اقتباس للمُهر

اقتباس
من غتار لفخر << مستقبلاً طبعاً 🤣😝😝

صباح الجمال على جماهير الحظوظ
يا الله لقاء بندر بعقاب وبها المكان مكان عزا
مدري ليه بكاني كلام ابو محمد يوم قال انه مستعد يضحي بعياله وبناته لكن يبقى له اخوه
يااخوفي ياعقاب يجيك يوم تعض كوعك ندم
انك فرطت بها الفرصه ان ابومحمد يبي يصلحكم وانت رفضت
موقف صعب على بندر ان اخوه يتعداه واصعب على غتار
انه يبلع ها الحركة خصوص ان غتار متعلق في ابوه مره
الطعنه الي صدق ياغتار اذا فخر رفضتك
ووقفت مع ابوها ضدك
انت تبيها ومعروف هدفك تبي تسعد قلب ابوك
وهي يمكن ترفضك وبقوه بعد عشان خاطر ابوها
من جد زواجكم يبي معجزه عشان يتم
ورد وغيام ومااازالت ورد صامده بوجه وهج
اجل ياوهج مرسله فيس عيونه قلوب
ماادريتي وراك ورد بتخليها بدال القلوب شوك
هذي وحده مستبيعه وخالصه اذا بلعت شريحه
فيها ارقام وشغل غيااام ولاهمها العقاب الي بيجيها
من غيام خصوص انهم برا المملكه يعني الارقام سهله بينسخها من الجهاز
لكن الشريحه كيف بيعوضها بعد ماا اتلفتيها
وهم بالخارج
والله ياااهي حرب ضروس بتخوضها ورد ضد وهج وغيام

وهج ماااعاد عقب زواج غيام شي لاتخلين نفسك لعبه
يكفي السنين الي راحت من عمرك
غيام واضح انه ماايلعب عليك وهذا فئه ناااااادره
واندر من النادر بعد ،
لكن وش الفايده وهو مستمر بعلاقه
مالها رابط شرعي
حددي موقفك دامك بليتي عمرك وهو ابتلاك بحبه
اما رجال يجي يخطب والا خلاص انهو ها المهزله
وشوفي حياتك با اقل الخساير
غيام حب صوتك وهو ماشافك وادمن علاقته معك
صوتياً يعني انسحابك من حياته
بيكون اسهل اذااا ماتم زواجكم والوقت ماااهو بصالحكم
وخصوص انتي
لاتغرقين نفسك اكثر ما انتي غرقاانه ياوهج .

فارس وعهد
وعلاقتهم مابين شد وارخاء من جهت فارس
وترقب لأفعاله من جهت عهد
مالك ياعهد الا الصبر زي ماقلت قبل
يداااكا اوكتا وفوك نفخ ياعهد
مجبوره تتحملين انتقاااداات فارس
الرجال حطك تحت المجهر اي تصرف مهما كان تافه
ييشوفه عظيم
كون الانسان يتميز بصفات ينتقد عليها
ويحاول يغيرها مستحيل التغيير بيكون بيوم وليله
اكيد يبي له وقت
حتى يتغير ويقنع الطرف الاخر بالتغيير
عهد مشوارها طويل اتوقع مع فارس
حتى يوصلون لوضع يرضي الطرفين
فارس الحاقد وعهد الدلوعه ،

عمشاء وعقاب والصدام الي صار بينهم
عمشاء امرأه والانثى مهما كانت رجاحة عقلها
عند شريك الحياه تختلف الموازين
عمشاء حطت يدها على الجرح وماقصرت ام فارس والله الي ضغطت وبقوه بعد
نبشت ذكريات حاول عقاب يتجاهلها سنين
لكن اليوم تفتح دفاتره القديمه
شوفة بندر كبير العايله قديما ودخوله بهيبته للمجلس
والذكريات المره بالنسبه لعقاب
وهيبة عقاب في الوقت الحاضر ومكانته
والوضع والمكانه الي حفر عقاب حتى وصل لها
عمشا ذرة الملح على الجرح وحسست عقاب
ان الدافع الي خلاك تترك اخوك تراه تاافه
والشي الي انت سويته في اخوك يعتبر نقاصة عقل
وعقاب يكره اللوم او ان احد يغلطه
لذلك كانت ردة فعله عنيفه مع عمشاء
وبيترتب على ردة الفعل هذي امور لاااتحمد عقباها
اذا عمشاء ماتصرفت بحكمة..
ابو الريش والعروس الجديده
يا ابو الريش ماا اتفقنا على كذا انت تبي تعرس
بكيفك
لكن تحرض غيرك على العرس وش يسمون ها السالفه
تخبيب مثلاً
عقاب عطاك العلم كاااش قال مااانيب معرس
يعني لااتقعد تدق براسه كنك دريل لين تقنعه
تعوذ من ابليس واحمد ربك واشكره
جتك شريهانه
جاااك يامهنا ماتمنى
ابلع العافية ترى وراك غيرالذهب ثلاث سنافيات
يعني لايوصل لعمشاء خبر انك تحرض
شايبها على العرس
ثم تنقل المعركه لداخل بيتك
تخلي الحريم ينتفن ريشك

بااارت رائع ام اليزيد في انتظار القادم بشوق