روايه نار وأحداث تفقع المراره
كريستال ترا فيني قهر يمكن معه أسوي جريمه يختي فرحي قلوبنا بمصيبه النوره تلهيها في عمرها
هي مالها قلب حطه حرتها في ذا اليتمات
انتي وش تبين يا عجوز قريح هم مأخذين لتس حلال وجع ليش بلاتس ماطال مرة منصور وعياله ولا مرة عبدالعزيز وعياله
حطه دوبتس دوب أم البنات وبناتها اكره جنستس بدال ماتقابلين ربتس وبيتس وعيالتس وتبرين في والديتس موذيتن ذا اليتمات
تراب اخوتس ماجفت وإنتي بشياطينتس تناقزين من بيت البيت
ولا والادها والأمر تبي شيماء للرخمه ولدها شفتي حلمة اذنتس إذا شفتيها خذتي شيماء خير الدنيا فوضه
وليش أن شاء الله شيماء عشان تنتقمين منها لان عواد اجبرتس تعتذرين منها سبعوه شلوش على قولت أهل الجنوب ( وحده متأثرة توها قاريه روايه من كاتبه جنوبيه )
شف يعواد أختك أو أخت إبليس هذي راضعه مع ابليس لو سعت تأخذ الولايه منك وشبت النار عليك انا أصرح لك توكل على الله وثور فيها
هذي من المفسدين في الأرض وذبحها حلال
مدري انا عندي إحساس أن مشكلة عبدالله مع أهله هي سببها وهي اللي شبتها وسالفة الأوراق اللي بين نوق وجلوي لها يد فيها
يعني كل بلا في العائله هي سبب فيه المحقا

عواد أبي اعرف وشلون ناديه مالها اصل مافهمت هل أنها من قبيله اقل من قبيلتكم اجتماعين ومادين
ولا فعلن مالها قبيله ولا معروف نسبهم
إذا الأمر كذا ماعليش انت غلطان واكبر غلطان
الرسول صل الله عليه وسلم حث على النسب وتوافق الأنساب وقانون البلد إذا فيه عدم توفق نسب طلقو الزوجين
عشان كذا صعب تأخذ ولايه وانت العمرك ماخترت الاختيار الصح النسب خوال عيالك
كريستال انا تجيني غبنه من زواج السعودي من غير سعودية مانعرف أهلها ولا نسبها ولا أبوها ولا أمها ولا منشائه
والأمر يكون عادي ولا فيه مشاكل بس مجرد ما البنت او الولد يأخذون شخص من دون قبيله ولا اصل أو نسب تقوم القيامة
ويفصخون العقد غصب على الطرفين حتى لو بينهم عيال وبحكم شرعي
والدين يقصد بالنسب حتى الأجنبية ليش أن شاءالله الأجنبية قبيلتها معروفه وسلالاتها معروفه ترا الدين يقصدها لأكن معمين عيونكم
انا ودي ببنت لولدي من بلدي لو هي مهيب بنت قبيله ولا أخذ بنت من بلد غير بلدي مادري وشي من لحيه من هم أهلها واصلها وتربيتها


بصراحه نوق تغبن وتقهر وتستاهل ماجاها يناس الرجال وش سوى معها من خذها
حبها وعزها اول ماتزوجها وبين لها غلاتها عندها ثم غدرت فيه وأعطت أبوها أرقبه زوجها وهو ماقصر معها
بغض النظر عن إذا هي مجبورة أو لا المهم أنها غلطت غلطه ماتنتسامح عليها هي غدرت بزوجها
وإلا تقدر تقول لابوها مالقيت الأوراق ولا ادخل نفسها في المشاكل مابين زوجها وأبوها
ردة فعل جلوي طبيعيه جداً
جلوسه عقبها كم سنه بدون زواج دليل على فقده لها
المشاكل اللي كبرت بينهم هي اللي ردته عنها وتأكده أن عمه ماراح يرجع البنت لو سوى المستحيل
زواجه مجبور وخذ ثنتين يبي ينساها بس مانساها
رجوع جلوي للزواج من نوق ولو بالحيلة أمر جداً عادي حبيبته وبنت عمه وعادي يسعا الرجوعه له وزواجه منها لو بالحيلة
الرجال من خذها ماقصر شروطها ونفذها مع أن وجها اسود معه ما قصرت بكسر رجولته وكرامته وآخر شئ طبقتها بحركتها
البايخه اللي ذبحها مايسد جلوي فيها
كفؤ ولله انك أعجبتني باللي سويته خلها تأدب شف حتى أمها ماعطتها الحق يؤمنها خابره بسواد وجه بنتها وفعلها مع رجلها
ركبت نوق الخطاء وتشوفها تستأهل ماسواه جلوي فيها
بس مدري عندي إحساس أن نوق بتحمل من جلوي وبيكون ذا الولد أو البنت بداية حياة جديده
وعندي إحساس أن جلوي بيصفاء النوق وبيطلق حريمه وبيرد لها ولا يصح إلا الصحيح
اللي بينهم خيره من ربي ورجوعهم البعض بعد ذا العمر دليل أن حياتهم البعض
والأخطاء والأذيه اللي سووها البعض فيفتي فيفتي متساوين وكلن أوجع الثاني بمافيه الكفاية
ولاتكابرين يانوق وتقولين مأحبه انتي مهوب تحبينه إلا تموتين في تراب رجليه وكسرتس وحزتس وانطوائيتس بسبب فقدتس لجلوي وطلاقتس منه
اربحي العافية وردي بيتس وبلا مشاكل العمر راح وانتي تفكرين بالانتقام
أقول ناظري عمرتس ياخيه واهتمي بشكلتس وسوي رجيم وإذا ماتقدرين كممي وش زود ذا العالم اللي كممت عنتس ونافسي حريمه
ورجعي جلوي الحضنتس معاد في العمر مثل ما مضى

بتار جعل به بتار وشذا الذوق وشذا الركاده وشذا الرومانسية وشذا العقل ولله انك كثير على أم روز وجع يانوير انتي ماتخائفين على راعي الماجستير يطير منتس
وش انتي مانتن بروحتس عليه حي الله ثنويه عامه وقميص روز وشكل مبهذل
أبي اعرف ليش الرجال متمسك فيتس وحابتس هل لتس ماضي معه ماتدرين عنه
ولا إعجاب نادر اخوتس فيتس خلاه سيؤلف فيتس دائم عند بتار لين تعلق فيتس
ما ندري أن غدان لناظره لقريب ونشوف نوير وبتار
على فكره عجزت ابلع اسمتس يانوير نوير وعععع ولله انه يحوم كبدي ولفظه شين نوره نور نواره كلها أحلا من نوير
بتار له رنه وتحسين هيبه ونوير عجوز تبيع في سوق الحمام
تعدلي مع الرجال لا يسحب عليتس ويصير حظتس أردأ من حظ اختس

متعب أقولها لك وبالفم المليان شيماء من نصيبك
وشذا الحنكة وشذا الذكاء الله يرد لك صحتك وتأخذ شيماء
بس حارب عشانها ترا البنت تستأهل

منتظرينتس كريستال وأحداث أقوى بس خفي على جلوي تراتس كسرتي ظهره
وعقلي الدباء ترها تمادت ويوم قويت قويت على اللي يحبها ويعزها
كان فيها خير تحط حرتها في أم جلوي وحريمه وعمتها نوره اللي اوذوها صدق مهوب جلوي اللي حبها
وبين حبه ورغبته فيها وحاول بشتى الطرق ينسيها اللي فات مع انه أوجعه مثلها واكثر
وترا اختلاف الرأي لا يفسد للود قضيه فيه من يشوف جلوي غلطان ونوق لا انا أشوف الحق مع جلوي ونوق غلطانه وكلن له نظره

بتار ونوير
خاطري اعيش لليوم اللي بيلتقون فيه لقاء مرتب له مسبقا ومنظم نفس لقااءات العالم
ما شاء الله الفوضويةة طاااغية على كل لقاءاتهم
نوير برودها بيقتلني
يختي انا من هنا الفضول بيذبحني مع اني ينقال يعني ابعد ما يكون عن الفضول
روحي افتحي الجوال وخلصينا
ياا صبر ايوب بسس

والله نوير حتكون الزوجة المثالية لذو اللحية الزرقاء 😂😂😂😂😂😂😂😂😂😂 سبعة حريم قضوا نحبهم على يديه الآثمتين بسبب الفضول 😂😂😂😂

مساء الخير


وهذا التعليق على البارت


*نوق وجلوي وحالهم المايل حسبي الله على جلوي زاد الجرح جرحين اشوف حتى لو تحمل دامه أبوه جلوي ينعاف < وجهه نظري انا ونوق معي كيفي 😪🤐

*" ماكنت أحب أوصل لهالمرحلة .. بس أبي ماجرحتيه يبرا"

لا كثر الله خير جد أجل تبي جرحك يطيب جعله ماله دواء أي والله 😷

انا م أنكر أن كلهم غلطانين الغلط راكبهم من ساسهم إلى رأسهم وهي استفزته من قابلته وهذا النهاية لكن حتى هو كذا مره جرحها حطمها استفزها وهي يا جبل م يهزك ريح وراح ودمر كل شي باللحظة يا خوفي من أن هاللحظة مالها نهاية هي فيها خير بنقطة وحده تخيب ظنون الجازي وحسنا انه م طلقها أما نوق ومسألة الرجوع نشوف وش ردت فعلها وخصوصا بعد كلام أمها لها على الأقل كلام الأم يهدي لو فيه عتب وياليت أم نوق تهدي بالها وتواسيها يكفي اللي هي فيه* ..وزاد تعب نوق من فعله جلوي قلت خلاص تعوذ من الشيطان ويبي يتركها لكن خاب الظن😤انا مدري كيف هان عليه يسوي شي بدون رضاها وفوقها يسمع دعاويها عليه امانه كيف تبي جرحك منها يبرا وانت تسمع كلامها عسى ارتحت إلا ندمت وين الراحه وينها وين الحب اللي تقوله أن الحب بعيد عنك م تعرف تحب حتى نفسك م حبيتها ..وفوقها خواتها يدخلون عليها في هالمنظر لوين وصل حال نوق لوين حقدها عليه تضاعف ولا ألوم غضب خواتها شافن حال اختهم كيف يهدى بالهم صح الجد والجده م لهم دخل وزين أم أمها ردتها لكن نوق اختارت دربها هو نقضه الغلط عليه يام نوق لا تعاتبينها

-
بتار والجده مهدت له الطريق ومر بسلام واكليها يا نوير لا غرفه وجهه مرتب م هذا هذه حوبه هربك منه الروز والمنشفه الصفراء كل موقف ابيخ من الثانية والله م لومك لو تبكين وتتحلطمين وتقولين مو مرتاحه جد مواقف بينكم جدا سعيدة إلا تفشل 😂بس يلا ذكرى جميله بينكم خاصه المنشفه الصفراء 😆 بداية بصدمه ودهشه من نوير وتاليه تسكيره الباب من بتار ويقول مو واثق فيك جد لا تلومها لو تفر بجلدها عنك المواقف اللي بينكم جد جممممممميلة ركزوا عليها 😂

*" النوري حلوة بأي شكل تكون عليه .. وبعدين .. غرفتتس عادي أنا جاي هنيا عشانتس أنتي بس"

معليش لا تلعب عليها بالحكي والله جد وجهه نوير خلاص خلاص موقف مسكت وبعدين كل هالحوسه وحلوة ومعهم النوري وبعد جاي عشانها أجل ولا كأنك شفت اللي شفته أبد أفقد الذاكرة في هالموقف اف فشله الله يسامح الجدة 😣

بعده جاء طاري الجوال وخاف من فكرة انه ضيعته أخيرا راح نعرف السر اللي فيه من ردت فعله ورفض نوير انه تعطيه خلاااص الفضول اشتغل عندها مثل م اشتغل عندنا <احلفي بس .. اتوقع ان الجوال فيه أشياء بينه وبين أخوها صور أو يمكن الجوال بعد لنادر

"أحتاجتس يانوير تسثير والأيام راح تثبت لتس إني عشت سنينن طويله محرومن من وصلتس ولقاتس .. "

" من أنت ..؟ "

شوف عاد لا تلومها على أي شي انت بس تصدمها وهنا كلامك يا شيخ حبه حبه ... عاد نوير فسرت الكلام من وجهه نظرها ولا الومها أبد جد يصدمها بكلامه

*" ثلاث بس .. قالي ينادونتس النوري .. ولاسمعت منطوقها ماتحس به خلل .. وماتضحك تسثير " صمت الحزن لبسه حتى ينطق بعدها " رحمة الله عليه "

واضح ان نادر شي كبير عند بتار كبير يعني علاقتهم صداقة عمر .. أجل م تضحك كثير معروفتن فيه نوير أجل ليه العتاب من اللي حولها شخصيتها كذا


وجاء الفروق بينهم لا تقولون مو مهم* أبد عاداتهم غير لإ بشي بسيط داخله على ناس م تعرفهم وتجي الدراسة والفرق الكبير بينهم* اوكيه الفروق اللي كذا تختلف من شخص لآخر ونظرتهم لها انا لو بمكان نوير اروح فيها اذا شفت م معي إلا ثانوي وهو يدرس ماستر ياني أكمل تعليمي أو م أخذه ومن الأساس نوير ضروفها اجبرتها تتركها والا هي نفسها بدراسة وجد م لومها من هالزواج كل شي على بعضه جاء معذورة بخوفها شي يبي له وقت تتعود وطمن قلبها شوي عادي جد لو تقول ماابي اتزوج كل شي جاء وراء بعض الواحد لازم يأخذ وقت في حياته الجديدة عشان يتطمن ويرتاح


"يمكن تستغربين مابقوله بس أوعدتس بتعرفين كل شي بعدين .. وأبيتس تجاوبين ع سؤالي .. وش علاقتس بعمتتس نوره أو علاقتكم كلكم فيها ..؟"


شوفوا عاد مالومها هنا لو م تكلمت عن عمتها أتخيل من أول شي اقول الأول والتالي وش يبي يقول عني وش هالبنت وأهلها صح هنا اختلف هو يسالها عنها ولكن مالومها لو م ترد عليه لو مطلعه عيوني من أولها بقول أي مستحيل خليه هو يكتشفها من نفسه احسن م تقول هي


"بتار بأهتمام وهو يحرك يده : ياطويلة العمر .. الأرض سالفتها سالفه ..وأنا ما أدري إن تسان أبوي أستلم فلوسها من أبوتس أو لا .. أو تسيف حتى شاركته عمتتس وأنتي تقولين مادرينا يعني ماحدن عنده علم فيها"

هنا رأس الموضوع وسبب كره نورة لبنات عبدالله وطبعا خالصين من عمايلها الثانية فيهم .. بس جد تسأولات بتار يبي لها أجوبة لحد الآن م وضح شي واتوقع أن عبدالله سحب على نورة من ناحيه الفلوس وكذا حقد عليهم انسانه نفسيه ..المهم دخل بتار ع نوير ولا استفاد شي ولكن راح يبحث عن الموضوع لحد م تنكشف الحقائق

وأخيرا بتار صبور ويتحكم في ردات فعله ويا حظ كل شخص كذا م يندم على كلام قاله ولا يتحسف وأهم شي يحب نوير حب كبير والله لا يحفظهم البعض .. متحمسة حيل حيل حيل لحياتهم مع بعض انتظر ذاك اليوم بفارغ الصبر
*

متعب وعواد كلام متعب عن حياة نوق وجلوي عين العقل والصواب وجد يا عزتي لها عزااه رجعت له وهب عايفته كيف يبونها تتحمله وبعده كلام متعب عن عمته وام عواد وام جلوي هن أكثر ناس محاربه الزواج .. واحلى شي حركة متعب من كشف علومهم بدقائق وكلم عواد يسمع الهرج الحين وضحت المؤامرة قبل تصير وبإذن الله الوصاية م تروح عن عواد أو إذا لازم الأمر تروح للجد أو منصور

*
" نوره : إيه تاركنا مقابلين هالجدران ورايح مع أخوياك للجنوب تدورون العشب والسعه .. لو جى الشتا شكلنا ماحنا شايفينك إلا بالحلم "


امانه إش يبي في مقابله وجهك وبعدين صدق كلام معاذ عمرك جلستي في البيت إلا اشغلتي الناس .. وبعدين صدق ظلمت ابو فيصل الرجال مشغله ربي في النياق والربيع وينه وين الحرمه الثاني من الحين اقول بإذن الله بطريق ونورة تدخل السجن واضح مسويه بلاوي كثيرة* .. ويع ويع لوع كبدك يا نورة أجل ولدك كلن بنت تتمناه أخذه بنفسك مقلب انتي ولدك ومو معجبك بعد بادي هزلت إلا الغيره لاعبه فيك لعب وبعدين تبين تخطبين لولدك من بنات عدوتك أم نوق كيف تجي هذه كيف إلا تبين تذلين شيما وتردين حركة الاعتذار فيها وتذلينها ذل انتي من صدقك أن أم نوق توافق على ولدك هو وعلومه عرق يجي منك ينقطع أي والله .. وبعدين بس فكري تخطبين من بنات أم نوق تعرفين أي أم تدافع عن أطفالها بكل قوتها يطلع وجهه أم نوق الثاني وهي ماسكه عليك علوم وراح تفضحك خلصنا من أم نوق تتوقعين أم شيما أو خواتها او حتى الجد أو عواد يوافقون ع خايب الرجا بس امرحي مكانك ولا تتعدين حدودك والحين عواد يطلع عيونك انتي وعلومك جاء مشوت يعني جاك الموت يا تارك الصلاة والحين تصيبك أم الركب والله جد اتخيل شكلها اذا دخل عواد عليها تنتفض مثل الريشه من الخوف

" نوره رفعت يدها : والله مالضعوف إلا حنا .. وهن مال وأرزاق من السما قامت تمطر عليهن "

هنا كلامها تحته ميه خط وين المال والارزاق احسه عارفه شي إلا إذا قصدها مهر نوير ونوق بس م اتوقع قصدها كذا يمكن عارفه وش عند أخوها من فلوس وبس هي تعرف أم نوق وبناتها م عندهم خبر عنه كل شي جايز ويمكن تبي شيما لشيئين تذلها ورثها من أبوها


" أبو فيصل : ماعاد لي نفس أقابل أحد .. ( نطقها بعصبيه )روحي الله لايردك "

آمين يارب من أول م قريت البارت وانا ادعي عليها جعلها م ترد أي والله نرتاح منها


اعتذار متعب لأمه عشان رفع صوته عليها من يهاوش عشان هالخطبه وهو عرف غلطته عليها وطلب السماح استغربت والله انه رفع صوته قلت متعب كذا يسوي لكن لحظة غضب والحمدلله أعتذر ووضح غلطته وإن شاء الله ترضى عليه ويمكن ترجع وتفتح موضوع الخطبه وهو يوافق عشان قلبه وعشان يرضيها عصفورين في حجر واحد .. أما معاذ وكذبته مدبر نفسه والله .. وبعده تجي جود وتأخذ من بنك الراجحي دامه فتح ههههههههههه .. وأهم شي علمته في الحقيقه أقصد هو اكتشفها من خلال كلام جود وربط الأحداث مع بعض وعرف الحقيقه الحين شيما هي جددت فيك الحياة يعني نقول جرعة أمل للعلاج والحياة من جديد 🆕 وبعده يجي موقف جيه نورة وعبدالعزيز لفضيه يبونها تصير معهم ولكن فضيه مو مثلهم أبد


نادية ضحكت والله تحذر وآخر شي يأخذها بدون م تنطق بكلمه وبس والله جيه اخوها فارس تسوى الدنيا وما فيها فما بالها بخواتها* .. وأعطى كل واحد قدرة عرفنا وش صار لجاسر نبي نشوف ممدوح وش صار عليه من هالحال

" كانت بضحكتها تتظاهر قباله إنها بخير معه مهما كان حضورها له مهين .. وتناست إن كلمه تقدر تنبش هالجرح وتعيدها بلا رحمة لنقطة الصفر "

فعلا هذا حال نادية تتظاهر ولعله وعسى الجرح يلتم ويبرى ولا أحد ينبش فيه ويوجع قلبها


" لين ماجابت هالكارثه .. فوق روسنا تسننا ناقصين وحنا مالنا من بعد الله إلا هالشايب .. أكسبنه بالعلوم الغانمه .. ( قصرت صوتها ) حولنا من فاتحه فمها تنتظر الزله كود يجي ماتبيه والله
العالم لا كانت ناويتن على أكثر .. العلم أمسكيه أنتي وياه "

صدق اكسبنه ولا تخسرنه هو عزوتكم والا نورة تنتظر الزله .. يا خوفي حلف أم نوق يصير من حلفت على بنتها نوير أن تدخلتي تكلم زوجها يجي يأخذها بكفي اللي صار م نبي يصير شي أكبر عاد صدق كيف وجهه نوير لو أمه تدق على بتار تعال خذ زوجتك ذيك اللحظة تروح فيها نوير وبعدين مدري كيف تبي تزوج والظروف كذا كان الله بعونك
*.

.

كريس إهداء لك 👇👇👇👇👇👇
.
*.
كــــــــــــــــــــــــــــــــت
أستودعكم الله الذي لا تضيع ودائعه

نسيت شي >> مدري نسيته ولا كتبته ونسيت اني كتبته صراحة بسس عادي يعني 😹😹
اشوف ردة فعل ام نوق رغم انها ما تدري للحين وش سوت بنتها بالضبط دليل على معرفتها ان بنتها سوت شي كبير وما ينغفر
مع اني ما اظن انها راضية عن اللي سواه بعير يعني 😒
يمكن ردة فعل امها تساعدها على تقبل الموضوع
بسس انا ما بتقبله 🙅🙅
اللي هو
امها شايفة انها تستاهل او ان سواة بعير ما هي بذاك السوء فتقبلي ياا ناقة ومشي امورك

بعير نفسه اتوقع بيصطدم بمشعل اول ما يطلع >> نرحم متعب من مشاكل العائلة شوي 😹
ويمكن يعطيه كلمتين ويعلمه الصح 😒😒

غضبانة على الاثنين من قلب انا 😾😾