يعطيك العافيه نبوض

ننتظرك ياقلبي

جــ,ــ,ــودي

بعد ماكانت الروايه واضحه في كثير من الامور في البارت اللي فات
اتضحت اكثر في البارت هذا وخاصه السبب اللي خلا فهاد يترك نوره الفالح وهو يحبه وهي تبيه
بس معقوله خوفك يافهاد على ان نوره تكون ضحية العصابه ياخي النوعيه هذي اخوف مخلوقات الله وبعدين قل لن يصيبنا الا ماكتب الله لنا
ونوره ماعليه خوف مره حشيمه بوسط بيته واهلها وين يطولونها
خساره فهاد ضيعت نوره وتركتها الفالح يلعب بها وبمشاعره
مع انه مايستاهلها ولا تخلي المفسدين في الارض يتقوون عليك بسلاح كاذب انت الاقوى والله معك وفي شي ثاني شارك نوره همومك لاتترك التفكير والحسره تاكل فيك تراها نصفك الثاني ومستودع اسرارك اذا امنت لها


تستاهلين يالجازي الحين عرف مبارك وشلون يصحيتس خليتس تفهمين انه ابو عيالتس وله حق التكشخ والتزين عطيه وجه ولله انتس ماكلتن عقل الرجال انتي وعمرتس الثلاثيني مايشوف الا الجازي اللي سلبت عقله وقلبه ماشاف العمرتس اللي منغص عليتس حياتس ومفقدتس ثقتس بنفستس


وشذا المحسن اللي طلع الن ياليل ماطولك يالهنوف وهي كل مشكلتن بتصير براستس صدق لين قالو حضه نحيس هذا انتي وشدخلتس بمضاربة
سيف ومحسن الله يكفين شره هو واخته
وبعدين يامحسن ثارك مع سيف وسيف بينقل لشرقيه ضعيفة الله الهنوق اتركها بحالها
وزاد عليها مرة اخوها منيره اللي حاطتها السبب وبتحرمها من بنت اخوها بس اذا انتي كفو ومره يالهنوف علمي عليها سعد مثل ماعلمتي هذال على حمد سعد ماراح يسكت لها


ربي يخليك لبنياتك يابو فالح ولله ان جنسك مهوب واجد على العين بذا الزمن بتترك الرياض عشان ماتزيد المشاكل مع اخوانك يابوك معاد به مشاكل وخوانك عزوك لين ضامك الدهر
بس اتوقع ان اخوانك ماراح يرضون انك تسافر وابو سعد بيطلبك وبيدخل على الله ثم عليك انك تزوج هذال السلمى حتى يلتم شمل العائله وانت بدورك بتطلب الهنوف السيف

بس اللي مستغربه منه الزعل اللي صار من ابوفالح وعياله يوم هذال ترك سلمى وينهم عن فالح يوم يبي يذل نوره ويتزوج عليه ثم طلقها حلال عليهم حرام على غيرهم <<<<<<<<شايشه خربتا على ابوفالح وعياله

ياشين الفضول والفضولين الا لازم تعرفون ليش ولد عمها تزوج وتركها صدق ناس ماتختشيش وخير ياطير البيوت لها اسرار هي تركته هو تركها الا لازم تنبشون في اسار البيوت وهالنوعيه من الناس مايدانون احد يعرف عنهم شي كفان الله شرهم اسفهيهم ياسلمى ولا تعطين احد خبر
خل يموتون بحرتهم

لاتحمس يامحمد على هيا من خوفها عليك تبي تعرف وشفيك وهذا من حقها
الله يستر منك


أسأل الله لنا ولك نعمة الصحه والعافيه وحس الخاتمه آمين

السلاام عليكم..
نبوووضه وش هالمفاجأه الحلوووه..؟؟ والله مااصدقت وانا اشووف الجزء نزل.. الله يديم هالنشااط ياارب.. مااتقصرين ياا نبووضه.. احس الجزء اليوم فيه اكشن.. سالفة هالمحسن الله لاايحسن له وسالفه عماره الشميسي الله يهده هذا بعد وين طلع لنا منه ..؟؟ وابو فالح وقرااره المفاجئ بسفره للشرقيه؟؟؟ يعني اليوم الاحداااث تبشر بحقبه جديده من متى يرتاح قلبن....>> ماايمديني على حقبه والله اعجبت بنفسي وانا اكتبها الله يديم هالثقافه وهالتألق ياا الزوري..هخهخهخه

الجازي ومبارك : لاااااعت كبدي من كثر ماا قوول لكم مصختوها وخصوووصاا انتي ياا الهبلاا ياللي اسمتس الجاازي ..مير والله تستااهلين اللي يجيتس.. وانت مبارك قاعد تسووي لي تمثيلات ومواقف مشبوهه .. يااخي جبها عندك واكمخها بالعلم على رااسها.. وهـ الحين حنا بندخل حقبه جديده من الاحداث وانتم للحين على خبالكم؟؟هع

سلمى : قلبي عندتس يااسلمى .. وهالنااس الحشوورين الفضوليين حبّابين الخبر .. اسفهيهم.. ادري مقهووره من كلمة طنشيهم.. بس والله ياا سلمى احسن انتقام من هذال انتس تزوجينه وتحرقين قلبه مثل ماا احرق قلبتس قبل. مع اني والله احب هذال .. بس وش اسووي ابيتس تااخذيه لو بهالنيه.. عشان لو كنتي الحين تكرهينه وتحقدين عليه انا وااثقه كل الثقه لو خذتيه بتروح علوومتس كلها خرطي وبيرجع الحب بس بيكون فيه شوويه كبرياااء.. بس معليه وريه العين الحمراااء لكن اهم شي اخذيه..

ابو فالح : تدري والله ماا الوومك باللي تبي تسوويه كرهت الارض والمكان والمحل عقب اللي صاار لبناتك.. نوال على اني ابغضها بس هي ذاقت مراارة الرفض من فهاد.. والحين سلمى ذاقت مراره الرفض والاهاانه من هذال.. يعني هالشي برووحه بيخليك تكره الرياض ولو انك كنت تعتبر نفسك في يووم شجرة من شجرها مااتنقشع.. بس مرات الظروف تحد الواحد انه يتخذ قراار هو مايبيه بس هالقرار يشوف ان فيه فاايده له ولعايلته.. لكن على الرغم من انك صرحت بان سفرتك للشرقيه عشان ماايصير شي بينك وبين اخوانك وعيالك وعيالهم لكن يمكن يكون قراارك هذا اوول معول هدم بتماسك عائلتكم المعروفين فيه.. واللي انتم يالاخواان كنتوا تحاافظون عليه طوووووول اعمااركم بينهد بسبب عيالكم.. مع اني ماا اتمنى هالشي.. بس يمكن يكون فعلاا سبب بضعف العلاقه بينك وبين اخوانك.. والا تبي الصدق يا ابو فالح مهووب شي(ن) بسيط انك تترك ارضك وعربك وتروح لمكان جديد ماايربطك فيه صلاات قوووية وجذووور عميقه>> انا اليوم بسم الله علي الثقافه مااشيه معي.. والله نفع معي درس الادب الكريه..هع هع هع
ابو فالح الله يحيييك ياارب من ممشاك لملفاك.. وانتي سلمى لاا تحااتين ان كانتس بتنقلين اورااقتس بجامعتناا يااهلاا وياامرحباا ومن الحين اقوولتس اوول وحده بتتعرفين عليها بالجامعه هي انا ومعي شلة الانس.. والله ان تنسين هذال وفعايل هذال. حنا لعيناتس يابنت الاجواد....هع هع هع
اقوول يمكن مايتم هالمووضوع لان اخوااااانك بيجوونك ويطلبوونك ماااتتركهم وتروح عنهم.. ويمكن لو عرفوا باللي انت نااويه يتعب فيهم وااحد من هالموضوع وتقررر انك تلغى الفكره كلها؟؟؟

الهنوف : يااعمري انتي والله .. اجل كل بلى الحين بالعايله بيقولون من عيال ابو سعد؟؟ ماعليتس منهم .. مالت عليهم.. والله انتم الملح والقبله.. لكن اكثر شي ضاايقني صدق ان بنت اخووتس محرومه من شووفتها والله مو شي سهل هذا.. بس الحين انا مااعلي من تفكير اهلكم.. اناا خوووووووووفــي من هالدعله اللي طلع لنا واسمه محسن ويبي ينتقم من سيف.. بس عاد بينتقم منه في من؟؟ في البنت اللي الكل متوقع انها بتكون زوجته؟؟؟ والله خاايفه اكثر شي انه يسوووي لتس شي وصخ مثله ومثل تفكيره وهالشي بيربطوونه على طووووول بسالفه الهيئه اللي صاارت لكم انتي ومشاعل بالمدرسه.. يعني ماراح يقولون ان الهيئه جت عشان سالفه قذف ..لاابينسوون الناس سالفه القذف والاتهام الباطل وبيقولون ايه هالبنت لها بلااووي ولوو انها بنت محترمه ومؤدبه مااجتها الهييئه بالمدرسه وبغت تروح فيها.. يعني سالفه الهيئه واللي صاار فيها اتوووقع انها موو صفحه وانطووت الا بيجي لهاا تبعياات ثاانيه وهالمره يمكن تمس الشرف والعرض والسمعه وعلى يد محسن؟؟؟ بس وش بيسوووي؟؟ انا خااايفه من شي.. وهو انه يلح على اخته انها تعزم الهنوف عندهم ويقدر يسووي لها شي؟؟ مع ان هالشي اعتبره ضعيف لاني ما اتووقع ان اهلها يسمحون لها تطلع لصديقاتها.. بس اللي اتووقعه اكثر.. يخلي اخته تصوورها بالمدرسه وهناااا عااااااااد بيلعب بالصوور لعب ويمكن يهددها فيها وهي مسكينه من الخوف ومن السابقه اللي لها مع الهيئه واتوقع انه بيعرفها من اخته بيقدر يتصيد لها.. لكن اتمنى ان الهنوف تكوون عاقله وتتصرف صح وتقوول لاخوانها عن اللي بيصير... الصراحه صالحه هذي للحين مااعرفت مويتها وشي..بس يمكن تكون مع اخوها ويمكن تكون ضده وماتعجبها تصرفاته..لكن لوو انها معه وتسمع كلامه فالهنوووف بتؤخذ غيله..
محمد وشيخه : ياااااربـــــــــــــــي عسااك ماتنتبه للاوراق اللي مع شيخه. واللي هي اتمنى انه مغيره الظرف ومبدلته بواحد ثاني واذا شاافه مااايشك ابدا انه ظرفه اللي فيه الاوراق الطبيه؟؟ باذن الله تنتهي هالمشكله على خير..بدون مشاكل وتعصيبات.. لكن لو كان الظرف نفسه ومحمد انتبه .. يمكن هنا بيقول لشيخه كل شي بنفسه.. بس اتمنى انتس يااشيخه تكونين ذكيه كفايه وتبدلين الظرف بواحد ثاني..
منيره : تبين الصدق منيره انا ماا الوومتس على خوووفتس على بنتس؟؟ انتي ام ومااا احد يقدر يقوول مو من حقها تسووي كذا.. بس الصراحه انتس قسيتي كثيييييييييير على بنات عمتس.. خاافي الله وترى هم اهل بناتس يعني مو تقسين القلوب على بعضها .. لكن كوني بمنثل هالظروف حكيمه:: مع ان اللي يشوف خشتس يقول هذي ويـــــــــــن والحكمه وين..هع
نوره: وش هالتلميحات بالنفاق لشيختس وتااج رااستس فهاادي ياا قليلة الادب.. ترى الرجال صبر عليتس وطنشتس بما فيه الكفاايه وان كانه محترمتس وااكت عنتس للحين رتااني مو محترمتس وقااهرتني وانتي مستاانسه بدلعه وتسبينه.. تهي تهي تهي.. تقهرررررررررريــــــــن ياا الدبيه..
طووويــــــل العمر.. رااعي البل.. الذيــــــــب حضرة المقدم سيدي فهاااد.. امـــــــــــــــــرك..هع هع هع
فهاااااااااد :يااويل قلبي عليك الحين تركت نووره سنين وخليتها تروح مع الخاايس فالح عشان هالسالفه والحين بعد ماخذتها ترد هالسالفه للاضوااء مرره ثانيه؟؟ وش هالقصه اللي جايبها لك عماره السميسي جعلها تطيح على رااسه يااارب.. بيقتلوونك ممره وحده والا بيخطفون نووره؟؟؟ ان خطفوا نووره كيف بيوصلون لها؟؟ يعني انت الله يحفظك ياارب بسم الله عليك ياارب.. يمكن يقدرون عليك من المخبرين المجرمين اللي مثلهم.. ؟ فهااد تكفى تكفى عليك بالاذكااار لاتتركها لا الصباح ولا المساااء قلها كل يووم عسى ربي يحميك ويحفظ من كل شر.. ونووره بعد ياليت تنبها انها تنتبه لنفسها ومااتثق باي احد لااا بالمدرسه ولاابغيرها .. يوووووووووووووه المدرسه ؟؟؟؟؟؟؟؟؟؟؟ لاااايكون معها زميلااات متعااونات مع هالمجرمين واالا يقدرون يشترون وحده ذمتها وسيعه عشان تجيب نووره لهم.. هااه لاا لاا ان شاااء الله ماايصير الا كل خير.. ؟> والله اخاف لما اشووف افكااري هذي .. الله يجعلها فشنك..هع هع هع

نبوووضه الجزء الصرااحه اليووم..فـــــــــــــــــــــــن
متميز كثيييييييييييييير.. الله يووفقتس يااارب.. واذاا انتي مبسووطه فينا مره حنا مبسووطين ومستاانسين فيتس الف مرره..
الله يسلم يديتس ياارب .. وعسااه دووم هالابداع..
واذا الله احيانا بنكون بالانتظاااار بكل شووق للقاادم..

الله يعطيك العافيه نبض ومشاعر

بارت رائع وخطير يحذر من عواصف بيمر فيها الأبطال

وسالفة تأخير زواج فهادوضحت

والتهديدات الي تجي فالح

الله يكون بعون ضباط الأمن العام دايم هم با الواجهه اذا كان من الفئه الضاله اوالمخدرات

والي يوصل معلومات فهاد ماهوبعيد عنه



الهنوف وين ماتطقينها عوجه

عسى الله يحميتس من موذي والله ماهولايق عليه اسم محسن ويطيح با الحفره الي بيحفرها لتس

منيره ام وخوفها على بنتها طبيعي ومتوقع وكل ام حريصه بتسوي اكثر من كذا

ابوفالح انت زعلت على بناتك وهن مابعد تزوجن عيال اخوانك

اجل لو متزوجينهن ومطلقينهن يمكن انك بتدخل غيبوبه

وش حال ابوسعد يوم ولدك اخذنوره واعرس عليها من غير الغبن الي شافته ماظني خفاك ان ام فالح اخذت بنت اختها حتى ماهو من بعيد ماشاء الله انت بس وبناتك الي تحسون وغيرك لا
والي يقهر حالف نوره ماتغصب الحمدلله الي بدلهاربي بدال الدرهم دينار

سلمى ماكل مايتمناه المرء يدركه ماتدرين وين الخيره وخسارتس هينه

مع غيرك


شيخه ومحمدمافي شئ يقعد مخبى على طول والطب تقدم واتوقع محمد بيعترف لشيخه من غير الاوراق

نوره ما اقول الا عسى الله مايبين غلات سيادة المقدم فهاد

.......قبل فتره كنت اشوف برنامج شهداء الواجب الي يجيب الشهداء الي اغتالتهم الفئه الضاله وفي وحده عندي جالسه كنت اقول الله يعين اطفالهم قالت والله مايقطع القلب الازوجاتهم عيالهم بيكبرون الدوله الله يعزه ماهي تاركتهم وبيلهون في حياتهم لكن زوجاتهم من بيعوضهن
التعويض ماهو بس بالمادهلكن مافي اليدحيله

مانقول الا حسبنا الله وكفى

هلا وغلا بنبض ومشاعر واحاسيسي وكل شى يخص القلب

بارت روئعه والله انى ما توقعت انه فيه بارت اليوم فتحت وشفته والله انى كيفت عليه تمنيت يطول زياده لانى منسجمه مع فهاد ونوير

اانا متوقعه انه البنت الصغيره الى بمدرسة نوره لها علاقه بعماره الشميسى وهم الى مرسلينها لنوره والله يستر لا يتهمونها بشى ولا يحطون لها شى بشنطتها


ابوفالح والله فعلا ما ينلام الى صار كبير على بناته واحسن شى يسويه انه يبعد عشان ما يصير فيه مشاكل اكثر مع انى اتوقع البنات بيرفضون


مبارك حرام عليه يكفى الى سواه بالجازى بس زين ما سوت خلته وراحت تسهر عند العنود


نستناك يالغاليه واتمنى تنزلين بارت قبل الثلاثاء لانه بعيد شوى

وش بيصبرنا

نشوفك على خير