صباح الخير
بدايةً عظم الله أجرك ام اليزيد ورحم فقيدتكم وغفرلها


بعد القراءه لنا تعليق 🙄✋🏻

]بِسْم الله
صبحكم الله بالخير ودوام خفيف وممتع للمداومين ونوم هانئ للعاطلين 🍂❤
يالله استلموتعليقنا المتواضع
عثره 2
‎وأثره سبقني عليها واحداً ثاني...
>
نقول الفاصل يصف حال عقاب ولا غيام والنيزك اللي نزل عليه ولقى نفسه متورط فيه واللي اغلب البنات توقعو انه بتم الزواج الا انا بمخي الشاطح اقول يمكن مختله عقلياً😹! >يجعلك ماعاد توقعين!
ورد شخصيه احسها فكاهيه وقويه قويه وبنشوف كيف بتقابل غيام وحبه ل ووهج هذا اذا ماجينا عند ورد وعرفنا وش ردة فعلها من زواجها من غيام يمكن تكون ماخذه موقف الرفض وهذا المتوقع ! وهج وغيام كلنا بطبيعة مجتمعنا المحافظ ولله الحمد ماتقبلنا هالعلاقه ولااستسغناها ابد وكان المتوقع لها انها ماتكمل مِن بداية الروايه بس معقول انتهى دور وهج هنا ولابيكون لها تأثير كبير بحياة غيام اتوقع وهج شخصيه عابره وانتهت 🤔
نوره شخصيه هاديه ضعيفه ممكن بسبب الظروف اللي مرت فيها وماهي سهله في وفاة اَهلها وأخوها اللي على حسب مافهمت هو صديق للدكتور حاكم اللي وصاه عليها وزوجها له ،حاكم شخص هادي متحكم باعصابه وفاهم وعاقل على عكس شخصية اخوانه غتار وغيام سريعة الاشتعال اوالغضب 😝!
غتار البطططططل الجوهري عندنا ومنتظرين قصته اللي الأن مابددت مع *فخر عقاب البندر* شخصصصصيه استفزازية من الدرجه الأولى بل ممكن نقول ابوه مخربه بالدلال الزايد لدرجة صاير يتحكم بحياة اخوانه 🙁! ومالوم غيام من قهره عليه
تحسونه يابنات مثل الشبح اللي ينط لكم بنص الحوار ماتدرين من وين جا😩 ولا يعطيهم كلمتين بالعظم مثل ماسوا بالمهر بنت العنود !
بس لاخفيكم سراً اني احس هالقوه والجبروت بنكتشف داخلها قلب طيب ورومنسيه قتاله🙄؟
فارسس هذا تحسونه الشخصيه المسالمه بس ياويل اللي يدوس لها على طرف شكل أمك عمشاء مب هينه ولا ساكته عنك الين ماترجع بنت اختها بنشوف من بيربح بينكم 🙅🏼! ولابتسحب على هالعهد ونشوفك مع المهر بنت العنود ويكون هذا سبب يخلي ابوك يرضى لانها بنت العنود عشان الشايب عقاب يكحل عينه ببنتها عنده فالبيت 😉
والله ياعقاب تخطيطاته تحوم حول غتار واضح من زيارة المستشفى العم وولد اخوه كل واحد أقوى من الثاني وبنشوف وشلون يرضى يزوج بنته لولد بندر 🙂!
رياش اعوذ بالله من فالك ولدنا قام بقدرة ربي اعوذ بالله من هالناس اللي على شكله عادي تقوم تحذف كلام سم عند أهل المريض ولا الميت طيب ماتعرفون شي اسمه مواساه للناس اللي بمصيبه طيب اسكتو على الاقل الصمت نعمه 😾!
يإن العم عقاب جايب راس عمتنا عمشاء 😩
اخيراً القفله يالله ياقوها ضربة بندر ل غيام وياشينها كسرة النفس اللحين بيكرها زود وبعد قدام اخته مسكين هالغيام تجمعت عليه من كل جهه بس عارفين له ابوه وغتار واضح انهم عارفين مهما زعل الا انه بيطيع شورهم


سلمت يمينك و منتظرينك ام اليزيد💕💕

صباح الخير..


أولًا.. عظم الله أجرك ورحم الله فقيدتك..

ثانيًا.. إيه البارت ده..!

نبدأ بغيام.. اللي لاحظته فيه انه يبي يتمرد.. يعني يبي يكسر قوانين أبوه
وغتار الصارمة.. يبي يطلع من المعتاد.. و ممكن علاقته بوهج نفس الشيء..
تمرد وبس لأن هالشيء مارح يعجب أبوه و غتار فمشى فيه.. غيام يذكرني بريان
و عناده لعناد..

صراحة يستاهل الكف.. مع إني ضد الضرب بس خير يا ابني تقلل أدبك على عمك
المستقبلي و زوجتك ورد اللي زي الوردة😅.. اقولك شيء.. ما أدري ليش.. بس
ما استسغت ورد.. حسيتها زي الشوكة ببلعومي.. مع انها للحين ما ظهرت بقوة
بس سبحان الله الأرواح جنود مجندة😈.. يمكن عشان غيام مغصوب عليها..!
ترا حتى غيام ما عجبني بس الشكوى لله😂.. انتظر انفجار الخبر بوجه وهج إلا إذا
سوى فيها غيام الحنيّن .. عاد لو استمر بعلاقته بوهج بعد الزواج أنا هنا بفك عليه
الرشاش-> ماهو مسدس حتى🌚..

ورد.. أبي أتخيل و ارسم لها شخصية ببالي.. بس كل ما جيت أرسم لها شخصية
تطلع بين عيوني صورة وردة.. احسها رقيقة و قوية ماهو القوة العربجية لا
القوة اللي تكون من الثقة.. عندي احساس انها رافضة قرار أبوها و تزويجها من
غيام بس ما اعترضت لأنو أبوها اللي خطبهم أو انها اعترضت بس عطوها طاف😂
تنتظرنا أيام داحس و الغبراء والله أعلم🌚

،

غتار.. حبيته عشان أمه النفود يعني زي عقاب يحبه عشان أمه النفود..
أما بندر ما حبيته من يوم أخذ العنود و بعدها يطلقها وهو داري انه ينفخ
بقربة مشقوقة مدري مفقوعة🤔.. بس عاد حركة عقاب بعزا أمه خطيرة😂😂
أجل حاط عزا ثاني ههههههههه الدعوة عناد و الا إيش..!

المهم.. غتار ليش معطي غيام فكرة انو يكرهه..! الأكيد انو ما يكرهه بس ممكن
اسلوبه و فرضه لرأيه يستفز غيام و يعطيه هالفكرة.. مع انو عندي احساس ان
غتار يبعد الناس عنه متعمد.. يمكن فيه جرب😝


،


المُهر.. دخول قوي.. تذكرني بهذيك عمة ياسر في بعض العيون-> زهايمر🤢
نسيت اسمها.. المهم.. اللي كلمها نهاية البارت أظن انه غتار و الا..؟
يعني نفس الإسلوب المستفز.. أظن المهر شخصيتها قوية من مواجهتها لأبوها..
بس والله يا إن الكف برد لي قلبي😂😂😂..

،

حاكم و نورة..

أذكر من المقتطف اللي زمان انه بارد معها.. خير يا ابوي وش عندك ..!
ليش كذا بارد..؟ و الا عشانها مو من اختيارك يعني🌚..

نورة.. ياقلبي انتِ أول شيء تعافي بعدها فكري بالطلاق..
أنا بصير الدكتورة النفسية تبع نورة تمام👩🏻‍⚕..

،

فارس.. ما أدري ليش أربطه دايم مع المهر.. احسهم لايقين على بعض..!
و عهد ووهج يصفون جنب بعض و يصيرون صديقات😂

،

فارس.. ايوا يا المعضل.. أجل ماعاد بقلبك لعهد شيء.. هذا أحسن شيء..
عشان لما تتزوج المهر يكون قلبك خااااالي😅🚶🏻‍♀..

،

عقاب و عمشة-> ان شاء الله ماني غلطانة بالإسم..

عقاب يختي رزة.. مع انه يستفزني أوقات بس الصدق إنه أطلق من بندر..
و عمشمش أجل يحصله يناسبكم مرة ثانية ها🌚.. هو أنا رح أحب عمشمش
إذا فكتنا من زعلها على فارس.. يعني بنت اختها غلطانة و لسى واقفة بصفها🌚..
و اذا عهد تغيرت إيش يعني..! ما يمنع هالشيء انو تفاهتها و سطحيتها جرحت
فارس و قفلت قلبه عنها.. ايش كان رح يضرها لو شجعته ينحف بدال ماهي طايحة
بس تجريح.. يمكن فارس كان تشجع لو أوهمته بحبها و قال خلوني أنحف عشان
أصير أزين واحد بعينها.. ما أقول إلا مالت بس😒

،

فخر.. شخصية مستقلة مثل أبوها.. يقولون كل فتاة بأبيها معجبة.. و أظن
فخر على هالمثل..

،

و بس.. طلعت طاقتي السلبية بالتعليق.. اعتذر😂🌚..

،


دمتِ بود💜

طعون 😳😳 هو ليش وانا اقرا اول كم سطر من تعليقك حاسة اني قريته قبل 😳😳
مش حاسة الا متاكدة
كنت اتوقع الكلمات كمان 😳😳😳
.
.
بس صحيح ليش الكل يهاجم غتار ؟؟ << فيس مش قادر يقتنع ان تصرفاته مش طبيعية 😹😹