السلام عليكم . صباحكم روعة الحرف..
صباحكم أدبٌ راقٍ يأخذ بالألباب ..
جمال في جمال يا سمبلنيس ...
بصراحة يا غالية يحتار القارئ كيف يرد على أسطرك
الرائعة و الماتعة ... و لكن نجتهد ..☺

جزء اليوم هو جزء الدكتورة نور و القبطان طلال ..

طارق الباب كان عامل محل الزهور
و ليس عبدالله !!😅
كنت أحط كذا سيناريو في بالي شلون راح تكون ردة
فعل نور لو كان الطارق عبدالله .. الحمدلله جت سليمة ..
طلال .. رقيق .. ردة فعله و انثيال مشاعره ..كانت جميلة
الحمدلله ما خيب ظنها ...

طلال الماضي .. هل نفهم من الموقف إن الكابوس كان مجرد قبلة
محرمة آثمة و لم تصل لحد كبيرة الزنا !!!

و أخيرا عرفنا ردة فعل ناصر لما عرف بجريمة طلال ..
بصراحة كنت استنكر في نفسي شلون ناصر عارف بسر طلال مع نور
و مصاحبه و لا كأن شي صار لبنته ..
حسيت بحرقة قلبه على نور و برّد چبدي يوم جلده و هذا أقل من جزاه ..

يوسف ... و حادثة والده تتكرر ..
سوّد الله وجهك يا سلطان .. يوسف أصبح خارج منطقة التغطية بسبب الأدوية اللي ياخذها بناءً على طلبك .. وين الخطر منه ؟؟؟.
اعتقد لما شاف اهتمام بنته حور المتزايد فيه و خوفه من أن تكتشف ان الأدوية مالها داعي تصر على يوسف ما ياخذها
في هالحالة راح يسترد صحته و من ثم ذاكرته في كونه شاهد على مقتل أبوه .. لذا قرر يتخلص منه .

عبدالله .. هو الشخصية الثانية اللي في القصة اللي أحس أنه طيّب و قلبه أبيض
عاقل و راكد و غير متهور .. رغم إن خبر زواج خاله من طليقته يعتبر مؤلم لأي رجل
إلا أنه حكّم عقله .. و ما تهور .. و اختار إنه يفكر بهدوء..

وعد .. فاتن الجديدة .
يا ترى هل تنطلي خدعة الانتحار على سلطان !!

حنين .. من زمان عنها فاقدينها
الله الله على جمال الوصف يا سمبلنيس
قمت اشوف حنين و هي ترقص الباليه بخفة و رشاقة
طبعاً التشخيص الجاهز اللي حاضر دائماً لمثل هذي الأعراض 🤔
مبروك ... حامل ؟؟ ☺

عزيز ... اختياره لوقت الزيارة أكيد لغرض في نفسه

منو اللي لحق عزيز ؟؟. هل هو رائد ؟؟


جنان و فيصل ما قصرت شيماء علي فصلت حالتهم تفصيل دقيق و جميل
و ما راح أزيد عليه شي كفت و وفت .🍃🍃

كل الشكر والتقدير لمبدعتنا سمبلنيس
بانتظارك باذن الله .

🍃🌸🍃