هلااااااااا
راح انزل الفصل الرابع اليوم
تحياتــــــــــــــي

الفصــــــــــــــل الرابــــــــــــــع


كل الكلام اللي كان في راسه ضااااع لمن شاف عيونها اللي تذبحه


جلس يتطلع فيها وما يدري شنو يقول وما يبغى يتكلم بس يبغى يشبع عيونه منها يبغى يطالع فيها العمر كله ومتأكد انه ما راح يمل ولا يشبع منها ومن احمرار خدودها وشعرها الناعم نفسه يمد يده ويلمس خدها بس اهو كمان مستحي منها ومتأكد انها راح تموت حيا اذا عمل كده فهدا نفسه وجلس يطالع فيها بس

روح كانت مرتبكة والصمت مربكها اكثر ,صوت تكات الساعة و صوت ضربات قلبها اللي حاسة بيها في اذنها وصوت تنفسه كل دا مخليها مرتجفة وماهي قادرة ترفع عيونها له بس نفسها تعرف شنو يسوي غمضت عيونها بقوة رفعت راسها وفتحتها لقته يطالع فيها وفي عيونه نظرة دوختها حست كأنه في مغناطيس يجذبها نحوة كأنها طايرة له طيران مع انها لسه جالسة في مكانها ما قدرت تحول عيونها من عليه و هو مد يده ومسك يدها حس بيدها باردة وترجف ضغط عليها بقوة شوي يطمنها يقول لها لا تخافي وانا معك راح احميك واكون جنبك على طول
وصلتها الرسالة واطمأنت يدها في يده ودفيت فهمت عليه من غير ما يفتح فمه بكلمه وكان الصمت هذا احلى من اي كلام ممكن يقوله رفع يدها وحطها على قلبه حست بضربات قلبه سريعة ومضطربة ماتت حيا ونزلت عيونها بس فهد مارضي يبغى يطالع في عيونها اللي سحرته ما يدري شنو ده اللمعان الغريب اللي في عيونها حط يده على خدها حس بملمسها الناعم نزل يده تحت ذقنها ورفع راسها لين ما عيونه طاحت على عيونها مرة ثانية قال لها بصوت واطي كسر الصمت اللي كان بينهم : أحبك و أموت عليكِ انت روحي وحياتي وانا كلي
روح: .....................................
فهد : انت ما تدري قد ايش انا كنت احلم بدا اليوم من زمان , اليوم اللي امسك فيه يدك من دون قيود وتكوني حلالي
روح : .................................. ( والوجه احمررررر)
فهد عجبه احمرار وجهها بس ما حب يحرجها اكثر وقال لها : طيب يعني انا حجلس اتكلم كده لحالي لو احد سمعني من بره قول مجنون يحاتي روحه سكت ومافي رد من روح قال: بس تدري اني من جد مجنون واحاتي روحي انت ..
روح بقلبها تقول يا ويلي منك يافهد بتجيب لي سكته قلبية بكلامك اللي يذبحني
فهد الحين انقهر وحب يقهرها ويخليها تتكلم ترك يدها وعلى طول فقدت روح دفء يده وقال لها بنبرة زعل
: يعني الحين في يوم الملكة وتطنشيني كده طيب بعدين شنو راح تسوين لا لا انا راح ادور لي على وحدة تقدر تتكلم معي ما ابغى وحده ما اسمع صوتها الا في السنة مرة راح اموت من الطفش
روح انقهرت منه شنو يدور على وحده وقالت بسرعة : يا ســــلام شنو تدور لك على وحدة تتكلم معها اشتري لك راديو احسن
فهد ما قدر يمسك نفسة وجلس يضحك : هههههههههه الحين طلع لك صوت لا ولسان بعد وخفض صوته وقال : ليش حارمتني هالصوت اللي يذوبني ها ليش ......
روح : ...........................
فهد : يووه تاني رجعنا لا انا راح افكر في الموضوع عن جد ..
روح بهمس : اهون عليك يعني تعذبني
فهد وهو خلاص حس ان دمه يغلي : انت ماتهوني علي ابد بس انتي اللي معذبتني
روح: انا كيف قول ايش اسوي وراح اعمل اي شي تبغاه
فهد فكر بمكر وقال: احلفي
روح واهي ترفع راسها تتطلع في عيونه: والل....... سكتت لمن شافت نظرة عينه وعرفت بشنو يفكر وقالت : بحلف لك بس على شرط
فهد : اللي تبي يحصل
روح قالت بخجل : من غير قلة ادب
فهد : هههههههههههههههههه يا حبي لك هههه قلة ادب ههههههههههه
روح انحرجت و وجهها ولع فهد مسك يدها وباس اطراف اصابعها وقال لها : حبيبتي لو قلت لك فكي شعرك ابغى المسه اكون قليل ادب
روح حست انها بتبكي وعيونها دمعت
فهد شاف عيونها تدمع وقلبه عورة عليها : حبيبتي انا اسف مو قصدي اني احرجك كده بس انا احبك
روح قالت من بين دموعها : وانا كمان
فهد حس انه بيطير بس يبغى يسمعها منها : انت شنو ...زعلانه مني
روح : لا مو كده
فهد : طيب شنو
روح بهمس وتردد خجول : ا-حـ-بـ-كـ
فهد ما قدر يتحمل وحضنها وهو يقول : ياه أخييييرا نطقتيها من زمان وانا نفسي اسمعها واحلم انك تقوليها .....
الباب دق في عز الفرحة و فهد انقهر من اللي يدق الباب الحين ترك روح وقال : ادخل
سفيان دخل وقال له شنو اشوفكم ما كلتو شي و طالع في اخته ولقاها حمرا قال لفهد : اشوفك خليت اختي طماطمة شنو سويت لها
فهد وهو مقهور من سفيان : ما يخصك مرتي وانا حر معها يلا اشوف عرض اكتافك من غير مطرود
سفيان : لا والله عرستو وانا ما ادري
فهد : عميان انت الحين شنو سوى المملك
سفيان : لا يا ولد العم اهو ملك عليكم بس بعد العرس تاخذها وبالطقاق انت وياها
روح و هي تمثل الزعل من اخوها الغالي : انا بالطقاق يا اخوي ما كنت اظن انك تباركلي بهالطريقة لا وتقول كده قدام زوجي كمان راح يستفرد فيني بعدين ويقول اهلها ما يبوها ويعمل فيني اللي يبغاه
سفيان حز على نفسه كلام اختة الحبيبة : لا يا حياتي انا قلت كده عشان اقهر فهد مو قصدي ازعلك انت الغلا كله ومن غيرك البيت ما يسوى شي
فهد قال : لا و تغازل مرتي قدامي كمان قوم ..قوم اطلع برا اشوف
سفيان : شنو اغازلها ....تتغشمر انت ووجهك قوم يلا انت اللي اطلع برا كفاية كلام اليوم تعال زورها مرة ثانية بس من الحين اقول لك .... لا تقول لي بتكلم معاها بالتلفون نص الليل ولا بطلع اتعشى وياها ولا نروح البحر ولا شيء تجي انت تزورها هنا وتجلس في البيت هنا وبس
فهد عصب على سفيان : لا يا ولد العم لا تخليني اكرهك ........ وروح تضحك بصوت واطي

طلع فهد بعد ما تهاوش مع سفيان على الكلام اللي قاله و خلاه يوافق غصب على انه يتكلم معاها وقت ما يحب لا واخذ رقمها منه بعد ........




هناك في غرفة رهف

كل ما تضرب على رقم سيف يجي صوت حفظته وكرهته هذا الرقم لا يمكن الوصول اليه حاليا نرجو المحاولة لاحقا
رمت الجوال على السرير وحضنت المخدة بقوة كأنها بتفرغ زعلها كله فيها وقالت : وينك يا سيف شنو الحاصل لك قلبها يعورها حاسة انها مو قادرة تتنفس حطت راسها على السرير ودموعها تنزل بقوة ماتدري ليش تبكي ولا ليش قلبها يعورها بس كل اللي تعرفه ان سيف بعيييييد ولحاله حتى سفيان رجع وهي ما تدري شيء عنه نامت من غير ما تحس بروحها ودمعتها على خدها حلمت بسيف كان واقف قدامها قال "سامحيني يا رهف " و التفت يمشي عنا بعيد وهي تجري وراه بس ما تتحرك من مكانها كانها واقفة وهو يبعد ويبعد صرخت بأعلى صوتها سيييييييييييييييييف وقامت من النوم مفجوعة لقيت نفسها تحلم قالت : اعوذ بالله من الشيطان الرجيم اعوذ بالله من الشيطان الرجيم وشربت كاسة مويه ونامت على الجهة الثانية بس وين النوم
طاااااااااااااااار



هناك في بلد الغربة
الاطباء يتجارو يمين ويسار يحاولوا يرجعوا النبض لقلب فقد الحياة ولجسد اصبح جثة هامدة و لنفس اختارت الرجوع لبارئها كان اخر كلامه كلمات عذبة لم يفهما الاطباء الاجانب ,سامحيني يا رهف " أشهد ان لا إله إلا الله وأن محمدا رسول الله "
try again....
teet teeeet teeeeet
we losing him.....
teet teeeet teeeet
he is gone




اتمنى لكم متابعة جيدة

كل عام وانتي بخير عزيزتي تسلم ايدينك على البارت الحلو
مع انه قصير روح وفهد ثنائي حلو اتمنى لهم السعادة ومايصيرشي
يفرق من بينهم .سيف حرام مات ماشفنا له دور في الرواية
رهف الله يساعدها شلون بتتحمل موت خطيبها اكيد بتصير لها
صدمة بس اكيد روح بتوقف معاها وماراح تتركها .نستناكي اختي
في البارت الجاي لاطولين علينا ومشكورة .
وجه الصباح

السلام عليكم
هلا باصدقائي
اسفه على التاخير في نزول البارت الجديد
بس كان عندي امتحانات
ودوبي مخلصه

راح انزل البارت الجديد اليوم
ان شاء الله

واتمنى انه يعجبكم