صباح الخيرات على ضمضم ومتابعاتها الحلوات ... بارت انيق ودسم ماشاء الله .. تسلم يمناك يالغلا ..

حاكم ونورة


نورة تحتاج لطبيبة نفسية لان مش الخارج فقط الي تأثر بالحريق حتى الداخل وماتنلام لان الي مرت فيه مو هين وهي اعترفت انها ماتقدر تنام بالليل من خوفها بس اصرارها انها مسخ فيه سخط على نعمة ربي عليها غيرها يتمنى ان له علاج ومايعيش بتشوه طول حياته ونظرات الناس الي ماترحم تخليهم يعانون فوق معاناتهم .. تحمد ربها على جميل عطاياه .. وربي بيعوضها خير بعايلة البندر ان شاء الله

حاكم المفروض مايبتعد عنها اذا يبغيها تتعرف عليه اكثر البعد ماراح يقربهم لايكون هو وامه عليها نورة هالفترة محتاجة الي يحتويها ويعوضها عن اهلها ومافي اقرب من الزوج لزوجته وخصوصا في مثل حالة نورة الي مالها احد بعد الله غيره هو اتمنى يحاول يحتويها ويتقرب لها كود امه لما تشوف سعادة ولدها تهجد عن خبالها


عبير وبندر

وين بندر عن تصرفات زوجته غريبة ماناقشها وتصرف بصرامة مثل موضوع غيام .. مثل ماتقبلت ورد لازم تتقبل نورة .. يعني لهالدرجة بنات خواتها بايرات وطايحين بكبد اهلهم حتى يدللو عليهم غصيبة هو الزواج ؟
ممكن يصير زعل لو حاكم قال يبي من بناتهم لكن واضح ان هم الي متلصقين والزواج كتبة ونصيب ماحد يدري انه لو تزوج من بناتهم ماتصير مشاكل وطلاق وتصير قطاعة صدق

كنت احب ام حاكم واشوفها طيبة لكن الي تعطي اذنها للغير ماتعجبني اتمنى بندر يكون له موقف ويعطيها من الاخر انه مابيظلم يتيمة علشان عقول فارغة ياليت تحكم عقلها ومثل مارضت بورد ترضى بنورة موشايفة فرق بينهم ولا لانها يتيمة مكسورة الجناح خلاص

العمليات الي يتكلمون عنها ماسوتها برضاها ولا تغيير في خلقة ربها هالشئ ابتلاء ولا لازم وحدة من بنات اخواتها تتشوه وتشرب من نفس الكاس حتى يصحو من افكارهم السخيفة جد ناس ماتحمد ربها على النعمة

ربي عطاها زوجة ولد تتمنى قربها ياليت تنظر لراحة بيتها وتترك خواتها الفارغات يولون والي مايحب لها الخير لاتبيه لابتضيع من دونهم ولا بتتشرد في الشوارع


غتار وعقاب


هههه والله ياعقاب بيجيك الي غصب بيخليك تتمنى قرب بندر ونسبه .. اجل توقف مع الغريب علشان ماضي وحرمة ربي عوضك بالي احسن منها صحيح بني ادم اذا ربي عطاه مايقدر الي عنده

يمكن هالعنود لو اخذها ماوصل للي هو فيه على قولته .. واذا فلوس بندر من حرمة فهو عادى اهله وقطع الرحم علشان حرمة بس خاطري اعرف حرمته تدري عن ماضيه لو لا ؟

غتار كنت واثقة انه مابيشرب النصبة الي نصبها عمه .. غتار ذكي وعقاب استهان فيه .. لو عرف مين هو غتار مافكر بهالخطة والحين بيكون وعي غتار اكبر بعد ماعرف انه عداوة عمه مااستثنته بعد هالسنين جاي يلاعب غتار انتظر رد غتار على عقاب وموقف الثاني من الي بيصير

راح تحمى بين الاثنين وتقربهم من بعض لان عقاب بيعجب بشخصية غتار وبيشوف فيه كثير من الي فيه لان ولده فارس بعيد كل البعد عن عالمه غتار اثبت انه بأي مجال مايدخل عبث وننتظر تقارب هالاثنين ومواجهاتهم لان عندي احساس مو بس عقاب الي بيعجبه غتار لا حتى غتار بيحب شخصية عقاب والله تشوقنا اكثر لهالاثنين

اما رياش المتريش خليه على الاكل والحريم ابرك له مع انه موهين وتعجبني دقاته لعقاب ومحلي العثرات بوجوده على الاقل وقت الاحتدام في الاحداث وجوده يخف علينا التوتر الي جاي

المهر

حبيتها في هالبارت مع انه للان ظهورها قصير بس اكيد راح نتعرف عليها وعلى مواجعها هي بعد والي معكر حياتها لان مستحيل هي مستثناه عن اخوانها لها همومها وخفاياها وتبعات طلاق امها وابوها


ورد وغيام ووهج

غيام طاح من عيني بعد ماتملك وخلاص تزوج مازال يلاحق وحدة مايربطه فيها شي ؟ يااخي ترضاها لمهر وتتقبل يكون لها علاقة نفس علاقتك بوهج طبعا مستحيل

ولو ورد نفس وهج هل بتحترمها وتعذرها ؟ الاول قلنا فاضي وفراغ عاطفي الان ايش العذر ؟ مافي خوف من الله لو حان الاجل وانت وهي تكلمون وغزل ورفع كلفة وضحك ومسخرة هل بينفعك حبك الكاذب ؟

ولا الاخت وهج خير متصلة ومصرة تعيد وتزيد بالاتصال ليلة الزواج وهي عارفة ان في بنت ناس بالحلال معه واولى منه فيه خير لهدرجة مافي خوف وانعدم الحياء ؟

كنت بحسن الظن فيها شوي لو احترمت نفسها وخلاص ابتعدت وعرفت انها مونصيبة لكن اصرارها على الاتصال وكأن لها حق عليه يعني المطلوب من هالتبكبك والكلام يطلق حرمته ولا كيف ؟

هي لو خافت ربها واحترمت حالها وصانت نفسها وسمعة اهلها كان يمكن ربي كتب بينهم نصيب لكن هي مشت بطريق معصية وتستاهل الي جاها من ورد ماتسوى عليها والي ماحشم حاله مستحيل بيلاقي حشيمة من الناس

اما غيام جته الي بتعلمه درس اهله ماعلموه اياه .. ورد صح قوية بس من الخارج رحمتها من موقف التصوير وكسرته لها وهو ماطل بوجهها ولا فكر حتى يجامل بس علشان سحيلة حقته الي يمكن وجهها مايتطلع
وحتى سفهته لها ماكلف حاله حتى يسألها اذا تبي تاكل لو تشرب

كسر فرحة البنت مهما كان ليلة العمر من اجمل الليالي على العروس وهو خلى لها ذكرى ماتنسى واكيد انتقامها بيكون مو بسيط وبتواجهه بقوة وبذكاء وان كانت من كسرتها وقهرها الي مابتظهره له

نشوف ردة فعله بعد ماعرف ان الغلا كله صارت نيزكه الي ربي نزله عليه حتى يصحيه من غفلته والله ان ورد بتخليه يركض يدور رضاها ومايلاقيه الا بعد ماتطلع علاقة هالسنين من عيونه
فارس وعهد

صحيح ام عهد مقهورة من تعليق بنتها بس بتصرفها وهي عارفة ان فارس شايل بقلبه على بنتها رمتها للنار بسهولة لان فارس ماراح يهني عهد بحياتها والله يستر ياخذها ويحط عليها ثانية لابتقدر تمنعه ولا تجبره دم البندر غالب عليه والعناد فيهم اعوذ بالله وخصوصا ان ابوه عقاب ياجبل مايتزحزح

ي انتظارك بكل شوق وشغف

مرحبا باختي ضمضم وبمتابعات روايتها عندي طلب يا ليت ما تزعلون منه انا ما افضل التطرق لمناقشة المتابعات مع ضمضم في السناب شات لانه حصل عندنا لخبطة في سير احداث الرواية ليس الجميع لديه حساب في السناب أو متابع لحساب اختي ام اليزيد ، على سبيل المثال مناقشة الاخوات لشخصية النفوذ واحتمالية زواج غتار منها لم يتم ذكرها في البارت والاخوات يناقشن الحدث على خليفة متابعتهن للسناب . واذا كان ضروري السناب فالافضل يكون بعد نزول البارت ، لانا نكون قد انتهينا من قراءة البارت وبالتالي نفهم الحوار والمناقشة بين ضمضم ومتابعاتها . وشكرا :

‏

‏
‏

مسا النور والسرور ..



تسلم الايادي ياضمضم والله الباارت جميييييييل وطووويل ..
وأحب اقول لدلوعات بطلوا دلع الباارت جد طوويل والله.. بكرا لا صاار البارتات قصيرر وقلنا انها قصيره ماعاد مصدقتنا ضمضم🤕

بعديين تراني مبسووطة😍.. ان الروايه بتكمل لبعد رمضان اذا الله احيانا وكتب لنا عمر .. شوفوا قد اش بنكون مع بعض 🙂


القفلات صحيح تجلط بس عااد امرنا لله مانا قايلين شي..


احب اقول الله يبارك بفهاد هاللي جااي يطلب الفزعه ولا نقول الله يبارك في نويصر اللي كان يتحرش فيهم 😂
ولا مااكان شفناا هالحمااس.. واللقاء الجاي هو اللي بيكون بينهم غتار وعقاب الا لو نط بندر معهم 🙂


عقاب وراه شي اكبر من سالفه الارض .. ترا غتار مشت علييه في البدايه ودفع العربون.. بس يوم شك وبحث عرف انها لعبه ..

هو يبي يجيب غتار برجلينه قدام وجهه .. ويعطيه احساس اللي انه يبي يورطه ..وقتها ممكن يقوله زي ماانت تضرب
العالم في احد يقدر يضربك ويخلص عليك..في إعجاب خفي من عقاب لغتار عشان كذا مستمتع بلعب..

وباين انه يلعب عليه لان عقاب مااتوقع يسويها للاخر ويبلغ علييه...لان اكيد فكر انه ممكن يأثر ع سمعته في
السوق.. يعني مو الكل يدري بالخلاف وفي النهايه يربطهم نفس الاسم بيقولون اذا ولد اخوه كذا عمه ماهو رايح بعيد عنه ..

يكون هو سوا هالحركة عشان فعلا يجرر غتار لسوقه .. يعني بعد مايعرف غتار انه كان بينلعب عليه ..
ممكن يدخل العقار كتحدي لعقاب ..وعشان كذا يمكن ابوه أبعده عشان مايحتكون بعقاب لان ردات فعل عقاب لك عليها شوي🤓

اقتباس :-   المشاركة الأصلية كتبت بواسطة ضمني بين الاهداب

عقاب عمـي...الهارب الحاضر في قصص والدي..! من نسج أبـي حوله الف قصة سمجة..!

لسان حال بندر لعقاب

‏فيك قلبٍ مايعرف إسم الحنين..
‏وفيني قلب لاحكوا بك إنكسر..

عااد سوات يدينك يابندر تحمل .. عندك اخو فنان بالهجر ماحسبت حسابه ..



اتوقع في ذكريات مااضيه بين غتار وعقاب.. ومااتوقع جوهم بيكون مشحون وااجد لان عقاب خلافه مع بندر ماهو غتار ..
وأحب اقوول لغتار يحترم عمه بلا قله حيّا .. ويزود عليه انه ابوو مرته المستقبليه🙂

اييييه وزين ان فخر دكتورة عظام للأطفال .. عشان بكرا الشيخ غتار لمن ياخذها مايجلس يصرعنا ع تخصصها😉
وانا اطمنت ان رياش ماهو ماخذ فخر لان لو فكر ياخذها بيجي غتار مسفح ويخطفها👻



ريااش .. الله من البثاره في هالرجال .. الظاهر انه يقاابل عقاب اكثر من مرته.. صدق والله ملاحظه في كل مكان
يطّلع.. حتى يوم يقابل غتار طلع كأنه غراب هو وفاله

وبعد ياضمضم لااعاد تربطين رياش بفخر انا عاارفه انك جاالسه تمزحيين وطقطقين عليننا<< فيسي الواثق ..
حتى بالمزح لاااعت كبدي .. اللحين فخر الحلوووة المززيونه تبينها تاخذ رياش الشايب اللي كبرر ابوها.. اللي لسانه
متبرري منه 😐 المفروض يستحي ع وجهه ويقول مثل بنتي.. لو انخبل عقاب ووافق ..

لو ولده بلعناها بس رياااش ابووو الحرريم اللي حتى شكله يااالله العاافيه.. وعععع احس بطني مغصني وانا
اتخيل ولا يجلس يذب لها كم كلمه من هاللسان .. والله ماايلبق فخر وريااش ..يتوكل يتوووكل بس ..
حتى ولدده هوونت عنه اخااف يكوون ماهو بعييد عن ابوه ابو الحرييم👀




فارس والله خالته شكلها زرته في المكالمه يستاهل ..الوضع اللي هم فيها اكبر من مشكلته مع عهد ..
وترا صعبه يصير الطلاق بعد ظروفهم ومن ولد خالتها خصوصا..الناس وقتها الا ماتهرج فيها ..
يمكن عشان كذا حدد العرس .. شكل الموال اللي براسه يتجاهل هالعهد ويعااملها ببرود ويقولها انه بياخذ عليها ..

عهد لازم تحط تحدي بينها وبين نفسها كيف تقدر تكسبه من جديد وتغير نظرته.. فارس لسى يحبها بس حساس
ومجروح ويكاابر .. وهو حبها بتفاهتها يعني ماهو حابها يوم عقلت .. يبغاله وقت بس ..




ياالله أوجعنني قلبي ع نوورة .. احساس الالم وصلني اول ماشافت شكلها.. كيف الواحده ممكن شكلها يتغير
ولا عاد تعرفه وتكره كل ماطالعت المرايه..تفقد فيه كل أشباه الماضي وملامح اَهلها فيه..ويبان لها الفقد اللي صار ..

تلقاها من مين ولا مين ...

ترا حاكم صحيح طيب بس النزعه البندريه الا تكون فييه.. صريح جددا مع نورة.. صراحه واضحه .. ممكن قاسيه
تكون بس بدون تجريح.. كيف انها لازم تبدا تتقبل الحياة معه .. لانها مجبوره عليه ولا عندها حل ثاني ..وفوقها قالها انه بيتزوج عليها عشان امه..

عمها ياحيفا بس .. انا ماني قادره اصدق كيف أمره ماهوب بيده .. كيف عطى مرته فرصه انها تخيره بين
هاليتيمه اللي طالعه من ازمه ولا بين عياله.. وهو عارف انها ماعاد لها احد..وعارف ان حاكم مآخذها الا مجبور ..
وشلون مايجي ويجبر بخاطرها ويحسسها ان لها اهل وعزوه.. ماكسرت خاطره بنت اخوه حتى لو انه شايب
يتحامل ع نفسه ويجي..والله عبدالرحمن شكله عارف هالحال المايل ولا غلط يوم زوجها حاكم
فكها من الشحططه بين العم ومرته..


ام حاكم وش هالقلب اللي عندها.. المشاعر الإنسانيه عندها معدومه..لو انها بظروف ثاانيه كان قلت ممكن تزعل..
بنت يتيمه فقدت اَهلها بحرريق والتشوهات اللي طالتها النفسيه والجسدية تجي تزيدها عليها.. وعمليات التجميليه
ماهو من البطرا اللي فيها .. اتوقع لو ام حاكم عندها بنت من بطنها كان حست في نوره.. ولا كانت لعبه بين خواتها
هاللي ناشبين فيها..كان مافي رجاجيل ع هالكوكب الا عيالها ..الله يخلي بندر اللي ضم هاليتيمة تحت جناحه ..

المهر ظهورها لطييف حاولت ترقع الموضع .. بس مااش مايترقع




ورد والله ذكي ابوها ماقالها موضوع العطية نهائي ..
الله ياخذ وهيج هاللي نسفت فرحتها نسف.. وفوقها غيام بعد العاشق الولهان..

حركة الأرقام ماتوقعتها ..بس تصدقين ليتها ماكشفته .. لان اللحين بيصير اللعب ع المكشوف .. ماهو بيعيده انه
يقولها انك عطيه وإني احب وهيج وكنت بتزوجها .. وغيام بيخليه عذر لتصرفاته مع ورد .. يعني بدل ماكان يداري
خاطرها .. بيدلي يطنشها.. هذا اذا ماسوا فيها معصب انها فتشت جواله ..ان شاء الله تقدر تأدب غيام وقبله وهيج ..
هالحقييره صدق قهررتني تكلمها كأنها ضررتها.. والظاهر ماعندها مانع ياخذها لسى .. مااعاد به عرس يلا ضفي نفسك بس..


ماادري ليه جاني احساس ان غيام لمن راح بيتهم كان بيكلم وهيج عشان كذا راح لغرفة جانبيه.. ليش مارح
جناحهم المفروض ملابسه تكون فيه او ملاحقهم مو هم كانوا عايشين فيه بعد ماجات نوره << فيس متعب نفسه بالتفكير🤓

اقتباس :-   المشاركة الأصلية كتبت بواسطة ضمني بين الاهداب

كانت رسالتها...[أكبر غلط أني كذبت قلبي دايم وقلت بتعاند ظروفنا وبكون لك وبتكون لـي...اليوم انت لـغيري..ان شاء الله تذوق اليوم الي انا فيه لغيرك..!]

الظااهر ماعندك عقلٍ يحكمك.. ومااحد قااالك تكذبين قلبك يااجعل قلبك الفقع .. قال اش تذوق اليوم ...
روحي الله لايرردك احنا مستنين هاليوم متى نفتك منك بس ،،
وبعدين خير غيام وراه رهيف كلمتين منها سوت فيه كذا .. مايسطلب ويترك عنه الدراما..

اقتباس :-   المشاركة الأصلية كتبت بواسطة ضمني بين الاهداب

والاسم يترأس الشاشه...[كل الغلا..]..!

كل الغلاا مرا وحده .. ماخاف احد يلقط جواله ويعرف وقتها .. صدق انه مسبّه..

وهيج ماينفع معها الا انها تفضحها عند اَهلها ويلمون بنتهم..



اممم برجع ع نفوود تراها شاغلتني.. ماهو داخل مخي ان الشيخ غتاار فجأءة نوى يتزوجها .. وشلون وشلووون
هو كان معيي يعرس😟 عندي احساس قوي انه جالس يطقطق ويحسب انها خفة دم منه .. ماني مصدقه انه
بيعرس عشان اسم امه نفوود.. وحتى لو طلعت شخصية نفود انا ماني مصدقة الا لين يكتب كتابه عليها
ويعيش معها بعد هنا اقول تزوجها😞

ياااويلك ياضمضم تصير هي القفله 😩 حرام عليك بنكمل وقتها 3 أسابيع وهالنفود زي الشبح ماينعرفه لها راس 🤕



الله يعطيك العاافيه والله يسعد قلبك ياام اليزيد اضعاف ماتسعدينا بهالجمال والابداع ..

بانتظارك بكل شووق يالحب 💕







‏
‏
‏
‏