لمشاكل التسجيل ودخول المنتدى يرجى مراسلتنا على الايميل liilasvb3@gmail.com






العودة   منتديات ليلاس > القصص والروايات > قصص من وحي قلم الاعضاء > القصص المكتمله من وحي قلم الاعضاء
التسجيل مشاركات اليوم اجعل كافة الأقسام مقروءة

بحث بشبكة ليلاس الثقافية

القصص المكتمله من وحي قلم الاعضاء القصص المكتمله من وحي قلم الاعضاء


مشاهدة نتائج الإستطلاع: افضل شخصية برأيك ؟!
نايف 8 23.53%
فراس 16 47.06%
هيثم 2 5.88%
لؤي 3 8.82%
بدر 0 0%
ابتسام 10 29.41%
سارا 0 0%
ميهاف 3 8.82%
اسماء 4 11.76%
غادة 7 20.59%
إستطلاع متعدد الإختيارات. المصوتون: 34. أنت لم تصوت في هذا الإستطلاع

إضافة رد
نسخ الرابط
نسخ للمنتديات
 
LinkBack أدوات الموضوع انواع عرض الموضوع
قديم 21-12-16, 08:11 AM   المشاركة رقم: 46
المعلومات
الكاتب:
اللقب:

البيانات
التسجيل: Nov 2016
العضوية: 321971
المشاركات: 260
الجنس أنثى
معدل التقييم: متمللة عضو على طريق الابداعمتمللة عضو على طريق الابداعمتمللة عضو على طريق الابداعمتمللة عضو على طريق الابداعمتمللة عضو على طريق الابداع
نقاط التقييم: 497

االدولة
البلدSaudiArabia
 
مدونتي

 

الإتصالات
الحالة:
متمللة غير متواجد حالياً
وسائل الإتصال:

كاتب الموضوع : متمللة المنتدى : القصص المكتمله من وحي قلم الاعضاء
افتراضي رد: انتماءات كاذبة

 

اقتباس :-   المشاركة الأصلية كتبت بواسطة الربابة مشاهدة المشاركة
   انا بصراحة مش قادرة افهم ليه لؤى مكلمش سارة عن غعجابه بيها
هل مش متأكد من مشاعره ولا علشان أهله
وهى كمان هل ابتدت تحس ناحيته بشئ ولا احساس بس ان حد مهتم بيها
الثلاثى لؤى فراس سارة محير
ابتسام حبيبتى هتبقى مع نايف
اللى ابتدا بالتجاهل
بس شخصيتها ماظنش ان هتبقى البنت المنكسرة ولا الصلبة
اظن ابتسام حاجة وسط كده
غادة مشاعرها منطقية تماما فرحت علشان اختها وفى نفس الوقت حست اد ايه اتسرعت
بدر وميهاف وسياسة عض الأصابع
تحية على البارت وبالتوفيق

هلآ بالعســـل
ثلاثي لؤي وسارا وفراس محير فعلا وهذا اللي اعتمدته لكن راح اشرح لك حسب هالبارت ..
فراس يشوف سارا حاجة مضره للؤي عشآن كذا جالس يأذيها باي طريقة من باب الحماية للؤي
لؤي انسـان مشاعره واضحه ومن الواضح انه يحبها لكن ماعنده جرأه يصرح بهالشي للحين
سارا تحب لؤي بس تحبه كـ أيش ؟ هذا السؤال ...

ابتسام رآح تتفاجئي فيها .. وفي نايف اكثر .

هههههه ايش يعني سياسة عض الاصابع ؟!

نورتيني كالعادة

 
 

 

عرض البوم صور متمللة   رد مع اقتباس
قديم 21-12-16, 01:43 PM   المشاركة رقم: 47
المعلومات
الكاتب:
اللقب:

البيانات
التسجيل: Nov 2016
العضوية: 321971
المشاركات: 260
الجنس أنثى
معدل التقييم: متمللة عضو على طريق الابداعمتمللة عضو على طريق الابداعمتمللة عضو على طريق الابداعمتمللة عضو على طريق الابداعمتمللة عضو على طريق الابداع
نقاط التقييم: 497

االدولة
البلدSaudiArabia
 
مدونتي

 

الإتصالات
الحالة:
متمللة غير متواجد حالياً
وسائل الإتصال:

كاتب الموضوع : متمللة المنتدى : القصص المكتمله من وحي قلم الاعضاء
افتراضي رد: انتماءات كاذبة

 

" الفصل الحادي عشر "
الانسان الذي يعتمد على الآخرين في رفع معنوياته
يفقد نفسه حين يفقدهم
حصريـا بالمجلات جديد عارض الأزياء السعودي بدر فهاد الشمري !! مع عارضة الأزياء اللبنانية سهى
: يقولون ان بينهم علاقة حب !
: يالله وش لايقين على بعض يجننون
: معقولة خلاص بدر يرتبط .. لاا
: شنو لا ؟ متوقعه يتزوجك مثلا .. بس لبنانية حرام عليه اقل شي ياخذ خليجية
ميهاف كانت ماسكه المجلة بصدمة .. وغالية ومنال واقفات يطالعونها : ميهاف روقي
ميهاف تجاهلتهم ورمت بالمجلة بالزبالة ومشت بين ممرات الجامعة لحد ماوصلت لقاعة اسماء .. اسماء كان جالسة مع صديقاتها لما شافت ميهاف بان على ملامحها الاسف والخزي قامت لعندها : آسفه
ميهاف : شنو هذا ؟! حاولتو تمنعونه ؟
اسماء : ماقالنا ميهاف .. قال فيه شغل ضروري بدبي على بالنا عرض ازياء عادي ماعرفنا انه مع حريم
ميهاف : والوضعيات مو عادية !! بالله يا اسماء شالمفروض اسوي ؟ وش موقفي قدام الناس ؟!
اسماء : لا تضايقين حالك تنحل
ميهاف : اسماء اذا خطبتنا هذي بدايتها ماله داعي تستمر .. انا مو مستعدة آخذ واحد يصور بهالخلاعة مع الحريم
اسماء : لا ميهاف واللي يعافيك .. اصبري شوي تكلمي معاه وضحي له انك مو راضية
ميهاف : وضحت له ! لما تقابلنا قبل خطوبتنا قلت له !! يعني وش قصده بهالحركة مو عارفة ؟
اسماء ماعرفت شتقول نزلت راسها ... ميهاف مسكت اعصابها : هو للحين بدبي ؟
اسماء : ايه ..
ميهاف وكلش فيها يرتجف من العصبية : ماشي ماشي ..
اسماء : وين رايحة ؟
ميهاف : للبيت !
اسماء تنهدت وهي تشوف ميهاف مبعده : الله يسامحك يابدر .. هذي حركة تسويها
وصلت ميهاف للبيت ودخلت مسرعة وهي مشمئزه ومنقرفه من كلش من بدر ومن نفسها وضعياته مع العارضة اللبنانية وهو ماسك خصرها .. ويطالعها ويضحكون هذي خيانة ! مسكت جوالها تفكر تدق عليه .. لكن تراجعت مو هذي السياسة اللي تنفع مع بدر .. احبطت من نفسها ومن كلش .. وش المفروض تسوي ؟ تصير سخيفة وتدق عليه معصبة مثل خطيبة غيورة ... ولا تسكت ويفلها زيادة ويحسب انها مفوته له ..؟ دفنت راسها بالمخدة وصرخت بقهر
***
مسك المجلة بقوة حتى كاد يمزقها .. ثم رماها لآخر الغرفة بعصبية وفتح جواله : الو .. مصعب ؟ فيه حساب انا فتحته الشهر اللي فات .. داخله 350 الف .. الحساب يجمد حالا ! .... والمجلة اللحين تكلمهم وتوقف هالمهزلة .. وهالعدد يوقف اصداره ويحجب من كل المواقع ....... في نص ساعة يكون كلش جاهز !
دق جواله .. عض شفته بعصبية " أبو نايف " ... رد بهدوء : ايوه
ابو نايف بعصبية : وش هالعملة الغبراء اللي مسويها اخوك ؟
فراس : قلتها عملة غبرا .. وعاملها اخوي مو انا .. وانا سويت اللي علي ووقفت المجلة
ابو نايف : هين هين حسابه عندي
فراس : بعد اذنك يابو نايف ... حساب اخوي عندي انا وتأكد اني بوقف المشكلة فياليت ماتتدخل
ابو نايف : شلون ما أتدخل ؟! هذا خاطب بنتي ورايح يصور علني كذا ...
فراس : بنتك تعتبر بنت عمي .. وقلت لك اني جالس احل المشكلة .. والمشكلة اللي احلها منتهية يعني مايحتاج تتدخل
ابو نايف بقهر : ماشي ماشي .. بس لو ما اشوفها انحلت بيكون موقفي ثاني .. " طوط .. طوط .. طوط "
سحب فراس جاكيته وطلع بسيارته ..وفتح جواله للمرة الثانية واتصل بجميع الشركات المتعاقدة مع بدر والغى العقد معهم .. ووقفت سيارته عند فندق اقامة لؤي .. نزل وجلس بالبهو ينتظره ..
بعد فترة دخل لؤي .. انتبه لفراس جالس لكن ما أعاره انتباه وكمل طريقة مشى فراس لعنده : لؤي !
لؤي : نعم
فراس : قهوة ؟.. احتاج اكلمك
لؤي تنهد : ماشي .. تفضل
جلسو بكافيه الفندق .. طال الصمت لكن بدا فراس المحادثة : زعلان للحين ؟
لؤي : وش رايك انت ؟
فراس : رايي انك غبي ..بدال ماتجلس تتكلم عن قد ايش تعزني قدام الناس ويجون يعاتبوني تعال بنفسك وعاتبني
لؤي عقد حواجبه : سارا ؟
فراس : قبل اسبوع
لؤي : ايه .. وش قالت ؟
فراس : مدري عنك .. وش قايلها انت ؟
لؤي : ماكان له داعي تجيك بنفسها
فراس : طلعت اقوى منك .. وجات مباشرة وانت جالس تفضفض قدامها ولا فكرت حتى تكلمني
لؤي بقهر : على بالك ماكلمتك ! كلمتك كثير بس انت ماتهتم .. انت حتى ماكلفت نفسك تتصل
فراس : مزعجني طول هالفترة انك تعرفني اكثر من نفسي .. واللحين تقولي ماكلفت نفسك تتصل ؟ مستحيل اتصل وانت عارف
لؤي : ليش ؟ لهالدرجة فخرك يمنعك ؟
فراس تنهد : لؤي انا مستحقر هالمشكلة من اساسها لأن سببها مايسوى .. لو السبب يسوى كان يمكن احاول اصلح الوضع مع ذلك هذا انا هنا وبقولك كلمتين وعقبها ماراح اتدخل باي شي عن هالسارا
لؤي : ..........
فراس : اذا انت معجب وبس تتسلى وقتها بكيفك وحقك .. بس اذا تحبها بجد وبخاطرك تكون شريكتك فلا تتوقع ولا 1% ان ابوك لما يشوفك حيعطيك مباركته ويقول مبروك .. وفهمك كفاية ومنت غبي اعلمك وش قصدي بالضبط او وش بيصير ؟
لؤي : انا احبها فراس .. ماني اتسلى
فراس : وبعدين ؟ بتحارب اهلك عشانها ؟ .. في نظري ماتسوى كل هالتضحية
لؤي تنهد : واهلي يسوون اضحي بها عشانهم ؟
فراس رفع حواجبه : 24 سنة ضد شهر ؟
لؤي : مايهم .. طول ال 24 سنة هذي ماحسيت فيها اللي حسيته بهالشهر
فراس : لا تصير شاعري بزيادة .. وصدقني هذا كله خرابيط و وهم لأنك اول مره تعرف الحريم والوهم مايدوم
لؤي : قلت جاي تصالحني ؟
فراس : ايه .. مو معناها اكذب عليك هذا اللي بيصير واللحين ولا بعدين لازم تتعامل مع الوضع وانا ممكن اوقف معك بكلش بس هذي قضية خاسرة .. والحق وقتها بيكون مع اهلك بنظري
لؤي بلع ريقة وهو يحس قلبه يقبضه وهو يسمع الحقيقة المرة :........
فراس تنهد : انا طالع اللحين .. بكرة ابي اشوفك بالمكتب ولمعلوماتك هذي آخر مره اجي اسحبك ترجع للشغل
لؤي : وسارا ؟
فراس : قلتها بنفسك .. ما اتوقع هي بنفسها تتمنى تشتغل هنا وانا ما اتمناها تشتغل عندي فاتركها بعيد عشان ما اضطر اشوفك تقدم ورقة استقالتك مرة ثانية عشانها
لؤي هز راسه : انا راجع .. بس لايجي ببالك اني اتخلى عنها انا للحين ابيها وقد ما أقدر بكون جمبها
فراس طالعه دون يتكلم ثم وقف وطلع برا الشركة .. دق جواله " بدر " رد وهو يركب السيارة : ايوه
بدر بانفعال : باي حق تلغي عقودي مع الشركات ؟!
فراس : حق ان اسمك الثلاثي نفس اسمي
بدر : لاااا ياشيخ من قرادة حظي والله ! يعني اول مرة اعرض ؟
فراس : الساعة 7 المغرب لو ماتكون بالرياض وتعتذر من عمي وبنته ..واذا ماسويتها وقتها بحجز طيارتي وبفسخ هالخطبة
بدر بسخرية : بيدك ؟
فراس : مثل ماخطبتها لك بفسخها .. والساعة 7 ! 7 ودقيقة انفسخت الخطبة
بدر : والحساب ليش مجمدة ان شاء الله ؟
فراس : قصدك المهر ؟ قلت اكيد ماعاد تحتاجه هالرخيصة اللي صورت معها يكفيها 50 الف بالكثير
بدر : انا لله .. صورة صورتين صارت خطبة !
فراس : ايه بدر .. بنت عمي هي اللي تستاهل هالمبلغ وهي ماعاد تبيك معناها محد غيرها يستاهل هالمبلغ
بدر : بنت عمك زعلانة بس مو ماتبيني .. وانا ماسويتها هبال ابي افهمها شلون تتبطر علي ؟
فراس بقرف : صدق انك بزر ! تثبت رجولتك بصورتين منحلة بحقك وحق اهلك ؟!
بدر : راح ارجع للسعودية واكلم عمي .. بس عقودي وحسابي يرجعون
فراس : حسابك ايه عقودك تحلم
سكر السماعة دون يسمع رده .. وهو يحس يقهر من لؤي لبدر ولا واحد فيهم عنده حسن تصرف ! تنهد لما شاف جواله يدق امه .. اكيد منقهرة من بدر من صحى هو نفسه وهو بمشاكل بدر ..
***
صالة أبو نايف .. ام نايف بقهر : شنو يعني ؟!
ابو نايف : خلااااااااص ياحرمة ! قلت لك كلمت اخوه وقالي بيتصرف
ام نايف : وشنو يعني بيتصرف وش بيسوي ؟
ابو نايف : انا عطيته اليوم فرصة .. اذا تصرف ولا سويت اللي علي وبنتي مو محتاجته ولا اشكاله
ام نايف : بعد عمري من رجعت للجامعة وهي بغرفتها لا طلعت ولا شفتها
ابو نايف : والله انا مدري وين احط عقلي .. بمشكلة نايف ولا بدر ! نايف هالزفت اللي من رجعت من جدة لي اسبوع ماشفته
ام نايف : كلمته يقول ماله داعي تشوفوني
ابو نايف : والله انا مابي اضطر اسحبه لهنا سحب !
ام نايف : طول بالك .. اتركه علي اليوم وبيكون موجود عندك عشاء
ابو نايف : حكي فاضي ! بلا تتعذرين له وماعندك ماعند جدتي
***
جـدة /
انتشر خبر خطبة ابتسام من ولد آلشمري .. رغم انه محد صدق الا بعد ماتكلمت جدة امل بحقيقة كلش وبعد ماشافو المهر اللي كان صدمة للكل .. حتى ان ابتسام ما أستوعبته للحين 350 الف ؟!! ... ام نايف ماكان بنيتها كل هالمبلغ لكن صممت عليه بعد ماعرفت حال البنت .. فقيرة ويتيمة لا أبو ولا أم ..هيثم ماكان مستغرب اذا هدية شكر على خدمة 30 الف .. اكيد المهر بيكون كذا ..
غادة نزلت لتحت اول مانزلت شافت عمها جالس : غادة !
غادة ارتعبت : سم عمي
ابو احمد : معناها الخبر صح ؟!
غادة ابتسمت بانتصار : مو قلت لكم من أول ؟
ابو احمد : ايه قلتي ..وانا رايحين اللحين لأختك نوقف هالمهزلة
غادة فتحت عيونها : شنو توقفون ؟
ابو احمد : اختك ماتستاهل تنخطب لهالنسب .. بتفشلنا !! اذا شرطه جداوية ومالقى غيرها حنا مستعدين ندله على جداويات غيرها , او تدفع ديون أبوها بهالمهر
غادة : مو على اساس لما خطبتوني خلاص نسيتو الشقق ؟
ابو احمد : طلعتي ماتسوين نترك الشقق عشانك !! واللحين حنا رايحين
غادة صرخت فيهم : حرام عليكم .. حرام عليكم !! اتركوها بحالها خلاص
ابو احمد : اطبقي ولا كلمة لايرجع الكف يوقع على خدك !
سكتت غادة بقهر .. وهو صعد اول ماصعد صعدت لغرفتها ودقت على هيثم : هلا
غادة : هيثم انت وين ؟ بالبيت ؟
هيثم : شفيك ؟ لا مو بالبيت
غادة : تكفى رح للبيت .. عماني رايحين اللحين لابتسام ناوين يحاسبونها على الشقق ويبطلون خطبتها
هيثم : مو بكيفهم !
غادة : ولو .. ابتسام ماراح تعرف تتصرف روح انت
هيثم : عندي عملية مقدر !
غادة : هيثم تكفى .. شنو عملية هذي اختك من لها غيرك ؟
هيثم : خلاص غادة سكري انا بتصرف
سكرت غادة السماعة وهي تحس بقهر .. تكره عمانها بكلش لازم يدخلون نفسهم !! اصلن ماعمرهم تركوا رزق احد بحاله واللحين 350 الف قوية لازم ياكلونها .. مسحت على بطنها الي وضح بروزه وهي تحس انه بيتعذب بهالمجتمع
***
بيت أبو هيثم :-
كانت ابتسام للحين مو عارفة شتسوي ..؟ المبلغ كبير لدرجة تحس بضياع .. كيف تصرف 350 الف ! لازم تلقى حل ولا ماراح تعرف تسوي شي ..انطرق الجرس قامت بسرعة : مييين ؟
ابو مرزوق : افتحي يالردية
ابتسام وصل قلبها لحلقها .. وش جايب عمانها لكن فتحت بثقة دخلو باندفاع همجي ابو احمد وابو مرزوق : هلا والله بالعروسة
ابتسام : حياكم تفضلوا
ابو مرزوق : ايه نتفضل ليش لا .. حياك يابو احمد
دخلو البيت ولحقتهم ابتسام وهي تدعي ان الله يجيرها من اللي ناوين يسوونه اكيد ؟!
ابو مرزوق : اجلسي ليش واقفة
ابتسام : ايش تشربون ؟
ابو مرزوق : لا موجبه ماشاء الله عليك .. مانبي شي انثبري
جلست ابتسام .. ونطق ابو مرزوق : انا جاي اقولك ان مرزوق ولدي يبيك .. وبما انك بهالبيت لحالك وفراغ فتزوجي احسن وشوفي حياتك
استغربت ابتسام معقولة مايعرفون يعني : ليش عمي انت ماسمعت ؟
ابو احمد : سمعنا شنو ؟
ابتسام رمشت بعيونها .. واضح يتغابون : انا انخطبت قبل اسبوع ووافقت
ابو مرزوق : ايه سمعنا .. بس ماراح توافقين واللحين تكنسل هالخطبة الا بشروط
ابتسام : الله يهديك ياعمي شروط شنو ؟ الخطبة مالها علاقة فيكم
ابو احمد : استحي على وجهك ! حنا عمانك .. قال مالها علاقة فينا
ابتسام بصبر : وشنو الشروط ؟
ابو مرزوق : ادفعي ديون ابوك اللي ساكتين عنها .. حنا ساكتين لانا نعرف العيشة ضيقة عندكم بس دامك صدق مخطوبة لآلشمري ماتوقع يعوقك
ابتسام : ديون شنو ؟
ابو احمد : العمارتين اللي فوق !!
ابتسام : ايه بس انت تخليت عنها وبحياة ابوي .. وقدام الكل
ابو مرزوق : كلام فاضي ! حنا ماتخلينا عن شي .. واللحين بما انكم تاخرتو نبي حقها دبل
ابتسام بدت تفكر تعطيهم بجد وتخلص .. اصلن المهر واجد ولا راح تعرف تتصرف به ..
ابو احمد : شنو ساكته ليش ؟!
سمعو صوت الباب ينفتح .. دخل هيثم وهو يحس انه تاخر لما شافهم جالسين لكن ابتسم : ما شاء الله .. عماني موجودين
ابتسام نزلت راسها .. بينما رد ابو مرزوق : ايه موجودين .. جينا نسلم على ابتسام ونسولف معها
هيثم تربع جمب ابتسام : ما شاء الله .. طيب ليش ماضيفتيهم ابتسام ؟ وين القهوة
ابتسام : قايمة اصلحها
قامت ابتسام .. هيثم : ايه ووين وصلتو بالسوالف ؟
ابو مرزوق : وصلنا لديون ابوك !
هيثم : قصدك العمارتين ؟
ابو احمد : ايه ! حنا نبي حقها دبل لانكم تاخرتوا
هيثم : لا دبل ولا غيره .. العمارتين برجع اسجلها باسمكم ومعناها الدين وفيناه ومالك عندنا شي
ابو مرزوق : بتتخلى عنها ؟
هيثم : ايه .. مو هي حقكم ؟ خلاص ترجع لكم ونوقف هالمهزلة كل يوم والثاني على هالعماير ماتسوى علينا ( قال بسخرية ) حنا اهل
ابو احمد : ووش هالخطبة اللي نسمع بها ؟
هيثم : ولد حلال خطبها وحنا وافقنا .. اعتراض ؟
ابو مرزوق : ايه ! انا متفق مع ابوك ان ابتسام لمرزوق
هيثم : عندك اوراق تثبت هالشي ؟
ابو مرزوق : لا .. بس الوعد وعد
هيثم : معناها كلام فاضي وماينحكى فيه .. ولو صدق كان قالي ابوي لكن مابينك وبين ابوي هالوعد
ابو احمد : عيب ياهيثم ! تكذب عمك ؟؟
هيثم : افهمها اللي تفهمها , بس انا ناوي اسكر على كلش اليوم .. مجرد ماتتزوج ابتسام العمارتين بترجع لكم واذا تبون هالبيت بعد مايغلى عليكم فداكم .. ومابينكم وبين ابوي غير هالعماير
ابو مرزوق : والخطبة ؟
هيثم : حنا مو موافقين على ولدك .. الزواج غصب ؟ اساسا بأي حق تفكرون بابتسام كزوجة ثانية .؟
ابو احمد : مافرقت .. ثانية اولى كلها سوا دامها بيعدل
هيثم : دامك تشوفها كذا زوجه وحده من بناتك .. اختي ماتجي ثانية
ابو احمد : استح على وجهك تحكي عن بنات عمك كذا !
هيثم : ليش ؟ مافرقت دامه بيعدل .. الله يرزقه عائلة متفهمه زيك تزوجه ... شي ثاني قبل تطلعون ؟
ابو مرزوق : تطردنا ؟!
هيثم : لا بس انا عندي دوام وبطلع .. وباخذ ابتسام معي السوق , الا اذا تبون تجلسون هنا فاهل بيت ماعندنا مشكلة
ابو احمد : قوم يابو مرزوق .. اصلن حق ولدك اكبر من كذا ! والعمارتين ترجع باسمنا باقرب وقت
هيثم : ولا يهمك .. الليلة تحصلها باسمك
طلعو لبرا .. رجعت ابتسام : وين عماني ؟
هيثم : طلعوا ..
ابتسام : غريبه جاي بهالوقت.. فيه شي ؟
هيثم : لا برجع اللحين عندي شغل .. بس كلمتني غادة وقلت عماني جايينك قلت اجي لان بيني وبينهم كم موضوع ابي اخلصه
ابتسام : وتفاهمتو على كلش ؟
هيثم ابتسم : كلش .. وانتي تجهزتي ترا مو كثير كلها شهرين
ابتسام : يوه هيثم لاتلعوزني .. وربي المهر كثير مو عارفة شاسوي ..
هيثم : سوي بها اللي تتمنين .. هذي فلوسك حتى لو تخزنينها مو ضروري تصرفينها كلها
ابتسام تنهدت : وغادة ابيها تروح معاي السوق .. بس كل يوم تسحب او تأجل
هيثم : تحصلي الكرشة مثقله عليها .. حتى ماعاد صرنا نشوفها
ابتسام : ههههههههه الله يعينها
هيثم : يله انا طالع .. انتبهي لنفسك
ابتسام : ان شاء الله
هيثم : ايه على فكرة .. ابو نايف كلمني اليوم ويقولون قبل موعد الزواج باسبوع لازم نجي الرياض
ابتسام فزت : ليش ؟
هيثم : يقول عشان الملكة والعزايم وما أدري ايش
ابتسام بلعت ريقها .. متعودة على زواجات عائلتهم مافيه غير حفلة العرس بس شكلهم غير عندهم اكبر من مناسبة اول ماطلع دقت على غادة لكن مافيه رد تاففت .. وتواصلت مع أمل عشان يطلعون سوا للسوق ..
***
بيت أبو احمد – غرفة غادة وأحمد اللي كان منسدح وغادة جالسه فوق راسه /
غادة بقهر : لمتى يعني .؟ كل يوم لا لا .. اختي تحتاج تتجهز وابي اساعدها
احمد : وانتي كل يوم تطلبين نفس الطلب ماتتعبين !! قلنا لا خلاص افهمي .. بقرة
غادة : شلون يعني ؟ للابد ما اطلع معاها
احمد : ايه ايه .. للأبد واسكتي وانثبري قبل احرمك تحضرين عرسها بعد
غادة : ليش طيب ؟ ابي سبب !!
احمد : لأن زواجها ما أعجبني .. تدري ان ولد عمها يبيها وتروح تركض تتزوج ثاني
غادة فتحت عيونها : عشان هالسبب ؟ متخلف صدق
احمد سحب شعرها بيده : مين المتخلف ؟
غادة : اااااحمد !! شعري !!
احمد : بأكسر لك هالراس لو تلفظين علي مره ثانية .. ( نفخ ) سامعة ؟
غادة بقهر : هذي اختي احمد .. وخلاص بتروح الرياض بتعيش هناك يعني ماعاد اشوفها ابي اقل شي اساعدها بهالفترة
احمد : افففففففففف .. انا كرهت هالغرفة ما أجي هنا الا اتنكد
غادة : ايه احسن .. لاني متنكدة , ترفض عشان سبب سخيف ماله داعي
احمد مسك راسه وهو منسدح : انااا للله .. غادة انقلعي برا اتركيني انام
غادة : مابي اطلع !
احمد : اجل اسكتي وابلعي لسانك ترا وصلت معي
غادة : وانا كمان وصلت معي .. كلش لا لا لا .. على بالك انت الوحيد اللي تتنكد هنا ؟ انا متنكدة من كلش منك ومن اهلك
احمد نفخ باعلى صوته : غاااااااااااادة ! انتي حامل احترمي اللي في بطنك مابي اجرم فيك
غادة سكتت بقهر .. وهي تحس بغميصة خصوصا وهي تشوف ابتسام تدق ماتقدر ترد عليها وش تقول ؟! سحبت وسادتها وانسدحت على الكنبة وهي تبكي بصمت .. كرهت احمد بهاللحظة اكثر من أي لحظة حتى لما ضربها ماكرهته كذا ..
***
الريـاض – الساعة 6 ونص مساءا /
وصل بدر اراضي السعودية .. دق على نايف : الو
نايف : هلااا والله
بدر : ما شاء الله مروق .. وينك ؟
نايف : هههههههههههه مع الشباب .. وانت شخبارك بعد العرض ؟
بدر : تبن .. تعال ابغاك تروح معاي بيتكم
نايف : لا مقدر اعذرني .. مقاطع البيت هالفترة
بدر : مو بكيفك .. تجي اللحين وتروح معي يكفي بروح وانا مالي خلق
نايف : وش تبي ببيتنا ؟
بدر تنهد : بعد تفكير .. حركتي مالها داعي وفيها اهانة لابوك فرايح اعتذر
نايف : لا اهانة ولا شي خذها مني وتعال معنا الجو يعجببك !
بدر : لا نايف .. انا بالمطار تعال خذني ونروح لبيتكم واخلص علي ترا مالي خلقك
نايف : اففففففف زين .. عشانك بس والله
بدر : يسلم شانك حبيبي
بيت أبــو نايف /
صحت ميهاف من النوم .. وهي تحس نومتها مزعجة خصوصا انها نايمة بلبس الدوام انتبهت لباب الغرفة ينفتح ويدخل كائن صغير ابتسمت : هلا فهودي
جلس فهد بحضنها : انتي نمتي واجد اليوم
ميهاف : ايه حبيبي عشان انا تعبانة
فهد بحزن : وث فيك ؟
ميهاف : راسي يوجعني
فهد طبع بوسة بريئة على جبينها : راح خلاث
ضمته ميهاف بقوة : فديييييييييتك حياتي انت كلها .. يله انتظر برا عشان البس وننزل سوا
فهد : حلاوة أول
ميهاف : ههههههههه والله حاسه انك جاي عشان الحلاوة مو عشان سواد عيوني
فهد ضحك بشقاوة وميهاف سحبت شنطتها وطلعت حلاوته واخذ حلاوته ونزل مبسوط .. تنهدت ميهاف وبدلت لبسها ونزلت ابتسمت لامها
ام نايف : شخبارك حبيبتي ؟
ميهاف : بخير يمه وش بيكون فيني يعني ؟
ام نايف : عقب سوات قليل الأدب
ميهاف تنهدت ... انفتح الباب ودخل نايف وقفت ام نايف : نايف !!
نايف : لا لؤي ...
ام نايف مشت لعنده : وينك ؟ بدري تو تجي
نايف : مو وقته يمه اللحين بدر برا مع أبوي ويتفاهمون على سالفة مدري وشهي
ام نايف : وكيف بتدري وانت مو مع العالم ؟ هاه ؟
نايف هز كتوفه بعدم اهتمام : مو ضروري ادري ( ابتسم وهو يشوف فهد ) هلاا والله بفهودي حبيبي .. تعال يابطل اشتقت لك
ميهاف : فهودي لاتروح له !
نايف : فهودي ماعليك منها تعال عشان ارفعك للسماء
وقف فهد مسكين يطالع كل واحد ومو عارف شيسوي ...
ميهاف غمزت له : فهودي وش قلت لك امس ؟
فهد تنازل عن نايف وراح لجهة ميهاف .. مدت ميهاف لسانها : يله مناك
نايف : افاا افاا فهودي كذا تسوي فيني ؟ ماشي ماشي ماعاد اجيب يزيد
فهد مسكين انغمص : لااااااا لاا
أم نايف : وليش جالس عندنا ؟ اطلع شوف وش صاير عند بدر وابوك
نايف : مدري حسيت الجو مشاكل فانسحبت .. تروح ميهاف
ميهاف طالعته بنص عين ... ام نايف : اجل تعال اجلس نتفاهم على عرسك
نايف بتملص : والله كأني بطلع لأبوي وبدر .. واحشني ابوي لي اسبوع ماشفته
طلع وام نايف ضربت كفينها : اذن من طين واذن من عجين
ميهاف : روقي حالك مامي .. دام عند ابوي بيدخل معه وتتفاهمين معاه
عند المجلس الخارجي /
ابو نايف : متأكد كل المجلات وقفت ؟
بدر : ايه متأكد .. والعذر والسموحة ماتوقعت انه بتضايقك ولا ماكنت بسويها
ابو نايف تنهد : يابدر احسب حساب لافعالك .. غلط اللي صار ومحد يرضاه
بدر ابتسم : ان شاء الله ولا يهمك .. وانت قول بس وش يرضيك وانا حاضر
ابو نايف : انا رضاي في اني اشوفك مبسوط مع بنتي .. واذا بتسمع شوري حط زواجك مع نايف
بدر : لا عمي ياليت تسامحني في هذا .. انا مابي زواجي مع أحد
ابو نايف : وهذا احد .. هذا نايف حسبة اخوك
بدر : حتى لو ... انا متفق مع ميهاف والوالدة ان الزواج مو اللحين خلها على التساهيل
ابو نايف : اللي يريحك .. وانتي تدين لها بإعتذار ترا
بدر ابتسم : وانا حاضر
ابو نايف مسك جواله ودق : الو ميهاف ابوي تعالي ابيك بالمجلس .... ايه ... الله يرضى عليك يابوك تعالي ..... هاو شفيك انهبلتي .؟ ....... يله لاتطولين !
بدر ابتسم بسخرية وهو يسمع المكالمة .. ماتبي تجي يعني : عمي اذا ماتبي تجي اللحين اتركها براحتها بعدين ان شاء الله
ابو نايف : لا ! المشكلة اذا تركت كبرت , خلاص هي زعلانة شوي بس بتجي
بدر : معليش عمي تتركنا لحالنا ؟ ههههه يعني ماراح اقدر اكلمها قدامك والله
ابو نايف : هههههههههههه تستحي يالشيطان ؟ اللي يستحي مايصور هالصور
بدر : افا ياعمي هجل الحريم سوا ؟ وحده عن وحده تفرق
ابو نايف : اقنعتني
انطق الباب : تفضلي يابوك
ميهاف بحدة : وانا عند الباب ! مابي ادخل
تنهد ابو نايف وطلع وتكلم معها .. عقبها دخلت كانت عبايتها مع مكياج الجامعة الناعم البسيط ..وعلى راسها طرحة محطوطة بإهمال .. كانت هذي ثاني مرةيشوفها ابتسم بدر بشوق! اخيراشافها .. يعني لازم يسوي كل هالحوسة عشان تتكرم تشوفه كانت مكشرة وجلست على المركى ورجل على رجل وعيونها تطالع الجدار ماطالعته ..
بدر تنحنح : اححم .. وعليكم السلام
ميهاف طالعته بطرف عيونها دون ترد
بدر ابتسم : اوف ساكته ؟ وين لسانك اللي اطول منك
ميهاف تنهدت بملل : ........
بدر : زعلانة يعني تو ادري انك تهتمين ؟
ميهاف ابتسمت بسخرية : لايكون على بالك زعلانة عشان غيرانة عليك ؟ انا زعلانة عشان صورتي يا استاذ اسمي صار مربوط باسمك وتعتبر اهانة ان خطيبي مصور مع بنات
بدر رفع حواجبه : اها .. يعني مو ضروري اعتذر
ميهاف : انت وضميرك عاد
بدر : اولا ممكن تطالعيني انا اللي اكلمك مو الجدار
ميهاف تنهدت وطالعته : نعم ؟
بدر بعيون ونبره صادقة : انا اسف ميهاف .. اسف على الصور وآسف على يوم خطوبتنا وعلى أي حركة غيرها ضايقتك
ميهاف اهتز مظهرها البارد وهي تشوفه نزلت راسها : احتاج رد اعتبار
بدر : رد اعتبار ؟
ميهاف : ايوه مثل ما أهنتني علني احتاج رد اعتبار علني
بدر ابتسم : بس ؟
ميهاف : سو هذا وبعدها بشوف
بدر : من عيوني .. كرمال شوفتك اليوم
ميهاف وقفت : انا داخله .. انادي لك ابوي او نايف ؟
بدر : لا مافيه داعي انا طالع الا اذا ناوية تجلسي شوي كمان ؟
ميهاف وهي طالعه : معناها في امان الله
دخلت ميهاف البيت وهي تسمع صوت نايف : شنو شنو ؟ وش هالنكته البايخة ؟
ام نايف : وش النكته بالموضوع
نايف : تحددون موعد زواجي انا دون ترجعون لي ؟! مستخفين عقولكم ولا تستخفون بعقلي ؟
ام نايف : وش اللي ما اعجبك بالموعد ؟
نايف : شهرين .. اسف قصدي شهر وثلاث اسابيع ! وقولو مع الحفلات باقي شهر على زواجي
ابو نايف بسخرية : ايه وبيشرفنا حضورك
ميهاف جلست : وانت وش مضايقك بالموعد ؟ فيه شي معين تبغاه
نايف : ايه ! ابي اشياء واجد
ام نايف : اللي هي ؟
نايف : مابي اتزوج بالرياض .. بتزوج في ازدلفة ايطاليا
ابو نايف فتح عيونه : نعم !
نايف : شنو مو زواجي ؟ مايحق لي يعني ؟
ابو نايف : من بيحضر من جماعتنا زواجك وهو بايطاليا
نايف : بالضبط ! من يبي جماعتكم اصلن فكه منهم ! ابغاه بايطاليا وعلى 3 ايام
ميهاف : هههههههه والله مقتصد نايف .. ازدلفة ماتبي قصر ولا شي ؟
نايف : اييه مابي قصر ابي في الشوارع وامشي من راس الشارع للميناء معها ونسافر مباشرة
ام نايف مسكت راسها : تستهبل انت ؟ تستهبل ؟
نايف بجدية : لا ما أستهبل .. زواج تقليدي مابي قد جربته وما أعجبني .. اجلس طول الليل مع رجاجيل جالس اشوفهم طول عمري ثم اذا دخلت انكتم بجو الحريم كلهن سود ما اشوف منهم شي .. عزا هو ؟
ميهاف مسكت ضحكتها .. لان نايف يتكلم من جده !!
اما ابو نايف : والله اعجبك حياك وبتنور .. ما أعجبك رح اعرس بايطاليا لحالك
نايف : ماعندي مشكلة بروح اعرس لحالي .. فكه والله
ام نايف : هالحكي مايودي ولا يجيب .. لا تزوجتو سافرو ايطاليا وامش معها للميناء وللي تبي !
نايف : بزر انا تسكتوني كذا ؟ ... الا وش مواصفاتها يمكن ماتناسبني ؟
ام نايف مسكت راسها .. هالاسبوع كله مختفي ويوم قرر يحضر جاب العيد !
ام نايف : وش مواصفاتك وانا اقولك اذا هي متوفرة فيها او لا ؟
نايف : ابيها طويلة مابيها قصيرة اكره القصيرات
ام نايف : لا تخاف طويلة
نايف ( الله ياخذك يارب ليش انخلقتي طويلة ؟ ) : طويلة قد ايش ؟ ابيها طويلة بجد لو اقصر من كتوفي بطلقها
ام نايف : اطول من كتوفك ! طويلة بتوصل لذقنك وازود بعد
نايف : مابيها بيضاء .. ابي سمراء
ام نايف : ماهي بيضاء !
نايف بتشديد : سمممراا يعني عبدة كويحه !
ابو نايف بحدة : بسس !!! والله انعطيت وجه بزيادة .. امك ماختارتها لك الا زينه وتناسبك
نايف : شنو ! من حقي اعرف من بعيش معه ولا حرام ؟
ابو نايف : اعرف لا بارك الله فيك مو تشرط
نايف : من آل ايش ؟
ام نايف : مو معروفين .. مافيه احد معروف يبغاك
نايف : ليش ان شاء الله طايح من عينكم ؟
ام نايف : هذي نهى بنت معروفين وما ناسبتك انت بتتزوجها هي ولا اهلها
نايف كشر : وش اسمها ؟
ام نايف : ابتسام
نايف فتح عيونه : شنو ؟! صادقه ؟
ام نايف : شفيك ! ايه ابتسام اسمها
نايف : ما اعجبني .. وش ذالاسم اللحجي
ام نايف : ها وش تبيها يعني ؟
نايف : اسم مو ابتسام باختصار
ابو نايف وصلت معه : لا تزوجتها غير اسمها !! بس حاليا لا تكثر حكي لانك بتتزوجها وانت ماتدل الدرب بعد !
نايف وقف صاعد لفوق وهو يتحلطم : وعع ابتسام .. وش ذالاسم خلصت الاسامي الله يلعنك
هزت ميهاف راسها : هههههههههههه الوضع ماساه
طالعها ابو نايف وام نايف بحدة : وش يضحك ؟
ميهاف : اححم .. ولا شي سلامتكم ... بس بجد يمه حلوه ؟
ام نايف طقت على صدرها : حلوة وبس .. يا حسافتها في هالاثول
ميهاف : قد ايش يعني ؟
ام نايف : احلى منك
ميهاف فتحت عيونها : شنو يمه جحدتيني مره وحدة !
ام نايف : والله اقولك الجد .. بتجي مثلك او احلى بس ماهي اقل منك ما شاء الله مكملة على انها واضح ماتهتم بنفسها الا انها تفتح النفس
ميهاف : ما شاء الله تحمست اشوفها !
ام نايف : ايه رقمها معي .. ابس اتواصل معها ابي أأكد عليها الشهر الجاي مباشرة تجي الرياض تكمل تجهيزها هنا وابي اهلها يحضرون عزايمنا
ابو نايف : اشغلني ذالولد .. وينه بدر طلع هجل ؟
ميهاف : ايه يبه طلع
ام نايف : وعسى خاطرك طيب ؟
ميهاف : هههههههه قلت لك من اول خاطري طيب ... يله انا صاعدة انام تصبحون على خير
: وانتي من أهــله
***
الكـويت – الساعة 7 مساء /
كان لؤي مستلقي على الأريكة وبيده جواله .. وللحين يفكر بآخر مره قابلها شكلها تضايقت من جد واضح حتى لو ماقالت .. مسك جواله وارسل ( شقاعدة تسوين ؟ )
مافيه رد .. حط جواله على الطاولة باستسلام وانسدح وغطا عيونه بذراعه ونام وللحين صورتها بذهنه وكلام فراس يتردد .. مو غبي هو يعرف ان كلام فراس صح , بس صعب يقبله شكل الأمل الوحيد له انه ماعاد يتواصلون ولا يتعلق اكثر من كذا دام مافيه مشاعر متولده بينهم للحين قطع تفكيره رسالتها ( ولا شي .. قدرت تاخذ ملفي ؟ )
مسك لؤي ملفها اللي اخذه من فراس ( ايوه .. انتي فين ؟ )
سارا ( انا برا البيت بس تقدر توصله لعند الحارس ووقت ارجع باخذه منك )
عقد لؤي حواجبه ( طيب فين انتي بوصله لك مباشرة وبس )
سارا بعد فترة ماردت ( انا ببيت وحده صديقتي عندها حفلة .. يمكن صعبة تجي فاتركه هناك وبس )
لؤي باصرار ( لا .. ملفك هذا تعبك شي مهم ماينرمى باي مكان ارسلي لي خريطة موقع المكان وانا جاي )
سارا ارسلت له الموقع .. قام لؤي من الكنبة بحماس وطلع لحد ماوصل للموقع كان بيت متواضع وواضح عليه جو الحفلة من الاصوات بعد فترة طلعت له وكانت لابسه فستان نص الفخذ ابيض مع جاكيت جلد مع بوت قصير للكعب /
لؤي وهو يصفر باعجاب .. انحرجت سارا : معليش كلفت عليك بهالمشوار !
لؤي ابتسم : عادي تعبك راحة
سارا ويدها مغروسه بشعرها بارتباك : الملف ؟
لؤي : الملف على طول .. مافيه اخبارك لؤي ؟
سارا وهي مو على بعضها : ينتظروني داخل فمستعجلة شوي
لؤي عقد حواجبه : شنو اجتماع هو ؟ حفلة عادي .. فيك شي انتي , متضايقة ؟
سارا : كيفك ؟
لؤي فجأة تذكر لما قاله فراس انها قابلته : صح صح تعالي .. انتي ايش قايله لفراس ؟
انقرصت سارا وهي تتذكر مقابلتها معاه : شنو ؟
لؤي : انا اللي اقول شنو ؟ انتي شقايله لفراس ؟
سارا : بس تقابلنا صدفة بالطريق وماصار كلام مهم حتى
لؤي عقد حواجبه : شنو هندي انا تكذبين علي ؟
ساره شدت على قبضتها : معليش لؤي الجو بارد برا وانا مستعجلة فياليت آخذ ملفي بسرعة
لؤي : ايه ماتنلامين برد من هالقصير اللي لابسته !
سارا بحدة : لؤي رجاء ! واضح هالعلاقة صارت تتعدى الحدود وهالشي يضايقني فياليت اخذ ملفي وماعاد تتدخل باي شي انا اسويه !!
لؤي تفاجئ من اندفاعها .. سلمها الملف دون يتكلم ..
في داخل الحفلة .. كان وحدة من صديقاتها وواحد من الحضور عند النافذة يطالعون : معقولة سارا عندها حبيب ؟
: ما قد سمعت .. هذا حبيبها اجل ؟
: شكل الأجواء عندهم مو تمام .... حرام عليها تتهاوش مع هالمزة
دخلت سارا البيت واندفعت لفوق للسطح ماتركت لاحد فرصة يكلمها وهي شادة على ملفها بكل قوتها .. تسندت على جدار السطح وهي تطالع المكان من فوق وتتذكر مقابلتها مع فراس (
سارا : اهلين
فراس ظل يطالعها وهو شاد على قبضته ويعد داخله للعشرة ... سارا تنهدت : معليش اتكلم معك بحاجة وعقبها ماراح اطلع بوجهك
فراس فتح باب سيارته : اتوقع انك لعنه بحياتي مستحيل اتخلص منها .. فماعاد اتمنى هالامنية
نزلت سارا راسها وهي تشوفه راكب سيارته .. فتح شباكه : شنو ماعندك شي تقولينه ؟
سارا : هنا ؟!
فراس مد يده وفتح الباب .. فهمت سارا وركبت سأل مباشرة : اختصري
سارا : بالنسبة للؤي .. سمعت انه استقال ؟
فراس وعيونه بالطريق : بركاتك
سارا : آسفة اذا كان صار بسبتي .. بس صدقني لؤي يعزك امس قابلته واكتشفت انه يعزك فوق ماتصورت فلو تكلمه بس متأكدة انه بيرجع
فراس : جايه كل هالطريق عشان تقولي انه يعزني ؟
سارا : مو عشانك .. عشانه
فراس : بما انك نصحتي اجل اتركيني اقولك هالنصيحة عشانك وعشانه لو ايش ماكان بينك وبين لؤي .. بالنهاية أبوه ماراح يوافق ولا مجتمعه راح يوافق على هالعلاقة فانسحبي من حياته احسن لك واحسن له
سارا بهم : لؤي مايشوفني بهالطريقة اللي انت مفكرها
فراس : لؤي يشوفك بهالطريقة وهذا المزعج في الموضوع
سارا سكتت بهم .. الموضوع نفسه يتكرر هذا هي تعيش قصة امها من جديد ؟ لا ماراح تتمادى لتوصل لهالحالة .. انتبهت للسيارة توقف قدام شقتها .. نزلت بصمت وصعدت لفوق وهي تحس بكرب رايحة تقابله عشان تحل ازمة لؤي خلقت لنفسها ازمة ثانية ..
***
جـدة /
ابتسام تتمشى بالسوق والسماعة باذنها : غادة زاد الموضوع عن حده .. ليش حتى اليوم ماتقدري ؟
غادة ببرود : تعبانة ..
ابتسام : بسم الله عليك .. اخذتي دوا ؟
غادة : ايه ..
ابتسام : طيب انا جايه ازورك لاخلصت السوق
غادة : مايحتاج .. بنام اللحين ومابي اصحى ..
ابتسام : غادة صاير شي .. ترا مو غشيمة انا !!
غادة تو بتتكلم شهقت ابتسام .. : شنو شفيك ؟
ابتسام : استني غادة .. في مكالمة الانتظار رقم أم نايف
غادة : اما !!! ردي ردي بسرعة
ابتسام : وش ارد اقول ؟!
غادة : حلوة هذي .. ردي قولي الو تكلمي شي ..
ابتسام بتوتر : زين زين
سكرت ابتسام وتحنحنت تعدل صوتها ثم ردت : هلا
ام نايف بصوت واضح فيه الفرح : هلا وغلا .. كيفك حبيبتي ؟
ابتسام : حمد الله تمام .. انتي كيفك وكيف الأهل ؟
ام نايف : كلهم تمام ويسلمون عليك .. ومير على طاري الأهل هذي بنتي ميهاف هنا تبي تكلمك
ابتسام اكتشتف انها فعلا ماتعرف شي عن عائلتهم كم بنت كم ولد .. حتى هذي ميهاف ماتعرف وش وضعها لكن قالت بلباقة : هلا فيها والله
جا صوت ميهاف : السلام
ابتسام : وعليكم السلام .. اهلن وسهلن
ميهاف : واخيراا سممعت صوتك ... عقبال ما أشوفك مع انه عقب سوالف امي من اللحين الله يحفظك بس
استحت ابتسام : هههههههههه .. امين قريب ان شاء الله
ميهاف : يله بعدين اسولف معك كويس اللحين ماما مستعجلة تكلمك
ابتسام : ان شاء الله
رجعت ام نايف للسماعة : ايه ياعمري .. وش مسوية كل امورك تمام ؟
ابتسام وهي تحس انها للحين ضايعة بالتجهيزات : ايوه ان شاء الله
ام نايف : المهم بغيت اعطيك خبر انه بعد ثلاث اسابيع ابيك واهلك تكونون بالرياض .. عشان الحق على عزايم قبل العرس
ابتسام : معليش خالتي .. بس ايش عزايم قبل العرس بالضبط ؟ عشان اخذ احتياطي
ام نايف : والله ياحبيبتي عندك اول شي الملكة يجي الشيخ ويملكم فيها ثم فيه حفلة كبيرة بسويها المعرس على شرف العروسة وأهلها وهذي على حسب اختيار المعرس وش يبي طبيعة هالحفلة بس برد لك خبر ثم قبل الزواج بكم يوم ليلة الحنا ثم الزواج ... الزواجات عندكم بجدة مو كذا ؟
ابتسام انذهلت وش كل هذا : هههههههه لا خالتي وين ماعندنا الا ملكة وعرس وصلى الله وسلم
ام نايف : لا ياحبيبتي حنا غير وانتي صرتي منا .. معناها زواجك يجي بنفس طريقتنا اهم شي عندي تحسبين حسابك بعد ثلاث اسابيع ماشي ؟
ابتسام : ماشي ولا يهمك
ام نايف : يله لا أشغلك .. ولا جيتي وقتها عاد بنتفق على التفاصيل الباقية
ابتسام مافهمت وش قصدها بالتفاصيل بس خلاص ماعاد تقدر تسأل : ان شاء الله .. في امان الله
سكرت السماعة ودقت على غادة : غددو الحقيني !
غادة : شنو شصار ؟
ابتسام : لازم تجين معاي السوق اللحين .. ادري تعبانة بس معليش تحملي وربي بطيح من طولي
غادة : لا لا اصبري اكلم احمد واشوف وش يطلع معاي ؟
ابتسام : اعجججلي !!
سكرت غادة واتصلت على احمد : نعم !
غادة : فينك حياتي ؟
احمد استغرب انها تتدلع وبالقاب بعد .. اكيد وراها شي : برا البيت
غادة : إيوه عارفة انك برا البيت لأنه مظلم .. بس فين تحديدا ؟ مشغول يعني ؟
احمد : ايه مشغول ! قولي وش تبين ؟
غادة : حياتي واللي يعافيك ويسلمك .. بس هالمرة بروح للسوق مع ابتسام عشان خاطري انا واللي ببطني
احمد : مو قلت لك زواج اختك هذا مالنا دخل فيه !
غادة : إيوه قلت .. بس هذي اختي وانت تعرف وش معنى اخت , يعني انت ترضاها اختك تتزوج قدامك ولا تقدر تساعدها بشي ؟
أحمد : زين روحي ! بس مالي دخل ماراح اوديك ولا راح اعطيك فلوس
غادة : خلاص تمام .. شكرا قلبي
احمد سكر السماعة .. كشت غادة على السماعة : مالت شح بفلوسك وسيارتك !
لبست عبايتها واخذت شنطتها وطلعت .. ام احمد بالصالة برج مراقبة : وين وين وين وين ؟
غادة : استأذنت من أحمد .. وبطلع !
ام احمد : ولوين رايحة ؟
غادة : بروح السوق ابي كم غرض
ام احمد : تبين كم غرض ولا رايحة لاختك ؟!! ع بالك هنود قدامك تلعبين علينا
غادة : ابي كم غرض وابي اختي .. عموما احمد يدري اني بروح لاختي فماني مضطرة اخذ اذنك .. باي
طلعت بسرعة وهي لو بيدها ماعاد ترجع لهالبيت كلش يقطع العمر , وهي تحسب اسوأ بيت كان بيت اهلها اكتشفت ااسوأ بوقت ماعاد ينفعها الندم
ميهاف جالسة بالصالة مع امها : هههههههههه ماعرفت اسولف معها والله سحبتي السماعة على طول !
ام نايف : ايه وهي مو يمك اكيد تتجهز .. قلت اقولها الضروري وبس
ميهاف : ايه لاحقه بعدين اسولف معها لين اتعب .. إلا ماقلتي يمه وين بيسكنون ؟
ام نايف : ابي اخوك يروق شوي ويجلس عشان اكلمه .. هو يقرر اخاف اقرر عنه ويشب فيني زي آخر مرة
ميهاف : ايه بس اخاف تأخرون
ام نايف : لا بيمدي .. بأسوأ الاحوال مايحنامون بالشارع
دق جوال ميهاف حطت فنجال قهوتها ووقفت مستغربة ( بدر ) .. ماقد اتصل عليها قبل كذا ابد !!
ام نايف : شفيك وين رايحة ؟
ميهاف : شوي ماما بكلم وراجعة
طلعت وردت : الو
بدر: هلا والله ومرحبا
ميهاف : اهلين ..
بدر : كيفك ؟ شمسوية ؟
ميهاف ( معقولة داق يسولف بس ! والله قوة وجه بجد ) قالت باقتضاب : تمام !
بدر : المهم دقيت اقولك تفتحين النت .. او تشوفين لك جريدة *** او ****
ميهاف عقدت حواجبها : وليش ؟
بدر : اعتذارك العلني وصل .. ماتبينه ؟
ميهاف فتحت عيونها : اعتذار علني ؟! بالمجلة !!
بدر : اجل وش مفهومك لاعتذار علني ؟!
ميهاف : استنى استنى .. بسكر اللحين
سكرت السماعة وركضت لفوق وفتحت لابتوبها ولقت العنوان ( مقابلة حصرية مع بدر آلشمري يعلن فيها ارتباطه )
فتحت عيونها بصدمة .. وكملت قراية المقابلة بحماس ..
المذيعة : يا أهلا وسهلا باستاز بدر .. نورتنا
بدر : هلا فيك لورين
المذيعة : هيدي مقابلتك التانية بمجلتنا .. ماهيك ؟
بدر : امبلا .. هذي وقبلها بفبراير السنة اللي فاتت
المذيعة : وإن شاء الله مابتكون الأخيرة ..حابين نسأل تساؤلات كتيرة طرحت حول عرض ازياء الخريف هاي الشهر مع الفنانة اللبنانية سهى, يعني اللي صار سبب حيرة لكل الجمهور .. اصدر العدد بالمساء وبعدها بست ساعات وقف العدد تماما وحجب من جميع المواقع والاكتر غرابة انو جميع تعاقداتك مع شركات العروض الغيت .. ممكن تفسر لنا كيف هيك صار ؟
بدر : التعاقد هذا اجريته قبل شهرين مع الاستاذ عبد الرزاق جزاه الله خير .. وطرأت ظروف بهالشهرين فحاولت الغي التعاقد لكن ماكان ينفع لأني استلمت العربون بالفعل , فاضطريت اسويه .. لكن بعدها حصلت مشاكل كثير مع العائلة فاضطريت الغيها .. ومن هالمنبر انا أعلن ان عروض ازيائي سولو من اليوم ورايح واي عرض ثنائي ارفضه من اللحين
المذيعة : فيني اسأل شو هالظروف اللي طرأت فجأة ؟
بدر بمزح : هههههههههه صار فيه مدام تزعل علينا اذا لعبنا بذيلنا
المذيعة : بجد ؟! تجوزت ؟ ان شاء الله الف مبروك .. عتبنا عليك كبير ليش ما أعلنت الخبر لحتى يفرح لك كل جمهورك
بدر : هههههههه تبالغي كذا لورين .. لسى ماتزوجت خطبت لكن معناها اني سلمت ولائي لها ومثل ما قللت من احترامها علني بالمجلة انا اعتذر لها من هنا
المذيعة : ههههههههههه لكان بحئها تشحتك بالصرماية كمان
بدر : شو صرامية لورين ناوية تكبري المشكلة كمان ؟
المذيعة : بس بجد ألف مبروك .. وراح تستئبل تبريكات كتيرة الله يتمم إلكو على خير
بدر : آمين .. ان شاء الله
افلتت ميهاف المجلة من يدها وقلبها يدق برهابة .. مجنون .. كان قصدها بعلني قدام اهلهم او حاجة متواضعة ماتوقعت كل هذا .. ابتسمت وهي تعيد قراية المجلة .. دق جوالها برسالة " بدر " فتحتها بلهفة /
لو رجع عمري , برجع ابتديك .. يشهد الله أنك اجمل ماحصل
سماح ؟
كتبت وابتسامتها مرسومة على ثغرها /
غالبا الأمور المستفزة تكون بداية قصة جميلة " .
سماح <3 وشكرا
رد على طول /
قليل بحقك , اقدر ادق عليك ؟
ميهاف عضت على شفتها بارتباك ممزوج بفرحة /
ايوه تقدر
***
بعد شهر /
في جدة .. غادة صارت تروح كل يوم مع ابتسام وهذا مفرحها تطلع من البيت والنكد , وابتسام انبسطت لانها على عكسها غادة كانت سنعة بهالمواقف ضبطتها في كل شي ونضمت ميزانيتها وصارت جاهزة تقريبا .. وراحت معها للصالون وضبطت شعرها واشترت لها كريمات العناية .. بالنسبة لغادة كانت خبرة لهالامور من جلستها قدام التلفزيون على طول تراقب اهتماماتها من هالناحية .. واليوم لازم يمشون للرياض /
في بيت أبو احمد – غرفة احمد وغادة /
غادة جالسة تجهز شنطتها .. احمد كان منسدح على السرير تافف : اففففففف ضروري يعني تروحين مع أهلك !
غادة : لا لا كذا ماينفع حنا بينا وعد , ماتكون مسؤول عن تجهيزاتي وفستاني وتتركني اروح وهذا انت مادفعت حتى ريال وخلاص بروح مع اخوي واختي
احمد : وكم بتجلسين ؟
غادة : بطول .. لين يخلص زواجها , وانت متى بتجي ؟
احمد : ما أدري اكيد يوم العرس او قبله بيوم .. على حسب اهلي
هزت غادة كتوفها : ايه بكيفكم .. يله هذا هيثم يدق اكيد تحت انا رايحة
احمد دون نفس : الدرب اخضر
طلعت غادة وهي هالفترة احلى فتراتها تمارس احلى هواية بالنسبة لها " التسوق " وبنفس الوقت ماتشوف خشش بيت عمها اللي يسدون نفسها ركبت السيارة ورا وهيثم وابتسام قدام : يااااااي متحمسة .. اول مره بحياتي اطلع من جدة
ابتسام : ههههههههههههه حتى انا متوترة مدري كيف ؟
غادة : ماقالت لك متى الملكة ؟
ابتسام : تقول بعد اسبوع
غادة : وحجزتو فين ؟
ابتسام : مدري هيثم اللي حجز بفندق ما أعرف شاسمه .. هيثم قلت لسارا تحضر
هيثم : ايه .. تقول بحاول احضر الزواج
ابتسام : وقبله ؟!
هيثم : ماتقدر
غادة : يله هي الخسرانة .. بيفوتها كل الوناسة
***
بيت أبو فراس /
اسماء : انسسسسس وتبن وزفت
ام فراس مسكت راسها : وصجج وصجج !!
اسماء كانت نازلة من الدرج بشرها : وينه ؟!
ام فراس : مدري .. وش هالهبال شعندك ؟
اسماء انتبهت لراسه من ورا الكنبة : اطلع يالدجاجة !! هين هين انا اوريك
ركض انس لين صار ورا امه : يمه شوفيها هالمجنونة .. قولي لها توخر عني
اسماء وهي ترفع كممتها : اوخر ؟ اوخخخر ؟
ام فراس بصوت عالي : خييييييييير !؟ بتضربينه يعني ؟
اسماء : اييييييه وبكسر راسه بعد .. وياسمين بيجيها قسمها بعد بس خل ترجع من صديقتها الخايسة
ام فراس : وش مسوين ؟
اسماء : كاسرين لابتوبي الحقيرين الله يكسر روسهم كلهم .. اصلن وش مدخلكم غرفتي ؟!
انس : طاح مادرينا .. ودخلنا نبي سلك البلايستيشن محد قالك تاخذينه
اسماء وهي شوي بتبكي : يممممممه حرام عليهم محتاجته اللحين ضروري ابي ارسل واجبي
ام فراس : لا تصجين راسي .. روحي لبدر استعملي حاسبه
اسماء جمعت اصابعها باشارة تهديد وهي تطالع انس : اصبر اصبر .. انا بحتري ياسمين تجي واسطرك انت وياها سوا
انس : بطلع من البيت واتحداك تجيني
اسماء : مرررد الكلببب للقصاااب
بغرفة بدر والسماعة باذنه ومسترخي على كرسيه المطل على البالكونه : ياليل صوت اسوم واصل لعندي
ميهاف : هههههههههه شعندها ؟
بدر : مدري عنها من يوم تقوم وحبالها الصوتيه في جهاد لين تنام
ميهاف : هههههههه عاد مو سامعة شي انا
بدر : وش تبين فيها ؟ اسمعيني انا بس .. ما أكفي ؟
ميهاف بنعومة : تكفي وزيادة
بدر : فديييييتهااا
انفتح بابه بقوة .. فتحته برجلها .. بدر : بسم الله الرحمن الرحيم !! كذا الناس يدخلون ؟ نعم شتبين خلصتي من البزران جيتيني ؟
اسماء ويدها على خصرها : هاهاها .. ابي لابتوبك
بدر : تفضلي بس اوهبيني حياتي
اسماء طالعته بنص عين : من تكلم ؟
بدر : اكلم حبيبتي وش تبين ؟
اسماء فتحت عيونها بوسعها : صدقق ؟!!! من حبيبتك بعلم ميهاف عليك ترا
بدر : لا لاتعلمين ميهاف استري علي تكفين
ميهاف : هههههههههههه لا تلعوزها مسكينة
اسماء سحبت جواله : هيييييييه انتي ترا خاطب .. شوفي لك رزق ماعليه ذبان يالسلقة
ميهاف : هههههههههههههههههههههههههههه !! رزق ماعليه ذبان ؟ ؟
اسماء طالعت بدر بنص عين : غبي انت ؟ هذي ميهاف !
بدر سحب الجوال منها : احلفي .. ع بالي جالس اكلم وحده ثانية من اول !
اسماء : قولها تسكر السماعة وترد علي ابي افضفض
بدر اخذ شنطة الجيم حقته : لا خلصت منها كلميها .. انا طالع خلصي اللاب توب واطلعي
اسماء كشت عليه : مالت عليك وعليها ... اه ياقلبي صرتي وحيدة يا اسماء محد يفهمك
طلع بدر لسيارته : شجالسة تسوين ؟
ميهاف : ولا شي حياتي .. البيت صاير فوضى وعروسة نايف بتوصل اليوم الرياض
بدر : من جد ؟ ماقالي الحيوان
ميهاف : لانه ما أهتم ..هو نفسه مايدري مايسأل ولا يهتم
بدر : وبتقابلونها ؟
ميهاف : والله بخاطري بس امي رفضت .. تقول اتركيها للملكة عقب اسبوع بس
بدر : ايوه احسن .. اساسا تحصليها مشغولة تتجهز مو خلقك
ميهاف : قولتك .. انت بالسيارة ؟
بدر : إيه .. رايح للنادي اللحين اكلمك لاخلصت
ميهاف : اوكيشا .. باي
سكرت ميهاف واول ماسكرت اسم اسماء ينط بجوالها : هلا هلا
اسماء : بدري !!! كان لاتردين
ميهاف : ههههههههه تو سكرها اخوك شاسوي ؟
اسماء : مالت عليك وعلى اخوي وعلي .. المهم اسمعي
ميهاف : شنو
اسماء : من وين بتشترين فستانك ؟
ميهاف : ماراح اشتري .. المصممة لورا حجزت معاها تجي تاخذ مقاساتي وتصمم فستاني , تجين تصمم فستانك معي؟
اسماء : لا .. شكلي بشتري وبس
ميهاف : بكيفك .. فيه كم فستان كنت ناوية اشتريها بس بطلت لان بصمم تبين ارسل لك صورها يمكن تعجبك
اسماء : والله ذوقك مايعجبني بس هاتي اشوف
ميهاف : مالت ! ماراح ارسل لك اقعدي
اسماء : احسن لاترسلين .. يله بروح اكمل بحوثي عشان افضى اسطر انس وياسمين لا جو
ميهاف : الله لا يشغلنا الا بطاعته بس
***
مر الأسبوع والكل بإنشغال .. الكل يجهز للملكة وابتسام ارتباكها كل يوم يزيد مع قرب اليوم الموعود , وكانت الملكة ببيت أبو نايف مثل ماهي تقاليد الملكة عندهم ببيت اهل العريس وعشان ابتسام بالمرة تشوف البيت ..:-
بيت أبـو نايف /
ام نايف دخلت على غرفة ميهاف وين ماكانت جالسة مع اسماء يتجهزن : ميهاف !! اكدتي على بدر ؟
ميهاف : ايه يمه .. وخلاص يقول نايف ازهلوه بيجي
ام نايف : اكييييد
ميهاف : يالله يا ماما يمكن عاشر مرة ااكد لك اليوم ... وربي وربي بيجي
اسماء : روقي حالك مرة عمي بيجي لاتخافين
ام نايف : ان شاء الله !! وامك متى بتجي ؟
اسماء : فراس بيوصل بعد كم ساعة .. بتستقبلة وما أدري ايش وعقبها بتجي
ام نايف : اكدي عليها لا تتأخر
اسماء : ان شاء الله ما حتتأخر
اول ماطلعت ام نايف .. تنهدت ميهاف : مسكينة من امس وهي بهالحالة
اسماء : الله يعينها .. انا متحمسة اشوفها صراحة من هالفقيرة اللي خذت عقل امك وركبته مقلوب
ميهاف : هههههههههههههه ايه والله انا اكثر
اسماء : كلمتيها انتي ؟ كيف يعني لطيفة ؟
ميهاف : سلمت بس كلمتين .. مامداني اسولف حتى وعموما كل العروسات بأول شهر لطيفات فماراح احكم
اسماء : قولتك , اهلها واجد ؟
ميهاف : لا ابوها وامها ميتين الله يرحمهم .. واخوها واختها بس حتى عمان وكذا كلهم بجدة وماراح يجون الا الزواج
اسماء : اما كذا ! ماراح يكون معها اليوم غير اختها يعني ؟
ميهاف : على ماسمعت ..
اسماء : مقطوعة من شجرة .. حرام واهلها ليش مايجون
ميهاف : يقولو مشغولين .. بس بيني وبينك احس عائلتهم مشتته مدري كيف
اسماء هزت كتوفها : انا بقوم البس عشان نساعد امك اخلصي
ميهاف : يله يله
اسماء /
فستان أسود سيور قليتري ممسوك من الخصر وطايح لفوق الكعب بشبر .. وظهره مفتوح تماما مع جزمة كعب
سوداء قليتر وكيلون اسود شبك وشعرها الاشقر ملففته بشكل ناعم ورافعته من جهه وحده ببروش لامع .. وروج
احمر مع مناكيرها الحمراء كانت طلتها موفقة بشكل عام ومناسب اللون الاسود والاحمر بشرتها البيضاء
ميهـاف /
فستان هاي نيك كم طويل عنابي ضيق لتحت الركبة مباشرة عنابي مع بروزان ناعمه منطقه الصدر مع هيلز ذهبية وشعرهامجعد ومرفوع على فوق مع حلق فخم ذهبي , وروج بيج ومكياج عيون سموكي
طالعتها اسماء : مو كأن شكلك بسيط شوي على ملكة اخوك ؟
ميهاف : لا عادي .. وبخاطري البس ضيق اليوم
اسماء : ايه ياحبيبتي الجسم مؤهلات
ميهاف : هههههه وانتي طالعة تجننين
اسماء : عارفة .. يله خل ننزل لأمك
ميهاف : يله لو يجو الضيوف وانا لسى مانزلت بتقتلني
***
في الفندق كانت ابتسام جالسة .. وغادة اللي مشرفة على كشختها من كلش .. وبعد ماخلصت تشطيب مكياجها وقفت تشوف نفسها بالمراية كانت لابسة فستآن ناعم أحمر كم ياباني .. بقصة عاديه طويل يوصل للأرض , وشعرها الأسود لنص ظهرها منعمته ومسدلته , ورغم محاولات غادة انها تحط لها مكياج اوفر الا انها رفضتكان مكياجها بسيط روجها اقرب للمعه بسيطة على شفايفها المقسومة قسمه جذابةولمسات على عيونها .. مع كعب أسود ولو انها طويلة مايحتاج , كانت مقتنعة ببساطة مكياجها لأن لو شافها اليوم ماتبي تكون اصطناعية ..
دخلت غادة تلبس فستانها لبست فستان برقندي أغبر علاق وسيع طايح .. مع ربطه ع رقبتها حريريه كان مناسب خصوصا مع بطنها اللي بدا يبرزوشعرها ستريت لخصرها ومناكير سوداءومكياج سموكي حطته لما انقهرت ان ابتسام
رفضته .. وخف بسيطة عشان ماتتعبها مع المشي دخل هيثم الشقة وصفر باعجاب : شعندكن كلكن أحمر ؟!
ابتسام : هههههههههه هي القاطه انا شريت فستاني اول
غادة : اختي واحبها واقلدها .. عادي ؟!
هيثم معط خشمها : عادي
غادة : تصدق شي غريب اشوفك بالثوب !
هيثم تنهد : حاس بفراغ هالاسبوع .. شكلي ادمنت المستشفى اخلصي اعرسي ابي ارجع لحياتي
ابتسام : مالت ! هذا حكي تقوله بدل ماتزعل انك بترجع دوني
هيثم حاوطها من كتوفها : وش هالحكي النكدي ؟ روقي حبيبتي
ابتسام ضحكت : ههههههههه مروقة بس راع مشاعري
غادة : يله يله خلص نروح .. مستعجلة اشوف عزايم العز كيف
هيثم : صدق ابو نايف تو دق يقول تأخرتو .. اخلصو خل نلحق
استنشقت ابتسام هوا الغرفة كله ولبست عبايتها : يله
أول ماوصلو انذهلو بشكل طبيعي من المكان .. كأنه قصر افراح مو بيت , كبير بشكل جنوني ومذهل والأنوار المولعة بكمل مكان والبوابة المفتوحة بمصراعيها ..كان عالم جديد تماما وجدا بالنسبة لهم , تو حست ابتسام بجدية العالم اللي هي داخلته

 
 

 

عرض البوم صور متمللة   رد مع اقتباس
قديم 21-12-16, 06:17 PM   المشاركة رقم: 48
المعلومات
الكاتب:
اللقب:
قارئة مميزة


البيانات
التسجيل: Feb 2016
العضوية: 311563
المشاركات: 179
الجنس أنثى
معدل التقييم: الربابة عضو على طريق الابداعالربابة عضو على طريق الابداعالربابة عضو على طريق الابداعالربابة عضو على طريق الابداعالربابة عضو على طريق الابداع
نقاط التقييم: 479

االدولة
البلدEgypt
 
مدونتي

 

الإتصالات
الحالة:
الربابة غير متواجد حالياً
وسائل الإتصال:

كاتب الموضوع : متمللة المنتدى : القصص المكتمله من وحي قلم الاعضاء
افتراضي رد: انتماءات كاذبة

 

خلينى ابدأ من ميهاف وبدر 1-0 لميهاف طبعا
ههههه عض الأصابع يعنى كل واحد ضاغط على صباع التانى بسنانه واللى هيضعف
هيترك صباع التانى
فراس رغم انه أسلوبه قاسى انما تتفهمه
كلامه كان منطقى مع الاتنين ...لو ما كان حواره واخد الشكل العاقل الهادى كنت قلت يكن مشاعر مرفوضة بالنسبة له لسارا..انما لحد الآن مش باين كده
سارا من كلامها انها كان معندهاش مانع ترتبط بلؤى لولا انها هتكون خسرانة
لكن هل بتحبه؟ ماوصلتنيش النقطة دى
عائلة أحمد ..ايه كمية الدناءة والخسة اللى فيهم دى ؟بقى نفسى فعلا غادة تخلص منهم
هيثم طبعا رجال-على لهجتكم- كالعادة
أسماء ..هيثم هيجى لحد عندها،يا ترى هيتقابلو ؟ حكايتهم لسه مخلصتش
اجى بقى للثنائى اللى طبعا هيبقى الأفضل بالنسبة لى ابتسام ونايف المستهتر
ههههه قاعد يتشرط ويطلع فيها القطط الفطسانة وفرح فى ايطاليا من غير معازيم
شكله ناوى لها على نية بيضا..يمكن تبدا من الملكة
شكلنا هنستمتع معاهم
اتحفينا وشكرا على الفصل رغم انه مش معاده

 
 

 

عرض البوم صور الربابة   رد مع اقتباس
قديم 21-12-16, 08:56 PM   المشاركة رقم: 49
المعلومات
الكاتب:
اللقب:
قاريء مميز


البيانات
التسجيل: Dec 2014
العضوية: 285617
المشاركات: 759
الجنس أنثى
معدل التقييم: مملكة الغيوم عضو جوهرة التقييممملكة الغيوم عضو جوهرة التقييممملكة الغيوم عضو جوهرة التقييممملكة الغيوم عضو جوهرة التقييممملكة الغيوم عضو جوهرة التقييممملكة الغيوم عضو جوهرة التقييممملكة الغيوم عضو جوهرة التقييممملكة الغيوم عضو جوهرة التقييممملكة الغيوم عضو جوهرة التقييممملكة الغيوم عضو جوهرة التقييممملكة الغيوم عضو جوهرة التقييم
نقاط التقييم: 1593

االدولة
البلدEgypt
 
مدونتي

 

الإتصالات
الحالة:
مملكة الغيوم غير متواجد حالياً
وسائل الإتصال:

كاتب الموضوع : متمللة المنتدى : القصص المكتمله من وحي قلم الاعضاء
افتراضي رد: انتماءات كاذبة

 

السلام عليكم ورحمة الله
ام نايف عجبتنى انها مهتمتش بالماده مع ابتسام واهتمت بادبها وثقفتها لعلها تعوضها عن عمامها الزباله اللى جين جرى ورا الفلوس وبكل بجاحه بياخدو حقهم لتانى مره نفوقهم غاده فوق البيعه ناس هم
فراس جبرله ايه الجبروت ده كان ممكن ينصح لؤى بذوق بدل ما يسيئ لسمعة ساره ويجرح مشاعرهم
نايف مكبر دماغه كن مش هو اللى حيتجوز
ميهاف كعادة الفتيات كلمتين حلوين جابو راسها وبدر ابو اللسان الحلو
اسماء حتوصل لها الطلبات لحد المنزل يارب هيثم ما يرميش كلمتين يسم بدنها وهو كاره البطرانين امثالها
فى انتظار الباقي وتسلم يداكى مواهههههههههه

 
 

 

عرض البوم صور مملكة الغيوم   رد مع اقتباس
قديم 21-12-16, 11:55 PM   المشاركة رقم: 50
المعلومات
الكاتب:
اللقب:

البيانات
التسجيل: Nov 2016
العضوية: 321971
المشاركات: 260
الجنس أنثى
معدل التقييم: متمللة عضو على طريق الابداعمتمللة عضو على طريق الابداعمتمللة عضو على طريق الابداعمتمللة عضو على طريق الابداعمتمللة عضو على طريق الابداع
نقاط التقييم: 497

االدولة
البلدSaudiArabia
 
مدونتي

 

الإتصالات
الحالة:
متمللة غير متواجد حالياً
وسائل الإتصال:

كاتب الموضوع : متمللة المنتدى : القصص المكتمله من وحي قلم الاعضاء
افتراضي رد: انتماءات كاذبة

 

اقتباس :-   المشاركة الأصلية كتبت بواسطة الربابة مشاهدة المشاركة
   خلينى ابدأ من ميهاف وبدر 1-0 لميهاف طبعا
ههههه عض الأصابع يعنى كل واحد ضاغط على صباع التانى بسنانه واللى هيضعف
هيترك صباع التانى
فراس رغم انه أسلوبه قاسى انما تتفهمه
كلامه كان منطقى مع الاتنين ...لو ما كان حواره واخد الشكل العاقل الهادى كنت قلت يكن مشاعر مرفوضة بالنسبة له لسارا..انما لحد الآن مش باين كده
سارا من كلامها انها كان معندهاش مانع ترتبط بلؤى لولا انها هتكون خسرانة
لكن هل بتحبه؟ ماوصلتنيش النقطة دى
عائلة أحمد ..ايه كمية الدناءة والخسة اللى فيهم دى ؟بقى نفسى فعلا غادة تخلص منهم
هيثم طبعا رجال-على لهجتكم- كالعادة
أسماء ..هيثم هيجى لحد عندها،يا ترى هيتقابلو ؟ حكايتهم لسه مخلصتش
اجى بقى للثنائى اللى طبعا هيبقى الأفضل بالنسبة لى ابتسام ونايف المستهتر
ههههه قاعد يتشرط ويطلع فيها القطط الفطسانة وفرح فى ايطاليا من غير معازيم
شكله ناوى لها على نية بيضا..يمكن تبدا من الملكة
شكلنا هنستمتع معاهم
اتحفينا وشكرا على الفصل رغم انه مش معاده

زوآج نايف وابتسام بدآية كل شي
عفـــوا , بكرة ماحقدر ادخل فنزلته بدري

 
 

 

عرض البوم صور متمللة   رد مع اقتباس
إضافة رد

مواقع النشر (المفضلة)

الكلمات الدلالية (Tags)
إنتمــــاءات, كـاذبة
facebook



جديد مواضيع قسم القصص المكتمله من وحي قلم الاعضاء
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



الساعة الآن 10:13 PM.


 



Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية