المنتدى :
الارشيف
روح فهد ورهف
السلام عليكم ورحمة الله وبركاته
اخواتي صديقات منتدانا الغالي
حبيت اشارككم في قصتي لانها غالية علي هي قصة محبة ...... قصة ألم .......
قصة تضحية ....... قصة فراق......... قصة أمل ......... قصة حيااااااااة .........
اتمنى انكم تتابعوني وتكونو معي واتمنى اشوووف تعليقاتكم على طووول
وتسلمووووووووو
أختكـــــــــــــــــــــــــــــــــــــــــــــــم
linons
في صدري قلبان قلب لك وقلب لها ( روح فهد ورهف)
الفـــــــــــــــــــــــصل الاول
رن جرس المنبه بقوة .... تحركت روح من تحت اللحاف ومدت يدها تطفي المنبه والتفتت للجهه الثانية تبغى تكمل نومها .. غفت لها نص ساعة و وفتحت عيونها فجأة شافت الساعة لقتها 7 نطت من السرير و جريت للحمام اللي بغرفتها ... يوووه اليوم اول يوم بالجامعة وانا بتأخر اخذت لها حمام سريع و طلعت تنطط ...... يوووه شنو هالبلوة ... شنو اللي خلاني اسمع كلام رهف الدووبة و اسهر في الليل ... يووه شنو البس ...في النهاية بعد ما طلعت نص ثيابها وحطتها على السرير اختارت لها تنورة بيضة وبودي وردي خلصت لبس سريع واخدت عبايتها ونقابها ونزلت تنط السلالم نط
شوي يا بنت بتطيحين تنكسرين علينا من الصبح .. قالت امها نورة ... راحت لها روح وحبت على راسها .. صباح الخير يمه ... اليوم اول يوم في الجامعة ... ونااااسة صرنا كبار وانتو صرتو عجايز يمه هههههه
اي والله كبرتونا قالت ام سفيان ....... لا والله كبرتي لحالك انا لسه شباب تو الناس كان صوت ابو سفيان ( عبد الله ) وهو نازل من السلم ... راحت روح له وحبت على راسه وقالت واهي تضحك .. اي والله تو الناس , ادور لك على عروس من الجامعة يبه عشان امي النوري تقول انها عجزت ... طقتها امها على راسها وقالت شنو عروسه من الجامعة ... لاجلسك الحين في البيت واقول لك مافي جامعة .....
لا لا على ايش والتفتت تقول لابوها شفت يا يبه امي لسه شباب شفتها كيف نطت علي اول ما قلت ادور لك على عروسة شوي وتذبحني هههههههه .... ام سفيان .. والله انك بلشة ربنا يهديك مدت لها عصير برتقال خدي يا روح ما يصير تطلعي من غير ماتشربي او تاكلي لك شي... اخدت منها العصير وشافت الساعة ... يوووه انا تأخرت السواق جاهز بره .؟.. ام سفيان .. اي جاهز ... روح .. يللا مع السلامة وحبت على يد امها وقالت ادعيلي يمه .. ام سفيان .. ربنا يوفقك يابنتي وييسر لك كل الخير ان شاء الله ... روح .. عشان هدي الدعوة الحلوة راح يكون اليوم حلو اكيد .... ابو سفيان .. يعني شنو وانا ما عندي شي قبل ما تروحين ...روح .. أفاااا يا سيد الناس ترى انت البركة كلها وراحت حبت على يده وقالت ادعيلي يبه .. ابو سفيان .. بالتوفيق يابنتي الله معك ...
طلعت روح لقت السواق واقف بره جنب السيارة .. دقت على رهف واول ما رن الجرس سمعت .. الووووو يالدوووبة شنووو هذا التأخير من أول يوم بتجيني ولا اجيك ...
روح... بسم الله عليّ شنو هذا من الصباح نعيق ..قصري صوتك شوي يا غراب ...
رهف ..شنوو شنوو .. غراااب !!!....من وين جايبته هدا كمان انتي كل يوم تطلعيلي بشي جديد خلصي جايه ولا اجيك ..... روح..لا انا الحين بركب السيارة وبجيك... رهف .. يللا تعالي تأخرنا ..
روح ... اوكي بااي ... رهف .. باااي ....ركبت السيارة وراحت لبيت رهف اللي كان في الشارع الثاني من بيتهم .. دقت على رهف و قالت لها انا برة .. طلعت رهف وركبت السيارة اول ما ركبت قالت .. شنو غراب ده أنا تقوليلي نعيق وغرااب ..؟....روح .. اي نعيق وغراب في احد يصارخ مثلك كده من اول الصبح خرمتيلي وداني من صراخك ..... رهف.. انت السبب تأخرتي وانا منبهه عليك امس انك ما تتأخري اليوم لاننا بنروح ندور على اقسامنا واماكن القاعات ولا نسيتي ؟.... روح .. لا ما نسيت بس انتي اللي سهرتيني امس ع النت والماسنجر اقولك ابغى انام تقوليلي - مافيني نوم - وتقلد صوتها بتريقه اصلا انتي من متى يجيكي نوم اكيد ما تحاكيتي مع حبيب القلب مشان كده ما جاكي نووم صح يالدووبة
رهف .. شنوو حلااالي وحبييبي بعد وصوتو اللي يخليني انام مرتاحة وسكتت شوي بعدين قالت ماتكلم معي امس وما رد علي قلبي ينغزني عليه حاسة ان في شيء بيحصل له .... روح ... لاتقولي كده .. ان شاء الله ما بحصل شيء وانت بطلي هالاحاسيس اللي مالها لازمة دقي عليه بكرة وبيرد ان شاء الله
رهف لها كم يوم تقول انها حاسة ان سيف بيحصل له شي وهي تحبه موووت وتخاف عليه من الهوا الطاير
وحاولت روح انها تغير الموضوع مشان ما تتضايق رهف ولقتها فرصة لمن شافت مباني الجامعة وقالت شوفي وصلنا الجامعة واحنا مو حاسين ... نزلو ودخلو الجامعة ودوروا على اقسامهم ...
فهد اتمط على الكرسي حاسي ان ظهره بينكسر وراسه بيطيح الحين على الكتاب... الحمد لله بكرة اخر امتحان و إلا كانوا بينقلوني على نقالة قام يعمل كوب قهوة مشان يصحصح شوية لسه ما خلص باقي له كم فصل ويخلص من هذه المادة .. طلع برة الغرفة وراح لغرفة فارس دق عليه الباب وقال فارس تبى قهوة معاي .. ما رد عليه فارس ... فتح الباب واهو عارف ان هالفارس اكيد نايم يموووت على شي اسمه نوم وكيف ينجح ما يدري ....
لقاه حاطي راسه على المكتب فوق الكتاب ويشخر ...ضحك من قلب على شكله وهو نايم وراح جاب جواله وفتح الكاميرا ع الفيديو وقعد يلعب بقلم على وجهه شوي يحطه على اذنه وفارس يحرك يده كانه بيبعد ذبان وشوي يحطه على خشمه وهو ميت ضحك حط الكاميرا على وجهه وصرخ باعلى صوته .. فاااااااااارس...... نط فارس من على الكرسي ووقف ... فهد ..تأخرررررررنا على الامتحان وانت لسه نايم ...
فارس صدق من جد ان تاخر على الامتحان وصار وجهه بضرب الوان .. يا ويلي ما خلصت الحين ارسب واجلس ثاني سنتين على بال ما اتخصص كان يكلم نفسه والتفت على فهد و لقاه يصور بالجوال وقال انت شنو.!!.. اتهبــــلت !!!!... و فهد يضحك من قلب لمن عيونو دمعت
فارس اي والله اتهبلت ...وليش ما تصحيني يوم تدري اني تأخرت في النوم يتكلم وهو رايح على الحمام و فارس المخبول ما انتبه للساعة دخل الحمام و قفل الباب...... فهد جلس على الارض و مو قادر يوقف ضحك وعيونو من كثر ما دمعت صار كانه يبكي ....هدأ فهد شوي ومسح وجهه وقال فااارس يلا تأخرنا طلع فارس من الحمام و قال انت لسه ما لبست !!! شنو هدي البرودة اللي فيك .. فهد .. تبغى قهوة ... فارس ..اي ابي قهوة.. شوي وراسي بيطق باقي لي 3 فصول ما خلصت شنو اقول لابوي اني رسبت عشان نمت !!!... فهد حس بالذنب وقال .. فارس شوف الساعة .. طالع فارس على الساعة لقاها 3 و الامتحان الساعة 9 ..ما قدر يستوعب .. شنو مافهمت ...
فهد .. ألعب عليك يا خبل ... .. فارس .. شنوووووووووو تلعب علي ... نط على فهد يضاربة وفهد يضحك وياخد بوكسات من فارس ومو قادر يرد عليه لانه يضحك ....فارس قد ماكان مقهوووور من فهد لكن ماقدر يتحمل شكله وهو يضحك وعيونو كلها دموع وقعد يضحك معاه......
فهد قام وراح سيده للمطبخ حس انو غير وباله رايق وممكن يذاكر له كم ساعة كمان جهّز القهوة ليه ولفارس وراح له غرفته .. لقاه لسه منسدح على الارض وقال شنو لسه على الارض .... قوم خلينا تنقهوى شوي بعدين نكمل دراسة ...قوم ....جلس فارس على الارض وقال له من وين جاتك هدي الفكرة الخبلة تراك خرعتني .... فهد .. ما ادري جاتني وبس .. خد اشرب قهوتك ..ترانا ضيعنا وقت كفاية ..فارس.. اي والله انا اللي ضيعت وقت بس انت فرفشت ..... فهد ...تصدق بكرة آخر امتحان كلها اسبوع والنتيجة تطلع ونرجع خلاص مليت من الغربة اشتقت لجدة وريحة البحر بدل هدا الجو اللي يذبح ....
فارس .. بس جده والبحر وايش كمان اشتقت له يا ابو الفهود...
فهد..تفهمها واهي طايرة ...اشتقت لها روحي والله سنتين لا شفتها ولا سمعت صوتها ....فارس ..انت ليش منتظر كلم ابوك يخطبها لك ... فهد ..ادري لمن ارجع بكلمه .. انا ما كنت ابغى اتكلم قبل ما اتخصص واخلص دراسة الحين خلاص بخلص واخطبها ..آه يا قلبي مو قادر اتخيل انها يوم بتصير لي .. حلالي .... آه يا قلبي مو قادر اصبر ...فارس .. ياه على الرومانسية والحب اتقل شوي كل هدا حب ...
فهد .. انت تقول كده عشانك ما حبيت بس اصبر يوم تحب بشوف شنو تقول ... فارس ...لا أنا قلبي ملكي ومافي احد يتاهل اعطيه له ......
فهد ...بجي لك يوم .. يا فارس المغوار قوم يللا خلينا نذاكر ...
فارس ...يللا
في كافتريا الجامعة
رهف..هذي الكافتريا مافيها شي كأنها مدرسة موو جامعة ....روح ...كل دا وموو عاجبك شنو تبي ماكدونالدز و كودو في الجامعة ولا شنو .......رهف..ايوه يعني شنو بيخسروا بالعكس بيكسبوا زيادة كمان...... روح.انت شكلك اتهبلتي يلا خلصي المحاضرة راح تبدى بعد شوي ....رهف ..موو كأنو أول يوم بالجامعة من اولها محاضرات و شنو كمان انجليزي وع ما احب هدي المادة يعني شنو لو كانت كل المحاضرات بالعربي والله مافي احلى من العربي لغة سهلة وحلوة بعد ...
روح ..العربي صح حلو بس الانجليزي كمان مهم انتي نسيتي اننا في قسم كمبيوتر ولا ايش..
رهف ..ما نسيت انا قلت انو راح يكون سهل لانه كمبيوتر بس ما كنت ادري انو معقد قد كده ...
روح.. ما علينا نتعلم .. شفتي هديك البنت و أشرت على بنت جالسة لحالها
رهف .. ايوه ايش فيها ......روح..شكلها طيوبة شفتها في قسمنا والحين جالسة لحالها تعالي نروح نجلس معاها..... رهف ..ليش شنو تبغي فيها خلينا بلحالنا احسن.....روح..قومي وبطلي حركات خلينا نتعرف عليها ... قامت رهف واهي تتأفف و راحو للبنت .. السلام عليكم ....البنت .. وعليكم السلام
روح ..ممكن نجلس معك .... البنت بفرح تفضلو..جلسو روح ورهف معها .....روح..ايش اسمك ..البنت ..انا صفاء وانتو .......انا روح وهذي رهف انا شفتك في قسم الكمبيوتر تدرسين هناك .... صفاء..ايوه ادرس هناك وانتو ........روح..حنا كمان ندرس هناك بس تونا اولى ....صفاء ..انا كمان اولى ولسه ما عرفت احد هنا انتو صحبات من زمان ولا الحين تعرفتو على بعض .......هنا ردت رهف ..لا يا حبيبتي حنا صحبات من حنا في الابتدائي
سكتت صفاء و تعجبت من طريقة رهف في الرد .... روح قرصت رهف من تحت واهي تبتسم لصفاء .... آييي شنوووو !! صرخت رهف ......روح بصوت واطي لرهف..ايش فيكي على البنتاحنا جينا نجلس معها تكلمي عدل ...... صفاء تحسست من الموقف و قالت عن اذنكم انا بروح انقل الجدول ما نقلته للحين .. روح ردت بسرعة..انا كتبت الجدول جلسي وانقليه مني..... صفاء حست بان روح طيبة و دخلت قلبها على طول بس ما تدري ليش رهف متضايقة منها كده
نقلت صفاء الجدول و رجعت الدفتر لروح وقالت لها مشكورة يا روح وسكتت شوي بعدين قالت .. روح ممكن اسألك سؤال .......روح .. ممكن بس انا ادري ايش هو السؤال ..... صفاء اتحرجت ..ايش هو ؟... روح ..تبغي تسألي عن اسمي صح ...صفاء اتحرجت اكثر ..ايوة صح...... روح قالت لمن شافت صفاء محرجة ..عادي انا ادري ان اسمي غريب بس امي بعد ما ولدت اخوي سفيان جلست عشر سنين ما حملت و في يوم جاها واحد في المنام و اعطاها بنت صغيرة وقال لها هذي روح امانة عندك ولما حملت فيني حلفت اذا جابت بنت تسميها روح وانا الحين هنا هههههه قصة ولا في الخيال صح هههه
صفاء ضحكت وقالت ولا الف ليلة وليلة ...... رهف وقفت وقالت روح المحاضرة الحين بتبدى ولا نسيتي ..يللا....قامت روح وقالت لصفاء .. ما بتروحي المحاضرة ......صفاء..انتو روحو انا بلحقكم بعد شوي
روح قالت لرهف وهم رايحين للقاعة ..ايش فيكي على البنت هي شكلها طيبة و حبوبة كمان .........رهف االلي تضايقت منها ما تدري ليش ..ادري ان شكلها طيبة بس ما اطيقها ايش اسوي ..... روح ..خفي عليها شوية ما يصير كده ......رهف..خلاااص بحاول ........
وكملو باقي اليوم ............
.
قولولي رايكم بصراااااااااااحة ومنتظرة تعليقاتكم على احر من الجمر
اماااااااااااانة لا تبخلو علي بالتعليق
تحياتييييييييييي
التعديل الأخير تم بواسطة linons ; 26-11-08 الساعة 09:52 PM
سبب آخر: العنوان كده احلى خخخخ
|
17-10-08, 07:10 PM
جديد مواضيع قسم الارشيف
العرض الشجري
