كاتب الموضوع :
Honey1900
المنتدى :
الارشيف
السبت 17-1-2009
- لما بتكون تحاول ترضي اللي حواليك وتثبت لهم اهتمامك وحبك وتتفاجئ برد فعل سخيف وردود غبية اكيد حاجة تخنق وتزهق . متوقعتش ابدا تكون دي طريقة التفكير ولا تكون دي طريقة الكلام. بجد اتخنقت
-الاخبار بقت حاجة تقرف
قال مش عارف وزيرتهم قالت ايه ورئيس وزراءهم مش عارف عمل ايه
والعرب في غيبوبة
كله يحرق الدم
اهي بجملة حرق الدم
-احلى حاجة ف شغلي ان اوقات كتير بيكون في حاجات غير متوقعة, بمعنى ان مش لازم مادام الاعراض تشابهت يكون التشخيص واحد,ومفيش حالة تشبه التانية حتى لو ضرسين جنب بعض في نفس الشخص, وأحيانا تبان الحالة سهلة جدا وتتفاجئ بان فيها تعقيدات وتغير خطة العلاج تماما
بعتبرها ميزة وعيب:
ميزة لأن كل حالة تعتبر تحدي ف حد ذاتها , سواء كانت تسويس بسيط او ضرس عقل مدفون في وضع عرضي, وف كل حالة بكتسب خبرة اكتر وبتعلم حاجة جديدة
وبعتبرها عيب لأن اوقات بتفاجئ بمواقف صعبة جدا ومش بعرف اتصرف فيها, وكمان لما بيكون في قواعد ثابتة للحالات المتشابهة بتساعد على وضع خطة علاج سليمة
في جملة مشهورة بنقولها للمريض لما بيكون هيخلع: مفيش قاعدة ثابتة في خلع الضرس, يعني مش معنى ان السنة مش مسوسة وملخلخة جدا انها هتتخلع بسهولة, مش شرط, اوقات كتير (وحصلت معايا اكتر من مرة) بتكون السنة خلاص اتلخلخت وهتطلع ويحصل كسر ف آخر جزء من الجذر, نتيجة لوجود انحناء شديد في الجزء دة فيتكسر
ومش معنى ان دة ضرس عقل مسوس على الاخر ووضعه صعب انه هيتعب في خلعه, اوقات كتير بيكون سهل جدا ومابياخدش اكتر من دقيقتين
النهاردة ودليل على الكلام دة جاتني مريضة عندها كذا ضرس مسوس, باين ان التسويس بسيط وسطحي, وابتدي انضفه الاقي ف ضرس انه قريب جدا من العصب, مع انه مكنش بيوجعها وباين انه سطحي جدا, والضرس اللي جنبه ضرس العقل وكان باين التسوس انه عميق شوية ولقيته سطحي وخلص بسرعة جدا
كل يوم بيعدي بلاقي دليل اكبر على الكلام دة, وبتعلم اكتر حاجات جديدة
-حاسة اني بقيت متسرعة زيادة عن اللزوم, اه كنت قبل كدة متسرعة بس اليومين دول زادت الحكاية دي اوي
خايفة اتسبب لنفسي او لغيري ف مشكلة
-بس كفاية رغي
|
18-01-09, 03:15 AM
جديد مواضيع قسم الارشيف
العرض العادي
