كاتب الموضوع :
#الكريستال#
المنتدى :
القصص المكتمله من وحي قلم الاعضاء
رد: كنا فمتى نعود ؟
صباح النور والسرور،،
ي جمالك ي كرستا قريت البارتات ورا بعض.. الله دخلت جو كأني عايشه معهم تمنيت انها ماتخلص اخر كــــت ابد ماتمنيته هنا ،، اخ ي قلبي 💔
اخر بارت قريته مرتين من جماله من وصلوا للاستراحة احس اني اقرا وانا متوتره ويدي ع قلبي ..
مسكينه شيما والله اللي صارلها صعب اتهام في شرفها ع العلن وفضيحة مابعدها فضيحة ،، ي كبر الظلم اللي صار لها وي شيينه ،، أوجعني قلبي عليها ومااحد معطيها فرصه يصدقها ،،
ام نوق مستحيل مستحيل تعدي الموضوع ،، وش بيكون حالها لو مادخل متعب وش بيكون لو من الأساس متعب مايبيها ،، بتروح للردى بكل سهوله وبتخطيط ناجح من نوره .. اذكر يوم دروا ان شيما تدري بسالفه ناديه قلبوا عليها وقتها ام نوق ماسكتت لهم ولمحت ان عندها بيت بالقصيم يحفظ كرامتها وكرامه بناتها .. اتوقع هالمره بتجيب الاولي والتالي لنورة مارح تسكت وبتأخذ بناتها وبترجع للقصيم ،،
اللي قهرني ان عوّاد عارف اخلاق بنات اخوه وعارف اخته و ولدها تمنيت انه يدافع عنها قدام الكل ويعطيها فرصه تتكلم،،
ليش متعب هو اللي شاف الصورة قدّامه وعواد أنعمت عيونه ،، ليش ما احتمال انه كله ملفق ،، ليش متعب كانت ثقته بشيما عكس عوّاد واهلها ،، متعب قبل قد قاله ان نوره تبي الوصاة عشان تزوج ولدها بشيما يعني عنده خبر بالوضع ،، اكثر واحد انقهرت منه عوّاد ..
شيما هالموقف مارح يعدي ع نفسيتها بسهوله ،، ويمكن وقتها شافت فيهم صورة ابوها اللي معقدتها،، بتكون ممتنه لمتعب طول العمر وهالموقف بينسيها كل شي جاها قبل منه ،، متعب هو الوحيد اللي وقف هالطوفان اللي بوجهها هو الوحيد اللي واثقه فيها وانقذها من مصير الله اعلم وش كان بيصير عليها ،،
اتمنى مايطلعون من الاستراحة الا نوره مجلوده وتطلع براءة شيما قدام كل اللي شهد ع هالفضيحة،،
احس الجدان بينصدمون من كميه الشر اللي في بنتهم ويمكن بيجيهم شي يطيحهم من طولهم
ي ان الضرب في فيصل برد كبدي تمنيت نوره معه ،، ويوم يقول هذي لتس ي شيما ليته قال هذي للمتابعين بعد ههههه
نوق التفسير الوحيد للي جالسه تسويه ،، انها للان تحب جلوي بس الظلم واللي صار لها قبل هالسنين ماهي قادره تنساه او تتجاوزه ،، وحتى اول مارجعت ماطيب خاطرها ووضح لها كل شي ،، اذكر كلام مشعل لها كانت تتمنى يكون هالكلام من جلوي انه يحس فيها يمكن لو قالها في البدايه يمكن تقبلته أو يمكن طفى شي بداخلها،،
وهي الان ع بالها بحركاتها لجلوي استفزازه ورمي الكلام عليه يوم انه تعبان تحس انه انتقام وتشفّي لشي بصدرها بالنهايه ماوصلت لها الراحه اللي كانت تتوقعها،،
اللي يقهر انها كانت متردده وماتدري وش تبغى يوم جاتها أكثر من فرصه للخلاص من جلوي عمها منصور و مشعل ومع كذا مااخذت قرارها ،، كم صار لها من اول مارجعت لجلوي عايشه بهالشد،، في شخصيات صعب تنسى او تتجاوز اذا ماهي قادره تنسى مافي حل الا الفراق ولا تعيش هالعيشه اللي مافيها راحه ..
او يمكن بتقدر تتجاوز اذا وضح كل شي ومن اللي ظلمها واتهمها يوم تطلع برائتها كامله ،،
اعتراف جلوي وكلامه لها المفروض كان من اول مارجعها يمكن وقتها تكون هذي البدايه لهم،، لو قالت له انها حامل كان خلها وقتها بتعيش نفس الدوامه انها أنجبرت ،، اللحين هي محتاجه هالمساحه عشان تقدر تقرر وماتحس نفسها بعدين مغصوبه او انجبرت ،،
واصلا طبيعي اذا هي مارجعت برغبتها وبينهم كل التعقيدات اللي ماانحلت بالنهايه بيفترقون ،، الموضوع ماهو خبط لزق رجعتي ي نوق يلا ارضي وانسي وعيشي معه..
والصراحه مسوين دراما ع الفرقى واخر شي بترجع له،، يعني حتى البكا ماادري وش وضعه.. يوم وعدته تروح معه يمكن يوديها لامه اذا بتعترف بكل شي او عاد بيسوي انه رومنسي ويوديها مكان جمعهم قبل ،،😑
للحين مااحب جلوي بس اللي تفاجأت فيه ان كان فيه محاولات انه يرجعها ويكلمها قبل لين ماشهر ابوها السلاح في وجه ..
الشي اللي قهر بعد ليش مخبيه ع امها انها حامل ي انه شرهتها بتكون كبيره ،،
تصدقتي كرستا والله احس تعامل نوير مع بتار يذكرني بتعامل نوره مع زوجها ،، احسها مزلبته وماهي معطيته وجه سبحان الله البنت طالعه ع عمتها ..
انا ماني عارفه ليه ماتعطيه ريق حلو الرجال مو مقصر معها يادهينه لاتنكتين حتى خواته موقفهم عند حدهم ومع هذا منشغله بغيره بالله تنشغل فيه وتعطيه وجه ،،
خوات بتار حقيرات بشكل .. حتى لو يكرهون نوير .. يتقبلونها عشان أخوهم او لا يتقبلونها يكفون شرهم عنها ،، بعدين غثونا ع آخوهم شيخ وشيخ طيب خوات الشيخ المفررض يكون فيهم رقي ويحافظون على برستيجهم ومكانه أخوهم ولا هالحركات الرخيصه اللي يسونها قدام الناس ،،
تراهم قاهريني ع المراصيع عمى حتى النعمه مايحترمونها،، قبل ماتكون الاهانه لها تكون لاخوهم قبلها..
بعد موقفها مع بتار قمه الغباء مااادري ليه جالسه تعانده وكأن هو اللي غلطان عليها بسبت خواتها هذا بدل ماتكسبه وتقلب الموضوع عليهم تجلس تحاربه هو .. الذهب يمكن جدته موصيته يشتريه لنوير كرضاوة ،،
نورة و ام جلوي قلبوا ع بعض هذا نهايه الاجتماع ع شر نشر الفضايح ع العلن ،، شكل وراهم فضايح متلتله
بس وش قصة ام خيال اللي ساحبتها وش وراها من فايده لام جلوي ،، حتى ارواق زوجها انا مافهمت ليش تسوي نسخ منها ؟.. يمه ي قلبها شلون تشوف حالة ولدها وهي السبب فيها شلون قدرت تحط راسها ع المخده هالسنين كلها وهي ظالمه ،، تدرين عاد كرستا ام جلوي افضع من نوره تسوي المصايب ولا يبين عليها بعكس نوره اللي تلعلع والكل متوقع منها الشر ..
الشي اللي ماوضح بعد نوره وش كانت علاقتها بجهمان يوم تكلمه وتوصف له نوير وهو ع اي اساس كان يسمع لها ؟
تسلمين كرستا ولو انه في خاطري كلام اكثر هههه وتسلم الايادي اللي كتب هالجمال ويسعد قلبك اللي يسعدنا ،،
متحمسه حيييييل ع بارت اليوم ،، وترا اذا بتنزلينه بدري مارح نقول لا : )
|
25-08-17, 02:28 PM
جديد مواضيع قسم القصص المكتمله من وحي قلم الاعضاء
العرض العادي
