الفصــــــــــــل الخامـــــــــس



آلام و أحزان كبيرة
اترملت قبل ما تضوق طعم السعادة . حب حياتها ضاع خلاص مــــــــــــــــــــــــــــات
وتركها وحيدة
رهف: آآآآآآآه يا ربي لااااااا مو معقول اكيد انا في كابوس الحين بصحى وكل شيء بيرجع لمكانه اكيد
الحين بدق لسيف وهو حيرد علي ويطمني عليه اخذت السماعة وروح تحاول تهدي فيها
روح : رهف ما يصير " انا لله و انا اليه راجعون"..... رهف هادي حكمة الله وقضاءة اترحمي عليه
رهف واهي تدق على رقمه : الحين بيرد علي
: هذا الرقم لا يمكن الوصول اليه ....:
رمت الجوال على الجدار واتكسر وقفت مسافة مكانها ماتحس بشيء حاسة بفراغ كبيييييييير حاسة كانه مافي قلب جواتها وعقلها ما صار يفكر و الدنيا صارت تظلم وتظلم و تظلم وماحست بشيء
روح : رهف ...رهف ..ردي علي ... ياجماعة احد يلحقني ......
جات ام رهف تبكي على حال بنتها الاترملت من ال19 لقيتها طايحة على الارض و روح تحاول تفوقها : يا ويلي بنتي ..شنو حصل ...
روح : خالتي لبسيها العباية انا بروح انادي ابوي
وجريت روح واهي تبكي نادت ابوها وجا سفيان معاه و روح وام رهف و امها رفعو رهف على كرسي مشان يقدر ابو سفيان وسفيان يشيلوها وراحو المستشفى


............................................................ ............................................................ ........


سفيان : لا حول ولا قوة الا بالله ...لا حول ولا قوة الا بالله ..... جالس يفكر سيف يا اخوي ربنا يرحمك ويغفر لك رحت وتركت وراك هدي البنت اليتيمة لا حول ولا قوة الا بالله


ابو سفيان : سفيان يا ولدي شوف اختك روح لساتها في المستشفى من امس روح جيبها من هناك ترتاح شوي

سفيان : حاضر يبه



روح جالسه جنب رهف من وقت ما دخلت المستشفى قلبها يتقطع على اختها حبيبتها ورفيقة دربها
ما تدري شنو ممكن تسوي لها ويخفف عنها العذاب الكلام مايفيد شيء بس تصلي وتدعي لها ربنا يصبرها و يعوضها خير ... جالسة تقرى قرآن بصوت عالى وعذب عشان تهدى رهف و يطمئن قلبها
واثناء ماهي جالسه تقرا دق تلفونها
روح: صدق الله العظيم ...رفعت السماعة ولقته فهد ردت عليه
فهد: هلا و غلا بروحي ... كيفك
روح: الحمد لله انا بخير بس قلبي يعورني على رهف
فهد: اي والله عرفت الحصل لها ربنا يصبرها كيفها هي الحين
روح : الدكتور قال جالها انهيار عصبي
فهد: ربنا يصبرها والله كل الناس تمدح فيه انا عن جد ما لاقيته بس حبيته من كلام الناس عنه ربنا يرحمه ويغفر له
روح: آميين ... بدق لك بعدين رهف فتحت عيونها
فهد: خلاص بدق عليك في الليل مع السلامة
روح : مع السلامة


روح راحت لرهف لقيتها فتحت عيونها والدموع تنزل من عيونها شلال دموع صامته وجعتها اكبر من انها تهدى بالبكى
روح: رهف حياتي ... ردي علي ...ومافي رد رهف كانها ما تسمعها روح خافت عليها كتير ... رهف ردي علي ..انا روح يا رهف...
رهف التفتت نحوها : سيف راح يا روح ...سيف مات خلاص تركني لحالي .. ابوي راح اول والحين سيف ... صرت لحالي يا روح
روح: رهف انا وين رحت انا معاك وما راح اسيبك ابدا يا رهف

رهف بكيت بصوت عالى بكيت وبكيت لين ما نامت على حضن روح

وروح قلبها يعورها حطت نفسها مكان رهف لو حصل شيء لفهد لا قدر الله ما راح تقدر تعيش من بعده ابد دعت في نفسها : جعل يومي قبل يومك يا فهد


دق جوالها مرة ثانية وكان سفيان داق عليها : الو ..
سفيان : روح تعالي برة ابغاك شوي
روح: الحين اطلع
طلعت لسفيان برة : ايوه يا سفيان
سفيان : الوالد يقول ارجعي البيت الحين ارتاحي شوي بعدين ارجعي لها
روح : خلاص ننتظر ام رهف تجي لاني خليتها تروح البيت ترتاح شوي اول ما تجي بطلع وياك ما ابغى اخليها لحالها الحين
سفيان : خلاص بجلس في صالة الانتظار هناك بنتظرك
روح: اول ما تجي بدق عليك

رجعت لغرفة رهف و مسكت المصحف وجلست تقرا بصوت عالي

دخلت روح البيت حست انها تعبانة وان اعصابها مرة تالفة تبغى شيء يحسسها بالراحة شوي
فسخت عبايتها و اخذت لها شور وجلست في الموية الدافية فترة طويلة اول ما خلصت اخذت التلفون و فكرت انها تدق على فهد بس استحت ما حصل دقت عليه اهو دايما اللي يدق اتشجعت واول ما كانت بتضغط على رقمه دق الموبايل واهي انفجعت كان فهد الداقي عليها حست بدفء غريب في قلبها ما تدري شنو توصفه رفعت السماعة وقالت بكل نعومه : هلا حياتي
فهد واهو مرة دايب على صوتها بتجننه : هلا وغلا بروووحي ... بتذبحيني انتي بصوتك
روح : هههههههه كنت ابغى ادق عليك
فهد : احلفي لا عاد انا بقفل الحين وانتي دقي علي وراح اسجلها باليوم والساعة بعد ونحتفل فيه كل شهر ونقول لعيالنا بعدين ان هذا اول يوم تتشجع فيه امكم و تدق على حبيب قلبها ابوكم
روح استحت: لا خلاص هي مرة واحدة وراحت عليك
جات على بالها رهف و حست بالذنب انها الحين تتكلم وتضحك ورهف تعبانة و سكتت
حس فهد بتغيير في روح : روح شنو فيك ليش سكتي ..؟
روح : لا مافيني شيء بس تعبانة شوي
فهد: حاسة بشنو .... اجي اوديكي المستشفى الحين ...
روح : لا والله انا بخير بس متضايقة مشان رهف
فهد: انت تحبيها مرة صح
روح : ايوة هدي اختي و صديقتي هي الوحيدة اللي تحملتني في كل لحظات حياتي وقفت معي وعمرها ما تركتني لحالي وانا الحين حاسة اني مقصرة معها ما ادري شنو ممكن اسوي لها شايفتها متألمة وموجوعة وماني قادرة اعمل لها شي....وجلست روح تبكي
فهد عورو قلبه عليها لمن سمع صوتها واهي تبكي : روح حياتي انتي ما قصرتي معها وهذا امر ربنا ما نقدر نعترض عليه انتي بس ادعي لها ربنا يرزقها بابن الحلال اللي يعوضها عن فقدان سيف الله يرحمه
روح: لا انت ما تدري شي اهي كانت تحبه مرة ومافي احد يقدر يعوضها عن سيف .. سيف كان حب حياتها
فهد : ان شاء الله ربنا حيعوضها وبعدين مافي احد يدري الخير وين و " عسى ان تكرهوا شيئا وهو خير لكم "
روح : ايوه صح معك حق الله لا يحرمني منك ولا من رهف يا رب انتو اكثر اثنين غالين عندي في حياتي
فهد : الله لا يحرمني منك روحي
روح : تصبح على خير
فهد : من الحين بتنامين
روح : انا ما نمت عدل من امس بنوم شوي مشان امشي لرهف
فهد : خلاص تصبحي على خير . تغطي عدل
روح : ههههه حاضر يا بابا
فهد: شنو بابا بو راسك انا زوجك يا بنت قولي حاضر يا حبيبي و ريلي و تاج راسي
روح قالت بصوت واطي: حاضر يا حبيبي و ريلي وتاج راسي

الحمد لله على السلامه اختي طولتي مرة وان شاء الله تكون اخر
الغيبات مشكورة على البارت الحلو تعجبني الصداقه بين روح ورهف
هاذي الصداقه الحقيقيه ورهف الله يصبرها على بلواها واكيد روح
ماراح تتخلى عنها وبتساعدها على تجاوز محنتها .
فهد وروح الله يسعدهم بس شكل روح بتنشغل عن فهد برهف
ويمكن هالشي ياثر على علاقتهم لاني حاسه ان بيصير شي
يخرب من بينهم .
الله يعطيج العافيه واتمنى انك تنزلين كل اسبوع بارت وماتتاخرين علينا.
وجه الصباح

السلام عليكم

انا آسفة جدا لكن انا قررت اني بقفل الرواية وخلاص ما راح اكتب

و آسفة اذا كان قراري ما عجبكم

السماح

السلام عليكم ورحمة الله وبركاته


لماذا ....... لا تضيعي موهبتك لان الظروف عاكستك ....... ايتها الكاتبة الواعدة ... لا تجعلي قسوة الحياة تنحيكي عن هدفك ..... قاومي .... وعودي ......

اقفليها الى حين تحسن الظروف ............ ثم ارجعي مرة اخرى .......... وسوف ننتظرك ...........





ارجو الا اكون قد تتدخلت فيما لا يعنيني
كوني واثقة في الله ..... بانه لن يتركك ..... وواثقة في نفسك بانكي لن تتخلي عن موهبتك .........


اعتقدي دائما ان دوام الحال من المحال ... وظروف اليوم ماضي امس ...... والامل والايمان في المستقبل ............

خذي فترة راحة رتبي فيها مورك وتغلبي على ظروفك ثم عودي الينا ستجدينا نعاكي وورائك وبجانبك ... نؤزرك ونشجعك ونستمع اليكي وننصحك ونقرأ ما تبدعيه .......... لكن لا تحرمينا منكي ولا تحرمي نفسك من موهبتك .......... نصيحة من اخت محبة لاخت واديبة واعدة ..........