لمشاكل التسجيل ودخول المنتدى يرجى مراسلتنا على الايميل liilasvb3@gmail.com





العودة   منتديات ليلاس > القصص والروايات > المنتدى العام للقصص والروايات > القصص المكتمله
التسجيل مشاركات اليوم اجعل كافة الأقسام مقروءة

بحث بشبكة ليلاس الثقافية

القصص المكتمله خاص بالقصص المنقوله المكتمله


إضافة رد
نسخ الرابط
نسخ للمنتديات
 
LinkBack أدوات الموضوع انواع عرض الموضوع
قديم 02-06-08, 03:49 PM   المشاركة رقم: 176
المعلومات
الكاتب:
اللقب:
دلع ماله حدود


البيانات
التسجيل: Oct 2007
العضوية: 46281
المشاركات: 4,109
الجنس أنثى
معدل التقييم: كيلو دلع عضو بحاجه الى تحسين وضعه
نقاط التقييم: 20

االدولة
البلدSaudiArabia
 
مدونتي

 

الإتصالات
الحالة:
كيلو دلع غير متواجد حالياً
وسائل الإتصال:

كاتب الموضوع : كيلو دلع المنتدى : القصص المكتمله
افتراضي

 


وبدر يتروش الجوري جلست تفتح دروج المطبخ شافت ابر بدرج المطبخ : وش قصة هذي الابر ... دايم اشوفها .. – شهقت – ليكون مخدرات لا .... جد الحقير حقير ...

دخلت الغرفه بسرعه وبدر توه طالع من الحمام ...

الجوري معصبه : ايش تسمي هذي يامدمن - رمت الابره على وجهه ...- جد الحقير حقير

بدر ناظرها معصب : انتي كيف شفتيهم ..؟

الجوري : ايوه اكيييييييد ماتبغاني اعرف يامدمن يامنحط ابر ابر ياخسيس

بدر طنشها وطلع من الغرفه للمطبخ يصب له مويه

الجوري لفته بقوه من كتفه لجهتها : انا احاكيك هنا

بدر : نعم ..؟

الجوري: انا بعد اللي اكتشفته مستحيل اجلس مع مدمن هنا ابرجع لبيت عمي بالسعوديه ...

بدر صب له كاس مويه و رجع لغرفتهم وهي تلحقه معصبه .....: ليه بترجعي علشان الابره

الجوري لحقته : ليه تبغاني اجلس بعد اللي شفته ..

بدر رفع القزازه الصغيره اللي مع الابر معصب : اقري انسولين انسولين يعني لمرضى السكر .. هذي ابري حقة السكر ...

الجوري ناظرت مبلمه وملامحها اللي كلها عصبيه وشر من دقايق صارت استفهام : انت معك السكر

بدر ابعدها عند ووجهه متضايق : ايوه شكل ثقافتك الانجليزيه خانتك ..

طلع من الغرفه وجلس بالكنبه على الصاله

الجوري وقفت مصدومه (( بدر معه السكر )) حست بضيقه وحزن (( ياحياتي من متى ))من جد زعلت عليه وخافت عليه كان ودها تبكي بس ماتركت لنفسها فرصه ..طلعت من الغرفه ... بدر بس شافها لف وجهه.. الجوري بكل تهور ... راحت وجلست بجنبه بالضبط ..
لف بدر يناظرها مستغرب ... الجوري باسته على خدها بهدوء : سوري والله ماكنت عارفه

بدر تفجرت كل مشاعر الحب اللي بداخله من حركتها هذي ضل يناظرها ...

الجوري حست بمشاعر قويه بقربه قامت بسرعه مخها ترجم لها انه شي غلط تجلس بقربه ...

بدر ابتسم وكمل شغله بالابره

الجوري سكرت على نفسها الباب وبكت لانها اكتشفت انها تحبه مع الاسف حبة بدر ....(( صادقه يالوجين احبه والله احبه ))

بالسياره قبال مستشفى الملك فيصل التخصصي

ياسر : رائد الله يهداك متاكد من اللي تسويه

رائد: والله ودي اقطعه باسناني النذل انت ماشفت وشصار باختي الله يلعنه اذا ماخليته يزحف

ياسر : انا احس انه اليوم ماداوم بالمستشفى

رائد: لا داوم من الصباح وانا واقف هنا

ياسر : خلاص اتركه ماعليك منه هو توه معرس ماصار له اسبوع واكيد داوم كذا مو دوام كامل وم

رائد : هذا هو هو طلع

يااسر : ترك هبالك

رائد: اسكت ... وتلطم خلصنا

تلطموا بشماغهم ...

مشى عادل بالشارع يدندن مبسوط اخيرا وافقوا له على الاجازه .. يعني بسافر مع الريم لشهر العسل واخيرا ...

وهو بنص الشارع ... رائد زاد السرعه وصدم بعادل وهو كله حقد ....

عادل ماقدر يتحرك من مكانه وهو يشوف السياره اللي تصدمه وفجاءه ماحس بشي

ياسر و عادل .. بسرعه مشوا بالسياره قبل لاحد ينتبه فيهم ..

عادل تجمعوا عليه الناس ..


******************************

 
 

 

عرض البوم صور كيلو دلع   رد مع اقتباس
قديم 02-06-08, 03:51 PM   المشاركة رقم: 177
المعلومات
الكاتب:
اللقب:
دلع ماله حدود


البيانات
التسجيل: Oct 2007
العضوية: 46281
المشاركات: 4,109
الجنس أنثى
معدل التقييم: كيلو دلع عضو بحاجه الى تحسين وضعه
نقاط التقييم: 20

االدولة
البلدSaudiArabia
 
مدونتي

 

الإتصالات
الحالة:
كيلو دلع غير متواجد حالياً
وسائل الإتصال:

كاتب الموضوع : كيلو دلع المنتدى : القصص المكتمله
افتراضي

 











السعوديه – الرياض

مسفر ..: لو سمحت اخوي كم باقي على الطياره

الموظف بعصبيه : يااخي كم مره سالت هذا السوال ... باقي ساعتين ...

مسفر : اوكيه اوكيه اعصاب ...

مشى بالمطار وهو متوتر وايده معرقه كلها ساعات ويشوف لوجين ... يلعن نفسه بداخله كيف تركها كذا .. كيف ..؟حتى ماسمع مبرارتها او ماسمعها معقوله تنتحر علشانه معقوله ماتدري عن زواج علي لها ... وهذا منصور وش مصلحته يقوله يجي ...

وقف قبال كشك يبيع هدايه او تذكرات
شاف تذكار مشغل بنت لابسه فستان ورافعه رجلها وموسيقى رومنسيه مع حركاتها

الهندي : هزاء باشرين ريال بس

مسفر رفع راسه يناظر بالهندي وكانه يساله بتعجب لوجين ...: عطني وحده

الهندي مبسوط : هازر ...

دفع مسفر العشرين واخذ العروسه يناظرها تذكره بلوجين كثير ..

(( الله يحنن قلبك علي يالوجين ...

****************************************
بريطانيا – مانشستر ..

لوجين تدق الباب على منصور ..
منصور غرقان بالنوم .....
فتحت الباب شافت نايم بعمق : اووووه نصو نايم لا ومركز بالنوم بعد قوم

منصور .: z z z ......؟

لوجين : نصوووووووووووووو

منصور فتح عيونه بكسل : لوجين

لوجين : نصووووووو بسرعه بنتاخر على المطار ....

منصور : اي مطار

لوجين قفزت على السرير بجنبه : يييييييييييييييييوه منصور صحباتي اليوم بيجوا نسيت

منصور : اوه راح عن بالي

لوجين : والله احلف – ترفع الغطاء - يله قوم

منصور بعصبيه : اول شي انزلي عن سريري

لوجين : ها ......؟

منصور : انزلي عن السرير انتي ماتستحي تجلسي بسرير فيه شاب غ

لوجين ببراءه : عادي انت ولد عمي ...

منصور : لا مو عادي وومره ثانيه لو سمحتي لاتدخلي غرفة اي واحد مو محرم لك

لوجين: يالله حتى سوالفكم هنا

منصور : تفضلي بره

لوجين عصبت : تراني مو ميته عليك مصدق حالك بزياده انت

طلعت وسكرت الباب بقوه
منصور تمدد على السرير مبتسم : انا اللي بربيك ...يابنت عمي

لوجين نزلت لعند السياره بسرعه تمشي لمطار .. دقت على الجوري ..

********************************************
السعوديه – الرياض

نواره : خلاص انا وعدت البنات بسافر يعني بسافر ...

ام نواره : لا يمه جلسي معنا انا رجعت علشانك

بو نواره : يهون عليك تتركيني مع امك لوحدنا

نواره: ههه لا والله ماتهون تجلس لوحدك معها

ام نواره رجعت بكيت : ليه انا م

نواره: ههههه والله نمزح اقسم بالله .. بس اسمعوا انا قررت ومالي رجعه لهنا ... اصلا انا مانخلقت اعيش بالرياض انا انخلقت لمانشستر ..

ام نواره بحزن : والله يابنتي اني تركت كل س

بو نواره قاطعها : خلاص يا غاده اتركيها على راحتها ودام ان راحتها بقرب صاحباتها تروح

ام نواره بضيقه : الله معاك وسامحيني يانواره بضل طول حياتي اشيل ذنبك برقبتي ..

نواره بضيقه اكثر من اي وقت فات : خلاص يا يمه كل شي انتهى وانا مسافره بدون رجعه ... لاتخافون معي فلوس لوجين ماني بمحتاجه لشي ..

ام نواره تلبس عبايتها : يله بنوصلك للمطار

بو نواره : انا ماقدر مواعد الشباب على الغداء ..

نواره تنهدت مهما تغير الزمن والناس ابوها بييضل كذا ..: اوكيه ممع السلامه يبه

ضمت ابوها من قلب تحبه بكل عيوبه تحبه اثر من اي احد بالدنيا هو اللي بقالها من الدنيا ...

بو نواره: انتبهي على نفسك وسلمي على لوجين

نواره: ان شاء الله يوصل

ام نواره : يله لانتاخر على الطياره ...

**********************************

بريطانيا – لندن

الجوري جالسه لحد هاللحين بغرفتها مقهوره من الاكتشاف الخطير اللي كتشفته ... كرهت نفسها من اكتشافه وقررت تطنش قلبها وتتعامل معه مثل قبل لازم ..
دق جوالها وكان صامت ماحست فيه .. دق تلفون البيت

الجوري بهدوء : هلا

لوجين مقهوره : هلا .. ليه ماتردي على جوالك

الجوري ماسمعته يمكن سايلنك

لوجين بدون نفس : ايوه قلتيلي

الجوري: وش فيك

لوجين : هذا اللي ينقال له ولد عمي بيعلمني كيف اتعامل مع الناس ... على ايش مصدق حاله

الجوري: حبه حبه ليه معصبه كذا

لوجين: قال ايش قال : لاتركبي فوق سرير اي شاب .. انت قولها كويس شاب مو واحد شاب

الجوري: ههههه واضح انك مقهوره ...

لوجين : المهم انتي كيفك ..؟ وكيف العريس بعد امس ..؟

الجوري : آه ........آآآآآآآآآآه ........ من هالمعرس معذبني

بدر رجع من المستشفى بس راح نص ساعه يشوف اخوه ويشيك على اكله .. رجع للبيت ومثل ماهو هدوء : ايوه اكيد ماطلعتي من غرفتك لهاللحين – ابتسم وهو يتذكر شكلها وهي مستحيه حط ايده على خده وين ماباسته – يالبيه قلبك ياعمري انتي ..

مشى لحد الغرفه وقبل لايدق الباب سمعها تقول : آه .......آآآآآآآآآآه من هالمعرس معذبني

وقفت اصابعه قبل لاتدق الباب من المعس من اللي معذبها افكار كثير تدور بباله ...

لوجين : لاااا واخيرا اعترفنا

الجوري: والله مادريت اني مو بس احبه الا اموت فيه

بدر كان بيفتح الباب ويضربها ويلعن خيرها بس مسك اعصابه ومشى لعند التلفون رفعه بهدوء

لوجين بصوتها الناعم الفخم : قلتلك من امس حسيت عيونكم فضاحه يابنت

الجوري : اليوم اليوم بس تاكدت لما حكى لي معه السكر حسيت بضيقه و

لوجين تقاطعها : معه السكر

الجوري: تصوري ياقلبي هو طلع معه السكر وانا الغبيه فكرته يتعاطى شي

لوجين ارتبكت بس جابوا التعاطي : لا اكيد انه السكر المدمنين يوضح عليهم

الجوري: ايوه عارفه ... ولما حكالي حفت مادري ليه خفت عليه مرهه وكان بودي ابكي واضمه

بدر جلس على اقرب كنبه تحكي عنه تحبه هو ..

لوجين : يابختك بدر مزيون وشكله حبيب

الجوري : المشكله خايفه..؟

لوجين : خايفه خايفه من ايش

الجوري: مادري اذا ناظرت بعيونه والا حكيت معه احس بخوف مادري وش سببه بس قربي منه يخوفني .

لوجين : يمكن من اللي حصل قبل كذا بالمطعم

الجوري ارتعش كل جمسها : تكفين لاتذكريني احس ان شعر جسمي وقف .. الله لايعودها من ايام

لوجين تغير الموضوع: صحيح يالعاشقه مانتي بناويه تطلعي معي للمطار نستقبل البنات

الجوري : والله بودي لكن ماتوقع ان بدوي بيرضى وخصوصا بعد اللي صار من ساعات

لوجين : لا تكفين لاتشتغلي لي بدوي كنا برودي وهاللحين بدوي ... البندري طول الايام اللي فاتت ومن احكي معها ماعندها شغله الا رودي هذا وانت هاللحين والله انتحر

الجوري: هههههه يحقلنا ياختي دام حبايبنا مثل كذا ..

بدر سكر التلفون بهدوء مثل مرفعه سمع اللي يبغاه جلس دقايق ييناظر بالنافذه مو مستوعب اللي سمعه لا وتدلعه بعد ((بدوي ياحلوه من فمك ياشيخه )) ابتسم ..وبعد ثواني انفجر بالضحك : هههههههههههههههه

الجوري: بسم الله الرحمن الرحيم وش هالصوت

لوجين: وش فيك

الجوري: ها لاولاشي بس صوت بدر

لوجين: طيب عادي

الجوري: بدر بالمستشفى وتهايالي صوت ضحكته

لوجين: امم من الحب ماقتل

الجوري: انقلعي واسمعي لاتجيبي طاري ل البندري

لوجين: داريه انها بتمصخرك ها هههه

الجوري: الا بتغثني بالنصايح ومغامراتها مع الشاطر حسن الرودي

لووجين: هههه تنفع عايله

بدر يدق الباب : ممكن ادخل

الجوري دق قلبه بسرعه : ياويلي بدر

لوجين: اوكيه اخليك

الجوري بسرعه : باي

سكرت التلفون

بدر : الجوري نمتي

الجوري مشت لعند المرايه تعدل شكلها : لا صاحيه بس دقيقه ...
عدلت شعره وحطت ايدها اليسرى على قلبها واليمنى تهف فيها وجهها لان حرارة جسمها وصلت للمليون (( ياويل قلبي كيف بشوفه هاللحين ))

بدر : اذا خلصتي اطلعي الفطور وصل

الجوري فتحت الباب بسرعه : اصلا جالسه ماسوي شي

بدر اول ماطاحت عينه عليه غصب عنه صار يضحك : هههههههههههه

الجوري شكت بشكلها وجهها صار احمر : وش فيك ..؟

بدر طاير من الفرحه تنهد : سلامتتتتتتتتتتك

الجوري مرتبكه : وين الفطور اللي تحكي عنه

بدر : ضحكت عليك البسي وتعالي ننزل نفطر

الجوري : يكون احسن ...- تحاول تبعد عن جو البيت احسن لانها بعد اللي اكتشفته تخاف على بدر من نفسها منها هي ...-

بدر : بتناظريني كثير يله

الجوري انحرجت كانت تناظر ولاهي داريه .. دخلت تبدل علشان تفطر هذا وقت غداء مو فطور ...

********************************

 
 

 

عرض البوم صور كيلو دلع   رد مع اقتباس
قديم 02-06-08, 03:52 PM   المشاركة رقم: 178
المعلومات
الكاتب:
اللقب:
دلع ماله حدود


البيانات
التسجيل: Oct 2007
العضوية: 46281
المشاركات: 4,109
الجنس أنثى
معدل التقييم: كيلو دلع عضو بحاجه الى تحسين وضعه
نقاط التقييم: 20

االدولة
البلدSaudiArabia
 
مدونتي

 

الإتصالات
الحالة:
كيلو دلع غير متواجد حالياً
وسائل الإتصال:

كاتب الموضوع : كيلو دلع المنتدى : القصص المكتمله
افتراضي

 


السعوديه – الرياض

الناس مجتمعه حول عادل ونقلوه لداخل المستشفى على طول وهو بغيبوبه مو حاس بشي ...

الدكاتره عرفوه يشتغل معهم خبروا اهله انه عندهم ..

.............................

ياسر : ليه تهورت ..؟

رائد: والله القهر اللي فيني للحد هاللحين مانطفى ... كان بودي اقتله مو بس كذا

ياسر : انا كيف طاعتك جد اني غبي هذي حركات مرراهقين

رائد: شهرين وانا ماسك نفسي واقول اكيد بيعتذر بيعرف غلطه بيرجع الامل لذوق اكيد انه يتوهم هو وامه خسارت ابوهم من سنين ومش عارف ايش خرابيطهم بس لما سمعت انه تزوج حسيت وش كثر هو نذل

ياسر : اسمع ان حاجز على مصر ولازم تروح معي نبعد كم يوم يمكن مات ..؟

رائد: ياليته يموت ..

ياسر : لا ان شاء الله حنا اللي بنروح فيها ..

رائد: وسفرتك هذي اللي على مصر مايبغالها حجز لي ..

ياسر : لا اسمع حنا بنروح بالعباره ..بالبحر

رائد: اها عبارة السلام اوكيه خلاص توكلنا على الله ... بس هاللحين انا بروح للبيت اتروش علشان الحق على البندري واوصلها للمطار

ياسر : اوكيه وانا بروح للمستشفى اشوف حالته هذا العادل

******************************************

ذوق ترتب ملابسها بالشنط

نديبه الحبشيه : ها يازوق هزي السفره بدون رقعه

ذوق تناظر صوره ابوها اللي على الجدار : ايوه ... بدون رجعه ...

نديبه : ماتحسي انو لازم تخبري ماما وبابا

ذوق: لا انتبهي يا نديبه لاتحكين لاحد

نديبه : بفتقدك يابنتي

ذوق: وانا اكثر يانديبه .. – غرقة عيونها – ماوصيك على بابا قولي له اني احبه اوكيه ..

نديبه : ليه كا هدا ليه ماتحبي ان ابو

ذوق قاطعتها : خلاص نديبه قولي لرائد تراني جهزت

نديبه: استاز رائد خارج

ذوق : طالع وين وليه ..؟ اها اكيد عند البندري ههههه الله يخسهم هههههههههه

******************************************

البندري واقفه بالمستشفى قبل لاتروح للمطار

السستر : البوندري البوندري

البندري : ايوه هنا ...

ودخلت لعند الدكتوره : مرحبا دكتوره ناره

الدكتور ناره : مرحبتين ,... كيفك البندري

البندري : كويسه لكن سني يالمني وطيارتي بعد ساعه

الدكتور ناره : مابتخافي شغلة نص ساعه ربع ساعه ويكون سنك منيح

البندري : اوكيه يكون احسن ...

***********************************************

بريطانيا - لندن

لوجين وصلت للمطار تنتظر صاحيباتها بفارغ الصبر

&

بدر والجوري يمشون بالشارع ساكتين ...

بدر قطع الصمت : وين حابه تفطري

الجوري : عادي اي مكان ..

بدر : وش رايك بستار بوكس

الجوري : اوكيه ... اي مكان عادي ...


بدر قرب من عندها وحط ايده على خصرها بوقاحه عرف انها تحبه وش يبغي بعد : ليه ساكته ...؟

الجوري انصدمت من حركته الجريئه قلبها صار يدق بسرعه : لا عادي

بدر همس باذنها : تفكرين بمين

هنا الجوري جد كان بيوقف قلبها حاولت تبعد عنه : عادي ولا احد

بدر تمسك فيها اكثر : آه ياليتني مكانه اللي تفكري فيه

الجوري خافت وش فيه جرياء اليوم بزياده ليكون سمعها : لاتحلم حتى اني افكر فيك

بدر مسك ابتسامته : شدعوه عارف العين ماتعلى على الحاجب

الجوري قدرت تفلت منه ومشت قبله بمسافه ...


مشت وهي كل تفكيرها مع بدر وقلبها يدق بسرعه ماناظرت الطريق مشت
ماحست الا بصرخة بدر وهو يركض : لااااااااا لجوري


لفت شافت سياره مسرعه وقفت وهي تضغط على اذنها بايدينها كل شي صار لها قبل الحادث ولبنان كله رجع قدام عيونها لكن الاحداث تغيرت والاشخاص تغيروا .... صاحب السياره وقف باخر لحضه وبدر بثواني كان قبالها وهو يصرخ من الخوف : الجوري ... حياتي الجوري حصل لك شي

الجوري نزلت دموعها وقالت بشفايف مرتجفه وايد مرتجفه : بدر

بدر : لاتخافي تعالي معي

الجوري ضمت بدر بقوه وهي خايفه ضمته تبكي ...

بدر فتح لها ايده وقلبه مسح على شعرها يهديها وهو يبعدها عن الطريق : لاتخافي حياتي .. خلاص حصل خير لاتخافي

الجوري كانت متمسكه فيه وتبكي

بدر يمسكها من قلبه : لاتخافي ماحصل شي بسم الله عليك ياعمري حصل خير ....

رجعها لداخل الشقه وهي سانده راسها على صدره تبكي ... فتح الباب ودخلها لداخل وهي ترتجف من الخوف اللي صار كانه الحادث القديم ...

جلسها بدر على اقرب كنبه وجلس بجنبها ضامها خايف تضيع هاللحضات خايف انها تصحى من صدمتها وتبعده عنها

الجوري شهقت بالبكي : بدر ان

بدر همس باذنها : تعالي نامي بحضني ...حرام ينام به غير ك...تعالي حطي همومك ....بوسطه واخذي افراحي ... تعالي خلي انفاسي ....تعانق منك تصويرك تعالي راسك بصدري ....والراحه على الراحه ...تعالي طيوري بالهوى .... تعانق طيورك ...تعالي خلي ايامي
معك بالحب راحه ...ابي وانتي على حضني ... يخونك وصف تعبيرك ...ابي حزن سكن قلبك .. ابدد باقي اشجابه .. تعالي كل هالعالم ابد مابه احد غيرك يستاهل دفى صدري .....وياخذ لحضة افراحه ...

الجوري تمسكت فيه اكثر : بدر انت م

بدر : اوششششش خلاص لاحقه على الحكي ...

الجوري ضمته اكثر واكثر وكانها بتدخل فيه : انا

بدر ابتسم وهو من داخله يرقص ...

 
 

 

عرض البوم صور كيلو دلع   رد مع اقتباس
قديم 02-06-08, 03:53 PM   المشاركة رقم: 179
المعلومات
الكاتب:
اللقب:

البيانات
التسجيل: Apr 2008
العضوية: 73299
المشاركات: 84
الجنس أنثى
معدل التقييم: rajaouia عضو بحاجه الى تحسين وضعه
نقاط التقييم: 10

االدولة
البلدMorocco
 
مدونتي

 

الإتصالات
الحالة:
rajaouia غير متواجد حالياً
وسائل الإتصال:

كاتب الموضوع : كيلو دلع المنتدى : القصص المكتمله
افتراضي

 

sarha
ahla riwia 9ritha wnhia dialha zwiwna wkha twila bzaf

 
 

 

عرض البوم صور rajaouia   رد مع اقتباس
قديم 02-06-08, 03:54 PM   المشاركة رقم: 180
المعلومات
الكاتب:
اللقب:
دلع ماله حدود


البيانات
التسجيل: Oct 2007
العضوية: 46281
المشاركات: 4,109
الجنس أنثى
معدل التقييم: كيلو دلع عضو بحاجه الى تحسين وضعه
نقاط التقييم: 20

االدولة
البلدSaudiArabia
 
مدونتي

 

الإتصالات
الحالة:
كيلو دلع غير متواجد حالياً
وسائل الإتصال:

كاتب الموضوع : كيلو دلع المنتدى : القصص المكتمله
افتراضي

 


البندري مع رائد بالسياره

رائد كان ساكت مو بالعاده وهادي بزياده

البندري: يوووووه ماعندها سالفه وانا خايفه ماقدرت انام

رائد: ..............

البندري: رودي رودي

رائد: ها تحاكيني

البندري : لا احاكي السياره وش فيك ..؟ مانت بمعي

رائد: سوري حياتي وش كنتي تقولي

البندري مسكت ايده اللي عند القير وقالت بحنان : رودي حبيبي وش فيك

رائد تنهد : لا مافيني شي بس اهون عليك تتركيني وتسافري

البندري: والله ماودي بس البنات كلهم ناوين ومن زمان ماشفت الجوري ولوجين

رائد لف وابتسم لها بحنان : الله يرجعك سالمه ..

البندري: آمين ... ويخليك لي ياقلبي.. يله نمر على ذوق علشان الطياره

رائد: اوكيه يله ..

************************************************** ***

الساعه 7 المغرب ..

وصلت طيارة الخطوط الجويه السعوديه لمطار لندن ...

نواره وذوق والبندري نزلوا وهم ساكتين كل وحده بهمها سرت ...

البندري تحس انها تركت قلبها بالسعوديه تعودت على رائد وماتقوى فراقه .. وطول الطياره ماحكت مع نواره لانها مقهوره من حكيها امس
نواره همها بامها وطلال ماقدرت تزعل على امها اكثر ودعت ان الله يثبتها على توبتها ويسعد ابوها بعد الحب اللي ضيعه وضيعهم بسببها ... وماحست بالكلام اللي قالته لبنو اصلا نستها واستغربت منها ليه زعلانه ..

ذوق همها اللي حملته من شهور وايام ثقيله ... وفيصل ببريطانيا وخايفه من شوفته لها ..

بنفس المطار كان مسفر واصل راح للفندق بسرعه علشان يتجهز ويروح لمنصور قبل مايقابل لوجين ...

لوجين صرخت بوسط المطار : نوووووووووووووونو

نواره لفت عليها وبكت : لجونه

ركضوا لبعض والناس تناظرهم

لوجين : وحشتيني وحشتيني وحشتيني ...

نواره : وانتي اكثر ياعمري ...

ذوق ركضت لعندهم : لجووونه قلبي وعمري

لوجين ضمتها وبكت اكثر : حتى بطلاقي قلدتيني

ذوق: هههه وحشتيني ..

لبندري : وانا مالي ضمه

لوجين : انتي شيختهم وحشتوني ياحبيباتي وحشتوني

البندري: والله انتي اكثر

************************************************** ****************

لوجين بالسياره طايره من الفرحه كانت تضحك على اي شي يقولوه صديقاتها .. اما نواره مثل العاده ماشيه على اللي يقول ((اضحك مع الناس ويحسبوني من الهم خالي ...افرح واسعد قلوب الناس وانا من الهم باكي )) والبندري تسلوف لكن كل تفكيرها برائد وش فيه متلخبط لما اخر مره شافته .. وذوق آه من هم ذوق اكثر وحده بالبنات تعرضت للخاينه من الاحباب ... وطعنتين بالقلب تتجرح ... كانت ساكته وماتحكي وتناظر شوارع بريطانيا اللي ذكرتها بحبيبهافيصل تذكرت كل كلمه كل حرف حكوا فيه مع بعض كل همسه ولمسه .. لاخر لحضه كانوا فيها احباب يوم التخرج ..


(( ذوق: فصول وراك اليوم ساهي
فيصل:ههههههه طلع الكلام القصيمي هذا ومابعد ترجعين لسعوديه
ذوق:هههههههه لازم اتدرب قبل
انتبهت باخوها رائد يمشي : باي حبيبي اخوي جاي ...
راحت بسرعه و رجعت لانها نست تعطيه الهديه
طلال:اشوف الهبله ذوق صدقت انك تحبها
فيصل :الا صارت تحبني بعد هههههههههه الهبله على بالها اموت فيها
طلال: اهم شي القرنقش الفلوس قدرت تاخذ منها
فيصل: شوفت عينك كلها كم ساعه وسياره
طلال: يله عقبال الكبيره
ذوق وقفت مصدومه مستحيل اللي تسمعه لا اكيد هي بحلم ...الصدمه شلتها عن الحركه حتى الدموع عيت تنزل ...طاحت الهديه من ايدها لفوا الاثنين
فيصل: ذوق
ذوق مدت ايدها وعطته كف : يانذل ياحقير ( نزلت دموعها)
فيصل مصدوم ماعرف وش يقول وطلال بعد
ذوق: انا اللي صدقتك وخ
ماقدرت تكمل راحت تركض للحمامات ))

هذي كانت اخر ذكرى حلوه بينهم ...

نواره : لا وماشفتي هذا الشرطي كيف ناظر محمد حاقد عليه

لوجين: ههههههه ياليتني معكم ...

البندري : لا احسن لك مو معنا ذلونا

نواره: ههههههه الشرطي مسكين وده يقتلنا

لوجين : هههه اما حكاية الشيعه الله يخصك يا نواره ليه كل هالتعصب

نواره: وش فيك نسيتي بالبحرين اللي ضرب ابوي لما كنا نشتري ذهب لنجلاء بنت

لوجين: اهااااااا تذكرت علشان كذا تعقدتي ...

وقفت السياره عند فله بحي راقي ومحترم كانت طيراز غربي وكبيره

نواره: ونااااااسه بنسكن هنا

البندري : ياما تمنيت مثل كذا

نواره : كانه بيت بوب ساقيت

لوجين : لا هذا اكبر

البندري : شوفوا ناصر يووووه من زمان عنه

نواره: آه يالبيه قلبي هالمزيون هذا ...

فتح ناصر للوجين الباب والباقي فتحوا لانفسهم ...

نواره : هلا والله نصور كيف الحال

ناصر : نصور ههههه تمام

نواره: يوووه الله يخسك حليان بزياده

ناصر : شكل السفر ماثر عليك

نواره: ههه تقريبا ...

ناصر : هههه

لوجين : يله بنات تفضلوا داخل

دخلوا داخل وهم يضحكون على ناصر و نواره ..: ههههههههه

منصور واقف عند الدرج وساند ظهره على الجدار ..: الحمد لله على السلامه

البندري وذوق ونواره فتحوا فمهم من هذا المزيون اللي واقف كل اللي يعرفونهم من الشباب ينباعون بالسوق قدام حلاه

لوجين معصبه : بنات هذا منصور ولد عمه

نواره مثلت انه بيغمه عليها : لحقوني يابنات

البندري: ههه فشلتينا

ذوق : هههههه

لوجين : منصور هذولا صحباتي نواره

نواره مبسوطه : هلا هلا والله

منصور يناظرها مستغرب هذي خفيفه مره بس شكل روحها حلوه ابتسامتها جذابه : اهلين ...

نواره : ياويلي

لوجين : ههههه اثقلي يالهبله

نواره: مشاء الله انت متاكد انك من نفس دم لوجين

لوجين: لااااا وش قصدك

نواره: بسم الله مشاء الله مشاء الله عليك وجه يفلق القمر ..

منصور مستغرب من جرائتها بس تذكر بنت عمه اكيد صديقاتها على شاكلتهم ...: شكرا

لوجين : اسكتي عاد ابعرفه على البقيه .. وهذي ذوق

ذوق : هاي

منصور ناظر فيها بنت واضح عليها ناعمه وخجوله بعكس نواره اللي قبلها هذي حياءها محليها ويجبر اللي قدامها يستحي منها : هاي

لوجين : وهذي البندري .. صاحبة الجوري الروح بالروح ...

منصور : اها الجوري اللي بدر

لوجين : ايوه

البندري : هلا

منصور ناظر فيها حلوه لكن بعيونها لمعه غريبه نظراتها حالمه وجهها مشرق اكثر البنات : مرحبا

نواره رميت شنطتها على الارض : ترااااني ميته من الجوع يه وين غداك ..؟

لوجين : اول ارتاحي بعدين

نواره: اسمعي انا حاجزه غرفة اوك بلا منازع ...

لوجين : بس غرفته مقفله وم

نواره: اقول بلا اعذار ... يااااااااااارا يارا حطي الغداء ...

البندري مشت لغرغفة الضيوف : ابكلم رودي باي

نواره مشيت لعند المطبخ وين ماشرت لها لوجين

كانوا البنات ماخذين راحتهم بالبيت لانه مثل بيتهم وبالذات ان الاقامه ابديه بتكون فيه ..

منصور واقف يناظر .. متفرج ...

ذوق : انا بطلع ارتاح ولا حد يصحيني اوكيه

لوجين : لا وين اجلسي اهذري معي عن عادل و

ذوق: مالي خلق واسمعي انا بروح لمانشستر عند فيصل تجي معي

لوجين : فيصل......؟ليه .....؟

ذوق بضيقه : ابعتذر له ... اذا قمت من النوم حكيت لك كل شي

لوجين :اوكيه

طلعت ذوق بالاصنصيل ومابقى الا منصور ولوجين

منصور : لوجين

لوجين: اذا بتعتذر اسفه ماقبل

منصور : ومن قالك اني باعتذر انا ماغلطت وبعيد لك كلامي مليون مره على العموم من اليوم ورايح انا مالي كلمه عليك لان في احد ثاني بيكون مسول منك

لوجين: احد ثاني من ...؟

منصور ابتسم بخث: مادري بس اوعدك بتعرفيه قبل لارجع لشرقيه

لوجين:: لشرقيه وش عندك

منصور : هناك ببيتي

**********

 
 

 

عرض البوم صور كيلو دلع   رد مع اقتباس
إضافة رد

مواقع النشر (المفضلة)

الكلمات الدلالية (Tags)
متكحلة بدم خاينها, رواية سعوديات في بريطانيا, رواية سعوديات في بريطانيا للكاتبة شمس السديري او متكحلة بدم خاينها, شمس السديري, سعوديات في بريطانيا, سعوديات في بريطانيا للكاتبة شمس السديري او متكحلة بدم خاينها
facebook



جديد مواضيع قسم القصص المكتمله
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



الساعة الآن 06:51 AM.


مجلة الاميرات 

 



Powered by vBulletin® Version 3.8.11
Copyright ©2000 - 2021, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية