لمشاكل التسجيل ودخول المنتدى يرجى مراسلتنا على الايميل liilasvb3@gmail.com






العودة   منتديات ليلاس > القصص والروايات > قصص من وحي قلم الاعضاء > القصص المكتمله من وحي قلم الاعضاء
التسجيل مشاركات اليوم اجعل كافة الأقسام مقروءة

بحث بشبكة ليلاس الثقافية

القصص المكتمله من وحي قلم الاعضاء القصص المكتمله من وحي قلم الاعضاء


مشاهدة نتائج الإستطلاع: افضل شخصية برأيك ؟!
نايف 8 23.53%
فراس 16 47.06%
هيثم 2 5.88%
لؤي 3 8.82%
بدر 0 0%
ابتسام 10 29.41%
سارا 0 0%
ميهاف 3 8.82%
اسماء 4 11.76%
غادة 7 20.59%
إستطلاع متعدد الإختيارات. المصوتون: 34. أنت لم تصوت في هذا الإستطلاع

إضافة رد
نسخ الرابط
نسخ للمنتديات
 
LinkBack أدوات الموضوع انواع عرض الموضوع
قديم 26-04-17, 10:21 PM   المشاركة رقم: 201
المعلومات
الكاتب:
اللقب:

البيانات
التسجيل: Nov 2016
العضوية: 321971
المشاركات: 260
الجنس أنثى
معدل التقييم: متمللة عضو على طريق الابداعمتمللة عضو على طريق الابداعمتمللة عضو على طريق الابداعمتمللة عضو على طريق الابداعمتمللة عضو على طريق الابداع
نقاط التقييم: 497

االدولة
البلدSaudiArabia
 
مدونتي

 

الإتصالات
الحالة:
متمللة غير متواجد حالياً
وسائل الإتصال:

كاتب الموضوع : متمللة المنتدى : القصص المكتمله من وحي قلم الاعضاء
افتراضي رد: انتماءات كاذبة

 

اقتباس :-   المشاركة الأصلية كتبت بواسطة شيماء علي مشاهدة المشاركة
   ثاني ثنائيات الرواية >> سجع هذا 😹
سارا ولؤي

خليني ابدء بلؤي
في مرة من المرات وصفتيه انتي بالمتخاذل والحقيقة انا متفقة معك تماما بهذا الوصف
لؤي من نوع الشخصيات اللي مستحيل يواجه طالما مازال شايف ان عنده فرصة للهرب
يحاول قدر الامكان ياجل اللحظات الحاسمة والصعبة لااااخر ثانية
ويمكن عنده امل يحصل شي يغير الواقع بعد !!
لذلك اختار يؤجل مواجهة ابوه
اللي هو .. الموضوع بيجيبلي وجع راس
اجل نأجل وجع الراس شوي ..

فراس يعرف هذي النقطة عنه معرفة جيدة وقدر يستغلها بابعاد سارا والنتيجة حرمان لؤي من بنته !!
ومدري كيف بيقدر يصلح موقفه هذا ويرد علاقته بصديقه
يمكن هو سوى اللي سواه خايف على لؤي ومتأثر بتجربة أبوه لكن البنت كان لها تصرفات ومواقف اثبتت انها ما هي طمعانة فيه ابد

عموما اظن انهم بيشوفون وجه ثاني للؤي الهادي المطيع عما قريب ان شاء الله
ما اعتقد يترك بنته كذا يعني !

نروح لساراا
شوفي هو انا kind of ما بلعتها من اول الرواية
خصوصا تساهلها الفظيييع ذاك
وبعد من البداية جا ببالي اتساءل هي كيف ما تتحجب بالمملكة 😹😹
اللي هو .. اعرف انه بالرياض عادي شوي الموضوع بس تقريبا انتي قلتي انها حتى بجدة ما تحجبت
؟؟؟؟
يعني اذا هي ما تتحجب اصلا برا فحد علمي جوا فيه قوانين
ولا عشان اسمها والكر مفكرينها اجنبية اصلا ؟؟
:فيس يفكر:

نروح لمسألة الاسم هذي
صراحة مدري شلون ابوها وافق انها تتسجل باسم امها
بل الواضح ان هو اللي سجلها به اصلا وحرمها من نسبها الحقيقي !!
المفروض انه سعودي .. مسلم .. يعرف حكم الموضوع
والاهم ان له صور معها ومع امها يعني عاش معهم فترة ويعرفهم
وبعدها حسب تصرفات الجدة تركهم وراح !!
ما شاء الله .. جاه كمية ذنوب لا قوة الا بالله انه تارك بنته كذا !

نروح لها هي
تبا تعيد اللي صار لها في بنتها
طيب ابوكي عديم مروءة قليل دين
انتي ليش تبين تعيدين السالفة وتطلع بنتك بنسب غير نسبها الاصلي ؟!
الرجال جايك يحاول يسجل بنته باسمه
وانتي ما شاء الله ماسكة لي بانت تركتني وروح وبنتي ما هي بنتك
ليش جبتيها من الهوا يختي ؟!!!

بغض النظر عن اني اشوف محاولة لؤي متخاذلة جدا جداا ..

اقولك ثنائي محتاج ضرب النار اصلا يمكن يعتدل حالهم 😒😑

فيه نقطة ما الا وهي اعتقاد الاخ لؤي انها بخيلة ..
يا عمي انت واحد من صغرك الفلوس بيدك ما يهمك سعر شي ..
عادي طبيعة حياتك كانت كذا
هذي واحدة هي تصرف على روحها وما لها رصيد ولا مدخرات ولا شركات
طبيعي بتراعي كل ريال معها
ما هو معقول مجرد ما تحولت لزوجة شخص غني بتنسى طبيعتها يعني
خصوصا انها كمان كانت عايشة بروحها فاذا هي ما حاولت تحافظ على الفلوس اللي معها ما احد بيحافظ لها عليها وبالنهاية بتجلس مطفرة

وبسسسسسس

اووه وصلتي لسارا ولؤي , اكثر ثنائي مثير للجدل

بالنسبة لأنك تقولي ان البنت كان لها تصرفات ومواقف اثبت انها ماهي طمعانة فيه أبد
مثل ماهو واضح فراس مايوثق احيان بنفسه فمستحيل يوثق وفيها وهو كارهها اساسا وتاثيرها على لؤي

ولـــــؤي جالس يستنفذ حدود صبره بالبطيء , بركان خامل للحين

حنا بالمملكة مانفرض الحجاب على الأجانب يعني عادي وجدة مافيه فرق بينها وبين الرياض يمكن الرياض متشددة اكثر برضو

وأبو سارا نقيض لؤي ونيته سيئة ولا اهتم ببنته , وسبب لها رعب داخلي دون ينفعها
وسارا انسانه عصامية بطبيعتها وكانت خايفة من تأثير لؤي على حياة بنتها بغيابه المتكرر

هههههههههه الحياة حتضربهم بالنار لاتخافي

وخلصــــــتي لؤي وسارا مبروك ,

 
 

 

عرض البوم صور متمللة   رد مع اقتباس
قديم 26-04-17, 11:18 PM   المشاركة رقم: 202
المعلومات
الكاتب:
اللقب:

البيانات
التسجيل: Nov 2016
العضوية: 321971
المشاركات: 260
الجنس أنثى
معدل التقييم: متمللة عضو على طريق الابداعمتمللة عضو على طريق الابداعمتمللة عضو على طريق الابداعمتمللة عضو على طريق الابداعمتمللة عضو على طريق الابداع
نقاط التقييم: 497

االدولة
البلدSaudiArabia
 
مدونتي

 

الإتصالات
الحالة:
متمللة غير متواجد حالياً
وسائل الإتصال:

كاتب الموضوع : متمللة المنتدى : القصص المكتمله من وحي قلم الاعضاء
افتراضي رد: انتماءات كاذبة

 

" البارت السادس والثلاثين "
- عينـآك أرض لآتخون .
: يـا هآنم انا مو شايفة منك أي مراعاة لحالتك ! حالتك سيئة مرة .... ليش كذا .؟!
نزلت إبتسام راسها بضيق : ظروفي هالفترة صعبة شوي ..
الدكتورة : ولو ياحبيبتي .. لازم تهتمي بنفسك ! تغذيتك سيئة جدا وواضح عليك الإجهاد هاليومين لازم ترتاحي ضروري
إبتسام بضيق : هاليومين صعبه علي .. عندي مناسبة مهمة وماراح اقدر ..
الدكتورة بعصبية خفيفة : ماراح تنبسطي لحد ماتأذي الجنين يعني ؟
إبتسام بضيق : بيستر ربي ...
الدكتورة : هالمواضيع مافيها مثل هالتساهل ! انا فعلا مستائة من وضعيتك يامدام... زوريني بعد يومين واتمنى يكون فيه تحسن لازمك راحة سريرية بقوة.. احسك ماتسطحي ظهرك وهذا ماراح يساعد حملك يثبت
إبتسام : ان شاء الله
الدكتورة : تفضلي
وقفت إبتسام وهي تطـلع من المستشفى .. اليوم – 4 – ونايف فعلا معطي نفسه اجازة من قلب , يكلمها باليوم خمس دقايق بالكثير .. وتكون هي المتصل .. بكـرة زواج غادة من وين ترتاح بعد .؟! ركبت مع السـواق وهي تامره لسوق الذهب .. حتى لو هذا وضع الزواج لازم اقل شي هدية بسيطة لهـا ..
***
لــؤي بضيق : لازم يعني .؟!
أبو نايف بعصبية خفيفة : شف ... ام نايف اسمعي ولدك هالمهبول وش يقول ! وش يعني لازم !
ام نايف : هاو لؤي من عقلك ! وش يعني ماتحضر وش بيقولون عنك ... عاد هذا فراس خويك الروح بالروح وماتحضر له بعد
لؤي : انا وياه متفاهمين .... عندي شغل ولازم امشي وش المشكلة ؟!
أبو نايف : لا تجادلني ! يكفي نايف مسود الوجه اللي ماراح يرجع ... تجي بعد انت !
هز لؤي راسه بضيق ... فتح جواله وهو يكتب لها رسالة
- يمكن اتـــأخر بالجية ... عندي زواج عائلي هالفترة وعقبها راجع , لاتحسبيني نسيتك يعني –
بعد فترة وصله الرد /
في البداية علمني غيابك ان النعم ماتدوم .. ثم جاء الزمن وعلمني ان النعيم كان غيابك
يعني ما أنتظر منك شي فلاتتعب نفسك
تنهد لؤي وهو يحتسي فنجاله .. راسه بينفجر , نجح في انه مايقابل فراس لأن فراس مسافر , لكن بكرة زواجه... أكيد لازم يتقابلون .
***
قالت بنبرة متضجرة : مجرد حقيقة ان كل ثانية من حياتي جالسة تضيع بهالديرة بتجنني !
ام فراس بقرف وعصبية ملازمتها هاليومين : انتي شايفتني انا في ايش وانتي جالسة تحاكيني في ايش !! خلاص ايأسي ... افففف
أسماء ضربت برجلها : مابي مابي مابي ! بروح بروح بروح ... فراس بيتزوج خلاص يحط سلطته على مرته معد له دخل فينا
ام فراس بيأس من عنادها : يا اسماء انتي ماكنتي كذا وش صار لك .! ؟
اسماء بقهر : عادي وين المشكلة .؟! هذا تحديث جديد ..
ام فراس نفخت فيها : برا فارقيني ! اخوك عرسه بكرة وانا مقدر استعد له ولا اسوي له شي بلا صافنه يدي .... ولا راح يجي الرياض الا بكرة ! وكلش يغبن .... حاطه حرتي بشقته اللي ماطرت على باله حتى المصمم نسى يكلمه لين كلمه بدر ... وتجيني انتي بسخافتك ! اذلفي من وجهي زين
ياسمين اللي كان جالسة ومو مستوعبة .. لا هي ولا أنس لانهم صغار وموضوع هالزواج صاير شي غريب : ماما ... فراس بيتزوج صدق !؟
ام فراس بقهر : ايه ... بكرة
ياسمين بدهشة : ماجبنا ثوب عرس ؟!كيف ؟
ام فراس بغبنه : حتى البزر تقوله .. الله يسامحك يافراس كانك ماحتخلينا نفرح بك
اسماء زفرت وهي تصعـد .. كل محاولاتها للاغتراب تبوء بفشل فضيع
***
ميهـاف ... الساعة 6 مساءا /
تو رجعت من النـادي ... امس بدر عطاها خبر بمسج انه بيرجع اليوم , موعد وصوله بهالوقت دخلت تاخذ لها شاور بعدها لبست بجامة قطنيـــة وردية ناعمـة .. ورفعت شعرها بعشوائية ودخلت المطبـخ تسكب لها عصير وجلست عـلى لابتوبها تخلص بيانات الجامعة بما انها على الأبـــواب ..
بعد فترة انفتح البـاب .. دخل وهو يسحب شنطته رفعت عيونها له بعشوائية : حمدالله على السلامة
طالع بدر شكلها وكانه ما اعجبه الهيئة ... لكن نطق بهدوء : الله يسلمك ... كيف حـالك عيوني ؟
ميهاف وهي مازالت تشتغل على اللاب : حمدالله بخير
بدر عقد حواجبه : ناسيه اني بوصل اليـوم اجل ؟
ميهاف : اذا انا جوالي اللي اهم شي بحياتي انساه ... جايز اكون نسيت
بدر مشى ناحيتها وهو يحضن يدينها ويوقفها ويقربها لحضنه وهو يبوس خدها بنعومة : اذكـرك مو مشكلة .. حياتي انا وصلت اليـوم
ميهاف ابعدت بوجهها عنه بطريقه نافره : ..............
بدر رفع حواجبه : عفــــوا ؟!
ميهاف : العفو منك .. بس مالي مزاج اللحين بدر وعندي شغل .
بدر : شغـــــل ؟!!! " التفتت للابتوبها .. وسكره وهو يلتفت لها " هالشغل اهم مني .؟!
ميهاف : مو موضع مقارنة .. مجرد شغل ضروري ولازم اخلصه
بدر : واو سنيوريتا ميهاف .. ماتفرغين جدول اعمـــالك المزدحم لنا شوي ؟! " تبدلت ملامحه من السخرية للجدية " عوافي عليك شغلك ! انا داخل انام
مشى ناحية غرفته وهو يسكر الباب ويقفله من داخل .. كبست ميهاف بعيونها : وش قصده يعني .؟! طرده .؟!
منعتها كرامتها تحاول تفتحه وتتفشل .. لأن واضح انه مقفله ولا راح يفتحه كشرت بقهر وهي ترجع تشتغل , يعني هو مشغول لازم ادعمه وانا مشغولة حرام ! اففففف
***
اليــــوم التالي /
ام فراس اللي كانت جـالسة مع العائلة في حدود الساعة 2 ظهر تنتظر وصولـــه ... انفتح الباب فتحت بسرعة لكن كان بدر : هذا انت ... هلا يمه ادخل
بدر : هههههههههههه وش هالإحباط .. كانه طابت نفسك لما عرفت ان الضيف انا
ام فراس : وين ميهـاف ليش ماجات ؟!
بدر : ما أدري عن وضعكم اليـوم .. اخاف مافيه جمعة
ام فراس : مافيه جمعه بس عمتك أكيد بتجي ولو انها ماخذه بخاطرها .. بس اجودية ياحليلها
بدر : شدعوة تاخذ بخاطرها .؟! عشان بنتها .. تحمد ربها وتشكره لو بنتها كان زواج محكمة دون فرحة ولا طقطقة ولا حتى مهر ... شحقه تزعل ؟ هي الربحانة
ام فراس : شر البلية مايضحك
بدر : هههههههههه. . الله يعين
ام فراس : بس ميهاف بنتنا تجـي تجلس معنا كود انا نحس ان فيه فرحة اليوم
بدر بتعجب : اللحين هو عقب المحكمة وين بيروح ؟! فندق ولا هنا ولا بيسافرون ؟
ابتسمت ام فراس بسخرية : ياحليلك يسافرون .. بيجي هنا على طول , حتى شقته ماعليه منها ولا اهتم وش صاير فيها
بدر : انا مو فاهم العرس بعقله وش يعني .!؟
ام فراس بضيق : انا جالسة اصبر نفسي اني بسوي عزيمـة ماصارت عقب كم يوم .. اعوض فيها
انتبهـوا لصوت سيارة .. فزت ام فراس لبرا : هذا هو جا !
اول ماطلعت قابلها على الدرج يصعـد .. ابتسم من تحت نظارته الشمسية وهو يبوس راسها : كيف الحال يالغالية ؟
ام فراس : حمدالله ماشي الحـال
دخـل فراس وهي جمبه : وكيف اخـواني
ام فراس : هذاهم كلهم قدام عيـــــنك
دخل فراس وهو يسلم على بدر والكل .. وقال مباشرة : انا بطلع انـام لي شوي .. لحد يصحيني لحد ما يأذن المغرب
ام فراس فتحت عيونها : بتنااااااااااااااااام .؟!
فراس : ايه بنام . ؟ شي غريب علي انام ؟
بدر : من جدك ! رح شف شقتك شصار عليها سو شي احتفل شوي ... وش بنام ! من وين يجيك النوم .؟!
فراس دون استجابة : اقول انا بنام .. محسسيني قضية الشرق الأوسط عاد
وصعد مباشرة .. اما أم فراس فهي فعلا بدت تيأس من ولدهـا بهالموضوع واضح انه نهائي ماله مزاج وهذا اللي يزعجها .. ليش يتزوج وحده مايبيها ؟! مستحيل تكون قادرة تجبره على شي مايبيه ..
***
إبتسام اثناء ماهي جالسة على سرير غادة والطقم بيدهـا تجهزه : خلصتي .؟!
طلعــت غادة من الغرفة .. وواضح على وجهها الهـــم والكرب وهي واقفة :-
ماكانت نــاوية تكون بوضعية " المتأنقة " لكن بعد الحاحات من إبتسام عن كلام اهله لو يشوفونها داخله بلبس عادي ..قررت تخضع .. لكنها رفضت محاولات إبتسام للفستان الأبيض حتى لو ناعـم لأنها مجرد ماتفكر تلبس أبيض تتخيلشكله قدامها بلمحته الساخرة " هه ؟! لا عايشة جو العروسة بجد ؟! " ويقشعر بدنها كله .. هي تحس بكرب وتعب نفسي هالفترة بسبب انها بتتزوج للمرة الثانية .. من إنسان جالس يهددها بحياتها معه .. فقررت تاخذ نقيض الأبيض تمام ..الأسود ! خاتمها زمردي أخضر مذهب .. هدية إبتسام لهـا ..كان الفستان بقماش قطني فخم .. طويل الأكمام ومسدول على الأرض بفتحه لنص فخذها ولآبسة كيـلون أسود للفتحة .. لأنها نفس الشي ماتتخيل ردة فعله لو يشوفها بهالشكل .. وشعرهـا الملفت تاركته مفتـوح ومنعمته بشكل تام وطارحته على وجهها .. بلونه الغزالي طالع فاتن .. مع مكياج بدرجات البيج والخربزي ..
إبتسام نطقت بضيق : يعع اسود ! عزا هو ؟!
غادة دون نفس : يمكن .
إبتسام : لا غادة لاتبدين حياة جديدة بهالنفسية .. تفائلي الله يكتب لك كل خير وان شاء الله بيسهل لك كلش
غادة : الله يستر بس ...
إبتسام :بس والله ياشينك لو لابسة أبيض وش كان صار !
غادة : ابد سلامتك .. ماحيصير شي بس مابي
إبتسام : يله انا بلبس عبايتي وبجيك ... راح يودينا السواق عقب الصلاة مباشرة ان شاء الله , وهيثم يقول بسبقكم هناك
هزت غـادة راسهـا وهي ترجع لغرفتها وتوقف قـدام المراية .. حاولت تتنفس قبل تطلع دموعها ويخرب المكياج للمرة الرابعه , كلش فيها مضطرب ... للحين عقـلها ماهو مصدق حقيقة انه بيسكر عليها معه , هي وهي بعيدة عنه ماقصر انه يكسرهـا بأبشع الطرق واقساها ... كيف لاصارت متاحة له بكل وقت ..
الأيام اللي فاتت كـانت منعزلة وماتبي شي .. إبتسام تسحبها تنبسط غصب , ودايم تسمعها تكلم ام فراس .. لكن هي ساحبه نفسها ماتتدخل لو ايش مايقولون ..؟ تكفلت إبتسام وام فراس بالشقة والأغراض .. كانن يحاولن يفرحن بأبسط شي ... وهي مستخسرة وضعهن ينبسطن على ايش ؟! مايعرفون وش الجحيم اللي جالس يصير ..
حتى أم فراس واضح محتقرتها وماتتمناها نهـائي .. وماتنلام ؟! بس جالسة تحاول تتعايش معها ... تنهدت بضيق
: غادة يله .؟!
هزت راسهـا وهي تسحب عبايتها وتلبسها
***
أثنـاء أم فراس واقفة وهي بعبايتهـا كانت تلقي تعليماتها لأسماء وميهاف : انتبهي للتجهيزات ... ولاتنسين توصين لجناح أخوك الصينية اللي قلت لك
أسماء : ان شاء الله
ام فراس : وعمتك بالطـــريق .. اول ماتجي استقبليها لحد مانرجع
ميهاف : لاتخافين خالتي كلش بيضبط ان شاء الله .. انتي روقي
اسماء : ميهاف تعالي نصعد نجهز ... وعقبها ننزل نخلص الضيافة
في نص طريقهن لفـوق انتبهوا له يـنزل .. بالثـــوب الأبيض والشماغ الأبيض وجزمته الجلد الطبيعي وساعة أرماني , طالع بقمة الوســـامة بفخامة شكله .. وقفت ميهاف اللي كان بعبايتها وهي تنطق : الف مبـروك ان شاء الله
فراس وقف وعيونه لتحت : هـلا والله ميهاف ... كيف حالك .؟!
ميهاف مافاتها تجاهله لتبريكاتها .. لكن نطقت : حمدالله بخير جعلك بخير
هز راسه وهـو ينزل ... استقبلته ام فراس بالدخـون وهي تلفه حـوله , فراس عقد حواجبه بضيق من الطيب اللي خز جرحه : .......................
ام فراس انتبهت له .. ابعدت الطيب مباشرة : والله اسفة مانتبهت يمـك
ابتسم فراس : حصل خير عادي ..
ام فراس بقهر : وش هالحال .؟! حتى الطيب ماتقدر تتطيب
فراس دون نفس : مابه احد يستاهل هالطيب .. مشينا بس
وهو يـطلع هزت ام فراس راسها بيأس وهي تطلع .. كانت بنفس السيارة مع فراس وبدر سبقهم : تراني حددت موعد عزيمـــتك عقب بكرة ان شاء الله
فراس : حريم بس طبعـا ؟!
ام فراس لانه حذرها من قبل انه مايبي رجاجيل : ايه حريم بس .. مقدر اعزم الرجاجيل الأمر بيدك
فراس : هجل انا مالي خلق الرجاجيل ... اعزمي هالملقف خل يشبعون يشوفونها قبل تذبحهم اللقافة
هزت ام فراس راسها من طريقته بالحكي : مو شرط ياحبيبي فيه ناس يبون بس يفرحون لك
فراس بسخرية : لا فيهم الخير والله
مسحت ام فراس على خـده .. استغرب فراس حركتها اما هي نطقت بقهر : صاير كأنك الثلج يامك .. على زينك برودك يقتلني , معقولة منت مبسوط بهاليوم ؟! فيه رجال مايستانس بعرسه ؟
فراس حط يده فوق يدهـا وهو يسحبها ويبوسها : حطي ببالك يمه انا مايبسطني بهالعالم غيرك انتي واخواني .. اما هالزواج اخر اهتماماتي
بطلت ام فراس تناقشه بهالموضوع لانه مستحيل يعطيها السبب الحقيقي ورا زواجـه منها وهذا اللي يخوفها ..
أول ماوصـــلوا ... نطقت ام فراس : هذا سواق نايف .. اكيد وصلـوا
سحب مفتاحه من السيارة وهو يـنزل ويمسح بعيـونه على السيارات الموجودة عشان يقيم الموقف ... سيارة سواق نايف هذي اكيد هي واختها , سيارة حزر انها سيارة هيثم .. سيارة بدر .. كويس مافيه متطفلين طالع امه اللي تنتظره يدخل ... تنهد وهو يصعد درجات البوابة الخفيفة حتـى وصل للمكان المخصص , حيث كان بدر وهيثم واقفين مع القاضي .. دخل بهيبته وهـو مصمم على هالـخطوة , اكتفى مع هيثم بمصافحة رسمية دون أي تعليق .. لأن ماله خلق بجد .. اما هيثم كان مستغرب حتى اللحظة اللي طلع فيها فراس ما توقع ان الخبر صح !
القاضي : أنت العريس .؟!
فراس : أيـوه .. تفضل نقدر نبدا
القاضي : ممكن أطلب حضــور العروسة
فراس ابتسم ابتسامة جانبية على مصطلح " العروسة " ..
هيثم مسك جـواله واتصل با إبتسام : الرجـال وصل قولي لها تجي .
بدر نغـز فراس بالخفيف وهو يهمس له : كيف اعصابــك .؟!
رفع فراس حـواجبه : اعصابي في ثلج لاتجلس تتميلح
بدر : يا ساتر كلش مافيه احساس .. عموما ترا عمي ابو نايف بيسبقنا للبيت عشان يباركون هو والجماعة
فراس : ليش كلفوا على روحهم ؟! مايحتاج ... مصير الحي يتلاقى
ابتسم بدر وهو يوجه كلامه لهيثم : عقب المحكمـة ان شاء الله فيه جمعة بالبيت .. حياك لازم تكون موجود
هيثم نقل بصره بين فراس وبدر : لا انا اسمح لي مقدر .. بقولك هنا مبروك وانتهينا
فراس تو بينطق "توفر " ... نطق بدر مباشرة :لا مايصير ! الموجودين كلهم بيسألون عنك اكيد .. لازم تجي حنا مصرين
في هاللحـظة دخلت ثنتين بعباياتهن مع ام فراس اللي كان واضح شكلها .. تقريبا بنفس مستوى الطـول , عبايات كتف عادية دون أي تفاصيل , لكن واضح شكل غادة من إبتسام .. لأن إبتسام حامل وهذا واضح ...
غادة منزلة عيـونها طول الطريق ... ماتبي ترفعها له حتى كل اللي تشوفه ارضية المحكمة الرسمية : ...............
لحد ماوقفت بنقطة مناسبة ... فراس طالعها بنص عيـن ثم طالع القاضي : ابدأ
***
بالبيت .. كان وضع البيت يحاول يكون فرحـان قد مايقدر , ياسمين طالعه بشكل ناعم بفستانها الخربزي اللامع وطوق الورق المزين شكلهـا الناعم
أسماء اختارت لطلتها فستان فوشي دون اكمام لنص الفخذ بنفشه طفوليه مع كيـلون سكري بنثر سكر ... وشعرها الأشقر لكتفها تركته مفـتوح مع حركة خفيف من جنب وطرحته على الجنب الثاني .. ومكياج مناسب لبسهـا ..طالع شكلهـا ملكـع كعادتها ..دق جـوالها " ابو نايف " يطلب منها تفتح الباب عشان يدخلون الرجاجيل ... نادت على انس
: انسسس .. اعجل افتح الباب لعمي والرجاجيل وضيفهم !
ركض انس لبرا مباشرة وهو مستانس انه الرجال هنا دام مافيه احد غيره ... نزلت ميهاف من الدرج وهي ماتقل اناقة عن أسماء : كان عمتي تأخرت .؟!
أسماء : لا تو دقت علي بتجي .. الا امك وينها بتتأخر ؟!
ميهاف : امي ماراح تجي .. تقول بشوفهم بالعزيمة ان شاء الله
هزت اسماء راسها بتفهم وهي تنطق بكئابة : حتى خالاتي اعتذروا .. ماراح يجي الا خالتي عجباء
ميهاف : لأن وضعهم اليوم عرسان .. يبون يخلونهم لحالهم فاهمة كيف ؟
اسماء : خربانة خربانة .. فيجون ماحيصير شي
ميهاف : الجيـران طيب بيجون .؟!
اسماء كشرت : بس ام صالح
ميهاف : ههههههههههههههههههههههههه ام صالح هي اللي كنتي تحبين ولدها وانتي صغيرة .؟!
اسماء بفشلة : خلاص انسي يختي كنت بزر !
ميهاف : صعب انسى مواقفك الشنيعة معه ههههههههههه
اسماء : وبعدين عقب موقف الشنطة معد صرت احبه خلاص
ميهاف : شف وش موقف الشنطة ماقلتيه لي !
اسماء بقهر : كانت اخته معي بالصف وكل شوي ادق باب بيتهم عشان يفتح لي واطلب دفترها .. عاد لما زهق مني عطاني الشنطة كلها وقال لعد تجين !
ميهاف : هههههههههههههههههههههههههههههه اح ياجبهتي
اسماء بحمق : على **** ! اف استغفر الله تحدين الواحد على الكلام الوصخ غصب عنه
ميهاف : اقول انتبهي بس للجمر بين يديك لايموت !
اسماء انتبهت له بدا يموت .. التفتت لميهاف بقهر : كله منك يالوصخة
ميهاف وهي تنتبه لصوت عند الباب : هذا صوت عمتي ... اكيد جو تعالي
اسماء : ظنك سجى جاية .؟!
ميهاف : لا ما اعتقد .. تعرفين قد ايش كانت تحبه مستحيل تجي
طـلعوا يستقبلـون عمتهم ... نطقت ام عبدالمجيد عقب السلام : وصـلوا ولا تو .؟!
اسماء : لآ ... تو بالطريق اكيد لان لهم زمان من راحوا
وداد : طيب احد جا .؟!
ميهاف : لا شكل محد بيجي اليوم اصلن ... الكل يقول بنجي بالعزيمة
ام عبدالمجيد : طيب فيه حاجة نجهزها شي .؟!
اسماء : لا عمه ارتاحي انا خلصت كلش .. تعالوا نجلس
وداد : ع طاري وحنا داخلين نشوف فرقة برا !
اسماء : هههههههههه بدر اخوي موصي عبدالمجيد اخوك يجيبهم .. حالف يرقص فراس
ام عبدالمجيد : هذا وجهي .. فراس مايرقص اصلن !
اسماء : ههههههههههههه انا اهم شي حاجزة اروح السطح اقزقز
ركضت ياسمين لعندهم : مااااااااامااا وفراس جو
وقفت اسماء وام عبدالمجيد .. وراحوا عند الباب يستقبلون دخـلت ام فراس .. ام عبدالمجيد زغرطت بالخفيف لكن وقفت لما حست ان ام فراس ما استجابت : هاو شفيك يختي .؟!
ام فراس مسحت دمعتها : مافيني شي .. مانيب مصدقة ان اليوم فراس تزوج خلاص
ام عبدالمجيد : وتبكين الله يهداك .. قولي حمدالله " كملت تفرفش " الا وينه خل نمزه ونبارك له .؟!
اسماء : ههههههههههه إلا وين العروسة .؟!
ام فراس : هذا هم ورانا جايين مع اخوهم
أسماء صنمت وقتهـا ... ! جاية مع اخوها .؟! يعني هو بيدخل بيتهم ... بلعت ريقها واضطرابات قلبها ترجع تعاودها .. عضت على شفاتهـا وهي تحاول تتناسى لكن هيهآت مازال متربع بقلبها مهما كابرت
عـــند فراس /
أول مادخـل المجلس .. استقبله عمـه : هلا والله .. مرحبا ومسهلا , على البركة ان شاء الله الف مبروك
أبتسم فراس مجامله لعمه : هلا والله فيـك
سـلم على كل الموجودين واللي ماكانو قليل .. بالنسبة لأن مافيه دعوة اساسا ولا حاجة رسمية حتى وصل للؤي , سلم لؤي سلام السنة ورجع يجلس دون أي تعليق .. ولا حتى مبروك ؟!
ماعلق فراس هو نفسـه .. اللي فيه كافيه خذا مكانه براس المجلس وهمس لبدر مباشرة : وش المصخرة اللي جالس اشوف برا .؟!
بدر : شنو .؟! عرس اليوم بنرقص ... عندك اعتراض ؟!
فراس : لا تتسيمج بدر ورح قلعهـم لاقلعك انت معهم ... هذا اللي ناقص بعد طرب !
قاطعهـم تعليق أبو عبدالمجيد الساخر : ما شاء الله .. هذا اللي يقول ماني معرس ! وعايف نص بنات الأصل والشرف مايبي الزواج ... هذي هي التـــالية .؟!
فراس استحقر تعليقه قدام المجلس كامل .. رد ببروده المعتاد : وش له داعي هالحكي .؟! " إبتسم بسخرية " لايكون منقهر اني عييت اخذ بنتك .؟!
ابوعبدالمجيد انفعال : اللي مثلك مايشرفنا اصلن ! ولا اتمناك لبنتي !
فراس : اها .. لا واضح ما شاء الله , دامني ما اشرفك وش جالس تسوي بمجلسي .؟!
نغزه بدر : فراس شنو تسوي تطرد الرجال !
فراس دون نفس : احترم عمرك يا أبوعبدالمجيد انت رجال كبير ولا له داعي تنقدني فيك .. واذا انا اعرست هذا قراري منت ابوي ولا لك اهمية عندي اعتبر لرايك ... عموما يشرفني اني اكون اكبر همك
بدت الأصوات تتعالى : خلاص ياجماعة هدوا
: ايه والله هدوا حصل خير وابو عبدالمجيد ماقصده شي اكيد
فراس : ان شاء الله مايكون قصده شي
دخـل بهاللحــظة هيثم : السلام عليكم ..
وقف الكل يسلم عليه .. والكل مستغرب كيف انسان عادي زيه .؟! قدر يناسب ثنين من احفاد عبدالرحمن الشمري ولا أي ثنين اول احفاده ..
***
بهاللحـــظة دخلت إبتسام وغادة ... استقبلوهم الحريم بالزغاليط : كولولولولولولوولويش
استغربت غادة نوعا ما الجو ... توقعت يكون نكدي اكثر من كذا , على الرغم من ان زواجها مع احمد كان رضا الطرفين ومافيه ظروف مدمرة زي اللحين الا ان فرحتهم كانت ميته ... يمكن عشان هذي طبيعة حياة البذخ .؟! وهذي اقل فرحة ممكن يفرحـونها ... بلعت ريقها وهي تشوف البيت ومو متخيلة نفسها ان هذا بيتها خلاص : ......
سلم الكل عليها وهم يباركــون .. صح فرحتهم ماكانت كاملة بها لأنها مهما كانت رسمت صورة سيئة قبل تجي عندهم لكن المجاملة بهالمجتمع .. كانت واجبة !
فصخت عبايتهـــا .. وهي تعدل شكلها وللحين اللحظة بالمحكمة تنعاد براسها ... همسه القاسي لما ترددت توقع " اخلصي علي ! " ... صورة توقيعها للحين تنعاد براسها كانه توقيع موافقتها على حياة الجحيم المقبلة .. لكن تفكريها لازم يكون اذكى من كذا .. دام طاح الفاس بالراس .. لازم تلقى طريقة تعتذر فيها وتحاول ان رنيم ترجع لها .. قبضها قلبها على ذكرى بنتهـا اللي انسحبت من يدهـا ..
: طـالعة قمر ما شاء الله
التفتت لميهاف اللي كانت واقفة وراها ... ابتسمت ميهاف : الف مبروك ان شاء الله
غادة ضحكت بتوتر : ههههههه .. هلا ميهاف
ميهاف : شفيك انتي ورجلك كل ماباركت لواحد فيكم ماتردون علي التبريكة
غادة ( طبعا ماحيرد ! الا اذا عزيتيه طبعا ) : لا والله بس انربشت .. يبارك فيك
ميهاف : خلصتي تعديل شكلك خلاص .؟! طالعه تهبلين ما شاء الله ... تعالي اجلسي معنا عاد
غادة هزت راسها دون تعلق .. نفضت شعرها تعدل شكله , ثم التفتت ... علقت ميهاف بخفة دم : هههههههه لاتمشين جمبي بهالطول ! تحطميني هذا وانا لابسة كعب
غادة : ههههههههه انا كعبي اليوم عاد بزيادة
دخلت غادة غرفة الضيوف الصغيرة .. اول مرة تدخلها بالعادة يفتحونها لضيوف العائلة بس اذا كانو قليلين بهالشكل بتصميم فكتوري جميل خذت مكانها جمب إبتسام ... همست لإبتسام : ماقالت لك ام فراس شي ؟
أبتسام : لا وش بتقول يعني ؟
غادة بربكة : مدري احسني متوترة .. مو عارفة شي ولا فاهمة شي حتى ..
إبتسام : روقي غادة .. وعدلي وجهك ونتفاهم بعدين
ميهاف : هههههههه غدو الله يعينك .. ترا اسماء من عرفتها وهي تتوعد زوجة فراس المستقبلية تنتقم فيها ! فانتبهي!
اسماء اللي كان مفهيه نوعا ما : هاه .؟! لا بطلت انتقم بنتقم فيه هو وخلصنا
اكتفت غادة بابتسامة صفراء .. وكان الجو متوتر فعلا عند الحريم , ام فراس فرحتها مو كاملة .. ام عبدالمجيد مازال خاطرها مو صافي وكل ماطالعت غادة تزعل وش اللي في هالمطلقة والأم مميز يتركه ياخذها على بنتها .. واسماء طاريه رجع يلعب فيها .. والوحيدة الي تحاول تروق الجو هي ميهاف ..
***
عند الرجاجيل ... اشتغلت الفرقة بالدف وقام أنس مباشرة يرقص بحمـاس .. اما من الشباب محد تفاعل غير عبدالمجيد وبدر ... اثناء ما بدر يرقص توجه لفراس : ماتجي ترقص .؟!
فراس : لا شكرا .. عندنا رقاصتين هنا مايحتاج
بدر : هههههههههه مالت عليك بس
توجه بدر للؤي : وانت بعد ما حترقص .؟!
لؤي : لا مالي مزاج .. رح شف مساعد هناك بيرقص ماعنده مشكلة
بدرالتفت لهيثم اللي كان جمب لؤي : ونسيب اخوي ماله بالرقص بعد .؟!
هيثم : ههههههههههه عمرك شفت دكتور يرقص .؟!
بدر يأس منهم ورجع للساحة يـرقص بحركات متقنة ..
ابو نايف : وانت ياهيثم شخبار وظيفــــتك كلش تمام .؟! اذا محتاج شي حنا حاضرين
هيثم : اموري تمام .. ماني محتاج شي قد نفسي
لؤي : أحسن لك .. الواحد يكون قد نفسه ومايحتاج احد عشان ما ينكب
فراس فهم التلميح هنـا .. لكن حفظ رده لنفسه : .............................
لؤي كمل تلميح : اسألني انا .. اعتمدت على واحد الله يستر عليه في خدمة وماكان لي غيره واخر شي خذلني خذله ماصارت , احسن شي الواحد مايحتاج اللي حوله ولا يوثق ..
هيثم : مو شرط .. إلا ماتلقى
لؤي : اذا لقيته عطني اياه وراح اعطيه كل شي املكه بين يدي
فراس ماتمالك نفسه هنا .. رد بعملية : يمكن انت الوحيد اللي تتعرض لهالموقف .. لانك معتمد بزيادة لا تواخذني بس مافيه مرحلة من حياتك تميتها بنفسك ... من دراستك لوظيفتك , " التفت لهيثم " اتوقع انت ما احتجت أي دعم مادي من أي شخص بحياتك العملية ؟!
هيثم : نهـائي حتى بعثتي كانت حكومية
فراس رجع يلتفت للؤي : هذا معنى الإعتماد على النفس .. اما انك تعيش كل حياتك بشكل إتكالي على اللي حولك , ثم تجيني اللحين تقولي انك انخذلت .؟! اذا اعتمدت على إنسان بنسبة 95 % من حياتك مهما كان هالإنسان طيب بتتعرض لخذلان
لؤي رفع حواجبه : أنت اللي ما احتجت لدعم مادي يعني ؟!
فراس : انا ماجلست افضفض اني انخذلت ... تكلم عن نفسك هنا !
هيثم حس بحده بالجو بينهم : ......... عموما أتوقع المادة ماتنافي الجهد .. يعني مو معناة انك اندعمت ماديا انك فاشل ؟
فراس : اذا اندعمت ماديا مرة .. مرتين , مو استغفر الله مدري كم مرة
لؤي : عجزت تحسب .؟!
فراس : واذا انت جالس تشكي عن صاحبك اللي خذلك بمرة ... اجل لو اقولك عن خويي انا وش بتسوي ؟! احمد ربك على اللي عندك احسن شي
لؤي بسخرية : وش رايك اعتمر شكر بعد .؟!
فراس ببرود : ماراح يضرك .. كفر شوي من هالذنوب
لؤي : ماتسلف اللي حولك شوي من حبك لنفسك .. ما شاء الله ماتحقرها نهائي
فراس : تدري وش مشكلتك يالؤي .؟! انك لما ماتحصل جواب منطقي تسلك لنفسك بجواب غبي .. وما ترضى احد يوعيك للمنطق ! تتمنى تعيش بوهمك لحد ماتجيك صدمة مستحيل تنرد منها
لؤي : تدري وش قمة الوقاحة فيك ؟! انك تنسى فعلك وتحاسبني على ردة فعلي .؟!
فراس : لا سلامتك ماعندي وقت احاسبك .. تصطفل . عموما يشرفني حضورك اليوم .. واتمنى انا مانتقابل بعد كذا
ووقف وهو يطـــلع ... حتى وصل لسيارته تسند عليها وهو يطلع سيجارته ويسحب منها , هالنقاش كان يضايق للحد اللي خلاه مايتمنى يقابل لؤي بعد كذا ..
***
ماطـــولوا الحريم .. ماكان الجو يحث على انهم يجلسون خصوصا وام فراس واضح عليها الضيقة فالكل غادر بدري , ماعدا ميهاف وإبتسام ...
وقفت إبتسام بعد ماكلمها هيثم : يله انا استأذن .. هيثم عند الباب
وقفت غادة مباشرة وهي تهمس لها بقلق : بتروحين اللحين .؟!
انتبهت ابتسام لعيون اختها واضح عليها الخوف من انها تجلس هنا لحالها ... : .............
ام فراس : اذنك معك إبتسام ... ولاتنسين العزيمة عقب بكرة مالك عذر
إبتسام : ان شاء الله
اسماء كانت هادية هالجمعة .. متضايقة من وجوده بنفس المكان : ................
طلعت غادة مع إبتسام لحد الباب ... حضنت إبتسام يدينها : غادة ... اسمعيني ما ابيك تجلسين متوعكة كذا , حاولي انهم يحبونك قد ماتقدرين .. انتي الخسرانة لو تضلين كذا
غادة وصوتها يرتجف : بشتاق لك إبتســــام .. مو عارفة كيف بجلس اتصرف دونك ؟! انتي شايفة حالتهم .. ما احس لي مكان
إبتسام : وش تبيني اسوي يعني ؟ لازم تتصرفين ..
غادة وهي تفرك يدينها بتوتر : الله يعيـــن .. حتى ميهاف الوحيدة اللي تسولف معي بتروح ..
إبتسام تنهدت : انا بروح وبكلمك ... اهم شي انتي ريحي اعصابك
فزت غادة وهي تسمع صوت الباب ينفتح : احـــــم احم ؟
غادة بتوتر : هذا هو ؟ ياويلي وش بسوي ...
ابتسام وهو تمسح من جبينها العرق : غادة كل هذا فيك .. خلاص اعرفك جريئة وش هالرخامة ؟
غادة : انتي مو حاسة فيني والله ..
سمعت صوت ميهاف ترد على الصوت ... تنهدت بارتياح : مو هو ... هذا اخوه
إبتسام سلمت عليها : يله انا ماشيه .. لاتنسين تكلميني ..
تنهدت غادة بضيق من قلب : ان شاء الله ..
اول مارجعت للغرفة .. كانت ميهاف تلبس عبايتها : بتروحين ؟!
ميهاف : ايه بدر جا .. هههههههه استانسي بنذلف من وجهك
غادة بضيق : شدعوة ... والله وجودك مريحني ماتدرين قد ايش ..
ميهاف : تسلمين ... يله اشوفك على خير ياعروسة
طـلعت ميهاف لبدر وركبت السيارة : سلام !
بدر : هلا وعليكم السلام
ميهاف بقهر : بتقفل الغرفة اليوم بعــــد ؟!
بدر : على حسب اذا بترفضيني زي امس ولا لا
رفعت ميهاف حواجبها : انت مستوعب اني نمت بالكنبة .. حركة مو راقية على فكرة نهائي
بدر : واستقبالك لي امس كان بالمره حركه راقيه يعني !!
ميهاف : ايوه كنت مقهورة .. ساحب علي العيد ! وفوقها معطي الكل هدايا ومطنشني .. ايش تبغى مني عقب كل هذا ؟
بدر بانفعال : انتي شايفة نفسك يوم العيد ! كبريت يشب ! ما اتجرا حتى اقولك شي
ميهاف : تلومني ؟
بدر : ايه طبعا الومك .. شدعوة مسافر ترا مو مسوي جريمة ! لايكون غيرانة عشان ماجتك هدية بالعيد ؟
ميهاف بقهر : أيه اغار وين المشكلة ؟! ممنوع تعطي غيري وانا لا
بدر : انتي روقي وعطينا وجه .. وهديتك جاهزة
ميهاف رفعت حواجبها : بالله ؟!
بدر : اكذب يعـــني .؟!
ميهاف ابتسمت .. ورجعت تتكلم طبيعي : شخبار العرس اليوم ؟
***
غـــادة : -
فور مغادرة ميهـاف .. طالعت حولها بالغرفة الفاضية , توترت شتسوي ؟! تجلس ولا تطلع ولا كيف ..؟! من ربكتها فكرة تتصل بإبتسام تسألها وش مفروض تسوي بالضبط ...
قاطع حركة اصابعها بالجوال تبحث عن اسم إبتسام ... صوته برا الهادي : يمــه .؟! ...... يمه
طلعت له ام فراس : هلا يمه .. جيت ؟!
فراس وواضح على وجهه الإرهاق : ايه .. ومرة تعبان بصعد انام
مسكت ام فراس بذراعة : بتصعد ؟! ... والبنت ؟
فراس زفر : وش فيها البنت ؟!
ام فراس اشرت للغرفة : البنت تو هنـا .. بتصعد كذا لحالك دون شي
فراس تنهد .. ودخل الغرفة كانت جالسة ومجرد ماشافته وقفت مباشرة بطـولها الفارع مع الكعـب الطويل والفستان الأسود الملكي على جسمها مع شعرها بلعت ريقها وهي تنتبه له قدامها .. ماتستشعر مصطلح " زوجها " بهاللي واقف قدامها .. طالعها من فوق لتحت ونطق : وراي .
وطلع مباشرة .. عضت على شفتها وهي تسحب شنطتها وعبايتها وتطلع , نظرتها لبيتهم هالمرة غير أول مرة تشوفه اساسا بهالوضع الهادي .. مافيه غيرها هي وياه صعد الدرجات وهي وراه لحد ماوقف عند درج جانبي بالدور الثاني يؤدي لشقتهم بالدور الثالث : اصعدي هالدرج بتحصلين باب ادخليه وانقبري هناك
ثم اتجه ناحية غرفته بالدور الثاني ... نطقت مباشرة بربكة : و ... " كان بتقول وأنت ؟! لكن تراجعت " يعني ...
فراس بحدة : ما أحب هالطريقة بالحكي ! ياتقولين اللي عندك بسرعة ياتسكتين
غادة مرج قلبها .. هذي اولتها : ابي اكلمك .. بموضوع .. لو سمحت يعني ؟!
فراس ماعطاها رد حتـى دخل غرفته مباشرة .. حاقرها تماما , بلعت غادة ريقها وهي تحس بقهر وش بتسوي ؟ وبعدين وش يحس به ينام تحت وانا فوق .. تنهدت وهي تصعـد الدرجات مثل ماقال حصلت الباب دخلته كانت شقة واضح متعوب على تصميمــــها ..صالة بتصميم فكتوري تحت بألوان التيفاني المذهب والأبيض .. والجدران المنحوته بطريقة ملفته ... والمطبخ الجانبي كبير فعلا ومخشب بطريقة ملفته .. وغرفة النوم الواسعة بنص طريقة الصـالة الفكتورية حست أنها بغرفة نوم ملكية فعلا ... وكل الغرف كان مصممة بطريقة رائعة .. وهذي جهود أبو فراس في حال زواج عياله عشان يضلون حوله .. علقت عبايتها وحطت شنطتها وهي تتنهد بكئابة .. بس مو بكيفه بكرة بتحصل ان شاء الله فرصة تكلمه ....
فتحت الدولاب وكانت إبتسام مرتبة اغراضها بالفعل هنا .. وبدلت لبسها لبجامة ناعمة ودخلت السرير ونامت مباشرة
***
ســــارا :-
كانت جالسة بالحديقة مع صــــوفي ومايا قدامها ببطانيتها ..
صوفي : السمـاء صافية اليوم
سارا طالعت السماء : السماء صافية دائما لأن البشر لايعيشون فيها .. يبدو أن الارض أبتلت بنا
صوفي : هههههههههه يبدو ذلك ... الم يخبرك لؤي متى سيعود؟
سارا وهي تحاول تتكلم طبيعي : اخبرتك انه لن يعود ابدا ! هذا الرجل اكبر كاذب رايته بحياتي
صوفي : أنا لا أتفق معك .. في هذا العمر يجب ان اكون قادرة على معرفة الرجل عندما يكذب
سارا : اذا هذا مؤسف انكي لم تري الكذب في عينيه آخر مرة
صوفي : سارا عزيزتي
سارا في تهرب من محاولات صوفي الملحة بعد ماقابلت لؤي : مايا بحاجة لتبدل ملابسها .. ساذهب
حملت مايا بين يديها ودخلت
***
غــادة صحت من النوم على صوت جوالها ... فزت وهي تطالع الغرفة الملكية اللي نايمة فيها , النومة هنا مريحة بشكل وهذا طبيعي مع الريش الفرنسي اللي هي نايمة عليه .. طالعت الساعة بزاوية الغرفة تشير لـ 12 ونص شهقت ماصلت للحين .. تركت الجوال وهي تصلي الظهر مباشرة , بعدها رجعت لجـوالها كان ابتسام المتصل .. دقت عليها جاها الرد مباشرة : هلا غادة !
إبتسام : صح النوم ... ههههههههه نايمة بالعسل اشوف
غادة بكئابة : أي عسل واللي يعافيك
إبتسام : لحالك انتي ؟
غادة بسخرية : طبعا
إبتسام : ايه طمنيني ... وش صار وشخبارك ؟
غادة : مقدر اقولك اللحين إبتسام .. " تنهدت " تقدري تجين اليوم ؟
إبتسام : لا فشلة .. بيقولون وش هاللي مداومة عندهم
غادة : اللي يقهر ان فيه مدخل خاص بالشقة .. بس مقفول اكيد الحيوان قافله مايبي احد يجيني ما أدري عنه
إبتسام : غادة لاتتكلمين عنه كذا اللحين صار زوجك .. حاولي تتكيفين معه قد ماتقدرين
غادة : يعني ماراح تجين ؟
إبتسام : لا صعبة ... بكرة ان شاء الله
غادة : بكرة العزيمة ! مقدر اجلس معاك وافضفض لك ولا شي ..
إبتسام : هو اللحين وين ؟
غادة بقهر : امس لما رحتي .. جا وقالي الشقه تحصلينها بالدور الثالث ودخل غرفته
إبتسام بصدمة : غرفته .؟ قصدك اللي ..؟
غادة : ايوه غرفته ببيت اهله ... بس احسن كذا اريح لو يجلس معي انكتمت
إبتسام : ايه بس لو يشوفونه اهله عايش عندهم بيلومونك انتي مو هو ..
غادة : هم لايميني ولا يطيقوني من دون .. انا مو عارفة حتى وش لازم اسوي اللحين ؟
إبتسام : اسمعيني .. روحي اللحين وانزلي تحت لعندهم أو حاولي تدقين عليه
غادة : ماعندي رقمه ..
إبتسام : اجل انزلي .. اكيد هو عند اهله , وحاولي تصيرين عاقلة لاتتهورين اعرفك مطفوقة لاجيتي تتكلمين
غادة : قولتك ؟
إبتسام : ايه وصدقيني كلش بيتم معاك مضبوط
غادة : ان شاء الله
إبتسام : يله تحركي
سكرت غادة السمـاعة .. وراحت تبدل بجامتهـا :-
لبست بلوزه رسميه بيضاء فضفاضه دون أي تفاصيل مع بنطال ضيق طويل قليتري اسود ... شعرها المخصل باللون الغـــزالي رفعته بوني تيــل مع خصل طرحتها على وجهها ورسمت كحـل فرنسي مع روج وردي بيج ..وصندل أسود دون تفاصيل مميـزة ثم وصلت للمهمة الصعبـة ... كيف تنزل .؟! فتحت الباب وهي تنـزل الدرج بخطـوات مترددة .. مجرد ماوصلت للدرج بدت الأصوات تطـلع ..فيه حياة بالدور الأرضي .. اصوات جمعة ..أول ماوصلت للدور الثاني كان هادي تماما وصلت لحد غرفته .. طرقت الباب مافيه رد .. رجعت تدق الباب بس برضو مافيه رد .. سمعت صوته تحت .. بلعت ريقها وهي تحس لو تنزل كذا فجأة شكلها بايـخ : .........
وقفت عند الدرج وهي تحس نفسها في نكته وحلم مفروض تصحى منه .. شي غريب تكون ببيت ام فراس بهالوقت تحس مكانها غلط .. ماتحسه بيتها نهائي .. رجلها ماتساعدها تنزل حتى , مفروض تتحنحن ؟! لا وش هالحركة البايخة .. حست بيأس من نفسها لدرجة فكرت ترجع تصعد لفوق وطقاق مو لازم تكلمه ...
تو التفتت عشان ترجع .. جاها صوت ناعم : غادة ؟!
كانت ياسمين تمر من الصالة وانتبهت لغادة براس الدرج ... الكل بالصالة التفت لياسمين , ام فراس وقفت وهي توقف عند الدرج : غادة ؟! شتسوين عندك تعالي يابنتي انزلي
هزت راسهـا وهي تنزل ... : صباح الخير ..
: شمسك عالية اليوم ! مساء الخير يقولون اللحين
كان هذا تعليقه لهـا لكن غادة ماتبي تلتفت له حتى .. نظراته محبطة دايم , ام فراس : وش مشتهيه فطورك ؟
غادة : لا مافيه داعي ... افطرت ..
ام فراس : ما أخبر المطبخ فيه شي للحين فوق .. من وين افطرتي ؟
غادة كانت دموعها بعينها من قال تعليقه لها ... فاكتفت بانها قالت : مالي نفس ..
ام فراس : روحي ارتاحي اجلسي وانا بوصيهم يجهزون لك حاجة تاكلينها
هزت غادة راسها دون تعارض .. التفتت للصالة وهي نادمة انها نزلت تبي ترجع تصعد كان جالس على كنبه فرادية وجهازه قدامه على الطاولة ويشتغل فيه .. واسماء متربعة على الوسادة بالارض وتطالع التلفزيون .. التفتت لغادة : غدو شفيك واقفة ؟ تعالي اجلسي
تنهدت وهي تجــــلس على ابعد كنبه عنه .. كان برنامج معروف بين البنات : تتابعينه انتي بعد ؟
اسماء : اييييييييييه اكيد .. عاد شوفي اللي جا اللحين هالمكسيكي مارك تعرفينه ؟
غادة : لا .. شفت البرنامج بالصدفة مرة بس
اسماء تنهدت بعشق : مستعدة انا اتنازل عن ثروتي كلها اذا هذا بيصير رجلي
رفع فراس عيـونه يطالع المكسيكي .. ثم رجع يطالع جهازه : انا بتنازل عن كل املاكي كلها اذا رضى فيك اصلن
اسماء : ماطلبت رايك ! وبعدين مستهين فيني .؟! مليون واحد زيه يتمناني
فراس : أيه يصير خير
اسماء : جملة بيصير خير اذا طلعت منك انت خصوصا ! يصير مالها علاقة بالخير ابدا
غادة كانت تطالع نقاشهم الإعتيادي بالنسبة لهم .. حتى مع اهله رافع ضغطهم يمكن هذا نسق شخصيته : .........
اسماء وهي تتابع اعلان معجون اسنان : اموت واعرف شلون بالدعايات يفرشون اسنانهم دون يطلعون المعجون ! انا لما افرش اسناني المعجون يوصل لأذني
فراس تو بيتكلم قاطعته اسماء : لو سمحت لاتعلق ! اتركني افضفض مع نفسي !
فراس : احمدي ربك كنت بقول فيك خير تفرشين اسنانك اصلن !
اسماء بانفعال : وش قصدك اني وصخة ؟! بنت كهف ما افرش !!
فراس : معقول جدا
ابتسمت غادة على هواشهـم الأخوي .. مجرد ما انرسمت ابتسامتها رماها بنظرة اخفت بسمتها مباشرة , كانه يقول على ايش تضحكين !
اسماء وقفت وهي تسكر التلفزيون : الشرهه علي اللي جالسة اتابع عندك اصلن ! غادة اذا تبين تتابعين تعالي بتابع بغرفتي انا
غادة حصلتها فرصة تكلمه : لا روحي انتي ... انا شوي ..
هزت اسماء راسهـا وهي تطلع من الصـــالة ... مجرد ماطلعت نطقت غادة بتردد : امس .. قلت لك بكلمك بموضوع بس ..
قاطع حديثها وقوفه المفاجئ .. عقدت حواجبها لايكون بيسفهها وبيطلع زي امس انتبهت له يطلع من الصالة ويلتفت للجدار اللي برا الصالة ... كانت اسماء واقفة هناك وتبي تسمع وش بيقولون ضحكت بانحراج لما شافته واقف متكتف قدامها : ههههههههههههههههههههههه !! نسيت جوالي كنت برجع اخذه
طالع فراس جوالها اللي بيدها : ..........................
اسماء : يوووه ! عنوه ههههههههههههههههههه بسم الله احيان الشي تدوره ساعتين وهو بيدك
فراس اشر بوجهه للدرج : غرفتك تحصلينها يسار هناك
اسماء راحت بسرعة وهي تتحلطم : اففففف يمتي سكن ! مخاوي هالرجال ... ما ا استوعبت انه معرس ابي اسمع وش قال حشى
اول ماراحت .. رجع يجلس مكانه وقال بحدة : ترا البيت مو بيتك تمشين فيه كذا .. انس عايش هنا حطي شي على راسك ولا انثبري فوق يكون احسن بعد !
غادة عقدت حواجبها .. انس هو اللي شافته يلعب مع ياسمين امس : انس اخوك ؟ بس هو صغير لسى بزر
فراس تكتف وهو يطالعها : هالبزر مابينك وبينه الا ثلاث سنين على فكرة !
غادة قررت تسايره : المرة الجاية طيب اللحين نسيت !
فراس : نسيتي ولا تناسيتي ؟!
غادة بين اسنانها : نسيت ! " تو بتكمل تبي تقوله الموضوع .. جت ام فراس ووراها الخدامة بصينية فطورها حطته قدامها "
ام فراس : وين اسماء وياسمين اجل ؟!
هز فراس كتوفه بمعنى مدري : ...................
ام فراس ابتسمت وهي تنقل بصرها بينه وبين غادة اللي منزله راسها وضامه ذراعها بيدها : مابخاطركم تطلعون مكان تسوون شي .؟!
فراس فهم قصد امه غصب تبي تحس انه معرس وهو مافرقت معه .. نطق باقتضاب : لا ماله داعي !
غادة خافت من اللي بتقول بس لازم هذي فرصتها : بس انا ابي اطلع ..
لكن صدمها الرد المباشر : الباب ياسع جمل
ام فراس انحرجت من طريقته معها : طيب اطلعوا وسعوا صدوركم شوي
فراس : صدري وسيع هنا مايحتاج
غادة وقفت تاركه فطـورها وهي تصعد لفوق مباشرة ... ام فراس تنهدت : ليش قلت لها كذا .؟! خذت بخاطرها اكيد
فراس : من اليوم لبكرة .. " وقف وهو يسكر لابتوبه " انا عندي موعد على الغداء فتغدوا ماعليكم مني
ام فراس : دامك طالع ليش ماوافقت تطلع معك ؟
فراس : طالع العب انا .؟!
وطلع مباشرة .. ام فراس تنهدت بكئابة وهي تطالع الصينية ماكلت منها شي مامداها تاكل اصلن صح انها مو راضية انها تكون زوجة ولدها بس اللي صار صار وخلاص حسن المعاملة شي واجب بالنسبة لها مادام الشخص ببيتها : ميييييري ... ميري
جت ميري .. ام فراس : خذي الصينية الله يرضى عليك ووصيها للشقة في الدور الثالث
هزت راسها وهي تاخذ الصينية وتصعدها لفـوق
***
إبتسـام /
كانت تحس بفراغ بالبيت .. خصوصا عقب ماراح غادة فاضي ومافيه احد وهو اللي كان مليان قبل ومكتظ عليها , والسيد نايف ماتطوع يتصل عليها هاليومين هذا وهو يعرف ان غادة تزوجت ..
قررت تتبع نصيحة الدكــتورة جهزت لها شي تشتهيه ثم جلست على الكنبة وهي تمد رجليها وتحاول ترتاح .. لما خلصت متابعة برنامجها طالعت الساعة 7 مساء .. مسكت جوالها وهي تتصل بغادة جاها الرد : ايوه
إبتسام : هلا غدوشتي .. كيفك حبيبتي شصاير معك ؟
غادة : مو صاير شي .. جالسة
إبتسام : مانزلتي
غادة : إلا نزلت .. بس الظاهر ماعنده نيه يعطيني فرصة اتكلم معه أو اقول أي شي ..
إبتسام : راح يكون صعب لك تتكلمين معه لأنه معتبر نفسه عايش ببيت اهله .. لو انتو بنفس البيت غصب عنه سمع لك
غادة : ماعلينا .. انتي شجالسة تسوين ؟
إبتسام : ابد ماده رجلي واتابع بالتلفزيون
غادة اللي كانت حاسة بتأنيب ضمير ان امور ابتسام مع نايف مو تمام بسببها : نايف مارجع ؟
إبتسام : لا .. عقب ماكان البيت مليان فجأة فضى علي
غادة : إبتسام لعد تشيلين همي .. عطي حياتك اهمية شوي
إبتسام : وانا وش سويت معطيتها اهميه عادي !
غادة : لا يعني بدل ما انتي جالسة تكلميني .. اتصلي على نايف , يكفي اقتحمت حياتك بما فيه الكفاية وخربت ابيك اللحين تعطين نفسك وجه
إبتسام : ماعليك مني اموري تمام ! نايف عنده شغل وبيرجع ... ماخربتي شي ولاهم يحزنون
غادة : ان شاء الله يكون كلامك صح ..
إبتسام : المهم انتي روقي وانا بكرة جايتك ومتطمنة عليك ان شاء الله
غادة : ان شاء الله
سكرت السمـاعة .. ورجعت غادة تلهي نفسهـا بألبوم رنيم وهي تتصفحه وقلبها يعتصرها على هالحـال .. ومن عقب ماصعدت ظهر مافكرت حتى ترجع تطل او تنزل .. خصوصا عقب كلمته " ولو تظلين فوق يكون احسن "
***
اليـــوم التالي – الساعة الثالثة عصرا /
" طق .. طق .. طق "
: ميــن ؟!
ام فراس : أفتحي انا !
اسماء : الباب مفتوح
دخلت ام فراس وجلست ... كانت اسماء على مكتبها واللاب قدامها وتشتغل عليه : وش تسوين ؟
اسماء تنهدت : الجامعة قربت .. وانا بديت أيأس من البعثة فجالسة ارتب جدولي
ام فراس : اخيرا يأستي ! مامنها خير الغربة تمزحين انتي ؟
اسماء : والله انها رهيبة .. ازين من ديرتكم البائسة هذي اللي كلمة " صباح الخير " فيها تسوي علاقة غرامية وسوء نية وكلش
ام فراس : والله ان ديرتنا ما ازين منها يالمهولة ! اجل الزين تروحين عند الكفار هاه ؟!
اسماء : المهم يمه امري !؟ ماجيتي غرفتي الا تبين شي
ام فراس بضيق : ايه .. ابيك تصعدين لفوق تشوفين غادة اليوم العزيمة وانا امس شفت طريقة فراس معها الله يهداه يكسر فيها بالحكي .. واخاف تتضايق واليوم العزيمة مهمة وابيها بأحسن شكل
اسماء : اخاف فراس فوق ويبلشني يقول وش جايبك !
ام فراس بضيق : انا من يوم تزوجوا ماشفته جالس بشقته الا وقت النوم ظني ! اقوم الصبح احصله قدامي تحت ولا راجع من شغل .. وبالليل عاد يصعد ينام ! واللحين طالع عقب الغداء يقول عندي مؤتمر اليوم وماراح يرجع الا متأخر
اسماء : ان شاء الله بخلص اللي بيدي وبروح اشوفها
ام فراس : يله اعجلي مو تنسين
أسماء : ما حنسى اللحين بروح
خلصت اسماء شغـلها وصعدت ... طقت الجرس عقب فترة انفتح الباب كانت غادة بـبنطال قطني وتيشيرت عادي وشعرها لامته بعشوائية : هلا اسوم
اسماء استغربت هيئتها .. لكن ماعلقت : هلا والله .. جيت اعرض عليك مساعدتي ؟! تبين اساعدك بشعرك شي ! نكلم كوفيرا ؟
غادة : لا لا ماعليك .. انا مدبرة كلش , انتي تبيني اساعدك بشي حاضرة ؟
اسماء : هههههههههههههههه جايه اعرض عليك مساعدتي تعرضين مساعدتك !
غادة : لا حبيبتي مابي اشغلك عن نفسك .. روحي خلصي نفسك وانا قد نفسي لاتخافين
اسماء : اوك اجل لاتتأخرين .. مغرب ع طول انزلي
غادة : ان شاء الله
نزلت اسماء وهي سكرت الباب ورجعـت تشتغل بمكياجها وتجهز بشكـلها ..فستان ذهبي طافي باكمام قصيره تكاد تنحدر مت كتفها .. وبقصه انيقه وفيونكة مربوطه تحت صدرها والفستان لنص ساقها مع منـاكير باللون الكبدي .. وشعـرهـا موجته بشكل زاد كثافته وسوته كبـه بشكل ملفت .. وتركته مفتـوح على وجههـا الصغيـر بلمحتها اللي زايدة جاذبيتها بمكيـــاجها المتكلفه فيه .. روجهـا عنابي داكن طافي مع خشمها الدقيق وعيونها مبرزتها بكحل مناسب لمعة عيونها طـلع شكلها رايق .. الفستان مناسب طولها المتناسق مع طول رقبتها وطول شعــرها يوصل لخصرهـا .. رغم نعومة فستانها جاذبية لمحتها وجسمها تفرض فخامة بشكلها .. وزادت فخامة فستانها بخـاتم هدية إبتسام الماس .. تو بتنـزل تراجعت وهي تسحب طرحـتها مو ناقصة حكيه مفروض مافيه شي يعكرها اليوم أصـلن .. اليوم بتطلع رسميا كزوجته ماراح تسمح له يحقرها .. قد ماتقدر تحط نفسها مقامه ماحتقصر نـزلت وهنا كانت مفاجئتها اليـوم مانزلت نهائي وامس بس ظهر ..كان البيت انقلب فوق لتحت ..كلش غيـر الصـالة نص اثاثها مشيـول وصايرة كانها قاعة افراح .. بمنصة بالنص وحولها جلسـات كراسي وطاولات وأضائة بالأرضية كبست بعيـونها مستغربة وبكل طاوله ضيافة كامـــلة وهدية بكل كرسي للضيوف ..: غادة .؟!
التفتت لأم فراس وواضح على وجهها الذهـول : وش كل هذا .؟!
ام فراس اللي كانت بكامل اناقتها بجلابيتها الفخـمة : هذي فرحتي ببكري وعروسته .. والله ماني راضية ان مايكون فيه عرس وهذا اقل شي اسويه طلاعتك ماتمر كذا عادي
غادة : ايوه بس انا ماحسبت حسابي ان المناسبة كبيرة كذا ..
ام فراس : بالعكس ما شاء الله لا اله الا الله طالعة قمر مصور .. الله يهنيك فراس
غـادة ابتسمت بانحراج من مدح ام فراس لها : تسلمين
ام فراس كانت مذهـولة بشكلها فعلا .. طالعة فتـنة مكملة بجاذبية تسحر : ليش لابسه طرحه ؟
غادة بربكة : مافيه احد .؟!
ام فراس استغربت : من بيكون فيه يعني . ؟
غادة بربكة : انس مو هنـا ؟
ام فراس : تستحين من انس .؟! انتي عايشة عندنا وهو صغير بزر لايهمك
غادة تذكرت كلامه ( هالبزر مابينك وبينه الا 3 سنوات يالكبيرة ) : لا معليش كذا مرتاحة
ام فراس : لا مو هنا محد فيه .. تقدرين ترتاحين
اسماء من وراهم : الله ياغادة ايييييه الحلاه دي يابت ؟
غادة : ماعليكي قصور فستانك مرة يجنن
اسماء : لا لا مستحيل ... وش هالحلا كله ! تخبين وتتخبخبين على ولد امي
ام فراس نغزتها : وش فيه ولدي .؟!!!
اسماء : مافيه شي سلامتك يهبل !
ام فراس : يله روحي تسنعي وافتحي الباب يدخلون الضيوف مباشرة
اسماء : ان شاء الله
غادة : انا وش اسوي .؟ بساعدكم
ام فراس : لا مايجوز للعروسة تلمس شي ..ياسمين حبيبتي روحي دقي على السواق يعجل !
ياسمين : ان شاء الله
: غدوشه !
التفتت لإبتســام .. وراحت يمها وسلمت بحرارة : هلا والله حبيبتي
سلمت عليها بحرارة : وش سوا العرس فيك ياحيوانة .؟! وش كل هالحلا
غادة ابتسمت : حتى انتي طالعة تجننين .. هالمكياج يصرع عليك "تنهدت" قبل يجتمعون العالم عقب العشاء عادي تصعدين معي شوي بكلمك ؟
إبتسام : لا مو حلوة نترك ام فراس وهي مجتهده كل هذا لحالها .. بعدين اوعدك اجيك بيوم على رواق اللحين انبسطي الليلة ليلتك
: كولولولولولولولولولولولولولولوليششش !!!!! الف الصلاة والسلام عليك ياحبيب الله محمد
: كولولولولولووليش
التفتت غادة للصخب .. وما امداها انسحبت من يدينها الثنتين من اريج ومرام بعباياتهن وجلسنها قدامهن : اسمعي عشان مانخوفك !
مرام : ايه حنا اريج ومرام ! خالات وتاج راس رجلك ابو خشم مايل
اريج : والمراد هنا بخشمه مايل يعني مايعجبه شي !
ظلن يراقبنها لفترة .... مرام : وش زينك يختي والله ... كيف وافقتي على هذا فراس ؟!
غادة : هههههههههه هلا والله اريج ومرام , كيفكن ؟!
اسماء جت من وراهن : لا تبثرنها الله لايبلانا يالمشافيح !
اريج : احترمي خالتك ياورعة ! وخلك ع جنب رجاء
غادة سلمت عليهن : ياحليلكن والله ههههههههههههههههههههههه اجل ابو خشم مايل
مرام : شف شف شف اعجبتها الذبه !
اريج : والله فراس دايم يكسر توقعاتي اجل امداه يغثها المسكينة
ام فراس بعصبية : اريج ومرام ! خلن البنت وتعالن ساعدن .. بيوصلن الحريم وحنا في حوسة
اريج : حرم فراس راجعين لك عقب العزيمة ... لنا جلسة طويلة يالحبيبة
مرام : واستعدي تجاوبين كل الأجوبة ... كلها ! لانا ماراح نتركك الا ناطقة
وراحـــن ... بهالاثناء اجتمعــــــوا الناس وكانت غـادة ملفتة بوجودها لانها رافعه مقام نفسها بمشيتها وطريقتها بالكلام , مستحيل تسمح لنفسها تنهان اكثر من كذا كانت تمشي بثقة .. وتسلم من طرف خشمها على اللي تحسهم جايين باسئلة تسم البدن زي " ليش ماسويتو عرس "
بهالاثناء وصلت ميهـاف متأخرة :-
استقبلتها اسماء معصبة : بدري ياشيخة كان ماجيتي !
ميهاف : طيري بس ... عقب الشين خلصت الكوفيرا الحيوانة تاخرت وصارت مشكلة بالمشغل
اسماء : كان بنبدا الرقص دونك !
ميهاف : ياويلك ! جت الفرقة ؟!
اسماء : ايه من زمان ! تحتريك يعـــــني .؟! اخلصي امشي
دخلت ميهاف وهي تسلم على الكل باجتماعيتها المعتادة حتى وصلت لغادة : واو غادة الله يحفظك وش هالزين ؟!
غادة : ماعليك قصـــور
بهالاثناء صعدت اسماء المسرح وطلبت اغنية " دقو خبيتي " ومباشرة صارت تـــرقص وهي تمشي ناحية ميهـاف تسحبها لفوق معـها .. كانت ميهاف هي راعية الرقص ومايعلى عليها .. اما غـــادة كانت مذهـولة كانه عرس بجـد .. توقعت عزيمة عادية لكن لا عرس بجد مايمزحون .؟!
ابتسمت من قلب وهي تشوف ابتسام تصعد معهـن وتبعتها ام فراس واكتظ المسرح باللي يرقصـون ... كانت تصفق لهم من مكانها بهالاثناء انتبهت لسجى من بعيد الوحيده اللي مارقصت ... استغربت لكن ما استغربت كثر ما استغربت نظراتها لها .. محتقرتها من قلب عقدت حواجبها لكن تجاهلتها ..
الكل كان يصفق ويصفر لميهاف وإبتسام خصـــوصا لأنهن خذن الجو برقصهن المميـز غير الكل .. وأول مرة تجي وحده ترقص بمستوى ميهاف بالعائلة
اما غادة بهاللحظة حست بفرحة ماحست بهـا حتى مع احمد لان اصلا ماصار لها حفلة ولا غيره ... نست فراس وطريقته معها وكل شي اللي بعينها هاللحظة انها مبسوطة بجــــد ... حتى لما قربت منها اسماء تسحبها ترقص مارفضت صعـدت والكل وسع لها ... قربت منها اسماء : وش تطلبين اغنيتك ؟!
غادة بعد تفكيـر ... نطقت ماتدري ليش طلبتها لكن حستها انسب شي : خاتم سليمان .
بدا اللحن ينطـــلق بأغنيتها اللي طلبتها ...
كيف نوصلك ياخاتم سليمـــان .؟! قلنا سرك يالولو ومرجـــان ~
وماخلق مثلك لا إنس ولا جـان وماخلق مثلك لا إنس ولا جان
دلنا بالله ياخاتم سليمـان
كان رقصها ناعـم بحكم اللحن النــاعم .. حست الأغنية دخلتها سحبت إبتسام معـها ترقص وهي مستمتعة بهاللحظات المميزة من حيـــاتها ..
ياملك شكلك هيبة وسلطــان .. أكيد من حقك نلبس ونزدان
وماخلق مثلك لا إنس ولا جان ماخلق مثلك لا إنس ولا جان
دلنا بالله ياخاتم سليمان
نادرة لحـظات الفرح بحياتها .. هذا اذا ماكانت هذي هي الوحيدة بين كم فرحة نادرة تبي تخلد هالشعور بهاللحظة داخلها
يوسفي حسنك باهر وفتـان .. جيت من نفسك ولا جابك الدان ؟!
ماخلق مثلك لا إنس ولا جـان وماخلق مثلك لا إنس ولا جان
ودلنا بالله ياخاتم سليمان .؟!
دخلت ام فراس وهي تنقط فوقـها بفرحة ... ماقاومت غادة بهاللحظة تبوس راسها راس الإنسانة اللي سوت لها كل هذا وفرحت فيها ... يمكن هذا قصد فراس لما قال انه بيعطيها هدية لاتنخدع فيها .؟! مهما قال هي انخدعت بالفعل .. هالهدية ماتقاوم .. هدية كونها مهمة ولو للحـظات

 
 

 

عرض البوم صور متمللة   رد مع اقتباس
قديم 27-04-17, 10:37 PM   المشاركة رقم: 203
المعلومات
الكاتب:
اللقب:
قارئة مميزة


البيانات
التسجيل: Feb 2016
العضوية: 311563
المشاركات: 179
الجنس أنثى
معدل التقييم: الربابة عضو على طريق الابداعالربابة عضو على طريق الابداعالربابة عضو على طريق الابداعالربابة عضو على طريق الابداعالربابة عضو على طريق الابداع
نقاط التقييم: 479

االدولة
البلدEgypt
 
مدونتي

 

الإتصالات
الحالة:
الربابة غير متواجد حالياً
وسائل الإتصال:

كاتب الموضوع : متمللة المنتدى : القصص المكتمله من وحي قلم الاعضاء
افتراضي رد: انتماءات كاذبة

 

الفصل هادي نوعامن غير قهر شديد
أسماء مسيطرة على نفسها إلى حد ما والدكتور مكبر دماغه
فراس ولؤي ومواجهة بين شخصيتين، فراس اللي مش شايف نفسه في موقف الغلط نهائي
بل بالعكس، لسان حاله ومقاله (إذا أنتم تعتمدون علي لا تلومونى على طريقتي في التصرف واستحملوا) وبان كمان نظرته للؤي كشخص اتكالي
لؤي ، فعلا بصراحة ، إذا انت تعتمد على الأشخاص اللي قدامك طول الوقت، توقع الخذلان ولو مرة، موقفه وتصرفه من البداية في موضوع سارة كان لازم يؤدي بيه للنتيجة دي ، أظن كمان مش هيحصل نتيجة تانية إلا إذا اختلف في تصرفاته شوية
ابتسام لسه مطنشة نايف وماسعتش انها هي اللي تبدأ أجواء التلطيف ، حتي غادة المجنونة نصحتها بس هى معتزة بنفسها لأقصى درجة ، يا خوفي بس
غادة ، يعني أكيد ده المتوقع من فراس السماوي ،أقل شئ التهزيئ وطولة اللسان
لكن كانتحفلة أم فراس مداواة بسيطة لجرحها ، بصراحة حبيت أم فراس، لأنها ماشتغلتش معاها نظام زي ابنهان
بالعكس ، يعني رضيت بالأمر الواقع وحاولت تروق الأجواء وده اللي خلى غادة تحس بالفرح حتى لو كان العريس فراس الرهيب
تسلم ايديك وبالانتظار على نار

 
 

 

عرض البوم صور الربابة   رد مع اقتباس
قديم 30-04-17, 05:47 AM   المشاركة رقم: 204
المعلومات
الكاتب:
اللقب:

البيانات
التسجيل: Nov 2016
العضوية: 321971
المشاركات: 260
الجنس أنثى
معدل التقييم: متمللة عضو على طريق الابداعمتمللة عضو على طريق الابداعمتمللة عضو على طريق الابداعمتمللة عضو على طريق الابداعمتمللة عضو على طريق الابداع
نقاط التقييم: 497

االدولة
البلدSaudiArabia
 
مدونتي

 

الإتصالات
الحالة:
متمللة غير متواجد حالياً
وسائل الإتصال:

كاتب الموضوع : متمللة المنتدى : القصص المكتمله من وحي قلم الاعضاء
افتراضي رد: انتماءات كاذبة

 

اقتباس :-   المشاركة الأصلية كتبت بواسطة الربابة مشاهدة المشاركة
   الفصل هادي نوعامن غير قهر شديد
أسماء مسيطرة على نفسها إلى حد ما والدكتور مكبر دماغه
فراس ولؤي ومواجهة بين شخصيتين، فراس اللي مش شايف نفسه في موقف الغلط نهائي
بل بالعكس، لسان حاله ومقاله (إذا أنتم تعتمدون علي لا تلومونى على طريقتي في التصرف واستحملوا) وبان كمان نظرته للؤي كشخص اتكالي
لؤي ، فعلا بصراحة ، إذا انت تعتمد على الأشخاص اللي قدامك طول الوقت، توقع الخذلان ولو مرة، موقفه وتصرفه من البداية في موضوع سارة كان لازم يؤدي بيه للنتيجة دي ، أظن كمان مش هيحصل نتيجة تانية إلا إذا اختلف في تصرفاته شوية
ابتسام لسه مطنشة نايف وماسعتش انها هي اللي تبدأ أجواء التلطيف ، حتي غادة المجنونة نصحتها بس هى معتزة بنفسها لأقصى درجة ، يا خوفي بس
غادة ، يعني أكيد ده المتوقع من فراس السماوي ،أقل شئ التهزيئ وطولة اللسان
لكن كانتحفلة أم فراس مداواة بسيطة لجرحها ، بصراحة حبيت أم فراس، لأنها ماشتغلتش معاها نظام زي ابنهان
بالعكس ، يعني رضيت بالأمر الواقع وحاولت تروق الأجواء وده اللي خلى غادة تحس بالفرح حتى لو كان العريس فراس الرهيب
تسلم ايديك وبالانتظار على نار


يكفيك قهر الفصــول اللي فاتت قلنا نهدي اللعب هالفصل :P
حبيت مصطلح " إلى حد ما " هههههه , الله يتم عليها سيطرتها المجنونة
فـراس ولؤي كل واحد جالس يعبر عن انجراحه من الثاني بطريقته الخاصة

يســـــلم مرورك ياعسل <3

 
 

 

عرض البوم صور متمللة   رد مع اقتباس
قديم 01-05-17, 07:17 AM   المشاركة رقم: 205
المعلومات
الكاتب:
اللقب:

البيانات
التسجيل: Nov 2016
العضوية: 321971
المشاركات: 260
الجنس أنثى
معدل التقييم: متمللة عضو على طريق الابداعمتمللة عضو على طريق الابداعمتمللة عضو على طريق الابداعمتمللة عضو على طريق الابداعمتمللة عضو على طريق الابداع
نقاط التقييم: 497

االدولة
البلدSaudiArabia
 
مدونتي

 

الإتصالات
الحالة:
متمللة غير متواجد حالياً
وسائل الإتصال:

كاتب الموضوع : متمللة المنتدى : القصص المكتمله من وحي قلم الاعضاء
افتراضي رد: انتماءات كاذبة

 

" البارت السابع والثلاثين "
- لاتجرحوهم , فالحياة لاتمنح فرصة الإعتذار دائما
بعـد نهاية أمسية جامحـة جدا .. حست غادة فيها باللي ماحسته بعمـرها كله , ظل موجود حتى اللحين إبتسام واريج ومرام وميهاف وأم نايف .... كانت عجباء " اخت ام فراس " واقفة ونطقت لمرام واريج : وبعدين معكن انتن ؟! يله بنمشي
مرام واريج عايشين مع عجباء اختهن لان امهن وابوهن متوفين .. بحكم أن عجباء ارملة وماعندها إلا ولد واحد كبير متزوج وبعياله ...
اريج : مانبي نروح !
مرام : ايه مانبي بنجلس مامدانا نسولف مع العروسة حتى .. يوم بدت الوناسة وانفكوا الحريم ودعالتهم تقولون يله
أم فراس : عجباء خليهن عندي اليوم ... ينامن ويتسلن
عجباء : بيقلقونك وانتي عندك عرسان .. " طالعتهن بنظرة حادة " قومن قامت قيامتكن
ام فراس : لا تصعبينها يجلسن مافيها مشكلة .. والعرسان بشقتهم وش بيصير يعني ؟ يسلنا
عجباء تنهدت : اللي تشوفينه .. وانتن اوريكن بعدين ! يالجاحدات
اول ماراحت عجباء نطقت مرام بحماس : ياااااااااااااااااسسس !
غادة : هههههههههههه بالله مو خايفات ؟! كانه ناوية عليكن بس ترجعن لها بكرة بعقاب
اريج : لا عجوب حليوة ماعليك بس تهديدات كذا
ام نايف اللي كانت تطالع ابتسام اللي جالسة وواضح على وجهها التعب : إبتسام حبيبتي اذا تبين تتمددين مب مشكلة .. واضح الجلسة متعبتك
التفتت غادة لها مباشرة : يؤ .. ابتسام وجهك منتهي ؟!
إبتسام انحرجت لان الكل صار يطالعها : لا سلامتكم مافيني شي والله
ام فراس مسكتها من يدها دون نقاش : تعالي اجلسي هنا بالجلسة الأرضية ومدي رجليك .. لا تستحين مابه غريب
ميهاف : باي شهر انتي إبتسام .؟!
ابتسام : لسى بآخر الرابع
ام نايف : الله يسهل عليك يارب
مرام : الفـــال لك ميهاف .. اخلصي نشبي بدر ببزر قبل تخققه عارضه ويهملك !
ميهاف تخصرت : نعـــــــــــم .؟!!!!!
اريج : وهي الصادقة يابنت الحلال .. لا نشبتيه ببزر ا ماقدر يروح ! اللحين سهله بلا انتي
ام فراس : وي بسم الله على ولدي ... حرام عليكن والله انه يحبها مايستغني عنها
ميهاف بثقة : يسلم لي قلبك خالتي انتي الفاهمه .. اصلن هن ما آخذ بكلامهن !
مرام : أسمعي عاد ! الحق ان اناقة الرجال تبدا من ويش .؟!
اريج : من غض البصر ! وبدر مايحتاج اقولك .. عيونه مكبسه ينتبه لكلش ! ويشوف كثير .. من وين ترجين منه شي؟
ميهاف : مالت عليك وعليها بعد .. اصلن انتن وش حشركن خلكن في حالكن بس !
اسماء جت وجلست : ااااااااااه اخيرا خلصت .. حشى هالمستأجر سواها لي ذله !
ام فراس : خذوا الاغراض كلها ؟
اسماء : ايه خذاها خـلاص .. مسكين انس سهر عشانهم
ام فراس : راح ينام .؟
اسماء : أيه ايه راح.... " طالعت اريج ومرام " خالتي عجباء راحت ترا !
اريج : يس يس بننام هنا
اسماء : ههههههههههههههه صدق .؟
مرام : يب يب صدق .. يله اسجدي سجود شكر
اسماء : على وش على الضيق اللي بيصير بغرفتي .؟!
اريج : نرد عليك بعدين " التفتت لغادة " اللحين عندنا جلسة تحقيق .... بالله وش سوا فراس اول ما شافك .؟! قال كلمة حلوه .؟! وش قال .؟! يعرف يقول كلام حلو .!؟ ابتسم ؟
مرام : يمه اتخيل فراس يبتسم ! احس فكوكه ماتعرف تبتسم
غادة تخيلت كلامهم صح بس .. من سابع المستحيلات : كيف اجاوبكن اللحين اسئلتكن صعبة !
اريج : اما ! تو ما سألنا الاسئلة الصعبة ... للحين نسأل اشياء خفيفة بس
ام فراس : حمدالله والشكر بس !
وقفت ام نايف : يله انا لؤي جا .. تامرون على شي ياجماعة .؟!
: سلامتك الله معك
ام نايف طالعت ابتسام : ابتسام نوصلك معنا .؟!
ابتسام : لا السواق بالطريق
ام نايف : لا وش سواق بهالحزة ؟!! تعالي بنوصلك .. واضح عليك تعبانة مالك خير من السهر
غادة : ايوه ابتسام شكلك مرهق مرة ... ارتاحي حبيبتي
استجابت ابتسام وطـلعت مع ام نايف ...ميهاف تنهدت وهي تحوس بجوالها : بدر تأخر !
اسماء : دقيتي عليه .؟!
ميهاف : ايه بس مايرد
غادة : وانتي وش معجـــلك .؟! اجلسي سهرانين مبسوطين
اريج معطت خد غادة : يالبييييييييييييها ! مبسوطة بالسهر معنا ... فديت ياناس
غادة مسكت خدها : ههههههههههههههه ااااي تعور يادبه !
اريج رجعت تمعطها : كيـوت انتي يخي ما اقاوم امعط خدودك !
غادة : انا كمان ما اقاوم امعط شعرك اخرب تسريحتك ترا .؟!
اريج : هههههههههههههههههههههه لا استسلمنا يختي
دق جـوال ميهاف .. ردت مباشرة : هلا حبيبي .؟!
مجرد ماقالتها نقزت اريج ومرام جمبها وهن يهمسن : سبيكر سبيكر !
ميهاف بضيق من قربهن : ايوه وبتتأخر كمـان .؟! .......... ايه راحوا .... تمام .. اوك
سكرت السماعة وهي تنفخ فيهن : ادخلن السماعة احسن !
مرام : شفيك انتي قشرا ! لبى غادة لنا ساعة نحوسها ماقالت شي
اريج : هذي معادهيب عروسة معد تستحي ... الله يستر من غادة بعدين
مرام : مدري شفيكن ترا حنا نشوف عيال اختي زي عيالنا والخالة أم مثل ما انتي عارفة !
اسماء : هههههههههههههههههههه امي حتى ماسوت كذا يا ساتر
ام فراس طالعت الساعة ... تشير لثنين حكم : غريبة فراس لهالساعة برا .؟!
اسماء : ايه من جد .. بالعادة 12 برا البيت متأخر عنده
ام فراس : هو انا قلت له ضيوف وبيطولون ... " وقفت " بروح اكلمه اخاف متاخر عشانا
ميهاف : إلا اقول بنـات .. وش سويتو عشان الجامعة ؟! تجهزتو ؟
اسماء : انا ضبطت جدولي باقي السوق بطلع له هالكم يوم
ميهاف : تروحين معــي ؟! انا كمان ناوية اطلع هالكم يوم
اريج : انا شكلي بأجل هالترم .... مرة مالي خلق
مرام : لا اريج ياحيوانة لاتاجلين ! اتخرج قبلك كذا .. خلينا ماشين سوا
اريج : مدري بفكر .. والله مالي نفس
اسماء التفتت لغادة : غادة انتي بأي سنة .؟!
غادة حست وضعها فشلة صدق .. : انا ماخلصت اخر سنة ثانوي
اسماء : اهـــــااا ... وناوية تكملين ؟!
غادة : لا راحت علي خلاص .. وبعدين انا من يومي ماني راعية دراسة فمو ضروري
اريج : انا مثلك يختي بس ضغطت على نفسي وهذاي شكلي برجع اسحب
دق جوال ميهاف .. وقفت : يله هذا بدر ... تمسون على خير ياجماعة
: وانتي من اهلــــه .. انتبهي على نفسك
طلعت ميهاف .... اسماء : حنا وش جالسين ننتظر ؟ قوموا خل ننام خلاص تعبت
اريج : احتري فراس يجي ! ماحقوم قبل ازعجه الخايب
مرام : ايه اصلن مو جالسين الا نزعجه .. وبعدين خاطرنا نشوفه هو والعروسة سوا !!
اسماء : ياروقكم بس ... قومن نامن ولاحقات بعدين تزعجونه
مرام : اساسا غادة ماحتنام اكيد إلا لما يرجع ! بدل نخليها سهرانة لحاله نجلس نسليها .. تبين تنامين انتي روحي نامي
اسماء وهي توقف : وهذا اللي بيصير .. يله تصبحون على خير
: وانتي من اهله
جتهم ام فراس : فراس مو جاي الا عقب الصلاة .. قوموا نامو لكم شوي قبل الاذان
اريج : اما عقب الصلاة ! وش عنده برا وش يسوي .؟!
ام فراس : يقول الملفات محيوسة وعنده تسيب موظفين يقول مقدر اطلع لحد ما اخلص .. انا بروح انام تصبحون على خير
وقفت غادة وهي تحمد ربها انه بيتأخر ... موقف انه يجلس يهينها قدام اريج ومرام هذا اللي ماراح تتحمله كويس جتها من الله : يله اجل نوم العوافي ياجماعة
مرام صعدت وهي تتذمر : فاتنا والله بس وش عليه جالسين له لبكرة !
اريج وهي تتثاوب : قولتك
***
صحت غـادة من نومها .. على حدود الساعة 11 ونص /
جلست بكسل على السرير وهي تسحب جـوالها ... سكرت المنبه وراحت تغسل وجهها دخلت المطبخ تبي تجهز لها شي تاكله لكن المطبخ فاضي انقهرت لازم تقـوله يجهز لها المطبخ مو معقولة كل ماجاعت لازم تنزل خصوصا مع وضع انس بالبيت ..: .............
انتبهت لاصوات ازعاج طلعت من النافذة بعد ماتتبعت الأصوات كانو اسماء واريج ومرام بالحديقة جالسات حست جوهن عليل صدق .. وهي بدت تستمتع بصحبتهن .. انتبهت لجوالها يدق " ام فراس " ردت : هلا والله
ام فراس : صاحيه ولا صحيتك .؟!
غادة : ههههه لا صاحية
ام فراس : البنات تحت جالسات دام فراس طالع اذا ماعندك شغل انزلي تسلي معاهن
غادة : ايوه من عيـوني ان شاء الله
سكرت بحماس وهي تطلع لغرفتها مباشرة تبدل لبسها :-
التنورة ميدي لنص الساق سودا مع بلوزه رسميه بنكي دخلتها تحت التنوره وثبتتها بحزام بني انيق مع جزمة سوداء بكعب خفيف .. ومكياج صباحي ناعم وشعرها عمـلته على كتفها بطريقة رايقة عطاها شكل صباحي بالفعل اعترفت بهاللحظة بينها وبين نفسها ان حياتها هنا تجنن .. نزلـت بحماس .. وابتسامتها زادت لما شافت ام فراس بالصالة : صبـاح النور
ام فراس ابتسمت : صباح الخيـــر .. البنات برا بالحديقة
هزت غادة راسهـا وهي تطلع لهن : صبـــاح النور
مرام : صباح الخير والسرور والشر عنك يزول يارب
اريج : طولتي بالنوم !
اسماء الي واضح ماكله تبن : الانسانة الطبيعية بتنام كذا عقب سهرة امس ! وانتن من 9 مصحياتي ... ادرنالين من صبح الله
اريج : للأمانة حنا ماصحيناك !
اسماء : والازعاج اللي سويتن في غرفتي !
مرام : لا لا اسماء ماتوقعتها منك ! حنا ازعاج ؟
اسماء : انا بالذات توقعي مني كل شي ... اخر مرة اترككن تنامن هنا مرة ثانية على جثتي ماتجلسن ببيتنا
اريج : ههههههههههه لاتخافين عصر بنذلف !
اسماء : ابرك ... غدو افطرتي .؟!
غادة : لا تو صحيـت اصلن " خذت من صحن الفاكهة قدامهم تفاحه تاكلها "
تو غرست اسنانها بالتفاحة سمعت الباب ينفتح .. صعد قلبها لحلقها , كان متوجه لداخل مباشرة قاطعة صوت خالاته
اريج : فرااااااااااااااااااااسسسسوه ! ياثقل خففف علينا عطنا نظرة ولو غلطة
مرام : اخييييييييييييييرا لقينا موعد مع صاحب السمو والجلالة
فراس انتبه للجلسة الجانبية بالحديقة : هلا برية وسكينة
اريج : رية وسكينة بعينك ! يالمروح .. هذا وحنا خالاتك .؟!
تقدمن عنده وهو يسلمن : على البركة على البركة !
مرام : من امس نحتريك نقولك مبروك ... مابغينا نحصلك .؟!
غـادة كان تطالعهم من مكانها زادت ربكتها لما علقت اريج : يفوتك امس ! عوذ مرتك هبلت بالعالم امس ..
غادة انصبغ وجهها .... تمنت تسطرهن على هالتعليق , احترت تعليقه : اها .. ما شاء الله
مرام : وش هالتسليك مالت عليك !
اريج : بالله تعال اجلس ابي اشوفكم سوا وش شكلكم
فراس طالع ناحية غادة حمدت غادة ربها ان طرحتها على كتوفها .. ثم طالعهن ناقد عليهـن ... وتوجه لداخل , تنهدت غادة بارتياح لما دخل : ............
مرام : كش عليه بس الثقل !
اريج : اقول بنات قومــــن خل ندخل ... الغداء بيجهـز اكيد
غادة طالعت اسماء اللي تدق رقبه من النعاس .. هزتها بخفه : اسوم اذا فيك نوم اصعدي نامي ارتاحي
اسماء فزت .. تثاوبت بكسل : ايه ان شاء الله ..
أول مادخلت انفصلن صعدت اسماء لغرفتها ... بينما غادة فضلت ماتجلس بحضور فراس فصعـدت لكن قاطعها صوت مرام : غااادة .؟! ويييين وين ؟!
اريج : ايييييييييييييه وين على الله جالسين نقول الغداء جاهز تصعدين ؟!
غادة انحرجت ونـزلت وهي تجلس بالصالة عقب مارتبت طرحتها لأن انس موجود .. خذت مكانها بالكنبة الفرادية رفعت عيـونها له كان ثاني ساقه على فخذه وجاذبيته غير محدوده بشعره الفحمي لنص رقبته .. تنهدت لازم تحصل فرصة تكلمه قريب : .........................
ام فراس : ماتبي تسأل شخبار العزيمة أمس .؟!
مرام : انا بقولك مايحتاج تسأل ! كلش كان يفتح النفس .... بس بصراحة اكثر شي رهيب لما صعدت غادة المسرح ورقصت
فراس رفع حواجبه : أول مرة اسمع بوحده ترقص بعرسها .. اللي اعرفه انها تجلس بمكانها وتثقل شوي
غادة فهمت التلميح رفعت عيونها للسماء تجمع صبرها ... عشان كذا ماكان تبي تجلس : ............
اريج : غادة بتسكتين له .؟! جالس ينقد عليك !!
غادة بخيبة : وش تبيني اقول ؟!
مرام : انا اقول عنك ولا يهمك ! " التفت للفراس " لو تشوف رقصها ماقلت ذالحكي ... جابت عقول العـــالم !
فراس رفع حواجبه : انا ما أصدق الا اللي تشوفه عيـوني
مرام : ولا يهمك الديجي يجي اللحين !! غادة قومي وريه كسري راسه
غادة انخبلت .. هذا اللي ناقص ترقص له بعد : لا مستحيل مابي !
اريج : مستحية ..........؟!
فراس كان يطالعها وهي ماتحط عيونها بعيونه .. مجرد تطالع اريج ومرام وهي تقاوم الفكرة : ماابي .. جد مالي خلق
فراس إبتسم بسخرية : قدام أمة محمد امس تنقزين ... واللحين ماتبين , ماحاكلك ترا
غادة طالعته بقهر .. ونطقت بدلع رباني : إيـــــوه مابي ! الدعــوة مزاج .. وانا مزاجي طاف اللحين
فراس باشمئزاز : تكلمي زي الـناس لأهفك
غادة بلعت ريقها .. والتفتت وهي تتكتف وتكابر : هذا كلامي .. مو عاجبك لاتسمعه !
فراس : وهـذا بيتي .. تمشين زي الناس ولا روحي قابلي الجدران فوق
اريج ومرام حسـوا انهم شبوا بينهم ... اريج : هههههههههههههههه الله ريحة الغداء تشهي .. مرام تعالي نشوف
مرام لقتها من الله : ايه ايه يله
غادة كانت شادة على شفاتها لاتخنقها العبرة وعيونها تلمع ... جاها تعليقة : ابكي قدامهم ازين !
غادة وعيونها بعيد عنه لاتهزها نظراته : ماحبكي ! بس .... بس كل اللي قلته ان مابي ارقص , إنتا جلست تهاوش
فراس : اهـاوش ؟! انا حتى صوتي ما ارتفع ... حابه اعرف لك الهواش كيف ؟!
غادة : مايحتاج .. " كملت بنبرة منكسرة " كل اللي ابيه منك تسمعني وانت مو راضي تسمع ..
فراس زفر بضجر : اللهم طولك ياروح ... انطقي وش عندك ؟!
غادة نزلت راسها وهي تلعب باصابعها بتوتر وهي تختار كلماتها بعناية : لو سمحت .. اذا مايضايقك انا عندي طلب واحد وعقبه مابي شي ... حتى لو ماعاد تبيني انزل ..
فراس قاطع كلامها المتردد : اللي هو ؟!
غادة : رنيـم ..
فراس : ..........................................
غادة لما ماحصلت رد منه قررت ترفع راسها ... ملامحه ماتغيرت مجرد التمست منه استهزاء بطلبها كملت باصرار : انا ... انا آسفة على كل اللي صار .. بس , رنيم هي بنتي وماني متطمنة وهي بعيـد .. وأكيد احمد بيقتنع منك
فراس : لو يقتنع هذا أحمد دوني ويوصلك بنتك لباب غرفتك .. اعرفي اني مستحيل اوافق تجلس ببيتي
غادة فتحت عيـونها : ليش !
فراس بكل بساطة : ماني مذنوب في بنت آلمرزوق ... كافيني وحده هنا
غادة : بس ... هي مجرد بتعيش معي ..
فراس : زيارات بس ! وكلمة زايدة .. احلمي تشوفيها زيارة حتى
غادة عضت على شفتها بصدمة من رده ... توقعته يرفض يقنع احمد بس مو يكون هو نفسه عائق بطريق رنيم ! وقفت بقهر : الله يقدرني اشوفك ترجي احد ويسكها بوجهك مثل ماسكيتها بوجهي
فراس : زمان عن هاللسان الطويل .. اثر العقل المفاجئ هذا مصلحة ؟!
غادة بقهر : ترا أنا مو جالسة اطلب منك المستحيل ! كل اللي اطلبه تكون مثل الرجال اللي تتمناه لاختك !
فراس : وهي بكرامة !
غادة زاد بريق عيونها دمـوع .. وهي تطالعه وهو يطالعها ببرود الدنيا : ... كنت متوقعه انصدم فيك .. بس مو كذا , ماتقدر لو مرة تكون احسن من توقعاتي ؟
فراس : إنا انسان مثلي مثل غيري لاتصوريني قديس بعقلك وتورطيني كل شوي صدمتني وصدمتني ! ووفري علي منظر دموع التماسيح لو سمحتي واصعدي لغرفتك
غادة طـلعت من الصالة وهي تصعـد مباشرة لفـوق .. قدر يقلب مزاجها في ثانيتين ! دخلت ام فراس الصالة : الغداء جاهز " تلفتت " وين غـادة ؟!
فراس وقف : بقريـح ... شكل الغداء على كيفك اليوم , هاه ؟
***
عقد حـواجبه بضيق من صوت الجـوال ... فتح عيـونه بكسل وهو يمد يده للطاولة ويسحب الجوال ويرد : ايه ؟
نايف : ناااااايم .؟!!!
بدر : كم الســــاعة ؟!
نايف : اسأل روحك ! خرج النوم صح ... لهالساعة نايم ؟!
بدر : المهم شتبي انت مبثرني من صبح الله ؟
نايف : صبــــح الله ؟! الله يعافيك بس .... الدنيا عصر !
بدر تنرفز : خلاص زين دريت ... شتبي اللحين انت متصل ؟!
نايف : بغيت ابارك لك مجلتك نزلت
بدر بكسل : يبـــارك فيك ياموجب ... إلا متى ناوي ترجع انت ماشبعت دجة .؟!
نايف : إلا شبعت ... وخلاص تقريبا يومين كذا وراجع ان شاء الله
بدر : اها .. يله اقلب وجهك اشغلتني
سكر السماعة وهو يجلس بكسل .. هز ميهاف بنعومة من كتفها : ميهـاف .... ميهاف .. ميهاف .؟!
ميهاف فتحت عيـونها : هممم
بدر : قومي الساعة 3 ماقصرنا !
ميهاف فزت : يؤ يؤ يؤ يؤ !!! كيف مارن المنبـه ؟!
بدر : شكله رن وماصحينا له .. " تثاوب " جعل ليلتك أمس تسلم ماتركت فينا عقل
ابتسمت ميهاف وهي تسحب روبها وتنهض : هههههههه هذا المطـلوب
بدر نهض هو نفسه يلحقون على الصلاة اللي راحت عليهـم ... بعد ماخلصت ميهاف خذت صحن غداها وهي تجلس قدام لابتـوبها , جلس بدر مقابلها على الطاولة وصحنه قدامه : شتسوين .؟!
ميهاف : اتأكد من جـدولي .. " تنهدت " زي الزفت شكله هالسيمستر
بدر : اهـا
ميهاف : عموما حياتي انا يمكن اطلع اليوم أو بكرة مع اسماء .. بنروح السوق لكم شغله
بدر : مو مشكلة خذي راحتك
إبتسمت ميهاف بجاذبية : يعـني أخذك ؟
بدر بذوبان : فـداك والله .. " وقف وهو يستعد يطلع " بس وقت تروحين عطيني خبر بوصلك انتي واسماء
ميهاف : اوك من عيـوني .. في امان الله
***
لـؤي نزل بشـنطته .. وهو يبوس راس امه : وين ابوي عاد ؟!
أم نايف : طلع عنده شغله ... بس يقولك في امان الله , وانتبه على نفسك ولا تطول علينا
لؤي : ان شاء الله
ام نايف : المرة الجايه اللي تجي فيها لازم نفرح فيك ... خلاص انت الوحيد مع عبدالمجيد العزابية !
لؤي : هههههههههههه ايوه يصير خير
ام نايف : الله يستر عليك
طلع لؤي وهو يرمي شنطته بسيارته ويتجه بطريقه للمطــــار
***
غــــادة : -
كانت جالسة وهي تحس بجـوع فضيع .. لكن نفسيتها مشغلتها بالفعل , ماكلت لما صحت الا تفاحة واللحين الوقت عشاء .. تنهدت وهي تمسك جوالها وتدق على إبتسام : الو ؟!
إبتسام : هلا غـــادة .. شخبارك ؟!
غادة : ماعلي حمدالله ... انتي كيفك ؟! مارجع نايف ؟
إبتسام بنبرة محطمة : للحين ماكفته نقاهته شكله ... شمسوية انتي ؟!
غادة : زفت ..... ماتقدرين تجيني بكرة ؟
إبتسام : هممم والله بكرة عندي موعد بالجمعية وحوسة شوي ... بس أول ما اخلصها بجيك
غادة : ايه تكفين .. خلاص انا ماعدت طايقة نفسي من الجلسة لحالي
إبتسام : حرام عليك غادة .. يعني خليك منه هو اهله حليوين معاك انزلي ونسي نفسك معاهم
غادة : عارفه أن اهله كويسين .. وماحلمت انهم يكونون كذا معي بس .... " تنهدت " مالي خلق اللحين ..
إبتسام : وبعدين حتى لو أجي بكرة ما أحسني جالسة ادخل بيتك .. عطي ام فراس اقل شي خبر , لاتنسين اني بدخل من مدخل بيتها
غادة : بقولها مو مشكلة ... بس ماراح نجلس تحت اصعدي عندي ترا مشاعري تلفت من المجامل
إبتسام : طيب ليش التعقيد ؟! ليش ماتجين انتي عندي وبس !!
غادة : مابي اطلب منه شي ..
إبتسام : ههههههههههههههه شدعوة ما اذكرني طلبت من نايف إذن اني اطلع مكان وهو ماكان يضايقه
غادة : وش جاب لجاب اصلن !
إبتسام : لا بجد انا قبل اتزوج نايف كان فكرتي ان كل الرجاجيل زي اللي حولنا .. إذن للطلعه والدخلة بس لما تصرفت بشكل طبيعي وطلعت ماتضايق ولاحظت كل اللي بعائلته كذا , يعني انتي جربي ودرعمي اطلعي وبتكتشفين انه عادي
غادة كوش جلدها : لا لا لا لا ... ما اتجرأ حتى ! اساسا من بيوديني ؟! " تنهدت بتذمر " اففف اللحين انتي ليش ماتجين وبس .. خلاص قلت لك بقول لأم فراس
إبتسام : ماشي .. بكرة أول ما أخلص شغلي بجيك
غادة : ايه من أول ! .... يله اشوفك على خير
بالدور التحتي /
دخلت ام فراس غرفة اسماء ونطقت بعصبية : اسماء ! كل هذا النوم ! الساعة 7 !!!
اسماء بكسل : مستحيل اللي يصحيني يقولي الوقت الحقيقي اصلن فما حصدقك
ام فراس : قومي طالعي ساعتك وصدقي !
طالعت اسماء ساعتها وفزت بخوف : اوففف نمت كل هذا !!!
ام فراس : بدري .. ولما نصحيك تقولين جثة ... مافيه استجابة نهائي
ركضت اسماء للحمـام وهي تطلع مباشرة وتصلي تعوض الصلوات ... اول ماخلصت مسكت جوالها عشان تنزل انتبهت لكم هائل من المكالمات من " ميهاف " .. تنهدت وهي تدق جاها ردها المعصب : بـــــــــــــــدري !!!
اسماء : اففف وش تتوقعين مني عقب امس ! اكيد بنام
ميهاف : احلفي ؟! كلنا كنا معك امس ومحد عبى نوم زيك
اسماء بتذمر : داقة تهاوشين انتي .؟!
ميهاف : خلاص مابي منك شي ... كان فرصة نطلع السوق بس وش عقبه مافيه وقت خلاص
اسماء وهي تتثاوب : خلاص مو مشكلة بكرة ان شاء الله
مياف : بكرة ؟!! مو تسحبين ؟!!!
اسماء : لا ما حسحب ... بكرة موعدنا ان شاء الله
ميهاف : ترا والله لو تسحبين لاروح لحالي وخلك مع نفسك
اسماء : اصبري بعد بشوف غـادة ... احسها ماتطلع نهائي ولا أرجي من فراس يطلعها كود انها تطلع معنا تتوسع
ميهاف : يله اجل شوفي وردي لي
سكرت اسماء المكالمة وهي تجلس جمب امها بالصالة : غادة فوق ؟!
ام فراس تنهدت : من ظهر صعدت ولعد نزلت .. حتى ماتغدت , من شوي دقت تقول إبتسام بتجي بكرة ولما قلت لها انزلي صرفت
أسماء : هممممم ..
ام فراس : الله المستـــعان .. وانا اللي وافقت حتى لو عليها ابي فراس يتزوج ويتهنى بس شكلهم ماعرفوا لبعض
اسماء : هو فراس ماعطى نفسه فرصة .. يعني بالله يمه مين البنت اللي بتتحمل اصلن انه يكلمها بهالطريقة قدام اهله
ام فراس سكتت بيأس : ..........................
اسماء : انا وميهاف طالعين بكرة ان شاء الله السوق ... قلت بشوفها يمكن تطلع تتوسع معنا
ام فراس اعجبتها الفكرة : كلميها اجل شوفيها ... ان شاء الله تطلع
اسماء هزت راسها وهي تطلع جوالها وتدق جاها الرد : هلا
اسماء : هههههههههههههه بالله مو بياخة اكلمك وانتي فوقي ! انزلي يختي خل اقولك وش عندي
غادة : ودي والله بس جالسة ارتب اغراضي ..
اسماء باصرار : بوصي لك الخدامة ترتب وانتي تعالي
غادة : لا ما أحبهن يلمسن اغراضي وبعدين بس اخلص وراي كم شغلة ..
اسماء تنهدت : خلاص اجل بقولك هنا وبس ... بكرة انا وميهاف طالعات السوق تجين معنا ؟!
غادة : لا ... ابتسام اختي بتجيني بكرة مقدر اطلع واتركها
اسماء : تطلع ابتسام معنا !
غادة : هههه لا إبتسام ماتحب الأسواق .. وبعدين حامل وتعبانة مالها خلق سوق
اسماء : مافيه امل نهائي يعني ؟! حتى لو نروح بدري قبل تجي إبتسام
غادة : لا اساسا انتي وميهاف بتطلعوا عشان الجامعة .. انا اطلع عشان شنو ؟! اجلس مع اختي اونس لي
اسماء : اللي يريحك اجل ... طيب ماتنزلين تتعشين معنا ؟
غادة : لا تعبانة وبنام اللحين .. باي
سكرت اسماء السماعة وهي تهز راسها : رفضت تقول اختها بتجي وماتبي تطلع .. يله بكيفها حنا سوينا اللي علينا
ام فراس : قولي لهم يحطون العشاء .. فراس مب متعشي هنا بعد
اسماء : ان شاء الله
***
إبتســـام /
بعد ماخلصت شغـلها بالجمعيـات ... ركبت مع السايق : بيت أم فراس
في نص الطريق دق جوالها ... رفعت حواجبها وهي تشوف أسم المتصل " ابو يزيد " , عضت على شفتها وبعدها ردت : أيـوه ؟!
جاها صوته الرايق بأثر نقاهته : مســـاء الخير لأحلى بسمة
إبتسام باقتضاب : مساء النور .
نايف : كيفـك .!؟ شمسوية ؟
ابتسام : طالعة من الدوام ورايحة لزيـارة .
نايف : هههههههههههههههه حمدالله وانا اقول بتمل بالبيت لحالها .. كويس دامك تطلعين وتوسعين صدرك
إبتسام : يب .
نايف : عموما انـا راجع بكرة ان شاء الله
إبتسام : توصل بالسلامة .. اذا ماكفتك نقاهتك تقدر تطول كمان عادي
نايف : شدعـوة ماتكفيني ؟! وبعدين واحشيني ناس حلوين هنا لازم ارجع
إبتسام : أيـوه مصدقتك
نايف كان يكذب نبرتها " الرسمية " مب البداية لكن هنا تأكد : فيك شي .؟!
إبتسام : لا مافيني .. ليش تسأل ؟
نايف : ما أدري صوتك وطريقة كلامك .. مو زي العادة
إبتسام : نايف أنت ليش سافرت .؟! مو نقاهه ؟!
نايف : كنت أبي ابعد عن كل اللي جالس يصير شوي .. يمكن تفرغين لمشاكلك وتخلصينها وتشوفيني كويس
إبتسام : أشوفك كويس ؟! عميا ؟
نايف : الفترة اللي راحت كنت اسولف سوالف ولما اذكرك فيها تقولين اني ماقلتها ! بالك مرة مو معي .. وبعدين حنا مانقدر نقرا الورقة اللي لازقة بوجيهنا والمسافة تخلق الإحترام
إبتسام : المسافة تخلق الإحترام .؟! اتفق معك ... اجل خلك وراك لحد ما أحس الإحترام جا بعيوني
وسكرت السمـاعة مباشرة بقهر .. ! أول ماوصلت لبيت أم فراس نزلت وهي تضرب الجرس , فتح لها أنس الباب ابتسمت : هلا والله انس .. كيف حالك ؟!
أنس : حمدالله بخير .. تفضلي حياك امي داخل
دخـلت إبتسام ... قابلتها اسماء بعبايتها : اووووه القهر جايه وانا بطلع !
إبتسام : هههههههههههههه معليش فرصة ثانية
أسماء : لاتروحين لحد ما أرجع .. نسهر سوا ان شاء الله
وركضت بسرعة تطلع ... دخلت ابتسام وهي تسلم على أم فراس .. نطقت ام فراس : غـادة فوق .. من امس ظهر ماشفناها
إبتسام : لاتشيلين همها ام فراس .. يعني اعتبري انها ساكنه بعيد شوي كان جلست ببيتها اكيد ؟!
ام فراس مابغت تقول لإبتسام انها ماعمرها شافت فراس يصعد لفوق .. ولاعمرها شافته مدخل اغراض لفوق عشان كذا هي شايله هم : ..............
إبتسام : عموما انا صاعده اللحين اشوفها .. وبنزلها , بس من وين الطريق ؟!
ام فراس : هههههههههه ياسمين حبيبتي ودي خالة ابتسام لشقة اخوك
صعدت إبتسام وهي تضرب الجرس .. وهي تطالع مقدمة الشقة بس رايقة كأنها شي منفصل عن الدور الثاني من ناحية التصميم حتى بالدرج المذهب بشكل لامع ورسومات على الجدار انفتح لها الباب ... ابتسمت غادة مباشرة : ابتسااااام !
سلمت عليها بحرارة ثم نطقت : هههههههههههه خنقتيني انا وولدي .. دخليني عاد !
غادة : تفضلي حياك
دخلت إبتسام وهي تطالع التصميم العتيق ... كانت شقتهم قطعة فنية بجد : واااااو غادة ... يجنن المكان كأني داخلة قصر هنري
غادة : ايوه مرة الشغل متعوب عليه ... تعالي شوفي غرفة النوم عاد خيال
إبتسام لما دخلت انذهلت فعلا .. تحس كل قطعة بالمكان قطعة أثرية قالت بمزح : هههههههههههه ومنفسة وانتي عايشة بهالمكان ! اقول انثبري بس
غادة طالعتها بنص عين : وش تستفيدين من كل هذا اذا انتي مع نفسك .. ولما تحاولين تدخلين مع الناس تحطمين
إبتسام : هو للحين ينام تحت ؟!
غادة : ولا مرة حتى صعد .. عموما أحسن انا مرتاحة من هالناحية , انا ما أطيق اشوفه وقت انزل كيف يجلس عندي بعد ! ماراح القى هوا اتنفسه
إبتسام : غـدو انتي تكرهينه بجد ؟!
غادة وهي تشد على قبضتها نطقت بقهر : جـدا .. انا لو يرجع الزمن اخترت اتزوجه مرة ثانية .. انا احب مكانتي معه , يعني لما سوت لي ام فراس الحفلة لأول مرة اشوف بعيون الناس حسد لي واحترام .. حتى لو بلسانهم يبون يغلطون مايقدرون .. غير أهله يجننون امه أول مرة افهم معنى كيف الأم تصير أم
إبتسام ابتسمت بحنان وهي تحمد ربها انها حصلت ايجابيات بالموضوع : اجل ركزي على الإيجابيات .. وهو طنشيه
غادة بقهر : إبتسام انا ابي رنيم ... اشتقت لها ! احمد صار مايرد علي حتى .. ولا عاد يرسل لي صورها , وعقب الشين قدرت اقول لفراس ... بس جلس يقولي بكل انانية انه مو مذنوب فيها ! وانه مستحيل يسمح لها تعيش هنا ..
إبتسام : مصير كلش يتسهل ... انتي بس روقي وحاولي تاخذين كلش بذكاء ! صدقيني بتحصلين طرق تقنعينه دون تنطقين حتى
غادة بسخرية : هه تعالي قابليه نص ساعة بس ثم اتحداك تعيدين كلامك
إبتسام : حالتك تجيب لهم بالبجامة وما أدري ايش .. بدلي خلينا ننزل نجلس مع ام فراس شايله همك تقول معد نزلت لنا
غادة : إبتسام طلبتك انا مو مصدقة حصلتك تجيني .. مابي انزل ولا أبي اقابل احد
ابتسام : والله ماوراك سالفة .. اجل احد يفوت جلسة ام فراس ؟!
غادة : ايوه اذا صار فيه احتمال ان فراس يجي ويشارك هالجلسة .. يفوتها ويكفي نفسه شرها كمان
إبتسام : طيب انا اللحين موجودة ! مستحيل يتربع بنص الجلسة معاي .. يله تعالي والله مو حلوة جالسين فوق وهي تحت
غادة بضيق : خلاص انزلي انتي .. انا ثواني بس ابدل وجايه
إبتسام : يله لاتتأخرين سابقتك
نـزلت ابتسام ... بينما غادة تنهدت وهي تدخل غرفتها اساسا لازم تنزل لأنها بتموت جوع ! لبست بنطـال أسود سكيني مع بلوزة بيضاء رسمية فضفاضة لنص فخذها , مع هيلز سوداء وشعـرها طرحته على وجهها بطبيعته .. وماكانت محتاجة غير هالشعر عشان يعطي طـلتها جاذبية غييير بشكله الملفت لآخر ظهرها ,اكتفت بمرطب على شفايفها وكحل على السريع ... ونزلت مباشرة وهي تسأل الخدامة : وين المدام ؟!
ميري : برا حديقة
دخلت المطبخ قبل تطـلع .. لأنها رسميا بتموت جوع ماقدرت تشتغل بالمطبخ فخذت اسهل خيار قدامها توست وجلست تحشاه جبنـه ... جتها الخدامة بخوف : هاتي اسوي انا !
غادة : شعقبه خلاص خلصت ... بس لو سمحتي كاس عصير
طلعت لها الخدامة عصير وهي تنطق باعجاب : مدام انتي هـــيلو ما شاء الله
تنهدت غادة : هييييه ياميري .. وش فاد الزين دام الحظ طايح
ميري مافهمت كلامها .. فرجعت تنطق : ما شاء الله
اثناء ماهي تـاكل انتبهت لأنس يدخل المطبخ ... واضح لما انتبه لها وردت خدوده لأنه أول مرة يشوفها لكنها ما اهتمت .. ما عادت ترجي منه مصلحة عقب مارفض طلبها مو مضطرة تهتم به ! كملت أكلها طبيعي ..
أنس وهو يحك خده : ميري وين ؟!
غادة : همممممم شكلها طلعت .. إيش تبغى ؟! انا اسوي لك
انس بربكة : لا بس ... ولا شي خلاص
غادة : هههههههههههه عادي قول يمكن اعرف
أنس : جويـع ابيها تسوي لي سندويتشه
غادة ابتسمت : ولايهمك اسنعك انا اللحين
انس هز راسه وطلع مباشرة .... غادة : هههههههههه ياحليله يستحي
سوت له سندويتشه على السريع مع كاس عصير ... وحطتها عنده بالصالة ثم طلعت مباشرة وهي تحس بانتعاش من نسمة الهواء اللي برا .. : هلا والله .... تو مازانت الجلسة
ابتسمت لأم فراس وهي ترجع شعرها ورا اذنها وتتوجه لهم : الجلسة زينة دامك فيهـا
إبتسام : ايه والله معها حق جلستك انتي ماتمل
غادة : إلا اقول ابتسام عرفتي جنس البيبي !؟
إبتسام : عرضت علي تعلمني بس انا رفضت ... مابي اعرف اللي بيجي من الله وش حلوه
غادة : ايوه بس حلو تعرفين عشان تستعدين له يعني
ام فراس : لا والله معها حق لاتعرف ... وبعدين مو دايم يصيبون ... انا ببدر ولدي قالو لي بنت شوي جا ولد
إبتسام : اتوقع بهالوقت صارت تحليلاتهم دقيقة اكثر ... بس برضو معك حق مو شرط يصيبون
انتبهوا لصوت الباب ينفتح .. لكن الجلسة كانت عند النافورة منفصلة عن مقدمة الحديقة , ابتسمت ام فراس : هذا أكيد فراس رجع .. غادة حبيبتي روحي شوفيه لايدور احد بالبيت ومايحصل
غادة بتهرب : انس وياسمين جوا .. بيقولوا له
أم فراس تعمدت تحرجها عشان تقوم : هاااو ؟! ماتبين تقومين لولدي يعني ؟!
غادة : لا شــدعوة بس ...
نغزتها ابتسام وهي تعطيها نظرة بمعنى " قومي " ... ابتسمت غادة بانحراج : رايحة اللحين
ابعدت كرسيـها وهي تمشي دون نفس ... مجرد ماوصلت الممر المزين للحديقة الرئيسية انتبهت للباب الرئيسي للبيت يتسكر يعني دخل , تاففت مفروض ترجع وتحقره ! ... دخلت وهي تسمع نبرته المتشائمة : من جالسة معـاه ؟!
ياسمين اللي كان جالسة بالصالة مع انس : ابتسام اخت غادة هنا
فراس دون نفس : كملت ..
غادة انقهرت .. مو عاجبة حتى ان احد يزورها !
ياسمين طالعت انس : ابي زي سندويشتك ! ميري ماتسويها كذا !
انس بوناسة : هذي سوتها لي غادة
بلعت غادة ريقها وهي تتمنى تسد فم انس ( لأا لا لا لا لا اسكت اسكت ! ) وصل قلبها لحلقها وهي تسمع فراس : سواها لك مين ؟!
انس بطبيعية وهو ياكل : غادة .. " التفت لياسمين " تبين قولي لها
فراس بتحقيق : وليش حضرتها تسوي لك ؟!
أنس : دخلت المطبخ حصلتها هناك ... سالت عن ميري عشان تسوي لي بس هي قالت وش تبي وانا بسوي , وقلت لها وسوت ..
فراس نطق بنبرة تهديدية ما فهمها انس لكن هي فهمتها : ماشي .
مجرد ماطلع من الصالة .. قبل يصعد التفت وهو ينتبه للي واقفة عند الباب , غادة مجرد ماطاحت عيونه عليها سكرت الباب وهي ترجع تطلع ... اثناء ماهي تمشي بشكل مسرع استوقفها صوته الحاد : مكانك !
غادة غمضت عيونها وهي تعض على شفتها .. انا وش يلقفني اسوي له سندويتشه ولا غيره ! حاولت تلتفت وتحكي بشكل طبيعي : انت جيت .!؟
فراس رفع حــواجبه وهو يوقف قدامها مباشرة : ليش طلعتي أول ماشفتيني ؟! ولا السارق على راسه خياله !
غادة وعيـونها بعيونه .. شاحت بنظرها دون ترد : ................
فراس بحدة : إذا تحسبين فترة مصلحتك عندي انتهت عقب رنيم ! وناوية تلفين لي يمين ويسار فتعدلي لك أخت أنا للحين تاركك تقابلينها !
غادة فتحت عيـونها .. ونطقت بقهر : جزاك الله خير تكرمت علي طال عمرك !
فراس طالعها من فوق لتحت : هالمنظر لايشوفه أخوي مرة ثانية ! سمعتي ؟!
غادة كانت شادة على قبضتها وتحسه جالس يلعب باعصابها : .................................
فراس رفع حواجبه : صقهــــــى ؟!
غادة : لا ماني صقهى . . بس ..
: جيـــت حبيبي ؟!
فراس : ايه تو جيت
غادة كانت منزلة راسها وتحمد ربها ان ام فراس جت , ام فراس نقلت بصرها بينه وبين غادة : وش بتسوي اللحين؟
فراس : ما اشوف قدامي ابي النوم ... فعجلوا العشاء
ام فراس : إبتسام هنا مانقدر نتركها كلنا ...
غادة نطقت مباشرة : لاتشيلين هم إبتسام انا بجلس معها تعشوا انتو
ورجعت مباشرة لإبتسام ... ام فراس تنهدت باحباط كان بتقول " تعشوا لحالكم " , فراس : وش هالتنهيدة ؟!
أم فراس بعصبية خفيفة : أبد سلامتك ! ليش ماتتعشى معها ؟!
فراس : عشان تنسرط عيشتي ولا تنشب بنص حلقي !
ام فراس : حرام عليك مو لهالدرجة ... والله انت لو تحاول تنتبه لها شوي بتكتشف انها تدخل القلب
فراس : اقول وين اسماء مو شايفها ؟!
أم فراس : طلعت مع ميهاف يتسوقون للجامعات قربت
فراس : الساعة 11 ! سوق هالحزة ؟!!!
أم فراس : بكلمها اعجلــــها .. بس اكيد بتتعشى برا وبعدين اللي بيرجعهم بدر اخوك خل ياخذون راحتهم
عـــند إبتسام /
رجعت لها غادة وهي تجلس باحباط : ..................
إبتسام : ماجلستي هناك حتى ربع ساعة ! امداك تكشرين ؟!
غادة مددت رجولها على الطاولة وهي تسند راسها على الكرسي : امنيتي بمرة أتكلم معه .. ولا احس اني ابي ابكي
إبتسام : طولي بالك ... مصيره يمل من هالتوتر اللي عايشه
غادة : من قالك انه متوتر ؟! عايش حياته بطولها وعرضها ..
إبتسام حست أنها ضايقة بجد : ترجعين معي اليوم .؟! نسهر ونروق شوي ..
غادة دون تفكير : لا ... مابي اسأله ولا أبي اكلمه وارجع انخنق
إبتسام تنهدت : شصار من شوي .؟!
غادة : ماصار شي ! دون سبب بيسوي لي سالفة ..خلاص انا انكتمت منه , صرت ما اتحمس اجلس مع اهله من كثر ماينقدني قدامهم
ابتسام : آسفـة حبيبتي
غادة بضيق : من النكد اللي جالس يصير جالسة أحس البسطة والوناسة يكرهوني ! مايبون يجوني
إبتسام : غادة انا لازم اروح اللحين ومابي اروح وانتي بهالحالة .. وسعي صدرك ..
غادة : ..............
ابتسام : اسمعيني حبيبتي ادري انك جالسة تحسين ان مواقفك تعيسة مرة وان الكئابة مغطية حياتك وأن كلامه يزعلك بس أظل اقولك إلا ماتجيك لحظات حلوة لاتصيرين انسانة نكدية مهما صار .. ومع الايام بتجيك لحظات تنسيك كل اللي صار فلاتفكرين كثير
غادة كانت ضايقة بس مايحتاج تضايق ابتسام معها : ليش ما اكلتي صحنك ؟!
إبتسام : شبعت حمدالله خلاص
غادة : انتي تاكلين عن اثنين ! استرينا في نايف بالله لايبلشك يقول ليش ولدي ضعيف
إبتسام : هههههههههههه اكلي انتي ماعليك مني .. انا اكلت نص صحني اقل شي
غادة : سد نفسي الله يسد نفسه
إبتسام : غغغدو خلاصص ! " تنهدت " السواق ادق عليه من شوي مايرد
غادة : لا ترجعي مع السواق بهالوقت .. متأخر مرة , كلمي هيثم شوفيه
إبتسام : بشوف مع اني ماظنيــــته يفضى
أول مادقت رد : هلا ابتسام
ابتسام : هلا والله ... فاضي ياحلو ؟!
هيثم : على حسب .. إيش عندك ؟
إبتسام : هممممم انا عند غادة ... وابي ارجع لبيتي بس السواق مايرد
هيثم ( عند غادة اجل ؟! ) : مسافة الطريق .
إبتسام : يله يعطيك العافية
سكرت السماعة : يقول مسافة الطريق ..
غادة هزت راسها : كويس
***
بسيارة بدر .... زفرت اسماء بقرف : اففففففففففففففف !!!! امي سوت لي حالة استنفار لأن فراس رجع البيت وانا مو فيه !
ميهاف : لحول مع اخوك انتي مو مع الجني
بدر : قولي لهم مسافة الطريق خلاص .
ميهاف : والله قهر كان نفسي نوقف عند مطعم نتعشى قبل نرجعك
بدر : خاطرك بمطعم عيـوني ؟! ولا يهمك نرمي هاللي معنا بيتهم ونروح
اسماء : وجعــــــوه .. احتروني انزل ثم قرروا !
بدر : سوي حالك ماسمعتي مايخالف
أول ماوصلـــوا ... نزلت اسماء وهي تتهزا : سوي حالك ماسمعتي مايخالف " وسكرت الباب باقوى ماعندها "
مشت السيارة مباشرة حتى طيرت الهواء بوجهها .. اسماء بقرف : وجع بعد ! حيوانات بعـــــد !
ما انتبهت اثناء حلطمتها للسيارة الـواقفة قدام البيت والشخص اللي يطالعها من انعكاس المراية وماتوقع انها تطلع قدامه بهالسهولة ... قبل تضرب الجرس انوخزت لشي وراها التفتت وعيونها الزرقاء توسعت وهي تنتبه له , هو نفسه لبس الدكـاترة عليه حتى : ................................
دارت الدنيا فيها ... زمــــــان زمان ماشافته تجمعت دموعها تلقائي وهي تشوفه ليش كل مرة تشوفه ترجع للصفر ؟!
فتح هيثم النـافذة .. نطق : كيف البعثـة ؟
اسماء دون تحس بنفسها نزلت الدرجات حتى صارت قدام سيارته .. وهي تتأمله كانت بخير وقت غاب عنها مدة طويلة واللحين كأنها ماتجاوزته اصلن ابتسمت بين دموعها : عليك أنت عيـون .. تشافي المبتلي
رغم قلقه طول هالفترة من اختفائها ... ماقدر الا يظهر بمظهر بارد وهادي : أيـوه كمان كثري من هالحكي .. راح اصدقك صدقيني
اسماء وهي تستشعر الاستهزاء من نبرته : إذا قصدك عتب .؟ اجل انا عتبانه اكثر ..
هيثم ابتسم ببرود : اها .. اتمنى تحصلين وقت ببعثتك تعتبين على هالأمور
اسماء : بعثـه ؟!
هيثم : اجحدي كمـان .. معلوم بعثتك يالناجحة !
أسماء : وانت مافكرت ليش انا ابغى هالبعثة ؟
هيثم : مايبيلها تفكير ... مستقبلك مهم وهذا حقك بس لعب المشاعر هذا بطليه !
اسماء انفجرت : ما اخترت ابتعث واغترب وابعد إلا اني احس بتعب وضيقة نفس ببشاعة وبشكل زايد .. ومزاج يتقلب ألف مرة باليوم ! " نزلت دمعه " اشتقت لك .. واحسني محتاجه افضفض لاحد بس مابي احد اذا ماكان أنت
هيثم توتر من شكـلها .. تلفت يمينه ويساره وهو يتنهد : ادخلي لايشوفك احد ..
أسماء عضت على شفاتها : اذا .. اذا في راسك أني ما ألعب مثل ما انت تقول , وش راح يكون جوابك على مشاعري وقتها ؟
هيثم تنهد : خليك واقعية اسماء
قاطعتها اسماء بقهر : مابي اصير واقعية ! الواقع زبالة مايناسبني
هيثم توتر من انفعالها خصوصا ان المكان غلط ... نطق : تقولي اذا في راسي انك ماتلعبين ؟! صعب افكر لك بجـواب شي مو حقيقي !
اسماء ... ظلت تطالعه بقهر يعني في راسه انها تلعب ومرسوخة بعقلة : ................
دق جـواله ... رفعه وهو يرد : هلا ابتسام ............ انا برا .... يله
اول ماسكرتها نطقت اسماء وهي تنفطر : غيرك بدا يكسبني وأنت ابقى على حالك ياثقيل !
ودارت ظهرها وهي تدخل .. هيثم رجع القلق ينـاوبه ماعمره كذب عيـونها , بس الواقع يقول كذا ! انفتح الباب ودخلت ابتسام : سلام
هيثم وهو يحرك السيارة : وعليكم الســـلام .
إبتسام : حسافة انا طالعة واسوم داخلة
هيثم قرر يحاول يعرف الصدق : اللي تقولي مبتعثة ؟
إبتسام : لا امها رفضت ابتعاثها .. راح تدرس هنا
هيثم احبط .. يعني لو امها موافقة راحت ولا همها : ......... اها الله يوفقها
***
بعد ماراحت إبتسـام .. دخلت البيت حمدت ربها لما ماحصلته , ابتسمت لها ام فراس وهي جالسة مع ياسمين : راحت ابتسام ؟!
غادة : ايه تو راحت
ام فراس : تعشين ؟!
غادة : لا ماقصرت أكلت خلاص .. فيه العافية
ام فراس : يعافيك
غادة : تصبحون على خير
ام فراس : وانتي من اهله
صعـدت لفـوق .. ومباشرة وقفت قدام غرفته بلعت ريقها وهي تستعد نفسيا وطقت الباب جاها صوته : من .؟!
غادة : احـــم ... انا غادة
بعد وهلة انفتح الباب وطلع نص جسمه .. كان بالثوب بس مفتوحه ازاريره ودون شماغ وشعره مبعثر على غير العاده وعيـونه العسلية ناعسه اكثر من العادة كان شكله جــذاب : نعــم .؟!
غادة بلعت ريقها وبعد صعوبة نطقت : المطبـخ فوق محتاج اغراض
فراس : جالسة تضربين الباب بهالوقت عشان تقولين المطبخ يبي اغراض ؟ سواق ابوك انا ؟
غادة : مو قصدي ... ماعندي مشكلة اطلع مع السواق اذا يضايقك واجيبها !
فراس اسند مرفقه على الباب : جتك من الله بتطلعين مع السواق ؟!
غادة : ماجيت عشان تتهزا فيني ... انا اجوع فوق واتوقع هالشي مسؤوليتك !
فراس تنرفز : وين يمديك تجوعين وانتي 24 ساعة في 24 ناشبه بوجهي تحت !
غادة بقهر :خلاص اسفة اعتبرني ماقلت شي
ومشت بطريقهـا وصعدت فوق مباشرة ... وهي تضرب الارض تحتها : عند كلش يسوي سالفة ! لازم الواحد ينزل يعني ويذل نفسه .... لا فوق اني حابسة نفسي معظم اليوم فوق يقولي 24 ساعة ! بوريك انا ال 24 ساعة كيف
***
اليـوم التالي – 8 صباح /
فتح عيـونه من النوم .. طالع الساعة 8 لسى بدري تو بيرجع ينام انتبه انها مو موجودة جمبه عقد حواجبه وهو ينادي : ميهاف ؟!
نهض من سريره وهو يطلع .. حصلها بالصـالة جالسة على كـافي ولابسة شيرت كم نص مخطط بنكي وشفاف مع شورت أبيض وشعرها رافعته بشكل عشوائي .. واللاب قدامها ابتسمت لما شافته : صباح الخير .. غريبة صحيت بدري ؟
بدر : ماصحيت ... أبنام بس استغربت لما ماحصلتك " مشى ناحيتها " شجالسة تسوين ؟!
ميهاف التفتت له : مافيه شي مهم بس دكتورة مراسلتني وكنت ارد عليها وبالمرة اشيك على شنطتي وصلت ولا لا .؟! " ابتسمت بحماس " دام صحيت شرايك نطلع نفطر برا .؟!
بدر وهو يمسج رقبته بيده : أقول ميهـاف .؟!
ميهاف : عيونها قول ..
بدر سحب له كرسي وهو يجلس قدامها : مابي أحبطك بس .. انتي ليش جالسة تدرسين اللحين ؟!
ميهاف عقدت حواجبها باستنكار لسؤاله : عشان مستقبلي طبعا ! محتاجة شهادة
بدر : الشهادة للوظيفة مو !؟
ميهاف : اجل لشنو ؟
بدر : أيـوه بس انا وضحت لك من قبل ... مابي موظفة وانتي باقي لك سنتين على ماتتخرجين اتوقع انك خلال هالسنتين راح تنشغلين عن الوظيفة اساسا
ميهاف ما اعجبها كلامه : لا ماراح انشغل ! شدعوة يعني ؟
بدر : إلا ماتنشغلين ! انا اشوف ربعـي ماني غشيم واشوف اللي حولي .. البيت له عامودين الرجال برا والبنت بالبيت اذا صارت البنت برا البيت معنـاه البيت ماله عامود , مو ؟
ميهاف تنهدت بضيق : قدامنا سنتين على ما اتخرج .. مو ضروري افكر بوظيفة او غيره اللحين خلها لوقتها
بدر : انا مابي اصدمك عشان كذا اقولك من اللحين .. وظيفة مافيه فاذا حاسة تضيعين وقتك بدراستك فبطلي
ميهاف فتحت عيونها ونطقت بقرف : واصيـــــــر انسانة غير متعلمة ؟!!!
بدر : شوي شوي على عيونك لاتطلع من محلها ! وخير ياطير انسانة غير متعلمة ؟! كلها شهادة ترا
ميهاف : بـدر انا انسانة ناجحة .. انا الوحيدة بدفعتي كلها اللي جاها عروض من الدكاترة لوظايف بعد الجامعة , والوحيدة اللي انعرض لها تصير معيدة ! واخرها شنـو ؟ ما اخذ شهادة واجلس بالبيت
بدر تنهد : اوك خذي الشهادة لاتفوتك ... بس انا من اللحين ضد الوظيفة ولا راح تتوظفين
ميهاف : ماراح اناقشك بحاجة عقب سنتين ...
بدر حاس بفمه وهو يوقف : انا قلت لك وبس .. وهالموضوع بالذات قناعة يعني احلمي تكسرينها عندي
سكتت ميهـاف .. مستحيل تنكد نفسها عشان حاجة عقب سنتين , رغم انها تنكدت بالفعل بس قررت تطنش وتكمل دراستها ومصير الدنيا تفهمه تنهدت وهي تنتبه له يبدل ويستعد يطلع
***
صحـت غادة من النوم بدري ... لغرض واحد بس ! بتنزل تنكد عليه عشان يعرف كيف تكون قدامه 24 ساعة .. خلصت لبسها وسحبت طرحتها تو بتنزل حصلت اكياس كثيرة قدام الباب .. كبست بعيـونها وهي تنتبه لورقة ملاحظة فوق الأكياس .. سحبتها وهي تقرا " وخل اشوفك نأزلة بعد ! "
حاست بفمها وهي تتأمل الأكياس المنوعة بجميع أنواع المأكولات ... تنهدت وهي تسحبها لداخل وتلغي الخطة قطع حجـتها بالنزول خلاص ...
تحت /
أم فراس جالسة مع ياسمين وانس يفطرون ... انتبهت لفراس ينزل الدرج بخطوات سريعة : صباح الخير يمه
فراس : صباح النور .. تامرين على شي ؟
ام فراس : بتطلع اللحين ؟! تو بدري !
فراس : فيه رجال يبيني وحاجة مستعجلة ماتتحمل تأخير
ام فراس : طيب غادة شتسوي خل تنزل تفطر معنا ..
فراس وهو بطريقة لبرا : انـا طالع وهي تفطر افطروا انتوا اهم شي
ام فراس ابتسمت دون شعـور .. اول مرة يتكلم عن شي بينهم , حمدالله طلع فيه اكل فوق !؟ اجل الوضع ماهو بذاك السوء , انغمر قلبها بالفرحـة طول عمرها تنتظر تشوف ولدها مستقر واللحين شافته
***
وصــل نايف اراضي السعـودية ... اول ما استلم اغراضة وفتح جـواله جته مكالمة من ابوه : هلا يبه !
جاه صوت ابوه الصارم : اللحين تجيني بالشركة !
وسكر السماعة مباشرة عقد حواجبه باستغراب .. تنهد وهو يركب سيارته ويتوجه مباشرة لعنده أول مادخلت حصله جالس وفراس عنده والصمت مخيم : سلام عليكم
فراس : وعليكم السلام
جلس نايف ونطق بمرح لفراس : مبروك عرسك مابغيت يخي .. كويس اعرست قبل تموت
طالعه فراس بنص عين ... وهو ياشر لأبو نايف اللي كانت حالته واضح متنكدة
نايف : عسى ماشر وش صاير ؟
فراس هز كتوفه : عم تكلم .... نشفت معك من وصلت وانت ماتكلمت
ابو نايف فتح جواله وهو يجري مكالمة استغربوها : الو ...... طيارة مصر المتوجهه لأمريكا فيها مسافر ابيه يوقف ...... آسمه لؤي عبدالرحمن بن نايف الشمري
فتح نايف عيـونه باستغراب ... اما فراس حلل الموقف مباشرة اكيد عرف اكتفى بانه يطالع الطاولة بينما أبو نايف يطالعه بحده : يعــــــني فهمت انا وش اقصد !! يعـني كل هالفترة تدري وصاف يدك !!
فراس : ....................

 
 

 

عرض البوم صور متمللة   رد مع اقتباس
إضافة رد

مواقع النشر (المفضلة)

الكلمات الدلالية (Tags)
إنتمــــاءات, كـاذبة
facebook



جديد مواضيع قسم القصص المكتمله من وحي قلم الاعضاء
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



الساعة الآن 02:38 PM.


 



Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية