كاتب الموضوع :
ضمني بين الاهداب
المنتدى :
القصص المكتمله من وحي قلم الاعضاء
رد: الحظوظ العاثرة بقلمي / ضمني بين الاهداب
صباح النور والسرور ✨
تصدقيني ضمضم ابدعتي في هالعثرة حييل ماشاء الله تبارك الله ،، احس في مشاعر عمييقه وصلتني .. أبدا ماكانت عثرة عاديه بالنسبه لي بغض النظر عن الاحداث الناري ،،
في هالعثرة وضحت ابعاد هالقطاعه وش سببت من الم
عقاب ماجنى ع نفسه بس ع اللي حوله بعد،، عمشا والقصه اللي جارحه أنوثتها طول هالسنين ،، فخر بٌعد عمها والذكريات اللي مأثره عليها .. المهر والشرخ اللي بعلاقتها مع بندر ،،
عمشا مامداني اقول شلون بالعه القصه قدام الناس أثاريها غصه بقلبها ومتوجعه منها ،،
يعني ماهو معقول يحتد النقاش ورمت عليه كم كلمه يقوم يأدبها انه يبي يعرس ،، ترا عور قلبي والله وقهررني وهو يدق ع رياش قدامها بيخطب ولااا أزين بناتهم .. وين يلقى أزين من الرمح ..
عقاب وش قصته بس يبي يوجع ويقهر ولا احد يقوله انه غلطان .. الظاهر رجع الجني اللي كان متلبسه
بعدين عمشا شخصيه غييورة جدا من كم موقف بسيطه طلعت غيرتها،، فمابالك بموضوع العنود بكبره .. وعقاب معترف بنفسه وش كثر صبرت عليه وع طبعه الشيين وتحملته ،، مايقدر يتحمل منها كم كلمه ولا لان الموضوع فيه بندر اختلفت الحسابات عنده ..
وبعدين فرحان بوجهه يوم يقول وهو اخوي قطعت عرقي منه ،، ماهو من زيين الفعل عشان كل شوي يقوله كأن ماحد قده👹
ليتك جالطه بدل بندر حلال فيه وجع القلب ،،
عمشا غلطانه انها كلمت رياش ،، حسبي الله عليه زي السوس انا قلت اذا كلمته بيستحى ع وجهه الا انه وجه الودر جالس يقنعها ويقولها انه ابطى مااعرس😩 ياااجعل سنيينك ماااتبطي ودي ازنطه هالدب .. و يكملها ويدق ع عقاب😩
إغماءة فخر كانت موفقه بالمكان المناسب والوقت المناسب👌🏻..بس ابددا ماكانت موفقه بالنسبه لقلوبنا☹
عقاب مااتوقع يعرس .. بنته وطيحتها بترده.
لو يدري عن بندر ولا غتار كان خل بنته تاخذ اجازه ع مايطلع بندر ولا راح بلط عندها،،
بالله حاكم ليته ساكت وفكنا من دقات الصدر هذا اذا طالع فيه عقاب .. فيك فلحه اصلح حالك مع نوره بس
غتار هو الوحيد الصح واللي قصده شريف و يبي العلاقات ترجع ولو ان طُرقه ملتويه بس ماهو مهم طالما يتعامل مع عقاب ماراح بعيد عنه..
نظام الخفافيش مايبطله أسلوبه كان مستفز ،، هو مرافق ولا كان فعلا يستناها تجي ،،
ليت مايثقل العيار عليها لا احسن ترفض جنابه،، وباين انها انلخمت من الخطبه اجل هذا رد فلوسكم من حرمه وتبون فلوس عقاب 🤕 والجميل انه معطيها جوها يوم تهدد 🙂
احساسي يقول ان غتار بيقول لعمه ان فخر جات وشافت بندر.. اذا هو يبي يجي يشوفه بعد😂،،
او اذا نقلوها المستشفى بيقوله انها طاحت بسبب شوفتها لبندر.. لان يدري فخر مارحت تقول لعقاب وهو يبي يزيد الضغط عليه ..
فخر حزنتني وهي تسترجع ذكرياتها،، ع ان السنين مضت بس لسى الموقف في ذاكرتها ،،
في النهايه رياش مهما بلغ قربه لعقاب بتظل غريبه عنه مافي شي زي الدم والله عقاب حرم عياله من اشياء واجد كأنه مقطوعين من شجره ..
مشاعرها ولقاءها مع بندر فوق الووصف ابدعتي فيها،، اتوقع لها زيارة ثانيه له وبيكون صاحي مارح تقدر تقاوم مشاعرها ناحيه ..
عقاب صار مضغوط من كل جهه شوفته لبندر و عمشا اللي تضغط عليه واللحين طيحة فخر ولسى مادرى انها شافت بندر وحبته بعد ،،وياليت فارس يرجع ويقابل عيال عمه ،، عشان تكمل عليه 👹
المهر عورني قلبي عليها لمن قالت انها الذاكره الحية لعثرته،،
أتمنى انها تقابل عقاب وتقوله .. بيكون نفس كلام عمشا.. عشان وقتها يعرف انه ماكان يناطح الا نفسه هالسنين كلها،، حتى لو ماكان اللي فيه عشان العنود بس لمن يسمع الكلام من غيره غير لمن يكون بنفسه ،،
دامر رحمته وهو فازع لها ماصدق ،، اللمسه مافوتها لها ودقها بالعظم .. ومااغير تصايح لاتلمسني لاتلمسني يوم احتاجته هي عرفت تلمسه ..صدق حرريم ماينعرف لهم😂..
ترا دامر ماهو خٌشخيشه عشان تطنشه وتروح اتوقع توصل لطلاق لو سوتها .. بعدين غلطانه يوم خلت المساله تحدي لو سكتت وراحت وبعدين قالتله ،،
اتوقع انها بتلقى عقاب في وجهها بالمستشفى ويقصر عليها العنوه..
او تروح لغتار وتقوله ماتدري يمكن يدخلها ضمن خطته😂
عهد اللي سوته ترا ماله علاقه بالسطحية عادي ماعجبها شكله ماتبي تطلع يديها،، وعشانه رجال يشوفه من التفاهه اللي تسويه فوقها انها تحت المجهر ..
المفروض انتبهت لكل تصرفاتها كان صرفتها اي تصريفه او دست يديها بكم العباية ولا من شاف ،،
و الظاهر انها الفرع الثاني لعمشا في الغيره ،، بس صدق ليت تترك كلمه حبيب وحبيبي لانها جالسه تنفره منها ولاهو ماتقبل.. تصبر لي يطخ اللي برأسه وبعدين تغرد عليه ،،
وادري ان الضميير الشريرر اكل نجوومي🤕 بالعااافيه ع قلبه يااجعله هناء وعافيه .. ياااجعله يأكل ولا يشبع بعيد عني👹
ضمضم احساسي يقول أقوى قفله ممكن تصير دخول عقاب ع بندر بالمستشفى ولا طلاق المهر ولا خطبه غتار الا لو عنده الضمير الشرير أقوى منها طبعا هذا مافيه شك الله يستر منه👻
بالنسبه لقصر المرايا 😍
تجنننن تجنن ماشاء الله ابدا ماجات ع بالي فكرتها،، ماادري امدح الفكره الجميلة ولا قلمك الاجمل اللي مخليها بهالجمال .. حبييتها حييل خصوصا ظهور بغداد واجواء نورسين اول مافتحت عيونها ،، وان كل اللي فيها كانت لعنه قناديل الشريرة ،،
العجوزة جلنار هي اللي مربيتها يوم انها كتكوتة قبل ماتصير حوريه،، وبعد اللعنه صارت حوريه.. طيب من اللي رباها يوم انها حوريه صغيره بالبحر😅 << ترا الخيال بدأ يشتغل🙃 صدق والله كيف كانت طفولتها😅
صراحه تحممس القصه 😍 شلون بتجمع هالاحجار من أراضي مختلفه وبدون مشاكل وتقدر تاخذ اللي بالتاج وغيرها ،، امها وأبوها كيف حطلعهم وكيف بيكون لقائهم😋.. الامير وينه هو نجم الزمان ولا حلت عليه اللعنه مع اَهلها ولا هو واحد عادي ولا أمير من مدينه ثانيه 😇
وأزين مافي الموضوع انها صارت أميره ،، لان نظام سندريلا الخادمه والأمير مايعجبني 🤗
شكرررراً من القلب ضمضم ،، الله يسعد قلبك وتسلم الايادي والله اللي تكتب لنا هالجمال اللي نستمتع فيه 😋
|
04-04-17, 07:19 PM
جديد مواضيع قسم القصص المكتمله من وحي قلم الاعضاء
العرض العادي
