يسعدلي مسائك هذيان


مشكورة على البارت وتسلم الايادي


فكره حلوه انك قلصتي الايام اللي بين البارتات ,,صارت الاحداث مترابطه اكثر وتسير بسرعه.


=========================


حمد ,,,,شوق ,,,,,عبير


للأمانه كنت بكون ضد تصرف حمد وشوق وبقوووووه ,,,,لان تصرفهم يقهر

ويجرح مشاعر انسانه يربطها بحمد عقد نكاح


لكــــــــــــــــــــــن


بمعرفتي بماضي عبير وحاضرها

خلاني اكون مشجعه جدآ ,,,,,اولآ تشفي بعبير

وثانيآ ,,اخذ حق امل من عبير


ممم

حمد مو متقبل عبير من البدايه لكن الموضوع تتطور لأكثر من كذا

بصراحه حمد اللحين صار ينفر منها بسبب تصرفها بالمستشفى وكان بالبدايه


رأي شوق الواضح اللي سمعه وهي تكلم مرام ,,,,,


عشان كذا اللحين هو يبي شوق بس بنفس الوقت عبير بالنسبه له عائق كبير

يبي سبب يخليه يتخلص منها ,,,

بس اللحين هل عبير بترضى تتنازل عن حمد لبنت الفلس على قولتها؟؟

عقب كلام منال لها صارت الشغله عناد وثأر بغض النظر عن حبها او كرهها لحمد.


ونفس الوقت تبي مشعل وبكل وقاحة تبي تاخذه من امل وتنتقدها ان لازقه فيه


يعني الشي اللي هي قاعده تنتقد امل فيه بتسويه بالضبط مع شوق وحمد

نجي لحمد,,,,,

الله يستر منه ,,,,,لان حذرها وهددها ,,,وعلمها ان جوالها بيراقبه


ومع ذلك ضربت بكل كلامه واوامره بعرض الحائط ,,,,,,والادهى من كذا وكذا

اذا امل لها بقلب مشعل حب وعشق يخليه يتغاضى عن افعالها الخاطئه معه ويصبر عليها

و يرفض طلاقها ,,,,,فأن عبير مالها ذرة حب وحده بقلب حمد عشان يصبر عليها

ويسكت عن كسرها لكلامه .

ووقتها اتوقع بتشوف من حمد وجهه ثاني ,وبيربيها مضبووووط قبل يطلقها .


=================================


أمل ومشعل


امل كثير زوجات مثلها ,ومازالو يتخبطون سنوات وسنوات ,,,,,,


تدرين هذيان وين المشكله ,,,اتوقع انهم متذبذبين ومترددين

هل تتصرف بعقلها او بقلبها ,,,لان شتان بين نتيجة تصرف العقل وتصرف القلب.

تلاقينها ايام تلغي العقل وتتصرف بعواطفها ومشاعرها البريئه الرومانسيه


وايام تلاقينه تموت القلب مؤقتآ وتصير تفكر ان 1+1=2

تحترمني وتقدرني وتراعيني بتلاقي حبي وتضحيتي وصبري وسعادتك

لكن لو قصرت انا بقصر معك ,,,

وطبعآ الزوج يجيك هو نفسه يتعب معها ,,ايام يلاقيها ملاك ويعيش معها ايام رائعه

وايام تلاقينه ترصد كل تصرف صغير او كبير وتحاسبه عليه ,,,,

ومشعل هذا حكاية ثانيه,,,,,

تدرين هذيان يوم اشوف تصرفاته اتذكر المثل اللي يقول (عين باللحمه وعين بالشحمه)

يبي عبير ويبي امل ,,,,

ماعنده القدره انه يختار منهم ويحط حد واضح لحياته مع عبير


ياخي اما تتركها وتنقطع عنها خلاص وتلتفت لزوجته ولولدك وهي مخطوبه وربي يوفقها,,,,


واما تتزوجها وتترك امل تروح حال سبيلها ,,,,,,,لكن امتلاكه للأثنين

عشان يرضي غرور داخله انه مرغوب وانه بأشاره منه يلاقي عبير قدامه

وبأشاره مه يرجع لبيته ويلاقي زوجته وولده وعائله مثاليه تجمعه.

وبالنهايه يخصر الاثنين ! وينطبق عليه المثل (مالحق لا على بلح الشام ولاعنب اليمن)


===================================

دآك \ هدى


يارب تكون لها دوور كبير بالروايه لان حبيتها , شكل روحتها للرياض بتكون مدروسه

بدقه وذكاء انثوي رائع ,,,لكن ولدها مدري وش بتسوي فيه ,,,,يمكن وجود ولدها

هناك بيكون سبب لقوة علاقتها مع تركي,,,,,


اذا مو غلطانه هي تشتغل بمستشفى اهلي ذكرتي اسمه

بس مااظن ان هالمستشفى له فرع بالرياض


على العموم لو له فرع خير وبركه ,,,,ولو ماله ,,,,اجـــــــــــــــــــل وين بتاخذ هالدوره؟؟؟

يارب بمستشفى الحرس <--- برررره


======================================


جدآ جدآ استمتعت بالبارت هذيان ,,,والله مجهودك واضح

سواء بطريقة السرد وحتى بترتيب الاحداث ربي يعطيك العافيه

وأنتظــــــــــــرك .

هذياان قصتك رووعة وأسلوبك جونان
انتي قلتي الروايه لين بارت 33 وانا من ذاك الوقت صرت أحسب وأحوس كم اسبوع باقي تخلص وقعدت اعد كل اربع ايام بارت وباقي تقريبا عشر بارتات وفي النهاية وصلت الى انك بتخلصين قبل رمضان هذا اللي قدرت عليه خخخخخ

حاولت اني ماقرا لين ماتخلصين لاني مااااااااااأحتمل التشويق وحرق الأعصاااااب بس ماقدر وحاولت الاقي طريقه أحذف فيها منتدى ليلاس من قووقل لفتره من متصفحي أو لو الاداره تتكرم وتسوي حظر علي ماادخل ليلاس لين تخلص الروايات لاني على هالتشويق كله بنجلططط من قلب خخخخ



المهم نجي للشخصيات ماعليك من بربرتي...

مشعل هذا يقهرررررررر شايف نفسه الصراحة أمل مع احترامي غبييييييه الحين وشو له تهزئه وتفضح نفسها بهالطريقه أثبتت انها تبغاه وهذا بيزيد من غروره الحين وشو اللي مقوي شوكة مشعل غير انه ماشاف منها صد حقيقي هي اللي دايما كانت تدق عليه وتبين انها تبغاه والموقف الاخير أثبت هالشي وهو ولا مرة كلف نفسه يعتذر يوم كانت فبيت أهلها كانه ماصدق وطاح غراميات مع عبير يعني كل هذا ماعطاك مؤشر تصحين عقلك ياأمللللل؟
ليش ماتجلس معاه جلسه وتقول له يابن الناس خلك واضح وارسى لك على بر يانك تعيشني مثل الناس بدون ماتلعب بذيلك من وراي يانك تعتقني لوجه الله وتروح لعبيروو وتروح انت وياها لجهنننم الحمرااا

يعني قصدي من هالكلام ليش ماأمل تصارحه من البدايه مو تقعد ساكته وتسكر عليها الغرفة مع ولدها كانها بتحل المشكله كذا
بعدين اتذكر ببدايه القصة ذكرتي انو مشعل شاف عندها البوم فيه صور تركي ومن هذاك الوقت قرر ينتقم منها وراح لعبير يعني سبب خيانته لامل هو رد الصاع صاعين؟؟؟

والله قصتهم معقده حبتين بس لو قعدوا مع بعض جلسه مصارحه تنحل كل المشاكل >> تحسب الناس كلها عاقلين مثلها خخخخ

حمد وشوق اممممم هو صحيح شي يفرح ويبررررد القلب على عبيرووو بس شواقه الصراحه مرررره جريييييئه بحركاتها وخاصه يوم تركب معاه وتقص على ترووك المفرووض تثقل شوي عشان ماياخذ عنها حمدوو فكره غلط مع اني اتوقع انه معمي عن زلاتها والاخ غرقاااااان لشوشته خخخ

تركي وااااي هذا بطل القصة بنظري وهو اللي يستاهل أمووله مو مشعل اللي يرفع الضغط
صحيح مثل ماهو واضح بيكون في شي بينه وبين هدى بس مااتوقع يوصل للزواج اصلا ماأتخيل مايصلحون لبعض كلللش
واصلا هو ماقد سبق له الزواج يعني ماتوقع بياخذ أرملة وعندها ولد
مدري ليش الكل مستبعد مرام من حياه تركي
تعجبني هالبنت وأتمنى لها تركي من جد مع انه يعتبرها أخته بس يمكن يصير شي يخليه يتزوجها مو شرط يحبها

قبل لاأختم محاضرتي امممممم بالنسبة لاخر موقف وش جاب عبدالكريم هالرخمه لمشعل أتوقع في شي يربط بين جيته ومكالمته الاخيره مع عبيروو
الله يستر منها وجه النحس هذي ويارب يصيدها حمد وهي تكلم مشعل وتروح في خرايطها


شكلي قرقرت واجد بس من حبي للقصة ولأسلوبك الجنان
انتظر البارت القادم بشغغغغغغغغف