المنتدى :
القصص المكتمله
عكس قانونه للكاتبة mnoo_gadee
اليوم جايبة لكم قصة رووووووعة لسه خالصة من قرائتها ان شاء الله تعجبكم
[.. عـگـسـﮯ .. قانونهـﮯ .. ]+mnoo_gadee
نزلت الريم من السياره وقلبهاا تزيد دقاته : افففففففففففف والله اني متروووووعه من النتيجة .. اخاافهم يرسبووني في امتحااان البت يسوونهاااااااعيال اللذين .. هب منهم مني انا حد قالي ادخل الكليه التقنيه مالت علي اففففففف الحين مايفيييد الندم ... اخااف ارسب وامايه تزعل واييها شي .. فديتها ماتهوون علي مافيني ازيدهاا هم .... ادريبكم بستغربوون احاتي ردت فعل امايه ومافكرت بأبويه ...ادريبكم تتحرونه متوفي .. لاا هب متوفي !! ابويه الله يسلمكم معرس ومطلق امايه وعنده ولد وبنيه غيري انا وااخواني اللي من امي وابوي .. وطبعا المسافاات من بينا بعيده ومانشووفه الا بالسنه ولا بالسنتييين مره يطرش لنا مصاريف كل بداية شهر ويا أي حد من عيال عمومتي وخلاااص تعودنا على غيابه ...لانهم مطلقيين من انا عمري 11 سنه وانا الحين عمري 21 سنه .. وساره اختي عمرها 16 سنه لسانه اطول عني وعنكم بس طيبه وغير انها حسااااااااسه فيها دلع مااااااصخ والله انها مراات تلوع بجبدي يووم ترمس لغنننننننه مراهقه شو اسويبها بس حبووبه .. وطبعا مابنسى شيخ الشبااب سيف عمره 14 سنه مستريل علينااا اونه رياال البيت وكل يوم مسويلنا مشكله .. ماعليكم منه مستلمتنه سااره بلساانها خخخخخخخخ ..
طبعا نحن ثلاثه ويا امايه طبعا ساكنين ويا خالي حمد عمره 35 سنه هب معرس ولا يبا يعرررس ... فديت روووحه انا والله طيييييب من الخااطر وسواللف عقب بتتعرفوون عليه وصدقووني بتحبووه ... وماانسى طبعا خالي حميد وعمتيه ناعمه اللي رغم المشاكل اللي تستوي بين عمومتي وخوالي بس بعدهم متسمكييين بعض وعندهم ولديين خليفه 14 سنه كبر سواااف اخوووي وربيعه الروح وبالرووح ... وحاطيين روسهم براااس سارووه وفلاح 9 سنواات طبعا هذا دلوووع البابا .. اما عموتي ناعمه رغم انها تحب البنات الله مارزقهم ببنت طبعا مايحتااي اقولكم شكثر هي تحب سااره ومدلعتنهااا ... اما اهليه الباقييين مالهم اهميه بحياتنا ومع الايام بخبركم ليييش .... اووه صح نسيتووني عندي خااله اسمها منى ساكنه في بووظبي بس طبعاا نحن مقااطعيينهم لان خالي حمد مايدااني ريلهاا ..بس خالووه تكلم اماايه من فترره لفترره ..يقولوون عندها عياال ويمكن كبرنا بس مانعرفهم احييدهم يزقروونها ام منصوور بس الله واعلم عن حالهم ؟؟؟
تقربت من البوورد المعلق في ممر من ممرات الكليه لقيييتهم ملصقيييين ورقتيين الناجحييين وراسبيين في امتحاان البت ..خييييييييييييييبه مااكثر الراسبييييييييين والله مااقدر اوقف ع ريولي من الروووعه ...اتخيل ارسب عقب 3 سنواات كراااف في الكليه خلاااص عفتها ابى اتخرج وافتك ... لحظه !! لحظه !! هذا رقم الأيدي مالي هببب مصدقققققققققققققققققه والله اني ننااااجحه ههههههههههههه خيبه ابى ارقص ابى اهزز معقووووووووووله بتخررررج يااااااااااي وناااسه ...
يتني موزه ربيعتي : كلووووولولللللللللولوش اخيراا ييتي يالدحيحه ..
الريم بفرح : واللله اني هب مصدقه اني ناااجحه ههههههههه هم ونزاااح ..
ضربتني مووزه بغييض ع راسي : عيل باااركيلي حتى انا بفتك من الكليه ..
والله مااقدرت اززخ عمرري عفدت ع مووزه ولووويت عليها بقوووو ماعرف شو ياني معقوووووووله من الفرحه... معقووله هاللحظه اللي كنا نحلم فيها ونحن اصغارر واللي امايه تتمناها حقي تحققت ..ااااااااااااااه والله مستانسسه مستااانسه من الخاااطر .. يالله ياحلاااااااات طعم النجاااااااااااح والله انه غييررر ... اخيرا بتخرج ... اخيرااا
موزه دزني : ياخي بطليني اففففففففف قتلتيني حشاااااااااا
الريم : ههههههههههههههههههههههههههههههههه عنلاتج زاااااااد
موزه بخبث: حشااااااا متعلقه فيني تتحريني ريلج ....
الريم عصبت : عييييييييييييييب ماتستحين عنلالاتها من رمسه امفف علييج ...
موزه ماتت من الضحك : هههههههههههههههههههههه خييييييييبه كيف انتفخت هههههههههههههههههههههه حراام حد يتمصخر ويااااااااااج ..
الريم : اقوووووول هب متفيجه لسواااالفج بدق ع امايه ابشرها وانتي بعد دقيلهم شو تتريين ....
زخيت تليفوووني ادق على امايه ..مامرت دقيقه حشا هب دقيقه ثانيه من رن التليفوون الا صووت ساروووه ظاهر من السماعه : الووووووو
رديت عليها وانا اقلدها : الوووووو واابووووووووويه عليييج انا ..
قاطعتني : جججب جب بشري نجحتي ولا .......
الريم : مااااااااااااايخصج وييين امااااااايه ..
ردت علي وشكلها متملله : قووووووووولي يالله من الصبح متحرقصه قاعده على اعصابي ابى اعرف النتيجه وانتي تستهبلييييييييين ...
حبيت اتغلس عليها : قاعده ولا واقفه هاهاهاها..
ساارره بعصبييييه : بتبطييييييييييييييييييييييييييييييييين جاان عطيج امايه ترمسينهااا ..
زقرتها بسرعه : ساااااااااااااااااااارووه
تعرفوون شو سمعت ههههههههههههههههههههههههههههههههههه سمعت
سمعت
سمعت
بعد نزلواا
صوت القطاار توت تووت تووت .... ههههههههههههههههههههه ..رديت ادق محد شله ودقيت مره بعد مشغوووووول ... فقدت الامل خلااص دام سارووه زخت تليفوووون عز الله مابطلته ... والحييين كيف ابشرر امااايه افففففففففففف ... هاذي هاا موزه يايه شاقه الحلج اكيييييييد خبرتهم هب اناا ماااااالت .. اصلا دوااي محد قالي اتغلس علييهااا ...: هااا مووووزه عن تنطرييين ..
مووزه والابتسامه شاقه حلجهاا : خبرتهم خيييييييييبه تموا يصارخووون رمست امايه وخواتي كلههن وخواني الشباب وعقب رمسني ابووي قاال شو تبييين الهديه قلت له ابى اسااافر لندن وقالي مرررره تم ... فديييت ابووووي انا والله وان شالله بنسافر بداية سبعه ...
تصدقوووون حسيييت بضييييييييق من طرت ابوهاا وكلامها ويااه .. اكييد بتقولوون عني حسووده لانها عندها ابووها اللي يحبها ويلبي طلباتها هب انا مااعرف عن حاله شي لاينشد عني ولا انشد عنه وشكله اصلا مايدري اني بسنة تخرج ..بتقولوون مب لهالدرجه بقولكم هيه واكثررر ..
موزه : حوووو اييييييه وين سرحتي ..
رديت للواقع : ماااشي ..
موزه طالعني كانها اول مره تشوفني وهمست بصوت شبه مسمووع : دقي لبوووج وبشريه بنجاحج وقوليله انج بتتخرجييييين ..
تعرفوووون حسيت انه حد عطاااني طرااق ع ويهي ... هااي وين تبى اوونه دقي ع ابووج .. اصلا انا مارمسته من سنه والله من سنه مارمسته ولا اعرف عنه شي تباني ادق له واقوله اني خلاص بتخرج عسب يقول طوول هالاشهر مادقت لي ويوم نجحت دقت تبى هدية النجااح تخسسسسسسسسسسسسي ادقله يالله هنااك هذا اللي قااصر ...: لا السموحه منج اتخيل ادق على ابووي عقب هالغيبه .. اصلا بعدني مابشرت امايه عسب ابشر ابوويه ...
موزه تفاجأت : مارمستي امممج ..
هزيت رسي بنفي ..
موزه بندفااع : شوو تتريين ياا انسه اقصد عااانسه ..
والله انها تضحك : هههههههههههههههه العانسه بنتج .. وخبرتها سالفت ساروه
موزه : اوووونها تحاااتيييج ..خخخخخخخخخخخ حركتااات اختج ..
الريم : هههههههههه هيه حليلها ..
موزه : والحين كله الخط مشغوول تبى تغاايضج شوو ؟؟
الريم : اونهااا عاااااااااد ..
شوي واسمع صووت تليفوون يرن : تليفوونج يالحلووه
موزه : اكيييييييييد فهد اخووي عند البوابه .. تعالي اوصلج ..
الريم : لالالالا مافيه اتعبكم مشكوره خالي حمد بييني ..
موزه : العاانس العوود .. علوومه ؟؟
ضربتها ع كتفها : ايه اييييييه مااسمح لج ع خالي يالله جلبي ويهج ..
موزه : ههههههههههههههه أي صفحه ؟؟
الريم بتملل : الاخيييييييييييره ..
موزه : مطروره هههههههههههههههههههههه كنت ابى اكتب قصيده وطريتها ههههههههههههههه......"رفعت عباتها وشرردت عسب ماضربها"
قلت لها بصووت عالي : الاياااااااام من بيناااااااااااااااااا
ماسمعت منها رد غير ضحكتها ..شفتها تغشت وظهرت من الكليه . افففففففففففففف والحين انا شو بسوي برووحي خلني ادق على خالي وشووفه وين ..رن تليفون كم رنه وعقب سمعت صوت رجوولي : مرحباا والله بالريم شيخة الحريم ..
اسميني استانست ههههههه مصدقه عمري : مرحب(ن) لاااااااهاااااان ياهلا واللله بشيخ الشباااااب شحالك بو شهااب اقصد خالي بوشهااب ..
خالي حمد : يامرحباااااابج زوود بخير دامني سمعت هالحس ..ومن صوبج الغاليه؟
الريم : بخيير دامك بخيير .. الا اقوول
خالي حمد : امرررري .
الريم : خلصت دوااامي ابااك تردني البيت ..
خالي حمد : حاضرييييييين لطيبيييييييين !! خمس دقايق وانا عندج ..
سكرت عنه كاان بودي اقوله اني نجحت وبتخرج من الكليه عقبب هونت قلت خلااص في البيت بسوي اجتمااع مغلق ويا خالي حمييد وعموتي ناعمه ..بس طبعا الاجتمااع بدوون سااره ..استانستواا ههههههههههههه اصلا بتاكلني مافيه عليها فهي طبعا بتكوون اول وحده حاظره الاجتمااع خخخخخخخخخخخخ ..اووبس تليفوني يرن وانا اسولف وياكم ..اووووويه خالي حمد يدق اكيد وصل ..
ظهرت من بوابة الكليه لقيته يترياا قرب البوابه خخخخخخخ حليله ..بطلت الباب شفته مبووز : بسم الله شووفيك ..
رد علي هوو يحرك سكاان عسب يحرك السياره : ليييش ماترديين علي ..
عااد سمعواا العذر : عرفت انك يااي ومافيه ارد عليك وخسرك ..
خالي حمد : زين والله يوم تحاتيين خسارتي .. بتخبرج ..
انشاء الله مايسالني عن النتيجه قوولووا اميييييييين : هلا خالي ..
خالي حمد : تتوقعيين شو طابخيين ع الغدا اليووم والله اني ميت من اليوع ..
والله مااقدرت ازخ عمري من الضحك : ههههههههههههههههههههههه.
تم يطالعني مستغرب : شووفييج تضحييكن ماقلت نكته ...
الريم : لالالالا ماضحك عليييك بس تذكرت شي ....
رد يطالع الشارع : زين عيل ظهرت نتيجتج ولا .....
ياويل حالي وهذا اللي كنت اخااف منه ..اصلا ليش اخااف ناجحه والحمد الله : لا فديتك بااجر ان شا الله ..
خالي حمد : الله يوفقج ...يالله نزلي وصلنا ...
نزلت من سياره وانا افكر فيه اكييد ان درى اني كذبت عليه ومابشرته اول وااحد بعصب علي ... يالله ماعلييه كلمتييين وبيرضى ..ماشا الله علي واثقه انه بيرضى ..يالله بسير اعق عباتي وتسبح وصلي عسب اتغداا ..بس قبل كل هاا بسير اسلم على اماايه ... حليلها لقيتها قاعده في صاله : يااحي هالشوووووووووف
امايه فديتها : الله يحيييج ع فضله ... تعالي امايه بشريني شو نتيجه ..
ههههههههههه حليلها امايه متحرقصه تبى تعرف النتيجه حار بحاار : امايه بااجر النتاايج ..
بانت علامات الضيق بويهاا : يالله عااااد ..يابنتي منو فيه يصبر لييين باااجر ..
حاولت اريحهاا : اماايه اللي خلانا نصبر الليين اليووم بخلينا نصبر اليين بااجر ..
امايه : خلااص يابنتي سيري غيري عسب تتغديين ويا خالج ..
تخبرتها عن سارووه قالت لي قاعده ع النت ..اخيرا خلت التليفوون بحاله لو ينطق جاان اشتكى منهاا ... بطلت بااب حجرتي تعرفوون شو شفت ... شفت الخبله منسدحه ع شبريه ومبطله كشتها ومسكره الستااره والبيبسي عدالها والجيتووس لا وبعد مبطله النت من الاب توب مالي ..وين تتحرا عمرهاا هااي الحيين بهزبها :سااااااااااااروووه منو سمح لج تدخلييين حجرتي ..
ردت علي بروود حرقني : بن عرووه سمحلي ..
اففففف بزيه تقهر : يالله برررررع يالله شلي هالكشرررررررره وظهري من الحجره خيستي ريحتها ..
شفتها بطلت عيوونها : لييش جي معصبه .. انا ماسوويت شي ..
حراام ماهانت علي اختي الوحيده : عيل ليش تسكرريين بويهي ..
ساره : لانج تستهبليييييين وانا من البارحه احااتييييييج ..
والله ماقدرت غير اني الوي عليها ماخليت حد مالويت علييه : فدييييت رووحج انا والله .. اوونج تحاتيني ..
ردت علي وبجديه : هييه فديتج والله بخاطري اعرف نتيجتج عسب نغاايض اهل ابووي وعسب مايستهونون فينا ..اقولهم شوفوا الشيخه الريم نجحت بامتيااز ورفعت الرااس ... سكتتت شووي وعقب ردت تكمل ...والله ياالريم بودي اغاايضهم وارفع رااس امايه ونراويهم نحن كيف ..الا صح شو نتيجه ..
ههههههههههههههههههههههه اسميها البنت خبله ..تعرفوون شوو بقولها اني نجحت دامنها جي متحمسه هالبزيه للمغايض : فديتج اختج الريم سووتها ونجحت وان شا الله بيسلم لها شهاده التخرج الشيخ نهيان بن مبارك ..
ساروه بدوون مقدمات : كلولولولولولولووووووووووووووش مبروك الف الف مبرووك عقبالي يانااااااااااااس ..
هههههههههههههههه والله اني ضحكت ع خبالها : اييييييييه لا تخبريين امايه تراني عقب بسويلهم مفاجأه ..
ساره : صدق يالله .. ماتخيل اشكاااااااااااالهم ...
حطيت اغراضي ع شبريه وانا قول لها بكل ادب اوني عاد : لوسمحتي سارووه ممكن تظهرين عسب اغير مااي دررس "ملابسي يعني"
طالعتني مستغربه جنها تقول من وين ياها الادب : انزين خلااص انا بظهر بس لو سمحتي ريماني لا تصكيييييين الاب ..
طاع ويهج انتي بس لابي وبعد تتشرط خخخخ يالله مافيه عليها : انزين مابصك شي ...جلبي ويهج وفكيناا ..
ظهرت من الحجره وسكرت الباب وياها ... تعرفون انا شو سوووويت ..اكييييييد بدون ماتفكروون نقزت ع لاب افتش من عقبها شو كاانت تسوي ... لقيتها مبطله المسن وحاطه سأعود حالا ..ولقيت محادثات يالله يالله شهالنكااات الملونه ..طااع هااي نكها كيف معنقش امففف عليها هب ذووق ..لقيت محادثه غير جي سبشل خلفيتها فراشاات ..اوووونج عااد سارووه لحظه !!لحظه!! ههههههه هااي ربيعتها شواخي ..ع قولتها توأميه خخخخخ سوالف هالبنيه ..ماشاالله عليها غاويه ماعليها كلااام ... بسم الله شهالصوت ههههههههههه اشارة تنبيه ..واابوووويه عليكن انا اتريين شوي حشاااا ... حطيت الاب مثل ماكان وتسبحت وصلييت وخلصت ... اكيييييييييد خالي محتشر يبى يتغدى وانا اتخرت علييه .. دشيت الصاله ..ههههههههههههههه ماعلييه لقيت الحبيب يتغدى ولا ترياااني : افااا ااااااااا ماهقييت الاكل يهنالك وانا مب مقابلتنك ""مصدقه عمري"""
خالي حمد : اقوووووول يالحلووه يالله جلبي ويهج محد يعطيييج ويه ..
سارووه تمت تضحك : بووووووووووو "اونها عااد تأشر علي بصبعها" قفطوووووهاا ...
سيف : لقطي لقطي ويهج خخخخخخخخخخخخخخخخخخخخخخ
طاعوا سيفووه الرزه بعد هاللي قااصر ..يهال ويطنزوا بعد هب سادنهم : جببب جبب يالله اليهاال مايرمسوون ..
حسيته عصب يوم قلت له يهاال ...اوب اوب ياا صوبي اكيييد الحيين بيعطيني مخدر ..يعني يضربني ع كتفي بقوو ...يمااا : اماااااااااااااااااايه لحقيني ..
امايه : اييييييييه سواااف شوتبااها اختك تضربهاا ... خلها تاااكل بتغص ..
سواف : خلها تحترم عمرهاا ولاتم تقووول عني يااهل ..
خالي حمد بطناازه : اوووي ريموووووه ماتستحيين هذا سيفووه شيخ الشبااب ..
اييه سارووه شو تسووين .....
ههههههههههههههههههه تعرفوون شو كانت تسوي ..كانت واقفه ورى سيف وتسويله مالت وحركاات اووونه قروون ... خخخخخخخخخخخ دوااه الهرم ..
ساره ارتبكت : انا بسييير اسوولف ويا ربيعاااتي بالمسسن نسيييتهن ... "وكانت تسوي حق خالي ماعلييه "..
شفت خالي حمد افتر صوبي وشل الخاشووقه من اديني : يالله يالله قوومي بسج .
بطلت عيووني برجاا : حرااااااام خلني اكل يوووعانه ماكلت شي ..
سيف : صدقه خالي قوووومي بسج ..غااديه دراااااااااااام بسم الله ..
ماقلت لكم انه رزه : انت مايخصك انزيين اكل ولا مااكل انزين
خالي طالعني بنظرة عتب ..لان طريقتي يوم رمسته هب شي وبياثر فيييه وبيحس انه ماله قييمه : سوووري سيف بس صدق يووعانه ..سير يبلي روب من المطبخ ..
شفت سيف سااير المطبخ وهو مبتسم دوون اعتراااض خخخخخخخخ لاني اعتذرت له .. وبالاصح اول مره اعتذر له دوومي هب مسويتله سالفه ..
المهم خلصت غدااااااي ورقدت وشبعت رقااااد نشييت ع المغرب صلييت الحمد الله .. والحييين لازم اقولهم اني نجحت وبتخرج ..لاني بصرااحه مصختها ..ادريبكم مليتوا تبوون تعرفووون كيف ردت فعلهم ...
في صاله كانت العايله الكريمه متيمعه خالي حمد امايه وساره هااي الاولى خخخخخخخ وعمتيه ناعمه وخالي حميد ... والعيال سيف وفلاح وخليفه يلعبوون في حوي قوم خالي حميد ... سرت سلمت علييهم اووني عااد ...عقب غمزت حق سارووه عااد هي سيده نقزت ماصدقت صدق انها ملقووفه خخخخخخخ : عائلتي العزيزه اختي العزيزه ريم شينة الحريم ودها تقولكم شي ...
أنا الشينه يالملقووفه ماعليه ماااااااااااعلييه دوااج عقب ..خلنا نفرح الاهل عقب بتفيج لج : أنا نجحت وان شالله بتخرج
سارووه طالعني بنقمه : عااد حد جي يفررح الاهل يالبااارده ...
والاهل يطالعوناا خخخخخخخ محد قال مبروووك ...شوياهم ساكتييين ..خالي عموووه شوفيهم ساكتيين يطالعووني بس فجأه سمعت أمايه : الف الف مبروووووك والله تستاهليييين الزووووود ..
عقب كلهم تعافدوا علي يهنوني صدق والله من الخاااطر استانست وبصرااحه مااعرف كيف اعبر لكم فرحتهم والله انها غييييييييير ...وسارووه اونها تصفق صدق خبله هههههههههههههه.. اونها تمش دموعها بالشيله المووقف واايد يأثر
عمتيه ناعمه : فديت الريم انا والله ظااهره ع عمتها شااطره .."اونها غمزتلي"
خالي حميد : لا فديتج البنيه ظااهره ع خوالهاا ..صح ريمووه ..
خالي حمد : هييييه صح غصب(ن) عنهاا صح ..
عمتيه ناعمه : تولفوا الاخواان ع الفقيره ناعمه ..
اماايه اونها اداافع : بصراااااااااحه البنيه ظاهره ع عمومتهاا وابووها ماشا الله علييه ذكي وشاااطر...
عاااشت اماايه اداافع عن ابووووووووووويه : اسمحيلي امايه ماتشررف اكوون شرااات ابووووويه ...
خالي حمد بغييض : عييييييب علييج هذاا ابوووج كيف تقوليين عنه هالرمسه ..
حاولت عمووه تغير المووضووع : فكوووهاا سيره ...اليووم العشااا علييي
سارووه بدلع : عموووتي نبى سور الصيين ...
الحيييين العشا حقي ولا حقهااا : انتي شو يخصج ..منو نجح انا ولا انتي ؟؟
عمتيه ناعمه : حدج ريموووه داام سارووه قالت سور الصين يعني سور الصين ..
سارووه سارت تلووي على عمووه : فديييييييييييييت روووحج والله العظييم احبج ..وهااي بوسه لاحلى عمه اموااااااااااااااااااااااااااااااااااااح ...
خالي حميد يدز سارووه : اييييييييييه شفطتي حرمتي قووومي قوومي عنهاا ابااها ... يالله قومي ...
ياوييييييييييل حاالي عااد عمووه الحييييييين مستحيه ..خخخخخخخ : منووقدج عمووه يبوونج ..
عموتي ناعمه حليلها استحت تبى تشرد : انـ ـ انــا بسير البيت عسب عقب صلاة العشاا بنظهر ..
خالي حميد : هاا حبيبي بتسيرين بدوووني ..
هههههههههههههههههههه عموتي راحت فيها ..طااع طاع سارووه اونها تصفق عايبنها الموقف صدق انها مراهقه خبله ...
خالي حمد : ايييييه انت اجلب ويهك وانت حرمتك ....شي عزابييه هني "ويغمز لهم "..
ياحليلج عموووه شلت ريلها وسارت البييت ..والله هالاثنييين واايد احبهم وقفوا وييانا بأصعب المواقف وبذاات عمتيه ناعمه خلت اهلها عشانا ..لانها ماترضى بالظلم ...يالله عسى ربي لا يحرمني منهم ...
قاطع تفكيري خالي حمد : انا بظهر شي بخااطرج ام سيف ..
امايه : لا فديتك سلااامتك ..
افتر صوبنا : وانتن ؟؟
ساره هزت راسها بالنفي ...اما انا ماافوت الفرصه : ابى هدية النجااح ..
رد علي بغايض : يالله هنااااااااك ؟؟ ماشي هدايا .. ويوم اخبرج عن النتيجه تقوليلي باااجر .."اونه يقلد صوتي " اوونج عااد تسوين مفاجأت علموووج ويهالراس ..
والله اني ضحكت : هههههههههههههههههههههههههههههه ..وتقدمت منه وحبيته ع راسه : فديت بوشهاب انا والله ...لاتزعل ماتهون علي ..
رفعني فووق لين شفت ريولي معلقه : ياللـــــه يعلني ماخلاامنج ..
سمعت صوت ساره تصااارخ : خاااااااااااااااااااالي !! حررااام ابـــى ..
استغرب خالي حمد :شو تبيييييين..
ساره : شلني فووووووووق ..
خالي حمد : يالله مناااااااك ..ماشي ..تبييني اتكسسر ..
سااره بغييض : حد قالك اني دبه ..ماعليه حماادووه ماعليه بنشووف منو بهمز لك ..
خالي حمد بندفااع : تعاااااااالي فديت سويره انا والله تعاااااااالي ..
سااره رغم انها متضايقه بس ضحكت : ههههههههههههههههههه مابى خلاااص ....
ماخلاها تكمل كلامها وشلهاا وعقها ع الكرسي اللي في صااله ..
اماايه : حمد حرااااااام علليييك كسرت البنيه ..
خالي حمد خذ نفس : والله بناتج ثقااال حشا شو ياكلن ..
قووويه يؤ يؤ يؤ : هاا خالي حمد شو قلت مااسمعتك ..
خالي حمد : ماشا الله يا شريفه بناتج خفااف شرااات الريشه ..
امايه : ههههههههه رد الشهااده ع بناتي عن اييهن شي ..
خالي حمد : ماشا الله ماشا الله ""وسوالنا مالت""وظهر شكله ساير عند الربع ..
فظت الصاله مابقى فيها غيري انا وساره ..حتى امايه سارت حجرتها تقرا قرءان ..
ساره : ريموووه بقوولج شي ..
رديت عليها بدوون نفس حليلها : هاااااا شو عندج
اونها وقفت وسوت عمرها تكح : كح كح تقوول الشاعره :
((ودي اعطر التهاني واطرشها جداك ...واقولك ان النجاح هو اللي يستاهلك .. ياخل هذاا شووي ماجااك .. انت قوولي وش يستاهلك))
عاد انا ماعندي ون توو : من وين حفظتيها ..
ساروووه طالعتني بغييض : والله العظيييييييييييييييييييم انها من كلمااتي يالكلبه ..
ههههههههههههههههه حراام لو شفتوا شكلها بترحموونها ..: فدييتج والله بصرااحه طرررررررررر لو انها صغيره بس ماعليها كلااام ..
لحظه !! شوهالحشرررررررررررره ..منوو هالمززعج اللي يدق الجرس جي : سارووه سيري بطلي الباااب ..
سارووه اونها متعايزه ومناااك هي تبى تعرف منو ها : انزيين بسير ...
وقفت عند باب الصاله وشفت سارووه تتحجب عسب تبطل الباب .. سمعت صووت رجوولي يقول : السلاام عليكم ..
|
18-09-08, 11:16 PM
جديد مواضيع قسم القصص المكتمله
العرض الشجري
