بارت رائع مي فيها لبقفلات بزاف كون جيتي حدايا كنت اكيد ارتكبت فيك جريمة،هههههههههههههههه،اني نمزح برك انو ماعنديش الف برودة انا عندي برودة واحدة امورة بحبها بزاف بزاف،المهم نرجع للمهم عندي حوايج بزاف نقولهملك نبدا على بركة الله:

وسن & نواس

عجبني موقف فرح بزاف لانو في هذا الزمن من النادر انك تلقى اخ او اخت تكون من اختها ظالمة او مظلومة فمابالك باخت غبر شقيقة مع انو جواد مايساهلش بصح فرح ديما دخلو فب المشكل تاع وسن لانو ببساطة هو اخ نواس الي حطاتو فرح غالطة مئة بالمئة مع وسن و هو سبب المرض ديالها،نواس رايحا نرتكب فيه جريمة في المستقبل ان شاء الله انا مانيش فاهمة ياك هو يحبها علاش مايقولهاش صراحة"تزوجني وسن"علاش قاعد يلعب بأعصابنا و اعصاب وسن تانيك أنا مافهامتش واش قاصدو بالرسالة الى حكها على جنبها انو قابل يزوجها بسليمان علاش ماقالش متلا يزوجها بوليد باش تبقى ديما بجواره،مانيش عارفة واش قالت وسن لنواس خلاه يعصب الى تلك الدرجة و يكون في حالة هستيرية او يكون اصابو الحادث من شيئن اثنين اظن ان وسن قبلت بزواج من سليمان كاقتراح اول او قررت تتزوج بنواس تحت شروط خاصة كاقتراح تاني،ممكن هذا هو الشي اللي خلا نواس يصفق الباب بتلك الدرجة و انو اصيب بحادث و لا قاعد يكسر في الحوايج كحالة من الثوران او الهيجان على قرار وسن و بارت الاربعاء ان شاء الله يوضحلي اكتر.

سما & نزار

اه شفاتلي قلبي ام نزار ابعد يا دعاء طريق االسد الي تدي ما ترد مي حاسة انو دعاء راح تطبق خطة جهنمية على سما المسكينة لانو شخص مثل دعاء لا يستسلم بسهولة في رأيي الخاص،و الله طاحت يا نزار وواحد ما سم عليك اهتمامو بالشخص الي تحبو سما ماشي نتاع واحد خايف عليها برك بالاضافة الى انو يميل او نقول بداية الاعجاب بسما لانو درك ولا يلاحظ قسمات وجه سما،الافعال الناتجة عنها حدا كامي يصب في اتجاه واحد و هو بداية الاعجاب.

تول & معتصم

سكينة بتول وقعت وقعة عند ربي خبرها ماندونش انو تقدر تتخلص من معتصم بسهولة الا اذا دخل في الموضوع جابر مي ماندونش انو جابر يقدر يسيطر على معتصم لانو لو كان يقدر عليه كون اجبرو على دراسة التخصص الي حباتو يماه،يصح ماشي حرام انو فتاة متل بتول بعمر 16 سنة تزوج مع واحد اكبر منها ب10 سنين و لا كتر هذا الحرام بعينه للاسف مازلنا نعتمد على العادات البالية الي تقول البنت لابن عمها او احد اقاربها انا مانحبش زواج الاقارب و نرفض هذه الفكرة من اساسها حنايا درك في القرن 21 كول واحدة تدي الى تبغيه ماشي في ليلة و ضحاها تكشف انها متزوجة من اكتر شخص تكرهو في هذه الحياة،هذا ماشي عدل بتاتا و ماكانش اي دليل من مختلف الكتب السماوية الي تفرض على البنت الزواج من غير موافقتها شخصيا فهذا شرط اساسي للزواج في نظري الخاص،ولهذت مانيش حابة بتول تستسلم و تتزوج بمعتصم من كل ايجابياتها و سلبياتها لازم تلقى حل لانو مادام معتصم قاعد يتقرب منها لازم بتول تعلن حالة طواريء قصوى لصيانة قلبها و عقلها.

رجوان & جابر

حتى درك الحيلة و الفطنة نتاع ارجوان هي الي قاعدة تسلكها مع جابر مي دوام الحال من المحال،خاصة انها قاعدة تلعب بالنار اللي هي ام جابر،لانو من المستحيل انو ام جابر راح تتقبل الهزيمة بصدر رحب خاصة حادثة الخادمة الي افاضت كأس أم جابر الي راح تكون عدوة شرسة لأرجوان بعدما احست انها تفرض اراءها على جابر و هذي هي الحاجة اللي تكرها ام جابر باعتبار انها رابت ولادها وحدها كيما تحس بخطورة انها راح تفقد اولادها راح تكون لبؤة خاصة لكان عرفة سر ارجوان انها قاعدة تأخد موانع الحمل راح تكون ضربة قاصية لارجوان و رايحة تعتمد عليها ام جابر بش تتخلص من ارجوان،مع كل هذه الاحداث ان من الاساس ضد ارجوان لانو الهدف من الزواج الاساسي هو تكوين اسرة يمكن البيبي الي تجيبو ارجوان راح يكون الدعامة نتاعها في قصر جابر لانو عارفين انو جابر من محبي الاولاد من الجهة و صيانة لمشاعر ارجوان من جهة اخرى بعدما انقلب السحر على ساحره و صارت ارجوان تكن مشاعر الحب لجابر.

اشكرك مرة اخرى على البارت و استودعك الله الذي لا تضييع ودائعه و صح سحورك.