيها 50 الف بالكثير بدر : انا لله .. صورة صورتين صارت خطبة ! فراس : ايه بدر .. بنت عمي هي اللي تستاهل هالمبلغ وهي ماعاد تبيك معناها محد غيرها يستاهل هالمبلغ بدر : بنت عمك زعلانة بس مو ماتبيني .. وانا ماسويتها هبال ابي افهمها شلون تتبطر علي ؟ فراس بقرف : صدق انك بزر ! تثبت رجولتك بصورتين منحلة بحقك وحق اهلك ؟! بدر : راح ارجع للسعودية واكلم عمي .. بس عقودي وحسابي يرجعون فراس : حسابك ايه عقودك تحلم سكر السماعة دون يسمع رده .. وهو يحس يقهر من لؤي لبدر ولا واحد فيهم عنده حسن تصرف ! تنهد لما شاف جواله يدق امه .. اكيد منقهرة من بدر من صحى هو نفسه وهو بمشاكل بدر .. *** صالة أبو نايف .. ام نايف بقهر : شنو يعني ؟! ابو نايف : خلااااااااص ياحرمة ! قلت لك كلمت اخوه وقالي بيتصرف ام نايف : وشنو يعني بيتصرف وش بيسوي ؟ ابو نايف : انا عطيته اليوم فرصة .. اذا تصرف ولا سويت اللي علي وبنتي مو محتاجته ولا اشكاله ام نايف : بعد عمري من رجعت للجامعة وهي بغرفتها لا طلعت ولا شفتها ابو نايف : والله انا مدري وين احط عقلي .. بمشكلة نايف ولا بدر ! نايف هالزفت اللي من رجعت من جدة لي اسبوع ماشفته ام نايف : كلمته يقول ماله داعي تشوفوني ابو نايف : والله انا مابي اضطر اسحبه لهنا سحب ! ام نايف : طول بالك .. اتركه علي اليوم وبيكون موجود عندك عشاء ابو نايف : حكي فاضي ! بلا تتعذرين له وماعندك ماعند جدتي *** جـدة / انتشر خبر خطبة ابتسام من ولد آلشمري .. رغم انه محد صدق الا بعد ماتكلمت جدة امل بحقيقة كلش وبعد ماشافو المهر اللي كان صدمة للكل .. حتى ان ابتسام ما أستوعبته للحين 350 الف ؟!! ... ام نايف ماكان بنيتها كل هالمبلغ لكن صممت عليه بعد ماعرفت حال البنت .. فقيرة ويتيمة لا أبو ولا أم ..هيثم ماكان مستغرب اذا هدية شكر على خدمة 30 الف .. اكيد المهر بيكون كذا .. غادة نزلت لتحت اول مانزلت شافت عمها جالس : غادة ! غادة ارتعبت : سم عمي ابو احمد : معناها الخبر صح ؟! غادة ابتسمت بانتصار : مو قلت لكم من أول ؟ ابو احمد : ايه قلتي ..وانا رايحين اللحين لأختك نوقف هالمهزلة غادة فتحت عيونها : شنو توقفون ؟ ابو احمد : اختك ماتستاهل تنخطب لهالنسب .. بتفشلنا !! اذا شرطه جداوية ومالقى غيرها حنا مستعدين ندله على جداويات غيرها , او تدفع ديون أبوها بهالمهر غادة : مو على اساس لما خطبتوني خلاص نسيتو الشقق ؟ ابو احمد : طلعتي ماتسوين نترك الشقق عشانك !! واللحين حنا رايحين غادة صرخت فيهم : حرام عليكم .. حرام عليكم !! اتركوها بحالها خلاص ابو احمد : اطبقي ولا كلمة لايرجع الكف يوقع على خدك ! سكتت غادة بقهر .. وهو صعد اول ماصعد صعدت لغرفتها ودقت على هيثم : هلا غادة : هيثم انت وين ؟ بالبيت ؟ هيثم : شفيك ؟ لا مو بالبيت غادة : تكفى رح للبيت .. عماني رايحين اللحين لابتسام ناوين يحاسبونها على الشقق ويبطلون خطبتها هيثم : مو بكيفهم ! غادة : ولو .. ابتسام ماراح تعرف تتصرف روح انت هيثم : عندي عملية مقدر ! غادة : هيثم تكفى .. شنو عملية هذي اختك من لها غيرك ؟ هيثم : خلاص غادة سكري انا بتصرف سكرت غادة السماعة وهي تحس بقهر .. تكره عمانها بكلش لازم يدخلون نفسهم !! اصلن ماعمرهم تركوا رزق احد بحاله واللحين 350 الف قوية لازم ياكلونها .. مسحت على بطنها الي وضح بروزه وهي تحس انه بيتعذب بهالمجتمع *** بيت أبو هيثم :- كانت ابتسام للحين مو عارفة شتسوي ..؟ المبلغ كبير لدرجة تحس بضياع .. كيف تصرف 350 الف ! لازم تلقى حل ولا ماراح تعرف تسوي شي ..انطرق الجرس قامت بسرعة : مييين ؟ ابو مرزوق : افتحي يالردية ابتسام وصل قلبها لحلقها .. وش جايب عمانها لكن فتحت بثقة دخلو باندفاع همجي ابو احمد وابو مرزوق : هلا والله بالعروسة ابتسام : حياكم تفضلوا ابو مرزوق : ايه نتفضل ليش لا .. حياك يابو احمد دخلو البيت ولحقتهم ابتسام وهي تدعي ان الله يجيرها من اللي ناوين يسوونه اكيد ؟! ابو مرزوق : اجلسي ليش واقفة ابتسام : ايش تشربون ؟ ابو مرزوق : لا موجبه ماشاء الله عليك .. مانبي شي انثبري جلست ابتسام .. ونطق ابو مرزوق : انا جاي اقولك ان مرزوق ولدي يبيك .. وبما انك بهالبيت لحالك وفراغ فتزوجي احسن وشوفي حياتك استغربت ابتسام معقولة مايعرفون يعني : ليش عمي انت ماسمعت ؟ ابو احمد : سمعنا شنو ؟ ابتسام رمشت بعيونها .. واضح يتغابون : انا انخطبت قبل اسبوع ووافقت ابو مرزوق : ايه سمعنا .. بس ماراح توافقين واللحين تكنسل هالخطبة الا بشروط ابتسام : الله يهديك ياعمي شروط شنو ؟ الخطبة مالها علاقة فيكم ابو احمد : استحي على وجهك ! حنا عمانك .. قال مالها علاقة فينا ابتسام بصبر : وشنو الشروط ؟ ابو مرزوق : ادفعي ديون ابوك اللي ساكتين عنها .. حنا ساكتين لانا نعرف العيشة ضيقة عندكم بس دامك صدق مخطوبة لآلشمري ماتوقع يعوقك ابتسام : ديون شنو ؟ ابو احمد : العمارتين اللي فوق !! ابتسام : ايه بس انت تخليت عنها وبحياة ابوي .. وقدام الكل ابو مرزوق : كلام فاضي ! حنا ماتخلينا عن شي .. واللحين بما انكم تاخرتو نبي حقها دبل ابتسام بدت تفكر تعطيهم بجد وتخلص .. اصلن المهر واجد ولا راح تعرف تتصرف به .. ابو احمد : شنو ساكته ليش ؟! سمعو صوت الباب ينفتح .. دخل هيثم وهو يحس انه تاخر لما شافهم جالسين لكن ابتسم : ما شاء الله .. عماني موجودين ابتسام نزلت راسها .. بينما رد ابو مرزوق : ايه موجودين .. جينا نسلم على ابتسام ونسولف معها هيثم تربع جمب ابتسام : ما شاء الله .. طيب ليش ماضيفتيهم ابتسام ؟ وين القهوة ابتسام : قايمة اصلحها قامت ابتسام .. هيثم : ايه ووين وصلتو بالسوالف ؟ ابو مرزوق : وصلنا لديون ابوك ! هيثم : قصدك العمارتين ؟ ابو احمد : ايه ! حنا نبي حقها دبل لانكم تاخرتوا هيثم : لا دبل ولا غيره .. العمارتين برجع اسجلها باسمكم ومعناها الدين وفيناه ومالك عندنا شي ابو مرزوق : بتتخلى عنها ؟ هيثم : ايه .. مو هي حقكم ؟ خلاص ترجع لكم ونوقف هالمهزلة كل يوم والثاني على هالعماير ماتسوى علينا ( قال بسخرية ) حنا اهل ابو احمد : ووش هالخطبة اللي نسمع بها ؟ هيثم : ولد حلال خطبها وحنا وافقنا .. اعتراض ؟ ابو مرزوق : ايه ! انا متفق مع ابوك ان ابتسام لمرزوق هيثم : عندك اوراق تثبت هالشي ؟ ابو مرزوق : لا .. بس الوعد وعد هيثم : معناها كلام فاضي وماينحكى فيه .. ولو صدق كان قالي ابوي لكن مابينك وبين ابوي هالوعد ابو احمد : عيب ياهيثم ! تكذب عمك ؟؟ هيثم : افهمها اللي تفهمها , بس انا ناوي اسكر على كلش اليوم .. مجرد ماتتزوج ابتسام العمارتين بترجع لكم واذا تبون هالبيت بعد مايغلى عليكم فداكم .. ومابينكم وبين ابوي غير هالعماير ابو مرزوق : والخطبة ؟ هيثم : حنا مو موافقين على ولدك .. الزواج غصب ؟ اساسا بأي حق تفكرون بابتسام كزوجة ثانية .؟ ابو احمد : مافرقت .. ثانية اولى كلها سوا دامها بيعدل هيثم : دامك تشوفها كذا زوجه وحده من بناتك .. اختي ماتجي ثانية ابو احمد : استح على وجهك تحكي عن بنات عمك كذا ! هيثم : ليش ؟ مافرقت دامه بيعدل .. الله يرزقه عائلة متفهمه زيك تزوجه ... شي ثاني قبل تطلعون ؟ ابو مرزوق : تطردنا ؟! هيثم : لا بس انا عندي دوام وبطلع .. وباخذ ابتسام معي السوق , الا اذا تبون تجلسون هنا فاهل بيت ماعندنا مشكلة ابو احمد : قوم يابو مرزوق .. اصلن حق ولدك اكبر من كذا ! والعمارتين ترجع باسمنا باقرب وقت هيثم : ولا يهمك .. الليلة تحصلها باسمك طلعو لبرا .. رجعت ابتسام : وين عماني ؟ هيثم : طلعوا .. ابتسام : غريبه جاي بهالوقت.. فيه شي ؟ هيثم : لا برجع اللحين عندي شغل .. بس كلمتني غادة وقلت عماني جايينك قلت اجي لان بيني وبينهم كم موضوع ابي اخلصه ابتسام : وتفاهمتو على كلش ؟ هيثم ابتسم : كلش .. وانتي تجهزتي ترا مو كثير كلها شهرين ابتسام : يوه هيثم لاتلعوزني .. وربي المهر كثير مو عارفة شاسوي .. هيثم : سوي بها اللي تتمنين .. هذي فلوسك حتى لو تخزنينها مو ضروري تصرفينها كلها ابتسام تنهدت : وغادة ابيها تروح معاي السوق .. بس كل يوم تسحب او تأجل هيثم : تحصلي الكرشة مثقله عليها .. حتى ماعاد صرنا نشوفها ابتسام : ههههههههه الله يعينها هيثم : يله انا طالع .. انتبهي لنفسك ابتسام : ان شاء الله هيثم : ايه على فكرة .. ابو نايف كلمني اليوم ويقولون قبل موعد الزواج باسبوع لازم نجي الرياض ابتسام فزت : ليش ؟ هيثم : يقول عشان الملكة والعزايم وما أدري ايش ابتسام بلعت ريقها .. متعودة على زواجات عائلتهم مافيه غير حفلة العرس بس شكلهم غير عندهم اكبر من مناسبة اول ماطلع دقت على غادة لكن مافيه رد تاففت .. وتواصلت مع أمل عشان يطلعون سوا للسوق .. *** بيت أبو احمد – غرفة غادة وأحمد اللي كان منسدح وغادة جالسه فوق راسه / غادة بقهر : لمتى يعني .؟ كل يوم لا لا .. اختي تحتاج تتجهز وابي اساعدها احمد : وانتي كل يوم تطلبين نفس الطلب ماتتعبين !! قلنا لا خلاص افهمي .. بقرة غادة : شلون يعني ؟ للابد ما اطلع معاها احمد : ايه ايه .. للأبد واسكتي وانثبري قبل احرمك تحضرين عرسها بعد غادة : ليش طيب ؟ ابي سبب !! احمد : لأن زواجها ما أعجبني .. تدري ان ولد عمها يبيها وتروح تركض تتزوج ثاني غادة فتحت عيونها : عشان هالسبب ؟ متخلف صدق احمد سحب شعرها بيده : مين المتخلف ؟ غادة : اااااحمد !! شعري !! احمد : بأكسر لك هالراس لو تلفظين علي مره ثانية .. ( نفخ ) سامعة ؟ غادة بقهر : هذي اختي احمد .. وخلاص بتروح الرياض بتعيش هناك يعني ماعاد اشوفها ابي اقل شي اساعدها بهالفترة احمد : افففففففففف .. انا كرهت هالغرفة ما أجي هنا الا اتنكد غادة : ايه احسن .. لاني متنكدة , ترفض عشان سبب سخيف ماله داعي احمد مسك راسه وهو منسدح : انااا للله .. غادة انقلعي برا اتركيني انام غادة : مابي اطلع ! احمد : اجل اسكتي وابلعي لسانك ترا وصلت معي غادة : وانا كمان وصلت معي .. كلش لا لا لا .. على بالك انت الوحيد اللي تتنكد هنا ؟ انا متنكدة من كلش منك ومن اهلك احمد نفخ باعلى صوته : غاااااااااااادة ! انتي حامل احترمي اللي في بطنك مابي اجرم فيك غادة سكتت بقهر .. وهي تحس بغميصة خصوصا وهي تشوف ابتسام تدق ماتقدر ترد عليها وش تقول ؟! سحبت وسادتها وانسدحت على الكنبة وهي تبكي بصمت .. كرهت احمد بهاللحظة اكثر من أي لحظة حتى لما ضربها ماكرهته كذا .. *** الريـاض – الساعة 6 ونص مساءا / وصل بدر اراضي السعودية .. دق على نايف : الو نايف : هلااا والله بدر : ما شاء الله مروق .. وينك ؟ نايف : هههههههههههه مع الشباب .. وانت شخبارك بعد العرض ؟ بدر : تبن .. تعال ابغاك تروح معاي بيتكم نايف : لا مقدر اعذرني .. مقاطع البيت هالفترة بدر : مو بكيفك .. تجي اللحين وتروح معي يكفي بروح وانا مالي خلق نايف : وش تبي ببيتنا ؟ بدر تنهد : بعد تفكير .. حركتي مالها داعي وفيها اهانة لابوك فرايح اعتذر نايف : لا اهانة ولا شي خذها مني وتعال معنا الجو يعجببك ! بدر : لا نايف .. انا بالمطار تعال خذني ونروح لبيتكم واخلص علي ترا مالي خلقك نايف : اففففففف زين .. عشانك بس والله بدر : يسلم شانك حبيبي بيت أبــو نايف / صحت ميهاف من النوم .. وهي تحس نومتها مزعجة خصوصا انها نايمة بلبس الدوام انتبهت لباب الغرفة ينفتح ويدخل كائن صغير ابتسمت : هلا فهودي جلس فهد بحضنها : انتي نمتي واجد اليوم ميهاف : ايه حبيبي عشان انا تعبانة فهد بحزن : وث فيك ؟ ميهاف : راسي يوجعني فهد طبع بوسة بريئة على جبينها : راح خلاث ضمته ميهاف بقوة : فديييييييييتك حياتي انت كلها .. يله انتظر برا عشان البس وننزل سوا فهد : حلاوة أول ميهاف : ههههههههه والله حاسه انك جاي عشان الحلاوة مو عشان سواد عيوني فهد ضحك بشقاوة وميهاف سحبت شنطتها وطلعت حلاوته واخذ حلاوته ونزل مبسوط .. تنهدت ميهاف وبدلت لبسها ونزلت ابتسمت لامها ام نايف : شخبارك حبيبتي ؟ ميهاف : بخير يمه وش بيكون فيني يعني ؟ ام نايف : عقب سوات قليل الأدب ميهاف تنهدت ... انفتح الباب ودخل نايف وقفت ام نايف : نايف !! نايف : لا لؤي ... ام نايف مشت لعنده : وينك ؟ بدري تو تجي نايف : مو وقته يمه اللحين بدر برا مع أبوي ويتفاهمون على سالفة مدري وشهي ام نايف : وكيف بتدري وانت مو مع العالم ؟ هاه ؟ نايف هز كتوفه بعدم اهتمام : مو ضروري ادري ( ابتسم وهو يشوف فهد ) هلاا والله بفهودي حبيبي .. تعال يابطل اشتقت لك ميهاف : فهودي لاتروح له ! نايف : فهودي ماعليك منها تعال عشان ارفعك للسماء وقف فهد مسكين يطالع كل واحد ومو عارف شيسوي ... ميهاف غمزت له : فهودي وش قلت لك امس ؟ فهد تنازل عن نايف وراح لجهة ميهاف .. مدت ميهاف لسانها : يله مناك نايف : افاا افاا فهودي كذا تسوي فيني ؟ ماشي ماشي ماعاد اجيب يزيد فهد مسكين انغمص : لااااااا لاا أم نايف : وليش جالس عندنا ؟ اطلع شوف وش صاير عند بدر وابوك نايف : مدري حسيت الجو مشاكل فانسحبت .. تروح ميهاف ميهاف طالعته بنص عين ... ام نايف : اجل تعال اجلس نتفاهم على عرسك نايف بتملص : والله كأني بطلع لأبوي وبدر .. واحشني ابوي لي اسبوع ماشفته طلع وام نايف ضربت كفينها : اذن من طين واذن من عجين ميهاف : روقي حالك مامي .. دام عند ابوي بيدخل معه وتتفاهمين معاه عند المجلس الخارجي / ابو نايف : متأكد كل المجلات وقفت ؟ بدر : ايه متأكد .. والعذر والسموحة ماتوقعت انه بتضايقك ولا ماكنت بسويها ابو نايف تنهد : يابدر احسب حساب لافعالك .. غلط اللي صار ومحد يرضاه بدر ابتسم : ان شاء الله ولا يهمك .. وانت قول بس وش يرضيك وانا حاضر ابو نايف : انا رضاي في اني اشوفك مبسوط مع بنتي .. واذا بتسمع شوري حط زواجك مع نايف بدر : لا عمي ياليت تسامحني في هذا .. انا مابي زواجي مع أحد ابو نايف : وهذا احد .. هذا نايف حسبة اخوك بدر : حتى لو ... انا متفق مع ميهاف والوالدة ان الزواج مو اللحين خلها على التساهيل ابو نايف : اللي يريحك .. وانتي تدين لها بإعتذار ترا بدر ابتسم : وانا حاضر ابو نايف مسك جواله ودق : الو ميهاف ابوي تعالي ابيك بالمجلس .... ايه ... الله يرضى عليك يابوك تعالي ..... هاو شفيك انهبلتي .؟ ....... يله لاتطولين ! بدر ابتسم بسخرية وهو يسمع المكالمة .. ماتبي تجي يعني : عمي اذا ماتبي تجي اللحين اتركها براحتها بعدين ان شاء الله ابو نايف : لا ! المشكلة اذا تركت كبرت , خلاص هي زعلانة شوي بس بتجي بدر : معليش عمي تتركنا لحالنا ؟ ههههه يعني ماراح اقدر اكلمها قدامك والله ابو نايف : هههههههههههه تستحي يالشيطان ؟ اللي يستحي مايصور هالصور بدر : افا ياعمي هجل الحريم سوا ؟ وحده عن وحده تفرق ابو نايف : اقنعتني انطق الباب : تفضلي يابوك ميهاف بحدة : وانا عند الباب ! مابي ادخل تنهد ابو نايف وطلع وتكلم معها .. عقبها دخلت كانت عبايتها مع مكياج الجامعة الناعم البسيط ..وعلى راسها طرحة محطوطة بإهمال .. كانت هذي ثاني مرةيشوفها ابتسم بدر بشوق! اخيراشافها .. يعني لازم يسوي كل هالحوسة عشان تتكرم تشوفه كانت مكشرة وجلست على المركى ورجل على رجل وعيونها تطالع الجدار ماطالعته .. بدر تنحنح : اححم .. وعليكم السلام ميهاف طالعته بطرف عيونها دون ترد بدر ابتسم : اوف ساكته ؟ وين لسانك اللي اطول منك ميهاف تنهدت بملل : ........ بدر : زعلانة يعني تو ادري انك تهتمين ؟ ميهاف ابتسمت بسخرية : لايكون على بالك زعلانة عشان غيرانة عليك ؟ انا زعلانة عشان صورتي يا استاذ اسمي صار مربوط باسمك وتعتبر اهانة ان خطيبي مصور مع بنات بدر رفع حواجبه : اها .. يعني مو ضروري اعتذر ميهاف : انت وضميرك عاد بدر : اولا ممكن تطالعيني انا اللي اكلمك مو الجدار ميهاف تنهدت وطالعته : نعم ؟ بدر بعيون ونبره صادقة : انا اسف ميهاف .. اسف على الصور وآسف على يوم خطوبتنا وعلى أي حركة غيرها ضايقتك ميهاف اهتز مظهرها البارد وهي تشوفه نزلت راسها : احتاج رد اعتبار بدر : رد اعتبار ؟ ميهاف : ايوه مثل ما أهنتني علني احتاج رد اعتبار علني بدر ابتسم : بس ؟ ميهاف : سو هذا وبعدها بشوف بدر : من عيوني .. كرمال شوفتك اليوم ميهاف وقفت : انا داخله .. انادي لك ابوي او نايف ؟ بدر : لا مافيه داعي انا طالع الا اذا ناوية تجلسي شوي كمان ؟ ميهاف وهي طالعه : معناها في امان الله دخلت ميهاف البيت وهي تسمع صوت نايف : شنو شنو ؟ وش هالنكته البايخة ؟ ام نايف : وش النكته بالموضوع نايف : تحددون موعد زواجي انا دون ترجعون لي ؟! مستخفين عقولكم ولا تستخفون بعقلي ؟ ام نايف : وش اللي ما اعجبك بالموعد ؟ نايف : شهرين .. اسف قصدي شهر وثلاث اسابيع ! وقولو مع الحفلات باقي شهر على زواجي ابو نايف بسخرية : ايه وبيشرفنا حضورك ميهاف جلست : وانت وش مضايقك بالموعد ؟ فيه شي معين تبغاه نايف : ايه ! ابي اشياء واجد ام نايف : اللي هي ؟ نايف : مابي اتزوج بالرياض .. بتزوج في ازدلفة ايطاليا ابو نايف فتح عيونه : نعم ! نايف : شنو مو زواجي ؟ مايحق لي يعني ؟ ابو نايف : من بيحضر من جماعتنا زواجك وهو بايطاليا نايف : بالضبط ! من يبي جماعتكم اصلن فكه منهم ! ابغاه بايطاليا وعلى 3 ايام ميهاف : هههههههه والله مقتصد نايف .. ازدلفة ماتبي قصر ولا شي ؟ نايف : اييه مابي قصر ابي في الشوارع وامشي من راس الشارع للميناء معها ونسافر مباشرة ام نايف مسكت راسها : تستهبل انت ؟ تستهبل ؟ نايف بجدية : لا ما أستهبل .. زواج تقليدي مابي قد جربته وما أعجبني .. اجلس طول الليل مع رجاجيل جالس اشوفهم طول عمري ثم اذا دخلت انكتم بجو الحريم كلهن سود ما اشوف منهم شي .. عزا هو ؟ ميهاف مسكت ضحكتها .. لان نايف يتكلم من جده !! اما ابو نايف : والله اعجبك حياك وبتنور .. ما أعجبك رح اعرس بايطاليا لحالك نايف : ماعندي مشكلة بروح اعرس لحالي .. فكه والله ام نايف : هالحكي مايودي ولا يجيب .. لا تزوجتو سافرو ايطاليا وامش معها للميناء وللي تبي ! نايف : بزر انا تسكتوني كذا ؟ ... الا وش مواصفاتها يمكن ماتناسبني ؟ ام نايف مسكت راسها .. هالاسبوع كله مختفي ويوم قرر يحضر جاب العيد ! ام نايف : وش مواصفاتك وانا اقولك اذا هي متوفرة فيها او لا ؟ نايف : ابيها طويلة مابيها قصيرة اكره القصيرات ام نايف : لا تخاف طويلة نايف ( الله ياخذك يارب ليش انخلقتي طويلة ؟ ) : طويلة قد ايش ؟ ابيها طويلة بجد لو اقصر من كتوفي بطلقها ام نايف : اطول من كتوفك ! طويلة بتوصل لذقنك وازود بعد نايف : مابيها بيضاء .. ابي سمراء ام نايف : ماهي بيضاء ! نايف بتشديد : سمممراا يعني عبدة كويحه ! ابو نايف بحدة : بسس !!! والله انعطيت وجه بزيادة .. امك ماختارتها لك الا زينه وتناسبك نايف : شنو ! من حقي اعرف من بعيش معه ولا حرام ؟ ابو نايف : اعرف لا بارك الله فيك مو تشرط نايف : من آل ايش ؟ ام نايف : مو معروفين .. مافيه احد معروف يبغاك نايف : ليش ان شاء الله طايح من عينكم ؟ ام نايف : هذي نهى بنت معروفين وما ناسبتك انت بتتزوجها هي ولا اهلها نايف كشر : وش اسمها ؟ ام نايف : ابتسام نايف فتح عيونه : شنو ؟! صادقه ؟ ام نايف : شفيك ! ايه ابتسام اسمها نايف : ما اعجبني .. وش ذالاسم اللحجي ام نايف : ها وش تبيها يعني ؟ نايف : اسم مو ابتسام باختصار ابو نايف وصلت معه : لا تزوجتها غير اسمها !! بس حاليا لا تكثر حكي لانك بتتزوجها وانت ماتدل الدرب بعد ! نايف وقف صاعد لفوق وهو يتحلطم : وعع ابتسام .. وش ذالاسم خلصت الاسامي الله يلعنك هزت ميهاف راسها : هههههههههههه الوضع ماساه طالعها ابو نايف وام نايف بحدة : وش يضحك ؟ ميهاف : اححم .. ولا شي سلامتكم ... بس بجد يمه حلوه ؟ ام نايف طقت على صدرها : حلوة وبس .. يا حسافتها في هالاثول ميهاف : قد ايش يعني ؟ ام نايف : احلى منك ميهاف فتحت عيونها : شنو يمه جحدتيني مره وحدة ! ام نايف : والله اقولك الجد .. بتجي مثلك او احلى بس ماهي اقل منك ما شاء الله مكملة على انها واضح ماتهتم بنفسها الا انها تفتح النفس ميهاف : ما شاء الله تحمست اشوفها ! ام نايف : ايه رقمها معي .. ابس اتواصل معها ابي أأكد عليها الشهر الجاي مباشرة تجي الرياض تكمل تجهيزها هنا وابي اهلها يحضرون عزايمنا ابو نايف : اشغلني ذالولد .. وينه بدر طلع هجل ؟ ميهاف : ايه يبه طلع ام نايف : وعسى خاطرك طيب ؟ ميهاف : هههههههه قلت لك من اول خاطري طيب ... يله انا صاعدة انام تصبحون على خير : وانتي من أهــله *** الكـويت – الساعة 7 مساء / كان لؤي مستلقي على الأريكة وبيده جواله .. وللحين يفكر بآخر مره قابلها شكلها تضايقت من جد واضح حتى لو ماقالت .. مسك جواله وارسل ( شقاعدة تسوين ؟ ) مافيه رد .. حط جواله على الطاولة باستسلام وانسدح وغطا عيونه بذراعه ونام وللحين صورتها بذهنه وكلام فراس يتردد .. مو غبي هو يعرف ان كلام فراس صح , بس صعب يقبله شكل الأمل الوحيد له انه ماعاد يتواصلون ولا يتعلق اكثر من كذا دام مافيه مشاعر متولده بينهم للحين قطع تفكيره رسالتها ( ولا شي .. قدرت تاخذ ملفي ؟ ) مسك لؤي ملفها اللي اخذه من فراس ( ايوه .. انتي فين ؟ ) سارا ( انا برا البيت بس تقدر توصله لعند الحارس ووقت ارجع باخذه منك ) عقد لؤي حواجبه ( طيب فين انتي بوصله لك مباشرة وبس ) سارا بعد فترة ماردت ( انا ببيت وحده صديقتي عندها حفلة .. يمكن صعبة تجي فاتركه هناك وبس ) لؤي باصرار ( لا .. ملفك هذا تعبك شي مهم ماينرمى باي مكان ارسلي لي خريطة موقع المكان وانا جاي ) سارا ارسلت له الموقع .. قام لؤي من الكنبة بحماس وطلع لحد ماوصل للموقع كان بيت متواضع وواضح عليه جو الحفلة من الاصوات بعد فترة طلعت له وكانت لابسه فستان نص الفخذ ابيض مع جاكيت جلد مع بوت قصير للكعب / لؤي وهو يصفر باعجاب .. انحرجت سارا : معليش كلفت عليك بهالمشوار ! لؤي ابتسم : عادي تعبك راحة سارا ويدها مغروسه بشعرها بارتباك : الملف ؟ لؤي : الملف على طول .. مافيه اخبارك لؤي ؟ سارا وهي مو على بعضها : ينتظروني داخل فمستعجلة شوي لؤي عقد حواجبه : شنو اجتماع هو ؟ حفلة عادي .. فيك شي انتي , متضايقة ؟ سارا : كيفك ؟ لؤي فجأة تذكر لما قاله فراس انها قابلته : صح صح تعالي .. انتي ايش قايله لفراس ؟ انقرصت سارا وهي تتذكر مقابلتها معاه : شنو ؟ لؤي : انا اللي اقول شنو ؟ انتي شقايله لفراس ؟ سارا : بس تقابلنا صدفة بالطريق وماصار كلام مهم حتى لؤي عقد حواجبه : شنو هندي انا تكذبين علي ؟ ساره شدت على قبضتها : معليش لؤي الجو بارد برا وانا مستعجلة فياليت آخذ ملفي بسرعة لؤي : ايه ماتنلامين برد من هالقصير اللي لابسته ! سارا بحدة : لؤي رجاء ! واضح هالعلاقة صارت تتعدى الحدود وهالشي يضايقني فياليت اخذ ملفي وماعاد تتدخل باي شي انا اسويه !! لؤي تفاجئ من اندفاعها .. سلمها الملف دون يتكلم .. في داخل الحفلة .. كان وحدة من صديقاتها وواحد من الحضور عند النافذة يطالعون : معقولة سارا عندها حبيب ؟ : ما قد سمعت .. هذا حبيبها اجل ؟ : شكل الأجواء عندهم مو تمام .... حرام عليها تتهاوش مع هالمزة دخلت سارا البيت واندفعت لفوق للسطح ماتركت لاحد فرصة يكلمها وهي شادة على ملفها بكل قوتها .. تسندت على جدار السطح وهي تطالع المكان من فوق وتتذكر مقابلتها مع فراس ( سارا : اهلين فراس ظل يطالعها وهو شاد على قبضته ويعد داخله للعشرة ... سارا تنهدت : معليش اتكلم معك بحاجة وعقبها ماراح اطلع بوجهك فراس فتح باب سيارته : اتوقع انك لعنه بحياتي مستحيل اتخلص منها .. فماعاد اتمنى هالامنية نزلت سارا راسها وهي تشوفه راكب سيارته .. فتح شباكه : شنو ماعندك شي تقولينه ؟ سارا : هنا ؟! فراس مد يده وفتح الباب .. فهمت سارا وركبت سأل مباشرة : اختصري سارا : بالنسبة للؤي .. سمعت انه استقال ؟ فراس وعيونه بالطريق : بركاتك سارا : آسفة اذا كان صار بسبتي .. بس صدقني لؤي يعزك امس قابلته واكتشفت انه يعزك فوق ماتصورت فلو تكلمه بس متأكدة انه بيرجع فراس : جايه كل هالطريق عشان تقولي انه يعزني ؟ سارا : مو عشانك .. عشانه فراس : بما انك نصحتي اجل اتركيني اقولك هالنصيحة عشانك وعشانه لو ايش ماكان بينك وبين لؤي .. بالنهاية أبوه ماراح يوافق ولا مجتمعه راح يوافق على هالعلاقة فانسحبي من حياته احسن لك واحسن له سارا بهم : لؤي مايشوفني بهالطريقة اللي انت مفكرها فراس : لؤي يشوفك بهالطريقة وهذا المزعج في الموضوع سارا سكتت بهم .. الموضوع نفسه يتكرر هذا هي تعيش قصة امها من جديد ؟ لا ماراح تتمادى لتوصل لهالحالة .. انتبهت للسيارة توقف قدام شقتها .. نزلت بصمت وصعدت لفوق وهي تحس بكرب رايحة تقابله عشان تحل ازمة لؤي خلقت لنفسها ازمة ثانية .. *** جـدة / ابتسام تتمشى بالسوق والسماعة باذنها : غادة زاد الموضوع عن حده .. ليش حتى اليوم ماتقدري ؟ غادة ببرود : تعبانة .. ابتسام : بسم الله عليك .. اخذتي دوا ؟ غادة : ايه .. ابتسام : طيب انا جايه ازورك لاخلصت السوق غادة : مايحتاج .. بنام اللحين ومابي اصحى .. ابتسام : غادة صاير شي .. ترا مو غشيمة انا !! غادة تو بتتكلم شهقت ابتسام .. : شنو شفيك ؟ ابتسام : استني غادة .. في مكالمة الانتظار رقم أم نايف غادة : اما !!! ردي ردي بسرعة ابتسام : وش ارد اقول ؟! غادة : حلوة هذي .. ردي قولي الو تكلمي شي .. ابتسام بتوتر : زين زين سكرت ابتسام وتحنحنت تعدل صوتها ثم ردت : هلا ام نايف بصوت واضح فيه الفرح : هلا وغلا .. كيفك حبيبتي ؟ ابتسام : حمد الله تمام .. انتي كيفك وكيف الأهل ؟ ام نايف : كلهم تمام ويسلمون عليك .. ومير على طاري الأهل هذي بنتي ميهاف هنا تبي تكلمك ابتسام اكتشتف انها فعلا ماتعرف شي عن عائلتهم كم بنت كم ولد .. حتى هذي ميهاف ماتعرف وش وضعها لكن قالت بلباقة : هلا فيها والله جا صوت ميهاف : السلام ابتسام : وعليكم السلام .. اهلن وسهلن ميهاف : واخيراا سممعت صوتك ... عقبال ما أشوفك مع انه عقب سوالف امي من اللحين الله يحفظك بس استحت ابتسام : هههههههههه .. امين قريب ان شاء الله ميهاف : يله بعدين اسولف معك كويس اللحين ماما مستعجلة تكلمك ابتسام : ان شاء الله رجعت ام نايف للسماعة : ايه ياعمري .. وش مسوية كل امورك تمام ؟ ابتسام وهي تحس انها للحين ضايعة بالتجهيزات : ايوه ان شاء الله ام نايف : المهم بغيت اعطيك خبر انه بعد ثلاث اسابيع ابيك واهلك تكونون بالرياض .. عشان الحق على عزايم قبل العرس ابتسام : معليش خالتي .. بس ايش عزايم قبل العرس بالضبط ؟ عشان اخذ احتياطي ام نايف : والله ياحبيبتي عندك اول شي الملكة يجي الشيخ ويملكم فيها ثم فيه حفلة كبيرة بسويها المعرس على شرف العروسة وأهلها وهذي على حسب اختيار المعرس وش يبي طبيعة هالحفلة بس برد لك خبر ثم قبل الزواج بكم يوم ليلة الحنا ثم الزواج ... الزواجات عندكم بجدة مو كذا ؟ ابتسام انذهلت وش كل هذا : هههههههه لا خالتي وين ماعندنا الا ملكة وعرس وصلى الله وسلم ام نايف : لا ياحبيبتي حنا غير وانتي صرتي منا .. معناها زواجك يجي بنفس طريقتنا اهم شي عندي تحسبين حسابك بعد ثلاث اسابيع ماشي ؟ ابتسام : ماشي ولا يهمك ام نايف : يله لا أشغلك .. ولا جيتي وقتها عاد بنتفق على التفاصيل الباقية ابتسام مافهمت وش قصدها بالتفاصيل بس خلاص ماعاد تقدر تسأل : ان شاء الله .. في امان الله سكرت السماعة ودقت على غادة : غددو الحقيني ! غادة : شنو شصار ؟ ابتسام : لازم تجين معاي السوق اللحين .. ادري تعبانة بس معليش تحملي وربي بطيح من طولي غادة : لا لا اصبري اكلم احمد واشوف وش يطلع معاي ؟ ابتسام : اعجججلي !! سكرت غادة واتصلت على احمد : نعم ! غادة : فينك حياتي ؟ احمد استغرب انها تتدلع وبالقاب بعد .. اكيد وراها شي : برا البيت غادة : إيوه عارفة انك برا البيت لأنه مظلم .. بس فين تحديدا ؟ مشغول يعني ؟ احمد : ايه مشغول ! قولي وش تبين ؟ غادة : حياتي واللي يعافيك ويسلمك .. بس هالمرة بروح للسوق مع ابتسام عشان خاطري انا واللي ببطني احمد : مو قلت لك زواج اختك هذا مالنا دخل فيه ! غادة : إيوه قلت .. بس هذي اختي وانت تعرف وش معنى اخت , يعني انت ترضاها اختك تتزوج قدامك ولا تقدر تساعدها بشي ؟ أحمد : زين روحي ! بس مالي دخل ماراح اوديك ولا راح اعطيك فلوس غادة : خلاص تمام .. شكرا قلبي احمد سكر السماعة .. كشت غادة على السماعة : مالت شح بفلوسك وسيارتك ! لبست عبايتها واخذت شنطتها وطلعت .. ام احمد بالصالة برج مراقبة : وين وين وين وين ؟ غادة : استأذنت من أحمد .. وبطلع ! ام احمد : ولوين رايحة ؟ غادة : بروح السوق ابي كم غرض ام احمد : تبين كم غرض ولا رايحة لاختك ؟!! ع بالك هنود قدامك تلعبين علينا غادة : ابي كم غرض وابي اختي .. عموما احمد يدري اني بروح لاختي فماني مضطرة اخذ اذنك .. باي طلعت بسرعة وهي لو بيدها ماعاد ترجع لهالبيت كلش يقطع العمر , وهي تحسب اسوأ بيت كان بيت اهلها اكتشفت ااسوأ بوقت ماعاد ينفعها الندم ميهاف جالسة بالصالة مع امها : هههههههههه ماعرفت اسولف معها والله سحبتي السماعة على طول ! ام نايف : ايه وهي مو يمك اكيد تتجهز .. قلت اقولها الضروري وبس ميهاف : ايه لاحقه بعدين اسولف معها لين اتعب .. إلا ماقلتي يمه وين بيسكنون ؟ ام نايف : ابي اخوك يروق شوي ويجلس عشان اكلمه .. هو يقرر اخاف اقرر عنه ويشب فيني زي آخر مرة ميهاف : ايه بس اخاف تأخرون ام نايف : لا بيمدي .. بأسوأ الاحوال مايحنامون بالشارع دق جوال ميهاف حطت فنجال قهوتها ووقفت مستغربة ( بدر ) .. ماقد اتصل عليها قبل كذا ابد !! ام نايف : شفيك وين رايحة ؟ ميهاف : شوي ماما بكلم وراجعة طلعت وردت : الو بدر: هلا والله ومرحبا ميهاف : اهلين .. بدر : كيفك ؟ شمسوية ؟ ميهاف ( معقولة داق يسولف بس ! والله قوة وجه بجد ) قالت باقتضاب : تمام ! بدر : المهم دقيت اقولك تفتحين النت .. او تشوفين لك جريدة *** او **** ميهاف عقدت حواجبها : وليش ؟ بدر : اعتذارك العلني وصل .. ماتبينه ؟ ميهاف فتحت عيونها : اعتذار علني ؟! بالمجلة !! بدر : اجل وش مفهومك لاعتذار علني ؟! ميهاف : استنى استنى .. بسكر اللحين سكرت السماعة وركضت لفوق وفتحت لابتوبها ولقت العنوان ( مقابلة حصرية مع بدر آلشمري يعلن فيها ارتباطه ) فتحت عيونها بصدمة .. وكملت قراية المقابلة بحماس .. المذيعة : يا أهلا وسهلا باستاز بدر .. نورتنا بدر : هلا فيك لورين المذيعة : هيدي مقابلتك التانية بمجلتنا .. ماهيك ؟ بدر : امبلا .. هذي وقبلها بفبراير السنة اللي فاتت المذيعة : وإن شاء الله مابتكون الأخيرة ..حابين نسأل تساؤلات كتيرة طرحت حول عرض ازياء الخريف هاي الشهر مع الفنانة اللبنانية سهى, يعني اللي صار سبب حيرة لكل الجمهور .. اصدر العدد بالمساء وبعدها بست ساعات وقف العدد تماما وحجب من جميع المواقع والاكتر غرابة انو جميع تعاقداتك مع شركات العروض الغيت .. ممكن تفسر لنا كيف هيك صار ؟ بدر : التعاقد هذا اجريته قبل شهرين مع الاستاذ عبد الرزاق جزاه الله خير .. وطرأت ظروف بهالشهرين فحاولت الغي التعاقد لكن ماكان ينفع لأني استلمت العربون بالفعل , فاضطريت اسويه .. لكن بعدها حصلت مشاكل كثير مع العائلة فاضطريت الغيها .. ومن هالمنبر انا أعلن ان عروض ازيائي سولو من اليوم ورايح واي عرض ثنائي ارفضه من اللحين المذيعة : فيني اسأل شو هالظروف اللي طرأت فجأة ؟ بدر بمزح : هههههههههه صار فيه مدام تزعل علينا اذا لعبنا بذيلنا المذيعة : بجد ؟! تجوزت ؟ ان شاء الله الف مبروك .. عتبنا عليك كبير ليش ما أعلنت الخبر لحتى يفرح لك كل جمهورك بدر : هههههههه تبالغي كذا لورين .. لسى ماتزوجت خطبت لكن معناها اني سلمت ولائي لها ومثل ما قللت من احترامها علني بالمجلة انا اعتذر لها من هنا المذيعة : ههههههههههه لكان بحئها تشحتك بالصرماية كمان بدر : شو صرامية لورين ناوية تكبري المشكلة كمان ؟ المذيعة : بس بجد ألف مبروك .. وراح تستئبل تبريكات كتيرة الله يتمم إلكو على خير بدر : آمين .. ان شاء الله افلتت ميهاف المجلة من يدها وقلبها يدق برهابة .. مجنون .. كان قصدها بعلني قدام اهلهم او حاجة متواضعة ماتوقعت كل هذا .. ابتسمت وهي تعيد قراية المجلة .. دق جوالها برسالة " بدر " فتحتها بلهفة / لو رجع عمري , برجع ابتديك .. يشهد الله أنك اجمل ماحصل سماح ؟ كتبت وابتسامتها مرسومة على ثغرها / غالبا الأمور المستفزة تكون بداية قصة جميلة " . سماح <3 وشكرا رد على طول / قليل بحقك , اقدر ادق عليك ؟ ميهاف عضت على شفتها بارتباك ممزوج بفرحة / ايوه تقدر *** بعد شهر / في جدة .. غادة صارت تروح كل يوم مع ابتسام وهذا مفرحها تطلع من البيت والنكد , وابتسام انبسطت لانها على عكسها غادة كانت سنعة بهالمواقف ضبطتها في كل شي ونضمت ميزانيتها وصارت جاهزة تقريبا .. وراحت معها للصالون وضبطت شعرها واشترت لها كريمات العناية .. بالنسبة لغادة كانت خبرة لهالامور من جلستها قدام التلفزيون على طول تراقب اهتماماتها من هالناحية .. واليوم لازم يمشون للرياض / في بيت أبو احمد – غرفة احمد وغادة / غادة جالسة تجهز شنطتها .. احمد كان منسدح على السرير تافف : اففففففف ضروري يعني تروحين مع أهلك ! غادة : لا لا كذا ماينفع حنا بينا وعد , ماتكون مسؤول عن تجهيزاتي وفستاني وتتركني اروح وهذا انت مادفعت حتى ريال وخلاص بروح مع اخوي واختي احمد : وكم بتجلسين ؟ غادة : بطول .. لين يخلص زواجها , وانت متى بتجي ؟ احمد : ما أدري اكيد يوم العرس او قبله بيوم .. على حسب اهلي هزت غادة كتوفها : ايه بكيفكم .. يله هذا هيثم يدق اكيد تحت انا رايحة احمد دون نفس : الدرب اخضر طلعت غادة وهي هالفترة احلى فتراتها تمارس احلى هواية بالنسبة لها " التسوق " وبنفس الوقت ماتشوف خشش بيت عمها اللي يسدون نفسها ركبت السيارة ورا وهيثم وابتسام قدام : يااااااي متحمسة .. اول مره بحياتي اطلع من جدة ابتسام : ههههههههههههه حتى انا متوترة مدري كيف ؟ غادة : ماقالت لك متى الملكة ؟ ابتسام : تقول بعد اسبوع غادة : وحجزتو فين ؟ ابتسام : مدري هيثم اللي حجز بفندق ما أعرف شاسمه .. هيثم قلت لسارا تحضر هيثم : ايه .. تقول بحاول احضر الزواج ابتسام : وقبله ؟! هيثم : ماتقدر غادة : يله هي الخسرانة .. بيفوتها كل الوناسة *** بيت أبو فراس / اسماء : انسسسسس وتبن وزفت ام فراس مسكت راسها : وصجج وصجج !! اسماء كانت نازلة من الدرج بشرها : وينه ؟! ام فراس : مدري .. وش هالهبال شعندك ؟ اسماء انتبهت لراسه من ورا الكنبة : اطلع يالدجاجة !! هين هين انا اوريك ركض انس لين صار ورا امه : يمه شوفيها هالمجنونة .. قولي لها توخر عني اسماء وهي ترفع كممتها : اوخر ؟ اوخخخر ؟ ام فراس بصوت عالي : خييييييييير !؟ بتضربينه يعني ؟ اسماء : اييييييه وبكسر راسه بعد .. وياسمين بيجيها قسمها بعد بس خل ترجع من صديقتها الخايسة ام فراس : وش مسوين ؟ اسماء : كاسرين لابتوبي الحقيرين الله يكسر روسهم كلهم .. اصلن وش مدخلكم غرفتي ؟! انس : طاح مادرينا .. ودخلنا نبي سلك البلايستيشن محد قالك تاخذينه اسماء وهي شوي بتبكي : يممممممه حرام عليهم محتاجته اللحين ضروري ابي ارسل واجبي ام فراس : لا تصجين راسي .. روحي لبدر استعملي حاسبه اسماء جمعت اصابعها باشارة تهديد وهي تطالع انس : اصبر اصبر .. انا بحتري ياسمين تجي واسطرك انت وياها سوا انس : بطلع من البيت واتحداك تجيني اسماء : مرررد الكلببب للقصاااب بغرفة بدر والسماعة باذنه ومسترخي على كرسيه المطل على البالكونه : ياليل صوت اسوم واصل لعندي ميهاف : هههههههههه شعندها ؟ بدر : مدري عنها من يوم تقوم وحبالها الصوتيه في جهاد لين تنام ميهاف : هههههههه عاد مو سامعة شي انا بدر : وش تبين فيها ؟ اسمعيني انا بس .. ما أكفي ؟ ميهاف بنعومة : تكفي وزيادة بدر : فديييييتهااا انفتح بابه بقوة .. فتحته برجلها .. بدر : بسم الله الرحمن الرحيم !! كذا الناس يدخلون ؟ نعم شتبين خلصتي من البزران جيتيني ؟ اسماء ويدها على خصرها : هاهاها .. ابي لابتوبك بدر : تفضلي بس اوهبيني حياتي اسماء طالعته بنص عين : من تكلم ؟ بدر : اكلم حبيبتي وش تبين ؟ اسماء فتحت عيونها بوسعها : صدقق ؟!!! من حبيبتك بعلم ميهاف عليك ترا بدر : لا لاتعلمين ميهاف استري علي تكفين ميهاف : هههههههههههه لا تلعوزها مسكينة اسماء سحبت جواله : هيييييييه انتي ترا خاطب .. شوفي لك رزق ماعليه ذبان يالسلقة ميهاف : هههههههههههههههههههههههههههه !! رزق ماعليه ذبان ؟ ؟ اسماء طالعت بدر بنص عين : غبي انت ؟ هذي ميهاف ! بدر سحب الجوال منها : احلفي .. ع بالي جالس اكلم وحده ثانية من اول ! اسماء : قولها تسكر السماعة وترد علي ابي افضفض بدر اخذ شنطة الجيم حقته : لا خلصت منها كلميها .. انا طالع خلصي اللاب توب واطلعي اسماء كشت عليه : مالت عليك وعليها ... اه ياقلبي صرتي وحيدة يا اسماء محد يفهمك طلع بدر لسيارته : شجالسة تسوين ؟ ميهاف : ولا شي حياتي .. البيت صاير فوضى وعروسة نايف بتوصل اليوم الرياض بدر : من جد ؟ ماقالي الحيوان ميهاف : لانه ما أهتم ..هو نفسه مايدري مايسأل ولا يهتم بدر : وبتقابلونها ؟ ميهاف : والله بخاطري بس امي رفضت .. تقول اتركيها للملكة عقب اسبوع بس بدر : ايوه احسن .. اساسا تحصليها مشغولة تتجهز مو خلقك ميهاف : قولتك .. انت بالسيارة ؟ بدر : إيه .. رايح للنادي اللحين اكلمك لاخلصت ميهاف : اوكيشا .. باي سكرت ميهاف واول ماسكرت اسم اسماء ينط بجوالها : هلا هلا اسماء : بدري !!! كان لاتردين ميهاف : ههههههههه تو سكرها اخوك شاسوي ؟ اسماء : مالت عليك وعلى اخوي وعلي .. المهم اسمعي ميهاف : شنو اسماء : من وين بتشترين فستانك ؟ ميهاف : ماراح اشتري .. المصممة لورا حجزت معاها تجي تاخذ مقاساتي وتصمم فستاني , تجين تصمم فستانك معي؟ اسماء : لا .. شكلي بشتري وبس ميهاف : بكيفك .. فيه كم فستان كنت ناوية اشتريها بس بطلت لان بصمم تبين ارسل لك صورها يمكن تعجبك اسماء : والله ذوقك مايعجبني بس هاتي اشوف ميهاف : مالت ! ماراح ارسل لك اقعدي اسماء : احسن لاترسلين .. يله بروح اكمل بحوثي عشان افضى اسطر انس وياسمين لا جو ميهاف : الله لا يشغلنا الا بطاعته بس *** مر الأسبوع والكل بإنشغال .. الكل يجهز للملكة وابتسام ارتباكها كل يوم يزيد مع قرب اليوم الموعود , وكانت الملكة ببيت أبو نايف مثل ماهي تقاليد الملكة عندهم ببيت اهل العريس وعشان ابتسام بالمرة تشوف البيت ..:- بيت أبـو نايف / ام نايف دخلت على غرفة ميهاف وين ماكانت جالسة مع اسماء يتجهزن : ميهاف !! اكدتي على بدر ؟ ميهاف : ايه يمه .. وخلاص يقول نايف ازهلوه بيجي ام نايف : اكييييد ميهاف : يالله يا ماما يمكن عاشر مرة ااكد لك اليوم ... وربي وربي بيجي اسماء : روقي حالك مرة عمي بيجي لاتخافين ام نايف : ان شاء الله !! وامك متى بتجي ؟ اسماء : فراس بيوصل بعد كم ساعة .. بتستقبلة وما أدري ايش وعقبها بتجي ام نايف : اكدي عليها لا تتأخر اسماء : ان شاء الله ما حتتأخر اول ماطلعت ام نايف .. تنهدت ميهاف : مسكينة من امس وهي بهالحالة اسماء : الله يعينها .. انا متحمسة اشوفها صراحة من هالفقيرة اللي خذت عقل امك وركبته مقلوب ميهاف : هههههههههههههه ايه والله انا اكثر اسماء : كلمتيها انتي ؟ كيف يعني لطيفة ؟ ميهاف : سلمت بس كلمتين .. مامداني اسولف حتى وعموما كل العروسات بأول شهر لطيفات فماراح احكم اسماء : قولتك , اهلها واجد ؟ ميهاف : لا ابوها وامها ميتين الله يرحمهم .. واخوها واختها بس حتى عمان وكذا كلهم بجدة وماراح يجون الا الزواج اسماء : اما كذا ! ماراح يكون معها اليوم غير اختها يعني ؟ ميهاف : على ماسمعت .. اسماء : مقطوعة من شجرة .. حرام واهلها ليش مايجون ميهاف : يقولو مشغولين .. بس بيني وبينك احس عائلتهم مشتته مدري كيف اسماء هزت كتوفها : انا بقوم البس عشان نساعد امك اخلصي ميهاف : يله يله اسماء / فستان أسود سيور قليتري ممسوك من الخصر وطايح لفوق الكعب بشبر .. وظهره مفتوح تماما مع جزمة كعب سوداء قليتر وكيلون اسود شبك وشعرها الاشقر ملففته بشكل ناعم ورافعته من جهه وحده ببروش لامع .. وروج احمر مع مناكيرها الحمراء كانت طلتها موفقة بشكل عام ومناسب اللون الاسود والاحمر بشرتها البيضاء ميهـاف / فستان هاي نيك كم طويل عنابي ضيق لتحت الركبة مباشرة عنابي مع بروزان ناعمه منطقه الصدر مع هيلز ذهبية وشعرهامجعد ومرفوع على فوق مع حلق فخم ذهبي , وروج بيج ومكياج عيون سموكي طالعتها اسماء : مو كأن شكلك بسيط شوي على ملكة اخوك ؟ ميهاف : لا عادي .. وبخاطري البس ضيق اليوم اسماء : ايه ياحبيبتي الجسم مؤهلات ميهاف : هههههه وانتي طالعة تجننين اسماء : عارفة .. يله خل ننزل لأمك ميهاف : يله لو يجو الضيوف وانا لسى مانزلت بتقتلني *** في الفندق كانت ابتسام جالسة .. وغادة اللي مشرفة على كشختها من كلش .. وبعد ماخلصت تشطيب مكياجها وقفت تشوف نفسها بالمراية كانت لابسة فستآن ناعم أحمر كم ياباني .. بقصة عاديه طويل يوصل للأرض , وشعرها الأسود لنص ظهرها منعمته ومسدلته , ورغم محاولات غادة انها تحط لها مكياج اوفر الا انها رفضتكان مكياجها بسيط روجها اقرب للمعه بسيطة على شفايفها المقسومة قسمه جذابةولمسات على عيونها .. مع كعب أسود ولو انها طويلة مايحتاج , كانت مقتنعة ببساطة مكياجها لأن لو شافها اليوم ماتبي تكون اصطناعية .. دخلت غادة تلبس فستانها لبست فستان برقندي أغبر علاق وسيع طايح .. مع ربطه ع رقبتها حريريه كان مناسب خصوصا مع بطنها اللي بدا يبرزوشعرها ستريت لخصرها ومناكير سوداءومكياج سموكي حطته لما انقهرت ان ابتسام رفضته .. وخف بسيطة عشان ماتتعبها مع المشي دخل هيثم الشقة وصفر باعجاب : شعندكن كلكن أحمر ؟! ابتسام : هههههههههه هي القاطه انا شريت فستاني اول غادة : اختي واحبها واقلدها .. عادي ؟! هيثم معط خشمها : عادي غادة : تصدق شي غريب اشوفك بالثوب ! هيثم تنهد : حاس بفراغ هالاسبوع .. شكلي ادمنت المستشفى اخلصي اعرسي ابي ارجع لحياتي ابتسام : مالت ! هذا حكي تقوله بدل ماتزعل انك بترجع دوني هيثم حاوطها من كتوفها : وش هالحكي النكدي ؟ روقي حبيبتي ابتسام ضحكت : ههههههههه مروقة بس راع مشاعري غادة : يله يله خلص نروح .. مستعجلة اشوف عزايم العز كيف هيثم : صدق ابو نايف تو دق يقول تأخرتو .. اخلصو خل نلحق استنشقت ابتسام هوا الغرفة كله ولبست عبايتها : يله أول ماوصلو انذهلو بشكل طبيعي من المكان .. كأنه قصر افراح مو بيت , كبير بشكل جنوني ومذهل والأنوار المولعة بكمل مكان والبوابة المفتوحة بمصراعيها ..كان عالم جديد تماما وجدا بالنسبة لهم , تو حست ابتسام بجدية العالم اللي هي داخلته |
رد: انتماءات كاذبة
خلينى ابدأ من ميهاف وبدر 1-0 لميهاف طبعا
ههههه عض الأصابع يعنى كل واحد ضاغط على صباع التانى بسنانه واللى هيضعف هيترك صباع التانى فراس رغم انه أسلوبه قاسى انما تتفهمه كلامه كان منطقى مع الاتنين ...لو ما كان حواره واخد الشكل العاقل الهادى كنت قلت يكن مشاعر مرفوضة بالنسبة له لسارا..انما لحد الآن مش باين كده سارا من كلامها انها كان معندهاش مانع ترتبط بلؤى لولا انها هتكون خسرانة لكن هل بتحبه؟ ماوصلتنيش النقطة دى عائلة أحمد ..ايه كمية الدناءة والخسة اللى فيهم دى ؟بقى نفسى فعلا غادة تخلص منهم هيثم طبعا رجال-على لهجتكم- كالعادة :lol: أسماء ..هيثم هيجى لحد عندها،يا ترى هيتقابلو ؟ حكايتهم لسه مخلصتش اجى بقى للثنائى اللى طبعا هيبقى الأفضل بالنسبة لى ابتسام ونايف المستهتر ههههه قاعد يتشرط ويطلع فيها القطط الفطسانة وفرح فى ايطاليا من غير معازيم شكله ناوى لها على نية بيضا..يمكن تبدا من الملكة شكلنا هنستمتع معاهم اتحفينا وشكرا على الفصل رغم انه مش معاده |
رد: انتماءات كاذبة
السلام عليكم ورحمة الله
ام نايف عجبتنى انها مهتمتش بالماده مع ابتسام واهتمت بادبها وثقفتها لعلها تعوضها عن عمامها الزباله اللى جين جرى ورا الفلوس وبكل بجاحه بياخدو حقهم لتانى مره نفوقهم غاده فوق البيعه ناس هم فراس جبرله ايه الجبروت ده كان ممكن ينصح لؤى بذوق بدل ما يسيئ لسمعة ساره ويجرح مشاعرهم نايف مكبر دماغه كن مش هو اللى حيتجوز ميهاف كعادة الفتيات كلمتين حلوين جابو راسها وبدر ابو اللسان الحلو اسماء حتوصل لها الطلبات لحد المنزل يارب هيثم ما يرميش كلمتين يسم بدنها وهو كاره البطرانين امثالها فى انتظار الباقي وتسلم يداكى مواهههههههههه |
رد: انتماءات كاذبة
اقتباس:
عفـــوا , بكرة ماحقدر ادخل فنزلته بدري |
رد: انتماءات كاذبة
اقتباس:
حيآكي |
رد: انتماءات كاذبة
متمللة
هو مافيش بارت النهاردة؟ |
رد: انتماءات كاذبة
لا كيف مافيه ... انزله اللحين معليش ع التأخير
|
رد: انتماءات كاذبة
" البارت الثاني عشر "
ام نايف بحماس : وصلوا وصلوا ... ميهاف تعالي معي نستقبلها تدخل راحت ميهاف وهي متحمسة تقابلها .. كانت واقفة قدام الباب وجمبها بنت وبعباياتهن بس فاكات الطرحات ابتسمت ام نايف : مرحبا ومسهلا .. نورت الرياض كلها بهالطلة , وحمد الله على السلامة ابتسام سلمت على أم نايف وهي منحرجة من سلامها الحار .. ام نايف باستسفار : هذي اختك ؟ ابتسام : ايوه هذي اختي الصغيرة غادة ام نايف باعجاب : ما شاء الله تبارك الرحمن .. هلا والله ياعمري , عسى امورك تمام ؟ غادة : حمد الله يا خالة كلش تمام , انتو كيفكم ؟ ام نايف : بخير نشكر الله .. ( ألتفتت لميهاف ) هذي بنتي ميهاف ميهاف ابتسمت وسلمت عليهن وهي ماتوقعت ابدا يكون هذا شكل زوجة نايف .. غير عن خيالها تماما : والله ونورتو البيت .. حياكم من هنا تفصخو عباياتكم غادة همست لابتسام : شوفي الجسم بس .. ياويل قلبي ماتسلفني شوي همست ابتسام : عيب اسكتي , وش ذالفضحة غادة : يختي شي يقهر انا كأني ملحاق وهي هالجسم كله هزت ابتسام راسها .. ودخلتهم ميهاف بغرفة ضيافة مخصصة لهم : خذوا راحتكم , مانبي نطلعك للحريم لحد مايكتملون غادة فصخت عبايتها بسرعة ونطت: وانا شدخلني ابي اطلع ! ميهاف : ههههههههههههههه , ماراح تجلسي مع اختك ؟ غادة : لا منحبسه معها اسبوع طق خلقي .. ابي اروح اشوف العالم ميهاف : ههههههههههههه تعالي اجل , عادي ابتسام تجلسي لحالك ؟ ابتسام ابتسمت : ايوه عادي معليش راحت غادة معها وهي تطالع المكان بذهول .. كلش يفتن ياحظك يا ابتسام هذا كله نصيبك اللحين , انتبهت لبنت شقرا بالاسود والأحمر وطلة مذهلة : خير انتي رحتي مسفحة مالتفتي لي حتى ! وينها ابي اشوفها ؟ ميهاف : هههههههههه يامطفوقة اصبري .. هذي غادة اختها اسماء سلمت عليها بفلتها الطبيعية : اذا اختك مثلك اجل نيوف فاز اليناصيب غادة : هههههههههههه انتي اخته كمان ؟ ميهاف : لا هذي اسماء بنت عمي .. انا اخت نايف الوحيدة وثنين اخوان غادة : اهااا .. طيب وين ادخل على الحريم ؟ ميهاف استغربت جرئتها توقعتها تستحي بس هذي فالتها .. اسماء : تعالي انا بدخلك عندهم دخلت غادة بثقة وهي متكيفة مع الكل وتسلم .. هذي طبيعتها اساسا المخباة في ظل بيتهم وحياتهم البسيطة *** وقت دخل هيثم عند الرجال وبعد ماسلم تأكد خـلاص ان نفس اللي عالجها موجودة اكيد .. لأن الوجيه المألوفة واجد شاف نايف ولؤي بالمستشفى كذا مرة .. ماتوقع لما شاف نايف بوقتها انه بيصيرون نسايب , طالع فراس بفضول هذا اللي قاهر سارا .. كان ساكت وينقل بصره بين الموجودين , كان نايف جمب بدر وأبوه ... وفراس ضمن مجموعة رجال اعمال يتكلم معهم باندماج انتبه لصوت جمبه : دكتور مو ؟ التفت هيثم وابتسم : جراح رفع لؤي حواجبة : ما شاء الله .. ما كانت صعبة عليك ؟ هيثم : صعبة بس وش قيمتها اذا ماكانت صعبة لؤي : هههههههههه ايوه بس مو الكل يفكر كذا هيثم : اجل من حسن حظنا ان فيه ناس تفكر كذا لؤي هز راسه : يقولو ان محيط المستشفى يهبط قدرة الانسان على التواصل الاجتماعي هيثم : ايه صح لأنك تنشغل تماما عن المجتمع والمواضيع الدارجة فية واهتماماته .. فما عاد تقدر تواكبه حتى لو بغيت لؤي : انت كذا ؟ هيثم : تقدر تقول , انت وش تشتغل يالطيب ؟ لؤي : دراستي نثر يعني كاتب , بس اشتغل بمجتمع الأعمال هيثم : ما قدرت تتوظف بتخصصك ؟ لؤي : ماراح اقول ماقدرت بس الكتابة هواية اكثر منها وظيفة .. يعني وش الرزق اللي ممكن تكسبه بالكتابة هيثم : كثير ... إنتاج كتب دار نشر صحفي مو هذي تخصصات الكاتب ؟ لؤي ابتسم : ماضبطت .. وهذا حنا عايشين ادارة اعمال هيثم : بالتوفيق أجل .. واخوك نفسك ادارة اعمال ؟ لؤي انحرج : لا نايف دارس تقنية .. بس ماتوظف للحين بس مكانة محفوظ عند ابوي هيثم: اهااا لؤي : مستشفيات جدة كويسة بس ماتقارن بهنا .. يعني مافكرت تشتغل هنا بما ان اختك نقلت وبالمرة تكون قريب هيثم : ايه بس انا عندي اخت ثانية بجدة لؤي : والله براحتك بس بنظري مدينة الملك فهد الطبية بيقبلونك دون تفكير .. ومين حاصل له مدينة الملك فهد الطبية؟ هيثم حس العرض مغري سكت وهو يفكر .. مستقبله الوظيفي كله بالرياض بيكون بارز اكثر : ........ قاطع محادثات الجميع وصول المملك *** اسماء ووداد وسجى وميهاف وغادة ورفيف جالسات بركن بمجلس الحريم / سجى : شخبارك ميهاف ؟ عقب الحوسة اللي سمعنا بينك وبدر عسى مو متهاوشين اسماء : حراااام عليييك ! بدر وميهاف ؟ تقولين سمنة على عسل .. والله بدر انقلب 24 درجة من ورا هالخطبة سجى : ايه انقلب صار يصور مع حريم اسماء : وش قصدك سجية ؟! عقبال ما اشوف رجلك يشفط شيشة مع حريم قولي آمين سجى شهقت : بسم الله علي !! لاتفاولين ؟ اسماء : تستاهلين .. ولا اساسا وش دخلك تسألين مجلس بكبره وكله حريم وش كبرهن محد سأل تجين انتي يالفصعة؟ سجى : وانتي شدخلك تردين ما أذكرني كلمتك !! اسماء : اخوي وصديقتي فاطلعي منها يالحشرية غادة سكتت وسط النقاش الحاد وهي مو فاهمة كلامهن بينما الباقين متعودين من يوم يوم اسماء وسجى كذا .. ميهاف بلباقة : سجى حبيبتي مافيه شي .. والعقد كنا متفاهمين عليه وانا موافقة لأنه مثل ماقال استلم العربون من اول , ومافيه خلاف لاتخافين اسماء طالعتها بنص عين : انبسطتي !! سجى : ايه انبسطت .. خفت يكون صاير بين عيال خالي شي غادة : ههههههههههه ما شاء الله ميهاف مخطوبة ؟ اسماء بحماس : ايه خاطبتها انا لأخوي مالقيت احلى من هالمزة تليق بمقامه ميهاف باستها بخدها : يابعد عمري والله دق جوال غادة وقفت : هذي ابتسام .. ميهاف الغرفة بآخر الممر ؟ ميهاف : ههههههههههه ضيعتي ؟ غادة : وهو بيتكم ما شاء الله وش كبره ميهاف : ايه ياقلبي بآخر الممر .. اجي معاك ؟ غادة : لا مافيه داعي اول ماراحت قالت رفيف بفضول : اختها مثلها ميهاف : لا اختها احلى اسماء فتحت عيونها : بجد ؟ ميهاف : ايوه والله احلى سجى : تحمست اشوفها والله ميهاف : ههههههههه حرام محبوسة بالغرفة بروح اقول لمامي عشان نطلعها تو بتقوم دخلت أم نايف : المملك وصل ياجماعة .. والعروسة بتسلم على الموجودين دخلت ابتسام وجمبها غادة .. طالعت اسماء ميهاف بنص عين : هذي احلى من غادة ؟ مالت على ذوقك بس شهقت ميهاف : ما أعجبتك ! اسماء : اعجبتني وحلوة جدا .. بس غادة احلى والله مو بسيطات بنات جدة مزز ميهاف : لا والله بنتنا احلى اسماء : ايه قولي عشان بنتكم ميهاف : وربي احلى انتي غشيمة شيعرفك ؟ سكتو لأن ابتسام وصلت عندهم وغادة ماخذه وضعية التعريف : ابتسام هذي اسماء بنت عمهم .. وهذي سجى واختها وداد بنات عمتهم وهذي رفيف ابتسام وهي مبتسمة : هلا والله تشرفنا سجى : ان شاء الله الف مبروك .. والله وماتوقعنا نايف يتزوج عقب .. قاطعتها ميهاف : سجى ! استغربت ابتسام وغادة .. لكن ميهاف ابتسمت بسرعة : سلمتي على الحريم خلاص ابتسام : ايوه نادتها ام نايف : ابتسام تعالي سلمي على ام عبد الاله مسكت ابتسام طرف ثوبها وراحت لعندها وغادة معها .. التفتت اسماء لسجى : لسانك انتي مايعرف يدخل حلقك ! سجى : شنو على بالي تعرف !! ميهاف : لا ياسجى ماتعرف .. فانتبهي المرة الجاية لكلامك اسماء بهياط : ايه انتبهي ! ابتسام اول ماجلست براس المجلس .. حست كل قطرة دم فيها نشفت اول مرة تكون في تجمع كذا , تجمع كبير ولا اشكال البنات كيف اوفر وهي تحسب نفسها اوفر , طلعت كشخة بعضهم اكشخ منها وهي العروسة .. كل وحدة شكلها ينطق بالغنى والبطرة اللي هي فيها , ولا السوالف اللي جالسة تسمع .. سافرت لوين وشرت ايش وعزمت لوين .. اشياء تحسسها انها اول مره تعيش همست لها غادة : كيف اعصابك ؟ ابتسام استنشقت : والله ما أدري يا غادة متوترة مره دق جوال غادة طالعت المتصل كشرت " احمد " ... ابتسام : مين غادة : احمد بطلع اكلمه وراجعه ابتسام : اوك لاتطولي طلعت غادة لعند الممر الجانبي : هلا احمد : هلا والله .. اشوف من رحتي الرياض معاد تسألين ولا تتصلين غادة : والله ياقلبي انت تدري .. يعني مشغولة مع ابتسام من وين افضى احمد : ايه صدقتك غادة : والله بجد واليوم ملكتها .. فمشغولة كمان احمد : صاه خلاص بسكرها اللحين .. بس حنا جايين بكرة غادة توترت اعصابها تو ارتاحت هالفترة : اوكيه حياتي توصلون بالسلامة احمد : يله انا بسكر .. واعجلي ارجعي لاتسهرين عندهم غادة ( ياخي طير بس ) : اوك .. باي سكرت السماعة ورجعت وهي تحس باكتئاب من هالخبر .. وقفت ام نايف : يله حبيبتي المملك في المجلس تفضلي ابتسام مسكها بطنها .. لكن قامت وهي تدعي ربها يسهل لها لحقتها غادة وهي متحمسة كأنه زواجها هي دخلت ابتسام المجلس الفاخر بتصميم مغربي تقليدي بحت كأنها جلسة عثمانية او من عصور عباسية كان المكان ينطق بجمال حصلت الكتاب قدامها مسكت القلم بيد مرتجفة ووقعت وهي تشوف توقيعه .. وام نايف قبلها جالسة تشوف توقيعة وهي ماهيب مصدقة انه مر اليوم دون مشاكل وحضر ووقع تنهدت براحة سلمت على ابتسام : ان شاء الله الف مبروك ضمت غادة ابتسام : مبرووووووك ياخايسة والله واعرستي ابتسام ضحكت بتوتر : هههههههه يبارك فيكم انطق الباب .. ام نايف : مين ؟ جا صوت رجولي : حنا ام نايف : هذا أبو نايف .. غادة ارجعي لداخل انحبطت غادة تبي تجلس تشوف لكن رجعت .. وابتسام تبي تلحقها متوترة شخص أول مرة تقابله دخل أبو نايف وابتسام كان منزلة راسها ومجرد تسمع اكثر من خطوات وريحة رجالية غزت المكان بشكل واضح .. مشى ابو نايف لعندها ومد يده صافحته ابتسام وباست خشمه وراسه .. ابو نايف : ما شاء الله تبارك الرحمن .. الله يحفظك من الحسد , الف مبروك يالغالية .... انا عمك ابو نايف وبحسبة ابوك ان شاء الله ابتسام وهي حتى ماطالعته ومشبكة يدينها ببعض : يبارك فيك عمي .. وجزاك الله خير ابو نايف : تقدم سلم على عروستك طق قلبها طبول .. نايف موجود !!! خافت ترفع راسها تستكشفه ولو مجرد لفضول ..حست بيده الباردة بعروقها الناتئة تصافح يدها : مرحبا بلعت ريقها بصعوبة : ... ام نايف غمزت لأبو نايف : نطلع ؟ ابتسام ( لا لا لا .. شنو يطلعون ؟ ) : .......... نايف برضو سكت ماعلق ... ابو نايف : يله حنا طالعين خمس دقايق وتعال طلع أبو نايف وابتسام غمضت عيونها وهي تحس اعصابها مشدودة .. وكلش فيها يرتجف من توتر اللحظة حتى مو قادرة تطالع فيه , نايف كان واقف وانتبه لارتجافها الواضح .. منزلة راسها وكلش فيها يهتز اول مره يحس ان امه معها حق في حاجة .. البنت جميلة تنحنح وهو يمسح على ذقنه بيده وجلس على الكنبة ورجل على رجل : ارتاحي اجلسي ليش واقفة ابتسام بلعت ريقها وجلست وهي تاركة مسافة .. نايف استغرب حسها تبالغ بخوفها ارتجافها واضح بشكل مب طبيعي .. نهى كان مستحية بس مو كذا : بردانة شي ؟ ابتسام هزت راسها .. نايف : اجل ليش ترتجفين ؟! رفعت ابتسام راسها .. ارتبك نايف لما شافها تطالعه عيونها سوداء واسعة كحيلة اما ابتسام انصدمت ماتوقعته كذا .. اسمراني طويل وذقنة وشنبه بداية ظهور شعر خفيف جدا خشم مسلول وعيون زيتية فاتحة حادة اجتمعت فيه الغنى والوسامة : مافيه شي .. بس .. نايف : اححم , كيف شايفه جو الرياض ؟ ابتسام هزت راسها : كويس نايف ( وش هالمملة لو عارف النظرة بتكون كذا بطلت الله يرحم ايامك يا نهى ) وقف : فيك ترجعين انا طالع حست ابتسام بالفرج اخيرا لكن قبل يطلع التفت قال بهمس بينه وبين نفسه لكن ابتسام سمعته : وتقولي مو بيضا فتحت ابتسام عيونها .. وهي تشوفه يطلع عقدت حواجبها وش يعني شقصده ؟! بلعت ريقها وهي تتذكر رهابة الموقف بالنسبة لها حملت فستانها ودخلت للبنات استقبلتها غادة بالممر : شصااااااار ؟؟؟ شفتيه ابتسام مسكت صدرها : بسم الله ! خرعتيني غادة تعلقت بذراعها : يله قولي بجد .. شفتيه ؟ هزت ابتسام راسها : ايه غادة : وكيف ؟ ابتسام : شنو كيف ؟ غادة : هاه ! ابتسام : اففف لاتزعجيني بدخل غادة : طيب وش صار ؟ صار بينكم شي وانتو لحالكم ؟ ابتسام ببراءة : لا بس جلسنا غادة رفعت حاجبها : متأكدة ؟! اتحداك ابتسام : والله .. سالني عن اخباري و ... بس غادة حاست بفمها : مالت تذكرت اللي من أول ماشافني نط فوقي ابتسام فتحت عيونها : عيب استحي وش هالحكي ! غادة : فكيني زين .. يله ندخل بس ابتسام : ادخلي انا اصبري شوي وبجي غادة : ههههههههههههههههههههه ايه روحي الحمام وعدلي وجهك حمراء ياساتر .. اجل لو عندك احمد وش بتسوين ابتسام : كان اموت ... !! دخلت غادة وهي راحت تضبط وجهها وهي تتذكر شكله .. هذا هو شريك حياتها خلاص ؟ والله وقام عزك يا ابتسام رجعت لداخل وهي مذهولة من شكل البوفيه على طاولة الطعام الطويلة .. والكل جالس قابلتها ام فراس : هلا رجعتي ؟ ههههههههه هاه كيف ؟ ابتسام استحت وخدودها وردت : تمام ام نايف : هلااا ابتسام .. تعالي اجلسي جمبي تعشي ابتسام حبت ام نايف من قلبها طيبة معها بجد .. دارت بعيونها تدور غادة حصلتها مع البنات ومنسجمة مو يمها ابتسمت لما شافتها انسجمت مع المجتمع توقعت انهم بيدخلون عالم ثاني ولا راح يعرفون يتجانسون .. غادة جالسة وبيدها ليمونة وتاكلها لحالها .. فتحت ميهاف عيونها : ليمونة هيك لحالها ؟ غادة : يختي الوحام ماتعرفينه ولا عذرتيني سكتو كلهم للحظة .. محد استوعب رمشت اسماء بعينها اكثر من مرة : وحام ؟ غادة بطبيعية وهي تاكل بالليمونة : ايه وحام وداد بتردد : حامل ؟ اسماء : قصدي متزوجة ؟ غادة وهي تشوف نظرات الذهول فيهن : بدخل الشهر الرابع وتقولي حامل ميهاف : اوماي قاد ما أصدق .. على بالي ماتزوجتي اصلن شدت غادة على فستانها لحد بان بطنها : ههههههههههه لا متزوجة لي نص سنة يمكن سجى : ما شاء الله .. ماتوقعنا ابد غادة ابتسمت : مدحة ولا ذمة ؟ سجى : لا مدحة .. يعني والله صغيرة على انك تكوني ام اسماء : اول مرة تقول سجى شي صح بحياتها غادة : لا عادي الأمومة مو صغيرة على أحد .. ان شاء الله المرة الجاية اجي الرياض يكون بحضني ميهاف : كيييييييييوت .. ما شاء الله عقبالي يارب اسماء مسكت جوالها : اصبري اعطي بدر خبر ميهاف سحبت جوالها : ووجع بعد يالمجنونة ! غادة : هههههههههههههههه عطيه خل يعجل يمكن تجيبن بنت حلوة نخطبها ميهاف استحت : هههههههههه شفيكم والله بس اقول عقبالنا كلنا يعني طارو غادة : ماعليك منهم عادي انتي طبيعية .. هن اللي بزران عشان كذا مايفهمن اسماء بحمق : إلا انا فاهمة !! ميهاف : وخري يا نانة اسماء : هين هين والله لأعلم بدر واعلمك من النانة بعد ماطلع نايف من المجلس .. تسند على سيارته قبل يدخل على الرجاجيل , حاس بفمه وهو يفكر البنت جميلة , جمالها يحبس الأنفاس بشرتها بيضاء نقية مع عيون كحيلة واسعة برموش كثيفة وشعر اسود كثيف طالع يفتن من بياض بشرتها وشفايف مقسومة مضيفه لها جاذبية ... لازم يعترف انه توقعها شينة بس فاجئته , بس وبعدين يعني يرجع لعالم الحياة الزوجية اللي عن تجربة اثبت انه مايناسبة ابدا .. طبيعته مو للزواج والبنت واضح من جمالها العذري انها ماتناسبه .. هادية وناعمة وخجولة وهذا مايثير اهتمامه نهائي ! داخل المجلس / ابو عبد المجيد : الله يتمم لهم يا أبو نايف وعقبال لؤي وكل العزابية فراس اللي كان جمب لؤي قال بهمس ساخر : ههه ياحليله مايدري ان لؤي عايش قصة حب مشغلته لؤي بنفس الهمس : ممكن اعرف وش جاب الطاري اللحين ؟ فراس : ما أدري يمكن لاني من كلمتك بالفندق ماعاد شفت وجهك حتى الدوام ماجيت لؤي : مشغول فراس طالعه بنص عين : مايهم الوظيفة عطيتها غيرك ومشى الحال .. بس انت وش هالاعتكاف اللي يمغث لؤي : تبي تعرف اجل قولي انت وش قايل لها لما تقابلتوا فراس : لا تجلس تدخلني في خياسك العاطفي هي اللي جت تكلمني مو انا ! وفوق كذا ماقلت لها شي وقام من عنده لمكان ثاني .. تنهد لؤي وهو يفتح جواله ويطالع برسايلة اللي ماعاد ردت عليها ولا مكالماته .. دخل نايف المجلس وانهلت عليه التبريكات من كل مكان .. رد برسمية عليها كلها ورجع لمكانه .. التفت له بدر : هاه بشر ! نايف عقد حواجبة : شتبي انت ؟ بدر : ههههههههههه شفيك اسولف .. حلوة البنت ؟ نايف ببرود : ايه حلوة بدر : طيب شفيك مب مبسوط ؟ نايف : الجمال نصف المسرة مب كلها بدر : اللي قايل هالمقولة كذاب .. الجمال المسرة كلها دق جوال نايف .. تافف : هذي نهى اليوم كله تدق مدري شسالفتها ؟ بدر : شتبي ؟ نايف : تقول يزيد يبي يحضر بدر : ايه ؟! نايف : انا ماعندي مشكلة حياه .. بس امي رافضة وهالبثرة مانفكت جالسة تنتظرني اجي اخذه اللحين بدر : اللحين هي بتضل طول عمرها ماعرفت ان عندك ولد يعني ؟ مصيرها تدري هي وياه بنفس كرت العائلة نايف : والله مسؤولية امي مب مسؤوليتي .. ولا انا ماخبيت شي أبو فهاد ( الجد ) : هاه يانايف وين ناوي تحط عزيمة عرسك ؟ نايف بتفكير : الاستراحات طبعا ابو نايف : برا الرياض هي !! هيثم بفضول : فين هالاستراحات ؟ نايف : برا الرياض بمسافة بسيطة .. تغيير جو وش ناوين يعني قصر ؟ نفس الروتين ملل ابو فهاد : ونعم الشور والله .. نطلع نوسع صدرنا *** اثناء ماغادة جالسة منسجمة تحس بخيال وهي جالسة هنا دق جوالها : هلا هيثم .. خلصت يعني ؟ ... اوكيه تمام سكرت غادة جوالها : ابتسام يقول يله ابتسام : يله ياجماعة حنا نستأذن وتسلمون على الضيافة بجد بسطتونا ام نايف : قليل بحقك ونعوضك بأحسن بعد ان شاء الله .. بس مو كأنا بدري ؟ ابتسام : لا خالتي ماقصرنا .. كثر الله خيركم طلعن وأم نايف معاهن لحد ماوصلن للباب وهي تودع ابتسام من قلب .. اول ماركبوا غادة : ووووووووووووو ! العز العز صح هيثم طالعها بنص عين : ظني انك انبسطتي اكثر من العروسة نفسها ابتسام : هههههههههه معك حق هيثم مسك يد ابتسام : الف مبروك ابتسام ابتسام حست الوضع غريب : عقبالك هيثم : على يديك ان شاء الله ابتسام : من اليوم ابشر ! هيثم : ههههههههههههههههههه امزح ماصدقت غادة نطت بين المرتبتين : يالله ياهيثم وش كل هذا ؟ ماتصدق وش صار داخل ... يععني اعععععه مقدر اعبر صدق هيثم : بعد ثلاث ايام مسوين العزيمة باستراحة غادة طارت : استرااااااااااحة !! صدق ؟؟ صدقق ؟ هيثم : هذا كلام العريس ابتسام ضرب قلبها وهي تسمع : ايه بس مو غريب استراحة يعني ؟ هيثم : ايه غريب ابوه انتقد بس الشايب اعجبه فعزموا غادة : مب غريب ولا شي ! خل نشوف العالم كيف ... هيثم هيثم قبل تطلع مر على مكانكم يالرجاجيل من بعيد هيثم فتح عيونه : شنو ! غادة : تكفى تكفى ابي اشوف المعرس وش شكله هيثم : شكله آدمي وش شكله يعني ! ابتسام : لا هيثم ماعليك منها وصلنا الشقه بس غادة : لااااااااا تكفووون .. طيب معك صورة ؟ هيثم : شدخلني اشيل صورة غادة : ايه عادي انا معي صور كل البنات اللي شفتهم اليوم كبسو عيونهم فيها ... غادة : هههههههههههه امزح امزح يممه *** بيت أبو نايف بعد رحيل الضيوف .. ميهاف جالسة مع أمها وكالعادة : رججلي تكسسرت دخل لؤي البيت وشماغة على كتفه وشكله منتهي ... ام نايف : هلا يمة لؤي دون يلتفت : هلا وصعد مباشرة لفوق .. ام نايف : غريبة وش فيه ! ميهاف : ما أدري .. ما جا من الكويت وهو مب على بعضه دخل نايف البيت اول مادخل دق جواله غمض عيونه بصبر ثم رد : نعععم !! .... يابنت الحلال يقالك حاصلي وما أبي ... مافاتته الجنه كلها جلسة رجاجيل ........ نهى لاترفعين ضغطي ترا ضارب دون شي ..... احسن لاتحضرين ... مع السلامة ام نايف : شعندها ؟ نايف : كله منك يمه يعني ضروري تمنعين يزيد يجي ام نايف : هاو بعقلك ! وش موقف البنت لا شافت لك ولد نايف : مصيرها تدري ميهاف برواقة : خلي يزيد اللحين ... ها نايف شرايك ؟ نايف : بشنو ؟ ميهاف : وش شنو ! البنت زوجتك نايف : تقولين مو بيضاء ! ام نايف : ايه بيضاء .. بس ما شاء الله ميهاف : بصراحة نيوف يعني اليوم الكل حسدك عليها ... لا ويرسمون على اختها بعد ام نايف : ايه والله اختها .. انا ابيها للؤي ميهاف : ههههههههههههه اختها متزوجة نايف : اصغر منها ؟ ميهاف : ايه ام نايف ماصدقت : تلعبين علي انتي !! متزوجة ؟؟ ميهاف : ايه وحامل بعد ام نايف : لا قوية .. مابان ميهاف : هههههههههههههه الا انا لما قالت لي وركزت واضح صدق ام نايف حاست بفمها : راحت علينا اجل ميهاف : وين ناوي شهر العسل نيوف ؟ نايف : المالديف ام نايف : ورا ماتناقشها ؟ يمكن بخاطرها مكان ثاني نايف كشر : حاصلها بنت الفقر المالديف ! وتجلس تتشرط بعد ... السفره لي مو لها هي مرافقة بس ميهاف : حرام عليك نايف .. بعمرك لاتقول هالكلام قدامها تذلها بفقرها .. ليش هي مختارة تكون كذا ؟ ام نايف : اتركيه اتركيه .. هو كذا اصلن بيجي يوم يعرف فيه ان الله حق نايف : المهم ! نهى اقلقتني .. يزيد بيحضر العرس ام نايف : لد لدك انت ونهى ! ميهاف : حرام يمه الولد بياخذ بخاطره .. خلي يحضر واصلن العرس بتكون هي بالغرفة والكوشة وانا بنتبه له ام نايف : واذا ناداك يبه قدام اهلها ميهاف : ماما قلت لك بيكون معاي .. ماراح اتركه ام نايف : ع مسؤوليتك اجل .. وياويلك تعرف دق جوالها طالعت المتصل بابتسامة .. وصعدت لفوق وردت : هاي بيبي بدر بصوته شاعري : مشغولة عني اليوم هاه ميهاف : ايوه تو جلست والله .. من صحيت وانا أكرف , كيفك وكيف الملكة ؟ بدر : ماشية تمنيت بس أدخل واشوفك ميهاف : ههههههههه باللهي بدر : طيب صورة بشوف شكلك اليوم .. اسوم لعبت بحسبتي وهي توصف ميهاف حمرت ( هين يا اسماء ) : شكلي لازم اتغطى من اسماء بعد .. فيه خيانة بدر : هههههههههههه والله ما سألتها حتى .. هي من حالها , بس بالاستراحة لازم اشوفك ترا ميهاف : لا حياتي .. بس بتصير مشكلة لو تدري ماما و ... بدر : ومن قالك حتدري ؟ بشوفك بس كذا اكحل وخلاص ميهاف بربكة : هممممم ما أدري والله... اليوم قهرتني سجى ماتدري قد ايش بدر : ايه قالت لي اسوم , ماعليك منها ميهاف بقهر : يخي مافيه داعي تكلمني اسولف لك ! اسوم قالت لك كلش بدر : هههههههههههههه شاسوي بها راديو من ركبنا السيارة ماسكتت ميهاف : سخيفة والله ! مافيه شي اقوله لك تصبح على خير بدر : ههههههههههه اف اف شفيك زعلتي ..؟ قولي السالفة مرة ثانية والله طعمها منك غير ميهاف : ايه شرايك باللي سوته ؟ مبسوط حطيتني بهالموقف بدر : تتأثرين من كلام بزر .. اسفهيها ماعليك منها ميهاف : شخبار اهلها ؟ شفتهم ؟ بدر : اهل شنو ؟ اخوها بس الموجود اليوم ميهاف حزنت عليها : معقولة ؟ والله حرام .. بدر : وأخوها حتى هادي مرة .. ردود مختصرة يعني ماتدرين وش طبيعته ميهاف : اكيد ما تأقلم اول مره يشوف هالعالم كلهم دخل فهد غرفة ميهاف ببجامته : ابي انام معاك ميهاف : استنى شوي حياتي ... ( التفتت لفهد ) هلا فهودي .. تعال ياقلبي نام بدر : شنو شنو شنو يناااام ؟! شوتيه لا أجي اشوته انا ميهاف : ههههههههههه يمه شفيك .. بزر بعد بدر : مايهمني .. قلعيه ميهاف تقهره : تعال فهودي حبيبي تعال بحضني نام بدر : تعذبيني انتي كذا ميهاف باست فهود بخده : لبى روحه احبه بدر : والله ودارت الدنيا وصرت انقهر من البزر فهد ميهاف وهي تلعب بشعرها : حبي .. انا بنام اللحين مره نعسانة بدر : اسهر لحالي يعني ميهاف بدلع : ايوه اسهر فكر فيني ماراح تمل بدر : وش لي بالسهر مع النجوم وانتي فيه ميهاف تثاوبت : بنام والله من فجر صاحية بدر : اوك عيوني نوم العافية ... أحبك ميهاف للحين هالكلمة تأثر فيها منه .. : وانت من اهله سكرت السماعة وتنهدت وهي تضم فهود .. وتغط بأحلام وردية فارسها هو .. *** ام فراس : معقولة ماتحضر العرس يعني فراس : والله آخر همي عرس نايف اقعد ااجل شغلي عشانه ام فراس : ولو ولد عمك عيب ماتحضر فراس : حضرت .. اليوم يعتبر عرسه الباقي شكليات وانا مضطر اسافر اسماء كانت بجوالها مو يمهم فجأة صرخت بصوت عالي : اككككرهااااا !! فراس رمى الوسادة اللي بحضنه عليها : وجع بعد ! وش هالصراخ رجيتينا ام فراس : وش فيك بعد ؟ اسماء : هالتافهه سجية جالسة تراسلني قال ايش قال وش فيك اليوم علي ترا ما كليت حلال اهلك ... ( مسكت جوالها تكتب بعصبية ) كلي تبن كلي تبن ... الله ياخذها عيت تفهم اني ما أطيقها أم فراس : اسماء !! عيب هذي بنت عمتك اسماء : فراس ! اسالني ليش انا اكرهها فراس : اسف ماني مستعد اسمع سخافات مراهقات اسماء : بالضببببط !! عشانها مراهقة سخيفة فراس : طالعه منها بسم الله عليك ام فراس : والله سجى حليوة بس انتي قشرا محد يقدر عليك .. لو فراس يطيعني كان خطبتها له اسماء شهقت : سجى لفراس ؟! ام فراس : شفيها يعني ؟ عمتك عطتني كم تلميح قبل كذا .. وانا والله أحب البنية فراس بسخرية : تزوجيني وحدة لو انا متزوج خلفتها اسماء : هههههههههههههههههههههههههههههه يالشايب ! ام فراس : زين انك عارف انك ماعدت صغير اسماء : لا فراس خل منك سجية ذالمهبولة ذي ياويلك تاخذها ... وععع مزعجة وكلش تكرهه فيها فراس وهو بالجوال مو يمهم : ان شاء الله اسماء : شاطر ! ام فراس : هو يقرر يتزوج وان شاء الله مب سجى .. شفتي مير غادة والله حرام تضيع من بين يدينا اسماء بقهر : متزوجة ام فراس : بذمتك ! اسماء : ايه فجأة وحنا نسولف معها اكتشفنا انها متزوجة وحامل بعد ام فراس : حرام صغيرة والله مابان اسماء بحماس : فراس تفوتك مشخ فراس دون اهتمام : الله يخليها لراعيها اسماء : غنمة هي ! فراس ضرب راسها بخفة بكرتون المناديل اللي جمبه : اسكتي يخي خلاص ماتتعبين اسماء : لااا طفشت !! تو باقي سالفة هوشتي مع الشغالة فراس قزها .. اسماء : خلاص خلاص ! بس بقولك شي واحد بس فراس بصبر : قولي اسماء : هما .. نايف بيروح مع زوجته المالديف فراس : طيب ؟ اسماء : يعني وانا اشتهيت اسافر .. من زمان ماسافرت و ... تكفى تكفى نبي نسافر برا فراس : بدر فاضي قولو له يسفركم اسماء بحمق : بدر بعد ماعطاني وجه ! مير وينه ؟ بالغرفة يغازل بقرته .. ( صرخت باعلى صوتها ) بددددددددررر !! ام فراس : مب سامعك .. والله انا مستحية قدام امها اخاف تنتبه على هالمكالمات اللي ماتخلص واجي بنص ثيابي فراس : اسوم اجلي لي هالسفرة اللحين .. بسفرك وعد بس اتركيها على التساهيل وبضبطها لك اسماء بحماس وقفت : صدق صدق صدق ! فراس ابتسم: وانا عمري كذبت عليك ؟ صعد لفوق .. اسماء جلست : سخيف فراس ابتسامته حلوة ونادر نشوفها ام فراس : الله يحفظه يارب *** صحت غادة من النوم على صوت جوالها : الو احمد : صح النوم ! غادة طالعت الساعة : ايه شنو لسى بدري الساعة 9 احمد : حنا وصلنا .. ساعه كذا ونكون عند الشقة انزلي غادة : هاه ! ليش ؟ احمد : شنو ليش هذي ؟ غادة : حمادة اخر ايام لي مع اختي .. ابي اجلس عندها انت اجلس مع اهلك احمد بحدة : لا ! واخلصي اجهزي ياويلك تأخرين مانزلتي غادة شدت قبضتها وهي تسمع اصوات خواته عنده : ماشي .. احمد : يله .. طوط طوط فتحت ابتسام عيونها : شنو غدو شمصحيك ؟ غادة : احمد وصل وجاي ياخذني ابتسام : لاا .. ماتقدري تجلسي ؟ غادة : لا ابتسام احراج اقوله لا ولا هو عادي .. يله ماعليه بكرة بشوفك بالاستراحة ابتسام تنهدت : اوك غادة : البسي اللي قلت لك ابتسام ابتسمت : اوك قامت غادة ترتب شكلها .. وتجهز شنطتها وترتب اغراضها وهي تحس باحباط , مامداه على طول دق : انزلي لبست عبايتها ونزلت .. كان شوق قدام وهند ورا .. ركبت ورا : السلام عليكم : وعليكم السلام ! غادة لازم تحسن اسلوبها مو من صالحها يعصب عليها هالفترة ويمنعها من الزواج او شي : كيفكم ؟ : حمد الله بخير ... على البركة عرسكم غادة : يبارك فيكم .. والله لو حاضرين كان بس يله بكرة مسوية عزيمة بشاليه لهم هند وهي واضح منقهرة : وين هالشاليهات غادة : ما أدري بس برا الرياض .. حياتي كلم هيثم وبيقولك فين احمد مارد حتى ... من دخلت ماسمعت صوته : احمد احمد : نعم غادة توترت .. شعنده ذاه معصب : فين حجزتو ؟ احمد : بجهنم الحمراء غادة : شفيك ؟ صاير شي ؟ احمد : سلامتك ياموجبة سكتت غادة احسن لها لايزودها قدام خواته وهي ماراح تتحمل وقتها اول ماوصلوا انفصلو بالشقق هي واحمد لحالهم بشقة واهله بشقة حمدت ربها .. اخر شي تتمناه تجلس مع اهله بنفس الشقة اول مادخلت طالعها بنص عين : ليش مارحتي مع خواتي تسلمين على أهلي ؟ غادة : ولا يهمك بروح اللحين احمد دون نفس : خلاص وش عقبه ! لازم الواحد يقولك كل شي بهيمة انتي غادة فصخت عبايتها وكان شكلها فاتن على بساطة لبسها بنطال طويل وبلوزة وسيعة وشعرها الستريت لخصرها فاتحته .. وقفت قدامه وحضنت يده بيديها : شفيك حياتي معصب ؟ كذا تستقبلني وولدك بهالمزاج وحنا المشتاقين لك احمد : واضح مرة مشتاقين لي ترفعت غادة وطبعت بوسة على خدة : عندك شك سحب احمد يده وابعد عندها : اسلوب السلق هذا ماينفعك اللحين .. اصلن انتي وحدة ماتحترمين لانفسك ولا انا ولا أهلي , اجل كذا ولا حتى اخوك كلم ابوي يعزمه غادة : مو صحيح .. هيثم عطا عماني كلهم خبر على انهم حلفو مايجون احمد : تكذبيني بعد ! غادة بلعت ريقها : ماقلت كذا .. بس .. ( تنهدت ) اللحين حنا شدخلنا بين هيثم وعماني ؟ انا مذنبة شي ؟ احمد : انتي نفسك ماكلفتي روحك تصرين علي ولا على اهلي نجي ! رحتي تركضين بشنطتك مع أهلك غادة يأست منه .. راحت للكومدينة وجلست قدامها ترتب شعرها .. احمد : انا جالس اكلمك !! غادة ببرود وهي تمشط شعرها : ياقلبي انت معصب معصب .. وايش ما أقول او اسوي بهاللحظة ماراح تفرق معاك بتضل تتهمني وتحطها علي , فانا ليش اتعب نفسي ؟ فجاة حست به وراها مباشرة وهي تشوف صورته بالمراية .. ومسكها من عنقها بقوة وهو يطالعها بحدة من المراية : حسك عينك تتبعين معي هالسياسة مرة ثانية ! وقت اتكلم معه ماتعطيني ظهرك وتروحين تسوين شعرك !! سااااامعة ؟ غادة : احممد جالس تعورني احمد لفها له وباسها باسلوبه الهمجي المعتاد .. دفرته غادة من صدره بخفه : مالي خلق اللحين احمد احمد رفع حواجبه : شنو ؟! غادة والعبرة خانقتها : ماني بهيمة .. والله والله ماني بهيمة تهاوشني ثم على طول تجيني كأني عبدة احمد قرب بخطوات ثقيلة وهي تبعد على ورا سحبها من خصرها وحاوطها دون يبالي لها او لمشاعرها , غادة حست مشاعرها ميته بهاللحظة .. ماتدري وش هالانسان بالضبط حتى قربه يجبرها عليه *** ميهاف طلعت من غرفتها بتنزل لتحت .. بطريقها ضلت تطالع غرفة لؤي طقت الباب بخفة مافيه اجابة فتحته ببطء كان موجود قدام نافذة غرفته : اححم اححم التفت لها .. ابتسم : هلا ميهاف تفضلي ميهاف تقدمت لحد ماصارت جمبه : شجالس تسوي ؟ هز كتوفه : ولا شي ميهاف تنهدت : لؤي صاير معاك شي ؟ ترا حتى امي ملاحظة .. من رجعت من الكويت وانت مولؤي لؤي : مافيه شي ميهاف .. هذا انا بس انتو نسيتوا ميهاف : صاير شي مع الحلوة ام عيون صح ؟ لؤي التفت لها : والله وصايرة تقفطين ميهاف : ههههههههههههه وبصير انصح كمان لؤي : مافيه داعي ميهاف .. ماعاد فيه حلوة ام عيون بحياتي ميهاف وهي تحس براحة داخلها انها ما استمرت : وليش ؟ لؤي : الظاهر ان الحب ممنوع بحياتي ميهاف : لا تقول كذا لؤي .. لاتخلي تجربة فاشلة وحدة تموت قلبك لؤي تنهد : ما مات قلبي ولا ماكان جلس يعذبني كل ليلة .. صورتها محفورة براسي تطاردني وين ما اروح حتى لو ما أبي ميهاف زعلت على حالته .. لؤي عاشق من جد وطبيعته الحساسه مأثرة فيه : عشان الموضوع لسى جديد .. مع الوقت بتنسى هذي هي فطرتنا لؤي : ما أتوقع انها فطرتي .. انا ماراح انساها صدقيني واذا هي ماتبيني انا ما أبي غيرها ميهاف : انت صارحتها ؟ لؤي : لا .. بس كان واضح , عبرت لها بمليون طريقة تكون غبية لو مافهمتها ميهاف ضغطت على نفسها : جرب تعبر بالطريقة المباشرة ترا حنا البنات غريبات مانفهم الاشارات او نتجاهلها لازم احد يحجر لنا لؤي سكت وهو مقتنع ان حتى الطريقة المباشرة ماتنفع .. هي استأصلته من حياتها خلاص .. ميهاف : يله روق .. بكرة راح يكون وناسة وشاليهات مو حلوة تكون متكدر لؤي ابتسم : ماني متكدر ميهاف , قلت لك هذا انا بس انتي عشان عرفتي صرتي تحللين ميهاف : اتمنى يكون كلامك صح .. تعال انزل شوف امي ونايف تحت يخططون للعرس جابو العيد لؤي : ههههههه دام السالفة فيها نايف اكيد بيجيب العيد ميهاف : آخر طلعاته مايبي يحضر العرس بينتظر في الفندق ولاخلصت هي تجيه لؤي : ههههههه الله يعينها عليه من اللحين *** يوم الشاليهات .. كانو عائلة آلشمري واصلين هناك من بدري من الفجر لأن نايف كان متحمس يروح ولقاها فرصة زواجه يعطونه وجه ويصرفون دون حدود ... كان نظام الشاليهات مباني .. مبنى الحريم ومبنى الرجال ومبنى الخدم وكلها لها نفس الحديقة , وكل مبنى ملحق بغرف نومه .. كانت ميهاف واسماء وسجى ووداد بعباياتهن وطالعات يبن يتمشن بالحديقة بطريقهن انتبهن لنايف جوا شنطة السيارة جالس القرفصاء يطلع اغراض له ميهاف : نايف ؟ نايف التفت كان لابس بنطال برتقالي وبلوزة علاق بيضا وفوقها جاكيت قطني مقلم اسود وابيض وشعره البني مصبوغ مو طبيعة ومموج بطبيعته ونظاراته الشمسية كان شكله يدوخ ابتسم : هلا بالحلوات اسماء : مبروك نايف .. بصراحة بصراحة يعني حظك في الثانية احلى من الأولى نايف : هههههههه بيارك فيك وعقبالكن كلكن .. اختي ووداد اسنعكن انتي وسجى اخلصن عاد اسماء : والله انا لو أبي من السنة اللي فاتت .. بس انا اسوم مو حي الله نايف : انا اشهد بصراحة ... ميهاف ساعديني انزل هذي ميهاف : يوه نايف ثقيلة اكيد ! نايف : ادري انها ثقيلة عشان كذا ساعديني ميهاف مشت لعنده تساعده تشيل الشنطة لحد نزلوها : يله فارقوا عاد شموقفكن هنا ؟ اسماء : نسلم ونقوم بالواجب ! نايف : اقلبي وجهك عاد ياراعية الواجب اسماء : هاهاها صفحة كم اقلبه ؟ نايف : هههههههههه ياسمجك راحو البنات يتمشون بالمكان .. استنشقت سجى الهواء : ابي اعيش هنااا !! ميهاف :من جد المكان يفتح النفس وداد : اقول ميهاف صرنا نص العصر وهم ماجو .. بيتأخرون بعد ؟ ميهاف: والله ما أدري اخاف ضيعوا اسماء : الله العروسة ضايعة .. ولازم البطل العريس يدورها ثم يلقاها ويحميها ميهاف : بس بس يالاحلام انتي .. تعالوا نرجع اصلن مو حلو نتمشى لحد مايجون خل نشوف الحديقة مرة وحدة مو نتعب ولا جو مانعرف نقوم رجعوا البنات لداخل الشاليه .. ميهاف : ماما فينهم تأخروا ؟ ام نايف : تو دقيت عليها تقول تو دخلنا الشاليه دقيقة وتكون هنا بعد فترة دخلت ابتسام وهي لحالها .. سلمو عليها الكل .. اسماء على طول : وين غادة ؟ ابتسام : هههههههههههه شوي وبتجي ميهاف : ليش مو معاك ؟ ابتسام : لا انا جاية مع اخوي .. هي زوجها وصل الرياض بتجي معاه ام نايف : اها .. اجل حياك خذي راحتك فصخت عبايتها وراحت لعند المراية تضبط شكلها : شعرها الأسود بارمته من الجوانب بشكل مرتب .. والفستان زايدها رونق مع طولها , ومكياج ناعم بدرجات الخوخي راحت تجلس مع البنات : بصراحة الشالية شكله يجنن بس شفت منه وحنا بالطريق روعة ما شاء الله ميهاف : جالسين ننتظركم عشان نتمشى كلنا فيه .. بس دقي على غادة لا تتأخر اكثر وتغيب الشمس وماعاد نلحق ابتسام : اوك دقت عليها جاها صوتها : ايوه ابتسام : كم بقى على ماتوصلون ؟ غادة بقهر : زوجة عمي وبناتها بالطريق .. ابتسام : ايه وانتي ؟ غادة : حضرته نايم ابتسام : صحيه او كان جيتي مع عمي طيب ! غادة : ابتسام لاتوجعيني تكفين اللي فيني كافيني .. يعني ماحاولت ! ابتسام ماقدرت تتكلم لانهم يطالعونها : عجلي اهم شي .. سكرت ابتسام : خل نقوم نتمشى .. غادة بتتأخر اسماء : ليشش قهر ابيها تشوف ! ابتسام : فرصة ثانية .. صارت معها ظروف معليش *** عند غادة سكرت السماعة .. وكانت لابسة وجاهزة حتى انها عادت على مكياجها مليون مرة .. بس حضرته نايم ولما صحى صحى وقال كلمة وحدة " تطلعين من الشقة قبل اصحى اكسر رجليك " وجالسة رجل على رجل منقهرة مفروض هالايام بالذات تنبسط وهو منكد عليها .. راحت لعنده: احمد ... احمد هزته من كتفه : احمد احمممممد !! احمد : نعم ! غادة : ممكن تقوم عشان نروح ؟ احمد : ممكن تسكتين ؟ غادة : احمد تكفى حتى اهلك راحوا .. وحنا لسى احمد : كم الساعة ؟ غادة بقهر : 5 احمد : عقب المغرب بنروح غادة : لااا .. متأخر مرة .. احمد : اوهوووووووه بتنطمين ولا بنروح عقب العشاء غادة : شسالفتك أنت ؟من جيت الرياض شغال فيني نكد .. يعني ماراح تبسطني ولا تخلي الناس تبسطني احمد كان نايم مو معها .. جلست بحمق وهي تحس بقهر .. كانت متحمسة حتى اكثر من ابتسام .. *** ابتسام انقهرت لما شافت زوجة عمها وبناتها داخلين وام مرزوق وبنتها صفيه ( 23 سنة ) .. واختها جالسة مع ولدهم لكن سلمت وهي تحس معاملتهم متغيرة بشوشين ويسلمون ومن الكلمات الصادمة .. ام احمد : الله الله با بتسام عاد بحسبة بنتي اسماء عقب ماسلمت طالعتهم : وين غادة ؟! ابتسام : احمد نايم وسحب عليها اسماء بعفويتها المعتادة : كلموا ولدكم يجيب البنت ولا وصينا لها سواق ام احمد ( مالت امداهم يحبونها ) : ههههه الله يصلحها غادة يعني احمد تعبان بس بيجون اكيد ام نايف : حياكم الله .. تفضلي يا أم احمد تفضلي يا أم مرزوق انقهرن كلهن وهو يشوفن ام نايف وكلامها عن ابتسام واعجابها وكيف ابتسام شكلها متغير ومابط خلقهم بجد الا اسماء وسجى كل شوي يسألن عن غادة ! *** نايف سلم على باقي العائلة وهو مستغرب تهجمهم في السلام كأن مالهم خلق .. لكن ماعلق وتجاهل , هيثم : وين أحمد ؟ ابو احمد : الظاهر عنده كم شغلة بيخلصها وبيجي هيثم رفع حواجبه بعدم تصديق : اهاا ابو نايف ما أعجبه ابو احمد وابو مرزوق نهائي ولا عيالهم .. ومستحقرهم طول الجلسة وشايل هم وجودهم بزواج ولده بنظره هالاشكال تفشله لكن سكت دون يعلق وانشغل يسولف مع ربعه المعتادين , ماصدق هالولد يتزوج اصلن نايف حاس بفمه : والله ما كأنكم عيال عم مرزوق بعربجة : وش قصدك يالسنافي ؟ نايف برواقة : سلامتك مفلح ماقصدي شي مرزوق : مرزوق مرزوق ! نايف : مرزوق مفلح I don't care مرزوق : وشك تقول ؟ ابتسم هيثم بسخرية من الحال : يقول سلامتك ابو نايف : سمعت يافراس انك بتسافر وماراح تحضر العرس فراس : والله ياعمي هالصفقة اسبوع وما اوكل احد يقوم بها غيري .. والحمد لله حضرنا الكتاب وهذا اهم شي ابو نايف : حاول طيب فراس : مافيني .. طيارتي الليلة على العشاء كذا بمشي ابو نايف : الله معاك أجل الكل انغمس بالمجلس .. ماعدا عائلة ابو مرزوق وابو احمد لانهم حالفين على حالهم ماينغمسون مع احد وجايين نكد بس .. وقف نايف : بدر تجي معي بدر : وين ؟ نايف : شنو وين ملل خل نطلع ! طلعو .. بدر كشر : وش هالعالم ..؟ شفيهم متهجمين ومحد معجبهم نايف : هذا حظ خويك اللي زي وجهه بدر : وانا جالس اقول اخوها معقد .. طلعو عمانها العن والعن نايف : منهم لحالهم مالك فيهم .. تعال بس نوسع صدرنا تراي جاي اتوسع لاتضيع علي بهالحكي اثناء ماهم يمشون انتبهو لمجموعة كبيرة من البنات يمشون .. بدر تنهد : لبى السنفورة اللي بينهم نايف طالعه بنص عين : عيني عينك كذا ! بدر : هههههههههههههه شفيك قصدي اسوم نايف : ايه رقعها هاه ! بدر صوت من بعيد : اسسسسسوم اول ما أنتبهو البنات للصوت .. غطت ابتسام وجهها وهي بتغوص داخل ملابسها لما شافته واقف جمب اللي يصوت .. طالع شكله غير مع شعره البني المتموج الاجعد والالوان الناصعة نزلت راسها بسرعة .. اما بنات عمها كلهن شخصن يفكرن أي واحد من هالوسيمين هو نصيب ابتسام , شوق انجلطت وهي تشوف بدر معروف بكل مكان .. بس هي مو بدر اكيد اللي جمبه اجل ومايقل وسامة عن بدر ابدا .. اسماء : هااااااااااااااه ! بدر : سلامتك اسماء بهمس : ياثقل دمه .. يعني شوفوني بس ! امشو امشو بس ميهاف ابتسمت وهي تشوفه : حرام عليك .. يختي كان بيقولك حاجة بس الهاه حقتك خلته يتراجع صفية : هذا زوجك ابتسام ؟ ميهاف : لا لا .. اللي جمبه اللي بالبنطال البرتقالي انقهرن طول عمرهن يضحكن على ابتسام وجاها نصيب .. احسن من نصيبهن 100 مرة .. اما ابتسام كالعادة ماتتجرأ تشوفه حتى على طول تصرف عيونها لجهة ثانية .. كملو البنات طريقهن .. وكلهن انذهلن بتصميم الحديقة المدروس كلش فيها يفتح النفس ظلن يتمشن بالمكان لحد المغرب رجعن لداخل .. ام نايف : هاه يا ابتسام اعجبك المكان ؟ ابتسام : حيل .. ما شاء الله يفتح النفس ويجدد الروح دق جوال ميهاف ردت على طول : اهلين .. اللحين ؟!! ... لا مقدر طيب وش رايك تجين عندنا اذا مستعجلة ... ايه تمام اوكيه تاففت اول ماسكرت ..ام نايف : شفيك ؟ ميهاف : المصممة اللي تصمم ثوبي حق العرس .. دقت تقول بتسافر ولسى ما خذت مقاساتي اسماء : ارسليها لها ميهاف : لا مقاساتها دقيقة تقول لازم اخذها انا ام نايف : وش بتسوين ؟ ميهاف : قلت لها تجي هنا .. وماعندها مشكلة برسلها خريطة الموقع وتجي ام فراس : اجل مافيه مشكلة خلاص ميهاف : مو وقتها اللحين بتجلس ساعة تاخذ المقاس ! اسماء : احمدي ربك اللي رضت تجي اصلن *** بعد المغرب .. تطوع احمد وصحى اول مارجع كانت جاهزة بعبايتها : يله ! احمد جلس بكسل : ضروري نروح؟ غادة : ششنو ؟! احمد انا متجهزة من اول .. طبعا ضروري اروح احمد حاس بفمه : والله مالي مزاج غادة بقهر : ليش ماقلت من اول طيب اركب مع عمي ولا هيثم ! احمد : الحرمة تبع زوجها .. شدخلك تركبين معهم غادة : مالي دخل ابي اروح ! احمد : مو ضروري .. تو كلمتني امي وتقول الجو مايسوا ارتاحي غادة : امك امك امك !! اصلن مو مدمرنا ولا حايسنا الا امك .. من تقول كلمة تتأثر بها مالك راي شخصي ! احمد : هذي امي غادة تاجي راسي وراسك !! احترمي نفسك لا جيتي تتكلمين عنها غادة : طيب انا ايش ذنبي اذا امك ما أنبسطت هناك انحرم .. انا بنبسط احمد : عدلي اسلوبك لا صرتي تتكلمين عن امي .. ماترضينها ع حالك ترا غادة : والله لا صارو أهلي زي اهلك ارضى ونص .. وهذا انت كلامك يسم البدن عن ابتسام وهيثم وساكته وماكله تبن احمد : اللي بيته من قزاز لا يرمي الناس بالحصا .. وانتي عندك ام الله يستر عليها غادة انبهتت .. أول مرة احد يتكلم قدامها عن امها عند ابتسام وهيثم مايتكلمون عن الموضوع واذا فتحته يسكرونه : الله يرحمها مالك حق تتكلم في الميتين ! احمد ضحك من قلب : ههههههههههههههههههههههههههههههههههه مين ميت ؟ هههههههههه صدق انك هبلة غادة فتحت عيونها مو فاهمة : ................ احمد وهو يستمتع بملامح الصدمة ف وجهها : ياحلوة امك حية .. وسامحي اخوانك امك كانت فاجرة للحد اللي ماتشرفوا بها وموتوها في حياتها غادة ما استوعبت : ............ احمد : ايه اخوك واختك عارفين انها حية لو تبين تتأكدين اساليهم .. تدرين كل العائلة يدرون انها حية إلا انتي يامغفلة ! لو هي ميتة لقيتي اقل شي حاجة من ذكراها بس هي انحاشت ماتبيكم غادة بلعت ريقها للحين عقلها ما أستوعب : انت كذاب .. تقدم احمد لجهتها ببرود .. وهي ابعدت لورا بتلقائية : ابعد عني .. انت كذاب كذاب مستحيل .. شقاعد يصير ؟ احمد صفعها بقوة لحد ماطبع على خدها : يمكن هذا يصحيك ويخليك تصدقين غادة جلست على الأرض بعجز .. جلس احمد القرفصاء جمبها ومسك وجهها بين اصابعه : امك ال***** حية وتكذبيني مرة ثانية بكسر لك هالفك , والتفاصيل افضل تاخذينها من أخوانك ..... بس حطي ببالك شي واحد امك حية غادة كانت تطالعه بصدمة وقلبها يرقع .. قالت وكلش فيها يرتجف : كـ .. كـ ذا . ب . . انا اممي .. ميتة احمد : هههههههههههه حلو خليك عايشة بالوهم ... اثناء ما انتي تعيشينه قومي البسي عبايتك نروح غادة وهي ضامه كتوفها : مابي .. مابي اروح احمد : مو بكيفك بتروحين وانتي ماتدلين الدرب غادة هزت راسها : مابي .. مو انت ماتبي .. خلاص ... بجلس ... احمد : كان مزاجي معكر .. بس روقتيني اللحين فيله بنروح .. انا نازل ربع ساعة واحصلك بالسيارة *** هيثم كان جالس ويهز رجله .. مسك جواله ودق على احمد .. جاه الرد : هلا هيثم : وينك انت ؟! مطول بعد بجي اخذ غادة احمد : لا هذا حنا بالدرب معليش تأخرنا غادة تبي السوق وكم مشوار هيثم : يله اجل ! أبو نايف : وين هالشباب راحوا يسوون الشوي ولا عاد رجعوا ابو فهاد : ماعليك امر يا أبو مشعل تروح تشوفهم هيثم : ان شاء الله أول ماطلع كان بدر جالس القرفصاء ونايف واقف جمبه وكلهم محتارين .. نايف : والله انت المخرف ! يحطون فحم مب حطب بدر : شنو فحم دخون هو ! حطب حطب ياتنك نايف : وش هالشواية الغبية مامعها ورقة تعاليم تقول فحم ولا حطب ! هيثم طالع الآلة اللي مجتمعين عندها .. آلة شوي : لا حطب ولا فحم نايف طالعه : هههههههههههههههههه هلا هيثم ابتسم هيثم وحرك بيده المؤشر على جمب واشتغلت الآلة وصارت تحرر : خلاص كذا زانت بدر فتح عيونه : بهالبساطة ؟ مافيه فحم هيثم : هههههههههه تشوي بر انت ؟ بدر : هههههههههههه ما أشوي خير شر .. بس هذا متسنع حالف يشوي هو نايف : لا تفشلني قدام النسيب .. والله اعرف بس آلتهم هذي مخرفة انتبه نايف لسيارة احمد ... نايف : مين ؟ هيثم : احمد بدر : ايييه .. وقفت سيارته ونزلت غادة ودخلت داخل وهو تقدم لعندهم مروق وسلم على هيثم وبدر ونايف ... هيثم : هذا احمد ولد عمي مصعب ونسيبي نايف رفع حواجبه : هلا بالعديل اجل بدر : حياك تفضل دخل احمد وهيثم ... التفت بدر لنايف : اخيرا واحد شكله صاحي فيهم نايف : حكمت انه صاحي من سلام ؟ بدر : اقل شي اسنانه مب صفر نايف : هههههههههههههههههه بهذي معك حق *** دخلت غادة الشاليه .. بس رجلها وقفت مجرد ماراح احمد وجلست عند درج مقدمة الباب شهقت شهقة مكتومة .. سدت فمها بيدها ( لاتصدقينه .. كذاب ... كذاب ) بالداخل اثناء مالحريم جالسات على قهوة .. دق جوال شوق : هلا احمد التفتت لها ابتسام : اساليه متى بيجون ؟ قامت شوق بعيد : انت هنا ؟ وين غادة اجل ؟! احمد : مادخلت ؟ شوق : لا اصبر بشوفها .. احمد تنهد : شوق انا خرت السالفة وقلت لها عن امها شوق شهقت : شنو ؟! احمد بعدم اهتمام : اقلقتني وفقدت اعصابي وقلت لها .. عموما شوفي وينها وطمنيني عن حالها شوق : طيب طيب راحت شوق تدور بالمكان . عند الحريم / قامت ام احمد تكلم مكالمة .. واول ماخلصت صارت تفتح البيبان بالمكان وتستكشف الفيلا بحسد , اثناء استكشافها دخلت غرفة فيها ميهاف واقفة والمصممة تاخذ مقاساتها ابتسمت باحراج : معليش شكلي ضيعت ميهاف ابتسمت : لا عادي معليش خذي راحتك ام احمد بفضول : وش قاعدة تسوين ؟ ميهاف : مقاسات فستاني لزواج نايف ام احمد : اييه ما شاء الله فتحت ام احمد عيونها بوسعها لما وقفت المصممة وشافت وجهها : لورا !! لورا ماكانت صدمتها تقل عنها : بخيته ؟ شو عم تعملي هون ؟ ام احمد سكتت ماقدرت تتكلم قدام ميهاف : انا بسوي نفسي ماشفتك .. وبطلع اول ماطلعت مسكت لورا راسها .. ميهاف استغربت : شصاير ؟ تعرفون بعض ؟ لورا ابتسمت باحراج : مافيه معرفة مهمة .. يله انا خلصت وبدي افل فستانك بيكون جاهز بالموعد ميهاف : ماعندي شك لورا يعطيك العافية اول ماطلعت ام احمد وهي منصدمة .. المهبولة لو تدري انها جالسة تصمم فستان لزواج بنتها !! قابلتها شوق : يمه ! شفتي غادة ؟ ام احمد : لا بس تخيلي من شفت ! شوق : من ؟ ام احمد : لورا .. زوجة ابو هيثم شوق فتحت عيونها بصدمة : من جدك ؟!! ام احمد : ايه بس انتبهي يزل قدامك قدام ابتسام وغادة .. سوي حالك ماعرفتي بشي شوق : ان شاء الله .. بس وش تسوي هنا ؟ ام احمد : حضرتها مصممة شوق : عندي فضول اشوفها ! ام احمد : مالت عليها مالك فيها شوق دق جوالها " احمد " : افففففففففف انا رايحة ابثرني احمدوه كانت غادة جالسة بمكانها قدام الباب بعبايتها دون الطرحة ومسندة راسها على ركبتها وشعرها مفروش .. انتبهت لصوت جمبها رفعت عيونها حصلت شابة بكاب وشعر اشقر ونظارات شمسية .. ابتسمت لها وركبت سيارتها , ابتسمت غادة دون نفس وهي تشوفها تروح .. طلعت شوق : اخيرا لقيتك ! التفتت غادة دون تتكلم : .............. شوق ابتسمت بخبث : شفيك كل هذا زعل عشان ام حية ! عادي اعتبريها ميتة اصلن ماتفرقين عندها انتي غادة : حتى انتي ........ شوق قاطعتها : وكل الناس تدري .. كل العائلة السر مخبى عليك انتي وبس غادة : ........... شوق : تبين سالفة احسن بعد ؟ بغرفة ميهاف بتحصلينها .. جايه تصمم فستانها .. كيفك لاتصدقين بس لو شفتيها عرفتي على طول فتحت غادة عيونها .. الحرمة اللي تو مرت من جمبها التفتت غادة للسيارة اللي تمشي مبعده وقفت بسرعة وركضت ليمها دون هدف .. شوق : غااااااااااااادة !! وين راااااااااايحة ؟ ........... ياويلي ياويلي رحت فيها وش بتسوي هالمجنونة.. اعلم احد ! لو مو ضروري شدخلني غادة كانت ضايعة .. ركضت دون هدف حتى لو طلعت شوق كذابة ماتبي تفوت ولا فرصة 1 % طلع صوتها بصعوبة من حلقها : مــاما ! لكن السيارة كانت تمشي ببطء بسبب تضاريس المكان , اول ماقربت من السيارة اسرعت السيارة بسرعة فجأة وكانها تهرب منها .. رجلها ماعاد تطيعها تركض حتى لو هي عارفة انها ماراح تلحق .. كان صوتها واضح صرخت بجنون تبي السيارة توقف .. لكن صاحبة السيارة كانت متعمدة التجاهل : مااااااااااااااااااااامااااااااا !! يممماااه .... صرخت لحد ما اختفى صوتها *** وقف فراس واستأذن لموعد رحلته .. اول ماركب سيارته وقف عنده بدر : توصل بالسلامة فراس : يسلمك .. وانتبه لأهلي بدر : اهلك اهلي ترا فراس : اجل في امان الله ساق بسيارته لطريق مخرج المزرعة .. بطأ السرعة فجاة وعقد حواجبه وهو يشوف قدامه وحدة بعبايتها وشعرها طويل لخصرها تركض بجنون وتصارخ على السيارة قدامها ... حاول يحلل من السيارة اللي قدامه لكن ماعرف , انتبه للبنت فجأة توقف وتفصخ جزمتها وتكمل ركض استغرب , من هذي ؟ وش هالسيارة ؟ الشاليه ملكية خاصة وش هالفوضى ! وقف سيارته تماما لما تعثرت .. احتار وش مفروض يسوي ؟! نزل وقلبه قبضه وهو يشوفها جالسة وراسها ساندته على الارض وتبكي بانعصار وهي تردد " يممممه " .... تقدم ببطء وهو اول مرة يمر بموقف كذا همس بخفة : اختي التفتت بسرعة لما حست بأحد .. فراس توترت اعصابه لما التفتت له فاتحة عيونها الغرقانة دموع بدهشة وفمها الصغير يرتجف : ............ وقفت غادة بعجز وهي مو مستوعبة وين وصلت او كيف وصلت هنا ركضت دون هدف حتى ضيعت مكانها اول ماوقفت رجعت تتعثر انتبه فراس لرجلها المجروحة بقزازة اثناء ركضها التفت فراس للجهة الثانية ويدة ورا رقبته : ...... غادة صارت تطلق شهقات مكتومة وقالت بصوت مرتجف : كـمل .. طريقك فراس دون يطالعها وهو متوتر من وضعها قدامه : تقدرين تمشين ؟ غادة رجعت عيونها تنهمر : ........ فراس عرف انها مو من أهله .. لو هي وحدة من بنات عمه عرفها على طول : انتي مين ؟ غادة : ............ فراس ماعرف كيف يتصرف دق على أمه : هلا فراس فراس ابعد عنها شوي : يمه تعالي مع السواق بطريق مخرج الشاليه ام فراس : ليه ؟ فراس واعصابه مضغوطة : مو وقته يمه ! تعالي وبس ام فراس : طيب طيب فراس : بسرعة !! رجع فراس لعندها كانت واقفة وتمشي بالجهة الغلط للرجعة وتعرج بمشيتها .. مشى فراس لعندها : هذي الجهة غلط التفتت غادة بصمت .. ثم قالت بشرود : وين الجهة الصح ؟ فراس : اركبي السيارة .. برجعك للشاليه غادة قالت بصوت مبحوح : هـي.....لبنـ ...مافية .. انا .. فراس عقد حواجبة .. شقاعدة تقول ! انتبه لسيارة السايق تجي نزلت ام فراس شهقت وهي تشوفها : غادة ! ( التفتت لفراس ) شصاير ؟ فراس : علمي علمك ... خذيها معك يمه ولاتثقلين بالاسئلة البنت حالتها سيئة ام فراس بهمس : وش كانت تسوي هنا ؟ فراس بين اسنانه : وقته يم ! خذي البنت قربت ام فراس من عندها : غادة وينك لنا ساعة ننتظرك ؟ غادة : ابي .. جوال .. جوالي طافي .. ام فراس : ارجعي معي الشالية وبعطيك الجوال غادة بخنقة : ماراح ارجع .. مابي ارجع .. ام فراس احترمت حالتها وهي مستغربة التفتت لفراس : فراس يمه هات جوالك .. انا جوالي بالشاليه عطاها فراس جواله وهو يطالعها متفاجئ من هالحالة .. دقت غادة على رقم : احمد .. احمد : من ؟ غادة بهمس : غـادة .. احمد : نعم شتبين ؟ وينك اختي لها ساعة تدورك غادة : عند مخرج الشالية ... تعال رجعني .. احمد ارتبك وش موديها هناك : جاي جاي سكرت السماعة وهي تمسح دموعها ومنزلة راسها ... بينما ام فراس وفراس كانو في حيرة وش اللي صاير يخليها بهالحال ؟ وصلت سيارة احمد بسرعة اللي حس انها مشكلة صدق لما شاف الحرمة وفراس وغادة حالتها مبهذلة , كان متوقع يرمي عليها هالصاعقة ومايشوفها كذا .. مشت غادة ببطء وقبل تروح التفتت لأم فراس : لا تقولي .. لابتسام شي .. رجاء ام فراس ماعرفت شتقول : ولا يهمك بس انتي بخير ؟ ماعلقت غادة وسحبت رجلها لحد ماركبت .. ام فراس : بسم الله الرحمن الرحيم .. شصاير لها ؟ فراس وهو شاخص بعيونه بالسيارة وهي تروح : من يدري شصاير معها ؟ ام فراس تنهدت : الله لا يبلانا ويعين .. ها في رايك ما اقول لاختها ؟ فراس : في رايي مانحسس اختها ولا حتى هي انا شفناها بهالحالة .. ام فراس : قولتك .. فراس : انا ماشي يمه , في امان الله ام فراس تنهدت : الله معـك ركب سيارته وهو يتسائل وش اللي صاير عشان تكون بهالحالة .. تنهد البيوت مليانة اسرار من انا عشان اتكلم ؟ اول ماوصل المطار وقبل يركب طيارته دق جواله .. رقم غريب عقد حواجبه ورد : نعم : السلام عليكم .. فراس ؟ فراس : أيه فراس معاك , من معي ؟ : انا احمد .. زوج غادة اللي قبل شوي .. فراس : اهلا , امر بغيت شي ؟ احمد : لا بس حبيت اعتذر عن الموقف .. معليش هي البنت كذا مجنونة شوي والحالة هذي تراودها كل فترة بشكل طبيعي فراس رفع حواجبه بعدم تصديق: ماكانت دموع وحدة مجنونة ... عموما منت مضطر تفسر لي شي احمد سكت لفترة ثم سكر السماعة .. *** ميهاف : لا لا بدر صعبة بدر : مو صعبة ولا شي .. انا بسيارتي تعالي شوي سالفة سالفتين وارجعي ميهاف : هممم والله بيحسون علي بدر تنهد : قولي لهم بروح اكلم مكالمة وبطول .. لاتصعبينها ميهاف ميهاف : واذا عرفوا ! بدر : واذا عرفوا مو آخر الدنيا .. يله عيني تكفين وربي واحشتني حيل ميهاف بتردد : اوك لعيونك بس ماحطول بدر : فديت عيونك والله .. سيارتي ورا المبنى اجل تعرفينها ميهاف : اوك .. سكر بدر السماعة والتفت لنايف اللي جالس يسولف مع هيثم : انا رايح شوي وراجع نايف : لوين ؟ بدر : مالك دخل نايف : هههههههههههه افا طلع بدر لبرا بينما قال ابو فهاد : يعطيك العافية يانايف على هالشوي .. والله طلعت مو سهل نايف : ههههههههههه مو انا , هيثم اللي مسويه انا ماعرفت حتى اشغل الآلة ابو نايف : والله مبروكة يدك ياهيثم .. مو بس جراحة يعني هيثم : فيه العافية لؤي : بجد شغل رايق مرزوق : هع هع اجل شكلكم ماذقتوا شويي نايف : لوك متحرك من مكانك ما عفنا مرزوق : هههه المرة الجاية ان شاء الله نايف ( الله لايقوله ) : .......... هيثم وقف : اكرمكم الله .. حنا نستأذن بنمشي اللحين ابو نايف : وين بدري ؟ هيثم : لا والله يابو نايف عندي موعد ضروري بكرة بدري , وابي الحق انام كم ساعة قبل ابو نايف : اجل في حفظ الرحمن طلع هيثم .. نايف بعد فترة طلع يغسل انتبه لهيثم لسى واقف : مارحت للحين ؟ هيثم : والله ادق على ابتسام ماترد .. معليش تشوف الأهل داخل عشان تطلع نايف : ولا يهمك دخل نايف اول مادخل قابلته بالممر كانت متسندة على الجدار وواقفة وجوالها بيدها وشاردة ..كان شكلها يجذب بألوان فستانها الناعمة مع بشرتها الصافية وشعرها الأسود حاست ببوزها مكشره وهي تحط السماعة باذنها واضح تحاول تتصل بأحد ... تنحنح نايف عشان تنتبه له : اححم رفعت ابتسام راسها ومن ربكتها طاح جوالها رفعته من الأرض كان منكسر ... نايف : انكسر ؟ ابتسام بلعت ريقها : آآ شكله .. عادي بصلحه بعدين نايف : شكل عندك مكالمة ضرورية .. تستعملين جوالي ؟ ابتسام بارتباك وهي تحرك شعرها لورا اذنها : لا مافيه داعي نايف : كيف الجو اليوم ؟ اعجبك :؟ ابتسام ابتسمت بنعومة : مرة .. شكرا نايف انتبه على نفسه لما حس انجذابه زاد لابتسامتها شاح بنظره لجهة ثانية يصرفها عنها : هيثم برا ينتظرك .. ويدق ماتردين ابتسام : اوك دخلت لداخل ونايف يراقبها وهي تبتعد : اذا جوالها بيدها شدعوة ماترد على اخوها ! دخلت ابتسام لداخل وهي تلبس عبايتها .. اسماء باحباط : بتروحي ؟ ابتسام : ايوه خلاص الوقت تأخر اسماء : ماشفتي ميهاف ؟ فجأه اختفت !! ابتسام : ما ادري اخر ماشفتها كان طالعه لبرا حطت اسماء عبايتها وطلعت لبرا تدورها : ميهااااف ... ميهاااف انتبهت لنور سيارة اجهر عيونها غطت عيونها بذراعها : اففففففففف وججعع من هاللي راكن سيارته هنا ضيقت عيونها وهي تنتبه للي داخل السيارة .. مستحيل تنسى شكله كل يوم تتمقل بصورته .. كبست اكثر من مرة تتأكد .. وهي تشوف ابتسام تركب سيارته فتحت عيونها بوسعها ... |
رد: انتماءات كاذبة
طبعا التعليق الرسمى أحمد وعيلته دول حلاليف أو خنازير
ان شاء الله غادة تخلص منهم حالها يقطع القلب ، المسكينة قاعدة تسايسه وتتجنب غضبه وتسمع الكلام لكنه حقير مارتحش الا لما قهرها لؤى المتعذب مفروض يسمع كلام اخته ويصارح سارا على الأقل يرسى على بر ويرسينا معاه ههههه خلاص بدر وميهاف حاليا سمن على عسل نايف مش مكيفاه ابتسام علشان خجلها وهدؤها ؟ بيصدق مقولة مايعجبوش العجب واخيرا اسماء قابلت هيثم وعرفت انه اخو ابتسام وهيفكر يشتغل فى الرياض كده الخيوط بتتجمع وهيبقى فيه مجال للأحداث تسلم ايديك |
رد: انتماءات كاذبة
اقتباس:
وبالفعل اندماج اهل جده مع احداث أهل الرياض رايح يفتح مجال لاحداث كثيرة غير متوقعة , انتظري البآرت بكرة بإذن الله |
رد: انتماءات كاذبة
بالانتظار:welcome3:
|
رد: انتماءات كاذبة
" البارت الثالث عشر "
اسماء ماصدقت المنظر !! معقولة ؟ هي قالت لأم نايف تخطب من جدة بأسم انها تحبه بس ماتوقعت اللي ينخطب وحده تقرب له ... رفرف قلبها لفوق ابتسمت بقوة حتى بانت اسنانها يعني حلم هيثم مو بعيد ؟!! هذا هو قريب نطت من الفرحة : يسسس يييـــسس !! رجعت لداخل وهي تغني : جمعتنا صدفة .. واحلى صدفة بعمري , طب رايح فين ؟ ماتخلي ألبي بشوفتك يطير ياسمين طالعتها بنص عين وهي تمشي تغني : حمد الله والشكر اسماء مسكت ياسمين وباستها بخدها باقوى ماعندها : اااااااااااااااا اححححبببببببببببككك احلى اخت بعمري ياسمين مسكت خدها وهي مصدومة !! اول مرة تسوي معها حاجة حلوة بحياتها !! اسماء كانت طايرة .. كانه حلم وتحقق بالنسبة لها صار مو بعيد تقدر توصله *** في الظلال بسيارة بدر / كان جالس جمبها وحاضن يدها بيده طبع بوسه على ظهر يدها بنعومة : مو مصدق هاللحظة , عمري وحياتي كلها جمبي ميهاف : هههههه يمكن مو صدق , يمكني وهم بدر : راضي والله لو جنية ميهاف : المهم عيوني مقدر اتأخر لازم ارجع بسرعة بدر : استني شوي طيب .. ماودك تاخذين هديتك ؟ ميهاف : إيش ؟ لا حياتي وش داعي الكلافة وربي ما يحتاج رجع بدر بجسمه لورا واخذ كيسة متسوطة الحجم وحطها بحضنها وقال وهو يطالعها بنظرات ناعسة : أنتي خطيبة بدر مو حي الله .. وخطيبة بدر تحتاج كلافة واكثر بنص انسجامة دق جواله تافف وهو يشوفه .. ميهاف بفضول : مين ؟ بدر : اسماء !! من دخلتي السيارة وهي تدق ميهاف : طيب رد عليها بدر : تنطق مو فاضي لها .. خليني معاك انتي بس ميهاف مسكت الكيسة : افتحها ؟ بدر ابتسم : افضل تكوني لحالك وانتي تفتحينها ميهاف : ههههههههه ليش ؟ بدر : براحتك تبي تفتحيها اللحين افتحي رجع جواله يدق بدر وهو شوي ويمعط شعره : افففففففف !! ميهاف : ههههههههههه روق شوي مسك جواله وصمته : وكذا تنخرس للأبد , ولعنه بعد وش هالبثارة ميهاف : اجل بفتحها بعدين .. يله قلبي انا رايحة بدر تنهد : الله يعين قلبي مبتلا يشتاق طول عمره ميهاف نزلت وهي مبتسمة بحالمية .. وتبي تفتح الكيس بس تركته على جمب وراحت لأهلها حاليا كانت اسماء واقفة ويدها على خصرها قدام امها وصاخبة كعادتها : ليش ؟ لماذا ؟ عللي ؟ فسري نفسك ؟! ام فراس : هاو ! وانا وش دخلني ؟ ام عبد المجيد : اسماء انجنيتي ! اركدي شوي اسماء تربعت قهر بنص الصالة : ماااااااابي وينه ؟ وين دعوة امي علي بدر ؟ ميهاف فتحت عيونها : شفيك انتي شصاير ؟ اسماء التفتت لها بنظرات نارية : جييييييييتي ؟!! بدر يسكرها بوجهي الحيوان دقي انتي ماحيسكرها بوجهك ميهاف : طيب ليش كل هالحوسة شصاير ؟ ام نايف : تبي واحد مصور الملكة .. وفراس يقول ماصور ولؤي يقول مدري .. ونايف وبدر مايردون ميهاف : ههههههه ووش تبين بالصور ؟ اسماء وقلبها يدق : كيفي ! حرة ! بتمقل بها ! بعلقها ! ابيها وبس ميهاف : طيب روقي ليش معصبة اسماء : لان لي ساعة اشحذها ! ميهاف مسكت جوالها ودقت : الو شهقت اسماء : رد !! رد عليها وانا ساحب علي بدر : امداك تشتاقي ميهاف وردت : هههههههههه مو كذا .. بس نبي كاميرا تصوير الملكة معاك ؟ اسماء خطفت السماعة : خير ان شاء الله ! ليش ماترد علي ؟ عدوتك تسفهني وترد عليها هي بدر : هلااا اسوم اسماء تتهزا به : هلاا اسوم ميهاف سحبت السماعة : افففففففف اركدي ولا ترا بسكرها ومافيه كاميرا بدر : هههههههههههههههههههههههه كل هالمكالمات عشان الكاميرا ميهاف : شاسوي بها هبلة بدر : مدري انا ماصورت اتوقع مع نايف ميهاف : اوكيه , شوف نايف طيب بدر : من عيوني .. كم ميهاف عندي انا ؟ وحدة واموت فيها ميهاف عطت الموجودين ظهرها وهي تعض شفايفها بربكة : ههههههههههه اوك بدر : هههههههههههه اوك ؟ ميهاف تبيه يفهم : ايه هذي امي عندي , تبي تسلم عليها ؟ بدر : ههههههههههههههههههههههههههه لا سلامتك فهمت خلاص .. يله احاكيك بعدين اجل ميهاف : اوك اول ماسكرت والتفتت كان اسماء تقزها بنص عين : ايه ؟ وبعدين ؟ ميهاف : شنو .. خلاص يقول بشوف نايف اسماء : اكيد نايف ماصور بعد وش هالاحباط .. المعرس كيف بيصور يعني ميهاف : لا نايف دايم يصور .. واذا ماصور يعطي كاميرته احد يصور مكانه اسماء : آممميييين ام فراس : الله يفشل العدو , ماتستحين على وجهك وش تبين بصور الرجاجيل اسماء بهمس : من زين عيالكم بتمقل فيهم .. ابي اشوف الخفوق بس بعد فترة دخل انس بالكاميرا : هذي الكاميرا ويقولون الرجاجيل اخلصو تجهزوا بنرجع خلاص خطفت اسماء الكاميرا من يده وحطتها بشنطتها .. انس : هيييه انتي حقت نايف يقول رجعوها اسماء : يجي يقابلني نايف ! ميهاف : من جدك ؟ اغلى ماعنده كاميرته اسماء : ماراح اكلها .. برجع البيت وبشوف الصور وبرجعها له ام فراس : يله يا اسماء وياسمين البسن عباياتكن بدر برا مجرد ماوصلت اسماء البيت دخلت غرفتها وسكرت عليها وطلعت لابتوبها وانسدحت على السرير بحماس وهي تمشي على الصور .. جلست تمشي وهي مكشرة نص الصور للحين بدر ونايف : ياليل ماشبعو وهم يصورون خششهم !! اخيرا جت الصورة .. كان جالس بأناقة رجل على رجل ويده تحت ذقنه وبثوب ابيض وشماغ ابيض وجمبه لؤي ويسولف معه .. دق قلبها حتى حسته بيطلع من صدرها : فدا الجلسة الملكية انا .. يمه قلبي !! انقهرت كانت الصورة الوحيدة له وثانية من بعيد ورا بدر ونايف وهم يصورون وهو ورا بكثير يكلم بجواله نسخت الصورتين وضمتها لصورته اللي لقطتها بالمستشفى وانسدحت تتأمل وهم تمرر باصبعها على ملامحه : ياجمالك .. ابي افهم كيف انت كامل كذا .. " تنهدت بحالمية وهي تبوس الصورة " *** بعد صلاة الظهر .. دخل أحمد الشقة وتنهد وهو يشوفها على حالها من طلع منسدحة ومعطيته ظهرها وعيونها الحمراء شاردة بالجدار قدامها .. جلس على طرف السرير وتنهد : غادة غادة : .............. احمد : لا حول ولا قوة الا بالله .. ردي يابنت الحلال حسستيني ذابحك ! غادة : ................. احمد : احسن اجلسي على حالك لين تموتين .. اللي بيشوفها بيقول مجرمين فيها اللحين سكر الباب وغادة على حالها .. دق جوالها وما استجابت كلش فيها جامد عكس تفكيرها اللي ثاير افكار امرضتها *** فراس كان بمكتبه بدبي .. ويعيد حسابات كل شي , بعد انتهى حساباته ارخى جسمه على الكرسي وطق رقبته وهو يحس فيها توتر من الجلسة الطويلة على الأوراق .. رجع يشغل هاجسه شكل البنت أمس .. اختلطت ذكرياته بشوفتها بهالمنظر ذكريات فراس صاحب ال 20 سنة نفس الصراخ نفس الركض .. نفس الظهر يندار له نفس الإنحنائة اليائسة على الأرض والصوت المتهدج .. هز راسه يبعد هالذكريات المزعجة من راسه ومسك جواله ودق : هلا فراس فراس : كيفكم ؟ ام فراس : حمد الله .. جالسين نستعد لليلة الحنا اليوم فراس : اها .. اجل الزواج بكرة ؟ ام فراس : ايه .. مافيه امل تقدر تحضر؟ فراس : أقدر بس مابي .. اححم شصار لما رحت ؟ ام فراس : ما صار شي تعشينا وخلصنا ورجعنا البيت فراس : مو قصدي كذا , قصدي شصار بالبنت ؟ ماعاد صار شي ؟ ام فراس : لا والله على علمك راحت مع زوجها ولا عاد سمعت عنها ولا سالت فراس : هي مين ؟! ام فراس : اخت زوجة نايف .. والله البنت وضعها حلو والحمد لله غريبة هاللي صار لها فراس : اها .. حبيت اكلم واشوف شمسوين , مع السلامة ام فراس : في امان الله سكر السماعة والسالفة تعقدت براسه اكثر , من كلام امه ان زوجة نايف امها ميته معقولة يكون زوجها معه حق والبنت مجنونة ؟ .. جايز شيعرفني انا *** بيت أم نايف .. كان كلش جاهز الحنايات صارو موجودات والجلسة التقليدية الأرضية , والأكل مجهز وموزع بكل مكان .. كانت مناسبة ام نايف المفضلة والكل متحمس للحنا الجيران كانوا موجودين بالفعل وميهاف عازمة صديقاتها عشان يشوفون زوجة نايف .... ميهاف كانت واقفة بالمطبخ مع نايف جلابية كحلية مذهبه فخمه مع روج أحمر ومكياج خليجي .. وشعرها المطعج تاركته مفتوح على وجهها وكعب ذهبية ماتستغني عنها نايف : الحريم موجودات يعني ؟! ميهاف بضجر : ايه كم لي اقولك !! يالبى لؤي من قلت له امي تقول اطلع من البيت ولا ترجع الا فجر طلع .. وانت تحقيق ! نايف : ايه لأني عازم بدر هنا ! ميهاف : لا والله من متى انت وبدر تتعازمون بالبيوت؟ نايف : نناشد الاستقرار لاتوقفين بوجهنا ميهاف : والله انت كيفك .. خل امي بس تدري انك انت وبدر موجودين بتذبحك نايف : مو كافي حريتي بتصادر مني بكرة وبعد تتشرطون ! ميهاف : البيت كله حريم يعني وش بتجلسون تسوون ماادري.. حتى ابوي بعد عمري مو موجود نايف : بقول لبدر مالك امل .. يبي يجي كان يحتك بس ماله امل ميهاف رفعت حواجبها : اييييواه ! يحتك ولا يكحل بالحريم ؟ نايف : كلها طبعا ميهاف : اقول انقلع برا نايف : على فكرة طالعة مزة ميهاف : لا تتميلح اذلف دخلت لداخل وهي ماسكة راسها : حشى مابغى يروح .. اسماء كانت موجودة ولابسة فستان بوهيمي مخطط اسود ورمادي مع ياقه بخرز الوآن ناطعه واكسسوار بوهيمي مزين اطلالتها وشعرها الاشقر مسرمكته ستريت على غير العادة .. ومكياج ناعم كحل اسود وروج وردي خفيف .. اسماء : هههههههههه يمكن جالس يتميلح يبي يقابل زوجته ميهاف بسخرية : هه تمزحين ؟ اللي جاي يتميلح اخوك مو هو اسماء : هههههههههههه بس ملاحظة شي ؟ ميهاف : شنو ؟ اسماء : ان زوجة ولدكم دايم متأخرة ميهاف : مصيرها تجي .. تعالي متحمسة اوريك صورة الحنا اللي ناوية اسويه اسماء فتحت عيونها : بتتحني ؟ ميهاف : طبعا ! اجل ليش اسمها ليلة حنا ؟ وانتي ؟ اسماء : نو واي ! تخيلي اتحنى بس وعع ميهاف : وع بوجهك .. هذا حنا ياحبيبتي وش وع اسماء تهلهل وجهها وهي تشوف ابتسام داخله .. صارت تشوفها هيثم مو ابتسام خلاص : هلا وغلا ومرحبا ومسهلا بعروستنا الحلوة , يااااحلوك بس ابتسام انحرجت من هالترحيب : ههههه هلا فيك اسماء حاوطت ذراعها : مستعدة لزواجك بكرة ؟ ميهاف سحبتها منها : وخري انتي تحككي بحريم اخوانك خلي بنتنا اسماء بقهر : اخواني مقاريد ماياخذون الا شيون ميهاف شهقت : احترمي نفسك ! ابتسام : وي حرام عليك احد حاصله ميهاف والله لو مو مخطوبة اخذها لأخوي وانا مغمضة اسماء انهبلت : اخوك !!! ابتسام : ايه جمال واخلاق .. ومكملة ما شاء الله ارمشت ميهاف بعيونها .. اما اسماء قالت بحمق : زوجة اخوي وش تبين بها لاخوك مافيه !! ام نايف طلعت : هلا ابتسام .. جيتي وجالسة هنا تعالي ادخلي الحريم ينتظرونك ابتسام : هههههههه معليش خالتي خذوني بسوالفهن دخلت ابتسام وميهاف اما اسماء وقفت وقشعريرة بجسمها : قال ميهاف لاخوها قال .. وانا فين ؟! اثناء الجلسة وابتسام يدها بحضن الحناية تنقش لها .. جلست اسماء تراقب : ابتسام فين غادة ؟! ابتسام بهم : ماحتجي .. مشغولة ميهاف : اما كيف كذا ؟ لايكون ماحتجي الزواج كمان يكفي الشاليه واليوم ابتسام : لا ياويلها .. بتجي اكيد ميهاف طالعت با ابتسام : بس بتسوي يديكي ؟ ابتسام : ايوه ميهاف : ليش ماتسوي ساقك كمان ؟! وترا اذا تبي مناطق خاصة عادي تسوي روحي لحالك معاها ابتسام فتحت عيونها : كيف !! ميهاف : هههههههههههه يعني زي ظهرك .. خصرك صدرك كذا ابتسام حمرت : يا جرئك ياميهاف .. مستحيل نو واي ميهاف : ليش عاد ؟! انا بروح معاها تسوي ظهري بصراحة اسماء تفزع : لانك ماتستحين .. هي بنت تستحي جعلي فدا بس ميهاف : شعندك انتي اليوم قالبة علي ؟! مو كأنك حاطة بخصرك اخر مرة ؟ اسماء فتحت عيونها وشهقت : انا ؟! يالنصابة !! ام نايف : اسماء وميهاف قومو من ابتسام .. اشغلتوها واشغلونا عنها اسماء : اسفين بس خلينا جمبها تكفين ابتسام : هههههههههههههه اتركيهن خالتي مبسوطة بسوالفهن طبت سجى بينهن : انا بشهد لميهاف .. اسماء يوم زواج فايزة تذكرين ؟! حطيتي بخصرك اسماء : خير انتي قاطة اذنك عندنا من اول !؟ سكت دهرا ونطق كفرا ميهاف : ماعليك منها سجو .. خلك مع الحق واسفهيها ابتسام : هههههههههه عادي مو ناقدة .. بس انا مستحيل اقلها مو اللحين سجى وهي ترقص حواجبها : متى اجل ؟ ابتسام وردت خدودها : يعني ... بعدين اسماء : اسكتو لاتحرجونها .. متى ماطاحت الميانة متى يعني ؟! ام نايف : اسماء وسجى ! قومن اشرفن على الخدامات بالعشاء اسماء : ليش ماتقوم ميهاف ؟ ام نايف : ميهاف بتتحنى .. انتي وسجى معروف ماتتحنن بس مسويات ازعاج على الفاضي قومن اسماء قامت : مقبولة منك , الله يسامحك بس اجل انا تحطيني مزعجة مع هالصاخبة سجى سجى : ولا يهمك مرة خالي بنسويه اللحين راحن .. وابتسام ضحكت بخفه : هههههههههه ياحليلهن يوسعن الصدر ميهاف : ههههههههههههههه طول عمرهن كذا مو صاحيات ابتسام : الله يسعدهن ان شاء الله دوم هالبسطة ميهاف : وكيفك انتي ؟ مستعدة نفسيا للزواج والعيش بالرياض ابتسام : صاعبين علي أهلي .. بس هذي هي الحياة وانا لما كنت بجدة كنت لحالي وامل بالبيت فأشوف حياتي احسن تعبت ارد خطاب و .. خلاص لازم اعيش ميهاف : كنتي بالبيت لحالك ؟ ابتسام : ايوه .. من توفى بابا الله يرحمه .. وهيثم بالمستشفى على طول وغادة تزوجت ميهاف : تصدقي افهمك نوعا ما يعني .. لؤي مسافر على طول مانشوفه وبابا نفس الشي .. نايف 24 ساعة برا البيت وماما على طول بزياراتها فتقريبا نص اليوم جالسة مع حالي ابتسام : تقدري تسلي حالك .. يعني انا على انه قبل بوجود غادة وبابا بس توظفت وظيفتين اسلي حالي شوي ميهاف : وظيفة ؟ ابتسام : ايوه .. يعني مو وظيفة صعبة خذي حاجة جزئية بنص اليوم بحيث ماتعارض دراستك وتكون تسلية لك تطلعي وتشوفي ناس وتتعرفين صدقيني بتنبسطي ميهاف بتفكير : والله فكرة , ابتسام : جربي وادعي لي .. انا كان المتنفس الوحيد بيومي *** وصلت سارا للمطار واستلمت شناطها .. انتبهت له يشر لها بيده يستقبلها ابتسمت وراحت لناحيته : قلت لك مافيه داعي تستقبلني !؟ هيثم : معك حق .. بس كنت طفشان على كل حال فقلت خل امرها واشوفها سارا : وكيفك ؟ هيثم : حمد الله .. احمدي ربك جيتي ولا كان ابتسام ناوية عليك سارا : ههههههههه فديتها بعد عمري كيف افوت زواجها هيثم : توقعتك تفوتيه بعد ماتعرفي ان زوجها من آلشمري .. اعرفك حاقدة على العائلة سارا تنهدت : خلاص ماعدت حاقدة عليهم .. ماعدت احس بشي ناحيتهم هيثم : احسن لك .. انا من البداية قايل لك لاترجعي للشغل سارا : شفتهم بمناسباتهم اجل هيثم : ايوه شفت هذا فراس .. يصير ولد عم العريس سارا كشرت : وعع وكيف ؟ هيثم : والله ماصار بيني وبينه احتكاك .. يعني عادي الرجال سارا : وزوج ابتسام كيفه ؟ سنع ؟ هيثم : مقدر احكم .. بس ان شاء الله خير ماشفت عليه حاجة للحين يعني سارا : اجل شكل كل العائلة ماشي وضعها الا هالفراس هيثم : هههههههههههههههه سيبيه بحاله راح بخيره وشره سارا : آممين .. يله وصلني لشقتي بما انك كلفت على حالك وجيت هيثم : شقتك جمب شقتنا .. وبوديك مع ابتسام يكفي المسكينة لحالها من راحت غادة مع زوجها سارا : من عيوني كم هيثم عندي ؟ *** يوم الزواج – مغرب / كان بدر يسوق السيارة وجمبه نايف .. بكامل كشخته ثوب ابيض وغترة بيضاء والمشلح الأسود المذهب .. بدر ابتسم وهو يطالعه : مرتبك زي أول زواج ولا عادي ؟ نايف دون اهتمام : عادي .. مجرب وش بعد ؟! مافيه شي جديد بدر : اظن لو مكانك واتزوج 10 مرات .. بكل مرة بيكون شعوري غير نايف : لأنك نسونجي بدر فتح عيونه : انا نسونجي ؟! وانت وش يعني ؟ نايف : انا عادي يعني .. حرمة زيها زي غيرها , لو املها زي نهى طلقتها بدر : اقول اقصر الشر .. تطلقها من هنا تجيب لك امك جديدة من هنا .. ودامها حلوة ع كلامك خلها عندك نايف سكت وهو يطالع القصر لما وصلـو وكيف راقي وفخم والأنوار تجهر العين طالع بمراية السيارة وضبط شماغه .. ونزل والكل كان يستقبله ومسك طابور السلام .. ابتسام كانت هناك من بدري ومعها سارا بغرفة خاصة للعروسة .. وأهل العريس بغرفة خاصة ثانية , غادة وصلت على أذان العشاء ودخلت كانت ابتسام جالسين يحطون مكياجها وقفتهم لما شافت غادة داخلة : غغغدو ؟! هلا بالقاطعة .. احس سنين ماشفتك ابتسمت غادة : هلا ابتسام .. اعذريني والله انشغلت ابتسام : معليش فاهمة .. بس كل هذا تغلي عاد غادة طالعت سارا : اهلين سارا .. جيتي ؟ سارا بمرح : هلا وغلا ومرحبا بأم كرشة .. افصخي عبايتك اشوف فصخت غادة عبايتها كشت سارا عليها : هههههههههه مالت كلش فيك صغير حتى كرشتك غادة : اححم انا داخلة البس ابتسام : أوك دخلت غادة الحمام واسندت جسمها عليه .. لازم تضغط على نفسها عشان ابتسام اذا كانت ماتبيها تعرف فاكيد لأن امها ماتبيها ماله داعي احد يعرف انها عرفت ويشيل هم مسكت صدرها بقوة وهي تحسه مهشم تحس بوهن فضيع برا القصر كان ميهاف وسجى ووداد مخبوصات يشرفن على التجهيزات .. ميهاف كان لابسة فستان خربزي طويل .. عاري من الصدر والظهر وكريستالات فخمه مغطيته من منطقة الصدر مع قلادة الماس فخمه وشعرها جعدته تجعيد كثيف كعادتها مع مكياج لبناني ناعم بدرجات فستانها .. وظهرها المكشوف واضح فيه الحنا اللي سوته وكان حنا هندي رايق , مناكيرها السوداء .. مع هيلز ترفعها شوي نظرا لقصرها .. كانت طلة ساحرة ومغرية كعادتها سجى : بصراحة ميهاف طالعةحاجة خرافية ميهاف : بجد ؟ تسلمين والله ماتدري ايش صار لي مع هالفستان بسبب لورا وسفرها مرة مرة انحست .. كان ماراح يوصل ! وداد : غريبة على لورا ماعمرها نكبتني ميهاف : وين اسماء ؟ اسماء : هذاي .. امداك تفقديني ؟ كانت لابسة فستان سماوي ناعم أميري .. كم كت مع ظهر مكشوف تماما مع شعرها الأشقر المرفوع بتسريحة رايقة كانت طلتها سيندريلا .. ومكياجها ناعم مع خاتم الماس فخم كبيركان كفيل يحطها ملفتة ومكمل للبسها .. وجزمة بلورية كعب .. ميهاف : الله الله .. سندريلا دارت اسماء على نفسها : كيف ؟ وداد : ما شاء الله .. احس اول مرة اشوفك لابسه حاجة كذا غريب عليك اسماء : هههههههه ايه حبيت البس حاجة جديدة ام نايف : ميهاف تعالي سلمي ميهاف : جاية ... يله بنات تعالوا معاي طلعت غادة وسارا من الغرفة .. عشان تكمل ابتسام لبسها / غادة فستان واسع سكري كم طويل ناعم شعرها ملفف بكثافة ومرفوع بتسريحة ومطروحة خصل ملفلفة على جانب وجهها الجذاب ووردة بيضاء مثبته التسريحة من جمب وروج احمر غامق .. مع مناكير حمراء ..رغم شحوب وجهها الا انها عالجته بالمكياج فطالعة جميلة بكل المقاييس .. سارا فستان أسود مشجر بورد من اول لاخره .. كان قطع وطوله فوق كعبها حبه شعرها الأسود رافعته بتسريحة منظمة .. مع روج احمر .. وظل اسود طالع يفتن مع لون عيونها التركوازية كان حضورها فاتن لأن الكل يشوفها للمرة الأولى ..وكان قمة بكل شي .. اسماء : بنات من هاللي مع غادة ؟ سجى : تعالوا سلمو ونسأل ! اسماء تقدمتهن وراحت : اهلين غادة غادة ابتسمت ابتسامة صفراء : هلا والله ..كيفكم ؟ ميهاف : حمد الله بس مشتاقين لك , وينك مناسبتين ماجيتي ؟ غادة : مشغولة .. اسماء بفضول : ومين هالحلوة ؟ غادة : هذي سارا .. تصير صديقتنا ميهاف : هلا والله نورتي .. بس فينك ماجيتي انتي كمان بالمناسبات اللي قبل سارا : هههههههه هلا فيك حبيبتي .. ماكنت بالرياض والله بس الزواج ماقدرت افوته عاد اسماء : حياكم الله هلا راحو البنات وجلسوا على طاولة مخصصة بينما ميهاف قامت مع امها .. واسماء ماتقدر تفوت جلسة مع اخت هيثم ولو ان غادة مو بالمود فكانت السوالف مع سارا .. سارا : بصراحة يعني ابدا ابدا ماتوقعت ابتسام تتزوج.. كانت دايم ترفض بس بعد عمري والله تستاهل كل خير اسماء بفضول : ايوه وانتي صديقة مين بالضبط ؟ يعني ابتسام ولا غادة ؟ سارا : كلهم .. بس انا بداية معرفتي كان بأخوهم وهو عرفني عليهم اسماء وهي تاكل متحمسه وتسأل شرقت بلقمتها : احححححم ... " نوبة سعال " وداد ضربت ظهرها : بسم الله الرحمن الرحيم ! .. شوي شوي ياهبلة وانتي تاكلين اسماء شربت كاس الموية كله دفعة وحدة ثم مسحت فمها ( شنو شنو ؟! معرفة بمين ؟! لا ويعرفها على أهله !! ) : عفوا وش قلتي ؟ سارا : انا كنت ادرس بامريكا وهناك قابلت هيثم أخو ابتسام وغادة . وبصراحة ساعدني كثير وكان طيب هو اللي عرفني على السعودية لأول مرة بحياتي اسماء دارت فيها الدنيا !! وقفت فجأة .... سجى : وين اسوم ؟ اسماء : بروح اساعد ميهاف ! راحت وهي بتكسر الارض بمشيها ( صديقها ؟ درست معاه ...؟!!! كم سنة الدراسة بامريكا ؟!! لاااا وهو اللي عرفها على السعودية لأول مرة بحياتها ....!!!!! ) راحت لعد ميهاف ... سالت ام نايف : من هالحلوة ام عيون زرقاء ؟ كشرت اسماء : مدري من هي ؟! وميب حلوة ...! انسدت نفسي من الجلسة بسبتها ميهاف فتحت عيونها : ليش ؟! والله كأنها حبوبة البنت اسماء بانفعال : ايه حبوبة !! اصكتي انتي اصلن عندك كل الناس حبوبين ميهاف طالعتها بنص عين : وانتي عندك كل الناس يسدون النفس ! اسماء : ايه لأني مو ساذجة مثلك .. انا افهم خفايا نفوسهم ام نايف : روقونا عاد .. اعجبتك ولا ما اعجبتك خلك اخلاق معها اسماء ( زين ما أطردها اللحين ! وعععععع تقهر حتى لو كذا علاقتك مع الولد لا تكايشين الله ياخذك ) :....... ميهاف دق جوالها : نايف ؟ ام نايف : ردي شوفي وش يبي ؟ ميهاف : هلا نيوف .. نايف : هلا .. اسماء موجودة ؟! ميهاف : ايوه ... ليه ؟ نايف : ممكن ترجع كاميرتي ؟! خذتها وجحدتها !! ميهاف : اسوم .. وين كاميرا نايف اسماء قالت بحرة : كسرتها ! ميهاف شهقت وابعدت السماعة عن اذنها : ياويلك بيذبحك !! تستهبلين ؟ اسماء وهي تمشي لجهه ثانية : ماكسرتها بس مب معي ! ولا يقلقني نايف هو وكاميرته الخايسة وصوره الخايسه وعرسه الخايس وزوجته الخايسة ميهاف فتحت عيونها بوسعها .. شفيها هذي معصبة !! : خلاص نايف الكاميرا مو معاها اللحين نايف : كيف يعني ؟ انا ابيها بصور !! ميهاف : خلاص نايف كاميرتي موجودة وبعطيك الصور ! نايف : واسماء هذي ماعندها مسؤولية ترجع الشي لا خلصته ؟! مابي كاميرتك ابي حقتي ميهاف : الكلام مايودي ولا يجيب .. خلك بعرسك اصلن كيف بتصور نايف : مو شغلك ! ... المهم ابي ادخل ميهاف فتحت عيونها : كيف تدخل اصبر الحريم يتقهون وتو الفرقة ما استعدت نايف : طفشت برا ... حامت كبدي من الثياب البيض والوجيه المشعره يمكن عندكم وناسة اكثر دخلوني ميهاف : خل نتجهز اول اصبر ... اف طاير على رزقه سكرت ميهاف ورجعت تشتغل مع امها ويا الضيوف ... راحت لعند غادة : غادة شوفي اختك جاهزة ؟ قامت غادة ودخلت عند ابتسام وكانت خلصت كشختها كلها حيث كانت لابسه فستان عرايسي قطع دون كم وملفوف على جسدها تماما كان الفستان طالع فاتن مع جسمها المنحوت .. والحنا لمرفقها وسوارة الماس هدية من أم نايف , وشعرها تاركته مفتوح ومسويته كيرلي .. مع حركة بسيطة من ورا بمشبك كرستالي .. ومكياج ناعم طالع شكلها جريء مع نعومتها الطبيعية وكان واقفة وتمشي رايحة جاية بالغرفة .. غادة ابتسمت : جنان ابتسام , الله يحفظك وش هالحلا ؟ ابتسام بتوتر : تسلمين .... شنو شصاير برا وربي احسني جالسة على جمر غادة : خلاص كلش جاهز .. استعدي بيزفونك ابتسام صعد قلبها لحلقها : اللحين ؟! غادة : ايوه خليك جاهزة بروح اعطيهم خبر انك خلصتي ابتسام وهي مشبكه يدينها ببعض بتوتر وتحس انها بتطيحمن طولها من الربكة .. بعد فترة دخلت ام نايف : ماشاء الله تبارك الرحمن .. عوذتك باسمه من الشر والحسد ابتسمت ابتسام بتوتر .. وام نايف اشرت لها تطلع .. عدلت شكلها وطلعت تمشي بالممر لحد الكوشة المزينة بالأبيض والاحمر .. واشتغلت الموسيقى بانغام فرحاوية ناعمة الف صلي وسلم عليك ياحبيب الله محمد الف صلي وسلم عليك ياحبيب الله محمد ياغالية سمي وادخلي باليمين يمناك يافال البنات الصالحات ياغالية هالليلة كل المسلمين قارين لك يالغالية المعوذات يا ابتسام سمي وادخلي باليمين يمناك يافال البنات الصالحات يا ابتسام هالليلة كل المسلمين قارين لك يالغالية المعوذات ابتسام كانت تمشي وهي تدعي ربها ماتطيح .. وهي تسمع ذكر الله من كل مكان والتباريك .. خلاص اليوم انحسم كلش , جلست على مقعدها بالكوشة واهي تبتسم للموجودين وام نايف جمبها ومحد بفرحتها محروسة باذن الله رب العالمين , محروسة باذن اللي وهب قلبك صلاة محروسة باذن الله رب العالمين , محروسة باذن اللي وهب قلبك صلاة لا يالاصلية مافيه داعي تحلمين .. الواقع بنفسه يلبي امنياتك ياغالية سمي وادخلي باليمين يمناك يافال البنات الصالحات ياغالية الليلة كل المسلمين قارين لك يالغالية المعوذات بعد ماخلصت الزفة قامت ميهاف للفرقة وطلبت اغنية .. ومسكت وداد وسحبتها معها قدام ابتسام وهي مبسوطة بأن ابتسام لنايف وشوي دخلو البنات متحمسين .. ابتسام دورت بعيونها عن غادة بينهم ماحصلتها استغربت .. تعرفها تحب الرقص انتبهت لها جالسة بطاولة وعيونها بحضنها ومو مع العالم .. اشرت ابتسام : ميهاف ميهاف راحت لها : لبيك ابتسام ابتسمت : شوفيلي غادة .. ابيها شوي ميهاف : من عيوني راحت ميهاف لغادة : غادة ليش ماقمتي ترقصين ؟ غادة ابتسمت : لا مافيني حيل .. لاتخافي اصفق لكم من هنا ميهاف : طيب ابتسام تبغاك روحي لها قامت لعند ابتسام : هلا ابتسام : غريبة مارقصتي ! غادة : مافيني ابتسام .. احس بثقل ابتسام بتفحص : غادة فيك شي ؟ صاير بينك وبين احمد شي ؟ غادة : لا مافيه .. ابتسام : حالك هالفترة من وصل للرياض مو عاجبني غادة : مافيه شي ابتسام .. انت بس .. مامداها تكمل وام نايف تتكلم بالمكرفون : تغطو ياحريم .. بيدخل العريس انسحبت غادة ورجعت مكانها .. وابتسام تحس نشفت دمها معد يمشي بعروقها ... دخل نايف وأبو نايف وهيثم .. اسماء كانت تطالعه وقلبها مو معها رايحة بخيال معه .. فجاه كشرت وهي تشوف سارا تطالعه وتضحك مع غادة : هههههههههههه اول مرة اشوف هيثم بالثوب مو لايق ! اسماء التفتت لهم بنظرات نارية والغيرة معميتها : ممكن تسكتين شوي نسمع الزفة ! سارا استغربت وش فيها هذي معصبة : اوك بس بأدب لو سمحتي اسماء : انتي اللي بتعلميني الأدب ؟! وداد لما انتبهت لاسماء تتهاوش : اسماء تعالي هنا ! اصواتكم بتطلع والرجاجيل موجودين قامت اسماء لعند وداد وهي تاكل وتقزها .. اشتغلت الزفة بمجرد دخولهم .. ونايف كان بطلة عريس تنحسد عليها أي عروسة ..:- شرف مكان الحفل بحضوره عريسنا والشوط مامله نايف وصل والناس مقهوره .. في طلته ياحي هالطله نايف عقد حواجبه وهو يسمع الزفة .. وصل لامه يسلم عليها وهو مبتسم همس في اذنها : وش هالزفه البايخة ؟ اجل الناس مقهوره ؟ ام نايف قبصته بذراعه: على البركة .. ماتخلي طبعك انت شرف مكان الحفل بحضوره عريسنا والشوط مامله نايف وصل والناس مقهورة .. في طلته ياحي هالطله الشعر باسمه زين سطوره , وصل مكان الطيب واحتله نايف ومثله مالقت ابتسام .. بالطيب كله والوفا كله شرف مكان الحفل بحضوره عريسنا والشوط مامله نايف وصل والناس مقهورة .. في طلته ياحي هالطله وقفت ابتسام وسلمت على هيثم .. ابتسم : الف مبروك ابتسام , الله يسعدك ابو نايف سلم عليها : على البركة يابنتي الله يوفقك ويتمم لك بعد ماسلمو عليها طلعوا .. واسماء عيونها تلاحق هيثم لحد ماطلع .. جلس نايف بمكانه وهو يطالع يزيد جمب ميهاف ابتسم وهو يشر له من مكانه شرف مكان الحفل بحضوره عريسنا والشوط مامله نايف وصل والناس مقهوه .. في طلته ياحي هالطله يالله عسا دنياه معموره .. في بيت فرحه والغلا ظله يارب تحفظ نايف وابتسام بين الفرح ووروده وفله ابتسام رفعت طرف عينها تطالعه وهو يطالع بجهه ويبتسم .. رجعت تنزل عيونها وهي تحس مكانها مربك .. مربك لآخر حد !! اول ماخلصت الزف زفر : اخيرا ! عقدت ابتسام حواجبها .. التفت نايف لها : عاجبتك الزفه ؟ ابتسام استغربت سؤاله قالت : ايه نايف : اول معلومة اعرفها عنك .. ماعندك ذوق استغربت ابتسام طريقته .. كانها صديقته مو زوجته طالعت جهة ثانية دون ترد وهي تحس انه غريب بجد , ميهاف طمرت بينهم : اول مره اشوفكم سوااا كيوت مرة ! نايف ابتسم : الله الله ميهاف , ايش كل هذا ؟ طالعه قمر ميهاف : انا طالعه قمر ..؟ مفروض اطيح من عينك وابتسام جمبك ابتسام عضت لسانها وهي تحتري جوابه .. لكن جوابه كان تغيير للموضوع : ترقصين ؟ ميهاف فتحت عيونها : بترقص انت ؟ نايف : ليش لا ..؟ ميهاف : هههههههههههههههههه ابتسام ماودك تقومي ترقصي معاه ابتسام بربكة من الجو .. كانت مرتبكة ان اللي جمبها مو مرتبك ابدا ! يسولف ومبسوط حست انها غريبة بلعت ريقها : لا ما أعرف ميهاف : خلاص اذا عروستك ماراح ترقص معاك لا ترقص ام نايف جت لعندهم : هاه كيف العرسان ؟ نجيب الكيكة ؟ نايف : شرايك ابتسام ؟ ابتسام ارتبكت لما قال اسمها .. اول مرة يقوله : براحتكم ... ميهاف طالعت نايف : هاه نجيبها ؟! نايف وهو متنرفز : مالي دخل تقول هي .. ايش هذا من دخلت وهي ساكته ! ام نايف : شفيك نايف ؟ كلش بالرواقة ! ابتسام خافت بجد .. وش فيه يهاوش , احد يتكلم كذا مع عروسته .. طالعت بأم نايف : ايوه جيبوها ... ميهاف انقهرت من اخوها .. حست البنت انحرجت بجد وراحوا يجيبون الكيكة , نايف : صوتك حلو .. اجل ليش ماتتكلمين ؟ ابتسام ( يستهبل هذا ؟! من جده يسأل يعني .. ) قالت وهي ضاغطة ع نفسها : شي راجع لي .. رفع نايف حواجبه ماتوقعها ترد : اقنعتيني طالعته بطرف عينها ورجعت تطالع بقدام .. نايف ابتسم من نظرتها عيونها وهي معصبة تسحر أكثر وكلها طالعة فاتنة وانوثة بالفستان المفصل جسمها رفعت يدها بنعومة وهي تبعد خصلة ورا اذنها .. نايف طالع بساعته وهو يبتسم من نظراتها اللي واضح ان جوها متعكر وضحكة خفيفه طلعت منه : ههه .. نفوت الكيكة ونطلع ولا نجلس ؟ ابتسام دون تطالعه : نجلس .. الكيكة اللي احرجتني عندها لازم اكلها ! نايف وهو متكي على يد الكرسي ومسند وجهه على يده : احرجتك ؟ مو كذا الإحراج يالغلا ابتسام تكت بنفس طريقته والتفتت له وسندت وجهها وصارت قربية منه : فيه انواع للاحراج يالغلا ! نايف بدال مايربكها اربكته بحركتها تراجع وعدل جلسته .. وابتسام عدلت جلستها وهي منحرجة من حركتها ماتدري كيف سوت كذا !! وصلت الكيكة .. ميهاف بحماس : يله قطعوها سوا نايف : لا ميهاف اعفينا .. قولي للخدم يقطعونها ويوزعونها ام نايف :وليه ماتقطعونها ؟ ابتسام : مافيه داعي خالتي .. خلاص تقطع وتوزع نايف :ايه وحنا طالعين اللحين ام نايف ابتسمت بحب : الله يحفظكم وقف نايف وطالعها : يله ؟ ابتسام بلعت ريقها ورجفة سرت بجسمها : يـ .. يله .. وقفت معاه وسلمت على أم نايف وميهاف اما نايف كان يطالعها ومتمعن فيها وحركتها للحين براسة .. كانها انسانه غير طلعت له فجأة .. انتبهت له ابتسام يطالعها قالت بارتباك : شـ .. شنو ؟ نايف مد ذراعه لها : ولا شي .. يله ابتسام ارتبكت وش قصده يعني .. ماتقدر تتعلق بذراعه وبنفس الوقت احراج تتركه وتمشي سحب يدها بنفسه لحد مامسكت يده وطلع معها , *** اثناء ماهيثم جالس مع الضيوف جاه لؤي وجمبه رجال : هيثم .. هذا دكتور مسؤول بمستشفى مدينة الملك فهد الطبية هيثم وقف مباشرة وسلم باحترام : اهلين دكتور تشرفنا والله لؤي : دكتور هذا هيثم .. جراح عظام الدكتور : هلا والله .. لؤي كلمني عنك قبل لحظات هيثم ابتسم : وكمان كلمني عنك انا مبسوط اني قابلتك دكتور وانسجموا بالحديث الطبي , والدكتور يشرح لهيثم مميزات مدينة الملك فهد الطبية *** الجلسة داخل / كان الجو هدوء بعد ماطلع نايف وابتسام .. والضيوف يطلعون , كانت غادة جالسة مكانها وسارا جمبها .. جت ميهاف وجلست معهم واجتمعوا البنات على الطاولة .. جات ام نايف مبتسمة : ياحلو جمعة البنات سارا ابتسمت : تفضلي اجلسي ام نايف جلست : يالله .. هاليوم ذكرني بليلة زواجي ميهاف : تصدقوا ماما ماعمرها كلمتني عن زواجها هي وبابا ام نايف : مافيه شي مميز اقوله .. بس اقول ذكرني بيوم زواجي ويوم ولادة نايف اسماء : ههههههههههه يوه تتذكرين ؟ ام نايف : ايه اذكر .. كان معه توأم بس مات الله يرحمه اسماء تو تعرف : بجد خالتي !! تو اعرف ام نايف : من كنت بالشهر السابع .. قالو لي ان واحد منهم ميت وبينتظرو لموعد ولادتي ويطلعونهم كلهم ميهاف : كان مفروض عندي اخو كمان ام نايف بهم : بسبب هالتوأم ترتب عليه نقص مناعة عند نايف .. وامراض ملازمة زي الصداع النصفي اللي مايتركه ميهاف : بجد ! عشان كذا ؟ ام نايف : ايوه معروف التوآم يتاثرون ببعض غادة ساحت دمعة ماحست بها .. سارا التفتت له متفاجئة : غادة شفيك الكل التفت لها .. اما غادة تلاحقت دموعها وشهقت شهقت مكتومة .. الكل خاف من هالفجأه .. ام نايف : شفيك يابنتي ؟ غادة وهي تمسح دموعها : لا .. بس الموضوع يحزن .. يعني كان بيكون موجود بس .. ام نايف فتحت عيونها معقولة تبكي عشان كذا ضمتها : ياعمري هذي ارادة رب العالمين حمد الله نايف يكفي ويوفي غادة وقفت ومسحت دمعة وضحكت وسط دموعها : معليش بس الهرمونات مشتغله معاي ميهاف : معليش عادي غادة راحت لعند الحمامات وتسندت على المغاسل وقلبها منكسر باختصار وكلش فيها مضطرب .. عند الجلسة / سارا : انا بكلم هيثم ياخذنا .. شكل غادة مو بخير اسماء تمنت تكسر هالطاولة اللي بينهم وتوصلها وتنتفها قالت بتضجر : افففففففف !! الكل طالعها : شعندك بعد انتي ؟ اسماء وقفت : ابد الجو يسم البدن .. بروح لامي راحت وسجى قالت بقهر : اسماء متخلفة بجد ! محد يعجبها !! تنرفزز وقفت سارا : يله ياجماعة الخير حنا نستأذن .. *** هيثم ولؤي كان يمشون سوا لحد سيارة هيثم ... هيثم : لؤي مشكور بجد .. ما تدري قد ايش افدتني لؤي : ماسوينا شي .. مايسوى بحقك تستاهل اكثر هيثم التفت وهو يشوفهن طالعات : يله اجل نشوفك على خير لؤي : على خير توسعت عيون لؤي وهو يشوف وحده بعبايتها والثانية بكاب على الكتف والوجه والشعر واضح ويعرف هالعيون الزرقاء .. يعرفها كثر ماضاع في بحورها فتح عيونه بوسعها وهو يطالعها ونطق بصدمة : سارا ! سارا انتبهت له .. كانت تعرف انه بيكون بهالزواج بس انصدمت انهم تقابلوا .. انعصر قلبها وهي تطالعه لكان دعست عليه وركبت ... لؤي تعجب ! وش جابها هنا .؟ وليش راكبة مع هيثم ؟! مايقربوا لبعض ابدا مستحيل .... !!! مسك جواله ودق عليها لكن ماردت .... دق ودق لحد ماتعب وهي متجاهله اتصالاته ! ارسل لها : بتردين ولا ترا اعرف اوصلك ومايهمني وقتها لو كنتي بوسط اهلك ! دارت الدنيا فيه وهو جالس يستوعب انه تو قابلها قدام عينه .. !! دق جواله طالع كان هي المتصلة رد مباشرة : ايش تسوي هنا ؟! سارا : سو حالك ماشفتني ... لؤي : لا سارا معاد يمشي معاي هالكلام !! سو حالك ماشفتني .. سو حالك ماعرفتني .. سو حالك ماتحبني سارا انقبض قلبها وهي تسمع " سو حالك ماتحبني " : ايش تبي لؤي ؟ لؤي : ليش راكبة مع هيثم ؟! سارا : كيفي .. اركب مع مين ما ابغى لؤي واعصابه فايره : لا تجننيني سارا !! ليش راكبة معه ..؟ من فين القرابه سارا بقسوة : من قبل اعرفك وتتنكد حياتي بمعرفتك ! لؤي باندفاع : على بالك انا ما تنكدت بمعرفتك !! من دخلتي حياتي وكلش فيني منقلب .. صديقي وخسرته , وظيفتي وخسرتها , قلبي وخسرته سارا : لؤي رجاء لاتكمل لؤي بقهر : حرام عليك ... انا حبيتك واللحظة اللي قررت اعرف فيها مشاعرك استعملتي كل الاساليب تبعديني .. ليش من أول طيب مارميتيني ..؟ ليش من اول ماكشرتي بوجهي ! تعلقيني فيك ثم تختفين كذا ؟! سارا عضت ع شفتها : آسفة لؤي .. انا شاكرة لكل اللي سويته بس انا ما أفكر فيك بنفس الطريقة لؤي : قابليني ! قابليني وحطي عينك بعيني وقولي انك ماتفكرين فيني بنفس الطريقة ... سارا : مابي اقابلك ! لؤي : اجل قولي اللحين وش فراس لاعب براسك ؟! سارا باندفاع : مالعب !! صحاني للحقيقة اللي كنا نتجاهلها .. انا من الحضيض وانت من القمة ؟ على بالك ابوك بيقولك اوك .. ولا مجتمعك بيوافق علي ... لؤي انا مو ناقصة جروح .. والله مو ناقصة لؤي : انا كمان .. مو ناقص .. وعشان هالسبب بالذات محتاجك جمبي .. انتي ماتعرفي قد ايش اسودت الدنيا بعيني سارا وهي تحبس غصتها : آسفة لؤي .. مضطر تعيش وسط هالسواد لاني مستحيل ارمي بنفسي بهالدوامة ... سكرت السماعة .. لؤي نزل السماعة ببطء من اذنه وتراجع لحد ماجلس على اقرب مقعد جمبه ودمعه منكسرة نزلت على خده .... بس كذا ؟ انتهت ؟ البنت اللي تعلقت فيها بتختفي بهالسهولة ..؟! *** عند نايف وابتسام / دخلوا الجناح .... ونايف رمى بالمشلح وشماغة على الكنبة وطالعها وهي واقفة عند الباب ماتقدمت حتى خطوة : بتضلي مكانك ؟ ابتسام بلعت ريقها : فين اروح ؟ نايف : تعالي اجلسي جلست ابتسام بمكان بعيد عنه بمسافة معقولة : ....... نايف وهو يمسح بيده على شعره : بكرة بنروح المالديف .. فخلك جاهزة ابتسام هزت راسها : ....... نايف : عندك جواز ؟ ابتسام : لا نايف : خلاص بكرة بنطلع لك واحد .. ابتسام هزت راسها : ........... نايف طالع بالمكان وتنهد : فيك حيل اليوم ولا نأجلها ؟ ابتسام انصدمت .. هنا بالفعل صدمتها الكبيرة .. لايكون قصده , ولا يكون متوقع تجاوبه مثلا !! انقعد لسانها بالمعنى الحرفي .. نايف حط رجلينه على الطاولة قدامه وتسند : ولا أقول ناجلها .. المالديف بيكون الجو فيها احسن ابتسام ( هذا بجد يتكلم عن شنو ؟! .. مو معقولة طريقته كأنه يتكلم عن عزيمة ولا خطة ) : ........ نايف زفر : انتي طرشاء شي ؟ ابتسام فتحت عيونها : عفوا ! نايف : لي ساعه اكلم روحي ! اذا عندك مشكلة حطيني بالصورة ابتسام شدت على قبضتها : انا ... انا ... نايف : إنتي ايش ؟ ابتسام : ماني طرشاء .. ولا عندي مشكلة .. ببساطة انا مرتبكة مثل أي بنت فـ .... نايف رفع حواجبه : اهاااا ! ومطولة سالفة الإرتباك هذي ؟ ابتسام حسته انسان غريب بجد .. او في عقله شي او متبلد : ......... نايف وهو يشوف نظراتها المتعجبه منه .. ابتسم : لأن الإرتباك ممل .. والحاجة المملة اكرها ابتسام بصدمة : تكرها ؟ نايف ببساطة : ايه .. يعني لو حضرتك مو مرتبكة كان نقدر نسولف او نرقص او نتابع فلم ابتسام وقفت وهي فعلا ماتوقعت هالزواج .. وش هالرجال من جده ؟! : ......... نايف : لفين ؟ ابتسام : بنام .. وتقدر تكرهني لأني من اللحين ممله نايف : نظراتك اليوم بالكوشة .. ماكانت مملة ولا كانت مرتبكة ابتسام التفتت له : وش قصدك ؟! نايف : قصدي انك مو مملة عشان كذا ماراح اكرهك ابتسام كان نايف اغرب شخصية قابلتها بحياتها من جد .. معقولة يكون واحد بزواجه كذا دخلت غرفة النوم وبلعت ريقها وهي تطالع لكن راحت بسرعة تبدل قبل يجي ويسوي سالفة بعد باسئلته الباردة .. لبست بجامة حريرية بيضاء ناعمة برومده .. وبلوزه سيور لكن لبست فوقه الروب الابيض وانسدحت والحقيقة انها مانامت .. النوم فارقها وانتظرت تسمع له حس لكن مافيه شي .. غير مكالمة عادية .. وعقب ماراحت للسرير بساعتين انتبهت له يرتمي بجسمه على السرير وهي معطيته ظهرها ونام مباشرة وهذا الشي اللي خلاها فعلا ماتنام .. شي غريب بيوم تكون ببيتك وعايش حياة لك سنين تعيشها وفجأة بيوم تقابل انسان جديد عليك من كل النواحي ولازم تسوي مع هالانسان حاجات مستحيل تسويها مع انسان تعرفه من سنين .. كانت مشاعرها مرتبكة طول الليل ومانامت ولا لحظة حتى عيونها ماغمضت .. على ان نايف كان هادي بنومه *** غادة كانت تجهز شناطها بهدوء .. استغرب احمد توقع لما يقولها بنرجع تسوي سالفة لكن كانت هادية .. هادية جدا , بعد ماخلصت وطلعت استغربت وجود هيثم بالصالة مع احمد .. ابتسم هيثم : هلا غدو .. هلا بالكرشة غادة : اهلين هيثم .. ايش تسوي ؟ هيثم : جاي اشوفك قبل تروحي , واقولك حاجة غادة : اللي هي ؟ هيثم اشر للمكان جمبه : تعالي غدوش اجلسي جلست غادة وهي قلبها قارصها : ........... هيثم تنهد : غادة انا امس جاني عرض من مدينة الملك فهد الطبية .. غادة مافهمت : ايوه ؟ هيثم سكت وهو يطالعها .. ثم قال : وانا قبلت غادة استوعبت فجأة : بتضل هنا ؟ هيثم : ايه .. الوظيفة اكثر من رائعة وانتي عندك احمد ماعدتي تحتاجيني زي أول احمد : غادة انتي تحبين اخوك ولازم تختارين مصلحته غادة التفتت له : عارفه ! ... ( التفتت لهيثم وقالت ببرود ) ألله يوفقك هيثم ابتسم : والله وكبرتي غدو .. توقعت كفوف ودموع ودراما وحاله غادة وقفت وراحت يم غرفتها .. وفي داخلها اقتنعت ان محد دايم لأحد .. هذي هي انرمت وحيدة .. الكل تركها راحت للرياض معاهم كلهم وبترجع لحالها .. *** |
رد: انتماءات كاذبة
انا قريت الفصل مرتين قبل ما اعلق
لؤى اعترافه كان مؤثر جدا والحوار بينهم كذلك مانقدرش نلوم سار فى ردودها عليه ،لكن حاسه انها حبيته وهو عنده احساس بكده أسماء اتجننت رسمى، هههه ، بس العصبية اللى هى فيها وطريقتها متهيألى هتخليها تتصرف غلط مش قادرة اتخيل هتقابل هيثم ازاى بس الأصعب هو هتقدر تلفت انتباهه؟ موقف غادة والوضع اللى شافها فراس فيه ورانا جانب بسيط من حدث كان له تأثير على فراس الشاب ، الموقف حصل على جزء من تفكيره وهو الشخصية اللى صعب شئ يحركها أو يأثر فيها ..لدرجة انه اتصل يسأل عن اللى حصل للبنت فده يدل ان الموضوع له خلفية قوية فى ذاكرته غادة اتحولت تماما بعد الصدمة ، قالب جليدى يحوى نار مشتعلة من الداخل بجد بقيت شخصية مأساوية فى الرواية وكمان هتبعد عن اخواتها يعنى هيبقى منها لمجموعة الحلاليف بقت بتوجع قلبى :Taj52: ابتسام ونايف الحوار مابينهم يجنن :e412: هو متبع معاها الاستفزاز وهى فاجئته بردود افعالها حقيقى كانت عند توقعى انها مش هتبقى منكسره وهتوريله شخصية تانية ماتخيلهاش الفصل روعة وشكرا ليكى وبانتظار القادك:55: |
رد: انتماءات كاذبة
اسلام عليكم ورحمة الله
بارت رائع عزيزتى نايف وابتسام واضح ان حتكون بينهم مواقف طريفه نايف قالع برقع الحيا وابتسام خجوله اسماء بتتصرف بغباوه مع ساره المفروض تشغل دماغها مش لسانها تسلم ايدك وفى انتظار الباقى وسنه سعيده عليكى واعوام مديده بطاعة الله |
رد: انتماءات كاذبة
الفصل مانزلش لحد الوقت ليه
انا متشوقة له جدا متمللة عسى المانع خير |
رد: انتماءات كاذبة
" البارت الرابع عشر "
ابتسام اللي مانامت .. شافت الساعة لما وصلت 8 ماعاد تقدر تضل مكانها وقامت بهدوء وهي تمشي على اطراف اصابعها لحد ماطلعت من الغرفة .. تنفست بارتياح لما طلعت ماتدري ليش الجو مكتوم بوجوده .. فز كلش فيها لما سمعت جواله داخل الغرفة يدق .. ويتبعه صوته النعسان وهو يرد : ايه نعم .... شنو ؟! ... لا يله انا طيارتي بعد ساعتين ..... اوك , باي طلع عقب فترة وشكله مبهذل من النوم شعره منتفش وعيونه الناعسة ناعسة اكثر تثاوب : صحيتي ؟ ابتسام وهي تلم الروب بارتباك : ايه ... نايف : مابقى شي على طيارتنا .. تجهزي عشان نطلع ابتسام بغت تسأل عن اشياء كثيرة .. لانها اول مرة تطلع بحياتها من جدة للرياض وفجأة بتطلع من السعودية كلها لكن هالانسان ماكان يأهل .. فراحت تلبس ابرك لها تصير مملة ولا تطيح بنقاشات معاه لبست فستان ناعم سماوي كم ياباني ضيق لنص الساق مع حزام بنص خصرها وجزمة انيقة مرتفعة ارتفاع بسيط غير متعب .. وشعرها تركته مفتوح على طبيعته .. ومكياج خفيف اثناء ماهي جالسة ترتب اغراضها بشنطتها .. دخل الغرفة وهو لابس جنز موف طويل وبلوزة بيضاء فوقها جاكيت رسمي ابيض .. وجزمة رسمية بنية سحب شنطته من الدولاب ووقف قدام التسريحة وهو يزبط شعره .. طالع من انعكاس المراية وهي تطالعه :............... انتبهت ابتسام انه يطالعها فرجعت تشتغل بشنطتها .. اول ماخلصتها جلست على الجلسة الناعمة بغرفة النوم وهي تطالعه : احم .. ممكن سؤال ؟ نايف وهو منسجم في شعره : اللي هو ؟ ابتسام : المكان اللي حنروح له ... فين بالضبط ؟ يعني أي قارة وقف نايف من شغله والتفت لها : ماتعرفي جزر المالديف ؟ ابتسام ارتبكت : لا .. اعرفها يعني بس ماعمري جاني فضول اعرف فين بالضبط ؟ نايف : طبعا ماحيجيك فضول .. مو مستوى فضولك المالديف ابتسام مافهمت : .............. نايف رجع يشتغل بشعره : المالديف هي 26 جزيرة جنوب اسيا ابتسام فتحت عيونها : 26 !! نايف : يسموها الجزر المرجانية .. وعلى فكرة مجموعها الحقيقي اكثر من الف جزيرة , بس بشكل عام يقولو 26 بس ابتسام طالعته باستخفاف : تلعب علي ؟ نايف : وش مصلحتي ؟ بجد اكثر من 1000 جزيرة بس مو كلها مأهولة للسكان طبعا يمكن 200 بس المأهوله واخر مرة رحت كانو يستوطنون جزر جديدة ابتسام ابتسمت : مرة متحمسة اشوفها نايف سحب شنطته : يله نمشي ؟ ابتسام راحت تلبس عبايتها .. وطلعت معاه وهي بداخلها فعلا متحمسة .. تجربه جديدة بحياتها وكان المشوار طـويل عشان يطلعون جوازها , وبعد تعب الجوازات والتصوير وكلش ركب السيارة ورمى عليها جوازها : راح نهارنا كله عند هالجواز ! ابتسام فتحته تطالعه وهي نص الكلام فيه مو فاهمته .. قالت بربكة : همم .. نقدر نمر أهلي ؟ قبل نمشي ؟ نايف طالع الساعة : يمدي بس على السريع فتحت جوالها ودقت على غادة : الو غادة : هلا .. ابتسام : تجهزي انا بالطريق بمر اشوفك قبل اسافر غادة : توصلي بالسلامة .. ولا تتعبي حالك انا بالطريق لجدة ابتسام : شنو ؟! غادة : ايه وش نجلس اكثر له ؟ وهيثم لاتتعبي حالك كمان .. راح يضل عندك بالرياض على طول ابتسام : وليش ؟ وشغله ؟! غادة : ما أدري .. اساليه , يله ابتسام انا بسكر مشغولة شوي .. كلميني وقت توصلي سكرت غادة .. ابتسام قبضها قلبها تحس غادة فيها شي لها كم يوم ماهي على بعضها .. قالت بهدوء : لا تمرهم .. نايف : مرهم لاتمرهم .. لعبه هي ؟ ابتسام ماردت عليه وهي تفكر وش ممكن يكون فيها ..؟ .... ان شاء الله خير .. *** عصر تقريبـا / ميهاف كانت بالصالة مع امها : شخبار نايف يمه ؟ كلمتيه ؟ ام نايف : ايه .. ومارد علي ارسل رسالة انه بيصعد الطيارة اللحين وطول فترة السفر مايبي يتواصل مع احد ميهاف : ههههههههههههههه كأنه كرشك بطريقة غير مباشرة ؟ ام نايف : لا وش كرشني اكيد يبي خصوصية مع عروسته .. والله انا عارفه ان ابتسام بتجيب راسه اختياري هذي ميهاف : على فكرة ماما .. انا لقيت لي وظيفة ام نايف : وش وظيفته ؟ وش حاجتك فيها ؟! ميهاف : مافيه .. مجرد تسلية مليت من الفراغ ام نايف : براحتك .. وش الوظيفة عاد ؟ ميهاف : مو حاجة كبيرة .. بملاهي قسم النساء , احس حاجة توسع الصدر بجد دق جوال ميهاف طالعت " عيوني " .. ابتسمت وخذت جوالها وقامت ... ام نايف : مين ؟ ميهاف : هذي نوال ماما صعدت لفوق وردت : هالو بدر : اخيرا .. اخيرا تزوج نايف وافتكينا منه .. اشغلني عنك واشغلك عني ميهاف : ههههههههه تو نبي نكلمه ارسل رساله انه مايبي يتواصل مع احد بدر : بجد ؟ انا تو مكلمه قبل اكلمك .. وعادي يرد ويسولف ميهاف شهقت : حرام عليه ! يعني مايبي يكلم امي ؟ الحقير بدر : ههههههههههه مبسوط حده .. تقولين حظ الدنيا كله بيده ميهاف : اكيد .. مو تو عريس بدر : لا مو عشان كذا انتي بعد .. تو راجع له جوازه وبيسافر وانتي تعرفينه عشقه السفر ميهاف دخلت غرفتها : ايوه ماعلينا منه .. بس حط ببالك لما نتزوج ماراح تنبسط عشان بتسافر بتنبسط عشانك بتسافر معاي .. مفهوم ؟ بدر بحالمية : وهو بيدي ؟ ميهاف : هههههههه فديتك والله .. شنو تسوي اللحين ؟ بدر : موصل أمي للسوق .. وجالس اتمشى لحد ماتخلص ميهاف : غريبة انت موصلها .؟ بدر : مو غريبة ولا شي .. طفشان وماعندي شي وهي تبي شغل فوصلتها ميهاف : اهاا .. طيب حبيبي انا بسكر اللحين اكلمك بعدين ؟ بدر : وليش تسكري ؟ ايش عندك ؟!! ميهاف : بروح للملاهي بدر : ههههههههههههه وش هالشطحة ؟ ميهاف : هههههههه مو شطحة ولا راح العب .. اشتغل هناك بدر تغير صوته : من متى ؟ ميهاف : تو قررت هالاسبوع وبباشر اليوم بدر : وليش انا آخر من يدري بهالقرار العظيم .؟؟ ميهاف : ماصارت مناسبة أقولك بدر : تسوقيها ميهاف ؟! شنو ماصارت مناسبة ؟! وليش هالشغغل من الاساس ؟ ميهاف : اتسلى .. ولا هالملل اللي انا فيه كل يوم بدر : ...................... ميهاف : الو ؟ بدر بحدة : روحي لوظيفتك لا أشغلك .. بس مرة ثانية ياليت تحطيني بالصورة ميهاف :هذا أنت صرت بالصورة سمعت ميهاف صوت ام فراس جمبه .. وسكر السماعة مباشرة طالعت بشاشة الجوال وهي عاقدة حواجبها *** اسماء جالسة على الكنبة بشكل عكسي راسها على الارض ورجلها على ظهر الكنبة والملزمة بيدها وتدرس دراسة البركة لأن عقلها مب هنا .. عقلها بالعيون الرمادية الطافية والعيون الزرقاء الوسيعة : اكرها قسم بالله قبيحة ! اففف حتى هو سخيف .. توقعته محترم لما حط علاقته رسمية معاي .. شوي فالها مع هالبقرة !! دخلت ام فراس وبدر البيت .. ام فراس : ما شاء الله .. تصدقتي على عمرك شوي ودرستي ؟ اسماء تصبر نفسها : ماعليه الويكند قرب خلاص .. بدر صعد مباشرة .. ام فراس : اجلسي زي العالم وادرسي .. اسماء عدلت جلستها : يمه ! ام فراس : هلا اسماء : تتوقعين متى يرجع نايف وزوجته ؟! ام فراس : وانا شعرفني .. ناس من ناس غير ..فيه ناس يتأخرون بشهر العسل ناس يعجلون , وش مشحنك انتي ؟ اسماء : ابي ابتسام ! حبيتها والله .. اول ماترجع بسوي لها حفلة استقبال ببيتنا ام فراس : قومي شدي على حيلك وادرسي .. عشان لارجعت تخلصين هالصيفي اللي مو راضي يخلص ! اسماء : هذاي جالسة اخلصه يمه .. بعد الناس مقامات العقول مب سوا ام فراس تنهدت بضيق : ادرسي وبس .. اسماء : ماما فيك حاجة ؟ كانك ضايقة .. ام فراس : وضع اخوك ماعاد يعجبني .. بنتم السنة وهو خلاص ماعاد استقر اسماء : هذا شغله يمه ام فراس : واذا ؟ والله اشتقت لعيشته هنا .. صرت ماعاد اعرفه وش فيها لو يشتغل وهو جمبي اسماء : روقي يمه فترة وتعدي .. مستحيل يضل طول عمره كذا ام فراس : حتى ماعاد له مجتمع ربع يفلها معهم ولا شي .. منغلق على هالشغل اسماء : يمه فراس حتى لو بالرياض صداقاته قليلة .. مو من النوع اللي يصادق مليون واحد زي بدر ام فراس : ولو هو متزوج كان .. جتني حره وانا اشوف ام نايف وفرحتها بنايف .. انا مايحق لي افرح به يعني اسماء : هذا بدر عندك خاطب .. وقريب بيتزوج وخلاص فراس ترا شايب ماعاد ينشال همه , مو بزر للحين ام فراس : انا رايحة لغرفتي انام لي ساعتين .. وانتي ذاكري ! ذاكري مو القاك حاضنه الكتاب ونايمة اسماء : طيب حسبي الله بس على من اخترع الاختبارات ! وانا وش ينشبني بالصيفي بعد صدق غبية ! *** استغربت ابتسام بعد ماخلصو الجواز وقفوا قدام بيت فخم .. بتصميم رائع رايق بدرجات الابيض العاجي .. فتح الباب : انتظري شوي وراجع .. طالعت ابتسام بفضول وهو يرن الجرس وبعد فترة طلع شاب شافته اكثر من مرة مع نايف , وسامته عربية بحته .. طولوا بالسوالف حتى انها ملت وهي تشوفهم , عقبها طلع ولد مراهق شكله عكس الرجال لمحته ناعمة وشعره يميل للاشقر , وابيض ونحيف كان شكله يفتح النفس ومعه كاميرا سلمها لنايف .. عقبها سلم نايف عليهم وركب السيارة .. ابتسام بفضول : مين بيته ؟ نايف وهو يحرك السيارة : بيت أم فراس , اكيد تعرفينها ابتسام : اهااا .. يعني اخوان اسماء نايف : يب .. يب ابتسام طالعت بالبيت وهم يبتعدون .. اعجبها شكله تمنت تصوره , تنهدت داخلها بملل لما وقفوا عند مبنى ثاني بيت متوسط الحجم لكن تصميم امريكي ريفي فتح الباب وهو يقول : راجع ! لكن كان واضح انه بيطول من طفى السيارة .. تنهدت وهي تطالع المكان وهو واقف عند الباب .. انفتح نص الباب دون يطلع أحد ودخل هو لداخل وتسكر الباب .. تاففت ابتسام !! وش يحس به هو وهالمشاوير ؟!! .... طول طول لدرجة فكرت تضرب البوري لكن تراجعت ... فكرت تدق عليه لكن استوعبت ان ماعندها رقمه للحين ... ؟!! طالعت المكان هل بيكون طبيعي تنزل وتدخل .. لا لا ابتسام انهبلتي خلك مكانك .. ! داخل البيت / فتحت الخدامة له الباب .. طالعها نايف : وين مدام ؟ الخدامة : مدام جوا .. تفضل فصخ نايف نظارته الشمسية ودخل كانت جالسة رجل على رجل قدام التلفزيون وببجامة حريرية سيور وبرمودا حمراء .. وشعرها مصبوغ اشقر قصير مايغطي حتى رقبتها : هلا بالمعرس نايف وهو واقف : هلا فيك .. فين يزيد ؟ نهى وقفت وجسمها كان مليان من ناحية الصدر مع ذلك لبسها كان فاصخ : يزيد بالحديقة ماشفته قبل تدخل ؟ نايف : اجل انا طالع اشوفه وبالمرة بطلع نهى بدلع : وليش مستعجل ؟ اجلس تغدا معنا نايف وهو طالع : وراي طيارة فرصة ثانية نهى : وليش ماجبت زوجتك معك ؟ نتعرف عليها نايف : مو ضروري تتعرفين عليها نهى رفعت حواجبها : اهاا نايف طلع لبرا لعند يزيد : يزيد بابا ! يزيد وقف وركض وضمه : بااااااااابااااا ! نايف : هههههههههههههه هلا بالبطل ... كيفك حبيبي ؟ يزيد بحماس : انا امس شفتك مع البنت نايف : ايه وانا شفتك كمان .. شرايك بعمه ؟ يزيد عقد حواجبه : عمه ؟ نايف : ايه البنت اللي جمبي امس تصير عمه نهى من ورا : رجاء نايف لاتعلمه على هالسوالف .. مابيه يقولها عمه ! نايف : خلاص حبيبي اسمع كلام ماما .. لاتقول عمه قول ماما نهى بعصبية : نااااااااااااايف !! نايف : هههههههههههههههههههههه شفيك نهى كأن مزاجك حاد اليوم ؟ نهى : مدري عنك .. عمه وماما ! نايف : خلاص يامعوده اللي يريحك .. قولي له وش يناديها نهى : مو اسمها ابتسام ؟! خلاص يناديها باسمها يزيد : ماما ابتسام حلوة مره .. لابسه ابيض حلو نهى : طبيعي .. كل الحريم بالأبيض حلوات نايف : صح يزيد .. ماشفت امك وهي لابسة الابيض حلوة جدا نهى وهي ترمش : بجد ؟ من احلى بالابيض انا ولا هي نايف : لا انتي ولا هي أنا ! نهى حطت يدها على خصرها : احححلفف ؟!! نايف : احلفي انتي .. وش شغلة المقارنات هذي من احلى انا ولا هي ! نهى : ايه سؤال عادي نايف طالع بساعته .. ثم باس يزيد بخده : يله انا تأخرت لازم اطلع .. يزيد حبيبي خلك مؤدب واسمع كلام ماما يزيد : طيب نايف : يله نهى انا رايح .. نهى : كلمني اذا وصلت نايف : لا ماراح اتواصل مع احد بهالسفرة .. فلا تعوري راسك وراسي وطلع وسكر الباب .. وركب سيارته .. ابتسام ( الله لاكان جاب الغلا ؟ ) : ايش هالبيت ؟ نايف : بيت صاحبي .. يله مابقى شي على طيارتنا وصلو لحد المطار وابتسام تحمد ربها ماوقفوا عند بيت ثاني بعد ويجلسون سنة !! اخيرا وصلوا للمطار وركبو مباشرة لانهم وصلو على الموعد المحدد للطائرة ابتسام اول مرة تركب الطيارة بحياتها .. جلست وهي متوترة وتحس نفسها ضايق , " الرجاء من جميع الركاب الاستعداد للاقلاع " ...كانت ابتسام بجهة النافذة ونايف جمبها , المضيفة مرت من عندهم : تأكدو من حزام الأمان نايف التفت لها تنهد .. ثم قرب منها وشبك حزامها , نايف طالع المضيفة : لاتيه مغربي لو سمحتي أول ماتحركت الطيارة ابتسام تمسكت بيدين الكرسي بقوة وغمضت عيونها .. نايف طالعها : ههههههههه شفيك ؟ ابتسام وهي مازالت مغمضة : طرنا ؟!! نايف : هههههههههههه لسى بالارض .. طالعي الدريشة وتعرفي لاطرنا ابتسام : لا لا لا ماراح افتح لحد مانطير نايف : لايكون تكرهين الطيارات ؟ ابتسام : ما أدري .. ماجربت قبل كذا نايف : تفوتين لحظات مهمة اللحين ترا فتح ابتسام عين وحدة ببطء وهي تشوف لسى بالمطار والطيارة للحين تمشي .. وترتفع ببطئ فتحت عيونها الثنتين بطبيعية ماكان الوضع مخيف وهي اللي مسوية سالفة ... التفتت لنايف : متى نوصل ؟ نايف : يمكن ثلاث ساعات ابتسام : اهاا .. نايف تسند وغمض عيونه وشبك السماعات بأذنه وصوت الموسيقى عالي حتى ان ابتسام تسمعه من مكانها .. ابتسام كانت تستكشف كلش الطيارة كيف شكلها والسماء والأرض البعيدة من تحت , وكلش فيها طاير من الوناسة *** جـدة – بيت أبو احمد / أول ماوصلوا .. دخلت غادة غرفتهم وهي تحس الفترة اللي ابعدت عنها كانت وهم كأنها ماصارت كانها امس كانت هنا ونامت وصحت .. وياليته كان صدق ولا راحت الرياض وصار اللي صـار , فصخت عبايتها وجلست وهي تطالع ببطنها وتمسح عليه وكأنها تستمد قوتها منه ... دخل أحمد وطالعها وهي جالسة وشعرها منسدل ومغطي وجهها : غادة رفعت راسها : هلا أحمد بارتباك : انتي زعلانة مني ؟ عشان اللي صار بالرياض ؟ غادة نزلت راسها بهدوء : وليش ازعل منك ؟ مو انت اللي تركتني وانا لسى بالمهد ولا انت اللي خبيت عني هالحقيقة وخليتني بعين الكل غبية احمد جلس على ركبته قدامها وحضن يدها : يعني راضيه خلاص ؟ والموضوع لاتفكري فيه كثير .. هي الخسرانة غادة : تلعب على مين ؟ انا الخسرانة مو هي .. ايش خسرت هي ؟ حياة فقر مع زوج مريض وبنات معقدات ؟ انا اللي خسرت حضنها واهتمامها .. حتى لمحات بسيطة عنها خسرتها .. هي ماخسرت شي احمد تعجب من تفكيرها ونظرتها لنفسها .. كانت واثقة ومعتزة بنفسها رغم كلش لكن ماعادت نفسها اللي تزوجها تغيرت كثير صارت واقعية : .............. غادة وقفت .... احمد : فين ؟ غادة : ببدل وبنزل اساعد أهلك بالشغل .. احمد ( وكمان بتساعد دون مشاكل .. لو عارف من زمان رميت هالحقيقة بوجهها ) : ............ قبل تنزل رن جوالها " هيثم " ... حطته على الصامت ونزلت تشتغل ورغم الكلام اللي يرمونه ماكانت ترد واذا ردت تعتذر حتى لو ماغلطت وتكمل شغلها *** سارا كانت بالشقة لبست عبايتها وخذت شنطتها عشان تطلع .. اول مانزلت انتبهت له متسند على سيارته , قوت نفسها ومشت لناحيته : ايش تسوي هنا ؟ لؤي وقف : عندي لك عرض ! سارا : ............ ما أبي عروضك , ابيك تبعد عن طريقي وبس لؤي : مستحيل ابعد عن طريقك .. خصوصا وانا اعرف انك تجبرين نفسك تبعدين عني سارا : ما أجبرت نفسي على شي ..! انت كنت زميل عمل واللحين ماصار فيه عمل يجمعنا لؤي : عشان كذا انا جاي .. عندي عرض شغل لك سارا : أي شغل له علاقة بالشمري ما أبيه لؤي : وماله علاقة بالشمري ... مبنى قديم بالكويت انا ناوي ارممه , بس محتاج مشروع فيه , ومقدر افكر بشخص انسب منك سارا : يعني باسمك ! لؤي طلع من جيبه اوراق وحطها بيدها .. سارا عقدت حواجبها وفتحت الأوراق كانت باسمها طالعته : شنو هذا ؟! لؤي : باسمك , يعني مالي أي حق فيها وتقدري تسوي فيها اللي تبغي حتى لو ماتبيني جمبك .. بس كنوع تقدير لهالمعروف اتركيني اقل شي اقابلك سارا : لا لؤي مقدر اقبلها لؤي : راح تقبليها .. اعتبريها اعتذار مني على تدمير مستقبلك المهني سارا كانت تحب الشغل بجد تكره تكون عاطله .. وهالعرض اكثر من رائع بالنسبة لها : شكرا لؤي : سارا .. انا راجع اشتغل بشركتنا , بس ماراح يرتاح ضميري ارجع وانتي كذا فخذي هالمبنى واشتغلي واعرف انك راح تنجحين سارا : ........... لؤي : سارا .. أنا احبك سارا اول مرة تسمعها صريحة منه ... لؤي كمل : انتي تعرفين هالشي وانا اقولها لك بجد انا احبك , مابي منك رد ابدا بس ابي ارتاح , مابيها تضل عالقة بخاطري سارا ويدها اللي ماسكه الورقة ترتجف .. قالت تبدل الموضوع : راح اشتغل فيها .. وشكرا مرة ثانية لؤي ابتسم على تجاهلها التام لكلامه : اوك .. وقت تفتحينه رسمي تقدري تعزميني للافتتاح عدل وقفته وراح يركب سيارته : تقدري تروحي مشوارك .. ودي اعرض عليك توصيلة لكن عارف الجواب تحرك بسيارته وسارا تشوفه يبتعد وكلش فيها متحطم ... لو بس انولد بعائلة ثانية .. *** اثناء ما ابتسام غاطة بنومة فتحت عيونها على اعلان وقت الهبوط .. التفتت لنايف كان نايم طالعت من النافذة بحماس بس مافيه شي مهم ! مجرد المطار هزت نايف بنعومة : نايف .. نايف .. فتح نايف عينه .. : وصلنا ؟ ابتسام : ايوه قاموا ونزلوا من الطيارة .. ابتسام : اللحين وصلنا لمالديف ؟ نايف : لا اللحين بكولمبو عاصمة سيرلنكا .. وبنركب اللحين طيارة مالي ابتسام : مالي ؟ نايف : عاصمة المالديف ابتسام بحماس : وبنطول كمان بالرحلة ؟ نايف : تقريبا الاعلان على طيارة مالي .. حست ابتسام بارهاق طيارتين ورا بعض تعب بجد اما نايف كان متعود احيان يركب خمس ماعنده مشكلة .. عقد حواجبه : اكره الخطوط السيرلانكية ابتسام : ليش ؟! نايف : لأنها فاشلة .. ابتسام عقدت حواجبها ومشت وراه .. لحد ماركبوا الطيارة اول مانطلقت بالجو صارو فوق طبيعة خلابة .. ابتسام فتحت عيونها وهي تشوف الخضار بكل مكان الاخضر بدرجاته الفاتح والغامق وجنة الله في ارضه قالت دون شعور : واو التفت لها نايف وهو يشوف المنظر : هذي سيرلانكا ابتسام وهي فاتحة عيونها وشاردة بالمكان : سبحان الله نايف رجع يطالع بجواله متعود على كذا اما ابتسام كانت تراقب بذهول وطول الرحلة وهي ماملت المنظر البحار والخضار . كانت جنة بجد تمنت لو غادة معها تشوف بس .. *** بدر كان جالس بغرفته .. راجع من النادي الساعة 5 ونص , مسك جواله ودق على ميهاف لكن مافيه رد , حاول مرة ثانية ردت على اخر رنة : هلا بدر : فينك ادق ماتردي ؟ ميهاف : سوري بيبي بس مشغولة .. اكلمك بعدين بدر : انتي وين ؟ ميهاف : بدوامي بدر : للحين ؟! ميهاف : ايه هذي وظيفة مو زيارة واطلع .... يله اكلمك بعدين سكرتها حتى دون تسمع رده , طالع بالجوال ثم رماه على الطاولة بقرف : الملاهي اللحين صارت شغلة مهمه تاخذ وقت ؟! تافف بملل ومسك جواله ورد على اقرب عزيمة جته وطلع , واحد يتزوج ويسافر ووحده تشتغل ومعد تفضى ! *** مساء .. الساعة 10 ونص / غادة كانت جالسة معاهم بالصالة .. بس عقلها مو معهم وشاردة .. دخل أحمد .. ام احمد : هلا والله احمد طالع بغادة حتى مارفعت راسها .. جلس جمب امه : هلا فيك .. كيفكم ؟ شوق : حمد الله .. اليوم جت خالتي وبصراحة كان فلة مره , كان نفسها تسلم عليك احمد : يسلمها ... ابوي فين ؟ هند : من زمان جا ونام سحر قامت تمشي وبطريقها دون قصد طاحت بيالة الشاهي الحارة على رجل غادة , الكل طالعها لكن ماكانت معاهم احمد صرخ : غاااادة ! رفعت غادة راسها بتبلد : ايوه كلهم طالعوها .. معقولة مو حارة ... هند : رجلك ؟ غادة طالعت برجلها ثم شهقت واحساس الالم تو يوصل عقلها .. قام احمد من مكانه واخذ مناديل ومسح رجلها : تعورك ؟ غادة وقفت رغم انها تحرقها : مافيه شي .. احمد مسك يدها لحد ماجلست : ماتعورك يعني ؟! ام احمد : قالت مافيه شي خلاص لاتشحن روحك ! غادة خذت صينية الشاهي واخذها للمطبخ وغسلت المواعين ونظفت المطبخ .. واحمد كان بالصالة وشارد فيها في المطبخ .. والسؤال الوحيد براسه " بتكون بخير كذا ؟ " بعد ماخلص سوالفه مع اهله دخل المطبخ يشوفها ماكانت موجوده .. معقولة صعدت ماحس فيها , صعد كانت نايمة بالفعل تنهد وسكر الأنوار ونام وهو يتأملها وسكونها وتنفسها المنظم بين شهقات مو بيدها , ودمعه على خدها *** اخيرا وقعت الطيارة الثانية .. نايف كان صاحي هالمرة ويقرا مجلة سياحة بحضنه وابتسام طول الطريق تتأمل المناظر الخلابة من فوق نزلو من الطيارة واستلمو شناطهم ... ابتسام كان تطالعه تنتظر منه تعليق عن ايش بيسووا او أي حاجة , استغربت لما وقفوا بنص المطار وواضح من عيونه يدور حاجة .. : ايش تدور ؟ نايف وهو مستمر تحديق : دوري لوحة مكتوب عليها جميرا فيتافيلي ابتسام : جميرا فيتالي ؟ نايف بتشديد على الحروف : جميرا فيتافيلي ! ابتسام : ايش هالاسم ؟ نايف : جزيرتنا اللي بنروح لها ابتسام : ماحنضل بالعاصمة ؟ نايف : نو .... هذا هم تعالي وصل لعند الموظف : hi I am naif الموظف : hello sir , we've been waiting for you نايف : so will we go ? الموظيف : there's another family coming we must wait نايف : understand .. so we will be there when they arrive call for us الموظف : get it ابتسام وهي تدحرج راسها وسط حكيهم : مين هالرجال ؟ نايف : مسؤول الجزيرة .. راح يوصلنا لهناك ابتسام : ايوه يله ماحنروح ؟ نايف : لا فيه عائلة ثانية بتجي .. بننتظر شوي تسند نايف على الكرسي ورفع رجلينه على الطاولة .. ورفع نظارته الشمسية وهو مسترخي وبيده الكاميرا ييضبط خصائصها لان قدامه جلسة تصوير .. اثناء انغماسه .. ابتسام كانت تطالع بالمكان بفضول وتطالع نايف اللي كان منشغل تماما واضح من تعابيره المنسجمة في الشي اللي يسويه ...بعد فترة جت العائلة ..كانت عائلة يابانية او كورية .. وقف نايف وهو معلق الكاميرا على رقبته .. ابتسام عقدت حواجبها بضيق وفتحت فمها وهي تشوف مراهقات العائلة يفصخن شيرتاتهن .. حتى جلسن بشورت واندر وير للبحر .. ! طالعت بنايف كان يطالع فيهن .. انقهرت من هالداشرات .. لكن راحن من بالها وهي تشوف اول ماطلعوا من المطار كان القارب ينتظرهم : حنركب القارب ؟ نايف : راح يوصلونا لجزيرتنا بالقارب ابتسام بحماس : بجد ؟!! قفز نايف لحد ماصار على القارب والعائلة ركبت .. ابتسام كانت المسافة واسعة نوعا ما بين القارب والارض .. انتبهت لدليلهم السياحي يمد يده لها عشان يساعدها فتحت عيونها وهي تشوف نايف مو يمهم ! قالت بصوت خافت : نايف الدليل : what's wrong ? hold my hand التفت لهم نايف وقالها بضيق : ايش فيك بسرعة اركبي ! ابتسام بهمس غاضب : شنو هذا يبيني امسك يده ...؟ تعال انت نايف طالع الوضع وزفر بضيق وهو يقرب ويمد يده لها : ماراح ياكلك ترا .. بس بيساعدك ! ابتسام : واذا يساعدني ؟ باي حق يمسك يدي ؟ مسكت يده وسحبها لحد ماركبت القارب .. تنفست الصعداء وهي تشوف كيف كلش يفتح النفس منظر البحر غير عن بحر جدة منعش اكثر .. كانه مكان بأحلامها اما نايف كان مشغول تصوير , وحده من بنات العائلة الثانية معاهم : hi hansom can we have a photo ? ابتسام مافهمت كلامهن .. لكن انصدمت وهي تشوف نايف جالس يصورهن , شاحت بنظرها بضيق وقالت بهمس : قلة ادب فعلا ! اما نايف فعقب التصوير انسجم سوالف معهن ويضحك ويسولف .. وهي مالتفتت حتى مجرد تسمع طلاسم مافهمت فيها شي !! عكر عليها جوها ومنظر البحر الخلاب ... اول ماوصلوا للجزيرة كانت بأخلب صورها وكان قدامهم استقبال بالطريقة المالديفية ...مجموعة رجال ونساء كبيرين بالعمر ويطبلون ويغنون ابتسمت ابتسام وهي تشوفهم حركة تفتح النفس بجد .. تمنت احد جمبها تشاركه هالوناسة لأن نايف مرة مو معها منسجم تصوير وسوالف معاهن ! حست انها تزوجت انسان ثاني تماما عن أي رجال عرفته بحياتها .. عكس هيثم تماما بكل شي , وهيثم كان يمثل الرجولة بالنسبة لها .. مستحيل كان يرضى لها رجال يمسك يدها او انه يتكلم مع بنات بهالطريقة اما هذا بنظرها الرجولة تتبرى منه ! نايف كان مستمتع برحلته ومو ناوي يعكرها عشان تزوج اصلن هو ماصدق ترجع حساباته وجوازه ... لكن مجرد نزلوا الجزيرة انفصلوا عن العائلة , وهنا التفتت لها نايف وهو يطالعها من فوق لتحت : بتجلسي بعبايتك ؟ ابتسام انصدمت وش قصده يعني ! : ايه .. فيها شك يعني ؟ نايف عقد حواجبه : نامي على الجنب اللي يريحك .. بس حبيت اقولك اني ما أمانع تفكين عبايتك ابتسام احتقرته : اها .. لانك رجال ما شاء الله عليك نايف دون اهتمام : ادري قدام استقبال الطبول جلسة بسيطة بشراب منعش .. جلس نايف بروقان يشرب طالعها وهي واقفه : بتضلين واقفة كذا؟ ابتسام : مالي خلق اجلس .. نايف طالعها من فوق لتحت : اجل خلك واقفه .. ( والتفتت لموظف الاستقبال يسولف معاه ) حست ابتسام انه يطول بالسوالف عشان يقهرها ... لكن هي اعند وماجلست ظلت واقفة تطالع المكان , بعد ماخلص مشروبه وروق وقف .. ابتسام كان تبغى مكان ترتاح فيه من امس لليوم تعب ! خصوصا ان الوقت كان ليل الساعة تقريبا 10 .... مشوا بطريقهم مع موظف الاستقبال وطول الطريق كان مروق يسأل ويشوف ويدخل أي مكان يعجبه في الطريق ومطنشها كان عايش جوه بجد .. وصلوا لكوخ بنص البحر اعجبها شكله كان روقان بجد .. وانسحب منهم موظف الاستقبال لما دخلـوا , كان كلش جميل بالمكان ! واغراضهم كان موجودة واصلة قبلهم .. اعجبت ابتسام بالخدمة رايقة بجد فصخت عبايتها وهي نادمة انها لابسه كعب وضيق يقالها كشخة بينما ماكان لبس مريح بالسفر , فتحت عيونها وهي تشوف بنص الجلسة مجهزين لهم مشروب " خمر " شهقت .. التفت لها نايف : شنو ؟! ابتسام اشرت له بخوف : ايش هذا ؟! طالع نايف العلبة وقال ببرود : ايش شايفة انتي ؟ ابتسام فتحت عيونها : خممر !! نايف : خمر حلال لاتخافي ابتسام حطت يدها بخصرها : لا ياشيخ ! وش حلال .. الخمر كله حرام نايف : ايش يعرفني انا هما يقولوا حلال .. بذمتهم مو ذمتك ابتسام فتحت عيونها : يعني حتشرب ؟ نايف هز كتوفه : اذا عطشت ابتسام : لا ! فيه موية اشربها لا عطشت نايف : هههههههههههه لا ؟! ابتسام انحرجت .. تحمست بالحكي من جد : قصدي يعني . مو مضمون لاتشربه نايف : ماعندك خبره انتي .. هذا خمر بنكهة التمر وبصراحة طعمه لذيذ ابتسام بصدمه : يعني جربته ؟ نايف : اجل كيف بقولك لذيذ ابتسام كل شوي تحتقره زياده .. وش هالمخلوق !! طلعت من الجلسة وراحت لشنطتها احتارت ايش تلبس بالضبط .. الوضع مربك لكن استقرت على قميص ناعم ستايل طويل خوخي كم نص وشعرها الأسود جففته وتركته مسدول على وجهها , طلعت من الغرفة ماحصلته .. لكن طالعت بالجلسة والخمر مشت لناحيتها واخذت العلبة وفتحتها وفرغتها كلها بالمغسله حتى صارت فاضية ورجعت العلبة مكانها ( اذا هو ناوي يخربها لايخربها وانا على ذمته ! ) ثم جلست بالجلسة الرايقة وهي تحس بإرهاق فضيع ..السفر فعلا متعب وكلش هنا غير السعودية حتى الهوا غير .. استنشقت الهوا اللي يهب على الجلسة من النافذة الكبيرة المفتوحة ... نايف طلع وهو ماخذ شاور ولابس روب .. وقف عند المغسلة يغسل وجهه كشر وهو يحس بريحة عفنه من جد .. طلع مكشر : ايش هالريحة بالمغسـ ..... سكت وهو يشوفها سادحه راسها على الطاولة ونايمة والهوا يحرك شعرها بخفه , شكلها كان متناسق مع الجو ونسيم الليل سكر الشباك عشان مايتعبها الهواء .. وجلس بكرسي مقابل لها تنهد بضيق ( ماتناسبني .. مستحيل تناسبني مجرد اليوم بالرحلة معي اكتشفت قد ايش حنا غيـر ) وقف بيرجع للغرفة وسحب معه قنينة الخمر انتبه لها خفيفه فتحها كان فاضيه طالع المغسلة وابتسم وهو يفهم السالفة اللحين ! ( ههههههههههههه كبتها ! , لو تدري بكم بس ) رجع لغرفته وبدل ملابسه وطلع .. بالنسبة له هذا مو وقت نوم هذي بداية الفله ! وفيه صداقات قديمة له بالمالديف لازم يزورها *** صحى بدر من النوم ظهر .. وهو معبس من اشعة الشمس اللي مصوبه على وجهه جلس بضيق : كلش بهالرياض قرف ! حتى الشمس على راسي ! سحب جواله وفتحه ومزاجه قفل زيادة .. ولا حتى رسالة !! هذا وهي تعرف انه متضايق ؟!! صحى من سريره كان لابس بنطال بجامة بس .. سحب بلوزته ولبسها وهو نازل لتحت .. قابلته ام فراس : ياصح النوم ! بغيناك تفطر معانا صبح بس ميت بدر دون نفس : صباح الخير كانت اسماء تتجول بالصالة والسماعة باذنها : ايوه .... هههههههههههههههههه تخيلي بس ! ( طالعت ببدر ) يمه وشفيك مكشر ! بدر جلس والريموت بيده : خليك بحالك اسماء : لا مستحيل اليوم ... ليش ماتجي انتي ؟ ..... اها اوك تمام ..... نسيت اقولك تخيلي اخر مره صديقتي تسأل عنك تقول من هذي امي تبغاها ..؟ قلت هذي ميهاف زوجتنا المستقبلية بدر طالع باسماء وضيق عيونه : من تكلمي ؟ اسماء : ميهاف ! بدر : اها عندها وقت تكلمك ؟! اسماء : طبعا .. وش وراها غيري بدر تجاهلها وهو يبدل بالقنوات واعصابه ضاربه ... اسماء رجعت تكلم ميهاف ! ميهاف : من تكلمي ؟ اسماء وهي تصعد لفوق : بدر .. مدري شعنده مصبح علينا .. ماعليك منه المهم شخبار نايف وزوجته ؟ ميهاف : ايش عرفني ؟ ندق عليه من امس مايرد .. وهو اساسا قبل يروح قايل ماراح ارد عليكم اسماء : طيب دقوا على ابتسام بترد ! ميهاف : يمكن يبغوا ينبسطوا بلاش نزعجهم اسماء تنهدت : معك حق .. هذي المالديف عاد ياحظهم ميهاف : يله اسوم لازم اسكر اكلمك بعدين اسماء : اوكيشا ! رجعت اسماء تنزل كان بدر على حاله .. جلست برواقه : وش هالفيلم ؟ بدر كان يطالع بتحديق : ايش عرفني ! اسماء : طيب رد زي العالم ليش معصب ؟ بدر ارمقها بنظره ورجع يطالع ... رن جواله بمسج " ليش حبيبي معصب ؟ " كتب " ابد مافيني شي .. بس حبيبتي مطنشتني من امس وعلى بالي مشغولة طلعت تسولف مع الكل ماعداي وعادي مافيني شي " ميهاف طالعت مسجه بذهول معقوله معصب من كذا .. دقت مباشرة قبل اخر دقة رد عليها : فضيتي تدقي اللحين ؟ ميهاف : ايش صاير بدر ؟ بس ما أكون انا سبب مزاجك هذا ؟ بدر : ايش رايك انتي ؟ ميهاف : شنو ايش رايي .. رايي ان الموضوع مو مستاهل كل هذا بدر : اها ... يصير خير مايستاهل ! ميهاف : مافهمت ! بدر : مايستاهل هذي مو عندي .. انا بدر اذا انتي ناسية واقدر اجيب مليون وحدة غيرك تعطيني وقتها , فاذا كنت مختارك معناها انا فوق الكل وقبل الكل ... مو تنشغلي بوظيفة منتي محتاجتها وماتسوى ولا هي مقام خطيبتي اصلن ! ميهاف : باللهي ؟ أيش هالعجرفة !! بدر : عجرفة ؟!!! هذي مبادئي اللي تقولي عنها عجرفة يا هانم ميهاف : بجد ع بالي فيه سالفه .. طلع كل هذا عشان بس انشغلت ؟! بدر : لا ياروحي انتي ما انشغلتي انتي تكلمي الكل عادي وتعطيهم وقتك .. اذا عندك مشكلة معاي تكلمي اسمعك ! ميهاف : ماراح اقول شي .. بس لما قلت ان هالوظيفة مو مقام خطيبتك ! انا اقولك هالاخلاق مو مقام خطيبي .. واذا عندك مشكلة مع هالمقام تقدر تعطيه احد ثاني ! وسكرتها وهي منقهرة منه ... بجد تافه ! ايش قصده مستكثر علي اكون خطيبته ... بجد ماله معنى جتها رسالة مباشرة " تذكري تقفيلة الوجه هذي " رمت جوالها وهي قرفانة من كلش .. حتى انها كلمت وظيفتها واعتذرت !! وهي رايحة تدق عليه ع بالها معكر صاير معاه شي طلع عشان مشغولة عنه ؟!!! *** صحت ابتسام من النوم .. وهي تحس بضيق بسبب نومتها ابتسمت وهي تطالع المكان وتذكرت هي بالمالديف !! مو وقته النوم ... وقفت وراحت بالكوخ كله تدور على نايف ماحصلته .. يمكن طلع قبلها .. الساعة 10 معقولة نامت كل هذا .. دخلت الحمام تستحم وتبدل ملابسها كان الجو مداري فلبست لبس يناسبه ويناسب كونها عروسة ومريح بنفس الوقت فستان سيور قماش ناعم ابيض لركبتها مع جاكيت جلد احمر مع بوت قصير عودي جلد .. وقلوس خفيف بيج وكحل على السريع رشت من عطرها لكن حضرته للحين مو هنا مسكت جوالها تدق عليهلكن كالعادة رقمه مو عندها وهي للحين ما أخذتهدقت مباشرة على غادة تطمنها على انها مستغربةانها مادقت عليها .. توقعتها تزعجها جاها الرد :هلا ابتسام ابتسام بحماس : هلااا غدوششة شخبااارك ؟؟ وشخبار الكرشة ؟ غادة : انا حمد الله ., والكرشة تمام عقبالك ابتسام : تخيلي وصلناا للمالديف غادة : ايوه وكيف ؟ ابتسام توقعتها تتحمس اكثر : لسى للحين ماطلعنا نتمشى بس بصراحة الطيارة كانت حاجة ثانية والمناظر حاجة ثانية .. تخيلي اول ماوصلنا ياخذونا بالقارب من المطار للجزيرة .. ولا استقبال الطبول كلش كان جنان غادة : الله يهنيك ابتسام هنا تأكدت فيها شي : شفيك غادة ضايقة شي ؟ غادة : لا ... ليش ؟ ابتسام : ما أدري توقعتك تتحمسي اكثر .. ردودك مو ردود غادة ! غادة : ايش تتوقعي اظل مهبولة لآخر عمري ..؟ كلنا مصيرنا نكبر ونعقل ابتسام : الله الله .. من متى هالكلام ؟ غادة : من صار فيه روح داخلي لازم أصير قوية عشانها ابتسام : قوية مو معقدة ! غادة : ايه ابتسام انا معقدة ... ابتسام : شكل الحمل عامل عمايله معك .. كم صرتي اللحين ؟ غادة : الشهر السادس ابتسام بحنان : باقي 3 شهور ..؟ يالله ياغادة قد ايش متحمسة اشوفه غادة والحياة رجعت لصوتها : انا اكثر .. ابتسام : شرايك تجي تولدي هنا بالرياض ..؟ غادة : لا مقدر .. ابتسام : وليش لا .. انا بكلم لك عمي بنفسي تعالي عندي ادير بالي عليك غادة بحدة : لا ! ابتسام : طيب ليش مصرة كذا ؟! غادة : لأن عائلتي هنا ابتسام : افا .. وانا وهيثم مو عائلتك مو بالرياض ؟ غادة بخنقة : انتي صار لك عائلة ثانية .. وانا عائلتي وحياتي مع احمد فمكاني جدة مو الرياض ابتسام ( مسكينة ياغادة .. ماتوقعت روحتنا الرياض بتأثر فيها كل هذا ) قالت بمرح : خلاص ولا يهمك انا اجيك جدة غادة : اللحين انتي ليش فاضية ؟ ماوراك تتمشي وتطلعي ؟ ابتسام : والله صحيت ماحصلته وانتظره يرجع عشان نطلع غادة : اها .. عموما انا اجهز القهوة لعمي .. باي ابتسام بإحباط : باي سكرت السماعة .. وتاففت بملل وينه بجد !! *** غادة بعد ماسكرت من ابتسام .. طالعت الساعة 6 حكم .. لازم تنزل تركب القهوة عشان تلحق نزلت وركبها والكل مبسوط على وضعها الصامت تخدم بصمت وهذا اللي يحتاجونه ! بعد ماركبتها صعدت تصلي المغرب , ثم نزلت وصفت الفناجيل وجهزت الصينية وجهزت الشاهي مباشرة وعقبها طلعت .. جاها صوت أم احمد : على فين ؟ غادة : صاعدة لغرفتي .. محتاجة شي ثاني ؟ ام احمد : ايه والله .. الملابس غسلتها الشغالة بس غسلها مو مزبوط ياليت تغسلينها انتي غادة بخضوع : ان شاء الله طلعت تغسل الملابس .. هي ماتخضع لكل هالطلبات لمجرد انها تبلدت وماتبي مشاكل , لا كان تشوف فيها انشغال عن الموضوع اللي بيفجر راسها ومو مخليها حتى تنام ! دخل احمد البيت حصلها تنشر الملابس على حبل الغسيل بالحوش وشكلها مرهق ماعادت زي أول كاشخة على طول .. قميص طويل تقليدي وشعرها البني لخصرها ممسوك بمغاطه باهمال وخصل متناثرة على وجهها وشحاطات ودون ايش ذرة مكياج وعيونها تحتها اسود كشر وهو يشوفها بهالهيئة : غادة ! التفتت له غادة : هلا .. احمد : مو كأنك مهملة بنفسك بهاليومين بزيادة طالعته ببرود ثم رجعت ترمي اللي بيدها على حبل الغسيل : ان شاء الله احمد : ان شاء الله ؟ غادة طالعته : ان شاء الله .. راح اعدل شكلي احمد قبضه قلبه على حالها مشى لعندها ومسك يديها واخذ اللبس من يدها وجلسه وابعد خصله طايحة على وجهها : شدعوة هالاسلوب غدو ؟! وين حبيبتي الأولى ؟ غادة : حبيبتك الأولى كان غبية احمد : وليش غبية ؟ وربي كنت احبها من قلب غادة : بالضبط .. كانت غبية عشان حبتك وصارت حبيبتك احمد : حتى حاليا انتي حبيبتي غادة : لا .. انا زوجتك وبس احمد ويده تمسح على خدها : انا مابي زوجة بس ابي حبيبتي غادة بألم : ليت كلش نبغاه بهالدنيا نحصله .. ماكنا انا وانت بهالمكان لكن حمد الله على كل حال احمد : انتي زعلانة مني ..؟ لا تقولين لا انتي زعلانة غادة : ماني زعلانة احمد .. ولاني راضية .. ما أحس بشي خلاص الشي الوحيد اللي أحس به هذا ( وهي تمسح على بطنها ) محد يستاهل حبي وزعلي غيره احمد : افا .. انا ترا ابوه ! غادة : ولأنك ابوه اقولك شكرا واخدمك واقوم بحقوقك .. بس ما أظن تحتاج شي مني غير كذا ؟ احمد طالع بالارض وقال بقهر : معك حق ! ونزل يده من خدها ودخل لداخل ( ايش اسوي لها اكثر من كذا يعني ؟ تعاملني كأني انا اللي مهرب امها ! ) *** دخلت سارا مقهى المستشفى وهي تنتظر تشوفه ... جاها من بعيد اشرت له وهي جالسة واتجه لطاولتها وجلس .. رفعت حواجبها : ماشاء الله تبتسم ووجهك منور ! هيثم : ايش رايك يعني ؟! مو مصدق اني هنا ! سارا : بس مو كأنه الشغل هنا بيجي اثقل واعصب هيثم بحماس : وهذا المطلوب .. ايش ابغى بالسهل ؟ ابي تحدي سارا : هههههه افهمك صدقني .. وجه الشبه الوحيد بيني وبينك هيثم : ايوه .. راجعه للكويت ؟ سارا : ايه .. جاني عرض من صديق ورايحة اجربه هيثم : اهم شي لاترجعي لشغل الشمري !! سارا : لا ماراح ارجع .. شخبار خواتك ؟ ابتسام سافرت ؟ هيثم : كلهن سافرن .. غادة رجعت مع زوجها وابتسام سافرت مع زوجها سارا : الله يوفقهن .. يله عقبالك كلن تزوجن باقي انت هيثم : استني أركز نفسي وابني مكاني هنا .. وقتها راح اتزوج سارا : بالتوفيق .. يله انا جيت اشوفك واتطمن عليك قبل اسافر دق جوال هيثم .. ابتسم ورد : هلا لؤي فز قلب سارا وهي تطالعه !! .... هيثم : هههههههههه ايه والله مديون لك بكلش بهالوظيفة ؟ ايه حياك الله باي لحظة .... انا اللحين ماعندي شي تعال نشرب قهوه ونروق..... اوك تمام سكر السماعة .. طالعته سارا : مين لؤي ؟ هيثم : هذا اخو زوج ابتسام ... والله رجال طيب وسنايد ! تخيلي هو اللي ساعدني لحد ماتوظفت هنا سارا ( تعلمني عنه .. انا اكثر وحده اعرف انه طيب وسنايد ) : وجايك اللحين ؟ هيثم : ايوه سارا وقفت : انا استأذن اجل .. هيثم : متى طيارتك ؟ سارا : بكره صباح هيثم : خساره كان بوصلك المطار بس مشغول .. يله توصلي بالسلامة سارا : يسلمك طلعت بسرعة ورجلها تعاندها تبي تجلس تقابله بس تجاهلت نفسها وراحت بسرعة ! راح تقابله بس وقت تبني المبنى وتأسسه ويصير لها مكان ..لانها لو تقابله اللحين بيأثر عليها ويمكن تحطه شريك معها *** دخل نايف الكوخ .. الساعة 12 ونص , كانت بالغرفة تصلي اخذ له ملابس ودخل الحمام , خلصت ابتسام صلاتها وطالعت جهة الحمام وهي منقهرة لها ساعتين تنتظره تو يشرف .. ولا كلف نفسه حتى يقولها قبل فين رايح !! جلست بالجلسة وفتحت الشباك وهي تحس ميته جوع ومو عارفة من وين ممكن تجيب الأكل هنا حقدت على المالديف .. حاطين لهم خمر ولا فكروا يحطون لهم اكل صاحي .. بعد ساعة يمكن سمعت صوت الباب ينفتح وصوته بالغرفة وهي جالسة مكانها ( ساعة يتسبح !! مايشوفني ربع ساعة ومخلصه ) طلع من الغرفة وهو لابس بنطال قطني اديداس رمادي وشيرت ابيض علاق دون تفاصيل وشعره مرتبه على ورا وريحة النظافه تفوح منه : صحيتي ؟ ابتسام تنهدت : ايه .. من زمان , ليش ماصحيتني معاك ؟! نايف جلس على الكنبة : مانمت اساسا عشان كذا انا داخل اللحين انام .. لو ايش مايصير لاتفكري تصحيني لحد ما اصحى لحالي ابتسام فتحت عيونها بقهر : بتنام ؟! طيب ... ( ترددت تكمل ) نايف : شنو ؟! ابتسام : يعني .. انا تو صحيت وابي اطلع اشوف المكان .. يعني لو نطلع اللحين ونرجع بدري وتنام نايف : طيب اطلعي مين ماسكك ؟ ابتسام انصدمت : لحالي ؟ نايف : لا فين لحالك ..؟ خذي معاك المرشد السياحي حقنا بيدبر امورك .. لااا صح ماتفهمي لغته , استني اذكر فيه مرشد سياحي مصري بكلمه لك ... ابتسام طالعته يفتح جواله يعني من جده قاطعته : لا شكرا !! نايف : ترا ضيعتيني ..؟ شو بتطلعي شو ماتبي ! ابتسام تنهدت وحطت عينها بعينه : اوك حنا مانعرف بعض .. لكن خذها من اللحين عشان ماننحرج بمواقف ثانية .. انا مستحيل اخالف تقاليدي عشان طلعت برا السعودية ؟! يعني حركات المرشد يمسك يدي يساعدني .. واشرب خمر .. واطلع معاه اتمشى .. هذي من سابع المستحيلات اسويها نايف عقد حواجبه : صدق مو وجه تسافرين وانا على بالي مسوي فيك خير ! ابتسام : خير من هالنوع انا ما أحتاجه .. ( كملت ببرود ) ولا يهمك مو ضروري اطلع بنتظرك تصحى ونطلع سوا نايف : ههههههه من قالك هامني ؟ انا بنام وانتي سوي اللي تبغي .. المرشد موجود والفيلا موجوده تبغي تطلعي اطلعي تبغي تجلسي هنا اجلسي ودخل الغرفة ينام .. اما ابتسام عضت على شفتها بقوه واضح انها راح تتعب مع شخصيته العوجا , بس اكثر شي هامها انها جويعة .. جويعة مرة !! ليش ماتجرب تطلع لحالها وتشتري ؟! لا كيف بتقدر تتفاهم معهم ... حست بيأس وطلعت من شنطتها بسكوت وكلته تصبر نفسها لحد مايصحى من نومته .. |
رد: انتماءات كاذبة
اعتذر على التأخير .. تم نزول البارت
وراح اتوقف مؤقت بسبب فترة الإختبارات اخر موعد لاختباراتي تاريخ 27 -4 اشوفكم وقتهـا على خير ودعواتكم |
رد: انتماءات كاذبة
بالتوفيق فى الاختبارات
وشكرا على الفصل |
رد: انتماءات كاذبة
عودة للتعليق
أولا بدر وميهاف رجعو تانى للتحدى من وجهة نظرى هى كان مفروض تقوله على العمل ولو ذوقيا ، اما هو فطبعا غروره ظهر تانى وقعد يمن عليها انه خطبها ابتسام وقوتها والتزامها ان لو حتى زوجها متهاون ومش هامه حلال ولا حرام ، هى ماشاء الله عليها شخصيتها هى هى فى أى مكان، هنشوف تماسكها وشخصيتها الموزونة قدام استهتار نايف واهماله هتتعامل معاه ازاى غادة شخصيتها تحولت تماما ، إحساسها بالخديعة حولها لشخصية عميقة صامتة ، حددت مسئوليتها فى الحياة المولود القادم وتجاهلت عاطفيا وعمليا الناس كلها، بما فى ذلك اخواتها لأنها أكيد شايلة منهم علشان خبو عليها ،انا حاسة ان غادة كل ما الأحداث بتدخل بتاخد وضع مختلف فى الرواية ، وطبيعة سلوكها نفسه هيبقى غير متوقع حقيقى هافتقد الرواية جدا لدرجة انى قعدت اقرا تاريخ انتهاءالاختبار هو فعلا 27-4؟:lPk05240: على العموم بالتوفيق |
رد: انتماءات كاذبة
تغلق الرواية حتى عودة الكاتبة
|
رد: انتماءات كاذبة
تفتح الرواية بطلب من الكاتبة
|
رد: انتماءات كاذبة
وحشـــني ركني الوحيد هنآ T-T
خلصت الاختبارات بحمد الله وسلامته , وابشركم بالنجاح والله يوفق الجميع واللحين رجعت مره ثانيه بالتشابتر ومواعيد النزول نفسها مجرد تغيير بسيط اليوم بما اني طولت عليكم كل هالفترة |
رد: انتماءات كاذبة
" البارت الخامس عشر "
رجعت من الدوام بدري مفوته محاضرتين .. بس خلاص ماعاد طايقة الجامعة ولا نفسها .. اول مادخلت البيت قابلتها امها : كأنك راجعه بدري ؟ اسماء بملل : ايه .. ام فراس : من مرجعك ؟ اسماء بنفس النبره : بدر .. ام فراس : ووينه ؟ اسماء : مدري ام فراس : بتنامين ولا بتنزلين نجهز لك فطورك ؟ اسماء : بنام ولحد يصحيني .. صعدت لفوق ونزعت عبايتها ولبست بجامة مريحة وانسدحت على سريرها مستعده للنوم وهي تحس بغصة .. يعني لما انفرجت وشافته وحست انه قريب يختفي على طول .. اكيد رجع جدة ! معقولة تكون آخر مره شفته هي آخر فرصة اشوفه فيها .... ! نبهها من افكارها صوت جوالها طالعت المتصل " ميهاف " ... ردت بزهق : ايوه ميهاف : وينك لي ساعة انتظرك ؟ لسى بالكلاس ؟ اسماء : رديت البيت .. ميهاف : ياحلوك والله ! وليش ماقلتي لي ؟ اسماء : ايش اقولك ؟ انتي مبسوطة اليوم خلصتي الصيفي وانا قدامي مشوار ميهاف : طيب ليش اخذتي الصيفي اذا مو عاجبك؟ اسماء : مدري .. ميهاف : خلاص اجل كنت بكلمك اشوف وينك نفطر سوا , باي اسماء تنهدت : باي .. دفنت وجهها بالمخده وغطت بنومه .. طبيعي لوحده سهرت الليل كله تفكر بنفس الموضوع ! *** ميهاف اول ماسكرت من اسماء .. دخلت للكافتريا وهي تلفت النظر بمجرد تدخل , حطت رجل على رجل وجلست وطلبت قهوتها .. جت بنت بمعرفة سطحية بينها وبين ميهاف وجلست معها : غريبة جالسة لحالك مو بالعادة ! ميهاف ابتسمت : اهلين لبنى .. كيفك ؟ لبنى : تمام .. انتي كيفك ؟ مبروك الخطوبة ميهاف : يبارك فيك وعقبالك لبنى : فاضية ؟ ميهاف : ايه والله .. فاضيه واحس بملل فضيع .. وباقي ساعة على المحاضره لبنى : انا والبنات طالعات للكارفور القريب هنا .. تطلعي معانا ؟ ميهاف : ايوه طبعا .. ايش وراي ؟ لبنى : سواقكم موجود ؟ ميهاف : ايه استني ادق عليه طلعوا وميهاف تحس نفسها تطلع .. لطس نفسها بدر امس ومكالمته على ان الطلعة لطست نفسها اكثر لأن الحديث عنه كثير , وماجلس سؤال عنه ماسألنه فاستأذنت بدري ورجعت للجامعة وهي نادمة اللي راحت اصلن ! وين اروح القاه اففف *** المـالديف / ابتسام يأست خلاص .. غربت الشمس متى ناوي يصحى ؟! وهي نفسها تطلع تشوف الشمس والناس وقفت على باب الغرفة وفتحتها بخفه كان نايم والمحرج نايم دون بلوزة .. ماتجرأت تدخل اكثر من كذا رجعت تطلع , ايش الفايدة رايحة للمالديف وجالسة طول النهار بملل .. رجعت عند باب الغرفة دون تفتحها وطقت الباب بخفه .. مافيه استجابة !..رجعت تطق ... : نعم ابتسام بلعت ريقها : الشمس غابت .. وانت ماصليت الظهر والعصر نايف جلس نص جلسة وهو لسى النوم بعيونه طالع الباب وعقد حواجبه : طيب ليش واقفه برا ! ادخلي ابتسام فتحت الباب بشويش كأنها تتأكد ان الوضع اوك .. دخلت وهو على حاله جالس ببنطال بجامة ودون شيرت وعضلاته المفتولة السمراء تشد مع شعره المبعثر , كانت تطالع بوجهه دون تنزل عيونها : صحيت ؟ نايف وهو يفرك عيونه : كم الساعة ؟ ابتسام : ثمان .. نايف سند راسه على راس السرير وهو يطالعها بتأمل .. ابتسام توترت من نظرته عطته ظهرها طالعه : لاتنسى تصلي نايف : ابتسام ! ابتسام التفتت نص التفاته : هلا نايف : تجهزي .. بصلي وببدل وبنطلع ابتسام : ان شاء الله طلعت لبرا ونايف اكتشف فيها صفة جديدة " صبورة " .. ايامه هو ونهى كان مستحيل تجلس كل هالوقت لحالها تنتظره يصحى بتصحيه غصب او تطلع وتتركه ....... بعد فترة طلع وكانت بعبايتها وقفت وطلعوا وهي مو مصدقة انها طلعت شعورها ماينوصف , قالت بحماس : فين حنروح ؟ نايف : فين حابه تروحي ؟ ابتسام : مدري .. ما ادري ايش موجود هنا يعني نايف : مطعم ؟ منتي جيعانه ؟ ابتسام : ع هواك دخلوا مطعم .. الريحة تسبق من برا ريحة الاكل , ابتسام الفرج اخيرا أكل ! تحس حالها بمجاعة واول مرة تدخل مطعم بحياتها .. حتى بجدة مادخلت ابدا ! جلسوا بجلسة خشبية تناسب جو المالديف تقدم الجرسون منهم وقدم لهم المنيو .. فتحتها ابتسام وهي مو فاهمة شي وش هالخرابيط , اقل شي يحطون صورة ! ونايف مافتح المنيو حتى طالعته ابتسام : ماحتطلب ؟ نايف : عارف طلبي .. خلصتي انتي ؟ ابتسام اشرت على حاجة عشوائية اهم شي تاكل .. طالعها نايف وابتسم وهو يطالعها : متأكدة تبين هالطلب ؟ ابتسام توترت من ابتسامته : ايه متأكده .. دايم اطلبه حتى لذيذ مره نايف ارخى جسمه على الكرسي وهو مازال مبتسم : اها .. اوك . ( نادى على الجرسون وعطاه الطلب ) ابتسام كانت تطالع بالمطعم فاضي .. اكيد الوقت متأخر حتى ان الطلب ماتأخر مافيه غيرهم طالعت وجبتها فتحت عيونها ونايف بضحكه بصوته : هههههههههه عليك بالعافية ابتسام حست بفشله وهي تشوف وجبة الطفل قدامها قالت بقهر : ليش ماقلت لي ؟!! نايف اطلق ضحكته من صوتها الحمقان : هههههههههههههههههههههههههه والله قلت لك بس قلتي دايم اطلبه ولذيذ قلت كيفها ابتسام حست انها بنص ملابسها وهو يضحك عليها .. نايف : ههههههههههههههه ولا يهمك تبغي تطلبي حاجة ثانية؟ ابتسام انحرجت من قلب : لا شكرا .. نايف قدم صحنه لعندها : تقدري تاكلي من صحني ابتسام رجعت له صحنه : لا مافيه داعي عادي نايف وهو مازال مبتسم : براحتك قلبت ابتسام بالصحن .. والله مو سيئة برقر وبطاطس بطريقة طفولية بس نفس الشي كلت خصوصا انها جويعة حدها , خلص نايف أكله ورجع يبتسم وهو يشوف صحنها خلصته : اعجبتك وجبة الأطفال ؟ ابتسام ( شكله ناوي يمسكها علي ! ) : ايه عادي ماعمرك أكلت برقر يعني ؟ دفع نايف الحساب .. وطلعوا والساعة 12 نص الليل , ابتسام النعاس بدا يغلبها خصوصا انها صاحية بدري : فين رايحين ؟ نايف : ناخذ جولة باليخت .. بتطلع خيالية مع جو الليل ابتسام وهي تطالع اليخت نفسها تركب بجد : حلـو وصلو لليخت المحجوز لهم .. وسألوهم اذا يبون سائق لكن نايف رفض وركبوا وهو واقف عند غرفة القيادة ومتمرس في قيادتها ابتسام بذهول : تعرف ؟! نايف : طبعا اعرف مستحيل اترك متعة زي هذي ما اعرفها ابتسام بفضول : تقدر تعلمني ؟ وقف نايف من مكانه وأشر لكرسي القيادة : تفضلي ابتسام فتحت عيونها : فجأة كذا ! علمني اول وبعدها اجلس نايف : اولا ارتاحي وفصخي عبايتك .. محد باليخت غيرنا فصخت عبايتها وجلست على الكرسي وهي مرتبكة : ايوه كيف ؟ نايف كان وراها مباشرة ومنحني ومسند يديه على الطارة ويلقي عليها التعليمات .. وابتسام ماحست الجو مريح خصوصا مع اريحيته وهو يمسك يدها ويحرك بها السفينة ... نايف : والله طلعتي تتعلمي بسرعة ابتسام : ههههههه مو صعب نايف ضغط على حاجة معينة : خلاص كذا صارت على الوضع الآلي .. ( مد يده لها ) نطلع نشوف البحر ؟ طالعت بيده ومدت يدها بتردد مجرد ماحضنت يده يدها كانت يده بارده .. صعدت درج صغير يطلع على سطح اليخت شعور مايوصف ونسيم الليل غير .. ارتعش جسمها وهي تحس ببرودة .. ماتوقعت الليل بيكون كذا , نايف طالع البحر وطالعها : تسبحين ؟ ابتسام فتحت عيونها :هاه ! نايف : امانة وانتي تشوفي هالمنظر ماتتمني ترمين نفسك بالبحر ؟ ابتسام طالعت البحر كانها تحاول تستوعب : لا ما أتمنى ! نايف كشر : ابدا ؟ ولا 1 بالمية ابتسام بصدق : شنو ارمي نفسي ..؟ احس ببرد وانا هنا كيف لو اسبح نايف حاس بفمه وكأن حماسه احبط : غريب .. ماعمري جيت مع احد هنا الا عنده نفس الأمنية ابتسام : انت تتمنى كذا يعني ؟ نايف دون شك : طبعا ! ابتسام : ماحتمرض اذا سويتها ؟ نايف : اكيد بمرض ابتسام : وعادي ؟ نايف : مو لكل حاجة ثمن ..؟ في نظري تستاهل ثمنها ابتسام وهي تطالع البحر : غيرك يتمنى الصحة وانت تفرط فيها نايف جلس على طرف اليخت ورجله برا : تعالي اجلسي جلست ابتسام جمبه والمنظر والجو يشرحون النفس والصدر تنهدت بارتياح كلش هنا مريح اما نايف كان يطالعها للحين مايحس بمشاعر طبيعية انها زوجته , حتى نهى كان يتوتر ولحظات رومانسية بينهم .. بس هي لا , يمكن عشان ثاني مره وخلاص ماعاد تفرق معاه .. لامس خدها الناعم بيده توترت ابتسام وهي تطالعه يقرب منها ببطء لحد ماصار فيه فراغ بينهم عيونه الناعسة بعيونها اللي تتفادى كل هذا قال بنبره باردة : أيش احساسك هاللحظة ؟ ابتسام بلعت ريقها ماعرفت تنطق حتى ..نايف بيده الثانية مرر اصبعه على شفاتها المقسومة ونزلها لحد خصرها وقربها منه اكثر وبعيونه نفس البرود : واللحين ؟! ابتسام غمضت عيونها ... بس جتها نبره هاديه : فتحي عيونك وجاوبيني .. وش احساسك ؟ ابتسام فتحت وطالعت بعيونه الزيتية : احساسي طبيعي زي احساس أي بنت نايف ويده تمسح على خدها بنعومة : والبنات سوا ..؟ انا عرفت بنات وعرفت الوان مشاعرهن .. ( انسحبت يده من خصرها لحد يدها وهو يرفعها بنعومة ويبوسها ) فيه وحده متوترة ... غيرها خايفة ... وغيرها مستحية .. وغيرها كارهه الوضع ... ( ضيق عيونه فيها ) بالنسبة لك اتوقعع ...همممم متوتره مو ؟ ابتسام رفعت حواجبها وتغيرت نبرتها : وانت .؟! ( سحبت يدها اللي بين يديه وهي تمررها بنعومة على اصابعه وتعدد الوان مشاعره ) خايف ..؟ ( ضيقت عيونها ) ما أظن .... كاره الوضع ؟ برضو ما اظن ... اتوقع متبلد ؟ نايف تفاجأ من حركتها .. لا غلطان هو مو هي البنت البريئة الفقيرة اللي يحسبها : مايهمك تعرفين ... بس بالنسبة لك .. مندفعة ابتسام قبصت ظهر يده اللي على خصرها بنعومة ورفعتها من خصرها وعيونها الغجرية تطالعه بحده : تجاربك الرائعة اللي تركتك .. تجرب الوان البنات تركتك تحس بولا شيء .. حتى لو انا اندفعت ماراح تحس بشي نايف رفع حاجبة وهو يطالع يده ويدها قابصتها .. اما ابتسام افلتت يده ووقفت : الجو هنا برد انا بدخل دخلت ونايف ابتسم ابتسامة جانبية .. معقولة مازعلت حتى او انصدمت وهو يقولها صريح انه جرب كثير , وتقولي متبلد .. ههه الله اعلم ! اما ابتسام دخلت وهي تطالعه من نافذت الغرفة وبنفس مكانه جالس .. ماكانو يبغو جداوية لما خطبوني اكيد سمعته في محيطه ماساعادتهم .. وقرروا ياخذوا وحده بعيدة مسكينة مستحيل ترفضه تنهدت وجلست على الكرسي لما شافته مطول وقررت ترجع هي بنفسها دام عرفت تتحكم بها .. أول مارجعوا طلعت بعبايتها وهو بمكانه قالت بهدوء : صرت اعرف مكان كوخنا .. انا راجعه نايف : بدري كذا ؟! لسى السهرة بأولها ابتسام : عليك بالعافية انبسط .. انا نعست وبرجع انام نايف : مايكون عشان كلامي بس .؟ ترا امزح مو جد روقي ابتسام التفتت له وقالت بحدة : لا ماكنت تمزح .. وقلت لك انا مانمت من فجر انت لسى صاحي فبرجع ومافيني شي نايف ابتسم ببرود : معك حق ماني امزح .. نوم العافية ابتسام : يعافيك ورجعت بطريقها اما نايف ماشالت معه السالفة طلع من اليخت وحصل وناسته بطريقته *** سارا كانت متحمسة .. وصلت للكويت قبل كم يوم وبدأت الشغل بمؤسستها مباشرة وهي مو مصدقة أنها تقدر او ان لها الحق , ابتسمت وهي تطالع ارجاء المكان .. مؤسسة صغيرة عبارة عن طابق واحد والطابق صالة وسيعة حست انها تناسب ديكور او أي تخصص هي تتمناه .. قرصها قلبها معقولة ياسارا تاكلين من خيره وانتي جاحدته مو ملقيته وجه حتى .. تنهدت وهي تفكر بالفترة اللي راحت كلها كل ما اتصلت بهيثم يكون طاريه بالمكالمة " لؤي معاي اللحين .. بقابل لؤي .... استني لؤي على الخط " ماينلام هيثم ..؟ وهو اللي يعرف لؤي يعرف يكرهه او يتجاهله .؟ ينعشق بكل تفاصيله .. قررت بتنتهي من تصميم المؤسسة ووقتها بتناديه رسمي يشوف المكان هذا اقل حقوقه عند لــــؤي / بالمطار التفتت لهيثم : والله ماكان له داعي تجي معاي ..؟ اعرفك مشغول كيف عرفت تطلع من المستشفى هيثم ضرب على كتفه بخفه : ولو انت لؤي نفضى لك غصب لؤي : تسلم والله .. بفقدك بهالسفرة صدقني هيثم : مطول ؟ لؤي : ايه .. اساسا نص شغلي هناك اجي هنا زيارات بس , وبنروح نكمل شغلنا هيثم : يله بالتوفيق .. وانا برجع لشغلي كمان لؤي : درب السلامة .. يله نشوفك بفرصة قريبة ان شاء الله هيثم : ان شاء الله طارت طيارته .. وهيثم رجع للمستشفى وهو مبسوط على لؤي , خصوصا انه محتاج احد من عائلة زوج ابتسام يكون قريب عشان يتطمن عليها وعلى وضعها ولؤي كان مناسب بشخصيته الوديعة والبسيطة بطبيعتها جدة / صحت غادة من النوم وهي متضايقة من امس مانامت جلست وهي ماسكة راسها من الصداع الفضيع كان احمد لسى نايم .. دخلت الحمام وخذت شاور يريحها من الارهاق وبدلت ملابسها وطلعت لبرا , أول مانزلت كان البيت هادي الساعة لسى 6 من بيكون صاحي يعني .؟ دخلت المطبخ وعملت لها ساندويتشه وقهوه وطلعت للحوش وجلست تفطر , رجعت معدتها تقبضها عقدت حواجبها بضيق من الألم الفضيع .. بس هي لسى بالشهر السابع بدري على هالأعراض سكن الألم بعد فترة حست بشخص وراها التفتت كان " ابو احمد " طالعها : شمصحيك بدري ؟ غادة : صحيت .. أبو احمد بضيق : يالله صباح خير ! ادخلي لمرة عمك ساعديها في الفطور غادة : ان شاء الله خذت فطورها ودخلته لداخل طالعتها ام احمد : ما شاء الله صاحية وجالسة تتنزهين برا ؟ ماتتسنعين تسوين الفطور ! غادة ماعلقت باشرت شغلها بصمت .. ام احمد : سوي فطور البنات وصعديه لهن بغرفتهن .. بخاطرهن يفطرن فوق غادة : ان شاء الله صعدت غادة بالفطور قابلها أحمد نازل : متى صحيتي ؟ غادة : قبل شوي أحمد ابتسم وهو يطالع الصينية : ما شاء الله .. بنفطر لحالنا اليوم .؟ ايه من زمان عن هالحركات غادة : لا .. هذا فطور خواتك احمد عقد حواجبه بضيق : وليش انتي اللي تصعدين فطورهن لهن ؟! غادة بسخرية : حاجة غريبة يعني ؟ احمد بعصبية : نزليه وقولي لأمي احمد رفض ! خدامه انتي ؟ غادة : ايه خدامة .. احمد مسك يدها وقال بحده : قلت لك نزليه ! غادة : رجاء احمد لاتسوي حالك مهتم فيني وبمشاعري .. اهتمامك هذا يجيبلي القرف احمد رفع حواجبه : القرف ؟ غادة ببرود : شفت .. لسى مسوي حالك مهتم اللحين النظرة اللي بعيونك نفس النظرة اللي اشوفها قبل تمد يدك وعلى بالك خايف علي ؟ مدت غادة خدها له : لاتخليها بخاطرك .. عادي اضربني مب هذي عادتك ؟ احمد شد على قبضته وهو يطالعها وهي تقرب اكثر طلعت هند ونزلت للدرج ووقفت وهي تشوفهم وواضحه شرارات الجو : احم صباح الخير افلتت غادة يدها من احمد وصعدت : تفضلي فطوركن هند بتوتر من نظرات احمد واضح معصب : شكرا يعطيك العافية أحمد بصوت مرعب : هند ! هند بتوتر : نعم احمد طالعها بحده : المره الثانية اللي اشوف فيها هالمنظر بيكون حسابك على يدي هند : شنو ماقلنا لها شي هي من نفسها ! احمد : سمعتي ؟!!! هند بقهر من غادة : سمعت غادة طالعت احمد بسخرية .. ونزلت لتحت متجاهلته , واحمد طالعها بقهر وهي تنزل في عيونها قسوه انولدت من قالها الخبر .. ماتوقع كل هذا يصير لها بسبب خبر زي كذا ؟! تنهد ونزل وطلع مباشرة مايبي يجلس بالبيت ولا يشوفها حتى *** صحت ابتسام من النوم .. اول مافتحت عيونها ماكان نايف موجود تنهدت وهي تنزل من السرير طالعت الساعة 9 صباح .. امس مارجع الا ظهر ..!؟ حست انها غلطانة لو تعتمد عليه على طول ماراح تنبسط ولا راح تتونس بس شالمفروض تسوي هي رافضة بقوة تطلع مع المرشد لحالها !! عضت ع شفتها بقوه على النسيان .. مرة ثانية نست تاخذ رقم جواله وش هالغباء عليها بتجلس زي امس تنتظره لين يشرف حظرته وينام ويصحى ويطلعون ويسد نفسها اكيد .. دخلت الحمام وجهزت لها حمام بمعطرات وحجر .. قررت تاخذ حمام يسوى دام مطول حضرته برا ..دخلت البانيو وهي تحس باسترخاء .. واكثر شي يفتح النفس تلفزيون داخل شغلته وهي تحس بالعز من جد !! والله وقام عزك يا ابتسام , من كان يتخيل انك بيوم بتجلسي بهالعز ..؟ دق جوالها كان " أمل " ابتسمت وردت : هااالو امل بحماس : هلا هلا هلا هلا بمدام الشمري !! هلا بالعروسة هلا ببنت العز ابتسام : ههههههههههههههههههه وينك من أمس انتظرك تقلقيني ماحصلتي امل : تنتظريني يانصابة ! احلف اني ماجيت ع بالك حتى ابتسام : هههههههههه وكيفك ؟ امل : وش كيفي على حالي .. جالسة ادق حنك من امس وبس اسولف للعالم كيف زواجات الشمري عوذي نفسك من كثر ماسولفت احس العالم بيحسدونك ابتسام : تف تف بسم الله علي امل بنبره خبيثة : ايييييييييييييه .. وكيف الحياة الزوجية .؟! ابتسام : اعلمك عشان ماتعرفني يعني ! متزوجة لك خمس سنين وش بقولك امل : ايه قولي عادي .. خليني استرجع ايام العسل اللحين خلاص بردنا ابتسام تنهدت : لو تشوفي المالديف يا أمل حاجة خيالية , حتى الاكسجين هنا غير امل : يابختك يختي .. صورتي اهم شي ؟ ابتسام : ههههههه افا عليك .. ترا لازم اشوفك حاولي تجي الرياض امل : ما ظنيت حبيبتي .. عموما خلك اللحين بشهر العسل واذا رجعتي يصير خير ابتسام : ان شاء الله امل : خلي مني المالديف اللحين .. كيف الرجال اهم شي عسل ولا بصل ابتسام بهم : ما أدري ايش اقولك يا امل امل فتحت عيونها ماتوقعت يكون فيه مشكله : شنو تقولين ..؟ بصصصل ؟؟ ابتسام : لا مو بصل ... بس برضو مو عسل امل : كيف يعني ؟! ابتسام : مو عارفة بس احسه غريب . امل : كيف غريب لايكون الرجال مريض نفسي ولا مدمن !! ابتسام : لا لا لا مو كذا .. قصدي تفكيره امل ببرود : ايه طبيعي .. تفكيره حسب مقامه مو مثلنا هذا ولد عز ابتسام : ولا من هالناحية .. بالعكس توقعت يكون شايل خشمه اكثر او بطران اكثر بس وضعه مقبول من هالناحية , بس عقله بجد غريب امل : ههههههههههههه كيف يعني مختل ؟ ابتسام : أييييييييوه تقريبا ! امل : هههههههههههههه من جدك ؟ ابتسام : يوه امل لاتضحكي ترا بجد اتعذب انا .. يعني كيف اقولك مو عارفة اتحاور مع عقليته امل : ايه طبيعي حبيبتي .. اول ايام الزواج تكون كذا مع الوقت تتعودوا ابتسام تنهدت : ما أدري ما أحس الفروق اللي بينا طبيعية .. احسها سالفة مبادئ .. هو له مبادئ وانا لي مبادئ والكل متمسك بمبادئه امل : ابتسام ترا انا زوجي مو مرة هاي كلاس عادي يعني بس مع ذلك اضطريت اقدم تضحيات كثير .. وتنازلت عن مبادئ كثير .. لازم تضحية اذا تبي علاقتكم تستمر ! فكيف اذا زوجك مرة عايش بالعز وشايف كثير اكيد .. بتضطري تقدمين له تنازلات ابتسام تنهدت بضيق : يصير خير .. امل : خلي مني هالنبرة ! والله بجد هذا اسلوب وحده تو متزوجة انبسطي وفرفشي لاحقه على النكد ابتسام : قولتك امل : ابتسام صار بينكم شي ؟! ابتسام بنبره خافته : قصدك ... امل قاطعتها : ايه قصدي ! وش بقصد يعني ابتسام بصوت ماينسمع : لا .. امل : غريبة لكم 3 ايام متزوجين .. هو بادر يعني ؟ ابتسام : كيف بادر ؟ امل : قصدي لمح حاول .. وانتي رفضتي او صديتي ابتسام وهي تتذكر امس بالقارب : ما أقدر اسميها مبادرة .. بالعكس يمكن اللي سواه تنفير امل : ايش سوا ؟ ابتسام : قالي انه يعرف بنات كثير من هالناحية يعني امل شهقت : امااااااااااااانه ! ابتسام بهم : ايوه .. يعني اعرف رجاجيل يكون لهم علاقات بس مايصارحون بهذا هذا يقولها كانها سالفة عادية امل : اوف اوف اوف .. والله قلة ادب عيني عينك ! ابتسام : فهمتي ايش قصدي بمختل ؟ امل : ولو حبيبتي ! كان مو متزوج اللحين تزوج حطي حد لهالهبال .. اغتاليه نص الليل وخليه مايشوف غيرك ابتسام شهقت : اغتاله ! امل : ايه اغتاليه .. خلك قويه الرجاجيل اللي كذا يبون وحده تقص رجلهم ابتسام : لا اغتاله ولا شي .. اذا هو ما يبغى يقربني ماراح اجبره على هالشي امل : واذا يبغى ؟! ابتسام : ششنو انتي مستلمتني !! امل : ههههههههه والله مو مستلمتك ولا شي بس بجد لاتحسبيني امزح هذا اللي مفروض تسويه ابتسام :................... امل : ايش قاعده تسوي اللحين فينه عنك ؟ ابتسام : ما أدري عنه ... بس أنا بالبانيو مسترخية داخل الفقاعات امل : ياحظك يختي .. مفروض انا مسافرة معك دام زوجك مختل ابتسام : هههههههههه وليش لا .؟ مرة ثانية نسافر سوا دخل نايف الشقة بروقان وهو يصفر طل براسه على الجلسة اللي دايم تجلس فيها بس ماكانت فيه سمع صوتها تسولف وتضحك مشى لجهة الصوت بالحمام كان مفتوح طرف الباب بس وهي بالبانيو والسماعة بأذنها ابتسم وطرق الباب بخفة وفتحه .. ابتسام فتحت عيونها بوسعها وهي تشوفه متسند بكتفه ومتكتف عند الباب ومبتسم : نعيما ابتسام : اكلمك بعدين امل .. سكرت السماعة وهي تطالعه وقشعريرة بجسمها وهي تطالعه : ممكن لو سمحت تطلع برا نايف وهو يمشي لداخل الحمام : وليش ؟! ابتسام وهي تحمد ربها على نعمة الفقاعات بس الموقف جاب مغص ببطنها : اساسا ليش دخلت ؟ نايف وابتسامته الجذابه مازالت مرسومة : الباب كان مفتوح ابتسام وخدودها موردة من اثر الرطوبة : اكيد نسيت اسكره .. نايف وهو يجلس على طرف البانيو ويجرف بيده فقاعات وينفخها برواقة : طيب ليش متوترة كذا .. الهدف من البانيو الاسترخاء ترا ابتسام : خلصت .. ابي اطلع فاطلع لو سمحت نايف : هذا وانا اقول انك عاقلة .. عادي حبيبتي اطلعي ما أمانع ابتسام : انا أمانع ! نايف : ليش تمانعي ؟ جسمك حلو ما شاء الله خلك واثقة ابتسام لعنت مكالمة امل اللي تركتها تطول : نااااااااااايف !! نايف : ياعيونه .. لبيه ابتسام وردت خدودها بشكل واضح : ........... اطلع . نايف : طيب بغمض عيوني ! ابتسام : ايش الفايدة اطلع وبس ! نايف تكتف وهو مروق : مابي ابتسام ارتفع ضغطها من رده الطفولي : لمتى يعني ؟! نايف : لحد ماتقومي وتطلعي .. وقتها اطلع وراك ( كمل بالمصري ) ونعمل حاقة سفلة ابتسام حمرت .. الموقف مشين بجد خصوصا انه واضح رايق ومو تاركها ويلعب بالفقاعات ويطالعها بنظرات رايقة .. بس لمتى .؟! الشخص العاقل يعرف متى يستسلم .. وابتسام شخص عاقل مثل ماكلنا عارفين مشفر × رقابة × إذن ولي الأمر *** الرياض – الساعة 7 مساء / ثاني يوم تتغيب عن وظيفتها .. الظاهر ان هالوظيفة مو حل , ومشاكلها اكثر من اللي تستاهله اجرت مكالمة استقالت منها .. وبدر له يومين نفس الشي ماكلمها من آخر مكالمة طالعت بصورته على مكتبها بابتسامته الفاتنة والغترة المعصوبة والعيون الكحيلة الحادة ..! البيت فاضي بهالوقت مافيه حاجة تشغلها عشان كذا توظفت .. اف الله يصلحك يابدر !! الحل الوحيد تكلم اسماء هي اللي ممكن تعطيها خبر عنه دقت لكن مافيه رد .. جربت تلفون البيت ردت ام فراس : الو ميهاف : سلام عليكم .. خالتي ؟ ام فراس : ايه .. هلا والله ميهاف , شخبارك ؟ ميهاف : حمد الله .. ادق على اسماء ماترد فينها ؟ ام فراس : اسماء من رجعت من الجامعة نايمة للحين .. مدري وش جايها اليوم ميهاف : اهاا ... الله يعين خلاص وقت تصحى قولي لها تكلمني تنهدت وسكرت , الحل تكلمه بس ماتبي تتنازل بسرعة لازم يعرف انه غلطان هو كمان ! *** في جـدة – الساعة 8 مساءا / كانت غادة بغرفتها .. رجعت الانقباضات تمسك معها غمضت عيونها وعضت شفتها بألم وهي ماسكه بطنها وتبي الوجع يهدى بس غير الم مستمر بظهرها..نزلت دموع لاشعوري من قوة اللي تحس به حتى ساقها مو قادرة تشيلها , سندت راسها على الكومدينة وهي تعتصر الألم وعاضه ذراعها بقوه: يمممه ... انفتح باب غرفتها بهمجية شوق ويدها بخصرها : هاه يالنمامة !! ماعندك نية تـ ....... سكتت وهي تشوف منظرها خصوصا الدم بملابسها قالت بخوف : غاااادة !!! غادة وهي تحس انها تتقطع من داخل : الحقيني تكفين .. بـموت ركضت شوق لتحت وين ماكان ابوها وامها وخواتها : يممممه يبه !! الحقوا علي غادة فوق مدري شفيها وقف ابو احمد وركض لفوق قال بهلع : غاااااادة شفيك ؟ ام احمد : مو وقته تسأل ابو احمد .. بسرعه اركب السيارة وشوق تعالي ساعديني تسندت غادة على ام احمد لحد مانزلوا السيارة .. ووصلوا المستشفى .. بعد ربع ساعة من دخلوها الدكاترة طلع الدكتور : ممكن اعرف مين ولي الأمر وقف ابو احمد : انا دكتور الدكتور : بنتك ؟ ابو احمد : ايه نعم دكتور الدكتور : البنت في مرحلة خطر لأنها ولادة مبكرة شهقت ام احمد : ولادة !! الدكتور : ايه نعم .. هذا غلط اغلب العوائل في الزواج المبكر عموما البنت بولادة ومحتاجة دعواتكم لأن ولادتها مو سهله ويمكن نضطر للعملية ابو احمد دق على احمد رد عليه بصوت ثقيل : ايييييه ابو احمد : احمد ! وينك ؟ احمد : فوق الغيوم .. ابو احمد استوعب من الاصوات الانثوية حوله والصراخ حالة ولده المعتادة .. سكرها مباشرة وهو معصب ام احمد : هاه ؟! ابو احمد : حضرته سكران ! هذا وقته يسكر السم الهاري ام احمد : ماعليه ماعليه مصيره يصحى ابو احمد تنهد بضيق : الله يسهل عليها ام احمد : طيب ندق على ابتسام ؟ ابو احمد : وش ابتسام وش بتقدر تسوي ! في قلعة وادرين ابتسام ام احمد : اخوها طيب ؟! ابو احمد : خليها تطلع بالسلامة ونكلمهم *** صبـاح المالديف المنعش / فتحت عيونها ونايف متسند على يده ويطالعها ابتسم : صباح النور ابتسام بخدود متورده بنعومة : صباح الخير نايف رفع حواجبه : والله طلعتي فنانة .. وانا مستهين فيك ابتسام حمرت :........ نايف قبص خدودها : ههههههههههههههه لك وجه تستحين ! ابتسام : هههههههههههه لاا ؟ نايف بابتسامة جذابة : شرايك ؟ نقوم نطلع نشوف الجو .. ولا ناخذ جولة ثانية ؟ ابتسام جلست كأنها تجاوب عليه : بما أنك لاول مرة تنام الليل وتصحى الصباح.. لازم نطلع ونفطر نايف رفع حاجب : من قالك نايم الليل ..؟ وانتي خليتينا ننام ابتسام وهي تربط روبها : اذا بترجع تنام بموتك فاهم ! نايف : عقب امس ما استبعدها عليك ابتسام رجعت تجلس على طرف السرير وهي تبعد شعرها ورا اذنها : نايف نايف بروقان : لبيه ابتسام : لما كنا بالقارب .. وقت قلت عرفت الوان بنات و ... ممكن اعرف وش قصدك بالضبط ؟ نايف : تغارين ؟! ابتسام : حط نفسك مكاني .. محد يحب يشارك هالاشياء مع شخص ثاني نايف وقف طالع : ماتشغلي بالك بكلامي ماله معنى غالبا .. اجهزي بسرعة نطلع ابتسام طالعته وهو يطلع ( غالبا ؟! لاتخلقي مشاكل ابتسام في بداية زواجك خليك سهلة ) بدلت لبسها لبلوزة عنابيه رسميه وبنطال اسود رسمي مع جزمة مريحة تناسب المشي الطويل عادة وشعرها كيرلي ومكياج ناعم كعادتها ماعمرها اعترفت بالمكياج الثقيلولا الألوان القوية الشاطحة .. روج وردي كحل اسود وبس .. مسكت جوالها حاولت تتصل بغادة بس مافيه رد تنهدت بضيق: إيش فيك ؟ ابتسام التفتت له وهو لابس بنطال ابيض وبلوزة علاق بيضاء برسمات ملونة وكاو بوي هات : مافيه بس اكلم اختي ماترد نايف : طنشي اختك وانبسطي مو كل يوم تكوني هنا شوفيني من دخلت مطار الرياض ماكلمت اهلي ولا راح اسأل عنهم الا اذا رجعت .. اذا سألت بعد ابتسام بضيق : ليش ؟! نايف : شنو ليش ؟! عريس وشهر عسلي بنبسط ابتسام : اوك تقدر تنبسط وتكلمهم كمان نايف ببساطة : لا مقدر .. اناقض وناستي اذا كلمتهم ابتسام : ليش ؟يضايقك تكلم اهلك ؟ نايف : يعكر جوي ابتسام : غريب .. على ان امك تجنن واختك كمان ... وهيثم يقولي ان اخوك ما شاء الله عليه نايف طالعها وهو ساكت لوهله ثم قال : لأنك تشبهيهم تقولي كذا ابتسام : لي الشرف اشبهم نايف : الله يهنيك بهالشرف .. يله بس نطلع ابتسام سحبت شنطتها وعبايتها وطلعوا .. دخلوا مطعم " مو " نايف بترييقة : لو سمحت واحد عصير زنجبيل وليمون ووجبة طفل ابتسام : مايضحك ! نايف : ههههههههههههه والله ؟ اشوفه يضحك مره ابتسام : هههههههه طيب ابي زي عصيرك وفطور خفيف نايف : اوك ولا يهمك .. وبعدها بنطلع لدبابات البحر *** فتحت غادة عيونها .. ماتدري ايش صار بالضبط تذكر صراخ الدكاترة والممرضة تصرخ عليها وتلطمها بخدها " لاتنااااااامي .. حافظي على وعيك كرمال اللي ببطنك .. لاتفقدي الوعي عشان ماتفقديه " فزت بسرعة وفزتها اصابتها بقشعريرة الم بكل جسمها ركضت لها الممرضة : انتبهي لحركتك .. ماتتحركي بسرعة ! غادة ودموعها نزلت بخوف : ايش الممرضة ؟ ولدي ايش صار ..؟ الممرضة ابتسمت : مبروك جبتي بنوتة زي القمر غادة طاح قلبها كانت خايفة تكون فقدتها : حمد الله يارب .. حمد الله يارب .. حمدالله حمد الله الممرضة : كلمي الماما بشريها .. كنتي تصرخي باسمها امس طول الوقت غادة بانكسار : سيستر الممرضة : ايوه غادة بخنقة : ابي اشوفها .. فينها ؟ ايش صار امس ليش ماشفتها الممرضة : امس فقدتي الوعي للاسف فتدارك الدكتور الوضع بسرعة واجرى لك عملية ولا كان راح الجنين فيها بس ربك ستر غادة : حمد الله .. وهي فينها ؟ الممرضة : تقدري تشوفيها بس ممنوع تحمليها .. لأن ولادتك مبكرة فحصل نقص مناعة ونمو ومحتاجة مدة طويلة لحتى تتعالج مضبوط غادة بخوف : كيف يعني ؟! الممرضة : هذا طبيعي لأن ولادتها كانت بدري ولسى محتاجة تنمو .. راح تضل عندنا شهرين لحتى تنمو وتكتسب مناعة خروجها راح يكون خطر عليها غادة مسكت يدها : تكفين دكتورة لايصير فيها شي ... بنتي بنتي لايصير فيها شي الممرضة : تطمني حبيبتي .. ان شاء الله بنتك منيحة غادة : مافيه أحد موجود هنا ؟ الممرضة : ابوك طلع مع الماما فور ولادة الطفلة غادة : بس هما اللي جو ؟ الممرضة : ايه غادة : وشافوها ؟ الممرضة : لا طلعوا مستعجلين الظاهر كانو مشغولين غادة : ايه طبعا .. الممرضة : تقدري توقفي ؟ غادة مسكت طرف السرير لحد قامت والممرضة تساعدها .. مافكرت بأحمد ليش ما جا يشوف بنته ..؟ او ليش هي لحالها بيوم مهم وصعب كذا ..لأنها متلهفه متلهفه تشوفها .. ماجا ببالها انها بنت لأن احمد كان يتكلم دايم عنه بصفته ولد وهي تقبلت انه ولد , لكن حمد الله .. وصلت لغرفة كلها اسره زجاجية مشوا لحد ماوصلت لبنتها خفق قلبها والسعادة حاوطتها لأول مرة بعد فترة طويل تدمع عيونها للفرحة .. هذي بنتها كانت صغيرة صغيرة بالحجم كثير شعرها الأسود الناعم وعيونها المسكرة ونايمة بسكون والأسلاك حولها اهتز فمها من عاطفتها : نورتي دنيتي .. نورتي حياتي ياحياتي الممرضة : الف مبروك .. بنتك زي القمر غادة طالعت بورقة مكتوب عليها الاسم والاسم فارغ .. سحبت القلم وكتبت اسم ما أنولد بعقلها الا لما شافتها "رنيم " طالعت الممرضة : أقدر امسك يدها ؟ الممرضة : ايوه تقدري دخلت غادة يدها المرتجفة الكبيرة عند بنتها الصغيرة ويدها عملاقة جمبها مسكت يدها بأطراف اصابعها : هلا ماما .. هذي ماما .. ماما اللي تحبك مسحت دموعها وهي تشوفها .. اليوم نست هم ان امها هربت وتركتهم .. وان الكل ما احترم مشاعرها وكذب عليها .. وأن اخوانها راحو وتركوها .. نست كل حاجة وانولد بعقلها شي واحد بس هي " أم " *** ابتسام جالسة بكراسي تراقب نايف واقفين عند ركن غطس .. تغطس وتاخذ شهادة وهو لابس لبس السباحة وغطس , ابتسمت وهي تطالعه رن جوالها بمسج فتحته كان غادة .. فتحت عيونها ! كبستها اكثر من مرة !! وقفت !!! رجعت جلست !! صفقت خدها تستوعب ....!!! غادة مرسلة صورة بنتها وسط الصندوق الزجاجي وكاتبه " اهلين خاله انا جيت " وقفت ودقت على غادة مباشرة جاها صوتها المتعب الي وضح لها ان اللي صار صدق : هـلا .. ابتسام بصدمة : شنو ! شنو انتي مرسلة ؟ غادة بصوت مشبع بالسعادة : مرسلة صورة بنتي ابتسام : غادة لسى انتي ! مو لسى الشهر السابع ؟ غادة : ولادة مبكرة .. ماتشوفيها صغيرة مرة ابتسام : لا لا اكيد تمزحين ..!! انتي صادقة غادة : هههههه اييه .. افف هذا هيثم يدق بعد ابتسام سكرت السماعة .. ومشت لحد نايف اللي كان غاطس انتظرته على احر من الجمر حتى صعد : نايف ! نايف : هلا ابتسام : ابي ارجع السعودية ! نايف عقد حواجبه : شنو ؟! ابتسام بلهفة : صرت خالة .. غادة جابت بنت ! نايف : غادة ؟ من هذي كمان ابتسام انقهرت حتى اختها مايعرفها : غادة اختي ! نايف : اها .. مبروك طيب ابتسام : يبارك فيك .. لازم لازم ارجع نايف ماعندها احد غيري نايف : خلاص مو مشكلة بحجز اليوم ابتسام : صدق .. شكرا شكرا رجاء بأقرب فرصة وعلى جدة نايف : اوك استني بس اكلم الحجز ابتسام : نرجع الشقة وكلمهم .. ابي ارتب اغراضي وصلوا للشقة .. واثناء ماهي ترتب اغراضها بحماس بالشنطة وصورة البنوتة للحين براسها دخل نايف وجلس على السرير : الطيارة بعد ساعتين من هنا لدبي ومن دبي لجدة ابتسام : حـلو حـلو ... اهم شي بكرة نكون وصلنا نايف : ايه ان شاء الله ابتسام سحبت شنطته ترتب اغراضه طالعها : شتسوين ؟ ابتسام : ارتب شنطانا ! نايف : شناطنا ؟ مين قالك اني راجع معك ؟ ابتسام : شنو ! نايف : حجزت لك لحالك .. ايش دخلني اخرب اجازتي وارجع والله لو امي براسها والده وجايبه لي اخو مارجعت ارجع عشان غادة مدري مين ابتسام بقهر : وكيف ارجع لحالي نايف : شرحت لك .. بتركبي القارب الحين لمطار مالي من مطار مالي لمطار دبي من مطار دبي لجدة ابتسام : بس انا ما أعرف اتعامل مع الحجوز اخاف انكب نايف : تفائلي .. ماراح تنكبي ابتسام حست بقهر بجد .. ماراح يوقف معها بحياته هذا : ومتى بترجع السعودية ؟ نايف : وقت اخلص اجازتي كاملة .. دون انقص دقيقة حتى واذا انتي شفتي اختك وخلصتي وتبغي ترجعي هنا حياك ابتسام ( بيتنا والبقالة هي !! شلون يفكر هذا ) : لا شكرا وقت اوصل السعودية مابي اطلع منها نايف : براحتك .. يله انا طالع " باس خدها " توصلي بالسلامة ابتسام : استنى ! ماراح توصلني اقل شي لمطار مالي نايف : انا تارك الغطس وجاي احجز لك وبرجع ينتظروني .. وفهمتك السالفة بزر انتي لازم معاك بكل دقيقة ابتسام شدت على قبضتها : لا مو بزر ! نايف ببساطة : اجل تصرفي طلع من الشقة وابتسام تنفست الصعداء .. تحس بخوف ورهاب طبيعي كيف بتقدر تتصرف بس لا مع شخصية نايف هذي هي محتاجة تتصرف وبقوة كمان ! كملت ترتيب شناطها وطلعت على القارب حتى وصلت لمطار مالي وحمدت ربها فيه عائلة سعودية موجودة ولا ماكانت بتعرف وقت اعلنوا عن رحلة دبي .. ركبت الطيارة وهي تدعي ربها توصل بالسلامة وطول الخط وهي تطالع بصورة الصغيرة بجوالها وتحس كل اللي شافته بالمالديف مايسوى قدام هالصورة *** غادة لها من أمس صاحية ماجاها أحد .. خيبة مابعدها خيبه من امس جالسة لحالها حتى ابتسام سكرت السماعة وحاولت تتصل فيها ماترد ظلت تطالع بالغرفة .. ليش طيب احمد واهله مايردون ؟! من امس تدق عليهم معقولة مو فرحانين بحفيدتهم !! شافت عند الباب يد رجال وفيها ورود دون يدخل .. ابتسمت وقالت بهمس : احمد ؟! دخل هيثم مبتسم : ماخذ قلبك هالأحمد ! غادة فرحتها كان اكثر بشوفة هيثم : هيثثثثثم !! جلس جمبها وسلم عليها : هلا بأم رنيم غادة مسحت دمعه نزلت دون تحس : فينك تأخرت .؟ هيثم : وليش لحالك ؟ فين احمد واهله ؟ غادة بخيبة : ماجو .. هيثم : كيف يعني ؟! غادة : من امس صحيت وانا لحالي .. ما اذكر الا لما دخلني عمي مصعب وزوجته المستشفى وغيره ماشفتهم هيثم بعصبية : شلون شلون ؟!!! غادة : ما أدري هيثم اخاف صاير معاهم شي هيثم : لو شو مايصير ! غادة نزلت راسها دون تعلق : ......... هيثم طلع من الغرفة : ماشي .. ماشي راجع لك مسك هيثم الخط .. ولأول مرة يجي عند بيت عمه طق الباب بعصبية وهم مايردون على الجوال فتح الباب خالد ولد عمه المراهق : هيثم ؟ هيثم وعيونه تقدح نار : وين احمد ؟! خالد : ما أدري مو موجود هيثم : وابوك ! خالد : مو موجود هيثم : اجل مين موجود ؟! خالد : خواتي وامي .. سمع احمد صوت حرمة من داخل : خالد من عند الباب ؟ خالد : هذا ولد عمي هيثم ام احمد ضربت على صدرها : ياويل قلبي ! ..... ( قربت من الباب ) هلا والله با أبو مشعل كيفك ؟ هيثم : وصلكم خبر ان غادة جابت بنت ؟ ... اكيد وصلكم خبر مو انتو اللي وصلتوها !! خل اوصل للسؤال المباشر ليش تاركينها لحالها ؟! ام احمد : والله مو بيدنا .. كنا بالمستشفى جا ابو احمد مكالمة ان احمد بالسجن رجعني للبيت وراح ركض وللحين ماشفناه ولا رد علينا هيثم : السجن ؟!!! وليش..؟! ام احمد : والله مدري هيثم : انا اللي بدري طلع هيثم ودق على ابو احمد للمرة الاخيرة لكن مافيه استجابة .. رجع للمستشفى وهو مو قادر يستوعب وش بيقول لغادة اللحين ! لكن ماراح يشوفها لحد مايعرف السالفة كلها ويفهم وش صاير .. *** دخل مكتبه بعد اجتماعه الثالث اليوم .. ارتمى بجسمه على الكرسي رن تلفون مكتبه ضغط زر الإجابة : ايوه الاستقبال : لؤي بالاستقبال وطالب يقابلك فراس : وانت بهيمة ؟ كم مرة قلت لك لؤي دخله دون توقفه ! بعد فترة دخل لؤي وجلس : شفت السكرتير البديل حقي فراس : اها اجل لاحظت اكيد انه مناسب الوظيفة اكثر منك لؤي تنهد : ارتاح فراس .. واضح ان قصتي مع سارا مالها مستقبل فراس : مثل ماقلت لك من البداية .. لو كنت تذكر ! لؤي : اذكر ..ماراح انكر دورك في اثبات هالحقيقة .. فراس : اذا قصدك تشكرني , فماله داعي تستاهل اكثر لؤي ابتسم بسخرية : اشكرك . ؟ اكيد مافيها شك تعبتك معي فراس : انا عندي اجتماع بعد ربع ساعة , فاختصر ايش جاي تبغى ؟ لؤي تنهد ورمى تذكرة قدامه : اعرفك تحب مسرحياته .. وفيه مسرحية اليوم تجي معي ؟ فراس عقد حواجبه : ماعدت احب مسرحياته .. ( ابتسم ابتسامته الجذابه ) بس للحين احب اطلع معك فراح اقبل الدعوة لؤي : اجل انا طالع اللحين .. اشوفك الليله فراس : في امان الله *** وصلت الوقت المحدد ... قررت اذا دقت الساعة 9 وهو مادق , هي راح تدق مسكت جوالها ودقت جاها الرد قبل آخر رنة : نعم ! ميهاف : ينعم بحالك بدر سكت لفترة ينتظرها تتكلم ثم قال : ... تبين شي ولا اسكر ؟ ميهاف انقهرت : ايش عندك ؟! ايش السالفة الكبيرة عشان تعاملني بهالشكل ! بدر : مابي أعيد السؤال .. تبين شي ولا اسكر ؟! ميهاف : بغيت اقولك اني استقلت من الوظيفة .. وشكلي بندم على هالشي ! بدر : استقلتي ؟ ميهاف : ايه .. من آخر مكالمة بينا ماداومت بدر تنهد : انا ماني ضد الوظيفة على فكرة ميهاف : واضح من دعمك الكبير لي بدر : شايفه الوظيفة اللي اشتغلتيها تستاهل دعم ! ميهاف عضت ع شفتها واعصابها بتتلف : ......................... بدر : عموما انا تركت مكاسب بالملايين عشان انتي رفضتيها .. فمافيه مانع انك تتنازلين نفس الشي عشاني بغض النظر عن اختلاف الاسباب ميهاف : انا رفضت عشان خيانه واضحه اما انت وش سبب رفضك ! بدر : ماخذه نص وقتك على الفاضي .. احاول اتكلم معك كلمتين على بعض مقدر , مالي حق من وقتك يعني ؟! ميهاف تنهدت : عموما المشكلة انتهت خلاص .. والكلام مايودي ولا يجيب , انا استقلت وخلاص بدر : تمام .. ( كمل بحدة ) ومرة ثانية تسكري السماعة بوجهي راح تكون آخر مرة تسمعي صوتي فيها ميهاف : انتَ استفزيتني بدر : اللي هو .. انا انبهك عشاني احبك بس لو تحصل ثاني ما راح اكلف نفسي ميهاف : اسفه لأن سكرتها بوجهك .. بس برضو انت مديون لي باعتذار وبنظري كلنا غلطنا بدر : آسف عشان غلطت عليك انا كمان ميهاف : اوك بفكر اسامحك ولا لا وبعدين ارد لك بدر : هههههههههه احلفي ؟! ماراح اعطيك مجال يكفي هاليومين ذبحني الشوق ولا عارف اكلمك ميهاف : ايوه عشان مرة ثانية تفكر قبل تنطل كلام يزعلنا كلنا بدر : ههههههههه تدري لو مكملة بوظيفتك كان بوقع اقرب تعاقد مع عارضة ميهاف : عشان اذبحك ! بدر : راضي بهالموته .. فدوة اذبحيني ميهاف : لا مايهون علي *** وصلت ابتسام اخيرا اراضي جدة .. صدق من قال جدة غير ركبت اقرب تاكسي وبطريقها مسرعة للمستشفى وهي ملهوفة .. ملهوفة على شوفتها وقفت عند الاستقبال : غادة مشعل آل ... الاستقبال : تفضلي من هنا ابتسام مشت معاها لحد ماوصلت للغرفة .. دخلت كان غادة نايمة ابتسمت وهي تشوفها ماحبت تزعجها طلعت مع الممرضة : ممكن اشوف البنوتة الممرضة : طبعا من هون اول ماشافتها ابتسام .. ابتسمت من قلبها غير عن الصورة : ياحبيبة خالة تجنني انتبهت ابتسام للاسم المكتوب طالعت الممرضة : رنيم ؟ الممرضة : ايه هيك المدام سمتها ابتسام : رنيم .. عاشت الاسامي ياملاكي الممرضة : ايه بتجنن عين الله حولها ابتسام : وليش غادة لحالها .. مافيه احد معها ؟ الممرضة : للاسف من ولادتها محدا جا لعندها ماعدا امس اخوها ابتسام : اخوها ؟ الممرضة : ايه ابتسام شدت على قبضتها بقهر .. ياليت الزمن يرجع وماتتزوج غادة منهم : لو سمحتي بنقل غادة لغرفة ملكية .. فين الاجراءات ؟ الممرضة : من هون راحت ابتسام وحجزت لها الغرفة حتى نقلوها فيها .. وكلمت مصممين ديكور يصممون المكان وحجزت الورد والحلويات .. راح تسوي احلى استقبال لها وهالفلوس اللي صارت تحت يديها ماراح تضيع على أن نايف للحين ماعطاها شي بس للحين باقي مهرها يكفي لكثير ..دقت على هيثم : هلا ابتسام ابتسام : فينك هيثم ؟! هيثم تنهد بضيق : موجود .. ابتسام : انا بجدة هيثم : مممتتى ؟! ابتسام : تو وصلت اللحين .. هذا احمد وينه يقولون ما جا يشوف بنته حتى ؟ هيثم : احمد بالسجن ! ابتسام بخوف : شنو ؟! هيثم : من امس ادور بالمخافر تو حصلته قبل شوي .. قضية مخدرات وشرب وبنات ابتسام : معقولة ؟ هيثم : طبعا معقولة ! من اول قلت لكم .. لاتتزوجه لاتتزوجه كلكم ركبتوا راسكم وهذا اللي راح ناخذه من هالزواج ! سكير وراعي بلا ابتسام ضاعت حيلتها : وغادة تدري ؟ هيثم : لا .. من امس ماعرفت اقابلها حتى .. شاقول لها بعد ؟! ابتسام : خلاص هيثم انا معها وماراح اقولها لها شي .. يمكن تنحل المشكلة هيثم : لا قولي لها ! لان المشكلة طويلة ومالها حل ابتسام : استغفرك الله ياربي وش هالمصيبة .؟! هيثم : يله هذا عمي جا بكلمه وافهم المشكلة شلون ! ابتسام : يله يله .. كلمني بعدها دخلت ابتسام لعند غادة وقلبها قابضها عليها .. تفرح بالبنوتة ولا تزعل ان ابو البنت بهالحال هزت كتفها بحنية فتحت غادة عيونها .. ارمشت بعيونها تصديق : ابتسام ؟! ابتسام ابتسمت : ايوه .. وانا اقدر اجلس واترك اختي وبنتها غادة بلهفه : متى جيتي ؟ ابتسام : تو اللحين غادة ضمتها : وحشتيني .. والله وحشتيني ابتسام ضمتها بقوة : انتي اكثر حبيبتي .. انتي اكثر غادة تركت حضنها ومسحت دموعها وهي مبتسمة : شفتيها ؟ ابتسام : ايوه .. زي القمر ماتشبه احد غادة : ابدا .. غير عن الكل غير ابتسام : بالصورة ماوضحت هالعيون الرمادية .. لما شفتها من شوي طار عقلي غادة بحزن : ايه بس راح تطول .. يمكن تجلس شهرين هنا ابتسام : معليش غادة خليك قوية .. تجلس اهم شي صحتها غادة : وتركتي المالديف عشانا ؟ ابتسام : وانتي قليلة ياوصخة ؟ غادة : فين الممرضة ابي اقوم اشوفها .. اليوم ماشفتها ابتسام استغربت ان غادة ما سألت عن احمد او سوت فوضى انه ماجا .. وماحبت تجيب طاريه وهي ماتقدر تكذب : اللحين بناديها انتظري *** بمركز الشرطة / ابو احمد جالس بقلق ... وهيثم واقف منفعل : شهذا يا أبو احمد ؟! مخدرات وسوالف تشيب الراس !! انا انا الغلطان اللي مزوج اختي لفاسق زيه ابو احمد : عن الغلط ياهيثم !! كل الشباب يغلطون بس ربهم ساتر عليهم ! هيثم : لاااااا ... شايف الوضع طبيعي يعني ؟! يا حسافة ان اختي عندها بنت منه ولا كان خلعتها ابو احمد : الوضع ممكن ينحل هيثم : شنو ينحل .. عقوبة المخدرات مدري كم سنة والشرب مدري كم سنة والبنات مدري كم سنة !! راح عمره بالسجن ابو احمد : ممكن يندفع ويطلع هيثم رفع حواجبه : وكم ؟! ابو احمد : فوق المـليون تو ماتناقشنا مع الشرطة هيثم : قواك الله ادفعه .. بس يكون بمعلومك حتى اذا طلع اختي ماتجلس عنده ابو احمد : مو بكيفك ! اختك عندها بنتنا هيثم : انسوها ! انتو مو كفو تعرفونها حتى .. وابوها ال ****** مايستاهل يربي حتى حيوان ابو احمد : راح نشوف .. انا عارف ان المشكلة كبيرة بس مستحيل نترك اختك تروح معاك وبنتنا معها تروح لحالها مع السلامة بس بنتنا تضل عندنا ! هيثم : بيديك ورجليك ... وبشوف وش بيطلع معك ! بس الله يرحمه ماكان يعرفكم على حقيقتكم ولا ماكان هالزواج صار من الاساس ابو احمد : ابتسام متى بترجع من المالديف ؟ هيثم استغرب سؤاله عن ابتسام .. لكن خلاص صار عارف تفكيرهم رفع حواجبه وابتسم بسخريه : بعيد عن عيونك ابو احمد : شنو ؟! هيثم بحدة : اللي جالس تفكر فيه ! ابو احمد : .......... هيثم كمل بحدة : ولا تفتح هالموضوع حتى .. واذا بتفتحه وقتها انا اقدر اطلع بيان كامل ان ولدك مو صاحي ويزيد عقوبته ابو احمد : يعني انت راضي ان زوج اختك يضل بالسجن ؟ هيثم : ماراح يضل زوجها .. ابو احمد : ابتسام ربي رزقها هالزواج عشان تنفع اهلها .. مافيها شي اذا دفعت غرامة .. قاطعه هيثم : قلت لك لاتفكر حتى ! ولا هلله تندفع في هالزبالة ولدك , السجن يربي اتركه يخيس هنا لحتى يتربى ابو احمد : ابتسام هي اللي بتقرر ! هيثم : لا تستغل طيبتها .. ماقدرت اوقف بوجه غادة لما تزوجت ولدك بس راح اقدر اوقف بوجه ابتسام ! ابو احمد : يعني ماراح ترحم ولا راح تترك رحمة ربك تنزل ! هيثم : ولدك حرام فيه الرحمة .. ولدك الذبح حلال فيه دخل الشرطي : تقدرون تشوفونه هيثم طالع ابو احمد : انا ماراح انزل عشان ما أدخل السجن وراه .. بس عطيتك اللي عندي طلع هيثم من السجن .. وهو يحس برقبته حمل كبير .. حمل يرمي الحقيقة بوجهها الله يسامحك ياغادة قلت لك ماتتزوجينه .. بس هذا اللي جنيناه من عنادك ! وصل للمستشفى .. ودخل الغرفة ماحصلها والغرفة نظيفة راح للممرضات : فين غادة ! ؟ الممرضة : نقلتها الآنسة لجناح ملكي وصل هيثم للجناح كان غادة جالسة وجمبها ابتسام .. وابتسام فاتحة جوالها وتشارك غادة صور : شرايك بهالفستان بالله ماراح يطلع جنان عليها غادة : هههههههههههه كييوت مرة .. لا لا شوفي ربطة الشعر طقم هيثم : اححم ابتسام ابتسمت بلهفة وقامت وسلمت عليه بحرارة : هلا واللله ومرحبا سلم هيثم عليها : حمد الله على السلامة .. وينه نايف ما اشوفه ؟ ابتسام قالت بطبيعية : والله لسى متعلق بالمالديف فقلت له يجلس بعدين يرجع هيثم فتح عيونه : رجعتي لحالك ؟! ابتسام : ايه طبعا .. خلاص لازم اعرف اتصرف ولا اجلس بالمالديف معه واترك اختي وبنتها القمر غادة : بعد عمري والله .. هيثم انت شفتها ؟ هيثم بضيق : لا والله .. ابتسام : معقولة هيثم !! تعال شوفها .. عيونها نسخة من عيونك هيثم تنهد وجلس جمب غادة وطالعها بعيونها : غادة .. ماودك تسألين ليش زوجك للحين ما حضر يشوفك غادة بغصة : مشغول اكيد .. هيثم بتماسك وقوة عكس داخله اللي منكسر على اخته : احمد بالسجن .. وماراح اخبي عليك القضية كبيرة مخدرات وشرب وبنات و .. ابتسام شدت على قبضتها وهي تطالع غادة ... لكن غادة كانت تطالع هيثم وعيونه مصوبة فيها بعد فترة الصمت قالت بطبيعية : ههههههه توقعت هاليوم يجي بس مو بدري كذا ! ابتسام : شنو ؟! غادة طالعت هيثم ومسكت يده : قصدي لاتشيل همي .. ولا تحسب انك تحطمني بهالخبر , انا كنت عارفه انه يشرب ويسكر و ... ( ابتسمت ) كنت عارفه كل هذا حتى لو هو ماقالي بنفسه .. كان واضح من ريحته من تصرفاته احيان , هيثم : وايش راح تسوي ؟ غادة تنهدت بارتياح : ايش راح اسوي يعني راح اربي بنتي وافني حياتي عشانها هيثم : والطلاق ؟ غادة : شنو طلاقه ..؟ هو يبي يطلق ..؟ هيثم : ماشفته .. بس حتى لو مايبي انتي مالك جلسه عنده غادة بألم وهي تتعلم من تجربتها : كرمال رنيم .. ماراح ابادر بالطلاق مابيها بيوم تكبر وتقولي ليش ابعدتي ابوي من حياتي ...( طالعت هيثم بعيونه وكانه ترسله قصدها ) صدقني مهما كان الأبو او الأم سيئين طفلهم بيتمناهم بحياته هيثم : شنو صاحية انتي ؟! ماراح تضلي ببيت عمي لو ايش ابتسام : هيثم .. لاتجيب طاري الطلاق مو اللحين اقل شي اتركها لين تخلص عقوبته .. وغادة راح ترجع معاي الرياض لحد مايطلع احمد من السجن ووقتها يحلها الف حلال هيثم شد على قبضته وهو يحس مو وقته صدق يتكلم بالطلاق : بس يكون بعلمك وقت يطلع من السجن بيطلقك وهو مايعرف الدرب ! غادة تنهدت : كم مدة السجن ؟ هيثم : ما أدري اظن سنة مدري سنتين غادة : اهاا.. ابتسام انا مو حابه ارجع معاك الرياض ما أدري احس صعبه ابتسام باصرار : ما طلبت رايك ! ومو صعبة ولا شي .. مستحيل اتركك عند عمي وزوجته غادة حست انه اريح كذا تطلع لفترة اقل شي وتربي بنتها ببيئة تناسبها .. استرخت بالسرير : اللي تشوفيه .. ابتسام : هيثم تجي معاي نشوف رنيم ؟ هيثم ابتسم : ايه للحين ماشفتها الله يشغل اللي ببالي غادة ابتسمت : انا راح ارتاح شوي طلع هيثم وابتسام وابتسام تنهدت : ماتوقعت ردة فعلها تكون باردة كذا ؟ هيثم : بسبته ابتسام : شنو ؟ هيثم وهو يمشي بهدوء : واضح انها شافت منه كثير .. فماعادت استغربت ابتسام : ياعمري ياغادة ماتستاهل كل هذا هيثم : محد جبرها تتعايش مع كل هذا .. هي اللي جبرت نفسها وداست على الكل عشانه ! لا وفوق كذا كم فرصة قدامها كان تقدر تتكلم بس بلعت علمها وهذا اللي وصلنا لهنا ! ابتسام : هيثم هدي .. وش عرفها انه بيصير كذا لسى صغيره على فكره هيثم : الصغيرة تترك اهلها يختارون مصلحتها .. المرحلة اللي تتجاوز الكل وتتخذ قرارها تطلع من مسمى صغيره بنظري ابتسام طالعت هيثم بقهر واضح انه ميت قهر .. دخلو الغرفة لحتى وصلوا لسريرها المخلوق الملائكي الصغير لانت ملامح هيثم وابتسم باريحية لمنظرها : الله يسامح امك الهبله وابوك .. ولا ملاك مثلك حرام يعيش بينهم ابتسام : هاو هيثم ! هيثم : مامعي حق ..؟ ( طالع رنيم بحنية ) هالمخلوقة ارقى واحلى من كل هالنجاسة اللي جالسه تصير ابتسام : لاتخاف هيثم .. راح يرجعوا معاي الرياض وبأقرب فرصة هيثم : بس البنت محتاجة شهرين لتطلع من المستشفى ابتسام : ماراح ننتظر شهرين .. راح ياكلونها بيت عمي بهالشهرين وانا ماراح اترك لهم فرصة توفر لها عناية طبية خاصة تنقل فيها وراح احطها بالمستشفى عندك بالرياض وغادة تجلس عندي وقتها كلش تمام هيثم طالع ابتسام وابتسم ابتسامة جانبية : صايرة مدام الشمري من قلب ابتسام : لازم اكون كذا ولا ماراح اقدر احمي غادة ولا راح اقدر اعيش بمجتمعهم هيثم : انا طالع ابتسام اشوف مهند دام وصلت جدة .. ماراح اطول ابتسام : خذ راحتك .. بس اول ماترجع حاول تعجل المستشفى باجراءات النقل ظلت ابتسام لفترة تطالع برنيم .. وهي تحس كلش فيها يخفق لهالبنت طلعت لغرفة غادة كانت نايمة , قررت تطلع للكافتريا تشرب قهوة تروق لحد ماتصحى غادة , نزلت لتحت قابلها أبو احمد ماعرفها كمل طريقة اتجاه غرفة غادة .. وقفت ابتسام ورجعت لجهته : عمي ؟! التفت ابو احمد .. ضيق عيونه وقال يحزر : ابتسام ؟! ابتسام فصخت نظارتها الشمسية ومدت يدها بلباقة : ايوه .. اهلين ابو احمد ابتسم من قلب : هلا والله .. كيفك شخبارك ؟ ابتسام : حمد الله ابو حمد : والله على بالي للحين مسافرة .. الله يهداك بس ماعطيتينا خبر برجعتك نذبح لك خاروف ونقوم بواجبك ابتسام : ههههه تقوم بواجبي ؟ انت ماقمت بواجب حفيدتك تقوم بواجبي ابو احمد : وش هالحكي ..؟ حفيدتي بعيوني بس خل هالظروف تمر ابتسام : اجل خلك بظروفك .. وغادة نايمة لاتصحيها ابو احمد : قلتو لها .؟ ابتسام : ايه قلنا لها .. ولا تخاف صابره ومحتسبه ابو احمد : فهمتي انتي المشكلة ؟ ابتسام : ايه هيثم شرحها لي .. من البداية للنهايه ابو احمد : نجلس على فنجال قهوة ..؟ نشوف اخبارك ونتسلى لحد ماتصحى غادة ابتسام : اوك تفضل جلسو بالكافتريا .. ابو احمد بعد تردد طويل : الشرطة يقولون العقوبة بالغالب سنة او اكثر , بس حصلنا شرطي نقدر نرشيه يخفف المدة ابتسام حطت رجل على رجل ارتشفت من قهوتها : بس على خبري .. ان العقوبة بالغالب غرامة ومدة ابو احمد : الغرامة مليون .. بس مع الرشوة 100 الف ابتسام : اها .. اوك عمي ادفعها حلال في ظناك ابو احمد : انتي تعرفين الحال .. ما أقدر ادفع كل هذا وقاصدك بسلف لو بس عشان اختك المسكينة وبنتها حرام يجلسون دون ابوهم ابتسام ابتسمت : ايوه عمي .. من البداية قول بلاها هالمقدمات ابو احمد : .... ايه .. وش قلتي ؟ ابتسام : ما أدري جالسة اتذكر المليون مرة اللي ترجيتك فيها انا وابوي تأجل الدفع وتترك حلالنا , بعمرك رحمتنا .؟ ابدا بالعكس كنت تاخذ دبل علينا ابو احمد : الله يهداك يا ابتسام هذي ايام وراحت وانا نادم وانتي عارفة ابتسام طالعته بقهر ثم تنهدت : مامعي كل هالمبلغ ! ابو احمد بانفعال ضرب على الطاولة :مامعاك ؟! تكذبين علي !!! تبغيني اصدق يعني ! ابتسام رفعت حواجبها خصوصا ان الكل صار يطالعهم : ................. ابو احمد : صدق انك ماتحبين اختك ولا تبين مصلحتها !! ولا كان بتدفعين لزوجها المسكين ابتسام :......................... ابو احمد : قولي انك ماتبين تدفعين !! بس لاتكذبين وتقولين ماعندك !! صدق ردية .. زوجة نايف الشمري وماعندها ابتسام : خلصت اللي عندك ؟ ابو احمد : اسمعي يا ابتسام .. الموضوع مو بيدك ولا يدي .. راح تدفعين غصب عنك عشان مصلحة بنت اختك اعرفك ماراح ترضين تعيش دون ابوها ابتسام : من قال حتعيش دون ابوها ؟ قلت لي المدة سنة ..؟ مافيه مشكلة خل يتربى سنة ابو احمد : والغرامة ! ابتسام : لما قلت لك ما معي .. معناها مامعي , واذا معاي مبلغ بستة اصفار ماراح احطه في ولدك خصوصا انك ماعمرك رحمت شيبة ابوي الله يرحمه كان يطلبك مية بس مية ماكنت ترضى تعطيه وتبغاني اللحين اعطيك مليون مرة وحدة ! ابو احمد : هين يا ابتساام ... الظاهر انتي ماتجين الا بالعين الحمراء راح اقطع قلبك على اختك وبنتها لو ماتدفعينها ابتسام : من الآخر .. بكرة او بعد بكرة راح اخذ غادة وبنتها معاي الرياض ابو احمد : مو بكيفك ! ابتسام : بكيفي .. وراح تشوف لاني ما أخذ اذنك ابو احمد : راح اوصلها للمحاكم .. والله والله ماتروح ابتسام : ههههههههههه الظاهر ياعمي انتي لسى تحسبني ابتسام القديمة .. لا فتح عيونك الوضع تغير وتبغى تجرب تتحداني وتشوف من كلمته راح تمشي .. انا راح اوريك ان الكفة انقلبت وحكم القوي على الضعيف ابو احمد وقف ومد اصبعه لها بتهديد : راح تشوفين يا ابتسام ! راح تشوفين .. ماراح تروح لو اجيب الشرطة كلها هنا ! طلع من الكافتريا وابتسام تطالعه .. مسكت كوبها وشربته وهي مصممة على اللي براسها ومافيه حاجة بتوقف بطريقها |
رد: انتماءات كاذبة
السلام عليكم شكرًا جزيلا على الروايه بس سؤال لو سمحتي امتى موعد نزول الروايه
|
رد: انتماءات كاذبة
وعليكم السلام ورحمة الله وبركاته
المواعيد الرسمية كل اثنين وخميس , مدركة لأني متخلفة عن المواعيد على الرغم من وجود الرواية كامله عندي .. بس جالسة انتظر تفاعل لان مو معقولة انزل تشابترين ورا بعض دون آي رد .. |
رد: انتماءات كاذبة
السلام عليكم ورحمه الله وبركاته
شكرًا جزيلا على مواعيد نزول الروايه عجبتني الروايه كثير وكرهت شخصيه احمد وابوه ناس طماعة وماتتعطى وش وابتسام بردت ناري فيه يستاهل وعذرا على قله الكلمات |
رد: انتماءات كاذبة
موعدنـا غدا اذا بإذن الله
|
رد: انتماءات كاذبة
" البارت السادس عشر "
الكويـت / كوب قهوتها بيدها .. وتمشي على ارجاء المكان كلش رائع كلش تمام .. كلش مثل ماتبغى بالتمام ابتسمت لمسؤول الديكور جمبها : مشكور ثامر .. بجد كلش كان تمام وراح ادفع لك القسط الثاني بس يكمل الشغل ثامر : ولا يهمك سارا .. والله لو تعتبريها هدية كمان ما أمانع سارا ابتسمت : لا تعرف اني مستحيل اقبل وراح ادفع لك فورا ثامر طالع المكان : بس ماقلتي لي .. كيف حصلتي هالمكان .؟! سارا : حصلته وبس .. بس بعقلي حوسة كيف راح انظم باقي الشغل ثامر : قدها وقدود .. تعلميني فيك مافيه شي يوقف بوجهك ما شاء الله عليك سارا تنهدت : الظاهر سهرتي طويلة اليوم على ما أنظم الإدارة وكلش .. ثامر : والموظفين ؟ سارا : خلصتهم .. نشرت اعلانات وحصلت عدد مو سهل بس كلهم كان عندهم مخاوف بس ان شاء الله يكملوا ثامر : الله يوفقك .. انا طالع اللحين حابه نتعشى سوا ؟ سارا : فرصة ثانية ثامر .. ماتدري وراي كثير اشغال لازم اخلصها بما ان الافتتاح الاسبوع الجاي ثامر : بس لازم تعوضيني عشاء ثاني هاه ! سارا : ولا يهمك .. تستاهل كرمال الشغل المرتب طلع ثامر وسارا ارتشفت قهوتها اكتشفت انها خلصت . . توجهت لماكينة القهوة وحضت كوب ثاني وجلست على مكتبها وشدت همتها العالية عشان تنظم كلش , كان دافعها من هالشغل بس ردة فعله اذا شاف المكان تبيه يكون فخور بانجازها ويعرف ان هديته لها ماضاعت .. رغم شعور الفراغ العاطفي المسيطر عليها هالفترة دونه مطعـم فاخر للعشاء .. كان جالس مع فراس وينتظرون العشاء / لؤي وهو يطالع المكان بضيق : بالله مالقيت احسن من هالمطعم تعزمني فيه ؟ فراس رفع عيونه من جواله : خمس نجوم المطعم ! ولسى ماذقت الأكل عشان يضايقك لؤي وعيونه على مجموعة مراهقات على طاولة ومبالغة بالشكل وبالضحك : حمد الله والشكر .. لاتموت وهي تطلع الضحكه غصب ! فراس ابتسم بسخرية : لا والله معك حق .. بزر بمطعم تضحك تضايق اكثر من بعض الناس اللي فالينها ضحك مع شباب وطلعات آخر الليل لؤي ندم على التعليق وطالع فراس : انا مو قلت لك انها انتهت .. ليش ترجع تجيب طاريها !؟ فراس : انبهك بس لاتنتقد الناس وانت عندك قسمك لؤي : خلاص اسفين .. بروح اعتذر لهن كمان عشان ترضى ! فراس : براحتك لؤي تنهد بضيق من طاريها : مو كأنه طول العشاء ؟ فراس : اذا الجلسة على راسك تقدر تقوم ترا .. وقف الجرسون وحط طبق كيكة شوكلاته مغرية جمب فراس .. طالع فراس لؤي : انت طالبه ؟ لؤي : لا الجرسون : هذا هدية من الصبايا هونيك كشر فراس وهو يقرا الورقة مع الطبق (( حلو للحلوين .. بالعافية )) .. ابتسم لؤي بسخرية : شفيك ؟ عادي مايضايقون ! فراس طالعه .. ثم اخذ الملعقة واكل : والله لذيذة .. تبغى ؟ لؤي : ههههههههههه لا شكرا .. بالعافية ياحلو فراس وهو ياكل من الصحن : اقل شي عندهن ذوق لؤي : ههههههههههههههههه لذيذة مرة هجل ؟ فراس مد الصحن له : اقولك جرب والله يجي لؤي اكل ملعقة وتقلبت معدته وهو يستوعب طعم جوز الهند مسك المنديل بسرعة وطلعها : ياحيوان فراس افلت ضحكته النادرة : هههههههههه عشان تعرف تصير نكدي لؤي : الله يغثك ياشيخ .. اعععع حامت كبدي معد ابغى عشاء فراس : لا وين تنثبر معي لين اتعشى لؤي بعد ماشرب كاس الموية مرة وحده : الله يعز النعمة بس كملوا العشاء ولؤي ابتسم براحة وهو يطالع فراس يسولف كعادته , له فترة ماجلس معه جلسة كذا وضحكوا وانبسطوا وهذا كان كل اللي يحتاجه *** طلع هيثم من مكتب الدكتور .. بعد ما كملوا الاجراءات الطبية , وتقرر انه بيسافر مع رنيم لحاله بسيارة طبية لحد ماتوصل للرياض وعشان يشرف على حالتها نظرا لخبرته , دخل لعند غرفة غادة وقالها الخبر ..غادة بضيق : طيب مقدر اروح معاك ؟ هيثم : لا ماتقدري .. انتي روحي مع ابتسام بالطيارة ابتسام : خلاص غادة هيثم معاها ! وبتوصل غادة : مدري مو مرتاحة تروح لحالها هيثم : وانا فين ؟! ابتسام : اهم شي كلش يكون بأقرب فرصة .. متى بتطلع هيثم ؟ هيثم : بعد العصر مباشرة .. ابتسام طالعت الساعة " 1 ونص " : وحنا طيارتنا الساعة 4 غادة وقفت : انا رايحه اشوفها .. طلعت غادة .. طالعت ابتسام بهيثم : هيثم .. هيثم بشرود : هممم ابتسام : امس كلمني عمي هيثم التفت لها بسرعة : ايه ؟! ابتسام : طلب ادفع غرامة احمد ..مليون ريال هيثم : عارف ! قالي هالكلام .. وآخر مابيني وبينك يا ابتسام اذا دفعتي ريال ابتسام : ما راح ادفع .. قلت له ماراح ادفع بس هو هدد , هدد ياخذ رنيم من غادة لو اخذها معي الرياض هيثم : بيديه ورجليه واعلى مافي خيله يركبه ! ماراح يطلع بيده شي لأن الحضانه لأمها خصوصا وابوها مجرم ابتسام : ما أدري .. احس الوضع مو لصالحنا نرجع غادة ورنيم معنا وهم مو راضين اخاف بعدها تصير مشاكل مالها نهاية هيثم : ماراح يصير شي ! عمي هذا راعي حكي بس اتركيه ينبح لين يتعب ولا راح يطلع بيده شي ابتسام : ان شاء الله .. هيثم : انا رايح لمستودع المستشفى محتاج كم غرض ابتسام هزت راسها .. اول ماطلع وجلست لحالها مسكت جوالها تحاول تدق على نايف للمرة المئة .. بس مايرد ! انقهرت ماتعرف وين بيتهم حتى ولا سكنهم عشان تروح له وقت يوصلون .. وتحس احراج تكلم ام نايف بس وش طالع بيدها دقت على ام نايف وجاها الرد على طول بلهفة : هلا والله .. مرحبا ومسهلا ابتسام : هلا فيك زود .. كيفك خالتي اخبارك ؟ ام نايف : بخير جعلك بخير .. اخيرا سمعت لكم حس ابتسام : ههههههههه مالنا غنى عنك .. والله وحشتيني ام نايف : ونايف وينه هاتيه اكلمه .. ابتسام : والله مدري شا أقول لك خالتي ام نايف انقرص قلبها : شصاير ؟ ابتسام : انا بجدة .. ام نايف : ششلون ؟!! ابتسام : نايف بالمالديف لسى .. بس انا غادة اختي ولدت وصارت معها مشاكل فاضطريت ارجع ام نايف ارتاحت على بالها مشاكل مع نايف : ما شاء الله الف مبروك وحمد الله ع سلامتها .. وش جابت ؟ ابتسام : بنت ام نايف : ما شاء الله الله يخليها .. والله ماكان له داعي ترجعين وتخلين نايف لحاله ابتسام : هو راضي خالتي .. والله مضطره لو فيه احد يمسك مكاني مارجعت بس مالها غيري ام نايف : يله تعوضونها بعدين ان شاء الله ابتسام : ايه بس شكل نايف مسكر جواله .. وانا طيارتي بعد العصر للرياض و .. ما أعرف حتى فين شقتنا ام نايف : ولا يهمك .. علميني متى بتوصلين وبوصي لك السواق ينتظرك ويوصلك بيتك ابتسام : مشكورة كثير خالتي .. والله تعبتك معي ام نايف : تعبك راحة .. ولازم نشوفك لاوصلتي عاد ابتسام : حياكم الله بكرة .. تعالوا نشوفكم انا مقدر اطلع واترك غادة ام نايف : ان شاء الله .. في امان الله سكرت ابتسام وهي تحس بارتياح .. مشت المكالمة على خير ونايف خله بالعسل حتى ماكلف نفسه يعلمها فين بيتهم , طايش بجد ماعنده ذرة مسؤولية اتجاه احد ! *** سكرت ام نايف السماعة وهي مستسلمة خلاص لوضع نايف .. حستها مو حلوة من نايف انه تركها ترجع لحالها ومو حلوة من ابتسام انها رجعت وتركته لحاله كلهم غلطانين .. ! دخلت ميهاف من برا وفصخت عبايتها : هاي مامي ام نايف : تعالي اسمعي اخر الاخبار ميهاف : شنو ؟ ام نايف : ابتسام بجدة ! ميهاف : هاه .. امداهم يخلصون ام نايف : مدري عنهم .. اخوك بالمالديف مارجع بس هي اختها ولدت ورجعت ميهاف : ماكان له داعي ترجع لاحقه على اختها ام نايف : شاسوي والله الجمتني .. تقول اختي مالها غيري ميهاف : يله كيفهم .. ماتدرين يمكن كمان ما اعجبها الجو مع نايف ام نايف شهقت : الله لا يقوله ! ميهاف : هههههههههههههههههه امزح مامي .. وبتضل بجدة ؟ ام نايف : لا طيارتها عقب العصر للرياض .. وعازمتنا بكرة ميهاف : بجد ! حلو خل نطلع ونشوف بيت نايف لي زمان ماشفته من ايام نهى ام نايف : لا تغييير .. انا سويت له اعادة تاثيث من اوله لآخره ميهاف : افف متى ! من ورانا ام نايف ! ام نايف : شاسوي حرام والله تدخل على نفس اثاث نهى ميهاف : انا صاعده ماما .. بعد العصر عندي نادي صعدت لفوق .. ودقت مباشرة على بدر وهي تستلقي على سريرها : ياهلا وغلا ميهاف : هاي حبيبي . بدر : ياهـلا .. شلونك ياروحي ؟ ميهاف : تمام .. تو رجعت من البنك وبعد العصر النادي وبس بدر : اقول ميهاف ميهاف : عيونها بدر : ابي اطلب منك طلب بس خايف ترديني هاه ! ميهاف : ماعاش من ردك .. شنو ؟ بدر : شرايك بعد النادي امرك ونتعشى سوا ميهاف شهقت : لحالنا !؟ بدر : ايه .. ناخذ العائلة معنا مثلا ! ميهاف : لا بدر صعبة .. مستحيل لو يدرون اهلي ذبحوني بدر : اولا ماراح يدرون .. كلها عشاء قولي طالعه مع صديقاتي ثانيا حتى لو عرفوا انتي خطيبتي وزوجتي بالمستقبل فما فيها شي ميهاف : هممممم .. مدري للحين احس مستحيل بدر : مو مستحيل ياعمري .. فكري مضبوط عندي لك مفاجأة ميهاف : ما أدري بشوف .... اكلمك بعدين بدر : اوك باي سكرت ميهاف وهي مو مستوعبة انها تسوي حاجة كذا ! ماعمرها كانت تخاطر او تتهور بقرارات مجنونة كذا لا لا مستحيل تسويها كيف .. ؟ حتى لو خطيبها غلط ! *** طلعت غادة من عند رنيم بعد ماودعتها الله .. رجعت للغرفة وكانت ابتسام هناك : يله غادة ؟ غادة بتصميم وهي ترمي كل حاجة ورا ظهرها .. هالقرار بالذات مافكرت فيه كثير اتخذته مباشرة : يله .. تجهزن ووقعن الخروج .. بطريقهن لبرا كان ابو احمد واقف : هلا ببنات مشعل .. هلا باللي يرفعن الراس ابتسام تقدمت وكأنها تحط غادة ورا ظهرها : هلا عمي ! ابو احمد : لا هلا ولا مرحبا .. ومالي كلام معك انتي , غادة ! غادة وراسها منزل : هلا ابو احمد : تتوقعين حركة عاقلة اللي جالسه تسوينها ؟! غادة : .............. ابتسام : رجاء عمي انت مالك كلمة عليها .. هي اتخذت قرارها وخلاص ! ابو احمد : هي بكيفها .. بس بنتها لا غادة رفعت راسها بسرعة : شلون ! ابو احمد : بنتك مالها روحة معك .. هي بنتنا وبتضل عندنا غادة طالعت ابتسام : شلون يعني ؟! ابتسام : ماعليك منه ! اللحين هي مع هيثم بطريقهم لهناك ابو احمد عصب : نعععم ! ابتسام : ايه .. رنيم بالطريق اللحين وحنا سابقينهم ! ابو احمد : كذا يعني ! ابتسام : ايه كذا !! غادة بهدوء : عمي .. انت ماقصرت معاي , بس هالمرة بالذات انا محتاجة اتخذ قراري بنفسي ابو احمد : بلا قرار بلا بطيخ !! هذي حفيدتي بتحرموني منها ؟ ابتسام : مين قال ؟! متى مابغيت تشوفها .. ( كملت بحده ) يا مية اهلا وسهلا بتنور بيتي ابو احمد : غادة !! اذا بتتخذين هالقرار اتخذيه بكيفك .. بس تأكدي انك بتدفعين ثمنه غاااالي ! غادة تزعزعت ثقتها .. اما ابتسام مسكت يدها بقوة وقالت بثقة : غادة ؟ غادة طالعت ابتسام .. ثم طالعت عمها : اسفه .. بس قرار اتخذته , انا رايحة مع ابتسام ما أقدر اجلس ابو احمد : ماشي ماشي .. بيجي يوم تندمين وتذكري كلامي !! طلع ابو احمد .. اما غادة نزلت راسها وكلها خوف وش ممكن يصير مو لها ! لبنتها .. هي بالطقاق اللي جاي مو اعدى من اللي راح .. ابتسام : انسي كلامه غادة .. صدقيني ماراح يقدر يسوي شي غادة هزت راسها : ان شاء الله مايقدر ... ابتسام : يله لا نتأخر على الطيارة مشو بالطريق وغادة طول الطريق وتفكيرها بالايام اللي راحت , هذي مرحلة جديدة تماما وش بتسوي كيف بتعيش وبنتها ..؟! تنهدت بضيق تحس بعدم استقرار تام .. *** دخلت اسماء البيت وهي تحس بانتعاش اخيرا خلصت الصيفي تقدر تعيش اجازتها اللحين ... دقت على ميهاف مباشرة : هااااااااالو !! ميهاف : هلااا هلاا .. ممممبروك خلصصتي اسماء : اييييييييييييه .. مو مصدقة مبسسسوطة من قلبي ميهاف : هههههههههههههه اخيرا خلصتي من النكد اسماء : يله فكري وش نسوي بكرة ! السوق ؟ الملاهي ؟ المشغل ؟ المملكة ؟ العليا ؟ ميهاف : لا لا .. بكرة عازمتنا زوجة نايف اسماء : هاه ؟ مو بالمالديف ؟ ميهاف : سالفة طويلة بعدين اقولك .. بس هي رجعت وتخيلي اختها ولدت اسماء شهقت : يممه ! تحققت دعوتها لما قالت المرة الجايه بشوفكم وهو بيدي ميهاف : ههههههههه ايه ياحليلها .. هاه بتجين ؟ اسماء دون شك : طبعا بججي ! شلون ما أجي ؟ ميهاف : يله اجل اشوفك بكرة اسماء : سي يو سكرت اسماء ووناستها زادت تنهدت : ياهلا والله برجعة اخت الغالي *** وصلوا الرياض .. واستقبلهم السايق اول ماركبوا دقت غادة على هيثم : الو هيثم : هلا غدو .. وصلتو ؟ غادة : ايه .. وانت ؟ هيثم : لسى بالطريق .. اول ما أوصل بقولك غادة : وكيفها ؟ هيثم : بسك وسوسة بخير مافيها شي غادة تنهدت : خلاص .. مو تنسى هيثم اول ماتوصل تقولي هيثم : ماراح انسى .. انتي ارتاحي ترا الدكتورة تقول لسى تعبانة ولازمتك راحة طويلة غادة : ان شاء الله .. يله باي ابتسام : قايله لك لسى ماوصل ! غادة : ماراح ارتاح لحد مايوصل .. احسها بعيدة عني ابتسام : وحتى اذا وصلت بتجلس بالمستشفى .. لازم تتعودين غادة : الله يعدي هالفترة على خير وتتعافى ابتسام : ان شاء الله .. تصدقين اول مرة اشوف فيها بيتي احس احساس غريب غادة : انا شفته مرة من برا بس لما وصلت شناطك ابتسام : كبير ؟ غادة : لا حجمه وسط .. يعني مو زي بيت اهله ابتسام ابتسمت برضا لما وصلوا وشافت البيت .. تصميم حديث من برا ابيض بزجاجات طويلة ملونة مزينة المكان : واااو رايق بصراحة اول مانزلوا وشافوا الحديقة المريحة المزينة بألوان الورد .. وبالداخل خدامتين يستقبلونها وتصميم البيت حديث بحت , متطور من جميع النواحي , غادة ابتسمت : منزل مبارك ابتسام : هههههههههههه لا وخدم وحاجة تفتح النفس غادة : ما أدري بس احس للحين مو مستوعبة ان هذا بيتك ابتسام : استوعبي ونص .. خلاص حياتي هذا مستواي من اليوم ورايح . بس سالفة الخدم هذي ما أعجبتني غادة : شلون يعني ؟ ابتسام : ماراح اخليهن .. بطردهن البيت مو كبير مرة وما أحبهن يعيشن هنا يجن يومين بالاسبوع ينظفن يكفي غادة هزت كتوفها : سوي اللي يريحك .. بيتك ابتسام : بروح اتفاهم معاهن .. انتي ارتاحي هنا جلست غادة وهي تحس بتعب من الوقفة .. تنهدت بضيق وهي تطالع بالساعة .. , اما ابتسام مشت مع الخدم على البيت يعلمونها بنظامه نظام دورين الدور التحتي صالة واسعة انيقة بغرفة ضيوف جانبية ومطبخ وغرفة معيشة وغرفتين اضافية .. والدور الفوقي غرفة نومهم مفتوحة على غرفة ملابس وغرفتين اضافية مسكرة وصالة ناعمة بشرفة وملاحق خارجية للضيوف والخدم .. اول مادخلت غرفة نومهم كانت حاجة خيالية الون الأبيض الشرح والرمادي والأصفر كانت الوان مرتبة ابتسمت برضا وهي تطالع اغراضها مرتبة .. تفاهمت مع الخدم على النظام اللي تبغاه وهو يجو يومين بس واضح عدم الرضا عليهم لكن مايقدرون يعارضونها .. ! نزلت ابتسام لغادة : شوفي حياتي .. فيه غرفتين اضافية هنا اختاري وحده لك غادة : أي وحده ابتسام ماتفرق ابتسام : مادام كذا بختار لك على ذوقي .. اذا حابه تنامين ترتاحين لك شوي ارتاحي غادة : ما أقدر بنتظر هيثم .. ابتسام : ياحياتي ارتاحي .. هيثم ماحيطير ووقت يوصل انا بصحيك غادة كانت مرهقة فما طولت بالمعارضة .. اول مانامت طلعت ابتسام ولبست عبايتها وطلعت مع السايق , ماخلت حاجة ماراحت لها , اشترت حلويات استقبال بكرة وشرت كل المواد الغذائية اللازمة لهم .. وماخلت محل اثاث ماوصلت له عشان تأثث غرفة غادة وبالاخير اختارت لها غرفة انيقة مع ركن طفولي لبنتها , بعد فرفرة طويلة رجعت البيت كانت غادة صاحية بالصالة عقدت حواجبها بضيق : فين كنتي ؟! صحيت ماحصلتك ابتسام والخدامات وراها يدخلون الاغراض : وليش صاحية ..؟ غادة : دق هيثم وصحيت ابتسام : وصلوا ؟ غادة بارتياح : ايوه .. نطلع نشوفهم ؟ ابتسام : ما اتوقع وقت زيارة اللحين .. دام هيثم وصل بدق عليه يجي يتعشى معانا غادة : حاولت قبلك .. يقول مشغول واحسن اتركيه بالمستشفى قريب منها ابتسام : طيب ابعدي من هنا عشان العمال بيدخلون اغراض الغرفة غادة فتحت عيونها : ايش غرفته ابتسام دفتها لداخل : ادخلي ومالك دعوة ! اما ابتسام كانت بعبايتها وترشدهم لحد ماخلصت الغرفة وصارت كاملة .. غادة بضيق لما شافتها : ليش كل هذا ابتسام؟ ابتسام : وشوي بحقك ياقلبي .. ! غادة : وربي كثير .. وانا ماراح اضل هنا على طول ابتسام ماحبت تتعمق بهالموضوع : اللي هو ! بكرة بيجون ضيوف ومو حلوة ماتكون غرفتك كاملة غادة : .......... ابتسام : يالله ياغدو اعرفك تمونين على حلالي .. صاير حشاد كذا ليه ؟! اجلسي ارتاحي غادة تنهدت : اوك طلعت ابتسام وهي متحمسة .. شوفة البيت اكسبها حماس فضيع وغير كذا غادة ورنيم بيضلوا عندها تحس انها كسبت سعادة الدنيا كلها .. جهزت عشاء لها ولغادة وهي تحس بانتعاش .. وجلسوا جلسة خوات بالحديقة , وهن يحسن زمان عن هالجمعة وابتسام كان كلامها اكثر من غادة .. سولفت عن المالديف وايش صار وايش سوت اما غادة ماكان عندها مواضيع كثيرة تتكلم فيها غير موضوع واحد ولو فتحته ماراح يتسكر .. وهي ماهي محتاجة نكد اليوم بعد فترة طويلة تذوق طعم الراحة .. نسيم منعش بعيد عن كل حاجة تضيق نفسها *** الكويـت – مؤسسة الشمري / دخل لؤي المكتب وجلس على الكنبة وكان فراس مو موجود باجتماع .. اول مارجع ودخل المكتب : كانك فالها هاليومين زيارات .؟ ماعندك شغل ؟ لؤي بملل : لا .. ماعندي غيرك اجي اتسلى عندك فراس وهو يجلس على كرسيه : وليش ماتتوظف ؟ لؤي : توظفني ؟ فراس طالعه بسخرية : كرمال صداقتنا لا لؤي : هههههههههههههههه والله فيه كم وظيفة بس مالي خلق اللحين فراس : مسكين عمي بيكتشف انه خلف فاشل ثاني لؤي : والله مو فكرة شينة اصير زي نايف .. اصلن محد عايش حياته غيره فراس وهو يشتغل على اللاب : قواك الله .. استمتع بآخر ايامك بالكويت قبل النفي لؤي : اقول وش تشرب ؟ فراس : شاي عدني لؤي وقف طالع : انتظر اعرف لك شاي عدني بيوقف قلبك طلع لؤي .. وفراس جلس يكمل شغله , سكر اللاب توب بعد ماخلص وقف وجلس على الكنبة بوسط المكتب باسترخاء انتبه لجوال لؤي يدق مسج " سارا " .. كشر وهو يطالع الجوال دخل لؤي وبيده مشروباتهم : تفضل احلى شاي عدني .. بالله ماتوظفني قهوجي ؟! انتبه لؤي لملامحه المكشره وجواله بيده .. ثم رجع يرميه على الطاولة وقال ببرود : الظاهر عندك موعد ناسيه مع خويتك لؤي عقد حواجبه : شنو ؟! مسك جواله .. وقلبه رجع يدق على طاريها , من زمان ماطلع اسمها على شاشة جواله ابتسم بلا شعور , اما فراس فتح عيونه وهو يشوفه يبتسم للجوال: شوي شوي لاتشقق لؤي طالعه : وانت وش قاهرك اللحين ماعادت تشتغل عندك ولا تخصك ؟! فراس : دامك عارف انها ماتفرق معي ماكان له داعي تكذب وتسوي مأساه ! لؤي : على بالك اني اكذب ..؟ صدقني اول مرة تراسلني من بعد ماتكلمت معك الله اعلم في ايش ! فراس بسخرية : بجد ؟! ريحتني الله يريحك لؤي : بكيفك بتصدق ولا لا تصدق فراس : عموما ما راح اتفاجأ انها رجعت تتواصل معك , شافت واحد غبي عطاها مؤسسة كاملة قالت ارجع واخذ اكثر لؤي بدفاع : سارا مو كذا ! فراس : مجرد انك تبي تصدق انها مو كذا وانها حلفت لك انها مو كذا مو معناها انها مو كذا ! لؤي : مجرد انك ماتبي تصدق انها تحبني ورجعت عشاني مو معناها انها ماتحبني ! فراس بسخرية : انا مابي اصدق ..؟ حشى وانا اقدر انكر الحب الاسطوري والوعود والنذور اللي بينكم .؟ لؤي سحب جاكيته من الكنبه : كمل شغلك .. انا طالع طلع لؤي بطريقه لبرا الشركة , وفتح المسج وهو ملهوف يقرا : ( هاي لؤي . كيفـك ؟ ان شاء الله مبسوط .. ابشرك المبنى اللي اهديتني صار تمام ومرتب والافتتاح بعد بكره .. أنت اول وأهم شخص يحضر الأفتتاح .. لانه لولاك ماكان راح يكون فيه افتتاح اساسا .. هممم .. وبس بتشرفنا بحضورك <3 ) ابتسم لؤي حتى بانت اسنانه .. كتب بسرعة ( متشوق أشوفه , راح اكون موجود ) ارتفعت معنوياته .. لما اهداها المبنى وطولت ماردت عليه على باله بتبدا شغلها وبتنساه لانها كانت جادة وقاسية معه الفترة اللي راحت .. لدرجة فقد الأمل انها بتناديه او بتحاكيه عقبها !! *** صحت غادة من النوم .. طالعت الساعة على الحائط 2 ونص ظهر .. شهقت ماتدري كيف نامت كل هالوقت !! بس ماتنلام امس سهرت مع ابتسام للفجر .. ونامت نومة مريحه مانامتها لها شهور , طلعت من الغرفة حصلت ابتسام موجودة بالمطبخ تشرف على الخدم رفعت غادة حواجبها : على اساس ماتبين خدم ؟ ابتسمت ابتسام : ًصح النوم .. ما أبيهم بس بالمناسبات ابيهم طبعا ! غادة : اها .. ابتسام : روحي ارتاحي الغدا جاهز بجيبه اللحين غادة : لا ابتسام .. بسرعة خل نروح المستشفى ابتسام : يؤ ! اللحين ..؟ مقدر اهل نايف بيجون عصر غادة : اجل اجلسي انا رايحة ابتسام : هم جايين يشوفونك كمان !! غادة : مالي علاقة .. بعدين اشوفهم راح اموت لو ما اروح اشوفها ابتسام : ماشي غادة استني بروح معك نزورها وعصر نرجع على طول ! غادة : اوك ابتسام عطت تعليماتها للخدم وطلعت مع غادة الي كانت مستعجلة حتى مارضت تجلس تتغدا اول *** هيــثم / لبس جاكيته وطلع من غرفة الاستراحة بعد ما أزعجته غادة بنومه لحد ماصحى .. صداع براسه من امس مانام الا ربع ساعة ولا تهنى فيها حتى وصل لحضانة الأطفال لعند الجسد الصغير الضعيف ابتسم وهو يطالعها محد يقاوم براءة الأطفال : مبسوطة ياقلب خالك . ؟ ماتركتيني انتي وامك انام ارتاح دق جواله تنهد : امك هذي بذبحها بيوم ! عقد حواجبه وامله يخيب .. المكالمة من رقم غريب سكر دون يرد .. لكن رجع يدق رد : الو : هيثم مشعل .؟ هيثم : ايه وصلت .. من معاي ؟ : معك القاضي سلطان بن ***** هيثم : ووش بغيت طال عمرك ؟ : عمك يتهمك انك انت واختك اخذتوا حفيدته بعيد عنه ومنعتوه من شوفتها .. ويأمر ان اخته تحضر ببيت الطاعة هيثم : نعععم ؟! : وانا اطالبك بالحضور غدا ومعك اختك عشان نشوف وش لكم وش عليكم هيثم : بس هالحكي مو صحيح ! حنا مامنعناه ومتى مابغى يشوفها مرحبا ومسهلا : هالحكي ماينفع ! لأن اختك زوجة ابنه ومن ضمن طلبات عمك انها تحضر لبيت الطاعة بأمر زوجها هيثم : خل زوجها يطلع من السجن اول ونتفاهم ! : مهما كان يضل زوجها وله الحق والأمر عليها هيثم شد على قبضته وهو ماسك اعصابه : حاضر .. راح اكون موجود بكرة : واختك ! هيثم بحدة: ماعندي حريم يدخلون محاكم ! وانا بكون نيابة عنها ! : راح نحاول نمشي الامور على هالوضع ونحاول مانحتاج لتواجدها هيثم دون نفس : مع السلامة ! دخلت غادة وابتسام لعنده وكلهن متلهفات لشوفة رنيم : هاي هيثم هيثم : دام جيتوا انا رايح .. غادة : وين وين اصبر ! ابسألك شخبارها وش صار ومتى تطلع هيثم : برسلك دكتورتها .. انا عندي كم شغلة مقدر اجلس طلع وهو براسه بيحل المشكلة دون يدرون حتى ! حتى لو اضطر يقتل عمه او يمكن هذي امنيته اساسا ؟ قال ايش قال بيت الطاعة .. ماشي ماشي *** بيت ابو فراس – بغرفة اسماء / من ظهر وهي تتعافس بخزانة ملابسها والروح المعنوية عال العــال فوق الغيوم : يااااااي وش هاليوم المبارك اخلص الصيفي وترجع اخته .. لازم ابحكها اللحين اعرف اخوها هذا وين ! جهزت لها حمام بأزكى الروائح .. واغلى منتجاتها اللي نادر تستعملها من غلاها على قلبها طلعت وهي ترقص بالروب : يله يله يا أسوم صيري مزة .. يمكن تتحرش هذي ابتسام وتخطبك له غطت وجهها بيدينها وهي تستوعب الكلمة : يممه قلبي ! خطبة !! خطبة !! اتخيل طلته بالثوب والمشلح وجمبي على الكوشة ( صرخت باقوى ماعندها وهي تنطط وتتدحرج بالغرفة ) لا لا يا اسوم بدري على كذا اعقلي .. معاد اقدر اوقف عقلي من افكاري اللحين ..!! لازم اوقف هالافكار وامشي خطوة بخطوة .. يله خل اصير مزة بس واخرفنهن خواته هالغشيمات لي عزيمتين احاول فيهن مايتحركن ! سحبت فستانها الفكتوري , الصدر ابيض بياقه حمراء رسمية .. وحزام احمر ومنسدل لنص ساقها ولبسته وهي تحس بانتعاش حاست فمها قدام المراية :شهذا يا أسوم ! كاني بزر .. الفستان طفولي مرة ماينفع لازم اصير كأني حرمة .. ؟ دخلت ياسمين : اسوم ! توك !!! بسرعة السواق تحت اسماء شهقت : تونا ظهر !! ياسمين : الله يخلف بس شوفي الساعة 4 ونص اسماء شهقت .. كيف مر الوقت كذا دون تحس ركضت تكمل لبسها لبست جزمة بكعب خفيف سوداء وساعة ذهبية شانيل .. وشعرها الذهبي تركته على طبيعته المتموجة ومسكت نصه بفيونكة سكريه وحطت فل ميك اب بدرجات ناعمة تناسب نعومة الفستان كانت قمة بالبراءة والأناقة مع جسمها النحيل جدا جدا .. وعيونها الزرقاء وفمها الصغير كانت بيبي فيس والفستان عطاها طفولة اكثر تناسبها .. لبست عبايتها وركبت وكلهم يهاوشون فيها : تاخرنا ! اسماء : يوه شاسوي ماحسيت بالوقت والله بدر : شاطرة ! اخرتيني على النادي اللحين اسماء : محد قالك تودينا ! كان بنروح مع السواق بدر : يمه سكتيها ولا أنزلها ! ام فراس : اسكتي ! انا ابيه يوديني .. حشى اروح مع السواويق كأن ماعندي ولد وصلـوا لبيت نايف وهم حافظينه من كم زيارة لبيت نهى .. لكن مجرد مادخلوا عرفوا انه متغير وهم لسى بالحديقة متغير تصميمها استقبلتهم ابتسام عند الباب .. • طلتها فستان مغري انوثي ضيق اسود لفوق الركبة مباشرة مع كرستالات بيضاء في الاكمام ومنطقة الصدر وتحته كيلون أسود وهيلز سوداء بكعب عالي جدا مكسبها طول فوق طولها ..ومكمل اكسسوارها خاتم الماس وشعرها الأسود رافعته لفوق بتسريحة انيقة مع روج كبدي ومكياج سموكي .. كان مكياج غريب عليها ومكسبها شكل غير تماما , وهذا انجاز غادة فيها وهاللوك الجريء كله اختيار غادة ولا هي ماعمرها كانت مؤيدة للمكياج الثقيل وماتحبه رغم انه يكسبها انوثة تناسب عيونها الكحيلة ولمحتها الشرقية . ابتسام رحبت فيهم بحرارة : هلا والله اهلا وسهلا ام فراس : هلا والله بعروستنا الحلوة .. شخبارك ؟ّ ابتسام : تمام حمد الله .. تفضلو تفضلو نورتو البيت ياحي هالطلة ام فراس : فيه احد سبقنا ؟ ابتسام : ايه خالتي كلهم داخل اسماء : كيف المالديف بس ..؟ ما كأنها محليتك اكثر ..؟ ابتسام : هههههههههههه والله جنان .. ماتدري قد ايش انقهرت اني طلعت منها بسرعة اسماء : ولا يهمك ولا تنقهري .. متى مابغيتي يوديك نيوف وش وراه اصلن غيرك ؟ ابتسام : هههههههههه قولتك دخلـوا لداخل .. وقفت اسماء عند المغاسل وفصخت عبايتها ( افف بالله ليش حلوة لهالدرجة ! ولا الجسم .. لاتكون تلبس كذا قدامه !! ) ظلت تعدل مكياجها وهي منقهرة وهي تشوف ابتسام بانوثتها الطاغية .. حتى غادة رغم نحفها إلا انها فيها مغريات اكثر منها هي كانت طفلة من قلب قصيرة ونحيفة كانها مراهقة .. بنص حلطمتها مانتبهت للي تنغز خصرها من ورا شهقت وهي تلتفت : ميهاف ! ميهاف : هههههههههههه وينك تأخرتي ..؟ اسماء طالعتها من فوق لتحت بجسمها المثالي : اففف اكرهك حتى انتي ! ميهاف عقدت حواجبها : شنو انا ..؟ اسماء : لا تحاكيني ! ميهاف : هاو .. شمزعلك ؟ اسماء طالعتها بنص عين : اصلن لو لابسه الخرابة اللي انتي لابستها صرت زيك ميهاف : واحلى مني كمان ! اسماء خلاص سمحت : صدق ؟ ميهاف تسلك : أيه طبعا اسماء : هاه شفتي بنتها ؟ ميهاف : لا تخيلي تو اعرف انها بالمستشفى ..مسكينة مطولة كمان اسماء : ياقلبي الله يعينها دخلـوا لداخل .. واسماء تطالع باعجاب : والله متغير بيت نايف ! ميهاف : هههههههههههههه امي غيرته من اوله لآخره .. بجد حرام تجلس على اثاث نهى اسماء : معك حق دخلوا جلسة الحريم وسلمت اسماء على الموجودين .. لحد ماوصلت لغادة اللي كان مخصص لها جلسة مريحة تجلس فيها وكانت لابسه جلابيه ناعمه خفيفه وشعرها الطويل رفعته بتسريحة ناعمة على فوق وماحطت مكياج مجرد ملمع شفاه لبس مريح ومناسب لزيارة .. على انها ماتعتبرها زيارة مهمة , كل اللي جايين كرمال ابتسام ورجعتها من السفر ! مافيه حاجة مخصوصة لها ولو ان ابتسام ما اصرت تجلس كانت ضلت بالمستشفى عند بنتها .. اسماء : ياااي راحت الكرشة ! غادة : ههههههه والله فاقدتها ميهاف : من جدك ..؟ غادة : لا مو من جدي طبعا .. اسماء باهتمام : وكيف بنتـك .؟ ايش سميتيها على فكرة .؟ غادة : رنيم .. ان شاء الله راح تكون تمام بس لأن الولادة مبكرة ميهاف بقلق : بتطول بالمستشفى ؟ غادة بضيق : هذا الظاهر ام فراس : اهم شي يكون المستشفى مناسب مو أي كلام غادة وهي منحرجة من ام فراس .. اول مرة تقابلها بعد الحادثة : لا حمد الله .. مدينة الملك فهد الطبية وفوق كذا اخوي هيثم هناك يدير باله عليها اسماء فتحت عيونها بوسعها .. طاحت على معلومة من ذهب !! صار موظف بالرياض .. صار موظف هنا .. !!! ما احتاجت تبحك المعلومات جتها على طبق من فضة .... مدينة الملك فهد الطبية اجل ؟ فازت باليناصيب دخلت ابتسام وبيدها صحن كبير معجنات حطته على الطاولة : اهلين والله نورتوا البيت .. تفضلو ياجماعة مدو يديكم مافيه شي من قيمتكم والله ام نايف وهي معجبة باستقبال ابتسام ماخاب ظنها فيها هذي الكنة اللي ترفع الراس .. اما ابتسام خذت مكانها جمب ام نايف .. ابتسمت ام نايف وقالت بهمس بينها وبينها : وكيفك مع نـايف ؟ ان شاء الله مو مزعجك ابتسام : لا خالتي وش مزعجني .؟ نايف مافيه منه .. وامورنا تمام ابشرك ام نايف ارتاحت من قلب : الله يهنيكم ويهنيه فيك .. انا اشهد اني عرفت اختار ابتسام استحت من ام نايف : والله انا المحظوظه فيكم خالتي ميهاف : هههههههههههههه شنو يمه وابتسام ! من اللحين اسرار لاحقين علموني وش تقولون سجى : جالسة تفضفض لها من نويف اجل .؟! ام نايف : يمه الله لايقوله .. فالك ماقبلناه , الله يخليهم لبعض بس ميهاف : هههههههههههههه اميـــن ام فراس : وعقبال بدر وميهاف ان شاء الله ام نايف من قلب : ان شاء الله ميهاف : شنو يمه اشوفك مستعجلة تخلصين مني دق جوال ميهاف استأذنت وطلعت للحديقة وردت : هلا حبيبي بدر : هلا والله .. كيفـك ؟ ميهاف : ههههههههه على طاريك .. لسى امك تدعي لنا بدر : هههههههههههههه لنا ولا علينا ؟ ميهاف : لا لنا لنا بدر : اجل امني ياروحي .. كيف الزوارة مبسوطة ؟ ميهاف : أيـه .. لو تشوف بيت نايف ماتعرفه تغير 180 درجة بدر : خل يرجع الحيوان من المالديف واطب اشوفه .. المهم حياتي انا تو طلعت من النادي وحبيت أتاكد منك ميهاف : شنو ؟ بدر : عشانا .. مو عازمك انا بكرة .؟ ميهاف : هممم ما أدري يابدر للحين مترددة بدر : لاا ميهاف تكفين .. تزعليني منك كذا ميهاف : عارفة بس .. بدر : عارفة .؟ يعني يهون عليك زعلي عادي ..؟ ميهاف : لا مو كذا بس .... ( كملت بتردد ) خلاص حياتي ان شاء الله بكرة بدر : امرك ولا نتقابل هنـاك ميهاف : لا صعبة تمرني اخاف يشوفك احد .. هات المطعم وانا بجيك بدر بلهفة : اشوفك بكرة اجل ميهاف : على خير .. سكرت ميهاف وهي مو مصدقة انها وافقت ... كانت مقررة ترفض وتقوله لكن انغلبت على عواطفها ووافقت .. دخلت لداخل وراحت للمطبخ عند ابتسام اللي كانت تصف الفطاير بصحن : ابتسام .. اساعدك بحاجة .؟ ابتسام ابتسمت : لا تسلمي ياعمري .. روحي ارتاحي انا لاحقتك ميهاف : اوك دخلت ميهاف لداخل وانسجمت مباشرة مع الاجواء وجلسة البنات والسوالف .. بعد العشاء والحلا .. ام فراس : اسماء .. روحي شوفي ياسمين وينها .؟ بدر شوي ويجي اسماء : يله قايمة طلعت اسماء تدورها بكل البيت .. واخر شي ضرب حظها بالحديقة كانت جالسة مع مجموعة بنات للحضور : شجالسين تسوون ؟ ياسمين بذهول : اسسوم ! تعالي شوفي خولة كيف تحرك اذنها اسماء : عادي حتى انا اعرف ! ياسمين : نصابة ماتعرفي .. خولة وريها حرك خولة اذانيها واسماء بدهشة : يمه ! كيف تحركينها .. اصبري بجرب اسماء وهي تجرب : تحركت وكلهم يطالعونها باستخفاف : لا ماتحركت ماتعرفين ! عند ابتساء داخل بنص ماهي جالسة دق جوالها : هلا هيثم هيثم : ابتسام .. انا عند بيتك فيه اوراق عطيتك اياها لما كنا بجدة معاك ؟ ابتسام : ايوه معاي هيثم : طلعيها لي اجل ابتسام : تدخل تتعشى .؟! هيثم : لا ابتسام فرصة ثانية .. مستعجل طلعي لي الأوراق وبس ابتسام : ان شاء الله خذت ابتسام الأوراق وفتحت الباب دخل هيثم لداخل واخذ الأوراق عقد حواجبه : ناقصة وحده ابتسام ! اسماء اللي كان جالسة مع البنات تجمد كلش فيها " صوته .. صوته صوته متأكدة ! " التفتت بصدمة وهي تشوف ابتسام داخله لداخل وهو واقف وبيده اوراق وبالثوب الابيض دون غترة او شي وطالع يفتن رغم ارهاق شكله والهالات السوداء تحت عينه .. مانتبهوا لها مع مجموعة البنات اللي جالسين بجلسة جانبية بعيدة نوعا ما بالحديقة الكبيرة واللي بعضهم رغم صغر سنهم كانو اكبر منها حجم .. اللي صدمها التفت بعيونه يطالع " البنات الصغيرات " الجالسات وهي لفت راسها مباشرة وماكان شكلها شاذ بينهم .. بلعت ريقها وكلش فيها متجمد " شتسوي ؟ شتسوي ؟ شتسوي ؟ ليش ما انتبه وش هالموقف " رماهم بنظرة عشوائية ورجع يزفر وهو يطالع الساعة .. ياسمين شهقت : اسماء وش جالسة تسوين فيه رجال هنا ؟! اسماء همست لها : هشششششش .. اصكتي وش اسوي ؟! ياسمين وصديقاتها كلهن صارن في فوضى بينهن : تبين نقوله يوخر ؟ اسماء بحمق وهمس وهي منحرجة من موقفها : هششش الله يلعنكم بزارين .. أسكتوا شوي خل اركز اشوفه شهقن : تششششوفينه !؟ اسماء وهي شوي وتبكي : اسسكتن !! اسكتن ! طلعت ابتسام وعطته الورقة : هذي هي هيثم : ايوه .. يله اجل ابتسام : في امان الله .. ترا لازم تجي بكرة تشوف بيتي هيثم : نشوف .. طلع واسماء احباطها زاد .. ليش مالاحظها . ؟ لسببين : يكون نساها وهذا يزعل .. يكون مالاحظها وشكلها زي شكل أي مراهقة ثانية وهذا يزعل ! تنهدت باحباط وقامت لداخل قابلتها ام فراس بعبايتها : وينك ؟! ارسلك لشي تقعدين لي سنة .. يله بدر برا اسماء باحباط وهي تمر لداخل : زييين طول الطريق كان ساكته على غير العادة , اول ماوصلوا صعدت لغرفتها وهي ماتوقعت تكون بهالاحباط اذا شافته تنهدت بضيق وهي تتذكر شكله .. بطوله الملفت وشعره البني الأغبر وعيونه الرمادية وعوارضه تنهدت شتسوين يا اسماء مبتلا قلبك يحب واحد بعيد .. بعيــد ؟! لا لحظة ليش بعيد ..؟ عرفت وين يشتغل بكرة بروح اخذ طله صغيره بس .. لا اسماء انهبلتي وش تروحين اعقلي ..! لا عادي وش بسوي يعني بلا نظرة من بعيد .. حرام يعني ؟! صحت بدري افكارها ماساعدتها تنام اساسا والصبح وقت مناسب تطلع وترجع دون ازعاج اسئلة .. لبست عبايتها ونظارتها الشمسية وطلعت مع السواق : مدينة الملك فهد الطبية وصلت المستشفى ونزلت وهي تحس بتردد .. تمشت تمشت لكن المكان كبير ماتقدر تطيح فيه صدفة راحت لقسم الجراحة , وسألت الاستقبال : ممكن اعرف فين الدكتور هيثم مشعل .؟ الاستقبال : الدكتور هيثم مو هون اسماء باحباط : بيطول ؟ الاستقبال : ماخذ اجازة هالكم يوم .. اسماء بعد كل هذا مو هنا .. رجعت تجر رجلها لبرا وانخذلت مشاعرها للمرة المليون ! *** جـدة / فور وصوله توجه لبيت عمه أبو احمد .. فتح الباب خالد : ابوك موجود ؟ خالد : ايه داخل .. تفضل هيثم : لا ماني جاي اتفضل .. قوله هيثم برا طلع أبو احمد وقال بخشونة : شجاي تسوي .؟ هيثم : جاي انبهك تسحب هالقضية قبل اقلبها فوق راسك ابو احمد فتح عيونه وقال بعصبية : احترم نفسك هيثم ! صاير لسانك طويل .. مهما كان انا عمك ! هيثم بتشديد على الحروف : اسحب القضية قبل أقلبها فوق راسك ! ابو احمد : ورني شطارتك ! هيثم : كذا يعـني .؟ ابو احمد : ايه كذا ! هيثم : بما انك رايح توصلها للمحاكم .. اكيد عندك خبره .. فممكن اسألك وش حكم الخلع من السكير .؟ ابو احمد : حتى اذا صار خلع ماراح تجلس البنت عندكم هيثم : انت غبـي .؟! الحضانة لأمها بغياب ابوها .. يعني ولا أكبر محكمه راح تعطيك حق الحضانه لو تموت ابو احمد : انا راح اسحب كل هذا بشرط ! هيثم : ................. ابو احمد : تدفع ابتسام الغرامة هيثم : كذا يعني .؟ هذا اخر كلام عندك ؟ ابو احمد : ايه هذا اخر كلام .. هيثم : اذا تحسب انك بتسحبني انا واختي بالمحاكم ترا غلطان .. اللي يهايط دون منطق ياكلها كلها بالأخير , ومحكمة اليوم بتفهمك كلامي هذا ابو احمد : خلاص انا راضي بالنص .. تدفع ابتسام نص الغرامة .. هيثم بحدة : ولا هللة ..ولدك بينثبر بالسجن هذي حقيقة تقبلها , اشوفك بالمحكمة اليوم *** المساء – الرياض / طلعت ميهاف من غرفتها بعبايتها الملفته .. ونظارتها الشمسية وشنطتها الكلتش والكعب الملفت وريحة العطر المنتشرة وماكان احد بالبيت فطلعت مباشرة مع السايق .. فور وصولها انتبهت لبدر ينزل من سيارته بشكل ساحر وطوله الملفت كعادته بنطال كحلي جنز وشيرت ابيض وجاكيت جلد اسود وكاب " اوبي " وجزمة رياضية ميهاف : طولت ؟ بدر : لا عادي حياتي .. تو وصلت .. ندخل .؟! ميهاف بربكة : ايوه دخلـوا بغرفة خاصة وجلست ميهاف وهي تحس الجو متوتر .. بدر : روقي اعصابك ليش متوترة كذا ؟ ميهاف : لا عادي .. مو متوترة بدر : نزلي هاللثمة خليني اشوفك ميهاف نزلت لثمتها .. وبدر كان منسحر وحاسد حتى نفسه وهو يشوف جمالها وانوثتها في كل تفاصيلها : ملكة .. والله ملكة ياعمري ميهاف توردت خدودها : من ذوقك بدر : ههههههههههه وين لسانك اللي بالجوال .؟! ميهاف : ههههههههههه موجود .. بس غريبة فين المنيو .؟! بدر : مايحتاج انا طلبت خلاص ميهاف : لا .. وايش طلبت لي ؟! بدر : حاجة تحبيها وبس ميهاف : واذا ما اعجبني .؟ بدر حضن يدينها بيديه : خلاص حياتي .. مو واثقة بذوقي يعنـي .؟ ميهاف طالعت يده بعروقها الفاتنة وحاضنة يدينها الناعمة : .......... وصل الطلب , ابتسمت ميهاف وهي تشوف طبقها المفضل برياني : يعطيك العافية ياقلبي بدر : يعافيك .. قولي بسم الله ميهاف بتوتر : اقول بـدر .. بدر : هلا ميهاف طالعته لفترة ثم قالت باحباط : لا خلاص بدر : شنو قولي .؟! ميهاف : خلاص بدر مافيه داعي بدر : ميهاف بزعل عليك والله .. تكلمي ولا ماراح اكل ميهاف : هممم .. يعني هو متى ناوي زواجنا .؟ بدر مافكر بالموضوع اساسا .. استغرب السؤال : كيف يعني متى ؟ ميهاف : قصـدي .. الخطبة يكون الهدف منها الزواج .؟ وحنا صارلنا مخطوبين فترة فأبي اعرف متى الزواج او متى ناويه .؟ بدر حاس بفمه : تصدقين مافكرت بهالموضوع اساسا ميهاف عقدت حواجبها : مافكرت ! اجل شلون .؟ ناوي نكمل حياتنا كذا ؟ بدر : لا مو قصدي نكمل حياتنا كذا .. بس كيف اقولك ماعمره الزواج كان على بالي ميهاف قهرها رده البارد : ومتى راح يكون على بالك ان شاء الله .؟! بدر : هاو ميهاف شفيك عصبتي .؟ ميهاف : ولا شي . بدر عقد حواجبه : مو شايف الزواج فكرة مناسبة اللحين .. انا لسى صغير ومايناسبني ارتبط اللحين ميهاف : وهاللي بينا اللحين شاسمه يعني .؟ مو ارتباط .؟ بدر : الزواج غير وانتي عارفه .. بيت ومسؤولية وبعدها بزران وغثا ميهاف رفعت حواجبها : وغثـأ ؟ بدر : ايه .. لايكون تحسبي الزواج يعني مجرد حياة وردية .؟ الا غثا وردا كمان ميهاف : يعني انا بمرحلة من حياتك فالمستقبل راح اكون غثا .. هذا اللي تحاول توصلـه ؟ بدر : وانا قلت انه انتي .؟ ميهاف : هذا اللي واضح من كلامك . اجل ايش الغثا بالضبط .؟ من فيه غيري يعني ؟ بدر : ميهاف لاتقوليني كلام ماقلته ..! انا كل اللي قلته حنا لسى صغار ولاحقين على المسؤولية والغثا ميهاف : اجل انا اعطيك اياها من الاخير مسيو بدر .. انا اعفيك من هاللحظة عن مسؤوليتي وغثاي بدر بعصبية : انتي وبعدين معك ..؟ مايسوى علي عزمتك اليوم مشتاق لك قلبتيها نكد .. من نزلتي وانتي تتصيدين كلامي تنتظرين الزلة تحاسبين عليها ميهاف : انا ..؟ انا انتظر منك الزلة !!! بدر : ايه تنتظرين .. كان قلتي مابي اطلع معاك وفكيتيني من العشاء النكدي هذا ميهاف : ولا يهمك استاذ بدر .. انا افكك منه من عيوني انا طالعة بدر : باللي مايردك سديتي نفسي على الفاضي ! ميهاف طالعته بقهر .. وطلعت وهي معصبة وزاد قهرها لما طلعت وانتبهت الكل يطالع مكان غرفتهم احراج بجد .. هي الغلطانة اساسا اللي طلعت معه ! دقت على السواق ورجعت للبيت وهي منقهرة بداخلها *** طلع هيثم من المحكمة وفاز دون كلافة .. لان الحق حق والباطل باطل , طالعه ابو احمد بقهر ومد اصبعه بتهديد : يعني كذا ! والله لاعلمها بالسالفة المخبية عليها واشوفها تتحطم قدامكم هيثم مسك ابو احمد من ياقته وسحبه بقوة وهو شاد بقبضته : تراني سكت لك كثير .. هددت بالمستشفى ومشيتها .. حستنا بالمحاكم ومشيتها .. اذا ماعندك نية توقف هالمهزلة بدخل هالمحاكمة المرة الجاية في محاكمة قتلك ... " نفخ" هالموضوع ينطرى مرة ثانية على لسان مين من كان راح تندم ومو لحالك انت واللي حولك كلهم ! ابو احمد : اجل ادفعوا الغرامة ! هذا ولد عمكم ! هيثم وهو يشد على ياقته اكثر : بسك شحذ غثيتني ترا .. ماراح ندفع يعني ماراح ندفع ! واذا بخاطرك تشوف لي وجه ثاني ماتعرفه فكر بس تكلم غادة .. افلت ياقة ابو احمد .. وطلع من المحكمة وهو بعقله مستعد لجريمة بيسويها فيه من جده لو يزودها اكثر من كذا *** الكـويت – 7 مساءا / مؤسستها الصغيره مزدحمة بالافتتاح .. والكل يتجول بالارجاء ابتسم وهو ينزل من سيارته ويطالع المكان .. كان لابس بدلة رسمية سوداء طالعه شبابية عليه دخل وعيونه تدور عليها رغم انه ازدحم لكثرة الوجيه المألوفه من رجال الاعمال ولازم يسلم عليهم .. اثناء ماهو يتكلم مع شخص انتبه لها تمشي بالمكان بحركتها السريعة المعتادة اللي تحسسك انها مشغولة على طول حتى لو ماكانت مشغولة اشتاق لها بكل تفاصيلها شكلها بسيط مثل ما أعتادها مشى لناحيتها .. وسارا انقلب وجهها المعنقد وهي تكلم المسؤول عن تقديم الطعام لابتسامة : اهلييين لؤي .. متى جيت ؟ لؤي : اللحين .. " كمل بلهجة اشتياق واضحه " كيفك سارا ؟ سارا : تمام .. انت كيفـك ؟ لؤي : صرت تمام .. قاطع محادثتهم الصغيره والعتب بعيونه .. احد المسؤولين : سارا تعالي اقدمك للمسؤول طالعت سارا لؤي : همممم شوي بس .. لؤي : روحي سارا .. نكمل بعدين .. هزت راسها وراحت .. اما لؤي انسجم مع المتواجدين ولو ان نص وقته كان يلاحقها بعيونه أي شخص يقدر يلاحظ الحب بعيونه توجهت له من بعيد : سوري لؤي تركتك .. بس بجد انشغلت ماتوقعت كل هالعالم لؤي : وايش جايبـك اللحين .؟ هالمناسبة مهمة ترا هنا تأسسين نفسك وفرصتك تكسبين اللي تقدرين عليه فروحي انسجمي مع المكان سارا : هههه مو عارفة حاسه بتأنيب ضمير لؤي : ماراح تكسبي حاجة اذا تكلمتي معاي .. الشركة اللي انا اشتغل فيها نافيتك روحي شوفي حاجة تنفع سارا : هههههه كانك تطردني .؟ لؤي : ههههههه والله كيفك حابه تجلسي اجلسي .. بس انا انصحك سارا : اوكيه رايحة .. بس راجعه لؤي ابتسم : طبعا *** تنهدت ابتسام وهي جالسة وتشوف غادة على اعصابها وشوي وتنفجر من العصبية : خلاص غادة بسك وش هالاعصاب التالفه اللي عندك ! غادة : يابردك يا ابتسام !! هيثم مايرد وانا ابي اشوف شخبار بنتي ابتسام : يعني انتي ماتتذكري اول .. كان مايرد بالايام مشغول ! غادة : ينشغل بكيفه وقت تطلع من المستشفى .. طول ماهي موجودة يرد غصب عنه ابتسام سحبت جوالها من يدها : خلاص انثبري .. هيثم مسؤول اكثر منك ترا فارتاحي بنتك بمستشفى ترا مو بالشارع غادة : طيب رجعي الجوال ! ابتسام : ما حارجعه .. لي ساعة ابي اقولك سالفة مو عارفة بسبب هالجوال غادة دون نفس : تفضلي قولي سالفتك اسمع ابتسام : خير تتكلمين ومالك نفس ! ماراح اقدر اتكلم .. غادة : يالله يا ابتسام مالي خلق بجد .. غصب يصير لي خلق ابتسام : ايه غصب .. يله افردي هالوجه الماصخ غادة ابتسمت بتغصب : استانستي .؟ ابتسام : ايه استانست .." كملت بحماس " المهم اسمعي انا سجلت بمعهد انقلينزي غادة : وليش ان شاء الله ؟ ابتسام : لاني هالفترة فاضية .. طول ما طال عمره ع قولته ماراح ينقص من اجازته دقيقة وحده فأتسلى واتعلم وبصراحة لما رحت المالديف حسيت بعجز وانا مو فاهمه بالانقلينزي شي غادة : حـلو .. قواك الله تعلمي ابتسام : ايوه حأتعلم .. وكمان افكر بدورة حاسب وكلش غادة : وش هالحماس فجأة ..؟ ابتسام : لأني صرت قادرة غادة .. واي مهارة بتنفعني ابيها , ما ابي اصير جاهلة وسط هالمجتمع وتطورهم وامكانياتهم ! قد ما أقدر ابي اصير اليق بمقامي غادة تنهدت : بتتوظفي يعني .؟ ابتسام : ليش لا .. اساسا بيني وبينك انا احس نايف هذا مايعتمد عليه , تدرين اللحين جالسة ادفع من مهري وقرب يخلص وهو مايرد عشان اطلب فلوس .. وانا اساسا تعرفيني ما أحب اطلب من احد احب اصرف من جيبي دون اطلب ويحاسبني وما أدري ايش غادة : بجد انتي ماكلمتيني عن نايف .؟ كيفه يعني رجال .؟ ابتسام اخيرا صارت مع شخص تقدر تفضفض له : بصراحة يعني غادة .. انا مو نادمة على هالزواج ولا حتى واحد بالمية بس انصدمت بهالانسان غادة : ليش ؟ ابتسام : في يده وصدره تاتو .. غادة : متاكدة ..؟ يمكن حاجة ثانية ابتسام : متأكدة .. ماسألته ولا كلمته عنها بس انصدمت بجد وقت شفتها " تنهدت " ويشرب غادة : ابتسام .. ادري مو حاجة حلوة بس انا وانتي تعودنا على هيثم وهيثم واحد من مليون عشان كذا ننصدم من هالاشياء ! لكن معظم الرجاجيل يشربون ومعظهم يخونون اذا مو كلهم .." كملت بهم " دامه مايضرك وحاطك بهالعز كله احمدي ربك وكملي ابتسام : معك حق .. غادة : ههههههههه بس بيني وبينك والله التاتو رهيب نفسي اجربه ابتسام فتحت عيونها : غااااااااادة ! غادة : والله بجد شكله خطير يختي ابتسام : اغسل ايدي منك اجل .. انا قايمة انام نامي وارتاحي وخلي منك التدبيل على هيثم غادة : نوم العوافي ومجرد ماطلعت كملت " تدبيل " على هيثم .. وهي مصممة تعلق لين يرد ولا ماراح يجيها النوم *** مجرد مافضت المؤسسة وانتهى الافتتاح كانت جالسة معاه لحالهم عند ركن المشروبات وقهوتها بيدها : ماقلت لي .. ايش رايك .؟ لؤي : شغل مرتب ما شاء الله .. بس لو تعبانه على التكييف شوي كنت بكون شاكر سارا : ليش .؟ احس برد مرة لؤي : أي برد ؟ .. بموت حر سارا : مو من صدقك ..؟ انا اقول بجيب ميكانيكي يخفف البرودة لؤي : والله حر .. وانا مافيه شي يقفل باخلاقي اكثر من الحر سارا : هههههههههههه بسم الله ع اخلاقك .. خلاص ماراح اغير التكييف لؤي تسند بمرفقه على الطاولة وراه ورفع راسه يتامل السقف كانه يستحضر الحكي : سارا سارا التفتت له : هلا لؤي عدل راسه وطالعها وبنبره هادية : ايش معرفتك بهيثم .؟ سارا : للحين مانسيت لؤي : كيف انسى وانا مانمت ليلي يومها افكر سارا : هيثم زميلي .. كان زميل دراسة وصار من اعز اصدقائي عرفني على السعودية وساعدني بكثير مواقف لؤي : اها سارا : سمعت كثير عنك الفترة هذي منه لؤي ابتسم : بجـد .؟ وما تهيجتي بيوم توصي لي سلام معاه .؟ سارا ارتشفت من قهوتها دون ترد ... لؤي : مو كويسة القهوة اللحين ما راح تعرفي تنامي سارا : ما أقدر اجلس ساعتين على بعض دون قهوة لؤي : اوه مدمنة قهوة اجل ؟ سارا : بقوة لؤي مد يده وسحب الكاس منها وحطه على الطاولة : بس يضل مو زين عليك تشربينها بالليل وهذا الكاس الثاني خلاص سارا : اجل زوج اخت هيثم اخوك .؟ لؤي : يب .. هذا نايف تكلمت لك عنه كثير سارا عقدت حواجبها : اللي يطلب منك فلوس .؟ لؤي : هههههههههه ايوه نفسه سارا : وشفت اختك كمان .. ماتشبه لك نهااائي لؤي : ههههههه شفتي دلوعتنا .؟ سارا ابتسمت : بسم الله عليها قمر .. بس تصدق اخوك فهد يشبه لك نوعا ما نفس العيون لؤي : وأعجبك الجو عند أهلي .؟ سارا : بصراحة ميهاف لانها اختك تجنن وروحها حلوه .. بس اخت فراس سبحان الله العرق دساس وقحه وماتنطاق لؤي : غربية عليها اسوم سارا بانفعال : من جدك .؟ تخيل من تشوفني تحارش , من شفتها عرفت انهاا اخته ولما سالت طلعت صدق اخته لؤي : ههههههههه هذي مفروض زوجتي عاد سارا استوعبت : صاح .. انت تقول خطبت اخت فراس قبل , هذي هي .؟ لؤي : يب يب سارا : شايف من كثر ماهي ماوراها سالفة رافضتك .. الله بيعوضك احسن منها ان شاء الله لؤي : موجودة اللي احسن منها .. بس ماتبيني شاسوي اذا حظي طايح .؟ سارا اختفت ابتسامتها وهي متأكدة انها المقصودة : ............... لؤي : لا تتكدري ... انا ماصدقت اشوفك تضحكين سارا : لؤي انا .. مو عارفة شأقول ..؟ احس غلط اندفع معاك .. وغلط اكافئ كرمك معاي باهمال تام لؤي : اذا دافعك لانك تجلسي معاي عشان تردين على كرمي لاتجلسي معي رجاء .. حياتي مليانه ناس ينافقوني مو محتاجك تنافقيني انتي كمان سارا : لاا .. انت عارف ان اللي بينا مو كذا لؤي تنهد بضيق : لا سارا .. ماعدت عارف وش اللي بينا اساس كنت اراضي نفسي واقول زميلة عمل بس انتهت هالعلاقة . سارا قاطعته : انا صديقتك .. ماتقدر تنكر هالعلاقة لؤي وعيونه بعيونها : ماعدت اشوفك صديقتي .. نظرتي لك تغيرت " هز راسه " مهما حاولت احط خطوط ماعاد اقدر ابي منك تكوني اكثر من كذا سارا حبست دمعتها وهي تكمل بضيقة : اتمنى .. والله اكثر من أي شي بهالدنيا اتمنى اكون اكثر من صديقتك , بس .. لؤي : بس حبي من طرف واحد .. تصير عادي سارا : لا لاتقول كذا .. مو من طرف واحد انا .. انا لؤي مسك يدها وابتسم : عادي سارا لاتجبري نفسك .. " كمل يلطف الجو " ههههههه والله انا حيوان حطيتك تحت ضغط بسبب هالمؤسسة لا بارك الله فيها سارا سحبت يدها من يده وقالت باندفاع : لا تقول كذا ! انا ماناديتك اليوم عشان ارد لك دين .. ولا جالسة اقول هالكلام عشان احس بتأنيب ضمير .." كملت بقهر " لؤي انا بجد بجد احبك بس حاسة طريقنا صعب لؤي كان احد صفقه لما قالتها .. توسعت عيونه العسلية فوق وسعها ارمش اكثر من مرة : شنـو .؟ عيديها .. سارا توردت خدودها وقالت بصوت خافت : احبـك ..يعني ماكنت تعرف .؟ لؤي : وكيف بعرف .؟ وانتي تصديني وين ما أجيك .. اعترفت لك مرتين وطنشتيني كيف بعرف ! سارا : بس طريقنا صعب مثل ماقلت لك ... وانا مقدر اتعبك واتعب نفسي بطريق نهاية مسدودة لؤي : وكيف تقولي مسدودة ! لاتحكمي من نفسك.. وانا مستحيل اتعب بطريق دامك جمبي سارا كانت عيونها التركوازية تلمع دموع .. خلاص العاطفة تغلب كيف تقدر توقف بطريق الحب اذا اختارها , حضن يدينها الثنتين بيدينه وكمل بعيون تنطق بالصدق : صدقيني مستحيل اتركك مستحيل اتنازل عنك اذا انتي اخترتيني .. انا تو فهمت وش معنى يكون انسان كل حياتك سارا نزلت دمعة ماقدرت تمسكها .. ايه تحبه كان واضح لها من البداية انها تحبه وحاربت بس حبه كسر حواجزها استسلمت ونزلت حصونها عن قلبها , ليش تفكر كثير ..؟ بتعيش لحظتها ابتسمت وسط دموعها .. ابتسم لها وهو ينزل لمستواها ويترك لشفته حرية التلامس مع شفتها ويسجلون بتاريخ حبهم " قبلتهم الاولى " |
رد: انتماءات كاذبة
كملي عمري متابعتك وعجبتني روايتك وعندي فضول اعرف كيف اسوم تقدر توصل لهيثم . اما اكثر شخص حزنت علليه غادةة يعني عن جد شخصيتها فرقت كثير ما بين بداية الرواية واخر فصل في تغير كثير بشخصيتها وحاسة نهايتها تكون مع فراس . اما بتسام طلعت عن جد بنت شخصيتها قويه ويعتمد عليها حبيتها من الاول وعشقته شخصيتها في النهاية اهتمامها باختها والدها يجنن . كملي حبيبتي ومنتظرتك لا طولين .
|
رد: انتماءات كاذبة
اقتباس:
وان شاء الله اشبع فضولك بخصوص هيثم واسماء ^^ اما احساسك تبع غادة صدمني بصراحـه , بس عموما لك نظرة على الموعد تحصليني ان شاء الله |
رد: انتماءات كاذبة
انا متابعة للرواية .. وهي من اجمل ما قرأت
سجلت بالمنتدى حتى اقدر اكتب تعليق واقول لك اننا بانتظار الفصل الجاي على احر من الجمر موفقة عزيزتي |
رد: انتماءات كاذبة
اقتباس:
|
رد: انتماءات كاذبة
بانتظار الفصل عزيزتي متحمسة لهيثم واسماء هههه .
|
رد: انتماءات كاذبة
اقتباس:
والفصل الجاي اليوم بإذن الله |
رد: انتماءات كاذبة
اقتباس:
|
رد: انتماءات كاذبة
" البارت السابع عشر "
بعد مرور شهـر من الأحداث / مستشفى مدينة الملك فهـد الطبية :- طلع هيثم من غرفة العمليات وهو يطق رقبته بعد إنجاز من انجازات عديدة ... : يعطيك العافية دكتور هيثم : يعافيك الممرضة : دكتور نفس البنت كانت هنا من شوي . هيثم عقد حواجبه بضيق: شسالفتها هالبنت ...؟ موجودة اللحين ! الممرضة : لا راحت .. بس خلال هالشهر جت وسألت عنك يمكن خمس مرات ودايم تكون مشغول هيثم : ماشي ماشي كمل طريقة وهو محتار .. خلال هالشهر دايم يجون يقولون له عن شابه تجي تسأل عنه ودون موعد ومو مريضة وسأل غادة طلعت مو هي وسارا بالكويت ! من هـذي .؟ ووش تبغى ! دكتور : هيثم راح تناوب اليوم بالطوارئ هيثم : تمام ممرضة : دكتور هيثم .. اجراءات خروج رنيم .؟ مشى بطريقة لحضانة الاطفال اللي صار مألوف فيها هالفترة وقف عند رنيم اللي صارت صحتها كويسة وكبرت عن اول رفعها بين يدينه وابتسم لها : ها ياخالي مستعدة تطلعين .؟ الممرضة : هههههه راح نشتاق لهالعصفورة كثير هيثم بمزح : لا ياشيخة فكة من جية امها كل يوم ابثرتني الممرضة : هههههههههه قلب الأم , اما عند اسماء رجعت البيت باحباط وصعدت دون كلمة .. هزت ام فراس راسها وهي جالسة وتكلمها وهي متجاهلتها عقلها صافن بعيد .. تنهدت ودقت على فراس : هلا والله ام فراس ووجهها نور بصوته : ياهلا فيك ومرحبا ومسهلا .. كيفك يمه .؟ فراس : حمد الله كلش تمام , انتي كيفك .؟ واخواني كيفهم .؟ ام فراس تنهدت بضيق : ماشي الحال فراس باهتمام : وليش الضيقة يا أم فراس .؟ ماشي الحال هذي ماتمشي عندي ام فراس : وش تبيني اقول يمه .؟ والله صايرة معد افهم انت مسافر ما أشوفك وبدر له هالشهر نوم وسهر وما يداني نحاكيه ولا نقربه مدري وش جاري له .. واسماء صايره فعالم ثاني ما أدري عنها .. حتى انس وياسمين طايرين بجمعات برا البيت واذا جلسوا بالبيت تنكاشوا مع بدر فراس : وانتي ليش تاركه الرعيه تسيب .؟ فوضى هي ؟ ام فراس : وش بيدي بعد انا .. كل ما حاكيت احد تحسفت اني حاكيته ومافيه شي مضايقني كثر بعدك عني فراس تنهد : بس .؟ خلاص من بكرة انا عندك ام فراس ماصدقت : صدق .؟ فراس : ولو .. أهم شي رضاك وانا عندي خاطر اغلى من خاطرك .؟ ام فراس : الله يسعدك .. ويرضى عليك فراس تغير صوته لعصبية خفيفة : وجاي اشوف وش عندهم الشيوخ كلن نافش ريشة ! ام فراس : لا يمه ماينفع هالاسلوب هد شوي .. اسلوبك هذا اللي يخليهم يتضايقون لاعرفوا انك راجع فراس : ايه يصير خير .. يله يمه توصين شي ؟ ام فراس : متى بتجي بكرة .؟ فراس : مغرب ام فراس بلهفة : والله وبتنور الرياض كلها بهالطلة فراس : يله سلام سكر فراس السماعة وام فراس لقت لها حاجة تشغلها عن عيالها المنفسين .. ابتسمت بفرح وهي تقوم من اللحين تجهز كلش له .. اكله المفضل من اللحين تسويه جناحه تنظفه بنفسها لأنها تعرفه ممنوع بالنسبة له خدامة تتنفس بغرفته او تقربها *** بمؤسسة سارا دخل لؤي المكان وهو صار معتاد تواجده بالنسبة للكل وصل لمكتبها وفتح الباب بخفة كانت تكتب بانسجام بوجهها الجدي , ابتسم وهو يطالعها ومشى بخطوات هادية وحط مشروب ستار بوكس جمبها : بخ ! التفتت له سارا وقالت بضيق : يووه لؤي ! كم مرة قلت لك لاتجي بمكان شغلي لؤي بعدم اهتمام وهو يجلس على الكرسي قدام المكتب : مليون مرة قلتي لي .. بس انتي 24 ساعة بمكان شغلك وانا 24 ساعة اشتاق لك سارا : ايه بس كذا افقد صورتي كرئيسة .. وبصراحة انت مصدر الهاء واشاعات لؤي : بجـد ؟ ايش اشاعاته سارا : تسألني انا .؟ بس انا حاسه كذا لؤي : عموما جاي اقولك اني يمكن اروح الرياض سارا بخوف : ليش ؟ لؤي بجدية : والله مالي شغل هنا يعني .. فراس مشغول وحبيبتي تشتغل ع طول وتطردني وش يجلسني يعني ؟ سارا : لا مو قصدي كذا والله ! خلاص براحتك اجلس لؤي ابتسم : هههههههههه امزح .. بروح اشوف الوالد وبكلمه بموضوعنا سارا تغيرت ملامحها لضيق واضح : اهاا .. ايش راح تقوله .؟ لؤي : فيه وحده احبها واموت فيها وبتزوجها ولا بقتل نفسي سارا : هههههههههههه فيلم هندي هو ! لؤي لانت ملامحه بنعومة وقال برومانسية : لازم اقوله من اللحين .. ومقدر اقوله ع السماعة لازم اقابله وماراح اطول برجع سارا بعدم ارتياح : اوك .. متى راح تروح .؟ لؤي : طيارتي الليلة .. " رفع حاجب " بتشتاقي لي .؟ سارا وهي ترتب اغراضها وتكابر : مو قلت ماراح تطول .. لؤي : لااا .؟ بس بيمر يوم كامل ماشفتيني ترا سارا : ايه عادي بكون مشغولة اساسا ماراح احس لؤي : والله شكلي هونت .. ماراح اقول لأبوي انا احط حياتي على المحك وتصفيق من ابوي وكفوف عشان وحده ماراح تشتاق لي حتى سارا بتأييد : بجد لؤي .. ليش ماننتظر فترة لحد تقول لابوك .؟ لؤي : تكلمنا بهالموضوع من قبل .. وبعدين انا ماعندي شك انك الانسانة اللي بكمل حياتي معها فليش انتظر ؟ سارا بضيقة : مو عارفة .. مو متطمنة لؤي : انا متفائل وان شاء الله خير سارا : اوك .. استنى نطلع نفطر سوا لؤي : خليها بعدين .. لازم اقابل فراس اللحين قبل اسافر سارا حطت يدها على خصرها بحمق: بالله ..؟ مين اهم فراس ولا انا .؟ لؤي تنهد بحب : الظاهر فراس بينتظر اجل سارا سحبت شنطتها : فيه مطعم يسوو وافل بيعجبك *** بيت نـايف – الساعة 6 المغرب / رجعت ابتسام من معهدها ..قابلتها غادة بعبايتها ومعصبة : خير ان شاء الله ! طالعة من صبح والسواق حقك مايرد ابتسام : هدي ايش كل هالعصبية .؟ ليش ايش بغيتي .؟ غادة وهي شوي وتقطع شعرها : ناسيه ان رنيم بتطلع اليوم ! بروح اجيبها ابتسام ابتسمت : رنيم وهيثم بالطريق لهنا غادة فتحت عيونها : بجد !! بجد ! ابتسام : ايوه توه كلمني غادة بقهر : حمد الله والشكر ! وليش يكلمك انتي .. امها ؟! ابتسام : كلمك كلمني كلها سوا .. يله عاد افصخي عبايتك مافيه طلعه غادة فصختها بحماس ورجعت تجلس بالحديقة عند البـاب بتنتظره ماراح تدخل : ........... اما ابتسام صعدت لغرفتها فوق ورمت عبايتها وبدلت لبسها للبس بيت مريح .. جلست على التسريحة تلم شعرها وانتبهت على صورته بالكومدينة بعباية التخرج مع مجموعة من الشباب ماعرفتهم ويضحك من قلب , طالعت التقويم : مر اكثر من شهر .." تنهدت " ولمت شعرها بسرعه ونزلت ليش تفكر فيه .؟ اذا هي تدق مايرد ومطنش خلاص بالطقاق ! اول مانزلت سمعت ضجة عند الباب ابتسمت وهي تشوف رنيم بيد غادة .. ماكان لايق ما كأنها ام شايله بنتها : ههههههههههه بصراحة غدو مو لايقة عليك الأمومة هيثم : هههههههههههههههه تو أقوله لها ! غادة وهي تبوس رنيم : رايك البايخ انتي وياه احتفظوا به لنفسكم ابتسام : بصراحة بمناسبة طلعة رنيم انا بسوي حفلة ماصارت ! غادة بضيق وحزن بوجهها : لا ابتسام واللي يعافيك لاتسوي حاجة ! ابتسام : هاو .؟ غريبة من متى تكرهين الفشخرة انتي وهاالعلوم ..؟ غادة : لأن مافيه احد يخصني وبيحضر عشان رنيم .. بجد ابتسام تحبيني لاتسوي شي , اللي بيحضروا كلهم اهل زوجك وبيجو عشانك يكفي اني ساكنة عندك اعفيني ابتسام ماحبت تضايقها بهالموضوع اكثر : خلاص حبيبتي ولا يهمك .. بس انتظري بسوي احلى عشاء بمناسبة العصفورة , هيثم راح تتعشى معنا ترا ! هيثم : لا لا .. جيت اوصلها وراجع ابتسام : ياشينك .. اجلس تعشى وربي مشتاقين لك هيثم : بعدين ابتسام فرصة ثانية .. ابتسام : اوك في امان الله قربت ابتسام من غادة وهي تطبع قبلة على خد رنيم : يااقلبي تجنن غادة تنهدت : مو مصدقة انها بين يدي خلاص وبتجلس معاي ابتسام : قولي حمد الله غادة ضمتها ودخلت لداخل : حمد الله .. يله بدخل لا تبرد *** اثناء مابدر جالس بملل والجـوال بيده يلعب به .. والفيلا مكتظه بهالوقت كالعادة .. وقت السهرة زفر دون نفس : شفيك بدر كانك لك فترة الدنيا ع راسك ! بدر زاد من حدة تأففه : افففففففففف ! : شفيك خالد مشتاق لي اعذره ! التفت بدر للصوت ... وابتسم من قلب وهو يشوف نايف عند الباب وقف وسلم عليه : ايا الخسيس ! متى جيت ؟ نايف : هههههههههههههه والله وصلني خبر ان بعض الناس لو ابعد عنهم اكثر ماتوا من الشوق بدر : سلامتك هذي زوجتك مو انا ترا ! نايف جلس : هههههههههههههههه وانت شفيك ضـايق سلامات .؟ بدر : ابد مافيه طفش وزهق وضيقة خلق .. والله فكرت اجيك هناك لما عرفت ان المدام رجعت نايف : ايه .؟ وليش ماجيت طيب بدر : ما أدري ماضبطت نايف : ماوراك سالفة لو جاي كان فليناها اجتمعوا الشباب حول نايف يسلمون عليه ويدردشون معه وسوالف ومغامرات هالرحلة كيف كانت .. والسهرة طويله *** الكـويت / ضرب لؤي جرس جناح فراس .. فتح فراس الباب , لؤي ببشاشة : تصدق زمان ماجيت شقتك ! مشى فراس لحد غرفته الواسعة الأنيقة بلونه المفضل " الأبيض " وشنطته على سريره ويرمي اغراضه المهمة فيها .. جلس لؤي ع طرف السرير : بتسافر اجل .؟ فراس وهو يرتب اوراقه بشنطته : بكرة لؤي : ماقلت لي كان أأجل طيارتي لبكرة معاك فراس : متى رايح أنت .؟ لؤي : اللحين بعد ساعة فراس : طنشها واحجز بكرة لؤي : لا خلاص حجزت وبروح .. شعندك بالرياض ؟ فراس : مشتاق للوالدة ورايح اشوفها لؤي : الله يحفظها .. " تنهد " و أنا رايح اقول لأبوي فراس وقف عن حركته والتفت للؤي : رايح عشان تقوله .؟ لؤي : ايه .. لازم اقوله من اللحين فراس رمى اوراقه ع جنب و تنهد وجلس على كرسيه : لؤي .. من اللحين خذها مني ابوك ماراح يقتنع لؤي : وليش لا ..؟ لاتحكم وتتشائم انا ماتوقعت اهلي يزوجوني او يزوجون نايف وحده فقيره وهذي زوجة نايف ! يمكن يفاجئونك فراس : هالمرة ماراح تحصل معجزة ويفاجئونك ... تدري شلون سو اللي تبغى .. ماراح يعجبك كلامي ولا راح يعجبني كلامك فنسكت احسن ! لؤي : ماراح توقف جمبي يعني .؟ تعرف ابوي كلمتك عنده غير فراس : قول الله يستر ما أقلب راس عمي عليك لؤي بقهر : رجاء فراس ماراح توقف معي لا تتدخل اجل ! فراس : يكون احسن كمان لؤي تنهد بضيق ووقف بطريقه لبرا : اشوفك بكرة اجل طلع وفراس رمى بالتيشيرت بيده على الجدار وخلل يده في شعره بضيق وهو في داخله هالشهر ضايق على حالة لؤي .. ضايق لدرجة محد يتصورها رغم انه ماوضح للؤي قدام قناع البرود حقه *** الصبـاح – 8 / صحت ابتسام من النوم .. وبدلت لبسها ولبست عبايتها , وقت معهدها كل يوم نزلت وهي منتعشة بتسوي فطورها وتلعب مع رنيم قبل تطلع هالشهر عاشت احلى ايام عمرها مع غادة بهالبيت والعز اول مانزلت مرت على غرفة غادة حصلتها نايمة بسابع نومة ورنيم فاتحة عيونها بسريرها بس ساكته .. ابتسام : ياحياتي الهادين طبعت بوسة على خدها وطلعت لكن وقفها صوت بكاها .. : هههههههه يعني انتبهتي احد صاحي خلاص ماتجلسي حضنتها بين يديها وهزت غادة : غغدو غادة تحركت بضيق بنومها : هممم ابتسام : غااادة قومي بنتك صحت ! غادة : ..................... ابتسام : مالت قال ايش قال الامومة لايقه علي ... قومي بس ! غادة : افف ابتسام شتبين اتركيني انام .؟ ابتسام : مو وقته نومك غادة عندي معهد وتأخرت وبنتك صاحية اتركها تبكي يعني صحت غادة بكسل : اكيد انتي صحيتيها ! ابتسام : والله كان صاحية من اول .. غادة بعصبية : هاتيها بس اقص يدي لو ماكنتي مصحيتها ابتسام مالها خلقها طلعت بسرعة السواق له فترة برا .. اما غادة طالعت رنيم بضيق لكن ماطولت ضيقتها ابتسمت مباشرة محد يقاوم البراءة : ياحبيبة قلبي وعمري وروحي ... اااه احببببببك.." ابتسمت رنيم بنعومة " بتوقفي قلبي انتي بتوقفيه !! تنشطت غادة فخذت رنيم معها للحديقة عشان شمس الصباح مفيدة لها .. جلست على الكرسي الخوصي الهزاز ورنيم بحضنها , انتبهت للباب ينفتح : ابتسام وش نسيتي ..؟ بلعت العافية وهي تشوف الشخص الطويل الأسمر الجذاب داخل البيت وبيده مفتاح .. عقلها عجز يحلل " حراامي .؟ " اما نايف انتبه للصوت عقد حواجبه وهو يشوف شابه نحيلة بشعر طويل لخصرها مفتوح بطبيعته المتموجه واللمحة الحادة وبجامة فضفاضة وبيدينها رضيعة وقف يطالعها وعلى وجهه علامات استفهام : .............!! غادة بلعت ريقها ورجلها مو شايلتها : آآآ ............... مممن .. انت ...؟ نايف : شنو منو أنت ..؟ انتي اللي شتسوين في بيتي .؟ غادة " نااااااايف !! الكلبة ابتسام ماقالت لي انه جاي " نزلت راسها وهي مو عارفة شتسوي : ............ نايف : انتي شغالة جديدة .؟ غادة بقهر : شغالة بعينك ! نايف " اوف من هالملسونة ! " ابتسم : انتي ميـن ماقلتي لي .؟ غادة : انا .. انا اخت ابتسام .. معليش تعطيني ظهرك نايف ابتسم : اهاااا اخت ابتسام مالك اسم ؟ غادة : ............................ نايف : انا نايف .. وإنتي .؟ غادة بضيق : غادة وممكن تدخل لو سمحت عشان ادخل ! نايف : عاشت الاسامي والله... شفيك على اعصابك غادة .؟ خلاص دامك اخت ابتسام حسبة اختي ان شاء الله .. الا وينها ابتسام .؟ غادة لعنت نفسها اللي ماخذت طرحتها الرجال فالها بجد : ................. بالمعهد نايف : اها , اوك انا صاعد لفوق كاس قهوة لو سمحتي غادة " يوصيني !! ليش كل الناس يشوفوني خدامة ما أفهم " : ........... نايف وهو يشوف وجهها يكشر : هههههههههه اذا يضايقك وصي الخدم وبالمرة قولي لهم ينزلون اغراضي من السياره صعد لفوق .. وغادة جلست مصدومة بمكانها وش هالمخلوق ! تو تفهم ابتسام لما قالت لها انه غريب اطوار !! خذت رنيم وركضت لغرفتها وقفلتها عليها مليون مرة وحطت طاولة قدام الباب ومسكت جوالها تدق على ابتسام مافيه رد !! : يالله يا ابتسام وينك ..!!! تعالي تفاهمي مع رجلك بموت وش هالوضع دق جوالها " ابتسام " ردت بسرعة : الو ابتسام الحقي ! ابتسام : بسم الله شفيك ؟ غادة : ماقلتي لي ان زوجك رجع ليه ! ابتسام : هاه .. نايف رجع .؟ غادة : بسرعة تعالي البيت بلا معهد بلا بطيخ هالمجنون بيجلطني ناوي يتقهوى معي ! ابتسام بصدمة : هو بالبيت .؟! غادة : اييييييه .. تخيلي طلعت للحديقة فجأة دخل ويسولف و ... خلاص والله لو ماتجين لاهج من بيتك ابتسام : جايه سكرت السماعة وهي ضاغطة عليها .. رجع وماقالها يعني ! لا وبأي حق يسولف مع اختها وقح يسولف مع الوقحات مثله اوك بس اختي ..؟! دقت مباشرة عليه مافيه رد ! ماشي ماشي طلعت مع السواق وطنشت المعهد .. *** بيت أبو نايف / دخـل لؤي البيت وسلم على امه وابوه : حمد الله ع السلامة لؤي : يسلمكم يارب .. حمل فهد بين يدينه وجلسه على حضنه وجلس : وكيفكم ؟ ام نايف : حمد الله ..شخبار الشغل يمه .؟ لؤي ماحب يقولهم انه عطالي اللحين : ماشي ... قلت اجي يومين اشوفكم ابو نايف : ماكان له داعي .. كان جلست عند شغلك ولاحق على شوفتنا لؤي : شفت فراس بيجي قلت ايش يجلسني اجي انا كمان ابو نايف : فراس بيجي .؟ لؤي : ايه بيوصل اليوم .. فين ميهاف مو شايفها .؟ ام نايف : تحصلها نايمة اكيد لؤي : اجل انا بصعد كمان انام لي شوي من امس مو نايم ام نايف : متى نصحيك .؟ لؤي : عصر ان شاء الله ام نايف : بتنام من صبح لعصر ! لؤي : ماتدري قد ايش فاقد النوم اتركيني اول ماصعد فتح جواله ماحصل رسالة منها ولا اتصال جلس بقهر الظاهر انها ماراح تشتاق له صدق .. وصار فاهم خلال هالفترة انها ماتعلن حبها حتى لما اعترفت له معاملتها له زي اول .. ابتسم بشوق وهو يتذكرها وارسل لها : أحبك فوق ماتتصور وقد الدنيا وأكثر .. أحبك قد ما احلفلك : على غيابك انا مقدر ! وصلت الرياض حياتي <3 وصله ردها مباشرة : حمد الله على السلامة :$ , ادق ولا مشغـول .؟ لؤي طنش النوم مايعيف سوالفها ودق مباشرة وتنهد بشوق : من اللحين اشتقت لك ! سارا بضحكة خجولة :ههههههههه .. انت فين .؟ لؤي : بغرفتي .. شوي كذا وانام سارا : ومتى راح تقـوله .؟ لؤي : انتظر الفرصة المناسبة .. اللحين بنام مافيني حيل اتكلم معه وقت اشبع نوم واصحى بقوله سارا بضيق : اوك .. رد لي خبر اهم شي لؤي : ايش قاعدة تسوي .؟ سارا : بالدوام طبعا لؤي : ههههههههه استانسي ماني موجود ازعجك اليوم سارا : لا تخاف مستانسة .. حيل بعد ! لؤي : قدها .؟ سارا : هههههههههههههههههه لا لا .. والله بشتاق لازعاجك لاتطول لؤي : لسى بتشتاقي ..؟ ما اشتقتي للحين يعني ! سارا : يوه لؤي .. بالله روح نام هذا وانت نعسان جالس تحاسب على الحرف لؤي : هذا انا جالس انام .. سولفيلي لحد ما انام سارا : مقدر ابي اخلص شغلي لؤي : اقول انا بسكر مامنك فايدة فالدوام انتي .. اذا طلعتي كلميني سارا : ههههههههه اوك نوم العافية سكر لؤي السماعة وغط بنومة مرتاحه .. بهالشهر اكتشف انه يعشق ترابها مو بس يحبها *** وصلت ابتسام البيت دخلت ماحصلت احد .. طقت على باب غادة سمعت شهقتها : غادة افتحي انا ابتسام فتحت مباشرة : اخيرا جيتي ! ابتسام : فينه ..؟ غادة : ايش عرفني من صعد وطلب القهوة ماشفته ! ابتسام طالعت الدرج : اوك ارتاحي خلاص جيت .. بروح اشوفه صعدت ابتسام كان باب الغرفة مسكر فتحته كان نايم بعمق .. فتحت الأنوار وتوجهت له وسحبت الغطا : نايف ! نايف وهو لسى نايم : هممممممممم ابتسام تكتفت : ممكن تصحى شوي بكلمك ! نايف مازال مغمض : اسمعك .. ابتسام : اولا حمد الله ع السلامة ! ليش ماعطيتني خبر .؟ نايف : نسيت .. ابتسام : بالله ..؟! وليش كل هالفترة ماترد على مكالماتي .. من شوي حتى دقيت عليك مارديت ! نايف : مدري ابتسام حست بكمية برودة نايم اساسا وهو يكلمها : وايش هالفلة جالس تسولف مع غادة ! نايف غطى عيونه بيديه بضجر : اففففففففف ابتسام .. بالله طفي الليتات واطلعي برا وسكري الباب ابتسام ( بالله هذي نفسية واحد راجع من المالديف !! ) طلعت لبرا وشغلت كل اليتات بطريقها وفتحت الباب على اخره وطفت التكييف وطلعت .. اما نايف تافف بقرف وقام بكسل وطفى الليتات وسكر الباب وشغل التكييف ! نزلت ابتسام ودخلت غرفة غادة وجلست بقهر .. غادة : شصاير .؟ ابتسام : مافيه شي غادة : ايه وش قالك .؟ معقولة ماعطاك خبر انه جاي الرياض ابتسام : اقول غادة قومي نطلع نتغدا برا غادة : لا ابتسام مقدر مافيني حيل ... بس .. بما ان نايف رجع انا مقدر اجلس هنا ابتسام بعصبية : كلام فاضي .. بتنثبري هنا ! وهوا طقاق يطقه انتي الداخلة وهوا الطالع غادة : لا ابتسام بجد فشلة ابتسام : لاتجالديني مافيه طلعه .. انا بقوم اصلح لنا غدا حدي جويعة غادة سكتت لان ابتسام اذا عصبت ماتتجادل .. *** بيت أبو فراس / كانت اسماء تتمشى بغرفتها وهي تتحلطم : مشغول .. مشغول .. مشغول .. غرفة العمليات .. مو موجود .. اجازة .. مشغول .. مشغول !!! وبعديييييييييييين ؟! ارتمت بجسمها على الكرسي بعصبية وقالت بقهر : ليش مشغول لهالدرجة ..؟ : اسماء ! اسماء : خير !! ياسمين : امي تقول تعالي ابيك نزلت اسماء .. ام فراس : وش كل هالجلسة بغرفتك مانشوفك ! اسماء : هلا يمه شبغيتي .؟ ام فراس ابتسمت : فراس بيجي بعد المغرب ! اسماء طالعت الساعة 5 : وليش ماقلتو لي من بدري ! ام فراس : وانتي تجلسين معي عشان اقولك .. المهم هذا علمتك مافيه طلعه اليوم يعني .. وبدر وينه .؟ اسماء جلست : لا تحاولون ماراح اروح لغرفته اناديه .. صاير يخوف هاليومين ام فراس : قومي بس من يروح هجل ياسمين هالمسكينة .؟ اسماء : ايه تروح ياسمين .. اجل انا الكبيرة اقوم وهي الصغيرة ؟ انس : اصلن بدر مو موجود .. طلع قبل شوي حاولت ام فراس تدق عليه لكن مافيه رد : مايرد اسماء : احسن قلعته .. صاير هالايام ماينطاق يجلس وراه ام فراس : ماعرفتي وش فيه طيب .؟ نفسيته مو عاجبتني اسماء : لا ما عرفت .. وش جايبه فراس غريبة .. ام فراس : انا طلبت منه يجي .. اشتقت له وبشوفه اسماء : الله يهداك يا يمه ليش قلتي له .. كان خليتيه وراه ام فراس بعصبية : عيب ! اخوك الكبيرة ذاه اسماء تنهدت بضيق .. مع جية فراس مستحيل تطلع كل شوي المستشفى تشيك زي أول : ....... *** بيت نـايف – بعد اذان المغرب / كانت ابتسام بالمطبخ تصلح لها ولغادة قهوة .. انتبهت لأنفاس وراها وقبلة تنطبع على كتفها : هلا بالزوجة المعصبة كملت شغلها ببرود : ...............حمد الله ع السلامة وقف نايف قدامها وهو لابس واضح بيطلع وتفصلهم طاولة المطبخ : يسلمك ......" طالعها من فوق لتحت بلبس الدوام تنورة وبلوزة ومسحت الميك اب وشعرها ملموم أي كلام وشكلها عشوائي مرة " بالله كذا تستقبلي زوجك اللي زمان ماشفتيه .؟ ابتسام توجهت للثلاجة وتحط الكيك بالصحن : والله لو تبي استقبال كان رديت على جوالك , او على الاقل عطيت خبر قبل تجي !! نايف اخذ قطعة من الكيك : اختك للحين موجودة .؟ ابتسام : ايه نايف : ايه ولمتى .؟ ابتسام : لاتفهم غلط هي مو جاية زيارة بتسكن عندي نايف : للأبد يعني .؟ ابتسام هزت كتوفها : يمكن واخذت الصينية وطلعت .. اما نايف ما أهتم كثير يفكر حتى اذا هي زعلانة او لا طلع مباشرة *** نزلت ميهاف من غرفتها .. فتحت عيونها وهي تشوف لؤي جالس مع امها وابوها : لؤي !!! لؤي التفت لها : هههههههههههههههههه هلا بخرج النوم سلمت ميهاف عليه : متى جييت ليش ماقلت لي .؟ لؤي : من صبح وانا هنا .. جيت ونمت وشبعت نوم وصحيت وصليت وانتي بغرفتك ميهاف : هههههههههه لو عارفة انك موجود طلعت ام نايف : وحنا مانسوى تجلسين معانا يعنــي .؟ ميهاف : مين قال كذا ماما بس بجد مفروض عطيتوني خبر ان لؤي موجود لؤي : ماصار شي هذا انتي عرفتي جلست ميهاف جمبه : ايه وشخبارك ؟ لؤي : في أحسن حـال .. وانتي كيفك ؟ قالو لي خلصتي الصيفي ميهاف : هههههههههه ايوه مو مصدقة .. بتطول هنا ؟ لؤي : لا ما حطول .. راجع باقرب فرصة للكويت ميهاف بقهر : وليش جاي طيب اذا ماحتطول ؟ طالع لؤي ابوه وهو مو يمهم يشرب قهوته ويطالع الأخبار .. بلع ريقه لازم يقوله وقدام امه احسن يقولهم كلهم مرة وحده : يبـه التفت له ابو نايف : هلا لؤي : ابي اقولــك .. قاطعه دخول نايف البيت شهقت ام نايف : نويف !! نايف وهو مروق : ياعيون نويف انتي ام نايف بعصبية : عيونه طل .. عيونه وهالشهرين كلها حتى مارفعت السماعة !! نايف : روقيني يمه تو خالص من ابتسام ونهى ابو نايف : حمد الله ع السلامة ! نايف : يسلمك .. ههههههههههههههههه الله الله لؤي هنا من متى ؟ لؤي : تو اليوم ميهاف : هههههههههههه يمه فجأة كلكم هنا ام نايف : ومن متى جاي ؟ نايف : امس الليل .. بس انشغلت مع الشباب ثم رحت انام وعقبها جيت ميهاف :حرام عليك نايف ليش ماترد ع جوالك .. زوجتك مسكينة اول ماوصلت ماعرفت حتى بيتكم وين نايف : مشكلتها محد قالها ترجع لحالها ام نايف : هي غلطانة بس انت بعد غلطان ! كان رفضت وخليتها عندك مالك كلمة ! نايف : لا اعفيني .. لا أقولها لا ولا تقولي لا كلن يسوي اللي يريحه لؤي تنهد الظاهر مايمدي يفتح الموضوع وسط سوالفهم مع نايف .. ام نايف بحماس : ابسوي عزيمة قريب لك ولابتسام بمناسبة رجعتك نايف : سوي لها لحالها انا مالي خلق ام نايف : مو بكيفك ! تعال احضر ماراح تموت ابو نايف : والله اليوم بركة مفروض صدق نسوي عزيمة ماحصلت لؤي ونايف وفراس مرة وحده رجعوا كلهم نايف برواقة : ايه ميهاف شخبارك ..؟ وراك متهاوشة مع خطيبك الله يصلحك ! سكتت ميهاف خصوصا ان الكل يطالعها ماقالت لاحد طول هالشهر ... يافشلتها قدام ابوها ابو نايف : شنو ! شنو هالهوشة ! ميهاف : مافيه شي يبه نايف يخرف ابو نايف بحدة : ميهاف وش صــاير .؟ نايف : اوف .. كأني سويت مشكلة .؟ ميهاف طالعته بقهر .. وش بيطلعها اللحين من ابوها : .................. ابو نايف رفع صوته : ميهاف ! ميهاف : قلت لك يبه مافيه شي .. ايش عرفني اسال نايف مو هو اللي يقول ابو نايف : ماشي ماشي بسأل نايف ... "التفت لنايف بحدة " نايف ! نايف : هاه .. لا ترا ماوراي سالفة شفت بدر معصب قلت اكيد هي مزعلته ام نايف طالعت ميهاف اللي نزلت راسها تهرب من نظرات ابوها : .................... نايف : شفيكم انتو ! كملو كملو سوالفكم وتخطيطكم ايه تقولون العزيمة من بتعزمون ..؟ ابو نايف طالع بميهاف لفترة ثم وقف : انا رايح للشركة .. لؤي الحقني لؤي تنهد : ان شاء الله اول ماطلع طالعت ميهاف نايف وقالت بعصبية : خير ان شاء الله ! مبسوط حطيتني بهالموقف مع ابوي ام نايف : شالسالفة ! وش مغبره ياميهاف .؟ ميهاف وقفت صاعده لفوق : ولا شي ! خلي نايف يقولك السالفة واضح انه فاهم اكثر مني ام نايف طالعت نايف اللي جالس يغسل تمرة وياكلها : شنو تطالعيني .؟ مالي دخل اذا كل واحد زعل من نفسه ام نايف : هذا وانت تو راجع ماخليت العائلة تجتمع ع القهوة هججتهم كلهم ! نايف مسك يدها : وحنا وش نبي بهم ..؟ انا وانتي مانكفي ام نايف طالعته بنص عين : تعال قولي .. شخبارك مع ابتسام ؟ نايف : وش هالسؤال .؟ ام نايف : اخاف مو عاجبتك بعد ! نايف : انا قلت شي ! مو كأنك ودك تتهاوشين معي دون داعي .؟ ام نايف تنهدت : والله مو اتهاوش ولا شي .. بس مابي اللي صار مع نهى يتكرر نايف حاس بفمه : تبين الصدق يعني والله نهى كان فلاوية اكثر .. انا مدري وش لقفني وطلقتها والله كان طيبة المخلوقة ام نايف : تو تفزع تتحسف ! هاه وليش طلقتها اجل ؟ نايف : ههههههههههههه تصدقين نسيت ! بجد انا ليش طلقتها مافيها سبب يخليني اطلقها ! ام نايف مسكت راسها : حسبي الله بس .. انت صاحي انت .؟ نايف : استني يمه والله جالس احاول اتذكر ! ام نايف : خل مني نهى راحت خلاص .. انتبه هالمرة واثقل كلمتك لاتنطق الا بعد ماتفكر والله والله يانايف لو تطلقها ماني امك ولا اعرفك نايف : لا تخافين حتى لو مو عاجبتني ماراح اطلقها .. ماني ناقص ترمين بحلقي حرمة ثانية بعد ام نايف : بارك الله فيك نايف : يله انا طالع اللحين مواعد العيال ام نايف : لاتنسى ترا العزيمة بكرة .. وعط ابتسام خبر نايف : كلميها انتي اخاف انسى ام نايف حست برضا انه فهم فكرة ان الطلاق مو حل .. خلاص تقدر ترتاح من همه اخيرا .؟ *** بيت أبـو فراس / دخل فراس البيت وضم امه وباس راسها : ليش الدموع اللحيـن .؟ خلاص هذا انا جيت ام فراس : مو بيدي ياحبيبي .. الله لايحرمني هالطلة فراس ابتسم : ولا منك يارب سلم على أنس وياسمين .. طالع ام فراس : فين اسماء وبدر .؟ ام فراس : اسماء داخل موجودة .. وبدر ما أدري طالع كالعادة فراس وهو يدخل : اها ام فراس بقلب ام : ياليتك تجلس هنا على طول فراس : خلاص يمه هالحكي يضايقني ويضايقك .. انا موجود اللحين وهذا المهم ! نزلت اسماء من فوق وابتسمت : فرااااس .. هلا والله بالشيخ فراس رفع حاجبه : لا .؟ كان جلستي وراك اسماء : شاسوي كلمتني ميهاف وانشغلت ولا كنت انتظرك معهم سلم فراس عليها وجلس على الأريكة .. ام فراس طالعت اسماء : اسماء دقي على بدر شوفي وينه فراس : لا لا لاتدق عليه ولا شي .. " طالع اسماء " اسوم خلصتي الصيفي .؟ اسماء : ايه خلصت فراس : متى حابه سفريتك أجل .؟ اسماء : سفريتي ! فراس : مو انتي تبين تسافرين .. خلاص قرري متى ووين واعتبريه صار اسماء وقفت بحماس : صدق ..؟؟ صدق !! صدققق !! فراس : أيـه مو انا وعدتك اخر مرة اسماء : ايه ع بالي نسيت ام فراس : اختاري مكان صاحي عاد اسماء : ااااااااا قلبي بيوقف خلاص ... وين وين اللابتوب اسوي بحوث وافكر فين اروح !! راحت طيران لفوق تسوي بحوثها .. ام فراس التفتت لفراس : ليش عطيتها وجه كذا .؟ بتوديك اللحين لآخر الدنيا فراس وقف : انا صاعد ابدل .. العشاء لا يتأخر واللي يعافيكم ام فراس : ان شاء الله *** بيت نـايف – الساعة 2 ونص / كانت رنيم بسريرها وغادة تهزه وراسها مصدع : يالله يا ابتسام خلاص مابي يعني مابي ! ابتسام : مو بكيفك .. هي عزمتني وعزمتك وبتروحين يعني بتروحين غادة : اففففففف .. ورنيم مقدر اتركها ابتسام : لا تتركيها تروح معنا غادة : يالله يا ابتسام بنتي تعبانه يعني صعبة والله اوديها هناك وحوسة ابتسام : لا حوسة ولا شي ومافيه نقاش غادة تنهدت بضيق : زين .. ابتسام : تصدقين فيه فستان يجنن لرنيم متحمسة اشوفها فيه .. خليها تلبسه بكرة غادة رفعت حاجبها وهي تطالع ابتسام : اقول خلي منك لبس رنيم .. ترا زوجك موجود والساعة 2 مو كأنه مفروض تبدلي هاللبس اللي انكبت عليه الصلصة ابتسام : ماراح يجي الا صبح عارفته غادة : ايه وانتي ايش خسرانة قومي تزبطي لحد ما يجي ابتسام : مالي خلقه .. واساسا بروح انام بكرة وراي دوام غادة شهقت : بتروحين ! ابتسام : ايه يكفي اليوم طلعت غادة شوي وتبكي : وبتتركيني لحالي .. وزوجك !! ابتسام : اساسا بيرجع بينام .. وانتي سكري عليك الباب وماحيصير شي غادة بقهر : سوي له قهوة قبل تروحين الدوام .. لايمون علي ويوصيني مرة ثانية ابتسام وهي طالعة : هههههههههههه اوك طلعت ابتسام وغادة سكرت الأنوار ونامت وهي تتأمل المخلوق الملائكي جمبها *** بسيارة نايف : ترا سويت لك مشكلة مع الوالد بدر بضجر وهو سادح الكرسي ومسترخي : وش مشكلته .؟ نايف : قلت قدامه انك متهاوش مع ميهاف بدر فتح عيونه : نعععععم ! نايف دون اهتمام : ايه يعني اذا قالك شي كذا ولا كذا هذا انا عطيتك خبر بدر : وانت على أي اساس حطيتني متهاوش مع ميهاف ؟! نايف هز كتوفه : كذا حسيت بدر : يلعن ابو احساسك البايخ ياشيخ !! والله لو يكلمني لأحطها فوق راسك نايف : هههههههههه يفداك راسي حط كل مشاكلك فيه بدر : ايه .. وعلى أي اساس حسيت هالاحساس .؟ نايف : مايبي لها انت اخلاقك قافلة وميهاف اخلاقها قافلة .. متهاوشين بدر بهمس : اها اخلاقها قافلة , لها وجه كمان نايف برواقة : تصدق يابدر شفت لك بالمالديف سمكة غير شكل .. اكبر سمكة اصيدها بحياتي بدر : اقول انت شخبار الزواج معك ..؟ توقعتك تكون مقفلة معك بس كأن امورك تمام نايف : وليش تقفل معاي .؟ بصراحة يعني ابتسام هذي اعجبتني متفهمة جدا ... من وصلت ماجلست معها الا دقيقتين قبل اطلع من البيت ! وحتى اتصال ما أتصلت مو نهى اول مايمدي اوصل الباب تدق فينك ! بدر عقد حواجبه : غريب انت .. يعني بالله مبسوط ان زوجتك مطنشتك ومو مهتمة فيك نايف : وانا ايش بستفيد من اهتمامها ..؟ خلها بحالها احسن خصوصا انها يعني افكارها معقدة شوي بدر كشر : اتخيل اتزوج ثم ما تسأل عني بعد .. اسوي لها سالفة ماصارت نايف : حبيبي انا عندي قاعدة .. تثيرين اهتمامي اجلس معاك تطفشيني الله يستر عليك .. بس اذا ماتقدر تثير اهتمامي تصير ذكية وتخليني براحتي بدر : ايه بس حتى اذا كانت تاركتك اللحين ترا مصيرها البنت تحس .. وتبي رايي تطنشيك هذا عيب وبينقلب عليك بعدين نايف وقف قدام بيت ابو فراس : تفضل وصلنا بدر نزل : يله شكرا على التوصيلة دخل بدر البيت حصل كلش هدوء البيت سكون مرة على غير العادة .. بالعادة هالحزة لسى سهر غريبة شعندهم , صعد لغرفته وقبل ينام مسك جواله ماحصل منها أي مسج او اتصال مر شهر للحين وماصار بينهم غير مكالمة فاشلة لتصحيح الأمور غير انها زادت الطين بله وبس , فتح حساباتها بمواقع التواصل الإجتماعي مافيه شي مهم غير لفت انتباهه تغريدة غردتها قبل ساعة بالتويتر : " في تعاسة النساء .. فتش دائما عن الرجال ! " كشر بقهر لها وجه تشوف حالها مسكينة .. سكر الجوال وهو يفكر وتفكيره امرضه بنظره مافيه شي يسوى كل هالزعل صدق البنات حساسات بشكل مريض ..؟ يعني ايش صار بالله فتحت نقاش مريض وزعلت من حالها تنهد هذا حاله هالشهر كل يوم يفكر مليون مرة وش صار وكيف صار وليش صار ويوصل لنفس النتيجة " هو ماغلط " *** صحت ابتسام على المنبه وسكرته .. طالعت مكانه بالسرير مارجع للحين ..تذكرت كلام غادة امس وابتسمت بسخرية : قال ايش قال اكشخي ! بدلت لبسها وتجهزت وجلست على التسريحة تزبط مكياجها وشعرها .. انفتح باب الغرفة بهاللحظة رمته بنظره بطرف عينها ورجعت تطالع التسريحة .. نايف : صاحية .؟ ابتسام وهي ترسم كحلها : شو شايف انت .؟ نايف وهي ينزع بلوزته ويرميها : صاحية , الظاهر نظامنا معاكس حنا وقفت ابتسام ورتبت مكياجها بشنطتها واخذت عبايتها وبطريقها لبرا : الظاهر نزلت لتحت حست بقهر .. حتى ما سألها لوين .؟ عادي يعني مايهمه ! وش تتوقع منه وهو كان راح يتركها تروح مع رجال تتمشى بالمالديف لحالهم .. تنهدت بيأس فعلا شخصية ميؤوس منها ونزلت وبطريقها مرت غرفة غادة كانت نايمة سكرت الباب بهدوء وطلعت لدوامها .. حمدت ربها على هالدوام ولا كان ماتت حرة مع هالمتبلد *** بيت أبو نايف / كان لؤي صاحي بدري وبسيارته والسماعات باذنه .. : لا للحين ماقلت له سارا تنهدت : ليش للحين لك من امس معاه .؟ لؤي بضيق : ما أدري ماتضبط الفرصة .. عموما الليلة ان شاء الله بكلمه وبرجع بكرة سارا بضيق : اوكـ .. ايش قاعد تسوي .؟ لؤي : موصيني ابوي لكم شغلة رايح اخلصها سارا : ههههههههههه الظاهر انت نظام الذرب المطيع ببيتكم لؤي : عندك شك اني ذرب يعـني .؟ سارا : ههههههههههه لا .. بس كل مرة اكلمك تكون توصل امك موصيتك ميهاف .. موصيك ابوك موصيتك عمتك لؤي : هههههههههههه لأن كل العائلة عارفة اني الوحيد اللي ماراح اردهم سارا : مو قلت لي عمتـك عندها ولد .؟ اخر مرة كنت توصلها كمان لؤي : عبد المجيد .؟ مسكينة تدق عليه مايرد رحمتها ففوصلتها سارا تنهدت : فديت الذرابة انا لؤي برومانسية : ماتفدي انتي تنفدي سارا وردت خدودها بنعومة صوته الحالم يلمس قلبها مباشرة : اوك حياتي انتبه للطريق .. انا حسكر لؤي فهم انها استحت : هههههههههه اوك حسكر , بالتوفيق باجتماعك اليوم سارا : باي سكر لؤي وتنهد بضيق .. امس كله يحاول يكلم ابوه بالموضوع ماتضبط معه يدخل عليهم احد او ينشغل او ... ظروف عديدة تمنعه ! لازم يقوله بأقرب فرصة ..رغم انه اليوم جمعة كبيرة لنايف بالكاد بيلقى وقت ..مسك جواله ودق على فراس بس مافيه رد .. اتصل مرة ثانية لكن مافيه رد تنهد اكيد نايم ! اذا رجع الرياض صار خيشة نوم *** عند خيشة النوم .. انطق باب غرفته فتح عيونه ببطء وطالع الساعة 3 عصر : فراس يمة قوم .. الغداء جاهز فراس بكسل : صاحي .. صاحي جلس بكسل وسحب جواله وهو يفرك عيونه .. 45 اتصال من عدة اشخاص تنهد ورمى بجواله وقام يتوضى ويصلي ويبدل .. لبس ثوبه ورتب شعره الفحمي الكثيف ونزل ... ام فراس : كل هذا نوم اسماء وهي جالسة على الكنبة وبيدها مجلة : من يومه خيشة نوم فراس : يازينك ساكته بس .. فين بدر . ؟ اسماء : لما عرف انك بالبيت هج .. هههههههههههههه امزح امزح فراس : اوكيه يالفله انتي .. فينه عاد .؟ اسماء : مدري .. يمه وين بدر .؟ ام فراس : ما أدري والله فراس وهو يجلس : اسماء قومي شوفيه بغرفته قولي له ينزل اسماء : ياسمين قومي شوفي بدر فراس : ياسمين انثبري مكانك .. اعتقد اني قلت اسماء مو ياسمين ! اسماء تاففت : لازم انا يعني ! اصغر القوم خادمهم وصعدت لفوق بقهر ..ام فراس حطت الغداء : سويت لك تبولة اعرفك تحبها فراس وهو يرفع كممته : الله يايم .. وش هالريحة ام فراس : فيه العافية فراس : تغديتو انتوا .؟ ام فراس : ايه تغدينا كلنا من زمان .. صحيناك بغيناك معنا بس شكلك كنت تعبان نزلت اسماء : مو بغرفته فراس فتح جواله ودق عليه : هلا فراس فراس : فينك .؟ بدر : فيني .؟ مع عبد المجيد فراس : حضر بالبيت قبل عزيمة عمي بدر : انت بالرياض اجل .؟ فراس : صح النوم تو تعرف اني بالرياض ! بدر : والله محد قالي .. حمد الله ع السلامة فراس : مثل ماقلت لك قبل العزيمة تكون هنا سكر السماعة وطالع امه : متى بتروحون اليوم .؟ اسماء : اول الناس ! فراس : اول الناس متى زين .؟ ام فراس : الساعة 9 كذا ان شاء الله اسماء : هاه يمه حنا كمان لازم نعزمهم .. متى تهقين .؟ ام فراس : مافيه داعي خلاص عزيمة اليوم تكفي اسماء باصرار : لا لا .. لازم نعزمهم ! ام فراس : اعزميهم انتي عزيمة بنات بس انبسطوا اسماء : تصدقين فكرة ! صح صح احسن كذا .. اقول فراس يقولوا ماليزيا حلوة فراس : فيه احلى اسماء تنهدت : انا ما اعرف طيب انت وش بنظرك مكان حلو حلو مرة نروح له فراس بتفكير : هممممم كيب تاون .. تايلند اسماء : خلاص اجل قرر انت انا تعبت عقلي ماجاب شي فراس : متأكدة .؟ مو اختار حاجة ثم تقولي ما أعجبني ! اسماء : اهم شي انبسط واسوي كل اللي براسي فراس وهو عارف اللي في راسها : كل اللي براسك .. بس بعقل هاه اسماء بثقة : طبعا ! فراس وقف : اكرمك الله يمه .. انا طالع فين انس .؟ ام فراس : تو من شوي طلع للجيران ليش فراس : باخذه معاي .. مو عاجبيني هالجيران اللي جالسلي معاهم 24 ساعة طلع فراس .. واسماء قامت بحماس : انا لازم البس من اللحين متحمسة !! ام فراس : يا جعله يخلف الساعة توها 5 اسماء : ماتعرفيني يعني يمه .. اجلس سنة البس ام فراس : اجل عجلي علينا .. فراس اللي بيودينا مو بدر تجلسين تمططين عليه وينتظرك اسماء وهي تتذكر لما تأخرت عليه مرة ومشى وتركها ولا راحت للعزيمة ذاك اليوم : لا لا ما حتأخر مجرم هذا يسحب علي بيت نايف / رجعت ابتسام للبيت الساعة 6 مغرب .. كان البيت هادي دخلت عند غادة كانت صاحية بالحمام تروش بنتها : ياحياتي اللي يتنظفون غادة طالعتها بلوم : بدري تجين ! فينك تأخرتي اليوم ابتسام تنهدت : ادري انشغلت .. كمان فيه العزيمة احس طاقتي كلها منتهيه ابي انام غادة : روحي بس غيري اخلصي ابتسام : يله صاعده بشوف نايف اذا مو هنا تصعدين تساعديني غادة : لا حبيبتي مو فاضية لك .. وراي رنيم ووراي نفسي و ... صعدت ابتسام لفوق .. ماكان موجود تنهدت ودقت عليه جاها الرد بعد فترة : ايوه ابتسام اول مرة تدق عليه ويرد فضلت ما تسأل وينه دامه مايسأل عنها : متى راح تروح لأهلك .؟ نايف : الساعة 9 .. راح ارجع البيت البس ونروح سوا ابتسام : اها .. اوك سكرت السماعة وحست الوقت لسى بدري فحبت تدلع نفسها بحمام يسوى يروقها للعزيمة .. ماحست بالوقت بالحمام طالعت الساعة كانت 8 .. شهقت وقامت بسرعة شكلها غفت بالبانيو لبست على السريع فستان وردي محشي بخرز من الصدر سيور وطايح بقماش حريري ناعم مع روج وردي .. ومكياج ناعم طالعه اكثر نقاء ونعومة .. وشعرها الأسود جعدته ونفشته بشكل كثيف وتركته مفتوح على وجهها .. فستانها الطويل للكعب مع صندل ذهبي بكريستالات ذهبية فخمه ... رشت عطرها جيفنشي بريحة الجوري وشنطتها الكلتش الذهبية نزلت لتحت دخلت عند غادة كانت رنيم لابسة فستان ناعم اورنجي على الوردي وربطة شعر ناعمه كانت قمة باللطافة وغادة جالسة تحط اللمسات الأخيرة على فستانها الموفي برسومات سوداء لتحت الركبه شعرها تاركته مفتوح كيرلي .. مع روج أحمر ومكياج كامل ثقيل ومناكير سوداء طالعت ابتسام بقهر : ليش مالبستي طقم .؟ ابتسام : ما أدري ماحسيته بيناسب غادة : إلا بيناسب ! اصلن شكلك بايخ اول طلعة لك كعروسة ماعليك طقم ابتسام : تهقين .؟ غادة : ايه .. بسرعة روحي البسي ويله أنا جاهزه خل نروح ابتسام : انتظري نايف يجي بيودينا هو غادة بضيق : ليش مايودينا السواق .؟ ابتسام : غادة شفيك نايف مو بع ترا غادة : مو حابة اجي بينكم .. خلاص ابتسام بيوديني هيثم ابتسام ماحبت تضايقها فتركتها على راحتها وطلعت لغرفتها تختار لها طقم .. شهقت وهي تشوفه مكمل كشخته وثوبه وغترته : يمه متى جيت ؟ نايف وهو يرش عطره : اللحين .. يله جاهزة .؟ ابتسام توجهت لخزانتها : ايه استنى اختار لي طقم وقف نايف جمبها وهو يتمعن بالطقوم وأشر على طقم ذهبي بسلسلة طويلة وحلق رايق : هذا ابتسام سحبته : بجد حلو .؟ سحبه نايف من يدها وابتسم : تسمحين لي .؟ ابتسام مافهمت .. لحد ماوقف وراها ويلبسها اياه .. رفعت شعرها منه وقالت بهدوء : شرايـك.. بشكلي.؟ نايف مسكها من كتوفها بعد ماخلص ولفها لجهته : تجنني .. بس .. ولا اقولك خلاص ابتسام عقدت حواجبها : بس شنو .؟ نايف وهو يحط مفاتيحه بجيبة : خلاص يله نمشي ابتسام : وين وين تعال ! بس شنو .؟ نايف : هههههههههههههه بتعلقين عليها يعني .. بس فيه احلى .. انبسطتي .؟ ابتسام بقهر : شعرفك بالذوق انت نايف : معك حق شعرفني .. يله نمشي سحبت ابتسام عبايتها ونزلت .. نايف : اختك بتضل بالبيت اجل .؟ ابتسام : لا بس بتجي مع هيثم او السواق نايف : وش له داعي حنا رايحين رايحين تروح معنا ابتسام : عيت شاسوي لها يعني ..؟ نايف طالع باب غرفة غادة : بتروحي تقنعيها ولا أروح انا .؟ ابتسام : لا لاتروح آخر مرة زعلت لما كلمتها .. خلها براحتها تجي مع هيثم توجه نايف ناحية غرفتها وطق الباب .. غادة توترت خصوصا وهي تسمع كلامهم : مـ .. من .؟ ابتسام : نايف انجنيت ! اتركها نايف اشر لها تسكت : اقول غادة ترا ماني بع .. عادي يعني تركبين معي غادة بشراسة : لا شكرا ! هيثم بيجي نايف : طيب انا ناوي اقفل الباب .. شلون بتطلعين غادة " شيحس به هذا .. غصب يعني " : يخي مو غصب مابي اركب .. ابتسام ووجع وينك ! ابتسام : موجودة .. افتكي منه واركبي معنا غادة : لا ومليون لا .. وانت هيه قفل الباب والدرايش بعد احسن مابي اروح اصلن نايف انفجر : هههههههههههههههههههههههههههههههههههه اقول ابتسام متأكدة هذي اختك .؟ ابتسام بقهر : نايف خلاص وربي مصخت اتركها ! نايف : لا وين بقفل الباب ترا غادة بقهر : والدرايش بعد لاتنسى .. نايف : ولا يهمك بقفلها ابتسام : نايف ! من جدك انت .؟ نايف : ايه من جدي مشينا بس نطلع ..تروح معي ولا ماتروح غادة انقهرت نفسها تروح بجد بس مستحيل تتراجع .. : ابتسام ! ادخلي بكلمك نايف مسك يد ابتسام : مافيه .. بتكلمينها كلميها هنا ولا اقعدي وراك غادة بنبرة طفولية : اختي ولا اختك ! نايف بنفس النبرة : زوجتي ولا زوجتك غادة بعناد : زوجتي ! نايف طالع ابتسام وهو مبتسم : افا يا ابتسام من وراي .؟ ابتسام انفجرت : خير ان شاء الله انتو ! بزارين قسم بالله ... " كملت بنبرة حادة " غادة البسي عبايتك قدامي ! غادة : مابي مابي مابي ! ابتسام بنبرة تهديدية : غاااااااااااااااادة ! غادة : اف زين ابتسام : يله ننتظرك برا نايف طالع ابتسام : والله عندك شخصية ابتسام : وانت كمان لا عاد تناقرها كذا بتزعل بجد نايف وهو طالع : هههههههههههههههههههههههه ياحليلها هي وزعلها ابتسام انقبض قلبها " ياحليلها هي وزعلها " عبست بغيرة وركبت السيارة دون تقول شي .. ماتغار بس مهما كان هو زوجها وطريقته كذا تزعل ..بعد فترة طلعت غادة وبيدها رنيم .. نايف رفع حواجبه : من هاللي معها .؟ ابتسام طالعته بنص عين : تستهبل .. مو انا قايله لك برجع اختي والده ! نايف فتح عيونه : اختك هذي ! ع بالي ثانية ركبت غادة وسكرت الباب بأقوى ماعندها .. نايف قال ينرفزها : ماوراك سالفة كان سكرتيه اقوى غادة سكتت دون ترد عليه .. اما نايف كان متروق على فوران اعصابها : ما شاء الله .. من هذي بنته .؟ ابتسام طالعته بنص عين تو قالت له.. فهمت انه يبي ينرفزها : نايف ! نايف : شفيك ابتسام .. اسأل ! غادة عيونها على الطريق وناوية تسفهه لآخر الطريق ولو ان صبرها ينفذ .. نايف : غـادة غادة فتحت عيونها شعنده هذا يناديها كذا ! .. وابتسام حست بقهر صدق عيني عينك كذا .. نايف : صمخا اختك اجل .؟ غادة : ما أصمخ غيرك .. خل عيونك بالطريق اشغلتنا ترا نايف ابتسم لانه نرفزها : شفيك شبيتي ! ابتسام هالمرة هي اللي قررت تسكت لآخر الطريق .. كمل نايف : بس بقولك مبروك البنت , وهديتك جاهزة غادة : شكرا مابي منك شي ! .. ابتسام رجاء قولي له مايحاكيني نايف : ههههههههههههههه ابتسام تكفين توسطي لي عند اختك تحاكيني ابتسام بقهر : حيلكم بينكم .. غادة : بالله بعد أنتي حيلكم بينكم ! " التفتت لنايف " مالت عليك جبت لأختي تبلد نايف طالع جهة ابتسام اللي كانت تطالع الطريق .. قال بنعومة : ابتسام ابتسام بهدوء : ايوه نايف : شفيك ياقلبي ساكته .؟ فيك شي .؟ ابتسام : لا مافيني شي نايف : والله فاهمك حياتي .. انا لو مكانك وهذي اختي كان من زمان انخرست غادة " اللهم طولك ياروح .. يالله عجل بطلعتي من هالسيارة " : .......... ابتسام ! ابتسام : نعم بعد انتي ! غادة : شفيك معصبة .. انا اللي بعصب مو انتي ! نايف : هيه هيه انتي عطيتك وجه .. ماتصارخين على زوجتي بسيارتي سامعة .؟! غادة : ليتك ماعطيتني وجه ياشيخ مالت عليك وعلى وجهك .. ولا ترفع صوتك علي ترا حتى انا عندي لسان نايف : اتحداك اذا عندك لسان .. انتي عندك لسانين اذا مو اكثر بعد ابتسام كانت تطالع بالطريق بطولة وهم يتهاوشون .. نايف يحب ينرفز أي شخص يتنرفز وغادة الشخص المثالي لهالشي تتنرفز على طول ! اول ماوصلوا فتحت الباب حتى قبل توقف السيارة ونزلت .. نزلت غادة وراها وقالت بقهر : اخخخر اخخر مرة تقولين لي اركبي معه .. سامعة .؟ ابتسام : والله انتي بعد عطيتيه وجه تستاهلين .. كان حقرتيه ماينفع معه الا كذا غادة : مستوعبة انتي وش قاعد يقول !! يقققهر .. وانتي يابردك طول الطريق ساكته ابتسام وهي تدخل : شتبغيني اقول يعني .؟ غادة : سلامتك خلك ساكته كذا وهو يرفع ضغطي سكتت ابتسام وفصخت عبايتها وعدلت شكلها .. وهي تطالع قلادتها من فوران اعصابها كرهت الطقم لأنه اخياره نزعته وحطته بشنطتها طالعتها غادة : خير ليش ! ابتسام : كيفي مابي البسه !! افف دخلت ابتسام وغادة تطالعها : شعندها فجأة قلبت .. تنهدت وكملت تضبيط شكلها وشكل رنيم وبعدها دخلوا .. بالمطبخ / كانت ميهاف واقفة تحتري القهوة ومعها اسماء .. اسماء : أيـــوه .؟ ميهاف بكئابة وهي تفضفض لاسماء بس ماقالت لها انها طلعت معه المطعم مجرد قالت هوشة على الجوال : وبس .. من عقبها كلمته مرة وكان الوضع اسوأ بعد اسماء : وانا اقول ليش بدر على هالحال ميهاف تنهدت : مو عارفة شاسوي بصراحة .. يعني تفكيره غلط من كل النواحي وفوق انه غلط معي بالكلام ما اعتذر حتى ولا حسيته نادم اسماء باستهزاء : هههه .؟ تبين بدر يعتذر !! خذيها قاعدة بدر مستحيل يعتذر حتى لو عرف انه غلطان عشان كذا لاتحاولين ميهاف وهي تحس اكتئبت اكثر : يعني المفروض اعتذر انا ! وانا ماقلت شي حتى اسماء : مدري والله .. انا اشوفه هالشهر كله مو على بعضه وتو اعرف السالفة منك .. ميهاف: مع نفسه بصراحة انا طفشت ومليت .. لسى بفترة خطوبة وللحين كم مرة يغلط معي بالكلام وكم مرة يخوني ! اسماء : طيب جربي تتكلمي معه بطبيعية .. يمكن ينسى المشكلة وتسلكون ميهاف : هذا مو حل يا اسماء .. اخوك ماخذني انانية بس مايبي يتزوجني حتى اسماء : لا ميهاف لاتبالغي هالحكي مو صحيح ميهاف : إلا صح .. ولا تدافعي عنه رجاء ترا قافلة معاي منه دخلت ام نايف : وش مجلسكن هنا ! زوجة اخوك جت يله ميهاف : يله يمه .. ننتظر القهوة وبنجي ام نايف : عجلن عاد طلعت .. ميهاف اخذت لها صينية : يله اسوم قفلي السالفة خل نروح .. ابي انساه شوي اسماء تنهدت بضيق على حال ميهاف : مشينا ابتسمت اسماء وهي تشوف ابتسام وغادة " مسكينة ميهاف بلشت بهالغبي بدر .. متأكدة هيثم مستحيل يكون كذا " حطت القهوة وسلمت بحرارة عليهن قالت بلهفة : هذي بنتــــك .؟ ياعمري تجننن غادة : ايه .. تجنن وبس حاسه حالي بموت من كثر ماهي تجنن ميهاف : اخر مرة كنا عند ابتسام ماكانت موجودة .. ياحياتي الصغيرين اسماء بلهفة : من تشبه .؟ غادة بتفكير : مدري ما أحسها تشبه احد ميهاف : ماتشبه ابوها .؟ غادة ضاق خاطرها على الطاري .. فين ابوها ابتسمت بمجاملة : يمكن شوي بس اسماء الكلمة على لسانها " ماتشبه خالها " حاولت تقولها بطبيعية : طيب ماتشبه احد من اهلكم امك ابوك او اخوكم غادة : ههههههههههه لا والله .. يمكن بس هالعيون الرمادية نفس عيون هيثم اخوي اسماء " يالبى .. والله تخسى بنتك وعيونها مايجيبون عيونه " : اها .. ما شاء الله سجى طمرت عندهم : الله غادة هذي بنتك .؟ غادة : هههههههههه ايوه رنومتي وداد بلهفة : عادي اشيلها .؟ غادة بضيق : ايوه بس انتبهي بمجلس الرجال الخارجي / دخل نايف برواقة وسلم على الموجودين والكل يسلم عليه بحرارة اخذ مكانه جمب بدر بدر : فينك تأخرت ! نايف : هههههههههههههه بدر : حمد الله والشكر وش يضحكك .؟ نايف : هههههههه كيفي ! بدر هز راسه : الله يخلف بس نايف وعيونه تمسح على الموجودين : هيثم ماجا .؟ بدر : لا .. ويقول لؤي اخوك انه ماراح يجي نايف : اها .. بسلامته اجل .. ما شاء الله فراس هنا من متى .؟ بدر : مدري فجأة رجع ابو عبدالرحمن " الجد " : هاه يا نايف شخبار العرس .؟ نايف : مبسوطين حمد الله .. عقبالك ابو عبدالرحمن " الجد " : ههههههههههههههههه سامع ياعبد الرحمن .. على يدك اجل < عبد الرحمن ابو نايف ابو عبد المجيد : سمعتو وش صار لأبو صالح .؟ ابو نايف : لا شصاير .؟ ابو عبد المجيد بضيق : ولده صالح تزوج وحدة قطرية .. ولا هي من أهل قطر الطيبين بعد لو تشوفها وطريقتها ولا شغلها مختلط وماتتغطى ! ابو نايف : افاا ! وهو ليش يزوج ولده وحده كذا .؟ ابو عبد المجيد : مسكين فقير ماخطبها له .. جاه ولده فجأة وهي معه وماله الا يرضى ابو نايف : والله مايكون ولدي اللي مسويها .. الا ليطلقها غصب لوني اتبرا منه ! سواد وجه هذا طالع فراس لؤي اللي كان بعيد منه .. بنظرة فهم لؤي قصده على طول , كان بلحظة احباط كأن ابوه رد على طلبه خلاص .. :..................... تنهد فراس بضيق وهو يشوف لؤي ينزل راسه بهم وواضح انه انكسر .. نايف : تتبرا منه مرة وحده يبه ! ماغلط الرجال ترا تزوجها .. احسن من اللي يلعبون بالحرام والمشكلة ان نظرة المجتمع لهاللي يلعب من ورا بالحرام انه محترم واللي يتزوجها وشغله حلال هذا سواد وجه .؟ طالع لؤي ابوه بعد كلام نايف اللي كأنه تكلم عنه .. لكن رد ابوه كان محبط اكثر : هاللي يلعب من ورا بالحرام مجرد نزوة وبيهديه ربي بس هاللي يتزوجها ماخذها جد وهي لاعبه على عقله ! نايف : خلاص تمام الله يرزقك واحد يلعب من ورا لورا .. اهم شي مايتزوجها ! ابو نايف بحدة : نايف ! كأنك زودتها خلك برا هالنقاش انت واراءك اللي زي وجهك نايف بهمس : هذا انتو يالشيبان لا نحشرتوا بدر : وأنت ليش تعور راسك بهالنقاش .. عندك وحده ناوي تتزوجها اجل ؟ نايف : لا بس هالتخلف يرفع ضغطي ! وقف لؤي وطلع برا المجلس .. قاطعه ابو نايف : لؤي .. وين يا أبوك .؟ لؤي بهدوء : شوي وراجع طلع برا قصرهم بالكامل .. وقف عند البوابة وجلس القرفصاء وسند راسه على يدينه بضيق شلون المفروض يتكلم مع ابوه بعد ماوضح رايه بصرامة ! : اتوقع وصلك رد ابوك لطلبك ... ايش راح تسوي ..؟ التفت لؤي لفراس اللي كان واقف جمبه .... لؤي بهم :ليش تهتم .. اساسا وجهة نظر ابوي زي وجهة نظرك ! نفس الكلمة اكيد لاعبه عليه فراس سند ظهره على الجدار وطلع سيجارته وولاعته يشبها : لا تدخل اهتمامي بوجهة نظري .. وجهة نظري وضحتها لك من اول .. اللحين جاي اسألك ايش راح تسوي .؟ لؤي بضيق : ما أدري .. بيكون غباء مني لو اصارحه عقب كلامه اللحين .؟ فراس : كويس للحين فيك عقل تعرف ان هالتصرف غباء .. لؤي شد على راسه بقوة بيده ويحس تفكيره وقف .. كان متجهز يكلم ابوه ويقنعه بقوة لكن احبط وبقوة .. بعد صمت لفترة قال بهم : لو كنت مكاني .. ايش راح تسوي .؟ فراس وقف عقله للحظه عند هالسؤال .. " لو كنت مكاني " ماقدر يحط نفسه مكان لؤي بأي طريقة : ......... التفت له لؤي .. تنهد فراس : شالفايدة افكر بوضع مستحيل يصير لي .. لؤي ابتسم بضيقة : انا ماتوقعت يصير لي .. ماتدري ممكن يصير لك دون تحس فراس بقناعه داخلية : احساسي دايم واعي .. عشان كذا مستحيل يصير لي دون احس زي ماتقول لؤي وهو مقتنع بهالشي ان فراس مستحيل بجد يكون مكانه : معك حق ... فراس اعتدل بوقفته وبطريقه لداخل : اتركها عشيقة وبس احسن لك واحسن لها تنهد لؤي بضيق .. وفراس رجع يدخل يقدر يساعد لؤي بكل شي , لكن هالتجربة مايقدر يساعده فيها حتى لو تمنى مايقدر يعاند قناعته ويساعده اول مارجع جلس جمبه ابو نايف : فراس فراس : هلا عم ابو نايف : ابي اكلمك بموضوع فراس : هلا سم *** اسماء اللي كان جالسة مع غادة وبنتها طول الجلسة : اقول غادة .. ترا الأسبوع الجاي عازمتك انتي وابتسام غادة : عزيمة .؟ اسماء : مو كبيرة .. ماراح اعزم الحريم جمعة بنات بس يعني غادة : حشوف ابتسام اسماء باصرار : لا مافيه حشوف ! تجون يعني تجون غادة : ههههههههه وش هالاصرار خلاص من عيوني راح نجي ... معليش اسماء انتبهي لرنيم شوي وراجعه اسماء : ان شاء الله اول ماراحت ظلت اسماء تطالع رنيم : افتحي عيونك ياحلوة اشوف بينما رنيم كان نايمة المسكينة ... كشرت اسماء : مالت عليك كأنك خالك بخيلين حتى بنظرة ميهاف : ههههههههههه سلامات اسماء شتغافصين مع نفسك .؟ اسماء : ههههههه لا بس اسولف مع الصغنونة هذي ميهاف وهي تتأملها : ما شاء الله .. الله يرزقنا يختي طالعت اسماء ميهاف وهي زعلانة عليها بجد .. ميهاف غير عنها ميهاف تتمنى الاستقرار تتمنى تتزوج ويكون عندها بيت وعيال , وبدر موقف بطريقها اسماء : ميهاف شرايك انام عندك اليوم .؟ ميهاف : براحتك .. تبغي تنامي نامي اسماء : ايه ابغى وبنام .. زمان ما امسيت عندكم ميهاف ابتسمت : حياك اجل بتنوري اسماء : هههههههههههههه خلينا نسهر بس نحش ببدر ونسوي له سحر ولا شي يرجعه لعقله ميهاف بقهر : مو ليكون عنده عقل بالأول .؟ اسماء : خلاص ديري بالك ع رنيم لحد ماترجع امها انا بروح اقنع امي ميهاف : اوك راحت اسماء لامها : يمه ! ام فراس : هلا اسماء : ترا بنام اليوم عند ميهاف ام فراس : لا مو حلوة ! وبعدين لؤي بالبيت وعقب اللي صار بينكم حتى عمك بيتضايق اسماء : الله يرحمك برحمته يمه اولا ماصار شي بيني وبينه ثانيا سالفة غبر عليها الزمن واكلها .. بنام يعني بنام ام فراس : كيفك تفاهمي مع فراس اسماء ابتسمت : وانا ليش اقولك .؟ لاني مقدر اتفاهم مع فراس انتي تقدري ام فراس : والله يا اسماء مو عاجبني انك تنامي عندهم اسماء بحمق : يمممممه !! بتسدينها بوجهي يعني .؟ ام فراس تنهدت : خلاص خلاص نامي .. حنه ماتوقف اسماء باست خد امها بقوة : تسلمييييييين لي شكرا شكرا .. وبرجع بكرة وعد بعد العشاء وعلى آخر العزيمة .. ومابقى موجود الا عدد معدود , دخل لؤي البيت وتنحنح عند الباب قابلته ام نايف : خلصو الرجاجيل .؟ لؤي : ايه خلصوا .. أم نايف : شفيك مو على بعضك .؟ لؤي : بنام ام نايف : خلاص مافيه احد بطريقك روح نام وارتاح صعد لفوق ودخل غرفته ... فتح جواله حصل رسالة منها لها ساعتين / أحبك بهدوء واشتاقك بضجيج وبين حبي وشوقي مازال القلب يخفق بك .. كلمني وقت تكلم ابوك انقبض قلبه اكثر من رسالتها .. جلس مسند ظهره على باب غرفته وماسك راسه والوضع عنده يحاول يحلل .. شالمفروض يسوي .. دق جواله طالع المتصل هي زاد ضغطه على راسه وسنده على على الباب مايقدر يرد عليها وش يقول لها .. تنهد بضيق ماعمره احبط كذا .. في الطـابق التحتي / دخل نايف وأبو نايف البيت .. ابو نايف صعد مباشرة لفوق اما نايف طالع أمه : عادي ادخل اسلم .؟ ام نايف بحدة : بنات عمتك وعمك هنا وش تدخل ! نايف بطفش : يا عالم بزران بدخل عادي ام نايف بحدة : نايف اعقل ! نايف : دام كذا قولي لابتسام تطلع بس ام نايف : الحريم جايات عشانها تقعد معهن نايف : طيب تطلع شوي بكلمها وترجع ام نايف تنهدت ودخلت المجلس : ابتسام نايف يبيك برا ابتسام طلعت : هلا نايف : انا طالع اذا تو ماخلصتي ارجعي مع السواق ابتسام : طالع للبيت .؟ نايف : أيـه ابتسام : يله اجل بلبس عبايتي وبجي نايف : انتظرك هنا خلصي دخلت ابتسام : يا جماعة حنا نستأذن .. غادة يله نايف برا غادة : مابي ! ابتسام عضت ع شفتها بهمس بمعنى لاتفشليني : غادة وش هالحكي اخلصي .. غادة قامت لعندها : ابتسام خل نرجع مع السواق .. بيجلس يغثني طول الطريق ابتسام : مالك شر ... واخلصي بتركبين ولا اجلسي نامي هنا غادة شهقت : من جدك ! ابتسام اللي كانت لبست عبايتها وخلصت .. شالت رنيم معها : يله انا طالعه طلعت ابتسام ورنيم بيديها ابتسم نايف لما شافها وانحنى لها وباسها بخدها وهي رفعت يديها الصغيره تمسك ذقنه : ههههههههههههه ياحلوك ابتسمت ابتسام لاشعوري وهي تشوفه .. تخيلته أبو تحس لايقه عليه رغم طيشه : تبي تشيلها .؟ نايف كان متعود اخذها بين يديه وهو يسوي وجيه طفولية يلعب معها : فين امها عاد .؟ ابتسام : بتجي خل نطلع بتلحقنا طلعوا بالسيارة .. وكانت رنيم بحضنه : ما شاء الله تمشع القلب الله يخليها ابتسام : آممين يارب .. ماتدري قد ايش احبها نايف : ههههههههه تحبيها جيبي زيها ابتسام طالعته بصمت .. اذا هو ماشال مسؤوليتها كيف بيشيل مسؤولية بزران , : بجد ؟ قبل يرد عليها دخلت غادة : ......... نايف : وعليكم السلام .. داخله على يهود انتي .؟ غادة شهقت : شتسوي بنتي بحضنك ! نايف وهو يبوس خدها اليمين ثم اليسار ينرفزها : جالسين نسولف . ابتسام تنهدت رجعوا لنفس الأسطوانة .. نايف : ابتسام خذيها خل اسوق مر الطريق بصمت ... نايف برواقة : ايه وراكم ساكتين .. حشو بالزيارة والموجودين ما أمانع ترا ابتسام : مافيه احد نحش فيه الكل ما شاء الله نايف بنعومة : هذا كلامك ياقلبي لأن قلبك ابيض وتشوفي الناس مثلك ... " تغيرت نبرته " بس صدقيني بعض الناس هنا بحلقهم حش لكل الموجودين غادة : ايه .. ابتسام شفتي ام نايف هذي حرمة ما شاء الله عليها سنعه بس يقولون عندها ولد الله يستر عليه ولا يبلانا مريض مريض نايف يسايرها : مين لؤي او نايف .؟ اللي اعرفه ان نايف ماعليه قصور غادة بعدوانية : انا جالسة احش معك ولا احش مع ابتسام ! نايف : انا وابتسام واحد نرد عن بعض عادي ابتسام : قسم بالله ان رنيم اعقل منكم .. خلاص وربي مصخت نايف بسخرية : من جد مصخت ! لمتى يعنـي حاطه راسك براسي انتي .؟ ليش تكرهيني انتي ؟ ابتسام هزت راسها مافيه امل تسكت احسن لها .. نايف : المهم انتي غادة .. اول مانوصل البيت ابي هدوء لاتزعجينا ترا من زمان مو جالسين مع بعض نبي وجودك زي عدمك لو سمحتي غادة : ولا يهمك اصلن قريب طالعه من بيتك ! نايف : مو بيتي بيت اختك .. تموني البيت بيتك بس شوي هدوء مايضرك غادة عضت ع شفتها بقوة وهي خلاص بتنفجر .. يعرف ينرفزها صدق , اما ابتسام كانت تطالع نايف طول ماهو يناقر غادة مبتسم .. مبسوط من جد نفضت افكارها شتحسي به يا ابتسام تغاري من اختك ! اول ماوصلوا نزلت غادة اول وحدة .. ودخلت غرفتها مباشرة وسكرت الباب بقوة .. نايف بتسلية :ههههههههههههه بشويش بشويش ع الباب ابتسام مشت بطريقها لغرفة غادة ... نايف : ع وين .؟ ابتسام : بكلمها بحاجة نايف ابتسم ابتسامته الجذابه : اوك انا صاعد لاتطولي صعد نايف لفوق وهو ينادي : ماريا ... مارياا عقد حواجبه .. صدق من لما رجع ماشافها هي وبيان فتح جواله ودق على ماريا جاه الرد : Hi نايف : اهلين ماريا .. كيفـك .؟ ماريا : بخير ..and you sir ؟ نايف : حمد الله .. اقول ماريا انا لي يومين في بيتي فينك ما أشوفك ؟ ماريا بقهر : it's your wife نايف : ابتسام .؟ شفيها ؟ ماريا : لما رجعت ..told us مانجي الا يومين باس نايف رفع حواجبه : اهاا .." ابتسم ابتسامة جانبية " ومتى هاليومين .؟ ماريا : الإثنين والجمعة طالع نايف التقويم اليوم اربعاء : اوك ماريا مو مشكلة نشوفك الجمعة اجل ماريا : ok bye نايف : say hi to byan for me ماريا : I will سكر نايف السماعة .. دخلت ابتسام الغرفة وعلقت عبايتها : ابتسام التفتت له : هلا نايف ببلاهه : فين ماريا وبيان ما أشوفهن .؟ عقدت ابتسام حواجبها ليش يسأل عنهن .. قالت ببرود وهي تفصخ جزمتها : انا حددت لهن يومين بالاسبوع بس يجن نايف : ممكن اعرف ليه ابتسام : يضايقني وجودهن على طول عندي .. وبعدين حنا محتاجين خصوصية ومافيه زود شغل احتاجهن فيه نايف بسخرية : خصوصية .؟ انا شايفها خربانة خربانة ابتسام فهمت انه يلمح لغادة : هذا غير .. غادة اختي وماتضايقني هن يضايقني نايف : واذا قلت لك اختك تضايقني .؟ ضد خصوصيتي بصراحة ابتسام باستهزاء : واضح لدرجة من شفتها وانت تضحك وتسولف معها نايف : عموما حياتي سوي اللي يريحك .. انا جايبهن عشان يريحونك وانتي سوي اللي يريحك ابتسام وقفت قدامه وهو جالس على طرف السرير وشبكت يدينها ورا رقبته : اجل كذا مابينا خلاف نايف ابتسم : ابدا *** بيت أبو فراس / رجعت ام فراس مع بدر اثناء ماهم جالسين بالحديقة دخل فراس .. جلس ورمى شماغه على الكرسي : فين انس وياسمين واسماء .؟ ام فراس : اسماء نايمة عند عمها وانس وياسمين راحو ينامون فراس : اهاا .." طالع بدر بطرف عينه " انت شمسوي .؟ بدر فتح عيونه : شنو شمسوي ! فراس بشك : متأكد مو مسوي شي .؟ بدر : لا .. عندك شي قوله ! فراس : عندي انك بتتزوج هالشهرين ولا اترك البنت تشوف نصيبها مع احسن منك بدر : نعم نعم .؟! فراس : تو رجعت من عمي .. الخطبة الطويلة هذي مضايقته مثل ماهي مضايقة الكل ! بدر : وليش مضايقتكم ان شاء الله .؟ فراس : وانت ليش مضايقك تتزوج يعني .؟ بتموت .؟ اذا مانت ناوي تتزوج ليش خطبت .؟ بدر : راح اتزوج بس مو اللحين ولا هالسنة فراس : اجل سرح البنت وشوف لك وحده ثانية ام فراس : وش يسرحها ! على جثتي بدر : على جثتي قبلك .. ماراح اسرحها فراس بحدة : بدر ! ترا مو اكبر مشاكلي انت وزواجك !! فمالي خلق كل يوم والثاني عمي مكلمني يشكيك بدر صور مع فلانة بدر مو ناوي يتزوج .. بدر ماخذنا لعبة ! الشغل لفوق راسي مو ناقصك انت بعد بدر : انا متفاهم مع البنت يعني ليش تتدخلون ما أدري ! فراس : متفاهمين طل .. لو متفاهمين ماتكلم عمي اكيد شايف على بنته شي ام فراس : وانت ليش ماتبي تتزوج .. مو انت اللي سويت لي سالفة الفترة ذيك عشان تتزوجها ! فراس : لأنه بزر وكلمته رخيصة .. وانا انا الغبي والغلطان اللي احسبك رجال ورايح اخطب لك بدر بعصبية : ترا ماعدت مراهق تجلس كل يوم والثاني تهاوشني زي اول ! قيم كلامك معي ماني بزر قدامك فراس : حسسني انك رجال عشان اقيم كلامي ! كل يوم والثاني رايح احل لك مشكلة وليتك تتعلم بعد معك حق مانت بزر انت اخس من البزر ام فراس : خلاص عاد ! تتهاوشون قدامي كذا .؟ فراس وقف : انا اللي عندي قلته .. تزوجها ولا افسخ الخطبة وخلها تشوف نصيبها دخل لداخل وبدر قال بعصبية : هذا عمي لازم يتدخل بكلش ! ام فراس : وانت وش ناقصك .؟ جالس كل يوم والثاني مكالمات معها كأنها زوجتك تزوجها وافتك وقف بدر وصعد لفوق ودق مباشرة على ميهاف جاه ردها بعد فترة : ..... ايوه بدر : ايش قايلة لأبوك انتي .؟ ميهاف : شنو .. ماقلت شي .. بدر : اجل ممكن اعرف يا آنسة ليش جاي يحجر لي اتزوجك ولا انسحب ميهاف عضت على شفتها لازم تقوي نفسها وتتكلم لمتى يعني : ايه .. هذا رآيي مو ناقصة اضيع عمري مع واحد مدري هو ماخذني جد ولا لعب .. اتركني اشوف نصيبي اذا ماتبي بدر بحدة بين اسنانة : انتبهي لكلامك ميهاف ! وحطيها ببـالك مالك نصيب غيري .. ميهاف : اجل الحق على نفسك قبل اطير من بين يديك بدر : ماعندك مانع يعني .؟ عادي عندك تنخطبين لثاني وتتزوجية بعد كل اللي صار بينا ! ميهاف : ايش تبغى توصله بدر .؟! انتظرك اكثر من كذا مستحيل .. وليتني انتظر حاجة صاحية كمان .. انتظر واحد يغلط علي ومايحترمني وفوق كل ذاه مايعتذر اسماء اللي كانت جمب ميهاف انحرجت .. خصوصا وميهاف عيونها تلمع دموع واضح متأزمة بجد .. بدر : ................ " قال بهدوء " ماغلطت عشان اعتذر ميهاف : اجل الله يوفق كل واحد بطريقه سكرت ميهاف السماعة دون تسمع رده .. اسماء فتحت عيونها : من جدك .؟! ميهاف بخنقة : ايش تبغيني اسوي اسماء وربي تعبت .. انتي ماتدرين ايش صار طول هالفترة ماعدت طايقة حالي اسماء ضمتها : روقي روقي حبيبتي .. كلش بيتصلح ان شاء الله ميهاف فضفضت عن خاطرها وبكت بحضن اسماء .. اللي بينها وبينه مو بس خطوبة , بطبيعتها الأنثوية حبته من قلبها ورسمت احلامها ومستقبلها معه وحبها له يمكن اللي صبرها على غلطات كثيرة له للحين .. اما اسماء تو تستوعب فعلا ان ميهاف تحبه كشرت بقهر " هين يابديران ! قلة ادب بعد اوريك خل ارجع بكرة بس " *** لؤي مانام الليل كله .. اول ما أشرقت الشمس بدل لبسه بنطال أبيض وبلوزة رسمية جنز ونظارة محوفة بأحمر وجزمة توماس رمادية وكاب " اوبي " .. وشنطته حطها على كتفه ونزل قابله ابوه طالع يتوضى للصلاة : لؤي .؟! لؤي باس راسه : صبحك الله بالخير يبه ابو نايف : صباح النور .. وش هالشنطة على وين .؟ لؤي : بصلي الفجر وبمشي الكويت ابو نايف : اها توصل بالسلامة مشى لؤي بطريقة للباب قاطعه ابو نايف : اقول لؤي .. لؤي : هلا يبه ابو نايف : هاليومين كأن عندك سالفة تبي تقولها لي .. وكل مرة يقاطعك احد لؤي طالع ابوه لوهلة .. وشد على قبضته وتشجع : خل نروح نصلي عقبها نجلس واقولك ابو نايف : اجل انتظر هنا اتوضى واجيك دخل ابو نايف .. اما لؤي تنهد وهو في داخله صراع " لازم اقوله .. حتى لو عارض راح اعرف اقنعه " بعد الصلاة .. كانو بالسيارة ولؤي بيوصل أبوه للشركة : هاه قول وش عندك .؟ طالع لؤي ابوه .. وقرر يمهد : هذا أبو صالح .. ولده صالح صديقي ابو نايف : بجد .؟ لؤي : ايه كنت اعرفه ايام الجامعة .. والله رجال طيب وآدمي ابو نايف : واضح من سواته في أبوه المسكين لؤي :ايه يبه بس الولد يحبها من جده تنهد أبو نايف : يابوك عيال هالوقت ماوراهم سالفة لاتصدقهم .. يخاوون هالبنيات ثم تزيغ عيونهم ويتزوجونهن ثم يجونك يقولون حب .. وهم والله مايعرفون وش معنى الحب اصلن ! لؤي بضيق : اهااا ابو نايف : هذا اللي كنت بتقول ! لؤي : لا يبه .. كان ابي منك طلب بس خلاص قدرت احصله من نفسي ابو نايف : كفو عليك .. من كنت صغير وانت دايم تعتمد على نفسك نادر تطلب مني شي .. خلك كذا دايم اعتمد على نفسك واترك الناس يعتمدون عليك لؤي : معك حق .. راح اعتمد على نفسي نزل لؤي ابوه وضرب بيده على الدركسون بالاخير ماعرفت يقوله ابد ومشى بطريقة للمطار واخذ طيارته للكويت كان لؤي يعرف الواقع .. ويفهمه ماكان يجهله لو قال لأبوه كلش وش كان راح يصير عشان كذا قرر يهرب من هالواقع قد مايقدر *** صحت ابتسام من النوم بدري .. رغم انه مافيه دوام لكن اكتسبت هالعادة ابتسمت وهي تطالع نايف غاط بنومة مستحيل يصحى بهالوقت نزلت من السرير واخذت لها شاور تنعش نفسها وبدلت لبسها لشورت وبلوزه ليمونيه جففت شعرها بالحمام وتركته سايح بطبيعته الناعمة .. ولبست صندل ناعم ونزلت وهي تحس بانتعاش جهزت فطور للكل وحطته المايكرويف لحد يصحون .. دخلت غرفة غادة بهدوء كانت باردة والكل نايم ملل بجد اخذت فطورها وطلعت للحديقة اثناء ماهي تاكل سمعت صوت واحد يصفر التفتت مافيه احد عقدت حواجبها .. رجع التصفير : مين ؟ : فوق ! طالعت فوق كان نايف طالع من البلكونة .. ابتسام : ههههههه صح النوم نايف : صح بدنك .. صاحية من متى اجل .؟ ابتسام وهي تطالعه ببنطال البجامة دون بلوزة : البس حاجة لا تبرد وتعال افطر دخل وبعد دقيقتين نزل وهو لابس بنطال جنز اسود وبلوزة بيضاء رسمية وفوقها جاليه اسود .. ابتسام : طالع ؟ نايف : ايه بس ما حطول .. مشوار ساعتين وراجع ابتسام : اوك افطر اول نايف وهو بطريقه لبرا : مستعجل .. بعدين تنهدت ابتسام وهي تشوفه .. كملت فطورها ودخلت لغادة حصلتها صاحية : خير صاحية كان جيتي تفطرين معي ! غادة : تخيلي اطلع من غرفتي وزوجك المصون موجود ! ابتسام : طلع .. تعالي نطلع غادة : حتى لو طلع .. مايعرف لا احم ولا دستور اول مايرجع ماراح يهمه ابتسام : اففف خلاص انطقي هنا بجيب فطورك غادة : يكون احسن بعد ! طلعت وجابت الفطور وجلسن يفطرن سوا .. غادة باعجاب : الله ابتسام اول مرة اشوفك بالشورت .. تخبلي ابتسام : بجد .؟ عاد انا ما أحبها بس عاد دام تزوجت وخلاص قلت البسها غادة : مرة مرة روعه لان سيقانك طويلة ما شاء الله ابتسام : تسلمين ياعمري عند نايف / ابتسم وهو داخل البيت .. عقب ماخلى احد ماعزمة يتغدا عنده عزم كل ربعه , تقول ماتبي شغالة خل اشوف كيف بتسنع نفسها : احم احم ابتسام !! طلعت ابتسام من غرفة غادة : مسرع جيت نايف ابتسم : قايلك ما حتأخر ابتسام : اوك ارتاح فطورك جاهزة نايف : خلي منك الفطور اللحين .. انا بيجوني العيال يتغدون ابتسام : مين عيال ؟ نايف : ماحتعرفينهم .. بس احسبيهم يمكن فوق ال 50 واحد ابتسام فتحت عيونها : 50 !! نايف باصطناع : اسف ياعمري والله بس شاسوي .. لزمو واستحيت ما أعزمهم , ياليت لو اقدر اكلم ماريا وبيان بس انتي معطيتهن اجازة ابتسام : طيب جيب غدا من برا نايف رفع حواجبه : ليش .؟ ماتعرفي تسوي غدا .؟ ابتسام : اعرف بس كثيرين ! نايف : معليش حياتي قدها انتي .. وبعدين انا ما أحب اعزم على اكل مطعم لو بجيب من مطعم بنروح مطعم اجل ونوفر ابتسام تنهدت : لو اقل شي قايل لي من بدري .. نايف : انتي تحركي اللحين وبيمديك .. القهوة والشاهي لاتنسينها كمان طلع نايف لبرا وهو مروق .. السالفة تحدي وهو يحب التحدي , دخلت ابتسام على غادة : غادة ! غادة : نعم ابتسام : اعجلي قومي معاي المطبخ .. نايف عازم ربعه غدا وقهوة وشاهي تعالي ساعديني غادة فتحت عيونها : سلامات وش هالعزيمة ! ابتسام : مدري بس بسرعة تعالي وبيمدينا حطت غادة غطاها فوق راسها وطلعت مع ابتسام .. وباشرن بالشغل ورغم ان ابتسام سنعه بجد بس الوضع اعجازي نوعا ما .. ! بعد فترة بنص الشغل سمعت صوت نايف طلعت بسرعة قبل يدخل وغادة موجودة : زان الغدا .؟ ابتسام شهقت : خلصتوا من القهوة والشاهي .؟ نايف : أيه خلصنا نبي الغدا ! ابتسام طالعت الساعة : نايف حرام عليك الساعة تو .. اصبروا شوي نايف بتذمر : افففف مطول مرة يعني !! ابتسام بقهر : نص ساعة تقريبا نايف : وين نص ساعة !! نص ساعة كثير ..حاولي يخلص قبل كذا رجاء طلع نايف لبرا وابتسام رجعت لداخل .. غادة بتذمر : امانه مافكرتي تقتليه للحين ! ابتسام وهي تحوس بالمطبخ : روقيني وخلي مني كثر الكلام ! بعد عمل اعجازي قدرن يخلصن بعد ربع ساعة .. دقت ابتسام على نايف : الغداء جاهز تفضلوا سكر نايف السماعة : تفضلوا يا شباب الغداء بالمجلس دخلـو وكلهم اعجبوا بتنسيق الطاولة والمأكولات ..ابتسم نايف الظاهر انه متزوج وحده اسطورية ! بس على وين مصيرها تزهق وتطلب الشغالة .. بدر وهو يجلس : الله يرحم ايام ام يزيد بس .. للحين لاتذكرت الكبسة حقتها تحوم كبدي عبد المجيد : بججد .. طباخة هذي ما شاء الله وش هالريحة بس : نايف احسب حسابنا كل يوم بنتغدا عندك نايف اعجبته الفكرة : حياك والله .. بتنبسط هي بجيتك كل يوم عبد المجيد : هههههههههههههههههههه تنبسط بالنخل .. اقول اشبعوا بس ترا وجبة بالسنة مرة تحصل لكم اما داخل كان ابتسام بحالة دمار انحاست الكشخة وهي ترتب المطبخ وتغسل وغادة راحت منها لأن بنتها جويعة .. *** الكـويت – مغرب / كانت سارا طالعة من الدوام .. انتهى دوامها واليوم حالة اكتئابية بجد تدق مايرد من امس , معقولة يكون كلم ابوه وصارت مشكلة ... دقت بمحاولة اخيرة يائسة جاها الرد : ههههههههههههههه بس بس مكالمات فجرتي جوالي ارمشت بعيونها وهي تسمع الصوت قريب .. التفتت يمين كان واقف نزل السماعة من اذنه ودخلها بجيب جاكيته ووقف قدامها مباشرة ... دمعت عيونها دون تحس : ليش ماقلت لي قبل تمشي .؟ لؤي ابتسم باريحية وهو يمسح دموعها : ليش الدموع خلاص هذا انا قدامك سارا ودموعها ماقدرت تحكمها : خليتني على جمر طول هالفترة لؤي : آسف .. حقك علي غلطان سارا وهي تمسح دموعها : وحمار بعد لؤي : وستين حمار كمان .. رضيتي .؟ سارا : ايش صـار .؟ لؤي بضيقة : ندخل .؟ سارا : أيـوه تفضل دخلو الشركة بمكتبها .. سارا : كلمت ابوك لؤي : لا .. ماقدرت , " تنهد " كنت غبي لما تأملت انه بيوافق ابوي مستحيل يوافق سارا بهم : اهـا .. لؤي مسك يدها بسرعة : بس انا مقدر اتركك ولا اقدر استغني عنك سارا سحبت يديها ببطء : بس .. لؤي قاطعها : عشان كذا , طز فيهم اذا هم رافضين وانا حلفت لما رحت الرياض اني برجع مباشرة واخطبك سواء ابوي معاي او مـو معاي سارا بصدمة : ايش يعـني ..؟ لؤي : يعني مثل ما أنا ابيك بكل الأحوال .. ابيك توافقين علي بكل الأحوال سارا ضمت يدها بضيقة : قصدك دون يدرون أهـلك ؟ لؤي وعيونه فيها تصميم : ايه .. اهلي مستحيل يوافقوا وانا مستحيل استغني عنك سارا : ................ *** طلعت اسماء من بيت أبو نايف ليل .. هالايام فراس موجود ماتقدر تروح المستشفى فرصتها الوحيدة اللحين السواق بيرجعها تقدر تروح للمستشفى بسرعة قبل ترجع ! السواق : البيت مدام .؟ اسماء : لا ! مدينة الملك فهد الطبية السواق : حاضر مدينة الملك فهد الطبية / كان هيثم بغرفة كل انوارها طافية .. مافيها ولا سراب اضائة الا من تحت الباب نور خفيف ومستلقي وماسك راسه اليوم مافضى ولا دقيقة حتى .. المستشفى هادي بهالوقت المتأخر غمض عيونه بارهاق ..سمع صوت انثوي برا : دكتور هيثم مشعـل موجـود .؟ فتح عيونه مباشرة واستقام من سدحته .. ضيق عيونه يميز الصوت لكن ماعرفه ليش يتعب نفسه يحزر ؟يطلع ويشوف ! طلع لبرا حصلها واقفة قصيرة نحيفة صغيرة الحجم بصوت حاد : .. ترا اقلقتيني كل ما سألتك عنه قلتي مشغول قوليلي مشغول مرة ثانية وباشكيك !! هيثم : شبغيتي منه .؟ اسماء زفرت : عندنا موعد هو ناسيه ! رمشت بعيونها اكثر من مرة والتفتت وهي تشوفه .. واقف بلبس الدكاترة والمعطف الأبيض والشعر مشعث اثر السدحة والأرهاق المعتاد بعيونه الحادة الرمادية .. بلعت ريقها وقلبها دق بعنف وهو يشوفه وقطرة عرق نزلت من جبينها .. هيثم رفع حواجبه : بجد .؟ وش هالموعد ماعندي خبر فيه ! اسماء حست رجلها مو شايلتها .. كبست بعيونها البريئة اكثر من مرة اما هيثم للحين ماعرفها , حلل الوضع براسه من ممكن تكون ماحصل معاه شي .. هيثم ضيق عيونه فيها : تفضلي من هنا اسماء شدت على قبضتها : هاه وين .؟ ليه ! هيثم : مو عندنا موعد .؟ ولا نسيتي ؟ اسماء قادتها رجلها .. مشت جمبها وهي مو مصدقة ! اكيد تحلم رفعت يدها وصفت خدها بالخفيف تتأكد ماتدري ليش اصلن جالسه تمشي معه او وش شيبي ... مانتبهت الا لما كانو برا المستشفى الحديقة والمكان مظلم الا من انوار خفيفة بالمكان . .. جلس على كرسي خشبي طويل وحط رجل على رجل بجلسة انيقة وطالعها : أيـوه .. من انتي ؟ اسماء كانت واقفة وشادة على عبايتها وهي واقفة .. بلعت ريقها : مممممم .. ااا ... انااا هيثم : صعب السؤال .؟ اسماء ماعرفت تجاوب الا هالجواب العشوائي : اسمـ اسماء .. هيثم ضيق عيونه وهو يحاول يتذكر .. لكن عقله وذاكرته وصلته لها ع طول : اهااااا .. " رفع حاجبه " شخبار رجلك؟ اقدر اقول من مشاويرك للمستشفى رايحه جايه انها بخير اسماء : هاه .. لا .. ايه .. ايه بخير هيثم دخل يديه ببالطوه : وإيش بغيتي مني .؟ اسماء بلعت ريقها للمرة المليون وقلبها حالته الله العالم بها بهالوضع : ....... كيفك ؟ هيثم بعيون حادة : جايه تسأليني كيفي .؟ اسماء نزلت راسها دون ترد .. معه حق يا اسماء انتي لك شهر برج مراقبة عليه بس مافكرتي وش بتقولين له اذا قابلتيه حتى .. هيثم وقف وهو يتمشي بالمكان ويحلل الوضع : اول مرة قابلتك كنتي مريضتي .. طلبتي مني اشتغل عندك بغطرسة ورفضت .. اسماء قاطعته بانكار : غطرسة .. لا مو قصدي انا .. قاطعها هيثم : وبعدها عطيتيني 30 الف الله العالم ليه ورحتي ... عقبها بمدة رجعتي ترسلين لي بنفس الطلب اني اشتغل عندكم .. الظاهر كنتي تحسبين انك بعد الفلوس اشتريتيني وبغير رايي اسماء انصدمت وش تقول .............. هيثم : ولما جيت بالرياض .. والصدفة اشتغلت وتزوجت اختي ولد عمك وعرفتي انا فين بالضبط صرتي تراجعين المستشفى هالفترة كلها .. اسماء عضت ع شفتها .. وهي منعقد لسانها لأنه ما أعتبرها كلها صدف جلس يحللها براسه .. هيثم وقف من مشيه وهو يطالعها : بعد كل هذا يجيك السؤال ..... ليش .؟ اسماء : لأن ... ممممم .. انا " قالت بنبرة مرتجفه " ما أدري هيثم : نظرا للمواقف فيه احتمالين .. تكونين معتقده اني عبقري وناجح لكن ما أظن لأني ما أثبت لك شي برجل مكسورة ولأني ما أظن عندك بصيرة لهالأمور اسماء وعيونها مفتوحه ع الآخر .. الظاهر هذا اللقاء اللي تطارده لها شهر انقلب ضدها .. هيثم بنفس الوضع التحليلي الهادئ : هذا يودينا للأحتمال الثاني .. تكوني تحبيني |
رد: انتماءات كاذبة
لالالالالالالالالالالالا لا تقولي وقفتي هنا لا بليززززز كملي ما اقدر اصبر للخميس اعرف شو ردة فعلها وشو صار بينهم . امااااا نااااايف حرام مو صاحي مجنون ضحكني كثيررررررررررر وخصوصا من يقول وقفي يمه اذكر ليش طلقتهااااا ونرفزته لغادة هههههههه الله يكون مع ابتسام بتحمل وهو ناوي عليها بس ابتسام قويه وقدهاااا بليززززز كملي بس اعرف شو صار مع هيثم واسماء .
|
رد: انتماءات كاذبة
اقتباس:
ونايف الشخص الرايق بزيادة الله يرزق الكل نص رواقته بس نورتيني ي عسل |
رد: انتماءات كاذبة
اقتباس:
|
رد: انتماءات كاذبة
استغربت لما فراس يقول للؤي خليها عشيقة.. ويا خوفي يتزوجها لؤي بالسر وبعدين اهله بيجبروه يتزوج وحدة تانية
غادة اظن الافضل انها تسكن مع اخوها لانه بنفس المدينة افضل من انه تكون ببيت اختها بانتظار الفصل الجديد يوم الخميس |
رد: انتماءات كاذبة
اقتباس:
راح احاول انزله بدري اليوم الساعه 12 ان شاء الله اذا قدرت نورتيني |
رد: انتماءات كاذبة
" البارت الثامن عشر "
" اذا اردت شيئا بقوة فأطلق سراحه , واترك له باب القفص مفتوحا فإن عاد إليك فقد كان دائما لك وإن لم يعد ... فإنه لم يكن لك من البداية ! " تسارعت دقات قلبها وتوسعت عيونها وهي تستوعب .. واقف ببرود بعد ماخلص تحليل مشاعرها بعد ما أنتهت مهلة جوابها .. نطق : من ردة فعلك ارجح الأحتمال الثاني ... " كمل بنفس النبره الباردة " عموما سواء الأحتمال الأول او الثاني ماراح تحصلي مني شي فالوقت متأخر ارجعي بيتكم ولا عاد ترجعي لهالمستشفى الا لسبب اسماء تو تستوعب انه رفضها كلش فيها تجمد .. تو تستجمع قوتها عشان تتكلم أقل شي تنفي عشان تنقذ باقي مشاعرها لكنه مشى من جمبها بهدوء ودخل للمستشفى .. مشت قشعريرة بكل جسمها ! وش صار قبل شوي .؟ كان واقف قدامي ! تكلم معي ..؟ لا كيف شلون صار كذا ... سحبت رجلها بخيبة وركبت مع السواق وبنبرة يائسة " البيت" اما هيثم دخل وجلس على مكتبه وعيونه متسمرة على الأوراق , بنت فهاد الشمري مرة وحده جايه برجليها لعندي .؟ ماطال تفكيره عقله ومبادئه مرتبه .. حتى لو البنت فاسدة ماراح يفضحها بيكتم سرها وبيتصرف طبيعي ما كأن صار شي , خصوصا انه يشتري راحة راسه - الظاهر يا اسماء ان هيثم مو الجذاب المثالي اللي تخيليته *** الكـويت / تنهدت سارا : اتركني أفكر لؤي لؤي : شتفكري فيـه .؟ سارا : باللي قلته .. مو شايف انك قلت حاجة كبيرة جدا ويحتاج لها اقل شي تفكير لؤي : انا مابيك تشوفيها حاجة كبيرة .. اعتبري الوضع طبيعي انا مستقل عن أهلي تماما سارا بضيقة : لسى محتاجة تفكير لؤي تنهد : خلاص براحتك .. فكري وردي لي بأقرب فرصة سارا : لؤي لؤي قبل يطلع التفت : لبيه سارا وعيونها بالارض تبعد عنه : لحد ما أجيك واقولك ردي مابي اشوفك .. مابي اشتت تفكيري لؤي طالعها دون مايرد لفترة .. ثم طلع برا المكتب , دق جواله " فراس " رد مباشرة : ايوه فراس : ماقلت لي انك راجع للكويت .؟ لؤي : هذا أنت عرفت .. متى بترجع انت .؟ فراس : يمكن ما أرجع هالفترة .. لؤي : ليش صاير شي .؟ فراس : لا .... يمكن اسافر مع الأهل لؤي : اها .. فراس ضيق عيونه وهو يطالع من نافذة غرفته اسماء نازلة من السواق وداخله : انا بسكر سكر السماعة ونزل مباشرة .. البيت كله هدوء والأنوار مسكرة الساعة 1 ونص , اول مادخلت اسماء وصلها السؤال : فين كنتي ؟!! رفعت اسماء راسها له وهو واقف قدامها ومتكتف .. قالت بصوت مازالت اثار الخيبة فيه : عند عمي ابو نايف فراس طالع ساعته : لهالحزهـ .؟ اسماء : ايه .. فراس : كان انقبرتي عندهم لحد بكرة او دقيتي علي أجي اخذك .. اما راكبه مع السواق بهالوقت !! اسماء مالها خلق : ان شاء الله فراس : انقلعي لغرفتك صعدت اسماء لفوق .. وفراس رجع لغرفته ونام مباشرة *** الصبـاح / صحت اسماء من نومها .. طالعت بالمراية شكلها الفوضوي تنهدت بضيق شكلها قطعت اخر حبل للأمل بيديها رتبت شكلها ونزلت لتحت كان العائلة كلها مجتمعة على غير العادة لكن اصوات طالعة الظاهر نقاش حاد جالس يصير , تأكدت من صوت بدر المعصب : مالكم دخل يعني مالكم دخل ! فراس : انت للحين تناقش .؟ بدر : شنو للحين اناقش ! الموضوع يخصني لو ماتدري يعني فراس : بحياتي كلها ما أذكر قررت حاجة وقبلت النقاش فيها بدر وقف بانفعال : ماودك تنقلع للكويت وتنثبر هناك ولعد تورينا وجهك ! غايب كل هالفترة وراجع وعلى بالك كلمتك تمشي فراس ارتفع صوته طول النقاش وهو يرد بنبره هاديه لكن انتهى صبره : تاكل تبن يا زفت وتختار الفاظك معي , محد ممشي امورك كلها غيري انا .. ودك تجرب اسحب نفسي منك تماما واشوف كيف بتوقف على رجليك ! بدر : يدك وماتعطيك .. مصدق نفسك الهواء اللي من دونه بموت ! في ستين داهية فراس سحب ياقة بدر ونطق بين اسنانه وهو شاد على قبضته : لا تكبــر بالـ.... قاطعهم ام فراس اللي اقحمت نفسها بينهم لحد ما أفلت فراس بدر .. ام فراس : مو صاحين ! كل هذا عشان موضوع مايسوى فراس تنهد وهو يهدي اعصابه ويجلس بينما بدر مازال واقف ... كمل فراس بنبره هادية : بدر .. انا ما أغصبك تتزوج ولا لي مصلحة في قرارك , بس عمي طالب هالشي ومن حقه تبغاها خذها هذي هي موجودة ماتبغاها اتركها تشوف حياتها بدر جلس دون يتكلم : .... اسماء انقهرت منه خصوصا بعد حالة ميهاف امس : حرام عليك يابدر .. اللي بيشوف موقفك ماراح يصدق انك خاطب ميهاف اللي الكل يتمناها ام فراس بقهر : من جد بسم الله عليها تعجز تدور فيها عيوب مالها مثيل ... وانت محسسنا غاصبينك على وحده ماتسوى تنهدت اسماء وهي تشوفه ساكت وعيونه بالطاولة .. حطت يدها على كتفه : وامس عرفت انها شايله بخاطرها عليك كثير .. حرام اللي تسويه فيها ترا البنت تحبك بدر وقف بهدوء وهو طالع : سوو اللي تبون ام فراس : موافق يعني خلاص ! بدر : ايه ..." وطلع وسكر الباب " فراس : حمد الله والشكر بس كأني جالس اناقش بزر اسماء ابتسمت من قلبها : شلون يعني خلاص بيتزوجون قريب !! ام فراس بفرحة : ايييييه .. حسبي الله على بليسه بديران مابغى يفرحني فيه , فراس كلم عمك من اللحين واتفقوا ع كلش فراس : كلمي انتي زوجة عمي وبس .. انا هالورع ماعاد اتدخل في اموره اسماء : يوه لايكون زعلت بس من حكيه .. ترا يقط خيط وخيط فراس : قدامه عشرين سنه يعيشها يتعلم فيها قبل يقدر يزعلني .. انا طالع انام بس اسماء بحماس : انا رايحه ابدل وبروح لميهاف .. وناسه دام فيه خطوبة وعرس قريب قدامنا شغل ام فراس : هههههههههه انا رايحة اكلم زوجة عمك *** بيت نايف :- كانت ابتسام بالمطبخ وماسكه راسها وهي تسمع نايف جالس بالصالة ويتناقر مع غادة اللي بغرفتها ومو عارفه تحقره وهو يغلط ...بعد ماخلص دخل المطبخ وهو يضحك : ههههههههههههههههههههههه ابتسام شتسوين ؟ ابتسام وهي تطلع الكيكة من الفرن : هيثم بيتعشى معنا اليوم .. راح تكون موجود ؟ نايف وهو يتكي على الطاولة : تبغيني اكون موجود .؟ ابتسام : براحتك .. ماتفرق معاي انا نايف : لا ماراح اجلس ..واحد مكلمني بيتعشى معي فطالع ابتسام : بس حاول ترجع بدري شوي .. مو حلوة ماشفت هيثم من رجعت نايف وهو طالع : بحاول .. قبل يصعد لفوق يبدل ابتسم وقرب من باب غرفة غادة وطقه .. غادة : مين .؟ نايف : هههههه انا .. انا طالع تبغين اجيب لك حاجة معاي وانا راجع .؟ ارتفع ضغط ابتسام .. ما سألها هالسؤال ورايح يسأل غادة بس عشان ينرفزها طلعت من المطبخ : نايف ! نايف : هلا ابتسام شدت على الي بيدها وقالت بنعومتها المعتادة: اترك البنت بحالها حبيبي خلاص نايف : جزاي اسألها وش تبي .؟ غادة : ابي قلعتك .. يله انقلع نايف : هههههههههههههههههههه بس .؟ من عيوني .. يله اجل سلام غادة : تافه بجد ع كلش يضحك ! طلع نايف وابتسام دخلت على غادة : غادة وش قلت امس انا ! خلاص يختي اسفهيه .. لانك تردين عليه يقعد يناقرك غادة : هو يوخر عني .. اصلن اسمعي اذا جا هيثم اليوم بقوله اني بطلع لشقه لحالي ابتسام : ماراح يوافق .. وانا مستحيل اوافق شقه لحالك مع بنت صغيره ! بتنثبري هنا وبتعقلي غادة بقهر : والله انا اعقل وما أدري ايش وهو كيفه ! ابتسام : اقول خلك ع حالك اذا قالك كلمة رديها عشر .. عايشه مع بزارين انا *** شقة سارا – صباح / قامت من سريرها وهي مانامت اساسا كل شوي تفزفز هذي عادتها بالنوم اذا صار شي مقلقها .. شالمفروض تسوي تقول لأحد .؟ هيثم اقل شي .. لا لا هيثم مستحيل يوافق وبينتقدها بقوة .. ! كلمت الدوام وبلغتهم انها ماراح تجي .. اول ماسكرت السماعة طالعتها هيفاء : شنو صاير بالدنيا .. سارا ماتبي تداوم لا لا لا معجزه هذي سارا جلست على الكنبة قدام التلفزيون : اسكتي هيفاء راسي مصدع بينفجر هيفاء : يو يو علامج يابنية شنو صاير .؟ سارا تنهدت لازم تقول لأحد .. ماتقدر تفكر بعقلها خصوصا وعواطفها تحكمها : انخطبت هيفاء طاح الصحن من يدها وركضت لحد ماصارت جمبها : شنو شنو شنو ! لاتقولي .. لؤي ؟! سارا هزت راسها باحباط : ايه .. هيفاء : ايه وليش زعلانه ! ماتبينه ! سارا بضيق : ناوي نتزوج سر .. محد يدري هيفاء سكتت لما استوعبت الوضع : ............ سارا : عشان كذا متضايقة .. وش ممكن يصير لو يكتشفون او .....ااخ راسي عورني من التفكير خلاص هيفاء : معاج حق .. بس وقت تتزوجوا تحطون اهله قدام الأمر الواقع مالهم الا يوافقوا سارا : مابي ادخل عليهم بهالطريقة غصب .. هيفاء : والله مدري شنو اقولج .. سارا : عارفه ... اللي يوجع ان الرد الصحيح هو لا بس هل انا قوية ومستعده اجاوب بلا .؟ هيفاء سكتت .. ماتقدر تعلق خصوصا وهي تعرف قد ايش سارا متولعه فيه *** ميهاف ارمشت بعيونها اكثر من مرة بعدم تصديق : وافق .؟ ام نايف : ايه كلمتني امه قبل شوي .. وتتفق معي على الموعد و ... ابتسمت ميهاف : بجد يعني .؟ ام نايف : ايه مو مصدقة يعني ميهاف : ابدا ! تو اسماء كلمتني وجلست اكذبها .. احس غريب يعني ام نايف : لا خلاص تفاهموا معه ووافق .. ميهاف " غريبة وافق اجل ليش ماكلمني للحين " : خلاص اجل انا صاعده ابدل قبل تجي اسوم ام نايف : حلو بتجي تساعدك تخططين .. ترا الملكة قريبة ميهاف : متى .؟ ام نايف : بعد اسبوعين ميهاف بحماس : تمام تمام .. صعدت لفوق مسرعة .. للحين ماسامحته على كلامه عشان كذا ماراح تكلمه راح تنتظر مبادرته للاعتذار فتحت دولابها بحماس بخاطرها تسوي كلش اليوم انفتح باب غرفتها ودخلت اسماء وهي تزغلط : كولولولولوللولوليش الف الصلاة والسلام عليك ياحبيب الله محمد كولولولولوليش ! ! ميهاف سلمت عليها وهي تضحك : ههههههههههههههههه تعالي تعالي قولي لي كلش شلون وافق ! اسماء : ههههههههههه والله مدري السالفة تضحك .. على قولة فراس كانا نناقش بزر نافخ ريشه ويحلف مايبي شوي كلمتين من امي بحنيتها قال خلاص موافق ميهاف : وكيف يحلف مايبي يعني ! اسماء : لا تاخذين بخاطرك .. اصلن احسه كان يحلف ويهاوش وكل هذا بسبب اسلوب فراس مايبيه يغصبه على شي , بس لما جيناه بأسلوب طاح الحطب ميهاف تنهدت : حمد الله اجل .. دريتي الملكة بعد اسبوعين ؟ اسماء : ايييييه واكيد عقبها بفترة العرس .. هالفترة بيكون قدامك شغل كثير ميهاف : ايه .. والمحبط ادق على لورا ابي منها كم فستان ماترد نهائي ! اسماء : وعيه لورا مدري ليش ناشبه فيها انتي .. مرة سوت لي مقلب بفستان كرهتها ميهاف : بصراحة معاي رائعة .. ماعمرها صممت لي حاجة وما سألو الناس عنها وانغمست بتخطيطاتهن بحماس ماتركن حاجة ماخططن لها .. ومن يحب ترتيب الفشخرة اكثر من ميهاف واسماء .؟ *** دخل نايف الشركة وهو يطالع بالمكان : والله وتغيرت .. ههههه اكيد بتتغير لي سنة مو داخلها قابله سكرتير ابوه وسلم عليه بحرارة : اهليييين نايف .. وين يارجال كم لنا ماشفناك ! نايف : هلا هلا والله معاذ .. كيفك شلون صحتك .؟ حمد الله تمام وين بكون ضايع بهالدنيا سكرتير : هههههههههه وامورك تمام ! ما اسمع عنك الا من الوالد جمد حساب نايف كنسل سفرة نايف نايف : هههههههههههههه وانت تطيعه يالخاين ! افزع لي شوي واسحب عليه سكرتير : بايع وظيفتي انا .. اخر خبري فيك انك متزوج قريب الف مبروك نايف : يبارك فيك .. المهم وين الوالد ؟ سكرتير : بمكتبه تفضل دخل نايف وجلس على الكرسي وبعد فترة صمت : على فكرة لون ستارة مكتبك مو مناسب طالعه ابو نايف : اخيرا جيت ! نايف : والله علقت شوي مع الزحمة .. آمر ابو نايف : ايه .. رجعت من سفرتك خلاص امسك وظيفتك نايف كشر : ياليت تنسى لي هالموضوع ابو نايف : انساه طل ! انا قايل تتزوج وتتوظف .. الزواج وتم اللحين امسك وظيفتك .. كيف ناوي تصرف على بيتك .؟ نايف : الخير واجد ما اذكر انك مفلس ابو نايف : انا مالي دخل .. انت صرت ابن مستقل يعني تتولى مسؤولية نفسك وعيالك نايف تنهد : يبه انت تعرفني الحاجة اللي تفرض علي ما أحبها ولا اسلك فيها ! ابو نايف : انت اللي خليتنا نفرضها غصب نايف : خلاص انا تو متزوج ماتميت شهرين حتى .. خل انبسط هالفترة وبعدين اداوم ابو نايف بصرامة : ببدا اسجل حضورك من الاسبوع الجاي .. ولاتفكر تطلب فلوس مني ولا من لؤي ! وقف نايف وطلع دون يتكلم .. تافف بقهر وركب سيارته ودق على بدر : هلا نايف وينك .؟ نايف : كنسل موعدنا اليوم ماراح اجي بدر : ليش عسى ماشر .؟ نايف : ماشر .. سكر السماعة ووصل البيت .. دخل وصعد مباشرة , ابتسام كانت مع غادة بالمطبخ استغربت جا وصعد دون كلمة .؟ غادة : مو كأنه رجلك جا .؟ ابتسام : ايه .. غريبة كملي كملي انا صاعدة اشوفه غسلت يديها وصعدت .. عقدت حواجبها وهي تشوفه منسدح على الأريكة ويبدل بالقنوات : مسرع جيت على اساس معشى .؟ نايف وعيونه بالتلفزيون : اعتبريني مو موجود ابتسام جلست على الكرسي المنفرد جمب الأريكة : صاير شي .؟ هههههه مو بالعادة تصعد دون تطلع صوت غادة .؟ نايف : مو صاير شي .. شوي تعبان ومصدع بارتاح ابتسام قلقت بجد .. لامست جبينه بيديها لكنه مسك يدها مباشرة وابعدها عن جبينه بنفور استغربت ابتسام : شفيك انت مو طبيعي .؟! نايف : قلت لك مافيني شي .. تعبان وبنام وخلصنا ! افف ابتسام : طيب ليش تتكلـم معاي كذا ؟ انت متضايق فيه حاجة مو طبيعية نايف عدل سدحته وجلس وقال بعصبية : كيف اصير طبيعي ! مافيه شي بحياتي يمشي طبيعي عشان اصير طبيعي .. وظيفتي غصب عني سفراتي غصب عني اكنسلها زيارات غصب عني اروح لها .. زواجي غصصصب عني !! وتقوليلي مو طبيعي ابتسام كسرها كلامه .. متزوجها غصب ! اخيرا نطقها ..: ................. نايف تافف ومسح على شعره بقلق وهو يتجه للنافذة يبعد عن عيونها اللامعه تعلن دموعها .. قال بهدوء : قلت لك اتركيني ارتاح .. ابتسام شدت على قبضتها وهي تخفي انكسارها توجهت للحمام للصيدلية وطلعت حبة مسكنة وسكبت كاس موية وحطتها بالطاولة جمب السرير وقالت بهدوء : هذي حبة مسكنه وكاس ماء .. خذ حبه تخفف عليك وارتاح وخفف التكيف وبيروح الصداع ان شاء الله عض نايف على شفته بقهر التفت يبي يبرر لكن قابله الباب يتسكر طلعت .. مسك راسه وهو يحس جاه صداع بجد اما ابتسام اول ماطلعت وقفت قدام المراية بالممر وهي تطالع نفسها بقوة وتتنفس الصعداء : ماراح اسامحك لو تبكين عشانه ! هـدي بالك .. كان واضح من اول شدت على قبضتها واسترجعت هدوئها واعصابها .. ونزلت قابلتها غادة : وينه .؟ ابتسام بطبيعية : شكله مصدع وتعبان شوي .. تركته ينام غادة : عقوبة ربي !! مايضيع حق احد يستاهل ابتسام طالعت الساعة : فينه هيثم تأخر هو كمان غادة : من جـد صوت الجرس يرن .. ابتسام ابتسمت : هذا هو .. روحي افتحي وانا بجيب القهوة غادة طلعت بحماس : لاتنسي رنيم معاك *** بيت أبو نايف / ميهاف : ياشينك .. اجلسي شوي خل نخلص تخطيط الأكل والمائدة اسماء : خلاص ميهاف الساعة 12 تاخرت دقت اسماء على السواق : الو مدام اسماء : هلا راج .. انا في بيت ابو نايف تعال خذني السواق : آسف مافيه اقدر اسماء : اشرح لي شلون ماتقدر ! السواق : سيد فراس قول بعد ساعة 10 مافيه توصيل اسماء : احلف ! السواق : والله .. خلاص انا مابي مشاكل سكرت اسماء السماعة وقالت بقهر : رجعنا للتعقيدات حقت فراس ميهاف : سلامات شصاير .؟ اسماء : امس رجعت متأخر الساعة 1 .. اللحين مطلع نظام للسواق عقب 10 مايوصل احد ! شنو 10 دجاج حنا ميهاف : خلاص كلميه يجي ياخذك .. دام معطل السواق يتحمل المشاوير اسماء : هذا اللي بيصير .. والله لاطلع كل يوم واسهر ل 1 عشان اقلقه يجي ياخذني دقت اسماء وهي منتفخة جاها الرد : ايوه اسماء : يقول السواق انك مانعه يطلع عقب 10 ! فراس : ايه .. عندك اعتراض .؟ اسماء : لا .. بس ابي ارجع البيت تعال خذني ! فراس : بنام .. كلمي بدر لسى مارجع البيت اسماء : مانيب بدر بيقول روحي مع السواق وهو ماله دخل .. انت صاحب القرار تعالي خذني ! فراس بحدة : اسماء دقي على بدر وارجعي معه قبل ما اسفر السواق عشان تعرفين ! اسماء بقهر : زين سكرت السماعة وقالت بقهر : قال يسفر السواق قال ! بسم الله عليه راج فيك ولا فيه ميهاف انبسطت : دقي على بدر طيب ! اسماء : هذا اللي بيصير دقت على بدر : نعم ! اسماء ابعدت السماعة وقالت بحلطمة : وش ذالاخوان كل واحد اخلاقه تجاريه اكثر من الثاني بدر تنرفز : الو !! اسماء : هاه هاه .. ابيك تجي تاخذني بدر : قولي للسواق ماني فاضي اسماء : السواق ممنوع يجي ياخذني .. قوانين السيد فراس الجديدة بدر : دامها قوانين فراس يجي ياخذك هو اسماء : فراس نايم .. يله بدر اشحذكم انا بدر تنهد : جاي بس مب اللحين اذا خلصت اسماء : ومتى بتخلص ان شاء الله .؟ بدر : وش رايك تحاسبيني بعد على طلعاتي !! اسماء سكتت : زين .. احتريك مو تنساني سكر بدر السماعة دون يرد .. اسماء جلست بقهر : اخواني خرا ! لو اسمعك مرة ثانية تشكين من نايف قدامي عطيتك بوكس يطيرك لآخر الدنيا ميهاف : ههههههههههههه والله لو عندك نايف مارد عليك اصلن اسماء : وانا وش استفدت من اللي ردوا علي . ! ليتهم ماردوا اساسا ميهاف : الله يعينك يختي .. بس احسن اجلسي نكمل تخطيطنا اسماء : تعالي وش ورانا *** بيـت نايف / له ساعتين منسدح لكن النوم ماحصل .. تنهد بضيق وهو يطالع الحبه وكاس الموية عرفت تحسسه بتأنيب الضمير , لو مصارخه عليه وقاهرته كان ارتاح .. جلس واتجه للنافذة وهو يشوف الجلسة تحت جالسه مع غادة وهيثم وتضحك ضحكتها الناعمة اللي هي مجرد ابتسامة تمتم : مخلوقة من حجر انتي .. معقولة مو متضايقة بجد ؟! تذكر كلامها انه مفروض يشوف هيثم .. اقل شي يسويه بعد كلامه معها ظل واقف عند النافذة ودق على جوالها , انتبه لها وهي تمسك الجوال وتعقد حواجبها بضيق ثم ترد : هلا نايف ارتبك : اا .. انا احسن اللحين وبنزل اسلم على هيثم ابتسام : طيب ؟ نايف اول مره يحس موقفه ضعيف قدام احد : اذا يضايقك ماحنزل انتبه لها توقف وتبتعد من جلستهم : مايضايقني البيت بيتك نايف : ولا تدرين خلاص مو لزوم توقعها تصر .. لكنها ردت ببرود : اوك وسكرتها .. تأكد انها زعلت طبيعي تزعل واحد ومغصوب عليها ! اففف وانا شدخلني هذا الصدق رمى جواله وبدل ملابسه وطلع من الباب الخلفي عند الجلسة / غادة مستغربة : غريبة ليش تسأل ! هيثم بهدوء وهو يرتشف عصيره : كانت مريضة عندي بجدة .. سؤال عادي يعني ابتسام : متأكد سؤال عادي ! مافي عقلك افكار ثانية غادة تحمست : امااا !! بججد .؟ هيثم ( مابقى الا هي ! والله لو معد في الدنيا حريم ) : لاتتحمسين انتي وياها .. انا مستحيل اخذ من الشمري فارتاحوا غادة : وليش ان شاء الله ! هيثم : دون ليش ابتسام : خلاص مو ضروري الشمري .. ماودك تتزوج بجد هيثم شوف كم عمرك بتدخل الثلاثين خلاص هيثم : بعدين ابتسام .. انا للحين ما استقريت ابتسام : بساعدك ! هيثم : لا تنزلين من كرامتي بهالكلمة ابتسام .. ولعد اسمعها لو سمحتي ! غادة : الا غريبة مريضتك بجدة ! هم بالرياض ابتسام : الناس مايسافرون يعني غادة : طيب دام مريضتك اكيد شفتها هيثم باحتقار : دون تصير مريضتي .. هي تعرف الغطا اصلن غادة : حلـوة صح ! هيثم ورنيم بحضنه شالها بالهواء وهو يبتسم لها : رنومتي احلى .. صح رنومة صح ياقلبي غادة بفخر : اكييييد رنيم احلى .. هذي مو حي الله هذي رنيم بنت غادة وست انعام ابتسام : ههههههههه بشويش لاتذبحين نفسك من الخقة بس هيثم : غادة انتي ماتطلعينها للشمس .. صح ؟ غادة : الصدق ايه ما اطلعها هيثم : واضح ! عيونها للحين فيها صفار .. من اليوم طلعيها لاصارت الشمس باردة صبح او قبل المغرب غادة : كان اطلعها .. بس عقب مارجع نايف ماصرت اطلع من غرفتي اصلن هيثم : ولو غلط , مسكينة واضح عليها ابتسام : المهم ع طاريها .. غادة ترا بكرة عزيمتها غادة : اكيد بروح ! ابي اشوف بيتهم يصرع زي بيت اهل نايف ولا لا *** اثناء ما اسماء وميهاف متبطحات على سرير ميهاف ويحوسون باللابتوب يدورون افكار .. دق جوال اسماء الساعة 3 " بدر " : اخيرا ! : هلا بدر : انا برا اطلعي لبست اسماء عبايتها ... ميهاف : كانك ضايقة انك تاخرتي عندنا ! ترا مو اجانب حنا اسماء : أيه عارفه بس ولو .. امي بتسوي لي سالفة اللحين اصبري علي رافقتها ميهاف للباب : يله اشوفك على خير اسماء : بكرة لا تنسين تجين .. وتعالي بدري اول الناس ميهاف : بحـاول يله باي سكرت الباب وتنهدت وهي تفكر انه برا .. هالفترة تحس بينهم مسافة وحاجز قوي , حتى رغم انه وافق للحين متكبر يدق يتكلم معها لو حتى دون يعتذر .. صعدت لفوق وكملت تخطيط بنفسها واهم حاجة بتخطيطها الأجود والافخم بكل حاجة .. ذائقتها الجمالية عالية وماترضى الا بالكامل سيارة بدر / اسماء : صراحة بدور يفوتك .. خططنا لكلش ياعمري عليها ميهاف مجتهده كلش حاطته اجود شي بدر ومسند مرفقة على الباب ويسوق بيد : لو ماتسوي كذا اصلن ياويلها اسماء : احول شوي اسلوب طيب ! " تتهزا به " ياويلها بدر : نايف بالبيت ؟ اسماء : مدري .. لا ماشفته بدر : اكيد ببيته اجل اسماء : طبعا ببيته ! انت لو تتزوج بتجي تجلس عندنا يعني بدر كشر : احد يطلع من جحيم ويرجع له برجله اسماء : اقول بدر .. ابي اسألك سؤال من زمان بخاطري بدر : شنو ؟ اسماء :انت ليش فجأة قررت تخطب ميهاف ؟ بدر بتملص : مافيه حاجة معينه .. سيرتها طيبة ودايم تمدحونها فحسيتها مناسبة اسماء : ايه بس حنا لنا يمكن سنتين نحاول فيك رافض قطعا .. وفجأة جيت من نفسك بدر : شفتها بالصدفة اسماء فتحت عيونها على وسعها : هااااااه ! بدر دفر راسها اللي وصل لكرسيه : وخخري شوي وش هالشفاححه اسماء : شنو شنو شنو ! اول مرة ادري بهالحكي .. شلون شفتها .؟ بدر : كنت انتظر نايف بالحديقة وهي طلعت اسماء : أيه .؟ بدر وهو يتذكرها : شفت احلى منظر بحياتي .. وحده جسدت الكمال اسماء : ايه وحنا من زمان نقولك ! وانت اصقه بدر ابتسم : مبسوطة ؟ اسماء بصدق :اكييييييد مبسوطة .. احب ثنين على قلبي بيتزوجون اكيد بنبسط بدر كشر : مو انتي ! ...." كمل بصوت خافت " قصدي هي ؟ اسماء وهي ترقص بحواجبها : الله الله ... اكيد مبسوطة حاصلها السوبر ستار بدر قرر يرمي عزوبيته عشانها وبيتزوجها بدر : اهاا اول ماوصلو صعدت اسماء لغرفتها .. تنهدت بضيق طول اليوم تشغل نفسها تفكر بس وقت الليل كيف تشغل نفسها .؟ مافيه غيرها هي وهالفكره بالغرفة , ضربت راسها بقهر : معقولة يا اسماء تخربين السالفة كلها كذا ! اففف اكرهني والهرب كان تبدا تخطط لبكرة من اللحين .. خواته بيجون وهن أملي الوحيد !! صعب اوصله مباشرة .. *** ابتسام واقفة عند الباب تودع هيثم .. هيثم : فينه نايف .؟ الوقت متأخر ابتسام طالعت الساعة 1 ونص .. ماحبت تقوله انه فوق : هو دايم يتأخر عادي هيثم : يله اجل انتبهي لنفسك .. في امان الله طلع وهي مشت بطريقها ترتب المكان والمطبخ .. بعد ماخلصت دخلت غرفة غادة كانت جالسة وتبرم اظافرها ورنيم نايمة : مانمتي .؟ غادة : اللحين بنام ابتسام : تصبحي على خير اجل غادة : وانتي من أهـله سحبت ابتسام رجلها لفوق .. دخلت الغرفة كانت فاضية اكيد طلع , تنهدت وهي تسحب المغاطة من شعرها ويتناثر على وجهها , طالعت الحبة جمب السرير ما أكلها خذتها ورجعتها مكانها ونامت وراها دوام واخر شي تحتاجة تشيل همه عند نايف – قدام بيت نهى :- نايف والسماعة باذنه : انا عند الباب نهى : اوك بوصي الخدامة تفتح لك فتحت الخدامة ودخل لداخل .. كانت بكامل اناقتها ولبس سهراوي ارجواني : حمد الله ع السلامة .. تو مانور البيت , كم لك من وصلت تو تطل علينا نايف استرخى على الكنبة : هلا نهى .. فينه يزيد خفت حرارته .؟ نهى جلست جمبه ورجل على رجل : لا والله .. وزعلان عليك يقول ماجيت تشوفه نايف : مالي اسبوع وتو فضيت نهى : ولو هذا ولدك من اولوياتك ! ماتنلام العرس ماخذ عقلك نايف : نايم اللحين ؟ نهى : ايه نايف وقف : انا صاعد اشوفه نهى : بتتعشى هنا ؟ نايف وهو يصعد : شبعان لاتكلفي على حالك فتح غرفة يزيد الطفولية ونور سهاريه خفيف .. جلس على طرف السرير ويده تلامس جبينه فتح يزيد عيونه اثر اللمسة وفز بسرعة لما شافه وضمه : باااباااا نايف : ههههههه هلا بولي العهد يزيد : متى جيت ؟ نايف : اللحين .. كيفك حبيبي ماما تقول انك تعبان ؟ يزيد : لا لا مب تعبان .. ابي اروح معك السيارة نايف : بكرة ان شاء الله .. الوقت متأخر اللحين يزيد بزعل : انت تنسى بكرة نايف : هههههههه صح معك حق بنسى .. خلاص مو مشكلة وقت انسى ذكرني يزيد : طيب دخلت نهى .. ابتسمت وهي تشوف يزيد : هههههههههه صحيت ؟ يزيد المتعلق برقبة نايف : اييييه نهى : ارجع نام حبيبي ارتاح .. ابي اكلم ابوك لحالنا رجع ينام .. وطلعوا نايف : وش تبين ؟ نهى : ع العشى .. جاهز تحت تعال على طاولة العشاء .. نهى : انا مسافرة قريب مع صاحباتي نايف وهو ياكل : طيب شاسوي لك ؟ نهى : يزيد .. ماراح اخذه طبعا رايحه اوسع صدري مابي بزورة نايف : مو مشكلة قوليلي متى وباخذه نهى : ووين بيجلس ؟ نايف : عند جدته فين يعـني نهى : لا ! اول كنت اوافق يجلس عند جدته لانك عايش هناك .. يزيد يجلس معاك بنفس البيت استرخى نايف على الكرسي وتكتف وهو يطالعها : وش تلمحين له ؟ نهى : ايه مافيها شي يجلس معك وزوجتك نايف : تسوقينها على راسي لانك ماتدرين ولا تسوين نفسك مو عارفة ! نهى : طول عمرها ماراح تدري .. مصيرها بتدري قولها من اللحين احسن نايف : انتي مالك شغل .. وقت يجلس معاي احطه فين ما احطه نهى : لا يكون مو ولدي ! نايف : لا مو ولدك .. ولدنا نهى : معليش نايف احترم رغبتي .. انا مو حابه ولدي يجلس بمكان انت مو فيه نايف وقف : حمد الله اكرمك الله .. يله انا ماشي نهى لحقته : فين بدري .. وبعدين لاتطنش كلامي كذا ! انا جاده نايف والله لازعل نايف دون اهتمام وهو طالع : والله يانهى اللي عندي قلته حبيتي اهلا وسهلا ماتبين مو لازم تسافرين انقهرت وهو يسكر الباب يعني مافيه نقاش .. ضربت برجلها : هين ما اذكرك تحترم مشاعري لهالدرجة ! فجاه صرت تخاف على المدام تنجرح !! وقت رجوعه كان اذان الفجر .. صلى الفجر بالمسجد ثم دخل البيت سمع صوت بالمطبخ دخل كانت بلبس الدوام وجالسة تشرب كاس قهوتها ومارفعت عينها حتى له : ........ تنهد مافيه شي يقوله طلع من المطبخ ..طالعته ابتسام وهو يصعد مافيه حتى سلام ! سحبت عبايتها وطلعت لدوامها *** بيت أبو فراس / على اخر الظهر كانت اسماء خلصت كل التجهيزات مع الخدامة بالمطبخ طلعت للصالة والكل جالس يتغدا ماعدا بدر برا كالعادة .. قالت بتودد : فراااس فراس : لا اسماء : بسم الله مامداني اقول ! وش لا .. تدري وش ابي منك .؟ فراس : ما ادري ولا ابي ادري .. وايش ماكان الجواب لا اسماء : طيب طلب صغنون والله فراس رفع عينه لها : انا وش قلت ؟ اسماء : مالي دخل ليش تقول لا وانت ماتدري وش ابي فراس : لاني ماعمري قلت لك ايه في حاجة وماندمت ... فهمتي ؟ خلاص اقلبي وجهك ولا انثبري تغدي ام فراس تنهدت : وش بغيتي ؟ اسماء : البنات بيجون عصر .. ابيكم تصرفون نفسكم طالعت فراس : للحين لا ؟ فراس : ايه لا .. كان عندي موعد عصر بعد بكنسله بجلس بالبيت اسماء : ياااشينك .. لا تصير سالفة عناد ! فراس : مو عناد .. بجلس ابي اعرف ليش كل ماعزمتي احد تطردين الكل ! اكيد صاير شي عشان كذا ماتبين احد ياسمين : انا بروح لهاجر فراس : مافيه ! اجليها بكرة .. اليوم محد يطلع الا اسماء اذا تبغى اسماء بقهر : زعلت زعلت زعلت ! فراس : ابركها ساعة .. من اول ازعلي ام فراس : خلاص اسماء اسمعي الكلام .. وحنا ماراح نزعجكم فين بتجلسون ؟ اسماء : عند البركة بالقبو ياسمين بحماس : بتسبحون ! اسماء : لا ! بس مكان جلسة حلو .. ومو حق وراعين اهم شي فراس : حبيبتي ياسمين تبغي تسبحي ؟ ياسمين بخوف وهي تطالع نظرات اسماء الثاقبة لها ... فراس مسك يدها : ماعليك منها طالعيني انا .. تبغي تسبحي ؟ ياسمين بخوف ونبره خافته : ايه .. فراس : روحي اسبحي .. واذا اسماء قالت لك حاجة علميني عليها اسماء : ياشينك فراس !!! وربي وربي قهرتني خلاص ماراح اعزمهم ومابي احد يجيني ام فراس :ا نهبلتي ! بس عشان بنت صغيره بتسبح .. ياحلوها تعطيكم جو مير اسماء صعدت وهي تتحلطم : جو الخياس اللي بتعطينا بيت مقرف .. ام فراس هزت راسها بينما فراس ياكل وماعليه منها .. ومحد اشطر منه بالعناد فتح جواله ودق : هلا منير .. اليوم مقدر اقابلك اجلها بكرة .... يله سلام ام فراس طالعته : هاو فراس من جدك ! كنسلت موعدك عشان تجلس فراس ببرود : ايه بجلس .. ابي اعرف وش الشي المهم بهالجمعات حقتها عشان تطرد العالم اسماء بغرفتها ونفسها قافلة من اللبس ومن كلش زي مايقولوا طابت .. بس مهما كان الموضوع مو بس جمعة الموضوع خطة مستقبلية ! لازم تلبس وتمزمز : ابتسام هالخايسة لمحت لميهاف مرتين وهي مخطوبة حتى سجى المعفنة لمحت لها وانا لا !! ليش يعني طايحة طايحة مرة من عينها فتحت غرفتها الواسعة واختارت طابع انثوي هالمرة فستان زيبرا رسمي لنص الساق مع مناكير أسود وأبيض .. وشعرها لففته ع جمب .. وروج أحمر على البرتقالي .. رشت عطرها وهي واقفة قدام المراية وتحس بفخر : ايه يا اسماء كذا ! لو تفكر بس تلمح ان وحده من هالسلق بتاخذها لهيثم علي وعلى اعدائي بهاجمها !! هيثم حقي انا وبس خبت وجهها وهي تستوعب كلامها وخدودها وردت وتضحك بخجل .. انس كان واقف عند الباب ويهز راسه وهو يشوفها جالسة وضامة ركبتها لصدرها ومخبية وجهها وتضحك بحياء : حمد الله والشكر التفتت له اسماء : خير ! انس : ولا شي بس جالس امر اسماء : اقول اقلب وجهك .. ولا وش رايك بعد تجلس تتسبح مع ياسمين ! مبزرة صدق خذت جوالها ونزلت لتحت تكمل شغلها وهي تشوف الساعة : افف متأخرين مفروض جايين رن الجرس راحت ركض : ميييين .؟ ميهاف : انا افتحي فتحت اسماء : بدرررري كان ماجيتي ميهاف وهي تفك لثمتها وتهف على وجهها : ياشيخه اسكتي صارت لي سالفة .. السواق مب موجود مع امي ونايف مايرد اضطريت اركب مع الجيران وسواقهم سيارته الله يعز النعمة اسماء : وشوله راكبه معهم ! كان علمتينا نوصي بدر ميهاف نغزتها : وجعوه استحي ! اسماء وهي تدخل : لك وجه تستحين .. ترا مكتشفه عنك خبر يسود الوجه ميهاف : شنو .؟ اسماء : غطي وجهك بس وادخلي فراس موجود دخلت ميهاف البيت ووقفت عند الصالة مع اسماء : السلام عليكم ام فراس : وعليكم السلام هلا ميهاف هلا حبيبتي فراس : هلا والله ميهاف : كيفكم ان شاء الله بخير .؟ ام فراس : حمد الله نزقح انتي كيفك ؟. ميهاف : بخير دامك بخير خالتي .. اسماء : سنه تسلمين !! خل ندخل بس نزلوا للقبـو وين الجلسة الرايقة قدام البركة .. وجو رايق ميهاف بحسرة : اااا شهالمكان اجعتي قلبي .. اشتهيت اسبح اسماء : ولا يهمك بيجي يوم نسبح ان شاء الله ميهاف : الله الله اسوم كأنه لوكك غير هالمرة اسماء : هاه ! بجد .؟ ميهاف : ايه صايرة ليدي بجد اسماء انبسطت : صدق صدق صدق !! ميهاف : هههههههههه يمه روعتيني .. ايه شفيك اول مرة امدحك فصخت ميهاف عبايتها وهي تقول : قهر كان علمتيني بتكشخين كذا .. انا اليوم قلت بنات بس وماكلفت حالي مرة اسماء ( احسن صيري مخنزة عشان ماتلتفت لك خليني اشوف نصيبي ) : عادي طالعة كيوت وبعدين لاحقة على الفشخرة بملكتك اركدي ميهاف وقلبها يدق بقوة : يوه اسكتي يا اسماء كل ماتذكرت انها الخميس الجاي احس اعصابي تخلص اسماء : هههههههههه ماتدري قد ايش متحمسة دق الجرس ..قامت اسماء : رايحة اشوف فتحت الباب كان وداد وسجى : هلا والله مرحبا ومسهلا وداد : هلا اسسوم .. الله الله وش هالشياكة يختي اسماء وهي تلف على حالها والدنيا مو سايعتها من الثقة اللي عطوها : تسلمي سجى : قلطينا وين نقلط ! اسماء : يادفشك شوي شوي ... من هنا تفضلو ولاتفكون فراس موجود وسجى لاتتربعين عندهم تسلمين ! ارمي السلام وكملي دربك سجى ( ياليل هالغثيثة اسماء ) : زين زين احححول اول مادخلت سجى تشققت لما شافته جالس وصافط رجل فوق رجل وبيديه الأيباد يتصفح فيه ويسولف مع امه باناقته بالثوب مع غزارة شعره الفحمي المرتب على ورا مافاقت من تأملها الا على نغزة اسماء :بنت ! سجى : هاه ! هلا هلا السلام عليكم ... كيفكم .؟ ام فراس : وعليكم السلام مرحبا ومسهلا نورتو ..حمد الله فراس : على البركة وداد الخطبة وداد : يبارك فيك وعقبالـك ان شاء الله ام فراس بلهفة : آممين فراس نزل عيونه للايباد كانه ماسمعهم .. اما سجى تنهدت يفتن ماتوفيه حقه قمة بالفتنة ونزلت بخيبة مامداها تتمقل *** بيت نـايف / كانت ابتسام بغرفتها . . من رجعت من الدوام وهو نايم للحين عصر دخلت الحمام وبدلت / بلوزة طويلة لوركها .. مع بنطال ضيق اسود جلد وهيلز سوداء .. وشعرها مموج ومسرحته من فوق على الخفيف والباقي طايح على ظهرها .. مكياج خفيف روج وردي فاتح وظل اسود ! فتح نايف عيونه ببطء وكسل .. انتبه لها واقفة قدام المراية وترتب نفسها وتطالع تتأكد من طلتها , فاتنة جميلة مافيه حاجة بعقلة توفي شرح شكلها بالوردي كيف يفتن عدل جلسته : آلله ابتسام شهالحلا .. كل هذا عشاني ؟ ابتسام طالعت انعكاسة من المراية .. وتوجهت لشنطتها الكلتش السوداء تحط اغراضها فيها كأنها ترد على جوابه نايف : طالعه .؟ ابتسام : ايه نايف وهو ماسك رقبته بارتباك يبغى يصلح الوضع مو عارف: تبغي اوصلك .؟ ابتسام سحبت عبايتها : السواق برا وطلعت .. تنهد نايف ونهض من سريره يتجهز يطلع .. اصلن من متى بدا يهتم بمشاعرها .؟ كيفها ماتزوجت عشان ارجع لنفس الاسطوانة زعل ونراضي وحوسة .. تبغى ترضى ولا تجلس نزلت ابتسام حصلت غادة بعبايتها ورنيم بيدها جاهزة : يله نطلع .؟ غادة : يله ركبوا مع السايق لحد ماوصلوا ... غادة وهي تتامل البيت : مو فخم زي بيت ابو نايف .. انعم مرة ابتسام : مريته مرة قبل اسافر المالديف ..بصراحة يجنن حسيته قطعة فنية نزلوا وضربوا الجرس .. فتحت اسماء بحماس : هلا هلا هلا والله .. لازم انتن اخر من يحضر يعني ! ابتسام : متآخرين بجد .؟ اسماء : ايوه الكل موجود .. هذا وانتي العروسة ابتسام : ههههههههه مو عشان كذا اسماء : تفضلوا حياكم دخلـوا ... استوقفهم صوت ام فراس : هذي ابتسام انتبوا للجلسة الجانبية .. غادة ماميزت فراس لأنها بوقتها ماكانت بحالة تتذكر فيها احد ولأنه كان عتمة وظلمة وقتها .. الملاحظة الوحيدة لما شافته انه " مين هالمزيون .؟ " ابتسام : هلا ام فراس كيفك شلونك .؟ ام فراس : حمد الله .. انتي بخير دامك بخير ابتسام بلباقة : تسلمين ام فراس قامت من مكانها واخذت رنيم .. غادة بانحراج : لا واللي يعافيك بتزعجك ام فراس : مالك فيها .. روحي انبسطي مع البنات واتركيها معي اتسلى انا وياها غادة :ههههههههههه الله يعينك اجل كملن طريقهن لتحت .. ام فراس راحت تجلس .. فراس : من هالثنتين ؟ ام فراس : زوجة نايف واختها .. اختها نفسها اللي كانت بطريقك ذاك اليوم فراس طالع البنت بيد امه : اهاا .. بالجلسة تحت .. غادة : اسماء شوفي امك .. قولي اذا بتزعجها رنيم تجيبها اسماء : لا ماعليك امي متعودة ارتاحي أنتي سجى : اقول اسوم غريبة اهلك بالبيت ! اسماء : ماعليك منهم خذو راحتكم ميهاف : اساسا ترا محد يطرد اهله اذا جا يعزم غيرك يالخايبة .. شفيها لو جلسوا .؟ اسماء وهي تقدم الشاهي : مافيها شي نقطيني عاد ميهاف ابتسمت وهي تطالع غادة : غدو بسم الله عليك محلوة مرة ابتسام : تلومينها .؟ لها شهر عناية ماعقبها ولا قبلها عناية غادة : من ذوقك ياقلبي .. حلو ان فيه تأثير وجهودي مب ضايعه ميهاف : اقول وينها رنومة .؟ غادة : مع ام اسماء .. بس اسماء تكفين جيبيها ماحرتاح كذا اسماء حطت يدها على خصرها : وش قصدك .؟! ماتثقين في امي ؟ غادة : لا مو كذا بس بتزعجها والله اسماء : ماعليك لا ازعاج ولا يهم يحزنون اتركيهم دام جالسين على راسي بالبيت ينفعونا وداد : شخبار تجهيزاتك ميهاف ملكتك الاسبوع الجاي خلاص ميهاف : كلش تمام حمد الله ..اذا اسماء مانكبتني طبعا اسماء : اعتمدي اعتمدي خلاص ! ابتسام : ميهاف حابه اساعدك بحاجة .. امري بجد ميهاف : لا ياعمري حضورك يسوى ويستوي ابتسام : مو جالسة ارمي مجاملات انا .. بجد قولي ولا بسوي من راسي ميهاف : هههههههه خلاص بكلمك اليوم لارجعت البيت ونتفق ابتسام : ايه كذا من اول غادة واسماء وسجى كانوا واقفات عند طرف المسبح .. غادة غمزت لسجى بمعنى نطرحها .. سجى بصوت مرتفع : لا لا اطرح الكل ولا اسماء .. ماتعرفينها لاعصبت تخوف غادة : اشش يافضحه وش رايك تتكلمين بميكرفون بعد التفتت اسماء : وجع وجع مافيه امان !! غغدو !! غادة : هههههههههههههههههههههه امزح امزح مو من جدي اسماء : ايه انتبهي كلش ولا هالكشخة تخرب غادة نزعت جزمتها وجلستها وغطت رجلها : واااااه منعشش سجى جلست جمبها : من جد .. صار بخاطري اسبح من جد غادة مدت يديها تدفها : ولا يهمك نطت سجى برا المسبح : يمممه ماتفوت فرصة ! غادة : ههههههههههههههههههه ماحبيتها تجلس بخاطرك بالطابق الفوق : - ام فراس : فراس ماتبي تحطها بحضنك تجرب فراس عقد حواجبه : لا يمه اتركيها معك .. مالي بالبزران انا ام فراس : هاو ! ولا جاك ولد شبتسوي ؟ فراس : ماراح يجيني عشان افكر وش بسوي ام فراس ضاقت من رفضه للفكره بشكل قاطع : ليش حبيبي ؟ وش اللي رافضه بالزواج .. فراس : كله .. مو شايف فيه ولا ميزة ام فراس : مايصلح كلامك .. هذا شرع ربك وفطرة تقول عنها مافيها ولا ميزة فراس طالع امه : يمه واللي يعافيك ويحفظك ويخليك لي اذا تحبيني بجد لا تفتحين معي هالموضوع مرة ثانية ام فراس تنهدت بضيق : ان شاء الله صعدت اسماء : فراس ! نبي نصعد لو سمحت فراس اخذ ايباده ومشى طالع برا : انا طالع اساسا اسماء كشت عليه وهو معطيها ظهره : مابغغى ! شهقت اسماء وهي تشوف امها تمسح دمعتها : يمه شفيك ! ام فراس ابتسمت : مافيني شي يمه .. خذي البنت وديها لامها وانا صاعده لغرفتي اسماء شهقت : شنو لا اخاف احملها جلستها ام فراس على مفرشها : خلاص تجي امها تاخذها انا صاعده ارتاح استغربت اسماء وهي تشوف امها تصعد : شفيهم شصاير ؟ راحت للبنات يصعدون وخذت غادة رنيم .. وطلعوا بالحديقة يتمشون والجو عليل ووش احلى من جمعة بنات *** سـارا :- رجعت من الدوام وماعرفت تجلس بالشقة بدلت لبسها وطلعت تتمشى بالشوارع زي كل يوم من قالها لؤي .. تتمشى تحاول تقرر او بالاحرى تحاول تعرف كيف تقوله " لا " دون تجرحه والأهم تجرح نفسها .. جلست بمقاعد بحديقة وتنهدت وهي تمسك راسها ..النوم جافاها وكلش انقلب عكسي ضمت ركبها لصدرها ودفنت راسها وهي تحس حيلتها بكلش ضايعة ! بالشقة / كانت هيفاء جالسة على نار .. الساعة 2 وهي طالعة من الساعة 6 !! دقت عليها مليون مرة ماترد ... جلست بضيق مو عارفة شتسوي ..دقت على لؤي : ايوه هيفاء : الو .. سلام عليكم انا هيفاء رفيجت سارا لؤي تغير صوته : هلا والله مرحبا .. امري هيفاء : سلامتك بس حبيت اسألـك سارا معاك ؟ لؤي : لا .. ليش ؟ هيفاء قررت تقوله ايش بيدها : طالعة من الساعة 6 للحين ماشفتها لؤي قام بسرعة من سريره كان مستعد للنوم : شنو ! هيفاء : وربي خايفه عليها مدري فين راحت ولا ترد على جوالها ... طوط طوط .. الو الو ؟ نهض لؤي بسرعة وبدل بسرعة ونزل .. وصل لشركتها ماحصلها راح لكل مكان راح له معاها لكن ماحصلها .. وقف يلتقط انفاسه وهو تعب من الركض ماترك مكان مادورها فيه .. استعاد نشاطه ورجع يركض يدور *** بيت أبو فراس – الساعة 11 .. وبجلسة رايقة بالحديقة / ميهاف : يعني انتي ثانوي بس .؟ غادة : لا .. شهادة الثانوي اخر سنة ما اخذتها اسماء : ايه .؟ مفروض تاخذيها طيب ايش تنتظري غادة : ماراح تزبط .. خلاص انا يأست من الدراسة ابتسام : وش هالحكي مو بكيفك . انا راح اسجلك وتروحي غصب غادة سكتت ماتبي تناقش هالموضوع قدام العالم .. بس هي مستحيل تدرس وبنتها وش تقدر تسوي بها .؟ وداد : اقول ميهاف .. الملكة ببيتكم .؟ ميهاف : ايه طبعا اسماء تنهدت : ااااخخ عقبال ملكتي ببيتنا ان شاء الله سجى :نجيب عبد المجيد يخطبك وخلاص من بكرة ملكتك ! اسماء فتحت عيونها بوسعها وانفعلت : الله لا يقوله ... وععععع وعع مالت الا عبد المجيد !! قال عبد المجيد قال سجى : واحمدي ربك واشكريه بعد .. وش اللي مو عاجبك فيه ؟ اسماء : يكفي بس انه اخوك .. هذا لحاله سبب انعذر عليه ! سجى : اصلن محد ميت عليك فارتاحي .. بيتزوج الكل الا انتي اسماء : تخسين يالبزر تعرسين قبلي .. والله لا اعرس قبلك ولا اعزمك بعد وداد : سسجى خلاص اصكتي ميهاف : وانتي اسماء اهجدوا .. ديك وجني اسماء لفت بغرور : انا داخله اجيب العصير اول ماراحت قالت سجى بحلطمة : مالت عليها ذالبزر اسماء مصدقة عمرها شي !! اسماء دخلت بقهر .. وععع عبد المجيد وحضرات بنات جدة ساكتات عرضت نفسي عرض ولا تكلمن حتى اففففف !! جهزت العصير وطلعت .. سمعت البـاب ينفتح : لحظظظه من انت !! البنات هنااا : للعشره وبدخل اسماء : ذاه بدر بنات قومن بعد ماراحن دخل شهقت اسماء اللي كانت واقفة وهي تشوف نايف .. وراحت ركض هز نايف راسه : مصدقه عمرها اسوم تستحي بدر : ههههههههههه لا تقول قدامها كذا بلعتك ... حياك بس اسماء وصلت لهم تلهث .. ميهاف : شفيك ؟ اسماء : اخوك ذالوصخ ! واخوي ذالوصخ ! لا احم ولا دستور ميهاف : نايف ؟ ابتسام حست بقهر هالانسان مب معقول صدق مايفوت فرصة يطالع فيها احد ! اسماء : اسفه يازوجته بس والله يقهر ابتسام ابتسمت : لا عادي حبيبتي غادة : خذي رااااحتك اسوم .. يقهر من جد وش هالوقاحة ! اسماء : ايه وصصخ وش يحسبني بزر !! غادة : تعالي عيشي عنده عاد تكرهين نفسك اسماء : ياحبيبتي مجننك ابتسام كانت جالسة بصمت .. وهن يحشن فيه من قلب اسماء وغادة وسجى لأنهن بنظره بزران وشوله يتغطن ! *** بالمجلس / نايف : ايه طيب .؟ بدر : ههههههههههه يا نايف ماجا وقت انك تستسلم .. كم لك تحارب ابوك نايف : هالوظيفة مستحيله .. يبغى يموتني جوع ماعندي مشكلة بدر : والله مدري شأقول لك .. بس انا صح ما اشتغل مكتبي وامشي بمزاجي بس لو اضطر يعني وماعندي العرض اشتغلت وانا ما اشوف الدرب بعد نايف : انت انت وانا انا .. يعني ماني مضطر اسوي كذا عشانك بتسوي كذا بدر : براحتك .. بس ترا شايف حلال ابوك كله صار بحضن لؤي وانت بتروح عليك وبتندم نايف : هذا انت الحلال كله بحضن فراس .. نادم .؟ بدر : لا تقارن .. انا الصغير والحق ان فراس يمسك كلش بس انتو هذا حقك نايف : بلا حق بلا بطيخ بدر تثاوب : يازين النوم بس نايف : قوم نام انا كمان ماشي بدر : يله اجل وقف نايف طالع .. وصله بدر للسيارة .. نايف : يله في امان الله فتح بدر عيونه : تستهبل ! زوجتك عندنا ماراح تاخذها .؟ نايف عقد حواجبه : عندكم ؟ وانا شعرفني بدر : جعله يخلف بس .. انا اعرف عنها اكثر منك دق نايف عليها .. ابتسام : ايوه نايف : انتي عند بيت عمي .؟ ابتسام : ايه نايف : لسى بخاطرك تسهري ولا خلاص اخذك معاي ابتسام : براحتك نايف : براحتك انتي ايش دخلني انا ابتسام : طالعه ثواني سكرت ابتسام : غادة يله نمشي اسماء باحباط : بدررري ابتسام : لا حبيبتي كثر خيرك وما قصرنا .. نشوفك قريب اسماء : في امان الله اجل انتبهوا على حالكم اول ماطلعوا دخل بدر لداخل وجلس مع امه .. ام فراس : هلا .. غريبة جاي بدري بدر : نايف ماله خلق اليوم ورجع بيته قلت وش يجلسني بعد انا ارجع ام فراس تنهدت بضيق : اها بدر : شفيك يمـه مانتي على بعضك .؟ ام فراس ابتسمت ابتسامة صفرا : مافيني شي حبيبي .. تبغى عشاء ؟ بدر : لا حمد الله شبعان *** طلع الفجر .. والنور بدا يكتشح المكان وسط ظلمة الليل وهو للحين ماترك مكان مادور فيه لحد وصل لحديقة وانتبه لبنت موجودة لحالها دافنة راسها بين رجليها قلبه دق بسرعة جنونية وهو يدعي ربه تكون هي قرب منها وهز كتفها بخفة .. رفعت راسها بسرعة تظهر عيونها المرجانية الدامعة تثبت لها انها هي مسحت دموعها بسرعة : هلا لؤي لؤي اهتز كلش فيه وهو يشوفها بهالمنظر .. : ليش تبكين .؟ سارا : .................. لؤي : بسببي ؟ سارا هزت راسها : لا .. بسببي لؤي : قلبتينا فوق تحت .. ايش كنتي تسوي ماتركنا مكان مادورنا عليك فيه سارا :لـؤي .. انا ... ماقدرت تكمل .. تنهد لؤي : تعالي معاي اللحين نتكلم بعدين هزت راسها بموافقة .. مشى معها لشقتها وهو طول الطريق يطالعها بصمت لحد ماوصلوا .. سارا : شكرا تعبتك معاي لؤي : وقفي مكانك .. ماراح تمشين لحد ماتقولي لي ليش كنتي تبكين ؟ سارا : لـؤي .. بالنسبة ل كمل لؤي : لخطبتي .. ايوه شفيها ؟ سارا : ليش ؟ لؤي : شهالسؤال الغبي ؟ سارا دمعت عيونها : رجاء لؤي جاوب لؤي : خلاص خلاص يابنت الحلال لاتبكين .. " تنهد بضيق " ايش اجاوبك اذا ماكنتي تعرفي الجواب للحين معناها ماتدرين قد ايش انا اموت فيك سارا بهم : اذا ... اذا قلت لا .. ايش راح يصير .؟ لؤي : ماراح اوافق سارا : على شنو ؟ لؤي : على الـ لا حقتك .. " مسك يدينها " بس راح اسألك ليش لا .؟ مو عاجبك العريس ترا تاجر سارا : مو وقت ضرافتك ! اتكلم معاك بجد ..!! انا ..انا لؤي بهدوء وهو يمسح دموعها : انا ما انكت سارا .. انا اتكلم بجد , وعارف انك خايفة من اهلي و .. بس صدقيني مايقدروا يسوو شي حتى لو عرفوا سارا : يعني اتزوجك وما أقدر اعلنك .؟ مقدر اقول للعالم هذا زوجي .. مقدر حتى اتكلم عنك مع احد لؤي : حنا بالكويت .. يعني المجتمع هنا كله ماراح يعرف حتى لو اعلنتي لهم ليش مكبرتها كذا ؟ سارا بألم : احترت .. شالمفروض اسوي ؟ ضمها لؤي بحنان وهم يمسح على راسها : لاتفكري كثير .. لأن أي حاجة بتسوينها بالحياة لها مساوئ ومحاسن .. بس دايم العقل والمنطق يركز على المفاسد لأنا خايفين ننجرح , وهالشي راح يخلينا طول عمرنا خايفين وواقفين بنفس النقطة لازم نندفع ونشوف حياتنا .. واذا انجرحنا بنتعلم نمسح دموع بعض ونكمل .. مو هذا الغرض من الزواج؟ سارا دفنت وجهها بصدره .. ماتبي تخسره وهذا المؤلم بالموضوع قالت بين دموعها : ليش دايم احسني احسن بعد كلامك لؤي بثقة : لأنك تحبيني ياهبله *** وصـلت ابتسام وغادة ونايف للبيت والطريق هدوء طول الوقت .. اول ماوصلوا صعد نايف وابتسام جلست عند غادة غادة : شمجلسك عندي بنام انا ابتسام طالعت الساعة : لسى بدري غادة : مو بدري تعبانه انا خلاص بنام ابتسام : تصبحي على خيـر طلعت بتصعد بنص طريقها فكرت انه اكيد ماتعشى كشرت ( احسن عمره ماتعشى شدخلني ! ) تنهدت وهي تستسلم لطبيعتها وتدخل المطبخ وتحط عبايتها وشنطتها على جمب وتفتح الثلاجة تطلع اللي تحتاجه بنص شغلها مر نايف من المطبخ : ابتسام سوي عشاء .. حدي جويع شدت ابتسام على الملعقة بيدها .. نايف : اوه جالسة تسوين .. خلاص اجل شكرا رمت الملعقة على الطاولة وخذت اغراضها وطلعت صاعده .. عقد نايف حواجبه : خير شعندها بعد ! ابتسام رمت اغراضها بانزعاج .. فوق انها تسوي له يجي يتأمر عليها بعد على باله ماتعرف شغلها مثلا .؟! بدلت لبسها ونامت وهي تحس بقهر منه بجد , صح كانت متوقعه مغصوب على الزواج بس وقت يرميها بوجهها ويتهمها هنا توجع بجد سمعت باب الغرفة ينفتح غمضت عيونها مباشرة .. ماتبي تتكلم حتى *** الكويت الساعة 7 .. بشقة سارا دخلت وهي تسحب رجلها بهدوء ثم رجع للباب وهمست : مافيه احد ادخل دخل لؤي وهو يطالع المكان شقة بسيطة تميل للضيق .. ضيقة مرة صالة وغرفتين ومطبخ مفتوح فقط ! .. سارا : خذ راحتك انا داخلة ابدل لؤي هز راسه وهو يطالع المكان ويكلم نفسه : كانت عايشه هنا طول هالفترة دخل للمطبخ وهو يفتح ازرار كم قميصه ويرفعه ويفتح الثلاجة .. اكثر ماقدر عليه سندويتشه بنص شغله دخلت المطبخ : شنو قاعد تسوي .؟ لؤي عقد حواجبه : اشوفك لابسه .. لوين ؟ سارا : الدوام لؤي : ارتاحي اليوم حياتي .. تو رجعتي وسهرانه الليل كله سارا : لا بداوم فيه اجتماع مهم لؤي وهو يحط الصحون على الطاولة : اوك افطري قبل جلست سارا : هههه تسلم يدينك لؤي وهو يصب لها كاس العصير : فيه العافية سارا : شهالعز .؟ لؤي : شفتي هذا الزوج اللي كنتي بتفوتينه سارا لاحظت المائدة مرتبة صدق .. حاط المزهرية بالنص وحركات دلع صح :المهم .. متى وكيف و ...؟ لؤي جلس على الطاولة قدامها : زي ماتبين .. اللي تتمنينه اطلبيه وانا انفذه سارا : وانت ماتبغى حاجة معينه يعني .؟ لؤي بتفكير : همممم .. لا غير اني اشوفك بالابيض مابي سارا حمرت خدودها : ......... لؤي قبص خدها : فديييتها وقفت سارا بعد ماخلصت فطورها : يله انا ماشيه تأخرت لؤي : يله اوصلك معاي طلعت سارا معه وطول الطريـق يسولفون بكلش ايش صارلهم بالتفصيل اليومين اللي راحت .. وقد ايش اشتاقوا لبعض لحد ماوصلها وراح بطريقه *** الأسبوع الجاي – يوم ملكة بدر وميهاف / بيت أبو فراس – عصر / كان بدر بغرفته يرتب كشخته لهاليوم .. انطق الباب : مين .؟ اسماء : انااا بدر : تفضلي دخلت اسماء وهي تشوفه واقف قدام خزانته : كيفـــه عريسنا المز ! بدر وهو يكمل : هلا اسوم .. تمام وش بكون يعني اسماء : مبسوط !! مو بتتزوج الحلوة حبيبة القلب بدر : أيش جاية تبغين انتي .؟ اسماء جلست على كنبته : بدر .. انت ماكلمت ميهاف من بعد مشكلتكم صح طالعها بدر دون يرد : ......... اسماء : اخر مرة حتى لما جتني شكلها احبطت .. لانك ماعطيتها حتى سلام بدر : كانت جمعة بنات ايش تبغيني اطب بنص السوالف اسلم ! اسماء : لا مو كذا .. بس اقل شي دق عليها كيف بتقابلها اليوم و ... بدر قاطعها : اسماء رجاء انتي مالك دخل فلا تحشرين حالك .. وحياتي انا اقدر اتصرف فيها ماطلبت مساعدتك اسماء : يمه لا تاكلني طيب .. جزاي اللي جايه انصحك بعد بدر حقرها وهو يدخل غرفته الثانية : اطلعي لو سمحتي ببدل اسماء طلعت وهي منقهرة منه : كشش بس ! عظم الله اجرك يا ميهاف غثاثه ..." تنهدت " ياترى بيحضر هيثم اليوم .. ادري دكتور بس معقولة مايجي .. يارب يارب يارب يجي صعد فراس لفوق وهو يشوفها رافعه يديها للسماء وتدعي : خير شتسوين .؟ اسماء انتبهت : هاه .. جالسة ادعي لبدر بالتوفيق فراس طالعها باستخفاف وكمل طريقه لغرفته .. اما اسماء ركضت لغرفتها اول ماوصلت الكوفيره عشان تتضبط خلصت على اذان العشاء .. وراحت بدري مع السواق قبل أهلها وصعدت لميهاف مباشرة دخلت عليها ماكانت موجودة : ميهاف .؟ غريبة امها تقول بغرفتها ميهاف : خليك عندك جالسة البس انتظري جلست اسماء على جوالها : اهاا اوك انتظرك... شخبار اعصابك بس .؟ ميهاف : يوه اسكتي على جمر مدري شصاير .. والقهر مافيه حاجة ضابطة معاي ! اسماء : ليش شصاير .؟ ميهاف :اول شي انكبت مع مسؤولة الحلا .. ثم فستاني مابغى يطلع بععد .. واخر شي كلمني لؤي يقول مايقدر يجي وهذا اللي اتلف اعصابي خلاص ! اسماء : يوه كيف مايجي ! ميهاف : يقول عنده شغله مهمه بشكل ما اتخيله اليوم ومايقدر يأجلها اسماء : عادي روقي .. مصيره يحضر العرس اكيد ميهاف : ياحلوه مايحضر كمان ! اسماء : اهم شي خليك مزة .. قبل اطلع شفت بدر وهو يمشع القلب مع الكشخة والتزبيط ميهاف سكتت : .................. اسماء : اقول اطلعي بس اشوف وجهك ! طلعت ميهاف وهي خالصة .. الفستان طويل ضيق عاجي مع كعب فضي اسماء عقدت حواجبها : ليش مالبستي الوردي ؟ ميهاف ضاقت : امي عيت .. ليش مو حلو .؟ اسماء : لا هو حلو .. بس حسيت الوردي عرايسي اكثر ميهاف وهي تمشي قدام المراية : خلاص اسكتي شاسوي يعني اسماء : ماعليك تجنني يله بس ننزل ميهاف : لا شلون ! ما انزل الا قبل يكتمل الحضور بس اسومتكفين انزلي تأكدي كلش تمام ... مابي ولا حاجة من ترتيباتي تخرب سامعة ! اسماء : عارفه عارفه خلاص نزلت اسماء وميهاف وقفت قدام المراية وأول مرة ماتكون واثقة من طلتها .. اول مرة تكون مرتبكة انها ماتعجب احد او تقول كلمة " يارب يعجبه " رغم انها شايله بخاطرها بس مستعده تنسى كلش كرمال هاليوم بس سعادتها ماتنوصف وقفت قدام المراية وهي مو متخيلةان بنهاية هاليوم بتكون رسمي زوجته خلاص نزلت اسماء تحت وابتسمت ونزلت بسرعة وهي تشوف ابتسام : هلا والله جيتي ابتسام : هلا اسوم .. ايه كيفك وكيف العروسة .؟ اسماء : تمام حمد الله .. وين غادة .؟ ابتسام : ماجت .. بنتها اليوم مو تمام وجلست عندها اسماء : ياعمري شفيها .؟ ابتسام : تبكي طول الوقت فيه حاجة مضايقتها بتوديها المستشفى وتشوف عاد اسماء : والله خساره .. بس يله فرصة ثانية ابتسام : ان شاء الله .. ام نايف : هلا والله ابتسام متى جيتي ماشفتك .؟ سلمت ابتسام عليها : هلا خالتي .. هههه شكلك كنتي منشغله في حاجة اعملها قوليلي ام نايف : ارتاحي كلش جاهز تمام *** عـند الرجاجيل / دخل نايف وسلم على بدر اللي كان براس المجلس : من قـدك من قـدك ! بدر : محد .. انت شايف احد قدي .؟ نايف : انطم بس وعن نفخة الراس .. هههههههه ودك اعطيك من خبراتي ولا مايحتاج .؟ بدر : لا مض هالليلة على خير دون خبراتك .. صدق لؤي ماراح يجي .؟ نايف : مدري ماكلمته بس اسمع ابوي يهاوشه على السماعة اليوم بدر : يقنعني ان كل ذاه شغل يعني .؟ نايف : وانت شعليك حضر ولا ماحضر ماتفرق بدر : ايه بس السالفة اصول بركن ثاني / ابو نايف : انشهد اني ماغلطت يم اعتمدت عليك .. ماتوقعت الأمور تزبط بس كثر خيرك فراس : مو انا قلت لك انه بيتزوجها الشهر هذا خلاص معناها بيصير ابو نايف : اقول فراس .. ابسألك عن لؤي صاير معه شي .؟ فراس : لا .. ليش تسأل ؟ ابو نايف : ما أدري معادهوب على خبري .. اجل معقولة يفوت ملكة اخته فراس وهو متأكد انه عشانها : لا عمي حسب معرفتي مو صاير شي ابو نايف : ان شاء الله تنهد فراس وهو محتقر لؤي داخله اجل يسحب على اخته عشانها صدق خيبة *** الكـويت / سارا : لؤي بجد نقدر نأجـله .. اذا بتروح لملكة اختك روح لؤي : ماراح اروح يعني ماراح اروح .. هالليلة تسوى عمري كله وتبيني اروح ؟! سارا : بجد لؤي .؟ مو زعلان عشاني طلبت يكون زواج بالمحكمة وبس لؤي : هو قهر اني ماحشوفك عروسة .. بس فرحتي نفسها : استاذ لؤي لؤي بحماس مسك يدها : دورنا سارا بارتباك : ايه دخـلوا مع الشهود " هيفاء واختها " وقع لؤي وكله ثقة بقراره بينما سارا كانت مرتبكة بجد بلعت ريقها ثم وقعت ضمتها هيفاء مباشرة : الف مبروك حبيبتي سارا : يبارك فيك .. التفتت للؤي بربكة : مبروك لؤي بابتسامة واسعة : يبارك فيـك .. وشكرا هيفاء تعبناك معانا هيفاء : مو مشكلة كرمال سارا .. اخيرا بتنقلعي من الشقة وبرتاح سارا : هههههههههه طلعي على حقيقتك يالخاينة هيفاء بهم : بس بجد .. والله بشتاق لك يا خايسة لؤي كان الدنيا مو سايعته مو مصدق رغم انها كانت بسيطة .. حتى بلبسها الدوام ماغيرته طلعت وراحوا بس هذا مايهم المهم انهم صاروا لبعض بالكامل وهذا يكفيه : مشينا قلبي ؟ سارا : يـ .. يله .. هيوف اشوفك بعدين اول ماطلعوا صرخ لؤي بأعلى صوته بشكل لفت كل اللي حوله .. سارا فزت : بسم الله شفيك ! حصلت نفسها بالهواء وهو يدور بها : مو مصدق .. مـو مصدققق ! انتي انتي مستوعبة اللي صاير .؟ سارا : هههههههههههههههههههههههههه لؤي نزلني لؤي مشى بها بين يديه لحد ماوصلوا السيارة ودخلها وركب وتنهد بحب : بيجي يوم يقتلني هالحب انا عارف سارا : ههه بسم الله عليك لؤي : راحت علي خلاص .. والله اعشقك بشكل ماتتخيلينه سارا : انا اكثـر .. وربي مو مصدقة انك قبلتني بهالطريقة لؤي حضن يديها : انا اللي مو مصدق .. انتي اللي قبلتيني رغم ان اهلي ضد هالفكرة وماراح انسى هالمعروف طول عمري ابتسمت سارا وهي تطالعه بحب وبعيونه حب اكبر *** نزلت بتألق وسط عيـون الكل وكأنها نجمة .. مع الأغنية الشغالة باختيارها تقدمت امها وضمتها : يابعد عمري مامي ام نايف : الله يوفقك يابنتي ويكتب لك الخير باست ميهاف خد امها : امين ماما كملت طريقها وهي تسلم على الكل ومبتسمة من قلبها .. وصلت لأم فراس : الف مبروك حبيبتي .. الله يوفقكم ميهاف : ان شاء الله خالتي جلست بعد ماخلصت .. نطت جمبها اسماء : ترا شوي وينادونك للكتاب ميهاف مبتسمة : عارفة اسماء : منتي خايفة ! ميهاف : هههههههههههههه مرتبكة مو خايفة .. شدعوة اخاف دق جوال ام نايف ردت : هلا .. اللحين .؟ يله يله .." سكرت " ميهاف امي يله حبيبتي تنفست الصعداء ومشت مع امها .. دخلت عند ابوها ونايف سلم عليها ابوها وضمها من قلب دلوعته هذي : ماني مصدق جا اليوم اللي اشوفك فيه عروسة ميهاف : ههههههه .. حاس حالك كبرت ؟ ابو نايف : راحت علي كبرت من قبل على راس نايف نايف : ههههههههههههه ميهاف شهالزين اول مرة احس السنافير حلوين ميهاف : ها ها .. ماراح تقهرني اليوم موت نايف : اقول وقعي بس .. هذا جزاي امدحك مشكلتكم يالسنافر ماتنعطون وجه وقعت ميهاف ... نايف نط على طول : يله بروح اناديه ابو نايف : الله يخلف بس مافيه ركادة ميهاف : بابا ماما اطلعوا ابو نايف : تطردينا ! ميهاف بربكة : يوه بابا رجاء .. والله وجودكم مربكني زيادة ابو نايف : ههههههههههههههههههههههههههههههه قومي قومي يا ام نايف نطلع ام نايف : بس لاتطولون هاه .. ابو نايف لاتتركهم ربع ساعة وارجع اسحب بدر طلعوا .. وجلست ميهاف وهي مشبكه يدينها بعد فترة هدوء انفتح الباب رفعت عيونها وهي تشوفه بطلته الفاتنة بالثوب والدقلة السوداء , نظرتها له هالمرة غيـر .. غير عن كل مرة دون شعور منها وقفت مشى بخطوات راكدة لحد ماوقف قدامها وأول مرة تلحظ ميهاف فرق الطول الشاسع بينهم بعد صمت لفترة .. قالت ميهاف : مبــروك بدر بدر : يبـارك فيك .. مبروك انتي , مبسوطة اللحين ؟ ميهاف رفعت راسها وطالعته : لا تقولها كذا .. ماراح اعرف اجاوب بدر : ايش قلت .؟ سالتك اذا مبسوطة .؟ ميهاف : حيل .. وأنت ؟ بدر : كنت ساكت طول هالفترة عشان ما اضايقك .. بس ايش تتوقعي مشاعري وكلش مقرر غصب عني ؟ ميهاف : غصب ؟ مو كأني غصبتك .. انا عطيتك خيار بدر : خيارين اهونهما مر ؟ ميهاف : مر ؟ بدر وعيونه ثاقبه بعيونها بحدة : ميهاف انا ما أحب احد يجبرني على شي .. ولا شي حتى شرب الموية ! ميهاف تحطمت توقعته اكيد انتهى عناده ومبسوط اللحين : ....... ليتك جلست ساكت وماضايقتني بدر : لاا .. انتهت مهلتك اللحين لازم تسمعين ردي على موقفك هذا لأني ناوي ادفعك ثمنه ميهاف فتحت عيونها : شنو ؟ بدر : مثل ما قلت لك انا ما أنجبر على شي .. واذا حصل اعرفي اني ماراح انساها ولا راح اسكت ميهاف بقهر : الكتاب ليش وقعته ! ماكان ضروري تنجبر بدر : لاتفهمين غلط .. وقعته عشان ماعندي نية اتركك لغيري ميهاف شدت على قبضتها وكلش فيها يرتجف قهر : .................. بدر : وبما اني وقعته .. ماعندي مانع اطلقك اللحين لو تبغي ؟ ميهاف فتحت عيونها : نعم ! بدر وهو يمسح على خدها الناعم بطرف اصبعه : بس انا اعرفك .. مستحيل تتركيني زي ما أنا مستحيل اتركك ميهاف نزلت دمعة من عينها قابلت اصبعه ... بدر : بس الزواج اللي ناوينه عقب شهر راح تروحين لأبوك وتطلبين يأجله ميهاف بقهر : اطلب انت ! بدر : ماعندي مانع اذا يناسبك .. بس راح تصير مشاكل وانتي عارفة , فاتركيها بيني وبينك وقولي لعمي ان رغبتك تأجلين الزواج ميهاف : مابي .. ماراح اقوله بدر بسخرية : راح تقـولي .. ولا الطلاق عندي زي السلام واستانسي بكونك مطلقة من أول نظرة ميهاف بانكسار : ليش تسوي كذا .؟ انا وش غلطت معك بدر بحدة : لويتي ذراعي .. وصار اللي براسك وتزوجتك بالموعد اللي اخترتيه جا دوري اسوي اللي براسي ميهاف تلاحقت دمعاتها على خدها : ............... حاوط بدر خصرها بيده وقرب منها وباسها .. ثم ابتسم وهو يحس انشفى قهره : اشوفك بعدين .. ارجعي لمعازيمك وانبسطي .. قبل يطلع وقف والتفت لها : على فكرة طالعة قمـر اليوم طلع .. وميهاف ارتخى جسمها وجلست على الكنبة ودمعاتها تتلاحق غطت وجهها وبكت بقهر بكت بحرقة من معاملته وتحقيره معه حق صورتها اهم شي بالنسبة لها مستحيل تتطلق .. مسكت صدرها مكان قلبها مكان جرحها : ياربي شاسوي |
رد: انتماءات كاذبة
اووووف شو القهر يابدر نرفزني ودي من ينطية على راسه . ونايف فلة كالعادة هههه . اما اسماء وهيثم توقعت رفضه شو راح تسوي اسوم عقولة يكون الطريق مسدوم وخصوصا رفض هيثم الموضوع حتى لما فتحوه اخواته واسماء راسمها على ابتسام وغادة ما يجيب فائدة . شكرا حبي ومنتظرك للقادم .
|
رد: انتماءات كاذبة
بدر طلع نذل بحركته.. مع انها بنت عمه ومو غريبة
نايف .. يا ترى شو اللي حيحرك المياه الراكدة بينه وبين ابتسام لؤي .. اتمنى ما يتخلى عن حبه بيوم من الايام بانتظار الفصل القادم :55::55::55: |
رد: انتماءات كاذبة
اقتباس:
انتظر تواجدك الدايم , نورتيني |
رد: انتماءات كاذبة
اقتباس:
نشوفك بالفصل الجاي ان شاء الله منورة |
رد: انتماءات كاذبة
السلام عليكم
بارت جميل مادام الروايه مكتملة ليش ما تنزلي على 3 ايام في الاسبوع شاكرة لك |
رد: انتماءات كاذبة
اقتباس:
مرورك الأجمل والله بصعوبة حسيت ان الموضوع مقنع بالنسبة ليومين بالاسبوع نظرا للتفاعل وعدد المشاهدات .. فللأسف حاليا راح التزم بفصلين وسبب ثاني ان التشابتر طويل اساسا .. فمايحتاج اكثر من اثنين مرحبا فيك |
رد: انتماءات كاذبة
" البارت التاسع عشر "
- الرجل يحب ليسعد بالحياة .. والمرأة تحيا لتسعد بالحب بعد فتـرة من طلع بعد ماداس على مشاعرها .. انطق الباب بخفة تحنحنت : مين ؟ ام نايف : ميهاف وينك ؟ مسحت دموعها وفتحت الباب .. ام نايف مافاتها عيونها الحمراء قالت بخوف : شفيك ! ميهاف دفنت وجهها بكتف ام نايف وبكت ..: مااماا ام نايف خافت بجد : ميهاف امي شصاير فيك .؟ ميهاف وكلامها مو مفهوم بين شهقاتها .. جلستها ام نايف جمبها على الكنبة : ارتاحي حبيبتي كلميني .. بدر قايلك شي ؟ ميهاف وهي تمسح دموعها دون فايدة : لا .. بس انا خـايفة .. خايفة ماما مابي اترككم ام نايف ابتسمت بحنان : وهذا اللي يبكيك .؟ ميهاف : والله مو متخيلة نفسي دونك ماما مابي ام نايف : عن الهبـال .. وانا بنقطع عنك ميهاف :............ ام نايف : امسحي هالدموع وتعالي المعازيم جايين عشانك عيب ميهاف : لا ماما مقدر .. وربي نفسيتي تعبانه بصعد مابي اشوف احد ام نايف بشك : متأكدة ميهاف تبكين عشان كذا ؟ ميهاف : ايه ماما .. ليش يعني مابكي .. انتي امي من لي غيرك الله لايحرمني منك ام نايف : ارتاحي حبيبتي اجل .. واذا حسيتي نفسك احسن حاولي تضغطي على نفسك وتنزلي مو حلوة والله ميهاف هزت راسها .. ووقفت وسحبت رجلها لغرفتها وسكرت الباب وهي تحس نفسيتها منهارة جلست على مكتبها وهي تشوف دفترها اللي كاتبه تخطيطات زواجها وملكتها وكل شي .. رمته بالزبالة وتسندت براسها على مكتبها وهي تبكي ..طول عمرها مدلعة محد يتجرأ يقولها " لا " عشان ماتنجرح , في بيتهم ملكة الكل يراعي خاطرها وبين صديقاتها ملكة .. فين ماراحت تراعى وتدلع بشكل جدي أول مرة تنجرح بحياتها .. وقفت عند نافذة غرفتها وهي تطل على الجلسة تحت تهشم قلبها وهي تشوفه يمشي مع مجموعة شباب ويضحك ويسولف .. ما كأنه قبل شوي داس على مخلوقة سكرت الستاير ورمت بنفسها على سريرها وهي تفكر بجدية وش مفروض تسوي .. بس ماعمرها تعاملت مشكلة عشان تعرف كيف تحلها .. أكبر مشاكلها كان اذا خلص كوكيزها المفضل بالطابق التحتي :- اسماء : كيف تعبانه خالتي .؟ ام نايف : هههههههههه دلوعتنا تو تستوعب انها بتتركنا ام عبد المجيد : هههههههههههه ام فراس تحملوا خذيتو دلوعة العائلة وش تبون ! اسماء وهي مفهيه : تبكي صدق يعني ! ام نايف : هي تبكي اذا ابوها رفع صوته عليها .. كيف اللحين اسماء حاست بفمها : اتخيلني انخطب وبطلع من اهلي وابكي ! الا فكة سجى : من جد .. اجل اخيرا بطلع اشوف حياتي واجلس اصيح .؟ ام فراس : مالت عليك وعليها .. بزع انتن اسماء وهي تطالع ابتسام : بصراحة بصراحة ... يوما ما بطلع من بيت أهلي وراسي مرفوع دون ندم الله يعجل هاليوم بس سجى : صح لسانك يالخايسة اسماء : صح بدنك يالكلبة وداد : ههههههههههههههههههه خالتي وامي معذورات لو ترمونهن صراحة *** بيت نـايف / كانت غادة بغرفتها كالعادة .. ماتفارقها وبيدها لعبة تهزها قدام عيون رنيم : حبو رنومة حست بحماس وقامت تجيب عدة المكياج .. من زمان نفسها تسوي لها مكياج بس ابتسام ترفض فرصتها اللحين مسكت الروج وهي ترسمة على شفايف رنيم الصغيره الناعمة : ياقلبوس .. تمشعين قلبي انتي طق جرس البيت .. غادة : غريبة اجل مامعهم مفتاح ! طالعت الساعة لسى بدري .. استغربت قامت وطرحتها على راسها وراحت للباب : ميـن ؟ : .......................... غادة خافت بجد .. : ميـن ؟! مشت بسرعة لداخل تدق على ابتسام لكن قبل توصل للجوال شخص بخفة نزل من الجدار مافكرت تلتفتت راحت تركض لداخل تلحق على نفسها اكيد حرامي ! قبل توصل لغرفتها حست شخص يسحبها من الخلف ويحضنها وهو مطوق يدينها وهمس باذنها .. همس تعرفه كويس : وحشتك ؟ غادة صدرها يصعد وينزل بعنف : ا .. ا حـممد .. احمد : زوجتي الوفية مانستني كويس .. واللحين " نفخ بصوت مرعب " ويييييين بنتي ؟! غادة وهي ترتجف : مو هنا .. مع ابتسام .. احمد : قدامي اللحين تلبسين عبايتك غادة وخوفها مسيطر عليها : طـيب .. اتركني اروح مشت لغرفتها وبسرعة بتسكر الباب لكنه سبقها وفتحه : الظاهر انك ماتغيرتي للحين على نفس تصرفاتك غادة صرخت فيه وهي ترمي أي غرض قدامها بوجهه : وخخخخر عننني .. وخخخخررر وخخر فتح احمد عيونه وهو يشوف الرضيعة بالسرير .. ركضت غادة يمها وحضنتها وهي تطالعه بحدة وعيون تلمع دموع كابوسها طلع قدامها .. ناحف زيادة على نحفه ماعدا كذا ماتغير مشى يمها وسحبها من يديها وصفعها بمرفقه بقوة حتى طاح سنها والدم سال بفمها وطاحت على الارض .. رنيم بكت رغم عدم فهمها لشي غادة وهي تسعل الدم : انت ابو انت !! الله ياخذك يارب احمد وعيونه برنيم : هذي بنتي غادة .. مستحيل تحرميني منها حتى لو تركتيني بالسجن غادة برجفة : وانا وش بيدي .؟ هذا حصاد فعايلك احمد حط رنيم بسريرها وسحب غادة من شعرها حتى صار وجهها قريب من وجهه : لاتكذبين ! كنتي تقدرين تدفعينها انتي واختك ال ****** بس ان بوريك والله والله لتندمين غادة انفتحت عيونها برعب : وكيف طلعت .. مامرت سنة احمد : تسألين عشان مهتمة يعني !! بس انا كابوسك اللي ماراح تصحين منه طاح عليها بضرب مرعب اجرامي رغم كل اجراماته السابقة فيها أول مرة يكون بهالشكل ورنيم تبكي بإنهيار حتى حمر وجهها البريء ..وأحمد مابالى لبكاها ولا لأنين امها كان حامل غضب معه بالسجن طول هالفترة لها بنظره مسؤوليتها انها مادفعت وتركته وراحت *** ابتسام اثناء ماهي جالسة مع أم نايف بعد رحيل الكل .. دخل نايف : السلام : وعليكم السلام ام نايف : تعال يمه اجلس اشرب القهوه معنا نايف : لا يمه راجع للبيت .. ابتسام جاية ؟ ام نايف : لا اتركها تجلس معاي شوي نسولف .. اول مرة اجلس معها جلسة كذا ابتسام ابتسمت : وانا ما افوت جلستك خالتي .. خلاص نايف ارجع انا جالسة انتبهت فجاة : لا مقدر ! غادة لحالها بالبيت برجع نايف وهو طالع : ماراح اكلها .. اجلسي وارجعي لاخلصتي وركب سيارته وهو مايبيها ترجع .. هالفترة تعاملها بارد بشكل يقهر ونظراتها لحالها تزعزعه لانه يعرف داخل نفسه انه غلطان وصل للبيت ودخل .. عقد حواجبه وهو يسمع اصوات عالية ( معقولة غادة ) فتح عيونه وهو يسمع صوت رجالي دخل بسرعة لغرفتها وهو يشوف أقبح منظر رنيم تبكي حتى ان صوتها راح واحمد حتى انه مايضرب بيده المجردة .. بخيزرانة مشى بسرعة وسحبه من طرف ثوبة من ورا وشكل غادة المتكورة على نفسها بطرف الغرفة كسره .. التفت لأحمد بنظرات نارية واحمد اللي تدارك الوضع هذا نايف وصاحب البيت ركض بينحاش لكن نايف لحقه بسرعة ومسكه حتى طرحه على الارض وهو فوقه وصرخ فيه : على وين يابن الكلب ! ماودك تاخذ حسابك قبل تفارق ؟ احمد : مااالك حق .. زوجتي ويحق لي نايف لكمه بكل قوته : مو في بيتي يانجس .. رجولتك مالقيت تحطها الا ببزر احمد دفع بقوته حتى انعكس للجهه الثانية وصار فوق نايف ثم وقف وركض طالع .. ركض نايف حتى وصل لآخر الحارة وادرك انه افلت .. تذكر غادة ركض راجع كانت مسكرة غرفتها لما حاول يفتحها كانت مقفلة طق الباب : غادة ... غادة ردي علي غادة كانت ترتجف داخل وهي متسنده على الباب حتى ماقدرت توقف تروح لبنتها تهديها .. نايف مسح على وجهه : انا لله .. غادة برجفة : ابــ ابتسام .. وينها ؟ نايف : لسى ماجت ... شصاير هالحيوان كيف دخل ؟ تنهد وهو يسمع شهقاتها : هدي غادة .. بكلم ابتسام تجي اللحين مسك جواله ودق على ابتسام : ايوه نايف : ابتسام خذي سواق اهلي وتعالي اللحين استغربت ابتسام : ليش ؟ نايف : ما أدري .. رجعت وهذا زوج اختك مدري مين و... تعالي تفاهمي مع اختك ابتسام سكرت السماعة بسرعة والتفتت لخالتها : خالتي سواقكم هنا ؟ ام نايف : ايه .. بتروحين تو بدري ؟ ابتسام : لا مقدر اجلس اكثر من كذا خلاص .. معليش اروح معاه ام نايف : ايه بقوله يجهز السيارة قامت بسرعة تلبس عبايتها وتركب مع السواق .. وهي على اعصابها وكل شوي تقوله " أسرع " ! اول ماوصلت دخلت كان نايف جالس بالصالة : فينها .؟ نايف : بغرفتها طقت ابتسام الباب : غادة افتحي انفتح الباب بسرعة .. اول مادخلت ارتمت غادة بحضنها : جاا . جاا ابتسام شاسوي ابتسام طبطبت على ظهرها تهديها : لا تسوي شي .. انا راح اسوي ماراح ياخذك .. بس اجلسي وتكلمي شصاير لما انسحبت من حضنها وشافت ابتسام وجهها شهقت برعب .. ملابسها دم وكدمات مرعبة بكل مكان وشعرها مشعث وبخدها أثر الكف : جعل يده الكسر .. سوا فيك كل هذا غادة : طلع .. خلاص بيرجعني معاه اكيد مابي ارجع ابتسام : يخسى يرجعك ... مايرجعك لو يموت غادة جلست على الارض وهي متوترة وماسكه راسها: شاسوي .. شاسوي لازم اتصرف ابتسام جلست جمبها : غادة .. قلت لك ارتاحي انا موجودة ماراح ياخذك غادة بهم وانكسار : ابيه يطلقني ابتسام : راح يطلقك صدقيني بس ارتاحي اللحين .. انا باخذ رنيم معاي فوق انتي هدي بالك هزت راسها بموافقة وهي تحس بعجز .. اكبر مخاوفها كان هو خذت ابتسام رنيم بين يدينها وطلعت نايف بقلق : شصاير .؟ من هاللي كان هنا ابتسام طالعته بازدراء وصعدت دون ترد .. بنص ماهي تصعد مسك يدها ولفها له : اكلمك انا ردي ! ابتسام سحبت يديها بقوة : والله .؟ صار اللحين يهمك تعرف الجواب عشان الموضوع يتعلق بغادة .؟ وانا لو اموت واحترق ما اصريت حتى تعرف شصاير معاي !! نايف : على اساس صار معك نفس الموقف ! وبعدين مجنونة انتي تغارين من اختك ! ترا اسأل لان مو طبيعي يدخل رجال بيتي وماتقولين مين وكيف ابتسام احتقرت نفسها : اولا أنا ما أغار من غادة .. على الاقل مو عليك ! ثانيا مشاكلي مشاكل أهلي مالك فيها .. واللحين شمجلسك هنا الساعة 2 تو بدري على رجعتك من سهرتك نايف : بعذرك اذا كنتي ناسية مع مشاكلك انتي وأهلك اللي مالي فيها .. بس اذكرك هذا بيتي يعني اذا ابي اعرف وش سالفة الرجال اللي دخل بيتي وجالس يضرب اخت زوجتي بعرفها .. وماتحاسبيني على جلستي ببيتي ورجعتي له .. فاهمه ؟ ابتسام : تبغى تعرف روح اسألها .. مو علاقتكم زي العسل نايف : سألتها ماردت ابتسام ابتسمت بسخرية .. مايحتاج تقوله يعني سأل وخلص : نايف راسي يعورني والبنت تعبانه بصعد انومها .. أجل هالنقاش أو الغيه يكون احسن بنص ماهي تصعد تكلم : ماخطر ببالك انك لو تقولين لي بقدر أساعدك ... مع احترامي ماراح يطلع بيدك لا انتي ولا كل اهلك تساعدين اختك بس انا سهله علي , بكلمة اقدر اوديه لآخر الدنيا ابتسام وصلت معها .. التفتت له وابتسمت ببرود : ماراح يطلع بيدي أساعدها .؟ اهاا ... راح ارجع اذكرك بكلمتك هذي وقت أحل كل شي نايف رفع حاجبه : عموما ماتبغي تتكلمي كيفك ... بس لو تحصل مرة ثانية اعتبري اختك مطرودة وشوفي لها سكن ثاني .. بيتي مو سلجى ملجى وصعد وسبقها لفوق .. ابتسام واعصابها فايرة لكن مستحيل تبين له ضعفها دخلت الغرفة ماكان موجود سمعت صوت من الغرفة الثانية اكيد فيها سدحت رنيم وفتحت جوالها ودقت على هيثم .. كالعادة مايرد تنهدت كويس مارد بتحاول تحل المشكله دون معرفته واذا ماقدرت وقتها مافي يدها شي .. *** الكـويت – الساعة 7 مساءا / تو رجعت من الدوام ودخلت تتروش وتبدل لقميصها الناعم السماوي .. طلعت للمطبخ وانتبهت بطريقها انه جالس بالصالة وقدامه اللابتوب ومنسجم رفع عيونه وابتسم : هلا والله سارا : متى رجعت .؟ لؤي : ماطلعت اليوم اساسا سارا : غريبة مانتبهت لك لما رجعت هز راسه وهو مو يمها يم اللابتوب .. قربت منه : ايش قاعد تسوي .؟ لؤي وهو يتصفح موقع تسوق : ابي هدية لميهاف اعوضها .. بتكون مطنقره علي اللحين سارا : معاها حق أنت غلطان لؤي : لا تعاتبي انتي كمان .. بتساعدي ولا اسكتي سارا نغزته بكوعها : شنو استاذ لؤي من اللحين اسكتي .. اصبر سنة طيب لؤي بابتسامة جذابه : شيصبرني سنة .. ماتعرفيني يعني مستعجل ع كلش سارا طالعت الطقم اللي فاتحه 40 الف درهم شهقت : يالله عليك يالؤي ايش هذا ! 40 الف !! لؤي غطى عيونها بيده : لا تشوفي السعر غمضي سارا : وخر اتركني اشوف .. والله مايسوى غالي مرة لؤي : اشوفه يسوى .. اولا ذهب وروبي وياقوت والحلق الماس اشوفه رخيص كمان فوق انه من مناجم افريقيا سارا ما أعجبها خذت اللاب من يده : تعال أوريك فيه واحد نفسه بالضبط بس ب 5000 طالع لؤي اللي فتحته : تستهبلي ! تقليد !! انا اهدي تقليد !! سارا جلست اللاب على الطاولة وقالت بقهر : ايش الأنا العالية هذي .. والله اسفة يا سيد الشمري محنا قد المقام وراحت للمطبخ .. عقد لؤي حواجبه ورجع يطالع الصورة وسكرها مباشرة اخر عمره يهدي هالأشياء ورجع يفتح صفحته الباذخه ... اما سارا كانت بالمطبخ الصغير منقهرة : والله مهما كانو لطيفين .. يظل عرق البذخ والبطرة حق الشمري فيهم طار فيني هذا وانا ابي احفظ فلوسه افف والله قهر 40 الف تطير كذا ع الفاضي *** بيت أبو فراس .. نزلت اسماء وجلست بقهر والكل مجتمع طالعتها ام فراس : شفيك مبرطمة ! اسماء : اخخخ ناسية ملف مهم لي بالجامعة .. ولازم بكرة اروح اجيبة مالي خلق بدر : احد قالك انسيها .؟ اسماء : احد حاكاك .؟ بدر : الكلام حق عام فراس : بدر .. انت مسوي شي .؟ بدر تنهد : والله اني مسكين ما أخلص منكم .. تزوجنا عشان تسكون ونظل غلطانين فراس : لا ارتاح ماراح تتزوج .. عشان كذا اسالك وش مسوي ! ام فراس شهقت : وش ماراح يتزوج .. عرسه الشهر الجاي فراس رفع جواله : تو مسكر من عمي .. يقول البنت طالبه تأجل لبعدين ماتبي اللحين بدر رفع حواجبه : بجد .؟ معناها كلموها هي مو انا .. عموما جت من الله " وقف " اجل انا مسافر بكرة اسماء شهقت : وييين ! بدر : عندي عروض ببيروت .. بما انه مافيه زواج اروح اشوف شغلي اسماء : يوه بدر ياسخيف اجلس ابغاك بدر وهو صاعد : الحقيقة المؤلمة انه الكل يبغاني فمو بأيدك اسماء بغلقة : اففف مامداني اشبع منه حقير فراس : خذيها مني ولدك مسوي حاجة من وراك اسماء : يوه منك يالموسوس انت .. وش مسوي يعني مسكين مايسلم منك فراس : محد حاكاك انتي يالبزر خلك برا .. اكلمك يمه بتشوفين بعدين وبتقولين فراس قال ام فراس : وش مسوي يعني .؟ فراس : تسأليني انا .. شوفي انتي شمسوي ولا معقولة فجأة كذا ماتبي تتزوج ! من راسها ! عقب ماقومت الدنيا وجلستها عشان يصير زواجهم بدري اسماء : انا اتخيل عادي .. ميهاف ترا لها شطحاتها ام فراس : عموما انا بكل الأحوال بكلم امها وبعرف السالفة نزل بدر بكشخته الكاملة : يله أنا طالع تشاو ام فراس : في امان الله فراس وقف : انا صاعد انام .." باس راس امه " تصبحين على خير ام فراس : وأنت من أهله حبيبي *** بيت أبو نايف / ابو نايف : يعني من نفسها قالت ام نايف وهي تصب له القهوة : ايه من نفسها .. تقول ابيها بس ملكة عشان تكون حاجة رسمية ولا العرس تو بدري ابو نايف : طيب وينها ماني شايفها ام نايف : بغرفتها .. من امس ماطلعت ابو نايف : قومي ناديها قامت ام نايف وطقت باب غرفتها : مين .؟ ام نايف : انا امك .. انزلي حبيبتي ابوك تحت يسأل عنك ميهاف : مشغولة .. ام نايف : ماحينفع .. قايله لك ماراح يقتنع بهالقرار لين يكلمك فانزلي تنهدت ميهاف بضيق ودخلت الحمام تغسل وجهها .. ونزلت وجلست جمب ابوها : هلا بابا أبو نايف : شفيك حبيبتي .؟ ليش تبغي تأجلي الزواج ؟! ميهاف بخنقه : كذا احسن ..أنا باقي أدرس وبعدين انتو مافهمتوني ! انا قايله من أول ابغى مجرد نرتبط رسمي الزواج مو ضروري أبو نايف : تفكيرك غلط ... اللحين مفروض تكوني عنده وساكنه معاه دام صرتي رسمي زوجته ميهاف لمعت عيونها : مابي .. مابي اسكن عنده مو اللحين تكفى بابا أم نايف : خلاص يمه بتضلي عندنا ابوك بس يقولك افتراض أبو نايف تنهد : خلاص براحتك .. بس وش بيفهمه اللحين مو لعوزناه حنا لما بغينا الزواج بدري ! ميهاف وقفت وصعدت لفوق ومسحت دمعتها .. الله يسامحك يابدر *** صحت إبتسام من النـوم على صوت رنيم تبكي .. حملتها بين يديها وطلعت برا لأن نايف نايم طالعت الساعة " 4 الفجر" تنهدت شكلها ماراح تداوم اليوم , نزلت بهدوء فتحت باب غرفة غادة بهدوء حصلتها جالسة بطرف سريرها ومنلمة على نفسها وتطالع قدامها وعيونها حمراء : مانمتي .؟ التفتت لها غادة : ................. تنهدت ابتسام وجلست ع طرف السرير : نامي شوي ريحي بدنك غادة : مقدر .. مقدر .. مقدر ابتسام : غادة لايدخلك الخوف كذا .. قوي حالك غادة وقفت بانفعال وهي تمشي بالغرفة روحة وجية بتوتر : شاسوي .. شاسوي .. لازم ابعدها عنه ابتسام وقفت ومسكتها وجلستها جمبها : قلت لك هدي .. ماراح ياخذها ولا راح ياخذك ماتثقين فيني يعني .؟ غادة وعيونها تلمع : أكيد ابتسام .؟ ابتسام : أكيد ياقلبي .. وانا من عندي اغلى منك غادة : قلتي لهيثم .؟ ابتسام : كلمته مايرد " طالعت غادة بحزن واثار ضربه بكل مكان " ... جعل يده الكسر غادة : كسر بس .؟ جعلها تتعفن وتعفن كل جسمه ابتسام : والله مو كفو يصير أبو الجميلة هذي طالعت غادة رنيم بهم : وانا وش محرق قلبي غيرها ابتسام .. خايفة يسوي فيها شي وقتها صدقيني راح اموت والله راح اموت ابتسام : بعيد الشر عنك وعنها.. ان شاء الله ماحيقدر ياخذها غادة تنهدت : هاتيها وروحي نامي ابتسام : لا لا انتي ارتاحي بطلع انا وياها .. ادخلي تروشي وحطي مرهم على كدماتك وديري بالك على حالك غادة : اوك خذت ابتسام رنيم وطلعت صاعدة لفوق .. وقفت عند راس نايف وطالعت منبهه مركدة على الساعة 7 .. انقهرت " الحقير الصلاة وينها ! " خذت المنبه وركدته على اللحين دق منبهه فتح عيونه بانزعاج واخذ ساعته كشر وهو يشوف الوقت : وجع من مركد الساعة !! ابتسام كانت تطبطب على رنيم حتى ماطالعته ... نايف طالعها : خير مصحيتني اللحين ابتسام ببرود : شدخلني .. منبهي ولا منبهك , عموما وقت الصلاة اللحين نايف تافف وعدل ساعته ورجع ينام .. ابتسام كشرت " مالت عليه حتى ماعنده نيه يقوم يصلي " *** الكـويت – الساعة 6 صباحا / صحت سارا بكسل على وقت الدوام .. انتبهت للؤي واقف قدام المنظرة ولابس وخالص .. عقدت حواجبها : لوين .؟ لؤي : صح النوم عيني سارا وهي تتمغط : صح بدنك لؤي حاس بفمه : فين عطري مو شايفه .؟ سارا وهي تطالع التسريحة وكلها عطوره ماعدا 3 لها : وكل هذا وشهو .؟ لؤي : ابي الليلك خص نص سارا : مو عارفة يمكن بسيارتك شوف .. وبعدين مافيه داعي كل هالعطور وأنت ماتستخدمها لؤي : من قال ما استخدمها ! سارا : ما أشوفك تستخدمها ..اشوفك معلق ع الليلك والبخور دايم لؤي : تصدقي مهما جبت عطور .. دايم العطور المذكورة في القرآن هي اللي تشدني سارا : ههههههه ايوه ملاحظة الصندل كمان دايم تستعمله لؤي اخذ مفاتيحة وبوكه وباس خدها : يله عيني انا طالع سارا : ايوه لوين .؟ لؤي : فراس بطريقه راجع رايح استقبله سارا : هوا يـعرف .؟ لؤي : بزواجنا قصدك .؟ للحين ما قالي شي بس ماراح اخبي عليه سارا : اوكيه حياتي انا بنام اليوم بشقتي القديمة لؤي : وليه .؟ سارا : مشتاقه لهيوف وفيه اغراض لي هناك ابيها .." كملت بدلع " واتغلى عليك حبتين لؤي حاوطها من خصرها بيديه الثنتين : خذي راحتك حياتي .. راح اشتاق لك سارا وهي تحاوط رقبته بيدينها : راح اشتاق لك اكثر وأكثر .. اتركني حياتي تأخرت على دوامي لؤي : انا كمان تأخرت على فراس لو اتركه ينتظر بالمطار اكلني سارا : اجل تيك كيرا قلبي لؤي وهو طالع : اشوفك بكرة ! طلع لؤي وتوجه مباشرة للمطار بعد فترة وصل فراس سلم عليه : حمد الله ع السلامة فراس وهو يرمي الشنطة ع السواق : يسلمك ركبوا سيارة لؤي ... فراس : أقول يا إنسان عاطل وش مشغلك عن ملكة أختك .؟ لؤي قدم ورقة لفراس .. عقد فراس حواجبه وفتحها " عقـد زواج " فتح عيونه بصدمة .. ثم رجع يسترجع هدوئة ويسكر الورقة ويجلسها بهدوء : ................ لؤي : ماحتقول شي .؟مبروك اقل شي ! فراس : مبروك عليك مرتبة ثور ومتهور لؤي : شأسوي فراس عقلي ماحكمني .. أنا احبها فراس ابتسم بسخرية : تحبها .؟ انت ناسي انها طنشتك أول ما انطردت من عندي ومارجعت تعطيك وجه الا بعد ماعطيتها الشركة ! مو واضح هدفها يعني لؤي ضغط على الدركسون : فراس رجاء قول خير أو اسكت فراس : اوه اسف كنت تبي واحد يجاملك .؟ " كمل باصطناع " الف مبروك الله يبارك لكم ومنك المال ومنها العيال لؤي بعصبية : خلاص عاد ! تزوجتها وصارت وش تبيني اسوي يعني ! فراس ببساطة : طلقها ! لؤي : خايف ان هالموضوع مستحيل .. فراس : المستحيل هو اللي راح يصير لك وقت يدري ابوك ! لا تجلس تتضايق وتسوي حساس بسبب كلامي لأن جايك اعظم والله يعينك لؤي : ممكن تسكت عاد .. اصلن الحق علي انا اللي جاي اقولك فراس : يعني مايمشي الوضع تحبها دون تتزوجها ! لازم تتزوجها ! لؤي تنهد : وصلنا انزل نزلوا كلهم ودخلـوا الشركة ... استقبله مصعب مباشرة : حمد الله ع السلامة طال عمرك .. امر وش تشرب .؟ فراس : وخر من وجهي وكمل طريقة .. لؤي تنهد : امسحها بوجهي مصعب , مزاجه مقفل شوي مشى معه لؤي وابتسم : ماتبي تسألني كيف الحياة الزوجية ماشية معي .؟ فراس طالعه بنص عين .. وكمل طريقة وجلس بمكتبه : بسألك دام الفاس طاح بالراس .. وش الإجراءات اللي حاسبها اذا عرف أبوك ؟ لؤي : أنا فاهم ان ابوي بيعصب .. ويمكن يتبرا مني ما أستبعدها بس أهم اجراء اني ماراح اتخلى عنها وأن شاء الله بيقبل فيها يوم وكثر الدق على الحديد يفكه فراس : كثر الدق على الحديد يفكه .. هذا اللي قدرت عليه ؟ لؤي : تصدق فراس دايم اخاف انا من ردات فعل ابوي .. وقت سحبت على جامعتي خفت من ردة فعله وقت خربت مشروعه خفت من ردة فعله .. أي مناسبة اكون مسوي فيها شي غلط اخاف من ردة فعله , هالمرة ما أحسني خايف .. نهائي معناها أني مو مسوي شي غلط , انا تزوجت وبالحلال فراس : لا تقنع نفسك .. انت مسوي غلطة وكبيرة بعد وأحسن لك تخاف اذا كنت ذكي لؤي : اذا كنت غلطة اجل انا ماني نادم .." كمل بخفة دم يكسر الجو " هههههههههه اللحين كل العائلة صارت متزوجة ترا باقي انت فراس : واحد متزوج بنت فقر وقبلها مطلق وعنده ولد .. والثاني جالسين يسحبونه لزواجه غصب .. والثالث متزوج ورا أهله وحده لاعبه عليه ... لا والله حمستوني أتزوج لؤي : والله أنت نكدي ! اقوله حاجة ايجابية تقول سلبيه خلاص عاد روق فراس : راح أسكر هالموضوع وماراح ارجع اتكلم فيه .. وحتى وقت ينكشف كلش مراح اتدخل بس لؤي اذا بتسمع كلامي حط عقلك هالمفهي براسك وطلقها لؤي : خلصت كلامك .. اجل يله نقوم كافي ولا شي فراس تنهد بضيق من تطنيشه : الشغل لراسي مقدر لؤي : اجل أنا طالع ... وقت تخلص شغلك دق علي طلع لؤي من الشركة وتنهد براحة .. حمد الله ردة فعل فراس توقعها أقوى بس الظاهر انه غسل يديه منه خلاص *** خلصت أسماء لبسها الدوام وهي مكسلة مالها خلق تداوم بس عشان هالملف .. سحبت شنطتها وعبايتها ونزلت مافيه طاولة فطور اليوم وأنس نايم قدام البلايستيشن بالصالة : هههههههههه فراس سافر خلاص رجع نظام أول ! انتبهت لبدر ينزل وشنطته السفر على كتفه : اوه اسوم صاحية اسماء بقهر : بتسافر اللحين ؟ بدر طلع جوازه من جيب بنطاله : يب يب .. بتحوشيني يالخبله اسماء بهم : متى بترجع .؟ بدر : وقت أخلص شغلي اسماء تنهدت : توصل بالسلامة أجل بدر : تبغي اوصلك للجامعة بطريقي .." توها بتقول ايه طالع ساعته بضيق " اوه لا متأخر مره يله اجل اشوفك على خير لبست عبايتها وركبت مع السواق .. السواق : مدينة الملك فهد الطبية ؟ اسماء كشرت تعود انها ع طول تروح هناك خلاص : لااا ! الجامعة تنهدت وهي تتذكره ونبرته الباردة " عموما سواء الإحتمال الأول او الثاني ماراح تحصلي مني شي فالوقت متأخر ارجعي بيتكم ولا عاد ترجعي لهالمستشفى الا لسبب " عقد حواجبها : سبب .؟ اهااااا ... صح صح لازم اخترع لي سبب وأروح اكسر رجلي ؟ لا لا توجع طيب بطني يوجعني !! او معي لوز .. لا صح هو جراح لازم اخترع مرض جراحي .. عملية تجميل .؟ قطع تفكيرها وصولهم للجامعة : متى ايجي ؟ اسماء : خلك قريب ماراح أطول نزلت الجامعة وراحت مباشرة لخزانتها تجيب ملفها .. بطريقها : اسمااااء ! التفتت لـ " ريهام " تلوح لها من بعيد وتمشي يمها : هلا ريهام ريهام : اهلا فيكي .. غريبة مداومة على اساس خلص الصيفي وماترجعين هنا خلاص اسماء : ياليته .. بس ناسية حاجة ضرورية وجاية اخذها ريهام : بجد .؟ يوه بخاطري نجلس سوا نشرب قهوة بس متأخرة مرة على رحلتنا اسماء : رحلة شنو .؟ ريهام بحماس : اليوم مسوين عرض خاص لنا .. محاظرة بمدينة الملك فهد الطبية ماتتخيلي قد ايش كنت اتحلم بهالفرصة اسماء كبست بعيونها .. وهي تستوعب صح ريهام طالبة طب : شنو !! ريهام : ايه زي ما أقولك شايفة كيف حماس اسماء حاولت تكون طبيعية : يوه خسارة .. والله مشتاقة لك نفسي نجلس سوا .. همممم طيب انا ماعندي شغل شرايك أروح معاكم هناك وقت تخلصي محاضرتك نجلس سوا نشرب قهوتنا ريهام استغربت .. هي واسماء زميلات بس مو لدرجة تروح معها ولو ان نفسها تجلس مع بنت الشمري : همممم عادي عندك .؟ اسماء : ايه اساسا مالي خلق ارجع البيت ومافيه حاجة اسويها .. بس ظنك يرضون عادي اروح ؟ ريهام : ماراح ينتبهوا اركبي واذا وصلنا اجلسي معنا بالمحاضرة على اساس طالبة .. استرجعي ايام الدجة اسماء دخلت الفكرة راسها : عبقرييييية ريهام !! يله قدام ريهام : يـله اجل بنمشي اللحين اسماء راحت مسرعة وقلبها دليلها .." اجل ما ارجع الا لسبب .. لقيت لي سبب خلاص !! وبلقى مليون سبب بس عشان اروح اشوفه " *** بيت أبـو نايف / نزلت ميهاف من غرفتها .. ام نايف : اخيرا قررتي تطلعين من هالحبس بغرفتك .؟ ميهاف بابتسامة صفراء : كنت نايمة ام نايف : صدق .؟ ولا دريتي ان حبيب القلب هنا ونزلتي ميهاف عقدت حواجبها : بدر هنا .؟ ام نايف : ايه .. جاي يتكلم مع أبوك الظاهر انه شايل بخاطره ان ابوك ضغط عليه بالزواج وعقبها غير رايه ميهاف ابتسمت بسخرية .. من جد حاجة تضحك : اهاا ام نايف : والله معه حق .. يعني شطحتك هذي ماتدخل العقل ميهاف كملت طريقها للمطبخ : بليز ماما خلاص ولا رجعت امسك خفارة بغرفتي صبت لها كاس ماء وجلست تشربه وهي تحسه ماينزل حلقها من الخنقة , قوي وجه بجد ووقح حسافة ماعرفتك على حقيقتك من قبل كان ماصار هذا كله .. سمعت أبوها يحاكي أمها برا : وين ميهاف بغرفتها .؟ ام نايف : لا بالمطبخ ابو نايف : ايه اجل قولي لها تطلع بدر بيسلم عليها قبل يسافر ضغطت ميهاف على كاس الماء .. أول مادخلت ام نايف طالعتها : مابي اشوفه ! ام نايف : بسم الله علي تو بتكلم .. عيب يمه رجلك وطالب يشوفك ميهاف باستعطاف : تكفين يمة مابي .. والله بنخنق مابي ام نايف : شصاير عليك أنتي وش تنخنقين بسم الله عليك ميهاف انتبهت لنفسها .. قالت بطبيعية : شكلي بايخ وما يمدي استعد فمو لازم ام نايف بحزم : ميهاف ! سكت لك واجد هالفترة احرجتيني يوم ملكتك مع الحريم كلهم ومشيتها .. حطيتيني بموقف مع ابوك ومشيتها .. احرجتيني مع ام فراس وقت أجلتي ومشيتها ! واللحين مو بكيفك أطلعي طلعت نفس بليس ميهاف انقهرت .. محد ملاحظ ان كل هذا بسبته كلش جالس ينحط براسها ما اهتمت بشكلها وهي اللي كانت ماترضى الا بأحسن كشخة وقت تشوفه طلعت وهي ببجامتها وشعرها رافعته بعشوائية ودون مكياج .. دخلت المجلس وعكسها كان بقمة اناقته كشر لما شافها : وش هالشيفه .؟! ميهاف طالعته وجلست بهدوء بمكان بعيد عنه : بغيت شي .؟ بدر : بالله هذا شكل وحده جايه تقابل زوجها ؟! ميهاف بقهر : لا .. هذا شكل وحده تافلة العافية من زوجها بدر رفع حاجبه : باللهي .؟ اجل كملي تفل اهم شي وقت نتزوج تكون خلصت هالمشكلة واللي يعافيك ما أتحمل اشوفك بهالمنظر يوميا ميهاف لمعت عيونها دموع .. انتبه بدر لعيونها قبضه قلبه وهو يشوفها شكلها يحزن : بلاها الدموع ميهاف .. اللي صار مو كبير انتي تعاملي مع الوضع طبيعي محنا أول ثنين يملكون ومايتزوجون على طول ميهاف مسحت دموعها .. وقالت بصوت مخنوق : وانت ع بالك هذي المشكلة ! انا اللحين ابي القى حل معاد ابيك بدر : لا تدوري حل لأن مافيه .. انتي لي ومالك غيري ميهاف قررت تختصر النقاش لأن حالتها سائت بعد ماتحسنت : ايش جاي تبغى ؟ بدر حط كيسة ناعمة صغيرة قدامه : سامحيني مفروض بيوم الملكة بس ماحصلت فرصة .. هذي هديتي ومبروك عليك انا ميهاف : أول مرة اشوف واحد يعزي بهدية بدر : فكري فيها زي ماتبغي .. انا مسافر بيروت عندي كم عرض وبعدها راجع ميهاف ماردت .. خلص مهمته وتزوجها واللحين بيرميها : ............... بدر وقف وجلس قدامها القرفصاء ..ومسح بيده على خدها ميهاف شهقت شهقة مكتومة تنهد بدر ومسك راسها بنعومة وأسنده على كتفه : لا تحبسينها .. اشكيني لي ميهاف انهمرت دموعها على كتفه .. وقالت بغصة : ليش تسوي كذا .؟ صدقني انا ماغصبتك والله ماغصبتك بدر وهو يمسح على راسها قال بهدوء : أدري .. أدري ميهاف عضت على شفتها ورفعت راسها .. مسحت دموعها ووقفت : توصل بالسلامة ان شاء الله أول ماطلعت .. تسمرت عيونه على الكيسة تركتها تنهد وتركها وطلع لبرا وقطع طريقه .. " ليش سويت كذا يا بدر اذا كنت بتندم .؟! ارجع .؟ تو يمدي اكلم ابوها وتمشي الأمور ... لا لا مراح اسويها وأنا ماغلطت رديت اعتباري بنفس الطريقة اللي هي ردت اعتبارها فيها " *** ممرات مستشفى مدينة الملك فهد الطبية / ريهام : ههههههههههههههه والله فلة .. ماتوقعت بتسويها صدق اسماء وهي مو يمها تراقب بعيونها المكان تبغى تلقطه : ايه ايه وقفت قدامهم دكتورة : اهلين صبايا : اهلين دكتورة دكتورة : اهلين انا أيار .. انا المسؤولة عن زيارتكم اليوم تفضلوا معاي للمحاضرة مشت اسماء معاهم وهي تسمعهم يسألون الدكتورة اسأله مافهمت شي منها .. أول مادخلوا المحاضرة تاففت وهي تشوف كل المحاضرات دكتورات والمحاضرة طويـلة وفوق كذا ماتفهم فيها شي حتى ريهام مطنشتها مركزة مع الشرح ..... بعد فترة غفت فيها بالنوم وسط حديث الطب الممل ... ماحست الا بعد فترة تنغزها ريهام : قومي اسوم اسماء فتحت عيونها : هاه شنو ! ريهام : يله بناخذ جولة ع المستشفى .. هههههههههه هذي المغامرة نمتي على طول اسماء : هاه جولة !! ريهام : ايه يله بسرعة مشت اسماء معاهم باقسام المستشفى وهي تدور بعيونها عنه ... تأففت بقهر .. ريهام : شفيك ؟ اسماء بقهر : ولا شي جلسو بعد الجولة عند الكافتريا .. اسماء كانت تحرك الملعقة بقهوتها بملل والبنات متحمسات بكلام الطب ويناقشون الدكتورة التفتت الدكتورة : دكتور هيثم هنا رفعت اسماء راسها وهي تشوفه من بعيد يمشي ولما سمع اسمه استأذن من الشخص اللي يمشي معه وجا ناحيتهم : امري دكتورة شبغيتي .؟ اسماء مسكت يد ريهام بسرعة دون شعور .. ريهام : شفيك ؟ اسماء مو يمها .. جالسة تطالعه وتحس ماتسمع اللي حولها من ضجة قلبها داخلها وهي مركزة عليه الدكتورة : الملفات اللي طلبتها مني ارسلتها لك .. وصلتك ؟ هيثم : ما أدري ماشيكت .. عموما مشكورة دام ارسلتيها اكيد وصلت بس ما أنتبهت الدكتورة التفتت للبنات : بنات هذا دكتور هيثم .. تخصص جراحة عظام .. دكتور هالصبايا طالبات طب البنات بهيام وهن يشوفن الدكتور الوسيم .. وسيم ماتوصفه قمة بالوسامة : اهلين دكتور ابتسم دون يعلق .. اختفت ابتسامته وهو يشوفها بحجابها الملفوف على راسها بإهمال وعيونها السماوية ووجهها البريء عقد حواجبه : قلتي لي طالبات طب ؟ الدكتورة : ايه هيثم طالع اسماء : تـو أدري انك تخصص طب ريهام نغزت اسماء : تعرفينه ! اسماء بلعت ريقها : ايه .." لمعت براسها فكرة .. وتغيرت لهجتها المترددة للثقة " ايه ! آخر مرة كنت جاية اسألك عن حاجة طبية بس أسلوبك وتعاملك ماكان مشجع هيثم رفع حواجبه بعدم تصديق : بجـد ؟ اسماء ارتبكت من نظرته لكن كملت بثقة : ايه بجد ! هيثم : اهـا .. ايوه تفضلي وش سؤالك الطبي " كمل باستهزاء " دكتورة اسماء كبست بعيونها بتناحه : هـاه ! هيثم التفت للدكتورة بعد مارماها بابتسامة سخرية بمعنى " من تلعبين عليه ؟ " : عموما شكرا على الملفات .. وراح ارجعها لك وقت اعدلها الدكتورة : اوك أول ماراح وقفت اسماء : معليش شوي وراجعة مشت يمه بسرعة : دكتور هيثم وقف ............. اسماء وهي مرتبكة وسط دقات قلبها زي آخر مرة وقت تشوفه تنلجم : امممممم هيثم طالع ساعته : رجاء ماعندي وقت اضيعه ... اذا ماعندك حاجة تقوليها انا ماشي اسماء كل مافتحت فمها رجعت تسكت .. شدت على قبضتها وقالت : بغيت أوضح اخر موقف بينا .. لأن .." ماقدرت تكمل وتقول تحليلاتك غلط " هيثم قاطعها بنظرات شك : وليش جالسة تمثلي دور طالبة الطب اللحين .؟ اسماء : ما أمثل .. انا ادرس طب لاتنخدع بالغلاف وتظلم المحتويات هيثم ابتسم : وتعرفي تقولي حكم بعد ؟ اسماء هنا راحت فيها .. ابتسامته وقفت قلبها ..... هيثم : اجل وش مواد مقررك .؟ اسماء قالت بسرعة : ايه انا طالبة كسلانة ! هيثم مبتسم وهو يحبس ضحكته : ههههه طالبة كسلانة .؟ اسماء لمعت عيونها وهي تشوف ضحكته الخفيفة الأنيقة .. تحس دقات قلبها مسموعة : أيـ .. أيه كسلانة جدا التفت هيثم لصوت وراه يناديه : دكتور هيثم يطلبونك ضروري بالطوارئ هيثم : جايك مشى لعنده وهو يهز راسه ومبتسم وميقن انها تكذب .. عجيبة هالبنت وش تبغى بالضبط .. اما اسماء من دلوختها ماشت بطريقها تاركه البنات .. معقولة ابتسم لها .. وضحك !! ضحك !! انهارت ضحك من فرحتها والكل يطالعها وهي تضحك وتمشي بوناسة وماهمها !! ضحك لها ضحك ضححححك ضضضحححكك ! حتى ان ريهام تناديها ومو يمها مدرعمة مبسوطة وصلت لها ريهام : ههههههههههه وين مدرعمة .؟ شسالفة هالدكتور من وين تعرفينه ؟ اسماء : هاه .. هو كان دكتوري بجدة ريهام : يالبيه مز .. بس كأنه مغتر شوي اسماء تنهدت بحب : يحححقق له يحححققققق له *** بيت نايف – المغرب / صحى نايف من نومه .. كالعادة اوقات نومه مضروبه بدل لبسه ونزل ماحصلها لكن يسمع اصوات يم غرفة غادة ما أهتم وكمل طريقه طالع اول مافتح الباب حصل قدامه رجالين أبو احمد واحمد , : خير ياطير .؟! " التفت لأحمد " لك وجه انت جاي هنا واثق اني ماراح اشوهك ! احمد : انا جاي اعتذر .. فعلا ماكان لي حق ادخل بيتك بهالطريقة ابو احمد : وانا اعتذر عنه وعني .. سامحه كان طايش ومنقهر وماحكم عقله نايف بجمود : مايخصني ! وانقلع انت وياه من قدام بيتي لأحفر قبوركم أبو احمد : عيب يا نايف مهما كان انا رجال كبير ماتتكلم معاي كذا احمد : نايف ماتتكلم مع الشايب بهالأسلوب لأحفر قبرك انا نايف تقدم خطوتين حتى صار مواجه احمد مباشرة وقال بتشديد : قلت لك مايخصني ! شايب .؟ الله يحسن خاتمته ويله اذلفوا انفعل احمد بيمد يده لكن ابو احمد مسكه مباشرة , اما نايف كان واقف بثقة ويدينه بجيب بنطلونه ... ابو احمد : نايف حنا مو جايين نتمشكل معاك .. بس بنت ولدي وزوجته عندك وأنت رجال فاهم وتعرف القانون بيطلعها غصب نايف : وانا وش يخصني .؟ زوجته وبنته منه لهم انا بيتي ماتعتبه .. قبل افهمك قانون احترام ملكيات الغير أحمد : أجل وصل كلامي لهم لأنهم مايردون .. قولهم بنتي ابيها ! نايف بطريقة لسيارته : يوصل مشى بطريقة ... احمد بقهر : تمنيت ادفنه .. ليش ماتركتني انهد عليه يبه ! ابو نايف : من جدك انت ! اضبط نفسك .. ناسي هو مين هذا ولد عبد الرحمن الشمري مايرفع الصوت عليه كيف تمد يدك ! أحمد وهو يطالع البيت بوعيد : ماشي يا غادة انا اوريك *** الكـويت – المساء جناح فراس / طلع فراس للصالة والمنشفة على كتفه وبجامة سوداء بالكامل مناسبة فحامة شعره المبتل .. وقف وهو ينشف شعره : انت شمجلسك هنا للحين .؟! لؤي المنسدح على الكنبة : شنو بنام هنا اليوم فراس ابتسم بسخرية : على اساس متزوج ؟ لؤي تنهد : بتنام اليوم عند خويتها .. فوش يرجعني اجلس عندك فراس جلس على الكنبة : تخاف تنام لحالك مثلا .؟ لؤي : لا بس ما أحب اجلس لحالي .. حتى شقتي القديمة كنت مشاركها مع سلطان , انت اللي دايم عايش لحالك بالله ما تحسها صعبه .؟ فراس عقد حواجبه : كيف يعني ؟ لؤي : يعني ماتتمنى تسكن مع احد .. ولا مبسوط لعيشتك كذا فراس : لا ما اتمنى .. مناسبني وضعي لؤي : يعني العيشة لحالك مو صعبة .؟ خصوصا انك ما شاء الله تجلس بالشهور بمدن لحالك فراس : صعبة بس مريحة لؤي ظل يطالع التلفزيون ..بعد فترة صمت قال : العيشة معك تجيب الهم فراس : قدام ثلاث خطوات ثم انحرف زاوية حادة على اليسار تحصل الباب لؤي تجاهله وتنهد : قلبي يتسرب اشتقت لزوجتي فراس : استاجر سباك يصلحه لك .. واذا يعطله تماما يكون احسن دام مامنه فايدة هالسنة لؤي طالعه بنص عين : .......... فراس وقف ومشى يم غرفته : اطلب من الروم سيرفس مفرش اذا بتنام هنا لؤي ظل يطالعه تنهد واضح انه بيضل شايل عليه طول ماهو متزوجها .. طفى التلفزيون وطلع برا ومشى لشقته ونام هناك ابتسم وهو يطالع راس سريرهم عليه نوته " زوجي العزيز .. خصص 15 دقيقة قبل النوم فكر فيها قد ايش أنت تحبني ولا تنسى تفرش اسنانك ووقت تصحى فطورك جاهز بالثلاجة دفه وبالعافية ثم بدل وتعال الشركة لأني مشتاقة لك ... تصبح على خير :** " رجع النوتة لمكانها ونفذ تعاليمها ولجأ للنوم *** قبل تخلد ميهاف للنوم .. طق باب غرفتها فتحتها كان الشغالة : مدام .. هذا كيس كان بالمجلس طالعت ميهاف الكيسة .. تذكرت هديته اللي جابها معاه اخذتها وسكرت الباب وفتحتها قلادة الماس فخمة ومكتوب معها رسالة " رأيتـها وماخلتها صيغت إلا لنحر امرأتي " مررت اصبعها على الطقم الخيـالي بجاذبيته ولمعته سكرته بسرعة وتركته بمكانه .. ماتبي تفكر فيه يكفي النكسة اللي صارت لها اليوم من شوفته .. تو بتغمض عيونها دق جوالها ما كان عندها نية ترد بس لما شافت المتصل " أم بدوري " .. احراج ماترد ردت : هلا والله أم فراس : هلا فيك .. شخبارك ان شاء الله بخير .؟ ميهاف : حمد الله تمام .. انتي كيفك وكيف الكل .؟ ام فراس : حمد الله .. المهم ما أطول عليك بكرة انا بسوي جمعة أقدمك فيها لمعارفي ميهاف مالها خلق : بكرة .؟ ام فراس : أيـه .. وبدر أصر علي قبل يسافر أسوي تقديم لك وتستاهلين فحياك بكرة ميهاف : ان شاء الله على خير ام فراس : يله اجل في امان الله سكرت السماعة .. وش قصده بهالتقديم هذا ! كانت راح تفرح به لولا كلامه وطريقته .. حاليا تحس فيه نوايا خفية لأي حركة يسويها .. صدع راسها يعني يتزوجها ثم يتكلم بكلام يسم البدن ثم يجي اليوم بعده بهدية ثم يبي يقدمني لمجتمعه .. تنهدت وخلدت للنوم لو تضل تفكر بكل حركاته ماراح يبقى فيها عقل *** بيت نـايف – صباح / دخـل نايف البيت الساعة 6 ونص تقريبا .. صعد مباشرة لفوق كانت ابتسام ترتب سجادتهـا وبجلال الصلاة .. طلع مفاتيحه وبوكه على الطاولة وارتمى على السرير وذراعه مغطيه عيونه : بالمناسبة عمك وولده اليوم جو ابتسام التفتت بسرعة : نعم ! متى .؟ نايف : قبل اطلع من البيت حصلتهم .. ويقولون لكم يبون بنتهم ابتسام بانفعال : يموتون ماراح يلمسونها .. الحقير طلع ويبي ينتقم منها نايف ومازال منسدح وصوته متخدر بينام : وانا اقول اختك تعقل وتجهز اغراضها وتروح معهم او تعطيهم رنيم ابتسام بقهر : نعم ! وش هالقسوة اخذ بنتها واعطيهم اياه نايف رفع يده وهو يطالعها : مو قسوة هذا المنطق .. مو زوجته وبنته ؟ خلاص الرجال معاه حق ابتسام : انت مالك حق تتكلم اساسا وانت ماتعرف شصاير بينهم .! نايف : مالي دخل بخصوصياتك بس انا لي بالظاهر انا شايف رجال زوجته وبنته بعيدين عنه ومن حقه يطالب بهم ابتسام خذت جوالها وراحت تطلع من الغرفة دون ترد عليه .. ودقت مباشرة على هيثم : رد رد رد رد بعد فترة جاها الرد : ايوه ابتسام : هيثـم .. كيفك ؟ هيثم : حمد الله انتي اخبارك واخبار غدو وبنتها ؟ ابتسام : مو كويسين ... احمد رجع هيثم وقف بانفعال : نعـــــــــم !! ابتسام بقهر : ايه والله .. ويطالب ببنته و ........ انا مو عارفه شلون اتصرف هيثم : خلاص خلاص ابتسام .. انا جايكم اليوم سكر السماعة مباشرة ودق على أبو احمد لكن مايرد .. وأحمد جواله مغلق من ايام السجن : ابن الكلب كيف طلع ! ما قدر يصبـر استأذن من الدوام وطلع مباشرة وراح لأقرب مكان بعقله ممكن يكون أبو احمد فيه وظنه كان بمحله .. حصله مباشرة بسوق قديم كان دايم يجتمعون عمانه فيه .. وقف وراه وهو جالس مع مجموعة شيبان : ع البركة تسريح أحمد التفت أبو احمد وقال : نعم شجاي تبي .؟ هيثم : انا اللي اسأل هالسؤال .. عموما انا اتحرى ولدك من زمان يطلع وينه اللحين ؟ أبو احمد : مالك دخل فيه .. وحنا نبغى بنتنا هيثم : أي بنت ؟ ابو أحمد : ماشي ماشي هيثم خلك على طريقتك .. بس حنا رفعنا بالمحكمة انا نبغى نجيبها لبيت الطاعة فتح هيثم عيونه : نعم .؟ أبو احمد : ايه ... والاجراءات للحين ماشية في غضون يومين كذا تتنفذ هيثم شد على قبضته .. : ارفع قضية وحده وبرفع بدالها عشر .. من الآخر ماراح تحصلون شي ومشى بطريقة واعصابه ضاربه .. بيت الطاعة .؟ لازم أعجل ارفع قضية خلع قبل يكملون .. ماطول بتفكيره وصل لبيت نايف فتحت له ابتسام : هلا هيثم .. شصار معك .؟ هيثم : وين غادة ؟ ابتسام : جوا تفضل دخل غرفتها .. وقفت غادة مباشرة ورنيم بين يديها هيثم احتدت عيونه فيها : قد ما ودي اطبطب لك .. بس القهر اني منعتك حذرتك لا تتزوجينه , وخذي نتيجة عنادك ابتسام بهمس : هيثم مو كذا هيثم بانفعال : لا ! خل تدري انها بزر وان قراراتها فاشلة .. عشان مرة ثانية تفكر مرتين قبل تعصاني غادة نزلت راسها .. معه حق عضت ع شفتها بقهر : ..................... ابتسام : صار اللي صار بنتحاسب على قبل سنة يعني .. المهم اللحين شصار ؟ هيثم بعصبية : الزفت زوجها وأبوه رافعين طلب يجيبونها لبيت الطاعة غادة فتحت عيونها بصدمة : .. شـ ...شـ ـنو . ؟ هيثم : ايه ليش مستغربة ؟ هذا اللي من هب ناحية الباب رميتي نفسك عليه غادة حطت رنيم بسريرها وقالت بخوف : شـ نو يعني بيت الطاعة .؟ بياخذوني غصب هيثم بقهر : ايه يانانه هذا وقت تكون زوجتك قليلة ادب على بلاطة تسحبها فيه عشان تعقل ... شايفه فين حطيتي نفسك ! والاهم من كذا وش حطيتينا حنا فيه ابتسام : هيثم خلاص ! ناقصة البنت .؟ هيثم بانفعال :رجاء ابتسام خليك برا .. " التفت لغادة " يله قولي لي كيف ناوية تتصرفين ؟ غادة بانفعال وسط دموعها : وانا شدخلني .؟ اساسا انت ماكنت تدري عن شي .. طاير بحياة الدكتور والمستقبل الباهر حقك ماكنت تدري ايش كان يصير بحياة بابا الله يرحمه هيثم : كان ابو احمد يجي يضايقكم .؟ يطالبكم بفلوس .؟ يسب في أبوي .؟ وعشان كل شي سواه قررتي تكافئينه بهالطريقة .. " ارتفع صوته " انتي حتى ماحطيتي لنفسك كرامة وقت قرروا ياخذونك ببلاش غادة بعصبية : شنو قصدك من كل هالحكي .؟ قصدك تعلمني انهم بياخذوني غصب وانت بتنتقم عشاني ماسمعت كلامك وتتركهم ياخذوني ... قول قول انطقها .. اعترف انك بتتركهم ياخذوني ........ بدال كل هالحكي والتمهيد هات الزبدة وبس ! هيثم : انا رفعت طلب خلع .. ولو تطلعي بوجهي زي آخر مرة وتقولي مابي اتطلق وقتها انا بنفسي باوصلك لبيت الطاعة , وانبسطي على حالك صرتي مطلقة قبل توصلين 20 سنة غادة حسته يحتقرها : تحتقرني عشاني مطلقة .؟ هيثم : دون ما احتقرك العالم كله بيحتقرك .. نظرة المجتمع للمطلقة حقيرة غادة : المجتمع مايدري وش صار بالضبط .. بس انت تدري هيثم : اللي أعرفه اني ماتوقعت بيوم تكون اختي مطلقة ... اللي اعرفه انك سودتي وجيهنا كلنا بسبب قلة مسؤوليتك وطيشك , ماتدرين قد ايش علقت بحلقي وقت سألني المحامي الخلع لمين ! غادة بقهر : سودت وجهك .؟ على اساس كنت عادي .. على اساس كان نظرة المجتمع لنا عالية ومحترمة .. تخدع نفسك بايش .؟ قبل انا اتطلق .. عندنا أم انحاشت وتركتنا وسودت وجيهنا .." كملت بألم " اذا كنت سودت وجهك اعذرني فين بروح اشبه امي شهقت ابتسام وغطت فمها بصدمة .. بينما هيثم ماظهر على وجهه شي غير شده على قبضته بقوة وهو يسأل : شدراك ؟ غادة ودموعها على خدها : دريت .. وبأبشع طريقة عرفت فيها وانت وابتسام مشكورين عشان تركتوني غبية ومغفلة في نظر العالم كله فـوق / عقد نايف حواجبة بضيق من الأصوات .. صراخ و ..فتح عيونه بسرعة وهو يستوعب صوت رجال ! اول حاجة جت براسة أحمد مرة ثانية جا ... نزل بسرعة وانتبه لهيثم يطلع من غرفة غادة ويمشي بطريقة لبرا حتى مانتبه له وهو بنص المكان .. تنهد واضح هالمشكلة قالبتهم قلب .. طق الباب على غرفة غادة : ابتسام ابتسام وصوتها متزعزع : مو اللحين نايف شوي ! " طالعت بغادة اللي كانت دموعها على خدها وتهاوش بعصبية " حقير يقهر .. هذا وانا اخته يسوي معي كذا .؟! ابتسام : غادة روقي .. أولا هيثم قالك رفع قضية خلع يعني واقف معاك بس يبي يفهمك ان قرارك كان غلط .. تعالي فهميني وش هالحكي وش امنا انحاشت غادة طالعت ابتسام بقهر : في خاطرك تنكرين ! في خاطرك تجحدين !! عادي قولوها امي انحاشت واتركتنا ماتبينا .. ليش ذبحتوها بعيوني ليشش ابتسام : صدقيني ماكنت ابيك تعرفين و ... كونها ميته ارحم من منحاشة غادة مسحت دمعتها : ابتسام رجاء اطلعي برا ابتسام وهي زعلانة على حالة اختها .. توها صغيره وتعيش حالة طلاق وأم فجأة كانت ميته صارت حية : غـادة .. قاطعتها غادة : ابتسام اطلعي .. رجاء .. مـالي خلق اتكلم تنهدت ابتسام وطلعت وهي منكسرة ... نايف : شصاير .؟ لنا يومين مو مرتاحين يوم طاب واحد واليوم الثاني اصواتكم طالعة ابتسام تنهدت بضيق وهي تجلس على الكنبة وتمسك راسها : ما أدري نايف بهدوء جلس جمبها : ابتسام لآخر مرة اقولها ... تبغين مساعدتي انا مستعد .؟ ابتسام هزت راسها : لا .. لا بحل الوضع أنـا نايف : متأكدة .؟ ... اجل براحتك ابتسام : ................................ نايف وقف وطلع لفوق .. وابتسام جلست مع نفسها تفكر وهي تطالع غرفة غادة وبخاطرها تدخل بس ماتحس تقدر تسوي شي .. *** بيت أبو فراس – الساعة 10 ونص / نزلت اسماء من غرفتها وهي تتمخطر على الدرج وترقص : والحياااااة بئة لونها بمبي .. وانا جمبك وانتا جمبي ام فراس بضيق وهي تشوف فستان اسماء القصير : ياشينك يا اسماء انتي وهالقصير ! اسماء باست خد امها : واناااا جمممبك وانتااا جمممبي ام فراس قبصت فخذها : انتبهي وانتي تتحركين ياسمين : شفيك يمه اسماء ماعليها عتب .. شوفي بالله كانها جسمي اسماء ويدها على خصرها : نعم نعم يالبزر تعالي قابليني ! ياسمين : عليك كععب افصخيه وبتشوفي من أطول اسماء انقهرت ولأنها عارفه ان ياسمين المراهقة 14 سنة بتجي طولها خصوصا انها طويلة .. حتى تركيبة جسمها كمراهقة نفس اسماء مايفرقن كثير : مانيب فاصختها وانا اطول منك وغصب عنك ويله اذلفي من وجهي يالورعة وراحت تتمشى بالحديقة تحتري أحد يوصل .. وأول ماتوافدوا الوصول كانت تستقبلهم بفرحة .. ضحكته بوجهها عطتها سعادة لشهر قدام *** بيت أبو نايف – غرفة ميهاف / كانت جالسة على تسريحتها بعد ماخلصت الكوفيرا تسريحها وصبغها حست الصبغة تغيير حلو بما انها تزوجت خلاص .. رشت عطرها وخذت نظرة كاملة على شكلها بعد ماخلصت انتبهت لبدر يدق عليها قررت ترد يمكن تفهم وش هالزيارة : ايوه بدر : هـلا والله .. كيفـك .؟ ميهاف : وش هالتقديم ! بدر : خالاتي وزوجات ربعي يبون يشوفونك .. عشان كذا رجاء اطلعي بشكل يبيض الوجه ابيك ترفعين راسي ميهاف بغرور : مرفوع راسك لو بس اسمي مقرون باسمك بدر : المهم ! ابيك تسحرينهم ... ابي الكل يدري اني ماتزوجت أي كلام ميهاف ارتفع ضغطها .. مسافر مبسوط وجالس يكايش بها من بعيد : السواق جا مع السلامة أول ماسكر بدر السمـاعة .. جته مكالمه من خالته الي بنفس عمره " اريج " رد : هلا والله اريج بعربجتها : اسسمع انا اللحين دخلت بيتكم ... ومرتك قليلة اصل للحين ماجت بدر : هههههههههه يحق لها ملكة ماتجي الا بعدين اريج : اححلف بس ! بدر : تو سكرت منها بتجيكم اريج : والله لو ماتطلع حلوة .. لا أحاسبك على كل مرة قلت فيها انا بدر ماولدتها امها اللي تملكني بدر بثقة : اوك موافق سكرت اريج اللي كانت واقفة مع أختها " ام فراس " : والله واثق ولدك ام فراس : بحق يوثق .. ما خطبنا له الا زين الشمري كلهم اسماء دخلت وجلست على الكرسي باحباط .. اريج : شبلاك بعد انتي ! توك تطامرين وتغنين اسماء : يمه زوجة نايف مب جاية ام فراس : افا ليه اسماء : تقول مشغولة ام فراس : اجل بعذرها اسماء بانفعال : لا والله مالها عذذذذر !!! ام فراس : هاو كيف مالها عذر ! اسماء وهي تطلع وتتحلطم : اففف اريج : انهبلت بنتك دخلت ياسمين بحماس : ماما ميهاف جت اريج نطت : يله نروح نفحصها زوجة بديران دخلت ميهاف بثقتها العالية وهي تسلم على مجتمع كامل ماتعرفهم .. أول مرة تقابل أهل أم فراس سلمت بذرابتها المعتادة على الكل لحد وصلت لأسماء : والله أهل امك كثيرين اسماء بضجر : ايه ... صح تذكرت ! زوجة اخوك ليش ماجت .؟ ميهاف عقدت حواجبها : ابتسام .؟ ما أدري قالت لي امي انها مشغولة اليوم اسماء حاست بفمها : وش بيشغلها يعني بلا ماتبي تجي بيتنا ميهاف : ههههههه وانتي من متى حساسة كذا .؟ اسماء : المهم اسمعي .. ترا خالاتي بيطلعون معكم يوم كشته هذا اقتراح اريج الخبلة ميهاف عقدت حواجبها : وعلى أي اساس مقررين هالطلعة .؟ مقدر بصراحة اسماء : والله اريج استأذنت من بدر وبدر قال ايه فجهزت كلش ميهاف : وبدر يقرر عني كذا دون يقولي ! اسماء : ماقالك .؟ ميهاف بقهر : لا والله ماقالي .. يقرر من راسه كذا اسماء : ما أدري .. تعالي بس نجلس مع البنات وروقي جلست ميهاف جمب أمها .. وهي تسولف بأناقة .. ترد على اللي يكلمها مخصوص بس ماعدا كذا تكتفي بابتسامة وهي تسمع حديث المجلس *** الكـويت – الساعة 7 مساءا / نزلت سارا من شركتها بعد ما دق عليها انه وصل .. ضرب البوري عشان تنتبه له وركبت / عقدت حواجبها : من هذي سيارته ماعرفتك لؤي : سيارتي فتحت عيونها : متى غيرها تو قبل أمس راكبه معاك ماكانت هذي لؤي : ايه طفشت اليوم رحت شريتها .. بخاطري من زمان سارا وهي تقيم السيارة بعيونها : لـؤي .. انت للحين مامسكت وظيفة .؟ لؤي : لا ولا حاولت .. مرتاح هالفترة كذا سارا : ايه بس اشوفك ترمي بهالفلوس كأنك موظف لؤي بعدم اهتمام : الخير واجد سارا تنهدت بضيق : مو عاجبني وضعك كذا لؤي : انا مقصر معاك بشي .؟ سارا : مو كذا قاطعها لؤي : اجل وظيفتي مالك فيها .. اتوظف ما اتوظف كيفي , بالله سارا كافيني أبوي مقلقني بهالمواضيع مو ناقصك انتي كمان سارا قالت تغير الموضوع : فينك اليوم ماجيتني بالمكتب ؟ لؤي : ماصحيت بدري .. وعزمني واحد ودجيت شوي تو خلصت سارا : اهـا .. وقف شوي قدام السوبر ماركت وقفوا قدام السوبر ماركت ... نزلوا وهم يتمشون بين الأركان .. لؤي : تبغي حاجة معينة .؟ سارا : ايه بس غرض مخصص ... ايوه هذا هو خذت الكم غرض وقفوا عند المحاسبة ... المحاسب : اغراضج بـمية وثلاثين دينار سارا عقدت حواجبها : انا اشتريها من سوبر ماركت ثاني بمية بس المحاسب ضاق .. والمحاسبين مايكرهون شي بالحياة كثر هالاشكال : والله هذي اسعارنا لؤي أول مرة يكتشف فيها البخل هذا .. : خلاص قلبي مايسوى على الرجال بدفعها سارا طلعت من شنطتها مية وحطتها واخذت كيستها : هذي مية مافيه غيرها .. ماني هندية قدامك تلعب علي بالاسعار وطلعت . . المحاسب اخذها متعود ع هالاشكال هز لؤي راسه وعطى المحاسب خمسين : باقي الحساب وامسحها بوجهي لحقها لؤي وركب السيارة : لا عاد تكرري هالحركة .. اذكر مرة اشتغلت بسوبر ماركت كرهت وقاحة الزباين اللي كذا سارا : وقاحة ! لؤي بصدق : ايه ليش الكذب .؟ حركتك وقحة ترا هو ماراح يستفيد من الخمسين عطيتيه ولا لا راتبه ثابت ... صدقيني مو مهتم يلعب عليك ويخدع حنكتك الزايدة سارا : ايه بس الاسعار ثابته ليش يلعب علي فيها ! لؤي : خلاص سارا سكري .. مرة ثانية اذا ناوية تكاسري قولي لي ما انزل معاك بوجودي رجاء لا تكرري هالحركة سارا : افشلك مثلا .! لؤي : ايه الحركة تفشل .. اكثر نقاشات اكرها نقاشات حب المادة سارا انقهرت حست حركتها قلة ذوق صدق .. سكتت دون ترد , لؤي انتبه لها وهي ساكته وتطالع الشباك قبص خدها : ياحلوك مكشرة سارا ابعدت يده : يوه لؤي اتركني رجع لؤي يقبص خاصرتها : روقتي .؟ سارا ابتسمت : ايه روقت .. هههههههه صدمتك صح .؟ لؤي : ههههههه نوعا ما ماتوقعتك كذا سارا : وتو فيه اشياء واجد فيني بتصدمك .. بس انت اللي تزوجتني يعني تصبر مو مشكلتي لؤي : لنا الله شنسوي بعد بنصبر أول ماوصلوا الشقة ... سارا : حياتي وش تبغى تتعشى لؤي : لا شبعان حمد الله .. تعشي انتي انا داخل انام سارا : متأكد ؟ لؤي : ايه متعشي قبل امرك سارا : اجل انا كمان متعشية .. بس خفت تكون جويع خلد لؤي للنوم وهو مدلوخ .. فتح عيونه بنص نومته وهو ينتبه لها تقوم من تمشي على الشقة تطفي الأنوار ... ابتسم على حركة الشيبان اللي سوتها بجد اول حاجة يكتشفها فيها من تزوجوا ومن عرفها , مقتصده لحد البخل عاد رغم انه ماكان يبين عليها *** الكويت – الساعة 12 ونص / المؤسسة بهالوقت هدوء .. كان جالس بمكتبه ينهي بعض المعاملات الضرورية بنص شغله دق جواله سياسته مايرد على احد بهالوقت بس هالرقم بالذات مستحيل يتجاهله رد مباشرة : ايوه صوت رجالي : اهلين طال عمرك .. كيفك .؟ فراس : شداق تبغى ؟ : ابشرك .. حصلناها فتح فراس عيونه وافلت القلم من يده ووقف : متـــأكد ؟!! : ايه والله .. متأكد وابغى حلاوة الخبرية ؟ فراس : لازم أتاكد اول ! واذا طلع كلامك صح اعتبر نفسك مليونير .. واذا العكس أعتبر اسمك بالسوق السوداء ملغي :لا ان شاء الله كلامي صحيح ..و ما أتوقع اقل من كذا من المدير التنفيذي فراس : وينك ؟ : طرابلس فراس : ولا تتحرك .. بأقرب فرصة بكون عندك سكر السماعة وضغط على نداء السكرتير : تفضل فراس : احجز لي اقرب طيارة لطرابلس .. ولا تهتم اذا درجة اولى او غيره اقرب رحلة لو مع العفش ! استغرب السكرتير انه يتنازل عن رفاهيته : حاضر جلس فراس على كرسيه وهو يحس آخرة صبره هالسنين وصل لنتيجة .. شد على قبضته بعزم : والله وطحتي ومحد سمى عليك بيت نايف .. الساعة 1 مساءا / غادة للحين مسكرة عليها غرفتها وعايشة بتوتر فضيع .. للحين كلام هيثم براسها بيت طاعة ! بياخذونها ! .......تفكيرها طول اليوم كان يدور حول فكرة وحده والظاهر لازم تعزم عليها بلعت ريقها بخوف ووقفت عند سرير رنيم واستمدت شجاعتها لما عرفت انها مسؤولة عنها ولازم تتصرف لأن محد بينفعها .. مسكت جوالها بيدين مرتجفه ودقت : الـو .. ممكن اطلب تاكسي بحي ال ******* شارع ******* .... ايه اللحين .. شكرا يعطيك العافية سحبت شنطة متوسطة الحجم ودخلت الأغراض الضرورية بس اللي تحتاجها وكم لبسه لها ولرنيم .. لفت رنيم بمهادها وتركتها وهي تسحب رجلها لبرا ودخلت مكتب نايف الموجود بالطابق التحتي بلعت ريقها وهي تفتح التوجيري حقه ماتدري ليش حفظت رمزه لما فتحته ابتسام .. وسحبت لها رزمتين فلوس وطلعت وهي تترك رسالة على سريرها وخذت رنيم وشنطتها وطلعت بسرعة قبل يدق التاكسي الجرس ويخرب كلش أول ماوصل ركبت معه : المـطار ! ودقات قلبها جنونية .. حتى انها تتوتر من نظرة صاحب التاكسي ومن كلش حولها ومن السيارات والطريق وكلش , ماراح تنتظر خلع ولا بيت طاعة ولا شي ... بتروح ولا راح تطالع وراها |
رد: انتماءات كاذبة
رائع استمري حبيبتي معك ههههه وعجبني رده فعل اسوم لما هيثم ضحكلها . واحمد الله يكسره ان شاء الله وياخذ حق غاده منه . رده فعل هيثم اتجاه الي حصل مع غاده معها ان يكون شديد معها حتى تعرف الخطأ بتصرفها من اصرارها على زواجها من احمد لكن مو بهذا الاسلوب . نايف وابتسام واستمرار مسلسل التجاهل الى متى . بدر وميهاف تمنيت ان ميهاف تكون اشد اكثر في تصرفاتها مع بدر حتى تكسر غروره شوي .
|
رد: انتماءات كاذبة
اقتباس:
بخصوص غادة اظن المفروض كانوا يثبتوا حالة بالمستشفى انه زوجها ضربها ومن ثم تطلب الخلع بصراحة هيثم انسان اناني.. بيعرف انه الوحيد السند لاخواته ومع ذلك المهم مستقبله ودايما مو فاضي لهم.. شو فايدة المنصب والشهادة وهو مو عارف عن احوال اخواته ابتسام وعلاقتها بزوجها وغادة وظلمها من قبل زوجها واهله بدر ومهياف .. اتوقع بالحالة الطبيعية انه البنت تحكي لامها او ابوها.. لانه في خلل كبير بعلاقتها بخطيبها وخاصة انه هي مدللة من قبل اهلها ولن يرضوا بظلمها بانتظار الفصل القادم عزيزتي |
رد: انتماءات كاذبة
اقتباس:
نورتيني ياجميـلاه |
رد: انتماءات كاذبة
اقتباس:
ميهاف غبية معك حق لكن هي عارفه بصفتها المدلله ان اهلها لو يعرفون ماراح يتمون الخطبه وهي مو حابه تخسره .. ان شاء الله ماتكون مره غلطآنه وبإنتظار مرورك بإذن الله |
رد: انتماءات كاذبة
آشوفـــكم بالفصل الجاي غدا بإذن الله .. واللي راح يكون فصل مميز بالنسبه لي
إن شاء الله يعجبكم |
رد: انتماءات كاذبة
" البارت العشرين "
- ليس كل مانراه فيمن نحب صوابا فـ أعين الحب لا ترى عيوب محبوبها .. " ليلة أمس راجعت حياتي كلها .. من أنولدت بهالدنيا لحتى الـيوم , واللي لاحظته خلال ال 19 سنة اللي عشتها أنك كنتي معاي بكل لحظه للحين , قد ماجو ناس وراحو انتي اللي كنتي ثابتة أنولدت وأنتي كنتي 7 سنين رغم كذا شلتي مسؤوليتي لما قررت ماما تتركنا , انا مافقدت يكون لي " ام " بحياتي والفضل لك ... ماتركتيني افقد دورها .. كنتي طفلة رغم كذا شلتي مسؤولية طفلة , وانا عارفة اني جالسة اقابل كل هذا بالخيانة بس مقدر أقولك غير سامحيني .. ولا تكرهيني بيوم مافيه قلب بهالدنيا يحبني غيرك اذا فقدتك معناها مالي بقلب احد مقدار .. انتي مثالي الأعلى بالحياة وقد ماحاولت اكون مثلك ماقدرت .. تعبت كافحت ماقدرت , كنت بالمتوسط سيئة العن حياتي يوميا رغم وجودكم فيها .. والعن حظي يوميا والعن فقري لأني تمنيت البس زي البنات وآكل زيهم والعب زيهم , بهالوقت اللي كنت اكون فيه تافهه ومنحطة ومزعجة لك ولبابا ولهيثم ... كنت اشوفك غير كلنا نعيش نفس الظروف ومسؤوليتك أكبر لكن كنتي اقوى كنتي أسعد , وقت انهار بشكل درامي شهريا يضربني هيثم ويحبسني بالغرفة كنتي تتوسطي لي وتعتذرين مكاني .. وقت كانو المدرسة يكلموك ويقولو اختك سرقت اختك انحاشت اختك غلطت على المدرسة كنتي تجين وتعتذرين وتسمعي كلام المدرسات المحقر لنا لأن ماتربينا .. ماراح اطول مهما استرجعت ماراح اوفي حقك .. بس انا مضطرة مقدر اترك نفسي وبنتي بين يدين هيثم وأحمد وانتظر أي يد بتفلتني أول .. لا تدوريني ولا تسألي عني لأني عايشة بسلام بمكان يناسبني وأعتذري لي من نايف سرقت من خزنته بس يعتبرها انتقام بسيط للسانه الطويل .. وبالنسبة لهيثم بتضطري تعتذري مرة ثانية عني انا اسفة .. قولي له اسفة اني سودت وجهه كالعادة وقولي له يرتاح ولا يكلف نفسه يستحي من اخت مطلقة اتمنى هيثم يصير أكبر جراح عظام وقتها راح اقدر اسمع اخباره من بعيد .. وأنتي عيشي حياتك مع زوجك براحة وادخلي بقوة في مجتمعك المخملي .. وانا راح اربي بنتي واعيش معهـا .. كذا أحسن وللكل - غادة " ارتجفت يدين ابتسام وهي تجلس على سرير غادة وعيونها تمشي على الغرفة المرتبة ترتيب مغادرة .. للحين بالغرفة لمساتها .. ملابسها اللي اشترتها مع ابتسام لما جت هنا موجودة . ملابس رنيم لسى موجودة ومعظم اغراضها هنا واللي صدمها أكثر جوالها هنا اجهزتها هنا .. كأن الغرفة ما أخذ منها الا اغراض بسيطة بس .. دخل نايف البيت .. انتبه للغرفة مفتوحه على غير العادة مايدري متى آخر مرة شافتها مفتوحه كذا ..تنحنح مافيه رد مشى بخفة الغرفة خالية مافيه الا ابتسام اللي جالسة بصدمة والورقة طايحة من يدها .. عقد حواجبة : ابتسام .؟ ابتسام التفتت له بخوف : غـادة .. نايف : شفيـها ؟ ابتسام بلعت ريقها : مو هنا .. نايف : كيف مو هنا ! ابتسام مسكت راسها : مو عارفة .. طلعت من البيت وكاتبه رسالة توديع وش يعني نايف : انحاشت .؟! ابتسام بهلع وصدرها يرقى وينزل : كيف شلون ... لا شلون تنحاش مستحيل نايف : هـدي .. يمدي القاها لك ماراح تبعد ابتسام : صدق .؟ نايف : ايه قسم الاستخبارات بشركة ابوي يطلعونها لك حتى لو سافرت .. انتي روقي وهي راح ترجع ابتسام هدت شوي : طيب بسرعة ! قبل تبعد اكثر من كذا شكلها طالعه من الليل ولحالها ولا راح تعرف تتصرف .. بسرعة قبل يكتشفها هيثم وقتها راح يذبحها *** وصل فراس مباشرة للشقق المفروشة المتواضعة وصعد لرقم الغرفة .. فتح له رجال ممتلئ الجسم نوعا ما بهيئة رثة بشعر اشقر وكان على وجهه التوتر : مرحبا ومسهلا فراس مباشرة دون مقدمات : وينها .؟ بلع ريقه وقال : تفضل تفضل اجلس ارمقه فراس بنظره : مو جاي أجلس بهالمزبلة ...... وينها ! الرجال : هوا .. هي موجودة موجودة ببيتها بس .. احتدت نظرة فراس : قااااسم ! الرجال بلع ريقه : ......... فراس : تعرفني أكره اللف والدوران والحكي الواجد .. اكرها اكثر من اي شي من الآخر انطق الرجال : مو هي .. كنت اظنها هي لانها رجعت بيتها بس لما رحت طلعت حرمة ثانية لكمـة افرغ فيها غضبه .. ثم ضمه من ياقة بلوزته وحشره بالزاوية وبعيون قادحة غضب : تتجرأ توصل لي معلومة غلط !! الرجال بخوف وهو يمسك يده يقاوم الخنقة اللي يحس بها : سامحني طال عمرك صدقني تلخبطت علي صرخ باعلى صوته : كييييييف تلخبطت عليك كيف !! ما أفهم اشرح لي الرجال : كان عنوانها خالي كل هالفترة .. ولما قالو رجعت تسكنه قلت اكيد هي لكن طلعت وحده ثانية فراس وهو يشد على رقبة الرجال أكثر : لو أزهق روحك بهاللحظة ماراح يكفيني فيك الرجال : لا واللي يخليك .. تكفى انا غلطت بس الا الموت فراس صرخ فيه : انشعععم .. لك وجه تخاف على حياتك .؟ كان خفت قبل تكذب علي الرجال : اسف .. غلطت سامحني تكففى سامحني افلته فراس : ماراح اقتلك اللحين .. قوم وصلني للبيت اللي حصلته الرجال : مو هي صدقني متأكد ركله فراس : كل تبن .. وادع ربك تكون هي بس متغيره لأن لو تطلع بجد مو هي وقتها ذابحك ذابحك الرجال : اطلب أي شي ثاني وحاضر .. أي شي فراس : ما أحب اعيد كلامي مرتين ! " كمل بحدة " قلت لك قم على رجليك وصلني للبيت وقف الرجال وركب السيارة وفراس جمبه بعد ماطلعوا من الشقق المفروشة .. بطريقهم للبيت *** لؤي كان جالس بقلق وهو يدق على فراس مايرد تنهد بضيق .. سارا طالعته مستغربة : شفيك لؤي تغدا لؤي رمى بجواله على الطاولة وياكل بصمت ... سارا : فيك شي .؟ لؤي قلبه قارصه من أمس ..ولما راح للشركة يطمن نفسه وقالو " سافر طرابلس " تأكد ان احساسه صح : مافيه شي سارا : إلا فيه .. منت على بعضك لؤي ترك الملعقة : مالي خلق آكـل سارا بضيق : ما أعجبك الأكل .؟ لؤي : مو على الاكل انا شهيتي مسدوده سارا : لا أكيد مو عاجبك الأكل ! لؤي : وربي مو على الأكـل سارا : اجل ليش ما تاكل .؟ لؤي بضيق : خلاص سارا يعني يا مو عاجبني يا مو عاجبني ! وقف طالع من الشقة وكلش ضايق عليه .. هز راسه بإنكار : مستحيل يسويها .. ما ارتاح ركب سيارته واتجه للشركة لمصعب مباشرة : متى سافر .؟ مصعب : ما أدري والله جاته مكالمة من رقم دولي .. وعقبها حجز مباشرة واللي محيرني انه مستحيل يسافر بغير الدرجة الاولى حتى لو اجتماع مهم هالمرة مسافر بمقعد مسافر عادي لؤي : تعرف الرقم ؟ مصعب : للاسف لا تنهد لؤي بضيق .. يحسب السالفة ماتت بس الظاهر كانت حيه مع فراس طول الوقت ومجرد ينتظر اللحظة المناسبة .. رجع يدق بيأس لكن مايرد : تكفى فراس لا تتهور .. من وين طلعت هالسالفة بعد *** بيت نـايف .. المغرب / دخل واستقبلته مباشرة : شصار .؟! هيثم دق علي اكثر من مرة وكلها اصرفه فينها ! نايف : اكيد ما طلعت من الرياض .. لأن مافيه ولا بيانات انها سافرت ابتسام : يعني ماحصلتها .. نايف بضيق : للأسف لا ابتسام بهم : اسفه اقولك .. بس خزنتك مسروقة نايف حط يده على كتفها : ما ينحكى فيها فدا رجليك .. المهم نحصلها اللحين ابتسام بتوتر : طول عمري اعرف انها مجنونة ومتهورة .. بس لدرجة تنحاش .؟ تتركنا ! لا مو كذا نايف : المشكلة ما تركنا مكان ما دورنا فيه .. ماحصلناها ابتسام : شاسوي !! شاقول لهيثم .. تو كلمني وقال بيجي نايف : ابتسام ماراح تحصلي شي من تمطيط السالفة .. مصيره يعرف ابتسام ما استوعبت بجد .. كيف تنحاش كيف تترك اهلها ! لا مو لهالدرجة انضرب قلبها وقت دق الجرس : ياويلي هذا هيثم نايف : رايح افتح طلع نايف ... بينما ابتسام ظلت واقفة بمكانها تستجمع شجاعتها كيف بتقول بوجهه انها انحاشت وكيف ردة فعله و و و .. دخل هيثـم لحاله دون نايف .. ابتسام : فين نايف .؟ هيثم : سلم علي وطلع يقول مشغول .. " تنهد " هدت غادة ؟ ابتسام عضت على شفتها بتوتر .. هيثم عقد حواجبه : احاكيك ابتسام :آآآ ... غادة مو موجودة هيثم : شلون ؟! ابتسام : مو موجودة .. صحيت اليوم ماحصلتها وتركت رسالة " مدتها له " مسك هيثم الورقة .. وابتسام طالعته بتوتر وهي تشوف حركة عيونه .. مرت لحظة صمت طويلة استغربت ابتسام عيونه مازالت بالورقة اكيد قراها وخلص .... بعد فترة طالت بقوة .. عفط الورقة بيده وعطاها ظهره طالع .. ابتسام لحقته : هيثثثم ! مافيه رد مكمل مشي .. ابتسام مسكت يده ولفته لها : هيثثثم !! شنو شنسوي ؟ غادة انحاشت وشلون هيثم افلت يده منها وقال بهدوء : آخر مرة تقولين اسمها قدامي .. وطلع مباشرة .. ابتسام توقعت هالشي على طول .. ماتوقعته يصارخ ما عمره عبر عن مشاعره او فرغها .. وما عمره عطى انسان فرصة ثانية بحياته هي لحظة وحده ممكن الانسان يرقى وينزل بحياته وغادة بحركتها هذي تركته يرميها برا حياته كليا ! حتى لو يحصلونها مجرد تفكيرها بالهروب سود صفحتها بحياته تماما جلست ابتسام بصدمة .. وقال بقهر : حسبي الله عليك ياغادة .. فين رحتي ! *** عند هيثم .. وصل المستشفى وكمل عملياته ماكنسل ولا وحدة , وفي داخله حقد عليها بشكل كبير لو يتمنى انها ترجع اللحين بيتمنى عشان سبب واحد ... عشان يفرغ حرته فيها , جلس بالكافتريا لحاله بصمت (( غـادة 12 سنة .. هيثم 22 سنة .. ابتسام 18 سنة / غادة واقفة وقفتها الجريئة رغم ارتجاف قلبها .. وابتسام قدامها تصارخ عليها : وش هالشعر ! مهبولة تضيعين 200 عشان تسوين كذا بشعرك غادة : أيه عادي .. انتي عطيتيني اياها وانا تصرف ابتسام : عطيتك عشان تصرفيها بشي صاحي مو تحطين شعرك كأنك ولد ابو هيثم : اتركيها ابتسام خلاص جاها مايكفيها هيثم اللي جالس يراقب : خلاص ابتسام راحت ابتسام : مو بكيفها ! تكبر كذا على هالحركات البايخة غادة انفجرت : والله حتى لو حاطتها بفستان هاوشتي ! لو حاطتها بجزمة هاوشتي ! لو حاطتها بشنطة هاوشتي !! والله لو شاريه فيها أكل هاوشتي ..... بتهاوشين بكل الاحوال فما فيه داعي اكلف نفسي ابتسام قبصت اذنها : كلي تبن يالبزر .. لسانك اطول منك فهمنا انك عايشة فترة مراهقة خلاص غادة ودمعتها بعينها : اااااااااااااا ياكلبة اذني .. " ابعدت منها " اسمعي ابتسام انا ماني بزر تمدين يدك علي .. احترمي نفسك ولا تعيشين دور الأم بزيادة !! هيثم صرخ فيها : اطبقي فممك .. لا أقوم عليك اللحين وتعرفين الباقي غادة : نطق الدكتور اللي له سنين ماتخرج ! هيثم فتح عيونه . غادة لما شافت نظرته الحادة لها وكأنه بيضربها انكسرت على طول : ههه امزح امزح شفيك ابتسام : غادة برا لا يصير شي مايرضيك غادة بقهر : مالت عليكم كلكم ... بيجي يوم انحاش فيه من هالبيت المعفن وطلعت برا الغرفة .. وقف هيثم بيلحقها لكن ابو هيثم مسكه : اتركها هيثم .. صغيره وما تفهم هيثم : زهقنا وحنا نقول صغيرة ! وهذا اللي يخليها تزودها !! بزر ماعندها مسؤولية )) صحى من هالذكرى على صوت زميله : هيثم هيثم : ايوه : فينك لي ساعى اكلمك هيثم : معليش مراد .. دايخ شوي : اها روح ارتاح اجل ونكمل بعدين عدل هيثم جلسته : لا .. اللحين نكمل يله *** فراس بضجر بعد ماطولوا واقفين قدام البيت لكن ماشافوها .. : انزل طق الجرس .. واسأل أي سؤال : شأقول .. فراس رفع حواجبه ...الرجال مباشرة : خلاص حاضر حاضر صلب فراس ظهره من اتكائته وهو يتحرى طلعتها .. أول ماطلعت امرأة بمنتصف العمر تقريبا 30 سنة بشعر كستنائي قصير وطول ممشوق وبشره بيضاء ناصعه وعيون رمادية حدق بقوة ومثل ماقال " مو هي " لكنها مو غريبة يعرفها ... اعتصر ذاكرته وحصلها اخيرا هي ماغيرها ماطاح على راس المشكلة لكن وصل لطرف .. رجع يركب : شايف قلت لك مو هي فراس تسند على الكرسي : معك حق مو هي .. شالمفروض اسوي معاك اللحين ؟ الرجال : راح اضل ادور عنها .. صدقني راح ادور عنها وهالمرة بحصلها اكيد فراس : انسى .. مالك أمل تشتغل عندي بعد اليوم , ومثل ماقلت لك اسمك بالسوق السوداء ملغي ولو تتكلم عن أي شي بيني وبينك وقتها .... ولا أقولك اتركها لوقتها وراح تعرف اني ما امزح الرجال : ماراح اتكلم صدقني ! فراس فتح باب السيارة ونزل : واللحين انقلع من وجهي الرجال ماصدق .. مشى بسيارته لبعيد يبعد قد مايقدر دام نجى اما فراس رمى البيت بنظرة ومشى بطريقه اثناء مشيه وهو يرتب افكاره يرتب رد اعتباره .... دق جواله " لؤي " ..: نعم لؤي ! لؤي مباشرة : شتسوي بطرابلس ! فراس تنهد : ... لا تخاف مو اللي ببالك لؤي ما أقتنع قال بقلق : فراس واللي يعافيك ارجع .. لا تفتح السالفة من جديد فراس : قلت لك مو اللي ببالك ! ومقدر ارجع عندي شغل .. وترا ابثرتني باتصالاتك لؤي : انا جايك اجل ! فراس تنهد : لا تجي مو فاضيلك .. وصدقني مجرد اجراءات وفرع جديد بخلصه هالشهر وراجع تو لؤي بيتكلم : طوط .. طوط .. طوط اول ماسكرها لؤي دق جواله " سارا " ... تنهد وحط جواله دون يرد وراسه يعتصره مرت على السالفة سنين ... ليش للحين يتذكرها ؟! ... لا لا ان شاء الله زي ماقال مجرد شغل ولو ان قلبي مو مرتاح *** بعـد أسبوع :- في بيت أبو نايف / كانت اسماء وميهاف بالصالة مع أم فراس وام نايف ام نايف : ايه والله هالحكي صحيح اسماء شهقت : معقولة ! ميهاف : ايه .. نايف بنفسه قايل لنا بيوم نامو صحو كانت انحاشت ام فراس : لا حول ولا قوة الا بالله ... وعرفتوا ليه ام ميهاف : يقول نايف مشاكل بينها وبين زوجها واهلها .. بس مدري وش بالضبط اسماء مسكت قلبها بحزن ( أكيد بيكون زعلان .. ياقلبي ليش يصير معك كذا ؟ لازم اروح اتطمن عليه ) ميهاف : عاد البنت حبوبة وفرفوشة .. ماتوقعت تسويها .. ام فراس : وكيف ابتسام .؟ ام نايف : والله انا كلمتها وشكلها مو تمام بس وش بتسوي .؟ الله يعينهم ام فراس : الله يعينها ماراح تسلم من كلام الناس .. الكل جايب سيرتها ام نايف : الله المستعان .. المهم يا ام فراس خلاص اكيد الرحلة بكرة ؟ ام فراس ابتسمت : ايه .. خواتي لهم فترة يخططون واخيرا خلاص زبطت يبغونها بكرة أكيد ام نايف : على خير أجل *** السـاعة 5 ونص / دخل نايف البيت .. تنهد وهو يشوفها كعادتها يا تنظف ياترتب ياتطبخ , طول هالاسبوع مابان عليها حزن ولا حتى بكت بس مهلكه نفسها بالشغل .. التفتت لما حست عليه : رجعت .؟ نايف : ايه .. بالمناسبة امي تدق عليك ماتردي , تبغى تقولك تروحين معاهم للرحلة بكرة ابتسام : راح اعتذر منها مقدر نايف : وليه ماتقدري .؟ مو شايف عندك شغل ابتسام وهي تنظف : مو شايفني مشغولة .. سحب نايف المكنسة من يدها : خلاص شغل ابتسام , البيت اشتكى من زود النظافه هلكتيه .. اطلعي غيري جو ابتسام نزلت راسها : مقدر .. نايف : عطيني سبب طيب ! ابتسام بقهر : اختي منحاشة ولا اعرف فينها ولا فين ارضها من سماها .. ولا هي تاكل ولا تشرب ولا عايشة حتى ! واخوي كل ماكلمته عشان يساعدني بالوضع سكرها بوجهي او مايرد ورسميا تبرى منها ... " كملت بغصة " حتى أنت ... لما كانت غادة موجوده كنت على طول بالبيت وتجلس وتسولف من راحت ماعدت اشوفك الا وقت النوم .. خلاص فهمت اني ماني حيوية زيها ومملة بس .." كملت بتردد "مهما كان انا زوجتك وظروفي هالفترة صعبه محتاجتك جمبي .. وبهالوقت بالذات ما أحصلك اظل طول اليوم مع حالي وعقلي فيه مليون فكرة .. وتقولي ليش ماتقدري ! نايف ابتسم وضربها على راسها بخفه : غبية .. تقارني نفسك ببزر ملسونه زي غادة ابتسام مسكت راسها بألم وطالعته : ............... نايف : صـح انا كنت اجلس كثير لما كانت موجودة .. وصح انها مسلية اكثر منك بس صدقيني لو يخيروني بينها وبينك ماراح اختارها , لأن الرجال وقت الجد مايحتاج جمبه وحده تسليه وتضحكه ويلعب معها وفوق كل ذاه تسرقه وتروح .. لا يحتاج وحده زيك قوية يسند كتفه عليها وتتحمل ومهما كان ماتهرب من الموقف , ذكية يقدر يحصل راي منطقي عندها " كمل بابتسامة جانبية جذابه " وانا الصدق ما أحب البزران احب اجاكرهم واناغشهم بس مايجيب راسي الا وحده انوثتها طاغية زيك ابتسام وجهها لان وهي تسمعه وقلبها يدق : ................ نايف حاوطها بذراعه من كتوفه وقال بهمس باذنها : وانا شفت غادة كذا مرة .. ماتنحط جمبك ولا تتقارن يكفي بس هالجسم .. " تنهد " اويلاه ابتسام ابتسمت واسندت راسها على صدره وحاوطت خصره بيدها : بجـد .؟ نايف وهو يضمها : وجد الجد .. عشان كذا عشان خاطري روحي معاي بكرة للكشته وسعي صدرك ابتسام وهي تحس كلامه ريحها : اوك نايف وهو يمسح على راسها : الله يخليك لي ابتسام براحة : ويخليك لي يارب *** يـوم الكشتة رغم انه بالبر .. الا ان تصميم المكان بطريقة الخيام المبنية والاقسام والمطبخ الجاهز كان المكان متعوب عليه / اسماء كانت جالسة تسولف مع ميهـاف وخالاتها .. اول ماسمعت حس ابتسام رفعت راسها مباشرة بقلق وهي تشوفها .. قبصها قلبها وهي تسمع الهمس حولها هي ماتحملت كيف ابتسام .. لكن ابتسام كانت اقوى منها وتسلم وتبتسم وتتجاهل الهمس المزعج .. سلمت اسماء عليها بحرارة وقالت بنبرة واضح فيها القلق : كيفـك ؟ ابتسام ابتسمت : حمد الله كلش تمام .. انتي كيفك .؟ اسماء : بخير اذا انتي بخير جلست بمكان منفرد بهدوء .. كان هدوئها معتاد بس بالنسبة لأسماء فسرته على طول انها اكيد " زعلانه " تنهدت بضيق ... ميهاف بنص الجلسة دق جوالها .. استأذنت وطلعت برا الخيمة وردت : ايوه بدر : سمعت أنك وصلتي للخيام ميهاف : ايه بدر : ههههه وأريج ازعجتني وهي تمدحك ترا .. قلت اسحريهم بس مو كذا ميهاف بثقة : ايش توقعت اقل من كذا مني .؟ بدر بطريقه يكسر فيها ثقتها : ما أتوقع اقل من كذا من زوجة الهاليو بدر ميهاف فعلا احبطت .. لكن قالت بثقة : ايوه .. بما اني رفعت راسك اسمح لي بهالكلمة بدر : شنو ؟ ميهاف : مثل ما أنا ارفع راسك احتاجك ترفع راسي .. ايش هالصور اللي منتشره هاليومين بالمجلة ماحصلت احسن من كذا ؟ بدر وضغطه انقلب فجأة : ................. ميهاف تقلد اسلوبه : يعني أنا ميهـاف اللي الكل يخطبها والكل يتمناها .. بعد كل هذا يجي زوجي بهالصور اللي مافيها تناسق لا بالمكان ولا اللبس ولا شي .. بصراحة فشلتني بدر : .................. الظاهر كنت غلطان لما ندمت على اني سويت فيك كذا تستاهلي اكثر والله ميهاف : شفيك زعلت .؟ حنا زوجين لازم نصارح بعض , انا اتقبل انتقادك وانت تتقبل انتقادي , رجاء انتبه لصورك الجاية يكفي فشايل وسكرت مباشرة .. وابتسمت بنصر بينما كان هو في حالة غيظ يتمنى يوصلها بهاللحظة خربت عليه متعة نجاحة كله بهالكلمتين ! جته مسؤولة المكياج : استاز بدر مكياجك وقف بدر ورمى باللي بيده : ماراح اصور اليوم ! المخرج : شنو .؟ بدر وهو طالع : مثل ماقلت لك ! عدلو تصويركم الخايس وارجع المخرج : ايش صاير معاه هذا فجأة !! : مابعرف *** غـــادة / طول رحلتها هذي كانت مع العفش .. ماعمرها خذت مقعد رسمي عشان مايكتشفوها بالسجلات , واخيرا وصلت طرابلس .. مشت بالمكان وشكلها غريب بين الكل هناك الوحيدة بعبايتها ونقابها .. بلعت ريقها وكلش فيها مكركب وهي تهز رنيم اللي تبكي من الضيق هالفترة بالمشاوير والامكان الغير مريحة : .............. اثناء ماهي تهدي رنيم تملكتها رغبة شديدة تبكي .. فيه حصا بحلقها تبي تبكي .... من اللامكان محتاجة تبكي بلعت ريقها بألم وكملت طريقها لحد ماوصلت العنوان المقصود .. ضربت الجرس بإيدين مرتجفة : .......... : ميـــن .؟! غـادة ماعرفت وش تقـول قالت بتردد : هذا بيت المصممة لارا ؟ انفتح الباب .. غادة فتحت عيونها بوسعها وهي تشوف المفروض تكون " امها " , : .................... عقدت لارا حواجبها من هالغريبة بعبايتها .. خافت تكون ارهابية سكرت الباب مباشرة لكن غادة مسكت الباب بسرعة : ممكن ادخل .؟ لارا : فوضى هيا .؟ شو مين انتي ؟ غادة بألم : انا .. غادة .... بنتـ ....ــك .. لارا فتحت عيونها بصدمة : شـو .؟ مين أبوكي بالضبط ؟ غادة انصدمت .. علااقات كثيرة ماتميز ابوها بينها لكن جاوبتها باقتضاب : مشعل .. لارا : اي.. الختيار .. تفضلي نتكلم دخلت غادة وهي تشوف البيت .. تصميم راقي يناسبها وواضح فيه حسها الفني كمصممة .. ضلت واقفة مكانها لحد مامسكت كتفها ودخلت معها وجلست .. فصخت غادة نقابها وهي منزلة راسها : ...................... لارا وهي حاطة رجل على رجل : أي .. شو جابك لهـون ؟ وكيف عرفتي مكاني ؟ غادة : انتي .. مشهورة عشان كذا عرفت على طول .. لارا : ههههه معك حء شو سؤال غبي ... وشو بدك غـادة ؟ غادة شدت على رنيم وبلعت ريقها : انـا ... انا .... لارا : شو انتي ؟ غادة ماتوقعت امها تكون باردة كذا .. مرة شكلها مو مهتمة رغم انها بنتها : انا هربت من بيتنا .... لارا : ايه مابتنلامي حبيبتي غادة قبضها قلبها حست نفسها تشبه امها صدق .. عشان كذا هي الوحيدة الي تفهمت قرارها لأن عندها نفس عقلها الفاسد : ............. وأول مرة اجي طرابلس .... اول مرة اطلع برا السعودية اساسا لارا تنهدت : بدك تعيشي هون ؟ غادة هزت راسها بصمت : ........... لارا : ايه ماعندي مـانع غادة تفاجأت من موافقتها السهلة : بجـد ؟ لارا : ايه البيت كبير .. وبعدين انا مو آسية لحتى ارمي بنت مالها مكان بالشارع غادة : ............... لارا : من ياللي بيديكي .؟ غادة : بـ .. بـنتي لارا : متجوزة ؟ غادة هزت راسها بصمت : ................ لارا : اد ايه عمرك ؟ غادة : 19 سنة .. لارا : لسى صغيرا .. أيه كنتي اتركي البنت عند ابوها قبل تهربي , شلون بدك تعيشي هلا غادة : ماني مثلك .. انا ماهربت عشان مصلحتي انا هربت عشان بنتي بالذات لارا ابتسمت دون نفس : راح تندمي صدئيني .. هلأ انا طالعة عندي موعد كتير ضروري الخدامة راح تفهمك مكانك هون ارتاحي غادة : بتطلعي ؟ لارا : ايه .. شو بدك تئولي حاجة كمان ؟ غادة : بس ... لا خلاص مافيه لارا طالعتها من فوق لتحت وطلعت ... غادة طول عمرها تتمنى تقابل امها ولما تقابلها يكون هاللقاء البارد .. بس لازم تشوف الجانب المشرق اقل شي ماهي في الشارع تنهدت وهي تشوف المكان .... كيف راح تكون حياتك هنا يا غادة ؟ *** اثنــاء ما اسماء تمشي بالمكان ... بعيد عن الخيام وتستكشف سمعت اصوات بنات مشت ناحيتها سمعت همس : من هذي اللي لابسة اسود ووردي ؟ : زوجة نايف قصدك ! : سمعت ان اختها انحاشت .. : بذمتك ! ........وش هالعائلة المنتهيه غريبة ام نايف راضية تزوج ولدها وحده كذا عائلتها : يقولو ان اخوها دكتور وتبرى من اخته لما هربت .. وفوق كذا يقولون هو السبب في هربها لانه ضربها واللحين يقول متوعد يقتلها : وش هالمتخلف .. ع بالي دكتور راقي اسماء ( 1 ,2 , 3 اعقلي يا اسماء .. امك تقول لاتسوين مشاكل .. شهيق زفير ) : دايم كذا تنخدعي بالمظاهر .. دكتور وياما تحت السواهي من دواهي اسماء وصلت الأمبير معها .. كانتو بنتين من طرف اهل امها بعمرها تقريبا " مها – فرح " اسماء : قص يقص لسانك انتي وياها .. وش هالحكي !! عيب اعقلن مها عقدت حواجبها : اسماء ! شتبغي شهالقطة .؟ اسماء : ارض الله الحرة جالسة امشي فيها .. وسمعت كلام مايعجبني وعلقت عندك مشكلة .؟ فرح : ما تكلمنا فيك فاسكتي .. بجد تافهه اسماء : تكلمي فيني ماعندي مشكلة ! بس العالم اتركيهم بحالهم ... سامعة ! مها طالعت فرح : اسفهيها متخلفة .. بجد قاطة ومالها دخل اسماء نفخت حتى طارت غرتها وهي تمشي ناحيتهن : مالي دخل .؟ ... انا قاطة ومالي دخل .؟! عارفة عن مين تتكلمين ! فرح حطت يدها على خصرها : ايه عن عيال فقر ! اسماء هنا انقضت رغم فرق الاحجام لكن اتقوا شر من قرب للارض : عياااال فقر !! اوريك منهم عيال الفقر يابنت ال ***** ......... كلشش كلشش الا هيثم هاه !! بقص لسانك ترا فرح صرخت وهي تسحب اسماء من شعرها : يا مجنونة وخخخري ععنني اسماء وهي مهاجمة بقوة : تحسبين نفسك شي .. تراك بنت فقر يالقعيطية الله يجزا امي خير اللي تسدد ديون ابوك ولا كان في الشارع من زمان يالبزر فرح شهقت : كيف تجرأتي وقلتي كذاا ! اسماء :اتجرأ ونص .. هجججل هيثثثم مخدوعين بشششكله !! فرح : من هيثثثم يامتخلفة ماحكيت فيه اسماء وهي تعض وتضرب وتمعط : اعتذري !! انتبهو لصوت رجالي : فرح !! رفعت فرح راسها كان اخوها " عادل 23 سنة " : شتسون فشلتونا باصواتكم ! فرح وهي تبكي : هذي اسماء ضربتي وجالسة تذلني ان امها تدفع ديون ابوي مسكت مها فمها لما شافت هالمنظر .. خصوصا ان عادل معروف عنه انفعالي ومجنون وركضت ناحية الخيام اسماء اللي كانت واقفة وشوشتها طايرة من الهوشة .. ووجهها مكمخ اثر الهده .. ولمحة شقاوتها الطفولية محتدة بوجهها بدفاع : خير شتطالعني كذا ! عادل : اسمعي ! مو انك بنت الشمري ترفعين خشمك علينا ترا محنا قليلين اسماء بغرور : هاااافففف ... اكيد اكيد منتو قليلين الشرطة كلها تعرفكم معروفين ابوكم ملاحق له سنين ! عادل تهجم ناحيتها بس فرح مسكته : والله لاورييييك .. فراس وبدر مو هنا يردوني ! اسماء بثقة وجرأة : اليوم مو هنا بكرة يكونو موجودين .. وقتها يمكن الشرطة يعرفونك بعد انت " اشرت بيدها " يله هش بس شغلي مو معك مع اختك البازع ... " طالعت فرح " وانتي اخلصي اعتذري قبل اكمل عليك عادل صرخ باعلى صوته : اكككككككلي تببببن ياكلبببه ! اسماء : كلبه امك ! : اسمااااااااااااء ! التفتت اسماء لأمها وجمبها خالتها ام عادل ... والحريم مجتمعات : ........ ام عادل : عادل يمه ارجع للرجاجيل عادل : ولا راجع ! وانتي خالتي ترا محنا محتاجين احد .. وبنتك ادبيها بسها غرور وقلة ادب ! ام فراس : خلاص يمه عادل امسحها بوجهي انا بأدبها ! اسماء لفت راسها من امها اللي تطالعها بعتاب : ..................... وخالتها اللي واضح زعلت من " كلبة امك " : ..................... كان الوضع مريب ... اسماء طالعتهم : خير وش هالتجمهر وش تطالعون ! " التفتت لفرح ومها " وانتي وياها تراني ماخلصت .. والله واللي اسمه الله قبل ماتعتذرن لأوريكن ومشت بطريقها متجاهلة الكل : معد الا هيثم اللي يسواكم كلكم تغلطون عليه ! ام عادل التفتت لام فراس بعد ماراحت اسماء بثقة ما كأنها سوت مشكلة : ام فراس وش هذا ! والله والله ماراح اجلس هنا ثانية بنات البسو عباياتكم ام فراس : انتظري شوي يابنت الحلال خلينا نفهم وش صاير ... فرح مها وش صاير بالضبط ! فرح طالعت ابتسام اللي واقفة مع الكل ونزلت راسها فشلة تقول قدامها : ................... ام فراس : ماتكلمن اكيد غلطانات ! مها : آآآ ....... كنا جالسين نتكلم عن اخت ابتسام .. ابتسام عضت ع شفتها " الله يسامحك يا غادة وين حطيتينها فيه " ....... مها : بس والله ماتكلمنا فيها ! ...... فجأة طلعت لنا وصارت تمد لسانها ويدها ولا حنا مابدينا عليها ! ام فراس تنهدت : خلاص انا بتصرف معها .. خلاص يا جماعة الخير كلن يروح يرتاح مشكلة بزران وبتنحل مشت ام فراس بطريقها لحد ماوصلت لاسماء اللي كانت جالسة تغسل وجهها وخشمها اللي نزف بالمعركة : اسماء ! اسماء وهي تغسل : هلا ام فراس : ليش ضربتي فرح ! اسماء : لأني ابي اضربها ام فراس بصرامة : اسماء !!! اسماء : قهرتني ماتحملت ! من دخلت ابتسام وهي تهمس وتحش ... ولما لقيتها لحالها وتطلع كلام و .... قلت لها تعقل ما سمعتني فضربتها ! ام فراس : يا اسماء ماينفع .. انتي اللحين زعلتي الكل عليك وصرتي بنظر الكل غلطانة اسماء : مايهموني ! ام فراس : لا .. ابيك اللحين تعتذرين منهن اسماء : اعتذر طل .. يعتذرن قبل عشان غلطن على هيـ .." انتبهت لنفسها " على ابتسام ! ام فراس : ابتسام شكت لك الحال ! اسماء : لا .. بس انا مابيهم يغلطون عليها ام فراس : دام ماشكت لك خلاص ! لا تتدخلين واعتذري اسماء ضربت برجلها الارض بقهر : مابي مابي مابي ! ولو اشوفهن بعد يتكلمن فيها مرة ثانية بضربهن مرة ثانية بعد ... وقبل مايعتذرن ماراح اخليهن يتهنن بهالطلعة وكيفهن ! وراحت بطريقها هزت ام فراس راسها : وش هالبنت العنادية ! راسها ما أيبس منه ! رجعت اسماء للخيمة .. ورغم النظرات لها والكل منتقدها ما اهتمت مشت بثقة وجلست جمب ميهاف .. ميهاف : هههههههههههه هلا بالمشكلجية اسماء : اصبري علي .. فرح ومها ذلا حسابهن عندي ... وينهن اصلن ! ميهاف : بالخيمة الثانية هههههه , والله مجنونة انتي بالله شوفي وجهك 3 لزقات وجسمك حالته حاله ابتسام جلست جمبهم : اسماء اسماء : عيوني ابتسام ابتسمت : مرة ثانية اذا سمعتي احد يتكلم هالكلام .. لا تسوي مشكلة احقريهم ترا الحقران يقطع المصران اسماء : من قال ! انا اذا حقرت احد تتقطع مصراني انا مو هو .. واتركيني كذا مرتاحة مصراني ابتسام : هههههههههههههههههه من جدك ؟ اسماء : ايييه .. لا تخافين انا باخذ حقك ابتسام تنهدت : ياحبي لك اسماء .. اسماء طارت من هالكلمة .. : ايه حبيني وبس ! ابتسام : هههههههههههه بس .؟ الا اموت فيك بعد اسماء استرخت على الكنبة بحب : اااااااا قلبي بيوقف خلاص اسكتي ميهاف وهي تقرا مجلة بدر : ههههههه شوفي اخوك .. سائلينه بالمقابلة الشهرة ولا المال .؟ جلس يجاوب حكم ان المال وصخ دنيا والشهره اهم اسماء : مع نفسه .. والله لو يجرب يفلس عرف ان حكيه خراط ميهاف : ماتدري يمكن معه حق اسماء : ابتسام شرايك .؟ ابتسام : هممممم انا لو يخيروني اخترت المال طبعا .. الشهرة ازعاج صراحة ميهاف : ايه والله ازعاج وقلق بعد اسماء : اقول قومو بس نصور .. ميهاف كاميرتك معك ؟! ميهاف : طبعا اساسيات حياتي بالرحلات الكاميرا ! *** فـراس .. جالس بثقته المعتادة ويطالع الاوراق بيده : مراقبها كويس .؟ : ايه .. وهذي المعلومات اللي جمعتها عنها خلال هالفترة فراس : انصرف اجل استرخى فراس وهو يرتب كلش بعقله .. هالاسبوع فتح جروحه القديمة سند راسه على راس الكنبة وذكرياته ترجع لورا .... قبل اربع سنين لورا / امريكـا – واشنطن / فراس اصغر عمرا واكثر حويه وعيون تشع بالحياه اكثر وصل اليـوم لواشنطن والفرحة مو سايعته بيقابل أبوه اخيرا .. توجه مباشرة لمقر شغل ابوه ودخل مكتبه وقف أبو فراس بابتسامته المريحة : هلا هلا هلا والله .. نورت المكان والله فراس ضمه : ههههههههههههه منـور فيك .. أسمع عاد انا هنا موصى اراقبك لا تغازل احد بعيد عن ام فراس فانتبه! ابو فراس : ههههههههههههههههههههه الله يستر .. تفضل ارتاح ... ايه وش نويت تدرس .؟ فراس : خلاص سجلت ادارة اعمال .. بتخرج ان شاء الله وامسك اشغالك .. ابو فراس : الله يوفقك .. اللحين ارتحت ان حلالي في يدين سالمة عقب عيني فراس : عقب عمر طويل ان شاء الله ابو فراس : انا خلصت شغلي .. يله نطلع سوا اجل نتعشى ونروح الفندق فراس : وش اسم فندقنا .؟ عقد حواجبه بضيق اثر هالذكريات .. كان ابوي المثل الاعلى لي بالحياة .. الأول بقلبي وحياتي حتى روحتي لأمريكا كانت عشان اكون جمبه .. كان قدوتي باختصار ... مرت الأيام مثل النسيم الدافي بحياتي .. كنت رافع راس أبوي وهذا لحاله كافي عشان تصير أحلى ايامي بيـوم .. طالع من الجامعة مع مجموعة مع ربعه السعوديين / فراس : شباب كملوا طريقكم .. انا بمر أبوي واشوفكم المساء : ماحتطول .؟ فراس : لا أن شاء الله دخل الشركة وقبل يدخل المكتب وقفته السكرتيرة : excuze me but mr.Fhad busy فراس : is he alone ? السكرتيرة : I can't tell you , just he ask us to leave him alone فراس عقد حواجبه وهمس : قابليني ياليهودية! وظل واقف لفترة ثم مشى بسرعة بحركة مراوغة ودخل : هههههههههه شسالفتها سكرتيرتك مانعتني أ ...... سكت بصدمة وهو يشوف أبوه بوضعية مخلة مع وحده ... كان يشوفها بين فترة وفترة تتردد بالشركة !! وقف بصدمة ثم رجع وسكر الباب .. ابو فراس : فرااااس ! مشى فراس بطريقه وهو مو مصدق اللي شافه .. ابو فراس اللي كان يمشي وراه : فراس وقف اكلمك ! .... فراس ! مسكه من كتفه فراس التفت وصرخ : نععم ! شتبي ! تبي تفهمني غير اللي شافت عيوني ! ابو فراس تنهد : لا مو قصدي كذا .. فراس وكلش فيه يرتجف بقهر : ليش .؟ متزوج وبعيالك وتسوي هالحركات ! ايش تركت للشباب اجل ! ابو فراس : تعال نجلس لحالنا ونتكلم .. مو حلوه صوتنا طالع بنص الشركة فراس : اتركني بحالي مابي اسمع شي ! ... واسف اشغلتك روح كمل " كمل بقرف " شغلك ! وطلع لبرا الشركة فتح عيونه من هالذكريات بهدوء .. كانت صدمتي كبيرة مرت فترة ما أقابل ابوي ومهما حاول يتكلم معي كنت أصده , ايش مشاعر الانسان لما يكون مثالك الأعلى بالحياة مو نفس ما أنت متصوره .. دايم الرجال كذا رغم الجملود والقسوة والمظهر الجاد مجرد ريحة انثى تنسيهم كلش .. وهذا يخليهم اتفه من الحريم نفسهم .... بعد فترة من محاولات ابوي مل .. ما ضيع وقته يفهمني لأنه مو مهم كان خوفه أقول لأمي وبما اني سكت كل هالفترة ضمن فتجاهلني .. حتى انه مازال معها .. راجع من الجامعة للبيت رمى شنطته على الكنبة وتوجه للمطبخ وقف وهو يشوف حرمة بلبس عاري وتتمشى بالمطبخ تصلح لها أكل .. نفسها هي : ................... رفعت راسها : جيت .؟ يمه وش هالنظرات تخوف فراس : شتسوين هنا .؟ مدت يدها : اولا اهلا انا ريم .. كيفك .؟ مسك فراس معصم يدها بقوة وقال بحدة : وش تسوين هنا ! : فراس ! التفت فراس لأبوه : .............. ابو فراس : أتركها هي جايه معي فراس بصدمة : انت عارف اني اعيش هنا ؟ ابو فراس تنهد : راح احجز لك مكان ثاني فراس رفع حواجبه : تطردني .! عشانها .؟ ابو فراس : أنا ما اطردك .. بس اذا مو عاجبك الوضع فراس شد على قبضته وهو يطالع الحرمة : ممكن اسألك قبل أنقلع من بيتك .. لمتى هالسالفة ؟ ابو فراس بضيق : مو اللحين فراس .. مو اللحين فراس سحب شنطته وطلع بقهـر .. بعمره ماتوقع ابوه كذا .. وقف من الاريكة وهو يمشي للنافذة بالغرفة .. والذكرى للحين ماشيه معه وكأنها امس .. طلعت من البيت ثلاث شهور .. ماشفت ابوي فيها وقد ما سأل واتصل فيني وفي ربعي ماكنت ابي اشوفه .. ماراح اكون كذاب لو قلت كرهته وقتها .. تمنيت محد يناديه ابو فراس من القهر , الموضوع مع الحرمة معه صار علني الكل يعرف عن هالعلاقة وماكانت غريبة كل رجال الاعمال العرب هناك نفس الحكاية .. بس انا ماتقبلتها ! طالع من الجامعة بطريقي كان قدامي .. ارمقته بنظره وكملت طريقي تنهد ونده علي : فراس مارديت عليه كملت طريقي .. رجع ينادي : ماتبي فلوس ؟ جاوبت دون التفت حتى : حولي 20 الف قبض يدي حتى استوقفني : فراس انا ابوك .. كلمني فراس : شتبي يبه ؟! ابو فراس : 3 شهور ما تسأل عني .. فراس : وش تبيني اسأل اقول .. اخبارك بكل مكان واعرف انك عايش ابو فراس بضعف : فراس .. صدقني ان الموضوع غصب عني فراس بسخرية : صدقتك .. اكيد انت ماودك تجدد شبابك مع وحده حلوة ابو فراس : صدقني مب ودي فراس التفت لأبوه : مقدر اصدقك .. مو ودك اجل اسحب عليها ! ابو فراس بضيق : انا .. مسجل الحلال كله باسمها فراس نزلت عليه زي الصاعقة .. ! كل حلال فهاد الشمري تحت يد ***** ؟: شـلـون ! ابو فراس غطى وجهه بخزي : مدري شأقول لـك .. ولا ادري كيف صار .. بس مقدر اتركها اللحين لأن كلش بيدها فراس : مافيه حاجة اسمها مدري كيف صار .. اللحين تقولي كيف صار كل حلالنا تحت يدها! ابو فراس : قمار ... فراس كل شوي ينصدم بأبوه اكثر .. هدا اعصابه وقال بتماسك : خل نروح للشركة ابو فراس : ليه .؟ فراس : عشان نلقى حل لهالمشكلة ... ابو فراس هز راسه وراح معه ... ماتركت الشركة اسبابيع .. استعملت كل الوسائل دورت عثرة في خطتها ولما حصلت حسابها الغير قانوني سرقته دون اتعب نفسي بالقانون .. كان الموضوع سهل لكن المشكلة هي أن ابوي ماعرف يفكر بيومها .. ابو فراس : مو مصدق ! كيف ؟ فراس : ادرس طريقة خصمك قبل تهاجمه .. وقتها تعرف كيف تحلها ابو فراس بفرحة : رايح لها اعلمها فراس ابتسم : ياليت تتركها علي ..انت خلاص اهجد ولا بجد بفضحك عند ام فراس ابو فراس : ههههههههههههههه ينخاف منك انت مشى بطريقه لبيت أبـوه وين ماكانت موجوده .. دخل كانت جالسة بالصالة ومعها صديقتها : هههههههههههههههه الغبي لعب قمار بكل حلالوه مو معئـول شو حمار : الله يبعتلي مثل حضك يارب انتبهت لفراس الواقف : غريب انت بالبيت ! فراس جلس وحط رجل على رجل بثقة : سمعت ان عندك حسـاب سري سويسري .؟ عقدت حواجبها : شو ؟ فراس : شفيك .. سؤال عادي , عندك ولا لا ؟ قالت بثقة : ايه عندي .. فراس : اها .. ودك تشيكين عليه ؟ هلعت هنا بجد .. لأن كل حلال ابو فراس حاطته فيه : شـو ! فراس ببرود : اختصرها .؟ انا سرقت الحساب وقفت بانفعال : شو سرقته ماسرقته ! بشكيك هلأ فراس هز كتوفه : اشكيني .. السرقة من اللصوص حلال .. أي شكوى تقدمينها يبحثون عن كل معلوماتك وقتها حاسبي كل احتيالاتك يا هانم : شو عرفك عن كل هاد ! فراس : اذا ابوي على نياته انا لا .. ماتمر علي سوالف المتشردين مثلك , واللحين ضفي عفشك وانقلعي برا مدت اصبعها بتهديد : انا طالعه بس صدئني انت تعلب غلط وراح تندم .. وانا هلأ حطيتك براسي فراس بطرف اصبعه نزل اصبعها : يدك وماتعطيك طلعت من المكـان .. وفراس جلس باسترخاء مستمتع بحلاوة النصر رجع للواقع اثر دق جواله .. شاف المتصل " لؤي " تنهد وسكرها دون يرد , وهو يتذكر كيف كلش صار .. خذتي العزة بالاثم اغتريت بنفسي ونجاحي , ومع الكل حولي يشيد فيني لحد ماجا اليوم اللي تأكدت اني لعبت مع ناس غـلط وكان ثمن لعبي غالي .. بليله كنت فيها طالع برحلة مخيم .. دق جوالي : الو : فراس .؟ ابوك فين ؟ فراس : مو عندكم .؟ : لا والله ... وفيه اجتماع مهم ومفروض يكون معنا بس ماحصلناه فراس : ومايرد ع جواله ؟ : اذا يرد كنت بدق عليك ! فراس : خلاص ماشي اكيد بالبيت ومقفل جواله رايح اصحيه لك طلعت من المخيم للبيت .. لكن قبل ادخل تفاجأت بخمس سيارات قدام بيتنا , تسارعت خطواتي بخوف من اللي ببالي .. فتحت الباب ودخلت : يبـــه . . مجرد دخولي للصالة هنا فهمت شغلة وحدة بحياتي .. اقرب وصف للشياطين مو الجن .. البشر .. فهمت وش معنى انسان تتجرد منه معاني الإنسانية ... كنت امشي على بحر دم تجمدت حواسي وانـا اشوف ابوي بنص اعضائه .. والنص الثاني .؟ متناثر بالمكان .. صرخت بأعلى صوتي من هلعي من خوفي .. كنت ارتجف ... حاولت اوصل له ماعرفت امشي تحرولت .. تسكر باب البيت .. التفت كانت هي ومعها مجموعة رجال باشكال مشمئزة .. ! : ............................ انحنت لمستواه ومسكت بذقنه : اهلين يـاحلو .. مو قلت لك ماتلعب مع الناس الغلط جلس جمبها رجال بشكل مرعب : هذا هـو ولده ! شاح بنظره برعب للمكان مرة ثانية .. كابوس .؟ لا اذا كابوس وش هالشي اللي جالس يتمزق بصدره .. : يــ . . . . يــبـــه .. نطق واحد فيهم بتبلد : مامات للحين .؟ : الا اكيد مات .. بعد الصراخ والحالة مات : خذو الجثة وارموها بمكان بعيد فراس مسك صدره وهو يوقف .. ومهما حاول ترجع لكمه تطرحه .. يوقف ... ترجع لكمه تطرحه لحد ما غاب عن الوعي ببطء وعيونه لآخر مرة على أبوه ... كان واضح على وجهه علامات الرعب اللي عاشها قبل يموت دموعه ماليه وجهه وواضح الارهاق من التعذيب .. " بعد ما استرجع وعيه " فتح عيـونه ببطء .. المكان هادي . سـكون .... حاول يوقف التفت حوله " كابوس .؟ " كان الجواب شكل المكان المخيف الدم بكل مكان بشكل جشع .. لكن أبوه .. او بالاحرى جثة ابوه مو فيه .. وقف بسرعة ماكان فيه احد .. طلع السيارات مو موجودة ... الا سيارة وحده ركبها اثنين ومشت .. ركض وراها بيأس وهو يصرخ .. مايدري ليش يركض .؟ او وش يبغى منهم .؟ الشي الوحيد خوفه ان جثة ابوه تنهان اكثــر ...... صرخ بأعلى صوته حتى اختفى : يبــــــــه.... يبـــــــه !! تعثر بركضه بألم .. حاول يرجع يوقف وسط دموعه لكن انحنى بيأس وهو يبكـي .. ولأول وآخر مرة بحياته يبكي بهالشـكل وقفت السيارة ... وترجل السايق مسك فراس ياقته وصرخ وسط دموعه : ويييييييييين ابوي !! وييييينه .؟! شي حاد يخترقه ..طالع فراس مكان صدره والسكين داخل ..وسعل بألم .. طعنه بصدره وهمس باذنه : تحاول تجي ورانا .. 3 سم يمين وتلحق ابوك انتهى شريط ذكرياته اللي يستحق يتذكره .. بعد اللي صار وبعد ماصحى احتفظ بالموضوع سر عن الكل ماقال لأحد اللي صار الا لؤي وحتـى لؤي ما يعرف وش صار بهالليلة كل اللي يعرفه أن ابوه انلعب عليه .. وبيوم اختفى دون يدري احد وين صار وبعد فترة حصلو جثته .. وفراس ماتكلم بهالموضوع مع أحد لحد اليوم .. حاول يحصلهم اكتشف اساميهم مزوره كلش فيهم مزور .. وطول هال 4 سنين دورهم بكل مايقدر .. واخيرا حصلهم ! وقف بثقة واذا هالحادثة فادته بشي .. فهي زادته صلابه وقوة طور الصدمة اللي عاشه صحاه على معاني بحياته ماراح ينساها ...واللحين هدفه واضح وبداخله حالف يتخلى عن انسانيته بنفس الطريقة اللي تخلو فيها عن انسانيتهم .. |
رد: انتماءات كاذبة
رائع حبيبتي واووف يعني فارس شو قول ما اتوقع انسان يشوف ابوه يخون امه هذا اول شيء وبعدين ابوه ينذبح بصوره بشعه جدا ممكن يكون انسان سوي يعني في بشر ممكن تفقد عقلها بصراحه تغيرت نظرتي لشخصيتو كثيررررر . وهلا لقاءه بغاده حتمي بس ياترى شو رده فعله لما يعرف انها بنت رولا ياحرام يغاده وثانيا تصرفها غلط في غلط يعني هربت من ابتسام ونجي لشخص تركها ولا سئل عنها . اما رده فعل اسماء لما فرح حكت على هيثم هههه ضحكتني كثير البنت اسماء مجنونه فعلا .
|
رد: انتماءات كاذبة
تفاصيل حلوة ومشوقة
اكتر شخصيتين اتفاجأت فيهم هم هيثم وبدر.. ما توقعتهم بهالنذالة بانتظار الفصل القادم... ومتابعة الاحداث |
رد: انتماءات كاذبة
" الفصل الواحد والعشرون "
- لاتسخر من امرأة عنيدة اثناء غضبها فهي قادرة على القتل حينها ! جبران خليل جبران قالت بدلال ونفاذ صبر : بدوووري .. خلاص بسك نوم لمتى يعني .؟ عبست ملامح وجهه بانزعـاج : ............. انحنت عليه وهمست بإذنه : تـأخرنا على التصـوير ياعسل فتح عيونه وهو يسحب ساعته .. تنهد وهو يبعد الغطا ويلبس روبـه التفت لها قبل يطلع من الغرفة: وش تنتظري هنا ؟ قالت وهي تلعب بشعرها : نروح سوا لموقع التصوير بدر : مو ناقص اشاعات .. روحي لحالك : أنتا لا توسوس وما حيصير شي .. وحنروح سوا بدر وهو طالع : روحـي بيتكم بس وقف قدام المراية بطوله الفارع بعـد مالبس وخلص .. بعد ماقيم الإطلالة طلع برا غرفـته وبطريقة لبرا كانت جالسة ولابسة بلوزته والفطور قدامها : مايصير تروح ما أفطرت بدر طالع الفطور : مارحتي .؟ : مو قلت لك بنـروح سوا .. خلاص معناها بنروح اخذ كاس القهوة وارتشفه وهو واقف .. : ليش طاير اجلس ارتاح بدر : مستعجل ما معي وقت حطت رجل على رجـل : ممكن اسألك سؤال ؟ بدر : شنو ؟ : يعـني انت خاطب .. ومن اعلانك قبل فترة عن خطبتك انك تحبها و ... اجل ليش جالس تلعب من وراها ماعدت تحبها؟ بدر بسخرية : ماعدت احبهـا .؟ اعشـقها وما أبدلها بنسوان الدنيا كلهم قالت بضيق : أجـل ليش تخونها ؟ بدر : لأني أحب نفسي اكثر .. اذا قلت لك اني احبها تتوقعي هي تحبني .؟ محد راح يعطيك الحب والحياة والمتعة غيرك ومحد راح يحبك كثر ماتحبي نفسك .. لأن الكل مشغول يحب نفسه انتي كمان انشغلي بحب نفسك وقتها العالم بيحبك : أفهم منك انها ماتحبك ! بدر حاس بفمه : من يدري .. حط كاس قهوته : يعطيك العافية على القهــوة : استنى نروح سوا ! كان الجواب اغلاق الباب .. نزل لسيارته واتجه بطريــقه لمقر التصوير أول مادخل استقبله المخرج المنزعج : ماراح نصور كمان استاذ بدر ! بدر بغرور وهو ينزع نظارته ويقيم المكان : نقرر اللحين على حسب شغلكم المخرج : معليش استاذ بدر ضاع وقتنا .. لنا اسبوع ما عجبك شي ! بدر : وتضيع سنه عشاني .. ناسي ان وكالتك ماتسوى شي دوني ولا اذكرك بالسقطة حقتك بعد ما الغيت عقدي المخرج : ايش استفيد منك بكل الحالات اذا ماتصور ! بدر : اشتغل زين وقتها راح تستفيد وكمل طريقه بغطرسه .. وهو يأشر : الاضاءة تعـدل الوهج بوجهي مباشرة ناوي تدمر شبكة عيوني .... والستارة مو طلبتها بيضا؟ ! المخرج رمى بالاوراق بانزعاج وجلس مع مجموعة الاخراج : شو صاير عليه ! سلطته ماعاد تطاق ! : شو بدنا نعمل .. ضاع اسبوع للحين المخرج : اذا مامشى الشغل اليوم .. راح اتعاقد مع غيره مو معقول اللي جالس يصير *** صحـت من النـوم .. ضجـة بالبيت كالعادة , وقفت عند سرير رنيم كانت نايمة سحبت رجلها لبرا الغرفة تجهز لها حاجة تاكلها شهقت أول مانزلت وشافت امها جالسة مع شاب وبنت .. ورجعت تركض تصعد عضت على شفتها حتى ادمت عندهم طبيعي هاللي يصير مجتمعهم كذا ... هـي غير , صعدت لها لورا وقالت بضيق : شو عملتي ! سودتي وجهي .. شو صار لك اخترعتي فجأة غادة اللي كانت واقفة عند راس الدرج وماسكه صدرها : ما كنت متغطية لورا : ايه وشو يعني ! بلاها هالتخلفات ماراح تعيشي هون براحة هيك غادة نزلت راسها وقالت بضيق : آسفة .. لورا تاففت : شو طالعه جدبه ومابتفهمي لأبوكي أول مانزلت جلست غادة وسندت راسها على ركبها .. وش سويت بنفسي انا .. معه حق هيثم انا كركبت حياتي كلها .. نزلت دمعتها وهي تحس بوحده خانقتها .. سمعت صوت رنيم تبكي ولورا تحت تصرخ : سدي فم هالبنت ! وقفت وهي تمسح دموعها ودخلت لرنيم تهديها طالعتها بين يديها بعيونها الرمادية .. نسخة من عيون لورا ابتسمت وهي تتذكر هيثم تو تفهم ان هيثم أخذ عيون لورا بعد .. : .................. ابتسمت وهي تشوف رنيم ترضع اصبعها الصغيرة : يا ترى انا جبتك لحياة أحسن ولا لا .. والله معد افهم .. احسني ضايعه طـول وقتها بهالغرفة ماتطلع .. لأن وقت تطلع بتندم من اصدقاء لورا اللي بالبيت 24 ساعة .. فتحت شنطتها وهي تشوف باقي فلوس نايف اللي اخذتها .. تقدر تستاجر بها شقة .؟ لا ماتقدر الفلوس مصيرها تخلص وكيف تشتغل ورنيم و ..................تنهدت وحطت رنيم وتوضت وصلت وهي تدعي ربها يفرجها عليها بعد ماخلصت وقفت عند النافذة تطالع الشارع .. حي بسيط والكل يعرف بعض هنا تنهدت : ياترى ابتسام شجالسة تسوي .؟ بتكون زعلانة علي ... هيثم .. اكيد بيكون حاقد علي ..... أحمد وش ردة فعـله .؟ معقولة اكون فعلا غلطت اني اخذت بنته بعيـد ... *** مدينة المـلك فهد الطبية / واقف برا المستشفى بمكان لحاله .. ومسح على وجهه بتوتر الساعة 3 وله ساعة بالسماعة للحين صرخ : وانا شاسوي لك اللحين !! طالع بايدي شي وقتها كلمني .... أحمد : انا ما صدقك انها انحاشت ! اكيد خاشينها ماتبوني آخذها ! هيثم : على طاري .. تعال ذكرتني ! انا مو قايلك غادة ماتدري ان امها حية ! احمد : ......................... هيثم : ساكت هاه .؟ احمد ربك ان معد لها بقلبي مقدار ولا كان سودت عيشتك احمد : ماشي ماشي .. انا بدورها ووقت القاها بذبحها والله لاذبحها هيثم بهدوء : وقت تلقاها انا اللي بذبحها وسكر السماعة وجلس ... من راحت وهو في مواجهه مع عمانه على موضوع نحشتها هذا وضابط نفسه واعصابه كل هالفترة لكن خلاص طفح الكيل , ركب سيارته ورجع لشقته ماله خلق المستشفى .. ومحتاج يرتـــاح .. انسدح وهو يتمنى النوم يجيه مافيه فايدة أرق , كل مشاغل الدنيا تجيه وقت النوم ... وهو يتمنى داخله ان غادة تكون بأبعد مكان بالدنيا لأن وقت يلقاها ماحيصير خير *** الكـويت – الساعة 9 مساءا / دخـل لؤي البيت بعد ماسكرها من فراس .. للحين يراوغه بس هو متأكد حاسته السادسه مستحيل تخذله , دخل المطبخ وين ماكانت : مساء الخيـر سارا اللي كانت تقطع بالخضره ردت ببرود : مساء النور لؤي : شفيه صوتك .؟ سارا ارمقته بنظرة ورجعت تشتغل .... لؤي : شنـو ؟ جلست السكين على الطاولة بقوة والتفتت له : من جدك ! لؤي : شبلاك معصبه ؟ مزعلك انا شي ؟ سارا وهي تحاول تضبط اعصابها : تدري أنك لك يومين ترجع تنام ماتسأل علي .. وحتى اذا سالت ماتسمع جوابي , واذا دقيت عليك ماترد واحيان ترد بنبرة معصبه لؤي : اعصابي تعبانه هالفترة اعذريني سارا : شنو اعذرك ! وليش اعصابك تعبانة .؟ لؤي : لسبب طبعـا .. ماراح تكون تعبانة لانها طفشانه سارا : أيـوه وكالعادة ماتقدر تقولي هالسبب .. ما ادري ليش متزوجني اذا ما تثق حتى تكلمني لؤي تنهد : سالفة طويلة سارا وفوق كذا ماتخصني .. فراس بمشكلة وانا متوتر بسبب هالشي سارا : اخيرا طاح بمشكلة .. مابغت عقوبته توصله لؤي بحدة : سـارا ! سارا تنهدت : مو قصدي ... بس انا مايرضيني التقصير منك لؤي خصوصا منك لأني رامية كلش ورا ظهري عشانك لؤي مسك يدها بنعومة ورفعها وباسها : عارف ياقلبي .. وآسف اذا ضايقتك هالفترة اعذريني سارا رفعت حاجبها بكبر والتفتت : أفكر لؤي باستعطاف وهو يطبع بوسه ع كتفها : آخر مرة طيب سارا طالعته بتسائل : اسامحك .؟ لؤي بوجهه البريء : ايه تكفين سارا : بشرط ! لؤي : آمري عيوني لك سارا : نروح السوبر ماركت نشتري اغراض وكاسر على نص السعر لؤي كشر : نععععم ؟ سارا بحزن مصطنع : شنو ماتبي تراضيني .؟! لؤي بانكار : لا اطلبي حاجة غيرها ! سارا : مابي غير كذا .. واذا ماتبي خلاص اصلن عادي اضل زعلانة مايهمك لؤي شد على قبضته : ماراح اقدر صدقيني حتى لو أحاول سارا وهي تكمل شغلها : انت ماكلفت نفسك تحاول حــتى لؤي وهو ضاغط على نفسه : بحـاول ... مجرد محاولة سارا : ايه اوك مو مشكلة لؤي : يله راجعلك سارا وهي تسحب جاكيتها : وين وين ! انا معاك ع بالك بصدقك لؤي نفذ صبره : ايه ايه كنت بكذب عليك ! ولا راح اروح ! ولا راح اكاسر ! وعمرك مارضيتي بعد ودخل غرفته ... سارا كبست بعينها اكثر من مرة لهالدرجة صعبه ! دخلت الغرفة وهو جالس ع جواله وجلست جمبه : أحبـــك طيب .؟ لؤي ابتسم : طيب طبعت بوسة على خده : العشاء شوي وراح يكون جاهز لـؤي : اوك *** حست غادة بملل . . بتنخنق من التفكير لو تضل حابسة نفسها بهالغرفة اخذت طرحتها وطلعت , حست البيت هادي فتحت باب غرفة بتخمين وهنا بلعت ريقها وهي تطالع أجمل منظر شافته بحياتها .. غرفة ملابس كاملة بكـل صرعـات الموضة جزم شنط فساتين شالات نظارات اكسسوار قبابيع كل قطعة حلمت بها بحياتها هنا .. مدت يدها وهي تمسك جزمة بين يديها وتتحسس جمالها : عجـبتك ؟ رمت الجزمة من يدها والتفتت للورا اللي واقفة ومبتسمة : ... آسفة مو قصدي .. بس كنت اتمشى و ... لورا جلست على الكرسي الريش : بتعرفي كيف وصـلت لهون ؟ غادة طالعتها باستفهام : .................... لورا وهي حاطه رجل على رجل وبيدها كاس خمر رفيع : كنت متجوزة أبوك .. وماكان معتر بالعكس كان عندوه حلال وايدوه كريمة خصوصي لألي غادة : بجـد ؟ لورا : ايه .. بس الإنسان الناجح بيطالع لفوق فلما ماعجبتني العيشة وكبرت المسؤولية عرفت انه لو اضل راح تخلص حياتي من بكير وراح تتجعد بشرتي بكير غادة بسخرية : تتجعد بشرتك .؟ تركتني كل شي عشان ماتتجعد بشرتك لورا : احكيلي كيف كنتي عايشة عند ابوكي .؟ بذمتك ماكانت عيشة تذل .؟ تطفر ؟ غادة شدت على قبضتها : .................... لورا : بيوم سرقت خزنة ابوكي كلها تركتوه على الحديدة ورجعت لبلادي ورحت استثمر بمصاريه وهيك لحتى وصلت لهلأ غادة انقبض قلبها : الفقر اللي كنا عايشينه .؟ انتي سبته ؟ لورا : ماتلعبي ع حالك .. انتي بنت امك شفت المصاري اللي بسكتك مو هاي سرقتيها من جوزك أكيد ؟ غادة : ................................... لورا : بس هلأ لما بفكر ... انتي انو وحده الكبيرة ولا الصغيرة ؟ غادة بقهر قالت وهي تششدد ع حروفها : بنتك الكبيرة اسمها ابتسام .. متزوجة تاجر وتعيش احسن عيشة بكرك اسمه هيثم دكتور وجراح ناجح وكل المستشفيات تتمنى يشتغل معها ..... وبنتك الصغيرة غادة ومعك حق تشبهك عشان كذا هي الوحيدة اللي فشلت بحياتها لورا : شو بكي تحمستي .؟ سردتي لي حياتهون " ضيقت عيونها وقالت ببرود " مابدي اجرحك بس انتي مو بنتوه لمشعل غادة ببرود وهي طالعه من الغرفة : شنو يعني ! لورا باستمتاع بصدمتها : انا ماقربت ابوكي وقت حبلت فيكي ... " قالت بهمس " كنت بخونه غادة تشنجت التفتت بانكار : ششـ......شنو ؟ لورا وهي تسكر الباب وتنزل لتحت : ياللي سمعتيه... مشعل مو ابوكي غادة طالعتها وهي تنزل ولا كأنها شلت حركتها بهالخبر .. هزت راسها بانكار : كذابه .. كذابه .. مستحيل لاتصدقينها ! دخلت غرفتها وهي في حالة انهيار .. حتى ان رنيم كانت تبكي بضجة وما اعارتها انتباه ..: كيف .. كيف بابا مو بابا ؟ تنصدم أن امها حية .. تنصدم ان ابوها يموت .. تنصدم ان ابوها مو ابوها ... قالت بخنقة : تعبت والله تعبت ابي اموت وارتاح *** السـاعة 6 مغرب - بيت نايف / ابتسام حاسه بانتعاش هاليومين .. نايف ساعدها تتحسن نفسيتها كان جمبها على طول ويطلع معها على طول ابتسمت لنفسها بالمراية وهي تتذكر جهوده معها ولو انها ماتعتبر جهود مجرد يقضي وقته معها .. لكن هذا كافي بالنسبة لها حتى انها عزمت هيثم اليوم نزلت للمطبخ وطلعت الحلا من الثلاجة وصفت الفناجيل وانجزت شغلها وجلست على الطاولة تنتظره انتبهت لصوت الباب ينفتح اكيد نايف جا طلعت له : جيت ؟ نايف كشر : وش هاللبس !! ابتسام بنعومة وهي تحط قدامه خف البيت وترجع جزمته اللي فصخها مكانها : هيثـم اخوي بيجي يتقهوى معاي نايف بضيق : وقتــه .؟ ابتسام بضيق اكثر : اخوي حبيبي نايف وهو يحاوطها من خصرها : عـارف .. بس كان براسي موال ابي اغنيه اللحين ماينفع ابتسام بنظرة جريئة : مين قـال ماينفع .. مجرد يتأجل شوية تنهد نايف وهو يطالعها .. ماكان يشوفها بهالاغراء اول ماتزوجها مايدري وش تغير : ........... دق جوالها طلعته من جيب بنطالها . باست خده بنعومة : هذا هيثم .. انا مجهزه ملابسك فوق بدلها وتعال اجلس معنا نايف : ماشي صعد نـايف وهو يشوف ملابسه مجهزه بترتيب زي كل يوم .. حتى لما زعلت عليه كانت ملابسه ترتب قدامه ماعمره تعب نفسه حتى بفتح دولاب من تزوجها لبس ملابسه ونزل لهم : هلا ابو نسب وقف هيثم وسلم عليه : شكل هالغيبة .وينك يارجال ماتنشاف نايف : ابد موجود .. انت اللي غاط بهالمستشفى ماتدري عن العالم هيثم ابتسم : معك حق .. جلس نايف جمب ابتسام مباشرة : ليش ماجيت لعزيمة قبل كم يـوم .؟ والله كان الجو يفتح النفس هيثم : انا خلقة ما احب التجمعات .. وكان عندي شغل نايف سكت لفترة بسيطة ثم قال : اهم شي تكون مشغول .. مو مستحي من نفسك او شي لأن مافي عيب يوصلك هيثم باقتضاب : قلت لك مشغول ! ابتسام : معه حق هيثم .. انا كمان حسيتك ماجيت عشان كذا , صح راح تسمع كلام بس خلك قوي ومصير الناس تمل هيثم ارتشف فنجال قهوته دون يعلق وعيونه بالارض : ....................... ابتسام قالت بمرح تغير الجو : هههههههه اخر مرة بالبر تكلموا ثنتين ما ادري شسالفتهن عن هالموضوع وتخيل شصار .؟ هيثم وهو ناقد : وليش تضحكين ومبسوطة ان الناس تتكلم عنك ابتسام : هههههههههه بنت عم نايف قامت عليهن وماتركتهن الا لما قالن والضالين آمين نايف : اسوم الهبله .؟ ابتسام : ههههههههههههههه ايه ماغيرها .. فجاة جت وحده تصارخ تقول الحقوا على اختي رحنا نركض كلنا حصلناها متهاوشة مع البنت واخوها بعد ! تصور يا نايف ان اخوها كبير ويخوف وطول بعرض وهالنتفه واقفة قدامه وتهزأ وتهاوش هيثم اشتد انتباهه .. جالسة تهاوش دفاع عشانهم :......... من هذي .؟ بنت عمك نايف ؟ نايف : هههههههههههه ايه شفت فراس وبدر عيال عمي ؟ هيثم : ايه نايف : هذي اختهم الصغيرة .. شحليلها والله محاميه ابتسام : تجنن بجد .. والمسكينة انجرحت وجهها كله لزقات هيثم ابتسم وهو يتذكرها لها فترة مارجعت للمستشفى طلعت مشغولة تهاوش الناس عشانهم : ....... ابتسام : لا وامها تقولها اعتذري تقول لا وبحتريهن يجن لحالهن اكمل ضرب فيهن نايف : ههههههههههه تعلميني فيها اعرفها .. ياحليلها من هي صغيره كذا ماتغيرت دق جوال هيثم .. طالع المتصل ثم طالعهم دون يرد : يله انا اسمحوا لي استأذن واكرمكم الله ابتسام : فيين بدري ! هيثم : هذا الدكتور اكيد طالبني بشغله ضرورية .. يله اشوفكم وقت ثاني نايف : في امان الله .. وخل نشوفك على طول هيثم : استودعتكم الله طلع هيثــم ... نايف التفت لإبتسام : انا رايح لأهلي ابوي يبغاني .. تروحي معاي ؟ ابتسام ابتسمت : شسالفتك هالفترة .؟ وين ماتروح لازم اروح معاك نايف : تروحي ولا ماتروحي .؟ ابتسام : لابسه عبايتي وجاية صعـدت لغرفتها وعدلت شكلها ولبست عبايتها ونزلت لــه ... ركبو السيارة : نايف وهو يحرك السيارة : رايحين زيارة بسيطة عشان ابوي يبغاني .. ماراح نتعشى هناك مو تعزمك امي وتوافقين ابتسام : والله استحي من اسلوبها الملح .. اوافق غصب نايف : لا هالمرة لا تستحين .. ولا خلك جمبي وانا بعرف اتكلم ابتسام بتردد : نـايف نايف وهو يشرب قهوته ويسوق : هممم ابتسام : اهـلك ... لما قلت لهم وعرفوا عن غـادة ....شردة فعلهم .؟ نايف : مدري اساسا ماقلت لهم ... هم سألوني وانا قلت ايه وبس ابتسام : كيف يعني .. احتقروها .؟ نايف : ايه ... بس انتي مالك دعوة ابتسام بألم : اختي .. كيف مالي دعوة ؟ نايف : لو ع كذا ماكان الكل يحترم لؤي ويحبه بسببي ابتسام : لا تقول كذا عن نفسك يكفي بس اني اشوفك غيـر اللي تقول نايف رفع حاجبه : بجد .؟ ابتسام : ايه .. صح كنت بالبداية اطالعك دايم واقول وش يحس به هذا بس مع الوقت فهمت طبيعتك *** ميهـاف / رجعت من النادي وجلست بتعب : اليوم بردت حرتي بالتمارين ام نايف وهي تبخر البيت : قومي بدلي بسرعة .. نايف وزوجته بيجون ميهاف : بجد .؟ حليلهم وش هالزيارة ام نايف : حياهم الله البيت بيتهم ميهاف : يله اجل انا صاعده اتروش وابدل وجايه ام نايف : مو تأخرين ! اعرفك سنة عشان تلبسين اول ماصعدت رن الجرس .. ام نايف : ميري افتحي الباب عقدت ام نايف حواجبها بملل بعد ما تأخروا بجد مادخلوا .. طلعت تشوف حصلت نايف يتسلق لفوق سقف الملحق وابتسام تحت بعبايتها وشايله النقاب والطرحة وشايله فهد اللي يبكي : خلاص فهودي بيجيبها اللحين " طالعت لفوق وعلت صوتها شوي " نااايفف انتبه لنفسك مو ضروري تجيبها ام نايف : هاو شصاير ! نااايف ! شتسوي بالسقف ابتسام : هلا خالتي .. كيفك شلونك ؟ ام نايف : حمد الله بخير جعلك بخير .. شيسوي هالااصدع فوق ابتسام : ههههههههههه فهود كورته فوق وصعد يجيبها ام نايف بقلق لان طريقة تسلقه خطيرة : نااااااايف انزل وبنجيب له بدلها مجنون انت ! نايف رفع الكورة : فهود حبيبي هذي الكورة تبيها فهد وهو يمسح دموعه بفرحه : اييييييييه ! ابتسام باست فهد بخده : ياعمري ياناس نزل نايف بحركة رشيقة : هلا يمه يمسيك بالخير ام نايف : هلا والله .. خلصت عملية انقاذ كورته ؟ نايف : هههههههههههه يستاهل اكثر فهود .. صح فهودي ؟ فهد بثقة : سسححح ام نايف : يله حياكم تفضلوا .. هلا ابتسام هلا امي والله زارتنا البركة ابتسام : البركة بوجودك خالتي نايف : يمه .. ابوي وين ؟ ام نايف : بمكتبه فوق نايف : انا صاعد اشوفـه ام نايف : ابتسام وش هاللي بيدك ابتسام وهي تمد الصينية : حلا اشتهيته لك فسويته .. رايحة المطبخ اوديه ام نايف : الله يسلم هاليدين .. لا لاتروحين المطبخ وين ميري تجي تاخذها خـذت ميري الصينية وراحت .. ام نايف : تفضلي ارتاحي فصخت عبايتها وجلست .. ام نايف : ابي اكلمك بموضوع ابيك تساعدينا فيه ابتسام : آمري خالتي عيوني لك ام نايف : الله يخليك يارب ... نايف ماكلمك مرة عن وظيفتـه ؟ ابتسام : لا والله ام نايف تنهدت : حنا نبيه يتوظف .. مو حلو وضعه كذا لا وظيفه ولا شي وهو رافض وابيك تساعدينا تقنعينه ابتسام : والله مدري شأقول لك خالتي .. من عيوني بحاول بس ما اظمن لك انه يسمع مني ام نايف : هذا ابوه فوق يكلمه .. وانتي بعـد كلميه وكثر الدق على الحديد يفكه ابتسام : ان شاء الله بسوي اللي اقدر عليه وان شاء الله خير دخلت عليهم ميهاف : اهلن اهلن بمرة ولدنا المزة .. كيفك حبيبتي ؟ ابتسام : هلا والله بالعروسة ميهاف : هلا فيك .. وش هالزيارة الحلوة ؟ جايبة حلا من سعد الدين وبخااطري اكله مع احد واكلم اسماء تقول مشغولة .. جابك الله مير ابتسام : يووه ميهاف لا تكفين .. وربي سامنة هالفترة حتى نايف لاحظ ميهاف : يوووه الله يعينك .. عاد نايف يكره السمنة بشكل ابتسام : مممرة .. تخيلي زايدة رقم على الميزان بس لاحظ ميهاف : ههههههههههه بس ماعليكي لقمة ماحتضر ابتسام وقفت : يله رايحة معاك نجهزها سوا اجل ميهاف : لا ارتاحي اجلسي مع امي ابتسام : هههه راجعه لها معاك بس نخلص طلعت معها للمطبخ .. واثناء ما ميهاف جالسة تقطع الحلا : كلمتك ماما عن وظيفة نايف صح ؟ ابتسام بضيق : ايه .. احسها مرة معتمدة علي وانا بجد ما اتوقع انه بيسمع مني ميهاف : القهر انه عبقري بشكل ماتتخيليه .. ابتسام فتحت عيونها بدهشة : بجد ..؟ ميهاف : ايه .. مره ذكي بس مايهمه مهمل مايبي يشتغل مايبي يدرس يبي يدج وبس ابتسام متفاجئة .. هالفترة كلها كان عايشة مع عبقري : .......... ابتسمت ميهاف وهي تسمع صوته برا يكلم امه : هذا هو على طاريه ابتسام شالت الصينية وطلعت لهم وحطتها .. ابتسمت وهي تشوف ابو نايف موجود وسلمت عليه : بالخير عمي .. كيفك شخبارك ؟ ابو نايف : حمد الله .. " ارمق نايف بنظرة " وانت اشوفك بكره نايف بتطنيشة المعتاد وهو ياكل قطعة حلا : مرة لذيذة هالشوكلاته .. تسلم يدينك ميهاف ام نايف : جعله صدق .. اما ميهاف تطبخ ؟! هذا طبخ زوجتك نايف طالع ابتسام : بجد .. متى امداك تسوي حاجة اليوم ماشفتك ! ابتسام : مسويتها امس نايف وهو يضرب على ظهرها بخفه : كفو مرتي .. " طالع ميهاف " شوفي السنع تعلمي ميهاف كشت عليه : مالت والله حرام هالسنع فيك نايف اكتفى انه يطالعها ويبتسم ام نايف بفرح وهي تشوفهم : الله يسخركم لبعض يارب ولا يخليني من هالجمعة ميهاف سمعت جوالها يدق من بعيد : فهود حبيبي جيب جوالي فهد طالعها بشقاوة : انتي قومي ! ميهاف : اففففف بزران اخر زمن صدق ام نايف : قومي انتي .. تخلينه هو يجيبه خاف يطرحه ويكسره قـامت ميهاف واخذت جوالها اللي تركته بالمطبخ .. كان المتصل " بدر " استغربت له فترة مايكلمها ردت : ايوه بدر : هـلا والله بالصوت .. كيفـك ؟ ميهاف حست بضيق .. اشتاقت ترد على هالصوت برواقة وتسولف لكن بعد اللي سواه ماتقدر :طيبـة .. بدر : ما اشغلك ولا اطول عليك .. شفتي العدد الجديد ؟ ميهاف كانت شافته .. عبارة عن تصوير عربي بحت لجو الصحراء ولمحة العروبة وماتنكر انه اعجبها لدرجة كل صورها حفظتها : ايه شفته .. اعرف واحد سوا زي هالستايل قبل فترة وكان مرة احلى ما ادري وش المشكلة مع صورك .. هوا منك ولا من الاستديو بدر : تستهبلي ؟! مين سوا قبل فترة ! قصدك مراد ؟ شفته تصويرنا متقن اكثر !! ذوقك منتهي انتي ميهاف ببرود : معاك حق الناس اذواق .. داق تسألني بس عن الصور ؟ بدر باستهزاء : دامه ما اعجبك ابروح اجلس مع المزز اللي عاجبهم ميهاف وكانه ماهمها : اجل يله باي سكرت السماعة وهي تحس انها قدرت صدق ترفع ضغطه هالفترة .. قاهرها بشكل فضيع وحركاته معها .. مستحيل تسكت له راح ترد بطريقتها ! *** طرابلس / نزلت غادة كالعادة مجرد تبي المطبخ تصلح اكل لبنتها وبتصعد .. انتبهت للورا مكركبة وهي ترتب وبكامل كشختها طالعتها لورا : انتي شو تعملي هون بهالشكل ! طالعت غادة بنفسها .. قميص وشعرها ملموم أي كلام : .................. بصعد اللحين لورا : ايه بسرعة ! جاي ضيف كتير مهم وكتير عندوه مصاري , اذا بدك تسمعي نصيحتي تعدلي حالك وتعي يمكن يعجبك وتنقلعي من وشهي غادة طنشتها وصلحت اكل بنتها وصعدت لفـوق .. وهي تحس حالها ميته هاليومين خصوصا بعد الصدمة لها يومين ما نامت وهي تفكيرها كله انها عاشت عمرها مع رجال مو ابوها ورغم فقره شال مسؤوليتها وهي مو بنته وبكت بحضنه رجع قلبها بقبضها وهي تجر رجلها لفوق .. رن الجرس وقفت لورا قدام المراية تضبط نفسها .. فتحت الباب وظهر قدامها بهيبته ووسامته بالبدلة الرسمية السوداء مع شعره الفحمي وعوارضه ظل وجهه جامد لفترة يطالعها ثم ابتسم بمجاملة : بيت المصممة لورا ؟ لورا انقبض قلبها وهي تطالعه تغير عن آخر مرة شافته .. لكن واضح انها مايتذكرها خصوصا انه شافها مرة وحده بس مع صديقتها وكان صغير : ايه انتا السيد فراس الشمري ؟ فراس دخل بثقة : أيــوه فراس الشمري معاك لورا : تفضل من هون ارتاح فراس جلس بثقة ورجل على رجل ... لورا : شو تشرب ؟ فراس : ولا شي .. معليش بس مستعجل بخلص طلبي وبطلع لورا جلست بوقاحة جمبه وهي لاصقه فيه .. فراس كان جالس يترقب حركتها هذي وما ابدى أي نفور : مقاساتي موجودة .. ابي تصميم ثوب اسود بتطريز مغربي ذهبي لورا : متأكد مابدك ناخذ مقاساتك حنا للتأكيد فراس : ايه متأكد .. واذا طلعت البدلة على ذوقي انا عازمك على الحفل اللي راح البس فيه الثوب تسوقي فيه لنفسك لورا بفرح : بجـد .؟ فراس : بس اذا طلعت على ذوقي ! لورا : ولو شو مفكرنا قليل ..؟ فراس وقف : اجل حنا على موعد .. وقت تخلصي ارسليه لورا : ع فين ,؟ ما بتجلس نشرب قهوه شي فراس ارمقها بنظرة طويله اربكتها ...: شو ؟! فراس لين لمحته واعصابه مشدوده : مثل ماقلت لك وقت تخلصيه ارسليه وطلع .. طالع البيت وهو بداخله يحترق على اللحظة اللي بيتم فيها اللي بباله هدا نفسه وهو يردد بداخله ان كلش قرب خلاص مابقى شي الا صبره كل هالسنين يصبره هالاسبوع *** بيـت نايف / وصـلوا البيت والوقت مازال بدري الساعة 7 ... علقت ابتسام عبايتها : حياتي طالع شي .؟ نايف : معزوم على العشاء بس مو اللحين .. ساعتين كذا واطلع ابتسمت ابتسام : اجل انا رايحة اصلح قهوة ونجلس نشربها بالحديقة نايف : على هـواك .. انا سابقك برا اجل ابتسام : ما حطـول جهـزت القهوة وصحنين كيك , وطلعت له بالحديقة وجلستها على الطاولة : صحه وهنا نايف : تسلم يدينك ابتسام تبي تمهد للسالفة : حسيت ابوك ضايق اليوم .. فيه شي ؟ نايف : مدري عنه ابتسام : وامك كمان .. ضايقة مرة حتى كلمتني وقالت لي مضايقها انك عطالي نايف : هههههههههه والله اهلي مشغلين نفسهم على الفاضي ابتسام : مو على الفاضي ياقلبي .. بجد انت اللحين كيف جالس تصرف على البيت نايف ببرود : لؤي راتبه يكفيه وزياده فيرسل لي ابتسام بنعومتها المعتاده : بس انا يضايقني ان لؤي يصرف علي , يعني مو حلوة نايف : كيف مو حلوة ؟ ابتسام : ايه يعني لؤي مصيره يتزوج كمان .. وبيحتاج صرفيته مو فاضي يصرف عليك طول العمر نايف : مو عارف ابتسام مو داخل مزاجي الشغل ابتسام : صدقني وقت تشتغل وتصير الفلوس بيدك دون تطلبها بتحس بفرق ووقتها بتقول ابتسام قالت نايف : ما احسها راح تفرق معاي ابتسام : امبلا حتفرق .. " حاوطت ذراعه " يله اشتغل وانا حصير سكرتيرتك كمان نايف صدق : بجد ! ابتسام : هههههههههههههه لا شلون مقدر امزح معاك نايف رفع حواجبه : خلاص موافق اشتغل بس تصيري سكرتيرتي ابتسام : من جدك ! نايف : ايه وش فيها .؟ اخذتي شهادات المعهد وصرتي تعرفي الحاسب واللغة خلاص ابتسام تفاجأت : مدري .. يعني ابوك و .. اخاف يضايقه نايف : صدقيني ابوي لو يدري اني اشتغل ماراح يهمه شي ثاني ابتسام : مدري مو عارفه نايف : خلاص انا قررت راح اشتغل وانتي سكرتيرتي غير كذا مابي ابتسام استانست انها اقنعته : خلاص اوك نايف دق جواله : هلا مرزوق .. لا يله جايك بالطريق ...هههههههههه حبيبي والله .... مع السلامة ارتشف قهوته بنفس واحد وباسها على الماشي : يله حياتي انا طالع ابتسام : في امان الله جلست مكانها فترة تستوعب : تشتغل ..؟ وسكرتيره .؟ وبشركة الشمري .؟ وش هالعز ! *** اســماء .. / كـالعادة .. تفكيرها وصلها لأنها بعبايتها اللحين وقدام المستشفى وتمشي روحه وجيه : شاسوي ! شاسوي .. عادي اسماء انتي ما سويتي شي بس بتاخذين نظرة خاطفة من بعيد .. خذت أول خطوة لداخل .. وهي تمشي بتردد " اسماء روقي ! شفيها انتي طالبة طب خليك واثقة وامشي " عدلت مشيتها وصارت تمشي بثقة ..: اففف مدينة الملك فهد الطبية كبيره بشكل مقرف وين بلقاه اللحين اثناء ماهي تمشي بيأس لها ساعة تمشي ماحصلته .. وتترنح بمشيتها صدمت بجثة انردت على ورا حتى طاحت مسكت راسها بالم : اااااااااااا فتحت عيونها وهي تشوفه قدامها بطولة الممشوق .. ترتب براسها خلال ثانية خطة كاملة ومسكت راسها : ااااااااااااااااااا رااااسي " صارت تتمايل براسها " دخت دخت هيثم ضيق عيونه : شتسوين هنا مرة ثانية .؟! اسماء ضغطت على راسها : اااااااااااااااااااااااهه بموت " طاحت " هيثم فتح عيونه وجلس القرفصاء وقال بين اسنانه : قومي ماله داعي هالحركات اسماء مصره ماتقوم .. انتبهت هيثم للنظرات حولهم وهي طايحة قربت ممرضة : بسم الله ايش فيه ! : ايش هالدكتور مريضة قدامه وجالس بس يطالع هيثم شد على قبضته وطالع الممرضة : جيبي النقالة ! ضل يطالعها بنظرات لو النظرات تقتل كان قتلتها .. وهي مستمرة ( اذا ماعنده نيه يعطيني وجه وانا طيبة ! بصير مريضة عشان يعطيني وجه ! ) اول ماوصلت النقالة ... فتحت اسماء عيونها دون شعور وهي تحس بيدينه تحاوط خصرها وتحت ركبتها وتشيلها تشنجت بشكل رسمي ! كلش فيها وقف وهي تستوعب ... رغم انها ثانية لمجرد رفعها من الارض ويحطها بالنقالة .. مجرد ما انحنى عشان يحطها همس باذنها : بتندمي على هالحركة بس اصبري ! اما اسماء ماكانت تحس حتى انها طلعت من النص .. عيونها مفتوحه بصدمة وكبست مرتين وجلست بفزة .. الممرضة : ايش فيكي .؟ صحيتي ؟ اسماء التفتت ببطء وهي تستوعب .. لما التفتت لجهته وهو متكتف ويطالعها هنا اغمى عليها بجد ماكانت مزحه .. وعيها ماساعدها قدام الموقف اللي ماصار الا باحلامها هيثم مسك راسه : انقليها لغرفة لحالها واول ماتصحى عطيني خبر الممرضة : كيف راح تتركها ؟! هيثم بضيق : ايش اسوي لها يعني ! اطبطب لها لين تصحى ! الممرضة : العفو بس .. هيثم تجاهلها ومشى بطريقه .. وهو يتحلطم : اقسم بالله ان هالبنت بتجيب لي جلطة بيوم ! *** طرابلس / اثناء ما فراس جالس بانشغال قدام لابتوبه .. رن جرس جناحه فتح الباب : هذا طرد من لورا المصممة لحضرتك اخذ فراس الطرد ووقع : شكرا رجع يدخل وسكر الباب وماكلف نفسه حتى يفتحه .. مباشرة رماه بالزبالة دون تفكير واخذ جواله ودق على رقم معين : لورا المصممة ارسلها مبلغ طلبيتها .. وارسل لها الظرف اللي تركته عندك اليوم ! سكرت السماعة وجلس عند لابتوبه .. بكرة موعدنا يابنت الكلب ! والله لاخليك تعرفي كيف تتطاولي على اسيادك .. خلص شغله تماما بعد ما تأكد ان كلش ماشي على تخطيطه وسكر اللاب .. دق جواله " لورا " صمت جواله ودخل ينام .. بعد الشين قدر يزورها اليوم ماراح يقدر يجامل اكثر من كذا *** كبست اسماء عيونها اكثر من مرة وراسها مصدع .. لما استوعبت ايش صار .. جت المستشفى !!! شالها بين يدينه !!! فزت تجلس وصدرها يصعد وينزل بعنف : صح النـوم جتها قشعريرة بكل بدنها وهي تستوعب .. اقرب مهرب لقته ترجع تنسدح وتغمض عيونها بقوة .. فتح هيثم عيونه وهو يشوفها ترجع تنسدح ومغمضة بعيونها بقوه حتى بانت تجعداتها : باللهـــي .؟!!! اسماء زادت من قوة شدها .. : .............................................. هيثم : اوكيه نامي .. وش وراي جالس انتظرك هنا نشوف لمتى ناويه تضلين ! اسماء وهي مغمضة : ................... هيثم هز راسه بيأس : وش جايه تبين هالمرة بعـد .؟ اسماء بلعت ريقها وجلست .. ثم قالت بمرح تصرف نفسها : اوه دكتور هيثم ! وش هالصدفة .. ماتوقعت اشوفك خصوصا ان المستشفى كبير كذا .. كنت جاية ازور صاحبتي ههههههههههههههه مو معقوله الصدف هيثم طالعها باستخفاف : بنقالي قدامك ؟ اسماء رفعت عيونها بخوف تطالعه .. عيونه الرمادية ثاقبة فيها بتعابيره الحادة رغم نعومة لمحته رجعت تنزل راسها : محشـوم .. هيثم : تعرفي لو اكلم واحد من اخوانك واقوله اللي جالس يصير ايش ممكن يحصل لك ؟! اسماء : كلم بدر تكفى مو فراس هيثم رفع حواجبه: ........ اسماء قالت بسرعة : آسفة .. آسفة بجد بس ... هيثم : يابنت الناس انا مالي خلق حركات المراهقة هذي .. فارجعي بيتكم ولعد اشوفك اسماء شدت على قبضتها بضيق : ................ هيثم مشى بطريقة بيطلع برا .. وقفه نبرتها القلقة : أنت بخيــر ؟ هيثم وقفت يده على مقبض الباب والتفت لها باستفهام : ....................... اسماء بحزن : تدري .. عقب اللي صار معاكم .. هيثم وكلام ابتسام براسه : انا اللي بسألك .. ليش متهاوشه مع العالم عشان اختي ؟ اسماء : ما أحب الغلط ... فـ .. ماقدرت اسكت هيثم : الشي الوحيد الغلط هو اللي سوته اختي ! واللي يدافع عن الغلط غلط زيه ! اسماء بضيق : بس .... " بلعت ريقها " مو هذا الموضوع .. انت بخير اهم شي ؟ هيثم : مو شغلك ! لا تحشري حالك في اموري رجاء اسماء عضت على شفتها ودمعه نزلت على خدها .. هيثم انتبه لها لكن ما اعار انتباه اخر شي ناقصه هي طلع لبرا ... : دكتور ! التفت لصوتها : ... وقفت وقفتها المرتبكة كالعادة .. وقالت بتردد : ادري اني مالي دخل .. ولا راح احشر نفسي بامورك .. بس .. لا تتضايق ابتهج الدنيا ماتسوى هيثم ببرود : اوك .. " ومشى بطريقه " اسماء رفع يدينها لفمها وصوتت له بالممر : سسسمعتني ؟! ابتهج اضحكك هز هيثم راسه رغم ان كل اللي بالممر التفتو لها مازالت ترفع صوتها بعباراتها التشجيعيه : الدنيا خياس ماتستاهل كل هالزعل ! اضحك واقهرهم ... بضل امعط شعر كل اللي يتكلموا فيكم انرسم على شفته طيف ابتسامة وهو معطيها ظهره ويكمل طريقه .. يومه كان طافي روتيني بهالساعتين اللي جت فيها سوت كل هذا ... *** اول مادخلت اسماء البيت وهي تضرب راسها طول الطريق : غبية ! كل مارحتي تكسبين اعجاب جبتي العيد ..." وقفت وصرخت باعلى صوتها " اااااااااااااااااااااااااا اكرهني ! وش احس به يغمى علي صدق عاقبني ربي عشان جالسة امثل : حمد الله والشكر شعندك .؟ فتحت عيونها وهي تشوف ميهاف : اوه ميهاف وش جابك مو قلت لك مشغوله ! ميهاف فتحت عيونها : وصخه بجد ! جيت اشوف وش هالشغل اخبرك اكل وصنعا وقلة مرعى اسماء وهي تسحب طرحتها من كتفها : تغيرت حبيبتي .. انضجي شوي الكل ينضج الا انتي انس قابلها بالطريق : وين كنتي ؟! اسماء طالعته بنص عين : عشتو ! جانا فراس الثاني اقول وخر عن دربي مابقى الا انت تحاسبني وين كنت ووين جيت ميهاف : اسوم بجد وين كنتي ؟ اسماء : راحت السوق ابي اشتري لي اغراض طلع خايس وماشريت ورجعت ! حرام ؟! ياسمين : اسماااء ! اسماء : اااااااااااااه اكره اسمي ! خلاص غيرته مانيب اسماء انقلعوا ميهاف : شفيك انتي كبريت مشبوب .. طولي بالك ام فراس : اتركيها اتركيها .. ما هيب مستنعه لين تعرف قيمتهم جلست اسماء جمب امها : هلا امي حبيبتي .. ام فراس : تعالي ميهاف ارتاحي .. والله وزارتنا البركة ميهاف جلست : تسلمين والله خالتي ام فراس : تو جالسة اليوم ابي اختار مصمم يصمم بيت بدر .. زين جيتي تعطيني رايك ؟ ميهاف : بدر اختار ؟ ام فراس : لا مايرد علي والمشكلة المصمم يبي رد اللحين ميهاف : خلاص خالتي انا اختار .. وردي له اللحين ام فراس : تسوين خير والله اسماء باحباط : انا صاعده ميهاف : شتسوي فوق ؟ اسماء : والله مالي خلق احس حالي تعبانه شوي بنام ام فراس : عيب اسوم ! وش تنامين وضيفتك هنا اسماء وهي بطريقها لفوق : ماهي ضيفه ما شاء الله عليها راعية بيت .. ولا على وش بنت عمنا وخاطبينها لولدنا ام فراس هزت راسها : ماعليك منها ميهاف : هههههههههههههههههههه مع نفسها تعالي انا وانتي نختار بس ونروق جلست ميهاف مع ام فراس واتفقوا على كلش وعطت التصميم كل توجيهاتها ثم رجعت للبيت .. وش تطول له دام حتى اسماء نايمة .. *** بيـت نايف _ الساعة 8 / كانت ابتسام صاحيـة لها نص ساعة .. تبدل لبسها وهي متحمسة لوظيفتها الجديدة , هزت نايف بنعومة بعد ماخلصت تجهيز الفطور وملابسه وحمامه : نايف .. حياتي فتح نايف عيونه : كم الساعة ؟! ابتسام : الساعة 8 يله قوم نايف : وش يصحينا الساعة 8 .. ارجعي نامي بس ابتسام : لاا .. ناسي انك مواعد ابوك اليوم تجيه الساعة 9 يله ياقلبي يادوب نلحق كمان نايف جلس بكسل : عادي ابوي متعود على سحباتي .. صدقيني بيتحراني 12 مو 9 ابتسام زفرت : لا مو حلوة نتأخر ! يلا قوم نايف بكسل : زين زين جهزي لي البانيو وبقوم ابتسام : جاهز ! نايف : وملابسي ؟ ابتسام بملل : جاهزة ! وفطورك جاهز .. وقلت للسواق يطلع سيارتك وكلش جاهز قوم ! نايف وقف : اهب ياوجهها ماتنسى شي ابتسام : هههههه يله انتظرك تحت مو تطول نايف بكسل وهو يتثاوب : والله مو عارفة كيف صحيتي بدري عقب سهرة امس ؟ ابتسام : عادي انتا بس اللي كسول جلست ابتسام تحت ترتب الطاولة .. طاحت يدها على نكهة قهوة بالقرفة نايف يكرها وهي ماتحبها , كانت تجيبها عشان غادة ... رمتها بالزبالة وهي مالها خلق حاجة تعكرها بهاليوم السعيد بالنسبة لها .. نـزل نايف وهو يزبط شاله ... ابتسام عقدت حواجبها : انا مطلعه لك ثوب ليش مالبسته .؟ نايف : ما البس الثياب ولا احبها .. حتى بالمناسبات بالغصب البسها ابتسام : ايه بس اليوم مناسبة .. يعني بتدخل الشركة وكذا ثوب انسب نايف : لا مناسبة ولا شي بروح اتبطح بمكتب وخلصنا ابتسام وهي تصب له قهوته : لا تقول كذا .. انت خذ شغلك بجد مو بروح واتبطح وخلاص . لا حياتي السالفة مو كذا نايف : أقولك شي .؟ ابتسام : قـول نايف : صدقيني ما وافقت على الوظيفة الا عشانك ابتسام وقفت بنص قهوتها : بجد .؟ نايف : ايه .. لو على امي وابوي بس ماكنت باخذها ابتسام : ههههه ليش يعني عشاني ؟ نايف : انتي ذهبه ابتسام .. صدقيني اللي جالسة تسويه معاي والصبر اللي صبرتيه ماتسويه وحده غيرك .. حسيت اقل شي اعوضك فيه اني اشتغل لو بس عشانك ابتسام حمرت خدودها : ماسويت الا الواجب .. ولو اني ماصبرت والله طنقرت عليك كم مرة نايف وهو يتذكر نهى : ماشفتي طنقرة بعض الحريم .. لبى طنقرتك بس ابتسام : ولا يجي ببالك حبيبي .. كان بداية زواجنا وطبيعي يكون فيه اختلافات بالاسلوب وغيره والمهم اللحين انا متفقين .. مو ؟ نايف : خلصتي فطورك ؟ ابتسـام : ايوه نايف : اجل يله مشينا ركبـوا السيارة وابتسام تحس هاليوم من أحسن لأحسن .. انتبهت لآيبوده مسكته : فيه شي ؟ نايف التفت لها ثم رجع يطالع الطريق : ايه .. اسمعي مليان لبست ابتسام السماعة .. عقدت حواجبها وهي تسمع الاغاني : ذوقك غريب نايف : ليه ! ابتسام : توقعت ذوقك صاخب .. اغانيك كلها دينية ووطنية دون اهانة بس ماتعبر عنك نايف : ماسمعتي اللي يقولك أحب الصالحين ولست منهم لعلي انال بهم هداية ابتسام ظلت تطالعه لفترة .. براسها كان انسان داج ومهمل لكن له مبادئ وعبقري اشياء عميقة غير الدشرة والدجة .. بس تو تعرفها وقف سيارته بمواقف الشركة : خليك هنا انا نازل اشوف ابوي شوي .. ثم برجع ابتسام : اوك نزل وهي ظلت بالسيارة .. بعد مانتهت من الآيبود اسندت راسها على المقعد رنة جوال فتحت شنطتها تدور .. ماكان جوالها يدق التفتت لجواله عقدت حواجبها : ناسيه تشنجت وهي تقرا الأسم " نهى " .... مين نهى .؟ حاولت تتذكر كل افراد عائلة مافي اسم نهى .. طولت بالتفكير حتى انتهت الرنة ... حاولت تفتح الجوال لكن كان عليه باس وورد ... فتح نايف باب السيارة عقد حواجبه : شتسوي بجوالي .؟ ابتسام : هاه .. لا بس استغربت ناسيه .. اخذه نايف من يدها : يله انزلي عشان التعيين ابتسام هزت راسها بصمت وخذت شنطتها ونزلت وطول ماهي تمشي وراه وتطالعه وهي في محاولة يائسة تحزر مين " نهى " .؟ *** ميـهاف / صحت من النوم .. بحدود الساعة 3 .. عقدت حواجبها بضيق ليش نايمة بهالحزة ! بدلت بجامتها وغسلت وجهها ونزلت لامها : ماما ! ليش تاركتني نايمة لهالوقت ام نايف : حسيتك تعبانه قلت خل تنام .. وجوالك ناسيته بالصالة وازعجها باتصالاته ماسكت ميهاف : مين .؟ ام نايف : اسماء كم مكالمة وريهام شوفي عاد خذت ميهاف جوالها وهي تشوف المكالمات .. استطرف انتباهها مكالمة وحدة لبدر .. تجاهلت كل هالمكالمات وارسلت له دون تدق " داق علي .؟ شتبي ؟ " اول ما ارسلتها رن جوالها باسمه ردت : ايوه بدر : بأي حق تختارين مصمم البيت ! لايكون البيت بفلوسك ولا راح تسكنيه لحالك ! ميهاف : ايش فيك هايج .. حبه حبه عشان افهم ايش بيته ؟! بدر بنفس الاسلوب : لااا ! اللحين ماتعرفين ايش بيته ؟ ميهاف عقدت حواجبها وهي تحاول تعرف ايش يقصد .. انتبهت لأمها تطالعها وواقفة وهي تحاول تعرف شصاير : وش هالاغبر يقولك .؟ ميهاف عضت على شفايفها ...... بدر بحدة : اطلعي من امك وكلميني ! ميهاف : مافيه شي ماما .. بقولك بعدين " وطلعت لبرا " لو سمحت تكلم باحترام وقولي وش تقصد !! بدر : قصدي المصمم اللي اخترتيه دون تسأليني حتى ! سلامات ياشيخة الدنيا فوضى ميهاف وهي تحاول تمسك هدوئها ودموعها تحجرت بعيونها : امك كانت محتارة وسألتني والمصمم يبي رد سريع وانت ماترد ... فاخترت ! بدر : عذرك هذا بليه واشربي مويته ! ماني محسوب عليك زوج هبال كذا .. ترجعين لي بكلش .. فاهمة ؟ ميهاف : والله يا استاذ الزواج شركة مساهمة مع ضرورة شخص يكون على راسها .. انا شفتك مشغول ومالك خلق تشيل مسؤولية هذا الزواج قدام الناس فعطيت نفسي المسؤولية .... وجاي تكلمني بهالاسلوب بدل ماتقول شكرا .؟ بدر : شـكرا على شنو .. محسستني شايله مسؤولية بجد لايكون انتي اللي جالسة تدفعي مهري وتشتري بيتنا من جيبك ولا حتى ترتبي الحفل ميهاف سكتت بقهر : ................................ بدر : ساكته هاه ! اقسم بالله لو تقرري حاجة ثانية من راسك دون ترجعي لي ليكون حسابك على يدي سكر السماعة .. وميهاف نزلت جوالها من اذنها وتسندت على الكرسي وراها وجلست وهي ماسكه راسها ودموعها تسيب ... الإهانة توجع حتى من الغريب كيف اذا كانت من حبيبك مسكت جوالها ودقت على المصمم والغت معه العقد .. وارسلت لأم فراس " انا الغيت العقد مع المصمم الي اخترته .. واسفه لاني تكلمت بجد مالي حق , وكلمي بدر يختار مصمم ثاني " *** وصلت لورا مكان الحفـل وهي تحس بحماس .. طول عمرها ماتطيح على مطانيخ كبيرين تطيح على تجار صغار واللحين اخيرا طاحت على هامور السوق دخلت قاعة الحفل ووقفت عند المراية تضبط لبسها العاري ومكياجها الفخم ابتسمت ودخلت للقاعة الكبيرة اللي انفتحت لها بمصراعيها واضائة فخمة ..... عقدت حواجبها وهي تشوف المكان فاضي القاعة الفخمة المفترض تكون مكتضة بالناس فارغه ... انتبهت له بنص القاعة يلتفت ببدلته الرسمية الفخمة واناقته ... عقدت حواجبها : شو انا اول الحضور معئول .؟ فراس ابتسم ابتسامة جانبية : مو ليكون فيه حضور بالأول .؟ لورا : مافهمت فراس نزل عينه وهو يطلع ولاعته وسيجارته واستنشق منها : ما تذكريني .؟ او بالاحرى ماتتذكرين فهاد الشمري؟ لورا هذا اللي كانت خايفة منه : مو معئول تكون مجنون وتفكر بهالموضوع بعد اللي صار فراس بنظرة ثاقبة : لا انا مجنون .. واكبر مجنون , وراح اخليك انتي واللي وراك تندمون على لعبكم مع هالمجنون لورا وهي تعطيه ظهرها وتطلع : انا ما دخلني ! تسكرت البوابة بوجهها مباشرة ... فراس : وين وين ؟! بـدري .. ماودك تجلسين ونسترجع الماضي سوا ؟ لورا : بجد انا مادخلني فراس وهو يقرب بخطواته منها : راح اصدق انك مالك دخل ..." وقف مباشرة قدامها وبنظرة ثاقبة " تعلميني اللحين وينها ! لورا : قصدك ريم ؟ فراس : ايه ريم لورا : راح ائـلك صدئني .. ريم بهولي داي مع تاجر امراتي بسويسرا فراس اشر للبودي قارد جمبه : خذها لورا خافت : لوييين !! مو قلت لك ! فراس : امبلا .. وصدقت انك مالك دخل ... شي ثاني ؟ لورا : افلتني ربي يكرمك .. انا مالي بالمشاكل فراس قرب منها وسحب شنطتها من يدها بهدوء : ماتحتاجين هالشي لورا فقدت اعصابها وهم ياخذونها لبرا بسيارة والله العالم لوين ... رمى فراس مفتاح اخذه من شنطتها على الرجال جمبه : روح لبيتها وفتش كلش فيه واي اوراق مهمة عندها او حاجة تثير الشك جبها عندي فورا ! الرجال اخذ المفتاح : حاضر طال عمرك جلس فراس ببرود لما اختلى المكان فيه بالصالة الفخمة .. للحين مايحس بأي انتقامية للحين صدره شاب بس لكلش خطـوة أولى |
رد: انتماءات كاذبة
إيه ده
ده انا باقول اجرب لاقيت الرواية اتفتحت:party0033: عودا حميدا كنت مفتقداها والله:55: قراءة للى فاتنى بقى وبعدين اعلق |
رد: انتماءات كاذبة
حبيبتي رائع جدا وتطورات في الاحداث بتجنن خصوصا بين الرايق نايف وابتسام وصولهم لمرحلة من التفاهم والتواصل والحب واخيررر نايف قبل بالشغل وفقط من اجل ابتسام هذا يعني انو ابتسام قدرت تاخذ حيز كبير من قلب وعقل نايف وايضا راح تقدر تطلع عبقريته في الشغل وتعمل منه رجل ناجح وهذا لان شخصيه نايف الرايقه تاتي بالهدوء والتفاهم مو بالصراخ والقوة والتهديد مثل ما كان ابوه يتعامل معه وابتسام ونايف في الايام القادمة مضبوط عليهم المثل وراء كل رجل عظيم أمرأه اعظم .
غادة وتهورها بقرارها الخاطئ يالله ما اعرف اذا متعاطفه معاها بهذا الوقت واكتشف ايضا انو ابو هيثم مو ابوها الحقيقي شو راح يكون تأثيره عليها وايضا شو راح يعمل معها فارس بعد ان ارسل من يبحث له في شقة لورا والاكيد راح يمسكها هل راح يتعرف عليها وشو ردة فعله من يكتشف انها ابنة لورا . لورا واخيرا اتى من يحاسبها على خباثتها واستغلالها لاخرين وقوعها في شر اعمالها اخيرا وفارس ما اتوقع يرحمها . اما موقف اسماء وهيثم فصلني ضحك من اغمى عليها ابتسامت هيثم تدل ان اسماء قدرت تأخذ لها حيز من تفكير هيثم منتظره مواقفهم القادمه على نار . اما بدر وميهاف من سيئ الى اسوء وقهرني هل البدر اريد من يكسر راسه . شكرا مره ثانيه حبيبتي ومنتظرتك بالقادم الفصول |
رد: انتماءات كاذبة
الأحداث اللى فاتتنى كانت حماسية و كبيرة
الأول الحرب الباردة بين نايف وابتسام و محاولته انه يتظاهر انه متبلد تجاهها ، لكن بعد كده أظهر لها انه سند ليها لما عرض مساعدته فى موقف أحمد الزفت وابوه وبعد كده لما اتعامل معاها برقة فى موقف هروب غادة ..ذاب الجليد ما بينهم بس لسه بقى لما تعرف عن نهى انا مش فاهمة بصراحة هى نهى دى طليقته ولا متزوج منها؟ بدر وميهاف لسه مستمرين فى المناطحة والعناد بس بدر حقير بصراحة بعلاقاته وقرفه لؤى وسارا ،اكيد ان زواجهم بالطريقة دى مشكلة كبيرة خصوصا ان سارا وراها قصة غامضة لسه مش عارفينها أخيرا عرفنا تاريخ فراس اللى خلاه بالبرود والقسوة دى، بس اعتقد انه البرود والقسوة هيتغيروا وأظن الكلام اللى بيقعد يقرع بيه لؤى وانه عمره ما هيكون فى موقفه ولا هيتصرف زيه هيقع فيه و هيضطر يواجه العايلة والمجتمع بيه ويبقى ماحدش احسن من حد:lol: غادة طينت الدنيا على دماغها بالهروب ده وموقفها اتعقد ع الأخرن خصوصا ان الدنيا كلها ضدها دلوقتى ومالهاش حد لكن واضح كده ان الأحداث بتسوقها لفراس اللى اكيد فى الأول مش هيستقبلها بالورد وهيعامله بشدة لكن هل هى اللى هيتجسد في حالته معاها وضع لؤى وسارا؟ بصراحة ف أول الرواية كنت فاكرة من مناقرة سارا وفراس انهم ثنائى ، لكن من ساعة ما غادة وقعت قدام عربية فراس جالى احساس انهم هما اللى هيبقوا ثنائى مع بعض أسماء وهيثم عسللللللل وشربات تسلم ايديك ومبروك ع النجاح و استمرى:55: |
رد: انتماءات كاذبة
اقتباس:
|
رد: انتماءات كاذبة
اقتباس:
هههههههههههه بلشتي شماته بفراس من اللحين ؟ انتظريه يوقع طيب حياكي نورتي |
رد: انتماءات كاذبة
السلام عليكم ورحمة الله
كيفك.ياكاتبتنا الحلوه بصراحه الروايه حلوه ولها احداث جميله لكن عندي ملاحظات اتمنى تتقبلينها بصدر رحب .ادري ان مجتمعنا والناس تغيروا كثير وفيه فئات للاسف لها تأثير كبير ع الشباب والبنات وساهموا في افساد المجتمع نسال الله لهم الهدايه جميعا وابتعد الناس عن الله وعن المبادى والقيم وابطال قصتك فيه زيهم واسوا ولا اطلب المثاليه لانها ليست موجوده ولكن اتمنى توضحين للقارئات ان هذي التصرفات خارجه عن الدين والعرف واننا لن نقبل بها عندك مثلا نايف مع طليقته ومع ابتسام في المالديف وعندك.سكن غاده مع اختها والتبسط في الكلام مع زوجها واخوها اولى تسكن عنده وعندك هيثم والصداقه مع ساره التي لايقبلها لا الدين ولا العرف واسماء والانحلال دون رقيب .عزيزتي هذي الروايه قد تقراها مراهقه وشابه وتعتقد انها اشياء عاديه . تقبلي ودي واحترامي |
رد: انتماءات كاذبة
اقتباس:
ومنتظرينه يطب :IuL04800: |
رد: انتماءات كاذبة
بانتظار فصل اليوم ..
|
رد: انتماءات كاذبة
تسجيل حضور
|
رد: انتماءات كاذبة
اقتباس:
التعليق الخارجي اللي مفروض اوضح فيه ان هالاشياء فعلا ماتصلح .. انا ما اتبعها وأحب ان الاحداث توضح نفسها دون تعليقي .. يعني مثلا لو بيحصل اني بوضح ان علاقة هيثم وسارا مثلا غلط .. راح اوضحها مع الاحداث بسوء عاقبه أو ندم بينما نايف وغادة بصراحة مو شايفه فيها شي .. من ناحية تفكيري على الأقل , ومجتمعي يعتبر زوج الأخت بمثابة الاخو لخواتها ومثل ماقلتي انا ما أنشد المثالية بالشخصيات ولا انجذب للمثالية الزايدة .. بس ملاحظتك تستحق الشكر وراح احاول انتبه باذن الله ولو ان الرواية شبه كامله مافيه مجال اعدل فاعذريني لأي خطا ممكن يبدر واتمنى مايكون مرورك الأخير ياقلبي |
رد: انتماءات كاذبة
" البارت الثاني والعشرين "
- إذا كنت صادقا .. فلماذا تحلف ؟!! " شكسبير " كانت جالسة على البلكـونة شاردة ارمشت عيونها بسواد الليل المزين بالنجوم .. مافيه زي سماك ياجـدة قبضها قلبها وهي تتذكر جدة وايامها مع ابوها .. كيف كانت تسمه بحكيها الطايش , شي داخلها يطعنها لما تتذكر انها كانت تتمرد وهو صابر عليها وهو مو أبوها مو ملزوم فيها .. ارمشت بعيونها وهي تشوف سيارة سوداء توقف قدام الباب وينزل منه 4 رجاجيل ببدلات سوداء ويفتحون الباب ويدخلون .. مسكت قلبها هي الوحيدة بالبيت وش بتسوي !! بلعت ريقها وهي ترجع لغرفتها وتفتح الباب ببطء وتراقب كان صوت الضوضاء واضح وتكسير وجرائم .. مسكت قلبها وهي تقفل الباب قفلتين خصوصا وهي تسمع صوت الخدم يصارخون من الإحتلال .. وسرعان مايتم اسكاتهم .. فتشت ارجاء الغرفة .. تحتاج أي شي تحمي فيه نفسها طاحت يدها على السكين اللي بصينية الفاكهه .. مسكته بإيدين مرتجفة وقلبها طايح , جوال ماعندها ولا عندها أي وسيلة تبلغ الشرطة فزت وهي تشوف مقبض الباب يتحرك بمحاولة فاشلة وتعليق مباشر دون أي ذرة تفاهم : أكسره ! غادة رجلها ترتجف مو عارفة كيف شايلتها وهي تشوف الباب ينكسر قدامها .. رفع الرجال حواجبه وهو يشوفها بجسدها النحيل وماسكه السكين بإيدينها الثنتين ومأشره به ناحيتهم :............. الرجال وهو يكلم الرجال الثاني : خذ السكينه منها غادة اشرت به اكثر : اللي بيقرب بغرسه فيه ! الرجال باستخفاف : لا والله خوفتيني وبلحظة صارت السكينة بيده .. خصوصا انها مستحيل تؤذي مخلوق حضنت رنيم وقالت بقهر : انتو مين ؟! وتبون مين ؟ الرجال بقسوة : ماعندنا وقت نشاركك مواضيعنا !! خذها مباشرة غادة : اتــ .. تـركني تكفى انا مو مسوية شي سحبها بقسوة لبرا الغرفة .. ضمت غادة رنيم حتى غرست وجهها بصدرها وكأنها تبعدها عن هالمنظر مشت حتى ركبت السيارة اللي كلها خدم .. وهي موقنة ان حياتها من اسوأ لأسوا .. عضت شفاتها حتى ادمت طول الطريق ودموعها على خدها ... وهي موقنة ان هذي عقوبتها اللي تركت اهلها عقوبتها على اشياء وااجد ... ساحت دمعتها وهي تبحر بذكرياتها (( غادة 7 سنوات ... تبكي بصخب كالعادة وهي منسدحة بنص الصالة وترجف حولها , ابتسام اللي كان كتابها قدامها على المركى وتحاول بصعوبة تدرس قالت بقلة صبر والعبرة خانقتها من الضغط اختبارات ولا هي لاقية وقت لنفسها : غادة تكفين خلاص اسكتي طلعت جدتها اللي كانو ساكنين عندها لما هربت امهم وقبل تموت .. وقالت بعصبية : ابتسام ! سكتي اختك هالعلة فجرت اذانينها لابارك الله فيها .... وي انا معي السكر ومرتن تعبانه ومبتلاه ابتسام كانت 13 سنة .. عضت ع شفتها : ماعليه بقوم اللحين وقفت ابتسام وسحبت غادة من يدها حتى قامت غصب وبقوة وهي مازالت تبكي وسحبتها لبرا البيت المتواضع حتى وصلوا للحوش وقالت بخنقة : غادة شفيك خلاص اسكتي غادة وهي تبكي : مرزوق ضربني .. مااابي ماابي ابتسام بنفاذ صبر : انا اللي بضربك اللحين لو ماتسكتين ! زادت نبرة بكاها .. جلست ابتسام وهي ماسكة راسها ودمعتها نزلت من القهر وغادة مازالت مجهره بالبكاء .. دخل هيثم البيت " 18 سنة " وسمع صوت غادة بالحوش .. مشى ناحية الصوت وقف مكانه وهو يشوف المنظر غادة تبكي بصخب وابتسام متكورة على نفسها وماسكة راسها بصمت ... فجاة وقفت وضربت غادة بقهر دون توقف : اذا بتبكي اقل شي ابكي على حاجة تسوى !! هيثم مسك يد ابتسام : ابتسام بالهداوه شوي ابتسام ودمعتها على خدها : شاسوي بها ! من صحت تبكي وجدتي تهاوش وجدي عنده ضيوف واختبارات تعبت منها تنهد هيثم : ارجعي داخل ادرسي باخذها معاي ابتسام : لوين ؟! هيثم : ماعليك خلاص طالع هيثم جهة غادة المنفجرة بالبكاء وجلس القرفصاء جمبها : غدو .. ليش تبكين ؟! غادة ارتمت بحضنه : مرزوق ضربني هيثم وهو يمسح على ظهرها : بروح اللحين اضربه .. خلاص ؟ غادة وحدة بكاها تدرجت للهدوء وهي تمسح دموعها : اللحين .؟ هيثم : ايه اللحين .. بشرط ! ماعاد اشوفك تبكين .. وقت تتضايقي تعالي قولي لي وانا اخذ حقك دون تبكين غادة هزت راسها بموافقة ... )) فاقت على صوت عالي : ماتسمعين ! فتحت عيونها وهي تشوف الكل نزل من السيارة ماعدا هي .. وقدامها الرجال يهاوش ارتجفت شفايفها وقالت : شهالمكان ؟ الرجال : جهنم الحمراء ! يله قدامي غادة رجعت لورا : مابي .. مو بكيفك ! مد يده عشان ياخذها غصب .. عضت غادة يده مباشرة بكل قوتها , الرجال صرخ من الألم : ااااااااااااااااا يدي يابنت ال ******** معط شعرها بقوة ومازالت عاضه بكل قوتها حتى ادمت اسنانها والرجال مستغرب من اصرارها وقوتها ما اهتمت حتى لشعرها اللي تقطع بين يديه .. جا رجال ثاني وسحبها غصب : انتي مرة سكين مره تعضين ! غادة تفلت عليه : تفف عليك وعلى اشكالك ! لا وسعودي !! ماعندكم نخوه ولا شرف ياعيال ال ************* صفعها الرجال بقوة : لا تتفلين ياساقطة .. " سحبها بقوة ورماها قدامه " قومي اشوف قبل اسود عيشتك !! غادة وقفت ورفعت عينها وهي تشوف البيت .. بيت ريفي بسيط وبعيد عن المدينة ماحوله شي بلعت ريقها وهي ترتجف : وش هالمكان بكت رنيم بحضنها .. غادة هزتها : بس ماما بس ... " التفتت لهم " ماراح اتحرك قبل اعرف وين ماخذيني الرجال بقلة صبر : ترا عطيناك وجه بزيادة !! سالم خذها غادة مشت لما شافته يقرب منها .. وعيونها تتغارق وهي تطالع المكان ونور الفجر بدا يكسي المكان دخلت وهي ترتجف حتى دخلوها غرفة مع باقي الخدم وسكروها وقفلوها فتحت عيونها بصدمة : ليش تقفلونه ! ماسمعت رد التفتت للخدم وقالت بخنقة : شنو جالس يصير ؟ الخدم اللي ماكان حالهم احسن من حالها : we don't know غادة طقت الباب : افتحوا الباب !! شنو هالمكااان !! افتحوا لا بارك الله فيكم !!! كانت تطقه بالحاح وتهز رنيم بيدها الثانية اللي كانت تبكي حتى غفلت ببكاها *** بيت نـايف / بنص الليل ... وهي منسدحة على جمب ووجهها يم الجدار للحين تفكيرها بالاسم الانثوي الي رن بجواله التفتت بهدوء وهي تشوفه غاط بنومة طالعت يم جـواله سحبته بهدوء ورجعت تنسدح وتعطيه ظهرها وهي تحاول تكتشف كلمة السر .. لكن مافيه امل رجعت الجوال بيأس ... " الله اكبر .. الله اكبر .. لا اله الا الله " اذن وهي مانامت .. جلست وهي ماسكه راسها وصداع فضيع ملازمها ابعدت الغطا ودخلت الحمام وخذت حمام دافي يروق اعصابها شوي .. وبدلت لبسها فتحت انوار الغرفة ووقفت عند راس نايف : نايف .. نايف .. نايف مافيه استجابة .. زفرت بملل : ناااااايف ! نايف فتح عيونه : هلا ابتسام وهي ترجع توقف قدام التسريحة : قوم يله رتب نفسك اليوم دوام نايف تثاوب : تو بدري ابتسام وهي تمشط شعرها المبلول : مو بدري .. طالع وقت الصلاة نايف ابتسم لما قالت " وقت الصلاة " يعني ماله مهرب يرجع ينام : قمت طالعت ابتسام انعكاسه بالمراية بطرف عينها وهو يجلس على طرف السرير وياخذ جواله ويمشي عليه ... ويمر على فمه طيف ابتسامة رجعت تمشط شعرها وسحبت عبايتها من ورا الباب ونزلت لتحت وهي ترمي عبايتها على الكنبة وشنطتها وتدخل المطبخ وعقلها للحين يفكر من ممكن تكون ! نزل نايف ودخل المطبخ : الفطور جاهز .؟ ابتسام اللي كانت تكسر البيض بالمقلاة : ثواني ويكون جاهز نايف هز راسه .. قال قبل يطلع من المطبخ : اوراق التعيين اللي اخذنا امس من الشركة معاك ؟ ابتسام : تحصلها بشنطتي بالصالة مشى ناحية شنطتها وهو يجلس على الكنبة وطلع الأوراق من شنطتها .. عقد حواجبه وهو يشوف بشنطتها علبة حبوب .. قرا المكتوب على الحبوب واكتشف ماهيتها " حبوب منع حمل " رجعها للشنطة لما سمع صوتها وهي داخله والصينية بيدها وحطتها : وبالهنا والعافية نايف مد يده يشرب قهوته دون يعلق : .............. جلست ابتسام بالكرسي الفرادي وهي تاكل بصمت : ................ نايف بهدوء : ابتسام ابتسام : هـلا نايف : كم لنـا متزوجين ؟ ابتسام رفعت عيونها وهي تحسب : همممممم .. 5 شهور للحين نايف : اهـا .. غريبـة والله ابتسام : شنو الغريب ؟ نايف : يعني ماحملتي للحين .. ظنك نزور اخصائية ؟ ابتسام رفعت عيونها .. ونقلتها لشنطتها : شفتها ؟ نايف : ايه .. مو فاهم كيف جالسه تاكلينها دون علمي حتى ؟! ابتسام : مو قصدي شي بس .... " تنهدت " انت تبغى ؟ نايف بثقة : طبعا ابغى ! والأهم انتي تبغي ... شفتك مع رنيم قبل الأمومه مفطورة فيك ابتسام هزت كتوفها بربكة : دام كذا .. اوك راح اقطعها نايف طلع الحبوب من شنطتها : اجل انا رايح ارميها بالزبالة ابتسام ودقات قلبها جنونية من الوضع اللي راح تقبل عليه ... خوف لذيذ , ابتسمت وهي تشوفه يرميها من مكانه بتصويب للزبالة : يله قلبي مشينا تأخرنا ابتسام وهي ترفع الصينية ترجعها : اوك لبست عبايتها وحضن ايدها بيديه وطلعوا لبرا سوا *** بيت أبو فراس / ام فراس جالسة بالصالة ... واسماء منبطحة على الكنبة وقدامها الآيباد زفرت ام فراس بقلق : مادقت عليك ؟! اسماء تنهدت : لا يايمة مادقت .. خلاص واضحة ولدك دق عليها وزفت عليها كالعادة ولا ليش مرسلة لك هالرسالة ! ام فراس هزت راسها : الله يهديه .. والله اني تحسفت اني خطبتها له من خطبتها وانا بفشايل ماخلصت اسماء عدلت جلستها : يمه ! ام فراس : نعم اسماء انسابت من الكنبة حتى صارت جمب امها : تراني اكلمك جد مو امزح ! ام فراس : الله يستر .. لاجيتي تكلميني بموضوع يقبضني قلبي اسماء : لا مو كذا بس ... انا صديقتي بالجامعة جالسة اخر مره تسولف لنا كيف تزوجت ام فراس : ايه ؟ اسماء : تخيلي هي يعني .... شلون اقولك .. هممممم اعجبها واحد بس طبعا هي بنت ماتقدر تخطبه .. تخيلي وش سوت ؟! ام فراس : وش ؟ اسماء بحماس : امها عندها خلطة سرية .. راحت لأم الولد وعطتها كم تلميح وام الولد فهمت وخطبو البنت !!! ام فراس : حمد الله والشكر .. تروح تسوق لبنتها اسماء بقهر : ايه وش فيها عادي ام فراس : اقول طيري مني مناك ! انا وين وانتي وين ... خليني في اخوك اللي بيموتني ناقصة عمر اسماء : انتي ليش متعبه نفسك كذا ! دقي على فراس وعطيه الموجز وبيحل لك المشكلة ام فراس : وفراس رد علي عشان اكلمه !! اسماء : بدر بيوصل بعد ساعتين اصبري ام فراس تنهدت : قولتك .. مشكلته لاوصل ما يجلس ولا اشوفه عشان نتفاهم اسماء : ماكلمتك ام نايف .؟ غريبة بالعادة اول ماتصير مشكلة تدق مباشرة ام فراس بضيق : الساعة 7 تأخرت على زوارة ام ريان .. انا طالعة الظاهر ماراح يجي الا نص الليل , قومي البسي روحي معي اسماء كشرت : وش يوديني .. مالي خلق بجلس بالبيت وفيه فلم انتظره بيبدا بعد شوي ام فراس : براحتك اجل اسماء : اهم شي خذي ياسمين لا تجلس عندي ام فراس هزت راسها وهي طالعة .. بينما اسماء راحت للمطبخ وجهزت لها بوب كورن وبيبسي وقراطيس وتربعت بالصالة بعد ماسكرت كل انوارها .. لها فترة تتمنى هالجو تربعت بحماس ورفعت الصوت لأعلى شي . . وانسجمت مع الفيـلم بعد فترة مرت امها بعبايتها وشغلت الأنوار اسماء كشرت وضيقت عيونها من الإضائة .. أم فراس : ليش مطفية الأنوار تبغي تنعمي علينا !! اسماء : يوووه ماما طفيها مو قادرة انسجم ام فراس : حمد الله والشكر ابليس انتي ماتنسجمين دون انوار ! اسماء : لا مايجي ام فراس : المهم اسمعيني .. انا طالعة وياسمين فوق وتعبانه شوي معها حرارة مو تقعدين هنا وتنسينها انتبهي لها اسماء وهي منسجمة مع الفلم : زيييييين ام فراس بعصبية : انتي مععي ؟! اسماء : يوووه يمه خلاص قلت زين ... ابي اركز الفيلم معقد يبي تركيز ام فراس هزت راسها : يله انا طالعة كملت اسماء متباعتها بإنسجام حتى انتهى الفيلم .. تمغطت بكسل وهي توقف وتشغل الأنوار : سسسوراا... سوراا وصمخ طلعت سورا من المطبخ : ايوه اسماء اشرت على فوضى الصالة : نظفي المكان وجهزي لي صحن سلطة فاكهة .. وقولي للطباخ يسوي عشاء صاحي مو امي مو هنا يتركنا نجوع سورا : حاضر صعدت اسماء لغرفتها .. وفتحت درجها الصغير ووسط كتاب بين مجموعة كتب طلعت صورته بمستشفى جدة وجلست على الكرسي وتنهدت وهي تتذكره : وبعدين يا اسماء .. لي شهر اروح للمستشفى و ... مافيه فايدة واضح اني مالفت حتى انتباهه مشت باصبعها على الصورة كانها تحفظ لمحته الجذابة .. رفعت الصورة لفمها وهي تطبع عليها بوسه وترجعها للكتاب : الله يجمعني فيك يارب فزت وهي تسمع صوت سيارة تحت .. ركضت تطلع برا وتنزل الدرج بخطوات مسرعه : وصل .. وصل .. وصل .. وصل طلعت من البوابة الرئيسية وهي تركض .. التفت لها وهو ينزل شنطته وابتسم بجاذبية وهو يستقبل ركضها بضمه : ههههههههه هلا هلا هلا بحلا هالبيت اسماء والفرحة مو سايعتها : اخيراا جيييييت .. حمد الله ع السلامة بدر : الله يسلمك .. كيفك ؟ اسماء بحماس وهي تحاوط ذراعه وتمشي معاه لداخل : كلش تمام ... صورك تججججنن وترا دكتورتي طالبه توقيعك وقع لها عشان تنجحني بدر بثقة : من ذوقك والله .. من عيوني هاتيها واوقعها اسماء وهي تترفع على اطراف اصابعها وبالكاد وصلت لخده وطبعت بوسه : فديييييتك بدر قبل يصعد : فين أمي ؟ اسماء : طالعه برا معزومة بدر : اها .. اجل وصي الخدامات يصعدون اغراضي انا صاعد اتروش وابدل اسماء : العشااء جاهز لا تتأخر بدر : اكيـــد وصل لفوق وقبل يدخل غرفته انتبه لصوت من غرفة ياسمين .. فتحها ببطء وهي صحت بنشاط وقت شافته : بددر بدر : هلا عيوني .. نايمة اجل ؟ ياسمين وهي تسند راسها على راس سريرها : تعبانه بدر وهو يتوجه لها ويجلس على طرف سريرها : لا لا لا سلامتك ياقلبي شفيك ؟ ياسمين بهم : مدري بدر : رحتي المستشفى ؟ ياسمين : لا ... ماما تقول بوديك بكرة بدر وهو يبوس جبينها : اجل انا بوديك مع ماما بكرة .. ماشي ؟ ياسمين ببراءة : حمد الله ع السلامة بدر : يسلمك .. وترا مانسيتك هديتك معاي ياسمين : فييينها ! بدر : وقت تصيري احسن اوريك اياها .. اللحين ارتاحي ولا تنامي قبل تتعشي ياسمين : بنزل اتعشى معاك بدر بابتسامته الجذابة : بعدين .. اللحين ارتاحي بغرفتك ياسمين : ان شاء الله طلع بدر ودخل غرفته .. ودخل يتروش وطلع بعد مابدل مشى ناحية الشناط بغرفته واخذ كيستين موجودة بشكل جذاب ونزل فيها .. جلس على مائدة العشاء وين ماكانت اسماء جالسة تنتظرة حط كيستها قدامها .. ابتسمت اسماء : كالعادة؟ بدر : طبعـا وانا عمري سافرت ونسيتكم اسماء حطتها على جمب .. متعودة منه مستحيل يسافر ويرجع مايتذكر الكل بهدايا : بدوري بدر وهو يتعشى : عيـونه اسماء : ماما زعلانة عليك .. وراح تكلمك بالموضوع ولا تصعب الموضوع حاول تسهل الأمور عشان تمشي بدر : أي موضوع ؟ اسماء : انت متهاوش مع ميهاف عشان المصمم .؟ بدر عقد حواجبه : على أي اساس تقولي هالكلام ؟ اسماء : لانك عصبت وقت قلنا لك انها اختارت .. وبعدها جت هي وكلمت ماما وقالت انها الغت العقد واختارو انتو بدر : اهـا .. خلاص مالك فيها اسوم بتفاهم انا وامي وقت ترجع اسماء : لا يكون تهاوشت مع البنت بس ؟ بدر : ايه , ومثل ماقلت مالك فيها انا وياها نتفاهم اسماء هزت كتوفها : قولتك *** دخـل أبو نايف البيت بهيبته المعتادة .. وقف بالصالة وين ماكانت ميهاف وام نايف وفهد جالسين ومعهم سجى ووداد ام عبد المجيد الحاضرين زيارة ... قال بهدوء : مزنة ! ام نايف : سم ابو نايف : الحقيني وصعـد .. الكل طالعوا بعض مستغربين حتى ماسلم وقفت ام نايف وطلعت له ودخلت الغرفة كان جالس على مكتبه : هلا آمر ابو نايف : متى آخر مرة كلمتي فيها ولدك ؟! ام نايف : أي واحد ابو نايف : لــــؤي ! ام نايف وهي تحاول تتذكر : والله .. " بلعت ريقها " من زمان ابو نايف بحدة : من زمان متى ؟! ام نايف بربكة : يمكن من سافر ماكلمته ابد .. ابو نايف : شي طيب ... ظل الصمت لفترة ... ثم نطق ابو نايف : ولدك وش جالس يسوي بالكويت ؟! ام نايف : متوظف هنـاك اظن بشركة فراس ابو نايف : ولدك عطـــالي هناك !! ام نايف : متأكد !؟ ابو نايف : ايه متأكد !!! ولدك جالس هناك مدري وش يسـوي ... مبتلا انا بعيال مايشيلون مسؤولية ام نايف : هد بالك طيب السالفة ماتسوى كل هذا ابو نايف :مـــزنة .. انتي تعرفيني زين كلش يسوونه يهون الا انهم يجلسون عطاليين ماينفعوني على وش ربي رازقني هالولدين اجل !! ام نايف : والله غريبة عليه لؤي يعني اخبره راعي مسؤولية وشغل ابو نايف : وانا كنت غلطان لأني حسبته راعي مسؤولية وشغل وتركته يسيب لحاله دون اراقبه ! ام نايف : انت كلمه وان شاء الله خيـــر مسك ابو نايف جواله ودق وكانت المكالمة مختصرة ومهيبة : ألو ! لـؤي بكرة القاك قدامي .... دون ليش ! بكرة القاك قدامي ابغاك ضروري وبس ..... " سكرها " ام نايف : ماقلت له ليش عاد ؟! ابو نايف : ارجعي لضيوفك انا الغلطان اللي ناديتك اصلن واحسبك ام سنعه تعرف عيالها وش حالهم ! طلعت ام نايف بقهر .. هي صح غلطانة بس هو مو بعيد عنها .. *** عقد لؤي حواجبه بعد ماسكر السماعة : غريبة ! سارا اللي كانت جمبه يتابعون فلم : شنو قال ابوك ؟ لؤي : جهزي شنطتي يبغاني ضروري بالرياض سارا بقلق : بتسافر ؟! لؤي : طبعا لازم اروح اشوف شصـاير .. مو بالعادة يطلبني كذا فجأة اكيد سالفة كايدة سارا بخوف : ظنك عرف ؟! لؤي : لا ما اتوقع .. انتي جهزي شناطي وبكرة بروح واشوف شصـاير سارا بقلق : ان شاء الله قامت .. واول ماقامت مسك يدها : فين ؟! سارا : بجهز شنطتك لؤي : مو اللحين اجلسي نكمل الفلم بعدين سارا ابتسمت بتوتر : اوك لؤي : راح تضلين هنا لما اسافر ؟! سارا : بشوف اروح لهيفاء او بعزمها هنا لؤي : ايه لا تجلسي لحالك اهم شي سارا وهي تسدح راسها على صدره : خايف عـلي ؟! لؤي : اذا ماخفت عليك .. على من بخاف ؟! *** طـرابلس _ بالفيلا البعيدة بارض خـالية : كانت مسندة راسهـا على الجدار بالغرفة الخالية من جميع قطع الأثاث اشبه بسجن ... ورنيم بحضنها واليأس دخلها من جميع النواحي والخنادق اللي رسمتها دموعها على خدها جفت .. والكل مضطرب ووصل لمرحلة اليأس من امس وهم هنـا ... مر على وجودهم اكثر من 15 سـاعة .. فتحت عيونها وهي تشوف البـاب ينفتح وغادة كانت في استعداد لهجوم حتى تطلع .. لكن هجومها تراجع بقوة وقت شافت البودي قارد يدخل وبعده يدخل ببدلته الرسمية الطاغي عليها اللون البيج .. ولمحته المرسومة مع حاجبه المرفوع بشكل طبيعي يوحي بالكـبر والعزة بلعت ريقها هو نفسه فراس الشمري مين مايعرفه ؟! ... ولد عم نايف .. قابلته بزيارتها لبيت اسماء .. تمنت الأرض تنفتح وتبلعها .. اصابها هدوء ماتكلمت حتى .. وشعرها الكثيف الطويل مغطي وجهها خصوصا وهي منزلة راسها فراس ونظره يمسح على الموجودين بطريقه عليا توحي باحتقاره للكل : هذولا هـم ؟! : نعم طـال عمرك فراس : خـدم كلهم ؟ : أيـه هذا الظـاهر فراس واخيرا وجه كلامه لهم : تعرفـوا ليش انتو هنا ؟! كبيرة الخدم : لا .. حنا بنعمل عند السيدة لورا ومو فاهمين لشو كل هاد ! شو عملنا ؟! فراس : للأمـانة ماعملتوا شي .. بس استجواب بسيط لأن السيدة لورا متهمة بكم تهمه كثر الهمس بينهم عن وش ممكن تكون عاملة ... قبل يطلع استطرف انتباهه بكاء طفل ... انتبه لها بالزاوية ومتكورة على نفسها وشعرها مغطي وجهها وهي الوحيدة دون زي خدم .. لابسة قميص طويل وكمه لمرفقها طالع الرجال جمبه : هي كمان خدامة ؟! : مو عـارف .. لكن كانت شرسة وتعذبنا كثير لحتى نقلناها لهنا طالع فراس كبيرة الخدم وهو يأشر بعيونه لغادة : من هذي ؟! كبيرة الخدم : هاي ضيفة للسيدة لورا فراس ضيق عيونه ناحية غادة اللي كانت ميتة من الرعب وقت انتبه لها : ........................ فراس طالع رنيم اللي تبكي وواضح ميتة من البكاء .. التفتت للرجال : انت كيف تاركها بهالمكان ومعها رضيعة ؟! : انت ماسمحت بأي استثناءات فراس : جهز لها غرفة لحالها وانقلها لها .. ووفر للصغيرة اللي تحتاجه الرجال بتنفيذ اوامره : تفضلي يا شرسة دخـل فراس غرفة لورا .. اللي كانت عكس مكان الخدم غرفة محترمة واسعة بسرير وجلسة ووجبة اذا احتاجت جلس على الكنب وحط رجل على رجل لورا اللي كانت جالسة على الكرسي المقابل : شو بتريد مني ؟! كل شي عندي خبرتك اياه فراس : جهزي نفسك تسافري معـي بكرة لسويسرا .. بحيث اذا كنتي تكذبين اعرف اتصرف معاك مباشرة لورا : وبعد سويسرا ؟! فراس : اذا كنتي صادقة بأخليك .. غيره انسي لورا مسكت راسها : ياربي شو هالمصيبة فراس مباشرة : من هالضيفة ببيتك ؟! لورا : انو ضيفة ؟! فراس : اللي معها بزر لورا : ايه ضيفة عادية ... مافيه شي مهم فيها فراس : ما ظنيت وحده من معارفك مافيها شي مهم .. لورا برعب : انا مو فاهمه .. يعني لشو بدك توصل ؟! فراس وقف وبطريقة برا : مو انتي اللي اناقش معها لوين بوصل ! طلع فـراس لبرا وبطريقة لسيارته وجه تعليماته : الخدم بعد الاستجواب اخلوهم بس تأكدوا قبل ان افاميهم تضل مسكرة ... لورا راح اجي بكرة اخذها معاي للمطار : والضيــفة الشرسة !؟ فراس : الضيفة الشرسة لا تتركها تطلع قبل اعطيك الأمر .. احسن معاملتها واي شي تحتاجه وفره لها : حــاضر ركب فراس سيارته ومشى بطريقه .. دق جوالة طالع المتصل امه تو بيرد دق جواله الثاني مكالمة مهمة من فريق التتبع تنهد وصمت جواله ورد على فريق التتبع .. *** اليــوم الخميس ... جمعه رسمية في بيت أبو نايف جامع فيها العائلة المقربين بس / اسماء وهي تحس بإنتعاش طلعت من الحمام وجففت شعرها وهي بروبها ومستمتعه بـالكامل .. سحبت فستانها اللي قررته من الصبح نزلت برشاقة من الدرج للصالة : خلصت !! فتحت عيونها وهي تشوف أمها مالبست ولا شي : مااامااا .. ايش تنتظري ؟! بدر اللي كان جالس بأناقته بالثوب الأبيض والغترة الحمراء والجزمة الرسمية وساعته الفخمة وخاتم بالسعر الفلاني مايستغني عنه وقدامه اللابتوب وجمبه امه : ماراح تروح اسماء ويدها على خصرها : ليش ان شاء الله ؟! ام فراس : ياسمين تعبانه مقدر اطلع واخليها لحالها .. روحي انتي وانبسطي اسماء : يوه اتركيها مع الخدامه بتنتبه لها ام فراس : اخر عمري اترك بنتي مع الخدامات ماتركتك بعمرها اتركها اسماء وهي تجلس جمبهم : والله قهــر " طالعت اللاب مفتوح على صور بيوت " .. شتسوون ؟! ام فراس : نختار واجهه لبيته .. وتصميمه وكل هالقلق اسماء : قررت مصمم ؟! بدر اللي كان منغمس وهو يحرك بين الصور : لا لسى محتار بين كم واحد ؟! اسماء : طيب ناقشهم مع ميهاف بدر : ما احتاج رايها .. رايي يكفي ويوفي ام فراس : وش هالحكي ؟! اختك معها حق ... خل البنت تختار بدر : اخترت خلاص ! اسماء : يمه مسرع .. تو كنت محتار بدر : اذا هي بتختار البيت تدفعه .. دام انا اللي ادفع انا اللي اختار غير كذا ماعندي اسماء : براحتك .... " اشرت على صورة " واو بدر هذي خيالية حطها بدر : دامها ذوقك ماراح احطها .. ابي كلش على ذوقي انا اسماء : ووش فيه ذوقي ؟! ما اعجبك !! بدر : لا صار بيتك اختاري انتي اسماء : الله يستر علي مايجيني زوج نذل زيك ومايخليني اختار شي .. " تذكرت هيثم وتنهدت " مع اني من هالناحية ضامنة نفسي ماراح يصير لي زي هالمقرودة ميهاف بدر عقد حواجبه : مقرودة ؟! تحمد ربها وتسجد له سجدتين شكر الي بتعيش ببيت من ذوقي اسماء : اقول مطول ؟! اخلص نبي نلحق على الجماعة بدر سكر اللاب : يله شرفي اسماء : يله مامي سي يو ام فراس : انتبهو على نفسكم ... واسماااء خلي مني الهبال وخلك مرة صاحية وساعدي بيت عمك اسماء وهي تعلي صوتها قبل تطلع : ان شاااااء الله *** مــيهاف نزلت بخطوات أنيقة مع الدرج .. وقفت وهي تسمع حوار أمها وابوها أم نايف : بدر بالرياض ؟! ابو نايف : ايه وصل امس عضت على شفتها بقوة .. ماقالها شي انه بيجي ولا شي , كملت مشيها لتحت كان ابوها بطريقه لبرا ... ام نايف : اخيرا جيتي .. سنة عشان تلبسين ؟! ميهاف : شأسوي بعد لزوم الكشخة .. عزمتي الجيران ماما ؟ ام نايف : لا .. ابوك رفض يقول عائلية بس دق جوال ميهاف .. ردت كان " ام عبد المجيد " : هلا عمتي .... يله يله سكرت السماعة : هذي عمتي تقول افتحوا الباب ام نايف : هاو مو مفتوح ! غريبة ابوك مافتحه ميهاف : رايحة افتح لها أول ماطلعت كان الباب مفتوح وام عبد المجيد وعبد المجيد جمبها وسجى ووداد بلعت ريقها ورجعت تركض لداخل .. عبد المجيد تسمرت عيونه : ............ وداد نغزته : هيييه وين رحت ؟! عبد المجيد تنحنح : ما شاء الله .. ما شاء الله .. ما شاء الله سجى : هههههههههههههه اقول ارقط بس ولاتقول انك شفتها .. ولا سود بدر عيشتك عبد المجيد : يتهقوى بس ! ام عبد المجيد : عاد انا اللي قايله لها افتحي ماهقيت الباب مفتوح .. يله حصل خير دخـلت ام عبد المجيد وبناتها وقالت باسف لما شافت ميهاف : اعذرييني حبيبتي والله مادريت الباب مفتوح ميهاف وهي تسلم عليها : حصل خير ... كيفك وكيف امورك ؟! ام عبد المجيد : حمد الله تمام سجى : محد جا للحين ؟! ميهاف : ههههههههههههه لا كالعادة انتو اول الحضور ... حياكم حياكم تفضلوا جلسوا بالصالة الرئيسية .. بما انها مجرد جلسة عائلية , بعد فترة دخلت ابتسام وشايله فهد بحجبتها : السلام عليكم : وعليكم السلام هلا والله ومرحبا ميهاف : فهود معاك ! متى امداه يوصل لك ... عاد الحقير لي ساعة ادوره ابي اغير ملابسه ابتسام وهي تفك نقابها وتطبع بوسه على خد فهد : مستقبلني جعلني فدا عمره .. بس ترا خطر استقبلنا بالشارع وانا بالسيارة انتبهوا له البيبان مفتوحة اخذته ميهاف : فهوود ! انا وش قلت لك ؟! فهد ببراءة : اثف وداد : واااااااااو ميهاف ماراح تقدري تعاتبين هالبراءة كلها ميهاف : هههههههههههه مشكلته يجلط .. يله انا صاعده ابدل ملابسه ام نايف : تفضلي ابتسام ارتاحي ابتسام : معليه بس ثانية اروح ازبط نفسي عند المرايا نزعت عبايتها وهي تطلع الروج وتضبط مكياجها بعد مسافة الطريق الطويلة ... وتمشط شعرها لحتى انتهت من ترتيب نفسها ورجعت تجلس بالجــلسة مع الموجودين ودخلت وهم بموضوع زواج وداد ... ام عبد العزيز : ابتسام ترا ماراح نعذرك .. الشهر الجاي زواج وداد مو تنسين ابتسام : لا ان شاء الله اقدر وداد : كيفك ابتسام مع الوظيفة ؟! سمعت انك توظفتي سكرتيرة بشركة خالي ابو نايف ابتسام : والله للحين ما باشرت لأن دوام نايف ما استقر للحين وقت يستقر بباشر سجى : والله انا من زمان اقول ولد خالي هذا غير الرجاجيل كلهم .. ولا أول مرة اشوف رجال يدعم شغل المرأة ميهاف : بجد ترا نيوف غير .. عقله غير ابتسام : انا احس عادي .. يعني كثير قابلتهم يتقبلون شغل المرأة ويدعمونه ميهاف : لا حبيبتي .. شوفي بدر هذا وحنا لسى ماتزوجنا رسمي مارضى اني اشتغل طلعها من عيوني وداد : انا كمان .. تخيلي شرطه اني ما أشتغل ام نايف : معلوم الرجال يبي الحرمه تسنعه مو تشتغل وتنشغل عنه ابتسام حست ام نايف تلمح لها : والله انا رفضت اول ماقالي .. بس مره اصر لدرجة يقول اذا ماراح تصيري سكرتيرتي ماراح اشتغل سجى برجاجتها المعتادة : يالبيية عسى لؤي كذا بعد ؟! ميهاف : ايه اخواني كلهم ما شاء الله .. يدعمون ان المرأة تشتغل ام نايف : عيالي ماطلعوا لأبوهم ابد وداد : اخت هشام خطيبي .. موظفة وتحب وظيفتها وناجحة ما شاء الله عليها خطبها وكتبوا كتابهم وتزوجوا .. وقتها قالها تقاعدي مافيه شغل اجلسي بالبيت تخيلوا على طول تركته .. ماجلسوا حتى شهر ميهاف : ههههههههههههه وداد على كذا ابو الشباب ماله داعي يسترجل عليك دام هذي سوات اخته دخلت اسماء البيت ... ميهاف طالعتها : بدري ! الله لا كان جاب الغلا ... وين امك ؟! اسماء وهي تفصخ طرحتها : السلام عليكم كلكم وحده وحده .. " طالعت ميهاف وهي تفح " اااه اسكتي يختي امي ماجت ميهاف : كل هالتأخير وبعد ماجبتيها معك ؟! ام نايف : عسى ماشر ليش ماجت ؟! اسماء : ياسمين محمومة وجلست معها ... رمت عبايتها وشنطتها وهي توقف على الكنبه قدام المكيف : حححححر ابتسام : ههههههههههههه اسوم طالعه من جهاد انتي ؟! اسماء : ماتدرون وش صار معي ! وقف بدر قدام بيت واحد يبي منه شغله وجلس ساعة داخل وانا ملطوعة ومطفي السيارة يعني دون مكيف وداد : يا حياتي كل هذا فيك اسماء جلست : لا ويوم دخلنا نايف وعبد المجيد محجرين للسيارة ماتركوها تمشي !! ويسولفون وانا موجودة ... اففف طفحت سجى : يوووه عاد عبد المجيد امس يقول مشتاق لبدر .. تحصلينهم ولهانين اسماء زفرت : ولهانين ع حساااابي ؟! ميهاف وقفت : هههههههههه روحي حبيبتي رايحة اجيب لك عصير تبردين قلبك ماراح تنفعك القهوة اسماء : ايه الله يجزاك خير مير *** لـؤي / دخـل البيت بسيارته اول ماوصل بحدود الساعة 6 ونص .. نزل من سيارته ودخل مباشرة المجلس وهو يسلم على الموجودين .. والكل يستقبله بحرارة .. اما سلامه مع أبوه كان بارد : يله بالإذن رايح ابدل وجايكم ابو نايف ارمقه بنظرة : لا تطول ! دخل لؤي البيت .. وهو بطريقة لداخل كان جواله بيده كتب رسالة ( وصلت الرياض ) وارسلها لها ... تنحنح وهو عند الباب : لاااتدخل البنات كلهم بالصالة بمجرد ماحسوا قوم البزران بصوته ركضو له من كل مكان : لؤؤؤي جلس لؤي القرفصاء بينهم وهو يسلم عليهم كلهم .. حتى بزران الجيران يعرفونه ويحبونه : اشتقنااا لكك .. جينا اليوم عشانك بس لؤي : هههههههههه لا والله راعيي واجب يسلم شانك ... رفع فهد وهو يوقف ويبوسة بخده : كيفك حبيبي ؟! ابتسم لأمه اللي جته .. وباس راسها : هلا بالغالية ميهاف سلمت عليه وهي تضمه بحرارة : هلاا والله نورت الرياض .." طالعت بالبزران " وش هالتجمع روحوا العبوا انس باعتراض : لا نبي لؤي ! فهد وهو يتعلق برقبته : انا اذلس مع لؤي ام نايف : الله يعينك ماراح يتركوك اللحين لؤي : ههههههههههه اتركيهم يمه مبسوط عليهم ميهاف : طالع على جمب واصعد البنات بالصالة ماراح يقوموا لؤي وهو ينزل فهد : خلاص حبايبي انا رايح ابدل وجاي .. اللي بيلحقني هذا بعلقه بالمروحة جت ام عبد المجيد وسلمت عليه : هلا والله بولدنا الي جاحدنا لؤي وهو يبوس راسها : افاا ماعاش من جحدك ... كيفك اهم شي امورك تمام والعيال تمام ؟ ام عبد المجيد : كلنا بخير حمد الله .. انت كيف امورك ؟! لؤي : اووووه اموري تسرك ام نايف : كنك بلطت عند الباب يله اصعد .. " علت صوتها " ياحريم تغططن صعد لؤي وام نايف جمبه تصعد معه .. طالعها مستغرب : جايه معاي ؟! ام نايف : اصعد بس قدامي .. بكلمك بموضوع عقد لؤي حواجبه وصعد ودخل غرفته : شصاير انتي وابوي وراكم شي .. ام نايف بعد ماسكرت باب الغرفة : وش جالس بالكويت تسوي ؟! لؤي : شجالس اسوي يعني ؟! اشتغل ام نايف : لؤي لا تكذب علي .. وش جالس تسوي ؟! لؤي تنهد : اوك ماكنت اشتغل .. بس عندي حاجه جالس اخطط لها ام نايف : حسبي الله على بليسك .. وابوك اللي كل ماقال احد وين لؤي رفع راسه قال ماسك اموري بالكويت !! لؤي : يمه انا ما اخذت شهادة ادارة اعمال عشان امسك اشغال ابوي .. وبعدين كل هذا عشان وظيفة ؟! هذا نايف له سنين ماتوظف محد حاسبه ام نايف : بس نايف جالس هنا قدام عيونا .. ومحد راضي عنه وفوق كذا ماكذب علينا عارفين انه مايشتغل بس انت تقولنا اشتغل وانت تلعب هناك لؤي جلس على الكرسي وهو يمسح على وجهه : ماني العب ... وكان تقدرون تكلموني بهالموضوع بالسماعة ماله داعي اقطع رحلة كاملة ! ام نايف : مت يوم جيت ! انت صاير معاك بلا ... ماتبي تجينا ابد .. حتى ملكة اختك مافكرت تحضرها لؤي : خلاص يمه واللي يعافيك .. اتركيني ابي ابدل وارتاح تو واصل من سفر مالي خلق هالمواضيع ام نايف هزت راسها : ماشي .. بس اذا كلمك ابوك اسكت واصبر على اللي بيقوله لانه شايل عليك جدا وطلعت وسكرت الباب وراها .. تنهد لؤي بضيق مسوين كل هالسالفة عشان وظيفته ؟! شلون لا عرفوا انه متزوج .. دق جواله .. كانت سارا طالع الجوال ووقف يدخل الحمام دون يرد .. ماله خلق لازم يحضر نفسه للي قدامه اللحين مع أبــوه تنهد جلسته ماراح تغير شي .. وقف وبدل ملابسه وطلع لهم وخذ مكان بالمجلس بعيد عن ابوه , طالع ابوه من بعيد اللي كان يسولف مع اللي جمبه ... ماكان له خلق يسولف مع احد فاحتفظ بالصمت بالمجلس وهو يختلس نظرات لأبوه بين ثانية وثانية .. وقف أبو نايف : خذو راحتكم يا جماعة الخير .. اعذروني دقيقة " طالع لؤي " وانت تعال ابيك وقف لؤي وطلع وراه .. دخل ابو نايف البيت والتفت للؤي : خلك واقف هنا وقف لؤي مكانه بينما دخل هو للصالة وسلم على الموجودين اللي كلهم محارمة خصوصا مع غياب أم فراس .... طول لؤي وهو واقف وهو يسمع سوالفه مع الموجودين ثم سمعه : لؤي بيمر لفوق ثم التفت له : يله تعال صعد ابو نايف وصعد لؤي وراه ... ام نايف كانت ماسكه قلبها وهي تشوفهم , زوجها وتعرفه مايتس اهل مع موضوع الكذب اولا والاستهتار ثانيا .. ودايم مطنش نايف صح بس غلطة الشاطر بعشرة .. تبع لؤي أبوه لحـد مكتبه ... ابو نايف : سكر الباب واجلس سكر لؤي الباب وجلس بهدوء ينتظره ... ابو نايف : وين بوكك ؟ لؤي طالع ابو نايف وقال بهدوء عكس الاضطراب داخله .. لأن كرت العائلة موجود اسمها فيه : ماراح تتعامل معي بهالاسلوب ابو نايف بحدة : وييين بوكك ؟! لؤي رفع نبرة صوته درجة : قـلت لك ماراح تتعامل معي بهالاسلوب .. تاخذ بوكي وبطاقاتي وتجمد حساباتي وتمنع سفراتي ... اسف بس ماراح تمشي هالمرة ابو نايف : ودك تجرب كيف امشيها عليك !! لؤي باقتضاب : انا غلطت .. وآسف ومستعد اصلح غلطتي وبرجع اشتغل ابو نايف : موقعك بشركتي موجود باشر من بكرة لؤي عض على شفته : وظيفتي بالكويت جاهزة .. وراح اباشر فيها ابو نايف : ماراح تشتغل عند فراس .. انا اولى فيك وانت ماتستاهل تخلى لحالك لؤي : دام كذا ماراح اشتغل .. ماعاد يناسبني الوضع هنا وانا مبسوط هناك ابو نايف رفع صوته وهو يضرب على الطاولة : طايح لك على شلة فساد هناك اكيد !! ومبسوط هنا ... مافيه من اليوم ورايح تضل قدام عيـــني لؤي وقف : اللي عندي قلته .. وماراح اتناقش بهالموضوع بالذات راح اشتغل وراح اسافر الكويت واكمل شغلي هناك ابو نايف صرخ فيه : وقففففف مكانك لما اكلمك !! ماتعطيني ظهرك وتمشي !!! لؤي التفت : آمر .. شي ثاني ؟! ابو نايف : انا ابـــوك سامع !! لا تنسى هالشي وراح تشتغل بالغصب لؤي : ابوي .....؟! قد ايش هالمقام مناسبك .. تلبسه متى مابغيت وتفصخة متى مابغيت .... تمر السنة ماكلمتني دام ارباح شغلي توصلك !! ومايهمك فيني انا طيب ولا ردي .... وقت وقفت ارباحي صرت تبي تصير ابوي وتسيطر علي وتقرر حياتي ... قبل اسمح لك تقرر واوافق لازم انت تلتزم بمسؤولياتك ! ابو نايف رفع حواجبه : تعال قدامي لؤي ضل ساكت وهو يطالع ابوه بعيون تلمع : .......................... ابو نايف صرخ : ققققققلت لك تعاااال قدامي ! لؤي عطاه ظهره ومشى بطريقه .. لكن وقفه سحب ابو نايف من مؤخرة ثوبه وصفعه بأقوى ماعنده : تبي ارجعك لأيام المراهقة وارجع امد يدي عليك عشان تحس اني ابوك ؟!!! لؤي : هذا اللي قدرت عليه من مسؤوليات الأبو ؟! بالدور التحتي :- وقفت ام نايف بخوف وهي تسمع اصوت مريبة من فوق ... ميهاف : شصاير ؟! ام عبد المجيد : الله يستر صعدت ام نايف مسرعه وميهاف وام عبد المجيد وراها .. ووقفوا قدام مكتب ابو نايف وين ماكانت الأصوات ضربت ام نايف على خدها وهي تسمع صراخ ابو نايف : هذا اخرة الدلع ... انشهد اني انخدعت فيك ... انت تعلمني كيف اصير ابو هاه !! فتحت ام نايف الباب وهي تشوف ابو نايف ماسك لؤي من ياقته .. ورافع يده لفوق ركضت وهي توقف بينهم : شقاعععد تسوي بالولد ؟! تضربه وهو بهالعمممر !! لؤي اللي كان منزل عيونه طول الوقت ... ابو نايف وهو مازال ماسكه صرخ فيها : وخخخري ولدك هذا ماتربى ام عبد المجيد : بغلاوتي عندك ياخوي تتركه لؤي التفت لجهة الباب وهو يشوف ميهاف الي دموعها نزلت بشكل تلقائي .. وام عبد المجيد ماسكه قلبها بخوف ابعد يد ابوه من ياقته وطالعه : اكتفيت من تقليل قدري خلاص ؟! ابو نايف مشى بينهد عليه بس ام نايف كانت ماسكته وهي محاوطته من خصره : خلاااص اترك الولد بحاله !! لؤي مشى بهدوء وهو يطلع من الباب وكتفه يضرب بكتف عمته .. ويتوجه لغرفته ويسكر عليه الباب ويقفله , ام نايف بقهر : ليش ليش ضربته ؟! ابو نايف : انطمي على شحمة .. ولدك هذا ماتربى ! ! ام عبد المجيد : عسى ماشر ياخوي .. وش صاير ما اخبر لؤي تطلع منه الشينة ميهاف كانت عيونها معلقة على باب غرفته .. اكيد نفسيته مندمرة اللحين ماراح يقبل يتكلم معهم حتى ام نايف : حاط حرتك فيه وهو ماغلط !! فيك قهر رح حطه بولد اخوك اللي غاث بنتك .. مالقيت الا لؤي اللي ماعمره غلط ! ميهاف بقهر : يمه وش هالحكي ؟! ابو نايف التفت لميهاف بحدة : وش صاير بعععد ؟! ميهاف ودموعها على خدها : يمه واللي يعافيك لاتقولين شي ابو نايف نفخ : شصاااااير !! جدار انا بهالبيت ؟! ام نايف : روح كلمه اسأله .. هي ماقالت لي شي بس كل مادق عليها اشوف دموعها بعيونها .. طلع ابو نايف من الغرفة وهو نازل .. ميهاف : يمممممه ليش قلتي له !! ناقصين حناا ام نايف : ابرك خليه يتربى .. لمتى بتسكتين !! ميهاف : مافيه شي ماسوى معي شي ام نايف : ماراح تخدعيني !! ع بالك اني ساكته يعني مدري .. بنتي وخابزتك مسكت ميهاف راسها وهي تحس بخوف من اللي راح يصير .. اما بالدور التحتي .. كانو البنات متجمعات عند الدرج يحاولون يعرفون وش صاير وطارن كلهم يرجعن لمكانهن لما شافن ابو نايف ينزل ويمشي بطريقه لبرا ... اسماء بخوف : يمه شصاير وش كل هالاصوات ؟! بالمجـلس / كان المجلس خف من الرجاجيل اللي انسحبوا وقت تاخر ابو نايف مارجع .. ومابقى الا زوج ام عبد المجيد .. دخل ابو نايف المجلس وواضح على وجهه العصبية .. نايف عقد حواجبه : سلامات يبه شفيك ؟! ابو نايف تنهد وهو يشوف بدر اللي جالس جمب عبد المجيد .. مستحيل يتطاول على عيال فهاد هذول امانه برقبته عقب عين اخوه ودايم يحسب لهم حساب : بـــدر ! بدر : سم عمي ابو نايف : محد غريب بالمجلس .. وانا راح اقولهـا لك مرة بنتي مايتقلل قدرها !! سامع ؟! بدر عقد حواجبه : ومن قلل قدرها ؟! لايكون تقصدني بس ابو نايف : ايه اقصدك ! انا ماني غافل .. وفهمك كفاية بدر بثقة : انا ولله الحمد عارف نفسي ماقللت من قدرها شي .. بس عشان نكون متفاهمين انا ياعمي خطبت بنتك مو معناها بكل واردة بيني وبينها تتدخل ابو نايف فتح عيونه بدهشة : نعم ؟! بدر : ايه ... راح انسحب اذا عرفت ان باقي حياتي معها راح تكون على هالمنوال .. من اقولها كلمة يوصلك الخبر وتجي تسوي لي سالفة ابو عبد المجيد : بـدر مو كذا تكلم عمك !! ابو نايف وهو يطالع بدر بحدة : اتركـــه .. بدر : شفت ان المجلس محد فيه غريب على قولتك .. قلت اعطيك هالمعلومة لأن هالتصرف ما أتحمله ابو نايف بحدة وهو شاد على قبضته : الله يرحم ابـوك .. ولا كان عرفت شلون اتصرف معك بدر : العذر والسموحة .. بس انا قلتها من باب الصراحة وبما ان عشرتنا عمر ابو نايف : انسحب من وجهي اللحين .. تفاهمي مع اخوك ان شاء الله بدر وهو يطلع ويهمس بينه وبين نفسه : شرع وعادة دق على اسماء : الو ! اسماء : هـلا بدر : اطلعي انا برا اسماء : تو بــدري .. بدر : اطلعي اللحين !! اسماء حست انه معصب بجد : يله جايه بالمجـــلس / ابو عبد المجيد : هد بالك يا ابو نايف .. هذول الشباب ابو نايف : لا احترام ولا تقدير وقلة حيا .. يتعب الواحد يربي فيهم وهذي هي النتيجة اللي ياخذها ابو عبد المجيد : الله المستعان وش بيدك تسوي .. تفاهم معهم بالعقل مايجيبهم هالاسلوب ابو نايف : نايف ! نايف : هلا ابو نايف : تفاهم مع بـدر .. ماودي اوصل السالفة لفراس خصوصا انه مسافر وبس بشغله وفهم الزفت بدر يا يعدل عمره يا مايلزمنا ومايلزم بنتنا نايف : ان شاء الله وقف أبو عبد المجيد : يله انا استأذن ابو نايف : بدري يابن الحـلال تونا ابو عبد المجيد : لا كثر الله خيرك ما قصرنا .. اذا ام عبد المجيد تبي تجلس براحتها بس انا مضطر امشي ابو نايف اللي كان متعب هو نفسه : الله معاك اجل *** كـان داخل البيت الجـو متوتر .. ام نايف وام عبد المجيد قدام غرفة لؤي , ام نايف ودمعتها بخدها وتطق الباب : لؤي يمه افتح كلمني .. لا حول ولا قوة الا بالله ام عبد المجيد : خلاص يامزنه اتركيه يرتاح شوي .. وانتي ادخلي ارتاحي وقت تهدا النفوس كلش بيزين ام نايف : شلون اتركه هو حتى مايرد .. ابي اسمع صوته اخاف صاير معه شي لؤي بصوته الهادي : مو صاير شي .. اتركيني بحالي الله يرضى عليك ام عبد المجيد : شفتي الولد بخير يله ننزل ام نايف : لا والله ماهو بخير .. " طقت الباب طقتين خفيفة " لؤي يمه افتح الباب شوي عفية ميهاف سحبت رجلها لفوق وقالت بهم : اسماء راحت ... بدر كلمها معصب وطلعت اكيد أبوي هاوشه ام نايف : اناا وين وانتي وين ! يستاهل هالمخزي خل يتربى شوي لمتى يعني !! ميهاف : بس انا ماشكيت لك ماما .. ومو صاير شي ليش سويتي كذا ؟! ام نايف بنفاذ صبر : ميهاف اتركيني بحالي ماني يمك اللحين .. " رجعت للباب " لؤي افتح انا امك شوي بس تنهدت ميهاف ونزلت لتحت .. استقبلوها البنات تحت بقلق .. وداد : ميهاف شصاير خرعتونا ميهاف جلست على الكنب وهي تنحني وتمسك راسها : ما أدري ابوي متهاوش مع لؤي مدري ليش ابتسام وهي تطالع الدرج وصوت ام نايف واصلهم ... : لا حول ولا قوة الا بالله " جلست جمب ميهاف وحاوطتها من كتفها " روقي ميهاف ان شاء الله مشكلة بسيطة وتنحل ميهاف بهم : إن شاء الله رفعو كلهم راسهم وقت شافوا ابو نايف داخل وصاعد لفوق ... ودخل غرفته مباشره وبعد فترة نزل بعد مابدل ملابسه وطلع ... ميهاف : اكيد رايح يدفن نفسه بالشغل كالعادة وداد : كذا احسن ميهاف خل الكل يروق بعيد عن بعض وبعدها كلش بيضبط ان شاء الله سمعوا صوت واحد يتنحنح عند الباب ... ميهاف : ميـن ؟ ! : نايف .. ابتسام موجودة ؟! وقفت ابتسام بعد ماحطت طرحتها على راسها وطلعت : هـلا نايف تنهد بضيق : هـلا ... امي فين ؟! ابتسام : فوق عند غرفة اخوك ومعها عمتك نايف : مافهمتـو شصاير !؟ ابتسام : والله انا مدري ماصعدت معاهم .. بس ميهاف يمكن تدري نايف : البسي عبايتك انتظرك بالسيارة ابتسام مسكت ذراعه : راح تروح ؟! اجلس شوي مع اهلك اسندهم شوي نايف : لا يقولك ابعد عن الشر وغنيلو ... بكرة بجيهم وقت يهدون اللحين الوضع مايسمح ابتسام تنهدت : اوك دخـلت ابتسام وسحبت عبايتها .... ميهاف : بتروحون ؟! ابتسام : ايه الوقت متأخر ... وانتو ارتاحوا واهدوا وبكرة ان شاء الله كلش تمام ميهاف هزت راسها : راح تجين بكرة ؟! ابتسام : بأحاول ان شاء الله اجي عشان اشوف خالتي ميهاف : اوك ننتظرك بكرة أجل .." وقفت وسلمت عليها " انتبهي لنفسك سلمت ابتسام على وداد وسجى وطلعت .. ركبت السيارة كان عبد المجيد متكي على نافذة نايف يسولف معه نايف : احسن لك تهج بعد انت من هالجو عبد المجيد : مافيه مجال امي اعرفها ماراح تطلع لحد مايهدا كلش نايف : اجل ارتاح بالديوانية لحد يخلصون .. يله سلام عبد المجيد : الله معـك .. ولا تنسى بكرة قابلني عند بدر أول ماحرك سيـارته .... تنهدت ابتسام : شكل فيه مشكلة ثانية كمان غير اخوك نايف : ايه .. بدر خطيب ميهاف تشابك معه ابوي بالحكي بعد ابتسام : يؤ يؤ .. ليش طيب !؟ نايف : هو يستاهل ... اكيد غلطان مع ميهاف وميهاف غبية ساكته له ابتسام : هذي صبورة مو غبية .. ايش تبغاها تسوي ؟! نايف رفع حواجبه : تحط له حد الصبر مايجيب نتيجة ابتسام : انا اشوفه جاب نتيجة معاك ... صبرت عليك وبالآخير مشت امورنا نايف ابتسم : تحجري يعني .. بس لا هذا غير وهذا غير انا قد ما اغلط مستحيل اهينك بدر خويي واعرفه اساليبه مهينة ويحقر بالواحد ماينفع معاه الا وحده غبية زي ميهاف تصبر ع قولتك وبالأخير تسامحه على طول ابتسام عقدت حواجبها : طيب مو هذي امنية كل الرجاجيل وحده غبية تصبر معاهم ووقت يعتذرون عذر غبي تصير غبية وتقبل هالعذر ؟! نايف : بالنسبه لي لا .. وقت اغلط عليك لا تسامحيني بسرعة ابيك تحسسيني بغلطي خلي معدنك صلب زي ما اعرفك ابتسام كالعادة تتفاجئ ببعض مناطقة الغريبة .. واللي للأسف ماتفهمها قالت بمزح : اوك ولا يهمك جرب بس تغلط بتوصل للقبر وانا ما سامحتك نايف حضن يديها بيده اللي ماتسوق : لا تقولي كذا يا دبة الله لا يجيب بينا زعل *** غـادة / راسهـا بيوقف ... تبي تستوعب كل اللي صار للحين مو عارفة , اولا هذا فراس ولد عم نايف مافيها شك .. طيب ليش فراس ولد عم نايف خاطف كل هالناس ؟! ووش هـــدفة ... مسكت راسها وهي تحوس شعرها : مو فـــاهمة شي والله تنهدت بضيق وهي تطالع الغرفة الأنيقة الريفية ... بسرير واسع وجلسة ملحقة بتلفزيون ومتصل بحمام وقفت وهي تجلس رنيم على السرير بعد مانامت بحضنها ومشت ناحية الباب وطقته وطلعت وهي تمشي بخطوات مرتجفة قابلتها مرأة في نهاية الخمسين : شو عم تعملي برا اوضتك ؟! غادة مسكت نفسها بثقة : ابغى حجاب .. وعباية لو سمحتي المرأة : شي تاني ؟! غادة : و .. و لورا فين ؟! المرأة : ممنوع تقابليها وهلا ارجعي لاوضتك غادة : راح انزل المطبخ اجهز حاجة اكلها .. ممكن ؟! المرأة بطولة بال : تفضلي مشت على الرخام البارد برجليها الحافية ... وشعرها لتحت خصرها مفتوح وكثيف مع قميصها التقليدي صاير شكلها متشردة فراس اللي كان جالس بالصالة وينتظر نزول لورا عقد حواجبه وهو يشوفها تمشي ناحية المطبخ وواضح مانتبهت له .. سال الحارس الشخصي : هذي الضيفة ؟! الحارس : ايه معليش حنا نسمح لها تطلع بناء على اوامرك وقف فراس ومشى بخطوات هادية لحد ماصار على باب المطبخ ويراقب ... كانت واقفة عند الثلاجة ومعطيته ظهرها بعد ماتناولت بيدها تفاحتين التفتت للطاولة بتقطعها ومجرد مانتبهت له وهو واقف ومتكتف ومنسند جمبه على الجدار بجاذبيته الكبيرة .. طاحت التفاحتين من يدها وجلست على الارض حتى خبتها الطاولة , عقد فراس حواجبه وهو يمشي بخطواته الثقيلة لحتى تسند مرفقة على الطاولة اللي بينهم ويطل عليها من فوق وهي جالسة ع الأرض : متأكدة انك ضيفة لورا ؟! بلعت ريقها بصعوبة : اا .. ابي اطلع وخر لو سمحت رفع حواجبه وقت سمع صوتها : سعـودية ؟! غادة بخوف : لا ! فراس : اها وخر ومو سعودية .؟! غادة وتحس حضوره مهيب خصوصا وهي تعرف من هو بالضبط قالت والعبره خانقتها : ابي اطلع فراس كان ناوي يكمل استجواب .. بس حس حالتها ما تسمح جا الحارس من بعيد ووقف ورا فراس بمسافة : المدام ل ورا جاهزة فراس وهو مضيق عيونه فيه وهي متكورة وجالسة وعيونها بالأرض : تمام .. احجز مقعد اضافي للضيفة ورجع الفيلا لصاحبتها الحارس الشخصي وهو يطالع الضيفة قدامه : قصدك هذي ؟! فراس : شايف ضيفة غيرها هنا ؟! الحارس الشخصي : لا راح انفذ حالا فراس وهو يطلع من المطبخ : وبسرعة يكفي تأخير انا سابقك الحارس : ممكن دون مشاكل تقومي وتجهزي نفسك تسافرين غادة بسرعة : لوين ! الحارس : مايخصك .. غادة دمعت عيونها : مابي .. ماعندي جواز الحارس بابتسامة سخرية : انتي عارفة من كان قدامك قبل ثواني ..؟! ماعندي جواز هذي ماتعتبر مشكلة عنده يله اعجلي غادة : مـ ابي .. اول وين ؟! الحارس مسك جواله : سيد فراس .. غادة بسرعة ماتبيه يرجع .. وقت يجي كلش فيها يتحرول : خلاص راح اجهز ! الحارس على السماعة : خلاص انحلت المشكلة .. لا بس حضرة الضيفة ماكان تبي تسافر .. ايه انحلت غادة وهي شادة على قميصها : طـ...يــب .. عبايتي وين ؟! الحارس : راح توصلك بس انتي لعاد تسوين مشاكل ! سحبت غادة رجلها لفوق وهي ماتدري وبعدين مع حياتها .؟! ولوين بتصفعها الدنيا هالمرة .. *** بمقــهى ... كان بدر ونايف وعبد المجيد جالسين / بدر وهو يرتشف قهوته : شسر هالمقابلة ؟! طالع نايف وعبد المجيد ببعض ثم تكلم نايف : معليش عبد المجيد تتركنا شوي احترم عبد المجيد رغبته ووقف طالع : احتريكم برا اول ماطلع تكلم نايف : شصاير بينك وبينها ؟! مستحيل ابوي ينفجر فيك عبث بدر : بصراحة .. ضغطت عليها نأجل الزواج وانت اكثر واحد تفهم رغبتي هذي انا مابي اتزوج اللحين نايف : كنت افهم رغبتك هذي .. اللحين لا بدر : بتعطيني عبر يعني من تجربتك ؟! نايف : يمكن .." تنهد " بـدر انت بالذات مايحق له هالرغبة لان محد سحبك تخطب انت اللي جيت بنفسك بدر : قلتها بعظمة لسانك جيت اخطب مو اتزوج نايف : ووش بعد الخطبة ياتنح !؟ بدر : نايف افهمني مابي اللحين .. انتظروا سنة وش بيصير ! نايف : سنة الله يوفقك مع غير اختي .. اما انها توقف حياتها سنة عشانك انا اقولك من اللحين مافيه بدر تنهد بانحراج من نايف : بفكر نايف : وانا مابي منك غير تفكر ... هذا انا سويت مصايب عشان ما اتزوج وجننت أهلي بالأخير اكتشفت اني غلطان بدر وهو مستغرب : من جدك نايف ؟! مبسوط يعني بحياتك اللحين ؟! نايف ابتسم : ايه مبسوط جدا .. ولو تتغير حياتي كلها هي الوحيدة اللي مابيها تتغير بدر تنهد : بشوف نايف : ايه براحتك بس لاتطول .. ترا ابوي ماكلم اخوك بس يقول لو يكبر براسه اكثر من كذا بكلمه بدر كشر : لا واللي يعافيك وش بيخلصني من فراس وحنته انا نايف : ايه كيفك ... " وقال بنبرة جادة " وبعدين عدل اسلوبك مع البنت ترا المرة الجاية تغلط معها بحاكيك بصفتي اخوها مو خويك دق جـوال بدر .. تنهد : هذي امي من طلعت تدق .. يله رايح اكلمها اشوفك بعدين نايف : في امان الله طلع بـدر ونايف جلس لحاله يكمل قهــوته رن جواله طالع المتصل " نهى" تنهد بضيق ورد : ايوه نهـى : هلا والله بالقاطع .. شدعوة كل هذا تغلي ؟! نايف : شخبار يزيد ؟! نهى : زعلان عليك ... يقول بابا مايحبني ولا كان جا يشوفني نايف : هالحكي هذا منك ولا منـه ؟! نهى : واللهي منه تبي تكلمه تتأكد نايف باختصار : قولي له جايه اليوم .. يله باي سكر السماعة وسند ظهره على الكرسي .. ماكان يضايقه انها ماتدري عن ولده وقت ماكان مهتم فيها بس اللحين صايره هالانسانة تهمه وشايل معاه انه مخبي عليها هالمصيبة .. *** أم نايف بانفعال بالسمـاعة : اسمعي يا ام فراس .. انتي شاهدة على ان بنتي مليون واحد يتمناها وحنا وافقنا على ولد عمها على اساس رجال صاحي بس اذا هذا سنعكم فالله يوفق كلن بطريقه ام فراس بانحراج : يا بنت الحلال استهدي بالله من الشيطان ... وش صاير بالضبط ؟! ام نايف : انا نفسي مو عارفه شصاير ! بس بنتي من خطبها ولدك وهي الدمعة على خدها .. سود عيشتها الله يسود عيشته ام فراس : راح اكمله ان شاء الله ام نايف : ماعاد ينفع .. كم مرة صارت مشكلته وسكتونا انكم بتكلمونه ولدكم هذا دبش ماينفع معه الكلام ! ام فراس : هاو يا ام نايف شصاير معك .. كليتيني بقشوري وانا وش بيدي يختك حالي من حالك وميهاف بنتي ووالله ماني راضية اللي جالس يصير لها ام نايف : تلوميني !! انتي حطي نفسك مكاني وتفهمين .. ام فراس : انا بسكر وان شاء الله خير سكرت ام نايف دون تعلق ... تنهدت ام فراس اول مرة يكلمها احد بهالطريقة ومالها حق ترد .. ولدها غلطان وهذا واضح وهي من زمان حاسه بظلمه لميهاف بس وش بيدها .. *** وقف نايف سيـارته قدام بيت نهى .. دق جواله قبل يدخل رد مباشرة : هلا ابتسام : هلا حياتي وينك بالدوام ؟! نايف : ايه .. تبين شي ؟ ابتسام : لا بس حبيت اعطيك خبر اليوم رايحة لأهلك عصر ان شاء الله نايف : خلاص بنروح سوا اجل ... اشوفك وقتها ابتسام : اوك .. راح تتغدى هنا ؟! نايف : لا معزوم ... ابتسام : اوك يله باي سكر نايف السماعة وهو يحس مكالمتها جت بس عشان تحسسه بتأنيب الضمير .. تنهد وطق الجرس نهى بصوتها المايع : مـــين ؟! نايف : انا افتحي بعد فترة انفتح الباب واستقبلته بعراها المعتاد وكأنها مازالت على ذمته : لك وحشـة بجد نايف : فين يـزيد ؟! نهى : اوك طيب سلم بالأول نايف تنهد : السلام عليكم نهى : وعليكم السلامة والرحمة ... تفضل يزيد جوا دخل نـايف البيت وهو ينادي : يـــزيد .. " التفت لنهى " وينه ما اشوفـه ؟! نهى وهي تقرب منه حتى صارت يدينها على صدره : يـزيد طالع زيارة لصديقة عقد نايف حواجبه ... نهى وهي تترفع على اطراف اصابعها وتبوس خده : محد هنا غيرنا قشعر جسم نايف من حركـتها ... قال بحدة وهو يدفرها بعيد : وش قصدك بهالحركة ؟! نهى بخبث : مو معقول مافهمت قصدي للحين .. كنت تفهمني على الطاير قبل نايف سحب نفسه بهدوء ومشى طالع .. نهى مسكت يده : فين ؟! نايف سحب يده وطـلع بسرعة .. تسند على كرسي سيارته وهو يفتح النافذة يتنفس الهواء انتبه لهمس رجالين يمشون جمب سيارته : هذا طليق نهى ؟! : ايه الله لا يبلانا مطلقها ويدخل عليها دون احم ولا دستور ... الله يعافينا من حالهم مسك نايف راسه ... تفكيره الواسع المتفتح صار اضوق الظاهر حرك سيارته بسرعة وهو يطلع من هالمكان وهو ضايق لحتى وصل البيت دخل مباشرة وصعد دون أي تعليق على انها كانت جالسة بالصالة .. استغربت ابتسام صعدت وراه كان بالغرفة وهو يرمي بلوزته بسلة الغسيل ويدخل الحمام : نايف ؟! ماسمعت الا صوت الدش يشتغل ... حاست بفمها مستغربة خذت سلة الغسيل معها ونزلت ترتب غسيل الملابس قبل تطلع من البيت ... مسكت بلوزته اللي تو فصخها وهي تنتبه لطبعة الروج الأحمر الجريء على ياقة بلوزته عقدت حواجبها : ما استعمل انا هالروج .... سمعت صوت الباب يتسكر .. طلع دون يكلمها ؟! شدت على البلوزة وهي تستوعب ان الداشر طول عمره داشر .. *** لـؤي / هالمرة طفى جواله بالكامل بعد مكالماتها الملحة .. مو وقتها يكلمها اللحين لازم يفكر بالمصيبة اللي هو فيـها اهله سوو له سالفة بس عشان وظيفته كيف لو يدرون عن زواجه تنهد بضيق وهو يحس بحجم الورطة اللي حط نفسه فيها حزم شنطته الصغيره الظهر .. ومسك جواله وحجز رحلته بعد ساعتين للكويت .. فتح باب غرفته وهـو يحس البيت هادي نزل بخطوات سريعة .. وقفت ام نايف اول ماشافته ومشت ناحيته بسرعة ويدها على خده : كيفك يمه ؟! لؤي ابتسم ابتسامة صفراء لامه وهو يبوس راسها : مافيني الا العافية فتحت عيونها وهي تشوف شنطته على ظهره : على وين ؟! لؤي : راجع للكويت وراح امسك شغلي ام نايف : قلت لأبـوك ؟! لؤي هز راسه : لا ... ام نايف : كيف تروح دون ماتقول له !! ناوي عليه يذبحك ؟! لؤي بخنقة : راح يرفض اذا قلت له ام نايف : اجل اجلس ماله داعي تروح ليش مستعجل ... تفاهم معاه وبعدها روح لؤي : بعد امس خلاص واضـح مافيه تفاهم مع ابوي أم نايف : لا تقول كذا .. ابوك يحبك صح عصبي ويفقد اعصابه بس والله يموت فيك لؤي : خلاص يمه صدقت كل هالحكي ... بس اتركيني اروح تأخرت على طيارتي : وحـــاجز بعد ؟! عشان كذا اقول هات بوكك التفتو لصوت ابو نايف اللي تو دخل : ناوي تسافر من وراك .. بعيد عن عيونك يازاك اللي يازا نايف محروم من السفر والحسابات وكلش لؤي تسمرت عيونه في ابوه دون يحكي .... ام نايف بدفاع : لا مو من وراك كان بطريقه لك يعتذر منك ويقولك انه بيروح ابو نايف : لا تدافعين عنه هالمخزي !! لؤي : ولمتى راح اضل هنا !؟ هذا جزاي عقب تعبي لك كل هالسنين بغلطة وحده احصل كل هذا ابو نايف : تضل تشتغل هنا معد لك شغل بالكويت .. لا ادري عنك ولا وش تسوي هناك طلعت ميهاف من غرفتها لما سمعت الأصوات وهي تطل من فوق الدرج : ............... لؤي : شغل بالرياض ماراح اشتغل واذا السالفة اني جالس بالرياض جالس راح اجلس عطالي .. وانت كيفك وصعد لـفوق .. قابلته ميهاف : لؤي ليش كل هالعناد ؟! اشتغل شوي مو مشكلة لؤي مشى متجاهلها ودخل غرفته وسكرها وهو يسند ظهره على الباب وينساب بجسمه لحتى جلس وهو ماسك راسه بالــصالة / ام نايف : وانت الله يهداك هد اعصابك مع الولد شوي ابو نايف : انا اتفاهم معه ! لا تدخلين بينا لزوم يتأدب دق تلفون البيــت .. ابو نايف : ميهاف ابوي قومي ردي قامت ميهـاف وردت : الـو صوت مرتبك : الـ ...لو ؟ ميهاف : نعم من بغيتي ؟! بلعت ريقها : هذا بيت لؤي ؟! ميهاف انقرص قلبها بهاللحظة وهي تطالع ابوها : لا اختي غلطانة : لا انا مو غلطانة .. ممكن اكلمه ضروري ميهاف وهي شاده على قبضتها : اختي قلت لك غلطانة الله يستر عليك وسكرت ميهاف السماعة مباشرة ... ابو نايف : مين ؟! ميهاف : وحده غلطانة بالرقم مافيه شي مهم *** التفتت هيفاء لسارا بعد ماسكرتها : هاه شنو !؟ سارا بضيق : الرقم غلط .. هيفاء : هاو شلون غلط ؟! سارا هزت كتوفها : مدري هيوف .. انا ميته خوف خلاص مايرد علي من راح هناك .. اخاف صاير معه شي خصوصا ان ابوه كان معصب لما كلمة هيفاء : لا تفائلي انتي وبيستر ربك ..." ابتسمت هيفاء " ارتاحي اهم شي عشانك وعشان اللي ببطنك سارا وهي تمسح على بطنها بقلق : الله يستر هيفاء : ماقلتي له للحين !؟ سارا : لا .. اذا رجع ان شاء الله *** العـــصر : - دخـل نايف البيت ... ماحصلها تحت صعد لفوق كانت متربعه على السرير وقدامها بلوزته : تأخرت عليك ؟! جاهزة يله نروح ؟ ابتسام رفعت عيونها الكحيـلة له بحدة .. نايف استغرب نظرتها الغاضبه : شفيك ؟! ابتسام تكتفت وهي تأشر للبلوزة بعيونها : عنـدك تعليق ؟! مشى ابتسام وسحب البلوزة وهو مستغرب .. انتبه لطبعة الروج قرصه قلبه ثم قال بطبيعية : وانا شعرفني ؟! ابتسام : بالله ؟! نايف لا تراوغني وش طبعة الروج هذي .. ؟! نهى ؟! نايف فتح عيونه بدهشة : انتي شعرفك ؟! ابتسام وقفت حتى صارت مقابلته وهي تسحب البلوزة من يدها وترفعها فوجهه : لا ع بالك غبية ! بضل مغمضة عيوني طول الوقت ولا أدري عن شي ؟!!! نايف كان فاتح عيونه بدهشه .. مايدري وش تعرف بالضبط وقد ايش تعرف : ابتسام استهدي بالله وحقولك كلش ابتسام وهي ترمي البلوزة بوجهه : ع بالك بعطيك فرصة تلعب فيها على عقلي ؟! احفظ اعذارك لنفسك وسحبت عبايتها .... نايف : لوين ؟! ابتسام : مو عندنا موعد مع اهلك اليوم ! نايف : لا تروحين اليوم ارتاحي .. ابتسام : مافيني شي ارتاح منه !! وبتقوم توديني ولا رحت مع السواق !! نايف تنهد .. معصبه مرة ماراح تسمعه حتى مشى بهدوء قدامها : انتظرك تحت اما ابتسام اول ماطلعت تسندت بيدها على الطاولة وهي تطالع البلوزة بقهر ... شدت على قبضتها وسحبت عبايتها ونزلت وطول الطريق صمت ... مافيه تعليق لا منه ولا منها .. *** طقت ميهاف باب غرفة لؤي : مين ؟! ميهاف : انا .. ممكن ادخل ؟! لؤي : تفضلي دخلت ميهاف الغرفة وجلست جمبه على الكنبة : كيف اعصابك ..؟! لؤي ببرود وهو شارد : محترقه ميهاف : هد بالك .. ان شاء الله كلش بيمشي تمام لؤي : اللي يقهر اني ماغلطت ... ميهاف بعد صمت : لؤي .. لؤي : هلا ميهاف : فيـه وحده دقت من شوي على تلفون البيت تسأل عنك ... كان ابوي موجود وصرفتها وقلت الرقم غلط " تنهدت " لؤي انا حاسه فيك حاجة متغيره ولا راح اسالك ليش او من هذي البنت ... بس رجاء لا تتهور انت شفت ردة فعل ابوي لمجرد وظيفتك كيف لو حاجة اكبر ... لؤي فتح عيونه بدهشة ... معقولة تكون داقة على تلفون بيتهم .... دق جوال ميهاف طالعت المتصل " اسماء " : هلا اسوم اسماء : ميهـاف .... اهلي كان بيغدرون فيك بس انا وفيه اسمعي امي وبدر جايينكم بالطريق يعتذرون ومدري ايش فانا قلت لك عشان تتسنعين ميهاف : اللحين ؟! اسماء : ايه ايه اللحين اعجلي ... تعرفين بدر مايملى عينه شي ميهاف بضيق : معصب !؟ اسماء : لا قبل يطلع كان مروق .. الظاهر فهم انه غلطان ميهاف التفتت للؤي : لؤي انا طالعة .. فكر باللي قلت لك وطلعت مسرعة وسكرت الباب وراها ... اما لؤي مسك جواله مباشرة ودق عليها وهو يمسح على وجهه بتوتر جاه الرد مباشرة بلهفه : هلااا !! لؤي مباشرة : انتي داقة على بيتنا ؟! سارا : لؤي ؟! لؤي بعصبية : ايه لؤي ! جاوبي ... داقه ولا مادقيتي ؟! سارا : أيــه .. بس خفت عليك مارديت على اتصالاتــ .. . قاطعها بصوت مرتفع : واذا مارديت عليك !! تدقين على البيت !! ناوية توديني بداهية انتي ؟! سارا : صاير معاك شي ؟ ليش معصب وليش ماترد علي !! لؤي : مارديت عليك مشغول !! مرة ثانية اعرف انك داقة على البيت صدقيني بتكون اخر مرة تسمعين فيها عني سارا بخنقة : ابوك عرف عنا صح ؟! لؤي متنرفز : سارا اسكتي واللي يعافيك وربي اعصابي مو متحمله اكثر من كذا ... لا تتواصلين معي الا اذا تواصلت معك سارا : انت جالس تنهي علاقتنا ... حاسه كذا .. لؤي بقهر وهو مضغوط من كلش : باسوأ الأحوال ماراح تطلعي منها خسرانة حسابك مليان وسكرها مباشرة ....سارا حطمها بكلمته حتى هو نفس فراس يحسبها طامعه فيه وفي خيره .... مسحت على بطنها وهي تحس انها تتلاشى من حياته بالبطيء ... *** نزلت ميهـاف بعد ماخلصت لبس .. حصلت ابتسام جالسة بالصـالة وشاردة وهي مسندة راسها على يدها قربت منها بشويش : ببببوو ! ابتسمت ابتسام : هلا ميهـاف ... كيفك ؟! ميهاف : حمد الله بخير .. انتي شلونك ؟! ابتسام : تمـام ... فيـن خالتي ؟! ميهاف : بتجيك اللحين ارتاحي ... وعلوم اخبار ؟ ابتسام : مافيه انتي اللي كيف وضع بيتكم ... ان شاء الله الأمور هدت ؟ رن الجرس فزت ميهاف وقلبها يسبقها .. : استني ابتسام رايحة افتح الباب ركضت للباب : مـــين ؟! ام فراس : انا ام فراس سمعت همس بدر وراها : شوفي لي عمي موجود ولا امشي ميهاف فتحت الباب وسلمت على ام فراس ... ام فراس بحنية : كيفك ياعمري ؟ ميهاف : حمد الله تمام حياك خالتي ام فراس : ابوك موجود ؟! ميهاف : ايه موجود ام فراس : اجل ناديه قولي بدر بالمجلس يبيك ميهاف : ان شاء الله ركضت لداخل .. وقابلت امها : يمه قولي لابوي ينزل بدر تحت يبيه ام نايف ما اعجبها : جا حضرته ... يله بروح اناديه وانتي اركدي شوي وعن الطفاقه اثقلي ميهاف : طيب يمه بس عجلي قولي لابوي لا يتأخر عليه رجعت ميهاف وجلست مع ام فراس وابتسام ... وبعدها انضمت لهم ام نايف وبعد نقاش طويل بين ام فراس وام نايف عن بدر وميهاف انتهى الموضوع .. ام نايف : ان شاء الله ماتتكرر والله يكتب الخير ... بس انا ابي الزواج يتم باقرب فرصة وش له التأخير بعد ؟ ام فراس : مثل ما انتي شايفه اخر تأخير كان من ميهاف مو منه ام نايف : خلاص ميهاف غيرت رايها ام فراس : والله ودي والساعة المباركة اللي اشوف فيها ميهاف مرة ولدي .." تنهدت " يا أم نايف انا ادري ان بدر غلطان وحركاته ماتصلح .. بس مانقول الا الله يهديه ياكم واحد سوا العلايل والعبر واخرتها اهتدى والحمد لله ام نايف : فيه هذي بصدقك " ابتسمت وهي تطالع ابتسام " هذا نايف انقلب حاله واهتدى وان شاء الله بدر مو بعيد عنه ابتسام بضيق : لا توهمون عماركم .. الداشر يضل طول عمره داشر الكل طالعها مستغرب .. كان تعليقها قوي ويوضح عن سوء الأمور بينهم .. انتبهت ابتسام لنفسها وابتسمت بانحراج : معليش مو قصدي .. انا رايحة الدورات وقامت طالعة ... ام نايف تبعتها بنظراتها لحد ما اختفت : سلامات شفيها هذي !؟ ميهاف : يمكن متناقره ويا نايف ام نايف بهمس : وتتناقر معه تعلم الناس كلهم انها متناقرة معه دق جـوال ميهاف ردت مباشرة : سم يبه .... اللحين ؟! ... ان شاء الله سكرت السماعة ووقفت .... ام نايف : وين ؟! ميهاف وخدودها موردة : ابوي يبغاني برا ام فراس ابتسمت : روحي ياحبيبتي الله يحفظك ويوفقك وياه طـلعت ميهاف وطقت باب المجلس بأدب .... : تفضلي يا ابوك دخلت المجلس وهي منزلة راسها : هلا يبه جاها صوته الرجـولي : تفضلي ميهاف ارتاحي مشت لحد ماجلست جمب ابوها مباشرة .. ابو نايف طالع بدر بنظرة يعني " تكلم " .. تنهد بدر : ميهـاف .. انا آسف ادري صارت امور كثير زعلتك فيها ومايحق لي فسامحيني يابنت عمي والله ماقصدت ميهاف انحرجت من وجود أبوها .. قالت وهي منزلة راسها : مسموح .. والله يسامح الجميع ابو نايف : تكلمي يابوك لاتستحين .. تو شايله بخاطرك شي عليه ؟! اخلصي دامني موجود امز اذنه لك ابتسمت ميهاف لابوها : لا يبـه خاطري طيب دام خاطرك طيب .. ومالي كلمة بعد كلمتك ابو نايف : الله يرضى عليك يا ابوك .... وترا قررنا الزواج عقب شهرين يناسبك ؟! ميهاف قالت بهمس : بس بعد شهرين رمضان ع طول بدر : اجل بعد شهر وش رايك ؟! ميهاف وقفت وهي طالعة : اللي تشوفونه .. ابتسم بدر وهو يطالعها .. جذابه بكل معانيها .. ابو نايف بحده : هاه يابدر .. مابي ارجع اسحبك هنا بالمجلس مرة ثانية بعد واعتذار وخرابيط كم مرة غلطت للحين وانت تو خاطبها بس ؟! بدر : يا عمي ان شاء الله مايصير خاطرك الا طيب ... بس طول بالك علي ابو نايف : هاه وموعد الزواج ؟! بدر : معها حق .. رمضان ع طول صعبة حلو بعد شهر خصوصا ان خطبتنا لها كثير ابو نايف : اجل توكلنا على الله بدر : ونعم الإتكال دخل عليهم نايف المجلس : الله بدر هنا ؟! بدر : هههههههههه نستلم محاضره من عمي كالعادة نايف : يومك زلابة تستاهل ابو نايف : بلاك واقف ؟ ارتاح اجلس نايف : لا يبه متأخر وباخذ عيالي وماشي بدر : متأكد .. ماراح تجي معاي الإستراحة نايف تنهد بضيق : لا مالي خاطر اليوم برجع البيت ابو نايف : احسن لك يا ابوك ارجع لبيتك مع مرتك وخل منك هالهبال والصداع .. وانت يا بدر خفف بعد بدر : شدعوه عمي شنسوي يعني ؟! نوسع صدورنا مع الشباب وبس ... نايف عاد عنده مايشغله انا وش وراي ابو نايف : نشوفك عقب شهر اجل دخـل نايف البيت وتنحنح ... قابلته ام نايف : هلا نايف نايف : مساء الخير يم ... واللي يسلمك قولي لابتسام تطلع ام نايف : قبل اقولها تعال قـولي شصاير ؟! نايف خاف تكون قالت لهم : ليش ؟! ام نايف : مدري عنها زوجتك صايره ترمي كلام ماتحسب له .. تفشلت قدام ام فراس نايف تنهد : ماعليه يمه اليوم تعبانه وانا ماقصرت فيها .. اعذريها ام نايف بفرح : ليش تعبانه ؟! لايكون ؟! نايف ابتسم : قولي ان شاء الله بهاللحظة جت ابتسام ... ام نايف بفرحة : تعبانه يمه ؟! ابتسام : لا حمد الله ... دايخة شوي وبس ام نايف بنظرة لنايف : انتبه لها زين .. سامع ؟! نايف : ولا يهمـك .. اول ماراحت ام نايف طالعت ابتسام نايف : على شنو تبتسم ؟! وكملت طريقها دون حتى تنتظر جـوابه .. تنهد نايف وركب السيارة : ابتسام سمعيني ؟! ابتسام : رجاء مابي اسمع صوتك .. لو سمحت احترم هالرغبة فيني نايف بضيق : لمـتى ؟! ابتسام : للحين جالسة اسمع صوتك ! نايف : جاوبي عشان اسكت !! انتي حتى مو راضية تفهمين شنو صاير ؟! ابتسام : واضحه مايبي لها زود مفهومية .. وبالنسبة لمتى ؟! لحد ما احس اني ما انغث وقت اسمع صوتك نايف : كذا يعني ؟! ابتسام وهي تطالع النافذة : ايه ... طالع نايف قدام وسكت ... زعلت عليه قبل بس كان زعلها لطيف مقارنة باللحين : ابيك تعرفين اني اسف .. ابتسام : اسفك هذا خله لك أول ماوصلـوا صعدت مباشرة .. وبدلت ونامت على جمبها معطيته ظهرها تنهد نايف وهو يطالعها ( يا ساتر على هالغيرة يا ابتسام ... هذا وانتي تو ماعرفتي ان عندي ولد الله يهدي بالك بس ) *** صحت اسماء من قيلولتها بحدود الساعة 6 مغرب ... توضت وصلت اللي فاتها وطلعت دخلت غرفة ياسمين وين ماكانت امها هالفترة كلها جالسة هنا : للحين تعبانه ؟! ام فراس بهم : لا حرارتها ماخفت ... الظاهر لازم غذاية قومي يمه جيبي عبايتي بوديها للمستشفى ودقي على بدر ياخذني ! اسماء : اوك طـلعت اسماء بطريقها لغرفة امها ... وقفت بنص الطريق ورجعت للغرفة : بتروحين وين ؟! ام فراس طالعتها وقالت بعصبية : هاو وين عبايتي وشنطتي !! وش لك ساعة رايحة تسوين ؟! اسماء : المستشفى !! انا بوديها المستشفى .. انتي رجلك تعورك ماما ارتاحي ام فراس : من قال تعورني ؟! اسماء ببلاهه : انتي ... امس تقولين .. ام فراس عقدت حواجبها : لا ماقلت اسماء : ولو ماما واجب البنت خدمة امها ... ارتاحي انتي هنا وانا اقوم عنك ام فراس عصبت بجد : أسمماء خل مني الهبال واعجلي جيبي عبايتي اسماء باصرار وهي تضرب برجلها على الارض : لااا ... انا برووح ثم لا جا بعدين جلستي تقولين اني ما انفعك في شي !! ام فراس : اسماء والله مو وقتك اسماء : الا هاللحين بالذات وقتي ... ياسمين يله تجهزي بلبس عبايتي وبجي اخذك " كملت بكذب " وترا دقيت على بدر مارد علي بروح مع السواق ام فراس كبست بعيونها مرتين وهي تشوفها تطلع مسرعه ... : انجنت هـالبنت !؟ اسماء جت مسفحة وهي بعبايتها وسحبت ياسمين من كتفها وهي تسوي كلش بسرعة تلبسها جزمتها وتاخذها معها .. ام فراس : شوي شوي ع البنت !! اسماء : ان شاء الله ان شاء الله ام فراس : ولا تنسين تسألين الدكتور عن الأدوية اسماء : يا يمه قدها قدها وطلعت بسرعة ... : مدينة الملك فهد الطبية بسرعة ! وصلت للمستشفى وراحت لعيادة ورمت ياسمين هنا وقالت وهي مستعجلة : دكتور بنتنا معها حرارة وتعبانة ... انا رايحة مستعجلة عندي شغل وراجعه لها ياسمين بتعب : اسوم وين مابي اجلس لحالي اخاف اسماء صرخت فيها : أنطمي يابزر .. وخلك هاجدة لين ارجع " مزت اذن ياسمين " والله والله لو تقولين لامي انا رحت وخليك لألعن ابو ابو شكلك .. واعلمها انك رايحة حب وهبال مع ولد الجيران سامعة ؟! ياسمين وعيونها مليانه دموع : ططيب ... اكرهك ياشريرة اسماء وهي طالعه : من اليوم لبكرة .. يله ربع ساعة وراجعة لك مشت بطريقها وهي حافظة المنطقة اللي دايم تقابله فيها .. قسم الجراحة حصلته يمشي لحاله تبعته بهدوء وهي تمشي وراه لحد ماجلس بالكافتريا لحاله وطلب طلبه ... طالعت ساعتها ماعندها وقت تقدمت وجلست ... هيثم وقف الملعقة قبل ياكلها وفتح عيونه وهو يشوفها جالسة ومبتسمة بوجهها البريء : هـاي هيثم طرح الملعقة وقال بهم : شنو عندك هالمرة بعد ؟! اسماء وتحس الربكة اللي تحس بها كل مرة لما تشوفه صارت اهون .. الظاهر تعودت ؟ : عندي شيئين .. هيثم تكتف : تفضلي اسماء : اولا شكرا على آخر مرة .. هيثم باستفهام : وثانيا ؟! اسماء : يعني كنت اقول بما انا صرنا نتصادف كثير يعني .. فانا اقول مافيه مشكلة لو اسولف معك وقت القاك بأي صدفه .. صح ؟ هيثم : بما انا صرنا نتصادف قلتي ؟! اسماء ورجعت ربكتها بس قالت بطبيعية : ..... أيه ! هيثم تكى بيدية على الطاولة وتكلم معها باريحية لأول مرة : اوك موافق , بس كيف نصير كذا وحنا مو صريحين .... اوه عفوا وانتي مو صريحة معاي ! اسماء بلعت ريقها : مـن قال ؟! هيثم : اسألي حالك يادكتورة .. مشاعرك واضحة وبغض النظر عن جوابي بس اعتبر جحدانك لهالموضوع استهزاء فيني .. اسماء : ابدا مو اسـتهزاء بس .. هيثم رفع حواجبه : اجــل ؟! : دكتور ممكن دقيقة طالع هيثم جهة الدكتور وراح ناحيته .... طول بالكلام معه : دكتور واضح السالفة مطولة اسبقني مكتبي وجايك نكمل نقاش : اوك انتظرك رجع للطاولة ياخذ كوبه وكانت مو موجودة طبيعي له ربع ساعة يتكلم مع الدكتور .. انتبه لورقة تحت كوب قهوته عقدت حواجبه وهو يفتحها وخط عشوائي نص حروفه بالكاد تنفهم : لما تحس ان فيه شخص خطفك من نفسك ؟ مستوطن تفكيرك طول الوقت حتى وانت وسط الناس تلاقيك سرحان فيه لدرجه انك تدعي له وتنسى نفسك ... عموما .. أدري انك تقرأ وتعرف انك المقصود طيب .. انا ضعت فيك ومثل ماقلت بغض النظر عن الجواب .. انا مقدر اكبت هالشي خصوصا وهو واضح للكل اما اسماء كانت بالسيارة وانفاسها تتصاعد بخوف من اللي سوته : ماغلطت ماغلطت ماغلطت ياسمين : شنو تقولين ؟ اسماء : اصصكتي خلك بحالك ... " مسكت صدرها " ياربي شسسويت ....!!!! |
رد: انتماءات كاذبة
آسفة ع التأخير والبارت نـــزل بانتظار ارائكم
|
رد: انتماءات كاذبة
اضفت استطلاع للموضوع ياليت اشوف رايكم فيه :$
|
رد: انتماءات كاذبة
الفصل جميل وساخن و مليئ بالمواجهات
المواجهة بين لؤي وابونايف وتعبير لؤي عن مشكلته مع أسرته من إهماله التام طالما انه مأدى اللى عليه وإصراره على موقفه من رفض الشغل وإن كان تواقح على ابوه شوى وسارا التانية كانت هتخربها باتصالها خليته انفجر فيها واظن كده ان هى حامل مواجهة بين هيثم وأسماء وخلاص جابتهاله على بلاطة، مش عارفة ليه حاسه انه هيستغلها مثلا فى الاول من باب انها بنت مش متربية زى ماهو شايفها من الأول لكن أظن انها برده ليها انطباع عنده بوجهها البرئ بجنانها نايف وابتسام ومواجهتين واحدة بخصوص الحمل والتانية بخصوص البلوة نهى، انا عاجبنى فى علاقتهم أصلا عدم اللف والدوران وان كل واحد عنده حاجة بيقولها،ع العموم هو قال لها لو غلط مترحمنيش، استلقى بقى يا حلو:lol: بدر وميهاف علاقتهم بقت صعبة،انا أظن انهم لو هيكملو مع بعض لازم بدر يتغير شوية ،لأن غروره والوسط اللى هو فيه صعب التأقلم معاه عايزة اقول انى راضية جدا عن سير الأحداث خصوصا فيما يخص غادة وفراس وان كان لقاؤهم مايعتبرش لسه مواجهة لكنها أثارت فضوله او شكوكه والمواجه الحقيقية من أول سفرهم سوا وعندى شغف كبير بعلاقتهم عندى سؤال :هو أحمد الزفت كده طلق غادة ولا لأ؟ تسلم إيديك وبالتوفيق:55: |
رد: انتماءات كاذبة
اقتباس:
لا احمد الزفت لسى ماطلق المتهورة غادة :ydJ05010: وانتظرك بالفصول القادمة , نورتيني |
رد: انتماءات كاذبة
السلام عليكم ورحمة الله
كيفك يا احلى واروع كاتبة😍 ان شاءالله يتمم عليك هالابداع والرقي في الكتابة،،،،اللهم آميييين الرواية تصنف بشكل عام بالشيقة تخطف الانفاس بتوقع الغير متوقع ،،، ابد ما تحسي بالملل بقرايتها وتتفاجئين باحداث تغير مجرى الرواية عكس التوقعات اللي ببالك،،، احييك حبيبتي وهذي ميزه تشكرين عليها وتصنفك ككاتبة متمكنه بالتسلسل وجذب القراء بشكل جميل ابتسام 🌸 هي اروع وافضل شخصية بالرواية وتمثل فئة كبيره جدا بمجتمعنا العربي والاسلامي(( عطوفه، حنونه، الاخت الكبرى بمثابة الام ودايما بعوائلها تجدي ابنة تلعب هذا الدور ،، تبدي نفسها بسبيل اسعاد والديها واخوتها،،،تبدي النصيحة والاصلاح..... وغيرها الكثير)) وبالاضافة ان ابتسام عصاميه لم تتخاذل بسبب ظروفها المعيشية الصعبة بدليل عند توفر الامكانيات بعد زواجها بنايف ،، سارعت لتطوير نفسها واكتساب مهارات جديده عن طريق الدورات بالمعهد👍🏻👍🏻 ولباقي الشخصيات لنا لقاء قريب للتحليل ان شاءالله واصلي عزيزتي ،،، وثابري،،،، وتأكدي لكِ فئة كبيره جداً من القراء الخجليين من تهنئتك والاشادة بابداعك تطمني معك دوم ،،، ندعيلك،، ندعمك،،، نشيد بك وقلوبنا معك يسعدك ربي،،،، |
رد: انتماءات كاذبة
اقتباس:
بخيـــر حمدالله , انتي كيفك ؟! يا الله , ماتدرين قد ايش فرحتيني وحمستيني بتعليقك بجد بجد انتي اللي تشكرين على هالدعم معـاك حق من جد ابتسام تمثل نصف مجتمعنا وللحين هي الفايزة وبقوة بالإستطلاع هههههههههه تحمست لباقي تحليلك تأكدي من انك ترجعين تحللين الباقين :$ الله يسلمك وكل قراءة صامته لها مكانتها بقلبي ويارب قراء الرواية يزيدون واعرف رآيهم بصراحة لاني ما انفي ربكتي بأول تجربه لي نورتيني من جد وان شاء الله اشوفك دايم |
رد: انتماءات كاذبة
أكيد التصويت كان لابتسام لانها الوحيدة اللي تتفانى في سبيل الغير.. محبة ومعطاءة وصبورة
بدأت الاحداث تتلاحق .. فراس وغادة لؤي وسارة هيثم واسماء واخيرا نايف وابتسام وبينهما نهى بانتظار الفصل القادم ومزيد من الاحداث |
رد: انتماءات كاذبة
اقتباس:
مفاجآت كتير واظن لسه فى تانى فى اللى يخص سارة مثلا هل ليها علاقة بأهل الرياض ولا لا هنشوف:smile: |
رد: انتماءات كاذبة
بانتظار فصل اليوم ...
|
رد: انتماءات كاذبة
هى مواعيد نزول الفصل تغيرت؟
|
رد: انتماءات كاذبة
اقتباس:
|
رد: انتماءات كاذبة
" البارت الثالث والعشرين "
- الحب يضعف التهذيب في المرأة ويقويه في الرجل أم فراس ماسكه الـورقة قالت بدهشة : جبتي A ؟! اسماء وهي واقفة بفخر : يب يب يب ! ام فراس : ما أصدق .. والله انا اقول بترسب اسماء : ايه ايه قللو من قــدري ! وعلى فكرة ترا اقدر احقق اهداف اكثر بس موقعكم الجغرافي مايسمح لي دخـل بدر البيت ... ام فراس : تعال جابك الله شف اختك وش نجحت فيه بدر عقد حواجبه : طلعت النتايج ؟! شخبار درجة ميهـاف ؟ اسماء وهي ترفع ورقتها قدامه : مالت وش لك بميهاف اللحين .. شفني انا اول قدامك بدر وهو ياخذ الورقة رفع حواجبه بدهشة : اما عاد ! اسماء بثقة وغرور وهي مستمتعة بردات فعلهم : قـايله لكم انا داهية بس انتو ماتفهمون بدر : الف مبروك والله مانتي بسيطة اسماء ويدها على خصرها وتحرك شعرها : وتأكد ان درجتي بتكون احسن من درجة زوجتك بعد بدر وهو يرمي عليها ورقتها : في هذي عاد تبطين اسماء : لا تتحدى ! بدر : مدحناك بس لا تتحلمين تغلبينها .. اسماء مسكت جوالها وهي تدق على ميهاف : اوريك اللحين .. بدر جلس وهو مسند راسه على يده ومبتسم وهو يحتريها ترد : حطي سبيكر جا صوتها الناعم : هلا اسـوم اسماء وهي تخز بدر : اقـول ميهاف ! كم نتيجتك ؟! ميهاف : انتي اول كم .؟ اسماء : انا 4.8 ميهاف : اكثر منك حبه بس اسماء سكرت السماعة مباشرة والتفتت وقالت بكبر :نسبتها اقل مني حبه ! ام فراس : بجد ؟! غريبة ... بدر بثقة : اعذريها مشغولة تفكر فيني ... المهم يمه كلميها انا موجود بكرة بس اذا تبي تروح معي تشتري للبيت ام فراس : بس بكرة ؟! ماراح يكفي بدر : بكرة وبعده واللي تبي .. اهم شي تردلي خبر اسماء : وليه ماتكلمها انت ؟! بدر : لسى بينا حواجز ... ماراح اكلمها قبل تكلمني اسماء : ياشين المكابر بس طلع بدر .. وام فراس صعدت جلست اسماء على الكنبة وتنهدت وهي تفكر للحين مر يومين على رسالتها له .. للحين متفائلة برده .. ان شاء الله ماراح يخيبها متفائلة جدا بالايام الجاية .. بس ماعندها الشجاعة تروح المستشفى تستلم جوابه .. ولو انه عطاها اياه من قبل .. *** غـادة صعدت ورجلها مو شايلتها طيـارته الخاصة ... مافيها غيره ولورا وهي ورنيم وهي بعبايتها لأول مرة تحس العباية منقذة عشان مايشوفها ... فراس كان موجود من قبل وبجلسته الملكية رجل على رجل وقدامه مشروب بكاس أنيق وباكيت سيجايره وثلاث جوالات .. كانت ريحته كاسيه طيارته الصغيرة ريحة سيجاير مع كلونيا .. التفت نص التفاته لما ركبوا عقد حواجبه لما شافها بعبايتها رجع يطالع قدام وقال بهمس سمعه الكل : ياشين اللي يسوقون الشرف جلسة غادة بأبعد مكان عنه .. لكن ما ابتعدت عن محيط عيونه ولورا كانت جالسة بهم وتهز رجلها بتوتر .. نطق اخيرا بعد فترة هدوء : حرك كابتن وارتفعت الطيـارة عن اراضي طـرابلس لتنتقل لجنة خضراء ... فراس بعد ما اخيرا صار بالطيارة وعنده وقت ومتأكد وقت يوصل راح يكون مشغول فتح جواله وانفض سيل المكالمات المجنون تنفس الصعداء وتو بيقرر من يدق عليه دق جواله " أم فراس " رد مباشرة : هلا يم غادة انغزت هنا .. هذي أمه يعني " أم فراس " يالله انا وش موقعي هنا بالضبط استمعت باصغاء لباقي المكالمة .. فراس : لا بس مشغول شوي .... لا لا اللحين فاضي شعندكم ؟! ......." ارتفعت نبرته بانزعاج درجة " شنـو ؟! ..... ايه ؟! .........وهذا بدر متى ناوي يصير رجال !! ...... انحلت اللحين ايه بس بكرة بيرجع مرة ثانية .... ابو طبيع مايخلي طبعه ........ لا خلاص انا بحول المهر لحساب بنت عمي ارسليلي رقم حسابها .... اوك ... اوك .... يله برجع اكلمك نزل السماعة وفي ثانتين رجعها لأذنه ينتظر الرد : السلام .. ميهاف كانت منخبه .. فراس وداق عليها هي ؟! : هلا والله وعليكم السلام .. فراس : ماحصلت فرصة قبل .. بس مبروك زواجك على التنح ولدنا ابتسمت ميهاف : هههههه شدعوة تنح ؟! فراس بصدق : لا والله تنح .. امي داعيه له عشان يرزقه ربي وحده مثلك ولا محد بيصبر انا فاهم ميهاف بقهر : ان شاء الله بيتغير فراس : قدهـا ان شاء الله .... انا داق اعتذر بالنيابة عنه ميهاف كانت متوترة صدق .. حتى بطفولتها مو موجود ماتعرفه ابد : على شنو ؟! فراس : انتي عارفه على شنو .. على انك بتتزوجين اكبر ثور ممكن تعرفينه بحياتك ميهاف : ههههههههه معناها انا بقرة اجل فراس : محشومة يابنت العم .. المهم انا داق بطلب منك طلب ميهاف بربكة : آمر فراس : مايامر عليك ظالم ... بس انا اعرف اخوي واعرف طبعه واعرف انه ممكن يغلط دون يحس الشي المهم الي ابيه منك ماتترددين تكلميني وقت تحتاجين شي او يغلط عليك بدر كلميني مباشرة وانا ارجعه لك للدرب كلميني حتى قبل تكلمين عمي اذا ممكن ... اعتبريني بمكانة المرحوم عمك فهاد ولا تترددي ترفعي السماعة لأي شي ... وألف مبروك مرة ثانية ان شاء الله زواج الدهر ميهاف ارتبكت بعد كل هالكلام : ان شاء الله مايحصل بينا شي .. قاطعها فراس مباشرة : في حال حصل انا اقول ! ميهاف بلعت ريقها للحين ماهي مستوعبة انه اساسا داق عليها : ان شاء الله سكر فراس السماعة مباشرة .. وغادة مازالت تتمعن بمكالمته اللي بعدها مباشرة رفع السماعة يدق على رقم ثاني ... بدأت رنيم في البكاء .. رفع عيونه بحده لها مباشرة : ممكن تسكتينها ؟! غادة ارتبكت وهي تهزها وتهمس باذنها : خلاص ماما كان مستمر في التحديق فيها لحد ما سكتت رنيم وغادة تحس كلش فيها يرجف وهو يحدق .. اول ماسكتت نزل عيونه لجواله ورفعه لإذنه وقال مباشرة : شصـــاير ؟! لؤي تنهد بضيق : جالس أخذ درس في الحياة ان كلامك كان صح فراس بضيق : عرف ؟! لؤي : لا ... ليته عرف هذا اللي مخوفني ردة فعله كانت قاسيه وهو ماعرف .. مجرد عرف عن وظيفتي كيف لو يعرف ؟ فراس بهمس : ما اظن ينفع اقولك اني قلت لك بهالحالة لؤي : ......... فراس : وهي ؟! لؤي : هي بالكويت ... ماكلمتها الا مرة للحين ومو عارف شاسوي ابي ارجع لها بس أبوي معند فراس : شوري ؟! لؤي : دايم شورك يحتاج شجاعة وانا رخمة ! فراس : دامها خاربه خاربه قول لأبوك كلش .. مايحتاج تصدمه مرتين لؤي : قلت لك .. انا رخمة فراس : اللي رخمة مايتهور مثل ما انت تهورت .. معناها طلقها واترك كلن بحاله لؤي : تقدر تقنع ابوي يرجعني للكويت ؟! فراس : اذا بقنعه .. راح تكون تحت مسؤوليتي يعني زواجك تحت مسؤوليتي لؤي : يعني لا ؟! فراس : هذا انت فهمتها .. لؤي : مالي الا الصبر لحد مايتركني ارجع للكويت دق جـواله الثاني .. رفعه يشوف الاتصال : لؤي اكلمك بعدين سكرها مباشرة ورد : ايوه ! : اهلين .. رصدناها بشاليه بسويسرا فراس : أرسل العنوان لي اللحين .. وجهز سيارة تاخذني اول ما اوصل عفوا سيارتين مو سيارة : حاضر سكرها وهو يشوف المتصل " اسماء " رد : هلا اسوم اسماء بحماس : متى رحلتنا !؟ فراس : ما نقدر اللحين ..بعد زواج بدر اسماء : باقي على زواج بدر شهر كامل يمدي !! فراس : طيب مشغول مقدر اللحين بعدين .. اسماء بقهر : كنت عارفه انك كالعادة تسلك لي ولا ماعندك نية من أول تسفرني !! فراس بحده : اسماء !! اسماء : خلاص مع السلامة سكـر السماعة وتنهــد لازم يدق على عمه .. ووراه البنك يحول مهر بدر ومليون شغله فوق راسه ..كانت غادة تراقبه وهو ماوقف مكالمات حاست بفمها ( اجل هذي قيمة انك تكون هامور السوق ) *** خـلص نايف شغله بملل وهو فعلا كاره هالدوام مر على أبوه ودخل دون يطق الباب : انا طالع ! ابو نايف دون يرفع عيونه له : بدري ؟! نايف وهو طالع : بكمل بكره انا طالع وبس دخل مكتب ابتسام ماحصلها عقد حواجبه .. مر من عنده موظف : تدور عن المدام ؟! نايف : ايه تعرف وينها ؟! الموظف : غريبة ماتعرف .. استأذنت قبل ساعتين وطلعت نايف : اهـا .. خلاص يعطيك العافية طلع بسيـارته ودق عليها ماترد عليه .. له كم يوم حالته متأزمة معها ماتكلمه واذا كلمته تكسر عظامه بكلامها لدرجة صار معد يتجرأ يكلمها احيان ... دخل البيت بضيق وماله نفس يجي اصلن بس محتاج كم غرض تافف : الواحد يزعل يوم يومين .. مو أسبوع يا ساتر .. طلعت من المطبخ وهي تحط الغداء على الطاولة .. التفتت له ببرود : تغدا ! نايف تنهد : ببدل وبنزل صعد وبـدل ولبس لبس طلعه .. ماعنده نيه يجلس بهالبيت ضاق به الأكسجين هنا خصوصا انه ماتعود يتعب نفسه مع زعل احد .. نزل وجلس وكانت جالسة قدامه على الطاولة ومجرد قدامها كاس عصير عقد حواجبه : فين غداك ؟! ابتسام دون تطالعه حتى بنفس النبرة الباردة : تغديت نايف حمد ربه ردت عليه بالعادة تحقره .. ماكان متوقع رد اصلن لما سالها او توقع تعطيه كلمه تسكته قال يحاول يلطف الجو : كأن الأكل حار شوي ؟! ابتسام رفعت راسها .. وقفت وسحبت الصحن من قدامه نايف فتح عيونه ومسكه من الجهه الثانية : شنو ! ابتسام سحبته منه وهي ترميه بالزبالة : الزباله تستــاهله اكثر منك ! مامداه يرد صعدت لفوق .. شد على قبضته : انا وش يلقفني احاكيها ! لو تاركها مع حالها ابرك لي ! نفسية بجد وطلع وهو يرجف الباب وراه .. ودق على بـدر : وينك ؟! بدر : انا عند عبد المجيد .. تجي ؟! نايف : دقايق واكون عندكم *** دخل هيثم شقته بعد اسبوع منقطع عنها .. وماحيطول محتاج يبدل وكم غرض وطالع رفع بلوزته ورماها طاح من جيبه ورقة .. اخذها كان أعتراف اسماء جلس على سريره وهو يقرا الورقة بتمعن " خصوصا انه واضح للكل " .. من الكل ؟! اهلها ؟! معقولة ! لا مو لهالدرجة حتى لو اذا البنت فالتها ... قال بنبره متنرفزة يكلم نفسه : طيب تعترف وتختفي اسبوع ؟! " رمى الورقة " حمد الله والشكر !! فجأة لبست العقل وصارت ثقل دخل الحمـام وبدل ملابسه .. اول ماطلع من الشقة وقف بنص الممر ورجع يفتح الباب ويدخل ويآخذ الورقة ويدخلها بجيبه ويكمل طريقه أول ماوصل المستشفى وقف عند الإستقبال : سعاد ! سعاد وخدودها مورده من نبرته باسمها : اهلين دكتور هيثم بتوتر وهو يحك ذقنه : تعرفي .. البنت اللي دايم تجي تسأل عني ماجت هالأسبوع ؟! سعاد بضيق : ايه المزعجة ..؟! هيثم : ايه المزعجة سعاد : لا ماشفناها والله هالفترة الظاهر ملت هيثم : اها .. اوك كمل طريقه لشغله " لما تحصل شخص خطفك من نفسك ؟ " : واضح خاطفك من نفسك .. والله هالحريم بياعات حكي ! ضرب فيه شخص وهو يمشي مستعجل وضرب في راسه نفخ بعصبية : اعمى ماتشوف !!! طالب طب بارتباك خصوصا ان منصب هيثم عالي هنا ويتمنى يتعلم منه : آسف استاذ مانتبهت لك هيثم وهو ماسك راسه : اقول حل عن جوي وكمل طريقه .. الطالب : غريبة معصب ! *** سـارا :- كانت راجعة من دوامها وتحس بتعب فضيع .. نفسيا وجسديا استقبلتها هيفاء اللي جالسة على الكنبة قدام التلفزيون : جيتي ؟! سارا بانهاك : ايه .. داخله ابدل ثم نتغدا هيفاء : اوك دخلت سارا غرفتها .. وهي تستنشق ريحته بالغرفة ريحة بخور ومسك حست حاجة تنغزها بقلبها وقت استنشقت ريحته مسكت صدرها وهي تحاول تهدي النغز : صاير شي .. صاير شي اكيد .. طلعت جوالها من شنطتها وبمحاولة متأكدة من فشلها ... نزلت جوالها بضيق لما مارد ودخلت تحت الموية بضيق وبدلت وطلعت .. جلست على طاولة الأكل .. هيفاء بضيق : مارد عليج للحين ؟! سارا بهم هزت راسها : ......... هيفاء : والله ماودي اضايقج السوري بس كثير رفيجاتي تزوجن سعوديين وصار معاهن نفس المنوال سارا بغصة : لؤي غير .. هيفاء : ان شاء الله ... بس طريقته هذي ماتطمن فاذا بتسمعي كلامي .. قاطعتها سارا بعصبية : ماراح اسقطه ماراح اسقطه ! لعد تتكلمي بهالموضوع واللهي راح ازعل ! هيفاء تنهدت : مو عارفه شنو اقولج ... سارا بتردد : رقم ولد عمه عندي ... هيفاء : مو دقيتي على بيته وعصب ؟! تدقي كمان على ولد عمه ! سارا : ولد عمه يدري .. عن زواجنا .. هيفاء بقهر : مو فاهمة كيف انتي للحين متعلقة فيه اساسا عقب كلامه لج سارا : فيه صوت داخلي يقولي اصبري اصبري .. دايم فيه امل بقلبي .. يمكن عنده عذر هيفاء : ياحبيبتي اللي يبغى يضل معاج راح يلقى مليون طريقة .. واللي يبغى يتركج رح يلقى مليون طريقة لاتضيعين حياتج تتمسكين في واحد مهملج سارا : مو مهملني !! خوفي بس يكون ابوه عرف هيفاء : جربي دقي على ولد هالعم يمكن ينفعنا !! سارا وهي تتذكر كلامه وطريقته العليا : لا لا هونت .. هذا مايحشم .. هيفاء : وبعدين معاج انتي ؟! سارا تغير الموضوع اللي جالس يطعن فيها : راح اروح لموعدي .. تروحي معاي ؟! هيفاء : طبعا .. بس ولدج هذا لازم يعرف اني نفعته أكثر من ابوه سارا : ان شاء الله بنت هيفاء : شدعوه تفائلي وقولي صبي ان شاء الله سارا ابتسمت بألم : لؤي يحب البنيات اكثر هيفاء : يوه اللي يجي من ربج يا مأحلاه *** أسماء حاطه رجل على رجل تبرد اظافرها .. وميهاف تطالعها بنص عين وهن جالسات بغرفة ميهاف : ممكن اسألك مرة ثانية وش جالسة تسوين هنا ؟! اسماء : انا اشكل خطر على نفسي .. عشان كذا ما أجلس لحالي عشان اعقل شوي ميهاف عقدت حواجبها : وللمرة الثانية مافهمت ! اسماء : الزبدة اني لو اجلس لحالي راح اودي نفسي لمذبحي .. عشان كذا بروح معاكم وانتوا تشترون اثاثكم ميهاف : حياك والله .. اسماء : غصب عنك ميهاف : عن الغلط عاد !! اسماء : افففف وينه بدر تأخر ؟! ميهاف : مدري عنكم .. مو جاي معاكم اسماء : ايه حطنا وقال مشغول شوي وبيرجع ميهاف طالعت خاتم اسماء الألماسي : صح اسوم دايم اقول بسأل عن هالخاتم .. مرة جميل من وين ؟! اسماء : ايه هذا .. هدية من بدر اتوقع قبل كم شهر بصراحة نص اغراضي اللي يسألوني عنها الناس هدية منه ميهاف : دايم يهدي يعني ؟! اسماء : من جدك .. كل ماغاب عنا كم يوم جاب .. مو فراس يغيب شهور ومانشوف منه شي ميهاف : حرام عليك تقولين كذا .. واضح انه مشغول وبدر فاضي اسماء : والله اللي يبي يهدي بيهدي .. وكمان فراس فلوسه اكثر من بدر ميهاف : اقول خل ننزل لأمي وامك تحت اسماء : لا مابي ! ميهاف : ليه ؟! اسماء : أمي تسولف عن سجى ميهاف استغربت : ليه ؟! اسماء : امي ناوية تخطبها دون يعرف فراس .. وتحطه قدام الأمر الواقع ميهاف فتحت عيونها : من جدكم ؟! اسماء : اندري عنهم ! ذالبزر مدري وش شايفين فيها ميهاف : مو كذا .. سجى والنعم فيها بس وش هالنظام بتظلمون الأثنين سوا اسماء : روحي فهمي أمي .. مالقت الا فراس بيسكت لها والله مايتزوجها اخوي واعرفه ميهاف : والله غلط مرة اسماء : كيفهم يسوو اللي يبغوا *** بيت عبد المجيـد / عبد المجيد : زواجك الشهر الجاي خلاص ؟! بدر والبسمة شاقه وجهه : ايه ولاتخاف عازمك عبد المجيد : والله تعزمني انت ولا بنت خالي المزة جعلها تسلم بتعزمني بدر : اقول احترم نفسك .. لاتجيبها على لسانك حتى عبد المجيد يقهره : رقمها موجود .. ادق عليها وتعزمني مباشرة عاد بدق مرة وحده اعتذر عن آخر صدفه بينا بدر فتح عيونه : وش صدفته ؟! عبد المجيد : آخر عزيمة ببيت خالي عبدالرحمن طحت فيها بدر ضيق عيونه : وانت جالس تقزقز ؟! عبدالمجيد وصل لهدفه واضح ارتفع ضغطه : خلاص هد يخي مامداني حتى اشوفها .. دخلت على طول بدر بكبر : شف وفتح عيونك مايهمني .. بس وقت تشوف اعرف ان اللي جالس تشوفه حلالي ومالك الا تقزقز من بعيد عبد المجيد : وراك كبرتها .. ترا طيحه عادية بدر : انت النجس اللي جايب الطاري احفظ لسانك عبد المجيد : اوك آسف .. " التفت لنايف وقال بصدق " اسف نيوف سامحني مو قصدي اتكلم عن اختك كذا نايف اللي كان شارد : هاه .؟ لا عادي بدر : شفيك نايف ؟ منت على بعضك نايف : إلا معاكم مافيه شي عبد المجيد : صدق ؟ اجل وش كنا نقول ؟ نايف : كنتوا تناقشون بيت بدر .. طالع بدر وعبدالمجيد ببعض ثم طالعوه : صاير معاك شي .؟ ماخلصت اجل مشكلة لؤي ؟ نايف فرك عيونه : لا بس صاحي من فجر .. عبد المجيد : وش الله حادك على العنا .. كان ارتحت شوي نايف وقف وهو ماشي لبرا : استأذنكم .. قبل يركب سيارته كان بدر قدامه : شنو بعد ؟ بدر فتح باب السيارة : انا بسوق .. انت دايخ ماينفع تسوق اركب تنهد نايف وركب ... بدر : على وين ؟! بيتك ؟ نايف وهو يطالع النافذة : حطني عند شركة أبوي بدر : مو تعبان من الشغل .؟! وش صاير فجاة صرت تحب الشغل نايف سكت ماعلق : ................. بدر : او صاير شي ببيتك .. " كمل بروقان " لايكون متهاوش مع المـدام ؟! نايف : ...................... بدر : من جدك ؟ ما اعرفك يشيل معك زعل احد امك وابوك يزعلون عليك شهور ماتهتم نايف : وانا قلت اني متضايق .؟ تعبان وابي انام بدر : وبتنام بالشركة ؟! نايف بنرفزة : خلاص ودني البيت .. انبسطت ؟! بدر : نايف انا خويك تكلم .. شفيك ؟! عرفت عن نهى ؟ نايف : تقريبا ابتسم بدر : ومتضايق لأنها زعلانه عليك ؟! نايف : قلت لك مو متضايق !! سكت بدر لفترة ... بعدها قال : يوم 28 يناير 2015 الساعة 5 مساء بهاللحظة نايف صار يحب نايف طالعه بنص عين وهو متسند على المركى بينهم : ................. بدر وهو مبتسم : لا تطالعني كذا ولاتستحي قدامي .. هذا الحق البنت جابت راسك نايف : لا تخرف بدر وربي مزاجك خرا .. بدر : اوك . . تذكر كلامي هذا بعدين نايف : يمكن اهتم فيها .. بس طبيعي البنت ماقصرت معاي بس مو حب فانثبر بدر : ماقلت شي بنثبر بس قابلني بعد ماتستوعب رفع نايف جواله ينشغل فيه ويتجاهل كلام بدر ... أول ماوقف قدام بيته فتح باب السيارة وتنفس براحه وكأن الجو داخل كان كاتمه أول مادخل للبيت صعد لفوق أول مادخل غرفته عقد حواجبه وهو يشوف حرمتين موجودتين وحده تشتغل بشعر إبتسام والثانية مكياجها طلع وسكر الباب جاه صوتها : نـايف ؟! نايف : ايه .. ليش ماقلتي لي ان عندك ضيوف ؟! ابتسام : طيب ليش طلعت .. " كملت بسخرية " لايكون تستحي ؟! اقول ادخل واترك الشرف لأهله حبيبي وقف نايف مصدوم من كلامها : لكلش حدود إبتسام ! انفتح باب الغرفة وهي واقفة قدامه بكامل انقاتها .. انصدم نايف وهو يشوفها واقفة وماعندها مانع يشوف اللي وراها عقدت حواجبها : ليش كل هالصدمة ؟! جالس تشوف حاجة غريبة عليك يالمحترم مسكها من معصم يدها وسحبها وراه وهو ينزل الدرجات حتى صاروا لحالهم بالصالة وافلت يدها لما صارت قدامه : معك حق ! ماعمري احترمت ان بنت محرمه علي ... عارف ! بس ع الأقل كنت مستعد احط لنفسي حدود عشانك !! مايبين بعينك يعني ؟! ابتسام : لا تضحكني .. اشوفك احترمت نفسك قدامي بالمالديف , ايه مايبين بعيني خصوصا وانت تخدع نفسك والهبلة اللي انت متزوجها نايف : وش جاب اللحين ؟! مر عليها شهور انا نفسي نسيتها ابتسام : لا مانسيتها .. بس لأنك متعود عليها .. نايف صرخ فيها : قلت لك اني غلطان ! وش اسوي بنفسي عشان ترضين !! ماتركت حاجة ماراضيتك بها !! هدايا ؟ حقرتيها .... ٍسفريات ؟ رفضتيها !! اموت يعــني ؟!! ابتسام بقهر والعبره خانقتها : انا طالعة معزومة لزواج .. ووقت ارجع وافك فستاني راح يكون فيه ريحة رجال او علامة برقبتي .. اوك ؟! ووقتها راح اسألك اذا كان هدية راح ترضيك ؟! نايف والإرهاق واضح فيه .. اردع جسمه حتى استرخى على الكنبة ومسك راسه وابتسام مسحت دمعة انسابت على خدها : مدام نقدر نمشي ؟! ابتسام التفت لصوتهن جاي من فوق التفتت لنايف : قوم لمكان ثاني لو سمحت .. عباياتهن هنا نايف طالعها ... ابتسام ردت على نظرته وهي تطالع الأرض : عشانهن مو عشانك .. مايستاهلن بنات ناس محترمين ينعرضن قدامك زفر نايف بتنهيدة طالعه من قلبه .. ومشى ناحية باب البيت وطلع وابتسام اول ماطلع جلست على الكنبة وانسابت دمعة يتيمة على خدها دق جوالها .. تنهدت ومسحت دموعها وردت : هلا خالتي ام نايف : هاه جاهزة ؟ تأخرنا على الجماعة ابتسام : يله مسافة الطريق وراح اكون بالفندق ان شاء الله.. ميهاف معاكي ؟ ام نايف : لا ميهاف طالعة مع زوجها واهل زوجها تشتري لبيتها ابتسام : الله يوفقها .. اوك جايتك سكرت ولبست عبايتها وطلعت وهي من داخلها تحاول تثبت نفسها وتلم شتاتها *** اسماء : لا وععع وش هالخياس ! بدر طالعها وهو صابر عليها له ثلاث ساعات تذم بكلش يختارونه : يمه خذي تاكسي وارجعي انتي وياها للبيت ام فراس : هاو وانا وش ذنبي ؟! بدر مد اصبعه بتهديد : اسوم قسم بالله لو ماتبلمين لأدق على السواق يجي يرجعك للبيت اسماء برجاء : لا تكفى لا... بتندم لو ترجعني بدر : صدقيني ماحندم اسماء : لأنك ماتعرف وش جالس يصير براسي .. اتركني جمبك احسن لك ميهاف عقدت حواجبها : شفيك انتي ؟! اسماء تاففت : رايحه للكافي اشرب قهوه انتو كملوا بدر : من اول يختي بدر غمز لأمه : يمه الحقيها لاتسوي مصيبة .. مو صاحية هذي ام فراس : هي المصيبة ولا أنت ودك تطردني ؟! بدر : هههههههههههه الله يطول لي بعمرك بس ام فراس : يله لعيونك انت وميهاف .. اجلسوا شوي لحالكم اختاروا ميهاف عضت ع شفتها وهي تشوف ام فراس تلحق جهة اسماء .. طالعها بدر وهو يمد ذراعه لها : يلا ؟ ميهاف مشت دون تعلق بذراعه .. مسك بدر يدها ورجعها : ماد ذراعي للجدار انا ؟ ميهاف وهي تطالع حولها : والله احراج سحب بدر يدها وعلقها بذراعه : ايه كذا مضبوط .. يله وش ودك تختاري للمطبخ ؟ولا اقولك هذا اتركيه للطباخ ميهاف وهي متوترة من معاملته : ممكن سؤال ؟! بدر : تفضلي ميهاف : فين راح نسكن للحين محد علمني .. بدر : الدور فوق بيت اهلي .. مو ابوي الله يرحمه بحياته باني دور ثالث للي يتزوج منا ميهاف بضيق : ايه .. بس انا مو حابه بدر : وليش ان شاء الله ؟ ميهاف : دون تتضايق .. ما أبي اكون قريبة من أهلك ولا أهلي مو انت قلت مايتدخلوا بدر : ماراح يتدخلوا ميهاف : بس راح يعرفوا اذا طلعت واذا رجعت واذا عزمت بدر : وإذا ؟! ميهاف : لك فترة ترا تغلط وانا ما اقول شي واسامح .. اقل شي ابغاه هو بيت لحالنا بعيد كإعتذار بدر طالعها لفترة بعيونها الفاتنة : خلاص من عيوني .. راح اعطي المقاول خبر يدور لي فيلا ميهاف : بجد ؟! بدر : يب .. كم ميهاف عندي ؟! ميهاف : لا أنت مو طبيعي اليوم وش هالرواقة ؟! بدر : انا ماعمري تضايقت الا لسبب .. شايفه فيه حاجه تضايقني اليوم ؟ ميهاف : واللهي احيان دون سبب تسوي مشكلة بدر : اعصب يعني ؟! ميهاف : لا لا .. ماصدقنا مزاجك يتعدل تكفى بدر رفع حاجبة : على فكرة ! تعالي .. هذا عبد المجيد من وين شايفك ؟! بلعت ميهاف ريقها ( طريت عليه المشاكل .. ليتني ساكته ) : عمتي دقت علي افتح لهم .. لما طلعت كان بوجهي يعني بشكل طبيعي بدر : لا طبيعي ولا غيره .. لعد تمشي الا بطرحتك اذا كذا ! ميهاف : ان شاء الله بدر : والله لو يجيني مرة ثانية احد ثاني يتكلم انه شافك لارجع فيكي انتي ميهاف : وانا ايش دخلني صدفه والله ! بدر : المهم انا حذرتك عشان ماتلوميني اذا جيتك أتكلم ابتسمت ميهاف دون شعور على غيرته .. واشرت على قطعه : شرايك بهالطاولة ؟! بدر : والله انا مو عاجبني شي هنا .. مابي اشتري بيتي من هنا باشتريه من برا ميهاف : بس كذا بيطول بدر : ادفع لهم عشان مايطولون ميهاف : براحتك .. اللي يريحك بدر : اجل خل نطلع .. وش يجلسنا هنا نص بضاعتهم خراط ميهاف : يله اجل ندور امك واسماء بدر : روحي لهم انتي .. انا ثانية عندي مكالمة ميهاف : اوك بدر عض على شفته : نسيت جوالي بالسيارة .. هاتي جوالك ميهاف طلعت جوالها من شنطتها وعطته اياه .. بدر فتح جوالها وقبل مكالمته وقبل كلش توجه لسجل الكالمات طارت عيونه وهو يشوف مكالمة " ولد عمي فراس " ومدة المكالمة 7 دقايق والمكالمة من طرف فراس ( وش يبي فراس داق عليها ) ! ماتعب نفسه يفكر دق مباشرة من جوالها على فراس .. جاه الرد مباشرة : هلا والله بدر : ................. فراس : ميهـاف ؟! بدر : هلا فراس فراس باستنكار : بدر ؟! بدر : ايه بدر .. كيفك ؟! فراس وهو يمشي : حمدالله .. ماعندك جوال تدق معه ؟! بدر : معاي .. بس بسألك وش داق عليها تقول ؟! فراس : مايخصك .. مو انت اللي بتحاسبني على مكالماتي بدر : ناسي انها زوجتي ؟! فراس : ناسي انها زوجة اخوي ؟! وقبل يطيح حظها وتصير زوجة اخوي كانت بنت عمي بدر عقد حواجبه : ماحتقولي يعني .. هي موجودة باسألها فراس : اسأل .. بس لو اعرف انك مطول لسانك وقتها قص هاللسان بيكون على يدي بدر : حولت لها المهر ؟! فراس : ايه حولته .. شي ثاني ؟ بدر : لاتنسى تحضر العرس .. ولعد تدق عليها رجاء مهما كان زوجتي ومايرضيني فراس : ان شاء الله ما اضطر ادق عليها .. ولا ترا ماعندي حماس اكون بينكم بدر : اجل خلك بعيد فراس : اقول دامك دقيت .. بدل هالحكي اللي زي وجهك وقف مع عمي وحاول تهدي المشكلة بدر : وش مشكلته ؟! .... ااااه قصدك لؤي ! فراس : ايه قصدي نسيبك لؤي بدر : والله مو عارف المشكلة اساسا فراس : ونعم ولد العم .. بدر : والله ابعد عن الشر وغنيلوا .. وش لي بوجع الراس فراس : يله انا بسكر .. طوط طوط سكر بدر السماعة وراح لطاولة أهله وحط جوال ميهاف قدامها وقال وهو ماشي : انا بالسيارة لاتطولون ام فراس : تعال اجلس معنا بدر : مستعجل وراي مشوار ام فارس : بنات قوموا اجل اسماء : تو اشرب قهوتي ! ام فراس : خذيها معك .. بتأخرين الرجال عشان قهوتك اسماء سحبت كوكيزها وقهوتها .. وطلعوا وركبوا وطول الطريق ام فراس هي اللي تسولف ومحور الحديث وقف بدر قدام بيتهم نزلت ام فراس واسماء ...بدر : اركبي قدام ميهاف : غريبة موصلهم قبلي بدر : لأني ابيك بكلمة راس ميهاف ركبت قدام : وش كلمة راسه ؟! بدر : اشوف بسجل مكالماتك فراس داق عليك .. خير ياطير ؟ ميهاف بطبيعية : ايه ؟ يبارك ويقول اذا احتاج أي شي وكلام كذا ... بدر : اها .. اليوم مابي اعكر عليك بس هي كلمة وحده لايصير بينكم مكالمة مرة ثانية , أوك ؟ ميهاف : هو اللي دق على فكرة .. انا مالي دخل بدر : فيه خيار اسمه رفض المكالمة ميهاف : فشلة ! اخوك وش هالعقل وش بيقولي يعني !! بدر : هذا عقلي طيب .. يضايقني الموضوع خصوصا ان فراس بيده كلش مابي تصبي علومي عنده ميهاف : ع بالك اني جالسة انقل اخبارك ؟! بدر : ماقلت كذا .. بس يمكن يجي عارض بالكلام ميهاف تنهدت : تطمن .. بس داق يبارك وبس وانا نفسي استغربت بدر : خلاص بارك لك وانتهت .. ما اظن بينكم مواضيع اكثر من كذا ميهاف : قولتك .. بدر : شوفي ترا مابي امدح نفسي بس والله اني طيب .. لكن عمى عيني اللي يخالف كلامي واتوقع واجب الزوجة تطيع زوجها ميهاف طالعته بنص عين ... بدر : عندك راي ثاني ؟! ميهاف رجعت تطالع الطريق : لا طبعا .. وصل بدر لبيت أبو نايف ونزلت ميهاف .. وهي تحاول قد ماتقدر تمشي هالعلاقة اللي طاح قلبها فيه ضحية , *** هـيثم واقف قدام الفندق .. وهو مستغرب انها طالبه منه يجي ياخذها بعد فترة طلعت وركبت : السلام عليكم هيثم وهو يحرك السيارة : وعليكم السلام ابتسام : عسى ما أشغلتك ؟! هيثم :لا أبد بس فين نايف ؟ ابتسام بطبيعية : اكيد نايم .. الوقت متاخر وما احب اركب مع السواق بهالوقت هيثم : اهـا .. من هذا زواجه ؟ ابتسام : وحده من صاحبات ام نايف .. تبي احد يروح معها وميهاف بنتها مشغولة فاخذتني هيثم : اهـا .. ابتسام : شفت لك هناك مزز .. ماودك بوحده تكمل بها دينك ؟ هيثم : ومزة هي الصفة الوحيدة ؟! وش اسوي بحالي اذا طلعت غبية ولا مجنونة ابتسام : معك حق هيثم : اختاري كويس المرة الثانية ابتسام : واضح تسلك لي .. لو اجيبك الكاملة المكلمة ماراح تاخذها هيثم : لا شدعوة ؟ فيه احد يعيف الكمال ؟ بس مو الكمال الشايل خشمه اهم شي العفوية ابتسام : اوه هذول نادرات .. هيثم : وصلنا انزلي .. ابتسام : يعطيك العافية على التوصيلة هيثم : ولا يهمك نزلت ابتسام ودخلت البيت ... ماكان موجود تنهدت له فترة ما تأخر برا البيت بس احسن يجلس وراه صعدت لغرفتها ورتبت نفسها ونامت مباشرة .. *** غـادة شادة على اعصابها طول الطريق ماغفت عيونها ... لحد ماوصلوا نزل فراس واشر عليهن طاح قلب غادة لما توجهت اصبعه ناحيتها : رافقهن بالسيارة الثانية للفندق .. ارتاحت لما عرفت انهم واضح بينفصلون .. اعصابها كلها مشدودة ورجلها ما تشيلها وقت تكون حوله : ....... فمشت بهدوء وركبت السيارة مع لورا .. بينما فراس ركب سيارته وتوجه للمنتجع وهو يدعي ربه يطرحه فيها لكن ما استجيبت دعوته وقت استقبله زوجها وسلم عليه باحترام وهو يعرفه .. اشتغل معه بكم صفقة وهذا اللي موتر الموضوع وكان الموضوع مرتب ان اللقاء صدفه : كيفك ياشيخ خالد ؟! خالد : حمد الله مبسوطين ... ما شاء الله وش تسوي بسويسرا فراس : شغل .. وانت شتسوي هنا ؟ خالد : شهر العسل فراس : ما شاء الله تزوجت .. الف مبروك خالد : هههههههههههه يبارك فيك فراس : معقولة ياشيخ ماتعزمنا ؟! خالد : صار كلش على عجل ومختصر .. وماكنت وقتها بدبي فراس : لا مايمشي الموضوع كذا .. عازمك انت والمدام لحفلة على شرفكم خالد : ماله داعي كلافة فراس باصرار : لا ياشيخ ماتمشي السالفة كذا .. انا مصر خلاص موعدنا الليلة خالد : خلاص انا بس انفع .؟! المدام مين تجلس معاه ؟ فراس : تقدر تجلس مع مرافقتي خالد استغرب : من متى تتعامل مع مرافقات .. فراس كان فاهم انها ماراح تمشي كذا .. خالد عارف نظامه رجاجيل : معرفه قديمه .. اتوقع كذا انحلت ؟! خالد : ايه خلاص تمام نقابلك الليلة اجل فراس : على خير ان شاء الله رجع فراس وركب مع سايقه : الفندق .. فتح جواله ودق على مسعود : الضيفة موجودة بالفندق ؟! مسعود : ايه تو وصلنا الثنتين موجودات .. فراس : دق على اقرب مصممة تجي تاخذ مقاساتها .. وترتب لي شكلها لليلة مسعود : حاضر سكـر فراس السماعة وكلش فيه يصبر نفسه لبكرة .. بكرة بيشوفها اخيرا القدر وافق على لقائهم .. عنـد غادة شهقت لما شافت قدامها حرمة .. ومسعود جمبها : اتركيها تاخذ مقاساتك ! غادة : وليش ان شاء الله ؟! مسعود : رجعنا لطولة اللسان !! غادة : وانت رجعت لقلة الحيا .. اشوفك قدام معزبك حاشم نفسك ولا راح تتطاول مسعود : والله هذي أوامره .. اجلسي لين يجي بنفسه وتتأكدين غادة : والله انا ما اسوي شي قبل اعرف ليش .. عطني السبب وقتها اوك ! مسعود : الليلة فيه مناسبة .. وشكلك يبي ترتيب غادة : وانا شدخلني بالمناسبة ان شاء الله ! مسعود : وقت يقول طال عمره ان لك دخل معناها لك دخل !! سامعة ؟"التفت للمصممة " خذي مقاساتها غادة تراجعت لورا ... مسعود بطولة بال وهو يحس انه بيقتل هالبنت : ادق عليه يعني ؟! غادة برعبه : لأا ! مسعود : يعـــني ؟! غادة بتردد : طيب وش وضع هالمناسبة ...؟ مسعود : وش يعني ؟! غادة : لا تقول مختلطة ؟ مسعود : حنا بسويسرا وش تتوقعين !! غادة : تكفى مابي .. لورا اللي كانت تتابع بصمت : احسن لك بتسمعي الكلمة .. لانوه اذا مامشيتي بالطيب راح يمشوكي بالغصب غادة بقهر : مابي ! وانا شدخلني والله ماغلطت ولا سويت شي لورا : وقت حصلكي ببيتي انكتبتي مجرمة غادة : وليش يالغبراء !! انتي وش وراك وش مسوية الله يسود وجهك !! انتبهت فجاة لمسعود السماعة باذنه ويتكلم : طال عمرك .. نستعمل العنف ؟! فراس : شصاير ؟! مسعود : الضيفة رافضه ! فراس : وش هالضعف مسعود .. من متى رافضة هذي تمشي عندي ! مسعود : تكلمها ؟! فراس عصب : فاضي انا اداري بزران !! مسعود الظاهر بخاطرك تنطرد !! مو عارف تحكم بزر ؟ على شنو موظفك اجل !! مسعود جت براسه : خلاص حاضر سكر السماعة والتفت لغادة بعصبية : الظاهر انتي ناوية تحديني لأقصى ماعندي ! غادة بسخرية : كرشك المعزب ! مسعود : عطاني اذن استعمل القوة .. راضية ؟ غادة فتحت عيونها : شنو ؟! مسعود : كيفك انتي .. غادة بخضوع : زين ... مسعود : انا طالع بس لو اسمع انك مزعجه المصممة وقتها انا اللي باخذ مقاساتك غادة فتحت عيونها : تخسى يالأرهط ! مسعود وهو منقهر منها ومن لسانها الطويل وحكيها اللي مايفهم نصه مايدري ليش مهمته تكون معها دايم : .. ابتدت مهمـات المصممة والمكياج والتغيير الكـامل .. ورفضت تماما أي لبس عاري يطلعونه لها وبعد معاناة قدروا يخلصون معها .. طلع شكلها النهائي بفستان عفيف ابيض بأكمام طويله وطويل لتحت الكعب شعرها الطويل لخصرها طالع مثالي مع حشمة ثوبها ... طلع شكلها الكامل انيقة وجميـلة بشكل مايوصف .. حتى انها زعلت على نفسها لما شافت نفسها بهالشكل .. مفروض تنبسط وقت تكون بهالكمال .. بس ماتقدر الا تزعل على حالها اللي انقلب .. وصار وضعها تطلع بهالشكل قدام الكـل .. مسحت على الثوب بيدينها .. لورا : طالع بتجنني غادة التفتت لها بعيون دامعة : كله منك لورا : ايه طبعا .. هالجمال كله لأنك بنتي غادة بعفوية وقهر : لا حبيبتي طالعة لأبو.... " مسكت لسانها وهي تعض على شفتها وتمسكها نفس اللوعة لكل مواقفها مع أبو هيثم " انقبض قلبها وكلش فيها وهي تسمع صوته برا : وينهـا ؟! : داخل طال عمرك فراس : خلصوا ؟ : ايه طبعـا .. غادة كانت عازمة لما يوصل تكلمه وتطلب منه يعفيها من هالطلب .. بس كل شجاعتها تروح وقت يكون يجي الصدق .. انفتح الباب ودخل الغرفة رجعت لورا خطوتين تلقائيا حتى صارت جمب رنيم المنسدحة على السرير : .......... فراس مشى حتى صار بنص الغرفة وهو يمسح بعيونه عليها من فوق لتحت : تمام كذا غادة شدت على قبضتها وسط نظراته : ..................................... !! فراس التفت لمسعود : يله السيارة جاهزة مشينا غادة تشجعت وقالت بتردد : لـوين ؟! فراس أول مرة يسمع صوتها .. التفت لها : راح يشرح لك مسعود كلش بالسيارة غادة بلعت ريقها : مقدر اترك بنتي .. فراس طالع برنيم المنسدحة : وفروا لها حاضنة غادة : ما ... مـ عقد فراس حواجبه ... غادة : مافيه داعي انا موجودة ! فراس رفع حواجبه باتسفهام : تعارضين طلبي ؟ عفوا تعارضين أمري ؟ غادة : ممو كذا .. فراس تقدم كم خطوة يمها .. ويديه بجيب بنطاله : هيه انتي انا ساكت لك من أول .. عرفت انك سعودية وسكت وصلتني اخبار انك مسببه فوضى وبرضو سكت .. من الآخر خذيها نظام الأم العاقلة وجالسة تسوقي الشرف علي وعباية وما أدري ايش وشوفني انا المسكينة ماراح ينفعك وخلي ببالك نقطة ترا مافيه شي يستهويني كثر دق الخشوم فاحترمي مكانتك وتصرفي على اساسها غادة انعقد لسانها وهي تبلع ريقها : ............ فراس : خلي العقل والشرف لأهله لانك بعيدة عنه .. واللحين قدامي والمرة الجاية اللي اشوفك لابسه فيها عباية راح اشقها فوق راسك ... غادة نزلت راسها وهي شاده على قبضتها قريب منها ونظراته محدقة ونبرته حادة وصارمة : ................... فراس وهو محدق فيها : قدامي ! غادة تلقائيا مشت .. ماتدري بجد وين حطت نفسها فيه كلش فيها جالس يرجف وهي تمشي باللولبي تبع الفندق والأنظار تتجه لها باعجاب .. ركبت بسيارة وهي تشوف يركب سيارة ثانية قدام سيارتها ... ركب مسعود قدام وهو ينطق تعاليمه : وقت نوصل هناك خليك قريبة من الرئيس .. ولاتنطقي بحاجة غبية وحاولي ماتتكلمي اساسا ! غادة هزت راسها بصمت .... ابتسم مسعود وهو يشوفها خضعت تماما وجالسة بهدوء ومنزلة راسها ... ولما وصلوا : انزلي وصلنا نزلت مباشرة .. انتبهت لفراس واقف مكانه ويطالعها مشت بهدوء ورجلينها تقصف بها طالعها بنظرة قبل يدخل : لا يلعب عقلك كثير .. السالفة كلها اني محتاج وحده من جنس حواء توقف زي المزهرية جمبي ومو فاضي ادور ! دخل فراس وهي تمشي وراه ... ووقف مكانه لفترة وهو يشوفها ماتغيرت مجردت ازدادت قبح بعمليات التجميل الواضحة والخلاعة المعتادة جمب خالد ... اول ماشافته مشت ناحيته بجرأة ومدت يدها : اهلين .. كم لنا ماشفنا بعض 13 سنـة ؟! صاير رجال وعين الله عليك شد فراس على قبضته وهو يحكم اعصابه ... رد : اهلا .. 13 سنة ونص مرت , بالنسبة لك ماتغيرتي خالد : ما شاء الله تعرفون بعض فراس وهو يطالعها : اكيد مين مايعرف ريم .. ولو سمعتها تسبق غادة ماكانت معهم منزلة راسها بهدوء .. ريم طالعتها : مين هاي .؟ جوزتك !؟ فراس : وحده من الشارع جبتها تتسلى معك .. قلت اكيد مواضيعكم مشتركة خالد : اكيد البنات مواضيعهن وحده غادة ماعلقت حتى .. سلمت عليها ريم وهي كانت منقاده بهدوء .. خالد دق جواله : انا رايح استلم هالمكالمة ريم : ماتطول حياتي أول ماراح خالد التفتت ريم لفراس : ماصدقت لما قالي خلودي انوه فراس الشمري عازموه .. بس الظاهر انه مازلت ماتعلمت درسك لهلأ فراس بثقة : مافيه داعي اخاف دامك مازلتي على نفس المستوى ل 13 سنة , الخوف عليك لأني صرت فوق ماتتخيلين ريم : لنشوف مين حيغلب مين ! فراس : مافيه مجال مقارنه .. انتي حتى مو في مستـواي ! غادت رفعت عيونها مستغربة من هالمحـادثة ... ومن لمعة الغضب بعيـونه .. |
رد: انتماءات كاذبة
الفصل روعة
لى عودة للتعليق |
رد: انتماءات كاذبة
رغم ان الفصل مش قصير الا انى بحس بيخلص بسرعة من الحماس
أسماء من ساعة الاعتراف وهى معتزلة هيثم ، مش عارفة هى خايفة ولا مش عارفة تتصرف ولا ايه؟ لكن واضح ان هيثم ابتدى يحبها ، لا وقاعد على نار وتعصب وقعت يا دكتور:lol: لؤى انا شايفة ان مشكلته مش بس فى ابوه ووضع زواجه الغريب مشكلته شخصية ، يعنى قاعد مهموم ومابيعملش حاجة، حتى مش راضى يطمن سارا وسايبها للظنون، حاساه سلبى ع الأخر وأخوه نايف زيه، بس اظن لأنه مش راضى يعترف بتأثير زعل ابتسام عليه لأنى أظن لو واجه نفسه هيتصرف بطريقة غير كده وهيعرف يراضيها ازاى اللى الأمور اتحسنت معاهم بدر وميهاف ، بالنسبة لفراس توقعت انه هيبدأ البداية دى مع غادة ،والله البنت دى اتبهدلت ع الآخر من أول الرواية لحد الوقت واتمسح بكرامتها البلاط انا متعاطفة معاها ع الآخر:dfghd654: أى نعم هو يخوف بس انا نفسى تجمد قدامه شوى ، يعنى هى برضه من الشخصيات اللى مشكلتهم شخصية، ومش عارفة تتعمل مع مشاكلها وبتعقدها زيادة زى ما هربت اظن ان بداية الفرج لها لو قويت شوية وواجهت الأمور عن كده تسلم ايديك |
رد: انتماءات كاذبة
اقتباس:
ههههههههه بالنسبه للمربوشه اسماء هي خايفه ومو عارفه تتصرف وكلش .. والأغلب خايفه انه لو رفض اعترافها معناها ان هذي نقطة النهايه لكل حاجه بنتها بمخيلتها الواسعه :( بالنسبه للمشاكل الشخصيه لنايف ولؤي اتفق ولا أتفق , يعني لؤي فعلا مثل ماقلتي مشاكله شخصيه هالولد وعميقه جبان داخليا وضعيف شخصيه بالنسبه للوضع اللي حط نفسه فيه .. ومايعرف يواجه بينما نايف مشاكله مو شخصيه مشاكله مع مشاعره اتجاه ابتسام هو مو بعادته يهتم اذا احد زعلان عليه لاني مثل ماوضحت العالم كلهم زعلانين عليه ولا همه .. فهو منزعج من نفسه ومن تأثيرها لان مثل ماقلتي لو هو يجرب يعترف بتأثيرها عليه راح يعرف يحل المشكله غـادة الظاهر تحتاج دروس من اختها في قوة الشخصيه ! لكن بالنسبة لفراس وغادة اقدر اقول ان قصتهم للحين لسى مابلشت وقداااااااااااامهم كثيييييير لسى ماسمينا :$ نورتيني واستمتعت بنقاش الاحداث معك وقراءة تعليقاتك , حياكي |
رد: انتماءات كاذبة
رائع عمري تطور بالاحداث مميز برافو عليكي حبيبتي
اسوم ههههههه عنجد هل البنت فله خايفه تقعد وحدها وتروح وتعك الدنيا وي هيثم . وهيثم بدأ يفتقد تواجد اسوم وملاحقتها اله . ابتسام بتجنن وعنجد قويه هل البنت عرفت تجيب راس نايف وتخليه يتعلق فيها وراح تخليه يعترف انو غلطان . لؤي وشخصيته السلبيه شخص متخاذل وضعيف كيف راح يتصرف اذا ابوه عرف انو متزوج عصبني بهل الضعف والتخاذل . اما غاده بصراحه ما اعرف غير هذا نتيجة قرارك الخاطئ وتهورك متحمسه اعرف سو رده فعل فراس لما يعرف انها اخت ابتسام وانو هي نفسها البنت الي شافها منهارة . عجبني اتصال فراس بميهاف وقوفه ومساندته الها يعني فراس بالفعل رجال يعتمد عليه . |
رد: انتماءات كاذبة
اقتباس:
هههههههههههه اسماء لسى مطوله مع مرحلة الجنون راح تنجن وتجنن الولد معها إبتسـام هذي شيخة الرواية عاد فايزة بكلش جعلها تسلم لـؤي شخص حساس وناعم وجبـان لحد ما .. نمط شخصيته مايناسب الوضع اللي حط نفسه فيه مثل ماقاله فراس , بس هو اعترف بنفسه وقال رخمه غـادة متهورة من أول الرواية لحد اللحين وكل اللي يصير لها يعتبر حصاد تهورها وجموحها .. بس هالمرة ماتتعامل مع احمد واهله اصطدمت بفراس والله يجيب العواقب سليمه بس نورتيـــني |
رد: انتماءات كاذبة
" البارت الرابع والعشرين "
- السهر جميل حين نختاره .. ولكنه مؤلم حين يختارك جالسـة منزلة راسها على طاولة الطعـام .. وعقلها شارد وسط اصوات الأطباق والدردشة الراقية عن أهم الأعمال بين خـالد وفراس ... قال خالد بمزح : هههههههه معقولة كذا مو قلت بتجيب وحده تسلي المدام اشوف مالها مشاركة .. " طالعها خالد بإعجاب وهو يوجه كلامه لها " هاه ياحلوة وش رايك بكلامنا ؟! التفت فراس لها ينتظر ردها لكن كانت شارده دعس على رجلها برجله من تحت الطاولة .. غادة انتبهت ورفعت راسها وهي تطالعه بخوف .. فراس رفع حواجبه : شتطالعين ؟! ... " أشر براسه لخالد " يكلمك ردي عليه التفتت له .. وقال بانحراج : عفوا ماسمعت .. ريم وهي تمسح على شعر غاده بشفقه : كأن عيونك ورمانه .. مو هيك حبيبي ؟ خالد : معك حق .. شكل البنت مو على بعضها فراس وهو يضغط على رجلها مرة ثانية .. غادة حست رجلها تهشمت تحت رجله: مافيني شي .. بس شوي مصدعه معليش خالد : مدام كذا اذنك معك .. لا تضغطي على حالك عشانا غادة التفتت لفراس وكأنها تسال عن جوابه ... فراس وهو ضاغط على نفسه يبتسم : مافيها شي ! راح تجلس وانا شوي وبوصلها معاي لبيتها غادة وهي منزلة راسها بألم : بيتي ؟! ... هالمكان بعيــد كثير .. خالد : ليش انتي فين ساكنة ؟! غادة بلعت ريقها : مو مهم ... فراس بتصريف عنها : ماقلت لي شصار على صفقتك مع حمدي ؟! انشغل خالد بالكلام مع فراس بينما ريم كانت تطالع بغادة باهتمام .. مسكت يدها وقالت بنعومة : بدك نطلع شوي نتكلم براحتنا ؟! سحبت غادة يدها من يد ريم : مرتاحة هنا ! ريم : ههههههه طيب ليش اعصابك مشدودة .. مايكون خايفة اعمل فيك حاجة ؟! غادة تجاهلتها .. تحس فيه حمل ثقيل بصدرها : .................. فراس بروقان : ايه استاذ خالد كلمنا كيف قابلت المدام ؟! خالد طالع ريم وقال : مافيه قصة مهمه .. المهم انها صارت كل حياتي اللحين فراس : الله يهنيك .. بس انتبه لحياتك لايجي يوم تنسلب منك من حياتك ريم طالعت فراس ورفعت حاجبها .... خالد : ههههههه شتقصد ؟! فراس بطبيعية : ماقصدي شي .. قصدي ان لك عيال بالسعودية الله يخليهم لك فلا تخلي المدام تاخذك منهم " كمل " حرام توهم صغار خالد : وش جاب لجاب اللحين ؟ فراس : مو قصدي اتهمك .. انا عارف انك تعتبرها نزوة ريم : شو قصدك هلأ ؟! فراس : ليش مامعي حق ؟! خالد : استاذ فراس ماله داعي هالكلام .. الاحترام حاجة ضرورية كمان فراس : من متى الحق ينافي الإحترام .. لاتقول انك ماخذها جد لاتصدمني فيك أبو ريان تراك متزوجها مسيار خالد : تقنعني انك ماسويتها قبل وتزوجت مسيار !؟ فراس : لا اقنعك ولا تقنعني .. وماني في مستوى اتقارن فيه معاك بهالحالة خالد شد على قبضته ..: ................... فراس : عموما الله يهنيكم ... لازم نتقابل ثاني على فكرة عندي صفقة بتعجبك خالد بهم : ان شاء الله ابتسم فراس وهو يوقف .. طالع غادة بحده : مشينا ! وقفت غادة وهي تطالعه مافيه شي تفهمه بهالإنسان .. اول ماطلع فراس ضرب خالد على الطاولة بعصبية ورمى الصحن بالأرض ريم : شو بك حبيبي روق .. وبعدين ليش مارديت عليه ؟! خالد : انتي عارفه هذا مين ! ماتكلم بهالوقاحة الا انه عارف مستواه وعارف اني الخسران لو ارد عليه ريم رفعت حواجبها : ولو .. المصاري مابتسمح لك تكون هيك خالد : قومي بس انسدت نفسي ! ريم : والسهره اللي وعدتني فيها .. خالد ماله خلق : اجليها !! بالسيـارة ... كان صمت طول الطريق قاطع الصمت رنين جواله تنهد وهو يطلع جواله من جيبه ويرد : أيـوه ؟! ............... زين ............. لا دايخ بنام اتركها بعدين سكر السماعة ... السايق : الفندق او الفيلا ؟! فراس : الفندق اول ! مسك جواله ودق على رقم : مسعود .. خلك تحت عشان تاخذها لفوق سكر السماعة ثم التفت لها : وش اسمك الكامل ؟! غادة التفتت له بخوف : ليه ؟! فراس : شنو ليه .. سعودية وغصب عنك بعرف من اهلك وكيف وصلتي هنا ! غادة بلعت ريقها : ............. فراس : انطقي ولا بعرف بطريقتي الخاصة غادة : غادة .. فراس : وتبن ... وش لي باسمك ابي العائلة ! غادة وعيونها تلمع : ما ادري من ابوي .. والله لو اعرف قلت لك فراس : مالك اسم بالنظام يعني ؟! غادة هزت راسها بانكار : .................. فراس : اذا مالك اسم بالنظام معناها ماعمرك كنتي بالسعودية ! اجل كيف تكلمين اللهجة السعودية بطرابلس ؟! غادة سكتت : .................. فراس : مو جالس العب معك هنا ! تكلمي لاني منك او من غيرك بعرف غادة : خدامتنا كان سعودية ... وعرفت منها فراس : خدامتكم سعودية ؟! .... متى فتح باب الاستقدام بالسعودية ؟ ... غادة : جيرانا كان سعوديين قصدي .. فراس : خدامتكم .. جيرانكم ... راوغي كمان بس اذا تبين تنفلتين من يدي لازم تعطيني الأجوبة اللي ابيها غادة دمعت عيونها ومسحت دمعتها بسرعة : مو ضروري انفلت .. ماعدت ارجي من هالدنيا شي اساسا فراس : البنت الصغيرة معاك ؟ بنتك ؟! غادة حست لو تقوله بنتها بيسأل اكثر عن الأبو وبيتهمها اكثر قالت : بنت صديقتي ... ماتت واخذت الوصاية عليها فراس بشك : اها غادة لفت راسها ماتبي تطالعه حتى : .......... من هالناس اللي رحنا لهم ؟! فراس بسخرية : متوقعه جواب حضرتك ؟! غادة : ليش لا ... دام انك غصبتني احضر .. هذا اقل حقوقي فراس : مالك حق غير الهواء اللي تتنفسينه .. فلا تتفلسفين وانزلي غادة لما شافت مسعود حسته المنقذ اخيرا بتطلع .. فتحت باب السيارة ونزلت حتى وصلت لغرفتها كانت رنيم نايمة طالعتها بألم ثم استلقت ع سريرها حتى دون تبدل وسيلان الدموع على خدها ....والثقل بصدرها يكبر *** دخـل أبو نايف البيت الساعة 4 .. توجه لغرفته وجه كلامه لأم نايف مباشرة : وين ولدك ماراح يصلي العصر ؟! ام نايف بالم : وهو متى طلع يصلي اصلن يصلي بالبيت ... حابس نفسه بهالغرفة مايطلع منها ابو نايف : وانتي وينك ! كلميه عقليه !! أم نايف : تعبت احاكيه .. " كملت بتردد " والصدق يابو نايف انت غلطت يوم ضربته كسرته كذا ! ابو نايف تنهد بضيق : وينه اللحين ؟! ام نايف : بغرفته .. وقف ابو نايف وطلع بصمت ... أول مادخل حصل ميهاف جالسة معاه قال بهدوء : ميهاف يابوك اتركيني انا واخوك لحالنا ميهاف وقف تطلع : ان شاء الله يبه طلعت ميهاف من الغرفة .. بينما لؤي كان جالس على الكنبة ومسند ذراعه على ركبه طالع ابوه بصمت : ...... جلس أبو نايف بعد فترة صمت : ليش مارحت للمسجد تصلي ؟! ابتسم لؤي ابتسامة جانبية : جاي عشان تسألني عن صلاتي ؟! وينك الاسبوع هذا كله ؟! ابو نايف : وليش هالفترة كلها تصلي بالبيت ؟! حرمة انت ؟! لؤي : صلاتي ... بيني وبين ربي ابو نايف : ومتى ناوي تداوم ..؟ لؤي : ماتركتني اروح لدوامي .. ابو نايف : قصدي دوامك بشركتي ! لؤي : قلت لك من قبل ماراح اتوظف عندك .. وظيفتي تنتظرني بالكويت أبو نايف : ولمتى هالعناد لؤي ؟ من متى تعارضني .. اعرفك دايم الهدي الرضي لؤي : وانا ماقلت ماراح اتوظف .. انا تحت امرك وبتوظف بس من حقي اقل شي اختار وين اتوظف ابو نايف :طيب اقلها اطلع من غرفتك وش هالعزلة ؟! لؤي : مابي اطلع ! ابو نايف بتردد : انا اسف اني ضربتك .. ماكان يحق لي امد يدي عليك لؤي بتأييد : فعلا ماكان يحق لك ....... ابو نايف : وهذا انا اقولك اسف اللحين ! لؤي : اقدر اروح الكويت بكرة ؟! ابو نايف : قلت لك الكويت مافيه لؤي : اجل اعتذارك هذا مايشكل لي أي اهمية .. أبو نايف بحدة : لؤي ! لؤي التفت بصمت : .............. تنهد ابو نايف وقام يطلع : خلك بالطين لين يلين اجل ! نزل لؤي راسه لما تسكر الباب ... وقلبه يقبضه وهو يتذكرها اشتاق لها بشكل مب طبيعي ... *** إبتســام : جالسة رجل على رجل بأناقة بكشختها الناعمة اليومية .وشعرها الأسود رابطته بوني تيل مع خصل على وجهها ..وقدامها على الكنب مجموعة من زميلات العمل طلعت من الدوام معاهن وعزمتهن بيتها .. وقفت برشاقة وهي تتنقل بينهم تصب لهن القهوة ومبتسمة : والله نورتو المكان وحده من الزايرات : ما شاء الله على بيتك يا ابتسام يجنن الثانية : هههههههههه عاد تصدقني لي يمكن خمس سنين اشتغل عند الشمري ولا عمري دخلت بيتهمواللحين قدرت بفضلك ابتسام : تنوري بأي لحظة ياقلبي البيت بيتك .. تصدقوا مؤتمر اليوم فيه عيوب كثيرة بس مدري ليش محد تكلم ؟ : اذا قدم المؤتمر احد من عائلة الرئيس ابو نايف محد يتجرأ يعارض .. يعني لو احد ثاني تكلموا ابتسام : هالكلام مو صحيح .. انا بكرة بقدم له رأيي بصراحة صوت نايف من برا : إبتسام : شكل هذا زوجك رجع من الدوام ابتسمت ابتسام : ثواني وراجعة .. خذو راحتكم ومدو ايدكم طلعت من غرفة الضيافة وكان بالصالة .. طالع غرفة الضيافة : اليوم كمان ؟! ابتسام رفعت حاجبها : لايكون مضايقينك ضيوفي ؟! تنهد نايف .. له فترة يبي يجلس معها مو قادر ياضيوف بالبيت ياتطلع تزور عالم : ....... ابتسام عقدت حواجبها : مناديني ومطلعني من ضيوفي عشان توقف كذا بس ! نايف : انا عازمك بكرة على الغداء .. فضي نفسك بنطلع لمطعم ابتسام : بكرة عندي اجتماع .. قاطعها نايف : ألغيه ! ابتسام : ماراح الغيه .. مقدر نايف : طيب عازمك اليوم على العشاء ابتسام : طالعة ماني موجودة نايف : مطولين هالضيوف عندك طيب ؟! ابتسام : ايوه بيتغدون هنا .. بوصي غداك لك فوق نايف شد على قبضته : لا تكلفي على حالك ! ماني موجود هزت كتوفها بعدم اهتمام : اوك ورجعت لضيوفها ... صعد نايف لغرفته فوق وسحب شنطه صغيره من فوق الدولاب وهو يرمي ملابسه فيها بقرف طابت نفسه من هالعيشة ونزل وركب سيارته دق جواله " نهى " تنهد ورد باقتضاب : نعم ؟! جاه صوته الطفولي : بابا ! ابتسم نايف ولان صوته : هلا حبيبي يزيد : اشتقت لك نايف تسند بجسمه على الكرسي : انا اكثر .. شتسوي اللحين ؟! يزيد : اتغدا نايف : بعد الغداء قول لماما تجهزك بمر اخذك يزيد بحماس : ياااااااااااااااااي نايف : يله روح تجهز اجل جاه صوتها : على فين !؟ نايف : طالع معاه نتمشى .. حرام ؟! نهى : اخيرا فضيت له ؟! اوك راح نكون جاهزين نايف : عزمتك ؟! نهى : ومن متى تطلع مع يزيد لحالك ! نايف : من اليوم نهى : مو بكيفك نايف لاتصير معقد انا طالعة معاكم نايف : مسافة الطريق واكون عندكم .. ويطلع لي يزيد بس ! وسكر السماعة .. حمقت نهى تعرفه صح طيب بس كلمته ماتتغير قامت بحمق : تعال نجهزك لابوك ! *** سـارا / : انتي بالشهر الثالث .. انتبهي لحالك ولاتجهدي نفسك لأن حملك صعب شوي تنهدت .. له شهر غايب اللحين بلا حس ولا خبر كانت جالسة بكافي وجمبها كيسة الصيدلية لأدويتها وجوالها بيدها مفتوح على اسم " فراس الشمري " مترددة تدق ولا لا .. بس الظاهر الموضوع ماعاد خيار لازم تدق حطت الجوال على اذنها ويدها ترتجف .. جاها الرد : أيـوه ! سارا بلعت ريقها : السلام عليكم فراس : وعليكم السلام . سارا ماعرفت كيف تبدا الموضوع .. يمكن لانها ماتوقعته يرد : ........... فراس : الو ؟ سارا : آآ ... ابي اكلمك بموضوع و .... اكيد ماكنت ابي ازعجك بس مالي غيرك فراس : لؤي ؟! سارا بقلق : شصاير معاه ؟! من سافر مايرد علي ... و .. انا خايفة صاير شي فراس : عنده ظروف عائلية ... عموما ما اتوقع انه بيتواصل معك بعد اللي صاير معاه سارا : .............. شهالظروف ؟! فراس : ظروف ماتخصك .. نصيحتي اطلبي ورقتك وروحي لأبعد مكان قبل يوصلك أبوه ! سارا : ........... فيه حاجة مهمة ابيك توصلها للؤي فراس بسخرية : رسالة وداع ؟ سارا : ماقررت ارحل عشان اودعه ... فراس : اخرتك مقرره سارا استنشقت كل هوا الغرفة وقالت بصعوبة وهي ماتخيلت بتوصل لمعلومة لفراس قبل لؤي : انـا حـامل فراس نزلت عليه زي الصاعقة ..: ................ سارا : الشهر الثالث ... لؤي لازم يعرف .. فراس وقف وطلع من الغرفة ضاق فيه الأكسجين .. قال وعرق براسه طلع من الضغط : ولؤي لازم يعرف ؟! بأي حق تحشرينه بحياته وتنشبين ولد فيه !! بأي حق تحملين اساسا وانتي مو ضامنه هالولد بيطلع في بيئة سليمة ؟ من عطاك حق تظلمين هالولد مين ؟! سارا انضرب قلبها .. كلامه صح وهذا اللي يكسرها : .................... فراس : لهالدرجة تحبين الفضايح والعلن ! عارفة هالولد وش بيصير له اللحين من ورا اللي سويتيه ؟! سارا : ماني مذنوبة لحالي .. ما اخترت هالشي فراس مسك راسه .. وقال بحدة : من هاللحظة ماتقدمين على تصرف الا بأمري .. سامعة ؟! سارا : شلون ؟! فراس : يعني كملي حياتك لحد ما اقرر وش لازم تسوين ...! الظاهر منتي عارفه حجم المصيبة اللي حطيتي نفسك فيها سارا : وإيش يهمك !! فراس : ماهمني انتي ! همي ولد لؤي اللي انتي شايلته سارا حست انها مو في وضع تقدر تتصرف لحالها : طيب قول لؤي يرد علي .. فراس : شاسوي بها هذي ؟! اجيها من هنا تجيني من هناك ! " كمل بقسوة " اقولك لؤي مو فاضي لك يابنت الناس ولعد تنتظرين منه شي سارا : حتى لو انا ما انتظره .. ولده معاي وهذا يلزمه فيني فراس بسخرية : قولي من الأول انك سويتي كذا عشان يلزم فيك غصب ! سارا : ماراح اتعب نفسي اتحاور مع عقليتك المريضة فراس : وانا ماراح اتعب نفسي افهمك هالشي مرتين ... لاتجربي تتواصلي مع احد او تخبري احد باللي في بطنك سامعة ؟! وانا بدق عليك قريب واي حل افرضه لك تمسكي به بكل قوتك لأنه راح يكون حلك الوحيد سارا بسخرية : وانتي ليش تتعب نفسك تحل مشكلتي ؟! فراس : قلت لك من قبل .. انتي شايله ولد لؤي وهذا لحاله شي يرفع مقدارك حتى لو انتي ماتسوين سارا : ....... انت فين ؟ اقدر اقابلك ؟! فراس : انا برا الكويت سارا : فين ؟! فراس بنبرة صارمة : مو اني قلت ولد لؤي يرفع مقدارك معناها تفليها بالاسئلة .. ما أقبل اخوي براسه يسأل اسئلة خاصة فيني كيف انتي ! " كمل بهمس حاقد " يكفي المصيبة اللي جبتيها للكل سارا سكتت وهي ماسكه راسها .. كان مكالمته حسستها بحجم السالفة .: مع السلامة سكر السمـاعة وهو ضاغط على راسه فعلا مصيبة وطاحت على راسهم سحب السيجارة الثالثة من دقت عليها سارا للحين وهو يسحب منها بجنون .. تنهد ورفع جواله ودق على لؤي : هلا فراس ! فراس : كيفك ؟! لؤي : زفت .. ابوي للحين مو راضي ارجع للكويت فراس تنهد : وش ناوي تسوي ؟! لاتنسى ان زوجتك هناك .. لؤي : مو عارف .. الوضع مصيبة للحين ماتواصلت معها حتى مو عارف شاقولها ... وبعدين من متى تهتم انت فيها؟ فراس : مهما كانت تضل مسؤوليتك .. لؤي : عارف .. عشان كذا محتاج ارجع للكويت فراس : طيب داوم مع ابوك بالشركة هالفترة اكسب ثقته .. وعقبها افتح سالفة الكويت .. لؤي : لا ! شركته ماراح اشتغل فيها ان شاء الله ما اشتغل طول عمري فراس : اجل هالعناد اشك انه راح ينفعك .. لؤي : بيفرجها ربي ان شاء الله ... رجعت للكويت ؟! فراس : لا .. بسويسرا لؤي عقد حواجبه : وايش سويسرا هذي بعد ؟! فراس بسخرية : جمهوية فيدرالية في غرب اوروبا مهد الصليب الأحمر وديمقراطية من الدرجة الأولى لؤي : بايخة .. ضحكتني وانا مالي خلق اضحك فراس : ادري عنك وسؤالك الغبي لؤي : ومتى راجع .. ؟! لاتنسى زواج اخوك قريب بعد فراس : تو قدامهم شهر .. المهم انت صلح امورك مع ابوك مب من مصلحتك تعارضه مهما كان يضل ابوك وماسوى كذا الا من حرصه عليك لؤي : يصير خير ... بس صدق وش تسوي بسويسرا ؟! فراس : فيه كم حفلة معزوم عليها .. اول ماتخلص برجع لؤي : بالتوفيق اجل .. فراس : يله سلام .. سكر السماعة وهو للحين ماسك راسه .. وش يسوي الموضوع بجد مصيبة ! الله يسامحك يالؤي على هالبلوة , دق جواله رد : نعم مسعود ؟! مسعود : كيفك ياطويل العمر ؟! فراس ماله خلق : من الآخر ؟ مسعود : الضيفة مريضة .. فراس : مريضة ؟! مسعود : ايه تفاجأنا اليوم وقت الفطور ان معها حمى قوية .. وشنو نسوي انت مانع طلوعهم من الفندق نهائي ؟! فراس : دق على دكتور يجي بالبيت .. ولعد تكلمني بموضوع سخيف ! مسعود : حاضر .. سكر فراس السماعة ورماها وهو ضايقة فيه .. بس لازم يتجاهل موضوع لؤي وزواج بدر شوي , لازم يركز عليها اخيرا حصلها دق على رقم معين : حدد موقعها لي اللحين وارسله لي .. وسكرهـا وهو يستعد لخطوته الجاية .. *** نـايف : - وقفت سيارته قدام بيت نهى بعد ما انتهى يزيد من الفرفرة .. يزيد بحماس ووجهه ملون برسومات وبيده بالونة ومجموعة اكياس : بابا انزل معي نايف : لا مقدر مشغول .. انزل اضرب الجرس وبنتظرك تدخل نزل يزيد .. بعد فترة انفتح الباب وحرك سيارته اول ماحركها دق جواله " نهى " تنهد ورد : وصلك يزيد ؟! نهى : ايه ! ... بس حبيت اذكرك اني مسافرة الأسبوع الجاي نايف مسك راسه ناسي تماما .. مو وقته يزيد اللحين تنهد وقال : متى الاسبوع الجاي بالضبط ؟! نهى : الإثنين .. نايف : خلاص جاي اخذه الأحد نهى : وفين بتحطه ؟! نايف متنرفز : احطه وين ما احطه ! ولدي وكيفي اطلعي منها سكر السماعة خلاص تعب فين مايروح نق و تحقيقات وغيرة ترفع الضغـط .. حرك سيارته لحد ماوقفت سيارته قدام البوابة الفخمة وانفتحت له ووقفها ونزل .. دخل البيت ماحصل احد قدامه وقف عند الدرج ونادى : يممممه !! .... يمم نزلت له ميهـاف : اووه نايفف .. هلا والله نايف : فين امي ؟ ميهاف : برا مو بالبيت ... بس مو مطولة شوي وترجع نايف تنهد : ولؤي وين ؟ ميهاف حاست بفمها بضيق : وين بيكون في غير غرفته .. اعتكاف نايف جلس على كنب الصالة .. ميهاف جلست قباله : ليش تبغى ماما ؟ نايف : نهى مسافرة الأسبوع الجاي .. ميهاف : اها .. يزيد يعني ؟! نايف : ايه .. ماعندي مشكلة اخذه ببيتي بس امي اللي كذبت على ابتسام وهي اللي تتحمل أجل ميهاف : اوك بناخذه ان شاء الله .. بس شفيك معصب كذا ؟! نايف متنرفز : من قال معصب ! ؟ ميهاف فتحت عيونها باستنكار مرة الأخلاق قافلة : محد .. فتحت جوالها تنشغل فيه .. واضح انه مو في مزاج سوالف بعد فترة وقف : قولي لأمي ان يزيد الأسبوع الجاي عندها وبس ! ميهاف : ان شاء الله .. اوه صح بغيت انسى قول لإبتسام ان ام عبد الله ودها تحضر بس ماتقدر ومشغولة نايف عقد حواجبه : تحضر ايش ؟ ميهاف : سهرتكم بكرة ! نايف : سهرتنا مين ؟! ميهاف استغربت : معقولة ماتدري ؟! نايف : واضح اني ما أدري فانطقي ! ميهاف : بكرة ابتسام مسوية سهرة ببيتكم .. اكيد كان بتقولك بس نست نايف سكت لفترة ثم شد على قبضته وقال بهدوء : لا تنسي تقولي لأمي عن يزيد عقدت ميهاف حواجبها بعد ماطلع : شفيه ماكل مليون تبن ؟! *** نهـى : - جالسة رجل على رجل بعد وتحقق مع يزيد : بس لحالك انت وبابا ؟ يزيد : ايه بس انا نهى : طيب .. ماقالك شي ؟ ماكلمه احد ؟ يزيد هز راسه .. نهى : اصعد بدل ملابسك ونام اول ماصعد مسكت جوالها ودقت : الو .. هلا تغريد ........ ابي منك خدمة ....... زوجة نايف سمعت انها مسوية سهرة بكرة ........ تعرفي امه راح تكون هناك وراح تسوي لي سالفة ........... ابيك تروحي مكاني وتسويلي خدمة .... راح افهمك كلش اللحين *** اثنـاء ماهي تتسوق بين الماركات العالمية .. وقفت مكانها وهي تشوفه متسند على جمب وكأنه كان ينتظر خروجها وقفت قدامه : خل نكون منفتحين لبعضنا .. هلأ انتا لشو راجع ؟! شو بدك ؟ فراس : ما أبي كثير .. بس حياتك انتي واللي معك ريم : ههههههه شو ضريف .. مافهمت من المرة اللي فاتت الدرس ؟ فراس وهو يدخل نظارته بجيب جاكيته : لا الظاهر ان الإستيعاب عندي بطيء .. ودكم تعيدون الكرة معي يمكن افهم .. ريم رفعت حاجبها : ماتتهور .. تندم وقتها فراس : خليني افهمك شغله .. " قرب منها واحتدت عينه فيها " راح اسلب حياتك واللي معك مثل ماسلبتو اغلى حياة بعمري .. حتى لو اضطريت اخسر حياتي معاكم ريم : انتا مو فاهم مع مين بتلعب ؟! فراس : انا تجاوزت مرحلة اللعب .. ماعدت العب معاك خلاص ريم : ولشو كل هالمراوغات اذا بدك حياتي .. راح تحتاج اكثر من تواصل مع جوزي فراس ابتسم ابتسامة جانبية : مين قال اني بوصخ يدي فيك ؟ اذا ضبطت معي فنهايتك على يده ريم : لنشوف .. بس انتبه ع حالك وقت الي بتعرف فيه عصابتي عنك راح تكون نهايتك متل نهاية ابوك فراس طلع نظارته من جيبه ورجع يلبسها : بعيد عن عيـونك .. عموما هاتي اللي عندك وانا بعطيك اللي عندي وبنشوف من اللي لعب غلط ! ومشى بطريقه حتى ركب سيارته واطلق امره للسايق : حرك *** المسـاء .. عند ابتسام :- تنهدت بضيق وهي تشتغل بمكياجها .. من امس مارجع للبيت .ومستحيل تدق عليه اساسا مو ضروري تهتم وقفت بأناقة قدام المراية الطويلة تقيم اناقتها لهالحدث الراقي لنساء المجتمع الراقي اللي صارت وحده منهن مسحت بيدها على طقم الألماس والحق الألماسي .. تغيرت ماعادت مثل أول تنهدت ونزلت بخطوات أنيقة وهي تمشي بين التحضيرات : كل حاجة جاهزة ؟ الضيافه اهم شي ! : كلش جاهز مدام ابتسمت ابتسام : اوك شكرا ضرب الجرس .. فتحت الخادمة اللي كان مستعدة تفتح دخلت بعد فترة ام نايف وميهاف وفهد , جلست ابتسام القرفصاء وهي تستقبل فهود بحضنها : هلا هلا والله بالبطل فهد باس خدها ... ابتسام : لبى دلبك ياناس ام نايف سلمت عليها : كيفك ؟! ابتسام : حمد الله .. انتو كيفكم وكيف عمي ؟ ميهاف سلمت وهي مستعجلة : فين المرايا ياقلبي ابي اضبط مكياجي قبل يجي احد ابتسام : تفضلي من هنا جلست ابتسام مع أم نايف بالجلسة المخصصة بالحديقة لهالسهرة : ما شاء الله وش هالزين اليوم ابتسام : من ذوقك والله .. رجعت لهم ميهاف : بصراحة كشختي صارت ماتسوى جمبك مع بوت أنيق كعب أسود ... ابتسام : هههه تسلمي خذي راحتك تفضلي ميهاف : غريبة حنا اول من جا .. توقعتنا متأخرين ابتسام : ايه انا كمان اتحراهم من أول ميهاف : ايه صح ابتسام .. شفيه نايف امس معصب ؟! ابتسام عقدت حواجبها : امس ؟! ميهاف : ايه جا بيتنا ومعصب بجد .. صاير معاه شي ؟ ابتسام : ما اعرف والله .. كان عادي لما جا البيت ميهاف : غريبة اجل وقفت ابتسام : انا رايحة اشيك على التجهيزات.. بعد فترة توافد الحضور .. وصارت الحديقة مكتظة .. وداد : غريبة أم فراس للحين ماجت ؟! ميهاف : عادتهم يتأخرون عادي سجى ابتسمت : سمعتي وش صار ميهاف ؟! ميهاف : لا .. شنو ؟! سجى : ام فراس كلمت امي عن فراس .. و " وردت خدودها " فتحت ميهاف عيونها : ايه ؟ سجى : مافيه حاجة رسمية .. بس نقول ان شاء الله وداد : لا تتحمسي ياهبلة .. ترا امه قالت انه رافض بس بتحاول تقنعه وماظنيت فراس يقتنع سجى بحمق : وليه ! ميهاف : اش اش هذي ام فراس جت اسمـاء توجهت لجلستهم وجلست بثقة : هاي قيرلز ميهاف : تعالي اسوم معاي شوي اسماء : فين ؟! ميهاف : خل نروح نشوف ابتسام تبي مساعدة او شي ؟! وقفت اسماء معها واثناء ماهم يمشون طالعت ميهاف اسماء بلوم : حرام عليكم سجى من شوي تتكلم عن خطبة امك .. ليش تعلقون قلبها كذا ؟! خصوصا وكلنا ندري ان البنت تحبه .. اسماء : وانا ايش عرفني .. قلت لك هالموضوع ساحبه نفسي منه نهائي ميهاف : والله غلط .. وظنك اخوك بيقتنع ؟! اسماء : ما أدري برضـو " ابتسمت وهي تشوف ابتسام " هلا والله بسومة ابتسام : هلا بالزين .. بدري يختي !! اسماء : شاسوي بدر اللي جايبنا وقعدنا ساعة ننتظره ! ميهاف : على طاري .. وش سوا بالاثاث طلبه !؟ اسماء : وش اثاثه مدري ميهاف بقهر : وانتي ماتدرين عن حاجة !! ابتسام : ههههههههه روقوا ياحلوات وروحوا اجلسوا الضيافة بتبدا ميهاف وهي تطالع المكان والتصميم الراقي والاضائة .. كانها مو حديقتهم : جميل الشغل بالمكان ابتسام .. مبدعة بصراحة *** بسيـارة بدر .. ونايف جمبه .. بدر : وليش ماعلمتني انك بتسافر ؟! اقلها اسافر معك نايف : لأني مابي احد .. ابي فترة راحة لحالي كم يوم بدر : راحة من إيش .؟ نايف : من كلش .. بصراحة الجو هنا زفت بيت اهلي متوتر بيتي متوتر وش يجلسني يعني ؟ بدر : حل التوتر هذا بدل ماتنحاش لحالك نايف متنرفز : وش فهمك انت ! بدر بقهر : انا وش فهمني ؟! انا فاهم كلش انت اللي مو فاهم نايف : وصلنا خلاص ... يله في امان الله بدر : الله معــك توجه لطيـارته وركبها وهو يحس براحة .. الرياض معد تنطاق بالنسبة له *** اثنـاء عزلتها لحالها في غرفتها .. الأنوار كلها مسكرة وضامة مخدتها لصدرها والشي الوحيد المحسوس بالغرفة ريحته الباقية ... دق جوالها بعد فترة فزت " فراس الشمري " ردت بسرعة : أيـوه ! فـراس : كم يوم تحتاجين عشان تجهزين نفسك تسافرين للغرب ؟ سارا : الغرب ؟! فراس : اتوقع امريكا تناسبك ؟ سارا : ليش اسافر ..؟ فراس : لان هذا حلك الوحيد .. اللحظة اللي يكتشفك فيها أبو لؤي راح تخسرين لؤي والولد , دامك تقدرين تحافظين على واحد فالحقي على نفسك سارا : لؤي عرف ؟ فراس : ايه .. وسوا نفسه ماسمع ششي سارا لأول مرة تحس انها مجروحة بجد : مستحيل .. فراس : سافري لأمريكا .. ولاتطالعي ورا ولا تنتظرينه لانه ماراح يكون موجود سارا : أنت تكذب .. مستحيل يكون عرف .. مستحيل فراس : بكـرة .. الساعة 10 مساء طيارتك , وتذكرتك جاهزة ومكان سكنك جاهز حتى تكاليف المستشفى جاهزة ونقلت ملفك .. سارا والدموع رسمت خنادق على خدها ...وكلش فيها ينهار ..: ليش الرحيل هو الحل الوحيد ؟! مافيه غيره ؟ فراس : لاتفوتي طيارتك بكرة .. فراس سكر السماعة .. وهي جلست بصدمة والدموع تنرسم فيها , وهي تطالع صورته على الطاولة وهو مبتسم بحيوية .. معقولة هالإنسان الطيب .. اطيب انسان عرفته بحياتها يتركها كذا .. *** إبتســام : - جالسة وسط سيدات المجتمع وتسولف معهم بطلاقة .. حتى ان مواضيعها صارت تشبه مواضيعهم , في نقاش بعيد عنها .. ميهاف : معها حق والله .. فعلا الرجاجيل اسرارهم واجد ومقرفة وداد : اسأليني انا .. لسى ماتزوجنا واسمع مصايب اسماء فتحت عيونها : تسمعين مصايب وش الله حادك تاخذينه ؟! وداد : وش اسوي يعني ؟! كل الحريم كذا الصبر اسماء : والله ما أصبر .. وجع بعد !! ريهام : ياحبيبتي ماتكتشفين اساسا هالاشياء الا لما يطيح الفاس بالراس تغريد " صديقة نهى " قالت بصوت عالي خصوصا ونص المجلس منتبه لهالنقاش : هههههه شفيكم بنات والله كلكم هوال احمدوا ربكم .. اجل ابتسام ايش تقول ؟! الكل صار يطالع جهة ابتسام ... ابتسام وهي مبتسمة وضابطة نفسها : ايش اسمك انتي ؟! تغريد : اهلين انا تغريد ابتسام : ومن تطلعي ياتغريد ؟! ام نايف : هذي وحده من ربوع ميهاف اول .. ابتسام : اها ياهلا والله .. طيب ايش قصدك ياتغريد ؟! تغريد وهي متنرفزة من انضباطها وثقتها : يعني البنات يشكون عشان اكتشفوا سر عن رجاجيلهن انهم يدخنون .. او يسهرون فقلت ايش مفروض تقولي انتي وزوجك مخبي عنك عائلة كاملة ؟! ابتسام : برضوا مافهمت .. أي عائلة !؟ الكل استغرب .. معقولة ماتعرف ان نايف كان متزوج ومطلق : ........... تغريد : معليش ياجماعة الخير بس المحترمة ام نايف ماعلمت البنت المسكينة عن ماضي ولدها ... " تقدمت كم خطوة من ابتسام " ياحياتي زوجك متزوج قبلك وحدة وعنده منها ولد والمشين انه للحين يتواصل مع طليقته ويجلسوا مع بعض .. ابتسام انصدمت .. اجل السالفة كذا ؟! :.............. تغريد : عاد حرام تنرحمين .. مو كافيك اختك اللي انحاشت ليلة مافيها ضو قمر بعد تطيح ع راسك هالمصيبة ابتسام رفعت حواجبها بثقة : ومن قالك اني ما أعرف .. " كملت بألم " نايف الله يخليه لي يارب مايخبي عني شي واذا الرجال كان متزوج مايعيبه شي دامه رجال ومسؤول تغريد : احلف انك ماكنتي تعرفين ! ابتسام : انا اللي بحلف انك لو ماتطلعي اللحين من بيتي راح اسود لك عيشتك .. ويله اذلفي مجلسي يتعذرك ام نايف حست بتأنيب ضمير .. كيف خبو عليها صدق مالهم حق : ...................... اول ماطلعت تغريد .. ابتسمت ابتسام : العشاء جاهز ياجماعة الخير .. تفضلوا مافيه شي من قيمتكم الكل طلع .. وام نايف يزداد اعجابها بهالإنسانه تذكرها بنفسها قوية وقادرة , وميهاف متعجبة من قدرتها هي جاها انهيار وبدر ماسوا مصيبة زي هذي كيف هي متماسكة .. اسماء همست بإذن ميهاف : كانت تدري صدق ؟ ميهاف هزت راسها : ما أظن .. اكيد ماتدري اثناء العشاء ماكانت ابتسام فيه .. سحبت نفسها وجلست بالصالة الداخلية لحالها وهي تمسح على وجهها .. انرمت بوجهها معلومة ماتوقعتها انتبهت ليد على كتفها التفتت " ام نايف " : لاتزعلين يمه .. كلش .. قاطعتها ابتسام وهي تبتسم : مازعلت .. بس لو كنتي قلتيلي وقت خطبتيني ان نايف متزوج وعنده ولد وش كان بيصير ؟! ام نايف : ايه والله اني غلطت .. بس ماتوقعت اني خاطبة وحده عاقلة بتقتنع لان كثير رفضوه بسبب هالعيب ابتسام هزت راسها : حصل خير .. ام نايف : قومي تعشي يله وقفت ابتسام ومشت معها .. وبالطريق قالت : ابي منك طلب خالتي .. ماتقولي لنايف نهائي عن اللي صار ام نايف : ليش ؟! ابتسام : كذا رغبتي .. ام نايف : على هواك اجل مشت ابتسام وكملت السهرة بطبيعية .. كانت فعلا صامدة لنهاية السهرة *** نـــايف – قطـر : - بكـازينو مليء بكل أنواع المتعة .. حفله مقامه على شرف وصولة لقطر جلس جمبه قاسم : شفيك يارجال ماقمت ترقص ؟ لايكون ما اعجبك المكان ؟ نايف حاس بفمه : مدري .. جالس افكر ليش المكان بجد مو عاجبني ؟! قاسم : اقول سقها .. تموت انت على هالأماكن وش تغير ؟! نايف ابتسم بسخرية على نفسه : هذي المصيبة .. اذكرني احبها وش صار لي ؟! قاسم عقد حواجبه : شفيك نايف منت على خبري .. نايف تنهد : ......... مدري تعرف احساس النقص لما ترجع لاشياء قديمه وماتحس بنفس الشعور كأن شغف فيني طفا قاسم ابتسم : معناها انك نضجت ياغبي ! نايف : هههههههه كأن هالنضوج جا متأخر ؟! قاسم وقف : اقول لابو هالمكان لابو ستين كلب .. قوم قوم نروح عند النافورة وهدوء وروقان وقف نايف وهو يطالع قاسم ياخذ كاسة خمره ويعطيه وحده : لا واللي يعافيك مالي خلق افقد عقلي اللحين قاسم : مو بكيفك بنكهة التمر .. المفضل عندك ابتسم نايف وهو يتذكر خمر التمر بالمالديف .. وكيف اهدرته بالزبالة عشان مايشرب قطرة منه , طالع بالسماء مجرد ماطلع من الكازينو .. اليوم سهرة ببيته اكيد طالعة قمر وهي متزينة .. غريبة كيف بيوم اشتاق لكل تفاصيلها شعرها الأسود بسواد الليل .. عيونها الغجرية اللي تطعنه بلا رحمة هالفترة جسمها الفاتن .. *** الكـويت : - طلعت هيفاء من غرفتها .. فتحت عيونها وهي تشوف سارا مجهزة الفطور ابتسمت لها سارا بانتعاش : الفطور جاهز! هيفاء : غريبة .. شصاير لج ؟ سارا : شصاير لي ؟! جويعة وسويت لي فطور .. هيفاء : جعله اول .. من صكيتي على روحج الغرفة امس وانا خايفة يكون صاير معاج شي .. ابتسمت سارا : مو صاير شي .. ارتاحي افطري جلست هيفاء .. بنص الفطور قالت سارا : هيوف هيفاء : ياعيون هيوف سارا : اليوم ارجعي لبيتكم .. واضح ازعجتك مرة بالجلسة عندي هيفاء : لا لا لا ازعجتيني ولا شي .. بصراحة شقة رجلج هذي رهيبة عاجبتني سارا : ايوه بس لؤي بيرجع قريب .. وابي ارتب المكان فطيري لو سمحتي هيفاء فتحت عيونها : رد عليج !! سارا : ايوه .. امس كلمني وقال بيرجع قريب هيفاء : حق انه فطور والوجه منور .. من اول قولي هناج العقلان سارا : هنـاك خير حبيبتي .. هيفاء : يله اجل انا بس افطور وبتقلع من ويهج بعد الفطور اخذت هيفاء اغراضها وطلعت .. اول ماسكرت سارا الباب راحت ابتسامتها وهي تمسح بعيونها على المكان .. جاها صوت التلفزيون " اعلان خسوف للقمر " ابتسمت بألم : الظاهر حتى القمر بيرحل اليوم .. جلست على الكنبة تتابع الأخبار وهي تطالع بأرجاء الشقة .. بكل زاوية فيها ذكرى لهم في المطبخ كلوا سوا , في غرفة المعيشة تابعوا افلام سوا , في غرفة النوم ناموا سوا ..سحبت جاكيتها وشنطتها ونزلت تزور السوبر ماركت زيارة أخيرة .. ابتسمت وهي تتذكر كيف أنتقد طريقتها مع البائع .. ماعرفت تلقى لرحلتها نهاية مكان يقودها للثاني .. شركة فراس هنا تقابلوا .. هنا دافع عنها بضراوة وقت الصورة .. بالحديقة رسم بسمتها فنص هموما .. هنا انطرد من شغله عشانها .. بشركتها احتفل فيها وبنجاحها ... شقتها القديمة .. زارها كثيـر هنا ووصلها كثير .. جلست على جانب الطريق وذكرى تنسج احداثها بعقلها .. ( قبل زواجهم بكم يوم .. كانوا مستلقين على ظهورهم على العشب ويطالعون السماء حضن يدها الناعمة بيده وأبتسم لها ابتسامته المعروفة : مو مصدق انا بنتزوج خلاص سارا ابتسمت : انا كمـان .. ماتدري قد ايش خايفة لؤي : طبيعي كل عروس لازم تخاف بعد صمت لفترة نطق : سـارا سارا : عيونهـا لؤي : اذا عشنا سوا .. يمكن تواجهين ايام صعبة بسبـتي او بسبب أهـلي شدت سارا على يده : لاتخاف خل نحب بعض ونكون مبسوطين سوا .. في كل يوم وكل لحظة من حياتنا , ما اتوقع فيه شي اهم من كذا .. لؤي ابتسم : أحبـك ورب الكـون أحبك .. احس أي لحظة بعيشها دونك مالها قيمة سارا : وانا اكثـر .. الله لايحرمني منك ) لازم تنهي هالرحـلة .. الساعة 6 راح تتابع خسوف القمر وتدمع معاه وهي تطير بعيـد عنه .. لؤي انا متأكدة ان كلام فراس مو كلامك .. بس واضح اني بأخسرك اللحين او بعدين , راح يكون ولدنا صحي وسليم ان شاء الله شكرا لأنك كنت احلى مرحلة بحيـاتي .. *** اسمــاء :- نزلت وهي تفرك شعرها بنعاس وتتثاوب .. فتحت عيونها وهي تشوف امها بعبايتها وبدر واقف ولابس وياسمين بكابها نزلت الدرجات بخطوتين وهي فزعه : وين وين وين بتروحين ؟! ام فراس : بسم الله الرحمن الرحيم .. علامك انتي يهالبنت مرجوجة كذا ؟! بشويش بغيتي تكمبعين من الدرج اسماء مسكت يد امها : وين بتروحون وبتخلوني ؟! انس اللي جالس على البلايستيشن ورا : الله يخلف بس .. انهبلت البنت , بيتركونا للأبد بدر تنهد : مطولين انتو ؟! طالعين انا وامي وياسمين مشوار عشان الذهب وما الذهب اسماء زعلت صدق : وبتتركوني ؟! ام فراس : من متى تحبين تطلعين معي انتي لهالمحلات ! دايم تقولين مابي اسماء : لحححد يتحرك خطوة ... بجمح اجيب عبايتي واجي اطلع معكم .. " كملت بزعل " انا كم مرة اقولكم لاتخلوني لحالي بالبيت !! لهالدرجة واثقين فيني !! الكل عقد حواجبه وهو يشوفها ودموعها شوي وتنزل .. بدر : علامك اسوم ؟! اسماء وهي تضرب برجلها : كله منكم كله منكم ! لعد تخلوني لحالي !! ام فراس وهي تضمها : بسم الله عليك الرحمن الرحيم .. خلاص يمه ماحنروح ونخليك انس هز راسه : بنتكم ذي افياش مخها مفصولة اسماء وهي تمسح دموعها : ما اثق فيكم اصبروا .. سسوراا روحي جيبي عبايتي من فوق جابت عبايتها ولبستها وطلعت معهم ... ام فراس تحاكيها بجد : اسماء مرة ثانية لعد تصيحين من كلش .. والله طيحتي قلوبنا صاير معك شي انتي ؟ اسماء : لا ! وش بيكون صاير ! بس مابي اجلس لحالي دونكم .. انتو اهلي مفروض توقفون معي بدر : نوقف معك في ويش ! مريضة سرطان لاسمح الله !! اسماء تسندت على الكنبة براحه .. دامها معهم بغت تروح فيها لو راحوا وتركوها .. ماكانت تبالغ رغبتها مو معها لو يتركونها راحت له .. كبست بعيونها كم مرة .. رجعت تكبس ثاني ... رجعت تكبس : انا راسي مضروب ولا حنا واقفين قدام مدينة الملك فهد الطبية ؟! بدر : لا مو مضروب .. بننزل نعرضك على دكتور يفحص عقلك ذالمهوي اسماء فتحت عيونها بخوف : وششهو ! ام فراس : يمزح معك .. ياسمين للحين الحمى ماسكتها وانا خايفة عليها وديتها كم مستشفى مانفع بنجي هنا يمكن يلقون لها حل اسماء مسكت يد بدر : بدددر ! سكر علي السيارة وقفل الباب !! بدر عقد حواجبه : هاه ! اسماء : تكككففى قفل البيبان كويس .. ام فراس : وليش ؟! اسماء : ما أحب المستشفيات تخوفني ! بدر : يالله سترك من هالبنت ... مجنونة انتي ! اقول انزلي بوديك دكتور نفسي معادبك صاحية !! وش هالجنان ؟! اسماء : يمممممه شوفيه ! تنهدت ام فراس : اقول بدر اتركها وقفل عليها الباب .. ورانا محل الذهب وكم شغله خل نخلص اختك هز بدر راسه وهو يسكر الباب ويقفل عليها .. مشى بدر وهو يهز راسه : اعوذ بالله من هالبنت .. بكلش تسوي سالفة ام فراس : مدري علامها عاد ؟! وقف بدر وهو يشوف هيثم : هلا والله ابو مشعل هيثم اللي كان منشغل بأوراق بيده .. ابتسم وسلم : هلا والله .. كيفك شخبارك ؟! بدر : حمد الله تمام .. تصدق ناسي انك تشتغل هنا هيثم : عسى ماشر ؟! شتسوي هنا ؟ بدر : اختي تعبانة وجايين نشوفها .. انصحني بدكتور للحمى هيثم عقد حواجبه ( تعبانة كل هالفترة ؟ عشان كذا ماجت ) : فينها اختك ؟ بدر اشر لياسمين .. هيثم ( وتبن ! مب مريضة وش عذرها اجل ؟! ) ابتسم : ماتشوفين شر ياحلوه ياسمين بانجذاب للدكتور الوسيم .. وردت خدودها ومسكت يد بدر : ............. هيثم : هو فيه دكتور واحد بس ربع ساعة لين يجي .. تنتظرونه ولا مستعجلين ؟! ام فراس : لا مستعجلين .. " التفتت لبدر " مايمدي بعد هالخبلة برا بالسيارة بتفضحنا لو نتأخر هيثم ابتسم : اجل الدكاترة اللي هنا كلهم كويسين .. انت توجه لقسم الاطفال اخر السيب هناك وان شاء الله ينفعونك بدر : يعطيك العافية اجل اول مامشوا .. دخل هيثم القلم بجيب بالطوه وتوجه لبـرا المستشفى طالع بسيارة بدر وهو رافع حواجبه : شدعوه كل هذا ! مشى يم سيارة بدر .. وهو يطالعها منسدحة بالمرتبة الورا انفتحت عيونها وهي تشوفه واقف وكردة فعل طاحت لمكان الرجلين .. ضيق هيثم عيونه : بسم الله ! جلست وهي ماسكه راسها بألم ومسكت الباب بتفتحه مقفل والسيارة طافية ماتقدر تفتح النافذة .. كرهت نفسها بهاللحظة تبي تطلع له , هيثم كان عاقد حواجبه طول هالوقت وهو يشوفها مخبوصة تبي تفتح ومو قادرة انتبه لها تفتح شنطتها وتطلع ورقة وتكتب عليها ثم تسندها على النافذة عشان يشوفها ( هـاي ! ) هيثم عقد حواجبه وقال : خرساء لا سمح الله ؟ رجعت تكتب وحطتها ( الزجاج عازل الصوت ! ما اسمعك ) هيثم مسك راسه وعطاها ظهره وهو يرجع يدخل : انا الحمار اصلن اللي جايها .. تصنم محله وهو يسمع البوري يضرب التفت لها وهو مكشر وكتبت على ورقة كبيرة ( لحظظة ) هيثم تنهد بيأس وهو يطالعها .. رجعت تكتب على الورقة ( اشـتقت لك ( طالع هيثم وجهها البريء وعيونها السماوية وهي تطالعه .. طلع من جيبه ورقة وكتب ثم حط الورقة قدامها ( الكذب حرام .. لو مشتاقة بجد كان جيتي تشوفيني ) وهو رافع حواجبه وكأنه يطلب تفسير ... حطت ورقة مرة ثانية ( تبغـاني اجي ؟! ) عقد هيثم حواجبه بإنكار .. وطالع حوله ثم رجع يدخل رجعت تضرب البوري .. عض على شفته وهو يلتفت لها ثم يرجع يتجاهلها .. قابله على الطريق بدر متوجه لسيارته وابتسم وهو يشوفه يفتح السيارة ويصرخ فيها : وجججعع بعد !! خيير ؟! كمل طريقة لـداخل .. كأن العصبية اللي ماسكته الكم يوم اللي راحت اختفت .. طبيعي افقد جيتها لانها مداومة بالمستشفى اكثر من بعض الدكتارة .. مو معناها فيه شي خاص :/ *** إبتسـام وهي بطريقها راجعة من الدوام فتحت جوالها ودقت على نايف .. جاها صوته المستنكر انها داقة عليه : ايوه؟! ابتسام : السلام عليكم نايف : وعليكم السلام ابتسام : ماراح اسألك فينك يومين ماجيت البيت .. بس ياليت تجي البيت الليلة نايف : عشان شنو ؟! عشان آكل وانام بس ؟ ابتسام : راح انتظرك .. سكرت السماعة .. طالع نايف السماعة باستنكار رغم كل مكابراته ماقدر مايحجز طيارته يرجع رغم انه ماعمره كنسل سفرته عشان احد .. *** فـراس : - وقفت سيارته عند الفندق .. دخل مباشرة وجلس بالصالة ومسعود قدامه : تشرب شي ؟! فراس : ماتغديت .. اطلب من الروم سيرفس غداء ونزل لابتوبي من السيارة مسعود : حاضر فراس : وهات لورا .. مسعود : حاضر مسك جواله وهو يطالع الساعة 9 ونص .. دق جواله " سارا " تنهد ورد : ايوه ؟! سارا : انا بالمطار . . قبل اسافر بغيت أقولك شكرا على كلش وراح ارجع لك تكاليف الطيارة والسكن والمستشفى فراس : لاتردي شي .. ولا واحد منهن لك كلها عشانه بس سارا : اعتبرها رد منه اجل .. يله انا راح اسكر فراس بتردد : ممكن طلب أخير ؟! سارا : شـنو ؟ فراس وهو يشخبط على الورقة بربكة : اليوم اللي ينولد فيه .. عطيني خبر سارا بهدوء وكأنها ماتبي تتكلم عن هاليـوم : اوك فراس بهدوء غريب ..: سـلام .. سكرت السماعة .. وفراس يحس بهم زعلان على صديقه اللي ماراح تجيه فرصة يعرف ان له ولد ! مسح على وجهه بتوتر بيديه الثنتين دخل يده بجيبه طلع باكيت السجاير فاضي رماه وراسه مصدع .. دق جواله ورد مباشرة : هلا : الصور متى بتجهز ؟ فراس : خلك بمكانك وانا راح ارسلها لك قريب .. اهم شي تنتبه وانت ترسلها انها تجي بيد خالد مو ريم ! : ولا يهمك ! سكر السمـاعة .. انفتح البـاب ودخل مسعود ووراه الروم سيرفس حطو الغداء ولورا معهم طالعها فراس : تفضلي اجلسي جلست لورا بصمت .. ماتدري لمتى ناوي يحتجزها : ........... فراس وهو يمسك الشوكه وياكل بأناقة : ابي صور ريم مع اكثر من زوج .. او صور عقودها لورا : ماعندي فراس : ما أذكر اني سألت .. انا امرت فهاتي الصور لورا بتوتر : وبعد هيك ؟! فراس : بعد الصور انتي حره لورا بحماس : بجد ؟ فراس : انا فراس كلمتي وحده ما ثنيها لورا : بموبايلي .. كتير كتير صور بموبايلي فراس طالع مسعود : تأكد من كلامها واذا صح ارسل الصور لإيميلي .. مسعود : حاضر قبل يطلع مسعود وقفه صوته : مسعود ! التفت مسعود له ... فراس وهو مكشر : وش هالأكل ؟! مسعود : اكل الفندق فراس ابعد الصحن : ارمه بوجههم ... وجيب أكل صاحي مسعود : حاضر اخذ مسعود الصحن وأول ماطلع ذاقه كان عادي : مافيه شي .. شيعني اكل صاحي اجل ؟! تنهد وكمل شغله ... بينما فراس كان جالس وهو يعد الثواني اللي كلش يصير تمام , بعد فترة وصله الإيميل رفع حواجبه : كلامك صح .. هذي هي الصور لورا : لكان بقدر امشي ؟! فراس : آيـه طبعا .. بس رفيقتك ماراح تروح معك لورا : اتركها عندك لحد تموت .. مو رفيقتي اساسا فراس : لو تتكلمين عن شي صار هنا .. راح ارجعك وهالمرة ماراح تنفلتين لورا طلعت بسرعة وهي ماصدقت خبر .. تسند فراس على الكنبة يسترخي للحظة انتبه لجسم صغير الحجم يحبي ناحيته .. ركضت وراها المربية : آسفة بجد طلعت دون احس فراس وهو يطالع رنيم ونظراتها البريئة بعيونها الرمادية : اتركيها لحظة انحنت المربية وطلعت من المكان .. تسند فراس بذراعه على ركبته وهو يطالعها وهي تضحك وتحبي بحماس وشعرها الناعم لإذنها ومبتسمة ... ماقاوم نفسه يبتسم على براءة الأطفال : بسبب هالأشكال فيه بزران هذا حالهم .. تنهد بضيق وهو ضايقه فيه الدنيا من فكرة ان ولد لؤي راح تكون بيئته مزعزعه .. دخل مسعود وطالع رنيم : فين المربية ؟! فراس تنهد : خذ البنت مسعود : بصراحة وضع البنت صعب .. المربية تتذمر من الشفتات الطويلة وأمها مريضة للحين فراس عقد حواجبه : للحين ؟! مسعود هز راسه : جا الدكتور بس الظاهر ماقدر يساعدها .. يقول حالتها نفسيه فراس : وينها ؟ مسعود : بغرفتها فراس ضيق عيونه على الباب ومشى ناحية باب الشقة بيطلع : تصرف بمعرفتك طلع لسيــارته وهو يحس بثقل في صدره .. ثقل كبير تنهد بضيق .. الله يسامحك يالؤي حملتني شي فوق طاقتي *** ميهـاف .. دخلت غرفة امها : يمه لؤي وين ؟! مو بغرفته ام نايف : بالسطح اكيد يراقب الخسوف .. ميهاف : اهـا طلعت وصعدت لفوق كان جالس على الأرض ويراقب .. التفت لها : هلا جلست ميهاف جمبه : يمه ليش جالس تراقب .. احس يقمط قلبي لاجلست اراقب لؤي وهو يتأمل السواد يلتهم القمر : ما ادري كيف فيه ناس ترفض تراقب هالظاهرة العجيبة . ميهاف : كثيرين مايحبون لؤي : الظـواهر العجيبة زي الخسوف والكسوف .. حتى الأشباح ظواهر اتمنى ادرسها حتى اني فكرت ادرسها بس ابوي رفض ميهاف طارت عيونها : الأشبـــاح .. يممه !! لؤي : إيش يخوف بالأشباح ؟ البشر يخوفون اكثر ميهاف عقدت حواجبها وهي تشوفه يطالع السماء بتأمل : ................ لؤي تنهد .. تعود دايم يقابل القمر ويتخيلها , قمر حياته هي وبمنظر القمر يغيب كأنها تغيب عن عينه . وتفاصيلها تمر عليه كيف كانت تحفظ فلوسه كيف تحفظ اسراره وتنظم يومه .. كيف ابتسامتها تنسيه الهموم .. ليش يحس امسيته حزينة .. حزينة جدا .. حزن فوق العادة .. *** إبتسـام اسدلت شعرها وتمكيجت مكياج ناعم .. ورشت عطرها وجهزت الصينية وفيها قنينة بيرة وكاسين .. وصحن حلا طلعت للحديقة والهوا يلفح وجهها .. وهي تطالع الخسوف واصوات المساجد .. تناشد ربها خوف ورهبة .. ابعدت شعرها ورا اذنها وهي تنتظره .. انفتح الباب ودخل البيت : مسـاء الخير ابتسام : مساء النور تقدم منها ومد يده وهو يسلم ويبوس خدها : كيفك ؟! ابتسام : تمـام .. " بعد فترة صمت وهو يطالعها " صليت ؟ نايف : ايه .. تو طلعت من المسجد جلست ابتسام واشرت لكرسيه : تفضل جلس نايف .. وقال بهدوء : وش تبي تتكلمي فيه ؟! ابتسام : ليش ماقلت لي ؟! نايف : عن شنو ..؟ ابتسام : انك مطلق .. ولك ولد نايف التفت لها : كيف عرفتي ؟! ابتسام : عرفت وبس .. مافيه كذبه تدوم .. نايف تنهد : ماخبيت عنك شي .. ولا طلبت من احد يخبي , كان قرار امي ماتقولك ولا أذكر اني كذبت عليك بهالموضوع .. ابتسام هزت راسها : معك حق .. نايف : مع كذا راح اقولك آسف .. ابتسام طالعته بفترة .. ثم شاحت بنظرها وقالت : عندي طلب .. نايف : آمري .. ابتسام : بكـرة جيب ولدك هنا .. أبي اشوفه نايف عقد حـواجبه : يزيد ؟! ابتسام : اها .. اسمه يزيد ؟! نايف : آيـه .. شتبغي به ؟ ماله ذنب باللي جالس يصير ابتسام : انا عمته .. وبالمستقبل ان شاء الله راح يكون أخو عيالي من حقي اعرفه نايف عقد حواجبه : من جدك ؟! ابتسام : ايه من جدي .. مثل ماقلت ماله ذنب في اللي سويته انت وامه .. نايف هز راسه : بكرة ان شاء الله بجيبه أجل ... مسكت كاسها وهي تشرب البيرة وتطالع الخسوف .... اما نايف كان يتأملها انسانة عاقلة حكيمة وهذا اللي يحتاجه من زمان يحتاج امرأة يغرم بعقلها مو بجسدها .. |
رد: انتماءات كاذبة
بارت حلو كتير... وتفاصيل كثيرة
لؤي وسارة .. هو عارف عقلية اهله من الاول، ليش ورطها معه مادام مو قادر يحميها ويوقف جنبها فراس وغادة ... علاقة غير مفهومة ، كيف بيخلي عنده حرمة لا هو مستفيد منها ولا هي من قرايبه، وغادة اتوقع المنطق بيقول تعرف عن نفسها وترجع السعودية ابتسام ونايف ... عقلانية زيادة عن اللزوم ، وعلاقتهم مو مفهومة تفتقد الحب والشغف .. وكأنهم اصحاب وليسوا ازواج وبانتظار الفصل القادم ... |
رد: انتماءات كاذبة
يا سلام ع الروعة
افتح اسجل حضور الاقى الفصل نزل:e418: لنا عودة |
رد: انتماءات كاذبة
اقتباس:
بالنسبه لفراس وغادة وكيف يتركها وهي مو من قرايبه ولا مستفيد منها لسببين : الأول انه بالبداية كان يعتقد انها نفس لورا صديقة ريم وتعرف حاجه عنها بحكم انه حصلها ببيتها .. وللحين محتار في من هي بالضبط وايش كانت تسوي هناك ؟ السبب الثاني تعرفينه بعدين ^^ ابتسام عقلانية زيادة عن اللزوم ونايف مجنون زيادة عن اللزوم , وللحين علاقتهم في صراع تزوجها لاسباب مو مقتنع فيها وتو تكتشف عنه اسرار وهي حاليا زعلانه عليه .. وتو صاير يحس بحاجه ناحيتها .. يعني امور كثيره تمنع الحب والشغف بزواجهم للحين نورتي |
رد: انتماءات كاذبة
اقتباس:
|
رد: انتماءات كاذبة
أولا احب اسجل ان الحوار لذيذ ورائع
لؤى رغم ضعف شخصيته إلا انه بيستحوذ على تعاطفك لشخصيته الرقيقة الرومانسية واعتقد هو ده اللى جذب سارة له ومشهد خسوف القمر كان جميل ابتسام قوية كالعادة و قلبت موقف االعزومة لصالحها ، ونايف لازال متخبط ،لكن اعتقد ان وجود ابنه فى الأحداث القادمة هيعمل تغيير فى مجريات الأمور بينهم أسماء مجنونة وعسولة والمشهد كان كوميدى و رومانسى فى الوقت نفسه بالنسبة لفراس فى تصرفه مع سارا اظن ده افضل تصرف لشخصيته الباردة القاسية أما بالنسبة لغادة فاعتقد انه عايزها وانها عجباه بس طبعا بما يتلاءم مع انها فى نظره ساقطة ماعادش الواحد بيصبر لحد الفصل الجاى:lol: |
رد: انتماءات كاذبة
اقتباس:
ههههههههه تصدقي اختي تكره شخصية لؤي مره بينما انا اعتقد وجهة نظري نفسك بالضبط وهذي الفكرة اللي كنت احاول اوصلها يزيد فعلا نقطة تحـول , اقل شي حصلوا طريقه يكلمون فيها بعض :( اتسآئل اذا كان فراس فعلا معجب بغادة ؟ الاحداث قدامك راح توضح لك ههههه ياليت اقدر انزل لك تشابتر اللحين على هالتفاعل الجميل بس المواعيد ثابته :P |
اقتباس:
بانتظار الفصل المقبل |
رد: انتماءات كاذبة
اقتباس:
|
رد: انتماءات كاذبة
حبيبتي هو الفصل بينزل اليوم واي ساعه بانتظارك
|
رد: انتماءات كاذبة
اقتباس:
|
رد: انتماءات كاذبة
" البارت الخامس والعشرين "
- نحن بشكل أو بآخر , لانوزع مشاعر آلحب كما نريد ! بل ينتزعها منا من يستحقونها رغما عنهم .. فتحت عيـونها بكسل .. رفعت راسها وحست بمنديل يطيح من جبهتها لحضنها رفعت يدها تقوس حرارتها : حمد الله خفت .. طالعت بأنحاء الغرفة المظلمة .. ونور القمر من النافذة الكبيرة .. سرير رنيم فاضي ! وقفت بسرعة وعقدت حواجبها وهي تشوف نفسها بالمراية مازالت بالفستان الأبيض والمكياج سايح بشكل مخيف وكشختها يوم طلعت معه للحين .. تنهدت وهي تطلع من الغرفة كان بالصالة جالسة المربية ورنيم نايمة بنص المكان .. طالعت المربية بحدة : تاركتها تنام بالبلاط البارد كذا ؟! المربية : what are you saying ?! غادة وهي تنزل وتشيل رنيم من الارض : ماعليك شرهه دامك كافرة .. مالت بس المربية تنحت مو فاهمة ... غادة : انقلعي من وجهي بس ! دخل الشقة مسعود .. ماعمرها وقفت قدامه دون حجاب اقل شي لكن معد تفرق بعد ما مشت بمطعم كامل قدام الكل بكامل زينتها .. مسعود : بسم الله الرحمن الرحيم وش هالوجه ! غادة حطت يدها ع خصرها : وانت تارك بنتي مع هاللي ماتخاف ربي ؟ مسعود : اقول امسحي هالوجه واشكريها ! لولاها جلست بنتك هاليومين اللي مرضتي فيها مامعها احد غادة : يومين ؟! مسعود : ايه يومين .. بدري عليك ؟! غادة طالعتها بنص عين : تخسى اشكرها بعد .. المهم ! ابي اغير وين ملابسي ؟! مسعود ببرود : رميناها ! غادة شهقت : ووش اسوي اللحين ؟! مسعود : راح نوصي لك على ملابس غادة : ابي اجيبها انا ! مسعود : مالك حق تتشرطين وتاخذين اللي يجيك غصب ! غادة استسلمت : طيب .. اقل شي لو سمحت جيبها ساتره .. وجيب شيرابات معها وملابس لرنيم مسعود بابتسامة سخرية : لاتتشرطي واللي يجيك احمدي ربك عليه غادة عطته ظهرها وهي تدخل غرفتها .. وحطت رنيم بسريرها وهي تطالع من النافذة الشارع المليان بالناس بلعت ريقها وتخبت ورا الستارة وهي تشوفه بطلته المعروفة نازل من سيارته اكيد بيجي هنا !! كل ماتحس انها بخير وبتمشي بحياتها ... تشوفه وترجع تتوعك , سمعت صوت مسعود : مرحبا طال عمرك فراس وهو يجلس ورجل على رجل ...والسماعة باذنه : كذا اجل ؟! ............ زين ماسويت استاذ خالد .... اعرفك رجال فماحبيت اخبي عليك انك متزوج مجرمة ..... ممكن تدلني على السجن اجل ؟! سكر السماعة وابتسم ابتسامة واسعة .. وهو يحس انه مبسوط بجد : مسعود ! مسعود : سم فراس : جهز لرجعتي للرياض بكرة مسعود : لحالك ؟! فراس : وانت طبعا مسعود : والضيفة ؟! فراس كانه كان ناسيها ... تنهد : فينها اللحين ؟ مسعود : بغرفتها .. تو صحت وطلعت وصارخت كالعادة ورجعت غرفتها فراس : جبها لي دخل مسعود الغرفة حصلها منسدحة .. وواضح من عيونها تتغصب النوم رفع حواجبه : قومي ! غادة ضغطت ع عيونها اكثر : ............... مسعود : قومي قبل اسحبك له سحب جلست غادة وهي تطالعه بحدة ... وطلعت من الغرفة طالعها فراس من فوق لتحت نفس ثوبها اخر مرة وشعرها رافعته ومكياجها مسحته : ............................. غادة كانت واقفة وشادة على ثوبها : .................. فراس : شأسوي بك انتي اللحين ؟! غادة رفعت راسها وكبست بعيونها : اتركني بحال سبيلي .. رفع حواجبه كانه يستبعد هالشي ... كملت غادة وهي تطالع بالارض : اساسا مدري ليش حاجزني او وش بينك وبين لورا ... فتقدر تتركني فراس : جاوبي اجل .. وش علاقتك بلورا ؟! غادة : صديقتها .. فراس : متأكدة ؟! يعني تعرفين كلش عنها غادة : مو صديقتها مرة .... فراس : اها وساكنة ببيتها ؟! غادة وعيونها بدت تلمع دموع وشفايفها ترجف وهي عاضه عليها : ............ فراس : مازلتي تراوغين .. وهذا اللي يخليني مقدر اتركك بحال سبيلك مثل ماتبين .. غادة ودموعها نزلت : انت اللي بأي حق تاخذني دون حتى تعطيني فرصة أتكلم ! فراس وهو يتقدم بجلسته ويشبك يدينه ببعض : هذا انا اسمعك اللحين .. وهذي فرصتك الوحيدة اذا تقدري تقنعيني اتركك فلا تقصري غادة نزلت راسها : ............. فراس : تكلمي بسرعة ! ماوراي غيرك انا ؟! غادة طالعت حولها مسعود واقف مسحت دموعها : انا مو فاهمة .. مو فاهمة حتى ليش مسكتوها فراس ابتسم ابتسامة جانبية : لا صدقتك ! غادة والعبرة خانقتها : والله فراس بحدة : لا تحلفين ! مالك رب انتي تحلفين به ! غادة ورجلها ترجف ماعاد تشيلها : .......... فراس رفع حواجبه : معناها مقدر اساعدك ... " التفت لمسعود " مانقدر نتركها بروسيا احجز لها ترجع معنا غادة : ................... فراس وقف : وانتي ترا مطول بالي عليك اللحين .. بس وقت ينفذ صبري الله يعينك ومشى طالع .. غادة جلست على الارض ودموعها على خدها , ماتبي تطلع ماتبي شي بس ماعاد تبي تشوفه .. ! *** إبتســام : - رجعت من الدوام بدري .. اليوم بيجي يزيد ويتغدى معهم وتقابله مره وحده طالعت بشكلها قدام المراية كلش تمام ! سمعت صوت المفتاح طلعت تستقبلهم .. ابتسمت وهي تطالع يزيد مايشبه لنايف نهائي .. ابيضاني ونايف اسمراني .. اكيد زي أمه ؟! بيضاء اجل .. عيونه بنية نايف زيتية .. لمحته ناعمة .. نايف لمحته حادة ... اكيد مثل امه ... ! لا ابتسام لاتفكري كذا ؟! ابتسمت وهي تمشي ناحيته وتجلس قدامه وتمد يدها : سلام ياحلو تشبث يزيد ببنطال نايف وهو يتخبى وراه .. نايف طالعه : زوزو ! مو قلت لك تسلم .. هذي عمه سلم إبتسام نزلت يدها ووقفت وتكتفت : الأطفال الحلوين اللي يسلمون بوديهم الحديقة وبشري لهم قريقعان يزيد عقد حواجبه : وس قريقعان ؟! نايف : ههههههههه بأي لغة تكلمينه انتي .. خكيري ولدي مايعرف ذالعلوم إبتسام بطريقة طفولية وهي تضوق عيونها : قريقعان هذي حاجة سحرية سرية .. لما نروح الحديقة أوريك اياها يزيد طالع نايف : بابا تلوح معنا ؟ إبتسام ردت مباشرة : ايه بابا معنـا .. ماشي ؟! يزيد : ايه ! ابتسام قبصت خده بنعومه : فديــتك تجنن طالعت نايف : بصعد البس عبايتي ونطلع .. هز نايف راسه وهو مبتسم ويطالعها بحالمية : اوك أول ماصعدت .. جلس نايف القرفصاء لمستوى يزيد وغمز له : حلوه صح ؟! يزيد وهو مستنكر كلش : من هذي ؟ نايف ضربه بخفه على راسه : لي ساعة افهمك ! هذي عمه .. يزيد بذكاء : اخت بابا ؟ زي عمه ميهاف ؟ نايف : هههههههههه وش يفهمك اللحين انت ... زوجة بابا مو اخته يزيد كشر : وماما ؟! نايف حك راسه : مشكلتك ذكي ! اقول يزيد اجلس هنا شوي وجايك صعد نايف ودخل الغرفة .. طالعته ابتسام وهي تعدل طرحتها : ......... نايف مشى ناحيتها وهو مبتسم : شرايك فيه ؟! إبتسام : مايشبه لك نايف : انا احلى صح ؟! طالعته بنص عين دون ترد : .............. نايف : إبتســام .. صدقيني انا مقدر كل اللي تسوينه معاي ومو محصل طريقه اشكرك فيها ابتسام ببرود : ماسويت معاك شي .. مفروض ماصعدت وتركته لحاله واضح دون شي ان راسه معبى علي نايف : مين قال ؟ يزيد سحوي دون شي .. فلا تاخذي بخاطرك سكتت ابتسام وهي تسحب شنطتها من الدولاب وتحط اغراضها داخلها .. مشى نايف ناحيتها : شفيك إبتسام ؟ اذا زيارة يزيد بتضايقك ماكان له داعي تطلبينها من الأول .. إبتسام دون تطالعه وهي تكمل شغلها : من قال ضايقتني .؟ بالعكس فرحتي بشوفته قد الدنيا نايف انحنى لخدها .. اشاحت ابتسام براسها مباشرة عقد حواجبه وهو يشوفها تكمل شغله , عض على شفته وطلع من الغرفة .. حتى لو قالت انها سامحته واضح انها مازالت شايله عليه .. *** ميهـاف : - رجعت للبيت وقت طلوع الفجر .. البيت هادي تماما صعدت مباشرة قابلها ابوها وهو طالع للصلاة : ميهاف ؟! ابتسمت ميهاف : هلا يبه طالع ابو نايف الساعة : تو ترجعين ؟! ميهاف : ايه .. طولنا بالسهرة شوي ابتسم ابو نايف : وكل هذي حفلات عشان بتتزوجين يعني ميهاف : ههههههه شاسوي كل رفيقاتي يحرجوني .. واذا حضرت لوحده لازم احضر لهم كلهم ابو نايف : أيه بس لك اسبوع بهالحفلات .. ماصرنا نشوفك حتى نبي نشبع من دلوعتنا قبل تروح ميهاف ضمت ابوها وهي تبوس راسه : من عيوني اليوم انا لحسابكم .. امروا بس طلعت ام نايف : ميهاف ؟! تو ترجعين ! ميهاف : أيه يمه .. اهلها احرجوني ماقدرت اطلع ام نايف : ولو مفروض ترتاحين هالكم يوم .. وراك عزايم مقبله ميهاف : بيعيني الله ان شاء الله .. دخلت غرفتها وهي تعلق عبايتها وتطالع بكشختها الكاملة .. تنهدت وهي تجلس قدام التسريحة تمسح المكياج هالاسبوع فعلا فقدت النوم حتى تحت عيونها اسود تاففت .. كيف تتزوج بهالسواد ! بكرة ببيت ام فراس حفلة الحنا وعقبه زواجها .. تنهدت بحالمية اخيرا بينلم شملهم .. وقتها بعرف اهجدك يامغرور *** فـراس : - دخل لغرفة السجن خاصتها وهو يحس غليله يشفى فيها .. خالد وقت اكتشف الخيانات بحث عنها بدقة وعرف عن تزويراتها واعمالها الغير قانونية وبلغ مباشرة طالعته بحده من ورا القضبان : مو من مصلحتك ! لو بيعرفوا اني بالمخفر راح يسودو عيشتك فراس : هذا اللي ابغاه بالضبط ... ابغاهم يطلعوا من جحورهم عشان اعرف كيف اتصرف معهم ريم : فرصتك الوحيدة انو تفلتني مشان ينسوك فراس : افلتك ؟! انا على راسي ان الحبس 7 سنين بس .. بس مو مشكلة صدقيني راح اتذكرك بعد سبع سنين ريم : معارفي مراح يتركوني فراس : تدرين ليش انخلقت المقامات بهالكون ؟! عشان كل شخص يعرف مقامه ويتصرف على اساسه ... يعني اذا كنتي ***** تصرفي على هالأساس .. باختصار كلمات معارفك وعلاقاتك وامكانياتك هذي كلمات مو بقاموسك , اتركيها لأهلها .. راح انطقها بالنيابة عنك ريم : شو جاي تعمل هون .؟! انقلع من وشهي فراس ابتسم ابتسامة جانبية ومشى طالع : اقامة ممتعة .. أول ماطلع دق على مسعود : انا متوجه للمطار .. اقابلك هناك سكر وهو يستعد يرجع .. اللحين يقدر يرجع لأهله وهو مرتاح شوي .. اهم جزء من انتقامه نفذ والباقي راح يتفرغ له بعدين .. *** لؤي : - لأول مره يطلع من غرفته وهو لابس ثوبه .. استوقفه صوت امه : لؤي ؟! لوين ياحافظ ؟ لؤي التفت لامه : ماحـطول .. ام نايف : شأقول لابوك لو يرجع ومايلقاك ؟! لؤي : ليش حجز هو ؟! مو لكم شهر تقولون اطلع من غرفتك .. خلاص هذاي طلعت وطلع مباشرة .. ركب سيارته وتوجه مباشرة لبيت فراس وقف لفترة وهو يسند جسمه على الكرسي ويتنهد .. ام فراس بمكانة امه ومو دايم تطلبه .. اكيد عن فراس ! نزل من السيارة ورن الجرس ... : مين ؟! لؤي : هذا انا خاله .. لؤي : ايه يمه تفضل غرفة الضيافه جايتك جلس لؤي بعد فترة دخلت أم فراس وهي بطرحتها وجلست : شخبـارك يمه ؟! تراي شايله همك هالفترة .. ليش معد ترجع زي أول ؟! لؤي ابتسم : على راسي خالتي ام فراس تنهدت : للحين براسي كنه أمس ... انت وفراس سوا مع أبو فراس وهو يوعد كل واحد فيكم ان سياراتكم عليه ... ايييه يالدنيا كبرنا لؤي : الله يرحمـه .. ام فراس : انت عارف انا وش أبي منك .! لؤي : فراس ؟! ام فراس بقلق : وش صاير فيه ؟! اكيد صاير معاه شي .. انا مو مرتاحه قلبي دليلي لؤي : لا تشيلين همه .. فراس ذيب ماينخاف عليه ! ام فراس : وهذا اللي كسر ظهره .. المسؤوليه اثقلته وتغير , ماعاد فراس الأول اللي يجيني يشتكي .. يمه الشغل واجد ! يمه الدراسه صعبه ! معاد سمعت شكواه .. صار بعيد عني حتى وهو جمبي احسه بعيد ... " كملت بهم " او يمكن انا اللي ماكنت قريبه لؤي انكسر على صوت ام فراس المتهدج : طولي بالك خالتي .. هو صح تغير بس حمد الله رجال ام فراس : امنتك الله يا لؤي .. ولدي صاير معه شي انا ما اعرفه ؟! لؤي : صدقيني مو صاير شي .. ام فراس : ما اتكلم عن اللحين .. عن زمان .. من رجع من امريكا عقب موت فهاد الله يرحمه ماكان هو نفسه ولدي , رجع لي ظل ولدي مو هو ... انعصر قلب لؤي .. الأم حتى لو سكتت مو معناها ماتدري .. تحس حتى وقتها حست باللي صار : ....مو صاير شي خالتي تعوذي من ابليس ام فراس والقلق مازال بصوتها : ان شاء الله .. ان شاء الله مو صاير شي لؤي ظل يتمعن بأم فراس .. يدها ترجف وصوتها متهدج قلق وخوف فهم بهاللحظة حاجه مهمه كان غافل عنها : ...................... خالتي انا لازم امشي .. ام فراس هزت راسها : انتبه على نفسك .. طلع لؤي .. وام فراس اسندت ظهرها وغطت وجهها وانسابت دموعها .. وهي تتذكر ( بعد موت أبو فراس باسبوعين ... دخلت غرفة فراس كانت خايفة عليه من رجع مانزلت دمعته وصوته مخنوق اذا تكلم ماحس حتى انها دخلت الغرفة كان جالس على البلكونة وشاارد حطت يدها على كتفه التفت لها .. : ....... جلست ام فراس جمبه وحطت يدها على يده : انت بخير يمه ؟! اكيد تعبت ايام العزى بالوقفة طول اليوم مع عمك فراس بشرود : يمه .. ام فراس : عيون امك فراس لمعت عيونه وهو يلتفت لها : قد ايش تحبين ابوي ؟! ام فراس مسحت بيدها على خده : احبه قد اللي ماله قد يمه فراس : ليش تحبينه ؟ ام فراس استغربت حالته .. عيونه تلمع دموع ويده ترجف حضنت يده بقوه : شفيك حبيبي ؟! فراس غطا عيونه بيده .. ام فراس فتحت عيونها وهي تشوف دموعه تنساب على خده وقفت بفزع وهي تضمه لصدرها : شفيك فراس .. خضيت قلبي شفيك ؟!! حاوط خصرها وهو يدفن وجهه بصدرها وهو يتمتم بين دموعه : كسر ظهـري ... كسرني يمه ..كسرني ام فراس كانت تمسح على راسه وظهره بخوف : وش اللي كسرك .. ؟ " نزلت دموعها على منظره " شفيك ؟! فراس سحب نفسه من حضنها وهو يمسح دموعه ويجلس على الكرسي ويضغط على راسه بيدينه الثنتين : اتركيني لحالي شوي .. ام فراس : والله ما اتركك ؟! فراس : تعبان .. منهد حيلي اتركيني بنام ام فراس قبل تطلع جلست وهي تمسك يده : يمه ... انا ادري انك تحب ابوك .. وكلنا نحبه بس انا ابيك تصبر انت بكري وسندي , انت رجال هالبيت عقب عينه فراس بسخرية على حاله : رجال هالبيت .؟ لو تدرين .. لو تدرين قد ايش رجفت وقتها ماسميتيني رجال البيت .. ام فراس تنهدت : انت ارتاح اللحين . لك ثلاث ايام مانمت طلعت ام فراس .. وهو تقوس على حاله بدوامة ألم : رجال هالبيت ..هه ) ماتدري ليش هالذكريات ترجع لها ... كله اللي تعرفه ان ولدها مو مرتاح .. وان صاير معه شي , عقب هالذكرى بيومين طلب يسافر يكمل دراسته ومن عقبها ماعاد استقر عندها .. *** لـؤي : - بعد مـاطلع من ام فراس .. مسك جواله يدق على فراس لكن سبقته مكالمته رد : هههههههه تو بدق عليك ! فراس : الطيب عند ذكره اجل .. لؤي : بكرة عزيمة اخوك متى ناوي تجي ؟! فراس : وينك فيه ؟! لؤي : بالرياض وين فيه يعني ! فراس : عارف انك محبوس بالرياض ... وين بالضبط ؟! لؤي : بالسيارة ... مو مكان محدد فراس : كيف اقابلك اجل ؟! لؤي بعد ما استوعب : اياااا الخسيس !! بالرياض ؟ فراس : ايه تو وصلت ... قابلني بشركة ابوك لؤي : شركة ابوي ؟! شتسوي هناك ؟ فراس : اسلم على عمي . لؤي : ماراح اجي شركة أبوي .. اشوفك بكرة انا راجع البيت سكر لؤي السماعة ... ودق مباشرة على نايف .. بس مافيه رد رجع يحاول بس مافيه رد رمى الجوال : وانا عمري ادورك واحصلك ! *** رجعو للبيت .. وابتسام طول الطريق محتفظة بالصمت وسط كلام نايف ويزيد , واضح يزيد نافر منها فماحبت تدخل نفسها وقفوا قدام بيت متـواضع ونزل يزيد " هذا بيتها أجل ؟! " التفت نايف لإبتسام بعد مانزل يزيد : شفيك هاديه ؟! إبتسام : مافيني شي .. شكلك نسيت اني ابتسام الهادية المملة نايف عقد حواجبه : احد قال كذا ؟! إبتسام بسخرية : اللي يرمي السهم مو زي اللي يتلقى السهم نايف : انا قايل كذا ؟! إبتسام فتحت جوالها متجاهلته : ....................... تنهد نايف وقال بصبر : داقه علي !؟ ومرجعتني من سفرتي ؟! عشان اخذ يزيد لنزهه وانتي ساكته تراقبينا ؟! اقدر اخذه وقت ثاني .. ماله داعي تعجليني والغي سفرتي إبتسام : ما أذكر اني اصريت ترجع ! كان خيارك نايف رفع حواجبه : كذا يعـني ؟! إبتسام : بالله نايف خل نسكر الموضوع .. محد راح يقنع الثاني فنسكت احسن نايف وقف سيارته فجأة والتفت لها : من قال ؟! انا مستعد اقتنع .. ومستعد اقنعك ! انتي عطيني فرصة وبطلي برودك الزايد وقتها نقدر نتفاهم إبتسام عضت ع شفتها : مافيه شي نتفاهم عليه .. وهلة صمت .. وهو موقف السيارة ومحدق فيها وهي تصرف نظرها لنافذة السيارة بعد فترة صمت قالت ابتسام : لاتظل واقف كذا بنص الطريق .. السيارات تبي تمر زفر نايف زفرة طويلة .. وقال بهدوء : مقدر اتحمل ... الحياة هذي والطريقة هذي مقدر امشي فيها ! إبتسام : انت مكبرها .. رغم ان غلطتك كبيرة ماحطيتك تحت ضغط ! عشت حياتي وتركتك على راحتك !! وش ماتقدر تتحمل ؟! ماتقدر تتحمل تعيش حياتك طبيعي ؟! حاجة تضحك بجد نايف : مابيك تعيشي حياتك ! مابيك تتركيني على راحتي !! انفجري فيني .. هاوشيني .. تكلمي انطقي اصرخي ابكي أي حاجة بتكون ارحم من هالأسلوب الناشف !! إبتسام والعبرة بصوتها : وقت ترفع صوتك علي راح انفجر فيك .. وقت تكذب علي راح اهاوشك .. وقت تهمل مسؤولياتك راح اهاوشك !! حتى لو تضربني وقتها راح ابكي واصرخ .... بس وقت تخون عقد شرعي بيني وبينك وقتها انا مابيني وبينك كلام .. بينا مسؤولية نقوم بها وانتهى ! ....... اقدر اسامحك بكلش نايف بكلش !! بس الخيــانة انسى اتساهل معك فيها نايف : وانا ماخنتك !! قاطعته ابتسام بعصبية : وتكذب بععد ؟! ع بالك ما ادري انك على تواصل مع ام يزيد ومشاوير وروحه وجيه !! واكيد اكيد العلامة على بلوزتك منها !! نايف تنهد بقلة حيلة : ماكان عندي خيار .. هي ام ولدي ابتسام هزت راسها : في هالدنيا مافيه شي اسمه ماكان عندي خيـار .. نايف سند راسه على الطـارة .. وابتسام مسحت دمعتين عبرت خدها ... بعد صمت طويل ونايف على وضعه رفع راسه بهدوء وحرك السيارة حتى وصل للبيت ... نزلت ابتسام حتى دون تسأل ليش مانزل معها .. *** غـادة :- وصلت للرياض وهي تحس بسخرية القدر بجد .. يعني راحت لآخر الدنيا وبالأخير رجعت ! كان مرافقها بالرحلة شخص ماعرفته وأول مرة تشوفه بس فضلت تلتزم الصمت .. كان فيه شخص في استقبالهم أول ماوصلوا .. ركبت معه لحد ماوصلوا فيلا قمة بالجمال , فتحت عيونها بإعجاب بالفن بهالمنبى .. وقفت السيارة امام ملحق برا الفيلا الرئيسية واكتفى الشخص الساكت طول الرحلة بكلمة : لاتعتبين هالباب ! وطلع .. تنهدت غادة وهي تغير لرنيم وتعطيها أكلها , رغم معاناة انها " مخطوفة " إلا انها تحس براحة يمكن لانها ماعاد صارت تشوف مناظر لورا والفحش اللي تسويه مع اصدقائها .. غير ان العناية هنا كاملة هي وش تحتاج غير تاكل وتنام براحة ؟! ... ولو شخص غير فراس كان ارتاحت تماما .. بس اصراره يعرف من هي يخوفها أكثر .. بعد مانامت رنيم بحضنها اثناء انغماسها بالتفكير .. بحيـاتها وبأشياء كثير ... استلقت على السرير الناعم ورنيم نايمة جمبها .. وهي تدعي ربها يسهل أمرها *** بيت أبو فراس – الساعة 9 مساءا / اثناء ما اسماء ببلكونة غرفتها .. والنسيم الناعم ينعش روحها وبحضنها دفتر وتكتب فيه بإنغماس : يادنيتي الحلوة وغاية مطعمي لك ياحياتي حب ماتتوقعه في قمة احساس الوعي واللاوعي أحيا غرامك واعشقه واستمتعه انفتح الباب بقوة وبفزع : اسمااااااااااااااااااااااااااااااااااااااااااء !! ضمت اسماء دفترها لصدرها بكل قوتها : يمممممه !! ياسمين وهي تلهث : فرااااس هناااا اسماء سكرت الدفتر وهي توقف : وجع بعد وكذا تجين تعلميني خرعتيني ! بكرة عزيمة بدر اكيد بيجي !! والله الذكية صح ياسمين : ايه ويدورك يقول وين اسماء ؟! دخلت الدفتر بصندوق وحطته فوق دولابها وهي تدف ياسمين قدامها : يله هذاي وراك نزلت الدرج بكسل دون نفس ... طالعتها ام فراس : اسماء ! سلمي على اخوك ؟! اسماء بحمق وهي تتجه له : زييين .. بسلم على اخوي الرجال اللي يوفي بوعده رفع فراس حواجبه وهو يبتعد عنها خطوتين : خليك وراك .. ولا ارجعي لغرفتك احسن بدر : وش وعده ؟! ام فراس : المهبولة تبي تسافر برا ! وفراس واعدها ولا قدر عشان زواجك بدر التفت لها : يعني ودك ماتحضرين زواجي ؟! فراس توجه للصالة وجلس : عقب هالتصرف احلمي حتى عقب زواج بدر .. احتري زوجك الرجال يسفرك دامني مب رجال اسماء : من جدك ؟! مناب مسافرين عقب عزيمة بدر ؟ فراس ببرود : ايه .. " دق جواله " بدر : سكر هالجوال شوي خل ناخذ علومك فراس رد مباشرة : ايوه .... لا اتركها بالسيارة باخذها بكرة .. لا سلامتك ...( كمل وهو يطالع اسماء ) ايه مسعود ! التذاكر اللي حجزتها والمنتجع والفندق .... ايه كنسلها كلها ... ايه متأكد اسماء طارت عيونها وهي تهز بدر : وشهو يحكي عنه ؟! لايكون يكنسل سفرتنا ؟! بدر : وانتي من جدك تناقرين فراس .. تستاهلين اسماء ضربت برجلها : فراااااااس ياسخيف اممزح ! فراس : وانا ماعمري هضمت مفهوم المزح كله .. فوفري .. اصلن الواحد يشتري الفكة منك وانا ناوي اسافر معك .. وين عقلي ؟! اسماء بقهر : طيب آسفة .. فراس : اقولك شتسوين بأسفك هذا ولا مايحتاج ؟! اسماء بحلطمة وحمق وهي تصعد لفوق : مايحتاج .. اصلن ماتبي تاخذني من البداية ! واصلن محد يحبني واصلن ليتك ماجيت !! فراس بقرف : بزران آخر زمن بدر : طول باااالك .. شأقول انا هالشهر طلعت روحي معها , لو اقولك وش فعايلها ماصدقت فراس : انس ياسمين اصعدوا غرفكم .. بعد ماصعدوا .. التفت فراس لبدر : شخبار امورك كلش تمام ؟ بدر : ايه الله يسلم أمي ماقصرت بشي .. كلش سنعته فراس : وعزيمة بكرة فين ؟! بدر : عزيمة بكرة حجزنا لها قاعة .. وحريم بس فراس هز راسه والتفت لأمه : يمه أبيك بموضوع بعدين بدر : فهمت ترا .. يله انا طالع معزوم خذو راحتكم بعد ماطلع بدر .. ام فراس : شفيك يمه شتبي تقول ؟ فراس : كم سؤال بس .. ولا تسأليني ليش اسال .. ام فراس : ليش شالسالفة ؟! ابتسم فراس : مو قلت لاتسألين ليش اسال .. ام فراس : لنا الله .. هات اسال فراس : زوجة نايف ... اختها اللي انحاشت ام فراس عقدت حواجبها : غادة ؟! فراس ( والله كنت حاس انه انتي ! ) : اها اسمها غادة .. معليش توصفينها لي ام فراس باهتمام : ليش حصلتها ؟! فراس : ايه شاك بوحده .. ام فراس بفرحة : جزاك الله خير .. زوجها واخوها واهلها يدورونها !! فراس : متزوجة ؟! ام فراس : ايه .. متزوجة وعندها بنت اسمها رنيم صغيرة ... " عقدت حواجبها " وصفها اممم طويلة شعرها طويل نحيفة .. فراس تأكد خلاص .. ماعمره احساسه خاب : لا معناها مو هي .. اللي شفتها برميل ام فراس تنهدت : الله يصلحها مدري وش هالسواه اللي سوتها .. اخوها تبرى منها ويقول لو اشوفها قتلتها فراس : ماينلام الرجال معه حق ام فراس : وانت شخبارك ؟! فراس تسند على الكنبه وتنهد : مرتاااح يمه .. فوق ماتتصورين مرتاح ام فراس : جعله دوم يانظر عيني .. جعله دوم فراس وقف وباس راسها : انا طالع انام .. حدي هلكان ام فراس : نوم العوافي صعد فراس وافكاره توديه وتجيبه ... مايبي يبتلش فيها مفروض يرميها على اهلها او زوجها , هذا اللي بيصير ان شاء الله دق منبـه ساعتها الساعة 11 .. ابعدت الغطا من عيونها وهي تتمغط بحماس .. جدولها مرتبته اليوم تنام حتى تشبع نوم عشان مايتوتر وجهها .. اللحين لازم تاكل حاجة خفيفة .. لبست روبها الناعم ونزلت تحت ابتسمت امها وهي تقابلها : هلا بالعروسة ميهاف وردت خدودها : هلا يمـة ام نايف : شبعتي نوم ؟! ميهاف : ايه .. واليوم ماراح افكر اكشر حتى ابي وجهي مايكون فيه توتر بهاليوم ام نايف : اجل تعالي افطري جلست ميهاف مقابل امها على الطاولة : فين لؤي يفطر ؟! ام نايف : فراس جا .. من امس مارجع للبيت ميهاف : كويس .. فراس عاقل وبيفهمه ام نايف : ان شاء الله .. مدري لمتى وهم على هالمنـوال ؟! ميهاف وهي ترتشف حليبها : مصيرهم يتصالحون .. روقي اعصابك انتي *** عـند بدر :- التعليقات ماخلص من دخل المقهى .. وهو ابتسامته مافارقته : شوفووو شوفوو بس شوي شوي على فمك لا يتشقق بدر : اقول فكني بس .. الا فين نايف ماجا ؟ خالد : نايم بالاستراحة .. صحيناه نبيه يجي معنا عيا اخلاقه بمناخيره اصلن بدر : له فترة على هالحـال شالسالفة ؟ : هذي الحياة الزوجية اللي انت مقبل عليها بدر : تقارن زواجي انا بزواج نايف ؟! وش جاب بنت الشمري عند بنت فقر جده خالد : ماعادت بنت فقر .. واضح انها شايخه اخر مرة كنت بشركة عمك مع نايف شفتها وهي تمشي تقول شركة ابوها بدر وهو يرتشف قهوته : شايخه لانها ماشافت خير .. تصدق عاد نفسي اروح شركة عمي اشوفها بس ماضبطت معي قال واحد من الموجودين بضيق : حرام عليكم .. تراهي زوجة خوينا لاتحكون عنها كذا كشر بدر : اقول ابلع لسانك .. خوينا ماخذها غصب ولاهي تفرق معه لوه هنا نكت معنا سكت بضيق لانه مايقدر يرد ع لسان بدر المتبري منه : .............. بهاللحظة دخل نايف المقهى .. عقد حواجبه وهو بنظاراته الشمسية وهو يدور عن الموجودين .. رفع بدر يده : نيوف هنا ! جلس وهو يرفع يده لنادل : قهوة سوداء لو سمحت بدر : وجهك منتهي وراك مكشر كذا !؟ نايف بقرف من كلش : وجهي ؟! ملامحي ؟! اجل كيفي اسوي بها اللي ابي رفع بدر يده : هووه بشويش علينا ماقلنا شي ترا ارتشف نايف قهوته بصمت ... احد الموجودين بقلق : بجد نيوف شفيك ؟! حتى امس ماكنت على بعض ..؟ لايكون الصداع رجع لك ؟ نايف ببرود : هو تركني عشان يرجع لي بدر : اكلت حبوبك ؟ نايف : ماتسوي شي هالحبوب .. لازم اغير المعيار بدر : ايه غيره واللي يعافيك ناقصك تجي بكرة لعرسي بهالنفسية " تررن .. تررن " رفع نايف جواله ثم رجعه للطاولة دون يرد ... بدر : ماحترد ؟! نايف : تؤ بعد فترة رجع يدق .. كشر نايف بوجهه وهو يمسك اعصابه مد الجوال لبدر : رد .. قل نايف نايم ميت في اجازة باع جواله اللي هو طالع بدر المتصل " نهى " : وليه ماترد عليها ؟! نايف سحب الجوال من بدر بعصبية : شكرا لخدمتك ووقف طالع .. فتح بدر عيونه بدهشه : يمه شفيه ذاه ؟ انا قلت شي خالد : قايلين لك من امس وهو مقفل عند نـايف : نععععععععم ! نهى : هو هو هو .. شوي علي نايف : ماتفصلين انتي ! من امس تقدين ! نهى : اليوم سفرتي ! مو مشكلتي انك ناسي ! تعال خذ ولدك ! نايف : اقسم بالله اني ناشب يوم جبت منك ولد ! نهى : نعم ؟! نايف سكر السماعة .. وهو يركب سيارته ويسوق بسرعة يفرغ غضبه , وصل لبيت نهى طلع له يزيد بشنطته .. يزيد بطفولة : بااباا نايف دون نفس : نععم يزيد : امث جت نونه هز نايف راسه : ...... يزيد : باباا نايف بعصبية خفيفة : يزيد راسي مصدع ومالي خلقك ! اقصر شري وخلك ساكت لين نوصل نزل يزيد راسه والعبره خانقته من نفخته : .................. اما نايف ما اهتم كان عقله مشوش كليا .. والسؤال الأكبر ( زعلت ! مليون جدار تطق راسها فيه ..؟! انا ليش اهتم ؟! ليش شايله معي هالمخلوقة ) ... وقف قدام بيت أهله : انزل ! نزل يزيد مباشرة وهو يركض لداخل ... استقبلته ام نايف : هلا هلا هلا حبيبي ضمها يزيد والدموع نزلت مباشرة ... ام نايف : هاو هاو شفيه حبيبي ؟ يزيد وهو يبكي بانهيار : بابا ثرخ علي هزت ام نايف راسها : الله فيه بابا الخايس .. تعال تعال حبيبي انا اراضيك *** اسمـاء : - واقفة بنص القاعة والتجهيزات مستمرة وام فراس ترشدهم : ليييييييه ليه ؟! انا وش دخلني تخربون نومتي عشان اجهز لحنا ميهاف وهي راقدة بالبيت .. مو عرسها تجي هي تسنع عمرها ! ام فراس : عرس اخوك ! وميهاف بنت عمك ! ماعندك حشمة لاحد انتي ! ؟ اسماء : ايه انا كنت صابره على كل هالضغوط عشان اسافر .. اطلع من السعودية ! ارتاح شوي من الازعاج النفسي اللي بالرياض ! دامكم كنسلتوها انا اعلن الحرب ام فراس بعد مافقدت صبرها كليا عليها .. قامت من مكانها وتوجهت لها اسماء نقزت من مكانها : يمممه يمه ! قبصتها ام فراس من ذراعها وسحبتها حتى دخلتها غرفة جانبية للتجهيز ونفخت فيها : خل اشوفك طالعه بس ولا موريتني وجهك ! نامي هنا ! وفكيني من الحنه فكييييني !! وسكرت الباب .. كبست اسماء بعيونها : احول شفيهم عصبوا ! هذا وانا تو مافرغت اللي داخلي ! افففففففف سحقا لك يافراس ماتجي هنا الا تدمر كل معنوياتي طالعت السـاعة 7 مساءا ... تاففت : لزوم البس ! خلاص معد بقى شي جلست على التسريحة تتمكيج مكيـاج بسيط ناعم يناسب طفولة ملامحها .. ثم وقفت وهي تسحب فستانها التركوازي المذهب وتلبسه حطت رجل على رجل بملل وهي تخبص بجوالها : اففف انا غبية ! ليش ما اخذت رقمه ! كان امداني اشبكه ! كبست بعيونها وهي تستوعب .. اوه ابتسام بتجي اليوم ! تخيلي تجي اللحين !وامي معصبة مني ! وكلهم يشتغلون حتى ياسمين وانا بالغرفة راقدة ! لاااااا ! لاااااااااا ! فتحت باب الغرفة وطلعت مسرعة لأمها .. ام فراس واجهتها باصبع تهديد : اسماء وخري من وجهي ! اسماء مسكت يد امها اللي توجهت لها بتهديد وباستها : آسفة يمه .. بس بجد كنت مقهورة يعني والله ماله داعي فراس يكسر بخاطري كذا ام فراس : جايه تكملين حلطمة ؟! اسماء هزت راسها : لا ! جايه اقول آسفة واساعدك واشتغل معك ! عزيمة زوجة اخوي كيف اجلس ؟! ام فراس تنهدت : رجع عقلك ؟! اسماء : ايه رجع ابشــرك .. ام فراس : هاه روحي جيبي الدخون بالمطبخ اسماء : ان شاء الله *** إبـتسام :- وصـلت للقـاعة .. وهي تضبط اناقتها قدام المراية ثم دخلت بثقة وعز وهي مكونة علاقات مع نص الموجودين خصوصا بعد الوظيفة .. والإدارة سلمت على أم فراس : ان شاء الله الف الف مبـروك .. الله يسخرهم لبعض ويخليهم لك ذخر نقزت اسماء : هلاااا ابتساااااااام كيفــك شخبارك ؟! ابتسام : هلا والله فيك ياقلبي .. كيفك انتي ؟ وش احساسك واخوك بيتزوج خلاص اسماء بصدق : قلبي منفطر .. بشتاق له الوصخ ابتسام : والله انا احس بك اول .. يعني ماكنت اتخيل هيثم يتزوج بس عقب ماتزوجت اتخيله خلاص عادي تزوجي عشان تتبلدي اسماء : يله ان شاء الله على يدك ! ابتسام : ههههههههه من اعطيكي ؟! هيثم اخوي .. بيوم زواجكم يقولك انا طالع مشوار عندي عملية ضرورية ! اسماء رفرفت لفوق اخيرا تلميح اخيرااا : عادي احب الدكاترة انا ابتسام : لا ما اصفطه لك عيوني تستاهلين اكثر ام نايف : هلا ابتساااام .. تعالي حبيبتي تفضلي كشرت اسماء يوم راحت : ما استاااهل اكثر ما استاااهل ! استاهل قده بالضبط ! افففف كريهه هالابتسام ماحبيتها سبحان الله عقب الشين تفهم دخلت وهي تجلس جمب ميهاف اللي محاوطينها الحنايات يشتغلون فيها : امنيتي اشوفك مبتسمة اليوم ابتسمتي شوي يم جت ابتسام هم سلمتي وعودتي مكشرة اسماء بهم : تحبين بدر ؟! ميهاف وردت وتلعثمت : وش .. وشب .. وشهو ؟! وش هالسؤال ! اسماء نغزتها : اف بلا هبال .. جاوبي صدق ! تحبينه ؟ ميهاف بحيا : لو ما احبه ماتزوجته اسماء تنهدت : ياحظك .. بتتزوجين اللي تحبين ميهاف : الله يرزقك واحد يخطبك وتحبينه ! ام فراس من بعيد : اسمممماء وين الكليجة ؟! اسماء : رجع الشغل ! حرام اسماء تجلس شوي اليوم ... ياويلك ماتعوضيني انتي وبديران ! *** وقف فـراس قدام الفيلا .. توجه مباشرة للملحق انتبه لأصوات داخل عقد حواجبه وهو يشوف الباب مفتوح نصه التلفزيون يشتغل على كرتون طفولي جدا ورنيم جالسة ببرائتها قدام التلفزيون وغادة جمبها جالسة ومتحمسه وهي تتابع وشعرها الطويل مرتمي وراها على الأرض .. ابتسم بسخرية وهو يشوف منظرهم كانت متحمسة اكثر من رنيم وهي تتابع : وش تركتي للبزورة انتي ؟ فتحت غادة عيونها وهي تشوفه يدخل قالت بدفاع تلقائي : شتبي ؟! رفع حاجبه : عندك مشكلة في تواجدي في ممتلكاتي ؟ غادة وهي تحرك شعرها ورا اذنها بتوتر : ......... لا .. بس ... وش هالمكان !؟ فراس ( اذا هي أخت زوجة نايف .. فأمها وابوها ميتين .. وش علاقتها بلورا اجل ؟ فيه حاجة مفقوده بهالأحجية ) قال بكبر وهو يحط رجل على رجل ويجلس بالكرسي الوحيد بالغرفة : تقولين البنت هذي بنت صديقتك ؟! غادة وهي تطالع رنيم اللي تطالع فراس بصمت .. : آيه ... فراس : غريبة .. تشبه لك متأكدة مو بنتك ؟! ترا عادي طبيعي اللي يعيشون حياتك بيوم يجيهم بنت غادة عضت على شفتها وقالت بقهر : وش قصدك ؟ فراس : قصدي واضح .. البنت هذي بنتك ! وبطلي كذب لأرميك بالشارع غادة سكتت وهي تنزل راسها ودمعتها تنزل بخدها ... فراس بتقزز : وبعدين انتي وهالدموع ؟! حومتي كبدي بهالدلع ترا ! غادة شاحت بنظرها للجهه الثانية بزعل والدمعه بخدها وقالت بنبرة دلال عفوية متذمرة : آففف ! رغم نعومتها ودلالها .. إلا ان فراس ماقدر الا يحس بغثيان كشر بوجهه وهو يقول : لا وصرنا نقول آفف وعلوم ؟! لا ترفعين خشمك قبل ادقه لك ! غادة سكتت وهي مازالت شايحه بعيونها ماتبي تطالعه حتى : ................. ورنيم كان ساكته وهي تراقبهم طول الوقت ... ابتسمت رنيم وهي تحبي حتى وصلت لساقه وهي تتعلق فيها فراس طالعها وقال بهدوء وهو يطالعها : والله حرام هالبنت فيك غادة التفتت وهي تنتبه لرنيم اللي جالسه تبتسم له وتصفق وتضحك قالت بصرامة : رنيم ! طاح قلبها وهي تشوف يفتح عيونه ويرفعها لها فور صرختها : قص يقص لسـانك !! غادة بقهر : بنتي كيفي ! ابتسم فراس هنا وهو يرفع حواجبه : اهااا بنتك ! هذاك قلتيها بعظمة لسانك .... تعرفين الأبو ولا ناسيه بعد ؟! غادة بقهر : ايه بنتي ... ومايهمك تعرف أي شي ثاني ! ورجاء انا تعبت من هالطريقة اتركنا نشوف حياتنا فراس بهدوء وهو يسند ظهره : موافق ... راح اشتري لك بيت ملك خاص فيك وأوفر لك وظيفة اذا محتاجة عشان تربين هالبنت بالمكان اللي تختارينه .. غادة فتحت عيونها : بجـد ؟! فراس قاطعها : بشرط واحد ! نفذيه وكل اللي قلته بيحصل لك غادة بلعت ريقها : شـنو ؟ فراس : وش كنتي تسوي ببيت لورا ؟! غادة سكتت بقهر : ........................... فراس : هذا عرضي لك .. وبما انه عرض كريم لزبالة مثلك ماراح يطول هي يومين تتكلمين فيها ولا وقتها انا مو مسؤول عن اللي يصير لك غادة اكتفت بأنها تضم رنيم بحضنها والدموع تنزل رغم مقاومتها : .............. وقف فراس وطـلع .. غـادة بلعت ريقها مافيه طريقة بيتركها فيها .. لازم تتصرف .. لازم تسوي شي .. فكري غادة ! فكري فكري .. *** أم عبد المجيـد : سمعت ان فراس رجع .. ام فراس : ايه رجـع .. بس تو ماكلمته بالموضوع بكلمه اليوم ان شاء الله ام عبد المجيد : وان شاء الله زواجهم راح يكون بعد ما أخلص وداد وعرسها ام فراس : ايه خذي راحتك حنا مو مستعجلين .. ابي اخلص بدر بعد انا اسماء كانت جالسة قريب منهم وساكته وهي تطالع بقهر .. وقفت وهي تبعد عن جلستهم انسدت نفسها يتكلمون كأنه موافق ! احسن يافراس خذ سجى خلها تأدبك وتعلمك اني عاقله ! طلعت برا القاعة بكبرها ... وهي تجلس على درجات المدخل حاوطت نفسها من نسمة برودة هبت فيها .. تنهدت بضيق وهي تحس بحصا خانقتها .. سندت راسها على ركبتها وهي تعض على شفتها تمنع نفسها تبكي ... ليش أبكي ؟! شصاير ؟! ...... ما صاير شي بس تعبت .. تعبت .. ليش اللي يحب أكثر هو اللي ينوجع .. قلبها رهينته ماعاد بيدها ... انتبهت لصوت ورا : اسماء ؟! التفتت لسجى اللي فتحت عيونها بخوف وهي تشوف وجهها مب على بعضه وعيونها تلمع دموع : بسم الله شفيك ؟! وش جالسة هنا تسوين ؟! رجعت اسماء تطالع قدام : ............... عقدت سجى حواجبها .. جلست جمبها وقالت بخوف : اسوم فيك شي ؟! طالعت اسماء سجى ... شردت فيها وهي تستوعب بهاللحظة شغله وحده .. انا وسجى نشبه بعض .. اكيد إبتسام تشوفني زي نظرتي لها .. وأكيد هيثم يشوفني بزر ومزعجة زي فراس مايشوف سجى رجعت تطالع قدام وهي تحس بسخرية على حالها : ............... سجى هزتها : اسسمااء ! شتسوين هنا ؟! وقفت اسماء وهي تمشي سافهتها ... وهي تدور حول القاعة , تحس بوحده فضيعه .. اول مرة تحس بنفسها وحيـدة لهالدرجة محد يفهمها .. محد تقدر تكلمه ... رغم كل اللي حولـها تحس نفسها وحيده بجد .. هيثم انسان قاسي وصعب بالنسبة لها وبعمره ماراح ينجذب لها ... بهاللحظة صحت للواقع وكان الواقع قاسي وصادم *** إبتسـام :- عقدت حواجبها وهي تشوف يزيد بين الأطفال يلعب .. التفتت لأم نايف : خالتي .. مين جايب يزيد ؟! ام نايف : ليش مادريتي ؟! امه الثعلبه سافرت اجازة وجالس عندنا هالفترة .. إبتسام : شدعوه ينام عندكم وبيت أبوه موجود ؟! ام نايف : مدري عن نايف .. انا قلت اكيد انك معارضه إبتسام : لا خالتي الله يهداك .. اساسا ما ادري عن هالموضوع كله .. اتركيني اليوم أرجع معكم اخذ اغراضه ويجي معاي أم نايف : لا حبيبتي لاتضغطي على نفسك .. اتركيه عندنا ماشي حاله إبتسام : انا مصره خالتي .. وش بيقولون الناس بيقولون اكيد اني طاردته وما ادري ايش ! مو حلوه بحقي ولا حق نايف ولا حقكم ام نايف : اجل انتي روحي البيـت وانا برسلك شنطته مع السايق إبتسام : ان شاء الله وقفت إبتسام .. وهي تتوجه ناحية الأطفال الي يلعبون يزيد وقف عن اللعب واختفت ضحكته لما جلست عندهم بينما فهد ارتمى بحضنها : إبتسااااااااااااااام ضمته ابتسام : هلا فهاده .. هلا عيوني فهد اللي مازال متعلق برقبتها : يذيد هذي ذوذة نايف ابتسام : ههههههههههههههههههههه ذوذة أجل ! " طالعت يزيد بحنية " كيفك يزيد ؟! يزيد طالع فهد : فهود يله نلعب ابتسام حصلت حيلتها : فهودي تجي تنام عندي اليوم ؟! يزيد طارت عيونه .. ًصديقه بينام بمكان ثاني وبيتركه : ...................... فهد بحماس : اييييييييييييييييييه ! ابتسام : خلاص حبيبي انا بقول لماما تنام عندي اليوم .." طالعت يزيد " هاه يزيد تجي تنام عند بابا اليوم مع فهد ؟! يزيد هز راسه بمعنى " ايه " وخدوده مورده حيا من الانثى الغريبة .. باست ابتسام خد فهد : يله بروح اقول لماما .. روحو العبوا اللحين مسكت جوالها وبنيتها تدق .. لكن قررت تكتفي برسالة " اليوم يزيد بينام عندنا ! خلك بالبيت " ودخلت جوالها شنطتها وتوجهت لجلسة البنات حول ميهاف ... ابتسمت لها ميهاف : إبتساااام ! تذكرين ليلة الحنا حقتك إبتسام : ههههههه شلون انساها ؟! ايه اذكرها وداد بخبث : تذكرين وش قلتي فيها ؟! إبتسام عقدت حواجبها مو فاهمه : ................. ميهاف تكمل : قلتي بعد فترة من زواجي بتحنا باماكن خاصة ! ابتسام فتحت عيونها وحمرت : انا قلته !؟ الكل : اييييييه وكلنا شهود ! إبتسام فعلا ماتذكر انها قالت شي كذا : مستحيل ! وين اسوم هي اللي تشهد بالحق مو انتو الخونه سجى بضيق : صح بنات .. احد منكم شاف اسماء ؟ ميهاف : لا لي فترة ماشفتها الدبه ! وينها ؟ سجى : تخيلو برا .. كلمتها بس شكلها متضايقه مرة ميهاف انقرصت : شتسوي برا ؟! .. هي فعلا اليوم كنها مو اسماء ضايقة ومكشرة ومعصبة التفتت ميهاف للحناية : معليش توقفين شوي وداد : لا ميهاف كملي وحده منا بتروح تشوفها ... سجى روحي سجى : لا والله ! رحت ماعرفت اكلمها وداد : وانا ماراح اقدر اكلمها .. بعمري ماشفتها بهالحالة بتستحي مني حتى إبتسام : طيب قولوا لأمها تروح تشوفها .. ميهاف : صح سجو قولي لخالتي تروح تشوفها برا .. عـــند اسماء : - ضاغطه بيدها على راسها .. ويدها الثانية ماسكه الجوال واصابعها ترتجف فيه رمت الجوال بكل قوتها حتى تهشم على الأرض وتغطي وجهها بيديها الثنتين .. كلش هنا ضيق الهوا ضيق تنفسها ضيق .. وقفت بسرعة وهي تدخل وتسحب عبايتها وتطـــلع وتلبسها ماتقدر تجلس هنا ثانية اكثر ...... الدنيا ضايقة فيها : اسماء ! التفتت اسماء لأمها اللي كانت تطالعها بخوف وهي فاتحة عيونها : وين ؟! ليش لابسه عبايتك ! وش بتسوين انتي ؟! اسماء وهي ترتجف : مدري ..." كملت وهي تصرخ " مدري مدري مدري مدري ام فراس مسكت قلبها بخوف وهي تقرب منها وتعوذها : اعوذ بكلمات الله التامات من شر ماخلق ... " حطت يدها على جبينها " تعبانة فيك شي ؟! اسماء اشرت لقلبها : هنا يمـه ... هنا ! تعبت والله تعبت ام فراس ضمتها لصدرها : بسم الله عليك الرحمن الرحيم ... قل اعوذ برب الفلق ! لا تخوفيني عليك يا اسماء مو ناقصني خوف انا .... شفيك تكلمي ؟! اسماء وهي تدفن وجهها بصدر امها : مدري .. مو عارفه شصاير فيني .. احسني جالسة اموت ام فراس حاوطتها وجلستها على درجات المدخل : لا حول ولا قوة الا بالله .. خلك هنا اصبري مسكت جوالها تدق على فراس .. لكن تراجعت فراس مو المناسب لنكسات المراهقة بيزيد الطين بله دقت على بدر : الو بدر : هلا يمه ام فراس : بدر يمه تعال القاعة .. اختك تعبانه ابيك توصلها البيت بدر : ياسمين ؟ ماتشالت للحين ام فراس تنهدت : مو ياسمين .. ( ابعدت من اسماء خطوتين اللي كانت جالسة وضامه ذراعها لصدرها ومنزله راسها ) اسماء مدري وش صار لها هالشهر كله مو معجبتني حالتها وشكلها اليوم انفجرت بدر بخوف : شفيها يعني ؟! اوديها المستشفى طيب ام فراس : ايه مر بها دكتور يشوفها ... يله ننتظرك بدر : ماراح اطول مسافة الطريق .. خلها تجهز بس سكرت أم فراس السماعة وتوجهت لاسماء : يمه حاكيني احد مضايقك ؟! صاير معك شي ؟! : شصاير يا ام فراس التفتت ام فراس لام عبد المجيد واشرت لها بيدها تتركهم .. تراجعت ام عبد المجيد خصوصا شكل اسماء تعبانه بجد .. اسماء هزت راسها بقلة حيلة : ............. ظلت أم فراس معـها .. ورغم كل محاولاتها تعرف شفيها ماتكلمت .. دق جوال ام فراس " بدر " : هلا ... يله بتطلع لك اللحين " سكرت السماعة " يمه بدر برا .. اركبي معه هزت راسها وهي تلف طرحتها وتمشي بثقل وهي تطلع .. ركبت السيارة بصمت طالعها بدر بتفحص : شفيك !؟ اسماء : مافيني شي ........ بدر : ماراح اتحرك لحد ماتتكلمين ! شفيك وش صاير !؟ هالشهر كله وانتي مبهذلتنا اسماء : وجعي ! مايوجع غيري فليش احكي به ؟! بدر رفع حواجبه وهو يحرك سيارته : تمام ! بس اذا مايوجع غيرك لعد تبهذلين اللي حولك ! اسماء سندت راسها على يدهـا وهي تطالع الطريق .....وهي شاردة بالسيارات والناس : ....... : انزلي ! انتبهت للمكان .. موديها لسبب مرضها ؟! !! التفت له : شنسوي هنا ؟! بدر : المريضين يروحون للمستشفى .. ! اسماء : ماحنزل ! مافيني شي .. ودني البيت ! بدر : اسماء لاتفتريني انزلي نشوف شفيك ؟! اسماء : مـــابي .. بتوديني البيت ولا نزلت اخذ تاكسي بدر تنهد ومسك يدها بحنية : اسوم قلبي .. شناقصك انتي ؟ ادخلي لو بس عشاني ريحيني اسماء وعيونها دموع : بدر تكفى مابي .. بروح البيت .. مافيني شي صدق والله بدر تنهد بحيرة .. مسح دمعتها بطرف اصبعه : وليه الدموع دلوعتي ؟ اسماء : مابي المستشفى .. ودني بيتنا بدر : خلاص برجعك بس وقفي هالدموع مسحت دموعها وطالعته بمعنى " خلاص " ..حرك بدر سيــارته حتى وصل للبيت نزل مباشرة وفتح لها الباب نزلت اسماء ... بدر : اسماء .. انا بتركك الحين روحي ارتاحي .. بس بعدين لازم تقولين لي شفيك هزت راسها وهي تدخل البيت الهادي الساكن .. سحبت رجلها لفوق حتى وصلت غرفتها جلست بتعب على سريرها فتحت درجها وهي تطلع دفترها المشبع بمشاعرها وكتاباتها .. : لو شفت شلون كان إنكساري ماظنتي تقدر عن عيوني تروح لكن حسافة منت بالحال داري تضحك مع العالم وأنا كلي جروح ياروح روحي يابرودي وناري ياروح روحي مابعد غيبتك روح انسل بين طيات الدفتر صورتــه .. تناولتها من الأرض وطعناتها تزيد وهي تشوف لمحته الجديـه ..استلقت بجسمها ودموعها تاخذ مجاريها .. لازم تلقى حـل ! لمتى بتظل وراه وهو مو داري .. وبالأخير بتاخذ غيرها مكانها .. *** عقد حواجبه وهو يطالع رسالتها ... ضغط على الجوال بعصبية وقال بتمتمة : اقسم بالله ان هالمره بتـ .. : مالك يافندم ؟! تنهد وهو يطالع الدكتور : بالله دكتور واللي يرحم والديك اعجل علي ابي اطلع الدكتور : مائدرش اصرف لك الدواء دغري كذا نايف : راسي بينفجر .. ماعادت الحبوب اللي عندي تهديه بالعكس تزيد الضغط احس عصب براسي بينشل الدكتور هز راسه : واللهي مش عارف .. يعني كدا بتكون وصلت أعلى معيار نايف : ما أهتم ! هات اللي عندك دامه بيسكت الدكتور : المره دي راح اديك اعشاب .. اعملها مع الشاي وان شاء الله بتدعي لي نايف بقلة صبر : مابي اعشاب ! مابي أي زفت ! عطني حبوب مو فاضي لشاهي انا الدكتور تنهد : حاضر .. بس لازم توقع انها ع مسؤوليتك نايف : بوقع بس هات استلم الأوراق ووقع وهو ينزل للصيدلية ياخذ حبـوبه ... طالع سيارته الواقفه قدام المستشفى تنهد مافيه حيل يسوق تجاهلها ووقف له تاكسي .. وصل البيت دخل وهو ينتبه للمساتها ... بجلسة الحديقة مجـلتها سحب رجله لداخل دون يشغل أي اضاءة , بلع حبتين دون حتى مويه واستلقى .. يحس حتى نظره مشوش غمض عيونه بقوة وهو يجبر نفسه يسترخي *** دخـلت إبتسام البيت ومعها فهد ويزيد .. يزيد وقف : بابا موجود ؟! انحرجت ابتسام .. سيارته مب برا اكيد ماجا : لا حبيبي لسى بيجي اكيد .. تبغى تكلمه ؟! هز يزيد راسه بايه ... ابتسام ابتسمت : خلاص اجل ندخل ونرتاح ثم تكلمه .. يله ياحلوين دخلت ابتسام البيت .. شغلت الأنوار فتحت عيونها وهي تشوف نايف اللي كشر وقال بإنزعاااج : سككككرووا الننور ! ركض يزيد : بااااباااا جلس نايف وهو معبس من الإضاءة ... طالع يزيد وقال دون نفس : هلا طالع فهد وعقد حواجبه : وش جابك بعد انت ؟! فهد وهو يوقف جمب ابتسام ويمد لسانه : إبتثام تبيني نايف طالع إبتسام ... طالعه تفتن بالأحمر على شفايفها المقسومة .. اول مرة يشوفها بمكياج كذا قال بهدوء : شخبار العزيمة ؟ إبتسام هزت راسها : تمام ... تنهد نايف وهو يسند ظهره ويطالع يزيد وفهد : وهالنشب ليش جايبتهم ؟! وين بتحطينهم اللحين ؟! إبتسام وهي تصعد : اذا ما اسعهم البيت تاسعهم عيوني فرك شعره بإرهاق وهو يطالعهم واقفين ويطالعونه : شأسوي بكم اللحين !؟ يزيد : بطن يزيد جويع فهد مسك بطنه بحركه طفولية : وبطن فهد بعد ! نايف : راجعين من عزيمة كلها اكل وتو جويعين ؟! هذا اللي حطكم براميل يزيد : بابا وين ماما ؟ نايف تنهـد : وش تبون تاكلون ؟! فهد : أبي مكرونه إبتســـام :- لبست بجامتها النـــاعمة الليمونية ... حست بضجة تحت واصواتهم ترتفع عقدت حواجبها ونزلت استغربت الاصوات طالعه من المطبخ قبل تمشي ناحية المطبخ وقفت وهي تشوف الحبوب اللي على الطاولة .. مسكتها وهي تقرا العنوان " لعلاج الصداع النصفي ؟ " عقدت حواجبها ! معقولة نــايف ؟!! .. كانت هيئته مرهقة لما دخلوا بجد .. تركت العلبة وهي تدخل المطــبخ كان نايف واقف بطولة الفارع قدام الفرن ويزيد وفهد جالسين على الطاولة جمب الفرن يتابعون خطوات الطبخ ... طالع شكله يفتن ببنطاله القطني الرمادي وبلوزته السوداء الضيقه وشعره البني المبعثر بتجعيداته وبشرته السمراء ... كان فــاتن وهو يستلم المقلاه بيده ويطالع كتاب الطبخ جمبه .. ويزيد يصفق بطفولة مستانس : باااباا تعرف تطبخ ؟! نايف : شوفوا وش بيطلع معي .. لو يطلع السم بتاكلونه غصب عنكم ابتسمت ابتسام لاتلقائي من محادثاته معهم ... مشت ناحيتهم حتى صارت جمبه وهي تطل على القلاية : شتسوي لهم ؟ نايف انتبه لها ... : انا نفسي مو عارف وش هاللي جالس اسويه ؟! ابتسام : طيب ليش ماقلت لي اسويه وبس ؟ نايف وهو يشيح بنظره للمقلاه ويحركها : ماني في وضع اقدر اقولك فيه شي .. سكتت لفترة .. بعدها طالعت الكتاب وتوجهت للثلاجة تطلع المكونات وتقطع وهي تكمل معه الطبخه بصمت : ...... بعد فترة جهز الأكل .. وجلسوا بالصالة عشان ياكلون : .... فهد نطق بتذمر بعد ماذاق اللحمة اللي طبخها نايف : اااااااااعععععع طعمها يع نايف فتح عيونه : بجد ؟! يزيد اللي جرب وعبس : مملللحح إبتسام : ههههههههههههه معليش أكلوا الرز طيب فهد بهم : نايف ماتعلف تسوي شي نايف وقف : هذا جزا اللي يعطيك وجه يالفصعه ... اقول قم بس ارجعك البيت شتسوي ببيتي ؟! فهد حاوط ابتسام من خصرها : ماااااااااااااااااااااااابي لااا نايف وهو يتوجه له : ع بالك بتشفع لك ؟! فهد تعلق بقوة .. ونايف انحنى لهم وهو يسحبه .. ابتسام : ههههههههههههههههههه خصصري فهود بشويش وقف يزيد بفزعه لأبوه وهو يسحب فهد .. وابتسام محاوطته : خلاااص سامحه هالمره عشاني افلته نايف وقال بتهديد : هالمرة بس ! وتبيني اسامحك اكل اللحمة كلها فهد فتح عيونه بكرب : كلها ؟! إبتسام : حرام عليك تبي تسممه ؟ نايف : خل يتسمم ملعون الخير مقلقني بجوعه واخرها يذم بعد إبتسام همست باذن فهد .. عقبها طالع نايف ببراءة : آثف .. آخر مره نايف رفع حاجبه : اكيــد ؟! فهد هز راسه مباشرة : ............ هز راسه ومشى ناحية الدرج .. قبل يصعد التفت : فين بينامون ؟! إبتسام وهي تاشر لغرفة غادة وتحاول تكون طبيعية : هنا .. جاهزة باثاثها .. هز نايف راسه وصعــد لغرفته ... بعـد ساعة دخلت الغرفة وبيدها صينية حطتها على جمب , كان جالس وبحضنه كتاب يقرا .. انتبه لها وهي تشتغل بالصينية .. مشت ناحيته حتى صارت واقفة قدامه عقد حواجبه : شهذا ؟! إبتسام : تو بتقرا ولا خلصت ؟! نايف استغرب : فيه شي مهم ؟! إبتسام : لا خذ راحـتك بعد ماتخلص قولي .. سكر الكتاب وطالعها : خلصت .. قـولي وقفت ورا كرسي ومسكت راسه واسندته حتى يسترخي نايف جته قشعريرة من لمستها لناعمة .. ضغطت باصابعها جبهته من اليمين واليسار وهي تحركها بهدوء في حركه دائرية قالت بنعومة وصوت حنون رغم برودها : غمض عيونك واسترخي قد ماتقدر نايف اللي كان يطالعها وهي تدلك راسه بحركه ناعمه .. ويحس اعصابه ترتاح : شجالسه تسوين ؟ إبتسام : شفت الحبــوب .. كالعادة ماتقدر تقولي مباشرة لازم اكتشف بنفسي أي شي يخصك نايف ابتسم : هذي عقوبتي الظاهر .. فرصتك تقولين أحسن إبتسام : أحســن .. تستاهل اكثر نايف تنهد وهو يمسك يدها : وقفي إبتسـام .. انا لو أبي منك خدمه طلبتها إبتسام : اترك يــدي .. مو عارفه اكمل شغلي تقدم بجلسته : لا تكمليه .. ماني موافق على كلمتك مابينا غير المسؤولية .. " التفت لها " أنا يا أبيك كلك يا ما أبيك ! مسكت كتوفه ورجعته يتسند غصب وهي ترجع تدلك وقالت بحده : ما أظنك في وضع يسمح لك تتشرط كمان ؟! اتركني ارضي هالضمير الغبي اللي فيني وعقبها بأروح استسلم نايف وهي تدلك جبينه .. بعد فترة صمت قال : ليش انتي كاملة بكلش .؟ اعجز ادور فيك عيب ما أحصل إبتسام : ماني كاملة .. ماعرفت تدور ولا كان حصلت .. مافيه احد كويس بكلش .. ومافيه احد سيء بكلش .. " كملت بهم " حتــى انت .. احتفظ بصمته .. وهو يترك نفسه يسترخي بين يديها حتى انتهت .. تحركت ناحية الصينية وحطتها قدامه : النعناع بيساعدك تسترخي .. اشربه ونام ومشت لبرا ... نايف : فين ؟ إبتسام : مقدر اتركهم لحالهم تحت .. بنام عندهم هز راسه .. وهو يحس كذا اريح لها : ............... طلعت وهو ظل شارد بكاس النعنــاع قال بهم : ضميرك هالغبي صار يعذبني معاك .. كيف تبيني احقرك واكمل حياتي وانتي مو راضيه تروحين ؟ *** دقـوا الطبول .. دقوا الدفوف خلونا نسمع صفق الكفوف " ليلة الفــرح " تمشي بتوتر بين الأغراض .. صرخت بقهر : فيييييييييين الشنطة الصفراء مو محصلتها ؟! هزت أم نايف راسها : هذي هي قدام عينه ياعميه .. ميهاف : اوووه ما انتبهت .. طيب الكوشه وصلت ؟! جهزوها ؟ ام نايف : لا تو بدري ... ميهاف طالعت الساعه : كيف بدري ؟ انا قايله لهم 5 يكونوا هنا .. " مسكت جوالها " والله لا اغسل شراعه ام نايف : انتي شفيك هدي ارتاحي ميهاف : مدري يمه .. احس فيه شي بيخرب .. فيه شي مب زاين ابي كلش يصير بيرفكت ! أم نايف : ميهاف ! ابوك برا يله البسي عبايتك نوصل الفــندق بسرعة ميهاف بربكة : لحظه يمه واللي يعافيك بصعد اتاكد من شناطي وجايتكم هزت ام نايف راسها : انا طالعه ! وانتي اعجلي ولا رحنا وهملناك صعدت ميهاف ...وبعد ماتأكدت من كلش للمرة المــليون نزلت وركبت السيارة هز ابو نايف راسه : كل ذاه تلبسين عبايتك ! ميهاف : معليه حصل خيــر جلست تلتقط انفاسها من الفرفره ... مسكت جوالها وهي تدق على اسمـاء من امس تدق عليها تبي تتطمن عليها تنهدت بيأس ماترد : ............ *** بيت أبو فراس : - دخلت ام فراس غرفة اسماء ... كانت نايمة هزتها بهدوء : اسماء ! فتحت اسماء عيونها بكسل : ها يم ام فراس بصرامة : غسلي واجهك وانزلي ! انتظرك تحت وطلعت مباشرة ... جلست اسماء وهي تطالع الباب تنهدت وقامت تغسل وجهها بعدها نزلت كانت جالسة وجمبها بدر جلست : ................ نطقت ام فراس : كيفك اللحين ؟! اسماء : حمد الله .. شكلي توعكت شوي امس شبك بدر يدينه ببعض : شوفي اسوم ! معد بقى الا 5 ساعات على عرسي وتو ماتسبحت ولا تجهزت ولا طلبت الكيكه ولا سويت شي ! وجالس هنا لين تتكلمين شفيك .... واذا فاتني عرسي ترا منك اسماء : من جدكم ؟! بدر : بلاك ماشفتي عمرك امس ! خوفتينا ورجيتنا عليك !! ولا هي على اليوم وامس ... لك شهر وانتي كانك المجنونة ام فراس بهدوء : حنا خايفين عليك حبيبتي .. قولي شصاير معك ؟! بدر : وترا فراس فالطريق .. قسم بالله لو ماتتكلمي قبل مايجي لاحطه قدام الموضوع وهو يتصرف معك اسماء عضت على شفتها .. ومالقت الا هالمخرج : منقهره وزعلانه ... بدر : من ايش ؟ اسماء : منقهره ان ميهاف بتتزوج قبلي وانا لا ... وزعلانة انك بتتزوج وتتركني بدر فتح عيونه : نعم ؟! اسماء : اففف بتنقدون علي انا عارفه .. بس هالموضوع فعلا ياثر فيني ليش هي تتزوج وانا لا وش ناقصني يعني ؟ طالع بدر وام فراس ببعض : ............................. انفتح باب البيت .. دخل فراس : سلام ! ام فراس : وعليكم السلام والرحمة فراس جلس وهو يطالع بدر مستغرب : شمجلسك هنا انت ؟ ماعندك نيه تتجهز ؟ بدر : إلا حاجز بالصالون ومتاخر عليهم .. " طالع اسماء " انا بسوي نفسي ماسمعت والله انتو يالبنات..." سكت لما ما حصل كلمة تشرح " اسماء نزلت راسها ( قلت نص الحقيقة .. ): ........................... ام فراس بجدية : يا يمه الحياة قسمة ونصيب ... " قست ملامحها " وبعدين كانك عجله على العرس ليش ما وافقتي على لؤي ؟ فراس مافهم : شالسالفة ؟ اسماء طارت عيونها بامها يعني اسكتي ... اخر شي تتمناه فراس يعرف هالامنية السطحيه .. ام فراس كانت منقهرة : المهبولة زعلانه عشان ميهاف تزوجت وهي لا ارتسمت على ملامحه اكبر تعابير السخرية والإستهزاء وهو ياشر لها: انتي تبين تتزوجين ؟ ..... اقول اكبر ياصغير اسماء ورد وجهها : مااااااقلت كذااا !! قلت زعلانه عشان بدر بيروح ! فراس طالعها بنص عين : يعني امي تكذب ؟! اسماء : لاا .. فهمت غلط بس فراس : والله ماغلط غيرك , صفي قلبك الوحده تستانس لصديقتها وانتي حاقده ! اسماء وقفت بقهر وهي تضرب برجلها : ماااااااااحقدت ! فراس : هجل وش معنى انك زعلانه ؟! اسماء : عشان بدر ! فراس وهو مستمتع بنرفزتها : ماتبغي اخوك يعني يتزوج وينبسط بحيـــاته .. حاسدته على فرحته اسماء تبي تنتقم : إلا مبسوطة .. وبستانس اكثر لزواجك ان شاء الله القريب ام فراس طالعتها بتهديد ... فراس بسخرية : ومن قالك بتفرحين بزواجي ؟! ما اذكرني خاطب( ن ) احد اسماء ابتسمت : ليييييش ماتدري بمخططات امي العظيمة لك ؟! امي خاطبه لك سجى بنت عمتي الله يوفقكم يارب فراس عقد حـواجبه وقال بتمهيد : نعــم ؟ ام فراس نطقت بسرعة : خل منك اسماء تهذري ماتدري وش تقــول .. قاطعها فراس : مافيه دخان من غير نار ! وش طابخين من وراي انتي وعمتي ؟! ام فراس : ايه وش فيها .. اعرس وريح قلبي هذي امنيتي حرام فيني تحققها لي فراس : يعـــــــني صـــدق ؟! ام فراس باستسلام : ايه صدق .. اسماء : وسجى ياقلبي مبسوطة تطامر بين العالم تعلمهم ان فراس الشمري خاطبها فراس هنا وصلت معه .. قال بحده : انقشعي فوق ! صعدت اسماء مباشرة وهي تحس بندم .. شكلها بلحظة تهور نست ان فراس لاعصب محد يقربه : ........... فراس التفت لأمه وهو ضاغط بيده على يد الكرسي حتى بانت عروقه : وش هاللي سمعـــته ؟! ام فراس : انا خطبت لك سجى بنت عمتك .. فراس : وبأمر من ؟! وبشور من ؟ وبرآي من .؟ وعلى أي اســـاس ! ام فراس : بامري وبشوري وبرايي .. انا تعبت وانا اشوفك بهالحاله اقل شي لاسافرت معك حرمه تردك عن الحرام فراس ماقاوم ارتفع صوته : وش حــــالته ؟! مريض لاسمح الله فيني بلا ! ماني بنظرك رجال عاقل يشيل المسؤولية ؟ ام فراس : ماقلت كذا .. بس انا من حقي افرح فيك فراس نفخ : رجعـــــية وبدائية ! محد يفرح بغير الزواج .. اللحين اللحين بهاللحظة اقدر اعطيك مليون سبب تفرحين فيها دون تنكدين حيــاتي وتنزلين مقامي بنظر العالم ام فراس : انا نزلت بمقامك ؟! عشان خطبت لك بنت عالم وناس ! فراس شد على قبضته وهو ينتبه لنفسه .. تنهد : اعوذ بالله من الشيطان .. سكت لوهله بعدها وقف وقال بهدوء : بإختصـار ومن الآخر ... اسلوب لوي الذراع هذا مايمشي معي ومشى طالع ... ام فراس : من عقلك هالحكي ؟! والبنت واهلها خلاص عطيتهم كلمة فراس التفت بطرف عيونه : مو قلت لك انك تبغين تلوين ذراعي ؟ ادعي ربك مايجي واحد من اهلها يتفلسف فوق راسي ماراح يصير طيب فاحسن لك تكلمينهم وتحطين نهاية لهالصداع ! و طراااااااااااااااخ سكر الباب بأقوى ماعنده ... ام فراس انقهرت التفتت للدرج بعصبية وهي تتوجه لفوق وناوية عليها : اسمااااااااااااااء ! *** إبتســـام :- صحت من النوم أثر اصوات الإزعاج طالعت الساعة 5 العصر .. اوفف نامت كل هذا ... انتبهت لفراش يزيد وفهد فارغ وجوالها يدق " ام نايف " تحنحنت تعدل صوتها وردت : هلا خالتي ام نايف : هلا عيــوني .. شخبارك مع هالبزارين ؟ إبتسام : هههههههههه تمام حمد الله .. ام نايف : والله ماودي انك خذيتي فهد بيقلقك بس انتي عندتي ابتسام : شفيك خالتي غريبة انا ؟! حمد الله ونسنا امس ام نايف : وشهو يسوي اللحين ؟ ابتسام طلعت من الغرفة : والله تو صحيت وشكلهم صاحين قبلي .. بروح ا " شهقه " ام نايف : شفيييييييك ؟! ابتسام فتحت عيونها وهي تشوفهم بالحديقة ونايف معه خرطوم الماء وبالبرمود والبلوزة العلاق الماسكه عليه من اثر الموية وشعره مبتل تماما بالماء بشكل جذاب وهو يضحك .. ويزيد وفهد ماعليهم غير صروال داخلي ومبللين بالموية ويتراكضون ونايف يرش عليهم صرخت باعلى صوتها : نااااااااااااااااااااااايف !!! ام نايف وهي تسمع الإزعاج : إبتسام معي انتي ؟! صرخت وهي تركض داخل لما رش الموية عليها ... ام نايف بقلة صبر : ابتسااااااام ! ابتسام : اكلمك بعدين خالتي .. بروح اشوف هالمجنون ولدك ما امداها تتكلم سكرت ابتسام السماعة وهي تسحب فوطتين وتطلع وتمد اصبعها بتهديد : جرب ترش هنا بس ! " التفتت ليزيد وفهد " وانتو تبغون تمرضون ؟! تعالو هنااااه نايف افلت الخرطوم ومشى ناحيتها .. وهو يأشر ليزيد وفهد : تعااالو صدق لاتمرضون ابتسام التفتت له ويدها على خصرها : لا والله ! تو تدري انهم بيمرضون انت اصلن ...... مامداها تكمل وهو يشيلها بين ذراعيه ويمشي بها برا ناحية الزرع والخرطوم ويرشه عليها : نااااااااااااااااااااااايف !! نايف وهو مثبتها وهي منسدحه ويرش عليها وميت ضحك : هههههههههههههههههههههههههههههههههه اجتمعو يزيد وفهد وهو يصفقون : ههههههههههههههههههه ابتثام ثبحت ابتسام دفرته من صدره وسحبت الخرطوم وهي توجهه ناحيته : ياااااااااامجنون يا أهبل نايف ماكان يقاوم الموية .. اتجه ناحيتها باندفاع رغم ان الموية مصوبه على وجهه حتى وصل قدامها مباشرة وهو يضحك : هههههههههههههههه للأمانة انا ماعزمتهم ! طلعت اسقي الزرع جو يبغون يسبحون وانا وافقت ابتسام : وافقت ؟! هم بزران ماعليهم شرهه .. انت يالكبير مفروض قلت لا ! نايف هز كتوفه : وليش اقول لا خل ينبسطون ابتسام : حرام عليك بيمرضون ! فهد بدفاع : لااااااااا مانمرض نبي نلعب ابتسام مشت ناحية الصنبور وسكرته : مافيه ! قدامي داخل انشفكم قبل تمرضون اللحين صدق .. ثم ماتحضرون زواج اليوم نايف : وانا مين ينشفني ؟! ابتسام بقهر : نشف نفسك ! ودخلت لداخل مع البزران وهي تحط المناشف فوق راسهم وتبدا مهمة العـلاج ... اما نايف صعد لفوق وهو ينشف نفسه ثم نـــزل تحت دخل الغرفة عليهم وهم قدامها وهي تمشط شعورهم : اقول ابتسام الساعة 7 متى ناوية تروحين ؟ إبتسام طالعته بقهر : اسال نفسك ! مفروض اكون عند الكوفيرا اللحين ! نايف : طيب ليش معصبة ؟ انا شدخلني اذا انتي طولتي بالنوم إبتسام هزت راسها وهي ترش عطر عليهم بعد ماكشختهم كلهم بالثياب : اجلسوا بالصالة بأدب .. لحد ما اخلص نايف برواقة : اصير لك كوفيرا ؟! ابتسام : اتركني بس بحالي خل اخلص ... بتنتبه بعد للبزران ولا بتسبحهم بعد ؟! نايف وهو يعدل شماغه : لا مقدر اجلس عندهم .. لازم اروح لبدر اللحين متأخر عليه ابتسام كملت طريقها لفوق : مايعتمد عليك اصلن في شي ! اما نايف طــلع وجواله يدق رد : نعم نعم يالغثه ! خلاص بجيك يخي فكني من اتصالاتك شوي ............ ايه بالطريق اللحين ...... ههههههههههههههههه زين زين ........ قوله يلزم العافيه بس *** بيت أبــو نايف :- نزل لؤي بعد ما كمل اناقته بالثوب قابله ابو نايف : هلا والله ! لؤي : امي وميهاف راحوا ؟ ابو نايف : ايه ... ونايف سبقنا هناك باقي حنا لؤي : يله تفضل أبو نايف : قبـل نروح .. ابكلمك لؤي : اللحين ؟! ابو نايف : ايه ... انا وضعك ماعاد اتحمله ... لمتى ناوي تضل على هالحال ؟ لؤي : آي حال ... مو انت تبيني بالرياض هذا انا بالرياض ابو نايف : انا ماتركت شي ماسويته عشنا ابسطك انت واخوك .. سيارات شريت لكم احسن سيارات مناصب ؟ عطيتكم احسن مناصب .. اراضي ؟ ما تركت بخاطركم شي ! وعقب كل هذا تقابلني بجحدان لؤي بهدوء : جزاك الله خير وما قصرت .. على اني ما اوافق على كلامكم هذا ينطبق على نايف مو علي .. انا مسكت وظيفتي من كنت بالجامعة ومن تعبي الخاص طلعت قيمة كل اللي ذكرته .. بس برضوا اقول شكرا ! بالنسبه لانك سويت كل هذا عشان انبسط ... صح انبسطت على السيارة يوم يومين .. وعلى الفلل يوم يومين .. بس عشان اكون مبسوط على طول لازم ينعاد ولادتي بمكان ثاني أبو نايف والكلمه زعلته .. : عقب كل اللي سويته بس عشان مصلحتك وعشان تعيش مرتاح .. صرت ازعجك ؟ ماعاد تبيني تبي تفارقنا ...؟ لؤي : مصلحتي ؟ .... قصدك مصلحتك ! دراستي طموحي ماكانوا بمصلحتك عشان كذا رفضتها !!! لو انت تهتم بمصلحتي ما اجبرتني اشتغل عندك اتركني اشتغل باللي ابغى وادرس اللي ابغى ابو نايف هز راسه : اشهد اني ماعرفت اربيك سكت لؤي :........................... مشى ابو نايف طالع ... اما لؤي تنهد وجلس جروحه اعمق من اللي يعتقدها .. بحياته ماتمنى شي وحصله كل اللي بخاطره ينلغى ويوافق ويخضع .. بس امنيته هالمرة أكبر من انه يتخلى عنها .. تنهد بضيق وهو يحس نفسه ميت محتاج قربها .. لازم يلقى طريقه يطلع من كل هذا *** غـــادة : - تاففت بملل .. رنيم نايمة وهي ملت من مقابل التلفزيون سكرت التلفزيون وطلعت برا الملحق طالعت الفيلا الرئيسية بفضول مشت ناحيتها وهي تفتح الباب مقفول .. تاففت وهي تبعد من الفيلا وتمشي بانحاء المكان تتفحص انتبهت لموقف سيارات ورا الفيلا مافيه غير سيارة وحده .. سيارة سباق باللون الأسود مشت ناحيتها تتفحصها : واااه تجلط اول مرة اشوف وحده حقيقية فتحت السيارة ,, عقدت حواجبها مستغربة لما انفتحت توقعتها مقفلة انتبهت لصورة في تعليقة بالسيارة مسكتها كان شاب وسيم ... قمة الوسامة بلمحة العروبة المتجسدة فيه : من هــذا ؟ هذا الفايمس بدر ... لاتكون هذي سيارته فزت تطلع وتسكر السيارة لايجي اللحين احد وتروح فيها ... عقدت حواجبها ورجعت تدخل السيارة كان فيها مفتـاح , ابتسمت : مب ذكيين ! مكشوفه هذا مفتاح الفيلا اكيد توجهت للفيلا وهي تجرب المفتاح .. انفتحت لها الفيلا وكلش فيها مغطى بشراشف بيضاء عشان ماتتلف القطع الثمينة فيه .. انتبهت لأصوات سيارة برا شهقت وطلعت تركض وهي تقفل الفيلا وتوجه لملحقها قابلها بالطريق مسعود طالع من الملحق : فين كنتي ؟! غادة بلعت ريقها : كنت اتمشى ! زهقت من الملحق ورحت امشي شوي طالعها مسعود بنص عين : تتمشي بس ؟ غادة : ايه بس ... ودخلت بسرعة الملحق وهي تسكر الباب قبل تنكشف قدامه وتروح فيها *** أسمــــــاء : لأول مرة ماتتحفز لحضور ابتسام .. وماتتمنى تشوفها ! وخطتها عشان ماينقلب جوها زي امس ..تتجنب انها تجلس معها .. كانت امها تطالعها بحده للحين منقهره منها .. تنهدت بضيق وهي تطلع من القاعه وتصعد فوق لغرفة ميهاف ميهاف : خييييييير لابسه ابيض ؟! قاطه ! اسماء : لسانك وش طوله وانتي عروسة ! اخبر العرايس يستحن مالت بس ميهاف : هههههههه .. خليك هنا بلبس فستاني وبجيك جلست اسماء قدام المنظرة وهي تعدل مكياجها : اوك طلعت وهي ماسكه فستانها عشان تقدر تمشي .. : شــرايك ؟ اسماء ابتسمت بفرحة لصديقتها : وااااه ميهاف طالع خيــال ميهاف وهي تراقب نفسها ومكياجها بألوان مناسبة فستانها الفريد .. وشعرها الكاكو رافعته بتسريحة فوق : لازم اطلع خيـال .. اخوك مايعجبه أي شي اسماء : تصدقي ماتخيلت بيوم انك انتي وبدر لبعض ميهاف : وليش مو لابقين يعني ؟ اسماء : لا مو كـذا .. بس بدر يعني كان رافض فكرة الزواج العائلي ميهاف ابتسمت بنعومة : الله يكتب اللي فيه الخير أهم شي بالقــــاعة : - دخلت ابتسام و استقبلتها أم نايف : هلا والله اخيرا .. طولتي وينك ؟ ابتسام : اهم شي جيت .. شخبار العروسة ؟ ام نايف : بخير بس انتي تعالي وش صاير .. خضيتيني على السماعة ابتسام : لما طلعت ادورهم حصلت نايف جالس يسبحهم بالحديقة .. نشف دمي ! وهذا يزيد مزكوم ام نايف : نايف ؟ شرع وعادة .. لو تدرين وش سوا بيزيد هذا سوالف ابتسام : بس شي عن شي .. انتبهو لفهد بعد لايجيه شي ام نايف : لا بيستر ربي ان شاء الله .. وينهم هم ؟ ابتسام : مع نايف برا عند الرجال ام نايف : يله اجل ندخــل تفضلي مسكت طرف فستانهــا وهي تدخل وتسلم على الموجودين *** جالس بالنص بالمشلح الأسود .. والكشخة الكاملة بوسامته الملفته .. وجمبه فراس اللي كان مكشر وماله خلق ... بدر : انت افرد وجهك شوي .. الكل يطالعك فراس اللي كان يحدق بالموجودين .. انتبه لهيثم ولؤي جمب بعض التفت لبدر : من اللي جمب لؤي ؟ بدر طالع ناحيتهم : هذا هيثم .. نسيب نايف دكتور بمدينة الملك فهد الطبية فراس رفع حواجبه ( هذا أخوها .) ! , وقف بدر يسلم على ابو عبد المجيد وعبد المجيد وقف فراس وسلم على ابو عبد المجيد برسمية ... سلم عبد المجيد واختتم سلامه بـ : وعقبالك ان شاء الله رغم ان كل اللي سلموا عليه قالوا له هالكلمة .. لكن هنا غير قال بطبيعية : لااا انا مستحيل .. اتركني مرتاح كذا بشغلي عبد المجيد : واذا شيبت ؟! خلص الشغل خلاص .. فراس : وقتها باحتري الموت بهدوء لحالي عبد المجيد استغرب .. لكن ماحب يكثر حكي قرر يخليها بعدين ومشى : ........... *** دخلت أم فراس غرفة ميهـاف تسلم عليها ... اسماء اللي كانت هنا تهرب من نظرات امها سكتت وام فراس تقزها ثم تسلم على ميهاف : الف مبــروك ياعمري .. الله يجعلها فاتحة خير بحياتك يارب ميهاف : جعلك تسلمين خالتي ... طلعت ام فراس مباشرة ... التفت ميهاف لاسماء : شفيها امك تطالعك كذا ؟! اسماء حاست بفمها : متهاوشات ميهاف فتحت عيونها : وانتي ماخليتي احد ماتهاوشتي معه ؟! اسماء : بالله ميهاف اسكتي .. جايه هنا ابي اخلص من ذالحكي ميهاف بنبره جديه : أقول اسماء .. شصاير معك هالفترة ؟ منتي اسماء اللي اعرفها ؟ اسماء اللي مسترخية على الكرسي وحاطه رجل على رجل : العرس ضارب راسك .. ولا انا نفسي ماتغيرت ميهاف : باللهي ؟! يعني اسماء اللي اعرفها بيوم زواج بتجلس بغرفة بعيد عن الصجه .. بالعادة انتي طول العرس ترقصين اسماء طالعت بصديقتها لفتره ... اقولها ؟ يمكن ارتاح اذا تكلمت مع احد .... دخلت الغرفة وهاجموا البنات يسلمون على ميهاف .. صديقاتها واهلها اما اسماء كانت فعلا ضد الإزعاج هالفترة سحبت نفسها تطلع من الغرفة وتنزل تحت وتاخذ لها مكان على المقاعد بهدوء ... تنهدت بضيق وهي تطالع الكوشه .. واحلام طفولية تنرسم .. تتخيل لو الكوشة كوشتها وعروستها هي وعريسها هو .. : بو ! مسكت قلبها وهي تشهق .. التفت كانت ميسون " ميسون صديقة اسماء القديمه .. ايام الثانوي ولما دخلوا الجامعة انفصلوا بحكم التخصصات " : ميسوووون !! ضمتها ضمه حاره : هلا واللله بالحـــــــــلوة .... كيفك يامجنونة ؟ وحشششتيييني موت " كملت بصرقعة " وكيف خطيبي ان شاء الله للحين جالس يحتريني اسماء : هههههههههههههههه هو للحين جالس بس مدري يحتريك ولا يحتري العنوسة ميسون : لا ماعليك يحتريني يحتريني اسماء : والله انك غبيه احد يخق مع ذالمتعجرف فراس ! مالت عليك بس ميسون : حددددكك حددك ! كلش الا هو عاد ..تو شفته بمقابلته لأنجح شاب ياويل حالي بس يخرففن اسماء : هههههههههههههههه تبين اوجع قلبك ؟ ميسون : لا قلبي ماله حيل جروح اسماء : اقول شوفي قدام .. وحده لابسه فيروزي وشعرها قصير ميسون : ايه ايه اللي جالسه تضحك اسماء : ايييييييييييه .. هذي امي خاطبتها له ميسون فتحت عيونه : اماااانه ؟! على اساس مايبي يتزوج ؟ اسماء : ايه خاطبينها له من وراه ... ولما عرف سوا لهم سالفه ميسون طالعت المسرح بحماس والطق : قدامي خل نرقص هالرقصة اسماء : لا ميسون مالي خـاطر ارقص ميسون : امااا عاد القينه اسماء ماتبي ترقص ! وش جرى لك يختي لايكون كبرتي وعقلتي ؟ اسماء : لا يختي بس مالي خاطر ميسون : معقولة زواج اخوك وماراح ترقصين ! قومي بس بلا هبال اسماء : ماراح اقوم لا تقلقيني ميسون كشت عليها : مالت عليك بس .. شفيك لايكون معك الأخت وقافله بجوك ؟ انتبهت اسماء لامها تشر لها من بعيد : لحظه امي تبغاني مشت ناحية امها .. ام فراس : اسماء الله يرضى عليك بسرعة اركضي للديجي يشغلون الزفه صعدت للديجي تشغل الزفــة .. مجرد ما اشتغلت الأنغام دخلت ميهاف وسط نظرات الإعجاب كثير تمنوها .. جمالها مشهـود له بنظر الكل طاغية بتفاصيل انوثتها واليوم طالعه بأجمل رونقها .. ماكان الخجل تعبيرها كانت تمشي بباكيت الورد بيدها وتبتسم للموجودين حتى وصلت لكوشتها وجلست بأناقة : ... اسماء اللي كانت تطالع من نافذة الغرفة فوق عند الديـــجي : بو حصلتك ! التفتت لميسون : يمه وش جابك انتي ؟ ميسون : هههههههههههه ابيك يختي .. الا اقول حرمتكم ذي ماتستحي وراها فاتحه خشتها وتضحك اسماء : وش تبينها يعني تبكي ؟! ميسون : لا يختي بس تستحي شوي وش ذاه اسماء اكتفت بالصمت وهي تطالع ميهـاف .. المتكيفة مع الجو وفور وصول المصورة وقفت بنعومة وهي ماسكة فستانها وتوقف بوضعية تصوير وتاخذ صور تذكارية مع رفيقاتها .. ميسون : ماحتنزلي تصوري معاها ؟ اسماء اللي كان جالسة ومسندة وجهها على يدها : ما أحب اصور ! ميسون بجدية : اقول اسماء انتي صاير معك شي ؟ منتي على خبري تنهدت اسماء : شا أقول لك ميسون .. اتركيها بالقلب تجرح لا تطلع وتفضح ميسون : شفيييييك ؟! خوفتيني اسماء : مو وقته ... سكتت ميسون احترام للمكان والوقـــت ... بعد فترة دخـل بدر بطلته الفاتنه ونص الحضور معجبات لنجوميته وجمبه أبو نايف اللي توجه لبنته وباس راسها : الله يحفظك يا أبوك .. " التفت لبدر " تــرا ميهاف امانه وتراهي غالية ! بدر اللي ابتسم برضا لما شافها .. ماغلط لما اختارها : وانا قـدها ان شاء الله تقـدم ناحيتها وصافحها وسلم عليها بالخد : الف مبروك ياعمري .. تسلم لي هالطلة ابتسمت ميهاف بخدود موردة حتى بان فصها الألماسي : مـاعليك قصور جلس الثنـائي الوسيم بنظر الكل بالكوشة ..وأبو نايف طلع عشان يحتفل الكل صعدت ام فراس مباشرة تسلم عليهم .. بـدر : يمه فين اسوم مو شايفها ؟! ام فراس وهي تطالع بالموجودين المتغطين : مدري من وصيتها الديجي ماشفتها بدر طالع ياسمين : ياسمين ناديها لي الـتفت بدر لميهاف وهو يكحل عيونه بتأملـها .. رفعت ميهاف عيونها وابتسمت : خلصت تكحيل ؟! بدر : تـؤ .. والله لا أتملك من اليوم لآخر يوم بعمري ماشبعت ضحكت ضحكه خافته ممزوجه بحيـاء : بدر : فدا الضحكه وراعيتها صعدت اسماء المسرح حتى وصلت عندهم : مــبروك ! طالعـها بدر : اخيرا جيتي .. تتغلين ويا وجهك ؟ اسماء لمعت عيونها دموع .. اعز اخوانها لقلبها : .......... هذاي جيت .. نغزت ميهاف بدر .. وبدر فهم لما شاف وجه دلوعته الطفولي وعيونها تلمع مسك يدينها وهي واقفة قدامه : بلاها ميهاف وبلاه هالعرس كله اذا بيخليك كذا ضحكت وسط همها : ههههههه بجد ؟ اجل يله ننحاش ميهاف : هههههههه شفيك اسوم من جدك زعلانه عليه وانتي كل يوم تحشين فيه قدامي التفت بدر لميهاف وهو رافع حواجبه : بجد ؟! اسماء : وإذا ... حتى لو حشيت فيك اظل بفقدك .. وقف بدر وهو يضمها ويبوس راسها ويهمس باذنها : لو اعرس بدل الوحده اربع .. تضلين انتي دلوعتي ! خلاص اسوم بتضلين كذا اسماء مسحت دموعها وهي تسحب نفسها من حضنه وتبتسم : الله يهنيكم مسك يـدها وسط انغام الدف ورقص معها حتى تأكدت انها ضحكت وصارت احسن .. بعدها رجع لمكانه ابتسمت له ميهاف : زين سويت .. اول ضحكه تضحكها اليوم بدر تنهد : والله ماني مرتاح لحالتــها .. ميهاف ابتسمت وهي تشوف جانبه الأخوي .. رغم انتقادات الحضور للوضع بينهم من ضحك وبدر يمسح بيدها ويرفعها كل ثانية يبوسها .. إلا انهم ما اهتموا اليوم وقتهم يحتفلون بحبــهم .. *** الفـــندق : - مجرد مادخلوا الجناح هنا وضح عليها الإرتباك .. وهي تشد على فستانها بيدها .. اما بـدر رما المشلح اللي بيده على الكنب وجلس وياشر لها : اجلسي ارتاحي جلست ميهاف بكرسي بعيد عنه بمسافه معقولة : .......... بدر : وش شعـورك اللحين !؟ ميهاف رفعت عيونها الواسعه له : ... ماينوصف بدر ابتسم : مو مصدق اني جالس ابدا حياه جديده معك اللحين .. ميهاف بلعت ريقها : ........................ بدر : اهم شي عندي بهالزواج الإحترام والثناء والحب ... هالثلاثة بالذات ماراح ارضى بأي تقصير ناحيتها ميهاف : هالحكي ينطبق عليك كمان .. بدر : وانا ما عمري خليتها ولا راح اخلها ان شاء الله كان لميهاف راي ثاني بهالنقطة بس فضلت تسكت : ............... وقف بدر بثانية وسحبها له وهو يحاوط خصرها ويبتسم بنشوة : اما اللحين... # عيب # مشفر # رقابة # إذن ولي الأمر # أعقلو *** المجـــلس : - انتبه فراس لأبو عبد المجيد " زوج عمته " يجلس جمبه : هلا والله با أبو عبد المجيد .. كيف حالك ؟ ابو عبد المجيد اللي كان واضح في فمه كلام : هلا فيك .. حمد الله بخير جعلك بخير , كيف امورك هالفترة ؟ فراس : كلش تمــام حمد الله ابو عبد المجيد بتردد : والله يا أبو فهاد .. انا انتبهت لسلامك انت وعبد المجيد فراس : أيه ؟! و ......؟ ابو عبدالمجيد : مو حلوه بحقنا تقول هالحكي انك ماراح تتزوج .. حنا لنا مكانة والبعض سمعك واستغرب فراس قرر يمشي بالموجه اللي تعجبه : مكانتك محفوظه يا أبو عبد المجيد .. مو فاهم والله كيف اهنتك بأني ماراح اتزوج ؟! ابو عبدالمجيد حس انه يستغبي بجد : الوالدة تكلمت مع ام عبد المجيد ... وصار رسمي انك خاطب البنت والكل يدري فراس عقد حواجبه بضيق : وش هالحكي ؟! أول مرة اسمع فيه منك ... " اشر لنفسه " انا خاطب بنتك ؟ ابو عبدالمجيد حس موقفه محرج : ليش الوالدة ما قالت لك ؟ فراس : لا والله ما قالت لي ولا خذت شوري .. واول مرة اسمع بهالكلام هذا كله منك اللحين ! وانا موضح للكل اني ماراح اتزوج فاعذرني يا أبو عبد المجيد ابو عبدالمجيد : الموضوع ماعاد بيدك .. وش بنقول للناس ؟! تحملوا غلطتكم ولا حنا ماطقينا احد على يده وقلنا اخطب فراس : لا ترفع صوتك هذا اولا .. ثانيا مو انا اللي اكسر شي من قناعاتي عشان حرمه " كمل بتشديد " حتى لو كانت امي ! مو بهالموضوع .. ابو عبدالمجيد عصب بجد : وحنا وش بنقول للناس اللحين ؟! فراس : الصدق راحه .. انا ماغلطت ولا اتحمل أي مسؤولية ! وزواج ماني متزوج لابنتك ولا غيرها ابو عبدالمجيد حس اهانه بجد .. خصوصا والموضوع يتعلق ببنته كانه يرميها عليه : ...................... وقف ومشى بعيد عنه وهو بداخله يتوعد ام عبدالمجيد ... اما فراس ما اهتم مسك جواله يشوف الساعة 1 .. دخل جواله بجيبه وهو يطلع .. بطريقه وقفه صوت : فراس ! التفت للؤي اللي كان واقف مع هيثم عند المغاسل : على وين .؟! فراس : معد الا خير طالع لؤي : البيت ؟! فراس طالع هيثم وخطه خطرت براسه .. ابتسم : ماتعرفنا ؟! صافحه هيثم : معك هيثم مشعل .. نسيب نايف فراس : يا هـلا والله ومرحبا .. دكتور مو ؟! لؤي استغرب .. مو بعادته فراس يتكلم مع غريب بالعاده يحقر : ............ فراس : تشرفنا والله ... " التفت للؤي " انا طالع للفيلا تجي معي !؟ لؤي وهو ياشر لهيثم : مقدر اللحين متواعد مع هيثم فراس : حياك انت وهيثم .. لؤي التفت لهيثم : شرايك ؟ تجي .. تفوتك الفيلا ترا شي ثاني هيثم : ماعندي مانع قدام .. فراس وهو يمشي طالع : اجل انا سابقكم ركب سيارته وهو يراهن على ردات فعلها ... وصــل للفيلا وهو يشوف اوامره تنفذت وكلش جاهز توجه للملحق ودخل كانت مستلقيه بملل وهي تراقب رنيم اللي تلعب بانحاء المكان .. وقفت مباشرة لما شافته : ............ فراس تكتف وهو يسند جمبه على الباب : باقي لك يوم ترا .. ماودك تتكلمين ؟ غادة : مافيه شي اقوله ....... فراس اشر لرنيم براسه : سكتيها ومابي اسمع لكم حس .. عندي ضيوف برا مابي يحسون حتى بوجودكم هزت غادة راسها بصمت .. اما فراس طلع وهو يسكر الباب وراه ويحس بمخاطرة اللي يسويه .. دق جــواله رقم دولي .. ابتسم وهو يرد : Fainlly decide to show up ! : you have no idea who you playing with !! |
رد: انتماءات كاذبة
الاسئلة /
- زواج بدر وميهاف , فاتحة خير أو فاتحة شر ؟! :kb,65sd: - فراس عرف من تكون غـادة بالضبط .. وش ردة فعله المتوقعه ؟! :e107: - الزواج الجاي من تتوقعون يكون زواجه ؟! :real_madrid3: |
رد: انتماءات كاذبة
لا لالالالالا
معقولة هيسلم غادة لهيثم؟ لالالالا خلينا فى التوقع المتفائل لو خسرنا عادى نصيبنا ههههههه طيب هو بيخوفها بهيثم علشان تعترف وهيخليها معاه ويديها الشغلانة اللى قال لها عليها زواج ميهاف وبدر مش عارفة والله بس تقريبا مش فاتحة خير الزواج التالى أسماء وهيثم لأنى مش عارفة اتوقع حد تانى:lol: |
رد: انتماءات كاذبة
اقتباس:
تصرفات فراس غير متوقعة .. مو قادرة اعرف خطوته الجاية الزواج الجاي اما هيثم واسماء أو يغصبوا لؤي انه يتزوج.... بانتظار الفصل المقبل .. |
رد: انتماءات كاذبة
[QUOTE=ندا المطر;3677024]نتمنى ان يكون زواج بدر وميهاف فاتحة خير ( ممكن بدر يبدأ صفحة جديدة وبالذات انه في اعجاب متبادل من الطرفين)
تصرفات فراس غير متوقعة .. مو قادرة اعرف خطوته الجاية الزواج الجاي اما هيثم واسماء أو يغصبوا لؤي انه يتزوج.... بانتظار الفصل المقبل ..[/QUOTE معقول لؤى يتزوج لالالالالالا الموضوع مش مستحمل تعقيدات :Please: |
رد: انتماءات كاذبة
اقتباس:
ههههههههه يوم أحلام اسماء هو هاليوم نورتي |
رد: انتماءات كاذبة
اقتباس:
تصرفات فراس غير متوقعة فعلا الله يرحم غادة من مصيرها اللي تحت يديه حبيت انك فكرتي بزواج لؤي :lol: |
رد: انتماءات كاذبة
أظن الفصل بقى بينزل الساعة 12 صباحا
بالانتظار |
رد: انتماءات كاذبة
" البارت السادس والعشرين "
- الشخص الذي يغير رأيه اكثر من مره ليس منفصم شخصيا ! بل لآنه ,, ذا قلب أبيض وطيب ويغير رأيه حتى لآ يضايق أحد من حوله ؛ -احمد الشقيري : يانعاس .. يانعاس .. دق رنومتي بالمصبـاح ترقد عني وعن الناس .. يانعاس . يانعاس .. دق رنومتي بالمصباح ترقد عني وعن الناس ابتسمت وهي تتأمل وجه بنتها الطفولي الغاط بالنوم ويدها الصغيره حاضنه اصبعها .. طبعت بوسه على خدها وهي تسحب اصبعها وتتركهـا تغط بالنوم .. سكرت الإضائة عشان ترتاح , طالعت الساعة 2 صباحا .. تنهدت : الله يصلحك يارنيم كل هذا سهر ! طالعت ستارة الغرفة بفضول ..: من معقوله يكونو ضيوفه .. اكيد من مجتمعه المخملي ! معقولة نايف يكون موجود .. لا لا وش هالرعب .. وقفت ناحيتها وهي تسحب الستارة : !!!!!!!!!!!!!!!!!!!!!! سكرتها مباشرة بفزع وهي تسكر فمها بيدها بصدمه .. مو معقــولة ؟! لا لا اكيد مو معقولة ! رجعت تفتح الستارة ويدها ترتجف ... جلسة أرضية مغربية بنص الحديقة .. وهذا فراس بغروره جالس وهو يسحب انفاس عميقة من تعسيلته المذهبه خصيصا له ! ... وشخص بعيون ناعسه متربع وهو المتحدث بالجلسة .... والصدمة !! هذا هو ماغيره .. عيونه الرمـادية الحادة وهدوئة المعتاد متكي على المركى وينصت بهدوء كعادته ... وش جابه !؟ وش جابه ؟! ....... شهقت الشهقة الأكبر وهي تطالع فراس وهو يرمي نافذتها بنظرة وكأنها تلمح طيف ابتسامه على ثغره .. لا لا مستحيل ! معقولة تكون مقصودة ! حست بلوعه وسط هذا كله ركضت للحمام وهي تفرغ كلش ببطنها .. بالجـــلسة : - هيثم بعد صمت طـويل نطق بصوته الهادي : الفيلا ملكك ؟ فراس ينتظره من أول يتكلم .. استغرب هدوئه الزايد : آيــه ملك .. تصميم الوالد الله يرحمه هيثم : الله يرحمـه .. شغل مرتب ما شاء الله لؤي ابتسم : تذكر فراس ايام الثانوي ؟! كنا على طول هنا .. ههههههه مجننين عمي فهاد الله يرحمه كان يقفلها احيان من البلاوي اللي سوينا هنا فراس : الله يرحمه .. دق جوال هيثم .. طالع المتصل ثم طالعهم : هذا المستشفى .. لازم امشي " طالع فراس " تشرفنا وفرصة أسعد ان شاء الله فراس : خلص فنجالك طيب هيثم : خيرك سابق يعطيك العافيه مستعجل رفع السماعة وهو يتوجه لبـرا .. وقف لؤي : يله انا بعد ماشي .. قاطعه فراس : اقول انت انثبر .. مطـولين انا وياك ! لؤي تنهـد وهو يتربع له فترة يتهرب من هالجلسة : هذاي جلست فراس : وش قاعد تسوي كل هالفترة بالرياض ؟! لؤي : ولا شي .. فراس : جالس بالبيت علة على قلب اهلك ؟! لؤي : فراس رجاء انت ماتدري وش صار بالضبط .. ابوي .. قاطعه فراس : لا تقعد تلوم احد لا أبوك ولا غيره ! هذا ذنبك .. اضحك على بدر ونايف وعبد المجيد تجي زيهم ! وش عذرك انك جالس عطالي بالكويت شهر كامل ! ... لا ومن الخيبة رايح تتزوج من ورا اهلك .. احمد ربك ان العلم ماوصلهم للحين لؤي بقهر : صدقني انا اكسل من اني ألوم أي شخص باللي يصير معي ... بس هذاك قلتها بعظمة لسانك انا متزوج فراس وراي مسؤولية تاركها هناك مالها غيري .. فراس : اللي يلبس التاج يتحمل وزنه .. ياما قلت لك ان المسوؤلية هذي اكبر منك وماسمعتني لؤي : مايغير هالكلام من الواقع شي ... هي مرتي وانا مسؤول عنها تاركها لحالها ما أدري وش احوالها اخاف ادق عليها جوالي مراقب .. ومقدر اسوي شي .. انقبض فراس وهو يشوف لؤي وعيونه حمراء وهو يتكلم عنها .... سكت لوهله وقال بهدوء : اذا انا فاهم شغلة وحده يالؤي فانا فاهم ان اذا راسك يابس فعمي راسه أيبس .. والمعاملة الطيبه تثمر انت اشتغل .. وريح باله وريح بال امك المسكينة ... لؤي : واذا عطيته اللي يبي كالعادة .. ورفض .. فراس : انا اقدر اتكلم مع عمي واقنعه .. بس مو وانت ميبس راسك كذا اشتغل فتره وقتها من عندي انا بجيبك الكويت لؤي : ................ أكيـد ؟! فراس : عقب هالعمر كله منتب واثق فيني يعني ؟! لؤي : لا مو قصدي .. بس صدقني فراس ماعاد اتحمل أي خذلان خصوصا فهالسالفة فراس تنهد : ان شاء الله خير ... بس من بكرة انت داوم لؤي : قـولتك .. ان شاء الله خير فراس : معسل ؟! لؤي : مايضر هالمرة جيب *** بيـــت نايف / رجعت من الــزواج مع يزيد .. وهي تتنهد بضيق ( الله يسامحك ياخالتي ماتركتي فهود يجي معنا ! ) نزلت طرحتها وهي تبتسم ليزيد : هاه يازوزو ننام اللحين ؟ يزيد طالعها بطرف عينه .. ثم تقدم لكنبة التلفزيون وجلس وهو يشغله ويتابع بصمت : ............... ابتسام : شتسوي يزيد الوقت متأخر .. اللحين النوم يزيد طالعها بطرف عينه ثم رجع يطالع التلفزيون : .............. ابتسام بقلة حيلة وقفت وهي تصعد لفوق ... مالها سلطة انها تجيه بصرامة تسكر التلفزيون ! طلعت جوالها من شنطتها ودقت مباشرة على نايف : ................................... تاففت وهي ترمي الجوال : وينه هذا بعد ؟! نزعت فستانها وجزمتها الكعب .. وبدلتها بلبس مريح بجـامة سماوية حرير مع روب طويل سماوي ربطته على خصرها وهي ترفع شعرها وتزيل مكياجها .. مسكت جوالها بمحاولة ثانية ... برضو مشغول ! : واللهي انك يانايف مهما حاول الواحد يمشي معاك مايقدر ! افف وينه ؟! سمعت صوت صاخب جدا .. عقدت حواجبها وهي تستوعب الصوت صادر من تحت نزلت تحت وهي تشوف التلفزيون مرتفع صوته لأعلى درجه .. ماكان كذا مع فهد كان لطيف .. وش فيه اللحين ؟! بس مو على كيفه يكسر راسي .. يكفي ابوه ! مشت بصرامة وهي تسحب الريموت وتطفيه نهائيا .. يزيد طالعها بتذمر : لييييه ؟! إبتسام بتعابير ونبره صارمة : لأنه وقت النوم ! يزيد : ماابي انام .. مابي انام ... ابي بابا إبتسام : بابا مشغول ! بيرجع وبتشوفه صبح ... اللحين الساعة 2 روح نام يزيد سعل بشكل متتابع .. تنهدت ابتسام : بكرة بابا ياخذك المستوصف يعطيك دواء .. تمام !؟ يزيد وعيونه تلمع دموع : ابي بابا اللحين .. إبتسام : قلت لك بكرة تشــوفه ! يزيد انكسر من نبرتها الصارمة .. وهو يسحب نفسه للغرفة مشت ابتسام وراه لكنه سكر الباب .. مالها خلق اللحين صعدت لفوق وهي تسمع جوالها يرن بالغرفة .. " نايف" ردت : بدري ! نايف : من عمرك .. وين انتي بالقصر ؟! ابتسام : لا رجعت .. أنت فين ؟! نايف : مع الشبــاب سهرانين ... ليه فيه شي !؟ ابتسام تنهدت : يزيد تعبان .. بكرة لازم تاخذه المستوصف نايف : شفيه سلامات ؟! ابتسام : لا والله متوقع ترشه بالموية اليوم .. ويرجع لك تمام ! لا والقهر الحريم يشوفونه اليوم تعبان ويطالعوني كأنوه ماتعب الا من جا عندي ! نايف : بالله ابتسام وش لك بكلام الناس ... لاتصيرين سطل كل من جاك عباك ابتسام فتحت عيونها : انا ســطل !؟ .. ايه ايش عليك الكلام مو عليك .. نايف تنهد : طيب انا شا أسوي اللحين !؟ خلاص بكرة بودي يزيد المستشفى . شي ثاني ؟ ابتسام بتردد : ليش سهران .. مو زين لراسك .. نايف كالعادة اهتمامها يداعب ارهف احاسيسه : .... خايفه علي ابتسام ؟ ابتسام : انا نعست .. بنام تصبح على خير نايف بنعومة : وانتي من اهله .. سكرت إبتسام السماعة وهي تتنهد .. نزلت تحت وهي تفتح باب غرفة يزيد بهدوء نايم .. دخلت وهي تعدل التكييف وتغطيه كويس ابتسمت وهي تبعد شعره عن جبينه .. تنهدت من قلبها وهي تطلع وتسكر الباب وراها *** " الله اكبر .. الله اكبر .. لا اله الا الله" تثــاوب لؤي من قلبه .. : والله هالسهرة هي اللي كنت محتاجها .. بس خلاص نعست ننام هنا ؟ فراس : لا الفيلا ماجهزوها ! لؤي : والله مافيني حيل اسوق .. بس يله وقف لؤي وهو يسحب شماغه على كتفه .. التفت لفراس اللي جالس : ماحتقوم ؟! فراس : روح انت .. بخلص شغلي وبجيك هز لؤي راسه وهو يــطلع .. اما فراس ابتسم وهو يتخيل ردات الفعل اللي ممكن تكون على وجهها , فتح باب الغرفة .. كانت جالسة على الكرسي أول مادخل رفعت عيونها له بنظرات حادة : .............. فراس : شفــيك معصبة ؟! لايكون اشتقتي للي برا ؟ فتحت غـادة عيونها .. مثل ماتوقعت حركته مقصودة نظراته كان واضحة : ..................... فراس انتظر تعليقها .. ماراح تثبت كلامه فاهم هالشي تماما احتدت نظرته : نزلي عيونك !! غادة وقفت بهدوء وسحبت نفسها للحمام : .... اما فراس ابتسم برضا .. اللحين صارت تعرف انه كابش من هي , سحب نفسه برا وهو يتوجه لسيـارته .. قريب بيرميها عند أهلها دام تأكد خلاص بس لازم يفكر بطريقه يطلع نفسه من السالفه أول .. *** اليــوم التالي .. الساعة 4 عصرا : - اسماء تتجـول بغرفتها والسماعة بأذنها : شنـو ؟! ميسون : ايه تعـالي خل نشوف بعض اسماء : لا مالي خلق اطلع برا البيت .. تعالي انتي ميسون تنهدت : لنا الله بجي انا .. أي وقت تمام ؟! اسماء : ايه انا موجوده عـلى طول .. بس ردي لي خبر اهم شي ميسون : خلاص الليلة ؟ " اسمممممااااااااااء .. اسمااااء " اسماء : يله انا لازم اسكر اللحين .. اشوفك سكرت السماعة وهي تطلع من غرفتها وتوقف على دربزين الدرج : ايييييوه ام فراس : ترا بدر ومرته بيمرون اللحين .. اجهزي اسماء تاففت : وش يبون جايينا !؟ ام فراس : بيته ! وبيجي يسلم قبل يسافر ! البسي من فم ساكت وانزلي اسماء رجعت لغرفتها بتذمر : معرسين مبسوطين حلو عن جوي طيب ! لازم تجون توروني حياتكم الوردية ! فتحت دولابها بكسل .. جذبت فستان حاز اعجابها بعدها كشرت : فراس هنا ماينفع بيسوي سالفه على الشورت ! سحبت أي قطعتين قدامها حستها مناسبه .. ودخلت تبدل / حاست بفمها وهي تشوف طلتها البسيطة جدا : افف زينه يحمدون ربهم اني غيرت بجامتي اصلن جلست قدام التسريحة وهي تلم شعرها الأشقر القصير بوني تيل ..تمكيجت بشكل معقول .. وسحبت جوالها دخلته جيب بنطالها من ورا .. وخذت ساعتها تلبسها وهي نازله .. طالعت بالصالة الفارغه تنهدت وهي ترتمي بجسمها وتشغل التلفاز والريموت بيدها وتمرر بين القــنوات بملل .. نزلت ام فراس بجلابيتها الأنيقة وبيدها البخور تبخر البيت .. عبست وهي تشوفها : وش لابسه انتي ؟! اسماء دون تلتفت : اللي يريحني ! ام فراس : الله يريحك وانا امك . . بس تراهي عروسه بتجيك كاشخة وانتي خلك بهالخلق اسماء : هي معرسه يحق لها تكشخ .. انا وش اكشخ له ؟! اكشخ لحياتي الرائعه وحظي اللي زي وجهي ! ام فراس عبست .. ثم لان وجهها لابتسامة وهي تشوف ياسمين تنزل بفستان ناعم بناتي.: ما شاء الله .. حتى البزر متلبسة ازين منك اسماء ماردت حتى : ............................ ياسمين جلست جمب اسماء .. وهي تطالعها بخوف تبي تقولها شي : اسماء اسماء دون نفس : نععم ! ياسمين : فيه برنامج اتابعه غيري التلفزيون اسماء : تشوفيني جالسه اتابع وتقولين غيري ! اقول اقلبي وجهك بس ياسمين يأست قدام مزاجية اسماء الفضيعة هاليومين .. رجعت الابتسامة تزين ثغرها وهي تسمع الجرس وتركض : بددددر جاااا اسماء طالعت ياسمين اللي تركض وتتبعها ام فراس وهي تمشي بعجلة بحقد : حمد الله كانهم اول مره يشوفون بدر ! بعد فــترة دخل بدر البيت بقامته الطويلة وطلته الرجولية بالثوب والغترة .. والإبتسامة مزينه ثغره وجمبه ميهاف بعبايتها وقامتها القصيره بالنسبه لطوله وتسلم على أم فراس ..: تسلمين تسلمين حبيبتي .. الله يسعدكم ويخليكم يارب اما ياسمين كانت بحماس تراقب .. وسلمت بخجل : مبـروك ميهاف : يبـارك فيك غلاتي التفت بدر يمين ويسـار : فين اسوم ما اشوفها ؟! ام فراس وملامحها عبست : بالصالة هناك تاركينها لحالها محد يقربها هي ومزاجها المكهرب بدر مد يده لميهاف : تعالي نشوفها ! ميهاف ابتسمت وهي تناوله يدها وتمشي وراه .. رفعت عيونها وهي تشوفهم وقالت ببرود : هلا .. بدر : قومي ياخايبة سلمي ! اسماء : آآآفف تو مسلمه عليكم كلكم امس .. طالع ميهاف وبدر ببعض ..بعدها تقدم بدر وجلس جمبها وهو يحاوط كتفها ويتابع معها : اقول اسماء ! اسماء : قول بدر .. بدر : ظنك لو ماتقومين اللحين تسلمين علي .. مانيب زعلان عليك ؟! تنهدت اسماء والتفتت له وباست خده ثم سالت : وش جايين تسوون ؟! ميهاف تقدمت : تعالي سلمي واعطيك الأخبار اسماء سلمت عليها سلام غير معتاد منها .. سلام بارد : يله قولوا جلست ميهاف جمبها من الجهه الثانية : مافيه جينا نسلم عليكم قبل نسافر أسمـاء طالعت ميهاف : وانتي ليش بعبايتك ؟! ميهاف ابتسمت بحياء وهي تطالع بدر ثم تطالع اسماء : جايين نسلم على الماشي .. ماحسبت حساب لبسي يعني اسماء بغباء : ايه وش يعني ؟! بدر ابتسم : يعني كشختها حقتي مايصلح تشوفونها اسماء وهي تستوعب : اهااااااااا .. ع بالك ماراح اشوفها يعني ؟! ميهاف : ماراح تشوفيها ع جثتي والله عيب ! اسماء : ماااالت مارزقنا ربي زوجة ولد تبرد كبدنا .. جايتنا من اولها بقميص النوم ! بدر : ههههههههههههههههههههههههههه حياتي معليش بس هههه ميهاف بحمق وهي تطالعه يضحك : يعـني كذا بدوري ؟! بدر فهم نبرة التهديد الخفية ... ابتسم بنعومة : لا مو كذا .. ميهاف رفعت حواجبها برضا : ايه ع بـالي بعد .. اسماء اكتئبت من جوهم .. : اقول قوموا عني اتابع فلمي ! وصخين بدر : مافيه قومي تقهوي معنا اسماء : والفلم ! بدر : شوفيه وقت ثاني .. اسماء : ماراح افوت فلمي .. بدر بعد ماطفر .. وقف وفصل فيش التلفزيون وتوجه لها مباشرة وشالها بين يدينه : بتتقهوين يعني بتتقهوين اسماء : ااااااااااااااااا بطيح بطيح بدر : ههههههههههههه انا بطرحك يالعصلا اسماء : عصلا بعينك ! ميهاف لحقتهم : ههههههههههههههههههههه ماتجين الا بالعين الحمراء انتي بدر وهو يحطها بتعب عند جلسة القهوة ويمسك كتفه : الله يعينه زوجك .. اتوقع عمره قصير الضعيف كل مابغى منك شي لازم يسحبك سحب اسماء : ............................. ام فراس : اجلسوا ارتاحوا تقهوو .. " طالعت ميهاف " شيلي عبايتك ياميهاف ارتاحي فراس مب هنا البيت بيتك انحرجت ميهاف وهي تطالع بدر ... ردت اسماء مباشرة : لابستن لبسن مخزي يمه ماتقدر ! بدر ضرب اسماء بخفه على راسها : بنشوفك لا اعرستي وش بتسوين ؟! اسماء والموضوع مؤلم بما فيه الكافيه لها : ........................ ام فراس اكتفت بالضحك : ههههههههههههههههههههههههه اقطع شياطينك ياميهاف ميهاف وردت خدودها وهي تتمنى انها سوت اللي براسها وكشخت .. طالعت بدر بلوم على تعليقه " انتو يالحريم راعيات طويلة .. ماراح نجلس بنسلم على الماشي اجلسي بعبايتك " ! ام فراس بأمومه : اهم شي مبسوطين ان شاء الله ؟! بدر وهو يطالع ميهاف : افا عليك يمه .. مبسوطين وبس ؟ ام فراس : ووين ناوين ان شاء الله ؟! بدر : باريس .. واذا قدرنا مرينا الريف الفرنسي ام فراس : ومطولين ؟ بدر : لا يمه ماحنطول نص شهر بالكثير " شرب فنجاله بنفس واحد وحطه " اكرمكم الله .. ميهاف يله مشينا يالله يمدينا على اهلك قبل موعدنا ضبطت ميهاف طرحتها وهي توقف : يله .. " باست راس ام فراس " نشوفكم على خير ان شاء الله ام فراس : الله يحفظكم ويهنيكم .. انتبهو على عماركم وعطوني خبر لاوصلتوا بـدر : ان شاء الله .. دعواتك اهم شي طلع بدر معها .. وام فراس طالعتهم بأحن قلب بهالدنيا وقالت بدعوه صادقة : الله يوفقكم ويكتب لكم الخير يارب اسماء بغصة : آمـين .. " وقفت وهي تمشي صاعده " .. ام فراس : وين ؟! اسماء : صديقتي بتجيني .. بستعد لين تجي .. بيت نـايف :- تهز رجلها بتوتر بالصالة وهي بعبايتها وطرحتها بحضنها .. وكل شوي تطالع الساعة : .......... اخيــرا صوت المفاتيح .. وقفت بسرعة متوجهه له : بدري ؟! نايف اللي مازال بكشخة العرس : هلا والله .. خبرك زواج وجمعة راحت سهره ابتسام وهي تلبس طرحتها وتضبط لثمتها : المهم انا متأخرة على دوامي .. فطور يزيد جاهز لاتنام وتخليه لحاله صحه من النوم اساسا متأخر بالنوم سهران امس وده للمستوصف يشوفونه نايف : اذا صحيت ابتسام بقهر : ناااايف ! تخيل صحى الولد ماحصل احد بيخاف نايف تثاوب : والله حتى لو اقولك ماحنام راح انام غصب عني .. مره منتهي ابتسام : ولدك وكيفك ! انا متأخرة ولازم امشي ثبتت نظارتها المزينة بعلامات شانيل على اطرافها .. وشنطتها الماركة بيدها وطلعت مباشرة للسواق اللي ينتظرها .. عـند نايف :- تمغط بكسل أول ماطلعت .. ابتسم لاشعوري وهو يحس هاليومين الوضع تمام بينهم .. مو تمام بس ارحم من طريقتها أول .. غضبها طفى ؟ استلقى بالصالة على الكنبة .. بحيث يكون موجود قدام يزيد مباشرة وغط بنومـه *** غـادة : - مازالت تمشي بالغرفه ذهاب واياب .. النوم ماتجرأ يجيها وهي بهالحالة الغاضبه ! عضت شفتها بأقوى ماعندها حتى حست بدمعها في فمها وهي تجزم داخل نفسها مليون مره ان حركته متعمده .. هالإنسان بدا يغضبها لدرجة ماتتخيلها مولود بشري بس تصرفاته حيوانيه.. تكرهه تكرهه ! فتحت الدولاب بعصبية تشرب مويه تبرد على قلبها انتبهت لمفـتاح الفيلا .. حضنته بيدها المرتجفه وهي لقت حاجة تفرغ غضبها .. طالعت رنيم النايمة جهزت رضاعتها جمبها وطلعت بتصميم .. الوقت الفجر يفتح النفس توجهت بخطوات جريئة مرتجفه حتى وصلت للباب الطـويل .. حست الموضوع أقوى منها لكن ماتوارت فتحت الباب وهي تفتحه وتدخل بخطوات متردده وتسكره وراها .... راح تكسر تحفه تحفتين مجرد تفرغ اللي داخلها وتنتقم منه .. ! لكن توقفت للحظه وهي تتمشى بالمكان ولسان قلبها يتوق شوق لحيـاة كذا .. في بيت كذا .. مازالت امنيتها الطفولية انها تكون غنية حيه داخلها ... تنهدت وهي تصعد الدرج الطـويل المنقسم لجهتين .. اختارت اليمين علامة الحظ ! ... ولو انها فقدت ايمانها بالحظ من فترة طـويلة .. فتحت الغرفة الممتده بطول الممر المزين بالثريات الذهبية .. كأنها داخل قصر والهدوء المخيم يربكها .. ماتراجعت دخلت حتى وصلت غـرفة عرفت صاحبها مجرد مادخلتها .. صورته العملاقة بطول الجدار المعلقة بنرجسية .. : هذي غرفة بـدر .. سكر الباب وطلعت .. مالها شغل مع بدر تبي غرفته هو ! كانت غرفته برأس الممر دخلتها وهي تشوف اللون الأبيض مخيم على الغرفة .. اثاث ابيض وإن تمردت الألوان بهالمكان تتبرد باللون البيجي .. الأبيض الأغبر , سكرت الباب وراها وهي تتنهد : وصـلت .. " دارت بعيونها بارجاء المكان .. تحزر فين تبدا " ضربت عينها بقعة مكتبـه .. فتحت الدروج بعشوائية وهي تنتبه لأوراق مافهمت محتواها .. فتحت ملف بعشوائية , استوقفها صور عديدة .. من ظمنها صورة " ريم " عقدت حواجبها : هذي اللي قابلناها .. طاح من الملف مجموعة أوراق .. التقطتها بيدها وهي تنتبه لعقود زواج .. كلها للإسم " ريم " لكن اسم الرجال يختلف حتى وصلت للإسم اللي صدمها : فهـاد نايف الشمري زوجة أبـــوه ؟! .... بس يقولو ميت وهو على زوجة وحده ! كل الرجاجيل حشرات ليش تستبعد ؟! رجعت العقود كلها محلهـا .. وهي تحـاول تفهم وش الرابط بالضبط ؟! اكيد هذي ريم لاعبه عليه .. عشان كذا مقهور منها ؟! طلعت من غرفته وهي تسكر الباب وراها .. وقفت قدام صورته بالممر .. صورة رسمية له بالثوب والغترة وتعابير جامده وكأنه يخترقها بنظراته ويهددها ماتتجرأ تلعب معه ! ... لانت نظرتها : معقولة يكون هالإنسان عانى كثير ؟! ... وش صاير عشان يكرهها كذا .. النظرات اللي بينهم والكلام بالمطعم ماكان يطمن .. أو ابوه ؟! كيف مات ؟ شكله متعلق فيه .. نزلت عيونها من صورته وهي تتراجع عن خطتها الإنتقامية .. ماهي ناقصة تعقيد بحياتها بس لازم تلقى حل ! على هالحال بيرميها على أهلها بأقرب فرصــة .. لازم تعترف له بكل شي .. وقتها بتلحق على وعده لها ! بيت لحالها *** شــركة أبو نايف / دخل لؤي المكـان والهمس حوله يزيد : هذا لؤي ! ولد الرئيس ..؟! سمعت انه له فضايح بالكويت .. تجـاهل لؤي هالهمس وهو يتوجه للمصعد .. وقبل يتسكر وقفته يد ناعمة مستعجلة حتى رجع ينفتح المصعد وقفت بإعتدال وهي ترفع نظارتها الشمسية بإصبعها ولثمتها .. وشنطتها الأنيقة بيدها ..دون تطالعه ووقفت بالمصعد .. انفتح المصعـد .. طلع لؤي وهو ينساق بطريقة وهي تنساق معه بنفس الطريق حتى وصلوا قدام سكرتير أبو نايف اللي وقف وسلم على لؤي بحرارة : والله ومنـور المكان ! لؤي : بوجـودك " التفت للمرأة جمبه وقال بلباقة " بتقابلي الرئيس ؟! ماردت عليه ووجهت كلامها للسكرتير : عط الرئيس خبر اني وصـلت بتقاريره طالع لؤي السكرتير وهو يدق : ألـو .. كيفك طال عمرك ؟! لـؤي موجود بيقابلك وابتسام وصلت بالتقارير رفع لؤي حـواجبه .. والتفت لها وهو مبتسم بوداعه : أنتي زوجة نايف ؟! ... هلا والله تشرفنا انا أخوه إبتسام وهي تو تستوعب مين هذا .. اول مره تقابله : ههههههه معليش ماعرفتك .. هلا والله, كيفك ؟ ان شاء الله بخير ؟! لؤي : حمـد الله .. وينه نايف مداوم ؟! ابتسام : لا اليوم ولـده تعبان ومايقدر يداوم لؤي : سلامات عسـاه بخير بس ؟! ابتسام : لا حمدالله رشح بسيط طلعوا ضيوف أبو نايف من مكتبه .. واشر السكرتير لهم : تفضــلوا اشرها لها لؤي : من بعدك .. تفضلي ابتسام هزت راسها وهي تحط الملفات قدام السكرتير : لا شكرا .. تفضل ووصل سلامي له انا اخليكم على راحتكم وطلعت مباشرة .. دخل لؤي المكتب وهو يتنهـد قدامه محادثة ماله خلقها *** تحرك الملعقة بحركة لولبية في نص كوب قهوتها بشرود .. والأخرى كوب قهوتها بيديها وتحدق بحدة فيها .. بعد تحديق طويل جلست كوبها وقالت : لنا ساعة على هالوضع ! اسماء انتبهت : أوه آسفة ميسون شردت .. ميسون : لا لا انتي مو طبيعية بسرعة تكلمي !! اسماء استنشقت هواء المكان وقالت : ميسـون انا راح اتكلم لك لأني احس راسي بينفجر .. محتاجة اقول لأحد يفهمني ميسون : رجيتي قلبي يابنت الحلال .. من جيت وانتي تقولين بقولك شي وابي احد يفهمني ! بفهمك والله بفهمك تكلمي عاد اسماء بصوت بعد الشين ينسمع .. وكأنها خايفة من هالتصريح : انـا ... احـ .. ـب .. ميسون بدلاخه : حب !؟ شالفايده منه ذاه بتطبخينه بتاكلينه ؟! اسماء طالعتها بحده كأنها ندمت على انها صرحت لها : .............! ميسون ضحكت : ههههههههههههه ياقلبي امزح امزح .. كنت متوقعه ان هذي علتك اسماء فتحت عيونها بدهشة : شلون ؟! ميسون تنهدت : لأني كنت بوضعك بيوم .. " تنهدت " ويزعلني اقولك ان بهالمسألة الأنثى دايم هي الخسرانة وتبكي والرجال يهمل ومايكترث لها .. اسماء بفضول ممزوج بخيبة : كلميني ميسون .. كيف حبيتي ؟! ليش ماقلتي لي ..؟ ميسون : بعد الثانوي هالموضوع .. وماكنتي عندي فـماحصلت فرصة " تنهدت " خلاص صار موضوع قديم تجاوزته تماما اسماء بأصرار : تكلمي مالي دخل ! شلون ومين وكيف ؟ ميسون : ولـد خالتي .. عشت سنتين في حبه اعترفت له واعترف لي اسماء : ايه ؟! ميسون ابتسمت : واللحين متزوج وعنده بنت اسماء فتحت عيونها بذهول : كيـــــــف ؟! مو اعترف لك ؟ ميسون بقناعه تامه اكتسبتها من تجربه مؤلمة : حبيبتي الرجاجيل سوا مايحبون .. يخربطون على عقلك وهم ماوراهم سالفة .. فأنا اقولك استسلمي .. اسماء بخيبة : حاولت .. بس الظاهر الإستسلام مب في قاموسي .. مو هالمرة ميسون : بأشتري لك قاموس جديد اسمـاء توقعت لما تتكلم بترتاح .. بس الظاهر الحال صار اسوأ : ........................ ميسون : بس انتي كلميني .. كيف ومين ؟! تركتيني فترة توقعت القاك متغيره بس ماتوقعت القاك تحبي اسماء بخيبة : انا مو مثلك ميسون .. مايقرب لي .. ولا رد على مشاعري .. مجرد الاحقه من مكان لمكان ابي بس اشبع شغفي فيه .. ميسون بحزن على حال صديقتها : اعترفتي له يعني ؟ اسماء هزت راسها : ............................. ميسون : و ......؟ اسماء : رفض .. ميسون : تقولي مايقرب لك .. فين قابلتيه اجل ؟ اسماء وقلبها تعتصره الذكريات : دكـتور .. انكسرت رجلي فترة وكان هو دكتوري .. ميسون سكتت تعطي صديقتها راحتها تتكلم : ................... اسماء بغصه : حبيته بيني وبين نفسي .. ماتمنيت منه مشاعر ميسون ماتمنيت منه يحبني والله ماطمحت لهالشي .. تمنيت بس يتركني اشوفه اسولف معه .. " مسحت دموعها اللي انسابت بخدها " ماتخيلت اني حبيت انسان قاسي حديد .. يشوفني احبه ويعرف اني اتعذب مع كذا ماكلف نفسه .. " قبضت صدرها " قلبي مو بيدي احس به يتمزع ماتقدرين تخمنين قد ايش اعاني ميسون ماتوقعت بيوم تشوف اسماء بهالحال .. طول عمرها الانسانه النشيطة المرحه حالها انقلب بهالمرض : .... قربت منها وضمتها وهي تمسح على ظهرها ... اسماء : شاسوي ميسـون .. احسني عاجزة مو بيدي شي .. ابي .. قاطعتها ميسون : هشش .. لاتقولي كلمة ابكي بس فرغي اللي بقلبك ارتاحي *** مكـتب أبو نايف :- بعد ان انتهى ابو نايف من محاضره وعظ طويلة استعمل فيها كافة العبارات اللي تبين انه الأعرف بمصلحة أبنه .. ابتسم : رئيس قسم الشرقية بيتقاعد بعد أسبوع .. بعدها استلم مكانه لؤي تنهد براحة : كويس هالاسبوع يعني اعفاء ابو نايف : لا من قال ! إبتسام للحين ملخبطه بالقسم اللي ماسكته لانه كبير .. ومحتاجة احد يساعدها لؤي بتردد : ماعندي مشكلة بس .... ابو نايف : بس شنـو ؟! لؤي : يعني اخاف نايف يتضايق اني اشتغل معها .. تدري زوجته وحقه ابو نايف : هو لو يتضايق ماتركها تداوم اساسا .. يوميا تتعامل مع اشكـال الموظفين ! وبعدين هذا مكان عمل ودام الإنسانه محترمه راح تشتغل باحترام .. مافيه مجال للعلاقات الشخصية لؤي وهو مازال متردد : ... اذا عصب او شي وقتها انت المسؤول .. ابو نايف : روح بس ومـاعليك وقع أبو نايف على مجموعة ملفات واشر لها : خذ هالملفات لها بطريقك لؤي ومازالت الفكرة مو معجبته .. : ان شاء الله ابو نايف طالعه بعدم رضا : وانا مو كافيني نايف يجي يداوم عندي دون ثوب ! تجي انت بعد .. البس ثوب المره الجاية لؤي وهو يطالع نفسه بالجنز الرمادي والشيرت الأسود .. عقد حواجبه وهو يطلع متجاهل , رن جواله بطريقه سحبه من جيبه وهو يرد : هلا فراس ! فراس : هلا فيك ... انت وين اللحين ؟! لؤي : في الشركة .. ماسك دوامي فراس برضا : اخسس ما شاء الله .. اثر خاطري عندك يسوى والله لؤي : ايه يسـوى ومعك حق .. بس انت بعد شبلاك على الوالدة ؟! مو راضيه عليك ترا فراس وهو يعبس من الطاري ويتذكر الخطبة اللي صارت من وراه : .......... اقول انا جايك اللحين , فاضي ولا اتوجه لعمي مباشرة لؤي وهو يدخـل جناح قسم إدارة ابتسام : هههههههههههههه لا فاضي حياك فراس : يله اجل اشوفك .. دخل لؤي .. وهو يمشي بين الموظفين لحد ماوصل لمكتبها تنحنح وهويطق الباب : ......... تفضل ! فتح البـاب .. حصلها جالسة على مكتبها وتضرب باصابعها على كيبورد الحاسب رفعت عيونها له ووقفت مباشرة : هلا والله .. حياك تفضل لؤي بعدم راحة واضحه : لا .. " جلس الملفات على الطاولة " هذي من ابوي و .." حك ذقنه وهو مو عارف كيف يقولها انا بصير شريكك بإدارة القسم " .. جاه صوتها مطمن : الرئيس قالي كل شي .. وعشان نكون واضحين وكل واحد يعرف وش له وش عليه انا راح اكتب لك المهام كامله وايش مفروض تسوي وانا ايش مفروض اسوي , عشان مانعترض شغل بعض ويكون كلش تمام . لؤي من ربكته مستحيل يتجادل حتى هز راسه : اوك .. اجل انا .. تحصليني بمكتبي هزت ابتسام راسها .. ولؤي طلع مباشرة وهو يتنهد براحة كأنه فقد الإكسجين لوهله : لا الوضع مايمشي لازم اكلم ابوي ! وين تصير هذي ..؟ مو فاضي لنايف بعد وفلسفته *** : آيــه كذا ابتسمي .. وجع قلبك بيتكفل به ربك ان شاء الله ابتسمت اسماء براحـة .. كان جزء من كتله على صدرها انزاحت طالعت السماء بمنظر الغروب : والله ازعجتك معي ميسون .. تسلمين بجد ريحتيني ماتدري قد ايش .. ميسون : ايه بس اتركيني اقولك شغله .. اسماء : قـولي ميسون : هو يعـني انتي غلطتي انك تركتي ورقة اعتراف وانحشتي .. يعني ماعطاك رد كذا اسماء بكئآبة : ميسون مايحبني .. احس بهالشي واضح بروده قد ما انا احبه مقدر اطلب منه يكون معي .. مو غصب ميسون : لا اسمحي لي انتي مو فاهمه ! بس صدقيني هذا هيثم نظام السهل الممتنع اسماء عقدت حواجبها : كيف سهل ممتنع ؟ ميسون : يعني يبغـاك واضح .. ولا ليش طلع لك بالسيارة وهو عارف انك فيه ؟! بس صعب يصرح لك اسماء هزت راسها : صدفه ميسون .. كنا قدام مستشفاه كيف يعني .. ميسون حضنت يد صاحبتها : شوفيني ياقلبي .. القلب احيان عشان يمضي من علاقه لعلاقة يحتاج يتعرض لرفض صريح .. انتي اللي متعبك انك ماتدري وش ردة فعله .. اسماء : يعـني ؟! ميسون : قومي جيبي عبايتك .. بنروح نقابله مرة اخيره ! شوفي ايش عنده ؟! اذا رفضك عوافي هو الخسران اصلن اسماء بخوف من الفكرة : لا لا ميسون .. ماتدري انا من اعترفت له معد قربت ناحيته .. خايفة بجد اقابله ! ميسون : اسوم بتقومين ولا كيف ؟! انا اساسا رايحه رايحه اقابله بك ولا بدونك اسماء فتحت عيونها : بتروحين ؟! ميسون : ايه بروح .. اشوف هاللي ماعنده مستوى ليش رافع خشمه عليك وانتي بنت الشمري اسماء عصبت : لا تقولي ماعنده مستوى ! ميسون ابتسمت للهجتها الدفاعيه : اسفه اسفه .. بس يله خل نروح نصلي المغرب ونتيسر اسماء تنهدت : مدري مو مقتنعه .. بجد خايفة من ردة فعله .. ماتدرين قد ايش ردات فعله تخوف ميسون حضنت ذراعها وهي تسحبها : اقول قدامي ! ماراح اتناقش معك حتى بهالموضوع .. بتروحي يعني بتروحي *** وقفت قدام منظرة انيقة بمكتبها .. وهي تعدل طرحتها ولثمتها وشنطتها قدامها تستعد لموعد المغادرة طالعت ساعتها : متــأخرة مرة ! مسكت جوالها وهي تنتظر الرد ... جاها الصوت الذكوري الرسمي: اهلـين .. عيادة ال ********* معاك تفضل إبتسام : هلا والله .. حبيت اخذ موعد مع الدكتورة نعيمة ابا الخيال : الدكتورة نعيـمة ابا الخيـال .؟! ومتى حابه الموعد ؟ ابتسام : بأقرب فرصة .. اذا يجي اللحين ياليت : ههههه لا اختي صعبه اليوم ... تقدري تزوريها بكـرة صباح ؟ ابتسام : السـاعة كم ؟ : السـاعة 9 ونص حياك الله ابتسام : يحيـيك .. مشكور سكرت السماعة وهي تدخل الجوال شنطتها وتطالع نفسها بالمراية تضبط اللثمة وتشق طريقها طالعه وقفت قبل تسكر المكتب وهي تتذكر ورقة لؤي رجعت تسحبها من الطاولة .. " ترررن ... ترررن " تاففت بطفش يدها مليانه من كل مكان كاس قهوتها بيد والاوراق بيد والشنطه معلقتها ع ذراعها جلست قهوتها وهي تسحب جوالها " نايف " ردت مباشرة : هـلا .. نايف : ســلام .. حبيت اطمنك وديت يزيد المستوصف ابتسام : أيـوه ؟! عسى ماشر ؟ نايف :لا ماشر .. عطوه كم مضاد وان شاء الله انه بخير ابتسام : انت فين اللحين ؟! نايف : جالس انتظرهم يصرفون الدواء .. بالبيت انتي ؟ ابتسام : لا والله تو ماطلعت .. نايف : للحين ؟! المغرب بيأذن ابتسام : ايوه عارفه بس انشغلت اليوم ... السايق بيكون بطريقه اللحين نايف : لا كنسليه .. انا طالع اللحين وبمرك ابتسام : اوك بس مو تتأخر نايف برواقة : ما حتأخر .. مره وحده نطلع نتعشى برا ونبسط يزيد شكله مكتئب ابتسام : تمام .. يله انا بسكر اللحين سكـرت السماعة ورجعت تتناول اغراضها بيدها .. طرقت باب مكتب لؤي جاها الصوت الفخم : تفضـل دخلت بشكل مستعجل وهي تتكلم : هذي الورقة تقدر تـ ... " سكتت وهي تشوف لؤي مو بالمكتب , ووجه معروف جالس باريحية وثاني رجل فوق رجل ومرخي جسمه ومتسند بين يديه جوال ويطالعها ببلاده " قالت برسمية : فيـن الإستاذ لؤي ؟! فـراس ببرود وعيونه رجعها لجواله : شعرفني ؟! إبتسام : بمـا انك بمكتبه اتوقع منك تعرف فين طلع .. واذا بيرجع او لا ؟! فراس بنفور من نبرتها المتعاليه : قـالو لك سكرتيره ولا متتبع حقه ؟! انتي صاحبة الحاجة اعرفي مكانه ... " كمل بهمس بتذمر " والله ناس .. إبتسام قبل تستعد ترد بقـوه على تجاوز الحدود بالكلام .. دخل لؤي وقال بربكة لما شافها تطالع فراس وعيونها تخترقه وفراس ماهمه منشغل بجواله .. ولما انتبه للؤي اشر بدونيه براسه : شوف هذي صجتني تبيك قبل يرد لؤي .. ردت ابتسام بقوه : هذي لهـا أسم ! ابتسام مشعل رئيسة القسم اللي " بنفس النبره الدونيه اللي استعملها " انت حاط رجل على رجل فيه وتشرب قهوه وتحسبها ديوانية ! ... عموما ماراح انزل نفسي لمستوى غير محترم زي مستواك والتفتت للؤي مباشرة وهي تحط الأوراق : هذي الأوراق .. فراس استوعب الإنسانه الواقفة قدامه ... هذي زوجة نايف واخت غادة .. صدق الصدف .. قاطعها نبرته الشامته وهو يشدد على " هذي " : هــذي زوجة نايف .. ورئيسة قسم قلتي ؟! الظاهر ماسكة القـوامة بالنيابة إبتسام ارتفع ضغطها .. الظاهر الوقاحه في هالعائلة مب متوقفه على نايف وبس تسري فيهم كلهم : ضمـان العيش واجب على كل فرد .. وفي هالموضوع ماتفرق المره عن الرجال ! وطلـعت مباشرة قبل تنزل مستواها وتصير تتلاسن مع رجاجيل .. تنهدت بضيق واستوقفها خطوات متسارعه ولؤي يوقف قدامها : معليش حبيت اعتذر عن اللي صار من شوي .... هو فراس ونايف بينهم مشاكل فـ ... ابتسام قاطعته : نايف تحت مابي اتأخر عليه .. الورقه وصلتك اتمنى تتطلع عليها واي ملاحظه ارسلها لي لؤي وهو معجب بشخصيتها .. والله ورزقك ربي يانايف : بس ياليت ماتوصلي اللي صار لنايف لان وقتها بيصير ما لا يحمد عقباه ابتسام باقتضاب : نورت الموقع استاذ لؤي .. موفق ان شاء الله وطلعت مباشرة ... اما لؤي طالع مكتبه بلوم ورجع يدخل : مهبـول انت ! مافيه حرمه يمشي حالها معك لازم تتمشكل معها ! فراس : طلع عمي يعرف يختـار .. اجل هالسنع لنايف ! لؤي عقد حواجبه : الســـنع !؟ فراس : ايه .. البنت قوية ومحترمة .. احترم هالشي فيها , حسوفه في هالأهبل لؤي : دام تحترمها ومدري ايش .. ليش تكلمت معها كذا ؟! فراس : ما احترمها .. تخسى هي ورجلها واهلها قلت احترم قوتها ونقطه ! لؤي عقد حواجبه : عجيب انت .. فراس وقف : اقول كمل شغلك بس .. انا طالع مافيه شي يسوى هنا لؤي : الله معـك .. وين بتـروح ؟! فراس : البيت .. لؤي : بكرة اجل تعال نفطر سوا فراس : خل بكرة يجي وارد لك سكر الباب وراه .. اما لؤي رجع يسترخي على مكتبه ويشتغل .. دق جواله " الفـندق " عقد حواجبه وهو يرد : هـلا الموظف : استاذ لؤي عبد الرحمن ؟! لؤي : وصلت اخوي .. تفضل الموظف : الجناح اللي سلمتوه هالشهر مازال فيه ممتلكات شخصيه .. ودفع الشهر اللي فات للحين مادفع ؟ لؤي عقد حواجبه : ايه برسل لك الدفع ان شاء الله .. بس الجناح مازال تحت الإستعمال الموظف : لا اخوي غلطان .. المدام سلمت المفاتيح الأسبوع اللي فات لؤي اصابته حيره ..: تمام تمام .. اكلمك بعدين سكر السمـاعة .. والحيره للحين مستوطنه عقله مسك جواله يدق لكن تراجع , اكيد ابوه بيبحث عن الرقم وبيوصل لها وقتها راح فيها .. وقف وسحب جاكيته وهو يطلع من الشركة ويتوجه للاتصالات لازم يطلع رقم جديد معقولة رجعت لشقتها القديمــة ؟! *** أسماء مجرد ما استنشقت شعيراتها الأنفية رائحة المعقمات تراجعت خطوتين : لا لا ميسون خل نرجع ! انا مجنونة بإيش كنت افكــر ؟! ميسون زفرت بقلة صبر وهي تسحبها من يدها : اسماااااء وبعديــــــــن ؟!!! يختي معليش بس عقب شفت صورته يسوى تسوين كل هذا .. امشي قدامي بس اسماء : لا ميسون تكفين خل نرجع البيت .. انا غبيه اصلن واكيد هو ... قاطعتها ميسون : بتمشين قدامي ولا اروح اقوله عن كل اللي صاير معك ! تعرفيني اسوم تراي مجنونة واسويها اسماء : ميسـون ! لا تخليني اندم اني قلت لك زفرت ميسون وهي تطالع ارجاء المستشفى .. مسكتها من يدها وسحبتها غصب : طيب تعالي بنشوفه بس وبنطلع ! مو انتي تبين بس تشوفينه !؟ اسماء وهي تحاول تنكر الرغبه اللحوحة داخلها لشوفته : ممـو .. لا .. ميسون بمعاناه وهي تمشي معها طول المستشفى وهي تلح عليها بقوة يرجعون .. انتبهت ميسون للقامه الطويلة هذا هو ! سحبت اسماء اللي كانت وراها بحركة متهورة ودفتها قدامه حتى ارتطمت فيه .. شهقت اسماء وهي ترتطم بصدره وترتد على ورا .. ويده بسرعة لا إرادية مسكت كتوفها تمنعها من السقوط ووجهه مكشر من ألم ارتطامها : انتبـــهي للطريق اختي ! طالع المتهورة اللي ارتطمت فيه وماكان احد غيـرها .. في ثانيه سحبت نفسها بسرعة من بين يديه وتراجعت ورا عامود بعيد عنه وقلبها يضرب ضربات متهورة ودموعها تجمعت بمحاجرها .. حالتها الفترة اللي راحت كلها كوم واللحين كوم : ........................ هيثم أستوعب العيـون الزرقاء .. والوجه الطفولي طالع ناحية العـامود ثم التفت لرفيقه بالمشي : اسبقني لاحقك .. مشى بخطـوات راكده حتى وصل للعامود .. وهو يشوفها واقفة وضامه شنطتها لصدرها وترتجف سند يده للجدار وهو يطالعها بنص عين : شـايفه بعبع اجـل ؟! اسماء بلعت ريقها .. وهي تحبس دموعها وقالت باقتضاب : لا .. هيثم عقد حواجبه وهو يطالعها .. مو زي كل مرة رجفتها غريبة فيها شي : مريضة فيك شي ؟ اسماء كان نفسها تصرخ ( فيني أنت ! ) قالت بمرح تخبي فيه حزنها : ههههه لا مافيني شي .. بس " عضت على شفتها وهي تنزل عيونها تمنعها تقابل عيونه " بس مشغولة و دكتوره هي .. بروح بعدين هيثم طالعها مستغرب وش قاعده تقول : مفروض افك شفرات كلامك اللحين ؟! اسماء بانحراج اشرت لجهه ثانيه : انا رايحه .. مشت بطريقها وهي تسحب رجلها بخذلان .. قاطعها صوته ينطق اسمها لأول مرة : اسماء ! اسماء تمنت عندها تسجيل لنبرته بصوتها .. للحين يتردد بعقلها ( اسماء ! .. اسماء ! ) رهافة نطقه تقتلها التفتت دون ترد : ............... هيثم بوجه اقرب للتوعد اشر باصبعه الإبهام للكافتريا جمبهم : ممكن اخطفك دقيقة ؟! اسماء توسعت عيونها ( بشويش .. اسمي ثم بخطفك ! يارب ثبت رجولي بس ) كانت فعلا رجولها تقصف بها وهي تبلع ريقها .. وتهز راسها دون تتكلم .. رفع حواجبه وبهدوء نطق : الحقيني .. ومشى بانحاء الكافتريا حتى استقر بجلسة منفرده بـزاوية وجلس .. اسماء وقفت وهي متردده تجلس ولا لا , لا مو متردده خايفه من الكلام اللي بيقوله .... اشر لها : ماحتجلسي ؟ جلست اسماء .. وهي تطالع المكان تصرف عيونها عنه , جالسين سوا على طاولة !! مو مصدقه هي بحلم ولا علم !! جاها صوته : تشربين شي ؟! اسماء هزت راسها : .......... هيثم : فيه قسم هنا للإعاقات ... روحي افحصي لسانك منخرس شي ؟! اسماء فتحت عيـونها : هاه .. ؟! هيثم : لا حمدالله سليمة اسماء نزلت راسهـا وهي تقبص يدها تخفف الضغط على نفسها : ................. هيثم حط الورقة على الطاولة وقال بهدوء : ماتنتظرين جواب على هذي ؟ رفعت اسماء راسها وهي تشوف الورقة ... وتبلع ريقها هذا اعترافها : لما تعرف ان الجواب بيوجعك .. وقتها احترم قلبك وانسى السؤال .. هيثم سكت لفترة وهو يطالعها .. تنهد : فين كنتي الفتره اللي راحت ؟! اسماء ابتسمت بألم : اريحك مني .. اراهنك انك ارتحت بجد اسماء رفعت راسها بعد فترة من صمته .. تحاول تلقى جواب بوجهه , كان يطالع بالجهه الثانية وكأنه هو نفسه يعاني بترتيب الكلام : ......................... اسماء قررت تنهي هالوضع .. توترها وصل حده وقفت : انا لازم امشي .. نطق هنـا بطريقة ملتويه : ماله داعي تريحيني منك اسماء عقدت حواجبها .. وهي تطالعه ويده على فمه ويطالع بجهه ثانية قال بزمجرة خفيفة : انا شاكي لك راحتي ؟! اكره اللي ياخذ سياق غير شخصيته .. اذا انتي مزعجه خليك مزعجة .. لاتعارضي رغبتك حتى لو كانت زي وجهك اسماء : مافهمت .. كيف يعني ؟! والرسالة ...؟ هيثم بصرامة : شعور غير متبـادل ! " ابتسم بجاذبية وهو يطالعها بقوه " ... متشوق أشوف اذا بتقدري تغيري هالشي اسماء وعيونها تغارقت دموع .. مو دموع حزن .. دموع بصيص امل بسيط .. سألت برجاء : أقــدر ؟ هيثم ومازالت ابتسامة مرسومة رفع حواجبه بتسائل : انا نفسي اتسـائل اذا بتقدري .. اتسائل اذا شعورك يسوى اني التفت له ؟! اسماء وقفت وضربت على الطاولة بيديها وقالت بتصميم : اذا حبيتك أكثر من كذا يمكن أموت ! هيثم فتح عيونه بدهشه من تصريحها المباشر .. رفع يده يغطي فمه واحمرار خفيف انرسم على خده والبعض التفت لنبرة تصميمها قال بهمس : هيـــه انتي شقاعده تقولين ؟! اسماء ابتسمت ودموعها على خدها : افهمك ان شعوري يسوى ! " كملت بنبرة صادقة " والله بموت هيثم تنحنح وهو يوقف ويمر من جمبها : بتفضحيني انتي .. ومشى بطريقة وهي تطالعه يمشي وتبتسم من قلبــها ... جلست بتعب وكأنها بذلت مجهود عظيم وماسكه قلبها وتمشق , اللي يصير بقلبها مو طبيعي .. مسكته وهي تحس برهبة هالشعور داخلها رجفان لذيذ داخلها ممزوج بحماس لشعلة الأمل البسيطة .. ركضت لطاولتها ميسون : يامهبـــولة ههههههههههههههههههه الكل يطالعكم ! هاه تحسفتي عشان جيتي اسماء ضمت ميسون من قلبها : احبببببببببببببببببببك اموت فيك اعشقك اهواك ! يختي ماتدرين قد ايش انتي انقذتي كل شي فيني ميسون وهي تسعل بخنقه من ضمتها : هههههههههههه احككححح اسما بموت وخري *** فـتح عيـونه على إشراقة الشمس ... فرك عيونه باصابعه بضيق , ابتسم وهو يحس بثقلها وهي نايمة بحضنه , ظل يلعب بشعرها بنعومة : ميهـاف .. حياتي .. ميهاف والسكون مخيم عليها وغاطة بالنوم .. بدر بنفس النبره الهاديه : دوبه قومي ميهاف عقدت حواجبها بضيق من اثر الإزعاج : هممممم.. بدر : هذي اللي بتفطر برا اليوم .. يله اعجلي قبل يفوتك ! ميهاف فتحت عيونها بكسل : كم السـاعه ؟ بدر : الساعة 8 ونص .. على ماتخلصين ونوصل يالله نلحق على اطلالة كويسه ميهاف جلست بكسل وهي تخلل اصابعها بشعرها : والله ماشبعت نوم .. بدر وقف وهو يرمي الغطا على وجهها : يله ياكسلانة ولا رحت لحالي ميهاف ابعد الغطا عن وجهها وقالت بدلال : ماتقــدر .. حتى لو تبغى ! بدر سحب ملابسه : دام عارفه اجل اخلصي علي ابعدت الغطا وهي تقوم بنشاط .. وتطالع من النافذه باريس مدينتها المفضلة , امس ماطلعوا لان وصلوا متأخر بس اليوم لازم تطرح اللي براسها .. لبست بالطوها الأنيق الفوشي .. والإيشارب التفاحي والأوانها المشرقة تناسب جـو الصباح .. طالعته وهو واقف قدام المراية ويلبس جاكيته الكحـلي ويضبط شعره بعد ما خلص التفت لها : خلصتي ؟! ميهاف وهي تشتغل بعدة المكياج : فايف منتز وقف وراها وهي جالسة قدام التسريحة وحضنها من ورا ... ميهاف وهي تطالع انعكاسه من المراية : كيف بخلص كذا؟ بدر : مو مسؤوليتي اخلصي .. " ابتسم " كيف نومتك امس ؟ ميهاف : هذي باريس حبيبي مافيه نومه عكره فيهـا بدر : دوم يارب .. حركتك قليلة بالنوم ما شاء الله ميهاف وهي ترسم شفاتها باللون الخوخي : بجـد ؟! بدر وهو يفلت خصرها .. ويجلس باريحية على الكنبة : ايه .. ههههههه اذكر بمره اسوم تعبت فترة تعب قوي .. وليلتها نمت جمبها انواع التكفيخ والكفوف تحارب كونغ فو وهي نايمة ميهاف : هههههههههههههههههههههههه ايه اسوم حركتها كثيره بدر : طحت من سريرها 3 مرات يمكن .. ليلتها حلفت لو اتزوج وحده كذا ارميها بغرفة لحالها وانا لحالي ميهاف برضا : اجل ربي عطاك على قد نيتك بدر بشوق : واكــثر بعد دخلت مكيـاجها شنطتها ودخلت رجلها لكعبها العالي والتفتت لـه : يـله ؟! بدر وقف وهو يحتضن ذراعها : مشيـنا *** السـاعة 9 ونص .. بالعيـادة : - دخلت ابتسـام ووقفت عند الاستقبال مباشرة : صبـاح الخير : صباح النور ابتسام : انا عندي حجز باسم ابتسام مشعل ؟ : عند الكتورة نعيمة ؟! ابتسام : أيـه .. : هي بانتظارك تفضلي .. دخـلت ابتسام واستقبلتها الدكتور بإبتسامة : تفضلي خذي راحتك جلست إبتسام عند مكتب الدكتورة المتواضع : تسلمين ... الدكـتورة : تفضلي بإيش اقدر اخدمـك ؟! ابتسام : عندي بعض الإستفسارات عن الحمل .. حملي تأخر وابي اعرف اذا فيه مشكلة الدكتورة : ان شاء الله خير .. اولا انتي لك كم متزوجة ؟! ابتسام : بتم السـنة قريب ان شاء الله الدكتورة : كنتي تاكلي أي نوع حبـوب ؟ ابتسام : أيــه .. بس قطعتها حاليا الدكتورة : كـم لك من قطعتيها ؟! ابتسام : يمكن شهر الدكتورة : معناها مسألة طبيعية .. وقت توقفي الحبوب الدورة ماترجع لمجراها الطبيعي الا بعد 3 اشهر واحيان 6 اشهر .. يعني مجرد تأخر في التبويض ابتسام بعدم ثقة : معليش تفحصي تتـأكدي .. دام جيت ابي اتأكد ان مافيه أي مشكلة هزت الدكتورة راسها : مافيـه مشكلة " تررن .. تررن " ابتسام : لحظة بس طلعت جـوالها .. المتصل " نايف " ردت : هلا نايف بقلق : انتي ويـن ؟! طالعه من صبـح الله ابتسام : عندي كم شغـله .. انت فين اللحين ؟! نايف : بالشـركة .. ابتسام شهقت : ويـزيد ؟ نايف : عـند اهلي .. انتي وين لاتراوغيني ؟ ابتسام : بالطريق .. سكرت السماعة مبـاشرة .. عقد نايف حواجبه وهو يطالع السماعة : شفيـها ؟! *** أسمـاء بإنتعاش طلعت للحديقة وجلست مع اهلها المجتمعين يفطـرون : ياصبـــاح اللوز والفستق .. ياصباحكم ورد وعنبر ام فراس : لا اله الا الله .. الف من فضلك يارب , اخيراا رجع هالوجه يشرق اسماء وهي تجلس وتقذف زيتونه بفمها : وجهي مشرق من يومه فراس هز راسه : انفصام شخصية الله لا يبلانا اسماء تجاهلتـه ماتبي شي يعكر مزاجها .. بتفطر وتروح عن نفسها .. دق جوال ام فراس .. طالعت المتصل بكرب ثم ردت : الـو .... ياهلا والله ...... ايه حمدالله كلهم بخير انتي شلونك وشلون البنات ؟! ............تشرفون ... نتحراكم اجل .... ياهلا ومرحبا سكرت السماعة وقالت بهم : هذي عمتك ! فراس بعدم اهتمام وهو ياكل : طيب ؟! ام فراس تنهدت : يافشلتي وش بقـول لها اللحين ؟! اسماء : تبين احاكيها عنك ! بقول مالكم عندنا نصيب البنت رافضه .. عفوا قصدي الولد رافض ام فراس : انتي انثبري ! وقت تجي هي وبناتها خلك سنعه مع سجى .. مو تتهاوشين انتي وياها والله يا اسماء لو تلاسنينها ان يكون حسابك عسير ! اسماء : ولا يهمك عـندي .. بحطها على كفوف الراحة بإذن الله فراس وقف وهو يمسح يده : اكرمكم الله اسماء بسرعة : فراس ! اليوم قل للسواق يوديني لخويتي فراس : وانتي مافيك لسان ؟! اسماء بقهر : قصـدي اني بجلس لوقت متأخر .. وهو ميبس راسه على نظام الساعة 10 ! دجاج حنا !! فراس : من خويتك هذي ؟! اسماء : ميســون ... فراس : روحي وارجعي قبل الساعة 10 .. وش بتجلسون لوقت متأخر تسون غير الحكي الفاضي ؟ اسماء : خلاص طيب انت رجعني فراس : ماني فاضي مقدر ودخل مبـاشرة .. اسماء تاففت : اااااااااه يابدر ويـــنك عني بس ؟! اما ام فراس قالت بضيق : والله متفشله منها ..! اسماء : يا ما قلت لك يا يم فراس ماحيوافق بس هذا انتو ! ام فراس : الله يصلحه ويهـديه بس اسماء تنهدت : اشتقت لبدر .. وينه يجي يفطر معي بس ! *** وصـلت ابتسام الشركة .. واتجهت لقسمها مباشرة قابلها هناك نايف : اخيرا جيتي ! ابتسام : هـلا نايف فتح باب مكتبها عشان تدخل ودخل وراها : طالعة من 8 وتو توصلي للشركة 11 ! ابتسام وهي تجلس : رحت لدكـتورة نايف عقد حواجبه : دكتورة ؟ ليش سلامات .؟ ابتسام : سألتـها كم سؤال عن الحمل وغيره نايف فتح عيـونه : حـــامل ؟! ابتسام ضحكت بخفه على هول تعابيره : ههههههههههه لا .. بس اسألها ليش تاخرت نايف : اهااا .. مو شايفك تأخرتي ابتسام : إلا متأخرة شعرفك انت بسوالف النسوان ؟ نايف : هههههههه لا وضعك طبيعي مرة لا تخافين .. انتو يالنسوان كذا تبهذلون عماركم بهالحبوب وعقبها تاكلونها حتى نهى تأخرت بسبب .." سكـت وهو يستوعب انه كلام محضور " وابتسام طالعته بقهر .. ثم رجعت تنزل عيونها للأوراق قدامها .. تنحنح نايف وقال بطبيعية : ايه وايش قالت لك ؟! ابتسام دون تطالعه : نفس ماقلت يالخبير ! بسبب الحبوب .. نايف كشر بوجهه من غبائه .. كيف يقولها كذا هو ماصدق هالكم يوم رضت : ........... متى بتطلعين اليوم ؟! ابتسام : بتأخر ! لاتنتظرني هز نايف راسه وهو يطـلع .. اما ابتسام تنهدت بضيق ومزاجها معكر دون شي من كلام الدكتورة ويجي هو يستعرض خبراته مع زوجة الغفلة! *** دخـل فراس الفيلا ... وقف سيارته قدام الملحق مباشرة وهو يتعهد نفسه انه لازم ينهي هالمسأله خلال هالإسبوع , طق الباب طقه وحده ودخل مباشرة كانت جالسة بهدوء لأول مرة .. بالعادة تكون تلعب مع رنيم او التلفزيون هالمرة جالسة وتعابيرها جامده .. رفعت عيونها لما شافته وبلعت ريقها ونطقت : انا موافقة ... قول كل شي , بس لازم انت تحافظ على جزئيتك من وعدك فراس رفع حواجبه : كل شي ؟! غادة هزت راسها بإستسلام ... سحب فراس له كرسي وجلس : تفضلي اسمعـك غـادة شبكت يدينها ببعض بتوتر : أنـت تعرف من انا .. فراس : عارف بس ابي اسمعها منك بعظمة لسانك ! غادة وهي تحس بخزي الكلمة : انـا اخت هيثم .. وأخت زوجة نايف ولد عمك فراس بإشمئزاز : والله حسـافة اخوك رجـال واختك ماعليها قصور .. ! المهم مو حديثـنا .. شتسوين عند لورا ؟! غادة عضت على شفتها : لـورا أمي .. فراس ماتوقع هالمعلومة : أمـــك ؟! غادة : ماكنت اعرفهـا .. من انولدت على الدنيا ماكانت حولي .. انحاشت وتركتنا وكان ابوي مجرد ضحية من ضحاياها ... ! قابلتها في استراحة نايف أول مرة .. فراس : استراحة نايف ؟! شتسوي هنـاك ؟ غادة هزت راسها : مدري .. اظن هي مصممة وطالبتها ميهاف .. فراس : أيـه .. كملي ؟! غادة : بس .. فراس : وليش تركتي اهلك ورحتي لأمك وانتي تعرفيها زباله ! بس الظاهر الطيور على اشكالها تقع غادة بقهر : ز.. زوجي مجرم ! وطلع من السجن ورفع قضيه , وقتها انا خفت مقدر ارجع له .. فشلت نفسي انا وبنتي وتركت الرياض .. فراس بنبره هاديه : البيـوت مليانه مشاكل .. ماكان لازم تتخلين عن مسؤولياتك وتتركين كلش وراك غادة لامست نبرته قلبها الضعيف .. معه حق عضت على شفتها وقالت بتردد : ............... وعدك ؟! فراس بصمت وهو يطلع : رآح اوفي به تنهد أول مـاطلع ... مشى بخطوات متثاقلة وهو ينادي البواب .. : سم طال عمرك فراس : روح جيب مفتاح الفيلا . اسند ظهره على جمب الباب ينتظر البـواب .. بعد فترة جا : المفتاح مو موجود ! فراس عقد حواجبه : نععم ؟! كيف مو مـوجود ؟ البواب بقلق : معـقولة يكون فيه حرامي طب وأخذه .. فراس تصوبت نظرته مباشرة ناحية الملحق .. مافيه غيرها !! مشى بخطـوات متسارعة ناحية الملحق وهو يفتح الباب بقوة ... وقفت غادة بفزع وهي تشـوفه يطالعها بنظرات حادة وبنبره غاضبه : وصـرتي تمدين يدك ؟! غادة : شـنو ؟! مامديت يدي ... فراس وهو يتقدم ناحيتها بخطوات واثقة : مامديتي يدك ! واذا فتشت هالغرفة شبر شبر وطلع فيها ... شأسوي بك وقتها ؟! غادة بثقة : فتش .. ماعندي شي , لا تتهم العالم ! فراس اشر للبواب : فتش ! غادة سحبت رنيم من سريرها وهي تشوف تفتيش البواب العنيف حتى السرير حركه من مكانه .. ماتم البواب تفتيشه لنص الغرفة وقفه فراس وهو يطعن فيها بنظراته : اطلع برا وسكر الباب وراك غادة كبست بعيونها بخوف وهي تتراجع تلقائيا خطوتين لورا .. وهو يتقدم ناحيتها حتى وصلت لزاوية مالها مهرب بهدوء سحب رنيم من حضنها بين يديه وسدحها على سريرها ثم رجع لها : كل شبر بهالغرفة يشـــملك ! ع بالك غبي قدامك ؟! وقد ماتعزني نفسي ألمس لقمة غيري .. بس ماراح اتردد غادة بفزع لما شافت خطواته الواثقة المعزمه طلعت المفتاح من جيبها ورمته على الارض .. اما فراس احتدت نظرته فيها وهو يسحبها من شعرها : كذا يابنت الكلب ! يدك هذي الكسر حلال فيــها ! لا وفوقها تكذبين ! غادة وهي تمسك راسها بألم : ااااااااا .. فــكني والله ما اكررها والله ماسويت شي فراس وهو يشد بقبضته اكثر ويهمس باذنها : ماسويتي شي ! ع بالك بأصدق كذابه شحاذه زيك !! سحبها معـه وهو يلتقط المفتاح ويمشي متجه للفيــلا وغادة تمشي وراه بخطوات متسارعه تحاول تفلت شعرها اللي راح رهينه بين قبضته : ااااااااااااااااااههههءء .. والله ماسويت شي فراس صرخ فيها : بأي حق اساسا تدخلينها حتى !! غادة وهي نادمه بجد تحس خربتها على نفسها .. وهو اللي تحسب كلش انتهى عضت على شفتها : تكفــى اتركني والله ما اكررها فراس : ياحلوك والله وانتي تكررينها !! " رماها قدام الباب ورمى المفتاح قدامها " قدامي افتحي الباب غادة وشعرها متناثر حـولها وتطالعه .. فراس رفع حـاجبه : شتطالعين ؟! .. قومي افتحي الباب سحبت غادة المفتاح .. وفتحت الباب اما فراس تقدم بخطواته وخذا جوله كامله على البيت يتأكد من كلش .. غادة كانت تعض اصابعها تنتظر برا .. اول ماطلع طالعته بقهر : قلت لك ماسويت شي ! فراس : احمدي ربك انك ماسويتي ولا كان ذبحــتك .. جلس على درجات المدخل وهو يطالعها ... ظل يطالعها لفترة غادة بتوتر وهي واقفة قدامه : شنــو ؟! فراس وهو يطالعها من فوق لتحت من انكماش قدميها الحافية لشعرها الجذاب المبعثر حول وجهها : شأسوي فيك اللحين ؟! معاد ينوثق فيك حتى بالملحق ! غادة نزلت راسها وقالت بنبره منكسره : آســـفه فراس وهو يحدق فيها : وين اصرف اسفك هذا فيه ؟! غادة بتمتمة بينها وبين نفسها : شنو فين تصرفه .. ناقصك فلوس انت .. فراس : نعـــم ؟! غادة : ولا شي .. ولا شي .. " كملت بلامبالاه ممزوجة بطيش " كنت طفشانه واخذت جولة .. فراس : ان شاء الله تموتين طفش وارتاح انا من بلوتك ! انا قايل الفيلا ماتعتبينها ... غادة قالت بنبره خافته وكانها خايفة من اللي بتقوله : إيش راح تسوي اللحين ؟! بعد ماعرفت اهــلي .. فراس : محتاج اخرس فمك قبل كلش غادة : تخرس فمي ؟! فراس : اللي صار بطرابلس .. وسويسرا ! مابي جنس مخلوق يعرف فيه .. لاينزل لسانك فيه حتى بينك وبين نفسك غادة تمنت تسأل ليش .؟ تحس فعلا وراه قصه لكن اكتفت بعلامة الخضوع : ان شاء الله .. فراس : اعتبري نفسك ماقابلتيني حتى ! غادة دون تحس بنفسها : امنيتي اساسا .. فراس بسخرية : لا انا اللي ميت على مقابلك ! والله وبنفتك من لسانك الطويل ! غادة بتردد : اقدر ارجع للمـلحق ؟ فراس : لا ! خلك واقفة هنا لين احسك نادمه غادة : انا نادمة بجد .. والله اسفه .. فراس بتشديد : قلت خــلك مكانك ! تنهدت وهي كل شوي تبدل بوقفتها .. بمعنى تعبت من الوقفة , اما فراس كان يشتغل بجواله ولأول مرة يستمتع بتطفير شخص غير اسماء .. او يمكن لأنه عرف انها مو زي تفكيره مو ***** مجرد قليلة أدب وقلة الأدب امرها محلول اطلقت غادة " آفف " بسيطة تعبر عن تذمرها ... رفع فراس راسه : وتأففين ؟! غادة اطبقت شفتينها ببعض : لأ ! فراس طالع ساعته .. لسى مغرب اكيد عمته مازالت بالبيت وماعنده شغل ويحس بملل بجد اسند خده على يده : وش سويتي بالفيلا ؟! غادة بتبرير : بس مشيت شوي .. وطلعت على طول ! فراس ببغته : هيثم ولا ابتسام ؟! غادة ما استوعبت : شنو ؟! فراس : هيثم ولا إبتسام ؟! ارميك عند من .؟ مفروض ارميك عند زوجك بس لأنه مجرم وبنتك صغيره بأفوتها هالمرة غادة برجاء : ولا واحد .. فراس : مو بكيفك ! فاضي انا ابزاك ؟! اهلك اولا وآخــرا مردك لهم ! غادة هزت راسها : مـابي .. هيثم بيقتلني .. وابتسام متزوجه ومشغوله مابي اعكر حياتها .. فراس : لا عكري حياتي انا ! غادة : اتركني بحالي مثل ماقلت لك .. وانا بشيل مسؤولية نفسي وبعكر حياتي انا فراس : مقدر اتحمل مسؤولية اني اتركك ! فلا تطولينها وخلينا نخلص من بعض .... ! غادة بتمتمه مقهوره : حتى انهم مو اخواني .. مو ملزومين فيني فراس صنف انها حلطمة .. وقال ببرود : ارجعي لملحقك .. والله واللي اسمه الله لو اعرف انك متجرأة على أي شي ثاني بهالمكان لأسود عيشتك فوق ماهي سودا ! غادة ماصدقت يجيها الإذن .. هرولت مباشرة لملحقــها , اما فراس تنهد بضيق نظرته لها تغيرت ماصار يحتقرها زي أول .. أبو ميت .. ام منحاشه .. اخو بيقتلها .. زوج مجرم .. صارت حالة مثيرة للشفقة بالنسبة له .. *** اقتحموا المطعم وقهقهاتهم العالية بالمكان ... : ههههههههههههههههههههه مجنون والله بدر : ههههههههه تعبت .. ابي ارتاح خلاص خذو مقاعدهم على المطعم .. وتناولوا المنيو وهم يشيرون لأطباقهم المفضـلة بعد ماسلموا طلبهم تنهد بدر وهو يطالعها ويحضن يديها وبإنجذاب تام لها : مـو مصدق هاليومين .. كأنها خيال ميهاف برضا : وأنت اللي كنت تأجل هاليومين الخيال ! بدر : كنت أجل لاني اعرف انك الوحيده المقدره لي مايهم كم بأجل بتضلين لي .. حتى لما كنتي تهددي تفارقيني وتقابلين غيري كنت متأكد ان بالأخير انتي لي مو لغيري ميهاف بإنجذاب لمعسول كلامه : بيوقف قلبي على فكره .. بدر وهو يرفع يدينها ويبوسها : ههههه بسم الله عليك افلت يدينها لما حضر النادل وهو يرتب الأكل قدامهم .. اثناء اكلهم اتجه لطاولتهم انثى بفستان سهـراوي يناسب اناقة المطعم .. وشعر ناري رافعته لفوق وتقول بعدم تصديق : بـــــدر ! هههههههههه فينك يازلمي زمان عنك ؟! ميهاف فتحت عيونها وهي تطـالع السلام باليدين بينهم .. وجرأة البنت في السلام بالخد معه : ................ بدر : ههههههههههههه هلا والله غاليه .. وش الدنيا مسويه فيك زمان عنك ؟! غالية : بمية صحة وعافيه حمد الله .. انتا كيفك وشو تعمل هون ؟! بدر أشر لميهاف اللي تطالعهم بصدمه : اعرفك ميهـاف زوجتي .. ميهاف هذي غالية منتجة في عالم العروض واشتغلنا مع بعض كذا مرة ميهاف رفعت حاجبها بكبر وهي تحط رجل على رجل وتطالع غالية .. اللي تنتظر منها تسلم عليها : ......... لما فهمت غالية انها ماراح تسلم عليها وجهت كلامها لبدر : لكان تجوزت .. ان شاء الله الف مبروك , ومابدك تعزمنا كان ؟! ميهاف بحده : بصفتك إيش نعزمـــك !؟ غالية بمرح : ههههههههه بصفتي سبب نجاحوه بدر طالع ميهاف مستغرب انقلاب مزاجها : شفيك ع البنت ماقالت لك شي ترا ! ميهاف مسحت فمها بإناقة من الأكل ووقفت وهي ترمي المنديل على الطاولة ... وتطلع من المطعم عقدت غالية حواجبها باستنكار : شو بهـا ؟! بدر اللي كان يحدق فيها وهي تطلع متجاهلته .. : اسفهيها ! .." ابتسم لها " تفضلي عازمك غالية : لا مافيه داعي تؤبرني .. روح الحئها ماتكون فكرت غلط بدر ابتسم : يعني نحشتي زوجتي وما راح تعوضيني . غالية بانحراج : ههههههههههههه لكان ع حسابي بمناسبة جوازك اما بـدر جلس يكمل عشـاه .. وغرضه يفهمها ان هذي حياته ولازم تقبلها ! ولا راح يغيرها عشانها عـند ميهـاف : - وقفت لفترة برا المطـعم تنتظره " يلحـقها " ... التفتت تطالع حصلته يتعشى معه وصلت حدودها هنا وهي تحس بغميصه رفعت يدها بقهر وهي توقف تاكسي يوصلها للفندق .. - لساتكم ثاني يوم .. لحقتوا تخربوها ؟! xD *** ام فراس بهدوء تحـاول تهدي ام عبدالمجيد : حصـل خير الله يعوضها خير ان شاء الله ام عبدالمجيد بعصبية : بيعوضها ربي خير ونص ! وش هذا يا ام فراس .. ماعرفتي تحكمينه وهو ولدك ام فراس : انا من كلمتك بالموضوع قلت لك لاتعلمين الرجاجيل .. لأن فراس للحين مايدري .. ام عبدالمجيد : ماتوقعت حضرته فراس مكبر راسه حتى على بنت عمته .. الله يرحم اخوي ماعرف يربيه طلعت ام عبدالمجيد من البيت وهي مرتفع ضغطها .. تقدمت اسماء لامها اللي كان ماسكه راسها اللي صدع من النقاش الطويل : يمه طولي بالك .. بعدين عمتي الله يصلحها ماكان لازم تتكلم معك كذا ! ام فراس تنهدت : معها حق .. مقهورة على بنتها شتسوي ؟! انفتح الباب بهاللحظة .. كان فراس اللي مجرد ماجلس لاحظ الجو الغريب عقد حواجبه : يمه تعبانه فيك شي !؟ ام فراس تنهدت : فيني انت .. الله يصلحك ويسامحك بس فراس : انا .؟! شفيني انا ؟! اسماء بقهر : تو عمتي طلعت .. ومنقهره على بنتها .. ام فراس : مسكينه كان متحمســه لهالزواج فراس : لا تتحمس مافاتها الا الشر ام فراس : وانت ماقدرت تمشي الموضوع بس عشان خاطري .. لهالدرجة مالي خاطر عندك فراس : خاطرك يسوى مليون خاطر ام فراس .. بس الزواج انسوا ام فراس وقفت بتثاقل وهي تصعـد ... فراس طالع اسماء : امي فيها شي ثاني غير هالموضوع ؟! اسماء : مافيـها شي .. بس انت ماتدري قد ايش كانت متحمسة لهالموضوع طول ما انت تسافر وهي تخطط فيه فراس احتفظ بالصمت .. تنهد وهو يوقف طالع .. اسماء : وين تو جيت ؟! كان الرد صوت اغلاق البــاب .. اما فراس ركب سيارته وهو يفتح جواله ويطلع رقم مدفون بين الإتصالات وضغط اتصال مباشرة رفع السماعة لإذنه وهو ينتظر الــرد جاه الرد المستنكر : الـو ؟! فراس : السـلام عليكم .. مساك الله بالخير عمه ام عبد المجيد باقتضاب : هلا .. فراس : وينك طلعتي بدري ؟! مالحقت اسلم عليك ؟ ام عبدالمجيد بمقصد واضح : خيــرك سابق ! فراس : خيـرك أسبق .. عموما حبيت اعتذر لك ولسجى والله يرزقها من يسعدها , واذا هي عندك هاتيها اعتذر لها شخصيا .. وصدقيني مو عيب فيها ولا فيكم العيب فيني ومني انا ام عبدالمجيد بانحراج : حصل خير .. فراس بحده : دام حصل خير ياليت معاد تغثين الوالدة بهالموضوع ! ام عبدالمجيد : من حرتي على بنتي وش بيدي ؟! فراس : مالك لايم .. وفيك حره واجهيني فيها انا المتسبب مو هي ام عبدالمجيد بضيق : الله يرحم ابوك .. هو نفسه كان يقول فراس لوداد .. وداد راحت وانا ماحبيت اخسرك فراس باقتضاب : حصل خير ونضل اهل ..في امان الله *** غـادة افكارها توديها وتجيبها ... ماتبي تروح لأهلها ماتبي ترجع لازم تلقى حل ! تنحاش ؟! اووه صارت عاده عندي .. حست بكمته من الملحق .. سحبت رجلها برا الملحق وهي تتمشى بالحديقة وقفتها خطواتها قدام الفناء الخلفي وين مكان السيارات .. كبست بعيونها وهي تحس اللي تشوفه يمكن وهم .. رجال مسند راسه على طارة سيارة سوداء ماوضحت ملامحه .. لكن الشعر الفحمي الكثيف هذا شعره هو .. : .................... لوحة السيـارة كانت " ف ر س " , اول مرة تشوفه بهالهيئة .. هيئه هادية حزينة مع ضوء القمر , معها حق هالإنسان تضرر اكيد من هذي ريم .. لايكون تزوجته ثم تركته ؟! ... سحبت رجلها قبل يشوفها ويصير مالا يحمد عقباه ... استوقفها صوته الهادي : شتسوين هنا ؟! التفتت بخوف .. كان على نفس وضعه , بلعت ريقها وهي تقول : اتمشى ! فراس رفع راسـه وهو يحس بخمـول .. جواله جمبه ينتظر ردود البلاغ اللي ارسله لل في بي أي عن اعمال العصابة : ...... كأنه ينتظر نهـاية همومه .. نهاية كربه ( معد بقى شي يبه .. كلها ساعات ) : ..................................... غادة استغربت هدوئة ..حتى عيونه هاديه مو تطعن كالعادة : ادري انها ممتلكاتك .. بس شتسوي هنا بالليل ؟ فراس ابتسم دون نفس : صايره تمونين حضرتك ؟! غادة كبست بعيونها .. وهي تحس بحركة بصدرها من اثر ابتسامته الكسوله : ................... غادة : ماراح تصارخ علي عشـان جيت هنا ؟! فراس : بـكرة .. مالي خلق اللحين غادة هزت راسها باقتناع .. : شكل حالتك متأزمة بجد .. فراس رفع راسه وهو يتسند على الكرسي الجلدي التفت لها بملامح هادية أول مره تلمحها بوجهه : انتي اللي تقولي هالحكي .؟! غادة : عمـوما راح اقول لك من خبره .. ترا الحب دايم يخذل مستحيل يجي حب كامل فانت لاتترك هالتجربه الفاشله تحبطك , " كملت بقهر " عاد الصدق مايناسب هيبتك تروح تحبها فراس عقد حواجبه يحاول يفهم وش اللي اسائت فهمه : .................... اما غادة كملت بوعظ .. ماصدقت تلقى احد يكلمها تحس فقدت مهارات التواصل :عاد هي الخسرانه احد يضيع هالعز كله ! فراس كبس بعيـونه وهو يطالعها جالسه على الزرع وتلعب فيه ومتحمسة تتكلم .. كأن لها سنة ماتكلمت : عاد ترا اذا هي ماتبيك اعرف لك وحده بمجتمعك تبيك ميته عليك رح لها ... " ضيقت عيونها " شاسمها .. شاسمها ... ايه سجى! فراس ( ما شاء الله عليك ياسجى مصرحه للكل ) : ....... فوزية الدريع خلصتي وعظ ؟! غادة ابتسمت : اعرف ولا ماش ؟ ابتسامتها ترسم شقاوة طفولية .. وطرحتها الملفوفه حول وجهها الصغير زايدتها جاذبية مع ضوء القمر .... فراس : دامك خلصتي اجل خذي هالنصيحة ... " غادة بتركيز وهي تسمع النصيحة " خمي عمرك وانقلعي لملحقك غادة كشرت .. ووقفت بقهر وهي تقطع مع العشب بيدها وتمشي مبتعده .. اما فراس هز راسه : ههههههه انا احب ريم ؟! ابي اعرف وش التحليل الرائع اللي وصلها لهالنتيجة .. دق جواله التفت بسرعة وهو يرد مباشرة : yes ! : thanks for you'r reporting فراس : so ?! what's happined to them ? :now there'e all in tha gail نزل فراس السمــاعة من اذنه وهو مو مصدق .. بهالسهولة انتهى كلش رفع عيونه للقمر : حمدالله يارب .. حمدالله |
رد: انتماءات كاذبة
قمة الروعة
ولى عودة ان شاء الله :55: |
رد: انتماءات كاذبة
انا مستمتعة بمتابعة الرواية كثيرا
احداثها غير متوقعه عندي استفسار لؤي كان بامكانه من اول ايام رجوعه للسعودية انه يشتري خط تاني بأي وسيلة كانت حتى لو موجود بالبيت طول الوقت ويحاول التواصل مع زوجته ، اما انه يتركها فترة طويلة وبالاخير يتذكر يطلع خط تاني علشان يسأل عنها ... الطيور طارت بارزاقها |
رد: انتماءات كاذبة
اقتباس:
لؤي بطبيعته متخاذل ومحبط دخل بقوقعه مباشره من الـــكل وطول حتى كسب جرأة يطلع شوي .. عشان كذا ما قرر يطلع الخط إلا اللحين ولو ماوصله خبر انها اخلت الشقه يمكن مافكر يتواصل معها إلا لما تتصلح كل اموره نورتي |
رد: انتماءات كاذبة
مزجتنى ابتسام لما هزأت فراس :lol:
كفؤ كالعادة وعملت اللى محدش عمله طول الرواية بدر وميهاف رجعو لنفس النقطة عن طبيعة حياته بصراحة مش قادرة اتوقع هى هتاخد طريقة الصدام ولا هتتصرف بطريقة ابتسام مع نايفظ أسماء وهيثم وصلو لنقطة تفاهم وبادرة أمل :e106: بالنسبة لفراس ما اظنش كده انه هيسلمها خصوصا لو عرف انها اطلعت على الأوراق مشهد النهاية كان روعة حسيت ان آلامهم وحياتهم الصعبة امتزجت فى المشهد ده تحت القمر وانه بدأ يستسيغها بالانتظار |
رد: انتماءات كاذبة
" البارت السابع والعشرين "
- اجمل من عرفت كان أسرع من رحل ! هـاهي الشمس أنتهت من جولتها في الجزء الشرقي من الأرض .. لتشهد على احداث مختلفة في غربها , على كل حـال هناك من استيقظ بالفعل , حتى قبل شروقها : كـالعادة انتي مبكرة ! ابتسمت بنعومة وهي تعيد خصله من شعرها وراء اذنها وترفع سلة الغسيل من الأرض : صبـاح الخير تقدمت تلك المسنة وهي تنطق بقلق : سارا عزيزتي .. أأنتي على مايرام ؟! هذه الأعمـال لاتناسبك يجب ان تهتمي بحالتك اكثر مسحت بيدها على بطنها البـارز وابتسامتها اختفت من ثغرها .. أتـاها صوت رجولي ساخر : أتركيها جدتي ! يبدو ان هوايتها هي ان لاتكون على مايرام سارا اقتضبت ملامح جادة وصارمة في حضوره وقالت ببساطة وهي تسند السلة لخصرها وتتوجه لداخل المنزل البسيط : انطم ! ابتسم وهو يحيط بذراعه كتوف جدته : ارأيتي .؟! هاهي تسخر مني بالعربية مرة اخرى .. لن انساها لكي ايتها المشاغبة تنهدت سارا وهي تحضر كوب قهوتها .. لتتناولها باصبعها الرقيقة وتصعد لغرفتها , وجود " جاكسون " بالمنزل يضايقها .. فهي لم تتوقع عندما لجأت لجدتها ان إبن خالتها سيكون يتيما وقاطنا هنا .. قاطع تفكيرها برفسة ناعمة , سارا بضيق : بس يا ماما من امس على هالحـال ؟! فتحت جـوالها باصابع مترددة .. رغم انها مصممة على التجاهل التام .. إلا انها تعجبت انه لم يلاحظ غيابها حتى الأن فهو لم يسأل حتى وآخر ظهور له بال " واتس آب " متجدد .. لكن دون مبادرة ! نطقت والعبرة تقطع صوتها : جرب اســأل يمكن احتاجك كثـير .. أنفتح الباب بهدوء لتدخل تلك المسنة .. وتجلس بحنان وهي تمسح على يدين حفيدتها : لما لا تشاركينا الإفطار ؟ سارا : لا تؤاخذيني .. فقط احتجت ان اكون لوحدي لآنت ملامحها حزنا على حالها : أنتي تشبهين أمك كثيرا .. حتى غلطاتكم متشابهه سارا بهم : لماذا تواصلين ذكر هذا الموضوع امامي .؟! اريد ان انساه : أنتي لم تنسيه .. لذلك اذكره .. سارا : ماذا أفعـل .؟! أريد ان اشعر كأن شيئا لم يكن وكأن كلاما قيل لم يقال .. الجـدة حضنت يدينها : امضي بحيـاتك .. هو مضى وانتي كذلك وسلام على عشق ذبل ياعزيزتي تنهدت سارا : لو أن طفله ليس بداخلي ماكانت امنية مستحيلة .. لكن هذا الرابط يربطني رغما عني الجدة بضيق : دعي ايمانك بالله قوي .. لا شيء مستحيل استعدي للذهاب معي للسوق فجاكسون ينتظرنا سارا بغضب : لن أذهب مع هذا المدعي جاكسون ! اذهبي لوحدك اومأت براسها وهي تخرج ... اما هي فكانت غريقة الذكريـات .. *** : بــــــــــــــــــــــــوم ! هيثم فتح عيـونه بعد ماقفزت بوجهه من احد منحنيات المستشفى : وش جايبك اليـوم بعد ؟! اسماء ابتسمت بحيوية : كيف تقول كذا ؟! جاية احـاول اغير شعورك الغير متبـادل ! التفت الدكتور المرافق له بالمشي : دكتور انا سابقك هيثم مسك راسه وهو مطبق شفاته بعصبية واضحه .. رفع عيونه بحدة لها : تقدرين تنسين كلامي لك آخر مرة ؟! اسماء باحباط وبنبرة ممدوده : لييييييييييييييييييييه ؟! هيثم همس بعصبية : قصري صوتك ! في بيت ابوك انتي ؟! اسماء بحزن : آسفـة .. بس صدق ليه ؟! ماتدري قد ايش تعبت عشان تقول انك بتغير نظرتك .. هيثم بعصبية خفيفة : حـاولي ! حــــاولي .. ! وش مفهومك للمحاولة انتي .؟! اسماء ببساطة : الإصرار .. هيثم رجع يمسك راسه : آسف .. انا اسحب كلامي . لا تحاولين ! ولعد اشوفك هنا .. اسماء : ايه طيب ليه !؟ هيثم : من جدك انتي .؟! ماصدقتي قلت لك حاولي كل يوم تجين .. اسف مو كل يوم تجين باليوم مرتين ! ام هلال انتي ؟! ماتجلسين ببيتكم يومين على بعض ؟! اسماء نفخت خدودها بزعل .. كان وجهها طفولي ببراءة , هيثم : واللحين سوقيها وراي شغل ! اسماء وقفت قدامه مرة ثانية : لحظة ! هيثم تنهد : وش بعـــد ؟! اسماء : مشـغول ؟ هيثم : ايه ! لراسي كمان ! اسماء : طيب .. بروح بس ابي رقمك ! هيثم : نعـــــــــم ؟! اسماء بتردد : أيـه .. يعني .. انا اجي كل يوم .. عشان مقدر اتواصل معك .. هيثم باستبعاد : لا لا ! فاضي انا تفجرين جوالي مكالمات ! ... مجرد زيارات وماتقصرين اسماء تكتفت بزعل : يعني اذا انت بتتضايق كذا .! ليش قلت لي احاول هيثم ببرود : وهذا انا اقولك اني ندمت اسماء : ما أقبل ندمك ... ابي احاول عطني فرصة ! هيثم تنهد يحاول يسايس اصرارها المجنون : أول تلميح ... انا احب البنت تقضب ارضها مو الداجة اللي كل يوم بمكان اسماء حاست بفمها : يعني اذا قعدت بالبيت بتتغير نظرتك ؟! هيثم : ماراح اقولك تتغير .. بس بقولك تتحسن اسماء بتفكير : صعب والله .. هيثم رفع حواجبه : خلاص بكيفـــك اسماء : طيب طيب طيب ! بس متى اجي ؟! هيثم: اقولك اجلسي ببيتكم تقولين متى اجي ! اسماء بتفكير : خلاص مره وحده كل اسبـوع .. هيثم تنهد : اذا ربي باليني باليني .. خلاص مره وحده بالاسبوع بس وبلاها يكون احسن اسماء بعدم اهتمام : سي يو نيكست ويك وراحت بطريقــها وهي كل شوي تلتفت تطالعه حتى ضرب راسها بالجدار قدامها مسكت راسها باحراج وهي تكمل طريقها .. اما هيثم هز راسه , فعليا ماكان متوقع لما يقولها " حاولي " بتسوي كل هالزيارات ! وقف جمبه صديقه : ههههههههه شسالفتها هالبنت خويتك ؟! هيثم ابتسم : يمـكن فتح عيونه : من جـدك ؟! هيثم هز كتوفه : ماتدري وش الدنيا مخبيه لك : كأنك مبسـوط ؟! عاجبتك السالفة .. هذا اللي يكره الخفيفات هيثم حط الملف بيده : خذ هالملف واترك حياتي الخاصة اقدر اسنعها انا .. وبالمناسبة اكره المصطنعات انا مو الخفيفات عقد حواجبه وهو يشوفه يبتعد .. متغير هيثم هالفترة كل المستشفى ملاحظ انه مستمتع بجريانها وراه , والكل يتوقع علاقته مع هالبنت اللحوحه *** وقفت سيـارة السواق ونزت وهي تضرب الجرس : مييييييييييين ؟! : ميسون موجوده ؟! انفتح الـباب ودخلت ... استقبلتها ميسون : هلاااااا والله ! وينك طولتي ؟! اسماء تنهدت : اسكتي يختي بغيت ما أجي ميسون : اوف يا ساتر .. ليه ؟! اسماء : اولا ! فيه احد ببيتكم ؟! ميسون : ايوه اهلي بس ماعليك تعالي نصعـد بعد ماصعدت ورمت عبايتـــها جلست : تو جيت من المستشفى ميسون : اقول اسوم كانك زودتيها كل ماكلمتك وانتي بالمستشفى .. اسماء بضيق : لا تقلدين كلامه ! افففف شاسوي محد يفهم اني مقدر اقاوم اني اشوفه .. ميسون : ايوه بس شتسوين هناك ؟! هو دكــتور .. مشغول يعني اسماء ببساطة وهي متربعه على السرير : انتظره يخلص شغله ! ميسون : والله الفاضيه .. ايه وهو شخبـاره ؟ اسماء برطمت : يقـول لعد تجين ميسون فجرت ضحك : ههههههههههههههههههههههههههههههههههههههههههههههههههههه ! امانه اسوم يقولك كذا ؟! وعادي عندك ؟ رمت المخده بيدها على وجهها : اص يا حيـوانة .. " كملت بفخر " بعدين ماقال لاتجين تماما ! يقول تعالي مرة كل اسبوع بس ميسون : هههههههههه طيب بما انك مزعجته بقلب ماتغيرت هالمشاعر ؟! اسماء تنهدت : والله الظاهر محد يجالس يتعذب بمشاعره غيري .. " ضمت المخدة " تخيلي عقب اللي صار معاملته غير تماما .. يعني اكتشفت انه مو لطيف نهائـي .. بالعكس صارم واخلاقه حاده و ... تدرين شالقهر ؟! لما عرفت هالجانب صرت أحبـــه اكثر ! ميسون عقدت حواجبها : من جـــدك ؟! اسماء : جد جدي بعد .. والله الظاهر اني مرضت بجد ميسون .. احس حالتي ماتسمح لي اراعي مشاعره يعني حتى لو مايبيني انا الي بخطبه وبدفع المهر بس عشان اشوفه على طول ميسون ابتسمت : اقول اسماء .. كانك زودتيها عاد " تررن .. تررن " عبست اسماء : ياويلي هذا فراس ! لي هالفترة ما اجلس بالبيت بيسوي سالفة .. ميسون تنهدت : ارد عنك ؟! اسماء بلعت ريقها وعدلت صوتها وردت : الــو ..... هلا هلا هلا .. .. عند ميسون ..... لييه طيب ؟! ... صديقتي وابي ازورها عادي ........ هي ماتمانع ! ............خلاص طيب برجع ... طيب طيب ..... ان شاء الله ... مع السلامة سكرت السماعة وهي تطالع ميسون : انا لازم امشي ! ميسون : يوووه ياشينك .. بدري والله اسماء : اففف تفاهمي مع فراس .. يقول اللحين تحضرين بالبيت له فتره ماسافر مدري متى بينقلع ميسون : ههههههههه الله يعينك عموما الله معك اجل اشوفك قريب اسماء : لا تبيني تعالي بيتنا ! من اليوم ورايح باقضب ارضي ! ميسون رفعت حواجبها : اخس اخس .. من متى ؟! اسماء تنهدت : من اليـوم ... يله تشـاو *** بجـلسة الغـداء في بيت أبو فراس :- ام فراس بتردد : والله مدري يامك .. اخاف ترفض فراس اللي كان يـاكل : وقتها تكوني سويتي اللي عليكي .. حنا أهل والقطيعة ماتجوز وماظنيت عمتي ترفض ! أنس : ليش عمتي زعلانه علينا ؟! فراس : خلك بصحنك انت .. " التفت لامه " تمام ؟! ام فراس هزت راسها : بكلمها وان شاء الله خير فراس : بدر كلمـك ؟! ام فراس : لا والله .. من سافر الله يحفظه ماسمعت عنه فراس : ماشي .. ماشي .. رفع عيونه بحده لساعته وكأنه يرتقب ... انفتح الباب بهاللحظة ! وتوجهت لناحيتهم وهي تسحب طرحتها : ااا تعبت وش هالحر ؟! فراس وهو يأشر بعيونه للكرسي جمبه : أجلسي اسماء : شوي بفصخ عبايتي وبنزل فراس : لآحقة ! اجلسي اللحين ام فراس : شسالفتك انتي وهالطلعات !؟ عيب فشلتينا وش بيقولون اهلها كل يوم والثاني عندها ! اسماء : عادي صديقات ونشوف بعض .. فيها شي ؟ فراس : لا مـافيها شي .. بس بكرة وبعده وبعده وللأبد لما اكون موجود وقت الوجبات تكوني قدامي ! اسماء : انت نفسك ماتكون على طول موجود وقت الوجبات .. فراس : اذا انا مو موجود امي موجوده قابليها ! ولا جايبتك لهالدنيا عبث اسماء بتفكير عشان تقصر الشر : معك حق .. اصلن بجد الطلعات الزايدة قلة ادب ومامنها فايدة بقضب ارضي الكل رفع حاجبه تعجب من استسلامها المفاجئ : ................ اما اسماء رمت عبايتها على جنب وجلست تتغـــدا .. ام فراس : اسماء خلك جاهزة اليوم بنعزم عمتك اسماء بانفعال : وليش ان شاء الله ؟! لاتعزمينها خلها بالطين لين يلين ام فراس : مايصلح كذا ! هذي عمتك وانا غلطت يوم استعجلت ولزوم نراضيها تو اسماء بتتكلم نطق فراس : خلاص بتعزم يعني بتعزم رضيتي ولا انرضيتي اسماء حاست بفمها : كيفكم سوو اللي تبون ! الطيبة الغبية ذي مب نافعتكم فراس : الطيبــة مب غباء .. الطيبة نعمة فقدها الأغبياء انس اشر لاسماء : ههههههههههههههههعهه يالغبية ! اسماء بقهر : اقول انطم يالبزر لأشوه وجهك فراس وقف وهو يمسح يدينه ووجهه : حمدالله ام فراس : طيب العزيمة حريم بس ولا رجاجيل ؟ فراس كشر : لا مالي خلق رجاجيل .. خليها حريم وبس اسماء بتصيد : لا !! مب ع كيفك حنا نعتذر ونعزم وانت لا ... وش بيقولون الرجاجيل مالنا قدر ولا قيمة فراس هز كتوفه ببساطة : الرجاجيل لازم يقدرون ان مالي خلقهم وبس ومشى بطريقه اما اسماء صرخت بقهر : اااااااااااا يققققهر .. خير ان شاء الله ! هو يغلط وحنا ناكلها انس : هششش اقصري صوتك لايسمعك ! *** بــاريس – 5 عصـرا :- رجـل على رجل بخف الفندق .. وشعرهـا الكـاكاو تلعب باطرافه باصبعها والسمـاعة باذنها:أيــوه .. وايش صار ؟! أم نايف : وبس اليوم خالتك عزمت أم عبدالمجيد وان شاء الله خير ميهاف : والله عمتي مدري ايش كانت تتـوقع .؟! يعني الكل كان عارف ومتأكد ان فراس مو موافق ام نايف : الله يهديها بس بعد ام فراس غلطانه .. هذي عمله تخطب للولد من وراه ميهاف تنهدت : الله يعـين .. ام نايف : وانتي وشفيك .؟! وينه رجلك ؟ ميهاف طالعت ارجاء الغرفة الفارغه : ما أعرف .. صحيت مو موجود اكيد طلع ! ام نايف بضيق : ميهاف صاير شي ؟! كأنك منتي على بعضك ميهاف : مافيه شي ماما .. بس صحيت ماحصلته وطفشانه قلت اكلمك اشوف اخبارك أم نايف : وشخبـار الزواج ؟! عسى مبسوطين واموركم تمام ؟ ميهاف : حمدالله .. كلش تمام انفتح بـاب الشقة ودخل.. وبنطـال اسود ضيق مبرز طوله وبلوزة واسعه بيضا مع جاكيت قطني رمـادي رمى الأكياس اللي بيده على جمب: مساء الخير ميهاف دون ترد صرفت نظرها عنه : أيـوه ولؤي شخباره بعد ماتوظف .. ان شاء الله متحسن ؟! بدر احتدت نظرته فيها دون يعلق .. تجاهلها وهو يتوجه ناحية الـدولاب ويسحب شنطتها من فوق ويرميها قدامها ميهاف شهقت اثر وقوع الشنطة الكبيرة قدامها بشكل مفاجئ : ميهاف يمه شفيك ؟! طالعت فيه وهو واقف قدامها ومتكتف : مو عاجبك الجو قومي لمي عفشك وفارقي .. اما سالفة على راسك وبنغص عليك هذي فكيني منها ميهاف : لحظه ماما اكـلمك بعدين .. سكرت السماعة وهي توقف : يعني انتا تنغص علي مو مشكلة .. بس انا لا مايصير ؟! بدر ببرود : وانا متى نغصت عليك ؟! عشان رديت السلام عليها .؟! ميهاف بقهر : حط نفسك مكـاني ماحتزعل ؟! بدر بأنانية : انتي بنت ! انا رجـال مايعيبني ميهاف : الجمـلة الرجعية هذي بالذات مامشت علي ببيت اهلي تمشي علي هنا بدر : بيت أهلك ! هذاك اول ياروح امك ... اللحين المكان اللي انا فيه هو بيت اهلك ! مفهوم ؟! ميهاف : لا تتكلم معي بهالطريقة لو سمحت ! مثل ما انت تطلب الاحترام انا اطلبه ! بدر : حقك .. بس بطلي حركات العنجهه ومن عيوني ميهاف طالعت شنطتها : تدري لو الم عفشي مثل ماقلت .. وانقلع مثل ماقلت .. راح تكون أكبر خاسر ! لانك تدري ان حتى اهلك وقتها ماراح يوافقوك بدر رفع حاجبه : المعـنى ؟! حتسويها يعني ؟! ميهاف : لا .. ماني مجنونة بس انبهك ان محد بصفك , اخوك نفسه قبل زواجنا كلمني وعطاني خبر ان أي غلطة منك بحقي هو كافلها بدر وهو شاد على قبضته بقهر من احقية كلامها : يقـالك تهدديني اللحين .؟! ميهاف : لا .. لسى اول شهر من زواجنا مايصير نهدد بعض , بس لو يوصل الموضوع اكبر من كذا بطريقتك معي راح اسويها .. مشـت بطريقهـا للغرفة الثانية تاركه الغرفة له من الكتمه اللي تحس بهـا .. *** المــساء : - اسماء : لا لا لا لا لا لا لا ! مو معناها كذا ..." غطت وجهها " اومق ! الا معناها كذا .. اااا شاسوي ؟! صوت من برا غرفتها : اسسسسمااء بسرعه تاخرتي اسماء كانت بعالم ثاني : لحظه .. أللحين هي بتجي اول مره اشوفها من لما قالي حاولي ! يمكن كلمها عني .. لا لا مستحيل ! عمومـــا .. يمكن يسألها عني يتاكد من محاولتي عشان كذا لازم اكون اطلق شي .. : اسمااااااااااااااااااااء ! طلع صوت خالي من الأنوثة من غضبها من اقتحام افكارها : طيييييييييب ! اسماء اسماء اسماء ! تعبت نفسيا قسم بالله نزلت وهي تضرب الأرض بعصبية حتى استقرت قدام امها : هلاااااااا ام فراس : الله لا كان جاب الغلا ! ووش كل هالكشخــة ؟! عرس هو ؟ اسماء : حرام اكشخ يعـــني ؟! ام فراس : خل مني .. روحي لغرفتي فوق جيبي حبتين دخون وعطيها الخدامه اسماء : زين .. وبعد ؟! ام فراس : وشيكي على صواني الحـلا جهزت ولا لا .. ثم تعالي اسماء : ان شاء الله مشت بطــريقـها : الله الله بالسنع يا أسوم .. ! *** تـأففت : الســاعة كم ؟! كبست رنيم عيونها ببراءة وهي تخربط بالكلام كأنها تجاوب : ..... تنهدت غادة .. لها وقت ماتدري عن الوقت ماتعرف الا من الأذان غير كذا الساعة اللحين كم ماتدري .: اقول رنوم .. ظنك شأسوي ؟! هو وعدني يحطني ببيت لحالي .. " تنهدت " تحسين عذبناه ؟! صح اسلوبه ماش بس معروفه معانا كبير .. رنيم هزت راسها دون تفهم كلام امها المتربع قدامها وتفضفض : ............... غادة : معي حق صح .؟! رنيم تثاوبت ... غادة : هههههههههه طفشتي ياخايسة ! ماتنلامي لي ساعتين مبثرتك توسدت رنيم حضن امها ببراءة ونامت .. بينما غادة استلقت وهي تطالع السقف بملل وتتابع بعيونها الزخرفة فجأة انرسم براسها شـكله بذيــك الليلة .. كيف كان وديع .. هادي .. ابتسامته ساحره بسحر الليل تنهدت تنهيده طلعت من قلبها .. من يومـها ماشافته , معقولة اشتقت له .؟! لا بس عشان ماشفت خير اكيد .. انرسم بخيالي زي أمير احلامي من كنت بزر وسيم وغني صح مو لطيف بس ... جلست وهي تهز راسها تنفض الأفكار طالعت رنيم اللي نامت بسلام نطقت بسخرية على حالها : بالله عليك ياغادة مو عيب هالافكار وبنتك بحضنك .؟! حضنتها وهي توقف بثقل وتسدحها .. سحبت ايشرابها ولفته حول راسها رغم استبعادها ان شخص بيكون هنـا بهالوقت .. ساقتها رجلها للمكان نفسـه .. عند السيارتين المركونه ورا الفـيلا جلست القرفصاء قدام لوحة سيارته " ف ر س " رسمت بأصبعها النحيلة الأسم مع الحروف .. وقفت وهي تمسح على السيارة اللامعة بيـدها : صح حلوه بس مو كأنها قديـمه ؟! حاست بفمها .. " بجد اذا كان بقلبه شي ليلتها ليش جالس بهالسيارة .؟! احد يجلس بسيارة وهو زعلان .. اكيد مميزة له بطريقه ولا ماجلس فيها ! " *** تـأفف وهو يرمي الجـوال .. التفت له فراس : سلامات شفيك ؟! لؤي بضيق : مافيه شي عقد فراس حواجبه : اترك منك الجوال وركز على الطريق لؤي : أقـول فراس .. عارف انك تكره هالموضوع بس بسألك فراس : اذا اكرهه لا تسـأل . لؤي دون مبالاة : قبل تجـي الرياض .. ماقابلت سارا ؟! او سمعت عنها ؟ فراس كان حاس ان هذا سؤاله .. بلش يحس بغيابها قال ببرود : واقابلها ليش .؟! لؤي تنهد : بس اسـأل .. فراس : .................. لؤي : فين حاب اوصلك ؟! فراس : ليش وين بتروح انت ؟! لؤي : برجـع البيت طفشت من الفرفره طالعه فراس لفترة ثم نطـق : ........................ الفيلا لؤي : وش لك بالفيلا اللحين ؟! فراس : بيتنا كله ضيوف مافيني ارجع وعندي شغله هناك هز لؤي راسـه ووقف السيارة .. نزل فراس وهو يدخل المكان , مفروض معطيها فرصه يومين تقرر بس ورغم انها قررت كل هالاسبوع مافكر يجي ينفذ وعـده مشى بخطوات ثقيلة حتى وصل الحارس : كيف الوضع هالأسبوع ؟! الحارس : هـدوء طال عمرك ..كلش تمام هز فراس راسه وصل للملحق .. طرق الباب طرقتين مافيه استجابه , فتح الباب بهدوء ماحصلها تنهد : وانا امنيتي اجي مره واحصلها مكانها ! طالع ناحية رنيم النايمة .. تراجع بهدوء وهو يسكر الباب نادى الحارس : ماشفتها تطلع من الملحق ؟! الحارس : لا والله .. انت قلت ماوقف قدام بابها فراس : بس بس بس ماوراك الا الحكي انت ! عطاه ظهره وهو يمشي حـول الفيلا بخطوات هاديـة .. وصل ورا الفيلا حصلها جالسة قدام اللوحة ومتسمرة فيها ظل يطالعها " لاتكون جالسة تخربها ؟! والله تسويها ال .." سكت وهو ينتبه انها ساكنه تمام مجرد تطالع تسند على الجدار وهو يترقب وش خطوتها الجاية ..بعد فترة مو قصيرة وقفت وهي تتمغط سحبت الإيشارب من راسها .. وهنا انساب شعرها الطـويل على ظهرها نفضته وهي ترجع ترتبه وتلبس ايشاربـها وتعدله ... نزل عيـونه للأرض فور حركتها عقد حواجبه من حركته .. قرر يكسر غرابة الوضع بدخوله : وش تسوين هنـا ؟! غادة التفتت وهي تطالعه .. حواجبه معقوده كالعادة عكس آخر مرة رجعت القسوه تاخذ وجهه , ابتسمت بطبيعية : اتمشى .. فراس : ومالقيتي الا تتمشي هنـا ؟! غادة بتذمر : مليت .. ورنيم نامت .. والتلفزيون كله ملل .. وعديت كم طوبة بجدار الغرفة وطقيت راسي بالطوبات كلها .. وصليت ... وزهقت مره ثانية و .. قاطعها فراس : افكر جديا اوديك لأقرب خيـاط غادة ببراءة : ليه ؟! فراس : دون ليه يخيط فمك كل ذاه تجاوبين ع سؤال واحد ! غادة : ههههههههههههههههههههههههههههه ايييه انا قرقرتي واجد معليش فراس حبس ابتسامة على اعترافها : ............................... غادة اشرت لسيارته : بس سيارتك هذي قديــمة .. وراك صافطها هنا ؟! فراس : مـالك دخل .. عموما انا جاي اقـولك تجهزين نفسك هالفترة ان شاء الله بيجهز بيتك وبنقلك له انتي وبنتك وعقبها انا مالي علاقة فيك نهائي اكون سويت اللي علي غادة تفاجأت لكن قالت : اوه .. شكرا , بس ... فراس رفع حواجبه : بس شنو ؟! ما عجبك توفرين اجل خل نوديك لاهلك ونخلص غادة : لا لا لا .. بس يعني شكـرا بجد فراس : لا تشكريـني ماسويته عشانك .. سويته عشان سلامة راسي غادة بمقصد : ما أظن حتى بعد ما اروح من عينك بيسلم راسك فراس : شقصدك ؟! غادة : مو قصدي شي .. بس احس مشاكلك أكبر مني .. فراس : لا فاهمه الله يحفظك وايش مشاكلي هذي سمعيني ؟! غادة ترددت لكن قالت بتردد واضح : يعـني ...صح انت طلبت مني انسى اللي صار بطرابلس وسويسرا بس ... كان واضح منها ان عندك مشكلة كبيرة ... ولأني عارفه طبيعة شغل لورا يمكن صار معك نفس الشي ... عموما لاتزعل ترا بابا صار معاه وماوقفت حياته عاش وربانا و .. فراس : مو على اساس ابوك ماتعرفينه ؟! غادة كانت تتكلم بطبيعية .. وكلمته ذكرتها بواقع نسته لوهله اثناء حماس كلامها بلعت ريقها وهي تنطق بصعوبة : قصدي .. أبو هيثم فراس : ابوك ابو هيثم .. ابو اللي هو لاتقارنيه فيني .. ولعد تسوين نفسك فاهمه غادة بحمق : يعني كلامي مو صح ؟ فراس : ايه غلط ! غادة بتفكير بينها وبين نفسها : غريبــة والله كان واضح ان بينكم شي فراس احتدت نظرته فيها : نععععم ؟! غادة بخوف : ولا شــي سلامتك .... ! خلاص مو قلت هالاسبوع بروح بيتي شكرا .. مشت ناحية جناحهـا ... لكن وقفت لبرهه والتفتت : ايه صـح .. فراس التفت نص التفاته : وش بعد ؟! غادة ابتسمت : رغم ان تحزيري غلط .. بس أنا متأكدة ان صاير معك شي ورغم اني مقدر انفعك بالطريقة اللي نفعتني فيها بس أقدر اقولك انو واضح انك قوي .. حتى قبل اقابلك من طريقة اهلك كان واضح انهم معتمدين عليك .. دام اللي حولك يحبونك ومهما كان بيضلوا معاك فراح يكونوا قوتك ...فبالتوفيق ! كان شرف لي اتعرف عليك بجد شكرا على كل شي وكملت طريقهـا .. اما فراس وقف مكانه وتمتم بينه وبين نفسه لما اختفت : .... مو قلت لك كلامك واجد ..؟ كل هذا عشان تقولي شكرا ؟! طالع نـاحية السيارة لفترة .. ثم مشى بطريقـه لبرا *** جلست جمب امها وهمست باذنها : ماما ابتسـام تاخرت .. كلميها شوفي شصاير معها ؟! ام فراس : من قالك ابتسام بتحضر ؟! اعتذرت تقول مقدر اسماء فتحت عيونها : هاه !؟ من متى ؟ ام فراس : من أمس ! جعله يخلف عليك بس انتي تجلسين بالبيت عشان تعرفين وش صاير اسماء طالعت بنفسها بقهر .. هالكشخة طلعت على الفاضي !! والله من اول اقوله ابتسام هذي ترفع الضغط مدري كيف صارت اخته .. والله الفستان غالي لو تاركته لمناسبة ثانيه كــــان ! اففففف لكزتها ام فراس : قومي عند بنت عمتك اجلسي معهن وش ملزقك فيني هنا ؟ زفرت اسماء وهي تطالع ناحيتهن .. ثم قامـت بطريقها وجلست جمب وداد : فينها سجـى ماجت اليوم ؟! وداد بانحراج : تعبـانه شوي .. فقلنا ترتاح احسن لها اسماء : تعبانه ولا ماتبي تجينا ؟! وداد : لا وش هالحـكي ؟ تعبانه .. " قالت بتصريف " شخبار العرسان بس مبسوطين ؟! اسماء بملل : شايفتني معهم بباريس ولا جالسن بينهم .. علمي من علمك *** إبتســــام : - كانت بالمطـبخ تجهز لزيـارة " هيثم " لما دخل يزيـد مكشر وقال بشقاوة ووقاحه معتاده منه : من بيــجي ؟! ابتسام دون تلتفت له لأنها ماهضمت شخصيته كطفل .. ولو صلاحيتهاا تسمح لها كان علوم : أخـــوي . يزيد : وبابا ويـن ؟! ابتسام : مـا أدري يزيد : انتي زوجـته كيف ماتعلفين ؟! ابتسام رفعت عيونها له : وانت ولده ليش ماتعـرف !؟ يزيد سكت وهو يتوجه للثلاجة يفتحها .. ابتسام : شتبغى ؟! يزيد : جـويع ! تنهدت ابتسام : روح ارتاح بالصالة بسوي لك حاجة تاكلها هز راسه برضا وطلع .. بينما ابتسام مسكت جوالها مباشرة واتصلت على نايف , بعد فتـرة جاها الـرد : هههههههههههههههههههههههههه هلا هلا عقدت حواجبها : الو ؟! نايف وواضح الإزعاج المعتاد حوله : هلا هلا معاك .. كيفك ؟ ابتسام : إنت فيـن ؟ نايف : مع العيال .. ليش تبغي حاجة ؟ ابتسام : ........ اليوم بتطـول برا البيت ؟! نايف بنبرة جـذابه : والله بإيدك ابتسام : دام كـذا انتظرك أجـل .. لا تتأخر , اوك ؟ نايف استغرب .. من ايام شهر العسل ماكلمته بهالطريقة والصوت الرايق : من اللحين اذا تبغي اجيك ابتسام : ههههههههه لا اللحين هيثم بيجيني ومو فاضيه لك .. بس اذا بتجي تتقهوى معنا مانعيف نايف : لا اعفيني من اخوك .. ابتسام بحمق : وش فيه اخوي ؟! نايف : مافيه شي يابنت الحـلال بس بيسأل عن وظيفتي وعن وضعي وكلامه كله رسمي .. ومايناسب جوي نهائي الساعة 12 بكون بالبيت ابتسام : لا 12 متأخر ! تعال 11 نايف : من عيوني كم ابتسام عندي انا ؟! ابتسام ابتسمت : مدري .. كم ؟! نايف : وحده الله لايخليني منها بس .. اشوفك الليلة ياعمري اجل سكرت السماعة وهي تتنهـد .. خلاص يكفي زعل مو ؟! مو بإيدك ابتسام لمتى يعني ناويه تخربي بيتك انتـي .. *** لــؤي : - كان يمشي بغرفته روحه وجيـه .. واصبعه بفمه وواضح من حالته متوتر , رمى جسمه بتعب على الكنبة : فييين اختفيني ؟! مسـك جواله مره ثانية باصرار واتصل على رقم محدد حط السماعة باذنه ينتظر الـرد .. بعد فترة جاه صوت ملهوف : الو ! لؤي : هلا هيفــــاء .... كيفك ؟! هيفاء بتوتر : تمــــام .. انت وين بالكويت ؟ لؤي : لا .. بس ابسألك سارا حولك ؟! هيفاء بهم واحباط .. الظاهر حتى هو مايدري فين اختفت : لا ... سارا لها شهر مختفيه ولا ادري لها ارض من سما ! لؤي وقف بفزع : ششـــنو ؟! هيفاء : كنت معها على طول .. بيوم انشغلت عنها ولما رجعت ماحصلتها !! أي دليل لها مو فيه شغلها شقتها كلش ! لؤي :........................................... هيفاء : الــو ؟! لؤي بربكة : هيفاء واللي يعافيك تأكدي مو معقوله تكون البنت اختفت فجأة ! هيفاء : متــأكدة .. هي تعبت بآخر فترة من غيابك وحملها ويمكن .. قاطعها لؤي بصــدمة : شــنو قلتي .؟ غيابي وايش ؟ تذكرت هيـفاء انه مايدري .. وقد أيش كانت سارا متلهفة تزف له الخبر : ............ اللي سمعته انتابته دوخـه قوية .. جلست بتعب وسكر السمـاعة بهدوء .. حامل ! واختفت .؟! خذت ولدي معها وراحت .. فقدت ثنين يالؤي مو واحد .. ثنين .. انا الغلطان ماكان لازم احقرها انا الغلطان .. سند راسه على يدينه وهو يشد على شعره بقوه ويلوم نفسه .. ودمعه دون احساسه نزلت على خـــده : ويــنك .؟! ليش ماخذيتيني معك ..؟ اشتقت لك والله " شد على صدره بتعب " والله العظيم اشتقت لها يارب رحمتك .. ليش تركتيني وراك في دنيا بدونك .. ليش تركتيني هنا ليش ؟ *** ســارا : - دخلت البيـت بعد جولتها في السـوق .. جلست بتعب مباشرة : أمتعبـه !؟ التفتت بسرعة وهي تحصله قريبها " جاكسون " ويديه بجيب بنطاله جلس جمبها برواقه : كنتي أطلبي مسـاعدتي اذا كنتي ستتعبي ؟! سارا باقتضاب : لا أحتاج مساعدتك ! ولا احتاجك انت ايضا ! وقفت مباشرة هنا مسك يدها يمنعها تمشي : أعترفي سـارا .. لقد تركك اليس كذلك ؟! لا تتوقعي ان تعودي فجأة بإبن شخص آخر ونرحب به تماما .. الكل هنا سينظر لك بنظرة دونيه .. وتقولي انك لاتحتاجين مسـاعدتي ؟! استطيع ان أكون وآلد هذا الطفل ؟! سارا سحبت يدها بحده : هـذا الطفل ليس يتيم بعـد ! .. وإن كان يتيم فأنت آخر من اريد ان يتولى حضانته جاكسون : تعلمين أن أي فتاة اخرى كانت ستقع لعرض كهـذا ؟! سارا : وانا لست أي فتاة اخرى .. انا متـزوجة وأم فأحذرك ان تمارس الاعيبك علي .. فهمت ؟! جاكسون : فهمت أنكي ام .. لكن متزوجة ؟! اين هـو اذا ؟! الا يعلم انك تحتاجينه هنا .. ام تم هجرك كما أتوقع ! سارا ابتسمت : انـا افهم الآن .. لطالما كنت معجبا بي منذو المراهقة .. والآن تظن ان حالتي هذه ستسمح لك بإتخاذ خطوه اتجاهي .. يبدو انك لاتعرفني بتاتا جاكسون : سنــرى .. الأيام القادمة ستوضح كل شي .. ونعم انا احمل مشاعر اتجاهك حتى الآن لطالما فعلت .. فلا تتنمري كثيرا .. وزوجـك هذا لايحبك على الأطلاق .. فمن يحب لايغيب سارا اختفت ابتسامتها وهي تتجاهله وتدخل للداخل .. تم الضرب على وتر حساس *** إبتسـام بفرحة : وربي ان شوفتك تسوى وتستوي ! بس طل علي كل شوي مو ضروري كل مره اعزمك البيت بيتك هيثم : وانا محصل وقت وعايف شوفتك ؟! ابتسام : تفضل حياك داخل البيت بيتك هيثم : رجلك موجـود ؟! ابتسام : لا والله مو فيــه .. ارتاح بجيب القهوه وجايتك دخل هيثـم وهنا حصل يزيد جالس قدام التلفزيون .. تعجب " من هذا ؟! " عقد حواجبه لما طالعه الطفل بنظرات مشؤومه .. لكن قرر يطنشه وأخذ مكـانه وجلس : ......................... يزيد : من أنـت ؟ هيثم : أنت اللي مين يابطـل ؟ يزيد : انا يزيد ! هيثم ببساطة : وأنا هيثم دخلت ابتسـام .. هنا طالعها هيثم : ابتسام من هـذا ولده ؟ ابتسام قررت تكون طبيعيه .. صح ان هيثم مايدري بس احسن شي ياخذ الموضوع طبيعي : هذا يزيد ولد نايف هيثم : نايف مين ؟! ابتسام : هاو مين نايف يعني ؟! نايف ماغيره هيثم بصدمة : لاتقولي ؟! سكت هيثم احترام لوجود الطفل بس نظراته كانت تدل على استنكـاره للوضع تماما : ........... وليش أنا اخر من يعلم؟ ابتسام : والله ماطرى علي قبل كذا وعلى بالي عندك خبر هيثم بانفعال : من وين عندي خبر ! ....اساسا مفروض أبو نايف ما اغفل هالمعلومه المهمه وقت خطبك مني ! ابتسام طالعت يزيد بانحراج : حصل خير هيثم .. بعدين ! هيثم طـالع ناحية يزيد بقهر .. اما يزيد ارتعب داخل نفسه من نظراته فقرر ينسحب من المكان .. ابتسام : حرام عليـك الولد حس ! هيثم : ماقلت له شي ! بس فعليا حاجه ترفع الضغـط .. ايش كنتي بتخسري لو كنتي قلتي لي , لا واللي يضحك بكل عزايمهم اشوفه مع بزارينهم ولا خطر ببالي حتى انه ولد نسيبي ابتسام اخترعت طريقـة تقصر فيها مشكلة ممكن تسبب اضرار كثيرة : والله ما أدري ليش عمي ماقالك او اذا نسى .. بس خالتي من لمى كلمتني أول مره قالت لي انه مطلق وما أتوقع ان هالشي يعيبه هيثم : ما يعيبه ماختلفنا ... بس لما عرفتي من خالتك مفروض عطيتيني خبر ولا راح اعارض مجرد اكون بالصورة ابتسام : حصل خيــر .. عموما انت شخبارك شخبار شغـلك ؟! هيثم : كلش تمام حمد الله ابتسام : هيثم بكلمك بموضوع بس ترا بجد هيثم : الله يستر .. وش ؟ ابتسام : ما بخاطرك تتزوج .. انا ابي اخطب لك باقرب فرصة مو معقول عمرك وللحين ماتزوجت هيثم باستدراج : واذا قلت لك تم من راح تخطبين لي ؟ ابتسام : والله انت تقول الشمري ما أبيهم ولا فيه كثيرات ... بس بدور لك في غيرهم رفيقاتي بالشغل كثيرات هيثم : ريحي ابتسـام .. انا وقت أبي اتزوج راح اجيك واعطيك اسمها واقولك اخطبيها ابتسام : ببالك احد يعني ؟ " مسكت قلبها " لاتقول وحده من الدكتورات معاك ؟ هيثم : المعنى اني ما أحب احد يدور عروستي باختصار ! نظرتك غير نظرتي ولا راح تختارين اللي تناسبني ابتسام بقهر : وش هالــتحطيم ؟! اجل عجل هات اسمها الله يجعله خير بس هيثم : ليش ماشربتي فنجالك .؟! لي ساعه اتقهوى لحالي ابتسام : لا مو مشتهيه .. دامي جالسه معك معناها مو تتقهوى لحالك هيثم : اما ابتسام مو مشتهيه قهوه ! وش صاير بالدنيا .؟! ابتسام بفرحه : والله ابتسام مو مشتهيه قهوه لأن الوحام معذبها هيثم وقف بنص فنجاله .. ابتسم بوسع : اما عـــاد ! ابتسام : هههههههههههه تدري انك اول واحد يدري .. حتى نايف لسى ماقلت له هيثم : بجـد .؟! والله لي الشرف .. ان شاء الله الف مبروك ابتسام : انبسط بتصير خال للمره الثانيه اختفت ابتسامته وهو يتذكر بنت اخته الأولـى ... ارتشف فنجاله بصمت وسط ذكر طاريها قـدامه . . *** بــاريس – التـاسعة مساء :- كـانت جالسة بحمق على الكنبـة وبقميصها النـوم الناعم وبحضنها مجله .. شهر عسلها انقلب كأبوس ! يرجع ويحتد النقاش بينهم ويطـــلع .. ! هذا فارس احلامها وحبيبها اللي سهرت الليالي تحلم بزواجهم .. وهذا اللي حصلته جحيم بدل النعيم .. هي الغبية ! كل ماطلب تطلع معه ترفض وتعصب وتهاوش ويطلع لحاله وهي الخســرانة بالأخير .. باريس مدينة احلامها اختارها لشهر عسلهم لأنه يعرف انها تحبـها .. مدينة العشاق وهذا هي جالسة فيها مهمومه ومنقهـــرة من كلش ... سمعت صوت الباب ينفتح بعد فترة وهو يدندن : الله ما أكبر غلاك .. ينبض بحبك فؤادي من يشبهك ياملاك ~ دخل الغـرفة ورماها بنظرة وهي جالسة وتجاهلها بعدها وهو يبــدل : اقول ماحامت كبدك من الجلسة بالفندق نهارك كله ؟ ميهـاف : أبدا .. تو حامت كبدي اللحين بس التفت لها مباشرة بحده : نعم .؟! وش قلتي ؟ تجاهلت ميهاف وهي ترجـع عيونها للمجلة .. اما بدر سمر فيها لفتره ثم سحب بوكه ومفاتيحه من جاكيته للطاوله وقال بهدوء : مـتى آخر مرة كلمتي فيها أمك ؟ ميهاف باقتضاب : اليوم بدر : ومتى آخر مرة كلمتي فيها امي ؟ ميهاف : ماكلمتـها من جينا باريس . بدر : طيب كلميـها .. اللحين ! ميهاف : مالي خلق اللحين .. بكلمها بكرة بدر : لا تجادليني ميهـاف .. ما أذكر اني خيرتك انا قلت كلميها اللحين يعني كلميها , ببدل اللحين وبنكلمها سوا ميهاف سكتت مالها عذر قدام أم فراس ... بعد فترة جلس جمبها وجواله بيده وسحب المجله من يدها وحطها على الطـاولة : تكملي بعدين ! تكتفت بقهـر وهي تطالعه يفتح المكالمة ويتصل لكن ماكان فيـه رد : اكيد فرق التوقيت نايمين اللحين زفرت ميهاف وهي تسحب مجلتها : قاطعتني على الفاضي يعني ! بدر بحركة سريعة سحب المجلة مرة ثانيه ورماها بالزبالة : ممكن تحترمين نفسك معي ! ترا مو اصغر عيـالك ياهانم تكلميني بهالطريقة ! ميهاف : ليش رميتها !؟ بدر : تستـــاهلي مرة ثانية شاوري عمرك قبل تزفرين بوجهي .. وعلى فكرة بكرة معزومين عند مسؤول العرض حقي وبتروحين وبتستانسين وبتكشخين ! ابي الكل هناك يعرف اني ماتزوجت أي كلام ميهاف : ماني مجبوره أروح ! بدر : لا ماحزرتي .. مجبورة وبتروحين وانتي ماتشوفين الدرب لمعت عيـونها بقهر وهي تشيح بنظرها للجهه الثانية بعيـد عنه .. تنهد بدر لما انتبه لدموعها وجلس جمبها : ما قصدي ميهاف تدرين اني احبك وماتهون علي دموعك .. بس انتي الله يصلحك يعني ماله داعي كل هذا عشان موضوع مايسوى يعني لما سلمت عليها صرت احبها .؟! تدرين ان مافي القلب غيرك ميهاف بقهر : من تلعب عليه بـدر .؟! انت ماتحبني انت تحب حبي لك يغريك اني متعلقة فيك لهالدرجة ويعجبك تشوف انسانه غبية تسامحك كل ماغلطت وتنتظرك مهما غبت .. ماتزوجتني الا عشان هالاسباب لاتوهم نفسك انك تحبني .. بدر : وش هالحكي ميهاف .. مو صحيح ! انا ما أحبك حرام عليك .. ميهاف : لو تحبني ماحيكون صعب عليك تقطع علاقاتك النسائية عشاني .. بس مين انا اساسا ؟! بدر : هذا موضوع يتعلق بقناعتي .. ماله علاقة فيني وفيك ميهاف هزت راسها بهم : اوك صــدقتك .. مافيني حيل بروح انام تصبح على خير وقفت تاركته بينمـا ظل هو بمكانه وصراع بين عقله وقلبه *** إبتســام :- بعد ماخلصت ترتيب البيت وقفت عند اصعب مهمــه : يـزيد حبيبي متى النوم ؟! يزيد : إذا جا بابا ! ابتسام تنهدت : بابا بيتأخر .. نام اللحين وبكرة تشوفه يزيد بحمق : مابي مابي .. ابغى بابا ابتسام بضيق : بس مو زين عليك السهر .. وبعدين " مسكت الريموت وسكرت التلفزيون " الشاشه راح تعور عيونك خلاص سكرها يزيد طالعها بحمق : ليش سكرتيه .؟! ابتسام : لأنه مو وقت التلفزيون .. خلاص عناد يزيد عشان بكره نروح لفهود يزيد : بكرة بلوح لفهد وما ارجع هنا " ومشى بطريقه " تنهـدت ابتسام وهي تطالعه يدخل الغرفة ويسكر الباب .. طبعه عصبي مرة ! ماطلع لنايف اكيد هذي امه .. تاففت وهي تصعد بحـماس فتحت دولابها تحتاج تكـون بأحلى طلـه وهي تزف له هالخبر وتبتسم بلا شعور وهي تتخيل ردة فعله وتختار كلماتها في نطق الكلـمه له .. احتارت بين الفستانين الأسود والخربزي , بين الأنوثة والنعـومة .. نايف يحب اللوك الجريء أكثر استقرت على الأسود .. ولبسته وهي ترسم مكياج صارخ يناسبه وكعب عالي يزيد أنوثتها انوثة .. وقفت قدام المـرآة وهي تتطمن على طلتها الــدور السفلي :- دخل نـايف البيت ومـزاجه عالي .. اعترافا بالحق هي انسـانه تمتص شحناته السلبيه بشكل عجيب مايتخيله حتى الصداع النصفي ينحني احتراما بحضـورها جنبه نادى برواقه : إبتســـام ! صوت متقـطع بكاء : بابا التفت نايف لمصدر الصوت .. يزيد ببجامته وواقف قدام غرفته وهو يتبلع عبراته : شفيك يـزيد ليش تبكي ؟! يزيد : ابي ماما .. مابي اجلس هنا نايف تنهد وهو يمشي ناحيته ويجلس القرفصاء قدامه ويمسح على راس يزيد : مابقى شي حبيبي وترجع ماما كلها اسبوع يزيد وهو ينـاهج : مابي .. ابي ماما .. ولا عمه ميهاف مابي اجلس عقد نايف حواجبه : ماما مسـافره وعمه ميهاف مو فيه .. ليش حبيبي ماتبي تجلس هنا معي ؟ يزيد وهو يمسح دموعه بصعوبه : هنا انت ماتجلس معي .. مابي اجلس معها لحالي مابي نايف : افا كذا تزعلني منك .. عمه تحبك مسكينه يتزعل لو تدري انك تقول كذا عنها يزيد : لا ماتزعل .. تصارخ علي .. واليوم رجال خوفني نايف : حصـل خير ياحبيبي مو قصدها .. ارتاح اللحين يزيد : ابي اكلم ماما تنـهد نايف : وبعدين يزيد الوقت متاخر ماما نايمة اكيد يزيد بانكار : لاااا ! ماما تقول تبيني كلمني نايف سحب جواله من جيبه : أممري لله . . بس مو تقولها انك زعلان كذا تزعلها عليك ! سامع ؟ هز يزيد راسه بموافقـه بعد فتـره جاه الصوت الأنثوي : هـالو .. نايف باقتضاب : هذا يزيد يبي يكلمك خذيـه مد السمـاعة وهو يراقب يزيد اللي يتكلم بالكلام العاطفي مع أمه والسؤال الغالب " متى ترجعين ؟ " بعد ماخلص مد السماعة لنايف : تبيك اخذ السمـاعة : هلا .. نهى : شصاير نايف شفيه ولدي .؟! كانها مرتك مضايقته ! نايف : لا تضيعين بالطوشه الولد بيكلمك مشتاق لك وخلصنا ! ولا ماتعودتيه يشتاق لك يعني .؟! نهى : الشوق غير وانه مكبـوت .. قاطعها نايف : اقول نهى استانسي باجازتك .. يله باي سكر السماعة وطالع يزيد : شفت شلون نشبتني معـها وش بيفكنا من لسان امك الطويل اللحين ؟! يزيد مد لسانه : أحسن ضربه نايف على راسه بخفه : يالعيـار انت .. قدامي يله نام باس يزيد خده برضا : تصبح على خيل نايف : ههههه وانت من اهل الخيل تعـدل بوقفته وهو يطـلع الدرج .. استغرب انها مو تحت مو عادتها تترك يزيد لحاله خصوصا وهو زعلان وهي فوق ! دخل الغرفة ماكان فيها احد .. : ابتسـام ؟! جاه صوتها من الغرفة الثانية : هنا هنا .. ثواني وطالعه لك استنى حاس نـايف بفمه وهو يستلقي على السرير .... بعد فترة صمت وهو ينتظرها نطق : صاير شي اليـوم ؟! ابتسام عضت على شفتها وقالت بغموض : يمـكن .. نايف : كنت حاس .. ابتسام وقلبها بيطير : بجـــد ؟! نايف : ايه .. قولي شصاير .؟! اخوك قايل له شي ابتسام حست نفسها مو فاهمه حاجه هنا : اخوي ؟! نايف : ايه هيثم قايل شي ليزيد ... ؟! ابتسام : على حد علمي لا ! نايف : اجل وش فيه مو على بعضه .. ما احسه مرتاح هنا وانتي نفسك ما احسك مرتاحه له اذا كان خل نوديه عند فهود وجدته وبس كـان طريقة نايف بالكلام طبيعية .. وعلى حد تفكيره ماكان يلومها نهائي مجرد كلام طبيعي في مصلحة الجميع , اما ابتسام اعتبرتها اهانه لكمالها وامكانياتها : من قـالك مو مرتاحه له ؟! اذا هو مو مرتاح مو مسؤوليتي نايف التمس انها تحسست من كلامه : ماني جالس ألومك ابتسام .. بس انا بجد احسك تجبري نفسك عليه وماتنلامي بعد كلش هو مو ولدك ولا انتي ملزومة فيه ابتسام : هوا قايل لك شي .؟ نايف : ايه قبل اصعد لك حصلته يبـكي وزعلان ويبغى امه وما أدري ايش .. مو ناقص انا بعدين يتكلم عند احد ويقولو اني مقصر بحقه ابتسـام فتحت الباب بقهر وطلعت له وقالت بعصبية واضحة : لا سلامتك الواضح ان المقصر الوحيد هنا هو انا ! نايف جلس من استلقائه وابتسم لا شعوري من جاذبيتها : الله .. كل هـذا مره وحده ! ابتسام تكتفت بقهر : مو وقته نـايف ! وبعدين انا ماكنت ابي اقول هالكلام عشان ماتزعل بس كمان ولدك واضح راسه معبى عـلي .. نافر مني بقوه مايبغاني اتكلم معه واحسه احيان يسوي تصرفات قاصد فيها يعاندني او يكسر فيني .. نايف : انا معـاك هو بشكل طبيعي بينفر منك انتي مو امه ابتسام رفعت حواجبها : اهـا .. واللحين صرت انا العمه الشريره اللي تبغى تاخذ دور الأم ومو عارفه .. نايف : لا تصيري دراميه إبتسـام .. انا مجرد اقولك ان علاقتك انتي ويزيد طبيعيه وماراح تتفقوا بسهوله , هذي فطرتكم ابتسام : لا نايف يزيد مهما كان طفل .. ماراح ياخذ موقف لحاله ! اكيد امـه .. ماراح اتوقع منك تلومها بعد ماعرفت علاقتكم كيف ! نايف : يالله يا ابتسام ! وش جاب نهى اللحـين .؟ ياشيخه اتركينا مروقين اسف اللي فتحت الموضوع ابتسام تنهدت بقوه وهي تستجمع هدوئها : اسمعني نايف .. يزيد ماراح يروح لأهلك ! عارفه اني مو امه ولا لي سلطة عليه .. بس انا عارفه ايش راح يقولوا الناس وقت يشوفوه عند اهلك بيقولوا بيت ابوه موجود ! واكيد عمته ماتبيه .. انا انجرحت بما فيه الكفاية من طريقتك مع امه .. وانجرحت بصدمة كبيرة ان لك عائلة ثانية ما اعرف عنها ! وهذا يكفي وزياده .. كلمه زيادة بهالموضوع ماراح اتحمل نايف : ايش اسوي يعني .؟! اترك الولد مندمره نفسيته هنا . ابتسام بسياسة : اوك نايف رجعته لأهلك .. وتكلموا الناس وراح اتجاهل كلامهم .. برضو اوك ! بس بالمستقبل وقت اجيب عيـال ويصيروا اخوانه .. ايش راح تسوي .؟! انت اللي حتاكلها اذا تركته من اللحين ياخذ موقف .. خله يتعود علينا من اللحين قبل يكبروا ولا يعرفوا كيف يصيرون اخوان نايف مسح على شعره بربكة : وقت يكبر راح يفهم .. اللحين عمره حساس وراح انتظره يكبر قبل افكر اجيب له اخوان ابتسـام بصدمة : شـنو .؟! كيف يعنـي ! انت جالس تشوفني اروح لدكتوره ومواعيد .. كيف انتظره يكبر ؟ نايف : ماقصدتها كذا , وبعدين هالمواعيد تطول لحتى تجيب مفعول .. عموما ما ابي افكر اللحين اتركيها لوقتها ابتسام سكتت لفتره ثم نطقت اخيرا : ... ع قولتك .. لوقتها . رفع نايف راسه وابتسم : خلصنا هالنقاش السقيم .؟! اقدر اغازلك اللحين .؟ ابتسمت بهدوء : أيـه تقدر .. *** واقفة قدام نافذة غرفتها .. لها ساعة .. واخيرا حصل اللي تنتظره سيارة فراس طلعت من البيت : يسسس ! ركضت تسحب عبايتها وتكلم السواق : ع كيفه يقول يمر اسبوع ... 3 ايام واحس اني جالسة على جمر نزلت الدرجـات بانطلاقه .. جو الصبح مافيه زيـه وقفت عند كافيه وطلبت فطـور لها وله وهي تحس بحماس فضيع .. اول ماوصلت المستشفى وقفت عند الإستقبـال الله صاروا حافظينها ونطقوا مباشرة : دكتور هيثم مو موجود ! اسماء شهقت : وينه اجل ؟! موظف الإستقبال بملل : مابنعرف .. طلع لبيته لحياته .. اسماء هزت راسها بخيبة : صح اكيد عنده بيت ... سحبت رجـلها بخيبـة وهي ترجع للبيت .. وتطالع فطورها تاففت : انا غبية مفروض سالت وين بيته ! شهقت بينها وبين نفسها : بيته ! لا لا شكلي انهبلت ... استحي يا اسماء عيب *** فـراس :- رفع جـواله وهو يدق لمرة الثالثة واخيرا وصل الرد : أيـوه .. فراس : وينك انت ؟! لي ساعة ادق عليك لؤي تنهد : بالمـزرعه .. فراس عقد حواجبه : غريبة .. شتسوي هنـاك ؟ ماعندك دوام لؤي : راح اتـأخر شوي .. مالي خلق اداوم اللحين فراس : اقول انا جايك بالطريق سكر السمـاعة وهو يحس حالة لؤي الإكتئابية بدأت تعاوده .. معقوله يكون عرف شي .؟! اولا واخيرا بيعرف .. ومايلزمه الا مكالمة وحده وبيعرف انها راحت من حياته .. : ياليل يالؤي باللحظه اللي قلت فيها انك عقلت اطلق امره للسواق : المـزرعه ! فور وصـوله حصله بجلسة بالحديقة وشارد بالمكان .. سحب له كرسي جمبه وجلس : صباح الخير .. لؤي بنفس الشرود : صبـاح النور فراس عقد حواجبه : شفيـك ؟! تو صرت تضحك قبل يومين .. لؤي : ............ اختفت فراس بإستغباء تام : ميـن .؟! لؤي : المـرة الأولى اللي غابت عني .. كنت انت السبب , هذي المرة الثانية اذا انت السبب تكلم فراس بهدوء : للأسف ما ادري عن هالموضوع شي لؤي التفت له : مستحيل تختفي بشكل تام .. دون تكون له علاقه فراس : قلت لك مالي علاقة ! عموما تقدر تفكر بغيري كثيرين .. مثلا ابوك اكتشفها لؤي فتح عيونه : نعم ! فراس : مو جايز .؟ مو معقول ؟ كلش جايز " وقف " عموما انا رايح تجي معاي ولا اجلس اندب حظك كالعاده لؤي : تقدر تروح .. ماطلبت منك تجي من الأساس مشى فراس بطريقـة .. وهو ينتظر اللحظه اللي يكرهه فيها لؤي بسبب هالموضوع , كرهني او غيرها ماتفرق .. بيتذكر بعدين اني معاي حق .. ركب سيارته وظل شارد بالطريـق ... عقد حواجبه وهو يستوعب هالطريق , نفسه اللي قابل فيه البنت اليائسة ! اللحين لاتذكر وربط الأمور هي نفسـها .. مو امه تقول هي اخت زوجة نايف , هي اللي كانت تلحق سيارة لورا .؟ صح هي نفسها ! ... لا والحقير زوجها يقولي مجنونة .. ظل شارد بالطريق وشكلها بليلتها يتردد بعقله كانت يائسة بجد .., وش شعور الإنسان وقت تتعلق بإنسان مايبيك .. ويركض بكل قوته يبعد عنك .. تنهد بضيق وهو يردد بعقله لازم يحسم كلش .. نطق للسواق : الفيـــلا .. مجرد مـاوصل نزل بخطـوات متثاقله حتى وصل للمــلحق .. تردد يطق البـاب لكن الهدوء الغريــب المنبعث من داخل حمله يحافظ على هدوئه ويفتح البـاب بهدوء : ............................ استقبله هبـوب هواء بارد .. والعجـيب كانت نايمة وجمبها رنيم تردد يرجع .. لكن دخل بخطوات هادية وقف بهدوء وهو يراقب نعومتها الفايضه وهي نايمـة وشعرها متناثر حـولها .. طالما كـان من عشاق الشعر الطويل , تنفسها منتظم وسلام مسيطر على لمحتها .. سلام مضاد لحالتها بالواقع والبراءة الكامنه برنيـم وهي تمص اصبعها .. نطق بهدوء : بجد خاتم سليمان .. تنهـد وهو يدير ظهره ويطـلع من الملحق ... فتحت عيونـها وهي تتكئ وتجلس وتطالع الباب يتسكر .. عقدت حواجبها : وش قصده بخاتم سليمـان .؟! .. غريبة دخل وطلع بهدوء كذا .. شصاير .. *** فتحت عيـونها .. أو بالأحرى ماتسكرت عيونها اساسا ابعدت يـده المحاوطه خصرها وقامت , كانت ماخذه إجازه اليوم بس الظاهر بتكنسلها .. ماعاد يستدعي الموضوع تاخذ اجازه بدلت لبسها وحطت عبايتها على كتفها .. : ماكنتي ناويه تصحيني .؟ التفتت له وهو جالس بكسل ويطالعها ورافع حاجبه : قلت اتركك تشبع نوم .. نايف وهو يقوم : مافيه داعي يا حنينه .. انتظريني بلبس وجايك إبتسام : انا سابقتك تحــت .. نزلـت لتحت ودخلت المطبخ مباشرة .. جهزت فطور خفيف لها وله وجلست بهدوء تــاكل وتفكر كيف كلش انقلب لحظتها .. بس مهما كان مفروض قالت .. تنهدت وهي تــأجل كيف تقوله وهو مايتوقع حتى .. دخل المطبخ بحيوية وهو يمسكها من كتوفها ويطبع بوسه على خدها ويجلس بمقعـده : شرايك نسحب على الـدوام ونطلع نتمشى .؟ ابتسام : لا مقدر عـندي شغلات ضرورية لازم اخلصها .. عموما كيف بتداوم ؟! قصدي يعني .. ويزيد ؟ نايف حس بترددها وهي تنطق اسمه : راح احطه عند أمي لحد ما اخلص واخذه هزت ابتسام راسها وهي توقف وتنظف صحونها .. نايف : خلصتي ؟ ابتسام : ايه حمد الله نايف : طيب ليش قمتي .؟! اجلسي انا لسى ماخلصت .. ابتسام : بالمناسبة .. اليوم يمكن اتأخر فيه شغل مراكم وابي اخلصه نايف : على هـواك .. " بعد فترة صمت " ابتسام لايكون زعلانه من كلامي امس ؟ ابتسام : لا شدعـوة ماقلت الا الحق .. بس بالله تخلص بسرعة مابي نتأخر نايف وقف : يله اسبقيني السيارة .. بصحي يـزيد وجايك طــلعت ابتسام دون معارضه .. يمكن لأنها ماتبي تشوفه غيره فضيعه ناوبتها وهي تشوف وجهه لما طلع مع نايف .. غيره على ولدها , كيف ان مكانته من اللحين مهتزة ومرفوض وجوده .. عشان اخوه بعمر حساس وبينجرح من هالشي .. ركب نايف ويزيد السيارة نطق يزيد : وين بنلوح .؟ ماما جت ؟ نايف طالع ابتسام اللي ماعرف يحزر وجهها تحت الغطا ورد : لا بوديك عند فهود تلعب معه لين اخلص شغلي يزيد بفرحه : بناااام هناك تنهد نايف : مافيه يزيد .. العب معه وارجع نام عندي وبسك نقاش طول الطريق وسط سوالف يزيد الكثيره مع نايف احتفظت بالصمت .. خصوصا مع ذكر نهى الدايم على لسان يزيد .. حتى بعد مانزل يزيد عند جدته اختارت الصمت ومكالمة بدر لنايف ماكلفته يلاحظ صمتها : ............... وصلــوا الشركة نزلت ابتسام مباشرة .. اثناء ماهم يمشون استوقفهم صوت : نايف .. التفت نايف لفراس اللي كان جالس بالصالة الرئيسية وكأنه كان ينتظره .. وقف نايف وقال بازدراء : خير فراس : خير بوجهك .. بكلمك بموضوع نايف : فراس بجلالة قدره يبيني انا بموضوع .؟ انسحبت ابتسام بطريقها .. وهنا قدر فراس يتكلم براحته : صدقني ما اتمنى اكلمك انت بالذات بهالموضوع .. بس الظاهر مافيه غيرك حاس نايف بفمه وقال : تفضل اجل جلسـوا بجلسة بالمقهـى ... وفراس كان يحتسي فنجاله بهدوء , بينما نايف كان يطالعه وينتظر تعليقه .. بعد ما يأس من مبادرته : بتتكلم ولا شلون .؟ فراس قرر يباشر بالموضوع مافيه جدوى من التأجيل اساسا : اخت زوجتك ! فتح نايف عينه بدهشه : ....... غــادة ؟! فراس : أيـه .. رغـم اني ماعرفت انها هي إلا متاخر بس انا متـأكد انها هي نايف بصدمة : شلون متأكد ؟! وين حصلتها .؟! " وقف بانفعال " وش مجلسنا قوم وصلني لها ! فراس بهدوء : اجلس واستهد بالله .. مالي ميانه اتكلم مع اخوها ولا اتكلم مع اختها , مالنا بالطويلة البنت بالحفظ والصون عندي .. الليلة الساعة 9 راح تكون عند بيتك هنا انا اخلي مسؤوليتي نايف : مو بكيفك فراس ! عن الأنانية مايحق لك تخليها عندك ثانية ... اللحين اروح معاك واخذها فراس رفع حواجبه : مافيه شي ضد رغبتي يصير .. ودام قلت لك الليلة معناها الليلة نايف بتشكيك : وليش مو اللحين .؟! ... لايكون مسوي بالبنت شي .. فراس : احترم تفكيرك ياراقي .. بزر زيها بفكر فيها بهالطريقه " شدد على الجمله كانه يثبتها لنفسه " .. عموما انا قلت اقولك .. نايف : فين حصلتها .؟! ومن متى .. ووش صار فراس : مالي صلاحية اتكلم عن حياتها .. وقت تجيك الليلة هي تختار تقولك او لا .. نايف : وبنتها ؟ فراس بهدوء : برضو موجودة .. نايف : صحتها شلون .؟ فراس : مو ضيوف فراس اللي ينخاف عليهم .. قلت لك البنت عندي يعني ضيفتي , ماراح توفر لها حالة احسن من اللي هي فيها اللحين نايف : قوم معاي اللحين نجيبها سوا .؟ ادري انك رافض بس بعيد عن كلش مالك صلاحية تخليها عندك .. فراس : ماخلصت كـلامي ! ........ وقت اوصلها لك مابي جنس مخلوق يعرف انها كانت عندي .. حتى زوجتك بنفسها نايف رفع حاجبه : وليش خايف ؟ فراس : مابي يلوثني شي من سيرتها .. واذا ماتقدر تمسك نفسك ماني ملزوم ارجعها نايف : ماراح اجيب سيرتك ... بس مثل ماقلت لك اللحين لازم نرجعها فراس وقف يمشي بطريقه : قلت لك الليلة .. استرخى نايف بجسمه .. وهو مو مصدق .. احتار يقول لإبتسام اللحين .؟! لا وقت يقولها راح تسوي سالفة لحتى تجيها .. خلها لليلتها ... لاااااا ! هيثــــم !! واحمـــد !! وش بيخلصنا اللحين ... " تنهد " معك حق فراس اتركها عندك ترتاح هالساعات قبل تكتشف وش ينتظرها هنا .. *** بــــاريس : بالإيشارب السكري المطرز باللؤلؤ الفاخر .. كانت جالسة بمقعد بالحفله المختلطه بمعارف بدر من كل مكان والكل حضر فضــول يشوف من هي زوجته .؟! من استحقت هاللقب .. كان جمبها ويسولف مع الكل بينماهي محتفظه بصمتها وترد على الكلمه باختصار .. وتطالع من خشم مرفوع وكأن محد عاجبها : ....... هزها بدر بكوعه : بسك تكشير .. اللي يشوفك مايصدق انك عايشه بكل هالعز ؟ ميهاف بهمس : قايله لك ما أبي اجي .. انت اللي أجبرتني بدر : وإذا .؟! افردي وجهك عشان صورتــك قدام العالم ميهاف باحتقار : هالعالم اللي تتكلم عنهم مايهمـــوني .. ورجاء خل نطلع بسرعه مو نطول تقدمت مجموعة وجلست معهم : ماخلصتوا اسرار ياعرســان ؟! ابتسم بدر : هههههههههه ولا راح نخلص .. بس معليش كرمالكم أنثى بكامل اناقتها وجهت حديثها لميهاف : بيجنن فستــانك من فين ؟! ميهاف بغرور : جايني هديــة من مصمم .. ولا أتذكر مين ! ردت البنت : ههههههههه ايه بيحق لك .. بس عموما جمال الفستان بجسمك ما شاء الله ميهاف : طبعــا .. عاد انا احمد ربي على طول اللي رزقني الجمال والكمال ولا كان وقفت حياتي .. صديق من اصدقاء بدر : هو صح الجمـال مطلب اساسي .. بس كمان البنت البشعه او العادية ماتوقف حياتهم الكل تمشي حياته باهتماماته اصوات من كل مكان موافقة لكلام الشخص اللي رد عليها ... ميهاف : بجد اعجبتني , طول عمري كنت امشي على هالمبدأ وأشوف فعلا ان جمال الشخص جوهره , بس في مجتمعي يعاملون البنات كانهن كتب اذا ماجذبك غلافها ماله داعي تقراها .. وهنا تظلم المحتويات الشخص نفسه : ايه بس مو شرط .. صح فيه ناس كذا بس برضوا فيه كثيرين يهتموا بالجوهر , انتي نفسك مايهمك جوهر الإنسان .؟ الكـل انشد للنقاش الداير بس زوجة بدر وصديق بدر اللي وظيفته كاتب ويعتبر فيلسوف .. ميهاف : سؤال يحير .. بس لما افكر فيها اللحين لا مايهمني الجوهر .. ولا لو الجوهر يهمني كنت حتزوج بدر ؟ بدر اللي كان متــابع بصمت .. فتح عيونه بدهشه من كلامها : .............. الكـاتب : افهم منك ان جوهر بدر سيئ .؟ قاطع النقاش بوقوفه .. والتفت لها بحده وهي تشوف العصـبية الواضحه بعيونه مسكها من معصمها بكل قوته ونطق : اعذرونا لحظة وقفت مجبره اثر سحبه لها .. ومشى بخطوات متسارعة حتى طلع من القاعة الرئيسية ووقف بممر خالي وافلت يدها وهو يثب يده على الجدار وهي قدامه ونطق بكل عصبية : يااا ............ " مسك لسانه لايتهور بكلمه يندم عليها " .. لهنــا وبس ! مصـــخت .. توصل فيك يامحترمة تتكلمين بهالطريقة قدام محيــــط عملي كله .؟! " ارتفعت نبرة صوته " تبغي الكل بعد هالليلة يقول زوجة بدر قالت كذا ونطقت كذا وعلاقتهم كذا .. ميهاف وعيونها لمعت بقهر : وليش الكذب .؟! هذا الحق .. علاقتنا مو كويسة .. انت مو الإنسان اللي تصورته بدر بين اسنانه : كـــذا يعني .؟! ... اوك تمام وقت يطلع كلامك للكل .. ويصيرن الجلح يشدن حيلهن بعلاقتنا الفاشله ماراح اردع ولا وحده فيهن ... خل نتخيل ان علاقتنا سيئة لهالدرجة ميهاف بقهر : بيـــديك ورجليك .. والله والله يابدر حتى لو يصير هذا كله ويجوك كل حريم الدنيا ماراح تلقى وحده غبية مثلي تصبر عليك .. ماراح تلقى لي شبيه ووقتها ماراح تلقاني انا كمان بدر ونبرته مازالت مرتفعه بشكل مخيف : اللي خلقك خلق غيرك واخير منك ! غيرك راح تحترم نفسها ولا راح تتكلم بهالطريقة وتفشل نفسها ... اللحين ترجعي تعتذري عن الكلام اللي قلتيه !! ميهاف : على بــالك انا مثل أول .؟ كنت اعتذر لك ولا ادري وش غلطت فيه اساسا كل همي كان ما افقدك تذكر كنت .. لكن مو اللحين مو بعد اليوم .. بدر : م فيه احد ملزوم يبقى معاي ميهاف . .بيريحك البعد ؟! الله معاك ميهاف بقهر : ماعاد عندي شي اقــوله ..تعب الكلام من الكلام .. انسحبت من محيط نظراته ويديه .. ومشت بطريقها : انا راجعه الفندق .. ماعاد لي مزاج احتفل .. *** هيثـــم : - دخل المستشفى بحلول الساعة 8 ... اليوم اخذ استراحة بما فيه الكفاية بجد فور دخوله قفزت بطريقه كالعادة : انا جيت! هيثم وهي يمشي بطريقه وببرود : ما مر اسبوع .. اسماء وهي تمشي جمبه ومبسوطة بشوفته : ايوه ايوه عارفه .. بس انت قلت لي قبل لاتدعين شي غير حقيقتك وانا الصدق حقيقتي ما اقدر اصبر عنك اسبوع .. مو في حدود استطاعتي يعني هيثم وقف والتفت لها : اشوفك فالتها .. معد فيه حيا يعني ؟! اسماء بقهر : إلا ... استحـــي .. بس ابي افهمك اني صدق ماقدرت .. هيثم وهو فعلا يحب شعور اهميته اللي يحس به معها .. يرضي غروره : خلاص فهمت .. اسماء : اليوم جيت صبح ماحصلتك .. وعصر برضو .. فين كنت ؟! هيثم : مايخصــك .. ما شاء الله هذي ثالث مره تجين هنا اليوم يعني .؟ اسماء : هههههههههههه ايه اليوم محد بالبيت فطفشانه وماخذه راحتي شوي .. هيثم : شـــوي ؟!!! اسماء : المهم لا تغير الموضوع .. بجد فين كنت ؟! هيثم : مايخصك ... " وقف عند الإستقبـال " عملية المريض بغرفة 422 متى ؟ : بعد ساعة ان شاء الله هيثم : اوك تمام مشى بطريقـــة .. واسماء اللي كان تمشي معه : ............ طالعها : بتضلي تلحقيني .؟! اسماء هزت كتوفها : أيــه وش فيها .؟ ابي اعرف شغلك كيف هيثم : مثل ماسمعتي باقي ساعة على عمليتي ... " حاس بفمه " دامك هنا خل منك فايدة وجيبي لي قهوه اسماء طارت فـــرحة : جد . ؟ اجيب لك صدق ؟! هيثم : العب معاك انا ؟ اسماء وسعادة الدنيا كلها فيها : اللحيييييييين دقيقة وجايه ركضت بطريقها وهي تختار قهـــوته ونوع كروسان معها ... ورجعت وحطتها قدامه : تادااا هيثم : قلت قهوه بس مو كروسان اسماء باحباط : ماتحبـــها ؟ هيثم : لا ما احبها .. عموما انتي وش تدرسين ؟! بما انك كذابه واضح وماتدرسي طب اسماء بانحراج : ههههههههههههههه للحين تذكرها .. انا ادرس فنون هيثم : سنــة كم ؟ اسماء : ثالث سنـة هيثم بوضعية التحقيق : وكم معــدلك العام ؟ اسماء وهي رافعه نفسها درجه : بي بلس هيثم وهو يرتشف قهوته : وايش ناويه لمستقبلك ؟! اسماء : وش هالأســـئلة ؟ هيثم : يعني اقول دامني جالس اعطيك فرصة .. لازم اتطمن على مواصفاتك يمكن ماتناسبني اسماء فتحت فمها : هااااااه ! هيثم : ايه يعني لما قلتي بي بلس كاني تراجعت شوي .. اسماء بربكة : صدق .. هيثم : لك فرصة تو ماخلصت الاسئلة .. وش ناوية لمستقبلك ؟ اسماء بربكة بجد : يووووه ارتعت .. غششني طيب وش اقول ؟ هيثم ابتسم على ربكتها : ......... اسماء وهي تطقطق اصابعها : مستقبلي مستقبلي ... " يمكن يحب البنت ماتشتغل .. او تشتغل .. او اهدافها عاديه" اففففففف صععب هيثم طالع ساعته : اقول خلك تبحصين بسؤال واحد .. انا وراي شغل اسماء : لحظظه هيثم وهو بطريقة متجاهلها : شكرا على القهـــوهه كمل طريقه وهو يكلم نفسه : هههههههههه ماكان فيه داعي قهوه .. هي لحالها كافيين .. *** غـــادة : - كانت جالسة على عشب الحديقة ورنيم قدامها جالسه بصعوبه .. وغادة ماسكه يدينها عشان ماتطيح وللحين تفكر : وش يعني خاتم سليمان .؟ قصة الملك سليمان مو .؟ اففف اخذناها بالتاريخ ليس ما اتذكرها !! انفتح الـــباب ودخل بسيارته ضوقت عيونها من انارة السيارة ..نزل من سيــارته ووقف قدامها دون يجلس .. قرر يختصر قد مايقدر : شقتك جاهزه ... مشينا .. غادة فتحت عيونها : بجـــد .؟! بهالسرعة رجع يركب سيارته وهو يقول : اعجلي ! بوزت بفمها : رجع لطبيعته يمتي ! توجهت للملحق ولبست عبــايتها وهي تطالع ملحقها .. ماتقدر تسميها ايام سيئة كانت جميله قد ماتقدر : ...... طلعت ورنيم .. احتارت وهي تشوف جالس قدام المقود ( وين اركب .؟ ) بعد تفكير فتحت الورا وركبت جاها تعليقه الحاد : سواق ابوك انا ؟! غادة : هاه .. لا مب قصدي بس اخاف ماتبي تافف فراس وهو يحرك السيارة : خلك مكانك خلاص .. طـــلع سيارته وهو يحس بصعوبه .. يمكن لانه كذب عليها ؟! كان ساكت وافكاره تدور .. وش ممكن يصير فيها بعد مايوصلها .. غادة اللي كان تفكر وش ممكن يكون شكل البيت .. دامه منه هو اكيد بيصير غير ... قررت تقطع الصمت بسؤال : عادي اســأل سؤال .؟! فراس : ....... اســألي غادة : وش معنى خاتم سليمـان ؟ فراس فتح عيونه وقال بحده : جالسه تمثلي النوم انتي ووجهك ؟! غادة : هاه وشهــو لا مب كذا ... كنت راقده فراس : سبحان الله . .. كنتي نايمة بس سمعتي ؟! غادة : ايه فجاه قمت شاسوي يعني انط بوجهك ؟! فراس : لا اجلسي مثلي انك نايمة يا مصطنعه غادة : طيب حتى لو وش معنــاه مافهمت ! فراس : ماتعرفي الملك سليمــان .؟ غادة : ناسيته .. فراس تنهد : اجل خل اعطيك معلــومة تعبي راسك المقرقع ... " تغيرت نبرته للطبيعية وهو يقص لها احداث " حسب اساطير القرون الوسطى خاتم سليمان هو خاتم كان مملوك من طرف سليمان .. وهالخاتم عطاه قدرة قيادة الجن .. هالخاتم له تاريخ كبير حتى ان بعض الدول الإسلامية استعملته رمز لها مثل الأناضول غادة كانت منسحره لصوته الروائي واسلوبه وهو يقص لها ويسوق .. حتى ان رنيم احتفظت بالصمت وسط حديثه : .............. اها , طيب ليش قلت خاتم سليمان وش دخل ؟ فراس هز كتوفه : كيفي اقول اللي ابي .. لا صار لسانك تعالي حاسبيني غادة : لا بس بجد انا اذكرك بسليمان ولا علي خاتم ولا شالسالفة ؟! فراس: خاتم سليمان يرمز للفم الصغير .. غادة وردت خدودها : شــنو ؟! فراس بجدية : ايه عشان كذا قلته .. " كمل باسلوب عنجهي " فمك صغير كانك سمكه مدري شلون غادة اختفى حياها طلع يسبها : سمــــكه !! فراس سكت لأن قصده كان غير تماما : .................... غادة حاست بفمها : ................. هممم بعد ماتوصلني للبيت يعني ... معد اقدر اتواصل معك ؟ فراس : وانا اذا ابي اتواصل معك بشتري لك بيت .. بتركك عندي وبس غادة سكتت كانها استوعبت غبــاء سؤالها : ......... فراس بعد صمت طويل : ....................انتي .. بما انك سألتي سؤال اجل اسمحي لي بسؤال غادة طالعت ناحيته وهي تنتظر السؤال : .............. فراس : ما اشتقتي لأهـــلك .؟ اللحين بعد ما عرفت من انتي .. دورو عليك كثير على فكرة غادة بصوت حزين : مو أهــلي .؟ كيف ما اشتاق لهم فراس بهدوء : اجل ليش ماترجعي لهم ؟ غادة : مقدر .. حياتي مو عندهم .. اختي متزوجة وجودي عندها مجرد عبء عليها , اخوي مشغول ووظيفته صعبه ... " كملت بصعوبة " زوجي سكير ومجرم ماراح يكون مناسب اربي بنتي عنده .. انقبض قلبه وهو يستوعب انه جالس يرميها بهالدوامة : .................... غادة : والأهــم ... انا مو بنتهم .. عمي ماعاد عمي .. اخوي واختي قاطعين علاقتهم بأمي من زمان يعني مو ملزومين فيني .. فراس : الــدم مايصير ماء .. لو كل من كره أهله وقرر يغيرهم قدر كان الدنيا فوضى , يعتبرون اخوانك للحين غـادة استغربت كلامه عن اهلها .. لكن ماطال استغرابها استوعبت لما وقفت سيــــارته قدام بيت نايف فتحت عيونها بوسعها ومباشرة فتحت الباب بقوتها تبي تبعد لكن كان مقفل : ..................... طالعت ناحيته بقهر وتبي تتكلم تبي تفرغ ... نطقت بقهر : ياكذاااااااااب .. فراس دون يلتفت لها .. مسك جواله ودق على نايف : انا برا غادة جن جنونها وهي تفتح الباب بكل قوتها : لااااا .. ماااااابي .. افتتتح البااااااااب ماببي اتركككني .. ليش تقول كلام مو قددده فراس بصوته المهيب صرخ فيها : بـــــــــــــس !!! شايفتني ملزوم فيك ولا لك معروف علي تعاتبيني ... تاكلين اللي انتي خابره وتحمدين ربك اني ماضيعتك وتركتك بحياتك الصايعه .. حطي ببالك انك مديونه لي طول عمرك اني حصلتك وحفظتك .. ولا كان دربك اللحين درب امك غـادة بلعت ريقها بصعـوبة وكلامه الجمها .. التفتت ناحية النافذة وهي تشوف نايف ينزل وبصعوبة بلعت ريقها بقهر:....... لكن بعد تعليقـــه معد تقدر تسوي شي .. قالت بهدوء : افتح القفل بنزل .. فتح القفل ومجرد مـــانزلت حرك سيارته مباشرة ... حتى دون يشوف وش صار أول ماقابلت نايف , يبغى يبعد وبس .. |
رد: انتماءات كاذبة
ابدأ من الآخر لأنه قهرنى وعلى وشك البكاء :Taj52:
ونفسى ان غادة فى يوم تجيب مناخيره الأرض بس هل رجعها لأن دى قناعته من الأولا ولا عشان تأثيرها عليه ؟ بدر وميهاف والدنيا ولعت مابينهم انا شخصيا فى صف ميهاف لأن بدر وضعه كله غلط بس بافضل انها تحل الوضع بنفسها ابتسام كأنها مش منطقية النهاردة ودرامية على قولة نايف ، بس يمكن من الغيرة وحساسية الوضع واستغربت كمان انها ماقالتش على الحمل أسماء المهبولة وخايفة لا فراس يعرف عنها قبل ما يسافر وضعها مايطمنش الفصل روعة وتسلم ايديك |
رد: انتماءات كاذبة
تسلم ايدك على الفصل هيثم واسماء .. اكتشفت انه هيثم مغرور واسماء بتحبه وراميه حالها عليه كتير، بصراحة ما يستاهلها.. وبعدين ما بتخاف حدا يشوفها بالمستشفى من معارفهم.. تصرفها غير منطقي ابدا كل يوم عنده وعمتلاحقه .. وحتى الطاقم الطبي انتبه للموضوع نايف وابتسام .. ابتسام عمتحاول تكون عقلانية بحياتها مع نايف ، بس ببعض الامور ما بتقدر، متل موضوع حملها زعلت عليها انه مو قادرة تقول له متوقعته ما يفرح، مع انه هالموضوع مفرح للام بدر وميهاف .. انا كنت ضد بدر حتى الموقف الاخير، يمكن هي قصدت تحرجه امام معارفه، بس ما حبيت تصرفها ابدا.. بانتظار الفصل الجديد ... |
رد: انتماءات كاذبة
معلش تعليق تانى
مش قادرة اتخيل مصير غادة هيثم ولا احمد :362: :97(2): |
رد: انتماءات كاذبة
اقتباس:
ميهاف بناء ع شخصيتها راح يكون تصرفها واضح ابتسام عندها ثقه بكمالها ومثاليتها عشان كذا ماهي انسانه تتقبل النقد نهائي للاسف , هههه الله يستر ع اسماء آجل حياكي |
رد: انتماءات كاذبة
اقتباس:
بـــدر يبغى له دروس دنيا عشان يتغير , نورتي |
رد: انتماءات كاذبة
فى انتظار فصل اليوم
غادة ومصيرها المؤلم:e413: |
رد: انتماءات كاذبة
" البارت الثامن والعشرين "
البعض لو أعطيته إحدى عينيك سيقول : تبا لم يعطيني إلا عينا واحدة ! أقفلت باب قسمها في وقت متأخر .. طالعت ساعتها : تأخر الوقت .. تلاحقت خطواتها لقسـم نايف وطرقت الباب طرقات خفيفه لكن دون رد .. اتاها صوت السكرتير : الإستاذ نايف طلع من زمان عقدت حواجبها متعجبه .. مو بعادته يطلع دون يقولها , عموما مو بعادته كمان يجلس بالدوام لهالوقت المتأخر .. دقت بجــوالها عليه تتأكد من وجوده بالبيت : ألـــو .. : هلا .. إبتسام : بالبيت إنت .؟! غريبة طلعت ماقلت لي نايف : ايه طرا علي شي وطلعت .. انتي جايه .؟! إبتسام : ايه بالطريق .. اخذت يزيد ولا آخذه انا .؟! نايف مابغى يعاندها فكذب كذبه بيضاء : يزيد موجـود تعالي وبس .. إبتسـام : اوك تنهد وهو يسكر السمـاعة ويلتفت لغـادة اللي كانت جالسة بالكنبة وواضح من جلستها المشدوده توترها الـواضح .. : هذي ابتسام بالطريق .. غادة بخوف : معصــبه مرة .؟! " كملت بخنقه " شاسوي نايف والله خايفه .. نايف باسلوب هادي : لو خايفه كل هالقد .. ليش سويتيها وانحشتي .؟! وين كنتي كل هالفترة ووش صار معك .؟ والأهم كيف صرتي مع فراس بالأخير سكتت وهي تنزل راسها ... طالع نايف برنيم اللي كبرت بشكل واضح من آخر مرة شافوها .. يمكن اكثر من 5 شهور من تركتهم : حتى رنيم تغيرت .. كبرتيها بعيد عن اهلك غادة بدفاع شرس : بنتي وكيفي .. اساسا ماسويت كل هذا الا عشانها .. نايف : طيب جاوبيني بس على هالسؤال .؟ شتسوي انتي وفراس سوا .؟ غادة بلعت ريقها وهي توقف وتتجه للمطبخ : عطشــانه .. في طريق مشيــتها انفتح الباب ودخلت ابتسام .. توسعت عيونها وهي تطالعها , اما ابتسام عقدت حواجبها تعجب من هالمتبرقعه اللي ببيتها ؟! من بيكون عندهم هالوقت ! معقوله نهى جت تاخذ يزيد نطقت باستفسار : ميــن ؟ اما غادة وقف كلش فيها بهاللحظة .. لازم تبدا المواجهه من هاللحظه , وابتسام راح تكون اهون مواجهه: ........... قربت ابتسام بخطــواتها وهي تعاود سؤالها : سالتك انا مين انتي .؟! شتسوين ببيتي ؟ تسمرت ابتسام وهي تشوف الطفلة بالعيون الرمادية تحبي بصعوبة بأرجاء المكان .. عرفتها مباشرة طالعت ناحية غادة وهي تسحب برقعها ويظهر وجهها الشــاحب وعيونها اللامعة بدموعها فتحت عيونها بصدمة وعدم تصديق للي قدامها ... تنهد نايف وهو يسحب نفسه من المكـان لازم يخلي لهن الجـو اللحين ... مابدأت الكلام ولا هي باشرت .. كل وحده تطالع الثانية قطع هالصمت المهيب بين نظراتهن صفعة قوية نزلت على خـد غادة .. : ........................... رفعت غادة عيونها لإبتسام اللي كانت تطالعها بحده وعيونها تلمع دموع .. قالت بين اسنانها : وش تسوين هنـــا ؟! كيف تجرأتي توطين بيتي بعد اللي سويتيه فيني وفي الكل ! .... غادة نزلت ركبها على الأرض وهي تغطي وجهها وتبكي .. وتنطق بخنقة : ما كنت أبي اجي .. مابغيت اوريك وجهي .. اذا تقدري تتجاهلي اني جيت وتتركيني اطلع اللحين راح اطلع .. " ارتفع صوتها وهي تصرخ " ماكنت ابي اجي ! ابتسام شدت على قبضتها : كمان ماتبغين تجين .؟! وناوية تنحاشي ثاني .. " نطقت ابتسام بنبرة جارحة " انا اشهد انك بنتها غادة عضت على شفايفها حتى ادمت .. تقدمت رنيم وهي تحبي ببطء حتى استقرت عند فخذ غادة وهي تمسح عليها .. انحنت ابتسام حتى قربت من رنيم وضمتها بكل قوتهـا : الله يسامحك ياغادة كيف حرمتيني منها ..الله يسامحك وش حطيتي نفسك فيه .. " كملت بنبرة يائسة " وش بسوي اللحين ..؟! وش بقول لهيثم وش بقول للناس وش بقول لعماني غادة ساحت دموعها ووزادت رجفتها : تكفين لاتقولين لعماني .. لا تقولينهم .. مابيهم يدرون احسبوني مت .. خلاص مت ابتسام بلوم : لو كنتي جلستي .. كنا قدرنا نخلعك بسهوله اللحين شنسوي ؟! غادة : ماكان واضح انكم بتخلعوني بسهوله .. هيثم كان بيرميني عليهم .. مابي ارجع لهم مابي ارجع لجدة لحالي ابتسام وقفت ورنيم بين يديها ونطقت : تعرفين فين غرفتك .. انثبري فيها لحد ما اعرف وش ممكن اسوي بهالمصيبة! غادة عضت على شفتها ونطقت بقهر : ورنيم ؟ ابتسام : اتوقع هي نفسها ملت من وجهك كل هالفترة .. اتركيها معي الليلة وانتي اجلسي فكري وش سويتي بنفسك .. وكيف ممكن تصلحين الوضع .. انسحبت ابتسـام .. بينما غادة تكورت على نفسها وهي تحس برعب وهي تتذكر اسماء براسها " هيـــثم ! أحمد ! " لمت كتوفها وهي تحس برجفان فضيع .. تشكل قدامها صورة فراس وهي تقسي لمحتها وتنطق بقهر : كله منك .. الله لايوفقك .. كذاب سافل حقير ! بينمـا صعدت ابتسام وهي بعبايتها .. دخلت الغرفة كان نايف جالس قدام التلفزيون طفاه مباشرة لما دخلت وطالعها ونطق بقلق : كيــفك ؟ ابتسام جلست وهي تثبت رنيم بحضنها وتلعب بخصل شعرها : فين حصــلتها ؟ تنهد نايف : مو قلت لك اني ادورها هالفترة .. حصلتها عايشه بشقق مفروشة .. ابتسام تنهدت بارتياح : اششوى .. نايف : روقـي ابتسام .. واختك اكسبيها عشان ما تتكرر هالحادثة .. غادة ماتنفع معها القسوة ابتسام : وانا وش حصلت من دلالها ؟ دللتها اخر مرة وهذا اللي صار .. اختي واعرفها اذا دلعتها تمادت .. نايف : قــلتي لهيثم ؟ ابتسام : وانا وش مشغلني غير هيثم .. كيف بقوله ! حالف يقتلها لو تظهر قدامه مره ثانية ..هذا غير عماني ناوين عليها .. " تنهدت " صدع راسي مو عارفة شاسوي وقف نايف وجلس جمبها وهو يحاوطها من كتوفها ويسند راسها لصدره : هدي بالك .. كلش بينحل ان شاء الله , نامي اللحين والصباح رباح هزت ابتسام راسها وهي تحاول تسترخي قد ماتقدر .. *** مدينة المـلك فهد الطبية : - بالمكتب المشــترك للدكتور هيثم .. كان جالس على مكتبه ومتمعن ببحث وقدامه كومه من الأوراق جاه صوت شريكه بالمكتب : هيثم ترا الساعة 3 .. نام لك شوي يارجال ريح بدنك هيثم وهو مستمر بشغله : نـام انت ماعليك مني : وكيف انام وانت مجهر عيوني بهاللابتوب .؟! هيثم : شف لك مكان ثاني تنام فيه تافف : اقـول وينك اليوم تأخرت عن الإجتماع .. لا تقول جالس مع هالبنت مره ثانية ؟ هيثم ببرود : وإذا ؟! : هذا اللي بيذبحني .. والله ماتخيــلتك من اللي يلعبون ببنات الناس , إلا اذا كنت جاد معها يعني ؟! هيثم : سواء العب او جاد ما اتوقع بتغير هالمعلومة بحياتك شي : لا انت ماتلعب .. المشكلة ترا شعور ملخبط لما تسوي نفسك مو مهتم بشخص وانت كل دقيقة تســأل الإستقبال عنها جت ولا لا ؟! سكت هيثـم لأنه انكبش هنا .. نطق بتبلد : للحين مو فاهم كل هالإهتمام .؟! اذا معجبتك اقدر اشبكك معها ترا .. قال بمزح : لاا حششى لله تعجبني خوية خويي ..! ما اسويها هيثم : هيه تراك تحمست .. لا خويتي ولا شي فاركد وقف وهو يطلع من المكتب : اوك دكتور هيثم مابينكم شـــي مجرد ماطلع وقف هيثم من الكتــابة .. او اساسا ماكان يكتب مجرد توتره من الموقف تركه يشخبط على الورقة دون هدف .. استرخى على الكرسي وهو يحس بنرفزة صدق .. فعلا هو وش قاعد يسوي .؟! شدخلني انا هي اللي تجي .. ! وقف بقوة وهو يقطع افكاره ويسحب الكتـاب من الرف يكمل شغله .. تهاوت ورقة من الكتاب حتى استقرت بالطاولة .. مسكها وهو يشد بقبضته عليها ( لما تحس ان فيه شخص خطفك من نفسك ؟ مستوطن تفكيرك طول الوقت حتى وانت وسط الناس تلاقيك سرحان فيه لدرجه انك تدعي له وتنسى نفسك ... عموما .. أدري انك تقرأ وتعرف انك المقصود طيب .. انا ضعت فيك ومثل ماقلت بغض النظر عن الجواب .. انا مقدر اكبت هالشي خصوصا وهو واضح للكل ) ظل يتـأمل الورقة بصمت لفترة .. رمى جسمه على الكرسي وهو يفتح الدرج ويدخل الورقة ويسكر الدرج بقوة : وبعدين يعـني ؟! والله مصخرة رجع يفتح اللابتوب يكمل شغـــله هالتفكير كله ماراح يوديـه لشي .. *** : يؤسفني أن اخبرك ان الامور ليست تتحسن .. آنسة والكر انتي تدركين ان هذا الحال لايجب ان يستمر طأطأت راسها : نعـم ادرك ذلك : سأصرف لك بعض الفيتامينات .. يجب ان تساعدك وقفت بثقل وهي تنطق : شكــرا .. طلعت من العيــادة الصغيره وهي تتنهد بضيق .. حملت طريقــها حتى وصلت للبيت , فتحته بهدوء وهي تدخل استقبلتها الأصوات الحيوية بغرفة المعيشة : كيف حـال موعدك ؟! التفتت نص إلتفاته ونطقت بهدوء بالعربي : والله مالي خلقك جاكسون : اخبرتكي ان لاتتكلمي بالعربية ايتها الجبانة ! جلست بهدوء على الكنبة : انها لغتي سأتكلم بها كما اريد جاكسون : كما تشائين . . لكن لن تجدي أي شخص قريب لك لتتواصلي معه هكذا سارا : لم أعد تلك القريبة لأحد .. الجميع لديهم من يعوضهم جاكسون : لديك أنـا .. انا اكبر صفقة تعويضية ستعقدينها بحياتك سارا ابتسمت دون نفس : اخشى اني سارفض هذا العرض المغري جاكسون : أتعلمي سـارا .؟! انتي موسوسة .. بحق سارا بغضب خفيف : ولمـاذا ؟! جاكسون : في كل ليلة تعقدي جلسة وسوسة مع نفسك .. ان من تريدينه سوف يبحث عنكي سوف يعود ! استيقظي من احلام اليقضة فلا أحد بالطريق سارا وكأن تفائلها الخفيف بكل ليلة أحبط : ................... جاكسون عندما رأى الاحباط بعينيها نطق بمزح : اتعلمين رحيل الشيء للأبد اهون بكثير من العيش على أمل عودته ولا يعود .؟ سارا : إذا ؟ جاكسون : اذا اخبريني عن مكــانه وسأقتله وهكذا لست مضطره لأن تنتظري من جثة شيء سارا رفعت حواجبها : تصدر منك عروض مغرية كالعادة .. لكني اخشى اني ساتنازل هذه المرة ايضا حملت نفسها وهي توقف وتصعـد وصوت جاكسون ياتيها من بعيد : ستندمي لاحقا ! فانا لا اعيد عروضي اكثر من مرة كما تعلمين *** : لــــؤي ! .... لؤي !! ... هااااااو لؤي ! استيقظ من غفوته وانتبه لأمه وابوه يطالعون فيه بجلستهم : هلا لبيه سم ابو نايف : شفيك وانا ابوك .؟ تعبان شي ؟ لؤي بنبرته الهادية المعتادة : سلامتك يبه مافيني شي .. انت شبغيت ؟ ابو نايف مد فنجاله : ابيك تصب حاجرن على الدله بيدك ومفهي استلم فنجال ابوه وهو يصب له .. وكلام فراس يدور براسه " يمكن ابوك " ... لا مستحيل اذا ابوي اللي سواها راح يواجهني , ماراح يعاملني طبيعي كذا .. فرك عيونه بتعب وهو يوقف .. ام نايف : وين ؟! لؤي : اخليكم براحتكم انا بصـعد انام ابو نايف : نوم العوافي اجل ام نايف بعد ماصعد : شفيه الولـــد ؟! ابو نايف : مافيه شي يابنت الحلال يمكن تعبان مثل ما قال ام نايف تنهدت وهي تطالع يزيد : غريبة نايف حطه ظهر ويقول بمره وللحين ماجا ؟ ابو نايف : الوقت متأخر اذا ماجا اللحين معناها ماراح يجي ولا انشغل مع مرته .. لا تخلين الولد سهران نوميه هزت ام نايف راسها : ان شـاء الله صعد ابو نايف .. اما ام نايف ماقاومت مسكت جوالها وهي تدق على ابتسام , لكن مافيه رد تنهدت بضيق : حتى لو بيتركونه يكلمون اقل شي ! *** صبــــاح لاستقبال يوم يحمـل الكثير .. خصوصا لها , وبمناسبة ذكر " لها " عيونها ماغفت من ليلة أمس , مازالت تمشي بالغرفة روحه وجيه .. وتجلس وتوقف .. درجة التوتر بالمكان فضيعـــه , بلعت ريقها وهي تعض اظافرها : شاسوي شاسوي شاسوي ..؟! خلخلت اصابعها بشعرها وهي تحس بتعب نفسي بجد : شاسوي .؟ الإكسجين معد يوصلها .. كلش مكتوم بطريقة رهيبة مجرد ماسمعت صوت برا وقفت وهي تفتح الباب وتاخذ نظرة كان نايف وجمبه ابتســام .. راقبتهم وهو يتكلمون بصوت خافت بس الـواضح انهم يتكلمون عنها .. , انتهت محادثتهم بان طبع بوسة بخد ابتسام وطلع .. بينما ابتسام تنهدت تنهيدة من قلب وهي تجلس بكنبة الصالة وتمسك راسها وواضح جالسة تفكر .. فتحت الباب وطلعت , التفتت لها ابتسام ونطقت بهدوء : ... قمتي ؟ غادة بهدوء اكبر : فين رنيم ؟ ابتسام : نايمة اتركيها .. غادة سكتت وهي مازالت واقفة ... : ............................ ابتسام فتحت فمها تتكلم وهنا دق جوالها .. تنهدت وهي تطالع المتصل " خالتي ام نايف " من امس وهي تدق ردت مباشرة : هلا والله ام نايف : هلا فيـك عيوني .. كيفك علومك بخير ؟ ابتسام : حمدالله نشكره .. انتي كيفك وكيف عمي ؟ ام نايف : كلنا طيبين حمدالله .. وينكم امس استغربت تباطيناكم انا وعمك ويزيد يزيييد ! كانت ناسيته تماما توترت وش تقول : ايه معليش امس انشغلنا الله لا يوريك وماقدرت ... ام نايف : عاد اهم شي لاتنسونه اليوم .. ادري انه صعب عليك بس ترا الوالد صغير ويحس ابتسام ماتبيه يحضر جو البيت هالأيام .. : ...... ان شاء الله ع خير .. سكرت السماعة ومباشرة دقت على نايف ..: هلا والله ابتسام : نايف على السريع .. امك كلمتني من شوي تقول لاتنسون يزيد اليوم نايف : ايه اشوفها داقه علي بس مارديت .. ابتسام : انا قلت لها ان شاء الله .. بس انت تعرف مستحيل يظل عندنا هالفترة معليش حياتي كلم اهلك وتفاهم معهم نايف : فاهم فاهم .. ماعليك خلاص بكلمها ابتسام : مشكور والله وتدري البيت بيته بس الحال مب بيدي " قالتها وهي تطالع غادة " سكرت السمــاعة وهي تطالع غادة : اجلسي ليش واقفة ؟ غادة طالعت الكرسي لفترة وهي ماتحس براحة .. لكن جلست : ................... ابتسام : فين كنتي هالفترة ؟ تدرين ماتركنا مكان مادورنا عليك فيه غادة وهي تذكر تهديداته الصارمة .. ممنوع احد يعرف انك قابلتيني حتى : .... اخذت لي شقة بفلوس نايف وجلست فيها ابتسـام : معترفة يعني انك سرقتي من نايف .؟! وانحشتي وهذي عمله ماتسويها الا ... " استغفرت بقهر " غادة بقهر : لا تحمليني كل شي كانكم انتو ماغلطتوا .. ابتسام بصدمة : وبإيش غلطنا ؟! غلطنا عشان دلعناك ..!؟ غلطت عشان اخذتك من زوجك اللي كان مجرم وجبتك انتي وبنتك باحسن مستشفى واحسن مكان واحسن عيشة ممكن تعيشينها .؟! غلطت لما حطيت كل فلوسي بين يديك وقلت اللي تبغينه حاضر !! هذي هي غلطتي مو ..؟ غادة بين دموعها : شحي بهـــا ! فلوسك ما ابيها ! ولا ابي بيتك ! ... مابي فلوسكم اذا بنهاية اليوم بيجيني هيثم وبيحطني بيزه ما اسوا .. على بالك اني عايشه عندك وبعزك وبكل مناسبة ببيتك اسمع كلمة هذي اختها المطلقة عندها .. هذي اختها اللي ناشبه فيها .. ابتسام : ولا يهمك راح اشح بها .. وراح اشح بها كويس كمان , رغم كل القرارات الغلط اللي تبعتيها بحياتك غادة ماعمري ماوقفت معك رغم موقفك .. وكذا تقابليني ؟! غادة : أي قرار غلط .؟! قصدك زواجي .؟ ليش ابتسام ناسية انك شكرتيني وقتها اللي تزوجت ودفعت قيمة البيت اللي بدونه بنكون بالشارع .. ؟ معك حق قرار غلط كان مفروض اتركها تصير ... ابتسام : لا تحمليني مسؤولية مو مسؤوليتي ! كنتي موافقة دون احد يضغط عليك ورغم ان هيثم رفض واافقتي .. على قولتك ماكنتي تتحملين حياتنا . غادة وقفت وهي تضرب بالارض ناحية غرفتها : مابي اجلس اسكتي خلاص .. مابي اسمع شي ولا ابي اعرف شي ! ودقي على احمد بعد بسرعة يجي ياخذني ويقتلني مره وحده .. اصلن امنيتك تنهدت ابتسام بضيق وهي تمسك راسها والصداع مايوقف .. خذت نفس عميق وهي تطلع للحديقة اول خطوة راح تكون " هيثم " وبعدها هي وياه يقررون وش المفروض يصير مع احمد وعمهم : ................................ دقات قلبها تتسارع مع رفعته للتليفون وهي تدعي ربها هاليوم يمضي على خير : هلا بسمة ابتسام بربكة : هلا .. هلا هيثم .. صباح الخير , كيفك ؟ هيثم : صبـاح النور .. حمدالله , انتي شلونك كلش تمام .؟ ابتسام : تمام .... استغرب هيثم الصمت : الو ؟ ابتسام : ايه هلا معاك .. هيثم : ههههههههههههه شفيك ابتسام الحمل لاعب فيك اجل داقه علي وتسكتين ؟ ابتسام : ايه لأن ابي اقولك شي ... ولا عارفه كيف بقولة ولا شلون بنطقه .. ولا .. هيثم : روعتيني ابتسام شفيك شصاير .؟! حاجه حاصلة معك ؟ ابتسام : لا انا ماعلي .. بس " استنشقت الهواء وهي تحس بدوخة فضيعة " هيثم وهو يحثها تكمل : بس شنو ؟ ابتسام نطقتها باسرع ماقدرت .. تبي تلفظها من صدرها وتخلص : حصلت غادة وهي عندي اللحين ! وقف هيثم لاشعوري من صدمة الخبر بالنسبة له .. : ................................. سكتت ابتسام لفترة وهي تحس بهول اللي راح يصير نطقة بقلق بعد فترة : هيثم ؟ هيثم شد على قبضته حتى تهشم القلم بيده .. رجع يسترخي بجسمه على الكرسي ونطق بهدوء مخيف : طيب ؟ ابتسام : شنـو طيب .؟ اقولك هي عندي يعني ... رجعت وابي اعرف شاسوي عماني و ... هيثم : دوري أهلها وناقشيهم امورها .. ووصلي لها كلمة وحده بس بكل قوتها تبعد عني حتى لو اضطرت تنحاش ثاني .. لاني لو اشوفها قدامي بذبحها سكر السمـــاعة مباشرة .. بينما ابتسام تطالع الجوال ومنصدمة من ردة فعله ماتوقعت هالرد منه مسكت راسها وهي تحس بصداع بجد وش بتسوي وش تقدر تسوي ! مو معقولة بتكلم هي بنفسها عمانها .. اصلن بأي حق تكلمهم عقب اللي سووه معها .؟! .... ياربي شاسوي صدق الوضع معاد بالسيطرة .. *** شــركة أبو نايف :- لؤي كان جالس بمكتبه .. ورجله رافعها على الطاولة ويضرب القلم بالطاولة وتفكيره يضرب يمين ويسار , مهما راح ومهما جا يرجع لشخص واحد .. هو محد غيره بيقدر يخشها بهالشكل خصوصا انه قال انه بيسويها اكثر من مرة مسك جواله ودق عليه : هلا لؤي : هلا فراس .. وينك انت ؟ فراس : شبغيـــت ؟! لؤي : تقدر تمرني بالشركة .. وعقبها نطلع نتغدا احس مره اخلاقي قافلة وابي اطلع فراس : خلاص تمام جايك بعد نص ســاعة . لؤي : يله اجل سكر السمــاعة وهو يفكر كيف يطلع الجواب منه .. كيف يعرف انه صدق مو سبب اختفائها هذا , فتح درجه وهو يطلع بطاقته ويشوف اسمها تحت اسمه " سارا والكر .......زوجة " مسح باصبعه على اسفل البطاقة .. خلال هالسنة مفروض ينضاف اسم جديد لهم ... دخل بطاقته وهو يسند راسه والشوق ينسج بين ضلوعه تفاصيلها يكره الرغبة اللي تجيه فجأة ويصير يبغاها اكثر من أي وقت بحياته ! دق جـواله ليقطع خلوته مع طيفها .. تنهد وهو يرد بصوت متعب نفسيا : هلا يم ام نايف : هلا يمه .. وينك انت بالشغل ؟! لؤي بكئابة : وانتو تركتوا لي مكان ثاني اكون فيه غير الشغل .. طبعا الشغل ام نايف : مو هذا موضوعنا .. اللي بيسمعك بيقول حارمينك من كل مكان , المهم نايف اخوك وينه حولك ؟ لؤي : مدري ...ليه ؟ ام نايف : لأني ادق عليه مايرد .. مدري وينه هالولد جواله مامنه فايده ماعمري دقيت عليه ورد لؤي وقف : اصبري بشوفه لك .. خليك على الخط مشى حتى وقف اثر اعتراض طريقه من السكرتير : اهلين استاذ لؤي لؤي يكلم الجوال : لحظه يم .. " التفت له " هلا فالح .. شبغيت ؟ فالح : فيه اوراق ضرورية محتاجينك تخلصها طالع لؤي الأوراق : طيب رئيسة القسم وينها .؟! مو هذا شغلها فالح : ماحضرت اليـــوم وحنا مضطرين عليها لؤي : اوك حطها بمكتبي كمل طريقه وهو يكلم امه : ترا ما اظنه مداوم لان زوجته غايبة ام نايف : هـاو .؟ ابتسام غايبة ! صاير عندهم شي هالثنين .. امس ماجو ياخذون يزيد واليوم ابتسام ترد تسلك لي ونايف مايرد ! لؤي : كل اللي صاير عندهم شوي خصوصية طبيعية بين الزوجين .. ليش مستغربين يعني ؟ ام نايف : هاو وانا وش قلت ! لؤي وقف لما حصل نايف الجالس بين مجموعة موظفين ويسولف : نايف ممكن شوي .؟ نايف : شي ضروري .؟ لؤي مشى ناحيته وحط السماعة عند اذنه : نااااااايف ؟! عض نايف على شفايفه وهو يعبس بوجهه ويوخر السماعة ويطالع لؤي : ليش ماقلت لي انها امي ! ام نايف : اسمعك ترا .. وينك ماترد على جوالك ؟ نايف : هلا هلا والله يمه .. مدري ماشفت مكالماتك ام نايف : ماتشوفها ولا ماتبي تكلمني ! نايف : افا يم .. من مايبغى يكلمك .؟! واحد يعيف ؟ ام نايف : خل مني هالحكي والخرابيط .. كلمت ابتسام بس الظاهر انها ماقالت لك يزيد متى بتاخذه .؟ نايف : على بلاطة ؟! راح يضل عندك لين تجي امه ام نايف : وليه مرتك وينها ؟ نايف وهو يوقف ويبعد عن الموجودين : مرتي مب امه .. وهي تبيه يجلس عندنا بس انا رافض يزيد مو مبسوط هنا يجلس عند فهود احسن له ام نايف : حياه الله .. بس ليش مب مبسوط عندك ؟! ما اتفق هو وابتسام هجل ؟ نايف : لا والله شكل نهى معبيه راسه عليها .. عيا حتى يحاكيها ام نايف : والله تسويها نهى هالحيه .. ها من اول كلم وقولي مو اتحراكم امس وحالتي حاله نايف : والله نسيت راح عن بالي .. بس هاه ارتحتي عرفتي ؟ ام نايف : ايه .. يله اجل في امان الله .. ومرة ثانية ! رد على جوالك نايف : ههههههههههه من عيوني سكر السمـــاعة وسلم لؤي جواله .. طالعه لؤي : شالسالفه شعندك ؟! نايف هز كتوفه : ما عندي شي بس خبرك امي تسوي سالفة من لا شي طالع لؤي ناحية فراس اللي تو دخل .. اشر له من مكانه : هنا فراس التفت له فراس وعيونه طاحت على نايف ... طالع ناحية نايف لفترة وكانه يحاول يحزر وش ممكن صار , ثم التفت للؤي : هلا .. هاه عندك شغل بعد ولا خلاص ؟ لؤي : لا خلاص بنطلع اللحين فراس طالع نايف : كيفـــك نايف .؟! ان شاء الله امورك تمام ؟ نايف اللي فهم مقصده : نقول ان شاء الله انها تمام .. انت كيفك عسى ارتحت ؟ فراس رفع حواجبه : عسى ارتحت .؟! احد قالك اني مو مرتاح ؟ نايف : واحد قالك ان اموري مو تمام ؟! فراس : وانا قلت انها مو تمام ؟! لؤي : فراس مشينا ... وانت نايف رد على جوالك بالله مو ناقص يكلمني احد ثاني يدورك بعد ظل فراس يطالع نايف لفترة دون تعليق .. ثم مشى بطريقه مع لؤي ... التفت له لؤي : وين حاب نتغدا ؟ فراس دون نفس : اللــي هو . لؤي : تفضل اجل *** اثناء ما إبتسام بغرفتها بعد نقاشها الحاد مع غادة .. كانت تطالع برنيم اللي تلعب وتحبي بالمكان ابتسمت وهي تمسح على بطنــها : الله يسهلها ياحبيبتي بس .. قولي آمين دق جــوالها طالعته بكسل وهي تسحبه .. فتحت عيونها بصدمة " عمي " بلعت ريقها وهي تستوعب , غريبة داق عليها كيف عرف !! ... لا مستحيل يكون عرف من وين .. وقفت وهي ترد : هلا : لا هلا ولا مسهـــلا !! ابتسام : شصاير سلامات ؟ ابو احمد : ماكنتي ناويه تعطينا خبر ان غادة رجعت ابتسام بصدمة : شنــــو ؟ ابو احمد : لا تسوين حالك مب عارفه .. هيثم بنفسه قالي انها رجعت ابتسام انصدمت ماتوقعت يروح هو يقولهم : هيثم ؟! ابو احمد : ايه كلمته اليوم ومن حسن حظي اني كلمته عشان اعرف .. آخخخ بس فوق سواتها تخشون عليها ! عموما انا بالطريق جاي .. وقولي لها الجاي مب بصالحها سكر السمــاعة اما ابتسام ضغطت على الجـوال بقهر .. بس هيثم معه حق بالأخير لازم يعرفون , تنهدت بتعب وهي تمسح على وجهها .. عمانها بالطريق , يالله يستر بس .. رجع جوالها يدق قالت بتمتمه : وانت ماتسكت شوي ! مسكت جوالها وردت : نععم نايف : ههههههههه بشويش علي بسم الله ! مسكت ابتسام راسها : آسفه نايف مانتبهت .. هلا نايف : شفيك ليش مزاجك معكر كذا ؟ ابتسام تنهدت بضيق : عماني عرفوا ان غادة رجعت .. نايف : كيف عرفـــوا .؟! ابتسام بضيق : تخيل هيثم بنفسه قالهم .. نايف : هيثم درا .؟! ايه وايش صار .؟ ابتسام بضيق : مو عارفه نايف .. قال مالي دخل ! صدمني حيل .. وفوق كذا يخبر عماني عنها كأنه يقول اذا مو على يدي على يد غيري نايف : الله يهـــديه.. وكلمتي اختك ؟ ابتسام : كلمتها .. بس مافيه فايدة مثل مايقولو شين وقوي عين فوق انها تنكر غلطها تحطني انا الغلطانة كمان نايف بنبره لها الف معنى : ابتســام ... اقدر اساعدك هالمرة مو ؟! ابتسام : تساعدني بإيش .؟! نايف : بوضعـــك , ماراح ترفضي مساعدتي كالعادة .؟ ابتسمت وهي تستشعر لهفته بصوته : محد حولي هالمرة .. حتى هيثم ساحب نفسه .. فطبعا راح استفيد من مساعدتك ابتسم نايف حتى بانت اسنانه : اجل اعتبري كل مشاكلك محلوله ابتسـام : والله بجد نايف مو عارفة وش ممكن يصير وقت يجي عمي .. شايل بقلبه كثير نايف : ابتسام عمك نظامه واضح .. اشترني تراني رخيص ! يعني شوي فلوس بيعطيكم ورقتكم وفوقها حبة مسك بعد ابتسام : لا نايف مابيك تدفع له .. مابي نوع المساعدة هذي نايف : شف بس ! كأني خويك مو زوجك .. ياعمري فلوسي فلوسك .. وبعدين انتي بنفسك تقدرين تدفعي له ترا راتبك اكثر من راتبي ابتسام : ههههههههههههه يصير خير .. وقت يجي بنتفاهم ان شاء الله نايف بحالمية : ايه اضحكي الله لايحرمني هالضحكة بس .. وردت خدودها وهي تقول : شكرا نايف .. بجد ماراح انسى لك انك حصلت غادة و وقفتك جمبي فجأة جلس قدام نايف بالطاولة عبدالمجيد : شتسوي انت ! تضيحك مع نفسك بالجوال نايف : احاكي المدام شتبي انت ؟! ابتسام : هههههههه يله سكر بروح اشوف رنيم نايف : اوكيه حيــاتي انا ساعه كذا وبكون عندك سكر السمـاعة وهو يقابل نظرات عبدالمجيد المحتده فيه : من متى .؟! حياتي والبسمة شاقه فمك .. نايف : طيب ؟! وش الغريب بالموضوع عبدالمجيد : سلامتك بس يخي ملل قم نشوف لنا شغله نايف : مقدر ماني فاضيلكم اليوم .. شف لك احد ثاني تسكع معه " شرب قهوته بنفس واحد ووقف " بيجيك الحساب ادفع **** ارتشف فنجاله : من وين بتعرف وان لك فترة عايش عزلة عن العالم ؟ لؤي : يخي تجيني حاله تخليني مو بس ابي انعزل وابعد عن الناس .. تخليني اتمنى ابعد عن كل عين تشوفني وكل حس يزعجني فراس : وش هالحاله المزعجة ؟ لؤي بمقصد : معك حق بس الظاهر هالحاله بتظل ملازمة لحد ما أعرف فين هي فراس : للحين تتكلم عن هي .؟! مازهقت يخي .. لؤي بكئابة واضحه : ما عاد الموضوع يتعلق بهي وبس ... " كمل " اكتشفت انها حامل ! تخيل يا فراس ولدي جالس يكبر بعيد عني .. فراس وهو يسحب سيجارته لفمه .. ويتكلم بنبرة هاديه : وانت شعرفك .؟ لؤي : تواصلت مع رفيقتها .. وكذا قالت لي , كانت ناوية تقولي وقت ارجع من الرياض .. بس صار اللي صار فراس : وليش متأكد ان رفيقتها جالسه تقولك الصدق ..؟ لؤي : مالها مصلحة تكذب ... بس اللي تاركني اضرب اخماس بأسداس , اني مو فاهم كيف تختفي بحيث محد يعرف عنها شي نهااااائي فراس تنهد وهو ينفث دخان سيجارته : لاتعور راسك ولا غيره .. شف الموضوع بإيجابية اكثر هي راحت تشوف حياتها .. انت شوف حياتك واكبر بعين اهلك .. وخلاص لؤي اللي كان متمعن بكلامه : فــراس .. انا متاكد انه مو صعب عليك تعرف وينها هذا اذا ماكنت تعرف بالفعل .. ماتبي تساعدني كيفك بس اتمنى من كل قلبي مايكون لك بيد بكل هاللي صاير لان لو يكون لك طرف فيه وقتها انا ... فراس رفع حواجبه : ملاحظ انك تتهمني دايم بامورك اللي انا مالي فيها .. لؤي : وما أذكر اني اتهمتك باطل بيوم .. كل ما اتهمك يكون اتهامي بمحله فراس : لا واضح ... اذا عازمني اليوم عشان تلومني وتحملني حالة يأسك وفر انا رايح اتغدا بالبيت لؤي : لا ارتاح بنتغدى اللحين .. بس تذكر الكاس اللي تذوقه غيرك ماحتموت حتى يذوقك الله منه بيد غيرك .. اذا خير فخير واذا شر فشر فراس ببرود : طمنتني اجل .. معناها راح احتري كاس الخير اللي اذوقك منه طول عمرك تذوقني اياه " سحق راس سيجارته بالإناء قدامه وهو يرميها " عندي موعد مقدر اتاخر عنه اذا بتتغدا عجل اطلب تنهد لؤي وهو يوقف : ثواني وراجع لك بمجرد ما ابتعد لؤي .. تنهد فراس وهو يسحب سيجارته الثالثة من جلس : ليش عنيد كذا يالؤي .؟! لمتى راح تضل متمسك فيها مو عارف *** بــــاريس :- ميهـااف ممـدده رجليها على الكنبة وبحضنها مجلة تقلب فيهاوجوالها بإذنها : ايه ماما وبعدين .؟! عادي أم نايف : لا والله مب عادي .. ابتسام مو عوايدها احس صاير عندهم شي ميهاف تنهدت : روقي اذا صاير شي راح تعرفينه بس جايز يبون خصوصية .. ومو انتي اللي تبي نايف يتزوج ويستقر .؟! ام نايف : انا ماقلت شي .. بس اقل شي يقولون لي وش صاير عندهم ميهاف : اساسا والله ابتسام مدري كيف رضت يكون يزيد عندها ! انا لو مكانها لا اشوفه ولا يشوفني ولا يطب بيتي حتى .. ام نايف : خلينا منهم .. انتي اشوفك 24 ساعة على هالجـــوال .. وينه بدر ماتطلعون ماتروحون ؟! طالعت ميهاف ناحية غرفة النوم المسكرة ومازال نايم : نايم للحين .. قلت ماحزعجه لما يصحى نطلع ام نايف : ماينفع قومي صحيه واطلعوا واستانسوا .. بتخلص سفرتكم بالفندق على كذا ميهاف : اوك مـــاما .. اكلمك بعدين اجل .. سكرت الجــوال وهي تكمل تصفح : حشى لمتى ناوي يضل نايم .. بعد فتــرة انتهت من تصفح مجلتها وقفت وهي تكلم الروم سيرفس وتطلب لها غداء .. اثناء مكالمتها طــلع بدر وفي حالة المكركب من النوم جلس بكسل وهو يطالعها : اطلــبي لي معاك سكر السمـاعة بهاللحظة : اطلب لنفسك . رفع بدر حواجبه : طـالع لك ريش انتــي ! ميهاف وهي ترجع تجلس وتاخذ مجلتها : لا ريش ولا غيره كل السالفة اني كنت استغبي واتفنن بالاستغباء عشان خايفة اخسرك .. لما خسرتك بطلت اخاف وبطلت استغبي بدر : اوف .. لما خسرتيني مره وحـدة ! مصلين علي الجنازة امس وانا مدري ؟ ميهاف : بالنسبة لي ماعدت احس بشي ناحيتك .. ولا يهمني وش بقلبك علي اللي يهمني انك تعاملني بما يرضي الله وتكون لبق معي وولد ناس اللي غيره مايهمني بشي صدقني بدر : الموضوع مو استغباء وولباقة مثل ماتقولين .. الموضوع انك ماعدتي تحبيني زي أول .؟! او ان مشاعرك رخيصة من أول عشان كذا كان سهل تفلين ميهاف بقهر : كلن يعاين الناس بعين طبعــه .. وبعدين ترا عادي تحب انسان وفجأة تبدا تكرهه بسبب تصرفاته الزبالة وياك .. وين المشكلة يعني .؟! بدر : ماراح اتعب نفسي معــاك اللحين .. بنوصل لحظه تعقلي فيها وتعرفي ان اللي جالسه تسويه الحين جنان ميهاف ببرود : متحمسة اشوف نفسي اعقل .. الله يبلغك ويبلغني بس طالعها بدر بنص عين وهو يوقف : انا طـالع .. حابه تجي اهلا وسهلا تبغي تنثبري كيفك تجاهلــته ميهاف وهي مستبعده خطــة انها تطلع معاه اساسا .. باختصار صارت معاد طايقته *** فتحــت ابتسام غرفة غـادة بخفة .... حصلتها متكورة على نفسها ودافنه راسها بين ركبها .. حست ابتسام بضيق كيف بتقولها اللحين ان احمد عرف عن مكـانها : ...... غادة ماكان من غادة إلا التجاهل التام : ........... ابتسام تنهدت : غادة ردي اكلمك غادة : وانا اخترت ما أرد عليك ! سمعت ابتسام صوت الباب ينفتح بهاللحظه .. اكيد نايف طالعت الساعة " 6 مغرب " معد بقى شي عمانها بأي لحظة بيكونوا هنا .. والحـل ياربي .؟ سكرت باب غرفة غادة وطلعت لنايف .. نايف : وش هالكرب كله ابتسام قلت لك خلاص هدي .. ابتسام وهي تضم ذراعها لصدرها : مو عارفه .. حاسه بضيق من كلش , مهما قلت مراح يتم كلش مثل مانبي نايف : وهيثم ماعنده نيه يجي .؟! ترا مهما كان تضل اخته ابتسام : يمكن احسن مايجي .. لأن موقفه مو بصالحنا نايف : استغفر الله ياربي ... والله انا ماخذ وحده عندها اهل متخلفين كويس اللي طلعتك منهم ابتسام ابتسمت دون نفس : مو على اساس انا متخلفه كمان .؟ نايف ابتسم : غيرت رايي " دن .. دن " انضرب قلب ابتسام مع دقت الجرس : يمه هذا اكيد احمد وعمي نايف : روحي كلمي اختك انا رايح اشوف ميــن طلع نايف لبــرا وهو يفتح الباب كان الـواقف أبو أحمـد وأحمد الواضح من لمحتهم الفورآن من الغضب .. سلم عليه أبو احمد برسمية بينما أحمد نطق فورا بحده : ويـــنها ؟! نايف : هد أعصـــابك وبيتصلح كلش . احمد : معاد فيه هد اعصابي .. بسبب انها في بيتك انحاشت لها نص سنه ماندري عنها نايف : ودك تدخل ولا كنه عاجبتك عتبة الباب ؟ أبو احمد : لا بندخل .. تفضل يابوك ابعد نايف بقرف من قدامهم وهو يحس باله طويل اللي صابر على هالأشكال يصيرون نسايبه .. دخل وراهم لداخل حصل صوت بغرفة غادة اكيد ابتسام هناك وقف قدام الباب : ابتســـام .. طلعت له بعد فترة : هاه هم مو ؟ نايف تنهد : ايه هم .. وبالمجلس طالبينها ورنيم التفتت ابتسام تطالع غادة ثم طالعته : خلاص ثواني وبنروح لهم سكرت الباب وهي تقول : مالك مهرب .. اطلعي برا , هذي غلطتك لازم توقفين وتتحملين عواقبها غادة برجاء : طلبتك ابتسام مابي .. بسوي اللي تبين بس تكفين مابي اقابلهم صدقيني بيذبحني والله بيذبحني ابتسام بصرامة : كان فكرتي بهالشي قبل تتركين الكل ولا تلتفتين وعلى بالك الدنيا ماحترجعكم لبعض بالاخير غادة : حرام عليـــك ابتسام .. لهالدرجة ماعدت اسوى خلاص ! ابتسام طلعت لبرا : اخلصي اطلعي .. كبست غادة بعيونها بخوف وقلق وربكة .. التفتت ناحية رنيم ثم رجعت تغطي وجهها بإنهيار : شاسوي .. شاسوي .. مابي اشوفهم مابي .. بـــرا : - طلعت ابتسام لنايف اللي متسند على الجدار .. طالعها باستفسار : بتقابلهم ؟ ابتسام بصرامة : غصب عنــها .. وربي بموت من هالبنت فوق غلطها من رجعت وهي محسستني حنا الغلطانين عليها حضن نايف يدين ابتسام : حياتي انتي اسلوبك معها غلط .. يعني البنات وخصوصا غادة لانها صغيره وقت تعصب لا تجادلينها ولا تاخذي كلامها بجدية خليها تقول اللي تبغى دون تردي عليها لأنها وقت تعصب تصير كانها بزر " ابتسم " والبزران يحتاجون حضن وقت يعصبون مو هواش .. وقتها بتلين معاك تلقائي ابتسام رفعت حواجبها : باللهـــي .؟ وش هالخبره يا استاذ طلعت غادة بهاللحظة .. وهي لافه طرحتها طالعتهم بنظرات نارية ثم مشت بطريقها ..طالع نايف ابتسام : بتتركينها لحالها معاهم ؟ ابتسام : ايه .. اتركهم لحالهم اللحين , وقت يتأزم الوضع راح ادخل هز نايف راسه : عـلى هواك .. " طالع ساعته " ابتسام : عندك موعد شي .؟! تقدر تروح عادي ترا نايف : لا ماعندي شي .. اليوم كله لك لحد ماتخلصين هالمشكلة عـــند غادة :- طالعت برنيم لفترة طــويلة قبل تفتح مقبض الباب .. وقلبها يقبضها وهي تسمع اصواتهم داخل وجملاتهم التهديدية " وينها أنا اوريها !! " .. استمدت قوتها وهي تفتح الباب بيدين مرتجفه وتدخل ..انتبهت للعينين اللي شخصت فيها .. بلعت ريقها وهي تنطق بجرأة تعتبر جزء من شخصيتها حتى بلحظة خوفها العظيمة : هــذا انا قدامك .. وش توريني ؟ بسـرعة البرق .. ماتدري كيف بلحظة صار قدامها ومحاوط عنقها الطـويل بيدينه : كــيف حالك يا **** ؟ اشوفك مسترخية بالنسبة لأنك مقبله على اسوأ لحظه بحياتك غادة ضوقت عيونها بألم من ضغطه على عنقها .. بينا رنيم كانت تبعد يدينه بهلع في لحظة خطفت رنيم من يدها كأن ابو احمد اللي يطالعها باكبر نظرات احتقار .. وهو يفتح الباب ويترك رنيم برا : ماله داعي بنتنا تشوف هالمــنظر فتحت غادة عيـونها بخوف وهي تشـوف يد أحمد تنمد عليها وتصفعها حتى ضرب ظهرها بالباب وراها .. عضت على شفتها ودمعتها تنزل .. صرخت فيه بقهر : كان مفروض تطلقني .. لو طلقتني طبيعي ماكان كل هذا صار !! سحب شعرها وهو يصرخ فيها : بعيــــد عن عيونك .. بعيد عن عيونك يافاجرة .. الطلاق للشريفات مو لك .. ماتتطلقين تجلسين تلعبين بذيلك .. بتجلسي زي الحمارة معلقة عندي .. وابشرك حياتي مو واقفة عليك تزوجت وحده غيـــرك مع ذلك بترجعين وانتي كلبة غادة وهي تمسح يده تقاوم سحبه لشعرها : شششعري .. أبو احمد بقسوة : انشهد ان اخوي ربى له بنت ! تربية شوارع ... مدري وش اخذنا منك غير العنا والقرف !! غادة بقهر : اخذتو عقلي وقت خطبــتوني .. عقبها جسمي لما تزوجت النحس ولدكم عقبها وقتي في اكلكم وراحتكم كلكم عقبـها صحتي وانتوا ترمون علي اهاناتكم من كل مكان .. وتقول وش اخذنا منك ؟! " صرخت بقهر " اخذتوا عمري الله ياخذ عمركم .. ضاعت حياتي معكم صرخ ابو احمد فيها بقهر : قص يقص لسانك وتردين .. احمد كمل عليها الموت حلال فيك انتي بالخــارج :- ركضت ابتسام تشيل رنيم مجرد مارموها برا ... وترجع تدخل بها .. اما نايف كان مقطب حواجبه بضيق من الأصوات اللا إنسانية والكلام القاسي اللي جالس يسمعه .. طالع ابتسام اللي كان جالسة ورنيم بحضنها ضامتها وتعابيرها جامده : ابتسام ! ابتسام رفعت عيونها له : ................... نايف : ادخلي وقفيهم ولا رحت انــا .. مو معقولة كل هذا ! ابتسام سكتت وهي تطالع رنيم ... سكت نايف لوهلة ينتظر ردة .. لكن بمجرد ما أنطلقت صرخة مدوية من غادة هز راسه وهو يصلب طوله : انا مقدر اتحمل رايح اوقفهم ! ابتسام : ناييف اتركهم مايحق .. قاطعها نايف بعصبية : وش مايحق لي ! يحق لي ونص .. بيتي واخت زوجتي .. وفوق كل هذا ضد إنسانيتي .. شوي ويذبحونها ! رجعيه هي وانطلق لداخل الغرفة مباشرة ودون مقدمات .. المشهد كان ابشع ماراح يشوف بحياته ابو احمد جالس يراقب بينما احمد منطلق ضرب تعذيبي .. سكتوا وهم يطالعونه وغادة حالته رثــه ... نطق بصبر وهدوء : يكــفي .. غادة برا احمد : مو بكيفك ! ماراح تطلع الا للشارع معي نايف طالع ناحيته بحــده .. وتقدم بخطوات هاديه واثقة وهو يسحبه من قدامها حتى تفلت يدينه شعرها ويطالع ناحية غادة بحده : اطلعي برا بهاللحظة وقفت بســرعة وهي تطلع ومو مصدقة انها انقذت .. احمد بقهر : مالك علاقة انت ! نايف افلت يده بقرف : إذا مبادئك تسمح لك تمد يدك على حرمه .. انا مبادئي ترفض تماما اشوف هالشي واسكت , واذا انت ببيتي احترم نفسك لو سمحت يكفي اني سامح لك تدخل جلس نايف على الكنبة بأناقة : ارتاح اجلس .. نقدر نتناقش مستقبل هالموضوع جلس احمد بقهر : مافيها نقاش .. قوم قولها تجهز هي وبنتي بنطلع نايف باشمئزاز : بنتــك !؟ بنتك اللي وقت ماشفتها ما اهتميت حتى تطالعها هاجمت امها مباشرة ورميتها برا .. عموما ماراح اناقشك بانسانيتك لأنه واضح انك متخلي منـها .." طالع ابو احمد " البنت طلبت الطلاق قبل نص سـنة وللحين طالبته .. " كمل ببرود " وتبي المختصر البسيط .؟! طلقوها بالطيب قبل تطلقوها بالغصب احمد : تحلم تطلقـها انا .. قاطعه نايف : ماكمـــلت كلامي !! " طالع احمد " تلاحظ اني وانا اتكلم اطالع ابوك ما اطالعك مالي كلام مع البزارين فخلك ساكت .. تو بيتكلم احمد قاطعه ابو احمد : احمد اسكت شوي ... " تنهد " كمل يا ابو يزيد اناشهد ان الكرامة لك مو لها نايف باسترخاء : أيـوه كذا نقدر نتفاهم .. اللي سمعته ان ولدك خريج سجون , انا راح اوفر له وظيفة محترمة براتب موظف 10 سنين بشركتـنا .. ومجموعتنا خريجين جامعات مايدخلوها بالساهل فأتوقع العرض اكثر من كفاية " كمل بتشديد " ويكـــون بعلمك انا اقدر اطلقها منك غصب عنك ودون اعطيك فلس .. بس انا اقول تجي بالساهل احسن احمد بهياط : ماتهمني فلوسك ولا وظيفتك انا ابي مرتي وبنتي .. ابو احمد بعصبية : احــــــمد اسكت !!! " طالع نايف " وانا موافق .. اذا الوظيفة بتتوفر لنا وبنتأكد منها ورقة طلاقها بتوصلها مباشرة وفوقها حبة مسك ... انا قايل من أول ان خاطرك غير يا أبو يزيد وانت تامر امر " كمل بنبرة متملقة " الله يلعن الشيطان وينها ابتســـام نشوفها نسلم عليها ؟ نايف : دام اتفقنا أجــل تفضلوا .. ووظيفتك بتكون جاهزة هالاسبوع , وبالنسبة لإبتسام لاتجيب طاريها على لسانك يكون احسن .. سكت أبو احمد وهو ينصاع ويوقف يستاذن يطلع .. دام ربح من ولد الشمري صفقة هالشغل خلاص مايحتاج شي اكثر دخـل نايف لداخل بعد ماوصلهم للبـــاب .. طالع ابتسام اللي كانت بنفس مكانها : شخبار اختك .؟! ابتسام بهم : دخلت لغرفتها مباشرة بعد ماسحبت رنيم من يدي .. نايف جلس جمبها : تصالحي مع اختك ابتســام .. خصوصا انها بتضل عندنا طول العمر ماينفع تجلسوا كذا ابتسام عقدت حواجبها : ليش شصار مع عمي واحمد .؟! طولت معاهم نايف : مو قايل لك اني بحل لك المشكلة .. خلاص وافق ورقة طلاقها بتوصل هالأسبوع ابتسام بدهشة : بجد .؟! ... بس كيف مو كأنه انحلت بسهولة .. نايف : كلش بسيط اللي ماتفهمي فيه لا تتفلسفي فيه وتستقوي وانا اللي بحل كلش .. أتركيه للخبره يحلها , كل اللي ابيه منك تسندي كتفك علي اتركيني اشيل همك مثل ماتشيلي همي ابتسـام وهو كابر بعينها : بجد مشكــور نايف .. الله لايخليني يارب *** : هيـــــثم .... هيثـم !! دكتور !! دااك .." رفعت نبرتها " دكتور هيثم ! كبس وهو يصحى من شروده وينتبه للممرضه قدامه : ايوه ! الممرضة بإستنكار : are you fine doctor ? هيثم بنرفزة : ايش بغيتي ؟ مراد التفت له : هد اعصابك شوي ... شفيك انت اليوم مو على بعضك نهائي " كمل بمزح " لايكون عشانها ماجت اليوم دق جوال هيثــم .. طالع المتصل ورد مباشرة : خير ؟ ابو احمد : خير بوجهك ! رد زين لاجيت ترد على عمك هيثم : من الآخر وش داق تبي ! ابو احمد : حبيت ابشرك واقولك ورقة اختك بتوصلها الاسبوع الجاي .. اكيد وصلك خبر هيثم رفع حواجبه وهو مستغرب هالانصياع .. لكن لما تذكر من يكون زوج اخته استوعب قال بهدوء : طيب .؟ والمطلوب مني ؟ ابو احمد : لا بس قلت لازم يعرف .. سكر السماعة دون مقدمات وهو يحس بغبـــنة .. كلش تسهل لها و بتطلق ! ماراح تاخذ حتى نص جزاها ؟! ولا كانها انحاشت ولا شي ... تافف بقرف : بلعنه فيها انا وش موجع راسي ! *** طـلع فراس من مكتب أبو نايف وهو يمشي بطريقة انتبه لمكتب لؤي يشتغل .. استغرب للحين هنا طق الباب بخفة وفتح الباب كان جالس قدام شاشة الحـاسب ومسترخي : انت للحين هنا ؟! لؤي وهو يعدل جلسته : ايه فيه شغــله ضروري اخلصها .. وعقبها بطلع جلس فراس وهو يطالع المكتب النظيف : مايوحي بمكتبك ان عندك شغل .. جايزة لك جلسة المكتب اجل ؟ لؤي بملل : نوعـا ما .. سمعت انك مسافر ؟ فراس : أيـه بعد يومين ان شاء الله لؤي : لويـن ؟! فراس : الكـويت أبي انقل الإدارة للرياض .. لؤي : كيف يعني .؟ بتستقر هنا ؟ فراس : أيــه .. معاد له لازم ابعد واترك اهلي وهم مالهم غيري , خصوصا عقب زواج بدر لؤي وهو يتذكر ام فراس وكلامها له اخر مره : معـك حق .. خلك قريب من امك المسكينة مالها غيرك فراس طالع السـاعة : يله كنت طالع من عمي مخلص كم شغله واللحين ماشي لؤي : انتبه لنفسـك .. بكرة مرني هنا نقدر نطلع نشوف لنا شغله شي فراس : يصيــر خير اذا صحيت بعـد ماطلع فراس .. تنهد لؤي وهو يطـالع صفحة سارا , تو يدخـلها اليوم على أمل دليل لها .. لكن ماحصل غير كتابات لها صـدمته وتركته في عجز فوق عجـزه : نامت المدينة .. إلا فتاة تبحث عن رجل وعدها أن لايغيب .. وغاب !! المرعب في دعوة المظلوم .. . أن الله وعدها بالنصر .. ولو بعد حين ! لاتظلموا مهما كانت أسبابكم فلا شي يزيل النعم ويغير الحال من حال إلى حال كدعوة المظلوم .. من أبكى أنثى ظلما أبكاه الله قهـرا .. مسك راســه بقهر .. اذا البكاء قهر بيرضيك .؟! فانا بكيت حتى انتهيت وجفت دمـوعي , لا تتركيني اظلمك اكثر وارجعي .. *** اسمــاء : - : الســـاعة 10 حلو لسى بدري ! لفت طرحتــها وهي تثبت النظارات على وجهها الطفــولي .. وتبتسم لنفسها بعد ما انتهت من اناقتها ونزلت بخطـوات متسارعه جاها صوت امها : على وييييين بعد ؟! اسماء باستعجال : ما حتأخر مامي .. مشوار قصير وراجعه لما جت تفتح البــاب انفتح مسبقها وفراس يدخــل .. طالعها من فوق لتحت : خير ؟ اسماء : خيـر بوجهك .. عندي شغل بروح له وبجي تكتف فراس : باللهي ؟ شغل .؟ وش هالشغل ! اسماء بزعل : يوووه فراس السواق ينتظر برا .. بتحقق اللحين بعدين لارجعت ! فراس طالع ساعته : انا مو قـايل للسواق بعد 10 مافيه مشاوير ! الظاهر بتنبسطين اكثر وقت اطرده مو ؟! اسماء برجاء : بس هالمـــرة وش هالسخافة ! فراس ابعد من قدام الباب خطـوتين حتى وقف على جمب : هذا الباب قدامك .. تقولين فيني خير يله اطلعي اسماء بربكة وهي تنقل بصرها بينه وبين البـــاب .. بعد ياس ضربت برجلها بقهر : فراااااااااااااااس طلعت ام فراس من الصالة : هذا انت جيت .؟! فراس وهو مازال ثاقب نظره في اسماء : ايه جيـت .. ام فراس : والله اني خابره انك جيت من طلع صوت اسماء .. " طالعت اسماء " هاه وش عندك تصايحين يالجه انتي ؟! اسماء بشكوى : فراس يقول لاتروحين .. وانا مواعده البنت ابي اروح ام فراس : المـواعيد تتكنسل مب مشكله فرصة ثانية .. وبعدين كل يوم تروحين لها ماشبعتي ؟ فراس وهو يطالعها من فوق لتحت : وش هالعبـــاية ؟! اسماء وهي تطالع عبايتها : عبايتي الجديـدة عادي .. فراس : الجديدة .؟! ابشرك انك ضيعتي فلوسك على الفاضي اسماء شهقت : غاااااااااالية ! ام فراس : اسماء وش هالصداع عبايتك القديمة ازين .. وش هالملونة هذي فراس : لا يمه جزاك الله خير .. تو تنتبهين لها ؟! وينك عنها يم شرتها ام فراس : والله تو اشوفهــا وش يدريني عنها .. اسماء بقهر : خلاص بغيرها وبروح ! فراس بحـده : مافيـــه طلعه .. والسواق حسابه عندي اللي مشغل سيارته عقب 10 , وانتي لزوم القى لك صرفه مع هبال الطلعات كل يوم .. اسماء بقهر : بس هالمـرة طيب فراس : والله لو احكي على حمار كان فقه ! قلت لك مافيه اسماء بغميصة : طيب لاتصارخ .. " ومشت بطريقها لفوق وهي بتكسر الدرج بطريقها " كلش لا لا لا فراس : وانتي يمه تشوفينها طالعه وعـادي ؟! ام فراس : والله هالبنت مقدر على لسانها .. عناديه بتسوي اللي براسها فراس : انتي امها كيف ماقدرتي عليها ..؟ كسري راسها غصب ام فراس : الله يعين على هالبنت .. بس يله دام جلست حمدالله والله يعين على زعلها , انت يمه تعشيت ولا ؟! فراس : لا ماتعشيت ..جهزوا العشاء على ما اصعد ابدل .. " وقف قبل يصعد " يمه ماكلمك بدر !؟ ماقالك متى بيرجع ؟ ام فراس : لا والله مــقال .. بس توهم اكيد مطول فراس عقد حواجبه : كيف بيطول ؟ رمضـان على الأبواب .. بيصوم هناك اجل ام فراس : والله مدري عنــهم .. بكلمة وبشوف وش عنده *** : ســـارا .. سـارا .. لايوجد رد .. جاكسون المقابل لجدته بالجلوس على المائدة : لا أتوقع ان تحصلي على رد منها .. الجـدة : لكن الدكتورة اليوم اصرت على أن صحتها ليست على مايرام .. جاكسون : ربما اذا غادرت سترتاح اكثرر .! الجدة : هذا هراء .. سأذهب لاحادثها اتكأت على الطاولة حتى تقف .. وهي تمشي بصعوبة لتصعد للدور العلوي فور وصولها لغرفة حفيدتها طرقت الباب دون رد .. فتحت الباب وهنا وجدتها مستلقيه نص استلقائه على سريرها وبأذنها سماعات .. فور رؤيتها لجدتها نزعتها وهي تعتدل بجلوسها : جــدتي .. لماذا صعدتي كنتي اندهي علي وسآتي بالفور .. الجدة وهي تجلس على طرف سريرها : ندهـت .. ندهت كثيرا لكنكي لم تستجيني سارا بذنب : آسفـــة لم انتبه .. الجدة : لما لاتتناولي معنا العشاء اليوم ؟ سارا : لا أشتهي شيئـا .. الجدة بحزن : قولي بربك هل يستحق رجل في العالم ان تفسدي حياتك لأجله ! ايستحق رجل كل هذا ! ايستحق شي ما في هذا العالم ان تفسدي اعواما من التعب في بناء مستقبلك .. أنظري الى نفسك , على شاهدت وجهك في المرآة ؟! هل شاهدت هذا الشحوب والهالات السوداء أسفل عينيك ؟! افيقي ... افيقي قبل فوات الأوان سارا والعبره تحتضن صوتها : لو كنتي عرفتيه ياصوفي .. لعلمتي انه يستحق , لم اجمح في حياتي لرجل فارغ , هو ليس أبي صدقيني .. لكني مازلت اجهل كيفية حدوث كل هذا .. كان يمتص شحناتي السلبية ويتحمل فضفضتي وعنادي وصوتي المرتفع .. لهذا اشعر بفراغ مخيف في غيابه .. الجـدة : لن اناقشك هويــته الآن .. كل ما اريده منك ان تشاركينا وجبة العشاء اليوم الم تسمعي ماقالته الدكتورة اليوم .؟ وايضا لقد صنعت اليوم وصفتي الشهيرة للبط المشوي لاتريدين تفويت ذلك ؟ ابتسمت سارا : حسنـا اسبقيني سآتيك فورا .. الجدة : بوركت ياحبيبتي .. لا تتأخري فلن اباشر حتى تكوني بجانبي *** صبــــاح يوم جديد – شركة أبو نايف : - دخل نايف مكتب أبــوه : صبـاح النور يبه ابو نايف : صباح الخيـر .. الله يجعله خير وش هالزيارة ؟ تنهد نايف وهو يسترخي بجسمه على الكرسي : ابـي منك طلب .. ابو نايف : وش هالطلب ؟ نايف وهو يشبك يدينه ببعض : اولا انا عارف ان امي هالفترة مو مرتاحة وتحسب صاير شي .. وايه صاير شي وعاجلا او اجلا هالشي بينتشر .. فانا باقولك من الحين ابو نايف بقلق : سلامات شصاير ؟ نايف : تعرف اخت ابتسـام .. اللي انحاشت ؟ ابو نايف : ايه ؟! نايف : رجعت .. وهي عندي اللحين ابو نايف وكأن طاريها ما اعجبه : وانا وش عـلاقتي بهالموضوع ؟! انا اقول كافيك الكلام اللي جاك لما انحاشت رجعها لزوجها وافتك من فضيحتها نايف : لا يبــه كلامي انا غير .. ابتسام تبينها تتطلق لأن الرجال مو سنع , وانا اقنعته يطلقها بس مقابل وظيفه بشركتك انا اقول ارم عليه أي مكان هنا بالشركة ولا راح يضرك شي ابو نايف رفع عينه بحده لنايف : نعععم !!! خريج سجـــون يتوظف عندي بمؤسستي .. وعشان وش تتطلق وحده مالي دخل فيها .؟! وانت وش حاشرك بالسالفة اصلن تقنعه ولا غيره .. نايف : هذي اخت زوجتي .. ويتيمة وانا مستحيل اشوف وضعها متأزم كذا وما اساعدها وانا اقدر ابو نايف : لا ماشاء الله عليك راعي خير .. معناها قواك الله ساعدها انت انا مايتوظف بشركتي نايف : يبه ماحينقصك شي كلها وظيفه ترا ! ماراح تعطيه عيونك ولا قطعه من لحمك انطرق البـاب بهاللحظة ... ابو نايف : مين ؟! لؤي : هذا انا يبــه لؤي وفراس معاي ابو نايف : تفضــلو " لما دخلوا طالع نايف " نايف انا عندي شغل مع ولد عمك وهالموضوع انساه لي .. ولا اسمع انك متدخل فيهم مره ثانية ياويلك ! يكفي اختها والكلام اللي بيوصلنا من وراها استغرب فراس ولؤي المــوضوع .. اما فراس بدا يحلل ان الموضوع يتعلق فيها جلسوا بصمت : .................... اما نايف نطق بعصبية : يعني ماراح ترحم ولا راح تترك رحمة ربي تنزل !! واذا متفشل من الكلام اللي بيوصلك من اختها فانا اسف بس تراهي اختيارك .. واللحين ما اسمح لك تتنمر علي ولا عليها .. واذا ماحصلتها منك بحصلها من غيرك ابو نايف نطق بعصبية وهو يضرب على الطاولة : نـــــــااااايــــــــــــف !!!! نايف بقرف وهو يوقف : اعتبرني ماجيتك اصلن غلطان يوم احسب اني بحصل من بخيل مثلك شي .. اشبع بحلالك وانا مالي شغل هنا تبي تجمد بطاقاتي من اللحين لاتقصر وسكر الباب باقوى ماعنده .. هز ابو نايف راسه اما لؤي نطق باستغراب : شصاير يبه شفيه نايف ؟ ابو نايف بعصبية : اخت زوجته المنحاشه رجعت !! ويبي يطلقها على حسابي وتسكن عنده .. حنا وش ذنبنا فيها ! يتولونها اهلها لؤي : كيف يطلقها على حســابك ؟ ابو نايف :زوجها مارضى يطلقها الا بوظيفه عندي .. وانا يخسى هو واشكاله اوظفهم في الشركة اللي فنيت عمري فيها .. لا وفوق كل هذا وقاحه انا ماصدقت يتزوج ويستقر بوظيفته انقلب كلش ضده العرس والوظيفة فراس كان يراقب بصمــت وكلامها يتردد براسه (( فراس : ما اشتقتي لأهـــلك .؟ اللحين بعد ما عرفت من انتي .. دورو عليك كثير على فكرة غادة بصوت حزين : مو أهــلي .؟ كيف ما اشتاق لهم فراس بهدوء : اجل ليش ماترجعي لهم ؟ غادة : مقدر .. حياتي مو عندهم .. اختي متزوجة وجودي عندها مجرد عبء عليها , اخوي مشغول ووظيفته صعبه ... " كملت بصعوبة " زوجي سكير ومجرم ماراح يكون مناسب اربي بنتي عنده .. )) .. نطق : نقدر نأجل شغلنا وقت ثاني .. اذا مشغول ابو نايف : لا لا .. تفضل مافيه شي يحمل فراس : اتركها وقت ثـاني .. طرا علي شي لازم اخلصه ابو نايف : بكــرة اكيد اجل ؟ فراس : ان شاء الله وقف فـراس وهو يطلع من المكــتب .. ويتوجه مباشرة لقسم نايف طرق باب مكتبه جاه صوته المنزعج : ممممن !! فتح فـراس الباب ونطق برزانه : سمعــت من ابوك بس مو فاهم .. الرجال طالب وظيفه مقابل ورقة الطـلاق ؟ نايف : وانت ايش يهمك ؟! على اساس مالك دخل فراس : حسن اسلوبك قبل اسحب نفسي .. اتوقع مافيه فرق بين شركتي وشركة عمي .؟! ضوق نايف عيونه وهو يستوعب : يعــني راح توظفه .؟ فراس : ليش لا .؟! الخير واجد .. و وظيفة وحده مابتأثر فيني نايف بعد تحديق طويل : اموت واعرف وش صار بينكم ؟! فراس : لا تفـكر كثير .. اللي اعرفه ان زوجها مجرم وعندها بنت صغيره يحق لها تكبر ببيئة سليمة , واذا ناوي تعقد السالفة انا اسف مو ضروري يتوظف عندي ومالي علاقة .. نايف : لا لا !! ما صدقت القاها ولا كان رفض يطلقها .. دام كذا مشكورماقصرت انسحب فراس من المــكتب وهو يهمس لنفسه : اتوقع بعد كذا معد تقدر تلومني على كذبتي عليها .؟! *** غـــادة : - صــحت بدري من النوم وهي تطالع نفسها بالمراية .. من قابلت احمد امس دخلت ونامت مباشرة وحتى اذا فتحت عيونها ماتقوم من سريرها .. طالعت نفسها برثاء القميص اللي تبدله بقميصين ثانيه هالشهر .. وشعرها منتكش اثر معركة امس غير الجروح الكثيرة بجسمها .. طالعت ناحيــة دولابها ابتسام ماغيرت فيه شي من راحت للحين .. توجهت للحمــام ومعها علبة الصيدلية وهي تاخذ شاور يريح جسمــها .. وتضمد جروحـها الكثيرة بكل مكان وتحس جسمها تبلد ناحية الضرب .. تبلد كثير طلعت وهي تفتح الـدولاب وعيونها تمسح على افخم الماركات عندهـا كانت مهووسة فترة اقامتها عند ابتسـام تجاهلتها وهي تحاول ماتندم على شي قد ماتقدر .. وتدور حاجة مريحة تلبسها تقضي فيها هالكم يـوم لحد مايكتب مصيرها مسحت بيدها على شعرها المبــلول .. طوله مبالغ فيه وصل لتحت خصرها لكن مالها خلقه رفعته على فوق وهي تنتبه لجـوالها بالكومدينة .. ماشافته لها نص سنة كان طافي رجعته لمكانه متجاهلته .. ماراح تحصل شي يسعدها فيه بكل حال .. جلست جمب سرير رنيم وهي تهزها بهدوء .. لو كان بس صادق معـها .. لو بس كان اللي وعدها فيه حقيقة كان اللحين هي وبنتها باحسن مكان واحسن عيشة .. بعيد عن كل هذا .. القسـوة اللي حست بها بآخر دقيقة معاه مراح تنساها .. من جـدك غادة تفكري بهذا اللحين؟ فكري باللي جايك بالطريق اللحين .. سندت راسها بيأس على طرف سرير رنيم وهي تستشعر العكسيات بحياتها ... وقفت وهي تطـلع من غرفتها .. ماحصلت احد بالدور السفلي , ندهت : ابتســام .. مافيه رد .. صعدت للدور العلوي وهي تنادي : ابتســــام .. جاها الرد من غرفتها : أيـــوه ؟! استني عندك ببدل وجايه هزت راسها وهي تجلس بمكــانها تنتظرها .. اما ابتسام كانت بغرفتها وهي تطالع بطنـها , للحين مافيه أي وضوح مجرد قلبة كبـد ومنقرفة من كلش وفوق كل هذا الفوضى بحياتها العائلية ماخذه حقهـا منها .. بس لمتى بالاخير بيوضح لازم تقول لنايف باقرب فرصــة .. حتى اذا وضح لها انه مو مستعد حاليا .. لبست على السريع وطلـعت مباشرة , تفائلت لما شافتها مبدله ملابسها وشكلها مرتب : صبــاح الخير غادة بضيق : ماكان أبي ازعجك .. بس ابي اعرف ايش صار امس ؟! جلست ابتسام جمبها .. وقالت بهدوء : راح اقــولك بس قبل شي ابي اتكلم معك .. غـادة انتي عارفة انك مسويه غلطة كبيرة مو ؟ غادة هزت راسها بإقتناع : أيــه .. ابتسام : انتي غلطتي بحق نفسك وبحقنا وبحق بنتك وبحق الـكل .. واذا انتي نادمة هذا اهم شي , غادة انتي عارفة انك اغلى ماعندي انتي اختي وبنتي ومابي أحس بينا حاجز عشان كذا جالسة اعاملك بهالطريقة .. غادة : ابتسـام ماله داعي كل هالمقدمات .. قولي لي شصار .؟! اجهز نفسي ارجع لجدة ..؟ ابتسام : انا قلت لك اني كنت ناوية اطلقك لو ما انحشتي .. وهذا اللي بيصير .. غادة بيأس : ماراح يوافق .. اعرفه مستحيل يتركني بحالي ابتسام : لا أبشرك .. تكلم معه نايف ووافق يطلقك وبيطلقك هالأسبوع , " ابتسمت " يعني راح تضلي عندي على طول وهذا كل اللي احتاجه غادة رفعت راسها بدهشه وتعب : بجـــد ؟ ابتسام : ايه .. خلينا ننسى ان كل هذا صار ونعيش حياتنا , خلاص بتخلصي منه غادة بعدم تصديق : جـد جد ابتسام ؟! وافق .. ابتسام : ايه امزح معـاكي انا ؟ غادة : كيف وافق ..؟ حالف هو مايتركني بحالي ابتسام : مالك بكل هذا .. المهم انك بترتاحي منه وتعيشي حياتك .. دق جـوال ابتسام .. طالعت غادة : لحظه شوي " ردت " هلا والله نـايف : هـلا فيـك .. مابي اشغلك بس ابي رقم احمد او عمك ماعندي ولا واحد فيهم ومحتاج اتواصل معهم ابتسام : عشان إيش ؟ نايف : عشان اتفاهم معاه على موعد المحكمة وكم شغله ثانية .. ابتسام بانحراج : خلاص اوك .. معليش بجد نايف عارفه اني جالسة اعذبك معاي بهالشغلات نايف : يالله يا ابتسام كم مرة قلت لك تبطلي هالإسطوانة .. صدقيني ماعذبت نفسي ولا شي , لو معذبها اجل وش بتسوي .؟ ابتسام : بس بجد احس تعب عليك تروح للمحكمة معاهم لحالك .. بكـلم هيثم يروح معاك مو حلوه كذا نايف : اساسا لازم توقيع ولي أمر .. يعني ملزوم يحضر مو بإيده .. ابتسام : معناها بكلمه اجل .. نايف : قولي له الموعد الليلة .. يعني لا يتأخر ابتسام بدهشه : يمه بدري كذا ! ع بالي بعد فترة نايف بثقة : انا نايف الشمري ما تتأخر قضيتي .. فورا يدخلونها ابتسام : ياعيني .. ههههه يله اجل اعجله قبل يصير مشغول وتروح علي نايف : اوك قلبي باي سكـرت السماعة وجتها نبرة غادة اللي تراقب بحرص : ايش محكـــمته ؟ ابتسام : الليلة بتطلع ورقة طلاقك.. غادة وشعور غريب اتنباها " ورقة طلاقك .. بتصير مطلقة بجد " : اهــا .. ابتسام وهي توقف : روحي شوفي رنيم اسمع صوتها اكيد صحت .. وانا شوي وجايتك هزت راسها بهدوء وهـي تنزل .. اما ابتسام فتحت جوالها وهي تدق على هيثم جاها الرد بعد فترة : أيـه ؟ ابتسام : سـلام عليكم .. كيفك هيثم ؟ هيثم : ماعلي . ابتسام وهي مستشعره الضيقه واضحه بصوته .. كيف لا قالت له الخبر اللحين : ماقصدي ازعجك او شي .. بس الليلة بيطلق احمد غادة , ونايف مرتب معاهم بس برضوا محتاجين ولي امر .. يعني ؟ هيثم بنبره بارده : يعني احمد بيرتاح وانا ببتلي بترجع تحت مسؤوليتي ! ابتسام : حرام عليك هيثم وش هالحكي ..؟ هي غلطانة صح بس اسلوبك هذا ماينفع هيثم : وفري وعظك .. وأمري لله بروح ! شي ثاني ؟ ابتسام : للحين مصر ماتقابلها ..؟ رمضان بالطريق مو زين تضلون كذا صفوا نفوسكم هيثم ببرود : دام مافيه شي اجل مع السلامة وسكر السمــاعة .. طالعت ابتسام بالسماعة وهي تتنهد بضيق , هيثم بشكل عام صعب التعامل معه كيف بلحظات غضبه ..؟ *** بيــت أبو فراس .. وقت الظهيرة :- اسمـاء ضــربت الكورة بكل قوتها : قـــــــــــــول !! انس اللي رابط ثوبه على خصره .. صرخ بقهر : وين قول ؟! رميتي الكورة عند الجيران وش بيرجعها اللحين ! اسماء : لا تصارخ علي يالبزر لأجيك اللحين .. الأمور تحت السيطرة بجيب لك الكورة اللحين مشت حتى وقفت قدام الجدار مباشرة : حمييييييييدان ! باسسل ! قمممراااء !! " طالعت انس " وش اسم خدامتهم ؟! طلعت ام فراس من البيت وهي تهاوش : من تصارخين انتي عليه من ؟! اسماء بوقفتها العربجية جمب انس : الجيران كورتنا طاحت عندهم ام فراس بعصبية : اقول ادخلي انتي وياه داخل ... الوقت ظهر والناس راقدين وانتو الله يفشل العدو بس !! انس : والله انا قلت لها عيب نلعب وقت الظهر بس هي اسماء : اسمعوني انا فيني حـــرة خلوني ابردها بالحوش في الكورة والجيران .. احسن ما ادخل وابردها فيكم ام فراس : وعلامك محترة وش جاك يالمدلعة ؟! اسماء بقهر : وش مـــاجاني ..؟! جاني القهر والذل والحره .. والله بجد يمه هذا فراس كلميه لايعاملني بهالطريقة وش هذا بزر انا ..؟ ام فراس : مزدي مير .. عسى فيك قايله لك لاتطلعين وماتسمعين كلامي اسماء : لي الله قلب راسك علي مالي احد خلاص ! ام فراس : وبعدين البنت وقت تنقهر تحط حرتها بالطبخ .. بالمكياج بالكتب بشي !! انتي تحطينها بكورة اسماء : يمه انتي تعرفيني وقت اعصب انوثتي تقولي يلا اشوفك بعدين .. تتخلى عني نهائي ام فراس بقلة صبر : اسمعي عاد يا اسوم ان ما دخلتي اللحين قفلت الباب واجلسي بالشمس خل تصهرك اسماء وهي تمشي معصبة لداخل : زين زين داخله ام فراس : وبعدين انتي خلي مشاويرك بدري عشان ما تتمشكلين وتوجعين راس اللي حولك اسماء بتفكير : صادقة .. اجل اليوم خلاص بروح من مغرب على طول ! عشان مايجي علي حجه ويسكت فراس ام فراس : ايه ازيـــن فكي عمرك وفكينا اسماء وهي تسترخي على الكنبة وتسحب الريموت من ياسمين : يله انتي طيري ابي التلفزيون ياسمين بدلعها العفوي : ماااابي انا جلست عليه قبلكي اسماء : اقول اذلفي من وجهي ان شاء الله جالسة عليه من السنه اللي فاتت بتقومين يعني بتقومين ! ياسمين والدموع شقت طريقها : اسسسماااء ياسخيفة .. حست ام فراس بالفرج وهي تسمع الباب ينفتح وهي تهمس لهم : احسن جا فراس خلكم كذا اسماء بهمس منقهر : بكت بكت الدلـــوعة ! اللي بيشوفك بيقول ذابحينك دخل فراس وهو يجلس : السلام عليكم ... : وعليكم السلام طالع ناحية ياسمين اللي تحبس عبراتها وسط نظرات اسماء التهديديه : وانا ما أدخل الا اشوفك تبكين ! خير ان شاء الله ؟ ياسمين اطلقت دموعها : اسماء اخذت الريموت مني .. فراس : روحي لتلفزيون الصالة الثانية ولا روحي تلفزيون غرفتك ! تصرفي مو تبكين .. ياسمين بقهر ان ماوقف بصفها صعدت مباشرة ... ابتسمت اسماء بفخر اللي وقف معها , التفت فراس وملامح وجهه انقلبت للتقزز : وش هالريـــحة .؟! " استقرت التفاته ناحية اسماء " الله يحوم كبدك وش هالريحه قومي تروشي اسماء بانحراج : اناا .؟!!!! فراس : ايه انتي وش ذاه قلبتي كبودنا .. لا ومتربعه بعد قومي ام فراس : هذا جزا اللي يجلس بالشمس الظهر كله عسى فيك فراس : وانت انس ماعليك قصور قم بعد انت خيستونا اسماء : ما اشم شي مهولين فراس : معناها قومي اجلسي بمكان ثاني لحالك !! ام فراس : اسماء قومي والله ريحتك ريحة شمس اسماء تاففت : قايمه قايمه .. صعـــدت اسماء وهي تنوي تستعد اصلن وتتروش عشان تطــلع بدري اليوم وتغنم فرصتها *** الســاعة 5 عصر .. بعد انتهاء جلست المحكمة هيثم ونايف بالسيارة :- نايف : حمدالله اللي خلصتـــوا منه . هيثم كان يطـالع الطريق بصمت دون تعليق : ....................... نايف : وين حـاب انزلك .؟ ولا اقول تروح معاي البيت تشوف خواتك ؟ هيثم : المستشفى ! نايف : ايه بس انت للحين ماقابلت اختك .. وابتسام مضايقها الموضوع مره هذي اختك هيثم اذا بقلبك عتب لها رح واجهها , لاتجلس نفسك شايله عليها كذا .. هيثم : خل نكون واقعيين , اوك ؟! هي عارفه الشي اللي يضايقني وتعرف الشي اللي بيطرحها من عيني للأبد ورايحه تسويه .. مافيه داعي للعتب . نايف : هي غلطت ما اختلفنا .. بس وضعكم مايمشي ! تعال معي البيت اللحين وماراح يصير الا كل خير هيثم : انتي اللي حصلتها ؟! نايف : ايه انا .. هيثم بين اسنانه : وين ..؟ نايف : لاتخاف بشقــق معروفة ولما سألت صاحب الشقق عنها قال ماعمرها طلعت ولا عمر احد زارها .. هيثم وعيونه مازالت على الطريق : .................... نايف : هاه وش قلت ؟ هيثم : ماقلت شـــي .. نايف تنهد : معنــاها راضي وبتروح معي .. وقت تشوف رنيم بس بتنسى كلش كبرت وصارت قمر سكت هيثم دون رد وعيـونه بالطريق .. استجمع كل ذكرياته معها يمكن قلبه يلين عليها شوي .. لكن هيهات وصــلوا لبيت نايف و قلبه أبرد من الثلج .. نزل بهدوء وهو يراقب نايف يفتح الباب ويرحب فيه يدخل .. نايف : ابتســـام .. طلعت ابتسام من داخـل .. ابتسمت وهي تطالع هيثم : هلا والله . . مرحبا ومسهلا نورت والله نايف : جهـزي لنا قهوه نروق عليها و .. قاطعه هيثم : لا قهـوة ولا غيره ... وينها !؟ بلعت ابتسام ريقها وهي تستشعر نبرته الحـانقة : ............. داخل . هيثم : ورنيم ؟ ابتسام : معـاها .. هيثم : خذيني لغـــرفتها .. ورجاء محد يتدخل , انتوا اللي اخترتوا اقابلها ولا انا كنت راحمها وحاشم نفسي من شوفتها نايف ما استوعب .. معقولة قصده حاقد عليها ؟! سكت وهو يراقب وجه ابتسام المرتعب من اللي بيصير وتنطق بمحاولة تهديه : هيثم كلش بالهون .. تعال معاي نكلمها سوا و .. قاطعها هيثم بحـدة : محد يدخل معي .. مو رجعت اصير ولي امرها .؟! اجل خل تعرف ابتسام فتحت عيونها : الطلاق تم .؟! هيثم بسخرية : ايه ابشرك صارت مطلقة !! مشى بخــطوات هادية حتى وصل لغرفتها .. ابتسام كانت تمشي معه ومو عارفه وش المفروض تسوي , نطقت بخوف : خلاص هيثم مو ضروري تشوفها ! هيثم : ماعاد خيارك .. خل على قولتك نصفي النفوس قبل رمضان طق الباب طق خفيف .. وملامحه احتدت اكثر وهو يسمع صوتها : ميـــن .؟! ابتسام ؟ حتى هاللحظة كان يظن انها مارجعت .. بس هذا هو صوتها فتح الباب وهو يدخل لما حاولت ابتسام تلحقه ماعطاها فرصة وهو يسكر الباب ضربت ابتسام على خـــدها بقلق ورهبه .. نايف عقد حواجبه : هـدي ابتسام مو لهالدرجة اتركيهم ابتسام : ماتعرف هيثم انت ماتعرفه ... لا يغرك هدوئه !! الله يستر نايف طالع ساعته : ابتسام انا مضطر اروح اعـطي احمد وظيفته .. ااجلــها ولا كيف ؟ ابتسام : لا نايف يكفي اللعوزة اللي صارت لك روح انا هنا .. وان شاء الله خير هز نايف راسه : اوك تمام اجل .. ماحطول طــلع بطريقة وهو يدق بجـوالة على رقم معين : الو .... فراس انا جايك اللحين مع الموظف ... ايه تم .. عــند غادة :- انشـــل كل تفكيرها وهي توقف بعجز متسندة على طرف السرير وهي تشوف الشخص اللي دخل غرفتها .. طـوله الفارع مع نظرته البــاردة هذي المواجهه اللي مخوفتها اكثر من كل شي ... حتى انها ما استجابت لرنيم اللي تهز ساقها وسط نظرتها المرتجفه ونظرته الثاقبة فيها وللحين بنفس مكانه .. شهقت وغمضت عيونها لا إرادي وهي تشوفه يتحرك بخطوات للامام .. رجعت تفتح عيونها وهي تشوف رنيم بين يديه ومبتسم ابتسامه لاتكاد تستشعر : كيفك خالي ..؟! " طبع بوسه بخد رنيم ثم رجع يطالعها " تروحي تجلسي مع خاله ؟! لأن ماما مشغولة اللحين .. مشى لعند الباب وهو يفتحه .. وقفت ابتسام بسرعة وهي تشوفه يعطيها رنيم ويرجع يسكر الباب طالعت رنيم وهي تنطق بخوف : الله يســتر .. غادة كانت على نفس وضعها واقفه وتطالعه ورجلها ترجف فيها .. اما هيثم اخذ لنفسه مقعد وهو يجلس ويأشر لها الكرسي اللي قدامه : انثبري مشـت وهي تستجيب لأوامره . . يمكن هالإستجابة تمرر كلش على خير : ........ هيثم بحـدة وهو متكتف : من الألف لليــــاء .. تكلمي وش صار بالضبط من اللحظة اللي طلعتي فيها حتى اللحظة اللي رجعتي فيها لهنا ... واي حاجة تنقصينها او تزيدينها بتشكل فرق لحالتك طول عمرك بلغت غادة ريقها وهي شادة بيدها وتحاول تسيطر على نفسها وتستجمع كلام تقوله : ..................... هيثم نفخ بأقوى صوته : مــــــــا تنطقين !!! غادة بربكة : مـ ... مدر .. ي .. مدري مدري .. " بلعت ريقها وهي تحاول تجيب جواب يكفيها شره " استاجرت لي شقة وجلست فيها .. ماصار غيره صدقني .. هيثم بحدة : كذبتك هذي مشيها على ابتسام تمشي .. بس مب علي , انتي ماكنتي بشقة .. غادة ارتعبت معقولة يكون عارف شي .. لما زار فراس بالفيلا معقوله شافها !! لا لا اذا كذا ماكان راح يتركني : ............ هيثم : كــذا يعني ؟! ماراح تقولي ..؟ غادة وهي تحاول تسيطر على نفسها : اللي عندي قلته .. هذا اللي صار معي .. هيثم ارتفعت نبرته : وانا ماصدقتك !!! حليها عاد غادة هزت راسها ودموعها تنزل : صدققني هذا اللي صااار وش اقول غير كذا ؟! هيثم : قولي الصدق .. ولا عارفه شلون بلاها ! بشقق ولا بغيرها ماراح يغير نظرتي بشي سحب ورقة من جيبه وحطها قدامها .. رفعت عينها برعب له : وش هذا ؟! هيثم : تقدري تشوفيها .. هذي شهادة نجاحك بالحياة خذت غادة الورقة .. ورقة طلاقها شدت على الورقة وهي مو عارفه شتقول : ......................... وقف هيثم بهاللحظه قدامها .. وغادة رجفتها تزيد بكل حركه من حركاته : عبري لي .. وش شعورك بعد هالورقة ؟! مبسوطة ؟ فخورة بنفسك ؟ غادة وشفاتها ترجف مو عارفه وشلون تتجاوب معه : ...................... هيثم سحبها من شعرها : تكلـــــمي .. قولي قد ايش مبسوطة !! عارفه اللي مثلك حتى الشارع يكرم يعيشون فيه .. وفوق كذا جالسة ببيت ناس اوادم .......بأي حق تعاملين هالمعاملة بأي حق .؟ غادة وهي تبكي وتمسك يده : هيثــم اتركني يااالم شععري ... والله ماسويت شي ليش تعاملني كذا ! هيثم وهو يصرخ فيها بشكل مرعب ويهزها بقوة : ماسويتي كييييييييف ماسويتي شي !! انتي سويتي اللي مايتسوى حتى هالعهر مايسوون اللي انتي سويتيه ... لااااا وتحسبين عادي ؟! اوك ؟! تنامين وتاكلين وتلبسين طبيعي ... على جثتي يانجسه .. سامعععة ؟! غادة وصوتها يتقطع من اللي جالس يصير لها : هيثم اتركني تكفى .. والله آسسفة اسفه اتركني ابتسـام هلعت وقت ارتفعت الأصوات فجأة .. وقفت وهي تحاول تفتح الباب " مقفل " طقت الباب بقلق : هيثم ... هيثثثثم !!!! مجنون انت افتح الباب غادة وهي تحاول توصل للباب بس مستحيل : ابتسااااام تكفين الحقيني هيثم وهو مندفع بضرب اجرامي .. صفعها بكل قوته حتى طاحت وشعرها طايح عليها اثر معركتها : لا تستفزعي بها ! انتي مالك حق تصيرين اختها حتـــى .. ابتسام اكرم من انك حتى تتنفسين نفس الهوا اللي تتنفسه دخلتك حياتها ولوثتيها بفسقك غادة وهي تسعل بتعب .. وكلامه يطعن فيها اشياء كثيرة .. مالي حق اصير اختها ؟! معه حق ماني اختها : ............... هيثم جلس القرفصاء جمبها وبابتسامة ساخرة على فغره : شفيك .؟! تعبتي ؟ لا انتي تو ماشفتي شي .. تحسبي نفسك مظلومة والحياة قست عليك .؟! انا بفهمك كيف الحيــاة تكون قاسية بجد .. " صرخ فيها وهو يضرب راسها " ابو هيثم بقبره يشكي اسمه اللي لوثتيه يابزر ... مفروض بالمحكمة اليوم رفعت قضية تبري مره وحده غادة بخنقه : الله يرحـــمه .. هيثم بقسوة : ترحمي على نفسك مره وحده معــه .. مفروض الموت خذاك ولا خذاه بس هذي هي الدنيا الطيب يروح والنجس يضل غادة وهي تبكي : آمين .. آمين ليته خذاني ولا عشت بهالدنيا ليته خذاني وارتحت هيثم باستهزاء : لا كسرتي قلبي يامسكيـــنة .. " حاوط عنقها بيده بكل قوته " اذا هذي امنيتك انا مستعد احققها لك غادة وعيــونها فتحتها برعب وتحس الهواء بدا يختفي .. وماتشوف غير نظراته المحدقة فيها ببرود , نطقت بخنقة : بمــ...وت افلت عنقها بهاللحظة وهو يطالعها بازدراء : الموت رحمه للي مثلك وانتي ماتستاهلين الرحمة .. غادة طالعته بقهر : يكـون بعلمك .. قد ماندمت على اشياء كثيره لما انحشت ندمت على ابتسام ندمت على كل من عرفته بحياتي .. إلا انت واحمد ولا بلحظة ندمت عليكم .. هيثم توسعت عيونه بغضب لحظتها وهو يسحبها من شعرها : والله لسـانك فيه حيله يتكلم عقب كل هذا .. بس ماتنلامي حماره متعودة على الضرب ! صوت ابتسام من برا بهلع : هيييييييييييثم افتح الباب مجنون انت بتذبح البنت هيثم بقرف : لا للاسف حيـــه .. ابتسام : طيب افتح الباب تكفــــى خل نتكلم نتفاهم شوي غادة وشعرها بين يديه نطقت بقهر : على بالك اني معد اسوى .. انوثتي تلوثت ومحد يبيني عشان انحشت .. عشان تطلقت .. ماراح اخالفك بس الرجولة لحظات تتلوث بعد .. وقت تمد يدك وتستعرض رجولتك على بنت معناها مافيه فرق بينا هيثم بانهيار وهو ينفلت عليها بالضرب : انا تشبهيني فيك ., شايفه سيرتي على كل لسان ولا شايفه قضاياي بالمحكمة ماتخلص ... ولا بشهادة متوسط وفاشل زيك .. ابتسـام بلعت ريقها معد تقدر تصبر .. هيثم رسميا انفلت ركضت نحو جوالها وهي تدق على نايف رد عليها : الو ابتسام بهلع : نايف تكفى قول ان فيه مفتاح ثاني لغرفة غادة .. نايف : بسم الله شفيـــك شصاير ؟ ابتسام : تكفى نايف بسرعة بيذبحها نايف وقف بقلق وهو ينطق : هدي هدي جايك .. المفتاح تحصلينه بدرجي الأول بمكتبي .. اخوك هذا انجن يقتلها وينا فيه ؟ فراس اللي كان جالس ينتهي معاملات التوظيف .. استطرف انتباهه كلام نايف الهامس بزاوية الغرفة : ........ سكر نايف السماعة وهو يلتفت بقلق : خلصت .؟! معليش تستعجل شوي فراس : تقدر تروح .. انا وقت اخلصها برسلها لك .. ما انتظر نايف لحظة وهو يطلع مباشرة .. اما فراس تنهد .. " انتي سبب نفسك بكل هذا .. وش كنت متوقع يافراس من اهلها غير كذا ؟ " *** فتحت ابتسام الباب بسرعة وهي تدخل .. شهقت وهي تشوف غادة بزاوية الغرفة وهيئتها تتكلم عن الإجرام الحاصل هنا , اما هيثم كان شكله فوضوي وثوبه مفتوحه ازاريره وجالس ويمسح على عينه بتعب .. طالعها بنظرات ثاقبه لما دخلت ووقف وهو ينطق بهدوء : ... وبعد كذا لعد تطلبون مني اقابلــها . .. " طالع ناحية غادة " اعتبري نفسك ميته بحياتي ابتسام كانت واقفة بذهــول وسط كل هذا بينمـا هيثم طلع مباشرة برا البيت وواضح على هيئته التعب النفسي اكثر من الجسدي : ........................ مشت ناحية غادة وهي تنطق بقلق : غـــادة ... دفنت غادة راسها بين ركبها : اطلعي ابتسام ... اتركيني تكفين مافيني حيله " زادت الخنقة بصوتها " تعبااانه خلاص .. ابي اموت .. ابي اموت .. ابي اموت ابتسام شهقت : لا تقولي كذا بسم الله عليك .. غادة بصوت هادي منكسر ميت : قالها هيثم .. الموت رحمه .. رحمه ضمتها ابتسام وهي تحاول تهديها : وانا ناقصة ناس يموتون بحياتي .. حمدالله اللي ردك لي لاتقولي كذا .. هيثم معصب وانتي تعرفيه مصيره يهدى و .. غادة ماعلقت حتى... عيونها متسمرة على الورقة بالطاولة .. " مطلقة .. ام .. مالها أبو .. مالها احد .. بتعيش عاله هنا ... هذي هي المعاني اللي صحاها هيثم عليها " : ..................................... *** اسمـاء : - نفخت بلونـــة علكتها بملل وهي تتمشى بارجاء المستشفى : وينــه اليوم ؟!!! طالعت ساعتها : 9 ونص .. اف لي ساعتين هنا , شكله مب موجود برجع قبل يسوي فراس سالفة اللحين مشت بتملل بطريقـها لبرا ... وقفت لوهله وهي تلتفت للجهه اليمنى بالحديقة " هذا هو .؟! لا مستحيل " .. ضوقت عيونها " إلا هو !! " كان شكله غريب بالثوب الابيض وجالس على كرسي الحديقة وواضح عليه التعب .. ثوبه مبهذل وشعره مبهذل .. ومسند راسه على يديه وهو جالس .. " غريبــــة وش فيه .؟! " طلعت جوالها وهي تلقط صورة بحماس ..: شكله وهو تعبان كذا يخقق .. دخلت جوالها شـــنطتها وهي تمشي بهدوء ناحيته ثم تقفز كعادتها : بـــــــــــــو!! طالعها بطرف عينــه ثم رجع يطالع قدام ومتجاهلها : .................. اسماء : تصدق بغيت ما اعرفك .. شكلك غريب بالثوب . هيثم بصوت هادي ببحه اثر صراخه : شتسوي هنا .؟ اسماء : يحق لي اجي وازعجك وقت اشتاق لك ! هيثم : .......................... اسماء عقدت حواجبها : شفيـــك حالتك غريبة .؟! تعبان شي .؟ وقف بهاللحظة بهدوء وهو يمشي ناحية المستشفى ... عقدت اسماء حواجبها وهي تلحقه : ... هيثــم !! التفت لها بنظرات غاضبه ونبرة غاضبه : لا تنطقي اسمي !! باي حق تناديني بهالششكل ؟! تعرفيني اعرفك ؟! .... عجزتي تفهمي اني مستحيل ارتبط بوحده رخيصة اربع وعشرين ساعه قدامي ... قال ايش قال اغير شعورك .؟! مشى بطـــريقه لداخل وهو يحس بغبنه من كلش ... اما اسماء توسعت عيــونها بصدمة من كلامه بلعت ريقها تحاول تمشي الحصا بحلقها بس مافيه فايدة .. سحبت رجــلها تركب السيارة ودموعها عالقه بمحاجرها ...... وكلمته تتردد بعقلها " مستحيل ارتبط بوحده رخيصة .." : ............... ضلت ساكته طول الطريق حتى وصلت ... استقبلها صوت امها : بدلي حبيبتي وتعالي تعشي اسماء بصوت مخنوق : بنام .. مابي اكل شي وصعدت مباشرة وهي تدخل غرفتها وتسند ظهرها ودموعها شقت طريقها مباشرة كأنها كانت تنتظر الوقت المناسب .. غطت وجهها وهي تبكي بقهر .. هذا هو ؟! .. ليش حبيتي انسان قاسي كذا يا اسماء ... ليش ؟! |
رد: انتماءات كاذبة
اهئ اهئ والله بكيت بجد
بس بغض النظر عن أحمد وعيلته الزبالة كل اللى زعلان من غادة معذور بس صعبانة على لأقصى حد أظن كلام هيثم هيكون حافز لغادة انها تكمل دراستها او تشتغل وكمان كلامه السم لأسماء هيخليها تبعد على الأقل الفترة الجاية عجبتنى قوى جملة لؤى لفراس "بس تذكر الكاس اللي تذوقه غيرك ماحتموت حتى يذوقك الله منه بيد غيرك .. اذا خير فخير واذا شر فشر " والله يا أستاذ لؤى انا كمان فى انتظار هذه اللحظة الفارقة :lol: نجم الفصل بلا منازع حبيبنا الكول نايف اللى أنقذ غادة من الأشرار لجل الإنسانية ولعيون ابتسام:e106: |
رد: انتماءات كاذبة
اقتباس:
ههههههههههه كان الله في عون فراس الحاقدين كثيرين ينتظرونه يطيح بالغلط ! الله يرزقك غادة حظ ابتسام نسخة نايفيه كول منوره ياقلبي |
رد: انتماءات كاذبة
" البارت التاسع والعشرين
- في مجتمعــي آلعيب أهم من آلحـــرام , بعـــد مرور أسبوعين على أحداث التشابتر السابق / في سيــارته وهو يسوق بضيق نطق بقرف : الله يلعن الزحمه وأهلها .. تقول اهل الرياض ماعندهم بيوت كلهم بالشوارع ! لؤي : ههههههههههه روق يخي تراك بالشارع معهم .. فراس بقرف : الله يلعني بعد انا .. زين ؟!! لؤي : رمضـان مابقى عليه الا اسبوع خل منك اللعن .. إلا انت متى ناوي تروح الكويت لك اسبوعين تأجل فراس : ماتضبط معي .. كل ماحجزت يطري علي شغل واكنسل واللحين بدر بيرجع بكرة مايمدي شكل اول ماتخلص عزيمته بطــير .. سمعت انك المتكفل بعزيمتهم ؟! لؤي : ايه هذا انا بطريقي للمصلخ اتفاهم معهم .. وبخلص ثم باخذ امي تبي القاعة والمنسق وخرابيط واجد فراس : غريبة عليك متطوع ! كان تركتها للحريم لؤي بضيق : خل اشغل نفسي .. وش لقيت من الفضاوه .. فراس : ايه احسن لك .. " ضرب البوري باقوى ماعنده " يلعن شكلك بعد لؤي : اعوذ بالله كم لعنت انت من مره للحين .؟! عادي ترا معروفة الرياض وزحمتها فراس : يخي انا من الله اكره السواقة .. باخذ لي سواق قريب لؤي : ليه سواقك وين .؟! اخبرك اصلن على طول مع سواويق فراس : استقال .. وانا قلت خلاص معد له لزوم بس عقب ذالوضع له لزومين بعد لؤي : ههههههههههههههههههه الله يعينك على مابلاك سكــر فراس السماعة واخــلاقه بخشمه من وضع الزحمه والطريق اللي مو راضي يمــشي .. فـي طريق آخر ..:- على عكس الأعصاب المتوترة .. هنا اعصاب باردة رغم الزحمة اكتفى بتشغيل اغنية بالراديو لترويق مزاجه حتى ينفك الطريق .. دق جـواله " نهى " حاس بفمه بإنزعاج ورد : هلا نهى : هـــاي .. كيفك نانو ؟ وكيفه زيزو ؟ نايف : كلنا حمد الله .. نهى : راح اتــأكد اذا انتو بخير بجد ولا لا .. نايف عقد حواجبه مافهم ..: كلامي مب أكيد يعني ؟! نهى : هئـــه .. مو اكيد , لأني جالسة اسمع بلبله من كل مكان , هذا وانا برا السعودية .. نايف بنرفزة : وانا وش علاقتي بإيش تسمعين ؟! نهى : لأني اسمـع كلام عنك .. وعن المدام نايف : والمطـلوب مني اللحين ؟! نهى : شفيك بس أقـــولك .. نايف : تكلمي بوضوح ولا لاتقولي لي شي .. نهى تنهدت : مافيه .. بس انا راجعه بعد يومين ومامتك عزمتني على عزيمة ميهـاف وزوجها نايف اندهش من المعلـومة .. نطق بسخرية : امي عازمتك .؟! ليش من متى هي تطيقك عشان تعزمك ؟ نهى : منت مصدق اسألها .. بس انا اعرفها امك يهمها الشكليات وتبي توضح للناس ان الوضع عادي نايف ضغط على جواله : مالي علاقة بكل الأحـوال .. فتفاهمي مع امي سكر السمـــاعة وهو يضغط مباشرة على رقم امه .. جاه ردها : هلا نايف بوقتك تو بدق عليك نايف : شـنو ؟ ام نايف : انا مشغوله اللحين بطلع مع لؤي نكمل تجهيزات العزيمة وخبرك .. تعال خذ يزيد وفهود ماعندهم احد نايف : ماشي ماشي .. بس وش سالفة عزيمة نهى ! من جدك عازمتها ؟ ام نايف : انت تعرف اني اعز امها .. ومايصلح اعزم امها وما اعزمها فقلت تجي مافيها شي خلاص دام انت تزوجت وكلن مشى بحياته وابتسام صارت تدري عنها نايف : تدري عنها شي وتقابلها شي ثاني ! ام نايف : شفيها ما تقابلها ...؟! ضراير هن .. ؟ نايف : والله انتي بتحطيني في وجع راسي مالي فيه .. ! ومحد ماكلها غيري ام نايف : خل مني خرابيطك وتعال خذ فهود ويزيد بسرعه انا بطلع سكر نايف السمـاعة ومزاجه قفل .. ماصدق ان ابتسام هالفترة ماشيه معه تجي نهى كأنه وقتها ! عـــند إبتسـام : - بالحديــقة هي وغادة ... وغادة تحتسي شاهيها بصمت معتاد منها كل هالفترة .. وتراقب رنيم اللي تلعب قدامها .. ابتسام قالت بحماس تبي تغير جوها : شرايك نطلع نتغدا برا .؟ غادة : لا مالي خلق .. ابتسام طالعت شعرها اللي رابطته بعشوائية وجالس معها بالكرسي : طيب نروح صالون .. نغير قصة شعرك ؟! غادة : مافيه داعي اتركيه بحاله ابتسام : غـادة وش هالإحباط .؟! لك اسبوعين على هالحــال مافيه شي يفتح نفسك غادة بضيق وهي تحضن كاس شاهيها بيدينها : إبتســام .. ابي اقولك من أول بس مو عارفة كيف ابتسـام : قولي غادة بغصة : بما اني تطلقت خلاص .. معناها وضعي مو مؤقت , مابي اضل عايشة هنا معاكم ابي شقة صغيره لي ابتسام : ليش غادة مضايقتك العيشه هنا .؟! غادة : مو كذا ... بس انتو محتاجين خصوصية و .. وبالمستقبل اذا جاكم عيال راح يصير وجودي هنا مزعج .. عاجلا ام اجلا راح اطلع لحالي فانا اقول من اللحين .. ابتسام : مو محتاجين خصوصية ولا شي ! شوفة عينك لو انتي مو عندي فنص يومي طفشانه وفاضيه .. نايف نادر يجلس بالبيت .... تفي هالموضوع من فمك انتي بتضلين عندي انا ابيك غادة سكتت وهي تحس بخيبـــة : ................... ابتسام تنهدت : غــادة اقولك سر بيخليك تغيري مزاجك هذا كله ؟! غادة : سر شنو ؟ ابتسام ابتسمت وقالت بهمس : انا حـامل غادة رفعت عينها من الارض وهي تبتسم لأول مرة بقلب : بجد ؟! ابتسام : ايه .. يمكن اللحين بالشهر الثاني اتوقع غادة : الف مبروك تستاهلين بجد .. ايش سوا نايف لما عرف ؟ ابتسام : لا للحين مايدري غادة عقدت حواجبها : معقـــولة ! ليش ماخبرتيه ؟ ابتسام : هالفترة انشغلت وماحصل لنا وقت و ........... قاطع كلامها نظرة غـادة اللي رجعت تحبط : مو قلت لك محتاجين خصوصية .. ابتسام : لا لا مو منك ! من اول ترا عارفه من قبل ترجعي ولا قدرت .. غادة : لا تجامليني ابتسام .. انا ماني بزر فاهمه فتكفين باقرب فرصة انا محتاجة اطلع من هنا ابتسام تنهدت : اسمعـيني .. حتى لو صح مراح تطلعين من عندي لحد ما انا اقول هالفترة مقدر اتركك تطلعي لشقه لحالك .. غادة سكتت دون تـرد : ......................... ابتسام استعملت آخر خدعها : غـدو .. بعد بكرة فيه حفلة كبيرة بمناسبة رجعت ميهاف اخت نايف من شهر العسل !! تروحي معاي ؟ غادة اشتعلت عيونها حماس لوهله .. لكن استوعبت مباشرة وقالت : لا مستحيل ما اتوقع حتى هم يبغوني عقب الكلام وال. .. ابتسام قاطعتها : حكي فاضي .. صدقيني البنات كلهم سألو عنك كثير ومشتاقين لك .. وصدقيني لو اروح اليوم دونك بيسألون عنك غادة بتردد : مدري ... " تنهدت " مو عارفه نظرتهم لي ابتسام : وين غـدو اللي اعرفها .؟! واثقة ومايهمها كلام احد ... على خبري بهالمواقف كنتي بتكشخي احسن كشخة وتروحي تقهريهم غادة : شدعوه اقهرهم .. ماعندي شي اقهرهم فيه اساسا .. لا دراسة ولا حتى حياة ابتسام باحباط : وبعدين غـــادة ..؟ لمتى يعني هالحالة سمعـوا صوت الباب ينفتح .. وقفت غادة وهي تراقب رنيم : انتبهي لها لحد ماتخلص لعب .. انا داخله لجوا سحبت رجلها لداخل وهي تسكر على نفسها بغرفتها ... وتجلس بصمت تنهدت بضيق من عقب هيثم وهي تحس داخلها حره قهر .. تبي تفرغها ومو عارفه كيف .؟! تبي تطلع من هالجـو ومو عارفه كيف .... حفله ! مو فكرة سيئة بس خوفي تنقلب عكسية .. عـند ابتسـام : - عقـدت حواجبها وهي تسمع صـوت اطفال .. وقفت وهي تمشي ناحيتهم وتشوف يزيد فوق كتوف نايف رافعه وفهود وراهم : هلا والله بالضيوف الحلوين نايف وقف عندها وهو ينزل نفسه : هههههههههههههههههههه خذيه سحبت يزيد من كتوفه حتى حطته على الأرض ... وقف يزيد وفهود يطالعون الطفلة الجميلة باللبس الصيفي وعيونها الرمادية وتلعب بالارض ... فهد : من هذي ؟ ابتسام : هذي بنوته حلوه جايه تلعب معكم .. روحوا العبوا معها انطـلقوا ناحيتها يلعبون معها .. نايف : فينها غادة اجل ؟ ابتسام : كانت معاي بس لما جيت دخلت .. نايف : للحين مكـــتمه ؟ ابتسام : الله يعينها اللي جاها مو سهل .. هيثم ماتوقعته بيسوي فيها كل هذا للحين جسمها متشوه جروح هز نايف راسه : حتى انا ماتوقعت اخوك كذا .. توقعته دكتور تفكيره راقي شوي ابتسام : اقول نايف .. عزيمة ميهاف تتوقع بيتضايقون لو تجي غادة معي .؟! احسها مكتئبة مره بس لما تكلمت عن العزيمة تحمست شوي ... ابي اطلعها من كئابتها نايف : ايه جيبيها عادي .. عزيمتهم هذي كل من هب ودب فيها ماراح توقف عليها ابتسام : عساها تقتنع .. اللحين رافضه بس بقنعها ان شاء الله نايف : امي اليوم مشغوله بتجهيزات العزيمة وما ادري ايش .. ففهود ويزيد بيضلون عندنا ابتسام : حيـاهم الله " التفتت لهم وهم يلعبون مع رنيم " ههههههههههه كأن ولدك جازت له المزه نايف رفع حواجبه : طالع لأبوه مايجيب راسه الا بنات مشعل ابتسام رفعت حواجبها : من اللحين ماراح نزوجه ترا .. كافينا واحد من الشمري نايف : افااا .. تقطعين نصيبهم كذا ابتسام : ههههههههههههههههه ايه نقطعه مو مشكله .. مو محصله سبب عشان نوافق على ولدك ! حاوطها نايف من خصرها وهو يسحبها له : تعالي معاي فوق واعطيك مليون سبب توافقين انتبهت ابتسام لنظرات يزيد لهم .. همست بإذنه : نايف ابعد مو وقته .. يزيد يطالع نايف رفع حواجبه وهو يبوسها .. ثم نطق : خل يطـالع .. مو ناقص انحرم من زوجتي كل ماصار قدامي " ابتسم " خل يتعود من اللحين وردت خـدودها وهي تضربه بصدره بخفه تحاول تفلت منه : ههههه بس برضو بزران فضحتنا خلاص نايف طالع ناحيتهم : ههههههه يالييييل .. اقول فهود بشويش على عيونك لاتطلع من مكانها فهد ويده على خصره بنبره طفولية : انت تسوي عيب قدام الدادا نايف : انت دادا .! فهد وهو يأشر لرنيم : هذي دادا نايف : ههههههههههههههه الخوف من عيونك انت مو من رنيم ابتسام قبصت يده حتى افلتها : مو حق تربية انت نهائي .. عيب بجد زفر نايف لما ابعدت منه وهو ياشر ليزيد وفهد : اقول قومو اركبو السيارة برجعكم لاهلي يزيد بحمق : مااااانبغغغى فهد بحماس : ناخذ الدادا معنا .؟! سحبتها ابتسام وهي تشيلها : لا الدادا تجلس عند امها .. وانتو تعالو داخل نلعب لعبه حلوه .؟! فهد قفز بحماس : يااااااااااااااااي بينما يزيد مشى معهم عادي .. لأنه مو متحمس يلعب مع هالمرأة بالذات .. *** اسـماء : - نزلت مجبرة بعد اصرار امها تجلس معـهم .. ام فراس : سلامات يالهانم معد تجلسين معنا ! اسماء وهي تتربع : مو عارفه .. مالي خلق ام فراس : مالك خلقنا هاه .؟! اسماء : لا ماما مو كذا ... بس " تنهدت بضيق " ابي اجلس لحالي شوي .. ام فراس : المهم بعد بكرة عزيمة اخـوك .. وبيوصل بكرة اسماء كبست بعيونها : اخوي مين .؟! " كملت بحماس "بدددر !! ام فراس ابتسمت : كنت عارفه محد مطلعك من هالكئابة الا هالخبر .. ايه بدر جاي اسماء : اخييييرا مابغى .. ام فراس : هجل انبسطي وخلي مني التكشير والتعبس ! اسماء وهي تحاول تتناسى اللي شاغل بالها : ........ ان شاء الله ام فراس تنهدت : ابي اكلم ابتسام اعزمها .. بس مو عارفه وش اقولها اسماء عقدت حواجبها : وش وشتقولين لها ..؟ سلمي واعزميها ام فراس : مو عارفه كيف اتكلم معها عقب اختها .. اسماء بتناحه : اختها .؟! من اختها ماعندها الا غادة ومنحاشه ام فراس : هذي فايدة غرفتك ... اختها حصلوها لها نص شهر يمكن اسماء : هااااااااااه !! ام فراس : ايييه .. حصلها نايف ورجعت لأهلها وتطلقت والحاله حاله .. اسماء كبست بعيونها " قبل نص شهر .؟! يعني فترة لما قالي هالكلام ! " تكسر قلبها مليون كسرة .. كان مكتئب وقتها عشان اخته .؟ وانا جالسة ازعجه .... بس حتى ولو مايحق له يقولي رخيصة ! كملت لامها : كلمي ابتسام .. وخليك طبيعية وقولي شخبار اختك بعد .؟! حرام عليكم خلو البنت تحس انها تقدر تكمل حياتها يكفيها اللي جاها ام فراس : ظنك .؟! اسماء باصرار : ايه ايه .. شلون يعني تتطلق خلاص تكبتونها خل تجي العزيمة وتوسع صدرها ام فراس فتحت جوالها : اجل بكلمها اللحين اخلص .. وقفت اسماء وهي تصعد لغرفتها .. ونفسيتها ارتفعت شوي , راح اسامحك عشانك معصب بس ماراح اسامحك كليا بوريك من الرخيصــــة ..!! *** ســارا :- مشـت بثقل ناحية المطبـخ .. تعيش هالفترة شهورها الأخيرة , فتحت الثلاجة ونطقت بضيق : صوفي ! اين الإناء الذي وضعته هنا ...؟!!! صوفي : ابحثي عندك ستجديه سارا : لا أجده صوفي .. لا اعلم لماذا لايبقى شي في مكانه هنا !! دخل جاكسون المطبخ : هذا مذهل ! اخيرا سمعنـــا صوتك .. فعليا مرت 8 ساعات حتى هذه اللحظه لم تتكلمي فيها سارا ارمقته بنظرة ورجعت تبحث عن غرضها .. وجدته بعد فترة في مكان مختلف : هاهو .. رجاء صوفي عندما اضع شي بمكان لا اريد من احد ان يغير مكـــانه صوفي : ربما ازاحته الخادمة قليلا عن مكانه اثناء عملها سارا بحده : اذا اخبريها الا تزيحه مرة اخرى جاكسون : ماهذه الأخلاق التجــارية .؟! فقط لأن شيء تغير من مكانه تجاهلته سـارا وهي تصعد لغرفتها ... جلست على سريرها بتعب وذكرى تمر امام عينها ( قبل زواجهم ... بشركتها زارها بمكتبها بعد مارجع من سفرته : احلفي انك ما اشتقتي لي .؟! سارا رفعت عيونها وابتسمت : حمدالله على السلامة لؤي برواقة : يســـلمك ... كيفك سارا ؟ سارا : حمدالله تمام ... انت كيف حياتك ؟! لؤي بحالمية : من شوي قالت انها حمدالله ابتسمت بخـجل وهي تعبث بالاغراض بطاولتها لتصرف نفسها : أيـوه بس كانك طولت بهالسفرة .. لؤي وهو يبتسم لتصريفها .. سحب تحفة صغيره من مكتبها وهو يلعب بها بيده : ايه الشغل كان ماخذ وقته شوي .. فقدتيني اجل .؟! سارا : انت اللي شكلك مافقدتني نهائي .. حتى مافيه برفع التلفون اشوف اخبارها لؤي : اما انا ما افقدك .. ليش اللي يجمعنا ايام اجل وبس .؟! واذا عيوني ماشافتك قلبي مانساك سارا : أيـوا خذني بالحكي مو ؟ لؤي وهو يرجع التحفة للطاولة : مابتصدقيني يعني .؟ سارا تضايقت من ان التحفه مو بمكانها الاساسي .. سحبتها وهي ترجعها لمكانها بالأول انتبه لؤي بحركتها : ماتخلصين من هالوسوسة انتي .؟! سارا : وربي كان شكلها فوضوي .. كذا كويس لؤي وهو يغير مكانها مرة ثانية : اتحداك تخلينها كذا لحد ما أطلع من المكتب سارا وهي تشد على قبضتها وتحس بنرفزة : ايه عـادي اقدر .. بس وش دعوه يعني .!؟ لؤي : مو عشان شي .. مجرد تحدي سارا وهي تطالع التحفة بضيق .. وتحاول تتجاهلها : ....................... لؤي لما انتبه لمعاناتها الواضحه من تعابيرها ضحك وهو يرجعها مكانها : ههههههههههههههههههههه خلاص خلاص هدي وجهك قلب احمر مو صاحية سارا : اففف صدق ما اعرف .. احب الشي احطه بمكان ويضل فيه مايتغير نهائي لؤي : بس هذي وسوسة بتمرضك كذا .. لازم تبردي سارا : لما تبطل اسراف راح ابطل وسوسة .. اقل شي وسوستي مافيها ضرر مادي واقتصادي لؤي : ههههههههههههه حجرتي لي هاه ؟ سارا هزت كتوفها : اللي بيته من قزاز مايرمي الناس بالحصا ) تنهـدت وهي تفيق من ذاكرتها ... وقلبها يقبضها : يالله قد ايش اشتقت لك .. ياترى وش مسوي بغيــابي ..؟! *** لـؤي : خلاص أكيد بعد بكرة اقدر اعتمد ؟! .... ايه الساعة 10 , لا ابغى اكبر شي .. لا تنسى سكر السمـاعة وهو يرفع راسه لأمه : خلاص كذا كلش جاهز .؟! ام نايف : لا تو باقي مشوارين للحلى والمنسق لؤي طالع ساعته : مابقى شي على المغرب .. بوصلك البيت وبكمل الباقي انا ام نايف : على هواك اجل .. الله يعينك تعبتك هالاسبوع معي بتجهيزات رجعت اختك لؤي : هذي ميهاف قليل بحقها بعد .. وبالمرة بروح اخذ مفتاح القاعة ام نايف : ايه زيين ذكرتني رايح عن بالي .. " تنهدت " بعد عمري بنيتي مو مصدقة انها بكرة بتكون قدام عيني اشتقت لها لؤي : على فكرة ايش راح يسوون .؟! وين بيسكنون .؟ ام نايف : بيتهم باقي ماجهز .. فبتضل عندي اسبوع لحد مايجهز وينقلون لؤي : كثير اسبوع وبيتهم جاهز على حد علمي ام نايف : لا خبرك عتيق .. ماراح يسكنون الدور اللي بناه ابو فراس الله يرحمه فوق بيتهم , بيسكنون منفصلين في بيت لحالهم لؤي : اهـــا .. غريبة تو ادري اجل وش بيسوون بهالدور .؟! ام نايف : اذا بيتزوج فراس بيجي فيها ماحتضيع لؤي : هههههههه فراس ماحيتزوج طيب ام نايف : اجل انس موجــود وقت يكبر يجي فيها *** " وانبسطي على حالك صرتي مطلقة قبل توصلين 20 سنة " " دون ما احتقرك العالم كله بيحتقرك .. نظرة المجتمع للمطلقة حقيرة " " خلي العقل والشرف لأهله لانك بعيدة عنه" " بـــــــــــــس !!! شايفتني ملزوم فيك ولا لك معروف علي تعاتبيني ... تاكلين اللي انتي خابره وتحمدين ربك اني ماضيعتك وتركتك بحياتك الصايعه .. حطي ببالك انك مديونه لي طول عمرك اني حصلتك وحفظتك .. ولا كان دربك اللحين درب امك " " الطلاق للشريفات مو لك " " عارفه اللي مثلك حتى الشارع يكرم يعيشون فيه" " مفروض الموت خذاك ولا خذاه بس هذي هي الدنيا الطيب يروح والنجس يضل " عبست ملامحها بنومها بضيق وهي تحس الهوا ينخنق .. معادت قادرة تتنفس فزت برعب من نومها مسكت صدرها وهي تحاول تنظم تنفسها وتحس بخنقه فضيعه معادت قادرة تنام هالأيام .. الساعة 12 ! واضح طولت مرة بالنوم تنهدت وهي تجلس وترفع شعرها .. مو معقولة نامت كل هالوقت !! وقفت من سريرها وهي توقف قدام المغسلة تغسل وجهها .. عقدت حواجبها وهي تسمع صوت رنيم تبكي ! طلعت من الحمام مباشرة وهي تسحب غطاها على السريع وتطــلع .. طالعت بالصالة طفلين ماعرفتهم ببجايمهم النوم .. هذا فهد اخو نايف .؟! وهذا مين .؟ والشخص المجهول ساحب لعبة رنيم من يدهـا حتى استغرقت بدمـوعها , رفعت عينها له بحده وهي تهاوشه : خيــــر ان شاء الله .؟! رجع لعبتها لها ! يزيد بنظرته المتمردة : بيتنا العابنا ! غادة دون تفاهم سحبت اللعبه من يده وحطتها بحضن رنيم ورفعت اصبعها له بتهديد : لو اشوفك قارب لعبتها مرة ثانية كسرت يدك .. سااامع !! لمعت عيونه بدموع حاول يكابرها وهو ماعمره احد اخذ شي من يده : بعلم عليك بابا .! تجاهلته غادة وهي ترفع رنيم من الأرض .. وتمشي بانحاء البيت تنادي : ابتســــام .. ابتسام ! غريبة وينها معقولة نامت وهالبزران تو هنا .؟! .. تجاهلت وهي تدخل غرفتها مع رنيــم ... بالحديـــقة / نايف وابتسام جالسين بجلسة رايقـة ... ابتسام : ايه بس ليه مو فاهمه كيف فجأة تركت وظيفتك ! نايف : تركتـها وبس .. من أول مو عاجبتني وبحصل حاجة ثانية ابتسام : براحــــتك بس لا تطول عطالي اهم شي عشان ماتطيح بالكسل نايف بدون اهتمام : يصير خير شبكت ابتسام يدينها ببعض وهي تستجمع كلماتها : نايف نايف اللي يشتغل بجواله بيده : لبيك ابتسام سحبت جواله من يده : اتركـه شوي على جمب .. ابي اقولك حاجة مهمه نايف : معليش ابتسام شوي رجعي الجوال فيه حاجة مهمه بخلصها وعقبها انا لك رجعت له الجوال وهي تطالعه بملل : بتطـــول ,؟ نايف : لا دقيقة بس . بعد مدة سكر الجـوال والتفت لها : لبيـــك آمري ابتسام : اخيـــرا .. ايش كل هالشغله بالجـوال ؟ نايف : اسأل بدر متى بيرجع عشان استقبله وخبرك اخذتنا سالفه ابتسام : اهااا .. " حضنت يـده بيديها الثنتين " المهم ابيك تعرف اني فرحتي اكبر من كلش وان شاء الله تكون زيي نايف عقد حواجبه : هههههههه شالسالفة ابتسام وش هالاعتراف الـ .......... قاطعه يزيـد يطلع لهم وهو يبكي .. سحبت ابتسام يدها وهي تتنهد , نايف : شفيك يابابا ؟ يزيد وهو يمسح دموعه : فيــــه مره داخل .. غافصتني وطقتني نايف : ههههههههههههههههه اوه غادة ! ابتسام : يؤ يؤ .. غريبة ضاربته خلاص حبيبي انا اطقها لك .. " التفتت لنايف " انا داخله اشوفها نايف : ارتاحي ابتسام سوالف بزران ابتسام : ولأنها سوالف بزران مفروض تكبر عقلها ولا تضربه ! نايف : وين رايحه تعااالي .. ايش الاعتراف ؟ ابتسام وهي تتوجه لداخل : خلاص بعدين .. مو حاجة مهمـة دخـلت ابتسام لداخل وهي تحس بإحباط . . كان بتـــقوله خلاص !! , دخلت غرفة غادة اللي كان جالسة تلبس رنيم : علامك على يزيد .؟ ليش ضربتيه ؟ غادة دون اهتمام : من يزيد هذا ؟ اهاا اسم البزر اللي مع فهد .. ماضربته ابتسام وهي تجلس جمبها : اجل ليش يقول ضاربتني ؟ غادة ببساطة : لانه كذاب .. مجرد غافصته عشان جالس يناقر بنتي ابتسام : ههههههههههههه حمايه يعــني ؟!! غادة : من هذا عموما ؟! وين اهله الوقت متاخر ابتسام : اوه ... صح ماتدرين من هذا ..هذا ولد نايف غادة وقفت حركتها وهي تلتفت لها : نعـــــــــم ؟!!! ابتسام وهي تهز كتوفها : هذا اللي صـار .. نايف طلع مطلق وعنده ولد غادة وهي تلتفت بانفعال : كيف كيف كيف .؟! طيب ليش ولده هنا ! ينقلع لامه الله لايحفظه ولا يحفظ رجلك بعد ابتسام : هاو هاو .. هدي شفيك طرتي !؟ غادة : ليش يكذبون ويقولو اول مره يتزوج .. ابتسام : للامانه هم ماكذبـوا .. بس اغفلوا هالمعلومة ماذكروها غادة : يعني كذبوا استغفلوك ! .. حصل خير معليه بس وش ذنبك انتي في ولدها ابتسام : لا غادة انا ابغاه يتعود علي .. وقت يجي اللي ببطني يقعد يعيش عنده اخو ولا يعرفه ويكرهون بعض غادة انقلبت ملامحها استنكار للي جالسة تسمعه : والسيد نايف كان بيموت لو قالك انا مطلق وعندي ولد ابتسمت ابتسام على عصبيتها .. كل هذا وهي ماتدري وش وضع نايف ونهى اول : حصل خيـر . غادة هزت راسها : والله كيفـك خلك مهبوله .. لو مكانك ما اخليه عندي ولا اقلها يجي زياره ليش ينام هنا ماعنده ام ؟ ابتسام : أمه مسافره . غادة : عشنا وصارت تسافر وتتركه عندك .. خدامتها انتي ؟! ابتسام : اقول خلي مني هالهـــــبال !! اسمعي بعد بكرة العزيمة بتروحي معاي .. كلمتني ام فراس واصرت تجين غادة شلت حركتها وهي تنطق : ام فراس ؟ ابتسام : ايه تعرفينها ام اسماء .؟ غادة هزت راسها بهدوء : ايه اعرفــها .. " كملت بسخرية " كيف ما اعرفها !؟ واصرت اجي ؟ ابتسام : ايه ياحليلها تقول غادة لازم تجي نشوفها اشتقنا لها .. خلاص غدو شفتي الناس لبعض روحي ووسعي صدرك غادة : خلاص ابتسام اتركيني افكر .. ابتسام : يبيلها تفكير بعد ؟! غادة سكتت وهي تتأمل رنيم وايامها الماضيه تمر عليها .. وقفته الشامخه .. رفعة حاجبه المتغطرسة .. الجو المرتبك بوجوده : ...................... ابتسام تنهدت وهي توقف : اوك فكري بس مو تطولي مجرد ماطلعت .. طالعت غادة رنيم وهي تتنهد بضيق , الصدف كيف تخوف ! كيف بتقابل ام فراس بعد كل هالفترة ... بعد ما عاشت كل هالفترة قريب من ولدها .... *** دبــــي / دخل بدر وميهاف الفندق بعد وصولهم من رحـــلة طويلة .. نطق بدر وهو يطلع ملابسه من شنطته : طيارتنا للرياض بعد ساعه فعجلي . طالعته ميهاف وهو يرمي كلمته باقتضاب ويدخل الغرفة .. الأيام الأخيرة بباريس واضح عليه مزاجه متعكر بس ساكت .. تنهدت مفروض تكلمه .؟! مو معقولة يوصلون للرياض ويقابلون الكل وهم بهالمزاج .. ايش راح يقولوا عليهـم .؟! خصوصا ان البلبلة بكل مكان ان زواجهم زواج بعد قصة حب اسطورية , فتحت شنطتها وهي تحاول تتجاهل .. ايش راح تسوي غير تمشي الوضع مستحيل تصير غبية زي أول وتراضيه .. مفروض هو يراضيها ! سحبت فستانها وبدلت ملابسها وهي تحس مزاجه المتعكر الصامت بدا يأثر فيـــها طالعت بانعكاس المـراية لما طلع بالثوب والعمـامة المعصوبة على راسه باللون الكركمي ... زمان ماشافته بالثـوب .. وحشتها طلته العربية البحته .. لكن تجاهلت وهي تلتفت له وتنطق بهدوء : مشينـا .؟! رد ببرود اكثر وهو يوقف قدام المراية يتعـطر : لحظه ! حطت عبايتهـا على كتوفها .. وهي تحاول تتكلم : خـلاص أكيد .. بظل عند اهلي هالفترة لحد مايجهز بيتنا .؟ بدر وهو يسحب شنطتــه : ايه . هزت راسها وهي تطـلع معه .. وطول الطريق صمت غريب , لكن طبيعي يكون الوضع صمت كذا عقب طريقتهم بباريس . *** غـــادة – صبـاح الساعة 9 ... : اكيد ابتسام طلعت للدوام .. طلعت برا الغرفة وهي تسكر الباب بهدوء لا تصحى رنيم .. وتحس راسها صداع فضيع لها كم يوم ماتنام أرق ماتركها , وهذي حالتها اذا احترت أو انقهرت ... تفقد النوم تفقد الراحة لحد ما ترد اعتبار لنفسها .. بس كيف خلاص غادة الظاهر للحين منتي فاهمه أنك فقدتي الحق بكلش ... طالعت من نافذة المطــبخ تتأمل الحديقة المبـدعة .. عقدت حواجبها وهي تشوف يزيد يقطع بالورد والعشب , تركت كاسها وهـي تطلع لبرا لحد ماوصلت عنده : انت هيه ! يزيد فز بخوف وهو يمسح يدينه : ماسويت شي غادة وهي تطالع الورد المقطع : لا والله ماسويت .؟! هالورد المقطططع وشهو !!! يزيد عطاها ظهره وهو يمشي متجاهلها .. غادة : تعال تعال .. لا تعطيني ظهرك وتمشي تعال شيل الورد اللي قطعته يزيد : مابي ! شيليه انتي زفرت غـادة وهي تلحقه وتسحبه مع اذنه وترجعه للورد : اسمممع مب بكيفك .. مافيه شغاله هنا تمشي وراك هذا مب بيت امك مثل ماوصخته بتشيــــله !! يزيد نزلت دموعه وهو فعليا اول مره تنمد اليد عليه .. فتح عيونه وهو يشوفها تفلت اذنه لما وصلته عند الورد وجلست على طرف حوض الورد وهي متكتفه وتطالعه : اخلص علي يزيد بخنقة نطق : انتي حمـاره غادة بصرامة : حمارة كلبه اللي هو .. بتشيله يعني بتشيله يزيد وفي داخله رهبه انولدت من هالبنت اللي بيومين ضربته مرتين ... انحنى يلقط الورد وهو يخنق عبراته متعود يخرب ببيت ابتسام وتمشي له : .................... غادة مجرد جالسه وتعلق : نسيت ورده هناك .. تحت الشجره هناك بعد ماخلص خذتها من يـده وحطتها بباقة حلوه وجلستها على الطـاولة .. بطريقها لغرفتها سمعته ينطق بصوت خافت : جويع .. ابي فطور غادة وهي مكملة طريقها : شغاله عندك .!؟ وسكرت البـاب على نفسها .. اما يزيد بعد هاللي صار رجع لغرفته وهو ينتظر أبوه يشكي له وهو منخنق من اللي صار : .... *** بيـت أبو فراس – الساعة 3 عصرا :- نزلت ام فراس وهي تطالع أنس وياسمين بالصالة عند التلفزيون : هاه وين اخوانكم ؟ انس وعيونه على التلفزيون : بــرا بالحديقة طلعت أم فراس لبـرا .. فراس جالس رجل على رجل ويراقب الطـاولة المزينة واسماء واقفة تعدل الزينه وتجهز المناديل والشمـع , وتروح وتجي : ما شاء الله شتسوون .؟ فراس مسند ذقنه على يده : هلا يمـه تعالي تفرجي على السنع بس اسماء وهي توزع الصحـون : اكيييد بتسنع .. مشتاقه لهم ماتدرون قد ايش ام فراس : ما شاء الله جعـــله أول ! اسماء : فراس متى بيوصـــلون .؟! فراس : تو كلمني بدر قبل ربع ساعه يقول وصـلوا مطار دبي .. على مايلحقون طيارتهم ويوصـلون قولي على العشاء بيكونوا هنا ام فراس : وبيجون هنا على طـول ولا بيروحون عمك ؟! فراس باستنكار : ماسألته بس مافيها كلام بيجون هنا ! امه هنا مو هناك اسماء بتأييد : ايه ايه واسماء هنا مو هناك ........ ايه صح يمه تذكرت .. كلمتي ابتسام .؟! ام فراس : أيه كلمتها وأكدت عليها تجيب اخـتها .. لا تعليني عاد اسماء : ايييه عال حمد الله فراس : وانتي ليش متعلقة فيها تجي ولا ماتجي .. خلي العالم براحتهم اسماء : لأني احب البنت .. ومابيها تحسب انها عشان تطلقت ومدري ايش بتنبذ ام فراس : لو هي على مطلقة كان ارحم .. بس بعد نحشتها ذي هي اللي خلت العالم يستنكرون اسماء : انا ما استنكرت .. وعادي تجي وبسولف معها وبسلم وكلش .. شنسوي يعني ننبذها ! سلامات . ؟ فراس جَلَسْ فنجـال قهـوته وهو يوقف : انا طالع وراجع عشـــاء ان شاء الله ام فراس : وين يا امك .؟ فراس : بـروح لعمي لي اسبوع أأجل شغلي معه وبكمل اجراءات سفري ام فراس : للحين مصر تسافر بكـرة .؟! اقلها عقب بكره فراس : لا يمه خلاص يكفيني تأجيل .. خل اخلص قبل رمضان ام فراس : الله يعـــينك .. انتبه على نفسك *** إبتسـام / طالعت ساعتها " 3 ونص " اخيرا خلص وقت دوامــها .. فكت طرحتها وهي تعدل مكــياجها بمكتبها وترش عطرها .. البيت مره ماينفع تتكلم معاه فيه وسط كل هالفوضى , مسكت جوالها ودقت على " غادة " : هلا ابتسام ابتسام : هلا غدو حبيبتي .. صاحية .؟! غادة : أيــه .. ليه ؟ ابتسام : معليش حنا بنتأخر شوي .. بطلع مع نايف لمطعم عشان نتغدى وتدرين عشان بالمرة اقوله .. غادة : ههههه راح تقولي له اللحين .؟!! بالتوفيق اجل ابتسام : ايه بس قلت اقولك عشان ما تتباطيني غادة : لا مو مشكلة .. باخذ الأخبار منك لارجعتي ابتسام : يله يله .. ادعي لي بس سكرت السمـاعة و طلعت بحماس وهي تدق على نايف : الـو نايف : هلا هلا .. خلصــتي .؟! ابتسام : ايوه انا عند المواقف اللحين .. فينك ؟! نايف : جايك ابتسام : يـلا انتظرك لاتطول خذت لهـا مقعد تنتظـره ... اثناء ماهي جالسة : ابتسام .؟! التفتت وهي تشوف " ابو نايف " واقف بهيبته .. انحرجت وهي توقف تسلم عليه لها فترة ماشافته : هلا هلا عـمي ابو نايف : هلا فيــك .. شتسوين هنـا ؟! ابتسام : انتظر نايف يجي ياخذني .. قصدي بالطريق جاي يعني أبو نايف بنبرة منزعجة : وماعــــنده نية هالولد يرجع يشتغل .؟! ابتسام بانحراج : والله مو عارفه .. تكلمت معاه بس مدري ليش معند كـذا , هوا اساسا ليش ترك الشـغل ؟ ابو نايف : مو عـارفة ولا تسوين حالك مو عارفه ابتسام ارتبكت من نبرته : لا والله عمي مو عارفه .. عسى مايكون السبب كايد بس ؟ ابو نايف : اسأليـــه اجل ! " وتوجه لسيارته يركبها " عقدت ابتسام حواجبها وهي تحس انها التمست بنبرته اتهـام لها .. شدعـــوة وش سويت انا ؟! .. صحاها من تفكيرها بوري نايف .. سحبت شنطتها وهي تركب .. نايف وهو يحرك سيارته : هلا بالغـلا .. ليش جالسه تنتظريني برا بهالشمس ابتسام : نايف . نايف وهو مستغرب نبرتها : لبيه ابتسام : امنتك الله تجاوبني بالصدق ... انت ليش تركت وظيفتك .؟! نايف : قلت لـك .. ماعجبني الجو ابتسام : لا .. فيه سبب ثاني كمان ؟! نايف بانفعال : لأني مابي اشتغل عند واحد باخل علي بفلوسه , خلاص ؟! ابتسام : ماعمره عـمي بخل عليك بشي .. بالعكس نايف : ماتدري عن شي أنتي .. إلا بخل وياما طلبت منه ورفض ماكنتي بينا بيوم فماراح تعرفين وش اقصد ابتسام سكتت وهي تحس مستحيل يقولها الصدق لو ايش : ................... دق جـوال نايف طالع المتصل .. عقد حواجبه : هذا البيت .. غريبة داقين . ابتسام : غريبة انا معطيه غادة خبر انا راح نتأخر .. رد شوف رد نايف : الــــو ؟! ..... " فرك جبهته باصبعه " هلا يزيد ... شفيك بعد .؟! ....... ايه ...... خلاص زين بسك بكاء ! .. مع السلامة ... اوهووووه يزيد خلصنا ! خلك مع فهود لين اجي ... زين سكر السماعة بنرفزه ... ابتسام : شفيه يزيد شصاير .؟! نايف : مدري شفيه يبكي وشكله متلاقط مع غادة والحاله حاله . ابتسام بضيق : اجل خل نروح البيت نشوف .. نايف : تبين شي ناقص البيت شي قبل نرجع .؟! ابتسام باحباط : لا مافيه شي .. خل نروح البيت وبس . كالعــادة محاولاتها في انها تقــوله تحبط .. غادة معها حق محتاجين شوي خصوصية . *** : جااااا جااااااا : انسسس بـــــــــــــــــدر وصصصل !! : قــــولي والله ! تـــراكض الكل لبــرا ... واســماء المتقدمه بينهم وهي تقفز وتضمه بكـل قوتها ... ارتد بدر على ورا وهو يستقبل قفزتها وعناقها المفاجئ : هههههههههههههههههههههههههههههههههه هلا هلا بالهبله بشويش اسماء وهي متعلقه برقبته : وحشتني موت موت موت موت بدر : وانتي اكثر والله ... كيفك ياقلبي شلونك تمام .؟! اسماء : تو صرت بخير يوم وصلت ونورت الرياض كلها بدر وهو يطالع امه .. وينزل اسماء : ابعـدي خل اسلم على الوالدة نزلت اسمـاء وافلتت عنقه وهي تتوجه لميهاف بعبايتها وراه .. وعانقتها بكل قوتها : هلااااا بممرة اخوي هـلا والله , كيفك شلونك .؟ ميـهاف : حممدالله كلوه تمام انتي شلونك ..؟! اسماء : خليني منك بس .. " كملت بخبث " تكمي كيف حياتك الزوجية .؟ ميهاف : هههههههههههههههه عال العال عقبالك الله يرزقك ابتسمت ميهاف لام فراس وهي تسلم عليها بحميمية .. وتبوس راسها : بالخير خالتي .. كيفك .؟! ام فراس : الف الف حمدالله على السلامة .. ميهاف : يسلمك يارب ويخليك لنا سـلم بدر على اخوانه الصغار .. ام فراس : بس كنكم تأخرتو ! وينكم لنا ساعه نتحراكم بدر : لأن اللي يعتمد على نايف حمـار .. سحب علينا بالمطار سحبه يم يأسنا كلمنا لؤي وجابنا !! ام فراس : الله يهـــديه ويصلحه .. وين لؤي عاد كان قلط بدر : اخذ اغراض ميهـاف ورجع بيتهم .. ام فراس : اجل اقلطـــوا حياكم تفضلـوا اسماء متعلقه بذراع بدر وميهاف وتمشي بينهم : هاه شخبــــار باريس ياعصافير الحب .؟! ميهاف : خيــال خصوصا برج إيفل حاجه تجنن بعـد ماجلسـوا .... ام فراس : ايه وترا جهزنــا ملحقك يابدر ارتاحوا هنا عاد لين تستقرون والبيت ميهاف بلباقة : لا خالتي صعبـه وفراس موجود ماراح تزبط ام فراس : فراس بيسافر بكـــرة مالك عذر ميهـاف طالعت بدر يفزع اللي كان يراقب بصمت ... ميهاف : لا اعذريني هالمـرة .. مشتاقه لأمي واهلي خل اشبع منهم ومتى مابغيتوني بتحصلوني عندكم ان شاء الله ام فراس : اجل براحتك يابنتي ... ووش استقريتوا عليه بالبيت .؟! بدر : الدور الفوقي ماراح نسكنه .. خلاص البيت اللي شريته يخلص المصمم تأثيثه وراح ننقل له مباشرة ام فراس : والله ودي بكم فوقي وحولي .. بس الله يهنيكم ميهاف : آمـــين خالتي وياك اسماء بحماس : اقول ميهــــاف دريتي ان اخت ابتسام رجعت !! ميهاف : ايه قالت لي أمي .. الله لا يبـلانا بس ام فراس : ايه والله آميـــن , اسماء : يارب تحضـــر بكرة احسني مشتاقه لها صدق ميهاف : الله لايقوله .. بصراحة احس الجو بينربك بوجودها وما أدري ايش وانا مابي العزيمة تنقلب كذا وبعدين ارحم لها من كلام الناس تجلس ببيتهم بدر خلص فنجاله ووقف : هذا نايف جا انا رايـــح .. ام فراس : بدري تو ماجلست حتى ! بدر : راجعلك يمه بس اشوف العيال واسلم عليهم واجيك ميهاف طالعته : انا معـاك .. وصلوني بطريقكم لأمي اسماء برجاء : يووووه ميهاف ياشينك !! امك بتنامين عندها وبتشبعي منها اقعدي شوي ماشبعنـا منك بدر بلهجة غير قابله للنقاش : بوصلك لأهلك وقت ارجع . وطـلع مباشرة .. اسماء بحماس : قولي أنك صورتي اهم شي ! ميهاف " وش اصور هو انا طلعت .؟! " : لا والله مافضيت أصور حبيبتي مشغوله انبسط .. بس جبت لك حلـويات باريسية اسماء باست خـدها باقوى ماعندها : هذا اهم شي .. وه فديـــــــــــتها !! *** بســـيارة لؤي .. وقف قدام شركة أبـوه وجلس ينتظر , طلع بعد فترة فراس ودخل : سنة .؟! فراس : دوبي خلصت لؤي : أيه ترا بدر وميهاف وصـلوا .. تو وصلتهم بيتكم فراس : ايه كلمني بدر .. " طالع ساعته " تتعشى عنـدي .؟! لؤي : لا والله مشغـول .. ابوي موصيني بكم مشوار وحوسه فراس : معنـاها وصلني البيت اجل وبس لؤي : اقول تو تقول بستاجر سواق .. لا يكون مستاجرني انا .! ؟ فراس : محشـوم .. السواق ادفع له انت ما ادفع لك لؤي طالعه بنص عيـن : بنزلك ترا ! فراس فتح النـافذة وهو يسحب سيجارته : نزلني ماعندي مشـــكلة لؤي بضيق : اقول فراس ماعندك نيـه تبطل هالتدخين .؟! والله مو زين عليك يارجال بتهلك عمرك فراس ببرود : مستحيل مقدر لؤي : وليش ماتقدر .؟ ان شاء الله انك قـدها فراس : واحد مشغول زيي مستحيل يبطل لأني خلاص بمجرد ما أفكر يجيني صداع وانزل ادخن ولو مادخنت فصلت على اقرب واحد جمبي لؤي : مب مشكله افصل .. اصلن انت دون شي تفصل على العالم , مع الوقت بتتعود فراس : وبعدين انا محرقه يعني حتى لو ببطل ما حأبطل بسرعه لؤي : مو انت برمضان راح تصبر عنه .؟! فراس : برمـــضان , ولاني عارف اني بعد المغرب راح اشفط لؤي : شوف هي قاعدة اساسية اذا تبي تلقع من عادة سيئة فابدا عادة حسنه تملآ فيها الفراغ فراس بملل : بالله بطــل هالوعظ ماراح ابطــل امي حاولت فيني قبلك ماعرفت لؤي : لا بوعظك وبقلقك بعـد لين تهجد ... والله انت ماتتخيل وشهي تسوي فيك تحرقك من داخل بشويش فراس ببرود : خل تحرقني .. ان احرقتني هي ولا احرقني غيرها لؤي : ليش متشائم انت كــذا .؟! وبعدين فيه برامج مخصصه للادمان هذا فراس : اقول لؤي حط وجهك قدام اكبر جدار وفرغ فيه انتقاداتك هذي كلها اذا استجاب لك وقتها باستجيب لك انا ! لؤي زفر : الحمـار اللي ينصحك اصلن .. خلك دخن خل تحرق فيك لين تموت فراس ببرود : دون تقـــول .. *** هيـــثـم :- طــلع من غرفة العمـليات وهو يمشي بأنحاء المستشفى .. وقفته الممرضه : فيه شخص بالاستقبال يطلبك .. هيثم : انا .؟! الممرضة : ايوه . هيثم عقد حواجبه " معقوله هـي .؟! " تنهد بضيق كيف جت عقب كلامه اخر مره .. لكن كويس اقلها يعرف انها ما انجرحت يكفي المرض النفسي اللي مصاحبه هاليومين من ورا غادة ..... مشى ناحية الإستقـــبال بخطوات ثقيلة حتى وصل ابتسم بخفه وهو يشوف لؤي : هلا والله بالقاطع ... كيفك يارجال شلونك .؟! لؤي وهو يسلم عليه : هـلا فيك .. حمدالله عايشين هيثم : وش ذكرك فينا اللحين .. اخر خبري فيك بالكويت لؤي : خبرك عتيق رجعت من زمـان ... انت فاضي ولا مشغول .؟! هيثم : لا فاضي ...امرني لؤي بربكة وهو يحك ذقنه : تعرف انت سارا طبعـا .. شفتك معها بزواج نايف اخوي هيثم : ايه .؟! لؤي : هي موظفه عـــندنا مثل ما انت عارف بس لها فترة تركت الشغل .. وفيه ملفات ضرورية تخصها ومو عارفين نوصلها , عندك خبر هي فين .!؟ هيثم : لا والله .. من شفتها اخر مره بالرياض وحنا مابينا تواصل انا انشغلت بوظيفتي الجديده وهي الظاهر سوت لها شركة ما أدري ايش , وزمان ماسمعت عنها لؤي باحباط : طيب انا سمعت انها عايشه بامريكـــا .؟! تعرف عنوانها هناك ... يمكن احتمالية رجعت يعني هيثم : اعرف عنوانها القديم بس غيروه من زمان .. ليش الملفات هذي ضرورية مره لؤي : ايه ضرورية .. فإذا عرفت أي شي عنها ياليت تساعدني اوصلها لها هيثم : ان شاء الله ولا يهمك لؤي : يــله انا ماشي اجل .. وقبل انسى حياك بكرة لعزيمة بدر هيثم : راح احاول بس ما اوعدك اني بقدر .. طـلع لؤي واحباطه بكل يوم يـــزيد ... معقولة ماراح يحصل طريقه لها انقطعت كل طرقها ..؟! *** بيـــت أبو فراس / اثنــــاء تأثر اسماء مع لقطة هجــر حبيب لحبيبته بفلم تلفزيوني .. اسندت راسها على كتف ميهاف : يخرب بيت الحب شو بيذل .. ميهاف : لا ! باللهي يافاهمه ..؟! من وين تحبين انتي ووجهك اسماء : لحووول الحب مو شرط يكون لشخص .. ممكن اكون احب أكل او اعشق دوله او معجبه بالبرقر بس اخونها مع البيتزا ... شفتي اسوي لك عالم عاطفي كامل بعيد عن البشر ميهاف ضربت راسها بخفه : ههههههههههههههههههه اعتقيني هاه اسماء وهي تطالعها : إلا انتي وش كل هالكشخة .. ترا بس بيتنــا ميهاف : ولو بس اول زياره لي لكم عقب الزواج .. فيعني اسماء : ماااالت صار فيه رسميات يعععني .؟! ميهاف : اقول طيري لو رسميات كان جلستك قدامي تصبين لي القهوه بدل ما انتي متبطحه بحضني تتابعين افلامك " أحححم .. اححححم " ... اسماء : لحظظظه فراس اصبر ميهاف هنا فراس وهو واقف عند الباب : حمدالله على السلامه ميهاف .. كيف الحـال .؟! ميهاف بنبره هاديه : يسلمك ان شاء الله يارب .. حمدالله ماعلينا بخير , انت شلونك كيف امورك .؟! فراس : كلش تمـــام .. فين بدر هنا .؟! اسماء : لا طلع يقول بشوف العيال وراجع فراس : طيب أبمر بصعد لفوق اسماء : تغطت الدرب سلام امش صعـــد لفوق مباشرة ثم نزلت ميهـاف غطااها وهي تطالع الساعة " 12 ونص " : تأخر بــــدر اسماء : لا تأخر ولا شي ارتاحي اجلسي ميهاف وهي تطلع جوالها من شنطتها : لا بكلمه اشوف وينــه .. مو معقوله لهالحزة حتى امي بتتباطاني دقت على رقمه وهي توقف وتمشي بعيـــد .. اسماء تصوت لها : لحححححول حتى في السماعه تشفير عشان تقومين تجمحين بعيد ميهاف اشرت لها : هششش .." رد " الـــو .!؟ بدر بنبرة باردة : نعم ميهاف : فينك تأخرت ..؟! اهلك بينامون متى بيمدي توديني بدر : بينامون معناها نامي وارتاحي اليوم وبكرة أوديك لأهـــلك . ميهاف : لا يكون هذي نيتك من أول وحسبالك بتمشي علي .؟! هيييه حبيبي بتجي انت ولا دقيت على واحد من اخواني ياخذني بدر : وش ذنبهم اخوانك تشغلينهم فيك .؟! ولا صارت الجلسة عند اهلي تضايقك .!؟ ميهاف تحاول تسايسه : مو سالفة .. بس حنا متفقين اني بنام عند امي ليش التعقيد اللحين .؟! بدر بملل : بالطــريق جايكم خلاص عاد .! وسكر السمـاعة طالعت الجوال بتذمر .. وهي ترجع وتجلس , اسماء : هاه خلصت حصة المغازل .؟! ميهاف " مغازل وين يابنت الحلال " : يقـــول بالطريق اسماء : هجل ريحي اعصابك احسك مره مو مرتاحه ميهاف : امك احسها جالسه صاحيه بس عشاني .. الوقت بجد متأخر يا اسماء مو معقولة يعني بعـــــد نص ساعة .. دخل البيت : مســاء الخير ام فراس اللي جت تجلس معهم : مساء النور ... هلا والله يمه وينك ابطيت .؟! بدر وهو يجلس : خبرك الشباب ومبطي عنهم خذتنا السوالف .. " طالع ميهاف " جهزي لي حاجة اكلها قبل نمشي ميهاف رفعت حواجبها باستنكار لطلبه ... طالعها بحده : ماتسمعين .؟! ام فراس بانحراج : اسماء قومي مع ميهاف .. ماراح تعرف للمطبخ والخدم نايمين ميهاف رمته بنظره وهي تقوم .. دخلت المطبخ مع اسماء وقالت : كيف اجهز اللحين ما أعرف بمطبخكم شي .؟! اسماء وهي تكبت ضحكتها : هههههههههه اجلسي اجلسي بزين انا ميهاف ويدها على خصرها : سلامات إيش يضحك ضحكيني معك .؟ اسماء : هههههههههههههههههههههه بدر وانتي هههههههه يعني عشنا وشفنا بدر يتأمر على ميهاف مره مو لايق عليكم يالخكر ميهاف : ماتضحكين يالســامجة .. واخلصي جهزي شي خل نمشي اسماء : اووووه عصبت ابعدوا عنها .. ميهاف بعد ما ارتفع ضغطها : اقول وخري .. انا بجهز الغلطان اللي يطلب منك شي سحبت كيسة الخبز وطلعت المربى وهي تدهن الشريحة وتحطها بصحن مع كاس عصير : وخلصنا الله لايحدنا عليك يختي اسماء : هذاك سنعتيه من أول كان بدل هالنظرة اللي رميتيه بها هههههههههههههههههههههههه ميهاف والصينية بيديها : بفقع وجهك بهالصينية اسوم ! جلست الصينية عـنده وراحت تلبس عبايتها عشان تحطه قدام الأمر الواقع : .................. مجرد ما قظم من التــوسته تفلها مباشرة وهو يدخل بنوبة سعــال ... فتحت ميهاف عيونها مفزوعه من حركته بينما وقفت ام فراس مباشرة تضرب على ظهره : بسسسم الله الرحمن الرحيم ... اسماء بسرعه جيبي مويه لاخوك ركضت اسماء للمطبخ وسط نظرات ميهاف التايهه : شفيه شصاير .؟! شرب بـدر المويه في نفس واحد .. ام فراس فتحت الساندويشته وطالعت ميهاف بعتب : ماتدرين يعني انه عنده حساسيه من البرتقال ! والمربى مربى برتقال ميهاف : والله ياخالتي مادريت .. بسم الله عليك بدر صار لك شي .؟! بدر ويده على فمه ووجهه منقلب : إيش تتوقعي انتــي .!؟ اسماء بقلق : هد بالك بدر ماصار شي ... بتصير احسن .؟! وقف بدر بقرف وهو ينطق : اخلصي اوديك وعقبها بمر الصيدلية اخذ مضاد شدت ميهاف على قبضتهــا بقهر وهي ترمي طرحتها على وجهها وتطــلع .... التفتت اسماء لامها : يمه انا الوحيدة الملاحظه اليوم انهم مو مبسوطين سوا .؟! ام فراس : إلا ملاحظة بس جالسة اكذب عيوني اقول مابينهم الا كل خير ... الله يستر امداهم يتناقرون توهم راجعين من شهر العسل اسماء : من فترة خطوبتهم وهم يتناقرون مدري وش يحسون به .؟! كلمي بدر انتي ترا له حركات تخلي الواحد يطفر غصب ... وميهاف ما شاء الله حساسه من اقل شي تسوي سالفة بالســـيارة ... بعد فترة صمت نطقت ميهاف بقهر : لو سمحت حتى لو غلطت .. لا تكلمني بهالطريقة قدام اهلك ! بدر : خلك ساكته احسن لك .. فوق انك غلطانه تتشرطي شين وقوي عين ميهاف بقهر : احترم مصطلحاتك معي .. ترا ماني بنت ماخذها من الشارع , واساسا ليش تقولي اسوي اكلك بأول زيارة لي لاهلك .؟! محد عطاك خبر اني ما أدخل المطبخ اساسا !! بدر طالعها بنص عين : اللي بيسمعك بيقول مابقيتي وماخليتي .. كلها سندويشته ترا وفوقها مسمومه ميهاف : والله شعرفني انك عندك حساسيه يامستر ! بدر : حتى اصغر معجباتي تعرف هالمعلومة .. وانتي زوجتي ماتعرفين .؟! مو مشكلتي اذا مايهمك تعرفي شي عني ميهاف سكتت وهي تطـالع الطريق .. مالها خلق جدال معه خلاص بتوصل لبيت أهلها وتفتك من كل هالأسطوانات معه , مجرد ماوصلت ونزلت من السيارة حرك السيارة مباشرة حتى ما انتظرها تدخل لداخل , ضربت الجرس وانفتح مباشرة واستقبلتها امها بعناااق طويل : هلا والله هلا ببنتي هلا بعيوني ... كيفك يابعد قلب امك .؟! ميهاف : ماما حياتي .. حمدالله طيبة , انتي كيفك ؟وحشتيني موت ام نايف : انتي اكثر ... وينه بدر اسلم عليه .؟! ميهاف : مشغول وتعبان من الطيارة .. فمشى لبيتهم بيسلم عليك بعدين ان شاء الله ام نايف : وانتي بعد اكيد تعبانه من هالطريق .؟! ميهاف بتذمر : ايييييه ماما حدي ... فين بابا .؟! ام نايف : ابوك نايم .. انتظرك انتظرك بس طولتي ميهاف : شاسوي خذتنا السوالف هنــاك .. وعقب الشين تركوني اطلع ام نايف : لؤي بغرفته صاحي روحي سلمي عليه ميهاف : لا لؤي سلمت عليه ... هو اللي خذانا من المطار انا وبدر رمت ميهـاف عبايتها وهي تسترخي مع امها على الكنبة .... واستغرقوا بسوالف طـــويلة *** بغـــرفة غادة :- إبتسام بنبرة غير قابله للنقاش : بتروحييييييين يعني بتروحين .! غادة : خلاص ابتسام بروح .... بس هاه رنيم مقدر اتركها ابتسام : لا تتعذرين ولا تتحلطمين .. هناك مربية للبزورة حطيها عندها غادة : مو عارفة ابتسام ... ابتسام : قلت لك مافيه نقاش .. يله انا طالعه انام راح وقتي اقنعك يالخايسه غادة تنهدت بضيق : اوك بروح ... بس والشقـــة .!؟ ابتسام : مافيني حيل اتكلم غادة سكري هالموضوع بالله " وطلعت " صعــدت لفوق بعد ماتاكدت ان فهد ويزيد ناموا ... دخلت الغرفة وهي تفتح جوالها تدق عليه : هلا ابتسام ابتسام : نايف فينك .؟! الساعة 2 نايف : لا تنتظريني نامي ... بدر تو راجع والعيال مجتمعين والسهره صباحي ابتسام تنهدت : اوك تصبح على خير نايف : وانتي من اهـله سكرت السمـاعة وهي ترمي الجوال على جمب ... الظــاهر ماراح يعرف الا لما يبرز بطني وقتها بيعرف غصب . *** طـلعت ميهاف لفوق بعد ماخلصت سوالف مع امها الساعة 4 .. ابتسمت بحنين وهي تطالع باب غرفتها تحس نفسها غريبة بجد ..؟! .... انتبهت لصوت المسجل من غرفة لؤي عقدت حواجبها وهي تطرق باب الغرفة : .................مين ؟ ميهاف : صاحي .؟! لؤي : ميهاف ..تفضلي دخلت الغــرفة بينما لؤي مد يده للآيبود يسكر المقطع : ..... مانمت للحين .!؟ لؤي وهو جالس على كنبته وممدد رجليه : ماجا النوم .. خذت لها مقعد وهي تحط الوسادة بحضنها : شمسهرك .؟! لؤي رفع حواجبه : اخوك فيه مخ مو تاركته ينام ولا لحظه ميهاف : ايش جالس تفكر فيـه .؟ لؤي : كثيــر اشياء .. مثل ليش الوفاء صار عملة نادرة .؟! لا من صديق ولا من اهل ولا من حبيب ميهاف : قلبك هو اللي صار عمله نادره .. صدقني لؤي ماقابلت انسان للحين قلبه زي قلبك لاتعامل الكل على اساس نفسك لآن غيرك مايهتم .. لؤي ابتسم : خل منك انا .. كيفك انتي وبدر .؟! مبسوطة ؟ ميهاف : ايه حمدالله ... عقبال ما اشوفك مبسوط مع عروستك ان شاء الله الدور عليك اللحين لؤي سكت دون يرد : ........... رمت ميهاف كرتون المناديل عليه : ههههههههه وجع قول آمين لؤي وقف بضيق : قومي انقلعي بنام لي ســـاعة قبل الفجر .. ميهاف وقفت وهي تطلع : تصبح على خيــر لؤي : وانتي من اهله *** اليـــــوم التالي _ الساعة 7 مساءا : - اسمـاء .. طالعت نفسها بالمراية تقيم كشختها بعد ماخـلصت نزلت لاهلها تحت ام فراس : سنـــه عشان تخلصين .؟! بدر : هاه فراس ما تأجل هالسفرة .. احس بتنضغط فراس : شدعوه انضغط .. بسلم على الموجودين وبطلع عزيمة ترا مو عرس .. بدر : براحتك اجل .. ومتى بترجع ؟ فراس : متى ماخلصت شغلي .. اسماء : اقول بدوري .. ميهاف راحت ولا لسى .؟ بدر عقد حواجبه : وانا شعرفني .؟! شوفة عينك هي عند اهلها وانا هنا من وين بعرف اسماء : شفيكم انتو صاير شي ..؟ ترا زوجها يعني عادي لو تعرف ! بدر : عندها جوال تبغي تعرفي كلميها .. ام فراس : لا يكون متهاوشين بس .؟! بدر وقف : اللي هو ... اللي بيروح معي يركب من اللحين *** فـور وصول ام فراس واسماء ... كانت ام نايف وميهاف موجودين . اسماء : واااااااااااااوطالعه كيوت يالعروسة ميهاف : ههههه تسلمي من ذوقك اسماء وهي تسلم على وداد وسجى : هلا سجـــى اخيرا شفناك .. وين مختفية هالشهر .؟! سجى بنبره محتده : مادخلك ! اسماء : يممممتي بس نسأل ترا ... إلا اقول ابتسام جت .؟! ميهاف : امنيتي مره ما تسألين عن ابتسام .. ألمشكله ما اشوفكن تسولفن مع بعض ولا شي ... وش يشحنك يعني ؟! اسماء : الحب من الله مب لزوم اسولف معها عشان احبها وابيها !! ميهاف شهقت : اقول بنات شوفوا من دخــل التفت الكل .. للمرأة ذات الجسم الريان بشكل معتدل ... والشعر الاشقر القصير والمكياج القيل .. اسماء : مو هذي طليقة نايف .؟! ميهاف : ايه هي نهــــى !! وش جابها سكتت ميهاف لما اتجهت نهى ناحيتها : هلا والله بالعروسة الحلوه كيفك .!؟ سلمت ميهاف كمجاملة : حمدالله طيبين .. انتي كيفك ؟! نهى : ايه منيحة ... وينه يزيد ما اشوفه معاكم ميهاف : يـزيد مع نايف اكيد بيجي معاه نهى : اها وقت تشوفيه عطيني خبر وراحت .. اما وداد قالت بتقزز : يا قوي وجهها !! ظنكم ما تجي ابتسام بسببها .؟! ميهاف : وابتسام ايش يعرفها .؟! اذا انا انا صاحبة شرف الحفل ما أدري كيف هي اسماء : هذي هي ابتســــام .. ميهاف تلفتت : وين .؟! اسماء : الله بعبايتــــها .. " ابتسمت " وجمبــها وحده اكيد غادة ! ميهاف : اقول انا بروح اجلس مع الحضور .. ولا لي دخل بكل هالمشاكل . ابتسام توجهت نحـو الإستعداد .. ومعها غادة اللي تنهدت بضيق : مو مرتاحة وانا تاركه رنيم عند هالمربية .؟! ابتسام فصخت نقابها وعبايتها : غادة لا توجعي راسي .. خلاص وصلنا افصخي وتسنعي إبتسام بعد ماخلصت من ترتيب نفسها : انا بدخل لاخلصتي الحقيني مسكت غادة يدها : وييييييييين .؟! مافيه اقعدي معي لحدما أخلص وندخل سوا ... ما حدخل لحالي ابتسام : يوه غادة هجل اخلصي علي غادة وهي تعدل مكياجها نطقت بربكة وهي تطالع المكان كيف مكتظ : انا مو عارفه كيف طاوعتك ... ابي ارجع البيت : بــــــو !!! وحشششششتيني غدو التفتت غادة .. وهي تشوف اسماء اللي دون مقدمات سلمت عليها سلام حار : هلا والله بالزين كله ... اووووه يابنت محلوه فديت الأحمر غادة وهي تحس اسماء ريحتها : هلا والله اسوم ... وحشتيني اكثر , كيفك انتي ؟ اسماء : فينهـــا رنومه ابي اشوفها ! غادة : ههههههههههه تخيلي اجيبها لكل هالحوسه مسكينه شذنبها اسماء : معناها بجي بعدين اشوفها ابتسام وهي مرتاحه لطريقة اسماء معها اكيد ريحتها : حياك الله أي لحظه ياقمر اسماء : ليش جالسين هنا حياكم تفضـــلوا ابتسام : لي ساعه اسحب فيها اقنعيها الأخت مستحيه غادة قبصتها بانحراج : ابتسام ! اسماء : لا لا كل هالحلا وتستحين ..؟! ادخلي وانتي واثقة ياعمري محد قدك بالأأحمر عااااد ملكة غادة : ههههههههه من قدي بعد ؟! اسماء : يله انا بروح امي تبيني .. بسرعه ادخلوا بروح اخلص شغلي وجايتكم ابتسمت غادة وهي تشوفها تبتعد ... هذي اخته ! صار كلش معقـــد خلاص غادة لعد تفكري هو قالك سوي حالك ماعرفتيني خلاص سهله اعتبري نفسك ماعرفتيه ... دخـلت مع إبتسام وهنا ابتدت المعركة .... من كل مكان همس : من هاللي مع ابتسام .؟! : هذي اكيد اختها المنحاشه يقولون رجعت وتطلقت ... واستغفر الله الواحد مايدري بهالنحشه وش سوت : غريبة حاضره هنا ... لا ما شاء الله وش هالثقة تقولي ماسوت شي ! : هذي هي تربيتها وش تقولين : بنت فقر حاطه نفسها غصب وسط هالمجتمع ... الواحد يعرف مكانته يختي شدت غادة قبضتها على شنطـــتها وهي تحس الإنشراح اللي بعثته اسماء داخل نفسها اختفت فجأة وصارت مو قادره تتنفس :........................... ابتسام كانت تطالع تعابير وجهها اللي انقلبت بقلق وهي تهمس لها : لا تهتمي لكلامهم توجهـت ابتسام لأم نايف تسلم عليها وتبارك لها .... طالعت ام نايف وراها وهي تنتبه لغادة ثم طالعت ابتسام : شوي ابتسام ابيك لحــالك .. نزلت غادة عيـونها وهي ماكانت محتاجه ان ابتسام تروح بعيد عشان تعرف وش ام نايف قايله لها .. واضح بتقولها كلام عنهــا .. كلش بدا يوقف .. مو عارفه تبادر السلام لأحد تحس بعجز وسط نظراتهم , تنتبه لوجيه معروفه ميهاف .. سجى .. وداد ... كلهم يطالعونها بس مافكروا حتى يكلمونها ... مثل ماتوقعت قرارها كان غلط ومتهور .. رفعت عيونها ناحية الجهه اللي راحت فيها ابتسام وام نايف ... وهي تنتبه للضيق بوجه ابتسام كان كلش واضح ... رجعت ابتسام لعندها وهنا نطقت غادة مباشرة بخنقة : إبتسام انا بطلع ... إبتسام ماعارضت وقالت بهدوء : بكلم نايف يوصلك غادة : لا ! باخذ تاكسي وبروح ... خلاص ابتسام هزت راسها بحزن : وقت توصلي كلميني التفتت غادة مباشرة وهي تطلع وحابسه دموعها وتدعي على نفسها بالموت مليون مرة عشان فكرت تجي هنا ... النظرات كسرتها والكلام كان قاسي وهي ماهي محتاجه قســــوة ... مكتفيه للنخــاع .. *** دخلت ابتســام بضيق .. خصوصا بعد كلام ام نايف السيء الصريح عن اختها وعن عدم رغبتها في انها تكون موجودة .. سلمت باختصار على ميهـاف وجلست وهي تنتبه للناس يطالعونها بشكل مبالغ فيها .. معقولة للحين يهمسون فيها عشان غادة .؟!!! انتبهت لمــرأة بنصف العمر تتوجه ناحيتها بفستانها البنفسجي وتمد يدها ... وقفت ابتسام وهي تسلم عليها ومو فاهمه ميــن .... نطقت المرأة : عـــرفتيني .؟! ابتسام : لا والله ماحصل لي الشرف .. .ميــن .؟ ابتسمت : انا أم يـــزيد .. " كملت بخبث " على وزن أبو يزيد ابتسام استوعبت .. واكتفت بكلمة : هلا والله تشرفنا ! جلست ابتسام وهي تحس هالجلسة تضيق فيها اكثر واكثر كل دقيقة ... وهي ماتقاوم كل لحظة ولحظه ترفع عيونها لها وتفكر " زوجة نايف الســابقة .؟! " بعد فترة من صمتها بالجلسة ... نطقت نهى بصوت واضح : شفــــيك ابتسام كأنك متضايقة .؟! ابتسام وهي تضغط على نفسها تبتسم : سلامتك مافيني شي . نهى ببجاحه : متـــاكدة .؟! ضايق صدرك واضح .. ابتسام باقتضاب : قلت لك مافيني شي معناها مافيني شي ... إلا غصب يعني .؟! نهى : لا حبيبتي سلامتك ... بس يعني تو كانوا يقولون لي عن اختك وكسرتي خاطري بجد .. رحتي ضحية لفعايلها الســوداء إبتســام رفعت حواجبها بقهر : نعـــــــم .؟!!!! نهى : شفيك طارت عيـونك والله بس منكسر خاطري عليك وعلى وضعك تحزنين إبتسام : محد طلب منك تعاطف ولا غيره ... ولو سمحتي خلي خشمك بأمورك الخاصة ولا تدسينه في امور الثانين لأنك باختصار مـــالك دخل ... " كملت ببرود " اوك ياحلوة .؟! نهى : كيف مالي دخل وانتي عمـــة ولدي وبمكانة أمه ان شاء الله ابتسام وهي تتمنى تجلدها على الموقف اللي حطتها فيه وسط مجلس كامل.. فقالت بقهر تبي تسكتها : لا حشى انتي امه بالأول والاخير .. انا عمته وبس , امومتي بوفرهـا للي ببطني ميهـاف بفرحة : واااااااو ابتسام الف الف مبروك .. ياتعبانه تو ادري انك حامل ! ابتسام : يبـارك فيك حبيبتي .. سكتت نهى نهائي وقت انهلت التبريكـــات عليها من كل مكــــان وهي نسيت تماما .. *** لبست غادة عبايتها وهي تحبس دموعـــها وقهرها .. حتى لما فكرت تطلع من جو الكئابه ماقدرت .. قالها هيثم " نظرة المجتمع للمطلقة حقيرة " ..... اثناء ماهي واقفة على الطريق تحاول توقف لها تاكسي انشلت حركتها وهي تنتبه لجمبها بكـــم متر ... شابين واقفين قدام سيـــارة والأول واضح ومعروف .... تعرفه كثر ما انلجمت قدام هيبته : ................ يسولف مع شاب قدامه ... تسمرت عيـــونها فيه وهي تطالعه وكل قهر الدنيا بعيـونها , لعنته مليون مره لحظتها على الحال اللي هي فيه اللحين .. صحت من تسمرها على صوت البــــوري للتاكسي .. التفتت مباشرة بخوف وهي تنتبه له يلتفت لهم بضيق اثر إزعاج البوري ... وركبت مباشرة قبل يعرفها : ............................ ركب مباشرة مع سايقه وتحركت سيــارته ... اما غادة بلحظة قهرها وغضبها على المجتمع وعلى حياتها نطقت : إلحق السيارة اللي قدامك ... *** إبـــتسام :- بعد العشاء مباشرة ... مسكت جوالها وهي تدق على نايف : الـــو .! نايف بربــكة من ردة فعلها بعد ماتقابل نهى : هلا والله .. ابتسام : خلصت .؟! نايف : خلصتـــي انتي .؟! ابتسام بحده : مالك فيــــني ... انت خلصت ولا لا ؟ نايف وهو فهم لحظتها انها قابلتها : خلصت .. بتطلعين .؟! ابتسام باقتضاب : ايه .. سكرت السماعة وهي تسحب عبايتها ... وقفها صوت ام نايف : وين ابتسام بدري .؟ ابتسام : حمد الله تعشيت وخلصت ... ماعاد فيه داعي اجلس اختي بالبيت لحالها ام نايف تنهدت : لا تزعلين يا ابتسام .. انا ماقلت كذا عن اختك إلا عشانها وعشانك الناس ماحيتركونكم بحالكم ابتسام : اذا بزعل ماراح ازعل من هالشي .؟! راح ازعل من اللبــاقة اللي قابلتني فيها ضيفتك ام نايف : يوه نهى ماعليك منها كل الموجودين عارفينها وحافظينها انها سفيهه ... " ابتسمت " المهم انتي انتبهي على صحــــتك والله فرحتيني بهالخبر ان شاء الله الف الف الف مبروك ابتسام : يبــارك فيك ... يله انا طالعه نايف برا رمت طرحتها على وجهها وهي تطـــلع وتركب السيارة بصمت ... قابلها صوت نايف : هـلا والله .. مسرع خلصتي لسة بدري .؟! ابتسام : لا تخاف الساعتين اللي جلست فيها تسوى عمـــر .. كثر الله خيرك نايف تنهد : قابلتيـــها .؟! ابتسام التفتت له بصدمه : كنـــــت تدري انها موجودة .؟! !! نايف : أيــه .. بس ماحبيتك تشيلين همها فماتكلمت ابتسام بانفعال : لا ياشيخ ... ليتني شلت همها وعرفت انها انسانه وقحه نايف : ليش شصـــار .؟! ابتسام بقهر : مايحتاج اقولك ... كلمها تواصل معها كعادتك وبتعرف .. نايف : لا تطرين سوالف قديمة يا ابتسام ... سالتك انا وش صار .؟! اشاحت ابتسام بوجهها وهي تكبت دموعــها : ماصــار شي .. نايف : ...... ابتسام تكفين مو رايق لكل هالموجز ... بتعلميني ولا عرفت من امي ابتسام بقهر : امـــك .. امك تشوف انه عادي نهى تكون موجوده بحضوري وتسمممني بحكيها ..!! وتعارض ان غادة تكون موجودة وتسمعني كلام ماله داعي في اهلي !!! نايف وهو ينتبه ان غادة مو موجوده معهم : ايه صح .. وين غــادة .؟! لايكون طردتها .؟ ابتسام بانفعال : لا .. كان يكفي منها انها تبدي وجهة نظرها وتقول ما ابيها هنـــا ! اذا اهلك ماراح يحترمون اهلي وقتها انا ماني ملزومة احترمهم ... تدري لو وحده غيري اليوم كان سوت مشكلة ماصارت ولا حصلت اليوم من ورا معاملتهم نايف بقهر : بســـك الغاز ... تكلمي بالواضح وش صار اليوم .؟!!!!! ابتسام : اللي صار انهم ذلـــوني في أختي .. وانا اللي مايحترم اهلي يا نايف ماني ملزومة فيه ! يا كثر مايصير عندكم لو الواحد يبغى يتشمت قدر بس الواحد يحترم ! نايف : خلاص روقـــي .. امي وبكلمها ومالك إلا اللي يرضيك يامعودة ابتسام : اممـــك مالها دعوة !! امك ماجرحتني وسط العـالم زي طليقتك المصونة هذا جزاي عشان مسكت ولدها لها هالفترة .؟! نايف : مايحتاج تتمنني في ولدي يا ابتسام ! ابتسام : آسفة .. الظاهر حتى انوه الواحد يفرغ صار ممنوع ! نايف : فرغي ماقلت شي .. بس يزيد ماله علاقة بكل هذا ! واذا على نهى قلت لك احقريها وراح تكون اخر مره تشوفيهـا على كل حال ابتسام : هذا اللي قدرت عليه .؟! اني ماراح اشوفها ... والكلام اللي سمعه الكل ودخل عقلهم , انساه كمان ؟ نايف وقف السيارة قدام البيت وقال بهدوء : انتي هـدي بالك وقتها بنتكلم .. مقدر اكلمك وانتي منفعله كذا طالعته ابتسام بقهر ثم نزلت وهي تدخل البيت .. بينما نايف اسند ظهره على مقعد سيارته وضرب المقود بيده بقهر ثم طلع جواله ودق على ميهاف : الو نيوف هلا نايف : هلا ميهاف ... على السريع وش صار اليوم ؟! ميهاف بضيق : ايه قصدك نهى وابتسام .؟! نايف :علميني بالله اللي عندي مو راضيه تتكلم ميهاف : خبرك نهى ... وسط العالم عيرتها بغـادة وكلام كثير ضايق ابتسام .. نايف تنهد : كله من امي ... قايل لها لاتعزمها بس معنده .. ميهاف : انت روق ان شاء الله كلش تمام .. اهم شي مبــــروك نايف عقد حواجبه : مبروك على شـنو .! ميهاف : هههههههههههههههه ياويلي الولد خرف ... مبروك حمل المــدام نايف : ........... *** بعـد مشـوار طويل ضرب فيه عداد التاكسي ... وقف قدام المطـار ونـزل وهو يطالع ساعته , نزلت غـادة مباشرة بخــطوات مقهورة حتى صارت قريبة منه بمسافه معقولة ... عقد حواجبه وهو يشوف المــرأة اللي قدامه بعبايتها : ..........؟ نطقــت غادة بقهر : يـــا كذاب ... |
رد: انتماءات كاذبة
بجد أم نايف ما عندها دم
ومستغلة ان ابتسام بتمشى الأمور وعاقلة بس شفنا أخيرا نايف اتعصب ههههه اسماء : بجد انتى ناوية تروحيله تانى بعد التهزيئة المحترمة؟ " يا كذاب" قفلة درامية الله أعلم ايه ناوى يسمعها فراس خايفة يكمل عليها بعد قهرة العزومة بالتوفيق :55: |
رد: سوالفنا حلوة في مقلط ماما زاراممنوع دخول الرجال
السلام عليكم ورحمة الله وبركاته
التنبيه هذا بالعربية الفصحى حتى يفهمه الجميع بوضوح صفحات الروايات للنقاش البناء التفاعل الذي يثري الروايه النقد الذي يصب في مصلحة الروايه و الكاتبات الاسئلة و الاستفسارات الاحاديث الجانبية تفاصيل لا تقرب للرواية باي شكل من الاشكال التهاني و التبريكات العزاء و المواساة كلها لها اماكن اخرى غير صفحات الرواية هذا الاسبوع هو اخر اسبوع ستركض فيه المشرفات خلف المخالفات العديدة اي مخالفة اعتبارا من الاسبوع القادم ستعرض مرتكبها للانذار و ربما تعليق العضوية لكل مقام مقال ارجو الالتزام بقوانين ليلاس الذي كان و ما زال و سيظل بيتا يجمعنا بحب مشترك للروايات |
رد: انتماءات كاذبة
" البارت الثــلاثون "
- لو إستبدلنا مقولة " للحيطان آذان " بمقولة " للملائكة أقلام " لـ وُلد منا جيل لايخشى إلا ذنبه ولا يرجوا إلا ربه .. احمد الشقيري وقـــف فراس بمـكانه وهو يطالعها .. انرسمت تعابير استخفاف : انحشتي مـرة ثانية .؟! بخاطرك توصيلة لبيت اهلك هالمرة بعـد ماعندي مانع والله غادة بنبرة غاضبة : ماراح اسامحك على كل شي صـار لي ... انت السبب بكلش ! انت اللي كذبت علي ..! انت اللي رجعتني !! فراس ببرود : لا تحطيني علاقه تعلقي فيها كل مشاكلك ... وفلنعتبر اني انا السبب ! وبعـــدين .؟! جايه تفضفضي .!؟ غادة بقهر : لاا .. لاتحسب اني نفس البنت اللي عرفتها ماعادت لك سلطة علي عشان اخاف على نفسي ! اللحين انا بايعتهـــا .. ماعندي شي اخسره ومثل ماصرتنا حثالة المجتمع بسببك اقدر اجرك للحضيض معي فراس بحدة : اختــــاري كلماتك زين .. لا تقولي كلام كبير عليك ومثل ماقلتي انتي حثالة مجتمع فاحترمي مكانتك غادة : إنتــا قلتها بنفسك .. انا اعرف اشياء كثيـرة مفروض ما اعرفها ! اقدر استعملها ومثل مانبهتك انا بايعتها فراس ابتسم بسخرية : من بيصدقـــك .؟! ع بالك وحده مطلقة ومنحاشة و" كمل بتشديد " حثالة مثلك بيصدقوا كلامها عني انا .؟! غادة شدت على قبضتها : لا تستخف فيني فراس .. الأيام جاية وراح اعلمك كيف بقدر ارد اعتباري , حتى لو على حسابك , انتا ماكلفت نفسك حتى تعتذر ... فراس : اعتذر .؟! المفروض انتي تشكريني اللي رجعتك لأهلك وتتركين منك هالهبال ! دام رجعتي الزمي العافية ولا تحطين نفسك بتحديات منتي قدها غادة بقهر ونبرة هادية : حنشوف إذا انا قــدها او لا ... ودارت ظهرها وهي ترجع تركب التاكسي .. اما فراس زفر بقرف وهو يمشي بطريقه لداخل , نبرة جريئة , وتيرة صوت مهتزة , عيون لامعه , هذي هي بلا شــك ماتغيرت رغم المواجع على قولتها .. ابتسم بسخرية واستهزاء على تهديـــداتها .. *** اثنـاء جلوسة بالكافتريا ... واحتسائة لقهـوته قاطعه خطوات مسرعة ناحيته وصوت مرتفع متفاجئ : هيثـــــم !! سمعت انك سحبت تريشيحك من الرئاسة هيثم بهدوء : أيـه . جلس قدامه وقال بعدم تصديق : مو صاحي !! وليــــــــه .؟! كان معروف انك بتفوز ليش سحبت نفسك هيثم : ماعدت ابيها . : شصـــاير لك انت .؟! هالفترة كلها بالصيدلة وترفض العمليـــات واحسك تعاقب نفسك بأي طريقة هيثم : مــراد اذا تبي تترشح انت ترشح .. انا فعلا مالي خلق الرئاسة مراد : لا كلمني زي العالم ... شفيك هالفترة ؟! هيثم : مافيني شــي مراد : اجل وين حماسك للشغل .؟! لك اسبوع مادخلت غرفة العمليات !! وانت اللي باليوم لازم عملية عمليتين هيثم : ابي استراحة ... حرام ؟؟ مراد بقهر : بس والله حـــرام الرئاسة .. هيثم : اتركها للي يستــاهلها .. انا ما استاهلها مراد : والله تستاهلها بس انك حمــار وغبي هيثم بهدوء : معـك حق .. حتى الحمار مو كذا مراد بدهشة : لا لا لا !! انا اقولك حمار واسبك وتقول ايه .؟! بجد بجد شصاير ؟ وقف هيثم وهو يرمي كوبه ويتـــرك المحادثة المزعجة .. ويدور مكان ثاني هدوء يسترخي فيه اثناء طريقه قاطعه دكتور : دكتور هيثم .؟! وقف هيثم : هلا دكتور .؟! الدكتور : فيه عملية اليوم الساعة 7 حاب تشارك فيها معاي .؟! هيثم : لا ... مقدر الدكتور : وليش ماتقدر .؟! لك اسبوع ماتقدر ... تعبان اجل ؟ هيثم : نوعا ما .. الدكتور : اها اجل الله يعافيك ... وقت تتشافى عطني خبر قدامنا شغل كثير *** دخلت اسماء المجلس بعد العشاء والحوسه ... جلست بتعب مع البنات : اخيرااا جلست .. حشى لي ساعتين شغل وداد : عزيمة اخوك ان ماسنعتيها مين بيسنعهـا .؟! اسماء : ايه والله لعيون بدر تهون .. " عدلت جلستها " إلا وين غادة ما أمداني اسولف معها كشرت هيفاء : سمعت انها حاضره بس ماشفتها .؟! حتى لما دخلت ابتسام ماكانت معها أسماء : إلا انا شفتها وسلمت عليها وعقبها انشغلت ... " التفتت لميهاف " شفتيها ؟! ميهاف : همممممم .. ماما كلمت ابتسام عشان ماتجلس بالعزيمة , لأن الشوشرة كان مو طبيعية .. اسماء شهقت : طــــــــــــــردتوها .؟! سجى : اكيد ولا كان شفناها اسماء بقهر : ولييييييييييييه .؟! انا ماصدقت انها بتحضر تروحون تطردونهـا ؟! ميهاف : وانتي ليش متعلقة فيها كذا .؟! الله يستر عليها يختي اسماء باحباط : ظنكم عقب اليوم لو أعزمها بتجي عادي .؟! وداد : انتي وحظك . اسماء باحباط اكثر : انا وحظي .؟! اففف اذا احد قالي هالكلمة افقد الأمل نهائيا هيفاء : ههههههههههههههههه كل هذي قـراده اسماء وقفت وهي تطلع : بروح اكلمها قبل تطين السالفة زود ... طـلعت لمكان هادي وهي تفتح جـوالها ... دقت عـلى ابتسام نظرا لأن جوال غادة خارج الخدمة من انحاشت , لكن مافيه رد ... تاففت بقهر : الله يسامحك يامرة عمي كذا تطردينها مره وحده !! : اسمــــاء !! التفتت لأمها : هلا يمه .؟ ام فراس : شتسوين هنا لحالك .؟! بسرعة تعالي امشي بصواني التحلية على الحريم اسماء باحباط : جاااااايه ... " مشت وهي تتحلطم " اااه يا قهر ماتطوعت اشيل صواني الحلا الا عشانهن افف اثناء مشيها دق جوالها .. كبست عيونها بحماس وهي تطلع الجوال من جيبها على أمل تكون اعادة الإتصال بس احبطت وهي ترد : ها بدر بدر : ها بدر .؟! اسماء : يوه بدر والله مالي خلق شبغيت .؟! بدر : سلامات وش فيه المود قالب ؟ اسماء : لأن حظي ابن كلب ! بدر : ههههههههههههههه افاا هذي وهي عزيمتي اسماء : شبغيت عاد ؟! بسرعة ابي اروح اودي صواني الحلا ومليون شغله بعد بدر : من بقــى موجود ؟! اسماء : باقي عــالم واجد ... عمتي ومرة عمي وطليقة نايف وام حسان و ... عالم عالم بدر : ابي اسلم على خالتي من جيت للرياض ماشفتها .. ولا عليك امر عطيها خبر اني برا ابيها اسماء شهقت : للحين ماسلمت عليها ؟! يالخايب بدر : ياليييل الليل بتنادينها ولا شلون ..؟! اسماء : هههه امزح امزح بناديها اللحين لحظه .. سكرت السماعة وهي تدخل لمجلس الحريم : خالتي مزنة ام نايف : هلا سمي اسماء : بـدر برا يبغى يسلم عليـــك ميهاف سكتت وهي مستنكرة داق على اسماء وهي موجوده ..!؟ : ............................ وقفت ام نايف وهي تلتفت لميهاف : يمه ميهاف تعالي معي وقفت ميهاف وهي تطلع مع امها : لبيك .؟! ام نايف : شنو لبيك تعالي روحي معـاي ميهاف بضيق : لا يمه روحي انتي انا بجلس مع البنات .. لو يبغاني كان دق علي ام نايف هزت راسها : انتو صاير معكم شي ... منتو على خبري ! ميهاف تنهدت : مو وقته ماما .. روحي هو برا ينتظرك طلـعت ام نايف .. اما ميهاف التفتت للمراية بحجم الجدار قدامها وهي تطالع نفسها بقهر , مو ناقصها شي بس مو فاهمه ليش مو قادر يشوفها هي وبس ؟! ليش لازم يقهرها ويحرها بحركات مريضة .. رجعـت تدخل المجلس وهنا اشرت لها ام فراس اللي جالسة : تعالي يمه ميهاف جمبي ابتسمت وهي تجلس جمبــها .. نطقت ام فراس بهمس : ابي اسألك من جيتينا اخر مرة .. بس بدر موجود والوضع ماسمح .. ميهاف : امري خالتي شفيه ؟ ام فراس : انتــي وبدر وش صاير معاكم .!؟ منتوا مثل ما اعرفكم ميهاف تنهدت بضيق : شوفة عينك خالتي ... انا ماغلطت والله الشاهد علي ورغم انه غلط ماراح أقولك هو ايش سوا بالضبط ؟! بس ابيك تعرفين انـي ماتمنيت تشوفينا بهالشكل بس اللي جالس يصير اقوى مني ام فراس بقلق : وش هاللي جالس يصير رجيتيني ؟! ميهاف ابتسمت : لا أرجك ولا شي .. " كملت بطبيعية تطمن ام فراس " سميها مشاكل زوجية وتنحل ان شاء الله ام فراس بهم : لاتكوني رافضة تجلسي عندنا هالفترة بسبب هالمشكلة ؟! ميهاف : لا لا حشى والله ! انا بجد مشتاقة لأمي وحابه اكون عـــندها ام فراس : هجل بعـــد بكرة أول يوم رمضان ان شاء الله فطورك عندنا .. ولا تقولين لا انا مصره ميهاف ابتسمت : ان شاء الله ولا يهمك .. ام فراس : روحي مع البنات وسعي صدرك اللحين .. هذي عزيمتك الله يصلح امرك ويوفقك باست ميهاف راس ام فراس : ويـــاك ان شاء الله خالتي , الله لايحرمنا منك بس : اوووووووووووووه شصاير عندكم هناك .؟! اسرار وسوالف وعقبها حبة راس بعد التفتت ميهاف لوداد : ههههههههههههههههههه قاطة عيونك هنا انتي ؟! هيفاء : مايبيلها ما شاء الله عليكم اخذتوا عيون الكل ... الله يخلي لك هالمزة يا أم فراس ام فراس : آمـــين وداد : ههههههههه ويرزقك أمزز منها بعد ام فراس : فيه هذي يبـــطون هذي ميهاف مو حي الله سجى : وداد عبد المجيد برا .. وين امي يقول اطلعو ؟! وداد : يله .. امي ظني مع الشغالات برا يتعافسون مدري شعندهم ام فراس : وامك هذي ماتقدر تجلس مع العالم .. لزوم تحترك وداد : هههههههههههههه تعذبينها بالجلسة انتي خالتي .. يله حنا ماشين اكرمكم الله والله يسعدك ميهاف ويوفقكم ان شاء الله ميهاف : امين حبيبتي عقبـــــالك انتي وهشـام ... إلا وين اسماء ام فراس : طلعت مع امك لبــدر برا .. والظاهر معد بقى هنا غيرنا خل نقوم نساعد الخدامات نكف كلش نرجع بيوتنا , لزوم نصحى بكرة بدري ونستعد لرمضان ميهاف وهي توقف : قولـــتك ام فراس : اطلعي لامك واسماء اكيد عند بدر برا وقولي لهم ميهاف : ان شاء الله طــلعت لحتى وقفت عند البـــاب وهي تشوفهم بنص الحديقة جالسين بالجلسة .. علت صوتها من مكانها : يمـــه اسماء .. خالتي ام فراس تقول خل نتجهز نمشي الحريم كلهم مشوا رفع بـدر عيونه لها .. وانتباهه انشد لها تلقائي طالعه ملاك بالأبيض , سحرته تلقائي بطلتها .. قال بنبرة هاديه : وليش واقفة هنـــاك قلبي تعالي نشوفك ابتسمت ام نايف وهي تشر لها تروح ... وتدخل اما اسماء : يـــاويل قلبي لا تغازلها قدامي احس بجفاف عاطفي بدر : هههههههه هجل انقلعي قبل توصل ولا باعتبرك مو موجودة شهقت : ياقليل الأدب !! رايحه رايحه يممممتي تدمرون برائتي انتوا دخلت اسماء وهي تقبص ميهاف بطريقها : يالوصخين ! مشــت ميهاف دون نفس .. حتى وصلت لعنده ونطقت باقتضاب : هلا ؟! بدر وهو يمسح بعيونه عليها من فوق لتحت : اجــلسي ارتاحي .. مو كافي عزيمتنا ولا شفتك لحظة اليوم ميهاف بقهر : تو تنتبه .؟! لك يومين ماكلمتني حتى ... ويوم بغيت تشوف امي حتى رايح لاسماء ماجيتني بدر : حتى لما كنا بباريس و أسكت وما أكلمك مو قصدي نسيتك لا لا .. بس عشان اثبت لنفسي اني لو انا ماكلمتك مستحيل تكلميني اساسا , يعني ليش لازم انا اللي ابادر .؟! وينك انتي ليش ماتكلميني .؟ ميهاف : ....... ماعندي شي أقوله خصوصا عقب باريس محتاجه ارتاح منك فترة بدر وهو يسند ظهره للكرسي : براحتك والله انتي الخسرانة ... بس لحظة يجهز بيتنا لاتناقشيني بتجين يعني بتجين ميهاف : متى بيجهــز ؟! بدر : تقريبا اسبوع اسبوع ونص كذا ميهاف هزت راسها : ..اها بدر وهو يتأملها : تعوذتي اليوم .؟! ميهاف ابتسمت بسخرية : خايف علي ولا خايف على نفسك اصير شينه واطيح من عينك ؟ بدر ببرود : كلها . ميهاف : معناها الجواب ايه تعوذت .. اصابتها رعشه ونسمة هـواء مرت عليها ... حضنت ذراعها لصدرها : ............... بدر : لبسك خفيف والجـو برد .. ليش ماتدفيني ؟! ميهاف : ماحطيت ببالي بطلع بــرا .. بدخل وبس اساسا لازم اساعدهم نخلص ترتيب المكان ونطلع بدر تنهد : اللـــي يريحك .. اوصلك انتي وامك بيتكم ؟! ميهاف : لا مافيه داعي .. لؤي موجود بدر وهو يوقف : معناها عطي اهلي خبر اني برا انتظرهم ميهاف : مـــاشي .. مشـى بطريقه طالع وعيـونها ماطاحت لحتى ماتسكر البــاب .. : ............... عـلاقتهم كانت مشتعـله قبل زواجهم , مجرد ماتزوجته تحس اصابها برود غير طبيعي , كانه كان متولع فيها لحتى ملكـها واللحين بـرد ناحيتها ... : ميهاف ؟! التفتت لأسمـاء اللي تطالعها عاقده حواجبها : جالسة هنا لحالك ع بالي بدر معاك ؟! ميهاف وهي توقف : أيــه .. تو طلع وينتظركم برا . اسماء : اهااا .. نوصلك معانا ؟! ميهاف : لا ياقلبي مافيه داعي ... لؤي موجود دخـلت داخل وهي تلبس عبـــايتها وتطلع مع امها ويركبـون مع لؤي ... ورغم التعليقات الكثيرة من ام نايف وسوالفها عن العزيمة واستيائها من ابتسام و ..... كان وضعية لؤي وميهاف الصمت كلهم مثقلين بهمهم ومالهم خلق .. *** وقف التـــاكسي قدام باب البيت ... نزلت وهي تدخل البيت استقبلتها ابتسام : ويــــن كنتي ؟! لك ساعه من طلعتي تو توصلين !؟ غادة وهي تسحب طرحتها : كنت محبطة .. مابغيت ارجع البيت مباشرة فرحت كافي اتقهوى تنهدت ابتسام : خوفتيني عليك .. وبعدين ارجعي افتحي جوالك !! مو معقول كل ما ادورك ما احصلك غادة وهي تجلس على الكنب : فين رنيم ؟! ابتسام : رجعت ونومتها .. واللحين نايمة غادة : ونايف ..؟! ابتسام : ما أدري ... غادة : وكيــف العزيمة ؟ ابتسام هزت راسها : ماشـــية .. مافيه حاجة مهمه غادة وقفت : اجـــل انا بدخل انام ... تصبحي على خير ابتسام دق جوالها وزفرت من قلبها ... التفتت غادة لها : شفيـك ؟! ابتسام وهي تطالع شاشة جوالها بضيق : هذي اسماء ... من طلعت وهي تدقدق مدري شعندها غادة : طيب وليش ضايقة ردي عليها ابتسام وهي ترمي جوالها : مالي خلق اللحين غادة سحبت الجوال : انا حرد عليها .. " ردت " الـــو اسماء : هــالو سيمو ... كيفك ؟! غادة : ههههههههههه انا غادة اسماء وصوتها تهلهل اكثر : هلا هلا والله ... كيفك شلونك حيا الله الصوت ؟! غادة : حمدالله تمام ... انتي شلونك شمسوية ؟! اسماء : انا ضايقة بصراحة ... يعني ما حصل لي وقت اجلس معاك اليوم !! غادة : الله يعين ... اسماء وهي تحاول تفرفش : شرايك طيب نشوف بعض بمكـــان ثاني !! غادة وهي ترسم بعقلها خطة : معــــناها شرايك افطر عندك اول يوم رمضان ؟! نستقبله سوا ... وبالمرة اخلي نايف وابتسام ياخذون جوهم احس بيقتلوني اسماء : هههههههههههههههههههه صح صح معك حق اتركيهم يختي ... وتعالي انتي عندنا نفلها بنات غادة ابتسمت : من عيوني والله تسعديني فوق ماتتصورين اسماء : معناها حنا على موعد ... فطورك اول يوم رمضان عندنا ان شاء الله غادة : ان شاء الله .. اشوفك على خير سكـرت السماعة وهي تلتفت لابتسام اللي فاتحه عيونها بتعجب : بتروحي ؟! غادة وهي تحط الجوال على الطاولة : ماسمعتيني ؟! ايه بروح ..." كملت ببرود " شفيها ؟! ابتسام : عوافي بس غريبة .. على اساس ماتبغي تطلعي !؟ غادة وهي بطريقها لغرفتها : لمتى حضل كذا .؟! لازم امشي بحياتي دخلت غرفتها وهي تتلمس خوف بقرارها .... بس كلش حيكون تمام ؟! هو بالمطار اليوم يعني بيسافر ..؟ ياترى بيكون رجع ... لا لا مستحيل هو سفراته طويلة ...وليش خايفة منه ؟! طقاق يطقه .. *** نــــايف / بعد ســرعة جنونية ومخالفات اكثر .. وقف سيارته قدام باب بيتها وهو ينزل ويعلق بالجرس وقطرات عرق بجبينة من التوتر اللي عاشه الساعتين هذي ( نايف : حـــامل .؟! ميهاف : أيـه .. ابتسام بنفسها قالته , راح تجيبون ليزيد اخو يابختكم نزل السمـــاعة وهو مو مستوعب .. هذا اللي كانت تحاول تقوله له هاليومين ..؟! مسح على وجهه بربكة .. وهو يغير مسار سيارته ويضرب السرعة لبيــتها ) : ميـــن ؟! نايف : هذا انا نايف افتحي ! انفتح البــاب ودخل مباشرة بخطوة واسعة وهو يطالع الشغاله بنظرات نارية : فين نهى ؟! الشغالة وهي تاشر بربكة : داخل نايف ونظرته تحتد : لحــالها .؟! الشغالة : مع مــدام كبير .. ماما سعديه نايف هز راسه : الراس الكبير هنا بعد .. كويس كويس صعد درجات المدخل بخطوتين وهو يطق الباب ويدخل ... نهى ببجاحة لما طالعته : هلا نانو .. حياك الله انرسم على وجهه ملامح تقزز ... والتفت مباشرة ليزيد الجالس قدام التلفزيون : يزيد اصعد لفوق يزيد : ابي اسوف التلفز... قاطعه نايف بصراخ مرعب : يـــــزيد اذلف من وجهي سعدية " ام نهى " : ليش تصارخ على الولد ؟! وش سوا لك هو !! جاي بشرك انت ؟! اكتفى نايف بالتحديق فيها وهو يعد بداخله ينتظر يزيد يصعد ... بعد ماصعد التفت لنهى مباشرة : شمسوية انتي ؟! نهى بتصنع للدموع : ايش فيك يا نانو تصرخ علي كذا .؟! شمسويه لك انا ؟ نايف بغضب : لا تراوغيني نهـــى !!! مافيه داعي نناقش وش صار انا عارف وانتي عارفه ... انتي وامك فوقك وجدتك بقبرها محرم عليكن تجن بمكـــان يخصني .. او يخص اهلي .؟! سعدية : والله حنا معزومين ماجينا قاطين وجيهنا ؟! نايف : انتي ياعجوز النار اسكتي محد كلمك ! نهى بقهر : نايف لاتكلم امي بهالطريقة لو سمحت !! نايف : البيت هذا اللي انتو ساكنينه بيتي ... وهبته لك لعيــون ولدي مو لشي ثاني ! معناها شغلتك انتي وعجوز النار معاك تربون ولدي لي وبس " كمل بعـلو" اعتبروا نفسكم تسدون خدمه مدفوعه .... اما تتعدين على أي شي يخصني " كمل بتشديد" خصوصــــا زوجتي .. وقتها والله واللي اسمه الله يانهى وتراني ما أحلف عبث لاحرمك من يزيد ليوم الدين نهى بقهر : وانا ايش قلت لزوجتك ...؟! نايف : ان شاء الله عمرك ماقلتي لها شي .. كيفي ما أبيك تشوفينها الله يكرمها ويكرم عيونها من اشكالك نهى ودموعها نزلت : الله يسامحك يــانانو .. واللهي ما توقعتها منك نايف بحـدة : ابو يزيد !!! اسمي أبـــو يزيد ... سامعة يا أم يزيد ؟! انقهرت نهى من طريقته .. كانه يوضح لها ان الشي الوحيد بينهم يزيد : .......... الله يسامحك ابو يزيد نايف : انا ماشي اللحين ... جيت اقولك هالكلمتين وحطيها حلق باذنك ! لو يتكرر اللي صار اليوم صدقيني ماحيكون بصالح احد فينا والتفت وهو يطــلع مباشرة ... ضربت نهى برجلها الارض : اكرهـــا !!! امداها توصل له الحقيرة ؟! سعدية : شفيه نايف من متى وهو عصبي كذا .؟! نهى بقهر : من زمان ... بارد بارد بس وقت يعصب ابعدي عنه !! بس هين يا وجه الشر انا اوريها سعدية : اركدي نهى ! ماسمعتيه انتي ؟! تبينه يطردنا من البيت وننحرم من ولدنا عـند نايف / تنهد بضيق وهو يركب سيارته ويسند راسه على الطـارة ... : آخخخ شسويت انا .. دق جـواله .. رفعه بتعب " بدر " رجع ينزله وهو يعدل جلسته ويسوق سيارته ببطء عكس سرعته من شوي .. بعد ساعه ونص وقفت سيارته قدام البــاب .. على صوت الأذان لصلاة الفجر " الله اكبر الله اكبر .. الصلاة خيــر من النوم " نـزل من سيارته وهو يسحب نفسه لداخل البيت .. يحس الخبر أثقله صعد بخطوات ثقيلة حتى وصل لغرفتهم فتح الباب بهدوء وهو يدخل .. وتستقبله برودة الغرفة وكأنه برودها ... مشى حتى جلس بطرف السرير ويسند يده وهو يتـــأملها وهي نايمة نومتها الناعمة .. حتى بنومها مرتبه يدها تحت اذنها ونايمة على جمبها اليمين وتنفسها منتظم .. مسح بيده على شعرها الأسود حتى انسابت يـده لكتفها وذراعها .. ووصل لهـدفه ثبتت يده المرتجفه عند منطقة بطنها .. سحب يده بعد فترة وهو ينطق بهدوء : إبتســام ... " هزها من كتفها بنعومة " ابتسام فتحت عيونها بكنسل ... نايف ابتسم ابتسامة خفيفة : الصلاة .. اذن رجعت شعرها ورا اذنها وهي تجلس : قمـــت .." عقدت حواجبها وهي تطالعه مازال جالس ويطالعها " باقوم .. نايف وعيونه الناعسه بعيونها وبصوته بحه متعبه : لـو اسألك سؤال واحد وأرهن نفسي عليه .. بتجاوبيني ؟! ابتسام ما استوعبت اللي صاير .. تو صاحية ومو مستوعبة نظراته ولا حتى مقصده بكلامه : شفيك نايف ... اصبحنا . نايف كمل : واصبح الملك لله ... " ازدادت ملامحه ليونه " سامحيني .. كثر ما أغلط ماعندي شي اقوله لك غير سامحيني .. مسحت ابتسام على وجهها بكسل : اووه نايف اذا قصدك امس نقدر نتفاهم بعدين .. مو وقته والله راسي مو بمحله نايف حط إيده ورا راسها وهو يقرب جبينها له ويطبع قبله : سلامة راسك .. " وقف " قـومي صلي أجل ونتكلم بعدين على قولتك عقدت ابتسام حواجبها وهي تستشعر مكان قبلته بجبينها بيدها وهي تطالع الباب يتسكر وراه .. شكله ماكان طبيعي .؟! فيه شي .. ؟ ابعدت الغطا وهي تقوم تصلي وتصحــي غادة للصلاة .. *** ظهر ليلة رمضان / اسماء تنهدت بملل : انا شخصه احتاج اسافر .. جعل فراس اللي مانيب قايله ام فراس : اسماء لجيتي راسي لك ساعه تتحلطمين خلصنا اسماء : اقول يمه بدر وين ماشفته اليوم ؟! ام فراس : طلع من صبح ومدري وين راح .. اسماء بملل وهي تلعب بجوالها : افف ناس مامنهم فايدة والله محد مثلي ياليتني اقدر انسخني والله اني عاجبتني ام فراس : زيـــن . اسماء بعد ما ماملت من تسليك امها قامت : انا بصعد وبس زهقت فتحت جــوالها وهي تدق على " ميسون " : هاي ميسون ميسون : هلا والله بالزين ... كيفك وين هالقطعة كلها ؟ اسماء : هالفترة رجع بدر اخوي وعزايم وحوسة انشغلت .... المهم ! اسمعي اليوم موعدنا ترا لا تنسين ميسون : أي موعد ؟! اسماء بحمق : ميسووون !! اللي قلت لك امس !! ميسون : ايه ايه تذكرت .. خلاص تم كلش بيكون جاهز ان شاء الله اسماء بحرص : كلمتي البنات كلهم ؟! ميسون : ايه كلمتهم .. وكلهن جاهزات اسماء : خلاص اجل خمس ونص ان شاء الله بمرمركم وننطلق على طول ميسون : بس يعني مستشفى وكذا .. اخاف يسوون لنا سالفه اسماء : لاا تخافين على مسؤوليتي .. اهم شي لا تنسون ياويلكم ادق على وحده تقولي نايمة ميسون : لا موجودات الله يستر منك بس اسماء : اشوفك اجل سكــرت السماعة وهي ترمي بجسمها على كرسي مكتبها : اوريك انا كيف تقولي رخيصة .. والله اني زعلت *** نـايف :- اثناء جلـوسه بلا هدف في " الديــوانية " وجواله بيده ينتظر الساعه توقف عند " 3 " نهاية دوامها : ........... : نويف مو معنا اليوم نهائي رفع عيونه للعيـال اللي جالسين يلعبون ورقة .... بدر : ههههههه سلامات نايف شعندك مسرح كذا .. تعال العب معنا نايف وهو يفرك عيونه : من أمس مو نايم مقدر العب عبد المجيد : روح نــام طيب ارتاح ! مو عشاء لا جا وقت التراويح رحت تنام وتسحب على اول صلاة نايف : ماحنـام لاتخاف بصلي جمبك بعد خالد : اووووه ياليل العنا الليلة رمضان الله يعين على مشاوير السوبر ماركت بالليل اللحين بدر : انـا مواعد اسوم اوديـها فمالي مهرب الله يعين بس عبدالمجيد : الله يعــــينكم .. انا حمدالله مقفل جوالي من امس ما عطيت مجال لهم حتى نايف : ايه ماتعطيهم مجال وبالأخير ياكلها لؤي ويروح يودي اهلك عبدالمجيد : خل يوديهم وش وراه .. بعدين لؤي ما شاء الله باله طويل يودي ويجيب تنهد نايف بملل .. الساعة 2 ونص بس مافيه صبر مسك جواله ودق عليها : ........................." مافيه رد " وقف وهو يدخل جواله بجيبه ويطلع ... بدر : وين ؟! نايف : ع قولتك انام لي شوي قبل العشاء ... ركب سيارته وهو يقــودها نـاحية شركة أبوه .. معاد طايق نفسه لازم يكلمها خلاص *** في سيــارة السواق .. انتهت مهمة التجميع وأخيـرا السيارة مكتظة بالعبايات السود / اسماء : اخيييييييييييرا تجمعناا ميسون : هههههههه اللي بيشوف السيارة بيقول حوش غنم اسماء : عادي عادي كل ماكثرنا صار احسن وحـده من البنات : ايه بس مو فاهمه ليش العزيمة بالمستشفى يعني ؟! ميسون : والله يا جماعة الخير خويتكم أسوم طايحة لها حب وعشق مع واحد هناك .. وتبي تقهره شهقــات من كل مكان : اسوم صدق ؟! اسماء وهي تلعب بطرحتها : تقدرون تقولون ... المهم ! اني ابيكم هناك هبال وصداع وضحك وابي الكل يحس يعني *** فـور دخول نايف قســمها استقبله لؤي : هلا نايف ... تصالحت انت وابوي ولا شالسالفة ؟! نايف : لا بس جاي زيــارة ... إبتسام فين !؟ بمكتبها ؟ لؤي : لا اظن عندها اجتماع .. ادخل مكتبها وانت وحظك طق الــباب بخفة مافيه رد .. تنهد معناها مب موجودة , فتح البــاب وهو يدخل مكتــبها وريحة الملطف بمكتبها .. نفس ريحة بيتهم .. فين ما تروح ملازمتها لمستها يعني .. مشى بأنحاء المكتب وهو يتأمل الأثاث والزينة ... جلس باسترخاء ينتظرها تخلص وترجع , " طق طق " : ميـــــن ؟! انفتح الباب ليدخل السكرتير .. : اوه استاذ نايف انا اسف ماتوقعت تكون موجود ... نايف : مافيه مشكلة .. تفضل السكرتير : معاي طرد طلبته الأخت ابتسام .. باتركه بمكتبها وطالع نايف هز راسه ... والسكرتير حط الظرف وطلع , طالع نايف الظرف بتسائل وسحبه وهو يتــأمله ظرف دون تفاصيل فتحــه وهو يفتح الورقة " عقـــد ملكية منزل " فتح عيونه وهو يقــرا تفاصيل العقــد .. واللي فهمه ان ابتسام شاريه بيت بأسمها ملك .. : ليش بتشتري بيت ..؟!!! معقولة ناوية تسكنه .؟ لا وين او تستثمره .؟ رجع الورقة لـداخل الظرف وتركه بمكانه .. وهو مو عارف شيقول ولا شيخلي...؟؟ دخلت ابتسام المكـــتب وبيدها ملفات وسحبت طرحتها ولثمتها مباشرة بتعب ..: احم ! رفعت عيونها وهي تنتبه للي جلس بالمكتب ... مشت طبيعي وهي تحط الملفات بيدها على مكتبها : انت هنا . نايف : أيـه هنا .. وعلى فكرة السكرتير جاب لك عقد البيت اللي شريتيه , هذا هو ابتسام طالعت الظرف ثم طالعته : فتحته ؟! نايف : اجل كيف بعرف انه عقد بيت .... تقدرين تشاركيني افكارك عن هالبيت ؟! ابتسام بصوت طبيعي : مافيه فكرة معينه ... اعجبني وشريته نايف : إســــوارة هو اعجبك وشريتيه ؟! شريتيه كذا بس ابتسام تنهدت : مع وضع غادة ... مصيري بحتاجه لها , مستحيل تسكن عندي للابد نايف : ليش لا ؟! انتي ماتبغينها ؟! ابتسام : ميـته عليها .. بس ماهي مضطرة تجلس قدام عين اهلك فأبعدها احسن لها ! نايف بربكة : عشان امس قصدك ؟! ... كنتي قولي لي طيب وباشتريها لها احسن بيت ابتسام بصرامة : شكرا نايف .. بس مايحتاج اقدر اتصرف بنفسي تنهد نايف وهو يقرص خدها بخفه : ماعندي شك انك قادرة تشيلي نفسك وغيرك يا أبضايه ... بس انا شايف غير كذا وضع غادة حساس ماينفع تتركينها ببيت لحالها اتركيها للوقت الحالي عندنا ابتسام وهي داخل نفسها عارفه ان كلامه صح : انا ماقررت للحين ايش باسوي بالبيت .... بس بكل الأحوال ماحيضيع نايف : خلصتي شغلك ؟! خل نطلع نتغداء برا ابتسام : ايه خلصت .... بس تعبانه وابي ارجع البيت ارتاح نايف بضيق : ابتسام انتي مو جالسة تعاقبيني عشان اللي صار امس.. صح ؟! ابتسام بقهر : ماكنت حتموت لو عطيتني خبر انها بتحضر ... نايف : قلت لك مابغيت اضايقك وانتي متحمسة للعزيمة ابتسام : مابغيت تضايقني ؟! مايحتاج تضايقت واكتئبت من كلش ... من طليقتك اللي تهين فيني ومن امك اللي تشذب بمكانتي وتشوفني مخزيه انا واهلي نايف : وانا ايش اقدر اسوي اللحين ..؟ تعبت يا ابتسام مو عارف من فين أجيك ابتسام : ماطلبت منك تسوي شي ... ولاني زعلانه منك انا متضايقة من امس وزعلانه على اختي فاتركني بحالي نايف عض على شفته بعصبية من برودها : أقدر ابارك لك اقل شي .؟! ابتسام : تبارك لي شـــنو ...؟! نايف حاس بفمه : ما أدري .. وش المناسبة اللي عندك ابارك لك فيها ابتسام : مو فاهـــمة .. نايف : متى كنتي ناوية تقولي لي ..؟! وقت تسمني فجأة وانصدم ابتسام : اهــا ... عرفت ..؟! مثل ما انت شايف حاولت كثير اقولك بس ماحصلت فرصة نايف : مو عذر ابتسام ! هذا مو خبر تخبينه علي ... ان شاء الله برسالة نصية اهم شي اعرف , لا والمشكلة حصلتي فرصة تقولي للعالم كلهم وانا ماحصلتي ؟! ابتسام نزلت عيونها للطاولة : ميــن قالك ؟! نايف : ما أدري فجأة اشوف العالم يباركون لي ... وانا زي الغبي واقف مو فاهم شي ابتسام : مثل ماقلت لك ... كنت حقولك بس انشغلنا كثير .. نايف : انا متسامح ابتسام .. قد ماتبغي , بس وقت انا اتغاظى عن اني اقولك وتزعلي وتسوي سالفة انا من باب أولى اقدر اطنقر عليك شهر ... لا وابشرك لو واحد غيري ماتركها تمر كذا ابتسام : لا بجــد ؟! اقلها ما جرحتك في اني ماقلت لك نايف : وانا بايش جرحــــتك ؟! والله انتي مو معقولة تغلط عليك امي بطريقة عجيبة اصير انا اللي غلطت عليك تتطاول عليك نهى اصير انا المتطاول عليك .. تزعلك غادة اصير انا اللي مزعلك ! صاير كاني امريكا بحياتك أي شي يصير انا السبب ؟! ابتسام بقهر : خـلاص نايف قلت لك مو زعلانه .. بس معليش تطلع مقدر اطلع اللحين عندي شغل , طالعها لفـــترة وهو ينتبه للمعان عيونها وهي ضاغطه بايدها على الطاولة ... نطق بهدوء : اجلسي هنا لليل .. اشتري كل بيوت الرياض دون تقولي لي .. احملي سقطي أولدي لاتعتبريني أبوه واسكتي .. بكلش ابتسام سوي اللي يريحك مالي فيك وبأفعـالك .. ســكر الباب وراه وهو يـــطلع من المكتب .. جلست ابتسام بتعب وهي تمسك راسها بتعب : معه حق ابتســام .. ليش كل هذا ؟! بإيش غلط هو هالمرة ... كل هالضغط اللي تحسين به من وضعك مو ذنبه *** طق رقــبته بتعب بعد ما أنتهى من تقرير طــويل .... اقتحم الغرفة شخص مسرع : هيـــثم ! هيثم : هلا مراد وش عندك بعد ؟! مراد : تخيـــل هذي اللي دايم تجيك هيثم عقد حواجبه : اسماء قصدك ؟! مراد : ايه ايه هي ... مسويه بسطة بنص الكافتريا هيثم فتح عيـونه : شنـــو بسطـه !؟ مراد : بسطه يعـــني بسطه ... لا وفوضى والمشكلة الأمن مايبي يسوي مشكلة ويسحب بنات لبرا هيثم : بنات ؟! مراد : ايه هي ومعها كم وحده بعد وقف هيثـم وهو يتوجه بطريقة ناحية الكافتريا ... وقف مكانه وهو يطالع الوضع سجادة فارشاتها بنص المكان ومتربعات كأنهن بمنتزه وسوالف وضحــك , انتبهت له اسماء وهو واقف ويطالعها بنظرات عجزت تفهم منها غير ال " نقد " رفعت حاجبها بمعنى " نعم شتطالع ؟ " ورجعت تسولف ...انتبهت له يمشي بخطوات راكده حتى جلس على كرسي ورجل على رجل واكتفى يطـالع بنظرات تحمل شراره واستهزاء على الوضع : ............... ارتبكت اسماء من نظراته ... لكن ما اهتمت وهي تكمل " المسرحية " : ههههههههههههههههههههههههههه ميسون بالله شغلي المسجل فتحت ميسون عيونها وهمست : اسماء لا مو لهالدرجة ! والله ليشوتونا برا ولا يهمهم حنا بنات ولا غيره كشرت اسماء باحباط .. وزاد تكشيرها واتساع عيونها وهي تنتبه للدكتورة المحجبه اللي جلست قريبة منه وقدامهم ورقة يتناقشونها : وجججع !! : شفيك بعد ؟! اسماء : شوفو الحيوانه شوي وتدخل فيه ميسون : أقول اسوم كانه ما همه اللي جالسين نسويه ..؟! اسماء بين اسنانها : لأن الحقيرة جمبه : مالها دخل .... من اول توقعنا يجي يكلمنا شي جلس ببرود كانه مايعرفك اساسا اسماء طالعتها بحده : شقصدك ..؟! وصلت اعصابها لاقصاها وهي تسمع ضحكــته الجهورية المتعمدة . ولأول مره تسمعها بشكل جهوري وهو يطلقها للي جمبه احمر وجهها من العصبية والغيرة : بقــــتلها !! لمعت عيونها دموع قهر وهي تنتبه له يرميها بنظرة ويرجع يبتسم للدكتورة ... كأنه قلب الطاولة عليها وبدل تقهره قهرها !! نطقت بصوت عالي مقهور : الــــله اعلم من الرخيصين !! تجـاهل هيثم تعليقها الطفولي وهو معطيها وضعية اللي مو موجودة : .......................... وقف قدامهم ثنين من مسؤولين المستشفى : معليش هنا مكان نعالج فيه المرضى ... وانتو هنا تلفتون الإنتباه وتعطلون الشغل ! ياليت تطلعون عشان مانضطر نتجه للجهات الأمنية اسماء بتجاهل : لا والله خوفتني ! وحنا شجالسين نسوي يعـــني ؟! جالسين عندكم شغل روحوا شوفو المغازل اللي بهالمستشفى الله لايعاقبنا بس ... هذا وحنا بليلة رمضان ابتسم هيثم ابتسامه جانبية ساخرة على تعليقها الواضح : .................... المسؤول : احترمي نفسك واحترمي كونك بنت واطلعي من هنا ... مانبي نضطر نجيب الشرطة لهنا اسماء : اقنعني انو حنا مسوين شي غلط وقتها نقوم المسؤول بنفاذ صبر : الظاهر الأخلاق والحياء انعدموا ... انا رايح احضر الشرطة يتفاهمون معك ميسون : لا اخوي جزاك الله خير اصبر ... خلاص بنقوم اسماء بتمرد : مين قال ؟! انا جالسة هنا لليل بعد واشوف وش بيسوي ؟ ارمقها المسؤول بنظرة : اوريك انـــا ! اسماء بسخرية : أي دونت كير عض هيثم على شفاته وهو يراقب تصرفاتها الطفولية الملفته ... والكل بدا يتجمهر انتبه لشخص يطلع الجوال من جيبه ليشهد الشبكة العنكبوتية على الحادثة وقف مباشرة وهو يمشــي بخطوات سريعة ناحيتهم التفت للمسؤول : راح يخلون المكان فخل نتجنب الفوضى لو سمحت . المسؤول : مو سامع شنو جالسات يسون ! ارمقـــها هيثم بنظرة : قومي وخمي عفشك اللحين واطلعي ! البنـات اللي انرج قلبهن من الوضع الي صار استعراضي للكل ... وقفن يرتبن الأغراض اما اسماء كانت جالسة وتطالعه بقهر سحبتها ميسون من يدها وهي تسحبها وراها غصب ... حتى طلعوا من الكافتريا : مجنونة انتي !! احسب الوضع استهبال ... لو عارفه بتسوين كل هذا كان ماطاوعتك يالخبله اسماء تكتفت بقهر : ولا اكتفيت بعد ... قهرني قهرني قهرني , " لمعت عيونها " جالس يضحك لها وانا ... : أسمــــــــاء ! وقفت مكانها وهي تلتفتت للعيون الرمادية الثاقبة فيها بغضب : ممكن ثانية ؟! فهمت ميسون الوضع وانسحبت وهي تمشي بطريقها تاركتهم .... نطق هيثم بين اسنانه بغضب واضح : وش هالمهـــزلة اللي سويتيها ؟! اسماء بقهر : اتركني لو سمحت .." عضت على شفاتها تمنع عبرتها " شوي شوي على ضحكتك مابغينا نسمعها .. هيثم تنهـد بقلة صبر وهو مو عارف كيف يتعامل معها : اللي سويتيه قبل شوي جنـــان !! اسماء : خل اصير مجنونة وش لقينا من الحكمة والعقل .؟ هيثم : العقل يعني تقليص النتائج السلبية بحياتك والجنون تقليص النتائج الإيجابية .. ولك حرية الإختيار عضت على شفتها بقهر وهي تطالعه بخنقه : ............. هيثم : لو تاركك دقيقة زياده كان صرتي عبره لقلة الحيـاء والسخافة والمبزرة والانحطاط الأخلاقي اسماء : عادي خل اصير .... مايهمني نظرة الناس لي اذا الشخص اللي تهمني نظرته يشوفني رخيصة .. فالباقي مايهم هيثم : اجل كان مفروض اتركك تصيـــرين عبرة ... اسماء طالعته بقوه وهي تنطق بشكل مفاجئ : الكلام اللي قلته لي من قلبك ولا عشان كنت معصب من شي ثانــي ؟! هيثم تنهد : ماراح اقولك انه من قلبي ... ولا راح اقولك اني ماقصدت , انا فعلا ابي اقصر الوضع وجودك بحياتي صار يضايقني واذا عبرت لك عن هالشي بطريقة قاسية فأنا اسف ... وراح اجرب الطريقة المباشرة مابي اشوفك هنا بعد اليوم اسماء توسعت عيونها وانكسرت تعابيرها وهي تنطق : .. لــ .. ليش ؟! هيثم : لأني وضحتها لك مليون مرة ... انا مستحيل ابادلك مشاعرك فيأسي من اللحين اسماء : وإذا ؟! مايأثر هذا الشي على اني .... " كملت بتردد " على اني احبك مو غلطتي .. هيثم هز راسه : اللي عندي قــلته ... واذا مافهمتيه هالمرة ورجعتي ماراح اكون مسؤول عن أي شي يصير , انتبهي على نفسك وعطــاها ظهره وهو يمشي بطــريقه صرخت اسماء بقهر : إذا هذا كلامك ليش من أول قلت لي اجي !! ليش ابعدت الخط الأحمر بينا وقلت تصرفي مثل ماتبين !! لعععبه هي ..؟! من اول قول لاتجين ..... قاطعها هيثم بنبره بارده : كنت طفشان .. توسعت اسماء عيونها : كيف .؟! هيثم وهو يطالعها ببرود : كنت أحس بملل بحياتي ... وانتي كنتي تسليه مناسبه لي وقت اتكدر باختصار كنت اقتل وقتي معك .. هذا كل شي تجمعت الدموع بعيونها ونطقت بقهر : مو مسؤوليتي ... تحمل نتيجة كلامك .. مو بكيفك فجاة تقرر معد تشوفني ومشت بانزعاج مسرعة تطــلع برا قبل يقطع اخر امــــل عندها .... *** اثناء ماهي تمشي مسرعـة والطرحة على كتفها ... وقفت عند مقدمة الدرج وهي تنادي : مااااماااا نزلت ام نايف وهي تطرح عبايتها على كتوفها : جيتك جيتك ... بصلتك محروقة انتي ؟! ميهاف : ههههههههههههه شنو اول ليلة وتراويح ومتحمسة وانتي تأخرتي ام نايف : جعله يخلف تحمسي تحمسي يالهبله ... ماوراك شي اصلن انتي ورجلك اللي ماشفته سائل عنك ولا شي ميهاف : يا ماما وشوله هالحكي كل ساعه والثانية تقولي لي ؟! ام نايف : لانه قليل خاتمه ... يجي اقل شي يزور او يتصل ميهاف تنهدت : بكيفه ماما ... خل نروح نصلي , وانتبهي تقول هالكلام قدام بابا وقتها مصيبة بجد .. ام نايف : لنا الله نسكت ونشوف وش التاليه مع هالبديران ! ميهاف : روقي بس خل نروح نصلي ثم نطلع السوبر ماركت .... من بيودينا على فكرة ؟! ام نايف : من غيره لؤي جعلي ما أبكيه بس ميهاف : اجل وينـه تأخر ..؟! ام نايف : راح يوصل ثوب ابوك واغراضه له بالشركة وبيجي ميهاف وهي ترخي جسمها : معناها مطولين ريحي اجلسي *** في نفــس الوقت بيت أبو فراس / ام فراس وهي تلف طرحة ياسمين على راسها : لبى بنتي اللي بتصلي معــي سنعه .." تنهدت بضيق " ياحسافتي ع اخوكم اللي مراح يستقبل رمضان معي لاتنسن تكلمنه تباركن له الشهر ياسمين وهي تطالع اسماء المنبطحة على الكنبة بكسل وتراقب الصلاة بالحرم : ماما اسماء ماتروح معنا ؟! ام فراس التفتت لاسماء : والله يا اسماء مب حلوه اول صلاة تراويح وتستقبلينها بالكسل كذا .. شدي الهمه وقومي يله نصلي سوا ونرجع ! اسماء بكئابة : مابي ماما .. ما أحسني بخير بجلس بالبيت ام فراس : على هالكسل اجل كيف بتستقبلين ضيوف بكرة ؟! اسماء : وش ضيوفه ؟ ام فراس : حشى انهبلت البنت ! مو انتي عازمة اخت ابتسام مرة نايف تجينا ! وعازمة ميهاف والبنات اسماء بكسل اكثر : يووووووووووووووه تذكرت ... آآآآآه بلغي الدعوة مالي خلق ام فراس : وش تلغينها عيب والله فشله ! وميهاف بتجي يعني بتجي فاصبري واستقبلي ضيوفك اسماء وهي ماتبي تقابل غادة خصوصا عقب ماكانت متحمسة لها ... لمعت دموعها وهي تتخيل نهاية علاقتها معاه تكون كذا ؟! نزل الدرج بخطـــوات سريعة : يله مشينــا ... " وقف وهو يلتفت لاسماء " اسوم ماراح تروحين ؟! اسماء وهي تضم الوسادة لصدرها : لا .. بصلي بالبيت عقد بدر حواجبه وهو يمشي ناحيتها ويتحسس راسها : تعبانه شي اسوم ؟! مو بعادتك تفوتين اول ليلة رمضان ... " كمل بمزح " ولا جايك مايجي الحريم ؟! اسماء ضربت صدره بالوسادة بخفه : بااايخ .. لا بدوري مافيني شي بس تعبانه وبرتاح بدر : ماحتروحي معنا السوبر ماركت ؟! اسماء هزت راسها : ماما وياسمين يكفون .. بدر تنهد : براحتك اجل .. مو تقولين ماوديتك بعدين وبخيل ومدري ايش اسماء تنهدت وهي تكمل استرخاء وهي تشوف أهلها كلهم يطلعون ... دق جوالها , رفعته وهي ترد بكسل : ايه ؟! ميسون : هلااا اسومه .. كيفك حبيبتي ؟! ومبروك عليك الشهر اسماء : هلا فيك .. يبارك فيك ميسون : شخبارك عقب أخر مرة .؟! من طلعت الدكتورة اللي يتضيحك معها حضرته .؟! اسماء : حال الناس جحودين ... الشمس تحترق عشانهم وهم يتغزلون بالقمر ميسون : لاتكدري على حالك اسومه .. ربما خير لم تنله كان شرا لو اتاك اسماء بقهر : عارفه انا كنت مشتاقه له حيل وقت رحنا له ... ومالحقت افرح لحظة حماني ووقف الأمن ثم جاني يكلمني كنت مرة طايرة .. ثم مباشرة نكد علي بكلامه عاد اعيش كمية كره لنفسي عشان اشتقت له وقتها ميسون : قومي حبيبتي اللحين توضي وروحي صلي التراويح ... ويحلها الف حلال ان شاء الله اسماء : ايه ع طاري ؟ تذكرين اخته اللي قلت لك ..؟ ميسون : ايه ..؟ اسماء : تخيلي كنت عازمتها قبل تصير هالسالفة كلها ... واللحين بتجيني بكرة واحس نفسي مالي خلق نهائي ميسون : بجججد ؟!! نفسي اشوفها عاد .. وبعدين ليش مالك خلق ؟! دام اخته الكبيرة ابتساموه ثقيلة وماعطتك وجه حطي جهدك في الصغيره يمكن هي اللي تسنعك اسماء : بطلت احط امل في اهل جدة كلهم .. إلا اذا نفسك تشوفينها ليش ماتجين بكرة ؟! ميسون : همممممم .. مو عارفة احس ماتعرفني ويمكن ماتنسجم و ... اسماء : لا ماعليك اخته هذي حبوبه حيل واجتماعية تنسجم مع الكل تعالي وماعليك بننبسط ... تكفين ميسون ترا دون شي خلقي طايب تعالي وسعي صدري ميسون : لعيـــونك والله بس .. ودي اقول للبنات بعد بس تعرفين كلهن زعلانات عليك من موقف اخر مرة اسماء دون نفس : وعععيه قلعتهن من اليوم لبكرة يزعلن ... انا اراضي نفسي عشان اراضيهن ! احسن يوفرن بعد اهم شي انتي تعالي .. وترا ميهاف زوجة بدر بعد بتكون موجودة ميسون : وحليلها ميهاف ما احسن منها ... هي بكبرها جو اسماء : يله اجل اشوفك باكر حبيبتي ميسون : اشوفك ياعسل ... ابي اشوفك مزة بكره هاه سكرت اسماء وهي تتنـــهد ... شالسواه اللحين يا اسماء ؟! كلش صعب ومستحيل مع ذلك ليش احس اني ابغى احاول اكثر ؟! ... والله انا مرضت مرض ماله علاج بجد *** : كيف اروح يا إبتسام وبنتي وش اسوي بها !؟ تنهدت ابتسام باحباط : معك حـــق .. غادة : ماعليكي مني روحي انتي صلي بالمسجد قريب ابتسام : لا دام ماحتروحي بجلس معــاك ... بصلي بالبيت وعقبها نجهز استقبال رمضان ابتسمت غادة بحماس : مهـــــــــــــــلبية !!! بتسوينها هالسنة كمان ؟! ابتسام : ههههههههه شيعني عشان نقلنا بيت ثاني مانسويها ؟! لا حبيبتي لازم مهلبية ولا مافيه رمضان غادة : بس نويف اليوم ماله حس .. ماجا حتى قبل الصلاة ابتسام هزت كتوفها : يمــكن مشغول شي .. اهم شي انتي صلي اللحين طلعت ابتسام من غرفة غادة وهي تطالع الساعة .. اللحين وقت الصلاة .. راح يصلي ولا لا ؟! لا ان شاء الله بيروح صعدت لغرفتها وهي تفرش سجادتها وتجهز مصحفها وتستعــد لجلسة روحانية بالعبادة مع ربهـــا *** بعـــد الصلاة :- دخلت أم نايف وبنتها البيت .. وام نايف تنده باستعجال : ميهاف يمه اخلصي فكي عبايتك تعالي نجهز شوي ويجتمعون اخوانك ميهاف : جايتك ماما ثواني بس فتحت جوالها على السريع .. ماحصلت حتى تبريك للشهر المبارك , رمت جوالها بالشنطة باحباط وهي تمشي بطريقها مستعجلة لأمها : هاه يمه امري وش اجهز ؟! ام نايف : عطي الطباخ اوامر السحور .. وخليه يكثر احتمال نايف بعد يتسحر معنا اليوم ان شاء الله ميهاف : ان شاء الله عدلت ام نايف جلابيتها الفخمه .. وهي تطلع بالممر الطويل حتى تطلع من البيت وهي تمشي ناحية الحديقة بالجو الرايق .. وابو نايف وعياله مجتمعين : نويف هنا ! وانا كان بقول ماراح احصلك نايف : ههههههههههه شلون ماتحصليني كل سنة انا عندكم هنا لؤي : ايه بس المعرس غير ام نايف : ايه على طاري ورا ماجبت مرتك معك ؟! نايف : ما أدري ماطرى علي .. بعدين فرصة ثانية ان شاء الله ابو نايف : نايف ! وينه بدر تو قالي بالمسجد بيطلع معنا عقب الصلاة ؟! نايف : متأكد ؟! على خبري مرتبط باهله عقب الصلاة السوبر ماركت والحوسة ابو نايف : مع اهله ؟! معناها الله يستر عليه ... لؤي صب فنجال طلعت لهم ميهاف وفهود جمبها وهي تضم ابوها وتبوس خده بحراره : كل عام وانت بخير بابا حبيبي ابو نايف ابتسم بحنان لدلوعته : وانتي بخير وصحة وسلامه ميهاف : يسلمك يابعد عمري ام نايف : اهم شي بهالشهر ماتضيعونه لعب ودجه ... لا اهم شي العبــادة استغلوه ابو نايف : ترجين شي من هالجيل الفاضي ؟! زين فيهم يجون يصلون بالمسجد مو بالبيت نايف : اللحين حنا جيل فاضي ؟ اللي يسمعك يا أبو نايف مب قايل انك بشبابك تقعد ساعتين تسمع اغنية ام كلثوم ميهاف : ههههههههههههههههههههههههههههههههههههه !! شفيك نيوف يسمعها ويفكر بالمزه امي ابو نايف : ساعتين اجل .؟! مركز في حياتي اكثر مني ... ولا اسمع هالحكي منك انت بالذات عجزت ابيك تشتغل وبالاخير اشتغلت شهرين وبطلت نايف : والله يا يبه انت املك فيني كبير ما شاء الله ... كم عمري اللحين فوق ال 30 سنه مايأست مني للحين ؟ ابو نايف هز راسه : الله يهديك بس .. والله مو حلوه تقال بحقك انت عطالي وزوجتك تشتغل نايف : دامني انا اللي اصرف مافرقت مين يشتغل ..." التفت لفهود يصرف السالفة " هاه فهود بتصوم بكرة ؟ ام نايف : ميهاف حبيبتي انتي بكرة مواعدة ام فراس تفطرين معها صح .؟ ميهاف دون نفس : ما اتوقع اني بروح .. بعتذر بالغالب ابو نايف : وليش تعتذرين ؟! بيت اهل رجلك ولهم حق روحي اجلسي معهم وافطري مو تقطعين فيهم ميهاف : راح اروح يبه بس مو باكر .. اول يوم ابي اجلس معاكم وبعدين كلش مالي خلق نايف : والله حالتك انتي ورجلك مريضه .. تنخطبون ولا احسكم مخطوبين تتزوجون ولا احسكم متزوجين ! عايشين العزوبية حتى الحين ميهاف : اقول اكرمني بسكوتك اوك ؟! تراك فاشل بهالمواضيع لا اذكرك بتجاربك .؟ وبعدين نحتري البيت يخلص وننقل .. لا اكون جالسة ع راسك بس ؟ نايف : لا تطيرين فيني ي سساتر .. ! استفسر بشكل طبيعي لأن بدر من اساله شي يقول مدري ميهاف بسخرية : واذا هو مايدري انا للي بدري ؟! ام نايف : بس انت وياها ... هاو ؟! محد فاشل فيكم الله يوفقكم كلكم مع اللي ترضونهم ان شاء الله نايف طالع الساعة : يله انا سلمت عليكم ماشي .. تامرون شي ؟! ام نايف : وين اجلس تسحر معنا ؟! نايف : لا يمممه مافيني حيل من امس صاحي ترا ... برجع انااام تعبان ام نايف : الله معك اجل .. شرايك تفطرون معنا بكرة اجل ؟! نايف وهو طالع : ما أدري ماظنيت لاتنتظرونا *** إبتسـام :- بعد ما انتهت من صـلاتها وتحضير " المهلبية" توجهت مباشرة تبدل لحاجة نظيفة بعد حوسة المطبخ / رشت عطر خفيف ناعم .. ونزلت مباشرة للمطبخ وهي تاخذ الصينية وتتوجه لغرفة غادة : المهلبيـــة صارت جاهزة ياحلوة !! غادة : انتظري البس رنومة واجي ابتسمت ابتسام وهي تطالع رنيم : اذا جبت ولد ترا بزوجها اياه من اللحين غادة كشرت : وععع معد الا ولد نايف نزوجه ! لاتحلمي حتى ... وبعدين اكبر منه ! ابتسام : ياربحها والله وياسعد عينها اللي بتاخذ ولد نايف اللي مو عاجبك غادة : هذاك قلتيها ما اعجبني مابي بنتي تاخذ ولده ابتسام رجعت مكانها وهي تاخذ صحنها تاكل فيه : اقول كش بس انتو الخسرانين وش علي منكم ! ان حصلت بنتك ولا مليون مزة تفدا عيونه غادة : والله انا راحمتك ... اتذكر بس لحظات الوحام والحمل وعع الله يعينك ابتسام : هههههه ليش البزران ببلاش كذا ؟! غادة بعد ماخلصت اخذت رنيم وجلستها جمبها وهي تذوقها المهلبية : فدييييييتها ياناس ! ابتسام : بتودينها معاك بكرة لبيت اسماء ؟ غادة : مما أدري .. ودي اخذها بس ماراح استانس وهي معي ابتسام : اتركيها عندي اجل .. غادة : ماحتروحي مععععاي ؟! ابتسام : لا مالي دعوه عزيمتك وكلش مالي خلق بجلس .. روحي انتي وانا بمسك بنتك لين ترجعين غادة : لا باخذها معاي خذي راحتك انتي ونايف اطلعوا مكان او شي .. ابتسام : يابنت الحلال انا ونايف فين والطلعه فين .. اتركيها تسليني بس غادة : متأكدة ماحتزعجك ؟! ابتسام وهي تبوس خد رنيم : هالحلوه تزعجني ؟! حراام عليك غادة : معناها هي فداك بكره هالحلـــوه إبتسام رفعت عيونها للساعة .. تشير لوحده ونص تنهدت : تأخر الوقت .. انا بطلع انام ارتاحي ونومي رنيم مو حلو تصحى لهالحزة غادة : إبتســام .. فيك حاجة ؟! كانك ضايقة ؟ ابتسام ابتسمت ابتسامة صفراء : لا مافيني شي .. بس دايخة شوي , تصبحي على خير غادة : وانتي من اهله طلعـت وهي تتوجه للباب الرسمي .. لتطل على الحديقة تحس بضيقة محتاجة تشم هواء وتروح عن نفسها , استرخت على الأرجوحة المزينة بالورد وهي تطلع جوالها من جيبها .. الشاشة مفتوحه على اسمه في حرب تردد تدق ولا لا .؟! بس انتي الغلطانة يعني مفروض تدقين .. بس ماغلطت كثير مو كمان الحق عليه .. وقفت وهي تقطع تفكيرها .. دامه لهالساعة ماجا معناها بكيفه .. اروح انام احسن لي , قطع تفكيرها صوت فتح الباب ودخـوله .. وقف لفترة وهو يطالعها ثم نطق بهدوء : مساء الخير نزلت ابتسام عيونها : مساء الخير .؟! صباح النور قصدك نايف : حقك علي .. صباح الخير , مانمتي للحين ؟ ابتسام : ماجاني نوم . نايف : اهــا .. ابتسام : اجهز لك حاجة تاكلها .؟! نايف تنهد : لا تو جيت من اهلي وشبعان يعطيك العافية ابتسام هزت راسها : فهمت .. ممكن اكلمك شوي طيب ؟ مشى نايف حتى جلس بالكرسي الخوص : ايوه تعالي جلست ابتسام وهي تشابك يدينها بوسط حضنها : اولا مبروك عليك الشهر .. نايف : علينا وعليك ابتسام : وبالنسبة لليوم ... انا اسفة عارفة انك ماغلطت ومو قصدك تجرحني او غيره , واسفة لأنك اخر واحد عرف بحملي ... فعلا ماكان قصدي واتمنى تقبل اعتذاري ابتسم ابتسامة خفيفة : ههههههه خطاب هذا مو اعتذار .؟ ابتسام طالعته : اتكلم من جدي .. نايف تنهد : اللي محيرني اليوم .. اني بعد ماطلعت من مكتبك وجلست افكر مامر شهر من بعد زواجنا جلسنا طبيعيين فيه .. كل شهر طالعه لنا مشكلة صرت اخاف اذا تراضينا من المشكلة الجاية ايش راح تكون .؟! ابتسام ابتسمت : عادي مافي احلى من شعور شخصين يتحملون بعض بكل الظروف .. وحتى لو بينهم مشاكل قد الدنيا م يتركون أي حاجة تبعدهم عن بعض ويستمرون لأنه ولا واحد منهم قادر يستغني عن الثاني او يكمل حياته بدونه .. وبعدين ياحبيبي العلاقات مو كلها فرح لازم يكون فيه لحظة عتب لحظة زعل ولحظة نوصل للرحيل بس بلحظة يقتلنا الشوق نرجع ونبدا من جديد ... مو ؟! نايف وهو يتأملها : حسافة ماسجلت هالحكي كله .. بجد ابتسام .؟! دون يكون اللي بينا رابط زواج وملزومين ببعض .. ماتقدري تكملي حياتك دوني ؟ ابتسام : مافيه انسان مرتبطة حياته بشخص .. بشكل غريزي أي شخص قادر يكمل حياته لحاله " كملت بهم " هذا انا كملت حياتي دون ابوي الله يرحمه نايف : الله يرحمه ... ماقلتيلي كيف توفى ابوك ؟ تنهدت ابتسام : سرطان .. كان تعبان طول حياته واخر شي مات بسرطان نايف : الله يرحــمه ... وامك ؟ ابتسام عضت على شفتها .. بلعت ريقها وهي تنطق بهم : انحاشت ... بعد ماولدت غادة اختي رمتها علينا وراحت انكتم نايف وهو يسمع بمعلومات مهمه عنها اول مره يعرفها بحياته .. يعني معقولة مافكر بهالموضوع لما ما قابلها ..: كنتي صغيره وقتها ابتسام : ايه بس عادي .. الحياه تمشي نايف ظل يتأملها وهو يستوعب قوتها هذي اكتسبتها من طريقة حياتها : إبتســـام ابتسام : لبيك نايف وهو يتأملها بعيون ناعسة : تصدقين اول ماتزوجنا ماكنت اشوف فيك شي مميز .. نهائي , بس اللي مو فاهمه ليش فجاه صرتي احلى شخص بعيني .. تعويذه ؟! وردت خدودها وهي تبعد خصلها من شعرها ورا اذنها : .......... نايف بحالمية : انا حبيتك ابتسام ... مو عارف كيف ومتى وشلون ؟! كل اللي اعرفه اني صحيت بيوم ادور تفاصيلك بيومي .. وانبهت باللحظة اللي اقابلك فيها ... واللحين وانتي شايله ولدي .. " كمل بحيره " مو عارف شاقول احترت فيك .. احترت كيف اقولك كيف افهمك .. بس انا بجد حبيتك توسعت عيـونها بدهشه وهي مو مستوعبة الكلمة اللي نطقها .. : ............. نايف : قولي شي .. ترا حرب نفسيه لين قلت لك هالكلام كله .. ابتسام وهي تكبس بعيونها : مو عارفه فاجأتني ... " بلعت ريقها " يعني انت زوجي طبيعي اني احبك نايف ضيق عيونه : انا اجلس اقولك هالحكي كله وانتي تقولي زوجي طبيعي احبك ؟!!! محسستني غصب ! تخيليني مو زوجك طيب .. بتحبيني ؟ ابتسام بربكة : شـنو فاجأتني بهالكلام كله ... مو عارفه شلون ارد حدق فيها للحظات ثم رمى بجسمه على الكرسي وهو يغطي عيونه ويكلم نفسه : طاح حظك يانايف .. تحب وحده مو يمك ابتسام بربكة : مو كـــذا .. قلت لك " كملت بصوت اخفت " احبك .. بس ماتوقعت انك تشوفني كذا نايف نزل يده من عيونه وهو يطالعها : ليش تقولينها وانتي خايفة كذا .؟! كانك تكذبين كذبه لازم تكذبينها .؟ ابتسام : صدقني مو كذبه .. نايف : ومو حقيقة ؟! ابتسام تنهدت : امـــبلا .. حقيقة بس صدقني فاجأتني هذا كل شي نايف : وليش فاجأتك ..؟ انتي تنحبين ابتسام غصب عن الكل ابتسام : هههه بعيونك بس نايف بابتسامة رايقة : وعيـوني ماتكفيك ؟! ابتسام وهي توقف : تكفيني وزود كمان نايف مسك يدها : وين وين ؟ ابتسام : الوقت متاخر بروح اجهز السحـــور نايف افلت يدها : اهــا .. اجل انا بصعد ارتاح على مايجهز ابتسام وهي تطالع يده : يدك باردة ..؟ تعبان اعطيك دواء ؟ نايف : ايه تعبان بس انا ماينفع معي الا الادوية الطبيعية ابتسام عقدت حواجبها : طبيعية كيف ؟ نايف وهو يدور بعيونه بالمكان ويقرب منها ويحاوطها من خصرها : يعني زي تحويل بنكي من ابوي وسوالف ربعي .. " طالعها " وضحكة وحده هنا .. " غمز لها " او بوسة .؟! ابتسام وهي تعطيه ظهرها وتمشي لداخل : والله انا الغلطانة اللي جالسة خفت ع بالي تعبان جد نايف : هههههههههه يابخيلة ضحكة ماحتقتلك تجاهلته وهي تدخل .. بينما ابتسم هو ابتسامة عريضة صار مزاجه مربوط فيها اذا هي راضية هو مبسوط .. واذا زعلانه هو مقرود .. *** صحــى بدر من النوم .. وهو يطالع الساعة 4 حكم ! جلس بكسل وهو يضغط على جبينه : كل هذا نوم .؟! سحب جواله يطالع الإتصالات .. بس مافيه اتصال منها سكر جواله وهو ينهض مباشرة ويبذر ساعه بكشخته .. سحب جواله ومحفظته وهو ينزل الدرج .. استقبلته امه : صح النوم .. كل هذا نوم وين عبادة رمضان .؟! بدر وهو يفرك عيونه : مانمت الا تسع صبح كيف بصحى يعني ؟ ام فراس : اشوفك لابس وين .؟! بدر : معــزوم على الفطور لاتحسبو حسابي ام فراس : كيف معزوم .؟! اجلس ميهاف بتجي اليوم حتى بدر عقد حواجبه : بتجي اليوم .؟! ام فراس تنهدت : ماعطتك خبر .؟! وش سالفتك انت وياها ! بدر : مافيه شي .. بس ماحصل موضوع بينا انها بتجي اليوم ام فراس : انا عازمتها وقالت بتجي بدر : واذا .؟ انا معزوم مقدر اجلس ... بعدين اشوفها , يله مع السلامة تنهدت ام فراس بيأس من حالتهم . . مسكت درابزين الدرج وهي تصعد حتى وصلت غرفة اسماء .. استقبلتها الفوضى بالمــكان بشكل جنوني نطقت بعصبية : اسماء ووجع !! استغفر الله اللهم اني صايمه ... وش هالسرير العالم سريرهم للنوم بس وانتي سريرك صالة ومطعم ومنتجع ما شاء الله عليك ماخليتي ولا بقيتي اسماء اللي كانت مسكره على نفسها بغرفة الملابس : شوي ماما بلبس وبجيك .. وغمضي عيونك ماحصل لي فرصة ارتب هزت ام فراس راسها : اعجلي الساعة 4 مابقى شي على مايجون ضيوفك طلعت اسماء: خلصت خلصت رشت عطرها وهي تلتفت لامها : شفيك يمه ؟! ام فراس تنهدت : بدر وميهاف .. انا ماني متطمنة لوضعهم اسماء : تبغي تنصدمي بعد .؟! تو كلمتني تقول ماحتجي ام فراس بتفاجأ : ليشش ؟! اسماء : ما أدري .. ع قولتك شوفي شصاير ام فراس : الله يعين والله هالولد بيجلطني المشكلة بارد لاقلت وش صاير قال ماصاير شي ! ومطنش البنت والله لو يحس عمك لتصير سالفة اسماء : المهم اللحين الشغالات جهزوا كلش ؟! ام فراس : ايه بس من بيجي بالضبط ؟! اسماء : عزمت بنات عمتي ولا ادري بيجون ولا لا .. وعزمت ميسون صديقتي وميهاف ولا راح تجي ! خلاص بس كذا ام فراس : ابروح اعطيها خبر هجل تحط لهن اماكن اسماء : لا ارتاحي ماما انا بنزل خلاص اثناء ماهي تنساب على درجات السلم بسرعة دق جوالها .. وقفت وهي تطلعه من جيبها وترد : هلا ميسو ميسون : افتحي الباب يالفالحة انا جيت اسماء : كان طقيتي الجرس وبنفتح لزوم تلفون وحوسه ميسون : اقول افتحي قبل اسحب عليك اسماء : هههههههههههههه جايتك يله *** غــــادة دخلت عليها ابتسام : يوه غدو ليش لابسه هذا الفستان احلى ! غادة بقهر وهي ترسم روجها : بركات اخوك جعله يسلم مقدر البس على راحتي .. ابتسام تنهدت بضيق : للحين ماراحت اثارها .؟! غادة بتغيير للموضوع : رنومه وينها برا ؟! ابتسام : ايه اطلعي دون تشوفك ولا بتسوي سالفة غادة : السواق جاهز ؟! ابتسام : ايه " مدت لها كيسة بشكل ناعم " خذي هالكيسة دخليها معاك مو حلوة تدخلين دون شي غادة وهي تفتح الكيسة وتشوف صحت الحلويات المرتب : اوه شكرا حبيبتي .. مدري شكنت بسوي دونك ! ابتسام : لا تسوي شي روحي استانسي وانا وقتها مبسوطة لبست عبايتها وباستها بخدها وهي تطلع بطريقها : احبببببك والله طلعت ابتسام وهي تراقبها لحد ماطلعت للسواق .. رجعت تدخل للمطبخ تكمل تجهيز الفطور اثناء شغلها سمعت صوته يناديها من بعيــد : إبتســــــااام عقدت حواجبها : نايف موجود ؟! " علت صوتها ترد عليه " لبيييـــه نايف : بســرعة تعالي طلعت من المطبخ وهي محتارة وين موقعه بالضبط : ..............فيـــنك انت ؟! : فـــوق تعالي صعدت وهي تلتفت لغرفة جانبية .. سكرتها لأنها زايدة ومالها حاجة عقدت حواجبها وهي تدخل : شتسوي هنا ؟! كان واقف وحالته مبهذله شوي .. وكل اثاث الغرفة البسيط مطلعه برا وورق الحائط ممزقه والغرفة حالتها فوضى وهو بنصها مكفح كممته وواضح باذل جهد : شرايك ؟! ابتسام : وش الحرب اللي صايره هنا ..؟!!!! ليش خربت الغرفة !!! نايف ابتسم : قررت هذي غرفة البيبي خلاص .. قريبة من غرفتنا ومناسبة ابتسام كبست عيونها وهي مو مستوعبة : ........... مجنون إنتا ؟! نايف عقد حواجبه : شدعـــوه .؟ الغرفة فاضية وبس جلسة على الفاضي ومحد يجيها خل نجهزها من اللحين ابتسام وهي منصدمة من وضع المكان : انت مستوعب ان قدامنا 9 شهور ! يعني الغرفة خربتها على الفاضي نايف وهو يطالع الجدار بتفكير : انا اقول نصبغه ابيض .؟! عشان يناسب البنت والولد عادي ابتسام : تسمعني انت ؟! نايف سحبها من يدها حتى صارت قدامه وحضنها من ورا : ياكثر حكيك بس حضن يدها بيده وهو يدور بها الغرفة وياشر : هنا نحط السرير ... والخزانة هناك واذا توأم نحط السرير الثاني هنا ونحط هناك زاوية يلعبون فيها ابتسام باستسلام : لا ماحنحط العابهن هنا يحوسوها .. اساسا بدري عليهم يجي عندهم العاب نايف وهو ينحني حتى يصير وجهه جمب وجهها ويده اللي حاضنه يدها يمسح بها على بطنها : هههه للحين مو مبين ابتسمت : مصيره يبــين نايف : ترا اذا ولد اسمه ريان واذا بنت رنا ابتسام : لا عيب اذا ولد عبدالرحمن ان شاء الله نايف : اقول ماسميت يزيد عبدالرحمن اسمي اللحين .. خلاص راحت عليه ابوي يحتري لؤي بالسلامة يسمي عبدالرحمن ابتسام : هممممم معناها مشعل ان شاء الله كشر نايف : نعععم ؟! ابتسام : شنو اسم بابا الله يرحمه نايف : الله يرحمه يارب .. بس مافيه مشعل لاتفكرين حتى ابتسام : اففففففففف كلش مايعجبك ... خلاص ان شاء الله مروان نايف : ليش اقتراحاتك اسماء عيال .. انا ابي بنت ابتسام : وهو بيدي .؟! اللي يجي من الله حياه الله نايف : اشوفك ميته يجي ولد ..تفكيرك حتى يم اسمائهم ابتسام : همممم اذا بنت اجل نوره نايف : رنا احلى ! ابتسام شهقت وهي تشوف الساعه : يـــــوه تاخرت ... الفطور تركته " انسحبت من حضنه " اخرتني الله يصلحك بلحظه شافت نفسها بين يديه : انا اوديك المطبخ ! ابتسام : ياروقك يانايف تاخرت بجد نايف وهو يمشي : خل يتأخر انا اللي بوديك يعني انا ابتسام : ورنيـــم تركتها !! بتذبحني غادة اعجل اعجل نايف نزلها مباشرة : يووه استرينا في غادة الله يسترك .. كلش الا بنتها تشب فينا اللحين *** غـادة .. فور وصولها وقفت لفترة قبل تضرب الجرس .. بلعت ريقها وهي تحاول تستوعب انها تدخل بيته ! راح يكون موجود ولا .؟! ضربت الجرس مباشرة عشان تقطع ربكتها ... دخلت واسماء تستقبلها بسلام حار : هلااا والله .. اسفرت وانورت غادة : تسلمين والله اسماء : بدري ياحلوه الكل جا الا انتي .. ولحظة ! فين بنتك ؟! غادة : ههههه تخيلي اجيبها ؟! مستحيل بتزعجني اسماء : يوووه حرام عليك والله متشوقه اشوفها ! غادة : ياحبيبتي انا اشتري راحة راسي .. ماراح اجلس نص ساعة على بعضها لو هي معي اسماء : اوريك مرة ثانية تجين دونها ماحتدخلين والله غادة : ميــن موجود ؟! اسماء : تفضلي من هنا .. هممم بنات عمتي وداد وسجى وصديقتي ميسون غادة : ميهاف مو فيه .؟! اسماء : والله عازمتها بس اعتذرت شكلها مشغولة مدري شعندها وقفت غادة عند الركن المخصص للعبايات وهي تنزع عبايتها وتعدل شكلها .. وقبل تتوجه للبنات طلعت جوالها وهي تدق على ابتسام : هلا غدو .؟! " جاها صوت نايف من بعيد " وش تبي ذي اللحين .؟! غادة : قولي له ينطم .. ذي لها اسم ! المهم شخبار رنيم ساكنه عادي ؟! ابتسام : داقه تسألين عن رنيم ! منتب واثقة فيني يعني !؟ غادة : لا بس اخاف تزعجك ولا.. ابتسام : اقول اشغلتيني بس .. روحي افطري وانبسطي وبنتك مافقدتك حتى هذي هي مع نايف يتابعون التلفزيون غادة : ههههههه اوك تمام .. يله ابتسام : باي سكرت السماعة .. وهي تدخل لجلسة البنات واستقبلتها وداد وسجى بالسلام .. ثم وقفت عند ميسون : هممم انتي اول مرة اشوفك اسماء : هههههههه هذي ميسون صديقتني من سنة الحطبة ميسون : حطبة اللي تصكك غادة : هههههههههه هلا والله ميسون تشرفنا ميسون : تسلمي ياعمري .. وكيفك ان شاء الله تمام .؟! اسماء : تفضلوا ارتاحوا بنات مابقى الا خمس دقايق على الآذان وداد : اقول اسماء وين امك .؟! معها احد يفطر معها ولا ناديها اسماء : لا والله .. فراس مسافر وبدر مفطر بس تقول بفطر مع انس وياسمين فخليتها براحتها غادة حست براحة عميقة لما عرفت انه مسافر .. لو تسمع صوته بس لو بالغلط ماتدري وش ممكن يصير : . .. سجى : وميهاف وراها ماجات .؟! هذا وهي مرة ولدكم تتغلى ! اسماء : شايفتني ميهاف .؟! لاشفتيها اساليها العالم ينشغلون يجيهم ظروف شيعرفنا حنا وداد : ما شاء الله الالسنة ذاه طولها .. اصبرن يأذن طيب ميسون : ههههههههههههههه من جد *** فـراس ../ : أيــه وايش قالك .؟! لؤي : ماله حق يقول شي بعد .. هالفترة صاير له عبد فراس : الخلاصة .؟! وافق ؟ لؤي : يقول ان شاء الله خير .. فانا اتفائل خير فراس بضيق : مسرع كذا بيخليك تروح ... راح الزعل كله .؟! لؤي : شفيك كانه ما اعجبك انه رضى يرجع لي جوازي فراس بهدوء : لا ... بس انت وين ناوي تروح .؟! لؤي : الكويت ابي اتأكد انها مو فيه .. واذا ماحصلتها بروح لأمريكا بلدتها اكيد بلقاها هناك ؟ فراس : .....اهــا لؤي : انت بترجع اليـوم ؟! فراس : ايه ان شاء الله طيارتي الليلة لؤي : اجل خل نتسحر سوا ان شاء الله .. توصل بالسلامة فراس : اشوفك سكـر السماعة وهو يخلل يده بشعره الفحمي .. خلاص قريب بيعرف وينها ولا راح يلقى فايدة من كل هاللي سواه *** ميسون ماسكه بطنها وتضحك بشدة : هههههههههههههههههههههههههههههههههههههههههههههههههههههه غبيييييية المشكلة هي اللي مجربته وشاريه فجأة راحت تشكيهم عشان ماطلع قوسها غادة : ههههههههههههههه غبية بجد ايش ذنبهم انك سمنتي ! اسماء بقهر : والله والله يابنات انو مو نفس المكان اللي جربه هم محتالين علي وداد : ههههههههههههههههههههههههه للحين مصره محتالين !! اسماء : احسن بعد عمركم ماصدقتوا ميسون : صعب الواحد يصدق كل هالغباء يختي اسماء : أي دونت كير يقولك اذا ماقدرت تبهر الناس بذكائك اجلطهم بغبائك غادة : جلطتينا وبس ههههههههههههه سجى : هههههههههههههه بعيد عن المصخرة اسوم ... يقولون غيرتي غرفتك عن اخر مره اسماء : ايه سوينا دوره على كل غرف نومنا وغيرناها ... ودي اوريكم والله بس حويسة ماراح تشوفون شي سجى : مو مشكلة نشوف غرف اهلك اجل .. عاد ابي اغير غرفتي ومحتاجه افكار غادة ( كويس مايحتاج احتال ع غرفته يعني ) :...................... اسماء : يله قوموا خل ناخذ دورة ... نهضم شوي عقب كل هالأكل ماقصرنا مشوا بطريقهم للدور العـلوي .. دخلت لغرفة ياسمين الستــايل الطفولي بألوان البينك والموف .. غادة : ياحياتي البنوتات اسماء : يووووه عاد ياسمين بزيادة هالبنت .. كلش بحياتها وردي وداد : ههههههههههههه ياحليلها والله اسماء : عاد انا غرفتها ما اعجبتني ابدا ونهائيا مدري شتحس به سجى : لأن مافيك انوثة يالصدعه اسماء : وااااو الأنوثة محشوره على البنكي بس ... اقول قدامي مشينا غرفة انس كانت غادة تتأمل الممر المـزين بصـورهم على الحائط .. وغرفهم على مدار الممر هذي هي صورته برأس الممر بهيبته بالثوب والغترة .. تحس انه يطالعها بنظراته الثاقبه كعادته ويهدد فيها لأن وطت على مكانه وقفت اسماء بحماس قدام غرفة وهي تشرح : هذي غرفة الحب والخفوق .. واحلى غرفة بهالبيت بصراحة حياكم الله غرفة السوبر ستار بدر ميسون : هههههههههههههههههههه الحب والخفوق حشى ! افتحي بس خل نشوف غرفة النجم بدر ونصور كم صوره نهدده بها ولا ناخذ بعض قشه نبيعه نتربح اسماء : ليش متروكه لك هي انا موجودة حبيبتي ! ميسون وهي تقتحم الغرفة : أقول طيري انتي دخلت غادة وهي تتأمل بهدوء .. ومجرد تنتظر دور غرفته هو , اما في غرفة بدر كانت تصف مصطلح واحد " الفشـــخرة " .... صورته العملاقه فوق سريرة .. عطوراته بكميات هائلة مرتبـــة والرائحة الرجولية كاسية المكان وماكانت غرفة جنـــاح كامل بجلسة تلفزيون مصممه خصيص له .. سجى : ياعيني ياعيني وش كل هذا عرين مو جناح اسماء : ايه حبيبتي هذا بدوري مو حي الله وداد : حرام والله يخلي هالغرفة وش بتسوون بها بجد .؟ عاد تو مأثثينها جديدة يعني اسماء هزت كتوفها : يقول تجلس لي لحد يحرك فيها شي ميسون : بكيفه هو اعرس خلاص ماله مكان هنا ... شيلوها وبجيب غرفتي انا اسكن عندكم وداد : ههههههههههههههههههه تبنوها خلاص اسماء : يله مشــينا نطلع طلعوا البنات ووقفن فجاة وهن يشوفن اسماء تنزل : وين وين وين ؟! باقي غرفة اسماء عقدت حواجبها : منو ؟! ميسون : فراااس حبيبتي اهم واحد هذا افتحي غرفته نشوفها اسماء بسخرية : هههههههههههههههههه تبون فراس يخلي غرفته مفتوحه ؟!! كبست سجى بعيونها : اما عاد .. جالسين نشوف هالغرف كلها واخرها غرفته مافيه اسماء حاست بفمها : بجرب افتحها مع اني اقولكم ماعمره تركها مفتوحه ... يقفلها حتى وهو بالرياض كيف وهو مسافر مشت ناحية الباب وحاولت فتحه ما انفتح : شفتوا قلت لكم ! مايتركها نهائي ميسون حاست بفمها : ياشششين الدلع ! بناكلها يعني غادة وقفت بقهر يعني مافيه امكانية .. لما توجهوا بنات لتحت ابتسمت : اسبقوني انا بكلم ابتسام اتطمن ع رنيم وجاية مجرد مانزلوا وتأكدت المكان فاضي .. طلعت من جيب بنطالها ورقة ودخلتها من فتحة باب غرفته وركضت مباشرة لتحت تحسه يراقبها خصوصا وصورته معلقة قدامها ... *** النـــداء لرحلة الريــاض ... الرجاء من جميع المسافرين الصعـود على متن الطائرة .. نكرر الرجاء على جميع المسافرين الصعود على متن الطائرة وقف وهو يمشي ناحية الطيارة .. دق جواله رسالة .. فتحه على السريع قبل يركب كانت من رقم اجنبي غريب فتح محتوى الرسالة .. كانت عبارة عن صورة لطفل حديث الولادة ومرفقه بتعليق "بنت وصحتها كامله .. طلبت مني اعطيك خبر .. وكمان احتاج اتفاهم منك على اجراءات الطلاق مع لؤي كيف اقدر اتواصل معه .. عشان احتاج كرت خاص فيني ارفق فيه بنتي واحطها باسمي " دارت فيه الدنيـــا وهو يفتح عيونه بوسعها !!! سكر الرسالة مباشرة وهو يتراجع عن طريقه : الو !! مصعب احجز لي سفرة مرتبة لامريكا باقرب فرصة ... ايه اللحين ! |
رد: انتماءات كاذبة
معليش على التأخير بتنزيل البارت , اضطريت اتاخر لظروف غصب عني
كتعويض اذا حصلت تفاعل كويس مع هالبارت راح انزل البارت الجاي بكرة |
رد: انتماءات كاذبة
معذورة ومشكورة و كالعادة أول تفاعل ههههه
أخيرا نايف اعترف لابتسام وأنهو فترة التوتر اللى فاتت والله ما فى حد مريح قلبى غير نايف:e106: أخيرا بردو حاجة من توقعاتى نفعت وغادة بتهدد فراس ليلتها سودة بجد لا وبتقوله يا فراس ، خدت عليه الأخت عموما انا نفسى تحرق دمه مش عشانها ،لا ، علشان لؤى وسارة البنت ولدت ولؤى مايعرفش حاجة، لا وكمان عايزة تتطلق نفسى كمان دكتور هيثم البارد دمه يتحرق، قال كان حاسس بالملل وعايز يتسلى بدر وميهاف والبرود سيد الموقف |
رد: انتماءات كاذبة
احداث مشوقة
ابتسام ونايف بدأت احوالهم تستقر لؤي وصار عنده بنت .. يا ترى شو حيصير بالمستقبل ميهاف وبدر معقول يقدروا يرجعوا حبايب .. يا ترى ممكن بانتظارك عزيزتي |
رد: انتماءات كاذبة
احدات وتطورات رائعه خصوصا بين نايف الرايق وابتسام واستقرار الحياة بينهم بعد تفاهم واعترافهم بحبهم لبعض . فراس وغاده ما اعرف اذا غاده عدها حق بالي سوته وتحديها اله وكمان تريد تدخل غرفته يعني تتوقعي ياغاده انو ممكن توصلين لفراس بالسهوله يعني بتظر نفسها اكثر لو تركز على تطوير نفسها وترجع تدرس وتشتغل وتأسس حياتها افضل من الي هي فيه حاليا . هيثم كان قاسي على اسوم يعني يوم اي يوم لا عندها حق اسوم من قالتله انو المفروض من البدايه ما ينطيها امل رغم اني من البدايه عاجبتني شخصيه هيثم لكن الان جاي تظهر تناقضات كثيره في شخصية وتصرفات غير مبرره لكن بتوقع انو نهايتهم لبعض . ميهاف وبدر صراحه هذا الثنائي ما اهتميت ليهم وما اعرف شوكت راح يتصافون وتستقر بينهم الامور وبدر يحتاج واحد يكسر راسه على غروره هذا .
|
رد: انتماءات كاذبة
السلام عليكم ورحمة الله وبركاته
معليش الفترة اللي راحت كان اجازه وظروف واشغال منعتني انتظم في تنزيل التشابترات من الاسبوع الجاي باذن الله بنرجع للنظام كل اثنين وخميس <3 دمتم بخير |
رد: انتماءات كاذبة
" البارت الواحد والثلاثين "
- حب الجميع , وثق بالقليل , ولاتخطئ بحق أحد . ابتسـمت بنعومة في منتصف الإجتماع وهي تفتح مسجـه أمـا بعد : لن أحب أحدا بعدك , أما قبل : فأنا أساسا لم أعرف الحب إلا بكِ ! : أخت إبتسام .؟! رفعت راسها : أيـــوه .؟! ضحك الموظف بخفة : هههه وينك الله يهداك مو معنا .. التوقيع وقف عندك ابتسمت بانحراج وهي توقع على الحضـور .. وتسحب ملفاتها وتطلع من قاعة الإجتماعات ومجرد مافتحت جوالها من وضعية الصامت رن بأسمه ردت مباشرة : ههههههههه فهيت بي بالإجتماع يقطع بليسك نايف بدرامية : أنتي ليش قاسية معي كذا .؟! معقولة ما اصحى يوم على وجهك ... اركد منبهي عشان اصحى بدري الحق اشوفك ما احصلك ! ابتسام وهي تمشي بالممرات بقصد لمكتبها : شأسوي بعد مع رمضان كل العالم مالهم خلق يداومون وش بيدي .!؟ لا وفوقها اخوك لؤي مقدم اجازة ولازم استلم شغله خذ لك يعني نايف : والله انتي متعذبه ومعذبه نفسك .. شوفيني مو راضي اقوم من الفراش للحين وانتي تحوسين ابتسام : والله انت متفاهم مع نفسك والحاله اللي انت عايشها ! انا خلاص تعودت على الشغل مايهون علي اتركه نايف : اشوف هالشغل وين بيوصلك ..؟! متى بترجعين ماخلص دوامك الساعة 2 ابتسام : إلا خلصت هذاي دقيت على السواق بالطريق اكيد .. نايف : راح تجين معـاي اليوم لأهلي .؟! امي عازمتنا على الفطور ابتسام : همممم لا بجلس مع غادة نايف : ماتكوني للحين ماخذه موقف منها عشان اخر مرة .؟! ابتسام : والله ياحبيبي اكذب عليك لو اقولك لا مو ماخذه موقف .. انا للحين مانسيت كلامها واذا هي تمادت معاي وقالته لي فوق اني صابرة على اشياء كثيرة معناها بتتمادى تقولي اكثر من كذا بعدين نايف : لايكون تقصديني بس بانك صابرة على اشياء كثيرة .؟! ابتسام بعناد : ايه اقصدك .. لو بس اني صابرة عليك مفروض تدعي لي وتعطيني راتب بعد نايف : ههههههههههههههههههه ولا يهمك انا اعطيك راتب بس عشان تجلسين عندي ابتسام : DEAL , واذا ولدت كمان تزيد الراتب عشان اصبر على عيالك بعد نايف : ههههه ي ساتر! وبنقضيها طول عمرنا علاوات .؟! إبتسام : يب يب واذا توأم على قولتك دبل كمان نايف : هههههههههههههههههه لنا الله ندفع وش نسوي بعد .. بس وقت يجون احفادنا تفاهمي مع عيالك انا مالي دخل خلص دوري ابتسام : ههههههههههه يله حياتي هذا السواق يدق اكيد جـا نايف : يله في امان الله *** : صـــح النوم ! الساعة 5 أسماء وهي تتثاوب : شأسوي ماما مانمت الا 10 أم فراس : كلن في هالبيت ينام ويصحى زي العالم الا انتي عايشة عالم لحالك ! اسماء : حاولت الاحقكم واصير زيكم بس ماقدرت سريعين مرة انتو بروتينكم شاسوي .؟! ام فراس : مابقى على الفطور شي روحي اقري لك شي ولا انتفعي اسماء : من عيوني انتي بس هدي .. عشان فراس أجل رحلته شبيتي فينا حريقة ام فراس تنهدت : شاسوي .؟! يوم استانست وقلت خلاص بيستقر هنا انعاقت معه وصار يأجل .. ظنك مايبي يعيش عندنا .؟! اسماء : والله هو ابرك له وابرك لنا يعني ام فراس طالعتها بحده وهي تقبصها : انا الغلطانة اللي جالسة احاكيك واحسبك اخته وسنعه .. انقلعي من وجهي اسماء : هههههههههههه اسفة اسفة ... إلا بتروحين انتي بكرة لعزيمة ام نايف .؟! ام فراس : والله مفروض ما اروح عقب ماسحبت ميهاف علينا .. بس يله نروح كود ان النفوس تصفى والقى حل لهالاثنين اسماء : انتي ليش مصرة ان بينهم مشكلة .. يعني انا اشوف بدر عادي عايش حياته لو فيه مشكله وضح ام فراس : لا انا قلبي قارصني متاكدة ! ولا كيف ثنين تو متزوجين عادي عندهم يعيشون منفصلين .. اللي اعرفه بداية الزواج يكون كله لهفه ابوك الله يرحمه ماكان يتحمل يفارقني بداية زواجنا اسماء : يمكن يبون يقون نفسهم الفتنه بما انا رمضان ام فراس : شف البازع وين تفكيرها ! روحي روحي صلي بس *** فـراس / وطــأت قدمه باب المستشفى مباشرة بعد وصوله من المطار .. واعصابه مشدوده تنهد وهو يوقف عند الباب ويسحب له سيجارة قبل يدخـل .. مو متخيل نفسه يشوف بنت لؤي ويعرف انها بنت لؤي ! : ............................ دق جواله رفع السمـاعة بربكة " لؤي " سكر جواله .. مايقدر يكلمه اللحين يكفيه الضغط اللي عايشه بعد ماهدت اعصابه رمى السيجارة وهو يسحقها برجله ويدخل المستشفى .. وقف عند الإستقبال : can I ask about a patient here call sara walker ? الإستقبال : ofcourse from here please رافقته الموظفة حتى مقدمة المـمر : the third room in your left هز فراس راسـه ..وهو يتـأمل الباب زفر بتعب ( انا وش جايبني .؟! ) تراجع بخطواته وهو يديــر ظهره .. عقد حواجبه وهو يطـالع الشاب الواقف أمامه ويطالعه بتعجب : you look as arabic .. don't tell me that you'r loai فراس : and you being …? جاكسـون : seem it's really you ! what are you doing here ?! coming to see her after every thing she's been throgh فراس تنهد وهو يتجاهل الشخص الواقف قدامه ويمشي بطريقه للغرفة المقصودة .. لكن استوقفه سحب جاكسون له من خلفية ثوبه : don't ignore me ! فراس مسك يده وهو ينطق بحده : you'r really a troublesome ! I don't have time to deal with a brat so get off جاكسون : I am a brat ?! so you'r the man ?! I wonder how you gonna feel like a man when hear her crying all this time becouse of you فراس ببرود : I don't know who'r you .. but it seems to me that your another fan of her .. will don't blame me for you'r feeling as a love rival , and if you want her for real here she is infront of you take her she's completlly your's جاكسون : you ***** ! she loved you for real !! فراس:. I would rather if you don’t mistake me with him جاكسون عقد حواجبه : so ! you'r not loai ? فراس ارمقه بنظرة .. وطرق باب الغرفة : get in سحب مقبض الباب وهو يدخل .. فتحت سارا عيونها بوسعها بينما كانت جالسة على طرف السرير تستعد للرحيل ومهد وردي بين يدينها : فــراس .؟! الجدة وهي تطالعه : who's he ? سارا وعيـونها تلمع بالدموع أثر ذكريات ايام مضت .. نطقت وهي تطالعه : suufi .. leave us alone for a moment فراس نطق بهدوء : don't suffi .. " التفت لورا " you too you can inter دخل جاكسون وهو يطالع سارا : sara who'e the hell is he ! سارا عضت شفتها وهي تمنعها من الإجهاش بالبكاء : ...................... فراس وعيونه معلقة بالمهد الوردي .. رفع عيونه مباشرة لسارا وهو يبعد عن هالطفلة او يتجاهل وجودها : مبـروك. سارا نزلت عيونها لطفلتها : تبي تشوفها .؟! فراس تنهد : ما أتجرا احط عيني فيها وأبوها ماشافها حتى .. سارا عضت على شفتها ونطقت بقهر : ماتصلحت الأمور .؟! مافيه مجال ؟ فراس ارتفعت وتيرة صوته : انتي للحين عندك أمل !؟ ظنك لو فيه أمل من الاول كنت ببعدك لآخر الدنيا ! غبية انتي ؟! " تنهد بضيق " آسف على هالكلام بس ابيك تفهمين انك تقطعين الأمل في هالموضوع نهائي نزلت دمعة غير محكومة من عينها :لا عادي ............................. فراس شاح بنظره عنها : بالنسبة لموضوع الطلاق ! ماراح تقدرين تتطلقين إلا بقضية رسمية بالمحكمة .. يعني لازم تتواصلين معاه ..وهذا صعب فانا اقول الاحسن تنتظرين لين هو يزهق ويقرر يطلقك وكذا ننتهي سارا هزت راسها بصمت : ........................... صوفي : مالذي يخبرك به يا ابنتي .؟! فراس : انا ماشي مجرد ماطلع من الغرفة .. نزلت سارا راسها ودموعها تنساب لا إرادي حضنتها صوفي بقلق : what happened baby ? who's that man ? *** أم فـراس بسعـادة على مائدة الإفطار : اخوكم بيوصل بكرة إن شاء الله بدر وهو ياكل : أكيد هالمرة ولا زي اخر مرة .؟! ام فراس تنهدت : نقول ان شاء الله اكيد اسماء باحباط : فراس هذا احسه عقاب لي على كل عمايلي السوداء في هالدنيا ام فراس : أستغفر الله العظيم ! جني هو ! اخوك خوت عظامك بعد اسماء بتجاهل : ياسمين مرري لي صحن السمبوسة ام فراس : خلصتي صحنك خلي صحنها المسكينة اسماء : مجعومة هالبنت ماراح تاكله " طالعت ياسمين " اخلصي هاتيه تنهدت بحب لصحن السمبوسة بين يدينها : مهما تزعلني الحيـاة .. الأكل يراضيني على طول الله يخليه لي ام فراس باهتمام : بدر يمه شخبار بيتكم جهز .؟! بدر وهو ياكل : تو كلمت المصمم امس يقول بسلمه لك بعد ثلاث ايام .. يعني قولي الاسبوع الجاي بنكون فيه ان شاء الله ام فراس : حلو ما شاء الله .. وعطيت ميهاف خبر .؟! بدر : لا لسى .. بقولها ان شاء الله ام فراس : ايه اهم شي لاتنسى عشان يمديها تجهز بعد بدر : ان شــاء الله *** بيت أبو نايف .. بعد صلاة المغرب دخل ابو نايف البيت ومعاه نايف ولؤي واجتمعت الأسرة / نايف وهو يحتسي فنجاله : بتسافر متى .؟! لؤي : بكرة ان شاء الله بالليل طيارتي نايف : الكويت .؟! لؤي : ايه باقي عندي كم شغله هناك أبي اخلصها .. ابو نايف : اهم شي وظيفتك يابوك .. مابي اللي صار يتكرر لؤي : لا ان شاء الله ماحيتكرر ميهاف : ومو تسافر تطول وتسحب علينا .. ارجع طل علينا كل فترة وفترة لؤي : من عيــوني .. وش بعد ؟! ام نايف : اقول نويف .. وين ابتسام ماجت معك انا قايله لك تعال انت وياها .؟! نايف بطبيعية : ابتسام زعلانة عليك ماتبي تجي ام نايف كبست بعيونها ...: زعلانة علي انا ؟! نايف : ايه انتي وبسببك بعد زعلت علي انا بس الله ستر ! نقل ابو نايف بصره بين أم نايف ونايف : شصاير ؟! وليش زعلانة من امك ؟ نايف : تسألني .. العلم عند امي , وش صاير بآخر عزيمة ؟ ميهاف : يوووه ياعمري للحين زعلانة .. ام نايف : شأسوي والله مو بيدي اسكت ! يعني اللي سوته هي الله يهديها غلط ابو نايف بحدة : جدار انا هنا ! تكلموا وش صاير ! ام نايف بربكة : هد اعصابك الله يطول بعمرك .. آخر عزيمة لبدر وميهاف تفاجأت لما دخلت ابتسام اختها غادة معها وانا ماتحملت وجودها الصدق .. يعني سمعة البنت شينة والحكي عنها ماينقال ومن دخلت والكل يشوشر ويحكي فيها .. يعني ابتسام الله يهداها ليش جايبتها مدري تفشلنا وبس .؟! فانا وش سويت يعني كلمت ابتسام قلت لها ان وجود اختها مسبب شوشرة ونبيها تطلع .. ابو نايف : يعني طردتيها ! ام نايف : هاه وش بغيتني اسوي يعني .؟! اتركها تسود وجهنا باختها ابو نايف ارتفع صوته : سواد الوجـــه هو اللي سويتيه ! اجل ضيف دايس بساطنا تروحين تطردينه ! وين كرامتك وضيفتك تنطرد من مجلسك .؟ هذا غير مرة ولدك اللي فشلتيها وقللتي قدرها ... عيب يامرة عييييب لؤي : روق يبه مايبيلها كل هذا ... نايف كان ساكت ... اما ابو نايف وقف ومشى بطريقه لبــرا مجرد ماطلع طالعت ام نايف بنايف : كذا تقول هالحكي قدام ابوك !! انت عارف انه مايحب ذالحكي نايف هز كتوفه : انتي سالتيني وانا جاوبت وش تبيني اقول يعني !؟ اكذب ؟! ام نايف : لا حطني بمشكلة مع ابوك ! نايف : اللحين هالكلمتين اللي قالها مشكلة .؟ ام نايف تنهدت : بكرة عزيمة عندي قل لإبتسام تحضر ومالها الا اللي يرضيها .. واذا غادة بتجي بعد حياها الله نايف : الله الله الله ! كل هذي هيبة يا أبوي ... اعزم ابتسام " كمل بتهويل " وغاااااااااادة كمان .؟! ام نايف : خل مني هبالك واعزمهم .. ومو تنسى بكرة يكونون هنا اعرفك دمك بارد بتسحب علي ميهاف : هههههههههه خلي يكون عنده دم بالأول وبعدين نتفق على درجة الحرارة اذا بارد ولا حار نايف : الله الله ياخفة الدم يا ميهاف .. وين بتروحين اخت نايف ميهاف : ههههههه اعوذ بالله .. " عانقت لؤي من رقبته " انا اخت لؤي وبس لؤي ابتسم : كأنك انجحدت من كرت العائلة نايف نايف : طقاق خل انجحد عندي كرت عائلتي يغنيني عنكم كلكم ميهاف : اخس والله شرتك ابتسام معد يهمه احنا نايف بحالمية : جعلي فــداها وقف لؤي : انا صاعد اكمل تجهيز اغراضي صعد لغرفتـــه والشوق ذابح صدره .. لحد اليوم كانت الأيام تمر عليه بملل دون أي تغير سوى التاريخ , يحس نفسه ميت وهو بعيد عنها : الله يبلغني شوفتك قريب .. والله ماراح تضبط حياتي دونك *** صبــــاح اليوم التــالي .. إنتشر في الأخبــــار : " عملية طلق نــاري في ضواحي شيكــاغو على المليـاردير السعودي فـراس الشمري " أم فراس بمجـرد سماعها الخبر اغشى عليها وسط عيالها ... اسماء صرخت بقوتها : يمممممممممممممممممه !! بدددددر ويييينك نزل بدر بسرعة من الدرج اثر صراخهم وركض ناحيتهم بفزع : شصاااااااااااااااااير شفيها امممي .؟! اسماء وهي تبكي : فرااااس فراااس بيموت وامي .. توسعت عيون بدر وصرخ فيها : شنو فراس بيموت ..؟!!! انهبلتي انتي رفع عيـونه للتفزيون والأخبــار ... توسعت عيونه ثم نفض راسه وهو يرفع امه بين يديه : اسماء افتحي لي باب غرفتها حطــها على سريرها وبحضنه صحن مــاء يمسح به على وجهها : يممه ... يمه اسماء بفزع : بدر امي مو بخير خل نوديها المستشفى ! فتحت أم فراس عيونها ببطء لحظتها : فــ ... راس .؟! التفتت بدر لها مباشرة : يمه هدي اعصابك الله يخلي لنا اياك .. فراس مافيه الا العافية ان شاء الله " التفت لاسماء " خليك جمبها انا راجع طلع مباشرة من الغرفة والبيت ... وهو يدق على رقم فراس وقلبه يضرب خوف , جاه الرد بصوت متعب مبحوح : هلا بدر بقلق : فراس .؟! شصاير انت بخير !!! الاخبار يكذبون صح .؟ !من مطلع هالخبر فراس : كيف امي ؟! بدر : امي حالتها حاله الله يعينها من سمعت الخبر غابت عن الدنيا !!! بس انت شفيك شصاير وش هاللي جالسين نسمعه ؟ فراس تنهد : ماعليــك مافيني شي اللحين ... راجع للرياض بكرة بدر بفزع : يعـــــــــــــــــني صدق ؟!!!! فراس : ايه صدق بس جت سليمة .. بدر : ليش ومن هذا اللي يطلق عليك وليش متعدوي لك ؟! فراس : ما أدري .. بدر : اساسا انت شتسوي بامريكا !! مو على اساس مسافر للكويت ..؟!!! فراس بتعب : ياكثر حكيك بدر .. خلاص قلت لك راجع بكرة بدر : لا ! ارتاح عندك وانا جايك ... كيف بتركب طيارة وانت بهالحال فراس : مافيني الا العافية .... شال الدكتور الرصاصة واللحين تمام بدر بعدم استيعاب : والشرطة .؟! وينهم عن هالمجرم فراس : ........ ما أدري بدر حس ان فراس تعبان بجد وبصعوبة ماسك نفسه يتكلم معه : خلاص فراس ارتاح اللحين ... اهم شي لاتفكر تجي الرياض بكرة ارتاح لحد ما يلتئم جرحك ويصرفونك المستشفى ع مسؤوليتهم فراس : مع الســلامة .. سكر فراس السماعة وهو يسند راسه على السرير ويطالع الشاش الملفوف على صدره .. : مرسل عصابة مافيا كاملة للسجن وجالس امشي بالشوارع دون حماية .. أستاهل اجل ! بس هين انا لكم ياعيال الكلب غمض عيـــونه بانزعاج .. يحـاول ينام بس الألم مو تاركه تنهد بضيق وهو يستسلم للأرق : ............ *** غـــادة واقفة مكانها بصدمه ورا باب غرفتها وهي تسمع نايف يتكلم مع ابتسام : إلا الخبر صحيح ابتسام : يمــــه !! وان شاء الله بخير .؟! نايف : لا كلموه وطلع بالمستشفى يعالجونه ... بس للحين مامسكوا هالمجرم ابتسام : الله يستر دنيا تخوف .. اهم شي سلامته نايف : هذي فايدة حياة رجال الأعمــال .. يخلقون لهم مية عدو دون يحسون .. ابتسام : يعني معقولة يكون اللي اطلق عليه قاصده هو خص نص نايف هز كتوفه : اجل ليش بيطلق على شخص عشوائي يعني ؟ ابتسام : انا بجهـز اروح مع اهلك اليوم لأم فراس .. يقولون تعبانة مسكينة نايف : متى بتروحي .؟! ابتسام : عقب الفطور ان شاء الله نايف : انا بروح لأبوي اللحين اشوفه ... بعطيك خبر اذا برجع للفطور او لا هزت ابتسام راسهـا ... وفور خروجه دخلت غرفة غادة : لاحول ولا قوة الا بالله .. شايفة هالمصيبة الي طاحت ع راسهم غادة بفزع : وهو بخير مافيه شي ..؟! الاصابة جت خطيرة ولا ..؟ ابتسام : لا حمدالله يقولون كلموه وان شاء الله انه بخير .. بتروحين معاي اليوم لبيت ام فراس ؟ غادة بتأنيب ضمير : ايه بروح .. تنهدت غادة بضيق ... متعرض لطلق ناري وانا جالسة ارسل له رسالة بايخة لازم استرجعها اليوم !! , من معقولة يكون مطلق عليه ...؟! معقولة يكون لهم علاقة بريم ولورا ... إلا اكيد ... *** لؤي : انا رايح له اليوم ان شاء الله ابو نايف : لا مالك روحة ! بتجيبه طيارة طبية بكرة ان شاء الله وخلاص لؤي : برضو يحتاج مرافق ابو نايف : بدر بيروح مايحتاج انت كمـــان لؤي : يبه لاتسدها بوجهي ... انا كنت مسافر مسافر الكويت ولا امريكا مافرقت ! بكلم بدر وبحجز معه ماراح اقدر اجلس ابو نايف : بس فراس مو كانت سفرته للكويت ... وش وداه امريكا لؤي : طبيعي هالرجال مايستقر بمكان ! الله يعينه مدري من تجرأ يسوي فيه هالعملة الوصخة تنهدت ام نايف : حسبي الله فيه ونعم الوكيل ... جعله مايربح ابو نايف : آميـــــن ... اجل استعجل وشف بدر قبل يروح وتجلس وقفت ميهاف من الجلسة وهي تطلع لغرفتها ... مسكت جوالها وهي تضغط على رقمه جاها الرد بعد فترة بصوت هادي : هلا ميهاف بربكة : الــو .. هلا والله هلا .. كيفك ؟ بدر : ماعلي .. ميهاف : حمدالله على سلامة اخوك بدر باقتضاب : يسلمك ميهاف بتردد : وكيفــك انت ..؟ سمعت انك مسافر لامريكا ... وكيف امك ؟ بدر : ايه بكرة رايح ارافقه .. وامي الله يعينها ميهاف : راح ازوركم اليوم ... نتطمن على امك ونوقف معها بدر بإرهاق : حياكم الله ميهاف : ومحتاج أي شي قول .. انا موجودة تنهد بدر : الإهتمام مَطلب ياميهاف .. مايطلب ميهاف : عـارفة .. ليت وضعنا غير واوقف جمبك وأشيل عنك بس انت مو تارك لي فرصة ارضى بدر : ....................... اهـا ميهاف سكرت السمـاعة وهي تتنهد بضيق .. واضح من صوته التعب بس وش طـالع بيدها .؟ *** سحبــت جاكيتها وهي تلمه على جسمهـا وتستعد للرحيل / دخل جاكسون الغرفة ... صوفي : is the car ready ? جاكسون بتردد : yes ,, " طالع سار " but have You seen the news today صوفي : no is something important in it ? جاكسون وعيونه على سارا المنشغله بتجهيز بنتها : The man who came here yesterday has an accednt التفتت سارا : what !! جاكسون : someone shoot him سارا : and how's he now ? جاكسون : he's in the samehospital here , but in The VIP ward سارا : oh my gad , so can I see him ? صوفي : I don't think getting to the vip ward easy - جناح ال VIP / دخل مسعـود بين الممرات حتى وصل لغرفته .. ثنى فراس الصحيفة اللي بين يديه واستقبله بوجه مكشر : وش هالخرابيط بالجرايد !؟ مسعود : كيف حالك ..؟! ان شاء الله احسن .. اسف ماقدرت القى حجز اقرب من كذا فراس : مو مشكلة .. حجزت تذكرتي للرياض .؟! مسعود : كيف احجز لك .؟! الدكتور يقول خطر عليك تسافر فراس : راح اسافر على مسؤوليتي مسعود بقلق : بس خطــر كذا ! فراس نطق بنبرة منتهيه : مسعـود احجز طيارتي بأقرب فرصة وارسل تذكرتي تنهد مسعود وهو ينحني باحترام وينطق بيأس : ان شاء الله دخـلت الممرضة : mr fras , there is a visitor for you and she want to come in .. should I let her or no ? فراس عقد حواجبه : she ? الممرضة : her name sara , فراس : مسعـود تفضل لشغلك .. " التفت للممرضة " let her in تنهد مسعود بيأس من اصراره وطـلع ... بعد فترة دخلت سارا طالعته والشاش ملفوف على صدره ورامي جاكيت صوف كحلي على كتوفه .. نزلت عيونها مباشرة وهي تنطق : حمد الله ع سلامتك فراس : دخلت المستشفى امس اشوف بنت لؤي .. وحوبته وصلتني على طول دخلت اليوم اللي عقبه مريض سارا تنهدت بضيق : انـا ... " بلعت ريقها " امس ماقدرت اتكلم معك .. بس انا بسـافر الليلة ان شاء الله لمكان اعيش فيه لحالي والبنت سجلتها باسمي .. فراس بعد صمت لفترة وعيـونه معلقه بالمهد الوردي بين يديها : ............................. ممكن شوي ؟! سارا مافهمت ... لما انتبهت لعيونه وهو يطالع البنت فهمت : اا ... بس اصابتك فراس : هاتي اشوفـها ... مافيني شي سارا تقدمت ناحية سريره وهي تحطها بين يديه ... تسمرت عيونه فيها وهو شايلها بين يديه نطق وهو يطالعها : اسمها .؟! سارا : مـايا رفعها فـراس بين يديه وهو يتــأملها .. وهي نايمة وجهها الأحمر ريحة الطفولة فيها قرب اذنها اليمنى من فمه ونطق بصوت معتدل هادي : الله أكبر الله أكبر .. الله أكبر الله أكبر أشهد ان لا إله الا الله أشهد ان لا اله الا الله اشهد ان محمد رسول الله اشهد ان محمدا رسول الله .... " بعد ما انتهى من الأذان انتقل لاذنها اليسرى وكمل الإقامة " سارا ظلت تتـأمل حتى انتهى .. رفع عيونه منها لسارا : أنتبهي لهـا .. واذا احتجتي شي رقمي عندك هزت سارا راسها وهي تستلم بنتها منه وتحس نفسها تنفطر : الله يشفيك .. وحمدالله ع سلامتك مرة ثانية وانسحبت من الغرفة .. وهي تحضن دمعتها نزلت عيونها تتأمل بنتها انتبهت لبـطاقة في مهدها لحسـاب بنكي , ومكتوب بورقة " تكاليف راحتها واي شي تحتاجه .. عيشيها بمستوى يناسب بنت لؤي " عضت شفــتها بألم .. : واذا هي عاشت براحة .؟! وانا ..؟ والله ماتمنيت شي تمنيت بس علاقة معه دون تكلف تمنيت نكون شخصين راضين بعيوب بعض وبس .. في غرفـــة فراس / كان واقف عند نافذة غرفته ومسند كتفه وراسه على جمب ويطالع ... تنهــد بضيق وهو يصلب طولة ويوقف طالع المراية على الحائط والإصابة القديمة تحت الاصابة الجديدة بإنش للحين مرتسمة بشكل ندبة.. سحب الشاش وهو يمسح بيده على اصابته الجديـــدة : ................ هالمرة من قلب استاهلها .. دق جـواله كشر بوجهه من الألم اللي مسكه فجأة من اثر الهواء على اصابته شد على قبضته وهو يضغط نفسه حتى استلقى على السرير وسحب جواله " بدر " : هاه بدر .؟! بدر : ايش اسم المستشفى اللي انت فيه .. بالطريق جايينك انا ولؤي فراس : اسم المستشفى **** بس عموما انا بطريقي اللحين للمطـار راجع للرياض دور لك انت ولؤي مريض ثاني تزورونه بدر : من جـــــــــدك انت .؟!!! فراس : اللحين بدل ما تهدي العالم وتقول مافيه شي وتريح قلب امي .. تسوي حوسه وتجيني ! مافيني شي زي الحصان امشي واجي وماعلي خلاف ... تبي شغل ؟! استقبلني بالمطار لاوصلت بدر : الله يصـــلحك مو فاهم ليش كل هالعـــناد ! فراس : ..... أمي شخبارها .؟! بدر تنهد : من عرفت وهي طايحة جبنا لها دكتور ويقول ارتفاع بالضغط فراس بضيق : ....... للحين ؟! بدر : انا تو طلعت منهم ومازالت .. فراس : خلك ملازمها لين أرجع ... الليلة ان شاء الله بكون موجود بدر : مقدر البيت كله حريم .. بيت عمي وعمتي وخالاتي فراس : اهــا ... بدر : كيف اصابتك اهم شي .... عقب العملية احسن !؟ فراس بنرفزة : شفيكم انتو لي ثلاث ايام من تصاوبت خلاص مافيني شي بدر : اللي بيسمعك بيقول 3 شهور ! انت مستوعب انها رصاصة تنهد فراس : دامك مقدر اني متصاوب وحالتي حاله .. ريحني من هالمكالمات واللي يعافيك وخلاص انا راجع اليوم وبتشوفني وتتطمن بدر : ع خيـــر اجل .. سكر بدر السمـاعة وتنهد بضيق وهو مو عارف شيسوي بالضبط ..؟! انتهى به الطريق قدام بيت عمه لأنه مواعد لؤي هنا نزل من سيارته وهو يضرب الجرس ... فتحت له الخدامة : تفضـــل بدر : فين لؤي ؟! الخدامة : بابا لؤي فوق ... شوي يجي بدر تنهد وهو يــدخل ... حاس بفمه وهو يمسح بعيونه على البيت الوضع غريب يشوف بيت عمه بهالهدوء محد فيه بالعادة يكون موجود بمناسبات وفوضى .. استرخى على الكنبة وهو ينتظر لؤي : ................ طاحت عيونه على بعض تفاصيلها بالصالة .. هذا طلاء اظافرها ومبردها فوق مجلتها المفضلة على الطاولة ... وانتبه لآيبادها مجلس على الطـاولة سحبه وهو يفتحه ... استطرف انتباهه الخلفية المسجلة بمقولة : يلزمني قربك .. وليس وجودك ! ليتك تدرك حجم الإختلاف ظل يتــأمل الخلفية .( تبغين قربي وانتي مو راضية حتى تتصلين فيني .؟! وش تبغي انتي بالضبط ياميهاف .. ) سكر الآيباد وهو يرجعه مكانه لما سمع صوت لؤي ينزل ...: هلا بدر معليش تأخرت عليك ارتب شنطتي ... يله مشينا؟ بدر ويده ورا رقبته يمسجها بارهاق : فراس طيارته اليـوم راجع .. يعني ماحنستفيد لؤي : كيف بيرجع اليوم ؟! صاحي هو ! واصابته ! ؟ بدر هز كتوفه : عجزت فيه ... كيفه مو بزر رجال وهو ابخص بنفسه لؤي : ولا عرف للحين من هاللي مطلق عليه ؟! بدر : لا .... عموما انا ماشي جيت اقولك وبس لؤي : في امـــان الله ... ماقالك متى طيارته بالضبط ؟! بدر وهو طالع : نسيت اسأله ... *** عـــند قـلب الأم / كانت ام عبدالمجيد جالسة جمب سريرها بكرسي وتحاول تحاورها : يا أم فراس استهدي بالله .. الولد مافيه شي حمدالله اللي عدت على كذا ام فراس : اللهم لا إعتراض .. مافيني حمل التعب يا ام عبد المجيد ! والله يوم قريت الخبر طاحت علي مصيبة مابي افقده زي مافقدت ابوه .. هو ريحة ابوه اشوفه فيه ام نايف : وش هالحكي يا ام فراس لاتفاولين على الولد ... حمدالله مافيه الا الخير وانتي لو بس تروقين شوي وتكلمينه هذاهو اليوم مكلم عمه ويقول بخير ام فراس : ولدي واعرفه ... مايشكي حتى لو فيه هم الدنيا بيقول انا بخير يمه ام عبدالمجيد : شوفي عيالك كلهم منكتمه صدورهم وهم يشوفونك بهالحاله .. خليك قوية عشانهم انس وياسمين ذابحين عمرهم بكاء واسماء الله يعينها مو عارفه مين تهتم به ام فراس : استغفر الله ... لا اله الا الله ولاحول ولا قوة الا بالله ... الله يرجعه لي بالسلامة يارب ام نايف : ايه اعرفك كذا قلبك قوي ومتعلق بربه .. قومي صلي وادعي ربك اتكــأت ام فراس على راس سريرها وهي توقف .. وتتجه للمغسله تتوضى وتستعد لجلسة مع ربهـا عـند البنات برا .. كانت اسماء مسنده راسها على ركبتها بصمت .. ميهاف : اسوم مو كويس حالك كذا .. شوفي امك قامت تصلي رفعت اسماء راسها مباشرة وهي تشوف امها : ................ ميهاف : شايفه .؟! واخوك ان شاء الله انه بخير اريج " خالتهم " جتهم وجلست معهم : ياسمين مسكينة ذابحة نفسها بكاء ... انس ارحم بعد اقوى منها سجى وقلبها يتقطع بنفسه على حالته : بس .... كيف صار كذا .؟! من هاللي قاصد يطلق عليه ميهاف التفتت لها : مو وقته سجى ! خلاص حصل خير والحمدلله على سلامته .. اسماء والعبرة خانقتها : بس اللي اطلق عليه مره بيطلق ثاني ..... " مسكت حلقها بوهن " انا صح اعصب وقت يجي .. ويا ما دعيت عليه بس .... انا ماعرفت ابوي بحياتي الله يرحمه .. فراس هو ابوي حتى هيبته هيبة أبـو بينا .. مو لحالي فراس ابونا كلنا ... انا خايفة عليه يصير له شي مثل بابا .. راح امريكا وماعرفنا الا انه مات ضمتها ميهاف لحضنها : اتقي الله اسماء ليش مصرين تفاولون عليه .. خلاص اللحين الحمدلله شالوا الرصاصة وهو نفسه كلم ابوي اليوم .. ولو بيده كلمكم بس انتو الله يهديكم حالتكم حالة عزى كانه ميت بسم الله عليه عضت اسماء على شفاتها المرتجفه من البكـاء .... وسحبت جـوالها : اذا هو كلم عمي ... اكيد اقدر اكلمه بعد انا وقفت وهي تبعد عنهم خطوتين .. ودقت على رقمه رجعت الدموع تنزل لما ماحصلت رد : .............. وقفت ميهاف ناحيتها : شفيك اسوم شصار .؟! اسماء : مايرد علي ... ميهاف : معليش يمكن نايم او مشغول ... " احــــم ...احـــــــم ! احد هنا !؟ " سحبت وداد وسجى غطاهن على روسهن وهو يطلعن من الصالة .... ونطقت اريج : تفضل مافيه احد .. دخل بدر ووقف مكانه وهو يشوف ميهاف واسماء بحضنها ضامتها وتمسح عليها ... تنهد وهو يمشي ناحيتهم : اسوم ..... اسوم ... اسماء تعالت شهقاتها : ............. بدر : اسوم ردي علي ابعدتها ميهاف نصفيا عن حضنها عشان تلتفت له .... طالعته اسماء وهو تمسح دموعها بذراعها : هلا .. بدر وهو يمسح على راسها : خلاص اسوم ليش تبكين .؟! فراس مافيه شي صدقيني .. تو كلمني ويكامخ يعني مافيه شي اسماء : كيف مافيه شي وهو داخلته رصاصة ...!! بدر : حتى لو ... من دخلت حصلت ياسمين بالحديقة وانس بالمجلس وكل واحد حالته النفسيه صعبة مساكين بزران كيف يواسون نفسهم وانتي وامي الكبار حالتكم حاله اسماء : شاسوي بدر مو بيدي .. ضمها بدر لحضنه وهو يمسح على ظهرها : تعوذي من الشيطان وقوي نفسك ... فراس راجع اليوم رفعت اسماء راسها : كيف ؟! بجد ! بدر ابتسم : ايه بجد .. لاتخلينه يجي وتستقبلونه بهالعزا اسماء : كيف بيجي واصابته ؟! بدر : عشان كذا اقولك مافيه شي ... يمشي ويروح وبيركب الطيارة وبيجينا اسماء هزت راسها : بروح ابشر امي اريج : ايه تعالي نفرح قلبهــا مسكينة ! ميهـاف كانت تطالعهم طول هالوقت ... ونطقت لما راحت اسماء : هناكم العقلان برجعته اجل مقدما طـالعها بدر ..ونطق بهمس : نفسي اعرف وش فرق قربي عن وجودي بالنسبة لك ميهاف مافهمت : شنو .؟ ! مافهمت تنهد وهو يتوجه للدرج يصعد : هنــاك خير .. ظلت ميهاف تطالعه وهي مستغربة كلمته ... التفتت وهي تشوف ابتسام وغادة يدخـلون : هلا والله ابتسام حياك .. شفيك تاخرتي اقولك نمرك تقولين لا ابتسام وبيدهــا صواني معجنات وحلا : شاسوي مو حلوة بعد اجي ويدي فاضيه والعالم حالتهم حاله ... كيف ام فراس اللحين .؟! ان شاء الله احسن طلعت من الغرفة مرام " توأم اريج ... وخالتهم نفس الحالة " : هلا والله شرفتوا ابتسام : هلا فيك ... حمدالله ع سلامة فراس وخطاكم الشر ان شاء الله ميهاف : تعالوا تفضلوا الكل داخل غادة كانت ساكته وسط كل هذا .. وعيـونها على الدرج باي طريقة لازم تسترجع الورقة : ............ دخلت مع ابتسام ومعظم الغرفة حريم ماعرفتهم ... اللي هم أهل ام فراس وجلست بصمت وابتسام تشاركهم الحديث وسط مصطلحات هو سلامته وكيف صار كذا وحسبي الله على من سوا كذا .. ام فراس وروحها تجددت : دامه بيرجع اليوم انا صرت بخير .... كلي شوق ولهفة لمتى يوصل ام نايف : حتى ابو نايف والرجاجيل من الفرحة فتحوا المجلس وجلسوا .. ينتظرون وصوله عجبـاء " اخت ام فراس وتعتبر بنفس عمرها " : شفتي يختي هذاهو بخير وعافية وبيرجع .. وانتي ذبحتي نفسك لا اكل ولا غيره ام فراس : خل نروح كلنا اللحين جماعة نصلي التراويح بالمسجد الكل آيد هالفكرة .... اثناء ما ابتسام واقفة عندالمغسلة وتتوضى وقفت عندها ام نايف : ابتسام التفتت ابتسام : هلا ام نايف تنهدت : ماحصلت فرصة قبل كذا اقولك صح ... بس مبروك الله يرزقك اللي ببالك يارب ابتسام : تسلمين ... آمين ام نايف : وبنفس الوقت ابي اقولك اني ماكان بقصدي اطرد اختك واقلل منك .... انا والله مدري وش صار لي بس صدقيني اني اعزك وانتي تعرفين مكانتك عندي ابتسام بمجاملة : مايحتاج هالكلام خالتي وانا مو بشايلة بخاطري ام نايف : اكيد .؟! اجل وينك هالايام اللي راحت ... اشحذك فيها تجين تفطرين عندي يجيني نايف وانتي تجلسين ابتسام تنهدت : انا مو شايله بخاطري بس ... الفترة اللي راحت انشغلت وفوق كذا اختي ببيتي ولازم اضل معها ام نايف : تعالي انتي وياها حياها الله ابتسام باقتضاب : ان شاء الله خير .. ام نايف : اهم شي ماعادك شايله علي هما .؟! ابتسام : نهـائي .. اثناء انشغال الحريم .. بالوضوء ويدورون عباياتهم يستعدون للصلاة استغلت غادة الوضع وهي واقفة بتردد عند السلم لازم توصل باي طريقة بس كيف .. لو حصلها احد فوق ! وش بيقولون ! مو ناقصها حكي اساسا ! كرهت نفسها مليون مرة .... كيف بتتخلص من هالموضوع كيف ؟! جتها ابتسام : غادة شتسوين هنا .؟! غادة شهقت : يمه خوفتيني ! ما اسوي شي واقفة ... ابتسام : بسرعة نروح نصلي عشان نرجع البيت ... ولا نرجع مباشرة .؟! لاتنسين ان رنيم لحالها بالبيت مع الشغالة والشغالة دوامها جزئي غادة بيأس : يله ... وراحت مع ابتسام ... الظاهر مافيه امل تسترجع هالوقة اساسا حتى لو توصل فوق الغرفة مقفلة مايزين ... *** : ليش ماقلت لي انك بترجع اليوم !! فراس وواضح على صوته التعب : ماحصل لي فرصة ... لؤي : كيفك اللحين تحس انك احسن عشان تسافر ؟! فراس تنهد بضيق : ... كم مرة بتسألوني هالسؤال .. تعبت كثر ما اجاوب لؤي : لأنها ماصارت بالتاريخ ... تسافر كذا على طول عقب عمليتك بيومين ! فراس : يله هذي رحلتي ... اشوفك لاوصلت سكر السمــاعة وهو يسند راسه ويغمض عيــــونه ويعض على شفته يبي الحرارة اللي بصدره تبرد لكن حرارة تقتله : .... وقف عند مسعود وهو قلق من هيئته : طال عمرك .؟! ابعد فراس يده من عيونه وهو يطالعه بطرف عينه : ايه مسعود هلا ؟ مسعود : انت بخير .؟ فراس : ايه ... ماعلي مسعود : الرحــلة اللحين وقتها ... مشينا مسك فراس عصـاه الصغيرة الأنيقة بطول ساقه وهو يتكئ عليها يوقف وهو يحس أي ارتفاع بصوته بتنفك غرز عمليته .. لكن خلاص مو طايق امريكا ! دون شي يكرهها ... فوق كذا مايقدر يترك امه قلقانه عليه اكثر من كذا .. *** وصـــلت غادة البيت مباشرة واتجهت لغرفتها .. وهي تحس بكئابة : .............. استغربت ابتسام حالها لكن ماعلقت ... صعدت لغرفتها وهي تطالع غرفة البيبي المعفوسة صايرة هي شغل نايف الشاغل هاليومين ... دخلت غرفتها وهي تعلق عبايتها وتدق عليه جاها رده : هلا حبيبي إبتسام : هلا والله ... كيفك شخبارك شمسوين ؟! نايف : جالسين اللحين وشابين الضـو ... والشيبان يتفلسفون عن الأمن والأمان والشباب مايعرفون مصلحتهم وقلبت محاضره ابتسام : هههههههههههههههه ايش ضارك اسمع المحاضره نايف تنهد : شوي شوي علي ... هالضحكة بتخليني اركب السيارة واجيك دون احس ابتسام بنعومة : نبطل نضحك يعني ؟! نايف بهدوء : إبتسـام .. ابتسام : لبيه نايف : احبـــــك .. لا شنو أحبك اموت فيك انا وردت ابتسام وهي تسمع اصوات الشباب حوله " اوووووووووووووه نايف معد يحس باللي حوله ! تراك بوسط المجلس " : اوه نايف انتبه العالم حولك نايف : واذا حولي " وجه كلامه للي حوله " طير من جوي يا عزوبي ياحيوان عبدالمجيد : افاااا ! معد صرنا نعجبك يالعزوبيين ... نسينا نايف تنهد : ايه والله نسينا الحياه الوصخة هذي ..." قرب السماعة " الله لايخليني بسس ابتسام : وربي انت مجنون ! نايف : فيك ابتسام : احم ... انا لسى وصلت البيت نايف : رجعتي من ام فراس ابتسام : ايه طلعنا مستعجلين ... عشان رنيم تاركينها واهم شي تطمنا ع ام فراس نايف : اهـا اذا بتنامي نامي .. نوم العافية انا شكلي مطول ابتسام : لا معليش انتظــرك ... بتتسحر هنا .؟! نايف : وانا وين اجلس بعقلي وانتي تقولين بنتظرك ..؟! سحب عبد المجيد السماعة من اذن نايف : سديت نفسنا انت .... خلاص بس نايف فتح عيونه : رجع جوالي ياحيوان عبد المجيد وهو يوقف : اقرب السماعة من اذني .؟! اسولف معها .؟! نايف وهو يوقف ناحيته وهو يبتعد عنه : سولف من اليوم لبكرة والله شرهتك ان ردت عليك اصلن عبدالمجيد : اعترف انك تغار ... تغار صح نايف بطبيعية : اغار عليها منك .؟! انت شايف وجهك .... " رفع صوته " جب الجوال يازفت عبدالمجيد : هههههههههههههههههههههه نايف عصب التفت لهم بدر : وش جوكم انتو ! اهجدوا العالم حالتهم حاله وانتو تلعبون نايف : شدخلني انا خل هالمروق يرجع جوالي رماهم بدر بنظرة ورجع يطالع قدامه ..... ابو عبدالمجيد بصرامة : عبدالمجيد رجع جوال الرجال ! لزم عبدالمجيد العافية ورجع الجوال لنايف ... مسك نايف جواله : الو .؟! " التفت لعبدالمجيد " شايف! سكرتها ابو نايف : بس انت وياه ! انا اشهد ان العقل زينة لإبن ادم نايف باستعباط : ايه فاهمين ان العقل زينة ... بس الزينة حرام يا أبو نايف عبدالمجيد : بااااااااااااااااااااااااااااااااايخ ابو نايف بتجاهل لرواقته الغلط : نايف ! فين لؤي .؟! نايف : شعرفني بدر : راح عنده مشكلة بالحجوزات مدري ايش وجاي .. ابو نايف : كلمه قله يعجل يجي هنا ! نايف : ان شاء الله *** فــور وصول فراس لأراضي السـعودية .. الساعة 3 صباحا / اتكـأ على عصاته وهو ينزل .. وماينكر تعب الرحلة بالنسبة له عقد حواجبه وهو ينتبه للشخص الواقف قدامه تماما : لــؤي .؟! لؤي : طبعـا ! ماتبيني استقبلك يعني " التفت لمسعود " هلا مسعود ... كيف حالك ؟ مسعود : حمدالله تمام ... انت كيفك ؟! فراس : كيف عرفت ان رحلتي اللحين ... لؤي : تفحصت الرحلات وعرفت .... " تنهد " كيفك انت ؟! فراس وهو طريقة كلامه طبيعية تماما ما كأنه يتقطع من الوجع : شنو شايف انت .؟! لؤي عقد حواجبه : شايف انك تضغط على نفسك كالعادة ... نمر مستشفى قبل البيت ؟! فراس مباشرة : لا ! البيت ... لؤي : مشينا اجل ركبوا السيارة ... وفراس مشاعره سلبيه زيادة عن المعتاد , مقابله هالمرة لسارا وبنتها زادت كئابته : .......... لؤي : لو انت مو عنيد كذا ! كان مارحت هالرحلة لحالك ... كان معك احد يساعدك ويوقف معك فراس : ومين بيتحمل يجلس معي وين ما اروح .؟! انا فراس اتعايش مع نفسي بالغصب ... شدخل العالم بعد يبلشون فيني ؟! لؤي : انا مو فاهم كميـــة السلبية اللي انت عايشها ! فراس سحب علبة حبوب من شنطته وبلع حبتين ورا بعض ... لؤي : وش هالحبوب .؟! فراس : مسكن لؤي بألم : تعورك ؟! فراس : رصاصة ترا يعني طبيعي تعورني مايحتاج ترحمني لؤي : الله يعينك .. اول مانوصل ارتاح وان شاء الله خير تسند فراس على الكرسي وهو يطالع الطريق ... ومافيه حيل يتكلم حتى .. *** نطت اسمـــاء بحماس بينما كانت تراقب جلسة الرجاجيل بالملحق الفخم : وصصصصلص وصصصصصــل اريج ومرام ركضوا وهم يترفعون على الجدار يراقبون : والللللله .؟!!! ركضت مرام تنزل ... حتى وصلت لمجلس الحريم : وصـــــــــــــــــــلوا وصلوا ام فراس وقفت مباشرة وعيونها دمعت تلقائي : امااااانة ..؟! امانة .......... وينه اجل .؟!!! عجباء : المجلس مليان رجاجيل .... أكيد بيشوفهم قبل ثم بيدخل بعد ربــــع ساعة من وصوله .... وام فراس واقفة على جمر بالممر روحه وجيه وقفت من حركتها وهي تنتبه له واقف بالثـــوب السعودي ... دون غترة ويمشي بالممر وابتسم مباشرة وقفت شافها : يخسون دكــاترة امريكا يلقون لي علاج غير هالوجه تسارعت خطـوات ام فراس حتى وصلت له وهي تضمه بلهفة وشوق .... وتبوسه بكل مكان ودموعها على خدها : هلا بحبيبي ... هلا فيك ياقلب امك هلا ياروحي .. نشف دمي راحت روحي شفت الموت بغيابك يمهه بسم الله عليك الرحمن الرحيم ... بسم الله عليك الرحمن الرحيم الله لايقدر اشوف فيك شر .... بسم الله عليك بسم الله على ضناي الكل كان يطالع ام فراس ومتاثرين بسلامها الحار لولدها ... ابتسم فراس بحنـان .. ورغم ان عناقها الملهوف يضغط على جرحه لكن ماهمه : يابعد حيي يا يمه .... كل هذا لي؟! ام فراس : بغيت اموت يوم سمعت والله بغيت اموت .... جعل يومي قبل يومك فراس وهو يبوس يديها وراسها ويستقر وهو يبوس خدها : بسم الله عليك ... الله لايقوله ابتسم وهو يطالع ياسمين اللي تمشي ببطء ناحيتهم وعيـونها دموع : ياسمين .؟! تعالي سلمي مشت ناحيته وهو تتعلق برقبته : حمدالله ع سلامة مسح فراس على ظهرها وهو جالس القرفصاء لمستواها : يسلمك اسماء كانت واقفه بأول الممر وتطالعهم بصمت .. وقف فراس : شعندهم خواتي كل وحده تطالعني كانها اول مرة تشوفني بحياتها ! هيييه تراني فراس اسماء مافيه استجابه : ............................. فراس بمزح : زعلانه عشان مامت .؟! ماتحققت امنيتك ؟ اسماء مشت ناحيتهم وهي مبوزة : يارخمة ! عقد حواجبه : .................... اسماء : كيف تركته يطلق عليك ! كيف فراس الشمري يمشي بالشوارع دون حارس !!! استهتار ها فراس : حمار ما أفهم ... وش تبين بعد .؟! اسماء : وكلب بعد فراس : هيييييه لاتزودينها عاد ! : فـــــــــــــــــــــــــــراسوه ! ابتسم فراس لخالاته التوأم " اريج ومرام ..... 27 سنة " : هلا بريه وسكينة اريج : اححححلف ! هذا وانت تعبان تو تناقر فينا مرام : اقول اريجوه خل نرجع الشرهه علينا جايين نسلم عليه بعد ! جت خالته عجباء وسلم عليها باحترام نظرا لعمرها : ماتشوف شر يامك ... حمدالله ع سلامتك : حمدالله على سلامتك يافراس طهور ان شاء الله فراس وهو يرد على ام نايف اللي من ورا الباب : هلا خالتي ام نايف ... يسلمك يارب ام نايف : وكيفك ان شاء الله احسن .؟! فراس : حمدالله بخير مافيني الا العافية ميهاف : حمدالله ع السلامة طهور ان شاء الله وداد : ايه والله سلمت .. ماتشوف شر ان شاء الله سجى : حمد الله ع السلامة فراس : يسلمكم يارب ... ويعطيكم العافية على الوقفة ام عبدالمجيد : واصابتك وين .؟! فراس : بالصدر ... بس حمدالله سليمة ! ام عبدالمجيد تنهدت : يله انا ماشين اللحين وهناك العقلان يا ام فراس .... وبسم الله عليك يافراس ماتشوف شر والله خوفتنا عليك مرجت قلوبنا وتوافد الزوار بالرحيل ... خصوصا ان الوقت متأخر ... ام فراس : تفضل يمه الصالة اجلس ارتاح.... بتقدر تصوم ولا تعب عليك .؟! فراس : لا بصوم ان شاء الله ... مالي عذر جلس فراس على الكنبة وهو يحس انه واقف على جمر طول هالوقت ... وتو ارتاح شوي تنهد من قلب : حمدالله ام فراس : تعورك للحين يمه .!؟ فراس : شي بسيط ماينشال همه ... بكرة بعد لؤي حجز لي موعد بروح ابدل الشاش ويفحصونه دخل بدر وجلس باسترخاء .... فراس : تو احد بالمجلس .؟! بدر : لا كلن راح بيته ... ام فراس : اسماء ! قولي للخدامة تجهز غرفة الضيوف لاخوك فراس : ليش غرفة الضيوف غرفتي موجودة ام فراس : تجلس تصعد فوق .؟! لا ! تعب عليك ..... ارتاح تحت الدرج بيوجعك فراس : لا يمه لاتجهزوها ولا شي .. انا مرتاح بغرفتي وبعدين الدكتور يقول قد ماتقدر تمشي امشي بدر : بس امي معها حق ... الدرج صعب فراس : شايب انا .؟! اسماء : مو شايف عصاك بيدك ! ايه شايب فراس : هذا وانا بعصاي تناقريني .. لو مافيني شي شتسوين انتي !؟ بدر : ماعليك منها من ورا قلبها ! يفوتك اليوم تصيح صياح تقول بزر اسماء : نصاااااااااااااااب ماصحت انس : الكذابه الا صحتي وتقطعتي صياح بعد ام فراس : بس ماعرفوا من هالكافر الله لايوفقه ...وش يبي وليش مطلق فراس : لا والله يمه ... خلاص سالفة وعدت حمدالله ام فراس : شلون سالفة وعدت كيف و ... قاطعها فراس بنبره هادية : سكري على الموضوع يمه يضايقني ... تنهدت ام فراس : اهم شي سلامتك ... " طالعت فيه لفترة ثم كملت " اقدر اشوف اصابتك .؟ فراس : شتشوفين يمه ملفوفه بشاش وخياط بسيط صدقيني ماينشاف اسماء ابتسمت وهي تشوف بدر اللي مسند راسه على يده وواضح بنص استماعه نام ... مسكت جوالها وهي تصوره : هههههههههه ام فراس : حسبي الله على بليسك اتركي الولد ينام اسماء : لا شوي اصوره ... واذله فيها بعدين انشرها على النت ام فراس : ياعمري مسكين ماذاق النوم له يومين من حوسته فينا فراس : اسماء ! صحيه ينام فوق اسماء : الساعة 8 فجر .. مفروض ننام كلنا اصلن متى بنصحى بعد مانتهت جلست تصويرها قربت منه وهي تهزه : بــــــدوري فز بدر من نومه بعدم استيعاب ... اسماء : ههههه بسم الله عليك ... قوم نام بسريرك لما استوعب بدر وقف وهو يتوجه ناحية الدرج ويصعد مبــــاشرة : .................. فراس : وش وضعه .؟! كانه ماتزوج ! لمتى بيجلس هنا ام فراس : شيسوي بعد يصبر لحد مايخلص المصمم بيته .. فراس وقف وهو يتكي على عصاته : انا صــاعد انام .. الوقت متاخر ام فراس : اساعدك تصعد .؟! فراس : لا يمه مايحتاج ... بشيل عمري ام فراس : اجل اسماء خذي اخوانك معك لفوق طالعت اسماء بانس وياسمين النايمين بنص الصالة ..: ان شاء الله صعد فــراس الدرج وهو يحس نفسه انقطع صدق من الضغط ... لحد ماوصل لغرفته وطلع مفتاحه من جيبه ودخل عقد حواجبه وهو ينتبه للورقة اللي قدامه مباشرة على الأرض انحنى يلتقطها وجلس على مكتبه وهو يفتحها : ( السلام عليكم ورحمة الله وبــركاته .. حبيت أشكرك مرة ثانية على كذبتك الرائعة .. ماتدري قد ايش تغيرت حياتي بعدها .. عموما مالنا بالطويلة .... ايش كنت تقول لي بالمطار .؟! من بيصدق حثالة مثلي .؟! اوك بوريك الحثالة هذي وش تقدر تسوي .. تبي تلميح بسيط !؟ لما دخلت الفــيلا ماطلعت خالية الوفاض وعندي ورقة لأسمك بالسوق السوداء وأعرف اشياء مفروض ما أعرفها على قولتك .. يقولك عشان تنجز شي ما انجزته من قبل لازم تكون شخص ماكنته من قبل يعني اللي كنت تعرفها بالفيلا ماتت لما سلمتها لأهلها .. انا اللحين غير وتراني ما امزح لما قلت لك اني بايعتها ! ) توسعــــــت عيونه وهو يقرا سطور الرسالة ومو مصدق ! هذي غادة ماغيـــــرها .؟! كيف وصلت غرفتي !!! لا والنجسة ماطلعت بيدين فاضيه حاسبه حساب مصلحتها ..؟!!! ضغط على الورقة بيده وهو يحس دوخة لازمته اثر ارتفاع ضغطه : ماشي ماشي .. انا لك ياغادة اشوف وش بتسوين *** بيــــــت نايف / اثناء جلوسها على ارضية المطبخ مع غادة .. وبينهم الصينية والعجينة يشكلونها , ابتسام : غادة مو مفروض هالاسبوع تطعيمة تسع شهور لرنيم غادة وهي تشتغل : أيـــوه عارفة ... ابتسام : شـــرايك طيب تروحين تطعمينها عند هيثم ...؟! يمكن تتصلح الأمور وتتصالحــ........... سكتت لما رفعت غادة عيونها لها وطالعتها بحده : نعـــــــــــــــــــــــــــم .؟!!!! ابتسام : شنو شفيك خرعتيني ... مافيها شي روحي في اسوأ الاحوال ماراح يردك ولا راح يكسر قلبك غادة بانفعال : يخسى هم يخسى هم يخسى ثلاث مرات بعد ! لا والله ياحليلي وهو جالدني جلد الحمير واروح له ابي اراضيه ... اساسا هو لو يرضى اللحين انا مانيب راضية ... ومعك حق مايقدر يكسر قلب مكسور اساسا ابتسام : ول شهالعصبية خلاص حبيبتي خليك صايمة ... غادة وي توقف وتغسل يدها : اندري عنك ... اشوف حالية لك اصير مغفلة فوق اني مغفلة واروح اراضي هيثم ابتسام : غــدو مابيك تكرهين هيثم كذا .. ترا هو طيب وانتي عارفة بس وقتها مانقول الا الله يلعن الشيطان غادة : صح صح صح .. اصلن هيثم جنتل وقلبه طيب وملاك وله جناحين وفوقه قوس كمان ! ابتسام بقهر : خلاص يختي سكري السالفة ! بوديها انا يمتي غادة وهي تطلع : يكون احســــــــــــــــن بعد ! ابتسام وهي تكمل شغلها : حشى كبريت ! شبت فيني : احم احم نحن هنا رفعت راسها لنايف الي واقف عند باب المطبخ : متى جيت .؟! نايف وهو يحط اكياس السوبر ماركت على الطاولة : تو اللحين .. شفيك معصبه تتحلطمي مع نفسك ؟! ابتسام : غادة رفعت ضغطي ... مزاجيتها مو معقولة ! تتبدل 932 مرة بالساعة نايف : هههههههههههههههههههههههه شصاير بعد ؟ ابتسام : ما أقول لها سالفة الا تعصب فجأة ! حشى فرن تربع نايف قدامها : ههههههههههه روقي حياتي مايسوى عليك شرايك نطلع اليوم نفطر برا ؟! ابتسام عقدت حواجبها : وين يعني ؟! نايف : حديقة شي ... نغير جو ابتسام : يوه كان قلت من اول تشوفني مشتقه اطبخ واحوس نايف : واذا ؟! بناخذ طبخك معنا اصلن كلش يهون الا الطلعات اللي بدون اكل مالها داعي والله ابتسمت ابتسام : خلاص ماشي اجل بس انا وانت لحالنا طبعا ؟! نايف : طبعــا *** عـــند فراس / كان جالس بالصـــالة ... ويهز رجله بتوتر رفع عيونه لياسمين اللي جالسه على جهازها : ياسمين ! ياسمين : هلا فراس : امس من كان موجود بالضبط .؟! ياسمين بتفكير : همممممم خاله مزنة وخاله عجبا وخاله اريج وخاله مرام و ... فراس : لا تعددين لي الي سلموا علي ! فيه غيرهم ؟! ياسمين بتفكير : همم ... أيه زوجة نايف ولد عمي عبدالرحمن فراس ضيق عيونه : لحالها ؟! ياسمين : واختها دق جوال فراس بهاللحظة رد : هلا لؤي ... يله طالع لك اللحين .؟! لما وقف طلعت له ام فراس : وين وين ؟! فراس : بروح انا ولؤي المستشفى ينظفون الجرح ويبدلون الشاش وراجع ام فراس تنهدت : لا تطول اجل ننتظرك على الفطور فراس : ان شاء الله . وترا لؤي يمكن يفطر عندنا طــلع بطريقه وهو تفكيـــره انها اكيد جادة دام جت برجلها لبيتي ! اوريك ياغادة .... خليني افضى لك بس كذا ردك لليد اللي سترتك ركب السيــارة .... لؤي : دكتورك اخذت عنده موعد ؟! فراس : ايه طبعـا ... ماعنده شغل غيري اصلن لؤي وهو يحرك السيارة : معناها مشينا فراس : ترا اليوم فطورك عندنا لؤي : مو مشـــكلة *** بعد ماخلصت ابتسام تجهيــــز شناط القهوه والفطور والشاهي ... دخلت عند غادة : غدو تركت فطورك بالفرن ... انا ونايف طالعين غادة : الله معاكم طلعت ابتسـام وهي تطالع نايف اللي جالس بالصالة واللابتوب بحضنه : يله حياتي خلصت نايف وهو منسجم : دقايق بس قربت منه ابتسام وهي توقف ورا كنبته .. كان يراسل بايميل غريب وكلام مافهمته .. اللي فهمته ان شخص يحـاول يشتري منه شي وهو رافض : ايش هذا مافهمت ؟! نايف : صوره انا رافعها على الفليكر وهو يبي يستأذن ياخذ حقوقها ابتسام رفعت حواجبها : ياخذها بس كذا !! نايف : لا طبعا ... بفلوس ابتسام : وانت موافق ؟! نايف : لا طبعــــا ... بس ابي اعرف وش بيستفيد اذا اخذها لأن المبلغ مو سهل ابتسام : ايش الصورة بشوفها فتح نايف لهـا الصورة ..... كانت صورة مجنونة بدقـة فضيعه للحظات المد والجزر : نـــايف وش هالصورة تجنن ؟!! نايف : ههههههههه هذي بآخر سفرتنا للمالديف صورتها ... وحسابي مليان ابتسام : مبـــــدع بصراحة ! طيب حياتي دام عندك موهبه ليش ما تشتغل فيها نايف : هذا انا اشتغل فيها ابتسام : تشتغلها كهواية بس .... لا أنا قصدي فيه تخصصات تصوير يعني كوظيفة رسمية ! تقدر تشتغل وعقبها منت مضطر تتهاوش مع ابوك وتشتغل بشغله مو عاجبتك ! مو مصدقة عندك كل هالموهبة وجالس كذا نايف حاس بفمه : مدري مافكرت فيها اصلن إبتسام وهي تطالع الصور : بس حــرام ... فعلا فنان ! ماخذ دوره انت ؟! نايف رفع حواجبه : دوره .؟! ياحليلك دراستي كلها اصلن تصوير ابتسام : كمـــــان ! وليش ماتشتغل نايف : عــــــجزان ابتسام وقفت وهي تتخصر قدامه : اقـول تأخرنا خل نطلع للحديقة وهناك اوريك ... ماراح اخليك على هالحال لو تموت ! بعد قلة ادب يعرف ولا يبغى !!! غيرك يتمنى هالوظيفة مو محصلها ... مسك نايف راسه : بدينـــا المحاضره .. متى بنخلص ؟! ابتسام عصبت : اكلمك بجد نايف ! وش هالاستهتار اللي انت عايشه .... انت عارف ان فيه ناس يدرسون ضعف دراستك وضعف تعبك ولا محصلين وظايف وانت كلش قدامك بارد مبرد وتعيف ! هذا كفر بالنعمة استغفر الله يارب نايف باستهتاره المعتاد وقف : اقول حنا تاخرنا ع قولتك .... مشينا يله ابتسام طالعته بحـده وهي منقهره بجد هي محترقه وهو بـــــارد .... لبست عبايتها وركبت السيارة وطول الطريق وهي تعطيه محاضره على قولته وهو نادم انها شافت الصور ... ماتركته *** صحـــى بدر من النوم قبل الأذان بربع ساعة كعــادته .... مسك جواله ومباشرة رن بين يديه تنهد وهو يرد : هلا ..... التصوير وين ؟! ...................متى ؟ ................... قبلها باسبوع عطني تنبيه وبجي .. سكر الجوال وهو يفرك عيونه بنعاس .... وقف وهو يغسل وجهه طق باب غرفته : بدددددددددر بدر : صاحي .. صاحي .. بنزل اسماء : بسرعة امي تقول اللحين ! طرح على صدره العاري اقرب تيشيرت قدامه مع بنطــاله القطني ونزل حصل أم فراس واسماء وياسمين مجتمعين على السفرة ينتظرون الأذان : صح النوم ! بدر وهو يتثاوب : صح بدنـــــــــك .. ام فراس : اخوك وولد عمك بالمجلس يفطرون ... رح افطر معهم دخل المجلس : السلام عليكم فراس : بدري كان ماصحيت .. تو الناس بدر : وفـــر .. تو مخلص من امي لؤي : هههههههههههههه ذكرتني بنايف صدق انكم ربع ... مايقوم الا اذا قال الله اكبر اذا قام بعد فراس : مدري وش مفهومهم للصيام ؟! وين الأجر اذا انت ماتعبت بدر : انت صايم اللحين ؟! فراس : طبعـــا بدر عقد حواجبه : وادويتك .؟! وعلاجك فراس : اغير مواعيدها وخلصنا ... الواحد مايفرط بهالشهر , ونازلي ببجامتك اخلص بنطلع نصلي لؤي : إلا على فكرة بيتكم ماخلص !؟ بدر بكسل : عجزت اعلم العالم .... نهاية هالأسبوع جاهز لؤي : ما اظن ابوي يعرف هالمعلومة ! لأنه ترا معصب من هالوضع بدر ببرود : مايخصه ... الا اذا مزعجه وجود بنته عنده هذا شي ثاني فراس : بدر ! بدر تنهد : بقوم البس نلحق على الصلاة فراس : حنا سابقينـــــــــك .. دخــــل بدر داخل ... وهو للحين ماعطى ميهاف خبر ان البيت بيجهز آخر هالسبوع قال لأمه تقول لأمها وبس , مايدري ليش صايره مهمة التواصل معها مهمة صعبه بالنسبة له : . .... *** اليــــــــوم التالي / فراس جالس بمكانه المعتاد بالصالة .. وبحضنه ايباده ..والكل محيوس بالصالة اللي عند التلفزيون واللي نايم على الكنبة ... ام فراس : فراس يمه بتروح المستشفى اليوم ؟! فراس : لا رحت امس يكفي .. ام فراس : وكيفك اللحين ..؟! ان شاء الله احسن فراس : احسن ام فراس : المهم اني عازمة الحريم اليوم .... ابي اشكرهم بعد على وقفتهم معنا بيجون عقب المغرب فراس عقد حواجبه ... وقال بمقصد : من بتنادي بالضبط ؟! ام فراس استغربت ماعمره ركز على من بيجي بالضبط : يعني عمتك ومرة عمك وخالاتك والجيران فراس : بس ؟! ام فراس : واسماء بتعزم من ربعها اللي تبي ... خبرك حريم مدري من بيجي بالضبط فراس : انا مقدر اطلع اليـــوم ... بجلس بغرفتي اعتبريني مو موجود ام فراس : براحتك يمه ... اساسا خالاتك يبون يشوفونك نـــزل بدر الدرج مستعجل : يمه انا بفطر برا اليوم ... بالعافية هزت ام فراس راسها وهي تشوفه يطلع : ابيه يجلس اليوم ! احاكيه ان مرته بتجي اليوم اقل شي يسلم عليها ... مير عبث ! انا مدري ليش ضربني راسي وزوجته عشان يفشلني عند الناس اسماء نزلت وراه ووقفت عند امها : يمه انا عزمت ربعي اليوم ! ام فراس : وليش ان شاء الله ! اليوم جمعة حريم اسماء فتحت فمها : امــــــــــا ! وش حريمه ام فراس : انا عازمة العالم ابي اشكرهم على وقفتهم معي ... مب جوك انتي وربعك بتقلبن لي البيت هبال وصداع اسماء باحباط : اصلن انا اذا تحمست لشي يخرب يموت يختفي اهم شي مايصير ! وش هالحظ نفسي اشوفهن اليوم ام فراس : ماراح تموتين اجليها لبكره اسماء ضربت برجلها : مابي مابي ابي اليوم ! فشله اردهم ام فراس : يابنتي بكرة وعد مني اجهز لك جلسة احلى ... اليوم خلاص مايزين فراس : وانتي يمه ليش محترمة خاطرها وتراضيها ! اساسا فيه ناس لو تحترمهم تحس انك قليل ادب ... اولهم هالبزر هذي ! اسماء بقهر : واللللله ؟! لا تتحداني اقهرك بكرة انا وربعي بعزيمتنا ! فراس باستخفاف : قبل لاتفكرين تحاولين تقهريني انتي وربعك السلق مقتنعات انكن تهمني ما شاء الله عشان انقهر اسماء تجاهلته وهي تلتفت لامها : اهم شي بكرة خلاص لي ! مو تخلقون لي عزيمة بعد ام فراس : خلاص بكرة لك لاتقلقيني عاد اسماء من قهرها ماعرفت تمشي دون تبرد حرتها التفتت لفراس : وانت وسفرتك اللي واعدنا فيها ! وينها متى !؟ فراس : ناسيه انها تكنسلت بسبب قلة ادبك ... والله حتى لو اسافر اللحين باخذ كل البيت الا انتي ام فراس عصبت : تحاكينه عن سفره وهو بهالحاله ؟! مافيك قلب انتي ؟! اسماء : ياسلام وش قلة ادبي ! وش سويت عشان تتكنسل ما اذكر فراس : اخر همي اذكر وش سويتي اسماء : إلا اعرفك ناقة ماتنسى ! فراس : ع حسب الشخص يهمني ولا مايهمني ... وانتي بالذات مالك مساحة بالذاكره اصلن اصرف معلوماتك على طول اسماء : هاهاهاها حتى انا ما اتذكر عنك شي واكرهك فراس وعيونه بآيباده ببرود : لا لاتكرهيني .. تكفين واقفة عليك ؟! ام فراس : اقول تجمعوا على الطاولة وتموا صيامكم ! يله بيأذن الفطور جاهز حط فراس ايباده على جمب وهو يوقف .. ام فراس : عصاك وينها اليوم ماتستعملها ؟! فراس : صرت اقدر امشي دونها ... رجلي مافيها شي تجمعــــوا على الطاولة ماعدا بدر طبعــا ..... فراس : انس اكل اللي يسد جوعك عشان نلحق للصلاة انس : طيـــب اسماء اثناء ماهي تاكل عيونها مصوبة على فراس لو النظرات تقتل كان قتلته : ................ فراس اثناء اكله : اسوم كم عدد رموشي ؟! اسماء عقدت حواجبها : وش هالسؤال الغبي ؟! فراس : ادري عنك لك ساعة تطالعين في وجهي ... مضيعة شي ؟! اسماء : اتسائل كيف حتى وانت مريض ماتخليني ارحمك واحبك ...!! فراس : وكلي الله يا أسوم الحب من الله مو بيدك اسماء بقهر : بايخ فراس وقف : يله يا انس اعجل رمى انس لقيميتين بسرعة بفمه وهو يلحقه : ................. اما اسماء اول ما طلع بدت سالفة الحلطمة عن فراس لأمها : . ..... *** ميهــاف / اثناء ماهي جالسة على تسريحتها بعد الفطــور وشعرها بين يديها وتحط الجل عشان تجعــده ... دخلت امهــا : خلصتي جهزتي ؟! ميهاف : على وشك ... من بيودينا ؟! ام نايف : لــــؤي ميهاف : على فكرة لؤي كان ناوي على سفرة ... هو اجلها عشان فراس ولا كنسلها ؟! ام نايف : والله مدري عنه هالولد .. وضعية الصامت وعلمه براسه طالعت ام نايف غرفة بنتها : ميهاف انتي ماجهزتي شي من اغراضك ؟ اشوف رجعتي كلش للدولاب ؟! ميهاف : تعبتني بالشنطة لاجيت البس ما احصل شي .. فرتبتها ام نايف : بس خلاص هالاسبوع بيتكم بيجهز تنهدت ميهاف : لا جا وقتها جهــــزتها .. هزت ام نايف راسها وهي توقف : ان شاء الله ماتنحاسين بس لاجا وقتها .. انا اقول جهزي من اللحين احسن لك طلعت ام نايف بينما ميهاف رمت الفرشاة على الطاولة بقهر : كيف يبغوني ارتب وهو حضرته للحين ماقالي بنفسه .. توصلني الاخبار من بعيد ! كانه مايقدر يكلمني بنفسه تاففت وهي تدخل اغراضها بشنطتها الوضع صاير يأزم .. وأزمه اكثر هالانفصال بينهم : ............... *** إبتســــام / كانت جالسة تحاول بالمكياج تخفف شحوب وجهها .. من حملت وهي صايره شاحبه بشكل طبيعي : ......... تنهدت بضيق : بتخلص البودرة وهالشحوب مو راضي يروح سحبت شنطتها وهي تحس مالها خلق زيارة اليوم بس لازم تتجمل .. بس قبل تطلع فتحت لابتوبها وهي ترسل لنايف ايميل عن امكانيات الوظايف بمجاله : مو بكيفه ! بانشب له لين يحصل وظيفه تعجبه سكرت اللابتوب وهي تنـــزل دخلت غرفة غادة : غادة ! غادة بالحمام : استني بطــــلع ..شوفي لبس رنيم كويس ؟! طالعت ابتسام برنيم اللي جالسة تلعب بزاوية العابها : تهبل انتي اخلصي عاد ! غادة بضيق : مدري ابتسام شكلي ماراح اروح ! ابتسام : بدري عليك تقولي ماحتروحي !! من اول غادة طلعت وهي لابسه وخالصه بس الكئابة مشتغله معها ابتسام :هذاك تجننين .. ليش ماتبغين .؟! غادة وهي ضايقة خللت اصابعها بشعرها : مدري مو عارفة مالي نفس ابتسام : اقول غادة هاليومين عذبتيني معك ! اذا انا اللي حامل ووحام ومنقرفة واشتغل وحالتي حاله بروح .. انتي بتروحين وانتي ماتشوفين الدرب ! لا وفوق كل شغلي ماترحميني بروح بكرة اودي بنتك لتطعيمتها غادة : شاسوي انتي مصرة محد يطعمها الا هيثم .. ولا لو غيره رحت انا ابتسام : غادة حنا نبي نطفي المشكلة مو نشبها غادة وقفت دون اهتمام وهي تجهز اغراضها : من بيودينا ؟! ابتسام : ألسواق طبعـــا اخلصي نلحق عشان نرجع بدري ... ترا بيني وبين النوم حبه *** عقب تجـــــــــــمع الكل / غـادة كانت ساكته ومتوترة خصوصا ان اسماء جالسة تفضفض للبنات عن فراس : قسسسسسم بالله يعني هالانسان .. مريض طيب تعبان مبسوط يضل نفسه مايتغير !! ماكانه مقابل الموت قبل يجينا .." كملت تتهزا به " اذا وعدتك بشي خلاص حسوي ماله داعي كل يومين تذكريني مرام : وهو الصادق يختي وش هالبثارة ... وعدك خلصنا ! اسكني لين يجيك اسماء : والله لو اسكت واسكن ع قولتك ينساني انا وسفرتي ! وهذا اللي صار قال ايش قال الغيتها عشانك قليلة ادب ميهاف : ههههههههههههههههه انا امنيتي بس اعيش عندكم اشوف وضعكم مجانين ! حتى وهو تعبان هواش اسماء : شايفه كيف فيه بلا !!! ام نايف من بعيــد : ميهاف ! ميهاف : لبيك يمــــه ام نايف : اخوك فهـود تعبان يبي المستشفى .. وهنا ابتسام بتروح بكرة برنيم يطعمونها عند اخوها دكتور صاحي يعني روحي معها ميهاف باكتئاب : يوووووووه ماما تعرفيني ما أحب المستشفيات ولا اطيق ريحتها .. ماحقدر اتصرف اسماء كبست بعيونها على طاريه : ................... ام فراس : مسكينه البنت يا ام نايف ... اذا كذا اسماء ما شاء الله عليها اخر مره هي اللي سنعت ياسمين خليها تاخذه اسماء كبست بعيونها : هاه ! وشهو ؟! ليش وش دخلني في ولدهم ؟! ام فراس : ياوجه استح ! وش وش دخلك في ولدهم !!! عيب !!! اسماء : مو قصدي يمه بس ... ميهاف : اسوم تكفين روحي .. انتي سنعه انا والله ما اطيق المستشفيات نهائي اسماء : مشغـــوله ماودي ابتسام : ماعليك اسوم شغلة ربع ساعه اول العصر ونرجع ..هيثم بيسنعنا ؟! اسماء حست انها نشبت والكل ناقد انها رافضه ... التفتت لغادة : غادة بتروحين انتي طبعا .؟! غادة كشرت : لا ماحروح .... ليش ابتسام بتروح هجل !؟ نيابة عني اسماء : بنتك يعني مفروض تروحين طبعا .. غادة باقتضاب : مشغولة مقدر .. ميهاف : خلاص انا بروح الله يعين .. ام فراس وهي ترسل لاسماء نظرات تهديد : لا مو بكيفها ! بتروح يعني بتروح ! اسماء خفست وسط نظرات امها : ................ ابتسام : خلاص معناها بمرك بكرة ان شاء الله ونروح سوا اسماء : اوك .... اقول بنات مشينا نطلع الحديقة الجو جميل وقفـــوا البنات معها ... غادة بطريقها انتبهت لغرفة نوم على جمب عقدت حواجبها : اسوم وش هالغرفة .؟! اسماء : ايه هذي غرفة نوم الضيوف ... بس عشان امي ماتبغى فراس يصعد تعب عليه جهزتها له غادة ( يعــــــــــني ماصعد ! ماقراها ! ) : اهـــا .. اسماء : يله مشينا نطلع غادة : اسبقيني اعرف طريقي .... ابغى الدورات هزت اسماء راسها وهي تطلع .... اما غادة حست انه الفرج اللحين فرصتها ! لازم تعجل وتاخذ الورقة دامه ماوصلها اتجهت للدرج دون تردد دام الكل مشغول وصعدت بربكة وهي متوترة ... صوبت عيونها ناحية غرفته بناهية الممر ضربت برجلها : كيف بطلعها اللحين اذا مقفلة ؟! طلعت مبرد اظافرها من شنـــطتها بتدخله من تحت الباب تسحب الرسالة ! اكيد بنفس مكانها .... : يارب عــــــونك عـــــند فراس بغرفته / اثناء ماهو جالس على مكتـــبه ويشتغل على الكومبيوتر عشان يسحب اسمه من السوق السوداء ... صار وجوده خطر عليه ومعلوماته مسربه .. انتبه لأصوات قريبة ... عقد حواجبه وهو ينتبه لتحت باب غرفته مبرد بنكي ... انسحب بهدوء بالكرسي على ورا وهو يوقف وبخطوات هادية قرب من الباب وهو يراقب المبرد يدخل ويدور ( هي ؟! جايه برجلــــــها ..؟! وانا احسب اني بتعب عشان اوصلها واعلمها درسها ) سند ظهره على الجدار وهو يراقب مبردها المجتهد في البحث سمع نفخة منها : افففففففف وينها متاكدة اني مابعدتها ... رجع تحاول وهالمرة وقفت بيأس الظاهر مافيه حظ ... مسكت المقبض تجرب حظها وكبست بعيونها لما انفتح الباب .. دقات قلبها وصلت حدودها ( اذا مفتوح ! معناها انه دخلـــها ! واكيد شافها !!!!! ) ما امداها تلحق لحظات الخوف وهي تدخل الغرفة برعب ... كبست بعيونها الرسالة مو موجودة ولا انتبهت للي متسند جمب الباب ويطالعها : ... مانتبهت الا للباب يتسكر وينقفل التفتت مافيه احد بالغرفة ... اسرعت ناحية الباب تحاول تفتحه مسكر طقته برعب جاها صوته : جــــابك الله غادة بلعت ريقها وهي تنطق : ففــ .... فــراس ؟! فراس وهو متسند على الباب من برا : معقولة ماتميزين صوتي يعني .؟! غادة برعب : افتح البـــاب .. ليش قفلته ؟! فراس : راح افتحه اساسا محد يأمنك على غرفته يالحرامية ... بس نتفاهم اولا غادة : علـــى ... شنو ؟! فراس بحدة : الورقة اللي معك وينها ! غادة : بـ البيت ... بس صدقني مستحيل انشرها ! تعرفني كلام وهياط بس ... " كملت والعبره خانقتها " والله ماحسوي شي بس ابي اطلع فراس : عشان تنجز شي ما انجزته من قبل لازم تكون شخص ماكنته من قبل ... هاه ؟! وين هالكلام وانا بايعتها ...؟! دام بايعتها وش مخوفك اللحين ؟! غادة : ....................... فراس : ازعجتيني انا تغيرت وماني اللي تعرفها ... بالنسبة لي مازلتي نفس البزر اللي تقول حكي اكبر منها غادة : صدقــــني كنت جايه اسحبها ... يعني ندمت اني حطيت هالورقة ... بس كنت معصبة منقهرة وش اسوي ! فراس : لاااا ؟! زين لحقت اشوفها قبل تاخذينها اجل .... زين لحقت اعرف بمدة يدك غادة : طيب برجعها ... فراس : مافيها نقاش هذي ! طبعا بترجعينها ! غادة : هجل وش تبي .؟! فراس : ابي اعرف تهديداتك هذي كلها راحت فيــــن .؟! انا اقول بشوف المرأه الحديدية خلاص ... واخرتها جايه تعتذرين بعد غادة عضت على شفتها : تدري ليش اعتذر ؟! مو عشان ردة فعلي تغيرت لا .... انا للحين حاقدة على كذبتك وانك طلعت نفسك من السالفة .. انا اعتذر لإنسان مصاب ومايصلح اكدر عليه ... بس الظاهر انت انت ماتتغير حتى لو تصفقك الدنيا فراس ابتسم بسخرية : لو بجلس اتوعك كل ماصفقتني الدنيا ع قولتك .. راح عمري غادة والدموع بمحاجرها بتطلع ... نطقت بهدوء وهي شادة على قبضتها وخوفها ماينوصف : فراس .. فراس استغرب نبرتها : نعــــم .؟! غادة باقتضاب : افتح ... بطلع .. فراس ابتسم بسخرية : بدري عليـــــك لسى .. نتفاهم مرة وحده احسن ونخلص من بعض غادة بهدوء : قــــدها .؟! فراس باستهزاء : وانا عمري سويت شي ماني قده ... فكري بنفسك انتي قدها هالرسالة .؟! غادة استنشقت هواء الغرفة وهي تستشعر خطورة اللي بتسويه . : اذا انت متلهف تشوف الإنسانة اللي ماتعرفها .. اجل انا يشرفني اعرفك عليها فراس بسخرية : متلهف وبس ؟! غادة وقلبها يـــدق حتى رجلينها تهتز .. لكن هي قررت ان مالها حظ بهالدنيا صرخت باعلى صــــوتها بصرخة مخيفة : اااااااااااااااااااااااااااااااااااااااااااااااااااااااااااا ااااااااااااااااااااااااااااااااااااااااااااااا !!!!!!!!!!!!!!!!!!!!!!!!!!!!!!!!! فراس سد اذنه تلقائي من ازعاج الصوت : وجعععع !!! غادة وهي تكمل صراخ : ابتسسسسسسسسسسسسسسسسسسسسسااااااااااااااااااام الحقييييييييييييييييييييني فراس فتح عيـــــونه بدهشة وهو يستوعب وش اللي جالس يصير .... واستوعب لما انتبه للفوضى تحت وهو يتسائلون عن مصدر الصوت وبلحظة صعدت ام فراس والحريم معها بخوف من الصراخ ... الكل كان يطـــالع بصدمة ... معقولة اللي ببالهم صح .؟! هذا فراس واللي بالغرفة ميـــن .؟! غادة ! الحريم نصهن رجعن لما شافن فراس واولهن ابتسام لكنها همست بقلق : ام فراس تكفين شوفي لي البنت ! هذا صراخ غادة التفت فـراس للبـــــاب وهو فعلا ماعرفها بهالحركة " كل هالقذارة فيك ياغادة ؟! " .... ام فراس اقتربت بقلق : فراس ؟! فراس بطبيعية : سمي ام فراس باندهاش : وش صاير .؟! معقولة الصوت من غـــــرفتك .؟! فراس وهو يحكم اعصابه .. ويمد مفتاح الغرفة لها : ايه ...الظاهر , ابيك تدخلين تشوفين من الموجود ... ام فراس : ليش انت ماتدري ؟! فراس رفع حواجبه : شعرفني .. دخلت غرفتي حصلت فيها بنت ماعرفتها فطلعت وسكرت الباب وقفلته ! ابي افهم وش مدخلها هنا قامت تصارخ خذت ام فراس المفتاح وهي تدخل الغرفة وتحصل غادة غرقانة بدموعها : غادة ؟!!! شتسوين هنا ؟! غادة غطت وجهها : تساليني ! اسالي ولدك .... هو اللي دخلني هنا ام فراس عقدت حواجبها من اختلاف اطراف الحديث ... : انتي تقولين كذا وهو يقول دخلت غرفتي حصلتك فيها غادة : معقولة انا بدخل غرفته ... وش مصلحتي خالتي وش دخلني ! التفتت ام فراس تبي تسأل فراس لكن ماحصلته .... اكيد طلع ! اما غادة وقفت بسرعة وهي تطلع وراحت ناحية ابتسام مباشرة ودفنت نفسها بحضــــنها .. عــــــــــند فراس / نزل من الدرج الجانبي وطلع برا البيت .... وركب سيارته وهو يطلع وشاد باقوى ماعنده وواضح على وجهه العصبية حتى تنفخت اودجته !!!! للحين مب مصدق اللي سوته ...... الحيوانة سوتها فضيحة ... كذا تفهمني انها بايعتها ؟! لااا مو بكيفها تضيعني معهـــا !!! بزر بزر يافراس تسمح لها تتمادى كذا ... هين هين انا كنت مصبر نفسي طول هالفترة اللحين اعرفي انك انتي اللي بديتي حرب والله ما ارحمك لو رحمتك بيد غيــــــــري دق جواله ... " تاج راسي " سكر جواله مايقدر يرد !! مايقدر يستوعب اللي صاير للحين اصلن ... الشي الوحيد اللي مستوعبه في هذا كله انه في اشد حالات غضبه .. *** عـــند أم فراس ... ابتسام وغادة غادروا ماطولوا .. والبنات ميهاف واسماء ووداد وسجى لما دخـــلوا طرطعــــوا من السالفة محد مصدق : ........... سجى : معليش دون احد يزعل ! بس السالفة واضحة !!! هي داخله غرفته الله اعلم وش براسها .... وش ذنبه هو ؟! ام فراس تنهدت بضيق : ولدي وعارفته مستحيل يسويها ... بس هذا اللي محيرني اني مو فاهمه شي ... اسماء : صدق السالفة غريبة ! ليتني كنت موجودة ...... يعني انتو فجأة سمعتوا صراخ ؟! ام نايف : ايه .. تتبعنا الصوت طلع فوق صعدنا حصلنا صوت غادة من غرفة فراس ميهاف : وفراس وين ؟! ام عبدالمجيد : فراس برا عجباء : معناها الولــــد ماله دخل ... ولا لو هو اللي في بالكم كان ما بتحصلونه برا بتحصلونه داخل مرام شهقت : اعوذ بالله وش هالتفكير ! لا طبعا حنا مانفكر انه بيضرها من هالناحية ..... بس فعلا السالفة تحير ام فراس وجوالها بيدها : واللي يقهر فراس مايرد علي اساسا عشان اعرف وش صاير ؟! " صوت الباب الرئيسي ينفتح " قامت ام فراس بسرعة تشوف .. لكن احبطت مو هو : هلا بدر جيت ؟! بدر : أيـه .... " عقد حواجبه " عندنا ضيوف اجل ؟! ام فراس : جعله يخلف اليوم طلعت ماعطيتني فرصة اقولك ... ايه فيه حريم عندي خالتك ومرتك هنا اصبر تسلم عليهم هز راسه دون يعـــلق .... جلس بالصالة وبعد دقيقة دخلت ام نايف وميهاف سلم على ام نايف وهو يحب راسها : هلا خالتي شلونك ؟! ام نايف :حمدالله بخير دامك بخير .... انت شلونك شمسوي ؟! بدر : انا حمدالله .. وعمي كيفه وكيف صحته !؟ ام نايف : بخير يسأل عنك بدر : تســــأل عنه العافية .. رفع راسه وهو يطــــالع ميهاف اللي كانت واقفة ورا امها دون تعليق : هلا ميهـاف ميهاف انتبهت وهي تسلم عليه : هلا فيك ... ام نايف حست انها معكرة الجو : يله انا برجع للحريم .. خذو راحتكم راحت ام نايف .... تنهد بدر وهو يطالع ميهاف وهي منزله عيونها حتى ماتطالعه .. نطق بهدوء : الحقيني .. وصعـــد الدرج ... لحقـــته ميهاف حتى وصلت لغرفته دخلت بهدوء جلس بدر على كنبته وهو ياشر لها : اجلسي ليش واقفة ؟! ميهاف جلست وهي تحط رجل على رجل وتشغل نظرها عنه بتأمل الغرفة ..... جاها صوته : وصلك خبر من امك اكيد؟ ميهاف : بيتنا قصدك ؟! ايه وصلني . بدر : يعني بعد بكرة جـــاهز .. فمن بكرة جهزي عشان ننقل الأغراض ميهاف : ان شاء الله بدر : انـــا عارف انك زعلانة ... والوضع كان متأزم من شهر العسل وانا عطيتك فترة ترتاحين واتوقع ان هالفترة كانت اكثر من كفاية ؟! وفوقها اعتذرت لك قبلها ... وانتي عارفة اني احبك ومقدر اتهنى وانتي زعلانة علي ابتسمت ميهاف بسخرية : لا بدر ... انت ماعطيتني فترة راحة انت عطيت نفسك فترة راحة لاتخدع نفسك ... واللحين البيت زان ومصلحتك أولا طبعا لازم تعدل وضعك معي عشان ماتضطر تعيش بنكد بدر : لا تصيغين كلامي بهالطريقة ... اللي بيسمعك بيصدق اني بالمرة مو مهتم ميهاف : هذا الصدق ... بدر انت مايهمك الا نفسك وبعمرك ماهمك انا بدر تنهد : شلون اخليك تصدقين انك تهميني مو عارف ميهاف : فلناخذ اخر حادثة على سبيل المثال .... انا زعلت لانك سلمت عليها وجلست معها وتضحك وتسولف ! اعتذرت لي ؟! ايه اعتذرت مليون مرة ؟! بس بتترك هالتصرف ..... لا نهائي مستحيل ... انا وش استفيد من اعتذارك اذا بتضل كذا ؟! بدر : تعبت اقولك هذا شغلي ... حتى لما تركت اني اتصور مع عارضات عشانك مايزال المخرجه ممكن تكون حرمة المكياج ممكن حرمة ! شاسوي انا ؟! اقلب العالم كلهم رجاجيل ؟! ميهاف : ماقلت كذا ! اقل شي معاملتك معاهن رسمية .... مافيه داعي ضحك وسوالف وتتعشى معاها ! بدر تنهد : ان شاء الله ... ولا يهمك ماراح اضحك ولا اسولف ولا اتعشى معاهن , اوامر ثانية ؟! ميهاف : مقدر اخذ كلامك جد .... لأن وقت خطبتني وضحت لك هالنقطة وما سمعتني بدر بنفاذ صبر : طيب ! والحل يعـــــــــني ؟! ميهاف : ما أدري بدر .... لأني بصراحة بطلت اصدق كلامك لان كلامك شرق وافعالك غرب ! فانا اصدق الأفعال الاقوال معاد تهمني .... كل واحد يقدر يصفف له كلام بدر تنهد : انا ناديتك اقولك ان بيتنا جهــــز ... ان شاء الله عقب بكرة بنسكنه خلاص ميهاف : ان شاء الله .... اقدر امشي يعني ؟! بـدر ظل يطالعها لفترة ثم قال : ليه زايد وزنك .؟! ميهاف فتحت عيــــونها بقهر : نعــــــــــــــــــــم ؟! بدر : هـــذا الصدق ... شكل رمضان شغال معك بلع ميهاف : باللهــــــــــــي ؟! بدر : الميـــزان موجود تقدرين توقفين فوقه .... وبتتأكدين انك سامنة ومو حاسة ميهاف بقهر : شاسوي مشغولة عند اهلي مقدر اروح الجيـــم " كملت تقهره " وبعدين خل اسمن وش فيها ؟! بدر : براحتك اسمني بس لاصرتي برميل لاتكتئبين ..ها ؟! ميهاف : ماراح اكتئب لاتخاف ... بدر : اقـــول ميهاف كلمي النادي وارجعي لهم احسن لك ... السمنة مامنها خير ميهاف وقفت معصبة : مـــــــــو شغلك !!! وطلعت من غرفته وهي تسكر الباب وراها بقوة .. كبس بدر بعيونه : اوف كل هذا عصبية ! بتعصبين كذا لاتسمني من البداية اما ميهاف اول ماطلعت فتحت جوالها وهي تدق على رقم : ألو ! كيفك دارين ؟! برسل لك فلوس تجديد اشتراكي بالنادي انا رجعت *** إبتســـام كانت واقفة قدام غادة اللي منسدحة ومعطيتها ظهرها : غادة مافيه نوم ! قومي تكلمي وش صار !!!! للحين ماقلتي لي شي غادة : ......................................... ابتسام : شصار بالضبـــــــــــــط ؟! نشفتني دمي غادة : ابتسام ... مالي خلق اتكلم بنام ابتسام : ومتى بتقولين لي ان شاء الله ! غادة : بكرة .... ابتسام : ماشي ماشي .... نسايرك ونشوف وش تاليتها طلعت ابتسام بينما غادة تكورت على نفسها .... للحين فيها رجفة من اللي سوته , ياترى وش حطيت نفسي فيه ؟! غلط ولا صح ؟! بس هو الغلــــطان .... انا كنت نادمة .. كنت راجعة ندم ... وهو مارضى يصدق .. استقعدت من سدحتها وهي تفتح الدرج وأوراقه بالسوق السوداء بيدهــا .. تنهدت بضيق : تستاهل ... محد قاله يستفزني ... وهذا اقل شي اسويه عقب كذبته .. *** فــراس .. بعد مافرفر وسحب كم سيجاره وهدا رجع البيت بوقت متاخر بحيث يتاكد ان الضيوف راحوا : ....... كانوا اهله متجمعين بالصالة ... ماعدا انس وياسمين وقفت ام فراس مباشرة : وينك ماترد علي ؟! فراس وهو يجلس : شخبـــار المهزلة اللي صارت ؟! ام فراس : وانا ليش ادق عليك ! مو عشان افهم وش صار .. فراس : قلت لك وش صار .. مو مصدقتني ؟! ام فراس تنهدت بضيق : مصدقتك بس البنت كلامها غير بدر عقد حواجبه : ليش وش صاير ؟! اسماء : يووووووووووووه فاتك ... فراس حابس له وحده من الضيوف اليوم في غرفته بدر فتح عيونه : تكلمين من جدك ولا تستهبلين ؟! اسماء : من جدي والله فراس رماها بنظرة ... ونطق ببرود : عموما سكروا السالفة .. بس اللي صار درس لكم ماتعزمون لنا ناس مهزلة مرة ثانية اسماء : اصبر اصبر وش نسكرها ؟! كيف اللحين ...... انا كنت معها وبعدين هي قالت تبغى تكلم وبتجينا ! ثم فجاة نكتشف انها محبوسة بغرفتك ان دل كل هذا على شي فهو يدل على انحرافك فراس : اسمـــاء ... انقلعي غرفتك ولاتتدخلين في سوالف الكبار اسماء : انا كبيرة ! فراس وهو يطالعها من فوق لتحت : لا واضح بسم الله عليك بدر : مااااااااااااااني فاهم وش السالفة وش صاير !!! انت حابس بنت بغرفتك صدق فراس : انا لله ...... ! ام فراس : فراس يمه .. انا مصدقتك بس ترا اللي شافوا السالفة واجد واخاف كل واحد يصدق اللي يبغى هذا غير البنت اخاف تقول لاخوها وتكبر فراس : خل تقول ... بدر بعصبية : من بنته !!! اسماء : هذي غادة اخت زوجة نايف اللي انحاشت وحصلوها ومدري ايش بدر : ايه ايه ؟! اسماء : هاه بس ... اليوم حصلوها بغرفة فراس وهو حابسها بدر فتح عيونه : فراس ؟!!! عيب يارجال وش مسوي انت ..؟! طالعهم فراس بنص عين ووقف : انا بنــام تصبحون على خير اول ماصعد التفتت ام فراس لاسماء : وانتي قومي نامي ! وراك بكرة فهد ولد عمك .... مو تسحبينها نومه اسماء : ايييييه ذكرتيني ! يمه الله يهداك وش سويتي نشبتيني بالسالفة !؟ وش دخلني انا بفهد ام فراس : ام نايف ماقصرت معك .. وقهرتيني وانتي تردين عليها كذا عيب !! الحرمه تحبك ... حتى يوم رفضتي ولدها ماشاء الله اجودية ما تغيرت علينا بشي اسماء : وششششش جاااااااااااب اللحين !؟ ام فراس : اعدد جميلها عليك عشان تفهمين .. اسماء : اييييييييييييييه بس انا مابي اروح .... ام فراس : بدر يمه تعشيت ؟! اسماء بقهر : طيب بكلم وداد توديه نيابة ام فراس : هاه يابدر ؟! اسماء بقهر : احلفي يمه ! مزهرية انا ..؟! لا وضعي ان تجاوز المزهرية صرت كائن هلامي شفاف لايرى بالعين المجردة ام فراس : وش اقولك يعني !! بتروحين وانتي حرمة .... وانا اللي رافعه فيك الراس يوم سنعتي ياسمين اقول بنتي سنعه شوي تفشليني بدر حاس بفمه : اقول انا صاعد .. وايه يمه تعشيت كملو هوشتكم *** عــــند فراس ... بمجرد ماصعد دق جواله " لؤي " : الو ؟! لؤي : هلا فراس ! كيفك ؟! وينك ؟! فراس : بخير وبالبيت لؤي : شصاير اليوم ..؟! امي قالت لي سالفة ماتدخل الراس فراس : امداهم يتناقلون السالفة لؤي : لا تصرف شصاير ! وش ساالفة هالبنت ! فراس تنهد : ماينحكى فيهـا ... انت بكرة مشغول عندك شي ؟! لؤي : فراس لاتصرفني ... اذا على اللي سمعته ينحكى فيها ونص ! كيف صار وضعك مع البنت هي داخل غرفتك مقفول عليها وانت برا فراس : سالفة طويلة لؤي ... اقولك بعدين اللحين مالي خلق بنام لؤي : متى طيب .؟! انا بكرة ماشي الكويت فراس : الكويت ؟!!! متى ؟! لؤي : مغرب كــــذا فراس : ................................... لؤي : الو فراس .؟! بس يمدي اشوفك قبل امشي ... متى حاب نتقابل ؟! فراس باقتضاب : بكرة نقرر ... سلام سكر السماعة .. وهو يحس بصداع وين يحصلها منه هو .. .؟! بس هو قرر ان غـــادة هذي لعبت بالنار وجزاها بيكون على يده ! بس خل اتفرغ لـــك .. *** اليـــوم التالي :- اسماء وهي جالسة وعبايتها جمبـــها وتحس باحباط فضيع .... قالت بقهر لام فراس باخر محاولة تتهرب فيها : كيـــف اروح مع ابتسام عقب اللي صار بين فراس واختها ؟! ام فراس : اسماء لاتحاولين بتروحين وانتي مره اسماء وهي ماتتخيل ردة فعله لاشافها ... اكيد بيكرشها يكفي كلامه اللي سممها به اخر مره ... بس وش بيدهـا امها مره حاطه راسها براسها هالمرة ... دق جوالها " ابتسام " ردت بكئابه : هلا .. ابتسام : حنـــا برا اسماء : يله جايه لبست عبايتها ... وقبل تطلع طالعت امها : تاكدي يمه ان أي شي يصير بالمستقبل بتكونين سببه ام فراس : عن الحكي واطلعي يحترونك طلعت وهي تركب السيارة بقهر ... وفهود معها برا : هلا بالعلة ! نايف برواقته المعتادة : هلااااااا بأســــوم هلا والله كبست اسماء بعيونها : لحظة لحظة ... اذا انت اخوه موجود انا وش يوديني ؟!!! نايف : شالسالفة ؟! ابتسام : هههههههههه اسوم حبيبتي اذا ماتبغين عادي انا ماعندي مشكلة اوديه بقدر لحالي اسماء وهي تتذكر امها :بتقتلني امي لو ارجع نايف التفت لابتسام : شعندها ؟! ابتسام : هههههههههههههه امها غاصبتها تودي فهد المستشفى معي نايف : مرة عمي غاصبتك !؟ اسماء بقهر : ايه زعلانة علي مدري وش فيها نايف :مايبيلها زعلانه عليك ازعلي عليها ابتسام : تزعل ع امها ..؟!! اسماء بقهر : لاااااااا هم يزعلون لازم نقدر ظروفهم .. انا ازعل لاعيب نايف : ياحياتي يا اسوم مقهورة .؟! اسماء : يازينك ساكت انت بعد ... ولا لو منك فايدة كان وديته انت ولا بلشوني نايف : يا اسوم الدنيا حكم ... يعني ربي يوم مارزق اهلي عيال سنعين يبردون الخاطر رزقهم بنت عم تسوا عيالهم فانتي ليش زعلانه .؟! اكسبي اجر ووديه ماحتموتين اسماء : يازينك ساكت انت ووعضك اللي زي وجهك نايف : هههههههههههههههههه شفيه وجهي مو عاجبك .؟! اسماء : ليش من لعب عليك اصلن وقالك انه حلو نايف :ابتسام تقول ابتسام : اقول نايف نفسي اركب معاي بنت السيارة ولا تتناقر وياها ... اولهم غادة ثم زميلتي بالعمل واللحين اسماء ! نايف : لا عاد غادة كنت اسولف عادي وهي زعولة .. وزميلتك هذي اصلن غيريها نفسية اما اسماء انا اناقرها اخبرها وسيعة صدر مدري وش مغيرها اسماء : اقول نايف خل عيــــونك على الطريق دامك بتوصلنا وبس ! نايف : سيارتي بكيفي اتكلم ... وبعدين انتي من كلمك انا اسولف مع زوجتي ابتسام : يله هذانا وصلنا اسماء طالعت المستشفى وهي تحس بتبكي خلاص .... وش بيطلعها اللحين من السالفة .؟! نايف : اخلصي انزلي بمشي اسماء بعصبية : فهود اخلص علي انزل !! نزل فهـــود وابتسام كانت واقفة ورنيم بين يديها .... حرك نايف سيارته اما ابتسام تنهدت : اسوم بسك ضيقة خلاص يله كلها تطعيمة وبنطلع اسماء : أمري لله مشينا نزلت اسمـــاء وهي تمشي ورا ابتسام وتدعي ربهـــا .... وقف مصيرها وهي تشوف ابتسام ترفع جوالها وتكلم : الو ... هاه هيثم انا وصلت وينك .! ؟ اسماء ( اكرهني ! ودي الصق لوحه فوقي انا للبيع مابيني مليت مني ومن سخافتي ... ياربي وش بسوي ) : ...... ابتسام التفتت لها : مشينا اسماء من هنا .. دخــلو غرفة فاضية وقالت ابتسام : هذي الغرفة فاضيه لنا شوي وبيجي ... اسماء لقت لها عذر وقفت : اقول ابتسام فشله اجلس واخوك وكذا ... وش رايك اطلع ولاخلصتي تجيني ؟! ابتسام : يوه اعتبريه دكتور عادي كنتي بتروحين ..؟! اسماء : بس اخوك مدري فشلة صدق ... خلاص ابروح ابتسام حست ان اسماء ماتبي صدق : خلاص براحتك اجل .. وقت اخلص بكلمك مشت اسماء بسرعة تطلع .. وباللحظة اللي بتفتح البـــاب انفتح وهو يدخل فتح عيونه وهو يشوفها قدامه , اما اسماء مشت بسرعة من جمبه وطلعت .. ابتسام : ههههههههه معليش هذي وحده من اهل نايف جايه معي .. وشكلها استحت يوم درت انك اخوي وابعدت هيثم وهو يطالع جهة ماطلعت .. ومضيق عيونه ناحيتها : ............... اها دخل وهو يجلس ..... ابتسام : جبت مع رنيم فهد اخو نايف استلمهم كلهم مره وحده جلس هيثـم وهو يشيل رنيم ويبوسها : هلا بالحلا كــــله ... ياعمري اللي كل شوي يكبرون عـــــــــند اسماء : - كانت جالسة بالكافتريا وتطالع بانحاء المكان بكئــابة ... ابتسمت وهي تشوف العامود اللي قدام الكافتريا وتذكر كم موقف لها معاه هنا .. اختفت هالابتسامه اللاشعورية لما تذكرت انها فقدت صاحب هالموقف .. تنهدت بضيق ... شافها وهذا اللي ماتبيه .. كبست بعيونها وهي تنتبه له يدخل الكافتريا وواضح من عيونه يبحث عن شخص وبهاللحظة دقت عليها ابتسام : الو ؟! ابتسام : هلا اسوم وينك انا عند الباب يله بنطلع خلصنا ! اسماء : يله .. بلحظة سكرت السمــــاعة جلس قدامها وهو يطالعها بحدة : وش قصدك ؟! اسماء :شنو ؟! هيثم : اسألك انا وش قصدك من جيتك اليوم مع ابتسام !!! تهدديني يعني ؟! اسماء : اهددك بشنو .؟! هيثم : ما أدري اجل وش قصدك بانك تقابليني قدام اختي .. اسماء شاحت بنظرها : اسفه واعتبر اني ماجيت ... هيثم : لاا .؟! ع بالك بتمشي كذا ؟! اعتذارك الباهت ابشع من غلطتك نفسها اسماء وهي منجرحة من طريقته معها : ابي افهم انت ليش قاسي معي كذا ..؟! ترا والله انا مو قصدي شي نهائي هيثم : اكون قاسي ولا اكون غبي ... فاهمة .؟! وانا فاهم جيتك هذي وش يعني .... وابتسام لاتفكرين تحطينها طريق لي اسماء عضت على شفتها وهي تطالعه : .............. انت تكرهني ؟! هيثم عقد حواجبه : وش هالسؤال ؟ اسماء بقهر : ما حا اسألك اذا تحبني .. اعرف مالي امل بس ابي اعرف انت تكرهني عشان تتصرف معي كذا ؟! عشان تعلقني متى مابغيت وترميني متى مابغيت ...؟ عشان تحطني بين السماء والأرض ... اذا تكرهني قول هيثم وعيونه بعيونها الدامعه .. : ...................... اسماء وقفت : انا بمشي ... واليوم ماكان قصدي شي ولو بيدي ماجيت ! هيثم التفت ناحيتها : لا ما شاء الله صايره الأمور تفلت من سيطرتك يعني اسماء : فالته من سيطرتي من زمان .. ولا ماكان صرت بهالوضع المصخرة .. ومشت بطريقـــها تطلع ... ركبت سيارة السواق مع ابتسام بصمت حتى وصلت للبيت ... اما هيثم حضن راسه بين يديــــنه .... وصورت دموعها للحين براسه , ماعمره شافها بهالحزن عادتها مبسوطة .. تنهد بضيق ماعاد يدري وش مفروض يسوي مع هالبنت ... *** اسماء اول مادخلت البيت صعــــدت مباشرة دون تكلم احد ... ودخلت غرفتها وسكرتها عليها وهي ترمي نفسها على سريرها وتحضن وسادتها وتفرغ دمـــوعها , انساب من وسادتها دفترها ... فتحته بقهر وهي تمشي على ايام مشاعرها ... كانت مشاعرها تسطر بفرحة ومع الوقت بدا يدخلها الكئابة ... حضنت كلمها وكتبت :- أراك علي اقسى الناس قلبا ولي حال ترق له القلوب حبيب أنت قل لي أم عدو ؟! ففعلك ليس يفعله حبيب |
رد: انتماءات كاذبة
ونرجـع للإنتظام بالتشابترات :( زعلني مره اللخبطه اللي صارت الاسبوع اللي فات بس ان شاء الله اخر لخبطه في مسير الروايه حتى نختمها سوا ان شاء الله
|
رد: انتماءات كاذبة
ياهوووووووووووو
:55: يسلم حسك يا غادة انتقامين من فراس فى فصل واحد رصاصة وكابتن غادة :lol: لا بجد فرحت والله عقبال هيثم انا بس نفسى افهم مخبى على لؤى بنته البنت دى هتتربى ازاى و هو مايعرفش عنها حاجة رغم انها مسؤولة منه بيفكر ازاى هذا الفراس؟ ابتسام ونايف خلاص بقو كنارى الحب بس رجع تانى موضوع الشغل ينكد عليهم أسماء المسكينة ماسبهاش الندل تتهنى فصل على بعضه بجد قهر ليه يوم ان شاء الله زى فراس بجد افتقدت الرواية و مفاجآتها تسلم ايديك |
رد: انتماءات كاذبة
اقتباس:
يارب ماتندم غادة على هالحس بس لاتستعجلي على هيثم كل ظالم له يوم وانا فقدت ردودك ياعسل , نورتيني بجد |
رد: انتماءات كاذبة
" البارت الثاني والثلاثين "
- أحبك بحجم روعتك , وتبقى روعتك لا حدود لها ! اثناء ما لؤي يرتب مكتبـه استعداد للرحيل ... كان فراس جالس وهو يراقبه : ... انتبه لنفسك هالمرة .. مو تهمل شغلك ويرجع يسحبك ابوك لؤي تـــنهد : ان شاء الله .. " نفض يده من الكرتون وجلس قدام فراس " واللحين انت تكلم وش سالفة هالبنت ؟! فراس دون نفس : الله يرحمها مقدما لؤي : اوففف شكل السالفة كايدة ! انا من امس مو واصلني النوم من حكي اهلي ... يعني المشكلة ان البنت راحت ماتكلمت وانت نفس الشي ! خضيتو العالم وش صاير ؟! فراس تنهـد : بقولك بس الحكي بيني وبينك هاه .. مو تخورها ترا اعرفك لسانك مفلوت احيان لؤي : سرك في بير تفضل وش فراس : انا اللي حصلت البنت وانا اللي رجعتها لاهلها لؤي فتح عيونه : من جــــــــــــدك !! انت اللي محصلها ؟! فراس : ايه ... بسفرتي لطرابلس اخر مرة حصلتها ومالك بالطويلة تاخرت لين عرفت من تكون بالضبط لؤي عقد حواجبه : ايه وبعدين ؟! فراس : وبس انا حصلتها في مكان شبهه وحالتها حاله ... فسويت خير وضميتها ولأني كنت حاس انها هي لؤي : لا تلعوزني فراس مو انت اللي تسوي خير في وحده ماتعرفها فراس استسلم .. مستحيل يسوقها على لؤي : حصلتها ببيت وحده من خويات ريم لؤي فتح عيونه : انت للحين ورا ريم ؟!!!! فراس بحدة : وش ودك يعني اتركها تسوي اللي تبغى ! ايه وراها وابشرك هي بالسجن اللحين لؤي بعدم تصديق : وديتها السجن ؟! فراس بلا مبالاة : ايه ... • لؤي هو الوحيد اللي يعرف ان أبو فراس متزوج ريم ولاعبه عليه ... وهذا كل اللي يعرفه يعني سالفة العصابه مايعرفها .. لؤي : والله كنت حاس ! واسئلك وش تسوي هناك تقولي شغل .؟! فراس : السالفة ماتت ... لي 3 شهور من رميتها بالسجن لؤي : ايه ... وهالبنت وش تسوي ببيت خوية ريم ؟! فراس : امها ... لؤي فتح عيونه : ام هيثم !!!! بس على حد علمي انها ميته ؟! فراس : لا مو ميته .. هذي امهم بس هي انحاشت وتركتهم وهم تبروا منها لؤي : اااااه فهــــــمت ... طيب وبعدين ؟! فراس : انتظرت للحظة اللي عرفت من تكون بالضبط ... ورجعتها معي الرياض لؤي : ايه ؟! فراس : وتركتها بالفيلا طول هالفترة ... لحد ماتأكدت والمصيبة هي اني دخلتها الفيلا طلعت بنت الكلب ماخذه بيانات من مكتبي مفروض محد يشوفها ! لؤي ضيق عيونه : زي ايش ؟! فراس : قلت مفروض محد يشوفها ... يعني حتى انت .. لؤي : والبيانات هذي معهـــا ؟! فراس دون نفس : ايه ... لو تتسرب انا رسميا رحت فيها والحقيرة لما رجعت لاهلها حطتني براسها .. لؤي : اوففف ليش ؟! فراس : لأني رجعتها لاهلها وهي ماتبيهم ! صارت تدخل بيتي وترسل رسايل وما أدري ايش لؤي : اوف اوف اوف والله ماتوقعت السالفة كذا ... فراس بعصبية : وش متوقع يعني ؟! اني حابسها صدق بغرفتي لؤي : هو انت حابسها بغرفتك هذا الحق فراس : ايه بحبسها وزين ماذبحتها بعد ! لا وليت عقب هالحبس طلعت الورقة بعد .. سوتها فضيحة وملعنة لؤي حبس ضحكته : ههههههههههههههههههههه فراس احتدت نظرته فيه : شيضحكك ؟! لؤي : هههههههههههههه لا بس والله وجت البنت اللي تحط راسها فراسك فراس : تخسى ... اكسر راسها قبل توصلني ! لؤي : وش بتسوي بهالورقة اللحين كيف بترجعهـــا طيب ؟! فراس مسك راسه : مدري ... انا كنت ناوي اتفاهم معها وترجع الورقة وخلصنا ! بس اللحين عقب ماسوتها فضيحة مالي الا اقول لنايف ياخذها منها لؤي : نايف يدري ؟ فراس : ايه ... هو اللي تواصلت معه عشان ياخذها ويطلعني من السالفة لؤي : اهـــا ... ايه خلصوا السالفة دون مشاكل وخذ اوراقك ! مع ان السالفة خربانة الحكي عند الكل فراس بقرف : وتلومني لاكرهت الحريم !؟ لؤي : لا عاد انت لا تعمم .. هذي إبليسه مدري من وين طالعة فراس : انا بكلم نايف بس والله هذا مايبرد غليلي فيها ! ماراح ارضى الا ابصم فيها بصمة تعلمها كيف تتمادى معي لؤي : اقول ترا اللي اعرفه البنت صغيره يعني بزر ماعليك منها ... لاتحط نقرك بنقرها فراس : والله تعذرني هالبزر عقلي مب كبير لدرجة امشيها لها ! لؤي : هو الســـــالفة تقهر ... يعني اللحين انت حبستها بغرفتك تتفاهم معها ؟! فراس : عاد عشان تعرف انها ملعونة صدق هي اللي جايه غرفتي مو انا اللي ساحبها فتح لؤي عيونه : امانه ؟! فراس : شايف كيف ... لا وبنظر الناس مسكينة حبسها الرجال ومدري ايش لؤي : اوف اوف ... والله هو انت غلطت لما حبستها يعني حتى لو دخلت كان طلعتها فراس فتح عيونه : انا ماصدقت تجيني برجليها ! كنت ناوي اوصلها لو ماتجي .... الورقة يالؤي مب سهلة لازم اطلعها لو اضطر اذبحها واخذها منها لؤي : بتـــــــــــكلم نايف يعني ؟! فراس بضيق : مدري ... راسي محيوس اللحين ! لا واخرها عشان تعرف قد ايش الوضع خرا امي تقول لوك متزوج سجى ماصار اللي صار ! لؤي عض على شفته يمنع ضحكته : ششنو ؟! فراس : صرت رجال حيوان احتاج اصون نفسي بنظرهم . لؤي انفجر : هههههههههههههههههههههههههههههههههههههههههه بالله ؟! هذا وهي امك فراس : تضحك هاه ؟! لؤي وهو ماسك بطنه : هههههههههههههههههههههه الله يعينك باخر عمرك هالبزر حاستك فراس طالعه بنص عين وهو يوقف : اقول انا ماشي الشرهه على اللي معتبرك خويه وجالس يحاكيك لؤي مسك يده : هههههههههههههههههههههه بسكت بسكت اجلس جلس فراس دون نفس : متى راجع انت .؟! تنهد لؤي بضيق : مو عارف ... بدور بالكويت ان ماحصلت مالي الا اسافر لامريكا ! انا حاط يدي على قلبي ما القاها لا هنا ولا هناك وقتها .... فراس : وقتها شــــنو ؟! وقتها قدر الله وماشاء فعل خلاص انساها وعش حياتك لؤي هز راسه : مو سهـــل ... انت عارف كم لي ماشفتها من فارقتها !! فوق العشر شهور يافراس بتم السنة مو شايفها ولا هاين علي انساها ... وبعدين ماعاد الموضوع هي وبس " كمل بخنقة " ولدي يافراس ولدي ! انا كل ما أحسب لها انجن ينشل عقلي ..... اتخيله ينولد وانا بعيد عنه وقتها ما حسامح نفسي شد فراس على قبضته وهو يسمع : ........................... لؤي بتأثر : انا اللحظة الي اضحك فيها بين الناس يأنبني ضميري اكره نفسي لأني احس اني جالس اتعود غيابها ! مابي اتعوده يافراس مابـــــي ... كل ليلة ! كل ليلة اعتذر لها مليون مرة اعتذر اني ما اخترت اسمي ولا اخترت وجهي ولا اخترت أهلي ولا مكان ولادتي .. و بنفس الوقت اعتذر لأهلي لأني ما املك قلبي ولأني حبيتها ولأني ما اقدر اكتفي بهم ولأني جالس اربط مصيري فيها .. فراس بعد صمت لفترة : .............. لؤي . لؤي وهو يحاول يجمع نفسه : هلا .؟! فراس : انت جربت تقـــول لأبوك ؟! انا احسك تحط جهدك بالمكان الغلط ... بدال ماتحاول تحصلها حاول في أهلك .. وش تستفيد وقت تحصلها وترجع تعيشها بالسر لؤي : ابوي مستحيل يوافق ... حاولت المح له بس كل تلميح يكسرني فيه مليون مرة فراس : ولــــو .. انا ضد الموضوع بأكملة بس بنظري انك لو تدورها وتحصلها ماحتستفيد قد لما تقنع ابوك لؤي تنهد بضيق : انت عارف وش بيسوي ابوي وقت بيعرف ... هو الوظيفة وسوا كل هذا .. فراس : معناها يالؤي مابينكم نصيب .. الله يوفق كلن بحياته ودعها الله لؤي : مقدر .. من انولدت على هالدنيا وانا مقدر اودع احد كلمة الوداع بالنسبة لي شكل مصغر من اشكال الموت .. كيف تبغاني اودعها هي بالذات ؟ فراس : ................ لؤي بسخرية على حالة : طول عمري اتمنى احصل حب يدوم معي طول حياتي ... دام هالحب وراحت هي فراس بيأس : سو اللي يريحك اجل .. بس وقت يطيح الفاس بالراس بتتذكر كلامي لؤي : يطيح الفاس بالراس اكثر من كذا .؟! وش اكثر من اني فقدتها .. فراس وقف بضيق وهو يطلع : توصل بالسلامة طلع فـــراس من المكتب وكالعادة هالموضوع يلعب باعصابه .. وقف وهو ينتبه للي تطالعه بنظرات حادة ! قسى نظرته وهو يرد نظراتها كأنه يقول " خيــــر ؟! " .... اكتفت ابتسام انها ترمي نظرة تحقير وترجع تكلم الموظفة قدامها .. مر فراس من جمبها وهو يهمس بقرف : حمدالله والشكر ابتسـام تجاهلته واعصابها ضاربه ... للحين مو فاهمه شي من السالفة ! هين ياغادة انتظريني ارجع لك : ..... طــلع فراس من الشركة وهو يمسك جـواله ويستقر عند رقم نايف ... تنهد بضيق ادق اللحين ولا .؟! لا بعديـــن يمكن اقدر اوصل لهالورقة دون نايف بعد ! *** هيــثم / كان سادح راسه عـلى مكتبه .. ويطالع الجدار اللي قدامه بجمود : ....................... مـراد دخل مكتبه : هيثم ؟! وينك لنا ساعة نفتر بالمستشفى ندورك هيثم دون يرفع راسه : نعــــــــم ؟! مراد : يبونك تمسك المناوبة اليوم هيثم دون نفس : مابغى . مراد : اوف وش هالمرة اللي بترفض ؟! بالعادة تتطوع ... شصاير ياصاحبي هيثم وقف : انا طـــالع ومناوبة ماراح امسك سحب شنطتـــه وعلقها بكتفه وهو يمشي طالع ويركب سيارته ... اسند راسه وهو يحرك سيارته بضيق ويطلع من مواقف المستشفى حتى وصل جـــناحه ... وقف عند جدار جناحة الزجاجي اللي يعكس نظرة للريــاض ونشاطها : ....... رغـــم منظره الهادي وهو يتـــأمل المكان ... عقلة في فوضى بينشل من افكـــاره , ليش صعب اني اصدقها .؟! احتمال تكون تكذب وتتسلى ...؟! احتمال صادقة طيب ؟! واذا ..؟! " تنهد بضيق " مدري ليش صعب عليه يبدا علاقه معها .. مملوحة .. إيجابية .. سوالفها تفتح النفس .. وسيعة صدر ... ونيسة ..شكلها ماعليه خلاف .. !! تأفف بقرف من نفسه من أمس على هالحـــال .! ؟ حواره مع عقله / : خلاص يخي معجبتك لهالدرجـــة شبكها وخلصنا ! وين بتحصل احسن من كذا بعد .؟! : واذا طلعت تلعب وماوراها سالفة .. واضح من شخصيتها اصلن انها لعوبة : وقتها ليش مستعجل ؟! اصبر مصير الأيام تجيبها لك : واذا معد رجعت ؟! اخر مرة كانت بالحيل ضايقة .. وانا ماقصرت فيها : يالييييل وقتها طقاق يطقها : معك حق ... اساسا اذا هي ماصبرت علي وقطعت فيني معناها ماتستاهل وقتي : ايه وش تبغى بوحده ماتصبر عليك ! قـــاطع هالمحادثة المتناقضة جـواله ... طالع رقم المستشفى وهو يصمته وينزع لبس المستشفى ويدخـل يريح جسمه بشـاور *** بيت أبـــو فراس / بدر حاط رجل على رجل قدام التلفزيون ... ام فراس بضيق من القناة : بدر غيرها خلنا نشوف الأخبار بدر : وش تبين بالأخبار ..؟! ام فراس : خل نشوف الجو ... يمكن فيه جو حلو قريب نطلع نكشت بدر : مايحتاج الجو عندي ... شمس في جميع ارجاء الرياض ماعدا بعض المناطق هنا غيوم سوداء " قالها وهو يطالع اسماء " اسماء اللي جالسة على الكنبة وشاردة ومو يمه اساسا : .................... انس : ههههههههههههه ولا درت عنك اساسا رماها بدر بالمخـــدة ... حتى ضربت بوجهها وطاحت بحضنها طالعت المخدة بحضنها ببرود دون تعلق : ..... ام فراس : اما عاد ..؟! ماراح تصير حرب مخدات يعني ؟! بدر عقد حواجبه : اسوم ..؟! اسماء : ........................... بدر : اسوم .. اسماء : ................. بدر بقوة :ا سممممممممممماء وصمخ ! طالعته بقوه : نعم خير وش تبي ؟! بدر : اوف وش هالنفسية ...؟! شبلاك معصبه ؟ اسماء : مالك دخل .... وش هالإزعاج ! استغفر الله ان جلسنا بحالنا ما اعجبكم وان تكلمنا ما اعجبكم ! بدر فتح عيونه : افاا انا مايعجبني كلامك ..؟! من قال اسماء : انت مايهم رايك بعد اليوم لانك بتروح لعش الزوجية حقك بكره ولا همك انا ولا وش جالسة اسوي وبجلس مع اهلي اللي اقولهم سالفه واكملها للجدار ! بدر فتح عيونه : كل هـــذا بقلبك ؟! " وقف من مكانه وهو يجلس على يد الكنبة الفرادية اللي جالسة عليها " أولا انا حتى لو رحت لبيتي بجيك متى مابغيتيني وحياك عندي متى مابغيتي والله لو افرش فراشك عندي ماعندي مشكلة ... ما أقدر انا اطلع وبخاطرك كل هذا اسوم .؟! ام فراس : زعلانة كل هذا عشان بدر بيروح .؟! اسماء عضت على شفتها تمنع شهقتها .. مشاعرها في فترة حساسية : ...................... انس : بكت بكت ! كم عمـــرك يا نانة تبكين رماه بدر بنظرة سكتته ... ثم رجع يطالع اسماء وهي عاضة على شفتها وتطالع قدامها وتمنع دموعها : ..... بدر تنهد ونطق وهو يطلع جواله من جيبه : الله يستر لا تزعل ميهاف ام فراس : وراه تزعل ؟! بدر : لأني ماراح اسكن معها طالعته اسوم : ............................ ام فراس : وليش ماتسكن معهـــا ؟! بدر : كيف اطلع من البيت ودلوعتي زعلانة هنا ... مو ضروري خلاص نسكن سوا اجلس هنا وكلش تمام اسماء شاحت بنظرها : كذاب ... تعطيني من هالحكي تسمحني ! وقت الصدق ماراح تترك زوجتك عشاني بدر : اوريك ... بكرة بنام جمبك بعد عشان تتأكدين ام فراس : تتكلم انت من جدك ؟! بدر : جد جدي بعد ...." سكر جواله " وهذاي ارسلت لميهاف بعد اني مقدر اجي معها البيت بكرة اسماء باكتئاب : صدقـــــتك ! بدر هز كتوفه وهو يوقف : لا تصدقين كيفك .... بكرة تشوفي ! المهم اللحين قومي البسي عبايتك اسماء : مابي مالي خلق اروح لاي مكان .. بدر طالع ياسمين : ياسمين قلبي روحي جيبي عباية اسوم من غرفتها اسماء : افففففف غصصب يعني !؟ مابي .. مابي بدر : وانا متى استأذنتك ؟! بتروحين يعني بتروحين ...... يمه تخاوينا ؟! ام فراس : لا ياحبيبي .. اخوك بيرجع من المستشفى وبيكون تعبان لازم اجلس عنده بدر : وانت انس .؟! حياك ترا دعوة مفتوحه انس : لوين ؟! بدر : السوبر ماركت ! اسوم رمضان هذا ماراحت السوبر ماركت وهالشي مأثر على نفسيتها نزلت ياسمين وعطته عبايتها .... بدر : وانتي سيمو حياك رايحين السوبر ماركت اسماء بتجاهل : مابي اروح .. بدر طالعها لفترة ... ثم زفر : 1 2 3 ! " وانطلق لها وشالها بين يدينه .. اسماء تعلقت برقبته لاتطيح : ااااااااااااااااااااااااااااااااااااااا بددددددددررر بدر : لازم ينكسر ظهري كل مره اعزمك مكان ! اسماء وهي تهز رجلينها : نزززززلننني والله ماني خلق رواقتك انطلق بها بدر حتى وصل للحوش برا ومشى لكبرة السيارات رماها بدر داخل السيارة .. ورما عبايتها عليها وسكر الباب وركب مقعده وياسمين وانس ركبوا ورا : حنا رايحين رايحين ... ودك تلبسين عبايتك ولا مو ضروري بعد خل العالم يشوفونك اسماء زفرت وهي تلبس عبايتها بعصبية : وبعدين يعني .؟! مابي اروح السوبر ماركت مافي خاطري شي انس وياسمين بحماس : حنا نبغى ! اسماء : كان رحتو انتو هجل وخلصنا ! بدر وهو يرفع صوت المسجل : يااااااااااااربي على ازعاجك ! رن جـــوال بدر .. طالعت اسماء المتصل : هذي ميهاف رد بدر التفت ... وشبك سماعاته ورد : هلا ميهاف ميهـاف بعصبية : وش قصدك ماتقدر تجي معاي البيت بكرة ..؟! لايكون بيتي لحالي ! بدر : لا طبعا ! بيتنا سوا ميهاف : اجل وش افهم من كلامك ..؟! بدر وهو يطالع اسماء : اسماء تعبانه مقدر اتركها ... فبنأجلها لحد ماتتعافى اسماء التفتت له وهي مب مستوعبة انه سواها صدق ... سحبت السماعات من اذنه وهي تاخذ جواله : الو ميهاف ! ماعليك منه نصاب .... بيجيك بكرة ميهاف : مو فاهمه .. شعندكم ؟! يقول تعبانة ... شفيك حبيبتي سلامات .؟! اسماء : مافيني شي يخربط بدر .. بكرة بيمرك وتروحون بيتكم بدر وهو يسوق : حطي ببالك اذا نفسيتك جلست كذا ماراح اروح ! اسماء طالعته بنص عين : اوكيه حبيبتي .. باي سكرت السماعة وهي تلتفت له : تستهبل ! مو كافي من جيتو من شهر العسل وكل واحد ببيته بدر طالعها بطرف عينه ورجع يطالع قدام : مامزح معك اسوم ... اذا ظليتي كذا ماراح اترك البيت اسماء تنهدت : بدر مافيني شي والله ... بس شوي ضايقة بدر : ايه طيب ليش شوي ضايقة ؟! اسماء : صارت سالفة بيني وبين وحده وتضايقت منها .... يعني موضوع سخيف مايهم بدر : من هالوحدة ؟! صديقتـــك ؟ اسماء : ايه وحده من بنات الجامعة .. بدر : وين امداكم تتخاصمون وحنا اجازة ؟! اسماء : مافيه جوالات يعني ! بدر : وبس هذا اللي مزعــــلك ؟! اسماء بصدق : وزعلانة على حظي ... ماعمره يضبط معي حظ طايح صدق بدر : اسوم لاتقيسي حظك على الأشياء الحلوة اللي تصير لك بحياتك ... قيسيه على الاشياء السلبية اللي ماتصير لك وتسلمين منها .. شوفي اللي طايحين بالمستشفيات والي دون اهل واحمدي ربك وقولي حظي احسن من غيري اسماء وهي تستشعر صدق كلامه .. تنهدت بضيق : معك حق بدر بمرح : وش رايك الليلة نشـــوي ؟! اسماء دون نفس : وش جوك تشوي برمضان ؟! بدر : شفيها ؟! نفس اللحم اللي تاكلونه كل يوم ... بس بنحطه شوي ! ونتسحره مره وحده اسماء : قول لمديرة البيت لاتقولي .. بدر طالعها بنص عين : اسوم بتصفقين ! ترا من جد ميهاف بتنام بكرة لحالها بالبيت لو تستمرين كذا !! اسماء بقرف : اففففففففففففف شفيني يعني ؟! صايمة وتعبانه وش صار يعني وقف سيارتــــه .. : اقول انزلي ... عقب الفطور بنشوف اذا كنتي بس صايمة وتعبانة ... يله انس ياسمين انزلوا *** إبتســـام / دخلت للبيت راجعة من الدوام الساعة 3 ... تنهدت بتعب وهي تصعد مباشرة لغرفتها ترمي شنطتها تبدل عشان تبدا الفطور .. احتدت عيونها اول مادخلت على نايف اللي غاط بآخر نومة : ........................ رتبت اغراضها بهدوء وهي تلبس حاجة مريحـــة ... وصلت العصر ونزلت وهي تسكر الباب بهدوء , نزلت لغرفة غادة ودخلت مباشرة ونطقت : غادة ! غادة اللي كان جالسة على جوالها : همممم ابتسام : الحقــــيني المطبخ وطلعـــت ... عقدت غادة حواجبها مستغربة من المزاج الحاد , سكرت جوالها وهي توقف وتعدل جلالها حولها وتطلع رنيم من سريرها : خلاص اعتقتك رنيم مجرد مانزلتها صرت تحبي بحمــاس لبرا .. طلعت غادة وهي تدخل المطبخ : شفيك اخلاقك قافلة ؟! ابتسام والقدر بيدها : اجلسي ! عقدت غادة حواجبها وهي تجلس ..... ابتسام : انطقي .. وش صار امس ؟! غادة بمحاولة تصريف : اللي شفتيه ابتسام : اللي شفته مادخل عقلي ! وش وداك لغرفته ؟! غادة نزلت راسها : ..................................... ابتسام بصرامة : غادة تكلمي ! غادة وهي شادة على نفسها : لي اسبابي .. ابتسام ارتفع صوتها : وش الاسباب اللي تتركك توصلين غرفة الرجال ؟!!! غادة انتي ليش مصرة تطرحين نفسك من عيون العالم .... كل ماقلت امورك مشت ترجعين لي بسالفة غادة : متى مشت اموري اصلن ..؟! وانا طايحة طايحة من زمان لحد يقنعني اني جالسة ارتفع وانا مدري ابتسام : غادة انا ضروري اتكلم مع ام فراس باللي صار ... واحتاج اكون عارفة وش صار بالضبط عشان اعرف اتكلم! غادة : مو ضروري تكلمينها ... حصل خير خلاص ابتسام ضربت بيدها على الطاولة : حصل خيــــــــــر ؟! هوشة اطفال هي !!!! انتي مستوعبة ان كل العزيمة وقتها عرفوا انك كنتي بغرفته !!! واللحين الناس محتاجين تفسير ... غادة : والله اخر همي هالناس افسر لهم ابتسام : وانا اختك ؟! اخر همك ماتبغين تفسرين لي ..؟! غادة بضيق : ابتسام سكري الموضوع ... صدقيني ان لو اقدر اتكلم تكلمت ! ايه انا رحت لغرفته بس بعمرك ماراح تفهمين سببي .. ابتسام بخوف : وليش رحتي غرفته ؟! وش بينك وبينه عشان تروحين له !! غادة نزلت راسها : مقدر اقولك إبتســـام ... صدقيني الموضوع اكبر من اني اتكلم فيه إبتسام بغضب : كذا يعــني ياغادة ؟! غادة : ................................. إبتسام بحدس : الموضوع يتعلق بالفترة اللي انحشتي فيــها ؟! غادة هزت راسها دون تعلق : .................. إبتسام بصدمة : غادة لاتمرجين قلبي !!! وش صار هالفترة عشان تنتج كل هالفوضى ..؟!!! غادة وقفت وهي تطلع من المطبخ : آسفة ابتسام .. حاليا مقدر اقولك شي .. عضت ابتسـام على شفايفها بقوة وهي تجلس بعصبية على كرسي المطبخ ... دخل نايف المطبخ بابتسامة اختفت وهو يشوف حالها جالسة وماسكة راسها ومغمضة عيونها وواضح معصبة : ................. نايف : ليش الحلوة زعلانة ؟! ابتسام دون تغير وضعها : نعم نايف شتبي ؟! نايف عقد حواجبه وهو يجلس بالكرسي المقابلها وتفصلهم طاولة : صاير شي امس ؟! من رجعتي وانتي مو على بعضك إبتسام ببرود : متى امداك تحس اني مو على بعضي ؟! لما رجعتنا ونمت وانت برا البيت ولا لما صحيت وانت نايم ؟! نايف : أيه مو عشان كذا اقولك مو على بعضك .. ماصحيتيني للفجر وفوقها ماصحيتيني للعصر اسمعك تدخلين الغرفة وتطلعين دون حس إبتسام وقفت وهي تنطق بقهر : اسمعني حبيبي ! اذا عرفت وش تبي من حياتك ووش تبي من نفسك وموهبتك وقتها تعال شاركني همومي ! غيرها خلك مع نفسك الله يخليك ترا كافيني اللي فيني نايف كبس بعيونه وهو مستغرب كل هالعصبية : شالسالفة !؟ كل هالعصبية عشان ما اخترت لي وظيفة ! مابي اتوظف طيب غصب يعني ؟! إبتسام التفتت له بقهر : نايف انا مضغوطة ! حوسة الدوام على الحمل على شغل البيت ... وكلش يهون عندي إلا اني ماكلة نفسي بالشغل وانت ولا همك طول يومك نوم ودجة !! مافيه شي يوقف على رجل وحده ؟! نايف : ارجع اسالك نفس السؤال انا مقصر بشي ؟! إبتسام : ايوه مقصر بحق نفسك ! وانا بصراحة تعبت احس اني عايشة مع بزرين وشايله همهم وهم ولا على بالهم ! نايف فتح عيونه : انا بزر ..؟! إبتسام اشرت له باصبعها بتهديد : اسمعني نايف انا لي أسبوع ارسلك ايميلات بامكانياتك الوظيفية ! واشوفك تفتحها وحاقرني بس مو بكيفــــك ... بتشتغل يعني بتشتغل ماعدا ذلك لعد تسألني وش فيك ؟! نايف : طيب ممكن نتكلم بلا طولة لسان ؟! إبتسام : افضل مانتكلم اساسا ! انا اللي عندي قلته ... وخلاص الوضع قلب مهزلة نايمين بالعسل ولا عارفين بالحمارة اللي تحترق كل يوم عشانهم نايف : يالله يا إبتســـام ! مهدي لي شوي طيب مو تطيرين فيني فجأة ! وربي ضرب معي صداع تو صاحي واصحى على هواش ابتسام : مسكك صداع ..؟! اجل وش اقول انا اللي على وقفتي من صحيت من النوم !! نايف : انتي راضية إبتسام ارمقته بنظرة ورجعت لشغلها .... تو نايف بيتكلم دق جواله نطق بينه وبين نفسه : غريبة ... " رد " هلا فراس التفتت ابتسام مباشرة له وهي تنصت للمكالمة : .................. نايف : لا بالبيت ................... وين اللحين ؟! ............. لا زين انت فين ؟! ...........جايك يله سكر السماعة وهو مستغرب مراقبتها لمكالمته ... إبتسام : هذا فراس ؟! نايف وهو يدخل جواله بجيب بنطلونه : ايه ... انا ماشي حطي اعصابك بثلج لحد ما ارجع ونتكلم زي العالم إبتسام بقلق : وايش يبغى منك ؟! نايف : شعرفني بروح اشوف ... يله سلام طــلع من البيت وإبتسام تنهدت بضيق وهي تمسك راسها .... والصداع ضرب معها خلاص : ...... *** دخــل فراس البيت بعد مارجع من الفيلا وتأكد ان مافيه شي ناقص غير الورقة : ...................... استغرب البيت هــدوء مافيه احد : يمـــــــه .؟! طلعت ام فراس من المطبخ : هلا حبيبي جيت ... ليش واقف ارتاح خل جرحك يرتاح مو كافي مشاويرك من الصبح فراس : وين اخواني البيت هادي .؟! معقولة للحين نوم ؟! ام فراس : لا طلعـــهم بدر معه يغيرون جـو .. قبل يروح بيته بكرة خلاص فراس : بيته اللي عقب كم شارع مو كم قارة ام فراس : براحتهم خل ينبسطون .. كيف المستشفى ؟! فراس : مامداني اروح ام فراس : ليـــــــــه مارحت ناوي تهمل صحتك انت ؟!! فراس : كل يوم اروح لهم عشان يغيرون الضماد بس .؟! انا اغيره لنفسي وخلاص ام فراس : انت ماحتعرف زيهم من وين تغيره لنفسك !؟ فراس : يمـه اتركيني براحتي لاتعامليني كاني مريض يضايقني والله ام فراس : شاسوي لانك مو مهتم بمصلحتك فراس دق جواله ..: هذا نايف يمه ... بطلع له المجلس شوي ام فراس استغربت : وايش تبغى من نايف ؟! لايكون عشان سالفة اخت حرمته فراس : لا ... عشان اوراق ولحد يذكر لي هالبنت ترا سديتو نفسي فيها وطلع مبــــاشرة للمجلس ... نايف : كاثره مصالحك عندي هالكم شهر .؟! شصاير هالمرة بعد ؟ فراس : مصـالح الفلس ! " نطق بحدة " غادة ! نايف : شفيــها بعد ؟! فراس : فيها انها حالفة على نفسها تموت على يدي ... مابي منك شي غير توصلها كلمتين او تعطيني رقمها اتواصل معها نايف كبس بعيونه : شصاير ؟! فراس : ماتعرف يعـــني ؟ .. مبروك اجل انت الوحيد اللي بالرياض ماعرف نايف : تراني مثل الأطرش بالزفة ... شالسالفة ؟! فراس : اسأل زوجـــتك ! عموما قول لغـادة تطلع الورقة اليوم قبل اطلع روحها .. نايف : هيه هيه شصاير ؟! وش ورقته ! فراس : مالي صلاحية اتكلم ... خل حضرتها تقولك ! انا همي هالورقة تطـــلع اليوم وتسلمها لي يدا بيد . نايف : طيب كان جيت بيتي ونتفاهم ونطلع هالورقة .. بدل ما انا مدري وش السالفة اصلن فراس رفع حواجبه : ماعندي مانع .. يله اللحين شرف بيتك طلع ورقتي نايف وهو مو فاهم شي : تفضــل اجل طـلع فراس وركب مع نايف سيارته .... اثناء الطريق / نايف : ماحتقولي يعني شالسالفة ؟! فراس : السالفة ان ورقة مهمة لي عندها وانا ابغاها .. نايف : والله هالإقامة اللي اقامتها عندك مو ببلاش ... بينكم مصيبة انتو فراس اشمئزت تعابيره : خل افكارك لنفسك مسك نايف جواله ودق على ابتسام : الـــو .... فيـن غادة ؟! ابتسام بخوف : شتبغى بها ! ؟ نايف استغرب نبرتها الهجومية : ....... نتفاهم اذا جيت , 10 دقايق واكون بالبيت ومعي رجال ابتسام بقلق : مين معاك ؟! نايف نقل نظرة لفراس ثم للطريق : بالله وش صاير انتو ! ترا صدعتوا براسي ابتسام : يعني هو !! نايف : ايه هو ... سكرت ابتسام السماعة وهي تطق باب غرفة غادة وتدخل مباشرة : غادة ! غادة اللي كانت جالس ومصحفها بحضنها تقرا : هلا ابتسام وش بعد ؟! ابتسام بتوتر واضح : اسمعي نايف جاي اللحين ومعه فراس ! ياتتكلمين اللحين يالي تصرف ثاني معك ؟! غادة نقزت من مكانها بقلق : هاه ؟! فراس ...؟! وش جابه ؟! وش يبي ؟! ابتسام : انا اللي اسئلك ! مشكلتي اعرفك مجنونة الله يستر وش مسوية انتي عشان يحبسك بالغرفة وتصير هالسوالف كله ..... ياويلك ياغادة لو توصل هالعلوم لهيثم بيذبحك هالمرة صدق غادة وقلبها وصل لحلقها : هو جاي اللحين ؟ ابتسام : وش لي ساعة اقول !! ايه جاي مع نايف .... الظاهر انتي مسوية مصيبة بجد غادة : خلاص ابتسام انا اعرف وش يبغى ... بحل المشكلة ابتسام سحبتها من اذنها : وش تحلين انتي ! ماعمرك حليتي شي ... تطينين السالفة زود بردت اطراف غادة وهي تسمع صوت الباب ينفتح : جــــو !! تركت ابتسام غادة وهي تطـــلع .... نطحها نايف بالطريق : اللحين تكلمي وش صاير !؟ ابتسام : ماقالك هو .. نايف طالع غرفة غادة واتجه ناحيتها وهو يطق الباب : غادة ! الورقة الزفت اللي معك طلعيها وفكينا من المشاكل ابتسام : وش ورقته بعد ؟! غادة بلعت ريقها : بطلعــــها ... بطلعها ! التفت نايف لابتسام بعصبية : الظاهر صايرة مصيبة امس وانا اخر من يعلم كالعادة ! ابتسام : بالله يانايف مو وقتك ... وش هالورقة ؟! نايف تنهــد بضيق : انا الغلطان كمان ... مفروض قايل لك كلش من زمان بس لنا جلسة عقب ماتخلص هالسالفة طلعت غادة من الغرفة وهي متغطية وبيدها الورقة ... طالعتها ابتسام : وش هالورقة ؟! غادة مدتها لنايف : ........ وصلها له .. نايف : روحي وصليها انتي .. مثل ماسرقتيها رجعيها واعتذري وبطلي مشاكل غادة ! لمتى وحنا من سالفة لسالفة بسببك غادة : ليش اوصلها انا ! مابي وصلها انت ولا عمرها ماوصلت ان شاء الله نايف طالع ابتسام : ابتسام ... اختك غادة اللي اكتشف وينها كان فراس وهو اللي وصلها لي ! واختك المصونة سرقت ورقة من اوراقه المهمة وهو اللحين طالب الورقة منها يد بيد ابتسام فتحت عيونها بوسعها وهي مب مستوعبة : هو اللي حصلها ؟! نايف : ايه .. ولأنه يبغى الموضوع يكون بالستيرة قرر يرجعها دون احد يعرف فين كانت بالضبط ! وللحين هو ماقالي فين حصلها ... ابتسام التفتت لغادة بصدمة : صاحية انتي .؟! " صرخت فيها " تبغين تذبحيني ؟! تبغين تقتليني وش تبين انتي !! ماحترتاحي لحد ماتوقفي قلبي .... صح ؟! غادة بخوف : والله هو اللي بداها مشكلة ... ليش كلش يصير انا السبب ؟! ابتسام بحدة : غادة روحي مع نايف اللحين رجعي الورقة . غادة هزت راسها ... ومشت بطريقها مع نايف لحد مادخلــوا غرفة الضيافة كانت منزلة عيونها طول الوقت : .... طال الصمت وغادة واقفة جمب نايف ووجود نايف يشكل حماية بالنسبة لها من الشخص اللي يخترقها بنظراته : ...................... وقف فــراس وهو يتقدم خطوتين لحد ماوقف قدامها بمسافة معقولة ومد يده ونطق بحدة :الورقــــــة .! غادة مدت يدها وهي ترتجف .. سحب فراس الورقة مباشرة وهو يفتحها ويرجع يسكرها ويدخلها جيبة : ابي اتأكد ان ماعندك نسخ لها ؟! نايف طالع غادة : غادة عندك نسخ ؟! غادة هزت راسها بلا : ................................. فراس : لايكون مفروض اصدقك اللحين .؟! غادة : والله والله ماعندي نسخة ... فراس احتدت عيونه فيها : الــورقة ورجعت وانحلت مشكلتها ... وانتي لاتخافين بلقى لك حل قريب غادة فتحت عيونها برعب : شقصدك !؟ نايف : خـلاص انتهت السالفة كذا ... خلوا لأمور تهدى واللي يعافيكم فراس بابتسامة جانبية ساخرة : هي خلت فيها هداوة .؟! انا بدفعك ثمن كل كلمة جالسة تنقال فيني اللحين بسببك غادة بقهر طالعت نايف : وش الفايدة مرجعه له ورقته وهو للحين حاطني براسه ؟! نايف تنهد : خلاص فراس ... المشكلة تسكرت هنا واذا تبيها تعتذر اللحين تعتذر لك ؟! غادة فتحت عيونها بإنكار .... نطق فراس : والله لو تسجد عند رجلي من اليوم لبكرة مو بس تعتذر ! ماراح تسلم .. على آخر عمري تجين انتي يالبزر تحطين راسك براسي ؟! وطلع من المجلس ... اما غادة ركضت لغرفتها مباشرة وهي تسكر الباب تنهد نايف وهو يدخل البيت وقابلته ابتسام : شصار ! ؟ نايف : اللي قلت لك .... الله يستر فراس معصب للحين وماظنيته بيتغاضى بهالسهولة الله يعين ابتسام بقلق : بس رجعنا الورقة له خلاص ..! ايش كمان ؟ نايف هز كتوفه : مدري عن اختك مجنونة ولا احد يناقر فراس ... بعقلها هي ؟ ابتسام تنهدت بضيق وهي تجلس على الكنبة وتحضن راسها بين يديها : شاسوي معها ؟! والله تعبت فيـــها .. نايف تنهد وهو يجلس جمبها ويحاوطها بذراعه : هذي اختك وش تسوين بعـد .؟! الله يهديها بس .. ابتسام ظلت على نفس وضعها : .................. نايف : ليش ماقلتي لي من امس باللي صار .؟! ابتسام : ماحصلت فرصة .... لما كنت تداوم أول انتظم يومك معاي صرت اقدر اشوفك واجلس معك .. اللحين من وين ياحسرة وانت نايم طول يومك او طالع .؟! نايف : ياقلبي ياحبيبتي ياعمري ... انا اطلع من النكد طول يومك بالدوام وانا وش اجلس اسوي لحالي .. ابتسام : لا تقنعني نايف ... لو تبغى تقدر ! نايف : وبعدين انتي هاليومين اخلاقك تجارية شوي .. فانا احشم نفسي وانقلع من وجهك ابتسام بقهر : تلــــومني .؟! نايف : ايه الومك ... يعني امس رجعتي من زيارة ام فراس وصايرة لك مشكلة هناك ! بدال ماتجهزين سحوري وتجلسين تاكلين معي وتسأليني عن يومي وتسمعين سوالفي البايخة ... كان قلتي صار كذا وكذا ابتسام : ........ ايش ذنبك بمشاكلي ؟! نايف : شف هذي اللي بذبحها ... ليش ابتسام انا حبيتك عشان انبسط معك بس .؟! انا ابيك كلك بحلوك ومرك إبتسام ابتسمت بنص همها : اوك آسفة .. مرة ثانية راح اقولك نايف : ................ " كشر " مفروض ازعل هاه .؟! ابتسام رفعت حواجبها : وش حقه تزعـــل .؟! نايف : هاليومين ماقلتي لي ولا كلمة حلوة ... ماقلتي لي إلا حبيبي مرة وحده وكنتي معصبة بعد ! ومرة ثانية وتحسفتي إبتسام : بالله نايف عن الدلـــع .. كافيني غادة نايف زفر : وانا بتضيع حياتي نكد عشان هالغادة ! برميها برا البيت ترا .... 24 ساعة مزاجك معكر بسببها إبتسام : تبغى مزاجي يتعــــدل .؟! نايف : اكيـــد ... ابتسام : افتح إيميلاتي واقراها كويس .. وفكر بالموضوع نايف : فتحتـــها ... وأعجبتني وحدة بس مقدر اللحين إبتسام : ليش ماتقدر .؟! نايف : لأنها سفاري .... يعني تصوير دراسات ومسافرين على طول فتحت ابتسام عيونها : من كل العروض اللي ارسلتها لك ! ما اعجبك الا السفاري ..؟! دون تكون مسافر على طول خطيـــرة !!! تصوير حياة الحيوانات والحروب والتعب النفسي هذا كله نايف : ايه عارف ... هذا اهتمامي ابتسام انا ماتركت شركة ابوي الا ابغى حاجة تشبع شغفي إبتسام تنهدت : طيب دام معجبتك ... قدم لها اشتغل نايف وهو يحك راسه : بشوف ... بدرس الفكرة براسي وعقبها بقرر ابتسام ابتسمت وهي تطالعه : اسعدتـــني بجد .. ما حتصدق يانايف وناستي بجد نايف : ايه اكيد بتنبسطي بيخرب نومي وتنشغل حياتي ... مو .؟! إبتسام : ايه حياتي ... بصراحة شي يزعل ويحبط ان الرجال مايشتغل نايف وهو يتنهد بحب : وهذاي بشتغل كرمال هالخاطر مايحبط ولا يزعل إبتسام وهي توقف : نسيت الفرن .. لاتروح نايف مابقى شي على الاذان نايف وهو يصوت لها من مكانه : مـــوجود ! تبين مساعدة شي ؟! *** الســــاعة 7 مساءا / ميهاف بنفاذ صبر : وبعدين بدر ..؟!!! شاسوي يعني اجهز اغراضي ولا لا ؟! بدر : وانا شدراني .؟ تو اسوم للحين مو على بعضها ومدري بتضل كذا لبكرة ولا لا ميهاف وهي تعض على شفتها بعصبية : ...................... بدر : الـــو .؟! ميهاف : موجودة ! بدر : ليش ساكته طيب ؟ ميهاف : جالسة انتظرك تقرر انت واسوم اذا بتكونون بخير بكرة ولا لا ... بدر : وليش تقولينها كذا .؟! ميهاف بقوة : شلون تبيني اقولها يعني .؟! بدر : انا جالس اتناقش معك .. ماله داعي قلة حيا وطوالة لسان ! ميهاف : لا بجــد .؟! حنا جالسين نتناقش ..؟! النقاش يكون راي بين شخصين انا مو جالسة اشوف هنا الا رايك وبس بدر بانزعاج : انا لله ... ميهاف : اسمعني بدر انا مو خدامتك لا انت ولا اسوم ... ومو بكيفك تحطني رهن اشارتك ! بدر بهدوء : ميهاف ! ميهاف : لا تقول ميهاف ولا غيره ! ترا ميهاف كرهت روحها من وراك ... احلف انك صادق وانت جالس تقولي والله اسوم نفسيتها تعبانه اذا تحسنت جيت معك البيت واذا ماتحسنت مقدر ! بدر : خلصتي كلامك .؟! ميهاف : آيـه خلصت ! يله مع السلامة روح اركض لاسوم اخاف تموت دون الأكسجين حقها بدر بحـدة : دام خلصتي اجل اسمعي اللي عندي .. مثل ما أنتي منتي خدامة يالشيخة انا ماني بأصغر عيالك ولاني ممسحة قدامك وتيرة صوتك لها درجة معينة معي لو سمحــتي .. حاولي ماتتجاوزينها ميهاف وهي شادة على قبضتها : اذا انت ممسحة أجل انا شنو .؟ ملطشة ؟! بدر : الحكي معك ضايع ! انا عطيتك اللي عندي اسماء تعبانة وماراح اقدر اترك البيت بكرة وهي تعبانة ميهاف باقتضاب : الله يعافيــها ان شاء الله .. انا بسكر اللحين وبكرة سواء قررت اسماء تتحسن او ماتتحسن ماراح اجي ... سلام سكرت ميهـاف السماعة وهي تحس بقهر وهي تطالع شناطها اللي رتبتها للمرة الثالثة ... ! لو حظي بس نص حظ اسوم كنت بخير ... *** أسمــــاء / ماصدقت أذن لصلاة التراويح وطلع بدر ... طول الوقت ناشب لها وهي ضاغطة على نفسها عشان مايضطر يجلس بكرة على حسابها تنهدت وهي تصعد لغرفتها وتسكر الباب : .............. استلقت على كنبتها وهي تتأمل السقف بهدوء .... دق جوالها رفعته وهي تشوف المتصل ردت بهدوء : هلا ميسون ميسون : هلا والله بالدبة ! فين اللي تقول خل نجتمع برمضان ؟! كانك جحدتينا اسماء : مشغـولة هالفترة مقدر ميسون : اخسس يامشغولة وش عندك !؟ اسماء : ..............ميسون , اقدر اسالك سؤال ؟! ميسون : شسؤاله ؟! اسماء بهم : تذكرين لما قلتي لي انك حبيتي ولد خالتك .؟! ميسون :أيوه ؟ اسماء : يعني .... انتي حاليا وضعك حلو واحسك تتكلمين عنه عادي ميسون : ايه لأني تجاوزته ومن زمان بعد معد يهمني ! اسماء بعبرة : كيف تجاوزتيــه ؟! ميسون وهي حاسه بصديقتها : ....... قررتي تستسلمين ؟! اسماء : ماقررت .... غصب عني , معد اقدر اكمل اكثر من كذا .. ميسون : أسوم انتي من جدك تحبيه .؟! اسماء بهمس حزين : ........... احبه وبس .؟ ميسون : طيب ايش راح تسوين لو صار من نصيب غيرك .؟! اسماء بسكون : ولا شي .. ميسون : ليشش ؟!!! اسماء : لأني لما ادركت اني أحبه .. حسيت وقتها انه مب نصيبي .. ميسون بعدم تصديق : من جدك ؟! اجل ليش كل هالمحاولات دام حاسه من اول ؟ اسماء : من متى انا اذا حبيت احد وبغيته وحصلته .. ؟! دايم بالأخير كلهم يروحون .. ميسون : لا تقولي كذا اسماء ... لا تخلي تجربة وحدة فاشله تحبطك من العالم اسماء بسخرية : مدري هو حظ ولا نصيب ... بس بلحظة صرت ما اتخيله يحبني او حتى يهتم فيني ميسون : هو الخسران اساسا .. انتي ان شاء الله ربي بيرزقك احسن منه مليون مرة اسماء : مابي أحسن منه ميسون ... ماني طماعة ابيه هو وبس .. ميسون : اسماء حبيبتي انتي اللحين بطور صدمة لأنك تعلقتي فيه مرة .. بس صدمتك هذي هي اول خطوة عشان تتجاوزينة صدقيني ازمة وبتمر اسماء باكتئاب : ............. ليتني ماعرفته . ميسون : خلاص حبيبتي قومي صلي التراويح اللحين واشرحي صدرك ... وان شاء الله كلش بيكون تمام اسماء : ان شاء الله ... باي سكرت السماعة وهي تغوص ببحر ذكرياتها .... وماراح تطلع من هالبحر الا مثقلة بشوائب هالذكريات .. *** انتفضت غادة بمكــــانها ... " الورقة رجعت وأنحلت مشكلتها .. وأنتي لاتخافين بلقى لك حل قريب " رمت الوسادة على الدولاب بعصبية حتى انتفضت رنيم : وجججع !! وش قصده ...؟! انا الغبية مفروض مارجعت الورقة ... اقل شي كان بيحترم نفسه دامها بيدي رنيم تسمرت بغادة المعصبة لوهلة ثم ضحكت بطفولة وهي تصفق : . غادة : مبسوطة .؟! " تسندت على الجدار " اففففف وربي بموت وش ناوي عليه هالمجرم استلقت على السرير باحباط : رغم كل اللي صار ... ماقدرت اسأله عن اصابته حتى ! وقح مايترك الناس يصيرون لطيفين معه .. " تنهدت وهي تطالع رنيم " صح رنيم ؟! جلست غادة مباشرة وكأنها تذكرت شي : الطريقة الوحيدة الناس يفهمـون ان اللي صار ببيت ام فراس عادي .. هو انهم يعرفون اني كنت اعرفه من قبل .؟! " كشرت " عمى لا مستحيل يرضون حتى .. دفنت راسها باحباط بالوسادة : حيوااان جاااااااااااب لي كئابة ورجع بيته ! وش قصده يعني بيلقى لي حل وبيدفعني الثمن .... الورقة ورجعت مايقدر ينسى حشى انطق باب الغرفة ونطقت ابتسام دون نفس : بتطلعين بعد تصلين التراويح ولا اروح دونك ؟! غادة بهمس بينها وبين نفسها : لازم اروح ادعي ربي يجيرني من اللي ناويه .. كل مافكرت فيها بس يجيني احباط من الحياة " صوتت لإبتسام " جايتك بتوضى وبجي *** لــــؤي / ولا أثر .... ولا أثر انتهى من مقابلة كل شخص يعرفها بالكويت بس للأسف كلهم نفس الكلمة " ماندري " , انتهى به المطاف يجلس بكرسي الحدايق قدام شركة فراس وعيونه متسمرة على كل مكان وقفت فيه .. ضحكت فيه ... همست له فيه .. اقتحمت ذكرى بنفس هالمكان خياله ( سـارا : كلمتنا هيفاء بتجي هي وبنت خالتها وبيكونو شهـود لؤي : قبل كل شي أبيك تستخيرين سارا : أستخير ؟! لؤي : أيـــوه استخيري الله فيني سارا عضت على شفتها ونطقت بربكة : واذا كنت شر .؟! لؤي : وقتها اتركيني سارا حضنت يده بقوه : وقتها آمنت بالقدر خيره وشره ) أنحبست انفاسه أثر هالذكـــرى ...شحب وجهه أثر المرحلة الأولى من فقدان الأمل .. " تررن ... تررن " رفع جواله " أبوي " رجع ينــزله .. ماله امل يرد ماله امل يجمع شتات نفسه ..ويقولون إنساها ؟! مايعرفون حجم هالذكرى بداخله .. مايعرفون كم مرة تطري على باله من دون حول ولا قوة .. *** ســارا / بعـد استقرارهـا مع صوفي وجاكسون في محافظة هادية .. بعيد عن صخب واشنطن صرخت عليها صوفي اثناء ماهي تشتغل بالكراتين والترتيب : ســــارا ! كم مرة يجب علي سحبك لترتاحي ؟! سارا : لا عليك صوفي ... انا بأحسن حال الآن , كما ان الأعمال ستتراكم على هذا النحو .. صوفي : لا عليك ان تراكمت ام غيره .. اذهبي لإبنتك سارا : مايا نائمة بالفعل صوفي : نائمة بالقرب من جاكسون بغرفة المعيشة ! اهذا شخص يعتمد عليه في الإعتناء بطفل ؟ تنهدت سارا : هوني عليك سأذهب لرؤيتها دخلت صوفي غرفة المعيشة ... كانت مايا مستيقظة بالفعل لكن في سكون تام ابتسمت سارا وهي تجلس بالقرب من سريرها وتهزه برفق : استيقظتي ياحلوتي ؟! جاكسون اثناء متابعته للتلفاز : حـــلوتك في هدوء تام دعيها سارا عقدت حواجبها وهي تنتبه للتلفاز : تتابع سندريلا .؟! كم عمرك؟ جاكسون : ماذا اتابع اذا .؟ الدعارة امام طفلتك ؟! سارا : فقط اذا اردت الموت جاكسون : بجانب أن سندريلا مازالت فتاة احلامي حتى هذه اللحظة سارا وهي تتأملها : بحق .؟! فتاة احلامك قد افسدت عقول النساء في كل مكان بمنحها للفتيات الفقيرات الأمل الزائف جاكسون : يبــدو ان احدى ضحايا هذا الأمل الزائف بجانبي سارا : سأقدر الأمر لو خرست الآن جاكسون : كما انكي لايمكن ان تكوني فتاة فقيرة بعد الآن .. اخبريني هل استعملتي بطاقة ذلك الرجل ؟! سارا وهي تقف : دعك في شؤونك .. وابقي عيناك على مايا جاكسون بحلطمة : مايا لاتعتبر من شؤوني ! *** فــراس / دخل الشـــركة .. والكل بإستقباله ويتحمدون له بالسلامة مر من عندهم ونطق لمسعود : مسعود .؟! شفت الموظف اللي تو توظف .. مسعود : احمد .؟ فراس : أيه احمد ... ارسله لي بمكتبي اللحين مسعود : حاضر طال عمرك دقايق ويكون عندك دخل فراس مكتبه وهو يسترخي على كرسية ... فتح جواله يبي يكلم لؤي يتطمن عليه لكن قرر يأجل هالمكالمة , انطرق الباب : تفضل دخل مسعـود وجمبه احمد : هذا هو فراس : طيب وش جايبك معه .؟! ضف وجهك لو سمحت طلع مسعود .. اما فراس نطق : ارتاح ليش واقف .؟! تقدم احمد وهو يجلس : حمدالله ع سلامتك فراس : الله يســـلمك .... مرتاح بوظيفتك ولا عندك اشكاليات .!؟ احمد : لا حمدالله كلش تمام .... اصلن هالوظيفة ماحلمت فيها بيوم فراس : كويس انك عارف مقام هالوظيفة أحمد : لا لاتخاف هالوظيفة بالحفظ والصون معــاي فراس وهو يوقع على ورقة : ايه بس انا قررت ان مدة شغلك هنا انتهت .. احمد : نعــــم .؟! فراس : من البداية شهادتك ماكانت تأهلك لهالوظيفة ... وبما ان الطرد مفاجئ تفضل " مد له شيك " فتح احمد عيـنه من المبلغ الهائل : .................. فراس شبك يدينه ببعض : انت ساكن بجدة مو هنا ... واتوقع حياتك هناك بتكون احسن هالمبلغ حلال عليك خذ بنتك وارجع لديـــرتك عند اهلك وكذا نكون تصافينا .؟! احمد استغرب : بنتي .؟! وش جاب طاريها ؟ فراس رفع حواجبه : ليش ناسي اني ولد عم نايف .؟! قابلت بنتك كذا مرة الله يخليها لك احمد : آميــن ويخلي لك اهلك . . بس شكلك ماتدري اني مطلق امها يعني مقدر اخذها فراس عقد حواجبه : والله من آخر مرة شفتها اتوقع تكون معــاك احسن فتح احمد عيـونه : ليش ؟!!! بنتي صاير لها شي .؟ فراس : وانا قلت كـذا .؟ اساسا مالي علاقة بحياتك الشخصية ... بس مالك حق حضانه انت كمان ؟! والبنت مكانها بيت أبوها احسن من بيت زوج خالتها احمد تنهد : اصلن انا الغلطان ! تركتها عندها لأني بالرياض ومامعي احد بما اني برجع لجدة عند حرمتي واهلي باخذها معي مالها قعدة فراس وطيف ابتسامة انرسم على ثغره : اللي يـــريحك ... اتوقع هالشيك يرضيك ؟! مابينا شي اكثر من كذا احمد وهو طاير بالمبلغ : لا نهائي جزاك الله خير ... فرصة سعيدة فراس رفع حواجبه : أنــا اسعد طـلع احمد من المكتب ... وفراس رجع يسترخي على كرسيه وهو يفتح باكيت الدخان ويطلع سيــجارته : وأصبـــري بعد هذي أول خطوة بس *** بدر من رجع من التراويح وهو مجهـــز جلسة الشوي ... أم فراس : والله احس محد مزاج يشوي اليوم بدر : ايه بالضبط عشان العالم مالهم مزاج حنا بنشوي .." التفت لياسمين " وين اسماء ؟! ياسمين : بغرفتها ... حتى ماراحت معنا تصلي التراويح تنهد بدر : يمه البنت صاير لها شي .؟! اليوم انخبيت ماتوقعت بيوم بشوف اسوم بهالنفسية بكل الوسائل حتى مارضت عقب الشين ابتسمت ام فراس : بلاك ماتعرفها ... ولا عادي دايم تمسكها هالنفسية بدر : شنو ما اعرفها يمه .؟! اسوم حافظها مو بس عارفها .. مو معقولة هذي مزاجيتها مستحيل ام فراس : أيه لانها تحبك لاشافتك تنبسط .. ولا عادي هالتكتيمات مرة متعودين عليها ومن زمان أنفتح باب البيت ... ودخل فراس عقد حواجبه وهو يشوف جلسة الشوي : بتشوون ؟! ام فراس : ايه بدر بخاطره يشوي قلنا نشوي ... ارتاح ولا الدخان بيوجعك ؟! فراس كشر : لا انا بدخل .. من اللحين احس صدري جالس ينقبض بدر : اللحين دخان الشوي يوجعك ... والسموكينق مايوجعك ؟ فراس : السموكينق شفط مو ريحة ... هذا كتمة على الفاضي ام فراس بقلق : هجل ادخل يمه خلاص بندخل لك قسمك داخل بدر : بيفـــــوتك جو الشوي عاد ! فراس : إلا انت وش هالرضى ما شاء الله ؟! اليوم طالع معهم واللحين تشوي .... بالعادة ننسى انك عايش معنا اصلن بدر : كأنك تحكي عن نفسك ماتحكي عني ؟! فراس : وين اسمــاء ليش مو معكم ..؟! بدر : اسماء مو اخت شماء اليوم فراس وهو يدخل : متى صارت اخت شماء اصلن .؟! بدر : يمه معليش انتبهي للضو شوي ... بروح اجيب اسوم وبجي ام فراس : ان شاء الله صعــد بدر لغرفتها وفتح الباب مباشرة دون مقدمـــــــات : اســــــــــــماء ! فزت اسماء وهي تلم الأوراق داخل دفتها وتسكره : ....... شنو مافيه طق الباب قبل ماتدخل ؟! بدر رفع حواجبه : شفيك انخبيتي .. وش هالدفتر ؟ اسماء وهي تحطه ورا ظهرها : مو شغـــلك ! بدر ضيق عيونه وهو يقرب : والله اذا هالدفتر عنده معلومات عن حالتك النفسية شغلي ونص اسماء بهم : بــدر عن السخافة ... بجد خصوصيات مالك داعي تشوفه بدر وهو يمد يده يحاول ياخذه واسما تراوغه : بكيـــــفي ملقوف .. اسماء : بدر قسم بالله لو تاخذه ان ازعل منك ... والله معد اكلمك بدر وهالمرة طاحت يده على الدفتر لك اسماء ماسكته تسحبه منه : خلقه زعلانه وخلقه ماتكلميني ... فمافرقت معي اسماء : اففففففففففف بدر ترضاها احد يفتش باغراضك وخصوصياتك ؟! بدر : اذا انتي عادي اسماء : والله والله بنزل اللحين معكم وبشوي وبنبسط ... بس اترك الدفتر بدر وهو يسحب الدفتر بقوه ويرفعه فوق بيده : اكيـــــــــــد ؟! اسماء وعيونها معلقه بالدفتر اللي بيده : ايه اكيد بدر : اجل وريني ابتسامة عريضه يله اسماء رسمت ابتسامة واسعة : هاه كذا ؟! بدر بتفكير : والله يا أسوم مدري .. ابتسامتك ماهيب على خبري , عموما برجع لك دفترك ويله ننزل نشوي لو تستمرين كذا اعرف الدفتر واعرف كيف اتصرف اسوم مجرد ماجا الدفتر بين يديها ركضت تحطه بين كتبها .. وتسحب بدر من يده تطلعه برا : حنـــان انت الله يعين ميهاف بصراحة بدر : والله انتي اللي مدري كيف .. جالس احوس نفسي اجيب الحطب واللحم وتتركيني لحالي تحت انحاس قابلوا فراس على الدرج واقف بنص الدرج وشاد بيد على الدرج ووجهه معبس ... افلت بدر يد اسماء ونزل مسرع : فراس ؟! فيك شي ..؟! فراس انتبه لبدر واسماء براس الدرج : لا مــافيني شي ... بس ظنكني صدري شوي بدر : الله يهداك قايله لك امي تجلس بغرفة الضيوف الدرج مشوره ! فراس وهو يكمل يصعد الدرج بشكل طبيعي : بدر لاتهـــول خلصنا ماصار شي .. " طالع اسماء " انتي حية ؟! بدر : حيــة إلا ربع فراس بأسلوبه الجاف المعتاد وهو يطالع اسماء : شفيك !؟ اسماء : مافيني شي .. مو انا اللي علقت بنص الدرج بدر : هههههههههههههههههههههههه عرفت ترد عليك فراس : مره يضحك ؟! بدر : لا هو انا اضحك على السالفة حسب علاقتي مع اللي قالها واسوم خبرك الحب فراس وهو يدخل غرفته : الله يبشرك بالخير اجل خذها معك بيتك وسكر باب غرفته ... بدر رجع يمسك يد اسماء وينزلها : وراك علقتي بعد انتي .؟! اسماء تنهدت : احتريكم تخلصون .. يله ننزل *** اليــوم التالي / نـــزلت ميهاف الساعة 5 لأمها بالمطبخ ..... ام نايف : شتسوين عندي هنا ..؟! روحي جهزي اغراضك وحوستك اليوم بتنقلون متى بيمديك ؟! ميهاف تنهدت بضيق .. ماتدري شتقول لامها تحس انها ضايقتها بما يكفي بمشاكلها هي وبدر : .. خلصت ماما اتركيني اساعدك ام نايف : متى امداك تخلصين غرفتك دنيا ! ميهاف : أعـاني ربي وخلصتها .. ام نايف : ومتى بيمرك اليوم ؟! قولي له يفطر معنا .؟! ميهاف : انا خلصت اغراضي ... يجي مايجي يفطر مايفطر مدري عنه عاد ام نايف : أعــزميه طيب مو حلوة من رجع ماعزمناه ميهاف : مو ضروري .. بيفطر عند امه وطلـعت مباشرة قبل تخضعها امها لتحقيقها اللي مايخلص ... تنهدت وهي ترفع جوالها وتدق على اسماء : هلا ميهاف ميهاف وهي تجلس على الدرج : شفيه صـوتك !؟ معقولة تعبانه صدق .؟! اسماء : لا ... بس كنت نايمة ميهاف : أهـا .. صح النوم , وكيف صحتك ؟! اسماء : مافيني شي بس بدر مهـول لاتصدقينه ميهاف : طبعـا بيهول ... يدور لنفسه عذر بسرعه قبل يبلش يسكن معي اسماء كانت تو صاحية بجد .. عدلت جلستها : من يبلش معك من جدك انتي تتكلمين ؟! ميهاف تنهدت : لا مو من جدي .. تحمست بالحكي شوي , بس حبيت اشوفك تحسنتي ولا لا عشان اعرف بدر بيجي اليوم ولا لا ؟ اسماء : ماعــليك منه بيجي طبعا .. انا ماحتركه يجلس ميهاف : لا اتركيه ع راحته ... يكفي ضغطتوه يخطبني ويتزوجني اسماء : عن الحساسية ميهاف .. وربي بدر يحبك يموت فيك بس انا امس كان نفسيتي شوي منتهيه وهو اشتحن ميهاف : مين قالك متحسسة .؟! انا بس ابي اعرف بيجي اليوم ولا لا عشان اشوف اتفشل عند اهلي مرة ثانية ولا كيف ؟ اسماء تنهدت بضيق : خلاص من عندي اليوم بيجيك هو امس ع العشاء يتكلم مع امي على هالاساس يعني بيجيك .. ميهاف : ................ اسماء : صدقيني ميهاف ... حتى امس اشوف شناطه برا غرفته يعني جالس يستعد بعد هو ميهاف : يــله اجل .. اكلمك بعدين اسماء : بــاي سكرت اسماء السماعة وهي تطالع نفسها بكسل بالمراية المقابله سريرها : بالله تعستي حياتك وحياة اللي حولك مبسوطة يانحس .؟! انسحبت من سريرها وهي تبدل لبسها ... وتعدل شكلها شوي وطلعت أول مانزلت حصلت بدر بالصالة مع العائلة كلها ابتسمت من قلب .. اخر يوم له هنا لازم تنبسط وتتركه يروح بحياته مبسوط : صبـــــاح الخير كبس بدر بعيونه : صبـاح النور ... لها زمان الشمس ما اشرقت فراس مافهم الجملة الغزلية : كل هالحـــر اللي ضربنا والشمس ما اشرقت ؟! بدر : قصدي شمس بيتنا ... سومتي فراس طالعه وطالعها بنص عين دون يعلق : . . . . . . ام فراس : فراس ! فراس وهو له ساعة يتهرب من امه تحاكيه بالمكالمات : يالبيه ام فراس : وبعدين يعني ..؟! لي يومين اشحذ منك حل .... ترا تعبت من اللي يتصلون من قرايبنا ويقولون وش طلعت السالفة ؟! فراس : الله لايشغلنا الا بطاعته .. كل هذا حشريه بهالعالم ؟! ماينشغلون بحياتهم ؟! ام فراس : عاد هذا اللي صار ... عطني وش اقولهم ! اسماء : شفيك يمه قولي الصدق ... قولي ولدنا بدا يفقد السيطرة على نفسه بدر : هههههههههههههههههه قولي لعمتي ام عبدالمجيد عشان بالمرة يتزوج فراس ام فراس : بس انتي وياه ! وش هالملاغة ! فراس : انا مدري مزاجي زفت صدق ولا اللي حولي صايرين ثقيلين دم بزيادة ؟! ام فراس : ماعليك منهم .... بس انت مشكلتك مو راضي تقول وش صار حتى ؟! فراس : لأنه ماصار شي عشان اقوله بدر : ماصار شي ..؟! كل هذا وماصار شي فراس التفت له : انت شتبي .؟! انقلع خم عفشك واذلف لبيتك بدر : شفيك جالسين نتناقش مشكلتك ... ماتبي حلول يعني ؟ فراس : انت حل مشاكلك وتعال قابلني بدر : مشاكلي محلولة ولله الحمد اسماء : انتو تناقرون وامي هنا تحتري جواب يافراس فراس : انتي تلايطي .... " رن جـواله .. طالع المتصل وقام " اسماء : يتهررررررب يايمه يتهرب !! ام فراس : انتي وياه اسكتو ! لاصرت اكلم اخوكم فتراني غنية عن تدخلاتكم ! الله يستر على وليدي اذا اخوانه ذاك كلامهم مابه عتب على الغريبين هجل *** لـــؤي ... اثناء ماهو مستلقي باحباط على كنبته والسماعة بإذنه : ماحصلتها .. فراس : انا قايل لك ... انك بتروح دون فايدة , لا وناوي توصل امريكا كمان لؤي والإحباط واضح بصوته : ماتركت محل ... من امس مانمت مابي احصلها ابي احصل اثر لها يدلني عليها مو محصل فراس : لؤي ..؟! تبي نصيحتي ؟ لؤي : شنو ..؟ فراس : أرجع للرياض .. كلم ابوك .. استقبل غضبه .. وعقبها قرر تحصلها ولا لا ! انا مو فاهم ليش تتعب نفسك تحصلها وابوك وقت يدري عنك راح يرميها لك بآخر الدنيا ويطلقكم غصب لؤي : مقدر فراس مقدر ... كم مرة اقولك انا ؟! فراس : اجل صدقني ماراح تلقى فايدة حتى اذا حصلتها اللحين .. لؤي : ..................... فراس : لؤي انا عندي مكالمة على الخط لازم اسكر ... اكلمك بعدين سكر السمــاعة ولؤي سند راسه على كنبته ... وهو يحاول يفكر بمكان ما دوره فيها : ...........انا الغلطان .. مفروض ماتركتها ورحت .. مفروض ماتركتها ورحت غبي ما أفهم ! ( - لؤي قبل يســـافر الرياض بالمطار ... وسارا واقفه معد تودعه : راح تطـــول ؟ لؤي : مو مرة وكل اللي ابغاه منك تكونين بخير لين ارجع ... مو تمرضين ! سارا : ماحمرض لاتخاف .. انتا اهم شي انتبه لنفسك لؤي تنهد بشوق : والله مو هاين علي فرقاك ... من اللحين احس بتأنيب ضمير انك بتجلسين تنتظريني سارا : اذا ما أنتظرتك مين انتظر .؟! لؤي ابتسم : حتى لو تأخرت سارا : ان شاء الله عشر سنين تتأخر بنتظرك لؤي ابتسم وهو يسمع النداء لرحلته : تامرين على حاجة قلبي ؟ سارا : سلامتك طمني أول ماتوصل لؤي : انتبهي لنفسك ... " ضيق عيونه فيها " ولا تبتسمين بوجه رجال غيري سارا بنعومة : ان شاء الله لؤي : وفي قاعة الإجتماعات اجلسي بزاوية الجلسة سارا : ولا يهمـــك لؤي : وماله داعي تكشخين كل يوم ... مابيك تلفتين احد سارا بنفاض صبر : اوووووووووووه لؤي خلاص الطيارة بتفوتك تنهد لؤي وهو يبوسها : يله انا ماشي .. اشوفك على خير سارا وهي تلوح له تودعه : على خير ) رجـع الألم يعتصر قلبه ... لو عارف ان هذي اخر مرة اشوفك فيها كان تكلمت اكثر ... سولفت اكثر ... كان ضميتك .. كحلت عيوني فيك ... : اللهم اني لا اسئلك رد القضاء لكني اسئلك اللطف فيه .. *** بعـد صلاة التراويح ... دخل بدر البيت بعد ماخلص ترتيب اغراضة بسيارته : يله يمه انا ماشي تامرين على شي ؟! ام فراس : سلامتك حبيبي الله يوفقك اسماء وعيونها تلمع دموع .. هاليومين له دور كبير بنفسيتها واللحين بيروح : .................. بدر ابتسم : لا تحاولين تبكين اللحين عشان ارحمك واقول بجلس ! خلاص طول اليوم مبسوطة يكفي اسماء وهي تضرب كتفه بخفه : مالت ... هذا وانا بشتاق لك بدر : انـــا اكثر ... بس لاتخافين من بكرة تحصليني قدامك او انتي تعالي اسماء : ايوه كلام بس ... من لقا احبابه نسى اصحابه بدر : يله سيــــمو ياحلوه اشوفك على خير باسته ياسمين بخده بنعومه : سلم على ميهاف بدر : يله اجل هالبيت رسميا بهاللحظة ينعتق مني .. عقبال ماتعتقينهم كلهم يمه ام فراس : ههههههه آمين بدر : طبعا فراس مو محسوب هذا بينشب لك لآخر عمره ام فراس : واي لبى قلبه ولبى نشبته ركب بـــدر سيارته .. وهو يتوجه لبيت أبـو نايف أول ماقرب دق عليها : هلا ؟! بدر : خمس دقايق وانا عند الباب خليك جاهزة ميهاف : ماحتدخل تسلم على أهلي ؟! بدر : لا بعدين فرصة ثانية .. اللحين الوقت متأخر يادوب نلحق ميهاف : ماشــــي . أول ماوصـــل طلعت له ميهاف مع السواق اللي شايل اغراضها .. نزل بدر وساعده يحملها ثم ركب : كذا خلاص ؟! ميهاف : أيـــوه .. فيه اشياء مالحقت عليها بعدين ان شاء الله بدر عقد حواجبه : وليش مالحقتي عليها .؟! اجلس احمل كم مره يعني ؟ ميهاف : والله إنت اللي ماعطيتني خبر أكيد إلا بآخر لحظة .. بدر : لي اسبوع اقولك بيتنا بيجهز هالأسبوع ! ميهاف : ايوه وفجأة جيت قلت مقدر ! بدر : قلته متى ؟! امس ؟! امداك تحوسين اللي رتبتي هالاسبوع كله يعني ؟! ميهاف تنهدت : تعوذ من الشيطان تو راكبة السيارة .. بدر تنهـد .. وبعد فترة صمت سأل : كيفــك ؟! ميهاف : حمدالله بدر : وكيف عمي وخالتي ..؟! ميهاف : بخيــر ... بما انك مانزلت تسلم عليهم شرايك نزورهم بكرة ؟ بدر : لا بكرة اذا بنزور احد بنزور اهلي .. اهلك بعدين ميهاف : اللي تشـــوفه .. ظل الجـو صمت متوتر .. حتى لو احد يبغى يتكلم مافيه مجال يتكلمون سوا .. أول ماوصـــلوا وقف بدر سيارته قدام الفيلا الصغيره العصرية .. باللون الرمـادي الموف .. نزلت ميهاف وساعدته يدخــلون الاغراض .. كانت الفيلا عبارة عـن درج أول مايدخـلون لمجرد ترتفع الفيلا للدور الثاني .. يعني الدور الأول فارغ مجرد درج .. وعبارة عن صـــالة رايقة بالوان الفضي والكحلي والأبيض .. ومطبـخ صغير وغرفتين فاضيـــة لأي شي يحتاجونه بالمستقبل وغرفة ضيـوف وكل هذا يعتبر على وتيرة فخامة متوسطة .... انا الفشخرة الأساسية بجناح النوم أرضية السرير لها درج مرتفع عن باقي سطح غرفة النوم بالنص وفوقها سرير دائري كبير ..وجدار كامل بغرفة النوم زجاجي بزخرفات نبــاتية ناعمة وقدامه جلســـة رايقة لهم .. وجدار غيره عباره عن فتحـات انارة بطريقة عصرية رايقة .. وداخل غرفة النوم غرفة مكتب له وغرفة ملابس وحمـام , وكل هذا تصميم بدر ميهاف أول مرة تشوفه اساسا رفض تدخلها من البداية : ................ بدر : شــــرايك .؟! اذا فيه شي مو عاجبك نقدر نبدله او نعدله ميهاف : مــرة جميل .. لا عاجبني حمدالله بدر : كنت مفكر احط لوحة بغرفة النوم لصورة زواجنا بس قلت اتركك تخاترين الصورة على ذوقك بعدين ميهاف : كل صور زواجنا حلوة .. لو مختار أي صورة بتزبط بدر : ........................ ميهاف جلست شنطتها على الطـاولة وهي تنزع عبايتها / إبتسم بدر وهو يتكتف ويطالعها : رجعي عبايتك ميهاف : ليـــه ؟! بدر : لحد ما أخلص كلامي بس عشان اركز عقبها سوي اللي تبين ميهاف رفعت حاجبها : بالله ؟! بدر وهو يقرب ويحاوطها من خصرها ويهمس بإذنها : .. والله ميهاف صوبت اصبعها لصدره وهي تبعده بخفه : بروح ارتب اغراضي مو ناقصة بعدين يتراكم الشغل بدر وهو يرجعها لحضنه : اساعدك فيه بعدين .. اللحين خلينا باللي فيه ميهاف بدلع : واذا قلت لك للحين زعــلانة ما أبغى بدر : بقولك مالك الا اللي يرضيك .. آمري بس ؟ ميهاف : أيــواه بس ... مامداها تكمل طفــــى الكهرب !! كبست عيونها : شصار ؟! بدر : مدري انا شايف شي عشان اعرف وش صاير ! بعد معاناة عشان يوصلون لحاجة تنور وصل بدر لجواله : هذا أول البركة يعني يطفي الكهرب !! ميهاف : غريبة والله المنطقة كلها ولا بس حنا .؟! بدر وهو يــدق بجواله : الــو ؟! ........ معليش حنا بمنطقة ***** والكهرب طفى فجأة شالمشكلة .؟! .............اها .... ومطول ..؟! سكر السماعة وقال بنرفزة : المنطقة كلها ميهاف خذت جـوالها وهي تفتح شناطها وتطلع اللازم ... وزعت الشموع بالبيت كله : هههههههههههههههههه بدر طالعها بنص عين : شاللي يضحك ؟! ميهاف : هههههههههه وجهك .. يالله مرة متنرفز بدر : لاتنبسطي ووجهك ترا هذا فال نحس ميهاف وهي تحط الشمعه بمكانها : ولا أنا بصدقك .؟! بدر تافف : شنسوي اللحين ؟! ميهاف : انا عن نفسي بقوم اكف وارتب .. بدر عقد حواجبه : وأنـــا ؟! ميهاف هزت كتوفها : ما أدري عنك ... شوف لك شغلة طالعها بدر وهي تسحب الشناط لداخل وترتب فيهــا ... تنهد بملل وهو يتمدد على اريكته ويفتح جـواله : تجي اسوم تقولي حظها نحس عشان اسطرها اثناء عبثه بجـــواله تركيزه مشتت فيهـا وهي تشتغل ... سماعاتها بإذنها ومو يمه نهائي وتتمايل بنعومة وهي تشتغل , توقف بنص شغلها ترش عطرها وترجع تكمل ... بدر وعيونه زايغة فيها : .............. ميهـاف مو يمـه نهائي .... انسجمت مع اغنيتها المفضله وهي تكمل شغــــلها ما جت الساعة 3 إلا وهي خالصة شناطها راحت لبدر بالصالة : معقولة للحين ما اشتغل ؟! بدر : هـاه ! ؟ ميهاف عقدت حواجبها : الكهرب الكهرب ! شوف الساعة كم ؟ بدر : شعرفني دقيت عليهم قالو مشكلة في الصيانة ... عموما انا " مامداه يكمل جملته اشتغل الكهرب " ميهاف : واو اخيـــرا شعقبه مابغو .؟! بدر : من جـد .. نكدوا اول يوم لي ببيتي ميهاف : مابقى شي على الأذان ... بجهـز السحور عسى نلحق مره مانتبهت للوقت بدر : الثلاجة فاضية من وين بتجهزين ؟! ميهاف : ههههههه كنت حاسة امي جهزت لنا سحور جعلني فداها بدر رفع حواجبه : واو ميهـاف .. مبدئيا انتي زوجة معتمد عليها ان شاء الله ميهاف تخصرت : بالله .؟! تو تكتشف ايش حاسبني بالله بدر بين اسنانه : لا تتخصرين مابقى شي على الفجر اوقفي زي العالم ميهاف حبست ضحكتها وهي تجهـز السحور ... اثناء السحور : ميهـاف ميهاف : همممم بدر بصعوبة : لا مو شي خلاص عقدت ميهاف حواجبها : شنــو ؟! بدر وهو يرفع كاس العصير لفمه : مافيه شي قلت لك .. ميهاف : اجل ليش مناديني ؟ بدر : نسيت . ميهاف : اقول بـــدر احد ساعدك بتصميم البيت .؟ بدر : لا ليه ؟ ميهاف : نهائي .. ولا حتى واحد من ربعك ولا امك ؟ بدر : امي بغت تساعدني ورفضت ... وربعي من يساعدني منهم ؟! كلهم زلايب اولهم اخوك ميهاف بدفاع : شفيه اخوي ؟! بدر : زلابه ! اجل انا يوم عرسه ماخليت شي ماقمت به ... وهو اقوله تعال بس عطني رايك يسحب علي ميهاف : ايوه لأنك طالب من نايف ... بس لؤي ماكان بيقصر بدر : ولا لؤي اللي كلش ما شاء االله ؟! لؤي يحسسك بكئابة من كلش مدري كيف ميهاف : كلش إلا اخواني عاد ! ما ارضى ترا بدر : هههههههههه اخوانك ولا غيره هذا الحق . ميهاف : جعـلني فداهم والله اشتقت لهم من اللحين .. خصوصا فهود بدر رفع حواجبه : تلمحين لشي ؟! ميهاف : المح لك اني احبهم وما ارضى عليهم ... فانتبه هاه كلش إلا اهلي بدر : انا أهلك ترا اللحين مو هم ميهاف : ما شاء الله اسحب على كل هالسنين عشان كم شهر معك ؟! بدر : كانك محقرتها هالكم شهر .؟! ميهاف وقفت المعلقة بنصها وهي تسمع الأذان : اوووووه ماشربت موية بدر : خل اخوانك ينفعونك اللحين ... لو ماكله بدل تدافعين عنهم لحقتي تنهدت ميهاف باحباط وهي تشيل الصحـون وتتوجه بها للمطبخ .. بدر وهو يراقبها تروح وتجي بعيـون زايغة : استغفر الله ... مشروع افطار صائم متحرك هنا ميهاف من المطبخ : بــــدوري ؟! بدر : نعــم ! ميهاف : تعال شوي ابيك ماقدرت اشبك الثلاجة بدر دون نفس : متأخر على الصلاة بطلع دبري نفسك وطـــلع مباشرة دون يعطيها فرصة ... كبست ميهاف بعيونها وهي تسمع الباب يتسكر , زفرت ورجعت تلبس القفازات وتغسل المواعين .. ثم توجهت تصلي الفجر وتحس معنوياتها متجددة وتحس بلذة عجيبة وهي تمارس نشاطاتها بهالبيت وتستوعب انه بيتها خلاص .. *** صحـت ابتسام بدري زي كــل يوم .. اثناء ماهي تستعد للدوام انتبهت لجوال نايف يرن وهو يمد يده بكسل ويرد عليه : نعـــم .؟! ................ من معي ؟! ...... " تغيرت تعابيره وهو يعدل جلسته .. ونطق بجدية " شتبي ؟! ......... خير ان شاء الله سكر السماعة ... طالعته ابتسام : مين ؟! نايف وهو يمسح على وجهه : ماراح نخلص من المشاكل حنا صدقيني ابتسام : شالسالفة نايف خرعتني نايف : هذا أحمد ... يقول جايك ابي اشوف بنتي وابي اكلم غادة بموضوع ابتسام : غـــريبة ! نايف : بتداومين ؟ إبتسام : لا بعتذر ... كيف بداوم !! لحظه انزل اشوف غادة تجهز رنيم نزلت إبتسام وهي تفتح البـــاب على غادة اللي غاطة بالنوم ورنيم جمبها : غادة ! ..... غادة " هزتها " غغغغدوو فتحت عيونها بكسل : هاه ابتسام ؟! ابتسام : قومي بكلمك ! استقعدت بكسل وهي تفرك عيونها : شالسالفة مصحيتني هالحزة حرام عليك ابتسام : احمد كلم نايف ... يبي يشوف رنيم غادة فتحت عيونها على وسعها : نعــــــــــــــــــــــــم .؟! إبتسام : مالك حق تمنعينه .. خلينا نسلم من المشاكل تكفين مالنا خلق يشوفها بنته وبيطلع غادة بانفعال : والله تو تذكر ان عنده بنت ويبي يشوفها ..؟! تبيني اصدق اني من رجعت لبيتك ماكلم ولا سأل حتى لما جا البيت وسوا عملته ما سأل عنها رماها عند الباب إبتسام : غادة قلت لك مالي بالمشاكل !! قومي جهزي البنت خليها تسلم على ابوها وخلصنا قـامت غادة وهي تتحلطم وتهزأ فيه طول ماهي تشتغل : ..................... عند نايف / فتح الباب دون نفس : يالله صباح خير .. الناس برمضان يزورون مغرب عشاء ! مو على صبح الله احمد : تمنعني من بنتي يعني ؟! نايف : الله يعيني على مابلاني ... تفضل ادخل دخـل نايف معه المجلس ... وقال وهو يتحلطم : غادة وضيوفها استعملت المجلس اكثر مني بعد فـــترة سأل احمد : وينها ؟! نايف وهو متكي ومغمض عيونه ونص نايم : بتجيــــك . بعد خمس دقايق انطق الباب ... فتح نايف الباب وهو يستلم رنيم من ابتسام : هذي هي البنت تفضل اخذها احمد بين يديه وهو يبتسم لها ويلعب معها ..: وين غادة ؟! نايف : ياليل انت تبي غادة ولا البنت ؟! احمد : ابي اتكلم مع غادة .. زفر نايف وهو يقوم : ابتسسام ابتسام : هلا . هاه شصار ؟! نايف : يبي يكلم غادة قولي لها تجي إبتسام : الله يجعله خيــــر .. غادة كانت بعبايتها بالفعل .. كانت حاسه انها بتحتاج تدخل وقفت عند الباب : السلام عليكم احمد : وعليكم السلام ورحمة الله وبركاته غادة تكتفت : شتبي ؟! احمد : انا جاي أقولـــك اني راجع لجـدة ... ومستحيل انقطع بجدة بعيد عن بنتي وباخذها معي غادة انصدمت .. دارت الدنيا فيها ..... بردت اطرافها .... نطقت بعدم تصديق : شــ شنو .؟! احمد : بنتي باخذها ... وعشان ما أعتبر نفسي قاسي انتي وضعك صعب هنا فماعندي مانع ارجعك ونرجع سوا ! غادة بانفعال وهي تحس الموضوع كله مزحة : شنو ؟! شنو تقول انت !!! تمزح معي ؟! شنو اخذ رنيم شنو ارجعك !! احمد : ماتبين ترجعين لي يعني ؟! غادة : أحمد انت تمـــــزح ! احمد : احسن اساسا ماحتحصلي احد مثلي غادة بانفعال : يعني بالعقل انا تاركتك عشان ادور مثلك !! حمار انت .؟! احمد انفعل : احترمي نفسك وعن الغــــــلط !!!! بك ولا بدونك باخذ بنتي غادة ودموعها نزلت تلقائي اثناء غضبها من الفكرة بس : شنو تاخذها ؟! انا امها تاخذها بعيد عني .... ِشلون تبي تعيش بنت دون امها شلون ؟! احمد : والله حرمتي مابتقصر بتنتبه لها ! وامي موجوددة .. حياتها واقفة عليك يعني ؟! اساسا فشلتينا توصل فيك يجوني رجاجيل يتكلمون عن تقصيرك في بنتك !! واضح قد ايش انتي مهتمه ياهانم ؟! غادة : مين قالك اني مو مهتمة فيها .؟! انا بعت دنيتي كلهـــا عشانها ! نايف دخل المجلس : شالسالفة ليش اصواتكم طالعة .؟! احمد نطق بعصبية : ولد عـــم نايف رئيسي رئيسي بالشغل بنفسه منتبه وملاحظ انك مو هامك بنتك !! غادة نطقت بصدمة : فــــر .. راس ؟ نايف : شصاير شالسالفة .؟! غادة رجع تهديده يتردد براسها .... كذا قصــدة .؟! توجهت لأحمد بانفعال وهي تسحب رنيم من يديه وتطلع مسرعة لغرفتها وتسكر عليها وتقفل الباب قفلتين وتحضن راسها بين يدينها .... الحقير يبي ياخذ رنيم مني ... لااا مو لهالدرجة مستحيل ... |
رد: انتماءات كاذبة
فراس كل مدى ما بيزيد رصيد سيئاته بالرواية
ياريتها مارجعت الورقة لا وكمان كانت زعلانه عليه ايه حكايته ده يحرم العيال من أهاليها ، أعوذ بالله هيثم يعنى النهاردة بني آدم شوي بس بعد ما أسماء قررت تشيله من دماغها لؤي وجع القلب كله ، اتمنى بس يتلحلح شوي يالله بانتظار الأحداث وبالتوفيق ان شاء الله |
رد: انتماءات كاذبة
اقتباس:
وهيثم لا فات الفوت ماينفع الصوت نورتي الحتــه حبيبتي |
رد: انتماءات كاذبة
قمــــــــــة الإحباط اني راح اضطر انزل تشابتر ومافيه غير رد واحد من ضمن مشاهدات تعتبر لا بأس بها ,
ردودكم هي دعـمي الوحيد فاتمنى محد يبخل فيها ") |
رد: انتماءات كاذبة
" الفصل الثالث والثلاثين "
- ذآت مســاء أخبرني أنه أحب " إبتسامتي " فـ أخذها , ورحل .. !! : هيــــثم .؟! هيثم !! مستمـر بطريقة دون يلتفت عليها : ........ نزلت دمـوعها وهي تركض وتحـاول توقفه : هيثم ! اخيرا .. التفت بنظرته المشؤومة : شتبغين .؟! مو استسلمتي .؟ روحي بطريقك اجل وش تبغي فيني ؟ : لا أنت فاهم غلط انا ابيك ! نظرة احتقار : لا واضح .. " احتدت نظرته " تغيرتي منتي على خبري " اســــــــــــــــــــمااااء " كبست بعيونها وهي تصحى من نومها ... مسكت صدرها بضيق وهي تتنهد : حتى بالنوم ما ارتاح .؟! ضمت وسادتها لصدرها وهي تعتصر ألم : انت فاهم غلط .. أنفتح الباب ودخلت ياسمين : اسماء ! اسماء وهي دافنه راسها بوسادتها : وش ؟! ياسمين : انزلي امي تبغاك ! بدر وميهاف عندنا اسماء : جايـــه .. اول ماطلعت ياسمين رفعت راسها وهي تطالع نفسها بمرايتها ... شحوبها زايد صحتها متعبه هالفترة .. نزلت من سريرها وهي تدخل الحمام تغسل وجهها وتضبط شكلها .. نزلت وهي تسمع اصوات الضحك والسوالف من تحت وصلت وهي تشـوف بدر وميهاف جمب بعض بالصالة ويضحكون .. وامها وياسمين وانس , وواضح على ميهاف حيوية العروسة بشكلها وضحكتها رفع بدر عيونه لأسماء اللي نزلت : هلااا والله .. صـح النوم ! بغيت اصعد لك لو مانزلتي ميهاف : هلا والله وينك يادجاجة كل هذا نوم .؟! اسماء دون نفس وهي تجلس : وانتو شتحسون به ترا عندكم بيت وش جايبكم .؟! بدر : عندنا بيوت ابشرك مب بيت ام فراس : اييه والله صادق .. هذا بيته بعد ! اسماء وهي ماتبي تطالعهم حتى .. طاقة الحياة الزوجية حقتهم تكئبها : وبتفطرون هنا ؟! ميهاف : والله حبيبتي عشان ماتقولين زلابه وماوراي سالفة ... بدر هو اللي مارضى الا يفطر معكم اليوم ام فراس : حياكم الله والله بتنورون ... عاد اليوم فراس معزوم زين جيـــتو توسعون صدورنا ميهاف : إلا اقولك اسوم .. شفتي المعرض الصيفي حق الجامعة .؟! اسماء : لا وش هذا بعد ؟! ميهاف : معرض فنون .. امس اشوف المسؤولة تراسلني تبغاني اداوم معاهم اسماء : وبتداومين .؟! ميهاف : هو المعرض 4 ايام بس ... فانا اقول وش خسرانة اساسا تعرفيني اموت على هالشغلات , بس قلت اذا حمستيني نروح سوا .؟! اسماء : لا ماراح احمسك ولاترجيـــن مني شي .. انا زين فيني اصحى من النوم اصلن , ورمضان من اللي له خلق يداوم ميهاف : ايه بس مايعتبر دوام ... يعني احس سعة صدر اكثر بدر : ميهـاف .؟! ميهاف التفتت له : لبيك بدر : جاية تناقشين اسوم تروحين ولا لا وانا أول مرة اسمع بالسالفة .؟! ميهاف : هذا انت موجود تسمع .. بدر : لا اقنعتيني ... روحي عيشي مع اسوم اجل اسماء تقهره : خلها تعيش عندي لبى قلبها .. احسن من العيشة عندك صدقني بدر وهو يطالع ميهاف : اوك موافق اجلسي مع اسوم يله .. " التفت لاسوم " وانتي وش لبى قلبها .؟! اسماء : وش وش لبى قلبها .؟! احبها واقول لبى قلبها بدر : ما أحب اللي يحبون اللي احبها .. فلبقي على جمب أسماء : بالله يعني تكره كل اللي يحبونها .؟! شالمفروض نسوي نكرهها عشان تستانس حضرتك بدر وهو يلتفت لميهاف بنظره لها معنى : ايه ما امانع اساسا انا لو بيدي .. اصنع قلبها من جديد بدون ماضي ولا أصحاب ولا غيره اصير وحيد قلبها والسلام وردت خـدود ميهاف وهي مو عارفه شترد حتى : ................ ام فراس : هههههههههههههههههههه هاه ياميهاف موافقة .؟! ميهاف : وهـو موافقتي تفرق شي .؟! أسمـاء وقفت : ماما انا بروح اشرف على الفطور ام فراس : جعـــله أول ! ميهاف : هاه شـنو اسوم .. ماراح تروحين معـاي يعني .؟! اسماء بكئابة : لا ميهاف نهائي نهائي مالي مزاج أول ماطلعت اسماء همس بدر لميهاف : حياتي روحي الحقيها شوفي شفيها .. ميهـاف : من عيـوني طلعت ميهاف لأسماء بالمطبخ .. حصلتها جالسة على الكرسي ومسندة راسها على يدها وشاردة قربت منها بخفة ونغزت خصرها : بـــــــو ! التفتت لها بكسل : وش جابك .؟! روحي ارتاحي ميهاف وهي توقف قدامها : جيت اساعــدك ع بالي بجد عندك شغل ! طلع ماوراك سالفة تعالي اجلسي معنا اسماء : انتظر السواق يجيب الأغراض وببدا اشتغل ميهاف : وانتي من متى تشتغلين وتطبخين اساسا .؟! اسماء بنرفزة : اففففففففففففف ميهاف ! من اليوم ميهاف : واو اوكيه هدي شوي ليش معصبة كذا .؟ اسماء : مو معصبة بس بجد تو صاحية ووراي شغل ! وانتي شغاله لي اسألة من متى تطبخي وليش تسوي ! ميهاف عقدت حواجبها وهي تمسك كتفها : اسوم فيك شي .؟ لما قالي بدر ان لك فترة مو طبيعية ماصدقته .. بس اللحين بجد ايش فيك ؟ صاير معك شي .؟! منتي على خبري اسماء انعصرت .. قالت بهمس تكلم فيه نفسها : هو كمان قالي هالكلمة بالحلم ميهاف : شــنو .؟! اسمـاء نزلت راسها دون تعلق : ...................... ميهاف : اسوم انا ملاحظة من فترة زواجي بس ماحصل لي وقت اقولك ... متغيرة مرة منتي اسوم اللي اعرفها وحتى اذا انبسطتي يوم بالغلط ترجع لك الحالة مباشرة اسماء : يتهيأ لك ... ميهاف : لا مايتهيأ لي ! وين اسوم اللي كان تسأل عني ع طول و24 ساعة تكلمني ... انلميتي على شلة ميسون ومن عقبها ما كأنا ربع اسماء بعصبية خفيفة : وأنتي كمان ماكنتي تسألين ! قلتي ملاحظة من فترة زواجك ... وتو قررتي تسألين .؟! ميهاف : مو قصدي اسماء بس انتي عارفه ايش كنت اسوي .. كنت مشغولة بجد الزواج والحوسة وعقبها شهر العسل وتو ركدنا اسماء بقهر : إذا انتي ما سألتي يعني مشغولة ! واذا انا ما سألت يعني تغيرت ! ياسلام !! ميهاف : انا مو جالسة أذنبك او أذنب نفسي .. انا احاول افهم شصاير معك .؟! اسماء حست ان عواطفها جالسة تنجرف .. والدموع تجمعت بعيونها تمالكت نفسها ونطقت بهدوء وهي توقف : لا تشغلين بالك ميهاف .. انا تعبانة شوي مانمت امس بصعد ارتاح .. وقفت ميهاف مبهوته بالمطبخ ... شصاير يا اسماء ؟! وش غيرك كذا ؟!! *** دخل نايف لداخل البيت بعد مغادرة أحمد استقبلته ابتسام بقلق : شصاير .؟! نايف مسح على وجهه بتعب : وش صاير .؟! الرجال يبي بنته فتحت ابتسام عيونها بوسعها : مو بكيفه !! نايف هز كتـوفه : والله مدري وش أقول لك .. السالفة تعقدت ابتسام : وبعدين غادة دخلت لي معصبة وتتحلطم وتسب في فراس ... شدخله .؟! نايف : هو اللي مدبر كلش .. طرد احمد من وظيفته وعطاه صلاحيات ومحامي يقدر ياخذ فيها بنته وحضانتها إبتسام بعدم تصديق : مستحيل .؟! ليش يسوي كذا !! مو رجعت ورقته .؟! نايف : وين غادة اللحين .؟! إبتسام : دخلت غرفتها وهي معصبة وقفلتها ومو راضية تكلمني حتى نايف تنهد بتعب : عموما أنا بكلم فراس اليـوم ان شاء الله .. وان شاء الله خير إبتسام مسكت يده برجاء : طلبتك نايف كلمه اللحين ... نايف فتح عينه : اللحين .؟! إبتسام برجاء : ايه تكفى نايف اللحين عشان خاطري ... والله ماراح ارتاح وانا اعرف ان احمد ناوي ياخذ رنيم بعيد ! انا احس اني بختنق وانا خالتها كيف امها ؟! تنهد نايف بتعب : لعيـــونك بس ... بصعد ابدل بس وماشي إبتسام : الله يخليك لي يارب ولايحرمني منك *** الســــاعة 4 ونص عصر / كانت ميهاف مع أم فراس بالمطبخ ... بينما بدر وأنس على البلايستيشن يلعبون " صوت الجرس " بدر وقف اللعبة وهو يقوم : ياويلك تغش ! راجع لك ركض لبـــرا وهو يجاوب : جااااااي .... " فتح الباب .. ورفع حواجبه وهو يبتسم " هلاااااااا والله اما نايف ! وش جايبك ؟! نايف : وانت شتسوي هنا .؟! مو على اساس رحتو بيتكم امس خلاص بدر : ههههههههههههه ايه بس جاي افطر مع الأهل اليوم ... حيـاك نايف : قبل ادخل ... اخوك هنا ؟! بدر وهو مستغرب نايف يبغى فراس : لا مو هنا ... غريبة وش تبغى من فراس ؟! نايف : ادق عليه مايرد قلت اجي البيت واضرب حظي ... بس الظاهر مو فيه بدر : ولا راح يفطر هنا ... بس انت حياك افطر معي وتكلم وش تبي بفراس ؟! نايف قبل دعـــوته ودخل ... اثناء جلستهم بالمجلس .. نايف : لا تعذب اهلك بفطوري انا بفطر ببيتي بس اقابل فراس بمشي بدر : فراس ماراح يفطر هنا ... اجلس افطر واكيد بيرجع قبل التراويح , بس تكلم وش فيك وجهك مو على بعض ! نايف : كذا وجهي وش تبي ! بدر : وش هالمزاج لا أفقع وجهك ! تكلم وش بينك انت وفراس نايف : أنت دريت طبعـا بسالفة فراس واخت مرتي بدر : أيه .. هي سالفة هاليومين وين ما اروح اسمعها نايف : أيـوه ع قولتك هذا وانت بعيد .. كيف انا اللي عايش مع بطلة الحدث بينفجر راسي بدر : ههههههههههه الله يعـــينك نايف : تضحك .. وش عليك ماخذ اختي ماراح تلقى منها عوار راس بدر : ههههههههههههههههههه هو السالفة تضحكني لأن اخت زوجتك هذي مجنونة ! لقينا اللي ترفع ضغط فراس اللي مسوي برستيج لنفسه هو وبروده نايف : هذي هي جالسة تدفع ثمن انها رفعت ضغطه ... اخوك داعم طليقها عشان يسحب منها بنتها بدر : ايه شي متوقع من اخوي نايف : بس يابدر ماينفع ! بنتها صغيره محتاجه امها .. غير كذا مهما كانت البنت غلطانة هي اعتذرت منه في بيتي وطاح الحطب خلاص بدر : طاح الحطب عندها مو عنـده .. تعرف فراس مايحتاج اذكرك بوش سوا يوم ولد التويجري لعب معه بالبورصة ! جلس يتحرش فيه لين كرهه بحياته نايف : ولد التويجري رجال ! مو حرمة ولا آي حرمة بزر مراهقة ماهي عارفة شجالسة تسوي ! بدر : ولأنها حرمة ع قولتك تلقاه حاقد اكثر .. نايف زفر بقرف : والســـواة اللحين ..؟! بدر حط يده على كتف نايف : لا تشيل هم أنت ارتاح وانا بكلمه لك وبقول للوالدة بعد تكلمه ... اساسا الشخص الوحيد اللي يمكن يأثر بقراره هو الوالدة نايف : ايه واللي يعافيك اكون ممنونك والله ... تعرف ماودنا نوصلها لشي كبير واللي يسويه عيب بحق نفسه حتى بدر : ولا يهمك من عيـوني انت روح ارتاح لك شوي ... وجهك تافل العافية يارجال نايف : تلومني ! لي اسبوع من مشكلة لمشكلة ماخلصت .. المشكلة ولا مشكلة تخصني بعد بدر : الله يعينك نايف : المهم لاتنسى تكلم فراس ... ورد لي مباشرة بدر : من عيــوني نايف : يله انا ماشي استأذنك بدر : اذنك معك حبيبي .. أول ماطلع نايف دخل بدر البيـت : يمــــــــه طلعت ام فراس له : لبيك .. من كان عند الباب .؟! بدر : هذا نايف ... جاي يبغى فراس ميهاف : نيــوف كان هنا .؟! ياشينك ماقلت لي اطلع اسلم عليه ام فراس كانت حاسة : لايكون عشان مشكلته مع غادة بعد .؟! بدر : ليش ماتدرين وش ولدك مســـوي .؟! ام فراس : وش مسوي ..؟! لا والله ما ادري بدر : رايح يدعـــم طليق البنت بفلوس ومحامي عشان ياخذ بنتها منها شهقت ميهاف : معقـــــولة .؟! ام فراس : متـــأكــــــــــــــد .؟!! بدر : ايه متاكد هذا كلام نايف تو جايهم طليق البنت وحالف يسحب البنت من يديها ميهاف : يؤ يؤ يؤ يؤ .. ام فراس : لا مو صحيح هالحكي مستحيل ... ولا وش دخل فراس اصلن بطليقها .؟! مابينهم علاقة حتى بدر : ايه انا استغربت بالبداية .. بس لما فكرت فيها فراس وقت يحط براسه احد يوصله لو تحت الارض ميهاف : معقــولة لهالدرجة .؟ صح ان الناس تكلموا كثير ... بس مو بهالطريقة كمان بيتكلمون اكثر ام فراس : كلمت اخوك شفت وينه .؟! بدر : كلمت مارد علي .. ام فراس : بيرجع اكيـــد عقب عزيمته وبفهم منه وش صاير .. مو معقولة يكون مسوي كذا ما اصدق دخلت ام فراس المطبخ ... بدر : والله مسكينة امي مو مصدقة بهالفراس .. واخرها بتنصدم ان اللي يقال حق ميهاف تنهدت : الله يعـــين والله المشكلة ان هالسالفة موضوعها حساس خصوصا وغادة بنت و ..... الله يهديها وش سوت بنفسها بدر : ومالقت الا فراس ... ماراح يفوتها لها لو تموت ! وهذي أول ضربه بس ميهاف : معقولة يسوي اكثر .!؟ بدر ابتسم بسخرية : معقــولة .؟! إلا اكيد بيسوي اكثر .. إلا وين اسوم ؟ ميهاف بضيق : تقول تعبانة مانامت فصعدت تنام لها شـــوي بدر : عمـوما إنتي وهالمشروع اللي مدري ايش ... من اللحين اقولك ماحتروحين ميهاف فتحت عيونها : ليش .؟! بدر : ماحبيت افشلك قدام اهلي .. بس هالمشاوير مالها داعي ولا لها لزمة ! وقت الجامعة ايام الدوام مو اجازة ورمضان ميهاف : إيـوه بس هذا تطوع فني وراح يحسب لي بعدين اذا احتجت اسوي عمل خاص فيني او شي بدر : ميهاف حنا لسى سكنا سوا .. وفوق كذا رمضان ! ماهو الوقت المناسب لهالمشاريع فانسي لي هالموضوع ميهاف حضنت يده بيدينها : مرة مافيه امـــل .؟! بدر طالعها بطرف عينه : لا تتميلحي مافيه يعني مافيه ميهاف : حتى لو مرة بخـــاطري .؟! ونفسي اروح بدر : أيـه حتى لو .. لأن نفسي فيك ونفسي اشوفك بالبيت ع طول مو بمشاريع ومدري شنو ميهاف باحباط : والله حرام مرة مصرة علي المشرفة لما راسلتني بدر بثقة : رضا زوجك أهم ! ميهاف بتصنع للزعل : الله يعيني على رضا زوجي بس .. يبيله جهد بدر : اقول مابقى شي على الأذان قولي اذكارك وشوفي امي ... انا بطلع اشوف اسوم ميهاف : ان شاء الله دخلت ميهاف المطبخ بينمـا صعد بدر لغرفة اسوم وطرق الباب طرقة وحده ودخل مباشرة .. استغرب مالها حس حصلها نايمة بجد بشكل فوضوي على السرير بالعرض وضامه وسادة بحرف H " الوسادة جزء من تكوين كلمة HAPPY " على كنبتها .. لكنها سحبت حرف الإتش وتملكته ... وواضح انها باكية قبل تغط بالنوم تأملها لفترة ثم طرى بعقلة .. الدفتر اللي خطفته من يده ورمته بين كومة كتبها .... توجه ناحية المكتب وهو يبحث بهدوء عن الدفتر اللي يحتفظ بين طياته سبب تعاسة دلـــوعته واخته ... اثناء بحثه ارتفع صوت الأذان ... فتحت اسماء عيونها بكسل وهي تستقعد بإرهاق انتبهت لبدر جالس على مكتبها شهقت : بسم الله ! شتسوي هنا ؟! بدر بتصريف: أبد جيت اصحيك ... ولفت انتباهي مكتبك قلت اشوف كتبك اسماء : طيب أذن ... انزل افطر بدر وقف قدامها وهو يمد يده : يله ننزل نفطر ... اصلن انتي وحده ماتستحي ! وجودي بهالبيت صاير زيارة ترا لا اكثر ولا أقل ... يعني وقت اجي تنثبرين قدامي لين اذلف !! سامعه .؟! ابتسمت ابتسامة صفراء : ســامعة .. *** اثناء ما غادة بغرفتها ... كانت تسمع صوت الأذان لكن مالها استجابة متكورة على كرسيها الهزاز وعيونها اللامعة بدموعها على رنيم وهي تلعب .. وقلبها يزداد رعبه وقت تحس انها ممكن تفترق عنها : ............... وقت سمعت صوت نايف دخل البيت ... وقفت مباشرة وهي تسمع كلامهم / ابتسام : شصار كلمته .؟! نايف : لا ... مايرد ولاهو بالبيت ! بس وقت اوصله راح اكلمـــه ان شاء الله ابتسام : يالله .... يعني سوا اللي سواه واختفى ! نايف بإرهاق : ابتسام واللي يعافيك .. ابي حاجة خفيفة اكلها بصلي بالبيت وبنام مافيني حيل إبتسام : تعال افطر زي العالم وش فطور خفيف ؟ نايف : مالي نفس ... ابي انااام وبس ! لو ما انام اللحين ماقمت للتراويح إبتسام : خلاص ولا يهمك ان شاء الله .. عــند غادة / رجعت عيـــونها تدمع ... وهي تجلس قدام رنيم اللي تضحك وهي تمد لعبتها لغادة توريها : ماااامااا شهقت شهقه مكتومة وهي ترد : ياعيـون ماما " ضمتها لحضنها " ماراح اتركهم مستحيل تبعدين عني ... مستحيل ما اعيش دونك ..حبيبتي انتي رنيم بانزعاج وهي تبكي اثر ضم غادة لها بقوة ... غادة افلتتها وهي تجلسها : امك صاير عندها هواية جديدة ... هواية انها تسوي اشياء تدري انها راح تندم عليها .. بس انا مستعدة اندم بكلش إلا انتي ... كلش إلا انتي عمري انتي .. والله لو تبعدين عني اموت ... مقدر اعيش دونك انا .. *** فـراس / بعـد ما طلع من صلاة المغرب ... وركب سيارته سأله السواق : لوين .؟! فراس : قبل تتحرك انزل الصيدلية اصرف الأدوية اللي بالورقة أول مانــزل السواق .. دق جواله تنهد بضيق وهو يطالع المتصل ويرد : هلا لؤي . لؤي : هلا فيــك .... كيفك .؟! فراس : حمدالله بخير ... انت اللي كيفك حالتك حاله صيام وسفر ! متى بترجع .؟ لؤي : تو وصلت واشنطن اللحين ... بفطر وبتأكد من كم عنوان يخصها فراس باقتضاب : اها . لؤي : وانت كيفــــك .؟! شخبار اصابتك عسى احسن ؟ فراس : تسكن شوي وتنغزني شوي ... حمدالله ع كل حال لؤي : اهم شي انت لا تهملها .. من يوم ليــــوم روح للمستشفى يشيكون لك عليها فراس : مو ضروري مستشفى ... اسنع نفسي دون لؤي : انا عارف انت ليش ماتبي المستشفى ! لأن اخر مره رحنا سوا قالك الدكتور مفروض تجلس بالمستشفى فتره ويمكن نجلسك بالمستشفى ! فراس : ترا حده دكتور مبتدئ يعني لا تاخذ بكلامه ... وبعدين انا مافيني شي لاتشيل هم ! اهم شي انت اخلص ارجع لؤي : ماراح ارجع قبل احصلها ... ولا وقتها ماله قيمة كل هالتعب اللي جالس اسويه فراس : من أول اقولك ماله قيمة ... بس أنت معند , الوالدة تدق اكلمك بعدين لؤي : ع خير فراس رد على امه : هلا يمه .. معليش تدقين علي وانا بالمسجد ماقدرت ارد ام فراس : وينك انت اللحيـــن .؟! فراس : ليش ؟! ام فراس : ابي اعرف متى بترجع البيت .. فراس : حاليا عندي كم شغــــلة ... يمكن ارجع عقب التراويح ان شاء الله ام فراس : بتطول يعني .؟! فراس : تبيني ضروري اجل ..؟! صاير شي ؟ ام فراس : ماصاير الا كل خير ان شاء الله .. احتريك اجل عقب التراويح ان شاء الله فراس : ع خيــــر *** هـــيثم :- بعـــد ما انتهى من عمله المكتبي طق رقبته وهو يطالع التقويـــم ... مر اكثر من اسبوع على آخر مرة جت , عقد حواجبه بضيق من تفكيره .. تافف وهو يسحب الملف ويطلع من مكتبه : اسمــــــــــــــااااء ! التفت بسرعـــة يدور ... لكن رجع احباطه لما طلع المقصود طفلة صغيرة تركض بالممر , ابتسم وهو يطالع الطفلة ونشاطها ( مو مرة يختلفون .. ) : هيـثم التفت للدكتور : هلا دكتور : ههههههههه شفيك مصفن بالبزر .؟! هيثم : لا مافيه شي اطالع بس يعني مراد : ماعلينا المهم .... بغيت اسالك بتمسك المناوبة اليوم ولا بتطلع تصلي .؟! هيثم : على هواكم .. مراد : معناها انت طلعت تصلي قبل امس ... اليوم انا بطلع المناوبة عليك هز هيثم راسه دون اعتراض ... فور مغادرة مراد رجع يلتفت لمكان الطفلة اختفت .. تنهد بضيق وهو يكمل طريقه وهو يهمس لنفسه : شكلي رسميا انجنيت .. *** الســـاعة 11 / دخل فراس البيـــت ..تحنحن وهو عـند الباب .. بدر : ادخــل مافيه احد دخل فراس وهو يجلس : السلام عليكم ام فراس + بدر : وعليكم السلام فراس طالع بدر : امداك تشتاق لنا .؟! بدر : حــرام اشتاق لكم يعني ..؟! ام فراس : المهـم ... فراس يمه بكلمك بموضوع فراس : الله يستر ... هاتي تفضلي ام فراس : انت مســـوي شي .؟! هاليومين قصدي فراس عقد حواجبه : مافهمت بدر على بلاطة : نايف اليوم جا ويقول انك داعم طليق البنت عشان يسحب بنتها فراس ببرود : طليقها .؟ وانا وش علاقتي بالموضوع ... اساسا ما اعرف الرجال بدر : تســـوقها فراس ؟! الرجال بنفسه قال للبنت انك جاي ومكلمه فراس هز كتوفه : يمـكن ام فراس : معقــــــــــــــولة .؟!! فراس تنهد : كل الموضوع ان نايف طلب مني أوظف طليقها عشان يرضى يطلقها ... وانا لما وظفته وسويت فيها جميلة مفروض تشكرني عليها ردت علي بهالطريقة ! فانا ماني ملزوم اتركه يشتغل عندي ودون شهادة !! طردته ...وعطيته تعويض لأن الطرد مفاجئ ... اذا هو قرر ياخذ بنته أو غيره انا مالي علاقة بدر رفع حواجبه : اقص يدي لو منت طارده عشان يسوي هالحركة فراس بتبلد : قصـها اجل ام فراس بضيق : طيب شلون نفهمهم اللحين ان مالك علاقة باللي يصير .؟! فراس تنرفز : شلون نفهمهم .!؟ ليش حنا مديونين لعيال الفقر بشي ؟!!! ترا ماشافوا هالعز إلا من ورانا ... واللحين صار لهم مقدار ولازم نفهمهم ! بستين داهية ان شاء الله عمرهم مافهموا بدر : يارجــال رمضان استهد بالله فراس : عمـــــوما ... حتى لو هالشي صار لها أنا ماراح يطلع مني إلا اقول أحسن ! وتنتظر الجاي راح يكون احسن بكثير ام فراس : يا ولدي وش لك انت بالمشاكل ! خلاص بزر وتعلمت درسها بدر : بجد فراس قفل الموضوع مالك خلق ترا تنقد نفسك مع الناس عشانها فراس : وهو انا منقود علي خلقــــه ! وين ما أروح أسمع نفس الحكي عنها .... " كمل بعصبية " وانا لو عارف أن هالحكي بيطلع كان سويتها وقفلت عليها خل يتكلمون بحق أقل شي بدر : وهو أنت ماقفلت عليها .؟! فراس عض على شفتها بقهر : أقول اقلب وجهك ... اساسا فيه ناس مثلك لازم ينسحب عليهم برمضان عشان ينقبل صيامنا ! انقلع لبيتك بدر : بنقلع دون تقــول .. اهم شي انا قلت لك اللي كان نايف جاي اليوم يقوله لك دام وصل انا اطلع من السالفة فراس : قول لنايف يصف على جمب أحسن له وقــف بدر عند الدرج وهو ينادي : ميهـــــــــاف يله مشينا عـند ميهاف / تنهدت بيأس وهي تقول لاسوم : يله اسوم انا ماشيه ...وترا عازمتك بكرة حياك وأي وقت تبين اسماء : مقدر اجي ... استانسي انتي تو نقلتو سوا وخليك مني مالقت ميهاف رد ... لها ساعة معها تحاول تقنعها انها تروق وتشكي لها بس مافيه امل .. لبست عبايتها ونزلت ماحصلت بدر ... نزلت راسها وهي تنطق بصوت معتدل : السلام عليكم ام فراس + فراس : وعليكم السلام ام فراس : بدر برا يحتريك هزت ميهاف راسها : كيفـــك فراس .؟! حمد الله ع سلامتك خطاك السوء فراس : يسلمك يارب وهناك العقلان ميهاف : هناك خير ... يله تمسون على خير ام فراس : وانتي مـن أهله .. طلعت ميهاف وهي تركب السيارة ... كان يكلم بالجوال فسكتت : ايه تو كلمته نايف : هاه .؟! طلع له علاقة بدر : والله مدري ... هو يقول يمكن نايف بنرفزة : نعععععععم .؟! وش يعني يمكن هذي بدر : ما أدري ... بس عموما هو مو ناوي خير واذا كانت هالحركة مو منه ماراح تسلم من حركه ثانيه منه فالله يعينك نايف : اقول سكر سكر ... بكلمه انا ! مابقى شي على مايجي احمد وحالف ياخذ البزر بدر : يله سلام سكر نايف السماعة ودق مباشرة على فراس ... جاه الصوت بنبرة مالها خلق : نعـــــم ؟! نايف : ينعم بحالك ..... سلامات فراس وش هالسماجة ! فراس : وش بعـد .؟! ترا اقلقتوني .. الواحد مايصدق يخلص من مشكلة تدخلونه ثانيه نايف : لاااااا انت اللي تقول هالحكي .؟! وانا اللي بمشاكل ماخلصت من وراك ! هي كلمة وحده كلم احمد وطلع الفكرة من راسه مثل مادخلتها ... ولا أقلها لاتدعمه فراس : أولا ... سواء انا دخلت الفكرة او مادخلتها الرجال يبغى بنته وهذا حقه .. وصدقني حتى دون دعمي ودون فلوسي بيقدر ياخذها لأن الحضانه حقه نايف : بس انت تعرف وش احمد ! تعرف انه مجرم وماله امان تجلس الطفلة معه فراس : طيب ؟! نايف : يعني راح تسوي اللي براســـــك .؟! فراس : أقول نايف انت جالس تحطني بشي مالي فيه ...وانا وش علاقتي بين ام وأبو وبنتهم ! يصطفلون يخي وسكرها مباشرة .... تنهد نايف بضيق اما غادة اللي كانت واقفة وابتسام جمبه ويسمعون المكالمة نطق نايف بقهر : ابفهم انا وين عقلك وانتي ترسلين رسايل تهديد لفراس ؟!! ويننن ؟! غادة ودموعها بعينها : نايف دق عليه مرة ثانيه .. بكلمه انا بتأسف .. لو يبي بوصل لرجله وبتأسف بس يخلي بنتي تكفى إبتسام قبضها قلبها على اختها ... نطقت بهدوء : يعني نهائي مو راضي ؟! نايف : مو سالفة راضي او مو راضي ... هو كان مسويها جميلة وموظف الرجال وقت صار اللي صار واختك الشاطرة حطت راسها براسه طرده غادة بقهر : مو صح ! الموضوع مو بس كذا .... احمد حتى لو ينطرد اخر شي يفكر فيه بنته ... فراس عطاه فكره اني ام مو كويسة واني مهمله رنيم .. عشان كذا احمد يبغى ياخذها نايف بهدوء : إذا انا فهمت شي من مكالمتي مع فراس .. فهمت شي واحد ان القانون مع احمد حتى دون دعم فراس يعني اسف بس اذا بياخذ بنته مابيدي امنعه , لأني حتى لو اوقف ضده هو وراه ظهر أقوى ... لو اعطيه مبلغ بيعطيه فراس اكثر .... فطبخ طبختيه يالرفلاء اكليه نغزته ابتسام وهي تهمس له : نااايف !! مو كذاا نايف لفط يده بضيق بمعنى " وش اسوي بها يعني !؟ " .... إبتسام رفعت عيونها لغادة اللي تجمعت الدموع بعيونها مرة ثانية وانسحبت بهدوء لغرفتها ورنيم معها ... تنهدت ابتسام بضيق : لا حول ولا قوة إلا بالله .. نايف وقف : انا طالـع ابتسام : لوين .؟! احمد بيجي مو ...؟ ماراح تجلس نايف : مالي علاقة .... بيجي يبي غادة تتفاهم معه , وعقليها وتفاهموا معاه عشان اقل شي يقسم اقامتها بينه وبينها إبتسام حست انها ضغطت على نايف اكثر من اللزوم فهزت راسها بموافقة : ان شاء الله مجرد ماطلع التفتت لغرفة غادة .. وهي تحس بضيق ماتقدر تقابلها حتى اللحين ... بس وش بيدها طقت الباب : غادة ؟! ... غادة ؟ : ...................................... فتحت الباب وهي تدخل ... حصلتها دافنه راسها بين ركبها وتبكي بقهر ورنيم جالسة تراقب وحواجبها معقودة وما بيدها شي : ............. انقبض قلب ابتسام وهي تشوف رنيم .. هي نفسها تحس نفسها مكسورة لافكرت ان رنيم تفارقهم كيف غادة , قوت نفسها وهي تجلس جمب غادة وتحاوطها من كتوفها وتحضنها : خلاص حبيبتي لاتكسرين قلبي عليك كذا تعلقت غادة ببلوزة ابتسام وهي تجهش بالبكاء : كيف بعيش ابتسام كيف بعيش ؟!!! حرااام عليه مـــو كذا ... والله والله لو عارفة ماسويتها .... كلش غلط سويته بحياتي عشانها ... ماعمري ندمت على زواجي من احمد بس عشانها .. مسحت ابتسام على ظهرها : روقي روقي استهدي بالله ... البكاء ماحيسوي شي غادة : معقودة ايدي ... ابي حاجة اسويها واسويها .. ابي حاجة اسويها واسويها .. " صرخت بقهر " ابي حاجة اسويها واسويها إبتسام : غادة شوفي بنتك تطالعك وضايعة ... ضميها اشبعي منها قبل يوصل أحمد غادة : كيف ابتسام .؟! انا مو مستوعبة انها تتركني كيف تبيني اودعها كييييف ؟ ... كل ماعشت لحظة حلوه بحياتي يلحقها مصيبة .. صرت اخاف من الفرحة ابتسام صرت اخاف انبسط .. والله اخاف إبتسام ماقاومت دموعها تنزل على شكــل اختها وحالتها .. *** ميـــهاف طالعت ساعتها باقي نص ساعة ويرجع .. توجهت للمطبخ وهي تحاول تعرف وش مفروض تسوي .. ماعمرها طبخت إلا حاجة خفيفة .. وهذا اللي سوته سلطة خفيفة مع كاس موية وكاس عصير انتبهت للي يحضنها من ورا فجأة : يمه ! متى جيت .؟! بدر وهو ينحني براسه ويسنده على كتفها : تو .. اللحين .. وجالس افكر انا متزوج حورية ولا شالسالفة .؟ ميهاف بنعومة : شنو ع بالك تغشمرني بكلمتين عقب المشروع .؟! " كملت بمرح " كلمة وحدة كافية واذوب بدر : واللي يذوب بحرف واحد منك وش يسوي .؟! التفت له ميهاف وهي تشبك يدينها ورا رقبته : الله يعـــينه وقتها ... لأني جبت راسه ولايمكن اتركه بدر : هـذا المطلوب ! ميهاف : هههه اتركني طيب خل نجلس ناكل بدر وهو يتركها : ههههههههه اوك أول ماجلسوا طالع بـدر الأكل : أقـول ميهاف كيفك مع الطبخ .؟! ميهاف : هو يعني الطبخ الطبخ ما اعرفه نهائي ... بس تطمن اعرف كل المطاعم والله بدر بأصطناع : لا والله ريحتيني الله يريحك ... بس لمتى مطاعم يعني .؟! ميهاف : اوك بتعـلم لاتنغزني بتلميحاتك كذا بدر : والله مو قصدي ... بس جالس امهد لك أنه اذا تبين طباخة ترا ماعندي مانع , انا حاطه بحسابي عموما لأن عارفك ماتطبخين ميهاف : هممممم .. مو عارفة , ماحيضايقك وجود طباخة بالبيت يعني ؟! بدر باستغراب : وليش يضايقني .. هي بوظيفتها وش علي منها ؟! ميهاف : مو عارفة لأن دايم الناس ببداية زواجهم مايحبون احد يكون معهم يضايقهم بدر : اذا تضايقك بلاها ... بس بالنسبة لي ماتضايقني , يضايقني ما آكل وجبة محترمة اكثر ميهاف رفعت حواجبها : شقصدك .؟! انا ما اعرف اسوي حاجة محترمة بدر : انا قلت كذا .؟! ياحبك تقوليني كلام ماقلته ... قصدي اني ما أقدر افرض عليك جدولي الغذائي لأن صعب تسوينه كله بينما الطباخة هذا شغلها اقدر امون من هالناحية يعني ميهاف : براحتك اجل ... اذا تبي طباخة معناها نجيب مو مشكلة بدر : انا ابغى راحتك انتي ... وبعدين انا عمى عيني اشم ريحة طبخ مع وحده فاتركي هالشغلات للطباخة ميهاف : ياعيني على الحساسية ! بدر : وبعدين المـــوية هذي ما اشربها ... فين مويتي ؟! ميهاف عقدت حواجبها : ِشفرقت كلها موية .؟! بدر : إلا فرقت ... انا مويتي معدنية مقدر اشرب هذي ميهاف وهي حمدت ربها انه طرى الطباخة لأنها ماتقدر تمشي مع تشرطاته : اوك راح اجيبهـا بعد ماجابت المـــوية .. جلست جمبه وهي تتعلق بذراعه , بدر : هههههههه شلون آكل طيب ؟! ميهاف : مو مشـكلة أنا ااكلك .. بس ذراعك اللحين رهينتي ماتاخذها من حضني بدر : ميهـاف مو ناوية تصومين بكرة ؟! ميهاف باصطناع للغباء : إلا بصوم ان شاء الله بدر : أجل الزمي العافية وخليني آكل ميهاف وهي تضم ذراعه لصدرها اكثر : شأسوي طيب .؟! جالسة وقدامي حبيبي وفارس أحلامي ..؟! ما أقاوم نفسي بدر وقلبه يدق مع كل كلمة تقـولها ... هاليومين يحس نفسه بنعيم معها : يابنت النـاس انتي بتخربينا رمضان هذا ! ميهاف : ههههههههههه شكـله كذا *** فـور وصـول أحمد للبيت ... دخلته ابتسام وراحت لغادة وقالت بكئابة : غادة .. احمد هنا .. وقفت غادة وهي تلبس عبايتها : إبتسام خلي رنيم معاك شوي ... دخلت المجلس وطاحت عينها عليه وهو جالس بالثوب ... رفع عينه لها وإبتسم بسخرية : شنو ناوية تروحين معنا ؟! غادة شدت على قبضتها ونطقت بقهر : جايه اترجاك ماتاخذهـا ... " خنقتها عبرتها " احمد انــا مستعدة اجي جدة كل اسبوع يومين واخليها تزورك بس ... بس لاتاخذها , هذي بنتي احمد البنت مالها إلا امها انت كيف تفكر ؟ احمد ابتسم : اخر مرة جيت كنتي تهاوشين ولسانك اطول منك ... اشوفك اللحين منكسرة وتترجيني , فين اختك التاجرة ماتقدر تساعدك ؟! غادة لعنت فراس بداخلها مليون مرة .. لو هو مو بالسالفة قدرت بسهولة : لاتراوغ كلامي ... احمد انا طالبتك ماتاخذها .. احمد : غادة انا قلتها لك ولاراح اعيدها ! تبين ارجعك لذمتي وترجعين معي انتي وبنتك لبيتك وتتعوذين من الشيطان ماعندي مانع .... ماتبين ترجعين قلعتك بس بنتي باخذها غادة باحباط : آخر كلام عندك ؟! احمد : أيــه واعجلي علي تأخرت وراي طريق سفر غادة وكلش داخلها جالس يموت : ............. معناها انا موافقة ترجعني .. ابتسم احمد برضا : معناها روحي جهزي اغراضك ... وانا بنادي الشيخ تلاحقت دموعها على خدها وهي تطلع .... استقبلتها ابتسام بقلق : شفيك شصار .؟! غادة : بجهز شنطتي ... برجع معهم .. فتحت ابتسام عيونها : نعـــــــــــم .؟!! وش قلتي ؟! غادة بقهر : برجع لاحمد ... مقدر اترك بنتي ابتسام مقدر ! حتى لو ارجع له دامني معها انا بخير إبتسام توجهت لباب المجلس ونطقت بصرامة : احمد ! انتظر بنتك بتجيك ... وغادة مالك امل ترجع لك غادة فتحت عيونها : إبتسام شجالسة تسوين .؟! سحبت ابتسام غادة من يدها ودخلتها داخل : مجنونة انتي !! وقت هو ياخذ بنته راح تنقسم اقامتها ... ومصيرها ترجع لك وصدقيني احمد بالاخير بيزهق وبيرجعها لك !! اما انك تضيعين حياتك للمرة الثانية انا مستحيل اسمح لك هالمرة !! واصبري علي بلقى لك حل غادة وعيـونها على رنيـم اللي ضايعة وهي تطالعهم .... غطت وجهها بقلة حيله وهي تبكي بقهر : ليش كل هذا جالس يصير ... ليشش ليشش .؟! " رمت المخدة جمبها بقهر " لييششش ليشش ؟! وقفت إبتسام وهي تنطق بهدوء احتراما لحالتها : غادة شوفي بنتك قبل تروح .. فتحت غادة عيونها بجنون وهي تصرخ : ماراح تروح ! ماراح تروح !! ماراح تروح ساممعععععه ! عضت ابتسام على شفتها : غادة مافي يدنا شي .. هو ابوها وحقه .. صرخت غادة فيها بغضب ودموعها ترسم خنادق على خدها : ماراح تروح إلا على جثتي !! سمعـوا صوت احمد اللي انتبه لصراخها : إبتسام لو سمحتي عقلي اللي عندك واخلصوا هاتو البنت ولا دخلت واخذتها بالقوة إبتسام : غادة هاتيها .. تكفين لاتعورين قلبي غادة كانت ضامتها بتملك وردة بشراسة : قلت لا يعني لا ! احمد اللي سمع ردها ... دخل مباشرة وهو يحاول ياخذها من يدها , اما غادة كانت تقاوم بقوة وهي ضامتها ورنيم بكت لا ارادي من تنازعهم لها ... اما احمد بحركة قوية نزعها من يدها وطلع مباشرة .. لحقته غادة لكن قبل كذا مسكتها ابتسام : غاااادة خلاااص اهدي اما غادة كانت حالتها اقرب للجنــــون وهي تصارخ وتحاول تلحقه .: رجعععععهااا لااااا ... اتركيييييييييييني مابببي مابي !! صفعتها ابتسام بقوة عشان ترجعها لعقلها : غااااااااااادة !!! لكن مـــافيه امل .. مجرد طاحت على الأرض وبدت تضرب راسها بالأرض بقهر : بنـــــــــتي ... بنتي بنتي حست إبتسام بخوف من حالتها ... ركضت لجوالها وهي تدق على رقم معين : ألو هيثم !! هيثم بقلق من نبرتها : هلا ابتسام ... شفيك عسى ماشر ؟! ابتسام : هيثم طلبتك تجي اللحين ... غادة غادة مو عارفه شاسوي معها تعبانة هيثم بقسوة : وانا شدخـــلني ؟! ابتسام : هيثم حرام عليك ... البنت بتنجن بين يدي وانت تقول هالحكي ؟! هيثم بعد صمت لفترة : ..........إبتسام انا وضحت ان .. قاطع كلامه صرخة من ابتسام وعقبها تركت السماعة .... هيثم : الو ؟! الو ! ..... ابتسام انتي معي !؟ عض على شفته وهو يسكر السمـاعة ... حول طريقه مباشرة من شقته لبيت إبتســـام , بعد فترة وصل فتحت له ابتسام الباب دخل مباشرة : وينك يابنت ادق ماتردين ! شصاير ؟! إبتسام اللي كانت حالتها سيئة لكن متمالكة نفسها عشان اختها : احمد خذا رنيم .. هيثم بصدمة : متى ؟! وكيف ؟! ابتسام : تو من شوي .... و وغادة انجنت انمشعت وانا احاول امسكها ماتطلع للشارع هيثم : وش صار على السماعة .؟! إبتسام : فقدت وعيـها فجأة .. لها يومين ماتاكل وحالتها حاله تنهد هيثم : هي وينـها اللحين ؟! إبتسام : بغرفتها .. هيثم : فيـه احد .؟! إبتسام : من بيكون هنا بهاللحزة !! دخـل هيثم .. وهو يدخل غرفتها كانت منسدحة ع سريرها وواضح عليها عدم الراحة بنومها وتنهج حتى بنومها جلس على طرف سريرها وهو يراقبها : .................. انتي اللي نقلتيها لهنا .؟! إبتسام : هو فيه غيري ..!؟ المهم كيفها اللحين !! هيثم وعيونه معلقه فيها وهي تنهج بنص نومها : مجرد ارهاق .. تنتبه لصحتها وأكلها وبتكون تمام وقف هيثم وهو يطـلع ... : ليش ماقلتي لي ان احمد يبيها ؟! إبتسام بقهر : ليش انت تهتم فيها ولا وش يصير بها ؟! لما قلت لها نقول لهيثم ! خافت وقالت لا هيثم : عمـوما انتي كمان انتبهي لنفسك .. غلط انك نقلتيها لغرفتها وانتي حامل إبتسام : شاسوي اتركها طايحه ؟! هيثم : انا ماشي .. طلـع مباشرة اما ابتسام رجعت تجلس قدام غادة وهي تحس بكسرة على حالتها *** دخــل نايف البيت ... الساعة 3 حـكم / البيت هـادي تماما كل الأنوار طافية ... مو بالعادة ينامون قبل يتسحرون صعد لغرفته كانت إبتسام على سجادتها وتصلي والنور مسكر مجرد نور القمر من النافذة الطويلة , أستشعر من كئابة الجـو أن رنيم راحت أكيد : ..... بعد تسليمتها من صلاتها نطق بهدوء : كيفـك ؟! إبتسام التفتت نص التفاته : ............................... تنهد نايف وهو يتربع قدامها على سجادتها ويحضن يدينها بيده : معليش كنت مشغول ماقدرت أكون موجود .. طمنيني عنك ؟! إبتسام هزت راسها بصمت وقالت بصوت مبحوح : حمدالله على كل حال .. نايف : وغـادة ؟! إبتسام : الله يعيـنها .. حاوطها من كتوفها وهو يضمها لصدره : وجهـك شاحب اسندت ابتسام راسها لصدره وهي تنطق : نـايف .. انتبه تحطني نهى ثانية بحياتك .. نايف عقد حواجبه : ليش تقولين كذا .؟! إبتسام : اليـوم لما شفت كيف أحمد وغادة جالسين يتنازعون رنيم .... مسكتني خنقة ماتخيلت مشاعرها .. مابي اللي بطني يضطر بيوم يعيش كذا .. نايف : يامهبـــولة انا جالس كل يوم أموت فيك مليون مرة ... وانتي تقولين لاتحطني نهى ثانية , لايكون ببالك اني مطلق نهى لأني رجال الطلاق عنده عادي .. انا ماحصلت مع نهى اللي كنت احتاجه إبتسام رفعت راسها له : وحصلته معاي .؟! نايف : وأكثــر .. إبتسام انتي مو مستوعبة نظرتي لك , لو بس تشوفين نفسك من عيوني راح تشوفين قد ايش انتي انسانة رايقة وغالية .. بالحيل غالية إبتسام : ........................... نايف : واللي ببطنك ان شاء الله راح يكون في احسن بيئة .. عنده أم ماراح يحصل مثلها " ابتسم وهو يكمل " صح أبوه يخلفه ربي بس دام أمه موجوده بتعقل ابوه له ابتسمت ابتسام ابتسامة صفراء : شكـرا نايف .. كنت محتاجة هالكلمتين بس ابتسم نايف وهو يمسح على راسها من ورا الجلال ويطبع قبلة على جبينها : ولــــو . *** بنفـــس المكان السابق / : كلش أقوله معرض لسوء فهمك ... حتى السكـوت .. كمل طريقه دون يرد : ............ نطقت بعصبية : ليـــــــــش ماتوقف اذا جيت اكلمك .؟! التفت لها ونطق ببرود : نعـم ؟! عضت على شفتها بقهر : هيــثم انا طابت نفسي .... انا برحل مقدر اكمل كذا .. رد مباشرة : تعرفين الطريق ولا أدلك .؟! " رررررررررررررررررررررن " فتحت عيـونها وهي تصحى وهالأحلام جايبة لها توتر ... تعودت وجوده هالفترة بأحلامها معاد يفارقها : ..... نهضت من سريرها وهي تجاري الروتين مثل كل يوم .. عشان ترجع تنام وترجع تحلم وترجع تبكي .. نزلت لتحت حصلت الكل بالصالة : السلام عليكم : وعليكم السلام والرحمة جلست بصـــمت : ......... وكان الصمت سيد الموقف فالكل مشغـول باللي بإيــده ... اما فراس كان مروق شعور الأنتصار مسيطر على حواسه نطقت ام فراس : هييييه الايام شلون تمشي .. من يصدق نص رمضان راح فراس : أنس .. كم ختمت للحين من مرة ؟! أنس : مـــرة فراس : وانتي ياسميـن ؟! ياسمين : ولا مرة .. تو ماخلصت فراس : لأنك شاطرة صح .؟! هالتلفزيون بغرفتك خاطرك تشوفينه بالزبالة ؟! ام فراس : توها بزر معليش اهم شي تختم قبل يخلص رمضان ياسمين الحساسة تجمعت دموعها : ..... فراس : بسك دموع ! وقفت ياسمين وهي تصعد .... فراس بتذمر : بزران بجد ام فراس : قلتها بزران ماينشره عليــــهم " تنهدت " أيه صح اسماء ميهاف داقة عليك من شوي تقول تدق ع جوالك ماتردين اسماء دون نفس : شتبغى .؟! ام فراس : اظن ناوية تسوي عشاء ببيتها يعني ... زي النزالة ببيتها يعني اسماء : متى ؟ ام فراس : الليلة فحطي حسابك اجهزي عقب التراويح بنطلع مباشرة اسماء : ان شاء الله .. ام فراس : انا مربكتني هالعزيمة .. اول عزيمة من عقب آخر مرة مدري وشلون بقابل ابتسام فراس : لايكون للحين قصدكم السالفة السخيفة اللي صارت مع اختها ! ام فراس بضيقة : اللي سمعته من ام نايف ان حالتهم حالة عقب ماراحت بنتهم ... وظني مايجون اصلن فراس دون نفس : اقول انا طالع صعـد لغرفته وهو يدق على لؤي : الو ؟! لؤي : هلا .. فراس : وش فيه صوتــــك ؟! لؤي : أبد سلامتك .... تو طلعت من المستشفى فراس : سلامات وش تسوي بالمستشفى ؟! لؤي بنبرة لها مليون معنى : انا مصدوم حاليا فماراح اعاتبك ... بس رحت ادور قلت يمكن تكون سارا ولدت وطلع معي حق جابت بنت فراس : ........................... لؤي : ماتبي تعرف وش المفاجئة الكبيرة .؟! فراس : عن الألغاز لؤي تكلم زي الناس لؤي : بنفس المستشفى اللي كنت فيه ... واسمك بسجل الزوار ! فراس هذا الي كان خايف منه صار : .................. لؤي بنبرة حادة : انا مو قادر استوعب نفسي ان عندي بنت ... ومو قادر استوعب انك قابلتها .. ومو قادر استوعب ان كل هالفترة انا اشكي لك همي وانت تواسيني وكأنك مو عارف شي ! فهو سؤال واحد وعقبها ما أتمنى اشوفك الا بالمناسبات .... مرتي وبنتي فين اللحين ؟! فراس تنهد بضيق : لؤي انـــا .. قاطعه لؤي : مابي اسمع شي عنك ! مرتي وبنتي فين .؟! ولا راح تمثل نفسك ماتعرف مرة ثانية !! فراس : .................... قالت لي بتطلع من المستشفى وتستقل بنفسها بمكان بعيد لؤي : وماتعرف هالمكان فين ولا ماتبي تقول ؟! فراس باقتضاب : ما اعرف سكر لؤي السمــــاعة مباشرة ..... اما فراس مسك راسه وهو يحس صداعه ضرب , ليش يالؤي عرفت ليش ! تافف وهو يرمي جوالـه وانتصاره طفى عقب هالمكالمة .. *** إبتســـام دخلت غرفة غادة .... حصلتها صاحية لكن مستلقيه وضامة وسادتها وتطالع بالجدار قدامها : صباح الخير غادة : ............... إبتسام : غادة ردي عــلي .؟ انتي بخير ؟ امس نشفت لما شفتك بهالحالة غادة : ايه إبتسام بخير ... بخير كثييييييير فوق ماتتصورين تنهدت ابتسام بضيق : عارفة انك زعلانة .... بس .. غادة قاطعتها : بس شنو .؟! اذا عندك حل قولي ... لأني احس حالي جالسة اموت ابتسام : بسم الله عليك !! غادة : ما امزح معك ابتسام ... جالس هالشعور يناوبني من امس احسه يسيطر علي إبتسام : وش شعوره حبيبتي وش فيك ؟! غادة : شعور اني معد اكون موجودة .. إبتسام : تفي من فمك غادة وش هالكلام !! " كملت بقهر " اذا انتي تبغين رنيم ..؟! فأول شي لازم تسوينه هو تصحين من اللي انتي فيه وتصيرين قوية ... عشانها ! غادة : هي موجودة عشان اصحى لها ؟ إبتسام : مصيرك راح تشوفينها ... اسبوعين ان شاء الله غادة بكئابة : على مين تلعبين ابتسام ؟! احمد ماراح يرجعها لي ... وحتى اذا رجعها انا مابيها تزورني ابيها تسكن معي .. بس ماراح اقول إلا الله لايوفق من كان السبب .. إبتسام تنهدت وهي تنسحب من غرفتها ... نفسيتها مرة بالحضيض استقبلها نايف بالصالة : شلونها ؟! ابتسام : للحين مكتئبة ... " تنهدت بضيق " ماراح يلقى ولد عمك خير من اللي سواه فيها نايف : وانتي مقتنعه ان فراس حاط الذنب على نفسه .. هو اساسا لما كلموه قال انا ماسويت شي ! ابتسام : واضح مرة ... نايف : المهم متى راح تروحين اليوم ؟! ابتسام : وين ؟ نايف : ميهاف اختي عازمتك ببيتها مو ؟ ابتسام : اعتذرت منها ... وين اروح مالي خلق اقابلهم عقب اخر مرة , وبعدين احس حالي تعبانة وحالة غادة مو مطمنتني مقدر اخليها لحالها .. نايف : اللي يريحك اجل *** بعد صلاة التـــراويح / ميهاف تحس بحيوية ... خلصت تعليماتها للطباخة والخادمة وهي تحمد ربها اللي رزقها واحد ماقصر بدلالها اللي تعودته ببيتها حتى عقب تزوجها ... وقفت قدام المراية تعدل كشختها وشعــرها الجعــد رفعته لفوق بتسريحة فوضوية ..وطالعه قمة الإغراء بالليموني وتشكليته على جسمها .. انطلقت تشرف على التجهيزات وهي بقمة حماسها لهالمناسبة .. بعد فترة جت امها وفهـد ضمت فهد وهي ترفعه : هلاااا واللله بحبيبي وحششششتني !! ام نايف وهي تقيم مكان اقامة بنتها بعيونها : لا ما شاء الله البيت يفتح النفس ميهاف بثقة : طبعــا ... وماشفتي غرفة النـوم خيالية مرة تعالي اوريك قبل يجتمعون الناس ام نايف بعد مادخلت الغرفة وشافتها : ما شاء الله .. شغل صح , المهم كيفك انتي عسى امورك تمام ؟! ميهاف وابتسامتها مافارقتها : مبسوطة مرة ماما لاتشيلين همي ام نايف : حمدالله ... انا خفت من حالتكم قبل تنقلون قلت يمكن مايمشون ميهاف : ههههههههههه لا وين وحنا نستغني عن بعض اصلن .!؟ ضرب الجرس .. نزلت فهود : فهود حبيبي روح افتح الباب بعد فترة تجمــع الضيوف القليلين بحكم مساحة البيت .. قررت تجمع القريبين بس :- عـند اسماء كانت واقفة قدام المراية تزيد من البودرة تحت عينها تخفي شحوبها الواضح / : اســـــــــوم وش هذا !! اسوم التفت لميهاف : هلا ميهاف ميهاف : وش هالنحف يابنت ! اخبرك صعلوكة بس مو كذا ؟! اسماء : نفسي ماتغيرت بس تتوهمين ميهاف التفتت لوداد : وداد تعالي .. بالله اسوم كانت كذا من زمان ولا ناحفة وداد قربت وهي تشيد براي ميهاف : لا والله اسماء ناحفة ! سجى : هههههههههههههههه تصوم من قلب الأخت تجاهلتهن اسماء وهي تدخل مكياجها لشنطتها .. وتدخل عند الحريم وتاخذ لها مكان بحيث تحتفظ بصمتها لين تخلص : .. ميهاف عند البنات : بالله بنات اسوم متغيرة كذا ليه .؟! سجى : لها فترة صايرة نفسيه مدري وش تحس به ! وداد : حاولتي تكلمينها طيب .؟! ميهاف : ايه حاولت بس مرة ضايقة ماترد حتى ... مو بس حنا حتى بدر متضايق من حالتها وهو بنفسه حاول معها بس مدري شفيها تنهدت ميهاف وهي تطالعها بمجلس الحريم ورجل على رجل وساكته على غير عادتها : ............... دخلت ميهاف وهي تضيف الحريم بالقهـوة .. بعد ماخلصت جلست جمب اسماء وقالت باصرار : اسمعي مو بكيفك ! ماراح استسلم وانا اشوفك بهالحالة .. اختاري ياتبتسمين ياتبتسمين اسماء : مو محصلة سبب ابتسم له ميهاف : وش تبين سبب اكثر من انك تشوفين بيت اخوك ! انا احتريك تجين تزعجيني تشوفين غرفتي مير ماتحركتي حتى .... يله اعرض لك انا اللحين قومي معي اوريك اسماء : لا ميهاف مافيه داعي ... واساسا مالي خلق وامي بس بتعصب فخلينا هنا احسن تنهدت ميهاف بضيق : وبعدين اسوم .؟! مو محصلة وسيلة لك .... كيف ارجعك مثل ماكنتي .؟! كيف اخليك تفتحين قلبك لي ؟ اسماء بضيق : وقت تحصلين هالوسيلة عطيني طريقتها ... لأن بخاطري ارجع مثل ماكنت ووقفت وهي تطـلع من الغرفة .. قابلتها امها بالطريق : اسماء وش هالحالة ! مكشرة وحالتك حالة ... الكل يسأل وش فيك !! اسماء : فجأة صاروا الناس مهتمين فيني ! يتركوا عنهم الحشرية احسن ... مو ؟! ام فراس : هاو اسوم وش هالاسلوب ! هذول اهلك ... مهتمين فيك هذا جزاهم ؟! اسماء تنهدت : ماما انا بكلم السواق وبرجع البيت .. ام فراس : طيب اصبري شوي ... لو يرجع اخوك للبيت ومايحصلك بيزعل اسماء : تعبانة ماما مو قادرة .. ام فراس بقلة حيلة : اوك روحـي .. وانا ماحطول *** انسحب بدر من جلسة البلياردو وهو ياخذ مكانه جمب نايف على طاولة القهوة : شخبــارك .؟ نايف : زين حمدالله بدر : وش صار مع سالفة فراس .؟! مشى كلش تمام نايف ارتسم على ثغره ابتسامة سخرية : تمام .؟! ليش عمر اخوك دخل في شي وصار تمام بدر : اوف شصار .!؟ ماقال لي الحيوان نايف : طبعا ماحيقلوك .. هو ع باله ان محد فاهم حركاته , " تنهد " صار اللي يبغاه الرجال خذا بنتها واللحين هي الله يعلم بحالها بدر : طول بالك .. انت نفسك مو تاخذ يزيد احيان .؟! عادي هي مفروض تتقبل طبيعة الحياة المنفصلة هذي نايف : ماعمري اخذته إلا بطلب منها ... ماعدا ذلك مستحيل احرم ولدي امه , وبعدين الله يسامحك على هالمقارنه , انا نفس احمد خريج السجون ؟ بدر : معك حق ... بس شتسوي مالها الا الصبر مو اول ولا اخر حرمة يصير لها كذا نايف : اللي مضايقني يابدر هالمشكلة صارت تنعكس على حياتي وبيتي .. صاير اتمنى اطلعها لبيت لحالها بس .. بدر : بس شنو .؟! عادي خل تروح لبيت لحالها مو مشكلة نايف : اخاف انطقها وتصير حساسية وزعله وانا مالي خلق .. عاد انا عايش مع آدمية احتاج هكر يهكر راسها اعرف وش تفكر فيه ! احيان اقول شي سخيف تصير مشكلة مالها اول ولا تالي ... واحيان اجيب الطامة وتضحك ولا كأن صار شي بدر : ههههههههههههههههههههههههه وش ردة الفعل العكسية هذي نايف : ماشفت شي من عقول الحريم ... اصبر على ميهاف توكم في العسل انتو بتجيك لحظة بحياتك تنعقد يديك وانت تحاول تماشي عقولهن بدر : اقـول خلك على جمب انا والحب فاهمين بعض نايف : برجع اسالك عقب شهر بدر : ههههههههه عموما انا رايح اللحين البيت ... ابي الحق اشوف اهلي قبل يرجعون , تامر شي ؟ نايف : سلامتك في امان الله *** وقفت السيــارة .. تنهدت اسماء وهي تعدل جلستها وتفتح الباب انتبهت انها قدام المستشفى التفتت للسواق : وجع ! وش كلام انا .؟! السواق خاف : انتي في كلام مدينة الملك فهد اسماء : لا ماقلته ! انا قايله البيت !! السواق عصب : إلا انتي في قول مدينة ملك فهد ! فكر انا مجنون اسماء كبست عيونها بخوف .. معقولة تكون قالته دون تحس .؟! بلعت ريقها وهي ترد بهمس : والله ياكومار شكلي انا المجنونة هنا .. كومار بنرفزة : اللحين وش ؟! بيت !؟ اسماء بهدوء مرتعب : لا ... ثواني وراجعة .. نـزلت وهي تسحب خطواتها ... صارت حافظة الممرات اللي يمشي فيها عادة : ....... وتحس كل نظرة بالمستشفى توترها .. بلعت ريقها وهي تنتظر اللحظة اللي يظهر قدام عيـنها , انتبهت له اخيرا بعد فترة بأول الممر .. يمشي وبيده اوراق ومنشغل كعادته .. شدت على عبايتها بقبضتها وهي تحس برعب عقب ماكان يروقها صار يخوفها : ............ اخيرا بعد ما انتهى كلامه مع الدكتور بجانبه .. انتبه لها وقف مكانه وهو يطالعها : .......... بعد فترة قرر يمشي لأن واضح انها ماراح تتحرك ... قاطعه صوتها المرتجف : دكتـــــور ! ماعرف يفسر صوتها .. صوت مبحوح مخنوق بعبرة أول مرة تناديه بهالنبرة ضيق عيونه فيها ثم رد : وش جـــايبك هنا .؟! اسماء وشفاتها ترتجف تتخنق العبرة : وحــدة من ثنتين .... أنت او قسم النفسية هيثم : مافهمت .. اسماء وعيونها الزرقاء تطالعه بخوف .. حس كأنه كسر طفلة واضح بزر : انا مريضة ... فيني علة , مدري حلها عندك ولا عند قسم النفسية ... بس انا محتاجة اتعالج هيثم : سلامتك .. لاتقولين كذا شصاير ؟ اسماء : ماعدت طايقة حالتي .. هذا اللي صار .. هيثم : ......... اسماء : لو الزمن يرجع ما اخترت ادخل مستشفى انت فيه .. ولا اخترت اعرفك .. ولا اخترت كل هذا .. واللحين انا جالسة ادفع ثمن كل هالاختيارات .. هيثم : اذا منتي قد القرب مني لاتقربين ... ليه .؟! لأن أي محاولة منك تقربين مني وعقبها تبعدين بفهمها انها لعبة منك وأنا اكره شخص يلعب فيني , مفهوم .؟! اسماء : قصدك اني العب فيك .؟! هيثم : يومين اشوفك وشهر عقبها تختفين ؟! شتسمين هذا مو لعـــب .؟! اسماء بقهر : عقب كل اللي سويته .. وعقب كل اللي صار .. هذي فكرتك عني .؟! العب .؟ ليتني العب .. امنيتي هيثم : يقولك انتبهي من شر ماتتمنين اسماء عضت على شفتها : ......... ليتني انتبهت منك اكثر .. هيثم مهما حـاول ينطق بكلمة يريح نفسه ويريحها فيها مايقدر.. عض على شفته : عموما قسم النفسية بالجناح الثاني مو هنا اسماء بقهر : اصبر علي ... برجع ارتب حياتي وبرجعك غريب مثل ماكنت ! وعطته ظهرها مباشرة وهي تمشي مسرعة تطــــلع وقلبها زادت جروحه .... اما هيثم لكم الجدار بقهر ! ليش قلت كل هذا ! لو ساكت مو احسن بالله ! *** عـند بدر .. اثناء جلسته مع امه وميهاف بعد انتهاء العزيمة / ام فراس : الله يخلي لكم هالبيت .. بس مو كان لو انه اكبر احسن .؟! ميهاف : شدعوة كبير وحنا ثنين بس ... هذا كويس لنا بدر : إلا اسوم وينها .؟! ميهاف بقهر : طلعت بدري .. ماجلست ربع ساعة حتى بدر : ليه شفيها .؟! ام فراس : تقول تعبانة .. بدر : وهو حنا لنا شهور وهي تعبانة ! شالسالفة يمه البنت يوم عن يوم حالتها اسوأ ام فراس : والله تعبت فيها تتكلم مو راضية .. بدر تذكر الدفتر .... قلبه يقوله ان علتها فيه , : لا تخافين يمه انا بعرف قريب وش فيها . |
رد: انتماءات كاذبة
اكتر بارت تعب نفسيتي
قهر ماله حدود كالعادة تصرف ابتسام في الوقت والطريقة أحسن ما يكون انها ردت غادة عن انها ترجع مع الكلب أحمد ، حبست أنفاسي بجد لما قالت هترجع معاه نايف معذور يزهق بصراحة اتحمل كتير أعده أحسن شخصية رجولية في الروايه (اسماء بقهر : اصبر علي ... برجع ارتب حياتي وبرجعك غريب مثل ماكنت ! ) يا ريت تقهري اللى خلفوه والله ، خلينا نتشمت فيهم شوية ارتحت نفسيا شوية ان لؤي قرب يوصل لسارة بس خليني أقول ان سارة غلطانة انها ماتصلتش بلؤي رغم انها عارفة ان فراس كداب رغم القهر انما إبداع وتسلم إيديك والرواية تستحق كل دعم في الواقع |
رد: انتماءات كاذبة
اقتباس:
إبتســــام سوبر مان الرواية على ما أعتقد اجل , اذا هي ما أتصلت معناها هدفها فراق للأبد خلاص , والتشابتر الجاي يوضح اكثر بإذن الله تسلمي والله شهادتك تكفي <3 |
رد: انتماءات كاذبة
اقتباس:
والله ياحبيبتي الرواية اللحين تقدرين تقولي وصلنا النصف تماما , لكن أحب اقولك ان الرواية كاملة مثل ماوضحت أكثر من مره عندي وإذا حصلت تفاعل أكثر ممكن اعدل المواعيد من تشابترين بالأسبوع لثلاثة وبكذا راح ننتهي قبل الإختبارات لان انا كمان اختباراتي على الأبواب والله بس باذن الله راح تنزل التشابترات في وقتها .. نـــورتي والله ومن سعـد حظي إذا قدرت اشوف رايك بكتابتي <3 , وراح انتظرك |
رد: انتماءات كاذبة
السـلام عليكم ورحمة الله وبركاته
بـعد تفكير قررت أنشر الـ BBM حقي للتـــواصل وللنقد والآراء نظرا لإقتراح ماكنت مفكرة فيه وهو : يمكن سبب قلة الردود إن البعض مايحب يكتب بالمنتدى .. او مايكون مسجل وبـرضو لحالة أخرى وهي اذا تاخرت بتنـزيل التشابتر نظرا لأنه السؤال هنا يحذف ويسبب زحمة بس ممكن تتواصـلون معي هناك وممكن نسولف <3 هذا الــبن وراح اسعد بتواصلكم / D9D7812D |
رد: انتماءات كاذبة
" التشابتر الرابع والثلاثين "
• بين منطوق لم يقصد ومقصــود لم ينطــق تضيع الكثير من المحبة - جبران خليل جبران بين ممــــرات المستشفى / بعد نقاش طـويل نطق مراد : أنت شنو تنصحني .!؟ هيثم تو يفيق على نفسه : هـاه .؟! مراد : شنو هاه ! لا تقول لي ساعة اكملك وانت مسرح .؟! هيثم : لا شنـو مسرح .. شوف أهم شي الصلاة مراد عقد حواجبه : ونعم بالله ... بس وش دخل الصلاة بالتخصص هيثم بنرفزة : لأنك اذا صليت وفقك ربي لتخصصك ! مراد : قول أن بالك ماكان معي وبس ! هيثم تجاهله وهو يطلع جواله ويمشي بعيد : الـو .؟! إبتسام : هلا هيثم .. هيثم : شخبـــارك .؟! وكيف الأمور عندك ؟! إبتسام فهمت قصده بالأمور " غادة " .. بس عزة نفسه ماتسمح له ينطقها : ماشي حالها الله يعينها .. انا اقول بما انه مر اسبوع من راحت رنيم يمكن نروح يوم يومين قبل العيد لجدة نشوفها هيثم : لا شدعـوة كل هالسالفة .. قولوا لأحمد يجيب رنيم وبس ابتسام : احمد مامنه رجا .. حتى اذا كلمته غادة مايرد ! قال تحسبيني باهملها زيك هيثم : عموما هالخطوة أن صارت اللحين ولا كان بتصير بعدين .. فتشرح صدرها ومصير كلش يتصلح ابتسام تنهدت : ان شاء الله ... معليش هالفترة انشغلت عنك كثير , كيفك كيف حياتك .؟! هيثم : كلش تمــــام ... " كمل بتردد " أقول إبتسام ابي اكلمك بموضوع ومهم شوي .. قصدي يعني متى تكوني متفرغه .. إبتسام بمزح : نويت تخطب ولا شالسالفة .!؟ هيثم : يمـــكن إبتسام ماصدقت : وش !! هيثم : لا تتحمسي ... بقولك وقت اقابلك .. إبتسام : اذا ودك الليلة هيثم : لا الليلة عندي مناوبة وصعبة أطـــلع .... كيف بكرة معاك .؟! إبتسام : بـــكرة ماحتزبط معاي معزومة .. خلها بعده اوك .!؟ هيثم : اشوفك وقتها اجل .. يله سلام تنهد وهو يسكر السماعة ... وش بقول لها اللحين .؟!! ولا كيف بفتح الموضـوع ! " خلل اصابعه بشعره بإنزعاج من نفسه " كل اللي يعرفه أن فكرة انها ترتب حياتها وترجعه غريب ماتعجبه .. *** أسمـــاء .. كتبت أخر صفــحة بدفترهـا " الحمدلله الذي أغناني عن الذين ظننت أن لا غنا لي بعدهم " بعـد ماسطرت آخر صفـحة حضنت الدفتر بين يديها وهي تنـزل للمطبخ وترميه بالمحرقة , تناولت الكبريت وهي تشب فيه .... ماعاد لكل هالمشاعر معنى .. كانت غبية باللحظة اللي فكرت فيها انه ممكن يلتفت لها او يحس بها .. بعد ما خلصت صعدت لغرفة امها وهي تطرق الباب : مين .؟! اسماء : هذا انا ماما ... اقدر ادخل .؟! أم فراس : تفضلي حبيبتي دخـلت اسماء وهي تجلس جمب أمها : شتسوين .؟! أم فراس تنهدت : عزمت إبتسام بكرة اسماء : ليــــش .؟! أم فراس : وش ليش بعد أبي اسالها وش قالت لها غادة ... انا ماحبيت هالوضع آخر عزيمة ماحضرت أكيد عشان هالموضوع لازم نلقى له حل أسماء : اهـا .. المهم ماما أبي اقولك حاجة أم فراس : قولي ... أسماء تنهدت بضيق وهي تحاول تمهد : ماما انا جالسة أفكر هالفترة .. يعني جالسة أقول عقب 20 سنة من اللحين أكيد بكون محبطة بسبب الأشياء الواجد اللي تمنيت أسويها ولا سويتها .. يمكن أكثر حتى من الاشياء اللي سويتها .. عشان كذا بخاطري أني كيف اقولك ..؟! " كملت بتردد " ابعد شوي من منطقة راحتي .. ودي اسابق العالم .. ابي ادور حاجة شغفي فيها أو اعرف اقل شي وش حلمي بهالحياة .. ابي اكتشف انا وش أبي بالضبط أم فراس انقلب وجهها .. حست الموضوع مو تمام : وش تمهدين له اسماء .؟! اسماء بضيق : مابقى شي على العيد ... وعقبها الدوامات وانا بخاطري أقدم بعثة ام فراس فتحت عيونها : تبين تغتربين .؟!!! أسماء : افهميني ماما .. بهالحياة شيئين بس يعطونك حيوية العــلم والحب , " كملت بضيق " ماحصلت حيويتي بالحب فأنا احس الغربة بتاخذني للي أبغى ام فراس بإنكار : لا لا ... مستحيل اسمح لك ! كيف بتروحين ومن بتروحين معه !! أسماء : ماما طلبتك فكري .. لا تردين علي كذا , انا هالفترة ماعدت احس اني حية .." كملت برجاء " تكفين ام فراس : فلنقـــل أني موافقة !! فراس اخوك ... مافكرتي فيه .؟! اسماء : عشان كذا انا اقولك .. عشان تقنعيه .. أم فراس : مستحيل يقتنع وأنتي عارفة ! اسماء بقهر : ليش .؟! ام فراس : اسماء هالموضوع انسيه .. وقت تتزوجين روحي ادرسي برا اسماء بعصبية : وانا كل ماقلت لكم شي قلتو لاتزوجتي سويه !! وين هالذيب اللي بيحقق لستةة امنياتي !! كان فراس طالع من غرفته بينـزل .. لفت انتباهه صوت مرتفع من غرفة امه توجه لعندها وهو يطق الباب : يمه ؟! ام فراس : حياك ادخل دخل فراس وهو عاقد حواجبه : شالسالفة اصواتكم طالعة .؟! ام فراس : الشيخة اختك تبي تبتعث برا ! فراس ابتسم بسخرية : ايه طيب ... المهم انا ماشي برجع على الفطور ام فراس : لوين .؟! فراس : كم شغـلة بس ماحطول أول ماطلع التفتت ام فراس لاسماء : شفتي .؟! حتى ما خذاك من جده ! مهبولة انتي عضت اسماء على شفتها وهي تطلع بقهر .... وتدخل غرفتها وتسكر الباب وراها باقوى ماعندها ام فراس صرخت لها من بعيد : هـــــــزل بعد ! *** لــؤي / بعـد ما أكتشف هالخبر وهو بصدمة وعزلة ... يحاول يستوعب اللحظات اللي فاتته .؟! فاته شكلها وهي حامل .. فاته ولادتها .. واللحين فاته أول نظرة لبنته .. بكل لحظة يستوعبها ويتمنى باستماته يعيد الزمن ويعيشها يكـره فراس أكثر .. وصل أخيرا قدام المستشفى .. نزل حتى وصل للموظف اللي قدر يشتري أمانته ويسرب معلوماتها : I want her number سـلمه الموظف الرقم مباشرة ... جلس لؤي بجلسات برا المستشفى والرقم بيده , مسح على وجهه وقلبه يحس برجفه مو طبيعية ... فعلا غيرت رقمــها وقف وهو يطـلع لأقرب كبينة ويدخل عملته ويضغط ارقـام جوالها : .... جاه الـرد اللي هـز كيانه ... زلت دمعه من عيـونه دون يحس مو مصدق انه يسمع صوتها العفوي وهي ترد : hello? لؤي يحس الدنيا تدور فيه .... نطقت مرة ثانية : hello ?! لؤي نطق بلهفة ممزوجة بألم : هلا فيك .. سارا طاح الكاس من يدها وهي تحاول تكذب الصوت اللي تسمعه : .................. دخل جاكسون المطبخ وقال بخوف : what's wrong !! are you ok ? سكرت سارا السماعة مباشرة ويدها ترتجف ... لا مستحيل مو هو , بس مستحيل اغلط بصوته .. بلعت ريقهـا وهي مو مستوعبة ... عــند لؤي :- حدد موقـع مكالمتها ... لازم يروح هناك باقرب فرصة , ماعاد فيه حيل فراقها خلاص يبي يشوفها باقرب فرصة .. *** : يـــــــــــا أهل الدار ! .." عقد حواجبه " غريبة وينهم .؟! ... إبتسااااام طلعت له من غرفة غادة : هلا نايف : وش هلا الكئيبة هذي ..؟! " ابتسم " عموما جيت ابشرك مسكت وظيفة بقناة وثائقية إبتسام مالها خلق نهائي .. لكن ابتسمت بمجاملة : مبروك نايف رفع حاجبه : لا بالله .؟! تعبتي روحك ياشيخة إبتسام : تبغى شي ضروري !؟ نايف بضيق : متى بتفهمين انتي وغادة ان محد راح يتحمل ضرر كل هالمبالغة بالحزن غيركن ... فارفقن بنفسكن شوي إبتسام : هذي أم يانايف وفقدت بنتها ! وش مفروض اقولها اضحكي .؟! طبيعي تكون زعلانة !! نايف : لنا أسبوع إبتسام وحنا بيتنا كئابة لهالسالفة بس ... يعني لمتى .؟! إبتسام : مو عارفة .. لو مو ولد عمك سوا كل هذا كان حنا بخير نايف : عموما انا طالع اللحين وبفطر برا ... كمــلو كئابتكم براحتكم انقهرت إبتسام من كلمته !محسسني هالكئابة اختيارنا ..... مو كأنه غصب , تاففت وهي ترجع تدخل عند غادة : اقول غدوشة ... شرايك نطلع اليوم السوق نتجهز للعيد قبل الزحمة .؟! غادة كانت متربعة والمخدة بحضنها ومركزة بجوالها : وقت يرد علي زفت الطين ! راح افكر بالعيد وغيره !! إبتسام : ما يأستي منه ... لك من امس تدقين مايرد غادة : والله مو بكيفه ان شاء الله افجر جواله مكالمات يرد يعني يرد ... لو وبعد انتظر العشاء يجي وهو منطشني راح ادق على امه براسها إبتسام : ما أمحق من احمد إلا امه ! غادة تاففت : حيــــــــــــــــــــوان !!!!!!! إبتسام : صومي لاتخربي صيامك عشانه غادة رمت براسها على ورا بقهر : اشتقت لها حرام عليه وش كل هالتطنيش ... مو عارف اني بموت شوق لها يعني , ولا وين الحق في أن زوجته البقرة تشبع من بنتي وانا منحرمة منها هنا إبتسام تنهدت : الله المستعان ... انتي روقي وتعالي نجهز الفطور غادة : بالله ابتسام مو وقته مالي خلق مطبخ ولا غيره .." رجعت تعدل جلستها وهي ترفع الجوال لاذنها " رد .. رد .. يأست إبتسام منها وطلعت ... قررت تصعد تاخذ لها قيلولة بما ان نايف ماراح يفطر هنا صايره تحمل جسمها اكثر من طاقتها وهي محتاجة راحــــــة .. *** ســارا / تركت شعــرها الأسود على كتوفها .. وانحنت لمايا وهي تثبتها بمهدها الثقيل وتسدحها ب عربيتهـا , أول ماطلعت استقبلها جاكسون : where ? without me ?! سارا : I am gonna take a walk with maya جاكسون : you'r not feeling well today so I am coming with you سارا : I need a time by myself so .. جاكسون : consider me not here ! تنهدت سارا وهي تدفع بعربية بنتها قدامها وتطــلع من بيتهم المتواضع .. طول المشوار وعقلها بالمكالمة اللي صارت اليوم .. مرة متزعزعة عقب ماسمعت الصوت اللي متأكدة انه صوته بس تحاول تنكره بكل الطرق ... يمكن اذا انكرته يبطل يتحقق : ............ جاكسون : look to this place , want to stay for a moment سارا وهي تكمل طريقها : I think you considering yourself not here .. aren't you ! جاكسون : boring ! سارا : go back home then جاكسون : and leave maya with a gloomy person like you !!! what a crime انحنت سارا لمايا تعدل وشاحها .. وتكمل مشيها ورغم كلام جاكسون اللي مايخلص هي بعالم ثاني , قلبها دليلها اليوم مرة غير ... فيه حاجة غلط اليوم وهي تعرف ايش هي بالضبط بس صعب تعترف فيهـا ... قلبها يقولها انه راح يظهر قدام عينها اليوم .. صـوت هادي معروف تسلل لسمعهـا ليضرب جرس الإنذار بعقلها " ســارا " شدت بيدها على مقبض عربية مايا .. دون تلتفت ماتقدر تلتفت ! صعب تصدق اللي جالس يصير ... ياربي انا بحلم ولا علم .. جاكسون عقد حواجبه وهو يشوف الشخص الواقف بالجنز والتيشيرت الرمادي مع الجاكيت الجلـــدي الأسود مع بياض بشرته وعيـونه العسلية ... كانت عيـونه ناحيتها وانما العيون تحكي مالا يقال .. : who're you ? لؤي زادت حدة اضطرابه وهو ينتبه للعربية الطفولية قدامها ... أوامره ماتوصل لرجله عشان تتحرك : ....... استغرب جاكسون الجـو ... كان ينقل عيونه بينهم وواضح من الجـو ان هذا الرجـل الواقف هو " لؤي " ماغيره .. انصدم جاكسون وهو يلتفت لسارا وينتبه لعيونها حمراء .. والرؤيه قدامها مشوشة من دموعها : ... لؤي بعد مدة تعتبر طويلة بالفعل .. حرك رجليه حتى وصل قدامها , سارا كلش فيها ارتجف وهي تطالعه ماتقدر تصدق انه قدامها .... استوعبت انه قدامها وهي تنتبه لوجهه المتأثر وهو يمد يده يمسح بها على خدها الناعم وينطق ببحه : ياللــــه ... يالله كم صار لي ضميـان .." كمل وعيونه تلين أكثر بحب وهو يطالعها " تو أرتويت .. سارا مافيها القوة حتى تستجيب للمسته ... كل اللي تعرفه ان هذي اليد الدافية اللي اشتاقت لهـا كثير : ..... نزل لؤي عيـونه للعربية ... كانت لحظة ماراح يبدلها بعمره كلها وهو يشوف هالكائن الملائكي النايم بسلام ويستوعب ان هذي " بنته " جلس القرفصاء قدام عربيتها وهو يسند راسه ودمعـه اصرت على حضورها : ســـامحيني ... طلبتك تسامحيني .. ماكان بيدي والله ماكان بيدي .. جاكسون كان الموقف رهيب بينهم .. لدرجة منعته من التدخل ماحصل مدخل , واضح كل واحد مايشوف الا الثاني واي حرف ينطقه ماراح يكون مسموع : .... نطقت سارا بين دموعـها : وش تبي مني اللحين .؟! لؤي اللي كان مازال متأثر بمنظر بنته ... رفع عيونه لها وهو يبتسم بين جروحه : أشتاق لك زوجك كثير .. وجا يخطفك سارا رغم ان دموعها ونظرتها تحكي صدق شوقهـا .. نطقت : وجودك غير مرحب فيه .. ولو عطيتني فرصة على التلفون اليوم كان طلبت منك ماتجي لؤي نزل راسه : حقـك ... حقك تزعلين وتعاتبين و..... بس معليش نأجل هالكلام " نزل عيونه للعربية " انا ابي استوعب هاللي قدامي .. سارا عضت على شفتها .. حاولت تمنعه كانت مصممه تطرده ماتعطيه فرصة لكن حصلت نفسها ساكته وتراقب بألم وهي تشوفه يرفع مايا بمهدها برقه ويطبع قبله على خدهـا نطق بغمصه : يالله .. قد ايش فاتني , كيف قواك قلبـــك .؟! كيف .؟! سارا ظلت تراقبه بصمــت وهو يطالع مايا ... وواضح اعتصاره للألم بكل نظرة لها , اخيرا رفع عيونه لسارا : رغـم كل هذا مازلت ادعي ربي كل ليلة يرسم الضحكة على ثغرك وانه يكون معك وين ماكنتي .. وين ماكنتي تتخبين عني . سارا بقهـر : لا تتوقع التمس لغيابك عذر .. ماراح تغيب إلا اذا كرهت تكون موجود حولي .. لؤي : أنتي شايفه نفسـك .؟! ما أتوقع ... لو شايفه كان فهمتي اني مستحيل اكره اكون حولك , انا ظليت كل هالفترة أفكر ابيع دنيتي كلها عشانك .. سارا بقهر : لا ماقصرت .. لؤي بوجعـه : سارا انا مشتاق لك ... حرام عليك اتركيني اكحل فيك .. اتركيني اضمك .. لاتزيدين قلبي شقا بصدك سارا مسحت دموعها بطرف كمها ونطقت مباشرة : الوقت تأخر لازم ارجع .. ممكن البنت ؟! لؤي : مستحيل اتركك تمشين ... " كمل بقهر " انا ماصدقت اخيرا اخيـــــــــــرا حصلتك .. ماتدرين لحظات اليأس الي ناولت عقلي وقت اللي ماحصلتك بكل مكان حولي ... " كمل بغصة " ليش فجأة اختفيتي ؟. سارا مسحت دموعها بطرف بلوزتها وهي تحاولي تقسي نفسها : شي يضحك أن عقب كل هذا تشوفني انا اللي اختفيت .. مو انت اللي غبت ولا عاد بغيتني .؟! لؤي : سـارا لاترخصين حبـي ولا تقللين منه ... مهما طالت المدة في راسي كنت راجع راجع .. سارا ظلت تطالعه بنظره مقهـورة معباه بدموعها : ........................ لؤي كمل بيأس : بهاللحظة بالذات ... بعقلي كلام كثير بس احس اني جالس افكر بشي واقول شي ثاني .. وانتي جالسه تفهمينه شي ثالث بس عقب كل هذا راح يصير شي رابع انا متأكد , لاتوهنيني ببعدك أكثر من كذا " كمل برجاء " طلبتك قطـع المحادثة صوت بكاء مايا بين يدين لؤي .. مجرد ماطـالعها لؤي عيـونها نسخة عيونه ابتسم : ماعندها نظر بنتنا .. ماخذت عيـون امها اللي تذبح .؟! مايا مجرد ماتكلم وطالعهـا .. هدت تلقائي وهي تطالعه بنظرات براءة : ...... سارا بضيق : انا لازم أرجع ...مايا أكيد جويعة وتعبانة و ...... " بلعت ريقها وهي تكمل " وأنت روح بطريقك وانا ماراح احاول اتصل فيك .. ولا راح يراودني فضول عن حالتك وأكيد ماحشتاق لك .. خل نرجع مثل ماكنا قبل سنتين .. غريبين .. لؤي : ماراح ترجعـــين معي ؟! سارا بضيق : ياجمـالك وانت تتكلم بهالسهولة .. لهالدرجة تحبني ؟! لدرجة تفكر حياتي مافيها اعتبارات غيـــرك ... اجلس معك وانت تقدر تجلس حولي بس وقت ماتقدر لازم برضو ارجع لك ؟! لؤي : ماعندي شك أني اناني فيك ... بس بهاللحظة بالذات انا مشتاق لك سنتين مو شايفك .. ولا سامع لك حس .. سارا : واضح ..... لدرجة أنك كنت تعرف اني حـامل بس مافكرت تتواصل معاي , مو ؟! لؤي فتح عيونه : انا ؟! يشهد علي ربي ماعرفت الا لما اختفيتي نهائي .... ومتأخر ! ومن عرفت وانا ما انام الليل .. قاطعته سارا وهي تصرخ بقهر : وش مصلحته يكذب اجل .؟! لؤي : إذا قصدك فراس ... فمثل مالعب فيك لعب فيني .. سارا : ليش تشـوف نفسك الطيب وهو الشرير .؟! " كملت بغصة " على فكرة طلع حنون اكثر منك ... شاف مكانته رفيعه قرر يعيش على قوانين مكانته ... أنت جالس تكسر قوانينك وتحطني ضحية لعلاقة سرية .... يكون في معلومك انا اكثر من شاكرة لفراس اللي صحـاني على اللي جالس يصير .. ولاكنت انتظرتك للأبد . لؤي بقهر : لا تقولين كذا .. لولا هو كنت رجعت لك بدري .. رن جـوال سارا .. نزلت عيونها منه اخيرا وهي ترد مباشرة : yes ?! …… in my way .. سكرت السمـاعة : رجع البنت لعربيتها لو سمحت ... لازم امشي تنهـد لؤي بيأس : ماراح اضغط عليك اللحين ... بس اتركيني اقل شي أوصلكم سارا : بلاها ! رجع مايا وبس لؤي مد مايا لها .. مجرد مافارقت يده باشرت البكاء ربتت سارا على ظهرها : خلاص خلاص اخذ لؤي مايا من يدها بهدوء ... وسكتت مباشرة : اتركيها معي اليـوم .. سارا : مستحيل ... البنت ترضع كيف تاخذها .؟! لؤي : .................. " نطق اخيرا " من أي جهة بيتك ؟ بوصلك .. سارا حست باحراج خصوصا ومايا اللي صار لؤي تعويذة بالنسبه لها تسكت مباشرة معه .. بعد حرب نظرات وضح اصرار لؤي فيها أنه بيوصلها لو ايش ... عطتهم ظهرها وهي تتقدم عليهم وتمشي وبينهم بمسافة .. بمعنى دون تتكلم .. لكن لؤي كان يحاول باصرار يقصر هالمسافة : ..... لازم نرجع المستشفى بامريكا .. سارا : ليه ؟! لؤي : بسجل بنتي بأسمي ! سارا : لو أبي اسجلها باسمك كان عطيتك خبر .. لؤي تنهـد : وبعــدين يعني .؟! مو معقولة تجلس بنتي دون اسم سارا : من قـال ..؟! ما اعجبك انها باسمي ... مايشرفك ياولد الشمري ؟! لؤي طالع مايا : ....... ونعم باسمك خلاص اتركيها مثل ماتبغين . سارا وهي ماتلتفت له حتى مركزه بطريقها : دون تقول . مسك لؤي يدهـا وهو يستوقفها : ......... بأمانة سارا ما اشتقتي لي .؟! انا مايحتاج تسألي حتى بهاللحظة وانتي قدامي مشتاق لك .. سارا طالعته وهي تحس وجوده مزعزع لكل معنوياتها : لا مو مشتاقة لك .. اشتقت لك لكن خلاص فترة وعدت لؤي : انا فاهم الفترة اللي غبتها كانت صعبة .. ومريتي بكثير .. ابي اعرف التفاصيل .. يوم ولادة مايا .. شصار ؟ سارا : معك حق .. كانت فترة صعبة مابي أتذكرها حتى . . فترة خلتني ما استوعب أي رجال بحياتي .. نهائي لؤي بضيق : ... شدعوة سارا ؟ مو لهالدرجة .. انا جاي اشحذ رضاك سارا : تخيل انه لهالدرجة عاد .. لؤي بالم : كرهتي الرجاجيل كلهم بسببي ؟! سارا عضت على شفتها : لا ما اكرههم .. كل الموضوع اني معد حصلتهم .. لؤي الجرح بقلبه جالس يكبر .. مو متحمل كيف انه حصلها بس ماحصلها , اكتفى بأنه يرجع مايا لعربيتها ويطبع قبلة على خدها .. ويروح بطريقة ودموعه انسابت مباشرة ... كان لقائهم قاسي .. قسوة ماعهدها منها ... كان يتمنى اللحظة اللي يشوفها عشان يضمهـا يدفن نفسه بصدرها .. لكن هيهـــآت .. *** ميهــــاف / دخلت المطبخ تتأكد من الفطور وشغل الطباخة .. وبعدها طلعت للصالة : غريبة بدر للحين ماجا ؟ دقت عليه مباشرة : حيـاتي .؟! جاها صوت رجالي : ههههههههههههههههههههههههه عيون حياتك طاح قلبها .. هذا مب صوت بدر بلعت ريقها : من انت .؟! : واحد يحـبك تو بتسكر السماعة انسحب الجوال وجاها صوت بدر : هههههه هلا قلبي .. لبيه .؟! ميهاف : من كان يكلمني من شوي !!! بدر : هذا نايف المهوي ماعليك منه ميهاف : وجججع !!! هذا نيوف .؟! متغير صوته حسبي الله على بليسه ماعرفته بدر : ههههههههههه ناشب لي من ظهر بسيارتي نايم .. وتو صحى الأخ ومروق ميهاف : اما نايم بسيارتك ... وش هالتشرد .؟! بدر : هههههههههههههههههه شايفه ... ميهاف : اوك حياتي وينك ؟! متى بترجع ؟! بدر : اللحين بالطريق ... بس ترا نايف بيفطر معانا اليـوم ميهاف : حياه الله مو مشكلة سكر بدر السمـاعة وهو يلتفت له : سلامات ! الواحد مايخلي جواله عندك يعني .!؟ نايف : شاسوي ابطيت ! ساعة بالبنك .؟! بدر : يله مشينا ... دق على عبدالمجيد شفه يفطر معنا نايف : الله يرحمك عبدالمجيد مسافر ! بدر : يووه صح نسيت ... " وقف سيارته قدام محل مرة ثانية " نايف : اففف وش بعد .؟!!! بدر : كل *** بعد طرار ويتفنك ! انثبر بجيب مقاضي البيت وبجي نايف سدح المرتبة وهو يستلقي ...... مجرد مارجع بدر ودخل الأكياس وركب مقعده كان غط بنومة من قلب , كمل بدر السواقة وفجاة وقف بقوة حتى ارتد نايف لقدام .... فز نايف من نومة مرعوب اما بدر : هههههههههههههههههههههههههههههههههههههههههه !! شكلك شكلك نايف : استغفر الله ! اللهم اني صايم ... خاف ربك يخي بغيت تخلع عقلي !! بدر : هههههههههههههه بالله هذا مكان نوم ! قوم يله وصلنا .. نايف : قومني زي العالم مالت عليك بدر : اقول احمد ربك ... زين فيني ماخليتك نايم وسكرت السيارة وصعدت بدال ماتنزل معي وتغثني في بيتي وخصوصيتي نايف وهو ينزل : اقـــول .... " شد على فمه " عقب الفطور ارد لك بدر : خل منك .. يخي لو تسألني عن الإحراج اقولك ع طول صوت البطن اللي يطلع فجاة وسط ناس ساكتين نايف : ههههههههههه صارت لك اجل .؟! بدر : ايه اليوم مدري شفيني ! وماتشوف الا الكل يطالعني ... مو كأنه طبيعي واحد صايم ويجوع ! فتح بدر البيت وهم يدخـلون .... استقبلتهم ميهاف: هــــــــلا والله ... اسفرت وانورت بالأخو اللي ماينشاف نايف : هذاي جاي اشوفك وذلني رجلك ... بس شالسواه نصبر عشانك ميهاف وهي تسلم : ههههههههه والله دون ... ماشاء الله عليك يعني عايش نص حياتك دون نشوفك نايف : المهم شخبار فطوركم ترا اهم شي الأكل ! ميهاف : اهم شي ...؟! رح مطعم اجل وش جايبك .؟! نايف : والله ماعندي مشكلة بس زوجك البثر نشب لي بدر رفع حواجبه : كأنك مستلمها ...بزوجك ذلني زوجك نشب لي ! محصل لك ذبه انت ووجهك .؟! نايف : مو هذا الصدق ؟ وبعدين الأكل هو الراعي الرسمي لمزاجي والمتحكم الأكبر في نفسيتي.. طبيعي يعني اسال عنه واشتحن ميهاف : لا تخاف موجود كل اللي يرضيك .. كيفك انت اهم شي وكيف ابتسام ؟! نايف : تمـام حمدالله .. انتي شلونك مع الحياه الجديدة ؟! ميهاف ابتسمت : حمدالله مبسوطــــة نايف تنهد : ايه يابدر ياحظك .. محد عنده زي اختي شف بس في البيت ومالها شغل غيرك لا اهل ولا وظيفة ناشبين لها الله يرزقنا بس بدر : ههههههههه تشوفني انقهر اذا قالت بشتغل .. عاجبني شكلها بالبيت كذا ميهاف تخصرت : قل والله .؟! بدر ابتسم لها : والله نايف : لا وعبدالمجيد جالس يقول آخر مرة لازم موظفة ولا مابيها ! يحمد ربه اذا جته وحده مو موظفة والله الوظيفة قرف بدر : ما أدري وش وضع هاللي مايبي يتزوج الا موظفة , هذا يكمل نص دينه ؟ ولا يكمل نص راتبه ؟ من جد فراغه نايف : عموما الموضوع فيه منطق .. الموظفة احسن حال من جميع النواحي , يعني انا الصدق لو على الوظيفة بس ماعندي مشكلة بس مشاكل اختها هذي بتطير عقلي خلاص بدر : من وين احسن حال .؟! تصير مشغولة .. ومو ع طول تقدر تقابلك نايف : هذا المطلوب ! بدر : هالشي مو مطلوب بالنسبه لي .. ميهاف : لاتخاف حياتي اقابلك طول عمري ماعندي مشكلة بدر : الله لايخليني ميهاف : إلا نايف ع طاري .. شخبار غادة ؟! ماخلصت هالمشكلة مع فراس نايف دون نفس : مدري ولعد ابي ادري .. ان شاء الله يتذابحون انا مالي دليل بدر : ههههههههه اوف طايبة نفسك بقوه نايف : تعال بيتي نص ساعة بس وتفهم قصدي .. والله الواحد له حدود في الشي اللي يصبر عليه ميهاف : يمكن حياة العزوبية مسببه لها تعاسة .. لو قررت ترجع تتزوج بتروق اكثر نايف : اذا ماكانت مبسوطة وهي عزباء ماراح تنبسط وهي مرتبطة لأن السعادة من داخل الإنسان مو منا حنا الرجاجيل ميهاف : معـك حق ... الله يعينها يقولون متأزمة عقب بنتها , والمشكلة خالتي ياعمري شايله عقدة ذنب تقول اخاف يحسبون حنا المتسببين نايف بقرف : ومو هذا الصدق .؟! ميهاف : لا ما ظنيت ... عموما هي عزمت مرتك بكرة تقول بتفهمها ان الولد ماله دخل بكل هاللي يصير .. نايف : أملها تقتنع تنهدت ميهاف : الله يعين .. يله انا بقوم اجهز الفطور مابقى شي *** على سفرة الإفطار / فراس : وين اسمـاء .؟! ام فراس تنهدت بضيق كلهم متجمعين على السفرة إلا هي .. علت صوتها تنادي : اسمــــــــــــاء صوت اسماء من المطبخ : أيـوه ؟! ام فراس : تعالي يا أم البعثة جت اسماء وهي تاخذ مكانها على الطـاولة : ................ ام فراس : المهم وش رايكم العيد هالسنة نقضيه بالمـــزرعة .؟! فراس : اذا بخاطرك مو مشكلة نقضيه هناك . ام فراس : انا بخاطري بس خايفة الجو هناك يوجعك وماتتحمله فراس وهو ياكل : احتمــال ما اكون هنا بالعيد عموما ام فراس بفزع : لييييه .؟! فراس باقتضاب : شغـل . اسماء بقهر : بالله وين العدل .؟! هو مسموح يفوت العيد ويسافر .. وحنا محرومين حتى من بعثة !! وش هالقرف ؟؟ فراس طالعها بنص عين ووقف مباشرة : حمد الله .. انس قوم الصلاة ام فراس : لحظة يامك ... ماني موافقة تسافر بالعيد .؟! مايتأجل هالشغل فراس وهو بطريقة برا : بعدين يمه .. ام فراس اول ما طلع : كأنه مب على بعضه اليوم ... شصاير بعد .؟ اسماء وقفت : حمدالله تنهدت ام فراس وهي تطالع ياسمين : الله يعين .. محدن على بعضه بهالبيت وانا يدي مربطة مدري وش اسوي *** بعد الصلاة ببيت بدر / اثناء سوالف نايف وبدر ... دق جوال نايف زفر بضيق وهو يرد : ايه ؟ إبتسام : هلا نايف ... وين افطرت فيه اليوم ؟ نايف : سنعت حالي لاتشيلين هم إبتسام : اهـا ... طيب وينك متى ترجع ؟ نايف بضيق : ليش تبين شي ؟ إبتسام : لا بس اسأل .. نايف : دام ماتبين شي اجل برجع متى مارجعت .... يله سلام سكر السماعة مباشرة .... التفت له بدر : اقول نيوف انا عقب العيد بكم يوم عندي تصوير بالكويت , تخاوي ؟ نايف : مدري بشوف ... زفر بدر : انا لازم اغير حساباتي ... اقلقوني العالم خلاص نايف : وش عليك احقرهم .. بس مافيه داعي تغيره بدر : نششب نشب يخي .. وبعدين حتى لو بينشبون انشبوا بكل الطرق بس دون كلمة " ممكن نتعرف " تجيب لي كئابة من نفسي نايف : استغفر الله بدر طالعه بنص عين : خير مانيب عاجبك .؟ نايف : لا حشى ... خصوصا الناس اللي مثلك يخلوني استغفر كل ماشفتهم يعجبوني حيل جت ميهاف وحطت صينية القهوة : قربوا سمو نايف : لا يعطيك العافية انا ماشي خلاص ماقصرت ... ميهاف : بدري اجلس اشرب فنجالك نايف : خيركم سابق ... يله سلام بدر : في امان الله *** فـراس / اثناء جلسته بغرفته .... وجواله قدامه ومجرد يحدق فيه : .............. استسلم لنفسه وهو يسحب الجوال ويدق على رقم لؤي ... اول مرة يتجرأ يدق عقب اخر مكالمة بينهم : ...................... " انفتح الخط لكن الطرف الثاني كان صامت " نطق فراس : الـو ؟! لؤي : نعم . فراس : ينعم بحـالك ... " ماعرف فراس وش يقول ... فنطق بإلتواء " انت فين اللحين ؟! لؤي : مايخصك ... واظن اني قلت لك معد تدق علي فراس : انا فاهم انك شايل علي ... لؤي : لا حشى .. ليش اشيل عليك .؟! بكل بساطة اشيلك من حياتي وانتهى مايحتاج اشيل عليك ولا غيره فراس بسخرية : طمنتني اجل . لؤي : سلام وسكر السمـاعة .. طالع فراس بالسماعة وتنهد بكئابة : غبي ليش دقيت ؟! قالك من البداية ان الموضوع انتهى .. *** سـارا / اثناء ماهي جالسة مع صوفي بغرفة المعيشة ... وشاردة تماما وصلتها رسالة على جوالها فتحته كان رسالة من لؤي , شدت على جوالها وهي تفتح المسج / لمت نفسي ولامني وقتي معاك اشتكي من هم وابكي من الم ياخطاي اللي توافق مع خطاك لاسلم حبي ولا حبك سلم انت اعز الناس ماتجهل غلاك معتقد هالحب ياتي من عدم ؟ كل مامرو علي هذا وذاك كلهم ولا شي وأنتِ اللي أهم لؤي لمعت عيـونها وهي تستشعر كتاباته .. أول مرة يكتب بشعره شي حزن , طول عمره يشعر فيها وشعره يزينه فرح .. عضت على شفتها وهي ترد : - تبغى العلم الأكيد ؟ وليش أنا بعدك قسيت ؟ خلك جنبي ثواني وهآت لك ... ورقة , وقلم أكتب اللي رآح أقوله احتمال أنك نسيت ! واحتفظ به في كتاب اسمه - تعريف الألم – صرت ما أحس بعيوني من كثر مآ أنا بكيت ومن كثر مادست شوكك صرت ما أحس بألم تذكر ؟! أول ماعشقتك كم عن حبك حكيت وعن خفوق في منامه بغير قربك ماحلم ؟ وتذكر : الصدمة بغدرك كم أنا منها شكيت .؟! والخفوق الي حلم بك كثر مآحب أنظلم ؟! دور بقلبك اجابه وأنت تعرف لو بغيت .. والزجاج ان كنت تجهل بعد كسره مآيلم حست اعصابها هدت شوي بعد مافرغت همها بمسج ووصل له ... ماطول إلا جاها الرد : امازلت غضبى ؟ إذن سامحيني .. فأنت حبيبة قلبي على أي حال .. سأفرض اني تصرفت مثل جميع الرجال ببعض الخشونة .. وبعض الغرور فهل ذاك يكفي لقطع جميع الجسور ؟! واحراق كل الشجر .. قررت ترد آخر رد ... ماراح تسمح له يستعطف قلبها بحكيه المعسول كتبت بقهر / مابيني وبينك مشاريه وعتاب شف دربك اللي جيت منه تدله ماراح تغلبني لو الحب غلاب من حضرتك عشان قلبي تذله كنت القريب وكلهم اغراب حتى القمر لاغاب شفتك محله رح واعتبرني واحد اذنب وتاب ماني بثوب تلبسه ثم تمله وكان فعلا الرد الأخير ... استسلمت كتابات لؤي قدام قسوة كتاباتها .. *** اثـــناء وقوف نايف قدام شركة أبـوه .. بطلب منه , وقف بالإنتظار لأن ابوه مع ضيف مهم , بعد مدة طـلع الضيف المهم وماكان إلا فراس ... ابتسم نايف بسخرية : انت الضيف المهم .؟! فراس ماله خلق :اللي هو . نايف : كمان مالك خلق ..؟! صدق انك انسان عجيب .. حققت اللي تبغاه اقل شي حسسني أنك مبسوط ! نكدي فعلا مهما يجيك اخلاقك بخشمك فراس : عوافي عليك الحلطمة .. بس عموما ما اتوقع انه يخصك نايف ابتسم بسخرية : سلامتك بس جالس افكر انت لو مطفر وش كمية النكد اللي بتكون فيها ؟! انت بملايينك ومالك خلق احد فراس بكئابة : هذا وانت سيد العارفين .. الفلوس ماتجيب لك سعادة مجرد تخليك تعيش تعاستك برفاهية نايف : انا مدري كيف لؤي صابر يصير خويك .. بجد صبور اخوي فراس بطريقه لبرا : ارتاح اخوك بطل يصير صبور . عقد حواجبه نايف مافهم مقصده .. وقف وهو يدخل لابوه : لاطعني ساعه برا عشان ضيف مهم واخرتها بلا فراس ابو نايف : بلا فراس هذا مديني دين مهم فالطعك ساعات مو بس ساعة نايف وهو يجلس :المهم وش بغيت ؟! ابو نايف : سمعت انك انقلبت بوظيفة ... وش سالفة هالوظيفة نايف :ايه قدمت .. انا مستعد اسوي أي شي عشان احقق نجاح لمصالحي الخاصة ابو نايف : شي طيب ... يعني مستعد تتوظف عندي مرة ثانية ؟! نايف : لا يخي مو لهالدرجة عاد ابو نايف طالعه بنص عين : هذا استعدادك نايف : لاتخاف يبه ازهلها .. بسنع عمري دون شركتك ولا وظيفتك ولا فلوسك ! خلنا بعيدين احسن انا وانت موية وكهرب مانجتمع ابو نايف : موية وكهرب اجل ! يابن الحلال انا كبرت خلاص معد اقدر اواصل اهدافي ومحتاج احد يمسك طريقي نايف : يايبه مو صحيح ان الواحد معد يحقق اهداف عشانه كبر ! العكس الواحد يكبر عشانه وقف اهدافه ابو نايف بعصبية : كالعادة عطني من فلسفتك اللي مامنها فايدة عشان ماتشتغل ! نايف : الزبـدة انا فعلا توظفت بقناة وثائقية .. لسى ماباشرت بس ان شاء الله كلش تمام أبو نايف : ماشي اشوف تاليتك انت وهالوظيفة وش بيطلع معـك *** ســـارا :- دخل جاكسون البيت وفي يده معلب هديـة كبير : I found this box infront of the door صوفي : what's this ? جاكسون : it's for sara … I think , hey sara don't tell me this is him again ! سارا تقدمت وهي تطالع الصندوق ... كان معلب أنيق كبير بشريطة بنكي , ماتغير للحين هداياه باذخة .؟! سحبت جاكيتها وقالت وهي تطلع : take care of maya please طلعت مسرعة حتى وصلت لراعي البريد قبل يبعـد .. وعطته الصندوق واتفقت يرجعه له مع رسالة طويلة قائمة تحليل لتصرفه وأنه مايقدر يشتري سماحها بفلوسه وهداياه ! رجعت للبيت .... استقبلها جاكسون what happen ?! سارا دون نفس let you'r nose out ! واخذت مايا وهي تصعـد مباشرة .... وهي كارهه رجعـته .. باللحظة اللي اتفقت مع نفسها انها عاشت حياتها وبتستمر دونه .. فتحت جوالها وهي ترسل لفراس بقهر " ممكن اعرف وش لؤي يسوي هنا ؟! " *** دخل نايف البيت في ساعة متأخرة من الليل .... استقبلته إبتسام مباشرة : هلا ! نايف بكسل : هلا إبتسام : بدري ؟! وينك من النهار طلعت تو ترجع ! نايف : ايه إبتسام عقدت حواجبها : كنت ابيك تروح معاي اليوم لموعدي .. بس مرة مالك خلق نايف بضيق : انا اللي مالي خلق إبتسام ؟ شكلك ناسيه معاملتك لي طول هالاسبوع ... إبتسام : ايش فيك هالاسبوع ؟! ماصار شي نايف وهو يصعد : يب ماصار شي .. يتهيأ لي أكيد إبتسام : وين تصعد تعال كلمني ! نايف : بنــــــــــااااام ! ولحد يزعجني إبتسام تنهدت وهي تتركه وتدخل غرفة غادة كانت متمعنه بنقطة معينه من الجدار اللي قدامها , إبتسام : وش جالسة تسوين ؟! غادة على نفس الوضع : افكر ! إبتسام : بسك تفكير خلاص .. وش تفكرين هالمرة بعد ؟! غادة بعصبية : جالسة افكر اقتل نفسي ولا أقتلهم كلهم وافتك ! إبتسام تنهدت : ولمتى هالمزاج معك ! روقي خلاص .... حصل خير غادة رفعت يدها للسماء وهي تدعي بقهر : يالله يارب ! اللهم اني كرهت عبدا من عبادك فطيح حظه وين ماكان !! إبتسام : خلاص الرجال بتنخر عظامة من كثر دعاويك عليه .. غادة : تدرين وش بخاطري ؟! بكرة وقت تروحين لأمه اروح معك واسوي له ليلة ماحصلت ! اعلمه كيف يتسبب على العالم وياخذ بزر مالها دخل .... بس قهري الوحيد هو الورقة ليتها معي والله لافضحه فضيحة ماصارت إبتسام : قبل ماتفضحينه تذكري انتي هو كم مرة ستر عليك ؟! انتي على بالك موضوع انك مسافرة وعايشة معه والهبال هذا كله سهل .... لو يتكلم معه تروحين فيها مباشرة غادة : مايهمني ! وماسترها عشاني عشان نفسه ! مايبي الكلام يجي عليه لانه يعرف ان الموضوع يضرنا كلنا إبتسام : الله يشرح صدرك ! مدري لمتى هالعصبية معك خلاص يختي روقيها ... انا طالعه انام قرفت قسم بالله غادة ماهمها ... ظلت صاحية طول الليل فيها حرة مو تاركتها تنام ... *** في الصبــــاح الباكر / ضرب لؤي جرس البيت ,, تركها امس براحتها دون وجهه لازم تكون اليوم مستعدة تكلمه زي الناس : ..... فتح الباب جاكسون ... فتح لؤي عيونه : mmmm , I think this's sara home ? جاكسون لقى فرصة فرد مباشرة : yes this's our home !! رفع لؤي حواجبه .. ثم نطق : where's she ? جاكسون : sleeping , so she can't meet you …. Bye قبل يسكر جاكسون الباب مسكه لؤي : what's with that ! جاكسون : nothing ! she's sleeping so what the hell do you want ! جت صوفي من وراء جاكسون : why're you screeming !! رفعت عيونها للؤي .. ابتسمت وهي تقول : come in , she will be wake by now ابتسم لؤي بمجاملة وهو يدخل ... وينتبه لتفاصيل البيت اللي تعيشه وهو يحس بقهر من جاكسون .. بأي حق عايش معها ! نطقت صوفي : so you're loui ? لؤي : yes this me , I know that I showed up so late , but now I am here صوفي تنهدت : you seem's a good man to me , and sara do love you … a lot but you know she's just broken now لؤي : believe me I know … but I will never leave her again .. : لؤي !!! التفت للعيـون الزرق اللي تطالعه بجده ... نطقت بغضب : شتسوي هنا ؟! لؤي ابتسم : جيت اتطمن عليك .. لما مارديتي على رسايلي ورفضتي هديتي قلت مالي الا اقابلك نتفاهم سارا : مارديت على رسايلك لأني ما ابي اشوفك ! بشكل واضح ! فممكن تطلع من بيتي لؤي : مايا وين مو شايفها ؟! حرام عليك بنتي ماشفتها نهائي ولما اوصل لها اخيرا تحرميني منها كذا سارا : ايش تبغى فيها ؟! لؤي : باخذها معي المستشفى عشان اثبت اني ابوها .. ولا عندك راي ثاني ؟! سارا : أيه ... بدل المستشفى نروح المحكمة وتطلقني ونخلص ! وقف لؤي ونطق بحدة : حلم إبليس بالجنة ! وانا مستحيل اطلقك .... لو تجي كل الدنيا ضدي ! سارا ظلت تطالعه لفترة ثم عطته ظهرها وهي تصعد تاركته وراها .... حس لؤي بيد على كتفه التفت لصوفي : sorry about that ابتسم لؤي ابتسامة صفراء : it's nothing , I will come here again tomorrow وطلع مباشرة وهو يحس الإحباط جالس ياخذ مكان الحماس داخله لشوفتها ... تنهد بضيق : الله يسامحك ياسارا ... *** دخلت ابتسام غرفتها وهي تطالع نايف بقهر .. من رجع ونام امس وهو يصحى يصلي ويرجع ينام .. حتى الفطور صحى افطر بصمت ورجع ينام .. شغلت الأنوار وسحبت الغطاء وهي تنطق :نااااااايف !!! نايف عبس بوجهه بضيق : نعــــم إبتسام : كل هذا نوم مو معقولة !! اصحى نايف عدل جلسته وهو ينطق بقهر : نعم ! النوم عبادة تجين تصحيني ليييييييية ..؟! اللهم دمر اعداء الدين فتحت إبتسام عيونها : النوم عبادة للظلام بس ! نايف : ايه انا ظالم اتركيني انام إبتسام وربي مالي خلق إبتسام : وليش مالك خـلق ؟ ماراح توديني لأم فراس يعني ؟ نايف : السواق موجود ... راسي ضارب مقدر استوعب شي .. إبتسام : طيب قوم خذ لك حبه وارجع نام .. النوم بيصدع فيك زيادة بس هز نايف راسه دون استجابة .... تنهدت إبتسام وهي تدق على السايق بجهز السيارة وتدخل غرفة الملابس تتجهز : طالعت انعكاسه بالمـراية .. وهي تتنهد حياتها هالفترة منقلبة .. وأكيد هو نفسيا تعب من هالحالة .. هو خلقة معه صداع مزمن وأكيد هالمشاكل صدعت به اكثر .. مسحت على بطنها البارز بخفة : ما امداها حتى تنبسط بفترة حملها .. تنهدت وهي تسحب شنطتها وتطلع ... *** فتح فراس المســــج عقب صلاة التراويح ... سوا حذف دون يستجيب حتى , الموضوع مايتحمل تدخله اكثر من كذا .. أول ماوصل البيت انتبه لسيارة سواق نايف .. " وش يسوي ذاه هنا ! " نزل وهو يتحنحن طلعت له ياسمين : امي تقول لاتجي المجلس فراس : من عندها .؟! ياسمين : زوجة نايف ! فراس : بس ؟! لحالها ؟ ياسمين : ايه فراس : ماشـــي ... صعد غرفته مباشرة ... اما عند ام فراس / ام فراس : انا اللي ابيه ان هالسالفة تخلص .. والله مدري شلون صار كذا صرنا ع لسان الكل والمشكلة مو قادرة ارد وانا ما ادري وش اللي صار إبتسام بضيق : بيسهلها الله .. عموما حنا اعتذرنا من فراس وغادة بنفسها اعتذرت رغم ان الغلط مشترك , لكن الحركة الأخيرة كانت فعلا شي ماينسكت عليه .. ام فراس : صدقيني الولد بنفسه قالي ماله دخل .. وهذا المعقول يعني هو وش دخله بطليق غادة ؟ إبتسام : يزعلني اقولك يا أم فراس مع كل احترامي حنا متاكدين .. ان فراس هو اللي وز أحمد لهالحركة ام فراس : الله يعـين .. عموما كان وزه او لا مع اني متاكدة خل النفوس تصفى , حنا اهل واللي يصير مايرضى احد خصوصا وحنا رمضان إبتسام : إن شاء الله ان كلش تمام أم فراس : اجل عشان كلام الناس وعشان يبان كلش طبيعي ... انا عازمتك انتي وغادة بيتي بكرة وخل النفوس تصفى إبتسام بتردد : هممممم غادة ما أدري يمكن ماترضى أم فراس : قولي لها تجي ومالها الا اللي يرضيها .. هذا بيت ابو فراس الله يرحمه ماكان يحب احد يزعل عليه ولا يقاطعه وانا مابي عقب كل هالعمر يصير كذا إبتسام : ان شاء الله بنحاول أبتسمت ام فراس : ما شاء الله بطنك واضح هالمرة .. كم صرتي اللحين ؟ إبتسام : كم يوم وأدخل الرابع ام فراس : الله ينولك اللي ببـالك يارب إبتسام : إلا وين اسماء مو شايفتها .. أم فراس بضيق : زعلانة حضرتها ... عشان تبغى تسافر برا تدرس وحنا مو راضين إبتسام : يؤؤ .. غريبة وش تبغى بالدراسة برا صعبه ! وكلش متوفر لها هنا أم فراس : هالبنات لهن شطحات غريبة .. عموما مو بكيفها كم يوم وبترضى ان شاء الله إبتسام : ان شـــاء الله *** كـان جالس بمقهـى ينتظر حضورها .. الدنيا مو سايعته وقت ارسلت له انها بتقابله / ظل يهـز رجله بربكة .. بعـد فترة وصلت إبتسم وهو يطالعها بشكلها البسيط المعتاد ويأشر لها جلست وهي تطـالع طلبه جاهز حتى أنه طلب لها .. قهوتها السوداء .. يعرف انها المفضله عندها .. : يعطيك العافية لؤي : يعـافيك ... " التفت لعربية مايا وهو يرسلها بوسة بالهواء " ياروح ابوك انتي ضمت قهوتها بيديها الثنتين وهي تستجمع كلماتها .. تو بتنطق نطق هو : تعرفين كنت دايم ادعي ربي تكون بكري بنت .. واللحين وانا اشوف هالحلوه واعرف انها بكري .. احس الدنيا مو سايعتني .. سارا : ..... لؤي التفت لها : بأمانة سارا ... ما اشتقتي لأيامنا .؟! مابخاطرك ترجعين معنا سارا : بغض النظر عن جوابي ... كبريائي مايسمح لي إبتسم لؤي بينه وبين نفسه : ذكرتيني بقصة عجيبة قريتها ... وش أول قصة حب بالكون ؟! عقدت سارا حواجبها : مافهمت .. لؤي : ههههه جالس اسألك وش اول قصة حب صارت بهالحياة كلها ؟! سارا بعد تفكير : .... ما اتوقع فيه جواب موحد لهالسؤال لؤي : امبلا فيه .. اول قصة حب ابونا ادم وامنا حواء سارا : طيب شدخل .. لؤي : لما كانو بالجنة .. سألوا الملائكة ابونا ادم اذا كان يحب حواء ؟ جاوب ع طول انه يحبها .. بس لما سألوا امنا حواء قالت لا .. رغم انه كان في قلبها اضعاف مافي قلبه من الحب ... ولما هبطوا الأرض ظل أدم يدور حواء في النهار ووقت يجي الليل ينام ولما تطلع الشمس يرجع يدور .. اما حواء كانت تدوره بالليل والنهار مانامت نهائي .. ولما التقوا قال لها آدم انه ظل يدور عليها طول النهار .. اما هي جاوبته انها مادورته اساسا ولا درت عنه .. " ابتسم" هذا كبرياء امنا الأولى ! سارا : طبيعي ان المرأة لازم يكون كبريائها مهم .. ولا معناه مالها قيمة لؤي تنهد : اسمعي سارا انا ماراح اطـول بالكلام .. راح اعطيك الزبدة هذي حياتي وانتي حرة فيها وانا مستعد للي تبين .. تبين نضل هنا ونعيش ؟! ماعندي مشكلة ... بخاطرك اروح اصارح أبوي بكلش واقدمك له .. من عيوني .. نرجع للكويت ؟! برضوا ما امانع .. انتي فصلي وانا ألبس ... بس طلبتك لعد تطرين الطلاق لاتضيقين خلقي واللي يعافيك ماعاد صار الموضوع يخصني ويخصك .. بنتي ماراح اتركها بهالحال وانتي عارفه سارا : وش هالحـال ؟! يمكن ماتحس بس هالحال ارحم لها من الحياة اللي ممكن تعيشها معك لؤي : مفروض بنتي تعيش معاك وجدتك .. وهذا جاكسون ما ادري مين !! وتسمينها ارحم من حياتها معي .؟! اقل شي بحياتها معي ماراح تتسائل بيوم وين ابوي .. سارا وقفت : انا طولت .. لؤي مسك يدها : لاتروحين قبل نتفاهم على كلش .. سارا : مافيه شي نتفاهم عليه ...كلن يروح بطريقه وخلصنا لؤي بشدة : ومايا ؟ سارا : مايا اسمها مايا والكر مو مايا الشمري وسحبت عربية مايا وهي تطـلع ... انهمرت دمعتها مباشرة .. في لحظة الوجع .. اقل كلمة لطيفة تخليك تنهار.. *** اليـــوم التالي / دق هيثم على إبتسام : الو ؟ هيثم : هلا ابتسام كيفك ؟! إبتسام : حمدالله ماعلي ... انت شخبارك ؟! هيثم : ماعلي ... اليوم موعدنا مو ؟ إبتسام : يوووه نسيت ! معليش هيثم بس اليوم معزومة والله مقدر هيثم بقهر : نهائي ؟! إبتسام : لا والله مرة ضرورية العزيمة مقدر اعتذر .... عموما بكرة ان شاء الله ماعندي شي تنهد هيثم : بكرة بكرة ... يله اشوفك إبتسام : سلام سكرت ابتسام وهي تنزل لغادة ... : غادة .؟! غادة : هلا .. إبتسام بربكة : ماقلت لك امس ... بس شسمة ام فراس عازمتك اليوم .. انا وانتي تقول عشان الناس يبطلون يحسون ان فيه حاجة صايره من جد .. غادة بعد صمت لفترة : ................. اوك ان شاء الله إبتسام فتحت عيونها : من جد .؟! عادي بتروحين .؟!!! غادة : ايه وش فيها .؟! خل نروح .. إبتسام : ماعندك مشكلة يعني غادة : نهائي .. إبتسام اسغربت الانصياع المفاجئي هذا لكن حمدالله دامها اقتنعت دون تعب اقناع : خلاص اجل بنروح عقب التراويح ان شاء الله غادة : ان شاء الله .. *** دخلت ام فراس على غرفة اسماء وقالت بعصبية : شعندك مسكرة الباب من امس وماتطلعين .؟! اسماء بعصبية : اصنع مخدرات ! اصنع فلوس ! اتعامل ويا جن ! وش اسوي يعني !! ام فراس : اقول اسماء تراني ساكته لك هالفترة وصابرة واقول بتعقل .. أليوم عزيمة ان سويتي فصل من فصولك اللي انا خابرة .. ماتلومين الا نفسك اسماء : وااااااو خايفين افشلكم !!! حلو انكم عارفين اجل خلوني اروح ادرس بحالي وافتكوا مني ... سكتت بنص كلامها وهي تشوف فراس واقف على باب غرفتها : هيه انتي خلك بنت شوي وانتي تتكلمين .. داخل اقول من ابو الشباب اللي هنا اسماء بقهر : ياليت لما تحس انك قدام شخص يمر بحالة مزاجية سيئة وماعندك كلام لطيف تنطم ! فراس رفع حواجبه : من ينطم .؟! اسماء بقهر : محد ! فراس بحدة وصوت هادي : اسمـاء .." طالعته اسماء .. كمل " الله يكفيك شري لو تستمرين بهالطريقة ! اسماء : وش سويت انا اللحين .؟! فراس : وش سويتي .؟! احمدي ربك ان فيه رصاصة بصدري توجعني وقت انفعل ولا كان تمردغتي يابزر ! " نفخ " يله قومي ولسانك هذا لو يرتفع على نبرة امي مرة ثانية بتصحين بيوم تحصلينه مقطوع ! ام فراس : خلاص اسكنوا حصل خير .. فراس : قدامي انزلي ! قامت اسماء وهي تعرف انه صادق ... لو مو تعبان كان سود عيشتها .. *** ميهـاف – بعد صلاة التراويح / مع كعب كرستـالي ... وشعرها الكاكاو الكثيف رفعته بتسريحة فخمةلفوق عطت لوكها فخامة اكثر ... مع مكياج سموكي زادها جاذبية على جاذبيتهـا .. بعد ما انتهت من تقييم اناقتها ورش عطرها المفضل سكـادا بنكهةة أنوثية .. طلعت لبدر بالصالة اللي كان ينتظرهـا ... : حياتي انا خلصت بدر كان منسدح وعيونه بالسقف : ............ عقدت حواجبها وهي توقف عند راسه : ميت انت .؟ بدر : مقدر اموت اللحين .. باقي قطعتين محشي في الصحن لازم اخلصها ميهاف : ههههههههه اذا شبعان خلاص لاتكمل .. بعدين قوم يله ماحتوصلني .؟! طالعها : ليش لابسه رمادي ... الألوان الصارخة عليك احلى ميهاف : ايوه بس مو معقول على طول ألبس صارخ.. لازم تغيير بدر حاس بفمه ما اعجبه : طيب شعرك مفتوح احلى ميهاف : برضو انا دايم افتح شعري .. هالمرة بسرحه بدر : وش عليك من التغيير .. عليك من الحلو ! اهم شي ! ميهاف تنهدت : المرة الجايه ان شاء الله ... اللحين خلصت عاد بدر وقف : يله مشيـــنا .. عموما طالعة قمر كالعادة ياعمري ميهاف : ياويلي مابغت تطلع هالمدحة .. اشحذها .. *** اسمـــاء كانت جالسة بغرفة الضيافة وجمبها ميهاف : كانك اليوم أحسن اسوم ! اسماء : ايه طبعـا .. سجى : ههههههههههههههههههههههههه راحت النفسية !! طالعتها اسماء بنص عين : الله يكفيك شر هالضحك بس ! سجى : الله ينكد عليك يانفسية .. اف حتى بضحكتي ! وداد : الا اقول ميهـاف ليش ماجيتي لمعرض الجامعة .؟! الدكتورة زعلانه وسألت عنك كثير ميهاف باحباط : بدر مو راضي عشان كذا ماقدرت سجى : الله الله هذا بداية الزواج ميهاف : اساسا الزواج مجرد تنتقلين من مرحلة ابوي مايرضى لمرحلة زوجي مايرضى وداد : هههههههههههههههه يعني ماصار شي بس تغير الكفيل ام فراس من بعيد : بنات ! ابتسام وغادة وصلوا .... قومو سلمو عليهم وبينو الوضع طبيعي ! أبتسمت ام فراس وهي ترحب فيهم ... سلمت على إبتسام ولما وصلت لغادة قبضها قلبها .. ماتدري ليه يمكن لأنها عارفة داخل نفسها أن ولدها على حق وهالبنت هي اللي تسببت عليه بس الموضوع مايتحمل أي تعمق : هلا والله كيف حالك شلونك .؟! غادة وهي تسلم حتى دون تبتسم : حمدالله بخير ... انتي كيفك .؟! وسلمـوا على الكل ورغم برودة الجو نوعا ما وغرابته ... كانت غادة ماتكلف نفسها حتى إبتسامه جالسة بكبر طاغيها بسبب كون هالمحيط محيطة وهي تكرهه بشكل غير طبيعي .. اثناء جلسة البنات والسوالف .. كانت إبتسام منغمسة وتسولف اما غادة شبه مجرد مستمعة رغم ان الكل ينتظر كلامها عقب اللي صار .. عند البنات ... عطست سجى : حممد الله ! اسماء : بالله الواحد مفروض يقولك يرحمك الله ولا سبحان الذي يسبح الرعد بحمده سجى : هاهاهااهاهاها بااااااااااااايخة ميهاف : اقول سجى اضحكي ! ومن قلبك بعد ! حنا ماصدقنا تنكت وداد بمجاملة : غادة هادية على غير العادة ... شفيك اليوم ؟! غادة : مافيه شي .. مو محصله شي اقوله سجى بنبرة لها قصد : طبيعي ماتحصلين عقب آخر مرة ! غادة رفعت حواجبها : لاتدقين بالحكي .. عندك شي قوليه اسمعك ترا سجى : شايله هم نفسيتك غادة إبتسمت : نفسيتي ماتتأثر فيك ياحلوة .. شيلي هم نفسيتك انتي اهم شي ماتتركي شي بخاطرك وداد لكزت سجى : سجى بس ! وقفت غادة وهي تستأذن ... وتطلع من غرفة الضيافة , همست سجى بقرف : شتحس به مالها خلق ! كان ماجت امـا عند غادة .. جلست بالصالة انتبهت للخدامة تجاوب على الإنتر فون وشخص يسألها كم سؤال .. فهمت من المكالمة ان فراس بيدخل ويبي يعرف اذا احد في طريقه بيصعد غرفته ... عضت على شفتها بقهر وهي تسحب اقرب عباية جمبها , وقفت وهي تطلع للحديـــقة مجرد ماطلعت كان بنص الحديقة داخل فتح عيونه من هاللي بعبايتها قدامه : ......................... غادة كانت شادة على قبضتها وشفاتها ترجف من العصبية اللي بداخلها : أموت واعرف كيف طاوعتك نفسك تسوي كذا !!! فراس عرفها مباشرة ... رفع حواجبه : وش هالجرأة اللي فيك جايه قدامي ! ضامنه اني ماراح استغل انك قدامي في اني ابرد حرتي ؟ غادة : تبرد حرتك .؟! اكثر من كذا ...؟؟! انا اول مرة اكره بحياتي انسان زي ماكرهتك فراس ببرود ونبرة ساخرة : أوعدك بأقرب فرصة أتأثر غادة بقهر : يقولك قبل تغلط على شخص .. تأكد انك ماسك عليه كم سالفة من باب الأمان ! للأسف انت مو ماسك علي حاجة .. الخوف عليك لأني للحين ماسكة كثييييير فراس بحدة : لايكثر هرجك ! لك 10 ثواني تحترمين نفسك فيها وتنقلعين من وجهي قبل اسوي شي نتحسف عليه كلنا غادة رفعت حواجبها : .............. فراس : والله وجهك طويل ببيتي وتغلطين ! جد ماتخافين على نفسك انتي ؟ غادة : نهائي ! عموما راح اختفي من وجهك ... رايحه افهم أمك بعض الشغلات اللي هي مو عارفتها .. مثل زوجها اللي متزوج عليها قبل يموت الله يرحمه فراس فتح عيونه : كيف عرفتي .؟! غادة : قلت لك تنتبه لنفسك ! واذا ماحصلت امك لحالها ماراح اتعب نفسي بقوله قدام الكل ... وبالمرة نتناقش سالفة الضرة مرة وحدة : غادة !! فراس !! التفتت غادة لأسمـاء الي واقفة .. عقدت حواجبها : شتسسوون .؟! تو غادة بتتحرك تدخل .... ماحست الا بيد تقبض معصمها بقوة مهشمة وتسحبها صرخت بقهر : يامجنون اتركني !! اسماء طلعت مسرعة : فرااااااااااااس شتسوي !! فراس وهو مستمر بسحبها وراه حتى دفها داخل سيارته : ايه مجنون ويا ردى حظك ...لأن هالمجنون له اسبوعين عايش كبت بس هالمشكلة حلها على يدك ركب سيارته وغادة فاتحة عيونها برعب وتحاول تفتح الباب ... التفتت له وهو يركب مقعد السايق ويحرك السيارة لبرا البيت ... اما اسماء فتحت عيونها وهي تشوفهم يبتعدون .. |
رد: انتماءات كاذبة
ماحرمتش غادة من المرة اللي فاتت :e107::e107::e107:
مش قادرة اتخيل هيحصل ايه؟ بس عموما هو كده فضيحته بجلاجل هيثم وخلاص حن بس لما أسماء قررت تشيله من حياتها يلا أحسن ، خلي كرامته تجي الأرض :aNF04909: اللي يزعل تراجع علاقة نايف وابتسام ، بس مانقدرش نلوم عليها مهما كان موضوع ان البنت اتاخدت من حضن امها مش سهل حتي لو غادة مش عايشة معاهم بالنسبة للؤي وسارة ، أكيد يعني انها مش هاترضي بسهولة لكن اظن انها هتلين مهما كان اكيد مش هتبقي عايزة بنتها تعيش اللي عاشته بانتظار للمعركة الفصل الجاي بس على الله فراس مايكسرش عظم غادة :o9Y04826: |
رد: انتماءات كاذبة
اقتباس:
والأوضاع في احتدام لكن لكل قفل مفتاح نورتي |
رد: انتماءات كاذبة
السلام عليكم و رحمة الله و بركاته
الخطاب لكاتباتنا العزيزات اولا .. حياكن الله في بيتكن ليلاس .. القوانين وضعت لفائدة الجميع و نحن كاداريات او مشرفات جمعنا حب الروايات اولا .. عندما نطلب معرفة ايام التنزيل فهذا ليس من باب الضغط على الكاتبة او فرض نوع من القوانين التعسفيه .. بالعكس .. معرفة يوم ووقت التنزيل اولا لوضع الاعلان عنها على صفحة الوحي في الفيس .. و المشرفة المسؤولة عن هذه الصفحة انسانة لديها مسؤوليات مثل الكل .. و ليست موجودة في المنتدي 24 ساعة في اليوم 7 ايام في الاسبوع الشئ الثاني .. لوضع رابط الفصل فور نزوله .. تسهيلا للقارئات .. و ما ينطبق على مشرفة الصفحه ينطبق على مشرفة وضع الروابط .. تغادر ليلاس لتتابع امور حياتها و تعود بعد سويعات لتفاجأ بكومة من الروابط .. و للاسف تضيع صفحة الرواية بين الردود و نبدأ في البحث عنها الاشراف تكليف قبلنا به .. و لكن جميعنا بشر لدينا طاقة محدودة .. الرجاء التعاون من جميع الكاتبات مع المشرفات و تحديد اوقات التنزيل سواء برسالة على الخاص او بوسائل التواصل المتاحة لمن يطلبها من الكاتبات الجزء الثاني بالنسبة للكاتبات اللواتي يوكلن احدا بتنزيل البارتات بسبب الظروف .. الرجاء التنسيق مع المشرفات و ابلاغهن اولا الجزء الثالث خاص بالقارئات .. جميعنا ننفعل مع ابطال الروايات .. و قد نتفق او نختلف في وجهات النظر و تحليلنا للمواقف و الشخصيات ادب الحوار و رقيه يجمعوننا و من تتجاوز باي شكل من الاشكال سيتم حذف مشاركتها و انذارها و / او ايقاف عضويتها من قوانين ليلاس ان التجريح و التهجم سواء على العضوات او الكاتبات غير مقبول تقبلوا ما قلته .. و ارجو الالتزام به ملاحظة .. هذا الرد ليس موقع نقاش على صفحات الروايات هو تذكير بقوانين ليلاس و توضيح عام دمتم في حفظ الله |
رد: انتماءات كاذبة
" البارت الخامس والثلاثين "
- رجل بلا غيرة كـ أمرأة خلقت للدنيا بدون حياء . دخـلت اسماء المجلس وواضح عليها الربكة عقب اللي صار ... رغم كثر ندائاتها له ما استجاب لها ! اشرت لأمها ولإبتسام .... أول ماطلعوا قالت بربكة : اااا ....... هممممم ام فراس : شفيك وش مطلعتنا من المجلس له .؟! اسماء بعد تفكير : مافيه شي خـلاص تطمني إبتسام : وين غادة من طلعت وماشفتها .؟! اسماء : هممم برا تشم هوا ... تقول شوي وراجعه أول مارجعت إبتسام وام فراس ... راحت اسماء تفتح جوالها وهي تحاول تدق على فراس بس مايرد يقفل الخط بوجهها : هين يافراس ! سايق علينا العقل وممنوع تسوون وهذي فعلتك ! انا اوريك عــــند غادة : - بعد كل صراخها وهواشها ومحاولاتها اللي مامنها فايدة ... بدت تيأس نطقت بهدوء : ناوي ترجعني ولا لا ؟! فراس فتح الشباك .. وهو يشفط سيجارته دون يستجيب لها : ............. غادة امتلت عيونها دموع ... اخر مرة كانت بسيارته لما وصلها لاهلها واللحين رجعت وكالعادة اللحظات بهالمحيط حوله مخيفة : .................مصنوع من حديد انت ؟ ماتحن .؟ ماتون .؟ ماعندك مشاعر ! فراس : لا ألعن من الحديد انا .. الحديد ينصهر انا تسؤ غادة شهقت شهقة مكتومة : ................ فراس وهو يقود بهدوء .. تحت السرعة الطبيعية : اولا يانجسة حنا رمضان ولاراح اخربها بسببك .. بس ماعليك الأيام جاية بتوريك منهو فراس وكيف تلعبين معه ! غادة بقهر : إيش تتوقع تحصل مني عقب ماسحبت بنتي من يدي ! اصفق لك ! اشكرك .؟! ... " كملت بيأس " انا كنت اشوف منك جوانب كويسة معاي انا ورنيم قبل ماتوقعت يهون عليك تبعدها عني فراس بحدة : مو ذنبي لما تكون مجاعتك العاطفية طاغية عليك ! وتخليك نظنين اني بكل حركة وكلمة اقصدك .. انا ماعمري حنيت عليك لا أنتي ولا بنتك .. انا كنت اتصرف بطريقة ترضيني من نفسي .. بس لا انتي زودتيها وانا بلشت ابطل اتجاهلك غادة بمحاولة يائسة : بكل مرة احاول اتكلم ما اقول الا الكلام اللي مابي اقوله .. هذا من قهري ماتقدر تلومني ! فراس وقف سيارته بنص الفيلا ونزل وهو ينطق : أنزلي ! بلعت غادة ريقها وهي تنزل : هذي الفيـــلا .؟! تافف فراس من جواله ... اسماء ماخلصت مكالماتها .. اشغله بوجهها وهو يمشي ناحية غادة : ماعندي وقت ف على السريع ! سحب طرحتها من راسها ... شهقت غادة وكلش ينكشف قدامه : شتسوي مجنون ! فراس بقرف : لاتحسسيني اني مبسوط بشوفتك ! " طلع جواله وبحركة سريعة لقط صورة ..." كذا صار عندي تهديد يلوي لي ذراعك غادة فتحت عيونها بوسعها : شسويت .؟! فراس رجع يركب سيارته : اخلصي .. ولاتجلسين تنصدمين انتي توك ماشفتي شي ! عضت غادة على شفتها وهي تركب .. ومو مستوعبة القذارة اللي فيه .. نطقت بهدوء : وش ناوي تسوي ؟ فراس : الصورة هذي مجرد لوية ذراع .. بأمانة انا ما ارتاح اذا ملف معلوماتي اختفى او صار بيد غيري ! فانا راح ارجع هالملف مكانه ويادار مادخلك شر غادة : مافهمت ... فراس : اللحين تفهمين ... لا تستعجلين على رزقك ! على اني بعترف اني بعطيك هدية ماكنتي تحلمين بها بيوم .. بس لاتغرك كثير راح تكون اكبر كابوس بحياتك غادة : مابي منك شي .. فراس : تخسين تاخذين مني شي اساسا ... " اول ماقربوا من البيت نطق بحدة " الكلمة الوحيدة اللي بتنطقيها اذا دخلنا هي ايه .. ولا انتبهي ترا الفضيحة على الباب غادة بقهر : اكرهك . فراس باستهزاء : لا انا اللي اموت فيك .. انزلي بس ! أول مانزل استقبلته اسماء برعب : فرااااااااااس ! انهبلت مجنون ! فراس : خير ؟ اسماء وهي تنقل بصرها بين وبين غادة .. نطقت : اسمع انا ماقلت لاحد ! وراح استر عليكم ... بشرط بعثتي تجهز !! فراس التفت لغادة وهو يتجاهل اسماء : قدامي انتي .. دخلت غادة البيت وهي مو عارفة وش حطت نفسها فيه .... نطق فراس اول مادخل : يمـــــــه .... يم اسماء لحقتهم : مجنون ! تبيها تشوفك تبي تذبحها ! طلعت ام فراس ببشاشة ... اختفت لما شافت اللي بعبايتها جنبه : ................ فراس : يمه نادي أخت هالزفت هذي .. راح اكون بالمجلس ام فراس : شصاير ! وش تبي باختها !! وش تسون سوا !! اسماء بقهر : لا وتو راجعين من مشوار بعد ... خذوا لفة بالسيارة وجو ام فراس شهقت : مستحيل ! انت يافراس تسوي كذا .. فراس : انا بالمجلس .. مشى .. ولما استوعب ان غادة بمكانها للحين التفت : شتنتظرين انتي ! بلعت غادة ريقها وهي تمشي ..... ام فراس التفتت لاسماء : اللي جالس يصير قدام عيني صدق .؟! اسماء : والله يمه شكل هذي فرصتك انتي وابتسام دامهم سوا ... تعرفون كلش ! هالوضع ماينسكت عليه ام فراس : نادي ابتسام وتعالي .. وانتبهي احد يحس ان صاير شي .. اسماء : هم بيحسون انتي وابتسام وغادة مختفين ! بس يله بروح اناديها .. عدلت ابتسام عبايتها .. وجت لام فراس وقالت بقلق : وش صاير .؟! ام فراس : علمك علمي ... بس خل نروح نشوف والله يستر .. هالسالفة راح تقتلنا ناقصين عمر أول مادخلوا المجلس .. كانت غادة جالسة بعيد عنه بمسافة معقولة , اما ابتسام كشرت أول ماشافته شكله مايوحي بطمأنينة نهائي سيجارته اللي بفمه .. ملامحة المشمئزة من كلش حوله ... رفع حواجبه : مضيعه شي بوجهي ؟ إبتسام قررت ماتنطق شي بحضور امه .... نطقت ام فراس بعصبية نادر تستعملها مع فراس : اللحين تكلموا شصار ! انا ماني حمل كل هاللي يصير فراس : ارتاحوا انتو ... انا بفهمكم وش جالس يصير " مجرد ماجلسوا " للأسف هالحيوانة اللي جمبي مريضة .. انا مستوعب هالمعلومة من طلعت لي من غرفتي بسوالف وما أدري ايش .. ابتسام بقهر وهي تعرف اللي بينهم : هذا مو صحيح ! فراس بحدة : ماخلصت كلامي ! ...." كمل " انا على بالي الموضوع خلص بموقف واحد سخيف ... بس لا " التفت لابتسام " وش ردك على اني ارجع لبيتي احصلها تركض تطلع قدامي وتهاوش .؟! بالله وين حياها كمره .؟ وقبل كلش وين كرامتها كا انسانه ؟ إبتسام التفتت لغادة اللي كان منزلة راسها : هالحكي صحيح .؟! فراس التفت لغادة وهو يدق باصبعه على جواله الموجود على الطاولة .... بلعت غادة ريقها وهي تنطق : ايه . ام فراس التفتت لإبتسام : مو قايله لك البنت هي اللي ناشبة له ! فراس : عموما انا صبري نفذ ... وقررت اعرف وش تبي بالضبط .. " ابتسم بشماته وهو يلتفت لغادة " قولي لهم وش تبغين مني .؟! غادة والردود محفظها اياها ... شدت على قبضتها : ............................. الكل عيونه عليها ويحتريها تتكلم ..... غادة اول مرة تحس بذل بحياتها كذا دعت عليه بالموت بابشع الأمراض بهاللحظة ... نطق فراس بسخرية : لايكون استحيتي .؟! غادة نطقت بين اسنانها : ابغــاه ..... يـ ..يتزوجني ... وسط انصدام الكل .. نطق فراس : كملي ... انطقيها بالحرف غادة بقهر : ويستر علي .. حتى لو اكون خدامة عنده .. فراس رجع يلتفت لملامح امه المصدومة : مو مقامي هالعروسة ..؟ ام فراس نطقت بصعبية : فراس ! وش هالمزحة ! فراس : ليتها مزحة ... بس للأسف هالاشـــكال موجودة , لو كل من بغت واحد سوت معاه الي انتي سويتي على الدنيا السلام ابتسام معد تحملت وقفت : غادة امشي قدامي ! فراس رفع حواجبه : ويـن .؟! ماتبون ردي على الخطبة .؟ ولا عارفين قدركم شكلكم . ؟ ابتسام طالعته : أنت واحد حقير ... ولا تستعجل على عقوبتكم ماراح تسلم .. الجهل اللي انت فيه ماراح تخبيه بساعتك الغالية ولا سيارتك .. ولا شركاتك .. رغم كل اللي انت فيه ما اقدر اشوفك الا انسان جاهل فراس : بالله هذا منطق .؟ مو اختك هي اللي قاطه عمـــرها علي .؟ إبتسام بنظرة حادة لغادة : اختي شغلها عندي .. ام فراس : غادة .؟ انا مو مصدقة فيك ... معقولة كل هذا يطلع منك غادة عضت على شفتها حتى ادمت : ايه .. فراس ارخى جسمـه : عمــــوما ... يمه انتي وش شايفة ؟! ام فراس فتحت عيونها : بشنو ؟! فراس : بشنو .؟ بها ..... ام فراس فتحت عيونها بوسعها : بتــــــــاخذها يعني .؟!!!!!!!! فراس التفت لغادة : بالله مو تكسر الخاطر .. جايز اتصدق عليهـا , " كمل بقسوة " عموما هي عطتني النظرة الشرعية ... وماعليها تمشي الحال الكل معد استوعب اللي جالس يصير .... محد توقع " زواج " , ام فراس : بس مو انت رافض الزواج .؟ فراس : بس انتي تبغيني اتزوج .؟ خلاص هذي هي عروسة وببلاش .... وبعدين خليني اخلص من كلام الناس هالزواج بيسكتهم .. ترا طفشت من الحن والرن بالمجالس غادة فهمـت قصده لما عطاها النص اللي تقوله ... بالهدية الشكليه حقته ؟! . " عروسة وببلاش " هالكلمة سمعتها من احمـد قبل ... الظاهر راح تضل طول عمرها رخيصة فراس وقف بهاللحظة وبطريقه لبرا : عموما انا موافق ... وراح ارد لكم متى اكون فاضي عشان استر على بنتكم مجرد ما اختفى الكل طالع ناحية غادة .... ام فراس طلعت مباشرة وهي تلحق فراس لفوق .. اما ابتسام قربت من غادة : غادة ! وش هالمصخرة وش اللي جالس يصير ...؟!!!! غادة بقهر : هذا الصدق ... انا ماصدقته يرضى فاتركيني .. اسماء كانت متنحه وسط هذا كله .... مستحيل ماتوقعت فراس يتزوج نهائي ! ومن بياخذ .؟! غادة !! عــــند فراس / دخل غرفته وهو يرمي شماغه وعقاله بتعب ويجلس .. تنهد : كذا صارت ملفاتي حولي ... مستحيل اترك اللي خبيته كل هالسنين يروح .. طق البـاب نطق : ادخلي .. دخلت ام فراس وواضح على وجهها الإنزعاج ... أبتسم لها بإرهاق واضح : مافيه مبروك ام فراس ؟! ام فراس بقهر : على وش مبروك !! " جلست جمبه وهي تمسك يده " تبي تتزوج .؟! انا اخطب لك مليون وحده اللحين تتمناك ... ليش تاخذ غادة ماتناسبك ! فراس : عارف انها ماتناسبني .. ولا بعمرها بتناسبني , بس الحكي كثر وانا هالموضوع ماعاد ابيه يطول , خلاص باخذها وكلن يحط لسانه بحلقه ام فراس : بس حتى اخلاقها ماتنفع .. ولا من الحرمة العاقلة اللي تترجى رجال يتزوجها فراس تنهد : الحكي مايودي ولا يجيب .. ام فراس : إلا يودي ويجيب ... مدري من وين طلعت هالغادة وحاستنا كذا ! وش بينها وبينك عشان تسوي كل هذا فراس : نتكلم بعدين ... انا بنام مرة منتهي ام فراس : وش أقول اللحين لإبتسام ولا للحريم حتى ؟ فراس بضجر : شتقولين يمه اول مرة ينحس رجال حياته ويعرس ! ام فراس تنهدت بضيق : وانتي ليش تدخل زواجه تشوفهـا نحس .. فراس : انا لي منظوري الخاص ... ومن منظوري هالزواج لازم يتم فلاتطولينها الله يرضى عليك اللي فيني كافيني ام فراس حسته متعب بجد .. فهزت راسها وهي تطـلع : الله يعين نشوف التاليه نـزلت استقبلوها الحريم بتعجب من اختفائها فجأة ... اعتذرت وهي تجلس جمب ابتسام همست لها : وين غادة ؟ إبتسام بضيق : وصيتها للبيت ... الموضوع فيه شي غلط ! ام فراس بهمس : ماعاد فيه شي غلط .. هي قالته بنفسها " تنهدت " انا حاكيت ولدي وشكله مصمم .. واعرفه لاصمم على شي مستحيل يهون منه إبتسام : انا مو عارفة شاقول والله ... الموضوع كله يصدع الواحد , اليوم كل وحده ترجع بيتها وتحاول تفهم وبكرة نتواصل ان شاء الله ام فراس بضيق : ان شاء الله *** عـند لؤي / اثناء ماهو بشقته اللي استاجرها هالفترة .. ويفكر كيف يحصل طريقه لها , مايدري متى صارت تكرهه كل هالقد , دق جواله طالع المتصل .. تنهد وهو يرد : سم يبه ابو نايف : هلا لؤي ... شخبارك شعلومك ؟ لؤي : حمدالله .. انت كيفك وكيف امي ؟! ابو نايف : ماعليها .. انت وين للحين ؟! امريكا ؟ لؤي : ايه .. ابو نايف : ماخلصت ؟! مابقى على العيد الا 3 ايام ... حسافة تقعد العشر اساسا هناك مفروض جالس معنا هنا لؤي : مكتوب يبه .. ابو نايف : طيب متى بترجع .؟! لؤي : قبل العيد بيوم ان شاء الله ابو نايف : اهم شي فجر العيد احصلك بالصلاة جمبي ! سامع ؟ لؤي : ان شاء الله ابو نايف : يله في امـان الله سكر لؤي السماعة ... وهو يرجع جواله ويستلقي يحس يدينه مربطة على انها جمبه ’ *** دخـل بدر البيت بعد نهاية الأمسية : يمــــــه ! دخل الصالة كانـوا كلهم مجتمعين ... ميهاف كانت جالسة ومستغربة الجو , واضح شي صاير بس محد يتكلم وقفت ام فراس وهي تدخل غرفتها : بدر تعال ابيك عقد بدر حواجبه وهو يطالع اسماء وميهاف : شصاير ؟! اسماء : روح وبتعرف دخل بدر الغرفة .. استغرب هيئة امه جالسة ومسنده راسها على يدها وواضح عليها الهم جلس قدامها : سلامات شصاير ؟ ام فراس : أخوك نوى يتزوج ! بدر رفع حواجبه بعدم تصديق : امـــــــــــــانة !!! لا مو مصدق ... " عقد حواجبه " لحظة وانتي ليش زعلانة ؟ ام فراس : وليش بكون زعلانة ... لأنه بيتزوج وحده ماتناسبه بدر بتحزير : سجى ؟ بس انتي كنتي ميته عليها .. ام فراس : وانا بزعل لو يتزوج سجى ! امنيتي هذي ! بدر : اجـل مين ؟! ام فراس : غادة ! اللي سوت له سالفة اخر مرة ! بدر : ايه وانتي ليش مضايقتك .؟! ام فراس : أولا مطلقة ! ثانيا عندها بنت ! ثالثا اخلاقها واضحة من اسلوبها .... مو كافي هي اللي عارضة نفسها عليه للزواج بدر فتح عيونه : هي عارضة نفسها .؟! وفراس مهبول يوافق ! ام فراس بهم : يقول انا اشوف شي انتو ماتشوفونه بدر : معلوم ماهو نظرته للعالم كلها مخبوصة ! طبيعي يشوف شي مانشوفه ام فراس بيأس : وش اسوي .؟! تخيل انه عنـد عليها !! بدر حاس بفمه : مدري والله الموضوع يخبص ... اجل هو مهبول ياخذ وحده مطلقة اساسا ؟! لا وبنتها وش بيسوي بها يبحل بها ! ام فراس : انت بعد ماشفت طريقة البنت اليـوم .. الله لايبلانا شوي وتحب رجله عشان ياخذها بدر فتح عيونه : اصلن ليش تقابله ؟!! معليش يمه بس انتي لازم تمنعينه ... مهبول هذا خلصوا الحريم إلا هي ؟ ام فراس : يقول كلام الناس مب مغيره الا هالشي .. بدر : وش عليه من كلام الناس ! متى كان يهتم اساسا ؟! ام فراس : والله انا يدي مربطة ... ماعطاني فرصة احاكيه من شوي نام على طول بدر تنهد : هدي بالك وخليه ينام كود عقله يرجع له ... وانا بكرة جايكم بدري ونتفاهم , " وقف " تامرين على شي ؟ ام فراس : سلامتك حبيبي الله معك طلع بـــدر ... بالسيارة : ميهاف : صاير شي .؟! ايش كان تبي منك خالتي ؟ بدر : بموضـوع .. ميهاف : ايه خابره بموضوع .. بس ايش ؟ خصوصا انها اليوم ماكانت على بعضها بدر : مافيني اقولك ميهاف سكري ميهاف عقدت حواجبها : وليش مافيك تقولي ؟! سر يعني ؟ بدر بتغيير للموضوع : ثالث يوم عيد انا عندي تصوير بدبي ... فبمشي ثاني يوم ميهاف فتحت عيونها : نعـــم !! بدر : ينعم بحالك ... عندي تصوير وبروح ميهاف : بس هذا عيد ! وأول عيد لنا من تزوجنا .!؟ ليش تسافر .؟ بدر : وانا بسافر مزاج ؟! بسافر عندي شغل ! ميهاف بقهر : أيـواه ومشروع الجامعة مو كان برمضان ورفضت لأن اول رمضان لنا سوا ونبي نجلس سوا ! يله انت كمان مالك حق تروح ... بدر دون نفس : ميهاف انا مسافر مسافر ... ودك تطنقرين ودك ترضين ميهاف : اجل بروح معك ! بنقدر نستانس هناك بدر : ماني فاضي شغل تصوير بخلصه سريع وبرجع ... وين تروحين معي ؟! وبعدين نايف بيكون موجود يعني كلش مب جونا ميهاف : اهااا .... نايف يروح معك اوك ماعندك شغل ! وانا لا عندك شغل مايزين !! بدر : نايف بيروح يتونس لحاله ماراح اكون معه ..مجرد بيسافر معي , لاتحسدينا على بسطتنا يعني ميهاف تكتفت بقهر : بصراحة انا اشوف هالتصرف انانية .. ولا اقلها كان لاترفض المشروع . بدر بعصبية : من بكرة روحي لمشروعك لايفوتك ! ذليتيني بهالمشروع اللي بيسمعك بيحسبك بتحررين القدس بهالمشروع ! ميهاف : لا كلش شغلك هو اللي بيحرر القدس بدر : ميهاف اذا من اللحين بتقارنين نفسك بكل حاجة اسويها بنتعب كثير ... معلوم اني الرجال وامكانياتي اكبر من امكانياتك فروقيني ميهاف : بس انا عشت ببيت مافرض علي هالقانون رجال وحرمة عشان تفرضه علي اللحين بدر : اذا مشتاقة لهالبيت قولي عشان ارجعك له ميهاف فتحت عيـونها : كذا يعـــني ؟! " كملت بقهر " هذا انت يابدر طول الوقت محد احسن منك ... بس وقت اناقشك بشي بسيط تطلع غربتك بدر وهو يوقف السيارة : والمصيبة انك تنسين كل هالوقت اللي اكون فيه محد احسن مني ! وتركزين لي على هالنقاش ! محد كامل ميهاف ... ولا حتى انتي سكتت ميهاف وهي تنزل وتسكر الباب وراها بقوة وتصعـد ... سخيف بجد ! اجل لازم ادفن نفسي هنا عشاني بنت ؟ *** إبتسـام / بعد ما انتهت من نقاش طويل مع غادة .. دون أي استجابة جواباتها مقتصرة على - ايه , لا - ! صعدت غرفتها ... حصلت نايف تو صاحي من النوم ... نطقت بقهر : ماراح تصدق شصار ! نايف وهو يفرك عيونه بكسل : وش بعد ؟! إبتسام : مدري حتى كيف اشرح لك السالفة ... شي يضحك نايف وهو يتوجه لغرفة الملابس : اجل لاتشرحينها إبتسام : آسفة شكلي ازعجتك وانت تو صاحي ... غريبة امس رجعت حصلتك نايم بدري على غير العادة نايف : جاني النوم فنمت إبتسام تنهدت : مو مصدقة أن باقي يومين على العيد ... رممضان هذا كان كله مشاغل دنيا محد تفرغ لعبادته طـلع نايف وهو لابس وخالص .... إبتسام : لوين ؟! نايف وهو يتوجه للتسريحة ويكمل اناقته : بداوم إبتسام فتحت عيونها : بدا دوامك ! نايف : ايوه ... وقلت لك امس على السحور بس الظاهر ما انتبهتي إبتسام : بجد .؟! لا والله ما انتبهت راسي مخبوص هالفترة .... " ابتسمت " مبـروك حياتي نايف : يبارك فيـك .. عموما راح يكون هناك فطور فلاتحسبي حسابي طـلع مباشرة اما ابتسام تنهدت بكسل وهي تحاول تدق على أم فراس بس مافيه رد ... لو الموضوع جا بغير هالظروف كان بيكون أسعد خبر ان رجال مثل فراس يخطبها بس الله يسامحك ياغادة وش حطيتي نفسك فيه .. *** بعد ماخلص تزرير ثوبه .. ورمى شماغة نزل وهو يلبس ساعته , حصل أمه وبدر اخوه جالسين وكأنهم كانوا ينتظرونه ... جلس بطبيعية : مساء الخير بدر : غريبة عليك صاحي متأخر ! فراس : صاحي بدري بس كان عندي كم ملف خلصتها ونزلت بدر تنهد : فراس أنا احترمك .. وانا ما احترم كثيرين , مو فاهم كيف انسان زيك بياخذ وحده كذا ام فراس : ايه والله .. كان خاطرك بالعرس مليون وحده تخدم عيونك غيرها فراس : انا للحين ضد الزواج .. واخر شي افكر اسويه ! بس مثل ماقلت لك امس انا شايف شي انتو مو شايفينه .. وبطلوا تناقشوني بهالموضوع بدر : اذا قصدك على كلام الناس ... طنشهم سنه كذا وينسون الموضوع فراس : ........................... بدر : لايكون ماخذ هالموضوع من ناحية انتقامية .؟! مايكفيك اخذت بنتها خلاص اترك السالفة فراس وقف : اتوقع اني رجال عمري بالثلاثين ومسنع حياتي وحياة غيري ... فمايحتاج اناقش احد بقراراتي بدر بقهر : يعني بتاخذها .؟! فراس : وانت شحاشرك ؟! خلك في حالك احسن .. ام فراس بقهر : وانا ؟! مقدر اتدخل في حياة ولدي .... انا احس اللي جالس تسويه بتندم عليه فراس : انتي اذا واثقة انك مربيتني بتفهميني ... " تنهد " اذا كلموك قولي اني فاضي خامس العيد يقابلوني بالمحكمة ام فراس : شنو ..؟!!! محكمة ! زواج خشاشة ؟!!! فراس : ملكة ما ابي .. عرس ما أبي .. كلها شكليات مامنها فايدة ! ام فراس : لا واللي يعافيك لاتخرب فرحتي فيك ... خلاص سلمت امري خذها بس اقلها بفرح فيك بدر : عاد لو تسوي هالحركة من جد راح يشكون الناس ! فراس : خل يولون ... اذا بخاطرك يمه سوي عزيمة عقب العرس براحتك , بس سالفة بشت ومجلس وتباريك ما ابيها وطلع مباشرة ... مسكت ام فراس راسها بقهر : يارب رحمتك وش المفروض اسوي اللحين .؟! بدر تنهد : انا بكلم عمي يكلمه .. كود يطلع منه بشي ام فراس : الله يعـــين .. كلمه ورد لي .. بدر : ان شاء الله أول مـاطلع جلست أم فراس وهي ترفع جوالها .. دقت على إبتسام جاها الرد مباشرة : هلا ! ام فراس بضيقة : وش صار عندك ؟! ابتسام : وش بيصير عندي مو مهم ... لو ولدك بس يكنسل الموضوع من راسه وقتها انتهت السالفة .. ام فراس : هذاي تو حاكيته ... يقول العرس خامس العيد وليته عرس بعد بس بالمحكمة وخلصنا ! إبتسام : والله مو عارفة كيف تمشي السالفة ! انا هيثم اخوي بيجيني اليوم وبكلمه بس ما اتوقع منه ردة فعل .... اكيد بيشوف فراس رجال وبيقول تاخذه عادي ام فراس : عموما حنا قلنا لعمه يكلـــمه ان اقتنع ولا الشكو على الله ابتسام : كيف يعني ؟! ام فراس : وقتها مالنا الا نرضى ... اللي براسه بيصير برضاي ولا بدونه إبتسام : يا ام فراس انا ماعندي مشكلة مع هالشي ... عندي مشكلة مع الطريقة اجل معقولة اختي تروح دون مهر لا وهو محقرها ويقول خاطبته ام فراس : هذا الحق .. لا تزعلين يا ابتسام بس اختك ماقصرت بعد ولا ليش كل مادخل بيته راحت تناقره ! تحمد ربها اللي وافق بعد إبتسام حست بلهجة ام فراس نرفزة غريبة عليها ... فردت بهدوء : يصير خير .. سكرت ابتسام السمـاعة وهي تحس بغبنة صدق .... راحت للمطبخ تجهز الفطور لأن هيثم بالطريق , لازم تكلمه وتحطه بالصورة لايسوي سالفة بعد ... *** ســارا / لها فترة ماتطلع من البيت .. كل ماتطلع تحصله قدامها وهذا الشي اللي ماتبيه , لكنها اللحين مضطرة تطلع تركت مايا عند صوفي وهي تطلع ... انتبهت له بالكراسي اللي على الطريق جالس رفع عيونه من جواله اول ما انتبه لها وابتسم ابتسامته المعهودة وهو يأشر لها ... ارمقته بنظرة وهي تكمل طريقهـا .. اما لؤي تنهد وهو يلحقها : جالسة تكسرين قلبي انتي كذا ؟ ! سارا وهي مركزة على طريقها : كويس .. انكسر الشر لؤي : اوف ياساتر ! سارا : ............................ لؤي : فين مايا .؟! سارا : لا تدخل جو الأبو بزيادة ... انا مابي مايا تعرفك فرجاء باقرب فرصة ايأس وارجع لؤي : اللي مثلك يتركون سارا .؟! مستحيل اقدر .. سارا : إلا تقدر ! لأنك بالنسبة لي صرت تحت مسمى كان ياماكان .. لؤي : لا تكابرين .. مستحيل تكوني نسيتيني بهالفترة سارا : خفف من كبريائك .. ترا فستان جديد يكفي عشان ينسيني من أنت ! لؤي وقف وهو يطالعها : .............................. سارا ! وقفت وهي تلتفت بقسوة : نعم ؟! لؤي : انا راجع للـسعودية ... راح اقضي العيد هناك وراجع , بهالفترة فكري مضبوط .. لأني ماراح اترك حياتنا تنحدر اكثر من كذا .. سارا ابتسمت بسخرية : راح يكون طبيعي لو ماترجع نهائي ... لك سوابق لؤي تنهد بضيق : اللي ابيه منك ماعاد تسألين غيري عني .. اسأليني انا , لأن عشاق التأليف كثيرين ما شاء الله .. اولهم فراس .. سارا طالعته لفترة وكمـلت طريقها .... ماراح يرجع لاتصدقين ! اعتبريه ماجا .. ماجا .. ماجا ! *** دخـــل هيثم وضيفته ابتسام بالمجلس وراحت تجيب الأغراض وهي تستعد نفسيا تعطيه الخبر ..: ............. هيثم وهو يستنشق ريحة الأكل : اللـــــه يا إبتسام كم لي عن وجبة كذا ! إبتسام : هذي العزوبية الله لايبلانا ... قايله لك من أول خلني ازوجك هيثم أبتسم : قريب ان شاء الله ابتسام : تسلك لي كالعادة ..؟! هيثم : شدعـوة انا قايل لك من أول بتزوج .. بس زواج المنطق مايناسبني لازم يكون فيه سبب قوي عشان اتزوجها إبتسام : واخترت وحده ولا لسى .؟! هيثم : قبل كلش .... شكلك مب عاجبني شفيك ؟! إبتسام : شوي إرهاق ... " تنهدت " هيثم ترا ... " حاولت تصيغ الجملة بافضل صيغة ممكنه " غادة يمكن تتزوج قريب هيثم فتح عيونه بوسعها : نعـــــــــــــــــــــــــم ؟!!!!!!! إبتسام : مو أكيد ... احتمال والظاهر انه اكيد , بس قلت احطك بالصورة في حال احد كلمك هيثم عقد حواجبه : مين ؟! إبتسام : ولد عم نايف ... فراس اذا تعرفه هيثم باستخفاف : تمزحين ؟ إبتسام : لا والله ما امـــــزح . هيثم : من قالك ! امه ؟ كيف صار كل هذا .. إبتسام عضت على شفتها ... مستحيل تقوله ان غادة هي اللي رامية نفسها بيذبحها : والله كلام كثير ... بس المهم ان هي موافقة .. هيثم : ما اشيل همها هي ! هي لو يجي الهندي حق البقالة وافقت عليه ! انا مو مصدق .... فراس براسه هامور السوق بياخذ مين ؟! غادة مطلقة ! إبتسام : انا كمان قلت كذا ... بس هذا اللي جالس يصير .. هيثم : حتى لو صدق ! انتي عارفة غادة وش بتسوي معاه ..؟؟؟ بتفشلنا كالعادة ... انا مو موافق اتنقد مع الرجال عشان حركاتها الطفولية إبتسام : أتوقع راح تتنقد معه اكثر لو ترفض ... " تنهدت " انا مابي اصير كأني ارمي اختي , بس نايف احسه بلش يتضايق من وجودها عندي ... وانا اقول يمكن مشاكلها اللي ماتخلص تخلص لو تتزوج .. هيثم بعدم استيعاب : ............... عموما انا اغسل يدي من كل هالموضوع مالي علاقة فيها إبتسام : احتمال يكون خامس العيد هيثم : بدري كذا !!! إبتسام بضيق : هو امه قالت لي .... انه مايبغى الا ورقة عند المحكمة وبس .. هيثم ابتسم بسخرية : طبعا مايشرفه يسوي حوسه عشان وحده زيها ... تحمد ربها هذي رحمة من السماء نزلت لها انه بيتزوجها اصلن إبتسام حست بضيقته .. هذا وهو مايعرف السالفة كلها كان قتل غادة وخلص : .......... خل منك اللحين وش كان بتقول أنت ؟! هيثم تنهد : بغيت اسألك ... فراس عنده خـوات صح ؟ وش وضعهن إبتسام : ايه عنده ثنتين ... الكبيرة اسماء اتوقع انها اكبر من غادة بسنتين تقريبا وهمم وضعها اتوقع بتبتعث السنة الجاية هيثم عقد حواجبه : تبتعث ؟! إبتسام : ايه اخر مرة كنت عندهم كان امها معارضة .. بس هي البنت عنيدة احسها بالاخير بتروح هيثم انقلبت مزاجيته : ................ اها . إبتسام فتحت عيونها : لايكون تبيها ! هيثم : لا ... بس بما ان غادة يمكن تاخذه بغيت اعرف وضعهم .. إبتسام : ايه اشوى .. مو ناقصة انا سوالف مع ام فراس يكفي غادة الله يجيب عواقبها سليمة هيثم ( ... وين عقلي انا ! راكض ابيها احجرها وهي ناوية تشوف حياتها ! ) غادة رجعت لغرفتها بعد ماسمعت محادثتهم اللي وضحت لها ان حتى اهلها مو بصفها ويشوفونها غلطانة .. واكثر شي عزمها كلمة ابتسام ... حتى نايف صار متضايق من وجودي .. بلشت اصير حمل ثقيل على الكل *** اثناء ما لــؤي بالمطـار .. رغم ان لقائهم ماكان مثل مايبغى , بس دام شافها حمدالله نعمة .. فتح جواله واتصل على ابوه : هلا لؤي ؟! لؤي : سلام .... انا بالمطار حبيت اعطيك خبر اني بالطريق .. أبو نايف : بكرة بتفطر معنا ان شاء الله ؟! لؤي : ان شاء الله ... خل نودع رمضان جمبكم احسن .. ابو نايف : مادريت بآخر خبر .؟! لؤي : لا خبرك منقطع هناك عن العالم أبو نايف : احزر من اللي نوى يعرس لؤي عقد حواجبه : عبد المجيد ؟! ابو نايف وبصوته ضحكة : لا لؤي : هممممم .. ولد خالتي فؤاد ؟ ابو نايف : هههههههههههه برضو لا ... لاتبعد قريب هو ! لؤي : الله يهداك يبه لحستني من يعني ؟! فهد اخوي ! ابو نايف : هههههههههههههههههه لهالدرجة مستبعد ... حتى فهد اخوك عرسته قبله ! خويك لؤي انقلب صوته لجدية : ميــــــن ؟!!! ......... فراس ؟ ابو نايف : ايه فراس لؤي : تمزح معي يبه ؟ فراس مستحيل يتزوج ... ابو نايف : إلا بيتزوج .... والعالم مسوين حوسة مو عاجبهم الزواج , بس انا خذا شوري ودعمته دامه بيتزوج فحمدالله اهم شي راحته لؤي : ومن العروسة ؟ ابو نايف : اخت إبتسام مرة نايف لؤي انصدم هنا بجد : لا مستحيل ! هذول لو بيدهم ذبحوا بعض ! ابو نايف : هو بيني وبينك حسيت الولد مو عاجبه الزواج ولا يبيه ... بس انا مزعجني انه عزوبي ! فحتى لو عنده هدف سلبي مايهم الزواج سترة للرجال.... " ابتسم " وعقبالك ! ماتبي تتزوج مع خويك مرة وحده ؟ لؤي : لا تقول حتى .. هالزواج مو لله انشدني انا ! عموما الله يوفقه... انا طيارتي اللحين سلام *** في غضـــــون ليلة العيـد ... انتشر الخبر للكل , وكثر الحكي والكلام .. خصوصا ان ام فراس ضايقة وواضح عليها الضيقة ! اكيد بينهم شي ..... صاير شي ... ! والكلام الدارج هو فـراس ولد فهـاد ... خطبوه كثيرين وماعمره خطب , المليـــاردير اخيرا قرر يتخلى عن عزوبيته ... توقعوا حرمة اسطورية لكن خيبتهم لما عرفوا هويتها – مطلقة – أم - والكل قرر يقضي العيـد با استراحة أم فراس نظرا لأنه مافيه حفلة عرس ... فرصتهم الوحيدة للأخبار ويقابلون العروسة مرة وحدة ... اما فراس كان واضح عليه الضيقة لكن ماقبل أي نقاش بهالموضوع من أي شخص .. واي اقتراح يدل على الفرحة يرفضه ... اما غادة عايشة عزلة مع نفسها ووساويسها تكثر .. وش ناوي يسوي ! هالإنسان السادي اساليبه ماتقدر تتخيلها حتى ... غير انتقاد الناس لها انها باليته بمصيبة ... والكل راحمه من العروسة الرثة .. وهالزواج صار حديث السـاعة أثنـــاء ماهو بالصالة ومصحفه بيـده يقرا قراءة صامته ... وقف وهو ينتبه لأمه اللي جلست جمبه بصمت وكأنها تنتظر تكلمه : يمه ... بكرة العيـد ؟! والكل بيجي وبيسأل والحكي كثير ..... واللي يرضى عليك حبيبي اقلها حفلة فراس تنهد وهو يرجع يفتح مصحفه بمعنى للحين مايأستو ..؟! : ................ ام فراس : يالله طول عمرك تدور رضاي .. وش صار عليك من ورا هالسالفة ماعدت تبي تسمع لي فراس سكر المصحف وطالعها : يمه انا مو مبسوط ! ولا اتمنى هالزواج ولا أبيها .... ليش لازم ابين للعالم اني مبسوط ؟! نفاق هو ؟! ام فراس : انا للحين مصرة افهم ! اذا ماتبي ليش تضغط على نفسك .؟! فراس ( عشان اللي تعبت عليه طول عمري مايضيع من ورا فمها اللي مايتسكر ) : منتي واثقة اني جالس اسوي الصح يعني ؟! ام فراس بزعل : والله انا شايله هم بكره ... بيحطون فيها مليون كلمة فراس : اذا على كذا لاتعزمينهم ... ارتاحي واجتمعي مع القريبين بس ام فراس : انا معاشرة البنت اكثر منك .. وحافظتها .. وهذا اللي مزعلني ماراح تناسبك .. فراس ( تعلميني فيها ؟ ) : يمه البنت يتيمة .. ومالها احد وعايشة عند اختها وحالتها حالة ومطلقة وببنتها ! اعتبريه مشروع خيري ولا راح تندمين ام فراس : بالله فيه واحد يسمي زواجه مشروع خيري ؟! فراس : ايه ... زواج صدقة يسمونه ام فراس : الله المستعـان .. اول مرة ما افرح بالعيد كذا فراس : لاتخلين الموضوع يكدر عليك انبسطي وكلش تمام ..... انا طيارتي الليلة لاتخليني اروح وانا احسك زعلانة ام فراس : مصر ماتحضر العيد معنا ؟! فراس : لا عندي شغل بكمله ... راح ارجع بيوم خمسة عشان المحكمة ام فراس زعلت داخلها .. مايبي يقول انه بيرجع عشان عرسة معتبر الموضوع صفقة : ............... ترا اول ماتتزوج بسوي حفلة ومالك الا ترضى ! فراس : وقتها سوي اللي يريحـــك .. اما اللحين تكفين سوي اللي يريحني ام فراس : ايه صح ... من الربشة نسيت اقولك وص لك مقاول ولا مصمم يشوف لك الدور الثالث ! فراس : ليش ؟! ام فراس : وش ليش عشان تسكنونه ... لا تقول بتسوي زي بدر وتسكن بعيد بعد فراس تو يستوعب : اهااا ... ايه صح رايح عن بالي والله ام فراس : ياعساه يخلف بس .. طار قلبي ع بالي بتسكن بعيد وقتها حنجن فراس : وانا اقدر ابعد عن هالعيـون ؟! ام فراس : الله يخليك لي حبيبي : ماخلص المسلسل التركي ! التفت لاسماء اللي كان واقفة براس الصالة : منقهرة ؟! اسماء : ايه معلوم منقهرة .. كل هالدلع لك يالشايب خلصته علينا معاد لنا شي فراس : انتي بزر لاكبرتي تعالي طالبي بدلعك ! اسماء تخصرت : ياسلاااااااااام اذا اعجبكم صرت بزر واذا ما اعجبكم صرت كبيرة ! ام فراس : اقول فارقي خلينا نخلص اموره وبعدين تعالي انس اللي تو نزل : كالعادة اسماء بكل نقاش عائلي لازم تنطردين ! اسماء : اقول انثبر يالبزر ! فراس : من حكمتها الزايدة ما شاء الله اسماء بقهر : اقول انا بروح للثلاجة بس اجهز فطوري ابرك لي منكم .... " تنهدت " الثلاجة عقب الضيوف اجمل من الضيوف نفسهم اول ماراحت ابتسمت ام فراس : ما شاء الله نفسيتها رجعت زي أول حمدالله فراس وقف : يله انا ماشي ... وانت انس مو عشاني مو موجود تنسى الصلاة بالمسجد ! لو ادري انك مصلي بالبيت لبستك عباية ! انس برجولة اكبر من سنة : ابشر ولا يهمك طلعت أسماء لهم بقهر : ويييييييين كيكتي ؟! انا تاركه قطعتي ما اكلتها امس وينها ! انس ببرود : اشتهيتها وكليتها اسماء : حماااااااااااااااااااار ام فراس : صوممممي !! خلاص بنجيب لك غيرها اسماء بحلطمة وهي تصعد : بصراحة انا عايشة مع ناس حتى لو احط لي ثلاجة بصمة ماتنفتح بقوم من النوم محصله اصبعي مقطوعة ! مشافيح حشى *** إبتســــام ... بآخر ساعات رمضان جالسة على سجادتها وتقرا , اثناء قرائتها انتبهت له يدخل وهالأيام صار وجودة شبه نادر عقب الوظيفة : .............. بعد ما انتهت وردها سكرت المصحف وهي تلتفت .. عقدت حواجبها وهي تشوف الشنطة على السرير وهو يسحب ملابس ويرتبها فيه : نايف ؟! التفت لها : هلا إبتسام : وشوله الشنطة ؟! مسافر ؟! نايف : ايه ... ثالث يوم العيد ان شاء الله إبتسام فتحت عيونها : ايوه وليش ماقلت لي ؟ نايف : هذا انا اقولك .. إبتسام : ايوه جالس تعطيني خبر ... مو تناقشني , حتى هالكم يوم ابي اناقشك بزواج غادة مارديت علي .. خامس العيد هي كيف تسافر ؟! نايف : ماني ابوها تناقشيني بزواجها ! تسوي اللي تبي ماخصني إبتسام كشرت من طريقته : وش هالأسلوب ؟! نايف : اسلوب عادي شفيه .؟! مسافر وهذا انا قلت لك .... انا اساسا بكل عيد لازم اسافر احضر يومين هنا بس إبتسام : لا قصدي بغادة ... انا ماقلت انك ابوها .. الله يرحم ابوها ! مجرد اناقشك عادي وش مضايقك ؟! تنهـد نايف : اوك خل نتناقش ! زواجها خامس العيد ؟! مافيه عرس ولا غيره مجرد محكمة .. يعني حضوري مب مطلوب فماراح ارجع إبتسام : يعني بتضل لمتى ؟! نايف : لحد ما احس حالي مليت .. إبتسام : متضايق انت شي .؟! اسلوبك جاف معي ... مزعلتك انا شي ؟ نايف ابتسم ابتسامة جانبية : مزعلتني .؟! لا حشى .... تغيرتي معي ؟ ايه بس قلت ع راحتها .. ماعدتي فاضية لي ؟! قلت ظروفها ع راحتها ... ماعاد صرتي تنتبهي لكلامي ؟! برضو براحتك ! بس انك فجأة تنتبهين لي وترجعين وتبيني زي اول ؟!! لا هنا تبلش راحتي انا إبتسـام سكتت لفترة وهي تطالعه ... ثم نطقت بهدوء وهي تطلع من الغرفة : اها ... براحتك ! ونـــزلت لغرفة غادة ... جلست على الكرسي بملل : اففف غادة اللي كان بحضنها قرآنها .. عقدت حواجبها : شفيك ؟! إبتسام : ابد .... بس بشتاق لك ماني مستوعبة انك بتتزوجين بجد بغض النظر عن الطريقة غادة نزلت راسها . كل ماكلمها احد بهالموضوع تصرف : ............. شفيك انتي كانك متضايقة ؟! إبتسام : سلامتك مافيني شي ... جيت اشوف تجهيزاتك وش ناوية تلبسين بكرة ؟ غادة : بكــرة ؟! إبتسام : ايه بكرة عزيمة ام فراس بالمزرعة .... لازم تكونين كاملة وتحاولين تحسنين نفسك مع مجتمعهم بتتعبين بالبداية بس حتى انا كنت مثلك بعدين لما تثبتين انك قوية راح يبلشون يحترمونك ويحطون لك وزنك غادة : .............. ايه بس انا ماراح اروح إبتسام : خير ياطير ! ليش ماتروحين ؟! غادة بضيق : مو حلـوة اروح وش بيقولون .. إبتسام : مسألة وش بيقولون لازم تتعاملين معها اللحين ولا بعدين غادة : اجل خليها لبعدين ... إبتسام : غادة روحي وخليك مبسوطة .. هم يتوقعون يشوفونك زعلانة بس وقت يحصلونك مبسوطة راح يكرهون انهم جو عشان يذلونك غادة بضيق : مو هاين علي احتفل بعيد دون رنيم ... إبتسام : ............... خلاص ارتاحي بكرة , نامي اللحين ارتاحي هزت غادة راسها بصمت : ................ طلعت ابتسام اما غادة استلقت وهي .. تمسك جوالها بمحاولة يائسة مع احمد يرد لكن مافيه امل : .......... *** فجـــــر العيـد / ارتفعت التكبيرات بصلاة العيــــــد ... والكل بكامل اناقته بهالحدث , ام فراس كانت تكمل تجهيزاتها بالمزرعة لازم تجهز بحيث المساء يكون كلش جــــاهز ... ام فراس : اسماء دقي على اخوك وينهم تأخرو ؟!!! اسمـاء : بصراحة حنا جايين بدري حتى ما أمداني البس ولا شي .. ! ام فراس : البسي من اللحين اخلصي ... ام نايف وأم عبدالمجيد وخالاتك بيجون بدري ! اسماء : زين زين ...! مجرد ماصعــــدت ... انتبهت ام فراس لازعاج عند الباب كان بدر يسلم على ياسمين وأنس ويعطيهم عيدياتهم ابتسم لما شاف امه وهو يبوس راسها ويدها : كل عام وانتي بخير وصحة وسلامة ام فراس : وانت بخير حبيبي ... ومن العايدين التفتت لميهاف وهي تسلم عليها : كل عام وانتي بخير يالعروسة ميهاف : هههههههه ماعدنا عرايس خلاص .. العروسة اللحين مرة فراس ام فراس وضح عليها الضيق لكن ابتسمت بمجاملة : ارتاحوا اجلسوا بدر : لا انا طالع نايف بالطريق بروح انطحــــه .. توجهت ميهاف للمرايا تفصخ عبايتها وتعدل شكلها ... طالعه قمة الاناقة والأوفر كعادتها راحت لأم فراس : فين اسوم ؟! ام فراس : اسوم يومها سنه ! راحت تلبس بتنام وراها اللحين : كولولولولولولولوليش !!!! كانو اريج ومرام " التوأم " خوات ام فراس ... مرام بصرقعة : ومباااااااااااااااارك عرس الاثنين ليلة خميس و .... مدري وش بعد اريج : الف الصلاة والسلام عليك ياحبيب الله محمد ! كولولولولولوليش عجباء " اخت ام فراس " : جوك المهبل استري ماواجهتي ! مرام : بصرااااااااااحة انا جاية مخصوص اشوف العروسة ام فراس : جعله يخلف ... سلمي انتي وياها ! ضحكن وهو يسلمن على ام فراس وميهاف .... اريج وهي تاشر لميهاف : بالله فين بتحصلون زوجـــة لفراس تجاري ميهاف ! عاد هو الكبير حرام ! ميهاف : هههههههههه ماعليك قصور حياتي اريج : وينها وينها ! موجودة ؟! ام فراس : بتجي بس مب اللحين .... وفكينا من الصرقعة مرام : حسافة فراسوه الزفت مب هنا ! ناويه استلمه بس اشوفه ... بس صبره علي اجل سوالف وغرفته واكشن وما أدري ايش ... من البداية قل بتزوجها وخلصنا اريج : ههههههههههههههههههههههههههههههه شفيك حبيبتي هذي مغامرات حب انتي ماتفهمينها يالجاهلة مرام : جاهلة بعينك ! : وانا اقول وش كل هالصرقعة .؟! اثركن هنا التفتتن لبدر اللي كان بكامل اناقته بالثوب الأسود المطرز خصيص للعيد ... ورزته اللي محد يجاريها بالثوب : اقول انثبر ! ماله طعم عيدك دونا مرام تنهدت : لنا الله لنا عيال اخت عندهم مليارات ولا منهم فايدة اريج بدعم : كل عام وحنا مالنا هدية .. كل عام وحنا مزهرية بدر : اقول تعالي انتي وياها اعايدكم ... ما اقول الا الله يكثر من امثالي اللي معطيكن وجه مرام : ههههههههههههههه امين امين .. اخلص هات العيدية بسس بنص الصرقعة نزلت اسماء مجرد ماشافها بدر تجاهل اريج ومرام اللي واقفات يحترن العيدية : هلااا والله بالعيييييييييد كله ! وخري انتي وياها سومتي جت عياديتها قبلكن اريج : اقول تراك بثر ! حنا خالاتك اعجل علينا ! بدر : هذي اللي لاقالوا طرار ويتشرط ! مشت اسماء بثقة بينهم وهي تسلم عليه : فين عيديتي .؟! بدر : بسيارتي ... ثواني واجيبها لك مرام بقهر : تدرون ليش مابي من احد هدية ! لأني اعتبر نفسي هدية في هذا العالم البائس لنشر السعادة فيه اريج : صح صح ف حنا براسنا سعادة ومانحتاج هدية تسعدنا مرام : واذا فيه هدية مافيه مشكلة بعد ! ام فراس : هههههههههههههههههههههههه الله يخلف بس اريج : اقول ميهاف اذا هديته لاخته بالسيارة يعني شي كبير ! انتي وش عيديتك .؟! ميهاف اللي كانت مطنقرة عليه هاليومين ماعطته فرصة يهديها حتى : هههههههههههههه سر عاد ! *** وقت المســــاء باشروا الضيوف بالإجتماع ... والكل ينتظر حضور زوجة فراس ! البعض ماحضر الا لهالغرض بالذات ! وما انفكوا من الاستفسارات اللي كانت ام فراس ترد عليها بكئابة ... دخلت اسماء وهمست لام فراس : ابتسام جت ... بس غادة مو معها ! طلعت ام فراس وهي تسلم على ابتسام / أم فراس بعد السلام : ليش ماجت غادة .؟! ابتسام تنهدت بضيق : حاولت فيها ... بس الظاهر مو حابه تقابل الناس قبل الزواج بيقلقونها بالاسئلة .. ام فراس هزت راسها : احسن اجل .. انا مو خالصة من الاسئلة دون شي .. ابتسام : الله يعين ابتسمت ام فراس : ما شاء الله عليك يا ابتسام محلوه مع الحمل ابتسام وردت خدودها : من ذوقك والله بعد ماسلمت ابتسام ... سألت وحده بصوت عالي : وين العروسة اجل ماجت ؟! ام فراس : مو حلوة تطلع وباقي على عرسها كم يوم ... ! : اللي سمعناه مافيه عرس .. يعني وشوله كل هذا ؟! ابتسام ابتسمت بمجاملة : حتى لو مافيه اسمها عروسة .. ويضل مو حلوة تطلع قبل عرسها . ام فراس : عموما عقب العرس ان شاء الله فيه عزيمة كبيرة على شرف العرسان وحياكم الله كلكم |
رد: انتماءات كاذبة
أبدأ من لؤي ، غلط جدا انه يسافر، يعني مفروض يتواجد جمبها لحد مايطمنها
يعني انا نفسي حاسه انه مش هيرجع المرة دي برضه و عسي يخلف ظني بالنسبة لابتسام ، وان كانت معذورة الفترة اللي فاتت في موضوع غادة لكن برضه استغربت انها ماراضيتش نايف كويس لكن كل شيء يهون قدام انها شتمت فراس :lol: بالنسبة لهيثم المغرور، متوقع يعني ان أسماء مفروض تبقي ميتة وتفضل واجعة قلبها بيه؟ لا وكتر خيره الصراحة انه تعب نفسه وسأل علي اخبارها اتمني بس توجع قلبك كمان وكمان نيجي للقهر كل اللي اتمناه ان غادة تبقي كفؤ ومتهنيهوش بالموقف اللي حصل لما تبقي معاه لأن موقفهم مش محتاج كلام علي كمية الذل والحقارة تسلمي على الإبداع وبالانتظار |
رد: انتماءات كاذبة
وصلت لكم اخيرا والحمد لله
متمللة قريت ردك قبل ما ينحذف 😹 .. حلو اجل اتفقنا جزئين بالاسبوع طبعا انا بعلق قطااعي كذا كل يوم حدث او شخصية معينة لين ارتب اللي ابا اقوله عن غيرها شخصياتي المفضلة للحين ابتسام .. مع انها خربت على نفسها بالفترة الأخيرة هيثم .. اللهم الا في بعض المواقف واللي اكيد ما هي من مواقفه مع اسماء ونايف انضم لهم واثبت مكانه بقووة على قائمتي مؤخرا .. خليني ابدء بالثنائي نايف وابتسام ابتسام حياتها ما شاء الله سلسلة من المشاكل والقرف اول وتالي حبيت تفهمها مع نايف رغم قهرها الداخي اظهرت العكس وقدرت بالنهاية تغير من شخصيته لكن مؤخرا احس انها صايرة تضغط علي لمجرد معرفتها انه باله وسيع وبيتحمل ما حسبت حساب انه اكيد له طاقة معينة خاصة ان سبب المشاكل كلها من عيلتها وان اختها اللي غلطاااانة وراكبها الخطا من ساسها لراسها ومع ذلك منكدة عليهم عيشتهم ! اتمنى انها تقدر تتدارك خطاها معاه اشوفها ممشية امورها مع الكل ومخلية الضيقة كلها عند نايف نروح لابو يزيد بالاول ما كان معجبني اطلاقا خاصة الاهمال بالصلاة وانه ماخذ الدعوة فري وعادي ويكلم هذي وذيك مفيش شغل ومدري خمر بالتمر وبلاوي يعني تفكيره رائع الحقيقة لكن الاستهبال الزايد كان مخرب عليهن الحين صاير معتدل ما الومه بغضبه على ابتسام الحقيقة واتمنى تتعدل اموره اكثر كان يتساءل مرة ليش طلق نهى الحقيقة انت ما تحتاج سبب اصلا يا اخ هي بكبرها اكبر سبب ومبرر الرجال مجنون ومعتبر كل شي عادي فما تستحي هي ؟! طلعات وبجايم وقمصان وكلام وهم علئ قلبها ان شاء الله جعل ينبط قلبها ؟! وبعد معبية راس الولد ما اعجبتني ابد واعتبرها شخصية بششششعة الله يخلصنا منها على خير 😑😑 نروح لثنائي ثاني .. او اللي بيكونون ثنائي في مرحلة ما ربما هيثم واسمااء صراحة اسماء ما بلعت تصرفاتها اطلاقا .. يعني الاول بايام جدة كنت اقول ما عليه بزر ومدلعة ومتعودة تاخذ اللي تباه واعجبت بعقلها لما تركت الغرفة مثلا مع انها تركتها عشان هيثم وكمان تصرفاتها البسيطة اللي ما فيها كبر لكن تستمر بمطاردته بعدين ؟! ورايحة بكل قواه عين تقوله احبك واعطيني فرصة ومدري ايش ؟! وبزرنة وتنطيط بالمستشفى ؟! صراحة ما الوم هيثم بردات فعله معاها بالعكس .. يمكن بعدين اذا تزوجها وتصلحت امورهم بقول خذت جزاها على هبالها من قبل وين عايشين احنا !! عندي تساؤل قبل ما انتقل ع اللي ضايقني من ابو مشعل الحين اذا اهل نايف ومحيطهم باقي يتعايرون بكون ابتسان من عائلة فقيرة مع العلم ان نايف اصلا كان شخصية سيئة وما احد منهم قبل به كيف ابتسام تعرض على هيثم تخطبله من الشمري وهو اعتراضه انه ما يبا يتزوج وما احد منهم تطرق لمسألة الفرق بالمكانة اللي بيخليهم يرفضون هيثم بدون نقاش ؟؟ يعني انا ارفض هذه المقارنات ولكن عادات ومفروض غصب واذا انبلع زواج رجال غني بحرمة افقر فالوضع غير اذا الرجال هو اللي فقير الحين نروح لهيثم اولا ما حبيت انه تارك اهله تماما بفترة دراسته ولا يدري عنهم بحجة انه يبا يدرس عشان يعوضهم بعدين و و و و دراسته بنفس المدينة يقدر ع الاقل كل يومين يطل عليهم يجلس معهم فترة ويعرف باحوالهم كلها ما هو بعد الهنا بسنة يجي ثانيا هو معه حق بتصرفاته مع غادة وقهره منها لمن اخذت عليه موقف سابق .. لما جت تطلق غاده وهو يبا يعلمها موقفها وش بيكون وقاعد يتكلم من قهره جرحها بالكلام وقتها يمكن هو قصده يعرفها ان المجتمع نظرته لها بتكون غير وان هي اللي اختارت وجابته لنفسها وتتحمل لكن طريقته غلط ايا كان بوقتها كانت محتاجة تحس بظهر وسند لها بياخذ حقها من اي احد بالكون مهما كان خصوصا ان هذا الاحد زوج حقير بالفعل وردة فعلها بعد كانت زفت مزفت على راسها شي ثاني .. انه تركها تجلس ببيت اختها وزوجها وهو شغله بالرياض ويقدر يطلعها وياخذ شقة لهم هم الاثنين ما كانت غادة مسئولية نايف عشان تجلس عنده ولا هي تدرس او تشتغل عشان يقول من بيراعي بنتها لكن اي شي ثاني ما اقدر احط عليه لوم عندي سؤال قبل ما ارسل هذا الرد كم مرة تكررت كلمة يمسك الرئاسة عن شغل هيثم وكدا وانا الحقيقة تخربطت 😹😹 معندناش رئاسة احنا 😹😹 بعدين حسبت سنين دراسته وبناء عليه قلت يمكن قصدك النيابة يترشخ لنيابة بالمستشفى اللي هو فيها صح ولا قصدك شي ثاني ؟؟ . . لي عودة باذن الله |
رد: انتماءات كاذبة
اقتباس:
هلا وغــــلا , بالنسبة للؤي رجع اللحين ولا بعدين .. بالاخير لازم يرجع خصوصا انه للحين ما اختار يواجه اهله بقوه , ومصير الحي يتلاقى حتى لو مارجع إبتسام نقدر نقول إنها صارت مدلله بفضل نايف .. صارت أقوى وعليه خصوصا بما أنه تارك لها مسؤولية كلش تقريبا هههههههههههههههه والله هيثم بلش ياخذ مكانه جمب فراس الله يجيب عواقب غادة سليمة وبس يسلمك ياقلبي نورتي |
رد: انتماءات كاذبة
اقتباس:
يامرحـــــــــــــبا تراحيب المطر , حمدالله على الســــلامة لاتعبتي بس :$ وإبتســــــام راح تفهمي القـوة اللي وصلت لها لما ترجعي لأول تشابتر كانت شخصيتها ضعيفه وألطف بكثير معروف عن المرأة إنها اذا خذت مسؤوليات الرجل بالعلاقة تقوى شوكتها وبالتالي ردات فعلها تكون أقوى ونايف نظريا لكمية الحريم والقوة اللي تاركها بيدها صارت أقوى حتى عليه بس لمتى حيصبر ابو يزيد؟ ابو يزيد عدلته الشيخة إبتسام , ولا كان لساته للحين يشرب خمر التمر على شواطئ الملديف هههههههههههه على ان نهى بغيضه فعلا لكنها كانت فري نفس نايف , مو ابتسام اللي تعتبر نقيضه ! كان محتاج وحده تشد عليه من أول بالنسبة لأسمــــاء , البنت تعتبر سطحية وبقـوة بس هبالها الزايد ولا عقل هيثم الزايد ؟ اي كفه حتترجح ؟ بالنسبة للفوارق اللي ذكرتيها , العائلة بشكل عام لو لاحظتي ماتعتبر مغروره إلا كم شخص منهم .. وإبتسام كانت تعتبر فقيرة فعلا لكن هيثم دكتور وحالته المادية تعتبر كويسة وكبار العائلة زي أبو نايف مثلا ينتقد هالفوارق ووضحتها قبل بانتقاده على زوجته انها تختار غنيات لزواج نايف بس , كم شخص بس ينتقد هالفوارق وكلهم من الصغار وهيثم مايعتبر فقير حاليا , دراسته اثمرت له هيثم لام نفسه على نفس النقطه من قبل وكان فعلا غلطان حتى بنظر نفسه , هيــــثم انسان قاسي بطبيعته , عشان كذا اهتمامه وخوفه عليها وصله بطريقة قاسية .. حتى مع اسماء جالس يوصل اهتمامه لها بطريقة قاسية وغـادة تعتبر صغيره وبعمرها ماحتفهم الإهتمام المعقد هذا الرئــــاسة بمعنى انه يكون اخصائي أول بالقسم اللي هو فيه ننتظر عـودتك <3 نورتي |
رد: انتماءات كاذبة
اقتباس:
لاا والله ما تعبت الصراحة النص الثاني من الرحلة كان اسرع بكثيييير وما وعيت الا وانا عند فصل الاثنين الماضي 😹😹 ابتسام كانت وما زالت حجر ارتكاز بالنسبة لكل المحيطين بها برايي الموضوع ما بتعلق بضعف شخصية او قوة شخصية لكن انها لها نظرة واسلوب بالحياة وتقدر تنسى شوية الضعف المسيطر عليها وقت الجد 😹 صراحة كنت مستغربة كيف اول وتالي تقدر تتحمل تصرفات واسلوب غادة معاها لو كنت مكانها كان ذاقت طعم التكسير قبل ما يسويها هيثم بايام 😺 ااهااا شي حلو ان وظيفته في النهاية اثمرت وعوضته عن حاله قبل 😺😺 الحقيقة انا اميل لكفةة هيثم بتعقله الزائد لكن لو تجمعو ذا الاثنين بالنهاية فاكيد لازم بتصير تحولات بشخصياتهم قبل خصوصا اسماء واكيد لا بد من شوية بلاوي اخصائي اول ؟؟ غريب .. توه صغير مدري اذا عدد السنين عندكم غير بسس المفروض انه خبرته لا تتعدى سبع سنين دراسة وسنتين شغل بالمستشفى صح ؟ توه ع الاخصائي اذا كان النظام نفسنا 😹😹 او ممكن صح اذا مدينة الملك فهد مستشفى تعليمي تابع لجامعة ما الحقيقة اني واقعة بحبها وكذا 😹😹 >> فيس يفضل المستشفيات المتطورة عن اي شي اخر 😻😻 |
رد: انتماءات كاذبة
ثاني ثنائيات الرواية >> سجع هذا 😹
سارا ولؤي خليني ابدء بلؤي في مرة من المرات وصفتيه انتي بالمتخاذل والحقيقة انا متفقة معك تماما بهذا الوصف لؤي من نوع الشخصيات اللي مستحيل يواجه طالما مازال شايف ان عنده فرصة للهرب يحاول قدر الامكان ياجل اللحظات الحاسمة والصعبة لااااخر ثانية ويمكن عنده امل يحصل شي يغير الواقع بعد !! لذلك اختار يؤجل مواجهة ابوه اللي هو .. الموضوع بيجيبلي وجع راس اجل نأجل وجع الراس شوي .. فراس يعرف هذي النقطة عنه معرفة جيدة وقدر يستغلها بابعاد سارا والنتيجة حرمان لؤي من بنته !! ومدري كيف بيقدر يصلح موقفه هذا ويرد علاقته بصديقه يمكن هو سوى اللي سواه خايف على لؤي ومتأثر بتجربة أبوه لكن البنت كان لها تصرفات ومواقف اثبتت انها ما هي طمعانة فيه ابد عموما اظن انهم بيشوفون وجه ثاني للؤي الهادي المطيع عما قريب ان شاء الله ما اعتقد يترك بنته كذا يعني ! نروح لساراا شوفي هو انا kind of ما بلعتها من اول الرواية خصوصا تساهلها الفظيييع ذاك وبعد من البداية جا ببالي اتساءل هي كيف ما تتحجب بالمملكة 😹😹 اللي هو .. اعرف انه بالرياض عادي شوي الموضوع بس تقريبا انتي قلتي انها حتى بجدة ما تحجبت ؟؟؟؟ يعني اذا هي ما تتحجب اصلا برا فحد علمي جوا فيه قوانين ولا عشان اسمها والكر مفكرينها اجنبية اصلا ؟؟ :فيس يفكر: نروح لمسألة الاسم هذي صراحة مدري شلون ابوها وافق انها تتسجل باسم امها بل الواضح ان هو اللي سجلها به اصلا وحرمها من نسبها الحقيقي !! المفروض انه سعودي .. مسلم .. يعرف حكم الموضوع والاهم ان له صور معها ومع امها يعني عاش معهم فترة ويعرفهم وبعدها حسب تصرفات الجدة تركهم وراح !! ما شاء الله .. جاه كمية ذنوب لا قوة الا بالله انه تارك بنته كذا ! نروح لها هي تبا تعيد اللي صار لها في بنتها طيب ابوكي عديم مروءة قليل دين انتي ليش تبين تعيدين السالفة وتطلع بنتك بنسب غير نسبها الاصلي ؟! الرجال جايك يحاول يسجل بنته باسمه وانتي ما شاء الله ماسكة لي بانت تركتني وروح وبنتي ما هي بنتك ليش جبتيها من الهوا يختي ؟!!! بغض النظر عن اني اشوف محاولة لؤي متخاذلة جدا جداا .. اقولك ثنائي محتاج ضرب النار اصلا يمكن يعتدل حالهم 😒😑 فيه نقطة ما الا وهي اعتقاد الاخ لؤي انها بخيلة .. يا عمي انت واحد من صغرك الفلوس بيدك ما يهمك سعر شي .. عادي طبيعة حياتك كانت كذا هذي واحدة هي تصرف على روحها وما لها رصيد ولا مدخرات ولا شركات طبيعي بتراعي كل ريال معها ما هو معقول مجرد ما تحولت لزوجة شخص غني بتنسى طبيعتها يعني خصوصا انها كمان كانت عايشة بروحها فاذا هي ما حاولت تحافظ على الفلوس اللي معها ما احد بيحافظ لها عليها وبالنهاية بتجلس مطفرة وبسسسسسس |
رد: انتماءات كاذبة
اقتباس:
هههههههههههههههههههههه طعم التكسير ! والله بصفتي اخت كبيرة أقدر اقول معك حق محد طويل بال زي ابتسام يب يب ياقلبي لسى على الاخصائي وهو ماصار هو للحين يترشح او مايترشح , وبعدين هيثم مو صغير عمره 28 سنة , تقدري تقولي وصل نهاية مشوار دراسته |
| الساعة الآن 02:33 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية