كاتب الموضوع :
برد المشاعر
المنتدى :
القصص المكتمله من وحي قلم الاعضاء
اقتباس :-
المشاركة الأصلية كتبت بواسطة طُعُوْن  |
وسن.. يعني قالت ادري وحسيت من تصرفاته انه صار
لغيري وبعدها اغمى عليها؟؟ وراه ما طاحت من اول..
بس صدق من قال حريم..! لازم تتكلم بعدها تطيح
امزح يا ميشو ايش فيك تدفين
نواس<< لا يفوتك كنت كتبت اواز بس كذا شيء بعقلي قالي
تأكدي من الإسم لا تتفشلين.. قلت ابد ابشر وطلعت كاتبته
غلط.. وه فديت عقلي اللي ينبهني يا ناس<< لحد يشرهه علي
فاصلة ومدري وش اكتب
المهم.. كيف صار رجل اعمال ويعقد صفقات خيول وهو
كان مجرد عامل بسيط هب عليه والحظ<< الرازق في السما
والحسود في الأرض
طيب اذا هو عارف انو وسن ضحّت بنفسها عشان ابوها
ليش يعاملها كذا.. يعني اوكِ حقه ينجرح بس هي كمان وش ذنبها..
شافت ابوها مهددينه يدخل السجن والا يدفع ديونه وهي ضحت
عشانه.. الا لو كان شاك بحبها ومشاعرها تجاهه فـ هذا شيء ثاني..
يعني لو كان يفكر انها باعته عشان الفلوس قصدي..
فرح..المسكينة ماتدري انها كلمت نواس بدل اخوه.. اتوقع رح تنجلط اذا شافت نواس جا عندهم وبتهاوشه
بس رح يطنشها ويدخل عند وسن..
.
.
.
سما.. انا اشوف وصف حالتها المناسب للحين انها " تحذر"
الرجال ما تكرههم.. لأنو حسب البارت للحين محد تعرض لها
او تحرش فيها.. بإستثناء زوج الخالة عفراء مع انو اللي
فهمته انو ماتحرش فيها بس كانت تحذرها منه..
سما بالذات هي اكثر وحده احس بفضول لقصّتها.. لأنو الباقي
قد توضحت بداياتهم عكسها ماقد عرفنا عنها الا شيء واحد..
وهو رعبها من الدنيا ككل .. يعني الحين وين تسكن وعند مين..
ووين ابوها و لو كان عايش ليش تركها..! اسئلة كثير عنها ببالي
بس هذي اللي تذكرتها الحين..
نزار.. يعني كان مختار بنت.. سواء حبيبته والا خطيبته مو مهم
لأنها تركته وقت شدّته وتخلّت عنه.. فصار عنده قناعة انو لا تحب
ولا تتزوج لأنو قلبك رح ينكسر مره ثانيه.. وفوق ذا رح تبتلش بالمصاريف
وتبقى امك بدون عملية..
بس اللي مو فاهمته ايش يبي من سما..! وليش قال للبنت تقفل الباب..!
يمكن يحاول يعرف سبب سرحانها في الحصص..
مادرى انها احتمال تجيها جلطة من الخوف
بس الصدق نفسي اعرف مين صديقة امها مدري قريبة امها اللي
سجلتها في المدرسة واختفت.. وليش هي رافضه يستدعوون ولي
امرها..!؟
.
.
.
ارجوان.. احس انها اكثر وحده رح تنظلم في الرواية.. والله صعبة
تضحي بحياتها ودراستها 5 سنوات عشان اخوانها..
وبعدها يجي جابر بكل برود ويبي ياخذهم ويقولها بدون بكي
ودراما ابي الأولاد.. وهي طبعًا ما يحق لها تعترض لأنها لو اعترضت
ماعندها شيء قوي تتمسك فيه عشان تحافظ عليهم الاانها ربتهم
وكبرتهم.. يعني بالمختصر حالتها اصبحت " مربية" فقط.. بدون
حتى ما تجني ثمرة تعبها عليهم.. بكل بساطة هم لسى اطفال
ولا يقدرون يعترضون على جابر اللي واضح انو قلبه حجر ولا يهتم
بمشاعر الناس او هذا اللي قدامه ضعيف او قوي.. مع اني
اتوقع مارح تتركهم.. بس اكيد جابر مارح يتركههم هو كمان ورح ياخذهم
بالغصب او بالطيب ..
جابر.. ايش الإهمال ذا.. تترك اولادك مع بنت ما تعرفها 5 سنوات..
وبعدها تجي تطالب فيهم وكأن الناس كلهم تحت رحمة غرورك
وتجبرك انت وامك.. وينك عنهم من قبل..! شغلك كـ محقق ما يعطيك
الحق انك تعلقهم ببعض وبعدها تشتتهم عن بعض بعجرفة زايدة..
الشخص هذا كرهته من اول ما قريت عنه.. احسن ان شاء الله يهبلون
فيك المجرمين لين تمشي بالشوراع زي المجانين.. الا صدق وش
دخل نزار في هذولا المجرمين وايش علاقته بشغل جابر..!
اي صح انتي قلتي انو نزار عنده وضيفتين.. يعني مدرس ومحقق..!
.
.
.
المهم.. ابي اعرف هذيك اللي جات ارجوان مين تكون.. وكيف عرفتها..
ومن وين عرفتها.. وكيف وصلت لها. . وهي زوجة ابوها صدق
والا زوجة جابر.. والأوراق اكيد مزورة دام انهم طلعوا مو اخوانها..
ووين هي الحين..! وصدق كانت مريضة والا هي كمان كذبة..!
.
.
.
واخيرًا.. عندي اقتراح.. بما انك قلتي تنزلي الفصول مرتين في
الإسبوع واللي هي كل اثنين وخميس.. و بما انك تنزلين الفصول
للحين الفجر.. وش رايك تنزلين لنا فصل ثاني العشاء وتسوين
نفسك كأنك نسيتي انك قد نزلتي الفجر.. واحنا نسوي انفسنا كأننا ماقرينا حق الفجر.. والدنيا سهالات وانا اختك
بالله ماهي فكرتـ(ن) منتاااازة<< اقولها بصوت جدتي
وصباح الخير..
|
الله الله الله على التعليق إلي يشرح الصدر وتستاهلي عليه هدية حلوة تركتها لك عند لولوه
تعليقك يجنن يهبل حبيته ومتعوب عليه صدق وأسعدني شهودتي
نجي لأبطالنا
وسن في نظر نواس ومش أواز أخطأت في إنها تجاهلته وما قالت له عن الأمر لين سمعه من الناس يعني تخيلي إنك تكوني مخطوبة لشخص والكل عارف إن زواجكم خلال أسابيع قليلة وتسمعي من الناس إنه خطب غيرك وابيتزوجها وانتم مخطوبين من سنوات وبعدين يجي يقدم لك أعذاره مهما كانت صعبه عليه كرامتك باتكون انجرحت فكيف بنواس إلي كان مسبعد يسوي أي شي عشان يجيب الفلوس لو بس حطته في الصورة وما اتعاملت معاه وكأنه طفل وزواجه من غيرها وردة فعل وسن كلها أمور بتنكشف لكم إبتداء من الفصل القادم إن شاء الله
ههههه فرح ما ابترحم أحد وأولهم جواد المسكين
سما هالغز ما بكشف لكم عنه شي خليكم اكتشفوه مع نزار لأن حتى جابر بينغمس فيه ومثل ما قلتي خوف سما خوف حذر ولو لاحظتي من كلامها إن أهم شي ما حد يكشف سرها من الرجال
نزار وإلي يبيه من سما تعرفيه الخميس يا حلوه إن كتب الله لنا عمر
العمل الثاني لنزار تكتشفيه فصل الخميس
أرجوان ردة فعلها مكبوتة لا سمح لها جابر تعبر عنها ولا يحق لها تعترض والحق معاه أما سبب تركه لهم عندها تعرفوه الفصل 3 على لسان جابر
أم الأطفال ميتة وطبعا من كلام معتصم هربت بيهم من جبروتهم وقسوتهم
ليش وصلوا أرجوان وعلاقة أمهم بوالد أرجوان تعرفوه بعدين
جابر نتاج لتربية أمه الصلبة المتجبرة وباقي ابتتعرفوا أكثر على سكان هذاك القصر وشخصية ما عرفتوها
ههههه ليش سقطت وسن بعد الخبر تعرفيه الفصل الجاي وتعذري توقيتها لأنه ما أغمى عليها
طيب عندي اقتراح أحسن ما أنزل فصل الخميس واعتبري إنك قرأتيه هههه
شوفي شوشو أنا انزل وقت الفجر لسببين الأول سرعة النت بكون أكبر والثاني والأهم عشان أضمن إني أنزل الفصل في وقته لأن ابسط مشكلة تقطع الكهرباء يوم كامل تقريبا
شكرا شهود تعليقك يدل على إنك قرأتي وركزتي على كل التفاصيل خليك دايما كده عسل ولا تتأخري كثير علي بريامي وعبودي لأني في الإنتظار >>> اتورطتي معاي يا شهد
|
06-05-15, 02:57 AM
جديد مواضيع قسم القصص المكتمله من وحي قلم الاعضاء
العرض العادي
