كاتب الموضوع :
نبض ومشاعر
المنتدى :
الارشيف
السلام عليكم ورحمة الله وبركاته
مسائكم نور من الله يغشاكم وصباح بمثله يملاء دنياكم خير وبركة
لكم قدمت ومن اجلكم اتيت
محبتكم كل يوم تزيد و ودادكم صنع في قلبي مكان لن انساه احببت حروفي فقط لانها جمعتني بكم واحببت متى يرتاح لانها التقتني بكم
يسألني البعض متى ستنتهي وهل ستطول صحبتها ومتى نصل الى بر الامان
حقيقه لااعلم تحديدا ً متى ستنتهي رحلتنا لان ذلك حسب مااكتب ان كان الجزء طويل فهو عن بارتين وربما ثلاثه ولكن ان كان قصير فالوضع يختلف
وكل مااعلمه ان نحن قطعنـــــا نصف الروايه وتجاوزنا منتصفها
فهل كللتم الصحب هاو مللتم الأنتظــــــــــــــــار اقترحت عليكم الأنقطاع ثم العود بها كامله
......................
ارسلت لي احدالمتابعات جزاها الله خير ان الشخصيات متناقضــــــــــــــه فمره تعجبها الهنوف ومره مشاعل وتاره تعجب الجازي وتاره تسخط منها
لاابالغ حقيق هان قلت هذا مااود ان اصل اليه \ شخصيات واقعيه فيها مزيج من الخير والشر الا ينتقد احد ماء تصرفتنا في حين يعجب بنا اخرون هذا ماوددت رسمه شخصيات واقعيه لاملائكه وليس شخصيات متناقضه او متقلبه
اتمنى ان تكووون وصلت الفكره
اظن الجمع قد اجتمع الأن وهاهي ستروي نفسها اظني اخذت من وقتها الكثيــــــــر ^_^
بسم الله على بركة الله
الساعه تقريبا ً 9 شيخه تكلم
كرم الدين حط الأوراق عند الباب وبجيك الحين
دخلت وخذت الأوراق وهي داخله جناحها
انصدمت من الي شافته ........وتوقف كل شي في جسمها عن العمل من الخوف ...النفس وقف ....القلب وقف ......الدم تجمد ولاعاد مشى......عينها مارمشت ................... حلقها جف ...لسانها ثقل..ولاتكلم
يوم شافت محمد قدام عينها انشلت كليا ً عن الحركه صارت هي والجماد ماتفرقهم .................الخوف .....تملكها .........والرهبه سكنتها .....
والأوراق في يدها
.........................
محمد كان مستأذن لانه تعب واجد اليوم حفل وزاره التربيه والتعليم
للتعليم الجديد وتعريف المداراس بالخطه التدريسيه الحديثه فرجع بدري من المدرسه والدكتور نصحه بعد أي مجهود يستريح عشان لايزيد ويأثر عليه اكثــــــر من تعب الى مضاعفات
ولكن شيخه كانت مثل أي لعبه وقفه للحظات عن الحركه
ومازالت
..............واقفه دون كلمه ولاحركه والأوراق مازالت في يدها .......
شيخه حست ان ريقها جف ولو يدري محمد بالحركه فهو ماراح يثق فيها ابد وبيعتبرها استفزاز تعرفه زيييييييين مجرد مسكها سوى لها مصيبه وشلون لو درى انها مخالفته عليها دون يدري
محمد بأستغراب كبير – شيخه وش فيس لونس مخطوووف والنفس تسرقينه ؟؟؟؟
الأوراق ملفوفه كأنها منظار وكم الجلابيه واسع ولو دقق النظر راح يلمح راس الأوراق المبرومه في يدها لكن نظره كان مركز على وجهها الي فارقت الحياه معالمه كليا ً
.................شيخه ضاعت ماعرفت ترد على محمد وكان واقف ووراه مباشره مكتبه صغيره في الوسط تلفزيون ورفين على جنب فيها كتب والرفوف الصغيره التحتيه تحف
شيخه بنفس هادي – محمـــــــــــــــــــــد ضمنـــــــــــــــــــــــــــــــي
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
محمد ماصار عارف وش الوضع الي قدامه مرته متغيره وتقول ضمني
؟؟؟؟؟؟؟؟؟؟؟؟؟؟؟
فرد يده محمد وقبل يتقدم تقدمت هي وضمهــــــــــــــــــــــا ورفعت يدها الي كانت وراه وحطت الفة الاوراق فوق الكتب لو لف شافها لكن محمد كان ذهنه مشغووووووووول بشيخه وش الي صابها
؟؟؟؟؟؟؟؟؟؟؟؟
مشاعل تكلم الهنوف في الغرفه
الهنووووف- الله يدبل كبدس ياالقوطي كان ماطسيتي ولاجات الفلاحه في الداراسه الايوم راحت نويران والله الحظ المايل
مشاعل – وش تبيني اسووووي اقدم بلاغ يعني ؟؟
الهنوف تضحك – ليت يفتحون الخط الساخن بس يقولون ماراح يفتحونه الا 2010
((الخط الساخن )) خط يحمل ارقام بسيطه يعلم الاطفال في حين تنتهك أي حقوق للطفل او يعاني من الضرب يتصل على الرقم وتدشين الخدمه كما ذكرت الصحف العام المقبل
مشاعل – ناويه يالعوباء ؟؟؟
الهنوف- على الأقل لاتولني المتوحش حمد ادق عليهم ؟؟
مشاعل – وبصفتس ايش؟؟؟ طفوله متأخره وانتي كبر جدي !!
الهنوف- وربي يامشاعل ان شعري من الجهة اليسرى خفيف وراسي للحين منه يوجعني
مشاعل بزعل- الله يهديه عمي حمد حار دايم
الهنوف- حار ........لامت بيده ذاك اليوم العذر كان حار.......بعدي وعلى قولة سلمى خوش عــــــذر
مشاعل – لبيه ياسلمى علومها مبطيه منها من الي صار وخبري بها
الهنوف تدرين انها دقت علي وقالت جهازي اخذيه بس سوي له فورمات
عشان الملفات الي فيه وسألتها قالت حافظتها في فلاش ميموري
مشاعل- هنووووووووووووووف امي جاااااااااااااااااات قالت ذاكري وقعدت اكلمس يالله فمان الله
وسكــــــــــــــــرت الهنوف السماعه طفشانه فتحت الشباك حق غرفتها كان غيــــــــم
ومريولها على السرير مكوي والاب يشتغل والدي سي ال الي كان هذال يهاوش عليه البنات لاسهرو في الليل ماعاد يقولهم شي بس مستغـــــــــــــــــربه
ليه طفشانه كل شي تمام وتمتمت وهي تنسدح على السرير – مالت عليس ياالدب نويران كل شي عقبس مالها حلا مالت عليس هملتيني كان صبرتي شوي لين اعرس وضحكتتتتتتتتتتت بصوت عالي ومن اخذ ؟؟؟؟؟؟
سعود ولاسيف ..........؟؟؟؟وش جاب طاريه افففف لازم اجيب لعمري اكتئاب وقامت تفتح ايميلها وترسل رسوماتها لمعلمتها فوزه تحس انا تهتم بموهبتها الي محد معطيها اهتمام الاهذال مع انه مايعرف بالرسم بس يداري خاطرها
مبــــــــــــارك يقرى جريده ويتقهوى في الصاله
مبارك بعدم اهتمام – ام حمود سكري النوافذ الهبوب هبت وبردها لفحنا وشغلي الدفايه
الجازي نزلت بيز الدله وقامت
مبارك – وين الهنوف من راحت نوره و يادافع البلا مجحره في غرفتها ولاغرفة العجوز كن فينا جرب
الجازي – ماالومها وخلاه نوره توه رايحه مابعد تعودت
عم صمت من جديد والجازي داخلها هواجيس لان الرقم تدق عليه ويعطي مقفل ومبارك الي مايعرف شي في الأجهزه حاط رمز قفــــــــــــــــــل
مبارك قطع افكارها – الله واكبر نسبة حالة الطلاق في الرياض تصل الى خمسين في المئه
والزيجات المتعدده هي اكثر الأسباب
يد ماسك بها الجريده ومركيها على ركبته ويد يتقهوى بها ومايشوفها
الجازي – ماتلاحظين والله كثر التعدد بس كله من النسوان لوانه معين الخير مادور بدالها
الجازي – وليه ماتقول ماملاء عين السيـــــــح شي ؟؟؟؟؟
مبارك يمد عليها الفنجال وعينه في الجريده ويدري ان مرت يستفزها من يكلمها ولايشوفها- وليه ماتقولين مقصره!!!!!!!!!!!!!!!!!
الجازي – وليه لاقصرت داوها باالعرس؟؟؟؟؟؟؟؟؟؟؟؟؟؟؟؟؟؟
مبارك – حاكاها كم مره وتلقينها تمهزاء عليه ولا تلومه وكبرنا ومن ذا الحكي والقلب مايشيب
الجازي- مبااااااااااااااااااااااااااااارك .........................
من الأخــــــــــــــــــــــــــر من تقصد وجبها
مبارك بسخريه مبطنه- وش فيس ترانا ناقش قضايا اجتماعيه عادي
الجازي – مبارك شووووووووفني
نزل مبارك الجريده ونزل الفصم من يده وحط اصابعه في صحن التمر ونفضها وهويقول – اآآآآآآآآآآآآآآآآمري
الجازي- وش تبي توصله من الأخر ؟؟؟
مبارك – ابيس تصحين لعمرس وتصحين لبيتس ورجلس ؟؟؟
الجازي تلتفت لايمر احد – وش تبيني اسوي ها ؟؟؟ماهوب الي تبيه تلقاه عيالك ماهم في عيني انا مانيب حافظتك انا اعين واعاون وموظفه وراتبي فخم
عيالك يلبسون احسن لبس وش تبي بعد
؟؟؟؟؟؟؟؟؟؟؟؟؟؟
مبارك – ابي احس انس تبيني ....تشتاقين لي ....تفقديني .....تزينين لي ....ابي مره تقولين مبارك خلنا لحالنا فقدتك اشتقت لك
الجازي- قووووووووول تبيني اتصابى لك كني مراهقه ولاعديت قدام خمس سنين وضربت الاربعين قلت انتهت صلاحيتس السموووووووووحه
هذا انا اقول لاابطيت فقدناك ...لاجيت يعطيك العافيه يابو حمود .....لاشريت شي كثر الله خيرك
مبارك – شفتي فقدناك – كثر الله خيرك – يعطيك العافيه –
كلمات عجووووووووووووز
مبارك ماكان يقصدها ابد ولايلمح انا اكبر منه
الجازي دمعت عينها وسكتت فجــــــاءه بعدها – تونا يابو حمود مابدينا قلتها عجوز ((تغرغرت حناجرها بدمع ))انا توني أي والله الي بتقولها لي بكره
ولانت موفرها
قامت من عنده وخلته وهو يشوفها لين اختفت من عينه
مبارك حاس ان الأمــــــــــــــــــــر محال يصلح بينهم
ولبسه اليأس لبسه ولاهو قادر يعيش مع غيرها ولاهو والي قادر يسعد معها
ّّّّّّّّّّّّّّّّّّّ
............................................................ .....
نوره كانت واقفه وتحس البارحه ماهوب طبيعي جاته مبتسمه مهما كانت نيته بكيفه وش ماكان يخطط ماعلي منه واهم شي اعيش يومي بحاول الطف جوه دامه ضايق على القليل هانا مقابلته بعد يأكس جوي مايسوى علي (((( ولاكرهتي شوفته ضايق)) نوره تجاهلت كل صوت داخلها ينبش بالماضي
دخلت لقته يقرض اظافره على الطاوله تنفست بقوه ودخلت وهي مبتسمه
شافها بس ماهوب مصدق انها مبتسمه له – ماشالله واذكر الله وش ذا الوجه البشوش
نوره تدخل يدها وسط الجاكيت وهي تضحك وتحرك رقبتها على ورى عشان يرجع شعرها – ابد سلامة عمرك تبيني اكشر ترى ماعندي مانع
رفع راسه – لااااااااااااااااادخييييييييييييييييييييييل الله عاد انتي زر ماشالله على الغلقه
نوره تكشر وتعقد حواجبها – انا زر ها ااااا ؟؟؟؟بنصير كرماء ولو ان الكرم مايجوز معكم ؟؟
فهاد مسك اذنها – الكرم مايجوز معنا ها ؟؟؟؟؟؟؟
نوره تضحك – فكني آآآآآآآآآآآآآآآآآآآآخ ايه الكرم مايجوز معكم لانه واجب ماهوب يجوز
فكها وقام يضحك - اجل تعرفيييييييييين تصرفين ماشالله
((ورجع لقراض الأظافر )) ويطالعها بنص عين – مانتب هين والله يالنوري
نوره رجعت شعرها ورى ورفعت حاجب- منك نتعلم....ياراعي ....
نوره ياعم مستحيه منك ولاانا ماانرد الولد الي مطلق ولدك والبنت الي هونت منها بنتك ....وهي تحبك وتحشمك ماهيب مخليه شي يحزك لو انه في مصلحتها
فهاد نزل الي في يده وتكى ظهره وتكلم بسخريه – اها اجل تعلمين مني ؟؟؟ بس المفروض تشوفين الجانب المشرق من كلامي خليت رايتس بيضاء عند عمي وزاد غلاس عنده بكلامي
نوره بثقه – رايتي بيضاء عند عماني بلياك
جاكيتها كان له زي القبع من ورى طالع فيها فهاد عقب كلمتها بنص عين
نوره بربكه – لاتطالعني كذا
فهاد جرها من قبعها وغطاء شعرها فيه وحاسه في يده وونزل راسها لحضنه وهو مغطي القبع شعرها وهو يقول – اجل تعلمين مني وتطبقين فيني يالظالمه
رفعت راسها تلهث لانها انكتمت منه ونزلت القبع عنها وشعرها انحاس ورتبته بيدها وهي تنفس بقوه – بغيت اموت تراني منيب قدك حشا بغيت تذبحني
فهاد – عاااااااااادي فدآآآآآآآآآآآآآآآآآآآآآآآآآآآآآآي
ضحكت نوره وماردت لانها كانت تفكر مادام ان فهاد صورته كذى ليه مستانس يوم ضحك معها وضحكت معه
لك طبع عجزت القى له مع الوقت تفسير
ولك غرابه ماخــــــــبرتها والله مع بشر
الي ابي اعرفه منــك اجهـــــل له مصير
ماكنك الاموج غامــــض اعتــــــلى بحر
وش يصيبك معي قول وش السر الكبير
حيرتني حيره اولها جهل وتاليها صــــبر
كلماتي ..
صالحه عند المكتبه حقت المدرسه وتاخذ كتب عشان تعبير التلخيص الي كان عباره عن كاتب تلخصينه بطريقتك
صالحه – ماشالله الهنوف صحيح فهاد هو زوج اختك
الهنوف – ايه
صالحه – هذا ياعزيزتي فارس احلام بنت خالتي
الهنوف – ترى سبحان الله تطيرون بالواحد من شاشه ولامجله وهو حاله حال غيره
يعني عشانه شاعر ولا عشان رتبته تراه ولد عمي طيب وحليو بس صعب التعامل معه يعني رجال عقلية شايب – مسؤلياته واجد- ماهوب راعي حركات دلع نسوان وخرابيط حرايم كلن لايحل ويربط الابه وظفيت صعبه وخطره
يعني صحيح من حظ النوري مرته ظاهريا ً لكن كحياه خاصه مااتمنى مثله
صالحه – حرااام
الهنوف وهي تفتش بين الكتب- يعني حنا بنات مايعجبنا واحد مثله حنا بنات نبي واحد ماهوب راعي مسؤليات واجد ولا عقلية شايب في عيونه تصرفانتا تصرفات بزران واشيــــــــاء واجد من ضمنها وظفيته الي احسها اكتئاب بصراحه اكيد ماتبين واحد لاطلع حطيتي يدس على قلبس
صالحه سكرت الكتاب- بس بس بس ..........الله يرحم والديتس
حتى لواني حاطه عيني عليه صررررررررررررفت النظر عنه
وبقوه ياشيخيييييييييييييييه
ضربتها الهنوف بالكتاب الي معها
........................................
جالسه وماهيب مصدقه نفسها انها طلعت من الورطه الي كانت فيها
محمد قدام التلفزيون وهو من بعد كلمتها مافارقها الا مخليها في حضنه ماد يده على الكنبه وشيخه على متنه ويده محاوطتها وبيده الثانيه الريموت
ومافي راسه الا اوراق المستشفى وش فيها وفجـــــــــــــأءه شدت فنيلته بقوه وبكت ثناها محمد عليه وسمى عليه المره ماهيب طبيعيه اليوم بكت شيخه من فكرة ان محمد بين ضلووووووعه شي كايد ......
مبـــــــــارك في ممر غرفته يتدخن والجازي واقفه تحتريه يعطيها المدخن
الجازي- الله يعدي اليله على خير والله اني ذاله
مبارك بتوتر- الله يستر ومد المبخره لها – وهذال ماشالله هادي وراكد
الجازي – وليه ماتقول للحين حزنان وضايق
مبارك رايح للمرايه والجازي تتبعه ومعها المبخره- لانه واضح انه بارد ولاعنده في شي وناسي انه هو السبب
الجازي تنزل المبخره – ياخي خلاص فكوها سيره اعرس الرجال ودريتو وتوفت المره الله يرحمها وانتم للحيـــــــــــــــــــــن ليه اعرس
مبارك نسف شماغه- يابنت الحلال الله يزينها من عنده
سلمى في المقلط فارشين سفره يمسحون طوافير الرجال ويودونها برى ويعبون صحون التمر ويوزعونها
دخلت ام فالح وطالعت فيهم وتكلمت بصوت راكد- سلمــــــــــى تعالي
نزلت سلمى المنشفه وطالعت خواتها بأستغراب – ان شالله
في الصاله
ام فالح - خوالس بيحضــــــــــــرون ولانشدوس عن الي صار قولي نصيب وهو انا عفته
سلمى بخوف ولافهمت مقصد امها- يمه ليه ؟؟؟؟؟؟؟؟؟؟؟؟؟
ام فالح – عشان خوالس يخطبون لتركي ولاقلتي عايفته يمكن يحطونس في بالهم
سلمى قامت – عفته معناته لاهو ولاغيـــــــــــــــــــــره ماهوب بداله وخلاص يمه ؟؟؟ خلاااااااااااااااااااص
ام فالح بصوت عالي يوم طلعت بنتها – قهرتيني الله يقهرس
سلمى تبكي وهي راقيه الدرج – انتم الي قهرتوووووووني انتم
دخل سيف وشماغه على متنه وفي يده شريطين فيديو وهو يطالع الدرج ويصايح- وش فيها سلمى ؟؟؟؟؟؟؟؟؟؟؟؟؟احد قايل لها شي
طلعت ام فالح لسيف- ايه فيها البلاء والجلاء الي ماهوب فاكها
سيف- خلوووووووها .....تفهمون وش معنى فكووووووها ورقبتها
دخل على الصوت ابو فالح بنظارته الكبيره وهيبته الي خلت الكل يلتزم الصمت – وانت يالزلابه ماتقول من وين ملفي؟؟؟؟ وش الي في يدك ؟؟؟
سيف التفت لابوه – جاي من الأستراحه والي في الشريط عرض سيارات
ابوفالح- ماشالله يومك هاوي سيارات ليه ماتجي المعرض ؟؟؟؟؟؟؟؟؟؟؟
سيف – هاوي سيارات سبشل ماهوب هات واشتر وكاسر هاوي اتفرج ماهوب هاوي عناء
ابوفالح – قلتها هاوي مرخمه ماهوب مسؤليه
سيف- شوف ياناصر اجل اتفقنا في وجهة النظر واختلفت المسميات لفرق الاجيال بينا
ابوفالح – بتغمض عيني وماشفتك رجال
سيف تعصب شماغه – انتبهه بحقق امنيتك اليوم وبتشوفني رجال فحقق امنيتي وطلعني من حياتكم تكفوووووون
ضحكو البنات وعطى الشريط بشاير وهي قامزه اول درجه مستانسه جرها من يدها – يحط ويييييييييييييين في الغرفه وتقفل ؟؟؟ماهوب في الجهاز ولس ثلاث دقايق ان ماسنترتي بها عندي شوشتس اصنع منها ليف مواعين يامريام فارس
بشاير- ابشر ياعاصي الحلاني انت وذا العصابه عصابة رخمه الا اقول شفت عاصي وهو عاصب راسه؟؟؟!!!!!!!! وحطت رجلها وانحاشت
سيف – ماعليه يالسوسه و مري سلمى وخليها تنزل ابيها
نوال متكيه – لاكلفت على عمرك قولي لها تنزل
سيف وهو يعدل شماغه – لاتحسسونها انها في مصيبه ولا شي كبير
الا قولي وش رايس بالعصبه اهوووووووووووووووول ولا
نوال- تطرح الطير بس روح لابوي لايتبرى منك ولايجي فالح يكوفنك
همس سيف وقرب- راضي على اماني من عندي ماهوب قايل شي بينهم هده ابشري باالهواش والطلايب
نواااااااااال ضحكت بصووووووووووت عاااااااااااااالي وهي تقول – خبببببببببببل لسيف الي راح لابوه
في شقتتها
نوره – فهاد خلاص الرحله بعد بكره
فهاد وعينه على المرايه- ان شالله
فهاد يتعطر – نوره بالله تحت كرتون كتب رقيه وحطيه في المكتبه
نوره – ان شالله ؟؟؟؟بس .....أأأأ..............
التفت فهاد عليها ونزل العطــــــــــــــــــــــــــر من يده وعينه في عينه
وش فيس ؟؟؟؟؟؟؟؟؟
خذت العطر وغطته ورفعت راسها – ماانتب قايل لي وش في الشنطـــــــــــــــه الي البارح لاجيت
!!!!!!!!!!!!!!!!!!!!!!!!!!!!!!!!!!!!
....................................
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
انتهت
سبحان الله وبحمده سبحان الله العظيم
فهاد والي في الشنطـــــــــــــــــــــــــه ؟؟؟؟
العشاء وخبر ابو فالح وردت فعل اخوانه من نقله؟؟؟؟
شيخه والمره سلمت بتسلم مره ثانيه ؟؟؟؟
ادري المفروض البارح ينزل لكن ظروف منعت ونزلت الموجود
وكتبت الي اقدر عليه لاني قلت كل اسبوع لكم بارت وبحاو لان شالله كل اسبوع بارت
واشكر كل من قيمني ولم استطع تقييم مشاركتكم فالعددقد كثر ولكن كل مره سأتواصل مع من سمح الوقت لي باالتواصل معه
واخر الكلام ان الحمدالله رب العالمين
في حفظ الله
|
14-10-09, 02:07 PM
جديد مواضيع قسم الارشيف
العرض العادي
